\id 1CH 1CH, 1 CHRONICLES Kiriwina Bible, PNG, April 2010 8/11 
\h 1 LILIU 
\mt1 LILIU PILIMATALA 
\is1 Kabovitouula 
\ip Mapilasina pilayu buki Liliu ilivilivausi avaka mapilasina Samwela deli Gweguya eilivilibogwisi. Mitaga mapilasina Liliu liliula makawala taitala tosilasola ituwoli eilivala avaka eigisi. Matauna tosilasola ikamituli liliusi mina Isireli si gweguya, e uulotoula livalela kwaiyu nanamsa, baisa makawala. 
\ip 1) Magila bivituloki ammakawala Yaubada eipilasi mabudona Isireli makawala la biga katotila, kalubikoya kabomwau bidubadu eikaloubusi baisa makwaisina kabokaraiwaga Isireli deli Yuda. E uulela makwaina vituloki ikikaibigi Debida deli latula Solomoni si vavagi topilivakaveka, deli goli iluki ammakawala matausina gweguya Yeosepata, Esekaia deli Yosaia eivigivauwaisi Yaubada la karaiwaga, deli ammakawala mimilisi tomota eisetuwolaisi ibokulaisi karaiwaga makwaina. 
\ip 2) Tuvaila matauna magila bivituloki ammakawala uulela si tapwaroru kidikedala eivitouula metoya osi Bwala Kwebumaboma mapilana Yerusalem, e ammakawala tolula deli mina Libai eikugwaiyaisi tapwaroru gugulela. Matauna tosilasola eivituloki guyau Debida eiguli Bwala Kwebumaboma deli tapwaroru uvagila, kalubikoya makwaina Bwala Kwebumaboma kala tokaliai latula Solomoni. 
\is1 Buki kala katumimisa 
\io1 Liliusi dala deli mimilisi boda ituwoli liliusi 1.1—9.44 
\io1 Guyau Saulo la kaliga 10.1-14 
\io1 Guyau Debida iguguyau 11.1—29.30 
\io2 a) Uvagila mwau deli bwaina 
\io2 11.1—22.1 
\io2 b) Kala katubaiasa Bwala Kwebumaboma kala kaliai 
\io2 22.2—29.30 
\c 1  
\s1 Metoya baisa Adam bila baisa Eberaam 
\r (Vit 5.1-32; 10.1-32; 11.10-26) 
\p  
\v 1 Adam latula Seti, Seti latula Enosi, Enosi latula Kenani,  
\v 2 Kenani latula Maalaleli, Maalaleli latula Yaredi.  
\v 3 Yaredi latula Inoki matauna latula Metusela; Metusela latula Lameki,  
\v 4 matauna latula Nowa. Nowa litula taitolu. Sem, Am, Yapeta. 
\p  
\v 5 Yapeta litula Goma, Magogi, Madai, Yavani, Tubali, Meseki, Tirasi - matausina tubusia yagasi eitakasaisi makawala.  
\v 6 Goma dalela mina Asikenasi, Ripati, deli Togama.  
\v 7 Yavani dalela mina Elisa, Sipeini, Saipirosi deli Rodesi. 
\p  
\v 8 E Am litula Kusa, Itipita, Libia, deli Kenani - matausina tubusia yagasi eitakasaisi makawala.  
\v 9 E Kusa dalela mina Seba, Abila, Sabita, Raama, deli Sabiteka. E Raama dalela mina Seba, deli mina Dedani.  
\v 10 (E Kusa taitala latula yagala Nimrodi, matauna saina topeula valu watanawa iyouligigai komwaidona.)  
\v 11 E Itipita dalela mina Lidia, mina Anam, mina Leyabi, mina Napitu,  
\v 12 e mina Patirusi, mina Kasilu, deli mina Kiriti (matausina tubusia mina Pilisitia).  
\v 13 E Kenani litula Saidoni molitomoya, Eti molagwadi matausina tubusia yagasi eitakasaisi makawala.  
\v 14 E Kenani matauna tubula mina Yebusi mina Amora, mina Gigasa,  
\v 15 mina Ivi, mina Aka, mina Sini,  
\v 16 mina Abadi, mina Semara, deli mina Amati. 
\p  
\v 17 Sem litula - Elam, Asuri, Apakisadi, Luda, Aram, Usa, Uli, Geteri, deli Meseki - matausina tubusia yagasi eitakasaisi makawala.  
\v 18 Apakisadi latula Sela, e matauna latula Eba.  
\v 19 Eba litula taiyu. taitala yagala Pelegi,\f a \ft Maigana Pelegi kala lega makawala mina Iberu si biga “ilivisisi”.\f* paila uula igau ola tuta mina watanawa ilivisisi. E taiyuwela yagala Yokitani.  
\v 20 E Yokitani tubula mina Alomodadi, mina Selepa, mina Asarimaveta, mina Yera,  
\v 21 mina Adoram, mina Usali, mina Dikila,  
\v 22 mina Ebali, mina Abimaeli, mina Seba,  
\v 23 mina Opira, mina Abila deli mina Yobabi. 
\p  
\v 24 Dala eikitetila metoya baisa Sem bilokaia Eberam yagasi baisa makawala. Sem Apakisadi, Sela,  
\v 25 Eba, Pelegi, Reu,  
\v 26 Serugi, Nayo, Tira,  
\v 27 e Eberam (matauna igiyuwela Eberaam). 
\s1 Isimeili dalela 
\r (Vit 25.12-16) 
\p  
\v 28 Eberaam litula kasitaiyu, Aisake sola Isimeili.  
\v 29 Isimeili litula ivigaki kasi tokugwa dala madalasina dilaluwotala dilayu. Nebaioti (matauna Isimeili la kuluta), Kedara, Adibieli, Mibisam,  
\v 30 Misima, Duma, Masa, Adadi, Tema,  
\v 31 Yeturi, Napisa, deli Kedema. 
\p  
\v 32 Eberaam la ula eivigaki makawala la kwava yagala Ketura, iuni litula kasi bawa tailima taitala. Simrana, Yokisani, Medani, Midiani, Isibaki, deli Suwai. Yokisani litula taiyu. Siba sola Dedani.  
\v 33 Midiani litula kasi bawa tailima. Epa, Eperi, Anoki, Abida, deli Elidaa. 
\s1 Iso dalela 
\r (Vit 36.1-19) 
\p  
\v 34 Eberaam latula Aisake, e Aisake litula taiyu, Iso sola Yekobe.  
\v 35 Iso litula Elipasa, Reueli, Yeusa, Yalam, deli Kora.  
\v 36 Elipasa matauna tubusi dala madilasina Temani, Oma, Sepi, Gatam, Kenasi, Timna, deli Amaleki.  
\v 37 E Reueli matauna tubusi dala madilasina. Naata, Sera, Samma, deli Misa. 
\s1 Tolivalu tobubogwa mina Edom 
\r (Vit 36.20-30) 
\p  
\v 38-42 Tolivalu tobubogwa mina Edom eikitetilasi metoya Seiri litula. 
\p Lotani dalela Ori sola Onam. (Lotani luleta yagala Timna.) 
\p Sobali dalela madilasina Alivani, Manaata, Ebali, Sepi deli Onam. 
\p Sibioni litula taiyu, Aiya sola Anai. Anai latula Disoni, e matauna tubusi Amrani, Esibani, Itirani, deli Kerani. 
\p Esa matauna tubusi Bilani, Saavani, deli Yaakani dalesi. 
\p Disani dalela Usa sola Arani. 
\s1 Guyousi Edom 
\r (Vit 36.31-43) 
\p  
\v 43-50 Omitibogwa Isireli gala guyoula e Edom isim guyoula taitala iguyau im, oluvi taitala. 
\q1 Bela matauna Beori latula tolela Dinaba 
\q1 Yowabi matauna Sera latula tolela Bosira 
\q1 Usam matauna tolela mapilana Temani 
\q1 Adadi matauna Bedadi latula tolela Aviti (matauna eitomgwaga odubasi mina Midiani okabilia mapilana Mowabi) 
\q1 Samla matauna tolela Masireka 
\q1 Sauli matauna tolela Reyoboti Wa Waya 
\q1 Beali Anani matauna Akibori latula 
\q1 Adadi matauna tolela Pau (la kwava yagala Meetabeli minana Materedi latula e Meseyabi tabula.) 
\p  
\v 51 E tomotela Edom ikovisisi si dala Timna, Aliva, Yeteti,  
\v 52 Owolibama, Ela, Pinoni,  
\v 53 Kenasi, Temani, Mibisari,  
\v 54 Magidieli deli Iram. 
\c 2  
\s1 Yuda dalela 
\p  
\v 1 Yekobe litula kasi bawa tailuwotala taiyu. Rubeni, Simioni, Libai, Yuda, Isaka, Sebuloni,  
\v 2 Dani, Yosepa, Beniamina, Napitalai, Gada, Asera. 
\p  
\v 3 Yuda litula kasi bawa tailima. La kwava Batisuwa, minana vilela Kenani, eiuni taitolu. Eri, Onani, Sela. Mitaga la kuluta matauna Eri saina tomitugaga, mapaila Guyau ikatumati matauna.  
\v 4 E Yuda ivaiya yawala Tamara, e minana iuni taiyu tuvaila, Peresi sola Sera. 
\p  
\v 5 Peresi litula taiyu, Esironi sola Amli.  
\v 6 E bodala Sera litula kasi bawa tailima. Simri, Etani, Emani, Kalikoli, Dada.  
\v 7 E Ekani matauna Kami latula, matauna taitala Sera dalela iyomituli kabommayuyu tomotala Isireli metoya ikatupwani guguwa makwaisina leikikilaisi baisa Yaubada. \x - \xo 2.7 \xt Yos 7.1\x* 
\p  
\v 8 Etani latula taitala wala, matauna Asaraia. 
\s1 Guyau Debida dalela kala kitetila 
\p  
\v 9 Esironi litula kasitaitolu. Yerameeli, Ram, deli Keleba. 
\p  
\v 10 Metoya baisa Ram bila baisa Yese dala kala kitetila baisa makawala. Ram, Aminadaba, Nasoni (matauna todubalela olopola dala Yuda),  
\v 11 Salimoni, Bwasa,  
\v 12 Obedi, deli Yese. 
\p  
\v 13 Yese litula tailima taiyu. Molitomoya eila molagwadi baisa makawala. Eliabi, Abinadaba, Samma,  
\v 14 Netaneli, Radai,  
\v 15 Osem, Samma deli Debida.  
\v 16 Litula vivila nayu Seruya sola Abigeili. 
\p Yese latula vivila Seruya iuni litula taitolu. Abisai, Yowabi, deli Asaeli.  
\v 17 Latula nayuwela Abigeili la mwala yagala Yetera, matauna Isimeili dalela e iuni latula yagala Amasa. 
\s1 Esironi dalela 
\p  
\v 18 Esironi latula Keleba matauna la kwava yagala Asuba iuni litusi vivila yagala Yerioti. Minana iuni litula taitolu. Yesera, Sobabi, deli Adoni.  
\v 19 Avai tuta Asuba bogwa eikaliga, e Keleba ivaiya Eparati, iunaisi litusi tau yagala Ura.  
\v 20 E Ura latula tau yagala Uri e tabula yagala Besaleli. 
\p  
\v 21 Avai tuta Esironi kala taitu eiboda kweluwolima kweluwotala, matauna ivaiya latula Makira latula minana Giliadi luleta. Litusi eiunaisi tau yagala Seguba,  
\v 22 e Seguba latula yagala Yairi. Yairi iguyoi kweluwoyu kwaitolu valu olopola mapilana Giliadi.  
\v 23 Mitaga Gesura la kabokaraiwaga deli Aram la kabokaraiwaga iyoulisi valu mavilousina kala bawa kweluwolima kweluwotala deli goli mapilana Yairi deli Kenati e mapilasina valu katitaikina deli. Komwaidona tomota leisisuaisi baisa Makira wala dalela, matauna Giliadi tamala.  
\v 24 Avai tuta Esironi bogwa eikaliga e latula Keleba ivaiya Eparati, minana kubuyala tamala. E iunaisi litusi tau yagala Asura, matauna eibudi valu Tekowa. 
\s1 Yerameeli dalela 
\p  
\v 25 Yerameeli matauna Esironi la kuluta, matauna litula kasitailima. molitomoya Ram, Buna, Oreni, Osem, deli Aiya.  
\v 26-27 Ram matauna litula kasitaitolu. Maasa, Yamini, deli Ekeri. Yerameeli nayuwela la kwava yagala Atara e minana latula yagala Onam.  
\v 28 E Onam matauna litula kasitaiyu, Sammai sola Yada, e Sammai litula taiyu, Nadaba sola Abisura. 
\p  
\v 29 Abisura ivaiya natana vivila yagala Abiaili e iuni litula taiyu Abani sola Molidi.  
\v 30 E Abisura bodala Nadaba litula taiyu Seledi, sola Apaim, mitaga Seledi ikaliga gala pesila.  
\v 31 E Apaim matauna Isi tamala, e Isi matauna Sesani tamala, e Sesani matauna Alai tamala. 
\p  
\v 32 Yada matauna Sammai bodala matauna litula taiyu Yetera sola Yonatani, mitaga Yetera ikaliga e gala wala litula.  
\v 33 Yonatani litula taiyu, Peleta sola Sasa. Komwaidosi matausina Yerameeli dalela. 
\p  
\v 34 Sesani gala wala litula tauwau, litula vivilawokuva wala. E taitala la towotetila guma Itipita yagala Yara,  
\v 35 Sesani iyovaiya matauna sola natana latula. E iunaisi taitala litusi yagala Atai.  
\v 36 E madalana eitetila metoya baisa Atai bilokaia Elisama yagasi makawala. Atai, Netani, Sabadi,  
\v 37 Epilali, Obedi,  
\v 38 Yeu, Asaraia,  
\v 39 Elesi, Eleasai,  
\v 40 Sisimai, Salum,  
\v 41 Yekamia, deli Elisama. 
\s1 Keleba dalela mimilisi tuvaila 
\p  
\v 42 Keleba la kuluta Yerameeli bodala yagala Mesa. Mesa latula Sipa, Sipa latula Maresa e Maresa latula Ebironi.  
\v 43 Ebironi litula kasitaivasi. Kora, Tapuwa, Rekem, deli Sema.  
\v 44 Sema latula Raam e tabula Yokeyam. Sema bodala Rekem, Rekem latula Sammai,  
\v 45 Samai latula Maoni, Maoni latula Betisuri. 
\p  
\v 46 Keleba la ula eivigaki makawala la kwava yagala Epa e minana iuni litula taitolu. Erana, Mosa, deli Gasesi. Erana latula tau yagala Gasesi. 
\p  
\v 47 (Taitala tau yagala Yadai, matauna litula tauwau tailima taitala. Regem, Yotam, Gesani, Peleti, Epa, deli Saapi.) 
\p  
\v 48 Keleba la ula natana tuvaila eivigakiga makawala la kwava yagala Maaka iuni litula taiyu Seberi sola Tirana.  
\v 49 Igau oluvi iuni taiyu tuvaila litula tauwau. Saapi matauna totai valu Madimana; e Sevai matauna totai valu Makibena deli Gibia. 
\p Tuvaila, Keleba latula natana vivila yagala Akasa. 
\p  
\v 50 Keleba dalela mimilisi kala takasa yagasi makawala. 
\p Keleba sola la kwava Eparati eiunaisi si kuluta Ura, e Ura latula yagala Sobali matauna totai valu Kiriati Yearim,  
\v 51 eisakaili latula yagala Salima matauna totai valu Bedeliem eisakaili taitolula latula yagala Arepa matauna totai valu Betagada. 
\p  
\v 52 Sobali matauna totai valu Kiriati Yearim. E matauna tubusi mina Arowei, mabila tomotala Menuwoti,  
\v 53 e dalesiga komwaidona isibogwaisi Kiriati Yearim. mina Itira, Puti, Sumata, deli Misira. (E tomotala mavilousina Sora deli Esitauli dalesi wala deli madilasina.) 
\p  
\v 54 E Salima matauna totai Bedeliem matauna tubusi mina Netopati, Atiroti-Beti-Yowabi, deli mina Sora matausina dilatala metoya Manaata dalela dilayu. 
\p  
\v 55 (E dala madilasina isisuaisi ovalu Yabesa saina mina kabitam ginigini deli kabitamla karaiwaga kala ginipela. mina Tirati, Simeyati, deli Sukata. Komwaidosi wala mina Kena e eivaipelasi goli deli mina Rekabi.) 
\c 3  
\s1 Guyau Debida litula 
\p  
\v 1-3 Matausina Debida litula eikaloubusi tutala igau eisisu mapilana Ebironi. 
\q1 Aminoni inala yagala Ainowam minana vilela Yesireeli 
\q1 Daniela, inala yagala Abigeili minana vilela Kamela 
\q1 Abisalom inala yagala Maaka, minana tamala Talimai guyoula Gesura 
\q1 Adonia, inala yagala Agita 
\q1 Sepatia, inala yagala Abitali 
\q1 Itireyam, inala yagala Egila 
\m  
\v 4 Ola tuta Debida eiguyoi Ebironi kala taitu iboda kwailima kwaiyu kabulotala e magudisina litula tailima taitala eiuni wa tuta matutona. 
\p E matauna iguguyau Yerusalem kala taitu ibodi kweluwotolu kwaitolu, \x - \xo 3.4 \xt 2 Sml 5.4-5; 1 Gwe 2.11; 1 Lil 29.27\x* 
\v 5 e litula bidubadu ikaloubusisi baisa. 
\p E la kwava Batiseba, minana Amiela latula, iuni litula taivasi. Simea, Sobabi, Netani, deli Solomoni. \x - \xo 3.5 \xt 2 Sml 11.3\x* 
\p  
\v 6 Matauna litula tuvaila kasi bawa tailima taivasi Iba, Elisuwa, Elipeleti,  
\v 7 Noga, Nepegi, Yapia,  
\v 8 Elisama, Eliada, Elipeleti.  
\v 9 Debida la ula minasina eivigaki makawala la kukova tuvaila iunaisi litusia, baisa katumkulovala kala kakalawa komwaidona litula tauwau. Matauna tuvaila natana latula vivila yagala Tamara. 
\s1 Guyau Solomoni dalela 
\p  
\v 10 Baisa makawala guyau Solomoni dalela, eivitouula tumisia bisaitaula goli bila litula. Solomoni, Rioboam, Abia, Asa, Yeosepata,  
\v 11 Yeoram, Eyasaia, Yowasi,  
\v 12 Amasaia, Usaia, Yotam,  
\v 13 Eyasi, Esekaia, Manasa,  
\v 14 Amona, Yosaia.  
\v 15 Yosaia litula taivasi, Yowanani, Yeoyakim, Sedakaia, Yowaasa.  
\v 16 Yeoyakim litula taiyu, Yeoyakini deli Sedekaia. 
\s1 Guyau Yeoyakini dalela 
\p  
\v 17 Baisa makawala Guyau Yeoyakini dalela, matauna leikatupipaisi mina Babilonia. E Yeoyakini litula tailima taiyu, Sealitieli,  
\v 18 Malikiram, Pedaia, Senasa, Yekamia, Osama, deli Nedabia.  
\v 19 Pedaia litula kasitaiyu Serubabela sola Simei. E Serubabela litula kasitaiyu, Mesulam sola Ananaia, deli natana latula vivila yagala Selomiti.  
\v 20 Matauna tuvaila litula kasi bawa tailima. Asuba, Oweli, Berekia, Asadia, deli Yusabi Esedi. 
\p  
\v 21 Ananaia litula taiyu, Pelatia sola Yesaia. Yesaia latula Repaia, Repaia latula Anani, Anani latula Obedaia, Obedaia latula Sekanaia.  
\v 22 Sekanaia latula taitala wala Semaia, e tubula tailima. Atusi, Igali, Baria, Nearia, deli Sapati.  
\v 23 Nearia litula taitolu. Eliowenai, Isikaia, Asirikam.  
\v 24 Eliowenai litula tailima taiyu Odavia, Eliasibi, Pelaia, Akubi, Yowanani, Delaia, deli Anani. 
\c 4  
\s1 Yuda dalela 
\p  
\v 1 Matausina mimilisi tuvaila Yuda dalela. Peresi, Esironi, Kami, Ura, deli Sobali.  
\v 2 Sobali latula Reaya, e Reaya latula Yaata, e Yaata litula Aumai sola Laada, e tomotala Sora tubusia matausina. 
\p  
\v 3-4 Ura matauna Keleba sola la kwava Eparati si kuluta, e dalela matausina totai valu Bedeliem. Ura litula taitolu. Etam, Penueli, deli Esa. Etam litula tauwau taitolu. Yesireeli, Isima, deli Idubasi, e vivila natana wala yagala Aseleliponi. Penueli matauna totai valu Gedori, e Esa matauna totai valu Usa. 
\p  
\v 5 Asura matauna totai valu Tekowa, e la kukova nayu, Ela sola Naara.  
\v 6 Matauna sola Naara eiunaisi litusia taivaisi. Ausam, Epera, Temeni, deli Eayasitari.  
\v 7 E Asura sola la kwava nayuwela Ela eiunaisi litusia taitolu. Sereti, Isa, deli Etinani. 
\p  
\v 8 E Kosi matauna Anubi sola Sobeba tumasi, e tubusi dalela leikitetilasi metoya Arum latula Aareli. 
\p  
\v 9 Ka, taitala tau yagala Yabesa, odalela komwaidona saina itemamalaisi matauna. E inala idoki yagala matauna Yabesa,\f b \ft Maigana Yabesa kala katumiki Mmayuyugaga. \f* paila uula ola tuta kaloubusi saina mmayuyugaga inala ilumkoli.  
\v 10 Mitaga Yabesa inigada baisa Isireli la Yaubada, kawala, “Mwa Yaubada kumitukwaiyaigu, kusakaigu bidubadu ulo pwaipwaia. Kusikailigu e kukolaigu metoya avai mitugaga ola peula taga biyomiyuyaigu.” Mapaila Yaubada isaiki matauna avaka bogwa leinigadi. 
\s1 Yagasi tuvaila dala ituwoli ituwoli 
\p  
\v 11 Keleba matauna Suwai bodala, latula taitala tau yagala Meira, Meira latula Esitoni,  
\v 12 e matauna Esitoni litula taitolu. Betarapa, Pasea, deli Teina. Teina matauna totai valu Neyasi. Matausina dalesi isibogwasi mapilana Reka. 
\p  
\v 13 Kenasi litula taiyu, Otaniela sola Seraia. Otaniela tuvaila litula taiyu Atata sola Meonotai.  
\v 14 Meonotai latula Opera. 
\p Seraia latula Yowabi, matauna totai valu yagala Itayatilela Tokabitam e tomotala komwaidona isisuaisi mavilouna kasi tovagi youdila. 
\p  
\v 15 Yepune latula Keleba e, Keleba litula taitolu. Iru, Ela, deli Naam. E Ela latula Kenasi. 
