\id 1PE 1 Peteò, Kate, PNG, wwh 12/92 
\h PETORO I 
\toc1 Petoro I 
\toc2 Petoro I 
\toc3 1Pe 
\mt1 PETORO I  
\ip Petoro â ɋaticne Anderea jahe Galilaia mâreŋko qowi roro ŋic jupic. Juhapire Jesuzi rocjofame ŋicroro epic (Mataio 4:18-22). Petorore šâŋe raŋɋa Simoŋ. Jesuzi šâŋe ɋâri-ticne Petoro (Kefa(c) muwec. Petoro e motec gâcne jaŋere micne bapa erâ juwec. Eme Jesu e juku hâmockonec faharerâ Genesarete riqicko motecfâcne fua-jarehuc Petoro miti gie mocwâc mucnewec â hâmoc-ticnere findaŋdâŋ muwec. Eme šâhec Tiri Mâro wahame Judaŋic bocjaha tumaŋnepie Petorozi jaŋere maio domahuc Jesure fuŋne muŋɋârâŋkewec (Aposolo 2:14-36). Erâ miti ufuŋte motâcko ŋicpuriŋ moc bâpiaŋkewec (Aposolo 3:1-8). Juku Jerusalem haeo mitire šika kâpâcwâru boc fuarâ fome Petorozi hae i beherâ mâreŋ rârecke raku Jope haeo fisirâ Tabita bâɋârewec (Aposolo 9:36). Erâ wâc Konelio â wiacfâcne miti jazawec (Aposolo 10). Eme Jerusalem haeo risiehame Herodezi qaocte kâpâcwâru ficko râeme ŋehame aŋelozi batarawec (Aposolo 12). Juku Paulozi Jerusalem haeo fisime Petoro â aposolo gâcne jaŋe turerâ qâpuc jaŋere dâŋ mumbiŋ (Aposolo 15). Dameŋ mocte Petoro â Paulo jahe Antiokia haeo bâbâfuac epic (Galata 2:11). Ʒâhecko ine Petorozi Siria mâreŋko miti gie bawec. Irecnec risierâ raku Roma haeo fisime rorâ qambiŋ.  
\ip Papia I i Petorozi Roma haeo juhuc qâreŋkewec. Mareko ehec mâmâc ira jupic. Papia I Asia mâreŋ masunao Paulore ŋicfâc jurambiŋ jaŋerao râewec (gaŋ 1:11). Jaŋe bekâ erâ jumbiŋ. Paulo e dameŋ šora kâpâcwâru ficko ŋehuc juwec. Eme firuepie waharâ Sipeŋ mâreŋko rawec mecne. Iŋuc ehuc juhame ŋic ŋokacfâcne mamac tâmiric jumbiŋ. Eme Mareko e Paulozi Roma haeo kâpâcwâru ficko juhame ra iqickewec (Kolosai 4:10). Iqickerâ risie warehuc Asia mâreŋ masunao Jesure kikefuŋfâc jurambiŋ jaŋere fuŋne manarâ Petororao fisirâ dâŋ binaŋ ecnewec. Eme Petorozi jaŋere papia qâreŋkewec, qâreŋkerâ Sila râcneme barawec. Sila šâŋene moc Siliwano. Eki hâcne Paulo miti kiŋaŋ šâšâŋiŋ moc rame bâjâpehuc bafickeme Asia masunao miti gie bapic (Aposolo 15:40 â Petoro 15:12).  
\ip Asia mâreŋ masunao mitiŋic ŋokac jurambiŋ jaŋe mitire erâ fific guguriŋ faio fembiŋ. Eme Petorozi hume keteŋ ejareme sanaŋkeniŋte papia ŋe-jarewec. Gie i hâcne Wofuŋzi mucnewec (Luka 22:32). Dâŋ fuŋne kecšiŋuc qâreŋke-jarewec: Wiac furi sâko kitâc-nâpokicnere Wofuŋtao qohotahuc sambâŋko merâfâc fokac irec mamanac juzo (gaŋ 1 â 2:1-10). Erâ dâŋ moc kecšiŋuc: Mâreŋko jaba jueŋgopeneŋzi miti hata munârekicne ijaha âtehuc Wofuŋ bâjâpezo (gaŋ 2:11-25, â 3:1-12). Erâ moc: Jesure erâ šâic busâqocko juhuc mi dockezo, dâŋ i qâreŋkehuc bufac qajarewec (gaŋ 3:13-22, i gaŋ 4). Izi šâhec mumutâc dâŋ gâcne qâreŋke-jarewec wâc (gaŋ 5).  
