\id ROM - Koya
\ide UTF-8
\h ରୋମୀୟ
\toc3 ରୋମୀୟ
\toc2 ରୋମୀୟ
\toc1 ରୋମୀୟ ନାରୁଡ଼୍‌ ଗାର୍ରେ ପାଉଲ୍‌ତେ ଚିଟି
\mt2 ରୋମୀୟ ଲୋକମାନଙ୍କ ନିକଟକୁ ପାଉଲଙ୍କ ପତ୍ର
\mt1 ରୋମୀୟ ନାରୁଡ଼୍‌ ଗାର୍ରେ ପାଉଲ୍‌ତେ ଚିଟି
\imt ରୋମୀୟ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ରୋମୀୟ ବଇ ଆଦୁତ୍‍ ପ୍ରେରିତ୍‍ ପାଉଲ୍‍ନ୍‍ ତଡ଼୍‍ ସମ୍ୱାବନା ୫୪ ତାଗାଙ୍କ୍‍ ୫୮ କ୍ରିଷ୍ଟାଦ୍ଦତେ ଲୋପେ କ୍ରିଷ୍ଟନ୍‍ ଜନମ୍‍ ପେର୍କେ ଲେକା ଆସ୍‍ମାତ୍‍ତେ । ପାଉଲ୍‍ ରୋମ୍‍ତାଗ୍‍ ଆଦାନ୍‍ ମୁନେଙ୍କେ ରେଣ୍ଡ୍‍ ଯହୁଦୀ ନୁ ଅଣଯିହୁଦୀ କ୍ରିଷ୍ଟିୟାନ୍‍ ନାରୁଡ଼୍‍କ୍‍ ନିର୍ଦ୍ଦେଶ୍‍ ଇଦାନଙ୍କ୍‍ ଇଦ୍‍ ଚିଟି ଲେକିମାତ୍‍ତଣ୍ଡ୍ । ସାର୍ରେତଡ଼୍‍ ବେଲା ଜିସୁ କ୍ରିଷ୍ଟଙ୍କ୍‍ ବିଶ୍ୱାସ୍‍ ନୁ ମାନ୍ୟ ମାଡ଼ିତଡ଼୍‍ \xt ୧୬:୨୬\xt* ଅଦିନ୍‌ ସେଙ୍ଗେ ଅଣ୍ଡ୍‌‍ କରିନ୍ଥି ଟାୱୁନ୍‍ତାଗ୍‍ ମାନ୍ଦାନ୍‍ୱେଲେ ରୋମୀୟ କ୍ରିଷ୍ଟିୟାନ୍‍ ନାରୁଡ଼୍‍କ୍‍ ଆଦେଶ୍‌ ଇଦାନ୍‍ ସେଙ୍ଗେ ଇଦ୍‍ ଚିଟି ଲେକିମାତ୍‍ତଣ୍ଡ୍ ।
\ip ସାର୍ରେ ଜାଗାତାଗ୍‍ ସାର୍ରେ କ୍ରିଷ୍ଟିୟାନ୍‍ ନାରୁଡ଼୍‍ ସେଙ୍ଗେ ରୋମୀୟ ବଇ ଆଦୁତ୍‍ ଅଣ୍ଡୟ୍‌‍ ଗୁରୁତ୍ୱପୂର୍ଣ୍ଣ ବଇ, ବାତେଙ୍କ୍‍ଇତ୍‍କେ ମାନାଡ଼୍‍ ବେଲା ଜିସୁ କ୍ରିଷ୍ଟନ୍‍ ତଡ଼୍‍ ମୁକ୍ତି ପାଏମ୍‍ ଆଦେପାର୍‍ଦ୍‍ତାଡ଼୍‍ ପାଉଲ୍‍ ଗାଟି ସାୟେ ନୁ ଲେକେତ୍‍ ବୁଜା ମାଡ଼୍‍ତଣ୍ଡ୍‍ । ପାଉଲ୍‍ ପାଃନ୍ତେ ନିୟମ୍‍ତିଙ୍କ୍‍ ମିକା ଜିସୁ କ୍ରିଷ୍ଟନ୍‍ ସୁସମାଚାର୍‍ ତଡ଼୍‍ କାଲ୍‍ପିତଣ୍ଡ୍‍ । ବଇତ୍‍ \xt ୧:୧୬\xt* ପଦତିଙ୍କ୍‍ ଅସ୍‍ ନାର୍ଗେ ପଣ୍ଡିତ୍‍ ନାରୁଡ଼୍‍ ଯୁକ୍ତି ମାଡ଼ି କେତିତଡ଼୍‍ ଯେ, ଇଦ୍‍ ଗୁରୁତ୍ୱପୂର୍ଣ୍ଣ ନାଡ଼େମେତେ ଜାଗେ । ବାତ୍‍ ଇଗେ କେତାନଙ୍କ୍‍ ଆଦ୍‍ତେ, “ନାନ୍‍ ସୁସମାଚାର୍‍ ସେଙ୍ଗେ ସିଗ୍‍ ଆୟନ୍‍ ବାତେଙ୍କ୍‍ଇତ୍‍କେ ବେନଡ଼୍‍ ବିଶ୍ୱାସ୍‍ ମାଡ଼ିତଡ଼୍‍, ସାର୍ରେତଡ଼୍‍ ସେଙ୍ଗେ ଇଦ୍‍ ଇଶ୍ୱର୍‌ତେ ଶକ୍ତି । ମୁନେନ୍‍ ଯିହୁଦୀ ତାନ୍‍ପେର୍କେ ଅଣଯିହୁଦୀ ନାରୁଡ଼୍‍ ସେଙ୍ଗେ ଗାଲା ।” ମୁନେତ୍‌ ଦୁଡ଼େ \xt ୧–୧୨\xt* ଗାଟି ପାରମାର୍ତକ ନୁ ଦ୍ୱିତୀୟ୍‍ ଦୁଡ଼େ \xt ୧୩–୧୫\xt* କ୍ରିଷ୍ଟିୟ ଜିୱୁଣ୍ଡ୍‍ତାଗ୍‍ ନାର୍ଗେ ବ୍ୟବହାର୍ ନିର୍ଦ୍ଦେଶନା ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ
\io1 ୧. ପାଉଲ୍‍ ସାଦାରଣତ ନିଜର୍‍ ପରିଚୟ୍‍ ଇସ୍‍, ବେନଙ୍କ୍ ଚିଟି ଲେକିତଣ୍ଡ୍‍ ଆଦ୍‍ କେସ୍‍ ଚିଟି ଆରାମ୍‍ ମାଡ଼ିତଣ୍ଡ୍‍ । \ior ୧:୧-୧୫\ior*
\io1 ୨. ନାରୁଣ୍ଡ୍‍ ଜାତିତ୍‍ ରାଜ୍ୟ ନୁ ଜିସୁ କ୍ରିଷ୍ଟନ୍‍ ତଡ଼୍ ମୁକ୍ତି ସମ୍ଭବ୍‍ । \ior ୧:୧୬–୧୧:୩୬\ior*
\io1 ୩. କ୍ରିଷ୍ଟିୟାନ୍‍ ଜିୱୁଣ୍ଡ୍‍ ବାଦ୍‍କାନ୍‍ ସେଙ୍ଗେ ପାଉଲ୍‍ତେ ନାର୍ଗେ ବ୍ୟବହାର୍‌ ନିର୍ଦ୍ଦେଶନା । \ior ୧୨:୧–୧୫:୧୩\ior*
\io ୪. ଅଣ୍ଡ୍‌‍ ରୋମୀୟ ମଣ୍ଡଲିତେ ନାରୁଡ଼୍‍କିଙ୍କ୍‍ ଗାଟି ନମସ୍କାର୍‍ ମାଡ଼ି ଲେକା ତେର୍‍ସ୍ପିତଣ୍ଡ୍‍ । \ior ୧୬\ior*
\c 1
\s ପାଉଲ୍‍ତେ ଅବିନନ୍ଦନ୍‍
\p
\v 1 ପାଉଲ୍, କ୍ରିଷ୍ଟ ଜିସୁନ୍ ଦାସ ନୁ କାର୍‍ଙ୍ଗି ୱାତ୍‍ତେନଣ୍ଡ୍ ୱେରଣ୍ଡ୍ ପ୍ରେରିତ୍, ମେଣ୍ଡେ ଇଶ୍ୱର୍ ତାନ୍ ମାର୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ନିଜେତାଦ୍ ଆଦ୍ ସୁସମାଚାର୍ ମାୟ୍‍ଦିଙ୍କ୍ ଲେକ୍‍ତାଦ୍ ପାଉଲ୍‍ତେ ଚିଟି, 
\v 2 ପବିତ୍ର ଦର୍ମଶାସ୍ତ୍ରତାଗ୍ ଲେକ୍‍ତାଦ୍‍ ଲେକାମ୍‌ ଇଦ୍‍ ସୁସମାଚାର୍‍ ନାର୍ଗେ ଦିନାମ୍‍ ମୁନେତ୍‍କେ ତାନ୍ ବାବବାଦିଡ଼୍ ତଡ଼୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍ । 
\v 3 ଇଦିନ୍‍ ନାଡ଼୍‍ମ୍‍ ଜାଗେ ଆଦୁତଣ୍ଡ୍‍, ଇଶ୍ୱର୍‌ତେ ମାର୍‍, ମାନ୍‍ ପ୍ରବୁ ଜିସୁ କ୍ରିଷ୍ଟ । ମାନେୟ୍‍ ରକମ୍‍ ଅଣ୍ଡ୍‌‍ ଦାଉଦ୍‍ନ୍ ବଂଶତଣ୍ଡ୍, 
\v 4 ଇତ୍‍କେ ଦର୍ମତାଦ୍ ଆତ୍ମା ବିଷୟ୍‍ତେ ଡଲ୍‍ତଡ଼୍ ଲୋପେଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ଆସ୍ ଇଶ୍ୱର୍‌ତେ ମାର୍‌ ଇଞ୍ଜ ଶକ୍ତିତଡ଼୍ ପେଦେର୍‍ ଆତ୍‍ତଣ୍ଡ୍; 
\v 5 କ୍ରିଷ୍ଟନ୍‍ ସେଙ୍ଗେ ଇଶ୍ୱର୍ ନାକିଙ୍କ୍‍ ପ୍ରେରିତ୍‍ ଶିଷ୍‍ ଲେକାମ୍‍ ଏଞ୍ଚି ସାର୍ରେ ଅଣଯିହୁଦୀଡ଼୍‍ ନାରୁଡ଼୍‍ ଲୋପେ ପ୍ରଚାର୍‍ ମାଡ଼ାନଷଙ୍କ୍‍ ସୁଯୋଗ୍‍ ଇତ୍‌ତଣ୍ଡ୍‌‍; ବେଲାକି ଅଡ଼୍‌‍ କ୍ରିଷ୍ଟ ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନ୍‌‍ ଗଟି ମାନେମ୍‍ ଆଦ୍‍ତଡ଼୍‍ । 
\v 6 ରୋମ୍‍ତେ ଆଦିବାସିଡ଼୍‍ ! ମିଡ଼୍‍ ଗାଲା ଜିସୁ କ୍ରିଷ୍ଟନାଗ୍‍ ୱାଦାନ୍‍ ମାୟ୍‍ଦିଙ୍କ୍‍ କାର୍ଙ୍ଗିଅସ୍‍ ମିନ୍ଦେଡ଼ି । 
\v 7 ଆଦିଙ୍କ୍‍ ରୋମ୍‍ତେ ବେନଡ଼୍‍କିଂଙ୍କ୍ ଇଶ୍ୱର୍ ପ୍ରେମ ମାଡ଼ିତଣ୍ଡ୍‍ ମେଣ୍ଡେ ତାନ୍‍ ନିଜର୍‍ ନାରୁଣ୍ଡ୍‍ ଆଦାନଙ୍କ୍‍ କାର୍‍ଙ୍ଗ୍‍ତଣ୍ଡ୍‍, ଅଡ଼୍‌‍ ସାରେତଡ଼୍‍କିଙ୍କ୍‍ ନାନ୍‍ ଇଦ୍‍ ଚିଟି ଲେକୁତାନ୍‍ । ମାନ୍‍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ମିକିଂଙ୍କ୍‍ ଅନୁଗ୍ରହ ନୁ ଶାନ୍ତି ଇୱିଣ୍ଡ୍‍ ।
\s ଦନ୍ୟବାଦ୍ ପ୍ରାର୍ତନା
\p
\v 8 ମୁନେନ୍‍, ନାନ୍ ମିଡ଼୍ ସାର୍ରେତଡ଼୍‍ତେ ମାୟ୍‍ଦିଙ୍କ୍ ଜିସୁ କ୍ରିଷ୍ଟନ୍ ତଡ଼୍ ନା ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦୁତାନ୍, ବାତେଙ୍କ୍‍ ଇତ୍କେ ମିୟାଦ୍ ବିଶ୍ୱାସ୍‍ତାଦ୍ ସାୟେତ୍ କାବୁର୍ ଯେ ସାରେ ଜଗତ୍‍ତାଗ୍ କେଞ୍ଜାନଙ୍କ୍ ଆଦୁତ୍‍ତେ । 
\v 9 ସାରେଦାମ୍‍ ନାନ୍‍ ବେନ୍‍ ଇଶ୍ୱର୍‌ତିଙ୍କ୍‍ ସେବା ମାଡ଼ୁତାନ୍‍ ନୁ ବେନ୍‍ ଇଶ୍ୱର୍‌ତେ ମାରିନ୍‍ ସାୟେତ୍‍ କାବୁର୍‍ ନାନ୍‍ ପ୍ରଚାର୍‍ ମାଡ଼ୁତାନ୍‍, ଆ ଇଶ୍ୱର୍ ନା ସାକ୍ଷି । 
\v 10 ପ୍ରାର୍ତନା ମାଡ଼ାନ୍‍ୱେଲେ ନାନ୍‍ ସାରେଦାମ୍‍ ମିକିଂଙ୍କ୍‍ ଏର୍କେ ମାଡ଼ିତାନ୍‍ ନୁ ମି ବକେତ୍‍ ୱାଦାନ୍‍ ସେଙ୍ଗେ ନାକିଙ୍କ୍‍ ସୁଯୋଗ୍‍ ଇଦାନ୍‍ ମାୟ୍‍ଦିଙ୍କ୍‍ ଇଶ୍ୱର୍‌ତାଗ୍‍ ନିମେଦନ୍‍ ମାଡ଼ି ୱାଦୁତାନ୍‍ । 
\v 11 ମି ବକେତ୍‍ ୱାସ୍‍ ନାନ୍‍ ଦର୍‍ସ୍କି ମାନ୍ଦାନ୍‍ ଆତ୍ମିକ୍‍ ଦାନ୍‍ ବିଷୟ୍‍ତେ ମିକିଂଙ୍କ୍‍ କର୍ତ୍ତାନ୍‌ ତଡ଼୍ ମିୟାଦ୍‍ ବିଶ୍ୱାସ୍‍ତିଙ୍କ୍‍ ଡୁଟାଙ୍ଗ୍‍ ମାଡ଼ିତାନ୍‍, ଇଦ୍‍ ନାୟାଦ୍‍ ଅଣ୍ଡୟ୍‌ ଇଚ୍ଛା । 
\v 12 ଇଦିନ୍‍ ତଡ଼୍ ମାନାଡ଼୍‍ ନିଜର୍‍ନିଜର୍‍ ଲୋପେ ବିଶ୍ୱାସ୍‍ତିଙ୍କ୍‍ ଡୁଟାଙ୍ଗ୍‍ ମାଡ଼େପାର୍ଦ୍‍ତାଡ଼୍‍ । 
\v 13 \x + \xo ୧:୧3 \xo*\xt ପ୍ରେରିତ ୧୯:୨୧.\xt*\x*ହୋ ଦାଦାଲଡ଼ି ନୁ ଏଲାସ୍କ୍‍, ମି ବକେତ୍‍ ୱାଦାନଙ୍କ୍‍ ନାନ୍‍ ନାର୍ଗେଦାମ୍‍ ଇଚ୍ଛା ମାଡ଼୍‍ତାନ୍‍, ଇତ୍‍କେ ବାତ୍‍ଆୟି କାରନ୍‍ ମାୟ୍‍ଦିଙ୍କ୍‍, ଇଞ୍ଜେକ୍‍ଆନା ୱାଦାନଙ୍କ୍‍ ପାର୍‍ୱନ୍‍ । ଆନ୍‌ୱେ ଜାଗାକିନାଗ୍‍ ଅଣଯିହୁଦୀଡ଼୍‍ ଲୋପେ ପ୍ରଚାର୍‍ ମାଡ଼ି ବେଲା ସଫଲ୍‍ ଆତ୍‍ତାନ୍‍, ମି ଜାଗାକିନାଗ୍‍ ଗାଲା ଆଲା ମାଡ଼ାନଙ୍କ୍‍ ନାୟାଦ୍‍ ଇଚ୍ଛା । 
\v 14 ଗ୍ରୀକ୍‍ ନାରୁଡ଼୍‍ ଆୟି କି ବର୍ବର୍ ନାରୁଡ଼୍‍ ଆୟି, କାର୍‍ତେନଣ୍ଡ୍ ଆୟି କି କାର୍‍ୱେନଣ୍ଡ୍ ଆୟି, ସାର୍ରେତଡ଼୍ ବକେତ୍ ନାନ୍ ଋଣୀ । 
\v 15 ଆଦିଙ୍କ୍ ରୋମ୍‍ଦେଶ୍‍ତଡ଼ି ଆତ୍‍କେ ମିକା, ମିଇ ବକେତ୍ ଗାଲା ସୁସମାଚାର୍ ପ୍ରଚାର୍ ମାଡ଼ାନଙ୍କ୍ ନାୟାଦ୍ ଇଚ୍ଛା ମିନ୍ଦେ ।
\s ସୁସମାଚାର୍‍ତାଦ୍ ଶାତ୍‍ୱାମ୍‍
\p
\v 16 \x + \xo ୧:୧୬ \xo*\xt ମାର୍କ ୮:3୮.\xt*\x*ବାତେଙ୍କ୍ଇତ୍‍କେ ନାନ୍ ସୁସମାଚାର୍‍ତିଙ୍କ୍ ସିଗ୍ ମାଡ଼ନ୍, ଆଦ୍ ସାର୍‍ରେ ବିଶ୍ୱାସିଡ଼୍‍କିଂଙ୍କ୍ ପରିତ୍ରାଣ୍ ସେଙ୍ଗେ ଶାତ୍‍ୱାମ୍‍, ମୁନେନ୍ ଯିହୁଦୀଡ଼ାଗ୍, ମେଣ୍ଡେ ଗ୍ରୀକ୍‍ ନାରୁଡ଼ାଗ୍ । 
\v 17 ଆଗେ ତ ଇଶ୍ୱର୍ ଇତ୍‍ତାଦ୍ ଦାର୍ମାମ୍ ମିନ୍ଦେ, ଆଦ୍ ବିଶ୍ୱାସ୍‍ତାଦ୍ ନୁ ବିଶ୍ୱାସ୍ ମାଡ଼ାନାଦ୍, ବେଦ୍‍ପୁଟୁଙ୍କ୍ ଲେକାମିନ୍ଦେ, “ଦର୍ମାମ୍ ନାରୁଡ଼୍ ବିଶ୍ୱାସ୍‍ତଡ଼୍ ବାଦ୍‍କିତଣ୍ଡ୍ ।”
\s ନାରୁଡ଼ାଦ୍ ପାପ୍
\p
\v 18 ବାତେଙ୍କ୍ଇତ୍‍କେ ବେନ୍ ନାରୁଡ଼୍ ଅଦର୍ମତଡ଼୍ ସତ୍‍ତିଙ୍କ୍ ବିରୁଦ୍ ମାଡ଼ିତଡ଼୍, ଅଡ଼ାଦ୍‌ ସାର୍‍ରେ ଅପବିତ୍ର ନୁ ଅଦର୍ମ ବିରୁଦ୍‍ତେ ସ୍ୱର୍ଗତାଗ୍ ଇଶ୍ୱର୍ କପାମ୍ ଆଦୁତନ୍, 
\v 19 ଆଦିଙ୍କ୍ ଇଶ୍ୱର୍‌ତେ ବିଷୟ୍ ବାତ୍ ପୁତ୍‍ତଡ଼୍, ଆଦ୍ ତାମ୍ ଜିୱୁଣ୍ଡ୍‍ତାଗ୍ ପୁତ୍‍ତଡ଼୍; ଇଶ୍ୱର୍ ତ ତାମ୍ ବକେତ୍ ଆଦ୍ କେତ୍‍ତଣ୍ଡ୍ । 
\v 20 ଜଗତ୍ ତିଆର୍ ଆତ୍‍ତେକନ୍‌ସ୍ ଅନାଦ୍‌ ଲୋପେ ମାନ୍ଦାନ୍ ଗୁନାମ୍ ସାର୍‍ରେ, ଇତ୍‍କେ ଅନାଦ୍‌ ନାର୍‍ଗେ ତେର୍‍ୱାଦ୍ ଶକ୍ତି ନୁ ଇଶ୍ୱର୍ ଗୁନାମ୍, ତିୟାର୍ ମାଡ଼୍‍ତେ ଜିନିଷ୍‍ତଡ଼୍ ଜ୍ଞାନି ଆସ୍ ସାୟେ ଲେକାମ୍ ତଅନ୍‌ଦୁତ୍, ବେଲାକି ଅଡ଼୍‌ ଉତ୍ତର୍ ଇଦାନଙ୍କ୍ ଆର୍ର୍ ଇଲ୍‍ଲେ । 
\v 21 \x + \xo ୧:୨୧ \xo*\xt ଏଫିସିୟ ୪:୧୭,୧୮.\xt*\x*ବାତେଙ୍କ୍ଇତ୍‍କେ ଅଡ଼୍‌ ଇଶ୍ୱର୍‌ତିଙ୍କ୍ ପୁଞ୍ଜ୍ ଅଂକିଙ୍କ୍‌ ଇଶ୍ୱର୍ ଇଞ୍ଜ ଗୌରବ୍ ମାଡ଼ଡ଼୍‍ କି ଦନ୍ୟବାଦ୍ ଇୱଡ଼୍, ଅଡ଼୍‌ ତାମ୍‍ତାମ୍ ଯୁକ୍ତିତର୍କ ଆଦ୍‍ତଡ଼୍ ନୁ ଅଡ଼ାଦ୍‌ ବୁଦ୍‍ଇଲ୍‍ୱାଦ୍ ମନ୍ ଇକାଡ଼୍ ଆତ୍‍ତେ; 
\v 22 ଅଡ଼୍‌‍ ନିଜେ ନିଜେତିଙ୍କ୍ ଜ୍ଞାନି ଇଞ୍ଜ ମନେ ମାଡ଼ିତଡ଼୍‍, ଇତ୍‍କେ ଅଡ଼୍‌ ନିଜାମ୍‍ ମୁର୍କ ଆଦ୍‍ତଡ଼୍, 
\v 23 ଅନନ୍ତ ଇଶ୍ୱର୍‌ତିଙ୍କ୍‍ ଗୌରବ୍‍ ମାଡ଼୍‍ୱେକଟ ଅଡ଼୍‌‍ ନଷ୍ଟ ଆଦାନ୍ ନାରୁଡ଼୍, ପିଟ୍‍ଟେ, ପଶୁ, ତାଡ଼ାକ୍‍ ରକମ୍‍ ଜିୱାକ୍ ଲେକାମ୍ ମୁର୍ତ୍ତି ତିୟାର୍ ମାଡ଼ି ଆୱିଙ୍କ୍‍ ପୁଜା ମାଡ଼ୁତଡ଼୍ । 
\v 24 ଆଦିଙ୍କ୍ ଇଶ୍ୱର୍ ଅଡ଼୍‌‍କିଂଙ୍କ୍‍ ୱିଡ଼୍‍ସ୍‍ତଣ୍ଡ୍‍ ନୁ ଅଡ଼୍‌‍ ନିଜର୍‍ନିଜର୍‍ ଲାଲସା ଲେକାମ୍‌ ଅଶୁଚି ପାଡ଼୍‍ୟି ମାଡ଼ିତଡ଼୍‍, ଅଡ଼୍‌‍ ନିଜର୍‍ନିଜର୍‍ ଲୋପେ ସିଗ୍‍ୱାଦାନ୍‍ ସମ୍ପର୍କ ନେଃତିତଡ଼୍‍ । 
\v 25 ବାତେଙ୍କ୍ଇତ୍‍କେ ଅଡ଼୍‌ ଇଶ୍ୱର୍‌ତେ ସତ୍ ବଦଲ୍‍ତେ ମିଚ୍ ଗ୍ରହନ୍ ମାଡ଼୍‍ତଡ଼୍ ନୁ ତିୟାର୍ ମାଡ଼୍‍ତେନଣ୍ଡ୍ ବଦଲ୍‍ତେ ତିୟାର୍‍ ମାଡ଼୍‍ତେ ଜିନିଷ୍‍ତିଙ୍କ୍ ପୁଜା ମାଡ଼୍‍ତଡ଼୍ ନୁ ସେବା ମାଡ଼୍‍ତଡ଼୍; ଅଣ୍ଡ୍‌ ଯୁଗ୍‍ଯୁଗ୍ ଦନ୍ୟ । ଆମେନ୍ । 
\v 26 ଇଦିନ୍ ସେଙ୍ଗେ ଇଶ୍ୱର୍ ଅଡ଼୍‌‍କିଂଙ୍କ୍ ଗୃନାତାଦ୍ ପାପ୍ ଇତ୍‍ତନ୍, ବାତେଙ୍କ୍ଇତ୍‍କେ ତାମ୍ ନାଟାଙ୍କ୍ ସାୟେତ୍ ବ୍ୟବହାର୍‌ ମାଡ଼ାନ୍ ବଦଲ୍‍ତେ କାରାପ୍ ବ୍ୟବହାର୍‌ ମାଡ଼୍‍ତା, 
\v 27 ଆଦେରକମ୍ ମାନେୟ୍‍ ଗାଲା ନିଜେତ୍ ମୁତେଙ୍କ୍ ୱିଡ଼୍‍ସି ମିକା ତାମ୍‍ତାମ୍ ଲାଲ୍‍ସା ମାଡ଼୍‍ତଡ଼୍, ମାନେୟ୍‍ ତଡ଼୍ ମାନେୟ୍‍ତେ କାରାପ୍ ପାଡ଼୍‍ୟି ମାଡ଼୍‍ତଡ଼୍, ମେଣ୍ଡେ ନିଜେ ନିଜେତାଦ୍ କାରାପ୍ ପାଡ଼୍‍ୟି ସେଙ୍ଗେ କଷ୍ଟ ପାଏମ୍ ଆଦ୍‍ତଡ଼୍ । 
\v 28 ମେଣ୍ଡେ ଅଡ଼୍‌ ଇଶ୍ୱର୍‌ତେ ବିଷୟ୍‍ତାଦ୍ ବୁଦ୍‍ ଗ୍ରହଣ୍‍ ମାଡ଼ାନଙ୍କ୍ ପାର୍‍ୱଡ଼୍, ଆଦେରକମ୍ ଇଶ୍ୱର୍ କାରାପ୍ ପାଡ଼୍‍ୟି ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ କାରାପ୍ ବୁଦ୍‍ ଇତ୍‍ତନ୍ । 
\v 29 ଅଡ଼୍‌ ସାର୍ରେପ୍ରକାର୍ ଦୁଷ୍ଟ, ଅଦର୍ମ, ଲବି, ଇଂସା, ଇର୍ଷା, ହାଉକାଙ୍କ୍, ଗଲ୍‍କ୍, ମିଚ୍, କାରାପ୍‍ ନୁ ନିନ୍ଦାତଡ଼୍ ବର୍ତ୍ତି ଆଦ୍‍ତଡ଼୍; 
\v 30 ଅଡ଼୍‌ ପେର୍‍ଲେ, ନିନ୍ଦ୍ ମାଡ଼ିତଡ଼୍‍, ଇଶ୍ୱର୍‌ତିଙ୍କ୍‍ ପାସ୍‍କିତଡ଼୍‍, ଅତ୍ୟାଚାର୍, ଅହଂକାରି, କାରାପ୍ ପାଡ଼୍‍ୟି ତିୟାର୍ ମାଡ଼ାନଡ଼ି, ୟାୟବାବାନ୍ ଗଟି କେଞ୍ଜଡ଼୍, 
\v 31 ଅଡ଼୍‌‍ ମୁର୍କ, ନିୟମ୍ ପାଲନ୍ ମାଡ଼ଡ଼୍‍, ସ୍ନେହ ମାଡ଼ଡ଼୍‍ ନୁ ନିଷ୍ଠୁର୍ ଆଦ୍‍ତଡ଼୍ । 
\v 32 ଅଡ଼୍‌‍ ପୁତ୍‍ତଡ଼୍‍ ଯେ, ଇଶ୍ୱର୍ ବିଦାନ୍‍ ଲେକାମ୍‌ ବେନଡ଼୍ ଇଦ୍ ରକମ୍ ବ୍ୟବହାର୍‌ ମାଡ଼ିତଡ଼୍, ଅଡ଼୍‌ ଡଲିତଡ଼୍, ଇଶ୍ୱର୍‌ତାଦ୍ ଇଦ୍ ନିୟମ୍ ପୁତ୍‍କେ ଗାଲା ଅଡ଼୍‌ ଇଦ୍‍ରକମ୍ ବ୍ୟବହାର୍‌ ମାଡ଼ିତଡ଼୍ ଆଦ୍ ଆୟ୍‍ୟ, ମେଣ୍ଡେ ଇଦ୍ ରକମ୍ ମାଡ଼ାନ୍ ନାରୁଡ଼୍‍କିଂଙ୍କ୍ ୱେଡ଼୍‍କେତେ ସପଟ୍ ମାଡ଼ିତଡ଼୍ ।
\c 2
\s ଇଶ୍ୱର୍‌ତାଦ୍ ନ୍ୟାୟ୍ ବିଚାର୍
\p
\v 1 \x + \xo ୨:୧ \xo*\xt ମାତିଉ ୭:୧; ଲୁକ ୬:3୭.\xt*\x*ଆଦିଙ୍କ୍, ହୋ ଦାଦାଲ୍‍ ନୁ ଏଲାଡ଼୍‍, ମିଡ଼୍‍ ବାତ୍‍ ମେଣ୍ଡେଅଡ଼୍‌‍ତିଡ଼୍‍କ୍‍ ବିଚାର୍ ମାଡ଼ୁତିଡ଼୍‍, ନିମ୍‍ ବେନଆଇ ଆତ୍‍କେ ଗାଲା, ଇଲା ମାଡ଼ାନାଦ୍‍ ନିୟାଦ୍‍ ଟିକ୍‍ ଆୟ; ବାତେଙ୍କ୍ଇତ୍‍କେ ବେନ୍ ବିଷୟ୍‍ତେ ନିମ୍‍ ମେଣ୍ଡେଅଡ଼୍‌‍ତିଡ଼୍ ବିଚାର୍ ମାଡ଼ୁତିନ୍‍, ଆଦ୍ ବିଷୟ୍‍ତେ ନିମେ ନିଜେତିଙ୍କ୍ ଦଷି ମାଡ଼ୁତିନ୍‍, ଆଦିଙ୍କ୍ ନିମେ ବିଚାର୍ ମାଡ଼ମାନ୍‍, ନିମେ ନିଜେ ଆଦ୍‍ଲେକାମ୍ ପାଡ଼୍‍ୟି ମାଡ଼ୁତିନ୍‍ । 
\v 2 ମେଣ୍ଡେ ବେନ ଇଦ୍ ରକମ୍ ପାଡ଼୍‍ୟି ମାଡ଼ିତଡ଼୍, ଅଡ଼୍‌ ବିରୁଦ୍‍ତେ ଇଶ୍ୱର୍ ସତ୍‍ ବିଚାର୍ ମାଡ଼ିତନ୍ ଇଦ୍ ମାମ୍‍ମେ ପୁତ୍‍ତମ୍ । 
\v 3 ମେଣ୍ଡେ, ହୋ ଦାଦାଲ୍‍ ନୁ ଏଲାଡ଼୍‍, ବେନଡ଼୍ ଇଦ୍ ରକମ୍ ପାଡ଼୍‍ୟି ମାଡ଼ିତଡ଼୍, ଅଡ଼ାଦ୍‌ ବିଚାର୍ ମାଡ଼ି ନିମେ ନିଜେ ଆଦ୍ ରକମ୍ ପାଡ଼୍‍ୟି ମାଡ଼ମାନ୍‍ତିନ୍‍, ନିମେ ବାଆତେ ଇଶ୍ୱର୍ ବିଚାର୍ ମାଡ଼ାନ୍‍ୱେଲେ ମିରାନଙ୍କ୍ ଆଲ୍‍ସୁତିନ୍‍ ? 
\v 4 ଆଦ୍‍ପାର୍‍ଦ୍‍ତେ, ଇଶ୍ୱର୍‌ତେ କୃପା, ଗାଡ଼୍‍ସ୍ ନୁ ସାରେ ଲେକାମ୍ ଦନ୍‍ତିଙ୍କ୍ ଆଙ୍ଗ୍‍ଡ଼ାମ୍ ମାଡ଼ୁତିଡ଼୍ । ଆଗେକ୍‍ବା ମିଡ଼୍‍ ପୁତ୍‍ତିଡ଼୍‍ ଯେ ଇଶ୍ୱର୍ ଦୟାବାନ୍‍, ବାତେଙ୍କ୍‍ଇତ୍‍କେ ଅଣ୍ଡ୍‌‍ ମିକିଂଙ୍କ୍ ମନ୍ ବାଦ୍‍ଲା ମାଡ଼ାନଙ୍କ୍ ତିୟାର୍ ଆଦୁତନ୍ । 
\v 5 ଇତ୍‍କେ ମିଡ଼୍ ନିଜର୍‍ ଗାଡ଼୍‍ସ୍ ନୁ ବାଦ୍‍ଲେମ୍ ଆୟ୍‍ୱାଦ୍ ଜିୱୁଣ୍ଡ୍ ଲେକାମ୍, ବେନ୍ ଦିନ୍ ଇଶ୍ୱର୍‌ତାଦ୍ ନ୍ୟାୟ ବିଚାର୍ ଆଦ୍‍ତେ, ଆଦ୍ କପାମ୍ ଦିନ୍ ସେଙ୍ଗେ ମିଡ଼୍ ନିଜେ କପାମ୍ ଗାଡ଼୍‍ସୁତିଡ଼୍; 
\v 6 ବାତେଙ୍କ୍‍ଇତ୍‍କେ ଅଣ୍ଡ୍‌ ସାର୍‍ରେ ନାରୁଡ଼୍‍କିଂଙ୍କ୍ ନିଜର୍‍ ନିଜର୍‍ ପାଡ଼୍‍ୟି ସେଙ୍ଗେ ଇନାମ୍‍ ଇଦ୍‍ତଣ୍ଡ୍; 
\v 7 ବେନଡ଼୍ ଗାଡ଼୍‍ସ୍ ଆସ୍ ସାୟେତ୍ ପାଡ଼୍‍ୟି ମାଡ଼ି ଗୌରବ୍, ସମ୍ମାନ୍ ନୁ ଅମର୍ ଆଦାନଙ୍କ୍ ଚାଏମ୍ ଆଦ୍‍ତଡ଼୍, ଅଡ଼୍‌‍କିଂଙ୍କ୍ ସାରେଦିନାତ୍ ଜିୱୁଣ୍ଡ୍ ଇଦ୍‍ତଣ୍ଡ୍, 
\v 8 ଇତ୍‍କେ ମେଣ୍ଡେଅଣ୍ଡ୍‌‍ ପାକେ ବେନଡ଼୍ ସ୍ୱାର୍ତପର, ମେଣ୍ଡେ ସତ୍‍ତିଙ୍କ୍ ପାଲନ୍ ମାଡ଼ଣ୍ଡ୍, ଅଦର୍ମ ପାଲନ୍ ମାଡ଼ିତନ୍, ଅଡ଼୍‌‍କିଂଙ୍କ୍ କପାମ୍ ନୁ ଦଂସ ଦର୍‍କିତ୍ । 
\v 9 ସାର୍‍ରେ କାରାପ୍ ପାଡ଼୍‍ୟି ମାଡ଼ାନ୍ ନାରୁଡ଼୍ ଜିୱୁଣ୍ଡ୍ ପର୍‍ର ଦୁଃକା ନୁ କଷ୍ଟ ଆଦ୍‍ତେ, ମୁନେନ୍ ଯିହୁଦୀ ନାରୁଡ଼୍‍କ୍ ନୁ ଅଣଇହୁଦୀ ନାରୁଡ଼୍‍କ୍ ଆଦ୍‍ତେ । 
\v 10 ଇତ୍‍କେ ସାର୍‍ରେ ସାୟେତ୍ ପାଡ଼୍‍ୟି ମାଡ଼ାନ୍ ନାରୁଡ଼୍‍କ୍‍ ଇଶ୍ୱର୍ ଅଡ଼୍‌‍କିଂଙ୍କ୍‍ ଗୌରବ୍, ସମ୍ମାନ୍ ନୁ ଶାନ୍ତି ଇଦ୍‍ତଣ୍ଡ୍‍ । ମୁନେନ୍ ଯିହୁଦୀ ନାରୁଡ଼୍‍କ୍‍ ତାନ୍‍ପେର୍କେ ଅଣଯିହୁଦୀ ନାରୁଡ଼୍‍କ୍ । 
\v 11 ବାତେଙ୍କ୍ଇତ୍‍କେ ଇଶ୍ୱର୍ ସାର୍ରେତଡ଼୍‍କିଙ୍କ୍‍ ସାମାନ୍ ବିଚାର୍‍ ମାଡ଼ିତଣ୍ଡ୍ । 
\v 12 ଆଦିଙ୍କ୍ ବେସର୍ ନାରୁଡ଼୍ ମୋଶାନ୍‌‌ ନିୟମ୍ ପାଲନ୍ ମାଡ଼କଟ୍ ପାପ୍ ମାଡ଼୍‍ତଡ଼୍, ଅଡ଼୍‌ ଗାଲା ବିନା ନିୟମ୍ ତଡ଼୍ ନଷ୍ଟ ଆଦ୍‍ତଡ଼୍; ମେଣ୍ଡେ ବେସର୍ ମୋଶାନ୍‌‌ ନିୟମ୍ ପାଏମ୍ ଆସ୍ ପାପ୍ ମାଡ଼୍‍ତଡ଼୍, ଅଡ଼୍‌ ଆଦ୍‍ ନିୟମ୍ ଲେକାମ୍ ବିଚାର୍ ଆଦ୍‍ତଡ଼୍, 
\v 13 ବାତେଙ୍କ୍ଇତ୍‍କେ ନିୟମ୍ ପୁତ୍‍ତଡ଼୍ ଇଶ୍ୱର୍‌ତେ ମୁନ୍‍ନେ ଦାର୍ମାମ୍ ଆୟ୍‍ୟଡ଼୍, ଇତ୍‍କେ ନିୟମ୍ ପାଲନ୍ ମାଡ଼ାନଡ଼୍‍ ଦାର୍ମାମ୍‌ ଆଦ୍‍ତଡ଼୍ । 
\v 14 ଆଦିଙ୍କ୍ ଅଣଯିହୁଦୀଡ଼ାଦ୍ ଆଦ୍ ନିୟମ୍ ଇଲ୍‍ୱେମାତ୍‍କେ ମିକା, ବେସୁଟ୍‌ ଅଡ଼୍‌ ନିୟମ୍ ଲେକାମ୍ ପାଡ଼୍‍ୟି ମାଡ଼ିତଡ଼୍, ଆସୁଟେ ଅଡ଼୍‌‍କ୍ ନିୟମ୍ ଦର୍କକ୍ ଗାଲା ଆଦ୍‍ ଅଡ଼୍‌‍କିଂଙ୍କ୍ ନିୟମ୍ ଲେକାମ୍ ଆଦ୍‍ତେ; 
\v 15 ଅଡ଼ାଦ୍‌‍ ପାଡ଼୍‍ୟିତଡ଼୍‍ ଇଦ୍‍ ସାୟେ ପୁନ୍ଦାନଙ୍କ୍‍ ଆଦୁତ୍‍ ଯେ, ବ୍ୟବସ୍ଥାତାଦ୍‍ ନିୟମ୍‍ ଅଡ଼ାଦ୍‌‍ ହୃଦୟ୍‍ତାଗ୍‍ ଲେକା ଆସ୍‍ମିନ୍ଦେ । ଇଦ୍‍ ଗଟ୍‍ତାଦ୍‍ ସତ୍ୟ ଅଡ଼୍‌‍ୱାଦ୍‍ ବିବେକ୍‍ ତଡ଼୍‍ ପ୍ରାମାନ୍‍ ଆଦ୍‍ତେ, ସତ୍‍ ଚିନ୍ତେ ମାଡ଼୍‍କେ ବିବେକ୍‍ ଅଡ଼୍‌‍କିଂଙ୍କ୍ ସପଟ୍‍ ମାଡ଼ିତ୍, କାରାପ୍‍ ଚିନ୍ତେ ମାଡ଼୍‍କେ ଦୋଷି ମାଡ଼ିତ୍‍ । 
\v 16 ବେନ୍ ଦିନ୍ ଇଶ୍ୱର୍ ନାୟାଦ୍ ସୁସମାଚାର୍ ଲେକାମ୍ ଜିସୁ କ୍ରିଷ୍ଟନ୍ ତଡ଼୍ ନାରୁଡ଼ାଦ୍ ମିଞ୍ଜିମାନ୍ଦାନ୍ ବିଷୟ୍‍ତିଙ୍କ୍ ବିଚାର୍ ମାଡ଼ିତନ୍, ଆଦ୍ ଦିନ୍ ଇଦ୍ ପେୟ୍‍ତିତ୍ ।
\s ଯିହୁଦୀ ନୁ ନିୟମ୍
\p
\v 17 ଯଦି ମିଡ଼୍ ଯିହୁଦୀ ପେଦେର୍ ପୟ୍‍ସ୍ ମିକା ମୋଶାନ୍‌‌ ନିୟମ୍ ପର୍‍ର ଆଶେ ମାଡ଼ୁତିଡ଼୍ ନୁ ଇଶ୍ୱର୍‌ତଡ଼୍‍ ସମ୍ପର୍କ ମିନ୍ଦେ ଇଞ୍ଜ ଗର୍ବ ମାଡ଼ୁତିଡ଼୍, 
\v 18 ଇଶ୍ୱର୍ ମିୟାଗାଙ୍କ୍‍ ବାତେ ଇଚ୍ଛା ମାଡ଼ୁତଣ୍ଡ୍‍ ଆଦ୍‍ ପୁତ୍‍ତିଡ଼୍‍ ନୁ ନିୟମ୍‍ତାଗାଙ୍କ୍‍ ସତ୍‍ ନୁ ଆସତ୍ ଜ୍ଞାନ୍‍ ପାଏମ୍‍ ଆତ୍‍ତିଡ଼; 
\v 19 ମିଡ଼୍‍ ନିଜାମ୍‍ ପୁତ୍‍ତିଡ଼୍‍ ଯେ, ମିଡ଼୍‍ ଇକାଡ଼୍‌ତାଗ୍‍ ମାନ୍ଦାନ୍‍ ନାରୁଡ଼୍‍କିଙ୍କ୍‍ ୱେସ୍‍ ରକମ୍‍ ଆଦ୍‍ତିଡ଼୍‍, 
\v 20 ମୁର୍କ ନାରୁଡ଼୍‍ତେ ମେସ୍ତେରି, ଅଜ୍ଞାନ୍‍ ନାରୁଡ଼୍‍ତେ ଗୁରୁ । ମିୟାଦ୍‍ ବିଶ୍ୱାସ୍‍ ଯେ ନିୟମ୍‍ତାଗାଙ୍କ୍‍ ମିଡ଼୍‍ ପୁରା ସତ୍ୟ ନୁ ଜ୍ଞାନ୍‍ ପାଏମ୍‍ ଆତ୍‍ତିଡ଼୍‍ । 
\v 21 ମିଡ଼୍ ଯଦି ମେଣ୍ଡେଅଡ଼୍‌‍ତିଡ଼୍‍କ୍‍ ଶିକ୍ଷା ଇଦୁତିଡ଼୍, ମିଡ଼୍ ବାଆତେ ନିଜେତିଙ୍କ୍ ଶିକ୍ଷା ଇୱିଡ଼୍ ? “ଡଙ୍ଗ୍‍ମାଟ୍ ଇଞ୍ଜ ପ୍ରଚାର୍ ମାଡ଼ି ମିଡ଼୍ କି ଡଙ୍ଗୁତିଡ଼୍ ?” 
