\id JHN Johî, Kate, PNG, wwh 12/92 
\h JOHANE 
\toc1 Johane 
\toc2 Johane 
\toc3 Johane 
\mt1 JOHANE  
\ip Johane mamac-ticne šâŋene Zebedaio â neŋgoc-ticne Salome. Hahac-ticne šâŋene Jakobo. Jaŋe Galilaia mâreŋko jumbiŋ. Hahac ɋazi mamac-jekic bafickepire Genesarete riqicko qowi rojumbieŋ. Johane â Jakobo jahe Johane Miti Opâ fufuŋkezi fua tâcneme erao ra jupic. Eme eki juku motecfâcne Jesu jowatume jahe manarâ izia Jesurao rapic (Johane 1:37-40). I Judaia mâreŋko ekicne. Eme irecnec raku Galilaia mâreŋko fisirâ qowi gie mocwâc bahapire Jesu ijaha fisirâ hefârec-jofame jahe mamac-jekic â woke qowi beherâ Jesu bâjâpehuc jupic (Mareko 3:17). Johane â hahac-ticne jahe ŋic šocne fârone, irec dameŋ mocko Jesuzi Samaria ŋic jaŋerao sambâŋkonec šoc mume wahaocte âzâcnepic (Luka 9:54). Ʒoaŋ mocko neŋgoc-jekiczi Jesurao rarâ šiŋuc muhuc numucnewec: Juku Wofuŋ Sâko fua tâcnezokic dameŋ ira manatec ŋokâ jahec-nane gâjoŋgao ŋifec â ŋifec ŋezepirec (Mataio 20:20). Jesuzi motecfâcne Ŋafe Tiwâ gumec-jopawec ŋafe ira Johanezi Jesure maŋfuŋko ŋehuc qizec-ticne Jesure amecko fohorewec (Johane 13:25). Râsi jaŋe Jesu ropie motec gâcne hâbi gogoroŋ ejare-fâreme wisehapie Johane e mocjahazi Jesu bâjâperâ Hanasi ere sacmaŋko rašiwec, erâ wâc Goligata ferâ Jesure maripoŋ maŋfuŋnao domawec. Domahame Jesuzi neŋgoc-ticne Maria hone soŋaŋ ecneocte âzâcnewec (Johane 19:26). Jesu faharewec biŋene manarâ Johane e Petorohec gasackerâ šâŋeruŋko rapic (Johane 20:34). Eme juku Jesuzi motec gâcne Genesarete riqicko fua-jareme Johane eki hâcne biac šâŋitawec (Johane 21:7).  
\ip Jesu e sambâŋko fehame Johane â Petoro jahe babafic erâ miti gie bahuc jupic. Ehuc šoaŋ mocko ŋicpuriŋ moc taha ufuŋ motâcko ŋewec e bâpiaŋkepic (Aposolo 3). Erâ wâc Samaria mâreŋko mâmâc rarâ miti murâ numupire ŋic ŋokac jaŋerao Mâro wahawec (Aposolo 8). Eme Johane eki hâcne Jerusalem haeo Jesure kikefuŋ jumbiŋ jaŋere jâcne erâ juwec. Juku Jerusalem hae tuhutac fuame Johane e Efeso haeo rarâ juwec. Ehuc Paulo â Petoro jahe hâmopicte eki Asia mâreŋ masunao hae sâc miti mamana jumbiŋ jaŋe mamac ejarewec.  
\ip Efeso haeo juhame miti ŋic ŋokac jaŋe Johane numucnekupie Jesure binaŋ qâreŋkewec. Jesure motecfâc gâcne hâmo-fârehapie Johane e buc juhuc miti papia-ticne qâreŋkewec. Qâreŋkehuc Mataio â Mareko â Luka jaŋere dâŋ hâsine i papia-ticnao mi râewec. Aricne, i getâckehuc dâŋ furune gâcne fowec i qâreŋkewec. Jesuzi mâsi bawec irec binaŋ ŋic gâcnezi qâreŋkembiŋte i behehuc, mitidâŋ gâcne murawec i mana wosâerâ qâreŋkewec. Á mâsi â eebapa-ticne gâcne ine moc moc sawa mufuahuc ira iticnerâ Jesure mickonec dâŋ hukicne birine birine šuhuckewec. Ŋafeo roniŋte dameŋne maickeme Jesuzi motecfâcne mâzoc-jopahuc uŋdâŋ â miriŋdâŋ jazawec i â dâŋ gâcne gâcne i Johanezi qâreŋke-fârewec. Johanezi Jesure Biŋebiaŋ qâreŋkeme hatane moc fuawec irec fuŋne e jahac mufuakac, kecšiŋuc: “Qâreŋkekicne mac kecši ine šiŋucte qâreŋkekicne: Ŋoŋe wose manac erâ Jesu e Kristo, Anuture Ŋokâ, dâŋ i mana šakienšepieŋ, erâ e jahacne manasiŋkehuc šâŋe biŋe-ticnere erâ juju sanaŋhec enšepieŋ” (Johane 20:31).  
\ip Papia maŋnao dâŋ neŋgocne birine birine râe rakicne ine kecšiŋuc:  
\ip Gaŋ 1:1-18. Jesu e Anuture Micdâŋzi mâreŋko sahac biuhec fuawec. Dâŋ izi papia-ticnere mumušâwe dâŋ ekac.  
\ip Gaŋ 1:19-51. Johane Miti Opâ fufuŋkezi gie-ticne fuŋkehuc Jesure fuŋne mutaniŋkewec. Á Jesu e fuŋkerâ motecfâcne rocjopahuc fuŋne-ticne jazawec.  
\ip Gaŋ 2-12. Jesu e gie-ticne bahuc â miti muhuc Wofuŋ eri tatamac-ticnere fuŋne bataniŋkewec.  
\ip Gaŋ 13-17. Jesu e motecfâcne mâzoc-jopahuc sambâŋ tatamac-ticnere fuŋne mufua-jarehuc sambâŋ hata jaza jowatuc ewec.  
\ip Gaŋ 18-19. Jesu šâic mamana â hâmoc-ticnere binaŋ.  
\ip Gaŋ 20-21 Jesu e hâmockonec faharerâ motecfâcne fua-jarewec irec binaŋ gâcne.  
\c 1  
\s1 Jesu e Anuture Micdâŋ  
\p
\v 1 Micdâŋ e fuŋnao fuŋkerâ juwarehuc juwec. Erâ Micdâŋ e juju-ticne Anuturao foha juhuc juwec. Erâ Micdâŋ e Anutu jaha wâc juwec.  
\v 2 E hâcne fuŋnao Anutuhec jurâ juwarewec.  
\v 3 Erâ Micdâŋ e Anuture me wâc ehuc wiac sasawa bâfua-fârewec, â wiac fuawec i e tâmiric moc mi fuawec.  
\v 4 Erâ juju irec rune erâ juwec. Á juju-ticnezi ŋic tamae-jarewec.  
\v 5 Eme tatamaczi dapâcko tamaeme dapâczi guriŋkeocte eipiewec.   
\s1 Ŋic jaŋe Jesu âgo sâcne mi ecnembiŋ  
\p
\v 6 Ŋic moc fuarâ juwec šâŋene Johane.  
\v 7 Eki tatamacte biŋedâŋ mufuame ŋic mâmâc sasawa jaŋe tatamac rune manasiŋkeniŋte Anutuzi sorewec.  
\v 8 Johane e jahacne tatamac rune mi juwec, e mâc tatamac runere biŋe muwec.  
\v 9 Tatamac rune ŋic mâreŋ sâc batamaec-jopaekac, eki hâcne dameŋ ira mâreŋko fuarâ juwec.  
\v 10 E mâreŋko fufua i fuawec, erâ i sawa mâcne, mâreŋ i ekizia wâc bâfuawec, eme waharâ fuame mâreŋkonec ŋic jaŋe e sifu mi šâŋitambiŋ.  
\v 11 E jahacne me hofao fisihame gurufâc-ticne jaŋe âgo mi ecnembiŋ.  
\v 12 Á âgo ecnembiŋ jaŋe ine Anuture naru motecfâc eniŋte hata bâfua-jarewec, i šâŋe-ticne mana maŋ eeŋgopieŋ jaŋe hâcne iŋuc ejareekac.  
\v 13 Jaŋe soc biucte hatao mi fuambiŋ, erâ ŋic mumupaŋte wâc mâcne, jaŋe Anuturaonec fuambiŋ.   
\p
\v 14 Eme Micdâŋ e sahac biuchec fuarâ ŋondeŋ-nâŋecko ŋeŋe juju ewec. Eme nâŋe Wofuŋ qâreŋ-ticne honepene Mamacte ŋokâ jâmbâŋ mocjaha ere Wofuŋ qâreŋ ewec hâcne. E aki anonoc kadahe â dâŋ fâri qizecne bawahawec.  
\v 15 Fuŋne-ticne ine Johanezi mutaniŋkerâ hahaŋne bahuc kecšiŋuc muwec: “No ere hâcne ŋazapo, šâhec warekac e bâbâni juwec, eki no mi fuahape juwarehuc juwec hâcne.”  
\v 16 Nâŋe sasawa ere rowaŋkonec miti kadahe rorâ ro ehuc jumbeŋ.  
\v 17 Mose e sâcmutâc dâŋ nârewec, â Jesu Kristo eki ine aki anonoc â dâŋ fâri qizecne tahac-nâpowec.  
\v 18 Anutu e ŋic moczi moc mi honewec, Ŋokâ jâmbâŋ mocjaha, Mamacte bufuŋko juekaczi ine biŋe-ticne bawaharâ mufua-nârewec.   
\s1 Johane Miti Opâ fufuŋke ere dâŋ  
\r (Mat 3: 1-12” Maò 1: 7-8” Luë 3: 15-17)  
\p
\v 19 Jerusalem haeonec Judaŋic jaŋe taha bapa â taha ufuŋte kiŋaŋŋic sorec-jopapie Johanerao rarâ, go mo ŋic mo, muhuc wiocnepie fuŋne-ticne jazawec.  
\v 20 E fuŋne-ticne mi hesoŋkehuc mutaniŋkerâ kecšiŋuc jazawec: “No Kristo aricne.”  
\v 21 Mume jaŋe harierâ wiocnembiŋ, “Eme go mo, go Elia me?” Eme muwec, “No e aricne.” Eme mumbiŋ, “Go porofete-nâŋec me?” Mupie muwec, “Aricne.”  
\v 22 Eme jaŋe mumbiŋ: “Wiac go mo? Sorec-nâpopie warembeneŋ, ra weniŋuc jazanaŋmu? Go gahacnere weniŋuc muekic?”  
\v 23 Eme jazarâ muwec: “Porofete Jesajazi mu qâreŋ ewec, i norao sanaŋkekac. No biŋe mumu ŋic, mâreŋ tuhuo juhuc kecšiŋuc muekopac: `Wofuŋte hata bâšâweniŋ!”  
\v 24 Ŋic Johanerao fisimbiŋ i jaŋe farisaio jaŋere guruonec.  
\v 25 Irec mocwâc indiŋkerâ mumbiŋ: “Go Kristo aricne, â Elia aricne, â porofete aricne, eme wemocte ŋic Miti Opâ rua-jareekic?”  
\v 26 Mupie Johanezi šiŋuc jazawec: “Noni ŋic opâ sawa rua-jareekopac, â ŋondeŋ-ŋeŋicko moc fuawec jukac, ŋoŋe e mi hone taraeŋgopieŋ,  
\v 27 eki hâcne râpefuŋ-naneo warehuc jukac, e sâko no iŋucne maczi mafahe decnepe mi sâckeocmu.”  
\v 28 Wiac i Betania haeo Jordaŋ ocniŋucnao fuawec. Ira hâcne Johanezi juhuc ŋic Miti Opâ rua-jarewec.   
\s1 Johanezi Jesure fuŋne jazawec  
\p
\v 29 Hae fureme Jesuzi Johanerao rame taicko honerâ ŋic šiŋuc jazawec: “Honeniŋ, kecocni Anuture lama, eki mâreŋ sâc ŋic sâqocne-jeŋic fainao feme âsickekac.  
\v 30 Ere hâcne kecšiŋuc ŋazapo: `šâhec warekac, e bâbâni juwec, eki no mi fuahape juwarewec. Ž  
\v 31 No nahac mârâc e mi hone tarapo. Israe ŋic ŋoŋe biŋe-ticne ŋazape mananiŋte hâcne fisirâ Miti Opâ fuŋkepo.”  
\v 32 Johane e iŋuc murâ muwec: “No Mârozi hapâ hawario sambâŋkonec waharâ fai-ticnao herâ ŋeme honepo.  
\v 33 No nahac mârâc mi hone tarahape Miti Opâre munareweczi šiŋuc nazawec: `Mâro waharâ fai-ticnao herâ ŋeme honecmu eki ŋic Tiri Mâro rua-jareocmu. Ž  
\v 34 No i hâcne honepore fuŋne-ticne kecšiŋuc mupo: `Eki hâcne Anuture Ŋokâ. Ž ”   
\s1 Ŋic tucne jaŋe Jesu bâfuambiŋ  
\p
\v 35 Hae fureme Johane erâ motecfâcne jaŋeraonec jajahec mâreŋ ijaha domambiŋ.  
\v 36 Domahapie Jesu e ijaha fotâcneme honerâ motec jasarâ muwec: “Honenic, Anuture lama kecocni.”  
\v 37 Mume jahe dâŋ i manarâ Jesure râpefuŋko rapic.  
\v 38 Rapire Jesuzi forisierâ honec-jofarâ muwec” “Ŋohe wemocte warekopirec?” Eme jahe mupic: “Rabi (nâŋâcne dâŋko: Qaqazu), go fic wena jukomec?”  
\v 39 Eme šiŋuc jasawec: “Ware honenic.” Mume jahe bâjâperâ fic honerâ šoaŋ gie bapa ira juweckoa jupic. I šoaŋ otewezo eha iŋuc epic.  
\v 40 Johanere dâŋ manarâ Jesu bâjâpepic moc šâŋene Anderea, Simoŋ Petoro ɋaticne.  
\v 41 Eme eki biac hahac-ticne Simoŋ bâfuarâ šiŋuc âzâcnewec: “Nâhe Mesia (Kristo hâcne(c) bâfuakoperec.”  
\v 42 Iŋuc murâ Jesurao jowame rapic. Eme Jesuzi honerâ muwec: “Go Simoŋ, Johanere ŋokâ, gore šâŋe Kefa mukopac” (nâŋâcne dâŋko: Haroŋaŋ).   
\p
\v 43 Hae fureme Jesu e Galilaia mâreŋko raocte šawierâ Filipo bâfuarâ âzâcnewec, “Go bâjâpecnuc.”  
\v 44 Filipo e Besaida haeonec, Anderea â Petoro jahe hae irecteaŋ.  
\v 45 Eme Filipozi Natanae bâfuarâ šiŋuc âzâcnewec: “Mose e sâcmutâc dâŋqâhâcko findaŋdâŋ-ticne qâreŋkewec, â porofete jaŋe wâc qâreŋkembiŋ, ŋic e hâcne bâfuaŋgopeneŋ, Jesu, Josefere ŋokâ, Nazarete haeonec.”  
\v 46 Eme Natanaezi dâŋ šiŋuc bâtikiecnewec: “Nazarete haeonec wemo wiac bipinehec fuaocmu?” Mume Filipozi šiŋuc âzâcnewec: “Murâ ware honec.”  
\v 47 Eme Natanaezi Jesurao ra fisime honerâ muwec, “Honeniŋ, ŋic kecizi Israe ŋic fârine, maŋticnao sioc moc mi fokac.”  
\v 48 Iŋuc mume Natanaezi wiocnerâ muwec: “Go wena jupe honecnumeŋ?” Eme Jesuzi muwec, “Filipozi mi hefârecguhame nemuja fuŋko ŋetec honecgupac.”  
\v 49 Mume Natanaezi šiŋuc âzâcnewec: “Qaqazu, go jâmbomac Anuture ŋokâ, Israe ŋic nâŋere ŋicwofuŋ.”  
\v 50 Eme Jesuzi muwec: “Nemuja fuŋko ŋemec i mufua-garepe manasiŋnukomec, manakic, hone manac ekomec ši susucne sawa, fâri ombâŋne miŋecnea hone manac erahuc jucmu.”  
\v 51 Iŋuc murâ muwec, “No jâmbomac jâmbâŋ ŋazape: Ŋoŋe sambâŋ aŋkeme Anuture aŋelofâc jaŋe Ŋic Fâri Wâtuŋne erao fec wahac epie honec-jopaniŋmu.”   
\c 2  
\s1 Jesuzi mume opâzi waiŋ ewec  
\p
\v 1 Gie bapa jajahec tarame Kana haeo Galilaia mâreŋko ŋic ŋokac jajahec muturec-jofaniŋte irec tiwâ bâzi qapie fisiwec.  
\v 2 Ehuc Jesu neŋgoc-ticne erâ e jahacne â motecfâc-ticne mâmâc hefârec-jopapie fisimbiŋ.  
\v 3 Eme tumaŋnerâ bâzihec waiŋ nâpie šickeme Jesu neŋgoc-ticnezi e âzâcnerâ muwec: “Waiŋ-jeŋic omaekac.”  
\v 4 Mume Jesuzi šiŋuc âzâcnewec: “Ŋokac, i nâhâcne wiac me? Dameŋ-nane miŋecnea maickeocmu.”  
\v 5 Eme neŋgoc-ticnezi kiŋaŋ qaqa šiŋuc jazawec: “Wiac mocte ŋazame enšepieŋ.”  
\v 6 Eme fic ira opâ pake 6 ŋewec. Judaŋic jaŋe me sahac-jeŋic gâbâ šure jumbieŋte fic sâc opâ pake iŋuc ŋerawec. Pake i piticne mâcne, kâcɋene sâko.  
\v 7 Eme Jesuzi kiŋaŋ qaqa šiŋuc jazawec: “Ŋoŋe opâ fiarâ pakeo qapie huoc.” Eme jaŋe iŋuc erâ opâ qapie hurâ pake micnao qafârewec.  
\v 8 Iŋuc epie šiŋuc jazawec: “Ŋoŋe tucne fiarâ nânâ soŋaŋtao baraniŋ.”  
\v 9 Eme jaŋe fiarâ barahapie opâzi waiŋ eme nânâ soŋaŋzi nâhonerâ kâuc bawec. Kiŋaŋ motec opâ fiarâ pakeo qapie huwec jaŋe sawazi waiŋte fuŋne mana tarambiŋ. Eme nânâ soŋaŋzi ŋic ŋokac bawec, e hefârerâ  
\v 10 šiŋuc âzâcnewec: “Qanaŋ waiŋ aŋacne gumec-jopapene nâkupie maŋjeŋic bibiriwazo eme šâhec waiŋ oomane gumec-jopaeŋgopeneŋ, hata-nâŋec iŋuc fokac. Go ine qac qâtikic ehuc aŋacne hefacketec ŋeku šâhec fuakac.”   
\p
\v 11 Jesu e Kana haeo Galilaia mâreŋko ira hâcne mâsi bapa gie-ticne fuŋkehuc Wofuŋ qâreŋ-ticnere foŋ bararuŋkewec. Eme motecfâcne jaŋe honerâ e manasiŋkembiŋ.   
\s1 Jesu e taha ufuŋ furu muwec  
\r (Mat 21: 12-13” Maò 11: 15-18” Luë 19: 45-46)  
\p
\v 12 Eme Jesu e Kana haeonec Kafanaum haeo rame neŋgoc ɋafâc-ticne â motecfâc-ticne mâmâc bâjâperâ rafârembiŋ. Eme ira boc mi jumbiŋ.  
\v 13 Judaŋic aakic hombaŋ-jeŋic bembeŋkewecte Jesuzi Jerusalem haeo rafewec.  
\v 14 Eme taha ufuŋ šuhucnao lama bulimakao â hapâ wiac badomahuc nareŋ gareŋ embiŋ, ehuc irec moneŋ teboo wose biric embiŋ.  
\v 15 Iŋuc epie Jesuzi honec-joparâ repa mizeme šika eme ŋic mecne lama bulimakao mecne jâpec-jopame wisepie moneŋ tie-jarerâ irec tebo herândiŋkewec.  
\v 16 Erâ hapâ badomambiŋ jaŋe šiŋuc jazawec: “Ŋoŋe Mamac-nanere ficko wiac kosa mi epie situâc fic ezejec.”  
\v 17 Jesu e iŋuc eme motecfâcne jaŋe miti papiao dâŋqâreŋ kecšiŋuc fokac irec manasumbiŋ: “Gore ficte erâ bunane šoc šarâ šâfitacnukac.”  
\v 18 Eme Judaŋic jaŋe wiocnerâ mumbiŋ: “Go iŋuc ekomeczi wemo mâsi moc bahuc fuŋnege bataniŋke-nârecmu?”  
\v 19 Eme micjeŋicko rorâ šiŋuc jazawec: “Ŋoŋe taha ufuŋ kecši heropiepie noni šoaŋ jahec â moc eha mocwâc bâzickepemu.”  
\v 20 Iŋuc muhuc jazame mumbiŋ, “Kâcɋenefâc-nâŋec jaŋe taha ufuŋ ši jara 46 baku bâzickembiŋ, eme goki šoaŋ jahec â moc sawa ira bâzickezo mukomec me?”  
\v 21 Jesu eki ine sahac-ticnere ufuŋko ɋetickehuc muwec.  
\v 22 Juku hâmockonec ɋârerâ fahareme motecfâcne jaŋe dâŋ i manasumbiŋ. Ehuc ufuŋte muwec, â miti papiao ere dâŋ gâcne mukicne, irec mâmâc manapie fârine eha mana šakiembiŋ.   
\p
\v 23 Jesu e aakic hombaŋko Jerusalem haeo juhuc fuŋne qaqa mâsi bame ŋic bocjahazi honerâ šâŋe-ticne mana sakac embiŋ.  
\v 24 Jesu e jahac ine ŋic hone tarac-jopa-fârewecte jaŋerao mi fohorewec.  
\v 25 E ŋic mocte fuŋne manaocte gâcne mu indiŋ mi ejarewec, e jahaczia ŋic maŋjeŋic hone šâŋitac ejare-fârewec.   
\c 3  
\s1 Nikodemo ere binaŋ  
\p
\v 1 Farisaio ŋic jaŋere âgo moc juwec šâŋene Nikodemo. E Judaŋic jaŋere micne sâko wâc juwec.  
\v 2 Ŋic eki hâcne Jesu ŋafeo iqickerâ šiŋuc âzâcnewec: “Qaqazu, nâŋe fuŋnege manaeŋgopeneŋ, go qaqazu fârinezi Anuturaonec wahameŋ, go mâsi baekic i ŋic moczi Anutu tâmiric juhuc bapane mi ekac.”  
\v 3 Mume Jesuzi šiŋuc âzâcnewec: “No jâmbomac jâmbâŋ gazape: Moc e harierâ fufua ɋâricne mi fuaocmuzi Anuture uucmaŋ sâcne mi bâfuaocmu.”  
\v 4 Eme Nikodemozi muwec, “Hâc, moc e kâcɋeŋkekicnezi fufua ɋâricne weniŋuc fuaocmu, wemocko neŋgoc bumaŋko mocwâc hume hâsine roocmu?”  
\v 5 Mume Jesuzi šiŋuc âzâcnewec: “No jâmbomac jâmbâŋ gazape: Moc e Opâ â Mârore kiwecko ɋâricne mi fuakicnezi Anuture uucmaŋko sâcne mi rašiocmu.  
\v 6 Ŋickiwecko fuakicnezi ŋic hawari jaha, Mârore kiwecko fuakicnezi Mârore hawari jaha.  
\v 7 Ŋoŋe fufua ɋâricne fuaniŋte mupe go manatec mi quŋkeoc.  
\v 8 Mâŋâŋ e kosa qaekac, eme go fânâŋ-ticne i manaekic, â fuŋne wenirec fuŋkerâ wareekac, â wena rataraekac, ine mi manaekic. Eme moc e Mârore kiwecko fuakicne, e fuŋne-ticne iŋucnea fokac.”  
\v 9 Mume Nikodemozi dâŋ šiŋuc bâtikiecnewec: “I weniŋuc erâ iŋuc ezo?”  
\v 10 Mume Jesuzi šiŋuc âzâcnewec: “Go Israe ŋic jaŋere qaqazuzi irec kâuc bakomec me?  
\v 11 No jâmbomac jâmbâŋ gazape: Nâŋe wiac hone manac eeŋgopeneŋ ijaha ŋaza mutâc eeŋgopeneŋ, eme ŋoŋe ine dâŋnâŋec qikiŋneeŋgopieŋ.  
\v 12 Wiac mâreŋko fufuane irec mac ŋazape sifu mi mana šakieeŋgopieŋ, eme wiac sambâŋko fufuane irec ŋazape wemo-ŋeŋiczi mana šakieniŋmu?  
