\id LUK  Luke, Kate, PNG, wwh 12/92 
\h LUKA 
\toc1 Luka 
\toc2 Luka 
\toc3 Luk 
\mt1 LUKA  
\ip Luka e Judaŋic mâcne, e Helene ŋic. Fufua hae-ticne Antiokia, Siria mâreŋko. E juku sokarâ hae ira hâcne miti manarâ Jesure kikefuŋ jaŋerao šuhuckewec. Gie-ticne ine dota gie bahuc juwec (Kolosai 4:14). Paulozi miti kiŋaŋ arecne 2 rawec ira hatao bâbâfuac epic. Eme izia Paulo bâjâpehuc miti giere bafickehuc juwec. Paulo e Kaisarea haeo kâpâcwâru ficko ŋeha iqickehuc juwec, â Roma haeo sâc ijaha ecnehuc juwec. Irec Paulo e Timoteo šiŋuc qâreŋkecnewec: ši Lukahec buc juekoperec (Timoteo II, 4:11).  
\ip Luka e Jesure binaŋ papia i ŋicbomboŋ moc šâŋene Teofile ere biŋe qahuc qâreŋkewec. Á binaŋ i wenirec manarâ qâreŋkewec? E Jesuhec moc mi jujujec. Irec binaŋ-ticne qâreŋkeocte ŋic ŋokac Jesuhec jumbiŋ jaŋe mu gufuc ejareme dâŋ binaŋ ecnepie qâreŋkewec. Wiac fuŋgâtânehec hone manac embiŋ jaŋere mickonec hâcne dâŋ manahuc birickewec (Luka 1:2). Erâ ŋic tucnezi Jesure dâŋ qâreŋkepie forawec papia i wosehuc irecnec dâŋ wâc rowec (Luka 1:1). Ehuc Jesure binaŋ sasawa qâreŋkewec izi Jesure fuŋne šiŋuc mutaniŋke-nâre-hâmokac: E sâqocne bapa âgo enârehuc bâpiaŋ-nâpoocte wahawec.  
\ip Luka e iindiŋ gie sâko bawecte dâŋ furune bocjaha, Mataio â Mareko jaherao mi fokac, iŋucne bâfuarâ qâreŋkewec wâc. Ine šiŋuc: Zakaria â Elisabete jahere binaŋ, â aŋelo Gabiriezi Maria fuacnewec (gaŋ 1). Jesure fufua, Simeoŋ â Hana jahere binaŋ, â Jesu motec hombaŋte Jerusalem haeo fewec (gaŋ 2). Naiŋ haeo motec moc hâmockonec bâɋârewec, erâ ŋokac moczi Jesu kike-ticne opâ âsu ruacnewec (gaŋ 7). Ŋic moczi kisâ-ticne ehâmocnewec, erâ Maria â Mata jahere binaŋ (gaŋ 10). Mitiŋic jopa sipiric ekicne (gaŋ 11). Kiŋaŋ motec qâomane, erâ Jesuzi šoc bawahawec irec dâŋ (gaŋ 12). Situâc soŋaŋ hehesicne, erâ mafaŋic â Lazaro jahere binaŋ (gaŋ 16). Ŋic 9 fâsâerâ qâoma embiŋ (gaŋ 17). Kia râŋgeŋne, erâ Farisaio â moneŋ roro (gaŋ 18). Zakaio ere binaŋ, â Jesuzi Jerusalem hae honehuc kiowec (gaŋ 19). Motec jajahec Emausi haeo rahapire Jesuzi fua-jactewec (gaŋ 24). Binaŋ šâŋene wosekopac sasawa i Luka bucticne, â gâcne ine Mataio â Mareko jahe qâreŋkepic ijaha qâreŋkewec, me qâreŋkepic irec heririŋne qâreŋkewec.  
\ip Lukare papia maŋnao dâŋ birine birine kecšiŋuc forakac:  
\ip Gaŋ 1-2. Johane Miti Opâ fufuŋke ere binaŋ â Jesu motec fuawec, erâ Simeoŋ â Hana jahere dâŋ â Jesu motec hombaŋte Jerusalem haeo fewec.  
\ip Gaŋ 3:1 ­ gaŋ 4:13. Johane gie-ticne fuŋkewec â Jesu Miti Opâ ruacnewec.  
\ip Gaŋ 4:14 ­ gaŋ 9:50. Jesu e Galilaia mâreŋko gie bawec.  
\ip Gaŋ 9:51 ­ gaŋ 19:27. Jesu e rac warec ehuc gie barâ juku Jerusalem haeo feocte rawec.  
\ip Gaŋ 19:28 ­ gaŋ 21. Jerusalem haeo ferâ gie-ticne batarawec.  
\ip Gaŋ 22-24. Jesu e šâic mana raku maripoŋko hâmowec, erâ hâmockonec faharewec.  
\c 1  
\s1 Lukazi Jesure binaŋ Teofilo qâreŋkecnewec  
\p
\v 1 Ŋic bocjaha jaŋe ŋondeŋ-nâŋecko wiac fârine fuawec irec binaŋ birickerâ qâreŋkembiŋ.  
\v 2 Jaŋe binaŋ i mitiŋiczi bapa fuŋfuŋ juhuc wiac fuŋgâtânehec hone manac eku banârembiŋ irec sâcko qâreŋkembiŋ.  
\v 3 Eme noni iŋuc jaha fuŋnaonecteaŋ wiac fua warewec irec aimuŋ mu ikisiŋ ehuc manaku mana-fârerâ Teofilo ŋicbomboŋ-nane gore ninic qâninic qâreŋkekopac.  
\v 4 Eme i wosehuc šiŋuc mana tarazemec: Dâŋ binaŋ egarekicne i fârine jâmbâŋ.   
\s1 Aŋelo moczi Zakaria fuacnewec  
\p
\v 5 Herodezi Judia mâreŋte ŋicwofuŋ juwec, dameŋ ira taha bapa moc juwec šâŋene Zakaria, e Abia ere gie birionec. Ŋonâŋ-ticne Elisabete e Aroŋte tucne tofane.  
\v 6 Jahe Anuture maio bahac fâsâc juhuc sâcmutâc dâŋticne aiakic jaha reŋke-fârehuc jupic.  
\v 7 Eme Elisabete hufiŋ juwecte jahe ɋâric tâmiric juku ŋic ŋokac qizec epic.  
\v 8 Eme Zakaria juwec ŋic biri i jaŋe taha ufuŋko bâzi ririke gie baniŋte dameŋ-jeŋic maickeme  
\v 9 fisirâ gie-jeŋic ru sâc ehuc Zakaria hosâc bâzi rikeocte mucnepie taha ufuŋ maŋnao rašiwec.  
\v 10 Raširâ hosâc bâzi rikehame ŋic ŋokac omane jaŋe sapamaŋko Wofuŋ numecnehec jumbiŋ.  
\v 11 Ehame Wofuŋte aŋelozi fuarâ hosâc bâzi ririke alata ŋifecnao fâreopec domawec.  
\v 12 Domame Zakariazi honerâ fâfârerâ hemâtâckewec.   
\p
\v 13 Iŋuc eme aŋelozi šiŋuc âzâcnewec: “Zakaria, go mi hâwicguoc, Wofuŋzi nunumuge manawecte ŋonâŋge Elisabete motec kiweckerâ roocmu, ere šâŋe Johane muzemec.   
\q1
\v 14 Go šeri ehuc bubiaŋ manacmu,  
\q1 â ŋic bocjahazi fufua-ticnere aŋac-jopaocmu.   
\q1
\v 15 E Wofuŋte maio kâcɋene erâ juocmu;  
\q1 â waiŋ me opâ momori irec sowa juocmu.  
\q1 Erâ e neŋgoc bumaŋko fohame  
\q1 Tiri Mârozi maŋticne bâfuseocmu.   
\q1
\v 16 Eme Israe ŋic boc jaha bârisiec-jopame  
\q1 Wofuŋ Anutu-jeŋic maickeniŋmu.   
\q1
\v 17 Elia maŋšoɋac â tâpiri focnewec sâc focneha  
\q1 Wofuŋte biŋedâŋ mumuŋic erâ juocmu.  
\q1 Ehuc kâcɋene jaŋere maŋ bârisieme ɋiene jaŋerao iticneocmu,  
\q1 â râŋgeŋne jaŋe ejareme tiŋne jaŋere mamana birire hazec râeniŋmu.  
\q1 Eme ŋic jaŋe mâmâc sâko Wofuŋte šawierâ juniŋmu.”   
\p
\v 18 Aŋelozi iŋuc mume manarâ Zakariazi dâŋ šiŋuc bârisiecnewec: “No â ŋonâŋ-nane nâhe ŋic ŋokac qizec, irec dâŋge wemocko manape fârine eocmu?”  
\v 19 Mume aŋelozi šiŋuc âzâcnewec: “Manakic, šâŋe-nane Gabirie, no Anuture maio domaekopac. Eki sorecnume waharâ biŋedâŋ biaŋ gazakopac.  
\v 20 Irec manac, dâŋnane mi mana šakiekomec irec okacne nâŋguŋ erâ dâŋ tâmiric juhaŋtec dâŋ gazakopac fârinehec eocmu. Dâŋ mukopac i racne mi eocmu.”   
\p
\v 21 Zakaria e ufuŋko boc jume ŋic ŋokac woŋec-ticne ŋeku manafecne manambiŋ.  
\v 22 Iŋuc ehapie šâhec jaŋerao waharâ dâŋ jazaocte eipiewec. Eipieme jaŋe šiŋuc manambiŋ: E taha ufuŋko wiac šâŋe furu moc honejec. Eme eki mezi sâsâc sawa ejarewec, dâŋ ine wemocko jazazac.  
\v 23 Iŋuczi iŋuc juhame gie bapa dameŋ-ticne tarame haeo risie rawec.  
\v 24 Eme šâhecko ŋonâŋ-ticne motec kiweckewec. Erâ mosa 5 soŋke soŋke juwec. Ehuc šiŋuc muwec:  
\v 25 “Wofuŋ e dameŋ bawec i maickeme ehâmo-narerâ mimi bâsuec enarewec.”   
\s1 Aŋelozi Maria fuacnewec  
\p
\v 26 Mosa 6 tarame Wofuŋzi aŋelo Gabirie soreme Galilaia mâreŋko Nazarete haeo rawec.  
\v 27 Ira naru ŋokac moc juwec šâŋene Maria, e ŋic moc Dawidire oso gitecne, šâŋene Josefe, ere biŋe mukicne.  
\v 28 Eme aŋelo e Mariarao fuarâ muwec, “Wofuŋte joroc biaŋ, go šeri ec, Wofuŋzi gohec jukac.”  
\v 29 Aŋelozi dâŋ iŋuc mume maname quŋkeme maŋnezi šiŋuc manasuwec: Weniŋucte mu šeri enarekac?  
\v 30 Eme aŋelozi šiŋuc âzâcnewec: “Maria go mi hâwicguoc, Anutuzi honecgume biaŋkekac.  
\v 31 Manakic, go motec kiweckerâ rocmu, ere šâŋe Jesu muzemec.   
\q1
\v 32 E kâcɋene jâmbâŋ jume Fekicne sâko ere Ŋokâ mucneniŋmu,  
\q1 â Wofuŋ Anutuzi apa-ticne Dawidi ere ŋeŋetacko râeocmu.   
\q1
\v 33 Eme Jakobore ɋâricfâc guriŋne bajarehuc jume  
\q1 ŋicwofuŋ juju-ticne forašihuc juocmu sanaŋ.”   
\m
\v 34 Mume Mariazi šiŋuc âzâcnewec: “No ŋic tâmiric jukopacko dâŋ mukic i weniŋuc erâ sanaŋkeocmu?”   
\p
\v 35 Mume aŋelozi dâŋ šiŋuc bâtikiecnewec:  
\q1 “Tiri Mârozi faigao wahaocmu  
\q1 â Fekicne sâko ere tâpirizi neŋgoc ŋesiŋ ŋegareocmu.  
\q1 Eme irec motec rocmu e tiri mucnezo,  
\q1 Anuture Ŋokâ hâcne.   
\m
\v 36 Erâ moc gazape manac: Âgoge Elisabete e ŋokac qizeczi motec kiweckerâ juhame mosa 6 ekac, e hufiŋ ŋokac mucneeŋgopieŋzi iŋuc ekac hâcne.  
\v 37 Anutu e wiac moc ezomurâ mi eipieekac.”  
\v 38 Mume Mariazi šiŋuc âzâcnewec: “No Wofuŋte kiŋaŋ naru, irec dâŋ mukic iŋuc hâcne enarezejec.” Iŋuc mume aŋelozi beherâ rawec.   
\s1 Mariazi Elisabete iqickewec  
\p
\v 39 Maria e jume mi šoraha biac šawierâ Judaia tiki mâreŋko hae moc ŋewec ira rawec.  
\v 40 Ra fisirâ Zakariare ficko ferâ Elisabete mu šeri ecnewec.  
\v 41 Mu šeri ecneme manahame izia bumaŋnao motec e kiwaewec. Eme Tiri Mârozi Elisabete ere maŋko hurâ fuseme  
\v 42 dâŋ bafehuc šiŋuc âzâcnewec: “Ŋokac âgo-nâŋec gore manape sâc moc eme mumbiaŋgukopac â bumaŋgao fuajec fokac e wâc iŋuc jaha mumbiaŋkekopac.  
\v 43 Go Wofuŋ-nanere neŋgoczi wemo biaŋ-nanere norao warekomec?  
\v 44 Mu šeri enaretec hazec-naneo hume bumaŋ-naneo moteczi kiwaekac.  
\v 45 Go Wofuŋte biŋedâŋ gazakicne irec fârine fuaocmu manapaŋkemeŋte gore manape šerine ekac.”   
\s1 Mariazi šeri mumuteŋ dâŋ muwec  
\p
\v 46 Eme Mariazi kecšiŋuc muwec:  
\q1 “No maŋ qâqâtâc-nanezi Wofuŋ muafeckekopac,   
\q1
\v 47 â maŋnanezi Anutu bâbâpiaŋ-nane šeri ecnekopac.   
\q1
\v 48 E kiŋaŋ naru-ticne waha qaqane no bafecnukacte  
\q1 ŋic gurune gurune nore manapie šerine eocmu.   
\q1
\v 49 E bapafârezi norao mâsi sâko bakac hâcne.  
\q1 Ʒâŋe biŋe-ticne tiri jaha fokac.   
\q1
\v 50 Araŋ bacneeŋgopieŋ jaŋe maŋuruc-ticnere erâ  
\q1 mimiŋzi ɋâric ehâmo-jareekac.   
\q1
\v 51 E tâpiri-ticnere fuŋne bâfuahuc  
\q1 maŋfefe jueŋgopieŋ jaŋe bâtâtiec-jopaekac.   
\q1
\v 52 E ŋicbomboŋ sâko jaŋe popoonec tuŋjopame wahahapie  
\q1 hujukicne jaŋe bafec-joparâ toŋko râec-jopakac.   
\q1
\v 53 E roroc hapetac jaŋe wiac bâmâckehuc jare gumec ekac,  
\q1 â mafa sâkohec behec-jopame qarâ suriŋne juŋgopieŋ.   
\q1
\v 54 Erâ Israe kiŋaŋ ŋicfâc-ticne  
\q1 maŋuru-ticnere roroŋ fâre-nârekac.   
\q1
\v 55 Mimiŋnefâc-nâŋec, Abraham â ɋâricfâcne, jurahuc juniŋmu,  
\q1 jaŋe dâŋ jazawec irec fârine fuakac.”   
\m
\v 56 Eme Maria e mosa jahec â moc Elisabetehec juku hae-ticnao risie rawec.   
\s1 Johane fuawec  
\p
\v 57 Elisabete e dameŋ-ticne maickeme motec rowec.  
\v 58 Eme haefâc-ticne â mame sâkofâc-ticne jaŋe Wofuŋzi maŋuruc-ticnere fuŋne erao bataniŋkewecte manarâ ehec mâmâc bubiaŋ manambiŋ.  
\v 59 Izi šoaŋ gie bapa 8 tarame jaŋe tumaŋnerâ motec sahacnao Wofuŋte ma barâ mamac-ticne Zakaria ere wase bazo mumbiŋ.  
\v 60 Eme neŋgoc-ticnezi qatara-jarerâ muwec, “Aricne, šâŋene Johane muzo.”  
\v 61 Mume šiŋuc âzâcnembiŋ: “Hâc, mame sâkofâcge jaŋerao šâŋe wase iŋucne moc mi fokac.”  
\v 62 Qaqatarac erâ Zakaria e motecte šâŋe muocte ecnepie  
\v 63 tafere ejareme râcnepie fainao šiŋuc qâreŋkewec: “Ʒâŋe-ticne Johane.” Iŋuc qâreŋkeme jaŋe manapie moc eha  
\v 64 izia nameŋne risieme dâŋ dâŋ ehuc Anutu muteŋkewec.  
\v 65 Eme hae rârec rârec ŋic jurambiŋ jaŋe dâŋ binaŋ i manapie hâhâwicne ewec. Eme Judaia tiki mâreŋko binaŋ miczi mic nazaŋ gazaŋ efârembiŋ.  
\v 66 Eme manambiŋ jaŋe dâŋ i maŋke juhuc šiŋuc mumbiŋ: “Motec iŋucnezi sokarâ weniŋuc eocmu?” Eme Wofuŋzi dopecke sapec ecneha juwec.   
\s1 Zakariazi findaŋdâŋ muhuc Wofuŋ muteŋkewec  
\p
\v 67 Eme mamac-ticne Zakaria e Tiri Mârozi maŋne fusucmame findaŋdâŋ kecšiŋuc muwec:   
\q1
\v 68 “Israe ŋic nâŋâc Wofuŋ-nâŋec Anutu muteŋkenaŋ.  
\q1 Eki hâcne ŋicfâc-ticne iqic-nâporâ kitâc-nâpokac.   
\q1
\v 69 Ehuc kiŋaŋŋic-ticne Dawidi ere ɋâricfâc nâŋâcnao  
\q1 bâbâpiaŋte wâtuŋ moc âkendâŋnekac.   
\q1
\v 70 Mârâc jaha porofetefâc-ticne ejareme  
\q1 findaŋdâŋ mujumbieŋ sâc iŋuc hâcne fuakac.   
\q1
\v 71 Eki kisâ enârehuc qaisoc-nâpoeŋgopieŋ  
\q1 jaŋeraonec hâcne batarac-nâpoocmu.   
\q1
\v 72 Mimiŋnefâc-nâŋec jaŋehec tiri šâšâfic sanaŋ ewecte  
\q1 manasuc-jopahuc maŋuruc-ticnere iŋuc enâreocmu.   
\q1
\v 73 Apa-nâŋec Abraham mupaŋkecnewecte   
\q1
\v 74 râsifâc-nâŋec jaŋeraonec batarac-nâpoocmu hâcne.  
\q1 Iŋuc enâreme âke mâteŋ-nâpoha   
\q1
\v 75 maŋfuru â bahac fâsâc juhuc  
\q1 kiŋaŋ qacnehuc juku hâmonšepeneŋ.   
\q1
\v 76 Erâ motec go hâcne Femicne sâko ere porofete erâ jucmu.  
\q1 ehuc Wofuŋte biŋe muhuc hata bâšâwecnecmu.   
\q1
\v 77 Erâ ŋicfâc-ticne bâbâpiaŋte dâŋ jaza qazuc etecne  
\q1 mana šakiepie sâqocne-jeŋic tâmireocmu.   
\q1
\v 78 Anutu-nâŋec e maŋuruc-ticne kâcɋene sâko fokacte  
\q1 mume faickonec furic râehuc   
\q1
\v 79 dapâcko â hâmoc uupicko ŋeŋene nâŋâc bataniŋ-nâpokac.  
\q1 Ehame wamare hata fuame honehuc sâcne âtenaŋmu.”   
\p
\v 80 Eme motec e sahaczi â maŋzi soka sanaŋ ewec. Erâ mâreŋ tuhuo juhame gie dameŋ-ticne maickeme Israe ŋic janerao fua tâcnewec.   
\c 2  
\s1 Jesu motec fuawec  
\r (Mat 1: 18-25)  
\p
\v 1 Dameŋ ira Roma ŋicwofuŋ sâko Augusto ere micdâŋ kecšiŋuc fuawec: ŋic mâreŋ sâc wose qâreŋ ejarezo.  
\v 2 Gie iŋucne mârâc mi bakicne, i Qirinio e Siria mâreŋko kia sâko juhame furune fuŋkekicne.  
\v 3 Eme ŋic mâmâc sasawa wose qâreŋ ejareniŋte haefuŋ-jeŋic sâc rafârembiŋ.  
\v 4 Rahapie Josefe e Dawidire ɋâric Galilaia mâreŋko Nasarete haeo juweczi iŋuc jaha Judaia mâreŋko Dawidire haefuŋ Betelehem ira rawec.  
\v 5 Ehuc ŋokac biŋe-ticne Maria ehec mâmâc qâreŋ-jofaniŋte kiwechec jowame rapic.  
\v 6 Fisirâ juhapire Maria motec roro dameŋ-ticne maickewec.  
\v 7 Eme mârâc motec-ticne rorâ qoruczi foŋkerâ bulimakao otoo râeme hurâ fowec. Ŋic jaŋe tomafic fusucmambiŋte ŋeŋe fofo basarâ bulimakao ficko ferâ ŋepic hâcne.  
\v 8 Eme hae mâreŋ ijaha ŋic tucne jaŋe ŋafe ira kecɋaŋ gieo lama jaŋere soŋaŋ ŋembiŋ.  
\v 9 Ŋehapie Wofuŋte aŋelo moczi jaŋerao fuame Wofuŋte oŋararaczi batamaec-jopame mâretec hâwic-jopawec.  
\v 10 Eme aŋelozi šiŋuc jazawec: “Ŋoŋe mi hâwic-ŋopaoc, manaŋgopieŋ, no aŋac šeridâŋ bajukopac, irec fârine ŋic mâmâc sasawa fua-ŋareocmu.  
\v 11 Miŋecgac Bâbâpiaŋ rune Wofuŋ Kristo hâcne, Dawidire haefuŋko fua-ŋarekac.  
\v 12 Eme mutâcne-ŋarepe mananiŋ: Ŋoŋe motec geune jâmbâŋ qoruczi foŋkekicne bulimakao otoo foha ra bâfuaniŋmu.”  
\v 13 Dâŋ iŋuc muhame izia sambâŋ momori gurune fufusuc jaha ututuŋ aŋelo âgo-jeŋictao tumaŋnerâ šiŋuc muhuc Anutu muteŋkembiŋ:   
\q1
\v 14 “Ʒeri mumuteŋ Anutu faic sambâŋko,  
\q1 mâreŋko ŋic âgo jauŋ ejarekac jaŋerao wama fuakac.”   
\s1 Soŋaŋŋic jaŋe Jesu motec bâfuambiŋ  
\p
\v 15 Aŋelo jaŋe sambâŋko risie fepie soŋaŋŋic jaŋe šiŋuc muhuc nazaŋ gazaŋ embiŋ: “Nâŋâc Betelehem haeo ferâ Wofuŋzi dâŋ nâzâkac irec fârine honenaŋ.”  
\v 16 Iŋuc murâ bâruŋ jaha ferâ Maria â Josefe bâfuac-jofarâ motec geune bulimakao otoo fohame honembiŋ.  
\v 17 Honerâ motecte dâŋ biŋe manambiŋ i mufuambiŋ.  
\v 18 Eme soŋaŋ jaŋere mickonec binaŋ manambiŋ jaŋe warecke-fârembiŋ.  
\v 19 Maria eki ine dâŋ i maŋkerâ manatâc qâtâc ehuc juwec.  
\v 20 Eme soŋaŋ jaŋe risierâ wiac hone manac embiŋ sâc manasurâ Anutu daŋge mumuteŋ ecnembiŋ.   
\s1 Simeoŋ â Hana jahere dâŋ  
\p
\v 21 Jesu motec fuarâ fohame šoaŋ gie bapa 8 eme motec sahacnao Wofuŋte ma bahuc šâŋene Jesu mumbiŋ. Ʒâŋe i motec e mi fuahame aŋelozi qanaŋ mufuawec.   
\p
\v 22 Eme Mosere sâcmutâc dâŋ fowec, i reŋkehuc Mariazi bâtâcko juku sahac herâ Josefehec motec Jerusalem haeo baferâ Wofuŋte biŋe qapic.  
\v 23 Wofuŋte sâcmutâc dâŋ kecšiŋuc fowec i hâcne sâsehuc epic: “Mârâc motec fuapie i Wofuŋte biŋe qafârezo.”  
\v 24 Erâ Wofuŋte sâcmutâc dâŋko hapâ jajahec me buni jajahec bâzi ririkere mukicne i wâc barâ rapic.   
\p
\v 25 Jerusalem haeo ŋic moc juwec šâŋene Simeoŋ. E tiŋne â mitihec juhuc Israe ŋic jaŋerao bâbâmiriŋ fuaocte woŋec juwec. Ehame Tiri Mârozi maŋticnao ŋeŋe juju ehuc  
\v 26 dâŋ šiŋuc mufuacnewec: “Go mi hâmohaŋtecne Wofuŋ Kristo fuame honecmu.”  
\v 27 Ŋic e Mârozi ecneme taha ufuŋko fewec. Eme Maria â Josefe jahe sâcmutâc dâŋ reŋkehuc Jesu motec ijaha bafepire  
\v 28 Simeoŋzi motec hâporâ šiŋuc muhuc Anutu muafeckewec:   
\q1
\v 29 “O Wofuŋ sâko, šine hâcne šâŋe fâri-nanezi  
\q1 goraonec bâbâpiaŋ honekopacte   
\q1
\v 30 go kiŋaŋŋicge no micdâŋgere sâcko râecnutec  
\q1 bumâteŋ fuaha rakopac.   
\q1
\v 31 Go bâbâpiaŋ i mâreŋ sâc ŋicne ŋicne  
\q1 jaŋe honeniŋte bâfuakomec.   
\q1
\v 32 Izi qâpuc jaŋere maŋ âke tamaekac  
\q1 â Israe ŋicfâcge jaŋere šâŋe biŋe bafaharekac.”   
\p
\v 33 Motecte dâŋ iŋuc mume neŋgoc mamac jahecne manapire bipinehec ewec.  
\v 34 Eme Simeoŋzi jambuŋ-jopahuc motec neŋgoc-ticne Maria šiŋuc âzâcnewec: “Manakic, motec kecši erao Israe ŋic fâuckeniŋte mukicne, gâcne jaŋe erao hetakirerâ rândiŋke qa eniŋmu â gâcne jaŋe erao hesiŋnerâ fahareniŋmu, erâ aka-jeŋic râekicnere ro waha âte boc ecneniŋmu.  
\v 35 Erâ gahacne wâc šikare busâqoc hâtânezi buheric bâfua-garezokac. Waic iŋucne fuame ŋic bocjaha maŋjeŋicte fuŋne taniŋkeocmu.”   
\p
\v 36 Eme miti ŋokac moc juwec šâŋene Hana. E Fanuere otâ, Ase ere tucne tofane. Naru-ticnao ŋic barâ ehec juhame jara 7 eme hâmome  
\v 37 hozec erâ jufeku jara 84 bazurâ ŋokac qizec jâmbâŋ ewec. Ŋokac eki hâcne taha ufuŋko hati jurâ ju ehuc Anuture erâ sowa â nunumu gie bajujec.  
\v 38 Eme eki hâcne dameŋ ijaha taha ufuŋko fisirâ Anutu mumbiaŋkewec, â Jerusalem rune jaŋere fifirue dameŋte woŋec jumbiŋ, jaŋe Jesu motecte biŋedâŋ jazawec.   
\p
\v 39 Maria â Josefe jahe Wofuŋte sâcmutâc dâŋ mukicne i efârerâ Galilaia mâreŋko Nazarete haeo risie rapic.  
\v 40 Ira juhapire motec e Anutuzi hone jauŋ ecneha soka sanaŋ ehuc mamana sâkohec ewec.   
\s1 Jesu motec hombaŋte Jerusalem haeo jowa fepic  
\p
\v 41 Maria â Josefe jahe jara sâc aakic hombaŋte Jerusalem haeo fejupirec.  
\v 42 Ehame Jesu motec jara-ticne 12 bazume hombaŋte fefe dameŋ-jeŋic maickeme jowapire mâmâc fembiŋ.  
\v 43 Ferâ juhapie hombaŋ tarame Maria â Josefe jahe Jesu motec hetarapire Jerusalem haeo juhame buc risiepic.  
\v 44 Risiehuc guru sâko jaŋehec biac bâniejec murâ hatao âgo wiacfâc-jekic jaŋerao basa rahuc juhapire ŋafewec.  
\v 45 Jaŋerao basa-bipierâ hae fureme mocwâc Jerusalem haeo risierâ ira basapic.  
\v 46 Basahapire gie bapa jahec â moc eme taha ufuŋko bâfuapic. Ira miti qaqazu jaŋere ŋondeŋko ŋehuc dâŋjeŋic manahuc fuŋnere mu wioc ejarewec.  
\v 47 Eme ŋembiŋ jaŋe mâmâc sasawa mamana-ticnere â dâŋticnere wareckembiŋ.  
\v 48 Eme jaŋere ŋondeŋko hâcne ŋehame bâfuarâ wodâtâŋnepic. Ehuc neŋgocnezi šiŋuc âzâcnewec: “ŋokâ-mae, go wemocte iŋuc enâctekomec? Manakic, mamacgehec nâhe huacbuc ehuc basacguhuc jukoperec.”  
\v 49 Mume šiŋuc jasawec: “Weniŋuc erâ basacnuhuc jukopirec? No Mamac-nanere gieo jupemurâ munarekicne, i mi manakopirec me?”  
\v 50 Iŋuc mume jahe dâŋ i manapire quŋkewec.  
\v 51 Eme neŋgoc mamac jahec-ticne jahehec Nazarete haeo risierâ ira sâsec-jofahuc juwec. Neŋgoc-ticne eki ine dâŋticne manawec sâc mana maŋ erâ juwec.  
\v 52 Eme Jesu e maŋzi â sahaczi mâmâc soka sanaŋ ehuc juwec. Ehame Anutu mecne â ŋic mecne jaŋe hone ririŋkehuc jumbiŋ.   
\c 3  
\s1 Johanezi gie-ticne fuŋkewec  
\r (Mat 3: 1-12” Maò 1: 2-8” Joh 1: 19-34)  
\p
\v 1 Tiberio e jara 15 Roma ŋicwofuŋ jurakuhame Johanezi gie-ticne fuŋkewec. Dameŋ ira Pontio Pilatozi Judaia mâreŋko kia juwec â Herode eki Galilaia mâreŋko mâreŋ soŋaŋ juwec â ɋâticne Filipo e Ituraia â Trakoniti irec ŋicwofuŋ juwec, â Lisania e Abilene mâreŋko ŋicwofuŋ juwec.  
\v 2 Á taha bapa sâko jajahec jupic, Hanasi â Kaifa. Ŋic izi hâcne ŋicwofuŋ â taha bapa jurambiŋ dameŋ ira Zakariare ŋokâ Johane mâreŋ burocnao juhame Anutuzi giedâŋ mucnewec.  
\v 3 Giedâŋ mucneme Jordaŋ šiŋuc ocninuc jufârehuc ŋic maŋjenic bârisierâ Miti Opâ ruapie sâqocne-jeŋic tâmireocte jazawec.  
\v 4 Porofete Jesajazi irec findaŋdâŋ kecšiŋuc qâreŋkewec fokac:  
\q1 “Mareŋ tuhuo wiwira moc fuakac:  
\q1 Wofuŋte hata bâšâweniŋ,  
\q1 hata-ticne hepie wâneŋkeoc;   
\q1
\v 5 wâcne wâcne hemase-fârezo,  
\q1 tikine facne hezu hewâneŋ ezo;  
\q1 hehesicne hetiŋnezo â bahacne hefâsâezo.   
\q1
\v 6 Eme mâreŋŋic šeŋgoma Anuture bâbâpiaŋ honeniŋmu. “   
\s1 Johanezi ŋic uŋdâŋ jazawec  
\p
\v 7 Eme ŋic guru sâko Johanerao ra Miti Opâre mupie šiŋuc jazawec: “Homare ɋâric, ŋoŋe sâqocnere okacne fisizo ekac i wisecneniŋte mozi ŋazawec?  
\v 8 Ŋoŋe maŋŋeŋic bârisiehuc irec sâcko fârine bâfuaniŋ me¡ Erâ maŋŋeŋiczi šiŋuc mi muniŋ: Nâŋe Abrahamte ɋâricfâc. No ŋazape mananiŋ: Anutu e muzo murâ sâcne mume qânâ šizi Abrahamte ɋâricfâc fuaniŋmu.  
\v 9 Râric biac jâcfuŋko râekicne. Irec jâc moc fâri tâmiric domame qafararâ šocko rikezo.”  
\v 10 Iŋuc muhuc jazame ŋic jaŋe wiocnerâ mumbiŋ: “Wemo enšepeneŋ?”  