\v 22 “ବେବିଚାର୍ ମାଡ଼୍‍ମାଟ୍ ଇଞ୍ଜ କେସ୍ ମିଡ଼୍ କି ବେବିଚାର୍ ମାଡ଼ୁତିଡ଼୍ ? ମିଡ଼୍ ମୁର୍ତ୍ତିତିଙ୍କ୍ ଗୃଣା ମାଡ଼ୁତିଡ଼୍, ମିଡ଼୍ କି ମନ୍ଦିର୍‍ତାଗ୍‍ ଇତ୍‍ତାୱୁ ଜିନିଷ୍‍ ଲୁଣ୍ଠନ୍ ମାଡ଼ୁତିଡ଼୍ ?” 
\v 23 ମିଡ଼୍ ଇଶ୍ୱର୍‌ତେ ନିୟମ୍ ତଡ଼୍ ଗର୍ବ ମାଡ଼ୁତିଡ଼୍, ନିୟମ୍ ଲଘଂନ୍ ମାଡ଼ି ମିଡ଼୍ ବାଆତେ ଇଶ୍ୱର୍‌ତିଙ୍କ୍ ହୀନ୍ ମାଡ଼୍‍ୱିଡ଼୍ ? 
\v 24 ବାତେଙ୍କ୍ଇତ୍‍କେ ବେଲା ଲେକାମିନ୍ଦେ, “ମିଇ ସେଙ୍ଗେ ଅଣଯିହୁଦୀ ନାରୁଡ଼୍ ଲୋପେ ଇଶ୍ୱର୍‌ତେ ପେଦେର୍ ନିନ୍ଦ୍ ଆଦୁତ୍‍ତେ ।” 
\v 25 ଯଦି ମିଡ଼୍ ନିୟମ୍ ପାଲନ୍ ମାଡ଼ୁତିଡ଼୍, ଆଲେକେ ନିଜାମ୍ ମିଡ଼୍ ସୁନ୍ନତ୍ ପାଏମ୍ ଆତ୍‍ତେ ନାରୁଡ଼୍‍ ଲେକାମ୍‍ ଆଦ୍‍ତିଡ଼୍, ଇତ୍‍କେ ମିଡ଼୍ ନିୟମ୍‍ତିଙ୍କ୍ ଲଘଂନ୍ ମାଡ଼ିତିଡ଼୍, ଆଲେକେ ମିଡ଼୍ ସୁନ୍ନତ୍ ଆୟ୍‍ୱେ ନାରୁଡ଼୍‍ ଲେକାମ୍‍ ଆଦ୍‍ତିଡ଼୍‍ । 
\v 26 ଯଦି ସୁନ୍ନତ୍ ଆୟ୍‍ୱେ ନାରୁଡ଼୍ ଅଣଯିହୁଦୀ ନିୟମ୍‍ ପାଲନ୍ ମାଡ଼ିତନ୍, ଆଲେକେ ଅଣ୍ଡ୍‌ ସୁନ୍ନତ୍ ଆୟକ୍ ଗାଲା ବାଆତେ ଇଶ୍ୱର୍ ଅଂକିଙ୍କ୍‌ ସୁନ୍ନତ୍ ଇଞ୍ଜ କେଲଣ୍ଡ୍‍ କି ? 
\v 27 ଆଦିଙ୍କ୍‍ ମେନ୍ଦୁଲ୍‍ତଡ଼୍‍ ସୁନ୍ନତ ଆୟ୍‍ୱେ ନାରୁଡ଼୍‍ ନିୟମ୍‍ ପାଲନ୍‌ ମାଡ଼ିତଡ଼୍‍, ଆଲେକେ ଅଡ଼୍‌‍ ମିୟାଦ୍‍ ବିଚାର୍‍ ମାଡ଼ିତଡ଼୍‍, ମିଡ଼୍ ଲେକ୍‍ତାଦ୍‍ ନିୟମ୍ ନୁ ପାଲନ୍ ପାଏମ୍ ଆସ୍ ଗାଲା ନିୟମ୍ ଲଘଂନ୍ ମାଡ଼ୁତିଡ଼୍ । 
\v 28 ଇତ୍‍କେ ବାୟିଦେ ବେନ ଯିହୁଦୀ, ଅଣ୍ଡ୍‌ ଯିହୁଦୀ ଆୟ୍‍ୟଣ୍ଡ୍, କି ବାୟିଦେ ମେନ୍ଦୁଲ୍ ତଡ଼୍ ବେନ ସୁନ୍ନତ୍, ଆଦ୍ ସୁନ୍ନତ୍ ଆୟ୍‍ୟ । 
\v 29 ବେନ ହୃଦୟ୍‍ତାଗାଙ୍କ୍‍ ଯିହୁଦୀ ଅଣ୍ଡ୍‌‍ ନିଜାତଣ୍ଡ୍‍ ଯିହୁଦୀ, ମେଣ୍ଡେ ଲେକ୍‍ତାଦ୍ ଲେକାମ୍ ଆୟ୍‍ୟଣ୍ଡ୍, ମାତର୍ ଜିୱୁଣ୍ଡ୍ ଲୋପେକସ୍ ବେନ ସୁନ୍ନତ୍, ଆଦ୍ ନିଜାତାଦ୍ ସୁନ୍ନତ୍ । ଇଦ୍ ରକମ୍ ନାରୁଡ଼୍ ନାରୁଡ଼ାଗାଙ୍କ୍ ପ୍ରସଂଶା ପାଏମ୍ ଆୟ୍‍ୟଣ୍ଡ୍, ଇତ୍‍କେ ଇଶ୍ୱର୍‌ତାଗାଙ୍କ୍ ପାଏମ୍ ଆଦ୍‍ତନ୍ ।
\c 3
\p
\v 1 ଆଲେକେ ଯିହୁଦୀ ନାରୁଣ୍ଡ୍‍ତାଦ୍ ମୁଲ୍ୟ ବାଆତେ ? ସୁନ୍ନତ୍ ବା ଉପକାର୍ ବାଆତେ ? 
\v 2 ସାର୍‍ରେ ଲେକାତ୍ ନାର୍‍ଗେ । ମୁନେନ୍‍, ଇଶ୍ୱର୍‍ ତାନ୍‍ କାବୁର୍‍ତେ ଦାୟିତ୍ୱ ଯିହୁଦୀଡ଼ାଗ୍‍ ସର୍ପା ମାଡ଼ିମାତ୍‍ତଣ୍ଡ୍‍ । 
\v 3 ଆଲେକେ ବାଆତେ ? ଯଦି ବେନ ଅବିଶ୍ୱାସୀ ଆତ୍‍କେ, ଆଲେକେ ବାତ୍‍ ଅଡ଼ାଦ୍‌ ଅବିଶ୍ୱାସ୍ ଇଶ୍ୱର୍‌ତାଦ୍ ବିଶ୍ୱାସ୍‍ତିଙ୍କ୍ ନଷ୍ଟ ମାଡ଼ିତ୍ ? 
\v 4 ଆଦ୍‍ ବେସୁଟ୍‌ ଆୟ୍‍ମାକି, ଇତ୍‍କେ ସାର୍‍ରେ ନାରୁଡ଼୍ ମିଚ୍ ଆତ୍‍କେ ଆୟିଡ଼୍, ବାତେଙ୍କ୍ଇତ୍‍କେ ଇଶ୍ୱର୍ ନିଜାମ୍ ଇଞ୍ଜ ସ୍ୱୀକାର୍ ଆୟି, ଶାସ୍ତ୍ରତାଗ୍‍ ଲେକାମିନ୍ଦେ, “ମିଡ଼୍ ମିୟାଦ୍ ବାକ୍ୟ ତଡ଼୍ ଦାର୍ମାମ୍‌ ଆଦ୍‍ତିଡ଼୍, ମେଣ୍ଡେ ବିଚାର୍ ଆଦାନ୍‍ୱେଲେ ଜିଡ଼ିତିଡ଼୍ ।” 
\v 5 ଯଦି ମାନାଡ଼୍ ଦାର୍ମାମ୍‍ ଇଲ୍‍ୱେ ନାରୁଡ଼୍ ତଡ଼୍ ଇଶ୍ୱର୍‌ତାଦ୍ ଦାର୍ମାମ୍‌‍ତିଙ୍କ୍ ସାମାନ୍ ପ୍ରମାଣ୍ ମାଡ଼ିତାଡ଼୍, ଆଲେକେ ମାନାଡ଼୍ ବାଆତେ କେତିତାଡ଼୍‍ ? ବେନ୍ ଇଶ୍ୱର୍ କପାମ୍‍ତାଦ୍ ଦଣ୍ଡ୍‍ ଇଦ୍‍ତଣ୍ଡ୍, ଅଣ୍ଡ୍‌ ବାଆତେ ଦାର୍ମାମ୍‌ ଆୟ୍‍ୟଣ୍ଡ୍ ? ନାନ୍ ନାରୁଡ଼୍ ଇନା କେତୁତାନ୍ । 
\v 6 ଆଦ୍ ବେସୁଟ୍‌ ଆୟ୍‍ମାକି; ଇଶ୍ୱର୍ ଯଦି ନ୍ୟାୟବାନ୍‍ ଆୟ୍‍ୱେମାତ୍କେ, ଆଲାଆତ୍‍କେ ଅଣ୍ଡ୍‌‍ ବେଲା ଜଗତ୍‍ତାଦ୍ ବିଚାର୍ ମାଡ଼ିତନ୍ ? 
\v 7 ଯଦି ନାୱାଦ୍ ମିଚ୍ ତଡ଼୍ ଇଶ୍ୱର୍‌ତାଦ୍ ସତ୍ ଅନ୍‌ ଗୌରବ୍ ସେଙ୍ଗେ ନାର୍‍ଗେ ଆତ୍‍କେ, ଆଲେକେ ନାନ୍ ଗାଲା ମେଣ୍ଡେ ବାତେଙ୍କ୍ ପାପି ଇଞ୍ଜ ବିଚାର୍ ଆଦ୍‍ତାନ୍ ? 
\v 8 ମାନାଡ଼୍‍ ବାତେଙ୍କ୍‍ କେଲ୍‍ୱାଡ଼୍‍, “ୱାଡ଼ାଟ୍‍ କାରାପ୍‍ ପାଡ଼୍‍ୟି ମାଡ଼ିକାଡ଼୍‍, ଇଗାଙ୍କ୍‍ ଲେକେତ୍‍ କାୟା ଦର୍‍କିତ୍‍,” ନାନ୍‍ ଇଦ୍‍ ରକମ୍‍ ଗଟି କେତୁତାନ୍ ଇଞ୍ଜ ବେସ୍‍କ୍‍ତୁଡ଼୍‍ ନିନ୍ଦେ ମାଡ଼ୁତଡ଼୍‍ । ଅଡ଼୍‌‍କିଂଙ୍କ୍‍ ବାତ୍‍ ଦଣ୍ଡ୍‍ ଦର୍‍କାନାଦ୍ ମାନ୍ତେ ଆଦ୍‍ ଦର୍କିତ୍‍ ।
\s ବେନଡ଼୍ ଦାର୍ମାମ୍‌ ଆୟ୍‍ୟ
\p
\v 9 ଆଲେକେ ବାଆତେ ? ମାନାଡ଼୍ କି ବାଗାତ୍ ନାରୁଡ଼ାଗାଙ୍କ୍ ମହାନ୍ ? ଇଲ୍‍ଲେ, ବେଲାବା ଆୟ୍‍ୟ; ବାତେଙ୍କ୍ଇତ୍‍କେ ଯିହୁଦୀ ନୁ ଅଣଯିହୁଦୀ ନାରୁଡ଼୍ ସାର୍‍ରେ ପାପ୍ ଅଦିନ୍‌ତାଗ୍ ମିନ୍ଦେଡ଼୍‍, ନାନ୍‍ ମୁନେନ୍‍ କେତ୍‍ତାନ୍‍ ଯେ ଇଡ଼୍‍ ରେଣ୍ଡ୍‍ ନାରୁଡ଼୍‍ ପାପ୍‍ ଅଦିନ୍‌ତାଗ୍‍ ମିନ୍ଦେଡ଼୍‍ । 
\v 10 ଶାସ୍ତ୍ରତାଗ୍‍ ଲେକାମିନ୍ଦେ, “ଦାର୍ମାମ୍ ବେନବା ଇଲାଣ୍ଡ୍, ଇଲ୍‍ଲେ, ୱେରଣ୍ଡ୍ ବା ଇଲ୍‍ଲେଣ୍ଡ୍; 
\v 11 ବେନ ବୁଜେମ୍ ଆଦ୍‍ତନ୍, ଇଦ୍ ରକମ୍ ବେନ ଇଲ୍‍ଲାଣ୍ଡ୍; ବେନ ଇଶ୍ୱର୍‌ତିଙ୍କ୍ ମେଏକିତଣ୍ଡ୍, ଇଦ୍ ରକମ୍ ୱେରଣ୍ଡ୍‍ବା ଇଲ୍‍ଲାଣ୍ଡ୍; 
\v 12 ଅଡ଼୍‌ ସାର୍ରେତଡ଼୍ କାରାପ୍ ଆର୍ର୍‍ଦାଗ୍ ଅଦୁତ୍‍ତଡ଼୍‍, ଅଣ୍ଡୟ୍‌‍ତଡ଼୍ ବେକାର୍‍ ଆଦ୍‍ତଡ଼୍; ବେନ ସତ୍ ପାଡ଼୍‍ୟି ମାଡ଼ିତନ୍, ଇଦ୍ ରକମ୍ ବେନ ଇଲ୍‍ଲାଣ୍ଡ୍, ଇଲ୍‍ଲେ, ଇଦ୍ ରକମ୍ ୱେରଣ୍ଡ୍‍ବା ଇଲ୍‍ଲାଣ୍ଡ୍ । 
\v 13 ଅଡ଼ାଦ୍‌ ପାୟୁର୍ କୁଲେମ୍ ଆତ୍‍ତେ ସମାଦି, ଅଡ଼୍‌ ନିଜେତ୍ ୱେଞ୍ଜେର୍‍ ତଡ଼୍ ଚଲନା ମାଡ଼ିମିନ୍ଦେଡ଼୍, ଅଡ଼ାଦ୍‌ ଇୱିଡ଼୍ ମଦଲ୍ ତାଡ଼ାମ୍‍ତାଦ୍ ୱିସାମ୍ ମିନ୍ଦେ; 
\v 14 ଅଡ଼ାଦ୍‌ ଗଟି କାୟ୍‍ତା ନୁ ଅବିଶାପ୍‌ ତଡ଼୍ ବର୍ତ୍ତି ଆତ୍‍ତେ; 
\v 15 ଅଡ଼୍‌‍ ରେଏତାନଙ୍କ୍‍ ନୁ ଆୱୁକାନଙ୍କ୍‍ ମୁନ୍‍ନେ ମିନ୍ଦେଡ଼୍‍; 
\v 16 ଅଡ଼ାଦ୍‌ ଆର୍‍ତାଗ୍ ଦସଂ ନୁ କଷ୍ଟ ମିନ୍ଦେ, 
\v 17 ମେଣ୍ଡେ ଶାନ୍ତିତାଦ୍ ଆର୍ର୍ ଅଡ଼୍‌ ପୁନଡ଼୍ । 
\v 18 ଇଶ୍ୱର୍‌ତାଦ୍ ୱେର୍ରେ ଅଡ଼ାୱ୍ କଣ୍ଡାନାଗ୍ ବିଲ୍‍କୁଲ୍‍ ଇଲ୍‍ଲେ ।”
\p
\v 19 ମେଣ୍ଡେ, ମାନାଡ଼୍ ତ ପୁତ୍‍ତାଡ଼୍, ବେନଡ଼୍‍ ନିୟମ୍ ଅଦିନ୍‌ତେ ମିନ୍ଦେଡ଼୍‍, ଅଦିନ୍‌ ସାରେ ବିଦିବିଦାନ୍‍ ପାଲନ୍‍ ମାଡ଼ାନଙ୍କ୍ ବାଦ୍ୟ । ଇଶ୍ୱର୍ ବେସୁଟ୍‌ ସାରେତଡ଼୍‍ୱାଦ୍‍ ବିଚାର୍‍ ମାଡ଼ିତଣ୍ଡ୍‍, ନିୟମ୍‍ ମାନେମ୍‍ ଆୟ୍‍ୱଡ଼୍‍ ବାତ୍‍ଆୟି ବୁସାମାଡ଼ି ନିର୍ଦଷ୍‌ ଇଞ୍ଜ କେତାନଙ୍କ୍ ପାର୍‍ୱଡ଼୍‍ । 
\v 20 \x + \xo 3:୨୦ \xo*\xt ଗାଲାତୀୟ ୨:୧୬.\xt*\x*ବାତେଙ୍କ୍ଇତ୍‍କେ ନିୟମ୍‍ତାଦ୍ ପାଡ଼୍‍ୟି ତଡ଼୍ ବେନବା ଅନ୍‌ ମୁନ୍‍ନେ ଦାର୍ମାମ୍ ଆୟ୍‍ୟଣ୍ଡ୍, ଇତ୍‍କେ ନିୟମ୍ ତଡ଼୍ ପାପ୍‍ତାଦ୍ ବୁଦ୍‍ ପୁଟିତ୍ ।
\s ବିଶ୍ୱାସ୍‍ ତଡ଼୍‍ ଦାର୍ମାମ୍ ଆଦ୍‍ପାର୍‍ଦ୍‍ତାଡ଼୍‍
\p
\v 21 ଇତ୍‍ତ୍କେ ଇଶ୍ୱର୍ ମାନାଙ୍କ୍‍ ଦାର୍ମାମ୍‌ ମାଡ଼ାନ୍‍ ସେଙ୍ଗେ ନିୟମ୍ ବାୟ୍‍ଦେ ବାତ୍‍ ମାଡ଼ତଣ୍ଡ୍ ଆଦ୍‍ ଇଞ୍ଜେ ପ୍ରକାଶ୍ ଆତ୍‍ତେ, ମେଣ୍ଡେ ଆଦ୍ ବିଷୟ୍‍ତେ ନିୟମ୍ ନୁ ବାବବାଦିଡ଼୍‍ ସାକ୍ଷି ଇଦୁତଡ଼୍‍, 
\v 22 \x + \xo 3:୨୨ \xo*\xt ଗାଲାତୀୟ ୨:୧୬.\xt*\x*ମାତର୍‍ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ାନ୍‍ ତଡ଼୍‍ ମାନାଡ଼୍‍ ଇଶ୍ୱର୍‌ତାଗ୍‍ ଦାର୍ମାମ୍‌‍ ଆତ୍‍ତାଡ଼୍‍, ଇଶ୍ୱର୍‍ ବେନଙ୍କ୍‍ବା ସପଟ୍‍ ମାଡ଼କଟ କ୍ରିଷ୍ଟନାଗ୍‍ ବିଶ୍ୱାସ୍‍ ମାଡ଼ମାନ୍ଦାନ୍‍ ସାରେତଡ଼୍‍କ୍‍ ଇଦ୍‍ ସୁଯୋଗ୍‍ ଇଦ୍‍ତଣ୍ଡ୍‍ ।
\p
\v 23 ସାର୍ରେତଡ଼୍ ତ ପାପ୍ ମାଡ଼୍‍ତଡ଼୍, ମେଣ୍ଡେ ଇଶ୍ୱର୍‌ତେ ଗୌରବ୍ ତାଗାଙ୍କ୍‍ ଜେକେ ଆତ୍‍ତଡ଼୍‍, 
\v 24 ମେଣ୍ଡେ ଅଡ଼୍‌ ବିନାମୁଲ୍ୟତେ ଅନ୍‌ ଅନୁଗ୍ରମାମେ ଆୟମ୍‌, କ୍ରିଷ୍ଟ ଜିସୁନାଗ୍ ବେନ୍ ମୁକ୍ତି ମିନ୍ଦେ, ଅଦିନ୍‌ତଡ଼୍ ଦାର୍ମାମ୍ ଆଦ୍‍ତଡ଼୍ । 
\v 25 ଇଶ୍ୱର୍ ଜିସୁଙ୍କ୍‍ ଦାନ ମାଡ଼୍‍ତଣ୍ଡ୍‍, ବେଲାକି ଅନ୍‌‍ ଡଲ୍‌ତନ୍‌, ଅନାଗ୍‍ ବିଶ୍ୱାସ୍‍ ମାଡ଼ମାନ୍ଦା ନାରୁଡ଼ାଦ୍‍ ପାପ୍‍ କ୍ଷମା ଉପାୟ୍‍ ଆଦ୍‍ତେ । ଇଶ୍ୱର୍ ନିଜର୍‍ ଦାର୍ମାମ୍‌ ତଅତାନଙ୍କ୍ ଇଲା ମାଡ଼୍‍ତଣ୍ଡ୍ । ଇଶ୍ୱର୍ ଗାଡ଼୍‍ସ୍‍ ଆସ୍‍ ନାରୁଡ଼ାଦ୍‍ ମୁନେନ୍‍ ମାଡ଼୍‍ତେ ପାପ୍‍ ପୟଣ୍ଡ୍‍ । 
\v 26 ମେଣ୍ଡେ ଇଞ୍ଜେତ୍‍ ଯୁଗ୍‍ତାଗ୍ ନିଜେତ୍ ଦାର୍ମାମ୍ ତଅତାନ୍ ମାୟ୍‍ଦିଙ୍କ୍ ଅଣ୍ଡ୍‌ ପାପ୍‍ କ୍ଷମାତାଦ୍‍ ନିୟମ୍‍ ମାଡ଼୍‍ତଣ୍ଡ୍, ବେଲାକି ଅଣ୍ଡ୍‌ ନିଜେ ଦାର୍ମାମ୍ ନୁ ଜିସୁ କ୍ରିଷ୍ଟନାଗ୍ ବିଶ୍ୱାସ୍‍ ମାଡ଼ାନଡ଼୍‍କ୍‍ ଦାର୍ମ୍ ନାରୁଡ଼୍ ଇଞ୍ଜ କେତିତଡ଼୍‍ । 
\v 27 ଆଲେକେ ଗର୍ବ ବେଗେ ? ଆଦ୍ ଜେଏକେ ଆତ୍‍ତେ । ବାତ୍ ରକମ୍ ନିୟମ୍‍ତଡ଼୍ ? ବାତ୍ କ୍ରିୟାକର୍ମ୍‍ତାଦ୍ ନିୟମ୍‍ତଡ଼୍ ? ଇଲ୍‍ଲେ, ବିଶ୍ୱାସ୍‍ତାଦ୍ ନିୟମ୍‍ତଡ଼୍ । 
\v 28 ମାମ୍‍ ନିଜାମ୍‍ ବୁଜେମ୍‍ ଆତ୍‍ତମ୍‍ ଯେ, ନାରୁଡ଼୍ କ୍ରିୟାକର୍ମ୍ ନିୟମ୍ ୱିଡ଼୍‍ସି ବିଶ୍ୱାସ୍‍ ତଡ଼୍ ଦାର୍ମାମ୍ ଲେକା ଆଦ୍‍ତଡ଼୍‍ । 
\v 29 ଇଶ୍ୱର୍ କି ମାତର୍‌ ଯିହୁଦିଡ଼୍ ଇଶ୍ୱର୍ ? ଅଣ୍ଡ୍‌ ବାତ୍ ଅଣଯିହୁଦୀଡ଼୍ ଇଶ୍ୱର୍ ଆୟ୍‍ୟଣ୍ଡ୍ ? ହୋ, ଅଣଯିହୁଦୀ ନାରୁଡ଼୍‍ତାଦ୍ ମିକା ଇଶ୍ୱର୍ । 
\v 30 \x + \xo 3:3୦ \xo*\xt ଗାଲାତୀୟ 3:୨୦.\xt*\x*ବାତେଙ୍କ୍ଇତ୍‍କେ ଇଶ୍ୱର୍ ତ ୱେରଣ୍ଡେ, ମେଣ୍ଡେ ଅଣ୍ଡ୍‌ ବିଶ୍ୱାସ୍‍ ତଡ଼୍ ଯିହୁଦୀ ନାରୁଙ୍କ୍ ନୁ ବିଶ୍ୱାସ୍‍ ତଡ଼୍ ଅଣଯିହୁଦି ନାରୁଙ୍କ୍ ଦାର୍ମାମ୍ ମାଡ଼ିତନ୍ । 
\v 31 ଆଲେକେ ମାମ୍‍ମେ ବାତ୍ ବିଶ୍ୱାସ୍ ତଡ଼୍ ନିୟମ୍‍ତିଙ୍କ୍ ଲପ୍ ମାଡ଼ୁତାଡ଼୍ ? ଆଦ୍ ବେସୁଟ୍‌ ବା ଆୟ୍‍ମାକି, ବିଶ୍ୱାସ୍‍ ତଡ଼୍‍ ମାନାଡ଼୍ ନିୟମ୍‍ତିଙ୍କ୍ ସାୟେ ତିଆର୍ ମାଡ଼ୁତାଡ଼୍ ।
\c 4
\s ଅବ୍ରାହାମ୍‌ତାଦ୍ ଉଦାରନ୍
\p
\v 1 ଆଲେକେ ମେନ୍ଦୁଲ୍ ଲେକାମ୍ ମାନ୍‍ ଆନିଦାଦି ଅବ୍ରାହାମ୍‌ ବାତ୍ ପାଏମ୍ ଆତ୍‍ତଣ୍ଡ୍ ଇଞ୍ଜ ମାନାଡ଼୍ କେତିତାଡ଼୍‍ ? 