\c 1  
\s1 Mumušâwe â jambuŋdâŋ  
\p
\v 1 Petoro no Jesu Kristo ere aposolo jukopaczi Anutu bâwosâecfâc-ticne Ponto â Galatia â Kapadokia â Asia â Bitinia mâreŋko ocŋondeŋ jaba juraŋgopieŋ ŋoŋere papia ši qâreŋkekopac.  
\v 2 Anutu Mamaczi maname fowecte rowosâec-ŋopawec ŋoŋe hâcne Mârozi maŋfuru bacŋopaocte â mume rereŋfâcne eniŋte Jesu Kristore soc ruambiŋ: Ŋoŋerao aki anonoc â wama fua bâbâriŋ fuahuc fozejec.   
\s1 Sambaŋ merâfâc-nâŋec šâŋe rarac biaŋ irec šeriezo  
\p
\v 3 Nâŋâc Anutu, Wofuŋ-nâŋec Jesu Kristo ere Mamac, e muteŋkenšepeneŋ. Eki Jesu Kristo hâmockonec faharewecte uruc jauŋ sâko-ticnere erâ, juju fârire mamanac junaŋte bâɋârec-nâpowec.  
\v 4 Sambâŋko merâfâc-ŋeŋic šašaŋke tâmiric â bie gufec tâmiric â hâmo qanšaraŋ tâmiric woŋec-ŋeŋic râekicne fokac, i juku rauckeniŋte iŋuc hâcne eŋarewec.  
\v 5 Ehuc Anutu tâpiri-ticnezi bâwâzâŋ-ŋopame mamanasiŋhec juhapie juku dameŋ tarame bâbâpiaŋ kâdoc bâmockekicne i fua tâcneocmu.  
\v 6 Ŋoŋe irec šeri ehuc juŋgopieŋ, â Anutuzi muŋareme fific guguriŋ faio ferâ šâic busâqocko juhuc sifu dameŋ bembeŋne macte jamaŋ kirâ jueŋgopieŋ.  
\v 7 Manaŋgopieŋ, goì i wiac šašaŋkene fuŋne-ticne šocko taniŋkeekac, ŋoŋe ine mamanasiŋ-ŋeŋic, wiac furi sâko jâmbâŋ, irec fârine fific guguriŋko fua taniŋkeme Jesu Kristo fifisi-ticnao ŋoŋere šeri bubiaŋ â mumuteŋ â eri qaraweŋ fuaocmu.  
\v 8 Ŋoŋe Jesu e hawari-ticne mi honembiŋzi sifu maŋŋeŋic qikiŋnecneeŋgopieŋ, erâ dameŋ šiŋucne wâc šâŋezi mi hohone sifu manasiŋkeeŋgopieŋ. Ehuc šeri bubiaŋ fuŋmoc, ŋicmiczi mi mumufuane, manacneeŋgopieŋ.  
\v 9 Mamanasiŋ-ŋeŋicte fârine maŋ qâqâtâc-ŋeŋicte bâbâpiaŋ hâcne, maic-ŋopakacte šeri eŋgopieŋ.   
\s1 Porofete findaŋdâŋ mumbiŋ irec fârine fuawec  
\p
\v 10 Bâbâpiaŋ i weniŋuc fuazokac, porofete jaŋe mârâc jaha iŋuc wiorâ gufu koparic ehuc jumbiŋ, ehuc ŋoŋerao aki anonoc fuaocte irec findaŋdâŋ muhuc jumbiŋ.  
\v 11 Kristo e šâic fâro manaku eri tatamac-ticne rorâ juocmu, irec dâŋ Mâro-ticnezi maŋjeŋicko râeme jaŋe dameŋ wezimucko â weniŋucnao Kristo iŋuc fuacnezokac muhuc wawariehuc jumbiŋ.  
\v 12 Jaŋe gie bambiŋ irec fârine jaŋacnao mâcne, ŋoŋerao fuaocte mukicne, i jaŋe mufua-jarekicne. Eme šâhec irec fârine fuame Tiri Mârozi sambâŋkonec waharâ mitiŋic neŋgoc ŋejareme Biŋebiaŋ muromackembiŋ jaŋe hâcne findaŋdâŋte fârine mujaŋgeŋke-ŋarembiŋ. Dâŋ irec šuhucne aŋelo jaŋe wâc mana šiguaniŋte buââkec jueŋgopieŋ.   
