\id EPH  
\ide UTF8
\h EPHESUS 
\toc1 Leta Lal Paul Nu Sin Mwet Ephesus 
\toc2 Ephesus 
\toc3 Eph 
\mt2 Leta Lal Paul Nu Sin Mwet  
\mt1 EPHESUS  
\is1 Tukakinyen Leta Lal Paul Nu Sin Mwet EPHESUS  
\ip Mwe nunak yohk in \bk Leta lal Paul nu sin Mwet Ephesus\bk* pa: “Pwapa lun God ... pa in eisani ma orekla nukewa nu sie, ke ma inkusrao ac fin faclu, ac Christ pa ac leumi ma inge” (1:10). Na pa Paul el kwafe nu sin mwet nukewa lun God tuh elos in moul fal nu ke pwapa fulat se inge, tuh mwet nukewa in ku in ma sefannala ke sripen elos kupasryang nu sin Jesus Christ.  
\ip Ke ip se meet uh, mwet se simusla leta se inge el aketeya luman sie sin sie lun mwet uh ke el akkalemye ouiyen sulela lun God Papa ke mwet lal, ac ke ouiyen nunak munas ac sukosokla liki ma koluk su tuku ke Jesus Christ, Wen natul, oayapa ke Ngun Mutal el arulana akpwayeye wuleang fulat lun God. Ke ip se akluo uh, el kwafe nu selos su rit leta se inge tuh moul in ma sefanna lalos yurin Christ in ku in kalem inmasrlolos ke moul in sie sin sie lalos len nu len.  
\ip Kas in pupulyuk puspis orekmakinyuk in akkalemye luman ma sefanna lun mwet lun God yurin Christ ouinge: church el oana sie mano su Christ pa sifa; ku oana sie lohm lulap su Christ pa eot insruwasrik; ku oana sie mutan payuk su Christ pa mukul tuma. Ke sripen lungkulang lun God ma kalem ke Christ, arulana mokle nunak lun mwet sim se inge, pwanang el orekmakin kas na loal ac fulat ac wolana. Ma inge nukewa arulana kalem ke sripen lungse lun Christ, ac lafwekunla lal, nunak munas lal, lungkulang lal, ac moul mutal lal.  
\is1 Takla Lun Koanon Leta Se Inge  
\io1 Kas in tukakunla 1:1–2  
\io1 Christ ac church 1:3—3:21  
\io1 Moul sasu in Christ 4:1—6:20  
\io1 Kas in aksafye 6:21–24  
\c 1  
\p
\v 1 Ma sel Paul, su suleyukla sin God tuh in sie mwet sap lun Christ Jesus —  
\p Nu sin mwet lun God in Ephesus, su oaru ke moul lalos in ma sefannala yurin Christ Jesus:\x - \xo 1:1 \xt Orek 18:19–21; 19:1\x*  
\v 2 Lela God Papa tumasr ac Jesus Christ Leum lasr in asot lungkulang ac misla nu suwos.   
\s1 Mwe Insewowo Lun Ngun  
\p
\v 3 Lela kut in sang kulo nu sin God, Papa tumun Leum lasr Jesus Christ! Ke sripen kut ma sefanna yurin Christ, God El akinsewowoye kut ke El ase mwe insewowo nukewa lun ngun nu sesr ke ma oan inkusrao.  
\v 4 Meet liki na orekla faclu, God El nuna sulekutla kut in ma lal ke kut ma sefannala yurin Christ, tuh kut in ku in mutal ac wangin mwatasr, ac kut in moul in lungse ye mutal.   
\p
\v 5 God El nuna sulela tari tuh kut in tulik nutla natul sifacna ke sripen ma Jesus Christ el oru. Ma inge sikyak fal nu ke oakwuk wolana lal.  
\v 6 Lela kut in kaksakin God ke lungkulang wolana lal, ke mwe sang yoklana lal nu sesr ke Wen kulo natul!  
\v 7 Tuh ke sripen Christ el sifacna kisakunla moul lal ac srahl sororla, kut sukosokla — aok, ma koluk lasr nunak munas nu sesr. Yoklana lungkulang lun God,\x - \xo 1:7 \xt Col 1:14\x*  
\v 8 su El ase nu sesr!  
