\id JON KIRJON, JONAH, Kiriwina Bible, PNG, April 2010 8/11 
\h YOUNA 
\mt1 YOUNA  //  La Buki 
\is1 Kabovitouula 
\ip Mapilana \bk Youna La Buki\bk* gala makawala mapilasina tovitoubobuta si buki ituwoli. Paila mapilana ilivala avaka ikaloubusi baisa taitala tovitoubobuta tuta matutona ivigikoni mwada biyakali Yaubada la karaiwaga. Yaubada eiluki Youna bitokaia bila mapilana valu Niniba, baisa si vilouveka mina Asiria. Matausina mina Asiria goli kasi tilaula mina Isireli e mina kukolosi goli. Mitaga Youna mwada bipaiki, e gala magila bilokaia matausina bilau Yaubada la biga, uula wala idoki Yaubada gala wala bikodidaimi si valu makawala eikatotila. Mauula ivigikoni bisakaula bisilavi Yaubada, mitaga isilagi wala. Oluvi deli la ninayuwa ikabikaula ila ikamituli Yaubada nanola. E tutala ibani mokwita goli Yaubada gala wala ikodidaimi mapilana valu, matauna Youna nanola saina mwaugaga e igibuluwa. 
\ip Mapilana \bk Youna La Buki\bk* ivitulokaidasi kidamwa Yaubada matauna Giyoumatala odabala valu watanawa komwaidona. Mitaga kwaitala vavagi ikalisau Yaubada la karaiwaga, baisa Yaubada la mitakwai deli la nokapisi. Kaina bikamogi deli bikodidaimi tomitawasi, mitaga saina ikalisau magila biligaiwa si mitugaga deli bikatumovi matausina. 
\is1 Buki kala katumimisa 
\io1 Youna kala dou deli la kowolova 1.1-17 
\io1 Youna ininavila deli ibodi kala katumova 2.1-10 
\io1 Youna ikamituli kasi katudidaimi mina Niniba 3.1-10 
\io1 Yaubada inokapisi mina Niniba 4.1-11 
\c 1  
\s1 Youna ikoulovi Guyau Yaubada 
\p  
\v 1 Kwaitala yam, Guyau Yaubada iluki matauna Amitai latula yagala Youna. \x - \xo 1.1 \xt 2 Gwe 14.25\x* 
\v 2 Ikaibiga, kawala, “Bukula Niniba,\f a \ft Baisa la viloumatala mapilana Asiria.\f* mapilana valu saina vilouveka, e bukukwamitilaki matausina. Paila bogwa lagisi si sula saina vakaigaga.”  
\v 3 Mitaga Youna ivitouula bisakaula bila ituwoli valu. Paila mwada bila ikiwada metoya omatala Guyau. E ila mapilana Yopa\f b \ft Mapilana valu oBolita Kwaiveka olumata, mina Yerusalem ivigakaisi si valu paila uvagila bolita.\f* ibani kaitala waga makateki bila Sipeini. E imapu la keda isila deli usogelu bilosi Sipeini, ambaisa idoki bisipepuni metoya omatala Guyau.  
\v 4 Mitaga Guyau iwitali yagila kwaiveka omilaveta. E utuyagila saina kwaiveka, mapaila waga itigitagega mwada bikatubeku.  
\v 5 Usogelu komwaidosi isinekonekwasi e taitala taitala ininigada baisa la yaubada paila pilasi. E kaidodiga ilupisauwaisi obolita, mwada biyogigibalaisi waga taga bibeku. Mitaga Youna bogwa ibusibogwa olopola waga imisiwoya. \fig Waga itigitagega mwada bikatubeku|src="LB00213" size="col" ref="1.4" \fig* 
\p  
\v 6 E toliwaga ibani matauna iluki, kawala, “Avaka uula kummasisi? Kutokaia kunigada baisa m yaubada paila pilasi. E kaina matauna binokapisaidasi da momovasi bikoli.” 
\p  
\v 7 E usogelu ibigatonasi taitala baisa taitala, kawasi, “Ka, bitavitoubobutasi availa bitatabinakaisi paila ikauwaidasi okabosilagi makwaina.” Bogwa ivagaisi makawala, e ikobubotaisi Youna yagala.  
\v 8 Mapaila ilukwaisi matauna, kawasi, “E ka! Kulukwaimasi! Ki, yoku bakatabinakaimsi paila vavagi baisa? Avaka uula m sisu baisa? Ammakwaina valu mokutoya? E yoku am toulem?” 
\p  
\v 9 E Youna ivitakauloki matausina, kawala, “Yeigu guma Iberu, e atemmali Guyau, matauna labuma kala Yaubada, bolita toyo pwaipwaia kala tobubulela.”  
\v 10 E Youna ikamituli kidamwa bogwa eisakaula metoya omatala Guyau. 
\p E usogelu saina inokubukubusi, kawasi, “Wa! Saina mwaugaga lokuvagi.”  