\p  
\v 16 Yealeleli litula taivasi. Sipa, Sipai, Tiria, deli Asareli. 
\p  
\v 17-18 Esirai litula taivasi. Yetera, Meredi, Eperi, deli Yaloni. Meredi ivaiya Bitia, minana guyoula Itipita latula, e litusi natana vivila yagala Miriam, e taiyu tauwau, Sammai sola Isiba. Isiba matauna totai valu Esitemowa. Meredi tuvaila ivaiya natana vivila odalela Yuda, e litusia kasitaitolu. Yeredi, matauna totai valu Gedori, Ebera, matauna totai valu Soko, e Yekutieli, matauna totai valu Sanowa. 
\p  
\v 19 Odia ivaiya minana Naam luleta. Matausina tubusia tokitetila dilayu dala, dilatala Gam dalela; madalana eisisuaisi ovalu Keila, e dilayuwela Maakati dalela eisisuaisi ovalu Esitemowa. 
\p  
\v 20 Simoni litula taivasi. Aminoni, Rina, Benanani, deli Tiloni. 
\p Isi litula taiyu. Soweti sola Benisoweta. 
\s1 Sela dalela 
\p  
\v 21 Sela matauna taitala Yuda latula. E odalela mimilisi tovakaveka isisu, makawala Eri, matauna totai valu Leka; Lada, matauna totai valu Maresa; e dalesi toyoudilesi karekwa, si valu Beta Asibeya;  
\v 22 tuvaila Yokim deli tomotela valu Koseba; e Yowasi sola Sarapi, matausina ivaisi vilesi Mowabi e oluvi imilivalusi mapilana Bedeliem. (Gulogula makwaisina metoya tommoyabogwa.)  
\v 23 Matausina guyau la towotetila towaisi kulia leisisuaisi ovalu mavilousina Netaim deli Gedera. 
\s1 Simioni dalela 
\p  
\v 24 Simioni litula tailima. Nemweli, Yamini, Yaribi, Sera, deli Sauli.  
\v 25 Sauli latula Salum, e tabula Mibisam, e tabula tubuyuwela yagala Misima.  
\v 26 E metoya baisa Misima madilana bitetila baisa Ammweli, bimakaia Sakura deli Simei.  
\v 27 Simei litula kasi bawa tailuwotala tailima taitala tauwau, e nalima natana vivila, mitaga veyala gala wala litusia bidubadu, mapaila Simioni dalela gala wala idalasi sainela makawala Yuda dalela kala bidugaga. 
\p  
\v 28 Mavilousina si valu Simioni dalela leisisuaisi eiuvalutu leima ola tuta guyau Debida. Biasiba, Molada, Asarisuwali, \x - \xo 4.28-33 \xt Yos 19.2-8\x* 
\v 29 Bilia, Esem, Toladi,  
\v 30 Betuweli, Oma, Sikilagi,  
\v 31 Beti Makaboti, Asarisusim, Betibiri, deli Saaraim.  
\v 32 Matausina isisuaisi olumoulela kwailima valu tuvaila. Etam, Aini, Rimoni, Tokeni, deli Asani,  
\v 33 deli mavilousina opapala eitavinaisi eitapataisi, eiuvalutu eila itobu Bealati mapilana okwaibwagayouya. Baisa makawala livalesi matausina leiginaisi paila dalesi deli paila valu mavilousina leisisikaisi. 
\p  
\v 34-38 Tauwau matausina dala tommoyela yagasi makawala. 
\q1 Mesobabi, Yamileki, Yosa, matauna Amasaia latula, Yoweli, 
\q1 Yeu (matauna Yosibia latula, Yosibaia matauna Seraia latula, e Seraia matauna Asieli latula), 
\q1 Eliowenai, Yaakoba, Yesowaia, Asaia, Adieli, Yesimieli, Benaia, 
\q1 Sisa (matauna Sipi latula, Sipi matauna Aloni latula, matauna odalesi Yedaia, Simri deli Semaia). 
\p Paila bogwa saina dalesi eiunigeyaisi,  
\v 39 matausina isipitalaisi valu mapilana opilikwaibwaga ila katitaikinela valu Gerara, matausina biuvakamsi si sipi mapilana opilibomatula itayatila valu makwaina eititoki.  
\v 40 Matausina ibanaisi bidubadu kubilela mnumonu semitamata okabayatila saina vakaigaga baisa goli kaboluvapela gala kwaitala kabokokola. E omitibogwa mina Am eimilivalusi baisa. 
\p  
\v 41 Ola tuta Guyau Esekaia matauna guyoula Yuda, tomota yagasi walakaiwa ilosi Gerara e ikodidaimisi si bwala deli si buliyoyova matausina tomotala mavilouna. Matausina ibokavilaisi tomotala e isikaisiga mavilouna ivigakaisi si valu tatousi paila uula saina bidubadu mnumonu semitamata paila si sipi bikamkwamsi.  
\v 42 Budotala Simioni dalela kasi bawa tailakatulima tomota isuwaisi opilibomatu ilosi Edom. Matausina Isi litula ikugwaiyaisi mabudona, yagasi Pelatia, Nearia, Repaia, deli Usieli.  
\v 43 Metoya baisa matausina ikatumataisi mina Amaleki kesala tommomova e isikaisiga valu omitibogwa leima lagaila. 
\c 5  
\s1 Rubeni dalela 
\p  
\v 1 Matausina Rubeni dalela, Yekobe litula molitomoya. (Matauna imisii natana tamala la ula eivigaki makawala la kwava, e baisa uula matauna ikitumou molitomoya la koni, e oluvi eisakaisi makwaina molitomoya la koni baisa Yosepa. \x - \xo 5.1 \xt Vit 35.22; 49.3-4\x* 
\v 2 Mitaga Yuda dalela, saina itomgwaga odubasi dala madilasina mapaila ikaloubusi taitala tokaraiwaga metoya dala madilana paila dalela Isireli komwaidona.) \x - \xo 5.2 \xt Vit 49.8-10\x* 
\v 3 Rubeni matauna Yekobe la kuluta litula taivasi. Anoki, Palu, Esironi, deli Kami. 
\p  
\v 4-6 Madilasina dalela Yoweli tubwa tubotala tubotala. Semaia, Gogi, Simei, Maika, Reaya, Beali, deli Bierai. E guyoula Asiria, matauna Tigilati Pilesa, ikatupipi Bierai, matauna tokugwala dala, e matauna ilau. \x - \xo 5.4-6 \xt 2 Gwe 15.29\x* 
\p  
\v 7 E veisia eiginaisi livalesi e itakasaisi tommoyela olumoulela Rubeni dalela. Yeieli, Sekaraia,  
\v 8 deli Bela, matauna Asasa latula e Sema tabula metoya odalela Yoweli. Dala madalana isisuaisi Aroera e olumoulela kabokaraiwaga makwaina metoya opiliyavata bila Nebo deli Beali Meoni.  
\v 9 Matausina si bulutuvalu saina yuwoveka ovalu mapilana Giliadi, mapaila iyoulisi valu mapilana opilibomatu makawala viloupakala eikalititaili eiuvalutu eila itobu Waya Yupereiti. 
\p  
\v 10 Ola tuta guyau Saulo Rubeni dalela ikabiliasi mina Agiri ikatumataisi matausina e iyoulisi si valu mapilana opilibomatula Giliadi. 
\s1 Gada dalela 
\p  
\v 11 Matausina Gada dalela isisuaisi opiliyavata katitaikina Rubeni la kabokaraiwaga oviluwela Basani e iuvalutu goli ila Saleka mapilana opilibomatu.  
\v 12 Yoweli tabula vilitomoya, Sapam tabula eisakaili e Yanai sola Sapati tubusia kala vigimkoila olopola Basani.  
\v 13 E kesala mabudona isisuaisi olopola madilasina dilalima dilayu yagasi Maikeli, Mesulam, Siba, Yorai Yakani, Siya deli Eba.  
\v 14 Matausina Abiaili dalela matauna Uri latula, tubula tommoyabogwa yagasi. Abiaili, Uri, Yarowa, Giliadi, Maikeli, Yesisai, Yado, Busa.  
\v 15 Ai matauna Abidieli latula Guni tabula, matauna dala madilasina tomoyela.  
\v 16 Komwaidosi matausina eisisuaisi ovalu mapilasina Basani deli Giliadi, ovalu mavilousina deli goli okubilela mnumonu semitamata mapilana Saroni.  
\v 17 (Giniginila livalesi matausina ikatubaiasasi ola tuta guyau Yotam guyoula Yuda deli guyau Yeroboam guyoula Isireli.) 
\s1 Si tokabilia dala madilasina opilibomatu 
\p  
\v 18 Odalesi Rubeni, Gada, deli Manasa opilibomatu si tokabilia matausina kasi bawa 44,760 tokwabilia matausina ipapeulasi uvagila vayoula, kema, deli kaiyala.  
\v 19 Matausina ilosi ikabiliasi mina Agiri dalesi Yeturi, Napisa, deli Nodabi.  
\v 20 E matausina si dubumi isailisi baisa Yaubada e inigadasi paila pilasi baisa matauna, e Yaubada imapu si nigada e ivigaki matausina itomgwagasi odubasi mina Agari deli matausina availa availa ipilasaisi.  
\v 21 E matausina ivayoulisi tilaula si kameli kala bawa 50,000, sipi 250,000, ase 2,000, deli ikatupipaisi tilaula kasi bawa 100,000.  
\v 22 E matausina ikatumataisi tilaula saina bidugaga paila uula kabilia makwaina baisa Yaubada nanola. Bogwa leiwokuva matausina ilosi isikaisi valu mavilouna tatoula wala tilaula bimaisi bikatupipaisi matausina. 
\s1 Tomotala Manasa mapilana opilibomatu 
\p  
\v 23 Tomotala Manasa mapilana opilibomatu isipitalaisi valu mapilana oviluwela Basani isuwa opiliyavata iuvalutu wala ila mapilana Beali Emoni, Seniri, deli wa Koya Emoni, e si tomota saina idalasi sainela.  
\v 24 Matausina kasi tommoya dala madilasina. Eperi, Isi, Elieli, Asirieli, Yeremaia, Odavia, deli Yadieli. Matausina komwaidosi wala matala gidageda, deli kasi nikoli saina peula paila tommoyala dala madalasina. 
\s1 Dala madalasina opilibomatu ikatupipaisi 
\p  
\v 25 Mitaga tomota ikowolovasi baisa tubusia si Yaubada e isilavaisi matauna paila bitapwarorusi baisa boda mabudosina si yaubada minasina tokolu mabudosina goli Yaubada leibokavili leisunapulasi metoya valu mapilana.  
\v 26 Mapaila Yaubada ivigaki giyouveka Puli guyoula Asiria (matauna tuvaila idokaisi Tigilati Pilesa) iyouli si valu. Matauna ikatupipi Rubeni, Gada, deli Manasa opilibomatu dalesi e isaili matausina bisivagasisi mapilana Ala, Abora, Ara, deli opapala Waya Gosana. \x - \xo 5.26 \xt 2 Gwe 15.19,29; 17.6\x* 
\c 6  
\s1 Tolula tovakaveka dalesi 
\p  
\v 1 Libai litula tauwau taitolu. Gerisoni, Kowati, deli Merari. 
\p  
\v 2 Kowati litula tauwau taivasi. Amram, Isa, Ebironi, deli Usieli. 
\p  
\v 3 Amram litula tauwau taiyu. Eroni sola Mosese, e lusita yagala Miriam. 
\p Eroni litula tauwau taivasi Nadaba, Abiu, Eleasa, deli Itama. 
\p  
\v 4 Eleasa dalela eikitetilasi tubwa tubotala tubotala baisa makawala. Peniasi, Abisuwa,  
\v 5 Buki, Usisi,  
\v 6 Seraia, Meraioti,  
\v 7 Amaria, Aituba,  
\v 8 Sadoki, Aimaasi,  
\v 9 Asaraia, Yowanani,  
\v 10 Asaraia (matauna eiuwotetila olumoulela Bwala Kwebumaboma makwaina guyau Solomoni eikaliaii olopola Yerusalem),  
\v 11 Amaria, Aituba,  
\v 12 Sadoki, Salum,  
\v 13 Ilikaia, Asaraia,  
\v 14 Seraia, Yeosadaki.  
\v 15 E guyau Nebukadinesa ikatupipi Yeosadaki ilau matauna deli goli tomotala Yuda deli Yerusalem makawala Guyau itugwali matausina bikatupipaisi bilauwaisi. 
\s1 Mimilisi Libai dalesi ituwoli 
\p  
\v 16 Libai litula kasitaitolu Gerisoni, Kowati, deli Merari. \x - \xo 6.16-19 \xt Sun 6.16-19\x* 
\v 17 Taitala taitala matausina iunaisi litusia. Gerisoni litula Libini sola Simei;  
\v 18 Kowati litula Amram, Isa, Ebironi, deli Usieli;  
\v 19 e Merari litula Mali sola Msi. 
\p  
\v 20 Komwaidona Gerisoni dalela metoya tubwa tubotala tubotala Libini, Yaata, Simma,  
\v 21 Yowa, Ido, Sera, Yeterai. 
\p  
\v 22 Madalasina dalela Kowati tubwa tubotala tubotala Aminadaba, Kora, Asiri,  
\v 23 Elikana, Ebiasapi, Asiri,  
\v 24 Taata, Urieli, Usaia, Sauli. 
\p  
\v 25 Elikana litula taiyu, Amasai sola Aimoti.  
\v 26 Madalasina Aimoti dalela tubwa tubotala tubotala. Elikana, Sopai, Naata,  
\v 27 Eliabi, Yerowami, Elikana. 
\p  
\v 28 Samwela litula taiyu Yoweli, matauna molitomoya, deli Abia molagwadi. 
\p  
\v 29 Madilasina dalela Merari tubwa tubotala tubotala. Mali, Libini, Simei, Usisai,  
\v 30 Simea, Agia, Asaia. 
\s1 Tobutu wosi olumoulela Bwala Kwebumaboma 
\p  
\v 31 Baisa makawala guyau Debida leinagi tauwau matausina paila bikugwaiyaisi wosi okabotapwaroru olumoulela Yerusalem avai tuta Kabutu Didawogala eilauwaisi baisa.  
\v 32 Matausina taitala taitala isim la tuta paila biwotitali olumoulela Buliyoyova Kwebumaboma e igau oluvi guyau Solomoni bikaliai Bwala Kwebumaboma.  
\v 33 E matausina leiyamataisi koni makwaina leikitetilasi odalesi baisa makawala. 
\p Odalela Kowati. Emani, matauna Yoweli latula, kasi tokugwa mabudona towosi budomatala. Matauna dalela leikitetila leima baisa Yekobe kala takasa makawala. Emani, Yoweli, Samwela,  
\v 34 Elikana, Yeroam, Elieli, Toa,  
\v 35 Supu, Elikana, Maata, Amasai,  
\v 36 Elikana, Yoweli, Asaraia, Sepanaia,  
\v 37 Taata, Asiri, Ebiasapi, Kora,  
\v 38 Isa, Kowati, Libai, Yekobe. 
\p  
\v 39 Asapi matauna tokugwala boda budoyuwela towosi. Matauna dalela eikitetila baisa Libai kala takasa makawala. Asapi, Berekia, Simea,  
\v 40 Maikeli, Baaseyai, Malikia,  
\v 41 Etini, Sera, Adaia,  
\v 42 Etani, Simma, Simei, Etini,  
\v 43 Yaata, Gerisoni, Libai. 
\p  
\v 44 Etani Merari dalela, matauna tokugwala budotolula towosi. Dalela eikitetila leima metoya baisa Libai baisa makawala. Etani, Kisi, Abidi, Maluku,  
\v 45 Asabia, Amasaia, Ilikaia,  
\v 46 Amsi, Bani, Semera,  
\v 47 Mali, Msi, Merari, Libai. 
\p  
\v 48 E kesala mina Libai si wotetila ituwoli ituwoli olopola si kabotapwaroru. \fig Buliyoyova olumoulela kabosikaiwa|src="LB00259" size="span" ref="6.49" \fig* 
\s1 Eroni dalela 
\p  
\v 49 E Eroni deli dalela isakaisi si semakavi maiina saina simasimina deli igibukwaisi lula odabala kabogabulula. Baisa si koni matausina paila komwaidona wotitalela tapwaroru olumoulela matabudona Bomikikila Sainela deli lula makwaisina paila Yaubada bogwa biligaiwa si mitugaga mina Isireli. E matausina iuvagaisi wala vavagi komwaidona iwokuva, makawala Mosese, matauna Yaubada la towotetila leikatululuti matausina bivagaisi.  
\v 50 Baisa makawala kala takasa yagasi Eroni dalela. Eleasa, Peniasi, Abisuwa,  
\v 51 Buki, Usisi, Seraia,  
\v 52 Meraioti, Amaria, Aituba,  
\v 53 Sadoki, Aimaasi. 
\s1 Si valu mina Libai 
\p  
\v 54 Valu makwaisina eisakaisi Eroni dalela kasi vilavila matausina Kowati tubula. Kwematala vilavila ikauwaisi isakaisi mina Libai.  
\v 55 Leisakaisi Ebironi mapilana oviluwela Yuda deli goli makubilasina mnumonu semitamata otalila.  
\v 56 Kubilela deli viluwela, bogwa leisakaisi Keleba kala vilavila matauna Yepunei latula.  
\v 57-59 Tuvaila valu makwaisina leisakaisi Eroni tubula kasi vilavila. Ebironi, makwaina viluwela kabokwala, Yatira, deli viluwela Libina, Esitemowa, Ileni, Debira, Asani, deli Beti Semesi, toyo makubilasina, kubilela mnumonu semitamata.  
\v 60 E mapilana oviluwela Beniamina leisakaisi viluwesi deli kubilesi mnumonu semitamata. Geba, Alemeti, Anatoti. E kala bawa valu kweluwotala kwaitolu paila komwaidona si dala bisikaisi.  
\v 61 Mapilana Manasa opilikwaibwaga kweluwotala valu eisakaisi Kowati dalela kesala komwaidona madilasina, paila dala dilatala dilatala. 
\p  
\v 62 E osi kabokaraiwaga Isaka, Asera, Napitalai deli Manasa opilibomatu mapilana Basani isakaisi si valu Gerisoni dalela kweluwotala kwaitolu paila dala dilatala dilatala.  
\v 63 E makawala wala osi kabokaraiwaga Rubeni, Gada, deli Sebuloni eisakaisi si valu Merari dalela kweluwotala kwaiyu paila dala dilatala dilatala.  
\v 64 E makawala tomotala Isireli isakaisi mina Libai si valu paila bisilaisi, deli goli viluwela mnumonu semitamata opapala valu mavilousina.  
\v 65 (E mavilousina si valu Yuda, Simioni, deli Beniamina eitakasaisi walakaiwa, deli wala eikauwaisi kasi vilavila metoya ikowobobutasi.) 
\p  
\v 66 Mimilisi Kowati dalela isakaisi si valu deli si kwabila mnumonu semitamata oviluwela mapilana Epereim.  
\v 67 Sekem, mapilana viluwela kabokwala mapilana Epereim wa koya, Gesera,  
\v 68 Yokimeyam, Betorona,  
\v 69 Aialoni, deli Gata Rimona.  
\v 70 E mapilana Manasa opilikwaibwaga isakaisi si valu mavilousina Aneri deli Bileam deli goli kubilesi mnumonu, semitamata opapasi. 
\p  
\v 71 Gerisoni dalela isakaisi si valu deli goli si kwabila kubilela mnumonu semitamata. Mapilana oviluwela Manasa opilibomatu, valu mavilousina makawala. 
\p Golani olopola Basani, deli Asitaroti. 
\p  
\v 72 Oviluwela mapilana Isaka. Kedesi, Daberati,  
\v 73 Ramoti, deli Anem. 
\p  
\v 74 Oviluwela mapilana Asera mavilousina. Masali, Abidoni,  
\v 75 Ukoki, deli Reyobi. 
\p  
\v 76 Oviluwela mapilana Napitalai. Kedesi olumoulela Galili, Ammoni, deli Kiriataim. 
\p  
\v 77 E kesala komwaidona dalela Merari si valu leisakaisi mavilousina deli goli si kwabila kubilesi mnumonu semitamata opapasi. 
\p Oviluwela mapilana Sebuloni. Rimono deli Teibo. 
\p  
\v 78 Oviluwela mapilana Rubeni, Waya Yoridani mapilana opilibomatu eilokaia Yeriko. Besera odubakaila, Yasa,  
\v 79 Kedemota, deli Mepaata. 
\p  
\v 80 Oviluwela mapilana Gada. Ramoti olumoulela Giliadi, Maanaim,  
\v 81 Esiboni, deli Yasa. 
\c 7  
\s1 Isaka dalela 
\p  
\v 1 Isaka litula taivasi. Tola, Puwa, Yasuba, deli Simroni. 
\p  
\v 2 E Tola litula tailima taitala. Usisi, Repaia, Yerieli, Yamai, Ibisam, deli Semueli. Komwaidosi matausina tommoyela nunu kwaitala kwaitala metoya odalela Tola, deli matausina matala gidageda. Ola tuta Guyau Debida eiguguyau dala madalana kasi bawa 22,600. 
\p  
\v 3 Usisi latula taitala wala, yagala Isiraia. Isiraia litula taivasi Maikeli, Obedaia, Yoweli, deli Isia, komwaidosi wala dala tommoyela.  
\v 4 Matausina si kukova deli litusia saina wala bidugaga e odalesi titoulesi bogwa eiboda kasi bawa makawala 36,000 paila bikabiliasi okawakali. 
\p  
\v 5 E giniginila livalela komwaidona madalasina Isaka dalela kasi bawa tauwau mokwita 87,000 matausina goli eibudoki kabikabi okawakali. 
\s1 Beniamina deli Dani dalesi 
\p  
\v 6 E Beniamina litula kasitaitolu. Bela, Bekeri, deli Yediaeli. 
\p  
\v 7 Bela litula kasitailima. Esiboni, Usisi, Usieli, Yerimoti, deli Iri. Matausina tommoyesi dala deli komwaidosi wala matala gidageda. Dalesi kasi bawa makawala 22,034 matausina ibudoki kabikabi okawakali. 
\p  
\v 8 Bekeri litula kasitailima kasitaivasi. Semira, Yowasi, Eliesa, Eliowenai, Omri, Yeremoti, Abia, Anatoti, deli Alemeti.  
\v 9 E giniginila livalela komwaidosi madilasina Beniamina deli Dani dalesi kasi bawa tauwau 20,200 matausina ibudoki kabikabi okawakali. 
\p  
\v 10 Yediaeli latula taitala wala yagala Bilani, e Bilani litula tailima taiyu. Yeusa, Beniamina, Eyuda, Kenaana, Setani, Tasisi, deli Aisaara.  
\v 11 Matausina tommoyesi dala e komwaidosi wala matala gidageda. Dalesi kasi bawa makawala 17,200 matausina ibudoki kabikabi okawakali.  