\v 11 Mupie jazawec: “Ŋic moc e ŋaqi jajahec bajurâ âgone ŋaqi tâmiric honerâ moc râcnezejec. Á nânâre iŋuc jaha enšepieŋ.”  
\v 12 Eme takesi roro jaŋe iŋuc jaha Miti Opâre fisirâ indiŋkerâ mumbiŋ: “Qaqazu, nâŋe weniŋuc enšepeneŋ?”  
\v 13 Mupie jazawec: “Ŋoŋe mumutâc qâsuahuc ŋic moneŋ mi jowac ronšepieŋ.”  
\v 14 Á momori jaŋe iŋuc jaha fisirâ mumbiŋ: “Eme nâŋe wenac enaŋmu?” Mupie jazawec: “Ŋoŋe ŋic jopa qâšâic me qoqoric kosa mi ejarenšepieŋ. Mosare wiac roeŋgopieŋ irec manapie tarazejec.”   
\s1 Johanezi Jesure fuŋne mutaniŋke-jarewec  
\p
\v 15 Eme ŋic jaŋe Johanere buâkec ejareme mana kikiwehuc šiŋuc mumbiŋ: “E Kristo ine hâcne mecne.”  
\v 16 Iŋuc mupie mâmâc sasawa dâŋ šiŋuc jazawec: “No opâ rua-ŋarekopac. Râpefuŋ-naneo warehuc jukac, e ine tâpiri sâc moc focnekac. E sâko no iŋucnezi mafahe decnepe mi sâckeocmu. Eki hâcne Tiri Mâro â šoc rua-ŋareocmu.  
\v 17 E oofaŋ-ticnehec warerâ nânâfic-ticne emasaŋkeocmu, ehuc nânâ fârine wosâerâ ficko râeme ŋeocmu â jawa rasa wiac ofaŋne behec eme šocsanaŋko šaocmu.”  
\v 18 Johanezi uŋdâŋ i â gâcne muhuc ŋic Biŋebiaŋ jazawec.  
\v 19 Jaŋe jazahuc ŋicwofuŋ Herode e iŋuc jaha mumu hehec ecnewec. E ɋaticnere ŋonâŋ, šâŋene Herodia, jâoc rowec â sindaŋ gâcne wâc ewec.  
\v 20 Eme irec fainao qizecne sâko ehuc Johane kâpâcwâru ficko râewec.   
\s1 Jesu Miti Opâ ruawec  
\r (Mat 3: 13-17” Maò 1: 9-11” Joh 1: 32)  
\p
\v 21 Ŋic bocjaha Johanerao fisirâ Miti Opâ ruahapie Jesu e iŋuc jaha rârâ ruawec. Ruarâ numuhame sambâŋ aŋkeme  
\v 22 Tiri Mârozi sahac fârihec erâ hapâ hawario ere faio wahawec. Ehame sambâŋkonec dâŋ šiŋuc wahawec: “Joroc Ŋokâ biaŋ-nane, go hone aŋac agareekopac.”   
\s1 Jesure apa ŋiric ŋurucfâc  
\r (Mat 1: 1-17)  
\p
\v 23 Jesu e jara-ticne 30 qâririŋ bazurâ gie-ticne fuŋkewec. Eme ŋic jaŋe ere manapie Josefere ŋokâ ewec. Josefe e Elire ɋâric,  
\v 24 e Matatare ɋâric, e Lewire ɋâric, Lewi e Melikire ɋâric, e Janaire ɋâric, e Josefere ɋâric,  
\v 25 e Matatiare ɋâric, e Amosire ɋâric, e Nahumte ɋâric, e Esilire ɋâric, e Nagaire ɋâric,  
\v 26 e Maatare ɋâric, e Matatiare ɋâric, e Semeiŋte ɋâric, e Josecte ɋâric, e Jodare ɋâric,  
\v 27 e Johanaŋte ɋâric, e Resare ɋâric, e Serubabere ɋâric, e Sealitiere ɋâric, e Nerire ɋâric,  
\v 28 e Melikire ɋâric, e Adire ɋâric, e Kosamte ɋâric, e Elimadamte ɋâric, e Erere ɋâric,  
\v 29 e Jesure ɋâric, e Eliešere ɋâric, e Jorimte ɋâric, e Matatare ɋâric, e Lewire ɋâric,  
\v 30 e Simeoŋte ɋâric, e Judare ɋâric, e Josefere ɋâric, e Jonamte ɋâric, e Eliakimte ɋâric,  
\v 31 e Meleare ɋâric, e Menare ɋâric, e Matatare ɋâric, e Nataŋte ɋâric, e Dawidire ɋâric,  
\v 32 e Isaire ɋâric, e Obedere ɋâric, e Boasire ɋâric, e Salare ɋâric, e Nasoŋte ɋâric,  
\v 33 e Aminadare ɋâric, e Adamiŋte ɋâric, e Aranire ɋâric, e Hezoroŋte ɋâric, e Peresere ɋâric, e Judare ɋâric,  
\v 34 e Jakobore ɋâric, e Isakare ɋâric, e Abrahamte ɋâric, e Tarare ɋâric, e Nahore ɋâric,  
\v 35 e Serugure ɋâric, e Ragaure ɋâric, e Pelegere ɋâric, e Ebere ɋâric, e Selare ɋâric,  
\v 36 e Kenaŋte ɋâric, e Arapakisare ɋâric, e Semte ɋâric, e Noare ɋâric, e Lamecte ɋâric,  
\v 37 e Metuselare ɋâric, e Enokore ɋâric, e Jaredere ɋâric, e Mahalalere ɋâric, e Kenaŋte ɋâric,  
\v 38 e Enosire ɋâric, e Setere ɋâric, e Adamte ɋâric, e Anuturaonec.   
\c 4  
\s1 Sataŋzi Jesu esâickewec  
\r (Mat 4: 1-11” Maò 1: 12-13)  
\p
\v 1 Jesu e Tiri Mârozi maŋne fusucmarâ ecneme Jordaŋ opâ beherâ mâreŋ tuhuo rawec.  
\v 2 Ira ŋafe šoaŋ 40 ju fofo ehuc juhame Sataŋzi esâickehuc juwec. Eme dameŋ ira nânâ tâmiric sasawa juku nânâre hâmowec.  
\v 3 Ehame Sataŋzi šiŋuc âzâcnewec: “Go Anuture Ŋokâ jukomecko mutec qânâ šizi nânâ eoc me!”  
\v 4 Mume Jesuzi šiŋuc âzâcnewec: “Aricne, dâŋqâreŋ kecšiŋuc fokac: ŋiczi nânâre sawa mi juhâmoocmu.”  
\v 5 Eme Sataŋzi tiki šoricne mocko jowa ferâ mâreŋte faio ŋicne ŋicne ŋicwofuŋfâc-jeŋichec jurambiŋ i beraŋnea jâutu-fârewec.  
\v 6 Ehuc šiŋuc âzâcnewec: “Tâpiri â šâŋe biŋe fojare rakac keci go gare-fârepemu. I nore meo râekicnere e me e râcnezo murâ sâcne râcnepemu.  
\v 7 Irec go maŋfuŋ-naneo fodaperâ numu-naretec gore efâreocmu.”  
\v 8 Mume Jesuzi dâŋ šiŋuc bâtikiecnewec:  
\q1 “Dâŋqâreŋ kecšiŋuc fokac:  
\q1 `Wofuŋ Anutuge dieŋzi herâ numucnezo  
\q1 â e mocjaha kiŋaŋ qacnezo. Ž ”   
\m
\v 9 Eme Sataŋzi Jesu Jerusalem haeo taha ufuŋ bupu faio râerâ šiŋuc âzâcnewec: “Go Anuture Ŋokâ jukomecko širec tara huc.  
\v 10 Dâŋqâreŋ moc šiŋuc hâcne fokac:  
\q1 `E aŋelofâcne mejeŋicko râecgume ŋezicguniŋmu',   
\m
\v 11 â moc šiŋuc  
\q1 `Jaŋe mefaio bahucgupie qânâzi kikege mi heocmu. Ž ”   
\m
\v 12 Eme Jesuzi šiŋuc âzâcnewec: “Wofuŋ Anutu penaroŋ ecnehuc mi esâickezo.”  
\v 13 Sataŋ e iŋuczi iŋuc eku esâicke tararâ beherâ dameŋ mocte woŋec juwec.   
\s1 Jesuzi Nazarete haeo miti muwec  
\r (Mat 4: 12-17” 13: 53-58” Maò 1: 14-15” 6: 1-6)  
\p
\v 14 Jesu e Mârozi neŋgoc ŋesiŋ ŋecnehame Galilaia mâreŋko risiewec. Risieme biŋe-ticne hae sâc rafârewec.  
\v 15 Eme ira mitificne ficne miti jazame muac baafec ecne-fârembiŋ.  
\v 16 Juraku sosoka hae-ticne Nazarete ira iŋuc jaha fisirâ sabata hombaŋko mitificko fewec. E hombaŋ sâc iŋuc ejujec. Ferâ miti wose-jareocte fahareme  
\v 17 porofete Jesaja ere papia râcnembiŋ. Râcnepie qaratierâ dâŋ šiŋuc fowec i bâfuawec:   
\q1
\v 18 Wofuŋte Mârozi norao waharâ  
\q1 rua-narehuc gie šiŋuc munarewec:  
\q1 ŋic hujukicne Biŋebiaŋ jazazo,  
\q1 kâpâcwâru bacjopakicne firuec-jopazo,  
\q1 šâŋe tiŋtuŋ šâŋe fifi bacjopazo,  
\q1 keke suec suec ejarekicne hefârec-jopazo,   
\q1
\v 19 â Wofuŋte dameŋ biaŋ maickekac irec biŋedâŋ muzo.”   
\p
\v 20 Dâŋ iŋuc woserâ papia bazurâ kiŋaŋŋic râcnerâ waha ŋewec. Ŋehame ŋic mitificko ŋembiŋ jaŋe mâmâc sasawa erao šâŋe fifârembiŋ.  
\v 21 Eme dâŋ šiŋuc fuŋkerâ jazawec: “Mitidâŋ wosepe manaŋgopieŋ i miŋecgac fârine fuakac.”  
\v 22 Mume jaŋe qâtâc herâ dâŋticne manapie aŋac šizine eme wareckerâ mumbiŋ: “Hâc, e Josefere ŋokâ i!”  
\v 23 Eme eki šiŋuc jazawec: “ŋoŋe nore dâŋ suŋsuŋne qahuc šiŋuc mecne mueŋgopieŋ: Dokta go fuŋnege bataniŋkec, Kafanaum haeo gie batec biŋene manaeŋgopeneŋ, ijaha šira mame sâko haegao batec honenaŋ me!”  
\v 24 Iŋuc murâ muwec: “No jâmbomac ŋazape: Porofete moc e jahacne haefuŋko âgo sâcne mi ecneeŋgopieŋ.  
\v 25 Erâ jâmbomac ŋazape: Elia juhame šoaŋ sâko jara jahec â moc â mosa 6 qakume roroc fuarâ mâreŋ sâckerâ fowec. Eme dameŋ ira Israe mâreŋko hozec bocjaha juipiehapie  
\v 26 Anutuzi Elia Zarefati haeo Sidoŋ mâreŋko qâpuc hozec moc juwec erao soreme rawec.  
\v 27 Erâ porofete Elisa juwec dameŋ ira Israe mâreŋko wic sanaŋheczi bocjaha jumbiŋ. Eme jaŋeraonec moczi mi fâsâehame Naemaŋ Siria mâreŋkonec e mocjahazi fâsâewec.”  
\v 28 Iŋuc muhuc jazame mitificko ŋembiŋ jaŋe dâŋ i mana gâpârerâ  
\v 29 faharerâ hae râpeo tuŋke hurâ hae-jeŋic ŋewec tiki irec tapinao jowa ferâ hârâc mecko bararâ ira behepie huocte muhapie  
\v 30 eki ŋondeŋ-jeŋicko fosiroŋnerâ rawec.   
\s1 Jesuzi Kafanaum haeo gie-ticne bawec  
\r (Mat 4: 13” Maò 1: 21-28)  
\p
\v 31 Eme raku Galilaia mâreŋko hae moc šâŋene Kafanaum ira fisirâ sabata hombaŋko miti jaza qazuc ewec.  
\v 32 Eme e runezi miti muŋɋârâŋkehuc mume jaŋe manapie bu ââkecnehec ewec.  
\v 33 Eme mitificko ŋic demoŋ repicnehec moc ŋewec. E Jesu honerâ kâcɋene owackehuc muwec:  
\v 34 “Jei, Jesu Nazarete rune, go nâŋere jujuo wemocte warekomec? Go sipiric-nâpocmurâ warekomec me? No šâŋitacgukopac, go Anuture Tiriŋic.”  
\v 35 Iŋuc mume Jesuzi dâŋ mucnerâ muwec, “Go niniŋkerâ ŋickonec wefu rac.” Mume demoŋzi ŋic âtetuŋkeme ŋicŋondeŋko hurâ qaha wefu rawec. Ehuc ŋic e ine qa qâpuriŋ mi ecnewec.  
\v 36 Eme jaŋe bipic-jeŋic tarame nazaŋ gazaŋ erâ mumbiŋ: “Hâc, dâŋ keci weniŋucne? E tâpiri sâkoheczi demoŋ dâŋ jazame wefurâ wiseeŋgopieŋ!”  
\v 37 Eme biŋe-ticne hae rârec rârec rafârewec.   
\s1 Petoro safeŋ-ticne â ŋic gâcne ɋiɋic bacjopawec  
\r (Mat 8: 14-17” Maò 1: 29-38)  
\p
\v 38 Jesu e mitifickonec waharâ Simoŋte ficko fewec. Ira Simoŋ safeŋ-ticne huc šocnehec bame fowec. Eme ere erâ Jesu âzâcnembiŋ.  
\v 39 Eme eki fowecko raširâ erao daperâ huc dâŋ mucneme behewec. Eme ŋokac e biac faherâ nânâ rike gumec ejarewec.   
\p
\v 40 Ʒoaŋ ŋetarame ŋic jaŋe âgofâc-jeŋic huc šâichec Jesurao bacjopa warepie qizec-jeŋicko meticne râerâ huc šâic bâniniŋke-jarewec.  
\v 41 Erâ demoŋ jâpe-jareme ŋicmaŋkonec wefurâ owa kâcɋene ehuc šiŋuc mumbiŋ: “Go Anuture Ŋokâ.” Jaŋe fuŋne-ticne šiŋuc manambiŋ, e Kristo. Eme i mujaŋgeŋkenšipiŋte mu hezuc ejarewec.   
\p
\v 42 Hae fureme fickonec waharâ mâreŋ râricne mocko ra juwec. Eme ŋic jaŋe basaku bâfuarâ jaŋehec juocte sakarezo mupie  
\v 43 šiŋuc jazawec: “No hae sâc ŋic Anuture uucmaŋ irec Biŋebiaŋ jazazepac, no gie irec hâcne sorecnukicne.”  
\v 44 Iŋuc murâ Judaŋic jaŋere mitific ŋerawec sâc jufârehuc miti jaza rahuc jujujec.   
\c 5  
\s1 Jesure micte qowi bocjaha rombiŋ  
\r (Mat 4: 18-22” Maò 1: 16-20)  
\p
\v 1 Ʒoaŋ mocte Jesuzi Genesarete riqic moŋgeŋnao juhame ŋic Anuture dâŋ mananiŋte fisirâ qazu orâŋ mâretec ecnembiŋ.  
\v 2 Ehame moŋgeŋko woke jajahec ŋepic, rune jaŋe ine wokeonec waharâ wasaŋ-jeŋic šurehuc domambiŋ.  
\v 3 Eme Jesuzi woke i hâcne honerâ moc Simoŋte biŋe ira ferâ mume piticne âke sueme rame miti jaza qazuc ehuc ŋewec.  
\v 4 Jaza qazuc efârerâ Simoŋ šiŋuc âzâcnewec: “Riqic šâšâŋiŋko rarâ wasaŋ behepie qowi jowaoc.”  
\v 5 Mume Simoŋzi šiŋuc âzâcnewec: “Qaqazu, nâŋe ŋafe šora wasaŋ behe-bipiehuc qowi moc mi rombeneŋ, gore micte ine sifu mocwâc behepemu.”  
\v 6 Eme wasaŋ behepie qowi bocjaha jâmbâŋ jowame wasaŋ tâcnezo ewec.  
\v 7 Eme fâre-bipierâ âgofâc-jeŋic woke mocko jumbiŋ jaŋe meoric qajarepie ware bafic-jopambiŋ. Ehuc qowi ropie woke jajahec huku fusucmame ŋeutuckezo epic.  
\v 8 Eme Simoŋ Petorozi i honerâ Jesure maŋfuŋko fodaperâ muwec: “Wofuŋ, no ŋic sâqocnere behecnu rac.”  
\v 9 Qowi guru sâko honerâ e jahacne â ŋic gâcne mâmâc manapie hâhâwicne eme iŋuc hâcne muwec.  
\v 10 Erâ e jahacne sawa mâcne, âgo jahec-ticne Jakobo â Johane, Ʒebedaiore ŋokâ, jahe iŋuc jaha ejactewec. Eme Jesuzi Simoŋ šiŋuc âzâcnewec: “Go mi hâwicguoc, go qowi rorozi ŋic roro erâ jucmu.”  
\v 11 Iŋuc mume jaŋe woke moŋgeŋko fârepie feme wiac sasawa beherâ Jesu bâjâpembiŋ.   
\s1 Jesuzi ŋic wicsanaŋhec moc bâfâsâewec  
\r (Mat 8: 1-4” Maò 1: 40-45)  
\p
\v 12 Jesu e juku hae mocko fisirâ juhame ŋic moc wicsanaŋzi sahacne banšaŋne-fârewec, eki Jesu honerâ ware maŋfuŋnao šâŋe maine mâreŋko hetutuckerâ šiŋuc muhuc wâsickewec: “Wofuŋ, go bâsomiecnuzo murâ sâcne bâsomiecnucmu.”  
\v 13 Mume Jesuzi meticne sicnerâ sahacne bâuahuc muwec: “Mana-garekopacte fâsâec.” Mume izia sahac-ticne fâsâe-fârewec.  
\v 14 Eme Jesuzi dâŋ šiŋuc âzâcnewec: “Go irec dâŋ binaŋ ŋic mi jazahuc mâc rarâ sahacge taha bapa jâututec honezejec, ehuc fâsâekomecte Mosere micdâŋte bâzi riketec fuŋne mana taranšepieŋ.”  
\v 15 Eme ŋic fâsâewec irec biŋe hae sâc rafâreme ŋic jaŋe manarâ mitire mecne â hucte mecne qiŋ qururuŋko Jesurao fisihuc domambiŋ.  
\v 16 Fisihuc boc ecnepie mâreŋ herâricne mocko ra juhuc nunumu gie bawec.   
\s1 Jesuzi šeke puriŋ moc bâpiaŋkewec  
\r (Mat 9: 1-8” Maò 2: 1-12)  
\p
\v 17 Ʒoaŋ mocko Jesuzi ŋic miti jazahuc juwec. Eme Galilaia mâreŋkonec â Judaia mâreŋkonec â Jerusalem haeonec farisaio â sâcmutâc qaqazu jaŋe fisirâ ŋic jaŋere ŋondeŋko mâmâc ŋembiŋ. Ŋehapie Wofuŋte tâpirizi Jesu neŋgoc ŋesiŋ ŋecnehame ŋic bâpiaŋ-jopawec.  
\v 18 Ehame mi ŋic šeke puriŋ moc kanšeo reŋke warenšepieŋ i¡ Erâ ficko baferâ Jesure maŋfuŋko râeniŋte ŋic jaŋerao hetakirembiŋ.  
\v 19 Iŋuc erâ fic bupuo baferâ bâropierâ ŋic kanšehec âke suepie ŋicŋondeŋko Jesure maio wahawec.  
\v 20 Iŋuc epie Jesuzi mamanasiŋ-jeŋicte fuŋne hone manac erâ ŋic šeke puriŋ šiŋuc âzâcnewec: “Ŋicmae, sâqocne mutâmire-garekicne.”  
\v 21 Mume miti qaqazu â farisaio jaŋe dâŋ i manarâ maŋjeŋiczi šiŋuc manasumbiŋ: “Hâc, e wemo-ticnere Anutu âkehockekac, sâqocne bâbâtâmire i Anutuzi buc eekac.”  
\v 22 Iŋuc manasupie Jesuzi maŋjeŋicko dâŋ i mana tararâ šiŋuc jazawec: “Maŋŋeŋiczi wemocte dâŋ iŋucne manasuŋgopieŋ?  
\v 23 Gie wenimo izi afecne? Ŋic šeke puriŋ šiŋuc âzâcnezo: `Sâqocnege bâtâmire-garekicneƷ me šiŋuc âzâcnezo: `Fahare rac'?  
\v 24 Ŋic Fâri Wâtuŋne e mâreŋko sâqocne bâtâmireocte tâpiri focnekac irec fuŋne hone tarariŋ.” Iŋuc murâ ŋic šeke puriŋ šiŋuc âzâcnewec: “No gazape faharerâ fofoge rorâ haegao rac.”  
\v 25 Mume izia šâŋe mai-jeŋicko faharerâ fofo-ticne rorâ haeo rahuc Anutu muteŋkewec.  
\v 26 Eme ŋic jaŋe i honerâ manapie hâhâwicne eme warecke sâqorerâ Anutu mucne bacnehuc mumbiŋ: “Miŋecgac wiac šâŋe furu fuame honeŋgopeneŋ.”   
\s1 Jesuzi Lewi bâwosâewec  
\r (Mat 9: 9-13” Maò 2: 13-17)  
\p
\v 27 Eme Jesuzi fickonec waharâ hata rawec. Rarâ takesi roro ŋic moc šâŋene Lewi e moneŋfic-ticnao ŋehame honerâ šiŋuc âzâcnewec: “Ware bâjâpecnuc.”  
\v 28 Mume Lewi e wiac-ticne sasawa râpeckehuc fahare Jesu bâjâpewec.  
\v 29 Erâ Jesure bâzi rikerâ takesi roro â ŋic gâcne hefârec-jopame fisirâ mâmâc nâmbiŋ.  
\v 30 Eme farisaio â miti qaqazu âgofâc-jeŋic jaŋe irec manapie sâqoreme Jesure motecfâc šiŋuc jazambiŋ: “Ŋoŋe wemocte takesi roro ŋic â sâqocne bapa Jaŋehec tiwa bâzi nâŋgopieŋ?  
\v 31 Mupie Jesuzi manarâ šiŋuc jazawec: Ɋiɋicne jaŋe doktare mi mueŋgopieŋ, huchec jaŋe ine mueŋgopieŋ.  
\v 32 Ŋic tiŋne mâcne, sâqocne bapa hefârec-jopape maŋjeŋic bârisieniŋte wahapo.”   
\s1 Sowa jujure dâŋ  
\r (Mat 9: 14-17” Maò 2: 18-22)  
\p
\v 33 Jesuzi iŋuc mume jaŋe dâŋ šiŋuc âzâcnembiŋ: “Johanere motecfâc jaŋe gâbâ jaha nânâ sowa juhuc nunumu gie baeŋgopieŋ â fârisaio jaŋerezi iŋuc jaha eeŋgopieŋ, â go gahacne jaŋe ine nânâ opâ kosa nâeŋgopieŋ.”  
\v 34 Mupie Jesuzi šiŋuc jazawec: “Ŋicwofuŋ e kikefuŋfâc-ticne jaŋehec juhame ŋoŋe sâcne ejarepie sowa juniŋmu me?  
\v 35 Juku ŋicwofuŋ jowac ropie basahuc dameŋ ira sowa juniŋmu.”   
\p
\v 36 Iŋuc murâ dâŋ herâricne moc šiŋuc jazawec: “Mozi ŋaqi ɋâricnaonec qoruc susuc moc bâtâcnerâ ŋaqi raŋɋanao ɋâtâocmu? Moc e iŋuc erâ muzac ŋaqi ɋâricne maŋgâŋ sipirickezac â qoruc susuc ɋâricnezi ŋaqi raŋɋanao sâctiri jaha ezac.  
\v 37 Erâ wâc waiŋ opâ ɋâricne šopo raŋɋanao mi qoŋgiŋkepie huekac. Iŋuc eniŋmuo wiaŋ ɋâricnezi šopo raŋɋane âtefâuckeme waiŋ mecne šopo mecne mâmâc sipirickenicmu.  
\v 38 Irec hâcne waiŋ ɋâricnezi šopo ɋâricnao hume sâckeocmu.  
\v 39 Á moc e waiŋ raŋɋane nâku maŋne eweczi waiŋ ɋâricne šiŋuc muhuc qikiŋneocmu: Raŋɋane nâpe aŋacne ekac.”   
\c 6  
\s1 Sabata hombaŋte dâŋ  
\r (Mat 12: 1-8” Maò 2: 23-28)  
\p
\v 1 Sabata hombaŋ mocko Jesu â motecfâc-ticne jaŋe padi gie ŋondeŋko rambiŋ. Rahuc motec jaŋe fârine moc moc bâtâcnerâ mezi šâmurâ nâmbiŋ.  
\v 2 Iŋuc epie farisaio jaŋe honerâ mumbiŋ: “ŋoŋe wemocte sabata hombaŋko wiac mi eene eŋgopieŋ?”  
\v 3 Mupie Jesuzi šiŋuc jazawec: “Dawidi â ŋicfâcne nânâre hâmohuc wiac embiŋ, i ŋoŋe wose manac mi eeŋgopieŋ me?  
\v 4 Dawidi e Anuture ufuŋko ferâ poroŋ Anuture biŋe râekicne i rorâ nâhuc ŋicfâcne jareme mâmâc nâmbiŋ. Poroŋ i ŋic omane bâtâc bajarekicne, bâzi ririke ŋic micbuc-jeŋic. Eme i sifu nâmbiŋ.”  
\v 5 Iŋuc murâ muwec: “Ŋic Fâri Wâtuŋne e sabata hombaŋ irec rune jukac wâc.”   
\s1 Jesuzi sabata hombaŋko ŋic moc bâpiaŋkewec  
\r (Mat 12: 9-14” Maò 3: 1-6)  
\p
\v 6 Eme sabata hombaŋ mocko mitificko ferâ miti jaza qazuc ewec. Ehame ira ŋic moc ŋewec, e me fârene ɋaŋakicne.  
\v 7 Eme miti qaqazu â farisaio jaŋe hombaŋko ŋic bâpiaŋkeme honerâ dâŋko râeniŋte ruc bahuc ŋembiŋ.  
\v 8 Eme Jesuzi maŋjeŋicko hone tararâ ŋic mene ɋaŋakicne e šiŋuc âzâcnewec: “Go fahare mai domac.” Mume fahare domawec.  
\v 9 Ehame Jesuzi šiŋuc jazawec: “No wio-ŋarepe muniŋ: Sabata hombaŋko wiac biaŋne me wiac sâqocne ezo, ŋic bâpiaŋ-jopazo me sipiric-jopazo?”  
\v 10 Iŋuc murâ risic forisic honec-joparâ ŋic šiŋuc âzâcnewec: “Mege fâretiŋnec.” Eme ŋic e iŋuc eme meticne sanaŋkewec.  
\v 11 Eme jaŋe i hone manac erâ aariczi maŋjeŋic fusucmame Jesu iŋuc me iŋuc ecneniŋte muc manac embiŋ.   
\s1 Jesuzi motec 12 rowosâec-jopawec  
\r (Mat 10: 2-4” Maò 3: 7:19)  
\p
\v 12 Dameŋ ira Jesuzi tikio numuocte fewec. Ferâ ŋafe šora Anutu numucnehec juhame hae furewec.  
\v 13 Hae fureme kikefuŋfâc-ticne hefârec-joparâ jaŋeraonec 12 bâwosâec-joparâ motec bacjopawec, ehuc šâŋe sâko-jeŋic aposolo muwec.  
\v 14 Ʒâŋe bucbuc-jeŋic ine šiŋuc: Simoŋ, šâŋe-ticne moc Petoro â ɋaticne Anderea, erâ Jakobo â Johane, erâ Filipo â Batolomaio,  
\v 15 erâ Mataio â Toma, erâ Jakobo Alifaiore ŋokâ â Simoŋ Ʒelote,  
\v 16 erâ Juda Jakobore ŋokâ â Juda Karioto haeonec, e juku Jesu doc bawec.   
\p
\v 17 Eme rocjopame tikionec waharâ wâneŋko fisirâ juhapie kikefuŋfâc-ticne bocjaha â ŋic guru sâko erao tumaŋnembiŋ. Jaŋe Judaia mâreŋkonec â Jerusalem haeonec â Tiro Sidoŋ hâwec moŋgeŋkonec fisipie miti jazawec â huchec ɋiɋicne bacjopawec.  
\v 18 Erâ demoŋzi areŋ ejarewec jaŋe wâc bâpiaŋ-jopawec.  
\v 19 Eme bâuapie tâpiri-ticne jaŋerao fotâcneme ɋiɋic qambiŋte bâuaniŋte kime iriac mâretec ecnembiŋ.   
\s1 Sambâŋte biŋe â hârâcte biŋe irec dâŋ  
\r (Mat 5: 1-12)  
\p
\v 20 Eme Jesuzi motecfâc-ticne jaŋerao šâŋe fihuc šiŋuc muwec: “Hapetac jueŋgopieŋ ŋoŋere manape šerine ekac, ŋoŋe hâcne Anuture uucmaŋ biŋe qaŋarekicne.  
\v 21 Dameŋ šiŋuczia nâ hâmoc ehuc jueŋgopieŋ ŋoŋere manape šerine ekac, ŋoŋe hâcne juku nâ gapec enšoŋgopieŋ. Dameŋ ši ki busâqoc ehuc jueŋgopieŋ ŋoŋere manape šerine ekac, ŋoŋe hâcne juku bubiaŋ bâfuanšoŋgopieŋ.  
\v 22 Ŋic jaŋe Ŋic Fâri Wâtuŋne ere erâ qaisoc-ŋoparâ jâpe bâsuec eŋarerâ musâqorec-ŋoparâ šâŋe-ŋeŋic musoriŋkeniŋmu, ŋoŋe manariŋ-ŋopakopac.  
\v 23 Wiac iŋucne fuame dameŋ ira šeri bari enšepieŋ. Manaŋgopieŋ, sambâŋko furine afecne mi foŋarekac. Mimiŋnefâc-jeŋic jaŋe porofete sâc ijaha ejare jumbieŋ.   
\p
\v 24 “Moneŋ mafa sâkohec, jei, ŋoŋe juku wemo wiaczi bâmiriŋ-ŋopazokac?  
\v 25 Dameŋ šiŋuczia nânâ qowi mâririhec jueŋgopieŋ, jei, ŋoŋe juku nânâ basanšoŋgopieŋ. Dameŋ šiŋuczia gâgâwi faio jueŋgopieŋ, jei, ŋoŋe juku ki busâqoc bâfuanšoŋgopieŋ.  
\v 26 Muteŋ bâteŋ eŋareeŋgopieŋ, jei, ŋoŋe juku weniŋuc enšoŋgopieŋ? Mimiŋnefâc-jeŋic jaŋe porofete burecne iŋuc jaha muteŋ bâteŋ ejare jumbieŋ.   
\s1 Maŋjauŋ â buuruchec juzo  
\r (Mat 5: 39-48)  
\p
\v 27 “Dâŋnane manahuc juŋgopieŋ ŋoŋe ŋazape: Ŋoŋe râsifâc-ŋeŋic âgo jauŋ ejarenšepieŋ, qaisoc-ŋopaeŋgopieŋ jaŋe jauŋ bacjopanšepieŋ,  
\v 28 sâwec-ŋopaeŋgopieŋ jaŋe jambuŋ-jopanšepieŋ, musâqorec-ŋopaeŋgopieŋ jaŋere erâ numunšepieŋ.  
\v 29 Moczi maucge ŋicfecne qame ŋifecne wâc sicnecnezemec â moczi ŋaqige faine gowac rome e maŋne mâmâc qikiŋnecnezemec.  
\v 30 Á moczi wiac mocte numu-gareme râcnezemec â moczi wiac moc gowac rome bârisie-gareocte mi fotariezemec.  
\v 31 Ŋoŋe ŋic jaŋe wiac eŋareniŋte manasueŋgopieŋ, sâc ijaha wâc jaŋe ejarenšepieŋ.  
\v 32 Ŋoŋe maŋjauŋ eŋareeŋgopieŋ jaŋe sawa maŋjauŋ ejareniŋmu, ine wemocko tofane fome juku bazu-ŋarezo? Miti tâmiriczi âgofâc-jeŋic maŋjauŋ ejareeŋgopieŋ wâc.  
\v 33 Á âgo eŋareeŋgopieŋ jaŋe sawa âgo ejareniŋmu, ine wemocko tofane fome juku bazu-ŋarezo? I miti tâmiriczi eeŋgopieŋ wâc.  
\v 34 Okacne bârisie-ŋareniŋmu jaŋe sawa wiac ejarepie wemocko tofane fome juku bazu-ŋarezo? Miti tâmiriczi âgofâc-jeŋic šiŋuc muhuc wiac ejareeŋgopieŋ wâc: Juku sâc ijaha bârisie-nârenšepieŋ.   
