\id 2TH 2 Thessalonians, Kate, PNG, wwh 12/92 
\h TESALONIKE II 
\toc1 Tesalonike II 
\toc2 Tesalonike II 
\toc3 2Te 
\mt1 TESALONIKE II  
\ip Tesalonike ŋic jaŋere papia II i Paulozi Korinti haeoa juhuc qâreŋkewec. Papia namba 1 qâreŋke-jarerâ ŋeme rame mi šorahame Paulozi jaŋeraonec dâŋ biŋe kecšiŋuc manawec: Tesalonike haeonec miti ŋic ŋokac jaŋe harierâ šârâ hâriŋ faio fembiŋ juŋgopieŋ (gaŋ 1:5-10). Erâ moc šiŋuc manawec: Papia mârâcko râepe rawec izi wiac bâtâcne bâtimuŋ sâcne mi efârewec. Aricne Jesu fifisi-ticne e mumusifuc bâfuarâ Paulorao âke hotahuc šiŋuc mumbiŋ: Dâŋ iŋuc mume warekac dâŋ iŋuc qâreŋkeme warekac (gaŋ 2:2). Á gâcnezi šiŋuc mumbiŋ: Wofuŋ e biac warerâ hetarac-nâpowec (2:1-3). Dâŋ gâcne fuame ŋic tucne jaŋe gie qikiŋnerâ sisi hâhâŋ jumbiŋ (gaŋ 3:10-12).  
\ip Paulo e dâŋ iŋuc manarâ papia mocwâc qâreŋke-jarewec. Ehuc mitire erâ šâic fârohec juipiehuc mi dockembiŋ, irec bubiaŋ dâŋ qâreŋke-jarewec (1:3-4), erâ Wofuŋzi juku okacne sâckoa bazu-nâreocmu, irec fuŋne wâc mujaŋgeŋkewec (gaŋ 1:5-10). Erâ mumusifuc â qac qâsoric wiac fuawec irec fuŋne kecšiŋuc mu rituc ewec: Wofuŋ e acmâc jaha mi fisiocmu, â ŋic sindaŋnezi fua tâcnerâ eeatuc hâhâwicne bâfuaocmu (gaŋ 2:1-12). Wiac iŋucne mi fuahame Jesure dameŋ maickekac mi muzo. Iŋuc qâreŋkerâ miti paŋšâic bajuhuc irec fârine maŋkopec sahackopec bâfuaniŋte faŋ qajarewec (gaŋ 2:13 â gaŋ 3:18).  
\c 1  
\s1 Jambuŋ â daŋge mumuteŋ dâŋ  
\p
\v 1 Paulo, Siliwano â Timoteo nâŋe Tesalonike haeonec kikefuŋ guru, Mamac-nâŋec Anutu â Wofuŋ Jesu Kristo ere ŋicfâc, ŋoŋere papia ši râeŋgopeneŋ.  
\v 2 Anutu Mamac â Wofuŋ Jesu Kristo eraonec aki anonoc â wama ŋoŋerao fotâcnerâ fozejec.   
\p
\v 3 Âgofâc, maŋnâŋeczi jâiŋ-nâpome ŋoŋere erâ Anutu dameŋ sâc daŋge âzâcneeŋgopeneŋ. Mamanasiŋ-ŋeŋic boc fua ɋârâŋ eekac, â maŋjauŋ-ŋeŋic fua sawec eme qame qoŋgiŋ eeŋgopieŋ. Eme irec Anutu daŋge âzâcnepene i jâmbomac sâckeekac.  
\v 4 Erâ ŋoŋe fific guguriŋ eŋarepie šâic busâqochec juhuc mamanasiŋ-ŋeŋic mi ŋeŋgoroŋkeha sifu sanaŋkerâ jueŋgopieŋ, irec dâŋ binaŋ hae sâc Anuture kikefuŋfâc ejareeŋgopeneŋ.   
\s1 Wofuŋ e okacne dâŋ tiŋne mutaraocmu  
\p
\v 5 Ŋoŋe wiac fua-ŋareekac, irec šiŋuc muzo: Anutuzi okac dameŋko wiac sâckoa enâreocmu, irec sâsâcne ši qanaŋ fuakac. Anutuzi ŋoŋere maname sâckeme uucmaŋ-ticnao rarašire sâc bâfuaniŋte šârâ hâriŋ faio jueŋgopieŋ.  
\v 6 Eme juku Anutu mana wosâc-ticne tiŋne fokac irec sâc enâreocmu: Ŋoŋe šâic fâro eŋareeŋgopieŋ jaŋe šâic fâro jaha bâfua-jareocmu,  
\v 7 â šâic fâro manaeŋgopieŋ ŋoŋe ine nâŋehec mâmâc bâgunuc-nâpoocmu. I juku Wofuŋ Jesu e aŋelo guru hâhâwicne jaŋehec sambâŋkonec waha fua tâcneocmu ira iŋuc enâreocmu.  
\v 8 E šocbâruŋko waharâ ŋic Anuture kâuc baeŋgopieŋ â Wofuŋ Jesu Biŋebiaŋ-ticne mana rereŋ mi eeŋgopieŋ jaŋe okacne jareocmu.  