\v 12 Supim deli Upim tuvaila isisuaisi madilana wala. 
\p Dani latula taitala wala yagala Usim. 
\s1 Napitalai dalela 
\p  
\v 13 Napitalai litula taivasi. Yasieli, Guni, Yesera, deli Salum. (Matausina dalela minana Bilia.) 
\s1 Manasa dalela 
\p  
\v 14 Manasa litula leiuni metoya baisa minana vilela Aramia la ula eivigaki makawala la kwava kasitaiyu Asirieli sola Makia. Makia latula Giliadi.  
\v 15 Makia matauna tobubula si veivai Upim sola Supim. Matauna luleta yagala Maaka. Makia taiyuwela latula yagala Selopeyadi, mitaga matauna litula vivilawokuva wala. 
\p  
\v 16 Minana Maaka, Makia la kwava, iuni litula taiyu, e ivabwaisi yagasi Peresa sola Seresa. Peresa litula taiyu, Ulam sola Rakem.  
\v 17 Ulam latula taitala yagala Bedani. Matausina komwaidosi Giliadi dalela, matauna Makia latula deli Manasa tabula. 
\p  
\v 18 Giliadi luleta Ammoleketi eiuni litula taitolu. Isodi, Abiesa, deli Mala.  
\v 19 (Semida litula taivasi. Aiani, Sekem, Liki, deli Aniam.) 
\s1 Epereim dalela 
\p  
\v 20 Baisa matausina Epereim dalela metoya tubwa tubotala tubotala. Sutela, Beredi, Taata, Eleadai, Taata,  
\v 21 Sabadi, Sutela. Epereim litula Sutela e taiyu tuvaila yagasi Esa sola Eleada matausina ivigikonaisi biveilauwaisi si bulutuvalu mina Gata tolivalu e mina Gata ikatumataisi matausina.  
\v 22 E tumasi Epereim inigabubu yam bidubadu paila matausina, e veyala imaisi paila biyomwasalaisi nanola matauna.  
\v 23 Oluvi matauna imisiivau la kwava, e minana isuma e iuni latula tau. Matausina idokaisi yagala Beraia,\f c \ft Maigana butula kala lega makawala mina Iberu si biga “uvagila mwau”. \f* paila uula mwau makwaina eikaloubusi osi kaukweda. 
\p  
\v 24 Epereim natana latula vivila yagala Sira. Minana eibudi valu mavilousina Betorona Walakaiwa deli Betorona Otalawa, deli Useni Sira. 
\p  
\v 25 Epereim latula tuvaila taitala tau yagala Repa, matauna dalela kala takasa makawala Resepa, Tela, Taana,  
\v 26 Ladani, Amiuda, Elisama,  
\v 27 Nuni, Yosuwa. 
\p  
\v 28 E si kabokaraiwaga makatupouna leiyosisi deli leisikaisi ikoguliki Beteli deli valu mavilousina opapala, eisuwa opilibomatu ila itobu Naarana deli isuwa opilikwaibwaga ila itobu Gesera deli valu mavilousina opapala. Tuvaila ikoguliki mavilousina Sekem deli Aiya, deli valu mavilousina opapala. 
\p  
\v 29 Manasa dalela ikaraiwogaisi mavilousina Beta Sani, Taanaki, Megido, deli Dora, deli goli valu mavilousina opapala. 
\p E dalela Yosepa matauna Yekobe latula isikaisi komwaidona mavilousina. 
\s1 Asera dalela 
\p  
\v 30 Matausina Asera dalela. Matauna litula taivasi Imna, Isiva, Isivi, deli Beria; e lusita natana yagala Serai. 
\p  
\v 31 Beria litula taiyu Ebera sola Malikieli. (Malikieli matauna totai valu Birisaiti.) 
\p  
\v 32 Ebera litula taitolu. Yapileti, Somera, deli Otam; lusita natana yagala Suwa. 
\p  
\v 33 Yapileti litula taitolu. Pasaka, Bimali, deli Asivati. 
\p  
\v 34 Bodala yagala Somera litula taitolu. Roga, Yeuba, deli Aram. 
\p  
\v 35 Bodala taiyuwela molagwadi Otam litula taivasi. Sopai, Imna, Selesa, deli Amali. 
\p  
\v 36 Sopai dalela matausina Suwa, Anepa, Suwala, Beri, Imra,  
\v 37 Besera, Odi, Sama, Silisa, Itirani, deli Biera. 
\p  
\v 38 Yetera dalela Yepunei, Pisipa, deli Ara,  
\v 39 e Ula dalela. Arai, Anieli, deli Risia. 
\p  
\v 40 Komwaidosi matausina Asera dalela. Matausina dala tommoyela, deli matala gidageda matausina tokugwa isim kasi nikoli. Asera dalela matausina eibudoki bikabisi okawakali kasi bawa 26,000. 
\c 8  
\s1 Beniamina dalela 
\p  
\v 1 E Beniamina litula kasitailima kala takasa baisa makawala molitomoya eila molagwadi matausina Bela, Asibeli, Aara,  
\v 2 Nowa, deli Rapa. 
\p  
\v 3 E Bela dalela Adara, Gera, Abiuda,  
\v 4 Abisuwa, Nemani, Aowa,  
\v 5 Gera, Sepupani, deli Uram. 
\p  
\v 6-7 Eyuda dalela Nemani, Aiya, deli Gera. Matausina tommoyesi si dala eisisuaisi ovalu Geba, mitaga kasi tilaula ibokavilaisi isunapulasi e igalasi ilosi ovalu Manaata. E Gera, matauna Usisa sola Aiuda tumasi ikugwai matausina ilau isiwaisi mapilana. 
\p  
\v 8-9 E Saaraim matauna nayu kala vaipaka Usim sola Baara. E igau isisu mapilana Mowabi, matauna ivaivau natana la kwava yagala Odesi e minana iuni litula tailima taiyu. Yobabi, Sibia, Mesa, Malikam,  
\v 10 Yeusi, Sakia, deli Mirima. Matauna litula komwaidosi wala tommoyesi si dala. 
\p  
\v 11 E matauna tuvaila litula taiyu minana kala vaipaka yagala Usim leiuni Abitubu sola Elipaali. 
\p  
\v 12 E Elipaali litula kasitaitolu Eba, Misam deli Semedi. Semedi matauna leibudi valu mavilousina Ono deli Lodi toyo goli mavilousina opapala. 
\s1 Mina Beniamina matausina eisisuaisi Gata deli Aiyaloni 
\p  
\v 13 Beria sola Sema matausina tommoyesi dala madilasina leisisuaisi Aialoni e ibutugigayaisi tomota matausina tosibogwa Gata.  
\v 14 Beria dalela kasi bawa makawala Aiyo, Sasaki, Yeremoti,  
\v 15 Sebadaia, Aradi, Ederi,  
\v 16 Maikeli, Isipa, deli Yowa. 
\s1 Mina Beniamina matausina eisisuaisi Yerusalem 
\p  
\v 17 Elipaali dalela kasi bawa makawala Sebadaia, Mesulam, Isiki, Ebera,  
\v 18 Isimerai, Isilia, deli Yobabi. 
\p  
\v 19 Simei dalela kasi bawa makawala Yakim, Sikiri, Sabidi,  
\v 20 Elienai, Siletai, Elieli,  
\v 21 Adaia, Beraia, deli Simirata. 
\p  
\v 22 Sasaki dalela kasi bawa makawala, Isipani, Eba, Elieli,  
\v 23 Abidoni, Sikiri, Anana,  
\v 24 Ananaia, Elam, Anitotia,  
\v 25 Ipideiya, deli Penueli. 
\p  
\v 26 Yeroam dalela kasi bawa makawala Samserai, Searia, Atalaia,  
\v 27 Yaaresia, Ilaitia, deli Sikiri. 
\p  
\v 28 Komwaidosi matausina tommoyela dalela omitibogwa e tubusia tuta baisa isisuaisi Yerusalem. 
\s1 Mina Beniamina olumoulela Gibioni deli Yerusalem 
\p  
\v 29 Yeieli totai valu Gibioni e isiki mavilouna. Matauna la kwava yagala Maaka,  
\v 30 e matauna la kuluta yagala Abidoni. Matauna litula tuvaila yagasi Sura, Kisa, Beali, Nera, Nadaba,  
\v 31 Gedori, Aiyo, Sekera,  
\v 32 deli Mikiloti, matauna Simeya tamala. Matausina dalela isisuaisi Yerusalem katitaikinela mimilisi veisia metoya okasi kumila titoulesi. 
\s1 Guyau Saulo dalela 
\p  
\v 33 Nera latula Kisa, e Kisa latula guyau Saulo. Saulo litula taivasi. Yonatani, Malikisuwa, Abinadaba, deli Esibeali.  
\v 34 Yonatani latula Meribeali; e Meribeali latula Maika. 
\p  
\v 35 Maika litula taivasi. Pitoni, Meleki, Tarea, deli Eyasi.  
\v 36 Eyasi latula Yeoyada e matauna Yeoyada litula taitolu. Alemeti, Asimaveta, deli Simri. Simri latula Mosa,  
\v 37 Mosa latula Binea, e Binea latula Rapai, e Rapai latula Eleasai, e Eleasai latula Aseli. 
\p  
\v 38 Aseli litula tailima taitala. Asirikam, Bokeru, Isimeili, Searia, Obedaia, deli Anana.  
\v 39 Aseli bodala yagala Eseki litula taitolu. Ulam, Yeusa, deli Elipeleti. 
\p  
\v 40 Ulam litula matausina pwataboda deli kasi tokwabi kaiyala. Matauna litula deli tubula kasi bawa lakatutala tailuwolima, komwaidosi matausina yagasi walakaiwa Beniamina wala dalela. 
\c 9  
\s1 Tomota matausina ikaimilavausi metoya okatupipi 
\p  
\v 1 Komwaidona tomotala Isireli livalesi leitakasaisi dalela dalela livalesi bogwa leiginaisi osi buki \bk Bukila Guyousi Isireli\bk*. 
\p E tomotala Yuda leikatupipaisi leiwaisi mapilana Babiloni baisa ibanaisi kasi mipuki paila si mitugaga.  
\v 2 Mabudosina itomatalasi ikaimilavausi osi valu tatousi baisa mina Isireli, tolula, mina Libai deli Bwala Kwebumaboma towotitalela. \x - \xo 9.2-3 \xt Esi 2.27; Nie 7.73\x* 
\v 3 E mina Yuda, dalesi Beniamina, Epereim, deli Manasa ilosi isilaisi Yerusalem. 
\p  
\v 4-6 E Yuda dalela eisisuaisi Yerusalem nunu kwaitala kwaitala kasi bawa lakatulima lakatutala kweluwolima kweluwovasi. 
\p Yuda latula Peresi, e Peresi dalela tomoyela Utai matauna latula Amiuda e tabula Omri. E Utai tubula taiyu tuvaila Imri deli Bani. 
\p E Yuda latula Sela dalela kasi tokugwa yagala Asaia, matauna deli tomoyela nunu makwaina. 
\p E taitala tuvaila Yuda latula Serai dalela taitala yagala Yeueli matauna kasi tokugwa. 
\p  
\v 7-8 Tuvaila Beniamina dalela matausina eisisuaisi Yerusalem. 
\q1 Salu matauna Mesulam latula, Mesulam matauna Odavia latula, e Odavia matauna Asenuwa latula 
\q1 Ibineiya matauna Yeroam latula 
\q1 Ela matauna Usisi latula Mikiri tabula 
\q1 Mesulam matauna Sepatia latula, e Sepatia Reueli latula, Reueli matauna Ibinia latula. 
\p  
\v 9 E dala madilana eisisuaisi baisa nunu kasi bawa lakatulima lakatuvasi kweluwolima kwailima kwaitala. E komwaidona matausina yagasi eiginaisi walakaiwa matausina tommoyesi dala madalasina. 
\s1 Tolula matausina leisisuaisi Yerusalem 
\p  
\v 10-12 Baisa tolula matausina leisisuaisi olopola Yerusalem. 
\q1 Yedaia, Yeoyaribi, deli Yakini 
\q1 Ilikaia latula Asaraia (matauna tokaraiwogala Bwala Kwebumaboma), e deli tubula Mesulam, Sadoki, Meraioti, deli Aituba 
\q1 Adaia matauna Yeroam latula, e deli tubula Pasuru, sola Malikia 
\q1 Maasai matauna Adieli latula, e tubula Yasera, Mesulam, Mesilemiti, deli Imera. 
\p  
\v 13 E tolula matausina tommoyela dala madalasina kasi bawa 1,760. Matausina tokabitutuki komwaidona paisewa olumoulela Bwala Kwebumaboma. 
\s1 Mina Libai matausina eisisuaisi Yerusalem 
\p  
\v 14-16 Baisa yagasi matausina mina Libai eisisuaisi Yerusalem. 
\q1 Semaia matauna Asubi latula, matauna tabula Asirikam sola Asabia odalela Merari 
\q1 Bakibaka, Eresa, deli Galali 
\q1 Matania matauna Mika latula, tubula Sikiri sola Asapi 
\q1 Obedaia matauna Semaia latula, tubula Galali sola Yedutuni 
\q1 Berekia, matauna Asa latula e Elikana tubula, matauna eisisu olopola kabokaraiwagela mapilana valu Netopa. 
\s1 Toyamatesi Bwala Kwebumaboma isisuaisi Yerusalem 
\p  
\v 17 Baisa makawala toyamatesi Bwala Kwebumaboma isisuaisi Yerusalem. Salum, Akubi, Talimoni, deli Aimani. Salum matauna kasi tokugwa.  
\v 18 Omitibogwa leima tuta matutona dala madilasina toyamatesi kabosusuvi mapilana opilibomatu biloula Guyau ola Kapisila. Tuta omitibogwa matausina toyamatesi kalapisila bilokaia mina Libai si valu. 
\p  
\v 19 Salum matauna Kore latula e tabula Ebiasapi, deli sala odalela Kora, matausina si koni toyamatesi kabosusuvi biloula omatala Guyau la Buliyoyova, makawala tubusia tuta omitibogwa leivigakaisi avai tuta matausina eiyamataisi Guyau la kabosikaiwa.  
\v 20 E Peniasi matauna Eleasa latula matauna omitibogwa kasi tokaraiwaga. Wa! Ibodi Guyau bimitukwaii matauna. 
\p  
\v 21 Meselemia latula Sekaraia matauna tuvaila taitala toyamatela kalapisilela Guyau la Buliyoyova. 
\p  
\v 22 E kasi bawa komwaidona lakatuyu tailuwotala taiyu leinagaisi paila toyamatesi kalapisila deli kabosusuvi. Yagasi leiginaisi deli yagasi si valu ambaisa mesisikaisi. Baisa guyau Debida sola tovitoubobuta Samwela eisakaisi tubusia si koni paila wotetila makwaisina.  
\v 23 Matausina deli dalesi tuta baisa bisisetuwolaisi wala si wotetila kala yamata kalapisilela Bwala Kwebumaboma.  
\v 24 Kwaitala kalapisila ikoulakaiwa opiliyavata, kwaiyuwela opilibolimila, kwaitolula opilibomatu, kwaivasila opilikwaibwaga kalapisila, kwaitala kwaitala makwaisina isim toyamatesi.  
\v 25 Toyamata matausina kasi topilasi veisia wala eisisuaisi ovalu mavilousina katitaikina e taitala taitala matausina la tuta biyamata sivatala olopola kwailima kwaiyu yam.  
\v 26 Taivasi matausina mina Libai toyamata kasi tokaraiwaga e isim kasi pakula wotetila makwaina. Matausina si koni tuvaila biyamatasi matabudosina eikalitulaisi wa Bwala Kwebumaboma deli goli guguwala komwaidona olumoulela matabudosina.  
\v 27 Matausina si bwala katitaikinela Bwala Kwebumaboma, baisa si koni paila biyamataisi deli biulaimsi kalapisila kaukwau kwaitala kwaitala. 
\s1 Mimilisi mina Libai tuvaila 
\p  
\v 28 Mimilisi mina Libai si koni biyamataisi guguwa makwaisina leiuwotetilasi otutala tapwaroru. Tuta komwaidona bisunupuloiyaisi makwaisina bikalawaisi e avai tuta bikaimilivauwaisi bikalauvauwaisi tuvaila.  
\v 29 Mimilisi tuvaila isim si koni biyamataisi guguwa kwebumaboma, deli goli pwarawa, waini, olibe bulamila, guguwala lula maiina simasimina deli vana.  
\v 30 Mitaga paila vana kala kenevigoli baisa tolula wala si paisewa. 
\p  
\v 31 Taitala guma Libai yagala Matitia, matauna Salum la kuluta, odalela Kora, matauna kala karaiwaga bikikatubaiasa semakavi kweminumenu.  
\v 32 E tomota metoya Kowati odalela si paisewa bikikatubaiasasi kaula kwebumaboma paila Bwala Kwebumaboma Sabate kwaitala kwaitala. 
\p  
\v 33 Mimilisi Libai dalela si paisewa paila biusiwosisi wosila Bwala Kwebumaboma. E dala madalasina tommoyela isigagasi olumoulela matabudosina wa Bwala Kwebumaboma e gala itoyemwa si paisewa paila uula kasi dou paila biwotetilasi avai kala kalu wa yam, deli bogi. 
\p  
\v 34 Tauwau matausina yagasi isisu walakaiwa tommoyela dala Libai, makawala leikitetilasi metoya otubusia. Matausina goli tokugwa tuta komwaidona leisisuaisi olumoulela Yerusalem. 
\s1 Guyau Saulo tubula tommoyabogwa deli dalela 
\r (1 Lil 8.29-38) 
\p  
\v 35 Yeieli totai valu Gibioni e isiki mavilouna. Matauna la kwava yagala Maaka.  
\v 36 Matauna la kuluta tau yagala Abidoni, e litula tuvaila yagasi Sura, Kisa, Beali, Nera, Nadaba,  
\v 37 Gedori, Aiyo, Sekaraia, deli Mikiloti,  
\v 38 matauna Simeya tamala. Matausina dalela isisuaisi Yerusalem katitaikinela mimilisi veisia metoya okasi kumila titoulesi. 
\p  
\v 39 Nera latula Kisa, e Kisa latula Saulo. E Saulo litula taivasi. Yonatani, Malikisuwa, Abinadaba, deli Esibeali.  
\v 40 Yonatani latula Meribeali, e Meribeali latula Maika.  
\v 41 Maika litula taivasi. Pitoni, Meleki, Tarea, deli Eyasi.  
\v 42 Eyasi latula Yara, matauna litula taitolu. Alemeti, Asimaveta, deli Simri. E Simri latula Mosa,  
\v 43 e Mosa latula Binea, Binea latula Repaia, Repaia latula Eleasai, e Eleasai latula Aseli. 
\p  
\v 44 Aseli litula tailima taitala. Asirikam, Bokeru, Isimeili, Searia, Obedaia, deli Anana. 
\c 10  
\s1 Guyau Saulo la kaliga 
\r (1 Sml 31.1-13) 
\p  
\v 1 E mina Pilisitia bogwa ikabiliasi deli mina Isireli mapilana Koya Gilibowa. Bidubadu mina Isireli ikaligasi baisa, e mesinaku matausina kesala deli Saulo toyo litula ibutusi.  
\v 2 Mitaga mina Pilisitia iyosisi matausina ikatumataisi wala kasitaitolu litula Saulo, matausina Yonatani, Abinadaba, e deli Malikisuwa.  
\v 3 E kabilia makwaina saina kwaimwau ivabodaisi Saulo e tilaula bogwa ibasaisi matauna okaiyala e kala kaiyala kaimigaga.  
\v 4 E Saulo iluki matauna totubovau tokeula la guguwa kabilia kawala, “Mwa! Kukwau m kwaiyala kukwatumataigu, e taga mina Pilisitia matausina goli gala inikolaisi Yaubada biyosokanaigusi.” Mitaga matauna totubovau saina kala kokola sainela mwada bivagi makawala. Mapaila Saulo ikau titoulela la kaiyala ikatumati titoulela.  
\v 5 E matauna totubovau eigisi Saulo eikaliga, e mapaila ivagi makawala, ikau la kaiyala ikulomi wala titoulela e kasitaiyu wala ikaligasi.  
\v 6 E baisa makawala Saulo deli litula kasitaitolu si kaliga. Baisa eitobu Saulo dalela gala taitala tuvaila iguyau.  
\v 7 Avai tuta mina Isireli eisisuaisi mapilana Itayatilela Yesireeli ilagaisi mina Isireli tokabilia bogwa eibutusi e Saulo deli litula bogwa eikaligasi, matausina isilavaisi si valu e eikau kaikesi eisakaulasi. E mina Pilisitia iyoulisi e isikaisi mavilousina. \fig Ibasaisi matauna okaiyala|src="HK00192" size="col" ref="10.3" \fig* 
\p  
\v 8 E avai tuta yamla kabilia bogwa leiwokuva, mina Pilisitia ilosi mwada biveilausi kasi katubaiasa tomata, e matausina ibanaisi Saulo deli litula kasitaitolu uwosi wa Koya Gilibowa.  
\v 9 Matausina ikapitunaisi Saulo kaiyola deli ivililaisi tabodala wowola, e iwitalaisi touwata deli goli makwaisina e ilauwaisi komwaidona viluwela Pilisitia, mwada bilukwaisi bulogala bwaina baisa si tokolu deli si tomota.  
\v 10 E oluvi matausina isailisi Saulo la guguwa kabilia olumoulela kwaitala si bwala kwebumaboma e ilasoyasi pwanetala olumoulela la bwala kwebumaboma si yaubada Dagoni.  
\v 11 E avai tuta mina Yabesi mapilana Giliadi ilagaisi avaka mina Pilisitia eivagaisi baisa Saulo,  
\v 12 e mapaila tokwabilia matausina pwataboda itokaiasi ikatuwakedasi ilosi ivabwaisi uwosi Saulo deli litula ikauwaisi uwosi ilauwaisi Yabesi. E matausina ibakwaisi osikowala kaitala yawa, e matausina ipusoposumasi kwailima kwaiyu yam. 
\p  
\v 13 Saulo leikaliga paila uula matauna gala ikamiabi Guyau. E matauna ikoulovi Guyau la karaiwaga, matauna inevi kabopilasi metoya baisa bilomasi tokwaliga, \x - \xo 10.13 \xt Tol 19.31; 20.6; 1 Sml 13.8-14; 15.1-24; 28.7-8\x* 
\v 14 mitaga kaimapula ipaiki bikatupoi baisa Guyau. Mapaila Guyau ikatumati matauna e kabokaraiwaga bisupeili bisaiki Debida matauna Yese latula. 
\c 11  
\s1 Debida guyoula Isireli deli Yuda 
\r (2 Sml 5.1-10) 
\p  
\v 1 Komwaidona mina Isireli imakaiasi Debida mapilana Ebironi e ilukwaisi kawasi, “Yakamaisi dalem titoulem.  