\v 2 ବାତେଙ୍କ୍ଇତ୍‍କେ ଅବ୍ରାହାମ୍‌ ଯଦି ପାଡ଼୍‍ୟି ମାଡ଼ି ଦାର୍ମାମ୍ ଆତ୍‍ତଣ୍ଡ୍, ଆଲେକେ ଅଣ୍ଡ୍‌ ଗର୍ବ ମାଡ଼ାନାଦ୍ କାରନ୍‍ ମିନ୍ଦେ; ଇତ୍‍କେ ଇଶ୍ୱର୍‌ତାଗ୍ ଆୟ୍‍ୟ । 
\v 3 \x + \xo ୪:3 \xo*\xt ଗାଲାତୀୟ 3:୬.\xt*\x*ଶାସ୍ତ୍ରତାଗ୍‍ ଲେକା ମିନ୍ଦେ, “ଅବ୍ରାହାମ୍‌ ଇଶ୍ୱର୍‌ତାଗ୍ ବିଶ୍ୱାସ୍ ମାଡ଼୍‍ତଣ୍ଡ୍, ମେଣ୍ଡେ ଆଦ୍ ଅଂକିଙ୍କ୍‌ ଦାର୍ମାମ୍‌ ମାଡ଼୍‍ତେ ।” 
\v 4 ବେନ ପାଡ଼୍‍ୟି ମାଡ଼ିତନ୍, ଅଂକିଙ୍କ୍‌ ଆଦ୍ ଅନ୍‌ ବେତନ୍ ଇସାପ୍‍ତେ ଦର୍‍କିତ୍‍, ମାତର୍‌ ଆଦ୍‍ ଅଂକିଙ୍କ୍‌ ଉପହାର୍‍ ଇନା ଦର୍‍କ । 
\v 5 ଇତ୍‍କେ ବେନ ନିଜର୍‍ ପର ବିଶ୍ୱାସ୍‍ ମାଡ଼କଟ ଇଶ୍ୱର୍‌ତାଗ୍‍ ବିଶ୍ୱାସ୍‍ ମାଡ଼ିତଣ୍ଡ୍‍, ଆଦ୍‍ ଅନ୍‌‍ ଅପରାଦି‍ତିଙ୍କ୍‍ ୱିଡ଼୍‍ସି ତାନ୍‍ ବିଶ୍ୱାସ୍‍ତେ ସେଙ୍ଗେ ଅଂକିଙ୍କ୍‌ ଦାର୍ମାମ୍ ମାଡ଼ିତ୍‍ । 
\v 6 ଇଦ୍‍ରକମ୍ ବେନ୍ ନାରୁନାଗ୍ ଇଶ୍ୱର୍ ପାଡ଼୍‍ୟିତିଙ୍କ୍ ଉଡ଼କଟ ଦାର୍ମିକତା ମାଡ଼ିତନ୍, ଦାଉଦ୍‍ ଗାଲା ଅଂକିଙ୍କ୍‌ ଦନ୍ୟ ଇଞ୍ଜ କେତିତଣ୍ଡ୍, 
\v 7 “ବେନଡ଼ାଦ୍ ଅପରାଦ୍‌ ସାର୍‍ରେ କ୍ଷମା ଆତ୍‍ତେ, ମେଣ୍ଡେ ବେନଡ଼୍ ପାପ୍ ସାର୍‍ରେ କ୍ଷମା ଆତ୍‍ତେ, ଅଡ଼୍‌ କାଡ଼୍‍ମାମ୍‍ ମାନ୍ଦାନ୍‍ ନାରୁଡ଼୍‍ । 
\v 8 ପ୍ରବୁ ବେନ୍ ନାରୁଣ୍ଡ୍‍ତାଦ୍ ପାପ୍ ଇସାପ୍ ମାଡ଼ଣ୍ଡ୍, ଅଣ୍ଡ୍‌ ଦନ୍ୟ ।” 
\v 9 ଆଲେକେ ସୁନ୍ନତ୍ ନାରୁଡ଼୍‍କ୍ ଇଦ୍‍ରକମ୍ ଦନ୍ୟ ଇଞ୍ଜ କେତିତଡ଼୍‍, ବା ଅସୁନ୍ନତ ନାରୁଡ଼୍‍କ୍ ମିକା କେତିତଡ଼୍‍ ? ଆଦିଙ୍କ୍ ମାନାଡ଼୍ କେତିତାଡ଼୍‍, ଅବ୍ରାହାମ୍‌ତାଦ୍ ବିଶ୍ୱାସ୍ ଅଂକିଙ୍କ୍‌ ଦାର୍ମିକତା ମାଡ଼୍‍ତେ । 
\v 10 ଇଦ୍‍ ବେସୁଟ୍‌ ଆସ୍‍ମାତ୍‍ତେ ? ଅବ୍ରାହାମ୍‌ ସୁନ୍ନତ୍ ଆତ୍‍ତେ ୱେୟେ ନା ଅସୁନ୍ନତ ମାତ୍‍ତେୱେଲେ ? ସୁନ୍ନତ୍ ଆତ୍‍ତେ ପେର୍କେ ଆୟ୍‍ୟ, ଇତ୍‍କେ ଅସୁନ୍ନତ ମାନ୍ଦାନ୍‍ୱେଲେ । 
\v 11 ମେଣ୍ଡେ ଅଣ୍ଡ୍‌ ଅସୁନ୍ନତ ମାନ୍ଦାନ୍‍ ୱେଲେ ବିଶ୍ୱାସ୍ ସେଙ୍ଗେ ଦାର୍ମାମ୍‌‍ ଆସ୍ ଆଗେତ୍ ମୁଦ୍ରାନ୍ ଲେକାମ୍ ସୁନ୍ନତ୍ ଚିଏନ୍ନେ ପାଏମ୍ ଆତ୍‍ତଣ୍ଡ୍, ବେଲାକି ଅସୁନ୍ନତ ମାନ୍ଦାନ୍ ସାର୍‍ରେ ବିଶ୍ୱାସୀଡ଼୍ ଦାର୍ମାମ୍ ଇଞ୍ଜ କେତ୍‍ତାନ୍ ସେଙ୍ଗେ ଅଣ୍ଡ୍‌ ଅଡ଼ାଦ୍‌ ବାବାଲ୍ ଆଦ୍‍ତନ୍, 
\v 12 ବାବାଲ୍‍ ଅବ୍ରାହାମ୍‌ ସୁନ୍ନତ ଆୟ୍‍ୱେୱେଲେ ବେନ୍‍ ବିଶ୍ୱାସ୍‍ ତଅସ୍‍ମାତ୍‍ତଣ୍ଡ୍‍, ଯଦି ସୁନ୍ନତ ଆୟ୍‍ୱେମାନ୍ଦାନ୍‍ ନାରୁଡ଼୍‍ ନିଜର୍‍ ଜିୱୁଣ୍ଡ୍‍ତାଗ୍‍ ଆଦ୍‍ ରକ୍‍ମ୍‍ ବିଶ୍ୱାସ୍‍ ତଅତାନଙ୍କ୍‍ ପାର୍‍ଦ୍‍ତଡ଼୍‍, ଅବ୍ରାହାମ୍‌ ଅଡ଼୍‌‍କିଂଙ୍କ୍‍ ଗାଲା ବାବାଲ୍‍ ଆଦ୍‍ତଣ୍ଡ୍‍ ।
\s ବିଶ୍ୱାସୀଡ଼୍‍କିଂଙ୍କ୍ ଇଶ୍ୱର୍‌ତାଦ୍ ପ୍ରତିଜ୍ଞା
\p
\v 13 \x + \xo ୪:୧3 \xo*\xt ଗାଲାତୀୟ 3:୨୯.\xt*\x*ବାତେଙ୍କ୍ଇତ୍‍କେ ଅବ୍ରାହାମ୍‌ ତାନ୍ ବଂଶତିଙ୍କ୍ ଜଗତ୍‍ତେ ଅଦିକାରି ଆଦ୍‍ଦାନ୍ ସେଙ୍ଗେ ପ୍ରତିଜ୍ଞା ନିୟମ୍ ତଡ଼୍ ଇୱେମାତ୍‍ତଡ଼୍, ମାତର୍ ବିଶ୍ୱାସ୍‍ତାଦ୍ ଦାର୍ମାମ୍ ସେଙ୍ଗେ ଇସ୍‍ମାତ୍‍ତଡ଼୍ । 
\v 14 \x + \xo ୪:୧୪ \xo*\xt ଗାଲାତୀୟ 3:୧୮.\xt*\x*ବେନଡ଼୍‍ ନିୟମ୍‍ ପାଲନ୍‍ ମାଡ଼ିତଡ଼୍‍ ଅଡ଼୍‌ ମାତର୍‍ ଦାନ ପାଏମ୍‍ ଆଦ୍‍ତଡ଼୍‍, ଆଲେକେ ବିଶ୍ୱାସ୍ ଆଙ୍ଗ୍‍ଡ଼ାମ୍ ଆଦ୍‍ତେ ନୁ ପ୍ରତିଜ୍ଞା ଆସାମ୍ ଆଦ୍‍ତେ । 
\v 15 ନିୟମ୍ ଇଁ ଇଶ୍ୱର୍‌ତିଙ୍କ୍‍ କପାମ୍ ମାଡ଼ିତ୍, ଇତ୍‍କେ ବେଗେ ନିୟମ୍ ଇଲ୍‍ଲେ, ଆଗେ ନିୟମ୍ ମାନେମ୍‍ ଆଦାନାଦ୍‍ ଗାଲା ଇଲ୍‍ଲେ । 
\v 16 \x + \xo ୪:୧୬ \xo*\xt ଗାଲାତୀୟ 3:୭.\xt*\x*ଆଦିଙ୍କ୍ ଇଶ୍ୱର୍‌ତାଦ୍ ପ୍ରତିଜ୍ଞା ବିଶ୍ୱାସ୍‍ତେ ପର୍‍ର ତିଆର୍ ଆତ୍‍ତେ । ବେନଡ଼୍ ନିୟମ୍ ପାଲନ୍ ମାଡ଼ିତଡ଼୍, ମାତର୍ ଅଡ଼୍‌ ସେଙ୍ଗେ ଇଶ୍ୱର୍‌ତାଦ୍ ପ୍ରତିଜ୍ଞା ତିୟାର୍ ଆୟ୍‍ୟ । ଅବ୍ରାହାମ୍‌ତେ ଲେକାମ୍ ବିଶ୍ୱାସ୍ ମାଡ଼ମାନ୍ଦାନ୍ ସାର୍‍ରେ ନାରୁଡ଼୍ ସେଙ୍ଗେ ତିୟାର୍ ଆତ୍‍ତେ, ବାତେଙ୍କ୍ଇତ୍‍କେ ଅବ୍ରାହାମ୍ ଅଡ଼୍‌ ଆତ୍ମିକ୍‍ ବାବାଲ୍ । 
\v 17 ଇଦ୍ ବିଷୟ୍‍ତେ ଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, “ନିକିଂଙ୍କ୍ ମାମ୍‍ମେ ନାର୍‍ଗେ ବଂଶତ୍‍ ବାବାଲ୍ ମାଡ଼ୁତମ୍ ।” ଇଶ୍ୱର୍‌ତେ କଣ୍ଡେତାଗ୍ ଇଦ୍ ପ୍ରତିଜ୍ଞା ଟିକ୍ ମାତ୍‍ତେ, ବାତେଙ୍କ୍ଇତ୍‍କେ ବେନ୍ ଇଶ୍ୱର୍‌ତିଙ୍କ୍ ଅବ୍ରାହାମ୍ ବିଶ୍ୱାସ୍ ମାଡ଼ମାତ୍‍ତଣ୍ଡ୍, ଆ ଇଶ୍ୱର୍ ବାକ୍ୟ ଡଲ୍‍ତଡ଼୍‍କିଂଙ୍କ୍ ଜିୱେ ମାଡ଼ିତ୍ ନୁ ବାତ୍‍ଇଲ୍‍ୱାଗ୍‍ ସାର୍‍ରେ ବିଷୟ୍ ତିୟାର୍ ମାଡ଼ିତ୍ । 
\v 18 ଆଶେ ମାଡ଼ାନଙ୍କ୍ ବାତ୍ ଇଲ୍‍ୱେ ମାତ୍‍କେ ମିକା ଅବ୍ରାହାମ୍ ଆଶେ ମାଡ଼ି ବିଶ୍ୱାସ୍ ମାଡ଼ିମାତ୍‍ତଣ୍ଡ୍ । ଆଦିଙ୍କ୍ ଅଣ୍ଡ୍‌ ନାର୍‍ଗେ ବଂଶତ୍‍ ବାବାଲ୍ ଆତ୍‍ତଣ୍ଡ୍, ବାତେଙ୍କ୍ଇତ୍‍କେ ଶାସ୍ତ୍ର ଲେକାମ୍ ଅଂକିଙ୍କ୍‌ ପ୍ରତିଜ୍ଞା ଦର୍‍କି ମାତ୍‍ତେ; “ମିଇ ବଂଶତଡ଼୍ ମୟଲ୍‍ତାଗ୍ ମାନ୍ଦାନ୍ ଉକାକିନ୍ ଲେକାମ୍ ନାର୍‍ଗେ ଆଦ୍‍ତଡ଼୍ ।” 
\v 19 ଅଂକିଙ୍କ୍‌ ଆସୁଟେ ଶହେ ଏଣ୍ଡ୍‍କ୍ ଆସ୍ ମାତ୍‍ତେ । ବାତେଙ୍କ୍‍ଇତ୍କେ ତାନ୍ ମୁୟ୍‍ତେ ମେନ୍ଦୁଲ୍‍ତିଙ୍କ୍ ଉଡ଼ି, ସାରା ଯେ ମେଣ୍ଡେ ମାର୍‌ ଜନମ୍ ମାଡ଼ାଙ୍କ୍ ପାର୍‍ୱ, ଇଦ୍ ପୁଞ୍ଜ୍, ଅନାଦ୍‌ ବିଶ୍ୱାସ୍ ଦୁର୍ବଲ୍ ଆୟ୍‍ୟ । 
\v 20 ଅଣ୍ଡ୍‌ ତାନ୍ ବିଶ୍ୱାସ୍‍ତାଗାଙ୍କ୍ ୱେରେ ଆୟ୍‍ୟଣ୍ଡ୍, କି ଇଶ୍ୱର୍‌ତାଦ୍ ପ୍ରତିଜ୍ଞାତିଙ୍କ୍ ଅବିଶ୍ୱାସୀ ମାଡ଼ଣ୍ଡ୍ । ବିଶ୍ୱାସ୍ ଅଂକିଙ୍କ୍‌ ଶକ୍ତି ଇତ୍‍ତେ ନୁ ଅଣ୍ଡ୍‌ ଇଶ୍ୱର୍‌ତାଦ୍ ପ୍ରଶଂସା ମାଡ଼୍‍ତଣ୍ଡ୍ । 
\v 21 ଇଶ୍ୱର୍ ବେନ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍, ଅଣ୍ଡ୍‌ ଆଦ୍ ପାଲନ୍ ମାଡ଼ିତନ୍ ଇଞ୍ଜ ଅନାଦ୍‌ ଗାଟି ବିଶ୍ୱାସ୍ ମାତ୍‍ତେ । 
\v 22 ଆଦିନ୍ ସେଙ୍ଗେ ଅନାଦ୍‌ ବିଶ୍ୱାସ୍‍ତେ ମାୟ୍‍ଦିଂଙ୍କ୍ ଅବ୍ରାହାମ୍ ଇଶ୍ୱର୍‌ତେ ତଡ଼୍ ଦାର୍ମାମ୍ ଆସ୍ ଲେକାଆସ୍‍ ମାତ୍‍ତଣ୍ଡ୍ । 
\v 23 “ଦାର୍ମାମ୍ ଆଦାନାଦ୍,” ଶାସ୍ତ୍ରତାଗ୍ ଗଟ୍ ମାତର୍ ଅବ୍ରାହାମ୍‌ତେ ସେଙ୍ଗେ ସାୟେ, ଆଦ୍ ଆୟ୍‍ୟ । 
\v 24 ଇତ୍‍କେ ମାନାଡ଼୍ ଗାଲା ଇଶ୍ୱର୍‌ତିଙ୍କ୍ ବିଶ୍ୱାସ୍ ମାଡ଼୍‍କେ ଦାର୍ମାମ୍ ନାରୁଡ଼୍ ଲେକାମ୍ ଆଦ୍‍ତାଡ଼୍ । ଇଶ୍ୱର୍ ପ୍ରବୁ ଜିସୁ କ୍ରିଷ୍ଟଙ୍କ୍ ମେଣ୍ଡେଅନ୍‌‍ଦାମ୍‍ ଜିୱେ ମାଡ଼୍‍ତଣ୍ଡ୍ । 
\v 25 ଅଣ୍ଡ୍‌ ପ୍ରବୁ ଜିସୁ ମାନ୍‍ ପାପ୍ ସେଙ୍ଗେ ଡଲିମାତ୍‍ତଣ୍ଡ୍ ନୁ ଇଶ୍ୱର୍‌ତାଗ୍ ମାକିଂଙ୍କ୍ ନିର୍ଦୋଷ୍‌ ମାଡ଼ାନଙ୍କ୍ ମେଣ୍ଡେଅନ୍‌ଦାମ୍‍ ଜିୱେ ଆସ୍‍ମାତ୍‍ତଣ୍ଡ୍ ।
\c 5
\s ଇଶ୍ୱର୍ ତଡ଼୍ ସାୟେ ସମ୍ପର୍କ
\p
\v 1 ଇଞ୍ଜେ ବିଶ୍ୱାସ୍ ତଡ଼୍ ମାନାଡ଼୍ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆତ୍‍ତାଡ଼୍ ନୁ ପ୍ରବୁ ଜିସୁ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ତଡ଼୍ ମାୟାଦ୍‌ ଶାନ୍ତି ତିଆର୍‍ ଆତ୍‍ତେ । 
\v 2 ଅଣ୍ଡ୍‌ ଜିସୁ ମାନାଦ୍‍ ବିଶ୍ୱାସ୍‍ତେ ମାୟ୍‍ଦିଂଙ୍କ୍ ଇଞ୍ଜେ ମାନ୍‍ ଜିୱୁଣ୍ଡ୍‍ତାଗ୍ ଇଶ୍ୱର୍‌ତାଦ୍ ଅନୁଗ୍ରମାମେ ଆୟମ୍‌ ନେଙ୍ଗାନଙ୍କ୍‍ ପାର୍‍ତ୍‍ତମ୍‍ । ଆଦିଙ୍କ୍ ଇଶ୍ୱର୍‌ତେ ଗୌରବ୍‍ତାଗ୍ ବାଗ୍ ଆଦାନାଦ୍ ଆଶେ ମାନାଙ୍କ୍‍ ୱେଡ଼୍‍କ୍‍ ମାଡ଼ି ନେଃଏତେ । 
\v 3 ମାତର୍‍ ଆଦେ ଆୟ, ସାର୍‍ରେ ପ୍ରକାର୍‍ ଦୁଃକା କଷ୍ଟ ଆତ୍‍କେ ଗାଲା ମାନାଡ଼୍ ୱେଡ଼୍‍କ୍‍ ଆଦୁତାଡ଼୍, ବାତେଙ୍କ୍ଇତ୍‍କେ ଦାନ୍ଦେ ଆୟ୍‍ୟକଟ କଷ୍ଟ ସହ୍ୟ ମାଡ଼୍‍କେ ମନ୍‍ତାଗ୍ ଗାଡ଼୍‍ସ୍ ୱାଦ୍‍ତେ । 
\v 4 ଗାଡ଼୍‍ସ୍‍ତାଗାଙ୍କ୍ ସାୟେତାଦ୍ ଚାଲିଚଲନ୍ ନୁ ସାୟେତାଦ୍ ଚାଲିଚଲନ୍‍ ତାଗାଙ୍କ୍ ଆଶେ ପୁଟିତ୍ । 
\v 5 ଆଶେ ମାନାଙ୍କ୍‍ ନିରାଶ୍‍ ଆଦାନଙ୍କ୍ ଇୱ, ବାତେଙ୍କ୍ଇତ୍‍କେ ଇଶ୍ୱର୍ ମାକିଂଙ୍କ୍ ପବିତ୍ର ଆତ୍ମା ଇସ୍ ମାନ୍‍ ଜିୱୁଣ୍ଡ୍‍ତିଙ୍କ୍ ତାନ୍ ପ୍ରେମତଡ଼୍ ବର୍ତ୍ତି ମାଡ଼୍‍ତଣ୍ଡ୍ ।
\p
\v 6 ମାନାଙ୍କ୍‍ ବେନ ସାହାଯ୍ୟମାଡ଼ାଙ୍କ୍‍ ଇଲ୍‍ୱେୱେଲେ ଇଶ୍ୱର୍ ଟିକ୍‍ମାଡ଼୍‍ତେ ସମୟ୍‍ତେ କ୍ରିଷ୍ଟ ପାପୀଡ଼୍ ସେଙ୍ଗେ ଡଲ୍‍ତଣ୍ଡ୍ । 
\v 7 ଦାର୍ମ୍ ନାରୁଡ଼୍ ସେଙ୍ଗେ ମେଣ୍ଡେଅର୍‍ତୁଣ୍ଡ୍ ନିଜର୍‍ ଜିୱୁଣ୍ଡ୍ ଇଦାନାଦ୍‍ ଉଡ଼ାନଙ୍କ୍ ଆୟ୍‍ୟ । ଆତ୍‍କେ ସାୟେତ୍‍ ନାରୁଣ୍ଡ୍‍ ସେଙ୍ଗେ ବେନବା ଡଲାନଙ୍କ୍ ପାର୍‍ଦ୍‍ତଣ୍ଡ୍ । 
\v 8 ଇତ୍‍କେ ମାନାଡ଼୍ ପାପି ମାତ୍‍ତେୱେଲେ ଜିସୁ ମାନ୍‍ ସେଙ୍ଗେ ନିଜର୍‍ ଜିୱୁଣ୍ଡ୍ ଇତ୍‍ତନ୍ । ଇଦିନ୍‍ ତଡ଼୍ ଇଶ୍ୱର୍ ମାନାଙ୍କ୍‍ ବେସର୍ ପ୍ରେମ ମାଡ଼ୁତଣ୍ଡ୍, ଆଦ୍ ଅଣ୍ଡ୍‌ ତଅତଣ୍ଡ୍ । 
\v 9 କ୍ରିଷ୍ଟ ଜିୱୁଣ୍ଡ୍ ଇତ୍‍ତାଙ୍କ୍ ଇଶ୍ୱର୍ ମାନାଙ୍କ୍‍ ଦାର୍ମାମ୍ ନାରୁଡ଼୍ ଲେକାମ୍ ଗ୍ରହନ୍ ମାଡ଼୍‍ତଣ୍ଡ୍ । ଆଲେକେ ଇଶ୍ୱର୍‌ତେ କପାମ୍‍ତାଗାଙ୍କ୍ ମାନାଙ୍କ୍‍ ରକ୍ଷା ମାଡ଼ାନଙ୍କ୍ ବେସର୍ ନାର୍‍ଗେ ମନ୍ ମାଡ଼୍‍ତଣ୍ଡ୍ । 
\v 10 ମାନାଡ଼୍ ଇଶ୍ୱର୍‌ତେ ଶତ୍ରୁଡ଼୍ ମାନ୍ଦାନ୍‍ୱେଲେ ଅନ୍‌ ମାର୍‌ ମାନ୍‍ ସେଙ୍ଗେ ଜିୱୁଣ୍ଡ୍ ଇତ୍‍ତନ୍, ଆଦିଙ୍କ୍ ଇଶ୍ୱର୍ ତଡ଼୍ ମାନାଡ଼୍ ମେଣ୍ଡଅନ୍‌‍ଦାମ୍ କାୟ୍‍ଲ୍‍ତାଡ଼୍ । ଇଶ୍ୱର୍ ତଡ଼୍ କାୟ୍‍ଲ୍‍ତେ ପେର୍‍କେ ଇଞ୍ଜେ କ୍ରିଷ୍ଟନ୍ ଜିୱୁଣ୍ଡ୍ ତଡ଼୍ ପରିତ୍ରାଣ୍ ପାଏମ୍ ଆଦ୍‍ଦାନ୍ ସେଙ୍ଗେ ମାନାଡ଼୍ ବେସର୍ ନାର୍‍ଗେ ସୁଯୋଗ୍ ପାଏମ୍ ଆୟ୍‍ୱାଡ଼୍ ? 
\v 11 ମାତର୍ ଆସରେ ଆୟ୍‍ୟ, ପ୍ରବୁ ଜିସୁ କ୍ରିଷ୍ଟନ୍‍ ତଡ଼୍ ଇଶ୍ୱର୍ ବେନ୍ ସାର୍‍ରେ ପାଡ଼୍‍ୟି ମାଡ଼୍‍ତଣ୍ଡ୍, ଆଦିନ୍ ସେଙ୍ଗେ ମାନ୍‍ ଜିୱୁଣ୍ଡ୍ ଗାଟି ୱେଡ଼୍‍କେତେ ବର୍ତ୍ତି ଆତ୍‍ତେ । ଅଣ୍ଡ୍‌ ଜିସୁ ମାନାଙ୍କ୍‍ ଇଶ୍ୱର୍ ତଡ଼୍ ମେଣ୍ଡଅନ୍‌‍ଦାମ୍ କାଲ୍‍ପ୍‍ତଣ୍ଡ୍ ।
\s ଆଦମ୍ ନୁ କ୍ରିଷ୍ଟ
\p
\v 12 ବେସୁଟ୍‌ ଆଦମ୍‍ ପାପ୍‍ ମାଡ଼୍‍ତଣ୍ଡ୍‍ ଜଗତ୍‍ତାଗ୍‍ ପାପ୍‍ ନେଙ୍ଗ୍‍ତେ, ଆଦମ୍‍ତେ ପାପ୍‍ ଡଲାନାଦ୍‍ ତାତ୍‍ତେ, ସାରେତଡ଼୍‍ ପାପ୍‍ ମାଡ଼୍‍ତାଙ୍କ୍‍ ଡଲାନାଦ୍‍ ସାର୍ରେ ନାରୁଣ୍ଡ୍‍ ଜାତ୍‍ତିଙ୍କ୍‍ ପୟ୍‍ତେ । 
\v 13 ନିୟମ୍ ଇଦାନ୍ ମୁନେଙ୍କ୍ ଜଗତ୍‍ତାଗ୍ ପାପ୍ ମାତ୍‍ତେ; ଇତ୍‍କେ ନିୟମ୍ ଇଲ୍‍ୱେ ୱେଲେ ପାପ୍‍ତାଦ୍ ଇସାପ୍ ନେଃଏୱକଟ ମାତ୍‍ତଡ଼୍ । 
\v 14 ଆଦମ୍‍ତାଗାଙ୍କ୍ ମୋଶାନ୍‌ ଦିନାମ୍ ଏୱୁନା ବେନ ନିୟମ୍‍ତିଙ୍କ୍‍ ତୁଲି ପାପ୍ ମାଡ଼କଟ୍ ମାତ୍‍କେ ମିକା, ସାର୍ରେତଡ଼୍ ଡଲ୍‍ତଡ଼୍ । ବେନନାଦ୍ ୱାଦାନାଦ୍ ମାତ୍‍ତେ, ଆଦମ୍ ଅନ୍‌‍ୱାଦ୍ ଅଣ୍ଡୟ୍‌‍ ମକମ୍‌ ଲେକାମ୍; 
\v 15 ଇତ୍‍କେ ଇଡ଼୍ ଇର୍‍ୱୁଡ଼୍ ଲୋପେ ନାର୍‍ଗେ ୱେକ୍‍ୱେକ୍‍ ମିନ୍ଦେ । ଆଦମ୍‍ତାଦ୍ ପାପ୍ ଇଶ୍ୱର୍‌ତାଦ୍ ମୂଲ୍ୟତେ ଇତ୍‍ତାଦ୍ ଶକ୍ତି ସାମାନ୍ ଆୟ୍‍ୟ । ୱେରଣ୍ଡ୍ ନାରୁଣ୍ଡ୍‍ତାଦ୍ ପାପ୍ ମାୟ୍‍ଦିଙ୍କ୍ ନାର୍‍ଗେ ନାରୁଡ଼୍ ଡଲ୍‍ତଡ଼୍ । ଇତ୍‍କେ ଇଶ୍ୱର୍ ତାନ୍ ବେଡ଼୍‍ୟାଦ୍‍ ଅନୁଗ୍ରହତେ, ମେଣ୍ଡେଅର୍‍ତୁଣ୍ଡ୍ ନାରୁଣ୍ଡ୍‍, ପ୍ରବୁ ଜିସୁ କ୍ରିଷ୍ଟନ୍‍ ତଡ଼୍ ନାରୁଡ଼୍ ସେଙ୍ଗେ ବେନ୍ ଦାନତାଦ୍ ନିୟମ୍ ମାଡ଼୍‍ତଣ୍ଡ୍, ଆଦ୍ ଗାଟି ଶକ୍ତି । 
\v 16 ୱେରଣ୍ଡ୍ ନାରୁଣ୍ଡ୍‍ତେ ପାପାମ୍ ସେଙ୍ଗେ ନାରୁଡ଼୍ ବିଚାର୍ ଆସ୍ ଦଷି ଆତ୍‍ତଡ଼୍‍; ଇତ୍‍କେ ନାର୍‍ଗେ ନାରୁଡ଼୍‍ତେ ନାର୍‍ଗେ ପାପାମ୍‍ ସେଙ୍ଗେ ନୁ କ୍ଷମା ପାଏମ୍ ଆଦ୍‍ଦାନ୍ ସେଙ୍ଗେ ବାତ୍‍ବା ଯୋଗ୍ୟତା ଇଲ୍‍ୱେ ମାତ୍‍କେ ମିକା, ଇଶ୍ୱର୍‌ତାଦ୍ ଆଦ୍ ଦାନ ସେଙ୍ଗେ, ଇଞ୍ଜେ ନାରୁଡ଼୍ ନିର୍ଦୋଷ୍ ଆଦାନଙ୍କ୍ ପାର୍‍ଦ୍‍ତଡ଼୍ । 
\v 17 ଆଗେକ୍‍ବା ୱେରଣ୍ଡ୍ ନାରୁଣ୍ଡ୍‍ତାଦ୍ ପାପ୍ ମାୟ୍‍ଦିଙ୍କ୍, ଡଲ୍‍ନାଦ୍ ନିୟମ୍ ତିୟାର୍ ଆତ୍‍ତେ; ଇତ୍‍କେ ମେଣ୍ଡେଅର୍‍ତୁଣ୍ଡ୍ ଇତ୍‍କେ ଜିସୁ କ୍ରିଷ୍ଟ ବାତ୍ ମାଡ଼୍‍ତଣ୍ଡ୍, ଆଦ୍ ବେସର୍ ମହାନ୍ । ବେନ୍ ସାର୍ରେତଡ଼୍ ଇଶ୍ୱର୍‌ତାଦ୍ ନାର୍‍ଗେ ଅନୁଗ୍ରହ ମାୟ୍‍ଦିଙ୍କ୍ ବିନା ମୂଲ୍ୟତେ ଇଶ୍ୱର୍‌ତେ ବକେତ୍ ଦାର୍ମାମ୍ ଆଦ୍‍ତନ୍, ଅଡ଼୍‌ କ୍ରିଷ୍ଟନ୍ ତଡ଼୍ ଜିଡ଼ି ଜିୱୁଣ୍ଡ୍ ବାଦ୍‍କିତଡ଼୍ । 
\v 18 ୱେରନାଦ୍ ପାପାମ୍ ବେଲା ସାର୍‍ରେ ଜଗତ୍‍ତିଙ୍କ୍ ଦଣ୍ଡ୍ ତାତ୍‍ତେ, ଆଦେରକମ୍ ୱେରନାଦ୍ ଦାର୍ମାମ୍ ସାର୍‍ରେ ନାରୁଡ଼୍ ଜାତି ସେଙ୍ଗେ ମୁକ୍ତି ନୁ ପୁନାଦ୍‍ ଜିୱୁଣ୍ଡ୍‍ ତାସ୍‍ଇତ୍‍ତେ । 
\v 19 ୱେରନାଦ୍ କାରାପ୍ ବେଲା ସାର୍ରେତଡ଼୍‍କିଂଙ୍କ୍ ପାପାମ୍ ମାଡ଼୍‍ତେ, ଆଦେରକମ୍ ୱେରନାଦ୍ ଦାର୍ମାମ୍‌ ସେଙ୍ଗେ ସାର୍ରେତଡ଼୍ ଇଶ୍ୱର୍‌ତାଗ୍ ଦାର୍ମାମ୍ ଆଦ୍‍ତଡ଼୍ । 
\v 20 ନିୟମ୍ ମାଡ଼୍‍ତାଙ୍କ୍ ପାପ୍‍ ମାଡ଼୍‍ତାୱୁ ତଅନ୍‌ଦ୍‍ତେ । ଇତ୍‍କେ ପାପାମ୍‍ ପେର୍ସାନ୍‍ ସାଙ୍ଗେ ସାଙ୍ଗେ ଇଶ୍ୱର୍‌ତାଦ୍ ଅନୁଗ୍ରହ ଗାଲା ନାର୍‍ଗେ ଆତ୍‍ତେ । 
\v 21 ପାପ୍ ବେଲା ଡଲ୍‍ନାଦ୍ ତଡ଼୍ ନିଜର୍‍ ଅଦିକାର୍‌ ତିୟାର୍‍ ମାଡ଼ିମାତ୍‍ତେ, ଆଦେରକମ୍ ଇଶ୍ୱର୍‌ତାଦ୍ ଅନୁଗ୍ରହ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମାନାଙ୍କ୍‍ ଦାର୍ମାମ୍ ମାଡ଼ି ସାରେଦିନାତ୍ ଜିୱୁଣ୍ଡ୍ ଇଦ୍‍ତେ ।
\c 6
\s ପାପାମ୍‍ ସେଙ୍ଗେ ଡଲ୍‍ନାଦ୍ ନୁ କ୍ରିଷ୍ଟନ୍‍ ତଡ଼୍ କାୟ୍‍ଲ୍‍କେ ବାଦ୍‍କାନାଦ୍
\p
\v 1 ଆଲେକେ ବାତ୍ କେତିତାଡ଼୍‍ ? ଇଶ୍ୱର୍‌ତାଦ୍‍ ଅନୁଗ୍ରହ ମେଣ୍ଡେ ନାର୍‍ଗେ ଆଦ୍‍ତେ ଇଞ୍ଜ ମାନାଡ଼୍ ବାତ୍ ପାପ୍‍ତାଗ୍‍ ବାଦ୍‍କିତାଡ଼୍ ? 
\v 2 ବେସୁଟ୍‌ ଆୟ୍‍ମାକି । ପାପ୍‍ ସେଙ୍ଗେ ମାନାଡ଼୍ ଡଲ୍‍ତାଡ଼୍, ଆଗେ ମେଣ୍ଡେ ବେଲା ବାଦ୍‍କିତାଡ଼୍ ? 
\v 3 ମିଡ଼୍ ପୁତ୍‍ତିଡ଼୍, ଏର୍‍ ଦୀକ୍ଷା ଅସ୍ କ୍ରିଷ୍ଟ ଜିସୁନ୍ ତଡ଼୍ କାୟ୍‍ଲି ମାନାଡ଼୍ ଅନ୍‌ ଡଲ୍‍ତାଗ୍ ଗାଲା ପାଲ୍‍କ୍ ଆତ୍‍ତାଡ଼୍ । 
\v 4 \x + \xo ୬:୪ \xo*\xt କଲସୀୟ ୨:୧୨.\xt*\x*ଏର୍‍ ମୁଡ଼୍‍ନ୍ଦି ମାନାଡ଼୍ ଅନ୍‌ ଡଲ୍‍ତାଗ୍ ପାଲ୍‍କ୍ ଆସ୍ ଅନ୍‌ ତଡ଼୍ ସମାଦି ପାଏମ୍ଆତ୍‍ତାଡ଼୍ । ଅଣ୍ଡ୍‌ ବେଲା ବାବାନ୍ ଗୌରବ୍ ଶକ୍ତି ତଡ଼୍ ମେଣ୍ଡଅନ୍‌‍ଦାମ୍ ଜିୱେ ଆତ୍‍ତଣ୍ଡ୍, ମାନାଡ଼୍ ଗାଲା ଅନ୍‌ ସେଙ୍ଗେ ପୁନେ ଜିୱୁଣ୍ଡ୍ ବାଦ୍‍କାନଙ୍କ୍ ପାର୍‍ଦ୍‍ତାଡ଼୍ ।
\p
\v 5 ବେଲା ମାନାଡ଼୍ ଡଲ୍‍ତାଗ୍ ପାଲ୍‍କ୍ ଆସ୍ ଅନ୍‌ ତଡ଼୍ ୱେରଡ଼୍ ଆତ୍‍ତାଡ଼୍, ଅନାଦ୍‌ ମେଣ୍ଡେଅନ୍‌‍ଦାମ୍‍ ଜିୱେ ଆତ୍‍ତାଗ୍ ଗାଲା ଅଣ୍ଡୟ୍‌ ଆସ୍ ମେଣ୍ଡଅନ୍‌‍ଦାମ୍ ଜିୱୁଣ୍ଡ୍ ପାଏମ୍ ଆଦ୍‍ତାଡ଼୍ । 
\v 6 ମାନାଡ଼୍ ପୁତ୍‍ତାଡ଼୍, କ୍ରିଷ୍ଟନ୍ ତଡ଼୍ କ୍ରୁଶତ୍ ପର୍‍ର ମାନ୍‍ୱାଦ୍ ପାଃନ୍ତେ ଅବ୍ୟାସ୍‍ ଡଲିଆତ୍‍ତେ । ଆଦିଙ୍କ୍ ମାନ୍‍ ପାପ୍‍ ନଷ୍ଟ ଆତ୍‍ତେ ନୁ ମାନାଡ଼୍ ପାପାମ୍‍ ଦାସତାଗାଙ୍କ୍ ମୁକ୍ତି ପାଏମ୍ ଆତ୍‍ତାଡ଼୍, 
\v 7 ବାତେଙ୍କ୍ଇତ୍‍କେ ନାରୁଡ଼୍ ଡଲ୍‍କେ, ପାପ୍‍ତାଗାଙ୍କ୍ ମୁକ୍ତି ପାଏମ୍ ଆଦ୍‍ତନ୍ । 
\v 8 ମାନାଡ଼୍ ଜିସୁନ୍‍ ତଡ଼୍ ଡଲ୍‍ତାଙ୍କ୍, ଅନ୍‌ ତଡ଼୍ ଗାଲା ଜିୱୁଣ୍ଡ୍ ପାଏମ୍ ଆଦ୍‍ତମ୍ ଇଞ୍ଜ ବିଶ୍ୱାସ୍ ମାଡ଼ୁତାଡ଼୍ । 
\v 9 ମାନାଡ଼୍ ପୁତ୍‍ତାଡ଼୍, କ୍ରିଷ୍ଟ ଡଲ୍‍ତାଗାଙ୍କ୍ ମେଣ୍ଡଅନ୍‌‍ଦାମ୍ ଜିୱୁଣ୍ଡ୍ ଆତ୍‍ତାଙ୍କ୍, ଅଣ୍ଡ୍‌ ମେଣ୍ଡେ ବେସୁଟ୍‌ ଡଲନ୍ । ଅନ୍‌ ପର୍‍ର ମେଣ୍ଡେ ଡଲ୍‍ନାଦ୍ ରାଜ୍ ମାଡ଼େ ପାର୍‍ୱ । 
\v 10 ଅଣ୍ଡ୍‌ ବେଲା ଡଲ୍‍ତଣ୍ଡ୍, ଆଦିନ୍ ତଡ଼୍ ପାପ୍‍ତାଦ୍ ଶକ୍ତିତାଗାଙ୍କ୍ ଅଣ୍ଡୟ୍‌‍ଦାମ୍ ପେୟିସ୍ ଆତ୍‍ତଣ୍ଡ୍ । ଅଣ୍ଡ୍‌ ଇଞ୍ଜେ ବେନ୍ ଜିୱୁଣ୍ଡ୍ ବାଦ୍‍କୁତଣ୍ଡ୍, ଆଦ୍ ଇଶ୍ୱର୍ ତଡ଼୍ କାୟ୍‍ଲ୍‍ତେ ଜିୱୁଣ୍ଡ୍ । 
\v 11 ଆଦେରକମ୍ ମିଡ଼୍ ଗାଲା ପାପ୍‍ତାଗ୍ ଡଲ୍‍ତିଡ଼୍ ଇଞ୍ଜ ମନେମାଡ଼ାଟ୍ । ଇଞ୍ଜେ ମିଡ଼୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍‍ତାଗ୍ ଇଶ୍ୱର୍ ତଡ଼୍ କାୟ୍‍ଲ୍‍ତିଡ଼୍ ।
\p
\v 12 ଆଦିନ୍‌ମାୟ୍‍ଦିଙ୍କ୍‍ ମିୟାଦ୍ ଡଲ୍‍ତେ ମେନ୍ଦୁଲ୍ ପର୍‍ର ପାପ୍‍ ମେଣ୍ଡେ ରାଜ୍ ମାଡ଼୍‍ମାକି; ମେଣ୍ଡେ ମିଡ଼୍ ବାତ୍‍ବା ମେନ୍ଦୁଲ୍ ଲାଲ୍‍ସା ମାଡ଼୍‍ମାଟ୍ । 
\v 13 ମିଡ଼୍ ନିଜେତିଙ୍କ୍ ବାତ୍‍ଆଇ ପାପ୍‌ ଗାର୍‍ରେ ସର୍ପା ଆସ୍ କାରାପ୍ ପାଡ଼୍‍ୟି ମାଡ଼ାନ୍ ନାରୁଣ୍ଡ୍‍ ଲେକାମ୍ ବ୍ୟବହାର୍‌ ଆୟ୍‍ମାଟ୍ । ବେଲାନ୍ ଡଲ୍‍ତାଗାଙ୍କ୍ ରକ୍ଷା ପାଏମ୍ ଆସ୍ ଜିୱୁଣ୍ଡ୍ ପାଏମ୍ ଆସ୍‍ ମାନ୍ଦାନ୍ ମାୟ୍‍ଦିଙ୍କ୍ ନିଜେ ନିଜେତିଙ୍କ୍ ସାରେ ଇଶ୍ୱର୍‌ତାଗ୍ ସର୍ପା ଆୟ୍‍ମୁଟ୍ । 
\v 14 ବାତେଙ୍କ୍‍ଇତ୍‍କେ ପାପ୍‌ ମିଇ ପର୍‍ର ରାଜ୍ ମାଡ଼୍‍ମାକି । ମିଡ଼୍ ମେଣ୍ଡେ ନିୟମ୍ ଅଦିନ୍‌ତାଗ୍ ଇଲିଡ଼୍ । ଇତ୍‍କେ ଇଶ୍ୱର୍‌ତେ ଅନୁଗ୍ରମାମେ ଆୟମ୍‌ ମିନ୍ଦେଡ଼ି ।
\s ଦାର୍ମାମ୍‌ତଣ୍ଡ୍‍ ସେବକ୍‍
\p
\v 15 ଆଲେକେ ମାନାଡ଼୍ ନିୟମ୍ ଆଦିନ୍ ଆୟ୍‍ୟକଟ ଇଶ୍ୱର୍‌ତାଦ୍ ଅନୁଗ୍ରହ ପାଏମ୍ ଆତ୍‍ତାଡ଼୍ ଇଞ୍ଜ ବାତ୍ ପାପାମ୍ ମାଡ଼ମାନ୍‍ତାଡ଼୍ ? ଆଦ୍‍ ବେସୁଟ୍‌ ଆୟ୍‍ମାକି ! 