\v 13 Ŋic moczi sambâŋko moc mi fewec, Ŋic Fâri Wâtuŋne, sambâŋkonec wahawec, e mocjahazi sambâŋko wâc juekac.   
\p
\v 14 “Mose e mârâc jaha mâreŋ sawao homa bâfeŋnewec, iŋuc jaha Ŋic Fâri Wâtuŋne e bâfeŋnezo mukicne.  
\v 15 Eme e manasiŋkeniŋmu jaŋe juju sanaŋ bâfuaniŋmu.  
\v 16 Anutu e ŋic ŋoŋere mo iŋucne ecnewecte Ŋokâ jâmbâŋ-ticne mocjaha e râe qikiŋ ecnewec. Eme e manasiŋkeniŋmu jaŋe moc mi sipirickehuc ju ju sanaŋ bâfuaniŋmu.  
\v 17 Ŋokâ e ŋic jaŋere kiŋ bataraocte mâcne, ŋic bâpiaŋ-jopaocte Anutuzi soreme wahawec.  
\v 18 Moc e Ŋokâ manasiŋkekaczi okacnere biŋe mi ekac. Á moc e Ŋokâ mi manasiŋkekaczi ine biac okacnere biŋe ekac. Wemocte? E Anuture ŋokâ jâmbâŋ mocjaha ere šâŋe mana maŋ mi ekac irec.  
\v 19 Okacnere fuŋne šiŋuc fokac: Tatamaczi ŋic maic-jopame jaŋe tatamac bâsuerâ dapâcte wosâembiŋ, juju bapa-jeŋic sâqocnere iŋuc hâcne embiŋ.  
\v 20 Moc e sindaŋ eocmuzi tatamac râpeckeocmu, juju bapa-ticnere fuŋne jaŋgeŋkezacte wemocko tatamacko fua taniŋ eocmu.  
\v 21 Moc e dâŋ fâri qizecne reŋkeocmuzi ine tatamac maickeocmu, eme eebapa-ticne Anuture micdâŋte sâcko ekicne irec fuŋne taniŋkeocmu.”   
\s1 Johanezi Jesure fuŋne mutaniŋkewec  
\p
\v 22 Eme juku Jesu e motecfâcne rocjopame Jerusalem hae beherâ Judaia qaŋeŋnaopec ra jumbiŋ. Ira jaŋehec juhuc ŋic opâ rua-jarewec.  
\v 23 Johane e mâreŋ moc šâŋene Ainoŋ, Salim haeopec juhuc iŋuc jaha Miti Opâ gie bawec, ira opâ bocjaha fowecte ŋic jaŋe fisipie rua-jarewec.  
\v 24 Johane e dameŋ ira kâpâcwâru ficko mi ŋekicne.   
\p
\v 25 Eme Judaŋic moczi Johane motecfâc-ticne jaŋehec opâ ruruare mu qaqatarac embiŋ.  
\v 26 Eme motec jaŋe Johanerao rarâ šiŋuc âzâcnembiŋ: “Qaqazu, go Jordaŋ ocniŋucnao juhaŋtecne ŋic moc bâfuacgume fuŋne-ticne mujaŋgeŋkerâ nâzâmeŋ, eki dameŋ šiŋuczia ŋic opâ rua-jareme erao rafâreŋgopieŋ.”  
\v 27 Mupie Johanezi šiŋuc jazawec: “Ŋic moc e sambâŋ runezi wiac râcne tahac mi ehame e jahac wemocko kâŋgâc roocmu.  
\v 28 No kecšiŋuc muhuc ŋazapo i wemocko mickeniŋmu, `No Kristo aricne, no biŋe mumu-ticne sawa. Ž  
\v 29 Ŋokac biŋe mucnekicne eki hâcne ŋokac rune. Eme ŋokac bahuc šeri kâcɋene šeri eme âgo-ticnezi manarâ bafickehuc bubiaŋ sâko bâfuaocmu wâc. Bubiaŋ i hâcne manapemurâ dameŋne maickekac ši.  
\v 30 Eki fua fehame noni pitiwazepac.  
\v 31 Faicnec wahaweczi qâhuc-nâpo-fârekac. Moc e mâreŋkonec fuakicnezi mâreŋte biŋe ekac â mâreŋkopec dâŋ muekac. Á sambâŋkonec wahaweczi ine qâhuc-nâpo-fârekac.  
\v 32 Eki wiac hone manac ewec irec dâŋ biŋe muekac. Mume ine ŋic jaŋe dâŋticne qikiŋneeŋgopieŋ.  
\v 33 Á dâŋticne mana maŋ ekac e Anutu mume sasanaŋ jukac dâŋ i dopeckekac.  
\v 34 Anutuzi ŋic sorewec eki Anuture dâŋ jaha muekac. Ŋic iŋucne e Anutuzi Mâro sâc tâmiric qikiŋnecneekac.  
\v 35 Mamac e Ŋokâ hone ririŋkehuc ere meo wiac sasawa râe-fârewec.  
\v 36 Moc e Ŋokâ manasiŋkeocmu e juju sanaŋ šiŋuczia fuacnekac, â moc e Ŋokâre dâŋ bâsuehuc juocmuzi juju sanaŋ mi bâfuaocmu. Iŋucnere faio Anuture kimbeŋ feweczi foocmu.”   
\c 4  
\s1 Jesu e Samaria mâreŋkonec ŋokac moc dâŋ âzâcnewec  
\p
\v 1 Farisaio jaŋe Jesure šiŋuc manambiŋ: “Eki motec rocjoparâ opâ rua-jareekac, i Johanere gurufâc jowaruŋgopieŋ.”  
\v 2 Dâŋ i mâc mumbiŋ, Jesu e jahac ŋic opâ mi rua-jarewec, motec jaŋe mume rua-jarembiŋ.  
\v 3 Eme Wofuŋzi dâŋ iŋucne manarâ Judaia mâreŋ beherâ Galilaia mâreŋko risie rawec.  
\v 4 Rahuc Samaria mâreŋ fotâcnewec.  
\v 5 Fotâcnehuc Samariare hae moc šâŋene Sika ira fisiwec. Hae i Jakobozi ŋokâ-ticne Josefe mâreŋ qikiŋnecnewec irec mendâŋko ŋewec.  
\v 6 Eme ijaha Jakobore opâ nombâŋ fowec wâc. Eme Jesu e ira guŋpiticko fisirâ betaŋkerâ nombâŋmecko waha ŋemanawec.   
\p
\v 7 Ŋehame Samaria ŋokac moczi opâ fiaocte fisiwec. Fisime Jesuzi šiŋuc âzâcnewec: “Go opâ moc gumecnuc.”  
\v 8 Motecfâcne jaŋe nânâ furine baniŋte haeo fehapie Jesu buc ŋehuc ŋokac opâre âzâcnewec.  
\v 9 Âzâcneme ŋokac e muwec, “Go Judaŋiczi weniŋuc erâ Samaria ŋokac norao opâre mukic?” Judaŋic â Samaria ŋic jaŋe bâtâcko jujumbieŋte ŋokac e iŋuc muwec.  
\v 10 Eme Jesuzi šiŋuc âzâcnewec: “Go Anutu jauŋ-ticnere fuŋne â opâre gazakopac nore fuŋne mâmâc kâuc bakic. Mana tararâ muzac numu-naretec opâ fifisine garezapo.”  
\v 11 Mume ŋokaczi šiŋuc âzâcnewec: “Bomboŋ, opâ nombâŋ i šoricne, erâ go opâ fifiage aricnere opâ fifisine wenirec fiacmu?  
\v 12 Mimiŋne-nâŋec Jakobo e opâ nombâŋ ši rowec. Erâ e jahacne â ŋokâfâcne â lama bulimakaofâc-ticne jaŋe opâ ši jaha nâhuc jumbiŋ. Goki Jakobore sâc i jâuruhuc opâ moc bâfuacmu?”  
\v 13 Iŋuc mume Jesuzi šiŋuc âzâcnewec: “Opâ ši gapecne tâmiric, irec i hati nârâ nâ ehuc juzo,  
\v 14 â nore opâ ine gapecnehec, moc e i nâocmu, e opâre mocwâc mi hâmohuc mâc jurašihuc juocmu. Noni opâ i ŋic moc râcnepe maŋticnao opâ šâŋe bâfuacneme juju sanaŋte šâkâŋko rahuc domaocmu.”  
\v 15 Mume ŋokaczi šiŋuc muwec: “Bomboŋ, go opâ i naretec nârâ opâre mocwâc mi hâmozepac, ehuc šira gâbâ ware fiahuc domaekopac i behezepac.”   
\p
\v 16 Iŋuc mume Jesuzi šiŋuc âzâcnewec: “Ra ŋowege jowatec warenic.”  
\v 17 Eme ŋokaczi muwec, “No ŋowe-nane aricne.” Mume Jesuzi muwec, “Go ŋowege aricne, i sâcne mukomec”  
\v 18 go ŋic memoc ba behec ejaremeŋ, â šiŋuczia bakomec e gore ŋowe aricne, irec go dâŋ jâmbomac mukomec.”  
\v 19 Mume ŋokaczi šiŋuc âzâcnewec: “ŋicbomboŋ-nane, no miŋecne manakopac, go porofete.  
\v 20 Irec mutec manape: Kâcɋenefâc-nâŋec jaŋe tiki kecšira Anutu mai ecne jumbieŋ, â Judaŋic ŋoŋe ine Jerusalem haeoa Anutu mai ecnezo, iŋuc mueŋgopieŋ.”  
\v 21 Eme Jesuzi šiŋuc muwec: “Ŋokac, no gazape manac: Dameŋ moc bembeŋkekac, i maickeme ŋoŋe Mamac mai ecneniŋmu i tiki kecšira mâcne â Jerusalem haeo wâc mi eniŋmu.  
\v 22 Ŋoŋe kâuc bahuc mai ecneeŋgopieŋ, nâŋe ine mana tarahuc mai ecneeŋgopeneŋ. Bâbâpiaŋ i Judaŋic nâŋeraonec.  
\v 23 Dameŋ moc maickeocmu erâ ši biac maickekac hâcne, ira kikefuŋfâc-ticne fârine jaŋe maŋzi â dâŋ fâri qizecnere sâcko Mamac mai ecneniŋmu. Mamac e ŋic iŋucne jaŋere ecneekac.  
\v 24 Anutu e Mâro fuŋgâtâne, irec e mai ecneeŋgopieŋ ŋoŋe Mâro â dâŋ fâri qizec jahere ŋesiŋko mai ecnenšepieŋ.”  
\v 25 Mume ŋokaczi šiŋuc âzâcnewec: “No manakopac, Mesia fuaocte mukicne, šâŋene moc Kristo, eki fuarâ wiac sasawa mu bataniŋ enâreocmu.”  
\v 26 Eme Jesuzi âzâcnewec: “Dâŋ gazakopac, no hâcne ši.”   
\p
\v 27 Iŋuc muhame motecfâcne fisimbiŋ. Fisirâ ŋokachec muc manac ewec irec wareckembiŋ. Erâ wemo wiacte dâŋ âzâcnekomec, me weniŋucte âzâcnekomec, iŋuc muhuc wiocneniŋte manapie quŋkeme behembiŋ.  
\v 28 Eme ŋokac e opâ râqâc-ticne beherâ haeo gasacke rarâ ŋic šiŋuc jazawec:  
\v 29 “Ŋoŋe warerâ ŋic moc honeniŋ, eki epo bapo irec dâŋ mutaniŋke-nare-fârekac. E Kristo wiac moc?”  
\v 30 Eme haeonec waharâ Jesurao fisi-fârembiŋ.   
\p
\v 31 Eme motec jaŋe šiŋuc âzâcnembiŋ: “Qaqazu, nânâ nâc.”  
\v 32 Mupie jazawec, “Nânâ fuŋmoc fonarekac, i ŋoŋe mi manaŋgopieŋ.”  
\v 33 Iŋuc mume motec jaŋackoaŋ nazaŋ gazaŋ erâ mumbiŋ: “Moczi moc nânâ bafisirâ râcnembieŋ me?”  
\v 34 Mupie muwec, “Sorecnuwec ere mic reŋkehuc gie-ticne baku babatara izi nânâ-nane ekac.  
\v 35 Ŋaŋac šiŋuc mueŋgopieŋ: `Mosa 4 tarame nânâ fârine fuaocmu. Ž Á noni ine ŋazape mananiŋ: Ŋoŋe qâhâŋnerâ šâŋe fihuc gie honeniŋ, nânâ fârine fufua dameŋ šine hâcne maickekac.  
\v 36 Ro qânusuc gie baocmuzi furine roocmu, â fârinezi ju ju sanaŋte biŋe eocmu. Eme he sarac ewec â fârine rome fewec jahe mâmâc babafic erâ šeri enicmu.  
\v 37 Ehame dâŋ kecši sanaŋkeocmu: `Moczi he sarac eekac, â moczi fârine rome feekac. Ž  
\v 38 Noni ŋoŋe he sarac mi embiŋko fârine ropie feocte sorec-ŋopakopac. Gie i gâcnezi bapie fuawec eme ŋoŋe mâc rauckeŋgopieŋ.”   
\p
\v 39 Eme Samaria ŋokac e haefâc-ticne šiŋuc jazawec: “Wiac epo bapo i mutaniŋke-nare-fârejec.” Eme dâŋ irec bocjahazi Jesu manasiŋkembiŋ.  
\v 40 Irec Jesurao fisirâ jaŋehec juocte hefârembiŋ. Eme Jesuzi mana-jarerâ šoaŋ gie bapa jajahec jaŋere haeo juwec.  
\v 41 Eme miti jazame bocjaha jâmbâŋzi mana šakiembiŋ.  
\v 42 Ehuc ŋokac šiŋuc âzâcnembiŋ: “Qanaŋ gore dâŋ binaŋte erâ manasiŋkembeneŋ, ši ine nâŋe nâŋâc micticnaonec dâŋ manarâ šiŋuc manapaŋkeŋgopeneŋ: Eki jâmbomac mâreŋ sâc ŋic nâŋâcne Bâbâpiaŋ.”   
\s1 Jesuzi motec moc hucticne bâniniŋkewec  
\p
\v 43 Eme Jesu e jaŋehec gie bapa jajahec jurâ Galilaia mâreŋko rawec.  
\v 44 Jesu e jahac qanaŋ šiŋuc mufuawec: “Porofete moc e jahacne hae mâreŋko jume sâcne mi sâseniŋmu.”  
\v 45 Eme Galilaia mâreŋko rafisime Galilaia ŋic jaŋe âgo ecnembiŋ. Ine jaŋe juwicnao mâmâc Jerusalem haeo rarâ aakic hombaŋko gie bame honembiŋte iŋuc ecnembiŋ.   
\p
\v 46 Eme Kana haeo Galilaia mâreŋko mârâc mume opâzi waiŋ ewec ira hâcne mocwâc risiewec. Eme Kafanaum haeo kia moc juwec, e ŋokâ-ticne hucsâko bame fowec.  
\v 47 Eme Jesu e Judaia mâreŋkonec risierâ Galilaia mâreŋko mocwâc ware fisikac, iŋuc mupie manarâ kia e Kana haeo Jesurao rarâ ŋokâ-ticne hâmozo ehuc fowec irec jowame ranicte numucnewec.  
\v 48 Eme Jesuzi šiŋuc âzâcnewec: “Ŋoŋe mâsi â wiac šâŋe furu-ŋeŋic sawa honerâ dâŋnane mana šakieeŋgopieŋ.”  
\v 49 Eme ŋiczi muwec: “Wofuŋ, ŋokâ-nane hâmozacte biac fâzemec.”  
\v 50 Mume Jesuzi šiŋuc âzâcnewec: “Go mâc rac, ŋokâge ɋiɋic qakac.” Eme ŋic e Jesure dâŋ mana šakiehuc risie rawec.  
\v 51 Ehame motec jaŋe kiŋaŋ warerâ šiŋuc âzâcnembiŋ: “Ŋokâge ɋiɋic qajec jukac.”  
\v 52 Mupie ɋiɋic qawec dameŋ irec mu indiŋ ejareme mumbiŋ: “Jacne šoaŋ šâšâŋiŋ ŋehame ira hucticne âke niniŋkejec.”  
\v 53 Iŋuc mupie ŋiczi fuŋne kecšiŋuc manawec: Dameŋ ira hâcne Wofuŋzi sorecnuhuc mujec, “Ŋokâge ɋiɋic qakac.” Eme e jahacne â garikiŋfâc-ticne Jesu manasiŋke-fârembiŋ.  
\v 54 Jesu e Judaia mâreŋkonec Galilaia mâreŋko risierâ fuŋne qaqa mâsi i bame jajahec ewec.   
\c 5  
\s1 Jesu e Betesida riqicko ŋic moc ɋiɋicne bawec  
\p
\v 1 Juku Judaŋic jaŋere hombaŋ sâko moc maickeme Jesu e Jerusalem haeo rafewec.  
\v 2 Eme Jerusalem haeo Lama Motâcko riqic moc ŋewec šâŋene Betesida Ere mecnao fic memoc ŋerawec.  
\v 3 Fic ira ŋic huchec â tiŋtuŋ â šeke puriŋ â soc kekereŋhec bocjaha fombiŋ, [ehuc opâ qiriŋ qaocte woŋeckembiŋ”  
\v 4 Wofuŋte aŋelo moczi dameŋ ocŋondeŋ sâc riqicko waharâ opâ qâuawec” qâuahame moczi bâbâni opâo huwec e huc ecnewec i niniŋkecneme ɋiɋic qawec.Ý  
\v 5 Eme moc fowec e puriŋ ecnehuc juhame jara 38 ewec.  
\v 6 Eme Jesuzi ŋic e honerâ dameŋ šora fohuc jukac, iŋuc manarâ wiocnerâ muwec: “Go ɋiɋic qacmurâ egarekac me?”  
\v 7 Eme puriŋzi muwec, “Bomboŋ, mo ŋic mo junarekaczi opâ qiriŋ qaha riqicko râecnuzac? Á no nahac huzo mupe ine moczi biac âkehocnurâ huekac.”  
\v 8 Mume Jesuzi šiŋuc âzâcnewec: “Go faharerâ fofoge rorâ rac.”  
\v 9 Mume izia sahac-ticne biaŋkeme faharerâ fofo-ticne ameckerâ rawec. Ʒoaŋ ira ine sabata hombaŋ ŋembiŋ.   
\p
\v 10 Irec Judaŋic jaŋe ŋic ɋiɋic qawec e šiŋuc âzâcnembiŋ: “Miŋecgac hombaŋko fofoge hâpokomec i mi eene.”  
\v 11 Mupie šiŋuc jazawec: “Bâpiaŋnukaczi šiŋuc naza sorec ekac: `Fofoge rorâ rac. Ž ”  
\v 12 Mume wiocnerâ mumbiŋ, “Fofoge rorâ rac gazajec ŋic e šâŋene mo?”  
\v 13 Mupie ŋic biaŋkeweczi kâuc bawec. Jesu e ŋicguru ira domambiŋ jaŋere ŋondeŋko kamierâ rawec.  
\v 14 Izi šâhec Jesuzi ŋic e taha ufuŋko bâfuarâ uŋ šiŋuc âzâcnewec: “Go sahacge biaŋkejec, eme wiac ŋemâc bâmâcne jâmbâŋ fua-garezacte sâqocne mocwâc mi bazemec.”  
\v 15 Eme ŋic e Jesu hone tararâ ra Judaŋic šiŋuc jazawec: “Ŋic bâpiaŋnukac šâŋene Jesu.”  
\v 16 Jesu e sabata hombaŋko gie iŋucne bawecte Judaŋic jaŋe râsi ecnembiŋ.  
\v 17 Epie Jesuzi šiŋuc jazawec: “Mamac-nane e gie šušuhuc jaha baekac, eme noni iŋuc jaha wâc eekopac.”  
\v 18 Eme Jesu e sabata hombaŋ hesifuckewec â Anuture Mamac-nane muhuc Anuture sâcko šuhuckewec, Judaŋic jaŋe wiac jajahec irec erâ mana gâpârerâ qaniŋte mumbiŋ.   
\s1 Jesu e bâɋârec-nâporâ okacnere dâŋ mutara-nâreocmu  
\p
\v 19 Eme Jesuzi dâŋ šiŋuc jazawec: “No jâmbomac jâmbâŋ ŋazape mananiŋ, Ŋokâzi maŋticnere sâcne gie mi baekac, Mamaczi bame sâc honehuc baekac. Eki baekac ijaha Ŋokâzi baekac.  
\v 20 Mamac e Ŋokâ honebâckeekacte gie baekac sâc jâutu-fâreekac, erâ gie ši honeŋgopieŋ sawa mâcne, fekicne sâko jâutume ŋoŋe honerâ wareckeniŋmu.  
\v 21 Mamac e hâmokicne wiwic-joparâ bâɋârec-jopaekac, iŋuc jaha Ŋokâzi e me e bâɋârezo murâ bâɋâreocmu.  
\v 22 Erâ Mamac e ŋic okacnere dâŋ mi mutara-jareekac, gie i Ŋokâre meo râewec.  
\v 23 Eme ŋic jaŋe Mamac sâseeŋgopieŋ iŋuc jaha Ŋokâ sâsenšepieŋ. Moc e Ŋokâ mi sâseocmuzi, Ŋokâ sorewec, Mamac hâcne, e iŋuc jaha mi sâseocmu.  
\v 24 No jâmbomac jâmbâŋ ŋazape mananiŋ: Moczi nore dâŋ mana maŋ ehuc, sorecnuwec e manasiŋkeocmu, ŋic e šiŋuczia juju sanaŋhec ekac. E okacnere biŋe mi ee hâmoc râpeckerâ jujuo rašiwec jukac hâcne.  
\v 25 No jâmbomac jâmbâŋ ŋazape mananiŋ: Dameŋ moc maickeocmu, erâ ši biac maickekac hâcne, ira hâmokicnezi Anutu Ŋokâ-ticne ere dâŋ manarâ ɋârerâ juniŋmu.  
\v 26 Mamac e jujure fuŋqizecne, eme Ŋokâ e iŋuc jaha jujure fuŋqizecne eocte qikiŋnecnewec  
\v 27 Erâ e Ŋic Fâri Wâtuŋne jukacte ŋic,okacnere dâŋ mutara-jareocte mucnewec.  
\v 28 Dâŋ irec manapie mi quŋkezejec. Dameŋ moc bakicne fokac i maickeme šâŋeruŋko foeŋgopieŋ jaŋe ere dâŋ wiwira manarâ wefunšoŋgopieŋ.  
\v 29 Ehuc juju biaŋne jumbiŋzi juju sanaŋte faharenšoŋgopieŋ, â juju sâqocne jumbiŋzi kiŋte okacne roniŋte faharenšoŋgopieŋ.  
\v 30 No nahacne maŋte gie i bapane mi fokac, Mamac-nanere micsâcko sawa okacnere dâŋ mutara-jareekopac. Iŋuc ehuc okacnere gie bape sâckoa eocmu. I no nahacne dâŋ mâcne, sorecnuwec ere dâŋ šaeckeekopac.   
\s1 Anutuzi Ŋokâ-ticnere fuŋne bataniŋkeekac  
\p
\v 31 “No nahac fuŋne-nane mutaniŋkepe fârimâc eocmu.  
\v 32 Fuŋne-nane i moczi mutaniŋkeocmu, erâ no manakopac, fuŋne-nane mutaniŋkeme fârine eocmu.  
\v 33 Ŋoŋe Johane mu indiŋ ecnepie dâŋ fâri qizecne mutaniŋkewec.  
\v 34 Erâ ŋiczi fuŋne-nane mutaniŋkeniŋte ine mi muekopac, ŋoŋe fuŋne-nane manarâ jujure hata âteniŋte irec mâc ŋaŋacnere muekopac.  
\v 35 Johane e jâmbomac lambe sâko erâ tamae-ŋarewec. Ehame ŋoŋe mâc šâziriŋne nacbembeŋ hone aŋac ehuc jumbiŋ sawa.   
\p
\v 36 “Á nore fuŋne mutaniŋkeekac, e Johane iŋucne mâcne, e sâc moc. Mamac gie munarewec, gie irec fârine bâfuape ine Mamaczi sorecnume wahapo irec fuŋne taniŋkeekac.  
\v 37 Mamac sorecnuwec eki hâcne fuŋne-nane mutaniŋkewec. Ŋoŋe ine e jahacne mickonec dâŋ mi manambiŋ â hawarine wâc mi honembiŋ.  
\v 38 Erâ ŋoŋe dâŋticne maŋŋeŋicko sâcne mi râepie fohuc juekac. Ŋic sorewec ere dâŋ qikiŋnehuc wemocko iŋuc eniŋmu.  