\v 2 Wa tuta leim, igau goli Saulo ma guyausi, mitaga yoku kukugwai mina Isireli okabilia, e Guyau m Yaubada ilivala biga katotila baisa yoku kidamwa bukukugwai la tomota e deli bukuguyoi matausina.”  
\v 3 Mapaila komwaidosi tokugwala imakaiasi Guyau Debida mapilana Ebironi. Matauna ivagi vasosu kwebumaboma deli matausina e ivaputumaisi matauna, e matauna iguyau baisa mina Isireli, makawala wala avaka Guyau la biga katotila metoya baisa Samwela. 
\p  
\v 4 E Guyau Debida deli komwaidona mina Isireli ilosi bikabiliasi Yerusalem. Mavilouna wa tuta matutona idokaisi Yebusi, e mina Yebusi, matausina goli tosibogwa mapilana, igau wala leisisuaisi baisa. \x - \xo 11.4 \xt Yos 15.63; Tok 1.21\x* 
\v 5 Mina Yebusi ilukwaisi Debida mwada matauna gala wala gagabila bisuvi osi valu, mitaga Debida iyouli si kabokwala Saiyoni e oluvi idokaisi mavilouna yagala Debida la Vilouveka.  
\v 6 Debida leikaibiga kawala, “Avai tau bikatumatibogwi taitala guma Yebusi bavigaki matauna kumatoula paila tokabilia!” Yowabi, matauna Seruya latula, ikugwai tokabilia e ivigaki matauna kumatoula.  
\v 7 E paila uula Debida ila isiki mavilouna, e mauula idokaisi mavilouna Debida la Vilouveka.  
\v 8 Matauna ikaliivau mavilouna, ivitouula makatupona opilibomatu ambaisa tosibogwa eikaliuwaisi osilibusila koya, e Yowabi ikaliivau kesala mavilouna.  
\v 9 E Debida ipapeula tuta komwaidona, paila uula Guyau Topeuligaga deli matauna. 
\s1 Debida la tokabilia pwataboda 
\r (2 Sml 23.8-30) 
\p  
\v 10 Baisa makawala yagasi Debida la tokabilia kumatoula. Deli goli komwaidona tomotala Isireli, matausina ipilasaisi matauna e ivigakaisi imilaguyau makawala Guyau la biga katotila, tuvaila ivigakaisi la kabokaraiwaga ipeula. 
\p  
\v 11 E eikalumatala wala Yasobeyam odalela Akimona, kasi tokugwa oluwalaisi mabudona idokaisi Kasitaitolu. Matauna deli la kaiyala ikabilia deli kala tilaula kasi bawa lakatutolu e ikatumati komwaidosi okawakali.  
\v 12 Taiyuwela kumatoula oluwalaisi mabudona Kasitaitolu Eleasa, matauna Dodo latula odalela Awo.  
\v 13 Matauna ipilasi Debida ikabilia deli mina Pilisitia okawakali mapilana Pasi Damim. Tuta matutona isisu olopola kwaitala bigulela bali e mina Isireli ikau kaikesi mwada bisakaulasi,  
\v 14 mapaila matauna deli la tokabilia iwayaisi wala kailolasi oluwalela bagula e ikabiliaisi mina Pilisitia. E Guyau ivigaki itomgagasi. 
\p  
\v 15 Kwaitala yam taitolu metoya tailuwotolu matausina ikugwaiaisi tokabilia ilosi kwaitala raibwaga ambaisa Debida leisibogwa katitaikinela wa lagi Adulam, e baisa budotala mina Pilisitia ibudaisi si kabeikau oItayatila Repaim.  
\v 16 Wa tuta matutona Debida isisu okabala kwaipeula wa koya kwaitala, e budotala mina Pilisitia eiyoulisi Bedeliem.  
\v 17 E Debida saina ibulokatuuwoli e kawala, “Magigu sainela kidamwa availa bigoli sitana agu sopi metoya outuwotu makwaina opapala kalapisilela Bedeliem!”  
\v 18 E kasitaitolu matausina tokabilia dabala si wota isugigaiyaisi mina Pilisitia si kabeikau e igolaisi sitana sopi metoya outuwotu makwaina e imiakaisi Debida. Mitaga matauna ipaiki gala wala bimom; kaimapula wala iligabu sopi baisa ivigaki semakavi baisa Guyau  
\v 19 e ikaibiga kawala, “Wa! Gala wala ibodi bamom baisa sopi! Kidamwa bamom baisa makawala bogwa bamom buyavisi tauwau matausina ikasalaisi si momova!” Mapaila ipaiki gala magila bimom sopi baisa. Baisa makawala si togaga leiyomitalaisi matausina taitolu tokabilia pwataboda. 
\p  
\v 20 E Abisai matauna Yowabi bodala matauna kasi tokugwa mabudona Kasitailuwotolu Dabala Si Wota. Matauna ikikabilia deli la kaiyala e ikatumati lakatutolu tauwau, e baisa ivigaki matauna kumatoula oluwalaisi mabudona Kasitailuwotolu Dabala Si Wota.  
\v 21 Matauna saina wala itomgwaga oluwalaisi mabudona Kasitailuwotolu e ivagi kasi tokugwa, mitaga la kabikabi gala wala isakaila mabudona Kasitaitolu. 
\p  
\v 22 E Benaia matauna Yeoyada latula tolela Kabisili matauna taitala dabala wota. Matauna bidubadu vavagi eiuvagi deli wala la tuvaluwa, makawala tuta matutona matauna ikatumati taiyu mina Mowabi si kumatoula. Okwaitala okweluvala tuta saina sibula matauna ibusi ila olumoulela kwaitala kasi nobwala laiyoni e ikatumati natana minasina.  
\v 23 Matauna tuvaila ikatumati taitala saina tovakaigaga tolela Itipita. Matauna kala woloula ikalisau uvatala, e la kaiyala saina kaiwonaku sainela oyamala wala iyosi. Benaia ikau la puluta iwaiya matauna, e ilebu guma Itipita la kaiyala titoulela iyosi e ibasi matauna metoya makaina.  
\v 24 Baisa makawala Benaia la togaga eiyomitali, matauna taitala oluwalela mabudona Kasitailuwotolu.  
\v 25 Matauna itokesa wala oluwalaisi mabudona Kasitailuwotolu, mitaga gala wala isakaila mabudona Kasitaitolu. E Debida ivigaki matauna kasi tokugwa komwaidona kala toyamata. 
\p  
\v 26-47 Matausina goli deli tokabilia saina topapeula yagasi makawala. 
\q1 Asaeli matauna Yowabi bodala 
\q1 Elanani matauna Dodo latula tolela Bedeliem 
\q1 Sammoti tolela Aroda 
\q1 Elesi tolela Peleti 
\q1 Ira matauna Ikesi latula tolela Tekowa 
\q1 Abiesa tolela Anatoti 
\q1 Sibekai tolela Usa 
\q1 Ilai tolela Awo 
\q1 Maarai tolela Netopa 
\q1 Eledi matauna Baana latula tolela Netopa 
\q1 Itai matauna Ribai latula tolela Gibia mapilana Beniamina 
\q1 Benaia tolela Piratoni 
\q1 Urai tolela Gaasa oitayatila 
\q1 Abieli tolela Abai 
\q1 Asimaveta tolela Baurum 
\q1 Eliaba tolela Saaliboni 
\q1 Asem tolela Gisoni 
\q1 Yonatani matauna Sagi latula tolela Arara 
\q1 Aiyam matauna Sakara latula tolela Arara 
\q1 Elipala matauna Ura latula 
\q1 Epera tolela Mekera 
\q1 Aiya tolela Peloni 
\q1 Esiro tolela Kamela 
\q1 Naarai matauna Esibai latula 
\q1 Yoweli bodala Netani 
\q1 Mibari matauna Agiri latula 
\q1 Seleki tolela Amoni 
\q1 Naarai tolela Biaroti, matauna Yowabi la guguwa kabilia tokeula 
\q1 Ira deli Gareba tolesi Yatira 
\q1 Uraia guma Itai 
\q1 Sabadi matauna Alai latula 
\q1 Adina matauna Sisa latula (matauna kasi tokugwa Rubeni dalela, deli ikugwai la boda titoulela budotala tailuwotolu) 
\q1 Anana matauna Maaka latula 
\q1 Yosapati tolela Mitani 
\q1 Usia tolela Asitera 
\q1 Samma sola Yeieli, matausina Otam litula, tolesi Aroera 
\q1 Yediaeli sola Yowa matausina Simri litula, tolesi Tisa 
\q1 Elieli tolela Maava 
\q1 Yeribai sola Yosavia, matausina Elinaam litula 
\q1 Itima tolela Mowabi 
\q1 Eleili, Obedi, deli Yaasieli tolesi Soba. 
\c 12  
\s1 Debida kala tobwakuli budomatala Beniamina odalela 
\p  
\v 1 Debida isisu ovalu Sikilagi, mapilana goli mwada bisipepuni metoya guyau Saulo. Mapilana goli bidubadu tokabilia tokabitam deli isim kasi dubumi ilokaiasi matauna iwakaisi si boda kwaitala,  
\v 2 komwaidona matausina odalela Beniamina madalana goli Saulo dalela. Matausina kasi tolova kaiyala deli peu bilovasi, e kakata kaina kikiwama biluvalovasi wala.  
\v 3-7 Aiesa sola Yowasi, matausina litula Semaa tolela Gibia ikikaraiwogaisi mabudona. 
\p Tokabilia yagasi makawala. 
\q1 Yesieli sola Peleti matausina Asimaveta litula 
\q1 Beraka sola Yeu tolesi Anatoti 
\q1 Isimaia tolela Gibioni, matauna tokabilia kumatoula deli taitala tokugwa oluwalaisi mabudona Kasitailuwotolu 
\q1 Yeremaia, Yaasieli, Yowaninani, deli Yosabada tolesi Gedera 
\q1 Elusai, Yerimoti, Bealaia, Semaraia, deli Sepatia tolesi Aripi 
\q1 Elikana, Isia, Asareli, Yowesera, deli Yasobim, odalela Kora 
\q1 Yowela deli Sebadaia, matausina Yeroam litula, tolela Gedori. 
\s1 Debida kala tobwakuli metoya odalela Gada 
\p  
\v 8 Baisa makawala yagasi matausina tokabilia dabala wota, saina tokabitam metoya odalela Gada matausina eitokailasi Debida la tokabilia tutala igau leisisuaisi mapilana kabokwala oviloupakala. Komwaidosi matausina kasi tokwabi vayoula deli kaiyala kala luvalova e si gasisi kala gigisa makawala laiyoni la gasisi deli si kaisakaula saina gigibula makawala diya la kaisakaula kala gigibula odabala koya.  
\v 9-13 Matausina kabasi leitakasasi tovakaveka eila watanawa, baisa makawala. Esa, Obedaia, Eliabi, Misimana, Yeremaia, Atai, Elieli, Yowanani, Elisabadi, Yeremaia, deli Makabanai. 
\p  
\v 14 Mimilisi tauwau metoya odalela Gada matausina saina tovakaveka ikugwaiyaisi tokabilia lakatuluwotala, mimilisi tuvaila eisakaili matausina kasi tokugwa lakatutala.  
\v 15 E kwaitala taitu olopola tubukona namatala e tuta makwaina sopi eititayelu ikatukuluvi papala Waya Yoridani, e wa tuta matutona matausina iluvipeilisi wala waya e ibokavilaisi tomota leisisuaisi oitayatilela waya mapilasina opilibomatu deli opilikwaibwaga. 
\s1 Tobwakuli metoya odalesi Beniamina deli Yuda 
\p  
\v 16 Kwaitala tuta budotala tauwau metoya odalesi Beniamina deli Yuda ilosi ambaisa Debida mesisiki.  
\v 17 Debida ilokaia ibodi matausina e iluki kawala, “Tauwau, kidamwa lokumaisi paila bitakalubailasi e bukupilasaimaisi, ibodi bukumaisi baisa. E bukutokailaimasi! Mitaga kidamwa paila bukukwasalaigusi baisa agu tilaula, ilagoli yeigu gala avigikoni mwada bayogagaimi, e ka, tubudoiasi si Yaubada bogwa binikoli baisa e matauna bimipukwaimi.” 
\p  
\v 18 E Yaubada la baloma isikaili taitala matausina, yagala Amasai, matauna makateki leimila kumatoula oluwalaisi mabudona Kasitailuwotolu. E matauna idou kawala, 
\q1 “Debida Yese latula, yakamaisi om boda! 
\q1 Yoku deli matausina availa availa eipilasaimsi bukutomgwagasi! 
\q1 Yaubada deli yokomi.” 
\m Debida ibigibwaili matausina e ivigaki la tokabilia kasi tokugwa. 
\s1 Tobwakuli metoya odalela Manasa 
\p  
\v 19 Mimilisi tokabilia metoya odalela Manasa ilokaiasi Debida ola boda avai tuta matauna eikatudelisi deli mina Pilisitia, bilosi ikabiliasi deli guyau Saulo. Mitaga matauna gala ipilasi mina Pilisitia, paila si gweguya ikokolasi idokaisi mwada matauna bisinapu matausina bilau baisa la guyau tobogwa Saulo, mapaila iwitalaisi matauna ikaimilavau Sikilagi.  
\v 20 E baisa makawala tokabilia yagasi metoya Manasa odalela eilokaiasi Debida ola boda avai tuta matauna eikaimilavau. Adanaa, Yosabada, Yediaeli, Maikeli, Yosabada, Eliu deli Siletai. E omitibogwa osi valu Manasa matausina isisuaisi si kumatoula tokabilia mabudosina kasi bawa lakatuluwotala tauwau.  
\v 21 Matausina iwotitalaisi Debida makawala kumatoula odubasi tokabilia, paila wala matausina dabala wota. Oluvi matausina imila kumatoulasi oluwalaisi Isireli tokabilia.  
\v 22 Yam kwaitala kwaitala touwovau tauwau ikatumkulovaisi Debida kala boda, e la tokabilia saina nanakwa ibudoveka. 
\s1 Debida la tokabilia kasi bawa 
\p  
\v 23-37 Tuta matutona Debida leisisu mapilana Ebironi, bidubadu tokabilia matausina bogwa eibodi bikabisi okawakali iwakaisi boda kwaitala deli latokabilia paila bivigakaisi matauna biguyau kaimapula Saulo, makawala Guyau eikatotila. Kasi bawa baisa makawala. 
\q1 Yuda dalela. 6,800 si vayoula deli si kaiyala oyumasi wala 
\q1 Simioni dalela. 7,100 matausina kikiboda 
\q1 Libai dalela. 4,600 
\q1 Yeoyada kala tobwakuli odalela Eroni. 3,700 
\q1 Sadoki matauna matala gidageda. vaiyola tailuwoyu taiyu dabala wota 
\q1 Beniamina odalela (baisa Saulo dalela tatoula). 3,000 (mebawa tomotala Beniamina eikamiabaisi Saulo) 
\q1 Epereim dalela. 20,800 pwataboda odalesi titoulesi 
\q1 Manasa Opilikwaibwaga. 18,000 inagaisi bilosi bivigakaisi Debida biguyau 
\q1 Isaka dalela. lakatuyu tokugwa, matausina ikugwaiyaisi tokabilia (tokugwa matausina inikolaisi avaka mina Isireli ibodi bivagaisi deli binagaisi tutala bwaina paila bivagaisi) 
\q1 Sebuloni. 50,000 matausina tokamokwita isim kasi dubumi tolesi vilougaga kasi tokwabi guguwala kabilia 
\q1 Napitalai. 1,000 tokugwa deli goli 37,000 si tokabilia matausina tokwabisi vayoula deli kaiyala 
\q1 Dani. 28,600 tovabodesi keda 
\q1 Asera. 40,000 tauwau tolesi vilougaga 
\q1 E dala madilasina mapilana opilibomatu Waya Yoridani - Rubeni, Gada, deli Manasa opilibomatu. kasi bawa 120,000 tokabilia matausina kasi tokwabi guguwala kabilia. 
\p  
\v 38 Komwaidona matausina tokabilia ivitobwaisi ninasi ikatubaiasasi paila kabilia ilosi Ebironi, paila bivasanaisi Debida biguyoi Isireli viloumwaidona. E kesalaga komwaidosi tomotala Isireli ininatalasi mokwita makawala.  
\v 39 E matausina isisuaisi deli Debida iboda kwaitolu yam, e veisia wala ikamovaisi matausina.  
\v 40 E metoya obusibusila valu mapilana opiliyavata odalesi Isaka, Sebuloni, deli Napitalai tomota leimaisi imiakaisi wala si ase, kameli, wosa nakikekita, deli bulumakau ikedidagaisi otupwasi kaula - si pwarawa, si seuseu, si bali, si waini, deli olibe bulamila. Tuvaila matausina imaiyaisi bulumakau deli sipi paila bikatumataisi paila kasi gwaba. Komwaidona pilasi makwaisina iyomitali si mwasawa paila bulogala bikalukubali viloumwaidona Isireli. 
\c 13  
\s1 Kabutu didawogala ikauwaisi metoya Kiriati Yearim 
\r (2 Sml 6.1-11) 
\p  
\v 1 Guyau Debida ikaiyakusi deli komwaidona tokabilia tokugwala mabudosina lakatuluwotala tokabilia deli mabudosina lakatutala.  
\v 2 Oluvi matauna ikagai baisa mina Isireli komwaidona, ikaibiga kawala, “Kidamwa bukuvitoubwaisi mi nanamsa e kidamwa goli baisa Guyau da Yaubadasi nanola makawala, ibodi bitawitalaisi biga bilokaia sedaiasi opapadasi deli tolula toyo mina Libai osi valu, e bitalukwaisi bimaisi bitakougugulasi gulitinidesi baisa.  
\v 3 E oluvi bitalosi takauwaisi Guyau la Kabutu Didawogala, makwaina leipakaisi igau ola tuta Saulo eiguguyau.”  
\v 4 E tomota iyebwailisi nanamsa makwaina mapaila ikabwailisi. 
\p  
\v 5 Mapaila Debida ikoguguli mina Isireli metoya ovalu komwaidona, ivitouula okaligeila Itipita mapilana opilibolimila e ila makadana Amati Kadaula opiliyavata, kidamwa igagabila bikauwaisi Kabutu Didawogala metoya Kiriati Yearim bimaiyaisi Yerusalem. \x - \xo 13.5 \xt 1 Sml 7.1-2\x* 
\v 6 Debida deli la tomota ilosi ovalu Beali, mavilouna goli Kiriati Yearim, oviluwela Yuda, paila bikauwaisi Yaubada la Kabutu Didawogala, makwaisina kala ginigini yagala Guyau odabala minasina bubuli nammomova isim pinupanesi.\x - \xo 13.6 \xt Sun 25.22\x* 
\v 7 Matausina isunupuloiyaisi Kabutu Didawogala metoya ola bwala Abinadaba e isailisi odabala kaitala waga kaibibiu kaivau. Usisai deli Aiyo ikuligaisi makaina,  
\v 8 e Debida deli komwaidona tomota ikikaiwosisi deli si mwasawa iyakawolaisi Yaubada. Matausina iwosisi deli iwawaisi guguwala makwaisina gita, kaisousau, sasani deli tauya. 
\p  
\v 9 Avai tuta leivakanasi makatupona okabotutula witi mapilana Kidoni, bulumakau minasina isilibeibeusi, e Usisai ikalakova ikikuloti Kabutu Didawogala.  
\v 10 E tuta makwaina Guyau igibuluwi Usisai e ikatumati matauna paila eiyosi Didawaga makwaina. Matauna ikaliga wala makatupona omatala Yaubada,  
\v 11 e mapaila valu makatupona eidokaisi yagala Peresi Usisai\f d \ft Maigana obonasi mina Iberu kala kivila “Kala mipuki Usisai”. \f* metoya yam makwaina e leima lagaila. E Debida ikaleiya paila Guyau eimipuki Usisai metoya ola gibuluwa. 
\p  
\v 12 Oluvi Debida saina ikukoli Yaubada e ikaibiga kawala, “Wi, ammakawala bavigaki bakau balau Kabutu Didawogala tuta baisa?”  
\v 13 Mapaila Debida gala wala ikau ilau Yerusalem. Mitaga kaimapula wala isaiwa ola bwala taitala tau yagala Obedi Edom matauna tolela Gata.  
\v 14 E makwaina itotu wala baisa iboda natonu tubukona, e Guyau imitukwaii Obedi Edom toyo litula deli goli komwaidona avaka avaka la vavagi tatoula. \x - \xo 13.14 \xt 1 Lil 26.4-5\x* 
\c 14  
\s1 Debida olopola Yerusalem 
\r (2 Sml 5.11-16) 
\p  
\v 1 Guyoula Taia yagala Iram iwitali kwaitala boda baisa Debida paila bigigimwalasi youdila e deli bikatumapusi guguwa. Isaiki Debida makaisina kai kweisila paila youdila, e deli goli matausina tokabitam kaliai metoya dakuna deli metoya kai, kidamwa bikaliaiisi kwaitala ligisa.  
\v 2 E mapaila Debida itapuloki nanola paila Guyau bogwa eisaili matauna kidamwa biguyoi Isireli, e eivigaki la kabokaraiwaga biyouloveka, paila wala kasi bwaina la tomota. 
\p  
\v 3 E bogwa eisisu Yerusalem, matauna Debida ikatumkulovi la kukova e tuvaila iuni litula guduwovau tauwau deli vivila.  
\v 4 Litula eikaloubusisi mapilana Yerusalem yagasi Sammwa, Sobabi, Netani, Solomoni,  
\v 5 Iba, Elisuwa, Epeleti,  
\v 6 Noga, Nepegi, Yapia,  
\v 7 Elisama, Beeliada, Elipeleti. 
\s1 Tomgwaga odubasi mina Pilisitia 
\r (2 Sml 5.17-25) 
\p  
\v 8 Avai tuta mina Pilisitia inakaigalaisi Debida bogwa leivigakaisi eiguyoi viloumwaidona Isireli, e si tokabilia mina Pilisitia ilosi mwada bikatupipaisi matauna. Mapaila Debida ila bibodi matausina.  
\v 9 Mina Pilisitia iviloubusisi Itayatilela Repaim e ivitouulasi ikwayaisi valu.  
\v 10 Debida inigada baisa Yaubada kawala, “Ibodi bakabilii mina Pilisitia ke? Ki bogwa bukuvigakaigu batomgwaga?” 
\p E Guyau ivitakauloki kawala, “Bwaina wala, kula kukwabilii! Yeigu bogwa bavigakaim bukutomgwaga!” 
\p  
\v 11 Mapaila Debida isugigai matausina mapilana Beali Perasim e ikalisau matausina. Matauna ikaibiga kawala, “Yaubada bogwa eivigakaigu basugigai tilaula si tokabilia makawala dadoya bititayelu.” Mapaila valu makatupona idokaisi Beali Perasim.\f e \ft Maigana obonasi mina Iberu “Guyoula sugigai”.\f* 
\v 12 Avai tuta mina Pilisitia leisakaulasi, matausina iligaiwaisi minasina si yaubada tokolu, e Debida ikaraiwaga bigabwaisi minasina. 
