\id REV - Koya
\ide UTF-8
\h ପ୍ରକାଶିତ୍‌ ବାକ୍ୟ
\toc3 ପ୍ରକାଶିତ୍‌ ବାକ୍ୟ
\toc2 ପ୍ରକାଶିତ୍‌ ବାକ୍ୟ
\toc1 ଯୋହନ୍‌‌ ଲେକ୍‍ତାଦ୍‍ ପ୍ରକାଶିତ୍‌ ବାକ୍ୟ
\mt2 ଯୋହନ ଲିଖିତ ପ୍ରକାଶିତ ବାକ୍ୟ
\mt1 ଯୋହନ୍‌‌ ଲେକ୍‍ତାଦ୍‍ ପ୍ରକାଶିତ୍‌ ବାକ୍ୟ
\imt ପ୍ରକାଶିତ୍‍ ବାକ୍ୟ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ପ୍ରକାଶିତ ବାକ୍ୟ ପୁଃନେ ନିୟମ୍‍ତେ ମାରେଙ୍ଗ୍‍ ବଇ । ଇଦ୍‍ ମିକା ଯୋହନ୍‌‌ ତଡ଼୍ ଲେକା ଜିସୁକ୍ରିଷ୍ଟନ୍ ଜନମ୍‍ତେ ଗାରେଗାରେ ୯୫ କ୍ରିଷ୍ଟାଦ୍ଦତେ ଲେକା ଆସ୍‍ମାତ୍‍ତେ \xt ୧:୧\xt* । ଅଣ୍ଡ୍‌ ଯୋହନ୍‌ ସୁସମାଚାର୍‍ତେ ମୁଣ୍ଡ୍ ଚିଟି ମୁନେ ଲେକା ଆସ୍‍ମାତ୍‍ତେ ଇୱୁ ୧ ଯୋହନ୍‌, ୨ ଯୋହନ୍‌, ୩ ଯୋହନ୍‌ । ଯୋହନ୍‌ ଅଙ୍କ୍‌ ଜିସୁ ନାର୍ଗେ ବଲ୍‍ପାଏମ୍‍ ଆସମାତ୍‌ତନ୍ ଇଞ୍ଜ ମିକା ପୁନ୍ଦାନଙ୍କ୍ ଅଦୁତ୍ \xt ଯୋହନ୍‌‌ ୧୩:୨୩\xt* । ଯୋହନ୍‌ ଆଇସ୍‍ଲାଣ୍ଡ୍‍ତେ ପାତ୍‍ମସ୍ ତାଗ୍ ମାନ୍ଦାନ୍‍ ୱେଲେ ଇଦ୍‍ ପ୍ରକାଶିତ ବାକ୍ୟ ଲେକିମାତ୍‍ତନ୍ । ବାତେଙ୍କ୍‍ଇତ୍‍କେ ଜିସୁ କ୍ରିଷ୍ଟନ୍ ସୁସମାଚାର୍ ପ୍ରଚାର୍ ସେଙ୍ଗେ ଅଂକିଙ୍କ୍‌ ଆଗେ ରସ୍‍ ମାତ୍‍ତଡ଼୍ \xt ୧:୯ \xt*।
\ip ଜିସୁନ୍ ୱାଦାନ୍ ସମୟ ହେଉସ୍‍ ମାନାଙ୍କ୍ ଜିସୁ କ୍ରିଷ୍ଟନାଗ୍ ବିଶ୍ୱସ୍ତ ମାନ୍ଦାନଙ୍କ୍ କାର୍‍ତାନଡ଼୍‍କିଙ୍କ୍ ସାହାସ୍‍ ନୁ ଆଶେ ଇଦାନ୍‍ ସେଙ୍ଗେ ଯୋହନ୍‌ ଇଦ୍‍ ପ୍ରକାଶିତ୍‍ ବାକ୍ୟ ଲେକ୍‍ତଣ୍ଡ୍ \xt ୧:୩; ୨୨:୭\xt* । ଅଣ୍ଡ୍‌ ସାରେ ବିଶ୍ୱାସି ମେଣ୍ଡେ ନିଜର୍ ଇଚାପ୍‍ତେ ସାତ୍‍ଟାନ୍ ମଣ୍ଡଲିକିଙ୍କ୍ ଇଦ୍ ଲେକ୍‍ତଣ୍ଡ୍ \xt ୨–୩\xt* । ଯୋହନ୍‌ ତାନ୍‍ଲେକ୍‍ତାଦ୍ ବାବବାଣି \xt ୧:୩ \xt*ମେଣ୍ଡେ ଅଣ୍ଡ୍‌ ଉଡ଼ିମାନ୍ଦାନ୍ ନାର୍ଗେ ଆକୃତୀ ବିଷୟତେ ଲେକ୍‍ତଣ୍ଡ୍ । ଇଦ୍ ବଇତେ ବେସ୍‌କ୍ ଜାଗାନାଗ୍ ପାଃନ୍ତେ ବଇତେ ବେସ୍‌କ୍ ଜାଗେତଡ଼୍‍ ସାମାନ୍ ମିନ୍ଦେ, ଆଦ୍‍ଲେକାମ୍ ଜିକରିୟ \xt ୬:୧-୮\xt* ତାଗ୍ ଉଡ଼ିତମ୍ ।
\ip ଆଉ ଆଦୁତେ ସାତ୍‍ଟାନ୍ ମହାମାରି ମେଣ୍ଡେ ସାତ୍‍ଟାନ୍ ଗିନା ବେଗେ ଇଶ୍ୱର୍‍ ମିସର୍‌ତେ ନାରୁଡ଼୍‍କ୍‍ ଦଣ୍ଡ୍‍ ଇଦାନ୍ ସେଙ୍ଗେ ମହାମାରୀ ରଅତିତଣ୍ଡ୍ \xt ଯାତ୍ରା ୭–୯ \xt* । ପ୍ରକାଶିତ ବାକ୍ୟ ମାଡ଼େଙ୍ଗ୍ ସମୟ ତତିତେ ଜିସୁ ମାଡ଼େଙ୍ଗ୍ ଜିଡ଼ିତଣ୍ଡ୍ ମେଣ୍ଡେ ବେନଡ଼୍ ଅନାଗ୍ ନିର୍ବର୍ ମାଡ଼ିତଡ଼୍ ଅଡ଼୍‌ ସାରେ ଦାମ୍ ଅନ୍‌‍ତଡ଼୍ ମାନ୍‍ତଡ଼୍ । ଇଦ୍ ବଇ ମିକିଙ୍କ୍ ସତର୍କ ମାଡ଼ିଦ୍‍ତେ ମେଣ୍ଡେ ଆଶେ ଇଦ୍‍ତେ ଯେ, ଜିସୁ ଚିଟ୍‍ପାଟ୍ ମାଲ୍‌ସ୍‌ୱାଦୁତଣ୍ଡ୍ ।
\iot ବଇତ୍‍ ଲୋପେ ମାନ୍ଦାନ୍ ମୁକ୍ୟ ବିଷୟ
\io1 ୧. ଯୋହନ୍‌‌ତେ ପରିଚୟ ମେଣ୍ଡେ ତାନ୍ ବବିଶ୍ୟତ୍ ଦର୍ଶନ୍ । \ior ୧:୧-୨୦\ior*
\io1 ୨. ଜିସୁକ୍ରିଷ୍ଟନ୍ ନାଗାଙ୍କ୍ ସାତ୍‍ଟାନ୍ ମଣ୍ଡଲି ସେଙ୍ଗେ ଯୋହନ୍‌‌ତେ ଗଟ୍ । \ior ୧:୧–୩:୨୨ \ior*
\io1 ୩. ସାତ୍‍ଟାନ୍ ରୁପି \ior ୪:୧–୮:୫\ior* ସାତ୍‍ଟାନ୍ ମୟିର୍ ବିଷୟତେ ଲେକ୍‍ତଣ୍ଡ୍ । \ior ୮:୬–୧୧:୧୯\ior*
\io1 ୪. ମାର୍‍ ମାୟାସ୍କ୍‌ ମେଣ୍ଡେ ସାତ୍‍ଟାନ୍ ତାଲେ ମାନ୍ଦାନ୍ ପାଃନ୍ତେ ତାଡ଼ାମ୍ ତଡ଼୍ ଯୁଦ୍‌ । \ior ୧୨:୧–୧୪:୨୦ \ior*
\io1 ୫. ସାତ୍‍ଟାନ୍ କପାମ୍ ଗିନା ବିଷୟତେ ଲେକ୍‍ତଣ୍ଡ୍ । \ior ୧୫:୧–୧୬:୧୮\ior*
\io1 ୬. ଇଶ୍ୱର୍ ସ୍ୱର୍ଗତାଗ୍ ତାନ୍ ଶତ୍ରୁଙ୍କ୍ ଜିଡ଼ିତଣ୍ଡ୍ । \ior ୧୭:୧–୨୦:୧୫\ior*
\io1 ୭. ପୁଃନାଦ୍ ସ୍ୱର୍ଗ ନୁ ପୁଃନାଦ୍ ପୃତିବି । \ior ୨୧:୧–୨୨:୨୧\ior*
\c 1
\p
\v 1 ବାତ୍‍ସାରେ ଯାପେ ଗଟେମ୍‍ ଆଦାଙ୍କ୍ ଅଦୁତ୍, ଇଶ୍ୱର୍ ଜିସୁ କ୍ରିଷ୍ଟନ୍ ପାକେ କେସ୍‍ମାନ୍ଦାନ୍ ଅନାଦ୍‌ ୱେରଡ଼୍ ବିବରଣି ଇଦ୍ ବଇତାଗ୍ ଲେକାଆତ୍‍ତେ । ଆଦ୍‍ ସାରେ ବିଷୟ ତାନ୍ ଦାସନଡ଼୍‍କ୍ କେତାନ୍ ସେଙ୍ଗେ କ୍ରିଷ୍ଟ ୱେରଣ୍ଡ୍ ସ୍ୱର୍ଗଦୂତଙ୍କ୍ ରସ୍‍ମିକା ତାନ୍ ଦାସ ଯୋହନ୍‌‌ତିଙ୍କ୍‌ ଆଦ୍ କେତ୍‍ତଡ଼୍‍ । 
\v 2 ମେଣ୍ଡେ ଯୋହନ୍‌‌ ନିଜେ ବାତ୍ ସାରେ ଉଡ଼୍‍ତନ୍, ଆଦ୍ ଇଗେ କେସ୍‍ମିନ୍ଦେନ୍ । ଇଦ୍ ବଇତାଗ୍ ଇଶ୍ୱର୍‌ତେ ଗଟ୍ ନୁ ଜିସୁ କ୍ରିଷ୍ଟଟନ୍ ତଡ଼୍ ପ୍ରକାସିତ୍ ସତ୍ୟ ବାକ୍ୟ ଲେକା ଆତ୍‍ତେ । 
\v 3 ବେନ୍ ନାରୁଣ୍ଡ୍ ଇଦ୍ ବଇ କାର୍‍ତିତନ୍ ନୁ ବେନଡ଼୍ ଇଗେ ପ୍ରକାସିତ୍ ବବିଷ୍ୟତ୍‌ ଗଟି କେଞ୍ଜି ଆଦ୍ କେତ୍‍ତେ ଲେକାମ୍ ପାଲନ୍ ମାଡ଼ିତନ୍, ଅଡ଼୍‌ ବାସ୍ତବିକ୍ ବାଗ୍ୟବାନ, ଇତ୍କେ ଆଦ୍‍ ସାରେ ଗଟେମ୍ଆଦାନ୍ ସମୟ ଏୱୁତେ ।
\s ସାତ୍‍ଟାନ୍ ମଣ୍ଡଲିକିଙ୍କ୍ ନମସ୍କାର୍‍
\p
\v 4 \x + \xo ୧:୪ \xo*\xt ପ୍ରକାଶିତ୍‌ ବାକ୍ୟ ୪:୫.\xt*\x*ଯୋହନ୍‌ ଏସିଆ ପ୍ରଦେଶ୍‌ତାଗ୍ ମାନ୍ଦାନ୍ ସାତ୍‍ଟାନ୍ ମଣ୍ଡଲିକିଙ୍କ୍ ନମସ୍କାର୍‍ କେତୁତଣ୍ଡ୍‍ । ବବିଷ୍ୟତ୍‌, ମୁନେତ୍ ନୁ ଇଞ୍ଜେତାଦ୍ ଜିୱେମାନ୍ଦାନ୍ ଇଶ୍ୱର୍‍, ତାନ୍ ସିଂହାସନ୍ ମୁନେ ସାତ୍‍ଟାନ୍ ଆତ୍ମା, 
\v 5 ଡଲ୍‍ତାଗାଙ୍କ୍ ମେଣ୍ଡେ ପୁନରୁତ୍‍ତିତ୍ ସାରେଦାମ୍ ମୁନେ, ବିଶ୍ୱାସ୍ତେ ସାକ୍ଷଦାତାଲ୍‌ ନୁ ପୃତିବିତେ ରାଜାଦିରାଜା ଜିସୁ କ୍ରିଷ୍ଟଟନ୍ ଅନୁଗ୍ରହ ନୁ ଶାନ୍ତି ମିଇ ପରୁ ଆୟି । ଅଣ୍ଡ୍‌ ମାନାଙ୍କ୍ ପ୍ରେମ ମାଡ଼ୁତନ୍ ନୁ ଅନ୍‌ ଡଲ୍‍ତାଦିନ୍‍ତ ମାନାଙ୍କ୍ ପାପ ତାଗାଙ୍ଗ୍ ପରିତ୍ରାନ୍ ମାଡ଼୍‍ତନ୍ । 
\v 6 \x + \xo ୧:୬ \xo*\xt ପ୍ରକାଶିତ୍‌ ବାକ୍ୟ ୫:୧୦.\xt*\x*ତାମ୍ ବାବାଲ୍ ଇଶ୍ୱର୍‌ତେ ସେବା ମାଡ଼ାନ୍ ସେଙ୍ଗେ ମାନାଙ୍କ୍ ଅଣ୍ଡୟ୍‌ ଯାଜକ ବଂଶ ମାଡ଼୍‍ତନ୍ । ସାରେ ଗଉରବ୍ ନୁ ପରାକ୍ରମ୍ ସାରେଦିନାମ୍ ଜିସୁ କ୍ରିଷ୍ଟନାଦ୍ ଆୟି ଆମେନ୍‍ ।
\p
\v 7 \x + \xo ୧:୭ \xo*\xt ମାତିଉ ୨୪:3୦; ମାର୍କ ୧3:୨୬; ଲୁକ ୨୧:୨୭; ୧ ଥେସଲନିୟ ୪:୧୭; \xt*\xt ଯୋହନ୍‌‌ ୧୯:3୪,3୭; \xt*\xt ମାତିଉ ୨୪:3୦.\xt*\x*ଉଡ଼ାଟ୍, ଅଣ୍ଡ୍‌ ମୟଲ୍‍ତାଗେ ୱାସମିନ୍ଦେନ୍ ପୃତିବିତେ ସାରେତଡ଼୍ ଅଙ୍କ୍‌ ଉଡ଼ିତଡ଼୍; ଇଦ୍‍ଲେକାମ୍ ଯେ ବେନଡ଼୍ ଅଙ୍କ୍‌ ୱିଡ଼୍‍ସି ମାତ୍‍ତଡ଼୍, ଅଡ଼୍‌‍ଆନ୍ତେ ଅଙ୍କ୍‌ ଉଡ଼ି ୱେର୍‍ସ୍‍ ମିକା କେୟିତଡ଼୍‍ । ଇଦ୍‍ଚାରେ ନିଜାମ୍ ଗଟେମ୍ ଆଦ୍‍ତେ । ଆମେନ୍‍ ।
\p
\v 8 \x + \xo ୧:୮ \xo*\xt ପ୍ରକାଶିତ୍‌ ବାକ୍ୟ ୨୨:୧3.\xt*\x*ପ୍ରବୁ ସାରେତିଙ୍ଗ୍ ଶକ୍ତିମାନ୍ ଇଶ୍ୱର୍ କେତିତନ୍, “ନାନେ ଆରାମ୍‍ ନୁ ମାଡ଼େଙ୍ଗ୍‍,” ଅଣ୍ଡ୍‌ ମୁନେଙ୍କ୍ ମାତ୍‍ତନ୍, ମେଣ୍ଡେ ଇଞ୍ଜେବା ମିନ୍ଦେନ୍, ମେଣ୍ଡେ ବବିଷ୍ୟତ୍‌ତେ ୱାଦ୍‍ତନ୍ ।
\s କ୍ରିଷ୍ଟ ତନ୍ଦ୍‍ତଣ୍ଡ୍‍
\p
\v 9 ନାନେ ଯୋହନ୍‌, ମିଇ ୱେରନ୍ ଦାଦାନ୍, ଜିସୁନ୍ ଶିଷ୍ୟ ଲେକାମ୍ ତାନ୍ ରାଜ୍ୟତେ ନାରିଡ଼୍ ପରୁ ଆସମାନ୍ଦାନ୍ ଦରାତ୍ମ୍ୟ ଦର୍ଯ୍ୟତେ ସହ୍ୟ ମାଡ଼୍‍ନଙ୍କ୍ ନାନେ ମିୟାଦ୍ ୱେରନ୍ ବାଗିଦାର୍‍ । ଜିସୁ କେସ୍‍ମାନ୍ଦାନ୍ ସତ୍‍ ନୁ ଇଶ୍ୱର୍‌ତେ ବାକ୍ୟ କେତାନ୍‍ ସେଙ୍ଗେ ନାନେ ପାତ୍‍ମସ୍ ଗପ୍‍ତାଗ୍‍ ବନ୍ଦିଆସ୍‍ ଆଞ୍ଜ୍‍ମାତ୍‍ତାନ୍‍ । 
\v 10 ପ୍ରବୁନ୍ ଦିନାମ୍‍ତେ ପବିତ୍ରଆତ୍ମା ନାୟାଗ୍ ୱାତ୍‍ତେ ନୁ ନା ପେର୍କେତ୍‍ପାକ୍ ତୁରି ଲେଙ୍ଗ୍‍ ଇନା ଗାଟିଲେଙ୍ଗ୍ କେଞ୍ଜ୍‍ତାନ୍ । 
\v 11 ବେନମାତି ନାକ୍ କେତ୍‍ତନ୍, “ମିଡ଼୍ ବାତ୍ ଉଡ଼ୁତିଡ଼୍, ଆଦ୍ ୱେରଡ଼୍ ବଇତାଗ୍ ଲେକିୱାଟେ ନୁ ଏପିସସ୍‍, ସ୍ମର୍ଣ୍ଣା, ପର୍ଗାମମ୍‍, ତୁୟଟୀରା, ସାର୍ଦ୍ଦିସ୍‍, ପିଲାଦେଲ୍‍ଫିଆ ନୁ ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିକିଙ୍କ୍ ବଇତିଙ୍କ୍‍ ରହସିମୁଟ୍ ।” \fig ଏସିଆତାଗ୍ ମାନ୍ଦାନ୍ ସାତ୍‍ଟାନ୍‍ ମଣ୍ଡଲି |alt="Map of seven churches in Asia" src="hk00378c.tif" size="span" copy="Horace Knowles ©" ref="୧:୧୧"\fig*
\p
\v 12 ବେନ ନା ତଡ଼୍ ଗଟି କେତ୍‍ତନ୍, ଉଡ଼ାନଙ୍କ୍ ନାନେ ପେର୍କେ ମାଲ୍‍ସ୍‍ ଉଡ଼୍‍ତାନ୍, ସାତ୍‍ଟାନ୍ ସୁନାତାୱୁ କୁପି, 
\v 13 ନୁ କୁପିତ୍‍ ନାଡ଼୍‍ମେ ନାରିନ୍ ପିଲେ ଲେକାମ୍ ୱେରଣ୍ଡ୍ । ଅନ୍‌ ଚକା ଡେକେ ଏୱୁନା ମାନ୍ଦାନ୍‍ ଲାଟିଲାଦ୍‍ ସକେ ନୁ ଅନ୍‌ ଗୁଣ୍ଡେତାଗ୍‍ ଅଣ୍ଡୟ୍‌‍ ସୁନାତାଦ୍‍ ଗୁଣ୍ଡେତାଗ୍‍ କେର୍‍ଦାନାଦ୍‍ । 
\v 14 ଅନ୍‌ ତାଲେତ୍ କେଲ୍‍କ୍ ନୁଲ୍‍ ନୁ ବରପ୍‍ ଲେକାମ୍ ପାଣ୍ଡ୍ରି ମାତ୍‍ତା ନୁ ଅନ୍‌ କଣ୍ଡା କିସ୍‍ ଲେକାମ୍ ନିଡ଼୍‍ସ ମାତ୍‍ତା । 
\v 15 ଅନ୍‌ ଡେକା ରେଣ୍ଡ୍ କିସ୍‍ତାଗ୍‍ କାଣ୍ଟି ପିତଳ ଲେକାମ୍ ଜିଗ୍‍ଜାଗ୍ ତଅନ୍‌ଦମାତ୍‍ତା ନୁ ଅନ୍‌ କେତାନ୍ ଲେଙ୍ଗ୍ ପରକଞ୍ଚ୍‍ ରାଲାନାଦ୍‍ ଏର୍‍ ଲେକାମ୍ ଲେଙ୍ଗ୍‍ ଆସମାତ୍‍ତେ । 
\v 16 ଅଣ୍ଡ୍‌ ତାନ୍ ତିନ୍ଦେକାଇଦେ ପାକେ ସାତ୍‍ଟାନ୍ ଉକାମ୍‍ ପଇସ୍‍ ମାତ୍‍ତନ୍ ନୁ ୱେରଡ଼୍ ଗାଟି ୱାୟେ ମାନ୍ଦାନ୍ ଚୁର୍‌ ଅନ୍‌ ମକତାଗାଙ୍କ୍ ପେୟ୍‍ତେ । ଅନ୍‌ ମକମ୍, ପାୟାଲ୍‍ତାଦ୍‍ ପଡ଼୍‍ଦ୍ ଲେକାମ୍ ଗାଟିୱେସ୍‍ ମାତ୍‍ତେ । 
\v 17 \x + \xo ୧:୧୭ \xo*\xt ପ୍ରକାଶିତ୍‌ ବାକ୍ୟ ୨:୮; ୨୨:୧3.\xt*\x*ଅଙ୍କ୍‌ ଉଡ଼୍‍ତେ ସାଙ୍ଗେ ସାଙ୍ଗେ ନାନେ ଚିମ୍‍କାସ୍‍ ଅନ୍‌ ଡ଼େକାନ୍ ମଦଲ୍ ରାଲ୍‍ତାନ୍ । ଅଣ୍ଡ୍‌ ତାନ୍ ଡ଼େବେକାଇ ନା ପରୁ ୱାଟି କେତ୍‍ତନ୍, “ୱେର୍‍ମା, ନାନେ ଆରାମ୍ ନୁ ମାଡ଼େଙ୍ଗ୍‍ ।” 
\v 18 ନାନେ ଜିୱୁଣ୍ଡ୍‍ ମାନ୍ଦାନଣ୍ଡ୍‍; ଡଲିମାତ୍‍ତାନ୍, ଇତ୍‍କେ ନାନେ ଇଞ୍ଜେ ଜିୱେ ମିନ୍ଦେନ୍‍, ଅନନ୍ତ କାଲ ଜିୱେ ମାନ୍‍ତାନ୍ । ଡଲାନାଦ୍ ନୁ ନର୍କତାଦ୍‍ କୁଚ୍‍କାଇ ନା କାୟ୍‍ଦାଗ୍‍ ମିନ୍ଦେ ।
\p
\v 19 ଆଦିଙ୍କ୍ ନିମେ ବେନ୍‍ସାରେ ବିଷୟ ଉଡ଼ୁତିନ୍, ବେନ୍ ସାରେ ବିଷୟ ଇଞ୍ଜେ ଗଟେମ୍ ଆଦ୍‍ତା ନୁ ବାତ୍‍ ସାରେ ବବିଷ୍ୟତ୍‌ତେ ଗଟେମ୍‍ ଆଦ୍‍ତା, ଆଦ୍ ଲେକି ୱାଟାଟ୍‍ । 
\v 20 ନାୟାଦ୍ ଡେବେକାଇଦାଗ୍ ମାନ୍ଦାନାୱ୍ ସାତ୍‍ଟାନ୍ ଉକାମ୍‍ ନୁ ସାତ୍‍ଟାନ୍ ସୁନାତାୱୁ ଦୀପନ୍‍ ଅର୍ତ ଆଦୁତ୍‍, ସାତ୍‍ଟାନ୍ ଉକାକ୍‍ ମଣ୍ଡଲିତେ ଦୂତ ନୁ ସାତ୍‍ଟାନ୍ କୁପି ଆଦୁତେ ମଣ୍ଡଲି ।
\c 2
\s ଏପିସସ୍‍ ମଣ୍ଡଲିତାଗ୍‍ ଜିସୁନ୍‍ ଗଟ୍
\p
\v 1 “ଏପିସସ୍ ମଣ୍ଡଲିତେ ଦୂତନ୍ ପାକେ ଲେକାଟ୍; ବେନନ୍ ତିନ୍ଦେକାଇଦେ ପାକେ ସାତ୍‍ଟାନ୍ ଉକାକ୍‍ ନୁ ବେନ ସାତ୍‍ଟାନ୍ ସୁନାତାୱୁ କୁପି ନାଗେ ଆଦାୱାଦ୍‍ ମାଡ଼ିତନ୍, ଅନାଦ୍‌ ଇଦ୍ ଗଟ୍ ।” 
\v 2 ମିୟାଦ୍ କାମ୍‍ ମାଡ଼୍‍ତାଦ୍, କଷ୍ଟ ଆତ୍‍ତେ ପରିଶ୍ରମ୍ ନୁ ଦର୍ଯ୍ୟ ବିଷୟ ନାନେ ପୁତ୍‍ତାନ୍ । ନାନେ ମିକା ପୁତ୍‍ତାନ୍ ଯେ, ମିଇ କାରାପ୍‍ ପାଡ଼୍‍ୟି ମାଡ଼ାନଡ଼୍‍କିଙ୍କ୍ ସହ୍ୟ ମାଡ଼୍‍ପାର୍‍ୱିଡ଼୍ । ବେନଡ଼୍ ପ୍ରେରିତ ଶିଷ୍ୟଡ଼୍ ଇଞ୍ଜ ନିଜେତ୍ ପରିଚୟ ଇଦ୍‍ତଡ଼୍‍, ଅଡ଼୍‌‍ ନିଜାମ୍‍ ଶିଷ୍ୟ ଆୟଡ଼୍‍, ପରିକ୍ଷା ମାଡ଼ି ଅଡ଼୍‌‍କିଂଙ୍କ୍ ମିତ୍ୟାବାଦିଡ଼ି ଇଞ୍ଜ ମିଡ଼୍ ପ୍ରମାନିତ ମାଡ଼୍‍ତିଡ଼୍ । 
\v 3 ମିଡ଼୍ ଗାଟି ଗାଡ଼୍‍ସ୍‍ । ନା ସେଙ୍ଗେ ଦୁଃକାମ୍ ମାଡ଼ି ମିକା ଆୟ୍‍ୱିଡ଼୍ । 
\v 4 ଇତ୍କେ ମିଇ ବିରୁଦ୍ଦତେ ନାୟାଦ୍ ଇଦ୍ ଅବିଯୋଗ୍‍; ମିଡ଼୍ ମୁନେଙ୍କ୍ ନାକିଙ୍କ୍ ବେଲାନ୍ ପ୍ରେମ ମାଡ଼ମାତ୍‍ତିଡ଼୍, ଇଞ୍ଜେ ଆଦେଲେକାମ୍ ମେଣ୍ଡେ ମାଡ଼୍‍ୱିଡ଼୍‍ । 
\v 5 ମିଡ଼୍ ବେସର୍ ମଦଲ୍‍ ଆତ୍‍ତିଡ଼୍, ଚିନ୍ତା ମାଡ଼ାଟ୍ । ପାପ ତାଗାଙ୍କ୍ ମାଲ୍‍ସ୍ ମୁନେତ୍‍ ଲେକାମ୍ ସତ୍‍କାମ୍ ମାଡ଼ାଟ୍ । ଯଦି ପାପ ତାଗାଙ୍କ୍ ମାଲ୍‍ସ୍ ୱାଡ଼୍‍ୱିଡ଼୍, ଆଲେକ୍ ନାନେ ମିଇ କୁପିତିଙ୍ଗ୍ ମେଣ୍ଡେଅଣ୍ଡାଗ୍‍ ୱାଟିଦ୍‍ତାନ୍ । 
\v 6 ମାତର୍ ମିଇ ସପଟ୍‍ତେ ୱେରଡ଼୍ ବିଷୟ ମିନ୍ଦେ । ଆଦ୍ ଅଦୁତ୍, ନା ଲେକାମ୍ ମିଡ଼୍ ଆନ୍‌ତେ ନିକଲାଇତିୟ ନାରୁଡ଼୍‍ଦେ କାମ୍‍ଦିଙ୍କ୍ ଗୃଣା ମାଡ଼ୁତିନ୍ ।
\p
\v 7 \x + \xo ୨:୭ \xo*\xt ପ୍ରକାଶିତ୍‌ ବାକ୍ୟ ୨୨:୨.\xt*\x*“କେଞ୍ଜାନଙ୍କ୍ କେୱୁ ମାତ୍‍କେ, ମଣ୍ଡଲିକିଙ୍କ୍ ପବିତ୍ରଆତ୍ମା ବାତେ କେତୁତା, କେଞ୍ଜାଟ୍ ! ବେନଡ଼୍ ଜିଡ଼ିତଡ଼୍‍, ନାନେ ଅଡ଼୍‌‍କିଂଙ୍କ୍ ଇଶ୍ୱର୍‌ତେ ବଗିଚାତାଗେ ଆଦ ମାନ୍ଦାନ୍ ଜିୱେମାନ୍ଦାନ୍ ମାଡ଼ାତାଦ୍ କାୟେ ତିନ୍ଦାନ୍ ସେଙ୍ଗେ ଅଦିକାର୍‌ ଇଦ୍‍ତାନ୍ ।”
\s ସ୍ମର୍ଣ୍ଣା ମଣ୍ଡଲିତିଙ୍ଗ୍ ଗଟ୍
\p
\v 8 \x + \xo ୨:୮ \xo*\xt ପ୍ରକାଶିତ୍‌ ବାକ୍ୟ ୧:୧୭; ୨୨:୧3.\xt*\x*“ସ୍ମର୍ଣ୍ଣାତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବେନ୍ ଆରାମ୍ ନୁ ଶେଷ ମେଣ୍ଡେ ବେନ ଡଲିମିକା ମେଣ୍ଡେ ଜିୱେଆତ୍‍ତନ୍, ଅନ୍‌‍ ଗାର୍ରେ ଇଦ୍ ଗଟ୍;” 
