\id 3JN 3 Johî 1, Kate, PNG, wwh 12/92 
\h JOHANE III 
\toc1 Johane III 
\toc2 Johane III 
\toc3 3Jn 
\mt1 JOHANE III  
\c 1  
\s1 Mumušâwe â bubiaŋ dâŋ  
\p
\v 1 No ŋicraŋɋazi âgo-nane Gaio gore papia ši qâreŋkekopac. No gore jâmbomac enarekac.  
\v 2 Âgo-nane, maŋge mitio sâcne foekac, iŋuc jaha sahackopec huc šâic tâmiric sâcne juhâmocmurâ enarekac.  
\v 3 Go dâŋ fâri qizecne sâcne bajuhuc reŋkeekomec, irec âgo gâcne jaŋe ware dâŋ binaŋ epie manarâ bunane boc biaŋkekac.  
\v 4 Naru motecfâc-nane jaŋe dâŋ fâri qizecnere hata âteeŋgopieŋ, dâŋ i manarâ bubiaŋ fekicne jâmbâŋ manaekopac.   
\s1 Miti kiŋaŋŋic ehâmo-jarewec  
\p
\v 5 Âgo-nane, go ŋic âgo ehâmo-jareekomec, erâ bembeŋkonec sawa mâcne, šorickonec mâmâc ejareekic, i sâcnea eekic.  
\v 6 Ŋic jaŋe šira kikefuŋte maio jauŋgere mu warec embiŋ. Ŋic fâpie go Anutu šâŋe biŋe-ticnere erâ hone jauŋ ejarerâ râec-jopatec rapie biaŋkeocmu.  
\v 7 Jaŋe šâŋe-ticnere erâ miti kiŋaŋ rahuc mâreŋ-jeŋic beherâ qâpuc jaŋeraonec moneŋ mafa mi roeŋgopieŋte ehâmo-jarezo hâcne.  
\v 8 Ŋic iŋucne âgo ejarehuc bafic-jopapene dâŋ fâri qizecne haŋ baocte munârekicne hâcne.   
\s1 Diotrefe e ŋic qaisoc-jopawec  
\p
\v 9 No kikefuŋ dâŋ wirec-jeŋic qâreŋkepo. Eme Diotrefe e micne-jeŋic juocte muekaczi dâŋnâŋec qikiŋneekac.  
\v 10 Irec no fârâ juju bapa-ticnere fuŋne bataniŋkepemu. E nâŋere burec ehuc boc musâqorec-nâpoekac. Erâ i sawa mâcne, ŋic fâpie e jahac hezu hewâneŋ mi ejarehame gâcnezi ejarepie qatara-jarerâ kikefuŋ sahacnao râec-jopaekac.   
\s1 Demetrio ere manapie sâcke-fârewec  
\p
\v 11 Âgo-nane go ŋic jaŋe wiac sâqocne epie mi bâjâpec-jopazemec, wiac biaŋne epie ine bâjâpec-jopazemec. Moc e wiac biaŋne ehuc juocmu ere muzo, e Anuturaonec fuakicne. Moc e sâqocne ehuc juocmu, e Anutu mi šâŋitawec muzo.  
\v 12 Demetrio ere fuŋne ine ŋic sasawa mutaniŋke-fârembiŋ. Erâ mitio fuŋne-ticne taniŋkewec wâc. Nâŋe iŋuc jaha dâŋticne dopeckeŋgopeneŋ. Erâ dâŋ jâmbomac mueŋgopeneŋ i manaekic.   
\s1 Mumutara dâŋ  
\p
\v 13 Dâŋ gâcne bocjaha fokac, erâ tinte â fedazi qâreŋkezo mi enarekac.  
\v 14 No gorao biac fâzore mukopac. Fâ fisipe miczi nazaŋ gazaŋ ezeperec.  
\v 15 Wama gorao fozejec. Âgo jaŋe manasu-gare-fâreŋgopieŋ. Go iŋuc jaha âgofâc-nâŋec šâŋe-jeŋic wosehuc manasu-jarezemec.