\v 11 Utuyagila iyouloveka, e usogelu ikatupoiyaisi matauna, “Avaka bakavigakaimsi yoku, kidamwa utuyagila la peula biwokuva baisa yakidasi?” 
\p  
\v 12 E Youna ivitakauloki matausina, kawala, “Kulupaigusi kulavaigusi bala obolita, e bogwa biniwavila. Anikoli mokwita uulotoula pakula yeigu utuyagila makwaina vakaigaga leitabodasi.” 
\p  
\v 13 Mitaga usogelu ivigikonaisi ikwaikuyuvasi ivavaigasi mwada bikoulaguvasi okawolawa, mitaga bogwa leisomatasi. Paila uula utuyagila saina iyouloveka sainela.  
\v 14 Mapaila inigadasi baisa Guyau, kawasi, “Guyau kanigadaimsi taga kumipukwaimasi baisa okaliga paila matauwena tau la momova. Mwa, Guyau! Yoku wala uula komwaidona vavagi makwaisina eitokaia. Baisa goli yoku lokuvagi.”\f c \ft Idokaisi Yaubada eiwitali utuyagila paila uula Youna la sula.\f* 
\v 15 E oluvi usogelu ilupaisi Youna ilavaisi matauna ila obolita. E saina nanakwa iniwavila.  
\v 16 E usogelu saina ikukolaisi Guyau paila vavagi baisa, e mapaila ilulasi baisa Guyau, deli ikatotilasi mwada biwotetilasi baisa matauna. 
\p  
\v 17 E Guyau ikaraiwogi yena naveka ilupoli Youna. E Youna isisu olumoulela yena ikalatolu yam deli bogi. \x - \xo 1.17 \xt Md 12.40\x* 
\c 2  
\s1 Youna la nigada 
\p  
\v 1 Yena olopola, Youna inigada baisa Guyau la Yaubada. Ikaibiga, kawala, 
\q1  
\v 2 “Bogwa alumkoli agu mmayuyu mapaila ladouwaim yoku Guyau, 
\q2 e lokumapu ulo biga. 
\q1 Wa Tuma\f d \ft Baisa si valu tomata.\f* lasisu adoudou mwada bukupilasaigu, 
\q2 e kaigagu bogwa lokulagi. 
\q1  
\v 3 Bogwa kulavaigu otulubwabwau 
\q2 e ala otukutaku yelu itavinaigusi. 
\q2 Kaisai kala kawoula komwaidona odabagu ikatutuwolaigu. 
\q1  
\v 4 Nanogu adoki bogwa latamwau metoya omatam, 
\q2 deli adokila gala bagisivau m Bwala Kwebumaboma. 
\q1  
\v 5 Paila sopi bogwa leikubolaigu deli itabodi ulo yagisa. 
\q2 Bolita ikubolaigu deli doudom ikatukwani okulugu. 
\q1  
\v 6 Bogwa labusi osikowala koya,\f e \ft Idokaisi koya kwevakaveka isim tumilesi otilibwabwau osikowala pwaipwaia.\f* 
\q2 valu makwaina\f f \ft Baisa si valu tomata saina watanawa osikowala pwaipwaia. Kugisi kaikobu deli kala katumiki Vit 7.11.\f* kala taboda ikatubodivigasi. 
\q1 Mitaga yoku Guyau ulo Yaubada, 
\q2 yoku kukwaimilivauwaigu metoya wa lagi kidamwa bamova. 
\q1  
\v 7 Tutala alumkoli ulo yagisa ikusokusa, 
\q2 e ulo Guyau anigadaim, 
\q2 e metoya om Bwala Kwebumaboma kunakaigalaigu. 
\q1  
\v 8 Matausina ititapwarorusi baisa tokolu gala isim dimlesi, 
\q2 e matausina bogwa eiulilavaimsi. 
\q1  
\v 9 Mitaga yeigu bawosi kam yakaula. 
\q2 Bogwa basakaim kam lula, 
\q2 e bogwa bavagi makawala ulo biga katotila. 
\q1 Katumova leima metoya baisa Guyau.” 
\p  
\v 10 Mapaila Guyau ikaraiwogi yena, e minana ilagobi Youna e ikasau ila okawolawa. 
\c 3  
\s1 Youna ikabikuwoli Guyau la karaiwaga 
\p  
\v 1 E Guyau Yaubada ilukivau Youna.  
\v 2 Ikaibiga, kawala, “Bukula Niniba mapilana valu saina vilouveka, e bukukwamituli ulo biga baisa tomota makawala avaka lalukwaim.”  
\v 3 Mapaila Youna bogwa ikabikuwoli Guyau la biga e ilokaia Niniba. Mapilana saina vilouveka, kala luvapela bitala piliyuwela kala loula biboda kwaitolu yam.  