\v 9 Ŋic i jaŋe Anutuzi furine sisipiric sanaŋ jarehuc šâŋe mai-ticnaonec â tâpiri-ticnere huriri biaŋkonec bârâriec-jopaocmu.  
\v 10 Eme dameŋ ira fuŋfuŋfâc-ticne jaŋerao eri tatamac-ticne fuaocmu, â miti-ticne ro maŋ embiŋ jaŋe hone warec ecneniŋmu. Ŋoŋe ine mumutaniŋ dâŋnâŋec mana šakiembiŋ hâcne.   
\s1 Jaŋe biaŋke sanaŋkeniŋte Paulozi numuhuc juwec  
\p
\v 11 Irec hâcne ŋoŋere erâ dameŋ sâc numuhuc šiŋuc mueŋgopeneŋ: Anutu-nâŋec e hefârec-ŋopaweczi irec sâcko juniŋte bašawiec-ŋopazejec, erâ tâpiri-ticnezi dopec-ŋopahame wiac biaŋnere mu manasuc ehuc mamanasiŋte gie fâri bâfua-fârenšepieŋ.  
\v 12 Iŋuc epie Wofuŋ-nâŋec Jesu ere šâŋe qâreŋzi ŋoŋerao fua jaŋgeŋkezejec, â ŋoŋe iŋuc jaha erao taniŋke biaŋ enšepieŋ. I Anutu-nâŋec â Wofuŋ Jesu Kristo eki aki anonoc-ticnere iŋuc eŋarezejec.   
\c 2  
\s1 Miti ima qaqa sâko fuame Jesure dameŋ bembeŋkeocmu  
\p
\v 1 Âgofâc, Wofuŋ-nâŋec Jesu Kristo fifisi-ticnere â ehec bâbâfuac ee irec dâŋne moc ŋazapene mananiŋ.  
\v 2 Ŋic gâcne jaŋe Wofuŋte dameŋ maickekac muhuc Mârorao muhotaniŋmu, me nâŋe micko itic enâreniŋmu me papia-nâŋecte mu ɋetic eniŋmu, eme ŋoŋe mi mutuc erâ fâfârepie maŋŋeŋic hockezejec.  
\v 3 Eatuc dâŋ iŋuc me iŋuc ŋazapie mi mananšepieŋ. Wofuŋ dameŋ-ticne maickezo eha qanaŋ miti ima qaqa sâko fuaocmu, erâ sindaŋŋic sisipiricte biŋe eki hâcne fua tâcneocmu.  
\v 4 Eme šâŋene Anutu me miti wiac mueŋgopieŋ i sasawa râsi ecnehuc qâhuckerâ ro waha âte ecne-fâreocmu. Erâ Anuture ufuŋko ferâ ŋehuc e jahacnere muocmu, “No Anutu.”   
\s1 Sindaŋŋic  
\p
\v 5 No ŋoŋerao juhuc irec hâcne ŋazapo, i moc manasuŋgopieŋ me?  
\v 6 Dameŋ šiŋuczia aka fokac, i manaŋgopieŋ, i hâcne rârieme dameŋ-ticnao fua tâcneocmu.  
\v 7 Ʒi ine sindaŋzi soŋsoŋko biac gie-ticne baekac. Á aka hecneekac e rârieme sindaŋŋic fua tâcneocmu.  
\v 8 Eme Wofuŋ Jesu e micrombâŋ-ticnezi qarâ fifisi-ticnere šâziriŋnezi imackeocmu.   
\s1 Eeatuc hâhâwicne fuazokac  
\p
\v 9 Ŋic e Sataŋzi neŋgoc ŋesiŋ ŋecnehame tâpiri wiac fuŋne fuŋnehec fuarâ burecko mâsi â qaŋgec wiac šâŋe furu baocmu.  
\v 10 Erâ ŋic gâcne, dâŋ fâri qizecne manarâ bibiaŋke i qaisockerâ sisipiricte biŋe eeŋgopieŋ, jaŋe sâqocnere maŋ bâsifuc ejareocmu.  
\v 11 Ŋic jaŋe iŋuc eeŋgopieŋte Anutuzi eeatuc neŋgoc qizecne sâko mume fuame burecko qohotaniŋmu hâcne.  
\v 12 I mâc mâcne, dâŋ fâri qizecne qikiŋnerâ wiac hehesicnere aŋac-jopaekac, ŋic i jaŋe okacne fisi-jareocte iŋuc hâcne eocmu.   
\s1 Nunumu â miti mi hetarazo  
\p
\v 13 Âgofâc-nâŋec, Wofuŋte jorocfâc, ŋoŋe Mârozi baɋaɋac-ŋopame dâŋ fâri qizecnao qohotahuc biaŋkeniŋte Anutuzi mârâc jaha rowosâec-ŋopawec, irec daŋge hati âzâcnenaŋte maŋnâŋeczi jâiŋ-nâpoekac.  
