\id 2TH  
\ide UTF8
\h LUO THESSALONICA 
\toc1 Leta Akluo Lal Paul Nu Sin Mwet Thessalonica 
\toc2 Luo Thessalonica 
\toc3 2 Thes 
\mt2 Leta Akluo Lal Paul Nu Sin Mwet  
\mt1 THESSALONICA  
\is1 Tukakinyen Leta Akluo Lal Paul Nu Sin Mwet THESSALONICA  
\ip Fohsak lun mwet lulalfongi ke tupanyen foloko lun Christ aktukulkulyena mwet in church Thessalonica. \bk Leta Akluo Lal Paul Nu Sin Mwet Thessalonica\bk* srumun ke lulalfongi lun kutu mwet in church we ma fahk mu len in foloko lun Leum tuku tari. Paul el lungse aksuwosye nunak tafongla se inge, in fahk lah meet liki Christ el ac foloko, kain in ma koluk nukewa ac fah arulana yokelik ye kolyuk lun sie ma lukma su pangpang “El Su Koluklana,” su ac fah alein nu sin Christ.  
\ip Paul el srumun arulana ku lah mwet su ac riti kas inge enenu in tu na ku ke lulalfongi lalos, finne oasr mwe lokoalok ku mwe keok nu selos. Elos in orekma in sang kasru enenu lalos sifacna, in oana ke Paul ac mwet su welul elos oru. Oayapa elos in kwafeang na in oru ma wo.  
\is1 Takla Lun Koanon Leta Se Inge  
\io1 Kas in tukakunla 1:1–2  
\io1 Kas in kaksak ac akkeye 1:3–12  
\io1 Kas in luti ke tuku lun Leum 2:1–17  
\io1 Kas in akku nu ke ouiyen moul in Christian 3:1–15  
\io1 Kas in aksafye 3:16–18  
\c 1  
\p
\v 1 Ma sel Paul, Silas, ac Timothy — Nu sin mwet in church Thessalonica, su mwet lun God Papa tumasr, ac Leum lasr Jesus Christ:\x - \xo 1:1 \xt Orek 17:1\x*   
\p
\v 2 Lungkulang ac misla nu suwos sin God Papa tumasr, ac Leum Jesus Christ.   
\s1 Nununku Ke Pacl Christ El Ac Tuku  
\p
\v 3 Mwet wiasr in lulalfongi, kut enenu in sang kulo nu sin God keiwos pacl nukewa. Fal nu sesr in oru ouinge ke sripen lulalfongi lowos arulana kapkapak, ac lungse lun kais sie suwos nu sin mwet ngia oayapa yokyokelik.  
\v 4 Pa ingan sripa se pwanang kut konkin keiwos nu sin mwet in church nukewa lun God. Kut konkin ke ouiyen muteng lowos ac lulalfongi lowos ke pacl in kalya ac keok nukewa ma sun kowos.   
\p
\v 5 Ma inge mwe akpwayeye lah nununku lun God suwosna, ac ke sripa inge kowos fal in wi oaoala nu ke Togosrai lal, su kowos keok kac.  
\v 6 God El ac fah oru ma suwohs: El ac fah akkeokyalos su akkeokye kowos,  
\v 7 ac El ac fah sot mongla nu suwos su akkeokyeyuk, ac nu sesr oayapa. El ac fah oru ma inge ke pacl se Leum Jesus el ac sikme inkusrao me wi lipufan kulana lal,  
\v 8 ac wi e firir, in sang kalyaelos su pilesru God, oayapa elos su tia akos Pweng Wo ke Leum lasr Jesus Christ.  
\v 9 Ac fah kaiyuk elos, ac God El ac fah kunauselosla ma pahtpat, ac elos ac fah sisila liki ye mutun Leum ac liki ku wolana lal,\x - \xo 1:9 \xt Isa 2:10\x*  
\v 10 ke el ac tuku ke Len sac in eis wolana sin mwet lal nukewa, ac eis sunak selos nukewa su lulalfongi. Kowos ac fah welulos pac mweyen kowos lulalfongi kas ma kut fahkak nu suwos.   