\p In lalmwetmet ac etauk nukewa lal  
\v 9 God El orala oakwuk lal ac akkalemye nu sesr pwapa lal su tia eteyuk sesr a El nuna sulela in aksafye ke Christ.  
\v 10 Pwapa se inge, su God El ac fah aksafye ke pacl fal, pa ke El ac eisani ma orekla nukewa nu sie, ke ma inkusrao ac fin faclu, ac Christ pa ac leumi ma inge.   
\p
\v 11 Ma nukewa orekla fal nu ke pwapa ac sulela lun God; ac ke oakwuk lal sifacna El sulela tuh kut in mwet lal ke kut ma sefannala yurin Christ, fal nu ke ma El lumahla ke mutaweyen faclu.  
\v 12 Lela kut, su oasr finsrak lasr ke Christ omeet, in kaksakin wolana lun God!   
\p
\v 13 Ac kowos oayapa ekla mwet lun God ke kowos lohng kas ke Pweng Wo su fahkak inkanek in molela nu suwos. Ke kowos lulalfongi in Christ, God El akilenkowosi in akkalemye lah kowos ma lal, ke El sot nu suwos Ngun Mutal su El tuh wulela kac.  
\v 14 Ke sripen Ngun Mutal oasr yorosr, kut etu na pwaye lah kut fah eis ma God El wulela kac nu sin mwet lal, ac ma inge akpwayei nu sesr lah God El ac aksukosokye mwet lal. Lela kut in kaksakin wolana lal!   
\s1 Pre Lal Paul  
\p
\v 15 Ke sripa se inge, oe ke pacl se nga tuh lohngak ke lulalfongi lowos in Leum Jesus, ac ke lungse lowos nu sin mwet nukewa su mwet lun God,  
\v 16 nga tia tui in sang kulo nu sin God keiwos. Nga esam na in siyuk keiwos in pre luk  
\v 17 ac nga siyuk sin God lun Leum lasr Jesus Christ, Papa Wolana, Elan asot Ngun nu suwos, su ac fah aklalmwetmetye kowos, ac fahkak God nu suwos, tuh kowos in etal.  
\v 18 Nga siyuk tuh nunak lowos in ikakla tuh kowos in ku in liye kalem lal, tuh kowos fah etu ke finsrak su El pangon kowos nu kac, oayapa kowos in etu kasrpen wolana ke mwe usru su El wuleang kac nu sin mwet lal,  
\v 19 ac ke yokiyen ku lal su orekma in kut su lulalfongi. Ku se pacna inge pa El tuh orekmakin  
\v 20 ke El akmoulyauk Christ liki misa, ac oakilya ke lapo layot sel inkusrao.\x - \xo 1:20 \xt Psa 110:1\x*  
\v 21 Christ el fulat liki leum nukewa inkusrao, oayapa wal, ac ku, ac tokosra nukewa. Wal lal uh fulat liki wal nukewa fin facl se inge ac fin facl se su ac fah tuku.  
\v 22 God El filiya ma nukewa ye nien Christ, ac El eisalang nu sin church tuh elan Leum fulat fin ma nukewa.\x - \xo 1:22 \xt Psa 8:6\x* \x - \xo 1:22 \xt 1:22–23; Col 1:18\x*  
\v 23 Church pa monin Christ, ac ke sripen church, monin Christ fonla, oana ke ma nukewa yen nukewa fonla ke Christ.   
\c 2  
\s1 Liki Misa Nu Ke Moul  
\p
\v 1 In pacl meet ah kowos misa in ngun ke sripen seakosten lowos ac ke ma koluk lowos.\x - \xo 2:1 \xt 2:1–5; Col 2:13\x*  
\v 2 Ke pacl sac, kowos tuh fahsr tukun ouiya koluk lun faclu; kowos tuh akos leum koluk su kol ngun koluk yen engyeng uh, ngun su leumi mwet su seakos God in pacl inge.  
\v 3 Pwayeiya uh, kut nukewa oana elos in moulkin moul in mwet. Kut tuh ukwe na ma lungse lun manosr ac nunak lasr. In ouiyen moul lasr uh kut ac nuna eis mwatan kasrkusrak lun God, oana mwet nukewa.   
\p
\v 4 Tusruktu yoklana pakoten lun God, ac lungse lal nu sesr arulana yohk,  
\v 5 pwanang ke kut misa in ngun ke seakos lasr, El akmoulyekutyak oana ke El akmoulyalak Christ. Kowos moliyukla ke lungkulang lun God.  
