\id 2JN Kapingamarangi 
\h 2 John 
\toc1 Di Lua Lede a John 
\toc2 2 John 
\toc3 2-John 
\mt1 2 JOHN  
\mt2 Di Lua Lede a John  
\imt1 Di haga modongoohia:  
\im \bk Di lua lede a John\bk* la ne hihi go “John, tangada madua daumaha” ang gi “di ahina haga aloho mo ana dama”, holongo deenei gu modongoohia di nohongo dabu mo ono daangada. Di hagahonu o di lede deenei go di haga iloo bolo gi hagadau aaloho, mo tuu i daha mo digau agoago tilikai mo nadau agoago.  
\iot Di hagahonu di beebaa deenei:  
\io1 Di haga modongoohia \ior (1-3)\ior*  
\io1 Di hagalabagau o di aloho \ior (4-6)\ior*  
\io1 Di hagailoo hai baahi gi nia agoago tilikai \ior (7-11)\ior*  
\io1 Di hagaodi di lede deenei \ior (12-13)\ior*  
\c 1  
\p
\v 1 Mai tangada madua daumaha,  
\p ang gi di ahina hagaaloho, mo ana dama ala e aloho huoloo iei au. Hagalee koau hua, mo digau huogodoo ala e iloo di tonu e aloho i di goe.  
\v 2 Idimaa, di tonu le e noho i tadau lodo, gaa noho hua beelaa i tadau baahi.   
\p
\v 3 God Tamana, mo Jesus Christ go Tama, gi dugu mai gi gidaadou tumaalia, di aloho, mo di noho i di aumaalia. Nia mee aanei gii noho hua beelaa i tadau baahi i di tonu mo di aloho.   
\s1 Di tonu mo di aloho  
\p
\v 4 Au e tenetene huoloo i dogu gidee hunu daangada i au dama e mouli i di tonu, be di hai o taganoho o Tamana dela ne dugu mai gi gidaadou.  
\v 5 Gei au e dangi adu gi di goe, dagu ahina hagaaloho, bolo gidaadou huogodoo gi hagadau aaloho. Deenei hagalee taganoho hoou, dela e hihi adu ko au gi di goe, deenei la go taganoho guu lawa di kae go gidaadou mai taamada.\x * \xo 1.5 \xt John 13.34; 15.12,17\x*  
\v 6 Di aloho dela e helekai iei au, e haga modongoohia bolo gidaadou gi hagalongo gi nia haganoho a God. Taganoho dela gu longono goodou mai taamada bolo goodou huogodoo e hai loo gi mouli i di aloho.   
\p
\v 7 E dogologowaahee digau halahalau dangada gu modoho i henuailala. Digaula e haga de iloo, bolo Jesus Christ guu hai tangada. Tangada beenei la tangada halahalau dangada, deelaa di hagadaumee o Christ.  
\v 8 Gii pula i goodou gi dee kili gi daha godou mee ala ne ngalua ginai, gii kae godou hui hagatau.   
\p
\v 9 Tangada dela gu iloo nia agoago o Christ, gei hagalee hagamau dangihi ginai, gei God hagalee i dono baahi. Tangada dela ga hagamau dangihi gi nia agoago aanei, gei Tamana mo Tama la gu i dono baahi.  
\v 10 Deelaa laa, maa tangada ga hanadu gi goodou, hagalee e agoago adu nia agoago aanei, goodou hudee benebene ina a mee gi lodo godou hale, ge hudee helekai labelaa gi mee boloo, “Di aumaalia gii noho i do baahi.”  
\v 11 Idimaa, tangada ma ga benebene mai tagadilinga dangada beenei, geia gu hagabuni ang gi nia hagadilinga huaidu a mee ala e hai.   
\s1 Nnelekai hagaodi  
\p
\v 12 Nia helekai e logowaahee i golo e hiihai ginai au belee hagi adu gi goodou, gei au hagalee hihi nia maa gi di ink mo nia lau beebaa, i di au e hagadagadagagee bolo au e hanadu, ga helehelekai laa gidaadou, gei gidaadou ga tenetene huoloo.   
\p
\v 13 Nia dama o do duaahina ahina hagaaloho e hai di nadau hagaaloho adu gi di goe.