\id PHP Philippians, Kate, PNG, wwh 12/92 
\h FILIPI 
\toc1 Filipi 
\toc2 Filipi 
\toc3 Filipi 
\mt1 FILIPI  
\ip Paulo e miti kiŋaŋ šâšâŋiŋ moc rawec i raku Asia mâreŋ masunao hâwecmecko hae moc ŋewec šâŋene Troa, ira fisiwec. Fisirâ juhame guŋko Airopa mâreŋkonec ŋic moczi wira wâwâsic ecneme manarâ Airopa mâreŋko rawec. Raku Makedonia mâreŋko Filipi haeo fisiwec (Aposolo 16:9-12). Luka â Sila jahe ehec mâmâc jumbiŋ. Eme Paulo e hae ira miti mume Lidiazi mana šakierâ hezu hewâneŋ ejarewec. Ʒâhec ine Paulo â Sila kâcbiŋzi jofarâ kâpâcwâru ficko râec-jofambiŋ. Ira fohapire ŋafeo homeŋzi motâc bâŋgoroŋkeme soŋaŋ e sahac-ticne qazo ewec. Eme hae fureme Luka e ijaha juhame Paulo â Sila jahe Tesalonike haeo rapic (Aposolo 16:14-40).  
\ip Filipi haeonec jaŋe mitire mana aŋac boc epie Paulozi jaŋere bubiaŋ kâcɋene bajuwec. Ehuc šiŋuc qâreŋke-jarewec: Ŋoŋe hâcne eri bubiaŋfâc-nane (gaŋ 4:1). Hae gâcnaoneczi Paulo moneŋ mafa râcnezo mupie qikiŋnewec. Filipi haeonec miti ŋic ŋokac jaŋe ine Paulore maŋjeŋic boc domawecte bubiaŋ wiac râcnepie rojujec (gaŋ 4:10-18). Roma haeo kâpâcwâru ficko ŋehame Epafodito bubiaŋ wiac bâmockerâ râcnepie barâ rawec. Erâ Roma haeo fisirâ hucsâko bame hâmozo ewec. Foku ɋiɋic qame Paulozi soreme hae-ticnao risiewec, ehuc Paulore papia i bafisirâ âgofâcne jarewec (gaŋ 2:25-35).  
\ip Paulozi šeri bubiaŋ dâŋ bocjaha qâreŋke-jarewec (gaŋ 3:1 â gaŋ 4:4). E jahacnere šiŋuc manawec: No mi nupie hâmopemu, no ŋoŋehec mocwâc jupemu. E hâmocte mi hâwickewec, mâc giere manabâc ewec (gaŋ 1:13-14 erâ 21-26). Maŋ mocjaha erâ Jesure bâjâpecfâc fârine juniŋte uŋsawaŋ â mu qâmoc dâŋ qâreŋke-jarewec wâc (1:27-2:18). Miti bâbâsifuc ŋic Filipi haeo fisimbiŋ, ehuc šiŋuc mumbiŋ: Mamac-jeŋic kâpâcwâruo fohame ŋicfâcne sâcne rucjopapene nâŋâcne kike bâjâpec enšepieŋ. Eme Paulo e jaŋere uŋsawaŋ dâŋ qâreŋkewec (gaŋ 1:15-17 erâ gaŋ 3:17-19). Ŋic i jaŋere rucsoŋaŋ juniŋte mujarewec, ehuc mao eri-nâŋec ŋekicne irec henširiŋneniŋte bufac qajarewec (gaŋ 3:12-16).  
\c 1  
\s1 Jambuŋdâŋ  
\p
\v 1 Paulo â Timoteo, Jesu Kristore kiŋaŋ qaqa, nâhe Filipi haeonec Kristo Jesure mitiŋic ŋokac â soŋaŋ babafic ŋoŋere papia ši râekoperec.  
\v 2 Mamac-nâŋec Anutu â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.   