\v 6 Ke kut kupasryang nu sin Christ Jesus, God El akmoulyekutyak yurin Christ liki ngunin misa, tuh kut fah welul leumi acn inkusrao.  
\v 7 El oru ma inge in akkalemye nu ke fwil nukewa fahsru, kasrpen lungkulang lulap lal, ke lungse lal su El akkalemye in Christ Jesus.  
\v 8 Tuh ke lungkulang lun God, kowos moliyukla ke lulalfongi. Tia ma kowos sifacna oru, a mwe kite sin God me.  
\v 9 Ke sripen tia ma ke orekma lun mwet, na wangin mwet in ku in konkin kac.  
\v 10 God El orekutla inge tuh ke kut kupasr nu sin Christ Jesus kut in oru ma wo, fal nu ke lemlem lal nu sesr ma El akola nu sesr in oru.   
\s1 Ma Sefanna In Christ  
\p
\v 11 Kowos in tia mulkunla lah ke kowos isusla kowos mwet sayen mwet Jew. Mwet Jew elos pangon kowos “mwet tia kosrala,” ac elos pangnolos sifacna “mwet kosrala” (sruk “kosrala” pa ouiya se na ma mukul lalos uh oru nu ke manolos in akilenya lah elos mwet lun God.)  
\v 12 In pacl sac wanginna etu lowos ke Christ. Kowos tuh mwet sac ac tia oaoa kowos yurin mwet sulosolla lun God. Wangin ip lowos ke wulela lun God su El tuh oakiya in wuleang lal nu sin mwet lal. Kowos moul muta fin faclu ke wangin finsrak lowos, ac wangin kupasr lowos nu sin God.  
\v 13 Meet kowos muta loesla, a inge ke kowos kupasryang nu sin Christ Jesus, kowos muta apkuran, ke sripen srahn Christ.  
\v 14 Tuh Christ sifacna pa akmisye inmasrlosr ke el orani mwet Jew ac mwet sayen mwet Jew in ma sefannala. Ma se ma tuh sreloselik ac oru elos in mwet lokoalok, Christ el kunausla ke manol sifacna ke el misa fin sakseng.  
\v 15 Christ el sisla Ma Sap lun mwet Jew ac oakwuk puspis kac tuh elan orani kain in mwet luo inge nu ke sie u sasu su kupasryang nu sel, na ouinge oasr misla.\x - \xo 2:15 \xt Col 2:14\x*  
\v 16 Misa lun Christ fin sakseng pa kunausla asrungai lalos; ac ke sripen sakseng el orani kain in mwet luo inge nu ke mano sefanna, ac folokunulosme nu sin God.\x - \xo 2:16 \xt Col 1:20\x*  
\v 17 Ouinge Christ el tuku ac fahkak Pweng Wo ke misla nu sin mwet nukewa — nu suwos mwet sayen mwet Jew su muta loesla liki God meet, ac nu sesr mwet Jew su muta apkuran nu sel.\x - \xo 2:17 \xt Isa 57:19\x*  
\v 18 Ke sripen Christ, kut nukewa — mwet Jew ac mwet sayen mwet Jew — ku in tukeni in Ngun sefanna nu ye mutun Papa.   
\p
\v 19 Ouinge kowos su mwet sayen mwet Jew tia sifil mwet sac ku mwet takusrkusr; a kowos mwet wien mwet lun God ac mwet in sou lun God.  
\v 20 Kowos wi pac musaiyukyak fin pwelung su oakwuki sin mwet sap ac mwet palu, ac Christ Jesus sifacna pa eot insruwasrik.  
\v 21 El pa sruokani musa se inge nufon nu sie, ac oru in kapkapak nu ke sie tempul mutal, ma kisakinyukyang nu sin Leum God.  
\v 22 Ke sripen akupasri lowos nu sin Christ, kowos wi pac musaiyukyak yorolos inge nukewa, nu ke sie nien muta lun Ngun lun God.   
\c 3  
\s1 Orekma Lal Paul Nu Sin Mwet Sayen Mwet Jew  
\p
\v 1 Ke sripa se inge, nga, Paul, nga sie mwet kapir lun Christ Jesus keiwos su mwet sayen mwet Jew.  
