\id 2TI  
\ide UTF8
\h LUO TIMOTHY 
\toc1 Leta Akluo Lal Paul Nu Sel 
\toc2 Luo Timothy 
\toc3 2 Tim 
\mt2 Leta Akluo Lal Paul Nu Sel  
\mt1 TIMOTHY  
\is1 Tukakinyen Leta Akluo Lal Paul Nu Sel TIMOTHY  
\ip \bk Leta Akluo Lal Paul Nu Sel Timothy\bk* fahkak yokna ke kas in kasru nu sel Timothy sifacna, sie mwet fusr su kasrel Paul in orekma lal. Mwe nunak yohk kac uh pa in muteng. Paul el sang kas in kasru ac kas in akku nu sel Timothy tuh elan kwafeang in fahkak ke Jesus Christ, ac sruokyana mwe luti pwaye ke Wuleang Matu ac ke Pweng Wo. Elan oaru in oru ma kunen sie mwet luti ac mwet fufahsryesr in fahkak Wosasu, finne oasr mwe keok ac mwe lain lun mwet nu sel.  
\ip Sensenkakinyuk Timothy tuh elan tia wela “akukuin lalfon ma wangin kalmeya” (2:23) su tia ma ac orala kutu ma, a mwe na akkolukyela mwet su porongo.  
\ip In ma inge nukewa, akesmakinyeyuk Timothy ke ouiyen moul lun mwet se simusla leta se inge: ke lulalfongi lal, mongfisrasr lal, lungse lal, muteng lal, ac keok lal ke kalyeiyuk el.  
\is1 Takla Lun Koanon Leta Se Inge  
\io1 Kas in tukakunla 1:1–2  
\io1 Kaksak ac kas in akesmakinye 1:3—2:13  
\io1 Kas in kasru ac sensenkakin 2:14—4:5  
\io1 Ouiyal Paul sifacna 4:6–18  
\io1 Kas in aksafye 4:19–22  
\c 1  
\p
\v 1 Ma sel Paul, sie mwet sap lun Christ Jesus ke lungse lun God, su supweyuk in fahkak ke moul se su oasr wuleang kac, su kut eis ke kut kupasryang nu sin Christ Jesus —   
\p
\v 2 Nu sel Timothy, tulik kulo nutik:  
\p Lungkulang, pakoten, ac misla nu sum sin God Papa, ac Christ Jesus Leum lasr.\x - \xo 1:2 \xt Orek 16:1\x*   
\s1 Kas In Sang Kulo Ac Kas In Akkeye  
\p
\v 3 Nga sang kulo nu sin God su nga kulansupu ke inse okak oana ke mwet matu luk elos tuh oru. Nga sang kulo nu sel oana ke nga esam kom pacl nukewa in pre luk ke len ac fong.  
\v 4 Nga esamak sroninmotom, ac nga kena liyekomyak ngan mau arulana enganak.  
\v 5 Nga esam pac ke luman lulalfongi pwaye lom, su oan sel Lois nina matu kiom, ac Eunice nina kiom, ac nga lulalfongi lah oasr pac sum.\x - \xo 1:5 \xt Orek 16:1\x*  
\v 6 Ke sripa se inge, nga akesmakinye kom tuh kom in purakak mwe sang su God El sot nu sum ke pacl se nga tuh filiya pouk nu fom.  
\v 7 Tuh Ngun su God El ase nu sesr uh tia mwe aktonongye kut; a ma in nwekkutla ke ngunin ku, ac lungse, ac in sifacna leum facsr.   
\p
\v 8 Ke ma inge, nik kom mwekin in fahkak ma kom etu ke Leum lasr; ku mwekin keik, sie mwet kapir ke sripen Christ. A kom in wi keok ke sripen Pweng Wo, fal nu ke ku ma God El ac sot nu sum.  
