\id ZEP KIRZEP, Zephaniah, Kiriwina Bible, PNG, April 2010 8/11 
\h SEPANAIA 
\mt1 SEPANAIA  //  La Buki 
\is1 Kabovitouula 
\ip Matauna Sepanaia eivitoubobuta katitaikina taitu 630 BC, e oluvi guyau Yosaia eivigivau kidikedala tapwaroru wa taitu makwaina 621 BC. Mapilana buki tabubani vavagi makwaisina tuta tuta tovitoubobuta biguguguyasi, makawala yamla katudadaimi deli katudoum, paila wa yam makwaina mina Yudia bibodaisi kasi mipuki paila eitotubulokaisi Yaubada e eitapwarorusi baisa minasina yaubada ituwoli ituwoli. Tuvaila mimilisi boda ituwoli ituwoli bibodaisi kasi mipuki metoya baisa Guyau. Ilagoli bogwa wala bidoumsi mina Yerusalem, mitaga igau oluvi Yaubada bivigivau valu deli bikaimilivau tomotala, e matausina imanum ninasi deli tomitukwaibwaila bisigagasi wala baisa. 
\is1 Buki kala katumimisa 
\io1 Yamla Guyau la yakala 1.1—2.3 
\io1 Mabudosina otalila Isireli kasi katudoum 2.4-15 
\io1 Mina Yerusalem kasi katudoum deli kasi katumova 3.1-20 
\c 1  
\p  
\v 1 Baisa Guyau la biga eiluki Sepanaia, ola tuta Yosaia, Amona latula matauna guyoula Yuda. (Sepanaia dalela eivitouula metoya guyau Esekaia, eisakaili Amaria, Gedalaia, e Kusia.) \x - \xo 1.1 \xt 2 Gwe 22.1—23.30; 2 Lil 34.1—35.27\x* 
\s1 Yamla Guyau la yakala 
\p  
\v 2 E Guyau ikaibiga kawala, “Ka, yeigu bakatudoum vavagi komwaidona odabala pwaipwaia,  
\v 3 tomota komwaidosi deli mauna nasigisagina, mauna nayoyowa, deli goli yena. Yeigu bamipuki tomitugaga. E bakatudoum tomota komwaidona e gala taitala bilau biga. Yeigu Guyau bogwa lalivala. 
\p  
\v 4 “Ka, yeigu bamipuki mina Yerusalem deli komwaidosi mina Yuda. Yeigu bakatudidaimi Beali kala tapwaroru metoya mapilasina, e gala tuvaila availa biluluwaisi tolula matausina gala inikolaigusi, matausina goli eiwotitalaisi Beali.  
\v 5 Yeigu bakatumati availa matauna bimwena bila ola kulumwala e bititapwaroru baisa kalasia, tubukona, deli utuyam. Yeigu tuvaila bakatumati availa matausina ikugwa ititapwarorusi baisa yeigu deli ikatilavaisi tatousi paila yeigu, mitaga oluvi ibigasi katotila oyagala yaubada minana Milikom.  
\v 6 Yeigu bakatumati availa matausina itotubulokaigusi, e gala tuvaila ibokulaigusi, matausina goli gala ikaimilavausi bimakaiagusi kaina inigadaigusi paila bavakadi matausina.” 
\p  
\v 7 Ka, Guyau la yam bogwa eivakatitaikina, yam makwaina goli Yaubada bimoliku bivagi avaka, mapaila ibodi bukulamamsi omatala. Guyau eikatubaiasa bikatumati la tomota makawala goli lula.  
\v 8 E Guyau eilivala kawala, “Ka, wa yam makwaisina bakatumata! Bamipuki matausina tosikwawa, guyau litula, e deli komwaidosi matausina eikikavasakisi kasi gulogula mina mitawasi.  
\v 9 Bamipuki komwaidosi matausina eititapwarorusi makawala matausina gala inikolaigusi, e iuveilausi deli ikikatumatasi mwada bikaidodigasi kasi tokugwa si bwala metoya avaka eilebwaisi.” 
\p  
\v 10 E Guyau ikaibiga kawala, “Ka, wa yam makwaina yokomi bukulagaisi butula valam metoya makaduyona Kalapisila Yena olopola Yerusalem. Bukulagaisi kavivia metoya katuposula makatupona katupovau olopola Yerusalem, deli bukulagaisi luluwala kodadaimi metoya wa koya.  
\v 11 E yokomi lokusisuaisi oitayatilela valu kuvalamsi deli kukwaviviasi avai tuta bukulagaisi baisa, paila komwaidosi togigimwala bogwa bikaligasi! 