\v 2 Nga lulalfongi mu kowos lohng tari lah ke sripen lungkulang lun God, El ase orekma se inge kunuk in akwoye kowos.  
\v 3 God El ikasla pwapa lukma lal nu sik tuh nga in kalem kac. (Nga sim tari ke ma inge ke kas pu,  
\v 4 ac kowos fin rit ke ma nga simusla inge, kowos ac etu ke ma nga kalem kac ke ouiyen pwapa lun God su tia eteyuk meet, a sikyak inge ke Christ.)\x - \xo 3:4 \xt 3:4–6; Col 1:26–27\x*  
\v 5 In pacl meet ah tiana fwackyuk ma lukma inge nu sin mwet uh, a inge Ngun lun God akkalemye nu sin mwet sap mutal ac mwet palu lal.  
\v 6 Ma lukma se inge pa: mwet sayen mwet Jew elos wi mwet Jew ipeis ke mwe insewowo lun God ke sripen Wosasu. Elos lahn mano sefanna, ac elos tukeni ipeis ke wulela lun God ma akpwayeyuk in Christ Jesus.   
\p
\v 7 Ke sripen lungkulang lun God nu sik, ac ku lal su orekma in nga, El kuneyuwi sie mwet kulansap in fahkak Wosasu.  
\v 8 Nga srik liki el su srik oemeet sin mwet lun God nukewa. Ne ouinge, God El ase kunokon se inge nu sik, su arulana yohk sripa ac saok, tuh nga in sulkakinelik Pweng Wo ke kasrpen wolana lun Christ su wangin eteyen saflaiya, nu sin mwet sayen mwet Jew.  
\v 9 God, su orala ma nukewa, El okanla pwapa lukma lal liki fwil nukewa meet ah, na ma kunuk in oru tuh mwet nukewa in kalem kac lah pwapa sac ac akpwayeyuk fuka.  
\v 10 Na in pacl inge, God El orekmakin church in akkalemye nu sin leum ac lipufan su oasr ku la inkusrao, ke lalmwetmet yoklana lun God in ouiya puspis ac in ma nukewa.  
\v 11 God El oru ouinge fal nu ke ma El pu oemeet me, ac El akpwayeyela ke Christ Jesus, Leum lasr.  
\v 12 Ke kut kupasryang nu sin Christ ac lulalfongi in el, kut pulaik in utyak nu ye mutun God ac arulana etu lah El ac lohme nu sesr.  
\v 13 Ke ma inge nga kwafe nu suwos tuh kowos in tia fuhleak ke sripen keok luk keiwos; tuh ma inge nukewa ma in akwoye kowos.   
\s1 Lungse Lun Christ  
\p
\v 14 Ke sripa se inge, nga sikukmutuntei ye mutun Papa,  
\v 15 su asang ine na pwaye lun sou nukewa inkusrao ac fin faclu.  
\v 16 Nga siyuk sin God ke kasrpen wolana lal, tuh El fah asot ku lun Ngun lal nu suwos in akkeye moul in ngun lowos.  
\v 17 Ac nga pre tuh Christ elan muta insiowos ke sripen lulalfongi lowos. Nga oayapa pre tuh kowos in tu ku ac okala in lungse,  
\v 18 tuh kowos, ac oayapa mwet lun God nukewa, fah ku in akilen sralapa, lusa, fulata ac loaliyen lungse yoklana lun Christ nu suwos.  
\v 19 Aok, nga kena tuh kowos in etu ke lungse lal — finne alukela ma kut ku in kalem kac — tuh kowos ac arulana sessesla ke ouiya lun God.   
\p
\v 20 Nu sel, su ku in oru arulana yohk liki ma nukewa kut siyuk ku nunku kac, ke sripen ku lal ma orekma in kut:  
\v 21 wolana nu sin God, in church ac in Christ Jesus, inge ac nwe tok ma pahtpat! Amen.   
\c 4  
\s1 Lah Puspis Orala Mano Sefanna  
\p
\v 1 Ke ma inge, nga su sie mwet presin ke sripen nga kulansupu Leum, nga kwafe nu suwos tuh kowos in moulkin ouiyen moul ma fal nu ke srikasrak se ma God El oakiya ke El pangon kowos.  