\s1 Qâpuc hata râpecke sanaŋkezo  
\p
\v 13 Irec ŋoŋe maŋŋeŋicte umbika jomarâ maŋsowa junšepieŋ, ehuc Jesu Kristo fua tâcnerâ aki anonoc bâfua-ŋareocmu, irec mamanac junšepieŋ.  
\v 14 Anuture mume rereŋfâc ŋoŋe mârâc jaha qâpuc-ŋeŋicko sasechec jujumbieŋ, ju ju sâc ijaha šiŋuczia mi junšepieŋ.  
\v 15 Tiri runezi hefârec-ŋopawec ere sâcko tiri jaha jufârenšepieŋ.  
\v 16 Dâŋ šiŋuc hâcne qâreŋkekicne fokac: “No tiri jukopacte ŋoŋe tiri jaha junšepieŋ.”   
\s1 Wiac furi sâkozi kitâc-nâpowec  
\p
\v 17 Ŋoŋe Mamac mucnehuc wâsickeeŋgopieŋ e ra rowec ware rowec mi ehuc juju bapa-nâŋecte sâcko dâŋnâŋec mutaraocmu” irec ŋoŋe mâreŋko jaba juhuc sâc e araŋ bacnehuc junšepieŋ.  
\v 18 Ŋoŋe šiŋuc sâcne manaeŋgopieŋ, kâcɋenefâc-ŋeŋic jaŋere sindaŋ hata âtehuc juhapie wiac sisirowenezi, goì siliwa wiaczi mi kitâc-ŋopawec.  
\v 19 Ŋoŋe Kristore soc furi Sâko izi kitâc-ŋopawec. E hâcne lama sahac fâsâc â wânâŋ tâmiric iŋucne juwec.  
\v 20 E mârâc jaha, mâreŋte hobeteŋne mi fuahame gie i mucnekicne fufua ine šâhec dameŋ tarazo ehame ŋoŋere erâ fuawec.  
\v 21 Erâ ŋoŋe Anuturao šuhuc-ŋopawec, Anutu hâmockonec bâɋârerâ eri tatamac hec neme huwec erao hâcne” eme irec mamanasiŋ â woworic-ŋeŋic Anuturao fokac.   
\s1 Mitidâŋzi bâɋârec-nâpowec  
\p
\v 22 Ŋoŋe dâŋfâri murâ rereŋ ekupie maŋ qâqâtâc-ŋeŋic ɋaɋackewec i ââgo fârihec eniŋte iŋuc fuawec” eme irec maŋzi jâmbâŋ šâšâfic ehuc junšepieŋ  
\v 23 Ŋoŋe fufua ɋâri i ukic sisirowenaonec mâcne, mi sisirowenaonec, Anuture dâŋ jujune â fofo sanaŋ, irecnec âkešurâ fuambiŋ.  
\v 24 Dâŋ šiŋuc hâcne fokac:  
\q1 “Sahachec jaŋe sopâc kecɋaŋ iŋucne,  
\q1 â šâŋe rarac biaŋ-jeŋic i šariŋ âri iŋucne.  
\q1 Sopâc kecɋaŋzi ɋaŋaekac â ârinezi mârâŋkeekac.  
\q1 Anuture dâŋzi ine fofo sanaŋ foocmu.”   
\m
\v 25 Biŋedâŋ biaŋne ŋazakicne ši hâcne.   
\c 2  
\s1 Nâŋâc qânâ wâtuŋ-nâŋec Jesu erao âtesiŋnenšepeneŋ  
\p
\v 1 Ŋoŋe sindaŋ â burec wiac â eeatuc â iiŋguuŋ â gupe micko âkec i hetara-fârenšepieŋ.  
\v 2 Hetararâ naru motec ɋiene susure ejareekac iŋuc jaha ŋoŋe maŋ qâqâtâc-ŋeŋicte susu biaŋ irec eŋarezejec. I nâhuc mitio soka pupuŋ enšepieŋ.  
\v 3 Wofuŋ jauŋ-ticne moc mana aŋac embiŋko iŋuc enšepieŋ.  
\v 4 Ŋoŋe Wofuŋ, qânâ jujune hâcne, ŋiczi hone suŋgiŋkehapie Anutuzi maname fekicne eme bâwosâewec, erao âtesiŋkeniŋ.  