\s1 Paulo e kâpâcwâru ficko ŋic jaŋere erâ Wofuŋ daŋge nunumu ecnewec  
\p
\v 3 No ŋoŋere manasuhuc Sâc Anutu-nane daŋge âzâcneekopac.  
\v 4 Ŋoŋe Biŋebiaŋ manahuc izia nâŋehec qâturerâ giene bawarehuc jumbiŋ,  
\v 5 eme irec numuekopac sâc mâmâc-ŋeŋicte bubiaŋ manahuc Wofuŋ daŋge numumu ecneekopac.  
\v 6 Erâ šiŋuc manapaŋkekopac, gie biaŋ ŋoŋerao fuŋkeweczi baku bataraha Jesu Kristo fifisi dameŋ-ticne maickezokac.  
\v 7 No ŋoŋe sasawa iŋuc mana-ŋarekopac i fuŋne šiŋucte sâckekac: No šira kâpâcwâru ficko Biŋebiaŋte erâ dâŋgie bahuc feŋeŋ râecnepe ŋoŋe sasawa baficnuhuc ŋesiŋ ŋenareeŋgopieŋ” eme no irec hâcne maŋnanezi šâfic-ŋopaekopac.  
\v 8 Jesu Kristozi maŋjauŋ enâreekac ira hesiŋnehuc no ŋoŋere erâ maŋhâhâŋ boc enareekac, i Anutuzi manaha jâmbomac mukopac.  
\v 9 Erâ maŋjauŋ-ŋeŋiczi maŋ mamanasu â mamana wosâc-ŋeŋic bâsoka raocte numuhuc juekopac.  
\v 10 Eme ŋoŋe wiac fâri wâmbuŋne hone šâŋitac erâ Kristo fifisi-ticnere manasuhuc maŋtaniŋ â bahacmâc junšepieŋ,  
\v 11 ehuc Jesu Kristozi hume keteŋ eŋareme mitire fârine mâririhec bâfuapie Anuture šeri mumuteŋ ezejec.   
\s1 Gâcnezi hehefaricko miti mumbiŋ  
\p
\v 12 Âgofâc-nane, kâuc banšipiŋte ŋazape, no šira wiac fua-narewec izi Biŋebiaŋ hatacke hâmoocte fuawec.  
\v 13 No Kristore erâ kâpâcwâru ŋic epo, dâŋ izi šira kia â momori â ŋic gâcne jaŋere hazecko hufârewec.  
\v 14 Eme kâpâcwâruo ŋehape širecnec âgofâc-nâŋec gâcne sâko jaŋe Wofuŋte manasuhuc afeckerâ Anuture dâŋ hâhâwic tâmiric mueŋgopieŋ.  
\v 15 Tucne Kristore miti i iiŋguuŋko â hehefaricko mueŋgopieŋ, â tucnezi ine buurucko mueŋgopieŋ.  
\v 16 I jaŋe mueŋgopieŋ ine no šira fohuc Biŋebiaŋ ŋezickeekopac irec maŋjauŋ enarehuc mueŋgopieŋ,  
\v 17 â gâcnezi ine sioc ehuc iiriacko Kristore šâŋe muromackeeŋgopieŋ, i kâpâcwâru-nanere faio bušâic bâfua-nareniŋte eeŋgopieŋ.  
\v 18 Erâ iŋuc me iŋuc, miti qâtiŋ ehuc muniŋmu me jâmbomacko muniŋmu irec wemocte boc muzo, mâc Kristore dâŋzi haŋ baocmu izi fârine, eme i fuakacte bunane biaŋkekac.   
\s1 Paulo e jujure â hâhâmore mâmâc ecnewec  
\p
\v 19 Erâ šiŋuc muhuc bubiaŋ hati jupemu: Ŋoŋe nore erâ nunumu gie bapie Jesu Kristore Mârozi baficnume wiac kecšizi bubiaŋ bâfua-nareocmu.  
\v 20 Erâ mimi mi bâfuapemu, i manapaŋkepe šickeha maŋzi worickehuc jupemu. Ewarepo iŋuc erapemu, jujure me hâhâmore sahac-nane maŋafec jaha Kristo qikiŋnecnepe izi mumuteŋ-ticne ezejec.  