\v 16 ମିଡ଼୍ ନିଜାମ୍ ପୁତ୍‍ତିଡ଼୍, ଯଦି ମିଡ଼୍ ବେନନ୍ ବୁସାଗଟ୍‍ତାଗ୍‍ ମାନେମ୍‍ ଆସ୍ ଅନ୍‌‍ୱାଦ୍ ସାରେ ଗଟିଙ୍କ୍‍ ପାଳନ୍ ମାଡ଼ୁତିଡ଼୍, ଆଲେକେ ମିଡ଼୍ ଅନ୍‌ ଦାସ । ଯଦି ପାପ୍‌ତେ ଦାସ ଆଦ୍‍ତିଡ଼୍, ଇଦିନାଦ୍ ପରିଣାମ୍ ଡଲ୍‍ନାଦ୍; ଯଦି ଦାର୍ମାମ୍‌ତେ ଦାସ ଆଦ୍‍ତିଡ଼୍, ଆଲେକେ ଜିୱୁଣ୍ଡ୍ ପାଏମ୍ ଆଦ୍‍ତିଡ଼୍ । 
\v 17 ଇତ୍‍କେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦୁତାନ୍, ଯଦି ମିଡ଼୍ ଅଣ୍ଡ୍‌‍ଦିନ୍ ପାପ୍‌ତେ ଦାସ ମାତ୍‍ତିଡ଼୍, ମିଡ଼୍ ଇଞ୍ଜେ ସୁସମାଚାର୍‍ତାଗାଙ୍କ୍ ନାଡ଼୍‍ସି ମାନ୍ଦାନ୍ ସତ୍‍ତିଙ୍କ୍ ହୃଦୟ୍‍ତଡ଼୍‍ ପାଲନ୍ ମାଡ଼ୁତିଡ଼୍ । 
\v 18 ମିଡ଼୍ ପାପ୍‌ତାଗାଙ୍କ୍ ମୁକ୍ତି ଆସ୍ ଦାର୍ମାମ୍‌ତେ ଦାସ ଆତ୍‍ତିଡ଼୍ । 
\v 19 ମିୟାଦ୍ ନିତ୍‍ଦିନେତ୍ ଦୁର୍ବଲ୍‍ ସେଙ୍ଗେ, ଇୱୁ ସାର୍‍ରେ ଗଟି ନାନ୍ ଚାଲେମ୍ ଆଦାନ୍ ଗଟିନ୍‍ତଡ଼୍ କେତୁତାନ୍ । ଅନ୍‌‍ଦିନେ ମିଡ଼୍ ଅଶୁଚି ନୁ ଅପରାଦ୍‌ ପାଡ଼୍‍ୟିତାଗ୍ ମୁଡ଼୍‍ନ୍ଦି ମାତ୍‍ତିଡ଼୍ । ଆଦେରକମ୍ ଇଞ୍ଜେ ପବିତ୍ର ଜିୱା ଆଦ୍‍ଦାନ୍ ସେଙ୍ଗେ ଦାର୍ମାମ୍ ଗାର୍‍ରେ ନିଜେତିଙ୍କ୍ ପୁରାପୁରି ସର୍ପା ଆୟ୍‍ମୁଟ୍ ।
\p
\v 20 ମିଡ଼୍ ପାପ୍‌ତେ ଦାସ ମାତ୍‍ତେୱେଲେ, ଦାର୍ମାମ୍‌ତାଗାଙ୍କ୍‍ ଜେକେ ମାତ୍‍ତିଡ଼୍ । 
\v 21 ଇଞ୍ଜେ ମିକିଂଙ୍କ୍ ବେନ୍ ସାର୍‍ରେ ପାଡ଼୍‍ୟି ମାଡ଼ାନଙ୍କ୍ ସିଗ୍ ୱେସୁତ୍, ଆସୁଟ୍‍ ଆୱୁ ସାର୍‍ରେ ମାଡ଼ମାତ୍‍ତିଡ଼୍ । ଆଗାଙ୍କ୍ ବାତ୍ ଲାବ୍ ପାଏମ୍ ଆତ୍‍ତିଡ଼୍ ? ଆୱୁ ସାର୍‍ରେ ପାଡ଼୍‍ୟିତାଦ୍ ପରିଣାମ୍ ଡଲ୍‍ନାଦ୍ । 
\v 22 ଇତ୍‍କେ ଇଞ୍ଜେ ମିଡ଼୍ ପାପ୍‌ତାଗାଙ୍କ୍ ମୁକ୍ତି ଆସ୍ ଇଶ୍ୱର୍‌ତେ ଦାସ ଆତ୍‍ତିଡ଼୍ । ଇଦିନାଦ୍ ଲାବ୍ ଆଦୁତ୍‍ତେ, ଇଶ୍ୱର୍‌ତାଗ୍ ପୁରାପୁରି ଆତ୍ମାତଡ଼୍ ସର୍ପା ଆଦାନାଦ୍ ନୁ ଇଦିନାଦ୍ ପରିଣାମ୍ ପବିତ୍ର ଜିୱା ପାଏମ୍ ଆଦାନାଦ୍ । 
\v 23 ପାପ୍‌ତାଦ୍ ପରିଣାମ୍‍ ଡଲାନାଦ୍, ଇତ୍‍କେ ଇଶ୍ୱର୍‌ତାଦ୍ ଜସାମାଡ଼୍‌ୱେ ଦାନ ଆଦୁତ୍‍ତେ, ପ୍ରବୁ ଜିସୁ କ୍ରିଷ୍ଟନ୍‍ ତଡ଼୍ କାୟ୍‍ଲି ମିକା ସାରେଦିନାତ୍ ଜିୱୁଣ୍ଡ୍ ପାଏମ୍ ଆଦାନାଦ୍ ।
\c 7
\s ପେଣ୍ଡୁଲ୍‍ତାଦ୍ ଉଦାରନ୍
\p
\v 1 ହୋ ଦାଦାଲଡ଼ି ନୁ ଏଲାସ୍କ୍‍, ନାରୁଡ଼୍ ବେସୁଟ୍‌ ଆୟ୍‍ନା ଜିୱେ ମାନ୍‍ତଡ଼୍, ଆସୁଟ୍‍ ଆୟ୍‍ନା ନିୟମ୍ ଅଡ଼୍‌‍କିଂଙ୍କ୍ ଶାସନ୍‍ ମାଡ଼ିତ୍, ଇଦ୍ ମିଡ଼୍ ବାତ୍ ପୁନ୍‍ୱିଡ଼୍ ? ନାନ୍ ତ ନିୟମ୍ ପୁଞ୍ଜ୍‍ମାନ୍ଦାନ୍ ନାରୁଡ଼୍‍କିଂଙ୍କ୍ କେତୁତାନ୍ । 
\v 2 ମୁଦ୍‍ପାଲ୍ ବେସୁଟ୍‌ ଆୟ୍‍ନା ଜିୱେ ମାନ୍‍ତଣ୍ଡ୍, ଆସୁଟ୍‍ ଆୟ୍‍ନା ମୁତ୍‍ତେ ମୁଦ୍‍ପାନ୍‍ ନିୟମ୍ ତଡ଼୍ ମାନ୍‍ତେ, ଇତ୍‍କେ ମୁଦ୍‍ପାଲ୍ ଡଲିଆତ୍‍କେ ମୁତ୍‍ତେ ମୁଦ୍‍ପାନ୍ ନିୟମ୍‍ତାଗାଙ୍କ୍ ମୁକ୍ତି ଆଦ୍‍ତେ । 
\v 3 ଆଦିଙ୍କ୍ ମୁଦ୍‍ପାଲ୍ ଜିୱେ ମାନ୍‍ନା ମୁତ୍‍ତେ ମେଣ୍ଡେଅଡ଼୍‌‍ତୁଣ୍ଡ୍ ମାନେୟ୍‍ ତଡ଼୍ କାୟ୍‍ଲ୍‍କେ, ଆଲେକେ ତାଙ୍କ୍ ବେସ୍ୟା ଇଞ୍ଜ କେତିତଡ଼୍‍; ଇତ୍‍କେ ଯଦି ମୁଦ୍‍ପାଲ୍ ଡଲିଆତ୍‍କେ, ଆଲେକେ ମୁତ୍‍ତେ ନିୟମ୍‍ତାଗାଙ୍କ୍ ମୁକ୍ତି ଆଦ୍‍ତେ, ମେଣ୍ଡେ ଯଦି ଆଦ୍ ମେଣ୍ଡେଅଡ଼୍‌‍ତୁଣ୍ଡ୍ ମାନେୟ୍‍ ତଡ଼୍ କାୟ୍‍ଲ୍‍କେ, ଆଲେକେ ଆଦ୍ ବେସ୍ୟା ଆୟ୍‍ୟ । 
\v 4 ଆଦିଙ୍କ୍ ହୋ ନା ଦାଦାଲଡ଼ି ନୁ ଏଲାସ୍କ୍‍, ମିୟାଦ୍‍ ଗାଲା ପରିସ୍ଥିତି ଟିକ୍‍ ଆଲେନେ, ମିଡ଼୍‍ କ୍ରିଷ୍ଟନ୍ ତଡ଼୍ ବାତିସ୍ମ ଆସ୍‍, ଅନ୍‌‍ ପୁନରୁତାନ୍‍ତାଗ୍‍ ବାଗ୍‍ ଆତ୍‍ତିଡ଼୍‍, ମିଡ଼୍ ନିୟମ୍ ସେଙ୍ଗେ ଡଲିମିନ୍ଦେଡ଼ି, ବେଲା ମିଡ଼୍ ମେଣ୍ଡେଅର୍‍ତୁଣ୍ଡ୍ ତଡ଼୍ କାୟ୍‍ଲିତିଡ଼୍, ଇତ୍‍କେ ମାନାଡ଼୍ ଇଶ୍ୱର୍‌ତେ ମାୟ୍‍ଦିଂଙ୍କ୍ କାୟା ଆଦ୍‍ସ୍ପାନ୍ ସେଙ୍ଗେ ଜେ ବେନ ଡଲିମାଞ୍ଜ୍ ତେଦିମିନ୍ଦେଣ୍ଡ୍, ଅନ୍‌ ତଡ଼୍ କାୟ୍‍ଲାଟ୍ । 
\v 5 ବାତେଙ୍କ୍ଇତ୍‍କେ ବେସୁଟ୍‌ ମାନାଡ଼୍ ମେନ୍ଦୁଲ୍ ପୟ୍‍ସ୍ ମାତ୍‍ତାଡ଼୍, ଆସୁଟେ ନିୟମ୍ ତଡ଼୍ ପାପ୍‍ଲାଲସା ମାୟାଦ୍‌ ମେନ୍ଦୁଲ୍‍ତାଗ୍ ଡଲାନ୍ ସେଙ୍ଗେ କାୟା ଆଦ୍‍ସ୍ପାନଙ୍କ୍ ପାଡ଼୍‍ୟି ମାଡ଼ମାତ୍‍ତା, 
\v 6 ଇତ୍‍କେ ଆଦିଙ୍କ୍ ମାନାଡ଼୍ ବନ୍ଦନ୍ ଆସ୍ ମାତ୍‍ତାଡ଼୍, ଆଦିନ୍ ସେଙ୍ଗେ ଡଲିମାଞ୍ଜ୍ ମାନାଡ଼୍ ଇଞ୍ଜେ ନିୟମ୍‍ତାଗାଙ୍କ୍ ମୁକ୍ତି ଆତ୍‍ତାଡ଼୍; ଆଦିଙ୍କ୍ ମାନାଡ଼୍ ପାଃନ୍ତେ ଲେକ୍‍ତାଦ୍‍ ଇସାବ୍‍ତେ ଦାସନ୍ ପାଡ଼୍‍ୟି ମାଡ଼କଟ୍ ପବିତ୍ର ଆତ୍ମାତାଦ୍ ପୁନାଦ୍ ଇସାବ୍‍ତେ ଦାସନ୍ ପାଡ଼ୟି ମାଡ଼ୁତାଡ଼୍ ।
\s ନିୟମ୍ ନୁ ପାପାମ୍
\p
\v 7 ଆଲେକେ ମାନାଡ଼୍ ବାତ୍ କେତିତାଡ଼୍‍ ? ମୋଶାନ୍‌ ନିୟମ୍ ବାତ୍ ପାପ୍‌ ? ଆଦ୍ ବେସୁଟ୍‌ ବା ଆୟ୍‍ମାକି । ଇତ୍କେ ପାପାମ୍ ବାତ୍, ଆଦ୍ ମୋଶାନ୍‌ ନିୟମ୍ ୱିଡ଼୍‌ସି ନାନ୍ ପୁନେ ପୁନ୍‌ୱେ ଆୟେନ୍; ବାତେଙ୍କ୍ ଇତ୍କେ ଲୋବ୍‌ ମାଡ଼୍‍ମାଟ୍, ମୋଶାନ୍‌ ନିୟମ୍ ଇଦ୍ କେଲକଟ ମାତ୍‍କେ, ଲୋବ୍‌ ବାତେଏ, ଆଦ୍ ନାନ୍ ପୁନନ୍ ଆୟେନ୍ । 
\v 8 ଇତ୍‍କେ ପାପ୍‌ ସୁଜଗ୍ ପାଏମ୍‍ଆସ୍ ଗଟ୍ ତଡ଼୍ ନାୟାଗ୍ ସାର୍‍ରେ ଲେକାତ୍ ଲୋବ୍ ପୁଟ୍‍ସ୍ପତେ; ନିୟମ୍‍ ଇଲ୍‍ଉକ୍ ପାପାମ୍ ଡଲ୍‍ତେ ଲେକାମ୍‍ । 
\v 9 ମେଣ୍ଡେ, ନାନ୍ ଅନ୍‌‍ଦାମ୍ ନିୟମ୍ ଇଲ୍‍ୱାଙ୍କ୍ ଜିୱୁଣ୍ଡ୍ ମାତ୍‍ତାନ୍, ଇତ୍‍କେ ଗଟ୍ ୱାତ୍‍ତାଙ୍କ୍ ପାପ୍‌ ଜିୱୁଣ୍ଡ୍ ଆତ୍‍ତେ, ମେଣ୍ଡେ ନାନ୍ ଡଲିଆତ୍‍ତାନ୍; 
\v 10 ଆଗାଙ୍କ୍ ଜିୱୁଣ୍ଡ୍‍ତାଦ୍ ବେନ୍ ଗଟ୍, ଆଦ୍ ନା ସେଙ୍ଗେ ଆତ୍ମିକ୍‍ ଡଲ୍‍ନାଦ୍ ଇଞ୍ଜ ପୁତ୍‍ତାନ୍ । 
\v 11 ବାତେଙ୍କ୍ଇତ୍‍କେ ପାପ୍‌ ସୁଜଗ୍ ପାଏମ୍‍ଆସ୍ ଗଟ୍ ତଡ଼୍ ନାକିଂଙ୍କ୍ ତିପାଲ୍ ମାଡ଼୍‍ତେ, ମେଣ୍ଡେ ଆଦିନ୍ ତଡ଼୍ ନାକିଂଙ୍କ୍ ଆୱୁକ୍‍ତେ ।
\p
\v 12 ଆଦିଙ୍କ୍ ନିୟମ୍ ପବିତ୍ର ନୁ ମେଣ୍ଡେ ଅଦିନ୍‌ ଆଦେଶ୍‍ ପବିତ୍ର, ନ୍ୟାୟତାଦ୍ ନୁ ସାୟେତ୍ତାଦ୍ । 
\v 13 ଆଲେକେ ବାତ୍ ଲେକେତ୍‍, ଆଦ୍ କି ନା ସେଙ୍ଗେ ଡଲ୍‍ନାଦ୍ ଆତ୍‍ତେ ? ଆଦ୍ ବେସୁଟ୍‌ ବା ଆୟ୍‍ମାକି । ଇତ୍‍କେ ପାପ୍‌ ଡଲ୍‍ନାଦ୍ ଆତ୍‍ତେ, ବେଲା ବାତ୍ ସାୟେ, ଆଦ୍ ଇସ୍ ନା ସେଙ୍ଗେ ଡଲ୍‍ନାଦ୍ ପାଡ଼୍‍ୟି ମାଡ଼୍‍କେ ପାପାମ୍, ପାପାମ୍ ଇଞ୍ଜ ତନ୍ଦିତ୍‌ ମେଣ୍ଡେ ବେଲା ନିୟମ୍‍ ତଡ଼୍ ପାପାମ୍ ଗାଟି ନାର୍‍ଗେ ଆତ୍‍ତେ ।
\s ନାରୁଡ଼୍ ମନ୍‍ତାଗ୍ ଚିନ୍ତେ
\p
\v 14 ଆଦିଙ୍କ୍ ନିୟମ୍ ଆଦୁତ୍‍ତେ ଆତ୍ମିକ, ଇଦ୍ ମାନାଡ଼୍ ପୁତ୍‍ତାଡ଼୍; ଇତ୍‍କେ ନାନ୍‍ନେ ମେନ୍ଦୁଲ୍‍ମାନ୍ଦାନଣ୍ଡ୍, ପାପ୍‌ତାଦ୍ କ୍ରୀତଦାସ । 
\v 15 \x + \xo ୭:୧୫ \xo*\xt ଗାଲାତୀୟ ୫:୧୭.\xt*\x*ବାତେଙ୍କ୍ଇତ୍‍କେ ନାନ୍ ବାତ୍ ମାଡ଼ିତାନ୍, ଆଦ୍ ପୁନନ୍; ଆଦିଙ୍କ୍ ନାନ୍ ବାତ୍ ଇଚ୍ଛା ମାଡ଼ିତାନ୍, ଆଦ୍ ମାଡ଼ନ୍, ଇତ୍‍କେ ନାନ୍ ପାସ୍କିତାନ୍, ଆଦିଂକେ ମାଡ଼ିତାନ୍ । 
\v 16 ଇତ୍‍କେ ନାନ୍ ବାତ୍ ଇଚ୍ଛା ମାଡ଼ନ୍, ଆଦ୍ ଯଦି ମାଡ଼ିତାନ୍, ଆଲେକେ ନିୟମ୍ ଜେ ସାୟେ, ଆଦ୍ ନାନ୍ ସ୍ୱୀକାର୍ ମାଡ଼ିତାନ୍ । 
\v 17 ଆଦିଙ୍କ୍ ନାନ୍ ମେଣ୍ଡେ ଆଦ୍ ମାଡ଼ନ୍, ଇତ୍‍କେ ନାୟାଗ୍ ବାସେ ମାଡ଼ିମାନ୍ଦାନ୍ ପାପ୍‌ ଆଦ୍ ମାଡ଼ୁତେ । 
\v 18 ବାତେଙ୍କ୍ଇତ୍‍କେ ନାୟାଗ୍, ଇତ୍‍କେ ନା ମେନ୍ଦୁଲ୍‍ତାଗ୍ ବାତ୍ ଆୟି ସାୟେତ୍ ଜିନିଷ୍ ମାନ, ଇଦ୍ ନାନ୍ ପୁତ୍‍ତାନ୍, ଆଦିଙ୍କ୍ ନାନ୍ ଇଚ୍ଛା ମାଡ଼େ ପାର୍‍ଦୁତାନ୍, ଇତ୍‍କେ ବାତ୍ ସାୟେ, ଆଦ୍ ମାଡ଼ାନଙ୍କ୍ ନାୟାଗ୍ ଶକ୍ତି ଇଲ୍‍ଲେ । 
\v 19 ବାତେଙ୍କ୍ଇତ୍‍କେ ବେନ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ନାନ୍ ଇଚ୍ଛା ମାଡ଼ିତାନ୍, ଆଦ୍ ମାଡ଼ନ୍, ଇତ୍‍କେ ବେନ୍ କାରାପ୍ ପାଡ଼୍‍ୟି ମାଡ଼ାନଙ୍କ୍ ନାନ୍ ଇଚ୍ଛା ମାଡ଼ନ୍, ଆଦ୍ ମାଡ଼ିତାନ୍ । 
\v 20 ଇତ୍‍କେ ନାନ୍ ବାତ୍ ଇଚ୍ଛା ମାଡ଼ନ୍, ଆଦ୍ ଯଦି ମାଡ଼ିତାନ୍, ଆଲେକେ ନାନ୍ ନିଜେ ଆଦ୍ ମେଣ୍ଡେ ମାଡ଼ନ୍, ମାତର୍ ନାୟାଗ୍ ମାନ୍ଦାନ୍ ପାପ୍‌ ଆଦ୍ ମାଡ଼ିତ୍ ।
\p
\v 21 ଆଦିଙ୍କ୍ ସାୟେତ୍ ପାଡ଼୍‍ୟି ମାଡ଼ାନଙ୍କ୍ ଇଚ୍ଛା ମାତ୍‍କେ ଗାଲା ନାନ୍, ନା ଗାର୍ରେ ଜେ କାରାପ୍ ମିନ୍ଦେ, ଇଦ୍ ନିୟମ୍ ନାନ୍ ଉଡ଼ୁତାନ୍ । 
\v 22 ବାତେଙ୍କ୍ଇତ୍‍କେ ଲୋପେତଣ୍ଡ୍ ମାନେୟ୍‍ତାଦ୍ ଆଲ୍‍ସାନାଦ୍ ଲେକାମ୍ ନାନ୍ ଇଶ୍ୱର୍‌ତାଦ୍ ନିୟମ୍‍ତାଗ୍ ୱେଡ଼୍‍କ୍‍ ମାଡ଼ିତାନ୍, 
\v 23 ଇତ୍‍କେ ନାନ୍ ନାୱାଦ୍ ମେନ୍ଦୁଲ୍‍ତାଗ୍ ଅଣ୍ଡୟ୍‌ ୱେର୍ରେ ନିୟମ୍ ଉଡ଼ିତାନ୍, ଆଦ୍ ନାୱାଦ୍ ମନ୍‍ତାଦ୍ ନିୟମ୍ ବିରୁଦ୍‍ତେ ଯୁଦ୍‌ ମାଡ଼ିତ୍, ମେଣ୍ଡେ ନାୱାଦ୍ ମେନ୍ଦୁଲ୍‍ତାଗ୍ ବେନ୍ ପାପ୍‌ ନିୟମ୍ ମିନ୍ଦେ, ନାକିଂଙ୍କ୍ ଆଗେତ୍ ବନ୍ଦି ମାଡ଼ିତେ । 
\v 24 ଆୟୁ, କାଡ଼୍‍ମାମ୍‍ ଇଲ୍‍ୱଣ୍ଡ୍ ମାନେୟ୍‍ତେ ଜେ ନାନ୍, ନାକିଂଙ୍କ୍ ଇଦ୍ ଡଲ୍‍ନାଦ୍ ମେନ୍ଦୁଲ୍‍ତାଗାଙ୍କ୍ ବେନ ଗେଲ୍‍ସ୍ପିତଣ୍ଡ୍ ? 
\v 25 ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ଇଶ୍ୱର୍‌ତାଦ୍ ଦନ୍ୟବାଦ୍ ଆୟି । ତ ନାନ୍ ନିଜେ ମନ୍ ତଡ଼୍ ଇଶ୍ୱର୍‌ତେ ନିୟମ୍‍ତାଦ୍ ଦାସ, ଇତ୍‍କେ ମେନ୍ଦୁଲ୍ ତଡ଼୍ ପାପ୍‌ ନିୟମ୍‍ତାଦ୍ ଦାସ ।
\c 8
\s ଆତ୍ମିକ୍ ଜିୱୁଣ୍ଡ୍
\p
\v 1 ତ ବେନଡ଼୍ କ୍ରିଷ୍ଟ ଜିସୁନାଗ୍ ମିନ୍ଦେଡ଼୍‍, ଅଡ଼୍‌ ସେଙ୍ଗେ ବାତ୍ ତିପାଲ୍ ଇଲ୍‍ଲେ । 
\v 2 ଇତ୍‍କେ ଜିୱୁଣ୍ଡ୍‍ତାଦ୍ ଆତ୍ମାତେ ନିୟମ୍ କ୍ରିଷ୍ଟ ଜିସୁନ୍ ପେଦେର୍‍ତେ ମିକିଂଙ୍କ୍ ପାପ୍‌ ନୁ ଡଲ୍‍ନାଦ୍ ନିୟମ୍‍ତାଗାଙ୍କ୍ ମୁକ୍ତି ମାଡ଼୍‍ତେ । 
\v 3 ଆଦିଙ୍କ୍ ମେନ୍ଦୁଲ୍ ମାୟ୍‍ଦିଙ୍କ୍ ରୋଗାମ୍ ଆତ୍‍ତାଙ୍କ୍ ନିୟମ୍ ବାତ୍ ମାଡ଼ାନଙ୍କ୍ ପାର୍‍ୱ, ଆଦ୍ ଇଶ୍ୱର୍ ତାନ୍ ମାରିଙ୍କ୍ ପାପ୍‌ତାଦ୍ ମେନ୍ଦୁଲ୍ ଇସାପ୍‍ତେ ପାପାମ୍ ଦଂସ ମାଡ଼ାନଙ୍କ୍ ରହସ୍ ମେନ୍ଦୁଲ୍‍ତାଗ୍ ପାପାମ୍‍ତିଙ୍କ୍ ଦଣ୍ଡ୍ ଇଦାନ୍ ନିୟମ୍ ମାଡ଼୍‍ତଣ୍ଡ୍, 
\v 4 ବେଲାକି ମେନ୍ଦୁଲ୍ ଆଲ୍‍ସାନ୍‍ ଇସାପ୍‍ତେ ବ୍ୟବହାର୍‌ ମାଡ଼କଟ୍ ଆତ୍ମାତାଦ୍ ଆଲ୍‍ସାନ୍ ଇସାପ୍‍ତେ ମାନାଡ଼୍ ବ୍ୟବହାର୍‌ ମାଡ଼ିତାଡ଼୍, ମାୟାଗେନେ ନିୟମ୍‍ତାଦ୍ ଦାର୍ମାମ୍‌ନିତି ତିୟାର୍ ଆଦ୍‍ତେ । 
\v 5 ବେନଡ଼୍ ମାନେୟ୍‍ତେ ଲେକାମ୍ ପାଡ଼୍‍ୟି ମାଡ଼ୁତଡ଼୍, ଅଡ଼ାଦ୍‌ ମାନ୍‍ ଆଦ୍ ଲେକାମ୍ ଆଦ୍‍ତେ । ଇତ୍‍କେ ବେନଡ଼୍ ପବିତ୍ର ଆତ୍ମାତେ କେତ୍‍ତାନ୍ ଲେକାମ୍ ପାଡ଼୍‍ୟି ମାଡ଼ିତଡ଼୍, ଅଡ଼ାଦ୍‌ ମାନ୍‍ ପବିତ୍ର ଆତ୍ମାତେ ତଡ଼୍ ଚାଲେମ୍ ଆଦ୍‍ତେ । 
\v 6 ମାନେୟ୍‍ ଲେକାମ୍ ଆତ୍‍କେ, ଆଦିନାଦ୍ ପରିଣାମ୍ ଆଦ୍‍ତେ ଡଲ୍‍ନାଦ୍; ପବିତ୍ର ଆତ୍ମାନ୍‍ ତଡ଼୍ ଚାଲେମ୍ ଆତ୍‍କେ ଜିୱୁଣ୍ଡ୍ ନୁ ଶାନ୍ତି ଦର୍‍କିତ୍ । 
\v 7 ମାନେୟ୍‍ତେ ଲେକାମ୍ ଆତ୍‍କେ ନାରୁଡ଼୍ ଇଶ୍ୱର୍‌ତାଦ୍ ଶତ୍ରୁଡ଼୍ ଆଦ୍‍ତନ୍; ବାତେଙ୍କ୍ଇତ୍‍କେ ଅଣ୍ଡ୍‌ ଇଶ୍ୱର୍‌ତାଦ୍ ନିୟମ୍ ପାଲନ୍ ମାଡ଼ଣ୍ଡ୍, ଅଣ୍ଡ୍‌ ଆଦ୍ ମାଡ଼ାନଙ୍କ୍ ପାର୍‍ୱଣ୍ଡ୍ । 
\v 8 ବେନଡ଼୍ ମାନେୟ୍‍ତେ ଲେକାମ୍ ପାଡ଼୍‍ୟି ମାଡ଼ିତଡ଼୍, ଅଡ଼୍‌ ଇଶ୍ୱର୍‌ତିଙ୍କ୍ ଶାନ୍ତି ମାଡ଼ାନଙ୍କ୍ ପାର୍‍ୱଡ଼୍ ।
\p
\v 9 ଯଦି ନିଜାମ୍ ଇଶ୍ୱର୍‌ତାଦ୍ ପବିତ୍ର ଆତ୍ମା ମିୟାଗେ ମିନ୍ଦେ, ମିଡ଼୍ ମେଣ୍ଡେ ମାନେୟ୍‍ ଲେକାମ୍ ଜିୱୁଣ୍ଡ୍ ବାଦ୍‍କ୍‍ୱିଡ଼୍, ଇତ୍‍କେ ଜିୱୁଣ୍ଡ୍‍ତାଗ୍ ପବିତ୍ର ଆତ୍ମାତେ ଗଟ୍ ପାଲନ୍ ମାଡ଼ୁତିଡ଼୍ । କ୍ରିଷ୍ଟନାଦ୍ ଆତ୍ମା ବେନନ୍ ଗାର୍‍ରେ ଇଲ୍‍ଲେ, ଅଣ୍ଡ୍‌ ବେସୁଟ୍‌ ଅନ୍‌ ନାରୁଣ୍ଡ୍‍ ଆଦାନଙ୍କ୍ ପାର୍‍ୱଣ୍ଡ୍ । 
\v 10 ଇତ୍‍କେ କ୍ରିଷ୍ଟ ଯଦି ମିଇ ଗାର୍‍ରେ ମିନ୍ଦେଣ୍ଡ୍, ମିୟାଦ୍ ମେନ୍ଦୁଲ୍ ପାପ୍‌ ତଡ଼୍ ନଷ୍ଟ ଆଦାନଙ୍କ୍ ଆଞ୍ଜମାତ୍‍କେ ଗାଲା, ପବିତ୍ର ଆତ୍ମା ମିକିଂଙ୍କ୍ ଜିୱୁଣ୍ଡ୍ ଇଦ୍‍ତେ, ବାତେଙ୍କ୍ଇତ୍‍କେ ଇଶ୍ୱର୍‌ତେ କଣ୍ଡେତାଗ୍ ମିଡ଼୍ ଦାର୍ମାମ୍ ଇଞ୍ଜ ଲେକା ଆତ୍‍ତିଡ଼୍ । 
\v 11 \x + \xo ୮:୧୧ \xo*\xt ୧ କରନ୍ତିୟ 3:୧୬.\xt*\x*ଯଦି କ୍ରିଷ୍ଟଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ମାଡ଼୍‍ତେ ଇଶ୍ୱର୍‌ତାଦ୍ ଆତ୍ମା ମିୟାଗ୍ ମିନ୍ଦେ, ଆଲେକେ ଆଦ୍ ଆତ୍ମାତେ ସାହାଯ୍ୟତେ ଇଶ୍ୱର୍ ମିୟାଦ୍ ଡଲ୍‍ତାଦ୍ ମେନ୍ଦୁଲ୍‍ତିଙ୍କ୍ ଗାଲା ଜିୱେ ମାଡ଼ିତନ୍ ।
\p
\v 12 ଆଦିଙ୍କ୍ ହୋ ଦାଦାଲଡ଼ି ନୁ ଏଲାସ୍କ୍‍, ମାନ୍‍ ଦାୟିତ୍ୱ ଆଦୁତ୍‍ତେ, ମାନେୟ୍‍ତେ ଲେକାମ୍ ଜିୱୁଣ୍ଡ୍ ବାଦ୍‍କାନଡ଼ାଦ୍ ଆୟ୍‍ୟ । 
\v 13 ବାତେଙ୍କ୍ଇତ୍‍କେ ମିଡ଼୍‍ ମାନେୟ୍‍ ଲେକାମ୍‍ ଜିୱୁଣ୍ଡ୍‍ ବାଦ୍‍କିତିଡ଼୍‍, ଆଲେକେ ମିଡ଼୍‍ ଡଲିତିଡ଼୍‍, ଇତ୍‍କେ ଯଦି ପବିତ୍ର ଆତ୍ମାତେ ସାହାଯ୍ୟତେ ନିଜେତ୍ ପାପାମ୍‍ତିଙ୍କ୍ ଆୱ୍‍କି, ମେଣ୍ଡେ ପାପାମ୍ ପାଡ଼୍‍ୟି ମାଡ଼୍‍ୱେମାତ୍‍କେ, ଆଲେକେ ମିଡ଼୍ ଗେଲ୍‍ସିତିଡ଼୍ । 
\v 14 ବେନଡ଼୍ ଇଶ୍ୱର୍‌ତେ ଆତ୍ମା ତଡ଼୍ ଚାଲେମ୍ ଆଦ୍‍ତଡ଼୍, ଅଡ଼୍‌ ଇଶ୍ୱର୍‌ତେ ମାର୍‍ ମାୟାସ୍କ୍ ।
\p
\v 15 \x + \xo ୮:୧୫ \xo*\xt ଗାଲାତୀୟ ୪:୫-୭.\xt*\x*\x + \xo ୮:୧୫ \xo*\xt ମାର୍କ ୧୪:3୬; ଗାଲାତୀୟ ୪:୬.\xt*\x*ବାତେଙ୍କ୍ଇତ୍‍କେ ଇଶ୍ୱର୍ ଇତ୍‍ତେ ଆଦ୍ ଆତ୍ମା ମିକିଂଙ୍କ୍ ଦାସତାଗାଙ୍କ୍ ମୁକ୍ତି ମାଡ଼୍‍ତେ, ମିଡ଼୍ ମେଣ୍ଡେ ୱେର୍ର୍ ଆଦାନାଦ୍ ବାତ୍ ଇଲ୍‍ଲେ । ଇତ୍‍କେ ପବିତ୍ର ଆତ୍ମା ମିକିଂଙ୍କ୍ ଇଶ୍ୱର୍‌ତେ ମାର୍‌ ଆଦାନଙ୍କ୍ ସୁଜଗ୍ ଇତ୍‍ତନ୍ । ଅନ୍‌ ଶାତ୍‍ୱାମ୍ ପାଏମ୍ ଆସ୍ ମାନାଡ଼୍ ଇଞ୍ଜେ ଇଶ୍ୱର୍‌ତିଙ୍କ୍ “ବାବାଲ୍,” ଇଞ୍ଜ କେତୁତାଡ଼୍ । 
\v 16 ଇଶ୍ୱର୍‌ତାଦ୍ ଆତ୍ମା ମାନ୍‍ ଲୋପେତ୍ ଆତ୍ମା ତଡ଼୍ କାୟ୍‍ଲି ମାନାଙ୍କ୍‍ ଇଶ୍ୱର୍‌ତେ ମାର୍‌ ଇଞ୍ଜ କେତୁତେ । 
\v 17 ବେଲାବା ମାନାଡ଼୍ ଇଶ୍ୱର୍‌ତେ ମାର୍‍କ୍, ଅନ୍‌ ନାରୁଡ଼୍ ସେଙ୍ଗେ ଇଦାନ୍ ଆର୍ଶିବାଦ୍‍ତାଗ୍ ମାନାଡ଼୍ ବାଗିଦାର୍ ଆଦ୍‍ତାଡ଼୍ । ମେଣ୍ଡେ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବାତ୍ ନେଃଏସ୍ ମିନ୍ଦେଣ୍ଡ୍, ଆଗେ ଗାଲା ମାନାଦ୍‍ ବାଗ୍ ମିନ୍ଦେ । ଯଦି ମାନାଡ଼୍ ଜିସୁନାଦ୍ ଦୁଃକାମ୍‍ତାଗ୍ ବାଗିଦାର୍ ଆତ୍‍ତାଡ଼୍, ଆଲେକେ ଅନ୍‌ ଗୌରବ୍‍ତାଗ୍ ଗାଲା ବାଗିଦାର୍ ଆଦ୍‍ତାଡ଼୍ ।
\s ବବିଷ୍ୟତ୍‍ତାଦ୍‍ ଗୌରବ୍‍
\p
\v 18 ବେନ୍ ଗୌରବ୍‍ତାଦ୍ ବବିଷ୍ୟତ୍‌ତାଗ୍ ମାନାଡ଼୍ ଆସିତାଡ଼୍, ଆଦ୍ ଇସାପ୍‍ତେ ଇଞ୍ଜେ ଦୁଃକାମ୍‍ ଆଦାନାଦ୍ ବାତେବା ଆୟ୍‍ୟ । ଆଦ୍ ସମୟ୍‍ତେ ଇଶ୍ୱର୍ ତାନ୍ ମାର୍‍କିଡ଼୍‍କ୍ ତଅତିତଣ୍ଡ୍ । 
\v 19 ସାର୍‍ରେ ସୃଷ୍ଟି ଆଦ୍ ଦିନାମ୍‍ତିଙ୍କ୍ ଆଗ୍ରହ ଆସ୍‍ କେପି ମିନ୍ଦେ, 
\v 20 ବାତେଙ୍କ୍ଇତ୍‍କେ ସାର୍‍ରେ ସୃଷ୍ଟି ଇଶ୍ୱର୍ ତଡ଼୍ ଅବିଶାପ୍‌ ଆସ୍ ତାନ୍ କାମ୍‌ତାଗାଙ୍କ୍ ୱେଏରେ ଆତ୍‍ତେ । ଇତ୍‍କେ ଆଗେକ୍‍ବା ଆଦିନାଦ୍ ଆଶେ ମିନ୍ଦେ, 
\v 21 ଅନ୍‌‍ଦିନେ ଇଶ୍ୱର୍‌ତେ ମାର୍‍କିଡ଼୍ ଗୌରବ୍‍ତାଗ୍ ବାଗିଦାର୍ ଆସ୍ ଆଦ୍ ଗାଲା ତାନ୍ ଦାସତ୍ୱ ନଷ୍ଟ ଆଦାନାଗାଙ୍କ୍ ମୁକ୍ତି ପାଏମ୍ ଆଦ୍‍ତେ । 
\v 22 ଇତ୍‍କେ ଇଞ୍ଜେକ୍ ଗାଲା ସାର୍‍ରେ ସୃଷ୍ଟି ପିଲା ପୁଟ୍‍ସ୍ପାନ୍ ନପ୍ ଲେକାମ୍ କଷ୍ଟ ପାଏମ୍ ଆସ୍ ଦୁଃକାମ୍‍ତେ କିଡ଼୍‍କୁତେ । 
\v 23 \x + \xo ୮:୨3 \xo*\xt ୨ କରନ୍ତିୟ ୫:୨-୪.\xt*\x*ମେଣ୍ଡେ ଆଦ୍‍ ମାତର୍‍ ଆୟ, ମାନାଡ଼୍ ଇଶ୍ୱର୍‌ତେ ମୁନେନ୍ ଇତ୍‍ତାଦ୍ ଦାନ ଲେକାମ୍ ପବିତ୍ର ଆତ୍ମାତିଙ୍କ୍ ପାଏମ୍ ଆତ୍‍ତାଡ଼୍; ଆଗେକ୍‍ବା ଇଶ୍ୱର୍‌ତେ କୁଟ୍‍ମାମ୍ ଆସ୍ ସାର୍ରେତଡ଼୍ ଲେକାମ୍ ମୁକ୍ତି ଆଦାନ୍ ସେଙ୍ଗେ ମାମ୍‍ମେ ଗାଲା କେପି ଜିୱୁଣ୍ଡ୍ ଲୋପେ ଦୁଃକା ମାଡ଼ୁତମ୍ । 
\v 24 ବାତେଙ୍କ୍ଇତ୍‍କେ ଆଶା ମାଡ଼୍‍କେନେ କେ ମାନାଙ୍କ୍‍ ମୁକ୍ତି ଦର୍‍କିତ୍ । ଇତ୍‍କେ ବାତ୍ ତଅନ୍‌ଦିତ୍, ଆଦିନ୍ ସେଙ୍ଗେ ଆଶା ମାଡ଼ାନାଦ୍ ନିଜାତେ ଆଶା ଆୟ୍‍ୟ । ବେନ ବାତ୍ ତଅନ୍‌ଦାନାଦ୍ ଜିନିଷ୍ ସାର୍‍ରେ ସେଙ୍ଗେ ଆଶା ମାଡ଼ିତନ୍ ? 
\v 25 ଇତ୍‍କେ ମାନାଡ଼୍ ଯଦି ତଅନ୍‌ଦ୍‍ୱାଦ୍ ବିଷୟ୍ ସେଙ୍ଗେ ଆଶେ ମାଡ଼ିତାଡ଼୍, ଆଲେକେ ମାନାଙ୍କ୍‍ ଗାଡ଼୍‍ସ୍ ପୟ୍‍ସ୍ କେପି ମାନ୍ଦାନଙ୍କ୍ ୱେୟ୍‍ତିତ୍ ।
\p
\v 26 ଆଦେରକମ୍‍ ମାନାଙ୍କ୍‍ ଶାତ୍‍ୱାମ୍ ଇଲ୍‍ଲେ, ପବିତ୍ର ଆତ୍ମା ମାନାଙ୍କ୍‍ ସାଆଯ୍ୟ ମାଡ଼ିତନ୍ । ବେଲା ପ୍ରାର୍ତନା ମାଡ଼ାନଙ୍କ୍ ଆଦ୍‍ତେ, ଆଦ୍ ମାନାଡ଼୍ ପୁନ୍‍ୱାଡ଼୍ । ଆଦିଙ୍କ୍ ପବିତ୍ର ଆତ୍ମା ଲେଙ୍ଗ୍ ଇଲ୍‍ୱାଦ୍ ଗଟ୍ ତଡ଼୍ ମାନ୍‍ ସେଙ୍ଗେ ଇଶ୍ୱର୍‌ତିଙ୍କ୍ କେତିତ୍‍ । 
\v 27 ଇଶ୍ୱର୍ ଆଦ୍ ବୁଜେମ୍ ଆଦ୍‍ତନ୍, ବାତେଙ୍କ୍ଇତ୍‍କେ ଅଣ୍ଡ୍‌ ଲୋପେତ୍ ଗଟ୍ ପୁତ୍‍ତଣ୍ଡ୍ ନୁ ପବିତ୍ର ଆତ୍ମା ଇଶ୍ୱର୍‌ତେ ଇଚ୍ଛା ଲେକାମ୍ ତାମ୍ ନାରୁଡ଼୍ ସେଙ୍ଗେ କେତିତଣ୍ଡ୍ ।
\p
\v 28 ମାନାଡ଼୍‍ ପୁତ୍‍ତାଡ଼୍‍ ଯେ, ବେନଡ଼୍ ଇଶ୍ୱର୍‌ତେ ଉଦ୍ଦେଶ୍ୟତିଙ୍କ୍ ତିୟାର୍ ମାଡ଼ାନଙ୍କ୍ ୱାଦ୍‍ତଣ୍ଡ୍ ନୁ ଇଶ୍ୱର୍‌ତିଙ୍କ୍ ପ୍ରେମ ମାଡ଼ିତଡ଼୍, ଅଡ଼୍‌ ସେଙ୍ଗେ ସାର୍‍ରେ ବିଷୟ୍ ଲେକେତ୍‍ ଆଦ୍‍ତେ । 
\v 29 ବେନଡ଼୍‍କିଂଙ୍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍, ଅଡ଼୍‌‍କିଂଙ୍କ୍ ତାମ୍ ମାର୍‍କିନ୍ ଲେକାମ୍ ଆଦାନଙ୍କ୍ ମୁନେତ୍‍କେ ତିୟାର୍ ମାଡ଼ିମିନ୍ଦେଣ୍ଡ୍ । ଆଲେକେ ଇଶ୍ୱର୍‌ତେ ମାର୍‍କ୍ ଅଡ଼୍‌‍କିଂଙ୍କ୍ ମୁନେଙ୍କ୍‍ ପୁଟ୍‍ତେନଡ଼୍‍ ଆଦ୍‍ତଡ଼୍‍ । 
\v 30 ବେନଡ଼୍ ଇଦ୍‍ରକମ୍ ଏଞ୍ଚି ୱାସ୍‍ମିନ୍ଦେଡ଼୍, ଅଡ଼୍‌ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆସ୍ ଗୌରବ୍‍ ପାଏମ୍ ଆଦ୍‍ତଡ଼୍ ।
\s ଇଶ୍ୱର୍‌ତେ ପ୍ରେମ
\p
\v 31 ଆଲେକେ ଇୱୁ ସାର୍‍ରେ ଉଡ଼୍‍କେ ମେଣ୍ଡେ ବାତ୍ କେତିତାଡ଼୍‍ ? ଇଶ୍ୱର୍ ଯଦି ମାନ୍‍ ସପଟ୍ ମାଡ଼ିତନ୍, ବେନ ମାନ୍‍ ବିରୁଦ୍ ଆଦ୍‍ପାର୍‍ଦ୍‍ତଣ୍ଡ୍ ? 