\p
\v 35 “Aricne, iŋuc mi ezo, ŋoŋe râsifâc-ŋeŋic âgo jauŋ ejarenšepieŋ. Okacne mi mecne bazu-ŋareniŋmu jaŋe sifu ehâmo-jarehuc wiac qikiŋne-jarenšepieŋ. Iŋuc erâ juku furine ŋemâcne ronšoŋgopieŋ, erâ femicne sâko ere naru motecfâc erâ juniŋmu. Eki hâcne ŋic qâomane â râŋgeŋne jaŋe sifu bâmec bajareekac.  
\v 36 Mamac-ŋeŋiczi buuruc juekacte ŋoŋe iŋuc jaha buuruc junšepieŋ.  
\v 37 Ŋoŋe ŋic okacne dâŋ mi mutara-jarenšepieŋ, eme Anutuzi ŋoŋe iŋuc jaha okacne dâŋ mi mutara-ŋareocmu. Ŋoŋe ŋic kiŋko mi râec-jopanšepieŋ, eme Anutuzi ŋoŋe iŋuc jaha kiŋko mi râec-ŋopaocmu. Ŋoŋe tofa-ŋeŋic ŋic qikiŋne-jarepie Anutuzi tofa-ticne ŋoŋe iŋuc jaha qikiŋne-ŋareocmu.  
\v 38 Ŋoŋe ŋic bâmec bajarepie Anutuzi ŋoŋe iŋuc jaha bâmec baŋareocmu. Ehuc irec sâc jâuruhuc siric-ŋoparâ bašihuc guru fufusuc heŋareocmu. Ŋoŋe sâc bajuhuc ŋic wiac ejareniŋmu, sâc ijaha Anutuzi bajuhuc ŋoŋe eŋareocmu.”   
\s1 Moc e jahacne fuŋne hone manac ezejec  
\r (Mat 7: 3-5)  
\p
\v 39 Iŋuc murâ dâŋ suŋsuŋne moc šiŋuc šuhuckerâ jazawec: “Tiŋtuŋ jajaheczi jojowac erâ mi qâsorierâ mâmâc jaha hârâcko hunicmu me?  
\v 40 Moteczi qaqazu-ticne sisiricke i mi fokac, motec e wiac mana-hâmorâ qaqazu-ticnere sâc eme taraocmu.  
\v 41 Go wemocte âgogere šâŋeo gâc i honehuc go gahacne šâŋeo jâcdâkâ fokac ine mi hone tarakomec?  
\v 42 Jâcdâkâ go gahacne šâŋeo foipiehame go weniŋuc âgoge šiŋuc âzâcnetec sâckeocmu: `Âgo, manahaŋ, šâŋegao gâc fokac rogarepe. Ž Burecŋic, gahacne šâŋeo jâcdâkâ fokac i qanaŋ rorâ ie âgogere šâŋeo gâc rotec sâckeocmu.   
\s1 Jâcte fuŋne  
\r (Mat 7: 17-20” 12: 33-35)  
\p
\v 43 “Jâc biaŋnao wemocko fârine sâqocne fuaocmu, me jâc sâqocnao wemocko fârine biaŋne fuaocmu?  
\v 44 Jâcte fuŋne fârinezi bataniŋkeekac. Safeo suc fârine fuame rozo me? Me šaqeŋko saŋ fârine fuame rozo me?  
\v 45 Ŋic biaŋnezi maŋrowaŋ-ticne biaŋnaonec wiac biaŋne utuocmu, ŋic sâqocnezi maŋrowaŋ-ticne sâqocnaonec wiac sâqocne utuocmu. Maŋko wiac fusucmarâ foekac, ijaha micko wefuekac.   
\s1 Fic bapare dâŋ  
\r (Mat 7: 24-27)  
\p
\v 46 “Wemocte mâc micbipiczi Wofuŋ-nâŋec, Wofuŋ-nâŋec i sawa munarehuc dâŋ ŋazaekopac i mi reŋkeeŋgopieŋ?  
\v 47 Moc e nohec juhuc dâŋnane manarâ reŋkeocmu, e mohec sâc hepe mana taraniŋ?  
\v 48 E ŋic moc ficsanaŋ bawec ere sâc. Ŋic eki hâcne baocte wâtuŋ šoricne wiseme hume keteŋkeme qiŋ herâ domawec. Erâ fic bâzickeme ŋeha hoemaŋ maickeme mâŋâŋ tâpirihec qarâ fic i sanaŋne bakicnere bâpiewec.  
\v 49 Á moczi dâŋnane manarâ qataraocmu e ŋic moc fic dodocne bawec ere sâc. Ŋic eki hâcne fic baocte wâtuŋ mâc burec burec wiseme hume fic iriŋ biriŋ bawec. Ehame hoemaŋ maickeme mâŋâŋ tâpirihec warerâ fic âke tuŋkeme rândiŋkerâ qarâ qanšaŋnewec.”   
\c 7  
\s1 Jesuzi kiŋaŋ motec moc hucticne bâniniŋkewec  
\r (Mat 8: 5-13)  
\p
\v 1 Jesu e ŋic mitidâŋ i jazaku jaza-fârerâ Kafanaum haeo rawec.  
\v 2 Ira momori soŋaŋ moc ere kiŋaŋ motec hâmozo ehuc fowec. Bomboŋ e motec ere maname biaŋkewec.  
\v 3 Irec Jesure biŋe manarâ Judaŋic micne bapa Jesu hefârepie motec huc bâniniŋkecneocte jazawec.  
\v 4 Eme jaŋe Jesurao fisirâ šiŋuc muhuc âzâcnembiŋ: “Momori soŋaŋ e jume biaŋkeekacte dâŋticne manazemec.  
\v 5 E maŋticne Judaŋic nâŋerea domaekac. Erâ mitific-nâŋec fuaocte ekizia moneŋ râeme sâckeme fua-nârewec.”  
\v 6 Iŋuc muhuc âzâcnepie manarâ jaŋehec rawec. Rarâ ficticne bâqiŋkezo ehame momori soŋaŋzi âgofâcne Jesurao sorec-jopahuc dâŋ šiŋuc râeme rawec: “Wofuŋ, go ira domac, no iŋucne mac wemocte iqicnucmu.  
\v 7 No nahacne manape mi sâckeme gorao fâzo quŋkepac hâcne. Irec go ira juhuc mâc miczi mutec kiŋaŋ motec-nane ɋiɋic qazejec.  
\v 8 No ŋic fekicne jaŋere kiŋaŋ qaqa, eme nore wahamicne momorifâc-nane juŋgopieŋ. Eme jaŋeraonec moc `racƷ âzâcnepe raocmu, moc `warecƷ âzâcnepe wareocmu, â kiŋaŋ motec-nane `gie i bacƷ mupe baocmu.”  
\v 9 Eme Jesu e dâŋ i manarâ momori soŋaŋ seckecnerâ ŋicguru bâjâpembiŋ jaŋerao fotikierâ šiŋuc jazawec: “No ŋazape mananiŋ, Israe ŋic ŋoŋerao mamanasiŋ sâc iŋucne mi bâfuaekopac.” Iŋuc mume momori soŋaŋ âgofâcne jaŋe risierâ ficko ferâ kiŋaŋ motec ɋiɋic qame honembiŋ.   
\s1 Jesuzi motec moc hâmockonec bâɋârewec  
\p
\v 11 Juku Jesuzi hae moc šâŋene Naiŋ ira rame motecfâcne â ŋic guru sâko bâjâpembiŋ.  
\v 12 Eme hae mendâŋko fisihame qâŋɋâŋ moc reŋke wahambiŋ. Hozec moc ŋokâ-ticne mocjaha e hâmowec, e hâcne duckeniŋte haeonec ŋic ŋokac waha-fârembiŋ.  
\v 13 Eme Wofuŋzi hozec honerâ bune sâqoreme muwec, “Mi kioc.”  
\v 14 Iŋuc murâ ra katapa bâuame badomahapie šiŋuc muwec: “Motec, no gazakopac, faharec.  
\v 15 Iŋuc âzâcneme hâmocnezi faharerâ dâŋ dâŋ ewec. Eme Jesuzi neŋgoc-ticnehec juocte râcnewec.  
\v 16 Eme ŋic jaŋe i honerâ hâwic-jopame Anutu muteŋkerâ šiŋuc mumbiŋ: “Porofete kâcɋene ŋondeŋ-nâŋecko fuawec jukac.” Á gâcnezi mumbiŋ: “Anutu e ŋicfâc-ticne jâmbomac iqic-nâpokac.” Eme irec biŋe Judaia mâreŋko â mâreŋ ŋifec â ŋifec mâmâc qâfâuckerâ rawec.   
\s1 Jesuzi Johanere dâŋ muwec  
\r (Mat 11: 2-19)  
\p
\v 18 Johane kâpâcwâru ficko ŋehuc juhame motecfâc-ticne jaŋe wiac fuawec irec dâŋ binaŋ ecnembiŋ.  
\v 19 Eme dâŋ i manarâ motec jajahec hefârec-jofarâ Wofuŋ šiŋuc muhuc wiocnenicte sorec-jofawec: “Ware-nâreocte mukicne go hâcne me? Me mocte woŋec junšepeneŋ?”  
\v 20 Sorec-jofame motec jahe Jesurao fisirâ mupic: “Johane Miti Opâ fufuŋkezi kecšiŋuc muhuc sorec-nâfokac: Mesia ware-nâreocte mukicne go hâcne me? Me mocte woŋec junšepeneŋ?”  
\v 21 Jesu e aua dameŋ ira ŋic huc šâic bâniniŋke-jarewec â demoŋ jâpe-jarewec â šâŋe tiŋtuŋ šâŋe fifi bacjopawec.  
\v 22 Ehame ŋic jahe fisirâ wiocnepire šiŋuc jasawec: “Ŋohe rarâ wiac hone manac ekopirec irec dâŋ binaŋ Johane ecnehuc šiŋuc âzâcnenic: Tiŋtuŋzi šâŋe fitâcneŋgopieŋ, puriŋzi hata juŋgopieŋ, wicsanaŋheczi fâsâeŋgopieŋ, qepoŋzi dâŋ mamana eŋgopieŋ, hâmokicnezi ɋârerâ fahareŋgopieŋ, â waha qaqanezi Biŋebiaŋ manaŋgopieŋ.  
\v 23 Eme moc e mana gâpârehuc qiqikiŋ mi enareocmu ere manape šerine ekac.”   
\p
\v 24 Eme Johanere motec jahec jahe risierâ rahapire Jesu e ŋic jumbiŋ jaŋe Johanere šiŋuc jazawec: “Ŋoŋe mâreŋ tuhuo wemo honeniŋte rambiŋ? Saparac moc mâŋâŋzi batac bawarec eme honeniŋte rambiŋ me?  
\v 25 Me ŋic moc ŋaqi-ticne eri qaraweŋnehec honezo rambiŋ? Manaŋgopieŋ, ŋic ŋaqi eri qaraweŋnehec rojueŋgopieŋ jaŋe ŋicwofuŋ ficko wiac âmbâŋ nâhuc foeŋgopieŋ.  
\v 26 Me porofete moc honeniŋte rambiŋ? No ŋazape mananiŋ, ŋic honembiŋ e porofete gâcne jaŋere sâc mâcne, e sâc moc.  
\v 27 Ere hâcne dâŋqâreŋ moc kecšiŋuc fokac:  
\q1 `Manakic, no biŋe mumu ŋicnane sorepe fâ maigao fuaocmu,  
\q1 erâ hatage bâšâwehuc bânie-gareocmu.'   
\m
\v 28 No jâmbomac ŋazape, ŋokackonec fuakicne gâcne sasawa jaŋeraonec moczi Johane mi qâhuckekac. Á Anuture uucmaŋ fua tâcneme maŋnao wahakicne juocmuzi sifu e qâhuckeocmu.”  
\v 29 Ŋic sasawa erâ takesi roro mâmâc jaŋe dâŋ manarâ Johanere Miti Opâ ruambiŋko Anuture dâŋ dopeckepie fâri fideteŋ ewec.  
\v 30 Farisaio â sâcmutâc mamana saric jaŋe ine Johanere Miti Opâ qikiŋnehuc Anuture dâŋ râpeckepie jaŋerao fârimâc ewec.   
\p
\v 31 “Ŋicguru ši weni jaŋehec sâc hecjopape? Jaŋe weni jaŋe iŋucne?  
\v 32 Jaŋe naru motec iŋucne. Naru motec jaŋe haeo šoŋao ŋehuc dâŋ šiŋuc mutâc muwarec eeŋgopieŋ: `Gae hepene wemocte mi woŋgopieŋ'” `Ki makuc hepene wemocte mi kioŋgopieŋ! Ž  
\v 33 Johane Miti Opâ fufuŋke e gie-ticne fuŋkerâ nânâ qowi mi nâhuc sowa jume honerâ mumbiŋ: `E demoŋzi ecnekac. Ž  
\v 34 Ŋic Fâri Wâtuŋne eki waharâ nânâ qowi nâme honerâ muŋgopieŋ, `Kec e ŋic nâ âmbâŋne, takesi roro â sâqocne bapa Jaŋere âgo. Ž  
\v 35 Anuture mamana biri ine qâjâpecfâcne jaŋe fuŋne-ticne hewirickepie fâri fideteŋ ewec.”   
\s1 Ŋokac moczi Jesu kike-ticne ruacnewec  
\p
\v 36 Farisaio moczi Jesu nânâre hefâreme ficticnao ferâ nânâ teboo ŋewec.  
\v 37 Eme hae irec ŋokac sâqocne moczi Jesu e farisaiore ficko feme biŋe manarâ opâ âsu biaŋ moc kiruŋhec baferâ  
\v 38 râpefuŋnao domahuc kiome šâŋeuc-ticnezi kikene ruacneme qizec susuc-ticnezi bâkereŋkewec. Erâ kike-ticne muduckerâ opâ âsu ruacnewec.  
\v 39 Ŋokac iŋuc eme farisaio Jesu hefârewec eki honerâ maŋnezi šiŋuc muwec: “Ŋokac šizi wiac ecnekac e sâqocne, Jesu e porofete jurâ muzac fuŋne-ticne mana tarazac.”  
\v 40 Eme Jesuzi šiŋuc âzâcnewec: “Simoŋ, no dâŋ moc gazape manac.” Âzâcneme muwec, “Qaqazu, mutec manape.”  
\v 41 Eme Jesuzi šiŋuc muwec: “Moneŋŋic moczi ŋic jajahec moneŋ jaba jactewec, moc 500 kina râcnewec â moc 50 kina.  
\v 42 Eme okacne bazucnenicte moneŋ basapire tofa-ticne qikiŋne-jactewec. Eme jaheraonec mozi moneŋŋicte bubiaŋ fekicne bajuocmu, go more mukomec?”  
\v 43 Wiocneme Simoŋ šiŋuc muwec: “Moneŋ bocjaha qikiŋnecnewec ere mukopac.” Mume Jesuzi šiŋuc âzâcnewec: “Go sâcne mukomec.”  
\v 44 Iŋuc murâ ŋokacto forisierâ Simoŋ šiŋuc âzâcnewec: “Ŋokac kecši honekomec? No ficgao wefupe go kike šušure opâ mi râe-naremec, ŋokac eki ine kike-nane šâŋeuc-ticnezi ruacnerâ qizec susucnezi bâkereŋkekac.  
\v 45 Goki mi muducnumec, ŋokac eki ine kike-nane šoɋac erâ muduckekac.  
\v 46 Goki qizec-nane wokemaŋ opâzi mi ruacnemec, ŋokac eki ine kike-nane opâ âsu biaŋzi ruacnekac.  
\v 47 Irec gazakopac, ŋokac e maŋjauŋ bocjaha enarekacte fuŋne-ticne šiŋuc manac: E sâqocne bocjaha bâtâmirecnekicne. Moc e sâqocne afecne bâtâmirecnekicnezi maŋjauŋ afecne eocmu.”  
\v 48 Iŋuc murâ ŋokac šiŋuc âzâcnewec: “Sâqocnege bâtâmire-garekicne hâcne.”  
\v 49 Iŋuc mume ŋic nânâ mâmâc nâhuc ŋembiŋ jaŋe maŋjeŋiczi šiŋuc mumbiŋ: “E mo ŋic mo, irec sâqocne bâtâmirekac?”  
\v 50 Eme Jesuzi ŋokac šiŋuc âzâcnewec: “Mamanasiŋgere biaŋkekomec, buge âke mâteŋkeha ra juzemec.”   
\c 8  
\s1 Jesure fuŋfuŋfâc  
\p
\v 1 Dameŋ irec faicnao Jesuzi hae sâko hae pitic mâmâc fota fotâcne juhuc ŋic miti jaza qazuc erâ Anuture uucmaŋte Biŋebiaŋ jaza jujec. Eme bâjâpehuc jumbiŋ ine šiŋuc: Motecfâcne 12,  
\v 2 erâ ŋokac tucne, mârâcko demoŋ â huchec juhapie jâpe bâniniŋ ejarewec. Jaŋeraonec moc Maria Madala haeonec, e demoŋ 7 jâpecnewec.  
\v 3 Erâ moc šâŋene Johana, Herodere soŋaŋ Kuza ere ŋonâŋ, erâ Susana erâ ŋokac gâcne. Jaŋe moneŋ mafa fojarewecte e â motecfâcne bâmec bajare jumbieŋ.   
\s1 Hândâŋ titie dâŋ  
\r (Mat 13: 1-23” Maò 4: 1-20)  
\p
\v 4 Haene haene irec ŋic Jesurao qaja fuserâ tumaŋnepie honec-joparâ kesaic dâŋ moc šiŋuc jazawec:  
\v 5 “Ŋic moczi wiac hândâŋne tieocte gieo rawec. Tiehame hândâŋne gâcnezi hatao waha heme ŋic jaŋe âtenšaŋnembiŋ. Eme sawa wipezi fisirâ nâfârewec.  
\v 6 Hândâŋne gâcne qânâ siecko hewec. Eme izi hahaŋkekicnere âkešurâ bâpâŋ wefurâ hâmowec.  
\v 7 Hândâŋne gâcnezi hofâ qinšiŋ ŋondeŋko hewec. Eme âkešurâ wefume hofâ qinšiŋzi iŋuc jaha wefurâ hehâmowec.  
\v 8 Á hândâŋne gâcnezi ine mâreŋ guecko herâ fârine bocjaha fuawec, jâcne gâcne irec hândâŋne 100, 100 iŋuc fuawec.” Dâŋ i mutararâ hahaŋne bahuc muwec: “Moc e hazecheczi dâŋ keczi manazejec.”   
\p
\v 9 Eme motecfâcne jaŋe kesaic dâŋ irec fuŋnere wiocnepie jazawec:  
\v 10 “Anuture uucmaŋko rarašire dâŋ soŋne i ŋoŋe mananiŋte mukicne, gâcne jaŋe ine kesaic dâŋ mananšepieŋ. Ehuc šâŋe fiipiehuc wiac mi hone taranšepieŋ â hazeczi dâŋ mana-bipiehuc fuŋne mi mana taranšepieŋ.  
\v 11 Kesaic dâŋ mupac irec fuŋne ine šiŋuc: Anuture dâŋzi hândâŋ ekac.  
\v 12 Hândâŋne hatao hewec sâc iŋucne juniŋmu jaŋe miti manapie maŋjeŋicko huhame izia, mana šakierâ juju bâfuanšipiŋte Sataŋzi fisi ro bawiseekac.  
\v 13 Hândâŋne qânâ siecko hewec sâc iŋucne juniŋmu, jaŋe miti manarâ izia aŋac-jopaocmu. Eme maŋjeŋicko gâtâ mi bakicnere dameŋ bembeŋne mac bajuhapie eesâic fuame miti râpeckeeŋgopieŋ.  
\v 14 Hândâŋne hofâ qinšiŋko hewec sâc iŋucne juniŋmu, jaŋe miti mamana i mananiŋmu, erâ sahackopec wiac irec mamaŋ gugutuŋ jupie moneŋ mafa mâriri irec aŋaczi miti hehâmome fârimâc eekac.  
\v 15 Hândâŋne mâreŋ guecko hewec sâc iŋucne juniŋmu, jaŋe miti manarâ maŋjeŋic emasaŋkerâ aimuŋ bajueŋgopieŋ, ehuc ɋic wânšâŋ erâ fârine bâfuaeŋgopieŋ.   
\s1 Lambere dâŋ  
\r (Maò 4: 21-25)  
\p
\v 16 “Mo ŋiczi lambe qazerâ kušizi hetutuckeocmu, me ŋeŋe rurumaŋko heme ŋeocmu? I aricne, lambe i ŋeŋe-ticnao hepene ŋehuc fic maŋne âke tamaeme ŋic jaŋe sâcne honehuc feniŋmu.  
\v 17 Wiac soŋsoŋ fokac i foku mi foocmu, i bataniŋkezo, â wiac hemackekicne fokac i foku mi foocmu, i qaratiezo, eme fuŋne jaŋgeŋkeocmu.  
\v 18 Moc e wiac râcnekicne bajume kiqecnecnezo, â moc e wiac râcnekicne burec burec bajume jâoc rofârezo. Irec ŋoŋe miti hazec uruc jaha manapaŋkenšepieŋ”   
\s1 Jesure neŋgoc ɋafâc  
\r (Mat 12: 46-50” Maò 3: 31-35)  
\p
\v 19 Dameŋ mocko ŋic guru sâko Jesu orâŋkerâ domahapie neŋgoc ɋafâc-ticne warerâ ŋic jaŋerao quŋkerâ taic domambiŋ.  
\v 20 Iŋuc epie ŋic moczi honec-joparâ Jesu šiŋuc âzâcnewec: “Neŋgoc ɋafâcge honecguniŋte juwic hae šoŋao domaŋgopieŋ.”  
\v 21 Mume Jesuzi ŋic šiŋuc jazawec: “Anuture dâŋ manarâ reŋkeeŋgopieŋ kecšizi neŋgoc ɋafâc-nane eŋgopieŋ.”   
\s1 Mâŋâŋ â siri ere micte niniŋkepic  
\r (Mat 8: 23-27” Maò 4: 35-41)  
\p
\v 22 Ʒoaŋ mocko Jesu â motecfâcne wokeo fembiŋ. Wokeo ferâ šiŋuc jazawec: “Nâŋâc riqic fotâcnerâ ocniŋuc rašinaŋ.” Mume manapie rambiŋ.  
\v 23 Rahuc Jesu guŋte ecneme waha fowec. Fohame mâŋâŋ hâhâwicne qame riqic sâqoreme sirizi wokemaŋko hume riqicko huzo embiŋ.  
\v 24 Eme Jesu wiwickerâ šiŋuc âzâcnembiŋ: Qaqazu qaqazu, nâŋe riqicko huzo eŋgopeneŋ. Mupie fahare mâŋâŋ â siri dâŋ mujacteme niniŋkepire benoŋ bawec.  
\v 25 Eme šiŋuc jazawec: “Ŋoŋe mamanasiŋ-ŋeŋic weni.” Motec jaŋe ine wiac i honerâ tuc ŋeŋe farac erâ mumbiŋ: “Opo, e mo ŋic mo, irec mâŋâŋ â siri dâŋ jasame reŋkekopirec.”   
\s1 Jesuzi demoŋ jâpec-jopame becmaŋko humbiŋ  
\r (Mat 8: 28-34” Maò 5: 1-20)  
\p
\v 26 Eme raku riqic fotâcnerâ Galilaia mâreŋ ŋifecnao Gerasene ŋic jaŋerao fisimbiŋ.  
\v 27 Ira fisirâ tiŋko feme haeonec ŋic moc warewec. Ŋic ere maŋko demoŋ bocjaha jupie dameŋ šora ŋaqi mi rojuwec â ficko mi fojujec. E mâc šâŋeruŋ gieo sasawa qac qâsoric juwec.  
\v 28 Eme Jesu honerâ owackerâ mâreŋko rândiŋke qa erâ dâŋ hahaŋne bahuc šiŋuc muwec: “Jesu, go Anutu femicne sâkore Ŋokâzi wemocte norao warekomec? Go šâic gie mi mac narezemec.”  
\v 29 Jesuzi “demoŋ go ŋickonec wefu rac” mume iŋuc hâcne âzâcnewec. Demoŋ e dameŋ šora ŋic maŋne bâpuriŋkeme momori eme ŋic jaŋe me kikene qarâ soŋaŋ-ticne jumbiŋ. Eme demoŋzi ecneme repa hetâc qâtâcnerâ tuhuo wiserâ rajujec.  
\v 30 Eme Jesuzi wiocnerâ muwec: “Ʒâŋege mo?” Wiocneme muwec: “No šâŋe-nane Gurusâko.” Demoŋ bocjahazi ŋicmaŋko jumbiŋ irec.  
\v 31 Eme jaŋe Jesuzi hârâcko sorec-jopame hunšipiŋte mu wâwâsic ecnembiŋ.  
\v 32 Eme mâreŋ ira bec guru sâko qondaŋ gieo jumbiŋ. Irec demoŋ jaŋe mana-jareme becmaŋko huniŋte âzâcnembiŋ.  
\v 33 Eme mana-jareme ŋickonec wefurâ becmaŋko humbiŋ. Iŋuc epie bec jaŋe heâŋkonec suackerâ ra duŋ riqic ŋewec ira hurâ hâmo-fârembiŋ.  
\v 34 Eme soŋaŋ jaŋe i honerâ gasacke rarâ ŋic hae gie sâc jurambiŋ dâŋ binaŋ ejarembiŋ.  
\v 35 Jazapie jaŋe ŋic demoŋ guru jâpecnekicne e honeniŋte fisi-fârembiŋ. Jesurao fisirâ honembiŋ: Ŋic demoŋ guruhec juweczi ŋaqihec â mamanahec Jesure maŋfuŋko ŋewec. Honerâ su bipic tatara ejareme domambiŋ.  
\v 36 Domahapie wiac hone manac embiŋ jaŋe ŋic demoŋhec juweczi biaŋkewec irec dâŋ binaŋ ejarembiŋ.  
\v 37 Eme Gerasene mâreŋ irec ŋic jaŋe boc hâwic-jopame Jesu e mâreŋ-jeŋic beherâ raocte âzâcnembiŋ. Âzâcnepie risieocte wokeo feme  
\v 38 ŋic demoŋ jâpecnekicne eki bâjâpeocte numucnewec. Numucneme Jesuzi šiŋuc muhuc qataracnewec:  
\v 39 “Go wiacfâcge jaŋehec juhuc Anutuzi gorao mâsi sâko bakac irec biŋe ŋic jazazemec.” Mume ŋic e risierâ Jesuzi bâpiaŋkewec irec biŋe haefâc-ticne jaza-fârewec.   
\s1 Jesuzi naru moc hâmockonec bâɋârewec  
\r (Mat 9: 18-26” Maò 5: 21-43)  
\p
\v 40 Ŋic jaŋe Jesure woŋec juhapie fisime honerâ ofac hecnembiŋ.  
\v 41 Ehame mitific soŋaŋ moc, šâŋene Jairo, e warerâ Jesure maŋfuŋko fodaperâ mu wâsic ecnewec.  
\v 42 Otâ-ticne mocjaha jara-ticne 12 eha hâmozo ehuc fowecte Jesu hefârewec. Eme Jesuzi manarâ rahame ŋic jaŋe rošâc bâšâŋiŋ ecnembiŋ.  
\v 43 Eme ŋondeŋ-jeŋicko ŋokac moc juwec, e soc rohuc juhame jara 12 ewec. Eme dokta jaŋe bafickeniŋte bâipieku behembiŋ.  
\v 44 Eme ŋokac eki hâcne Jesure râpefuŋko rarâ ŋaqi-ticne bâuawec. Bâuame izia socticne šickewec.  
\v 45 Eme Jesuzi wiorâ muwec: “Mozi bâuacnukac?” Mume ŋic jaŋe micke-fârepie Petorozi šiŋuc muwec: “Qaqazu, ŋic jaŋe rošâc bâšâŋiŋ egarehuc heuacguŋgopieŋ.”  
\v 46 Mume Jesuzi šiŋuc muwec: “Aricne, moczi bâuacnuhame tâpiri-nane rame manapac.”  
\v 47 Eme ŋokac e fuŋne-nane taniŋkekac murâ ɋarac ɋarac qahuc Jesure maŋfuŋko fodaperâ hucticnere dâŋ â bâuarâ izia ɋiɋic qawec irec dâŋ mâmâc mufuame mana-fârembiŋ.  
\v 48 Eme Jesuzi šiŋuc âzâcnewec: “Otâ-mae, mamanasiŋgere biaŋgukac, buge âke mâteŋkeha rac.”   
\p
\v 49 Iŋuc muhuc domahame mitific soŋaŋte fickonec dâŋ šiŋuc warewec: “Otâge hâmokac, irec qaqazu maŋgâŋ mi ecnetec warezejec.”  
\v 50 Eme dâŋ i Jesuzi manarâ soŋaŋ šiŋuc âzâcnewec: “Mi hâwicguoc, manasiŋnutec otâge biaŋkeocmu.”  
\v 51 Iŋuc murâ ficko fisirâ gâcne hecke-jareme domahapie Petoro, Johane, Jakobo â naru neŋgoc mamac jahecne jaŋe sawa rocjopame rašimbiŋ.  
\v 52 Eme ŋic ŋokac ki mamakuc ehuc domahapie šiŋuc jazawec: “Mi kioniŋ, naru e mi hâmojec, e mâc guŋ fokac.”  
\v 53 Eme jaŋe hâmo-jâmbâŋkewec i mana sanaŋkehuc gâwiecnembiŋ.  
\v 54 Eme Jesuzi naru menao rorâ wiracnerâ muwec: “Naru, go faharec.”  
\v 55 Mume izia maŋ qâqâtâc-ticne risieme faharewec. Fahareme nânâ râcnepie nâocte jazawec.  
\v 56 Eme neŋgoc mamacne jahe manapire hâhâwicne jâmbâŋ ewec. Eme Jesuzi irec biŋe ŋic mi jazaniŋte mu hezuc ejarewec.   
\c 9  
\s1 Motecfâcne giedâŋ mujarewec  
\r (Mat 10: 1, 5-14” Maò 6: 7-13)  
\p
\v 1 Jesu e aposolo 12 hefârec-jopame fisipie ŋic demoŋ jâpe-jareniŋte â huc bâniniŋke-jareniŋte tâpiri qikiŋne-jarewec.  
\v 2 Erâ ŋic Anuture uucmaŋ irec dâŋ jazahuc huchec ɋiɋicne bacjopaniŋte sorec-joparâ  
\v 3 dâŋ šiŋuc mutâcne-jarewec: “Ŋoŋe hatao gunu me he me nânâ me moneŋ me ŋaqi jajahec mi bajunšepieŋ.  
\v 4 Hae mocko fisirâ fic feniŋmu ijaha ŋeŋe juju eku waha ranšepieŋ.  
\v 5 Erâ mocko fisipie qikiŋ-ŋopapie hae i râpeckerâ gâc wândoc kike-ŋeŋickonec âteickepie wahame jaŋe fuŋne-jeŋic mananšepieŋ.”  
\v 6 Iŋuc muhuc jazame jaŋe šawierâ rambiŋ. Ehuc haene haene jufârehuc ŋic miti jazambiŋ â huc šâic bâniniŋke-jarembiŋ.   
\s1 Herodezi Jesure biŋe manawec  
\r (Mat 14: 1-2” Maò 6: 14-16)  
\p
\v 7 Ŋicwofuŋ Herode e Jesuzi wiac ewec bawec, irec biŋe maname quŋkewec. I ŋic jaŋe kecšiŋuc mumbiŋte ewec: “Johane e hâmockonec ɋârewec juhuc wiac i bakac.”  
\v 8 Gâcnezi ine mumbiŋ, “Eliazi mocwâc fuawec jukac.” Á gâcnezi ine mumbiŋ, “Porofete mimiŋne moczi ɋârewec jukac.”  
\v 9 Mupie manarâ Herodezi šiŋuc muwec: “Johane e noni mupe upene hetâcnembiŋ. Ehame mozi iŋuc eme biŋene manaekopac?” Iŋuc murâ Jesu honeocte boc ecnewec.   
\s1 Jesuzi ŋic 5000 nânâ gumec-jopawec  
\r (Mat 14: 13-21” Maò 6: 30-44” Joh 6: 1-15)  
\p
\v 10 Eme aposolo jaŋe juku risierâ gie bambiŋ irec dâŋ binaŋ Jesu ecnembiŋ. Dâŋ binaŋ ecnepie Jesuzi rocjopame Besaida hae mâreŋko buc juniŋte rambiŋ.  
\v 11 Rapie ŋic jaŋe honec-joparâ bâjâpec-jopambiŋ. Erâ Jesurao fisipie âgo ejareme jumbiŋ. Juhapie Anuture uucmaŋ irec dâŋ jazawec, â huc šâichec ɋiɋicne bacjopawec.  
\v 12 Iŋuc ehuc juhame šoaŋ ŋetarazo eme motecfâcne jaŋe erao rarâ šiŋuc âzâcnembiŋ: “Ʒira tuhuo juŋgopeneŋte go ŋic râec-jopatec hae ŋerakac ira rarâ fic â nânâ bâfuanšepieŋ.”  
