\id 1CH Kapingamarangi 
\h 1 Kronikel 
\toc1 Tahi Beebaa Kronikel 
\toc2 1 Kronikel 
\toc3 1-Chronicles 
\mt1 1 CHRONICLES  
\mt2 Tahi Beebaa Kronikel  
\imt1 Di haga modongoohia:  
\im \bk Tahi Beebaa Kronikel\bk* mo \bk Di Lua Beebaa Kronikel\bk*, e helekai labelaa nia hangaahai ala guu hihi labelaa gi lodo \bk Tahi Beebaa Samuel\bk* mo \bk Di Lua Beebaa Samuel\bk*, ngaadahi mo \bk Tahi Beebaa King\bk* mo \bk Di Lua Beebaa King\bk*, guu hihi mai i tuai hagadilinga maanadu. Nia beebaa e lua aanei guu lawa di hihi bolo e haga modongoohia nia hadinga e lua:  
\ip 1) E dahi bolo gi modongoohia mai di hai a Dimaadua dana hai dela e daahi hua dana hagababa ang gi digau Israel mo dono haga gila dono manawa ang gi ginaadou, ma e aha maa nia guongo o Israel mo Judah guu noho i lodo di haingadaa, ge e haadanga balua huoloo. Tangada hihi o nia beebaa e lua aanei e haga langahia mai nia hangahaihai hagalabagau o David mo Solomon, mo nia hai hegau haga hoou ala ne hai go nia king go Jehoshaphat mo Hezekiah mo Josiah, mo di hai o digau Israel ala nogo manawa dahi gi Dimaadua.  
\ip 2) E haga modongoohia aga taamada o taumaha ang gi Dimaadua i lodo di Hale Daumaha i Jerusalem, gei e donu go nia haga nohonoho o nia gau hai hegau dabu mono gau Levi, ala ne haga donudonu di hai daumaha deelaa. David e haga modongoohia bolo ma go mee dela ne daamada di Hale Daumaha mo nia hegau dabu, ma e aha maa go Solomon dela ne haga duu di hale deelaa.  
\iot Di hagahonu di beebaa deenei:  
\io1 Di hagatau o nia hagadili mo nadau ingoo \ior (1.1—9.44)\ior*  
\io1 Di made o Saul \ior (10.1-14)\ior*  
\io1 Di madagoaa di king go David \ior (11.1—29.30)\ior*  
\io2 a. Nia haingadaa mo nia mee ne kila \ior (11.1—22.1)\ior*  
\io2 b. Hagatogomaalia gi di hau di Hale Daumaha \ior (22.2—29.30)\ior*  
\c 1  
\s1 Mai Adam gaa dau gi Abraham  
\r (Genesis 5.1-32; 10.1-32; 11.10-26)  
\p
\v 1 Adam go tamana o Seth, Seth go tamana o Enosh, Enosh go tamana o Canaan.  
\v 2 Canaan go tamana o Mahalalel, Mahalalel go tamana o Jared.  
\v 3 Jared go tamana o Enoch, dela nogo hai tamana o Methuselah. Methuselah go tamana o Lamech,  
\v 4 dela nogo hai tamana o Noah. Noah ana dama daane dogodolu go Shem, Ham, mo Japheth.   
\p
\v 5 Nia dama daane a Japheth go Gomer, Magog, Madai, Javan, Tubal, Meshech mo Tiras la go nia maadua mmaadua o nia daangada ala nogo daahi nia ingoo digaula.  
\v 6 Nia hagadili o Gomer la go digau Ashkenaz, Riphath mo Togarmah.  
\v 7 Nia hagadili o Javan la go digau Elishah, Spain, Cyprus mo Rhodes.   
\p
\v 8 Nia dama daane a Ham go Cush, Egypt, Libya mo Canaan, la go nia maadua mmaadua o nia daangada ala e daahi nia ingoo digaula.  
\v 9 Nia hagadili o Cush la go digau Seba, Havilah, Sabtah, Raamah mo Sabteca. Nia hagadili o Raamah la aalaa go digau Sheba mo Dedan.  
\v 10 Cush dana dama daane dono ingoo go Nimrod, dela ne gila gaa hai tangada dauwa kaedahi mugi nua o henuailala.  
\v 11 Nia hagadili o Egypt la go digau Lydia, Anam, Lehab, Naphtuh,  
\v 12 Pathrus, Casluh mo Crete. Digau Philistia ne hagadili mai i digau Crete.  
\v 13 Nia dama daane a Canaan go Sidon, di ulumadua, mo Heth, nia maadua mmaadua o nia daangada ala e daahi nia ingoo meemaa.  
\v 14 Canaan la tamana madua labelaa o digau Jebus, digau Amor, digau Girgash,  
\v 15 digau Hivite, digau Arkite, digau Sinite,  
\v 16 digau Arvad, digau Zemar mo digau Hamath.   
\p
\v 17 Nia dama daane a Shem la go Elam, Asshur, Arpachshad, Lud, Aram, Uz, Hul, Gether mo Meshek. Aalaa go nia maadua mmaadua o nia daangada ala e daahi nia ingoo digaula.  
\v 18 Arpachshad la go tamana o Shelah go tamana o Eber.  
\v 19 Eber ana dama daane dogolua: di ulumadua dono ingoo go Peleg\f + \fr 1.19 \ft Di ingoo \+bk Peleg\+bk* i nnelekai Hebrew le e hai dono lee be telekai “waewae”\f*, idimaa i di madagoaa nogo mouli iei mee, nia daangada henuailala gu waewae; di tama dela i golo dono ingoo go Joktan.  
\v 20 Nia hagadili o Joktan la aalaa go digau Almodad, Sheleph, Hazarmaveth, Jerah,  
\v 21 Hadoram, Uzal, Diklah,  
\v 22 Ebal, Abimael, Sheba,  
\v 23 Ophir, Havilah, mo Jobab.   
\p
\v 24 Di hagatau gi muli di madahaanau mai i Shem gaa dau gi Abram le e hagatau beenei: Shem, Arpachshad, Shelah,  
\v 25 Eber, Peleg, Reu,  
\v 26 Serug, Nahor, Terah,  
\v 27 mo Abram (e haga ingoo labelaa bolo Abraham).   
\s1 Nia hagadili o Ishmael  
\r (Genesis 25.12-16)  
\p
\v 28 Abraham ana dama daane dogolua go Isaac mo Ishmael.  
\v 29 Nia dama daane a Ishmael guu hai nia dagi o nia hagadili adu dangada e madangaholu maa lua: Nebaioth go di ulumadua, Kedar, Adbeel, Mibsam,  
\v 30 Mishma, Dumah, Massa, Hadad, Tema,  
\v 31 Jetur, Naphish, mo Kedemah.   
\p
\v 32 Abraham gu iai dono lodo hege labelaa dono ingoo go Keturah, dela ne hai ana dama daane dogoono gi mee go Zimran, Jokshan, Medan, Midian, Ishbak mo Shuah. Jokshan ana dama daane dogolua go Sheba mo Dedan.  
\v 33 Midian ana dama daane dogolima go Ephah, Epher, Hanoch, Abida mo Eldaah.   
\s1 Nia hagadili o Esau  
\r (Genesis 36.1-19)  
\p
\v 34 Tama daane Abraham go Isaac ana dama daane dogolua go Esau mo Jacob.  
\v 35 Nia dama daane a Esau la go Eliphaz, Reuel, Jeush, Jalam mo Korah.  
\v 36 Eliphaz guu hai tamana madua o nia hagabuulinga adu dangada aanei: go Teman, Omar, Zephi, Gatam, Kenaz, Timna mo Amalek.  
\v 37 Reuel guu hai tamana madua o nia hagabuulinga adu dangada o Nahath, Zerah, Shammah, mo Mizzah.   
\s1 Digau matagidagi o Edom  
\r (Genesis 36.1-19)  
\p
\v 38-42 Digau matagidagi o Edom la ne hagadili mai nia dama daane a Seir aanei:  
\p Lotan, dela go tamana madua o nia madahaanau llauehe o Hori mo Homam. (Lotan dono duaahina ahina dono ingoo go Timna.)  
\p Shobal, dela go tamana madua o nia madahaanau llauehe o Alvan, Manahath, Ebal, Shephi, mo Onam.  
\p Zibeon, ana dama daane dogolua go Aiah mo Anah. Anah la go tamana o Dishon, gei Dishon la go tamana madua o nia madahaanau llauehe o Hamran, Eshban, Ithran mo Cheran.  
\p Ezer, dela go tamana madua o nia madahaanau llauehe o Bilhan, Zaavan, mo Jaakan.  
\p Dishan, dela go tamana madua o nia madahaanau llauehe o Uz mo Aran.   
\s1 Nia king o Edom  
\r (Genesis 36.31-43)  
\p
\v 43-50 Nia king aanei nogo dagi tenua go Edom, nogo hagadau nia daangada gi muli i lodo di madagoaa nogo nia king i Israel ai:  
\li1 Bela go tama daane a Beor mai Dinhabah,  
\li1 Jobab go tama daane a Zerah mai Bozrah,  
\li1 Husham go tangada mai tenua Teman,  
\li1 Hadad go tama ni Bedad mai Avith (mee gu maaloo i digau Midian i tauwa ne hai i Moab),  
\li1 Samlah go tangada mai Masrekah,  
\li1 Shaul go tangada mai Rehoboth i taalinga di monowai,  
\li1 Baal-Hanan go tama daane a Achbor,  
\li1 Hadad go tangada mai Pau (dono lodo go Mehetabel, tama ahina ni Matred, dono damana madua go Mezahab).   
\m
\v 51 Nia daangada o Edom gu waewae guu hai nia hagabuulinga dangada aanei: Timna, Alvah, Jetheth,  
\v 52 Oholibamah, Elah, Pinon,  
\v 53 Kenaz, Teman, Mibzar,  
\v 54 Magdiel, mo Iram.   
\c 2  
\s1 Nia hagadili o Judah  
\p
\v 1 Jacob ana dama daane dilongoholu maa lua go Reuben, Simeon, Levi, Judah, Issachar, Zebulun,  
\v 2 Dan, Joseph, Benjamin, Naphtali, Gad mo Asher.   
\p
\v 3 Judah ana dama daane dogolima. Mai i dono lodo go Bath-shua, tangada o Canaan, mee ana dama daane dogodolu: go Er, Onan, mo Shelah. Tama daane madua go Er, tama daane huaidu huoloo ne hidi ai Dimaadua ga daaligi a mee gii made.  
\v 4 Mai i di lodo o dana dama daane go Tamar, Judah guu hai ana dama daane dogolua labelaa, go Perez mo Zerah.   
\p
\v 5 Perez guu hai ana dama daane dogolua go Hezron mo Hamul.  
\v 6 Dono duaahina daane go Zerah guu hai ana dama daane dogolima go Zimri, Ethan, Heman, Calcol mo Darda.  
\v 7 Achan\f + \fr 2.7 \ft Di ingoo \+bk Achan\+bk* i nnelekai Hebrew le e hai dono lee be telekai “haadanga balua”\f*, tama daane ni Carmi, tangada o nia hagadili o Zerah, ne hagauda dana haadanga balua hagalaehe gi hongo digau Israel mai i dana daahi nia goloo dauwa ala guu lawa di hagadabu gi God.\x * \xo 2.7 \xt Joshua 7.1\x*   
\p
\v 8 Ethan guu hai dana dama daane e dahi go Azariah.   
\s1 Di hagatau di madahaanau di King David  
\p
\v 9 Hezron ne hai ana dama daane dogodolu go Jerahmeel, Ram mo Caleb.   
\p
\v 10 Di hagatau di madahaanau mai Ram gaa dau gi Jesse: go Ram, Amminadab, Nahshon (taane hagalabagau i lodo di hagadili adu dangada Judah),  
\v 11 Salmon, Boaz,  
\v 12 Obed, mo Jesse.   
\p
\v 13 Jesse guu hai ana dama daane dogohidu. E hagatau eia i di mmaadua go Eliab, Abinadab, Shammah,  
\v 14 Nethanel, Raddai,  
\v 15 Ozem, mo David.  
\v 16 Mee ana dama ahina dogolua labelaa go Zeruiah mo Abigail.  
\p Tama ahina a Jesse go Zeruiah guu hai ana dama daane dogodolu go Abishai, Joab mo Asahel.  
\v 17 Tama ahina a maa dela i golo go Abigail guu hai dono lodo gi Jether, di hagadili o Ishmael, gei meemaa guu hai di nau dama daane dono ingoo go Amasa.   
\s1 Nia hagadili o Hezron  
\p
\v 18 Tama daane Hezron go Caleb e lodo gi Azubah guu hai di nau dama ahina dono ingoo go Jerioth. Mee guu hai ana dama daane dogodolu go Jesher, Shobab, mo Ardon.  
\v 19 Muli Azubah ne made, Caleb gaa lodo gi Ephrath, meemaa gaa hai di nau dama daane dono ingoo go Hur.  
\v 20 Tama daane a Hur go Uri, tama daane o dana dama daane la go Bezalel.   
\p
\v 21 Di madagoaa Hezron ne modoono ono ngadau i dono madua, mee gaa lodo gi tama ahina a Machir, tuaahina ahina o Gilead. Meemaa gaa hai di nau dama daane dono ingoo go Segub.  
\v 22 Gei Segub gaa hai dana dama daane dono ingoo go Jair. Jair nogo dagi ana waahale e madalua maa dolu i lodo di geinga o Gilead.  
\v 23 Gei nia henua o Geshur mo Aram ne kumi nia waahale e modoono, hagapuni gi nia dama guongo go Jair mo Kenath, mo nia waahale mada llauehe i nia dama guongo ala i dono baahi. Nia daangada huogodoo ala e noho i golo la nia hagadili ni Machir, tamana o Gilead.  
\v 24 Muli Hezron ne made, dana dama daane go Caleb gaa lodo gi Ephrath, di lodo o dono damana dela ne diiagi. Meemaa guu hai di nau dama daane dono ingoo go Ashhur go mee dela ne daamada ne hau di waahale o Tekoa.   
\s1 Nia hagadili o Jerahmeel  
\p
\v 25 Jerahmeel, tama daane madua ni Hezron, ne hai ana dama daane dogolima go Ram go di ulumadua, Bunah, Oren, Ozem mo Ahijah.  
\v 26-27 Ram guu hai ana dama daane dogodolu go Maaz, Jamin, mo Eker. Jerahmeel dono huai lodo i golo, di ahina dono ingoo go Atarah. Meemaa guu hai di nau dama daane go Onam.  
\v 28 Onam guu hai ana dama daane dogolua go Shammai mo Jada. Shammai guu hai labelaa ana dama daane dogolua go Nadab mo Abishur.   
\p
\v 29 Abishur gaa hai dono lodo gi dahi ahina dono ingoo go Abihail, gei meemaa guu hai nau dama daane dogolua go Ahban mo Molid.  
\v 30 Tuaahina daane o Abishur go Nadab guu hai ana dama daane dogolua go Seled mo Appaim, gei Seled guu made digi hagadili ana dama daane.  
\v 31 Appaim la go tamana o Ishi, Ishi la go tamana o Sheshan, gei Sheshan tamana o Ahlai.   
\p
\v 32 Jada, tuaahina daane o Shammai, guu hai ana dama daane dogolua go Jether mo Jonathan, gei Jether guu made digi hagadili ana dama daane.  
\v 33 Jonathan guu hai ana dama daane dogolua go Peleth mo Zaza. Huogodoo aanei la nia hagadili o Jerahmeel.   
\p
\v 34 Sheshan digi hagadili ana dama daane, nia dama ahina hua. Mee dana hege Egypt dono ingoo go Jarha,  
\v 35 go mee ne wanga ginai tei ana dama ahina gii hai dono lodo ginai. Meemaa guu hai di nau dama daane e dahi dono ingoo go Attai.  
\v 36 Di hagatau di madahaanau mai Attai gaa dau gi Elishama le e hagatau beenei: Attai, Nathan, Zabad,  
\v 37 Ephlal, Obed,  
\v 38 Jehu, Azariah,  
\v 39 Helez, Eleasah,  
\v 40 Sismai, Shallum,  
\v 41 Jekamiah, mo Elishama.   
\s1 Nia hagadili o Caleb ala i golo  
\p
\v 42 Tama daane madua a Caleb go tuaahina daane o Jerahmeel, dono ingoo go Mesha. Mesha go tamana o Ziph, dela go tamana o Mareshah, go tamana o Hebron.  
\v 43 Hebron guu hai ana dama daane dogohaa: Korah, Tappuah, Rekem, mo Shema.  
\v 44 Shema la go tamana o Raham mo tamana madua o Jorkeam. Rekem, tuaahina daane o Shema, la go tamana o Shammai,  
\v 45 dela go tamana o Maon, go tamana o Bethzur.   
\p
\v 46 Caleb dana ahina hege e noho i dono baahi dono ingoo go Ephah. Mai di ahina deelaa, mee guu hai ana dama daane dogodolu: Haran, Moza mo Gazez. Haran guu hai labelaa dana dama daane dono ingoo go Gazez.   
\p
\v 47 (Taane dono ingoo go Jahdai guu hai ana dama daane dogoono go Regem, Jotham, Geshan, Pelet, Ephah, mo Shaaph.)   
\p
\v 48 Caleb dana huai ahina hege labelaa e noho i dono baahi, dono ingoo go Maacah, dela ne haanau ana dama daane dogolua mai mee go Sheber mo Tirhanah.  
\v 49 Nomuli, Maacah ga haanau ana dama daane dogolua labelaa go Shaaph, deenei go mee ne daamada ne hau di waahale o Madmannah. Shevah deenei go mee ne daamada ne hau nia waahale o Machbenah mo Gibea.  
\p Hagapuni gi nia dama daane aanei, Caleb guu hai dana dama ahina dono ingoo go Achsah.   
\p
\v 50 Digau aanei e hagatau gi muli la nia hagadili ni Caleb labelaa:  
\p Go Hur tama daane madua a Caleb mo dono lodo go Ephrath. Tama daane a Hur go Shobal dela ne daamada ne hau di waahale o Kiriath-Jearim.  
\v 51 Togo lua dama daane a maa go Salma dela ne daamada matagidagi ne hau Bethlehem, mo dana togo dolu dama daane go Hareph ne hau Beth-Gader matagidagi.   
\p
\v 52 Shobal tangada ne hau Kiriath-Jearim matagidagi la tamana madua o nia daangada o Haroeh, mo di baahi e dahi o nia daangada ala e noho i Menuhoth,  
\v 53 mo nia madahaanau ala e noho i Kiriath-Jearim go digau Ithrite, digau Puthite, digau Shumathite, mo digau Mishraite. (Nia daangada o nia adu waahale o Zorah mo Eshtaol la nia daangada o nia madahaanau aanei.)   
\p
\v 54 Salma, tangada ne hau matagidagi Bethlehem, la go tamana madua o nia daangada o Netophath, digau Atroth-Beth-Joab, mo digau Zorite, ala e daudali nia madahaanau e lua i lodo Manahath.   
\p
\v 55 (Nia madahaanau aanei i muli ala e koia e kabemee di hihi mo di higi nia beebaa hagalabagau namua le e noho i lodo di waahale damana go Jabez: go digau Tirathite, digau Shimeathite, mo digau Sucathite. Digaula digau Kenite ala ne hai nadau lodo gi digau Rechabite.)   
\c 3  
\s1 Nia dama di King David  
\p
\v 1-3 Aanei i lala, e hagatau eia i di mmaadua, nia dama daane a David ala ne haanau i dono madagoaa nogo noho i Hebron:  
\li1 Amnon, dono dinana go Ahinoam mai Jezreel,  
\li1 Daniel, dono dinana go Abigail mai Carmel,  
\li1 Absalom dono dinana go Maacah, tama ahina ni Talmai go di king o Geshur,  
\li1 Adonijah, dono dinana go Haggith,  
\li1 Shephatiah, dono dinana go Abital,  
\li1 Ithream, dono dinana go Eglah.   
\m
\v 4 Digaula huogodoo dogoono ne haanau i Hebron i lodo nia ngadau e hidu mo di baahi a David nogo dagi i golo.\x * \xo 3.4 \xt 2-Samuel 5.4-5; 1-Kings 2.11; 1-Chronicles 29.27\x*  
\p Mee nogo dagi i Jerusalem gadoo be di king i nia ngadau e motolu maa dolu.  
\v 5 Ana dama daane dogologo ne haanau i golo.  
\p Dono lodo go Bathsheba, tama ahina a Ammiel, ne haanau ana dama daane dogohaa: go Shimea, Shobab, Nathan mo Solomon.\x * \xo 3.5 \xt 2-Samuel 11.3\x*   
\p
\v 6 David guu hai ana dama daane dogohiwa labelaa i golo, go Ibhar, Elishua, Elpelet,  
\v 7 Nogah, Nepheg, Japhia,  
\v 8 Elishama, Eliada, mo Eliphelet.  
\v 9 Hagapuni ang gi nia dama daane huogodoo aanei, David guu hai ana dama daane gi ana ahina hege ala e noho i dono baahi. Mee guu hai labelaa dana dama ahina go Tamar.   
\s1 Nia hagadili o King Solomon  
\p
\v 10 Deenei di hagatau o nia hagadili o King Solomon mai tamana gaa dau gi tama daane: Solomon, Rehoboam, Abijah, Asa, Jehoshaphat,  
\v 11 Jehoram, Ahaziah, Joash,  
\v 12 Amaziah, Uzziah, Jotham,  
\v 13 Ahaz, Hezekiah, Manasseh,  
\v 14 Amon mo Josiah.  
\v 15 Josiah ana dama daane dogohaa go Johanan, Jehoiakim, Zedekiah, mo Joahaz.  
\v 16 Jehoiakim ana dama daane dogolua go Jehoiachin mo Zedekiah.   
\s1 Nia hagadili o King Jehoiachin  
\p
\v 17 Aanei nia hagadili o King Jehoiachin, dela ne lahi ga galabudi go digau o Babylon. Jehoiachin ne hai ana dama daane dogohidu go Shealtiel,  
\v 18 Malchiram, Pedaiah, Shenazzar, Jekamiah, Hoshama mo Nedabiah.  
\v 19 Pedaiah ne hai ana dama daane dogolua go Zerubbabel mo Shimei. Zerubbabel la go tamana o nia dama daane dogolua go Meshullam mo Hananiah, mo tama ahina e dahi go Shelomith.  
\v 20 Mee ana dama daane dogolima labelaa go Hashubah, Ohel, Berechiah, Hasadiah, mo Jushab-Hesed.   
\p
\v 21 Hananiah guu hai ana dama daane dogolua go Pelatiah mo Jeshaiah. Jeshaiah la go tamana o Rephaiah, dela go tamana o Arnan, tamana o Obadiah, tamana o Shecaniah.  
\v 22 Shecaniah ne hai dana dama daane e dahi go Shemaiah ge dogolima dama daane mmaadua go Hattush, Igal, Bariah, Neariah mo Shaphat.  
\v 23 Neariah guu hai ana dama daane dogodolu go Elioenai, Hizkiah mo Azrikam.  
\v 24 Elioenai guu hai ana dama daane dogohidu go Hodaviah, Eliashib, Pelaiah, Akkub, Johanan, Delaiah mo Anani.   
\c 4  
\s1 Nia hagadili o Judah  
\p
\v 1 Aanei hunu hagadili o Judah: go Perez, Hezron, Carmi, Hur, mo Shobal.  
\v 2 Shobal la go tamana o Reaiah, dela go tamana o Jahath, go tamana o Ahumai mo Lahad go nia damana mmaadua o nia daangada ala e noho i Zorah.   
\p
\v 3-4 Hur la go tama daane madua o dono damana go Caleb mai dono lodo Ephrath; di hagadili o maa la ne daamada ne hau di waahale o Bethlehem. Hur ne hai ana dama daane dogodolu go Etam, Penuel, mo Ezer. Etam guu hai ana dama daane dogodolu go Jezreel, Ishma, mo Idbash, ge dahi dama ahina go Hazzelelponi. Penuel ne daamada ne hau di waahale o Gedor, ge Ezer ne hau Hushah.   
\p
\v 5 Ashur ne daamada ne hau di waahale o Tekoa, ono lodo dogolua go Helah mo Naarah.  
\v 6 Ashur mo Naarah guu hai nau dama daane dogohaa go Ahuzzam, Hepher, Temeni mo Haahashtari.  
\v 7 Ashur mo Helah guu hai nau dama daane dogodolu go Zereth, Izhar, mo Ethnan.   
\p
\v 8 Koz la go tamana o Anub mo Zobebah. Mee la go tamana madua o nia madahaanau ne hagadili mai Aharhel tama daane ni Harum.   
\p
\v 9 Taane e dahi i golo dono ingoo go Jabez, dela koia e hagalaamua i lodo dono madahaanau. Tinana o maa ne gahi di ingoo o maa go Jabez\f + \fr 4.9 \ft Di ingoo \+bk Jabez\+bk* i nnelekai Hebrew le e hai dono lee be telekai “mmae”\f*, idimaa i dono haanau nogo mmae huoloo.  