\v 9 ନିୟାଦ୍ ଅସୁବିଦା ସାରେ ନାନ୍‍ ପୁତ୍‍ତାନ୍‍; ନାନେ ମିକା ପୁତ୍‍ତାନ୍‍ ଯେ, ନିମେ ଦରିଦ୍ର; ଇତ୍‍କେ ନିଜାମ୍‍ ନିମେ ସାଉକାର୍ । ବେନଡ଼୍ ନିଜେତିଙ୍ଗ୍ ଇଉଦି ଇଞ୍ଜ କେତିତଡ଼୍‍, ଇତ୍‍କେ ନିଜାତ୍‍ ଇଉଦି ଆୟଡ଼୍‍ ନୁ ବେନଡ଼୍ ଶୟତାନ୍‍ତିଙ୍କ୍‍ ଉପାସନା ମାଡ଼ିତଡ଼୍‍, ଅଡ଼୍‌ ବେଲାନ୍ ନିୟାଦ୍ ଦୋଷ ମାଡ଼ି ଗଟ୍ କେତ୍‍ତଡ଼୍, ଆଦ୍ ନାନେ ପୁତ୍‍ତାନ୍ । 
\v 10 ମିଡ଼୍ ବାତ୍‍ସାରେ ଦୁଃକାମ୍‍ ଆଦାଙ୍କ୍ ଆଦୁତିଡ଼୍, ଅଦିନ୍‌ ସେଙ୍ଗେ ୱେର୍‍ମାଟ୍ । କେଞ୍ଜା ! ମିଇ ଲୋପେଙ୍କ୍ ବେସ୍‍ତୁଡ଼୍‍କ୍ ଜଇଲ୍‍ତାଗ୍ ୱାଟି ଶୟତାନ୍ ପରିକ୍ଷା ମାଡ଼ିତ୍ । ଇତ୍‍କେ ମିୟାଦ୍ ଇଦ୍ ଦୁର୍ଦ୍ଦଶା ମାତର୍ ବେସ୍‍କେ ଦିନ୍ ସାରେପାକ୍ ଆଦ୍‍ତେ । ଇଗେ ଡଲାନାଦ୍ ୱେର୍‍ ମାତ୍‍କେ ମିକା, ନା ପରୁ ବିଶ୍ୱାସ୍ ମାତ୍‍କେ, ନାନେ ମିକିଙ୍କ୍ ଜିୱୁଣ୍ଡ୍‍ ଲେକେତାଦ୍ ମୁକୁଟ୍‍ ଇଦ୍‍ତାନ୍ ।
\p
\v 11 \x + \xo ୨:୧୧ \xo*\xt ପ୍ରକାଶିତ୍‌ ବାକ୍ୟ ୨୦:୧୪; ୨୧:୮.\xt*\x*“କେଞ୍ଜାନଙ୍କ୍ କେଉ ମାତ୍‍କେ, ମଣ୍ଡଲିକିଙ୍କ୍‍ ଇଶ୍ୱର୍‌ତେ ଆତ୍ମା ବାତେ କେତୁତା, କେଞ୍ଜାଟ୍ ! ବେନଡ଼୍ ଜିଡ଼ି ମାନ୍‍ନ୍ତଡ଼୍‍, ମେଣ୍ଡେଅଣ୍ଡ୍‌‍ ଡଲାନାଦ୍ ଅଡ଼୍‌‍କ୍ ଇଟେ ପାର୍‍ୱ ।”
\s ପର୍ଗାମମ୍‍ ମଣ୍ଡଲିତିଙ୍କ୍‍ ଗଟ୍
\p
\v 12 “ପର୍ଗାମମ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବେନନ୍ ଗାର୍ରେ ଗାଟି ରେଣ୍ଡ୍‍ପାକା ୱାୟେମାନ୍ଦାନ୍‍ ଚୁର୍‌ ମିନ୍ଦେ, ଅନାଦ୍‌‍ ଇଦ୍ ଗଟ୍ ।” 
\v 13 ନାନେ ପୁତ୍‍ତାନ୍, ମିଇ ଶୟତାନ୍‍ତେ ସିଂହାସନ୍ ଗାର୍ରେ ମିନ୍ଦେଡ଼ି । ଇତ୍‍କେ ମିଡ଼୍ ନା ପରୁ ବିଶ୍ୱସ୍ତ, ଇଦ୍‍ଲେକାମ୍ କି ଶୟତାନ୍‍ ମାନ୍ଦାନ୍ ପଡ଼ିୟେତାଗ୍ ବେସୁଙ୍କ୍‍ ନାୟାଦ୍ ୱେରଣ୍ଡ୍ ବିଶ୍ୱସ୍ତ ଦାସ ଆଣ୍ଟିପାସ୍‍ଙ୍କ୍ ଆୱୁକ୍‍ତନ୍, ଆସୁଙ୍ଗ୍‍ ମିକା ମିୟାଦ୍ ବିଶ୍ୱାସ୍ ୱିଡ଼୍‍ସ୍‍ୱେ ମାତ୍‍ତିଡ଼୍ । 
\v 14 ଇତ୍କେ ମିଇ ବିରୁଦ୍ଦତେ ନାୟାଦ୍ ବେସର୍ ବିଷୟ କେତାନାଦ୍ ମିନ୍ତେ । ଆଗେ ମିଇ ତଡ଼୍ ମାନ୍ଦାନ୍ ବେସ୍‍କ୍‍ତଡ଼୍, ବାଲାମ ଦେୟାମ୍‍ତେ ଶିକ୍ଷା ତଡ଼୍‍ ଚାଲେମ୍‍ ଆଦୁତଡ଼୍‍ । ବାଲାମ୍ ଦେୟାମ୍‍ତେ ପ୍ରସାଦ୍ ତିନ୍ଦାନାଦ୍ ନୁ ମିଚ୍ ବ୍ୟବହାର୍‌ ମାଡ଼ନ୍ ସେଙ୍ଗେ ଇଶ୍ରାଏଲ୍‍ତଡ଼୍‍କିଙ୍କ୍ କେତାନ୍ ସେଙ୍ଗେ ବାଲାକତିଙ୍କ୍‍ ଶିକ୍ଷା ଇସ୍‍ମାତ୍‍ତେ । 
\v 15 ଟିକ୍‌ ଆଦେଲେକାମ୍ ନିକଲାଇତିୟନଡ଼୍‍କ୍ ଗଟ୍‍ତିଙ୍କ୍‍ ପୟ୍‍ସ୍‍ ମାନ୍ଦାନ୍ ନାରିଡ଼୍‍ ମି ଲୋପେ ମିନ୍ଦେଡ଼୍ । 
\v 16 ମିୟାଦ୍ ପାପ ୱିଡ଼୍‍ସାଟ୍; ଇଲୁକ୍ ନାନେ ଯାପେ ମିଇ ଗାର୍ରେ ୱାସ୍ ନା ମକତାଗ୍‍ ପେୟ୍‍ତେ ଚୁର୍‌ ଲେକେତ୍‍ ଗଟ୍‍ତଡ଼୍ ଆଦ୍ କାରାପ୍‍ ବ୍ୟବହାର୍‌ ମାଡ଼ମାନ୍ଦାନ୍‍ ନାରୁଡ଼୍‍ ବିରୁଦ୍ଦତେ ଯୁଦ୍‌ ମାଡ଼ିତାନ୍ ।
\p
\v 17 \x + \xo ୨:୧୭ \xo*\xt ଯୋହନ୍‌‌ ୬:୪୮-୫୦.\xt*\x*ବେନଡ଼ାୱୁ କେଞ୍ଜାନଙ୍କ୍ କେୱୁ ମିନ୍ଦେ, ମଣ୍ଡଲିକିଙ୍କ୍‍ ଇଶ୍ୱର୍‌ତେ ଆତ୍ମା ବାତେ କେସମିନ୍ତେ, ଆଦ୍ କେଞ୍ଜାଟ୍, “ବେନଡ଼୍ ଜିଡ଼ିତଡ଼୍, ନାନେ ଅଡ଼୍‌‍କିଂଙ୍କ୍ ନେଏସ୍‍ ମାନ୍ଦାନ୍ ମାନ୍ଦେତାଗାଙ୍କ୍ ସୁକୁକ୍ ଇଦ୍‍ତାନ୍ । ଅଡ଼୍‌ ଲୋପେଙ୍କ୍‍ ୱେରଙ୍କ୍ ପୁନେ ପେଦେର୍ ଲେକା ଆସ୍‍ମାନ୍ଦାନ୍ ୱେରଡ଼୍ ପାଣ୍ଡ୍ରି କାଲ୍‍ ଇଦ୍‍ତାନ୍ । ଆଦ୍ ପୁନେ ପେଦେର୍ ବାତେ, କାଲ୍‍ ଗ୍ରହନ୍‍ ମାଡ଼ାନଣ୍ଡ୍‍ ୱିଡ଼୍‍ସି ବାଗାତଡ଼୍ ବେନ ଆଦ୍ ପୁନ୍ଦେ ପାର୍‍ୱନ୍ ।”
\s ତିଆଟିରା ମଣ୍ଡଲିତିଙ୍କ୍ ଗଟ୍
\p
\v 18 “ତୁୟଟୀରାତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍; ଇଦ୍ ଗଟ୍ ଇଶ୍ୱର୍‌ତେ ମାର୍‍ଦାଗାଙ୍କ୍ ୱାସ୍‍ମିନ୍ଦେ । ଅନ୍‌ କଣ୍ଡା ନିଡ଼୍‍ତାନ୍ କିସ୍ ଇନା ନୁ ତାନ୍ ରେଣ୍ଡ୍‍ ପାଦାକ୍ ନିଇମ୍‍ ପିତଲ୍ ଇନା ୱେସ୍ ।” 
\v 19 ମିୟାଦ୍ କାମ୍‍ ମାଡ଼୍‍ତାଦ୍, ମିୟାଦ୍ ପ୍ରେମ, ବିଶ୍ୱାସ୍ତତା, ମିୟାଦ୍ ସେବା କାମ୍ ନୁ ଦର୍ଯ୍ୟ ନାନେ ପୁତ୍‍ତାନ୍ ! ନାନେ ମିକା ପୁତ୍‍ତାନ୍ ଯେ, ମିଡ଼୍ ମୁନେଙ୍କ୍ ବାତ୍ ମାଡ଼ମାତ୍‍ତିଡ଼୍, ଇଞ୍ଜେ ଆଗାଙ୍କ୍ ଅଦିକ୍‌ ମାଡ଼ୁତିଡ଼୍ । 
\v 20 ଇତ୍କେ ମିଇ ବିରୁଦ୍ଦତେ ନାୟାଦ୍ ମାତର୍ ଇସର୍ କେତାନାଦ୍ ମିନ୍ଦେ, ଇଶ୍ୱର୍‌ତେ କେତାନ୍ ଗଟ୍ ଲେକାମ୍ ନିଜେତ୍ ପରିଚୟ ଇସମାନ୍ଦାନ୍ ଯେଜେବଲ୍ ପେଦେର୍‍ତେ ନାଟାଡ଼୍‍ତିଙ୍କ୍ ନିମେ ପଡ଼୍‍ୟେ ଇତ୍‍ତିନ୍ । ଆଦ୍ ନା ଦାସଡ଼୍‍କ୍ କାରାପ୍‍ ବ୍ୟବହାର୍‌ ମାଡ଼ାନଙ୍କ୍ ନୁ ଦେବଦେବି ନଡ଼୍‍ପାକେ ଉତ୍ସର୍ଗ ମାଡ଼ିମାନ୍ଦାନ୍ କାଦି ତିନ୍ଦାନଙ୍କ୍ ଶିକ୍ଷା ଇସ୍ ଅଡ଼୍‌‍କିଂଙ୍କ୍ କାରାପ୍‍ ଆର୍‍ଦାଗ୍‍ ଆଦୁତେ । 
\v 21 ପାପତାଗାଙ୍କ୍ ମାଲ୍‍ସ୍‍ ୱାଦାନ୍ ସେଙ୍ଗେ ନାନେ ଆଦିଙ୍କ୍ ସମୟ ଇସ୍‍ମିନ୍ଦେନ୍, ଇତ୍କେ ଆଦ୍ ନିଜେତ୍ ଦୁଷ୍କର୍ମ କାମ୍ ୱିଡ଼୍‍ସାନ୍ ସେଙ୍ଗେ ଇଚ୍ଛା ମାଡ଼ । 
\v 22 ଆଦିଙ୍କ୍ ନାନେ ତାଙ୍କ୍ ମେଣ୍ଡେ ତାନ୍‍ ତଡ଼୍ ବ୍ୟବିଚାର୍‍ତାଗ୍ ମାଇମାନ୍ଦାନଡ଼୍‍ ସାରେତଡ଼୍‍କ୍ ରୋଗାମ୍‍ ମାଡ଼ିତାନ୍‍ ମେଣ୍ଡେ ଅଡ଼୍‌‍ ଗାଟି କଷ୍ଟ ଆଦ୍‍ତଡ଼୍‍ । ଅଡ଼୍‌‍ ଅଦିନ୍‌ ତଡ଼୍ ମାଡ଼ିମାନ୍ଦାନ୍ ଦୁଷ୍କୃତି ସେଙ୍ଗେ ଏର୍କା ମାଡ଼କ୍‍, ଆଲେକ୍ ନାନେ ଇଦ୍‍ ନିଶ୍ଚୟ୍‍ ମାଡ଼ିତାନ୍ । 
\v 23 ତାନ୍ ପେର୍କେ ଆଦାନଡ଼୍‍କ୍ ମିକା ଆୱୁକିତାନ୍ । ଆଲାଆତ୍‍କେ, ମଣ୍ଡଲିକି ସାରେ ପୁନ୍‌ତା ଯେ; ନାନେ ଅନ୍‌ତର୍ଯ୍ୟମି, ନାରିଡ଼୍ ସାରେ ଚିନ୍ତା ନୁ ଲାଲସା ନାନେ ପୁନ୍‍ନ୍ତାନ୍ । ମିଡ଼୍ ସାରେତଡ଼୍‍ ବାତ୍‍ତେ ମାଡ଼୍‍ତିଡ଼୍, ଆଦ୍ ଲେକାମ୍‌ ନାନେ ମିକିଙ୍କ୍ ସାରେ କାମ୍‍ତେ ଦଣ୍ଡ୍‍ ଇଦ୍‍ତାନ୍ ।
\p
\v 24 “ଇତ୍କେ ତୁୟଟୀରାତାଗ୍ ମିଇୟାଗାଙ୍କ୍ ବେନଡ଼୍ ଇଦ୍‍ ଶିକ୍ଷାତିଙ୍କ୍‍ ଗ୍ରହନ୍ ମାଡ଼ଣ୍ଡ୍ ନୁ ତତାକତିତ ‘ଶୟତାନ୍‍ତେ ନିଗୂଡ଼ ରହସ୍‍’ ସାରେ ଶିକ୍ଷା ମାଡ଼ନ୍, ନାନେ ଅଡ଼୍‌‍ପରୁ ମେଣ୍ଡେ ବାତେ ମପ୍ କାଞ୍ଜ୍‍ପନ୍ । 
\v 25 ମାତର୍ ନାନେ ୱାଡ଼୍‍ୱେ ଯାକ ମିୟାଦ୍ ବାତ୍‍ ମାତ୍‍ତେ ଆଦ୍‍ ମିନ୍ଦେ, ଆଦ୍ ଗାଡ଼୍‍ତଡ଼୍‍ ପଇସ୍‍ ମାନୁଟ୍ । 
\v 26 ବେନଡ଼୍ ଜିଡ଼ିତନ୍ ନୁ ତେର୍‍ନା ଯାକ ନାୟାଦ୍ ଇଚ୍ଛା ଲେକାମ୍ କାମ୍‍ ମାଡ଼୍‍କେ, ନାନେ ବାବାନ୍ ପାକେଙ୍କ୍ ବେନ୍ କ୍ଷମତା ଦର୍‍ସ୍କ୍‍ତାନ୍ ଆଦ୍ ଅଡ଼୍‌‍କିଂଙ୍କ୍ ଇଦ୍‍ତାନ୍ । 
\v 27 ପୃତିବିତେ ୱେରେ ଜାତିଙ୍କ୍ ଲୁହା ଦୁଡ଼େତେ ଶାସନ୍‍ ମାଡ଼ାନଙ୍କ୍ ନୁ ମାଣ୍ଡୁଲ୍ କୁଣ୍ଡେ ଲେକାମ୍ ଦୁଡ଼ା ଦୁଡ଼ା ମାଡ଼ାନଙ୍କ୍ ନାନେ ଅଡ଼୍‌‍କିଂଙ୍କ୍ କ୍ଷମତା ଇଦ୍‍ତାନ୍ । 
\v 28 ନାନେ ଅଡ଼୍‌‍କ୍ ‘ୱିୟ୍‍ ଉକାମ୍‍’ ମିକା ଦାନ ମାଡ଼ିତାନ୍ ।”
\p
\v 29 “କେଞ୍ଜାନଙ୍କ୍ ଶକ୍ତି ମାତ୍‍କେ, ମଣ୍ଡଲିକିଙ୍କ୍‍ ଇଶ୍ୱର୍‌ତେ ଆତ୍ମା ବାତେ କେତୁତା, କେଞ୍ଜାଟ୍ !”
\c 3
\s ସାର୍ଦ୍ଦିସ୍‍ ମଣ୍ଡଲିତିଙ୍କ୍ ଗଟ୍
\p
\v 1 “ସାର୍ଦ୍ଦିତାଗ୍ ମାନ୍ଦାନ୍ ମଣ୍ଡଲିତିତେ ଦୂତନ୍ ପାକେ ଲେକାଟ୍ । ଇଶ୍ୱର୍‌ତେ ସାତ୍‍ଟାନ୍ ଆତ୍ମା ନୁ ସାତ୍‍ଟାନ୍ ଉକାମ୍‍ ପୟ୍‍ସ୍‍ମାନ୍ଦାନ୍ ନାରୁନାଗାଙ୍କ୍ ଇଦ୍ ଗଟ୍ । ନାନେ ମିୟାଦ୍ କାମ୍‍ ମାଡ଼୍‍ତାଦ୍ ପୁତ୍‍ତାନ୍; ମିଡ଼୍ ଡଲିମାତ୍‍କେ ମିକା ଜିୱେମିନ୍ଦେନ୍ ଇଞ୍ଜ କ୍ୟାତି ଲାବ୍ ମାଡ଼୍‍ତିନ୍ ।” 
\v 2 ଆଦିଙ୍କ୍ ଜାଗ୍ରତ୍‍ ଆୟମୁଟ୍ ନୁ ମୀଇ ପାକେ ବାତ୍ ମିନ୍ଦେ, ଆଦ୍‍ ପୁରା ଦଂସ ଆଦାନ୍ ମୁନେ ଆଦିଙ୍କ୍ ଶକ୍ତି ମାଡ଼ାଟ୍ । ବାତେଙ୍କ୍‍ଇତ୍କେ ନାନେ ପୁତ୍‍ତାନ୍, ମିୟାଦ୍ କାମ୍ ସାରେ ଇଶ୍ୱର୍‌ତେ କଣ୍ଡେତେ ଇଞ୍ଜେକ୍‍ ଯାକ ସିଦ୍ଦ ଆୟକେ । 
\v 3 \x + \xo 3:3 \xo*\xt ମାତିଉ ୨୪:୪3,୪୪; ଲୁକ ୧୨:3୯,୪୦; ପ୍ରକାଶିତ୍‌ ବାକ୍ୟ ୧୬:୧୫.\xt*\x*ମିକିଙ୍କ୍ ବେନ୍ ଶିକ୍ଷା ଇସ୍‍ମାତ୍‍ତନ୍ ନୁ ମିଡ଼୍ ବାତେ କେଞ୍ଜି ମାତ୍‍ତିଡ଼୍, ଆଦ୍ ଏର୍କା ମାଡ଼ି ପାଲନ୍ ମାଡ଼ାଟ୍ ନୁ ମିଇ ପାପ ତାଗାଙ୍କ୍ ମାଲ୍‍ମୁଟ୍ । ଜାଗ୍ରତ୍‍ ଆୟକ୍, ନାନେ ଡଙ୍ଗାଲ୍ ଲେକାମ୍ ପୁନ୍‍ୱେଲେକାମ୍ ମିଇ ପାକେ ୱାଦ୍‍ତାନ୍ । ବେନ୍ ସମୟତେ ୱାଦ୍‍ତାନ୍, ଆଦ୍ ମିଡ଼୍ ପୁନ୍‍ୱିଡ଼୍ । 
\v 4 ମାତର୍ ସାର୍ଦ୍ଦିସ୍‍ତାଗ୍‍ ମିୟାଗାଙ୍କ୍ ବେସ୍‍କ୍‍ତଡ଼୍ ଅଡ଼ାୱୁ ସିଲେଙ୍କ୍ ପରିଷ୍କାର୍‍ତେ ନେଃଏତଡ଼୍ । ଅଡ଼୍‌‍ ପାଣ୍ଡ୍ରିଲାଉ ଚକା କେର୍‍ସ୍‍ ନା ତଡ଼୍ ଆଦାୱାଦା ଆଦ୍‍ତଡ଼୍, ବାତେଙ୍କ୍‍ଇତ୍କେ ଇଦିନ୍‍ ସେଙ୍ଗେ ଅଡ଼ାଦ୍‌ ଯଗ୍ୟତା ମିନ୍ତେ । 
\v 5 \x + \xo 3:୫ \xo*\xt ପ୍ରକାଶିତ୍‌ ବାକ୍ୟ ୨୦:୧୨; \xt*\xt ମାତିଉ ୧୦:3୨; ଲୁକ ୧୨:୮.\xt*\x*ବେନଡ଼୍ ଜିଡ଼ିତଡ଼୍, ଅଡ଼୍‌ ଇଦ୍‍ଲେକାମ୍ ପାଣ୍ଡ୍ରିଲାଉ ସିଲେ କେର୍‍ଦ୍‍ତଡ଼୍ । ଜୀୱେ ବଇତାଗାଙ୍କ୍ ଅଡ଼ାଦ୍‌ ପେଦେର୍ ବେସୁଙ୍କ୍‌ବା ମାୟ ମେଣ୍ଡେ ନା ବାବାଲ୍ ନୁ ତାନ୍ ଦୂତକିନ୍ ମୁନେ ଅଡ଼୍‌‍କିଂଙ୍କ୍ ନା ପେର୍କେୱାଦ୍‍ନଡ଼୍‍ ଇଞ୍ଜ ନାନେ ସ୍ୱିକାର୍ ମାଡ଼ିତାନ୍ ।
\p
\v 6 “କେଞ୍ଜାନଙ୍କ୍ କେୱୁ ମାତ୍‍କେ, ମଣ୍ଡଲିକି ପବିତ୍ରଆତ୍ମା ବାତ୍‍ତା କେତୁତା, ମନ୍‍ ଇସ୍ କେଞ୍ଜାଟ୍ ।”
\s ଫିଲାଦେଲ୍‍ଫିଆ ମଣ୍ଡଲିତିଙ୍କ୍‍ ଗଟ୍
\p
\v 7 “ଫିଲାଦେଲ୍‍ଫିଆତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବେନ ସର୍ବତେ ପବିତ୍ର ନୁ ସତ୍ ଲେକାମ୍, ଅନାଗାଙ୍କ୍ ଇଦ୍ ଗଟ୍ କେଞ୍ଜାଟ୍ । ଅନ୍‌ ଗାର୍ରେ ଦାଉଦ୍‍ତେ କୁଚ୍‍କାଇ ମିନ୍ଦେ, ଅଣ୍ଡ୍‌ ବେନ୍ ମାର୍‍ ଟେଣ୍ଡିତନ୍, ବାଗାତଡ଼୍ ମେଣ୍ଡେ ବେନ ଆଦ୍ ବନ୍ଦ ମାଡ଼େପାର୍‍ୱଡ଼୍‍ ନୁ ଅଣ୍ଡ୍‌ ବାତ୍‍ ବନ୍ଦ ମାଡ଼ିତନ୍, ବାଗାତଡ଼୍‍ ବେନ୍ ଆଦ୍ ତେର୍‍ତାଙ୍କ୍ ପାର୍‍ୱଡ଼୍‍ ।” 
\v 8 ମିୟାଦ୍ କାମ୍ ସାରେ ନାନେ ପୁତ୍‍ତାନ୍; ଇଞ୍ଜେକ୍ ଆନା ନିୟାଦ୍ ବେସର୍‍ ଶକ୍ତି ମିନ୍ଦେ, ଇଦ୍ ମିକା ପୁତ୍‍ତାନ୍; ନିମେ ନା ଶିକ୍ଷା ପାଲନ୍ ମାଡ଼ଡ଼୍‍ ୱାସମିନ୍ଦେନି ନୁ ନା ସେଙ୍ଗେ ବିଶ୍ୱସ୍ତ ମିନ୍ଦେନି । ଆଦିଙ୍କ୍ ନାନେ ନିଇ ମୁନେ ୱେରଡ଼୍ ମାର୍ ‍ଟେଣ୍ଡ୍‍ତାନ୍ । ଆଦ୍ ବେନ ବନ୍ଦ ମାଡ଼େ ପାର୍‍ୱାଣ୍ଡ୍‍ । 
\v 9 କେଞ୍ଜା ! ବେନ୍ ସୁକୁକ୍‍ ମିତ୍ୟାବାଦିଡ଼୍ ନିଜେ ନିଜେତିଙ୍ଗ୍ ଇଉଦି ଇଞ୍ଜ ଦାବି ମାଡ଼ିତଡ଼୍, ଇତ୍କେ ନିଜାମ୍‍ ଇଉଦି ଆୟଡ଼୍‍, ଶୟତାନ୍‍ତିଙ୍କ୍‍ ଉପାସନା ମାଡ଼ାନ୍‍ ଆ ନାରିଡ଼୍‍କ୍ ନାନେ ମିଇ ଡେକେତ୍‍ ମଦଲ୍‍ ମାଡ଼ିତାନ୍ । ନାନେ ନିକିଙ୍କ୍ ପ୍ରେମ ମାଡ଼ୁତାନ୍ ଇଞ୍ଜ ଅଡ଼୍‌ ସାରେତଡ଼୍ ପୁନ୍‍ତଡ଼୍ । 
\v 10 ନାୟାଦ୍ ଆଦେଶ୍‍ ଲେକାମ୍ ମିଡ଼୍ ଦର୍ଯ୍ୟତେ ମିନ୍ଦେଡ଼ି, ଆଦିଙ୍କ୍ ପୃତିବିତେ ନାରୁଡ଼୍ ପରିକ୍ଷା ମାଡ଼ାନଙ୍କ୍ ପୁରା ଜଗତ୍‍ତାଗ୍‍ ବେନ୍ ଦୁର୍ଦ୍ଦଶା ଆଦାନଙ୍କ୍ ଅଦୁତ୍, ଆଗାଙ୍କ୍ ନାନେ ମିକିଙ୍କ୍ ନିରାପଦ୍‍ ନେଃଏତିତାନ୍‍ । 
\v 11 ନାନେ ଯାପେ ୱାଦୁତାନ୍, ମିୟାଦ୍ ବାତେ ମିନ୍ଦେ, ଆଦ୍ ସୁରକ୍ଷା ମାଡ଼ାଟ୍, ବେଲାନ୍ ବେନ ମିୟାଗାଙ୍କ୍, ମିୟାଦ୍ ଜିଡ଼୍‍ତେ ପୁରସ୍କାର୍ ଡଙ୍ଗି ଅୟ୍‍ମାକିଡ଼୍‍ । 
\v 12 \x + \xo 3:୧୨ \xo*\xt ପ୍ରକାଶିତ୍‌ ବାକ୍ୟ ୨୧:୨.\xt*\x*ଜିଡ଼୍‍ତେ ନାରୁଡ଼୍‍କ୍ ନାନେ ନା ଇଶ୍ୱର୍‌ତେ ମନ୍ଦିର୍‍ତାଗ୍ ଗୁଞ୍ଜେ ଲେକାମ୍ ତିଆର୍ ମାଡ଼ିତାନ୍ ନୁ ଅଣ୍ଡ୍‌ ବେସୁବା ଆଗାଙ୍କ୍ ସ୍ଥାନାନ୍ତରିତ୍‍ ଆୟଣ୍ଡ୍ । ନାନେ ଅନ୍‌ ପରୁ ନା ଇଶ୍ୱର୍‌ତେ ପେଦେର୍ ଲେକିତାନ୍ । ନା ଇଶ୍ୱର୍‌ତାଗାଙ୍କ୍ ସ୍ୱର୍ଗତାଗାଙ୍କ୍ ୱାଦାନ୍ ଇଶ୍ୱର୍‌ତେ ନଗର୍, ପୁନେ ଯିରୁଶାଲେମ୍‍ତେ ପେଦେର୍‍ ନୁ ନାୟାଦ୍ ପୁନେ ପେଦେର୍ ମିକା ତାନ୍‍ ପରୁ ଲେକିତାନ୍ ।
\p
\v 13 “ବେନନାୱୁ କେଞ୍ଜାନଙ୍କ୍ କେୱୁକ୍‍ ମିନ୍ତେ, ଅଣ୍ଡ୍‌ ମଣ୍ଡଲିକିଙ୍କ୍‍ ଇଶ୍ୱର୍‌ତେ ଆତ୍ମା ବାତେ କେତୁତା, ମନ୍ ଇସ୍ କେଞ୍ଜାଟ୍ ।”
\s ଲାଓଦେସିଆ ମଣ୍ଡଲିତିଙ୍କ୍ ଗଟ୍
\p
\v 14 “ଲାଉଦିକିଆତାଗ୍ ମାନ୍ଦାନ୍ ମଣ୍ଡଲିତେ ଦୂତନ୍ ପାକେ ଲେକାଟ୍, ବିଶ୍ୱାସ୍‍ ନୁ ସତ୍ ସାକ୍ଷି ମେଣ୍ଡେ ଇଶ୍ୱର୍‌ତେ ସାରେ ସୃଷ୍ଟିତେ ଆରାମ୍‍ ଅଣ୍ଡ୍‌‍ ‘ଆମେନ୍‍ତେ’ ଇଦ୍ ଗଟ୍,” 
\v 15 ନାନେ ମିୟାଦ୍ କାମ୍‍ତିଙ୍କ୍ ପୁତ୍‍ତାନ୍; ମିଡ଼୍ କିଡ଼୍‍ଙ୍ଗ୍‍ତା ଆୟ୍‍ୱିଡ଼୍‍, କି କାମ୍‍କେ ଆୟ, ଇଦ୍ ନାନେ ପୁତ୍‍ତାନ୍ । ମିଡ଼୍ କିଡ଼୍‍ଙ୍ଗ୍‍ତା ବା କାମ୍‍କେ ଆସ୍‍ମାତ୍‍କେ, ଲେକେତ୍ ଆୟେଡ଼୍ । 
\v 16 ଇତ୍କେ ମିଡ଼୍ କିଡ଼୍‍ଙ୍ଗ୍‍ତା ବା କାମ୍‍କେ ଆୟକଟ୍ କିଡ଼୍‍ଙ୍ଗ୍‍ତା କାମ୍‍କେ ସାମାନ୍‍ ଆସ୍‍ମାନ୍‍ନାଙ୍କ୍, ନାନେ ମିକିଙ୍କ୍ ନା ମକତାଗାଙ୍କ୍ ବାୟ୍‍ଦେ ପେସ୍ପିତାନ୍‍ ! 