\v 21 Kristozi juju-nane ekac â hâmoczi wiac fekicne bâfua-nareocmu.  
\v 22 Me mâreŋko šuhuckerâ jupemu, ine giere fârine mocwâc bâfuapemu. Irec wenimoire afeckepe muhuc maŋguru ekopac.  
\v 23 No mocte â mocte mâmâc enarekac. Mâreŋ beherâ Kristo bâfuarâ ehec juju irec aŋacnukac, izi hâcne wiac fekicne.  
\v 24 Á ŋoŋe bekâ enšipiŋte ine ŋoŋere erâ mâreŋko mocwâc šuhuckerâ jupe sâckeocmu.  
\v 25 Eme irec hâcne šiŋuc manapaŋkekopac: No mi hâhâmo ŋoŋehec jupemu, erâ bafic-ŋopape mamanasiŋ-ŋeŋic ɋârâŋkeme bubiaŋhec junšepieŋ.  
\v 26 Á ŋoŋerao mocwâc fârâ jupe nore erâ Jesu Kristo muteŋkeeŋgopieŋzi hati erâ muteŋkenšepieŋ.   
\s1 Keketeŋ erâ juju gie bazo  
\p
\v 27 Mocjaha, ŋoŋe kikefuŋte maio Kristore furu Biŋebiaŋ irec sâcko junšepieŋ. Erâ maŋ mocjaha ehuc šâšâfic erâ keketeŋ domahuc Biŋebiaŋte juju gie bapie fârâ honec-ŋopazepac, me taicko juhuc biŋe-ŋeŋic manazepac.  
\v 28 Keketeŋ epie kisâfâc-ŋeŋic hâhâwic heŋarepie hâbi-ŋeŋic mi goroŋkezejec. Iŋuc epie Anutuzi jaŋe behec-jopaocmu â ŋoŋe rocŋopaocmu irec fuŋne bataniŋkeocmu.  
\v 29 Anutuzi Kristo wiac ecneniŋte mana-ŋarewec i manasiŋkeniŋte sawa mâcne, ere erâ šâic fâro faio juniŋte mâmâc mana-ŋarewec.  
\v 30 Eme no mârâcko juju gie bape honecnumbiŋ â šiŋuczia bape biŋene manaeŋgopieŋ, juju gie ijaha ŋoŋe baeŋgopieŋ.   
\c 2  
\s1 Maŋ mocjaja erâ jauŋ babac ezo  
\p
\v 1 Ŋoŋerao Kristore erâ sawaŋ qaqac me maŋjauŋko muketeŋ, me Mârohec šâšâfic, me miriŋ â buuruc, wiac i sasawa fokacko  
\v 2 bubiaŋ-nane ferâ foocte mamanasu-ŋeŋic qâturenšepieŋ, erâ maŋzi šâšâfic ehuc mocjaha efârerâ wiac irecteaŋ henširiŋnehuc junšepieŋ.  
\v 3 Ŋoŋe hehefaricko â sahac mumuteŋko wiac mi enšepieŋ, moc e jahacne maŋ bawahahuc âgofâcne jaŋere maname fezejec.  
\v 4 Erâ moc e jahacne wiac embiaŋkeocte sawa mâcne, âgofâcne jaŋere fua biaŋ eocte mâmâc manasuzejec.   
\s1 Jesuzi hata bânie-nârewec ijaha âtezo  
\p
\v 5 Kristo Jesure maŋ mamanasu fowec, iŋuc jaha ŋoŋerezi fozejec.  
\v 6 E Anutu juju juweczi ine, Anuture sâcko juekopac weniŋuc behepemu, iŋuc muhuc mi sakarewec.  
\v 7 Aricne, e juju-ticne hetararâ kiŋaŋ qaqa hawari rohuc ŋic iŋucne fuawec, â eebapa-ticne honepie ŋic nâŋâcne sâc ewec.  