\v 10 Gei Jabez nogo dalodalo gi di God o Israel boloo, “Meenei Dimaadua, hila mai gi di au, haga damana ina dogu henua. Goe gi madalia au gei gi abaaba ina gi daha mo au nia mee huaidu huogodoo ala gaa hai au gii mmae.” Gei God guu wanga nia mee a mee ala e dangidangi ai.   
\s1 Nia hagatau o nia madahaanau ala i golo  
\p
\v 11 Caleb, tuaahina daane o Shuhah, guu hai dana dama daane go Mehir. Mehir la go tamana o Eshton,  
\v 12 dela ne hai ana dama daane dogodolu go Bethrapha, Paseah, mo Tehinnah. Tehinnah tangada dela ne daamada ne hau di waahale o Nahash. Nia hagadili o nia daane aanei le e noho i Recah.   
\p
\v 13 Kenaz guu hai ana dama daane dogolua go Othniel mo Seraiah. Othniel guu hai labelaa ana dama daane dogolua go Hathath mo Meonothai.  
\v 14 Meonothai la go tamana o Ophrah.  
\p Seraiah la go tamana o Joab, dela ne haga duu dana gowaa hai goloo gi nia lima, dela di gowaa o digau ngalua hai mee.   
\p
\v 15 Caleb tama daane ni Jephunneh ne hai ana dama daane dogodolu go Iru, Elah, mo Naam. Gei Elah la go tamana a Kenaz.   
\p
\v 16 Jehallelel guu hai ana dama daane dogohaa go Ziph, Ziphah, Tiria mo Asarel.   
\p
\v 17-18 Ezrah guu hai ana dama daane dogohaa go Jether, Mered, Epher mo Jalon. Mered gaa lodo gi Bithiah, tama ahina ni di king o Egypt, gei meemaa guu hai di nau dama ahina go Miriam, mo dogolua dama daane go Shammai mo Ishbah. Ishbah ne daamada matagidagi ne hau di waahale o Eshtemoa. Mered guu hai dono lodo labelaa gi dahi ahina mai di hagadili adu dangada o Judah, gei meemaa guu hai nau dama daane dogodolu go Jered, dela ne hau di waahale o Gedor, Heber dela ne daamada ne hau di waahale o Soco, mo Jekuthiel dela ne daamada ne hau di waahale o Zanoah.   
\p
\v 19 Hodiah ne lodo gi tuaahina ahina o Naham. Nia hagadili o meemaa la ne daamada di madahaanau o Garm, ala e noho i lodo di waahale o Keilah, mo di madahaanau o Maacath, ala e noho i lodo di waahale o Eshtemoa.   
\p
\v 20 Shimon guu hai ana dama daane dogohaa go Amnon, Rinnah, Benhanan, mo Tilon.  
\p Ishi guu hai ana dama daane dogolua go Zoheth mo Benzoheth.   
\s1 Nia hagadili o Shelah  
\p
\v 21 Shelah la tama e dahi i nia dama daane a Judah. Nia hagadili o maa la go Er, dela ne daamada ne hau di waahale Lecah; Laadah tangada dela ne daamada ne hau di waahale Mareshah; di madahaanau damana llanga gahu gi nia duaina ala e noho i lodo di waahale Beth-Ashbea;  
\v 22 Jokim mo nia daangada ala e noho i lodo di waahale Cozeba; mo Joash mo Saraph, ala ne lodo gi nia ahina o Moab gaa noho i Bethlehem. (Di kai digaula la di kai loo namua.)  
\v 23 Digaula digau hai pileedi hadu e ngalua gi di king, gei digaula e noho i lodo nia waahale Netaim mo Gederah.   
\s1 Nia hagadili o Simeon  
\p
\v 24 Simeon ne hai ana dama daane dogolima go Nemuel, Jamin, Jarib, Zerah mo Shaul.  
\v 25 Tama daane a Shaul go Shallum, tama daane a Shallum go Mibsam, gei tama daane Mibsam go Mishma.  
\v 26 Gei mai Mishma di hagatau di madahaanau gi muli gaa tugi Hammuel, Zaccur mo Shimei.  
\v 27 Shimei ne hai ana dama daane dilongoholu maa ono ge dogoono dama ahina. Gei nia gau o maa ne hai nadau dama dagi hogoohi, gei di madawaawa Simeon la digi dogologo be togologo di madawaawa Judah ne hai.   
\p
\v 28 Tugi loo gi di madagoaa King David, nia hagadili o Simeon nogo noho i lodo nia waahale aanei: Beersheba, Moladah, Hazar-Shual,  
\v 29 Bilhah, Ezem, Tolad,  
\v 30 Bethuel, Hormah, Ziklag,  
\v 31 Beth-Marcaboth, Hazar-Susim, Beth-Biri mo Shaaraim.  
\v 32 Digaula e noho labelaa i lodo nia gowaa e lima ala i golo, go Etam, Ain, Rimmon, Tochen mo Ashan,  
\v 33 mo nia dama guongo ala e haganiga i daha mo nia gowaa aalaa, gaa hana gaa tugi i di waahale Baalath dela i bahi i dai a ngaaga. Aanei nia ingoo o nadau madahaanau mo nia gowaa ala nogo noho ai digaula ala gu hihi go digaula gi lodo nia beebaa.\x * \xo 4.33 \xt Joshua 19.2-8\x*   
\p
\v 34-38 Nia daane aanei laa aalaa go nia dagi o nadau madahaanau llauehe:  
\li1 go Meshobab, Jamlech, Joshah tama daane ni Amaziah, Joel,  
\li1 Jehu (tama daane Joshibiah, tama daane a Seraiah, tama daane a Asiel),  
\li1 Elioenai, Jaakobah, Jeshohaiah, Asaiah, Adiel, Jesimiel, Benaiah,  
\li1 Ziza (tama daane a Shiphi, tama daane a Allon, di hagadili o Jedaiah, Shimri, mo Shemaiah).  
\m Idimaa nadau madahaanau le e dogologowaahee mai,  
\v 39 digaula ga haga mamaanege gi daha gi bahi i dai hoohoo adu gi Gerar, gei e hahaangai nadau siibi i di baahi gi dua o di gowaa i mehanga gonduu dela e duu ai di waahale deelaa.  
\v 40 Digaula guu kida nadau gowaa humalia e logo ono meegai e hahaangai nadau manu dela e moe adu gi lodo di anggowaa dela e kila ge noho i di aumaalia. Nia daangada nogo noho i golo na mua la digau Ham.   
\p
\v 41 I lodo di madagoaa dagi o Hezekiah di king o Judah, nia daane ala nadau ingoo i nua guu hula gi Gerar gu oho nia hale laa mo nia dama hale o nia daangada ala nogo noho i golo. Digaula gu hagabagi nia daangada la gi daha, guu noho i golo gi mau dangihi, idimaa e logowaahee nia meegai ang gi nadau siibi i golo.  
\v 42 Digau e lima lau (500) nia hoo ni di madahaanau damana o Simeon gu hagatanga guu hula gi dua gi Edom. Digaula ne dagi go nia dama daane a Ishi, go Pelatiah, Neariah, Rephaiah mo Uzziel.  
\v 43 Digaula gu daaligi gii mmade digau Amalek huogodoo ala nogo mouli, gei digaula guu noho i di gowaa deelaa ga dau mai loo gi dangi nei.   
\c 5  
\s1 Nia hagadili o Reuben  
\p
\v 1 Aanei laa go nia hagadili o Reuben, tama madua o nia dama daane a Jacob. (Idimaa mee ne hai di huaidu gi di ahina o nia ahina hege o dono damana, gaa hidi ai mee gu hagalee e hai mee gi nia donu o tama madua, gei nia donu aalaa gu hagauda gi Joseph.\x * \xo 5.1 \xt Genesis 35.22; 49.3-4\x*  
\v 2 Ma go di madawaawa Judah, dela koia e maaloo gaa dagi nia madawaawa huogodoo.)\x * \xo 5.2 \xt Genesis 49.8-10\x*  
\v 3 Reuben, tama madua o nia dama daane a Jacob, ana dama daane dogohaa go Hanoch, Pallu, Hezron, mo Carmi.   
\p
\v 4-6 Aanei laa go nia hagadili o Joel mai i nia adu dangada ga dau mai gi nia adu dangada go Shemaiah, Gog, Shimei, Micah, Reaiah, Baal mo Beerah. Di tagi damana o Assyria go Tiglath-Pileser, guu kumi Beerah, di tagi o di hagadili adu dangada, gu hagabagi a mee gi daha mo dono henua.\x * \xo 5.4-6 \xt 2-Kings 15.29\x*   
\p
\v 7 Aanei laa nia ingoo o nia dagi madahaanau ala i lodo di hagadili adu daangada o Reuben ala guu hihi i nia beebaa ala e hagailongo nia madahaanau, ala go Jeiel, Zechariah,  
\v 8 mo Bela, tama daane a Azaz go tama daane o Shema, tangada di madahaanau o Joel. Di madahaanau deenei e noho i Aroer mo i lodo tenua damana mai i golo gaa hana gi baahi ngeia gaa tugi i Nebo mo Baal-Meon.  
\v 9 Digaula nadau hagabuulinga manu e logo i lodo tenua go Gilead, dela di mee e noho ai digaula i tenua deelaa gaa hana gaa tugi i baahi gi dua di anggowaa dela e moe adu gaa tugi di monowai Euphrates.   
\p
\v 10 I lodo di madagoaa dagi o King Saul, di madawaawa Reuben gu heebagi gi digau Hagri, gu daaligi digaula gii mmade, guu noho i lodo tenua digaula i di bahi i dua o Gilead.   
\s1 Nia hagadili o Gad  
\p
\v 11 Di madawaawa Gad le e noho gi bahi i ngeia o Reuben i lodo tenua go Bashan ga hanadu gi baahi gi dua gaa tugi i Salecah.  
\v 12 Joel ne daamada matagidagi ne hai di tagi madahaanau, gei Shapham e daamada matagidagi ne hai di tagi madahaanau dogolua i di hagalabagau. Janai mo Shaphat ne daamada matagidagi gaa dagi nia madahaanau ala i golo i lodo Bashan.  
\v 13 Nia hoo daangada o di hagadili adu dangada ala i golo le e dau gi nia madahaanau llauehe e hidu aanei: go Michael, Meshullam, Sheba, Jorai, Jacan, Zia, mo Eber.  
\v 14 Digaula la nia hagadili ni Abihail tama daane ni Huri, dela ono maadua mmaadua ala e duudagi mai namua beenei: Abihail, Huri, Jaroah, Gilead, Michael, Jeshishai, Jahdo mo Buz.  
\v 15 Ahi go tama daane ni Abdiel dono damana madua go Guni, dela go di tagi o nia madahaanau llauehe aanei.  
\v 16 Digaula nogo noho i lodo tenua go Bashan mo Gilead, i lodo nia waahale ala i golo, mo i hongo nia gowaa haangai manu huogodoo ala i Sharon.  
\v 17 (Nia hihi o nia madahaanau aanei la ne hai i di madagoaa di king o Judah go Jotham mo Jeroboam II nogo hai di king o Israel).   
\s1 Nia gau dauwa o nia madawaawa i bahi i dua  
\p
\v 18 I lodo nia madawaawa Reuben, Gad mo Manasseh Bahi i dua, digau dauwa e 44,760 i golo ala guu kuulu guu donu gi nia hai hegau o nia mee abaaba dangada, nia hulumanu dauwa mo nia maalei.  
\v 19 Digaula ne hula ga heebagi gi nia hagadili adu daangada o Hagri aanei go Jetur, Naphish, mo Nodab.  
\v 20 Digaula e hagadagadagagee gi God gei e hai dalodalo gi Mee gi hagamaamaa ina ginaadou, gei God gu hagagila nia dalodalo digaula guu hai digaula gi maaloo i digau Hagri mo nadau ihoo gau dauwa.  
\v 21 Digaula ne kumi i nadau hagadaumee nia ‘camel’ e 50,000, nia siibi e 250,000 mo e 2,000 ‘donkey’, gei gu lawalawa nadau gau dauwa e 100,000.  
\v 22 Digaula gu daaligi gii mmade nadau hagadaumee dogologowaahee, idimaa ma tauwa deelaa la di hiihai ni God. Digaula guu noho hua igolo i tenua deelaa gaa dae loo gi di nadau madagoaa ma ga hagatanga.   
\s1 Nia daangada o Manasseh Bahi i dua  
\p
\v 23 Nia daangada o di madawaawa o Manasseh Bahi i dua guu noho i lodo tenua o Bashan ga hana adu loo ngeia gaa tugi i Baal-Hermon, Senir mo di Gonduu Hermon, gei di hulu dangada digaula gu dogologowaahee.  
\v 24 Digau aanei laa aalaa go nia dagi o nia madahaanau llauehe: go Epher, Ishi, Eliel, Azriel, Jeremiah, Hodaviah, mo Jahdiel. Digaula huogodoo la digau dauwa e dau, nia dagi guu dele nadau ingoo mo e hagalabagau i lodo nadau madahaanau llauehe.   
\s1 Nia madawaawa i bahi i dua di monowai Jordan gu hagabagi  
\p
\v 25 Nia daangada ala nogo noho i bahi i dua di Monowai Jordan gu hagalee hagadahidamee di God o nadau maadua mmaadua, gu diiagi a Mee, gu daumaha gi nia balu god o nia henua ala ne hagabagi go God gi daha mo tenua deelaa.  
\v 26 Deenei laa God ne hai di tagi muginua o Assyria go Pul (dono ehoo ingoo labelaa go Tiglath-Pileser) gi heebagi gi di nadau henua. Mee gu hagabagi nia madawaawa Reuben, Gad, mo Manasseh Bahi i dua, gu haga noho digaula gii mau i lodo Halah, Habor mo Hara, mo i baahi di Monowai Gozan.\x * \xo 5.26 \xt 2-Kings 15.19,29; 17.6\x*   
\c 6  
\s1 Di hagatau nia madahaanau o nia dagi aamua hai mee dabu  
\p
\v 1 Levi ne hai ana dama daane dogodolu: go Gershon, Kohath mo Merari.  
\v 2 Kohath ne hai ana dama daane dogohaa: Amram, Izhar, Hebron mo Uzziel.   
\p
\v 3 Amram guu hai ana dama daane dogolua: go Aaron mo Moses, ge dahi dama ahina go Miriam.  
\p Aaron guu hai ana dama daane dogohaa: go Nadab, Abihu, Eleazar mo Ithamar.   
\p
\v 4 Nia hagadili o Eleazar mai di adu dangada gaa tugi di adu dangada le e hagatau beenei: Phinehas, Abishua,  
\v 5 Bukki, Uzzi,  
\v 6 Zerahiah, Meraioth,  
\v 7 Amariah, Ahitub,  
\v 8 Zadok, Ahimaaz,  
\v 9 Azariah, Johanan,  
\v 10 Azariah (tangada dela nogo hai ana hegau i lodo di Hale Daumaha dela ne hau go King Solomon i Jerusalem),  
\v 11 Amariah, Ahitub,  
\v 12 Zadok, Shallum,  
\v 13 Hilkiah, Azariah,  
\v 14 Seraiah, Jehozadak.  
\v 15 Jehozadak la ne hagabagi go King Nebuchadnezzar dalia nia hoo nia daangada o Judah mo Jerusalem ala ne hagabagi go Dimaadua gi daha mo di nadau henua.   
\s1 Nia hagadili o Levi ala i golo  
\p
\v 16 Levi ne hai ana dama daane dogodolu go Gershon, Kohath mo Merari.  
\v 17 Digaula huogodoo guu hai nadau dama daane. Gershon la go tamana o Libni mo Shimei.  
\v 18 Kohath la go tamana o Amram, Izhar, Hebron mo Uzziel.  
\v 19 Gei Merari la go tamana o Mahli mo Mushi.\x * \xo 6.19 \xt Exodus 6.16-19\x*   
\p
\v 20 Aanei nia hagadili o Gershon mai i di adu daangada gaa tugi i di adu daangada: go Libni, Jahath, Zimmah,  
\v 21 Joah, Iddo, Zerah, Jeatherai.   
\p
\v 22 Aanei nia hagadili o Kohath mai i di adu daangada gaa tugi i di adu daangada: go Amminadab, Korah, Assir,  
\v 23 Elkanah, Ebiasaph, Assir,  
\v 24 Tahath, Uriel, Uzziah, Shaul.   
\p
\v 25 Elkanah guu hai ana dama daane dogolua: go Amasai mo Ahimoth.  
\v 26 Aanei nia hagadili o Ahimoth mai di adu daangada gaa tugi i di adu daangada: go Elkanah, Zophai, Nahath,  
\v 27 Eliab, Jeroham, Elkanah.   
\p
\v 28 Samuel guu hai ana dama daane dogolua: go Joel, tama madua, mo Abijah, tama dulii.   
\p
\v 29 Aanei nia hagadili o Merari mai i di adu daangada gaa tugi i di adu daangada: go Mahli, Libni, Shimei, Uzzah,  
\v 30 Shimea, Haggiah, Asaiah.   
\s1 Digau hai daahili o di Hale Daumaha  
\p
\v 31 Aanei nia daane a di king go David ne wanga ginai tegau dela e madamada humalia nia daahili i di gowaa hai daumaha i lodo Jerusalem, i muli Tebedebe o di Hagababa ma gaa kae gi lodo.  
\v 32 Digaula e hagadau i di nadau moomee i lodo di Hale laa dela e noho ai Dimaadua no lodo i di madagoaa i mua di King Solomon ne hau di Hale Daumaha.  
\v 33 Aanei di hagatau gi muli o nia madahaanau o digau ala e kae di waawa o nia hegau aanei:  
\p Di madahaanau o Kohath: go Heman, di tagi o togo dahi buini daahili, tama daane ni Joel. Di hagatau gi muli o dono madahaanau gaa tugi i Jacob le e hai beenei: Heman, Joel, Samuel,  
\v 34 Elkanah, Jeroham, Eliel, Toah,  
\v 35 Zuph, Elkanah, Mahath, Amasai,  
\v 36 Elkanah, Joel, Azariah, Zephaniah,  
\v 37 Tahath, Assir, Ebiasaph, Korah,  
\v 38 Izhar, Kohath, Levi, Jacob.   
\p
\v 39 Asaph di tagi togo lua buini daahili. Di hagatau gi muli o dono madahaanau gaa tugi i Levi le e hai beenei: Asaph, Berechiah, Shimea,  
\v 40 Michael, Baaseiah, Malchijah,  
\v 41 Ethni, Zerah, Adaiah,  
\v 42 Ethan, Zimmah, Shimei,  
\v 43 Jahath, Gershon, Levi.   
\p
\v 44 Ethan, tangada mai i di madahaanau damana o Merari, di tagi o togo dolu buini daahili. Di hagatau gi muli o dono madahaanau gaa tugi i Levi le e hai beenei: Ethan, Kishi, Abdi, Malluch,  
\v 45 Hashabiah, Amaziah, Hilkiah,  
\v 46 Amzi, Bani, Shemer,  
\v 47 Mahli, Mushi, Merari, Levi.   
\p
\v 48 Nia hoo o digau Levi la guu wanga ginai nia moomee huogodoo ala i golo i lodo di gowaa hai daumaha.   
\s1 Nia hagadili o Aaron  
\p
\v 49 Aaron mo ono hagadili guu hai di nadau tigidaumaha gi nia ‘incense’, gei gu dahi aga nadau mee hagalabagau ala e wanga gi hongo di gowaa dudu tigidaumaha. Digaula ala e madamada humalia nia hegau dabu huogodoo o nia daumaha i lodo di Gowaa Dabuaahia Huoloo mo nia tigidaumaha huogodoo ala God e dumaalia ang gi nia hala o digau Israel. Digaula e hai nia mee aanei huogodoo gii hai be nia boloagi ala ne hai go Moses, tama hai hegau a God.  
\v 50 Deenei di hagatau gi muli nia hagadili o Aaron: Eleazar, Phineas, Abishua,  
\v 51 Bukki, Uzzi, Zerahiah,  
\v 52 Meraioth, Amariah, Ahidub,  
\v 53 Zadok, Ahimaaz.   
\s1 Di gowaa digau Levi e noho ai  
\p
\v 54 Deenei tenua ne haga ingoo gi nia hagadili o Aaron mai di madahaanau damana o Kohath. Digaula ne kae di baahi gowaa dela ne haga ingoo gi digau Levi matagidagi.  
\v 55 Di gowaa deenei e hagapuni gi Hebron i lodo tenua go Judah mo nia henua ala e daabui mai ono daha.  
\v 56 Nia gowaa maalama mo nia dama guongo lligi ala e dau gi di waahale damana la gu haga ingoo gi Caleb, tama daane a Jephunneh.  
\v 57-59 Nia waahale aanei i lala gu haga ingoo gi nia hagadili o Aaron: Hebron, di waahale e pala ginai, Jattir mo nia waahale o Libnah, Eshtemoa, Hilen, Debir, Ashan mo Beth-Shemesh, ngaadahi mo nia henua dugu manu ala i golo.  
\v 60 I lodo tenua o Benjamin, digaula gu haga ingoo ginai nia waahale aanei mo ono henua dugu manu: Geba, Alemeth, mo Anathoth. Deenei ga hagapuni huogodoo nia waahale e madangaholu maa dolu ang gi nadau madahaanau huogodoo gii noho i no lodo.  
\v 61 Nia waahale e madangaholu i lodo tenua Manasseh Bahi i dai guu wanga gi nia madahaanau o Kohath ala i golo gu nohonoho i mada haanau. Nia maa guu wanga ne hudihudi gi nia hadu.   
\p
\v 62 Nia waahale e madangaholu maa dolu i lodo tenua damana o Issachar, Asher, Naphtali, mo Manasseh Bahi i dua i Bashan guu wanga gi di madahaanau damana o Gershon.  
\v 63 I di hai la hua, nia waahale e madangaholu maa lua i lodo tenua damana o Reuben, Gad mo Zebulun guu wanga gi di madahaanau damana o Merari, gu nohonoho i mada haanau.  
\v 64 Ma gaa hai beenei, digau Israel la ne wanga nadau waahale gi digau Levi gii noho i no lodo ngaadahi mo nia henua ala e haganiga mai i daha o nia waahale aalaa.  
\v 65 (Nia waahale ala i lodo tenua damana o Judah, Simeon, mo Benjamin ala gu haga modongoohia i nua, guu wanga labelaa gi digaula ne hai di hudihudi.)   
\p
\v 66 Hunu gau i di madahaanau damana o Kohath, guu wanga ginai nadau waahale mono henua dugu manu i lodo tenua damana o Ephraim:  
\v 67 Shechem, di waahale e pala ginai dela i lodo nia gonduu o Ephraim, Gezer,  
\v 68 Jokmeam, Beth-Horon,  
\v 69 Aijalon, mo Gath-Rimmon.  
\v 70 I lodo tenua damana o Manasseh Bahi i Dai, digaula guu wanga ginai nia waahale a Aner mo Bileam ngaadahi mo nia henua dugu manu ala e haganiga mai i daha.   
\p
\v 71 Nia gau o di madahaanau damana o Gershon guu wanga ginai nia waahale aanei ngaadahi mo nia henua dugu manu ala e haganiga mai i daha:  
\p I lodo tenua damana dela i Manasseh Bahi i Dua ala go Golan i lodo Bashan, mo Ashtaroth.   
\p
\v 72 I lodo tenua damana a Issachar go Kedesh, Daberath,  
\v 73 Ramoth, mo Anem.   
\p
\v 74 I lodo tenua damana o Asher go Mashal, Abdon,  
\v 75 Hukok mo Rehob.   
\p
\v 76 I lodo tenua damana o Naphtali go Kedesh i lodo Galilee, Hammon mo Kiriathaim.   
\p
\v 77 Nia madahaanau o di madahaanau damana o Merari ala e dubu i golo guu wanga ginai nia waahale aanei ngaadahi mo nia henua dugu manu ala e haganiga mai i daha:  
\p I lodo tenua damana a Zebulun go Rimmono mo Tabor.   
\p
\v 78 I lodo tenua damana a Reuben, i bahi i dua di monowai Jordan i baahi gi golo Jericho, go Bezer i hongo di gowaa nnoonua baba, Jahzah,  
\v 79 Kedemoth, mo Mephaath.   
\p
\v 80 I lodo tenua damana a Gad go Ramoth i Gilead, Mahanaim,  
\v 81 Heshbon mo Jazer.   
\c 7  
\s1 Nia hagadili o Issachar  
\p
\v 1 Issachar guu hai ana dama daane dogohaa go Tola, Puah, Jashub mo Shimron.   
\p
\v 2 Tola guu hai ana dama daane dogoono go Uzzi, Rephaiah, Jeriel, Jahmai, Ibsam, mo Shemuel. Digaula la nia dagi o nia madahaanau lligi o di madahaanau damana a Tola, digaula digau dauwa e dau. I di madagoaa o King David, nia hagadili digaula guu tugi di hulu e 22,600.   