\v 32 ଇଶ୍ୱର୍ ବେସୁଟ୍‍ବା ମାନ୍‍ ବିରୁଦ୍ ଆୟ୍‍ୟଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ନିଜେତ୍ ମାରିଙ୍କ୍ ମିକା ରକ୍ଷା ମାଡ଼କଟ୍ ମାନ୍‍ ସେଙ୍ଗେ ଦାନ ମାଡ଼୍‍ତଣ୍ଡ୍ । ଆଲାଇତ୍‍କେ, ଅଣ୍ଡ୍‌ ବାତ୍ ମାନାଙ୍କ୍‍ ସାର୍‍ରେ ବିଷୟ୍ ଦାନ ମାଡ଼ଣ୍ଡ୍ ? 
\v 33 ଇଶ୍ୱର୍ ଏଞ୍ଚ୍‍ତେ ନାରୁଡ଼୍ ବିରୁଦ୍‍ତେ ବେନଡ଼୍ ଅବିଯଗ୍ ମାଡ଼୍‍ପାର୍‍ଦ୍‍ତଡ଼୍ ? ଇଶ୍ୱର୍ ନିଜେ ଅଡ଼୍‌‍କିଂଙ୍କ୍ ନିର୍ଦୋଷ୍ ଇଞ୍ଜ କେସ୍‍ମିନ୍ଦେଣ୍ଡ୍ । 
\v 34 ଆଲେକେ ବେନ ଅଡ଼୍‌‍କିଂଙ୍କ୍ ମେଣ୍ଡେ ଦଷି ମାଡ଼େପାର୍‍ଦ୍‍ତଣ୍ଡ୍ ? କ୍ରିଷ୍ଟ ଜିସୁ ଆଦ୍ ବେସୁଟ୍‌ ମାଡ଼ଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ଡଲ୍‍ତାଗାଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ଆସ୍ ଇଶ୍ୱର୍‌ତେ ତିନ୍ଦେପାକ୍ କୁଦିମିନ୍ଦେଣ୍ଡ୍ । ଅଣ୍ଡ୍‌‍ ଆନ୍‌ତେ ମାନ୍‍ ସେଙ୍ଗେ ନାଡ଼୍‍ମେ ପ୍ରାର୍ତନା ମାଡ଼ୁତଣ୍ଡ୍‍ । 
\v 35 ଆଲେକେ ବେନ ମାନାଙ୍କ୍‍ କ୍ରିଷ୍ଟନ୍ ପ୍ରେମତାଗାଙ୍କ୍ ୱେର୍ରେ ମାଡ଼େପାର୍‍ଦ୍‍ତଣ୍ଡ୍ ? ଦୁଃକାମ୍, ତିପାଲ୍, ନପ୍, ଗରିବ୍, କାର୍‍ୱ୍, ବିପଦ୍ ବା ଡଲ୍‍ନାଦ୍ ଆଶେ, ବାଆତେବା ଆଦ୍ ମାଡ଼ାନଙ୍କ୍ ପାର୍‍ୱ । 
\v 36 ଶାସ୍ତ୍ରତାଗ୍ ଲେକାମିନ୍ଦେ, “ମିଇ ସେଙ୍ଗେ ମାକିଂଙ୍କ୍ ସାରେୱେଲେ ଡଲ୍‍ନାଦ୍ ବିପଦ୍ ୱାଦୁତ୍, ଆୱୁକାନଙ୍କ୍ ଆଦାନ୍ ମେଣ୍ଢା ଲେକାମ୍ ମାନାଡ଼୍ ଏଞ୍ଚିମିନ୍ଦେଡ଼୍ ।” 
\v 37 ବେନ ମାନାଙ୍କ୍‍ ପ୍ରେମ ମାଡ଼ୁତଣ୍ଡ୍, ଅନ୍‌ ସାଆଯ୍ୟତେ ମାନାଡ଼୍ ଇୱୁ ସାର୍ରେତିଙ୍କ୍ ଜିଡ଼୍‍ତାଡ଼୍ । 
\v 38 ନାନ୍ ନିଜାମ୍ ପୁତ୍‍ତାନ୍ ଜେ ଅନ୍‌ ପ୍ରେମତାଗାଙ୍କ୍ ମାନାଡ଼୍ ବେସୁଟ୍‍ବା ୱେରେ ଆୟ୍‍ୱାଡ଼୍ । ଡଲ୍‍ନାଦ୍ ବା ଜିୱୁଣ୍ଡ୍, ଦୂତ ବା ମୟଲ୍‍ତାଗ୍‍ ମାନ୍ଦାନ୍ ବେନ୍ ରାଜାଲ୍ ବା ଶାତ୍‍ୱାମ୍‍, ଇଞ୍ଜେ ବା ୱାଦାନ୍ ଦିନାତେ, 
\v 39 ପରତାଦ୍ ଆୟି ବା ମଦଲ୍‍ତାଦ୍ ଆୟି ବାତ୍ ବିଷୟ୍, ସାର୍‍ରେ ସୃଷ୍ଟିତାଗ୍ ଇଦ୍‍ରକମ୍ ବାତ୍ ବିଷୟ୍ ଇଲ୍‍ଲେ, ବାତ୍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ତଅନ୍‌ଦ୍‍ତାଦ୍ ଇଶ୍ୱର୍‌ତେ ଆଦ୍ ପ୍ରେମ୍‍ତାଗାଙ୍କ୍ ମାନାଙ୍କ୍‍ ୱେରେ ମାଡ଼ାନଙ୍କ୍‍ ପାର୍‍ଦ୍‍ତେ ।
\c 9
\s ଇଶ୍ୱର୍ ନୁ ତାନ୍ ନାରୁଡ଼୍
\p
\v 1 ନାନ୍ ନିଜାମ୍ କେତୁତାନ୍, କ୍ରିଷ୍ଟ ବିଶ୍ୱାସୀ ଆସ୍‍ମାନ୍ଦାନ୍ ମାୟ୍‍ଦିଂଙ୍କ୍ ନାନ୍ ମିଚ୍ କେଲନ୍ । ପବିତ୍ର ଆତ୍ମାତେ ଚାଲେମ୍ ନାୱାଦ୍ ବିବେକ୍ ଇଦିନାଦ୍ ସାକ୍ଷି ଇଦୁତେ । 
\v 2 ନାନ୍ ଜେ ବେସର୍ ତିପାଲ୍ ନୁ ଗାଟି ଦୁଃକାମ୍‍ତେ ନା ଜିୱୁଣ୍ଡ୍‍ତାଗ୍‍ ବେସର୍ ପୁଃଉତେ, ଇଦ୍ ଗଟ୍ ନାନ୍ ବୁସା ମାଡ଼ି କେଲନ୍ । 
\v 3 ନା ନିଜେତ୍ ଜାତିଡ଼୍ ଦାଦାଲଡ଼୍ ନୁ ଏଲାସ୍କ୍‍କିନ୍‍ ସେଙ୍ଗେ ନାନ୍ ନିଜେ କ୍ରିଷ୍ଟନାଗାଙ୍କ୍ ୱେରେ ଆସ୍ ଇଶ୍ୱର୍ ତଡ଼୍ ଅବିଶାପ୍‌ ପାଏମ୍‍ ଆଦାନଙ୍କ୍ ନାନ୍ ରାଜି, 
\v 4 ବାତେଙ୍କ୍ଇତ୍‍କେ ଅଡ଼୍‌ ଇଶ୍ୱର୍‌ତେ ନାରୁଡ଼୍ । ଇଶ୍ୱର୍ ଅଡ଼୍‌‍କିଂଙ୍କ୍ ନିଜେତ୍ ମାର୍‍ ଲେକାମ୍ ଗ୍ରହନ୍ ମାଡ଼ି ଅଡ଼୍‌ ବକେତ୍ ନିଜେତ୍ ମହିମା ତଅସ୍‍ମାତ୍‍ତଣ୍ଡ୍; ଅଡ଼୍‌ ତଡ଼୍ ଚୁକ୍ତିମାଡ଼ି ନିୟମ୍ ଇସ୍ ମାତ୍‍ତଣ୍ଡ୍, ଅଡ଼୍‌ ନିଜାମ୍ ଉପବାସ୍ ମାଡ଼ିତଡ଼୍; ଅଡ଼୍‌ ଇଶ୍ୱର୍‌ତାଗାଙ୍କ୍ ପ୍ରତିଶ୍ରୁତି ପାଏମ୍ ଆଦ୍‍ତଡ଼୍, 
\v 5 ଅଡ଼୍‌ ମାନ୍‍ ମୁନେତ୍‍ତେ ଇହୁଦୀ ଆନିଦାଦିଡ଼୍ ବଂଶତଡ଼୍ ନୁ ମାନେୟ୍‍ତେ ଲେକାମ୍ କ୍ରିଷ୍ଟ ଆଦ୍ ବଂଶତାଗ୍ ପୁଟ୍‍ତଣ୍ଡ୍ । ସାର୍ରେତିଙ୍କ୍ ବେଡ଼୍‍ୟେ ଶାସନ୍‍ କର୍ତାଲ୍ ଇଶ୍ୱର୍ ଯୁଗ୍‍ଯୁଗ୍ ଦନ୍ୟ ଆୟିଣ୍ଡ୍ । ଆମେନ୍‍ ।
\p
\v 6 ଇଶ୍ୱର୍‌ତେ ପ୍ରତିଜ୍ଞା ବିପଲ୍ ଆତ୍‍ତେ ଇଞ୍ଜ ନାନ୍ କେଲନ୍, ବାତେଙ୍କ୍ଇତ୍‍କେ ଇସ୍ରାଏଲ୍‍ ବଂଶତାଗ୍‍ ପୁଟ୍‍ତେ ସାର୍ରେତଡ଼୍ ନାରୁଡ଼୍ ଇଶ୍ୱର୍‌ତେ ନାରୁଡ଼୍ ଆୟଡ଼୍, 
\v 7 ମେଣ୍ଡେ ଅବ୍ରାହାମ୍‌ତେ ବଂଶତଡ଼୍ ସାର୍ରେତଡ଼୍ ଇଶ୍ୱର୍‌ତେ ମାର୍‍କ୍ ଆୟଡ଼୍ । ଇଶ୍ୱର୍ ଅବ୍ରାହାମ୍‌ତିଙ୍କ୍ କେସ୍‍ମାତ୍‍ତଣ୍ଡ୍, “ନିୟାଦ୍ ବେନ୍ ବଂଶଦର୍‌ଡ଼୍ ସେଙ୍ଗେ ମାମ୍‍ମେ ପ୍ରତିଜ୍ଞା ମାଡ଼ିମାତ୍‍ତମ୍, ଅଡ଼୍‌ ଇସାକ୍‍ତାଗାଙ୍କ୍ ପୁଟିତଡ଼୍ ।” 
\v 8 ଇଦିନ୍ ଅର୍ତ ଆଦୁତ୍‍ତେ, ମାନେୟ୍‍ ଆସ୍‍ମାନ୍ଦାନ୍‍ ମାୟ୍‍ଦିଙ୍କ୍‍ ଇଶ୍ୱର୍‌ତେ ମାର୍‍କ୍ ଆଦାନଙ୍କ୍ ପାର୍‍ୱଡ଼୍ । ଇଶ୍ୱର୍‌ତାଦ୍ ପ୍ରତିଜ୍ଞା ଲେକାମ୍‌ ପୁଟ୍‍ତେ ପିଲା ଇଶ୍ୱର୍‌ତେ କଣ୍ଡେତାଗ୍ ନିଜାତେ ମାର୍‍କ୍ ଲେକାମ୍ ଗନା ଆଦ୍‍ତଡ଼୍ । 
\v 9 ଇଶ୍ୱର୍ ଇଦ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍, “ଟିକ୍ ଇଦ୍ କାଲାମ୍‍ତେ ମାନାଡ଼୍ ମାଲ୍‍ଦିତାଡ଼୍, ଆସୁଟ୍‍ ସାରାଲ୍‌ ମାର୍‌ ଜନମ୍ ମାଡ଼ିମାନ୍‍ତେ ।”
\p
\v 10 ମେଣ୍ଡେ ଆସରେ ଆୟ୍‍ୟ । ଇଣ୍ଡ୍‍ ମାର୍‍ ମାନ୍‍ ଆନିଦାଦି ଇସ୍‍ହାକ୍‍ ମାତ୍‍ତଣ୍ଡ୍‍ । ରିବିକାନ୍ ଇର୍‍ୱୁଡ଼୍ ମାର୍‍କ୍ ଅଣ୍ଡୟ୍‌ ବାବାଲ୍‍ ଇସାକ୍‍ତାଗାଙ୍କ୍ ପୁଟିମାତ୍‍ତଡ଼୍‍, 
\v 11 ଅଡ଼୍‌ ଜନମ୍ ଆଦାନ୍ ମୁନେଙ୍କ୍, ବେନ ବାତ୍ଆୟି ନିଜାମ୍‍ ବା କାରାପ୍ ପାଡ଼୍‍ୟି ମାଡ଼ାନ୍ ମୁନେଙ୍କ୍ ଇଶ୍ୱର୍ ଇଦ୍ କେସ୍‍ମାତ୍‍ତଣ୍ଡ୍ । ଅଡ଼ାଦ୍‌ ପାଡ଼୍‍ୟି ଲେକେତ୍‍ ଆୟ୍‍ୟ, ଇଶ୍ୱର୍‌ତେ କାର୍‍ଙ୍ଗାନାଦ୍‍ ତଡ଼୍ ଅଡ଼୍‌ ହେଞ୍ଚିମାନ୍ଦାନ୍ ଆଦ୍‍ତଡ଼୍ । 
\v 12 ଇଡ଼୍ ଲୋପେଙ୍କ୍ ୱେରଣ୍ଡ୍ ଇଶ୍ୱର୍‌ତେ ସେବା ପାଡ଼୍‍ୟି ସେଙ୍ଗେ ହେଞ୍ଚିଆତ୍‍ତଣ୍ଡ୍ । ରିବିକାତିଙ୍କ୍ ଇଶ୍ୱର୍ କେତ୍‍ତଣ୍ଡ୍, “ବାଡ଼୍‍ୟଣ୍ଡ୍ ଦାଦାଲ୍ ସୁଦୁନଣ୍ଡ୍‍ତେ ସେବା ମାଡ଼ିତନ୍ ।” 
\v 13 ଶାସ୍ତ୍ର ଗଟ୍ ଇସାବ୍‍ତେ, “ଯାକୁବ୍ ନାକିଂଙ୍କ୍ ପ୍ରେମ ନୁ ପସନ୍ଦ୍ ଆତ୍‍ତଣ୍ଡ୍, ସାୟେ ଆୟ୍‍ୟଣ୍ଡ୍ ।”
\p
\v 14 ଆଲେକେ ବାତ୍ କେତିତାଡ଼୍‍, “ଇଶ୍ୱର୍ ବାତ୍ ଅନ୍‌ୟାୟ୍ ମାଡ଼ିତନ୍ କି ?” ଇଦ୍‍ ବେସୁଟ୍‍ବା ଆୟ୍‍ମାକି । 
\v 15 ବାତେଙ୍କ୍ଇତ୍‍କେ ଅଣ୍ଡ୍‌ ମୋଶାଙ୍କ୍ କେସ୍‍ମାତ୍‍ତଣ୍ଡ୍, “ମାମ୍‍ମେ ବେନଙ୍କ୍ ଇଚ୍ଛା, ଅଂକିଙ୍କ୍‌ ଅନୁଗ୍ରହ୍ ମାଡ଼ିତମ୍; ବେନଙ୍କ୍ ଇଚ୍ଛା, ଅଂକିଙ୍କ୍‌ ଦୟା ମାଡ଼ିତମ୍ ।” 
\v 16 ଆଦିଙ୍କ୍ ସାର୍‍ରେ ବିଷୟ୍ ଇଶ୍ୱର୍‌ତେ ଅନୁଗ୍ରହ୍ ପର୍‍ର ଆଶେ ମାଡ଼ିତ୍, ମାନେୟ୍‍ତେ ଇଚ୍ଛା ବା ପାଡ଼୍‍ୟି ପର୍‍ର ଆୟ୍‍ୟ । 
\v 17 ଶାସ୍ତ୍ର ଇସାବ୍‍ତେ ଇଶ୍ୱର୍ ମିସର୍‍ତେ ରାଜାଲ୍‍ ଫାରୋଙ୍କ୍ କେସ୍‍ମାତ୍‍ତଣ୍ଡ୍, “ନି ତଡ଼୍ ମାମ୍‍ମେ ମାୟାଦ୍‌ ଶାତ୍‍ୱାମ୍‍ ତଅତାନ୍ ସେଙ୍ଗେ ନୁ ସାରେ ଜଗତ୍‍ତାଗ୍ ମାୟାଦ୍‌ ମହିମା ତଅତାନ୍ ସେଙ୍ଗେ ମାମ୍‍ମେ ନିକିଂଙ୍କ୍ ରାଜାଲ୍ ମାଡ଼୍‍ତମ୍ ।” 
\v 18 ଆଦିଙ୍କ୍ ଇଶ୍ୱର୍‌ତେ ଲେକାମ୍ ଅଣ୍ଡ୍‌ ବେନଙ୍କ୍ ଦୟା ମାଡ଼ିତନ୍ ନୁ ବେନଙ୍କ୍ ଡୁଟାଙ୍ଗ୍‍ ଆଦାନଙ୍କ୍ ୱିଡ଼୍‍ସିତଣ୍ଡ୍ ।
\s ଇଶ୍ୱର୍‌ତାଦ୍ କପାମ୍ ନୁ ଅନୁଗ୍ରହ୍
\p
\v 19 ମିଇ ଲୋପେଙ୍କ୍ ବେନ ନାକିଂଙ୍କ୍ କେତାନଙ୍କ୍ ପାର୍‍ଦ୍‍ତଣ୍ଡ୍, “ଆଲେକେ ଇଶ୍ୱର୍ ବାତେଙ୍କ୍ ବେନଙ୍କ୍ ଦଷି ମାଡ଼ିତନ୍ ? ବେନ ବାତ୍ ଇଶ୍ୱର୍‌ତେ ବିରୁଦ୍‍ତେ ବାତ୍ ମାଡ଼ାନଙ୍କ୍ ପାର୍‍ଦ୍‍ତଣ୍ଡ୍ ?” 
\v 20 ଇତ୍‍କେ ହୋ ସାଙ୍ଗନଡ଼ି, ଇଶ୍ୱର୍‌ତେ ଗଟ୍‍ତିଙ୍କ୍ ଆଡାମ୍ ଆଦାନଙ୍କ୍ ନିମ୍‍ ବେନ ? “ନାକିଂଙ୍କ୍ ଇଦ୍ ରକମ୍ ବାତେଙ୍କ୍ ତିୟାର୍ ମାଡ଼୍‍ତିନ୍,” ଇଞ୍ଜ କୁଣ୍ଡା ମାଡ଼୍‍ତେନଣ୍ଡ୍ କୁମାଙ୍କ୍ କେତାନଙ୍କ୍ ପାର୍‍ୱ । 
\v 21 ମାଣ୍ଡୁଲ୍‍ତିଙ୍କ୍ ନିଜର୍‍ ଇଚ୍ଛାତେ ବ୍ୟବହାର୍‌ ମାଡ଼ି କୁଣ୍ଡା ତିୟାର୍ ମାଡ଼ାନ୍ ସେଙ୍ଗେ କୁମାନାଦ୍ ସାରେ ଅଦିକାର୍‌ ମିନ୍ଦେ । ୱେରଡ୍‌ ମାଣ୍ଡୁଲ୍‍ ଗଙ୍ଗେତାଗାଙ୍କ୍ ଅଣ୍ଡ୍‌ ରେଣ୍ଡ୍ ପ୍ରକାର୍‍ କୁଣ୍ଡା ତିୟାର୍ ମାଡ଼େ ପାର୍‍ଦ୍‍ତଣ୍ଡ୍, ଅଣ୍ଡୟ୍‌ ପାଣ୍ଡୁମ୍ ଦିନାମ୍‍ତେ ନୁ ମେଣ୍ଡେ ଅଣ୍ଡୟ୍‌ ଆସାମ୍ ପାଡ଼୍‍ୟିତାଗ୍ ବ୍ୟବହାର୍‌ ମାଡ଼ାନ୍ ସେଙ୍ଗେ ।
\p
\v 22 ଇଶ୍ୱର୍ ଗାଲା ଟିକ୍ ଆଦେପୁଟୁଙ୍କ୍ ମାଡ଼୍‍ତଣ୍ଡ୍ । ଅଣ୍ଡ୍‌ ଆଲ୍‍ସ ମାତ୍‍ତଣ୍ଡ୍ ତାନ୍ କପାମ୍ ତଅତାନଙ୍କ୍ ନୁ ଶାତ୍‍ୱାମ୍ ତଅତାନଙ୍କ୍ । ଇତ୍‍କେ ବେନଡ଼୍ ଅନ୍‌ କପାମ୍‍ତାଗ୍ ଦଂସ ଆଦାନାଦ୍ ମାତ୍‍ତେ, ଅଡ଼୍‌ ସେଙ୍ଗେ ଇଶ୍ୱର୍ ଗାଟି ଦୟା ଆତ୍‍ତଣ୍ଡ୍ । 
\v 23 ମେଣ୍ଡେ ଅଣ୍ଡ୍‌ ତାନ୍ ଗୌରବ୍ ତଅତାନ୍ ସେଙ୍ଗେ ମାନାଙ୍କ୍‍ ଗାଟି ଅନୁଗ୍ରହ ତଡ଼୍ ମୁନେନ୍ ଏଞ୍ଚିମାତ୍‍ତଣ୍ଡ୍ । 
\v 24 ଇହୁଦୀଡ଼୍ ଆୟି ବା ଅଣଇହୁଦୀଡ଼୍ ଲୋପେଙ୍କ୍ ଅଣ୍ଡ୍‌ ମାନାଙ୍କ୍‍ କାର୍‍ଙ୍ଗାନାଦ୍‍ ମାଡ଼୍‍ତଣ୍ଡ୍ । 
\v 25 ଇଦ୍ ବିଷୟ୍‍ତେ ହୋଶେୟ ବଇତାଗ୍ ଇଶ୍ୱର୍ କେତ୍‍ତଣ୍ଡ୍, “ବେନଡ଼୍ ମାନ୍‍ ମାନେୟ୍‍ ଇଲ୍‍ୱେ ମାତ୍‍ତଡ଼୍; ଅଡ଼୍‌‍କିଂଙ୍କ୍ ‘ନିଜେତ୍ ନାରୁଡ଼୍’ ଇନା କାର୍‍ଙ୍ଗାନାଦ୍‍ ମାଡ଼ିତମ୍ । ବେନ୍ ଗୋଷ୍ଠୀତିଙ୍କ୍‍ ମାମ୍‍ମେ ପ୍ରେମ ମାଡ଼୍‍ୱେ ମାତ୍‍ତମ୍, ଆଦିଙ୍କ୍ ‘ମାନ୍‍ ନିଜର୍‍ ଗୋଷ୍ଠୀ’ ଇଞ୍ଜ କେତିତମ୍ । 
\v 26 ବେନ୍ ପଡ଼୍‍ୟେତାଗ୍ ଅଡ଼୍‌‍କିଂଙ୍କ୍ କେସ୍‍ମାତ୍‍ତମ୍, ‘ମିଡ଼୍ ମା ମାନେୟ୍‍ ଆୟ୍‍ୱିଡ଼୍,’ ଆଗେ ଅଡ଼୍‌ ଜିୱେ ଇଶ୍ୱର୍‌ତେ ମାର୍‍କ୍ ଇଞ୍ଜ କେତିତଡ଼୍‍ ।” 
\v 27 ମେଣ୍ଡେ ଇସ୍ରାୟେଲ୍ ବିଷୟ୍‍ତେ ଯିଶାଇୟ କେତ୍‍ତଣ୍ଡ୍, “ଯଦି ଇସ୍ରାୟେଲୀୟ ନାରୁଡ଼୍ ସମୁଦ୍ରତେ ଉସ୍କ ଇନା ଲେକାନଙ୍କ୍ ଆୟ୍‍ୟଡ଼୍, ଅଡ଼୍‌ ଲୋପେଙ୍କ୍ ଗାଟି ସୁଦୁଟ୍ ନାରୁଡ଼୍ ପରିତ୍ରାଣ୍ ପାଏମ୍ ଆଦ୍‍ତଡ଼୍ । 
\v 28 ବାତେଙ୍କ୍ଇତ୍‍କେ ପ୍ରବୁ ଜାପେ ଜଗତ୍‍ତାଦ୍ ସାରେ ନ୍ୟାୟ୍ ବିଚାର୍ ମାଡ଼ିତନ୍ ।” 
\v 29 ବେଦ୍‍ପୁଟୁଙ୍କ୍ ଯିଶାଇୟ ମେଣ୍ଡେ କେସ୍‍ମାତ୍‍ତଣ୍ଡ୍, “ସାର୍ରେତିଙ୍କ୍ ଶାତ୍‍ୱାମ୍ ପ୍ରବୁ ମାୱଡ଼୍ ବେସ୍‍କ୍‍ତୁଡ଼୍‍ ବଂଶଦର୍‍ତିଙ୍କ୍ ରକ୍ଷା ମାଡ଼କଟ୍ ମାତ୍‍କେ, ମାୱାଦ୍ ପରିସ୍ଥିତି ସଦୋମ୍‍ ନୁ ଗମୋରାତେ ନାରୁଡ଼୍ ଇନା ଆୟେଡ଼୍ ।”
\s ଇଶ୍ରାୟେଲ୍‍ ସେଙ୍ଗେ ପାଉଲ୍‍ତାଦ୍ ପ୍ରାର୍ତନା
\p
\v 30 ଆଦିଙ୍କ୍ ଅଣଇହୁଦୀଡ଼୍ ବିଷୟ୍‍ତେ ଇଦ୍ କେତ୍‍ତେ ପାର୍‍ଦ୍‍ତାଡ଼୍, ଅଡ଼୍‌ ଦାର୍ମାମ୍ ଆଦାନଙ୍କ୍ ଆଲ୍‍ସି ମାଡ଼୍‍ୱେମାତ୍‍ତଡ଼୍, ଇତ୍‍କେ ଅଡ଼ାଦ୍‌ ବିଶ୍ୱାସ୍‍ତେ ମାୟ୍‍ଦିଂଙ୍କ୍ ଦାର୍ମାମ୍ ଆତ୍‍ତଡ଼୍ । 
\v 31 ଇତ୍‍କେ ଇହୁଦୀ ନାରୁଡ଼୍ ନିୟମ୍ ତଡ଼୍ ଦାର୍ମାମ୍ ଆଦାନଙ୍କ୍ ଆଲ୍‍ସି, ଅଡ଼୍‌‍ ଦାର୍ମାମ୍‌ ଆଦାନଙ୍କ୍ ପାର୍‍ୱଡ଼୍ । 
\v 32 ଇଦିନାଦ୍ କାରନ୍‍ ଆଦୁତ୍‍ତେ, ଅଡ଼୍‌ ନିଜେତ୍ ଚେଷ୍ଟାତ୍ ପର୍‍ର ଆଶେ ମାଡ଼ମାତ୍‍ତଡ଼୍, ବିଶ୍ୱାସ୍‍ତେ ପର୍‍ର ଆୟ୍‍ୟ । ଆଦିନ୍‌ସେଙ୍ଗେ ଅଡ଼୍‌ ଆଡାମ୍ ଆଦାନ୍ “କାଲ୍‍ଦାଗ୍ ତାଲ୍‍ଗି ମଦଲ୍ ରାୟ୍‍ତଡ଼୍ ।” 
\v 33 ଶାସ୍ତ୍ରତାଗ୍ ବେଲା ଲେକ୍‍ତାଦ୍ ମିନ୍ଦେ, “ଉଡ଼ାଟ୍, ମାମ୍‍ମେ ସିୟନତାଗ୍ ଅଣ୍ଡୟ୍‌ କାଲ୍ ନୁ ଅଣ୍ଡୟ୍‌ ବାଡ଼୍‍ୟାଦ୍ ବାଣ୍ଡ୍‍କାଲ୍ ତିୟାର୍ ମାଡ଼୍‍ତମ୍ । ଆଗେ ତାଲ୍‍ଗି ନାରୁଡ଼୍ ମଦଲ୍ ରାୟିତଡ଼୍ । ଇତ୍‍କେ ବିଶ୍ୱାସୀଡ଼୍ ନିରାଶ୍‍ ଆୟ୍‍ୟଡ଼୍ ।”
\c 10
\p
\v 1 ଦାଦାଲଡ଼ି ନୁ ଏଲାସ୍କ୍‍, ନା ନିଜେତ୍ ଗୋଷ୍ଠୀତ୍‍ ନାରୁଡ଼୍ ମୁକ୍ତି ପାଏମ୍ ଆୟିଡ଼୍, ଇଦ୍ ନାୟାଦ୍ ଲୋପେତ୍ ଇଚ୍ଛା ନୁ ଇଶ୍ୱର୍‌ତାଗ୍ ଇଦ୍ ନାୟାଦ୍ ସାରେଦାମ୍‍ ପ୍ରାର୍ତନା । 
\v 2 ବାତେଙ୍କ୍‍ଇତ୍‍କେ ଇଶ୍ୱର୍ ସେଙ୍ଗେ ଅଡ଼ାଦ୍‌ ନାର୍‍ଗେ ବକ୍ତି ମିନ୍ଦେ, ଇତ୍‍କେ ଆଦ୍ ବକ୍ତି ନିଜାତାଦ୍ ବୁଦ୍ ତଡ଼୍ ଇଲ୍‍ଲେ । 
\v 3 ନାରୁଡ଼୍‍କିଂଙ୍କ୍ ଦାର୍ମାମ୍ ଲେକାମ୍ ଗ୍ରହନ୍ ମାଡ଼ାନ୍ ସେଙ୍ଗେ ଇଶ୍ୱର୍ ତିୟାର୍ ମାଡ଼୍‍ତେ ଉପାୟ୍ ପୟକଟ ଅଡ଼୍‌ ଦାର୍ମାମ୍ ଆଦାନ୍ ସେଙ୍ଗେ ନିଜେତ୍ ଆର୍‍ଦାଲା ଆଦୁତଡ଼୍‍ । ଆଦିଙ୍କ୍ ଅଡ଼୍‌ ଇଶ୍ୱର୍‌ତେ ଆଦ୍ ଆର୍‍ଦିଙ୍କ୍ ୱିଡ଼୍‍ସ୍‍ତଡ଼୍ । 
\v 4 କ୍ରିଷ୍ଟ କେ ନିୟମ୍‍ତେ ମାଡ଼େଙ୍ଗ୍‍ ମିନ୍ଦେଣ୍ଡ୍, ଅଂକିଙ୍କ୍‌ ବିଶ୍ୱାସ୍ ମାଡ଼୍‍କେ ନାରୁଡ଼୍ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦ୍‍ତଡ଼୍ ।
\s ସାର୍ରେତଡ଼୍ ସେଙ୍ଗେ ମୁକ୍ତି
\p
\v 5 ନିୟମ୍ ପାଲନ୍ ମାଡ଼ାନ୍ ବିଷୟ୍‍ତେ ମୋଶାଲ୍‌ ଲେକ୍‍ତଣ୍ଡ୍, “ବେନଡ଼୍ ଇଶ୍ୱର୍‌ତେ ଗଟ୍ ପାଲନ୍ ମାଡ଼ିତଡ଼୍, ଅଡ଼୍‌ ଗେଲ୍‍ସିତଡ଼୍ ।” 
\v 6 ଇତ୍‍କେ ବିଶ୍ୱାସ୍ ତଡ଼୍ ଦାର୍ମାମ୍ ଆଦାନ୍ ବିଷୟ୍ ଶାସ୍ତ୍ରତାଗ୍ ଲେକାମିନ୍ଦେ, “ବେନ ସ୍ୱର୍ଗତାଗ୍ ଆଦ୍‍ତନ୍ ? କ୍ରିଷ୍ଟଙ୍କ୍ ଡିପି ତାତାନଙ୍କ୍, ମିଡ଼୍ ଇଦ୍ ପାଚ୍ରା ମାଡ଼ାନାଦ୍ ଦର୍‍କାର୍ ଇଲ୍‍ଲେ । 
\v 7 ମେଣ୍ଡେ ବେନ ପାତାଲ୍‍ତାଗ୍ ଆଦ୍‍ତନ୍ ? କ୍ରିଷ୍ଟଙ୍କ୍ ମେଣ୍ଡନ୍‍ନ୍ଦାମ୍ ଜିୱେ ମାଡ଼ି ତାତାନଙ୍କ୍, ଇଦ୍ ଗଟ୍ ଗାଲା ମିଡ଼୍ ପାଚ୍ରା ମାଡ଼ାନାଦ୍ ଦର୍‍କାର୍ ଇଲ୍‍ଲେ ।” 
\v 8 ବାତେଙ୍କ୍ଇତ୍‍କେ ଶାସ୍ତ୍ର ଇସାବ୍‍ତେ, “ଇଶ୍ୱର୍‌ତାଦ୍ କାବୁର୍ ମିଇ ବକେତ୍, ମିଇ ପାୟୁର୍ ନୁ ହୃଦୟ୍‍ତାଗ୍ ମିନ୍ଦେ ।” ବିଶ୍ୱାସ୍ ବିଷୟ୍‍ତେ ଇଦ୍ ଗଟ୍ ଇଁ ମାମ୍‍ମେ ପ୍ରଚାର୍ ମାଡ଼ୁତମ୍ । 
\v 9 ଯଦି ଜିସୁଙ୍କ୍ ପ୍ରବୁ ଇଞ୍ଜ ପାୟୁର୍‍ତାଗ୍ କେତିତିଡ଼୍ ନୁ ଇଶ୍ୱର୍ ଅଂକିଙ୍କ୍‌ ଡଲ୍‍ତାଗାଙ୍କ୍ ତେଏତଣ୍ଡ୍ ଇଞ୍ଜ ଜିୱୁଣ୍ଡ୍‍ତାଗ୍ ବିଶ୍ୱାସ୍ ମାଡ଼ିତିଡ଼୍, ଆଲାଇତ୍‍କେ ମିଡ଼୍ ମୁକ୍ତି ପାଏମ୍ ଆଦ୍‍ତିଡ଼୍ । 
\v 10 ହୃଦୟ୍‍ତାଗ୍‍ ବିଶ୍ୱାସ୍ ମାଡ଼ାନ୍‍ ତଡ଼୍ ମାନାଡ଼୍ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଇଞ୍ଜ ଗଣା ଆଦ୍‍ତାଡ଼୍ ନୁ ପାୟୁର୍‍ତାଗ୍ କେତ୍‍କେ ମାନାଡ଼୍ ମୁକ୍ତି ପାଏମ୍ ଆତ୍‍ତାଡ଼୍ । 
\v 11 ଶାସ୍ତ୍ର ଲେକାମ୍, “ଅଂକିଙ୍କ୍‌ ବିଶ୍ୱାସ୍ ମାଡ଼ି ବେନ ସିଗ୍‍ ଆୟ୍‍ୟଡ଼୍ ।” 
\v 12 ବାତ୍‍ବା ବେଦ୍‍ବାବ୍ ଇଲ୍‍ୱେକଟ, ଇଦ୍ ଗଟ୍ ଇହୁଦୀ, ଅଣଇହୁଦୀ ସାର୍ରେତଡ଼୍ ସେଙ୍ଗେ ଦର୍‍କାର୍ । ଇଶ୍ୱର୍ ସାର୍ରେତଡ଼ାଦ୍ ପ୍ରବୁ । ବେନଡ଼୍ ଅନାଗ୍‍ ସାହାଯ୍ୟ ପ୍ରାର୍ତନା ମାଡ଼ିତଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନାର୍‍ଗେ ଆର୍ଶିବାଦ୍ ମାଡ଼ିତଣ୍ଡ୍ । 
\v 13 “ବେନଆଇ ପ୍ରବୁନ୍ ପେଦେର୍‍ତେ ପ୍ରାର୍ତନା ମାଡ଼ିତନ୍, ଅଣ୍ଡ୍‌ ମୁକ୍ତି ପାଏମ୍ ଆଦ୍‍ତନ୍ ।”
\p
\v 14 ଇତ୍‍କେ ବେନଙ୍କ୍ ବିଶ୍ୱାସ୍ ମାଡ଼କଟ୍ ଅଡ଼୍‌ ବେଲା ଅଂକିଙ୍କ୍‌ ପ୍ରାର୍ତନା ମାଡ଼ିତଡ଼୍ ? ମେଣ୍ଡେ ଅନ୍‌ ବିଷୟ୍‍ତେ ସୁସମାଚାର୍ କେଞ୍ଜକଟ ଅଡ଼୍‌ ବେଲା ବିଶ୍ୱାସ୍ ମାଡ଼ିତଡ଼୍ ? ମେଣ୍ଡେ ପ୍ରଚାର୍ ମାଡ଼ାନଡ଼୍‍ ବିନା ଆଦ୍ କାବୁର୍ ଅଡ଼୍‌ ବେଲା କେଞ୍ଜିତଡ଼୍ ? 