\v 5 Ehuc qânâ jujunea efârerâ šuhuckeme šuhuc doma doma fehuc Mârore ufuŋ enšepieŋ. Erâ wâc tiri taha bapa guru erâ maŋzi Anutu taha bâzi ecnenšepieŋ. I Jesu Kristore erâ maname biaŋkeocmu.  
\v 6 Miti papiao dâŋ šiŋuc hâcne fokac:  
\q1 “Manakic, no Zioŋko qânâ moc hekopac,  
\q1 qânâ wâtuŋ bâwosâekicne furi sâko.  
\q1 Ŋic moczi erao roweckeocmu e mi qurutuaocmu.”   
\m
\v 7 Irec erao roweckeeŋgopieŋ ŋoŋerao wiac furi sâko ekac. Á mamanasiŋ tâmiric jaŋere šiŋuc mukicne:  
\q1 “Ficbapa jaŋe qânâ surehuc behembiŋ,  
\q1 izi hâcne qânâ wâtuŋ ewec domakac.”   
\m
\v 8 Erâ wâc  
\q1 “Qânâ ira kike-jeŋic hepirickeniŋmu  
\q1 â buse ira heariweniŋmu.”  
\m Ŋic miti qikiŋnehuc ira heariweniŋte mukicnere iŋuc hâcne eeŋgopieŋ.   
\s1 Anuture bufuŋfâc embeŋ  
\p
\v 9 Ŋoŋe ine bâwosâecfâc-ticne â taha bapa ŋicbomboŋfâc-ticne â tiri ŋicgurufâc-ticne â fuŋfuŋ gurufâc-ticne. Iŋucne ŋoŋe dapâckonec bawefuc-ŋoparâ tatamac jaŋgeŋ-ticnao râec-ŋopawec ere mâsi sâkore biŋedâŋ muropiepie haŋ bazejec.  
\v 10 Ŋoŋe mârâc jaha ruc hurâ jumbiŋ, ši ine Anuture ŋicfâc embiŋ juŋgopieŋ” mârâc jaha qarâ suŋgiŋne jumbiŋ, ši ine uruc jauŋko juŋgopieŋ.   
\s1 Sasec getâckehuc juzo  
\p
\v 11 Âgo biaŋfâc-nane, no ŋazape mananiŋ, ŋoŋe mâreŋko jaba â ŋicmanac jueŋgopieŋzi sasec, maŋ qâqâtâc-ŋeŋicte râsi hâcne, i getâckenšepieŋ.  
\v 12 Ehuc qâpuc jaŋere ŋondeŋko juju tiŋne junšepieŋ. Iŋuc jupie qâpuc jaŋe fuŋne-ŋeŋic hone mana tarac erâ, sâqocne bapa muŋareeŋgopieŋ, i beherâ juku Anuture iiqic dameŋko eehâmo gie-ŋeŋicte erâ Anutu muteŋkenšepieŋ.   
\s1 Fekicne jaŋere dâŋ reŋkezo  
\p
\v 13 Ŋiczi sâcmutâc fuŋne fuŋne râekicne i ŋoŋe Wofuŋte erâ reŋke-fârenšepieŋ. Ŋicwofuŋ, femicne juekac, ere mecne,  
\v 14 â kia gawamaî râec-jopawec jaŋere mumupaŋ mecne, mâmâc reŋkenšepieŋ” jaŋe hâcne sâqocne bapa okacne jareniŋte, â sâcne jueŋgopieŋ jaŋe mumbiaŋ-jopaniŋte mu jarekicne.  
\v 15 Ŋoŋe eehâmo gie bahuc ŋic mutucne, mumusifuc bâfuaeŋgopieŋ jaŋere dâŋ bâniniŋkeniŋte Anutuzi muŋareekac hâcne.  
\v 16 Ŋoŋe goroŋ-ŋopakicnere rambaŋ juŋgopieŋ, erâ juju izi sâqocnere tapa mi ezejec, rambaŋ juhuc Anuture kiŋaŋ qanšepieŋ.  
\v 17 Ŋoŋe ŋic šeŋgoma sâsec-jopanšepieŋ, âgofâc-ŋeŋic maŋjauŋ ejarenšepieŋ, Anutu araŋ bacnenšepieŋ, ŋicwofuŋ sâsenšepieŋ.   
