\id SNG KIRSNG, SONG OF SONGS, Kiriwina BIBLE PNG, April 2010 8/11 
\h SOLOMONI KALA WOSI 
\mt1 SOLOMONI KALA WOSI 
\is1 Kabovitouula 
\ip Mapilana \bk Solomoni Kala Wosi\bk* baisa mimilisi wosila yebwaili, mimilisi taitala tau eiwosi kala wosi natana vivila, mimilisiga natana vivila eiwosi kala wosi tau matauna. Tadokaisi mapilana buki \bk Solomoni Kala Wosi\bk* paila uula mina Yudia ikaibigasi Solomoni kala togini wala. 
\ip Mina Yudia idokaisi mapilasina wosi baisa kaikobula Yaubada ikalubailasi deli la tomota. 
\ip Tobwakuli Keriso idokaisi mapilasina kaikobula Yesu Keriso ikalubailasi deli toekalesia. 
\is1 Buki kala katumimisa 
\io1 Wosi pilimatala 1.1—2.7 
\io1 Wosi piliyuwela 2.8—3.5 
\io1 Wosi pilitolula 3.6—5.1 
\io1 Wosi pilivasila 5.2—6.3 
\io1 Wosi pililimela 6.4—8.4 
\io1 Wosi pilalima pilitalela 8.5-14 
\c 1  
\p  
\v 1 Mapilasina Solomoni la butubutu e saina pilaminabwaita. \x - \xo 1.1 \xt 1 Gwe 4.32\x* 
\s1 Wosi Pilimatala 
\sp Vivila 
\q1  
\v 2 M vayaula namwaidogu wala iiyosigu; 
\q2 e m yebwaili kala bwaina ikalisau waini. 
\q1  
\v 3 Yoku saina simasimina wowom, 
\q2 e yagam kibila udomaisi vivila. 
\q1 Mapaila vivila komwaidosi tombwailisi wala yoku. 
\q1  
\v 4 Mwa, kuma kuvakouligu, e kusakawolaigu, 
\q2 kulauwaigu om bwala, e bavigakaim ulo guyau. 
\q1 E kadataiyu wala bitamwasawa, 
\q2 bitamommata, deli bituliki taigila yobobu. 
\q1 Woo! Ina kwaita sopa, isiaga vivila komwaidosi tombwailisi yoku! 
\q1  
\v 5 Yokomi vilemi Yerusalem, yeigu mokwitala nabwabwau, 
\q2 mitaga agu migibwabwau, 
\q1 wowogu kala bwabwau makawala buliyoyova 
\q2 makwaisina oviloupakala mapilana Kedara, 
\q1 mitaga agu naminabwaita makawala miyasina taboda 
\q2 Solomoni okabala saina yamminibwaita. 
\q1  
\v 6 Segwaia, taga kukwagibwaigusi paila agu gigisa, 
\q2 paila kalasia eikalaigu e wowogu eibwabwau. 
\q1 Luguta igibuluwaigusi e ikopitukwaigusi wala paisewa obuyagu. 
\q2 E gala wala sitana ulo tuta paila bawaisomi. 
\q1  
\v 7 Mwa, lubaigu, kuma kulukwaigu, 
\q2 Ambaisa bukulau m yawa ikabubunasi ke? 
\q1 Ambaisa bukulau isipepunisi avai tuta kalasia bitokitoki? 
\q1 Mwa, avaka uula leikaiki wowogu baninevaim 
\q2 oluwalaisi si yawa ituwoli toyamata sipi? 
\sp Tau 
\q1  
\v 8 Yoku vivila saina namatabwaila, 
\q1 Ki, gala kunikoli ambaisa kabosikaiwa? 
\q1 Ka, kula kubokuli mayuwona yawa 
\q2 e bukubani mnumonu bwaina paila bikamsi m gota, 
\q2 otalisi si buliyoyova toyamata sipi. 
\b  
\q1  
\v 9 Ve, lubaigu, yoku wala kaiyoulalela mitasi tauwau, 
\q2 makawala natana navivila wosa biuvamwali wowola 
\q2 namwala wosa minasina bibibiusi la waga Pero. 