\p  
\v 12 “E wa tuta makwaina yeigu bakau kaitapa e banovili Yerusalem. E bamipuki tomota matausina availa availa idubumaisi titoulesi, e ililivalasi kawasi, ‘Guyau gala ibodi bivagi avai vavagi.’  
\v 13 E si veiguwa bikwaiyaisi deli si bwala bikodidaimisi. E gala tuvaila bisisuaisi wa bwala makwaisina eikikaliaiisi kaina bimomsi waini metoya obigulela makwaisina leibigulaisi.” 
\p  
\v 14 Ka! Guyau la yam kwaiveka bogwa eivakatitaikina - e bogwa saina eivakatitaikina deli eimaima saina nanakwa! Yam makwaina saina kwemmayuyu, kaina goli tokwabilia saina mina tuvaluwa mitaga matausina bivalamsi deli si ninamwau!  
\v 15 E yam makwaina bavigaki yamla gidumleiya, e yamla mwau deli ninamwau, yamla kodadaimi deli katudoum, yamla dubilikitakita deli guugwau, yamla lubakapula deli bwau,  
\v 16 yam makwaina butusi tauya bitigilulusi deli si tuwa tokwabilia eikikabiliasi baisa valu makwaisina kalisi kwepapeula deli si bwala kweuwonaku bolela kabilia. 
\p  
\v 17 E Guyau ikabiga kawala, “Ka, bamai makwaina kaboyogagi baisa tomota, e komwaidosi wala bivabakwalisi makawala taitala tokwau. E matausina bogwa eimitugagasi baisa yeigu, e mapaila buyavisi bibubusi makawala sopi, e uwosi komwaidona biboginaki olopola valu.” 
\p  
\v 18 Avai tuta yam makwaina Guyau biyomitali la gidumleiya; gala wala ibodi komwaidona si siliba deli si goula bikoli si momova matausina. Valu watanawa komwaidona bogwa wala bivakovi wa kova metoya ola gidumleiya. Guyau bogwa bikatudoum - kweyopolasi katudoum - baisa komwaidona tomota eisisuaisi odabala pwaipwaia. 
\c 2  
\s1 Kayubabai paila tomota bisivilasi 
\p  
\v 1 Yokomi makwaina boda gala isim kami mmosila, ibodi bitapuloki ninami,  
\v 2 e taga bukuyagisi e bukukwaligasi makawala goli lala. E taga Guyau la gibuluwa makawala kova bimakaiami, e taga biyomitali la gidumleiya wa yam makwaina.  
\v 3 Tauwau, yokomi tolemi valu makwaina ninami bibusi watanawa deli kukwabikuwolaisi Guyau la karaiwaga, ibodi bukutovilakaisi Guyau. Ibodi bukuvagaisi avaka duwosisia deli bukuvabwaimi omatala Guyau. E kaina bukukwalasi oyamla kabomipuki avai tuta Guyau biyomitali la gidumleiya. 
\s1 Kasi katudoum boda mabudosina otalisi mina Isireli 
\p  
\v 4 E viluwela Gasa gala taitala bikesa. E Asikeloni bogwa bivilouwokuva. E tomotelaga Asidodi bitouwota kalasia bibokavilaisi e tomotelaga Ekironi bibokavilaisi metoya osi vilouveka. \x - \xo 2.4-7 \xt Ais 14.29-31; Yer 47.1-7; Isi 25.15-17; Yoe 3.4-8; Emo 1.6-8; Sek 9.5-7\x* 
\v 5 E yokomiga mina Pilisitia availa availa lokusisuaisi olumata, bogwa bukudoumsi. E Guyau bogwa eikamogaimi. Matauna bikatudoumwaimi, e gala taitala bilau biga.  
\v 6 E mi pwaipwaia makubilana opapala bolita bavigaki bimila saivau e toyamata sipi bikaliaisi si bwala deli si sipi kasi kali.  
\v 7 E tomotela Yuda matausina eisisuaisi mina mmomova bisikaisi mi pwaipwaia. E matausina bivakamsi si bulutuvalu omi kwabila, deli bimmasisisi osi bwala mina Asikeloni. E Guyau si Yaubada bisikaili matausina, e bivigaki bisibwabwailasi tuvaila. 