\p
\v 3 Uzzi guu hai dana dama daane e dahi go Izrahiah. Izrahiah mo ana dama daane dogohaa go Michael, Obadiah, Joel mo Isshiah, digaula huogodoo la nia dagi nia madahaanau.  
\v 4 Digaula e dagi logo nadau lodo, gei e dogologowaahee nadau dama. Nia hagadili digaula e mee di dahi aga nadau daane e 36,000 ang gi tauwa.  
\v 5 Di beebaa dela e hihi nia madahaanau huogodoo o di madahaanau damana o Issachar guu hihi nia daane e 87,000 ala guu mee di hai digau dauwa.   
\s1 Nia hagadili o Benjamin mo Dan  
\p
\v 6 Benjamin guu hai ana dama daane dogodolu go Bela, Becher, mo Jediael.   
\p
\v 7 Bela guu hai ana dama daane dogolima go Ezbon, Uzzi, Uzziel, Jerimoth, mo Iri. Digaula nia dagi o nia madahaanau lligi ala i lodo di madahaanau damana, gei digaula huogodoo digau dauwa e dau. Nia daane e 22,034 ala guu mee di hai nia hegau dauwa i lodo nia hagadili aanei.   
\p
\v 8 Becher guu hai ana dama daane dogohiwa, go Zemirah, Joash, Eliezer, Elioenai, Omri, Jeremoth, Abijah, Anathoth mo Alemeth.  
\v 9 Di beebaa dela e hihi nia madahaanau o nadau hagadili guu hihi nia daane e 20,200 ala guu mee di hai nia hegau dauwa.   
\p
\v 10 Jediael guu hai dana dama daane e dahi go Bilhan. Bilhan guu hai ana dama daane dogohidu go Jeush, Benjamin, Ehud, Chenaanah, Zethan, Tarshish, mo Ahishahar.  
\v 11 Digaula nia dagi o nia madahaanau lligi i lodo di madahaanau damana. Digaula huogodoo digau dauwa e dau. Nia daane e 17,200 ala guu mee di hai nia hegau dauwa i lodo nia hagadili aanei.  
\v 12 Digau Shuppim mo Huppim e dau labelaa gi di madawaawa deenei.  
\p Dan guu hai dana dama daane e dahi go Hushim\f + \fr 7.12 \ft \+bk Dan guu hai dana dama daane e dahi go Hushim\+bk* be: \+bk Dan guu hai dana dama daane e dahi go Aher, dela go tamana namua ni digau Hushim\+bk* \f*.   
\s1 Nia hagadili o Naphtali  
\p
\v 13 Naphtali guu hai ana dama daane dogohaa go Jahzeel, Guni, Jezer mo Shallum. (Digaula nia hagadili ni Bilhah\f + \fr 7.13 \ft \+bk Bilhah\+bk* la di lodo hege ni Jacob gei mee tinana o Dan mo Naphtali\f*).   
\s1 Nia hagadili o Manasseh  
\p
\v 14 Manasseh guu hai ana dama daane dogolua mai i baahi dono lodo hege, di ahina o Aram, ala go Asriel mo Machir. Machir la go tamana o Gilead.  
\v 15 Machir guu gida di lodo o Huppim mo di lodo o Shuppim. Tuaahina ahina o maa go Maacah. Togo lua dama daane a Machir la go Zelophehad, gei mee ana dama ahina huogodoo.   
\p
\v 16 Maacah, di lodo o Machir, gu haanau ana dama daane dogolua, guu wanga nau ingoo Peresh mo Sheresh. Peresh guu hai ana dama daane dogolua go Ulam mo Rakem.  
\v 17 Ulam guu hai dana dama daane dono ingoo go Bedan. Digaula huogodoo nia hagadili ni Gilead, tama daane a Machir go tama daane a Manasseh.   
\p
\v 18 Tuaahina ahina a Gilead go Hammolecheth ana dama daane dogodolu go Ishod, Abiezer mo Mahlah.  
\v 19 Shemida ana dama daane dogohaa go Ahian, Shechem, Likhi mo Aniam.   
\s1 Nia hagadili o Ephraim  
\p
\v 20 Aanei nia hagadili Ephraim gi muli: go Shuthelah, Bered, Tahath, Eleadah, Tahath,  
\v 21 Zabad mo Shuthelah. Ephraim ana dama daane dogolua labelaa i daha mo Shuthelah, go Ezer mo Elead, ala ne daaligi gii mmade i di nau hai dela ne belee gaiaa nia manu a digau donu o Gath.  
\v 22 Tamana meemaa Ephraim gu manawa gee gu huaidu ono lodo gi meemaa i nia laangi e logo, nia gau o maa gu loomoi belee haga manawa lamalia a mee.  
\v 23 Mee ga hai labelaa nia hai o taga hailodo gi dono lodo, gei mee gu hai dama ga haanau dana dama daane. Meemaa gaa gahi di ingoo o maa go Beriah\f + \fr 7.23 \ft Di ingoo \+bk Beriah\+bk* i nnelekai Hebrew le e hai dono lee be telekai “haingadaa”\f*, idimaa di haingadaa dela ne tale gi di nadau madahaanau.   
\p
\v 24 Ephraim guu hai dana dama ahina go Sheerah. Mee ne hau nia waahale go Beth-Horon i Bahi i Nua, Beth-Horon i Bahi i Lala, mo Uzzen-Sheerah.   
\p
\v 25 Ephraim guu hai labelaa dana dama daane go Rephah, ala ono hagadili go Resheph, Telah, Tahan,  
\v 26 Ladan, Ammihud, Elishama,  
\v 27 Nun mo Joshua   
\p
\v 28 Bethel mo nia waahale ala i dono gili nogo i lodo di gowaa damana dela ne kumi go digaula ga noho ai, ga hanadu gi baahi dua gaa tugi i Naaran, ga hanadu labelaa baahi i dai gaa tugi i Gezer mo nia waahale ala i dono gili. Ma e hagapuni labelaa gi nia waahale o Shechem mo Ayyah, mo nia waahale ala i nau gili.   
\p
\v 29 Nia hagadili o Manasseh la nogo mogobuna di madamada humalia nia waahale o Beth-Shan, Taanach, Megiddo mo Dor, mo nia waahale ala e haganiga digaula.  
\p Huogodoo aanei la go nia gowaa ala nogo iai nia hagadili o Joseph, tama daane a Jacob e noho ai.   
\s1 Nia hagadili o Asher  
\p
\v 30 Aanei nia hagadili o Asher. Mee guu hai ana dama daane dogohaa go Imnah, Ishvah, Ishvi mo Beriah mo dahi dama ahina go Serah.   
\p
\v 31 Beriah guu hai ana dama daane dogolua go Heber mo Malchiel. Malchiel ne daamada ne hau di waahale go Birzaith.   
\p
\v 32 Heber guu hai ana dama daane dogodolu go Japhlet, Shomer, mo Hotham, mo dahi dama ahina go Shua.   
\p
\v 33 Japhlet guu hai ana dama daane dogodolu go Pasach, Bimhal mo Ashvath.   
\p
\v 34 Tuaahina daane o maa go Shomer guu hai ana dama daane dogodolu go Rohgah, Jehubbah mo Aram.   
\p
\v 35 Tuaahina daane o maa go Hotham guu hai ana dama daane dogohaa go Zophah, Imna, Shelesh, mo Amal.   
\p
\v 36 Nia hagadili o Zophah, go Suah, Harnepher, Shual, Beri, Imrah,  
\v 37 Bezer, Hod, Shamma, Shilshah, Ithran mo Beera.   
\p
\v 38 Nia hagadili o Jether go Jephunneh, Pispa, mo Ara.  
\v 39 Nia hagadili o Ulla go Arah, Hanniel, mo Rizia.   
\p
\v 40 Huogodoo aanei la nia hagadili o Asher. Digaula nia dagi o nia madahaanau lligi, e dau bolo nia daane hai heebagi, nia dagi e dau. Nia hagadili o Asher nia daane e 26,000 guu mee di hai nia hai hegau dauwa.   
\c 8  
\s1 Nia hagadili o Benjamin  
\p
\v 1 Benjamin guu hai ana dama daane dogolima: E hagatau ia i di mmaadua, go Bela, Ashbel, Aharah,  
\v 2 Nohah mo Rapha.   
\p
\v 3 Nia hagadili o Bela la go Addar, Gera, Abihud,  
\v 4 Abishua, Naaman, Ahoah,  
\v 5 Gera, Shephuphan mo Huram.   
\p
\v 6-7 Nia hagadili o Ehud go Naaman, Ahijah, mo Gera. Digaula nia dagi o nia madahaanau ala nogo noho i Geba, gei digaula ne hagabagi gi daha gaa hula gaa noho i Manahath. Gera, tamana o Uzza mo Ahihud, la go tangada dela ne lahi digaula i di hai deenei ne hai.   
\p
\v 8-9 Shaharaim ne kili gi daha ono lodo dogolua go Hushim mo Baara. Nomuli gei mee gaa noho i lodo tenua o Moab, gaa lodo gi Hodesh, gaa hai nau dama daane dogohidu go Jobab, Zibia, Mesha, Malcam,  
\v 10 Jeuz, Sachia mo Mirmah. Nia dama daane a maa huogodoo guu hai nia dagi madahaanau.   
\p
\v 11 Mee guu hai labelaa ana dama daane dogolua gi Hushim, go Abitub mo Elpaal.   
\p
\v 12 Elpaal guu hai ana dama daane dogodolu go Eber, Misham mo Shemed. Ma go Shemed dela ne hau nia waahale o Ono mo Lod mo nia dama guongo ala e haganiga mai i daha.   
\s1 Digau a Benjamin i lodo Gath mo Aijalon  
\p
\v 13 Beriah mo Sema la nia dagi o nia madahaanau ala e noho i lodo di waahale o Aijalon, ga hagabagi gi daha nia daangada ala e noho i lodo di waahale o Gath.  
\v 14 Nia hagadili o Beriah go Ahio, Shashak, Jeremoth,  
\v 15 Zebadiah, Arad, Eder,  
\v 16 Michael, Ishpah, mo Joha.   
\s1 Digau a Benjamin i lodo Jerusalem  
\p
\v 17 Nia hagadili o Elpaal, go Zebadiah, Meshullam, Hizki, Heber,  
\v 18 Ishmerai, Izliah, mo Jobab.   
\p
\v 19 Nia hagadili o Shimei, go Jakim, Zichri, Zabdi.  
\v 20 Elienai, Zillethai, Eliel,  
\v 21 Adaiah, Beraiah mo Shimrath.   
\p
\v 22 Nia hagadili o Shashak, go Ishpan, Eber, Eliel,  
\v 23 Abdon, Zichri, Hanan,  
\v 24 Hananiah, Elam, Anthothijah,  
\v 25 Iphdeiah mo Penuel.   
\p
\v 26 Nia hagadili o Jeroham, go Shamsherai, Shehariah, Athaliah,  
\v 27 Jaareshiah, Elijah mo Zichri.   
\p
\v 28 Aanei nia dagi namua o nia madahaanau mo nadau hagadili hagalabagau ala nogo noho i lodo Jerusalem.   
\s1 Digau Benjamin i lodo Gibeon mo Jerusalem  
\p
\v 29 Jeiel ne daamada ne hau di waahale go Gibeon gaa noho i golo. Di lodo o maa go Maacah.  
\v 30 Tama daane madua a maa go Abdon, nia dama daane a maa ala i golo, go Zur, Kish, Baal, Ner, Nadab,  
\v 31 Gedor, Ahio, Zecher,  
\v 32 mo Mikloth, tamana o Shimeah. Nia hagadili o digaula nogo noho i lodo Jerusalem e hoohoo gi nia hoo madahaanau o di nadau madahaanau damana.   
\s1 Di madahaanau o King Saul  
\p
\v 33 Ner go tamana o Kish, Kish go tamana o King Saul. Saul guu hai ana dama daane dogohaa go Jonathan, Malchishua, Abinadab mo Eshbaal\f + \fr 8.33 \ft \+bk Eshbaal:\+bk* E haga ingoo labelaa go Ishbosheth i di beebaa 2-Samuel 2.8 mo nia gowaa ala i golo i 2-Samuel\f*.  
\v 34 Jonathan go tamana o Meribbaal\f + \fr 8.34 \ft \+bk Meribbaal:\+bk* E haga ingoo labelaa go Mephibosheth i di beebaa 2-Samuel 4.4 mo nia gowaa ala i golo i 2-Samuel\f*, dela go tamana o Micah.   
\p
\v 35 Micah guu hai ana dama daane dogohaa go Pithon, Melech, Tarea mo Ahaz.  
\v 36 Ahaz go tamana o Jehoaddah, dela go tamana o nia dama daane dogodolu go Alemeth, Azmaveth mo Zimri. Zimri la go tamana o Moza.  
\v 37 Moza tamana o Binea, Binea go tamana o Raphah. Raphah go tamana o Eleasah, gei Eleasah go tamana o Azel.   
\p
\v 38 Azel guu hai ana dama daane dogoono go Azrikam, Bocheru, Ishmael, Sheariah, Obadiah mo Hanan.  
\v 39 Tuaahina daane o Azel go Eshek guu hai ana dama daane dogodolu go Ulam, Jeush, mo Eliphelet.   
\p
\v 40 Nia dama daane a Ulam la digau dauwa e dau mo e dau labelaa e modogologolo di puupuu i di maalei. Digaula guu hai nadau dama daane mo nia dama daane o nadau dama daane e lau mada lima (150) huogodoo. Digau huogodoo ala nadau ingoo i nua la digau ni di madawaawa Benjamin.   
\c 9  
\s1 Nia daangada Israel ala ne lloomoi i di nadau galabudi  
\p
\v 1 Nia daangada Israel huogodoo la ne hihi hagatau gi nadau madahaanau. Nia mee aanei guu lawa di hihi i lodo \bk Di Beebaa o nia King o Israel\bk*.  
\p Nia daangada o Judah la ne hagabagi gi Babylon belee hagaduadua i nadau ihala.  
\v 2 Digau ala ne lloomoi gi muli i di matagidagi gi nadau waahale donu la aalaa go digau Israel donu, digau hai mee dabu, digau Levi, mo digau ngalua o di Hale Daumaha.  
\v 3 Nia daangada o nia madawaawa o Judah, Benjamin, Ephraim, mo Manasseh guu hula guu noho i Jerusalem.\x * \xo 9.3 \xt Ezra 2.27; Nehemiah 7.73\x*   
\p
\v 4-6 Aanei nia madahaanau e 690 o di madawaawa Judah ala nogo noho i Jerusalem:  
\p Nia hagadili o tama daane a Judah go Perez guu hai di nadau dagi go Uthai, tama daane ni Ammihud go tama daane Omri. Nia hoo ono maadua go Imri mo Bani.  
\p Nia hagadili o tama daane a Judah go Shelah guu hai di nadau dagi go Asaiah, dela di tagi o dono madahaanau.  
\p Nia hagadili o tama daane a Judah go Zerah guu hai di nadau dagi go Jeuel.   
\p
\v 7-8 Aanei digau o di madawaawa Benjamin ala nogo noho i Jerusalem:  
\li1 go Sallu, tama daane a Meshullam, dela tama daane a Hodaviah, dela tama daane a Hassenuah,  
\li1 Ibneiah, tama daane a Jeroham,  
\li1 Elah, tama daane a Uzzi, dela tama daane a Michri,  
\li1 Messhullam, tama daane a Shephatiah, dela tama daane a Reuel, dela tama daane a Ibnijah.   
\m
\v 9 Nia madahaanau e 956 o di madawaawa deenei e noho i golo. Nia daane huogodoo ala nadau ingoo i nua la nia dagi o nia madahaanau.   
\s1 Digau hai mee dabu ala e noho i Jerusalem  
\p
\v 10-12 Digau hai mee dabu aanei la nogo noho i Jerusalem:  
\li1 Jedaiah, Jehoiarib, mo Jachin,  
\li1 Azariah, tama daane ni Hilkiah (tagi mugi nua i lodo di Hale Daumaha), dela ono maadua mmaadua la go Meshullam, Zadok, Meraioth, mo Ahitub,  
\li1 Adaiah tama daane ni Jeroham, dela ono maadua mmaadua la go Passhur mo Malchijah,  
\li1 Maasai, tama daane ni Adiel, dela ono maadua mmaadua la go Jahzerah, Meshullam, Meshillemith mo Immer.   
\m
\v 13 Digau hai mee dabu ala e dagi nadau madahaanau huogodoo le e 1,760. Digaula gu iloo gi nia moomee huogodoo ala e hai i lodo di Hale Daumaha.   
\s1 Digau Levi ala e noho i Jerusalem  
\p
\v 14-16 Digau Levi aanei i lala le e noho i Jerusalem:  
\li1 Shemaiah, tama daane a Hasshub, dela ono maadua mmaadua la go Azrikam mo Hashabiah o di madahaanau damana o Merari,  
\li1 Bakbakkar, Heresh, mo Galal,  
\li1 Mattaniah, tama daane a Mica dela ono maadua mmaadua la go Zichri mo Asaph,  
\li1 Obadiah, tama daane a Shemaiah, dela ono maadua mmaadua la go Galal mo Jeduthun,  
\li1 Berechiah, tama daane a Asa, dela tama daane a Elkanah, dela nogo noho i lodo di gowaa damana o di waahale go Netophah.   
\s1 Nia gau hagaloohi di Hale Daumaha ala e noho i lodo Jerusalem  
\p
\v 17 Nia gau hagaloohi di Hale Daumaha nogo noho i lodo Jerusalem la go Shallum, Akkub, Talmon, mo Ahiman. Shallum la go di tagi digaula.  
\v 18 Ga dau mai gi di madagoaa deelaa, gei nia madahaanau digaula nogo hagaloohi di bontai dela e ulu mai gi di ngudu di Bontai di King dela i di baahi gi dua di abaaba di waahale. Mai nia laangi, digaula nogo hagaloloohi i nia ngudu nia bontai ala e hula gi nia waahale ala nogo noho ai digau Levi.   
\p
\v 19 Shallum, tama daane a Kore, dela tama daane a Ebiasaph, ngaadahi mo ono daangada o di madahaanau damana o Korah, digaula e madamada humalia di hagaloohi di bontai dela e ulu mai gi di Hale laa e noho ai Dimaadua. E hai hua be nadau maadua mmaadua ala nogo madamada humalia di Waahale laa o Dimaadua.  
\v 20 Phinehas, tama daane a Eleazar la tangada dela nogo dagi digaula i mua. Dimaadua gi madalia a mee!   
\p
\v 21 Zechariah, tama daane a Meshelemiah nogo hagaloohi labelaa di bontai dela e ulu mai gi di Hale laa e noho ai Dimaadua.   
\p
\v 22 Huogodoo, nia daane e 212 la ne hilihili belee hagaloohi nia bontai ala e ulu mai mo nia bontai di abaaba. Digaula la ne hihi nadau ingoo e hagatau ang gi nia dama guongo ala nogo noho ai digaula. Ma go King David mo soukohp Samuel ala ne haga ulu nia maadua mmaadua digaula gi lodo nia lohongo o di moomee deenei.  
\v 23 Digaula mo nadau hagadili gu duudagi gi muli di hagaloohi o nia bontai ala e ulu gi di Hale Daumaha.  
\v 24 I di abaaba di Hale Daumaha, di bontai e huli adu gi ngeia, gi ngaaga, gi dua, mo gi dai. Nia bontai aalaa, di bontai e dahi dono dagi hagaloohi i golo.  
\v 25 Digau hagaloohi aanei le e hagamaamaa go nadau gau ala e noho i lodo nia dama guongo. Digaula e hagadau e hagaloloohi i nia laangi e hidu i tolongo e dahi.  
\v 26 Nia dagi hagaloohi dogohaa aanei, la digau Levi ala go digau ala e kae nia hegau ala e hagalabagau. Go digaula e madamada humalia labelaa nia ruum ala i lodo di Hale Daumaha, mo nia goloo ala e benebene i lodo.  
\v 27 Digaula e noho hoohoo gi di Hale Daumaha, idimaa ma di moomee ni digaula dela e hagaloohi di Hale Daumaha, mo e huge nia bontai di abaaba i nia luada huogodoo.   
\s1 Digau Levi ala i golo  
\p
\v 28 Digau Levi ala i golo le e madamada humalia nia goloo ala e hai hegau ai i lodo di hai daumaha. Digaula e hagadina nia maa ma gaa kae gi daha, gei e hagadina hogi nia maa ala ma ga gaamai gi lodo i nia madagoaa huogodoo ala ma ga hai hegau nia maa.  
\v 29 Digau ala i golo le e madamada humalia i nia goloo hagamadagu ala i golo, mo nia palaawaa, nia waini, nia lolo olib, nia mee kala, mo nia ‘incense’.  
\v 30 Di moomee dela e unugi nia ‘incense’ la tegau ni digau hai mee dabu.   
\p
\v 31 Tangada o Levi dono ingoo go Mattithiah, tama daane madua a Shallum, mai di madahaanau damana o Korah, dela dana moomee e hagatogomaalia nia mee tigidaumaha ala e daa.  
\v 32 Nia hoo o di madahaanau damana o Kohath di nadau moomee e hagatogomaalia nia palaawaa hagamadagu ang gi di Hale Daumaha i nia Laangi Sabad huogodoo.   
\p
\v 33 Hunu madahaanau o digau Levi le e madamada humalia nia daahili i lodo di Hale Daumaha. Nia dagi o nia madahaanau aanei le e noho i lodo hunu hale o di Hale Daumaha, gei digaula e noho hua nadau hegau e hai ai, idimaa, digaula e talitali di nadau gahigahi e hagamaamaa boo mo aa.   
\p
\v 34 Nia daane ala nadau ingoo i nua la nia dagi o nia madahaanau o digau Levi, be di hai o di hagatau o nadau maadua mmaadua. Digaula aalaa go nia dagi ala e noho i Jerusalem.   
\s1 Nia maadua mmaadua mo nia hagadili o King Saul  
\r (1-Chronicles 8.29-38)  
\p
\v 35 Jeiel ne daamada ne hau di waahale go Gibeon gaa noho i golo. Di lodo o maa go Maacah.  
\v 36 Tama daane madua a maa go Abdon, nia dama daane a maa ala i golo la go Zur, Kish, Baal, Ner, Nadab,  
\v 37 Gedor, Ahio, Zechariah mo Mikloth,  
\v 38 go tamana o Shimeah. Nia hagadili o digaula nogo noho i lodo Jerusalem e hoohoo gi nia hoo madahaanau lligi o di nadau madahaanau damana.   
\p
\v 39 Ner go tamana o Kish, gei Kish la go tamana o Saul. Saul guu hai ana dama daane dogohaa go Jonathan, Malchishua, Abinadab mo Eshbaal\f + \fr 9.39 \ft \+bk Eshbaal:\+bk* E haga ingoo labelaa go Ishbosheth i di beebaa 2-Samuel 2.8 mo nia gowaa ala i golo i 2-Samuel\f*.  
\v 40 Jonathan la go tamana o Meribbaal\f + \fr 9.40 \ft \+bk Meribbaal:\+bk* E haga ingoo labelaa go Mephibosheth i di beebaa 2-Samuel 4.4 mo nia gowaa ala i golo i 2-Samuel\f*, dela go tamana o Micah.  
\v 41 Micah guu hai ana dama daane dogohaa go Pithon, Melech, Tarea mo Ahaz.  
\v 42 Ahaz go tamana o Jarah, dela go tamana o nia dama daane dogodolu go Alemeth, Azmaveth mo Zimri. Zimri go tamana o Moza.  
\v 43 Moza tamana o Binea, Binea go tamana o Rephaiah. Rephaiah go tamana o Eleasah, gei Eleasah go tamana o Azel.   
\p
\v 44 Azel guu hai ana dama daane dogoono go Azrikam, Bocheru, Ishmael, Sheariah, Obadiah mo Hanan.   
\c 10  
\s1 Di made o King Saul  
\r (1-Samuel 31.1-13)  
\p
\v 1 Tauwa ne hai i mehanga digau Philistia mo digau Israel i hongo di Gonduu Gilboa. Digau Israel dogologowaahee ne mmade i di gowaa deelaa, gei digau ala digi mmade, hagapuni gi King Saul mo ana dama daane, guu hula guu llele hagammuni.  
\v 2 Digau Philistia ga waluwalu a Saul mo ana dama daane, ga daaligi ana dama daane dogodolu go Jonathan, Abinadab mo Malchishua.  
\v 3 Teebagi deelaa gu damanaiee huoloo i di gili o Saul. Mee gu puupuu go nia daalo maalei, gei mee gu lauwa damana.  
\v 4 Mee ga helekai gi tama daane dela e dagidagi ono goloo heebagi, “Haga mmuu ina dau hulumanu dauwa, daalo ina au gii made, gi de lloomoi hua digau Philistia bouli dongoeho ga haganneennee au, ga daaligi au gii made.” Gei tama daane deelaa e madagu huoloo di hai di mee deelaa. Gei Saul gaa bida dahi mai dana hulumanu dauwa ga haga duu ga haga kii dono huaidina gi hongo di maa.  