\v 9 El molikutla ac pangon kut tuh kut in mwet lal sifacna, tia ke sripen ma kut orala, a ke sripa lal ac lungkulang lal sifacna. El ase nu sesr lungkulang se inge ke Christ Jesus meet liki na mutaweyen pacl uh,  
\v 10 a inge, fwackyuk nu sesr ke tuku lun Christ Jesus, Mwet Lango lasr, su aksafyela ku lun misa, ac ke Wosasu el akkalemye nu sesr ke sie moul su wangin saflaiya.   
\p
\v 11 God El srisrngiyuwi in sie mwet sap ac mwet luti in fahkak Pweng Wo,\x - \xo 1:11 \xt 1 Tim 2:7\x*  
\v 12 ac ke sripa se inge akkeokyeyuk nga. Tusruktu srakna ku lulalfongi luk, mweyen nga etu el su nga lulalfongi, ac nga etu na pwaye lah el ku in liyaung na ma El ase ngan karingin nwe ke Len sac.  
\v 13 Sruokya ku kas pwaye su nga luti nu sum tuh in mwe srikasrak nu sum, ac mutana in lulalfongi ac lungse su ma lasr ke kut kupasryang nu sin Christ Jesus.  
\v 14 Ma wo su itukot nu sum in liyaung, kom in karinganang ke ku lun Ngun Mutal su oan in kut.   
\p
\v 15 Kom etu lah mwet nukewa su muta Asia elos forla likiyu, ac luo selos pa Phygelus ac Hermogenes.  
\v 16 Leum elan pakoten nu sel Onesiphorus ac sou lal, ke sripen el akkeyeyu pacl pus. El tuh tia mwekyekinyu lah nga muta in kapir,  
\v 17 a ke pacl se na el sun acn Rome el tuh sukyu nwe ke na el koneyuyak.  
\v 18 Nga pre tuh Leum elan pakoten nu sel ke Len sac! Ac kom arulana etu lupan kasru ma el oru nu sik ke nga muta Ephesus.   
\c 2  
\s1 Sie Mwet Mweun oaru Lun Christ Jesus  
\p
\v 1 Ke ma inge, wen nutik, kom in akkeye kom ke lungkulang su ma lasr ke kut kupasryang nu sin Christ Jesus.  
\v 2 Eis mwe luti su kom lohng sik ke nga fahkak ye mutun mwet puspis, ac sang ma inge nu sin mwet kom lulalfongi, su fah ku in luti pac nu sin mwet ngia.   
\p
\v 3 Kom in wi pac keok, oana sie mwet mweun oaru lun Christ Jesus.  
\v 4 Sie mwet mweun su oru ma kuna el lungse akinsewowoye mwet kol lal, pwanang el tia akfohsyal sifacna ke orekma lun mwet ma tia mwet mweun.  
\v 5 Sie mwet srital su kasrusr in akutun el tia ku in eis molin kutangla el fin seakos ma sap uh.  
\v 6 Sie mwet ima su orekma upa, fal elan eis ip lal meet ke pacl in kosrani.  
\v 7 Nunku ke ma nga fahk nu sum inge, mweyen Leum El ac ku in oru kom in kalem kac nufon.   
\p
\v 8 Esamul Jesus Christ, su akmoulyeyukyak liki misa, su sie sin fwilin tulik natul David, oana ma lutiyuk ke Pweng Wo su nag fahkak kac.  
\v 9 Ke sripen fahkak luk ke Pweng Wo nga akkeokyeyuk ac kapiri ke sein, oana sie mwet kunausla ma sap. Tusruktu kas lun God tia ku in kapriyuki.  
\v 10 Ke ma inge nga mutangla ma nukewa ke sripen mwet sulosolla lun God, tuh elos fah oayapa eis molela su tuku ke Christ Jesus, oayapa eis wolana su wangin saflaiya.  
\v 11 Kas pwaye se pa inge:  
\q1 “Fin pwaye kut tuh welul misa,  
\q2 Kut fah oayapa welul moul.   