\v 8 E wahakicne erâ juhuc micrereŋte hata âte raku hâmoc maickewec, maripoŋko hâmoc hâcne.  
\v 9 Iŋuc ewecte Anutuzi bafehuc fekicne sâko âkendâŋnewec. Âkendâŋnerâ šâŋe biŋe-ticne fuŋmoc izi haŋ bahuc ŋic šâŋe biŋe getâcke-fâreocte mucnewec.  
\v 10 Eme sambâŋko â mâreŋko â mâreŋ jujuwicnao jueŋgopieŋ jaŋe šeŋgoma Jesure šâŋe muhuc dieŋzi hecnenšepieŋ  
\v 11 â micne mic sâc Jesu Kristo e Wofuŋ jukac iŋuc musereckenšepieŋ. Eme mumuteŋ izi Anutu Mamacte biŋe ezejec.   
\s1 Biaŋke-hâmonaŋte fotarienšepeneŋ  
\p
\v 12 Jorocfâc-nane, ŋoŋe dameŋ sâc micrereŋ eeŋgopieŋ, ŋoŋehec juhape sawa mâcne, taicko juhape wâc ejâmbâŋkeeŋgopieŋ, irec bâbâpiaŋ-ŋeŋicte fârine bâfuaniŋte mezac-ŋopaha fotac qatarienšepieŋ.  
\v 13 Anutu e jahac hâcne, honec-ŋopame biaŋkeocte aafecke mecne fârine bâbâfua mecne irec tâpiri ŋareekac.  
\v 14 Ŋoŋe wiac sasawa kâroŋ â maŋguru tâmiric enšepieŋ.  
\v 15 Erâ bahacmâc â maŋtaniŋ junšepieŋ, ehuc ŋicguru bac bâŋoricne â qaqaharicne jaŋere dapâc ŋondeŋko Anuture naru motecfâc maŋɋaɋac erâ juhuc bâpiŋ iŋucne tamaenšepieŋ.  
\v 16 Tamaehuc jujure dâŋ paŋnea bajunšepieŋ. Iŋuc epie juku Kristo fifisi dameŋ-ticnao, šâic mi mana-bipiepo â gie mi bâipiepo, irec fuŋne taniŋkeme šeri bubiaŋ manazepac.  
\v 17 No mamanasiŋ-ŋeŋic Anutu taha bacnehuc sahac-nane due bapemuo sifu irec šeri ehuc ŋoŋehec bubiaŋ manapemu.  
\v 18 Á ŋoŋe iŋuc jaha šeri ehuc nohec bubiaŋ mananšepieŋ.   
\s1 Timoteore dâŋ  
\p
\v 19 Wofuŋ Jesuzi maname sâckeme Timoteo biac ŋoŋerao sorepe fâocte mukopac. Eme ŋoŋere dâŋ biŋe moc risie wareme manarâ bunane mâteŋkezejec.  
\v 20 Ŋic e iŋucne moc mi junareŋgopieŋ, eki jâmbomac ŋoŋere manoniehuc maŋticnezi dopec-ŋopaocmu.  
\v 21 Ŋic gâcne jaŋe jaŋacnere sawa manasuhuc Jesu Kristo gie-ticnere mi mueŋgopieŋ.  
\v 22 Timoteo ine juju-ticnere fuŋne manaeŋgopieŋ, ŋokâzi mamac-ticne bafickeekac iŋuc jaha no Biŋebiaŋte giere baficnuekac.  
\v 23 Eme no nahacnao wiac iŋuc me iŋuc fuaocmu i mana-hâmorâ e hâcne biac sorepe fâocmu.  
\v 24 Erâ Wofuŋzi mana-nareme no nahac wâc mi šoraha ŋoŋerao fâpemu, iŋuc manakopac.   
\s1 Epafodito ere dâŋ  
\p
\v 25 No wiac basahuc juhape ŋoŋe Epafodito sorepie ware dope hutuŋ enarewec, ehuc qomâ-nane â babafic-nane â momori âgo-nane juekac, e sifu bârisie-ŋarezo mukopac.  