\q1  
\v 10 Ka, kulum saina yamminabwaita leima iwawai okimwam 
\q2 deli eikapusi wala leila okaiyom makawala soulava. 
\q1  
\v 11 Mitaga igau bitasui katupotala kam kuwekuwa goulawokuva wala, 
\q2 e butobotala silibawokuva wala. 
\sp Vivila 
\q1  
\v 12 Ka, ulo guyau eikanukwenu okabala, 
\q2 e ulo bulami simanela ipuyumi bwala. 
\q1  
\v 13 Ka, avai tuta lubaigu bikenu ovitakogu, 
\q2 matauna makawala mro kala simasimina. 
\q1  
\v 14 Lubaigu makawala lala kebubolodila, 
\q2 makaisina eilalalasi obuyagu mapilana Enigedi. 
\sp Tau 
\q1  
\v 15 Ve, lubaigu, saina namatabwaila yoku, 
\q2 e saina migimbwailigu yoku! \fig Saina migimbwailigu yoku|src="Vallotton 2200115" size="col" copy="(SNG 1.15) lovers" ref="1.15" \fig* 
\sp Vivila 
\q1  
\v 16 Mwa, lubaigu, saina tomatabwaila yoku 
\q2 deli saina tombwailigu yoku! 
\q1 Mnumonu semitamata bitavigaki kabada. 
\q1  
\v 17 Kweisila bitavigaki da bwala youdulela, 
\q2 e reiyava bitavigaki tabodala yuviyavi.\f a \ft Baisa talivalasi paila mabigana ceiling.\f* 
\c 2  
\q1  
\v 1 Yeigu makawala lalela Saroni kebolodila, 
\q2 makawala bwaimwara eitotusi oitayatila. 
\sp Tau 
\q1  
\v 2 Makawala kaitala bwaimwara eitowalai kaigunigwaini 
\q2 e makawala goli minawena lubaigu oluwalaisi vivila komwaidona. 
\sp Vivila 
\q1  
\v 3 Makawala kaitala mokolu eitowalai kai komwaidona, 
\q2 e makawala goli matauna lubaigu oluwalaisi tauwau komwaidona. 
\q1 Saina ayebwaili basisu okaikonigulela, 
\q2 e uwala la kamkoni saina simokainigaga. 
\q1  
\v 4 Ilauwaigu obolela la kabokamkwam 
\q2 e matauna iyomitali agu yebwaili. 
\q1  
\v 5 Ka, bukukwatupewolaigu metoya kaiuwala waini, 
\q2 kuyomosalaisu metoya mokolu! 
\q1 Mapaila namwaidogu wala nakaliga baisa matauna. 
\q1  
\v 6 Yamala kikiwama avigaki agu kwabaikunu 
\q2 e yamala kakata iyobobwaigu. 
\q1  
\v 7 Yokomi vilemi Yerusalem, ibodaimi bukukwatotilasi mwau, 
\q2 mwada gala bukuyobosaimasi sogu lubaigu. 
\s1 Wosi Piliyuwela 
\sp Vivila 
\q1  
\v 8 Aligitoi kaigala lubaigu. 
\q1 Odubiluwotala koya leisisakaula leima, 
\q2 leiluvapela odubadabila leimmakaiagu. 
\q1  
\v 9 Lubaigu makawala natana dia, 
\q2 makawala natana namwala dia natubovau. 
\q1 Matauna itotu opapala taboda. 
\q1 E ititadoyai oponana 
\q2 e immitikipwana wa ninuva. 
\q1  
\v 10 Lubaigu ilukwaigu kawala. 
\sp Tau 
\q1 Ve, lubaigu, kumakaiagu, 
\q2 nambwailigu, kuma bitam. 
\q1  
\v 11 Ka, tula kweluvala bogwa leiwokuva 
\q2 e kuna bogwa leidoudewa; 
\q1  
\v 12 valu viloutuboulola, lala bogwa leikatuyawaisi. 
\q1 E baisa tuta la tuta wosi wala; 
\q2 ka, kulegʹe bubuna leikukumdusi osaivau. 
\q1  
\v 13 Seuseu bogwa leimwenakavalasi; 
\q2 e matamsina waini lalela eipuyumi valu. 