\v 15 ମେଣ୍ଡେ ପ୍ରଚାର୍ ମାଡ଼ାନ୍ ସେଙ୍ଗେ ୱେରଣ୍ଡ୍ ପ୍ରେରିତ୍ ଆୟ୍‍ୱେ ମାତ୍‍କେ ୱେରଣ୍ଡ୍ ବେଲା ପ୍ରଚାର୍ ମାଡ଼ିତନ୍ ? ଇଦ୍ ବିଷୟ୍‍ତେ ଶାସ୍ତ୍ରତାଗ୍ ଲେକାମିନ୍ଦେ, “ଲେକେତ୍‍ କାବୁର୍‍ ପ୍ରଚାର୍ ମାଡ଼ାନଡ଼୍‍ ୱାଦାନାଦ୍ ବେସର୍ ୱେଡ଼୍‍କେ ଆଦ୍‍ତେ !” 
\v 16 ଇତ୍‍କେ ସାର୍ରେତଡ଼୍ ଆଦ୍ ସୁସମାଚାର୍ ଗ୍ରହନ୍ ମାଡ଼ଡ଼୍‍ । ଆଦିନ୍ ସେଙ୍ଗେ ଯିଶାଇୟ ଲେକ୍‍ତଣ୍ଡ୍, “ପ୍ରବୁ, ମାନ୍‍ କାବୁର୍ କେଞ୍ଜି ବେନ ବିଶ୍ୱାସ୍ ମାଡ଼୍‍ତଣ୍ଡ୍ ?” 
\v 17 ସୁସମାଚାର୍ କେଞ୍ଜ୍‍କେ ବିଶ୍ୱାସ୍ ତିୟାର୍ ଆଦ୍‍ତେ ନୁ କ୍ରିଷ୍ଟଙ୍କ୍ ପ୍ରଚାର୍ ମାଡ଼ାନାଦେ ଆଦୁତ୍‍ତେ ଆଦ୍ ସୁସମାଚାର୍ ।
\p
\v 18 ଇତ୍‍କେ ନାନ୍ ପାଚ୍ରା ମାଡ଼ିତାନ୍, ଅଡ଼୍‌ ବାଆତେ ଆଦ୍ କାବୁର୍ କେଞ୍ଜଡ଼୍ ? ନିଜାମ୍ କେଞ୍ଜ୍‍ତଡ଼୍, ବାତେଙ୍କ୍ଇତ୍‍କେ ଶାସ୍ତ୍ରତାଗ୍ ଲେକାମିନ୍ଦେ, “ଅଡ଼ାଦ୍‌ ଲେଙ୍ଗ୍ ସାରେ ଜଗତ୍‍ତାଗ୍ ଏକାମ୍ ଆତ୍‍ତେ, ଅଡ଼ାଦ୍‌ ଗଟ୍ ପୃତିବିତେ ସାର୍ରେଏକାମ୍ କେଞ୍ଜ୍‍ତଡ଼୍ ।” 
\v 19 ମେଣ୍ଡଅନ୍‌‍ଦାମ୍ ନାନ୍ ପାଚ୍ରା ମାଡ଼ିତାନ୍, ଇଶ୍ରାଏଲୀୟ ନାରୁଡ଼୍ ବାଆତେ ଆଦ୍ ବୁଜେମ୍ ଆୟ୍‍ୟଡ଼୍ ? ନିଜାମ୍‍ ବୁଜେମ୍‍ ଆତ୍‍ତଡ଼୍‍, ନାର୍‍ଗେ ଦିନାମ୍ ମୁନେଙ୍କ୍ ମୋଶାନ୍‌‌ ୱେଲେ ଇଶ୍ୱର୍ କେତ୍‍ତଣ୍ଡ୍‍, “ମାନ୍‍ ନାରୁଡ଼୍‍କିଂଙ୍କ୍ ଇର୍ଷା ମାଡ଼ାନ୍ ସେଙ୍ଗେ ଅଣ୍ଡୟ୍‌ ପୁନ୍‍ୱାଦ୍ ଗୋଷ୍ଠୀତିଙ୍କ୍ ବ୍ୟବହାର୍‌ ମାଡ଼ିତାନ୍‍ । ଆଦେରକମ୍ ଅଣ୍ଡୟ୍‌ ମୁର୍କ ଗୋଷ୍ଠୀତଡ଼୍ ନା ନାରୁଡ଼୍‍କିଙ୍କ୍‍ କପାମ୍ ମାଡ଼ିତାନ୍‍ ।” 
\v 20 ଯିଶାଇୟ ମେଣ୍ଡେ ଗାଡ଼୍‍ସ୍ ଆସ୍‍ କେତ୍‍ତଣ୍ଡ୍, “ମାନାଙ୍କ୍‍ ମେକ୍‍ୱେମାତ୍‍ତେ ନାରୁଡ଼୍ ମାନାଦ୍‍ କାବୁର୍ ପାଏମ୍ ଆତ୍‍ତଡ଼୍; ବେନଡ଼୍ ମାକିଂଙ୍କ୍ ଆନୁସନ୍ଦାନ୍‍ ମାଡ଼୍‍ୱେମାତ୍‍ତଡ଼୍, ଅଡ଼୍‌ ବକେତ୍ ମାନାଡ଼୍ ତଅନ୍‌ଦ୍‍ତାଡ଼୍ ।” 
\v 21 ଇତ୍‍କେ ଇଶ୍ୱର୍ ଇଶ୍ରାଏଲୀୟ ନାରୁଡ଼୍ ବିଷୟ୍‍ତେ କେତ୍‍ତଣ୍ଡ୍, “ୱେରଡ଼୍ ବିଶ୍ୱାସ୍ ଇଲ୍‍ୱେ ଗଲ୍‍କ୍ ଗୋଷ୍ଠୀତିଙ୍କ୍ ମାନାଡ଼୍ ସାର୍ରେଦାମ୍ କାୟ୍‍ଆସ୍ କାର୍‍ଙ୍ଗାନାଦ୍‍ ମାଡ଼ୁତାଡ଼୍ ।”
\c 11
\s ଇଶ୍ରାଏଲୀୟଡ଼୍‌କିଙ୍କ୍ ଇଶ୍ୱର୍ ଦୟା ମାଡ଼୍‍ତଣ୍ଡ୍
\p
\v 1 \x + \xo ୧୧:୧ \xo*\xt ଫିଲିପିୟ 3:୫.\xt*\x*ନାନ୍ ମେଣ୍ଡେ ପାଚ୍ରା ମାଡ଼ିତାନ୍, “ଆଲେକେ ବାତ୍ ଇଶ୍ୱର୍ ତାନ୍ ନିଜେତ୍ ନାରୁଡ଼୍‍କିଂଙ୍କ୍ ପାସ୍‍କି ମିନ୍ଦେଣ୍ଡେ ? ବେସୁଟ୍‍ବା ଆୟ୍‍ୟ । ନାନ୍ ନିଜେ ୱେରଣ୍ଡ୍ ଇଶ୍ରାଏଲୀୟ, ଅବ୍ରାହାମ୍‌ତେ ବଂଶତନ୍ ନୁ ବେଞ୍ଜାମିନ୍ ଗୋଷ୍ଠୀତନ୍ ।” 
\v 2 ଇଶ୍ୱର୍ ମୁନେତ୍‍କନ୍ସ୍ ଏଞ୍ଚିମାନ୍ଦାନ୍ ତାନ୍ ନାରୁଡ଼୍‍କିଂଙ୍କ୍ ବେସୁଟ୍‍ବା ପାସ୍‍କଣ୍ଡ୍ । ମିଡ଼୍ ଶାସ୍ତ୍ରତାଗ୍ କାର୍‍ୟ୍‍ତିଡ଼୍, ବେଲା ଏଲୀୟ ଇଶ୍ୱର୍‌ତେ ଗାର୍‍ରେ ଇଶ୍ରାଏଲୀୟ ନାରୁଡ଼୍ ବିରୁଦ୍‍ତେ ଅବିଯୋଗ୍ ମାଡ଼ି କେସ୍‍ମାତ୍‍ତଣ୍ଡ୍, 
\v 3 “ପ୍ରବୁ, ଅଡ଼୍‌ ନି ବାବବାଦି ନାରୁଡ଼୍‍କିଂଙ୍କ୍ ଆୱୁକ୍‍ତଡ଼୍ ନୁ ନି ଯଜ୍ଞବେଦିକିଂଙ୍କ୍ ଉଃହୁସ୍‍ ଦଂସ ମାଡ଼୍‍ତଡ଼୍ । ନାନ୍ ୱେରନେ ଜିୱୁଣ୍ଡ୍ ରକ୍ଷା ପାଏମ୍‍ଆତ୍‍ତାନ୍‍; ନାକିଂଙ୍କ୍ ଗାଲା ଆୱୁକାନଙ୍କ୍ ଅଡ଼୍‌ ଆଲ୍‍ସୁତଡ଼୍ ।” 
\v 4 ଏଲୀୟଙ୍କ୍ ଇଶ୍ୱର୍ ବାତ୍ ଉତ୍ତର୍ ଇସ୍‍ମାତ୍‍ତଣ୍ଡ୍ ? “ବୁସା ଦେୟାମ୍ ବାଲ୍ ପୁତ୍‍ଲାମ୍‍ତିଙ୍କ୍ ବେନଡ଼୍ ପୁଜେ ମାଡ଼ଡ଼୍‍ ଅଡ଼୍‌ ସାତ୍ ହଜାର୍‌ ନାରୁଡ଼୍‍କିଂଙ୍କ୍ ମାନ୍‍ ସେଙ୍ଗେ ନେଏଃସ୍‍ମିନ୍ଦେନ୍‍ ।” 
\v 5 ଇଞ୍ଜେ ଟିକ୍ ଆଦେରକମ୍ ଗଟେମ୍‍ଆତ୍‍ତେ । ଇଶ୍ୱର୍ ଅନୁଗ୍ରହ୍ ମାଡ଼ି ବେନଡ଼୍‍କିଂଙ୍କ୍ ଏଞ୍ଚିମାତ୍‍ତଣ୍ଡ୍, ଅଡ଼୍‌ ଲୋପେଙ୍କ୍ ସୁକୁକ୍ ନାରୁଡ଼୍ ମାୟ୍‍ସ୍‍ ମିନ୍ଦେଡ଼୍‍ । 
\v 6 ଇଶ୍ୱର୍ ଅଡ଼୍‌‍କିଂଙ୍କ୍ ନିଜେତ୍ ଅନୁଗ୍ରହ୍ ସେଙ୍ଗେ ଏଞ୍ଚ୍‍ତଣ୍ଡ୍ । ଯଦି ଅଡ଼ାଦ୍‌ ନିଜାତେ ପାଡ଼୍‍ୟି ମାୟ୍‍ଦିଂଙ୍କ୍ ଇଶ୍ୱର୍ ଅଡ଼୍‌‍କିଂଙ୍କ୍ ଏଞ୍ଚିମାନେଣ୍ଡ୍, ଅନାଦ୍‌ ଅନୁଗ୍ରହ୍ ନିଜାତେ ଅନୁଗ୍ରହ୍ ଆୟଆୟେଡ଼୍ ।
\p
\v 7 ଆଲେକେ ବାତ୍ ଆତ୍‍ତେ ? ଇଶ୍ରାଏଲୀୟଡ଼୍ ବାତ୍ ମେଏଃକମାତ୍‍ତଡ଼୍, ଆଦ୍ ପାଏମ୍ ଆୟ୍‍ୟଡ଼୍ । ଇଶ୍ୱର୍ ଏଞ୍ଚିମାନ୍ଦାନ୍ ଅଣ୍ଡୟ୍‌ ସୁଦୁର୍ ଗୋଷ୍ଠୀ ଆଦ୍ ଦର୍‍କ୍‍ତେ । ମେଣ୍ଡେ ବାଗାତଡ଼୍ ଇଶ୍ୱର୍‌ତେ ଆୱାନ୍‍ତିଙ୍କ୍ ମାନ୍‍ ଇୱଡ଼୍ । 
\v 8 ଶାସ୍ତ୍ର ବାକ୍ୟ ଲେକାମ୍, “ନିଜାମ୍ ବେଦ୍‍ପୁଟୁଙ୍କ୍ ଇଶ୍ୱର୍ ଅଡ଼ାଦ୍‌ ମନ୍ ନୁ ଜିୱୁଣ୍ଡ୍‍ତିଙ୍କ୍ ବେକାର୍‍ ମାଡ଼ିମିନ୍ଦେଣ୍ଡ୍ । ଇଞ୍ଜେକ୍‍ଆନା ଅଡ଼୍‌ ବାତ୍ ନା ଉଡ଼ାନଙ୍କ୍ ପାର୍‍ଦୁତଡ଼୍, ନା କେଞ୍ଜାନଙ୍କ୍ ପାର୍‍ଦୁତଡ଼୍ ।” 
\v 9 ଅଡ଼୍‌ ବିଷୟ୍‍ତେ ଦାଉଦ୍‍ ଲେକ୍‍ତଣ୍ଡ୍, “ଅଡ଼୍‌ ପାଣ୍ଡୁମ୍ ମାଡ଼ାନ୍ ୱେଲେ ଉଡ଼୍‍ୟିତାଗ୍ ରାୟିଡ଼୍ । ମଦଲ୍ ରାଲି ଦଣ୍ଡ୍ ପାଏମ୍ ଆୟିଡ଼୍ । 
\v 10 ଅଡ଼ାୱୁ କଣ୍ଡା କାନାଲ୍‌ ଆସ୍ ଉଡ଼ାନଙ୍କ୍ ପାର୍‍ମାକିଡ଼୍ । ସାର୍ରେଦାମ୍ ଦୁଃକାମ୍ ଆସ୍ ଅଡ଼ାୱୁ ଟିକିଡ଼୍ ମୁର୍ଗୁ ଆୟି ।”
\p
\v 11 ନାନ୍ ପାଚ୍ରା ମାଡ଼ିତାନ୍, ଇହୁଦୀଡ଼୍ ମଦଲ୍ ଆଡ଼୍‌‍କ୍‍ତାଙ୍କ୍ ବାତ୍ ଦଂସ ଆତ୍‍ତଡ଼୍ ? ବେସୁଟ୍‌ ଆୟ୍‍ୟ । ଅଡ଼୍‌ ପାପାମ୍ ମାଡ଼୍‍ତାଙ୍କ୍, ଅଡ଼୍‌‍କିଂଙ୍କ୍ ଇର୍ଷା ମାଡ଼ାନ୍ ସେଙ୍ଗେ ଅଣଇହୁଦୀଡ଼୍‍କ୍ ମୁକ୍ତିତେ ଅଦିକାରି ମାଡ଼୍‍ତଡ଼୍ । 
\v 12 ଇହୁଦୀଡ଼ାଦ୍ ପାପାମ୍, ଜଗତ୍‍ତାଗ୍ ବାଗାତ୍ ସାର୍ରେତଡ଼୍‍ ସେଙ୍ଗେ ନାର୍‍ଗେ ଆର୍ଶିବାଦ୍ ତାତ୍‍ତେ । ଇହୁଦୀଡ଼ାଦ୍ ଆଦ୍ୟାତ୍ମିକ୍ ସୁଦୁର୍ ସେଙ୍ଗେ ଅଣଇହୁଦୀଡ଼୍ ଆର୍ଶିବାଦ୍‍ତାଦ୍ ସମ୍ପତି ପାଏମ୍ ଆତ୍‍ତଡ଼୍ । ଯଦି ସାର୍‍ରେ ଇହୁଦୀ ଗୋଷ୍ଠୀ ରକ୍ଷା ପାଏମ୍ ଆୟେଡ଼୍, ଆଲେକେ ତାନ୍‍ତଡ଼୍ ମେଣ୍ଡେ ବେସର୍ ନାର୍‍ଗେ ଆର୍ଶିବାଦ୍ ଦର୍‍କ ଆୟେଡ଼୍ ?
\s ଅଣଇହୁଦୀଡ଼ାଦ୍ ମୁକ୍ତି
\p
\v 13 ଅଣଇହୁଦୀ ନାରୁଡ଼୍‍କିଂଙ୍କ୍ ନାନ୍ କେତୁତାନ୍, ମିଇ ସେଙ୍ଗେ ପ୍ରେରିତ ଶିଷ୍ୟ ଇନା ପାଡ଼୍‍ୟି ମାଡ଼ାନଙ୍କ୍ ନାନ୍ ଗର୍ବ ଏର୍କା ମାଡ଼ୁତାନ୍ । 
\v 14 ଇଦିନ୍ ସେଙ୍ଗେ ନାନ୍ ନା ନିଜେତ୍ ଗୋଷ୍ଠୀତ୍‍ ନାରୁଡ଼୍‍କିଂଙ୍କ୍ ଇର୍ଷା ମାଡ଼େପାର୍‍ଦ୍‍ତାନ୍, ଆତ୍‍କେ ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍କିଂଙ୍କ୍ ରକ୍ଷା ମାଡ଼େପାର୍‍ଦ୍‍ତାନ୍ । 
\v 15 ବାତେଙ୍କ୍ଇତ୍‍କେ ଅଡ଼୍‌‍କ୍ ପାସ୍‍କ୍‍ତାଙ୍କ୍ ଇଶ୍ୱର୍ ତଡ଼୍ ସାର୍‍ରେ ନାରୁଡ଼୍ ଗୋଷ୍ଠୀତ୍‍ ସାଙ୍ଗ ଆଦ୍‍ତଡ଼୍ । ଆଲେକେ, ଯଦି ଇଶ୍ୱର୍ ସାର୍‍ରେ ଇହୁଦୀ ଗୋଷ୍ଠୀତିଙ୍କ୍ ଗ୍ରହନ୍ ମାଡ଼ିତନ୍, ଆଲେକେ ବାତ୍ ଆଦ୍‍ତେ ? ଆଦ୍ ଆଦ୍‍ତେ ଡଲ୍‍ତେନଣ୍ଡ୍ ଜିୱେ ଆତ୍‍ତେ ଲେକାମ୍ ।
\p
\v 16 ଯଦି ରୂଟିନାଗାଙ୍କ୍ ସୁକୁକ୍ ଇଶ୍ୱର୍‌ତେ ମାୟ୍‍ଦିଙ୍କ୍ ସର୍ପା ଆସ୍‍ମାତ୍‍ତେ, ସାର୍‍ରେ ରୂଟି ସର୍ପା ଆତ୍‍ତେ ପୁଟୁଙ୍କ୍ ଆଲ୍‍ସେ ୱେୟ୍‍ତିତ୍ । ୱେରଡ଼୍ ମାଡ଼େତ୍ ମାଡେ ସର୍ପା ଆସ୍‍ମାତ୍‍କେ, ଆଦିନ୍ କମ୍‍ମା ଗାଲା ସର୍ପା ଆତ୍‍ତେ ଇଞ୍ଜ ଆଲ୍‍ସାନଙ୍କ୍ ଆଦ୍‍ତେ । 
\v 17 ଗୁଡ଼େତାଗ୍ ଉର୍‍ସ୍କି ମାନ୍ଦାନ୍ ୱେରଡ଼୍ ଜୀତ ମାଡ଼େତ୍ ବେସ୍‌କ୍ କମ୍‍ମା ନାଡ଼୍‍କି, ଗୁପେତାଦ୍ ଜୀତ ମାଡ଼େତ୍ କମ୍‍ମା ଆଦ୍ ପଡ଼୍‍ୟେତାଗ୍ କଲମ୍ ମାଡ଼୍‍ତଡ଼୍ । ଅଣଇହୁଦୀଡ଼୍ ଆଦ୍ ଗୁପେତାଦ୍ ଜୀତ ମାଡ଼େ ଲେକାମ୍ । ମିଡ଼୍ ଇଞ୍ଜେ ଇହୁଦୀଡ଼୍ ଶାତ୍‍ୱାମ୍ ଆଦ୍ୟାତ୍ମିକ୍‍ ଜିୱୁଣ୍ଡ୍‍ତାଦ୍ ବାଗିଦାର୍ ଆତ୍‍ତିଡ଼୍ । 
\v 18 ଆଦିଙ୍କ୍ ମିଡ଼୍ ନାଡ଼୍‍କ୍‍ତେ କମାଙ୍କ୍ ପାସ୍‍କ୍‍ମାଟ୍ । ମିଡ଼୍ ବାତେଙ୍କ୍ ଗର୍ବ ମାଡ଼ିତିଡ଼୍ ? ମିଡ଼୍ ତ ଆସାମ୍ କମ୍‍ମା, ମାଡ଼େତ୍ ମାଡେତିଙ୍କ୍ ମିଡ଼୍ ପଡ଼୍‍ପ୍‍ୱିଡ଼୍, ଇତ୍‍କେ ମାଡେ ମିକିଂଙ୍କ୍ ପଡ଼୍‍ପୁତ୍ ।
\p
\v 19 ଅଦିନ୍‌ ସେଙ୍ଗେ ମିଡ଼୍ କେତେ ପାର୍‍ଦ୍‍ତିଡ଼୍, “ଅଁ, ଇତ୍‍କେ ନାକିଂଙ୍କ୍ ପଡ଼୍‍ୟେ ଇଦାନ୍ ସେଙ୍ଗେ ସିନା ଆୱୁ କମାକିଙ୍କ୍ ନାଡ଼୍‍କି ମାତ୍‍ତଡ଼୍ ।” 
\v 20 ଆଦ୍ ନିଜାମ୍ । ଅଡ଼୍‌ ଅବିଶ୍ୱାସୀ ଆଇନାଙ୍କ୍ ୱେରେ ଆତ୍‍ତଡ଼୍ । ମିଡ଼୍ ଆସାମ୍ ବିଶ୍ୱାସ୍ ମାୟ୍‍ଦିଙ୍କ୍ ଆଦ୍ ପଡ଼୍‍ୟେତାଦ୍ ଅଦିକାରି ଆତ୍‍ତିଡ଼୍ । ଇତ୍‍କେ ଗର୍ବ ମାଡ଼କଟ୍ ୱେର୍‍ମୁଟ୍ । 
\v 21 ଯଦି ମାଡ଼େତ୍ ତଡ଼୍ ପୁଟ୍‍ତେ କମ୍‍ମା ଲେକାମ୍ ଇହୁଦୀଡ଼୍‍କିଙ୍କ୍ ଇଶ୍ୱର୍ ଦଣ୍ଡ୍ ଇୱକଟ ୱିଡ଼୍‍ସଣ୍ଡ୍, ମିକିଂଙ୍କ୍ ବାତ୍ ଅଣ୍ଡ୍‌ ୱିଡ଼୍‍ସିତଣ୍ଡ୍ ? 
\v 22 ଇଗେ ଉଡ଼ାନଙ୍କ୍ ଆଦ୍‍ତେ, ଇଶ୍ୱର୍ ବେସର୍ ଦୟାବାନ୍ ନୁ ଗାଡ଼୍‍ସ୍ ମିକା । ବେନଡ଼୍ ଡେକା ନାଡ଼୍‍କ୍‍ତଡ଼୍, ଅଡ଼୍‌ ସେଙ୍ଗେ ଅଣ୍ଡ୍‌ ଗାଡ଼୍‍ସ୍; ଇତ୍‍କେ ମିଇ ସେଙ୍ଗେ ଅଣ୍ଡ୍‌ ଦୟାବାନ୍, ବେସୁଟ୍‌ ଅନ୍‌‍ପାକେ ମିଡ଼୍ ଅନ୍‌‍ୱାଦ୍ ଦୟା ଆସ୍ ମାନ୍‍ତିଡ଼୍ । ଅନ୍‌‍ୱାଦ୍ ଦୟା ଆରେମ୍ ଆତ୍‍କେ, ମିଡ଼୍ ଗାଲା ୱେରେ ଆଦ୍‍ତିଡ଼୍ । 
\v 23 ଯଦି ଇହୁଦୀଡ଼୍ ଅଡ଼ାଦ୍‌ ଅବିଶ୍ୱାସୀ ଜେକେ ମାଡ଼ିତଡ଼୍, ଆଲେକେ ଅଡ଼୍‌ ନିଜେତ୍ ପଡ଼୍‍ୟେତାଗ୍ ମେଣ୍ଡଅନ୍‌‍ଦାମ୍ ମାନ୍‍ତଡ଼୍ । ଇଦ୍ ମାଡ଼ାନଙ୍କ୍ ଇଶ୍ୱର୍ ରାଜି । 
\v 24 ଅଣଇହୁଦୀଡ଼୍ ଗୁପେତାଦ୍ ଜୀତ\f + \fr ୧୧:୨୪ \fr*\ft ଇସତ୍‍ ମାଡ଼ାକ୍‍ ଇସ୍ରାଏଲ୍‍ ଦେଶ୍‍ତାଗ୍‍ ତଅନ୍‌ଦିତା \ft*\f* ମାଡ଼େତ୍‍ କମା ଲେକାମ୍ । ଆୱିଙ୍କ୍ ନାଡ଼୍‍କି ଗୁଡ଼େତାଗ୍ ସାୟେ ମାନ୍ଦାନ୍ ଜୀତ ମାଡ଼େ ତଡ଼୍ ଜଡ଼ା ମାଡ଼୍‍ତଡ଼୍ । ଇହୁଦୀ ବଂଶ ଗୁଡ଼େତାଗ୍ ମାନ୍ଦାନ୍ ଜୀତ ମାଡ଼େ ରକମ୍ । ଇଦ୍ ମାଡ଼େତ୍‍ ନାଡ଼୍‍କ୍‍ତେ କମାକିଙ୍କ୍ ମେଣ୍ଡଅନ୍‌‍ଦାମ୍ ମାଡ଼େ ତଡ଼୍ ଜଡ଼ା ମାଡ଼ାନାଦ୍ ଇଶ୍ୱର୍‌ତିଙ୍କ୍ ସହଜ୍ ।
\s ସାର୍ରେତଡ଼୍ ସେଙ୍ଗେ ଇଶ୍ୱର୍‌ତାଦ୍ ଦୟା
\p
\v 25 ଦାଦାଲଡ଼ି ନୁ ଏଲାସ୍କ୍‍, ଇଦ୍ ବିଷୟ୍‍ତେ ଅଣ୍ଡୟ୍‌ ମିଞ୍ଜ୍‍ତାଦ୍ ନିଜାମ୍ କେତୁତାନ୍‍ । ଆଦ୍ କେଞ୍ଜ୍‍କେ, ମିଡ଼୍ ମେଣ୍ଡେ ନିଜେ ଜ୍ଞାନି ଇଞ୍ଜ ଆଲ୍‍ସ୍‍ୱିଡ଼୍ । ଇଶ୍ରାଏଲୀୟଡ଼୍ ମୁର୍କ ସାର୍ରେଦିନା ମାନ । ଅଣଇହୁଦୀଡ଼୍ ସାର୍‍ରେ ଇଶ୍ୱର୍‌ତେ ବକେତ୍ ୱାଦାନ୍ ଯାକ ଅଡ଼୍‌ ଆଲେକେ ମାନ୍‍ତଡ଼୍ । 
\v 26 ତାନ୍‍ପେର୍କେ ଇଶ୍ରାଏଲୀୟଡ଼୍ ସାର୍‍ରେ ଇଦ୍ ଶାସ୍ତ୍ର ଲେକାମ୍ ରକ୍ଷା ଦର୍‍କିତ୍, “ମୁକ୍ତିଦାତାଲ୍ ସିୟନକନ୍ସ୍ ୱାଦ୍‍ତଣ୍ଡ୍; ଜାକୁବନ୍ ବଂଶତଡ଼୍‍କ୍‍ ସାର୍‍ରେତଡ଼୍‍କିଙ୍କ୍‍ ରକ୍ଷା ମାଡ଼ିତନ୍ । 
\v 27 ଅଡ଼ାଦ୍‌ ପାପ୍‌ ଜେକେ ମାଡ଼ାନ୍‍ୱେଲେ ଅଡ଼୍‌ ତଡ଼୍ ଇଦ୍ ଚୁକ୍ତି ମାଡ଼ିତମ୍ ।” 
\v 28 ମିୟାଦ୍ ଲେକେତ୍‍ ସେଙ୍ଗେ ଇହୁଦୀଡ଼୍ ସୁସମାଚାର୍‍ତିଙ୍କ୍ ପାସ୍‍କି ଇଶ୍ୱର୍‌ତେ ଶତ୍ରୁ ଆତ୍‍ତଡ଼୍ । ଇତ୍‍କେ ଇଶ୍ୱର୍ ତଡ଼୍ ଏଞ୍ଚିମାନ୍ଦାନ୍‍ ସେଙ୍ଗେ ନୁ ତାମ୍ ଆନିଦାଦିଡ଼୍ ସେଙ୍ଗେ ଅଡ଼୍‌ ଇଶ୍ୱର୍‌ତେ ପ୍ରିୟ ଆସ୍‍ମିନ୍ଦେଡ଼୍ । 
\v 29 ଇଶ୍ୱର୍ ବେନଡ଼୍‍କିଂଙ୍କ୍ ଏଞ୍ଚି ଆର୍ଶିବାଦ୍ ମାଡ଼୍‍ତନ୍, ଅଡ଼୍‌ ସେଙ୍ଗେ ତାନ୍ ଦାନ ଇଦାନାଗ୍ ଅଣ୍ଡ୍‌ ଗାଡ଼୍‍ସ୍ ମାନ୍‍ତଣ୍ଡ୍ । 
\v 30 ଆଦିଙ୍କ୍‍ ଅଣଇହୁଦୀଡ଼୍ ମୁନେନ୍ ମୁର୍କ ମାତ୍‍ତଡ଼୍; ଇତ୍‍କେ ଇଞ୍ଜେ ଇହୁଦୀଡ଼୍ ମୁର୍କତ୍ ସେଙ୍ଗେ ଅଣଇହୁଦୀଡ଼୍ ଇଶ୍ୱର୍‌ତେ ଅନୁଗ୍ରହ୍ ପାଏମ୍ ଆତ୍‍ତଡ଼୍ । 
\v 31 ଆଦିଙ୍କ୍‍ ଅଣଇହୁଦୀଡ଼୍ ମିକା ଅନୁଗ୍ରହ୍ ପାଏମ୍‍ଆତ୍‍ତଡ଼୍, ଇହୁଦିଡ଼୍ ଇଞ୍ଜେ ଜେକେ ଆଞ୍ଜ୍‍ମାତ୍‍କେ ଗାଲା, ଅନ୍‌‍ଦିନେ ଅଡ଼୍‌ ମାଲ୍‍ସ୍ ୱାସ୍ ଅନୁଗ୍ରହ ଦର୍‍କିତ୍ । 
\v 32 ଇଶ୍ୱର୍ ସାର୍ରେତଡ଼୍‍କିଙ୍କ୍ ଅବିଶ୍ୱାସ୍ ଆଦାନଙ୍କ୍ ୱିଡ଼୍‍ସିତ୍‍ତଣ୍ଡ୍; ଆଦିଙ୍କ୍ ସାର୍ରେତଡ଼୍ ଇଶ୍ୱର୍‌ତେ ଦୟାତଡ଼୍ ଆଦେପାର୍‍ଦ୍‍ତଡ଼୍ ।
\s ଇଶ୍ୱର୍‌ତେ ମହିମା
\p
\v 33 ଇଶ୍ୱର୍‍ ବେସର୍‍ ବେଡ଼୍‌ୟଣ୍ଡ୍‌ । ଅନ୍‌‍ୱାଦ୍ ଜ୍ଞାନ୍‍ ନୁ ବୁଦ୍ ବେସର୍ ନାର୍‍ଗେ । ଅନ୍‌‍ୱାଦ୍ ନିସ୍ପତିତାଦ୍ ଅର୍ତ ବେନ ବୁଜାମାଡ଼ିତଣ୍ଡ୍ ? ବେନ ଅନ୍‌‍ୱାଦ୍ ଉଡାନାଦ୍ ପୁନ୍ଦାନଙ୍କ୍ ପାର୍‍ଦ୍‍ତଣ୍ଡ୍ ? 
\v 34 ଶାସ୍ତ୍ର ଲେକାମ୍, “ବେନ ଇଶ୍ୱର୍‌ତେ ମନ୍‍ତେ ଆଲ୍‍ସାନାଦ୍ ପୁନ୍ଦେପାର୍‍ଦ୍‍ତଣ୍ଡ୍ ? ବେନ ବା ଅଂକିଙ୍କ୍‌ ପରାମର୍ଶ୍ ଇଦାନଙ୍କ୍ ପାର୍‍ଦ୍‍ତଣ୍ଡ୍ ? 
\v 35 ବେନ ବାତ୍ ଇଶ୍ୱର୍‌ତିଙ୍କ୍ ଇଦ୍ ରକମ୍ ବାତ୍ ଇତ୍‍ତନ୍, ବେଦିନାଦ୍ ମେଣ୍ଡଅନ୍‌‍ଦାମ୍ ଇଶ୍ୱର୍‌ତିଙ୍କ୍ ଦାନ ଇଦାନଙ୍କ୍‍ ୱେୟ୍‍ତେ ?” 