\v 5 Gei tama daane gu gidee ia a Saul guu made, geia ga haga mmuu dana hulumanu dauwa, ga moe ia gi hongo dana hulumanu dauwa labelaa, gaa made madalia a Saul.  
\v 6 Deenei di hai ne mmade ai a Saul mo ana dama daane dogodolu i di gowaa e dahi, gei tei dangada mai i lodo dono hagadili ne haga gila e dagi.  
\v 7 Di madagoaa hua digau Israel ala nogo noho i baahi adu gi di gowaa mehanga gonduu o Jezreel gu longono bolo digau dauwa o Israel guu llele, gei Saul mo ana dama daane dogodolu la guu mmade, gei digaula gu diiagi nadau waahale guu llele gi daha. Nomuli gei digau Philistia ga lloomoi gaa noho i nia waahale aalaa.   
\p
\v 8 Hooaga hua dono daiaa, gei digau Philistia gaa hula belee gowaga nia goloo dauwa o digau ala ne mmade, gei digaula ga gidee ginaadou tuaidina o Saul mo nia huaidina o ana dama daane ala e mmoemmoe i hongo di Gonduu Gilboa.  
\v 9 Gei digaula gaa tuu gi daha di libogo o Saul, gaa kae nia goloo heebagi a maa, ga hagau nadau gau kae hegau e kae di libogo o Saul mo ono goloo dauwa gi lodo tenua go Philistia hagatau, e haga iloo di longo deenei gi nadau god mo digau huogodoo.  
\v 10 Digaula ga daudau gi nua nia goloo dauwa a maa gi lodo di nadau hale daumaha, ga daudau di libogo o maa i lodo di hale daumaha o di nadau god go Dagon.   
\p
\v 11 Di madagoaa digau Jabesh i Gilead ga longono di hai o digau Philistia ne hai gi tuaidina o Saul,  
\v 12 nia daane ala kaedahi hagamataane gaa kae nia huaidina o Saul mo ana dama daane, gaa kae nia maa gi Jabesh. Digaula gaa danu nia maa i golo i lala di laagau ‘oak’, gaa noho hagaonge i golo i nia laangi e hidu.\x * \xo 10.12 \xt 1-Samuel 11.1-11\x*   
\p
\v 13 Saul ne made idimaa mee gu hagalee manawa dahi gi Dimaadua. Mee gu de hagalongo gi nia haganoho o Dimaadua, e halahala ono hagamaamaa mai i nia hagataalunga o digau ala guu mmade.\x * \xo 10.13 \xt Leviticus 19.31; 20.6; 1-Samuel 13.8-14; 15.1-24; 28.7-8\x*  
\v 14 Mee dela digi dangidangi ono hagamaamaa gi Dimaadua. Deelaa laa Dimaadua ga daaligi a mee gii made ga hagauda di mogobuna dagi tenua gi David tama daane a Jesse.   
\c 11  
\s1 David guu hai di king o Israel mo Judah  
\r (2-Samuel 5.1-10)  
\p
\v 1 Nia daangada huogodoo ga lloomoi gi David i Hebron, ga helekai gi mee, “Gimaadou la di todo donu ni oou.  
\v 2 I mua, i di madagoaa o Saul nogo king, goe nogo hai tagi dauwa o Israel i di nadau hai dauwa, gei Dimaadua ne hai dana hagababa adu gi di goe bolo ma kooe dela ga benebene ana daangada, go digau Israel, gei e dagi digaula.”  
\v 3 Malaa, digau mmaadua o Israel huogodoo ga lloomoi gi King David i Hebron. David gaa hai di nadau hagababa i nadau mehanga i mua nia hadumada o Dimaadua, gei digaula ga hagatulu a mee e hai di king o Israel, guu hai be di hagababa Dimaadua ne hai gi Samuel.   
\p
\v 4 King David mo digau Israel huogodoo guu hula gu heebagi gi di waahale o Jerusalem. Ma nogo haga ingoo bolo Jebus i di madagoaa deelaa, gei ogo digau Jebus, go digau ala nogo noho i hongo tenua deelaa i di matagidagi, le e noho hua i golo i di waahale deelaa.\x * \xo 11.4 \xt Joshua 15.63; Gabunga 1.21\x*  
\v 5 Digaula ga helekai gi David bolo mee e deemee di ulu mai gi lodo di waahale, ge David guu kumi di nadau waahale mau dangihi go Zion, dela gu haga ingoo bolo “Di Waahale o David”.  
\v 6 David ga helekai, “Taane dela ga daaligi dana dangada o Jebus di matagidagi dela go mee e hai di tagi o digau dauwa!” Joab, dela dono dinana go Zeruiah, nogo dagi teebagi gei guu hai di tagi digau dauwa.   
\p
\v 7 Idimaa David ne hana gaa noho i lodo di waahale mau dangihi deelaa, ga gila mai gaa gahi bolo “Di Waahale o David”.  
\v 8 Mee guu hau haga hoou di waahale, daamada i di gowaa dela ne haa gi nia gelegele i di baahi gi dua di gonduu, gei Joab gu haga hoou nia gowaa ala e dubu i lodo di waahale.  
\v 9 Di maaloo o David gu maaloo mai, idimaa, Dimaadua di Gowaa Aamua e madalia a mee.   
\s1 Nia gau dauwa e dau a David  
\r (2-Samuel 23.8-39)  
\p
\v 10 Deenei di hagatau o nia ingoo o nia gau dauwa e dau a David. Ngaadahi mo nia daangada Israel ala i golo, digaula ne hagamaamaa a mee gii hai di king, be di hagababa Dimaadua ne hai ang gi digaula, e daahi tenua o maa gi maaloo.   
\p
\v 11 Togo dahi tangada go Jashobeam, tangada di mada haanau damana o Hachmon, tagi ni “Digau Dogodolu”. Mee gu heebagi gi dana daalo ang gi nia daane e dolu lau (300), ga daaligi digaula gii mmade i tauwa hua e dahi.  
\v 12 Togo lua i “Digau Dogodolu” ala e dau la go Eleazar tama a Dodo, tangada i di madahaanau damana o Ahoh.  
\v 13 Mee e huli mai di baahi o David e heebagi gi digau Philistia i tauwa o Pas-Dammim. Mee nogo i lodo di gowaa e tomo nia laagau ‘barley’ i di madagoaa digau Israel ne daamada ne llele gi daha.  
\v 14 Mee mo ana daane guu tuu gi nadau lohongo i tungaalodo di gowaa deelaa, ga heebagi laa gi digau Philistia. Dimaadua guu hai a mee gi maaloo i digaula.   
\p
\v 15 Di laangi e dahi digau dauwa dogodolu mai i lodo nia dagi gau dauwa e motolu ne hula gi tadugalaa dela nogo noho ai a David hoohoo gi di bagungoo o Adullam, di madagoaa di hagabuulinga daangada dauwa o Philistia nogo noho i lodo nadau hale laa i di gowaa mehanga gonduu o Rephaim.  
\v 16 I di madagoaa deelaa, gei David nogo i hongo di gonduu gu abaaba, gei dahi hagabuulinga daangada o Philistia guu noho i Bethlehem.  
\v 17 David guu gono hidihidi i dono guongo, ga helekai “E hai behee, au bolo tangada gi gaamai hua laa gi di au nia wai inu mai i di monowai geli i baahi di bontai di abaaba o Bethlehem!”  
\v 18 Digau dauwa e dau dogodolu gu hagamahi gu loo adu laa lodo di waahale laa digau Philistia, gu hagahau nadau wai i di monowai geli deelaa, gu gaamai gi David. Gei mee hagalee bolo ia e inu nia maa. Mee gaa dui nia maa gi lala e hai tigidaumaha ang gi Dimaadua,  
\v 19 ga helekai, “Au hagalee loo e inu nia wai aanei! Ma e hai be di mee e inu nia dodo o nia daane aanei ala gu de hagahuodia nadau mouli!” Deelaa laa mee gu de hiihai di inu nia maa. Aanei nia hai o di hagamataane o digau dauwa e dau dogodolu.   
\p
\v 20 Tuaahina daane o Joab go Abishai dela go di tagi o “Digau Dauwa Motolu e Dau”. Mee gu heebagi gi dana daalo e hai baahi gi nia daane e dolu lau (300) gu daaligi digaula huogodoo guu mmade. Mee guu hai taane dauwa e dau i lodo “Digau e Motolu”.  
\v 21 Go mee dela e kaedahi e dau i mehanga “Digau e Motolu” aalaa, gei mee dela guu hai di tagi ni digaula, gei mee hagalee loo e dau be “Digau Dogodolu”.   
\p
\v 22 Benaiah, tama daane ni Jehoiada mai i Kabzeel la tangada dauwa e dau, guu hai ana mee hagamataane e logo, hagapuni gi dana daaligi ana daangada dauwa e dau dogolua o Moab. Tolongo e dahi gei mee ne ulu gi lodo di bagungoo i di madagoaa ‘snow’, ga daaligi dana laion i golo.  
\v 23 Mee gu daaligi labelaa dana dangada o Egypt, taane damanaiee e looloo nia piidi e hidu, dela nogo dagidagi dana daalo damana. Benaiah ga heebagi gi mee, e heebagi gi dana laagau, gaa dada taalo mai i lodo nia lima o taane Egypt deelaa, ga daaligi taane deelaa gi taalo guu made.  
\v 24 Aalaa nia hagangalungalua hagamataane a Benaiah ne hai, dela mee di hoo ni “Digau e Motolu”.  
\v 25 Mee e aali hua e tanga i mehanga “Digau e Motolu”, ge hagalee loo e dau be “Digau Dogodolu”. David guu dugu ang gi mee gi dagia ono gau hagaloohi.   
\p
\v 26-47 Aanei nia hoo gau dauwa ala e dau mo e aali:  
\li1 Asahel, tuaahina daane o Joab,  
\li1 Elhanan, tama daane ni Dodo mai Bethlehem,  
\li1 Shammoth, tangada mai Harod,  
\li1 Helez, tangada mai Pelet,  
\li1 Ira, tama daane a Ikkesh, tangada mai Tekoa,  
\li1 Abiezer, tangada mai Anathoth,  
\li1 Sibbecai, tangada mai Hushah,  
\li1 Ilai, tangada mai i Ahoh,  
\li1 Maharai, tangada mai i Netophah,  
\li1 Heled, tama daane a Baanah mai Netophah,  
\li1 Ithai, tama daane a Ribai mai i Gibeah i lodo Benjamin,  
\li1 Benaiah, tangada mai Pirathon,  
\li1 Hurai, tangada mai i nia gowaa mehanga gonduu hoohoo gi Gaash,  
\li1 Abiel, tangada mai i Arbah,  
\li1 Azmaveth, tangada mai i Bahurum,  
\li1 Eliahba, tangada mai i Shaalbon,  
\li1 Hashem, tangada mai i Gizon,  
\li1 Jonathan, tama daane a Shagee mai Harar,  
\li1 Ahiam, tama daane a Sachar mai Harar,  
\li1 Eliphal, tama daane a Ur,  
\li1 Hepher, tangada mai Mecherah,  
\li1 Ahijah, tangada mai Pelon,  
\li1 Hezro, tangada mai Carmel,  
\li1 Naarai, tama daane a Ezbai,  
\li1 Joel, tuaahina daane o Nathan,  
\li1 Mibhar, tama daane a Hagri,  
\li1 Zelek, tangada mai Ammon,  
\li1 Naharai, tangada dagidagi nia goloo dauwa a Joab, tangada mai Beeroth,  
\li1 Ira mo Gareb, nia daangada mai Jattir,  
\li1 Uriah, tangada o Hittite,  
\li1 Zabad, tama daane a Ahlai,  
\li1 Adina, tama daane a Shiza (di hoo nia dagi o di madawaawa Reuben, dalia dana hagabuulinga gau dauwa e motolu).  
\li1 Hanan, tama daane a Maacah,  
\li1 Joshaphat, tangada mai Mithan,  
\li1 Uzzia, tangada mai Ashterah,  
\li1 Shamma mo Jeiel, nia dama daane ni Hotham, mai Aroer,  
\li1 Jediael mo Joha, nia dama daane ni Shimri, mai Tiz,  
\li1 Eliel, tangada mai Mahavah,  
\li1 Jeribai mo Joshaviah, nia dama daane ni Elnaam,  
\li1 Ithmah, tangada mai Moab,  
\li1 Eliel, Obed, mo Jaasiel, nia daangada mai Zobah.   
\c 12  
\s1 Digau di madawaawa Benjamin ala nogo daudali David  
\p
\v 1 David nogo noho i Ziklag, di gowaa ne hana ginai belee lele gi daha mo King Saul. E dogologo digau dauwa e dau gu madalia a mee i di gowaa deelaa, go digau e mee di hagadagadagagee ginai mee,  
\v 2 aalaa go digau ni di madawaawa Benjamin, dela go di madawaawa donu o Saul. Digaula e puu nadau maalei mo nia mee dili dangada gi nadau lima gau donu mo gau ihala.  
\v 3-7 Digaula e noho i lala nia mogobuna a Ahiezer mo Joash, nia dama daane ni Shemaah, tangada mai Gibeah.  
\m Aanei digau dauwa:  
\li1 Jeziel mo Pelet, nia dama daane ni Azmaveth,  
\li1 Beracah mo Jehu, nia daangada mai Anathoth,  
\li1 Ishmaiah mai Gibeon, tangada dauwa e dau, gei tangada i nia dagi dauwa o “Digau Motolu”,  
\li1 Jeremiah, Jahaziel, Johanan, mo Jozabad, nia daangada mai Gederah,  
\li1 Eluzai, Jerimoth, Bealiah, Shemariah mo Shephatiah, nia daangada mai Hariph,  
\li1 Elkanah, Isshiah, Azarel, Joezer, mo Jashobeam, nia daangada mai di madahaanau damana o Korah,  
\li1 Joelah mo Zebadiah, nia dama daane ni Jeroham mai Gedor.   
\s1 Digau di madawaawa Gad ala nogo daudali David  
\p
\v 8 Aanei nia ingoo digau dauwa e dau, guu dohu mai ni di madawaawa Gad ala ne dau gi digau dauwa David i di madagoaa o mee nogo i lodo di abaaba dauwa i lodo di anggowaa. Digaula e iloo huoloo di hai hegau gi nia mee abaaba mo nia daalo, e mmada hagamadagudagu dangada ge manawa maaloo be nia laion, gei e limalima be nia ee lodo geinga.  
\v 9-13 Nia aamua digaula e hagatau beenei: Ezer, Obadiah, Eliab, Mishmannah, Jeremiah, Attai, Eliel, Johanan, Elzabad, Jeremiah, mo Machbannai.   
\p
\v 14 Hunu daane i digaula mai di madawaawa Gad aanei la digau nogo dagi nadau daane e mana (1,000), hunu gau nogo dagi nadau gau dauwa dagi llau (100).  
\v 15 I lodo di malama matagidagi o di ngadau e dahi, di madagoaa di monowai Jordan ga honutula loo gi nua gu malingilingi, digaula gaa hula i lodo di monowai gi di baahi dela i golo, ga waluwalu nia daangada ala nogo noho i lodo nia gowaa paba i bahi i dua mo i bahi i dai di monowai.   
\s1 Digau nogo daudali David mai nia madawaawa Benjamin mo Judah  
\p
\v 16 Dahi madagoaa di buini daane mai nia madawaawa Benjamin mo Judah ne hula gi di abaaba dela nogo iai David.  
\v 17 David gaa hana ga heetugi gi digaula, ga helekai “Maa goodou e loomoi be nia hoo hagatenetene belee hagamaamaa au, au ga hagaahi mai goodou, ga hagapuni mai gi gimaadou! Gei maa goodou e hai di godou maanadu belee wanga au gi ogu hagadaumee, ma e aha maa au digi hagamada belee hagahuaidu goodou, di God o tadau maadua mmaadua ga iloo ga hagaduadua goodou.”   
\p
\v 18 Di Hagataalunga o God gaa dagi dahi dangada i digaula go Amasai, dela nomuli gaa hai tagi dauwa o “Digau Motolu”, gei mee gaa wolo gi nua,  
\q1 “David tama daane Jesse,  
\q1 gimaadou nia mee ni aau!  
\q1 Goe gii gila mo digau ala e hagamaamaa goe!  
\q1 Di God ni oou la ga huli mai i dau baahi.”  
\m David gu hagaahi mai digaula guu hai digaula gii hai nia dagi mugi nua o ana gau dauwa.   
\s1 Digau mai di madawaawa Manasseh ala nogo daudali David  
\p
\v 19 Hunu gau dauwa mai i di madawaawa Manasseh gu madalia David i dono madagoaa ne hana dalia digau Philistia e heebagi gi King Saul. Mee hagalee loo bolo ia e hagamaamaa digau Philistia, i nia king digaula le e mmaadagu bolo gi dee wanga digaula gi dono dagi nomua go Saul, dela digaula gu hagau a mee gi muli gi Ziklag.  
\v 20 Aanei digau dauwa mai i Manasseh ala ne dau gi David i di madagoaa o mee ne hanimoi gi muli: Adnah, Jozabad, Jediael, Michael, Jozabad, Elihu, mo Zillethai. I lodo di madawaawa Manasseh, digaula huogodoo guu hai nia dagi buini gau dauwa e mana (1,000).  
\v 21 Digaula e dugu a David be tagi damana o dana buini gau dauwa, idimaa digaula huogodoo la digau dauwa e donu. Nomuli digaula guu hai nia dagi digau dauwa o Israel.  
\v 22 Hoohoo gi nia laangi huogodoo nia daane hoou e hula e hagapuni gi digau dauwa a David, deelaa laa digau dauwa a maa digi duai gu dogologowaahee.   
\s1 Di hagatau gi lala digau dauwa David  
\p
\v 23-37 Di madagoaa David nogo i Hebron, digau dauwa dogologo guu kuulu di moomee hai tauwa guu hula gu hagapuni gi digau dauwa a maa belee hagamaamaa a mee gii hai di king e pono di lohongo o Saul, be di hai o di hagababa a Dimaadua. Aanei nadau hulu daangada mai i nia madawaawa Israel:  
\li1 Judah: nia daane guu dohu nadau goloo dauwa, nia mee duuli mo nia daalo: 6,800;  
\li1 Simeon: nia daane guu kuulu guu donu gi di hai tauwa: 7,100;  
\li1 Levi: nia daane 4,600;  
\li1 nia hoo o Jehoiada, di hagadili o Aaron: 3,700;  
\li1 nia gau o Zadok, tangada dauwa hagamahi di heebagi: nia dagi gau dauwa e 22;  
\li1 Benjamin (go di madawaawa donu o Saul) nia daane: 3,000 (digau dogologo o nia daangada o Benjamin le e daahi hua igolo nadau hagadonu Saul);  
\li1 Ephraim: nia daane e dau i lodo nadau madahaanau llauehe: 20,800;  
\li1 Manasseh Bahi i Dai: nia daane ne hilihili belee hula e hai David gi king: 18,000;  
\li1 Issachar: nia dagi e 200, ngaadahi mo nia daane dauwa e dagi go digaula (nia dagi aanei gu iloo nia mee a Israel ala gaa hai mo di madagoaa humalia dela belee hai di maa);  
\li1 Zebulun: nia gau dauwa manawa dahi ge e hagadagadagagee ginai gu togomaalia gi tauwa, guu kuulu gi di hai hegau gi nia hagadilinga goloo dauwa huogodoo: 50,000;  
\li1 Naphtali: nia dagi e 1,000, ngaadahi mo nia gau dauwa e 37,000 gu togomaalia nadau mee duuli mo nia daalo;  
\li1 Dan: nia gau dauwa guu kuulu gii donu: 28,600;  
\li1 Asher: nia gau dauwa gu togomaalia gi tauwa: 40,000;  
\li1 Nia madawaawa i bahi i dua Jordan ala go Reuben, Gad, mo Manasseh Bahi i Dua: nia gau dauwa guu kuulu gi nia hai hegau gi nia hagadilinga goloo dauwa huogodoo: 120,000.   
\m
\v 38 Digau dauwa huogodoo aanei, gu togomaalia gi tauwa, gaa hula gi Hebron, i nadau hagamodu nadau lodo gi David e hai di king i hongo Israel huogodoo. Nia daangada huogodoo o Israel ala i golo le e hagabuni mai gi di gowaa e dahi i di hadinga e dahi.  
\v 39 Digaula nogo noho i golo nia laangi e dolu i baahi o David, e haihai nadau hagamiami gi nia meegai mono mee inuinu ala ne hagatogomaalia go nadau gau ang gi digaula.  
\v 40 Mai i nia gowaa ala e mogowaa be nia gowaa o nia madawaawaa Issachar, Zebulun mo Naphtali ala i bahi i ngeia loo, nia daangada gu loomoi e gaamai nadau manu be nia ‘donkey’, ‘camel’, hoodo ‘donkey’ mono kau, gu haga uda ginai nia meegai, ala go nia palaawaa, nia huwa laagau ‘fig’, nia ‘grape’, nia waini, mo nia lolo olib. Digaula e gaamai labelaa nadau kau mono siibi belee daaligi e gai. Nia mee huogodoo aanei e hagamodongoohia di tenetene dela guu dele i hongo tenua hagatau.   
\c 13  
\s1 Tebedebe o di Hagababa gu hagamenege gi daha mo Kiriath-Jearim  
\r (2-Samuel 6.1-11)  
\p
\v 1 King David gu heeu gi nia dagi huogodoo ala e dagi nadau buini gau dauwa e mana mo nia dagi e dagi nadau gau dauwa dagi llau.  
\v 2 Gei mee gaa hai dana hagailoo gi nia daangada huogodoo Israel, e hai boloo, “Maa goodou ma ga hiihai, gei deelaa di hiihai o Dimaadua go tadau God, gidaadou e hagau tadau gau kae hegau gi tadau daangada, mo gi digau hai mee dabu, mo digau Levi i lodo nadau waahale, gi haga iloo bolo gi dagabuli mai gi kinei gi tadau baahi.  
\v 3 Gei gidaadou gaa hula gaa kae Tebedebe o di Hagababa a God, dela ne haga de iloo go nia daangada i di madagoaa Saul nogo king.”  
\v 4 Nia daangada gu tenetene gi di maanadu deelaa, gu haga uaa gi di maa.   
\p
\v 5 David ga haga dagabuli nia daangada Israel mai i hongo tenua hagatau, mai i tagageinga o Egypt i di bahi i ngaaga gaa tugi i di Ala Nnoonua o Hamath dela i di bahi i ngeia, bolo gii mee ai di gaamai Tebedebe o di Hagababa mai Kiriath-Jearim gi Jerusalem.\x * \xo 13.5 \xt 1-Samuel 7.1-2\x*  
\v 6 David mo nia daangada gaa hula gi di waahale go Baalah, deelaa go Kiriath-Jearim, i lodo tenua go Judea, belee gaamai Tebedebe o di Hagababa a God dela e dagidagi i di ingoo Dimaadua i dono lohongo i hongo nia bakau manu.\x * \xo 13.6 \xt Exodus 25.22\x*  
\v 7 Digaula ga gaamai gi daha Tebedebe o di Hagababa mo lodo di hale o Abinadab, gaa wanga gi hongo di waga hongo henua hoou. Gei ogo Uzzah mo Ahio gaa dagi di maa.  
\v 8 Di madagoaa deelaa, gei ogo David mo nia daangada huogodoo gu gagaalege huoloo i nadau mee ala e mee belee hagalaamua a God. Digaula gu dadaahili mo di hai nadau mee hai daahili go nia ‘harp’, nia mee haga bagubaguu, nia mee ngiingii, mo nia labaa.   
\p
\v 9 Di nadau dau gi di gowaa haga madammaa ‘wheat’ o Chidon, nia kau daane la gu bagege guu tinga hua gi lala, gei Uzzah ga daahi dono lima, gaa kumi Tebedebe o di Hagababa.  
\v 10 Di madagoaa hua deelaa, gei Dimaadua gu hagawelewele gi Uzzah, gu daaligi a mee gii made i mee dela ne bili gi Tebedebe. Mee guu made hua i golo i mua nnadumada o God.  
\v 11 Deenei laa di gowaa deelaa guu gahi dono ingoo go Perez-Uzzah\f + \fr 13.11 \ft Di ingoo \+bk Perez-Uzzah\+bk* i nnelekai Hebrew le e hai dono hadinga bolo di “hagaduadua o Uzzah”\f* mai mua ga dau mai. David gu lodo huaidu i Dimaadua dela gu hagaduadua Uzzah i dono hagawelewele.   
\p
\v 12 David gu madagu i Dimaadua ga helekai, “Dehee dagu hai gaa mee di kae Tebedebe o di Hagababa dalia au dolomeenei?”  
\v 13 David digi kae di maa dalia ia gi Jerusalem. Mee gu dugu hua di maa i di hale o dahi daane dono ingoo go Obed-Edom, tangada mai di waahale go Gath.  