\v 2 Kowos in pusisel, efal, ac mongfisrasr pacl nukewa. Akkalemye lungse lowos nu sin sie sin sie ke muteng.\x - \xo 4:2 \xt Col 3:12–13\x*  
\v 3 Kowos in moniyuk in karingin inse sefanna su Ngun el asot nu suwos, ke misla se su kaprikowosi nu sie.  
\v 4 Oasr mano sefanna ac Ngun sefanna, oana ke oasr finsrak sefanna su God El pangon kowos nu kac.  
\v 5 Oasr Leum sefanna, lulalfongi sefanna, ac baptais sefanna;  
\v 6 oasr God sefanna, su Papa tumun mwet nukewa, ac su leumi ma nukewa, ac El orekma in ma nukewa ac muta in ma nukewa.   
\p
\v 7 Kais sie sesr eis tari mwe sang ke lungkulang, fal nu ke ma Christ el ase nu sesr.  
\v 8 Oana ke Ma Simusla uh fahk:  
\q1 “El utyak nu yen fulatlana,  
\q2 El us mwet sruoh puspis welul,  
\q2 El asang mwe sang nu sin mwet uh.”\x - \xo 4:8 \xt Psa 68:18\x*   
\m
\v 9 Na mea kalmen “El utyak”? Kalmac pa el oatui meet nu yen loallana lun faclu.  
\v 10 Ouinge el su oatui, el pacna pa utyak nu yen fulatlana inkusrao, tuh el fah ku in oasr yen nukewa.  
\v 11 El pacna pa “asang mwe sang nu sin mwet uh” — el sang nu sin kutu tuh elos in mwet sap, ac kutu in mwet palu, ac kutu in mwet sulkakinelik Pweng Wo, ac kutu in mwet sropo ac mwet luti.  
\v 12 El oru ma inge in akoela mwet lun God nukewa nu ke orekma lun mwet Christian in musaeak monin Christ.  
\v 13 Ouinge kut nukewa fah ma sefannala in lulalfongi ac in etauk lasr ke Wen nutin God. Kut kwafe kut in sun moul in mwet pwaye, ac kut oayapa akwot in sun fulatan woiyen moul su oan in Christ.  
\v 14 Na kut fah tia sifil moul in tulik, ikwot ikme ke noa ac eng uh, oana elos su srifeyuk ke mwe luti lun mwet kutasrik su kiapwelos ac kololosla nu ke moul tafongla.  
\v 15 A ke kut fahkak ma pwaye in ngun lun lungse, kut in kapkapak in ouiya nukewa lun Christ, su sifa.  
\v 16 Ye karinginyuk lal, kain in lah nukewa ke mano kupasreni wo, ac mano nufon sac fah sruokyukeni ke kais sie kupasr kac. Ouinge, ke kais sie lahn mano el oru ma kunal in fal, na mano nufon sac kapkapak ac musaiyukyak ke lungse.\x - \xo 4:16 \xt Col 2:19\x*   
\s1 Moul Sasu In Christ  
\p
\v 17 Ke ma inge nga sensenkakin kowos inen Leum: kowos in tia sifil moul oana mwet pegan, su wangin sripen nunak lalos  
\v 18 ac nunkalos lohsrla. Ke sripen lalfon ac likkeke lalos, wangin ip lalos ke moul su God El ase.  
\v 19 Wangin pulakinyen mwekin selos; elos sifacna eisalosyang nu ke lung lun ikwa, ac oru ma fohkfok nukewa ac kofla sifacna tulokinya.   
\p
\v 20 Tia pa ingan ma kowos luti ke Christ!  
\v 21 Kowos lohng na pwaye kacl, ac ke kowos mwet lulalfongi in el, lutiyuk kowos tari ke ma pwaye lun Jesus.  
\v 22 Ouinge kowos in sisla ouiyen moul matu lowos ma kowos moulkin in pacl meet — moul se su kunauskowosla ke sripen kena lowos nu ke ma kikiap.\x - \xo 4:22 \xt Col 3:9\x*  
\v 23 Insiowos ac nunkowos enenu in arulana aksasuyeyukla,  
\v 24 ac kowos enenu in nokomang mwet sasu, su orekla in luman God, ac su fwackyuk in moul pwaye, su suwoswos ac mutal.\x - \xo 4:24 \xt Col 3:10; Gen 1:26\x*   
\p
\v 25 Ke ma inge kowos in tia sifil kikiap! Kais sie mwet enenu in kaskas pwaye nu sin mwet wialos in lulalfongi, mweyen kut nukewa lahn sie sin sie in Christ.\x - \xo 4:25 \xt Zec 8:16\x*  
\v 26 Kowos fin mulat, nik kowos lela mulat lowos in kolkowosla nu ke ma koluk, ac kowos in tia sruokya mulat lowos len fon se.\x - \xo 4:26 \xt Psa 4:4\x*  
\v 27 Nikmet sang pacl lun devil.  