\v 13 Mupie šiŋuc jazawec: “Ŋaŋac moc nânâ gumec-jopaniŋ me!” Eme jaŋe šiŋuc âzâcnembiŋ: “Poroŋ memoc â opâ qowi jajahec iŋuc mac fonârekac. Irec weniŋuc enaŋ? Haeo rarâ ŋic guru sâko ši jaŋere nânâ sâcne furine banaŋmu me?”  
\v 14 Ŋic 5 tauseŋ jumbiŋte motec jaŋe iŋuc mumbiŋ. Mupie šiŋuc jazawec: “Ŋic ejarepie birine birine 50 qâzuckerâ ŋeranšepieŋ.”  
\v 15 Mume jaŋe ejarepie iŋuc epie  
\v 16 poroŋ memoc â opâ qowi jajahec rorâ sambâŋko fime fehame jambuŋkewec. Jambuŋkerâ poroŋ bazurâ motec jareme jaŋe bârâwiŋnerâ ŋic jarembiŋ.  
\v 17 Eme jaŋe mâmâc sasawa nâ gapec efârembiŋ. Eme tiwâne ŋerawec, i ropie hurâ sasac 12 fusewec.   
\s1 Petorozi Jesure fuŋne mujaŋgeŋkewec  
\r (Mat 16: 13-23” Maò 8: 27-33)  
\p
\v 18 Juku Jesu e motecfâc-ticne jaŋehec buc juhuc nunumu gie bawec. Eku wio-jarerâ muwec: “Ŋic jaŋe nore mo mueŋgopieŋ?”  
\v 19 Wio-jareme šiŋuc âzâcnembiŋ: “Gâcne jaŋe Johane Miti Opâ fufuŋke mugareeŋgopieŋ, gâcne jaŋe Elia mugareeŋgopieŋ, â gâcne jaŋe porofete mimiŋne moczi ɋârewec jukac, iŋuc mugareeŋgopieŋ.”  
\v 20 Mupie jaŋacne indiŋ-joparâ muwec, “Á ŋoŋe ine nore mo mueŋgopieŋ?” Eme Petorozi šiŋuc muwec: “Go Anuturaonec Kristo jâmbâŋ.”  
\v 21 Mume ŋic moc mi mufua-jareniŋte mic muac sanaŋne ejarewec.  
\v 22 Erâ šiŋuc šuhuckerâ Jazawec: “Ŋic Fâri Wâtuŋnezi Juku šâic serereŋ bocjaha manaocmu. Soŋaŋ â taha bapa micne â miti qaqazu jaŋe e kiarao qikiŋnepie qame hâmorâ šoaŋ jahec â moc eha fahareocmu.”   
\s1 Maŋ qâqâtâc mi qaisockezo  
\r (Mat 16: 24-28” Maò 8: 34 ­ 9: 1)  
\p
\v 23 Jesu e ŋic mâmâc sâko-jeŋic šiŋuc jazawec: “Ŋic moczi no bâjâpecnuzo murâ maŋ sahac-ticnere dâŋ râpeckerâ maripoŋ-ticne šoaŋne šoaŋne hâporâ bâjâpecnuzejec.  
\v 24 Moc e juju-ticne sakareme sifuckecneocmu â moc e nore erâ qikiŋneme fuacneocmu.  
\v 25 Moc e mâreŋte wiac sasawa hure-fâreku kinduŋ bânduŋ bajuhame juju-ticne kihâmome sipirickeme wemo wiac fârine focneocmu?  
\v 26 Moc e no nahacnere me miti-nanere maname mimi gaŋgaŋnehec eocmu, ine Ŋic Fâri Wâtuŋnezi Juku Mamac-ticne â tiri aŋelo jaŋere huririzi uucne erao riŋkehame sambâŋ tatamac-ticnehec fisirâ ŋic iŋucnere iŋuc Jaha maname mimi gaŋgaŋnehec eocmu.  
\v 27 No ine jâmbomac ŋazape mananiŋ: Domaŋgopieŋ ši jaŋeraonec gâcne hâmoc mi bâfuahapie Anuture Wofuŋ qâreŋ fua taniŋkeme honenšoŋgopieŋ.”   
\s1 Jesuzi sambâŋ hawari ewec  
\r (Mat 17: 1-9” Maò 9: 2-9)  
\p
\v 28 Jesu e dâŋ i murâ juhame šoaŋ gie bapa 8 tarame numuocte Petoro â Johane â Jakobo rocjopame tikio fembiŋ.  
\v 29 Ferâ numuhame šâŋe mai-ticne hawarine fuŋmoc ewec. Ehame ŋaqi-ticne tamaerâ ɋaɋac taeŋne jâmbâŋ ewec.  
\v 30 Eme mi ŋic jajahec fuarâ ehec dâŋ muc manac enšepieŋ i¡ Ŋic šâŋe-jekic Mose â Elia.  
\v 31 Jahe sambâŋ tatamac-jekichec fisirâ Jesu Jerusalem haeo mâreŋko juju-ticne jutararâ raocmu irec dâŋ mumbiŋ.  
\v 32 Muhapie Petoro â âgo jahec-ticne jaŋe guŋ te mâretec ejare-bipieme šâŋe fitâcnerâ Jesu huriri qâreŋ-ticnehec â ŋic jahec ehec domapire honec-jopambiŋ.  
\v 33 Eme jahe razo epire Petorozi Jezu šiŋuc âzâcnewec: “Qaqazu, sowine šira juŋgopeneŋ. Irec manatec boze jahec â moc banaŋ, gore moc, Mosere moc â Eliare moc.” E dâŋ mi mana tarahuc iŋuc muwec.  
\v 34 Muhame karorac moczi waharâ sâoc-jopawec. Sâoc-joparâ foŋjopame motec jaŋe me kike fâfâc ehuc domambiŋ.  
\v 35 Eme karorac maŋko dâŋ šiŋuc fuawec: “Keci joroc Ŋokâ-nane, ŋoŋe dâŋticne mananšepieŋ.”  
\v 36 Eme dâŋ mana manahuc šâŋe firâ Jesu buc domame honembiŋ. Eme motec jaŋe wiac honembiŋ i dameŋ ira ŋic mi jajaza mâc maŋkerâ jumbiŋ.   
\s1 Motec jaŋe demoŋ moc jâpe-bipiembiŋ  
\r (Mat 17: 14-21” Maò 9: 1, 4-29)  
\p
\v 37 Hae fureme tikionec wahapie ŋic guru sâkozi ehec bâbâfuac embiŋ.  
\v 38 Eme izia ŋic jaŋere ŋondeŋkonec moczi šiŋuc muhuc Jesu wâsickewec: “Qaqazu, go dâŋnane manarâ ŋokâ-nane bafickec, e mocjaha mae.  
\v 39 Manakic, demoŋ moczi hâpome ɋeŋfâfâc jaha owackeekac. Erâ ro fârec ecneme mic tâferu-ticne wefuekac. Eme demoŋzi motec jâpec mi bebehe ba âkejac ecneku mâretec bâdockeekac.  
\v 40 Eme motecfâcge jaŋe jâpecneniŋte numu-jarepe eipiembieŋ.”  
\v 41 Mume Jesuzi šiŋuc muwec: “O ŋicguru mamanasiŋ tâmiric â maŋsanaŋ, no ŋoŋehec hati jurâ ju ehuc âsi qataŋ eŋarepemu me? Ŋokâge bawarec.”  
\v 42 Eme motec Jesurao barahame demoŋzi fâreme mi kikene miŋgeŋkewec. Eme Jesuzi demoŋ dâŋ mucneme wiseme motec biaŋkeme mamac-ticne râcnewec.  
\v 43 Eme ŋic jaŋe Anutu tâpiri sâko-ticnere fuŋne honerâ warecke sâqorembiŋ.  
\s1 Hâmoocte mufua-jarewec  
\r (Mat 17: 22-23” Maò 9: 30-32)  
\p Eme ŋic jaŋe Jesuzi wiac ewec bawec irec wareckehuc juhapie Jesuzi motecfâcne bucko šiŋuc jazawec:  
\v 44 “Dâŋ ši ŋazape manapaŋkeniŋ, Ŋic Fâri Wâtuŋne e ŋic jaŋere meo feocte dameŋ bembeŋkezo ekac.”  
\v 45 Iŋuc muhuc jazame motec jaŋe dâŋ i manapie qeŋ bipinehec eme fuŋne kâuc bambiŋ. Erâ wiocneniŋte hâwic-jopame behembiŋ.   
\s1 Micne jujure dâŋ  
\r (Mat 18: 1-5” Maò 9: 33-40)  
\p
\v 46 Motec jaŋe nâŋâcnaonec mozi micne sâko jukac muhuc hehefaric embiŋ.  
\v 47 Iŋuc epie Jesuzi maŋjeŋicte fuŋne manarâ motec piticne moc rorâ maŋfuŋnao râerâ  
\v 48 šiŋuc jazawec: “Moczi motec piticne kecšiŋucne moc nore erâ mamac rau ecneocmu, e no mamac rau enareocmu. Á no mamac rau enareocmuzi sorecnuwec e mâmâc mamac rau ecneocmu. Erâ ŋoŋeraonec moczi wahakicne jâmbâŋ juocmu, ere fekicne muzo.”   
\p
\v 49 Eme Johanezi šiŋuc âzâcnewec: “Qaqazu, nâŋe ŋic moc gore šâŋe muhuc demoŋ jâpec-jopame honembeneŋ, erâ e nâŋerao šuhuckerâ go mi bâjâpecguekacte qataracnembeneŋ.”  
\v 50 Mume Jesuzi šiŋuc âzâcnewec: “Mi qataracnezo. Gie-ŋeŋic mi hetâtiecmuzi âgo babafic-ŋeŋic eocmu.”   
\s1 Samaria ŋic Jesu fic sakarecnembiŋ  
\p
\v 51 Jesu e sambâŋko risiocte dameŋ bembeŋkezo ehame Jerusalem haeo raocte mupaŋkewec.  
\v 52 Mupaŋkerâ kiŋaŋ sorec-jopame bâniembiŋ. Bânierâ raku Samaria ŋic jaŋere hae mocko fisirâ Jesure biŋe fic moc bâfuaniŋte jazambiŋ.  
\v 53 Eme Jesu e Jerusalem haeo raocmu, iŋuc manarâ fic sakarembiŋ.  
\v 54 Fic sakarepie motec jahec-ticne Jakobo â Johane jahe i manarâ Jesu wiocnerâ mupic: “Wofuŋ, go manatec mupere sambâŋkonec šoc waharâ šacjopazejec me?”  
\v 55 Mupire forisierâ qatara-jactewec.  
\v 56 Eme hae mocko rambiŋ.   
\s1 Jesu bâjâpezore dâŋ  
\r (Mat 8: 19-22)  
\p
\v 57 Rahapie ŋic moczi bâfuac-joparâ Jesu šiŋuc âzâcnewec: “Go ira me ira razo mutecne bâjâpecgupemu.”  
\v 58 Mume Jesuzi šiŋuc âzâcnewec: “Qowi jaŋe hawec-jeŋichec, â sawa wipe jaŋe sareŋ-jeŋichec, Ŋic Fâri Wâtuŋne e ine fofo roŋgâŋ basaekac.”  
\v 59 Eme Jesuzi ŋic moc bâfuarâ šiŋuc âzâcnewec: “Go ware bâjâpecnuc.” Mume ŋic e šiŋuc âzâcnewec: “Wofuŋ, manatec qanaŋ rarâ mamac-nane duckezepac.”  
\v 60 Eme Jesuzi šiŋuc âzâcnewec: “Behec-jopatec qâŋɋâŋzia qâŋɋâŋfâc-jeŋic buc ducjopanšepieŋ. Go ine rarâ Anuture uucmaŋ irec dâŋ muromackezemec.”  
\v 61 Ŋic moczi ine Jesu šiŋuc âzâcnewec: “Wofuŋ, no bâjâpecguzore enarekac. Erâ manatec qanaŋ risierâ wiacfâc-nane mâzoc-joparâ warezepac.”  
\v 62 Mume Jesuzi šiŋuc âzâcnewec: “Moc e woke guriŋne bahuc rârâpe fiocmu, iŋucnezi Anuture uucmaŋko gie bapare sâc mi eocmu.”   
\c 10  
\s1 Motec bocjaha miti muniŋte sorec-jopawec  
\r (Mat 9: 37-38” 10: 7-16” 11: 20-24)  
\p
\v 1 Juku Jesuzi motec 70 bâwosâec-joparâ giedâŋ mujarewec. Ehuc e jahac haene haene raocte muwec ira jajahec jajahec bânierâ raniŋte sorec-jopawec.  
\v 2 Ehuc jaza muwec: “Qa roro giezi kâcɋene, gie bapa ŋic ine afecne. Irec ŋoŋe gie rune numucnepie gie bapa ŋic bâfuac-jopame gie-ticnao ranšepieŋ.  
\v 3 Ŋoŋe rahuc šiŋuc mananšepieŋ: Lama kâte qâto jaŋere ŋondeŋko mi sosorec-jopane i ŋoŋe sorec-ŋopakopac.  
\v 4 Eme ŋoŋe moneŋ kânoŋ me he me kikehuhu mi amecke ranšepieŋ. Erâ hatao ŋic bâfuac-joparâ dâŋ mi bacjopanšepieŋ.  
\v 5 Fic mocko fezo ehuc rune šiŋuc jazanšepieŋ: `Fic kecšira wama fozejec. Ž  
\v 6 Eme fic ira ŋic moc wamare biŋe jume wamadâŋ-ŋeŋicte fârinezi erao fotâcnerâ foocmu. Arictac eme wamadâŋ-ŋeŋicte fârine ŋoŋerao mocwâc risieocmu.  
\v 7 Fic feniŋmu ijaha ŋeŋe juju ehuc nânâ gumec-ŋopapie nânšepieŋ. Gie bapa ŋic wiac furimâc jare gumec ezo. Ŋoŋe ficbiri mi junšepieŋ.  
\v 8 Hae mocko fisipie hezu hewâneŋ eŋarehuc nânâ gumec-ŋopapie nânšepieŋ.  
\v 9 Erâ ŋic huchec ɋiɋicne bacjoparâ hae rune šiŋuc jazanšepieŋ: `Anuture uucmaŋzi maic-ŋopakac. Ž  
\v 10 Hae mocko fisipie qikiŋ-ŋopapie hae šoŋao domahuc šiŋuc jazanšepieŋ:  
\v 11 `Gâc wândoc-ŋeŋic kike-nâŋecko bohotakac, i âteickepene waha foŋarezejec. Erâ ine šiŋuc mananiŋ: Anuture uucmaŋzi maic-ŋopame bâsuembieŋ. Ž  
\v 12 No ŋazape mananiŋ: Okac dameŋko Sodom haeonec katucne bawahahuc ejarezo â hae iŋucne jaŋe bafehuc ejarezo.   
\p
\v 13 “Jei Koraziŋ rune, jei Besaida rune, ŋoŋerao mâsi hâhâwicne fuawec, iŋucne Tiro Sidoŋ haeo fuame muzac jaŋe mârâc jaha ki busâqoc ehuc maŋjeŋic bârisienšapiŋ.  
\v 14 Irec juku okac dameŋko Tiro Sidoŋ haeonec katucne bawahahuc ejarezo â ŋoŋe ine katucne bafehuc eŋarezo.  
\v 15 Erâ Kafanaum rune, go sambâŋko bafecguo me? Aricne, go hârâcko tuŋguzo.  
\v 16 Ŋoŋere dâŋ manaocmuzi nore dâŋ manaocmu. Á ŋoŋe qikiŋ-ŋopaocmuzi no qikiŋnuocmu. No qikiŋnuocmuzi ine sorecnuwec e qikiŋneocmu.”   
\s1 Motec risiepe Jesuzi Mamac-ticne muafeckewec  
\r (Mat 11: 25-27” 13: 16-17)  
\p
\v 17 Motec 70 jaŋe juku risierâ šeri ehuc Jesu dâŋ binaŋ šiŋuc ecnembiŋ: “Wofuŋ, gore šâŋe muhuc demoŋ jâpe-jarepene micnâŋec reŋke-jâmbâŋkeŋgopieŋ i!”  
\v 18 Mupie šiŋuc jazawec: “Sataŋ e sambâŋkonec bâbâric iŋucne waha qame honepo.  
\v 19 Manaŋgopieŋ, ŋoŋe homa â omeqaqa â râsire wiac šârâ hâriŋ irec faio âtepie mi sipiric-ŋopaocte tâpiri râe-ŋarepo.  
\v 20 Eme ŋoŋe ine demoŋzi micŋeŋic reŋkeŋgopieŋ irec mi šeri enšepieŋ, šâŋe-ŋeŋic sambâŋko qâreŋkekicne fokac irec šeri enšepieŋ.”   
\p
\v 21 Eme dameŋ ijaha Tiri Mârozi Jesu bufahac qacneme šeridâŋ kecšiŋuc muwec: “Mamac, sambâŋ â mâreŋ rune, go mamana-jeŋicte manapie kâcɋene eekac ŋic i jaŋe mitidâŋge hesoŋke-jareekic, â maŋjeŋicte manapie gegecne eekac jaŋe ine mufua-jareekic, eme no irec muteŋgukopac. Go iŋuc fua biaŋ raocte mupaŋkemeŋ hâcne ine.  
\v 22 Wiac sasawa i Mamac-nanezi râe-nare-fârewec Eme ŋic moczi Ŋokâ mi šâŋitaekac, Mamaczi buc šâŋitaekac. Erâ Mamac iŋuc jaha ŋic moczi mi šaŋitaekac, ŋokâzi buc šâŋitaekac. Erâ Ŋokâzi ŋic moc Mamacte fuŋne mufuacneme e wâc šâŋitaocmu.”  
\v 23 Iŋuc murâ motecfâcne jaŋacne šiŋuc jazawe: “Ŋoŋe wiac šâŋe furu honehuc jueŋgopieŋ irec šeri enšepieŋ.  
\v 24 No ŋazape mananiŋ: Porofete â ŋicwofuŋ bocjaha jaŋe ŋoŋe wiac hone manac eeŋgopieŋ i hone manac eniŋte ejare-bipiehame sifu mi hone manac embiŋ.”   
\s1 Ŋic moczi kisâ-ticne ehâmocnewec  
\r (Mat 22: 34-40” Maò 12: 28-31)  
\p
\v 25 Sâcmutâc mamana ŋic moczi Jesu šiŋuc muhuc esâickewec: “Qaqazu, no weniŋuc erâ juju sanaŋte biŋe epemu?”  
\v 26 Mume Jesuzi okacne šiŋuc wiocnewec: “Sâcmutâc dâŋ weniŋuc fome woseekic?”  
\v 27 Wiocneme eki muwec: “Go maŋge â qâqâtâcge â tâpirige â mamanasuge i Wofuŋ Anutuge furu jaha qikiŋnecnetec fozejec, erâ go gahacne egareekac, sâc ijaha âgogere egarezejec, dâŋ iŋuc fokâc.”  
\v 28 Mume Jesuzi šiŋuc âzâcnewec: “Go dâŋ sâcne mukomec, i reŋkerâ juju sanaŋte biŋe ecmu.”  
\v 29 Eme ŋic e no maŋsioc tâmiric hawari ezepac muhuc harierâ Jesu šiŋuc wiocnewec: “Eme more manape âgo-nane ezejec?”  
\v 30 Mume Jesuzi binaŋ moc šiŋuc bacnewec: “Ŋic moczi Jerusalem haeonec Jeriko haeo rahuc râsi jaŋere somâmaŋko huwec. Eme jaŋe qarâ ŋaqi â mafa wiac-ticne jâoc rofârerâ behepie hâmozo ehuc fowec.  
\v 31 Fohame taha bapa moczi hata ijaha rarâ hone takirerâ jâuruwec.  
\v 32 Eki rahame taha ufuŋte kiŋaŋŋic moczi ijaha ra fisirâ hone takirerâ jâuruwec.  
\v 33 Ehame Samaria mâreŋkonec ŋic furune moczi hata raku ŋic bâfuawec.  
\v 34 Erâ honerâ bune sâqoreme maŋfuŋnao rarâ wicticne wokemaŋ â waiŋ opâzi šure foŋ ewec. Erâ becâsic-ticnao râeme feme haeo bararâ tomaficko râerâ jauŋ bawec.  
\v 35 Hae fureme raocte tomafic rune 20 toea râcnehuc šiŋuc muwec: `Go ŋic kecši jauŋ bahuc juzemec, eme moneŋ garekopac mi sâckeme juku risierâ mocwâc šuhucke-garepemu. Ž ”  
\v 36 Jesu iŋuc murâ muwec: “Ŋic jahec â moc jaŋeraonec wenimo irec manatec ŋic qakicne ere âgo ewec?”  
\v 37 Wiocneme šiŋuc muwec: “Jauŋ bawec eki.” Eme Jesuzi šiŋuc âzâcnewec: “Go rarâ iŋuc hâcne ezemec.”   
\s1 Maria â Mata Jahere binaŋ  
\p
\v 38 Jesu â motecfâcne jaŋe raku hae mocko fisipie ŋokac moc šâŋene Mata eki Jesu ficticnao hefârerâ hezu hewâneŋ ecnewec.  
\v 39 Eme qoticne moc juwec šâŋene Maria, eki Wofuŋte maŋfuŋko waha ŋehuc miti-ticne manawec.  
\v 40 Mata e šegoc giezi niŋgiŋkeme šanšaŋ bumbuŋ domahuc nânâ rike bâmoc ewec. Eku Jesurao rarâ muwec: “Wofuŋ, qonanezi behecnume kiŋaŋ no nahackoaŋ qape honetec mi sâqorekac me? Go âzâcnetec baficnuoc me!”  
\v 41 Mume Jesuzi kecšiŋuc âzâcnewec: “Mata, Mata, go wiac bocjahare mana mezac erâ šocne šâicne ehuc domakic.  
\v 42 Manakic, wiac afecnezi sâckeocmu, â mocjaha fokac i tâmiric ine sâcne mi jujune. Maria fâri biaŋ hâcne ruckeocte wosâejec, i mi jâoc rozo.”   
\c 11  
\s1 Nunumure dâŋ  
\r (Mat 6: 9-15” 7: 7-11)  
\p
\v 1 Jesu e mocko ra numuwec. Numuku numu-fâreme motecfâcne jaŋeraonec moczi muwec: “Wofuŋ, Johanezi motecfâcne nunumu qazu-jarewec, iŋuc jaha goki moc qazu-nârec.”  
\v 2 Mume Jesuzi šiŋuc jazawec: “Ŋoŋe numuzo murâ kecšiŋuc numunšepieŋ: Mamac gore šâŋe tiri fozejec. Ware maŋ sâc mâreŋ sâc Wofuŋ enârec.  
\v 3 Ʒoaŋ gie bapa sâc nânâ-nâŋec nârezemec.  
\v 4 Kiŋtofa-nâŋec behenârec, nâŋe iŋuc jaha ŋic jaŋere kiŋtofa beheŋgopeneŋ. Eesâicko mi râec-nâpozemec.”   
\p
\v 5 I mutararâ moc šiŋuc šuhuckewec: “Ŋoŋeraonec moczi ŋafe šâšâŋiŋko rarâ âgo-ticne wiwickerâ šiŋuc âzâcneocmu: `Âgo-nane, go nânâ jahec â moc mac narec,  
\v 6 âgo-nane moczi hata juku norao ware fisime nânâ gumezore basakopac. Ž  
\v 7 Iŋuc mume fic runezi ficmaŋkoa fohuc muocmu, `Go guŋ wiwic wemocte enârekic, ficmotâc kine bakicne â naru motec guŋ fofâreŋgopieŋ, irec wemocko faharerâ garepemu. Ž ”  
\v 8 Jesu e iŋuc murâ muwec, “No mupe mananiŋ, fic rune e ââgore mi manacneocmuo ine mic šoɋac-ticnere sifu faharerâ wiac mukac râcneocmu.  
\v 9 Irec noni iŋuc jaha ŋifecne ŋazape mananiŋ: Numuku wiac roniŋmu, basaku fârine bâfuaniŋmu, motâcko heikepie aŋke-ŋareocmu.  
\v 10 Numuekaczi wiac roekac, basaekaczi fârine bâfuaekac, motâcko heickeekac e rocnezo.  
\v 11 Me ŋoŋeraonec mo ŋiczi ŋokâ-ticne qowire mucneme irec okacne ɋâsu râcneocmu,  
\v 12 me qâqâc hândâŋte mucneme omeqaqa râcneocmu?  
\v 13 Eme ŋoŋe ŋic hehesicne iŋucnezi naru motecfâc-ŋeŋic nânâ mafa biaŋne jare gumec eeŋgopieŋko Mamac-ŋeŋic sambâŋko e sâc moc juekaczi Tiri Mârore numucnepie sâcne mi ŋareocmu me?”   
\s1 Ŋic jaŋe Jesu demoŋ jâjâpere qorickembiŋ  
\r (Mat 12: 22-30” Maò 3: 20-27)  
\p
\v 14 Ŋic moc demoŋzi ecneme nâŋguŋ ewec. Eme Jesuzi ŋic e demoŋ jâpecneme mocwâc dâŋ dâŋ ewec. Iŋuc eme ŋic jaŋe honerâ wareckembiŋ.  
\v 15 Eme gâcnezi ere šiŋuc mumbiŋ: “Demoŋ jaŋere ŋicbomboŋ Beezebulu eki neŋgoc ŋesiŋ ŋecnehame demoŋ jâpe-jareekac.”  
\v 16 Gâcne jaŋe ine hesuahuc mumbiŋ: “Go mutec sambâŋko fuŋne qaqa mâsi fuame honenaŋ.”  
\v 17 Eme eki maŋjeŋicko mana tararâ jazawec: “Mâreŋ moc ira šika kosa fuame hae sâc rârâsi efârepie tuhu fuaocmu.  
\v 18 Sataŋzia fâuckerâ Sataŋ jâpeme gie-ticne weniŋuc sanaŋkerâ foocmu? Ŋoŋe nore šiŋuc muŋgopieŋ: Beezebuluzi neŋgoc ŋecnehame demoŋ jâpe-jareekac, irec mukopac.  
\v 19 Eme no Beezebulu ere neŋgoc ŋesiŋko demoŋ jâpe-jareekopacko, ŋaŋacne motecfâc jaŋe more ŋesiŋko demoŋ jâpe-jareeŋgopieŋ? Jaŋe hâcne qoqoric-ŋeŋicte fuŋne bataniŋkeniŋmu.  
\v 20 Noni ine Anuture tâpirizi demoŋ jâpe-jareekopacko Anuture Wofuŋ qâreŋ ŋoŋerao fuakac hâcne.  
\v 21 Ŋic momorizi sându maro-ticnehec fic hae-ticne soŋaŋkeme wiac-ticne furu foocmu.  
\v 22 Ehame tâpiri sâkoheczi fisi hâporâ sându maro mamanac-ticne jâoc rorâ boreŋ mafa-ticne kâdoc qaocmu.  
\v 23 Moc e âgo mi enareocmuzi râsi enareocmu, â moc e gie-nane hone maiŋ mi eocmuzi hetâtieocmu.   
\p
\v 24 “Demoŋzi ŋickonec wefurâ ra tuhuo miti qatarac juhuc ŋeŋe hae-ticne basaocmu. Basaku muocmu: `Ficnane beherâ warepo ijaha mocwâc risiepe. Ž  
\v 25 Murâ risierâ honeocmu: Ʒure emasaŋ erâ bâpiaŋkekicne.  
\v 26 Iŋuc fome honerâ ra demoŋ âgofâc-ticne 7, e jahacne sâc mâcne, repipicne jâmbâŋ rocjopame ware fic ijaha ŋeŋe juju eniŋmu. Eme ŋic e mârâc sâqocne juweczi šâhec sâqore-jâmbâŋkeocmu.”   
\p
\v 27 Dâŋ iŋuc muhuc juhame ŋic ŋondeŋkonec ŋokac moczi wiwic jaha wiracnehuc muwec, “Rocgurâ moŋ gumec guwec ere manape šerine ekac.” Eme Jesuzi manarâ šiŋuc muwec: “I mukomec noni ine Anuture dâŋ manarâ bajuengopieŋ jaŋere hâcne manape šerine ekac.”   
\s1 Mâsire fotariecnembiŋ Irec Jazawec  
\r (Mat 12: 38-42” 5: 15” 6: 22-23” Maò 8:12)  
\p
\v 29 Ŋic bocjaha erao qaja fusepie fuŋkera dâŋ šiŋuc jazawec: “Ŋicguru hehesicne šizi fuŋne qaqa mâsire fotarieeŋgopieŋ. Erâ ŋoŋe mâsi moc mâcne, Jonarao mâsi fuawec i sawa fuame honeniŋmu.  
\v 30 Jonarao wiac fuawec izi Niniwe haeonec ŋic fuŋne qaqa mâsi ejarewec, iŋuc jaha Ŋic Fâri Wâtuŋne erao wiac fuaocmu izi ŋicguru ši ŋoŋe fuŋne qaqa mâsi eŋareocmu.  
\v 31 Juwic mâreŋkonec ŋokac wofuŋ eki mumu tara dameŋko ŋicguru ši ŋoŋehec faharerâ fuŋne-ŋeŋic ritume katucne roniŋmu. Erâ i mâc mâcne, ŋokac e Salomoraonec mamana fârine roocte mâreŋ qaŋeŋnaonec warewec” eme mananiŋ, ši fuakac e Salomore sâc sirickekac.  
\v 32 Erâ Niniwe haeonec ŋic jaŋe iŋuc jaha mumu tara dameŋko ŋicguru ši ŋoŋehec faharerâ fuŋne-ŋeŋic ritupie katucne roniŋmu. Erâ i mâc mâcne, Niniwe haeonec jaŋe Jonazi uŋ jazame manarâ maŋjeŋic bârisiembiŋ, â ši domakac e Jona sirickekac.   
\p
\v 33 “Ŋoŋe lambe qazerâ mi soŋkeeŋgopieŋ, me kušizi mi hetutuckeeŋgopieŋ, aricne, lambe ŋeŋe-ticnao hepie fic âke tamaeme ŋic ŋoŋe honehuc feeŋgopieŋ.  
\v 34 Sahacgere lambe ine šâŋege. šâŋege biaŋne fohuc sahacge batamaecneocmu, šâŋege sâqoreme sahacgezi tiŋtuŋ qaocmu.  
\v 35 Eme maŋgao tatamac fokac izi dapâc ezacte aimuŋ soŋaŋkehuc juzemec.  
\v 36 Eme maŋ sahacge dapâc tâmiric tatamachec efâreocmuo furu jaha tamaeocmu, lambezi batamaecguekac irec sâc.”   
\s1 Miti sahacne sawa mi reŋkezo  
\r (Mat 23” Maò 12: 38-40” Luë 20: 45-47)  
\p
\v 37 Dâŋ i mutararâ juhame farisaio ŋic moczi Jesu nânâre ficticnao hefârewec. Hefâreme ficticnao ferâ izia nânâ teboo waha ŋewec.  
\v 38 I me sahac-ticne qanaŋ mi šurehuc iŋuc ewecte farisaiozi maname mi sâckewec.  
\v 39 Eme irec Wofuŋzi šiŋuc âzâcnewec: “Oi, farisaio ŋoŋe, oto râqâc-ŋeŋic šure ɋaɋackeeŋgopieŋ, maŋŋeŋicko ine nânâ mafare sasec â bâbâsifuczi fusucmakicne.  
\v 40 O ŋic mutucne ŋoŋe, wiac sasawa irec sahacne bâfuaweczi maŋne mi bâfuawec me?  
\v 41 Irec ŋoŋe maŋkonec bâmec gie bâfuanšepieŋ, eme ŋoŋerao wiac sasawa wâwânâŋ tâmiric efâreocmu.  
\v 42 Oi farisaio, ŋoŋe hâwic-ŋopazac me, ŋoŋe wiac racne, romboc, wifu, qase â iŋucne gâcne i tucne Wofuŋte biŋe qahuc râeeŋgopieŋ, ehuc ŋifecne wiac fârine, mitio mubâtiŋ â Anutu sâsâse ine mi eeŋgopieŋ. Moc reŋkehuc moc reŋkezo.  
\v 43 Oi farisaio ŋoŋe, mitificko ŋicbomboŋ ŋeŋeoa micne ŋeniŋte mueŋgopieŋ â hatao ŋic ŋokac omanezi bâfuac-ŋoparâ mu šeri eŋareniŋte irec maŋŋeŋic domaekac.  
\v 44 Oi ŋoŋe šâŋeruŋ rârâŋnekicne iŋucne, ira ŋic Jaŋe mi manahuc fainao rac warec eeŋgopieŋ.”   
\s1 Mitiŋic jopa sipiric ekicne irec dâŋ  
\p
\v 45 Jesu e iŋuc mume sâcmutâc mamana ŋic moczi manarâ micnao rorâ šiŋuc muwec: “Qaqazu, go dâŋ iŋuc mutec sâcmutâc mamana nâŋerao wâc qacnekac.”  