\p  
\v 13 Avai tuta mina Pilisitia ikaimilavausi oitayatila ivitouulasi ikwayaisi valu tuvaila.  
\v 14 E Debida tuvaila ikatupoi Yaubada, e ivitakauloki kawala, “Gala bukusugigai matausina metoya mapilana, mitaga kutavina kula kukwatubaiasa katitaikinela mapoulona kai paninita.  
\v 15 E avai tuta bukulagi luluwasi tokwabilia odogina kai makaisina, e kusugigai, paila yeigu bogwa balobogwa omatam paila batomgaga odubasi mina Pilisitia tokabilia.”  
\v 16 E Debida ivagi avaka Yaubada leikaraiwogi, mapaila matauna ibokavili mina Pilisitia metoya Gibioni iiyosi goli ilau Gesera.  
\v 17 E Debida bulogala ikaligiaki ambaisa ambaisa e Guyau ivigaki boda komwaidona ikukolaisi matauna. 
\c 15  
\s1 Ikatubiasaisi Kabutu Didawogala bisupeilisi 
\p  
\v 1 Debida ikaliai mimilisi bwala paila titoulela olumoulela makatupona idokaisi Debida la Vilouveka. Matauna tuvaila ikatubiasi kwaitala kebila paila Yaubada la Kabutu Didawogala e ikatuvakai katuvala odabala makwaina.  
\v 2 Oluvi matauna ikaibiga kawala, “Kasimwaleta wala mina Libai ibodi bikeulasi Kabutu Didawogala, paila matausina Guyau leinagi si koni makwaina deli biwotitalaisi matauna tuta gala biwokuva.” \x - \xo 15.2 \xt Kak 10.8\x* 
\v 3 Mapaila Debida idou komwaidona tomotala Isireli bisigugulasi olopola Yerusalem paila tuta matutona Kabutu Didawogala bimaiyaisi okabala matauna bogwa leikatubiasi.  
\v 4 Tuvaila matauna idou dalela Eroni deli mina Libai.  
\v 5 Metoya mina Libai odalela Kowati, Urieli leima, matauna kasi tomoya dala madilana kasi bawa lakatutala tailuwoyu;  
\v 6 e metoya odalela Merari, Asaia leima, matauna kasi tomoya kasi bawa lakatuyu tailuwoyu;  
\v 7 metoya odalela Gerisoni, Yoweli leima, matauna kasi tomoya kasi bawa lakatutala tailuwotolu;  
\v 8 metoya odalela Elisapani, Semaia leima, matauna kasi tomoya kasi bawa lakatuyu;  
\v 9 metoya odalela Ebironi, Elieli leima, matauna kasi tomoya kasi bawa tailuwolima tailuwotolu;  
\v 10 e deli metoya odalela Usieli, Aminadaba leima, matauna kasi tomoya kasi bawa lakatutala tailuwotala taiyu. 
\p  
\v 11 E Debida idou tolula isuvisi Sadoki deli Abiata deli goli mina Libai kasitailima kasitaitala Urieli, Asaia, Yoweli, Semaia, Elieli deli Aminadaba.  
\v 12 Matauna iluki matausina mina Libai kawala, “Yokomi tokugwala dala dilatala dilatala. Ka, kukwatumigileuwaimi titoulemi deli goli semia mina Libai e bigagabila bukumaiyaisi Guyau da Yaubadasi la Kabutu Didawogala bima okabala bogwa lakatubiasi.  
\v 13 Paila omitivaula yokomi gala deli paila bukukwatikeuwaisi makwaina didawaga mwada bitatemmalaisi Guyau da Yaubadasi mitaga gala tavagaisi makawala, mapaila matauna imipukwaidasi.” 
\p  
\v 14 Oluvi tolula deli mina Libai ikatumigileuwaisi titoulesi e igagabila bikauwaisi Guyau matauna Isireli la Yaubada la Kabutu Didawogala.  
\v 15 E mina Libai ilupaisi makwaina kaitakewala e ikatikewaisi, makawala Guyau bogwa leikaraiwogi Mosese. \x - \xo 15.15 \xt Sun 25.14\x* 
\p  
\v 16 Debida ikaraiwogi mina Libai kasi tokugwa binagaisi mimilisi sesia mina Libai paila biusiwosisi deli bimwasawasi metoya gita deli sasani.  
\v 17-21 E metoya odalesi mabudona tousiwosi, matausina inagaisi tauwau matausina paila kala katubabila sasani eibubulokaisi tanumnumta barasi yagasi baisa makawala. Emani matauna Yoweli latula, vaiyola Asapi matauna Berekia latula, deli Etani matauna Kusaia latula, odalela Merari. E paila kasi topilasi matausina inagaisi mimilisi mina Libai paila towawai yuka, matausina yagasi. Sekaraia, Yaasieli, Semiramoti, Yeyeli, Uni, Eliabi, Maaseya, deli Benaia. 
\p Paila towawai gita inagaisi mina Libai. yagasi Matitia, Elipeleu, Mikineya, Asasaia, deli Bwala Kwebumaboma toyamatela, Obedi Edom sola Yeieli. 
\p  
\v 22 E paila Kenania matauna saina kala tovagi butubutu wosi inagaisi matauna paila bikugwai mabudona mina Libai towosi.  
\v 23-24 Berekia sola Elikana, deli goli Obedi Edom deli Yeiya matausina leinagaisi paila biyamataisi Kabutu Didawogala. E tolula matausina Sebania, Yosapata, Netaneli, Amasai, Sekaraia, Benaia, deli Eliesa matausina leinagaisi toyuvisi tauya omatala Kabutu Didawogala. 
\s1 Kabutu Didawogala ilauwaisi Yerusalem 
\r (2 Sml 6.12-22) 
\p  
\v 25 Mapaila Guyau Debida deli tokugwala Isireli, deli goli tokabilia si kumatoula ilosi ola bwala Obedi Edom paila bikauwaisi Kabutu Didawogala, e ivagaisi kwaiveka paka.  
\v 26 Matausina isemakavaisi nalima nayu bulumakau deli nalima nayu sipi, paila bisimokwitasi Yaubada bipilasi mina Libai matausina eikikatakewasi Kabutu Didawogala.  
\v 27 E Debida kala karekwa eisisikoma saina yamanabwaita yakakaraia, makawala goli matausina tousiwosi deli kasi tokugwa Kenania e deli goli matausina mina Libai eikoukeulasi eikikatakewasi Didawaga makwaina. E Debida tuvaila isikoma yatala yakakaraia epodi.  
\v 28 Mapaila komwaidona mina Isireli iwoluluwaisi Kabutu Didawogala ilauwaisi Yerusalem deli uliyuwa, butula tauya, lilolilo, sasani, deli gita. 
\p  
\v 29 Avai tuta Didawaga bogwa eiviloubusiaisi ovalu, e Mikali, minana Saulo latula itadoyai ola bwala e igisi guyau Debida ikikaiwosi ileuleusa deli wala la mwasawa, e minana igibuluwi matauna kawala, “Wii! Ina mineina nona.” \fig (1CH 15.28) shouts of joy… butula tauya, lilolilo, deli gita|src="Vallotton 1301528" size="col" ref="15.28" \fig* 
\c 16  
\p  
\v 1 Matausina ikauwaisi Kabutu Didawogala ilauwaisi isewoyasi obuliyoyova makwaina Debida bogwa leikatubiasi. Oluvi isemakaiyaisi kalubaila semakaila deli igabusi lula baisa Yaubada.  
\v 2 Avai tuta Debida eivenoku katubaiasa semakavi, matauna ibigibwaili tomota oyagala Guyau  
\v 3 e ivili kaula baisa oluwalaisi komwaidosi tomota. Komwaidona tomotala Isireli ikulasi kasi vilavila kwaitala beredi kuwotala viliona leigabwaisi, deli bukotala uwala waini. 
\p  
\v 4 Debida iluki mimilisi mina Libai paila bikugwaiyaisi kala tapwaroru Guyau Isireli la Yaubada omatala Kabutu Didawogala, metoya biusiwosisi deli biyakawolaisi matauna.  
\v 5 Asapi inagaisi matauna bikugwa deli Sekaraia matauna kala topilasi. E matausina Yeieli, Semiramoti, Yeyeli, Matitia, Eliabi, Benaia, Obedi Edom, deli Yeieli matausina towawai gita. Asapi matauna tokatubabila sasani,  
\v 6 deli taiyu tolula, Benaia sola Yaasieli matausina toyuvisi tauya omatala Kabutu Didawogala.  
\v 7 E wa tuta matutona Debida isaiki Asapi deli sala mina Libai si koni paila biusiwosisi kala yakaula Guyau. 
\s1 Wosila yakaula 
\r (Sam 105.1-15; 96.1-13; 106.47-48) 
\q1  
\v 8 Bitanokagutoki baisa Guyau, e bitakamitulaisi matauna Tovakaigaga; 
\q2 bitalukwaisi boda ituwoli ituwoli avaka avaka eiuvagi. 
\q1  
\v 9 Bitawosisi kala yakaula Guyau; 
\q2 bitalivalasi makwaisina vavagi kabokatubau avaka avaka eiuvagi. 
\q1  
\v 10 Bitamwasawasi paila eivigakaidasi la vavagi goli; 
\q2 ibodi komwaidosi availa availa ititapwarorusi baisa matauna bimwasawasi! 
\q1  
\v 11 Bitalokaiasi Guyau paila pilasi 
\q2 e tuta komwaidona bitatapwarorusi baisa matauna. 
\q1  
\v 12-13 E yokomi tubula Yekobe, matauna Yaubada la touwata, 
\q2 e yokomi tubula Isireli, matauwena Yaubada einagi, 
\q2 bukululuwaisi makwaisina kabutuvatusi eiuvagi Yaubada, 
\q2 deli bukululuwaisi la yakala makwaisina. 
\q1  
\v 14 Guyau matauna da Yaubadasi; 
\q2 matauna la karaiwaga duwosisia isisu paila komwaidosi mina watanawa. 
\q1  
\v 15 Gala bitalumwelavaisi Yaubada la kabutu, 
\q2 makwaina leivagi paila bikanuvagasi goli. 
\q1  
\v 16 Kabutu makwaina bivagi makawala baisa Eberaam, 
\q2 e la biga katotila baisa Aisake. \x - \xo 16.16 \xt Vit 12.7; 26.3\x* 
\q1  
\v 17 Guyau eikabutu deli Yekobe, 
\q2 e baisa goli bikanigaga. \x - \xo 16.17-18 \xt Vit 28.13\x* 
\q1  
\v 18 Kawala, “Bogwa basakaim makubilana Kenani, 
\q2 e bukuvigaki m vavagi tatoum.” 
\b  
\q1  
\v 19 Omitibogwa Yaubada la tomota gala ibawasi 
\q2 e isisuaisi tomitawasi wala mapilana Kenani. 
\q1  
\v 20 Iwowausi wala avai valu avai valu 
\q2 e deli avai kabokaraiwaga avai kabokaraiwaga. 
\q1  
\v 21 Mitaga Yaubada gala itagwala availa bilamidadi matausina; 
\q2 magila bikoli matausina e mapaila ikamitilaki gweguya; \x - \xo 16.21-22 \xt Vit 20.3-7\x* 
\q1  
\v 22 kawala, “Taga kuyogagaisi matausina ulo towotetila bogwa lanagi. 
\q2 Taga kukwabikonaisi matausina ulo tovitoubobuta.” 
\b  
\q1  
\v 23 Komwaidomi mina watanawa, kuwosisi baisa Guyau! 
\q2 Yam kwaitala kwaitala bukukwamitulaisi bulogala bwaina paila matauna bogwa eikolaidasi. 
\q1  
\v 24 Kukwamitulaisi la guyugwayu baisa boda ituwoli ituwoli; 
\q2 deli vavagi topilaveka baisa komwaidona tomota. 
\b  
\q1  
\v 25 Guyau matauna toveka, e ibodi kala yakaula saina kwaiveka, 
\q2 bibodi kala taimamila odubasi komwaidona yaubada. 
\q1  
\v 26 Boda ituwoli ituwoli si yaubada tokoluwokuva wala 
\q2 mitaga da Guyausi eibubuli labuma komwaidona. 
\q1  
\v 27 Kala kalugologusa visigala saina guyugwayu sainela isisu baisa matauna. 
\q2 Peula deli mwasawa ikasewoki la Bwala Kwebumaboma. 
\b  
\q1  
\v 28 Komwaidomi mina watanawa bukuyakawolaisi Guyau, 
\q2 bukuyakawolaisi kala katububula deli la peuligaga. 
\q1  
\v 29 Bukuyakawolaisi matauna Guyau Toguyugwayu; 
\q2 deli mi semakavi bukusuvisi ola Bwala Kwebumaboma. 
\q1 Avai tuta matauna Tobumaboma biyoumatila, 
\q2 bukukwavaginasi baisa omatala. 
\q1  
\v 30 Komwaidomi mina watanawa! Bukutatuvasi omatala matauna, 
\q2 valu watanawa itotu peula okabala e gala gagabila biyega. 
\q1  
\v 31 Bukumwasawasi, valu watanawa deli labuma! 
\q2 Kulukwaisi boda komwaidona Yaubada matauna Guyau. 
\q1  
\v 32 Bolita, kukwaipolu deli bubuli komwaidona olumoulela kuguvavilasi, 
\q1 kumwasawasi, bagula makwaisina, deli vavagi komwaidona olumoulemi! 
\q1  
\v 33 Kai makaisina olawodila bidousi deli si mwasawa 
\q2 avai tuta Guyau bima paila biguyoi valu watanawa. 
\b  
\q1  
\v 34 Kunokagutokisi baisa Guyau, paila uula matauna giyoubwaila 
\q2 la yebwaili bikanigaga. \x - \xo 16.34 \xt 2 Lil 5.13; 7.3; Esi 3.11; Sam 100.5; 106.1; 107.1; 118.1; 136.1; Yer 33.11\x* 
\q1  
\v 35 Bukulukwaisi matauna, kawami, “Mwa! Guyau ma Yaubadasi, kukolaimasi, 
\q2 e kukwaimilivauwaimasi metoya oluwalaisi boda tuwoli tuwoli, 
\q2 e gagabila bakanokagutokisi 
\q2 deli bakayakawolaimsi yoku Tobumaboma.” 
\q1  
\v 36 Kala yakaula Guyau, matauna mina Isireli si Yaubada. 
\q2 Kuyakawolaisi matauna tuta baisa deli tuta gala biwokuva! 
\b  
\p E tomota komwaidona ikaibigasi kawasi, “Emeni,” e iyakawolaisi Guyau. 
\s1 Tapwaroru mapilana Yerusalem deli Gibioni 
\p  
\v 37 E guyau Debida ivigaki Asapi deli sala mina Libai si koni kwekanuvagasi paila bikaraiwagasi tapwaroru makwaina leiuvagaisi makatupona ambaisa Kabutu Didawogala eikanukwenu. Matausina bivagaisi si paisewa yam kwaitala kwaitala.  
\v 38 Obedi Edom matauna Yedutuni latula deli tailuwolima tailuwotala tailima taitolu tauwau metoya odalela bipilasaisi matauna. Osa deli Obedi Edom matausina tokaraiwogasi paila kala yamata kalapisila komwaidona. 
\p  
\v 39 E Sadoki tolula deli sala wala tolula, matausina tokaraiwogala tapwarorula Guyau mapilana Gibioni si kabotapwaroru.  
\v 40 Kaukwau deli koyavi kwaitala kwaitala bigigabwaisi lula namwaidona wala okabogwabu lula makawala karaiwogala kala ginigini isisu obukila karaiwaga mapilana Guyau leisaiki mina Isireli.  
\v 41 E deli itotusi Emani sola Yedutuni deli goli mimilisi tuvaila bogwa leinagaisi paila biusiwosisi Guyau kala yakaula, paila la yebwaili kwekanuvagasi.  
\v 42 Emani sola Yedutuni tuvaila tokaraiwogala paila tauya sasani deli goli komwaidona guguwala mwasawa makwaisina biwaisi avai tuta biusiwosisi wosila yakaula. E Yedutuni dalela matausina tokwaraiwogala paila kalapisila komwaidona. 
\p  
\v 43 Oluvi komwaidona ilosi osi bwala. Debida tuvaila ikaimilavau ola bwala paila bisisu mimilisi wala tuta deli litula. \x - \xo 16.43 \xt 2 Sml 6.19-20\x* 
\c 17  
\s1 Netani la biga baisa Debida 
\p  
\v 1 Guyau Debida isisu ola ligisa, e kwaitala yam matauna iwitali biga baisa tovitoubobuta Netani e iluki matauna kawala, “Ka, mayeigula lasisu olopola bwala makwaina eikaliakaisi kai kweisila, mitaga Guyau la Kabutu Didawogala kabala olopola kwaitala buliyoyova!” 
\p  
\v 2 E Netani ivitakauloki kawala, “Kuvagi avaka lokuninamsi onanom, paila Guyau isikailim.” 
\p  
\v 3 Mitaga wa bogi makwaina Guyau iluki Netani kawala,  
\v 4 “Mwa! Kula kuluki ulo touwata Debida kidamwa yeigu lalilivala baisa matauna kawagu, ‘Yoku gala kam naga paila bukukwaliai ulo Bwala Kwebumaboma paila basisu olumoulela.  
\v 5 Wa tuta matutona lakoli mina Isireli metoya Itipita e leima lagaila, yeigu gala avai tuta asisu olopola kwaitala bwala kwebumaboma. Tuta komwaidona lasisu olumoulela buliyoyova e latitavina ambaisa ambaisa.  
\v 6 E ogu tavina deli mina Isireli, gala avai tuta akatupoi matausina kasi tokugwa avaka uula gala ikaliaii kwaitala ulo bwala kwebumaboma metoya kai kweisila.’ 
\p  
\v 7 “Mapaila kuluki ulo touwata Debida kidamwa yeigu Guyau Topeuligaga lalilivala baisa matauna kawagu, ‘Yeigu lakauwaim metoya lokuiiyamata sipi osaivau e lavigakaim kasi tokaraiwaga ulo tomota mina Isireli.  
\v 8 Yeigu deli wala yoku metoya om loula komwaidona, avai tuta lokusuvi kulum e yeigu akalisau komwaidona kam tilaula. Yeigu bavigakaim butum makawala todidabala tokugwala ovalu watanawa.  
\v 9-10 E yeigu bogwa lanagi kwaitala valu paila ulo tomota mina Isireli e lavigaki imilivalusi mapilana, e baisa bisisuaisi luvala uwosi gala tuvaila availa bilamidadi matausina. Omitibogwa matausina leimemaisi bisuvisi ovalu makwaina e tomota togigasisi iwawaiyasi matausina mitaga tuta baisa gala tuvaila bikaloubusi makawala. Yeigu bogwa lakatotila paila bakolaim metoya komwaidona kam tilaula deli basakaim tubumwa bidalasi.  
\v 11 Avai tuta bukukwaliga e bibakwaimsi ambaisa tubumwa kasi laka, yeigu bavigaki taitala latum biguyau e bayamati la kabokaraiwaga bipeula.  
\v 12 E matauna goli bikaliai ulo Bwala Kwebumaboma, e yeigu bavigaki matauna dalela biguguyausi bikanuvagasi goli.  
\v 13 Matauna bidokaigu tamala e yeigu badoki latugu. Mitaga yeigu gala wala bakiyumali yamagu baisa matauna, makawala lavigaki Saulo, paila matauna la guyau lakau kidamwa yoku bukuguyau. \x - \xo 17.13 \xt 2 Kr 6.18; Ib 1.5\x* 
\v 14 Yeigu bavigaki matauna latum bikaraiwogi ulo tomota deli ulo kabokaraiwaga bikanigaga. Matauna dalela gala kala kalitutila.’” 
\p  
\v 15 E Netani iluki Debida komwaidona avaka Yaubada eiyomitali baisa matauna. 
\s1 Debida la nigada nokagutoki 
\p  
\v 16 E oluvi guyau Debida isuvi Guyau ola Buliyoyova e isili inigada kawala, “Mwa Guyau, yeigu tokai wala e makawala goli veyagwa tokai wala, mitaga lokumitukwaiyaimasi goli.  
\v 17 E tuta baisa wala lokukwatumkulovi tuvaila mitakwai, paila lokukwatotila mimilisi vavagi paila tubugwa igau taitu makwaisina bimemaisi. E Guyau Yaubada lokuvigakaigu makawala yeigu towalakaiwa.  
\v 18 E avaka tuvaila ibodi balukwaim? Bogwa lokunikolaigu, mitaga kwamiabaigu goli, yeigu m touwata.  
\v 19 E baisa bogwa wala makawala nanom lokunagi kidamwa bukuvagi baisa. Paila bogwa lokuvagi makwaisina vavagi kwevakaveka mwada bukuvitulokaigu ammakawala yeigu igau bavagi taitala toveka.  
\v 20 Mwa Guyau! Gala wala availa bipataim; tuta komwaidona bogwa lakanikolaimsi paila yoku kammwaleta wala Yaubada!  
\v 21 E baisa odabala pwaipwaia gala kwaitala boda isisu makawala mina Isireli. Matausina lokukoli metoya wa ula, e lokuvigaki matausina m tomota tatoum. E bogwa lokuvagi vavagi siligaga deli bwainigaga paila matausina, e baisa iyoyu butum ila igubami valu watanawa. Yoku kukoli m tomota metoya mapilana Itipita, e bogwa lokubutugigai mimilisi boda omitasi m tomota avai tuta isuvaisi kulusi.  
\v 22 E bogwa lokuvigaki mina Isireli paila m tomota tatoum paila tuta gala biwokuva, e yoku Guyau yoku goli si Yaubada. 
\p  
\v 23 “Mwa! Guyau Yaubada, tuta baisa bukuvagi avaka lokukwatotila paila yeigu deli tubugwa. Ibodi bukuvagi avaka m biga mwada bukuvagi.  
\v 24 E bogwa biyoyu butum, deli goli m tomota bikikayayaisi tuta gala biwokuva, kawasi, ‘E matauna Guyau Topeuligaga matauna mina Isireli si Yaubada.’ E makawala goli bukukoli tubugwa odalegu tuta gala biwokuva.  
\v 25 Yeigu deli ulo tuvaluwa anigadaim yoku ulo Yaubada, paila uula lokuyomitali vavagi makwaisina baisa yeigu goli m touwata. Lokulukwaigu mwada komwaidona tubugwa bukuvigaki biguguyausi wala.  
\v 26 E ka, Guyau yoku wala Yaubada, e lokuvagi makawala avaka m biga katotila saina bwainigaga baisa yeigu.  
\v 27 Anigadaim kidamwa bukukwabwaili tubugwa, e igagabila bisibwabwailasi olumoulela m mitakwai. Mwa! Guyau bogwa lokukwabwaili matausina e mabigana m kwabwaila bikanuvagasi odubasi tuta gala biwokuva.” 