\v 28 El su pisrapasr meet el enenu elan tia sifil pusr, a elan orekma tuh elan akfalye enenu lal sifacna, ac elan ku pac in kasru mwet sukasrup.  
\v 29 Nikmet orekmakin kas in akkolukye mwet, a kas in kasru mukena — kain in kas ma ac musaeak ac su fal nu ke enenu, tuh ma kowos fahk uh ac fah akwoyalos su lohng.  
\v 30 Ac nikmet aktoasrye Ngun lun God; tuh Ngun el mwe akul lun God keiwos in akpwayeye lah Len sac ac fah tuku ke God El ac fah aksukosokyekowosla.  
\v 31 Sisla liki kowos lumah inge nukewa: sulung, mongsa, kasrkusrak, wowon, wenteisr, ac kutena nunak koluk lain mwet.  
\v 32 A kowos in kulang ac mongfisrasr nu sin sie sin sie, ac kowos in nunak munas nu sin sie sin sie, oana ke God El nunak munas nu suwos ke Christ.\x - \xo 4:32 \xt Col 3:13\x*   
\c 5  
\s1 Moul Oana Mwet Lun Kalem  
\p
\v 1 Ke kowos tulik kulo nutin God uh, kowos enenu in srike in oana El.  
\v 2 Lela lungse in kalem in ma nukewa kowos oru, oana ke Christ el lungse kut, ac sifacna lafwekunla moul lal kacsr, tuh in oana sie mwe kisa keng su akinsewowoye God.\x - \xo 5:2 \xt Exo 29:18; Psa 40:6\x*   
\p
\v 3 Ke sripen kowos mwet lun God, tia wo in fwack keiwos mu oasr kutena lumah inge inmasrlowos: kosro, ouiya fohkfok, ku rapku.  
\v 4 Tia pac fal kowos in sopoklot in kas, kaskas suoac, ku aksruksruk koluk. A fal kowos in sang kulo nu sin God.  
\v 5 Kowos etu na lah mwet kosro, ku mwet moulkin ouiya fohkfok, ku mwet rapku ac fah tia wi ipeis ke Tokosrai lun Christ ac lun God. (Tuh rapku el oapana alu nu ke ma sruloala.)   
\p
\v 6 Nik kowos lela kutena mwet in kiapwekowosla ke kas lusrongten; mweyen lumah inge nukewa ac oru tuh mulat lun God in oan faclos su tia aksol.  
\v 7 Ke ma inge kowos in tiana wi mwet ouinge uh.  
\v 8 Kowos sifacna tuh muta in lohsr meet, na inge ke kowos ekla mwet lun God, kowos muta in kalem. Ke ma inge kowos enenu in moul oana mwet su ma lun kalem.  
\v 9 Pa inge fahko lun kalem: ma wo nukewa, ma suwoswos nukewa, ac ma pwaye nukewa.  
\v 10 Kowos in suk in etu ma ac akinsewowoye Leum.  
\v 11 Kowos in tia wi mwet su oru orekma in lohsr, su ma lusrongten. A kowos in use ma inge nu ke kalem.  
\v 12 (Mwe mwekin se fin srumunyuk ma elos oru in lukma.)  
\v 13 Kutena ma su utuku nu ke kalem uh, ac fah ku in eteyuk wo;  
\v 14 tuh ma nukewa ma akkalemyeyukla uh ac ekla ma kalem. Oana ke fwack mu,  
\q1 “Ngutalik, kom su motul,  
\q2 Ac tukakek liki misa,  
\q1 Ac Christ el fah tolkomyak.”   
\p
\v 15 Ke ma inge kowos in liyaung ouiyen moul lowos. Nikmet moul oana mwet nikin, a kowos in moul oana mwet lalmwetmet.  