\q1 Ve, lubaigu, kumakaiagu, 
\q2 nambwailigu, kuma bitam. 
\q1  
\v 14 Yoku makawala natana bubuna 
\q2 minana eikanupepuni okatakila dakuna. 
\q1 Ve, kusunapula bagisi migim bwaikwanela, 
\q2 e sitana balagi kaigam, biluba lopogu. 
\b  
\q1  
\v 15 Kuyosisi minasina ugiwagi, minasina nakikekita, 
\q2 taga bivagudaisi da sobulasi matamsina da wainisi, 
\q2 paila tuta baisa goli eilalalasi. 
\sp Vivila 
\q1  
\v 16 Yeigu lubaigu matauna, e matauna lubaila yeigu. 
\q2 Iuvakam la yawa olukuvala bwaimwara 
\q1  
\v 17 e biyayosa wala tatoula bulubuvisiga bimya kala suwonumla bima 
\q2 e kawala yam biyumki. 
\q1 Mwa, lubaigu, kukwaimilavau kuma, makawala natana dia, 
\q2 kaina makawala natana nagwadi dia namwala 
\q2 odubiluwotala koyala Beteri. 
\c 3  
\q1  
\v 1 Bogi kwaitala kwaitala, avai tuta lakenu okabagu 
\q2 ammimi wala lubaigu matauna tombwailigu. 
\q1 Tuta komwaidona anainevi matauna, 
\q2 mitaga gala wala abani. 
\q1  
\v 2 Ala ovilouveka atitavina wala 
\q2 okadumalaga deli goli olilagala valu. 
\q1 Nevigu wala matauna tombwailigu. 
\q2 Mitaga anainevi wala asomata, gala wala abani matauna. 
\q1  
\v 3 E matausina toyausa eiyuuyausasi valu igisaigusi. 
\q2 E akatupoi matausina kawagu, 
\q2 “Ki, gala sitana kubodaisi lubaigu?” 
\q1  
\v 4 E momwaila lavalai matausina, 
\q2 avataina goli abani matauna. 
\q1 E ayosa wala, e gala atagwala bakilova tatoula wala 
\q2 lakatuvisuvi matauna ola bwala inagu. 
\q1 E alau wala matabudona inagu leiunaigu. 
\b  
\q1  
\v 5 Yokomi vilemi Yerusalem, 
\q2 ibodaimi bukukwatotilasi mwau, 
\q2 mwada gala bukuyobosaimasi sogu lubaigu. 
\s1 Pilitolula Wosi 
\sp Vivila 
\q1  
\v 6 Ka, avai vavagi baisa oviloupakala 
\q2 makawala mseu leibulitoumoi leima? 
\q1 Maiinela saina simasimina deli mro, 
\q2 makaisina kaisimasimina togigimwala eigigimolaisi. 
\q1  
\v 7 Ka, Solomoni leikatikeuwaisi ola takaikaia leimaiyaisi; 
\q2 e kala tovakwabu leimaiyaisi kasi bawa tailuwolima tailuwotala tokabilia, 
\q2 matausina wala dabala si wota mina Isireli. 
\q1  
\v 8 E komwaidosi wala matausina kasi tokwabi kema 
\q2 e deli pwataboda. 
\q1 E taitala taitala ikibubwasaisi si kema, 
\q2 paila gala tanikoli kaina bivitoulai kabilia wa bogi. 
\q1  
\v 9 E guyau Solomoni leikatikeuwaisi ola takaikaia 
\q2 makwaina leiyoudulaisi metoya kai kaimoya. 
\q1  
\v 10 E kokolela makaisina ikubolaisi metoya silibawokuva wala; 
\q2 e karekwala miyasina leibisikaisi goulawokuva wala. 
\q1 E makwaisina kabala kwaimmanum karekwala kala vau dairarugu, 
\q2 e saina yammanum miyasina vilesi Yerusalem leiyoudulaisi. 
\q1  
\v 11 Veve, yokomi vilemi Saiyoni, kumaisi kugisaisi guyau Solomoni. 
\q1 Matauna leisisikoma kala kulupaipi makwaina 
\q2 inala leivisikoma oyamla la veivai, 
\q2 yam makwaina yamla nanola kala mwamwasila deli la kabomwasawa. 