\v 26 E huc bame biŋene manambiŋ, eme ere manabâc enšipiŋte ŋoŋere maŋhâhâŋ ecnekac.  
\v 27 E huc ŋemâcne bame hâmozo ewec. Anutuzi ine ehâmocnewec, erâ e sawa mâcne, norao busâqoczi busâqoc fuazacte no mâmâc ehâmo-narewec.  
\v 28 Ŋoŋe honerâ buŋeŋic biaŋkeocte â no iŋuc jaha manabâc tâmiric jupemurâ e mi sakarehuc šiŋuczia râepe fakac.  
\v 29 Irec fâme bubiaŋ manacnehuc Wofuŋte erâ âgo ecnenšepieŋ. Ŋoŋe ŋic iŋucne hâcne sâsec-jopanšepieŋ.  
\v 30 E Kristore giere erâ hâmozo ewec. Ŋoŋere okacne kiŋaŋ qanareocte sahac-ticne qaisockewec.   
\c 3  
\s1 Mitiŋic bâbâsifucne jaŋere rucsoŋaŋ juzo  
\p
\v 1 Âgofâc-nane, moc mupe. Wofuŋte erâ bubiaŋhec junšepieŋ. Dâŋ hâsine ijaha qâreŋke-ŋarezore manape mi quŋkekac, â ŋoŋe ine hume keteŋ eŋarezejec.   
\p
\v 2 Ŋoŋe qâto jaŋere rucsoŋaŋ junšepieŋ, miti gie bapa bâbâsifucne, sahac hehetâc ŋic jaŋere rucsoŋaŋ hâcne junšepieŋ.  
\v 3 Anutu maŋzi kiŋaŋ qacneeŋgopeneŋ â Kristo Jesurao qohotaeŋgopeneŋ â mamanasiŋ-nâŋec sahacko mi râeeŋgopeneŋ, nâŋâc hâcne ma fârine bajueŋgopeneŋ.  
\v 4 No nahac sahacko siŋkezo murâ sâcne ezapo. Ŋic gâcne jaŋe sahacko siŋkeeŋgopieŋ no ijaha ezo murâ siric-jopazapo.  
\v 5 No fuarâ fohape šoaŋ 8 eme sahac-naneo ma bambiŋ, no Israe ŋicguruonec, Benjamiŋte ɋâric, no Judaŋiczi Judaŋic jaŋeraonec fuakicne hâcne, sâcmutâc dâŋte neŋgocne farisaio ŋic jupo,  
\v 6 šoɋac-nanere erâ kikefuŋ jaŋere râsi epo, sâcmutâc dâŋ sâcko tiŋne juju â bahacmâc jupo.   
\s1 Paulozi Wofuŋte erâ wiac sasawa jawane muhuc qikiŋnewec  
\p
\v 7 Eme no mârâc wiac bajuhuc manape fârine ewec, i šâhec ine Kristore erâ manape racne ewec.  
\v 8 No Wofuŋ-nane Kristo Jesu ere fuŋne hone šâŋitâc erâ manape furi sâko eme wiac mârâc epo bapo irec jâmbomac manape racne eekac. No Kristo rauckepemurâ ere erâ wiac sasawa ho jawa muhuc qikiŋne-fârepo.  
\v 9 No erao qohotahuc, sâcmutâc reŋkehuc kiŋfâsâc bâbâfua i mâcne. Kristo manasiŋkehuc kiŋfâsâc juju irec enareekac. Mamanasiŋhec jupe Anutuzi kiŋnanere maname tatara, irec mukopac.  
\v 10 Erâ no Kristo maŋzi hemiriŋkepe fafahare-ticnere tâpiri norao fuame šâic manawecko šuhuckerâ ehec manazepac. Eku hâmoc-ticnere hawari wâc bâfuazepac.  
\v 11 Iŋuc eerâ raku hâmockonec fafahare bâfuapere enareekac.   