\v 16 Molela pacl, mweyen len inge len koluk.\x - \xo 5:16 \xt Col 4:5\x*  
\v 17 Kowos in tia lalfon, a kowos in suk ma Leum el lungse kowos in oru.   
\p
\v 18 Nik kowos sruhi ke wain mweyen ac kunauskowosla, a moul lowos in nwanala ke Ngun Mutal.  
\v 19 Kaskas nu sin sie sin sie ke kas lun psalm ac on mutal; alullul ac onkakin psalm nu sin Leum ac kaksakunul ke insiowos kewa.\x - \xo 5:19 \xt 5:19–20; Col 3:16–17\x*  
\v 20 Pacl nukewa kowos in sang kulo ke ma nukewa nu sin God Papa, ke inen Leum lasr Jesus Christ.   
\s1 Mutan Kia Ac Mukul Tuma  
\p
\v 21 Kowos in akpusiselye kowos nu sin sie sin sie in akkalemye lah kowos akfulatye Christ.   
\p
\v 22 Mutan kia, kowos in akpusiselye kowos nu sin mukul tomowos, oana nu sin Leum.\x - \xo 5:22 \xt Col 3:18; 1 Pet 3:1\x*  
\v 23 Tuh mukul tuma el sifen mutan kial, oana ke Christ el sifin church; ac Christ sifacna el Mwet Lango lun church, su manol.  
\v 24 Ouinge, mutan kia elos enenu in arulana akpusiselyalos nu sin mukul tumalos, oana ke church el akpusiselyal nu sin Christ.   
\p
\v 25 Mukul tuma, kowos in lungse mutan kiowos, oana ke Christ el lungse church ac asang moul lal kac.\x - \xo 5:25 \xt Col 3:19; 1 Pet 3:7\x*  
\v 26 El oru ma inge tuh elan akmutalye church ke ku lun kas lal, ac el aknasnasyela ke kof,  
\v 27 tuh elan eis nu sel sifacna sie church su wolana — wangin tuhn kac, tia pac lupolop uh ku tuhneyukla ke kutena ma.  
\v 28 Ouinge mukul tuma elos enenu in lungse mutan kialos oana ke elos lungse manolos sifacna. Mukul se fin lungse mutan kial, el lungse el sifacna.  
\v 29 (Wangin mwet srunga manol sifacna, a el kitaung ac arulana karinganang, oana ke Christ el oru nu ke church.  
\v 30 Kut etu lah ouinge mweyen kut lahn manol.)  
\v 31 Oana simla in Ma Simusla: “Pa ingan sripa se oru sie mukul el som liki papa tumal ac nina kial, ac fulyang nu sin mutan kial, ac eltal fah ma sefannala.”\x - \xo 5:31 \xt Gen 2:24\x*  
\v 32 Oasr sie kalmac na yohk in kas inge ma tia eteyuk meet, su nga etu mu ma fahkyen Christ ac church.  
\v 33 Ma inge ma nu suwos pac: kais sie mukul tuma elan lungse mutan kial oana el sifacna, ac kais sie mutan kia elan akfulatye mukul tumal.   
\c 6  
\s1 Tulik Srisrik, Ac Papa Ac Nina  
\p
\v 1 Tulik srisrik, kowos in akos papa tomowos ac nina kiowos, mweyen kowos ma lun Leum, ac ma inge suwos.\x - \xo 6:1 \xt Col 3:20\x*  
\v 2 “Akfulatye papa tomom ac nina kiom” pa ma sap se emeet ma oasr wuleang kac,\x - \xo 6:2 \xt 6:2–3; Exo 20:12; Dut 5:16\x*  
\v 3 fahk mu: “tuh in wo nu sum ac moul lom ac fah loes fin faclu.”   
\p
\v 4 Papa ac nina, nik kowos akangonye tulik nutuwos an, ku oru ouiya ma ac akkasrkusrakyalos, a kowos in kaelos ac lotelos elos in kapkapak ke ouiya lun mwet lulalfongi.\x - \xo 6:4 \xt Col 3:21\x*   
\s1 Mwet Kohs Ac Mwet Leum Lalos  
\p
\v 5 Mwet kohs, kowos in akos leum lowos fin faclu ac arulana akfulatyalos; ac kowos in oru ke inse pwaye, oana nu sin Christ.\x - \xo 6:5 \xt 6:5–8; Col 3:22–25\x*  
\v 6 Tia oru ye mutalos mukena in mwe aklung nu selos; a ke sripen kowos mwet kohs lun Christ, kowos in oru ma God El lungse ke insiowos kewa.  