\v 17 ମିଡ଼୍ କେତୁତିଡ଼୍; ନାନେ ସାଉକାର୍ ନୁ ସମୃଦ୍ଦିଶାଲି, ନାୟାଦ୍ ବାତେ ଦର୍‍କାର୍‍, ସାରେ ମିନ୍ଦେ; ଆଗେକ୍‍ବା ନିମେ ବେସର୍ ଦୁର୍ଦ୍ଦଶାପନ୍ନ ନୁ ଦୟନୀୟ, ଇଦ୍ ପୁନ୍‍ୱିନ୍ । ନିମେ ଦରିଦ୍ର, ବାଣ୍ଡାନି ବା କାନାନି ! 
\v 18 ଆଦିଙ୍କ୍ ନାନେ ନିକିଙ୍କ୍ ଆଦେଶ୍‍ ଇଦୁତାନ୍, ସାଉକାର୍ ଆଦାନ୍ ସେଙ୍ଗେ ନାୟାଗାକଞ୍ଚ୍‍ କାଣ୍ଟି ସୁନା ଆସେ, ମିୟାଦ୍ ସିଗ୍ ବାଣ୍ଡାଙ୍କ୍ କେର୍‍ଦାନ୍ ସେଙ୍ଗେ ନାୟାଗ୍‍କଞ୍ଜ୍ ପାଲ୍‍ସେଲାଦ୍ ସିଲେ ଆସେ । ମେଣ୍ଡେ ଉଡ଼ାନ୍‍ ଶକ୍ତି କିଲେର୍ ମାଡ଼ାନଙ୍କ୍ ବେସ୍‍କେ ଆଞ୍ଜନ୍ ଆସି କଣ୍ଡାନାଗେ ୱାଟେ । 
\v 19 \x + \xo 3:୧୯ \xo*\xt ଏବ୍ରୀ ୧୨:୬.\xt*\x*ନାନେ ବେନଡ଼୍‍କ୍‌ ପ୍ରେମ ମାଡ଼ୁତାନ୍, ଅଡ଼୍‌‍କିଂଙ୍କ୍ ପାସ୍କିତାନ୍‍ ନୁ ଶାସ୍ତି ଇଦ୍‍ତାନ୍ । ଆଦିଙ୍କ୍ ହୃଦୟ ତଡ଼୍‍ ପାପ ଆର୍‍ଦାଗାଙ୍କ୍ ମାଲ୍‍ସ୍‍ ୱାଡ଼େ । 
\v 20 ଉଡ଼େ ! ନାନେ ବାଇଦେ ନିସ୍ ଦ୍ୱାରତାଗ୍ ତାଲ୍‍ସୁତାନ୍; ଯଦି ବେନ ନାୟାଦ୍ ଲେଙ୍ଗ୍ କେଞ୍ଜି ମାର୍‍ ଟେଣ୍ଡିଦ୍‍ତନ୍, ନାନେ ତାନ୍ ଲୋତ୍‍ତେ ଲୋପେ ୱାସ୍ ଅନ୍‌‍ତଡ଼୍ ତିନ୍ଦାଙ୍କ୍ କୁଦିତାନ୍ ନୁ ଅଣ୍ଡ୍‌ ନା ତଡ଼୍ ତିନ୍‍ତନ୍ । 
\v 21 ନାନେ ବେଲାନ୍ ଜିଡ଼ି ମିକା ନା ବାବାନ୍ ତଡ଼୍ ତାନ୍ ସିଂହାସନ୍‌ତାଗେ କୁଦିମିନ୍ଦେନ୍, ବେନଡ଼୍ ୱେର୍‍ତଡ଼୍, ଅଣ୍ଡ୍‌ ସାରେତଡ଼୍‍କ୍ ନାନେ ଟିକ୍‌ ଆଦେଲେକାମ୍ ନାୟାଦ୍ ସିଂହାସନ୍‌ତାଗ୍ ନା ଗାରେ କୁଦାନଙ୍କ୍ ଅଦିକାର୍‌ ଇଦ୍‍ତାନ୍ । 
\v 22 “କେଞ୍ଜାନଙ୍କ୍ କେୱୁକ୍‍ ମାତ୍‍କେ, ଇଶ୍ୱର୍‌ତେ ଆତ୍ମା ମଣ୍ଡଲିକିଙ୍କ୍ ବାତେ କେତୁତା, କେଞ୍ଜା !”
\c 4
\s ସ୍ୱର୍ଗତାଗ୍ ଉପାସନା
\p
\v 1 ଇଦ୍ ସମୟତେ ନାନେ ୱେରଡ଼୍ ଦୃଶ୍ୟ ଉଡ଼୍‍ତାନ୍ । ସ୍ୱର୍ଗତାଗେ ୱେରଡ଼୍ ଦ୍ୱାର୍ କୁଲେମ୍ ଆସ୍‍ମାନ୍‍ନୁଡ଼୍ ନୁ ତୂରି ଲେଙ୍ଗ୍ ଇନା ୱେରଡ଼୍ କଣ୍ଠଲେଙ୍ଗ୍‍ ଦାଗାଙ୍କ୍ ନାକିଙ୍କ୍ ନିର୍ଦ୍ଦେଶ୍ ଦର୍‍କ୍‍ତେ; “ଇଗେ ତେଦି ୱାଡ଼େ । ଇଦିନ୍‍ ପେର୍କେ ବାତ୍‍ସାରେ ଗଟେମ୍ ଆଦାଙ୍କ୍ ଅଦୁତ୍, ଆଦ୍ ନାନେ ନିକିଙ୍କ୍ ତଅତିତାନ୍ ।” 
\v 2 ସାଙ୍ଗେ ସାଙ୍ଗେ ପବିତ୍ରଆତ୍ମାତେ ଚାଲେମ୍‍ ଆସ୍‍ ନାନେ ଉଡ଼୍‍ତାନ୍, ସ୍ୱର୍ଗତାଗେ ୱେରଡ଼୍ ସିଂହାସନ୍‌ତାଗେ ବେନ ୱେରନ୍ କୁଦ୍‍ତନ୍ । 
\v 3 ଅନ୍‌ ମକମ୍ ଇରା ନୁ ମାନିକ୍ୟ ଲେକାମ୍ ଜିଗ୍‍ଜାଗ୍ ଆସମାନ୍‍ନୁଡ଼୍ ନୁ ସିଂହାସନ୍‌ତିଙ୍କ୍ ମର୍କତ୍‍ ମଣି ଲେକାମ୍ ୱେରଡ଼୍ ବିମିନ୍‍ ୱିଲ୍ ପରୁଙ୍କ୍ ମାନ୍‍ନୁଡ଼୍ । 
\v 4 ମେଣ୍ଡେ ସିଂହାସନ୍‌ତାଗେ ସାରେପାକା ତିଡ଼୍‍ଆସ୍‍ ମାନ୍ଦାନ୍ ମେଣ୍ଡନ୍ ଚବିଶ୍‍ଟାନ୍ ସିଂହାସନ୍‌ତାଗେ‍ ଚବିଶ୍ ଜାନ୍ ବୟସ୍‍ତେ ମଣ୍ଡଲିତେ ନେତା ଆଗେ ମାତ୍‍ତଡ଼୍ । ଅଡ଼୍‌ ପାଣ୍ଡେଲାଉ ସିଲେ କେର୍‍ସ୍‍ ମାନ୍‍ନୁଡ଼୍ ନୁ ଅଡ଼୍‌‍ ତାଲ୍‍ତ୍‍ ପରୁ ସୁବର୍ଣ୍ଣ ମୁକୁଟ୍‍ । 
\v 5 \x + \xo ୪:୫ \xo*\xt ପ୍ରକାଶିତ୍‌ ବାକ୍ୟ ୮:୫; ୧୧:୧୯; ୧୬:୧୮; \xt*\xt ପ୍ରକାଶିତ୍‌ ବାକ୍ୟ ୧:୪.\xt*\x*ସିଂହାସନ୍‌ତାଗାଙ୍କ୍ ୱାନେ ମେର୍ଷାନ୍ ୱେସ୍, ଗୁରୁଗମ୍ଭିର୍‍ତେ ମରେ ନୁ ବଜ୍ର ସାଉଣ୍ଡ୍ ଆସ ମାନ୍‍ନୁଡ଼୍ । ସିଂହାସନ୍ ମୁନେ ଇଶ୍ୱର୍‌ତେ ସାତ୍‍ଟାନ୍ ଆତ୍ମାତେ ଲେକାମ୍‍ ସାତ୍‍ଟାନ୍ ମଶାଲ୍ ନିଡ଼୍‍ସ ମାତ୍‍ତେ । 
\v 6 ମେଣ୍ଡେ ସିଂହାସନ୍ ମୁନେ ସ୍ପଟିକ୍ ଲେକାମ୍ ସ୍ୱଚ୍ଛ ସମୁଦ୍ର ତନ୍ଦ ମାତ୍‍ତେ । ସିଂହାସନ୍‌ତିଙ୍କ୍ ରେଣ୍ଡ୍‍ ପାକା ତିଡ଼୍‍ୟ୍‍ପାକେ ନାଲୁ ପଶୁ; ତାମ୍ ମେନ୍ଦୁଲ୍‍ତାଗେ ମୁନେ ନୁ ପେର୍କେ କଣ୍ଡାନ୍‍ ତଡ଼୍‍ ପୁରା ଆସ୍‍ମାତ୍‍ତେ । 
\v 7 ପ୍ରତମ୍‌ ତାଦ୍ ଗଣ୍ଡ୍ରାସ୍‍ ଲେକାମ୍ ତନ୍ଦମାତ୍‍ତେ; ଦ୍ୱିତିୟତାଦ୍ ଗଡ୍‍ ଲେକାମ୍ ତନ୍ଦ ମାତ୍‍ତା । ତୃତିୟତାଦ୍ ମକମ୍ ନାରୁନ୍‍ ମକମ୍ ଲେକାମ୍ ମାତ୍‍ତେ ନୁ ଚତୁର୍ତତାଦ୍ ପାର୍‍ତାନ୍ ଗିଦ୍‍ ପିଟେ ଲେକାମ୍ ତନ୍ଦ ମାତ୍‍ତେ । 
\v 8 ସାରେ ପ୍ରାଣୀନ୍ ଆରୁଲାକା ରେକା ମାତ୍‍ତା ଆୱୁ ବାଇଦେ ନୁ ଲୋପେ ମିକା କଣ୍ଡା ମାତ୍‍ତା । ଆୱୁ ନାର୍କା ପାୟାଲ୍, ରମକଟ୍ ପାଟେ ପାରମାତ୍‍ତା, “ପବିତ୍ର, ପବିତ୍ର, ପବିତ୍ର, ସାରେତିଙ୍କ୍ ଶକ୍ତିମାନ୍ ପ୍ରବୁ ଇଶ୍ୱର୍‍ ! ମୁନେକଞ୍ଜ୍ ଇଞ୍ଜେଆନା ବେନ ସାରେଦାମ୍‍ ବିଦ୍ୟାମାନ୍ ନୁ ମେଣ୍ଡନ୍ ଦାମ୍ ବେନ ୱାଦ୍‍ତନ୍ ।” 
\v 9 ପଶୁକି ସିଂହାସନ୍‌ତାଗେ ଅଣ୍ଡ୍‌ ସାରେଦିନାମ୍‍ ନାରିଙ୍କ୍ ଗୌରବ୍, ସମ୍ଭମ ନୁ ଦନ୍ୟବାଦ୍ ଇସ ତାନାଦ୍ ସ୍ତୁତିପାଟେ ପାରାନ୍ ସମୟତେ, 
\v 10 ମୁନେଙ୍କ୍ ତାଉ ଚବିଶ୍‍ ଜାନ୍ ବୟସ୍ତେନେତାଲଡ଼୍ ଚିରଞ୍ଜିବି ନାରୁଡ଼୍‍ତେ ସିଂହାସନ୍ ମୁନେ ପ୍ରାଣିପାତ ମାଡ଼ି ତାମାଦ୍ ଆରାଦାନା ମାଡ଼ାନଙ୍କ୍ ପସ୍ପତଡ଼୍ । ମେଣ୍ଡେ ସିଂହାସନ୍ ମଦଲ୍ ନିଜେ ନିଜେତ୍ ମୁକୁଟ୍‍ ୱାଟି ମିକା କେତ୍‍ତଡ଼୍‍, 
\v 11 “ଆ ମାନ୍‍ ପ୍ରବୁ ଇଶ୍ୱର୍‍ ! ନିମେ କେ ଗୌରବ୍, ସମ୍ଭମ ନୁ ପରାକ୍ରମ୍ ବାଜନ୍, କାରନ୍‍, ନିମେ ସାରେ ବିଷୟତେ ସୃଷ୍ଟି ମାଡ଼୍‍ତିନ୍ । ନିଜେତ୍‍ ଇଚ୍ଛାତେ ଆଦ୍‍ ସାରେତିଙ୍କ୍ ଅସ୍ତିତ୍ୱ ତାତ୍‍ତିନ୍, ପଶୁକିଙ୍କ୍ ଜିୱେ ମାଡ଼୍‍ତିନ୍ ।”
\c 5
\s ବଇ ନୁ ମେକାଗଲାଲ୍
\p
\v 1 ସିଂହାସନ୍‌ତାଗ୍ ମାନ୍ଦାନ୍ ନାରୁଣ୍ଡ୍‍ତେ ତିନ୍ଦେ କାୟ୍‍ଦାଗ୍‍ ନାନେ ୱେରଡ଼୍ ବଇ ଉଡ଼୍‍ତାନ୍; ତାନ୍ ରେଣ୍ଡ୍ ପାକା ଲେକା ଆଶ୍‍ମାତ୍‍ତେ ନୁ ସାତ୍‍ଟାନ୍‍ ସିଲ୍‍ତଡ଼୍‍ ଆଦ୍ ଲେକା ଆସ୍‍ମାତ୍‍ତେ । 
\v 2 ମେଣ୍ଡେ ନାନେ ଉଡ଼୍‍ତାନ୍, ୱେରଣ୍ଡ୍ ମହାପରାକ୍ରାନ୍ତ ସ୍ୱର୍ଗଦୂତ ଗାଟି ଲେଙ୍ଗ୍‍ତେ କେସ ମାନ୍‍ନୁଣ୍ଡ୍‍, “ସିଲ୍‍କିଙ୍କ୍ ଉୱୁସ୍‍ ଇଦ୍ ବଇତିଙ୍କ୍ ଟେଣ୍ଡାନଙ୍କ୍ ବେନ ଯୋଗ୍ୟ ନାରୁଣ୍ଡ୍‍ ମାତ୍‍କେ, ପେଇସ୍‍ ୱାଡ଼ିଣ୍ଡ୍ ।” 
\v 3 ଇତ୍କେ ଆଦ୍ ବଇତିଙ୍କ୍ ଟେଣ୍ଡି ଆଗେ ବାତ୍‍ ଲେକାମିନ୍ଦେ, କାର୍‍ତାନଙ୍କ୍ ସ୍ୱର୍ଗତାଗ୍, ପୃତିବିତାଗ୍ ବା ପାତାଲ୍‍ତାଗ୍ ବେନ ପେୟଣ୍ଡ୍ । 
\v 4 ବଇ ଟେଣ୍ଡି ଆଗେ ବାତ୍‍ତେ ଲେକାମିନ୍ଦେ, କାର୍‍ତାନ୍‍ ସେଙ୍ଗେ ବେନ ୱେରଣ୍ଡ୍‍ମିକା ଯୋଗ୍ୟ ନାରୁଣ୍ଡ୍ ଦର୍‍କ୍‍ୱାଙ୍କ୍, ନାନେ ଦୁଃକାମ୍‍ ଆସ୍‍ କେୟାନଙ୍କ୍ ପସ୍ପ୍‍ତାନ୍ । 
\v 5 ତାନ୍‍ପେର୍କେ ବୟସ୍‍ତେ ନେତାଲଡ଼୍‍ ଲୋପେଙ୍କ୍ ୱେରଣ୍ଡ୍ ନାକ୍ ବୁଲ୍‌ସ୍‌ପି କେତ୍‍ତନ୍, “କେୟ୍‍ମା, ଉଡ଼େ ! ଦାଉଦ୍‍ତେ ବେଡ଼୍‍ୟେ ପରିବାର୍‍ତାଗାଙ୍କ୍, ଯିହୁଦା ଗୋଷ୍ଟୀତଣ୍ଡ୍‍ ଗଣ୍ଡ୍ରାସ୍‍ ଦାଗାଙ୍କ୍ ଜିଡ଼ି ୱାସ୍‍ମିନ୍ତେନ୍; ଅଣ୍ଡ୍‌ ଇଦ୍ ସାତ୍‍ଟାନ୍ ଯାକ ସିଲ୍‍ ଉୱୁସ୍‍ ବଇ ଟେଣ୍ଡାନଙ୍କ୍ ପାର୍‍ତନ୍ ।”
\p
\v 6 ତାନ୍‍ପେର୍କେ ସିଂହାସନ୍‌ତେ ନାଡ଼୍‍ମେ ମୁନେଙ୍କ୍‍ତାୱୁ ନାଲୁଟାନ୍ ପଶୁ ନୁ ବୟସ୍ତେ ନେତାଲଡ଼୍ଆଗାଙ୍କ୍ ୱେରଣ୍ଡ୍ ମେଣ୍ଡେ ନିସ୍‍ ମାନ୍ଦାନାଦ୍ ଉଡ଼୍‍ତାନ୍ । ମେଣ୍ଡେ ଡଲ୍‍ତେ ଲେକାମ୍ ଏର୍କେ ଆୟ୍‍ନୁଡ଼୍ । ଆଦିନାୱୁ ସାତ୍‍ଟାନ୍ କଅକ୍‌ ନୁ ସାତ୍‍ଟାନ୍ କଣ୍ଡା ମାତ୍‍ତା । ଆୱୁ କଣ୍ଡା ପୁରା ପୃତିବିତାଗ୍‍ ରହସ୍‍ ମାନ୍ଦାନ୍ ଇଶ୍ୱର୍‌ତେ ସାତ୍‍ଟାନ୍ ଆତ୍ମା 
\v 7 ମେଣ୍ଡେ ସିଂହାସନ୍‌ ତାଗ୍ ମାନ୍ଦାନଣ୍ଡ୍‍ ଗାରେ ଆଞ୍ଜ୍ ତାନ୍ ତିନ୍ଦେ କାଇଦାଗାଙ୍କ୍ ବଇ ଆତ୍‍ତେ । 
\v 8 ଅଣ୍ଡ୍‌ ଆଦ୍‍ ମାଡ଼ାନ୍ ପେର୍କେ ନାଲୁଲାକା ପଶୁ ନୁ ଚବିଶ୍‍ ଜାନ୍ ବୟସ୍ତେ ନେତାଲଡ଼୍ ମେକାଗଲାନ୍ ମୁନେ ପ୍ରଣାମ୍ ମାଡ଼୍‍ତଡ଼୍ । ସାରେତଡ଼୍ କାଇକିନାଗ୍ ୱେର ବିଣା ନୁ ଇଶ୍ୱର୍‌ତେ ବକ୍ତନଡ଼୍‍ ପ୍ରାର୍ତନା ଲେକାମ୍ ଦୁପତାଗ୍ ନିଣ୍ଡୁ ୱେରଡ଼୍ ସୁବର୍ଣ୍ଣ ପାତ୍ର ମାତ୍‍ତେ । 
\v 9 ଅଡ଼୍‌‍ ୱେରଡ଼୍ ପୁନେ ପାଟେ ପାର ମାତ୍‍ତଡ଼୍, “ବଇ ଆସ୍ ମିକା ଆଦ୍ ମାଆର୍‌ ଟେଣ୍ଡାନଙ୍କ୍ ନିମେ କେ ଯୋଗ୍ୟ, ବାତେଙ୍କ୍‍ଇତ୍କେ ନିମେ ଆୱୁକି ଆସ୍‍ମାତ୍‍ତିନ୍ ନୁ ନିୟାଦ୍ ତଡ଼୍, ସାରେତେ ନାର୍, ବାଷାବାଦିଡ଼୍‍, ରାଷ୍ଟ ନୁ ଜାତିନାଗାଙ୍କ୍ ଇଶ୍ୱର୍‌ତେ ସେଙ୍ଗେ ନାରୁଡ଼୍‍କିଙ୍କ୍ ମୁକ୍ତି ଆସ୍‌ ମିନ୍ଦେନି । 
\v 10 \x + \xo ୫:୧୦ \xo*\xt ପ୍ରକାଶିତ୍‌ ବାକ୍ୟ ୧:୬.\xt*\x*ମେଣ୍ଢା ଇଶ୍ୱର୍‌ତେ ସେବା ମାଡ଼ାନ୍‍ ସେଙ୍ଗେ ଅଡ଼୍‌‍କିଂଙ୍କ୍ ୱେରଡ଼୍ ଯାଜକ୍ ନାର୍‍ଦାଗ୍ ପରିଣତ୍‍ ମାଡ଼ିମିନ୍ଦେନି ଅଡ଼୍‌ ପୃତିବିତେ ପରୁ ରାଜତ୍ୱ ମାଡ଼ିତଡ଼୍ ।”
\p
\v 11 ନାନେ ମେଣ୍ଡେ ମାଲ୍‍ସ୍ ଉଡ଼୍‍ତାନ୍, ନାର୍ଗେ ହଜାର୍‌ ନୁ ନାର୍ଗେ ଲକ୍ଷ ସ୍ୱର୍ଗଦୂତ ସିଂହାସନ୍‌ତାଗ୍, ନାଲୁଲାକା ପଶୁ ନୁ ବୟସ୍ତେ ନେତାଲଡ଼୍ ତିଡ଼୍‍ପାକା ନିସ୍‍ମିନ୍ତେ । 
\v 12 ଅଡ଼୍‌‍ ଗାଟି ଲେଙ୍ଗ୍‍ଦେ ପାଟ୍ ମାନ୍‍ନୁଡ଼୍, “ଆୱୁକି ମାନ୍ଦାନ୍ ଆ ମେଣ୍ଢା କ୍ଷମତା, ଏଶ୍ଚର୍ଯ୍ୟ, ଜ୍ଞାନ୍ ନୁ ଶକ୍ତି ସମ୍ଭ୍ରମ, ଗଉରବ୍ ନୁ ପ୍ରଶଂସାତେ ବାଜନ୍ !” 