\sp Tau 
\c 4  
\q1  
\v 1 Lubaigu, saina wala namatabwaila yoku! 
\q1 Migim lokukwapoli, mitaga matam lagigisi ivivivilasi 
\q2 e saina wala migimbwailigu yoku. 
\q1 Kulum leiuwaimimila makawala yuwotala gota 
\q2 leidadailisi metoya wa koya Giliadi. 
\q1  
\v 2 Kudum pupwakaula makawala sipi 
\q2 minasina makateki wala leiviliwaisi unuunusi deli leivakakaiyaisi. 
\q1 Gala kaitala kudum isasa, komwaidona wala saina kasakutukutu. 
\q1  
\v 3 Bilubalom makawala mokakana bweyanila; 
\q2 e avai tuta bukubigatona, saina bwaina kala gigisa bitatai. 
\q1 E bwaikwanelaga kimwam lokukwapoli. 
\q1  
\v 4 Kaiyom makawala Debida la kabovatoi bolela, 
\q2 kaibobuta deli kaidudubuna. 
\q1 Deli makatupona kam kuwekuwa makawala 
\q2 lakatuluwotala vayoula eitavina eitapatu. 
\q1  
\v 5 Nunum nupiakwa, makawala nupoyu dia nabwegigia 
\q2 minasina eikikabubunasi opoulela bwaimwara. 
\q1  
\v 6 Yeigu bakanuvagasi wala okoyala mro deli okoyala makaisina maiina simasimina, 
\q2 tatoula wala bulubuvisiga bimya kala siwonumla bima 
\q2 e kawala yam biyumkwaigu. 
\q1  
\v 7 Ve, lubaigu, saina namatabwaila yoku, 
\q2 yoku kutubosaki goli! 
\b  
\q1  
\v 8 Ve, kagu vaigwadi, kumakaiagu bitabusi metoya koyala Lebanoni, 
\q2 kubusi kuma metoya odubiluwotala Koya Amana, 
\q2 metoya Koya Seniri deli goli Koya Emoni, 
\q2 baisa laiyoni deli lepodi si valu. 
\q1  
\v 9 Ve lubaigu, yoku agu vaigwadi, 
\q2 matam kumitakavataigu deli kam kuwekuwa makatupona lokusisikoma, 
\q2 baisa saina ikikau nanogu. 
\q1  
\v 10 Ve, lubaigu, yoku agu vaigwadi, agu yebwaili lokuuvagi, 
\q2 kaitigamla lopogu. 
\q2 m yebwaili kala bwaina ikalisau waini kala bwaina, 
\q2 e m bulami maiinela ikalisuwoli vana komwaidona. 
\q1  
\v 11 Ve, lubaigu, kakamwenala bilubalom makawala kitorina kala sumokainia, 
\q1 e mayemga, makaina agu nunu deli agu kitorina. 
\q1 Deli kam kwarekwa kala simasimina makawala avai bulami avai bulami olopola Lebanoni. 
\b  
\q1  
\v 12 Lubaigu saina ayebwaili, minana agu vaigwadi, 
\q2 minana makawala kwaitala ulo gubokaeki. 
\q1 Akubibi kalila atavini atapatu, 
\q2 deli agumwaleta wala agu utuwotu. 
\q1  
\v 13 E bagula makwaina ivasusuni kai, makaisina ikaivakavekasi 
\q2 makawala gigiku e kaiuwasi saina kwaimmanabwaita. 
\q1 E makaisina vana gala kasi kweluva, 
\q2 bititasusilasi wala, silumwaiya, narida,\f b \ft Kugisi footnote isisu Mk 14.3.\f* 
\q1  
\v 14 Kubila, bonagai deli gau kaina avai vana avai vana maiina simasimina. 
\q1 Mro deli lileikoya baisala mesususinasi deli goli 
\q2 komwaidona avai vana avai vana saina kaisimasimina. 
\q1  
\v 15 E sopi igigibwabula ivinumli bagula, 
\q2 sopi yeluyelu ititayelusi 
\q2 e sakala ititayelusi metoya koya Lebanoni. 
\sp Vivila 
\q1  
\v 16 Yavata, kutokaia. 