\v 14 Tebedebe deelaa ne dugu i golo nia malama e dolu, gei ogo Dimaadua gu hila ang gi di madahaanau o Obed-Edom mo nia mee huogodoo a maa.\x * \xo 13.14 \xt 1-Chronicles 26.4-5\x*   
\c 14  
\s1 Nia mee David nogo hai i Jerusalem  
\r (2-Samuel 5.11-16)  
\p
\v 1 Malaa, Hiram di king o digau Tyre ga hagau ana daangada kae hegau gi David, mono laagau ‘cedar’, mono gau hai hadu, mono degitanga, bolo gii hula hauhia di hale o David.  
\v 2 David ga iloo laa bolo Dimaadua gu haga noho bolo ia di king o Israel, gei gu haga maluagina dono henua ang gi ana daangada digau Israel.   
\p
\v 3 I Jerusalem, David guu hai ono lodo e logo, guu hai labelaa ana dama daane mono dama ahina.  
\v 4 Aanei la nia dama daane a maa ala ne hai i Jerusalem: Shammua, Shobab, Nathan, Solomon,  
\v 5 Ibhar, Elishua, Elpelet,  
\v 6 Nogah, Nepheg, Japhia,  
\v 7 Elishama, Beeliada, mo Eliphelet.   
\s1 David gu maaloo i digau dauwa o Philistia  
\r (2-Samuel 5.17-25)  
\p
\v 8 Di madagoaa digau Philistia ne longono bolo David guu hai di king i hongo tenua go Israel hagatau, nadau gau dauwa guu hula belee kumi a mee. David ga hanadu belee heetugi gi digaula.  
\v 9 Digau Philistia guu dau i di gowaa mehanga gonduu o Rephaim, gei gu daamada gu heebagi gi digau ala i golo, guu kae nia goloo digaula.  
\v 10 David ga heeu gi Dimaadua, “E humalia bolo au gaa hana ga heebagi gi digau Philistia? Goe gaa hai au gi maaloo?”  
\p Dimaadua ga helekai gi mee, “Uaa, hana, heebagi! Au ga dugu adu gi di goe gi maaloo!”   
\p
\v 11 Malaa, David ga heebagi gi digaula i Baal-Perazim gu maaloo. Mee ga helekai, “God ne daaligi ogu hagadaumee i ogu mua, gadoo be di labagee e haga bongoo di abaaba o di monowai.” Deenei laa di gowaa deelaa gu haga ingoo bolo Baal-Perazim.\f + \fr 14.11 \ft \+bk Baal-Perazim\+bk*, di ingoo deenei dono hadinga i nnelekai Hebrew boloo, “Di Tagi o di Haga bongoo” \f*  
\v 12 Di madagoaa digau Philistia ne llele gi daha, digaula gu diiagi nadau ada balu ieidu, gei ogo David gaa hai dana hagamodu bolo nia maa gi duungia.   
\p
\v 13 Digi duai, gei digau Philistia gu loomoi gi muli gi di gowaa baba deelaa, gu daamada gu heebagi labelaa e kae nia goloo digaula.  
\v 14 David ga heeu labelaa gi God, dela ga helekai, “Hudee heebagi mai i kinei. Haganiga laa tua, ga heebagi mai di baahi dela i golo, hoohoo gi nia laagau ‘balsam’.  
\v 15 Do madagoaa ga longono di lee o digau e taele i hongo nia laagau aalaa, goe heebagi hagalimalima, idimaa, Au e hana i oo mua, e haga magedaa digau dauwa o Philistia.”  
\v 16 David guu hai be nia haganoho a God ne hai. Mee ne daaligi digau Philistia mai loo i Gibeon gaa hana gaa tugi i Gezer.  
\v 17 Di longo o David guu dele guu tugi i nia madagowaa huogodoo, gei Dimaadua guu hai nia henua llauehe huogodoo gi mmaadagu i mee.   
\c 15  
\s1 Di hagatogomaalia e kae Tebedebe o di Hagababa  
\p
\v 1 David guu hau ana hale i lodo di Waahale o David\f + \fr 15.1 \ft \+bk di Waahale o David\+bk*: 2-Samuel 5.6-10\f*, belee noho ieia, nomuli gei mee gu hagatogomaalia dana gowaa labelaa guu hau dana hale laa belee dugu ai Tebedebe o di Hagababa a God.  
\v 2 Mee ga helekai, “Ma go digau Levi hua ala e aamo Tebedebe o di Hagababa, idimaa ala go digaula ala ne hilihili go Dimaadua belee aamo di maa, gei e hai hegau gi Mee gaa hana hua beelaa.”\x * \xo 15.2 \xt Deuteronomy 10.8\x*  
\v 3 David gaa hai gi nia daangada huogodoo o Israel gi loomoi gi Jerusalem bolo gi gaamai Tebedebe o di Hagababa gi di gowaa dela ne haga togomaalia koia belee dugu di maa.  
\v 4 Nomuli gei mee ga gahi mai nia hagadili o Aaron mo digau Levi huogodoo.  
\v 5 Uriel, tangada mai digau Levi, mai i di madahaanau o Kohath, e dagi ana daangada e lau madalua (120) ala go digau ni dono madahaanau damana.  
\v 6 Asaiah, tangada mai di madahaanau o Merari, e dagi ana daangada e lua lau madalua (220).  
\v 7 Joel, tangada mai di madahaanau o Gershon, e dagi ana daangada e lau motolu (130).  
\v 8 Shemaiah, tangada mai i di madahaanau damana o Elizaphan, e dagi ana daangada e lua lau (200).  
\v 9 Eliel, tangada mai i di madahaanau damana o Hebron e dagi ana daangada e huwowalu (80).  
\v 10 Amminadab, tangada mai i di madahaanau damana o Uzziel, e dagi ana daangada e lau madangaholu maa lua (112).   
\p
\v 11 David gu gahi mai nia gau hai mee dabu go Zadok mo Abiathar, mo digau Levi dogoono go Uriel, Asaiah, Joel, Shemaiah, Eliel, mo Amminadab.  
\v 12 Mee ga helekai gi digau Levi, “Goodou go nia dagi o nia madahaanau llauehe o nia daangada o Levi. Heia godou huaidina gi madammaa mo godou ihoo gau Levi, gii mee di godou aamo Tebedebe o di Hagababa o Dimaadua, di God o Israel, gi di gowaa dela gu togomaalia belee dugu di maa.  
\v 13 Idimaa goodou hagalee nogo i golo belee gaamai di maa i matagidagi, Dimaadua go tadau God, gu hagaduadua gimaadou ala digi daumaha gi Mee be di madau hai dela belee hai.”   
\p
\v 14 Digau hai mee dabu mo digau Levi gu hagamadammaa nadau huaidina gii mee di haga menege Tebedebe o di Hagababa o Dimaadua, di God o Israel.  
\v 15 Digau Levi ne aamo di maa i hongo nia laagau i hongo nadau bakau be di hai Dimaadua ne hagi anga gi Moses gi nia daangada.\x * \xo 15.15 \xt Exodus 25.14\x*   
\p
\v 16 David ga helekai gi nia dagi o digau Levi gi haganoho ina nadau gau Levi dulii gi heia nadau daahili hagatenetene gi nadau ‘harp’ mo nadau ‘cymbal’.  
\v 17-21 Digaula gu hilihili nia daane aanei mai i lodo di madawaawa o digau hai daahili e hai nadau daahili gi nadau ‘cymbal’ ne hai gi nia baalanga ‘brass’ go Heman, tama daane a Joel, mo dono dangada go Asaph, tama daane a Berechiah, mo Ethan, tama daane a Kushaiah, tangada di madahaanau damana o Merari. Digaula gu hilihili digau Levi aanei: go Zechariah, Jaaziel, Shemiramoth, Jehiel, Unni, Eliab, Maaseiah, mo Benaiah belee hagamaamaa digaula e dadaagala i nadau ‘harp’ i di lee i nua.  
\p Digaula gu hilihili digau Levi aanei: go Mattithiah, Eliphelehu, Mikneia, Azaziah, mo nia daangada hagaloohi di Hale Daumaha, go Obed-Edom mo Jeiel belee dadaagala i nadau ‘harp’ i di lee i lala.   
\p
\v 22 Chenaniah gu hilihili belee dagi digau hai daahili o Levi, idimaa go mee dela e iloo di hai nia daahili.  
\v 23-24 Berechiah mo Elkanah, dalia Obed-Edom mo Jehiah, la ne hilihili belee hagaloohi Tebedebe o di Hagababa. Digau hai mee dabu go Shebaniah, Joshaphat, Nethanel, Amasai, Zechariah, Benaiah, mo Eliezer la ne hilihili belee iliili nadau labaa i mua Tebedebe di Hagababa.   
\s1 Di hagamenege Tebedebe o di Hagababa gi Jerusalem  
\r (2-Samuel 6.12-22)  
\p
\v 25 King David, nia dagi o Israel, mo nia dagi gau dauwa guu hula gi di hale o Obed-Edom belee gaamai Tebedebe o di Hagababa, malaa digaula gu tenetene mo di haga hagaamu huoloo giibeni.  
\v 26 Digaula guu hai di nadau tigidaumaha gi nia kau daane e hidu ge hidu siibi, e hai gi modongoohia bolo Dimaadua ga hagamaamaa digau Levi ala e aamo Tebedebe o di Hagababa.  
\v 27 David nogo ulu di gahu looloo dela ne hai gi nia linen humalia, e hai gadoo be digau hai daahili gi nia lewe, mo Chenaniah di nadau dagi, mo digau Levi ala e aamo Tebedebe. David e ulu labelaa di gahu ‘ephod’.  
\v 28 Malaa, digau Israel huogodoo gu hagabuni gi Tebedebe o di Hagababa guu hula gi Jerusalem mo di wwolowwolo gi nua mo di tenetene, e iliili nadau labaa, mo nadau buu, mo nia ‘cymbal’, mo di hai nadau daahili gi nadau ‘harp’.   
\p
\v 29 Di nadau gaamai Tebedebe gi lodo di waahale, gei Michal\x * \xo 15.29 \xt 1-Samuel 18.27 \x* tama ahina a Saul, ga mmada ia i di bontai dulii gi malaelae, ga gidee ia King David e gagaalege mo di hobohobo gi nua i dono tenetene, gei Michal gu de hiihai huoloo gi mee.   
\c 16  
\p
\v 1 Digaula guu kae Tebedebe o di Hagababa gi di hale laa dela ne haga togomaalia go David gi di maa gaa dugu i ono lodo. Digaula gaa hai nadau tigidaumaha e logo mo nia tigidaumaha hagadaubuni ang gi God.  
\v 2 Muli David ne hagalawa ana hai tigidaumaha, mee ga hagahumalia nia daangada i di ingoo o Dimaadua,  
\v 3 gaa duwwe nia meegai gi digaula huogodoo. Mee e wanga ana palaawaa daa dagidahi, di mada goneiga dunu, mono ‘grape’ maangoo gi nia daane mo nia ahina dagidahi ala i lodo Israel.   
\p
\v 4 David guu dongo ana daangada mai i lodo digau Levi belee dagi taumaha a Dimaadua, di God o Israel, e dadaahili mo di haga hagaamu a Mee i mua Tebedebe o di Hagababa.  
\v 5 Asaph guu dongo e dagi, dalia Zechariah e hai dono dangada hagamaamaa. Jeiel, Shemiramoth, Jehiel, Mattithiah, Eliab, Benaiah, Obed-Edom mo Jeiel la belee dadaagala i nia ‘harp’. Asaph e hai ana lee gi nia ‘cymbal’,  
\v 6 gei dogolua daangada hai mee dabu go Benaiah mo Jahaziel e iliili nau labaa nia madagoaa huogodoo i mua Tebedebe o di Hagababa.  
\v 7 Deenei tolongo matagidagi a David ne wanga gi Asaph mo ono ehoo gau Levi di waawa e dadaahili gi Dimaadua i nia daahili hagaamu.   
\s1 Taahili hagaamu  
\r (Pisalem 105.1-15; 96.1-13; 106.1,47,48)  
\q1
\v 8 Heia nia danggee gi Dimaadua,  
\q1 haga dele ina ono aamua.  
\q1 Hagi aga ina gi nia henua nia mee a mee ala ne hai.   
\q1
\v 9 Daahili hagaamuina Dimaadua.  
\q1 Hagi anga ina nia mee haga goboina a Mee ala ne hai.   
\q1
\v 10 Gidaadou gi manawa lamalia  
\q1 idimaa gidaadou guu hai nia mee ni Mee.  
\q1 Digau huogodoo ala e daumaha gi Mee la gi tenetene.   
\q1
\v 11 Hula gi Dimaadua, e kae godou hagamaamaa,  
\q1 mo di dadaumaha gi Mee i nia madagoaa huogodoo.   
\q1
\v 12-13 Goodou go nia hagadili o Jacob  
\q1 go dana dangada hai hegau,  
\q1 goodou go di hagadili o Israel  
\q1 go taane dela ne hilihili go Mee,  
\q1 goodou gi langahia nia mogobuna haga goboina a God ala ne hai,  
\q1 mo nia hagi aga ala ne hai go Mee.   
\q1
\v 14 Dimaadua la go tadau God.  
\q1 Nia helekai a Maa la ang gi henuailala huogodoo.   
\q1
\v 15 Hudee de langahia di hagababa a Dimaadua,  
\q1 dela ne hai go Mee belee dugu hua beelaa gi muli.   
\q1
\v 16 Di hagababa ne hai go Mee gi Abraham,  
\q1 di hagababa ne hai go Mee gi Isaac.\x * \xo 16.16 \xt Genesis 12.7; 26.3\x*   
\q1
\v 17 Dimaadua guu hai dana hagababa gi Jacob,  
\q1 di hagababa e noho beelaa, dono hagaodi ai.   
\q1
\v 18 Mee ne helekai, “Au ga gowadu gi di goe tenua go Canaan,  
\q1 e hai tenua ni aau.”\x * \xo 16.18 \xt Genesis 28.13\x*   
\b  
\q1
\v 19 Nia daangada a God le e hogoohi,  
\q1 digaula nogo noho i Canaan be digau henua gee.   
\q1
\v 20 Digaula nogo heehee i mehanga nia henua,  
\q1 i mehanga tenua nei mo tenua nei.   
\q1
\v 21 Gei Dimaadua digi hai digaula gii hai hagahuaidu go tangada,  
\q1 gei Mee gaa bule nia king bolo gi de hagahuaidu digaula,   
\q1
\v 22 ga helekai, “Goodou hudee hagahuaidu ina  
\q1 agu gau hai hegau ne hilihili.  
\q1 Hudee heia dahi mee huaidu gi agu soukohp.”\x * \xo 16.22 \xt Genesis 20.3-7\x*   
\b  
\q1
\v 23 Digau huogodoo o henuailala gi daahili gi Dimaadua!  
\q1 Goodou hagadele ina di longo humalia i nia laangi huogodoo  
\q1 bolo Mee dela ne haga dagaloaha gidaadou.   
\q1
\v 24 Hagadele ina ono madamada gi nia henua,  
\q1 mo ana hegau haga goboina gi nia daangada huogodoo.   
\q1
\v 25 Dimaadua le e aamua ge e humalia belee hagaamu giibeni.  
\q1 Mee belee hagalabagau laa hongo nia god huogodoo.   
\q1
\v 26 Nia god o nia guongo huogodoo ala i golo,  
\q1 la nia ada balu god hua.  
\q1 Gei Dimaadua la go Mee ne hai di langi.   
\q1
\v 27 Nia madamada mono mahi e haganiga i di gili o Maa.  
\q1 Nia mogobuna mono tenetene e haga honu dono Hale Daumaha.   
\q1
\v 28 Digau huogodoo i henuailala gi hagaamuina Dimaadua.  
\q1 Hagaamuina ono madamada mo ono maaloo.   
\q1
\v 29 Hagaamuina di ingoo madamada o Dimaadua.  
\q1 Gaamai godou tigidaumaha, lloomoi gi lodo dono Hale Daumaha.  
\q1 Pala gi lala i mua o Mee dela e dabu,  
\q1 i dono madagoaa ma ga hanimoi.   
\q1
\v 30 Henuailala hagatau gi polepole i mua o Mee!  
\q1 Henuailala la gu haga noho gii mau i dono lohongo,  
\q1 gei e deemee di haga ngalua.   
\q1
\v 31 Henuailala mo di langi, tenetene!  
\q1 Hagadele ina gi nia henua llauehe huogodoo  
\q1 bolo Dimaadua la go di king.   
\q1
\v 32 Di moana mo ono mee huogodoo i no lodo,  
\q1 goodou ngoloolo.  
\q1 Nia henua mo ono mee huogodoo i no lodo, goodou tenetene!   
\q1
\v 33 Nia laagau i lodo nia henua ga wwolowwolo tenetene  
\q1 i di madagoaa Dimaadua ga hanimoi e dagi henuailala.   
\b  
\q1
\v 34 Goodou danggee gi Dimaadua,  
\q1 i Mee e humalia, di aloho o Maa e waalooloo.\x * \xo 16.34 \xt 2-Chronicles 5.13; 7.3; Ezra 3.11; Pisalem 100.5; 106.1; 107.1; 118.1; 136.1; Jeremiah 33.11\x*   
\q1
\v 35 Helekai gi Mee, “Meenei Dimaadua  
\q1 di madau Dangada Hagamouli,  
\q1 abaabalia gimaadou,  
\q1 hagabudu ina gimaadou gi di gowaa e dahi,  
\q1 daawa mai gi daha mo nia henua llauehe,  
\q1 gei gimaadou gaa mee di danggee adu  
\q1 mo di hagaamu do ingoo dabuaahia!”   
\q1
\v 36 Hagaamu ina Dimaadua, di God o Israel!  
\q1 Hagaamu ina a Mee dolomeenei gaa hana hua beelaa dono hagaodi ai!  
\b  
\p Gei nia daangada huogodoo ga helekai, “Amen”, mo di hagaamu Dimaadua.   
\s1 Di hai daumaha i Jerusalem mo Gibeon  
\p
\v 37 Di King David guu dugu Asaph mo ono ehoo gau Levi e madamada humalia taumaha dela ma gaa hai i di gowaa dela e benebene ai Tebedebe o di Hagababa. Digaula e hai nadau hegau aalaa i golo i nia laangi huogodoo.  
\v 38 Obed-Edom, tama daane a Jeduthun, mo nia daane e modoono maa walu (68) mai i dono madahaanau la belee hagamaamaa digaula. Hosah mo Obed-Edom e madamada humalia i di hagaloohi nia bontai.   
\p
\v 39 Zadok, tangada hai mee dabu, mo ono ehoo gau hai mee dabu, le e madamada humalia nia hai daumaha gi Dimaadua i di gowaa hai daumaha i Gibeon.  
\v 40 Nia luada mo nia hiahi huogodoo, digaula e dudu nadau tigidaumaha hagadogomaalia i hongo di gowaa dudu tigidaumaha, gii hai be nia mee ala guu hihi i lodo Nnaganoho ne wanga go Dimaadua gi digau Israel.  
\v 41 Digau e dau dalia digaula la go Heman mo Jeduthun mo digau ala ne hilihili belee hai nadau daahili e haga hagaamu Dimaadua i dono aloho deeodi.  
\v 42 Heman mo Jeduthun e madamada humalia labelaa nia labaa mo nia ‘cymbal’ mo nia mee hai daahili ala i golo ala e huwa nadau daahili i di madagoaa o nia daahili hagaamu ma gaa huwa. Digau o di madahaanau o Jeduthun le e madamada humalia nia bontai di abaaba.   
\p
\v 43 Nia daangada huogodoo guu hula gi nadau guongo, gei David gaa hana labelaa gi dono hale, e hagamolooloo i baahi dono madahaanau dulii.\x * \xo 16.43 \xt 2-Samuel 6.19-20\x*   
\c 17  
\s1 Nathan e hai di hagailoo gi David  
\r (2-Samuel 7.1-17)  
\p
\v 1 King David nogo noho i lodo dono hale king. Di laangi e dahi gei mee ga gahi mai soukohp go Nathan, ga helekai gi mee, “Deenei au e noho i lodo di hale dela ne hau gi nia laagau ‘cedar’, gei Tebedebe o di Hagababa o Dimaadua e dugu hua i lodo di hale laa!”   
\p
\v 2 Nathan ga helekai gi di king, “Heia dau mee dela gu hagamaanadu, idimaa, Dimaadua e madalia goe.”   
\p
\v 3 Di boo hua deelaa, gei Dimaadua ga helekai gi Nathan,  
\v 4 “Hana gi dagu dangada hai hegau go David. Hagi anga ina gi mee, ‘Ma hagalee kooe dela belee hau di hale e noho iei Au no lodo.  
\v 5 Mai i di laangi dela ne laha mai Au digau Israel gi daha mo Egypt, gaa dae mai gi dangi nei, Au hagalee nogo noho i lodo di hale daumaha, Au nogo heehee hua mo di nohonoho i lodo di hale laa.  
\v 6 I lodo ogu holongo huogodoo ala nogo hana iei Au dalia nia daangada Israel, Au digi heeu gi tei dangada i nia dagi ala ne dongo ko Au boloo, ‘Goodou e aha ala hagalee hau dagu hale gi nia laagau ‘cedar’?’   
\p
\v 7 “Malaa, helekai gi dagu dangada hai hegau go David, bolo Au go Dimaadua di Gowaa Aamua e helekai gi mee, ‘Au ne laha mai loo goe gi daha mo di gowaa dela nogo benebene au siibi, belee dagi agu daangada digau Israel.  
\v 8 Au nogo madalia goe i di ingoo hua di madagowaa ne hana ginai goe, gei Au gu daaligi o hagadaumee huogodoo gi daha mo oo mua. Au gaa hai do ingoo gi aamua be nia ingoo o digau aamua i henuailala.  
\v 9-10 Au gu hilihili di gowaa ang gi agu daangada digau Israel, gei Au gu haga noho digaula gi lala, gii mee di noho i golo, deai di mee e hagahuaidu digaula ai. Mai i di nadau ulu mai gi lodo tenua deenei, digaula gu heebagi ginai digau hagadaumee, malaa di mee beenei hagalee hai gii gila labelaa. Au gu helekai hagamodu bolo Au ga haga magedaa o hagadaumee huogodoo gei ga dugu adu gi di goe o hagadili.  
\v 11 Di madagoaa dela e made iei goe, gaa danu gi lala i baahi o maadua mmaadua, gei Au ga haga gila aga dau dama daane e dahi e hai di king, gei Au ga hagamaaloo aga dono henua.  
\v 12 Deelaa go mee dela e haga duu aga dogu Hale Daumaha. Au gaa dugu dono madawaawa bolo aalaa go digau e hai nia king gaa hana hua beelaa.  
\v 13 Au gaa hai tamana ni mee, gei mee gaa hai di tama ni aagu. Au hagalee haga lawa agu hagamaamaa gi daha mo mee, gadoo be dagu hai ang gi Saul dela ne daa a mee gi daha bolo gii mee goe di hai di king.\x * \xo 17.13 \xt 2-Corinthians 6.18; Hebrews 1.5\x*  
\v 14 Au gaa dugu a mee e hai di king e madamada humalia agu daangada mo dogu henua damana, ga hana hua beelaa. Ono gau e hagadau e dagi la dono hagaodi ai.’”   
\p
\v 15 Malaa, Nathan ga hagi anga gi David nia mee huogodoo a God ala ne haga modongoohia ang gi deia.   
\s1 Talodalo danggee a David  
\r (2-Samuel 7.18-29)  
\p
\v 16 Nomuli, King David gaa hana gi lodo di Hale laa Dimaadua dela e noho ai, ga noho eia gi lala ga dalodalo, “Meenei Yihowah-God\f + \fr 17.16 \ft Di ingoo o God deenei le e hai dono hadinga bolo “Yihowah di God dela e noho i baahi ana daangada”\f*, deenei au go dau dangada hai hegau hagalee loo e tau gi nia mee huogodoo ala gu dugu mai Kooe gi di au mo digau o dogu hale.  
\v 17 Gei dolomeenei Goe e hai au mee gi nonua. Goe guu hai au hagababa i ogu hagadili o nia ngadau ala ga loomoi, gei Goe go Yihowah-God, guu lawa di dugu au be tangada aamua.  
\v 18 Ma di aha labelaa i golo e mee di helekai iei au adu gi di Goe? Goe gu modongoohia e Goe au hagahumalia, gei dolomeenei Goe gu hagalabagau au, dau dama hai hegau.  
\v 19 Ma go do hiihai mo dau hadinga ala ne hai nia mee aanei mai gi di au, gei ne haga modongoohia mai gi di au dogu aamua i lodo nia laangi ala ga loomoi.  
\v 20 Meenei Dimaadua, deai tangada e hai be Goe ai. Gimaadou guu lawa di iloo bolo ma deai di God labelaa i golo ai, deelaa hua Kooe!  