\s1 Mao eri râe-nârekicne irec henširiŋnezo  
\p
\v 12 No nahacnere šiŋuc mi mukopac: Biac mao fisirâ eri bâfuapo. Mâc Kristo Jesuzi no rocnuwecte eri bâfuapemurâ hata gagasa i gasackeekopac  
\v 13 Âgofâc-nane, eri biac bâfuarâ ropo, i no nahacnere manape iŋuc mi ekac Kecšiŋuc ine eekopac: Wiac hetarapo i râpeckeekopac, â wiac mai-naneo râekicne irec menane sicneekopac,  
\v 14 ehuc Anutuzi Jesu Kristore erâ sambâŋte hefârecnuhuc mao eri râe-narewec, i bâfuapemurâ šâŋezi hone dendeŋnehuc gasackeekopac.  
\v 15 Soka tarakicne nâŋâc mâmâc sasawa wiac irecteaŋ hâcne henširiŋnehuc junšepeneŋ. Eme wiac mocte manapie hatane moc ekacko Anutuzi maŋŋeŋic batamaeme mana taraniŋmu.  
\v 16 Mâc hata âte warembeŋ ijaha âte ranšepeneŋ.   
\s1 Nâŋâc sambâŋ hae irec fârine  
\p
\v 17 Âgofâc-nane bânie-ŋarepe honecnuhuc ijaha bâjâpecnunšepieŋ. Á ŋic gâcne sâc ijaha juhuc bânie-ŋareeŋgopieŋ jaŋerao wâc šâŋe fihuc junšepieŋ.  
\v 18 Ŋic tucne jaŋere ŋaza warehuc jupo, ši ine ki busâqochec mocwâc ŋazape: Jaŋe Kristo maripoŋ-ticne râsi ecneeŋgopieŋ.  
\v 19 Ŋic i jaŋe hâcne sisipiric bâfuaniŋmu. Hobu-jeŋiczi wofuŋ ejareekac, â wiac mimineheczi bubiaŋ qajareekac, â mâreŋkonec wiac maŋ mamanasu-jeŋic rofâreekac.  
\v 20 Nâŋâc ine sambâŋ hae irec fârine, eme irecnec hâcne bâbâpiaŋ-nâŋec Wofuŋ Jesu Kristo, e waharâ rocnâpoocte woŋec jueŋgopeneŋ.  
\v 21 E ŋic â wiac sasawa bawahac-joparâ jahacne rurumaŋko guruc-jopaocte tâpiri focnekac, tâpiri izi sahac-nâŋec waha qaqane bâtikieme e jahacne sahac iŋucne tatamac huririnehec eocmu.   
\c 4  
\s1 Paulo âgo babaficfâc-ticne jaŋere dâŋ  
\p
\v 1 Âgo biaŋfâc-nane, maŋnane ŋoŋere boc ecneekac, ŋoŋe hâcne eri bubiaŋfâc-nane, ŋoŋe Wofuŋtao qohota sanaŋkenšepieŋ, jorocfâc-mae.  
\v 2 Euodia â Sintike ŋokac jahec jahe Wofuŋte erâ maŋ mocjaha erâ juzepirec.  
\v 3 Á babafic fâri-nane go ine ŋokac jahec hâcne hone maiŋ ejactezemec. Jahe mecne â Kelemento â âgo gâcne jaŋe Biŋebiaŋte giere dopecnumbiŋ. Ʒâŋe-jeŋic juju sanaŋte papia qizecko fofârekac.   
\s1 Mu baafec dâŋ  
\p
\v 4 Ŋoŋe Wofuŋte erâ šeri bubiaŋ manahuc junšepieŋ, no harierâ mupe, šeri bubiaŋ mananšepieŋ.  
\v 5 Wofuŋzi bâqiŋ-nâpokacte ŋic sasawa wamane ejarenšepieŋ.  
\v 6 Wiac irec me irec mana mezac mi ee maŋŋeŋicte dâŋ fuŋne fuŋne i Anutu daŋge nunumu ecnehuc mutaniŋkecnenšepieŋ.  