\q1
\v 12 Kut fin kwafeang in muteng,  
\q2 Kut fah oayapa welul leumi.  
\q1 Kut fin lafwekunul,  
\q2 El ac fah oayapa lafwekin kut.\x - \xo 2:12 \xt Mt 10:33; Lk 12:9\x*   
\q1
\v 13 Kut fin soaru nu sel,  
\q2 El ac nuna oaru na nu sesr,  
\q2 Mweyen el tia ku in sifacna aksufalyal.”   
\s1 Sie Mwet Orekma Su God El Insewowo Se  
\p
\v 14 Akesmakinye mwet lom ke ma inge, ac sensenkakunulos ye mutun God tuh elos in tia akukuin ke kalmen kas. Tuh wangin ma wo ac tuku kac, a mwe na akkolukyela mwet su lohng.  
\v 15 Kom in akkeye kom tuh God Elan liye kom wo, sie mwet orekma su tia enenu in mwekin, su orekmakin suwosna kas lun God.  
\v 16 Kom in forla liki sramsram lusrongten wangin sripa, tuh ma inge mwe akloesyalik mwet uh liki God.  
\v 17 Mwe luti ouinge oana ruf aryur su kangla ikwa. Hymenaeus ac Philetus pa luo sin mwet ma luti ouinge.  
\v 18 Elos kuhfla liki ma pwaye ac fusauk lulalfongi lun kutu mwet, ke elos fahk mu sifil moulyak lun mwet uh sikyak tari.  
\v 19 Tuh pwelung ku su God El oakiya tia ku in mokleyukla; ac kas inge simla fac: “Leum El etu mwet lal” ac “Elos su fahk mu elos ma lun Leum, enenu elos in forla liki orekma koluk lalos.”\x - \xo 2:19 \xt Oek 16:5\x*   
\p
\v 20 In sie lohm lulap, oasr kain in ahlu ac pol puspis: kutu orekla ke silver ac gold, kutu ke sak ac kle; kutu ma nu ke tukeni fulat, ac kutu nu ke pacl nukewa.  
\v 21 Ke ma inge kutena mwet fin aknasnasyal liki ma koluk inge nukewa, ac fah orekmakinyuk el nu ke ma yohk sripa, ke sripen el akmutalyeyuk tari ac fal in orekmakinyuk sin leum lal, ac el akola nu ke orekma wo nukewa.  
\v 22 Kaing liki lung koluk lun mwet fusr, ac fahsr tukun suwoswos, lulalfongi, lungse, ac misla, welulos su pang nu sin Leum ke inse nasnas.  
\v 23 A kom in forla liki akukuin lalfon ma wangin kalmeya; kom etu na lah ma inge ac pruakak lokoalok.  
\v 24 Mwet kulansap lun Leum uh tia fal elan mwet akukuin, a elan kulang nu sin mwet nukewa; elan sie mwet luti wo ac mongfisrasr.  
\v 25 Elan mongfisrasr ke pacl el aksuwosye mwet alein nu sel, sahp God El ac sang pacl wo nu selos elos in auliyak ac etu ma pwaye.  
\v 26 Ac toko elos fah asmakla ac kaingla liki mwe kwasrip lun Devil, su sruokolosi ac oru elos in akos lungse lal.   
\c 3  
\s1 Ke Len Safla  
\p
\v 1 Kom in esam lah ke len safla uh ac fah oasr mwe ongoiya lulap sikyak.  
\v 2 Tuh mwet ac fah nunku kaclos sifacna, lungse mani, konkin, ac filang. Elos ac fah kaskas in akkolukye mwet, seakos papa ac nina, nikin sang kulo, ac wangin nunkeyen alu selo.  
\v 3 Elos ac tia kulang, tia pakoten; a elos mwet lesrik, sulallal, folo, ac kwase ma wo.  
\v 4 Elos ac mwet kutasrik, sopoklot, arulana inse fulat; elos fah lungse mwe pwar yohk liki God.  