\s1 Kiŋaŋ qaqa jaŋere dâŋ  
\p
\v 18 Kiŋaŋ qaqa ŋoŋe bomboŋfâc-ŋeŋic araŋ bajarehuc micjeŋic reŋkenšepieŋ, i bomboŋ urucne â mâteŋne jaŋe sawa mâcne, šâšâicne jaŋe mâmâc iŋuc ejarenšepieŋ.  
\v 19 Jaŋe maŋgâŋ bahac tâmiricko bâšâic-ŋopapie Anuture manasuhuc rârâŋgeŋ tâmiric jupie maname biaŋkeocmu.  
\v 20 Á bahac bâfuarâ šika kihuc rârâŋgeŋ tâmiric jupie mozi maname biaŋkeocmu? Tiŋne juhuc šika kirâ rârâŋgeŋ tâmiric jupie ine Anutuzi maname biaŋkeocmu.   
\s1 Jesure kike hata âte razo  
\p
\v 21 Ŋoŋe iŋuc eniŋte hâcne muŋarekicne. Kristo e iŋuc jaha ŋoŋere erâ šâic manahuc bânie-ŋarewec, eme ŋoŋe kike hata-ticne honehuc ijaha âte ranšepieŋ.  
\v 22 E bahac mi bâfuawec, â sioc micticnaonec mi fuawec.  
\v 23 E musâqorepie okacne mi musâqorec-jopawec, bâšâickepie okacnere dâŋ mi jazawec. E dâŋ mumutara gie fârine baekac ere biŋe qawec.  
\v 24 Nâŋâcne sâqocnezi ere sahacko feme maripoŋko bafewec, i sâqocne hâmocnehuc tiŋkerâ junaŋte ewec. Ere wiczi ŋoŋere wic bâsomiewec hâcne.  
\v 25 Ŋoŋe lama iŋucne qâsoc bâsoriehuc jumbiŋ. Ʒi ine maŋ qâqâtâc-ŋeŋicte rusoŋaŋzi hefârec-ŋopame erao fisimbiŋ.   
\c 3  
\s1 Ŋokac jaŋere dâŋ  
\p
\v 1 Ŋokac ŋoŋere iŋuc jaha mupe, ŋoŋe ŋowefâc-ŋeŋic jaŋere wahamicne junšepieŋ. Eme ŋowefâc-ŋeŋic gâcne miti qiqikiŋ jueŋgopieŋ jaŋe dâŋ mi jajaza mâc rume-jarehuc maŋɋaɋac jupie  
\v 2 ŋonâŋfâc-jeŋic ŋoŋere juju bapa hone manac erâ maŋjeŋic bârisienšepieŋ.  
\v 3 Ŋoŋe sahacte eri, qizec ba ericko bapa, kubu wiac furi sâko qoqonaŋ, ŋaqi qâreŋ biaŋ rojuju, irec manapie jawane ezejec.  
\v 4 Ehame buuruc fârine, maŋwâmbuŋko soŋkerâ tiŋbenoŋ bâfuaekac, izi eri fofo sanaŋ-ŋeŋic eme Anutuzi maname furi sâko eocmu.  
\v 5 Miti ŋokac mârâc jujumbieŋ jaŋe eri i hâcne baju jumbieŋ, ehuc Anuturao roweckehuc ŋowefâc-jeŋic sâsec-jopa jumbieŋ.  
\v 6 Sara eki hâcne Abraham dâŋticne reŋke jujec, ehuc ŋicbomboŋ mucne jujec. Eme ŋoŋe wiac biaŋne bahuc mu hâhâwicte mana mezac mi eniŋmuo otâfâc-ticne embiŋ juŋgopieŋ muŋarezo.   
\s1 Ŋic jaŋere dâŋ  
\p
\v 7 Ŋic ŋoŋere iŋuc jaha mupe” ŋokac e tâpirine wahakacte ŋonâŋfâc-ŋeŋic wiac mana manahuc ejarenšepieŋ. Erâ juju sanaŋte biŋe mâmâc qajarekicnere sâsec-jopahuc junšepieŋ. Eme nunumu-ŋeŋiczi ququŋke tâmiric qâfâsâerâ fezejec.   
\s1 Dâŋ wirec-nâŋec  
\p
\v 8 Erâ qâhâckehuc mupe” ŋoŋe mâmâc sasawa maŋ mocjaha erâ miriŋhec junšepieŋ, ehuc âgofâc-ŋeŋic maŋjauŋ ejarehuc wama ruaine â maŋhuhuŋ junšepieŋ.  