\v 7 Oru orekma lowos ke inse engan, oana kowos in oru nu sin Leum ac tia nu sin mwet uh.  
\v 8 Kowos etu lah Leum el ac sot molin orekma wo nukewa lowos, kowos finne mwet kohs ku mwet sukosok.   
\p
\v 9 Ac kowos mwet leum, kowos in oru oapana inge nu sin mwet kohs lowos, ac tia sifil aksangengyalos. Esam lah kowos ac mwet kohs lowos uh oasr Leum sefanna lowos inkusrao, su ac nununku mwet nukewa oana sie.\x - \xo 6:9 \xt Col 4:1; Dut 10:17; Col 3:25\x*   
\s1 Mwe Loeyuk Nukewa Lun God  
\p
\v 10 In aksafye sim luk uh, lela ku lulap lun Leum in akkeye kowos ke kowos ma sefannala yorol.  
\v 11 Kowos in nokomang mwe mweun nukewa ma God El asot nu suwos, tuh kowos in ku in tu lain kutasrik lun Devil.  
\v 12 Mweyen tia un mwet se pa kut mweuni uh, a ngun fohkfok yen engyeng uh, ac mwet leum ac wal ac ngun koluk ma leumi mwet uh, ac ku lun we lohsr se inge.  
\v 13 Inge kowos in nokomang mwe loeyuk ma God El asot! Na ke len koluk ac tuku, kowos fah ku in lain mwet lokoalok lowos; ac ke saflaiya kowos ac tu na ku ac tia fuhleak.   
\p
\v 14 Ke ma inge, kowos in tuyak ac akola. Loseni infulwowos in ku ke pwaye, ac nokomang suwoswos tuh in mwe loeyuk nu ke iniwowos,\x - \xo 6:14 \xt Isa 11:5; Isa 59:17\x*  
\v 15 ac kena lowos in fahkelik Pweng Wo ke misla, in pa fahluk lowos.\x - \xo 6:15 \xt Isa 52:7\x*  
\v 16 Pacl nukewa kowos in us lulalfongi oana mwe loang lowos; kowos in ku in sang konela pisr firir nukewa sin el su Koluklana.  
\v 17 Ac kowos in eis lango sin God tuh in oana sie helmet, ac kas lun God in oana cutlass su Ngun Mutal sot nu suwos.\x - \xo 6:17 \xt Isa 59:17\x*  
\v 18 Oru ma inge nukewa ke pre, ac siyuk kasru sin God. In kutena ma kowos oru kowos in pre fal nu ke kolyuk lun Ngun. Ke sripa se inge, kowos in oaru in tupan ac tia fuhleak. Pre pacl nukewa ke mwet lun God nukewa.  
\v 19 Ac oayapa pre keik, tuh God El fah ase nu sik sie mwe fahkak ke pacl nga akola in kaskas, ac tuh nga in ku in kaskas pulaik, ac oru tuh mwet uh in kalem ke ma lukma lun Wosasu.  
\v 20 Ke sripen Wosasu se inge, nga sie mwet tutafpo fulat\f + \fr 6:20 \fk mwet tutafpo fulat: \ft kut orekmakin oana kas se inge “ambassador.”\f* lun Jesus Christ, nga finne muta in presin. Pre tuh nga in ku in pulaik in fahkak ke Wosasu oana ma fal.   
\s1 Kas In Wilwil  
\p
\v 21 Kowos fin ke etu keik lah nga fuka, Tychicus el ac fah fahkak nu suwos. El sie mwet lili saok ac oaru ke orekma lun Leum.\x - \xo 6:21 \xt Orek 20:4; 2 Tim 4:12\x*  
\v 22 Pa inge sripa se oru nga supwalot nu yuruwos uh — tuh elan fahkak nu suwos lah fuka ouiyasr nukewa, ac oayapa elan akkeye kowos.   
\p
\v 23 Misla, lungse, ac lulalfongi sin God Papa, ac sin Leum Jesus Christ, nu sin mwet wiasr in lulalfongi nukewa.  
\v 24 Lungkulang nu selos nukewa su lungse Leum lasr Jesus Christ ke lungse su koflana wanginla.