\v 5 Elos oru alu lalos mwe na lumah, a wangin ku elos eis kac. Kom in srikomla liki mwet su ouinge.  
\v 6 Kutu selos ac utyak nu in lohm sin mwet ke inkanek kutasrik ac eis insien mutan lalfon su toanyuki ke ma koluk lalos, su kolyuk ke kain lung koluk puspis.  
\v 7 Pacl nukewa mutan inge srike na in lutlut, a elos koflana in kalem ke ma pwaye.  
\v 8 Aok, oana ke Jannes ac jambres tuh lainul Moses, mwet ouinge elos oayapa lain ma pwaye — nunak lalos uh lofongla, ac lulalfongi lalos tiana pwaye.\x - \xo 3:8 \xt Exo 7:11\x*  
\v 9 Na orekma lalos ac tia ku in fahla wo, mweyen mwet nukewa ac akilen lupan lalfon lalos, oana ma tuh sikyak nu sel Jannes ac Jambres.   
\s1 Kas In Luti Safla Lal Paul Nu Sel Timothy  
\p
\v 10 A kom nuna fahsr tukun mwe luti luk, ouiyen moul luk, ac sripa su nga kwafeyu in sun; kom liye tari lulalfongi luk, mongfisrasr luk, lungse luk, muteng luk,  
\v 11 mwe kalya nu sik ac keok luk. Kom etu ma nukewa ma sikyak nu sik in Antioch, Iconium, ac Lystra — ke mwe kalya upa nukewa su nga mutangla! Tuh God El moliyula liki ma inge nukewa.\x - \xo 3:11 \xt Orek 13:14–52; Orek 14:1–7; Orek 14:8–20\x*  
\v 12 Aok elos nukewa su lungse in moulkin moul mutal yurin Christ Jesus, elos ac fah kalyeiyuk.  
\v 13 Mwet koluk ac mwet wosounkas ac fah yokyokelik in ma koluk lalos; elos fah kiapwela mwet ac oayapa ac fah kiapweyukla elos.  
\v 14 A funu kom, kom in mutana in ma pwaye su lutiyuk kom kac ac kom arulana lulalfongi ku kac. Tuh kom etu lah su mwet luti lom,  
\v 15 ac tuh ke pacl se kom tulik me kom nuna etu ke Ma Simusla mutal, su ku in asot nu sum lalmwetmet in kol kom nu ke molela su tuku ke lulalfongi in Christ Jesus.  
\v 16 Ma Simusla nukewa ituku ke Ngun lun God, ac oasr sripa in luti ma pwaye, in kai, in aksuwosye, ac in aketeya ouiyen moul suwohs,  
\v 17 tuh mwet lun God in suwosna ac akola fal nu ke orekma wo nukewa.   
\c 4  
\p
\v 1 Nga kwafe sum ye mutun God ac ye mutun Christ Jesus, su ac fah nununku mwet moul ac mwet misa, ac ke sripen el ac tuku leumi oana sie Tokosra:  
\v 2 kom in luti pweng wo, ac kom in moniyuk in fahkak in pacl fal ac in pacl sufal. Kom in kaelos su tafongla, aksuwosyalos, akkeyalos, ac mongfisrasr in luti nu selos.  
\v 3 Pacl se ac fah tuku ke mwet uh fah tia porongo mwe luti pwaye, a elos fah fahsr tukun ma lungse lalos sifacna, ac akpusye nu selos mwet luti su ac fah luti nu selos ma elos kena lohng.  
\v 4 Elos ac srungala lohngyen ma pwaye, ac fah lohang nu ke sramsram lusrongten.  
\v 5 A kom in okak in ma nukewa; muteng mwe keok, oru orekma lun mwet fahkak Pweng Wo, ac akfalye ma kunom oana ke kom sie mwet kulansap lun God.   
\p
\v 6 A funu nga, nga akola in kisakunla moul luk, tuh apkuran me pacl luk in som liki moul se inge.  