\v 13 ଆସୁଙ୍ଗ୍ ସ୍ୱର୍ଗ, ପୃତିବି, ପାତାଲ ନୁ ସମୁଦ୍ରତେ ସାରେ ପଶୁ ନୁ ବିଶ୍ୱତେ ସାରେ ପ୍ରାଣିଙ୍କ୍ ପାଟେ ପାରାନାଦ୍ ନାନେ କେଞ୍ଜ୍‍ତାନ୍ । ଅଡ଼୍‌ ପାରମାତ୍‍ତଡ଼୍, “ସିଂହାସନ୍‌ତାଗ୍ ପରୁ ମାନ୍ଦାନ୍ ନାରିନ୍ ନୁ ତାନ୍ ମେଣ୍ଢାତ୍‍ ପ୍ରସଂଶା ମାଡ଼ାଟ୍ । ତାମ୍ ସମ୍ମାନ୍‍, ଗଉରବ୍ ନୁ ସାତ୍‍ୱାମ୍‍ ସାରେ ଦିନା ମାନ୍‍ତେ !” 
\v 14 ନାଲୁଲାକା ଜିୱାକ୍‌ ଅଣ୍ଡୟ୍‌‍ତଡ଼୍‍ କେସମାନ୍‍ନୁ, “ଆମେନ୍‍” ନେତାଲଡ଼୍ ପ୍ରଣିପାତ ମାଡ଼ଡ଼୍‍ ତାମାଦ୍ ଆରାଦାନା ମାଡ଼୍‍ତଡ଼୍ ।
\c 6
\s ମୁଦାନ୍ ୱେଷଡ଼୍
\p
\v 1 ତାନ୍‍ ପେର୍କେ ନାନେ ଉଡ଼୍‍ତାନ୍‍, ମେକା ଗଲାଲ୍ ସାତ୍‍ଟାନ୍ ମୁଦ୍ରାନାଗାଙ୍କ୍ ୱେରଡ଼୍‍ ଟେଣ୍ଡ୍‍ତନ୍ ନୁ ନାଲୁ ପଶୁନ୍ ନାଗାଙ୍କ୍ ୱେରଡ଼୍‍ ନାକିଙ୍କ୍ ଗାଟି ଲେଙ୍ଗ୍‍ଦେ କେତ୍‍ତନ୍, “ୱାଡ଼େ !” 
\v 2 ନାନେ ମାଲ୍‍ସ୍‍ ଉଡ଼୍‍ତାନ୍, ୱେରଡ଼୍ ପାଣ୍ଡେଲାଦ୍ ଗୁରାମ୍‍, ଗୁରାତଣ୍ଡ୍‍ କାଇଦାଗ୍ ୱିଲ୍‍ ପୟ୍‍ସ୍‍ ମାତ୍‍ତନ୍ । ଅଙ୍କ୍‌ ୱେରଡ଼୍ ମୁକୁଟ୍‍ ଇତ୍‍ତଡ଼୍ ନୁ ଅଣ୍ଡ୍‌ ଯୁଦ୍‍ତାଗ୍ ଜିଡ଼ାନଙ୍କ୍ ସେଙ୍ଗେ ପେଇତ୍‍ତନ୍ ।
\p
\v 3 ତାନ୍‍ପେର୍କେ ମେକା ମେଇତାନନ୍‍ ରେଣ୍ଡ୍ ଟେଣ୍ଡ୍‍ତଣ୍ଡ୍ ନୁ ରେଣ୍ଡ୍ ପଶୁ ନାକିଙ୍କ୍ କେତ୍‍ତା, “ୱାଡ଼ାଟ୍‍ ।” 
\v 4 ନାନେ ଉଡ଼୍‍ତାନ୍, ଏର୍‍ରେ କଲର୍‍ତାଦ୍ ମେଣ୍ଡନ୍ ଗୁରାମ୍‍ । ପୃତିବିତାଗ୍ ଅଶାନ୍ତି ମାଡ଼ାନ୍ ସେଙ୍ଗେ ତାନ୍ ଚାଲାମାଡ଼ାନଙ୍କ୍‍ ଆଦେଶ୍ ଇତ୍‍ତନ୍, ନାରୁଡ଼୍ ବେଲାନ୍ ଯୁଦ୍‌ମାଡ଼ି ନିଜେ ନିଜେତିଗ୍ ଆୱୁକିତଡ଼୍ । ଅନ୍‌ କାଇଦାଗ୍ ୱେରଡ଼୍‍ ବେଡ଼ିୟାଦ୍ କଡ଼୍‍ଗ ତିଆର୍‍ ଆତ୍‍ତେ ।
\p
\v 5 ତାନ୍‍ପେର୍କେ ମେକାଗଲାଲ୍ ମୁଣ୍ଡ୍ ମୁଦ୍ରା ଉତ୍‍ତେ ପେର୍କେ ମୁଣ୍ଡ୍ ମେଣ୍ଢା ନାକିଙ୍କ୍ କେତ୍‍ତା, “ୱାସ୍‍ ଉଡ଼ା ।” ନାନେ ଉଡ଼୍‍ତାନ୍, ୱେରଡ଼୍ ଗୁଡି କଲର୍‍ତେ ଗୁରାମ୍; ଆଦ୍ ଗୁରାତଣ୍ଡ୍‍ତେ କାଇଦାଗ୍ କେଜି ମାତ୍‍ତେ; 
\v 6 ନୁ ନାୟାଦ୍ ଏର୍କେ ଆତ୍‍ତେ ନାଲୁଜାକ ପଶୁ ଅଣ୍ଡୟ୍‌ ଲେଙ୍ଗ୍‍ତେ କେତୁତା, “ଅନ୍‌‍ଦିନାତ୍ କୁଲ୍‍ଦେ ଅଣ୍ଡ୍‌‍ କେଜି ଗଅମ୍ ନୁ ମୁଣ୍ଡ୍ କେଜି ଯବ\f + \fr ୬:୬ \fr*\ft ଗହମ୍‍ ଲେକାମ୍‍ ତଅନ୍‌ଦାନ୍‍ ଶସ୍ୟ\ft*\f* ଦର୍‍କିତ୍ । ଇତ୍କେ ଜିତ ନିୟ୍‍ ମାଡ଼େ ନୁ ଅଙ୍ଗୁର୍‌ ବଗିଚାତିଙ୍ଗ୍ ନଷ୍ଟ ମାଡ଼୍‍ମାଟ୍ ।”
\p
\v 7 ତାନ୍‍ ପେର୍କେ, ମେକା ମେଇତାନନ୍ ନାଲୁଯାକ ଉସ୍‍ମିକା କେତ୍‍ତନ୍ ନୁ ନାଲୁ ପଶୁ ନାକିଙ୍କ୍ କେତ୍‍ତା, “ୱାଡ଼େ !” 
\v 8 ନାନେ ଉଡ଼୍‍ତାନ୍, ୱେରଡ଼୍ ନିର୍‍ କଲର୍ ଗୁରାମ୍‍ । ତାନ୍ ଚାଲାମାଡ଼ାନ୍‍ତେ ପେଦେର୍ ଡଲାନାଦ୍; ପାତାଲ୍‍ ତାନ୍ ପେର୍କେ ଆଞ୍ଜ ମାନ୍‍ନୁ । ଯୁଦ୍‌, ଦୁବିକ୍ଷ, ରୋଗ୍, ବ୍ୟାଦି ନୁ ମେଟେତା ମାନ୍ଦାନ୍ ଉପଦ୍ରବ୍ୟ ଲେକାମ୍ ପୃତିବିତେ ଅଣ୍ଡୟ୍‌ ନାଲୁପାକା ଆଦିବାସିଡ଼୍‍କ୍ ବିନଷ୍ଟ ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ କ୍ଷମତା ଇତ୍‍ତଡ଼୍ । 
\v 9 ତାନ୍‍ପେର୍କେ, ମେକାଗଲାଲ୍ ଏଇଙ୍ଗ୍ ମଆର୍ ଉତ୍‍ତନ୍ ନୁ ନାନେ ଉଡ଼୍‍ତାନ୍, ୱେରଡ଼୍ ବେଦୀ । ଇଶ୍ୱର୍‌ତେ ବାକ୍ୟ କେସ୍‍ମିକା ସାକ୍ଷ୍ୟତାଗ୍ ବିଶ୍ୱାସ୍‍ତେ ମାନ୍ଦାନ୍ ସେଙ୍ଗେ ଡଲିମାନ୍ଦାନ୍ ନାରୁଡ଼୍‍କିଙ୍କ୍ ଆତ୍ମାକିନ୍ ଆୱୁ ବେଦୀ ମଦଲ୍ ସୁରକିତ୍ ଆସ୍‍ମାତ୍‍ତା । 
\v 10 ଅଡ଼୍‌‍ ଗାଟିଲେଙ୍ଗ୍‍ଦେ କେତ୍‍ତା, “ସାରେଦାମ୍ ପବିତ୍ର ନୁ ସତ୍ୟତେ ପ୍ରବୁ ଇଶ୍ୱର୍ ! ପୃତିବିତାଗ୍ ବେନଡ଼୍ ମାନାଙ୍କ୍ ଆଉକି ମାତ୍‍ତଡ଼୍, ଅଡ଼୍‌‍କିଂଙ୍କ୍ ବିଚାର୍ ମାଡ଼ି ଶାସ୍ତି ଇଦାନଙ୍କ୍ ମେଣ୍ଡେ ବେସ୍‍କେ କାଲାମ୍ ଲେଟ୍‍ ମିନ୍ଦେ ?” 
\v 11 ଅଡ଼୍‌ଆଗାଙ୍କ୍ ସାରେତଡ଼୍‍କିଙ୍କ୍ ୱେରଲାକା ପାଲ୍‍ସେ ଲାୱୁ ଚକାସିଲେ ଇତ୍‍ତଡ଼୍‍ । ମେଣ୍ଡେ ଅଡ଼୍‌‍ୱାଦ୍‌ ସାଙ୍ଗ ଦାଦାନଡ଼୍ ନୁ ସେବକ୍‍ ନଡ଼୍ ନାର୍ଗେ ସଂକ୍ୟାତେ ଡଲୱେ ଯାକ ଅଡ଼୍‌‍କିଂଙ୍କ୍ ମେଣ୍ଡେ ବେସ୍‍କେ ଦିନା କେପାନଙ୍କ୍ କେତ୍‍ତଡ଼୍ ।
\p
\v 12 \x + \xo ୬:୧୨ \xo*\xt ପ୍ରକାଶିତ୍‌ ବାକ୍ୟ ୧୧:୧3; ୧୬:୧୮; \xt*\xt ମାତିଉ ୨୪:୨୯; ମାର୍କ ୧3:୨୪,୨୫; ଲୁକ ୨୧:୨୫.\xt*\x*ତାନ୍‍ପେର୍କେ, ନାନେ ଉଡ଼୍‍ତାନ୍, ମେକାଗଲାଲ୍ ଚଅଟାନ୍‍ ସିଲ୍‍ ଉତ୍‍ତନ୍; ସାଙ୍ଗେ ସାଙ୍ଗେ ନାର୍ଗେ ବୁମିକମ୍ଫ ଆତ୍‍ତା । ପଡ଼୍‍ଦ୍ କୃଷ୍ଣ କଲର୍‍ତେ କମ୍ୱଲ୍‍ ଲେକାମ୍ ଇକାଡ଼୍‍ ଆତ୍‍ତେ ନୁ ନେଲ୍‍ଞ୍ଜ୍ ପୁରା ନେତୁର୍ କଲର୍ ଆତ୍‍ତେ । 
\v 13 ନାର୍ଗେ ଗାଲ୍‍ଦେ ଆଗାତ୍‍ତେ ତୟା ମାଡ଼େତାଗାଙ୍କ୍ କାୟା ସାରେ ରାଲାନ୍ ଲେକାମ୍, ଉକାକ୍‍ ସାରେ ମୟଲ୍‍ତାଗାଙ୍କ୍ ପୃତିବିତେ ପରୁ ରାଲ୍‍ତା । 
\v 14 \x + \xo ୬:୧୪ \xo*\xt ପ୍ରକାଶିତ୍‌ ବାକ୍ୟ ୧୬:୨୦.\xt*\x*ୱେରଡ଼୍ କାଗଜ୍ ପର୍ଦ୍ଦା ମାଡ଼୍‍ପି ଆଦାନ୍ ଲେକାମ୍ ମାବ୍ ମାଡ଼୍‍ପି ଆସ୍ ମାଇ ଆତ୍‍ତେ । ମେଟା ନୁ ଗପ୍‍ ମେଣ୍ଡେଅଣ୍ଡାଗ୍‍ ଆତ୍‍ତା । 
\v 15 ଆଦ୍ ସମୟତେ ପୃତିବିତେ ସାରେ, ରାଜା, ଶାସନଡ଼୍ ବା ସେନାନାୟକ୍, ଦନି ନୁ ପରାକ୍ରନ୍ତ, କ୍ରୀତଦାସ ବା ସାଦାରନ୍ ନାଗରିକ୍ ସାରେତଡ଼୍ ପାଡ଼୍‍କିନାଗ୍ ନୁ ମେଟେତ୍‍ କାଲ୍‍ ଦରାନାଗ୍‍ ମଦଲ୍‍ ଆଞ୍ଜ୍ ମିଞ୍ଜ୍‍ତଡ଼୍ । 
\v 16 \x + \xo ୬:୧୬ \xo*\xt ଲୁକ ୨3:3୦.\xt*\x*ଅଡ଼୍‌ ମେଟାକିଂଙ୍କ୍‌ ନୁ କାଲ୍‍କିଙ୍କ୍ କାର୍‍ଙ୍ଗି କେସମାନ୍‍ନୁଡ଼୍, “ମା ପରୁରାଲା, ସିଂହାସନତାଗେ କୁଦିମାନ୍ଦାନ୍‍ ଆ ନାରିନ୍ କଣ୍ଡେତାଗାଙ୍କ୍ ନୁ ମେକା ଗଲାନ୍‍ କପାମ୍‍ତାଗାଙ୍କ୍‍ ମାକିଙ୍କ୍ ମିଞ୍ଜ୍‍ପି ନେଏମ୍ । 
\v 17 ଅଡ଼ାଦ୍‌ କପାମ୍‍ତେ ବୟଙ୍କାର୍ ଦିନାମ୍ ୱାସ୍‍ ଏୱୁସ୍‍ମିନ୍ଦେ । ବେନ ଆଦ୍ ପ୍ରତିରଦ୍ ମାଡ଼େପାର୍‍ତନ୍ ?”
\c 7
\s ଅଣ୍ଡୟ୍‌‍ ଲକ୍ଷ ଚରାଲିଶ୍‍ ହଜାର୍‍ ଇଶ୍ରାଏଲିୟ ନାରୁଡ଼୍‍
\p
\v 1 ତାନ୍‍ ପେର୍କେ ନାନେ ଉଡ଼୍‍ତାନ୍, ପୃତିବିତେ ନାଲୁ ମୁଲାନାଗ୍ ନାଲ୍‍ୱୁଡ଼୍ ଦୂତ ନିସ୍ ମିନ୍ଦେଡ଼୍‍ ନୁ ବୁମ୍‌ତେ ନାଲୁ ପାକାଙ୍କ୍ ଗାଲ୍ ୱାଦାନ୍ ଅଟ୍‍କା ମାଡ଼ିମିନ୍ଦେଡ଼୍ । ତାନ୍‍ପେର୍କେ ପୃତିବି, ସମୁଦ୍ର ବା ବେନେବା ମାଡ଼େମେଟେ ପରୁ ଇସୁର୍ ମିକା ଗାଲ୍ ୱାଡ଼୍‍ୱେ ମାତ୍‍ତେ । 
\v 2 ମେଣ୍ଡେ ନାନେ ଉଡ଼୍‍ତାନ୍, ମେଣ୍ଡନ୍ ୱେରଡ଼୍ ଦୂତ ଚିରଞ୍ଜିବି ଇଶ୍ୱର୍‌ତେ ସିଲ୍‍ ଆସ୍ ପୁର୍ବ ଦିଗ୍‍ତାକାଙ୍କ୍ ୱାସମିନ୍ଦେନ୍ । ଆଦ୍ ଦୂତ ବୂମ୍‌ ନୁ ସମୁଦ୍ରତିଙ୍ଗ୍ ବିନଷ୍ଟ ମାଡ଼ାନ୍ ସେଙ୍ଗେ ଇଶ୍ୱର୍ ବେନ୍ ନାଲୁ ଦୂତଙ୍କ୍ କ୍ଷମତା ଇସ୍‍ମାତ୍‍ତନ୍, ଅଡ଼୍‌‍କିଂଙ୍କ୍ ଗାଟି ଲେଙ୍ଗ୍‍ଦେ କେତ୍‍ତଡ଼୍, 
\v 3 “ମାମେ ବେସୁଙ୍କ୍‍ ଯାକ ଇଶ୍ୱର୍‌ତେ ଦାସଡ଼୍‍ ତାଲେତ୍‍ ମୁଞ୍ଜ୍‍ତାଗ୍ ସିଲ୍‍ ରେହେୱମ୍, ଆସୁଙ୍କ୍ ଯାକ ବୂମ୍‌, ସମୁଦ୍ର ବା ମାଡ଼ାକିନାୱୁ ବାତେମିକା କ୍ଷତି ମାଡ଼୍‍ମାଟ୍‍ ।” 
\v 4 ବେନଡ଼୍ ତାଲେତାଗ୍ ଇଶ୍ୱର୍‌ତେ ମଆର୍ ରେହେତ୍‍ତଡ଼୍, ଅଡ଼ାଦ୍‌ ଅଣ୍ଡୟ୍‌‍ ଲକ୍ଷ ଚରାଳିଶ୍‍ ହଜାର୍‍ ସଂକ୍ୟା ମାତ୍‍ତେ ଇଞ୍ଜ କେଞ୍ଜ୍‍ତାନ୍ । ଅଡ଼୍‌ ମାତର୍ ଇଶ୍ରାଏଲିୟ ବାରଟାନ୍ ଗୋଷ୍ଟୀତ୍‍ ନାରୁଡ଼୍ । 
\v 5 ଯିହୁଦା ବଂଶତାଗାଙ୍କ୍ ବାରହଜାର୍‌ ନାରୁଡ଼୍, ରୁବେନ୍ ବଂଶତାଗାଙ୍କ୍ ବାରହଜାର୍‌ ନାରୁଡ଼୍, ଗାଦ୍‍ ବଂଶତାଗାଙ୍କ୍ ବାରହଜାର୍‌ ନାରୁଡ଼୍, 
\v 6 ଆଶେର୍ ବଂଶତାଗାଙ୍କ୍ ବାରହଜାର୍‌, ନପ୍ତାଲି ବଂଶତାଗାଙ୍କ୍ ବାରହଜାର୍‌, ମନଶେହ ବଂଶତାଗାଙ୍କ୍ ବାରହଜାର୍‌, 
\v 7 ଶିମୀୟୋନ ବଂଶତାଗାଙ୍କ୍ ବାରହଜାର୍‌, ଲେବୀ ବଂଶତାଗଙ୍କ୍ ବାରହଜାର୍‌, ଇଷାକାର୍‍ତେ ବଂଶତାଗାଙ୍କ୍ ବାରହଜାର୍‌, 
\v 8 ଜେବୁଲନ୍ ବଂଶତାଗାଙ୍କ୍ ବାରହଜାର୍‌, ଯୋଷେଫ୍‍ ବଂଶତାଗାଙ୍କ୍ ବାରହଜାର୍‌, ବେଞ୍ଜାମିନ୍‍ ବଂଶତାଗାଙ୍କ୍ ବାରହଜାର୍‌ ।
\s ନାର୍ଗେ ମୁଲ୍‍
\p
\v 9 ତାନ୍‍ପେର୍କେ ନାନେ ମାଲ୍‍ସ୍‍ ଉଡ଼୍‍ତାନ୍, ୱେରଡ଼୍‍ ବେଡ଼୍‍ୟାଦ୍ ମାନ୍ଦେ; ଆଦିନ୍ ସଂକ୍ୟା ଲେକାନଙ୍କ୍ ଆୟ । ସାରେଜାତି, ନାର୍‍, ରାଷ୍ଟ ବା ବାଷାବାଦି ନଡ଼ାଗାଙ୍କ୍ ୱାସ୍‍ମାତ୍‍ତଡ଼୍ । ଅଡ଼୍‌ ପାଲ୍‍ସେ ଚକାସିଲା କେର୍‍ସ୍‍ ମିକା ନୁ କାଇକିନାଗ୍ ଏତେଲ୍‍ ମେଟା ପଇସ୍, ସିଂହାସନ୍ ନୁ ମେକାଗଲାଲ୍ ମୁନେ ନିସ୍‍ ମାତ୍‍ତଡ଼୍ । 
\v 10 ଅଡ଼୍‌‍ ଗାଟି ଲେଙ୍ଗ୍‍ଦେ କେସ ମାନ୍‍ନୁଡ଼୍, “ମାତର୍ ସିଂହାସନ୍‌ତାଗେ ମାନ୍ଦାନ୍ ଇଶ୍ୱର୍‍ ନୁ ମେକାଗଲା ମାନ୍‍ ପରିତ୍ରାଣକର୍ତାଲ୍‍ ।” 
\v 11 ସିଂହାସନ୍‌ତିଙ୍କ୍, ବୟସ୍ତେ ମାନ୍ଦାନ୍ ନେତାନଡ଼୍‍କ୍ ନୁ ନାଲୁ ପ୍ରାଣିଙ୍କ୍ ତୁଡ଼ୀଇ ଆସ୍ ଦୂତକି ନିସ୍ ମାତ୍‍ତଡ଼୍ । ଅଡ଼୍‌ ସିଂହାସନ୍ ମୁନେ ମଡ଼୍‍କ୍‍ତଡ଼୍ ନୁ ଇଶ୍ୱର୍‌ତେ ଆରାଦାନା ମାଡ଼ି 
\v 12 କେତ୍‍ତଡ଼୍, “ଆମେନ୍‍ ! ପ୍ରଶଂସା, ଗୌରବ୍‌, ଜ୍ଞାନ୍‍, ଦନ୍ୟବାଦ୍, ସମ୍ଭ୍ରମ, କ୍ଷମତା ନୁ ପରାକ୍ରମ୍ ଯୁଗ୍‍ଯୁଗ୍‍ ଇଶ୍ୱର୍‍ ପାଏମ୍‍ ଆୟିଣ୍ଡ୍‍, ଆମେନ୍ !” 
\v 13 ବୟସ୍ତେ ମାନ୍ଦାନ୍ ନଡ଼ାଗାଙ୍କ୍ ୱେରଣ୍ଡ୍ ନାକିଙ୍କ୍ କେତ୍‍ତନ୍, “ପାଣ୍ଡେଲାଦ୍ ଚକାସିଲେ ଉଡ଼୍‍ସି ମାନ୍ଦାନ୍ ଆ ନାରୁଡ଼୍ ବେନଡ଼୍‍ ? ଅଡ଼୍‌ ବେଗାଙ୍କ୍ ୱାତ୍‍ତଡ଼୍ ?” 