\v 39 Ŋoŋe miti papiao kecšiŋuc muhuc wose gufuc eeŋgopieŋ: Juju sanaŋ ira hâcne soŋkekicne. Erâ izi hâcne nore fuŋne mufuaekac.  
\v 40 Eme ŋoŋe norao juhuc juju sanaŋhec ee i sifu qikiŋneeŋgopieŋ.   
\s1 Judaŋic jaŋe Moserao maŋgâŋ roweckembiŋ  
\p
\v 41 “No ŋiczi sahac mumuteŋ wiac enareniŋte irec mi muekopac.  
\v 42 Ŋoŋere fuŋne ine jâmbomac manaekopac, maŋŋeŋic Anuturea mi domaekac.  
\v 43 No Mamac-nanere micte ŋoŋerao wahapo, eme ŋoŋe sifu âgo mi enareeŋgopieŋ. Juku ŋic moc e e jahacne maŋte fisime ine âgo ecneniŋmu.  
\v 44 Ŋoŋe ŋaŋaczia mumuteŋ eec ehuc Anutu qâqâhâc sâko ere mumuteŋte mi eŋareekaczi wemocko mamanasiŋhec eniŋmu?  
\v 45 Ŋoŋe nore šiŋuc mi munšepieŋ: Eki Mamactao dâŋnâŋec mugâpâre-nâreocmu. Iŋuc mâcne, ŋoŋe ŋic moctao roweckeeŋgopieŋ, Mose hâcne, eki mugâpâre-ŋareocmu.  
\v 46 Mose e dâŋ qâreŋkewec i nore qâreŋkewec. Eme ŋoŋe ere dâŋ mana šakierâ muzac nore mâmâc mana šakienšapiŋ.  
\v 47 Mosere dâŋqâreŋ qikiŋnehuc nore dâŋ wemocko mana šakieniŋmu?”   
\c 6  
\s1 Jesuzi ŋic 5000 nânâ gumec-jopawec  
\r (Mat 14: 13-21” Maò 6: 32-44” Luë 9: 10-17)  
\p
\v 1 Jesu e dâŋ i mufârerâ Galilaia riqic, Tiberia riqic hâcne, fotâcnerâ ocniŋucnao rašiwec.  
\v 2 Rašime ŋic ŋokac bocjahazi huc šâichec ɋiɋicne bacjopame honembiŋte bâjâpembiŋ.  
\v 3 Eme Jesuzi motecfâcne rocjopame tikio ferâ ŋembiŋ.  
\v 4 Dameŋ ira Judaŋic aakic hombaŋ-jeŋic bembeŋkewec.  
\v 5 Eme Jesuzi šâŋe firâ ŋic guru sâko fisipie honec-joparâ Filipo wiocnerâ muwec, “Poroŋ wenirec furine barâ i sâko gumec-jopapene sâcjopaocmu?”  
\v 6 E wiac eocte manasume foha mâc esâickewec.  
\v 7 Eme Filipozi šiŋuc muwec: “20 kinazi poroŋ furine barâ gumec-jopapene mâc hesâsâc-jopaocmu.”  
\v 8 Mume motecfâcne jaŋeraonec moc, Anderea, Simoŋ Petorore ɋa, eki šiŋuc muwec:  
\v 9 “Ʒira motec moc jukac eki poroŋ memoc â opâ qowi jajahec bajukac, erâ ŋic guru sâko jâmbâŋte keci mac izi wemo ezo?”  
\v 10 Eme Jesuzi muwec, “Ŋoŋe ŋic ejarepie qâzuckerâ waha ŋeniŋ.” Eme mâreŋ ira kecɋaŋ fowec i toma âterâ ŋic 5 tauseŋ qâririŋ iŋuczi waha ŋerambiŋ.  
\v 11 Eme Jesuzi poroŋ rorâ daŋge murâ ŋic ŋerambiŋ jaŋe bâtâc bajarewec â qowi iŋuc jaha mupie sâc jarewec.  
\v 12 Nârâ gapec-jopame Jesuzi motecfâcne šiŋuc jazawec: “Tiwâne forâ sipirickezacte nuseniŋ.”  
\v 13 Eme jaŋe poroŋ memoc irec tiwâne nusepie sasac 12 hurâ fusewec.  
\v 14 Eme ŋic jaŋe fuŋne qaqa mâsi i hone manac erâ mumbiŋ, “Porofete sâko mâreŋko fuaocte mukicne, šine hâcne jâmbâŋ.”  
\v 15 Eme jaŋe Jesu orâŋkerâ mezi rorâ ŋicwofuŋ-jeŋic âkendâŋnezo ehapie hone tarac-joparâ behec-joparâ e jahackoaŋ tikio fewec.   
\s1 Jesu riqicko âte âte rawec  
\r (Mat 14: 22-27” Maò 6: 45-52)  
\p
\v 16 Hae owâeme motecfâcne jaŋe riqicmecko humbiŋ.  
\v 17 Hurâ Kafanaum haeo risie raniŋte wokeo fembiŋ. Erâ hae dapâc eme Jesu juhame buc rambiŋ.  
\v 18 Ehuc mâŋâŋ sanaŋne domame siri kâcɋene qame rambiŋ.  
\v 19 Jaŋe kilometa 4 me 5 irec sâc rakuhapie Jesuzi riqic faio âte âte rarâ woke bâqiŋkeme honerâ fâfârembiŋ.  
\v 20 Iŋuc epie wira-jarerâ muwec: “Nâhâc fâkopac, mi hâwic-ŋopaoc.”  
\v 21 Eme wokeo ropie feocte ehapie izia woke mâreŋ razo mumbiŋko fisiwec.   
\s1 Ŋic jaŋe Jesu mâsire hesuambiŋ  
\p
\v 22 Ŋic guru sâko jaŋe riqic ocniŋucnao fohapie hae furewec. Hae fureme šiŋuc mumbiŋ: “Jacne ŋafeo woke mocsâkoa ŋeme honembeneŋ, ira motecfâcne Jesu beherâ buc ferâ rambieŋ.”  
\v 23 Iŋuc manahuc ŋehapie Tiberia haeonec woke gâcne Wofuŋzi daŋge murâ poroŋ gumec-jopawecko ware fisimbiŋ.  
\v 24 Eme ŋic jaŋe Jesu e jahacne â motecfâcne basac-joparâ wokeo ferâ Kafanaum haeo risie rarâ ira basambiŋ.  
\v 25 Riqic šiŋucnao basaku bâfuarâ mumbiŋ, “Qaqazu, go wezimucne waremec?”  
\v 26 Wiocnepie šiŋuc jazawec: “No jâmbomac jâmbâŋ mupe mananiŋ, ŋoŋe fuŋne qaqa mâsi bape honeeŋgopieŋ irec mâcne, nânâ gumec-ŋopape nâ gapec embieŋ, irec basacnuŋgopieŋ.  
\v 27 Ŋoŋe gie banšepieŋ, erâ nânâ sisirowenere mâcne, juju sanaŋte nânâ irec giene banšepieŋ. Ŋic Fâri Wâtuŋne eki, Anutu Mamaczi kamac sarahuc âkendâŋnewecte, juju sanaŋte nânâ i sâcne ŋareocmu.”  
\v 28 Mume dâŋ šiŋuc bâtikiecnembiŋ: “Nâŋe weniŋuc erâ Anuture gie banaŋmu?”  
\v 29 Eme šiŋuc jazawec: “Ŋic sorewec e manasiŋkezo, izi Anuture gie biŋe-ŋeŋic ekac.”  
\v 30 Mume dâŋ šiŋuc âzâcnembiŋ: “Mo fuŋne qaqa mâsi mo batec honerâ manasiŋgunaŋmu? Mo gie mo bacmu?  
\v 31 Mimiŋnefâc-nâŋec jaŋe mâreŋ sawao mana nâjumbieŋ. Eme irec dâŋqâreŋ šiŋuc fokac: `Sambâŋkonec nânâ jareme nâjumbieŋ. Ž ”   
\s1 Sambâŋkonec nânâ irec dâŋ  
\p
\v 32 Eme Jesuzi šiŋuc jazawec: “Jâmbomac jâmbâŋ mupe mananiŋ: Mose e sambâŋkonec nânâ mi bâfua-ŋarewec, Mamac-nanezi sambâŋkonec nânâ fârine ŋareekac hâcne.  
\v 33 Nânâ sambâŋkonec waharâ mâreŋŋic juju bâfua-ŋareekac izi Anuturaonec nânâ fârine ekac.”  
\v 34 Mume šiŋuc âzâcnembiŋ: “Wofuŋ, go nânâ mukic i dameŋ sâc nârezemec.”  
\v 35 Eme šiŋuc jazawec: “Jujure nânâ no hâcne. Moc e norao qohotaocmu e nânâre moc mi hâmoocmu, â moc e no manasiŋnuocmu e opâre moc mi hâmoocmu.  
\v 36 No ine ŋazape, ŋoŋe no honecnu-bipiehuc sifu mi manasiŋnueŋgopieŋ.  
\v 37 Mamaczi nareekac i jaŋe norao fisi-fâreniŋmu, â norao fisiocmu e mi bâsuepemu.  
\v 38 Sambâŋkonec wahapo i no nahacne micdâŋ dopeckepemurâ mâcne, sorecnuwec ere micdâŋ dopeckepemurâ wahapo.  
\v 39 Mamac-nanezi norao râec-jopaekac ŋic i jaŋe sipirickenšipiŋte hone qâzuc ejareku dameŋ sâkoo furu jaha wiwic-jopape faharenšoŋgopieŋ” sorecnuwec ere micdâŋ iŋuc hâcne fokac.  
\v 40 Ŋokâ hone dendeŋnehuc manasiŋkeniŋmu sâc juju sanaŋ rauckeniŋmu” Mamac-nanere micdâŋ iŋuc hâcne fokac. Eme noni dameŋ sâkoo bâɋârec-jopazokopac.”   
\s1 Jesu e juju sanaŋte nânâ  
\p
\v 41 Jesu e “sambâŋkonec nânâ no hâcne” iŋuc muwecte Judaŋic jaŋe mana sâqorecnehuc dâŋembiŋ.  
\v 42 Ehuc šiŋuc mumbiŋ: “Wiac Jesu e Josefere ŋokâ, neŋgoc mamac jahec-ticne i nâŋe honec-jofaeŋgopeneŋ. Eme wemocte šiŋuc mukac: `No sambâŋkonec wahapo'?”  
\v 43 Mupie Jesuzi šiŋuc jazarâ muwec: “Ŋoŋe boc mi manapie sâqorezejec.  
\v 44 Ŋic moc e jahacne maŋte norao fifisi i mi fokac, Mamac sorecnuwec eki fâreme fifisine ine fokac. Eme noni ŋic iŋucne e dameŋ sâkoo bâɋârezokopac.  
\v 45 Porofete jaŋere dâŋqâreŋ šiŋuc fokac: `Anutu e jahac ŋic sasawa miti jaza qazuc eocmu. Ž Irec moc e Mamaczi miti âzâcne qazuc eme manaocmu e norao fisiocmu.  
\v 46 Ŋic moczi moc Mamac honewec i mi fokac, Anuturaonec wahawec e mocjahazi Mamac honewec.  
\v 47 No jâmbomac jâmbâŋ ŋazape mananiŋ: Moc e no manasiŋnuocmuzi juju sanaŋhec eocmu.  
\v 48 Jujure nânâ no hâcne.  
\v 49 Mimiŋnefâc-ŋeŋic jaŋe mâreŋ sawao mana nâipiehuc hâmo-fârembiŋ.  
\v 50 Á sambâŋkonec nânâ nârâ mi hâhâmo ine norao fokac ši.  
\v 51 Jujure nânâ sambâŋkonec wahakicne no nahacne hâcne. Irec moc e noraonec nânâ nârâ jurašihuc juocmu sanaŋ. Biuc-nanezi nânâ ekac, i ŋiczi juju bâfuaniŋte ŋarepemu.”   
\p
\v 52 Eme Judaŋic jaŋaczia mu qaqatarac erâ mumbiŋ, “E weniŋuc erâ biuc-ticne nâreme nanaŋmurâ mukac?”  
\v 53 Epie Jesuzi šiŋuc jazawec: “No jâmbomac jâmbâŋ ŋazakopac, ŋoŋe Ŋic Fâri Wâtuŋne ere biuc â soc mi nâniŋmuo maŋŋeŋicko juju mi fuaocmu.  
\v 54 Moc e nore biuc â soc nâocmuzi juju sanaŋhec eocmu, eme noni dameŋ sâkoo bâɋârezokopac.  
\v 55 Nore biuc izi nânâ fârine, â nore soc izi opâ fârine.  
\v 56 Nore biuc â soc nâocmuzi no maŋnuocmu â noni e maŋkepemu.  
\v 57 Mamac e juju runezi sorecnume wahapore Mamacte erâ juekopac, eme no nâcnuocmuzi iŋuc jaha nore erâ juocmu.  
\v 58 Sambâŋkonec nânâ irec fuŋne iŋuc fokac. I mimiŋnefâc-ŋeŋic nâmbiŋ iŋucne mâcne. Jaŋe nâipiehuc hâmombiŋ. Á nore nânâ ši nâocmu e ine jurašihuc juocmu sanaŋ.”  
\v 59 Jesu e Kafanaum haeo mitificko juhuc dâŋ i jaza qazuc ewec.   
\s1 Ŋic tucnezi Jesu râpeckembiŋ  
\p
\v 60 Kikefuŋfâc-ticne jaŋeraonec bocjahazi dâŋ i manarâ mumbiŋ, “Dâŋ kecši manapene ququŋkenehec ekac, i mozi manaocmu?”  
\v 61 Eme mu takic embiŋ i Jesu e maŋticnezi manarâ šiŋuc jazawec: “Dâŋ i manapie sâqorekac me?  
\v 62 Eme Ŋic Fâri Wâtuŋnezi mârâc juweckoa risie feme manapie weniŋuc eocmu?  
\v 63 Sahacte biuczi juju bâbâfua i mi fokac, juju bâbâfua i Mârore gie. No dâŋ ŋazaekopac i Mârohec â jujuhec.  
\v 64 Eme ŋoŋeraonec tucnezi ine mana maŋ mi eeŋgopieŋ.” Jesu e miti-ticne qikiŋneniŋmu jaŋe mârâcko mana tarac-jopawec, â doc baocmu e mâmâc mana tarawec, irec dâŋ iŋuc jazawec.  
\v 65 Erâ dâŋ moc šiŋuc šuhuckerâ muwec: “No irec hâcne kecšiŋuc ŋazapac: Moc e Mamaczi mi baafeckeha norao fisirâ jujune mi fokac.”  
\v 66 Eme dameŋ ira kikefuŋfâc-ticne jaŋeraonec bocjahazi jume jujure takic-jopame râpeckembiŋ.   
\s1 Petorozi Jesure fuŋne mujaŋgeŋkewec  
\p
\v 67 Eme Jesuzi motec fuŋfuŋfâc-ticne 12 indiŋ-joparâ muwec, “Ŋoŋe iŋuc jaha râpecnuzo muŋgopieŋ me?”  
\v 68 Mume Simoŋ Petorozi šiŋuc âzâcnewec: “Wofuŋ, go behecgurâ moc morao ranaŋmu? Go mocjahazi juju sanaŋte dâŋ bajuekic.  
\v 69 Nâŋe go manasiŋguhuc šiŋuc mana-gareeŋgopeneŋ: Go Anuture Tiriŋic hâcne.”  
\v 70 Eme Jesuzi šiŋuc jazawec: “No motec ŋoŋe 12 rowosâec-ŋopapo. Eme wemocte ŋoŋeraonec moczi Sataŋ ekac?”  
\v 71 E Juda Simoŋte ŋokâ Karioto haeonec ere manasuhuc iŋuc muwec. E motec 12 jaŋere guruoneczi hâcne juku šâhecko Jesu doc bawec.   
\c 7  
\s1 Jesu e rehac boze hombaŋte Jerusalem haeo fewec  
\p
\v 1 Jerusalem haeonec Judaŋic jaŋe Jesu qaniŋte dâŋ qacnepie Judaia mâreŋ-jeŋic qikiŋnerâ Galilaia mâreŋko sawa rac warec ehuc juwec.  
\v 2 Ehuc juhame Judaŋic rehac boze hombaŋ-jeŋic bembeŋkewec.  
\v 3 Ehame ɋafâc-ticne šiŋuc âzâcnembiŋ: “Go šawierâ Judaia mâreŋko rarâ, šira mâsi wiac baekic i ocna batec kikefuŋfâcge jaŋe honenšepieŋ.  
\v 4 Mozi fua tâcnezo murâ soŋsoŋ juhuc gie baocmu? Go gie iŋucne bazo muekicte ra ŋicguruo fua taniŋkerâ batec honeniŋ me!”  
\v 5 Ɋafâc-ticne jaŋe e mi manasiŋkehuc iŋuc mumbiŋ.  
\v 6 Mupie Jesuzi šiŋuc jazawec: “Ŋoŋe dameŋ kosao wiac ezo murâ sâcne eniŋmu, no ine dameŋ-nane mi maickekac.  
\v 7 Ŋic jaŋe ŋoŋe wemocko qaisoc-ŋopaniŋmu, no ine juju bapa-jeŋic sâqocne i mutaniŋkepe qaisocnueŋgopieŋ.  
\v 8 Ŋoŋe hombaŋko raniŋ, no ine dameŋ-nane mi maickekacte šiŋuczia mi rapemu.”  
\v 9 Iŋuc murâ Galilaia mâreŋkoa juwec.   
\p
\v 10 Eme jaŋe bânierâ rahapie e šâhecko buc kamierâ rawec.  
\v 11 Eme hombaŋ maickeme Judaŋic micne jaŋe basarâ wiwioc erâ mumbiŋ, “E wena jukac?”  
\v 12 Á ŋic omane sâko jaŋe ere dâŋ bocjaha mufembiŋ. Ehuc gâcnezi mumbiŋ, “E ŋic biaŋne,” â gâcnezi qatararâ mumbiŋ, “Aricne, e ŋic maŋ bâsifuc ejareekac.”  
\v 13 Erâ Judaŋic micne jaŋere hâwic-jopame dâŋ tâtâcko mi mumbiŋ.   
\s1 Jesu e Anuturaonec dâŋ bawahawec  
\p
\v 14 Eme hombaŋ šâšâŋiŋko Jesu e taha ufuŋko ferâ miti jaza qazuc ewec.  
\v 15 Miti mume Judaŋic micne jaŋe wareckerâ šiŋuc mumbiŋ: “E nâŋâcne mamana ficko mi juweczi weniŋuc erâ mitire fuŋne manaekac?”  
\v 16 Mupie Jesuzi šiŋuc jazawec: “No mitire fuŋne qazu-ŋareekopac i no nahacne mâcne, i sorecnuwec ere.  
\v 17 Eme mitire fuŋne kecši i Anuturaonec me no nahacnaonec, i Anutu micne reŋkehuc mana tarazo.  
\v 18 Moc e jahacnaonec manasurâ muocmu, e sahac mumuteŋte hata âteocmu, â moc e gie runere mumuteŋ fuaocte gie baocmu, ere ine sahac fefe tâmiric siocmâc jukac muzo.  
\v 19 Mose e sâcmutâc dâŋ mufua-ŋarewec. Á ŋoŋeraonec moczi moc mi reŋkeekac. Eme ŋoŋe wemo wiacte nuzo muŋgopieŋ?”  
\v 20 Mume ŋic omane sâko jaŋe mumbiŋ, “Go demoŋzi maŋge bâsifuckekac. Mozi guzo mukac?”  
\v 21 Eme Jesuzi jazawec, “No mâsi mocjaha bapo irec erâ mu warec boc eeŋgopieŋ.  
\v 22 Mupe mananiŋ: Mosezi motecfâc-ŋeŋic sahac-jeŋicko ma baniŋte muŋarewec. Erâ i Mosezi mi fuŋkewec, mimiŋne jaŋe fuŋkembiŋ. Eme gie i bapane maickeme sabata hombaŋko wâc baeŋgopieŋ.  
\v 23 Ine hâcne Mosere sâcmutâc dâŋ huckepie fârimâc ezacte hombaŋko motecfâc-ŋeŋic sahac tofa-jeŋicko gie i baeŋgopieŋ, â no ine ŋicpuriŋ sahac-ticne furu jaha hombaŋko bâpiaŋkepo, irec wemocte mana gâpâre-nareŋgopieŋ?  
\v 24 Ŋoŋe dâŋ onšoŋ jaha sahacne mi muniŋ, mana wosâehuc dâŋ fârine munšapiŋ me!”   
\s1 Jesu e Anuture bufuŋkonec wahawec  
\p
\v 25 Eme Jerusalem hae rune jaŋe šiŋuc mumbiŋ: “Ŋic qazo mueŋgopieŋ ine hâcne ši.  
\v 26 Hâc, e weniŋuc erâ dâŋ tâtâcko mume micnefâc-nâŋec jaŋe mi qataracneŋgopieŋ? Me jaŋe fuŋne-ticne mana tarahuc manacnepie Kristo ekac mecne?  
\v 27 Erâ iŋuc wâc mâcne mecne. E fufua-ticnere fuŋne manaŋgopeneŋ. Kristo wareocmu ine ere fuŋne kâuc bafârenaŋmu.”  
\v 28 Jesu e taha ufuŋko miti qazu-jarehuc domahame iŋuc mupie hahaŋne bahuc muwec, “Oi ŋoŋe, mana taracnurâ fufua-nanere fuŋne manaeŋgopieŋ, ŋoŋe hâcne. Wahapo i no nahacne maŋte mi wahapo, jâmbomac rune moc jukac eki sorecnume wahapo. Ŋoŋe e kâuc baŋgopieŋ.  
\v 29 No ine e jahacne bufuŋkonec sorecnume wahapore e mana tarakopac.”  
\v 30 Iŋuc mume kâpâcwâru baniŋte mumbiŋ. Erâ dameŋ-ticne mi maickewecte mejeŋic mâckeme behembiŋ.  
\v 31 Ehame ŋic omane jaŋeraonec bocjahazi fuŋkerâ Jesu manasiŋkembiŋ. Ehuc šiŋuc mumbiŋ: “Kristo fisiocmu, e ŋic šizi mâsi baekac i sirickehuc baocmu me? Aricne, e bafâreekac.”  
\v 32 Ŋic jaŋe dâŋ iŋucne kamierâ mupie farisaio jaŋe manarâ taha bapa micne jaŋehec nazaŋ gazaŋ erâ momori jaŋe Jesu kâpâcwâru baniŋte sorec-jopapie rambiŋ.   
\s1 Jesu e Mamac-ticnerao risieocte jazawec  
\p
\v 33 Eme Jesuzi ŋic šiŋuc jazawec: “No dameŋ bembeŋne sawa ŋoŋehec jurâ sorecnuwec erao risiepemu.  
\v 34 Eme ŋoŋe no basacnu-bipiehuc mi bâfuacnuniŋmu. Ra jupemu ira wemocko fâniŋmu.”  
\v 35 Iŋuc mume Judaŋic jaŋe šiŋuc muhuc nazaŋ gazaŋ embiŋ: “E wena rame basa-bipienaŋte mukac? Judaŋic âgofâc-nâŋec Grië mâreŋko juraŋgopieŋ jaŋerao raocte mukac, ehuc Grië miti jazaocte manasuhuc mukac?  
\v 36 Basacnu-bipiehuc mi bâfuacnuniŋmu, â rapemu ira sâcne mi fâniŋmu, dâŋ iŋucne weniŋucte mukac?”   
\s1 Jesu manasiŋkehuc opâ sârohec ezo  
\p
\v 37 Judaŋic jaŋe hombaŋ botâŋne ŋetaraniŋte tutumaŋ sâko ehuc ŋehapie Jesuzi faharerâ domahuc dâŋ wiwic jaha šiŋuc muwec: “Moc e opâre hâmokacko norao warerâ nâzejec.  
\v 38 Á moc e manasiŋnuhuc juocmu ere bumaŋkonec opâ sâro fifisine wahahuc domaocmu. Miti papiao dâŋ iŋuc hâcne qâreŋkekicne.”  
\v 39 Jesu manasiŋkembiŋ jaŋe Mâro biŋe qajarehuc iŋuc muwec. Jesu e dameŋ ira sambâŋ eri tatamac-ticnere maŋnao mi risie fewecte Mâro mi wahawec.  
\v 40 Ŋic jaŋe dâŋ i manarâ Jesure šiŋuc mumbiŋ: “E jâmbomac porofete sâko-nâŋec.”  
\v 41 Á gâcnezi mumbiŋ, “E Kristo jâmbâŋ.” Mupie tucnezi qatararâ mumbiŋ, “Wiac Kristo e wemocko Galilaia mâreŋkonec fuaocmu.  