\v 46 Mume Jesuzi okacne kecšiŋuc bâtikiecnewec: “Jei, sâcmutâc mamana ŋoŋe wâc hâwic-ŋopazac, ŋoŋe tagi bâmâckerâ ŋic fai-jeŋicko râehuc ŋaŋcne metariŋ jueŋgopieŋ.  
\v 47 Jei, mimiŋnefâc-ŋeŋic jaŋe porofete jopa sipiric embiŋ i jaŋere šâŋeruŋ ericke emasaŋ eeŋgopieŋ.  
\v 48 Iŋuc ehuc mimiŋnefâc-ŋeŋic qâtec-joparâ šika-jeŋicte manapie biaŋkeekac Jaŋe jopa sipiric embiŋ â ŋoŋe ine šâŋeruŋ-jeŋicko ma âkendâŋne-jareeŋgopieŋ.  
\v 49 Irec hâcne Anuture mamana birio dâŋ moc šiŋuc fuawec: `No ŋoŋerao porofete â aposolo sorec-jopape fisipie gâcne jopa sipiric â jopa jâpec eniŋmu.  
\v 50 Eme irec mârâc jaha ŋic fufua dameŋko fuŋkerâ porofete jopahuc socjeŋic sipiricke warekicne irec kiŋ i ŋoŋerao batarazo.  
\v 51 Ʒika i mârâc jaha Aberao fuŋkerâ sueme sue qawefuku Ʒekaria e taha ufuŋko alata fuŋko qahuc qatarakicne. No jâmbomac mupe mananiŋ, šika irec kiŋ i ŋic guru ši ŋoŋerao. batarazo.  
\v 52 Jei sâcmutâc mamana, ŋoŋe miti mamana tarare ki ŋic jowac rombiŋ. Ŋaŋac motâcko mi rašimbiŋ, â ŋic ŋokac rašizo mumbiŋ i jaŋe aka hejarembiŋ.”   
\p
\v 53 Dâŋ iŋuc murâ rahame miti qaqazu â farisaio jaŋe fuŋkerâ jume ju ecnehuc mu esâic ecnembiŋ.  
\v 54 Ehuc micnaonec dâŋ moc wahame manapie bahacnehec eme qorickeniŋte ruc sanaŋ barâ jumbiŋ.   
\c 12  
\s1 Jesuzi farisaio ŋic burec-jeŋicte uŋ jazawec  
\r (Mat 10: 19-33)  
\p
\v 1 Ehame ŋic jaŋe erao fisi sâqorehuc keketeŋ domahuc kikeo ââtec embiŋ. Iŋuc ehuc domahapie fuŋkerâ motecfâc-ticne qanaŋ dâŋ šiŋuc jazawec: “Ŋoŋe farisaio hâmu goreŋ-jeŋicte bâec bacnehuc paŋsawa junšepieŋ. No maŋsioc-jeŋicte mukopac.  
\v 2 Wiac hemackekicne fokac i foku mi foocmu, i qaratiezo, â wiac soŋsoŋ fokac i foku mi foocmu, i bataniŋkezo.  
\v 3 Ŋoŋe dapâcko dâŋ kamierâ mueŋgopieŋ i juku šoaŋ ɋaɋacko ŋeratieocmu, â ficmaŋko ɋawe faio mueŋgopieŋ i juku šae sâkoo fuaocmu.   
\s1 Jesuzi hâbidâŋ jazawec  
\p
\v 4 “Âgofâc-nane, no šiŋuc ŋazape: Sahac-ŋeŋic sawa qarâ irec fainao wiac eŋareniŋte tâpiri basaniŋmu jaŋere mi hâwic-ŋopazejec.  
\v 5 Á mocte hâwic-ŋopazejec, irec ŋazape mananiŋ: Hârâcko qa sâroc eŋareocte tâpiri focnekac, ere jâmbomac hâwic-ŋopaocte mukopac.  
\v 6 Sawa hehetâc wipe i wiac omane, i furine mi bazo. Eme Anutu e jaŋeraonec mocjaha mac qâoma mi ecneekac.  
\v 7 Á ŋic ŋoŋerao ine qizec susuc-ŋeŋicte šare i wâc mana-fâreekac. Irec hâwicmâc junšepieŋ, ŋoŋe sawa hehetâc wipe mâcne, ŋoŋe ŋic.   
\p
\v 8 “Erâ moc ŋazape mananiŋ: Moc e ŋic jaŋere maio muɋaɋacnuocmu e ŋic Fâri Wâtuŋnezi iŋuc jaha Anuture aŋelofâc jaŋere maio muɋaɋackeocmu.  
\v 9 Á moc e ŋic jaŋere maio mic bacnuocmu, e Ŋic Fâri Wâtuŋnezi iŋuc jaha Anuture aŋelofâc jaŋere maio mic baocmu.   
\s1 Mârore dâŋ  
\p
\v 10 “Moc e Ŋic Fâri Wâtuŋne musoriŋkeocmu, e sâqocne i bâtâmirecnezo, â moc e Tiri Mâro musoriŋkeocmu, e sâqocne i mi bâtâmirecnezo.  
\v 11 Juku mitific-jeŋicko me kia jaŋerao bacŋopa rapie dâŋ ŋifecne weniŋuc munaŋmu muhuc mana mezac mi enšepieŋ.  
\v 12 Dameŋ ira dâŋ muniŋmu i Tiri Mârozi mufua-ŋareocmu.”   
\s1 Moneŋ mafare sasec mi ezo  
\p
\v 13 Eme ŋic ŋondeŋkonec ŋic moczi Jesu šiŋuc âzâcnewec: “Qaqazu, hahac-nanezi mamacte merâfâc buc bajuekac, irec go âzâcnetec bârâwiŋnerâ tucne no narezejec.”  
\v 14 Mume Jesuzi šiŋuc âzâcnewec: “Mozi no soŋaŋ me kia râecnuwecte norao mukic?”   
\p
\v 15 Iŋuc murâ dâŋ moc šiŋuc šuhuckewec: “Ŋoŋe buchâro junšipiŋte bâec bahuc maŋŋeŋic soŋaŋkenšepieŋ.”  
\v 16 Iŋuc murâ dâŋ herâricne moc šiŋuc jazawec: “Ŋicbomboŋ moc e kise mâriri sâko fuacnewec.  
\v 17 Eme maŋticnezi šiŋuc muwec: `Wenac epemu? Kise fârine sâko fic wena guruckepe? Ž  
\v 18 Iŋuc murâ muwec: `Miŋecne manakopac, no kisefic heropierâ ɋâricne bâsokarâ barâ kise mâriri-nane hepe ŋeocmu.  
\v 19 Erâ maŋnanezi šiŋuc mupemu: No mâriri sâko fonarekacte ŋemac qamanahuc dameŋ šora aŋacnuha nâhuc juzepac. Ž  
\v 20 Iŋuc mume Anutuzi šiŋuc âzâcnewec: `Mutuc go, ŋafe ši jaha jujuge gowac rozo. Eme wiac râe qâzuc emeŋ i more eocmu? Ž  
\v 21 Moc e Anuturaonec maŋ mâriri mi focneha e jahacne biŋe nânâ mafa hure hemârec eocmu, e sâc ijaha fuacneocmu.”   
\s1 Sahackopec wiacte mana mezac boc mi ezo  
\r (Mat 6: 25-34)  
\p
\v 22 Erâ motecfâcne šiŋuc jazawec: “Irec hâcne ŋazakopac, ŋoŋe juju-ŋeŋicte mana mezac ehuc šiŋuc mi munšepieŋ: `Wemo wiac ba nâc enaŋmu? Ž Me sahac-ŋeŋicte mu heŋɋâŋ ehuc šiŋuc mi munšepieŋ: `Wemo wiac rojunaŋmu? Ž  
\v 23 Nânâzi fârine mâcne, juju-ŋeŋiczi fârine, â ŋaqi qoruczi fârine mâcne, sahac-ŋeŋiczi fârine.  
\v 24 Ŋoŋe kâec kâec honecjopaniŋ, jaŋe he sarac mi eeŋgopieŋ â nâ rowaŋ â nâ ukic mi eeŋgopieŋ. Eme Anutuzi sifu nânâ bâfua-jareekac. Ŋoŋe ine wipe mâcne, ŋone ŋic.  
\v 25 Me tâpiri-ŋeŋic moc fokacko mu waišoc ehuc juju dameŋ-ŋeŋic sâcne moc bâšoraniŋmu me?  
\v 26 Ŋoŋe wiac piticne iŋucnere eipierâ wemocte wiac gâcne sâkore mana mezac boc eeŋgopieŋ?  
\v 27 Ŋoŋe firindoac honeniŋ, e ŋaqi qoruc-ticnere gie mi baekac, erâ mupe mananiŋ, Salomo e eri qaraweŋ-ticneheczi hawari biaŋ iŋucne mi rojuwec.  
\v 28 Eme kâteo âri wiac dodocne, miŋecgac iŋucne fuaekac, â tomâcko iŋucne mârâŋkeekac, i Anutuzi sifu mume hawari biaŋ fuaekac, ehuc ŋoŋere ŋaqi qoruc mi bâfuaocmu muŋgopieŋ, mamanasiŋ gogoroŋ ŋoŋe¡  
\v 29 Irec ŋoŋe maŋbahac-ŋopame šiŋuc boc mi munšepieŋ: `Wemo wiac ba nâc enaŋmu? Ž  
\v 30 I qâpuc mâreŋ sâc jaŋe maŋ mamanasu-jeŋic ira duckepie foekac. Ŋoŋe wiac i tâmiric sâcne mi juniŋmu, i Mamac-ŋeŋiczi manakac.  
\v 31 Ŋoŋe ine ere uucmaŋ fua tâcneocte maŋŋeŋic râepie domazejec, eme fainao wiac jabane i wâc fua-ŋareocmu.  
\v 32 Guru pitic ŋoŋe hâwicmâc junšepieŋ, Mamac-ŋeŋic e uucmaŋ izi ɋoroc-ŋopaocte maname sâckewec.  
\v 33 Ŋoŋe wiac foŋarekac i hapetac qikiŋne-jarenšepieŋ, erâ moneŋ kânoŋ sucketâc tâmiric bâfuanšepieŋ, erâ sambâŋko boreŋ šeŋaŋ fofo hati hurenšepieŋ. Ira ŋiczi fiuc mi roŋareniŋmu â wâfuzi mi sipiricke-ŋareocmu.  
\v 34 Ʒeŋaŋ-ŋeŋic foocmu ijaha maŋŋeŋic foocmu.   
\s1 Maŋɋâri jujure dâŋ  
\r (Mat 24: 42-51” Maò 13: 33-36)  
\p
\v 35 “Ŋoŋe kambaŋ-ŋeŋic qarâ lambe-ŋeŋic qazepie šazejec.  
\v 36 Ehuc kiŋaŋ motec jaŋe ŋicwofuŋ-jeŋiczi mâreŋ šorickonec risierâ motâcko heickeme biac rocneniŋte woŋec juniŋmu jaŋe iŋucne enšepieŋ.  
\v 37 Ŋicwofuŋ e risierâ kiŋaŋ motec maŋɋâri juhapie bâfuac-joparâ jaŋere maname biaŋkeocmu. No jâmbomac ŋazape: E gie qoruc-ticne jomarâ nânâ teboo râec-joparâ nânâ gumec-jopaocte kiŋaŋ qajareocmu.  
\v 38 Me ŋafe šâšâŋiŋko me ŋafe furec hehec-jekicko risierâ maŋɋâri juhapie bâfuac-jopaocmu ine biaŋke-jâmbâŋkeocmu.  
\v 39 Ŋoŋe fuŋne šiŋuc mananiŋ, hae moc irec ŋic jaŋe râsi ŋafe ira fisiniŋmu, dameŋ iŋuc manarâ maŋɋâri jaha juhuc hae-jeŋic soŋaŋkeniŋmu.  
\v 40 Eme Ŋic Fâri Wâtuŋne e iŋuc jaha mi manasuniŋmu dameŋ ira fisiocmure šawierâ junšepieŋ.”   
\s1 Kiŋaŋ motec qâomanere dâŋ  
\p
\v 41 Jesu e dâŋ iŋuc mume Petorozi wiocnerâ muwec: “Wofuŋ go kesaic dâŋ ši bucnâŋecte me mâmâc sâko-nâŋecte mukomec?”  
\v 42 Wiome Wofuŋzi dâŋ moc šiŋuc šuhuckerâ muwec: “Ŋicbomboŋ moczi kiŋaŋ qaqafâc-ticne jaŋere soŋaŋ moc râehuc šiŋuc âzâcneocmu: `No ra juhape go soŋaŋ-jopahuc dameŋkoa nânâ qowi sâcjeŋic jarehuc juzemec. Ž Eme e weniŋuc jume soŋaŋ maŋhec â micrereŋhec mucnezo?  
\v 43 Soŋaŋ e gie mucnekicne i aijakic jaha bahuc juhame bomboŋ-ticnezi fisiocmu, soŋaŋ iŋucnere manape šerine ekac.  
\v 44 No jâmbomac mupe mananiŋ: E ŋic i soŋaŋ kâcɋene râehuc wiac-ticne mâmâc sasawa soŋaŋkeocte mucneocmu.  
\v 45 Me ŋic e soŋaŋ sâqocne juhuctecne maŋnezi šiŋuc muocmu: `Bomboŋ-nane e jâpec mâcne, juku jaha risiezokac. Ž Iŋuc muhuc kiŋaŋ qaqa qa imac ejareocmu, â qâoma erâ wiac kosa ehuc juocmu.  
\v 46 Ehuc ŋicbomboŋ-ticne risieocmu dameŋ irec mi mamanasu nâme nikec juocmu, ine ŋicbomboŋ e ututuŋ fisirâ hetâc qâtâcnerâ miti bâbâsifuc ŋic jaŋere jujuo râeocmu.  
\v 47 Kiŋaŋ motec moc e bomboŋ-ticnere micdâŋ mana-hâmo-bipiehuc qaqatara bâfuaocmu, e šika ŋemâcne kiocmu,  
\v 48 â moc e bomboŋ-ticnere micdâŋ kâuc bahuc qaqatara bâfuaocmu, e šika afecne kiocmu. Moc e wiac ŋemâcne râcne tahac ecnekicnezi fârine ŋemâcne jaha bâfuame sâckeocmu. Á moc e gie kâcɋene mucnekicnezi ɋicwânšâŋ kâcɋene jaha bâfuame sâckeocmu.   
\s1 Jesuzi šoc bawahawec  
\r (Mat 10: 34-36)  
\p
\v 49 No mâreŋko šoc ruqepe šaocte wahapo. Erâ i biac bâruŋ-keocte bunane âeckeekac.  
\v 50 No opâ moc ruapemurâ munarekicne, eme i epe taraocte maŋnanezi šošoc fificne afecne mi enareekac.  
\v 51 Ŋoŋe nore šiŋuc mi munšepieŋ: `E wama bâfuaocte wahawec. Ž Aricne, no fâfâuc bâfuazore wahapo.  
\v 52 Irec šiŋuczia fuŋkerâ kecšiŋuc fua raocmu: Fic moc irec ŋic 5 jaŋe fâuckerâ hehewic eniŋmu, ŋifec 2 â ŋifec 3.  
\v 53 Erâ mame ŋokâ jahe fâuckerâ hehewic enicmu â neŋgoc otâ jahe fâuckerâ hehewic enicmu â jojoŋaozi fâuckerâ hehewic enicmu.”   
\s1 Mitire mâsi šâŋitazo  
\r (Mat 5: 25-26” 16: 1-4” Maò 8: 11-13)  
\p
\v 54 Iŋuc murâ ŋic ŋokac mâmâc sâko-jeŋic šiŋuc jazawe: “ŋoŋe mâreŋ âke gâpâreme honerâ izia mueŋgopieŋ, `Hoe warekac. Ž Muhapie iŋuc eekac.  
\v 55 Mâreŋ emasaŋkeme honerâ mueŋgopieŋ, `Ʒoaŋ qaocmu. Ž Muhapie iŋuc eekac.  
\v 56 Burecŋic, ŋoŋe karorac qânikiŋ irec fuŋne manaeŋgopieŋ, â dameŋ širec fuŋne ine wemocte mi mana taraeŋgopieŋ?  
\v 57 Ŋoŋe weniŋucte hata tiŋne â hehesicne hone šâŋitac mi eeŋgopieŋ?  
\v 58 Go kisâgehec dâŋŋekic kiarao baranicmu. Eme hatao rahuc qizec qacnetec dâŋŋekic mufâsâezepirec. Iŋuc mi etec kisâgezi kiarao mume eki manarâ momori-ticne ecneme kâpâcwâru ficko râecguocmu.  
\v 59 No jâmbomac gazape: Go ira ŋeku mâc mi wefucmu, âgogere tofa bazutec tara-jâmbâŋkeme jaha wefucmu.”   
\c 13  
\s1 Maŋnâŋec bârisiepene Anutuzi akic-nâpoocmu  
\p
\v 1 Dameŋ ijaha ŋic gâcne fisirâ juhuc Jesu dâŋ binaŋ šiŋuc ecnembiŋ: “Pilatozi mume momorifâcne jaŋe Galilaia mâreŋkonec ŋic â bâzi ririkere lama bulimakaofâc-jeŋic mâmâc joparâ socjeŋic bâsifuckembiŋ.”  
\v 2 Dâŋ binaŋ iŋuc ecnepie šiŋuc jazawec: “Ŋoŋe wiac ŋemâcne i ejarekicnere šiŋuc moc mupie: `Kiŋjeŋic Galilaia ŋic gâcne jaŋere kiŋ sirickewec. Ž  
\v 3 Iŋuc mâcne, gâcne ŋoŋere kiŋ fokac jaha, irec maŋŋeŋic mi bârisieniŋmuo iŋuc jaha sipiricke-fâreniŋmu.  
\v 4 Me Jerusalemnec ŋic 18 Siloam hârâczi ŋemac-jopawec jaŋere wâc šiŋuc mi munšepieŋ: `Kiŋjeŋic Jerusalem haeonec ŋic gâcne jaŋere kiŋ sirickewec. Ž  
\v 5 Iŋuc mâcne, gâcne ŋoŋere kiŋ fokac jaha, irec maŋŋeŋic mi bârisieniŋmuo iŋuc jaha sipiricke-fâreniŋmu.”   
\p
\v 6 Dâŋ i mutararâ Jesuzi kesaic dâŋ moc kecšiŋuc muwec: “Ŋic moczi jufu-ticnao hâmeŋ moc sarame sokawec. Eme rune e fârine wasaocte ra basa jujec.  
\v 7 Eku jufu soŋaŋ-ticne âzâcnerâ muwec: `No jâc kecširec fârine basahuc juhape jara jahec â moc ekac. Jâc e maŋgâŋ wemocte boc domaocmu, qafaratec qaoc. Ž  
\v 8 Mume soŋaŋzi šiŋuc âzâcnewec: `Bomboŋ, go behehaŋ jara ši domaoc, ehame noni fuŋne kinoŋzi herâ jawa sânšâŋ hepe  
\v 9 dameŋ mocte fârine fuaocmu me aricne i honezeperec. Aricne eme šâhec mutec hefarazo. Ž ”   
\s1 Jesuzi sabata hombaŋko ŋokac moc bâpiaŋkewec  
\p
\v 10 Jesu e sabata hombaŋ mocte mitificko ferâ miti jazawec.  
\v 11 Eme mitific ira ŋokac moc ŋewec, e demoŋ moczi ecneme jara 18 ruruhuc jaha ŋeŋe juju ewec, ehuc wemocko moc fâretiŋnezac.  
\v 12 Eme Jesuzi ŋokac e honerâ hefârerâ muwec: “Ŋokac go fâretiŋnecmurâ mukopac.”  
\v 13 Iŋuc murâ meticne qizecnao râeha izia fâretiŋnerâ Anutu muteŋkewec.  
\v 14 Jesu e ŋokac i sabata hombaŋko bâpiaŋkewecte mitific soŋaŋzi maname sâqoreme ŋic ŋokac jaza muwec: “Gie bapa 6 fokac ira warepie bâpiaŋ-ŋopazejec, hombaŋko ine misac.”  
\v 15 Mume Jesuzi dâŋ šiŋuc bâtikiecnewec: “Oi burecŋic ŋoŋe, hombaŋko doŋgi bulimakaofâc-ŋeŋic mi fickonec firuec-joparâ opâo bacjopa raeŋgopieŋ me?  
\v 16 Ŋokac kecši e Abrahamte ɋâric, eme Sataŋzi niŋgiŋkeme jara 18 sâko ŋehuc juwec. Eme noni hombaŋko firuepe mi sâckekac me?”  
\v 17 Iŋuc mume kisâ ecnembiŋzi mimiembiŋ. Á ŋic ŋokac guru sâkozi ine mâsi biaŋ-ticnere šeri embiŋ.   
\s1 Miti e nemuja hândâŋ â hâmu goreŋne iŋucne  
\r (Mat 13: 31-33” Maò 4: 30-32)  
\p
\v 18 Jesu e dâŋ moc kecšiŋuc šuhuckerâ muwec: “Anuture uucmaŋ e wemo wiac iŋucne, wemohec sâc hepe?  
\v 19 E nemuja hândâŋ iŋucne. Ŋic moczi i jufu-ticnao râeme âkešurâ jâc ewec. Eme sawa wipe jaŋe fisirâ tieŋnao herâ ŋeeŋgopieŋ.”   
\p
\v 20 Eme moc šuhuckerâ muwec: “Anuture uucmaŋ i wemohec sâc hepe?  
\v 21 E hâmu goreŋne iŋucne. Ŋokac moczi hâmu goreŋne nânâhec bâsifuckeme aŋac-ticnezi nânâ isiricke-fârewec.”   
\s1 Sambâŋko fezore samariezo  
\r (Mat 7: 13-14, 21-23)  
\p
\v 22 Jesu e Jerusalem haeo raocte hae sâko hae pitic rahuc miti jaza qazuc ewec.  
\v 23 Ehame ŋic moczi wiocnerâ muwec: “Wofuŋ, ŋic afecnezi mecne sambâŋko feniŋmu, me weniŋuc?” Eme Jesuzi šiŋuc âzâcnewec:  
\v 24 “Motâc fâŋfâŋnao rašiniŋte sama qamariehuc rašinšepieŋ. No ŋazape mananiŋ: Ŋic bocjahazi rarašire muniŋmu, murâ sifu mi rašiniŋmu.  
\v 25 Fic rune e motâc herâ ki bame ŋoŋe fisirâ râpenao domahuc heickerâ šiŋuc muniŋmu: `Wofuŋ, motâc ronârec. Ž Mupie šiŋuc ŋazaocmu: `No ŋoŋere kâuc bakopac, ŋoŋe wenirec? Ž  
\v 26 Wio-ŋareme okacne šiŋuc âzâcneniŋmu: `Nâŋe gohec juhuc nânâ opâ nâmbeŋ â hae-nâŋecko miti mutec manambeŋ. Ž  
\v 27 Mupie šiŋuc ŋazaocmu: `Ŋazakopac i, ŋoŋe wenirec, no mi manac-ŋopakopac, sâqocne bapa ŋoŋe behecnu-fâreniŋ. Ž  
\v 28 Eme Abraham, Isaka, Jakobo â porofete sasawa Anuture uucmaŋko juhapie honec-jopaniŋmu. Á ŋaŋacne ine qikiŋ-ŋopakicnere râpenao mic kikiaric kihuc ki oowa ehuc juniŋmu.  
\v 29 Ehame mâreŋ ŋifec â ŋifec, faic â juwic, irec ŋic fisirâ Anuture uucmaŋko raširâ tiwâ nâ šeri eniŋmu.  
\v 30 Manaŋgopieŋ, šâhecne jaŋeraonec gâcnezi bâbâni eniŋmu, â bâbâni jaŋeraonec gâcnezi šâhecne eniŋmu.”   
\s1 Herodere dâŋ  
\p
\v 31 Dameŋ ijaha farisaio ŋic tucne fisirâ šiŋuc muhuc âzâcnembiŋ: “Herodezi guocte mukac irec mâreŋ ši beherâ biac rac.”  
\v 32 Mupie šiŋuc jazawec: “Ŋoŋe risie rarâ qâqâto e nore šiŋuc âzâcneniŋ: `Manakic, no miŋecgac â tomâcko ŋic demoŋ jâpe-jarepemu â ɋiɋicne bacjopapemu, fureme batarapemu.  
\v 33 Miŋecgac â tomâc fureme hata rahuc juzepac. Porofete moc e Jerusalem haeo mi fisihame qaqane mi fokac. Ž ”   
\s1 Jerusalem haeonec uŋdâŋ jazawec  
\r (Mat 23: 37-39)  
\p
\v 34 Iŋuc murâ muwec, “O Jerusalem rune, go hâcne porofete šikazi jopahuc mitiŋic gorao sorec-jopakicne qânâzi hehâmoc-jopaekic. Qâqâczi motecfâcne qânusuc-joparâ fakecnezi ɋoroc-jopaekac, iŋuc jaha noni kikefuŋfâcge wemo afecne maŋfuŋ-naneo qânusuc-jopazo mupe qikiŋne warehuc jumbiŋ.  
\v 35 Irec fic hae-ŋeŋic behepe tuhune fuazokac. Mupe mananiŋ: Ŋoŋe mocwâc mi hohonecnu juraku šiŋuc muhuc honecnunšoŋgopieŋ: `Wofuŋte micte warekac e mumbiaŋkenaŋ. Ž ”   
\c 14  
\s1 Jesuzi sabata hombaŋko ŋic moc bâpiaŋkewec  
\p
\v 1 Sabata hombaŋ mocko farisaio jaŋere micne bapa moczi Jesu nânâre hefâreme ficticnao fewec. Eme ŋic gâcnezi ijaha mâmâc ŋehuc dâŋticnere ruc bambiŋ.  
\v 2 Ehame ŋic moc sisiwiŋ sâko ecneweczi mi ferâ ijaha domazejec i.  
\v 3 Eme Jesuzi honerâ sâcmutâc mamana â farisaio wio-jarerâ muwec: “Ŋoŋe muniŋ, sabata hombaŋko ŋicko bâbâpiaŋ gie bapane fokac me mâcne?”  
\v 4 Mume niniŋkerâ ŋembiŋ. Iŋuc epie menezi ŋic bâuahuc bâpiaŋkerâ soreme rawec.  
\v 5 Eme ficko ŋembiŋ jaŋe šiŋuc jazawec: “Motec me bulimakao-ŋeŋic moc hombaŋko nombâŋko hume behepie ŋeocmu, me hombaŋkoa sifu fârepie wefuocmu?”  
\v 6 Indiŋ-jopame dâŋ ŋifecne âzâcneniŋte basarâ behembiŋ.   
\s1 Sahac fefe mi ezo  
\p
\v 7 Eme ŋic gâcne nânâre mâmâc hefârec-jopakicne jaŋe ŋeŋe mai jaha maŋjeŋicte erâ biac ŋepie honec-joparâ sâc hehuc dâŋ šiŋuc jazawec:  
\v 8 “Go ŋic moczi tiwâ bâzire hefârecgume maŋgere ŋeŋe mai jaha mi ŋezemec. Iŋuc ehaŋtecne hefârec-jopakicne gâcne jaŋeraonec gore femicne moczi fisime  
\v 9 tiwâ runezi go šiŋuc gazaocmu: `I ere ŋeŋe, go rârierâ ŋec. Ž Gazame ŋeŋe rârâpe ŋehuc gâgâmârâcmu.  
\v 10 Mâcne, moczi hefârecgume go ŋeŋe rârâpe ŋezemec. Ŋehaŋtecne tiwâ runezi honecgurâ šiŋuc gazaocmu: `Âgo, go ferâ ŋeŋe mai jaha ŋec. Ž Iŋuc gazame ŋic gâcne jaŋere maio bubiaŋ manacmu.  
\v 11 Moc e e jahacne maŋte feme bawahazo, â moc e e jahacne maŋte wahame bafezo.”   
\p
\v 12 Iŋuc murâ ŋic hefârewec e šiŋuc âzâcnewec: “Go tiwâ bâzi rikerâ âgo bagofâcge me seŋ sâme hahac ɋafâcge me haefâcge fekicne mi hefârec-jopazemec. Jaŋe tiwâ bâzire hefârec-jopatec go iŋuc jaha hefârecgurâ tofa bazu-garepie taraocmu.  
\v 13 Iŋuc mâcne, tiwâ bâzi rikerâ waha qaqane â kike demba, šeke puriŋ â tiŋtuŋ, iŋucne hefârec-jopazemec.  
\v 14 Eme šiŋucte manariŋguzo: Tofa i mâc fome juku mitiŋic fafahare dameŋ-jeŋicko Anutuzi bazu-gareocmu.”   
\s1 Tiwâ bâzi qikiŋnembiŋ  
\r (Mat 22: 1-14)  
\p
\v 15 Mume nânâ nâhuc ŋembiŋ jaŋeraonec moczi dâŋ i manarâ šiŋuc muwec: “Anuture uucmaŋko nânâ nâocmu ŋic iŋucnere manape šerine ekac.”  
\v 16 Mume Jesuzi binaŋ moc šiŋuc bawec: “Ŋic moczi tiwâ bâzi sâko qame fisime ŋic bocjaha hefârec-jopawec.  
\v 17 Erâ wiac bâmocke-fârerâ ŋic šâfo ejarekicne jaŋerao kiŋaŋ motec-ticne soreme rarâ šiŋuc jazawec: `Wiac rike bâmoc efârekicnere wareniŋ. Ž  
\v 18 Jazame jaŋe wiac kosao ɋetickehuc qikiŋne-fârembiŋ. Ehuc moc e muwec, `No mâreŋ moc furine bapo izi fârecnukacte honezo rakopac, go irec ŋicbomboŋge âzâcnetec maname mi sâqorezejec. Ž  
\v 19 Á moc e muwec, `No bulimakao 10 furine bac-jopapo i ra amec-jopa warepemu, go irec ŋicbomboŋge âzâcnetec maname mi sâqorezejec. Ž  
\v 20 Á moc e muwec, `No ŋokac ropore wemocko fâpemu. Ž  
\v 21 Iŋuc mupie kiŋaŋ moteczi risierâ bomboŋ-ticne dâŋ binaŋ ecneme maname gâpârewec. Erâ kiŋaŋ motec-ticne šiŋuc muhuc âzâcne sorec ewec: `Go bâruŋ jaha bozene bozene jufârehuc ŋic roroc qaŋqaŋne â kike demba, šeke puriŋ â tiŋtuŋ rocjopatec warenšepieŋ. Ž  
\v 22 Eme kiŋaŋ motec e iŋuc erâ bomboŋ-ticne šiŋuc âzâcnewec: `Bomboŋ, go dâŋ mumec i epac, erâ fic ine fâfâoc fokac. Ž  
\v 23 Âzâcneme bomboŋzi šiŋuc muwec: `Irec go mocwâc rarâ haesoŋko ŋic juraŋgopieŋ fotarie-jaretec ware-jâmbâŋkerâ ficnane fusucmanšepieŋ.  
\v 24 Erâ ŋazape mananiŋ: Ŋic bâbâni hefârec-jopakicne jaŋe mâc jâmbâŋ ŋenšepieŋ. Ž ”   
\s1 Jesu bâbâjâpere dâŋ  
\r (Mat 10: 37-38)  
\p
\v 25 Eme ŋic guru sâko jâmbâŋ Jesu bâjâpepie fotikierâ šiŋuc jazawec:  
\v 26 “Moc e nohec juzo murâ neŋgoc mamac, ŋokac motec, hahac ɋa seŋ baŋec jaŋe mi qaisoc-jopaocmu, e motec jâmbâŋ-nane sâcne mi erâ juocmu.  
\v 27 Moc e jahacne maripoŋ mi hâpora bâjâpecnuocmu, e motec jâmbâŋ-nane sâcne mi erâ juocmu.   
\p
\v 28 “Ŋoŋeraonec moczi wapafic sâko baocte qanaŋ furinere manarâ moneŋ-ticne wose biric erâ eene me mi eene irec fuŋne bataniŋkeocmu.  
\v 29 Me iŋuc mi ehuc onšoŋ jaha ficticne wiseme hume šaeckerâ moneŋ basarâ beheocmuo ine ŋic jaŋe hone manac erâ mu gâgâwi ecnehuc  
\v 30 šiŋuc muniŋmu: `Ŋic keci fazic erâ ficsâko wiseme hume eipierâ beheme ŋekac. Ž  
\v 31 Ŋicwofuŋ moczi ŋicwofuŋ âgo-ticne qaocte onšoŋ jaha râsi mi raocmu. E qanaŋ šiŋuc muocmu: `Nâŋe ši afecne juŋgopeneŋzi ocni bocjaha juŋgopieŋ jaŋe sâcne jopanaŋmu me mâcne? Ž  
\v 32 Iŋuc murâ e jahacne momorifâc jaŋere maname afeckeme rasi-ticne hae-ticnao juhame biac sahac taha-ticne râecnehuc muocmu, `Wama fuame junac. Ž  
\v 33 Eme ŋoŋeraonec moc e iŋuc jaha wiac-ticne sasawa mi qikiŋne-fârerâ weniŋuc motec-nane erâ juocmu.   