\v 21 Ma deai tenua i henuailala e hai be tenua go Israel ai, dela ne haga dagaloaha Kooe gi daha mo nadau hai hege bolo gii hai digaula nia daangada ni aau. Goe guu hai do ingoo gi aamua huoloo i henuailala hagatau mai i au mogobuna haga goboina ala ne hai gi digau o do henua. Goe ne haga dagaloaha au daangada mai gi daha mo Egypt, ge gu hagabagi gi daha nia henua ala i golo i di nadau loo adu i mua.  
\v 22 Meenei Dimaadua, Goe gu hai mee gi digau Israel ga hana hua dee odi, Goe guu hai di God ni digaula.   
\p
\v 23 “Gei dolomeenei, meenei Dimaadua, haga gila aga ina i nia madagoaa huogodoo dau hagababa dela ne hai i di au mo dogu hagadili gi muli. Heia au mee ala bolo e hai gii hai be au helekai.  
\v 24 Gei do ingoo ga aamua huoloo, deai dono hagaodi ai. Nia daangada ga helekai boloo, ‘Dimaadua Koia e Aamua go di God o digau Israel.’ Gei Goe ga daahi dogu hagadili ala e hai nia king, gaa hana hua beelaa.  
\v 25 Meenei Dimaadua, mai i dau haga modongoohia mai gi dau dangada hai hegau bolo Goe ga benebene dogu hagadili gi muli e hai nia king gaa hana hua beelaa, deenei laa, au gu manawa maaloo e hai dagu dangidangi deenei adu gi di Goe.  
\v 26 Meenei Dimaadua, ma Kooe hua dela go di God e donu, Goe gu hagababa mai gi di au nia mee haga goboina dangada aanei.  
\v 27 Goe gi hila mai gi di hagadili ni dau dangada hai hegau deenei, bolo ginaadou gi mouli i lala do dumaalia gaa hana hua beelaa. Meenei Dimaadua, goe guu hila gi digaula, gei do manawa dumaalia ga madalia dogu hagadili gaa hana hua beelaa.”   
\c 18  
\s1 Di maaloo o David i ana dauwa  
\r (2-Samuel 8.1-18)  
\p
\v 1 Dahi madagoaa nomuli, King David ga heebagi labelaa gi digau Philistia, gu haga magedaa digaula. Mee gaa kae nia mogobuna digaula ala nogo dagi di waahale go Gath mo nia dama guongo i dono gili.  
\v 2 Mee gu haga magedaa labelaa digau Moab, guu hai digaula gii hai ana daangada e hui nadau dagitedi gi mee.   
\p
\v 3 Nomuli, David ga heebagi gi Hadadezer di king o Zobah i Syria, hoohoo gi tenua go Hamath, idimaa Hadadezer nogo hagamada e kae di mogobuna e dagi tenua i baahi i nua di monowai Euphrates.  
\v 4 David guu kumi ana waga hongo henua e mana (1,000), nia gau dauwa e llele nia hoodo e hidu mana (7,000), mo digau dauwa e taele i lala e madalua mana (20,000). Mee ga daa ana hoodo gii dohu gi nia waga hongo henua e lau, ga hadihadi nia wae nia hoodo ala i golo huogodoo.   
\p
\v 5 Digau Syria ala i Damascus ga hagau nadau llongo dauwa belee hagamaamaa di king Hadadezer, gei David ga heebagi gi digaula, ga daaligi e madalua maa lua mana (22,000).  
\v 6 Gei mee gaa hau ana gowaa noho gau dauwa i lodo tenua damana digaula, gei digaula guu hai nia daangada ni mee e hui nadau dagitedi gi mee. Dimaadua guu hai a David gi maaloo i nia dauwa i nia gowaa huogodoo.  
\v 7 David guu kumi nia mee duuli goolo ala nogo dagidagi go digau aamua o Hadadezer, guu kae gi Jerusalem.  
\v 8 Mee guu kumi labelaa hagabae baalanga mmee mai i Tibhath mo Kun, nia waahale e dagi go Hadadezer. (Nomuli Solomon gu hai hegau gi nia baalanga aanei e hai dana monowai, nia duludulu, mo nia goloo baalanga mmee ala e hai hegau i lodo di Hale Daumaha).\x * \xo 18.8 \xt 1-Kings 7.40-47; 2-Chronicles 4.11-18\x*   
\p
\v 9 Toi go di king o Hamath gu longono bolo David gu haga magedaa digau dauwa huogodoo a Hadadezer.  
\v 10 Gei mee ga hagau dana dama daane go Joram e kae dana hagaamu gi di King David e hagaamu a mee dela ne haga magedaa a Hadadezer, dela nogo hai baahi ginai Toi, nogo heebagi nia holongo e logo. Joram gaa kae ana kisakis ne hai gi nia goolo, silber, mono baalanga mmee.  
\v 11 King David ga hagadabu nia kisakis aanei gi hai hegau gi di hai daumaha, mo nia goolo, mono silber ala ne kumi mai i nia henua ala ne haga magedaa: Edom, Moab, Ammon, Philistia, mo Amalek.   
\p
\v 12 Abishai, dono dinana go Zeruiah, ne haga magedaa digau Edom i lodo di Gowaa Baba Toolo, gu daaligi ana daangada e madangaholu maa walu mana (18,000).\x * \xo 18.12 \xt Pisalem 60.1\x*  
\v 13 Mee gu haga duu ana waahale laa i lodo Edom hagatau e noho ai ana gau dauwa, gei digau Edom guu hai nia daangada ni King David. Dimaadua guu hai David gi maaloo i nia gowaa huogodoo.   
\p
\v 14 David gaa dagi Israel hagatau, ga haga noho bolo digau huogodoo o dono henua la gii kae di hagalabagau mo di tonu i nia madagoaa huogodoo.  
\v 15 Joab, tuaahina daane o Abishai e dagi di llongo dauwa, gei Jehoshaphat, tama ni Ahilud, e dagi di baahi gi nia beebaa,  
\v 16 Zadok, tama ni Ahitub, mo Ahimelech, tama ni Abiathar, la nia daangada hai mee dabu, Seraiah la tangada hihi o lodo di hale di king,  
\v 17 Benaiah, tama ni Jehoiada le e dagi digau e hagaloohi David, gei nia dama daane a David e kae nia waawa mugi nua i lodo nnegau di king.   
\c 19  
\s1 David gu haga magedaa digau Ammon mo Syria  
\r (2-Samuel 10.1-19)  
\p
\v 1 Nomuli mai, gei Nahash di king o Ammon, gaa made, gei dana dama daane go Hanun gaa pono di lohongo o maa, gaa hai di king.  
\v 2 Di King David ga helekai, “Au e hai gii buni gi Hanun be di hai o dono damana go Nahash nogo hai mai gi di au.” Deelaa laa David ga hagau ana daangada e hagi anga gi mee dono huaidu ono lodo gi di made o dono damana.  
\p I di nadau dau i Ammon, digaula ga heetugi gi di king Hanun.  
\v 3 Nia dagi digau Ammon ga helekai gi di king. “Goe e hagabau bolo ma di mee i lodo di hagalaamua o do damana dela David ne hagau mai ana daane aanei belee hagi adu dono huaidu ono lodo gi di goe? E donu hagalee! Mee ne hagau mai digaula gi kinei belee hagadina tenua hagatau deenei gii mee ai dana kumi gaa dagi!”   
\p
\v 4 Hanun gaa kumi digau kae hegau a David, gaa dahi gi daha nia ngaahulu nadau ngudu, ga duuduu gi daha nia gahu digaula tugi nia gaba, ga hagau digaula gii hula.  
\v 5 Digaula gu langaadia di nadau hula gi nadau guongo. Di madagoaa David ne longono di mee dela ne hai, mee gaa kae dana haga iloo gi digaula gi noho hua i Jericho, gaa dae loo gi nia ngaahulu nadau ngudu guu tomo gi ono lohongo.   
\p
\v 6 King Hanun mo digau Ammon gu modongoohia ginaadou bolo ginaadou guu hai David gii hai di nadau hagadaumee, dela gaa hidi ai digaula ga dahi aga nia pauna silber e madahidu maa lima mana (75,000) gaa hui nadau waga hongo henua dagi go nia hoodo mai i Mesopotamia i baahi i nua, mo mai i nnenua llauehe go Maacah mo Zobah ala i Syria.  
\v 7 Nia waga hongo henua e motolu maa lua mana (32,000) ala ne hui go digaula mo di gau dauwa o King Maacah gu loomoi guu hau nadau hale laa guu noho ai hoohoo gi Medeba, gei digau Ammon labelaa gu loomoi gi daha mo nadau waahale huogodoo, gu haga togomaalia ga hai tauwa.   
\p
\v 8 Di madagoaa David ne longono ia nia mee ala guu hai, mee ga hagau a Joab mo di hagabuulinga gau dauwa hagatau.  
\v 9 Digau Ammon gaa hula gaa noho i di ngudu di abaaba dela e hana gi Rabbah go di nadau waahale damana, gei nia king ala ne loomoi belee hagamaamaa guu hai di nadau lohongo i hongo tenua maalama.   
\p
\v 10 Joab gu gidee ia nia hagabuulinga gau dauwa ala belee heebagi gi ginaadou mai mua mo mai muli. Mee ga hilihili digau dauwa o Israel ala e kaedahi gaa dugu digaula gi di lohongo dela e huli adu gi digau Syria.  
\v 11 Gei mee gaa dugu digau ala ne dubu gi dono duaahina go Abishai gi dagi ina, gei Abishai gaa dugu digaula i di lohongo dela e huli adu gi digau Ammon.  
\v 12 Joab ga helekai gi mee, “Maa goe gu gidee bolo digau Syria ga haga magedaa au, gei goe hanimoi e hagamaamaa mai au; maa digau Ammon ga haga magedaa goe, gei au ga hanadu ga hagamaamaa goe.  
\v 13 Gi maaloo gei gi hagamataane! Gidaadou gi maaloo e heebagi i tadau daangada mo nia waahale o tadau God. Di hiihai o Dimaadua gii gila i tadau baahi.”   
\p
\v 14 Joab mo ana gau dauwa ga lloo adu belee heebagi, gei digau Syria gaa hula guu llele gi daha.  
\v 15 Digau Ammon ma gaa mmada gi digau Syria guu llele gi daha, digaula gaa hula gaa llele gi daha mo Abishai, gaa hula gi lodo di waahale deelaa. Gei Joab gaa hana labelaa gi Jerusalem.   
\p
\v 16 Digau Syria gu iloo bolo ginaadou gu haga magedaa go digau Israel. Digaula gaa hula ga laha mai nadau gau dauwa i nia guongo o Syria ala i bahi i dua di monowai Euphrates, gaa dugu digaula gi lala nia mogobuna o Shobach, di tagi digau dauwa o Hadadezer go di king o Zobah.  
\v 17 Di madagoaa David ne longono di mee deenei, gei mee ga haga dagabuli mai di llongo dauwa o Israel, gaa tuu adu laa lodo di monowai Jordan, ga haganoho digaula i di lohongo dela e huli adu gi digau Syria. Tauwa gu daamada,  
\v 18 gei digau Israel gu hagabagi digau dauwa o Syria gi muli. David mo ana gau dauwa gu daaligi nadau daane o Syria e hidu mana (7,000) ala nogo deledele nia waga hongo henua, ge madahaa mana (40,000) gau dauwa ala e taele i lala. Digaula gu daaligi labelaa a Shobach go di tagi dauwa o Syria.  
\v 19 Nia king ala nogo i lala nia mogobuna o Hadadezer ga iloo laa bolo ginaadou gu haga magedaa go digau Israel, gaa hai di nadau dangidangi di noho di aumaalia gi David, gei nomuli digaula guu hai nia daangada ni mee.  
\p Digau Syria gu hagalee loo e hiihai e hagamaamaa digau Ammon labelaa.   
\c 20  
\s1 David guu kumi Rabbah  
\r (2-Samuel 12.26-31)  
\p
\v 1 Di madagoaa i lodo di ngadau dela guu lawa di madagoaa magalillili, dela di madagoaa o nia king koia e hai nadau dauwa. Joab gaa dagi ana gau dauwa ga heebagi gi tenua go Ammon. Di King David e noho hua i Jerusalem. Digaula gu duuli di waahale go Rabbah, gu heebagi ginai, gu oho di maa.\x * \xo 20.1 \xt 2-Samuel 11.1\x*  
\v 2 Molech, di ada balu god ni digau Ammon e hai dono hau ne hai gi nia goolo dono daamaha la nia pauna e madahidu maa lima (75) dela dono hadu hagalabagau i no lodo. David gaa kae di hadu deelaa, gaa wanga gi lodo dono hau. Gei mee guu kae labelaa nia goloo e logowaahee ala ne kumi i di waahale deelaa.  
\v 3 Mee guu lahi digau di waahale deelaa, guu hai digaula gi ngalua gi nia towaa, nia goloo hai hadagee mo nia dalai. Mee guu hai go di hai la hua gi nia daangada o nia waahale huogodoo ala i golo o Ammon. Nomuli, gei mee mo ana gau dauwa gu loomoi gi muli gi Jerusalem.   
\s1 Nia heebagi gi nia daane llauehe o Philistia  
\r (2-Samuel 21.15-22)  
\p
\v 4 Nomuli mai, gei tauwa guu hai labelaa gi digau Philistia i Gezer. Deenei ne hai i di madagoaa Sibbecai tangada mai Hushah ne daaligi taane damanaiee go Sippai, gei digau Philistia gu magedaa.   
\p
\v 5 Tuai dauwa guu hai labelaa gi digau Philistia, ge Elhanan tama daane a Jair ne daaligi Lahmi, tuaahina daane o Goliath tangada mai Gath, taalo a maa koia e maadolu be di laagau o di waga llanga mala.\x * \xo 20.5 \xt 1-Samuel 17.4-7\x*   
\p
\v 6 Tauwa labelaa ne hai i Gath, ge tangada damanaiee ono madalima dagi ono i ono babaalima e lua, ge dagi ono madaawae i nia babaawae e lua. Mee tangada di hagadili o digau llauehe ala namua.  
\v 7 Mee gu haganneennee digau Israel, gei Jonathan, tama daane ni tuaahina daane o David go Shammah, ne daaligi a mee.   
\p
\v 8 Digau dogodolu aanei ne daaligi go David mo ana daane dauwa, la nia hagadili o nia daane llauehe ala i Gath.   
\c 21  
\s1 David e dau digau o dono henua  
\r (2-Samuel 24.1-25)  
\p
\v 1 Setan e hiihai e wanga di haingadaa gi digau Israel, gaa hai David gi maanadu bolo e dau nia daangada tenua.  
\v 2 David gaa hai ana hagailoo gi Joab mo digau aamua, “Goodou hula laa lodo Israel, daamada mai di mada o tenua gaa hana gi di mada dela i golo, gaa dau nia daangada. Au e hiihai gi iloo be e dogohia.”   
\p
\v 3 Joab ga helekai, “Dimaadua gi heia nia daangada Israel gi dogologo gi nonua i digaula dangi nei. Meenei di king, digaula huogodoo nia gau hai hegau ni aau. Goe e hai di mee deenei eimaha dela gaa hai tenua hagatau gii hala?”   
\p
\v 4 Di king gaa hai Joab gi hagalongo gi di hagailoo. Joab gaa hana laa lodo tenua hagatau o Israel, ga nomuli ga hanimoi gi Jerusalem.  
\v 5 Mee ga haga iloo gi di King David togologo o nia daane ala e mee di hai digau dauwa: e 1,100,000 i lodo Israel, ge 470,000 i lodo Judah.  
\v 6 Idimaa Joab e dee donu gi nia mee a di king ala bolo gi heia, mee digi hihia di madawaawa Levi mo Benjamin.   
\p
\v 7 God hagalee loo e baba gi di mee dela ne hai, gei Mee ga hagaduadua digau Israel.   
\p
\v 8 David ga helekai gi Dimaadua, “Au guu hai dagu mee hala damanaiee, i di mee deenei ne hai. Meenei, hudee heheia mua, dumaalia mai gi di au, au guu hai be tangada boiboi.”   
\p
\v 9 Dimaadua ga helekai gi Gad, soukohp ni David,  
\v 10 “Hana, helekai gi David bolo au e dugu anga gi deia nia mee e dolu e hilihili dana mee e dahi. Au gaa hai di mee a mee dela ma ga hilihili.”   
\p
\v 11 Gad gaa hana gi David, ga hagi anga gi mee nia helekai a Dimaadua, ga heeu, “Malaa, dehee dau mee ga hilihili i nia mee aanei:  
\v 12 Nia ngadau e dolu e hai tau magamaga? Be nia malama e dolu e lellele iei goe gi daha mo digau dauwa o hagadaumee? Be nia laangi e heebagi Dimaadua adu gi di goe gi dana hulumanu dauwa ga hagau ia dana daumagi heehee gi hongo do henua, i dana hagau ia ana gau di langi e gaamai di made gi digau Israel? Dehee di helekai dela gaa hai ko au gi Dimaadua?”   
\p
\v 13 David ga helekai gi Gad, “Au guu noho i lodo dogu haingadaa! Gei au hagalee hiihai e hagaduadua go nia daangada. Go Dimaadua la hua gi hagaduadua au, idimaa go Mee e honu tumaalia.”   
\p
\v 14 Dimaadua ga hagau dana daumagi gi digau Israel, nia daangada e madahidu mana (70,000) ne mmade.  
\v 15 Gei Mee ga hagau dana dangada di langi belee oho Jerusalem, gei Mee gaa huli dana maanadu, ga helekai gi tangada di langi, “Dugua hua! Gu dohu hua!” Gei tangada di langi guu duu i golo i baahi di gowaa haga madammaa ‘wheat’ a Araunah, tangada o Jebus.   
\p
\v 16 David gaa mmada gi tangada di langi e duu e tanga i hongo tenua, e daahi dana hulumanu dauwa i lodo dono lima, gu haga togomaalia e oho Jerusalem. Gei David mo nia dagi o tenua huogodoo, ala gu ulu huogodoo gi nadau gahu o di lodo huaidu, gu pala loo gi lala, nadau hadumada guu tale gi di gelegele.   
\p
\v 17 David ga dalodalo, “Meenei Dimaadua, ma ko au go tangada dela ne hai di hala. Ma ko au go tangada dela ne hai bolo e dau tenua. Ma di aha dela ne hai go nia daangada aanei nadau ihala ai? Meenei Dimaadua, dogu God, hagaduadua ina au mo dogu madahaanau, dugua digau aanei.”   
\p
\v 18 Tangada di langi o Dimaadua ga helekai gi Gad gi haga iloo gi David gii hana, hauhia dana gowaa dudu tigidaumaha ang gi Dimaadua i di gowaa haga madammaa ‘wheat’ a Araunah.  
\v 19 David gu hagalongo gi di haga iloo a Dimaadua, guu hana guu hai gii hai be telekai a Gad.   
\p
\v 20 Araunah mo ana dama daane dogohaa nogo haga madammaa nadau huwa ‘wheat’ i di gowaa hagamadammaa huwa laagau. Di nadau madagoaa ne mmada gi tangada di langi, digaula gu lellele guu pala hagammuni.  
\v 21 Di madagoaa hua a Araunah gaa mmada gi di King David e hanimoi, mee ga hanimoi gi daha mo di gowaa hagamadammaa huwa laagau ga bala gi lala loo, ono hadumada guu tale gi di gelegele.  
\v 22 David ga helekai gi mee, “Huia mai dau gowaa haga madammaa ‘wheat’, e hau di gowaa dudu tigidaumaha ang gi Dimaadua, gii dugu taumagi. Au e gowadu gi di goe di hui di maa hagatau.”   
\p
\v 23 Araunah ga helekai, “Meenei di gowaa aamua, kae ina di gowaa, heia au mee ala e hiihai e hai. Aanei nia kau e hai tigidaumaha i hongo di gowaa dudu tigidaumaha, mo aanei nia goloo hai hegau ai nia kau, mono laubaba e hagamadammaa ‘wheat’ e hai au dohomu. Au e gowadu nia maa huogodoo gi di goe.”   
\p
\v 24 Di King David ga helekai, “Deeai, au e hui adu gi di goe di hui o nia maa huogodoo. Au hagalee hai dagu tigidaumaha gi Dimaadua i au mee donu, nia mee ala digi huia ko au.”  
\v 25 Gei mee gaa hui gi Araunah nia teenedi goolo e ono lau dela di hui di gowaa haga madammaa ‘wheat’.  
\v 26 Mee ga haga duu dana gowaa dudu tigidaumaha ang gi Dimaadua, gaa hai ana tigidaumaha dudu mo nia tigidaumaha hagadaubuni. Mee gaa hai ana dalodalo, gei Dimaadua guu hila gi nia dangidangi a maa, e hagau ia dana ahi i di langi e dudu tigidaumaha dela i hongo di gowaa dudu tigidaumaha.   
\p
\v 27 Dimaadua ga helekai gi tangada di langi gi dugua gi lala dana hulumanu dauwa, tangada di langi gu hagalongo guu hai.  
\v 28 David gu gidee gu iloo ia i nia mee aanei ne hai bolo Dimaadua gu hila anga gi dana dalodalo. Mee guu hai ana tigidaumaha labelaa i hongo di gowaa dudu tigidaumaha i di gowaa haga madammaa ‘wheat’ a Araunah.  
\v 29 Di Hale Laa e noho ai Dimaadua dela ne hau go Moses i lodo di anggowaa, mo di gowaa dudu tigidaumaha dela e dutudu nia tigidaumaha nonua la nogo i di gowaa hai daumaha i Gibeon i di madagoaa deelaa.  
\v 30 David la gu deemee dana hana gi golo e daumaha gi Dimaadua, idimaa, mee gu madagu i tulumanu dauwa tangada di langi o Dimaadua.   
\c 22  
\p
\v 1 David ga helekai, “Deenei di gowaa e haga duu di hale o Yihowah-God\f + \fr 22.1 \ft Di ingoo o God deenei le e hai dono hadinga bolo “Yihowah di God dela e noho i baahi ana daangada”\f*. Deenei di gowaa dudu tigidaumaha e hai ai nia tigidaumaha dutudu o digau Israel.”   
\s1 Haga togomaalia e hau di Hale Daumaha  
\p
\v 2 King David gaa hai dana haga iloo damana gi nia daangada mai i daha huogodoo ala e noho i lodo tenua go Israel gi dagabuli, mee ga hagauda gi digaula nadau moomee e hai. Hunu daane daadaa hadu e haga togomaalia nia hadugalaa e hau di Hale Daumaha.  
\v 3 Mee gu haga togomaalia ana baalanga e logo e hai nia baalanga dogi mee mo nia mee daahi mee ang gi nia bontai laagau o di abaaba, mo nia baalanga mmee e logowaahee hagalee tangada e mee di pauna nia maa ai.  
\v 4 Mee guu hai nia daangada o Tyre mo Sidon gi gaamai nia gunga laagau ‘cedar’ e logowaahee.  
\v 5 David gu maanadu boloo, “Di Hale Daumaha dela belee hau go dagu dama daane go Solomon la belee hai loo gi madamada gei gii dele ono longo i henuailala. Mee dela hua e dama daane digi hai dana mee beenei i mua, deelaa laa au e hai gi haga togomaalia agu mee gi di maa.” Malaa, David gu hagabudu ana goloo hau hale e logowaahee gu togomaalia i mua dono made.   
\p
\v 6 Mee gu gahi mai dana dama daane go Solomon, gaa hai gi mee gi hauhia di Hale Daumaha ang gi Dimaadua go di God o Israel.  
\v 7 David ga helekai, “Dagu dama daane nei, au e hiihai e hau di Hale Daumaha e hagalaamua ai di ingoo Dimaadua go dogu God.  
\v 8 Gei Dimaadua gu hagi mai gi di au bolo au gu daaligi agu hagabae daangada, gu heebagi nia dauwa e logowaahee. Idimaa i nia dodo huogodoo ala ne hagahali ko au, Mee hagalee dumaalia mai gi di au e hau di Hale Daumaha e hagalaamua ai di ingoo o Maa.  
\v 9 Mee gu hai mai gi di au dana hagababa. Mee ne helekai, ‘Goe gaa hai dau dama daane dela gaa dagi i lodo di noho di aumaalia, idimaa, Au ga hagauda gi mee di noho i di aumaalia mai i ono hagadaumee huogodoo. Di ingoo o maa go Solomon\f + \fr 22.9 \ft Di ingoo \+bk Solomon\+bk* e gaamai i di ingoo i nnelekai Hebrew go \+bk Shalom\+bk*, le e hai dono hadinga bolo \+bk noho i di aumaalia\+bk* \f*, idimaa, i lodo dono madagoaa dagi, Au ga hagauda gi Israel di noho i di aumaalia mo di noho baba tenetene.  
\v 10 Mee gaa hau di Hale Daumaha mai gi di Au. Mee gaa hai dagu dama daane, gei Au gaa hai dono damana. Dono hagadili e hagadau gi di lohongo gaa dagi Israel ga hana hua beelaa.’”\x * \xo 22.10 \xt 2-Samuel 7.1-16; 1-Chronicles 17.1-14\x*   
\p
\v 11 David ga duudagi gi muli, ga helekai, “Dagu dama daane, Dimaadua go doo God gi madalia goe dolomeenei. Mee gi haga gila dana hagababa dela ne hai go Mee bolo Ia e hai goe gii gila di hau di Hale Daumaha ang gi Mee.  