\v 4 Youna iviloubusi Niniba, e ivitouula biluvapela ililoula yam makwaina kwemwaidona ibugiki. E itotu baisa ikamituli, kawala, “Igau kweluwovasi yam Yaubada bikatudidaimi Niniba.” \x - \xo 3.4-5 \xt Md 12.41; Lk 11.32\x* 
\p  
\v 5 Mina Niniba idubumaisi Yaubada la biga. Mapaila komwaidosi ininatalasi biposumasi, gala bikamsi gala bimomsi, mitaga bisaigalasi deli kasi koula bivitulokaisi si ninavila omatala Yaubada. E tovakaveka tokikekita komwaidosi goli ivagaisi makawala. 
\p  
\v 6 E avai tuta guyoula Niniba ilagi biga makwaina e itokaia ola takaikaia ivilili kala kakapula yaminabwaita, e isikamgwa la saigala\f g \ft Baisa ikibuboti uvalam deli ninavila.\f* itobusi isili otubumyou.  
\v 7 Iwitali biga baisa la tomota mina Niniba, kawala. “Baisa makawala yeigu mi guyau deli tommoyela valu kakaraiwogaimi. Ka, gala availa bikam avaka, komwaidona tomota, bulumakau deli sipi gala wala avaka bikamsi kaina bimomsi.  
\v 8 Komwaidona tomota deli mauna bisikamsi kasi koula komwaidona, e komwaidosi binigadasi peula baisa Yaubada, deli biligaiwaisi bubunesi doudoga deli si keda gaga.  
\v 9 Kaina Yaubada bikivili nanola deli biligaim la gibuluwa, mwada gala bitadoumsi.” 
\p  
\v 10 Yaubada igisi avaka eiuvagaisi, e igisi si bubunela gaga iligaimwaisi. Paila ikugwa magila bimipuki mina Niniba, mitaga tutala igisi si ninavila e ikivili nanola e gala wala imipuki matausina makawala la biga. 
\c 4  
\s1 Youna la gibuluwa deli Yaubada la nokapisi 
\p  
\v 1 Youna nanola imwau sainela paila baisa e igibuluwa.  
\v 2 E inigada baisa Guyau ikaibiga, kawala, “Guyau, ka. Igau gala basilavi ulo valu, bogwa lakaibiga kidamwa bukuvagi makawala. Baisa uula avigikoni mwada basakaula bala mapilana Sipeini. Paila anikolaim yoku Yaubada toyebwaili deli goli tonokapisi, m gibuluwa iyobali, toninabwaila yoku, e tuta tuta kukivilivau nanom e gala kumipuki tomitugaga. \x - \xo 4.2 \xt Sun 34.6\x* 
\v 3 Mapaila Guyau lagaila wala kukwau ulo momova. Ibodaigu wala bakaliga. Gala magigu bamova.” \x - \xo 4.3 \xt 1 Gwe 19.4\x* 
\p  
\v 4 E Guyau ivitakauloki Youna, kawala, “Ki, avaka dimlela m gibuluwa?” 
\p  
\v 5 E mapaila Youna isilavi valu, ila opilibomatu, e baisa isili. E matauna ivagi sitana kaikonigula e isuvi isili okaikonigula. Itulotula paila bigisi avaka mwada biviloubusi baisa mina Niniba.  
\v 6 E oluvi Guyau Yaubada ivali kaitala kai isusina iyokuluvi Youna, e ivigaki kala katumkovila kala kaikonigula, mwada Youna kala lumkola bibwaina. E paila makaina kai Youna saina iyomwasali nanola.  
\v 7 Mitaga eiyam ikikivisiga, Yaubada ikaraiwogi natana kakavaku isoma makaina kai. E makaina ikalayagi imata.  
\v 8 E oluvi kalasia iyuwoula, Yaubada iwitali yagila bomatu biuu saina yuviyavi, deli kalasia yuviyavila. E Youna ilumkoli ikalilavi dabala, mapaila matauna idoki wala bikaliga. E matauna ikaibiga, “Ibodaigu wala bakaliga. Gala magigu bamova.” 
\p  
\v 9 E mitaga Yaubada iluki matauna, kawala, “Avaka uula lokugibuluwa paila makaina kai ke?” 
\p E Youna ivitakaula kawala, “Isim uula ulo gibuluwa, kainaga gibuluwa wala bikimataigu!” \fig Mapilana Niniba, saina vilouveka|src="HK 00225" size="col" copy=" Nineveh" ref="4.11" \fig* 
\p  
\v 10 E Guyau ikaibiga baisa matauna, kawala, “Kai makaina kwaitala bogi isusina, kwaiyuwelaga bogi imata. E yoku gala bukuvagi avaka, kaina bukuvasusuni, mitaga lokunokapisi makaina.  
\v 11 Mitaga yeigu ammakawagu? Ki, mwada nanom gala ibodi banokapisi mina Niniba? Paila mapilana valu saina vilouveka, e isisuaisi gugwadi tobubwaila ikalisau 120,000 kasi bawa, deli goli mauna bidubadu.”