\v 14 \x + \xo ୭:୧୪ \xo*\xt ମାତିଉ ୨୪:୨୧; ମାର୍କ ୧3:୧୯.\xt*\x*ନାନେ ଉତ୍ତର୍ ଇତ୍‍ତନ୍, “ଆଜ୍ଞା ! ନାନେ ପୁନ୍‍ନନ୍ । ନିମେ ପୁଞ୍ଜ୍‍ମାନ୍‍ନ୍ତି ।” ଅଣ୍ଡ୍‌ ନାକିଙ୍କ୍ କେତ୍‍ତନ୍, “ଇ ନାରୁଡ଼୍ ବୟଙ୍କାର୍ କଷ୍ଟତାଗାଙ୍କ୍ ୱାତ୍‍ତଡ଼୍ । ଅଡ଼୍‌‍ ସାରେତଡ଼୍ ମେକାଗାଲାନ୍‍ ନେତୁର୍‍ତେ ନିଜେ ନିଜେତ୍ ଚକା ନର୍‍ସ ପାଣ୍ଡ୍ରି ମାଡ଼୍‍ତଡ଼୍‍ । 
\v 15 ଆଦିନ୍ ସେଙ୍ଗେ ଅଡ଼୍‌ ଇଶ୍ୱର୍‌ତେ ମନ୍ଦିର୍‍ତାଗ୍ ତାନ୍ ସିଂହାସନ୍‌ତେ ମୁନେ ନିସ୍‍ମିକା ନାର୍କା ପାୟାଲ୍ ଅନାଦ୍‌ ଆରାଦାନା ମାଡ଼ୁତଡ଼୍ । ସିଂହାସନ୍‌ତାଗ୍ ମାନ୍ଦାନ୍ ନାରୁଡ଼୍ ଅଡ଼୍‌‍କିଂଙ୍କ୍ ରମାନଙ୍କ୍‍ ଇଦ୍‍ତଡ଼୍ । 
\v 16 ଅଡ଼୍‌ ମେଣ୍ଡେ ବେସୁଙ୍କ୍‍ମିକା କାର୍‍ୱିନ୍ ବା ଏର୍‍ ଉନ୍ଦେୱାୱ; ପଡ଼ଦ୍‍ତେ ଏଦ୍ ବା ମେଣ୍ଡେ ବେନେ କାମ୍‍କେ ଅଡ଼୍‌‍କିଂଙ୍କ୍ ନିଡ଼୍‍ସ୍ପେ ପାର୍‍ୱ । 
\v 17 ବାତେଙ୍କ୍‍ଇତ୍କେ, ସିଂହାସନ୍ ନାଡ଼୍‍ମେ ମାନ୍ଦାନ୍ ମେକାଗଲାଲ୍‍ ଆୱିନ୍ ଗଲାଲ୍‍ ଆଦ୍‍ତଡ଼୍ । ଆଦ୍ ଜିୱେମାନ୍ଦାନ୍ ଏର୍‍ଦେ ଗାର୍ରେ ଅଡ଼୍‌‍କିଂଙ୍କ୍ ଆର୍ ତଅସଡ଼୍ ଆଦ୍‍ତନ୍ ନୁ ଇଶ୍ୱର୍‍ ଅଡ଼୍‌‍କିଂଙ୍କ୍ କଣ୍ଡାନାଗାଙ୍କ୍ ସାରେ କାଣ୍ଡେଡ଼୍ ଉଞ୍ଜ୍‍ପିଦ୍‍ତଣ୍ଡ୍‍ ।”
\c 8
\s ସାତ୍‍ଟାନ୍ ସିଲ୍‍
\p
\v 1 ମେକାଗଲାଲ୍ ସାତ୍‍ଟାନ୍ ସିଲ୍‍ ଟେଣ୍ଡାନ୍ ସାଙ୍ଗେ ସାଙ୍ଗେ ସ୍ୱର୍ଗତାଗ୍ ମାତର୍ ଅଦାଗାଣ୍ଟା ଯାକ ସାରେ ଲେଙ୍ଗ୍‍ ଆୟକଟ କଟମାତ୍‍ତଡ଼୍‍ । 
\v 2 ତାନ୍‍ପେର୍କେ ଇଶ୍ୱର୍‌ତେ ମୁନେ ନିସ୍‍ମାନ୍ଦାନ୍ ସାତ୍‍ଟାନ୍ ଦୂତଙ୍କ୍ ନାନେ ଉଡ଼୍‍ତାନ୍; ଅଡ଼୍‌‍କିଂଙ୍କ୍ ସାତ୍‍ଟାନ୍ ତୁରି ଇତ୍‍ତଡ଼୍ ।
\p
\v 3 ମେଣ୍ଡେ ଅର୍‍ତୁନ୍ ଦୂତ ୱେରଡ଼୍ ସୁବର୍ଣ୍ଣ ଦୁପାମ୍ ଆସ୍ ବେଦି ମୁନେ ୱାସ୍ ନିତ୍‍ତେ । ସିଂହାସନ୍ ମୁନେମାନ୍ଦାନ୍ ସୁନ୍ନତ୍‍ ବେଦି ପରୁ, ଇଶ୍ୱର୍‌ତେ ବକ୍ତନଡ଼ାଦ୍ ପ୍ରାର୍ତନା ଲେକାମ୍ ଦୁପାମ୍‍ ତଡ଼୍‍ କାଲ୍‍ପି ଉସ୍ୱର୍ଗ ମାଡ଼ାନ୍ ସେଙ୍ଗେ, ଅଙ୍କ୍‌ ନାର୍ଗେମାଡ଼ି ଦୁପାମ୍ ଇତ୍‍ତଡ଼୍ । 
\v 4 ଆୱୁ ଦୂତନ୍ କାଇକିନାଗ୍ ନିଡ଼୍‍ସ ମାନ୍ଦାନ୍ ଦୁପାମ୍ ଉମେ ତଡ଼୍ ଇଶ୍ୱର୍‌ତେ ବକ୍ତନଡ଼ାଦ୍ ପ୍ରାର୍ତନା କାଇଲି ମିକା ପରୁ ତେଦିଆତ୍‍ତେ । 
\v 5 \x + \xo ୮:୫ \xo*\xt ପ୍ରକାଶିତ୍‌ ବାକ୍ୟ ୧୧:୧୯; ୧୬:୧୮.\xt*\x*ତାନ୍‍ପେର୍କେ ଦୂତ, ଦୁପାମ୍ ପଇତେ ବେଦିତେ କିସ୍ ବର୍ତିମାଡ଼ି ଆଦ୍ ବୁମ୍‌ତେ ପରୁ ହେସିତ୍‍ତଡ଼୍ । ଅଦିନ୍‌ ପେର୍କେ ଜିଗ୍‍ଜାଗ୍‍ ଲେଙ୍ଗେ ଆତ୍‍ତେ, ୱାନେ ମେର୍ସତେ ନୁ ବୂମିକମ୍ପ ଆତ୍‍ତେ ।
\s ତୁରି ନେକାନାଲ୍‌ଦ୍
\p
\v 6 ତାନ୍‍ପେର୍କେ ପରୁତେ ସାତ୍‍ଜାନ୍ ଦୂତ ତୁରି ଉଦାନଙ୍କ୍ ତିଆର୍‍ ଆତ୍‍ତା ।
\p
\v 7 ମୁନେତାଦ୍‍ ଦୂତ ତୁରି ଉଦାନ୍ ସାଙ୍ଗେ ଆଦୁର୍‍ଗାଡା, କିସ୍‍ ନୁ ନେତୁର୍ ପୃତିବିତେ ପରୁ ରାଲ୍‍ତା । ତାନ୍‍ପେର୍କେ ସାରେ ମାଡ଼ାକ୍ ପଦ୍‍ଲା, ସାରେ ଇସୁରାଦ୍ ମିକା ପୃତିବିତେ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ନିଡ଼୍‍ସ୍‍ ଆତ୍‍ତେ ।
\p
\v 8 ତାନ୍‍ପେର୍କେ ଦ୍ୱିତିୟ ଦୂତ ତାନ୍ ତୁରି ଉଦାନ୍ ସାଙ୍ଗେ ମେଟେଲେକାମ୍ ଅଣ୍ଡୟ୍‌ ବେଡ଼ିୟାଦ୍ ମେଟେ ସମୁଦ୍ରତାଗ୍ ଏସ୍‍ତଣ୍ଡ୍‍ ନୁ ସମୁଦ୍ରତେ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ନେତୁର୍‍ତେ ବର୍ତି ଆତ୍‍ତେ, 
\v 9 ସମୁଦ୍ର ପଶୁନାଗାଙ୍କ୍ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ଡଲିଆତ୍‍ତା ନୁ ସମୁଦ୍ରତାଗ୍ ମାନ୍ଦାନ୍ ଜାହାଜ୍‍କିନାୱୁ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ଦ୍ୱଂସ ଆତ୍‍ତା ।
\p
\v 10 ତାନ୍‍ପେର୍କେ ତୃତିୟ ଦୂତ ତାନ୍ ତୁରି ଉଦ୍‍ତା । ସାଙ୍ଗେ ସାଙ୍ଗେ ମାବ୍‍ତାଗାଙ୍କ୍ ମଶାଲ୍ ଲେକାମ୍ ଅଣ୍ଡୟ୍‌ ବେଡ଼ିୟାଦ୍ ନିଡ଼୍‍ତାନ୍ ଉକାମ୍‍ ସାରେ ନଦିନ୍ ନୁ ଇଲ୍‍କାନାଗ୍ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ପରୁ ରାଲ୍‍ତା । 
\v 11 ଆୱୁ ନକ୍ଷତ୍ରତେ ପେଦେର୍ “ତିକ୍ତ ।” ତାନ୍‍ପେର୍କେ ପାନିୟ ଏର୍‍ଦେ ଅଣ୍ଡ୍‌‍ପାକେ ସାରେପାକା ଆତ୍‍ତେ ନୁ ଆଦ୍‍ ଏର୍ ଉଞ୍ଜ୍ ନାର୍ଗେ ନାରୁଡ଼୍‍ ଡଲ୍‍ତଡ଼୍ ।
\p
\v 12 ତାନ୍‍ପେର୍କେ ଚତୁର୍ତ ଦୂତ ତାନ୍ ତୁରି ଉଦାନ୍ ପେର୍କେ, ପଡ଼ଦ୍‍ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍, ନେଞ୍ଜ୍‍ତେ ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ ନୁ ନକ୍ଷତ୍ରକି ମୁଣ୍ଡ୍‍ ବାଗ୍‍ତାଗାଙ୍କ୍‍ ଅଣ୍ଡୟ୍‌ ବାଗ୍‍ କାୟ୍‍ତା ଆତ୍‍ତା । ଆଦିଙ୍କ୍ ୱେସିନ୍ ଅଣ୍ଡୟ୍‌ ତୃତିୟାଶଂ ୱେସ୍ ଡଲିଆତ୍‍ତେ । ତାନ୍‍ପେର୍କେ ଦିନାମ୍‍ତେ ଅଣ୍ଡୟ୍‌ ତୃତିୟାଶଂ ନୁ ନର୍କାତ୍ ଅଣ୍ଡୟ୍‌ ତୃତିୟାଶଂ ୱେସ୍‍ କମ୍‍ ଆତ୍‍ତେ ।
\p
\v 13 ତାନ୍‍ପେର୍କେ ନାନେ ମାଲ୍‍ସ୍‍ ଉଡ଼୍‍ତାନ୍, ମୟଲ୍‍ତେ ନାର୍ଗେ ପରୁ ୱେରଡ଼୍ ଗିଦ୍‍ ପିଟେ ପାର୍ସ ଗାଟିଲେଙ୍ଗ୍‍ଦେ କେତୁତ୍, “ଆୟ ! କି ବୟଙ୍କାର୍ ! ମେଣ୍ଡେ ବାଗାତାଉ ଦୂତକି ତୁରି ଉଦାନ୍ ୱେଲେ ପୃତିବିତେ ଅବସ୍ଥା ବେସର୍ ସାଙ୍ଗାତିକ୍ ଆୟ !”
\c 9
\p
\v 1 ତାନ୍‌ପେର୍କେ ଏଇଙ୍ଗ୍ ଦୂତ ତୁରି ଉଦ୍‍ତା ନୁ ନାନେ ଉଡ଼୍‍ତାନ୍, ସାଙ୍ଗେ ସାଙ୍ଗେ ମାବ୍‍ତାଗାଙ୍କ୍ ୱେରଡ଼୍ ନକ୍ଷତ୍ର ପୃତିବିତେ ପରୁ ରାଲ୍‍ତେ । ଆଦିଙ୍କ୍ ପାତାଲ୍‍ପୁର୍‍ତେ କୁଚ୍‍କାଇ ଇଞ୍ଜ ଇସ୍‍ମାତ୍‍ତଡ଼୍ । 
\v 2 ଅଣ୍ଡ୍‌‍ ୱାସ୍ ପାତାଲ୍‍ତେ ଆର୍ ଟେଣ୍ଡିଦାନ୍ ସାଙ୍ଗେ ୱେରଡ଼୍ ପାତାଲ୍‍ ବାଟିତାଗାଙ୍କ୍ ପେଇସମାନ୍ଦାନ୍ ଉମା ଲେକାମ୍ ପାତାଲ୍ କୁଣ୍ଡତାଗାଙ୍କ୍ ଗନଦୁମ ତିଆର୍ ଆତ୍‍ତେ ନୁ ଆଦ୍‍ ଉମେ ସେଙ୍ଗେ ପଡ଼ଦ୍ ନୁ ମୟଲ୍‍ ଇକାଡ଼୍‍ ତାତ୍‍ତେ । 
\v 3 ମେଣ୍ଡେ ଆଦ୍ ଉମେତାଗାଙ୍ଗ୍ ଇଟେକ୍‍ ପେଇସ ପୃତିବିତାଗ୍ ସାରେଏକାମ୍ ଆତ୍‍ତା । ଅଡ଼୍‌ ଏଟ୍‍ଗଡେଲ୍‍ ଲେକାମ୍ ଗାଟି ୱିସାମ୍‍ ମାତ୍‍ତା । 
\v 4 ପୃତିବିତେ ସୁଦୁରାୱୁ, ପଦ୍‍ଲା ବା ବାତେବା ମାଡ଼େ କ୍ଷତି ମାଡ଼କଟ୍ ବେନଡ଼ ତାଲେତାଗ୍ ଇଶ୍ୱର୍‌ତେ ସିଲ୍‍ତଡ଼୍‍ ଚିହ୍ନେ ଇଲକଟ୍ ମାତ୍‍ତେ, ମାତର୍ ଅଡ଼୍‌‍କିଂଙ୍କ୍ କଷ୍ଟ ଇଦାନ୍ ମାଇଦିନ୍ ଆୱୁ ପଙ୍ଗପାଲକି ଅନିଷ୍ଠ ଅସ୍‍ମାତ୍‌ତା । 
\v 5 ମେଣ୍ଡେ ଅଡ଼୍‌‍କିଂଙ୍କ୍ ଆୱୁକକଟ୍ ଏଇଙ୍ଗ୍ ନେଞ୍ଜ୍‍ଯାକ ମାତର୍ ୱିସାମ୍ ମାଡ଼ାନଙ୍କ୍ ପଙ୍ଗପାଲକି କ୍ଷମତା ଦର୍ସକ୍‍ତା । ଆୱୁ ତିପାଲ୍‍, ଏଟ୍‍ଗଡେଲ୍‍ କାସ୍‍ତେ ୱିସାମ୍ ଇନା ମାତ୍‍ତେ । 
\v 6 ଆଦ୍ ସମୟତେ ଲୋପେ ୱିସାମ୍‍ତେ ନାରୁଡ଼୍ ଡଲାନଙ୍କ ମେହେକ୍‍ତଡ଼୍, ଇତ୍‍କେ ଦର୍ସକଡ଼୍ । ଅଡ଼୍‌ ଡଲ୍‍ନାଦ୍ ଉଡ଼ଡ଼୍‍, ମାତର୍ ଡଲାନାଦ୍ ଅଡ଼୍‌‍ଆଗାଙ୍କ୍ ମିର୍‍ତେ ।
\p
\v 7 ଇଟେକ୍‍କି ଯୁଦ୍‌ତିଙ୍କ୍‌ ସୁସଜ୍ଜିତ ଗୁରାମ୍‍ ଲେକାମ୍ ତନ୍ଦମାନ୍‍ନୁଡ଼୍ । ଅଡ଼୍‌‍ ତାଲେତାଗ୍ ଲେକେତାଦ୍ ମୁକୁଟ୍‍ ଇନା ତନ୍ଦମାନ୍‍ନୁଡ଼୍ । ଅଡ଼୍‌‍ ମକମ୍ ନାରୁଡ଼୍ ମକମ୍‍ ଇନା, 
\v 8 କେଲ୍‍କ୍ ନାଟାଡ଼୍‍ତେ କେଲ୍‍କିନ୍ ଲେକାମ୍ ନୁ ଗଣ୍ଡ୍ରାସ୍‍ତେ ପାଲ୍‍କ୍ ସୂଉଜେ ପାଲ୍‍କ୍ ଇନା ମାନ୍‍ନୁ । 
\v 9 ଅଡ଼୍‌ ଗୁଣ୍ଡେତାଗ୍ ଲୁଆତେ ସାଞ୍ଜୁ କେର୍‍ତେ ଲେକାମ୍ ତନ୍ଦମାନ୍‍ନୁଡ଼୍ । ଅଡ଼୍‌ ରେକା ଯୁଦ୍‍ତାଗ୍ ମିରମାନ୍ଦାନ୍ ଗୁରାକ୍‍ ବା ଲାଗମାନ୍ଦାନ୍ ରତ୍‍ତେ ଲେକାମ୍ । 
\v 10 ଏଟ୍‍ଗଡେଲ୍‍ ଇନା ଅଡ଼ାଦ୍‌ ତକା ନୁ ନାଉଡ଼୍‍ ମାତ୍‍ତେ । ଆଦ୍ ତକେତେ ଏଇଙ୍ଗ୍ ନେଲ୍‍ଞ୍ଜ୍‍ ଆୟ୍‍ନା ନାରୁଡ଼୍‍ ରେହେତାନ୍ ସେଙ୍ଗେ ଆୱୁ ଶକ୍ତି ଦର୍ସକ୍‍ତା । 
\v 11 ଆୱିନ୍ ପରୁ ୱେରଣ୍ଡ୍ ରାଜାଲ୍ ଶାସନ୍‍ ମାଡ଼ୁତନ୍ । ଅଣ୍ଡ୍‌ ପାତାଲ୍‍ତେ ଦାୟିତ୍ୱତେ ମାନ୍ଦାନ୍ ୱେରଡ଼୍ ଦାୟାତ୍ ଦୂତ । ଏବ୍ରି ଗଟ୍‍ତେ ତାନାଦ୍ ପେଦେର୍ ଆବାଦନ୍; ଗ୍ରୀକ୍ ଗଟ୍‍ତେ ଆଦିନ୍ ପେଦେର୍ ଅଦୁତ୍, ଆପୋଲ୍ଲୀୟନ୍ ଇତ୍‍କେ “ସଂହାରକ୍ ।”
\p
\v 12 ଉଡ଼େ, ମୁନେତ୍ ବିପର୍ଯ୍ୟୟତେ ଅବସ୍ତା ଆତ୍‍ତେ । ଇଦିନ୍ ପେର୍କେ ମେଣ୍ଡେ ରେଣ୍ଡ୍ ବୟାନକ୍‌ ବିପଦ୍ ୱାସ୍ ଏୱୁଦ୍‍ତେ ।
\p
\v 13 ତାନ୍‍ପେର୍କେ ଷଷ୍ଟ ଦୂତ ତାନ୍‍ ତୁରି ଉଦାନ୍ ପେର୍କେ ଇଶ୍ୱର୍‌ତେ ମୁନେ ମାନ୍ଦାନ୍ ସୁବର୍ଣ୍ଣ ବେଦୀତେ ନାଲୁ ମୁଲେତାଗାଙ୍କ୍ ନାନେ ୱେରଡ଼୍ ଲେଙ୍ଗ୍‍ କେଞ୍ଜ୍‍ତା‍ନ୍ । 
\v 14 ଆଦ୍ ଲେଙ୍ଗ୍ ଷଷ୍ଟ ଦୂତଙ୍କ୍ ଆଦେଶ୍ ଇତ୍‍ତେ, “ୟୁପ୍ରେଟିସ୍ ବାଡ଼ିୟ୍‍ ନଦିତେ ପାକେ ବନ୍ଦି ଆସ୍‍ମାନ୍ଦାନ୍ ନାଲୁ ଦୂତଙ୍କ୍ ୱିଡ଼୍‍ସିମୁଟ୍ ।” 
\v 15 ଆଦିଙ୍କ୍ ଇଦ୍ ୱେରଡ଼୍ ୱାଡ଼୍‍ଷା, ନେଲ୍‍ଞ୍ଜ୍‍, ଦିନାମ୍ ନୁ ଦଣ୍ଡ୍‍ତେ ସାରେ ନାରିଡ଼୍ ଜାତିତ୍‍ ଅଣ୍ଡୟ୍‌ ତୃତିୟାସଂ ନାରୁଡ଼୍‍କ୍ ଆୱୁକାଙ୍କ୍ ସେଙ୍ଗେ ତିଆର୍ ଆସ୍ ମାନ୍ଦାନ୍ ଆୱୁ ନାଲୁ ଦୂତଙ୍କ୍ ୱୁଡ଼୍‍ସିତ୍‍ତଡ଼୍ । 
\v 16 ମେଣ୍ଡେ ନାନେ ଉଡ଼୍‍ତାନ୍, ୱେରଡ଼୍ ବେଡ଼ିୟାଦ୍ ଗୁରାତାଗ୍ କୁଦି ଆଞ୍ଜମାନ୍ଦାନ୍ । ଅଡ଼ାୱୁ ସଂକ୍ୟା ରେଣ୍ଡ୍‍ କୋଟି ଇଞ୍ଜ ନାକିଙ୍କ୍ କେସ୍‍ସିତ୍‍ତଡ଼୍ । 
\v 17 ନାନେ ଉଡ଼୍‍ତାନ୍, ଅଡ଼ାଦ୍‌ ଉରସ୍ତ୍ରାଣ କିସ୍‍ ଲେକାମ୍ କଲର୍, ନିଲି କଲର୍‍ତେ ମଣି ଲେକାମ୍ ନିଲି ନୁ ଗନ୍ଦକ୍‌ ଇନ୍‍ ପିତଲ୍‍ କଲର୍‍ତେ ଲେକାମ୍ ମାତ୍‍ତେ । ଗୁରାକିନାଦ୍ ଗଣ୍ଡ୍ରାସ୍‍ ଇନା ତାଲେ ମାତ୍‍ତେ; 
\v 18 ମେଣ୍ଡେ ଅଡ଼୍‌ ମକତାଗାଙ୍କ୍ କିସ୍, ଉମେ ନୁ ଗନ୍ଦକ୍‍ ଲେକାମ୍ ମୁଣ୍ଡ୍ ମହାମାରି ପେୟ୍‍ତା । ଇୱୁ ମହାମାରିକି ଗାଟି ଗାବ୍‍ତେ ନାରୁଡ଼୍‍ ଜାତିତେ ଅଣ୍ଡ୍‌ ମୁଣ୍ଡୁଦାମ୍‌ ଡଲାନ୍ ଲେକାମ୍ ଆତ୍‍ତଡ଼୍ । 
\v 19 ଗୁରାକିନାୱୁ ଶକ୍ତି ଅଡ଼ାଦ୍‌ ମକମ୍ ନୁ ତକେ ମାତ୍‍ତେ । ଅଡ଼ାଦ୍‌ ତକା, ତାଲେ ମିକା ତାଡ଼ାମ୍ ଇନା ନୁ ଆଗେ ଅଡ଼୍‌ ନାରୁଡ଼୍‍କ୍ ତିପାଲ୍ ମାଡ଼ମାତ୍‍ତଡ଼୍ ।
\p
\v 20 ମହାମାରିତାଗ୍‍ ବିନଷ୍ଟ ଆୟ୍‍ୱ ନାରୁଡ଼୍‍ ଜାତି ଆଗେବା ବେସୁଟ୍‌ ମିକା ପରିବର୍ତନ୍ ଆୟଡ଼୍ । ଅଡ଼୍‌‍ ବୁତ୍‌କିନ୍ ପୂଜାକିଙ୍କ୍ ୱିଡ଼୍‍ସଡ଼୍ । ଉଡ଼ାନାଦ୍, କେଞ୍ଜାନାଦ୍ ନୁ ତାକାନ୍‍ ଶକ୍ତି, ସୁନା, ରୁପା, ପିତଲ୍ ମିକା ୱେର୍କି କାଲ୍‍କିନ୍ ପ୍ରତିମା ପୂଜା ୱିଡ଼୍‍ସଡ଼୍‍ । 
\v 21 ଅଡ଼୍‌‍ ମନ୍‍ପରିବର୍ତନ୍ ମାଡ଼କଟ୍ ନାରୁଙ୍କ୍ ଆୱୁକ୍‍ତଡ଼୍, ଏୱ୍‍ତାନାଦ୍, ଆଙ୍କର୍‍ଗଟି ନୁ ଆସତ୍‍ ଗୁନାକ୍ ମାଡ଼ାନଡ଼୍ ମାତ୍‍ତଡ଼୍ ।
\c 10
\s ସ୍ୱର୍ଗଦୂତ ନୁ ସୁଦୁରାଦ୍ ବଇ
\p
\v 1 ତାନ୍‍ପେର୍କ ନାନେ ଉଡ଼୍‍ତାନ୍, ମେଣ୍ଡ୍‍ ଅର୍‍ତୁନ୍ ପରାକ୍ରାନ୍ତ ଦୂତ ସ୍ୱର୍ଗତାଗାଙ୍କ୍ ଡ଼ିଗ୍‍ଗି ୱାଦୁତନ୍ । ଅଣ୍ଡ୍‌ ମାବ୍‍ତାଗ୍ ଲେକେତ୍‍ ଆସ୍‍ମାନ୍‍ନୁନ୍ ନୁ ମାବ୍‍ତେ ବିମିନ୍‍ ୱିଲ୍ ତାନ୍ ତାଲେତିଙ୍ଗ୍ ତିଡ଼ିଇ ମାନ୍‍ନୁଡ଼୍ । ଅନ୍‌ ମକମ୍ ପଡ଼ଦ୍‍ ଲେକାମ୍ ନୁ ଡ଼େକା କିସ୍‍ ଗୁଞ୍ଜେ ଇନା ତନ୍ଦମାନ୍‍ନୁ । 
\v 2 ତାନ୍ କାଇତାଗ୍ ୱେରଡ଼୍ ସୁଦୁରାଦ୍ କୁଲେମ୍ ଆସ୍‍ମାନ୍ଦାନ୍ ବଇ ମାତ୍‍ତେ । ଅଣ୍ଡ୍‌ ତାନ୍ ତିନ୍ଦେ ଡ଼େକେ ସମୁଦ୍ର ପରୁ ନୁ ତିନ୍ଦେ ଡ଼େକେ ବୁମ୍‌ଦେ ପରୁ ୱାଟିମାତ୍‍ତନ୍ । 
\v 3 ଗଣ୍ଡ୍ରାସ୍‍ କିଡ଼୍‍କ୍‍ତେ ଲେକମ୍ ଉଙ୍କାର୍ ମାଡ଼ି ଅଡ଼୍‌‍ କେତ୍‍ତନ୍, ଟିକ୍ ଆଦେଲେକାମ୍ ଉଙ୍କାର୍ ମାଡ଼ି ସାତ୍‍ଟାନ୍ ମାବ୍‍ ଇଦ୍ କାର୍‍ଙ୍କତେ ଉତ୍ତର୍‍ ଇତ୍‍ତା । 
\v 4 ଅଡ଼୍‌‍ ବାତେ କେତା କେତି ଆତ୍‍ତଡ଼୍, ଆଦ୍ ନାନେ ଲେକାନଙ୍କ୍ ଆଞ୍ଜମାତ୍‍ତାନ୍, କିନ୍ତୁ ସ୍ୱର୍ଗତାଗାଙ୍କ୍‍ ୱେରଡ଼୍ ଲେଙ୍ଗ୍‍ କେଞ୍ଜ୍‍ତାନ୍ । ଆଦ୍ ଲେଙ୍ଗ୍ ନ୍ନାକିଙ୍କ୍ କେତ୍‍ତେ, “ମାବ୍ ନେକ୍‍ତେ ୱେଲେ ବାତ୍‍କେଞ୍ଜୁତିନ୍, ଆଦ୍ ମାନ୍‍ଦାଗ୍ ନେଏମୁଟ୍; ଲେକ୍‍ମାଟ୍ ।”
\p
\v 5 ତାନ୍‍ପେର୍କେ ବେନ୍ ଦୂତଙ୍କ୍ ସମୁଦ୍ର ନୁ ବୁମ୍‌ଦେ ପରୁ ନିସ୍‍ମାନ୍ଦାନାଦ୍ ନାନେ ଉଡ଼୍‍ତାନ୍, ଅଣ୍ଡ୍‌ ତାନ୍ ତିନ୍ଦେକାଇ ସ୍ୱର୍ଗତାକେ ତେତ୍‍ତନ୍, 
\v 6 ସସାଗରା, ବୂମ୍‌, ସ୍ୱର୍ଗ ନୁ ଇଡ଼୍ ସାରେତଡ଼୍ ବିଷୟତେ ସୃଷ୍ଟିକର୍ତାଲ୍ ଚିରଜିବି ଇଶ୍ୱର୍‌ତେ ପେର୍‍ଦେତେ ଶପତ୍ ମାଡ଼ି କେତ୍‍ତଡ଼୍, “ମେଣ୍ଡେ ୱାଡ଼୍‍ଷା ଲେଟ୍ ଆୟ । 
\v 7 ବେସୁଙ୍କ୍‍ ସପ୍ତମ୍ ଦୂତ ତୁରି ଉଦିତା, ଇଶ୍ୱର୍‍ ତାନ୍ ସେବକ୍‍ ବାବବାଦିନ୍ ପାକେ ବେନ୍ ମିଞ୍ଜ୍‍ପି ସଂକଲ୍ପ ତିଆର୍ ମାଡ଼ିମାତ୍‍ତନ୍, ଆଦ୍ ସମ୍ପାଦନା ମାଡ଼ିତଡ଼୍ ।”
\p
\v 8 ତାନ୍‍ପେର୍କେ ସ୍ୱର୍ଗତେ ଆଦ୍ ଲେଙ୍ଗ୍ ନାକିଙ୍କ୍ ମେଣ୍ଡେ କେତ୍‍ତେ, “ଅନ୍‌, ସମୁଦ୍ର ନୁ ବୁମ୍‌ଦେ ପରୁ ନିସ୍‍ମାନ୍ଦାନ୍ ଦୂତନ୍ କାଇଦାଗାଙ୍କ୍ କୁଲେମ୍ ଆସ୍‍ମାନ୍ଦାନ୍ ବଇ ଆୟମ୍ ।”
\p
\v 9 ନାନେ ଦୂତନ୍ ପାକେ ଆଞ୍ଜ୍ ଆଦ୍ ବଇତିଙ୍କ୍‌ ତାଲ୍‍କ୍‍ତାନ୍ । ଅଣ୍ଡ୍‌‍ ନାକିଙ୍କ୍ କେତ୍‍ତନ୍, “ଆସ୍ ତିନ୍ । ନି ଉଦର୍‍ ସେଙ୍ଗେ ଇଦ୍ ତିକ୍ତ, ଇତ୍କେ ନି ମକତାଗ୍ ଇଦ୍ ଉର୍‍ୱେ ଲେକାମ୍ ମିଙ୍ଗିତେ ।”
\p