\c 18  
\s1 Debida la tomgwaga 
\p  
\v 1 E tuta ituwoli Guyau Debida ikabilii mina Pilisitia tuvaila e ikalisau matausina. Iyouli mapilana Gata deli goli mavilousina opapala.  
\v 2 E tuvaila matauna ikalisau mina Mowabi, e ivigaki matausina la touwata ipokapokalasi baisa matauna. 
\p  
\v 3 Oluvi Debida ikabilii guyau Adadesa matauna guyoula Soba mavilouna eitotu Siria olopola katitaikinela Amati la kabokaraiwaga, paila uula Adadesa eivigikoni mwada bikaraiwogi mapilana Waya Yupereiti walakaiwa.  
\v 4 Debida iyosi lakatuluwotala la waga kaibibiu, 7,000 la wosa tosisila deli 20,000 matausina tokabilia. E metoya minasina wosa inagi mimilisi kala bawa avaka bibodi paila lakatutala waga kaibibiu e komwaidona kesala minasina ikatumkumku wala kaikesi iwokuva. 
\p  
\v 5 Avai tuta mina Siria mapilana Damasiko iwitalaisi tokabilia paila bipilasaisi guyau Adadesa, Debida ikabilii matausina e ikatumati kasi bawa 22,000.  
\v 6 Oluvi matauna ibudi tokabilia si kabeikau olumoulela si valu, e ivigaki matausina la touwata ipokapokalasi baisa matauna. Guyau ivigaki Debida ititomgwaga ambaisa ambaisa ilokaia.  
\v 7 Debida ivayouli makaisina Adadesa la kumatoula si vayoula goulawokuva e ikau ilau Yerusalem.  
\v 8 Tuvaila matauna ikau saina bidubadu tanumnumta barasi metoya ovalu Tibati deli Kuni, mavilousina Adadesa la kabokaraiwaga. (Igau oluvi Solomoni ivigaki magulona tanumnumta barasi ibubuloki kaitavikotala sopi, makaisina kokola deli goli guguwala barasi paila Bwala Kwebumaboma.) \x - \xo 18.8 \xt 1 Gwe 7.40-47; 2 Lil 4.11-18\x* 
\p  
\v 9 E Guyau Toi guyoula Amati inakaigali bulogala Debida bogwa leitomgwaga odubasi Adadesa la tokabilia komwaidona.  
\v 10 Mapaila matauna iwitali latula yagala Yoram bila bibodi guyau Debida e bibigibwaili matauna paila bogwa leitomgwaga odabala Adadesa, matauna goli guyau Toi bidubadu tuta eikabilii. Yoram iuyoki Debida kala bobwailila eibubulokaisi goula, siliba deli tanumnumta barasi.  
\v 11 E guyau Debida ikabomi makwaisina oyagala Guyau paila wotitalela tapwaroru deli goli makwaisina eibubulokaisi siliba deli goula leikauwaisi metoya boda mabudosina bogwa leiyouli makawala mina Edom, Mowabi, Amoni, Pilisitia, deli Amaleki. 
\p  
\v 12 Abisai matauna inala Seruya eikalisau mina Edom makwaina Itayatilela Yona e ikatumati matausina kasi bawa 18,000. \x - \xo 18.12 \xt Sam 60\x* 
\v 13 Matauna ibudi tokabilia si kabeikau olopola Edom, e tomota isisuaisi baisa Guyau Debida e ivigaki la towotetila wala. E Guyau Yaubada ivigaki Debida ititomgwaga ambaisa ambaisa. 
\p  
\v 14 Debida iguyoi Isireli komwaidona, e matauna iiyamati la tomota tuta komwaidona bilumkolaisi karaiwaga bwaina deli duwosisia.  
\v 15 Abisai bodala Yowabi matauna si kumatoula tokabilia; Yeosepata matauna Ailudi latula, isim la koni biyamati giniginila liliula valu.  
\v 16 Aituba latula Sadoki sola Abiata latula Aimeleki matausina tolula deli Seraia matauna toginila karaiwaga;  
\v 17 Benaia matauna Yeoyada latula, matauna goli kasi tokaraiwaga komwaidosi Debida kala toyamata, e Guyau Debida litula si wotetila baisa tumasi saina walakaiwa. 
\c 19  
\s1 Debida itomgwaga odubasi mina Amoni deli mina Siria 
\p  
\v 1 E igau oluvi guyau Neyasi mapilana Amoni ikaliga, e latula Anuni iguyau.  
\v 2 E guyau Debida ikaibiga, kawala, “Ibodi bayomitali ulo mitakwai baisa Anuni, makawala tamala Neyasi leivigakaigu.” Mapaila Debida iwitali touwata bilosi bisalaisi avaka Debida nanola kala mmayuyu paila tamala la kaliga. 
\p Avai tuta eiviloubusisi Amoni e ilokaiasi guyau Anuni,  
\v 3 e mina Amoni kasi tokugwa ilukwaisi guyau, kawasi, “Ki kudoki baisa tamam kala kamaiaba e Debida leiwitali tomota matausina leimaisi paila bisalaisi avaka nanola baisa yoku? Mwa gala biga mokwita kakatulokaimsi gala wala! Matauna leiwitali leimaisi paila bivakawolaisi valu, kidamwa matauna biyouli mavilouna!” 
\p  
\v 4 Anuni iyosi Debida la touwata, e iviliu kasi gabula, e kasi karekwa okuvalisi wala mekapituna e iluki ilosi.  
\v 5 E matausina saina wala kasi mmosila gala ibodi bivalapulasi ovalu. Avai tuta Debida inakaigali avaka bogwa eikaloubusi iwitali biga baisa matausina bisiwaisi wala Yeriko bisisuaisi tatoula wala bisusinovausi kasi gabula. 
\p  
\v 6 E guyau Anuni deli mina Amoni ivitokaisi tolosila paila bogwa leivigakaisi Debida kasi tilaula, mapaila ikatunokwaisi siliba kala mokaila kwailuwotolu kwaivasi tani (34,000 kg) paila biketogwaisi waga kaibibiu deli kala tosila metoya Mesopotemia mapilana walakaiwa deli metoya mapilana Siria viluwela Maaka deli Soba.  
\v 7 Waga kaibibiu kala bawa 32,000 leitogwaisi e guyoula Maaka la tokabilia imaisi ibudaisi si kabeikau katitaikinela Medeba. E mina Amoni tuvaila isunapulasi metoya osi valu e ikatubaiasasi paila bikabiliasi. 
\p  
\v 8 E Debida bogwa inakaigali bulogala makwaina, e iwitali Yowabi deli la tokabilia komwaidona.  
\v 9 E mina Amoni ikatudelisi ilosi ileiyasi kabasi okadumalagela si vilouveka Raba, e sesiaga guyousi valu mavilousina leimaisi paila bipilasisi ileiyasi kabasi oyosewala valu. 
\p  
\v 10 E Yowabi igisi tilaula mabudosina bogwa bisugigayaisi matauna omatala deli otuboulola, mapaila matauna inagi Isireli la tokabilia topapeula e ileiya kabasi matausina ikoulakewaisi mina Siria.  
\v 11 E komwaidona la tokabilia isaili oyamala bodala Abisai bikaraiwogi, e matauna ileiya kabasi ikoulakaiwaisi mina Amoni.  
\v 12 E Yowabi iluki Abisai kawala, “Kidamwa bukugisi mina Siria bitomgwagasi odabagu kuma kupilasaigu, e kidamwa mina Amoni bitomgwagasi odabam, yeigu bawa apilasaim.  
\v 13 Bukupeula deli bukutuvaluwa e bitakabilia peula paila da tomota deli paila mavilousina la valu da Yaubada. Ibodi nanola Guyau bitavagi.” 
\p  
\v 14 E Yowabi deli la tokabilia isuvaisi kulusi paila bikabiliasi, e mina Siria isakaulasi ibutusi.  
\v 15 Avai tuta mina Amoni igisaisi mina Siria eisakaulasi, matausina isilavaisi Abisai isakaulasi e ikaimilavausi osi valu. Oluvi Yowabi itovila ikaimilavau Yerusalem. 
\p  
\v 16 E mina Siria bogwa eivitokaisi tolosila mina Isireli bogwa eitomgwagasi odubasi, mapaila matausina imaiyaisi tokabilia metoya Siria ola kabokaraiwaga mapilana opilibomatula Waya Yupereiti. E Sobaki matauna la kumatoula guyau Adadesa mapilana Soba ikaraiwogi matausina.  
\v 17 Avai tuta Debida inakaigali, ikoguguli mina Isireli tokabilia komwaidona iluvapeilisi Waya Yoridani, e ileiyasi kabasi ikoulakaiwasi mina Siria. E kabilia ivitouula,  
\v 18 e mina Isireli ibokavilaisi mina Siria. Debida deli la tokabilia ikatumataisi mina Siria waga kaibibiu kala tosila kasi bawa 7,000 e tokabilia ikatumataisi kasi bawa 40,000. Matausina tuvaila ikatumataisi mina Siria si kumatoula yagala Sobaki.  
\v 19 E avai tuta gweguya matausina eikatukwaitalasi deli Adadesa ivitokaisi tolosila mina Isireli leitomgwagasi odubasi, e matausina ivasosusi deli Debida e ivigaki la ula. E mina Siria gala wala tuvaila itagwalasi paila bipilasaisi mina Amoni. 
\c 20  
\s1 Debida iyouli Raba 
\p  
\v 1 Kweluvala taitu otutala milamala e tuta makwaina gweguya bilosi okabilia, e Yowabi ivisunupuloi tokabilia e iyouli valu Amoni. Mitaga guyau Debida isisu wala Yerusalem. E matausina isiulaisi isipataisi vilouveka Raba, isugigayaisi mavilouna deli ikodidaimisi. \x - \xo 20.1 \xt 2 Sml 11.1\x* 
\v 2 E mina Amoni si tokolu yagala Moleki kala kulupewa makwaina goulawokuva wala kala mokaila makawala lima yuwa petala kaula (34 kg). E olumoulela makwaina isisu kwaitala kala katububula, dakuna saina mwau mapula. Debida ikau dakuna makwaina isaili okala kulupewa titoulela. Matauna tuvaila ikau saina bidubadu guguwa metoya valu mavilouna.  
\v 3 E matauna ivayouli tomotala ivigaki bikabisi sowa, daima, deli legisa. Matauna ivigaki makawala wala baisa viluwela Amoni komwaidona. Oluvi matauna deli la tokabilia ikaimilavausi Yerusalem. 
\s1 Kabilia itokaia deli Pilisitia dokanikanila 
\p  
\v 4 Oluvi kabilia itokaia tuvaila deli mina Pilisitia mapilana Gesera. Baisa eikaloubusi tuta matutona Sibekai tolela Usa ikatumati taitala kala vakaila makawala mabudona dokanikani yagala Sipai, e itomgwagasi odubasi mina Pilisitia. \x - \xo 20.4 \xt 1 Sml 17.4-7\x* 
\p  
\v 5 E kwaitala tuvaila kabilia itokaia deli mina Pilisitia, e Elanani matauna Yairi latula ikatumati Lami matauna bodala Golaiati tolela Gata. Matauna la kaiyala kaitobuluvala kala poupou makawala kaitala kaisilolia.\f f \ft Baisa saina poupou makawala kaitala kawala kauloyagila bibodi bitatolasi masawa.\f* 
\p  
\v 6 E tuvaila kwaitala kabilia itokaia mapilana Gata, e baisa isisu taitala mabudona dalesi dokanikani misikwaikwela oyamala kweyalima kweyatala e okaikela kweyalima kweyatala. Matauna dalela mabudona dokanikani tobubogwa.  
\v 7 Matauna iyokukoli mina Isireli, e Yonatani matauna latula Samma Debida bodala ikatumati matauna. 
\p  
\v 8 Matausina kasitaitolu dalesi mabudona Gata dokanikanila, e Debida deli la tokabilia ikatumataisi. 
\c 21  
\s1 Debida ivagi kwaitala sounukula 
\p  
\v 1 E Setani magila bimai kabomwau baisa tomotala Isireli, mapaila matauna ivigaki Debida bivagi kwaitala sounukula.  
\v 2 Mapaila Debida ikaraiwogi Yowabi deli la kumatoula kawala, “Kulosi kuvakuwolaisi Isireli viluwela, metoya kabulotala bila kabuluyuwela, e kukwalawaisi tomota. Yeigu magigu banikoli avaka kasi bawa tomota.” 
\p  
\v 3 Yowabi ivitakauloki kawala, “Ibodi Guyau bivigaki tomotala Isireli kasi bawa lakatuvila tuvaila bikalisau gala makawala tuta baisa! Mwa ulo Guyau, matausina komwaidosi wala m touwata. Avaka uula magim bukuvagi makawala e bivigakiga komwaidodasi bitasulasi ke?”  
\v 4 Mitaga guyau ikaraiwogi Yowabi bikabikuwoli la karaiwaga. E Yowabi ila, itaini komwaidona viluwela Isireli ivakuwoli, e oluvi ikaimilavau Yerusalem.  
\v 5 Matauna isola baisa guyau Debida avaka kasi bawa tauwau matausina bogwa eibudoki bikabiliasi okawakali 1,100,000 olopola Isireli, deli 470,000 olopola Yuda.  
\v 6 Paila uula Yowabi ikamogi guyau la karaiwaga, matauna gala isonukuli dalesi Libai sola Beniamina. 
\p  
\v 7 Yaubada bogwa ikagagi avaka Debida bogwa leivagi, mapaila matauna imipuki Isireli.  
\v 8 E Debida iluki Yaubada kawala, “Yeigu bogwa layomituli sula saina gagaveka avaka lavagi baisa! Mwa akoma lopom, kuligaiwa ulo sula. Yeigu bogwa lavagi deli wala ulo tubunagowa.” 
\p  
\v 9 Oluvi Guyau iluki Gada, matauna Debida la tovitoubobuta, kawala,  
\v 10 “Kula kuluki Debida yeigu basaiki matauna kwaitolu nanamsa. E yeigu bavagi avaka matauna binagi.” 
\p  
\v 11 E Gada ilokaia Debida iluki matauna avaka Guyau la biga, e ikatupoi matauna kawala, “Ka avai nanamsa magim ke?  
\v 12 Kwaitolu taitu molu om valu ke? Kaina natonu tubukona bukusisakaulasi metoya kami tilaula bibokavilaimi okabilia ke? Kaina kwaitolu yam otutala makwaisina Guyau bisugigayaimi ola kema bitamataimi kaliga bisetuwoli wala omi valu, e la anelosi bivakuwoli viloumwaidona Isireli bikatumati ke? Ki avai mapula bukulukwaigu baluki Guyau ke?” 
\p  
\v 13 E Debida ivitakauloki Gada kawala, “Yeigu ulo sisu saina mwau! Mitaga gala magigu tomota bimipukwaigusi. Ibodi wala Guyau titoulela bimipukwaigu, paila uula matauna tonokapisi.” 
\p  
\v 14 Mapaila Guyau iwitali kwaitala lelia baisa mina Isireli e matausina ikaligasi kasi bawa 70,000.  
\v 15 E oluvi Guyau iwitali la anelosi mwada bikatudidaimi Yerusalem, mitaga matauna ivigivau nanola e iluki matauna anelosi kawala, “Desi! Bogwa eibodi!” E anelosi matauna itotu katitaikina Arauna la kabokila paila witi. E matauna guma Yebusi. 
\p  
\v 16 E Debida igisi anelosi ogawata wala itotu eiyosi la kema oyamala, paila bikatudidaimi Yerusalem. E Debida deli tokugwa komwaidosi (komwaidona goli matausina eisisikamsi si saigala) ikululusi ilosi watanawa migisi opwaipwaia.  
\v 17 E Debida inigada kawala, “Mwa Yaubada, mayeigula lakaraiwogi sounukula makwaina. Guyau ulo Yaubada avai vavagi tomota matausina bogwa leivagaisi? Ibodi bukumipukwaigu deli dalegu litugwa komwaidona, e kukoliga m tomota.” 
\p  
\v 18 E Guyau la anelose iluki Gada bikaraiwogi Debida bila bikaliaii kwaitala kabogwabu lula paila Guyau makatupona Arauna la kabokila witi.  
\v 19 Debida ikabikuwoli Guyau la karaiwaga e ila, makawala Gada eiluki matauna.  
\v 20 E metoya makatupona kabokilela witi Arauna deli litula taivasi ikilakilasi si witi e avai tuta leigisaisi anelosi e litula isakaulasi ilosi isipepunisi.  
\v 21 Avai tuta Arauna igisi guyau Debida eivalapula, matauna ivalai makatupona kabokila witi e ikululu migila opwaipwaia.  
\v 22 E Debida iluki matauna kawala, “Kutagwala bagimoli m kwabokila witi e igagabila bakaliaii kwaitala kabogwabu lula paila Guyau kidamwa basilibodi kabomwau makwaina. Avaka mapula bukusaili, basakaim makawala.” 
\p  
\v 23 Arauna ikaibiga kawala, “Ulo Guyau kukwau e kuvagi avaka magim. Ka bulumakau minasina bukugibuki lula okabogwabu makwaina, baba mapilasina paila kabokila witi bukuvigaki kai, e witi baisa paila semakavi, komwaidona wala basakaim.” 
\p  
\v 24 Mitaga guyau ivitakauloki kawala, “Gala, yeigu bamapu basakaim avaka wala mapula mokwita. Gala ibodi basaiki Guyau avai vavagi m vavagi, mwada yeigu gala bamapu.”  
\v 25 Mapaila guyau imapu Arauna lakatulima lakatutala goula mapula kabokila witi makwaina.  
\v 26 Matauna ikaliaii kabogwabu lula paila Guyau mapilana, e igabu semakavi kwegibugabu deli kalubaila semakaila. Matauna inigada e Guyau imapu la nigada e iwitali kova metoya wa labuma bigabu lula makwaisina okabogwabu makwaina. 
\p  
\v 27 E Guyau iluki anelosi bikau la kema bisaim, e anelosi ikabikaula.  
\v 28 Avai tuta Debida igisi Guyau bogwa eimapu la nigada, e igabu lula okabogwabu makwaina makatupona goli Arauna la kabokila witi.  
\v 29 E Guyau la Buliyoyova makwaina Mosese omitibogwa eikaliaii oviloupakala deli kabogwabu lula makwaina paila lula bigigabu baisa tuta itotusi wala ovalu Gibioni omitibogwa leima lagaila;  
\v 30 mitaga Debida gala wala ibodi bilokaia baisa e bitapwaroru baisa Yaubada, paila uula ikukoli kema makavina Guyau la anelosi eiyosi. 
\c 22  
\p  
\v 1 Mapaila Debida ikaibiga kawala, “Baisa bibodi tumilela Guyau Yaubada la Bwala Kwebumaboma bitakaliaiisi. Ka kabogwabu lula makwaina paila tomotala Isireli bigubugabusi semakavi kwegubugabu.” 
\s1 Katubaiasa paila Bwala Kwebumaboma kala kaliai \fig Kaitala kweisila|src="BK 00090" size="col" copy="cedar" ref="22.4" \fig* 
\p  
\v 2 E Guyau Debida ikaraiwogi komwaidona togilagala isisuaisi olopola Isireli bimaisi gulitinidesi e matauna isaiki si paisewa. Mimilisi toyoudulesi dakuna paila Bwala Kwebumaboma bikaliakaisi.  
\v 3 Matauna isaiki bidubadu tanumnumta aiyani paila bibubulokaisi kaiwawa deli buluvasi kalapisila makwaisina eiyoudulokaisi kai, deli saina bidugaga tanumnumta barasi gala availa ibodi bivisaikoli kala mokaila.  
\v 4 Matauna iluki mina Taia deli mina Saidoni e imiakaisi saina bidugaga kai kweisila.  
\v 5 E Debida ininanamsa titoulela kawala, “Bwala Kwebumaboma makwaina latugu Solomoni bikaliaii kwematabwaila gala kwaitala makawala ovalu watanawa. Mitaga matauna totubovau wala, deli la nikoli gala ibawa, mapaila ibodi wala bakainagibogwi guguwala komwaidona.” Mapaila Debida ikatubiasi guguwala saina bidugaga oluviga bikaliga. 
\p  
\v 6 Matauna iwitali biga baisa latula Solomoni ikaraiwogi matauna bikaliai kwaitala Bwala Kwebumaboma paila Guyau, Isireli la Yaubada.  
\v 7 E Debida iluki matauna kawala, “Ka, latugu, yeigu magigu mwada bakaliai kwaitala bwala kwebumaboma paila kala taimamila Guyau ulo Yaubada. \x - \xo 22.7-10 \xt 2 Sml 7.1-16; 1 Lil 17.1-14\x* 
\v 8 Mitaga Guyau ilukwaigu yeigu lakatumati tomota saina bidubadu deli kabilia saina bidubadu lakabilii. E mapaila matauna gala itagwala bakaliai kwaitala Bwala Kwebumaboma paila matauna, paila uula saina bidubadu katumata mavavagi.  
\v 9 E mitaga matauna ilivala la biga katotila baisa yeigu. Matauna ikaibiga kawala, ‘Ka yoku bukuuni taitala latum matauna giyoubwaila paila uula yeigu bakoli matauna bivakoti metoya baisa komwaidona kala tilaula. Matauna yagala bidokaisi Solomoni,\f g \ft Maigana Solomoni leiyodulaisi metoya mina Iberu si biga Salomi, makwaina kala kivila “ivakoya valu”. E kugisi tuvaila mailela 18.\f* paila uula ola tuta biguguyau yeigu bavigaki Isireli bisibwabwailasi deli biluva uwosi.  
\v 10 Matauna bikaliai kwaitala Bwala Kwebumaboma paila yeigu. E matauna bavigaki latugu, e yeigu bivigakaigu tamala. E dalela biguguyausi olopola Isireli tuta gala biwokuva.’” 
\p  
\v 11 E Debida isetuwoli la bigatona, kawala, “Ka, latugu, ibodi Guyau m Yaubada bisikailim, e ibodi matauna bivagi la biga katotila bivigakaim bukupeula metoya bukukwaliaii kwaitala Bwala Kwebumaboma paila matauna.  
\v 12 E ibodi Guyau m Yaubada bisakaim ninitalapula deli kabitam e gagabila bukukwaraiwogi Isireli makawala avaka lakaraiwogi.  
\v 13 Kidamwa bukukwabikuwoli komwaidona karaiwaga makwaisina Guyau leisaiki Mosese paila Isireli, yoku bogwa bukupeula. Ibodi deli m ninatotila bukutotu peula e gala bukutagwala avai vavagi biyokukolaim.\x - \xo 22.13 \xt Yos 1.6-9\x* 
\v 14 E paila Bwala Kwebumaboma ka, metoya ogu peula titoulegu labani kala kainaga goula kala mokaila bitavisaikoli 3,400 tani\f h \ft Kwaitala tani mokaila saina mwau, kaina biboda mokaila lakatuyu petala taitu. Mapaila goula mokaila gala wala bitakaibiga, e siliba mokaila saina ikalisau.\f* e siliba kala mokaila bitavisaikoli 34,000 tani paila bikaliakaisi makwaina. E paila tanumnumta barasi deli aiyani saina wala bidugaga. E youdila kai deli dakuna bogwa lakatubiasi mitaga ibodi bukukwatumkulovi tuvaila.  