\p
\v 34 “Hâwec i wiac aŋacne. Á nonocne eme ine weniŋuc ecnepene hâtâne-ticne mocwâc fuaocmu, i aricne i¡  
\v 35 Izi iŋuc me iŋuc eene mi fokac, i mâc hoŋkepene raocmu. Moc e hazec-ticneheczi dâŋ kecši manazejec.”   
\c 15  
\s1 Lama qâsoriekicne â moneŋ sifuckekicne  
\r (Mat 18: 12-14)  
\p
\v 1 Takesi roro â sâqocne bapa Jesurao miti-ticne mananiŋte mâretec fisi jumbieŋ.  
\v 2 Epie farisaio â miti qaqazu jaŋe irec manapie sâqoreme Jesure šiŋuc mumbiŋ: “Ŋic e sâqocne bapa rocjoparâ iqic-joparâ jaŋehec nânâ nâekac.”  
\v 3 Eme irec Jesuzi dâŋ suŋsuŋne moc šiŋuc jazawec:  
\v 4 “Ŋoŋeraonec moc e lama 100 jucneniŋmu. Eme mocsâkoazi qâsorieme beheocmu me? Aricne, e gâcne sâko 99 tuhuo behec-joparâ qâsoriekicne basaocmu.  
\v 5 Basaku bâfuarâ bubiaŋ manahuc âsickerâ  
\v 6 haeo fisirâ âgofâcne wira-jarerâ muocmu: `Lama-nane qâsoriekicne bâfuakopacte šeri enaŋ. Ž  
\v 7 No ŋazape mananiŋ, ŋic tiŋne 99 maŋ bâbârisiere mi mumu-jarene jaŋere erâ sambâŋko šeri aafecne fuaha sâqocne bapa mocjaha maczi maŋne bârisieme ere erâ sambâŋko šeri fekicne fuaocmu.   
\p
\v 8 “Ŋokac moczi siliwa moneŋ 10 bajuocmu. Bajuhame mocjaha wahame beheocmu me? Aricne, e waha qazerâ fic ofaŋne qâzuc ehuc basaocmu.  
\v 9 Basaku bâfuarâ ŋokac âgofâcne wira-jarerâ šiŋuc jazaocmu: `Moneŋ-nane sifuckejec i bâfuakopacte šeri enaŋ. Ž  
\v 10 Mupe mananiŋ, Anuture aŋelofâc jaŋe iŋuc jaha sâqocne bapa mocjahazi mac maŋne bârisieme bubiaŋ manaeŋgopieŋ.”   
\s1 Motec moc sipirickezo ewec  
\p
\v 11 Jesuzi binaŋ moc šiŋuc bawec: “Ŋic moc ŋokâ jahec-ticne jajahec jupic.  
\v 12 Juku šâhec ŋokâzi mamac-ticne šiŋuc âzâcnewec: `Mamac, go moneŋ mafa nore biŋe qakicne i narec. Ž Mume moneŋ mafa bâtâc barâ jactewec.  
\v 13 Eme šâhec ŋokâ e gie bapa afecne jurâ mafa wiac-ticne bâmockerâ ame susuckerâ rawec. Erâ ocna sasec gie bahuc nânâ qowire nâ areŋ ehuc moneŋ mafa-ticne ititiŋke-fârewec.  
\v 14 Ititiŋke-fârerâ juhame mâreŋ ira roroc sâko fuawec. Eme motec e kitac qatac eku  
\v 15 mâreŋ rune moc erao ra qohotame eki mume susubecfâc-ticne soŋaŋ-jopawec.  
\v 16 Ehuc bec jaŋere nânâ nâocte ecnewec i wâc sakarecnembiŋ.  
\v 17 Iŋuc juku maŋnezi mumu hehec ecneme šiŋuc muwec: `Mamac-nanere kiŋaŋ qaqa wemo afecne juŋgopieŋ, eme jaŋe nânâ nâqiŋ qâqiŋ ehuc juhapie no ŋokâ-ticnezi šira rorocte sipirickezo ekopac.  
\v 18 Irec no hae-naneo rarâ mamac-nanerao fisirâ šiŋuc muhuc âzâcnezepac: Mamac, no sâqocne bape kiŋnanezi sambâŋko â gorao ŋemâckekac.  
\v 19 Irec wemocko ŋokâge mocwâc munarepie jupemu, go mâc kiŋaŋ motecge bacnutec juzepac. Ž  
\v 20 Iŋuc murâ šawierâ mamac-ticnerao rawec. Raku hae upeo fisihame mamac-ticnezi biac honerâ bune sâqoreme gasacke ra hâpo mumuduc ecnewec.  
\v 21 Eme motec e šiŋuc âzâcnewec: `Mamac, no sâqocne bape kiŋnanezi sambâŋko â gorao ŋemâckekac, irec wemocko ŋokâge mocwâc munarepie jupemu. Ž  
\v 22 Iŋuc mume mamac-ticnezi kiŋaŋ motec jazarâ muwec: `Ŋoŋe picpac jaha ŋaqi biaŋne jâmbâŋ moc baware hecnepie huoc, â megâŋ menao hecnepie feoc, â kikehuhu mâmâc râcneniŋ.  
\v 23 Erâ bulimakao motecne biuc sâko i hezu rikec epie nâhuc šeri enšepeneŋ.  
\v 24 Ŋokâ-nane e hâmoweczi mocwâc ɋârekac, erâ e qâsorieweczi mocwâc fuakac. Ž Iŋuc mume šeri embiŋ.   
\p
\v 25 “Ehame mârâc ŋokâ e gieo juweczi risierâ hae râpeo domahuc gae â šeri mic šonšoŋ manarâ  
\v 26 kiŋaŋ motec moc ecneme fisime mu wioc ecnerâ muwec: `Wiac i wemocte? Ž  
\v 27 Eme eki muwec: `Ɋage ware fisikac. Eme sahac furu fisikacte mamac-ŋekiczi mume bulimakao motecne biuc sâko i qa rikec eŋgopeneŋ. Ž  
\v 28 Iŋuc âzâcneme mârâc ŋokâ e kimbeŋ qarâ haeo feocte qikiŋnewec. Eme mamac-ticnezi manarâ hae upeo hurâ mu bâmiriŋ ecnewec.  
\v 29 Ecneme mi mamana šiŋuc muwec: `Manakic, no jara wemo afecne kiŋaŋ qagarehuc juhuc dâŋge moc mi qatara-gareekopac. Eme go noniŋ motecne mac moc mi qikiŋne-naretec âgofâc-nane jaŋehec nâ šeri embeŋ.  
\v 30 Á šâhec ŋokâge e gore moneŋ mafa sasec gie bahuc sipiricke-fârewec, e iŋucnezi fisime mutec bulimakao motecne biuc sâko i hezu rikec ecneŋgopieŋ. Ž  
\v 31 Mume mamacnezi šiŋuc âzâcnewec: `Ŋokâ-mae, go dameŋ sâc nohec juwareekiczi wiac mi basaekic, wiac sasawa wirec-nâhec fokac.  
\v 32 Á ɋage e hâmoweczi mocwâc ɋârekac, erâ e qâsorieweczi mocwâc fuakac, irec šeri bubiaŋ epene sâckekac. Ž ”   
\c 16  
\s1 Moneŋ mafa soŋaŋ hehesicnere dâŋ  
\p
\v 1 Jesuzi motecfâc-ticne binaŋ moc šiŋuc bajarewec: “Ŋicbomboŋ sâko moc ere moneŋ mafa soŋaŋ moc juwec. Eme juku ere šiŋuc mupie manawec: `Soŋaŋ e mafa ro bâsifuc eekac. Ž  
\v 2 Iŋuc manarâ hefârerâ âzâcnewec: `No gore dâŋ weniŋuc mupie manapac? Go iŋucnezi soŋaŋ mocwâc mi jucmurâ mukopacte papiage bawaretec moneŋ mafare fuŋne bataniŋkezo. Ž  
\v 3 Mume soŋaŋ e maŋnezi šiŋuc muwec: `Ʒi bomboŋ-nanezi soŋaŋ gie nowac rome wenac epemu? Gie he sarac ezore takicnukac, qafec qawahac juzore mimiekopac.  
\v 4 Miŋecne manakopac, bomboŋ-nanezi jâpecnume ŋic âgofâc-nane hezu hefâroc enarepie ficjeŋicko ŋeŋe epemurâ wiac ejarezepac. Ž  
\v 5 Iŋuc murâ bomboŋ-ticnere tofa bajumbiŋ i jaŋe buc buc hefârec-jopawec. Ehuc moc wiocnerâ muwec, `Bomboŋ-nanere tofa gorao wezimuc fokac? Ž  
\v 6 Eme eki muwec, `Qowitiŋ 100. Ž Mume šiŋuc âzâcnewec: `Ajoc, papia ši rorâ 50 qâreŋkec. Ž  
\v 7 Iŋuc murâ moc wiocnewec, `Bomboŋ-nanere tofa gorao wezimuc fokac? Ž Eme eki muwec, `Padi târu 100. Ž Mume šiŋuc âzâcnewec: `Ajoc, papia ši rorâ 80 qâreŋkec. Ž  
\v 8 Iŋuc eme bomboŋ e manarâ soŋaŋ bâkiri bapa maŋfânâŋ-ticnere muteŋkewec. Miti tâmiric jaŋe âgofâc-jeŋic jaŋehec wiac eniŋte maŋfânâŋ-jeŋic kâcɋene fokac, mitihec ŋoŋe sâc iŋucne mi foŋarekac.  
\v 9 Irec mupe mananiŋ, ŋoŋe iŋuc jaha moneŋ mafa jawane ŋic qikiŋne-jarepie jaŋe âgo bacŋoparâ juku i babaju dameŋne tarame juju sanaŋ ficjeŋicko hefârec-ŋopapie junšepieŋ.   
\s1 Wiac jawane â wiac fârine irec dâŋ  
\p
\v 10 “Moc e wiac omane metâo sâcne soŋaŋkeocmu, eki wiac fârine iŋuc jaha metâo sâcne soŋaŋkeocmu. Á moc e wiac omane bâsifuckeocmu, eki wiac fârine iŋuc jaha bâsifuckeocmu.  
\v 11 Ŋoŋe moneŋ mafa jawane metâo sâcne mi bajupie wiac fârine mozi ŋareocmu?  
\v 12 Á wiac jaba ŋarekicne i sâcne mi bajupie ŋaŋacne biŋe i mozi ŋareocmu?  
\v 13 Motec mocjahazi jajahec jahere kiŋaŋ sâcne mi qaocmu. E moc âgo ecnehuc moc hone takireocmu, â moctao qohotahuc moc râpeckeocmu. Ŋoŋe iŋuc jaha Anuture gie mecne â moneŋ mafa qâqâhâc sâko irec gie mecne sâckoa sâcne mi bacjofaniŋmu.”   
\s1 Jesu e farisaio Jaŋere uŋdâŋ muwec  
\r (Mat 11: 12-13” 5: 18” Maò 10: 11-12)  
\p
\v 14 Jesu e dâŋ i mume farisaio jaŋe moneŋ mafare sasec embiŋzi manarâ dâŋticne surembiŋ.  
\v 15 Epie šiŋuc jazawec” “Ŋoŋe hâcne ŋic jaŋere maio tiŋne hawari juniŋte šoɋac eeŋgopieŋ. Anutuzi ine maŋŋeŋicte fuŋne manaekac. Ŋic jaŋe wiac honepie tiŋne hawari eekac, i Anutuzi honeme mamakâcne eekac.  
\v 16 Sâcmutâc dâŋqâhâc â porofete dâŋ irec hata fowareku Johanerao mickewec. Irec faicnao ine Anuture uucmaŋ irec Biŋebiaŋ haŋ barakac. Eme ɋicwânšâŋ eeŋgopieŋzi rašieŋgopieŋ.  
\v 17 Sambâŋ â mâreŋ jahe sirowezo murâ sirowenicmu, â sâcmutâc dâŋ irec huŋgaŋne mac moc mâc foku arictac eene ine mi fokac.  
\v 18 Ŋic moc e ŋonâŋ-ticne beherâ moc roocmu, e šušuhuc-jekic bâtâcnehuc kiŋsâko hureocmu. Á moc e ŋokac behekicne i roocmu, e iŋuc jaha šuhuc bâtâcte kiŋ hureocmu.   
\s1 Ŋicbomboŋ sâkore dâŋ  
\p
\v 19 “Ŋicbomboŋ moc juwec e ŋaqi erinehec furi sâko sasawa rojuwec, erâ šoaŋne šoaŋne tiwa šepec nâ šeri ehuc juwec.  
\v 20 Ehame ŋic hapetac moc juwec, šâŋene Lazaro. E sahacne wic sasawa. Eme eki ŋicbomboŋte fic rurumaŋko fojujec.  
\v 21 Ehame ŋicbomboŋte fickonec nâkitâc wahame i nâocte aŋac focne jujec. Fohame qâto jaŋe fisirâ wicticne apurumbiŋ.  
\v 22 Eme juku hapetaczi hâmome aŋelo jaŋe jowa ferâ Abrahamte qicfuŋko râepie juwec Eme šâhec ŋicbomboŋ e wâc hâmome duckembiŋ.  
\v 23 Eme e hârâcko hurâ šâic fâro sâko manahuc fime feme Abrahamte qicfuŋko Lazaro honewec.  
\v 24 Honerâ wirahuc muwec: `Abraham mamac-nane, nore buge sâqoreme Lazaro soretec mebotâŋne sawa opâo âke uruckerâ ware nameŋ-naneo bame mâteŋkezejec. No šira šocbâruŋko šâic serereŋ sâqocne manahuc jukopac. Ž  
\v 25 Mume Abrahamzi muwec: `Ŋokâ-nane manakic, go mâreŋko aŋac faio jumeŋ i tarawec. Á Lazaro busâqoc faio juwec i iŋuc jaha tarawec. Eme irec e bubiaŋhec juekac â go ine šâichec juekic.  
\v 26 Erâ wâc ŋondeŋ-nâŋecko hârâc sâko domakac, irec šireczi ŋoŋerao wemocko hufâzo â ŋoŋeraoneczi šira wemocko wefuzo. Ž  
\v 27 Eme ŋicbomboŋzi muwec, `Mamac-nane, moc mupe mana-narec”  
\v 28 ocna nore haeo ɋafâc-nane memoc juŋgopieŋ, jaŋe šâic haeo šira warenšipiŋte Lazaro soretec ra uŋdâŋ hazec qâuŋ jazazejec. Ž  
\v 29 Mume Abrahamzi muwec, `Aricne, Mose â porofete jaŋere micdâŋ fokac i mananšepieŋ. Ž  
\v 30 Eme muwec, `Mamac-nane Abraham, iŋuc mâcne, hâmokicne moczi ra jazame maŋjeŋic sâcne bârisieniŋmu. Ž  
\v 31 Eme muwec, `Jaŋe Mose â porofete jaŋere dâŋ qikiŋneeŋgopieŋko hâmokicne moczi ra jazame iŋuc jaha qikiŋneniŋmu. Ž ”   
\c 17  
\s1 Sâqocnere suru jâiŋ mi ezo  
\r (Mat 18: 6-22” Maò 9: 42)  
\p
\v 1 Jesuzi motecfâcne dâŋ moc šiŋuc jazawec: “Sâqocnere suru jâiŋ fufua i fuaocmu. weniŋuc mâc foocmu. Á ŋic moc sâqocnere suru jâiŋ bâfuaocmu, jei, e ine wemo ecnezo¡  
\v 2 E ŋic hujukicne suru jâiŋ ejarezacte buse sâko upenao qonaŋkecnerâ hâwecko sârockepie hume muzac, izi wiac aafecne fuacnekac ezac.  
\v 3 Ŋoŋe soŋaŋ babac ehuc junšepieŋ. Âgoge moczi bahac bâfua-gareme tutuc qacnezemec. Tutuc qacnetec manarâ busâqoc bâfuame kiŋticne behecnezemec.  
\v 4 Erâ šoaŋ mocjahao bahac arecne 7 bâfua-gararâ arec 7 gorao fisirâ muocmu, `Âgo, iŋuc egarepacte bunane sâqorekac,Ʒ eme go irec sâc jaha wâc kiŋticne behecnehuc juzemec.”   
\s1 Mamanasiŋte dâŋ  
\r (Mat 17: 20” 21: 21” Maò 11:23)  
\p
\v 5 Aposolo jaŋe Wofuŋ šiŋuc muhuc numucnembiŋ: “Go mamanasiŋ-nâŋec basawe-nârezemec.”  
\v 6 Mupie Wofuŋzi šiŋuc jazawec: “Mamanasiŋ fârine piicne mac, šocšu hândâŋ iŋucne mac foŋareme muzac, ine nemuja jâc kecocni, ŋeunuckerâ tararâ hâwecko huŋ domaocte âzâcnepie eki micŋeŋic reŋkerâ iŋuc ezac.   
\s1 Ŋiczi Wofuŋte gie bâpârâckeeŋgopeneŋ  
\p
\v 7 “Ŋoŋeraonec moc e kiŋaŋ motec-ticne gie baku me bulimakao soŋaŋ juku owâ ririŋte fisime šiŋuc sâcne âzâcneocmu me? `Go ficko wefu ŋehaŋte nânâ rike bâmoc egarepe. Ž  
\v 8 Aricne, e šiŋuc âzâcneocmu: `Ajoc, kambaŋ ɋaɋacne qarâ ŋafere nânâ rike ŋec enaretec nahape šâhec go gahacne rike nâc ezemec. Ž  
\v 9 Eme kiŋaŋ motec e gie mucnekicne i sawa bame bomboŋ-ticnezi mâc maname taraocmu, â muteŋ bâteŋ ine wemocko ecneocmu.  
\v 10 Eme ŋoŋere fuŋne ijaha fokac. ŋoŋe wiac muŋarekicne i efârerâ šiŋuc munšepieŋ: `Nâŋe kiŋaŋ motec ba bititicne, wiac munârekicne i Sawa mac epârâckeŋgopeneŋ. Ž ”   
\s1 Ŋic 9 fâsâerâ qâoma embiŋ  
\p
\v 11 Jesu e Jerusalem haeo raocte Galilaia mâreŋ fotâcnerâ Samaria mâreŋ qaŋeŋnao fisiwec.  
\v 12 Fisirâ hae mocko fehame ŋic wicsanaŋ-jeŋichec 10 jaŋe honerâ taic domahuc  
\v 13 wira wâwâsic ecnehuc mumbiŋ: “O Qaqazu Jesu, go nâŋere mac buge sâqoreoc.”  
\v 14 Eme honec-joparâ šiŋuc jazawec: “Ŋoŋe rarâ sahac-ŋeŋic taha bapa jowatunšepieŋ.” Mume jaŋe raha rahapie sahac-jeŋic fâsâewec.  
\v 15 Eme jaŋeraonec mocsâkoazi sahacne fâsâeme honerâ risiewec. Risierâ hahaŋne bahuc Anutu muteŋkehuc  
\v 16 Jesure kikefuŋko fodaperâ daŋge âzâcnewec. Eme ŋic e Samaria mâreŋkonec  
\v 17 Eme Jesuzi šiŋuc muwec: “Ŋic 10 fâsâembieŋ, gâcne sâko 9 jaŋe weni?  
\v 18 Jaŋe risierâ Anutu daŋge âzâcneniŋte mi muhuc mâc qâoma erâ rahapie ŋic qâpuc keczi e mocjahazi warekac me?”  
\v 19 Iŋuc murâ ŋic e šiŋuc âzâcnewec: “Mamanasiŋgere biaŋkekomec, irec fahare rac.”   
\s1 Jesu fifisiticnere dâŋ  
\r (Mat 24: 23-41)  
\p
\v 20 Farisaio jaŋe Jesu wiocnerâ mumbiŋ: “Anuture uucmaŋ wezimucko fua tâcneocmu?” Eme jazawec: “Anuture uucmaŋ tâtâc mi fuaocmu,  
\v 21 irec wemocko honerâ šiŋuc muzo: `O šira fuakac, o ocna fuakac. Ž Manaŋgopieŋ, Anuture uucmaŋ i ŋondeŋ-ŋeŋicko fuawec fokac.”   
\p
\v 22 Erâ motecfâcne šiŋuc jazawec: “Juku dameŋ moc maickeocmu ira ŋic Fâri Wâtuŋne e šoaŋ mocjaha tâtâcko fuame honeniŋte eŋare-bipieha sifu mi honeniŋmu.  
\v 23 Dameŋ ira kecšiŋuc ŋazaniŋmu: `O šira nâŋerao fuakac, o ocna jaŋerao fuakac. Ž Mupie mi ranšepieŋ â manapie jâmbomac mi ezejec.  
\v 24 Bâbâric e sambâŋ ŋifec bâricneme ŋifec qâninipe-fâreekac, irec sâc ŋic Fâri Wâtuŋne ere fifisi fuazokac.  
\v 25 Qanaŋ ine ŋicguru ši jaŋe Ŋic Fâri Wâtuŋne râpeckepie šâic gie sâko baocte mucnekicne.  
\v 26 Noa juwec dameŋ ira ŋic jaŋe wiac embiŋ ijaha Ŋic Fâri Wâtuŋne ere fifisi dameŋ maickeha enšoŋgopieŋ.  
\v 27 Jaŋe nânâ qowi nâmbiŋ, huc šocšu nâmbiŋ, ŋokac nareŋ gareŋ embiŋ. Qâoma iŋuc hâcne ehuc juhapie Noa wokeo feme rumi sâkozi fisirâ šeŋgoma bârârâŋ-jopawec.  
\v 28 Á Loti juwec dameŋ ira iŋuc jaha embiŋ. Jaŋe nânâ qowi huc šocšu i nâmbiŋ, wiac nareŋ gareŋ i embiŋ, gie hesac qasarac i embiŋ, fic gie bapa i bambiŋ.  
\v 29 Iŋuc ehuc juhapie Loti e Sodom hae râpeckeme sambâŋkonec kâmbâc â šoc wahame ŋic šeŋgoma sipirickembiŋ.  
\v 30 Ŋic Fâri Wâtuŋne e juku fua taniŋkezokac dameŋ ira ŋic jaŋe sâc ijaha eniŋmu.  
\v 31 Eme ira moc e hae šoŋao juocmuzi ficmaŋ-ticnao mi risie ferâ mafa-ticne rozejec, â moc e gieo juocmuzi haeo mi risiezejec.  
\v 32 Ŋoŋe Loti ŋonâŋ-ticnere manasunšepieŋ.  
\v 33 Moc e juju-ticne ŋezickezo mume sifuckecneocmu, â moc e juju-ticne qikiŋneme e fuacneocmu.  
\v 34 No mupe mananiŋ, ŋafe ira ŋic jajahec fofo wirec fohapire moc rohuc moc qikiŋnezo.  
\v 35 Ŋokac jajahec nânâ sufiehuc ŋehapire moc rohuc moc qikiŋnezo. [  
\v 36 Ŋic jajahec gieo domahapire moc rohuc moc qikiŋnezo.]”  
\v 37 Jesu e dâŋ i mufâreme motec jaŋe wiocnerâ mumbiŋ: “Wofuŋ, i wena fuazokac?” Eme muwec, “Âsu gâreczi keŋwipe fârecjopame fisirâ tumaŋneeŋgopieŋ.”   
\c 18  
\s1 Kia râŋgeŋnere dâŋ  
\p
\v 1 Eme motecfâcne jaŋe mi rokawehuc šoaŋ gie bapa sâc numecnehuc juniŋte irec Jesuzi binaŋ moc kecšiŋuc bajarewec:  
\v 2 “Hae mocko kia moc juwec, eki Anutu mecne â ŋic mecne araŋ mi bajarewec.  
\v 3 Eme hae ijaha ŋokac hozec moc juwec, eki kia erao hâcne hati rarâ šiŋuc âzâcne jujec: `Go kisâ-nanere ŋezicnuc. Ž  
\v 4 Eme kia e hozecte dâŋ dameŋ šora mana takirehuc juwec. Juku maŋnezi šiŋuc muwec: `No Anutu mecne â ŋic mecne araŋ mi bajareekopac i jâmbomac,  
\v 5 erâ hozec e micneneŋ sâqocne enarehuc juekacte sifu bafickezepac, juku fisirâ nuzackohec. Ž ”  
\v 6 Wofuŋ e binaŋ i bafârerâ muwec, “Kia râŋgeŋnezi dâŋ muwec i manaŋgopieŋ me?  
\v 7 Eme Anuture weniŋuc mueŋgopieŋ, e fuŋfuŋfâc-ticne ŋafe furec wâsickehuc jaha jupie šika ŋondeŋkonec mi batarac-jopaocmu me? Muŋgopieŋ, mana takirehuc juocmu me?  
\v 8 Aricne, e jume mi šoraha batarac-jopaocmu. Ŋic Fâri Wâtuŋne e juku mocwâc fisirâ mâreŋko mamanasiŋ bâfuaocmu me?”   
\s1 Farisaio â takesi roro numupic  
\p
\v 9 Ŋic gâcne jaŋacne manapie tiŋne eha âgofâc-jeŋic mana wahac-jopambiŋ jaŋere qâqiŋdâŋ moc šiŋuc muwec:  
\v 10 “Ŋic jajahec taha ufuŋko ferâ numupic. Moc e farisaio â moc e takesi roro.  
\v 11 Farisaio e hâŋ domahuc e jahacnere šiŋuc manasuhuc numuwec: `O Anutu, ŋic gâcne jaŋe šika qaeŋgopieŋ, fiuc serereŋ eeŋgopieŋ, sasec mamakâc eeŋgopieŋ. No jaŋe iŋucne mâcne, me takesi roro kecocni e iŋucne wâc mâcne. Eme no irec hâcne daŋge gazakopac.  
\v 12 No Sonda sâc irec gie bapa jajahec sowa juekopac â moneŋ mafa hurerâ teŋkonec wâŋte sâc mitire biŋe qaekopac. Ž  
\v 13 Takesi roro eki ine tuturuŋko domahuc fime feocte mimierâ menezi amecne bofackehuc šiŋuc numuwec: `O Anutu, ŋic sâqocne no mi mac behecnuzemec. Ž  
\v 14 Manaŋgopieŋ, takesi roro e Anutuzi kiŋticne behecne-fâreme ficticnao risiewec, farisaio e ine focnewec. Moc e jahacne maŋte feme Anutuzi bawahaocmu, â moc e jahacne maŋte wahame Anutuzi bafeocmu.”   
\s1 Jesuzi ɋiene jambuŋ-jopawec  
\r (Mat 19: 13-15” Maò 10: 13-16)  
\p
\v 15 Eme ŋic ŋokac jaŋe ɋiefâc-jeŋic Jesurao amec-jopa rarâ mezi bâuac-jopaocte mupie motec jaŋe hâhâwic hejarembiŋ.  
\v 16 Jesuzi ine hefârec-jopahuc muwec: “ŋoŋe behehapie naru motec norao wareniŋ, mi hecke-jareniŋ. Iŋucne jaŋe hâcne Anuture uucmaŋ biŋe qajarekicne.  
\v 17 No jâmbomac ŋazape: Moc e ɋie jaŋere sâc ehuc Anuture uucmaŋ mi biŋeckeocmu, e maŋnao mi rašiocmu.”   
\s1 Mafa sâkohec moczi Jesu bâjâpeocte quŋkewec  
\r (Mat 19: 16-30” Maò 10: 17-31)  
\p
\v 18 Eme soŋaŋ moczi Jesu wiocnerâ muwec: “Qaqazu biaŋ, no weniŋuc erâ juju sanaŋte biŋe epemu?”  
\v 19 Jesuzi muwec, “Biaŋne wemocte munarekomec? Biaŋne rune Anutu mocjaha.  
\v 20 Erâ go sâcmutâc dâŋ manaekic, kecšiŋuc: Ŋowe ŋonâŋ ŋohe bebehec mi ezepirec, go šika mi qazemec, go fiuc mi rozemec, go micko âkec mi ezemec, go neŋgoc mamac jahecge sâsec-jofazemec.”  
\v 21 Mume soŋaŋzi šiŋuc muwec: “I ɋieo fuŋkerâ reŋke warehuc juekopac.”  
\v 22 Mume Jesuzi manarâ šiŋuc âzâcnewec: “Mocjaha fokac, i ezemec, go rarâ moneŋ mafage ŋic hapetac qikiŋne-jarezemec, eme sambâŋko boreŋ šeŋaŋ fua-gareocmu. Erâ ware bâjâpecnuzemec.”  
\v 23 Eme ŋic e moneŋ mafa ɋâfoŋne focnewecte dâŋ i manarâ bune boc sâqorewec.   
\p
\v 24 Iŋuc eme Jesuzi honerâ muwec, “Moneŋ mafa mâririheczi Anuture uucmaŋko rašiniŋte ququŋkenehec boc eekac.  
\v 25 Kamelizi buŋic hawecnao raraši i wiac afecne, â moneŋ mafa mâririheczi Anuture uucmaŋko raraši i wiac ŋemâcne.”  
\v 26 Mume manahuc domambiŋ ŋic i jaŋe mumbiŋ, “Hâc, eme mozi sambâŋko feocmu?”  
\v 27 Eme Jesuzi jazawec, “Wiac ŋiczi eniŋte quŋkeeŋgopieŋ i Anutuzi hatane bâfuaocte mi quŋkeekac.”   
\p
\v 28 Eme Petorozi šiŋuc âzâcnewec: “Manakic, nâŋe wiac-nâŋec sasawa râpecke-fârerâ go bâjâpecgumbeŋ.”  
\v 29 Mume Jesuzi šiŋuc jazawec: “No jâmbomac ŋazape: Moc e hae-ticne me ŋokac motecfâcne, me hahac ɋa seŋ baŋecfâcne, me neŋgoc mamac jahecne Anuture uucmaŋte erâ behec-jopaocmu,  
\v 30 e irec okacne šira mâreŋko wiac fekicne tahackezo, â juku sambâŋko juju sanaŋ tahackezo.”   
\s1 Jesu e jahacne hâmoc biŋe jazahame jahec â moc ewec  
\r (Mat 20: 17-19” Maò 10: 32-34)  
\p
\v 31 Jesu e motecfâcne hefârec-joparâ šiŋuc jazawec: “Manaŋgopieŋ, nâŋâc Jerusalem haeo feŋgopeneŋ. Eme porofete jaŋe Ŋic Fâri Wâtuŋne ere findaŋdâŋ qâreŋkembiŋ i sanaŋke-fâreocmu.  
\v 32 E ŋic qâpuc jaŋere meo feme jaŋe mu ruruc ecnerâ qa imac ecnehuc tâfeckeniŋmu,  
\v 33 erâ becsahac biriŋneheczi qa qâšâic ecnerâ qahâmoniŋmu. Eme šoaŋ jahec â moc eha hâmockonec ɋârerâ fahareocmu.”  
\v 34 Iŋuc mume jaŋe kâuc bambiŋ. Dâŋ i manapie quŋkeme fuŋne mananiŋte mana ririfirembiŋ.   
\s1 Jesuzi Jeriko haeo ŋic tiŋtuŋ moc šâŋe fifi bawec  
\r (Mat 20: 29-34” Maò 10: 46-52)  
\p
\v 35 Jesu e raku Jeriko hae bâqiŋkewec. Ehame hatamecko ŋic tiŋtuŋ moc nânâ moneŋte numuhuc ŋewec.  
\v 36 Eme ŋic guru sâko hata ira rapie kike fânâŋ-jeŋic manarâ fuŋnere wiojareme  
\v 37 mumbiŋ, “Jesu Nazarete haeonec warekac.”  
\v 38 Mupie manarâ hahaŋne bahuc wirarâ muwec, “Jesu go Dawidire ɋâriczi nore mac buge sâqoreoc me!”  
\v 39 Iŋuc eme ŋic bâniembiŋ jaŋe niniŋkerâ ŋeocte dâŋ mucnembiŋ. Eme eki dâŋjeŋic mana takirehuc fotarierâ wirawec, “Go Dawidire ɋâriczi nore mac buge sâqoreoc.”  
\v 40 Eme Jesuzi manarâ hatao domahuc muwec, “Ŋoŋe norao bawareniŋ.” Mume tiŋtuŋzi erao fisime wiocnerâ muwec,  
\v 41 “No wemo egarepemurâ mukic? `à Eme tiŋtuŋzi muwec, “Wofuŋ, no šâŋe fifihec epere enarekac.”  
\v 42 Mume Jesuzi šiŋuc âzâcnewec: “šâŋege fitâcneoc, mamanasiŋgere biaŋgukac.”  
\v 43 Muha izia šâŋe fifihec ewec. Erâ Jesu bâjâpehuc Anutu muteŋkewec. Á ŋic wiac i homembiŋzi iŋuc jaha Anutu muteŋkembiŋ.   
\c 19  
\s1 Zakaiore binaŋ  
\p
\v 1 Jesu e Jeriko haeo fisirâ fotâcnezo ewec.  
\v 2 Eme hae ira ŋic moc juwec, šâŋene Zakaio, e takesi roro jaŋere micne, erâ moneŋ mafa sâko-ticnehec juwec.  