\q1 Bolimila, kuuu kuma kuvisi ulo bagula, 
\q2 e maiina simasimina bipuyumi valu. 
\q1 Kuvagaisi lubaigu bima ola bagula 
\q2 e bikam kalamatabwaila. 
\c 5  
\sp Tau 
\q1  
\v 1 Ve, lubaigu, yoku kagu vaigwadi 
\q2 yeigu bogwa lala ogu bagula, 
\q2 e akouguguli vana deli mro. 
\q1 E lakamkwam agu kitorina deli kaboiyousala 
\q2 e lamomom agu waini deli agu nunu. 
\sp Vivila komwaidosi 
\q1 Lubemaiasi kukwamsi deli kumomsi tatoula wala bibwaimi kabotutu som lubaim! 
\s1 Pilivasila Wosi 
\sp Vivila 
\q1  
\v 2 Avai tuta lammasisi, akupakopita wala, 
\q2 e amimi mwada lubaigu leinopipisi wa lulu. 
\sp Tau 
\q1 Ve lubaigu, yoku nambwailigu deli ulo bubuna kutugwalaigu basuvi. 
\q1 Paila sikukula bogwa leiyopututu dabagu 
\q2 e numla bogwa leikatoguna okulugu. 
\sp Vivila 
\q1  
\v 3 Mwa, bogwa lakatulovi agu kwarekwa; 
\q2 avaka dimlela basikamvau miyasina karekwa? 
\q1 Bogwa lawini kaikegu; 
\q2 avaka dimlela bayopigigatu tuvaila? 
\b  
\q1  
\v 4 Mapaila lubaigu ilitaki yoyu, 
\q2 e iyowa lopogu adoki lubaigu bogwa leivakatitaikina. 
\q1  
\v 5 E asimalaula adoki baulaim yoyu paila matauna bisuvi. 
\q1 E matutona lalitaki woyai paila baulaim yoyu, 
\q2 yamagu bogwa wala lakeputumi mro, 
\q2 e misikwaikwegu ivakasau bulamila mro. 
\q1  
\v 6 E aulaim yoyu paila lubaigu bisuvi, 
\q2 mitaga lamokaia bogwa leila. 
\q1 Saina magigu balagi sitana kaigala! 
\q2 Mapaila anevi matauna, mitaga gala gagabila babani. 
\q1 Adoukoli matauna, mitaga gala wala sitana anakaigali mapula. 
\b  
\q1  
\v 7 E matausina toyausa eiyuuyausasi valu igisaigusi, 
\q2 e iwaigusi deli ikatubuyavaigusi. 
\q1 E matausina eiyuuyausasi okalila valu, 
\q2 ikisaisi miyana kagu seikeula. 
\q1  
\v 8 Veve, yokomi vilemi Yerusalem, 
\q2 kukwatotilasi baisa yeigu, 
\q1 kidamwa bukugisaisi lubaigu, 
\q2 bukulukwaisi matauna kawami, 
\q2 “Lubaim namwaidona wala nakaliga baisa yoku.” 
\sp Vivila komwaidosi 
\q1  
\v 9 Ve, yoku saina wala kutubosaki, 
\q2 vivila komwaidosi kasi kaimatala wala yoku. 
\q2 Ki, avaka kala tuwoli metoya baisa lubaim deli tauwau komwaidosi ke? 
\q1 Ki, kudoki wala itubosaki 
\q2 e bukulukwaimasiga mwada bakakatotilasi baisa yoku. 
\sp Vivila 
\q1  
\v 10 Lubaigu tomatabwaila deli topeula, 
\q1 Matauna migila ikalisuwoli lakatuluwovila tauwau migisi. 
\q1  
\v 11 Migila kwedudubuna deli subusobu, 
\q2 kulula yasisiai deli yabubwabwau 
\q2 makawala digulesi bulibuli bwabwaula. 
\q1  
\v 12 E matala kwegigigia makawala bubuna mitasi minasina eitotusi opapala waya, 
\q2 kala migileu tadoki wala tavakakai wa nunu, 
\q2 deli itotusi opapala waya. 
\q1  
\v 13 Matauna kimwala kala bwaina makawala kwaitala bagula, 
\q2 ivakasau lokwai deli vana ituwoli ituwoli. 