\v 15 M topaisewa saina bidugaga. Matausina tokelisi dakuna olumoulela pwaipwaia, e mimilisi tokatubiasaisi dakuna deli tokaliai, e deli goli saina bidugaga matausina tokataraki wotetila ituwoli ituwoli bivagaisi  
\v 16 metoya goula siliba tanumnumta barasi, deli aiyani. Mapaila, ibodi bukukwaluvatowa paisewa tuta baisa, e Guyau deli yoku.” 
\p  
\v 17 Debida ikaraiwogi komwaidona tokugwala Isireli paila bipilasaisi Solomoni.  
\v 18 Matauna ikaibiga kawala, “Guyau mi Yaubada deli wala yokomi e bogwa leivigakaimi eivakota valu ambaisa ambaisa. Matauna itugwalaigu bavayouli komwaidona tomota leisisuaisi olumoulela valu mapilana, e baisa tuta matausina m tomota e Guyau la tomota.  
\v 19 Baisa tuta bukuwotitalaisi Guyau mi Yaubada oninami deli omi baloma komwaidona. Bukuvitouulasi kaliai Bwala Kwebumaboma, gagabila bukukwadidagaisi Guyau la Kabutu Didawogala deli komwaidona guguwa kwebumaboma makwaisina leiwotitalaisi otapwaroru baisa matauna.” 
\c 23  
\p  
\v 1 Avai tuta Debida bogwa leitomoya matauna ivigaki latula Solomoni iguyoi Isireli. \x - \xo 23.1 \xt 1 Gwe 1.1-40\x* 
\s1 Mina Libai si paisewa 
\p  
\v 2 E guyau Debida imai komwaidona tokugwala Isireli deli tolula toyo mina Libai gulitinidesi.  
\v 3 Matauna ikalau kasi bawa mina Libai tauwau kasi taitu kweluwotolu kaina bila walakaiwa. E kasi bawa ibodi 38,000.  
\v 4 E guyau inagi 24,000 bikugwaiyaisi wotitalela Bwala Kwebumaboma, 6,000 biginaisi liliula deli bikiduwosisiaisi sula,  
\v 5 4,000 toyamata Bwala Kwebumaboma, e 4,000 biyakawolaisi Guyau metoya guguwela mwasawa komwaidona avaka guyau eisisaiki matausina paila wotetila makwaina. 
\p  
\v 6 Debida ivili mina Libai iboda budotolu, metoya odalesi titoulesi. Gerisoni, Kowati, deli Merari dalesi. 
\p  
\v 7 Gerisoni litula kasitaiyu. Ladani sola Simei.  
\v 8 E Ladani litula kasitaitolu. Yeyeli, Setam, deli Yoweli.  
\v 9 Matausina tommoyesi dala madilasina tubusi leikitetilasi metoya baisa Ladani. (Simei litula kasitaitolu. Selomoti, Asieli, deli Erana.)  
\v 10-11 Simei litula kasitaivasi. Yaata, Sina, Yeusa, deli Beria, molitomoya eila molagwadi baisa makawala livalesi. Yeusa sola Beria gala ibawasi dalesi, mapaila matausina ikalumgolaisi dalesi ivigaki dilatala wala. 
\p  
\v 12 E Kowati litula taivasi. Amram, Isa, Ebironi, deli Usieli.  
\v 13 La kuluta Amram litula Eroni sola Mosese. (Eroni deli dalela ikatupalaisi matausina tokaraiwogala vavagi kwebomaboma tuta gala biwokuva, bigibugabusi maiina simasimina osi tuta tapwaroru baisa Guyau, biwotitalaisi matauna, deli bikabwailisi tomota metoya Guyau oyagala. \x - \xo 23.13 \xt Sun 28.1\x* 
\v 14 Mitaga Mosese matauna Yaubada la touwata, litula goli ikalumgolaisi deli mina Libai.)  
\v 15 Mosese litula taiyu, Gerisom sola Eliesa.  
\v 16 E Gerisom litula kasi tokugwa Sebweli.  
\v 17 Eliesa latula taitala wala yagala Reabia, mitaga Reabia dalela saina bidugaga. 
\p  
\v 18 E Kowati latula taiyuwela, yagala Isa, e latula taitala yagala Selomiti, matauna tomoyela dala.  
\v 19 Kowati latula taitolula, yagala Ebironi, litula kasitaivasi. Yeria, Amaria, Yeasieli, deli Yekameyam.  
\v 20 Kowati latula taivasila, yagala Usieli, litula taiyu, Maika sola Isia. 
\p  
\v 21 Merari litula taiyu Mali sola Msi. Mali litula taiyu, Eleasa sola Kisa,  
\v 22 mitaga Eleasa litula vivilawokuva wala gala tauwau, e matauna ikaliga. E litula vivila ivaiyasi lusitaia obuyavi, matausina Kisa litula. (Baisa tumasi bodala litula tauwau.)  
\v 23 Merari latula taiyuwela, yagala Msi, litula taitolu, Mali, Ederi, deli Yeremoti. 
\p  
\v 24 Baisa makawala Libai tubula metoya dala deli nunu komwaidosi. E yagasi kala ginigini isisu wala. E taitala taitala kasi taitu kweluwoyu bila walakaiwa, isim wala si paisewa metoya Guyau la Bwala Kwebumaboma wotitalela. 
\p  
\v 25 Debida ikaibiga kawala, “Guyau Isireli la Yaubada bogwa eivigaki la tomota eiluva uwosi, e matauna titoulela bisivagasi Yerusalem tuta gala biwokuva.  
\v 26 E mina Libai gala tuvaila bikaiki uwosi kaitakewa Guyau la Buliyoyova deli guguwa komwaidona makwaisina leiwotitalaisi otutala tapwaroru.” \x - \xo 23.26 \xt Kak 10.8\x* 
\v 27 Debida la katuloluta kala vigimkoila baisa komwaidona mina Libai ibudoki paila paisewa avai tuta kasi taitu bibodi kweluwoyu,  
\v 28 e isakaisi si koni paila bipilasaisi tolula metoya Eroni odalela paila olumoulela Bwala Kwebumaboma wotitalela tapwaroru paila biyamataisi bikubakula Bwala Kwebumaboma deli matabudosina eikalitulaisi olumoulela, e isim kasi karaiwaga taga biyogwalaisi guguwala komwaidona kwebumaboma. \x - \xo 23.28-32 \xt Baw 3.5-9\x* 
\v 29 Tuvaila biyamataisi beredi bisemakavaisi baisa Yaubada, pwarawa bivigakaisi si semakavi, tutuba bigabwaisi gala deli kala yisi, deli semakavi kwegibugabu, deli pwarawa bikepupolaisi toyo olibe bulamila, e bivisaikolaisi deli bikalawasi kala mokaila deli kala bidubadu Bwala Kwebumaboma semakavila;  
\v 30 biyakaulasi deli bikavisaisi Guyau kaukwau kwaitala kwaitala deli goli koyavi kwaitala kwaitala  
\v 31 avai tuta semakavi makwaisina paila Guyau bigabwaisi wa yam Sabate, Navau Tubukona Pakala, deli goli kasi paka titoulesi. Karaiwaga ibubulaisi bikibuboti taivila kasi bawa mina Libai isakaisi bivagaisi wotetila makwaisina tuta kwaitala kwaitala. E mina Libai komwaidosi si wotetila paila wala bitapwarorusi baisa Guyau tuta komwaidona.  
\v 32 Matausina leisakaisi si koni paila biyamataisi Guyau la Buliyoyova deli Bwala Kwebumaboma, deli bipilasaisi veisia tatousi, matausina tolula Eroni dalela, avai tuta bikugwaiyaisi tapwaroru olumoulela Bwala Kwebumaboma. 
\c 24  
\s1 Isakaisi tolula si paisewa 
\p  
\v 1 Boda mabudosina metoya baisa Eroni odalela. Eroni litula taivasi Nadaba, Abiu, Eleasa, deli Itama.  
\v 2 Nadaba sola Abiu ikaligabogwasi oluviga tumasi, e matausina gala wala isim dalesi, mapaila bwadasia Eleasa sola Itama imila tolulasi. \x - \xo 24.2 \xt Tol 10.1-2\x* 
\v 3 Guyau Debida ivili Eroni dalela ilosi osi boda, budotala budotala makawala avaka si wotetila. E Sadoki matauna Eleasa dalela, Aimeleki matauna Itama dalela kasitaiyu ipilasaisi Debida.  
\v 4 E Eleasa dalela ikatuvaisi si boda kala bawa kweluwotala kwailima kwaitala, e Itama dalela si boda kala bawa kwailima kwaitolu, uula leivagaisi makawala paila odalela Eleasa saina bidubadu tommoyesi dala.  
\v 5 E paila bogwa isim Bwala Kwebumaboma tokaraiwogala deli Yaubada la todabala paila wotitalela tapwaroru oluwalaisi dala madalasina dilayu Eleasa sola Itama dalesi, e ikavaginasi metoya okowobobuta.  
\v 6 E taitala taitala metoya odalesi Eleasa sola Itama ivagaisi kowobobuta wotitalela. Oluvi Semaia matauna Netaneli latula, mina Libai si togini paila karaiwaga, igini yagasi matausina. E guyau Debida deli la tosikwawa, tolula Sadoki, Aimeleki matauna Abiata latula, deli tommoyesi dala madalasina tolula deli goli mina Libai dalesi, komwaidosi wala isalaisi vavagi makwaisina. 
\p  
\v 7-18 Baisa makawala kala takasa paila boda mabudosina kasi bawa budoluwoyu budovasi leisakaisi si wotetila.
\tr
\tcr1 1. 
\tc2 Yeoyaribi
\tr
\tcr1 2. 
\tc2 Yedaia
\tr
\tcr1 3. 
\tc2 Arim
\tr
\tcr1 4. 
\tc2 Seorim
\tr
\tcr1 5. 
\tc2 Malikia
\tr
\tcr1 6. 
\tc2 Miamini
\tr
\tcr1 7. 
\tc2 Akosi
\tr
\tcr1 8. 
\tc2 Abia
\tr
\tcr1 9. 
\tc2 Yesuwa
\tr
\tcr1 10. 
\tc2 Sekanaia
\tr
\tcr1 11. 
\tc2 Eliasibi
\tr
\tcr1 12. 
\tc2 Yakim
\tr
\tcr1 13. 
\tc2 Upa
\tr
\tcr1 14. 
\tc2 Yesebea
\tr
\tcr1 15. 
\tc2 Biliga
\tr
\tcr1 16. 
\tc2 Imera
\tr
\tcr1 17. 
\tc2 Esiri
\tr
\tcr1 18. 
\tc2 Apisesa
\tr
\tcr1 19. 
\tc2 Petaia
\tr
\tcr1 20. 
\tc2 Yeesikeli
\tr
\tcr1 21. 
\tc2 Yakini
\tr
\tcr1 22. 
\tc2 Gamuli
\tr
\tcr1 23. 
\tc2 Delaia
\tr
\tcr1 24. 
\tc2 Maasia. 
\p  
\v 19 Tauwau matausina leiginaisi yagasi meliloki wala makawala si wotetila paila bisusuvisi wa Bwala Kwebumaboma e bivagaisi si wotetila makawala tubusi Eroni eivitouli metoya ola kabikaula la karaiwaga Guyau matauna Isireli la Yaubada. 
\s1 Yagasi mina Libai 
\p  
\v 20 Yuwoyuwela tommoyesi dala tubusia leikitetilasi metoya baisa Libai. 
\p Yedeiya, matauna Sebweli dalela Amram tabula; 
\p  
\v 21 Isia, matauna dalela Reabia; 
\p  
\v 22 Yaata, matauna Selomiti dalela Isa tabula; 
\p  
\v 23 Yeria, Amaria, Yeasieli, deli Yekameyam, matausina litula Ebironi, molitomoya eila molagwadi; 
\p  
\v 24 Samira, matauna Maika dalela Usieli tabula; 
\p  
\v 25 Sekaraia, matauna Isia dalela Maika tuwala Usieli tabula; 
\p  
\v 26 Merari dalela, Mali, Msi, deli Yaasia.  
\v 27 Yaasia litula taitolu, Sowam, Sakura, deli Ibiri.  
\v 28-29 Mali litula taiyu, Eleasa sola Kisa. Eleasa gala litula, mitaga Kisa latula taitala, Yerameeli.  
\v 30 Msi litula taitolu. Mali, Ederi, deli Yeremoti. 
\p E dala madilasina dalesi Libai. 
\p  
\v 31 E dala dilatala dilatala tomoyela deli tomoyela taitala bodala ikowobobutasi wotitalela bikamokwiti si paisewa, makawala wala tolula matausina, veisia Eroni dalela leivigakaisi. Guyau Debida, Sadoki, Aimeleki, deli tommoyesi dalesi tolula deli dalesi mina Libai isalaisi vavagi makwaina. 
\c 25  
\s1 Bwala Kwebumaboma kala tousiwosi 
\p  
\v 1 E guyau Debida deli mina Libai kasi tokugwa inagaisi dala madilasina mina Libai bikugwaiyaisi wotitalela tapwaroru. Asapi, Emani deli Yedutuni. Matausina bikamitulaisi Yaubada la biga, deli wala butusi gita deli sasani. Baisa makawala kala takasa tomota matausina leinagaisi paila bikugwaiyaisi tapwaroru metoya avai kedakeda boda kwaitala kwaitala leiuvagaisi. 
\p  
\v 2 Asapi litula taivasi. Sakura, Yosepa, Netanaia, deli Asarela. Matausina osikowala la vakeda Asapi, matauna ikamituli Yaubada la biga avai tuta wala guyau bikaraiwaga. 
\p  
\v 3 E Yedutuni litula tailima taitala yagasi Gedalaia, Seri, Yesaia, Simei, Asabia, deli Matitia. E metoya ola vakeda tumasi matausina ikamitulaisi Yaubada la biga, e deli wala butusi gita e iusiwosisi yakaula deli si nokagutoki baisa Guyau. 
\p  
\v 4 Emani litula tailuwotala taivasi. Bukia, Matania, Usieli, Sebweli, Yerimoti, Ananaia, Anani, Eliata, Gidaliti, Romamti Esa, Yosibekasa. Maloti, Otira, deli Maasioti.  
\v 5 Yaubada isaiki Emani matauna guyau la tovitoubobuta, litula tauwau tailuwotala taivasi deli natolu vivila, makawala la biga katotila, paila bikatupewoli Emani.  
\v 6 Komwaidona litula tauwau towawai sasani deli gita metoya tumasi ola vakeda, e biwawaisi otutala bititapwarorusi wa Bwala Kwebumaboma. E Asapi, Yedutuni deli Emani iyeikulaisi avaka guyau la karaiwaga. 
\p  
\v 7 E komwaidosi matausina tailuwoyu taivasi tauwau saina kasi tovagi e sesia mina Libai tuvaila inikolaisi bisauwaisi wosi. E kasi bawa komwaidosi iboda lakatuyu tailuwolima tailuwotolu tailima taitolu (288) tauwau. 
\p  
\v 8 Paila bikainagasi towotetila yagasi matausina komwaidosi bikowobobutasi, kaina goli tokikekita kaina tommoya, tokabitam kaina tommweli. 
\p  
\v 9-31 Baisa makawala kasi bawa tauwau lakatuyu tailuwolima tailuwotolu tailima taitolu (288) bisigalaisi makawala odalesi wala olumoulela mabudosina buduluwoyu budovasi, budotala budotala tauwau kasi bawa tailuwotala taiyu, deli taitala kasi tokugwa paila bikaraiwogi budotala budotala mabudosina towotetila.
\tr
\tcr1 1. 
\tc2 Yosepa matauna dalela Asapi
\tr
\tcr1 2. 
\tc2 Gedalaia
\tr
\tcr1 3. 
\tc2 Sakura
\tr
\tcr1 4. 
\tc2 Seri
\tr
\tcr1 5. 
\tc2 Netanaia
\tr
\tcr1 6. 
\tc2 Bukia
\tr
\tcr1 7. 
\tc2 Asarela
\tr
\tcr1 8. 
\tc2 Yesaia
\tr
\tcr1 9. 
\tc2 Matania
\tr
\tcr1 10. 
\tc2 Simei
\tr
\tcr1 11. 
\tc2 Usieli
\tr
\tcr1 12. 
\tc2 Asabia
\tr
\tcr1 13. 
\tc2 Sebweli
\tr
\tcr1 14. 
\tc2 Matitia
\tr
\tcr1 15. 
\tc2 Yerimoti
\tr
\tcr1 16. 
\tc2 Ananaia
\tr
\tcr1 17. 
\tc2 Yosibekasa
\tr
\tcr1 18. 
\tc2 Anani
\tr
\tcr1 19. 
\tc2 Maloti
\tr
\tcr1 20. 
\tc2 Eliata
\tr
\tcr1 21. 
\tc2 Otira
\tr
\tcr1 22. 
\tc2 Gidaliti
\tr
\tcr1 23. 
\tc2 Maasioti
\tr
\tcr1 24. 
\tc2 Romamti Esa. 
\c 26  
\s1 Bwala Kwebumaboma kala toyamata 
\p  
\v 1 Baisa makwaisina si wotetila mina Libai matausina availa availa eiuwotetilasi paila Bwala Kwebumaboma kala toyamata. Metoya odalela Kora matauna Meselemia Kore latula, e makwaina nunu Asapi.  
\v 2 Meselemia litula tailima taiyu, yagasi leitakasaisi molitomoya eila molagwadi baisa makawala. Sekaraia, Yediaeli, Sebadaia, Yatanieli,  
\v 3 Elam, Yeowanani, deli Eliewoenai. 
\p  
\v 4 E makawala goli Obedi Edom, matauna Guyau ikabwaili e isaiki litula tailima taitolu, yagasi eitakasaisi molitomoya eila molagwadi. Semaia, Yeosabadi, Yowa, Sakara, Netaneli, \x - \xo 26.4-5 \xt 2 Sml 6.11; 1 Lil 13.14\x* 
\v 5 Amiela, Isaka, deli Peulietai. 
\p  
\v 6-7 E Obedi Edom la kuluta Semaia litula tailima taitala. Otini, Repaeli, Obedi, Elisabadi, Eliu, deli Semakia. Matausina todidabala odalesi paila uula isim si kabitam, e taiyu matausina kasusu, si kabitam ikalisau sainela. 
\p  
\v 8 E Obedi Edom odalela itugwalaisi tailuwolima tailuwotala taiyu tauwau tokatavatu paila paisewa makwaina. 
\p  
\v 9 Meselemia odalela itugwalaisi tauwau tokatavatu kasi bawa tailuwotala tailima taitolu. 
\p  
\v 10 E metoya Merari odalela Osa isisu, matauna litula kasitaivasi. Simri (tamala ivigaki matauna kasi tokugwa, ilagoli matauna gala molitomoya),  
\v 11 Ilikaia, Tebalia, deli Sekaraia. Kasi kakalawa komwaidona tailuwotala taitolu metoya Osa odalela matausina Bwala Kwebumaboma kala toyamata. 
\p  
\v 12 E Bwala Kwebumaboma toyamatela ivilaisi si boda, ilosi odalela odalela, e isakaisi si koni olumoulela Bwala Kwebumaboma, makawala wala leivigakaisi baisa mina Libai.  
\v 13 Dala dilatala dilatala kaina budoveka kaina budokekita mitaga ikowobobutasi wala kidamwa bivituloki matausina avai kalapisila kasi vilavila biyamatasi.  
\v 14 E Selemaia ikoububoti kalapisila makwaina opilibomatu, e latula yagala Sekaraia, matauna tuta komwaidona kaitayuvisa bwaina, ikoububoti kalapisila makwaina opiliyavata.  
\v 15 E Obedi Edom ikoububoti kalapisila makwaina opilibolimila, e litula isim kasi naga biyamataisi matabudosina bwaimala komwaidona.  
\v 16 Supim sola Osa matausina ikoububotaisi kalapisilela opilikwaibwaga deli kalapisila idokaisi Saleketi wa keda makadana bila walakaiwa. E toyamata si paisewa isigalaisi isakaisi taitala taitala si tuta.  
\v 17 E kalapisila makwaina opilibomatu toyamata matausina kasitailima kasitaitala si paisewa biyamatasi wala yam kwaitala kwaitala, e opiliyavata, kasitaivasi, deli opilibolimila, kasitaivasi. E kasitaivasi tuvaila toyamata matausina isailisi biyamataisi matabudosina bwaima yam kwaitala kwaitala, tabudotala tabudotala taiyu toyamata.  
\v 18 Katitaikinela mapilana opilikwaibwaga baisa kasitaivasi toyamata itotusi wa keda deli taiyu olumoulela matabudona.  
\v 19 Baisa si paisewa isakaisi matausina toyamata dalela Kora deli dalela Merari. 
\s1 Mimilisi tuvaila Bwala Kwebumaboma wotitalela 
\p  
\v 20 Mimilisi sesia mina Libai matausina tokaraiwogala Bwala Kwebumaboma veiguwala deli matabudosina bwaimala vavagi makwaisina leikabomaisi baisa Yaubada.  
\v 21 Ladani, matauna taitala Gerisoni latula, e mimilisi nunu tubusi matauna, makawala goli latula Yeyeli dalela, madeilila wala tubula.  
\v 22 Ladani taiyu litula tuvaila, Setam sola Yoweli, matausina toyamatesi Bwala Kwebumaboma veiguwala deli bwaimala. 
\p  
\v 23 E tuvaila mimilisi wotetila isakaisi dalela Amram, Isa, Ebironi, deli Usieli. 
\p  
\v 24 E Sebweli matauna Mosese latula Gerisom dalela, matauna la koni tokaraiwogala Bwala Kwebumaboma veiguwala.  
\v 25 E metoya baisa Gerisom bodala Eliesa matauna vaiyola Selomiti. Eliesa matauna Reabia tamala, Reabia matauna Yesia tamala, e Yesaia matauna Yoram tamala, e Yoram matauna Sikiri tamala, Sikiri matauna Selomiti tamala.  
\v 26 Selomiti deli komwaidona dalela matausina tokaraiwogasi semakavi makwaisina guyau Debida, tommoyesi dala, tokugwala dala, deli tokabilia si kumatoula leisisakaisi Yaubada.  
\v 27 Matausina ikauwaisi mimilisi guguwa eilebwaisi okabilia e ikabomaisi paila Bwala Kwebumaboma wotitalela.  
\v 28 E Selomiti deli dalela matausina tokaraiwogasi komwaidona vavagi makwaisina leikabomaisi paila Bwala Kwebumaboma wotitalela, deli goli semakavi makwaisina tovitoubobuta Samwela, guyau Saulo, Abina matauna Nera latula, deli Yowabi matauna Seruya latula leimaiyaisi baisa Guyau. 