\v 3 Eme ŋic eki Jesu hawari-ticne honeocte ecnewec. Erâ e ŋic bembeŋnere ŋicŋondeŋko domahuc tiŋtiŋne-bipiewec.  
\v 4 Iŋuc erâ gagasac jaha ŋic jowaru-fârerâ ra nemuja hahaŋko ferâ ŋehuc šiŋuc muwec: “Jesu šira ware rame honepe.”  
\v 5 Eme Jesu e ira fisirâ fime feme honerâ šiŋuc âzâcnewec: “Zakaio go picpac wahac, no miŋecgac ficgao iqicgupemu.”  
\v 6 Mume izia picpac jaha waharâ bubiaŋ manahuc ficticnao jowame fepic.  
\v 7 Eme ŋic sasawa jaŋe i honerâ mana sâqorerâ mumbiŋ, “E wemocte ŋic sâqocnere ficko fejec fokac.”  
\v 8 Zakaio eki ine Jesure maŋfuŋko rarâ muwec: “Manakic, Wofuŋ, moneŋ mafa-nane sâckoa bâtâc barâ tucne ŋic hapetac jarepemu, â ŋic gâcne moneŋ sâc jâuruhuc jowac ropo ine ropo sâc i fohame baferâ okacne bazu-jarepemu.”  
\v 9 Eme Jesuzi muwec: “Ŋic kecši Abrahamte ɋâric jaha, irec ere ficko miŋecgac miti fuame biaŋkekac.  
\v 10 Ŋic Fâri Wâtuŋne e ŋic sâqorekicne rocjoparâ bâpiaŋ-jopazore wahawec hâcne.”   
\s1 Ŋic moneŋfoŋ jarekicne jaŋere binaŋ  
\r (Mat 25: 14-30)  
\p
\v 11 Jesu e Jerusalem hae bâqiŋkeme ŋic dâŋticne manambiŋzi mumbiŋ, “Ʒi Anuture uucmaŋ fua taniŋkeocte dameŋne maickekac.”  
\v 12 Eme irec Jesuzi dâŋ suŋsuŋne moc šiŋuc jazawec: “Ŋicbomboŋ moczi, ŋicwofuŋ sâkorao ra mupe mâreŋ soŋaŋ âkendâŋnume risiezepac, muhuc mâreŋ wiwicko rawec.  
\v 13 Raocte kiŋaŋ motecfâcne 10 hefârec-joparâ moneŋfoŋ mocjaha mocjaha muhuc jarewec: `Ŋoŋe moneŋ ši kime kiŋ qahuc basawehuc juhapie risiezepac. Ž  
\v 14 Rahame ŋicfâcne ere takic-jopawecte ŋic kiŋaŋ sorec-jopapie šâhec rarâ ŋicwofuŋ sâko šiŋuc âzâcnembiŋ: `E mâreŋ soŋaŋ-nâŋec mi juocte muŋgopeneŋ. Ž  
\v 15 Eme ŋicwofuŋ sâko e sifu mâreŋ soŋaŋ âkendâŋneme risiewec. Risierâ kiŋaŋ motec moneŋ jarewec jaŋe šiŋuc muhuc hefârec-jopawec: `Moneŋ ŋarepo i giene bahuc hotâckekupie wezimuc fuawec? Ž  
\v 16 Hefârec-jopame kiŋaŋ motec moczi fisirâ muwec, `Bomboŋ, go moneŋfoŋ mocjaha naremeŋ izi furune 10 kime fuawec. Ž  
\v 17 Mume šiŋuc âzâcnewec: `Sowine kiŋaŋ motec biaŋne, go wiac omanere gie aimuŋ bameŋte noni hae 10 jaŋere soŋaŋ râecgupe juzemec. Ž  
\v 18 Iŋuc mume kiŋaŋ motec moczi fisirâ muwec, `Bomboŋ, go moneŋfoŋ mocjaha naremeŋ izi furune 5 kime fuawec. Ž  
\v 19 Mume šiŋuc âzâcnewec: `Sâcne, go hae 5 jaŋere soŋaŋ juzemec. Ž  
\v 20 Eme kiŋaŋ motec moczi fisirâ muwec, `Moneŋfoŋge ši, no qoruczi foŋkerâ aimuŋ râepe fowec.  
\v 21 Go ŋic gereŋ gereŋne, go gahac wiac mi hurehuc gâcnezi bâfuapie rozo muekic, â go gahac gie he sarac mi ehuc gâcnezi bapie fârine fuame nâzo muekic. Eme no irec araŋ bagarehuc moneŋge aimuŋ bajupo. Ž  
\v 22 Mume bomboŋzi šiŋuc âzâcnewec: `Kiŋaŋ motec sâqocne go, gahac dâŋ mumec ijaha bâtikie-garekopac” no ŋic gereŋ gereŋne, no nahac wiac mi hurehuc gâcnezi bâfuapie rozo muekopac, â no nahac gie mi he sarac ehuc gâcnezi bapie fârine fuame nâzo muekopac.  
\v 23 Go fuŋne-nane iŋuc manahuc moneŋ-nane moneŋŋic jaŋerao râetec jaŋe kime kiŋ qakupie sawehame risierâ rozapo. Ž  
\v 24 Iŋuc murâ ŋic domambiŋ jaŋe šiŋuc jazawec: `Ŋoŋe moneŋfoŋ-ticne jâoc rorâ 10 bajukac e râceniŋ. Ž  
\v 25 Eme jaŋe mumbiŋ, `Hâc, bomboŋ, e 10 bajukac i! Ž  
\v 26 Eme muwec, `No ŋazape mananiŋ, moc e wiac râcnekicne bajume kiqecnecnezo, â moc e wiac râcnekicne mi bajume jâoc rozo, eme mâc juzejec.  
\v 27 Râsifâc-nane ŋicwofuŋ-jeŋic mi jupere muŋgopieŋ, ine bacjopa warerâ honehape jopa mizieniŋ. Ž ”   
\s1 Jesu e doŋgio Jerusalem haeo fewec  
\r (Mat 21: 1-11” Maò 11: 1-11” Joh 12: 12-19)  
\p
\v 28 Jesu e dâŋ i mufârerâ Jerusalem haeo fisiocte rawec.  
\v 29 Raku Oliwa tikio ferâ Betefage â Betania hae bâqiŋ-jofawec. Ehuc motecfâcne jaŋeraonec jajahec šiŋuc muhuc sorec-jofawec:  
\v 30 “Hae rajecko ŋekac ira ranic. Rarâ doŋgi motecne niŋgiŋko domakac i bâfuanicmu. Motecne i ŋiczi fainao mi ŋekicne furune. Eme i bâfuarâ firuerâ bareniŋ.  
\v 31 Firuepire ŋic moczi `wemocte rokopirec? Ž mume šiŋuc muhuc âzâcnenic: `Wofuŋzi irec mukac. Ž ”  
\v 32 Mume motec jahe rarâ muwec sâc bâfuapic.  
\v 33 Eme doŋgi firuepire rune jaŋe mumbiŋ, “Ŋohe wemocte goroŋkekopirec?”  
\v 34 Jahe mupic, “Wofuŋzi irec mume rokoperec.”  
\v 35 Iŋuc murâ Jesurao bararâ fainao ŋaqi-jeŋic râerâ Jesu sâsepie fewec.  
\v 36 Ferâ rame ŋaqi-jeŋic hatao rumacke rambiŋ.  
\v 37 Eme Oliwa tiki heâŋnao huhuctecne kikefuŋ gurufâc-ticne jaŋe mâsi-ticne fuŋne fuŋne honembiŋ irec manasurâ šeri ehuc Anutu mucne bacnembiŋ.  
\v 38 Ehuc fânâŋkehuc šiŋuc mumbiŋ: “Ŋicwofuŋ-nâŋec Wofuŋte micte warekac e mumbiaŋkenaŋ, faic sambâŋko wama bumâteŋ fokâc â hae faic micne ira šeri mumuteŋ fokac.”  
\v 39 Iŋuc muhuc fânâŋkepie farisaio moc moc ŋicŋondeŋko jumbiŋ jaŋe šiŋuc âzâcnembiŋ: “Qaqazu, qâjâpecfâcge qatara-jaretec beheniŋ.”  
\v 40 Mupie jazawec, “No ŋazape mananiŋ, jaŋe niniŋkeniŋmuo qânâzi owackeniŋmu.”   
\s1 Jesu e Jerusalem haere kiowec  
\p
\v 41 Eme rarâ Jesu e Jerusalem hae mai jaha ŋeme hone-fârerâ bune herickeme kiohuc muwec:  
\v 42 “Go akio juhâmocmurâ irec hatane dameŋ šiŋuczia hone taranšaŋ me¡ Go ine šâŋege hâpokicnere wiac mi šâŋitaekic.  
\v 43 Juku dameŋ moc maicgume râsi jaŋe fisirâ somâcgurâ ŋebâzicgupie nanamaŋ bititi erâ bâŋeŋkecmu.  
\v 44 Erâ fic šoŋ hae šoŋ egarehuc motecfâcge qâmiziec-jopapie raŋe siaeŋ foraniŋmu. Eme haege ŋetâ qâtâtieme sesucne fuarâ foocmu. Anutuzi maicguha râpeckemeŋ, irec wiac i fua-gareocmu.”   
\s1 Jesu e taha ufuŋ furu muwec  
\r (Mat 21: 12-17” Maò 11: 15-18” Joh 2: 13-22)  
\p
\v 45 Dâŋ i mutararâ ra taha ufuŋko fewec. Ferâ wiac nareŋ gareŋ ehuc domambiŋ jaŋe šiŋuc muhuc jâpec-jopawec:  
\v 46 “Fic kecširec dâŋ šiŋuc mukic ne: Ficnane i nunumu fic ŋezejec, ŋoŋe ine epie fiuc sindaŋ jaŋere qânâuŋ-tinac ekac.”   
\p
\v 47 Eme šoaŋne šoaŋne taha ufuŋko miti jaza qazuc ehuc juwec. Ehame taha bapa micne â miti qaqazu â micne bapa sasawa jaŋe ine qapie arictac eocte dâŋne mumbiŋ.  
\v 48 Erâ ŋic omane mâmâc sasawa miti-ticne manarâ erea boc ejarewecte quŋkembiŋ.   
\c 20  
\s1 Jesu â micne bapa eesâic embiŋ  
\r (Mat 21: 23-27” Maò 11: 27-33)  
\p
\v 1 Ʒoaŋ gie bapa mocko Jesuzi taha ufuŋko ŋic miti jaza qazuc ehuc juhame taha bapa micne â miti qaqazu â soŋaŋ jaŋe erao rarâ  
\v 2 šiŋuc âzâcnembiŋ: Go nâzâc, šira wiac eekic, i more micte eekic? Mozi iŋuc ecmurâ mugareme eekomec?”  
\v 3 Mupie jazawec, “No iŋuc jaha dâŋ moc wio-ŋarepe nazaniŋ,  
\v 4 Johanere Miti Opâ gie i wenirec fuawec, sambâŋkonec me qickonec? Ž  
\v 5 Iŋuc jazame jaŋe jaŋackoaŋ šiŋuc muhuc nazaŋ gazaŋ embiŋ: “Nâŋâc `sambâŋkonec fuawec, iŋuc mupene muocmu, `Hâc, eme wemocte dâŋticne mi mana šakiembiŋ? Ž  
\v 6 Me `ŋickonec fuawec', iŋuc mupene ŋic sasawa jaŋe manarâ qânâzi hehâmoc-nâponiŋmu. Jaŋe Johanere manapie porofete fârine ekac i!”  
\v 7 Irec Jesu šiŋuc âzâcnembiŋ: “Hece, nâŋe Miti Opâ-ticnere fuŋne mi manaŋgopeneŋ.”  
\v 8 Mupie Jesuzi šiŋuc jazawec: “Wiac murâ sâcne, eme noni iŋuc jaha, more micte šira wiac eekopac, okacne wâc mi ŋazapemu.”   
\s1 Waiŋ gie soŋaŋ sâqocne  
\r (Mat 21: 33-46” Maò 12: 1-12)  
\p
\v 9 Jesu e ŋic dâŋ herâricne moc šiŋuc jazawec: “Ŋic moczi waiŋ gie sarawec. Sara-fârerâ soŋaŋ râec-joparâ mâreŋ wiwicko rarâ ira dameŋ šoricne juwec.  
\v 10 Juku fârine fufua dameŋ maickeme kiŋaŋ motec moc fârine tucne roocte soreme ra fisime soŋaŋ jaŋe qa imac ecnerâ jâpepie metariŋ risiewec.  
\v 11 Risieme runezi harierâ kiŋaŋ motec moc soreme rame iŋuc jaha wiac gâgâpâcne ecnerâ jâpepie metariŋ jaha risiewec.  
\v 12 Eme runezi harierâ kiŋaŋ motec moc soreme jaŋerao fisime šâpâ qarâ tuŋkembiŋ.  
\v 13 Iŋuc epie waiŋ gie runezi manarâ muwec: `Ʒi wenac epe? Joroc ŋokâ-nane sorepe rame araŋ bacneniŋmu mecne. Ž  
\v 14 Eme soŋaŋ jaŋe ine ŋokâ-ticne honerâ nazaŋ gazaŋ erâ mumbiŋ, `Eki hâcne juku gie ši rauckeocmu, murâ qapene gie ši nâŋâcne ezejec. Ž  
\v 15 Iŋuc murâ kâteo tuŋke tuŋke rarâ qâhâmombiŋ. Eme gie rune e soŋaŋ weniŋuc ejareocmu?  
\v 16 Manaŋgopieŋ, e warerâ soŋaŋ iŋucne jopa qâhâmoc ejarerâ gie-ticnao soŋaŋ furune râec-jopaocmu.” Eme jaŋe manarâ mumbiŋ, “Aricne, iŋuc mi ejâmbâŋkezo.”  
\v 17 Mupie Jesuzi hone dendeŋ-jopahuc muwec: “Miti dâŋɋâreŋ moc kecšiŋuc fokac i fuŋne weniŋucte?  
\q1 `Ficbapa ŋic jaŋe wâtuŋ surehuc behembiŋ,  
\q1 wâtuŋ izi mi jâmâ wâtuŋ ezejec i!'   
\m
\v 18 Ŋic moczi jâmâ wâtuŋ ira herâ sahac-ticne imackeocmu, â wâtuŋzi ŋic mocte faio waha qaocmu ine qâgâreckeocmu.”  
\v 19 Iŋuc mume miti qaqazu â taha bapa micne jaŋe šoaŋ ijaha kâpâcwâru baniŋte mumbiŋ. Jesu e dâŋ suŋsuŋne jaŋere muwec, i mana tararâ iŋuc ecnezo murâ ŋic jaŋere hâwic-jopame behembiŋ.   
\s1 Jesu moneŋte esâickembiŋ  
\r (Mat 22: 15-22” Maò 12: 13-17)  
\p
\v 20 Eme jaŋe Jesure ruc bahuc doc bapa ŋic erao sorec-jopapie rambiŋ. Eme ŋic izi hâcne miti hawari juhuc Jesu dâŋzi bitiŋ bacnepie kime kiarao râeniŋte  
\v 21 mu esâic ecnehuc mumbiŋ: “Qaqazu, nâŋe gore fuŋne manaŋgopeneŋ, go dâŋ sâcne nâza qazuc eekic, erâ fekicne fosâoc-jopahuc dâŋ mi muhasickeekic, ehuc Anuture hata jâmbomacko mutiŋne-nâreekic.  
\v 22 Irec mutec mananaŋ, Roma ŋicwofuŋ takesi moneŋ râcnepene sâckeekac me mâcne?”  
\v 23 Mupie eeatuc-jeŋicte fuŋne mana tararâ muwec,  
\v 24 “Ŋoŋe siliwa moneŋ moc bâfuarâ nowatupie honepe, ira more hawari â qâreŋ fokac?” Eme jaŋe mumbiŋ, “Roma ŋicwofuŋte.”  
\v 25 Eme jazarâ muwec: “Murâ ŋicwofuŋte biŋe i ŋicwofuŋ râcnenšepieŋ, â Anuture biŋe i Anutu râcnenšepieŋ,”  
\v 26 Iŋuc mume jaŋe dâŋticne batackerâ wemocko ŋic jaŋere maio qorickenšapiŋ. Irec mâc wareckerâ dâŋjeŋic fâsâewec.   
\s1 Hâmockonec fafaharere Jesu esâickembiŋ  
\r (Mat 22: 23-33” Maò 12: 18-27)  
\p
\v 27 Jaŋe rahapie sadukaio ŋic gâcne Jesurao fisimbiŋ. Ŋic i jaŋe, hâmockonec fafahare mi fokac, iŋuc muhuc jumbiŋ.  
\v 28 Jaŋe hâcne fisirâ Jesu dâŋ šiŋuc muhuc âzâcnembiŋ: “Qaqazu, Mose e dâŋ kecšiŋuc mutâcnewec, `ŋic moczi ŋokac rorâ ɋâric-ticne mi fuahame hâmome ɋanezi hozec-ticne rorâ hahac-ticnere biŋe ɋâric bâfuazejec. Ž  
\v 29 Eme hahac ɋa 7 jumbiŋ, ehuc mârâc hahac-jeŋic ŋokac rorâ ɋâric tâmiric jurâ hâmowec.  
\v 30 Hâmome ɋanezi hozec-ticne rorâ iŋuc jaha hâmowec.  
\v 31 Hâmome ɋaticne moczi hozec i jaha rowec. Iŋuczi iŋuc hahac ɋa 7 jaŋe ŋokac i jaha rorâ ɋâric tâmiric hâmo-fârembiŋ.  
\v 32 Eme šâhecko hozec-jeŋic iŋuc jaha wâc hâmowec.  
\v 33 Eme ŋic 7 jaŋe mâmâc sasawa ŋokac ijaha rombiŋte juku fafahare dameŋko more ŋonâŋ ezokac?”  
\v 34 Mupie Jesuzi šiŋuc jazawec: “Dameŋ šiŋuczia šira mâreŋko ŋic ŋokac roroc eeŋgopieŋ.  
\v 35 Juku dameŋ sâkoo Anutuzi mana-jareme sâckeha juju sanaŋte ɋârerâ faharenšoŋgopieŋ, ŋic ŋokac i jaŋe ine roroc mocwâc mi enšoŋgopieŋ.  
\v 36 Wemocte? Jaŋe hâmockonec faharerâ Anuture naru motecfâc ehuc aŋelo jaŋe iŋucne hâmo hetiric mi ehuc furu jaha junšoŋgopieŋ.  
\v 37 Hâmokicnezi ɋârerâ faharenšoŋgopieŋ, i Mosezi wâc šocbâruŋ jâc dutunao fuawec irec binaŋko mufuawec. E Wofuŋte šiŋuc qâreŋkewec: `E Abraham â Isaka â Jakobo jaŋere Anutu. Ž  
\v 38 Ine hâcne, e hâmokicne jaŋere Anutu mâcne, e ɋâricne juju jaŋere Anutu, eki maname mâmâc sasawa jujune eŋgopeneŋ ekac hâcne.”  
\v 39 Jesu e iŋuc muhuc jazame miti qaqazu gâcnezi mumbiŋ, “Qaqazu, go dâŋ mutecne biaŋkekac.”  
\v 40 Eme mocwâc mu esâic ecneniŋte manapie ŋemâckeme behembiŋ.   
\s1 Jesu e jahac Kristore esâic-jopawec  
\r (Mat 22:41-46” Maò 12: 35-37)  
\p
\v 41 Eme Jesuzi šiŋuc muhuc esâic-jopawec: “Kristo e Dawidire ɋâric mueŋgopieŋ i weniŋucte?  
\v 42 Dawidi e jahac miti mânec ɋâreŋkehuc kecšiŋuc muwec: `Wofuŋ e nore Wofuŋ šiŋuc âzâcnewec: Go ware fâre-naneo ŋehaŋte  
\v 43 no râsifâcge kikefuŋgao guruc-jopape kikegere ââtesiŋ enšepieŋ. Ž  
\v 44 Dawidi e Wofuŋ-nane mucnewec izi weniŋuc erâ ɋâric-ticne ekac?”   
\s1 Farisaio jaŋere uŋ jazawec  
\r (Mat 23: 1-36” Maò 12: 38-40” Luë 11: 37-54)  
\p
\v 45 Eme motecfâc-ticne ŋic maioa dâŋ decšiŋuc jazawec:  
\v 46 “Ŋoŋe miti qaqazu jaŋere juju mi junšepieŋ. Jaŋe ŋaqi šora rojuhuc hatao ŋic bâfuac-jopapie mu šeri ejareniŋte maŋjeŋic domaekac. Ehuc mitificko â tutumaŋ ficko ŋicbomboŋ ŋeŋeoa micne ŋeniŋte mueŋgopieŋ.  
\v 47 Iŋucnezi hozec jaŋere fic wiac kâŋgâc jowac roeŋgopieŋ, erâ nunumu šorazi hehesicjeŋic hefackeeŋgopieŋ. Ŋic i jaŋe juku okacne hâhâwicne ronšoŋgopieŋ.   
\c 21  
\s1 Hozec moczi moneŋ-ticne taha ufuŋko râe-fârewec  
\r (Maò 12: 41-44)  
\p
\v 1 Jesu e qâhâŋnerâ fime rame mafaŋiczi taha katapao moneŋ-jeŋic râepie hume honewec.  
\v 2 Ehame hozec moczi fisirâ toea jajahec sawa râeme huwec.  
\v 3 Iŋuc eme Jesuzi honerâ jazawec, “No jâmbomac ŋazape: Hozec hapetac kecizi râekac i gâcne sasawa jaŋere sâc jâurukac.  
\v 4 Gâcne jaŋe neŋgocne sâko fojarehame tucne sawa mac râembieŋ. Á hozec e hapetaczi ine focnejec sâc râe-fârerâ mâc jâmbâŋ jukac.”   
\s1 Sowi fuazokac  
\r (Mat 24: 1-8” Maò 13: 1-8)  
\p
\v 5 Tucne jaŋe taha ufuŋ qânâ erineheczi â taha geroŋzi bapie kiseŋ qâseŋ kirâ fowec i honehuc mu warec epie Jesuzi jazawec,  
\v 6 “Fic honeriŋ qâriŋ ecneŋgopieŋ i boc mi ŋeocmu. Dameŋ moc maickeme râsi jaŋe heropiepie ŋetâ qâtâtieme sesucne fuarâ fozokac.”  
\v 7 Eme jaŋe mumbiŋ: “Qaqazu, mukic i wezimucko fuazokac â irec dameŋ bembeŋkeme sowi weniŋucne fuazokac?”  
\v 8 Eme Jesuzi dâŋ šiŋuc jazawec: “Maŋ bâsifuc eŋarenšipiŋte sawaŋ-ŋeŋic qahuc junšepieŋ. Ŋic bocjaha fuarâ nore šâŋe jaba bajuhuc muniŋmu: `No Kristo. Ž Á gâcnezi muniŋmu: `Dameŋ biac maickekac'. Eme ŋoŋe ŋic iŋucne jaŋere bâjâpecne mi junšepieŋ.  
\v 9 Erâ šika biŋe â râsi fânâŋ manarâ jajaŋ bibisac mi enšepieŋ. Wiac iŋucne hâcne qanaŋ fuaocte mukicne, erâ fuame sifu dameŋ biac mi taraocmu.”  
\v 10 Iŋuc murâ muwec: “Mâreŋne mâreŋne ŋic guru sâko guru pitic jaŋe rârâsi efârerâ ra qa ware qa ehuc qaqac ranšoŋgopieŋ.  
\v 11 Erâ homeŋ kâcɋene sâko samarierâ bazokac, erâ roroc â huc mimicne ra fua ware fua ezokac. Erâ sambâŋko sowi â wiac hâhâwicne fuazokac.   
\s1 Mitire šika fuazokac  
\r (Mat 24: 9-14” Maò 13: 9-13)  
\p
\v 12 Wiac i mi fuahame jaŋe qanaŋ rocŋopaniŋmu â ŋopa jâpec eŋareniŋmu. Erâ wâc dâŋficko â kâpâcwâru ficko râec-ŋopaniŋmu â ŋicwofuŋ â kia jaŋerao bacŋopa raniŋmu, i ŋoŋe nore šâŋe bajuŋgopieŋte iŋuc eŋareniŋmu.  
\v 13 Eme ira fuŋne mumutaniŋ gie maic-ŋopaocmu.  
\v 14 Eme jaŋere maio domahuc dâŋ weniŋuc mupene sâckeocmu muhuc mana wosâc mi enšepieŋ.  
\v 15 No nahac mic â mamana baafecke-ŋarepe dâŋ mupie kisâfâc-ŋeŋic jaŋe dâŋŋeŋic bawaharâ qatara-ŋareniŋte eipieniŋmu.  
\v 16 Erâ omanezi sawa wiac mi eŋareniŋmu, neŋgoc mamac, hahac ɋa, seŋ sâme, âgo bago jaŋe wâc doc bacŋopaniŋmu. Eme ŋoŋeraonec gâcnezi šika kirâ hâmoniŋmu.  
\v 17 Eme ŋic mâmâc sasawa jaŋe šâŋe biŋe-nanere erâ ŋoŋere manapie aaricnehec eocmu.  
\v 18 Wiac iŋucne eŋarehapie noni ŋezic-ŋopape qizec susuc-ŋeŋic moc mi sifuckeocmu.  
\v 19 Dodocke tâmiric juraku juju-ŋeŋic bâfuaniŋmu.   
\s1 Hae qizec-jeŋicte dâŋ  
\r (Mat 24: 15-25” Maò 13: 14-23)  
\p
\v 20 Momori jaŋe fisirâ Jerusalem hae somâckepie honerâ munšepieŋ, Miti hae qizec-nâŋec tuhu eocte dameŋne maickekac à  
\v 21 Eme Judaia mâreŋko juniŋmuzi tiki mâreŋko wiserâ ranšepieŋ, â miti hae qizecko juniŋmuzi iŋuc jaha biac waha wise ranšepieŋ.  
\v 22 Dameŋ ira hâcne okacne babazu fuaocmu. ehuc mitio dâŋ mukicne i fideteŋ efâreocmu.  
\v 23 Jei, ŋokac kiwecheczi â susuonecheczi dameŋ ira weniŋuc enšoŋgopieŋ? Ŋicguru ši jaŋerao kiŋ babatara fuame bâŋeŋkerâ weaŋsicne nâniŋmu.  
\v 24 Eme râsi jaŋe ŋic gâcne šika mimicnezi jopa miziehuc gâcne mâreŋ sâc amec-jopa rapie kiŋaŋ qaqafâc-jeŋic erâ juniŋmu. Erâ qâpuc jaŋe Jerusalem haeo ima gie bahuc juhapie mâreŋ sâc ŋic qâpuc dameŋ-jeŋic hesackeocmu.   
\s1 Dameŋ sâkore dâŋ  
\r (Mat 24: 29-35” Maò 13: 24-32)  
\p
\v 25 “Eme šâhecko šoaŋ mosa bâpiŋko wiac šâŋe furu fuazokac, â mâreŋko hâwec sirizi â temboŋzi fânâŋ sâko eme hazec furu-ŋeŋic fuazokac.  
\v 26 Erâ wâc sambâŋ qiriŋ qame tâpirine ŋeŋgoroŋkezokac. Eme ŋic jaŋe wiac fua taraocte woŋec juhuc hobu-jeŋic taŋtaŋ âeckehame nokafe tataeŋ erâ domanšoŋgopieŋ.  
\v 27 Ehame Ŋic Fâri Wâtuŋnezi karorac faio domahuc ɋuŋɋasaŋ bâric bâric-ticnehec fisime hone šâirenšoŋgopieŋ.  
\v 28 Wiac iŋucne hâcne fuame honerâ qâhâŋnerâ fie ruruckehuc šiŋuc munšepieŋ: `Roroc-nâpo dameŋ maickekac hâcne. Ž ”   
\p
\v 29 Iŋuc murâ dâŋ suŋsuŋne moc šiŋuc šuhuckewec: “Ŋoŋe jâmiŋ â jâc gâcne gâcne honehuc fuŋne mananšepieŋ.  
\v 30 Jaŋe gitec herâ fiepie honerâ mueŋgopieŋ: `Ʒoaŋ dameŋ maickezo ekac. Ž  
\v 31 Eme wiac mukopac i fuame honerâ munšepieŋ: `Anuture uucmaŋ fua tâcnezo ekac. Ž  
\v 32 No jâmbomac ŋazape: ŋicguru ši jaŋe mi sirowehapie wiac mukicne i deŋke-fâreocmu.  
\v 33 Sambâŋ â mâreŋ jahe sirowezokopirec, â nore dâŋ ine mi sirowe-jâmbâŋkezokac.   
\s1 Maŋguŋ tâmiric juzo  
\r (Mat 24: 42-44” Maò 13: 33-37)  
\p
\v 34 “Ŋoŋe nâ areŋ ehuc wiac omanere kirâ utuckerâ juhapie maŋŋeŋic bâzickeme dameŋ sâkozi bitiŋko kiki tinac ututuŋ jâmbâŋ kicŋopazacte sawaŋ-ŋeŋic qahuc junšepieŋ.  
\v 35 Dameŋ sâko e mâreŋ sâc ŋic ŋoŋe sâcŋopa-fârerâ acmâc jaha fuaocmu.  
\v 36 Irec ŋoŋe maŋguŋ tâmiric erâ hati numuhuc juhapie wiac fuaocte mukicne izi riric-ŋopame Ŋic Fâri Wâtuŋne e fisime ere maio qiŋ herâ domanšepieŋ.”   
\p
\v 37 Jesu e šoaŋko ŋic taha ufuŋko miti jaza qazuc ehuc juwec. Ehame hae owâeme hae beherâ Oliwa tikio ferâ ira fojujec.  
\v 38 Eme hae fure pârâckeme ŋic ŋokac sasawa jaŋe miti mume mananiŋte biac taha ufuŋko tumaŋne jumbieŋ.   
\c 22  
\s1 Judazi Jesu doc baocte musanaŋkewec  
\r (Mat 26: 1-16” Maò 14: 1-11” Joh 11: 45-53)  
\p
\v 1 Goreŋ sowa juhuc aakic hombaŋ ŋeŋe irec dameŋ bembeŋkewec.  
\v 2 Ehame taha bapa micne â miti qaqazu jaŋe ŋic araŋ bajarembiŋte Jesu weniŋuc ecnepene arictac ezejec muhuc hata basahuc jumbiŋ.  
\v 3 Iŋuc ehuc juhapie Sataŋzi Jesure motec moc šâŋene Juda Karioto haeonec ere maŋko hume  
\v 4 taha bapa micne â ufuŋte polismaŋ micne jaŋerao rarâ Jesu doc bame roniŋte dâŋ mumocke-jarewec.  
\v 5 Eme jaŋe manarâ bujeŋic biaŋkeme furine moneŋ râcneniŋte mujomirembiŋ.  
\v 6 Mupie dâŋjeŋic reŋkehuc ŋic jaŋe hone manac mi ehapie soŋsoŋko doc bame roniŋte hone qatarac ehuc juwec.   
\s1 Jesu â motecfâcne aakic lama nâmbiŋ  
\r (Mat 26: 17-19” Maò 14: 12-16)  
\p
\v 7 Ehame goreŋ sowa juhuc aakic lama hezuniŋte hombaŋ maickeme  
\v 8 Jesuzi Petoro â Johane šiŋuc muhuc sorec-jofawec: “Ŋohe rarâ aakic lama hezu rikec ehapire fâpene nânšepeŋeŋ.”  
\v 9 Mume jahe šiŋuc muhuc wiocnepic: “Fic wena hezu rikec ezeperec?”  
\v 10 Eme šiŋuc jasawec: “Mananic, ŋohe haeo ferâ ŋic moc opâ râqâchec bâfuarâ bâjâperâ, ficko feme fenic.  
\v 11 Ferâ fic rune šiŋuc âzâcneniŋ: `Qaqazuzi gore šiŋuc mukac, fic maŋne wena motecfâc-nane jaŋehec aakic lama nanaŋmu? Ž  
\v 12 Iŋuc âzâcnepire fic maŋne kâcɋene moc ŋeŋe fofo wiac rumacke emasaŋ ekicne ŋofatume ira aakic lama rike bâmoc ezepirec.”  
\v 13 Eme jahe rarâ wiac muwec sâc bâfuarâ aakic lama rike bâmoc epic.   
\s1 Aakic lama nârâ Ŋafe Tiwa gumec-jopawec  
\r (Mat 26: 20-29” Maò 14: 17-25” Joh 13: 21-26” Koò I, 11: 23-26)  
\p
\v 14 Eme nâzo dameŋ maickeme motecfâcne gâcne rocjopame fisirâ nâmbiŋ.  
\v 15 Ehuc šiŋuc jazawec: “Ʒâic dameŋ-nanezi bâmbeŋnuhame aakic lama ši ŋoŋehec nâpemurâ boc enarejec.  
\v 16 No mupe mananiŋ: No aakic lama mocwâc mi nânâ juhape Anuture uucmaŋko fâri fideteŋ eocmu.”  
\v 17 Iŋuc murâ waiŋ râqâc rorâ daŋge murâ šiŋuc jazawec: “Ŋoŋe rorâ nâ nareŋ gareŋ eniŋ.  