\q1 Bilubalola makawala bwaimwara, 
\q2 giula makawala mro bulamila. 
\q1  
\v 14 Yamala saina kweyamanabwaita 
\q2 e kala kakalougwa lesisikoma isim katububulela, 
\q2 wowola kala dudubuna makawala doga dudubunela, 
\q2 makaina ikatububulaisi deli dakuna yagala sapaya. 
\q1  
\v 15 Kwaipiapala kala gigisa makawala kokola leiyoudulaisi metoya dakuna alabasita, 
\q2 makaisina si kabototu goula wala. 
\q1 Matauna itubosaki, makawala Koyala Lebanoni 
\q2 kaila makaisina kweisila itubosakisi. 
\q1  
\v 16 Bitavayaula owodola saina sumokainia, 
\q2 e kala kaibisibasi komwaidona ikikau wala nanogu. 
\q1 Ka, yokomi vilemi Yerusalem, 
\q2 baisa makawala lubaigu kala gigisa. 
\c 6  
\sp Vivila komwaidosi 
\q1  
\v 1 Ve, yoku saina wala kutubosaki, 
\q2 vivila komwaidosi kasi kaimatala yoku, 
\q2 lubaim ambaisa leila? 
\q1 Kulukwaimasi lubaim ammakadana la keda leim, 
\q2 e gagabila bakapilasaimsi bitanevaisi matauna. 
\sp Vivila 
\q1  
\v 2 Lubaigu bogwa leila ola bagula 
\q2 makwaina bigulela paninita, 
\q2 matauna eiuvakam la yawa obuyagu, 
\q2 ikikipoi kala bwaimwara. 
\q1  
\v 3 Yeigu lubaigu matauna, e matauna lubaila yeigu, 
\q2 eiuvakam la yawa olukuvasi bwaimwara. 
\s1 Pililimela Wosi 
\sp Tau 
\q1  
\v 4 Lubaigu, yoku saina namatabwaila makawala valu Yerusalem saina viloumatabwaila, 
\q2 kaina makawala valu Tesa saina viloumatabwaila. 
\q1 Yoku kam gigisa itututu wala wowogu 
\q2 makawala mavilousina valu vilouvakaveka. 
\q1  
\v 5 Ve, kuligaiwa gisamapu, 
\q2 paila saina iguguti wowogu. 
\q1 Kulum leiuwaimimila makawala yuwotala gota 
\q2 leidadailisi metoya wa koyala Giliadi. 
\q1  
\v 6 Kudum pupwakaula makawala sipi minana makateki wala leivakakayaisi, 
\q2 gala kaitala kudum isasa, 
\q2 komwaidona wala saina kasakutukutu. 
\q1  
\v 7 E bwaikwanelaga kimwam lokukwapoli. 
\q1  
\v 8 Ibodi guyau bivilayawa naluwolima naluwotala giyouvila, 
\q2 e naluwolima naluwotolu la ula bivigaki makawala la kukova, 
\q2 e tuvaila goli kapugopugula gala bitakalau! 
\q1  
\v 9 Mitaga yeigu ayebwaili natinidesi wala, 
\q2 minana kala namanabwaita makawala natana bubuna. 
\q1 Minana inala leiuni kalamwaleta wala vivila, 
\q2 e inala saina iyebwaili minana, 
\q2 e ivigaki minana latula nambwailila goli. 
\q1 Komwaidosi vivila avai tuta bigisaisi minana saina ikavisaisi, 
\q2 e giyouvila deli minasina ula eivigaki makawala la kukova iusiwosisi iyakawolaisi minana. 
\b  
\q1  
\v 10 Avaivila minana la mitakavati leiyuwoula makawala visiga? 
\q1 Minana namanabwaita deli eilululu kanivala, 
\q2 makawala kalasia kainaga tubukona visigala. 
\q1  
\v 11 Yeigu lama latotu ouula makaisina saida 
\q2 mwada bavakawoli kai itumtamsi ogu bagula oitayatila, 
\q2 e bagisi sobulesi ulo waini leiulisalalasi 
\q2 deli goli bavakawoli lalela makaisina gigiku leisisisisi. 