\v 42 Tiri Papiao dâŋ šiŋuc mukicne: Kristo e Dawidire haefuŋ Betelehem ira oso gitecfâc-ticne jaŋere ŋondeŋkonec fuaocmu.”  
\v 43 Ŋic jaŋe Jesure iŋuc muhuc fâuckembiŋ.  
\v 44 Eme gâcnezi kâpâcwâru baniŋte murâ mejeŋic mâckeme behembiŋ.   
\s1 Jesu kâpâcwâru baniŋte eipierâ behembiŋ  
\p
\v 45 Eme momori jaŋe taha bapa micne â farisaio jaŋerao risiepie wio-jarerâ mumbiŋ: “Ŋoŋe wemocte mi rorâ bawareŋgopieŋ?”  
\v 46 Wiopie momori jaŋe mumbiŋ, “E dâŋ muekac, iŋucne ŋic gâcnezi.mumune mi fokac.”  
\v 47 Mupie farisaio ŋic jaŋe šiŋuc jazambiŋ: “Me, ŋoŋe iŋuc jaha maŋ bâsifuc eŋarejec?  
\v 48 Soŋaŋ kâcɋene â farisaio ŋic nâŋeraonec moczi erao moc qohotakac me?  
\v 49 I aricne i, ŋic omane guru, sâcmutâc dâŋ mi mamana jaŋe sawa, hârâcte biŋe jaŋe hâcne.”  
\v 50 Eme âgo-jeŋic moc Nikodemo, mârâc Jesu iqickewec, eki ine šiŋuc jazawec:  
\v 51 “Ŋoŋe muniŋ, ŋic moc fuŋne-ticne mi manahuc â kiŋticne mi honehuc okacnere dâŋ mâc mumutarane, iŋuc ezore sâcmutâc papia-nâŋecko moc qâreŋkekicne fokac me?”  
\v 52 Eme âgofâcne jaŋe šiŋuc mumbiŋ: “Eme go iŋuc jaha Galilaia mâreŋkonec me? Wose gufuc eku šiŋuc manacmu: Galilaia mâreŋkonec porofete fufuane mi fokac.” [  
\v 53 Eme jaŋe râwiŋnerâ ficjeŋic sâc rafârembiŋ.   
\c 8  
\s1 Ŋokac sâqocne moc Jesurao barambiŋ  
\p
\v 1 Jesu e Oliwa tikio fewec.  
\v 2 Hae fureme irecnec risierâ taha ufuŋko feme ŋic jaŋe erao mâretec tumaŋnembiŋ. Eme ira ŋehuc miti jaza qazuc ewec.  
\v 3 Ehame miti qaqazu â farisaio ŋic jaŋe ŋokac moc boe sau ehuc juhame bâfuakicne e Jesurao bararâ  
\v 4 mumbiŋ, “Qaqazu, ŋokac kecši boe sau ehuc juhame bâfuakicne.  
\v 5 Eme Mose e ŋokac iŋucne qânâzi hehâmoc-jopazore sâcmutâc dâŋko munârewec. Gahac ine weniŋuc mukic?”  
\v 6 I mâc esâickepie dâŋ iŋuc me iŋuc mume dâŋko râeniŋte fecnehuc mumbiŋ. Mupie Jesu e daperâ mâreŋko mezi qâreŋkewec.  
\v 7 Qâreŋkehame wiocnerâ wiocne epie qâhâŋnerâ šiŋuc jazawec: “Ŋoŋeraonec moc bahac tâmiric juekaczi fuŋkerâ qânâzi heme henšepieŋ.”  
\v 8 Iŋuc murâ mocwâc daperâ mâreŋko qâreŋkewec.  
\v 9 Ehame jaŋe dâŋticne manarâ micnezi bânieme moc moc raku rafârembiŋ. Eme ŋokac e Jesure maŋfuŋko buc domame,  
\v 10 Jesuzi qâhâŋnerâ wiocnerâ muwec: “Ŋokac, jaŋe wena? Moczi moc okacnere dâŋ mi mugarejec me?”  
\v 11 Eme ŋokazi muwec, “Wofuŋ, aricne.” Mume muwec, “Eme noni iŋuc jaha okacnere dâŋ mi mugarepemu. Go mâc ra juhuc sâqocne mocwâc mi bazemec.”]   
\s1 Jesu e fuŋne-ticne mutaniŋke-jarewec  
\p
\v 12 Eme Jesuzi ŋic dâŋ moc šiŋuc šuhuckerâ jazawec: “No mâreŋ sâc ŋic ŋoŋere šoctamac. Eme moc e no bâjâpecnuocmuzi dapâcko mi rahuc juocmu. E jujure tatamac focnehame juocmu.”  
\v 13 Iŋuc mume farisaio ŋic jaŋe šiŋuc âzâcnembiŋ: “Ʒi go gahac fuŋnege mutaniŋkekomec, i manapene fârine mi ekac.”  
\v 14 Mupie Jesuzi šiŋuc jazawec: “No nahac fuŋne-nane mutaniŋkepe irec fârimâc mi eekac. No wenirec warepo â wena rapemu irec fuŋne manahuc dâŋ muekopac. Ŋoŋe ine irec â irec mâmâc kâuc baeŋgopieŋ.  
\v 15 Ŋoŋe fuŋne riritu gie baeŋgopieŋ i sasahac eekac. No ine fuŋne riritu gie mi baekopac.  
\v 16 Me fuŋne riritu gie bapemuo ine fârinehec eocmu. No fuŋne riritu gie buc bapane mi fokac. Mamac sorecnuwec eki baficnume bapane fokac.  
\v 17 Eme sâcmutâc dâŋŋeŋicko kecšiŋuc fokac: `Ŋic jajaheczi mocte fuŋne ritupire fârine muzo. Ž  
\v 18 Eme no fuŋne-nane mutaniŋkehape Mamac sorecnuwec eki iŋuc jaha mutaniŋkeekac.”  
\v 19 Dâŋ iŋuc jazame wiocnerâ mumbiŋ, “Mamacge wena?” Eme šiŋuc jazawec: “Ŋoŋe no mi mana taracnuhuc Mamac-nane iŋuc jaha mi mana taraeŋgopieŋ, no mana taracnurâ muzac, Mamac-nane iŋuc jaha mana taranšapiŋ.”  
\v 20 Jesu e ufuŋko taha katapa ŋewec maŋne ira miti jaza qazuc ehuc dâŋ i muwec. Eme dameŋ-ticne mi maickewecte wemocko afeckerâ kâpâcwâru banšapiŋ.   
\s1 Ŋiczi mâreŋkonec, Jesuzi sambâŋkonec  
\p
\v 21 Eme Jesu e harierâ šiŋuc jazawec: “No behec-ŋopa rape ŋoŋe basacnurâ sâqocne-ŋeŋichec juku hâmoniŋmu. No ra jupemu ira wemocko fâniŋmu.”  
\v 22 Iŋuc mume Judaŋic jaŋe mumbiŋ, `à `No ra jupemu ira wemocko fâniŋmu', iŋuc wemocte mukac? Sahac-ticne qarâ hâmoocte mukac me weniŋuc?”  
\v 23 Eme Jesuzi šiŋuc jazawec: “Ŋoŋe juwickonec, no faickonec, ŋoŋe mâreŋkonec, no mâreŋkonec mâcne.  
\v 24 No irec hâcne ŋazakopac: ŋoŋe sâqocne-ŋeŋichec juku hâmoniŋmu. No jukopac ši fuŋne-nane ŋazaekopac i mi mana šakieniŋmuo, sâqocne-ŋeŋic foŋarehame hâmoniŋmu hâcne.”  
\v 25 Mume wiocnerâ mumbiŋ, “Eme go mo?” Mupie Jesuzi jazawec, “Ŋazaekopac i jâmbâŋ hâcne.  
\v 26 No ŋoŋere bahac â kiŋdâŋ bocjaha bajuekopac. Sorecnuwec eki dâŋ fârine muekac, eme noni micticnaonec manapo ijaha šira mâreŋko mufuaekopac.”  
\v 27 Mamac-ticnere iŋuc jazame jaŋe mi mana tarambiŋ.  
\v 28 Irec Jesuzi šuhuckerâ šiŋuc jazawec: “Ŋoŋe Ŋic Fâri Wâtuŋne bâfeŋnerâ fuŋne-ticne mana taraniŋmu. Erâ no nahacne maŋte wiac mi eekopac, Mamaczi qazu-narewec dâŋ ijaha muekopac, i wâc mana taraniŋmu.  
\v 29 Sorecnuwec e nohec juekac. No dameŋ sâc wiac epe bape maname biaŋkeekacte no mi behecnuekac.”   
\s1 Sâqocne bahuc irec kiŋaŋ qaqa ezo  
\p
\v 30 Dâŋ iŋuc mume ŋic bocjahazi manasiŋkembiŋ.  
\v 31 Eme e manasiŋkembiŋ Judaŋic jaŋe hâcne šiŋuc jazawec: “Ŋoŋe nore dâŋko juhuc ine motec fuŋfuŋfâc-nane eniŋmu.  
\v 32 Eme nore dâŋ fâri qizecne mana tarapie izi batarac-ŋopame niŋgiŋ tâmiric sâcne erâ juniŋmu.”  
\v 33 Mume dâŋ šiŋuc bâtikiecnembiŋ: “Nâŋe Abrahamte ɋâricfâc, mozi mo kiŋaŋ qaqafâc-ticne bacnâporâ niŋgiŋ-nâpowecte go šiŋuc mukomec: `Niŋgiŋ tâmiric eniŋmu'?”  
\v 34 Eme Jesuzi šiŋuc jazawec: “No jâmbomac jâmbâŋ ŋazakopac, moc e sâqocne baocmuzi sâqocnere kiŋaŋ qaqa eocmu.  
\v 35 Kiŋaŋ qaqazi bomboŋ-ticnere fic haeoa hati mi jurâ ju eocmu, ŋokâzi ine mamac-ticnere fic haeo hati jurašihuc juocmu.  
\v 36 Irec Ŋokâ eki firuec-ŋopame ŋoŋe jâmbomac niŋgiŋ tâmiric juniŋmu.   
\s1 Jesure dâŋ qikiŋnerâ Sataŋte ŋic ezo  
\p
\v 37 “Ŋoŋe Abrahamte ɋâricfâc, i noni manakopac. Eme ŋoŋe ine dâŋnanezi ŋoŋerao hesowariekacte qâhâmocnuzo muŋgopieŋ.  
\v 38 No Mamac-nanerao wiac honehuc jupo irec hâcne muekopac, â ŋoŋe ine ŋaŋacne mamactaonec wiac manambiŋ i eeŋgopieŋ.”  
\v 39 Mume šiŋuc âzâcnembiŋ: “Nâŋe mamac-nâŋec Abraham.” Eme Jesuzi šiŋuc jazawec: “Ŋoŋe Abrahamte ɋâricfâc jurâ muzac e hawari enšapiŋ.  
\v 40 Anuturao dâŋ fâri qizecne manapo i ŋazaekopac, ehame ŋoŋe nuzo muŋgopieŋ. Wiac iŋucne Abrahamzi mi ewec.  
\v 41 Ŋoŋe ine ŋaŋacne maŋte hata âteeŋgopieŋ.” Eme jaŋe mumbiŋ, “Nâŋe fiuckonec mi fuambeŋ, Anutu e Mamac-nâŋec mocjaha.”  
\v 42 Mupie Jesuzi šiŋuc jazawec: “Mamac-ŋeŋic Anutu eme muzac, no âgo enarenšapiŋ. No Anuturaonec hâcne wahapo, no nahacne. maŋte mi wahapo, eki sorecnume wahapo.  
\v 43 Weniŋuc erâ jupie dâŋnanezi maŋŋeŋicko mi huekac? No dâŋ mupe ŋoŋe hazec afec mi manaeŋgopieŋ irec hâcne.  
\v 44 Ŋoŋe mamac-ŋeŋic Sataŋ, eme ere qafeŋko wiac eeŋgopieŋ. E mârâc jaha ŋic sisipiric juweczi juwareekac. E dâŋ fâri qizecne râpeckewecte maŋticnao jâmbomac dâŋ moc mi fokac. E bureczi nânâ opâ-ticne ewec. E burecŋic â burecte mamac.  
\v 45 No ine dâŋ fâri qizecne ŋazaekopacte dâŋnane qikiŋneeŋgopieŋ.  
\v 46 Ŋoŋeraonec moczi sâcne nore bahac moc muocmu? Eme no sâc iŋucnezi dâŋ fâri qizecne ŋazape wemocte mi mana šakieeŋgopieŋ?  
\v 47 Moc e Anuture biŋe juocmuzi dâŋticne manaocmu. Ŋoŋe Anuture biŋe mi jueŋgopieŋte dâŋticne qikiŋneeŋgopieŋ.”   
\s1 Jesure dâŋ bajuhuc hâmoc sanaŋ mi maickezo  
\p
\v 48 Mume Judaŋic jaŋe dâŋ šiŋuc bâtikiecnembiŋ: “Wiac wemo mueŋgopeneŋ, go Samaria ŋic, go demoŋzi egareekac.”  
\v 49 Eme Jesuzi šiŋuc jazawec: “No demoŋzi mi enareekac, no Mamac-nane sâseekopac, ŋoŋe ine no ba jawa enareeŋgopieŋ.  
\v 50 No šâŋe biŋe-nanere manabâc erâ mi ŋazakopac. šâŋe biŋe-nane hewirickerâ irec dâŋne mumu ine mocte gie.  
\v 51 No jâmbomac jâmbâŋ ŋazape mananiŋ: Moc e nore dâŋ bajuocmuzi hâmoc moc mi maicke-jâmbâŋkeocmu.”  
\v 52 Iŋuc mume Judaŋic jaŋe kecšiŋuc mumbiŋ: “Demoŋzi egareekac, i jâmbomac. Abraham hâmowec, â porofete jaŋe iŋuc jaha hâmombiŋ, ehame go šiŋuc mukic: `Moc e nore dâŋ bajuocmuzi hâmoc moc mi maickeocmu. Ž  
\v 53 Mamac-nâŋec Abraham e sâkozi hâmowec, eme go ere sâc jâuruzo mukomec? Á porofete jaŋe iŋuc jaha wâc hâmombiŋ. Go wemocte sahacge boc bafekomec?”  
\v 54 Mupie Jesuzi šiŋuc jazawec: “No nahac sahac-nane bafepe mi sâckeocmu. Mamac-nane jukac, e Anutu-nâŋec mucneeŋgopieŋ, eki ine muafecnuekac.  
\v 55 Ŋoŋe e mi mana taraeŋgopieŋ, no ine mana taraekopac. Irec no weniŋuc mi mana tarakopac mupemu. I mupe burec eme ŋoŋere sâc ezapo. Aricne, no mana tarahuc dâŋticne bajuekopac.  
\v 56 Mamac-ŋeŋic Abraham e nore šâfo maickeme honeocte aŋac sâko bajuwec. Erâ juku maickeme honerâ šeri ewec.”  
\v 57 Iŋuc mume Judaŋic jaŋe mumbiŋ, “Go jarage 50 mi bazumeŋzi Abraham honemeŋ me?”  
\v 58 Mupie Jesuzi jazawec: “No jâmbomac jâmbâŋ ŋazape: No Abraham mi fuarâ juhame jupozi jukopac.”  
\v 59 Iŋuc mume qânâ rorâ hezo epie e fosiroŋnerâ taha ufuŋkonec wahawec.   
\c 9  
\s1 Ŋic šâŋe tiŋtuŋ moc ere dâŋ  
\p
\v 1 Jesu e hata rahuc ŋic moc neŋgoc bumaŋkonec tiŋtuŋ fuakicne e bâfuawec.  
\v 2 Eme motecfâcne jaŋe wiocnerâ mumbiŋ, “Qaqazu, more kiŋte tiŋtuŋ fuawec, e jahacne me neŋgoc mamac jahere?”  
\v 3 Mupie Jesuzi šiŋuc jazawec: “Irec aricne, e jahacne kiŋte me neŋgoc mamac jahere kiŋte mâcne, Anutu tâpiri-ticnere fuŋne erao taniŋkeocte iŋuc fuawec.  
\v 4 Nâŋâc sorecnuwec ere gie šoaŋkoa bahuc junšepeneŋ, ŋafe fuame gie bapane arictac eocmu.  
\v 5 No mâreŋko jupemu sâc šoctamac-nanezi âke tamae-ŋareocmu.”  
\v 6 Iŋuc murâ mâreŋko tâfeckerâ afe jârickerâ ŋic tiŋtuŋ šâŋene ruacnerâ  
\v 7 šiŋuc muhuc sorewec: “Go rarâ Siloam riqicko wânâŋge šurec.” (Siloam i nâŋâcne dâŋko sorekicne.(c) Eme ŋic e rarâ sahac-ticne šurehuc šâŋe fitâcnewec.  
\v 8 Iŋuc erâ risieme âgofâc-ticne jaŋe, â nânâre numu-jarehuc juwec ŋic i jaŋe mâmâc honerâ wiwioc erâ mumbiŋ: “Nânâre numu-nârehuc ŋeŋerâ juekac e hâcne me?”  
\v 9 Eme tucnezi mumbiŋ, “Ine hâcne.” Á tucnezi mumbiŋ, “Aricne, e tinac moc.” Iŋuc mupie e jahac muwec, “No hâcne ši `à  
\v 10 Eme wiocnerâ mumbiŋ, “Weniŋuc erâ šâŋe fitâcnekomec?”  
\v 11 Eme jazawec, “Ŋic moc šâŋene Jesu eki afe jârickerâ šâŋe-nane ruacnerâ šiŋuc nazajec: `Go Siloam riqicko rarâ sahacge šurec. Ž Eme no rarâ sahac-nane šurerâ šâŋe fifi epac.”  
\v 12 Iŋuc mume wiocnerâ mumbiŋ, “Ŋic e wena jukac?” Eme muwec, “No mi manakopac.”   
\s1 Farisaio ŋic jaŋe ŋic tiŋtuŋ ere dâŋ mumbiŋ  
\p
\v 13 Eme ŋic tiŋtuŋ ecnewec e farisaio jaŋerao jowa rambiŋ.  
\v 14 Eme Jesuzi afe jârickerâ šâŋene bâtâcnewec i sabata hombaŋko ewec.  
\v 15 Eme farisaio ŋic jaŋe iŋuc jaha wiocnerâ mumbiŋ, “Go weniŋuc erâ šâŋe fifi emec?” Mupie šiŋuc jazawec: “E šâŋe-nane afe ruacneme no ra sahac-nane šurerâ šâŋe fifi epac.”  
\v 16 Eme farisaio jaŋeraonec gâcnezi mumbiŋ, “Ŋic e Anuturaonec aricne, e hombaŋ-nâŋec qâsuakac.” Gâcnezi ine mumbiŋ, “E hehesic juhuc muzac mâsi iŋucne wemocko bazac.” Iŋuc muhuc qaqatarac embiŋ.  
\v 17 Ehuc ŋic tiŋtuŋ ecnewec e indiŋkerâ mumbiŋ, “Ʒâŋege bâtâcnejec, gahac ere weniŋuc mukic?” Eme muwec, “E porofete.”   
\p
\v 18 Eme Judaŋic jaŋe ŋic e jâmbomac šâŋe tiŋtuŋ juku šâŋe fifi ejec, iŋuc muhuc maŋjahec erâ neŋgoc mamac jahec-ticne hefârec-jofarâ  
\v 19 wio-jacterâ mumbiŋ: “Ŋokâ-ŋekic tiŋtuŋ fuawec mukopirec šine hâcne? E weniŋuc erâ šâŋe fifi ejec?”  
\v 20 Eme neŋgoc mamac jahecne šiŋuc mupic: “E ŋokâ-nâhec, i manakoperec, â tiŋtuŋ fuawec, i wâc manakoperec.  
\v 21 Erâ weniŋuc erâ šâŋe fifi ejec, me mozi šâŋene bâtâcnejec, ine mi manakoperec. Wiac e soka-fârekicne, irec e jahacne wiocnepie fuŋne-ticne ŋazaoc.”  
\v 22 I Judaŋic jaŋere hâwic-jofame iŋuc mupic. Jaŋe dâŋ šiŋuc mujomirembiŋ: “Moc e Jesure Kristo mume miti sakarecnenšepeneŋ.”  
\v 23 Irec hâcne neŋgoc mamac jahec-ticne hâwic-jofame šiŋuc mupic: “E soka tarakicnere e jahacne wiocneniŋ.”   
\p
\v 24 Eme ŋic šâŋe tiŋtuŋ ecnewec e mocwâc hefârerâ šiŋuc âzâcnembiŋ: “Go Anutu muteŋkehuc dâŋenšaŋ, nâŋe ŋic ere fuŋne manaŋgopeneŋ, e hehesicne.”  
\v 25 Mupie šiŋuc jazawec: “E ŋic hehesicne me mâcne, i mi manakopac. Á tiŋtuŋ jupozi šâŋe fifi epac, ine mana-jâmbâŋkekopac.”  
\v 26 Mume harierâ wiocnembiŋ, “Weniŋuc egarejec, weniŋuc erâ šâŋege bâtâcnejec?”  
\v 27 Mupie šiŋuc jazawec: “No ŋazapac i, ŋoŋe ine mi manambieŋ” wemocte hâsine ŋazape mananiŋte muŋgopieŋ? ŋoŋe motecfâcne ezo muŋgopieŋ me?”  
\v 28 Iŋuc mume haneckerâ mumbiŋ, “Go hâcne motec-ticne, nâŋe ine Mosere motecfâc.  
\v 29 Mose e Anutuzi dâŋ âzâcnewec, i manaŋgopeneŋ, â ŋic e irec me irec fuarâ warewec ine mi manaŋgopeneŋ.”  
\v 30 Mupie ŋiczi dâŋ šiŋuc bâtikie-jarewec: “Ʒâŋe-nane bâtâcnejec ere fufuare kâuc bapie warec-ŋopakopac.  
\v 31 Nâŋâc kecšiŋuc manaeŋgopeneŋ: Anutu e ŋic hehesicne mi bafic-jopaekac, moc e araŋ bacnehuc micne reŋkeme bafickeocmu.  
\v 32 Á ŋic moczi tiŋtuŋ fuakicne moc šâŋe fifi bawec, biŋe iŋucne mâreŋ fufuaonecteaŋ moc mi mana wefukicne.  
\v 33 Irec ŋic e Anuturaonec mi waharâ muzac, gie iŋucne wemocko bazac.”  
\v 34 Mume šiŋuc âzâcnembiŋ: “Sâqoc qaqocne fuakicne go iŋucnezi miti qazu-nârekomec me?” Iŋuc murâ tuŋkembiŋ.   
\s1 Jesu mi manasiŋkehuc maŋ tiŋtuŋ juzo  
\p
\v 35 Tuŋkepie Jesuzi manawec. Erâ bâfuarâ wiocnerâ muwec, “Go Ŋic Fâri Wâtuŋne e manasiŋkekomec?”  
\v 36 Eme ŋiczi muwec, “Wofuŋ go mukomec e mo? Nowatutec hone tararâ manasiŋkepe.”  
\v 37 Mume Jesuzi šiŋuc âzâcnewec: “Á go honemec, dâŋ gazakopac no hâcne ine.”  
\v 38 Eme ŋiczi muwec, “Wofuŋ, no manasiŋgukopac”, iŋuc murâ kikefuŋnao fodapewec.  
\v 39 Eme Jesuzi muwec, “No ŋic fuŋne-ŋeŋic bajaŋgeŋkepemurâ mâreŋko wahapo. Eme irec tiŋtuŋzi šâŋe fifi enšepieŋ â šâŋe fifizi tiŋtuŋ enšepieŋ.”  
\v 40 Iŋuc mume farisaio ŋic mâmâc domambiŋ jaŋe manarâ mumbiŋ, “Á nâŋe tiŋtuŋ me?”  
\v 41 Mupie Jesuzi jazawec “Ŋoŋe tiŋtuŋ jurâ muzac kiŋ tâmiric enšapiŋ. Ŋaŋac mueŋgopieŋ, `Nâŋe šâŋe fifi', irec kiŋ foŋareocmu.”   
\c 10  
\s1 Lama jaŋe soŋaŋ-jeŋicte dâŋ manaeŋgopieŋ  
\p
\v 1 Jesuzi dâŋ šiŋuc muwec: “No jâmbomac jâmbâŋ ŋazape mananiŋ, moc e lama jaŋere sapao feocte motâcko mi rašihuc mocko sac huckerâ huocmu, ere fiuc roro â soroŋ qaqa muzo.  
\v 2 Moc e motâcko raširâ feocmu, ere ine lama soŋaŋ-jeŋic muzo.  
\v 3 E fisime motâc soŋaŋzi honerâ motâc rocneocmu â lama jaŋe dâŋ hawari-ticne mananiŋmu. Eme lamafâc-ticne jaŋere šâŋe wirahuc sapaonec jowac-jopa wahaocmu.  