\p  
\v 8 E Guyau Topeuligaga ikaibiga kawala, “Ka, bogwa lanakaigali mina Mowabi deli mina Amoni eibigigagaisi deli eikovilaisi ulo tomota, e deli ikamnomwanasi mwada biyoulisi si valu. \x - \xo 2.8-11 \xt Ais 15.1—16.14; 25.10-12; Yer 48.1—49.6; Isi 21.28-32; 25.1-11; Emo 1.13-15\x* 
\v 9 Ibodi bukudubumaisi yeigu mina Isireli si Yaubada Tomomova ulo biga katotila baisa Mowabi deli Amoni bakodidaimi makawala lavigaki Sodom sola Gomora. Yeigu bavaiyani mavilousina deli biviloububusi, e bikanuvagasisi wala kwedidadaimi. E ulo tomota matausina kesala eimovasi, bilebwaisi si guguwa deli biyoulisi si valu.” \x - \xo 2.9 \xt Vit 19.24\x* 
\p  
\v 10 Ka, mina Mowabi deli mina Amoni bibanaisi kasi mipuki. Paila uula mina kamnomwana deli ninasi walakaiwa deli ibigigagaisi la tomota Guyau Topeuligaga.  
\v 11 E Guyau bikakukoli matausina. Matauna bikatupilaku minasina si yaubada mina watanawa biwokuva. E komwaidona boda bitapwarorusi baisa matauna taitala taitala ola valu tatoula. \x - \xo 2.11-12 \xt Ais 18.1-7\x* 
\p  
\v 12 E tuvaila goli Guyau bikatumati mina Sudani. \fig Bivigaki Niniba dubilawawa|src="Vallotton 3600214" size="col" copy="(ZEP 2.14)ruins" ref="2.13" \fig* 
\p  
\v 13 E metoya ola peula goli, Guyau bikatudidaimi valu Asiria. Matauna bivigaki valu Niniba makawala dubilawawa, deli makawala viloupakala gala isim sopila. \x - \xo 2.13-15 \xt Ais 10.5-34; 14.24-27; Neu 1.1—3.19\x* 
\v 14 E bivigaki valu mavilouna si valu sipi, bulumakau, e deli goli avai mauna avai mauna si kabovaiwasi. Minasina kuru bimilivalusi baisa, e bitotusi okokolawokuva bigilagelasi. Minasina korouta bigilagelasi wa lulu omatala kaukweda, e mapilasina kweisila youdilela bwala bogwa bikalitataisi.  
\v 15 E baisa makawala bikaloubusi baisa valu mavilouna paila tomotala ninasi walakaiwa idokaisi titoulesi mina papeula deli si nanamsa mwada bogwa eikwalasi. Deli matausina idokaisi mwada si valu viloudabala ovalu watanawa komwaidona. Mitaga ka, mavilouna biviloububu, e bolodila bivigakaisi si kabosisu! E availa availa bisuwaisi valu makwaina bivayaitasi deli kasi kokola. 
\c 3  
\s1 Mina Yerusalem si mitugaga deli kasi katumova 
\p  
\v 1 Mina Yerusalem bogwa bidoumsi, matausina mina mitugaga, deli mina kosomapu, e tuvaila ilamidadaisi si tomota tatousi.  
\v 2 Matausina gala binakaigalaisi kaina bitagwalasi biyosisi Guyau la vituloki. Matausina gala idubumaisi Guyau, kaina binigadaisi matauna paila pilasi.  
\v 3 Ka, matausina kaidadala valu makawala minasina laiyoni eiguguvavilasi. E matausina tovagisi yakala saina mina buligaga makawala minasina ugiwagi saina kasi molusaula, e gala ibodi bikabogaisi kaitala totuwana igau biyam.  
\v 4 E matausina tovitoubobuta osi paisewa imamasi ikayupalaisi titoulesi, e deli mina ubuwabu. E matausina tolula iyogwalaisi uvagila kwebumaboma deli ikivilivauwaisi la karaiwaga Guyau mwada bibanaisi kasi bwaina.  
\v 5 Mitaga Guyau gala isilavi, eisisu wala olopola Yerusalem. Matauna iuvagi avaka duwosisia e gala avai tuta ivagi sula. E kaukwau kwaitala kwaitala matauna iuvagi karaiwaga duwosisia baisa la tomota, e gala avai tuta bilapi. Mitaga matausina mina mitugaga tosisula baisa immitugagasi wala e gala isim kasi mmosila. 
\p  
\v 6 Guyau ikaibiga kawala, “Ka, bogwa lakatudumani budomwaidona boda. E si valu bogwa lakodidaimi, e kalila si valu deli si bwala paila kabilia kwedidadaimi wala. E valu makwaisina vilouukuwokuva wala deli kedala kadaukuwokuva - e gala taitala ikesa.  