\q1  
\v 12 Ve, yeigu bogwa latatatuva, paila lokukwammalaigu bitasivaduli 
\q2 makawala taitala kumatoula itulotula bibasi okawakali. \fig Kuma kukwaiwosi, e bakagigisaimsi|src="Vallotton 2200613" size="col" copy="(SNG 6.13) dancer" ref="6.13" \fig* 
\sp Vivila komwaidosi 
\q1  
\v 13 Ve, yoku vilakapugula vilem Sulam, 
\q2 kuma kukwaiwosi, e bakagigisaimsi. 
\sp Vivila 
\q1 Avaka uula magimi bukugigisaigusi 
\q2 avai tuta akakaiwosi oluwalaisi togigisa, ke? 
\c 7  
\sp Tau 
\q1  
\v 1 Ve, saina namanabwaita yoku! 
\q1 Bwaikwanelaga lokuvakouya kapolela kwaibakwaim. 
\q1 Kwaipiapam dodogala 
\q2 tadoki wala si katuduvidavi toyoudulesi tokolu. 
\q1  
\v 2 Ka, kwelatala bolu mekikanaikila baisa, 
\q2 e makwelana sopila gala avai tuta bimada. 
\q1 Gulotala taitu makawala geu metitokila baisa, 
\q2 e bwaimwara itavini itapatu. 
\q1  
\v 3 Nunum nupiakwa, kala gigisa makawala nupoyu dia, 
\q2 kaina makawala nayu nagugugwadi dia. 
\q1  
\v 4 Kaiyom kala gigisa saina bwaina 
\q2 makawala kwaitala bolela vatoi leikatububulaisi metoya doga. 
\q2 E matam kala gigisa makawala sopila vilouveka 
\q2 Esiboni makwaisina opapala kalapisilela mavilouna vilouveka. 
\q1 Kabulum saina keminabwaita, 
\q2 tadoki wala mina Lebanoni si bwala vatoi makwaina leikounakaila valu Damasiko. 
\q1  
\v 5 Dabam leikuva makawala Koya Kamela. 
\q1 E kulum lokuvili leivivivila makawala miyasina 
\q2 karekwa yammanum deli yakavikavila, 
\q2 e kala gigisa wala ibodi bikau nanola guyau. 
\b  
\q1  
\v 6 Ve, bwaikwanelaga kam gigisa, saina namatabwaila yoku, 
\q2 m kwatugweimila ketigamla wala lopogu. 
\q1  
\v 7 Kam kwebisibasi makawala kaitala pulopola, 
\q2 e nunum makawala goli mabikosina kaiuwala. 
\q1  
\v 8 Yeigu bamweni makaina pulopola 
\q2 e bakiuya kaiuwala. 
\q1 Nunum kala lumkola makawala bukulela waini, 
\q2 e m yagisa kubowala makawala mokolu maiinela, 
\q2  
\v 9 e wodom kakamwenala makawala dilimoya waini. 
\sp Vivila 
\q1 Ibodi wala waini makwaina bitayelu bisaitaula bilokaia lubaigu, 
\q2 bitayelu bila obilubalola deli okudula. 
\q1  
\v 10 Namwaidogu wala lubaigu la vavagi, 
\q2 e matauna saina nambwailila yeigu. 
\q1  
\v 11 Mwa lubaigu, kuma bitam wa lolia, 
\q2 e bitakanawa wala obuliyamata. 
\q1  
\v 12 E kaukwautoula wala bitamamata e bitavakawoli matamsina da sobula 
\q2 kaina bogwa leiulisalalasi deli makaisina gigiku lalela bogwa leisisisi. 
\q1 E makatupona wala bayomitali ulo yebwaili. 
\q1  
\v 13 Ka bogwa lokusikoni maiinela koiwaga, 
\q2 deli komwaidona makwaisina kawailuwa 
\q2 kwemmatabwaila oda kaukweda. 
\q1 Mwa lubaigu, ka, da katudabuma makwaisina 
\q2 kwaibubogwa deli kwaiwovau lasisii wala. 
\b  
\c 8  
\q1  
\v 1 Ka, mwada yoku luguta yoku, 
\q2 deli inagu leivinunaim onunula. 