\v 4 E jahacne biŋefâc jowac-jopa-fâreme waharâ, dâŋ hawari-ticne manaeŋgopieŋte bâjâpeniŋmu.  
\v 5 Ŋic furune moc e ine mi bâjâpeniŋmu, e dâŋ hawari-ticne kâuc bahuc hâhâwic bacnerâ wiseniŋmu.”  
\v 6 Jesu e dâŋ suŋsuŋne iŋuc mume jaŋe weniŋucte iŋuc mukac muhuc kâuc bambiŋ.   
\s1 Jesu e motâc  
\p
\v 7 Eme Jesu e harierâ jazawec, “Jâmbomac jâmbâŋ ŋazape mananiŋ, lama jaŋerao fefe irec motâc no.  
\v 8 No mi fuahape fuambiŋ jaŋe ine fiuc roro â soroŋ qaqa. Irec lama jaŋe dâŋjeŋic mi manambiŋ.  
\v 9 Motâc no hâcne. Moc e fotâcnurâ rašiocmu, e mi sipirickeocmu. E rašic wefuc ehuc nânâ mâriri bâfuaocmu.  
\v 10 Fiuc roro e lama qa sipiric erâ fiuc bawiseocte sawa fisiekac. No ine lama jaŋe juhâc qâhâmoniŋte nânâ bâfuape ɋaŋɋaŋ ɋâriaŋ fojareocte fisipo.   
\s1 Jesu e soŋaŋ biaŋne  
\p
\v 11 “No soŋaŋ biaŋne. Soŋaŋ biaŋnezi lama jaŋere erâ juju-ticne qikiŋneocmu.  
\v 12 Soŋaŋ jabane, lama ru jeŋic mi juekaczi ine kâte qâto fisime honerâ lama behec-joparâ wiseocmu. Ehame kâte qâtozi lama ki bâtâtiec ejareocmu.  
\v 13 E soŋaŋ jabanere lama jaŋere manabâc mi eocmu.  
\v 14 No ine soŋaŋ biaŋne juekopac, eme Mamac â no hohonec mamanac eekoperec,  
\v 15 irec sâcko no â gurufâc-nane hohonec mamanac eeŋgopeneŋ. Irec no lama jaŋere erâ juju-nane qikiŋnepemu.  
\v 16 No lamafâc-nane guru moc juŋgopieŋ, jaŋe sapa širecnec mâcne, eme no jaŋe wâc mâmâc amec-jopa warepe dâŋnane mananiŋmu. Eme lamazi guru mocjaha â soŋaŋzi wâc mocjaha iŋuc fuaocmu.  
\v 17 No juju-nane qikiŋnerâ mocwâc ropemu, irec Mamaczi nore ecneekac.  
\v 18 Juju-nane moczi mi nowac roocmu, i no nahacne maŋte qikiŋnepemu. No juju-nane qikiŋnepemurâ â ropemurâ irec tâpiri mâmâc fonarekac. Iŋuc epemurâ Mamac-nanezi munarewec.”   
\p
\v 19 Jesu e dâŋ iŋuc mume Judaŋic jaŋe manarâ mocwâc mu qaqatarac embiŋ.  
\v 20 Ehuc bocjahazi šiŋuc mumbiŋ: “E demoŋzi ecneme maŋne sifuckekac, dâŋ mume wemocte manahuc juŋgopieŋ.”  
\v 21 Gâcnezi ine šiŋuc mumbiŋ: “Demoŋheczi dâŋ iŋucne mi muocmu, me demoŋ moczi ŋic tiŋtuŋ jaŋere šâŋe sâcne bâtâcneocmu me?”   
\s1 Jesure meonec lamafâcne babatarac-jopane mi fokac  
\p
\v 22 Judaŋic taha ufuŋ jambuŋkembiŋ irec jara hombaŋ i mâmâteŋ dameŋko maickeme  
\v 23 Jesu e taha ufuŋ irec maŋne moc šâŋene Salomo ira rac warec ehuc juhame  
\v 24 Judaŋic jaŋe orâŋkerâ šiŋuc muhuc âzâcnembiŋ: “Go wemocte fuŋnege hesoŋketec maŋjahec boc eeŋgopeneŋ? Go Kristo jukomecko mutaniŋkerâ nâzâc me!”  
\v 25 Eme Jesuzi šiŋuc jazawec: “No ŋazape mi mana šakieeŋgopieŋ. Mamac-nanere micte gie baekopac izi mutaniŋnuekac.  
\v 26 Á ŋoŋe ine lamafâc-nane mi erâ juŋgopieŋte dâŋnane mi mana šakiee ŋgopieŋ.  
\v 27 Lamafâc-nane erâ juŋgopieŋ jaŋe dâŋnane manaengopieŋ. Eme noni mana tarac-jopahape bâjâpecnueŋgopieŋ.  
\v 28 Eme juju sanaŋ bâfua-jarepe sisipiric tâmiric jurašihuc juniŋmu. Jaŋe nore meonec moczi babatarac-jopane mi fokac.  
\v 29 Mamac-nanezi norao ŋec-jopawec e ŋic â wiac sasawa qâhuc-jopa-fârekac. Eme jaŋe moczi Mamac-nanere meonec sâcne mi batarac-jopaocmu.  
\v 30 No â Mamac nâhe mocjaha.”   
\s1 Jesu e Judaŋic gie-ticnere jazawec  
\p
\v 31 Iŋuc mume Judaŋic jaŋe qânâ ameckerâ hezo embiŋ.  
\v 32 Iŋuc epie Jesuzi šiŋuc jazawec: “Gie biaŋne fuŋne fuŋne Mamacte ŋesiŋko bape honembieŋ, eme ŋoŋe wenimo irec qânâzi hecnuzo eŋgopieŋ?”  
\v 33 Eme Judaŋic jaŋe micnao rorâ šiŋuc âzâcnembiŋ: “Gie biaŋne baekic irec mâcne, go ŋic jaha juekiczi Anutu âkehockehuc gahacnere Anutu muekic, irec qânâzi hecguzo muŋgopeneŋ.”  
\v 34 Iŋuc mupie Jesuzi šiŋuc jazawec: “Sâcmutâc dâŋŋeŋicko šiŋuc mukicne: `Noni mupo, ŋoŋe nemu'.  
\v 35 Eme mitire dâŋqâreŋ i âke sipuhuc moc mumune mi fokac. Erâ Anuture dâŋ fua-jare jujec iŋucne mac jaŋe nemu mujarewec.  
\v 36 Ehame ši ine no Mamaczi mutiricnurâ sorecnume wahapozi `no Anuture ŊokâƷ iŋuc mupe ŋoŋe wemocte muŋgopieŋ, `Go Anutu âkehockekic'?  
\v 37 Gie baekopac i honepie Mamac-nanere sâc mi eekacko dâŋnane qikiŋnepie sâckeocmu.  
\v 38 Me honepie Mamac-nanere sâc eekacko ine dâŋnanere mâcne, gie bapa-nanere erâ šâŋitacnunšepieŋ, ehuc Mamaczi no maŋnuekac â noni Mamac maŋkeekopac irec fuŋne mana taranšepieŋ.”  
\v 39 Iŋuc mume kâpâcwâru bazo ehuc bârucnepie rawec.   
\p
\v 40 Eme Jesu e Jordaŋ opâ ocniŋucnao Johanezi mârâc fuŋkerâ ŋic opâ rua-jare jujecko ra juwec.  
\v 41 Ira juhame ŋic bocjahazi erao fisirâ dâŋ šiŋuc mumbiŋ: “Johane e mâsi bapa i mi bawec, â ŋic kecširec dâŋ muwec ine fideteŋ efârekac.”  
\v 42 Eme mâreŋ ira bocjahazi Jesu manasiŋkembiŋ.   
\c 11  
\s1 Lazaro hâmowec  
\p
\v 1 Betania haeo ŋic moc juwec šâŋene Lazaro, e huc bame fowec. Maria â Mata jahe hahac qozi hae irecteaŋ.  
\v 2 Maria eki hâcne Wofuŋ opâ âsu biaŋ ruacnerâ qizec susuc-ticnezi kikene bâkereŋkewec. Ɋaticne Lazaro hâcne huc fowec.  
\v 3 Eme jahe hahac qozi Jesurao dâŋ kecšiŋuc muhuc râepire rawec: “Wofuŋ go manac, âgoge huc fokac.”  
\v 4 Eme Jesuzi biŋe manarâ šiŋuc muwec: “Huc irec fârine hâmoc fuaocte mâcne, Anuture mumuteŋ fuaocte mukicne. Anutu ŋokâ-ticne ere sambâŋ qâreŋ fua taniŋkeocte hâcne.”   
\p
\v 5 Mata â qoticne â Lazaro jaŋere Jesuzi ecnewec.  
\v 6 Eme hucte biŋe manarâ juweckoa gie bapa jajahec mocwâc juwec.  
\v 7 Iŋuc jurâ motecfâcne šiŋuc jazawec: “Warepie Judaia mâreŋko risie ranaŋ.”  
\v 8 Mume motecfâcne jaŋe šiŋuc âzâcnembiŋ: “Qaqazu, Judaŋic jaŋe juc bânic moc ira qânâzi hecguzo mumbiŋ, eme ši wemocte jaŋerao mocwâc risiezo mukic?”  
\v 9 Mupie Jesuzi šiŋuc jazawec: “Gie bapa dameŋ aua 12 fokac i¡ Moc e šoaŋko hata rahame wiac moczi he âkec mi ecneocmu, e tatamacko wiac sâcne honeocmu.  
\v 10 Moc e ŋafeo tatamac basahuc hata rahame ine he âkec ecneocmu.”  
\v 11 Iŋuc murâ dâŋ moc šiŋuc šuhuckewec: “Âgo-nâŋec Lazaro guŋ fokac, eme no rarâ wiwickepemu.”  
\v 12 Eme motec jaŋe šiŋuc mumbiŋ: “Wofuŋ, guŋ fohuc biaŋkeocmu.”  
\v 13 Jesu e hâmocte dâŋ suŋsuŋne mume jaŋe guŋ jâmbâŋte mukac muhuc mi mana-hâmombiŋ.  
\v 14 Irec Jesuzi muɋaɋackerâ jazawec, “Lazaro hâmojec.  
\v 15 No ira mi ra juhape hâmojecte ŋoŋere erâ bunane biaŋkekac, ŋoŋe mamanasiŋ fârihec eniŋte wiac i fuajec. ši ine erao ranaŋ.”  
\v 16 Eme Toma, šâŋene moc Didimo, eki motec âgofâcne šiŋuc jazawec: “Nâŋâc mâmâc rarâ ehec hâmonšepeneŋ.”   
\s1 Jesu e ɋâɋâre â juju rune  
\p
\v 17 Lazaro šâŋeruŋko fohame šoaŋ gie bapa jahec â jahec ehame Jesu ra fisiwec.  
\v 18 Betania hae i Jerusalem hae irec rašimicne bembeŋko ŋewecte  
\v 19 irecnec Judaŋic bocjahazi Mata â Maria ɋajekic hâmowecte soŋgâŋ fâsâc honec-jofazo rambiŋ.  
\v 20 Eme Mata e Jesu fisikac mupie manarâ Maria ficko ŋehame ra hatao bâfuawec.  
\v 21 Bâfuarâ šiŋuc âzâcnewec: “Wofuŋ, go šira jutec muzac ɋanane mi hâmozac.  
\v 22 Erâ šiŋuczia gore wâc manakopac, wiac irec me irec Anutu numucnetec mana-gareocmu.”  
\v 23 Eme Jesuzi šiŋuc âzâcnewec: “Ɋage ɋârerâ fahareocmu.”  
\v 24 Mume Matazi šiŋuc muwec: “Juku dameŋ sâkoo ɋârerâ fahareocmu i manakopac.”  
\v 25 Eme Jesuzi šiŋuc âzâcnewec: “Ɋâɋâre â juju rune no, irec moc e no manasiŋnuocmuzi hâmo-bipierâ juocmu,  
\v 26 â moc e ɋâricne juhuc manasiŋnuocmuzi hâhâmo tâmiric jurašihuc juocmu sanaŋ. Go dâŋ i mana šakiekomec?”  
\v 27 Eme Matazi muwec: “Go Kristo Anuture Ŋokâzi mâreŋko wahaocte mukicne hâcne, i maŋnanezi mana šakiekopac.”   
\p
\v 28 Dâŋ iŋuc murâ qoticne Maria wiracnerâ saŋucko šiŋuc âzâcnewec: “Qaqazu warejec gore mukac.”  
\v 29 Eme Mariazi manarâ izia faharerâ Jesurao rawec.  
\v 30 Jesu e hae upeo Mata dâŋ âzâcneweckoa domawec.  
\v 31 Eme Maria e biac faharerâ rame Judaŋic soŋgâŋte ficticnao ŋembiŋ jaŋe šâŋeruŋko kioocte rakac muhuc bâjâpembiŋ.  
\v 32 Eme Maria e hae upeo hurâ Jesu honerâ kikefuŋnao fodaperâ šiŋuc âzâcnewec: “Wofuŋ, go šira jutec muzac ɋanane mi hâmozac.”  
\v 33 Iŋuc murâ kiome Judaŋic bâjâpembiŋ jaŋe e bafickerâ mâmâc kiombiŋ. Kiopie Jesuzi honec-joparâ mana hâtâwehuc gâgâmârâwec.   
\s1 Lazaro bâɋârewec  
\p
\v 34 Iŋuc erâ wio-jarewec, “Wena duckembieŋ?” Eme jaŋe mumbiŋ, “Wofuŋ ware honec.”  
\v 35 Eme Jesu šâŋene ruruame šâŋeucne wahawec.  
\v 36 Eme Judaŋic jaŋe honerâ mumbiŋ, “Honeniŋ, maŋne ere mo iŋucne domawec.”  
\v 37 Á gâcnezi mumbiŋ, “Tiŋtuŋ moc šâŋene bâtâcneweczi ŋic kecši sâcne mi bâpiaŋkeme ɋiɋic qazac me?”  
\v 38 Eme Jesuzi bune mocwâc hâhâtâwehame šâŋeruŋko ra fisiwec. Qâŋɋâŋ e qânâ hawecko fowec, motâcne qânâ kâcɋenezi âke bâzickekicne.  
\v 39 Irec Jesuzi šiŋuc muwec: “Qânâ bârârieniŋ.” Mume hâmocnere hahac Mata eki muwec: “Wofuŋ, šoaŋ gie bapa jahec â jahec fowecte âsu fikac.”  
\v 40 Mume Jesuzi šiŋuc âzâcnewec: “Dâŋ gazape mi manamec, go manasiŋnutec Anutu tâpiri-ticnere qâreŋ fuame honecmu.”  
\v 41 Eme qânâ bârâriepie Jesuzi faic fime fehame šiŋuc numuwec: “Mamac, go nunumu-nane manamecte daŋge gazakopac.  
\v 42 Go nunumu-nane dameŋ sâc manaekic i manakopac. No mâc ŋic ši doma raŋgopieŋ jaŋe goki sorecnutec wahapo i maŋjeŋiczi mana šakieniŋte dâŋ iŋuc gazakopac.”  
\v 43 Iŋuc murâ hahaŋne bahuc wirawec, “Lazaro go wahac.”  
\v 44 Mume hâmokicnezi wahawec. Me kikene qoruczi qâfisekicne â šâŋe maine qoruczi foŋkekicne, irec Jesuzi šiŋuc jazawec: “Qoruc goroŋkepie raoc.”   
\s1 Jesu e hâmoocte mupaŋkembiŋ  
\r (Mat 26: 1-5” Maò 14: 1-2” Luë 22: 1-2)  
\p
\v 45 Judaŋic Mariarao fisimbiŋ jaŋeraonec bocjahazi Jesu wiac eme honerâ e manasiŋkembiŋ.  
\v 46 Gâcnezi ine farisaio ŋic jaŋerao rarâ Jesuzi wiac ewec irec dâŋ binaŋ ejarembiŋ.  
\v 47 Eme taha bapa micne â farisaio ŋic jaŋe dâŋ i manarâ micne bapa hefârec-joparâ šiŋuc mumbiŋ: “Ŋic e mâsi bocjaha bakacte wenac enaŋ?  
\v 48 Nâŋâc qâoma ecnehuc juhapene ŋic jaŋe erao qohota-fârepie Romaŋic jaŋe râsi enârerâ mâreŋ â ŋic nâwoc rofâreniŋmu.”  
\v 49 Eme jaŋere âgo moc, šâŋene Kaifa, jara dameŋ ira taha bapa sâko juwec, eki šiŋuc muwec: “Ŋoŋe maŋ mamanasu tâmiric juŋgopieŋ,  
\v 50 erâ šiŋuc wâc mi manaŋgopieŋ: Ŋicguru nâŋâc sipiricke-fârenšipeŋte mocjahazi âkehoc-nâpohuc hâmome izi ŋoŋe wâc bafic-ŋopaocmu.”  
\v 51 Dâŋ i maŋticnere mi muwec, e jara dameŋ ira taha bapa sâko juwecte fiŋdaŋdâŋ muwec. Jesu e jâmbomac ŋic jaŋere erâ hâmoocte mucnekicne,  
\v 52 erâ Judaŋic jaŋere sawa mâcne, Anuture naru motecfâc mâreŋ sâc juraŋgopieŋ jaŋe mâmâc bâtumaŋ-jopame suru mocjaha erâ juniŋte iŋuc mucnekicne.  
\v 53 Eme micne bapa jaŋe šoaŋ gie bapa ira hâcne Jesu qaniŋte dâŋgie fuŋkembiŋ.  
\v 54 Irec Jesu e Judaŋic jaŋerao mocwâc mi fua tâcnerâ juwec, e mâreŋ burocne irec mecqaŋeŋao hae moc ŋewec, Eferaim, ira motecfâcne rocjopame ra jumbiŋ.   
\p
\v 55 Eme Judaŋic aakic hombaŋ-jeŋic bembeŋkehame hae pitickonec ŋic bocjahazi bahac wâwânâŋ gie-jeŋic baniŋte biac bânierâ Jerusalem haeo rambiŋ  
\v 56 Eme taha ufuŋko Jesu basarâ šiŋuc muhuc nazaŋ gazaŋ embiŋ: “Ŋoŋe weniŋuc muŋgopieŋ, e hombaŋte wareocmu me mâcne?”  
\v 57 Taha bapa micne â farisaio ŋic jaŋe ine mumupaŋ dâŋ šiŋuc mumbiŋ: “Moc e ŋeŋe juju-ticne honerâ ware mufua-nâreme kâpâcwâru banšepeneŋ.”   
\c 12  
\s1 Maria e Jesu opâ âsu biaŋ ruacnewec  
\r (Mat 26: 6-13” Maò 14: 3-9)  
\p
\v 1 Aakic hombaŋ juwicnao šoaŋ gie bapa 6 fohame Jesuzi Betania haeo ra fisiwec. E hae ira hâcne Lazaro hâmockonec bâɋârewec.  
\v 2 Eme Jesu tiwâ bâzi rikecnepie Matazi râe bâmoc ejareme Lazarohec mâmâc ŋehuc nâmbiŋ.  
\v 3 Ŋehapie Mariazi kiruŋ moc opâ âsu biaŋ furi sâko jâmbâŋ i rorâ Jesu kikene ruacnerâ qizec susuc-ticnezi bâkereŋkewec. Eme fic âsu biaŋ fifârewec.  
\v 4 Eme motec jaŋere âgo moc Juda Karioto haeonec docbapa ŋic, eki šiŋuc muwec:  
\v 5 “Opâ âsu izi 30 kina kitâcneme ŋic hapetac jarepene sâckezac me!”  
\v 6 E dâŋ i hapetac jaŋere manasuhuc mi muwec, e moneŋ kânoŋ wirec-jeŋic bajuhuc moneŋ hume ro soŋsoŋ ejujec, irec muwec.  
\v 7 Eme Jesuzi muwec, “Ŋoŋe ŋokac dâŋ mi mucneniŋ, e opâ âsu i sahac-nane ruacneme hâmope ducnuniŋte irec biŋe hâcne bajuwec.  
\v 8 Ŋic hapetac dameŋ sâc ŋoŋerao juhuc juniŋmu, no ine ŋoŋerao boc mi jupemu.”   
\p
\v 9 Eme Judaŋic bocjaha jaŋe hae ira jume manarâ ijaha fisimbiŋ. Erâ Jesure sawa mâcne, Lazaro hâmockonec bâɋârewec e mâmâc honeniŋte fisimbiŋ.  
\v 10 Eme irec taha bapa micne jaŋe Lazaro mâmâc qaniŋte dâŋgie bambiŋ.  
\v 11 Judaŋic bocjahazi ere erâ rarâ Jesurao qohotambiŋte iŋuc embiŋ.   
\s1 Jesu Jerusalem haeo feme ofac hecnembiŋ  
\r (Mat 21: 1-11” Maò 11: 1-10” Luë 19: 29-40)  
\p
\v 12 Hae fureme ŋic guru sâko hombaŋte biac Jerusalem haeo fisimbiŋ jaŋe dâŋ biŋe šiŋuc manambiŋ: “Jesu warehuc jukac.”  
\v 13 Dâŋ i manarâ šariŋ bazu amec erâ hatao bâfuaniŋte rambiŋ. Erâ bâfuarâ ofac hecnehuc šiŋuc mumbiŋ: “Ohec, Wofuŋte micte ware-nârekac e mumbiaŋkenaŋ, Israe ŋicwofuŋ ohec!”  
\v 14 Jesu e doŋgi motecne bâfuacnepie fainao ŋehuc rawec. I findaŋdâŋ kecšiŋuc fokac irec sâcko ewec:   
\q1
\v 15 “Zioŋte otâ, go mi hâwicguoc;  
\q1 manakic, ŋicwofuŋgezi fakac,  
\q1 doŋgi motecnere âsio fakac.”   
\m
\v 16 Dâŋ i motecfâc-ticne jaŋe mârâc mi mana-hâmombiŋ. Juku Jesu sambâŋ tatamac-ticnao risie feme dâŋ irec manasurâ šiŋuc mana tarambiŋ: I ere qâreŋkekicnere sâc ijaha ecnembiŋ.  
\v 17 Jesu e Lazaro wiracneme šâŋeruŋkonec wahame honembiŋ ŋic guru sâko i jaŋe gâcne dâŋ binaŋ ejarembiŋ.  
\v 18 Eme mâsi irec biŋe manambiŋte bocjahazi hatao ra bâfuambiŋ hâcne.  
\v 19 Eme farisaio ŋic jaŋe jaŋackoaŋ šiŋuc muhuc muc manac embiŋ: “Manaŋgopieŋ. ŋoŋe dâŋgie bâipiehapie ŋic mâmâc sasawa erao qohota-fâreŋgopieŋ ine!”   
\s1 Jesu hâmome huriri qâreŋ-ticne fuaocte mukicne  
\p
\v 20 Judaŋic hombaŋte Jerusalem haeo fisimbiŋ jaŋere ŋondeŋko Grikŋic qâpuc moc moc mâmâc juhuc Anutu mai ecnembiŋ.  
\v 21 Eme jaŋe Filipo Besaida haeonec Galilaia mâreŋkonec erao rarâ šiŋuc âzâcnembiŋ: “Ŋicbomboŋ, nâŋe Jesu honezo muŋgopeneŋ.”  
\v 22 Mupie Filipozi Anderea âzâcneme mâmâc Jesurao rarâ dâŋ i âzâcnepic.  
\v 23 Âzâcnepire šiŋuc muwec: “Ŋic Fâri Wâtuŋne huriri qâreŋ-ticne fua tâcneocte šâfo maickekac hâcne.  
\v 24 Jâmbomac jâmbâŋ ŋazape mananiŋ, jacgoŋ hândâŋ e mâreŋko mi hurâ mâc foku foocmu, mâreŋte nânâ eme ine fârine bocjaha fuaocmu.  
\v 25 Moc e juju-ticne âgo ecneme sifuckecneocmu, moc e mâreŋko juhuc juju-ticne râsi ecneme juju sanaŋte biŋe focneocmu.  
\v 26 Moc e nore kiŋaŋ qaqa ezo murâ bâjâpecnuzejec, eme no jupemuoa kiŋaŋ qaqa-nanezi juocmu. Moc e no kiŋaŋ qanareocmu, e Mamac-nanezi erickeocmu.  
\v 27 Ʒi maŋnane fâfârerâ ɋarac ɋarac qakac. Ehame weniŋuc mupemu? `Mamac go dameŋ maicnukac i bâsuecƷ iŋuc mupe? Misac, iŋuc aricne, dameŋ i hâcne maicnuocte mukicne.  