\v 12 Gei Dimaadua go doo God gi hagauda adu gi oo lodo di maalama mo nia hagabaubau dau donu gii mee dau dagi Israel gii donu gii hai be ana Haganoho.  
\v 13 Maa goe ga hagalongo gi nia haganoho huogodoo a Dimaadua ne hagauda gi Moses belee kae ang gi digau Israel, gei goe gaa gila i au mee ala ma gaa hai. Goe gi maaloo ge hagamataane. Hudee madagu. Goe daahia hua gi maaloo do hagadagadagagee.\x * \xo 22.13 \xt Joshua 1.6-9\x*  
\v 14 Gei au gu hagamahi gu hagabudu agu goolo hoohoo gaa hai nia dane e 3,400 mo nia silber hoohoo gaa hai nia dane e 34,000 ala belee hai hegau e hau di Hale Dimaadua. I daha mo nia mee aanei, nia baalanga mmee mo nia baalanga e logowaahee labelaa i golo e deemee di dau. Au gu haga togomaalia agu laagau mo nia hadu, gei goe belee halahala labelaa au mee gi nonua.  
\v 15 Goe au gau ngalua le e dogologo i golo. Nia daane daadaa hadu i golo e ngalua i lodo nia gowaa hai hadu, mo nia daane hagatau hadu, mo nia daane hau hale, mo nia daane dogologo ala gu iloo di hai nia moomee  
\v 16 i nia goolo, silber, baalanga mmee, mo nia baalanga. Dolomeenei daamada ina di moomee. Dimaadua la gi madalia goe.”   
\p
\v 17 David guu hai dana haga iloo damana gi nia dagi o Israel huogodoo gi hagamaamaa ina Solomon.  
\v 18 Mee ga helekai, “Dimaadua go di godou God nogo madalia goodou, gu hagauda adu gi goodou di noho tenetene i di aumaalia i nia gowaa huogodoo. Mee guu hai au gi maaloo gaa kumi nia daangada huogodoo ala nogo noho i hongo tenua deenei. Dolomeenei, digaula guu hai nia daangada ni goodou, guu hai labelaa nia daangada ni Dimaadua.  
\v 19 Dolomeenei, goodou ga hai hegau, hagalabagau ina Dimaadua go di godou God, i lodo godou manawa mo goodou hagataalunga gi hagaodi anga. Daamada gaa hau di Hale Daumaha o Yihowah-God, gii mee ai di godou dugu Tebedebe o di Hagababa Dimaadua gi lodo di Hale Daumaha mo nia goloo huogodoo hagamadagu ala i golo ala e hai hegau ai i lodo nia hai daumaha gi Mee.”   
\c 23  
\p
\v 1 Di madagoaa David ne dau gi dono madumadua, mee gu hagamenege aga dana dama daane go Solomon guu hai di king o Israel.\x * \xo 23.1 \xt 1-Kings 1.1-40\x*   
\s1 Nia moomee digau Levi  
\p
\v 2 Di King David gu haga dagabuli nia dagi huogodoo o digau Israel gi di gowaa e dahi, mo digau hai mee dabu, mo digau Levi huogodoo.  
\v 3 Mee guu hai dana hihi nia daangada, e hihi di hulu daane huogodoo o Levi ala guu tugi nia ngadau e motolu be nonua. Di hulu damana huogodoo e motolu maa walu mana (38,000).  
\v 4 Di king gu haga ingoo nia daane e madalua maa haa mana (24,000) e hai nia moomee o di Hale Daumaha, mo nia daane e ono mana (6,000) e madamada humalia di hagailongo nia mee gi lodo nia beebaa mo e haga donu nia lagalagamaaloo hai baahi gii donu,  
\v 5 mo nia daane e haa mana (4,000) e hai nadau moomee hagaloloohi nia bontai di abaaba di Hale Daumaha, mo nia daane e haa mana (4,000) di nadau moomee e hai nadau daahili e hagaamu Dimaadua, digaula e hai nadau daahili gi nia mee hai daahili ala ne haga togomaalia go di king ang gi di moomee.   
\p
\v 6 David guu wwae nia daangada o Levi guu hai nia hagabuulinga e dolu, e hagatau gi nia hagadili o nadau madahaanau llauehe go Gershon, Kohath, mo Merari.   
\p
\v 7 Gershon ana dama daane dogolua go Ladan mo Shimei.  
\v 8 Ladan guu hai ana dama daane dogodolu go Jehiel, Zetham, mo Joel.  
\v 9 Digaula ala go nia dagi o nia madahaanau llauehe ne hagadili mai Ladan. (Shimei guu hai ana dama daane dogodolu go Shelomoth, Haziel, mo Haran).  
\v 10-11 Shimei guu hai ana dama daane dogohaa go Jahath, Zina, Jeush, mo Beriah, e hagatau ia di mmaadua. Jeush mo Beriah digi hai nau hagadili e logo, malaa, meemaa e dau be di madahaanau damana e dahi.   
\p
\v 12 Kohath guu hai ana dama daane dogohaa go Amram, Izhar, Hebron, mo Uzziel.  
\v 13 Tama daane madua a maa go Amram go tamana o Aaron mo Moses. (Aaron mo ono hagadili gu dugu gee e madamada humalia nia hegau hagamadagu ga hana hua beelaa. Digaula e dudu nia ‘incense’ i di madagoaa e hai taumaha ang gi Dimaadua, e hai nia hegau a Maa, e hagalaamua nia daangada i di ingoo o Maa.\x * \xo 23.13 \xt Exodus 28.1\x*  
\v 14 Nia dama daane Moses, taane ni God, e dau gi di baahi o di madawaawa Levi.)  
\v 15 Moses guu hai ana dama daane dogolua go Gershom mo Eliezer.  
\v 16 Shebuel go tama madua di madahaanau o Gershom.  
\v 17 Eliezer ne hai dana dama daane e dahi go Rehabiah, gei Rehabiah ono hagadili e dogologo.   
\p
\v 18 Togo lua dama daane a Kohath go Izhar, guu hai dana dama daane go Shelomith, tagi o di madahaanau damana.  
\v 19 Togo dolu dama daane a Kohath go Hebron, guu hai ana dama daane dogohaa go Jeriah, Amariah, Jahaziel, mo Jekameam.  
\v 20 Togo haa dama daane a Kohath go Uzziel, guu hai ana dama daane dogolua go Micah mo Isshiah.   
\p
\v 21 Merari guu hai ana dama daane dogolua go Mahli mo Mushi. Mahli guu hai ana dama daane dogolua go Eleazar mo Kish,  
\v 22 gei Eleazar gaa made digi hagadili ana dama daane, nia dama ahina la hua. Nia dama ahina a maa guu hai nadau lodo gi nia dama daane o tuaahina daane o di nadau damana, nia dama daane a Kish.  
\v 23 Togo lua dama daane a Merari go Mushi guu hai ana dama daane dogodolu go Mahli, Eder, mo Jeremoth.   
\p
\v 24 Aanei nia hagadili o Levi mai nia madahaanau llauehe mo nia madahaanau lligi. Tangada nei mo tangada nei e hihi dono ingoo gi lodo di beebaa. Tei i ono hagadili e madalua be nonua nadau ngadau, guu hai dono waawa hegau i di moomee o di Hale Dimaadua.   
\p
\v 25 David ga helekai, “Dimaadua go di God o Israel, gu hagauda di noho di aumaalia gi ana daangada, gei Mee gaa noho i Jerusalem ga hana hua beelaa.  
\v 26 Malaa, digau Levi guu lawa di nadau moomee di dagidagi di Hale Laa e noho Dimaadua no lodo mo nia goloo hagamadagu huogodoo ala nogo hai nia hegau di madagoaa e daumaha.”\x * \xo 23.26 \xt Deuteronomy 10.8\x*  
\v 27 Aanei nia helekai hagamuliagina a David, “Digau Levi huogodoo ala guu tugi nia ngadau e madalua e hai gi hihi nadau ingoo ang gi nia moomee.”   
\p
\v 28 Digaula guu duwwe gi nia moomee aanei: E hagamaamaa digau hai mee dabu ala mai di hagadili o Aaron i nia daumaha o di Hale Daumaha, ge e madamada humalia di malaelae dela i lodo di abaaba mo nia ruum, ge e mmada gi nia goloo hagamadagu huogodoo gi de dogolia,  
\v 29 ge e madamada humalia nia palaawaa hai tigidaumaha, mo nia palaawaa mada ala e hai hegau nia tigidaumaha, mo nia palaawaa lahilahi ala ono ‘yeast’ ai, mo nia tigidaumaha ala e daa, mo nia palaawaa e unugi gi nia lolo olib, ge e pauna mo di hagatau nia tigidaumaha o di Hale Daumaha,  
\v 30 ge e hagaamu mo di hagamadamada Dimaadua nia luada huogodoo mo nia hiahi huogodoo,  
\v 31 mo nia madagoaa nia tigidaumaha ma gaa dudu ang gi Dimaadua i di Laangi Sabad, mo di Budu o di Malama Hoou, mo nia budu ala i golo. Nia haganoho ne hau e hagamodongoohia di hulu dangada Levi dogohia ala e haga ingoo gi di moomee i tolongo e dahi. Digau Levi la gu haga ingoo gi tegau dela e hai daumaha ang gi Dimaadua i nia madagoaa huogodoo.  
\v 32 Digaula guu wanga ginai tegau e madamada humalia di Hale Laa e noho Dimaadua no lodo mo di Hale Daumaha, ge e hagamaamaa nadau duaahina, digau hai mee dabu mai di hagadili o Aaron, i lodo di Hale Daumaha.\x * \xo 23.32 \xt Numbers 3.5-9\x*   
\c 24  
\s1 Nia moomee e haga ingoo gi digau hai mee dabu  
\p
\v 1 Aanei nia hagabuulinga daangada ala e dau gi di hagadili o Aaron. Aaron guu hai ana dama daane dogohaa go Nadab, Abihu, Eleazar, mo Ithamar.  
\v 2 Nadab mo Abihu guu mmade hua i mua gei nadau damana le e mouli, gei nau hagadili ai. Malaa, nia duaahina daane meemaa go Eleazar mo Ithamar guu hai nia daangada hai mee dabu.\x * \xo 24.2 \xt Leviticus 10.1-2\x*  
\v 3 Di King David gu haganoho nia hagadili o Aaron gii hai nia hagabuulinga daangada e hagatau gi nadau moomee. Ang gi di mee deenei, mee ne hagamaamaa go Zadok, mai di hagadili o Eleazar, mo Ahimelech, mai di hagadili o Ithamar.  
\v 4 Nia hagadili o Eleazar gu haganohonoho guu hai nia hagabuulinga daangada e madangaholu maa ono, ge nia hagadili o Ithamar gu haganohonoho guu hai nia hagabuulinga daangada e walu. Di mee deenei la ne hai idimaa nia dagi dogologo e gila mai i di madahaanau o Eleazar, nia dagi e hogoohi mai i di madahaanau o Ithamar.  
\v 5 Ma dela digau hai mee dabu i golo ala e madamada humalia di Hale Daumaha mo nia dagi ala e madamada humalia nia hegau dabu i mehanga nia hagadili o meemaa dogolua go Eleazar mo Ithamar, ga hidi mai di kae o nadau waawa moomee mai di hudihudi e hilihili ai.  
\v 6 Nia hagadili o Eleazar mo Ithamar e hagadau hudihudi belee modongoohia nia waawa o nia hegau. Nomuli tangada hihi o digau Levi go Shemaiah, tama daane a Nethanel, ga hagailongo gi lodo di beebaa. Di king, ana gau ngalua mugi nua, tangada hai mee dabu go Zadok, Ahimelech tama daane a Abiathar, mo nia dagi o nia madahaanau o digau hai mee dabu mo nia mada haanau digau Levi, huogodoo e hai digau hagadootonu.   
\p
\v 7-18 Deenei di hagatau gi lala nia hagabuulinga madahaanau e madalua maa haa ang gi nadau waawa moomee:  
\tr
\tc1 1. 
\tc2 Jehoiarib 
\tr
\tc1 2. 
\tc2 Jedaiah 
\tr
\tc1 3. 
\tc2 Harim 
\tr
\tc1 4. 
\tc2 Seorim 
\tr
\tc1 5. 
\tc2 Malchijah 
\tr
\tc1 6. 
\tc2 Mijamin 
\tr
\tc1 7. 
\tc2 Hakkoz 
\tr
\tc1 8. 
\tc2 Abijah 
\tr
\tc1 9. 
\tc2 Jeshua 
\tr
\tc1 10. 
\tc2 Shecaniah 
\tr
\tc1 11. 
\tc2 Eliashib 
\tr
\tc1 12. 
\tc2 Jakim 
\tr
\tc1 13. 
\tc2 Huppah 
\tr
\tc1 14. 
\tc2 Jeshebeab 
\tr
\tc1 15. 
\tc2 Bilgah 
\tr
\tc1 16. 
\tc2 Immer 
\tr
\tc1 17. 
\tc2 Hezir 
\tr
\tc1 18. 
\tc2 Happizzez 
\tr
\tc1 19. 
\tc2 Pethahiah 
\tr
\tc1 20. 
\tc2 Jehezkel 
\tr
\tc1 21. 
\tc2 Jachin 
\tr
\tc1 22. 
\tc2 Gamul 
\tr
\tc1 23. 
\tc2 Delaiah 
\tr
\tc1 24. 
\tc2 Maaziah  
\b  
\p
\v 19 Nia daane aanei la ne hihi e hagatau ang gi nadau waawa moomee i lodo di Hale Daumaha, e hai labelaa nia waawa moomee ala guu lawa di haganoho go di nadau damana madua go Aaron i di nadau hagagila aga nia helekai Dimaadua go di God o Israel.   
\s1 Di hagatau digau Levi  
\p
\v 20 Aanei nia hoo dagi o nia madahaanau ne hai mai Levi:  
\p Jehdeiah, di hagadili o Amram mai Shebuel,   
\p
\v 21 Isshiah, di hagadili o Rehabiah,   
\p
\v 22 Jahath, di hagadili o Izhar mai Shelomith,   
\p
\v 23 Jeriah, Amariah, Jehaziel, mo Jekameam, go nia dama daane a Hebron, i di hagatau eia i di madua,   
\p
\v 24 Shamir, di hagadili o Uzziel mai Micah,   
\p
\v 25 Zechariah, di hagadili o Uzziel mai Isshiah, tuaahina daane o Micah,   
\p
\v 26 Mahli, Mushi, mo Jaaziah, nia hagadili o Merari.  
\v 27 Jaaziah guu hai ana dama daane dogodolu go Shoham, Zaccur, mo Ibri.  
\v 28-29 Mahli guu hai ana dama daane dogolua go Eleazar mo Kish. Eleazar digi hagadili ana dama daane, gei Kish ne hai dana dama daane e dahi go Jerahmeel.  
\v 30 Mushi guu hai ana dama daane dogodolu go Mahli, Eder, mo Jeremoth.  
\p Aanei nia madahaanau o digau Levi.   
\p
\v 31 Di tagi o di madahaanau mo dono duaahina daane dulii e hai nau hudihudi i nadau waawa moomee, e hai be di hai o nadau gau ala i golo, ala go digau hai mee dabu ne hagadili mai Aaron. King David, Zadok, Ahimelech, mo nia dagi o nia madahaanau o digau hai mee dabu mo nia daangada o Levi e hai digau hagadootonu.   
\c 25  
\s1 Digau hai daahili o di Hale Daumaha  
\p
\v 1 Di king mo nia dagi o nia daangada o Levi gu hilihili nia madahaanau llauehe o digau Levi aanei belee dagi nia hai daumaha: Asaph, Heman, mo Jeduthun. Digaula belee hagadele nia helekai haga iloo mai baahi o Dimaadua, madalia nia hai daahili gi nia ‘harp’ mo nia ‘cymbal’. Aanei nia ingoo o nia daangada ne hilihili belee dagi taumaha, ngaadahi mo nia moomee o nia hagabuulinga dangada ala ma gaa hai:   
\p
\v 2 Nia dama daane dogohaa a Asaph go Zaccur, Joseph, Nethaniah, mo Asharelah. Digaula e dagi go Asaph, dela e hagadele nia helekai haga iloo mai baahi o Dimaadua i di madagoaa di king ma gaa hai bolo gi heia.   
\p
\v 3 Nia dama daane dogoono a Jeduthun go Gedaliah, Zeri, Jeshaiah, Shimei, Hashabiah, mo Mattithiah. Digaula e ngalua i lala nia helekai di nadau damana e hagadele gi hongo tenua nia helekai haga iloo mai baahi Dimaadua, ngaadahi mo di daahili i nadau ‘harp’, mo di daahili hagaamu mo di mee bolo mee ang gi Dimaadua.   
\p
\v 4 Nia dama daane dilongoholu maa haa a Heman go Bukkiah, Mattaniah, Uzziel, Shebuel, Jerimoth, Hananiah, Hanani, Eliathah, Giddalti, Romamti-Ezer, Joshbekashah, Mallothi, Hothir, mo Mahazioth.  
\v 5 Dimaadua gu hagauda gi Heman, soukohp ni di king, nia dama daane dilongoholu maa haa aanei ge dogodolu dama ahina, be dana hagababa ne hai, bolo gii mee di kae di mogobuna go Heman.  
\v 6 Nia dama daane huogodoo a maa e hai nadau daahili gi nia ‘cymbal’ mo nia ‘harp’ i lala nia helekai o di nadau damana, e hai dalia nnegau nia daumaha ma gaa hai i lodo di Hale Daumaha. Gei Asaph, Jeduthun, mo Heman le e hai nia mee a di king ala bolo gi heia.   
\p
\v 7 Nia daane e madalua maa haa aanei huogodoo la digau e dau di hai moomee. Nadau ihoo gau Levi guu kuulu gi di hai daahili gi nia mee hai daahili. Digaula nia daane e 288 huogodoo.   
\p
\v 8 Digaula huogodoo e hai di hudihudi belee modongoohia nia waawa o nia hegau, de hilihili be digaula e dama daane be gu mmaadua, e dau di hai moomee be e dee dohu.   
\p
\v 9-31 Nia daane aanei e 288 guu duwwe guu hai nia madahaanau e madalua maa haa. Di hagabuulinga dangada e dahi dilongoholu maa lua daangada, mo di tagi e dahi e madamada humalia di hagabuulinga e dahi. Deenei di hagatau gi lala o nadau hai o nadau waawa moomee:  
\tr
\tc1 1. 
\tc2 Joseph tangada di madahaanau o Asaph 
\tr
\tc1 2. 
\tc2 Gedaliah 
\tr
\tc1 3. 
\tc2 Zaccur 
\tr
\tc1 4. 
\tc2 Zeri 
\tr
\tc1 5. 
\tc2 Nethaniah 
\tr
\tc1 6. 
\tc2 Bukkiah 
\tr
\tc1 7. 
\tc2 Asharelah 
\tr
\tc1 8. 
\tc2 Jeshaiah 
\tr
\tc1 9. 
\tc2 Mattaniah 
\tr
\tc1 10. 
\tc2 Shimei 
\tr
\tc1 11. 
\tc2 Uzziel 
\tr
\tc1 12. 
\tc2 Hashabiah 
\tr
\tc1 13. 
\tc2 Shebuel 
\tr
\tc1 14. 
\tc2 Mattithiah 
\tr
\tc1 15. 
\tc2 Jerimoth 
\tr
\tc1 16. 
\tc2 Hananiah 
\tr
\tc1 17. 
\tc2 Joshbekashah 
\tr
\tc1 18. 
\tc2 Hanani 
\tr
\tc1 19. 
\tc2 Mallothi 
\tr
\tc1 20. 
\tc2 Eliathah 
\tr
\tc1 21. 
\tc2 Hothir 
\tr
\tc1 22. 
\tc2 Giddalti 
\tr
\tc1 23. 
\tc2 Mahazioth 
\tr
\tc1 24. 
\tc2 Romamti-Ezer.   
\c 26  
\s1 Digau hagaloohi di Hale Daumaha  
\p
\v 1 Aanei di hagatau waawa moomee o digau Levi e hai hegau be digau hagaloohi di Hale Daumaha. Mai i lodo di madahaanau damana o Korah go Meshelemiah, tama daane a Kore, mai di madahaanau o Asaph.  
\v 2 Mee guu hai ana dama daane dogohidu, e hihi nadau ingoo e hagatau eia i di mmaadua: go Zechariah, Jediael, Zebadiah, Jathniel,  
\v 3 Elam, Jehohanan, mo Eliehoenai.   
\p
\v 4 Taane labelaa go Obed-Edom dela ne hai ginai di humalia a Dimaadua, ne wanga ana dama daane dogowalu gi mee, e hihi hagatau eia i di mmaadua: go Shemaiah, Jehozabad, Joah, Sachar, Nethanel,  
\v 5 Ammiel, Issachar, mo Peullethai.\x * \xo 26.5 \xt 2-Samuel 6.11; 1-Chronicles 13.14\x*   
\p
\v 6-7 Tama daane madua a Obed-Edom go Shemaiah, guu hai ana dama daane dogoono: go Othni, Rephael, Obed, Elzabad, Elihu, mo Semachiah. Digaula nia daane hagalabagau i lodo di nadau madahaanau damana, idimaa digaula e dau i di hai moomee. Meemaa dogolua ala lligi la koia e dau.   
\p
\v 8 Di madahaanau o Obed-Edom gu dahi aga dana hulu daane e modoono maa lua e iloo di hai di moomee deenei.   
\p
\v 9 Di madahaanau o Meshelemiah gu dahi aga ana daane e dilongoholu maa walu ala e iloo di ngalua.   
\p
\v 10 Mai i lodo di madahaanau damana o Merari, taane i golo go Hosah, ne hai ana dama daane dogohaa: go Shimri (tamana o maa ne dugu a mee gi di tagi, gei mee hagalee go tama madua),  
\v 11 Hilkiah, Tebaliah, mo Zechariah. Digau o di madahaanau o Hosah dilongoholu maa dolu ala digau hagaloohi di Hale Daumaha.   
\p
\v 12 Digau hagaloohi di Hale Daumaha guu wwae i hagabuulinga, e hagatau ang gi nia madahaanau. Digaula gu haga ingoo gi nia moomee ala i lodo di Hale Daumaha, e hai hua be nia moomee digau Levi ala i golo.  
\v 13 Di madahaanau e dahi, hagalee hilihili be dogologo behee e hai nia hudihudi gi gila mai be di bontai dehee dela e hagaloohi go di hagabuulinga.  
\v 14 Shelemiah ne hudi di bontai bahi i dua, gei dana dama daane Zechariah, taane koia e dahi aga ana maanadu humalia, ne hudi di bontai bahi i ngeia.  
\v 15 Obed-Edom guu wanga ginai di bontai bahi i ngaaga, nia dama daane a maa guu wanga e hagaloohi nia hale dugu goloo.  
\v 16 Shuppim mo Hosah guu wanga ginai di bontai bahi i dai mo di bontai Shallecheth i di ala baahi i nua. Nia moomee hagaloohi gu duwweduwwe gi lodo nia madagoaa o tangada nei mo dono madagoaa e hagadau.  
\v 17 Baahi gi dua, digau hagaloohi dogoono e ngalua di laangi e dahi, baahi gi ngeia dogohaa, baahi gi ngaaga dogohaa. Digau hagaloohi dogohaa e ngalua i nia hale dugu goloo i nia laangi huogodoo, dogolua di hale dugu goloo e dahi.  
\v 18 Hoohoo gi di hale mai dai, digau hagaloohi dogohaa e hagaloohi i taalinga di ala, ge dogolua e hagaloohi i lodo di hale mai dai.  
\v 19 Deenei di hagatau o di moomee hagaloohi ang gi di madahaanau damana o Korah mo di madahaanau damana o Merari.   
\s1 Nia waawa hegau daumaha ala i golo  
\p
\v 20 Nadau ihoo digau Levi e madamada humalia nia hale e benebene nia goloo hagamadagu o di Hale Daumaha mo nia hale dugu goloo ala iai nia kisakis gu hagadabu gi Dimaadua.  
\v 21 Ladan, tangada i nia dama daane a Gershon, tamana madua o nia hagabuulinga madahaanau, hagapuni gi di madahaanau o dana dama daane go Jehiel.  
\v 22 Nia dama daane dogolua a Ladan i golo go Zetham mo Joel, guu kae nau waawa e madamada humalia di hale e benebene nia goloo hagamadagu o di Hale Daumaha mo nia hale dugu goloo.   
\p
\v 23 Nia waawa moomee gu haga ingoo labelaa gi nia hagadili o Amram, Izhar, Hebron, mo Uzziel.   
\p
\v 24 Shebuel tama daane ni di madahaanau damana o tama daane Moses go Gershom, go mee togo dahi dagi e madamada humalia nia goloo hagamadagu o di Hale Daumaha.  