\s1 Si koni mimilisi tuvaila mina Libai 
\p  
\v 29 E oluwalaisi Isa dalela, Kenania deli litula inagaisi e isakaisi si koni biginiginisi liliula valu deli bikiduwosisiaisi kominimani oluwalaisi tomotala Isireli. 
\p  
\v 30 Oluwalaisi Ebironi dalela isisu Asabia deli veyala kasi bawa 1,700, komwaidosi goli matala gidageda. E isakaisi si koni bikaraiwogaisi liliula tapwaroru wotitalela deli uvagila valu olopola Isireli mapilana Waya Yoridani opilikwaibwaga.  
\v 31 Yeria matauna kasi tomoya Ebironi dalela. E olopola kweluwovasila taitu guyau Debida eiguguyau, liliu kwaitala ivagaisi paila kala vayelu Ebironi dalela, e ibanaisi tokabilia matala gidageda metoya madilana eisisuaisi ovalu Yasa mapilana Giliadi.  
\v 32 Guyau Debida inagi 2,700 matausina matala gidageda dala tommoyela metoya Yeria veyala e isaili matausina bikaraiwogaisi liliula tapwaroru wotitalela deli uvagila valu olopola Isireli mapilana Waya Yoridani opilibomatu. Mapilasina goli dalesi Rubeni, Gada, deli Manasa Opilibomatu. 
\c 27  
\s1 Tokabilia deli valu karaiwogala 
\p  
\v 1 Baisa yagasi mina Isireli tommoyesi dala e nunu kwaitala kwaitala tokugwasi deli goli si kumatoula matausina eikugwaiyaisi karaiwogala valu. Tubukona natana natana olopola taitu kwaitala kwaitala boda kasi bawa 24,000 tauwau bipaisewasi osikowala kumatoula isim la karaiwaga paila tubukona minana. 
\p  
\v 2-15 Baisa makawala kala takasa kumatoula matausina paila tubukona natana natana. 
\q1 Tubukona namatala. Yasobeyam matauna Sabidieli latula (matauna taitala makwaina nunu Peresi, mayuwona dalela Yuda) 
\q1 Nayuwela tubukona. Dodai, matauna dalela Awoi (Mikiloti matauna taiyuwela kumatoula) 
\q1 Natolula tubukona. Benaia matauna Yeoyada tolula latula; matauna kasi tokugwa mabudona Kasitailuwotolu (latula yagala Amisabadi ikaimapu matauna ivigaki si kumatoula boda mabudona) 
\q1 Navasila tubukona. Asaeli Yowabi bodala (latula Sebadaia ikaimapu matauna) 
\q1 Nalimala tubukona. Samta, matauna Isa dalela 
\q1 Nalima natalela tubukona. Ira, matauna Ikesi latula tolela Tekowa 
\q1 Nalima nayuwela tubukona. Elesi, matauna guma Epereim tolela Peloni 
\q1 Nalima natolula tubukona. Sibekai tolela Usa (matauna taitala Sira dalela olumoulela Yuda dalela) 
\q1 Nalima navasila tubukona. Abiesa tolela Anatoti mapilana oviluwela dala Beniamina 
\q1 Naluwotalela tubukona. Maarai tolela Netopa (matauna taitala dalela Sira) 
\q1 Naluwotala natalela tubukona. Benaia tolela Piratoni mapilana oviluwela dala Epereim 
\q1 Naluwotala nayuwela tubukona. Elidai tolela Netopa (matauna Otaniela dalela.) 
\s1 Karaiwogala dalesi Isireli 
\p  
\v 16-22 Baisa makawala kala takasa tokaraiwogasi dalesi Isireli. 
\b
\tr
\th1 Dala 
\th2 Tokaraiwaga
\tr
\tc1 Rubeni 
\tc2 Eliesa matauna Sikiri latula
\tr
\tc1 Simioni 
\tc2 Sepatia matauna Maaka latula
\tr
\tc1 Libai 
\tc2 Asabia matauna Kemueli latula
\tr
\tc1 Eroni 
\tc2 Sadoki
\tr
\tc1 Yuda 
\tc2 Eliu matauna guyau Debida tuwala
\tr
\tc1 Isaka 
\tc2 Omri matauna Maikeli latula
\tr
\tc1 Sebuloni 
\tc2 Isimaia matauna Obedaia latula
\tr
\tc1 Napitalai 
\tc2 Yeremoti matauna Asirieli latula
\tr
\tc1 Epereim 
\tc2 Osea matauna Asasaia latula
\tr
\tc1 Manasa 
\tc2
\tr
\tc1 Opilibomatu 
\tc2 Yoweli matauna Pedaia latula
\tr
\tc1 Manasa 
\tc2
\tr
\tc1 Opilikwaibwaga 
\tc2 Ido matauna Sekaraia latula
\tr
\tc1 Beniamina 
\tc2 Yaasieli matauna Abina latula
\tr
\tc1 Dani 
\tc2 Asareli matauna Yeroam latula. 
\p  
\v 23 Guyau Debida gala ivagi kwaitala sounukula paila tomota matausina kasi taitu osikowala kweluwoyu, paila uula Guyau bogwa eibiga katotila bivigaki tomotala Isireli kasi bawa saina bidugaga makawala utuyam wa labuma. \x - \xo 27.23 \xt Vit 15.5; 22.17; 26.4\x* 
\v 24 E mitaga Yowabi, matauna inala yagala Seruya ivitouula bivagi kwaitala sounukula, e mitaga gala wala ivigimkulovi. Yaubada imipuki Isireli paila wala sounukula makwaina, mapaila kasi bawa gala avai tuta iginaisi Debida ola buki. \x - \xo 27.24 \xt 2 Sml 24.1-15; 1 Lil 21.1-14\x* 
\s1 Tokaraiwogasi gweguya si guguwa 
\p  
\v 25-31 Baisa makawala yagasi matausina tokaraiwogasi gweguya si guguwa. 
\q1 Matabudosina gweguya si guguwa bwaimala. Asimaveta matauna Adieli latula 
\q1 Matabudosina si guguwa bwaimala ovalu. Yonatani matauna Usaia latula 
\q1 Tobigubagula si guguwa. Esiri matauna Kelubi latula 
\q1 Waini bigulela. Simei tolela Rama 
\q1 Waini kabosakaila wa lagi. Sabidi tolela Sepam 
\q1 Makaisina olibe deli riga (olumoulela mapilana opilikwaibwaga okuvalila koya). Beali Anani tolela Gederi 
\q1 Olibe bulamila. Yowasi 
\q1 Bulumakau okabatau mapilana Saroni. Setai tolela Saroni 
\q1 Bulumakau oitayatila. Sapati matauna Adilai latula 
\q1 Kameli. Obili guma Isimeli 
\q1 Ase. Yedeiya tolela Meronoti 
\q1 Sipi deli gota. Yasisi matauna guma Agiri. 
\s1 Debida la tokaitayuvisa tatoula 
\p  
\v 32 Yonatani, matauna Guyau Debida kadala, tokaitayuvisa bwaina deli tokabitam. Matauna sola Yeyeli Akamoni latula matausina tokaraiwogasi guyau litula kasi tovituloki.  
\v 33 Aitopela matauna guyau la tokaitayuvisa, e Usai guma Aka matauna guyau lubaila deli kala topilasi.  
\v 34 E avai tuta Aitopela ikaliga, e Abiata sola Yeoyada Benaia latula matausina ivagaisi la tokaitayuvisa. Yowabi matauna kumatoula mabudona guyau la tokabilia. 
\c 28  
\s1 Debida la katuloluta paila Bwala Kwebumaboma 
\p  
\v 1 E guyau Debida ikaraiwogi komwaidona tokaraiwogala Isireli isigugulasi olumoulela Yerusalem. Mapaila komwaidona isigugulasi Yerusalem, matausina tokugwala dala, tokaraiwaga availa matausina ikugwaiyaisi kabopaisewa olumoulela kabokaraiwaga, tommoyesi dala, tokaraiwogasi guguwa deli bulutuvalu makwaisina guyau Debida deli litula si vavagi e deli goli komwaidona tosikwawa wa ligisa, tokabilia matala gidageda deli todidabala tauwau komwaidosi goli isigugulasi olumoulela Yerusalem. 
\p  
\v 2 E Debida itotu omitasi ikamituli kawala, “Segwaia, kunakaigalaigusi. Yeigu magigu bakaliaii bolela Kabutu Didawogala, baisa Guyau da Yaubadasi kabosakaila kaikela. Bogwa lakatubaiasa paila bakaliai kwaitala Bwala Kwebumaboma paila kala taimamila matauna, \x - \xo 28.2-7 \xt 2 Sml 7.1-16; 1 Lil 17.1-14\x* 
\v 3 mitaga matauna isilibodaigu gala bavagi makawala, paila uula yeigu tokabilia deli yamagu ikipwasa buyavi bidubadu.  
\v 4 Guyau matauna Isireli la Yaubada inagaigu deli dalegu paila bakaguyausi olopola Isireli tuta gala biwokuva. Matauna inagi Yuda dalela paila bitokugwasi, e oluwalaisi mina Yuda matauna inagi tamagu dalela. Metoya komwaidomasi dala madalana matauna ikauwaigu e ivigakaigu baguyoi komwaidona viluwela Isireli.  
\v 5 Matauna isakaigu litugwa bidubadu tauwau, e oluwalaisi matausina inagi Solomoni biguyau olopola Isireli, mapilana goli Guyau la kabokaraiwaga. 
\p  
\v 6 “E Guyau ilukwaigu kawala, ‘Ka latum Solomoni matauna goli bikaliai ulo Bwala Kwebumaboma. Yeigu bogwa lanagi matauna e bavigaki latugu, e yeigu bivigakaigu tamala.  
\v 7 E yeigu bavigaki la kabokaraiwaga bikanuvagasi tuta gala biwokuva, kidamwa wala matauna bisetuwoli la kabikaula biyamati bibwaina komwaidona ulo karaiwaga makwaina makawala eivigaki tuta baisa.’ 
\p  
\v 8 “Ka ulo tomota tuta baisa omatala da Yaubadasi deli sigugula makwaina komwaidona Isireli, Guyau la tomota, yeigu akaraiwogaimi bukukwabikuwolaisi vavagi komwaidona avaka Guyau da Yaubadasi eikaraiwogaidasi, mapaila ibodaimi bukusivagasisi ovalu mapilana viloumatabwaila e tubwa tuta oluvi bisivagasisi wala.” 
\p  
\v 9 E Debida iluki Solomoni kawala, “Latugu, yeigu lakaraiwogaim ibodi bukuvitusi mokwita tamam la Yaubada e bukuwotitali matauna deli m tagwala toyo nanom ninitinidesi. Matauna inikoli komwaidona ninadaisi deli da nanamsasi. Kidamwa bukulokaia matauna, matauna bikabwailim, mitaga kidamwa bukukoulovi matauna, matauna bitotubulokaim tuta gala biwokuva.  
\v 10 Ibodi bukukwateta baisa Guyau einagaim bukukwaliai la Bwala Kwebumaboma. Mapaila kuvagi, e bukuvagi deli m ninatotila.” 
\p  
\v 11 E Debida isaiki Solomoni komwaidona nanamsela paila Bwala Kwebumaboma kala kaliai, paila matabudosina bwaimala deli matabudosina ituwoli ituwoli, deli goli matabudona Bomikikila Sainela, ambaisa mitugaga kala ligaiwa.  
\v 12 Matauna tuvaila isaiki Solomoni nanamsela komwaidona avaka leininamsi onanola paila bikubakula deli matabudosina ikalitulaisi opapala, e matabudosina paila Bwala Kwebumaboma guguwala deli semakavi makwaisina leikabomaisi paila Guyau.  
\v 13 Debida tuvaila isaiki matauna nanamsela paila bikatubiasi tolula deli mina Libai e bivagaisi si wotetila, bivagaisi Bwala Kwebumaboma wotitalela, deli biyamataisi komwaidona Bwala Kwebumaboma guguwala vakapula.  
\v 14 Matauna ikatululuti ammakawala kala bidubadu siliba deli goula biyoudulokaisi paila guguwala vakapula,  
\v 15 kaitapa deli kaitapa la kabototu,  
\v 16 tebeli silibawokuva, deli tebeli goulawokuva makwaina tebelila beredi bisemakaiyaisi baisa Yaubada.  
\v 17 Matauna tuvaila ikatululuti ammakawala kala bidubadu siliba deli goula paila kaisusuwa, kaboma deli lukwava, deli ammakawala kala bidubadu siliba deli goula paila biyoudulokaisi kailuya,  
\v 18 deli ammakawala kala bidubadu goulatoula paila bikaliaiisi kabogwabu lula paila bigubugabusi lula maiina simasimina deli biyoudulokaisi waga kaibibiu paila bubuli nammomova minasina bikatuvakaiyaisi pinupanesi odabala Guyau la Kabutu Didawogala.  
\v 19 E guyau Debida ikaibiga kawala, “Komwaidona makwaisina kala ginigini isisu makawala Guyau titoulela ikaraiwogaigu e isakaigu paila bawotitali.” 
\p  
\v 20 Guyau Debida iluki latula Solomoni kawala, “Ka, kutotu peula deli ninatotila. Kuvitouula paisewa e gala bukutagwala avai vavagi bisilibodaim. E Guyau Yaubada matauna lawotitali, matauna deli yoku. Matauna gala wala bisilavaim, mitaga matauna bisisiaim tatoula wala bukuvenoku paisewala komwaidona ola Bwala Kwebumaboma.  
\v 21 E tolula deli mina Libai bogwa eisakaisi si paisewa avaka avaka bivagaisi olumoulela Bwala Kwebumaboma. Topaisewa matausina tokataraki deli si tagwala bipilasaimsi e komwaidona tomota deli kasi tokugwa madeilisi wala oyamam bukukwaraiwogi.” 
\c 29  
\s1 Guguwala paila Bwala Kwebumaboma kala kaliai 
\p  
\v 1 Guyau Debida ikagai baisa komwaidona tomota; kawala, “Ka, latugu Solomoni matoulela goli Yaubada leinagi, mitaga igau wala totubovau e la kabitam gala ibawa. Paisewa makwaina bitapaisauwaisi bitavigibauwaisi, paila uula paisewa makwaina gala tomota si ligisa mitaga makwaina Guyau Yaubada la Bwala Kwebumaboma. \x - \xo 29.1-2 \xt 1 Lil 22.5\x* 
\v 2 Yeigu bogwa lavigilabi katubaiasa komwaidona guguwala Bwala Kwebumaboma goula, siliba, tanumnumta barasi, tanumnumta aiyani, youdila kai dakuna kwevivivila deli dakuna kwetatai mwau mipusi, dakuna paila katububula, deli tuvaila dakuna saina bidugaga.  
\v 3 E tuvaila yeigu lakatumkovila makwaisina metoya titoulegu latakuni, siliba deli goula makwaisina ulo vavagi tatougu paila uula ulo yebwaili paila Yaubada la Bwala Kwebumaboma.  
\v 4 E yeigu bogwa lasaiki, goulatoula kala mokaila ikalisau lakatutala (100) tani\f i \ft Kugisi footnote isisu deli 22.14. Goula deli siliba kala bawa saina kwaivekagaga.\f* deli silibatoula kala mokaila ikalisau lakatuyu kweluwovasi (240) tani makwaisina paila bikatububulaisi papala komwaidona Bwala Kwebumaboma  
\v 5 deli paila komwaidona guguwala makwaisina matausina tokataraki paisewa biyoudulaisi. E availa bisaikimakavi deli nanola kala tagwala. E oluvi tommoyesi dala, tokugwala dala, matausina tokabitam si kumatoula, deli tokaraiwogasi gweguya si guguwa itagwalasi bisakaisi.” 
\p  
\v 6 E mapaila tommoyela dala, boda kasi tokaraiwaga, tokabilia si kumatoula, deli goli guyau la guguwa kala toyamata itagwalasi bisakaisi  
\v 7 guguwa makwaisina paila Bwala Kwebumaboma paisewala. goula kala mokaila ikalisau lakatutala kwailuwolima kwailuwoyu (170) tani, siliba kala mokaila ikalisau lakatutolu kwailuwovasi (340) tani, tanumnumta barasi kala mokaila katitaikina lakatulima lakatutala kwailuwoyu (620) tani, deli tanumnumta aiyani kala mokaila 3,400 tani.  
\v 8 E availa matausina isim si dakuna kwevivivila isakaisi makwaisina paila Bwala Kwebumaboma guguwala, e Yeyeli guma Libai dalela Gerisoni ikaraiwogi makwaisina.  
\v 9 E tomota deli si tagwala mokwita eisemakavaisi baisa Guyau, e matausina imwasawasi paila guguwa saina bidubadu bogwa leisakaisi matauna. Guyau Debida tuvaila la mwasawa ikalisau. 
\s1 Debida iyakawoli Yaubada 
\p  
\v 10 E omitasi komwaidona tomota guyau Debida iyakawoli Guyau Yaubada. Matauna ikaibiga kawala, “Guyau yoku tabumasi Yekobe la Yaubada, ibodi kam yakaula bikanuvagasi tuta gala biwokuva.  
\v 11 Yoku saina tovakaigaga deli topeuligaga, saina guyugwayu, migileu, deli bomikikila sainela. Bubuli komwaidona wa labuma deli ovalu watanawa baisa m vavagi, deli yoku Guyau, odubasi tokaraiwaga komwaidona yoku tokaraiwaga tosivagasi. \x - \xo 29.11 \xt Md 6.13\x* 
\v 12 Komwaidona guguwa deli veiguwa metoya wala baisa yoku. Yoku kukwaraiwogi vavagi komwaidona metoya om peula saina peuluvagasi, e ibodaim bukuvigaki availa wala bitopeula deli bitokaraiwaga.  
\v 13 Mapaila, ma Yaubadasi kanokagutokisi baisa yoku, e kayakawolaisi yagam igimanabwaita. 
\p  
\v 14 “Mitaga yeigu deli ulo tomota gala wala bibodi bakasakaimsi avai vavagi, paila uula komwaidona vavagi baisa m bobwailila baisa yakamaisi, e baisa avaka m vavagi lakakaimilivauwaisi wala lakasakaimsi.  
\v 15 Mwa Guyau, bogwa lokunikoli ma sisuaisi kala mwau makawala tokatupipi deli tomitawasi makawala goli tubumaiasi leivigakaisi tuta omitibogwa. Ma yamsi ovalu watanawa makawala kaikobula avai vavagi kalasia bivisigili bitamwau, e gala gagabila bakasakauligilaisi kaliga.  
\v 16 Mwa Guyau, yoku ma Yaubadasi, ka - yakamaisi bogwa lakamaiyaisi veiguwa komwaidona gulitinidesi paila bakakaliaiisi kwaitala bwala kwebumaboma paila yagam igibumaboma kala taimamila, mitaga vavagi komwaidona metitoya baisa yoku e yoku wala tolivavagi.  
\v 17 Yeigu bogwa lanikoli yoku kuuwakoli taitala taitala ninasi e kukwabwaili tomota metoya osi kamokwita. Ka, metoya ogu kwamokwita deli ogu tagwala vavagi komwaidona makwaisina lasakaim, e yeigu bogwa lagigisi ammakawala ulo tomota availa availa matausina leisigugulasi baisa deli si mwasawa leimaiyaisi si semakavi baisa yoku.  
\v 18 Mwa Guyau, Yaubada yoku tubumaiasi si Yaubada, Eberaam, Aisake, deli Yekobe anigada bukukwatukikiti kam dubumi bipeula bikanuvagasi oninasi m tomota e tuta komwaidona bukuvigaki matausina bikabikuwolaimsi.  
\v 19 Mwa, kuvigaki latugu Solomoni deli la ninatotila komwaidona paila bikabikuwoli vavagi komwaidona avaka avaka bukukwaraiwaga deli bikaliai Bwala Kwebumaboma makwaina yeigu bogwa lavigilabi katubaiasa.” 
\p  
\v 20 Oluvi Debida ikaraiwogi tomota, kawala, “Kuyakawolaisi Guyau mi Yaubada!” Mapaila komwaidona tomota iyakawolaisi Guyau, matauna tubusia si Yaubada, e matausina ikululusi itemmalaisi Yaubada deli goli guyau Debida. 
\p  
\v 21 Eiyam matausina ikatumataisi mauna paila bivigakaisi lula, e ikabomaisi baisa Guyau, e oluvi isakaisi tomota bikamsi. Tuvaila ilulasi lakatuluwotala bulumakau nammwala, lakatuluwotala sipi nammwala deli lakatuluwotala lam, e nammwaidona wala igabwaisi lula. Tuvaila matausina imaiyaisi waini paila si semakavi.  
\v 22 Mapaila yam makwaina matausina saina si mwasawa kwaiveka ikamkwamsi deli imomomsi baisa omatala Guyau. 
\p Siviyuwela ikamitulaisi Solomoni matauna guyau. Oyagala Guyau matausina ivaputumaisi matauna kasi tokugwa e Sadoki paila si tolula.  
\v 23 Mapaila Solomoni ikaimapu tamala Debida isili otakaikaia makwaina Guyau eisebogwi. Solomoni matauna saina giyoumkumku, e komwaidona boda Isireli ikabikuwolaisi matauna. \x - \xo 29.23 \xt 1 Gwe 2.12\x* 
\v 24 Komwaidona tokaraiwaga deli tokabilia, deli goli komwaidona Debida litula tauwau ikatotilasi bikabikuwolaisi Solomoni la guyau.  
\v 25 Mapaila Guyau ivigaki komwaidona boda Isireli bikavaginaisi Solomoni, e ivigaki matauna la guyau ikobaluluva ikalisau matausina availa availa giyoububogwa eiguguyausi olopola Isireli. 
\s1 Debida la Guyau kala vigimkovila livalela 
\p  
\v 26 Debida matauna Yese latula iguyoi komwaidona Isireli  
\v 27 iboda kwailuwovasi taitu. Matauna iguguyau mapilana Ebironi iboda kwailima kwaiyu taitu e mapilana Yerusalem iboda kwailuwotolu kwaitolu taitu. \x - \xo 29.27 \xt 2 Sml 5.4-5; 1 Lil 3.4\x* 
\v 28 Matauna ikaliga tutala bogwa saina eitomoya, bidubadu la veiguwa deli isim kala kamaiaba, e latula Solomoni eikaimapu matauna iguyau.  
\v 29 E guyau Debida liliula okala vitouula leima okala vigimkovila bogwa eiginaisi osi buki liliusi matausina kasitaitolu tovitoubobuta, Samwela, Netani, deli Gada.  
\v 30 Ginigini makwaina ikamituli ammakawala la guyau, ammakawala matauna la karaiwaga kala peula, deli komwaidona vavagi makwaisina eikikaloubusi baisa matauna, baisa Isireli, deli baisa kabokaraiwaga makwaisina opapala.