\v 28 Irec Mamac go mutec šâŋe biŋegere huriri qâreŋ fua tâcnezejec.” Mume sambâŋkonec dâŋ šiŋuc wahawec: “I huriri qâreŋ-ticne fuawec erâ huriri qâreŋ jaha fua raocmu.”  
\v 29 Eme ŋicguru domambiŋ jaŋe manarâ mumbiŋ, “Ɋuŋ hejec.” Á gâcnezi mumbiŋ, “Aŋelo moczi dâŋ âzâcnejec.”  
\v 30 Mupie Jesuzi micjeŋicko rorâ šiŋuc jazawec: “Dâŋ i nahacnere mâcne ŋoŋere erâ fuajec.  
\v 31 Ʒi mâreŋko ââke râwiŋ dameŋ maickekacte mâreŋ širec ŋicbomboŋ e hetuŋkezo.  
\v 32 Mâreŋkonec bâfeŋnupie mâreŋ sâc ŋic fârec-jopape norao fisiniŋmu.”  
\v 33 I hâmoc weniŋucne hâmoocmu irec dâŋ suŋsuŋne iŋuc muwec.  
\v 34 Mume ŋicguru domambiŋ jaŋe šiŋuc âzâcnembiŋ: “Nâŋe mitio dâŋ kecšiŋuc manaeŋgopeneŋ: Kristo e mi hâmohuc jurašihuc juocmu. Eme goki wemocte šiŋuc mukic: `Ŋic Fâri Wâtuŋne e bâfeŋneniŋmu'? Ŋic Fâri Wâtuŋne e mo?”  
\v 35 Eme Jesuzi dâŋ šiŋuc bâtikie-jarewec: “Ʒoctamac e ŋondeŋ-ŋeŋicko dameŋ bembeŋne mac tamaeocmu. Irec dapâczi foŋŋopazacte šoctamac foŋarehame e maickerâ junšepieŋ. Moc e dapâcko rahuc hata mi hone taraocmu.  
\v 36 Irec šoctamac foŋarehame maŋzi sakarehuc kikefuŋfâc-ticne enšepieŋ.” Jesu e dâŋ iŋuc murâ ra soŋsoŋko juwec.   
\s1 Judaŋic maŋsanaŋ-jeŋicte miti qikiŋnembiŋ  
\p
\v 37 Jesu e mâsi fuŋne fuŋne šâŋe fai-jeŋicko bame hone-bipiehuc sifu erao mi roweckembiŋ.  
\v 38 I porofete Jesajare dâŋ sanaŋkeocte iŋuc embiŋ. E dâŋ šiŋuc qâreŋkewec:  
\q1 “Wofuŋ, biŋedâŋge mupene mozi mana šakieekac?  
\q1 Á Wofuŋte me i morao fua taniŋkeekac?”   
\m
\v 39 Erâ Jesure dâŋ mi mana šakiembiŋ i Jesajare dâŋqâreŋ moc fokacte embiŋ ine kecšiŋuc:   
\q1
\v 40 “E šâŋe-jeŋic tiŋtuŋ barâ maŋjeŋic bâzickewec,  
\q1 jaŋe šâŋezi wiac hone taranšipiŋte,  
\q1 â maŋzi wiac mana taranšipiŋte,  
\q1 ehuc maŋjeŋic bârisiepie bâpiaŋ-jopazipore.”   
\m
\v 41 Jesaja dâŋ muwec, i Jesu sambâŋ tatamac-ticne honerâ muwec.  
\v 42 Eme micne bapa jaŋeraonec gâcne jaŋe Jesu manasiŋkembiŋ wâc. Erâ mufuapie farisaio jaŋe miti sakare-jarenšipiŋte hâwic-jopame hesoŋkembiŋ.  
\v 43 Jaŋe šâŋe biŋe-jeŋic ŋic jaŋerao waha qaqane ezacte manapie ŋemâckewec, â Anuturao waha qaqane ezacte manapie afeckewec.   
\s1 Jesure dâŋ manahuc Mamac-ticnere dâŋ manazo  
\p
\v 44 Jesu e hahaŋne bahuc dâŋ šiŋuc muwec: “Moc e no manasiŋnuocmu, e no sawa mâcne, sorecnuwec e mâmâc manasiŋkeocmu.  
\v 45 Á moc e no honecnuocmuzi sorecnuwec e mâmâc honeocmu.  
\v 46 No šoc tatamaczi mâreŋko wahapo, eme moc e no manasiŋnuocmuzi dapâckonec wefuocmu.  
\v 47 Moc e dâŋnane manarâ beheme okacne mi râcnepemu, no ŋic okacne jarepemurâ mâcne, bâpiaŋ-jopapemurâ wahapo.  
\v 48 Moc e no qikiŋnuhuc dâŋnane beheocmu, e mumutara fuacneocmu, dâŋ muekopac izi juku dameŋ sâkoo mumutara ecneocmu.  
\v 49 No dâŋ i no nahacne maŋte mi muekopac, Mamac sorecnuwec e jahac dâŋ mufuapemurâ sâcmutâc enarewec.  
\v 50 Erâ no manakopac, micdâŋ-ticnezi juju sanaŋ bâfuaekac. Dâŋ muekopac i Mamaczi mutâcne-narewec sâc muekopac.”   
\c 13  
\s1 Jesuzi motecfâcne kike šure-jarewec  
\p
\v 1 Aakic hombaŋ maickehame Jesuzi e jahacnere šiŋuc manawec: No mâreŋ beherâ Mamactao risie fepemurâ dameŋ bembeŋkekac. Iŋuc manarâ mâreŋko wiacfâc-ticne maŋjauŋ ejarewec, i ejare tarahuc hâmoocte muwec.  
\v 2 Eme ŋafere nânâ nâniŋte tumaŋnehapie wiac kecšiŋuc fuawec: Simoŋ ŋokâ-ticne Juda, Karioto haeonec, e Jesu doc baocte Sataŋzi maŋticnao qafeŋ râewec.  
\v 3 Á Jesu e šiŋuc manawec: Mamac e wiac sasawa furu qârârie-narekac, eme no Anuturaonec wahapozi mocwâc Anuturao risie fepemu.  
\v 4 Fuŋne iŋuc manahuc nânâ nâhuc ŋembiŋkonec faharerâ ŋaqi šora faine i hetararâ gie qoruc jomawec.  
\v 5 Erâ opâ râqâcko qame hume fuŋkerâ motecfâcne kike šure-jarewec. Ehuc gie qoruczi bâkereŋke-jarewec.  
\v 6 Ejare raku Simoŋ Petororao fisime šiŋuc âzâcnewec: “Go Wofuŋzi kike-nane šurezo mukic me?”  
\v 7 Mume Jesuzi šiŋuc âzâcnewec: “Wiac ekopac irec fuŋne šiŋuczia mi manakomec, juku šâhecko manacmu.”  
\v 8 Eme Petorozi šiŋuc muwec: “Aricne, go kike-nane mi šure-jâmbâŋkecmu.” Mume Jesuzi šiŋuc âzâcnewec: “Noni mi šurecgupe nohec maŋ šušuhuc mi jucmu.”  
\v 9 Eme Petorozi šiŋuc muwec: “Wofuŋ, murâ kike-nane sawa mâcne, me qizec-nane mâmâc šurec.”  
\v 10 Mume Jesuzi šiŋuc âzâcnewec: “Moc e opâ ruarâ šâhec kike-ticne sawa šureme sahacne ɋaɋacne fofâreocmu, eme ŋoŋe iŋuc jaha ɋaɋackembiŋ, erâ ɋaɋacnea mi jufâreŋgopieŋ.”  
\v 11 E doc bapa-ticne mana tarahuc šiŋuc jazawec: “Ŋoŋe ɋaɋacnea mi jufâreŋgopieŋ.”   
\s1 Kike šušurere fuŋne jazawec  
\p
\v 12 Kike-jeŋic šure-fârerâ ŋaqi šora-ticne mocwâc heme hume waha ŋehuc šiŋuc jazawec: “No wiac eŋarepac irec fuŋne manaŋgopieŋ me?  
\v 13 Ŋoŋe Qaqazu â Wofuŋ munareeŋgopieŋ, erâ iŋeŋic jukopacte sâcne munareeŋgopieŋ.  
\v 14 Eme no Wofuŋ â Qaqazu-ŋeŋiczi kike-ŋeŋic šure-ŋarepacte ŋaŋaczia iŋuc jaha kike šušurec erahuc jupie sâckezejec.  
\v 15 Mâsi eŋarepac izi juju bapare ma qâreŋ-ŋeŋic eme i honehuc, eŋarepac irec sâc ehuc junšepieŋ.  
\v 16 No jâmbomac jâmbâŋ mupe mananiŋ: Kiŋaŋ moteczi bomboŋ-ticnere sâc sirickerâ jujune i mi fokac, â sorekicnezi sorewec ere sâc sirickerâ jujune i wâc mi fokac.  
\v 17 Eme dâŋ i manapaŋkerâ irec sâcko jupie no ŋoŋere manape šerine eocmu.  
\v 18 No dâŋ mupe mâmâc sasawa mi rocŋopakac. No wenimoi rowosâec-ŋopapo i manakopac. Dâŋqâreŋ moc kecšiŋuc fokac, i sanaŋkeocmu hâcne: Nânâ bâfâuc ecneekopac eki wâc bunaneo bakac.  
\v 19 Wiac i mi fuahame qanaŋ ŋazakopac, eme šâhec fuame, e Wofuŋzi qanaŋ manahuc muwec, nore iŋuc munšepieŋ.  
\v 20 No jâmbomac jâmbâŋ ŋazape, moc e gie muŋarekicne ŋoŋe hezu hewâneŋ eŋareocmuzi gie rune no hezu hewâneŋ enareocmu, â moc e no enareocmuzi sorecnuwec e hezu hewâneŋ ecneocmu.”   
\s1 Jesuzi Juda mutaniŋkewec  
\r (Mat 26: 21-25” Maò 14: 18-21” Luë 22: 21-23)  
\p
\v 21 Jesu e dâŋ iŋuc murâ bu šašamaŋne fâuckezo eme mutaniŋkerâ šiŋuc jazawec: “No jâmbomac jâmbâŋ mupe mananiŋ, ŋoŋeraonec moczi no doc bacnuocmu.”  
\v 22 Iŋuc mume motec jaŋe hohonec efârerâ, i more mukac, muhuc kâuc bambiŋ.  
\v 23 Eme motec moc Jesure maŋfuŋko ŋewec, e bufuŋ jâmbâŋ-ticne,  
\v 24 e hâcne Simoŋ Petorozi mezi sâsâc ecnerâ muwec, “Wiocnetec gazaoc, more mukac?”  
\v 25 Eme motec eki hâcne qizec-ticne Jesure amecko fohorerâ muwec, “Wofuŋ go more mukic?”  
\v 26 Eme Jesuzi muwec, “Poroŋ sicko âke uruckerâ râcnepe nâocmu ere hâcne mukopac.” Iŋuc murâ poroŋ sicko âke uruckerâ Simoŋ ŋokâ-ticne Juda, Karioto haeonec, e râcneme nâwec.  
\v 27 Nâme Sataŋzi maŋne sakioŋkewec. Eme Jesuzi šiŋuc âzâcnewec: “Wiac ezo mukomec, i biac jaha ezemec.”  
\v 28 Dâŋ iŋuc âzâcneme gâcne mâmâc ŋembiŋzi mi mana-hâmombiŋ.  
\v 29 Ehuc tucnezi šiŋuc mumbiŋ: “Juda e moneŋ kânoŋ wirec-nâŋec bajukacte hombaŋte wiac moc furine baocte sorekac, me ŋic hapetac moneŋ jareocte mukac.”  
\v 30 Eme Juda e poroŋ nârâ izia ŋafe fuaha rawec.   
\s1 Jesu e huriri qâreŋ-ticnere muwec  
\p
\v 31 Juda rame Jesuzi motec gâcne šiŋuc jazawec: “Ʒi Ŋic Fâri Wâtuŋne e huriri qâreŋ-ticne fuakac, eme ere erâ Anuture huriri qâreŋ mâmâc fuakac.  
\v 32 Ŋic Fâri Wâtuŋnezi Anuture huriri qâreŋ bâfuawecte Anutu e jahac Ŋic Fâri Wâtuŋne ere huriri qâreŋ iŋuc jaha bâfuaocmu, dameŋ mi šorahame biac bâfuaocmu.  
\v 33 Motecfâc-nane, no dameŋ bembeŋne mac moc ŋoŋehec jupemu. Eme šâhec basacnuniŋmu. Eme Judaŋic jazapo ijaha ŋoŋe ŋazape: No rapemu ijaha sâcne mi fâniŋmu.  
\v 34 Eme ši sâcmutâc dâŋ ɋâricne ŋazape: Maŋjauŋ eec enšepieŋ, noni maŋjauŋ eŋare warehuc jupo iŋuc jaha ŋaŋackoaŋ maŋjauŋ eec enšepieŋ.  
\v 35 Maŋjauŋ eec epie ŋic jaŋe honec-ŋopapie motecfâc-nane juŋgopieŋ ezejec.”   
\s1 Jesuzi Petoro findaŋdâŋ âzâcnewec  
\r (Mat 16: 33-35” Maò 14: 29-31” Luë 22: 31-34)  
\p
\v 36 Eme Simoŋ Petorozi wiocnerâ muwec, “Wofuŋ, go wena racmu?” Eme Jesuzi muwec, “No rapemu ijaha šiŋuczia sâcne mi fâcmu, juku šâhec ine fâzemec.”  
\v 37 Eme Petorozi šiŋuc muwec: “Wofuŋ, no wemocte šiŋuczia sâcne mi fâpemu? No gore erâ juju-nane sâcne qikiŋnepemu.”  
\v 38 Mume Jesuzi šiŋuc âzâcnewec: “Go nore erâ jujuge qikiŋnezo mukomec me? No jâmbomac jâmbâŋ gazape: Qâqâczi mi dâŋehame goki jahec â moc mic bacnucmu.   
\c 14  
\s1 Mâmâzoc dâŋ: 1. Ŋeŋe-nâŋec hewâneŋkeekac  
\p
\v 1 “Ŋoŋe fâfârerâ maŋŋeŋic mi gâckezejec. Anutu manasiŋkehuc no mâmâc manasiŋnunšepieŋ.  
\v 2 Mamac-nanere hae qizecko fic bocjaha ŋerakac. Iŋuc mi fome muzac, ŋeŋe hewâneŋke-ŋarezo rapemu, i moc ŋazazapo me?  
\v 3 Eme ra ŋeŋe hewâneŋke-ŋarerâ mocwâc risie warerâ jowac-ŋopape rarâ no jupemuoa junšepieŋ.  
\v 4 Rapemu hata i honeeŋgopieŋ.”  
\v 5 Mume Tomazi šiŋuc âzâcnewec: “Go wena racmu, i nâŋe mi manaŋgopeneŋ, irec wemocko hata honenaŋmu.”  
\v 6 Eme Jesuzi šiŋuc âzâcnewec: “Hata â dâŋ fâri qizec â juju irec rune no. No nowarurâ Mamactao fifisi i mi fokac.  
\v 7 Ŋoŋe juwicnao no šâŋitacnurâ muzac Mamac-nane iŋuc jaha šâŋitanšapiŋ. Ʒi ine Mamac-nane šâŋitarâ mana taraŋgopieŋ.”  
\v 8 Iŋuc mume Filipozi šiŋuc muwec: “Go Mamac nâwotutec honerâ manapene taraocmu.”  
\v 9 Eme Jesuzi muwec: “Filipo, no dameŋ šora ŋoŋehec juhape go mi hone tarac-nukomec? Moc e no honecnuekaczi Mamac honeekac. Eme go wemocte šiŋuc mukomec: `Go Mamac nâwotutec honenaŋ'?  
\v 10 Mamaczi no maŋnuekac â noni Mamac maŋkeekopac i mi mana šakiekic me? Dâŋ ŋazaekopac i nahacne maŋte mi ŋazaekopac, Mamaczi nore maŋko juhuc gie-ticne baekac.  
\v 11 Mamaczi no maŋnuekac â noni Mamac maŋkeekopac, dâŋ i manapie fârine ezejec. Me miczi mupe mi sâcŋopakacko wiac bapa-nanere erâ dâŋ i mana šakieniŋ.   
\s1 2. Neŋgoc ŋesiŋ moc wahaocte muwec  
\p
\v 12 “No jâmbomac jâmbâŋ mupe mananiŋ: No manasiŋnuocmuzi gie baekopac ijaha baocmu. Erâ i sawa mâcne, sâcnane jâuruhuc baocmu. No Mamactao fepemure iŋuc hâcne fuaocmu.  
\v 13 Eme ŋoŋe nore šâŋe bajuhuc numupie sâc mana-ŋarehuc epemu. I Mamacte mumuteŋ Ŋokâre erâ fuaocte iŋuc epemu.  
\v 14 Ʒâŋe-nane bajuhuc numu-narepie mana-ŋarehuc epemu.  
\v 15 Maŋŋeŋic nore qikiŋneeŋgopieŋko micnane reŋkeniŋmu.  
\v 16 Eme noni Mamac numucnepe neŋgoc ŋesiŋ-ŋeŋic moc soreme waharâ ŋoŋehec juhuc juocmu sanaŋ.  
\v 17 Dâŋ fâri qizecnere Mâro hâcne. I miti tâmiriczi rorone mi fokac. Jaŋe e mi hone taraeŋgopieŋ â e mi mana taraeŋgopieŋ. E ŋoŋehec juekaczi maŋŋeŋicko hurâ juocmu, irec ŋoŋe e kâuc mi baeŋgopieŋ.  
\v 18 No behec-ŋopape bekâ mâsiŋ erâ mi juniŋmu. No ŋoŋerao risie warepemu.  
\v 19 Dameŋ bembeŋne mac moc fokac, i tarame miti tâmiriczi mocwâc mi honecnuniŋmu. Ŋoŋe ine honecnuniŋmu. No juju sanaŋ jukopac, irec ŋoŋe iŋuc jaha ɋâricne juraniŋmu.  
\v 20 Dameŋ ira, Mamaczi no maŋnuekac â noni ŋoŋe maŋŋopaekopac, â ŋoŋe no maŋnueŋgopieŋ i mana taraniŋmu.   
\s1 3. Jesuhec maŋmaŋ ezo  
\p
\v 21 “Moc e micdâŋ-nane bajuhuc sâseocmu, eki maŋjauŋ enareocmu. Eme moc e no maŋjauŋ enareme Mamac-nanezi e iŋuc jaha maŋjauŋ ecneocmu, â no nahac wâc maŋjauŋ ecnehuc fuŋne-nane mutaniŋkecnepemu.”  
\v 22 Iŋuc mume Juda Karioto haeonec ere wasezi wiocnerâ muwec: “Wofuŋ, go weniŋuc erâ fuŋnege nâŋerao sawa bataniŋkehuc ŋic gâcne sâko jaŋe hesoŋke-jarezo mukic?”  
\v 23 Mume Jesuzi dâŋ šiŋuc bâtikiecnewec: “Moc e maŋjauŋ enareocmuzi dâŋnane mana rereŋ eocmu. Eme Mamac-nanezi e iŋuc jaha maŋjauŋ ecneocmu. Eme nâhe mâmâc erao fisirâ ŋeŋe juju enacmu.  
\v 24 Moc e maŋjauŋ mi enareocmuzi dâŋnane wemocko mana rereŋ eocmu. Erâ dâŋ ŋazaekopac i no nahacnaonec mâcne, i Mamac sorecnuwec eraonec.   
\s1 4. Jesuzi wama fârine nâreekac  
\p
\v 25 “No nahac ŋoŋehec juhuc dâŋ iŋucne ŋaza qazuc eekopac.  
\v 26 Eme neŋgoc ŋesiŋ Tiri Mâro hâcne e Mamaczi nore micte soreme waharâ dâŋ sasawa ŋaza qazuc eŋareocmu, â noni ŋazaekopac i heɋâre-ŋare-fâreocmu.  
\v 27 No merâfâc-nane wama ŋarekopac, ŋic wama mâcne, no nahacne wama jâmbâŋ ŋarekopac. Irec maŋŋeŋic mi fâfârerâ gâckezejec.  
\v 28 No kecšiŋuc ŋazape manambieŋ: `No rarâ juku ŋoŋerao mocwâc risiepemu. Ž Ŋoŋe maŋŋeŋic nore qikiŋnerâ muzac, ine Mamactao fepemu i manarâ bubiaŋ bâfuanšapiŋ. Mamac e nore femicne jukacte manasuhuc iŋuc enšapiŋ.  
\v 29 Ʒi fârine mi fuaha qanaŋ ŋazakopac, irec fuame honerâ mamanasiŋ-ŋeŋic sanaŋkezejec.  
\v 30 No ši dâŋ bocjaha mi šuhuckerâ ŋazapemu. Mâreŋ širec ŋicbomboŋ wareocte šawiekac, warerâ norao hetakireocmu.  
\v 31 Eme Mamac maŋjauŋ ecnehuc gie munarewec baekopac i miti tâmiriczi hone taraniŋte faharepie ranaŋ.   
\c 15  
\s1 Jesu e waiŋ jâcne, nâŋâc tieŋfâcne  
\p
\v 1 “No waiŋjâc fuŋqizecne jâmbâŋ, â Mamac-nanezi waiŋ gie rune.  
\v 2 Tieŋne moc norao foipiehuc fârinehec mi eme qâtâcne behec eocmu, â tieŋne moc fârinehec fome gie bacneme soka biaŋ eocte soŋaŋkeocmu.  
\v 3 Ŋoŋe ine miti ŋazape manahuc biac ɋaɋackembiŋ juŋgopieŋ hâcne.  
\v 4 Eme ŋoŋe no maŋnupie noni ŋoŋe iŋuc jaha maŋŋopapemu. Waiŋ tieŋnezi jâcnehec šušuhuc mi fohuc e jahackoaŋ sawa fârinehec mi eocmu. Eme ŋoŋe iŋuc jaha no mi maŋnuhuc wemocko fârinehec eniŋmu.  
\v 5 Waiŋjâc fuŋqizecne no, tieŋ taeŋne ŋoŋe. Moc e no maŋnuhame noni e maŋkepemu, eme iŋucnezi fârine sâkohec eocmu. Ŋoŋe no tâmiric juhuc wiac eene i mi fokac.  
\v 6 Moc e no mi maŋnume e behezo, eme waiŋ tieŋne behepie ɋaŋame qâzuckerâ behepie šocko šaekac, sâc ijaha ecnezo.  
\v 7 Ŋoŋe no maŋnuhuc dâŋnane maŋkeniŋmu, eme wiac irec me irec numupie fua-ŋareocmu.  
\v 8 Ŋoŋe fârine sâkohec ehuc motec jâmbâŋfâc-nane erâ jupie Mamac-nanere mumuteŋ fuaocmu.   
\s1 Maŋjauŋ eec ezo  
\p
\v 9 “Mamaczi no maŋjauŋ enareekac, iŋuc jaha noni ŋoŋe maŋjauŋ eŋareekopac. Eme ŋoŋe nore maŋjauŋkoa junšepieŋ.  
\v 10 Micdâŋ-nane reŋkehuc ine nore maŋjauŋko juniŋmu, no iŋuc jaha Mamac-nanere micdâŋ reŋkehuc ere maŋjauŋko juekopac.  
\v 11 Nore bubiaŋzi ŋoŋerao fotâcneme ŋoŋerezi fufusuc foocte dâŋ ši ŋaza-fârekopac. Erâ ŋoŋerao fohuc fua sawec ezejec.  
\v 12 Micdâŋ-nane kecšiŋuc ŋazakopac: Noni maŋjauŋ eŋareekopac, iŋuc jaha ŋaŋaczia maŋjauŋ eec enšepieŋ.  
\v 13 Moc e âgofâcne jaŋere riŋ rohuc juju-ticne qaisockeocmu, irec maŋjauŋ fekicne sâko muzo.  
\v 14 Gie muŋareekopac i bapie honec-ŋopape âgofâc-nane eniŋmu.  
\v 15 No dameŋ ši kiŋaŋ qaqa mocwâc mi muŋarekopac, mana-ŋarepe âgofâc-nane eŋgopieŋ. Kiŋaŋ qaqazi bomboŋ-ticnere maŋko dâŋ foekac i mi manaekac. Noni ine Mamac-naneraonec dâŋ manapo sâc mufuarâ ŋaza-fârepore honec-ŋopape âgofâc-nane eŋgopieŋ.  
\v 16 ŋoŋe no mi rowosâecnumbiŋ, noni ŋoŋe rowosâec-ŋopapo, erâ ra juhuc fârine bâfuaniŋte muŋarepo. Eme fârine bâfuapie fofonehec ezejec. Iŋuc erâ nore šâŋe bajuhuc Mamac numucnepie sâc ŋareocmu.  
\v 17 Maŋjauŋ eec enšepieŋ, micdâŋ ine hâcne ŋazakopac.   