\v 36 \x + \xo ୧୧:3୬ \xo*\xt ୧ କରନ୍ତିୟ ୮:୬.\xt*\x*ସାର୍‍ରେ ବିଷୟ୍ ଇଶ୍ୱର୍ ତିୟାର୍ ମାଡ଼୍‍ତଣ୍ଡ୍; ସାର୍‍ରେ ବିଷୟ୍‍ ଅନ୍‌ ସେଙ୍ଗେ ନୁ ଅନ୍‌‍ ଗୌରବ୍‍ ସେଙ୍ଗେ ଆସ୍‍ ମିନ୍ଦେ । ଯୁଗ୍‍ଯୁଗ୍ ଇଶ୍ୱର୍ ମହିମା ଆୟିଣ୍ଡ୍ । ଆମେନ୍‍ ।
\c 12
\s ଇଶ୍ୱର୍‌ତେ ସେବାତାଗ୍ ଜିୱୁଣ୍ଡ୍
\p
\v 1 ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍‍, ମାନ୍‍ ସେଙ୍ଗେ ଇଶ୍ୱର୍‌ତେ ଗାଟି ଅନୁଗ୍ରହ୍ ମାୟ୍‍ଦିଙ୍କ୍ ମିକିଂଙ୍କ୍ ନାନ୍ ଅନୁରଦ୍‌ ମାଡ଼ୁତାନ୍, ଇଶ୍ୱର୍‌ତାଗ୍ ନିଜେତିଙ୍କ୍ ପବିତ୍ର ଜିୱୁଣ୍ଡ୍ ପୁଜ୍‍ ଇମୁଟ୍ । ଅନ୍‌ ସେବା ମାଡ଼ି ମିଡ଼୍ ଅନାଗ୍ ଶାନ୍ତି ଆୟ୍‍ମୁଟ୍ । ଇଦ୍ ଇଶ୍ୱର୍‌ତାଗ୍ ନିଜାତାଦ୍ ଉପାସନା । 
\v 2 ଇଦ୍ ଜଗତ୍‍ତାଦ୍ ନିତିନିୟମ୍‍ ଇସାପ୍‍ତେ ବ୍ୟବହାର୍‌ ମାଡ଼୍‍ମାଟ୍ । ଇଶ୍ୱର୍ ମିୟାଦ୍ ମନବାବନାତିଙ୍କ୍ ପୁରାପୁରି ବଦ୍‍ଲା ମାଡ଼ିଣ୍ଡ୍ ନୁ ମିୟାଦ୍ ଜିୱୁଣ୍ଡ୍ ସାରେ ଲେକେତ୍‍ ଆୟି । ଆଲାଇତ୍‍କେ, ଇଶ୍ୱର୍‌ତାଦ୍ ଇଚ୍ଛା ବାଆତେ, ଅନ୍‌ କଣ୍ଡେତାଗ୍ ବେନ୍‍ସାର୍ରେ ବିଷୟ୍ ନିଜାମ୍, ସାୟେ ନୁ ପୁରା ଟିକ୍, ଇଦ୍ ମିଡ଼୍ ପୁନ୍ଦାନଙ୍କ୍ ପାର୍‍ଦ୍‍ତିଡ଼୍‍ ।
\p
\v 3 ଇଶ୍ୱର୍ ନାକିଂଙ୍କ୍ ନାର୍‍ଗେ ଅନୁଗ୍ରହ୍ ଇତ୍‍ତାଙ୍କ୍ ମିଡ଼୍ ସାର୍ରେତଡ଼୍‍କିଙ୍କ୍ ନାନ୍ କେତୁତାନ୍, ବେନ ନିଜେତ୍ ଯଗ୍ୟତାତାଗାଙ୍କ୍ ନିଜେତିଙ୍କ୍‍ ବେଡ଼୍‍ୟେ ଇଞ୍ଜ ଆଲ୍‍ସ୍‍ମାଟ୍ । ଇଶ୍ୱର୍ ମିକିଂଙ୍କ୍ ଇତ୍‍ତେ ପରିମାଣ୍‍ତାଗ୍ ନମ୍ର ଆସ୍ ନିଜେତ୍ ବିଷୟ୍‍ତେ ବିଚାର୍ ମାଡ଼ାଟ୍ । 
\v 4 \x + \xo ୧୨:୪ \xo*\xt ୧ କରନ୍ତିୟ ୧୨:୧୨.\xt*\x*ମାନ୍‍ ମେନ୍ଦୁଲ୍‍ତାଗ୍ ନାର୍‍ଗେ ଦୁଡ଼ା ମିନ୍ଦେ ମେଣ୍ଡେ ସାର୍ରେତାୱିନ୍ ପାଡ଼୍‍ୟି ଅଣ୍ଡୟ୍‌‍ ରକମ୍‍ ଆୟ । 
\v 5 ଆଦେପୁଟୁଙ୍କ୍ ମାନାଡ଼୍ ପିନା, ଇତ୍‍କେ ସାର୍ରେତଡ଼୍ କ୍ରିଷ୍ଟନ୍‍ ତଡ଼୍ କାଇଲ୍‍ତାଙ୍କ୍, ମାନାଡ଼୍ ଅଣ୍ଡୟ୍‌ ମେନ୍ଦୁଲ୍ ନୁ ମେନ୍ଦୁଲ୍‍ତାଦ୍ ଦୁଡ଼ା ଲେକାମ୍ ମାନାଡ଼୍ ଅଣ୍ଡୟ୍‌‍ ଗାର୍‍ ଇନା କାଇଲ୍‍ତାଡ଼୍ । 
\v 6 \x + \xo ୧୨:୬ \xo*\xt ୧ କରନ୍ତିୟ ୧୨:୪-୧୧.\xt*\x*ଆଦିଙ୍କ୍ ମାନ୍‍ ସେଙ୍ଗେ ଇଶ୍ୱର୍‌ତାଦ୍ ଅନୁଗ୍ରହ୍ ଲେକାମ୍ ଅନାଗାଙ୍କ୍ ଦର୍‍କ୍‍ତେ ବାତ୍‍ବାତ୍ ଶକ୍ତିକିଙ୍କ୍ ମାନାଡ଼୍ ଟିକ୍ ବ୍ୟବହାର୍‌ ମାଡ଼ାନଙ୍କ୍ ଆଦ୍‍ତେ । ମାନାଡ଼୍ ଯଦି ଇଶ୍ୱର୍‌ତାଦ୍ ଗଟ୍ ପ୍ରଚାର୍ ମାଡ଼ାନ୍ ସେଙ୍ଗେ ଇଶ୍ୱର୍ ଇତ୍‍ତାଦ୍ ଶକ୍ତି ପାଏମ୍‍ଆତ୍‍ତାଡ଼୍, ମାନ୍‍ ବିଶ୍ୱାସ୍‍ତାଦ୍ ଗାଡ଼୍‍ସ୍ ଲେକାମ୍ ଆଦ୍ ପାଡ଼୍‍ୟି ମାଡ଼ାନଙ୍କ୍ ଆଦ୍‍ତେ । 
\v 7 ଯଦି ସେବା ପାଡ଼୍‍ୟି ମାଡ଼ାନ୍ ସେଙ୍ଗେ ଆଦ୍ ଶକ୍ତି ପାଏମ୍‍ଆତ୍‍ତାଡ଼୍, ମାନାଡ଼୍ ସେବା ମାଡ଼ାନଙ୍କ୍ ଆଦ୍‍ତେ; ଶିକ୍ଷା ଇଦାନଙ୍କ୍ ଶକ୍ତି ପାଏମ୍‍ଆସ୍ ମାତ୍‍କେ, ଶିକ୍ଷା ଇଦାନଙ୍କ୍ ଆଦ୍‍ତେ । 
\v 8 ୱେରେ ନାରୁଡ଼୍‍କିଂଙ୍କ୍ ୱେଡ଼୍‍କ୍‍ ମାଡ଼ାନ୍ ସେଙ୍ଗେ ଶକ୍ତି ପାଏମ୍ ଆସ୍‍ମାତ୍‍କେ, ଆଦ୍ ମାଡ଼ାନଙ୍କ୍ ଆଦ୍‍ତେ । ଦାନ ମାଡ଼ାନଙ୍କ୍ ଶକ୍ତି ପାଏମ୍‍ଆତ୍‍ତେ ନାରୁଡ଼୍ ସାୟେ ମନ୍‍ତେ ଦାନ ମାଡ଼ିଣ୍ଡ୍ । ୱେରେ ନାରୁଡ଼୍‍କିନ୍ ପାଡ଼୍‍ୟି ଉଡ଼ାନଙ୍କ୍ ଅଦିକାର୍‌ ପାଏମ୍ ଆସ୍‍ମାତ୍‍କେ ନିଜେ କଷ୍ଟ ପାଡ଼୍‍ୟି ମାଡ଼ାନଙ୍କ୍ ଆଦ୍‍ତେ । ଦୟା ମାଡ଼ାନଣ୍ଡ୍ ନାରୁଡ଼୍ ସାୟେତ୍‍ ମାନ୍‍ତେ ଦୟା ମାଡ଼ିଣ୍ଡ୍ ।
\p
\v 9 ପ୍ରେମ ଲୋପେକସ୍ ଆଦାନାଦ୍ ଲେକେତ୍‍ । ବାତ୍ ସାର୍‍ରେ ସତ୍ ଆୟ; ଆୱିଙ୍କ୍ ପାସ୍‍କାଟ୍, ସାର୍ରେତଡ଼୍ ସତ୍ ପାଡ଼୍‍ୟି ମାଡ଼ାଟ୍ । 
\v 10 କ୍ରିଷ୍ଟ ବିଶ୍ୱାସୀ ତାମୁଣ୍ଡ୍ ଇନା ନିଜର୍‍ନିଜର୍‍ ଲୋପେ ପ୍ରେମ ମାଡ଼ାଟ୍ ନୁ ନିଜର୍‍ନିଜର୍‍ ଲୋପେ ସମ୍ମାନ୍ ଇଦାନଙ୍କ୍ ଇଚ୍ଛା ମାଡ଼ାଟ୍ । 
\v 11 ପ୍ରବୁନ୍‍ ପାଡ଼୍‍ୟିତାଗ୍ କିଡ଼୍‍ଙ୍ଗ୍‍ତା ଆୟ୍‍ମାଟ୍, ଆତ୍ମାତଡ଼୍ ୱେସ୍‍ତିଙ୍କ୍ ଆଲ୍‍ସାଟ୍ । ବକ୍ତିତଡ଼୍ ଜିୱୁଣ୍ଡ୍‍ତାଗ୍ ପ୍ରବୁନ୍ ସେବା ମାଡ଼ାଟ୍ । 
\v 12 ଗାଡ଼୍‍ସ୍ ଆଶେ ନେଏଃସ୍ ୱେଡ଼୍‍କ୍‍ ମାଡ଼ାଟ୍ । ଦୁଃକାମ୍ ତିପାଲ୍ ୱେଲେ ଗାଡ଼୍‍ସ୍‍ ପୟ୍‍ମୁଟ୍ । ସାର୍ରେଦାମ୍ ପ୍ରାର୍ତନା ମାଡ଼ମାନୁଟ୍ । 
\v 13 କ୍ରିଷ୍ଟ ବିଶ୍ୱାସୀ ନାରୁଡ଼ାଦ୍ ଅବାବ୍ ପୁନ୍ଦାନଙ୍କ୍ ଆଲ୍‍ସାଟ୍ । କୁଟ୍‍ମାମ୍‍ତିଙ୍କ୍ ସେବା ମାଡ଼ାଟ୍ ।
\p
\v 14 \x + \xo ୧୨:୧୪ \xo*\xt ମାତିଉ ୫:୪୪; ଲୁକ ୬:୨୮.\xt*\x*ମିକିଂଙ୍କ୍ ବେନଡ଼୍ ତାଡ଼ନା ମାଡ଼ିତଡ଼୍, ଅଡ଼ାଦ୍‌ ଶାନ୍ତି ସେଙ୍ଗେ ଇଶ୍ୱର୍‌ତାଗ୍ ପ୍ରାର୍ତନା ମାଡ଼ାଟ୍ । ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ାଟ୍, ଅବିଶାପ୍‌ ଇମାଟ୍ । 
\v 15 କୁସି ନାରୁଡ଼୍ ତଡ଼୍ ୱେଡ଼୍‍କ୍‍ ମାଡ଼ାଟ୍, ଦୁଃକାମ୍ ନାରୁଡ଼୍ ତଡ଼୍ ଦୁଃକି ଆୟ୍‍ମୁଟ୍ । 
\v 16 ସାର୍ରେତଡ଼୍‍କିଙ୍କ୍‍ ସାମାନ୍ ଲେକାମ୍‍ ଉଡ଼ାଟ୍ । ଆଂକାର୍ ୱିଡ଼୍‍ସି ନମ୍ର ତଡ଼୍ ପାଡ଼୍‍ୟି ମାଡ଼ାଟ୍ । ନିଜେ ଜ୍ଞାନି ଇଞ୍ଜ ଆଲ୍‍ସ୍‍ମାଟ୍ ।
\p
\v 17 ବେନ ମିଇ ସେଙ୍ଗେ ଅନ୍‌ୟାୟ୍ ମାଡ଼୍‍କେ, ମିଡ଼୍ ଅଂକିଙ୍କ୍‌ ଅନ୍‌ୟାୟ୍ ମାଡ଼୍‍ମାଟ୍ । ୱେରେ ନାରୁଡ଼୍‍ତେ କଣ୍ଡେତାଗ୍ ବାତ୍ ସାୟେତ୍ ପାଡ଼୍‍ୟି, ଆଦେକେ ମାଡ଼ାଟ୍ । 
\v 18 ସାର୍ରେତଡ଼୍ ତଡ଼୍ ଶାନ୍ତିତେ ବାଦ୍‍କାନଙ୍କ୍ ପାର୍‍ତେଇସର୍‍ ଆଲ୍‍ସି ମାଡ଼ାଟ୍ । 
\v 19 ପ୍ରିୟ ସାଙ୍ଗନଡ଼ି, ମିଡ଼୍ ନିଜେ ବେନନ୍ ବିରୁଦ୍‍ତେ ବାଦ୍‍ଲା ଆୟ୍‍ମାଟ୍ । ଇଶ୍ୱର୍‌ତିଙ୍କ୍‍ ଅନ୍‌ ପର୍‍ର ବିଚାର୍‍ ମାଡ଼ାନଙ୍କ୍ ୱିଡ଼୍‍ସିମୁଟ୍ । ବାତେଙ୍କ୍ଇତ୍‍କେ ଶାସ୍ତ୍ରତାଗ୍ ଲେକାମିନ୍ଦେ, “ପ୍ରବୁ କେତୁତଣ୍ଡ୍, ମାନାଡ଼୍ ବାଦ୍‍ଲା ଆଦ୍‍ତାଡ଼୍ । ମାନାଡ଼୍ ଦଣ୍ଡ୍‍ ଇଦ୍‍ତାଡ଼୍ ।” 
\v 20 ଇତ୍‍କେ ଶାସ୍ତ୍ରତାଗ୍ ନିର୍ଦ୍ଦେଶ୍ ଇସାପ୍‍ତେ “ମିୱଡ଼୍‍ ଶତ୍ରୁଡ଼୍ କାର୍‍ୱିନ୍‍ ମାତ୍‍କେ, ଅଂକିଙ୍କ୍‌ ତିନ୍ଦାନଙ୍କ୍ ଇମୁଟ୍; ଉନ୍ଦେୱାସ୍‍ ମାତ୍‍କେ ଉସ୍‍ପାଟ୍ । ଇଲାମାଡ଼୍‍କେ ଅଣ୍ଡ୍‌ ସିଗ୍ଆସ୍ ନିଜେ ତାଲେ ମଦଲ୍‍ ମାଡ଼ିତଣ୍ଡ୍ ।” 
\v 21 ମିଚ୍ ତଡ଼୍ ଆରେମ୍ ଆୟ୍‍ମାଟ୍, ସାର୍‍ରେ ମିଚ୍ ବିଷୟ୍‍ତିଙ୍କ୍ ସାୟେତ୍ ବ୍ୟବହାର୍‌ ତଡ଼୍ ଜିଡ଼ାଟ୍ ।
\c 13
\s ଶାସନ୍‍ ମାଡ଼ାନଡ଼୍‍ୱାଦ୍ ଗଟ୍ କେଞ୍ଜାନାଦ୍
\p
\v 1 ଶାସନ୍‍ ମାଡ଼ାନଡ଼୍‍ୱାଦ୍ ଗଟ୍ କେଞ୍ଜାନାଦ୍ ସାର୍ରେତଡ଼୍‍ୱାଦ୍ ଦାୟିତ୍, ବାତେଙ୍କ୍ଇତ୍‍କେ ଇଶ୍ୱର୍ ଗଟ୍ ଇଲ୍‍ୱେ ବେନ ଶାସନ୍‍ ମାଡ଼ାନଣ୍ଡ୍ ଆୟ୍‍ୟଣ୍ଡ୍ । କ୍ଷମତା ତଡ଼୍ ମାନ୍ଦାନ୍ ଶାସନ୍‍ ମାଡ଼ାନଡ଼୍‍କ୍ ଇଶ୍ୱର୍ ଏଞ୍ଚିମିନ୍ଦେଣ୍ଡ୍ । 
\v 2 ଆଦିଙ୍କ୍ ବେନ କ୍ଷମତାତଡ଼୍ ଶାସନ୍‍ ମାଡ଼ାନଡ଼୍‍କିଙ୍କ୍ ବିରୁଦ୍ ମାଡ଼ିତଡ଼୍, ଅଣ୍ଡ୍‌ ଇଶ୍ୱର୍ ତଡ଼୍ ତିୟାର୍‍ ଆତ୍‍ତେ ଅନୁଷ୍ଟାନ୍‍ତାଦ୍ ବିରୁଦ୍ ମାଡ଼ିତନ୍ । ବେନ ଇଲା ମାଡ଼ିତନ୍ ଅଣ୍ଡ୍‌ ବିଚାର୍ ଆଦ୍‍ତନ୍ । 
\v 3 ବେନଡ଼୍ ସାୟେତ୍ ପାଡ଼୍‍ୟି ମାଡ଼ିତଡ଼୍, ଅଡ଼୍‌‍ ଶାସନ୍‍ ମାଡ଼ାନଡ଼୍‍କିଙ୍କ୍ ୱେର୍‍ତାନାଦ୍ ବାତ୍ ଇଲ୍‍ଲେ, କାରାପ୍ ପାଡ଼୍‍ୟି ମାଡ଼ାନଡ଼ି ୱେର୍‍ତିତଡ଼୍ । ଶାସନ୍‍ ମାଡ଼ାନଡ଼୍‍କିଙ୍କ୍ ୱେର୍‍ତାନାଦ୍ ଆୟ୍‍ୟ ଇଞ୍ଜ ମିୟାଦ୍ ଇଚ୍ଛା କି ? ଆଲେକେ ସତ୍ ପାଡ଼୍‍ୟି ମାଡ଼ାଟ୍, ଅଣ୍ଡ୍‌ ମିୟାଦ୍ ପ୍ରସଂଶା ମାଡ଼ିତନ୍ । 
\v 4 ମିୟାଦ୍ ଲେକେତ୍‍ ମାଡ଼ାନ୍ ସେଙ୍ଗେ ଅଣ୍ଡ୍‌ ଇଶ୍ୱର୍ ତଡ଼୍ ନିଯୁକ୍ତି ଆତ୍‍ତଣ୍ଡ୍ । ଇତ୍‍କେ ମିଡ଼୍ ଯଦି କାରାପ୍ ପାଡ଼୍‍ୟି ମାଡ଼ମାନ୍ତିଡ଼୍, ଆଲାଇତ୍‍କେ ଶାସନ୍‍ ମାଡ଼ାନଡ଼୍‍କିଙ୍କ୍ ୱେର୍‍ମୁଟ୍, ବାତେଙ୍କ୍ଇତ୍‍କେ ମିକିଂଙ୍କ୍ ଦଣ୍ଡ୍ ଇଦାନ୍ ସେଙ୍ଗେ ନିଜାମ୍ ଅଡ଼ାଦ୍‌ ଅଦିକାର୍ ମିନ୍ଦେ । ଅଣ୍ଡ୍‌ ଇଶ୍ୱର୍ ତଡ଼୍ ନିଯୁକ୍ତି କର୍ମଚାରୀ । କାରାପ୍ ପାଡ଼୍‍ୟି ମାଡ଼ାନଡ଼୍‍କିଙ୍କ୍ ଦଣ୍ଡ ଇଦାନ୍ ସେଙ୍ଗେ ଅଣ୍ଡ୍‌ ଇଶ୍ୱର୍‌ତେ ଗଟ୍ ପାଲନ୍ ମାଡ଼ିତନ୍ । 
\v 5 ଆଦିଙ୍କ୍ ମିଡ଼୍ ଶାସନ୍‍ ମାଡ଼ାନଡ଼୍‍ୱାଦ୍ କେଞ୍ଜାନାଦ୍ ସାୟେ, ଆସାମ୍ ଇଶ୍ୱର୍‌ତେ ୱେର୍ରେତ୍ ସେଙ୍ଗେ ଆୟ୍‍ୟ, ମାତର୍ ନିଜେତ୍ ବିବେକ୍‍ତାଦ୍ ଦଂସତାଗାଙ୍କ୍ ରକ୍ଷା ପାଏମ୍ ଆଦ୍‍ଦାନ୍ ସେଙ୍ଗେ ।
\p
\v 6 \x + \xo ୧3:୬ \xo*\xt ମାତିଉ ୨୨:୨୧; ମାର୍କ ୧୨:୧୭; ଲୁକ ୨୦:୨୫.\xt*\x*ଆଦିନ୍ ସେଙ୍ଗେ ମିଡ଼୍ ସିସ୍ତୁ ଇଦୁତିଡ଼୍, ବାତେଙ୍କ୍ଇତ୍‍କେ ଶାସନ୍‍ ମାଡ଼ାନଡ଼ି ଦାୟିତ୍ ପାଲନ୍ ମାଡ଼ାନ୍‍ୱେଲେ ଇଶ୍ୱର୍‌ତେ ସେବା ମାଡ଼ୁତଡ଼୍ । 
\v 7 ଆଦିଙ୍କ୍ ଅଡ଼୍‌‍କିଂଙ୍କ୍ ବାତ୍ ଦର୍‍କାଡ଼୍‍ ଆଦ୍ ଇଦୁତିଡ଼୍ । ସିସ୍ତୁ ବା ସିସ୍ତୁ ମିୟାଦ୍ ବାତ୍ ଇଦାନ୍ ମାନ୍‍ତେ, ଆଦ୍ ଇଦ୍‍ତିଡ଼୍ ମେଣ୍ଡେ ଅଡ଼୍‌‍କିଂଙ୍କ୍ ୱେଡ଼୍‍କ୍‍ ମାଡ଼ିତିଡ଼୍ ନୁ ସମ୍ମାନ୍ ତଅତିତିଡ଼୍ ।
\s ନିଜର୍‍ନିଜର୍‍ ଲୋପେ ପ୍ରେମ
\p
\v 8 ନିଜେତ୍ ନିଜେତ୍ ଲୋପେ ପ୍ରେମ ମାଡ଼ାନାଦ୍ ୱିଡ଼୍‍ସି ମେଣ୍ଡେ ବାତ୍ ବିଷୟ୍‍ତାଗ୍ ଉଦାର୍‍ ଆସ୍ ମାନ୍‍ମାଟ୍ । ବେନ ମେଣ୍ଡେ ଅର୍‍ତୁଙ୍କ୍ ପ୍ରେମ ମାଡ଼ିତନ୍, ଅଣ୍ଡ୍‌ ନିୟମ୍ ପାଲନ୍ ମାଡ଼ିତନ୍ । 
\v 9 “ବେବିଚାର୍ ମାଡ଼୍‍ମାଟ୍, ନାରୁଡ଼୍‌କ୍‌ ଆୱୁକ୍‍ମାଟ୍, ଡଙ୍ଗ୍‍ମାଟ୍, ଲୋବ୍‌ ମାଡ଼୍‌ମାଟ୍‌, ମେଣ୍ଡେ ବେନେ ଗଟ୍‌ ମାନ୍‌ନ୍ତେ, ଆଦିଙ୍କ୍‌ ସାର୍‌ଲେକାମ୍‌ ଇଦ୍‌ ବାକ୍ୟତେ ଗାରେତାଦ୍‌ ଆଦ୍‌ତେ ମିଡ଼୍ ଗାର୍ରେତଡ଼୍‍କିଂଙ୍କ୍ ନିଜେତ୍ ନାରୁଡ଼୍ ଇନା ପ୍ରେମ ମାଡ଼ାଟ୍ ।” 
\v 10 ମିଡ଼୍ ଅଡ଼୍‌‍କିଂଙ୍କ୍ ପ୍ରେମ ମାଡ଼ମାତ୍‍କେ, ଅଂକିଙ୍କ୍‌ ବେସୁଟ୍‌ ଅନ୍‌ୟାୟ୍ ମାଡ଼୍‍ମାଟ୍ । ଆଦିଙ୍କ୍ ପ୍ରେମ୍ ମାଡ଼୍‍କେ କେ ସାର୍‍ରେ ନିୟମ୍ ପାଲନ୍ ମାଡ଼ାନାଦ୍ ଆଦ୍‍ତେ ।
\p
\v 11 ଇଞ୍ଜେ ଇୱୁ ସାର୍‍ରେ ମିକିଂଙ୍କ୍ ମାଡ଼ାନଙ୍କ୍ ଆଦ୍‍ତେ, ବାତେଙ୍କ୍ଇତ୍‍କେ ଉସ୍କାଡ଼୍‍ତାଗାଙ୍କ୍ ତେଦାନାଦ୍ ଦିନାମ୍ ଏୱୁତ୍‍ତେ । ପରିତ୍ରାଣ ପାଏମ୍ ଆଦାନ୍ ଦିନାମ୍ ମୁନେନ୍‍କନ୍ସ୍ ଇଞ୍ଜେ ଗାଟି ଗାର୍ରେ ଏୱୁତ୍‍ତେ । 
\v 12 ନାର୍‍କେ ତେରିୱାଦୁତ୍, ଦିନାମ୍ ଆସଡ଼୍‍ୱାଦୁତ୍ । ୱାଡ଼ାଟ୍, ନାର୍କେତାଦ୍ ପାଡ଼୍‍ୟି ସାର୍‍ରେ ୱିଡ଼୍‍ସିକାଡ଼୍ ନୁ ୱେସିନାଗ୍ ସାୟେତ୍‍ ପାଡ଼୍‍ୟି ମାଡ଼ାନ୍‍ ସେଙ୍ଗେ ତିଆର୍‍ ଆଦ୍‍ତାଡ଼୍‍ । 
\v 13 କାରାପ୍ ବଗ୍‍ବିଲାସ୍, କାଲ୍ ଉଞ୍ଜ୍ ଅସିମାନ୍ଦାନାଦ୍, ନିତିନିୟମ୍‍ ମାନେମ୍‍ ଆୟ୍‍ୱାଦ୍, କାରାପ୍ ବ୍ୟବହାର୍‌, ଇର୍ଷା, ଗଲ୍‍କ୍ ସାର୍ରେତାୱ୍ ମାଡ଼କଟ୍ ୱାଡ଼ାଟ୍, ୱେସିନାଗ୍ ସାୟେତ୍‍ ପାଡ଼୍‍ୟି ମାଡ଼ାନ୍ ନାରୁଡ଼୍ ଲେକାମ୍ ବଦ୍ର ଇନା ବ୍ୟବହାର୍‌ ମାଡ଼ିକାଡ଼୍ । 
\v 14 କିନ୍ତୁ ପ୍ରବୁ ଜିସୁ କ୍ରିଷ୍ଟଙ୍କ୍‍ ଚରିତ୍ର ଲେକାମ୍‌ ବ୍ୟବହାର୍‌ ମାଡ଼ାଟ୍‍, ପାପ ନୁ ମେନ୍ଦୁଲ୍‍ତେ କାରାପ୍‍ ଇଚ୍ଛାତିଙ୍କ୍‍ ପୁରା ମାଡ଼ାନ୍‍ ସେଙ୍ଗେ ମନ୍‍ତାଗ୍‍ ତାଡ଼୍‍ମାଟ୍‍ ।
\c 14
\s ମେଣ୍ଡେଅଡ଼୍‌‍ତିଡ଼୍‍ ବିଚାର୍‍ ମାଡ଼୍‍ମାଟ୍‍
\p
\v 1 \x + \xo ୧୪:୧ \xo*\xt କଲସୀୟ ୨:୧୬.\xt*\x*ବିଶ୍ୱାସ୍‍ତାଗ୍‍ ଦୁର୍ବଲ୍‍ମାନ୍ଦାନ୍‍ ନାରୁଣ୍ଡ୍‍ତିଙ୍କ୍ ମିକା ଗ୍ରହନ୍ ମାଡ଼ାଟ୍, ଇତ୍‍କେ ଅନାଦ୍‌ ନିଜେତ୍ ମତ ବିଷୟ୍‍ତିଙ୍କ୍ ଯୁକ୍ତି ମାଡ଼୍‍ମାଟ୍ । 
\v 2 ୱେରଣ୍ଡ୍ ବିଶ୍ୱାସ୍ ମାଡ଼୍‍କେ ଅଣ୍ଡ୍‌ ଜେ ବାତ୍‍ଆଇ କାଦି ତିନ୍ଦେ ପାର୍‍ଦ୍‍ତଣ୍ଡ୍, ମେଣ୍ଡେ ୱେରଣ୍ଡ୍ ବିଶ୍ୱାସ୍‍ତାଗ୍‍ ଦୁର୍ବଲ୍‍ ଅଣ୍ଡ୍‌‍ ଆସାମ୍ ସାଦା କାଦି ତିନ୍‍ତଣ୍ଡ୍ । 
\v 3 ବାତ୍‍ଆଇ କାଦି ତିନ୍ଦାନଙ୍କ୍ ବେନ ଆପତ୍ତି ମାଡ଼ଣ୍ଡ୍, ଅଣ୍ଡ୍‌ ସାଦା କାଦିତିଙ୍କ୍ ପାସ୍‍କ୍‍ମାକିଣ୍ଡ୍ । ମେଣ୍ଡେ ସାଦା ତିନ୍ଦାନଣ୍ଡ୍ ଆୱୁଙ୍ଗ୍‍ ତିନ୍ଦାନକିଂଙ୍କ୍ ଦଷି ମାଡ଼୍‍ମାକିଣ୍ଡ୍ । ବାତେଙ୍କ୍ଇତ୍‍କେ ଇଶ୍ୱର୍ ଅଂକିଙ୍କ୍‌ ଗାଲା ଗ୍ରହନ୍‍ ମାଡ଼୍‍ତଣ୍ଡ୍ । 
\v 4 ମେଣ୍ଡେଅଡ଼୍‌‍ତିନ୍‍ ଦାସଙ୍କ୍ ବିଚାର୍ ମାଡ଼ାନଙ୍କ୍ ମିଡ଼୍ ବେନ ? ଅଣ୍ଡ୍‌ ତାନ୍ ପାଡ଼୍‍ୟିତାଗ୍ ବେସର୍ ଜେକେ ସାୟେ ବା କାରାପ୍ ମାଡ଼ୁତଣ୍ଡ୍, ଆଦ୍ ମାଲିକ୍ ବିଚାର୍ ମାଡ଼ିତନ୍ । ଅଣ୍ଡ୍‌ ନିଜାମ୍ ସାୟେ ଆଦ୍‍ତନ୍, ବାତେଙ୍କ୍‍ଇତ୍‍କେ ପ୍ରବୁ ଅଂକିଙ୍କ୍‌ ସାୟେ ମାଡ଼ାନ୍ ସେଙ୍ଗେ ବୁଦ୍ ଇଦ୍‍ତଣ୍ଡ୍ ।
\p
\v 5 ୱେରନାଦ୍ କେତ୍‍ତାନ୍ ଲେକାମ୍ ବାଗାତ୍ ଦିନାକିନ୍‍ନାଗାଙ୍କ୍ ୱେରଡ଼୍ ଦିନ୍ ଗାଟି ସାୟେ । ମେଣ୍ଡେ ମେଣ୍ଡ୍‍ଅର୍ତୁଣ୍ଡ୍ ଆଲ୍‍ସିତିଡ଼୍, ସାର୍‍ରେ ଦିନାମ୍ ସାମାନ୍ । ଇତ୍‍କେ ବେନ ଅନାଦ୍‌ ଆଲ୍‍ସାନ୍ ଲେକାମ୍ ଟିକ୍ ବିଚାର୍ ମାଡ଼ି ନିଷ୍ପତି ଆୟିଣ୍ଡ୍ । 
\v 6 ବେନ ୱେରଡ଼୍ ଦିନାମ୍‍ତିଙ୍କ୍ ସାୟେ ଇଞ୍ଜ ଆଲ୍‍ସିତିଡ଼୍, ପ୍ରବୁନ୍ ଗୌରବ୍‍ତେ ସେଙ୍ଗେ ଅଣ୍ଡ୍‌ ଆଦ୍ ମାଡ଼ିଣ୍ଡ୍ । ବେନନାଦ୍ ବାତ୍‍ଆଇ କାଦି ତିନ୍ଦାନଙ୍କ୍ ଆପତ୍ତି ଇଲ୍‍ଲେ, ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସ୍ ଅଣ୍ଡ୍‌ ଆଦ୍ ତିନିଣ୍ଡ୍; ଅଦିନ୍‌ତଡ଼୍ ଇଶ୍ୱର୍ ଗୌରବ୍ ଆଦ୍‍ତନ୍ । ବେନ୍ ନାରୁଡ଼୍ ବାତ୍‍ଆଇ କାଦି ତିନଣ୍ଡ୍, ଅଣ୍ଡ୍‌ ଇଦ୍ ଇଶ୍ୱର୍‌ତେ ଗୌରବ୍ ସେଙ୍ଗେ ମାଡ଼ିଣ୍ଡ୍ ନୁ ଇଦିନ୍ ସେଙ୍ଗେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇୱିଣ୍ଡ୍ । 
\v 7 ବେନ ନିଜେତ୍ ମାୟ୍‍ଦିଙ୍କ୍ ଗେଲ୍‍ସି ଆୟ୍‍ୟଣ୍ଡ୍, କି ନିଜେତ୍ ସେଙ୍ଗେ ଡଲନ୍ । 
\v 8 ପ୍ରବୁନ୍ ପାଡ଼୍‍ୟି ମାଡ଼ାନ୍ ସେଙ୍ଗେ ମାନାଡ଼୍ ବାଦ୍‍କୁତାଡ଼୍ ନୁ ଡଲିତାଡ଼୍ । ଆଦିଙ୍କ୍ ବାଦ୍‍କାନାଗ୍ ନୁ ଡଲାନାଗ୍ ମାନାଡ଼୍ ପ୍ରବୁନାଗ୍ । 
\v 9 ବାତେଙ୍କ୍‍ଇତ୍‍କେ କ୍ରିଷ୍ଟ ଡଲି ମେଣ୍ଡନ୍‍ନ୍ଦାମ୍ ତେଏଦ୍‍ତାଙ୍କ୍ ଇଡ଼୍‍ୱୁଡ଼୍ ଜିୱୁଣ୍ଡ୍ ମାନ୍ଦାନଡ଼୍ ନୁ ଡଲ୍‍ତଡ଼୍ ସାର୍ରେତଡ଼୍‍ୱାଦ୍ ଅଣ୍ଡ୍‌ ପ୍ରବୁ ଆତ୍‍ତଣ୍ଡ୍ । 
\v 10 \x + \xo ୧୪:୧୦ \xo*\xt ୨ କରନ୍ତିୟ ୫:୧୦.\xt*\x*ଆଦିଙ୍କ୍ ମିଡ଼୍ ବାତେଙ୍କ୍ ନିଜେତ୍ ତାମୁଣ୍ଡ୍‍ତିଙ୍କ୍ ବିଚାର୍ ମାଡ଼ୁତିଡ଼୍ ? ବାତେଙ୍କ୍ ନିଜେତ୍ ତାମୁଣ୍ଡ୍‍ତିଙ୍କ୍ ପାସ୍‍କୁତିଡ଼୍ ? ମାନାଡ଼୍ ସାର୍ରେତଡ଼୍ ବିଚାର୍ ଆଦ୍‍ଦାନ୍ ସେଙ୍ଗେ ଇଶ୍ୱର୍‌ତେ ମୁନ୍‍ନେ ନିତାନଙ୍କ୍ ଆଦ୍‍ତେ । 
\v 11 ବାତେଙ୍କ୍‍ଇତ୍‍କେ ବେଦ୍‍ପୁଟୁଙ୍କ୍ ଶାସ୍ତ୍ରତାଗ୍ ଲେକାମିନ୍ଦେ, “ପ୍ରବୁ କେତୁତଣ୍ଡ୍, ବେଲାବା ମାନାଡ଼୍ ଜିୱୁତେ ଇଶ୍ୱର୍, ସାର୍ରେତଡ଼୍ ମାନ୍‍ ମୁନ୍‍ନେ ମର୍‍ମିଣ୍ଡା ଉଃସିତଡ଼୍ । ମାନାଡ଼୍ ଇଶ୍ୱର୍ ଇଞ୍ଜ ସାର୍ରେତଡ଼୍ ସ୍ୱୀକାର୍ ମାଡ଼ିତଡ଼୍ ।” 
\v 12 ମାନାଡ଼୍ ସାର୍ରେତଡ଼୍‍କିଙ୍କ୍ ଇଶ୍ୱର୍‌ତେ ବକେତ୍ ନିଜେ ନିଜେତ୍ ପାଡ଼୍‍ୟିତେ ଇସାବ୍‍ ଇଦାନଙ୍କ୍ ଆଦ୍‍ତେ ।
\s ତାମୁନ୍‍ତାଦ୍ କାରାପ୍ ଆଲ୍‍ସ୍‍ମାଟ୍
\p
\v 13 ଆଦିଙ୍କ୍ ନିଜର୍‍ନିଜର୍ ଲୋପେ ବିଚାର୍ ମାଡ଼୍‍ମାଟ୍ । ଇଦ୍‍ରକମ୍ ମିକା ବାତ୍ ମାଡ଼୍‍ମାଟ୍, ବାତ୍‍ତିଙ୍କ୍ ମିଇ ତାମୁଣ୍ଡ୍ ମଦଲ୍ ରାଲି ପାପାମ୍ ମାଡ଼ିତନ୍ । 
\v 14 ନାନ୍‍ ପୁନ୍ଦ୍‍ତାନ୍‍ ନୁ ପ୍ରବୁ ଜିସୁନାଗାଙ୍କ୍ ନିର୍ଦେଶ୍ ପାଏମ୍ ଆସ୍ କେତୁତାନ୍, ବାତ୍‍ବା କାଦି କାରାପ୍ ଆୟ୍‍ୟ । ଯଦି ବେନ ବାତ୍‍ଆଇ କାଦିତିଙ୍କ୍ କାରାପ୍ ଇଞ୍ଜ ବିଶ୍ୱାସ୍ ମାଡ଼ିତନ୍, ଅନ୍‌ ସେଙ୍ଗେ ଆଦ୍ କାରାପ୍ ଆଦ୍‍ତେ । 
\v 15 ମିଡ଼୍ ବାତ୍‍ଆଇ କାଦି ତିନ୍ଦାନ୍‍ୱେଲେ ଯଦି ୱେରଣ୍ଡ୍ ତାମୁନ୍ ମନ୍‍ତାଗ୍ କଷ୍ଟ ଇଦ୍‍ତିଡ଼୍, ଆଲେକେ ଅଂକିଙ୍କ୍‌ ମିଡ଼୍ ପ୍ରେମ ମାଡ଼୍‍ୱିଡ଼୍ । ବେନ୍ ତାମୁନ୍ ସେଙ୍ଗେ କ୍ରିଷ୍ଟ ଡଲ୍‍ତଣ୍ଡ୍, ସୁଦୁର୍ କାଦିତ୍ ମାୟ୍‍ଦିଙ୍କ୍ ଅନାଦ୍‌ ଅନିଷ୍ଟ ମାଡ଼୍‍ମାଟ୍ । 
\v 16 ମିଡ଼୍ ବେନଙ୍କ୍ ସାୟେ ଇଞ୍ଜ ହେର୍କା ମାଡ଼ୁତିଡ଼୍, ଆଦିନ୍ ତଡ଼୍ ମିୟାଦ୍ ଇଜତ୍‍ ଆୟ୍‍ମାକି । 
\v 17 ଇଶ୍ୱର୍‌ତେ ରାଜ୍ୟତାଦ୍ ବିଷୟ୍ କାଦି ବା ଉନ୍ଦାନାଦ୍ ଆୟ୍‍ୟ । ଆଦ୍ ପବିତ୍ର ଆତ୍ମାତଡ଼୍ ଇତ୍‍ତାଦ୍ ଦାର୍ମାମ୍, ଶାନ୍ତି ନୁ ୱେଡ଼୍‍କ୍‍ । 
\v 18 ବେନଆଇ ଇଦ୍‍ରକମ୍ କ୍ରିଷ୍ଟନ୍ ସେବା ମାଡ଼ିତନ୍; ଅଣ୍ଡ୍‌ ଇଶ୍ୱର୍‌ତେ ସାୟେ ମାଡ଼ିତନ୍, ନାରୁଡ଼୍ ଗାଲା ଅଂକିଙ୍କ୍‌ ଆଦର୍ ମାଡ଼ିତଡ଼୍ ।
\p
\v 19 ଆଦିଙ୍କ୍ ୱାଡ଼ାଟ୍, ନିଜର୍‍ନିଜର୍ ଲୋପେ ଶାନ୍ତି ତିୟାର୍ ମାଡ଼ାନଙ୍କ୍ ନୁ ନିଷ୍ଟା ତିୟାର୍ ମାଡ଼ାନ୍ ସେଙ୍ଗେ ବାତ୍ ସାର୍‍ରେ ଦର୍‍କାର୍, ଆଦିଙ୍କ୍ ଉଡ଼ିତାଡ଼୍ । 
\v 20 ସୁଦୁର୍ କାଦିତ୍ ସେଙ୍ଗେ ଇଶ୍ୱର୍ ବାତ୍ ମାଡ଼୍‍ତଣ୍ଡ୍, ଆଦ୍ ନଷ୍ଟ ମାଡ଼୍‍ମାଟ୍ । ବେନେବା କାଦି ତିନ୍ଦେୱେୟ୍‍ତିତ୍ । ଇତ୍‍କେ ବେନେବା କାଦି ତିତ୍‍କେ ଯଦି ମିଡ଼୍ ମେଣ୍ଡେଅଡ଼୍‌‍ତିନ୍ ବାଦା ପାଏମ୍ ଆଦ୍‍ତିଡ଼୍, ଆଲାଇତ୍‍କେ ଆଦ୍ କାଦି ତିନ୍ଦାନାଦ୍ ସାୟେ ଆୟ୍‍ୟ । 
\v 21 ମିୟାଦ୍ ଆୱୁଙ୍ଗ୍‍ ତିନ୍ଦାନାଦ୍, କାଲ୍ ଉନ୍ଦାନାଦ୍ ଯଦି ମିଇ ତାମୁନ୍‍ତିଙ୍କ୍ ସୁଦୁର୍ ଦୁର୍ବଲ୍ ମାଡ଼ିତ୍, ଆଲେକେ ଆୱୁ ସାର୍ରେତାଗାଙ୍କ୍ ୱେର୍ରେ ଆଦାନାଦ୍ ମିକିଂଙ୍କ୍ ସାୟେ । 
\v 22 ଇଦ୍ ବିଷୟ୍‍ତେ ମିୟାଦ୍ ନିଜେତ୍ ବିଶ୍ୱାସ୍ ଇଶ୍ୱର୍ ପୁନିଣ୍ଡ୍ । ବେନ୍ ନାରୁଡ଼୍ ସାୟେ ମାନ୍‍ ମାଡ଼ି ବାତ୍‍ଆଇ ପାଡ଼୍‍ୟି ମାଡ଼ିତନ୍, ମେଣ୍ଡେ ଆଦିନ୍ ସେଙ୍ଗେ ପେର୍‍କେ ଅଂକିଙ୍କ୍‌ ତିପାଲ୍ ଆଦାନଙ୍କ୍ ୱେୟ୍, ଅଣ୍ଡ୍‌ ୱେଡ଼୍‌କେତେ ନାରୁଣ୍ଡ୍‍ । 
\v 23 ଇତ୍‍କେ ବାତ୍‍ବା କାଦି ତିନ୍ଦାନାଦ୍ ଟିକ୍ କି ଆୟ୍‍ୟ, ମନ୍‍ତାଗ୍ ଆଲ୍‍ସି ବେନ ଆଦ୍ ତିନ୍‍ତଣ୍ଡ୍; ଇଶ୍ୱର୍‌ତେ ମୁନ୍‍ନେ ଅଣ୍ଡ୍‌ ଦଷି ଆଦ୍‍ତନ୍, ବାତେଙ୍କ୍‍ଇତ୍‍କେ ଅନ୍‌‍ୱାଦ୍ ବିଶ୍ୱାସ୍ ଆଦିନାଦ୍ ପାଡ଼୍‍ୟି ଆୟ୍‍ୟ । ବିଶ୍ୱାସ୍‍ତେ ପର୍‍ର ବାତ୍ ତିୟାର୍‍ ଆୟ୍‍ୟ, ଆଦ୍ ପାପ୍‌ ।
\c 15
\s ମେଣ୍ଡେଅଡ଼୍‌‍ତୁଙ୍କ୍ ୱେଡ଼୍‍କ୍‍ ମାଡ଼ାଟ୍ ନିଜେତିଙ୍କ୍ ଆୟ୍‍ୟ
\p
\v 1 ବେନଡ଼୍ ବିଶ୍ୱାସ୍‍ତାଗ୍ ନାର୍ଗ୍, ଅଡ଼୍‌ ବିଶ୍ୱାସ୍‍ତାଗ୍‍ ଦୁର୍ବଲ୍‍ ମାନ୍ଦାନ୍‍ ତାମୁନ୍‍ତାଦ୍ ଦଷ୍ ସେଙ୍ଗେ ଶକ୍ତିତଡ଼୍ ଆୟ୍‍ମୁଟ୍ । ବେନ ନିଜେତିଙ୍କ୍ ୱେଡ଼୍‍କ୍‍ ମାଡ଼ାନ୍ ସେଙ୍ଗେ ଆଲ୍‍ସ୍‍ମାକିଣ୍ଡ୍ । 
\v 2 ଇତ୍‍କେ ମେଣ୍ଡେଅଡ଼୍‌‍ତିଡ଼୍ ସାୟେତ୍‍ ସେଙ୍ଗେ ନୁ ଅଡ଼ାଦ୍‌ ବିଶ୍ୱାସ୍‍ତିଙ୍କ୍ ନାର୍ଗ୍ ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ ୱେଡ଼୍‍କ୍‍ ମାଡ଼ାନାଦ୍ ମାନ୍‍ ଦାୟିତ୍ । 
\v 3 କ୍ରିଷ୍ଟ ନିଜେତ୍ ସୁକାମ୍‍ତେ ସେଙ୍ଗେ ବାତ୍ ମାଡ଼୍‍ୱେ ମାତ୍‍ତଣ୍ଡ୍ । ଇତ୍‍କେ ଶାସ୍ତ୍ର ବାକ୍ୟ ଲେକାମ୍, “ଅଡ଼୍‌ ମିକିଂଙ୍କ୍ ଇସମାନ୍ଦାନ୍ ଅପ୍‍ମାନ୍ ନାନ୍ ସୟ ମାଡ଼ୁତାନ୍ ।” 
\v 4 ଶାସ୍ତ୍ରତାଗ୍ ଲେକାମାନ୍ଦାନ୍‍ ଶିକ୍ଷା ସାର୍‍ରେ ମାନାଦ୍‍ ଉପ୍‍କାର୍ ସେଙ୍ଗେ ମିନ୍ଦେ । ବର୍‍ସାତାଗ୍ ଗାଡ଼୍‍ସ୍ ମାନ୍ଦାନ୍ ସେଙ୍ଗେ ଶାସ୍ତ୍ର ମାନାକିଙ୍କ୍ ଗାଡ଼୍‍ସ୍ ନୁ ସାର୍‍ଦେ ଇଦ୍‍ତେ । 
\v 5 କ୍ରିଷ୍ଟ ଜିସୁନ୍ ଆଦର୍ଶତାଗ୍ ମାନ୍ଦାନଡ଼୍ ଲେକାମ୍ ସାର୍ରେତଡ଼୍‍ୱାଦ୍ ଆଦେ ରକମ୍ ମନ୍‍ବାବ୍ ଆଦ୍‍ଦାନ୍ ସେଙ୍ଗେ ଗାଡ଼୍‍ସ୍ ନୁ ୱେଡ଼୍‍କେତଣ୍ଡ୍ ଇଶ୍ୱର୍ ମିକିଂଙ୍କ୍ ଯୋଗ୍ୟ ମାଡ଼ିଣ୍ଡ୍ । 
\v 6 ସାର୍ରେତଡ଼୍ କାୟ୍‍ଲିମେଣ୍ଡେ ୱେରଡ଼୍ ଲେଙ୍ଗ୍‍ଦେ ପ୍ରବୁ ଜିସୁ କ୍ରିଷ୍ଟ ବାବାଲ୍ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ାଟ୍ ।
\s ଯହୁଦୀ ନୁ ଅଣଇହୁଦୀଡ଼୍ ସେଙ୍ଗେ ସାୟେତ୍ କାବୁର୍
\p
\v 7 ଆଦିଙ୍କ୍‍ କ୍ରିଷ୍ଟ ବେଲା ମିକିଂଙ୍କ୍ ଗ୍ରହନ୍ ମାଡ଼୍‍ତଣ୍ଡ୍, ଇଶ୍ୱର୍‌ତେ ମହିମା ସେଙ୍ଗେ ମିଡ଼୍ ଆଦେରକମ୍ ମିଇ ମିଲୋପେ ଗ୍ରହନ୍ ମାଡ଼ାଟ୍ । 
\v 8 ବାତେଙ୍କ୍‍ଇତ୍‍କେ କ୍ରିଷ୍ଟନ୍ ସେବାତାଦ୍ ଜିୱୁଣ୍ଡ୍ ଇହୁଦୀଡ଼୍ ସେଙ୍ଗେ ତିୟାର୍ ଆସ୍‍ମାତ୍‍ତେ । ଅଡ଼୍‌‍କିଂଙ୍କ୍ ଅଣ୍ଡ୍‌ ତଅତାଙ୍କ୍ ଆଲ୍‍ସମାତ୍‍ତଣ୍ଡ୍ ଜେ ଇଶ୍ୱର୍ ବିଶ୍ୱାସ୍‍ତଣ୍ଡ୍‍, ଇହୁଦୀ ଗୋଷ୍ଠୀତ୍‍ ଆନିଦାଦିଡ଼୍‍କିଙ୍କ୍ ଇସ୍‍ମାନ୍ଦାନ୍ ସତ୍‍ ପ୍ରତିଜ୍ଞା ସାର୍‍ରେ ଅଣ୍ଡ୍‌ ପାଲନ୍ ମାଡ଼ିତନ୍ । 
\v 9 ଅନ୍‌‍ୱାଦ୍ ଅନୁଗ୍ରହ ସେଙ୍ଗେ ଅଣଇହୁଦୀଡ଼୍ ଗାଲା ଅନ୍‌‍ୱାଦ୍ ପ୍ରସଂଶା ମାଡ଼ିତଡ଼୍ । ଇଦ୍ ବିଷୟ୍‍ତେ ଶାସ୍ତ୍ରତାଗ୍ ଲେକାମିନ୍ଦେ, “ଅଣଇହୁଦୀଡ଼୍ ଲୋପେ ମିୟାଦ୍ ପ୍ରସଂଶା ମାଡ଼ିତାନ୍, ସାର୍ରେଦାମ୍ ମିୟାଦ୍ ସ୍ତୁତିଗାନ୍ ମାଡ଼ିତାନ୍ ।” 
\v 10 ମେଣ୍ଡେ ମିକା ଲେକାମିନ୍ଦେ, “ଅଣଇହୁଦୀଡ଼୍ ଇଶ୍ୱର୍‌ତେ ନାରୁଡ଼୍‍ତଡ଼୍ ୱେଡ଼୍‍କ୍‍ ମାଡ଼ିଡ଼୍ !” 