\v 7 Adokila mwada ulo tomota ibodi bitemmalaigusi, deli bikabikuwolaisi ulo vituloki e gala avai tuta bilumwelavaisi vituloki makwaina bogwa lavituloki matausina. Mitaga gala imomwa ibubunasi bubunela gaga makawala omitibogwa.” 
\p  
\v 8 E Guyau ikaibiga kawala, “Ka, kutulotulasi, kututulaigusi yam makwaina batokaia paila batabinaki boda komwaidona. Yeigu bogwa lavitobu nanogu paila bavayouli boda komwaidona deli kabokaraiwaga gulitinidesi kidamwa bavigaki bilumkolaisi lutula ulo gibuluwa. E metoya ogu gidumleiya makawala kova, valu watanawa komwaidona bivakovi. 
\p  
\v 9 “E oluvi bakatumapu tomotasi boda mabudosina, e matausina bininigadasi baisa wala yeigu, e gala baisa tuwoli yaubada. E matausina komwaidosi wala bikabikuwolaigusi.  
\v 10 Ka, ulo tomota metoya omiloutalʹo mapilana Sudani bimiakaigusi si lula.  
\v 11 Ka wa tuta matutona yokomi ulo tomota gala ibodi bukummosilasi tuvaila paila mi kamnomwana lokupakaigusi. Yeigu babokavili matausina availa availa mina kamnomwana deli mina kaluvalova e gala avai tuta tuvaila bukukominimanisi baisa yeigu ogu koya kwebumaboma.  
\v 12 E yeigu bavigaki tomota matausina ninasi watanawa deli mina mmanum, e matausina goli bimakaiagusi paila pilasi.  
\v 13 E tomotala Isireli matausina availa availa bikesasi gala tuvaila bilamidadaisi availa, gala bisasopasi, gala mwada bisipulokaisi. Matausina bisibwabwailasi deli bikwalasi e deli goli gala tuvaila bikukolaisi availa.” \x - \xo 3.13 \xt YG 14.5\x* 
\s1 Wosila mwasawa 
\q1  
\v 14 Yokomi mina Isireli kuwosisi toyo govami deli mi mwasawa. 
\q1 Yokomi mina Yerusalem, kumwasawasi metoya oninami komwaidona! 
\q1  
\v 15 Ka, Guyau bogwa eiligaim kami mipuki; 
\q2 matauna bogwa eimtuli komwaidosi kami tilaula. 
\q1 Ka Guyau matauna guyoula Isireli bogwa eisikailimi, 
\q2 e gala wala avaka uula bukukokolasi tuta baisa. 
\q1  
\v 16 E kala tuta bogwa leimaima paila matausina bilukwaimi 
\q2 yokomi mina Yerusalem kawasi, 
\q1 “Yokomi mina Saiyoni, gala bukukokolasi! 
\q1 Gala bimama yumami! 
\q1  
\v 17 E Guyau mi Yaubada deli yokomi 
\q2 e metoya ola peula yokomi kutomgagasi. 
\q1 Guyau bimwamwasila nanola paila yokomi, 
\q2 e metoya ola bobwailila bisakaimi momova kwaivau. 
\q1 Matauna biwosi deli la mwasawa baisa yokomi, 
\q2  
\v 18 e la mwasawa gala bitakaibiga makawala 
\q2 matausina eipakapakasi deli si mwasawa.” 
\m E Guyau ikaibiga kawala, 
\q1 “Ka, kami kapoi paila kami katudoum bogwa 
\q2 eiwokuva e leitalilisi kami mmosila. 
\q1  
\v 19 E kala tuta bogwa leimaima! 
\q1 Yeigu bamipuki matausina kami tolamadada, 
\q2 e bakoli matausina mina pem 
\q2 deli bakaimilivau matausina okatupipi bamai osi valu. 
\q1 Bakivilivau kasi mmosila bavigaki kasi taimamila, 
\q2 e komwaidona valu watanawa biyakawolaisi matausina. 
\q1  
\v 20 E kala tuta bogwa leimaima! 
\q1 Yeigu bakaimilivau mi tomota matausina eiwakisilava bamai osi valu 
\q2 e bavigakaimi bulogami bikaligiaki 
\q2 ovalu watanawa komwaidona 
\q2 deli bavigakaimi bukusibwabwailasi tuvaila.” 
\m Baisa Guyau bogwa eilivala.