\s1 Jesu qaisockembiŋte motecfâcne qaisoc-jopaniŋmu  
\p
\v 18 “Miti tâmiriczi qaisoc-ŋopapie šiŋuc munšepieŋ: `Wofuŋ e mârâcko iŋuc hâcne fuŋkerâ qaisockembiŋ. Ž  
\v 19 Miti tâmiric jaŋere guruo rašipie muzac âgo eŋarenšapiŋ. No ine jaŋere guruonec rowosâec-ŋopape eebapa-jeŋic râpeckembiŋte qaisoc-ŋopaeŋgopieŋ.  
\v 20 No dâŋ moc kecšiŋuc ŋazapo irec manasunšepieŋ: Kiŋaŋ qaqazi bomboŋ-ticnere sâc sirickerâ jujune mi fokac. Jaŋe no râsi enarembiŋko ŋoŋe râsi jaha eŋareniŋmu, jaŋe nore dâŋ mana maŋ embiŋko ŋoŋere dâŋ iŋuc jaha mana maŋ eniŋmu.  
\v 21 Sorecnuwec e mi šâŋitaeŋgopieŋte nore erâ iŋuc hâcne eŋareniŋmu.  
\v 22 No jaŋerao mi waharâ fuŋne mi jazape muzac kiŋ tâmiric junšapiŋ. ši ine kiŋjeŋic wemocko murârâŋneniŋmu.  
\v 23 Moc e no qaisocnuekaczi Mamac-nane iŋuc jaha qaisockeekac.  
\v 24 No ŋondeŋ-ŋeŋicko mâsi sâko, ŋiczi mi bapane, i mi bazapo muzac kiŋ tâmiric junšapiŋ. ši ine bape hone-fâre-bipiehuc no qaisocnuhuc Mamac-nane iŋuc jaha qaisockeeŋgopieŋ.  
\v 25 Iŋuc epie mitio dâŋ moc kecšiŋuc fokac, i sanaŋkekac hâcne: `Jaŋe oma jâmbâŋ qaisocnumbiŋ. Ž  
\v 26 Neŋgoc ŋesiŋ, dâŋ fâri qizecnere Mâro hâcne, Mamactao jukac, e sorepe Mamactaonec waharâ fuŋne-nane mutaniŋkeocmu.  
\v 27 Erâ ŋoŋe gie fuŋkepoonec nohec juwarembiŋte iŋuc jaha fuŋne-nane mutaniŋkenšepieŋ.   
\c 16  
\s1 Motec jaŋe šika kiniŋmu  
\p
\v 1 “Juku wiac eŋarepie manapie ririsi ezacte dâŋ i qanaŋ ŋazakopac.  
\v 2 Jaŋe mitific sakare-ŋareniŋmu. Erâ wâc dameŋ moc maickeocmu, ira Anuture gie baŋgopeneŋ muhuc qâhâmoc-ŋopaniŋmu.  
\v 3 Jaŋe Mamac mecne no mecne mi šâŋitac-nâfoeŋgopieŋte iŋuc eniŋmu.  
\v 4 No dâŋ qanaŋ ŋazakopac, i sanaŋkeme munšepieŋ: Eki mârâc jaha nâzâwec hâcne. Dâŋ i dameŋ-nane šoricne fohame mârâc biac mi ŋazapo.   
\s1 Mâro e fuŋne babataniŋ  
\p
\v 5 “Ʒi ine sorecnuwec erao fezo ehape ŋoŋeraonec moczi moc šiŋuc mi wio-narekac: `Go wena racmu? Ž  
\v 6 Dâŋ iŋucne ŋazakopacte mâc busâqoczi maŋŋeŋic fusucmakac.  
\v 7 No dâŋ jâmbomac mupe mananiŋ: Risie fepemu i ŋoŋerao fârine fuaocte fepemu. Mi fezapo muzac, neŋgoc ŋesiŋzi mi wahazac. Ferâ ine sorepe wahaocmu.  
\v 8 Waharâ ŋic fuŋne bataniŋke-jareme šiŋuc mananiŋmu: Kiŋ fokac â tiŋke biaŋ fokac â okacne dâŋ mumutara fokac.  
\v 9 Kiŋte fuŋne šiŋucko mananiŋmu: Jaŋe no mi manasiŋnueŋgopieŋ.  
\v 10 Tiŋke biaŋte fuŋne šiŋucko mananiŋmu: No Mamactao risie fepe mocwâc mi honecnuniŋmu.  
\v 11 Okacne dâŋ mumutara irec fuŋne šiŋucko mananiŋmu: Mâreŋ širec ŋicbomboŋ okacne dâŋ biac mutaracnekicne.   
\s1 Mâro e jojowa-nâŋec  
\p
\v 12 “Dâŋ ŋaŋazane bocjaha fokac, erâ dameŋ šiŋuczia ŋazape wemocko amecke-fâreniŋmu.  
\v 13 Dâŋ fâri qizecnere Mâro eki ine waharâ dâŋ fâri qizecnere šâkâŋko bâutuc-ŋopaocmu. E jahacne maŋte dâŋ mi ŋazaocmu, mutâcnecnekicne sâc ŋazaocmu, erâ juku wiac fuaocmu i wâc mufua-ŋareocmu.  
\v 14 Dâŋ i no nahacne rowaŋkonec rorâ mujaŋgeŋke-ŋareme nore huriri qâreŋ fuaocmu.  
\v 15 Mamactao wiac fokac Irec rune no. Irec hâcne mupac, `Nore rowaŋkonec rorâ mujaŋgeŋke-ŋareocmu.'   
\s1 Jesu e rarâ wâc risie wareocmu  
\p
\v 16 “Dameŋ bembeŋne fokac, i tarame rape basacnuniŋmu. Erâ irec faicnao dameŋ bembeŋne jaha wâc fokac, i tarame warepe honecnuniŋmu.”  
\v 17 Iŋuc mume motec jaŋe nazaŋ gazaŋ erâ šiŋuc mumbiŋ: “Weniŋucte dâŋ kecšiŋuc mukac? `Dameŋ bembeŋne fokac, i tarame rape basacnuniŋmu, erâ irec faicnao dameŋ bembeŋne jaha wâc fokac, i tarame warepe honecnuniŋmu. Ž Á moc šiŋuc mukac: `Mamactao fepemu. Ž ”  
\v 18 Iŋuc murâ harierâ mumbiŋ: `à `Dameŋ bembeŋne fokac,Ʒ iŋuc wemocte mukac, nâŋe kâuc baŋgopeneŋ.”  
\v 19 Wiocnezo epie Jesuzi hone tarac-joparâ šiŋuc jazawec: “Dâŋ kecšiŋuc ŋazapacte muc manac eŋgopieŋ, `Dameŋ bembeŋne fokac, i tarame rape basacnuniŋmu, erâ irec faicnao dameŋ bembeŋne fokac, i tarame warepe honecnuniŋmu. Ž  
\v 20 No jâmbomac jâmbâŋ ŋazape: Ŋoŋe ki mamakuc ehapie miti tâmiriczi šeri eniŋmu. Ŋoŋe busâqocko juniŋmu, ehame busâqoc-ŋeŋiczi ŋerisieme bubiaŋ fuaocmu.  
\v 21 Ŋokac moc e motec roocte dameŋne maickeme šâic manaocmu. Izi motec rome šâic omaeme, ɋâric fuajec irec bubiaŋ manaocmu.  
\v 22 Eme ŋoŋe iŋuc jaha dameŋ šiŋuczia bušâichec juniŋmu. Juhapie mocwâc risierâ honec-ŋopape bubiaŋ bâfuaniŋmu. Eme bubiaŋ i moczi mi qâsua-ŋareocmu.  
\v 23 Eme dameŋ ira wiac mocte mi kâuc barâ wio-nareniŋmu. No jâmbomac jâmbâŋ ŋazape: Ŋoŋe Mamac wiac mocte numucnepie šâŋe-nanere erâ ŋareocmu.  
\v 24 Juwarembiŋ ira nore šâŋe bajuhuc mi numu jumbieŋ. ši ine numurâ ropie bubiaŋ-ŋeŋiczi fua sawec erâ fufuse fozejec.   
\s1 Jesure šâŋe bajuhuc numuzo  
\p
\v 25 “Dâŋ ŋaza warehuc jupo i suŋsuŋne qahuc ŋazapo. Juku dameŋ moc maickeocmu ira ine dâŋ suŋsuŋne mi muhuc, Mamacte fuŋne mâc mutaniŋkerâ ŋazapemu.  
\v 26 Dameŋ ira šâŋe-nane bajuhuc numupie noni ŋoŋe bâsâoc-ŋopahuc Mamac ââzâcne i mi epemu.  
\v 27 No Mamactaonec wahapo, dâŋ i mana šakiehuc maŋjauŋ enareeŋgopieŋte Mamac e jahac wâc iŋuc jaha maŋjauŋ eŋareekac.  
\v 28 No Mamac beherâ mâreŋko wahapo, eme ši mâreŋ beherâ Mamactao mocwâc fekopac.”  
\v 29 Iŋuc mume motec jaŋe šiŋuc âzâcnembiŋ: “Ʒi dâŋ suŋsuŋne mi muhuc mâc mutaniŋkerâ nâzâkomec hâcne.  
\v 30 Irec gore šiŋuc manaŋgopeneŋ: Ŋic jaŋe mu wioc mi egarehapie go gahaczia wiac sasawa mana-fâreekic, go Anuturaonec wahameŋ i mana šakieeŋgopeneŋ.”  
\v 31 Mupie Jesuzi šiŋuc jazawec: “Ŋoŋe miŋecne mana šakieŋgopieŋ me?  
\v 32 Dameŋ moc fokac, i biac maickeme no behecnurâ siŋsaŋ qarâ ficŋeŋic sâc rafâreniŋmu. Erâ behecnupie buc mi jupemu, Mamaczi nohec jukacte buc jâmbâŋ mi jupemu.  
\v 33 Nore wamazi ŋoŋerao foocte dâŋ iŋucne ŋazakopac. Ŋoŋe mâreŋko šârâ hâriŋ faio jueŋgopieŋ, eme noni mâreŋte micne momori fozukopacte ŋoŋe hâbi-ŋeŋichec junšepieŋ.”   
\c 17  
\s1 Mâmâzoc nunumu: 1. Jesu e jahacnere numuwec  
\p
\v 1 Jesu e dâŋ i mutararâ sambâŋko fime feha šiŋuc muhuc numuwec: “Mamac, dameŋ maickekac. Go Ŋokâgere huriri qâreŋ bâfuatec Ŋokâzi iŋuc jaha gore huriri qâreŋ bâfuazejec.  
\v 2 Go e mâreŋ sâc ŋic jaŋere rusâko râemeŋ, ehuc ŋic erao ŋec-jopameŋ sâc jaŋe juju sanaŋ bâfua-jareocte mucnemeŋ.  
\v 3 Juju sanaŋte fuŋne ine šiŋuc fokac: Go Anutu fârine mocjaha â soremeŋ, Jesu Kristo hâcne, ŋic jaŋe iŋuc mana tarac-nâfopie juju sanaŋ fua-jareocmu.  
\v 4 Gie munaremeŋ i baku batarape mâreŋko huriri qâreŋge fuakac.  
\v 5 O Mamac, mâreŋ mi fuahame gohec sambâŋ tatamac-nanehec jupo, ijaha ši mocwâc bârisie-naretec rojuzepac.   
\s1 2. Motec jaŋere numuwec  
\p
\v 6 “Guru sâkoonec ŋic nore bâwosâec-jopameŋ jaŋe biŋedâŋge mujaŋgeŋke-jarepo. I gore biŋe juhapie nore qikiŋ-jopameŋ, eme jaŋe gore dâŋ ropie maŋjeŋic ewec.  
\v 7 Wiac fonarekac i goraonec sasawa, jaŋe i mana taraŋgopieŋ.  
\v 8 Go dâŋ naremeŋ i jarepe ro sakarec embiŋ. Ehuc goraonec wahapo i manapaŋkembiŋ, â go gahac gie munaremeŋ i mana šakiembiŋ.   
\p
\v 9 “No jaŋere erâ numu-garekopac. Miti tâmiric jaŋere erâ mi numu-garekopac, naremeŋ jaŋere sawa erâ numu-garekopac, jaŋe gore biŋe hâcne.  
\v 10 Nore biŋezi gore biŋe â gore biŋezi nore biŋe. Eme maŋjeŋicko huriri qâreŋ-nane fuawec fokac.  
\v 11 No mâreŋko juju-nane tarakac, jaŋe ine mâreŋko šuhuckerâ juhapie no gorao fâzo ekopac. Tiri Mamac, biŋedâŋge naretec jazapo, eme go hemiriŋ-jopatec dâŋ irec maŋnao junšepieŋ. Eme nâhâc maŋ mocjaha juekoperec, iŋuc jaha jaŋe maŋ mocjaha junšepieŋ.  
\v 12 Jaŋehec jupo sâc biŋedâŋge naremeŋ izi hemiriŋ-jopape irec maŋnao jumbiŋ. Ehuc soŋaŋ-jopape moc mi sifuckembiŋ. Dâŋqâreŋ sanaŋkeocte hârâcte biŋe mocjahazi sipirickewec.  
\v 13 Ʒi gorao fâzo ehuc šira mâreŋko dâŋ iŋuc gazape nore bubiaŋzi jaŋerao fotâcnerâ ɋârâŋkeme bajunšepieŋ.  
\v 14 No dâŋge jarepe bajupie mâreŋte biŋe jaŋe qaisoc-jopaeŋgopieŋ. No nahac mâreŋte biŋe mi juekopac, iŋuc jaha jaŋe mâreŋte biŋe mi jueŋgopieŋte iŋuc hâcne ejareeŋgopieŋ.  
\v 15 Go mâreŋkonec rocjopacmurâ mâcne, sâqocnere ŋezic-jopacmurâ gazakopac.  
\v 16 No gâtâ-nane mâreŋko mi bawec, iŋuc jaha jaŋe gâtâ-jeŋic mâreŋko mi bawec.  
\v 17 Gore dâŋ fâri qizecnezi maŋjeŋic furu batec fozejec. Gore mitizi dâŋ fâri qizecne hâcne.  
\v 18 Goki no mâreŋko gie munaremeŋ, iŋuc jaha noni jaŋe mâreŋko gie mujarepo.  
\v 19 Jaŋe dâŋ fâri qizecnezi maŋjeŋic furu bame juniŋte no nahac wâc jaŋere erâ maŋsahac-nane bâtirirâ râekopac.   
\s1 3. Miti mamana nâŋâcnere numuwec  
\p
\v 20 “Erâ no jaŋere sawa mi numu-garekopac, miti jazapie manasiŋnuniŋmu jaŋere mâmâc numu-garekopac.  
\v 21 Jaŋe maŋwirec erâ juniŋte gazakopac. Mamac, go no maŋnuekic â noni go maŋguekopac, iŋuc jaha jaŋe nâhâc maŋnâfonšepieŋ. Iŋuc epie miti tâmiric jaŋe gahac sorecnutec wahapo i manapaŋkenšepieŋ.  
\v 22 Nâhâc maŋ mocjaha juekoperec, iŋuc jaha jaŋe maŋ mocjaha erâ junšepieŋ. Iŋuc juniŋte hâcne huriri qâreŋ naremeŋ ijaha jarepo.  
\v 23 No maŋjopahape go maŋnutec jaŋe maŋzi šâšâfic ehuc hâcbuc erâ junšepieŋ. Iŋuc jupie miti tâmiriczi goki sorecnutec wahapo i mana šakienšepieŋ, â no maŋzi šâficnuhuc jaŋe mâmâc šâfic-jopaekic, i wâc manapaŋkenšepieŋ.  
\v 24 Mamac, naremeŋ ŋic i jaŋe no jupemuoa juniŋte mukopac. Eme mâreŋ hobeteŋne mi fuahame maŋjauŋ enarehuc sambâŋ tatamac tahacnumeŋ, i hâcne nohec juhuc hone aŋac enšepieŋ.  
\v 25 Mamac, tiŋne rune, ŋic jaŋe mi mana taracgumbiŋ, noni ine mana taracguekopac, erâ kikefuŋfâc-nane jaŋe gahac sorecnutec wahapo i manapaŋkeeŋgopieŋ.  
\v 26 No biŋedâŋge mutaniŋke-jarepo erâ mutaniŋke-jarehuc jupemu. Eme maŋjauŋ no enaremeŋ ijaha jaŋerao fome maŋjopahuc jupemu.”   
\c 18  
\s1 Jesu Gezemane jufuo juhame rombiŋ  
\r (Mat 26: 47-58” Maò 14: 43-50, 53-54” Luë 22: 47-54)  
\p
\v 1 Jesu e nunumu dâŋ i muku mufârerâ motecfâcne rocjopame haeonec hurâ Kidoroŋ opâ herâ, mâreŋ mocko jufu gie fowec, ira rambiŋ.  
\v 2 Jesu â motecfâcne ira gâbâ tumaŋne jumbieŋte Juda docbapa ŋic e jufu i honewec wâc.  
\v 3 Eme ira hâcne juhapie Judazi kiaraonec momori erâ taha bapa micne â farisaio ŋic jaŋeraonec motec rocjopame waha lambe â šika barâ rambiŋ.  
\v 4 Eme Jesu e wiac ecneniŋmu i mana-fârehuc jufu tofanao ra bâfuac-joparâ wio-jarewec: “Ŋoŋe mo basaŋgopieŋ?”  
\v 5 Eme jaŋe mumbiŋ, “Jesu Nazarete rune.” Mupie muwec, “No hâcne ši.” Ehame Juda docbapa ŋic e ŋondeŋ-jeŋicko domawec.  
\v 6 Eme “no hâcne ši” Jesuzi iŋuc jazame jaŋe rârâpe rahuc rândiŋke qambiŋ.  
\v 7 Iŋuc epie hâsine wio-jarerâ muwec: “ŋoŋe mo basaŋgopieŋ?” Eme mumbiŋ, “Jesu Nazarete rune.”  
\v 8 Mupie Jesuzi šiŋuc jazawec: “No ŋazapac i, no hâcne ši. No basacnuŋgopieŋko keci jaŋe behec-jopaniŋ.”  
\v 9 Iŋuc eme dâŋ kecšiŋuc muwec i sanaŋkewec: “Naremeŋ jaŋe soŋaŋ-jopape moc mi sifuckembiŋ.”  
\v 10 Eme Simoŋ Petoro e sâqe bajuwec i becsahackonec unuckerâ taha bapa sâko kiŋaŋ motec-ticne hazecne fâreopec i qatarawec. Motec šâŋene Maiko.  
\v 11 Iŋuc eme Jesuzi Petoro šiŋuc âzâcnewec: “Sâqege becsahacko râec huoc. Me šâic guru Mamac-nanezi râe-narekac, i qikiŋnepemurâ mukic?”   
\p
\v 12 Eme soŋaŋ-jeŋiczi mume momori â Judaŋic motecfâc-jeŋic jaŋe Jesu rorâ mene qarâ  
\v 13 Hanasire ficko barambiŋ. Eme dameŋ ira Judaŋic taha bapa sâko-jeŋic juwec, šâŋene Kaifa, eki Hanasire otâ bawec.  
\v 14 Kaifa eki hâcne Judaŋic šiŋuc jazawec: “Ŋicguru nâŋâc sipiricke-fârenšipeŋte mocjahazi âkehoc-nâporâ hâmome tarazejec.”   
\s1 Petorozi Jesu mic bawec  
\r (Mat 26: 69-70” Maò 14: 66-68” Luë 22: 55-57)  
\p
\v 15 Simoŋ Petoro â motec âgo-ticne moc jahe Jesu barahapie šâhec rapic. Eme âgo-ticne e ine taha bapa sâkozi hone jujecte Jesu bâjâperâ ficmaŋko mâmâc rašimbiŋ.  
\v 16 Petoro eki ine sacrâpeo domawec. Eme âgo-ticnezi taha bapa sâkore ficko jujujecte hurâ sacmotâc soŋaŋ naru e âzâcneme Petoro motâc rocneme sacmaŋko rašiwec.  
\v 17 Eme motâc soŋaŋ naru eki Petoro honerâ šiŋuc âzâcnewec: “Ŋic kecocnirec motecfâc jaŋere guruonec go moc ine hâcne.” Eme eki muwec, “No aricne.”  
\v 18 Eme kiŋaŋ motec â momori jaŋe mâmâteŋte šoc ruqerâ ruahuc domahapie Petoro e ŋondeŋ-jeŋicko rarâ iŋuc jaha šoc ruawec.   
\s1 Taha bapa sâkozi Jesu mu indiŋ ecnewec  
\r (Mat 26: 59-66” Maò 14: 55-64” Luë 22: 66-71)  
\p
\v 19 Eme taha bapa sâkozi Jesu motec rocjopawec â miti muwec, irec mu indiŋ ecnewec.  
\v 20 Ecneme Jesuzi dâŋ kecšiŋuc bâtikiecnewec: “No dâŋ hofao tâtâc muekopac, Judaŋic mitificko â taha ufuŋko tumaŋnehapie dâŋ jaza qazuc eekopac, soŋsoŋ mi muekopac.  
\v 21 Irec wemocte no wio-narekic? Dâŋ jazape manaeŋgopieŋ jaŋe ejaretec muekopac sâc gazapie manac.”  
\v 22 Iŋuc mume kiŋaŋ motec doma rambiŋ jaŋeraonec moczi Jesu maucnao qahuc muwec, “Go taha bapa sâko dâŋ iŋucne wemocte âzâcnekomec?”  
\v 23 Eme Jesuzi dâŋ šiŋuc muwec: “Dâŋ hehesic mukopacko fuŋne mutec manape, â tiŋne mukopacko wemocte nukomec?”  
\v 24 Eme Hanasizi mume Jesu mene qarâ taha bapa sâko Kaifa erao barambiŋ.   
\s1 Petorozi harierâ mic bawec  
\r (Mat 26: 71-75” Maò 14: 69-72” Luë 22: 58-62)  
\p
\v 25 Eme Simoŋ Petoro e ine šoc ruahuc domahame wiocnerâ mumbiŋ, “Motecfâc-ticne jaŋere guruonec go moc ine hâcne mecne?” Eme mic barâ muwec, “No aricne.”  
\v 26 Mume taha bapa sâkore kiŋaŋ motec moc, Petorozi hazecne qatarawec ere qomâ, eki šiŋuc muwec: “Á go jufuo ehec mâmâc jupie honecgupac.”  
\v 27 Eme Petoro e mic bame izia qâqâczi dâŋewec.   
\s1 Jesu kiarao barambiŋ  
\r (Mat 27:2, 11-26” Maò 15: 1-15” Luë 23: 1-25)  
\p
\v 28 Hae fureme Jesu Kaifare fickonec bawaharâ kiarao barambiŋ. Judaŋic jaŋe ine wâwânâŋ erâ aakic hombaŋko bâtâcko junšipiŋte kiare ficko mi fembiŋ.  
\v 29 Ehuc hae šoŋao domapie Pilatozi šaeo waharâ wio-jarerâ muwec: “Ŋic keci wemo kiŋte bawareŋgopieŋ?”  
\v 30 Eme jaŋe mumbiŋ, “E sâqocne bapa mi juzac muzac gorao mi bawarenšapeŋ.”  
\v 31 Mupie Pilatozi šiŋuc jazawec: “Ŋaŋacne sâcmutâc dâŋ sâcko dâŋticne mutaracneniŋ me.” Eme Judaŋic jaŋe mumbiŋ, “Nâŋe ŋic hâmocko rârâec-jopare aka henârekicne.”  
\v 32 Judaŋic jaŋe iŋuc epie Jesu e jahac hâmoc-ticnere dâŋ muwec, hata i âke fuawec.  
\v 33 Eme Pilatozi ficmaŋko ferâ Jesu hefârerâ muwec: “Go jâmbomac Judaŋic jaŋere ŋicwofuŋ me?”  
\v 34 Eme Jesuzi muwec, “Dâŋ i gahacne maŋte mukic me gâcnezi micgao râepie mukic?”  
\v 35 Mume Pilatozi muwec, “Wiac no Judaŋic me? Go gahacne ŋicfâc â taha bapa micne jaŋe norao râecguŋgopieŋ. Go wemo emeŋ?”  
\v 36 Eme Jesuzi šiŋuc muwec: “No mâreŋ ŋicwofuŋ aricne, mâreŋ ŋicwofuŋ juzapo muzac momorifâc-nane jaŋe šikazi ŋezicnuhapie Judaŋic jaŋe wemocko rocnunšapiŋ. No ine mâreŋ ŋicwofuŋ aricne.”  