\v 7 Nga sang nufon kuiyuk ke akutun luk; nga aksafyela kasrusr luk, ac nga sruokya ku lulalfongi.  
\v 8 Ac inge, oasr sie tefuro in kutangla lemla soaneyu, su ma nu sin mwet moul suwohs. Leum, Mwet Nununku suwohs, el fah ase nu sik in Len sac — ac tia nu sik mukena, a oayapa nu selos nukewa su lungse ac tawi sikme lal.   
\s1 Kas In Wili Lal Pau Nu Sel Timothy  
\p
\v 9 Srike ke kuiyom kom in sa in tuku nu yuruk.  
\v 10 Demas el fahsr likiyu ac som nu Thessalonica, mweyen el lungse ma lun faclu. Crescens el somla nu Galatia, ac Titus nu Dalmatia.\x - \xo 4:10 \xt Col 4:14; Phm 24; 2 Cor 8:23; Gal 2:3; Tit 1:4\x*  
\v 11 Luke mukena oasr yuruk. Solal Mark elan wi kom tuku mweyen el ku in kasreyu ke orekma uh.\x - \xo 4:11 \xt Col 4:14; Phm 24; Orek 12:12, 25; 13:13; 15:37–39; Col 4:10; Phm 24\x*  
\v 12 Nga supwalla Tychicus nu Ephesus.\x - \xo 4:12 \xt Orek 20:4; Eph 6:21–22; Col 4:7–8\x*  
\v 13 Kom fin tuku, kom use nuknuk loeloes se luk nga tuh likiya Troas yorol Carpus, ac use pac book limlim nutik, ac yokna book ma orekla ke kulun kosro ah.\x - \xo 4:13 \xt Orek 20:6\x*   
\p
\v 14 Alexander, mwet orekma ke osra, el oru ma koluk na lulap nu sik. Leum El ac fah folokin nu sel fal nu ke ma el oru ah.\x - \xo 4:14 \xt 1 Tim 1:20; Psa 62:12; Rom 2:6\x*  
\v 15 Sifacna taran kom liki mwet sacn, mweyen el lain na pwaye luti lasr.   
\p
\v 16 Ke pacl se emeet ma tuh nununkeyuk nga, wangin sie mwet wiyu lac. Elos nukewa fahsr likiyu. Nga finsrak God Elan tia sang mwatalos ke ma se inge!  
\v 17 Tuh Leum el muta yuruk ac akkeyeyu, oru nga ku in sulkakinelik Pweng Wo tuh mwet sayen mwet Jew nukewa in lohng; ac nga painmoulla liki misa.  
\v 18 Ac Leum El ac fah moliyula liki ma koluk nukewa, ac El fah loangeyu ac usyuyak nu in Tokosrai lal inkusrao. Lela mwet uh in kaksakunul ac akfulatyal ma pahtpat ac ma pahtpat! Amen.   
\s1 Kas In Wilkas  
\p
\v 19 Lung luk nu sel Priscilla,\f + \fr 4:19 \fk Priscilla: ine Greek se, ac Prisca ine Rome, a mutan se na.\f* ac Aquila, ac nu sin sou lal Onesiphorus.\x - \xo 4:19 \xt Orek 18:2; 2 Tim 1:16–17\x*  
\v 20 Erastus el mutana Corinth, ac nga filiya Trophimus in acn Miletus ke sripn el mas.\x - \xo 4:20 \xt Orek 19:22; Rom 16:23; Orek 20:4; 21:29\x*  
\v 21 Kom in sulaklak tuku meet liki pacl mihsrisr.  
\q2 Eubulus, Pudens, Linus, Claudia, ac oayapa mwet nukewa wiasr in lulalfongi elos supu lung lalos nu sum.   
\p
\v 22 Leum elan muta in ngunum.  
\q2 Lungkulang lun God in oan yuruwos nukewa.