\v 14 Irec hâcne Biŋebiaŋ ŋazapene manarâ Wofuŋ-nâŋec Jesu Kristo eri tatamac-ticne rauckeniŋte hefârec-ŋopawec.  
\v 15 Eme irec âgofâc ŋoŋe sanaŋkerâ dâŋ miczi â papiazi ŋaza qazuc embeŋ i paŋšâic bajunšepieŋ.  
\v 16 Wofuŋ-nâŋec Jesu Kristo â Anutu Mamac-nâŋec eki maŋjauŋ enârehuc katucmâc-ticnere erâ bubiaŋ fofo sanaŋ bâfua-nârewec â šeŋaŋ fâri woŋec-nâŋec râewec,  
\v 17 eki hâcne maŋŋeŋic bâinaŋkerâ dopec-ŋopame dâŋfâri â gie fâri i ŋoŋerao mi wahazejec.   
\c 3  
\s1 Ŋic jaŋe Paulo nunumuzi bafickeniŋte muwec  
\p
\v 1 Âgofâc, dâŋ moc fokac mananiŋ: Nâŋere erâ numupie Wofuŋte dâŋzi fofotâc haŋ barame qâreŋ biaŋ-ticne ŋoŋerao fuawec iŋuc jaha fua razejec.  
\v 2 Erâ ŋic maŋbâiŋ bâbâfuane â sindaŋne jaŋere erâ Anutuzi ŋezic-nâpoocte nunumuzi wâc bafic-nâponšepieŋ. Miti i ŋiczi furu ninic ro maŋ mi eeŋgopieŋ.  
\v 3 Wofuŋzi ine mume sasanaŋ, irec hume keteŋ eŋarehuc sâqocne runere roroŋ sasapec eŋareocmu.  
\v 4 Ŋoŋe dâŋ ŋazapene reŋkerâ reŋke rahuc juniŋmu, irec Wofuŋte erâ ŋoŋere maŋjahec mi eŋgopeneŋ  
\v 5 Wofuŋzi maŋŋeŋic jowame Anuture maŋ jauŋko â Kristore bumâteŋko iticnezejec.   
\s1 Gie hetararâ ojoŋ juhuc miti babajune i mi fokac  
\p
\v 6 Âgofâc, Wofuŋ-nâŋec Jesu Kristo ere micte ŋazapene mananiŋ, dâŋ qazu-ŋarembeŋ i opâ ruac gâcnezi mi reŋkehuc kosa jueŋgopieŋ, ŋic i jaŋehec mi junšepieŋ.  
\v 7 Nâŋe hata fuŋkerâ âte-ŋarembeŋ ijaha bâjâpec-nâponiŋte kâuc mi baŋgopieŋ. Nâŋe ŋoŋerao ojoŋ mi jumbeŋ.  
\v 8 Erâ ŋoŋeraonec nânâ furimâc mi nâmbeŋ, aricne, nânâ mafare micneneŋ eŋarenšipeŋte ŋafe furec mezi gie šocnehec bahuc šâic manambeŋ.  
\v 9 Erâ iŋuc enaŋte mi munârekicne, nâŋe qaŋeŋ-ŋopahuc fuŋne ŋowatupene nâŋere mimiŋ qâjâpec juniŋte iŋuc eŋarembeŋ.  
\v 10 Ŋoŋerao juhuc šiŋuc hâcne boc ŋazambeŋ: Ojoŋ juocmuzi nânâ mi nâzejec.  
\v 11 Eme ši ŋoŋeraonec dâŋ šiŋuc wareme manambeŋ: Ŋic gâcnezi gie-jeŋic hetârarâ qâoma erâ jueŋgopieŋ.  
\v 12 Ŋic iŋucne jaŋe Wofuŋ Jesu Kristore micte uŋdâŋ šiŋuc jazapene mana-jâmbâŋkenšepieŋ: Ŋezu ŋewâneŋ erâ gie-jeŋic bapie fârine fuame jaŋacneonec nânšepieŋ.   
\p
\v 13 Âgofâc, ŋoŋe ine eehâmo gie tatakic tâmiric banšepieŋ.  
\v 14 Ʒi papiao dâŋ qâreŋke-ŋareŋgopeneŋ, i ŋic moczi qikiŋneme fuŋne-ticne mujaŋgeŋkerâ behepie buc juhuc mimiezejec.  
\v 15 Râsi ecneniŋte mi mukopac, âgo-nâŋec muhuc mu bâtiŋ ecnehuc tutuc qacnenšepieŋ.   
\p
\v 16 Wofuŋ e wama runezi ine wama bâfua-ŋareme ŋoŋerao dameŋ sâc sâcke-fârerâ fozejec. Wofuŋ e ŋoŋehec jufârezejec.  
\v 17 Ʒi Paulo no nahacne mezi šâŋe qâreŋ-nane râekopac. Papia qâreŋkeekopac sâc ma izi fuaekac. Iŋuc hâcne qâreŋkeekopac.  
\v 18 Wofuŋ-nâŋec Jesu Kristo ere aki anonoczi ŋoŋerao fotâcnerâ fozejec.