\v 9 Wiac sâqocne eŋarepie okacne sâqocne jaha mi ejarenšepieŋ, sosopec dâŋ ŋazapie okacne sosopec dâŋ jaha mi jazanšepieŋ, aricne, ŋoŋe jambuŋ hotâckeniŋte hefârec-ŋopakicnere jaŋe wâc jambuŋdâŋ jazanšepieŋ.   
\q1
\v 10 “Moc e jujure aŋackekac  
\q1 â dameŋ biaŋ bâfuazo ecnekac,  
\q1 e nameŋ-ticne soŋaŋkeha sâqocne mi bazejec,  
\q1 â micbipic-ticne qataracneme burecdâŋ mi ezejec.   
\q1
\v 11 Eme sâqocne râpeckerâ wiac biaŋne ezejec,  
\q1 erâ wamao juhuc irec giene fotarierâ bazejec.   
\q1
\v 12 Wofuŋ e ŋic tiŋne jaŋerao šâŋe fihuc  
\q1 mu wâwâsic-jeŋicte hazec râeekac,  
\q1 sâqocne bapa jaŋe ine Wofuŋzi hone qikiŋ ejareekac.”   
\s1 Fific guguriŋte dâŋ  
\p
\v 13 Ŋoŋe wiac biaŋnere henširiŋnehuc juhapie mozi wemo wiac eŋareocmu?  
\v 14 Me juju bapa tiŋnere erâ fific guguriŋ faio feniŋmu, ine manapie bubiaŋnehec ezejec. Ʒika hâhâwic eŋarepie ɋarac ɋarac mi qanšepieŋ â hâbi gogoroŋ mi enšepieŋ.  
\v 15 Maŋŋeŋic ba emasaŋ epie Kristo e tiri Wofuŋ juŋarezejec. Erâ maŋzi wiac worickehuc jueŋgopieŋ irec mu indiŋ eŋarepie afeckerâ fuŋne mutaniŋkenšepieŋ.  
\v 16 Erâ dâŋ i urucko â acmeruŋ ehuc, maŋŋeŋiczi mumu hehec mi eŋareha munšepieŋ. Iŋuc epie, Kristohec juhuc wiac ebac eeŋgopieŋ irec qoric-ŋopaeŋgopieŋ, ŋic i jaŋe burec-jeŋicte fuŋne taniŋkeme mimienšepieŋ.  
\v 17 Ŋoŋe wiac biaŋne ehuc juhapie Anutuzi maname sâckeha šika kâpâcwâru eŋareniŋmu irec manape fekac, â bahac bâfuapie eŋareniŋmu ine manape wahakac.  
\v 18 Kristo e iŋuc jaha tiŋnezi sâqocnere erâ arec moc hâmowec, e tiŋnezi hehesicne ŋoŋere erâ iŋuc ewec, Anuturao râec-ŋopaocte. E sahachec juwecte qapie hâmowec, â Mârohec juwecte ɋârewec.   
\s1 Noa juhame jumbiŋ Jaŋere dâŋ  
\p
\v 19 Mârohec wâc juhuc qâqâtâc kâpâcwâruo fombiŋ jaŋerao rarâ miti jazawec.  
\v 20 Jaŋe mârâc jaha Noa e woke bahuc juhame Anutuzi maŋuruc-ticnere erâ woŋec-jeŋic juipiehame dâŋticne qâsuambiŋ. Eme ŋic ŋokac jahec mac, 8 sawa, jaŋe wokeo fepie opâzi akic-jopame Jumbiŋ.  
\v 21 Eme ŋifecne ši opâzi wâc Miti Opâo bâpiaŋ-ŋopaekac. Miti Opâ e sahac wânâŋ mi šureekac, e Anutu hefâreme ware maŋŋeŋic šureme mumu hehec mocwâc mi eŋareekac” wiac i Jesu Kristozi hâmockonec ɋârehuc bâfuawec.  
\v 22 E jahacne sambâŋko Anutu fârenao fewec jukac” ira juhame aŋelo fekicne jaŋe ere wahamicnao jueŋgopieŋ.   
\c 4  
\s1 Jesuzi sahac šâic manawecte ijaha manahuc sâqocne qikiŋnezo  
\p
\v 1 Kristo e sahac šâic manawecte ŋoŋe ijaha eniŋte hâbi-ŋeŋic hepie huzejec. Ehuc šiŋuc mananšepieŋ, moc e sahac šâic manaekaczi sâqocnere ninikec bâfuaekac.  