\v 37 Eme Pilatozi muwec: “Eme go ŋicwofuŋ fuŋmoc?” Mume Jesuzi muwec, “Ine hâcne mukomec, no ŋicwofuŋ fuŋmoc. No dâŋ fâri qizecne mutaniŋkepemurâ mâreŋko waharâ fuapo. Eme moc e dâŋ fâri qizecne jauŋkeocmuzi dâŋnane âgo ecneocmu.”  
\v 38 Eme Pilatozi šiŋuc muwec: “Dâŋ fâri qizecne i wemo wiac moc?” Iŋuc murâ šaeo mocwâc hurâ Judaŋic šiŋuc jazawec: “No ŋic kecširec kiŋ basakopac.  
\v 39 Hata-ŋeŋic moc fokac. Ŋoŋe aakic hombaŋko mupie no kâpâcwâru ŋic moc akicke-ŋareekopac. Eme ši manapie sâckeme Judaŋic ŋicwofuŋ-ŋeŋic akickepe juŋarezejec.”  
\v 40 Eme jaŋe harierâ owackehuc mumbiŋ: “Aricne, e mâcne, Baraba akicke-nârec.” Baraba e ine šikaŋic.   
\c 19  
\s1 Kia e Jesu hâmoocte mutaracnewec  
\p
\v 1 Eme Pilatozi mume momori jaŋe Jesu becsahac biriŋneheczi qambiŋ.  
\v 2 Qarâ muc šârâneheczi hendiŋ ba akic erâ qizecnao hecnepie huwec â ŋaqi bâbâroŋ mâmâc hecnepie huwec.  
\v 3 Iŋuc erâ maŋfuŋnao birickerâ domahuc fânâŋkecnehuc mumbiŋ: “Ohec, Judaŋic jaŋere ŋicwofuŋ.” Muhuc mainao qambiŋ.  
\v 4 Eme Pilatozi Judaŋic jaŋerao mocwâc hurâ muwec, “Honeniŋ, no ŋoŋerao jowa wahakopac, no kiŋticne basakopacte ŋaŋac fuŋne-ticne honeniŋ.”  
\v 5 Eme Jesu e muchendiŋ â ŋaqi bâbâroŋ, wiac iŋucnehec waha domame Pilatozi jowaturâ muwec: “Ŋic mac ši honeniŋ.”  
\v 6 Eme taha bapa micne â ŋicfâc-jeŋic jaŋe honerâ dâŋ ɋeŋɋeŋnehec ehuc mumbiŋ: “Maripoŋko feoc, feoc.” Mupie Pilatozi micjeŋicko rorâ muwec: “No kiŋticne basakopacte ŋoŋe ŋaŋac rorâ maripoŋko qaniŋ.”  
\v 7 Eme Judaŋic jaŋe šiŋuc mumbiŋ: “E jahacnere no Anuture Ŋokâ muekac, eme ŋic iŋucne jaŋe hâmoniŋte sâcmutâc dâŋnâŋec fokacte hâmozejec.”  
\v 8 Eme Pilato e dâŋ i manarâ mâretec hâwickewec.  
\v 9 Eme Jesu mocwâc ficmaŋko jowa ferâ indiŋkerâ muwec: “Go wenirec fuameŋ?” Mume Jesuzi micnao mi rowec.  
\v 10 Iŋuc eme Pilatozi šiŋuc âzâcnewec: “Go dâŋ mi nazakomec me? Noni mupe jucmu me mupe maripoŋko hâmocmu irec tâpiri râe-narekicne, i mi manakic me?”  
\v 11 Eme Jesuzi šiŋuc âzâcnewec: “Mâc muzac go nore dâŋ wemocko munšaŋ, nore dâŋ mumure faicnec tâpiri qikiŋne-ŋarekicnere mukomec hâcne. Irec gorao râecnukac ŋic ere kiŋzi gore jâurukac.”  
\v 12 Dâŋ i manarâ Pilatozi Jesu akickezo mume Judaŋic jaŋe owa ruruckerâ mumbiŋ: “Go ŋic e akickerâ Sisare ª âgo mocwâc mi jucmu. Moc e jahacnere ŋicwofuŋ muhuc Sisa âkehockeocmu.”  
\v 13 Pilatozi dâŋ i manarâ mume Jesu jowa wahapie dâŋ mumutara ŋeŋe-ticnao waha ŋewec. Ŋeŋe i qânâ šaeo râekicne, eme šae irec šâŋe Judaŋic jaŋe Gabata mujumbieŋ.  
\v 14 Eme Judaŋic jaŋe hae fureme aakic hombaŋ ŋeniŋte teuŋko rašimbiŋ. Ehame qâqâtâc bembeŋkeha Pilato e ŋeŋe-ticnao ŋehuc Judaŋic šiŋuc jazawec: “Honeniŋ, ŋicwofuŋ-ŋeŋic ši.”  
\v 15 Mume jaŋe owa ruruckerâ mumbiŋ: “E arictac eoc, e arictac eoc, maripoŋko feoc.” Eme Pilatozi muwec: “Hâc, eme ŋicwofuŋ-ŋeŋic mupe maripoŋko hâmoocte muŋgopieŋ me?” Mume taha bapa micne jaŋe dâŋ šiŋuc bâtikiecnembiŋ: “Nâŋe ŋicwofuŋ-nâŋec moc aricne, Sisa mocjahazi junarekac.”  
\v 16 Eme Pilatozi mana urue-jarerâ Jesu maripoŋko hâmoocte qikiŋne-jarewec.   
\s1 Jesu maripoŋko qapie hâmowec  
\r (Mat 27: 32-50” Maò 15: 21-37” Luë 23: 26-46)  
\p
\v 17 Eme momori jaŋe Jesu rorâ maripoŋ râcnepie hâpome mâreŋ moc šâŋene Utusiec, Judadâŋko Goligata, ira barambiŋ.  
\v 18 Bararâ maripoŋko qambiŋ. Erâ sâqocne bapa jajahec mâmâc jofarâ moc ŋifec, moc ŋifec, â Jesu šâšâŋiŋko, iŋuc biric-jopambiŋ.  
\v 19 Eme Pilatozi mume Jesure qizec botâŋko maripoŋko qâreŋ kecšiŋuc râembiŋ: “Jesu Nazarete haeonec Judaŋic jaŋere ŋicwofuŋ.”  
\v 20 Jesu qambiŋ mâreŋ i hae bembeŋko fowecte Judaŋic bocjahazi ira rac warec ehuc qâreŋ i wosembiŋ. Eme qâreŋ i Judadâŋko â Romadâŋko â Grikdâŋko râekicne.  
\v 21 Eme Judaŋic jaŋere taha bapa micne jaŋe Pilato šiŋuc âzâcnembiŋ: “Go Judaŋic jaŋere ŋicwofuŋ iŋuc mi qâreŋkec E jahacne muwec, no Judaŋic jaŋere ŋicwofuŋ, iŋuc qâreŋkec.”  
\v 22 Eme Pilatozi muwec: “Qâreŋkepac izia fooc.”   
\p
\v 23 Eme momori jaŋe Jesu maripoŋko qarâ ŋaqi-ticne faine bâtâcnepie jahec â jahec eme ru sâc embiŋ. Á ŋaqi-ticne maŋne hâfâ iŋucne oorâŋ fukicnere  
\v 24 šiŋuc mumbiŋ: “I bâtâcnepene sâqoreocmu, irec ɋâsâi qapene rune âke fuaoc.” Iŋuc epie miti papiao dâŋ moc kecšiŋuc qâreŋkekicne i sanaŋkewec:  
\q1 “Jaŋe ŋaqi-nane faine bâtâc bambiŋ,  
\q1 â maŋnere ine ɋâsâi qambiŋ.”   
\m
\v 25 Momori jaŋe iŋuc hâcne embiŋ. Jesure maripoŋ fuŋko ine šiŋuc domambiŋ: Neŋgoc-ticne â neŋgoc-ticnere qo, erâ Maria Kelopa ere ŋonâŋ, â Maria Madala haeonec.  
\v 26 Eme Jesu e neŋgoc-ticne â motec bufuŋ-ticne domapire honec-jofarâ neŋgoc-ticne šiŋuc âzâcnewec: “Ŋokac, motecge keci hâcne.”  
\v 27 Iŋuc murâ motec-ticne šiŋuc âzâcnewec: “Neŋgocge keci hâcne.” Eme dameŋ ira Jesure neŋgoc jowame motec jahacne ficko ferâ ŋec juc ewec.   
\p
\v 28 Eme Jesu e gie-ticne tarame manarâ, miti papiao findaŋdâŋ moc fokac i deŋkeocte, šiŋuc muwec: “No opâre enarekac.”  
\v 29 Eme râqâc moc maŋnao waiŋ opâ šašacne ŋewec, ira hâwec sâmbiŋ âke uruckerâ qeŋqeŋko âke kindeŋnerâ micnao iticnepie nâwec.  
\v 30 Waiŋ opâ nârâ wirahuc muwec: “Batarakopac.” Iŋuc mume qizecne forârieme mâro-ticne wefuwec.   
\p
\v 31 Eme Judaŋic jaŋe teuŋko rašimbiŋte šiŋuc mumbiŋ: “Tomâcko sabata hombaŋ sâkoo ŋic jopakicne jaŋere qâŋɋâŋ maripoŋko mi domazejec.” Iŋuc murâ Pilato âzâcnepie momori jaŋe ŋic siec-jeŋic qazurâ qâŋɋâŋ-jeŋic bataraniŋte Judaŋic mana-jarewec.  
\v 32 Eme momori jaŋe sâqocne bapa Jesuhec jofakicne mocte siec qazurâ ra mocte siec qazumbiŋ.  
\v 33 Iŋuc erâ Jesurao fisirâ honembiŋ: E biac hâmowec. Honerâ siecne mi qaqazu  
\v 34 momori moczi tambaraŋne sânduzi âke mârâŋkeme soc â opâ wahawec.  
\v 35 Wiac i šâŋe fâri-ticnezi honewec eki mutaniŋkeme jâmbomac ekac. E manakac, dâŋ i fârine. Irec ŋoŋe mana šakienšepieŋ.  
\v 36 Miti papiao findaŋdâŋ moc kecšiŋuc fokac i sanaŋkeocte wiac i fuawec: “Ŋoŋe siecne mi qazunšepieŋ.”  
\v 37 Erâ wâc miti papiao dâŋ moc kecšiŋuc fokac: “Jaŋe âke mârâŋkembiŋ erao šâŋe finšepieŋ.”   
\s1 Jesu duckembiŋ  
\r (Mat 27: 57-61” Maò 15: 42-47” Luë 23: 50-55)  
\p
\v 38 Josefe Arimataia haeonec e Jesure motec juwec, erâ Judaŋic jaŋere hâwickeme fufua mi juwec, soŋsoŋ juwec. Eki hâcne Pilatorao rarâ Jesu qâŋɋâŋ-ticne bataraocte mufuacnewec. Eme Pilatozi manacneme ra batarawec.  
\v 39 Ehame Nikodemo, ŋafeo Jesu iqickewec, eki wokemaŋ âsu biaŋ â kâŋâ bocjaha amecke rarâ Josefe bafickeme  
\v 40 Jesure qâŋɋâŋ ruacnerâ qoruc qaŋqaŋzi râpâckepic. Judaŋic jaŋe qâŋɋâŋfâc-jeŋic iŋuc hâcne ejare jumbieŋ.  
\v 41 Eme Jesu qambiŋ mâreŋ irec ŋifecnao Jufu gie moc fowec, ira hawec moc šâŋeruŋte biŋe gufukicne fowec. Ira ŋic moc mi ducjopakicne, furu fowec.  
\v 42 Eme Judaŋic hombaŋte teuŋko rašimbiŋte bembeŋko ira hâcne Jesure qâŋɋâŋ râepic.   
\c 20  
\s1 Jesu ɋârerâ faharewec  
\r (Mat 28: 1-10” Maò 16: 1-8” Luë 24: 1-12)  
\p
\v 1 Eme Sonda hae mi fure taniŋkeha Maria Madala haeoneczi šâŋeruŋko rawec. Ra fisirâ honewec: Qânâ e šâŋeruŋkonec bârâriekicne.  
\v 2 Iŋuc honerâ gasacke rarâ Simoŋ Petoro â Jesu motec bufuŋ-ticne jasarâ muwec: “Wofuŋ qâŋɋâŋ-ticne bawisembieŋ, eme wena râembieŋ i nâŋe kâuc baŋgopeneŋ.”  
\v 3 Iŋuc mume Petoro â motec âgo-ticne jahe šâŋeruŋko rapic.  
\v 4 Hatao gagasac jaha rahuc âgonezi Petoro âte tariŋkerâ biac ra fisiwec.  
\v 5 Ra fisirâ hawecmaŋko mi rašihuc mâc okarierâ fime rašime qoruc râpâ sawa fome honewec.  
\v 6 Ehame Petoro e šâhec fisirâ maŋnao raširâ qoruc râpâ honewec  
\v 7 â qizec-ticnere foŋ moc buc bazukicne fome honewec.  
\v 8 Iŋuc eme motec âgo-ticne bâbâni šâŋeruŋko fisiwec eki raširâ iŋuc jaha hone-fârerâ manapaŋkewec.  
\v 9 Juwicnao ine jahe Jesuzi hâmockonec ɋârerâ fahareocte miti papiao findaŋdâŋ fowec i mi mana tarapic.  
\v 10 Eme jahe haeo mocwâc risie rapic.   
\s1 Jesu e Maria Madala haeonec fuacnewec  
\r (Maò 16: 9-11)  
\p
\v 11 Eme Maria eki šâŋeruŋ sahacnao domahuc kiowec” kiohuc ra motâcko okarierâ šâŋeruŋko fime rašime  
\v 12 aŋelo jajahec ŋaqi qaŋqaŋhec Jesure qâŋɋâŋ fofotacnao ŋepire honec-jofawec, moc e qizecne fowecko â moc e kikene fowecko ŋewec.  
\v 13 Eme jahe mupic: “Ŋokac, go wemocte kiokomec?” Eme eki muwec: “Wofuŋ-nanere qâŋɋâŋ mocko bawisepie basakopac.”  
\v 14 Iŋuc murâ forisierâ Jesu jahacne honewec. Honerâ Jesu hawarine mi hone tarawec.  
\v 15 Eme Jesuzi wiocnerâ muwec: “Ŋokac, go wemocte kiokomec? Mo basakic?” Eme eki jufu runezi domakac muhuc šiŋuc âzâcnewec: “Ŋicbomboŋ-nane, goki qâŋɋâŋ mocko bara râemecko mutec manarâ ra rozepac.”  
\v 16 Eme Jesuzi muwec, “Maria.” Mume e forisierâ Judadâŋko “Rabuni” muwec, nâŋâcne dâŋko qaqazu.  
\v 17 Eme Jesuzi šiŋuc âzâcnewec: “Bâua basanaŋ mi enarec. No Mamactao miŋecnea fepemu i¡ Go rarâ qomâfâc-nane šiŋuc jazac: Nore Mamaczi ŋoŋere Mamac, â nore Anutuzi ŋoŋere Anutu, eme erao hâcne fepemu.”  
\v 18 Eme Maria Madala haeoneczi risie rarâ motecfâcne šiŋuc jazawec: “No Wofuŋ honepe dâŋ iŋuc nazajec.”   
\s1 Motec jaŋe ficmaŋko tumaŋnehapie fua-jarewec  
\r (Maò 16: 14-18” Luë 24: 36-49)  
\p
\v 19 Eme Sonda hae ŋafeme motec jaŋe Judaŋic jaŋere hâwic-jopame tumaŋnerâ ficmotâc ki bafârerâ ŋembiŋ. Ŋehapie Jesu e ŋondeŋ-jeŋicko fuarâ domahuc jazawec: “Wama ŋoŋerao fozejec.”  
\v 20 Iŋuc murâ mejahecne â tambaraŋne jowatuwec. Eme motec jaŋe Wofuŋ honerâ bujeŋic biaŋkewec.  
\v 21 Eme harierâ jazawec: “Wama ŋoŋerao fozejec. Mamaczi no sorecnuwec iŋuc jaha noni ŋoŋe sorec-ŋopakopac.”  
\v 22 Iŋuc murâ ficnec-joparâ muwec: “Tiri Mâro ro maŋ eniŋ,  
\v 23 ŋoŋe ŋic sâqocne-jeŋic mutâmirepie tâmire-jareocmu, mi mutâmirepie fojareocmu.”   
\s1 Tomare binaŋ  
\p
\v 24 Motec âgo-jeŋic moc šâŋene Toma, šâŋene moc Didimo, eki mocko juhame Jesuzi fua-jarewec.  
\v 25 Eme motec âgofâcne jaŋe biŋedâŋ šiŋuc âzâcnembiŋ: “Nâŋe Wofuŋ honembeneŋ.” Iŋuc mupie muwec: “No nahac šâŋe jâmbâŋ-nanezi menao biriŋ râfu honerâ menanezi râfu bahonerâ tambaraŋne bâuarâ dâŋŋeŋic manape fârine eocmu.”  
\v 26 Sonda mocwâc fuame motec jaŋe Tomahec mâmâc ficko qâzuckerâ motâc ki bafârerâ ŋembiŋ. ŋehapie Jesu e ŋondeŋ-jeŋicko mocwâc fuarâ domahuc jazawec: “Wama ŋoŋerao fozejec.”  
\v 27 Iŋuc murâ Toma âzâcnewec: “Go memotecgezi menane bahonec â mege sicnerâ tambaraŋ-naneo râec, erâ maŋjahec mocwâc mi ehuc manasiŋnuzemec.”  
\v 28 Eme Tomazi muwec: “Go Wofuŋ-nane â Anutu-nane.”  
\v 29 Mume Jesuzi šiŋuc âzâcnewec: “Go honecnukomecte manasiŋnukomec, mi honecnuhuc manasiŋnueŋgopieŋ jaŋere manape šerine ekac.”   
\p
\v 30 Mâsi gâcne bocjaha Jesuzi motecfâcne jaŋere šâŋe faio bawec, i papia šira mi qâreŋke-fârekicne.  
\v 31 Qâreŋkekicne mac kecši ine šiŋucte qâreŋkekicne: Ŋoŋe wose manac erâ Jesu e Kristo, Anuture ŋokâ, dâŋ i mana šakienšepieŋ, erâ e jahacne manasiŋkehuc šâŋe biŋe-ticnere erâ juju sanaŋhec enšepieŋ.   
\c 21  
\s1 Motec gâcne riqicko juhapie Jesuzi fua-jarewec  
\p
\v 1 Juku motec jaŋe Tiberia riqicko juhapie fua-jarewec. Kecšiŋuc ehapie fua-jarewec:  
\v 2 Jumbiŋ ine Simoŋ Petoro, Toma, šâŋene moc Didimo, Natanae e Galilaia mâreŋko Kana hae ŋewec irecnec, erâ Ʒebedaio ŋokâ jahec-ticne â motecfâcne jaŋeraonec jajahec mocwâc, ŋic iŋuczi jumbiŋ.  
\v 3 Ehuc Simoŋ Petorozi šiŋuc jazawec: “No qowi rozo rakopac.” Mume mumbiŋ, “Nâŋe gohec mâmâc ranaŋ.” Iŋuc murâ wokeo ferâ rambiŋ. Ra juhuc ŋafe ira qowi mi rombiŋ.  
\v 4 Eme riqicko juhapie hae fufurecte Jesuzi moŋgeŋko domawec. Domame Jesu hawarine mi hone tarambiŋ.  
\v 5 Eme Jesuzi wio-jarerâ muwec, “Motec, qowi-ŋeŋic moc fokac me?” Eme jaŋe mumbiŋ: “Aricne.”  
\v 6 Mupie šiŋuc jazawec: “Woke fâreopec wasaŋ behepie qowi jowaocmu.” Mume wasaŋ behepie qowi mâretec jâmbâŋ jowa susuckeme fâre-bipiembiŋ.  
\v 7 Eme Jesu motec bufuŋ-ticnezi Petoro šiŋuc âzâcnewec: “I Wofuŋ ine hâcne.” Mume Wofuŋ šâŋe manarâ Simoŋ Petoro e kambaŋ sawa qajuwecte ŋaqi-ticne faine heme hume riqicko rucnewec.  
\v 8 Jaŋe moŋgeŋ heririŋ (100 meta irec sâc(c) jumbiŋte motec gâcne jaŋe woke foickehuc wasaŋ qowihec fâre fâre rambiŋ.  
\v 9 Eme moŋgeŋko ferâ tiŋko wiac šiŋuc honembiŋ: Ʒoc uucko opâ qowi â nânâ šegoc šahuc fowec.  
\v 10 Ra fisipie Jesuzi šiŋuc jazawec: “Qowi rombieŋ i tucne bareniŋ.”  
\v 11 Mume Simoŋ Petorozi wokeo ferâ wasaŋ tiŋko fâreme fewec. Maŋnao qowi kâcɋene 153 fowec, eme sifu mi tâcnewec.  
\v 12 Eme Jesuzi šiŋuc jazawec: “Ware furic nânâ nâniŋ.” Mume motec jaŋe wemocko šiŋuc wionšapiŋ: “Go mo?” Jaŋe Wofuŋ ine hâcne i mana-fârembiŋ.  
\v 13 Eme Jesuzi warerâ nânâ qowi bâtâc bahuc jarewec.  
\v 14 I Jesu e hâmockonec faharerâ motecfâcne fua-jareme jahec â moc ewec.   
\s1 Jesuzi Petoro jahec â moc wiocnewec  
\p
\v 15 Furic nânâ nâpie Jesuzi Simoŋ Petoro šiŋuc muhuc wiocnewec: “Simoŋ Johanere ŋokâ, âgofâcge jaŋe no maŋzi šâficnueŋgopieŋ, go jowarurâ sâc moc šâficnuekic me?” Eme Petorozi muwec, “Wofuŋ, no gore enarekac i manakomec.” Eme Jesuzi muwec: “Go lamafâc-mae soŋaŋ-jopazemec.  
\v 16 Iŋuc murâ mocwâc wiocnewec: “Simoŋ Johanere ŋokâ, go jâmbomac šâficnuekic?” Eme Petorozi muwec: “Wofuŋ, no gore enarekac i manakomec.” Mume Jesuzi muwec: “Go lamafâc-nane jaŋere soŋaŋ juzemec.”  
\v 17 Iŋuc murâ harierâ wiocnewec: “Simoŋ Johanere ŋokâ, go jâmbomac nore egarekac me?” Ʒâšâficte wiocneme jahec â moc eme Petoro e bune sâqoreme muwec: “Wofuŋ, go wiac sasawa mana-fâreekic, no gore enarekac i wâc manakomec.” Mume Jesuzi muwec: “Go lamafâc-nane soŋaŋ-jopazemec.  
\v 18 Jâmbomac jâmbâŋ gazape: Go ŋicmotec juhuc becsahacge jomarâ hata ira me ira razo egareme rajumec. Izi juku ŋicqizec erâ mege bâfeŋnetec ŋic moczi becsahac joma-garerâ mi razo mucmu ira bacgu raocmu.”  
\v 19 Jesu e iŋuc muhuc Petoro hâmoc-ticnere dâŋ suŋsuŋne âzâcnewec. Hâmoc-ticne fuŋmoczi Anutu muteŋkeocte manasuhuc muwec hâcne. Dâŋ iŋuc murâ šiŋuc âzâcnewec: “Ware bâjâpecnuc.”   
\p
\v 20 Eme Petoro e fotikierâ Jesu motec bufuŋ-ticnezi râpefuŋnao rame honewec. Motec e aakic lama nâmbiŋko qizec-ticne Jesure amecko fohorerâ wiocnerâ muwec: “Wofuŋ, mozi doc bacguocmu?”  
\v 21 Eme motec hâcne šâhec rame Petorozi honerâ Jesu wiocnerâ muwec: “Wofuŋ, motec kecšizi ine weniŋuc eocmu?”  
\v 22 Wiocneme Jesuzi šiŋuc âzâcnewec: “E juhame no risiepemurâ manacnepe fokacko ere dâŋ wemocte mukomec? Go mâc bâjâpecnuc.”  
\v 23 Eme miti mamana gâcne jaŋe šâhec Johanere šiŋuc musifuckembiŋ: “Motec e mi hâmoocmu.” Jesu e ine ere šiŋuc mi muwec: “E mi hâmoocmu.” Dâŋ šiŋuc sawa âzâcnewec: “E juhame no risiepemurâ manacnepe fokacko ere dâŋ wemocte mukomec.”   
\p
\v 24 Motec eki hâcne wiac ši hone mana tarac eku mutaniŋkehuc papia ši qâreŋkewec. Eme nâŋe ere manaeŋgopeneŋ, dâŋticne fârine jâmbâŋ.  
\v 25 Eme Jesuzi wiac gâcne gâcne ewec bawec, i wemocko papiao qâreŋke-fârezo. I papiao fofâreme muzac, no manape ŋiczi wowose tarane mi ezac.