\v 10 ନାନେ ଆଦ୍ ସୁଦୁରାଦ୍ ବଇତିଙ୍କ୍ ଦୂତନ୍ କାଇଦାଗାଙ୍କ୍ ଆସ୍ ତିତ୍‍ତାନ୍ । ଆଦ୍ ନା ପାୟୁତାଗ୍ ତେନା ଲେକାମ୍ ମିଙ୍ଗିମାତ୍‍ତେ, ମାତର୍ ଲୋପ୍‍ତେ ପେର୍କେ ଡଙ୍କକେତ୍‍ ଲୋପେ କାଇସ୍ ଆତ୍‍ତେ । 
\v 11 ତାନ୍‍ପେର୍କେ ବେନ ନାକ୍‍ କେତ୍‍ତନ୍, “ନାର୍ଗେ ଦେଶ୍‍କ୍, ଜାତି, ବାଷାବାଦି ନୁ ରାଜାନଡ଼୍ ସମ୍ପର୍କତେ ଇଶ୍ୱର୍‌ତେ ଗଟି ମିଡ଼୍ ଆଞ୍ଜ୍ ମେଣ୍ଡନ୍‍ଦାମ୍ କେଲ୍‍ମୁଟ୍ ।”
\c 11
\s ଇର୍‍ୱୁଡ଼୍ ସାକ୍ଷି
\p
\v 1 ତାନ୍‍ପେର୍କେ ବେନ ୱେରଣ୍ଡ୍ କଲ୍‍ସାନ୍ ସେଙ୍ଗେ ଡୁଡ୍‌ ଇସ୍ ନାକିଙ୍କ୍ କେତ୍‍ତନ୍, “ଅନ୍‌‍, ଇଶ୍ୱର୍‌ତେ ମନ୍ଦିର୍‍ ନୁ ବେଦି କଲ୍‍ସେ ନୁ ମନ୍ଦିର୍‍ତାଗ୍ ଉପାସନା ମାଡ଼ାନଡ଼ାୱୁ ସଂକ୍ୟା ଲେକା । 
\v 2 \x + \xo ୧୧:୨ \xo*\xt ଲୁକ ୨୧:୨୪.\xt*\x*କିନ୍ତୁ ମନ୍ଦିର୍‍ତେ ବାଇଦେ ମାନ୍ଦାନ୍ ଗଡେତିଙ୍ଗ୍ କଲ୍‍ସ୍‍ମା । ବାତ୍‍ତିଙ୍କ୍‍ଇତ୍‍କେ, ଆଦ୍ ଅଣଇହୁଦୀଡ଼୍‍କ୍‍ ଦାନ ମାଡ଼୍‍ତଡ଼୍ । ଅଡ଼୍‌ ୪୨ ନେଲ୍‍ଞ୍ଜ୍ ଆୟ୍‍ନା ଇଦ୍ ପବିତ୍ର ନାର୍‍ଦିଙ୍କ୍ ଡ଼େକେତ୍‍ ତୁର୍‍ସ୍ତେ ଲେକାମ୍ ମାଡ଼ି ନେଏତିତଡ଼୍ । 
\v 3 ବାସ୍ତା ସିଲେ କେର୍‍ସ୍‍ମାନ୍ଦାନ୍ ନାୟାଦ୍ ଇର୍‍ୱୁଡ଼୍ ସାକ୍ଷିକିଡ଼୍‍କ୍ ନାନେ ରତିତାନ୍ । ଅଡ଼୍‌‍ ଆଦ୍ ୱେରଡ଼୍ ୧, ୨୬୦ ଦିନ୍ ଯାକ ଇଶ୍ୱର୍‌ତେ ଗଟ୍ କେତିତଡ଼୍ ।”
\p
\v 4 ଅଡ଼୍‌ ପୃତିବିତେ ଇର୍‍ୱୁଡ଼୍ ସାକ୍ଷି ପ୍ରବୁନ୍ ମୁନେ ନିସ୍‍ମାନ୍ଦାନ୍ ରେଣ୍ଡ୍ ଜିତ ମାଡ଼େ ନୁ ରେଣ୍ଡ୍ କୁପି ଲେକାମ୍ । 
\v 5 ଯଦି ବେନ ଅଡ଼୍‌‍କିଂଙ୍କ୍ କ୍ଷତି ମାଡ଼ାନଙ୍କ୍ ଚେଷ୍ଟା ମାଡ଼ିତନ୍, ଆଲେକ୍ ଅଡ଼୍‌‍କିଂଙ୍କ୍ ମକତାଗାଙ୍କ୍ କିସ୍ ପେଇସ୍ ଶତ୍ରୁଡ଼୍‍ ଦଂସ ମାଡ଼ିତନ୍ । ଇଦ୍‍ଲେକାମ୍ ଯେ ବେନ ଅଡ଼୍‌‍କିଂଙ୍କ୍‍ କ୍ଷତି ମାଡ଼ାନଙ୍କ୍ ପେଇତିତନ୍, ଅଣ୍ଡ୍‌ ବିନଷ୍ଟ ଆଦ୍‍ତନ୍ । 
\v 6 ଇଶ୍ୱର୍‌ତେ ଗଟ୍ କେତାନ୍ ୱେଲେ ମାବ୍‍ତିଙ୍କ୍ ଆଡାମ୍‍ ମାଡ଼ି ବୃଷ୍ଟିତିଙ୍କ୍ ବନ୍ଦ ମାଡ଼ାନ୍ ଆଦେଶ୍ ଅଡ଼୍‌‍କିଂଙ୍କ୍ ଇତ୍‍ତଡ଼୍ । ଏର୍ ପଙ୍ଗାନ୍‍ ଇଲ୍‍କାକିଙ୍କ୍ ନେତୁର୍‍ତେ କାଲ୍‍ପାନ୍‍ ସେଙ୍ଗେ ନୁ ନିଜେ ଇଚ୍ଛାତ୍‍ଲେକାମ୍ ପୃତିବିତାଗ୍ ସେନ୍‍ନେକ୍ ସେନ୍‍ନେକ୍ ମହାମାରି ମାଡ଼ାନ୍‍ ସେଙ୍ଗେ ଅଡ଼ାଦ୍‌ ଅଦିକାର୍‌ ମିନ୍ଦେ ।
\p
\v 7 \x + \xo ୧୧:୭ \xo*\xt ପ୍ରକାଶିତ୍‌ ବାକ୍ୟ ୧3:୫-୭; ୧୭:୮.\xt*\x*ଅଡ଼୍‌‍ ଗଟି କେତାନାଦ୍ ତେର୍‍ସ୍ପାନ୍ ପେର୍କେ ପାତାଲ୍‍ ପୁର୍‍ତାଗାଙ୍କ୍ ୱେରଡ଼୍ ପଶୁ ତେଦି ୱାସ୍ ଅଡ଼୍‌‍ ବିରୁଦ୍ଦତେ ଯୁଦ୍‍ମାଡ଼ିତେ । 
\v 8 ଆଦ୍ ଅଡ଼୍‌‍କିଂଙ୍କ୍ ପାରାଜିତ୍ ମାଡ଼ି ଆୱୁକିତ୍‍ତେ ନୁ ବେନ୍ ବେଡ଼ୀଇ ନାର୍‍ଦାଗ୍, ରାଜ୍‍ ଆର୍‍ଦାଗ୍ ପ୍ରବୁ କ୍ରୁଶବିଦ୍ଦ ଆସ୍‍ମାତ୍‍ତନ୍, ଆଗେ ଅଡ଼ାଦ୍‌ ମଡ଼୍‍ ରାଲି ମାନ୍ଦାନ୍ତେ । ଆଦ୍ ଶହର୍‍ତିଙ୍କ୍ ସଦୋମ୍‍ ବା ମିସର୍ ଇଞ୍ଜ୍ କେତାଙ୍କ୍ ଆଦ୍‍ତେ । 
\v 9 ସାରେ ଦେଶ୍, ନାର୍‍କ୍‍, ବାଷାବାଦି ନୁ ଜାତିତେ ନାରୁଡ଼୍ ମୁଣ୍ଡ୍ ଦିନା ଆଦା ଯାକ ଆୱୁ ମଡ଼୍‍କିଙ୍କ୍ ଉଡ଼ିତଡ଼୍ ନୁ ଆୱିଙ୍କ୍ ସମାଦି ଇଦାନଙ୍କ୍ ୱିଡ଼୍‍ସିୱଡ଼୍‍ । 
\v 10 ଇଡ଼୍ ଇର୍‍ୱୁଡ଼୍ ଡଲାନ୍ ସେଙ୍ଗେ ପୃତିବିତେ ନାରୁଡ଼୍‍ ୱେଡ଼୍‍କିତଡ଼୍, ଆଲେନ୍ ବେଲା ମାଡ଼ି ନିଜେ ନିଜେତା ଉପାହାର୍ ରତିତଡ଼୍; ବାତେଙ୍କ୍ଇତ୍‍କେ, ଆ ବାବବାଦିଡ଼୍ ସେଙ୍ଗେ ପୃତିବିତେ ନାରୁଡ଼୍ ଗାଟି ଅୟିରାନ୍ ଆସମାତ୍‍ତଡ଼୍‍ । 
\v 11 ଇତ୍କେ ମୁଣ୍ଡ୍‍ ଦିନାମ୍ ପେର୍କେ ଇଶ୍ୱର୍‌ତାଗାଙ୍କ୍ ଡଲାନ୍ ଗାଲ୍‍ୱାସ୍ ଅଡ଼୍‌ ‍ମେନ୍ଦୁଲ୍‍ତାଗ୍ ନେଙ୍ଗ୍‍ତେ ନୁ ଅଡ଼୍‌‍ ତେଦି ନିତ୍‍ତଡ଼୍ । ବେନଡ଼୍‍ ଇଦ୍ ଗଟନା ଉଡ଼୍‍ତଡ଼୍, ଅଡ଼୍‌ ଦାଦ୍‍ରେଲ୍‍ତଡ଼୍‍ । 
\v 12 ମେଣ୍ଡେ, ଅଡ଼୍‌ ଇର୍‍ୱୁଡ଼୍ ବାବବାଦି ଅଡ଼୍‌‍କିଂଙ୍କ୍ ସ୍ୱର୍ଗତାଗାଙ୍କ୍ ଗାଟିଲେଙ୍ଗ୍‍ଦେ ଇଦ୍ ଗଟ୍ କେସମାନ୍ଦାନ୍ ୱେରଡ଼୍ ଲେଙ୍ଗ୍‍ କେଞ୍ଜ୍‍ତଡ଼୍‍, “ଇଗେ ୱାଡ଼ାଟ୍ !” ଅଡ଼୍‌‍ ଶତ୍ରୁନଡ଼୍ ଉଡ଼ଉଡ଼, ଅଡ଼୍‌‍କିଂଙ୍କ୍‍ ମାବ୍‍ନେକି ମିକା ସ୍ୱର୍ଗତା ଆତ୍‍ତେ । 
\v 13 \x + \xo ୧୧:୧3 \xo*\xt ପ୍ରକାଶିତ୍‌ ବାକ୍ୟ ୬:୧୨; ୧୬:୧୮.\xt*\x*ଟିକ୍‍ ଆଦ୍‍ ସମୟତେ ଗାଟି ବୁମିକମ୍ପ ଆତ୍‍ତେ, ନାର୍ଦେ ୱେରଡ଼୍ ଦଶମାଂଶ ଦଂସ ଆତ୍‌ତେ ନୁ ବୁମିକମ୍ପତେ ସାତ୍‍ ହଜାର୍‍ ନାରୁଡ଼୍ ଡଲ୍‍ତଡ଼୍ । ଗେଲ୍‍ସି ମାନ୍ଦାନ୍ ନାରୁଡ଼୍ ୱେରସ୍‍ମିକା ସ୍ୱର୍ଗତାଗ୍ ମାନ୍ଦାନ୍ ଇଶ୍ୱର୍‌ତିଙ୍କ୍ ମନ୍‍ଦେ ସ୍ତୁତିବାଦ୍ ମାଡ଼୍‍ତଡ଼୍ ।
\p
\v 14 ଦ୍ୱିତିୟ ବିପଦ୍ ତେର୍‍ତେ; ତୃତିୟ ବିପଦ୍ ଯାପେ ୱାଦୁତ୍ ।
\s ସପ୍ତମ୍ ତୁରି
\p
\v 15 ତାନ୍‍ପେର୍କେ ସପ୍ତମ୍ ଦୂତ ତାମାୱୁ ତୁରି ଉଦ୍‍ତା ନୁ ସ୍ୱର୍ଗତାଗ୍ ନାର୍ଗେଲେଙ୍ଗ୍‍ଦେ ଇଦ୍ ବାନି କେଞ୍ଜାଙ୍କ୍‍ ଆତ୍‍ତେ ! “ମା ପ୍ରବୁ ନୁ ତାମ୍‍ ମସୀହ ପୃତିବିତେ ପରୁ ରାଜତ୍ୱ ମାଡ଼ାନ୍ ଅଦିକାର୍‌ ଇଞ୍ଜେ ନିଜେତ୍ କାଇଦାଗ୍ ଆସ୍‍ମିନ୍ଦେନ୍ । ଅଣ୍ଡ୍‌ ଇଞ୍ଜେ ସାରେଦିନା ରାଜତ୍ୱ ମାଡ଼ିତଣ୍ଡ୍ ।” 
\v 16 ଇଦିନ୍‍ ପେର୍କେ ଇଶ୍ୱର୍‌ତେ ମୁନେ ନିଜେ ନିଜେ ସିଂହାସନ୍‌ତାଗ୍ କୁଦିମାନ୍ଦାନ୍ ୨୪ ଜାନ୍ ବୟସ୍ତେ ନେତାଲଡ଼୍ ନମସ୍କାର୍‍ ମାଡ଼ି ଇଶ୍ୱର୍‌ତେ ଆରାଦନା ମାଡ଼ି, 
\v 17 କେତ୍‍ତଡ଼୍, “ଆ ସର୍ବଶକ୍ତିମାନ୍ ପ୍ରବୁ ଇଶ୍ୱର୍‍, ନିମେ ଅତିତ୍‍ ନୁ ବର୍ତମାନ୍ ! ମାମେ ନିକିଙ୍କ୍ ଦନ୍ୟବାଦ୍ ଇଦୁତମ୍; ବାତିଙ୍କ୍ ନିମେ ମହାଶକ୍ତିତେ ରାଜ୍ୟତେ ଦାୟିତ୍ୱ ଗ୍ରହନ୍‌ ମାଡ଼୍‍ତିନ୍ । 
\v 18 ଅଣଇହୁଦୀଡ଼୍‍ କାର୍‌ୱିନ୍‌ ଆତ୍‍ତଡ଼୍; ବାତେଙ୍କ୍ଇତ୍‍କେ ନିୟାଦ୍ କପାମ୍‍ତେ ସମୟ ଏୱୁତେ, ଡଲ୍‍ତେନଡ଼୍ ଇଞ୍ଜେ ବିଚାର୍‍ ଆଦ୍‍ତଡ଼୍ । ନି ସେବକ୍‍ ବାବବାଦିନଡ଼୍ ନୁ ବେନଡ଼୍ ନିକିଙ୍କ୍ ୱେର୍‍ଦୁତଡ଼୍, ମାନ୍ୟଗଣ୍ୟ ବା ନଗଣ୍ୟ ସାରେତଡ଼୍ ପୁରସ୍କାର୍‍ ପାଏମ୍‍ ଆଦ୍‍ତଡ଼୍ ମେଣ୍ଡେ ବେନଡ଼୍ ପୃତିବିତିଙ୍କ୍ ଦଂସ ମାଡ଼ିତନ୍, ଅଡ଼୍‌‍ ମିକା ଦଂସ ଆଦ୍‍ତଡ଼୍ ।”
\p
\v 19 \x + \xo ୧୧:୧୯ \xo*\xt ପ୍ରକାଶିତ୍‌ ବାକ୍ୟ ୮:୫; ୧୬:୧୮; \xt*\xt ପ୍ରକାଶିତ୍‌ ବାକ୍ୟ ୧୬:୨୧.\xt*\x*ସ୍ୱର୍ଗତାଗ୍ ମାନ୍ଦାନ୍ ଇଶ୍ୱର୍‌ତେ ମନ୍ଦିର୍‍ତେ ଦ୍ୱାର୍ କୁଲେମ୍ ଆତ୍‍ତେ ନୁ ମନ୍ଦିର୍‍ତାଗ୍ ନିୟମ୍ ସିନ୍ଦୁକ୍ ମାନ୍ଦାନାଦ୍ ତନ୍ଦତେ । ତାନ୍‍ପେର୍କେ ୱାନ୍‍ନେ ମେର୍ସତେ, ବଜ୍ରନାଦ, ବୁମିକମ୍ପ ନୁ ଗାଟି ଆଦୁର୍ ଗାଡା ରାଲ୍‍ତା ।
\c 12
\s ନାଟାଡ଼୍ ନୁ ତାଡ଼ାମ୍
\p
\v 1 ନାର୍ଗେ ମାବ୍‍ତାଗ୍ ଅଣ୍ଡୟ୍‌ ଅବୁଦ୍ ଦୃଶ୍ୟ ତନ୍ତ୍‍ତେ । ୱେରଡ଼୍ ନଟାଡ଼୍ ନେଲେଞ୍ଜ୍‍ତେ ପରୁ ନିସ୍‍ମାନ୍‍ନୁଡ଼୍ ନୁ ପଦଡ଼୍‍ତେ ଏଦ୍ ସାରେଏକାମ୍ ଆସ୍‍ମାନୁଡ଼୍ । ତନ୍ ତାଲେତାଗ୍ ୧୨ ଟାନ୍ ଉକାକ୍‍ ମାନ୍ଦାନ୍‍ ସହଜ୍‍ ମାତ୍‍ତେ । 
\v 2 ଆଦ୍ ଜନମ୍‌ ମାଡ଼ାନ୍‌ ୱେଲେ ରେଙ୍ଗାନ୍‌ ନପ୍‌ ମାତ୍‍ତେ ନୁ ଗାଟି ତିପାଲ୍‌ତେ କେୟ୍‌ତେ ।
\p
\v 3 ମାବ୍‍ତାଗ୍ ମେଣ୍ଡନ୍ ୱେରଡ଼୍ ଅବୁଦ୍ ଦୃଶ୍ୟ ତନ୍‍ନ୍ତେ । ଲୋଇତ କଲର୍‍ତେ ତାଡ଼ାମ୍ ଇନା ୱେରଡ଼୍ ବିକଲାଟ ପଶୁ, ତାନଦ୍ ସାତ୍‍ଟାନ୍ ତାଲା, ଦଶ୍‍ଟାନ୍ କଅକ୍‌ ନୁ ସାରେ ତାଲାନାଗ୍ ୱେର ସହଜ୍‍ ମାନ୍‍ନୁ । 
\v 4 ଆଦ୍ ତାନ୍ ତକେତେ ମାବ୍‍ତାଗାଙ୍କ୍ ୱେରଡ଼୍ ତୃତିୟାଂଶ ଉକାମ୍‍ ଲାଗିତାସ୍ ପୃତିବିତେ ପରୁ ଏସ୍‍ତେ । ପିଲେ ଜନମ୍ ଆଦାନ୍ ସାଙ୍ଗେ ସାଙ୍ଗେ ଆଦିଙ୍କ୍ ତିଞ୍ଜୀନ୍ଦାନ୍ ଲେକାମ୍ ତାଡ଼ାମ୍ ଉକ୍ତ ନାଟାଡ଼୍‍ତେ ଗାରେ ୱାସ୍ ନିତ୍‍ତେ । 
\v 5 ଟିକ୍‍ ସମୟତେ ନାଟାଡ଼୍ ୱେରଡ଼୍ ପେକାଲ୍ ଜନମ୍ ମାଡ଼୍‍ତେ । କିନ୍ତୁ ଲୌଆ ଦଣ୍ଡତଡ଼୍ ସାରେ ଜାତି ପରୁ ରାଜତ୍ୱ ମାଡ଼ାନଙ୍କ୍ ଜନମ୍ ଆସ୍‍ମାନ୍ଦାନ୍ ପେକାଲ୍ ସାହାସ୍‍ ଉତ୍‌ତେଲିତ ଆସ୍ ଇଶ୍ୱର୍‌ତେ ସିଂହାସନ୍ ପାକେ ଆତ୍‍ତଡ଼୍, 
\v 6 ଆଦ୍ ନାଟାଡ଼୍ ଉସ୍କ ପ୍ରାନ୍ତର୍‍ ପାକେ ମିର୍‍ତେ । ଆଗେ ୱେରଟ୍ ଆଗେ ଅଣ୍ଡ୍‌ ୨୬୦ ଦିନାମ୍ ଯାକ ଆଦ୍‍ ମାନ୍ଦାନ୍ ସେଙ୍ଗେ ଇଶ୍ୱର୍ ବ୍ୟବସ୍ଥା ମାଡ଼ିତ୍‍ତନ୍ ।
\p
\v 7 \x + \xo ୧୨:୭ \xo*\xt ଯିହୁଦା ୧:୯.\xt*\x*ତାନ୍‍ପେର୍କେ ସ୍ୱର୍ଗତାଗ୍ ଯୁଦ୍‌ ଆରାମ୍ ଆତ୍‍ତେ । ମିକାଏଲ୍ ନୁ ତାନ୍ ଦୂତକି ଆଦ୍ ତାଡ଼ାମ୍ ନୁ ତାନ୍ ପେର୍କେ ଆଦାନଡ଼୍‍ତ ଯୁଦ୍‌ ମାଡ଼୍‍ତଡ଼୍‍ । 
\v 8 ଯୁଦ୍‍ତାଗ୍ ତାଡ଼ାମ୍‍ ନୁ ତାନ୍ ପେର୍କେଆଦାନଡ଼୍ ପରାସ୍ତ ଆତ୍‌ତଡ଼୍ ନୁ ଅଡ଼୍‌‍ ମେଣ୍ଡେ ସ୍ୱର୍ଗତାଗ୍ ପଡ଼ିୟେ ଦର୍କ । 
\v 9 \x + \xo ୧୨:୯ \xo*\xt ଲୁକ ୧୦:୧୮.\xt*\x*ଆଦ୍ ତାଡ଼ାମ୍ ଆଦୁତ୍, ସାରେ ଜଗତ୍‍ତିଙ୍କ୍ ତିପାଲ୍‌ ମାଡ଼ିମାନ୍ଦାନ୍ ଗାଟି ସାତ୍‍ୱାମ୍‍ ମାନ୍ଦାନ୍‍ ପାଃନ୍ତେ ତାଡ଼ାମ୍, ଶୟତାନ୍‍; ତାନ୍ ଦୂତନ୍‍ତଡ଼୍ ସ୍ୱର୍ଗତାଗାଙ୍କ୍ ରାଲି ପୃତିବିତାଗ୍ ୱାସ୍ ରାଲ୍‍ତେ ।
\p
\v 10 ତାନ୍‍ପେର୍କେ ନାନେ ସ୍ୱର୍ଗତାଗ୍‍ ଗାଟି ଲେଙ୍ଗ୍ କେତାନାଦ୍ ନେରଡ଼୍ ବାନି ଲେଞ୍ଜ୍‍ତାନ୍, “ଇଞ୍ଜେ ଇଶ୍ୱର୍‌ତେ ପରିତ୍ରାଣ ମିନ୍ଦେ । ତାନ୍ ଶକ୍ତି ପରାକ୍ରମ୍ ନୁ ତାନ୍ ମସିହନ୍‍ କ୍ଷମତା ପ୍ରଦର୍ଶିତ ଆସ୍‍ମିନ୍ଦେ, ବେନ୍ କୁଚକ୍ରି ନାର୍କା ପାୟାଲ୍ ଇଶ୍ୱର୍‌ତେ ମୁନେ ନିସ୍‍ମିକା, ମା ଦାଦାନଡ଼୍ ବିରୁଦ୍ଦତେ ମିତ୍ୟା ଅବିଯୋଗ୍‍ ମାଡ଼ମାତ୍‍ତଡ଼୍, ଅଣ୍ଡ୍‌ ନେଣ୍ଡ୍ ସ୍ୱର୍ଗତାଗାଙ୍କ୍ ବିତାଡ଼ିତ ଆତ୍‍ତନ୍ । 
\v 11 ମେକାଗଲାନ୍‍ ନେତୁର୍‍ତେ ଶକ୍ତିତେ ନୁ ଅଡ଼୍‌ କେସମନ୍ଦାନ୍ ସତ୍‍ତିଙ୍ଗ୍ ପ୍ରେମତାଦ୍‌ ଆତ୍ମା ନୁ ଜିୱୁନ୍‍ ଇଦାଙ୍କ୍‍ ତିଆର୍‍ ମାଡ଼ମାନ୍ଦାନ୍ ମା ପ୍ରିୟ ଦାଦାଲଡ଼୍ ନୁ ଏଲାସ୍କ୍‍ ଜିଡ଼୍‍ତଡ଼୍‍ । 
\v 12 ଆଦିଙ୍କ୍ ସ୍ୱର୍ଗ ନୁ ସ୍ୱର୍ଗତାଗ୍‍ ମାନ୍ଦାନ୍ ସାରେତଡ଼୍ ଆନନ୍ଦ ଉଲ୍ଲାସ୍‍ ମାଡ଼ାଟ୍ । କିନ୍ତୁ ଆୟ ! ବୁମ୍‌ତେ ଏର୍ ବୁମ୍ ସାରେ ! ମିୟାଦ୍‍ ଦଶା ଗାଟି ବୟଙ୍କାର୍‍ ! ଇଞ୍ଜେ ଶୟତାନ୍ ମୀଇ ପାକେ ନୁ ଆଦ୍ ଗାଟି କପାମ୍‍, ବାତେଙ୍କ୍ଇତ୍‍କେ ଅଣ୍ଡ୍‌ ପୁତ୍‍ତନ୍, ତାନ୍ ଦିନାମ୍ ପୁରା ଅଦୁତ୍ ।”
\p
\v 13 ପୃତିବିତାଗାଙ୍କ୍ ଏସିମାନ୍ଦାନ୍ ଉଡ଼ି ତାଡ଼ାମ୍ ଉପରକ୍ତ ମାରିନ୍ ଜନନୀ ଆଦ୍ ନାଟାଡ଼୍‍ତିଙ୍ଗ୍ ତଲ୍‍ତେ । 
\v 14 ତାନ୍ ଚିଟିରମନ୍‍ତାଗ୍ ରକ୍ଷା ଆଦାନ୍‍ ସେଙ୍ଗେ ନାଟାଡ଼୍ ତିଙ୍କ୍ ରେଣ୍ଡ୍ ଗାଦ୍‍ ପିଟେତ୍‍ ରେକା ପେଇତା । ତାନ୍ ସାଆଯ୍ୟତେ ଆଦ୍ ଉସ୍କ ନେଲ୍‍ଦାଗ୍ ନିଜେତ୍‍ ମାନ୍ଦାନ୍ ପଡ଼ିୟେତାଗ୍ ପାର୍‍ସ୍‍ ଆଞ୍ଜ୍, ଆଗେ ମୁଣ୍ଡ୍ ୱାଡ଼୍‍ଷା ଯାକ ସିମ୍‍ଚାମ୍‍ତାଗ୍ ମାନ୍ଦନଙ୍କ୍ ସମର୍ତନ୍ ଆତ୍‍ତେ । 
\v 15 ତାନ୍‍ପେର୍କେ ନାଟାଡ଼୍‍ତିଙ୍କ୍ ଏର୍‍ଦାଗ୍ କୁସ୍ପି ଆଦାନ୍‍ ସେଙ୍ଗେ ତାଡ଼ାମ୍‌ ନିଜେତ୍ ମକତାଗାଙ୍କ୍ ତାନ୍ ପେର୍କେ ୱେରଡ଼୍ ବନ୍ୟା ସ୍ରୋତ ୱିଡ଼୍‍ସିତ୍‍ତନ୍ । 
\v 16 କିନ୍ତୁ ତାଙ୍କ୍ ରକ୍ଷା ମାଡ଼ାନ୍ ସେଙ୍ଗେ ପୃତିବି ନିଜେତ୍ ମକମ୍ ୱିଡ଼୍‍ସି ତାଡ଼ାମ୍ ମକତାଗାଙ୍କ୍ ପେଇସମାନ୍ଦାନ୍ ସାରେ ଏର୍‍ଦିଙ୍କ୍ ଉତ୍‍ତେ । 
\v 17 ଆଗାଙ୍କ୍ ତାଡ଼ାମ୍ ନାଟାକିଙ୍କ୍ ପରୁ ଗାଟି କପାମ୍ ଆସ୍, ଆଦ୍‍ ନାଟାଡ଼୍‍ ପର ପ୍ରତିଶୋଦ୍‍ ଆଦାନ୍‍ ସେଙ୍ଗେ ତାନ୍ ଜାମେତ୍ ବେନ୍‍ ନାରୁଡ଼୍‍ ଇଶ୍ୱର୍‌ତେ ଗଟ୍ ପାଲନ୍ ମାଡ଼ିତଡ଼୍ ନୁ ଜିସୁନ୍ ବିଷୟତେ ସାକ୍ଷ୍ୟ ଦାନ ମାଡ଼ିତଡ଼୍, ଅଡ଼୍‌‍ତଡ଼୍ ଯୁଦ୍‌ ମାଡ଼ାନଙ୍କ୍ ଆତ୍‍ତନ୍ । 
\v 18 ମେଣ୍ଡେ ଅଣ୍ଡ୍‌ ସମୁଦ୍ରତେ ଉସ୍କତ୍‍ ପରୁ ନିତ୍‍ତେ ।
\c 13
\s ରେଣ୍ଡ୍ ଜନ୍ତୁ
\p
\v 1 \x + \xo ୧3:୧ \xo*\xt ପ୍ରକାଶିତ୍‌ ବାକ୍ୟ ୧୭:3,୭-୧୨.\xt*\x*ତାନ୍‍ପେର୍କେ ନାନେ ଉଡ଼୍‍ତାନ୍, ୱରଡ଼୍ ଜନ୍ତୁ ସମୁଦ୍ରତାଗାଙ୍କ୍ ତେଦି ୱାଦୁତ୍ । ତାନାୱୁ ଦଶ୍‌ଟାନ୍ କଅକ୍ ନୁ ସାତ୍‍ଟାନ୍ ତାଲା । ସାରେ କଅକ୍‌କିନାଗ୍ ୱେର ସହଜ୍‍ ମାତ୍‍ତା ନୁ ସାରେ ତାଲାନାଗ୍ ୱେର ଇଶ୍ୱର୍‌ତେ ନିନ୍ଦାଆତ୍‍ନଡ଼୍ ପେଦେରି ଲେକା ଆସ୍‍ମାନ୍‍ନୁ । 
\v 2 ଆଦ୍‍ ଜନ୍ତୁ ଅଣ୍ଡୟ୍‌‍ ଚିତା ଡୁୱୁ ଇନା ତଅନ୍‌ଦ ମାତ୍‍ତେ । ଅଦିନ୍‌ ଡେକା ଏଡ଼୍‍ଜ୍‍ତେ ଡେକା ଲେକାମ୍‍ ମେଣ୍ଡେ ପାୟୁର୍‍ ଗଣ୍ଡ୍ରାସ୍‍ ପାୟୁର୍‍ ଲେକାମ୍‍ । ମୁନେଙ୍କ୍ ଲେକାଆତ୍‍ତାଦ୍ ନେତୁର୍‍ ଲେକ୍‍ତାଦ୍ ପାଃନ୍ତେ ତାଡ଼ାମ୍ ଆଦ୍ ଜନ୍ତୁତିଙ୍କ୍ ନିଜେତ୍ ଶକ୍ତି, ସିଂହାସନ ନୁ ନାର୍ଗେକ୍ଷମତା ଇତ୍‍ତେ । 
\v 3 ପେର୍କେ ତାଦ୍ ୱେରଡ଼୍ ତାଲେ ଗୁରୁତ୍ୱ ଦେବ୍‍ ଆସ୍‍ମାନ୍ଦାନ୍ ଲେକାମ୍ ଏର୍କେ ଆସମାନ୍‍ନୁ । ଇତ୍‍କେ ପୁଣ୍ଡ୍‌ ପଡ଼ିୟେତାଗ୍ ଲେକେତ୍ ଆସ୍‍ମାନ୍‍ନୁଡ଼୍ ନୁ ପୃତିବିତେ ନାରୁଡ଼୍ ସାରେତଡ଼୍ ବକୁୱାଆସ୍ ଜନ୍ତୁତେ ପେର୍କେଆତ୍‍ତଡ଼୍ । 
\v 4 ମେଣ୍ଡେ, ସାରେତଡ଼୍ ପେର୍କେ କ୍ଷମତାପନ୍‍ ମାଡ଼ିମାନ୍ଦାନ୍ ତାଡ଼ାମ୍ ତେ ପୂଜା ମାଡ଼୍‍ତଡ଼୍ । ଅଡ଼୍‌ ପେର୍କେ ମିକା ପୂଜା ମାଡ଼ି କେତ୍‍ତଡ଼୍‍, “ବେନ ଇଦ୍‍ ଜନ୍ତୁତେ ତଡ଼୍‍ ସାମାନ୍‍ ଆଦ୍‍ତନ୍ ? ବେନ ତାନ୍‍ତଡ଼୍ କାଇଲି ଯୁଦ୍‌ ମାଡ଼ିତନ୍ ?”