\v 18 No ŋazape, waiŋ opâ mocwâc mi nânâ juhape Anuture uucmaŋ fua tâcnezokac.”  
\v 19 Dâŋ i murâ poroŋ rorâ daŋge murâ bazurâ šiŋuc muhuc jarewec: “Kecši fâri-nane, [i ŋoŋere erâ qikiŋnekicne. Nore manasuhuc iŋuc nânšepieŋ.”  
\v 20 Nânâ nâpie waiŋ râqâc rorâ iŋuc jaha jarehuc muwec: “Râqâc kecšira šâšâfic ɋâricnere socnane ŋekac. I ŋoŋere erâ qikiŋnekicne.Ý  
\v 21 Erâ manaŋgopieŋ, doc bacnuocmu eki nohec tebo šira wiac mâmâc ro nâc ehuc ŋekoperec.  
\v 22 Ŋic Fâri Wâtuŋne e hata mušâwecnekicne ijaha raocmu. Á doc baocmu e ine, jei okacne mo iŋucne roocmu.”  
\v 23 Iŋuc mume motec jaŋe guru-jeŋickonec mozi i eocmu muhuc wiwioc embiŋ.   
\s1 Motec jaŋe hehefaric embiŋ  
\r (Mat 20: 25-28” Maò 10: 42-45)  
\p
\v 24 Eku wâc motec jaŋe nâŋâcnaonec mozi femicne-nâŋec jukac muhuc hehefaric embiŋ.  
\v 25 Epie Jesuzi šiŋuc jazawec: “Mâreŋ ŋicwofuŋ jaŋe ŋiczi kiŋaŋ qajareeŋgopieŋ â fekicne sâko jaŋe omanezi mumbiaŋ-jopaeŋgopieŋ.  
\v 26 Ŋoŋerao ine iŋuc mi fuazejec. Ŋoŋerao kâcɋenezi piticnere sâc juzejec, â micnezi kiŋaŋ qaqare sâcko juzejec.  
\v 27 Me ŋoŋe muniŋ, wenimo izi fekicne? Nânâ mâc ŋehuc nâocmu eki fekicne, me rike bâmoc eocmu eki fekicne? Mâc ŋehuc nâocmuzi fekicne, i manaeŋgopieŋ. Noni ine ŋoŋere ŋondeŋko kiŋaŋ qaqa iŋucne erâ juekopac.  
\v 28 Ŋoŋe hâcne šârâ hâriŋ maŋko jupe jujufâc-nane jueŋgopieŋ.  
\v 29 Eme Mamac-nanezi guriŋ bapa gie munarewec iŋuc jaha noni ŋoŋe muŋarekopac,  
\v 30 ŋoŋe nore uucmaŋko tiwâ nâ šeri eniŋte â ŋicwofuŋ ŋeŋeo ŋehuc Israe ŋicguru 12 jaŋere dâŋ mutaraniŋte.   
\s1 Petoro uŋ âzâcnewec  
\r (Mat 26: 31-35” Maò 14: 27-31” Joh 13: 36-38)  
\p
\v 31 “Simoŋ, Simoŋ, padi saja bapie wosâeekac iŋuc jaha Sataŋzi ŋoŋe ere meo fepie saja bacŋopaocte mujec.  
\v 32 Eme noni ine mamanasiŋge omaezacte gore erâ numupac. Irec go miti hatao mocwâc risierâ qomâfâcge keteŋ-jopazemec.”  
\v 33 Mume Petorozi šiŋuc âzâcnewec: “Wofuŋ, go kâpâcwâruo me hâmocko fâtec fâpemu.”  
\v 34 Eme Jesuzi muwec, “Petoro, no gazape manac, qâqâczi miŋecgac ŋafeo mi dâŋehame goki jahec â moc micnucmu.”   
\p
\v 35 Iŋuc murâ muwec, “Noni moneŋ tâmiric â he tâmiric â kikehuhu tâmiric sorec-ŋopape ra basac qasac moc embiŋ me?” Eme jaŋe mumbiŋ, “Iŋuc aricne jâmbâŋ.”  
\v 36 Mupie šiŋuc šuhuckewec: “Á dameŋ šiŋuczia ine moc e moneŋ focnekacko ro bajuzejec, â moc e hemotec focnekacko rupe juzejec, â moc e šika basahuc ŋaqi qikiŋneme moc kitâcnecnezejec.  
\v 37 No mupe mananiŋ, findaŋdâŋ moc šiŋuc qâreŋkekicne: `E šika qaqa jaŋere guruo râembiŋ', dâŋ i norao fârinehuc eocmu. Erâ nore dâŋ mukicne i mâmâc sasawa sanaŋke-fâreocte dameŋ maickekac hâcne.”  
\v 38 Mume motec jaŋe šiŋuc âzâcnembiŋ: “Wofuŋ honec, ši šika jajahec fokopirec.” Eme muwec: “Sâcne.”   
\s1 Gezemane jufuo rambiŋ  
\r (Mat 26: 36-46” Maò 14: 32-42)  
\p
\v 39 Eme ŋeku Jesu e ŋafe sâc ejujec iŋuc erâ hae beherâ Oliwa tikio feme motec jaŋe bâjâpembiŋ.  
\v 40 Eme jujujecko fisirâ motecfâcne šiŋuc jazawec: “ŋoŋe eesâicko dockenšipiŋte numuniŋ.”  
\v 41 Iŋuc murâ qânâ wickepene raekac irec sâc rarâ dieŋzi herâ šiŋuc muhuc numuwec:  
\v 42 “Mamac, go manatec sâckeme mutec šâic guru šizi nowaruoc. Erâ nore dâŋ mâcne, gore dâŋ sanaŋkezejec.” [  
\v 43 Iŋuc muhame sambâŋkonec aŋelo moczi waharâ basanaŋkewec.  
\v 44 Eme maŋzi šâic hâhâwicne ecneha fotariehuc numuwec. Ehame fofoŋac-ticne soc šâmbâŋ iŋucne tâcnehuc mâreŋko wahawec.Ý  
\v 45 Numuku faharerâ motecfâcne jaŋerao rarâ honec-jopawec: Jaŋe busâqoczi bâdoc-jopame betaŋkerâ guŋ fombiŋ.  
\v 46 Fohapie jazarâ muwec: “Ŋoŋe wemocte guŋ foŋgopieŋ? Eesâicko dockenšipiŋte faharerâ numuniŋ me!”   
\s1 Jesu rombiŋ  
\r (Mat 26: 47-56” Maò 14: 43-52” Joh 18: 2-11)  
\p
\v 47 Iŋuc muhuc domahame mi râsi guru ututuŋ fisinšepieŋ i¡ Eme motec jaŋere âgo moc šâŋene Juda, eki micne bajarehuc Jesurao rarâ muduckewec.  
\v 48 Muduckeme Jesuzi šiŋuc âzâcnewec: “Juda, go wemocte Ŋic Fâri Wâtuŋne e muduckehuc doc bakomec?”  
\v 49 Eme Jesure kikefuŋfâc jaŋe wiac fuazo eme honerâ mumbiŋ, “Wofuŋ, šikazi jopanaŋ me?”  
\v 50 Iŋuc murâ jaŋeraonec moczi taha bapa sâkore kiŋaŋ motec šikazi qaocte hazecne fâreopec i qatarawec.  
\v 51 Eme Jesuzi i honerâ muwec: “Ŋoŋe beheniŋ.” Iŋuc muhuc ŋic hazec-ticne bâuahuc bâsomiewec.  
\v 52 Erâ taha bapa micne â ufuŋte polismaî micne â soŋaŋ e roniŋte fisimbiŋ jaŋe šiŋuc jazawec: “Ŋoŋe nore manapie šika qaqa eme šika qaruc-ŋeŋichec fisirâ rocnuŋgopieŋ me?  
\v 53 No šoaŋne šoaŋne taha ufuŋko ŋoŋehec juekopac, ehame ŋoŋe ira mi rocnumbieŋ. Ʒi ine ŋoŋere dameŋ maickekac â dapâcte tâpiri fua tâcnekac.”   
\s1 Petorozi Jesu mickewec  
\r (Mat 26: 57-58” 69-75” Maò 14: 53-54, 66-72” Joh 18: 12-18, 25-27)  
\p
\v 54 Eme jaŋe Jesu rorâ bararâ taha bapa sâkore ficko bafembiŋ. Ehame Petoro e fisi fâresuc ehuc šâhec rawec.  
\v 55 Eme momori jaŋe sacmaŋko raširâ šoc ruqerâ ruahuc ŋehapie Petoro e iŋuc jaha raširâ ŋondeŋ-jeŋicko ŋewec.  
\v 56 Ŋehame kiŋaŋ naru moczi fisirâ hone dedeŋnehuc muwec, “Ŋic keci ehec juekac wâc.”  
\v 57 Eme Petorozi mic bahuc muwec, “Ŋokac, no e mi honeekopac.”  
\v 58 Iŋuc murâ ŋeme mi šorahame ŋic moczi honerâ muwec, “Go hâcne jaŋere guruonec.” Eme Petorozi muwec, “ŋic go, no aricne.”  
\v 59 Eme šâhec ŋic moczi fisirâ musanaŋkehuc muwec: “Á ŋic kecši jâmbomac ehec juekac, e Galilaia ŋic jaha.”  
\v 60 Mume Petorozi muwec, “Ŋic go dâŋ mutec kâuc bakopac.” Muhame izia qâqâczi dâŋewec.  
\v 61 Eme Wofuŋzi forisierâ Petororao šâŋe fime Petoro e Wofuŋzi dâŋ šiŋuc âzâcnewec i manasuwec: “Qâqâczi mi dâŋehame go jahec â moc mic bacnucmu.”  
\v 62 Dâŋ i manasurâ bune herickeme ra kio sâqorewec.   
\s1 Jesu taha bapa sâkore ficko wiac kosa ecnembiŋ  
\r (Mat 26: 59-68” Maò 14: 53-65” Joh 18: 19-24)  
\p
\v 63 Jesu soŋaŋkehuc domambiŋ ŋic i jaŋe mu šerec ecnehuc  
\v 64 šâŋe maine bâsoŋkerâ qahuc mumbiŋ, “Go porofete jukomeczi ŋic gukac ere šâŋe muc.”  
\v 65 Erâ âke sisic wiac gâcne mâmâc ecnembiŋ.  
\v 66 Ehapie hae fureme micne guru, taha bapa micne â miti qaqazu hâcne, jaŋe sasawa tumaŋne-fârerâ mupie Jesu guru-jeŋicko bafepie dâŋ šiŋuc âzâcnembiŋ:  
\v 67 “Go Kristo jukomecko mufua-nârec.” Mupie šiŋuc jazawec: “No ŋazape mi mananiŋmu,  
\v 68 me indiŋ-ŋopape ŋifecne sâcne wâc mi nazaniŋmu.  
\v 69 Ʒi ine ŋic Fâri Wâtuŋne e Anutu tâpiri rune fârenao ŋeocmurâ dameŋne maickekac.”  
\v 70 Mume manarâ mâmâc sasawa šiŋuc âzâcnembiŋ: “Eme go Anuture Ŋokâ ine hâcne?” Eme muwec, “Ine hâcne.”  
\v 71 Mume mumbiŋ: “Wemocte dâŋgie mocwâc banaŋmu, ši e jahacne mickonec wahame manaŋgopeneŋ.”   
\c 23  
\s1 Jesu e Pilato â Herode jaherao barambiŋ  
\r (Mat 27: 1-2, 11-31” Maò 15: 1-20” Joh 18: 28 ­ 19: 16)  
\p
\v 1 Eme jaŋe ŋeku mâmâc sasawa faharerâ Jesu Pilatorao barambiŋ.  
\v 2 Erao domahuc kecšiŋuc muhuc qorickembiŋ: “Ŋic kecširec fuŋne šiŋuc fokac, e ŋic mâmâc sasawa ɋâiŋ-jopaekac, ehuc Roma ŋicwofuŋte takesi moneŋ mi râeniŋte muac-jopaekac, erâ wâc e jahacnere šiŋuc muekac: No Kristo ŋicwofuŋ.  
\v 3 Eme Pilatozi wiocnerâ muwec: “Go Judaŋic jaŋere ŋicwofuŋ me?” Eme Jesuzi muwec: “Ine hâcne mukomec.”  
\v 4 Mume Pilatozi taha bapa micne â ŋic guru sâko mâmâc jazarâ muwec, “No ŋic širec kiŋ basakopac.”  
\v 5 Eme jaŋe fotarierâ mujâmbâŋkehuc mumbiŋ: “E jâmbomac ŋic qafeŋ-jopame dâŋticnezi mâreŋ-nâŋecko haŋ bafâreekac. E Galilaia mâreŋkonecteaŋ fuŋkerâ ewareku šira Judaia mâreŋko ijaha eekac.”  
\v 6 Iŋuc mupie Pilatozi wio-jarerâ muwec, “Ŋic e Galilaia mâreŋkonec me?”  
\v 7 Eme “ine hâcne” mupie Jesu e Herodere gie gaŋkonec, iŋuc manarâ mume Heroderao barambiŋ. Herode e dameŋ ira Jerusalem haeo juwec.   
\p
\v 8 Herode e Jesu honerâ bune biaŋkewec. E Jesure biŋe gâbâ manahuc honeocte boc ecne jujec. Erâ wâc mâsi moc bame honeocte aŋac focnewec.  
\v 9 Eme Jesu dâŋ fuŋne fuŋne wiocneme okacne moc mi bâtikiecnewec.  
\v 10 Ehame taha bapa micne â miti qaqazu jaŋe qoricke sanaŋkehuc domambiŋ.  
\v 11 Eme Herode â momorifâcne jaŋe Jesu sâckehuc šoraŋ ecnembiŋ. Ehuc Herodezi mume Jesu ŋicbomboŋ ŋaqi moc hecnepie hume Pilatorao mocwâc bârisiembiŋ.  
\v 12 Eme šoaŋ gie bapa ira Pilato â Herode jahe ââgo epic, mârâc jaha ine kikisâ ehuc jupic.   
\p
\v 13 Pilato e taha bapa micne â ŋic fekicne â ŋic omane jaŋe mâmâc hefârec-jopame fisimbiŋ.  
\v 14 Eme šiŋuc jazawec: “Ŋoŋe šiŋuc muhuc ŋic kecši norao barâ warembieŋ: `E ŋic qafeŋ-jopaekac. Ž Eme noni ŋoŋere maio fuŋne-ticne bataniŋkepe fâri tâmiric ejec.  
\v 15 Herodezi iŋuc jaha erâ mume mocwâc bârisierâ bawareŋgopieŋ. Manaŋgopieŋ, kiŋticnezi hâmocte sâc mi bâfuakac,  
\v 16 irec mupe momori jaŋe kâcbiŋzi qapie firuepemu.” [  
\v 17 Kia e hombaŋ dameŋko ŋic moc firue-jare jujec hâcne.Ý  
\v 18 Jaŋe ine micne mic sâc owackerâ mumbiŋ, “E arictac eoc, Baraba ine firue-nârec.”  
\v 19 Baraba eki ine ŋic gâcne jaŋehec šika qahuc ŋic moc qâhâmome kâpâcwâru ficko râembiŋ.  
\v 20 Eme Pilato e harierâ jazawec, “No Jesu firuepemu i!”  
\v 21 Mume jaŋe hahaŋne bahuc mumbiŋ, “Maripoŋko hâmooc, maripoŋko hâmooc!”  
\v 22 Eme Pilatozi qatara-jarehame jahec â moc eme jazawec, “Wemo sâqocne bawecte? No manape kiŋticne hâmocte sâc mi ekacte mupe kâcbiŋ sawa kirâ juzejec.”  
\v 23 Eme jaŋe fota qatarierâ micne mic šereŋ musereckerâ owackehuc mumbiŋ, “Maripoŋko hâmooc.” Murâ qâsifu sâko qarâ fetone fehuc kiare dâŋ bawahambiŋ.  
\v 24 Eme Pilatozi dâŋ mumbiŋ irec fârine fuaocte mutarawec.  
\v 25 Ehuc dâŋjeŋic reŋkerâ qaqafeŋte â šikare kâpâcwâruo râekicne ŋic e firue-jarewec â Jesu ine qikiŋne-jarewec.   
\s1 Jesu maripoŋko qapie hâmowec  
\r (Mat 27: 32-56” Maò 15: 21-41” Joh 19: 17-30)  
\p
\v 26 Jaŋe Jesu baraku hatao ŋic moc bâfuambiŋ, šâŋene Simoŋ, Kirene hae mâreŋkonec. E gieonec wareme rorâ Jesure maripoŋ ɋawenao râepie hâporâ Jesure râpefuŋko rawec.  
\v 27 Erâ ŋic ŋokac guru sâkozi bâjâpembiŋ Ehuc ŋokac jaŋe kio wâwâsic â mu mamakuc ecnembiŋ.  
\v 28 Epie Jesuzi fotikierâ šiŋuc jazawec: “Jerusalemnec ŋokac bureŋ, ŋoŋe nore mi kioniŋ. Ŋoŋe â naru motecfâc-ŋeŋic ŋaŋacne kioniŋ.  
\v 29 Manaŋgopieŋ, juku dameŋ moc maickeme šiŋuc munšoŋgopieŋ: `Oi, ŋokac hufiŋne â me sawane jaŋe iŋucne junšapeŋ me! Ž  
\v 30 Eme dameŋ ira tiki jaŋere šiŋuc muniŋmu: `Ŋoŋe herickerâ waha ŋefac-nâponiŋ', â hârâc jaŋere muniŋmu, `Ŋoŋe fâuckerâ bârârâŋ-nâponiŋ'.  
\v 31 Wiac šiŋucne jâc ɋâricne ecneŋgopieŋko hâmocne weniŋuc ecnezo?”  
\v 32 Eme sâqocne bapa jajahec ehec mâmâc jopaniŋte bacjopa rambiŋ.   
\p
\v 33 Eme raku mâreŋ moc šâŋene Utusiec ira fisirâ Jesu maripoŋko qambiŋ, â sâqocne bapa moc ŋifec â moc ŋifec mâmâc jofambiŋ.  
\v 34 Eme Jesuzi numuhuc muwec, “Mamac, jaŋe wiac eŋgopieŋ i fuŋne kâuc baŋgopieŋte kiŋjeŋic behec.” Momori jaŋe ine ŋaqi-ticnere jaŋaczia ɋâsâi qapie âke fuac-jopame sâc rauckembiŋ.  
\v 35 Ŋic ine wemo afecne ijaha domahuc wiac hone-fârembiŋ. Ehuc ŋic fekicne jaŋe sâke itic ecnehuc mumbiŋ, “Gâcne bafic-jopaweczi e jahacne sahac bafickeoc me¡ E Kristo Anuture joroc jukacko iŋuc eoc me!”  
\v 36 Momori jaŋe iŋuc jaha mu ruruc ecnembiŋ, ehuc waiŋ opâ šašacne sicnecnehuc mumbiŋ:  
\v 37 Go Judaŋic jaŋere ŋicwofuŋ jukomecko sahacge ŋezickec me!”  
\v 38 Eme Jesure qizec botâŋko dâŋqâreŋ šiŋuc râembiŋ: “Ʒi Judaŋic jaŋere ŋicwofuŋ.”  
\v 39 Eme sâqocne bapa moczi maripoŋko domahuc bafic-joparâ sâke kiki ecnerâ muwec, “Go iŋucnezi Kristo me? Murâ gahacne sahac batararâ nâhe mâmâc batarac-nâfoc.”  
\v 40 Iŋuc mume âgonezi dâŋ mucnehuc muwec, “Go šikare biŋe mâmâc ekicnezi Anuture mi hâwicguha iŋuc mukomec?  
\v 41 Nâhâc kiŋnâhecte sâcko wiac sâcne enâctekicne, ŋic kecšizi ine sindaŋ moc mi ewec.”  
\v 42 Iŋuc murâ muwec, “Jesu, go Wofuŋ tâpirigehec juku fisirâ nore manasuzemec.”  
\v 43 Mume Jesuzi šiŋuc âzâcnewec: “No jâmbomac gazape, miŋecgac jaha nohec Paradisio jucmu.”   
\p
\v 44 Eme 12 kiloë ehame šoaŋ gâpâreme dapâc fuarâ mâreŋ sâckerâ fohame 3 kiloë ewec.  
\v 45 Ehame taha ufuŋko qoruc ââketâc sâko šâšâŋiŋ jaha hâŋ fâucke waharâ qatarawec.  
\v 46 Eme Jesu e wiwic jaha wirahuc muwec, “Mamac, megao maŋ qâqâtâc-nane râekopac.” Iŋuc murâ hâmowec.  
\v 47 Eme momori soŋaŋzi wiac i hone manac efârerâ Anutu mumbiaŋkehuc muwec, “Ŋic kecši e jâmbomac bahacmâc.”  
\v 48 Erâ ŋic gâcne sâko wiac hone aŋac eniŋte fisimbiŋ jaŋe wiac i sasawa hone manac erâ maŋjeŋiczi tutuc qajarehame risiembiŋ.  
\v 49 Jesu e jahacne wiacfâc â Galilaia mâreŋkonec ŋokac bâjâperâ warembiŋ jaŋe ine taicko domahuc wiac hone manac embiŋ.   
\s1 Jesu duckembiŋ  
\r (Mat 27: 57-61” Maò 15: 42-47” Joh 19: 38-42)  
\p
\v 50 Ŋic moc juwec, šâŋene Josefe” hae-ticne Judaia mâreŋko ŋewec, šâŋene Arimataia. Ŋic e micne sâko jumbiŋ jaŋere guruonec, erâ e ŋic wamane â tiŋne.  
\v 51 Âgofâcne jaŋe Jesu dâŋ qacnehuc šikao râepie maname mi sâckewec, erâ e Anuture uucmaŋ fua tâcneocte woŋec juwec hâcne.  
\v 52 Ŋic eki hâcne Pilatorao rarâ Jesu qâŋɋâŋ-ticnere âzâcnewec.  
\v 53 Eme manacneme ra maripoŋkonec batararâ qoruc qaŋqaŋzi râpâckerâ bararâ qânâ hâŋko hawec šâŋeruŋte biŋe gufukicne ira Jesure qâŋɋâŋ râewec. Hawec i furu fowec, ira mârâc jaha qâŋɋâŋ moc mi râekicne.  
\v 54 I šašawie dameŋte owâ gieo fuawec, sabata hombaŋ maickezo eha.  
\v 55 Ŋokac tucne Jesuhec Galilaia mâreŋkonec warembiŋ jaŋe Josefe bâjâpehuc honehapie Jesure qâŋɋâŋ šâŋeruŋko râewec.  
\v 56 Eme wiac hone-fârerâ haeo risierâ wokemaŋ âsu biaŋ â kâŋâ wiac bâmockembiŋ. Erâ sabata hombaŋko sâcmutâc dâŋ reŋkehuc ŋemanambiŋ.   
\c 24  
\s1 Jesu hâmockonec ɋârerâ faharewec  
\r (Mat 28: 1-10” Maò 16: 1-8” Joh 20: 1-10)  
\p
\v 1 Sonda uupicte hae fure pârâckezo ehame ŋokac jaŋe wiac âsu biaŋ bâmockembiŋ i šâŋeruŋko amecke rambiŋ.  
\v 2 Ra fisirâ honembiŋ: Qânâ sâko e rârieme hawec aaŋ fowec.  
\v 3 Eme šâŋeruŋ maŋko raširâ Wofuŋ Jesu qâŋɋâŋ-ticne basambiŋ.  
\v 4 Basarâ weaŋkerâ domahapie ŋic jajahec ŋaqi-jekic bâric bâricnekicne mi maŋfuŋ-jeŋicko fuarâ domazepirec i¡  
\v 5 Eme ŋokac jaŋe hâwic-jopame dunduŋ domahapie ŋic jahe šiŋuc jazapic: “ŋoŋe wemocte ɋârine jukac e hâmokicne jaŋerao basaŋgopieŋ?  
\v 6 E šira mi fokac, e ɋârerâ faharejec, Galilaia mâreŋko juhuc dâŋ kecšiŋuc ŋazawec i manasuniŋ:  
\v 7 `Mamac-nanezi ŋic Fâri Wâtuŋne e sâqocne bapa jaŋere meo râeme qapie hâmorâ šoaŋ jahec â moc eha ɋârerâ fahareocmu. Ž ”  
\v 8 Iŋuc mupire ŋokaŋ jaŋe dâŋ i manasuhuc  
\v 9 šâŋeruŋkonec risierâ haeo fisirâ motecfâcne 11 â ŋic ŋokac gâcne dâŋ binaŋ ejarembiŋ.  
\v 10 Ŋokac šâŋe-jeŋic Maria Madala haeonec â Johana â Maria Jakobore neŋgoc erâ âgofâc-jeŋic gâcne mâmâc jumbiŋ. Izi hâcne aposolo biŋedâŋ jazambiŋ.  
\v 11 Jazapie dâŋjeŋic manapie pacgoroŋ dâŋ eme mi mana šakiembiŋ.  
\v 12 Á Petoro e ine fahare šâŋeruŋko gasacke rarâ okarierâ fime rašime qoruc râpâ sawa honewec. Erâ wiac fuawec i mana warec ehuc haeo risie rawec.   
\s1 Motec jajahec Emausi haeo rapic  
\r (Maò 16: 12-13)  
\p
\v 13 Eme šoaŋ ijaha Jesure kikefuŋfâc jaŋeraonec ŋic jajahec Emausi haeo ranicte rapic. Hae i šoricko mi ŋewec, Judaŋic jaŋe qâqâtâc bembeŋkeme Jerusalem haeonec rârâ šoaŋ otewezo ehame fisi jumbieŋ.  
\v 14 Eme ŋic jahe hatao rahuc wiac fuawec irec muc manac epic.  
\v 15 Mu gufuc ehuc muc manac rahapire Jesu e jahac rarâ bâfuac-jofame mâmâc rambiŋ.  
\v 16 Eme šâŋe-jekic bâsâockekicnere mi hone tarapic.  
\v 17 Iŋuc ehapire wio-jacterâ muwec: “Ŋohe wemo wiacte nazaŋ gazaŋ ehuc jukopirec?” Mume jahe šâŋe mai-jekic sorondoŋ eha domapic.  
\v 18 Ehuc jaheraonec moc šâŋene Keleopa eki muwec, “Jerusalem haeo ŋic hombaŋte fisimbiŋ jaŋe dâŋ biŋe sâko hazec sâc mana-fârehapie go mocjahazi weniŋuc erâ hazec furu jukomec.”  
\v 19 Eme eki wio-jacterâ muwec, “Wemo wiac?” Mume jahe mupic, “Wiac Jesu Nazarete haeonec ere binaŋ. E porofete sâko juhuc Anuture maio â ŋicmaio wiac tâpiri jaha mu bac ehuc juwec.  
\v 20 Ehame taha bapa micne â fekicnefâc-nâŋec jaŋe hâmoocte mutaracnehuc kiarao râepie mume maripoŋko qambiŋ.  
\v 21 Nâŋe ine ere mamanac juhuc šiŋuc mumbeŋ: `Eki hâcne Israe ŋic nâŋâc niŋgiŋkonec firuec-nâpozejec. Ž Eme qapie hâmome juhapene biac šoaŋ gie bapa jahec â moc ekac.  
\v 22 Ehame miŋecgac nâŋeraonec ŋokac gâcne bu qâqânduc dâŋ nâzâmbieŋ. Jaŋe furicte šâŋeruŋko rarâ  
\v 23 qâŋɋâŋ-ticne basarâ risierâ šiŋuc mumbieŋ: `Aŋelo jajahec fua-nârehuc, Jesu ɋârerâ faharejec, iŋuc nâzâkopirec. Ž  
\v 24 Eme dâŋ i manarâ nâŋeraonec ŋic âgofâc-nâŋec tucnezi rarâ ŋokac mumbieŋ sâc bâfuambieŋ â e jahacne ine mi honembieŋ.”  
\v 25 Dâŋ iŋuc muhuc âzâcnepire eki muwec: “Porofete jaŋe dâŋ mu qâreŋ embiŋ i ŋoŋe wemocte mutuc â maŋ mâmâcne juhuc mi mana šakieeŋgopieŋ?  
\v 26 Kristo e wemocko hâmoc šâic tâmiric juku sambâŋ tatamac-ticnao rašizac?”  
\v 27 Iŋuc murâ Mose â porofete dâŋ erao iticnehuc qâreŋkembiŋ, irec fuŋne ritu-jacte-fârewec.  
\v 28 Eme raku Emausi hae bâqiŋkembiŋ. Ehuc eki hae fotâcnerâ raocte eme  
\v 29 jahe sakarehuc mupic, “Ʒoaŋ biac rifireha hae ŋafezo ekacte go nâhehec juc.” Eme jahehec juocte mana-jacteme ficko mâmâc fembiŋ.  
\v 30 Eme nânâ nâniŋte waha ŋerâ poroŋ rorâ jambuŋkehuc bazurâ jactewec.  
\v 31 Ehame šâŋe-jekic raruŋkeme hone tarapic. Hone tarapire izia sipuac ewec.  
\v 32 Eme jahe nazaŋ gazaŋ erâ kecšiŋuc mupic: “Hatao dâŋ nâsâhuc mitire fuŋne ritu-nâcteme bunâhec bâruŋkejec hâcne ine.”  
\v 33 Iŋuc murâ izia faharerâ Jerusalem haeo risie rapic. Ra fisirâ e jahacne motec 11 â âgofâc-jeŋic gâcne tumaŋnerâ ŋehapie bâfuac-jopapire  
\v 34 jaŋe biac šiŋuc jasambiŋ: “Wofuŋ e jâmbomac faharerâ Simoŋ fuacnejec.”  
\v 35 Eme jahe iŋuc jaha Wofuŋzi hatao bâfuac-jofarâ ficko poroŋ bazume šâŋitapic, irec dâŋ binaŋ ejarepic.   
\s1 Jesu e motec mâmâc fua-jararâ mâzoc-jopawec  
\r (Mat 28: 16-20” Maò 16: 14-18” Joh 20: 19-23” Apo 1: 6-8)  
\p
\v 36 Motec jaŋe irec dâŋ binaŋ ehuc ŋehapie Jesu e jahac ŋondeŋ-jeŋicko fuarâ domawec.  
\v 37 Eme jaŋe honerâ fâfârerâ hâwic-jopame mumbiŋ, “Bawezi fuakac.”  
\v 38 Eme eki šiŋuc jazawec: “Ŋoŋe wemocte fâfârerâ maŋjahec eŋgopieŋ?  
\v 39 ši no nahac jâmbâŋ jukopac, ŋoŋe me kike-nane honeniŋ, ehuc ware bâuacnurâ hone-hâmocnuniŋ, no sahac biuc-nanehec, bawe jaŋe ijeŋichec aricne.”  
\v 40 Dâŋ iŋuc jazarâ, mejahecne â kike jahecne jowatuwec.  
\v 41 Eme jaŋe bujeŋic biaŋkeme dâŋticne mi mamana mâc wareckehuc ŋepie wio-jarerâ muwec:  
\v 42 “Nânâ-ŋeŋic moc fokac me?” Eme jaŋe opâ qowi šegoc šakicne moc râcnerâ  
\v 43 honehapie ro nâc ewec.   
\p
\v 44 Erâ šiŋuc jazawec: “No ŋoŋehec juhuc kecšiŋuc ŋaza jupac: `Mosere sâcmutâc dâŋqâhâcko â porofete jaŋere papiao â miti mânecko nore findaŋdâŋ qâreŋkekicne, i fârinehec efâreocmu. Ž ”  
\v 45 Eme miti papiao dâŋqâreŋ fokac irec fuŋne ritu-jarekume maŋjeŋic uŋtowec.  
\v 46 Ehuc jazawec, “Kristore šiŋuc qâreŋkekicne: `E šâic manaku hâmorâ šoaŋ jahec â moc eha hâmockonec ɋârerâ fahareocmu. Ž  
\v 47 Á šâŋe biŋe-ticne ŋic mâreŋ sâc jaŋerao rame maŋ bâbârisie â sâqocne mumutâmire fua raocte mukicne. Gie i Jerusalem haeo fuŋkerâ barazo.  
\v 48 Wiac irec mumutaniŋ ŋic ŋoŋe hâcne.  
\v 49 Erâ manaŋgopieŋ, Mamac-nanezi wiac biŋe qaŋarewec i sorepe waha-ŋareocmu. Irec ŋoŋe hae ši mi behehuc mâc woŋec juhapie faic irec tâpiri heŋarepe huzejec.”   
\s1 Jesuzi sambâŋko fewec  
\r (Maò 16: 19-20” Apo 1: 9-11)  
\p
\v 50 Eme haeonec jowac-jopa rarâ Betania hae mendâŋko fisirâ meticne sicnehuc jambuŋ-jopawec.  
\v 51 Jambuŋ-jopahuc behec-joparâ fewec.  
\v 52 Eme jaŋe bubiaŋ kâcɋene manahuc Jerusalem haeo risiembiŋ.  
\v 53 Risierâ taha ufuŋko hati jurâ ju ehuc Anutu muteŋkembiŋ.