\v 7 Eme Anuture wama e ŋic mamana sirickeekaczi maŋ mamanasu-ŋeŋic qâzuckeme Kristore fosanaŋkeocmu.   
\p
\v 8 Erâ âgofâc, dâŋ moc mupe: Wiac fârine â wiac araŋ bapanehec, wiac tiŋne â wiac ɋaɋacne, wiac hohone šiziwene â wiac mamana šiziwene, wiac eesaricne â wiac bubiaŋ bâbâfuane, wiac i sasaware henširiŋnehuc junšepieŋ.  
\v 9 No wiac mu qazuc â ŋaza ŋowatuc epe hone manac embiŋ, ijaha ehuc jupie Anutu wama runezi ŋoŋehec juocmu.   
\s1 Paulozi iŋuc me iŋuc jume bame biaŋkewec  
\p
\v 10 Ŋoŋe ŋondeŋne moc mâc juwareku ši nore mocwâc manasurâ buafec-ŋeŋicte ehâmo-narembiŋ, irec manape Wofuŋtao qacneme bubiaŋ kâcɋene manakopac. Ŋoŋe nore mamanasu i manasumbiŋ, mâc wiac enareniŋte hata basarâ quŋkembiŋ.  
\v 11 No kâroŋ qaŋarehuc mi mukopac, no wiac i me i basarâ mâc juhuc manape mi sâqoreekac.  
\v 12 No qafec qawahac juju me fofo dunduŋ fonareha juju, iŋuc me iŋuc juzo murâ sâcne jupemu. Nâ gapehec juju â natac qatac juju, mâriri faio juju â roroc faio juju, irec fuŋne mâmâc manaekopac.  
\v 13 Tâpiri nareme sanaŋkeekopac, ere erâ jupe bape sâcke-fâreekac.  
\v 14 Ŋoŋe ine busâqocko juhape ehâmo-narembiŋte manape biaŋkekac.   
\s1 Paulo wiac râcne tahac embiŋ  
\p
\v 15 Filipi haeonec ŋic ŋokac ŋoŋe manaŋgopieŋ, no Biŋebiaŋte gie fufuŋke dameŋko Makedonia mâreŋ behepoo kikefuŋ gâcnezi mâc juhapie ŋoŋe buc nohec nareŋ gareŋ embeŋ.  
\v 16 Erâ Tesalonike haeo juhape sahacte wiaczi dopecnuhuc jumbiŋ wâc.  
\v 17 No moneŋ mafare mi mukopac, mâc miti-ŋeŋicte fârine fuaocte mukopac, eme fârine izi ŋoŋeraopec hamârekao hâcne.  
\v 18 Ʒi wiac bâfuacnu-fârewec, bocjaha fonarekac. Epafoditozi ŋoŋeraonec wiac bafisi-nareme mâririhec epo jukopac. Ŋoŋe no wiac enarembiŋ, irec manape Wofuŋ taha bâzi biaŋ âsu mumundoŋnehec ecnembiŋ ekac.  
\v 19 Anutu-nane e mâriri bâbâfuazi Kristo Jesure erâ wiac hezu heŋareme hâmoc huriaŋ tâmiric juniŋmu.  
\v 20 Anutu Mamac-nâŋec erao ine mumuteŋzi mumuteŋ forašihuc juzejec sanaŋ. Jâmbomac.   
\s1 Mumutara dâŋ  
\p
\v 21 No Kristo Jesure erâ manasuc-ŋopakopac, i mitiŋic ŋokac jaza-fârenšepieŋ. Á âgofâc-nane nohec juŋgopieŋ jaŋe wâc manasuc-ŋopaŋgopieŋ.  
\v 22 Mitiŋic sasawa â Sisare ŋicfâc jaŋe wâc boc manasuc-ŋopaŋgopieŋ.  
\v 23 Wofuŋ Jesu Kristo ere aki anonoczi maŋ qâqâtâc-ŋeŋicko fofârezejec. Jâmbomac.