\p
\v 5 ଜନ୍ତୁ ଅଦିକ୍‌ ମାଡ଼ି ଗଟି କେସମାତ୍‍ତେ ନୁ ଇଶ୍ୱର୍ ନିନ୍ଦାମାଡ଼ମାତ୍‍ତେ, ଆଗେବା ୪୨ ନେଲ୍‍ଞ୍ଜ୍‍ ଆୟ୍‍ନା ମୁନେକଞ୍ଜ୍‌ ମାଡ଼ାନ୍ ସେଙ୍ଗେ ଆଦିଙ୍କ୍ ଆନୁମତି ଦର୍‍କ୍‍ତେ । 
\v 6 ଇଶ୍ୱର୍‌ତିଙ୍କ୍, ତାନ୍ ପେଦେର୍ ନୁ ତାନାଦ୍ ମାନ୍ଦାନ୍ ପଡ଼ିୟେ ନୁ ସ୍ୱର୍ଗବାସି ସାରେତଡ଼୍‍କ୍ ଅଣ୍ଡ୍‌ ଅବିଶାପ୍‌ ଇଦାଙ୍କ୍ ଆତ୍‍ତେ । 
\v 7 ଇଶ୍ୱର୍‌ତେ ନାରୁଡ଼୍ ବିରୁଦ୍ଦତେ ଯୁଦ୍‌ ମାଡ଼ି ଅଡ଼୍‌‍କିଂଙ୍କ୍ ଆରା ମାଡ଼ାନଙ୍କ୍ ଅଣ୍ଡ୍‌ ଆନୁମତି ଦର୍‍ସ୍ତନ୍ ନୁ ସାରେ ନାକିନ୍, ରାଷ୍ଟ ନୁ ବାଷାବାସି ନୁ ଜାତିତ୍‍ ପରୁ ଅଙ୍କ୍‌ କ୍ଷମତା ଇତ୍‍ତଡ଼ । 
\v 8 ପୃତିବିତେ ତିୟାର୍ ଆତ୍‍ତେ ମୁନେନ୍‍ ବେନଡ଼୍ ପେଦେର୍‍ତେ ଯୁଦ୍‌ ଆସ୍‍ମାତେ ମେକାଗଲାନଡ଼୍‍ ଜୀୱେ ବଇତାଗ୍ ଲେକା ଆସ୍‍ମାତେ, ଅଡ଼୍‌‍କିଂଙ୍କ୍‍ ୱିଡ଼୍‍ସି ପୃତିବି ତାଗ୍‍ ମେଣ୍ଡ ବେନଡ଼୍‍ ସାର୍‍ତଡ୍ ପଶୁନ୍‍ ପୁଜା ମାଡ଼ିତଡ଼୍ ।
\p
\v 9 କେଞ୍ଜାନଙ୍କ୍‍ କେୱୁକ୍‍ ମାତ୍‍କେ, କେଞ୍ଜାଟ୍‍ ! 
\v 10 ଇଶ୍ୱର୍‌ତେ ଇଚ୍ଛା ଲେକାମ୍‌ ବେନ ବନ୍ଦି ଆଦାନ୍‍ ମିନ୍ଦେ, ଅଣ୍ଡ୍‌‍ ନିଶ୍ଚିତ୍‍ ବନ୍ଦି ଆଦ୍‍ତଣ୍ଡ୍‍ । ବେନ ମେଣ୍ଡେ ୱେରେତଙ୍କ୍‌ କଡ୍‌ଗତଡ଼୍‌ ଆୱୁକିତଣ୍ଡ୍‍, ଅଣ୍ଡ୍‌‍ ନିଜେ ଚୁର୍‌ ତଡ଼୍‍ ଡଲିତଣ୍ଡ୍‍ । ଇଶ୍ୱର୍‌ତେ ନାରୁଡ଼୍ ସେଙ୍ଗେ ଦୈର୍ଯ୍ୟ ନୁ ବିଶ୍ୱାସ୍ ଅଣ୍ଡୟ୍‌‍ତାଗ୍ ମାନ୍ଦ୍‍ତେ ।
\p
\v 11 ତାନ୍‍ପେର୍କେ ନାନେ ଉଡ଼୍‍ତାନ୍, ମେଣ୍ଡେ ୱେରଡ଼୍ ଜନ୍ତୁ ବୁମ୍‌ତାଗାଙ୍କ୍‍ ତେଦି ୱାଦୁତେ । ମେଣ୍ଢା ଲେକାମ୍ ତାନାୱୁ ରେଣ୍ଡ୍‍ କଅକ୍‌ ମାତ୍‍ତା ନୁ ଆଦ୍ ମୁନେତ୍‍ ତାଡ଼ାମ୍ ଇନା ଗଟି କେସମାତ୍‍ତା । 
\v 12 ଇଦ୍ ଦ୍ୱିତିୟ ଜନ୍ତୁ ମୁନେତ୍‍ ଜନ୍ତୁ ପରୁ ତାନାଦ୍ କ୍ଷମତା ପ୍ରୟୋଗ୍ ମାଡ଼ି ପ୍ରତମ୍ ଜନ୍ତୁ ବେଦିନାଦ୍ ପୁଣ୍ଡ୍‍ ସାୟେ ଆସ୍‍ମାତ୍‍ତେ, ଅଦିନ୍‌ ପୁଜା ମାଡ଼ାନ୍‍ ସେଙ୍ଗେ ପୃତିବିତେ ନାରୁଡ଼୍‍ ସାରେତଡ଼୍‍କ୍ ବାଦ୍ୟ ମାଡ଼୍‍ତେ । 
\v 13 ଦ୍ୱିତିୟ ଜନ୍ତୁ ନାର୍ଗେ ଆଶର୍ଯ୍ୟ କାମ୍‍ସାରେ ମାଡ଼୍‍ତେ । ସାରେତଡ଼୍ ମୁନେ ସ୍ୱର୍ଗତାଗାଙ୍କ୍ ପୃତିବିତେ ପରୁ କିସ୍‍ ୱାନେ ମାଡ଼୍‍ତେ, 
\v 14 ପ୍ରତମ୍ ଜନ୍ତୁତ୍‍ ଗାରେ ଇଦ୍‍ଲେକାମ୍ ନାର୍ଗେ ଆଶର୍ଯ୍ୟ କାମ୍ ମାଡ଼ି ପୃତିବିତେ ସାରେତଡ଼୍‍ ନାରୁଡ଼୍‍କ୍‍ ପ୍ରତାରନ୍ ମାଡ଼୍‍ତେ । କଡ଼୍‍ଗତଡ଼୍ ଆଗାତ୍ ଆସ୍ ଆରୋଗ୍ୟ ଆସ୍‍ ମାନ୍ଦାନ୍ ପ୍ରତମ୍ ଜନ୍ତୁ ସମ୍ମାନ ସେଙ୍ଗେ ତାନ୍ ଲେକାତ୍ ୱେରଡ଼୍ ମୁର୍ତି ତିଆର୍‍ ମାଡ଼ାନ୍ ସେଙ୍ଗେ ଦ୍ୱିତିୟ ଜନ୍ତୁ ନାରୁଡ଼୍‍କିଙ୍କ୍ ଆଦେଶ୍‍ ଇତ୍‍ତେ । 
\v 15 ପ୍ରତମ୍ ଜନ୍ତୁତେ ମୁର୍ତି ଲେକାମ୍‍ ଜିୱୁଣ୍ଡ୍‍ ଇସ୍ ଉଦ୍‍ତଣ୍ଡ୍‍ ଆଦିଙ୍କ୍ ଜିୱେ ମାଡ଼ାନାଦ୍ ଉପାୟ୍‍ ଦ୍ୱିତିୟ ଜନ୍ତୁ ପୁଞ୍ଜ୍‍ମାତ୍‍ତେ । ସାରେଦିନାତ୍‍ ମୁର୍ତି ଗଟି କେତ୍‍ତେ ନୁ ବେନଡ଼୍‍ ତାଂଙ୍କ୍ ପୁଜା ମାଡ଼ଡ଼୍‍, ଅଡ଼୍‌‍କିଂଙ୍କ୍ ସଂହାର୍‍ ମାଡ଼ାନଙ୍କ୍ ପାର୍‍ଦ୍‍ତେ । 
\v 16 ବେଡ଼ିୟନ୍ ସୁଦୁନନ୍ କ୍ରୀତଦାସ ବା ସ୍ୱାଦିନ୍, ସାଉକାର୍ ଗରିବ୍‍ ସାରେତ୍‍ତେ ପେର୍କେ ସାରେତଡ଼୍ ତିନ୍ଦେକାଇଦେ ପାକେ ବା ମୁଞ୍ଜିନାଗ୍ ୱେରଡ଼୍ ସଙ୍କେତ୍‍ ମାଡ଼ାନଙ୍କ୍ ଆଦ୍ ନାରୁଡ଼୍‍ ବାଦ୍ୟ ମାଡ଼୍‍ତେ । 
\v 17 ଜନ୍ତୁତେ ପେଦେର୍ ବା ଅଦିନ୍‌ ପେଦେର୍‍ତେ ସାରେତିଙ୍କ୍ ଅଣ୍ଡ୍‌‍ ସଂକ୍ୟା ଦାରନା ମାଡ଼୍‍ୱେ ମାନ୍ଦାନ୍ ବେନ ୱାମାନ୍ ଆସାନ୍ ମାଡ଼େ ପାର୍‍ୱଡ଼୍ ଇଞ୍ଜ ଜନ୍ତୁ ଆଦେଶ୍‍ ଇତ୍‍ତେ ।
\p
\v 18 ଇଦିନ୍ ସଂକ୍ୟାତେ ତାତ୍ପର୍ଯ୍ୟ ବୁଜେମ୍‍ ଆଦାଙ୍କ୍ ଜ୍ଞାନ ପ୍ରୟୋଜନ୍ । ବୁଦ୍ଦ୍‍ତେ ନାରୁଡ଼୍ ଆଦ୍ ବୁଜେମ୍ ଆଦ୍‍ତଡ଼୍‍ । ଆଦ୍ ୱେରଡ଼୍ ନାରିନ୍ ପେଦେର୍ ଲେକାମ୍ । ଆଦ୍‍ ସଂକ୍ୟା ଆଦୁତ୍‍, ୬୬୬ ।
\c 14
\s ମେଣ୍ଢା ନୁ ଆୱିଙ୍କ୍‍ ଉଡ଼ାନଣ୍ଡ୍‍
\p
\v 1 \x + \xo ୧୪:୧ \xo*\xt ପ୍ରକାଶିତ୍‌ ବାକ୍ୟ ୭:3.\xt*\x*ତାନ୍‍ପେର୍କେ ନାନେ ଉଡ଼୍‍ତାନ୍, ମେଣ୍ଢା ସିୟୋନ୍ ମେଟେତ୍ ପରୁ ନିସ୍‍ମିନ୍ଦେ । ଆୱିନ୍‍ତଡ଼୍ ଅଣ୍ଡୟ୍‌‍ ଲକ୍ଷ ଚରାଳିଶ୍‍ ହଜାର୍‍ ଜାନ୍ ନାରୁଡ଼୍ ମାତ୍‍ତଡ଼୍ । ଅଡ଼୍‌‍ ମୁଞ୍ଜିନାଗ୍ ମେଣ୍ଢା ନୁ ତାମ୍ ବାବାନ୍ ପେଦେର୍ ଲେକିମାତ୍‍ତଡ଼୍ । 
\v 2 ତାନ୍‍ପେର୍କେ ନାନେ କେଞ୍ଜ୍‍ତାନ୍, ଏର୍ ପ୍ରପାତ୍ ନୁ ବଜ୍ରନାଦ୍ ଲେକାମ୍ ସ୍ୱର୍ଗତାଗାଙ୍କ୍ ୱେରଡ଼୍ ଲେଙ୍ଗ୍ । ଡ଼ଲା ପେଞ୍ଚ ମାନ୍ଦାନ୍ ବିଣା ଜଙ୍କାର୍ ଲେକାମ୍ ମିକା ଆଗ୍‍ କେଞ୍ଜାନଙ୍କ୍ ଆୟନୁଡ଼୍ । 
\v 3 ପୃତିବିତେ ଆ ଅଣ୍ଡୟ୍‌‍ ଲକ୍ଷ ଚରାଳିଶ୍‍ ହଜାର୍‍ ଜାନ୍‍ ସ୍ୱର୍ଗସିଂହାସନ୍‌, ନାଆଲୁ ପଶୁ ନୁ ମଣ୍ଡଲିତେ ବୟସ୍ତେ ନେତାଲଡ଼୍ ମୁନେ ନିତ୍‍ତଡ଼୍‍ । ଅଡ଼୍‌‍ ପୁନେ ପାଟେ ପାରାନଙ୍କ୍ ପାର୍‍ୱେ ମାତ୍‍ତଡ଼୍ । ସାରେ ମାନବ୍ ଜାତି ନାଗାଙ୍କ୍ ମାତର୍ ଅଡ଼୍‌‍କେ ମୁକ୍ତି ପାଏମ୍ ଆତ୍‍ତଡ଼୍ । 
\v 4 ଅଡ଼୍‌‍ ମୁତେନ୍ ସଂସର୍ଗ ତଡ଼୍ ନିଜେତିଙ୍ଗ୍ ବେସୁଙ୍କ୍‍ କଲୁସିତ ମାଡ଼୍‍ୱେ ମାତ୍‍ତଡ଼୍ ଅଡ଼୍‌‍ ପବିତ୍ର ମାତ୍‍ତଡ଼୍ । ଅଡ଼୍‌‍ ସାରେଦାମ୍ ମେଣ୍ଢାକିନ୍ ପେର୍କେ ଆଞ୍ଜମାତ୍‍ତଡ଼୍ । ଅଡ଼୍‌ ନାରୁଡ଼୍‍ ଆଗାଙ୍କ୍ ମୁନେ ମୁକ୍ତି ସେଙ୍ଗେ ଇଶ୍ୱର୍‍ ନୁ ମେଣ୍ଢାକିନ୍ ପାକେ ଉତ୍ସର୍ଗିତ ଆସ୍ ମିନ୍ଦେଡ଼୍‍ । 
\v 5 ଅଡ଼୍‌‍ ବେସୁଙ୍କ୍‍ ମିଚ୍ କେତାନାଦ୍ ତନ୍‍ନ୍ଦ, ଅଡ଼୍‌ ସମ୍ପର୍ଣ୍ଣତେ ନିର୍ଦୋଷ୍‍ ।
\s ମୁଣ୍ଡ୍‌ ଦୂତ
\p
\v 6 ତାନ୍‍ପେର୍କେ ନାନେ ମେଣ୍ଡେ ଉଡ଼୍‍ତାନ୍, ମେଣ୍ଡେ ୱେରଡ଼୍ ଦୂତ ମାବ୍‍ତାଗ୍ ଗାଟି ଲେଙ୍ଗ୍‍ଦେ ପାର୍ସ ପାର୍ସ, ପୃତିବିତେ ସାରେ ଜାତିନାକ୍‍, ବାଷାବାସି ନୁ ରାଷ୍ଟତେ ନାରୁଡ଼୍‍ତେ ପାକେ ଇଶ୍ୱର୍‌ତେ ଆଦ୍ ସାରେଦିନାତ୍‍ ସୁସମାଚାର୍ ଗଟ୍ କେସମିନ୍ଦେ । 
\v 7 ଆଦ୍ ଗାଟି ଲେଙ୍ଗ୍‍ଦେ କେସମାନ୍‍ନୁଡ଼୍, “ଇଶ୍ୱର୍‌ତିଙ୍କ୍ ୱେର୍‍ମୁଟ୍, ତାନ୍ ଆତ୍ମାତେ ପ୍ରସଂଶା ମାଡ଼ାଟ୍, ବାତିଙ୍କ୍ ଇତ୍‍କେ ନାରୁଡ଼୍‍ତେ ବିଚାର୍ ୱାସ୍ ଏୱୁତେ । ସ୍ୱର୍ଗ, ପୃତିବି, ସମୁଦ୍ର ନୁ ସାରେ ଏର୍‍ଦିଙ୍କ୍‍ ତିଆର୍‍ ମାଡ଼୍‍ତେ ସୃଷ୍ଟି କର୍‌ତାଙ୍କ୍‌ ପୁଜା ମାଡ଼ାଟ୍‍ ।”
\p
\v 8 \x + \xo ୧୪:୮ \xo*\xt ପ୍ରକାଶିତ୍‌ ବାକ୍ୟ ୧୮:୨.\xt*\x*ଆଦ୍ ମୁନେତ୍‍ ଦୂତତେ ପେର୍କେ ମେଣ୍ଡନ୍ ଦୂତ ୱାସ୍ କେତ୍‍ତେ, “ତାନାଦ୍ ପତନ୍ ଗଟେମ୍‍ଆତ୍‍ତେ । ମହାନ୍‌ ବାବିଲନ୍ ଦଂସ ଆତ୍‍ତେ । ଅଣ୍ଡ୍‌ ତାନ୍ ମାଡ଼ମାନ୍ଦାନ୍ କାମ୍‍ ଲେକାମ୍ କାଲ୍ ଉସ୍‍ପିମିକା ସାରେତଡ଼୍‍କ୍ ମାତ୍‍ୱାର୍ ମାଡ଼ିମାତ୍‍ତେ ।”
\p
\v 9 ଆୱୁ ରେଣ୍ଡ୍ ଦୂତନ୍ ପେର୍କେ ମେଣ୍ଡେ ୱେରଡ଼୍ ଦୂତ ୱାସ୍ ଗାଟିଲେଙ୍ଗ୍‍ଦେ କେତାନଙ୍କ ପସ୍ପ୍‍ତେ, “ବେନବା ପଶୁ ନୁ ତାନ୍ ସାରେମୁର୍ତ୍ତିଙ୍କ୍ ପୁଜାମାଡ଼ିତନ୍ ନୁ ନିଜେତ୍ ମୁଞ୍ଜ୍ ବା କାଇଦାଗ୍ ଅନ୍‌ ତଡ଼୍ ଦାରଣା ମାଡ଼ିତନ୍, 
\v 10 ଅଣ୍ଡ୍‌ ଇଶ୍ୱର୍‌ତେ କପାମ୍‍ ଲେକା କୁଣ୍ଡେତାଗ୍ ତସିମାନ୍ଦାନ୍ ତାନ୍ ଗାଟି କପାମ୍‍ତେ ସୁରାମ୍‍ ଉନ୍‍ନ୍ତନ୍ । ବେନଡ଼୍ ଇଦ୍‍କାମ୍ ମାଡ଼ିତଡ଼୍, ଅଡ଼୍‌‍ସାରେତଡ଼୍, ମେଣ୍ଢାଗଲାଲ୍‌ ନୁ ପବିତ୍ର ଦୂତକିନ୍ ମୁନେ କିସ୍‍ ନୁ ତାଡ଼୍‍ମିନାଗ୍ କାର୍‍ୱିତଡ଼୍ । 
\v 11 ନିଡ଼୍‍ତାନ୍ କିସ୍‍ ଉମେ ଯୁଗ୍‍ଯୁଗ୍ ନିଡ଼୍‍ସ ମାନ୍‍ନ୍ତେ । ବେନଡ଼୍ ପଶୁ ନୁ ଆୱିନ୍ ସାରେ ମୁର୍ତ୍ତିକିଙ୍କ୍ ପୁଜା ମାଡ଼ିତଣ୍ଡ୍, ବା ଆୱିନ୍ ତଡ଼୍‍ ଆଦ୍‍ତନ୍, ଅଡ଼୍‌‍ ନାର୍କା ପାୟାଲ୍ ସାରେଦାମ୍ ଅଶାନ୍ତି କଷ୍ଟ ଆସମାନ୍‍ନ୍ତଡ଼୍ ।”
\p
\v 12 ବେନଡ଼୍ ଇଶ୍ୱର୍‌ତେ ଆଦେଶ୍‍ ପାଲନ୍‍ ମାଡ଼ୁତନ୍ ନୁ ଜିସୁନ୍ ପରୁ ବିଶ୍ୱାସ୍‍ତଣ୍ଡ୍, ଇଶ୍ୱର୍‌ତେ ଆ ନାରିଡ଼୍‍ ପାକେ ସହିଷ୍ଣତା ନିଜାମ୍‌ ଦର୍‍କାର୍‍ ।
\p
\v 13 ତାନ୍‍ ପେର୍କେ ନାନେ କେଞ୍ଜ୍‍ତାନ୍, ସ୍ୱର୍ଗତାଗାଙ୍କ୍ ୱେରଡ଼୍ ଗଟ୍ କେସମିନ୍ଦେଡ଼୍‍; “ଇଦ୍‍ଗଟ୍ ଲେକାଟ୍, ବେନଡ଼୍ ଇଗେ ପ୍ରବୁନ୍ ସେବା ମାଡ଼ି ଡଲିତଡ଼୍‍, ଅଡ଼୍‌ ଦନ୍ୟ ।” ମେଣ୍ଡେ ନାନେ କେଞ୍ଜ୍‍ତାନ୍, ପରଆତ୍ମାକେତୁତେ, “ଇଦ୍ ନିଜାମ୍ ଗଟେମ୍‍ ଆଦ୍‍ତେ । ଗାଟି କଷ୍ଟ ତଡ଼୍ ସେବାତେ କାୟେ ଲେକାମ୍, ଅଡ଼୍‌ ବିଶ୍ରାମ ଆଦ୍‍ତଡ଼୍ ।”
\s ପସଲ୍ ପାଣ୍ଡ୍‍ତେ
\p
\v 14 ତାନ୍‍ପେର୍କେ ନାନେ ଉଡ଼୍‍ତାନ୍, ସୁଦୁଟ୍ ପାଣ୍ଡେ ମାବ୍ ନୁ ତାନ୍‍ପରୁ କୁଦ୍‍ତଡ଼୍ ନାରୁନ୍‍ ପିଲେ ଲେକାମ୍ ୱେରଣ୍ଡ୍; ତାନ୍ ତାଲେତାଗ୍ ଲେକେତାଦ୍ ମୁକୁଟ୍‍ ନୁ କାଇଦାଗ୍ ସୁଦୁଟ୍ ସୂଜେଲାଦ୍ ଏଟାକେସେର୍ । 
\v 15 ୱେରଣ୍ଡ୍‍ ଦୂତ ମନ୍ଦିର୍‍ତାଗାଙ୍କ୍ ପେଇସ୍‍ ମାବ୍‍ତେ ପରୁ କୁଦ୍‍ତେ ନାରୁଙ୍କ୍ ଗାଟି ଲେଙ୍ଗ୍‍ଦେ କେତ୍‍ତନ୍, “‍ନିୟାଦ୍ ଏଟାକେସେର୍ ୱାୟେ ମାଡ଼ି ପସଲ୍ କଇମ୍ । ପୃତିବିତେ ପସଲ୍ ପାଣ୍ଡାନ୍ ସେଙ୍ଗେ ଲେକେତ୍‍ ସମୟ ୱାସ୍‍ ଏୱୁତେ ।” 
\v 16 ଆଦ୍ କେଞ୍ଜି ମାବ୍‍ତାଗ୍ କୁଦିମାନ୍ଦାନ୍ ନାରୁଣ୍ଡ୍‍ ଅନାଦ୍‌ ଏଟାକେସେର୍ ଚାଲାମାଡ଼୍‍ତନ୍ ନୁ ପୃତିବିତେ ପସଲ୍ ସାରେ ଅଣ୍ଡୟ୍‌‍ତାଗ୍ ଦିବେ ଆତ୍‍ତେ ।
\p
\v 17 ତାନ୍‍ପେର୍କେ ନାନେ ଉଡ଼୍‍ତାନ୍, ମେଣ୍ଡେ ୱେରର୍‍ଡ଼୍‍ ଦୂତ ସ୍ୱର୍ଗତେ ମନ୍ଦିର୍‍ତାଗାଙ୍କ୍ ୱାସମିନ୍ଦେ; ତାନ୍ କାଇଦାଗ୍ ମିକା ୱେରଡ଼୍ ଲାଟିଲାଦ୍ ଏଟାକେସେର୍ ।
\p
\v 18 ତାନ୍‍ପେର୍କେ ବେଦୀତେ କିସ୍‍ତେ ମାନ୍ଦାନ୍ ୱେରଡ଼୍ ଦୂତ କେସେର୍ ପଇସ୍‍ ମାନ୍ଦାନ୍ ଦ୍ୱିତିୟ ଦୂତତିଙ୍କ୍ ମର୍‍ତେ କେତ୍‍ତେ, “ଏଟାକେସେର୍ ତଡ଼୍‍ ପୃତିବିତେ ଅଙ୍ଗୁର୍‌ ୱାୟେତାଗାଙ୍କ୍ ପସଲ୍ ସାରେ କୟ୍‍ମ୍‍; ଆୱୁସାରେ ପାଣ୍ଡ୍‍ତା ।” 
\v 19 ଆଦିଙ୍କ୍ ଦୂତ ପୃତିବିତାଗ୍‍ ତାନ୍ ଏଟାକେସେର୍ ଚାଲାମାଡ଼ି ପସଲ୍‍ତାଗାଙ୍କ୍ କଇତ୍‍ତନ୍ ନୁ ଆୱିଙ୍କ୍ ଇଶ୍ୱର୍‌ତେ ଗାଟିକପାମ୍‍ତେ ଅଙ୍ଗୁର୍‌ ପସଲ୍‍ ୱାଟାନ୍ କୁଣ୍ଡତାଗ୍ ୱାଟିତ୍‍ତେ । 
\v 20 \x + \xo ୧୪:୨୦ \xo*\xt ପ୍ରକାଶିତ୍‌ ବାକ୍ୟ ୧୯:୧୫.\xt*\x*ନାର୍ଦେ ବାଇଦେ ମାନ୍ଦାନ୍ ଆଦ୍ କୁଣ୍ଡତାଗ୍ ଦ୍ରାକ୍ଷାକିଙ୍କ୍ ଆଦ୍‍ମିତ୍‍ତଡ଼୍ ନୁ ଆଗାଙ୍କ୍ ୩୦୦ କିଲମିଟର୍ ଯେକା ନୁ ରେଣ୍ଡ୍ ମିଟର୍ ପର୍‍ରକଞ୍ଜ ନେତୁର୍ ୱାତ୍‍ତେ ।
\c 15
\s ମାଡ଼େଙ୍କ୍‌ତାଦ୍‍ ମାହାମାରି
\p
\v 1 ତାନ୍‍ପେର୍କେ ନାନେ ମୟଲତାଗ୍ ମେଣ୍ଡନ୍ ଅରଟ୍ ରଅସ୍ୟ ଉଡ଼୍‍ତାନ୍‍ । ସାତ୍‍ଟାନ୍ ସ୍ୱର୍ଗ ଦୂତକ୍‍ ସାରେ ଅଣ୍ଡ୍‌ ଅଣ୍ଡ୍‌‍ ମଆମାରି ପଇସ୍‍ ୱାତା । ଇଦ୍‍ମଆମାରି ମାତ୍‍ତା, ଇଶ୍ୱରତେ କପାମ୍‍ତେ ମାଡ଼େଙ୍କ୍‌ତାଦ୍‍ ପ୍ରକାଶନ । 
\v 2 ତାନ୍‍ ପେର୍କେ ନାନ୍ ଉଡ଼୍‍ତାନ୍‍, କିସ୍‍ କାଇଲ୍‍ତେ କଞ୍ଚ୍‍ ସମୁଦ୍ରଇନା ଅଣ୍ଡ୍‌ ଦୁସ୍ୟ । ଆଦ୍‍ ସମୁଦ୍ରଗାରେ ନିସ୍‍ମାତଡ଼୍ ଜିଡ଼୍‍ତ୍‍ନଡ଼୍ ଇଡ଼୍ ପଶୁ, ପଶୁତେ ତାନ୍‍ଲେକାମ୍ ନୁ ମୁନେତ୍‍ ସଂକ୍ୟା ତଡ଼ ଏଞ୍ଜ୍‍ତେ ଆଦ୍ ଦୁରାତ୍ମା ପରୁ ଜିଡ଼ିମାତ୍‍ତଡ଼୍ । 
\v 3 ଅଡ଼୍‌‍ ଇଶ୍ୱର୍‍ ରଅସ୍‍ମାନ୍ଦାନ୍ ବୀଣା ପେଏଞ୍ଚି ଇଶ୍ୱର୍‌ତେ ସେବକ୍‍ ମୋଶାନ୍‌ ପାଟେ ନୁ ମେକାଗଲାନ୍ ପାଟେ ପାର୍‍ର ମାତ୍‍ତଡ଼୍; “ଆ ପରାପରାକ୍ରାନ୍ତ ଇଶ୍ୱର୍‍ ! ନିୟାଦ୍ କାମ୍‍ସାରେ ବେସର୍ ମାହାନ୍ ନୁ ବିଚିତ୍ର, ସାରେଜାତିତ୍‍ ରାଜାଦିରାଜା ! ନିୟାଦ୍ କାମ୍‍ପନ୍ଥା ବେସର୍ ନ୍ୟାୟସଙ୍ଗାତ ନୁ ସତ୍‍ ! 