\q1 E kidamwa babodaim wa keda, 
\q2 bogwa wala baviyuwolaim e gala availa ibodi bikayuwaigu. 
\q1  
\v 2 E bavakoulim balauwaim ola bwala inagu, 
\q2 e baisa bukuvitulokaigu yebwaili kidikedala. 
\q1 E, bogwa bavimomwaim wainitoula, 
\q2 ulo waini metoya gigiku bukumom. 
\b  
\q1  
\v 3 Mwa, yamam kikiwama avigaki agu kwabaikunu, 
\q2 e yamam kakata kuyobobwaigu. 
\b  
\q1  
\v 4 Veve, yokomi vilemi Yerusalem, kukwatotilasi baisa yeigu, 
\q2 taga kuyobosaimasi sogu lubaigu. 
\s1 Pilalima Pilitalela Wosi 
\sp Vivila komwaidosi 
\q1  
\v 5 Avaivila minana leimaima metoya oviloupakala 
\q2 leikaipapasi wala sola lubaila leimaisi? 
\sp Vivila 
\q1 Ouula makaina mokolu lavigulaim, 
\q2 ovalu makwaina leikapusiki kulum. 
\q1  
\v 6 Gala avaivila bitagagi nanom, 
\q2 mesinaku agumwaguta wala lubaim. 
\q1 Gala avaivila bukukwaipapi mesinaku agumwaguta wala. 
\q1 Kunikoli yebwaili la peula makawala kaliga kala peula. 
\q2 Kalubaila mokwita lutula makawala wala kaliga. 
\q1 Kalubaila kala lumkola makawala kova yuviyavila, 
\q2 bisubeilulu makawala kovatala kovasupa. 
\q1  
\v 7 Sopi gala gagabila biumati; 
\q2 dadoya gala gagabila bisuluwi. 
\q1 Mitaga kidamwa availa bivigikoli mwada 
\q2 bigimoli yebwaili metoya ola guguwa komwaidona, 
\q2 matauna bivigakaisi kabokakayuwa. 
\sp Vivila minana luleta 
\q1  
\v 8 Ka, lumetasi nagwadi wala, 
\q2 e nunula igau wala einupisi. 
\q1 Ammakawala bakavigakaisi 
\q2 kidamwa taitala tau bikasemwali minana? 
\q1  
\v 9 Kidamwa minana makawala valu kalila 
\q2 yakamaisi bakakaliaiyasi kwaitala la bulukubukwabuya silibawokuva wala. 
\q1 Mitaga kidamwa minana makawala kalapisilela valu 
\q2 ibodi bakakalitulaisi metoya makaina kweisila tabudotala la bwala paila bakayamataisi minana. 
\sp Vivila 
\q1  
\v 10 Ka, yeigu makawala valu kalila, 
\q2 deli nunugu nupiakwa makawala bolela vatoi. 
\q1 Matauna lubaigu bogwa inikolaigu 
\q2 mapaila ayubwaila wala, abani ulo sibwabwaila. 
\sp Tau 
\q1  
\v 11 Kwaitala Solomoni la bagula bigulela waini 
\q2 mapilana goli Beali Amoni. 
\q1 E tobigubagula iwotitalaisi bagula makwaina, 
\q2 e mapula uwala bagula, 
\q2 taitala taitala matausina bimpumapu lakatuluwotala siliba baisa matauna. 
\q1  
\v 12 E desi wala Solomoni ibodi biyosi mani magulona 
\q2 e matausina tobigubagula taitala taitala 
\q2 biyosi lakatuyu siliba paila kasi vilavila. 
\q1 Mitaga yeigu ulo bagula bigulela waini, 
\q2 agumwaleta wala gala taiyuwegu! 
\q1  
\v 13 Ve, lubaigu, kuvitakaula balagi kaigam olumoulela bagula, 
\q2 paila segwaia eitulotulasi wala bilagaisi kaigam. 
\sp Vivila 
\q1  
\v 14 Mwa lubaigu, kumakaiagu, 
\q2 kuma makawala natana dia, 
\q1 kaina makawala natana nagwadi dia namwala 
\q2 odubiluwotala koya ambaisa avai vana avai vana eisususinasi.