\v 2 Eme sahacko juju dameŋ-ticne fokac sâc sasecte gie mi bapa Anuture micdâŋ sawa reŋkehuc juzejec.  
\v 3 Juwicnao qâpuc wiac šiŋuc ehuc jumbiŋ: Wiac gapec tâmiric ee, sasec, opâ momori âmbâŋ nânâ, bec qowi âmbâŋ nânâ, tiwâ sisiricko nânâ, nemu burec kiŋaŋ qaqajare, wiac i hâcne ewarehuc jukupie micne qawec.  
\v 4 Eme ši ine qâpuc jaŋe sâqocnere šâkâŋko fohapie mi qâtec-jopaeŋgopieŋte manapie moc eme mu supaic eŋareeŋgopieŋ.  
\v 5 Erâ jaŋe juku jukicne hâmokicne fuŋne-nâŋec bataniŋkeocte šawierâ jukac erao dâŋgie baniŋmu.  
\v 6 Eme fuŋne šiŋucte hâmokicne wâc Biŋebiaŋ jazakicne: Jaŋe ŋifec ŋic hata fokac irec sâcko sahaczi okacne roniŋte, â ŋifec Anuture hata fokac irec sâcko mârozi juniŋte.   
\s1 Dameŋ bembeŋkekacte ââgo erâ babafic ezo  
\p
\v 7 Wiac sasawa irec dameŋ bembeŋkekac. Irec ŋoŋe maŋsowa â pectâc juhuc nunumure afeckenšepieŋ.  
\v 8 Erâ maŋŋeŋiczi jauŋ babac ehuc junšepieŋ. Maŋjauŋhec juhuc kiŋ bebehec sâcne ezo.  
\v 9 Ŋoŋe mutakic tâmiric hezu hewâneŋ eec enšepieŋ.  
\v 10 Ŋoŋe Anutuzi miti mâriri fuŋne fuŋne tahac-ŋopawec, i ŋicne ŋicne foŋarekac sâc aimuŋ bajuhuc bâmec babac â dodopec ehuc junšepieŋ.  
\v 11 Moc e miti muocmu i Anuture dâŋ jâmbâŋ ezejec, moc e gie mucnekicko baocmu ine Anutuzi tâpiri râcneme sâc bazejec. Ŋoŋe iŋuc epie Anuture huriri qâreŋ i Jesu Kristore erâ ŋoŋerao fua tâcnezejec. Eri tatamac â tâpiri i erao foweczi fohuc juocmu sanaŋ. Jâmbomac.   
\s1 Jesure erâ šâic manahuc bubiaŋ bâfuazo  
\p
\v 12 Jorocfâc-nane, ŋoŋerao hâbi qaqazure wiac micne momori fuawec fokac, eme ŋoŋe wiac šâŋe furu fua-nârekac muhuc bipic tatara mi enšepieŋ.  
\v 13 Ŋoŋe Kristore erâ šâic fâro manahuc sâc bubiaŋ bâfuanšepieŋ, eme juku eri tatamac-ticne fua tâcneme iŋuc jaha bubiaŋ sâko manahuc šeri bari eniŋmu.  
\v 14 Ŋoŋe Kristo šâŋe biŋe-ticnere musoc qâsoriŋ-ŋopapie manapie šerine ezejec. Wiac i eŋarepie tatamacte maqâreŋ, Anuture Mâro hâcne, ŋoŋerao waha juocmu.  
\v 15 Ŋoŋeraonec moczi šikare me fiucte me sindaŋte me penaroŋte šika kâpâcwâru faio mi fezejec.  
\v 16 Á moc e Kristoŋic jukacte šika kâpâcwâru ecnepie ine irec maname mimi busâqochec mi ezejec. E šâŋe i bajuhuc Anuture mumuteŋ bâfuazejec.  
\v 17 Manaŋgopieŋ, Anutu e fuŋne babataniŋ gie-ticne ŋicfâc-ticne nâŋâcnao fuŋkerâ baocte dameŋne maickekac hâcne. Nâŋâcnao qanaŋ fuŋkerâ baraku Biŋebiaŋ-ticne qikiŋneeŋgopieŋ jaŋerao batarame sâc weniŋucne fuaocmu?  
\v 18 Â  
\q1 “Ŋic tiŋne e okac dameŋko bipic tatara ecnehame  
\q1 miti qiqikiŋ â sâqocne bapa e wenac eocmu!”   
