\id PHM Philemoî, Kate, PNG, wwh 12/92 
\h FILEMOŊ 
\toc1 Filemoŋ 
\toc2 Filemoŋ 
\toc3 Filemoŋ 
\mt1 FILEMOŊ  
\c 1  
\s1 Mumušâwe â jambuŋdâŋ  
\p
\v 1 Paulo, Kristo Jesure kâpâcwâru ŋic no, â âgo-nâŋec Timoteo, nâhe Filemoŋ joroc babafic-nâhec gore papia ši râekoperec”  
\v 2 erâ wâc ŋokac âgo-nâhec Apia â momori âgo-nâhec Akipo, erâ Filemoŋ gore ficko mitire tumaŋneeŋgopieŋ ŋoŋere mâmâc râekoperec.  
\v 3 Mamac-nâŋec Anutu â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.   
\s1 Paulo e Anutu Filemoŋte erâ daŋge nunumu ecnewec  
\p
\v 4 No nunumuo gore manasuhuc sâc Anutu-nane daŋge âzâcneekopac.  
\v 5 Go Wofuŋ Jesurao â mitiŋic jaŋerao maŋge domakac â jaŋere mamanac juekic irec biŋe manakopac hâcne.  
\v 6 Eme go mamanasiŋko nâŋehec maŋ mocjaha emeŋte wiac biaŋne Kristoraonec fua-nârewec fokac i sasawa mana taracmurâ numuekopac.  
\v 7 Âgo-nane,go mitiŋic bubiaŋ qajareekomec, irec no maŋjauŋgere bunane urueme wemo afecne šeri epo.   
\s1 Kiŋaŋ qaqa Onesimo ere dâŋ  
\p
\v 8 Go wiac ecmurâ i no Kristore micte mupaŋke-garezo murâ sâcne afeckerâ ezapo,  
\v 9 erâ sifu maŋjauŋte erâ mâc mu hemunaŋ egarehuc mupe” ŋicqizec Paulo no hâcne, erâ dameŋ ši wâc Kristo Jesure kâpâcwâru ŋic epozi,  
\v 10 no motec-mae Onesimo, kâpâcwâru ficko juhape fua-narewec, ere gazakopac.  
\v 11 E mârâcko jugareme mi sâckewec, ši ine no â go mâmâc junâcteme sâckekac.  
\v 12 Buhândâŋ-nane e hâcne sifu bârisie-garepe fakac  
\v 13 No Biŋebiaŋte erâ kâpâcwâru ficko ŋehape gore âkehoc kiŋaŋ qanareocte sakarezo mupo.  
\v 14 Erâ go mi manahaŋtecne sakarepe urucko mâcne, jâiŋko qikiŋne-narezicte manabâc ehuc bârisie-garekopac.  
\v 15 Behecgume e tâmiric piticne jumeŋ, i fuŋne šiŋucte mecne, risie-garerâ gohec jusanaŋkeocte.  
\v 16 Kiŋaŋ qaqage sawa mâcne, mitio âgoge erâ juocte fagarekac. No hâcne iŋucne junarewec, â go ine fehuc jugareocmu i šiŋucte: Sahaczi gore juweczi Wofuŋte erâ bufuŋge ekac.  
\v 17 Go nore manatec âgoge ekopacko ine e hefârockehuc manatec Paulo hefârockekopac ezejec.  
\v 18 Wiac moc sipiricke-garewecko me tofage moc erao fokacko ine nore muzemec.  
\v 19 Paulo no hâcne ši qâreŋke-garekopac, okacne bazu-garepemu. No nahacne tofa wâc gorao kâcɋene fokac, noraonec hâcne fuameŋ i” erâ irec wemocte boc mupemu.  
\v 20 Âgo-nane, go Wofuŋte erâ wiac buafec tahacnucmurâ enarekac. Kristore erâ bubiaŋ qanarezemec.   
\s1 Mumutara dâŋ  
\p
\v 21 Go micrereŋge fokac i manahuc dâŋ ši qâreŋke-garekopac. Erâ manakopac, gazakopac i sawa mi ehuc maŋgere gâcne šuhuckecmu.  
\v 22 Ŋoŋe nunumuzi bataracnupie Wofuŋzi no bâriesiecnu-ŋareme fâpemurâ mukopac, eme go irec ŋeŋe hewâneŋke-narezemec.   
\p
\v 23 Kristo Jesure kâpâcwâru ŋic âgo-nane Epafra e manasu-garekac.  
\v 24 Erâ babaficfâc-nane Mareko, Aristako, Dema â Luka jaŋe iŋuc jaha manasu-gareŋgopieŋ.  
\v 25 Wofuŋ Jesu Kristo ere aki anonoczi maŋŋeŋicko fozejec.