\v 25 Mai tuaahina daane o Gershom go Eliezer mee e hai dangada gi Shelomith. Eliezer tamana o Rehabiah, Rehabiah tamana o Jeshiah, Jeshiah tamana o Joram, Joram tamana o Zichri, Zichri tamana o Shelomith.  
\v 26 Shelomith mo nia gau o dono madahaanau le e madamada humalia nia kisakis huogodoo ala gu hagadabu ang gi Dimaadua go di King David, nia dagi o nia madahaanau, nia dagi o nia hagabuulinga madahaanau llauehe, mo digau aamua o digau dauwa.  
\v 27 Digaula guu kae nadau goloo ne kumi i lodo tauwa, gu hagadabu nia maa e hai hegau i lodo di Hale Daumaha.  
\v 28 Shelomith mo dono madahaanau le e madamada humalia nia mee huogodoo ala gu hagadabu e hai hegau i lodo di Hale Daumaha, ngaadahi mo nia kisakis ala ne gaamai go soukohp go Samuel, go di King Saul, go Abner tama daane a Ner, mo Joab tama daane a Zeruiah.   
\s1 Nia waawa hegau digau Levi ala i golo  
\p
\v 29 I mehanga nia hagadili o Izhar go Chenaniah mo ana dama daane guu wanga ginai nia waawa hegau muginua o di oobidi e hihi nia mee gi lodo nia beebaa, nia mee ala ne hai, mo e hagalawa nia hai baahi i nia donu o nia daangada Israel.   
\p
\v 30 I mehanga nia hagadili o Hebron go Hashabiah mo ono gau e mana maa hidu lau (1,700), huogodoo nia daane e dau, digaula guu wanga di waawa e madamada humalia nia hegau oobidi o nia baahi gi nia daumaha mo nnegau o tenua go Israel i bahi i dai di Monowai Jordan.  
\v 31 Jeriah dela go di tagi o di hagadili o Hebron. I lodo di madahaa ngadau nogo king ai David, di hagadina guu hai ang gi di hagatau madahaanau o nia hagadili o Hebron, mo digau dauwa e dau ala i lodo di madahaanau deenei guu kida e noho i Jazer i lodo tenua go Gilead.  
\v 32 King David gu hilihili ana dagi madahaanau e dau e lua mana maa hidu lau (2,700) mai nia gau o Jeriah guu wanga nadau waawa e madamada humalia nia hanga ngalungalua o nia nohongo dabu huogodoo mo nia hanga ngalungalua o nia oobidi i lodo Israel i bahi i dua di Monowai Jordan, nia henua llauehe o Reuben, Gad, mo Manasseh Bahi i Dua.   
\c 27  
\s1 Nia haganohonoho digau dauwa mo digau oobidi  
\p
\v 1 Aanei nia ingoo o nia dagi madahaanau, mo nia dagi madahaanau llauehe mo nadau gau aamua ala e dagi nia moomee o tenua. Di malama e dahi o di ngadau, di hagabuulinga e dahi ono daane e madalua maa haa mana (24,000) e hai nadau moomee i lala di tagi dauwa o di malama deelaa.   
\p
\v 2-15 Aanei i lala nia ingoo nia dagi ang gi di malama e dahi:  
\li1 Tahi malama: Jashobeam, tama daane a Zabdiel (mee tangada di madahaanau damana o Perez, di baahi ni di madawaawa Judah).  
\li1 Di lua malama: Dodai, tangada di hagadili o Ahohi (Mikloth go dono dogolua dagi).  
\li1 Tolu malama: Benaiah, tama daane a Jehoiada, tangada hai mee dabu. Mee go di tagi “Digau Motolu” (dana dama daane go Ammizabad ne pono dono lohongo gaa hai di tagi o di hagabuulinga deenei).  
\li1 Di haa malama: Asahel, tuaahina daane o Joab (dana dama daane go Zebadiah ne pono di lohongo o maa).  
\li1 Di lima malama: Shamhuth, tangada di hagadili o Izhar.  
\li1 Di ono malama: Ira, tama daane a Ikkesh, tangada mai Tekoa.  
\li1 Di hidu malama: Helez, tangada Ephraim mai Pelon.  
\li1 Di walu malama: Sibbecai, tangada mai Hushah (mee tangada di madahaanau damana o Zerah, di baahi ni di madawaawa Judah).  
\li1 Di hiwa malama: Abiezer, tangada mai Anathoth i lodo tenua o di madawaawa Benjamin.  
\li1 Di madangaholu malama: Maharai, tangada mai Netophah (mee tangada di madahaanau damana o Zerah).  
\li1 Di madangaholu maa dahi malama: Benaiah, tangada mai Pirathon i lodo tenua o di madawaawa Ephraim.  
\li1 Di madangaholu maa lua malama: Heldai, tangada mai Netophah (mee tangada di hagadili o Othniel)   
\s1 Digau e dagi nia madawaawa Israel  
\p
\v 16-22 Aanei nia ingoo o digau ala e dagi nia madawaawa Israel:  
\tr
\th1 Di madawaawa 
\th2 Tangada e dagi 
\tr
\tc1 Reuben 
\tc2 Eliezer, tama daane a Zichri 
\tr
\tc1 Simeon 
\tc2 Shephatiah, tama daane a Maacah 
\tr
\tc1 Levi 
\tc2 Hashabiah, tama daane a Kemuel 
\tr
\tc1 Aaron 
\tc2 Zadok 
\tr
\tc1 Judah 
\tc2 Elihu, tangada i nia duaahina daane o di King David 
\tr
\tc1 Issachar 
\tc2 Omri, tama daane a Michael 
\tr
\tc1 Zebulun 
\tc2 Ishmaiah, tama daane o Obadiah 
\tr
\tc1 Naphtali 
\tc2 Jeremoth, tama daane a Azriel 
\tr
\tc1 Ephraim 
\tc2 Hoshea, tama daane a Azaziah 
\tr
\tc1 Bahi i dai Manasseh 
\tc2 Joel tama daane a Pedaiah 
\tr
\tc1 Bahi i dua Manasseh 
\tc2 Iddo, tama daane a Zechariah 
\tr
\tc1 Benjamin 
\tc2 Jaasiel, tama daane a Abner 
\tr
\tc1 Dan 
\tc2 Azarel, tama daane a Jeroham.  
\b  
\p
\v 23 Di King David digi hihi nia daangada i baahi i lala nia ngadau e madalua, idimaa di hagababa o Dimaadua bolo ia gaa hai nia daangada Israel gi dogologowaahee gadoo be nia heduu ala i di langi.\x * \xo 27.23 \xt Genesis 15.5; 22.17; 26.4\x*  
\v 24 Joab, dela dono dinana go Zeruiah, gu daamada dana hihi tenua, malaa mee digi hagalawa ina dana hihi tenua. Dimaadua gu hagaduadua digau Israel, idimaa mai i di hihi tenua deenei. Malaa di hulu damana la digi hihi gi lodo nia beebaa oobidi King David.\x * \xo 27.24 \xt 2-Samuel 24.1-15; 1-Chronicles 21.1-14\x*   
\s1 Digau benebene nia goloo king  
\p
\v 25-31 Aanei nia ingoo digau benebene nia goloo king:  
\li1 Nia hale dugu goloo di king: Azmaveth, tama daane a Adiel  
\li1 Nia hale dugu goloo tenua: Jonathan, tama daane a Uzziah  
\li1 Di moomee hadagee: Ezri, tama daane a Chelub  
\li1 Nia hadagee waini: Shimei, tangada mai Ramah  
\li1 Nia ruum dugu waini: Zabdi, tangada mai Shepham  
\li1 Nia laagau olib mo nia laagau ‘sycamore’ (e tomo i baahi gi dai i tono nia gonduu): Baal-Hanan, tangada mai Geder  
\li1 Nia hale dugu lolo olib: Joash  
\li1 Nia kau i lodo di gowaa mehanga gonduu o Sharon: Shitrai, tangada mai Sharon  
\li1 Nia kau i lodo nia gowaa i mehanga gonduu: Shaphat, tama daane a Adlai  
\li1 Nia manu ‘camel’: Obil, tangada digau Ishmael  
\li1 Nia manu ‘donkey’: Jehdeiah, tangada mai Meronoth  
\li1 Nia siibi mo nia kuudi: Jaziz, tangada digau Hagri.   
\s1 Digau hagamaamaa a David  
\p
\v 32 Jonathan, tuaahina daane ni tamana di King David, tangada e dau e hagamaamaa di hai nia maanadu ge kabemee. Meemaa mo Jehiel, tama daane a Hachmoni ala di nau waawa moomee e kuulu nia dama daane di king.  
\v 33 Ahitophel tangada hagamaamaa nia maanadu di king, gei Hushai tangada Archite go mee di hoo hagatenetene di king gei tangada hagamaamaa baahi gi nia haganoho.  
\v 34 I muli di made o Ahitophel\x * \xo 27.34 \xt 2-Samuel 17.23\x*, Abiathar mo Jehoiada, tama daane a Benaiah, guu hai nia daangada hagamaamaa di king. Joab la go di tagi dauwa o digau dauwa di king.   
\c 28  
\s1 Nia hagailoo David di hai o di Hale Daumaha  
\p
\v 1 Di King David gaa hai dana haga iloo gi digau aamua huogodoo o Israel gi dagabuli gi Jerusalem. Deelaa laa digau aamua o nia madawaawa, digau aamua ala e madamada humalia nia moomee tenua, nia dagi o nia madahaanau llauehe, nia dagi e madamada humalia nia goloo mo nia manu di king mo ana dama daane, mo digau aamua huogodoo ala i lodo di hale di king, nia dagi gau dauwa huogodoo, mo nia daane hagalabagau, gu dagabuli mai gi Jerusalem.   
\p
\v 2 David ga duu aga i mua digaula ga helekai, “Ogu ihoo hagamaamaa, hagalongo malaa mai gi di au. Au ne hiihai e hau di gowaa e dugu ai Tebedebe o di Hagababa gi mau dangihi, di lohongo e dugu ai nia babaawae Dimaadua go tadau God. Au gu haga togomaalia agu mee e hau dahi hale e hagalaamua a Mee.  
\v 3 Gei Mee guu bule au di hau di maa, idimaa au tangada dauwa gu haga hali agu dodo e logowaahee.  
\v 4 Dimaadua go di God o Israel, gu hilihili au mo dogu hagadili belee dagi Israel ga hana hua beelaa. Mee gu hilihili di madawaawa Judah belee haga kila aga nia dagi gowaa. Mai i lodo Judah, mee gu hilihili di madahaanau o dogu damana. Mai i lodo di madahaanau hagatau deenei, ma di hiihai hua ni Mee bolo e kae au e hai di king i hongo Israel hagatau.  
\v 5 Mee gu hagauda mai gi di au nia dama daane dogologo. Mai i lodo digaula huogodoo, mee gu hilihili Solomon e dagi Israel, tenua o Dimaadua.   
\p
\v 6 “Dimaadua gu helekai mai gi di au boloo, ‘Dau dama daane go Solomon go tangada dela gaa hau dogu Hale Daumaha. Au gu hilihili a mee e hai dagu dama daane, gei Au gaa hai tamana ni mee.  
\v 7 Maa mee ga daahi hua beelaa gi muli dana hagakila gii donu agu haganoho huogodoo mo agu boloagi be dana hai dolomeenei, gei Au gaa hai tenua o maa gii noho hua beelaa dono hagaodi ai.’\x * \xo 28.7 \xt 2-Samuel 7.1-16; 1-Chronicles 17.1-14\x*   
\p
\v 8 “Gei dolomeenei, digau aanei, i mua nnadumada o Dimaadua mo i mua tagabuli damana nei o digau Israel huogodoo, go nia daangada o Dimaadua, au e helekai adu gi goodou gi hagalongo gii donu gi nia mee huogodoo Dimaadua go tadau God, ala gu hagawaalanga mai gi gidaadou bolo gi heia, gi duudagi gi muli di godou kae tenua humalia deenei, gei goodou gaa higi labelaa gi muli gi godou madahaanau ala ga kila aga i godou muli, ga hana hua beelaa.”   
\p
\v 9 Gei mee ga helekai gi Solomon, “Dagu dama daane, au e hagi adu gi di goe dau hai e hai gi iloo e goe di God o do damana, gi heia nia hegau a maa mai i do manawa hagaodi ange mo mai nia hiihai i lodo nia hagabaubau. Mee e iloo ia tadau maanadu mo tadau hiihai huogodoo. Maa goe gaa hana gi Mee, Mee ga dahi mai goe, gei goe ma gaa huli gi daha mo Mee, Mee gaa hudu goe gi daha ga hana hua beelaa.  
\v 10 Goe e hai gii donu adu gi di goe bolo Dimaadua la dela ne hilihili goe belee hau dono Hale Daumaha hagamadagu. Dolomeenei goe gaa hau di maa, hauhia i lodo di manawa hagamahi gaa dae gi dono lawa.”   
\p
\v 11 David guu wanga nia bilaan o nia hale huogodoo o di Hale Daumaha gi Solomon, go nia bilaan nia hale dugu goloo mo nia ruum huogodoo ala i golo, mo di Gowaa Koia e Dabuaahia, go di gowaa dela e wwede nia hala.  
\v 12 Mee gu hagi anga labelaa gi mee nia mabu mo ana mee huogodoo ala e hagabaubau i lodo dono libogo ang gi di hai o nia gowaa i lodo di abaaba damana, mo nia ruum ala e haganiga di maa, mo nia hale dugu nia goloo ngalua o di Hale Daumaha, mo nia kisakis ala guu lawa di hagadabu ang gi Dimaadua.  
\v 13 David gu hagi anga labelaa gi mee di hai dela e haganohonoho digau hai mee dabu mo digau Levi di hai dela e hai nadau hegau, di hai nia moomee di Hale Daumaha, mo e madamada humalia nia goloo hagalabagau huogodoo ala e hai nia hegau i lodo di Hale Daumaha.  
\v 14 Mee gu hagi anga gi mee di logo o nia goolo mo nia silber ala belee hai hegau e hau nia goloo,  
\v 15 ang gi nia malama dagidahi, mo nia lohongo nia malama dagidahi,  
\v 16 mo nia deebele silber mo nia deebele goolo dagidahi ala e dugu nia palaawaa tigidaumaha ang gi God.  
\v 17 Mee gu hagi anga labelaa di logo o nia goolo madammaa ala belee hai nia poogi, nia boolo mo nia loaabi, mo di logo o nia silber mo nia goolo ala e hai nia goloo pileedi,  
\v 18 mo di logo o nia goolo madammaa e hai di gowaa hai tigidaumaha e dudu nia tigidaumaha ‘incense’ i nonua, mo di logo o nia goolo madammaa ala e humu di waga hongo henua e iai nia manu ono bakau i nonua, ala e hagaholi nau bakau i hongo Tebedebe o di Hagababa Dimaadua.   
\p
\v 19 King David ga helekai, “Nia mee huogodoo aanei la i lodo di bilaan guu hihi gii hai be nia helekai Dimaadua dono huaidina ne dugu mai gi di au bolo gi heia.”   
\p
\v 20 King David ga helekai gi dana dama daane Solomon, “Gi hagadagadagagee ge gi de madagu. Daamada ina di moomee. Hudee dumaalia gi tei mee gi haga deaadee ina goe. Yihowah-God\f + \fr 28.20 \ft Di ingoo o God deenei le e hai dono hadinga bolo “Yihowah di God dela e noho i baahi ana daangada”\f* go dogu God, ga madalia goe. Mee hagalee hudu goe gi daha, gei e noho hua i do baahi gaa dae loo gi dau Hale Daumaha la gaa lawa.  
\v 21 Digau hai mee dabu mo digau Levi la guu wanga ginai nia hegau bolo gi heia i lodo di Hale Daumaha. Nia daane hai moomee ala e dau i nia hagadilinga moomee le e hiihai huoloo e hagamaamaa goe. Nia daangada huogodoo mo nadau dagi ga daudali au helekai huogodoo.”   
\c 29  
\s1 Nia kisakis ang gi di hau o di Hale Daumaha  
\p
\v 1 King David ga haga iloo gi tagabuli dangada dogologo hagatau, “Dagu dama daane Solomon tangada ne hilihili mai baahi o God, gei mee dela hua e dee dohu ono iloo nia hegau, gei di moomee le e damanaiee, idimaa, ma hagalee di hale noho dangada, di Hale Daumaha ni Yihowah-God\f + \fr 29.1 \ft Di ingoo o God deenei le e hai dono hadinga bolo “Yihowah di God dela e noho i baahi ana daangada”\f*.  
\v 2 Au guu hai agu mee huogodoo e haga togomaalia nia goloo ala e dau gi di Hale Daumaha, nia goolo, nia silber, nia baalanga mmee, nia baalanga, nia hadu hagalabagau ‘onyx’ mo nia hadu hagalabagau kene dabadaba ang gi di humuhumu, mo nia hadugalaa hagalabagau e hamaaloo mau.\x * \xo 29.2 \xt 1-Chronicles 22.5\x*  
\v 3 Hagapuni gi nia mee aanei huogodoo, au gu dahi aga agu silber mo nia goolo mai i lodo agu mee donu, idimaa i dogu aloho i di Hale Daumaha o God.  
\v 4 Au gu dahi aga agu pauna goolo madammaa e lua lau mana (200,000), gei e haa lau huwowalu mana (480,000) pauna silber ala belee humu nia baahi hale i lodo di Hale Daumaha,  
\v 5 gei e humu nia mee huogodoo ala e hai go nia daangada hai mee. Koai i golo labelaa dela e hiihai e hai dana kisakis mai i dono manawa hiihai ang gi Dimaadua dangi nei?”   
\p
\v 6 Nomuli nia dagi o nia madahaanau, nia gau aamua o nia madawaawa, nia dagi gau dauwa, mo digau aamua ala e huwa i nia goloo o di king guu bida hidi aga hua i ginaadou, gu dahi aga  
\v 7 nia dane goolo e lau matiwa (190), nia dane silber e dolu lau huowalu (380), nia dane baalanga mmee e ono lau mada hidu maa lima (675), mo nia dane baalanga e dolu mana ma hidu lau mada lima (3,750), huogodoo belee hagamaamaa ai di hau di Hale Daumaha.  
\v 8 Nia daangada huogodoo ala nadau hadu hagalabagau gu dahi aga guu wanga gi lodo di gowaa dugu goloo hagalabagau o di Hale Daumaha, dela e madamada humalia ai a Jehiel, tangada di madahaanau o Gershon, tangada di madawaawa Levi.  
\v 9 Nia daangada dogologo guu bida dahi aga nadau mee gi Dimaadua mai i lodo nadau manawa hiihai. Digaula gu tenetene huoloo ang gi ginaadou ala ne dahi aga nadau mee logowaahee. Di King David hogi gu tenetene huoloo giibeni.   
\s1 David e hagaamu Dimaadua  
\p
\v 10 I mua tagabuli dangada dogologo aalaa, King David gaa hai dana hagaamu Dimaadua, ga helekai, “Dimaadua go di God o tadau damana madua go Jacob, di hagaamu e hai hua beelaa, ga hana hua beelaa dono hagaodi ai!  
\v 11 Goe dela e kaedahi e aamua, gei e mogobuna, e madamada huoloo, gei e hagalabagau e hagalaamua. Meenei Dimaadua, nia mee huogodoo i di langi i nua mo i henuailala la nia mee ni aau, Goe go di King go di Tagi mugi nua i nia dagi huogodoo.\x * \xo 29.11 \xt Matthew 6.13\x*  
\v 12 Nia maluagina huogodoo mo nia goloo huogodoo e loomoi i do baahi. Goe dela e dagi nia mee huogodoo i oo mahi mo o mogobuna, Goe dela e mee di hai dau dangada gi aamua gei gi maaloo.  
\v 13 Dolomeenei, meenei di madau God, gimaadou e dugu adu di madau danggee di mee bolo Goe, gei gimaadou e hagaamu do ingoo madamada hagalabagau.   
\p
\v 14 “Au mo agu daangada e deemee loo di gowadu madau mee donu, idimaa nia mee huogodoo la nia kisakis mai i do baahi, gei gimaadou e gowadu hua gi muli nia mee ni aau donu.   
\p
\v 15 “Meenei Dimaadua, Goe e iloo hua di madau noho i lodo di mouli nei le e hai be nia daangada ne hagabagi gi daha, e hai be digau mai i daha, gadoo be madau maadua mmaadua. Madau laangi le e mmaanege be nia ada gololangi, gei gimaadou e deemee di llele gi daha mo di made.   
\p
\v 16 “Meenei Dimaadua go di madau God, gimaadou gu hagabudu mai gi di gowaa e dahi nia goloo hagalabagau aanei huogodoo belee hau di Hale Daumaha e hagalaamua ai do ingoo dabuaahia. Malaa, nia mee huogodoo la nia mee mai i do baahi, huogodoo nia mee ni aau donu.  
\v 17 Au gu iloo bolo Goe gu hagamada nia manawa o nia daangada, gei guu tene gi nia daangada huogodoo ala nadau manawa donu huoloo. Gei au gu dugu adu nia mee aanei huogodoo mai i lodo di manawa donu mo di manawa humalia. Au gu gidee nia tigidaumaha e logowaahee ala ne gowadu go au daangada ala ne dagabuli mai gi kinei.   
\p
\v 18 “Meenei Dimaadua go di God o madau damana mmaadua go Abraham, Isaac mo Jacob, haga maudangihi ina gi lodo nia manawa o au daangada, ga hana hua beelaa gi muli, daahia hua digaula gi manawa dahi adu gi di Goe.  
\v 19 Dugu anga gi dagu dama daane go Solomon di manawa hagaodianga i di hiihai e hagalongo gi nia mee huogodoo ala e hagi anga Kooe bolo gi heia, ge e hau di Hale Daumaha dela gu hagatogomaalia ono goloo ko au.”   
\p
\v 20 David ga helekai gi nia daangada huogodoo, “Hagaamuina Dimaadua go di godou God!”  
\p Tagabuli dogologowaahee gu hagaamu Dimaadua go di God o nadau maadua mmaadua. Digaula gu pala loo gi lala, guu hai di nadau hagalaamua ang gi Dimaadua, mo ang gi di king labelaa.   
\p
\v 21 Di laangi dono daiaa, digaula gu daaligi nadau manu e hai tigidaumaha, e haga dabu nia maa ang gi Dimaadua, gaa lawa gaa wanga nia maa gi nia daangada gi geina. Hagapuni gi nia mee aanei, digaula gu daaligi nadau kau daane e mana (1,000) mo nia siibi daane e mana (1,000) mo nia dama siibi e mana (1,000) ala ne dudu hagadogomaalia i hongo di gowaa dudu tigidaumaha. Digaula gu tigidaumaha nadau waini labelaa.  
\v 22 Gei digaula gu tenetene huoloo i di nadau madagoaa nogo miami mo di inuinu i mua nnadumada o Dimaadua.  
\p Gei digaula ga hagailoo i di lua holongo bolo Solomon gii king i hongo tenua, ga hagatulu a mee i di ingoo Yihowah, e hai ai di nadau dagi, mo Zadok e hai ai tangada hai mee dabu.  
\v 23 Deelaa laa Solomon guu pono di lohongo king dono damana go David dela ne dugu go Dimaadua. Mee di king e gila ana hegau. Tenua hagatau o Israel gu hagalongo gi mee.\x * \xo 29.23 \xt 1-Kings 2.12\x*  
\v 24 Nia gau dagi aamua mo digau dauwa, ngaadahi mo nia dama daane a David ala i golo huogodoo gu hagababa nadau lodo bolo ginaadou e dugu hagalabagau gi nua a Solomon be di king.  
\v 25 Dimaadua guu hai tenua hagatau gii noho i lodo di nadau hagamadagudia Solomon, guu hai a mee gii dele dono ingoo i hongo nia king ala nogo dagi Israel.   
\s1 Nia mee llauehe di madagoaa dagi king o David  
\p
\v 26 David tama daane ni Jesse nogo dagi Israel hagatau  
\v 27 nia ngadau e madahaa. Mee nogo dagi i Hebron nia ngadau e hidu, ge nogo dagi i Jerusalem nia ngadau e motolu maa dolu.\x * \xo 29.27 \xt 2-Samuel 5.4-5; 1-Chronicles 3.4\x*  
\v 28 Mee ne hagamolooloo i dono tugi ono ngadau gu madumadua. Mee gu maluagina ge hagalaamua, gei dana dama daane Solomon ne kae di lohongo o maa, guu hai di king.  
\v 29 Nia mee huogodoo a King David ne hai mai taamada gaa tugi di hagaodi, la guu lawa di hihi i lodo nia beebaa o nia soukohp dogodolu aanei go Samuel, Nathan, mo Gad.  
\v 30 Nia beebaa aalaa e hagi mai di hai a mee nogo dagi, ono mogobuna maaloo dangihi, mo nia mee ne hai huogodoo ang gi mee, ang gi Israel, mo ang gi nia henua llauehaa ala e haganiga mai i daha.