\m
\v 19 Eme irec Anutuzi maname sâckeha fific guguriŋ faio feniŋmu jaŋe maŋ qâqâtâc-jeŋic i bâbâfua mume sasanaŋ erao râehuc eehâmo gie banšepieŋ.   
\c 5  
\s1 Micne bapa jaŋere dâŋ  
\p
\v 1 Ŋoŋerao micne bapa juŋgopieŋ ŋoŋe no micne bapa âgo-ŋeŋiczi dâŋ ŋazape. No Kristo e šâic fâro maname šâŋe fâri-nanezi honepo, izi juku eri tatamac-ticne fua tâcneme i wâc rauckepemu. Irec no hâcne dâŋ mu qâmoc eŋarepe mananiŋ:  
\v 2 Anuture lama guru soŋaŋ-jopaniŋte muŋarekicne, i jâiŋko mâcne, buafec jaha hone maiŋ ejarenšepieŋ, erâ moneŋ mafa huhurere manasuhuc mâcne, giere buâkec eŋareha enšepieŋ.  
\v 3 Erâ wâc ŋicbomboŋ ejarehuc mâcne, lama micne bajarehuc miti hata bânie-jarenšepieŋ.  
\v 4 Eme juku soŋaŋ sâkozi fisirâ hendiŋ huririnehec fofo sanaŋ i heŋareme hume rojuniŋmu.   
\p
\v 5 Ŋic socɋâri ŋoŋe iŋuc jaha ŋazakopac, ŋoŋe ŋic kâcɋene jaŋere wahamicne junšepieŋ. Erâ mâmâc sasawa ine gie qoruc šâŋene maŋhuhuŋ i jomarâ kiŋaŋ qaqac enšepieŋ. Manaŋgopieŋ, Anutu e ŋic maŋfefe jaŋe dope qatara-jareekac â ŋic maŋhuhuŋ ine dope sicne-jareekac.  
\v 6 Anuture mesanaŋzi bâuruŋ-ŋopame dapenšepieŋ. Iŋuc epie juku dameŋ-ticne maickeme ekizia bafaharec-ŋopaocmu.  
\v 7 Wiac mezac-ŋopaekac sasawa Anutu qârâriecnenšepieŋ, eki sâcne hone jauŋ eŋareekac.   
\s1 Maŋɋâri juzo  
\p
\v 8 Ŋoŋe maŋsowa juhuc rucgereŋ-ŋeŋic banšepieŋ. Râsi sâko-ŋeŋic Sataŋ e oâ iŋucne erâ mic aŋkerâ e me e ɋâckepe muhuc ra fisi ware fisi ehuc juekac.  
\v 9 Eme ŋoŋe mamanasiŋhec qiŋ herâ domahuc e hetapaickenšepieŋ. Erâ šiŋuc mananšepieŋ, âgofâc-ŋeŋic mâreŋ sâc jaŋerao šâic fâro ijaha fua-fârewec fokac.  
\v 10 Erâ Anutu aki anonoc rune, e eri tatamac fofo sanaŋ focnekac, ira Kristore erâ fisiniŋte hefârec-ŋopaweczi šâic fâro dameŋ bembeŋne manahapie bâtiec-ŋopahuc âkesiŋ-ŋopaocmu, erâ basanaŋ-ŋopahuc keteŋ-ŋopaocmu.  
\v 11 Tâpiri i erao hâcne foweczi fohuc juocmu sanaŋ. Jâmbomac.   
\s1 Mumutara dâŋ  
\p
\v 12 No dâŋ i Siliwano âzâcnepe qâreŋke-ŋarekac. No ere hâcne manape âgo fârine ekac. No bapa fuŋfuŋ jaha manapozi Anutu uruc jauŋ-ticnere dâŋ bembeŋnea mutaniŋke-ŋarerâ faŋ qaŋarehuc mukopac, dâŋ i fârine, maŋnao qiŋ herâ domanšepieŋ.  
\v 13 Babe haeonec kikefuŋ, nâŋâcnehec mâmâc rowosâec-jopakicne, jaŋe manasu-ŋareŋgopieŋ, erâ motec-nane Mareko e mâmâc.  
\v 14 Ŋoŋe mitio ââgo ehuc meo babac efârenšepieŋ. Kristohec jueŋgopieŋ ŋoŋerao wama fofârezejec.