\p
\v 11 Pa inge sripa se pwanang kut pre keiwos pacl nukewa. Kut siyuk sin God lasr tuh Elan oru tuh kowos in moul fal nu ke moul su El pangon kowos nu kac. Kut pre tuh ku lun God in kasrekowos in oru ma wo nukewa ma kowos kena oru, ac oayapa aksafyela orekma in lulalfongi lowos.  
\v 12 In ouiya se inge, kowos ac fah sang wolana nu ke Inen Jesus Leum lasr, ac el ac fah sot wolana nu suwos, ke sripen lungkulang lun God lasr ac lun Leum Jesus Christ.   
\c 2  
\s1 El Su Koluklana  
\p
\v 1 Inge, ke tuku lun Leum lasr Jesus Christ ac ke tukeni lasr yorol: nga kwafe nu suwos, mwet lulalfongi wiasr,\x - \xo 2:1 \xt 1 Thes 4:15–17\x*  
\v 2 kowos in tia sa in fohsak ke nunak lowos, ku toasrla ke kas se ma fahk mu Len lun Leum sikme tari. Sahp oasr mwet nunku mu kut pa fahk ma inge ke kas in palu lasr, ku kas in luti lasr, ku ke leta lasr.  
\v 3 Kowos in tia lela tuh kutena mwet in kiapwekowosla in kutena ouiya. Tuh Len sac ac fah tia tuku nwe ke na Amei safla sac orekla tari, ac El Su Koluklana el sikme, su ac fah kunausyuki in hell.  
\v 4 El Su Koluklana ac fah lain ma nukewa ma mwet uh pangon ma mutal ac alu nu kac, ac el ac fah sifacna akfulatyal ac fahk mu el ku liki kutena ngun ac god saya. El ac oayapa utyak ac muta in Tempul lun God ac fahk mu el pa God.\x - \xo 2:4 \xt Dan 11:36; Ezk 28:2\x*   
\p
\v 5 Ya kowos tia esam? Nga nuna fahk ma inge tari ke nga tuh muta yuruwos.  
\v 6 Tusruktu oasr ma ikolya ma inge in tia sikyak inge, ac kowos etu lah mea se inge. Ke ma inge, in pacl fal, El Su Koluklana fah sikme.  
\v 7 Ma Koluk Lukma se mutawauk orekma tari, tuh ma ac sikyak uh ac tia orek nwe ke na el su ikolya ma inge utukla.  
\v 8 Na El Su Koluklana fah sikme, tuh ke Leum Jesus el ac tuku el ac fah unilya ke mongin oalul, ac tuku wolana lal ac fah kunausulla El Su Koluklana.\x - \xo 2:8 \xt Isa 11:4\x*  
\v 9 El Su Koluklana ac fah tuku ke ku lal Satan ac oru kain in mwenmen kikiap ac mwe akul sakirik puspis,\x - \xo 2:9 \xt Mt 24:24\x*  
\v 10 ac oru kain in kutasrik nukewa nu selos su fah tuhlac. Elos ac fah tuhlac mweyen elos tia insewowo in eis ac lungse ma pwaye, tuh elos in mau ku in moliyukla.  
\v 11 Ac ke sripa se inge God El supwama nu selos ku lun ma sutuu in orekma in elos tuh elos in lulalfongi ma kikiap.  
\v 12 Na saflaiyen ma inge pa: elos nukewa su tia lulalfongi ma pwaye, a engankin ma koluk, fah lisyukla.   
\s1 Suleyukla Kowos Nu Ke Molela  
\p
\v 13 Mwet wiasr su saok sin Leum God, kut enenu in sang kulo nu sin God keiwos pacl nukewa. Tuh God El sulekowosla tuh kowos emeet in moliyukla ke ku lun Ngun Mutal, tuh Elan orekowos mwet mutal lal. El oayapa sulekowosla ke sripen lulalfongi lowos in mapwaye.  