\v 11 ମେଣ୍ଡେଅନ୍‌‍ନ୍ଦାମ୍, “ସାର୍‍ରେ ଅଣଇହୁଦୀଡ଼୍‍ ନାରୁଡ଼୍ ଅନ୍‌‍ୱାଦ୍ ସ୍ତୁତିଗାନ୍ ମାଡ଼ିଡ଼୍ !” 
\v 12 ମେଣ୍ଡେ ଯିଶାଇୟ କେତ୍‍ତଣ୍ଡ୍, “ଯେଶୀନ୍ ବଂଶତଣ୍ଡ୍ ୱେରଣ୍ଡ୍ ପୁଟିତଣ୍ଡ୍, ଅଣ୍ଡ୍‌ ଅଣଇହୁଦୀଡ଼୍‌କିଂଙ୍କ୍ ଶାସନ୍‍ ମାଡ଼ିତନ୍ ନୁ ଅଡ଼୍‌ ଅନାଗେ ବରସା ମାଡ଼ିତଡ଼୍ ।”
\p
\v 13 ସାର୍‍ରେ ବରସାତଣ୍ଡ୍, ଇଶ୍ୱର୍ ମିକିଂଙ୍କ୍ ବିଶ୍ୱାସ୍‍ତେ ମାୟ୍‍ଦିଙ୍କ୍ ମିକିଂଙ୍କ୍ ୱେଡ଼୍‍କ୍‍ ନୁ ଶାନ୍ତିତଡ଼୍ ସାରେ ମାଡ଼ିଣ୍ଡ୍ । ପବିତ୍ର ଆତ୍ମାତେ ଶକ୍ତିତଡ଼୍ ମିୟାଦ୍ ବରସା ନାର୍ଗେ ଆୟି ।
\s ଅଣଇହୁଦୀ ଗାର୍ରେ ପାଉଲ୍‍ତେ ସେବା ପାଡ଼୍‍ୟି
\p
\v 14 ଦାଦାଲଡ଼ି ନୁ ଏଲାସ୍କ୍‍, ନାୟାଦ୍ ବିଶ୍ୱାସ୍, ମିଡ଼୍ ସାର୍‍ରେ ସାୟେତ୍ ଗୁନାମ୍ ବା ଜ୍ଞାନ୍‍ତଡ଼୍ ନିଣ୍ଡିମେଣ୍ଡେ ନୁ ମି ମିଲୋପେ ଶିକ୍ଷା ଇଦାନଙ୍କ୍ ପାର୍‍ଦ୍‍ତିନ୍ । 
\v 15 ଇଦ୍ ଚିଟିତାଗ୍ ମିକିଂଙ୍କ୍ ବେସ୍‍କେ ବିଷୟ୍ ସଚେତନ୍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ ତଡ଼୍‍ ନାନ୍ ଗାଡ଼୍‍ସ୍ ଆତ୍‍ତାନ୍, 
\v 16 ବାତେଙ୍କ୍ଇତ୍‍କେ କ୍ରିଷ୍ଟ ଜିସୁନ୍ ଦାସ୍ ଇସାପ୍‍ତେ ଅଣଇହୁଦୀଡ଼୍ ସେଙ୍ଗେ ପାଡ଼୍‍ୟି ମାଡ଼ାନ୍ ମାୟ୍‍ଦିଙ୍କ୍ ଇଶ୍ୱର୍ ନାକିଂଙ୍କ୍ ସୁଯୋଗ୍ ଇତ୍‍ତନ୍ । ଇଶ୍ୱର୍‌ତାଦ୍ ସାୟେତ୍ କାବୁର୍ ପ୍ରଚାର୍ ମାଡ଼ାନ୍ ସେଙ୍ଗେ ନାନ୍ ୱେରଣ୍ଡ୍ ଦର୍ମଗୁରୁ ଲେକାମ୍ ପାଡ଼୍‍ୟି ମାଡ଼ୁତାନ୍ । ଅଣଇହୁଦିଡ଼୍ ପବିତ୍ର ଆତ୍ମା ତଡ଼୍ ଇତ୍‍ତାୱୁ ଜିନିଷ୍ ଲେକାମ୍ ଇଶ୍ୱର୍‌ତେ ବକେତ୍ ଗ୍ରହନ୍ ଆୟିଡ଼୍, ଇଦ୍ ନାୟାଦ୍ ଉଦେଶ୍ୟ । 
\v 17 କ୍ରିଷ୍ଟ ଜିସୁନ୍ ତଡ଼୍ କାୟ୍‍ଲି ଇଶ୍ୱର୍‌ତେ ସେଙ୍ଗେ ଇଦ୍ ସେବା ପାଡ଼୍‍ୟି ମାଡ଼ମାନ୍ଦାନ୍ ମାୟ୍‍ଦିଙ୍କ୍ ନାନ୍ ଗର୍ବ ମାଡ଼ୁତାନ୍ । 
\v 18 ଅଣଇହୁଦୀଡ଼୍‌କିଂଙ୍କ୍ ଇଶ୍ୱର୍‌ତାଦ୍ ନିୟମ୍ ପାଲନ୍ ମାଡ଼ାନ୍ ସେଙ୍ଗେ କ୍ରିଷ୍ଟ ନା ତଡ଼୍ ବାତ୍ ପାଡ଼୍‍ୟି ମାଡ଼୍‍ତଣ୍ଡ୍, ଇଦ୍‍ଏ ଗଟ୍ କେତ୍‍ତାନ୍ ସେଙ୍ଗେ ନାନ୍ ଗାଡ଼୍‍ସ୍ ଆତ୍‍ତାନ୍ । 
\v 19 ଇଦ୍ ଅଣ୍ଡ୍‌ ମାଡ଼୍‍ତଣ୍ଡ୍, ବାକ୍ୟ ନୁ ପାଡ଼୍‍ୟି ତଡ଼୍ ନୁ ଇଶ୍ୱର୍‌ତେ ଆତ୍ମାତେ ଶକ୍ତିତେ । ଆଦିଙ୍କ୍ ନାନ୍ ଯିରୁଶାଲମ୍‍ତାଗାଙ୍କ୍ ଇଲିରିକମତାଗ୍ ଆଦାନ୍ ୱେଲେ ଆର୍ର୍‍ଦାଗ୍ କ୍ରିଷ୍ଟନାଦ୍ ସାୟେତ୍ କାବୁର୍ ସାୟେ ପ୍ରଚାର୍ ମାଡ଼୍‍ତାନ୍ । 
\v 20 ବେନ୍ ପଡ଼୍‍ୟେତାଗ୍ ନାରୁଡ଼୍ କ୍ରିଷ୍ଟନାଦ୍ ବିଷୟ୍ କେଞ୍ଜଡ଼୍, ଆଗେ ଅନ୍‌‍ୱାଦ୍ କାବୁର୍ କେତାନାଦ୍ ନାୟାଦ୍ ଇଚ୍ଛା, ବାତେଙ୍କ୍‍ଇତ୍‍କେ ମେଣ୍ଡେଅଡ଼୍‌‍ତିଡ଼୍ ୱାଟିମାନ୍ଦାନ୍ ପାଉଣ୍ଡେସନ୍ ପର୍‍ର ଲୋନ୍‌ ମାଡ଼ାନଙ୍କ୍ ନାନ୍ ଚାଏମ୍ ଆୟନ୍ । 
\v 21 ଶାସ୍ତ୍ରତାଗ୍ ବେଲା ଲେକାମିନ୍ଦେ, “ବେନଡ଼୍ ଅନ୍‌‍ୱାଦ୍ କାବୁର୍ ପାଏମ୍ ଆୟ୍‍ୟଡ଼୍, ଅଡ଼୍‌ ଉଡ଼ିତଡ଼୍; ବେନଡ଼୍ କେଞ୍ଜଡ଼୍, ଅଡ଼୍‌ ବୁଜେମ୍ ଆଦ୍‍ତଡ଼୍ ।”
\s ରୋମ୍ ଆଦାନଙ୍କ୍ ପାଉଲ୍‍ତାଦ୍ ଯୋଜନା
\p
\v 22 \x + \xo ୧୫:୨୨ \xo*\xt ରୋମୀୟ ୧:୧3.\xt*\x*ନାର୍ଗେଦାମ୍ ମିଇ ବକେତ୍ ୱାଦାନ୍ ସେଙ୍ଗେ ନାୟାଦ୍ ଯୋଜନା ଆଙ୍ଗ୍‍ଡ଼ାମ୍ ଆତ୍‍ତେ । 
\v 23 ଇତ୍‍କେ ଇଦ୍ ପଡ଼ିୟେତାଗ୍ ନାୟାଦ୍ ପାଡ଼୍‍ୟି ତେରିଆତ୍‍ତେ ନୁ ନାୟାଦ୍ ଆଶେ, ମିକିଂଙ୍କ୍ ଉଡ଼ାନ୍ ସେଙ୍ଗେ ନାୟାଦ୍ ନାର୍‍ଗେ ଏଣ୍ଡ୍‍ତାଦ୍ ଇଚ୍ଛା ଇଞ୍ଜେ ସାରେ ପୁରା ଆଦ୍‍ତେ । 
\v 24 ନାନ୍‍ ସ୍ପେନ୍ ଆଦାନ୍ ଆର୍‍ଦାଗ୍ ମିକିଂଙ୍କ୍ ଉଡ଼ି ୱାଦ୍‍ତାନ୍ ଇଞ୍ଜ ଆଲ୍‍ସ୍‍ତାନ୍ । ମିଇ ଗାର୍ରେ ବେସ୍‍କେ ଦିନାମ୍ ମାତ୍‍ତେ ପେର୍‍କେ ମିୟାଦ୍ ସାହାଯ୍ୟତେ ସ୍ପେନ୍ ଆଦ୍‍ତାନ୍ ।
\p
\v 25 \x + \xo ୧୫:୨୫ \xo*\xt ୧ କରନ୍ତିୟ ୧୬:୧-୪.\xt*\x*ଇଞ୍ଜେନେ ଇଶ୍ୱର୍‌ତେ ନାରୁଡ଼ାଦ୍ ସେବା ମାଡ଼ାନଙ୍କ୍ ନାନ୍ ଯିରୁଶାଲେମ୍ ଆଦୁତାନ୍ । 
\v 26 ଯିରୁଶାଲେମ୍‍ତାଗ୍ ଇଶ୍ୱର୍‌ତେ ବେନ୍ ନାରୁଡ଼୍ ଅବାବ୍ ମିନ୍ଦେଡ଼୍‍, ଅଡ଼୍‌ ସେଙ୍ଗେ ବେସର୍ ଡାବ୍‍କ୍ ରଅତାନ୍ ମାୟ୍‍ଦିଙ୍କ୍ ମାସିଦୋନିଆ ନୁ ଆକାୟତେ ମଣ୍ଡଲି ପବିତ୍ର ମାଡ଼୍‍ତଡ଼୍ । 
\v 27 \x + \xo ୧୫:୨୭ \xo*\xt ୧ କରନ୍ତିୟ ୯:୧୧.\xt*\x*ଇଦ୍ ଅଡ଼ାଦ୍‌ ନିଜର୍‍ ଇଚ୍ଛାତାଦ୍ ନିଷ୍ପତି; ନିଜାମ୍ ଇଲା ମାଡ଼ାନାଦ୍ ଅଡ଼ାଦ୍‌ କାମ୍‌ । ଇହୁଦି ନାରୁଡ଼୍ ନିଜେତ୍ ଆଦ୍ୟାତ୍ମିକ୍ ଆର୍ଶିବାଦ୍‍ତଡ଼୍ ଅଣଇହୁଦୀଡ଼୍‌କିଂଙ୍କ୍ ଅଂଶୀଦାର୍ ମାଡ଼୍‍ତାଙ୍କ୍, ଇହୁଦୀଡ଼୍‍କିଙ୍କ୍ ନିଜେତ୍ ଡାବ୍‍କିନ୍ ଆର୍ଶିବାଦ୍‍ତଡ଼୍ କାଲ୍‌ପି ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାନାଦ୍ ଅଣଇହୁଦିଡ଼ାଦ୍ କାମ୍‌ । 
\v 28 ଯିରୁଶାଲେମ୍‍ତାଗ୍ ଆୱୁ ଡାବ୍‍କ୍ ଇସ୍ ନାୟାଦ୍ ପାଡ଼୍‍ୟି ତେର୍‍ସ୍ପ୍‍ତେ ପେର୍କେ, ନାନ୍ ସ୍ପେନ୍ ଦେଶ୍‍ ଆଦ୍‍ତାନ୍ ନୁ ଆର୍‍ଦାଗ୍ ମିକିଂଙ୍କ୍ ଉଡ଼ି ୱାଦ୍‍ତାନ୍ । 
\v 29 ନାନ୍ ପୁତ୍‍ତାନ୍, କ୍ରିଷ୍ଟନାଗାଙ୍କ୍ ସାରେ ଆର୍ଶିବାଦ୍ ପୟ୍‍ସ୍ ନାନ୍ ମିଇ ବକେତ୍ ୱାଦ୍‍ତାନ୍ ।
\p
\v 30 ପ୍ରିୟ ଦାଦାଲଡ଼୍‍ ନୁ ଏଲାସ୍କ୍‍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍‍ତେ ନୁ ପବିତ୍ର ଆତ୍ମା ଇତ୍‍ତେ ପ୍ରେମ ସେଙ୍ଗେ ନାନ୍ ମିକିଂଙ୍କ୍ ଅନୁରଦ୍‌‍ ମାଡ଼ୁତାନ୍, ନା ସେଙ୍ଗେ ବିଶ୍ୱାସ୍‌ତେ ପ୍ରାର୍ତନା ମାଡ଼ାଟ୍ । 
\v 31 ଅବିଶ୍ୱାସୀ ନାରୁଡ଼ାଗାଙ୍କ୍ ନାନ୍ ବେଲା ପବିତ୍ରଆସ୍‌ ସାୟେ ମାନ୍‍ତାନ୍ ନୁ ଯିରୁଶାଲେମ୍‍ତାଗ୍ ନାୟାଦ୍ ପାଡ଼୍‍ୟି ବେଲା ଆଗେ ଇଶ୍ୱର୍‌ତେ ନାରୁଡ଼୍ ପସନ୍ଦ୍ ମାଡ଼ିତଡ଼୍, ଆଦିନ୍‌ସେଙ୍ଗେ ପ୍ରାର୍ତନା ମାଡ଼ମାନୁଟ୍ । 
\v 32 ଇଶ୍ୱର୍‌ତେ ଇଚ୍ଛା ଆତ୍‍କେ, ନାନ୍ ମିଇ ବକେତ୍ ୱେଡ଼୍‍କେତଡ଼୍ ୱାଦ୍‍ତାନ୍ ନୁ ମିଇ ତଡ଼୍ ବେସ୍‍କେ ଦିନା ମାଞ୍ଜ୍ ନା ମନ୍‍ତାଗ୍ ସାର୍‍ଦେ ଆଦ୍‍ତାନ୍ । 
\v 33 ସାର୍‍ରେ ଶାନ୍ତିତଣ୍ଡ୍ ଇଶ୍ୱର୍ ମିଇ ତଡ଼୍ ମାନିଣ୍ଡ୍ । ଆମେନ୍‍ ।
\c 16
\s ପାଉଲ୍‍ତେ ନମସ୍କାର୍‍
\p
\v 1 କେଙ୍କ୍ରେତ୍ ମଣ୍ଡଲିତାଦ୍ ୱେରଡ଼୍ ସେବିକା ଏଲାଡ଼୍‍ତିଙ୍କ୍‍ ଫିବେଙ୍କ୍ ମି ଗାରେ ରଅତୁତାନ୍ । 
\v 2 ପ୍ରବୁନ୍ ପବିତ୍ର ପେଦେର୍‍ତେ ଆଦିଙ୍କ୍ ଗ୍ରହନ୍ ମାଡ଼ି ଇଶ୍ୱର୍‌ତେ ନାରୁଡ଼୍ ଲେକାମ୍ ବ୍ୟବହାର୍‌ ମାଡ଼ାଟ୍ । ଆଦିନ୍ ଦର୍‍କାର୍ ଲେକାମ୍ ସାହାଯ୍ୟ ମାଡ଼ାଟ୍ । ନାୟାଦ୍ ନୁ ନାର୍‍ଗେ ନାରୁଡ଼ାଦ୍ ଆଦ୍ ୱେରଡ଼୍ ଉପ୍‍କାରି ସାଙ୍ଗ ଆଦ୍‍ତେ ।
\p
\v 3 \x + \xo ୧୬:3 \xo*\xt ପ୍ରେରିତ ୧୮:୨.\xt*\x*କ୍ରିଷ୍ଟ ଜିସୁନ୍ ସେବାତାଗ୍ ନା ତଡ଼୍ ପାଡ଼୍‍ୟି ମାଡ଼ାନଣ୍ଡ୍ ପ୍ରିସ୍କିଲା ନୁ ଆକ୍ୱିଲାଙ୍କ୍ ନାୟାଦ୍ ନମସ୍କାର୍ କେଲାଟ୍ । 
\v 4 ଅଡ଼୍‌ ନା ସେଙ୍ଗେ ନିଜେତ୍ ଜିୱୁଣ୍ଡ୍‍ତିଙ୍କ୍ ବିପଦ୍ ମାଡ଼୍‍ତଡ଼୍ । ମାତର୍‌ ନାନେକେ ଆୟନ୍, ସାର୍‍ରେ ଅଣଇହୁଦୀ ମଣ୍ଡଲି ଅଂକିଙ୍କ୍‌ ଦନ୍ୟବାଦ୍‍ ଇଦ୍‍ତା । 
\v 5 ତାମ୍‍ ଲୋନ୍‌ ଗୁଡ଼ମାନ୍ଦାନ୍ ଉପବାସ୍‍ତେ ମଣ୍ଡଲିତିଙ୍କ୍ ମିକା ନାୟାଦ୍ ନମସ୍କାର୍‍ କେତୁତାନ୍ । ନା ପ୍ରିୟ ସାଙ୍ଗ୍ ଏପାଇନେତତିଙ୍କ୍ ନାୟାଦ୍ ନମସ୍କାର୍ କେତିତିଡ଼୍ । ଆସିଆ ପ୍ରଦେଶ୍‍ତାଗ୍ ଅଣ୍ଡ୍‌ ଆଦୁତନ୍ ମୁନେତ୍ କ୍ରିଷ୍ଟ ବିଶ୍ୱାସୀ । 
\v 6 ମିୟାଦ୍ ଲେକେତ୍‍ ସେଙ୍ଗେ ରମକଟ ପାଡ଼୍‍ୟି ମାଡ଼ିମାନ୍ଦାନ୍ ମରୀୟମ୍‍ତିଙ୍କ୍ ନାନ୍ ନମସ୍କାର୍ ମାଡ଼ୁତାନ୍ । 
\v 7 ଆନ୍ଦ୍ରନିକସ୍‌ ନୁ ୟୁନିୟାତିଙ୍କ୍ ନାୟାଦ୍ ନମସ୍କାର୍‍ । ଇଡ଼୍ ଇର୍‍ୱୁଡ଼୍ ଇହୁଦୀଡ଼୍ ନା ତଡ଼୍ ଜେଲ୍‍ଦାଗ୍ ମାତ୍‍ତଡ଼୍ । ନା ମୁନେଙ୍କ୍ ଅଡ଼୍‌ କ୍ରିଷ୍ଟ ଦର୍ମ ଗ୍ରହନ୍ ମାଡ଼ିମାତ୍‍ତଡ଼୍ ନୁ ପ୍ରେରିତ୍ ଶିଷ୍ୟଡ଼ାଗ୍ ଅଡ଼୍‌ ପରିଚିତ୍ ଆସ୍‍ମାତ୍‍ତଡ଼୍ ।
\p
\v 8 ନା ତଡ଼୍ ପ୍ରବୁନ୍ ସାହାଯ୍ୟ ପାଏମ୍ ଆଦାନଣ୍ଡ୍ ନା ପ୍ରିୟ ସାଙ୍ଗ ଆମ୍ପ୍ଲିୟାତ୍‍ତିଙ୍କ୍ ନାୟାଦ୍ ନମସ୍କାର୍‍ । 
\v 9 କ୍ରିଷ୍ଟନ୍ ପାଡ଼୍‍ୟିତାଗ୍ ନା ତଡ଼୍ ପାଡ଼୍‍ୟିମାଡ଼ାନଣ୍ଡ୍ ଉର୍ବାନୋ ନୁ ନା ପ୍ରିୟ ସାଙ୍ଗ ସ୍ତାକିୟତିଙ୍କ୍ ମିକା ନାୟାଦ୍ ନମସ୍କାର୍ କେଲାଟ୍‍ । 
\v 10 କ୍ରିଷ୍ଟନ୍ ବିଶ୍ୱାସ୍‍ତେ ଦାସ ଆପେଲା ନୁ ଆରିସ୍ତବୁଲନ୍ ଲୋତ୍‍ତେ ସାର୍ରେତଡ଼୍‍କିଙ୍କ୍ ନାୟାଦ୍ ନମସ୍କାର୍‍ କେତିତିଡ଼୍‍ । 
\v 11 ନା ନିଜେତ୍ ଗୋଷ୍ଠୀତଣ୍ଡ୍ ହେରୋଦିୟନ୍ ନୁ ନାରସିସନ୍ ପରିବାର୍‍ତେ କ୍ରିଷ୍ଟିୟାନ୍ ଦାଦାଲଡ଼୍‍କିଙ୍କ୍ ମିକା ନାୟାଦ୍ ନମସ୍କାର୍‍ ।
\p
\v 12 ପ୍ରବୁନ୍ ସେବା ମାଡ଼ାନଣ୍ଡ୍ ତ୍ରିଫେନା ନୁ ତ୍ରିଫୋସାଙ୍କ୍ ନୁ ପ୍ରବୁନ୍ ସେଙ୍ଗେ ଗାଟି ପାଡ଼୍‍ୟି ମାଡ଼ିମାନ୍ଦାନ୍ ପ୍ରିୟ ପର୍ଶିସତିଙ୍କ୍ ନାୟାଦ୍ ନମସ୍କାର୍ କେଲାଟ୍‍ । 
\v 13 \x + \xo ୧୬:୧3 \xo*\xt ମାର୍କ ୧୫:୨୧.\xt*\x*ପ୍ରବୁନ୍ ଦାସ୍ ରୁଫସ୍ ନୁ ନା ୟାୟ୍‍ ଲେକାମ୍ ତାମ୍ ୟାୟାଙ୍କ୍ ମିକା ନାୟାଦ୍ ନମସ୍କାର୍ କେଲାଟ୍‍ । 
\v 14 ଆସୁଙ୍କ୍ରି, ଫ୍ଲେଗୋନ୍, ହର୍ମୀସ୍, ପାତ୍ରବା, ହର୍‍ମାସ୍ ନୁ ଅଡ଼୍‌ ତଡ଼୍ ମାନ୍ଦାନ୍ କ୍ରିଷ୍ଟିୟାନ୍‍ ଦାଦାଲଡ଼୍ ଏଲାଡ଼୍‍କିଙ୍କ୍ ନାୟାଦ୍‍ ନମସ୍କାର୍‍ କେଲାଟ୍‍, 
\v 15 ଫିଲଲୋଗ ନୁ ଯୁଲିୟା, ନୀରୁସ୍ ନୁ ତାନ୍ ଏଲାଡ଼୍‍ ନୁ ଆଲୁମ୍ପା ମେଣ୍ଡେ ତାମ୍‍ତଡ଼୍‍ ମାନ୍ଦାନ୍‍ ସାର୍ରେ ସାଦୁ ନାରୁଡ଼୍‍କିଙ୍କ୍ ନାୟାଦ୍ ପବିତ୍ର ନମସ୍କାର୍‍ କେତିତିଡ଼୍ ।
\p
\v 16 ମିଇ ମି ଲୋପେ ଦାଦାଲ୍‍ତାମୁଣ୍ଡ୍ କ୍ରିଷ୍ଟିୟାନ୍‍ ପବିତ୍ର ପ୍ରେମ୍‍ତଡ଼୍‍ ନମସ୍କାର୍‍ ମାଡ଼ାଟ୍ । କ୍ରିଷ୍ଟନ୍ ସାର୍‍ରେ ମଣ୍ଡଲି ମିକିଂଙ୍କ୍ ନମସ୍କାର୍ ମାଡ଼ୁତା ।
\s ପାଉଲ୍‍ତେ ମାଡ଼େଙ୍କ୍‌ତାଦ୍ ନିର୍ଦେଶ୍
\p
\v 17 ଦାଦାଲଡ଼ି ନୁ ଏଲାସ୍କ୍‍, ବିନତି ମାଡ଼ୁତାନ୍, ମିଡ଼୍ ଗ୍ରହନ୍ ମାଡ଼୍‍ତେ ଶିକ୍ଷାତିଙ୍କ୍‍ ବିରଦ୍ ମାଡ଼ି ବେନଡ଼୍ ମିଇ ଲୋପେ ଗଲ୍‍କ୍ ତିୟାର୍ ମାଡ଼ାନଙ୍କ୍ ଆଲ୍‍ସି ମାଡ଼ିତନ୍, ଅଡ଼୍‌ଆଗାଙ୍କ୍‌ ଜେକେ ମାନୁଟ୍ । 
\v 18 ବେନଡ଼୍ ଇଦ୍ ରକମ୍ ପାଡ଼୍‍ୟିତାଗ୍ ଦାନ୍ଦେ ମାନ୍‍ତଡ଼୍, ଅଡ଼୍‌ ପ୍ରବୁ ଜିସୁ କ୍ରିଷ୍ଟନ୍ ସେବା ମାଡ଼ଡ଼୍‍, ଅଡ଼୍‌ ତାମ୍ ନିଜେତ୍ ଲାଲସା ମେନ୍ଦୁଲ୍ ଲେକାମ୍ ମାଡ଼ାନଙ୍କ୍ ମାନ୍‍ତଡ଼୍ । ଚାଲାକ୍ ଗଟ୍‍ତଡ଼୍ ନୁ ମିଚ୍ ଗଟ୍‍ତଡ଼୍ ଅଡ଼୍‌ ନିରୀହ ନାରୁଡ଼୍‍କିଂଙ୍କ୍ ତିପାଲ୍ ମାଡ଼ିତଡ଼୍ । 
\v 19 ସାୟେତାଦ୍‍ କାବୁର୍ ସେଙ୍ଗେ ମିୟାଦ୍ ବିଶ୍ୱାସ୍ ସାର୍ରେତଡ଼୍ କେଞ୍ଜ୍‍ତଡ଼୍, ଆଦିନ୍ ସେଙ୍ଗେ ନାନ୍ ସାର୍‍ଦେ ମିନ୍ଦେନ୍ । ନାନ୍ ଚାଏମ୍ ଆଦୁତାନ୍, ମିଡ଼୍ ନିଜାମ୍ ବିଷୟ୍‍ତେ ଜ୍ଞାନି ଆୟ୍‍ମୁଟ୍ ନୁ ମିଚ୍ ବିଷୟ୍‍ତାଗ୍ ମାନ୍‍ମାଟ୍ । 
\v 20 ଆଲାଇତ୍କେ, ଶାନ୍ତିତଣ୍ଡ୍ ଇଶ୍ୱର୍ ସିଟ୍‍ପାଟ୍ ଶୟ୍‍ତାନ୍‍ତିଙ୍କ୍ ମିୟାଦ୍ ଡେକେତ୍ ମଦଲ୍ ମାଡ଼ିତନ୍ । ପ୍ରବୁନ୍ ଅନୁଗ୍ରହ୍ ମିଇ ତଡ଼୍ ମାନି । ଆମେନ୍‌ ।
\p
\v 21 \x + \xo ୧୬:୨୧ \xo*\xt ପ୍ରେରିତ ୧୬:୧.\xt*\x*ନା ତଡ଼୍ ପାଡ଼୍‍ୟି ମାଡ଼ାନଣ୍ଡ୍ ତିମତୀ ନୁ ମାନ୍‍ ଇହୁଦୀ ଦାଦାଲଡ଼୍ ଲୁକିୟ, ଯାସୋନ ନୁ ସୋସିପାତ୍ର ମିକିଂଙ୍କ୍ ନମସ୍କାର୍ ମାଡ଼ୁତଡ଼୍ ।
\p
\v 22 ନାନ୍‍ ତର୍ତ୍ତିୟ ପାଉଲ୍‍ତେ ସେଙ୍ଗେ ଇଦ୍ ଚିଟିତେ ଲେକ୍‍ତେନନ୍‌ ପ୍ରବୁନ୍ ପେଦେର୍‍ତେ ମିକିଂଙ୍କ୍ ନମସ୍କାର୍ ମାଡ଼ୁତଣ୍ଡ୍ ।
\p
\v 23 \x + \xo ୧୬:୨3 \xo*\xt ପ୍ରେରିତ ୧୯:୨୯; ୧ କରନ୍ତିୟ ୧:୧୪; \xt*\xt ୨ ତୀମତି ୪:୨୦.\xt*\x*ନା କୁଟ୍‍ମାମ୍‍ତଣ୍ଡ୍‍ ଗାୟସ୍‍, ବେନନ୍ ଲୋନ୍‌ ଉପାସକଡ଼୍ ଗୁଡ଼ିତଡ଼୍ ମେଣ୍ଡେ ଇଦ୍ ନଗରୀତଣ୍ଡ୍ ଗୁଦାମ୍‍ ଅଦକ୍ଷ ଏରାଷ୍ଟ ନୁ ତାମୁଣ୍ଡ୍ କ୍ୱାର୍ତ୍ତ ମିକା ମିକିଂଙ୍କ୍ ନମସ୍କାର୍‍ ମାଡ଼ୁତଡ଼୍ । 
\v 24 ପ୍ରବୁ ଜିସୁ କ୍ରିଷ୍ଟନ୍ ଅନୁଗ୍ରହ୍ ମିଇ ସାର୍ରେତଡ଼୍‍କିଙ୍କ୍ ଆୟି ।
\s ପ୍ରାର୍ତନା ନୁ ପ୍ରସଂଶା ତଡ଼୍ ଚିଟି ତେର୍‍ତେ
\p
\v 25 ୱାଡ଼ାଟ୍, ଇଶ୍ୱର୍‌ତିଙ୍କ୍ ଗୌରବ୍ ମାଡ଼ିତାଡ଼୍ । ନାନ୍ ପ୍ରଚାର୍ ମାଡ଼ମାନ୍ଦାନ୍ ଜିସୁ କ୍ରିଷ୍ଟନ୍ ବିଷୟ୍‍ତେ ସାୟେତ୍ କାବୁର୍ ନୁ ଯୁଗ୍‍ଯୁଗ୍ ପୟ୍‍ସ୍ ମିଞ୍ଜିମାନ୍ଦାନ୍ ଲୋପେତ୍ ତଥ୍ୟ ଲେକାମ୍ ମିୟାଦ୍ ବିଶ୍ୱାସ୍‍ତିଙ୍କ୍ ଗାଡ଼୍‍ସ୍ ନେଃଏସ୍ ମାନ୍ଦାନ୍ ସେଙ୍ଗେ ଇଶ୍ୱର୍ ପାର୍‍ଦ୍‍ତଣ୍ଡ୍ । 
\v 26 ଆଦିଙ୍କ୍‍ ଆୱୁ ଲୋପେତ୍ ବିଷୟ ସାର୍ରେ ବାବବାଦିଡ଼୍ ଶାସ୍ତ୍ରତାଗ୍ ତଅନ୍‌ଦିମିନ୍ଦେ ମେଣ୍ଡେ ଆଦ୍ ଇଞ୍ଜେ ସାରେଦିନାତ୍ ପ୍ରବୁ ଇଶ୍ୱର୍‌ତଡ଼୍ ସାର୍‍ରେ ନାରୁଡ଼୍‍ ଲପେ ପ୍ରଚାର୍ ଆଦୁତ୍‍ତେ । ଇଦିନ୍‍ତଡ଼୍ ସାର୍ରେତଡ଼୍ ବିଶ୍ୱାସ୍ ମାଡ଼ି ଇଶ୍ୱର୍‌ତେ ନିୟମ୍ ପାଲନ୍ ମାଡ଼େ ପାର୍‍ଦ୍‍ତଡ଼୍ ।
\p
\v 27 ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ସାର୍‍ରେ ପୁତ୍‍ତେନଣ୍ଡ୍ ୱେରଣ୍ଡେ ଇଶ୍ୱର୍ ଯୁଗ୍‍ଯୁଗ୍ ଗୌରବ୍ ଆୟିଣ୍ଡ୍ । ଆମେନ୍‍ ।