\v 14 God El pangon kowos nu ke ma inge ke Pweng Wo su kut luti nu suwos. El pangon kowos tuh kowos in wi ipeis ke wolana lun Leum lasr Jesus Christ.  
\v 15 Ke ma inge, mwet wiasr in lulalfongi, kowos in tu na ku ac sruokya ma pwaye su kut fahkak nu suwos ke kas in luti lasr ac oayapa in leta lasr.   
\p
\v 16 Inge, Leum lasr Jesus Christ sifacna, ac God Papa tumasr, su ke lungkulang lal El lungse kut ac ase nu sesr pulaik ac finsrak ku, su ac tiaa wanginla,  
\v 17 Elan akpulaikye kowos ac akkeye kowos in oru ma wo ac kaskaskin ma wo pacl nukewa.   
\c 3  
\s1 Kowos In Pre Kacsr  
\p
\v 1 In aksafyela, mwet wiasr in lulalfongi, kowos in pre kacsr tuh kas lun Leum fah sa in pwengelik, ne ke mwet uh elos ac eis, in oasr srui ac kaksak lalos oana ke kowos oru.  
\v 2 Kowos in oayapa pre tuh God El fah karingin kut liki mwet koluk uh; tuh tia mwet nukewa lulalfongi kas in luti lasr.   
\p
\v 3 Tuh God El oaru, ac El ac fah akkeye kowos, ac karinginkowosyang liki El su Koluklana.  
\v 4 Leum pa oru kut in lulalfongi kowos, ac kut etu lah kowos oru na ma kut luti kowos kac, ac kowos ac fah tafwelana in oru.   
\p
\v 5 Lela Leum elan kol kowos ac akyokye kalem lowos ke lungse lun God, ac tuh kowos in ku in muteng oana Christ.   
\s1 Eneneyuk In Orekma  
\p
\v 6 Mwet saok wiasr, kut sapkin nu suwos inen Leum lasr Jesus Christ tuh kowos in tia ukwe kutena mwet lulalfongi wiowos su alsrangesr ac tia fahsr tukun mwe luti lasr nu selos.  
\v 7 Kowos arulana etu lah kowos enenu in orekma oana ke kut oru. Kut tiana alsrangesr ke kut tuh muya yuruwos.  
\v 8 Kut tiana eis kasru sin kutena mwet ke wangin molo. A kut sang kuiasr in orekma ke len ac fong tuh kut in tia akkwacoye kowos.  
\v 9 Kut oru ma inge, tia ke sripen sufal kowos in kasru enenu lasr, a kut oru tuh in mwe srikasrak nu suwos.  
\v 10 Ke kut muta yuruwos ah kut fahk nu suwos mu, “Kutena mwet fin srunga orekma, lela elan tia mongo.”   
\p
\v 11 Kut fahk ma inge ke sripen kut lohng lah oasr mwet alsrangesr inmasrlowos su tia wi orekma, a elos isongolos na in akfohsye orekma lun mwet saya.  
\v 12 Kut sap nu sin mwet ingan, ac kwafelos inen Leum Jesus Christ, tuh elos in suk moul suwohs ac okak, ac elos in orekma in sifacna fosrngakunulos.   
\p
\v 13 A kowos, mwet lulalfongi wiasr, nik kowos totola in oru ma wo.  
\v 14 Sahp ac oasr sie suwos su ac tia akos kas lasr in leta se inge. Fin ouinge, kowos akilenya mwet sac, ac tia aengani yorol, elan mau mwekin.  
\v 15 Tusruktu, nik kowos oral srulun mwet lokoalok se, a kael oana sie mwet lulalfongi wiowos.   
\s1 Kas Safla  
\p
\v 16 Lela Leum sifacna, su ase misla lasr, elan asot misla nu suwos in pacl nukewa ac in ouiya nukewa. Leum elan wi kowos nukewa.   
\p
\v 17 Nga simis kas inge ke poul sifacna: \add Lung luk nu suwos, nga Paul\add*. Pa inge sainiyen leta luk nukewa.   
\p
\v 18 Lungkulang lun Leum lasr Jesus Christ in wi kowos nukewa.