\v 4 ପ୍ରବୁ ! ବେନବା ନିକିଙ୍କ୍ ୱେରୟନ୍ ? ନିୟାଦ୍ ଗୌରବ୍‍ କେତାନଙ୍କ୍ ବେନବା ଅସ୍ୱିକାର୍ ମାଡ଼ିତନ୍ ? ମାତର୍ ନିମେକେ ପବିତ୍ର, ସାରେ ଜାତି ୱାସ୍‍ ନିୟାଦ୍ ପୁଜା ମାଡ଼ିତଡ଼୍ । ବାତ୍‍ତିଙ୍କ୍‍ଇତ୍‍କେ ନିୟାଦ୍ ନ୍ୟାୟଲେକେତ୍ କାମ୍ ସାରେତଡ଼୍ ଉଡ଼୍‍ତଡ଼୍ ।”
\p
\v 5 ତାନ୍‍ ପେର୍କେ ସ୍ୱର୍ଗଦ୍ୱାର୍‍ କୁଲା ଆଦାନାଦ୍ ନାନେ ଉଡ଼୍‍ତାନ୍ । ଆଗେ ଇଶ୍ୱର୍‌ତେ ମାନ୍ଦାନ୍ ସୂଚକ୍ ତମ୍ୱୁ ମାତ୍‍ତେ । 
\v 6 ସାତ୍‍ଟାନ୍ ମଆମାରି ପଇସ୍‍ମାନ୍ଦାନ୍‍ ସାତ୍‍ଟାନ୍ ଦୂତ ସ୍ୱର୍ଗ ମନ୍ଦିର୍‍ତେ ଲୋପେଙ୍କ୍ ପେଇସ୍‍ ୱାତ୍‍ତା; ଆୱୁ ନିର୍ମଲ୍ ପାଣ୍ଡେଲାୱୁ ସିଲେ କେର୍‍ସ୍‍ ମାତ୍‍ତା ନୁ ଗୁଣ୍ଡେତାଗ୍‍ ସୁନା ପଟୁକା ତହଃସ୍‍ ମାତ୍‍ତା । 
\v 7 ମୁନେଙ୍କ୍ ତାୱୁ ନାଲୁ ପଶୁନାଗାଙ୍କ୍ ୱେରଡ଼୍ ଚିରଜୀବି ଇଶ୍ୱର୍‌ତେ କପାମ୍‍ ନିଣ୍ଡ୍‍ତାୱୁ ସାତ୍‍ଟାନ୍ ସୁବର୍ଣ୍ଣ ପାତ୍ର ଆ ସାତ୍‍ଟାନ୍ ଦୂତଙ୍କ୍ ଇତ୍‍ତନ୍ । ବେନ ସାରେଦିନାତ୍‍ ସେଙ୍ଗେ ଜିୱେ ମାନ୍‍ତଣ୍ଡ୍‍ । 
\v 8 ଇଶ୍ୱର୍‌ତେ ଗୌରବ୍ ନୁ ପରାକ୍ରମ୍ ତାଗାଙ୍କ୍ ପେଇସ ମାନ୍ଦାନ୍ ଉମେତେ ମନ୍ଦିର୍ ଏକାମ୍ ଆତ୍‍ତେ; ସାତ୍‍ଟାନ୍ ଦୂତ ପେଇସ୍‍ ୱାସମାନ୍ଦାନ୍ ସାତ୍‍ଟାନ୍ ମଆମାରିତେ ଅବସ୍ତାନ୍ ଗଟେମ୍ ଆୟୱେ ଯାକ ଇଦ୍ ମନ୍ଦିର୍ ତାଗେ ମେଣ୍ଡେ ବେନ ନେଙ୍ଗେ ପାର୍‍ୱେ ମାତ୍‍ତଣ୍ଡ୍‍ ।
\c 16
\s ଇଶ୍ୱର୍‌ତେ କପାମ୍‍ ତଡ଼୍‍ ନିଣ୍ଡ୍‍ତାୱୁ ସାତ୍‍ଟାନ୍‍ ଗିନା
\p
\v 1 ତାନ୍‍ ପେର୍କେ ନାନେ କେଞ୍ଜ୍‍ତେ, ମନ୍ଦିର୍‍ତାଗାଙ୍କ୍ ବେନ ୱେରଣ୍ଡ୍ ଗାଟି ମର୍‍ତେ ଆୱୁ ସାତ୍‍ଟାନ୍ ଦୂତଙ୍କ୍ କେତୁତନ୍, “ଅନ୍‌, ସାତାଟ୍ ପାତ୍ରନାଗ୍ ମାନ୍ଦାନ୍ ଇଶ୍ୱର୍‌ତେ କପାମ୍ ପୃତିବିତେ ପରୁ ତସ୍‍ସିମ୍ ।”
\p
\v 2 ଆଦ୍ କେଞ୍ଜି ପ୍ରତମ୍ ଦୂତ ଆଞ୍ଜ୍ ତାନ୍ ପାତ୍ରତାଗ୍ ବାତ୍‍ ମାତ୍‍ତେ, ପୃତିବିତେ ପରୁ ତସ୍‍ସିତେ । ସାଙ୍ଗେ ସାଙ୍ଗେ ବେନଡ଼୍ ପସିତେ ଚିହ୍‌ନ୍ନେ ମାଡ଼ିମାତ୍‍ତଡ଼୍‍ ନୁ ତାନ୍ ଲେକାତାଦିଙ୍କ୍ ପୁଜା ମାଡ଼ମାତ୍‍ତଡ଼୍, ଆୱିନ୍ ମେନ୍ଦୁଲ୍‍ତାଗ୍ ଗାଟି ଯନ୍ତ୍ରଣାତେ ବିସ୍ପୋଟକ୍ ପେଇତ୍‍ତା ।
\p
\v 3 ତାନ୍‍ପେର୍କେ ଦ୍ୱିତିୟ ଦୂତ ତାନ୍ ପାତ୍ରତିଙ୍କ୍ ସମୁଦ୍ର ପରୁ ତସ୍‍ସିତେ । ସମୁଦ୍ରତେ ଏର୍ ଡଲ୍‍ତେ ନାରିନ୍ ନେତୁର୍ ଲେକାମ୍ ଆତ୍‍ତେ ନୁ ସମୁଦ୍ର ସାରେ ଜନ୍ତୁ ଡଲ୍‍ତା ।
\p
\v 4 ତାନ୍‍ପେର୍କେ ତୃତିୟ ଦୂତନ୍ ପାତ୍ରତାଗ୍ ବାତେ ମାତ୍‍ତେ, ଆଦ୍ ଆ ବେଡ଼େମ୍‌ ବା ଇଲ୍‍କାନାଗ୍ ତସ୍‍ସିତ୍‍ତନ୍ ନୁ ଆଦିନ୍ ସାରେତେ ଏର୍ ନେତୁର୍‍ତେ ପରିଣତ ଆତ୍‍ତେ । 
\v 5 ଆସୁଙ୍ଗ୍ ନାନେ କେଞ୍ଜ୍‍ତାନ୍, ଏର୍‍ଦେ ଦାୟିତତେ ମାନ୍ଦାନ୍ ଦୂତ କେତୁତେ, “ନିମେ ପବିତ୍ର, ନିମେ ଇଞ୍ଜେ ନୁ ସାରେଦିନାତ୍‍ତନ୍; ନିମେ ଟିକ୍ ବିଚାର୍ ମାଡ଼୍‍ତିନ୍ । 
\v 6 ଅଡ଼୍‌ ସାଦୁନଡ଼୍ ନୁ ବାବବାଦିନଡ଼୍ ବେନ୍‍ ନେତୁର୍‌ ଆସ୍‌ମାତ୍‍ତଡ଼୍, ଆଦ୍ ମିଡ଼୍ ଅଡ଼୍‌‍କିଂଙ୍କ୍ ଉସ୍‍ପିତ୍‍ତିଡ଼୍, ତାମ୍‍ୱା ପାଏମ୍‍ ଆଦାନାୱୁ ଅଡ଼୍‌‍ ପାଏମ୍‍ ଆତ୍‍ତଡ଼୍‍ ।” 
\v 7 ତାନ୍‍ପେର୍କେ, ନାନେ ବେଦିତାଗାଙ୍କ୍ ୱେରଡ଼୍ ଲେଙ୍ଗ୍‍ କେଞ୍ଜ୍‍ତାନ୍‍, “ପ୍ରବୁ ସର୍ବଶକ୍ତିମାନ୍ ଇଶ୍ୱର୍‍ ! ମିୟାଦ୍ ବିଚାର୍ ନେଲା ନୁ ନ୍ୟାୟସଙ୍ଗାତେ ।”
\p
\v 8 ତାନ୍‍ପେର୍କେ ଚତୁର୍ତ ଦୂତ ତାନ୍ ପାତ୍ରତାଗ୍ ମାନ୍ଦାନ୍ ଦ୍ରବ୍ୟତିଙ୍କ୍ ପଡ଼ଦ୍‍ତେ ପରୁ ତସ୍‍ସିତେ । ତାନ୍‍ପେର୍କେ ପଡ଼୍‍ତେ ଏଦ୍‍ ଗାଟି ଆସ୍ ନାରୁଡ଼୍‍କ୍ କାର୍‍ୱି ଆତ୍‍ତଡ଼୍ । 
\v 9 ଆଗାଙ୍କ୍ ଅଡ଼୍‌ ଉତ୍ତ୍ୟକ୍ତ ଆସ୍ ତିପାଲ୍‍ତେ ପର ଅଦିକାର୍‌‍ ମାନ୍ଦାନ୍‍ ଇଶ୍ୱର୍‌ତିଙ୍କ୍ ଅବିଶାପ୍‌ ଇତ୍‍ତଡ଼୍; କିନ୍ତୁ ମନ୍ ପରିବର୍ତନ୍ ମାଡ଼ି ତାମ୍ ମହିମା ସ୍ୱିକାର୍ ମାଡ଼ଡ଼୍‍ ।
\p
\v 10 ତାନ୍‍ପେର୍କେ ପଞ୍ଚମ୍‍ ଦୂତ ତାନ୍ ପାତ୍ରତିଙ୍କ୍ ପଶୁତେ ସିଂହାସନ୍‌ ପରୁ ତସ୍‍ସିତେ । ପଶୁତେ ରାଜ୍ୟ ପରୁ ଇକାଡ଼୍ ଆତ୍‍ତେ ନୁ ନାରୁଡ଼୍ ଯନ୍ତ୍ରଣାତାଗ୍ ଅଡ଼୍‌ ୱାଞ୍ଜ୍‍ଜେର୍ କାସ୍‍ତଡ଼୍ । 
\v 11 ଅଡ଼୍‌‍ ମେନ୍ଦୁଲ୍ ପୁଣ୍ଡ୍‍କ୍‍ ଲାଗି ନୁ ନଦାନାଦ୍‍ ନପ୍‍ ସେଙ୍ଗେ ଇଶ୍ୱର୍‌ତିଙ୍କ୍ ଅବିଶାପ୍‌ ଇତ୍‍ତଡ଼୍ । କିନ୍ତୁ ନିଜେତ୍ ଆର୍‍ଦାଗାଙ୍କ୍ ମାଲ୍‍ସ ୱାଡ଼ଡ଼୍‍ ।
\p
\v 12 ସାରେଦିନାତ୍ ଷଷ୍ଠ ଦୂତ ବେଡ଼ିୟାଦ୍ ୟୁପ୍ରେଟିସ୍‍ତେ ପରୁ ତାନ୍ ପାତ୍ରତେ ଦୁଡ଼େ ତସ୍‍ସିତେ । ସାଙ୍ଗେ ସାଙ୍ଗେ ମଦି ୱାସିଆତ୍‍ତେ ନୁ ପୁର୍ବତାକାଙ୍କ୍ ଶତ୍ରୁ ରାଜାନଡ଼୍ ୱାଦାନ୍ ସେଙ୍ଗେ ଆଦ୍ ଆର୍ କୁଲା ଆତ୍‍ତେ । 
\v 13 ତାନ୍‍ପେର୍କେ ନାନେ ପାଣ୍ଡେ ଲେକେତାୱୁ ମୁଣ୍ଡ୍ ପେତ୍‍ତାତ୍ମାକିଙ୍କ୍ ଉଡ଼୍‍ତାନ୍ । ଆୱୁ ମୁନେଙ୍କ୍‍ତାୱୁ ତାଡ଼ାକ୍, ପଶୁ ନୁ ବଣ୍ଡବାବବାଦିନ୍ ମକତାଗାଙ୍କ୍ ପେଇସ୍‍ମାନ୍‍ନୁ । 
\v 14 ଆୱୁ ପାପାତ୍ମାକି ବାକ୍‌ୱା କାମ୍ ମାଡ଼୍‍ନୁ । ଆୱୁ ସର୍ବଶକ୍ତିମାନ୍ ଇଶ୍ୱର୍‌ତେ ଦିବସ୍‍ତେ ଯୁଦ୍‌ ମାଡ଼ାନ୍ ସେଙ୍ଗେ ପୃତିବିତେ ରାଜାନଡ଼୍‍କ୍ ଅଣ୍ଡୟ୍‌‍ତାଗ୍ ଦିବ୍‍ ଆଦାଙ୍କ୍‍ ପେଇତ୍‍ତା ।
\p
\v 15 \x + \xo ୧୬:୧୫ \xo*\xt ମାତିଉ ୨୪:୪3,୪୪; ଲୁକ ୧୨:3୯,୪୦; ପ୍ରକାଶିତ୍‌ ବାକ୍ୟ 3:3.\xt*\x*“କେଞ୍ଜା ! ନାନେ ଡଙ୍ଗାଲ୍ ଲେକାମ୍ ୱାଦ୍‍ତାନ୍ । ବେନ୍ ନାରୁଣ୍ଡ୍ ଜାଗ୍ରତ୍‍ତେ ମାଞ୍ଜ୍ ଡଙ୍ଗାନାଗାଙ୍କ୍ ନିଜେତ୍‍ ସିଲେ ଚକା ରକ୍ଷା ମାଡ଼ିତଣ୍ଡ୍, ଅଣ୍ଡ୍‌ ବାଗ୍ୟବାନ୍ । ଆଲେକ୍ ଅଣ୍ଡ୍‌ ବାଣ୍ଡାଲ୍‍ ଆସ୍ ବିଚରଣ ମାଡ଼ାନ୍ ସେଙ୍ଗେ ଅଙ୍କ୍‌ ସିଗ୍‍ ଆଦେ ୱେଇୟ ।”
\p
\v 16 ପ୍ରେତାତ୍‍ତ୍ମାକି ସୁଦୁଟ୍ ସମୟତେ ପୃତିବିତେ ରାଜାନଡ଼୍ ବେନ୍ ରଙ୍ଗାନତେ ଅଣ୍ଡୟ୍‌‍ତାଗ୍ ମାଡ଼ି, ଏବ୍ରି ଗଟ୍‍ତେ ତାନ୍ ‍ପେଦେର୍ ଆର୍ମାଗେଡ୍‍ଡନ୍ ।
\p
\v 17 ତାନ୍‍ପେର୍କେ ସପ୍ତମ୍ ଦୂତ ତାନ୍ ପାତ୍ରତେ ସାମଗିତିଙ୍କ୍ ଗାଲ୍‍ଦେ ମଣ୍ଡଲ୍‍ତାଗ୍ ଏସିତ୍‍ତେ । ଆଗାଙ୍କ୍ ମନ୍ଦିର୍‍ତାଗ୍ ମାନ୍ଦନ୍ ସିଂହାସନ୍‌ତାଗାଙ୍କ୍ ଗାଟି ଲେଙ୍ଗ୍‍ଦେ ୱେରଡ଼୍ ବାଣି କେଞ୍ଜ୍‍ତାନ୍, “କାମ୍ ତେର୍‍ତ୍‍ତେ ।” 
\v 18 \x + \xo ୧୬:୧୮ \xo*\xt ପ୍ରକାଶିତ୍‌ ବାକ୍ୟ ୮:୫; ୧୧:୧3,୧୯.\xt*\x*ଆସୁଙ୍ଗ୍ ଜାପେ ମାବ୍‍ ମେର୍‍ସ୍ତେ, ପିଡ଼୍‌ଗ୍‌ ନୁ ୱେରଡ଼୍ ବେଡ଼୍‍ୟାଦ୍ ବୂମିକମ୍ପ ଆତ୍‍ତେ । ନାରୁଡ଼୍ ସୃଷ୍ଟିତେ ମୁନେଙ୍କ୍ ଇଦ୍‍ଲେକାମ୍ ବୂମିକମ୍ପ ବେସୁଙ୍କ୍‍ ଆୟ୍‍ୟ; ଇଦ୍‍ ମାତ୍‍ତେ ସାରେତିଙ୍ଗ୍ ବୟଙ୍କାର୍ ବୂମିକମ୍ପ । 
\v 19 ବେଡ଼୍‍ୟା ନାର୍‍କ୍ ମୁଣ୍ଡ୍‍ଦୁଡ଼ା ଲାକା ୱେକ୍‍ ଆତ୍‍ତା, ପୃତିବି ସାରେ ନାର୍‍କ୍ ଦଂସ ଆତ୍‍ତା । ଇଶ୍ୱର୍‍ ବେଡ଼୍‍ନାର୍ ବାବିଲନ୍‍ତିଙ୍କ୍ ମାର୍‍ଙ୍ଗ୍‍ୱେ ମାତ୍‍ତନ୍ । ଅଣ୍ଡ୍‌ ତାନ୍ ପାନପାତ୍ର ତାଗାଙ୍କ୍ ତାନ୍ ଗାଟି କପାମ୍‍ତେ ସୁରାମ୍‍ ଅଙ୍କ୍‌ ଉସ୍‍ପ୍‌ତଡ଼୍ । 
\v 20 \x + \xo ୧୬:୨୦ \xo*\xt ପ୍ରକାଶିତ୍‌ ବାକ୍ୟ ୬:୧୪.\xt*\x*ଗପ୍‍ ସାରେ ଅଦୃଶ୍ୟ ଆତ୍‍ତା, ମେଟା ଗୁବାଲ୍‍ ସାରେ ନୀଇମ୍‍ ଆତ୍‍ତା । 
\v 21 \x + \xo ୧୬:୨୧ \xo*\xt ପ୍ରକାଶିତ୍‌ ବାକ୍ୟ ୧୧:୧୯.\xt*\x*ପଚାଶ୍‍ କିଲଗ୍ରାମ୍ ପୁୱୁତ୍‍ତେ ବେଡ଼୍‍ୟାଦ୍ କରକାମାନ ମାବ୍‍ତାଗାଙ୍କ୍ ନାରୁଡ଼୍‍ ପରୁ ରାଲ୍‍ତେ, ନାରୁଡ଼୍ ଆଦ୍ ବାଡ଼ିୟ୍‍ ବିପଦ୍‍ତେ ସେଙ୍ଗେ ଇଶ୍ୱର୍‌ତିଙ୍ଗ୍ ଅବିଶାପ୍‌ ଇତ୍‍ତଡ଼୍ ।
\c 17
\s ବେସ୍ୟା ପଡ଼୍‌ୟିଦାଗ୍‍ ପେଦେର୍‍ ଆତ୍‍ନଣ୍ଡ୍‍
\p
\v 1 ତାନ୍‍ପେର୍କେ ସାତ୍‍ଟାନ୍ ଗିନା ପଇତ୍‍ତେ ସାତ୍‍ଟାନ୍ ଦୂତନାଗାଙ୍କ୍ ୱେରଣ୍ଡ୍ ନାୟାଗ୍‍ ୱାସ୍ କେତ୍‍ତନ୍, “ୱାଡ଼େ ! ନାର୍ଗେ ଇଲ୍‍କେ ଗାର୍ରେ ତିଆର୍‍ ଆତ୍‍ତେ ବେସ୍ୟା ଲେକାମ୍ ଆଦ୍ ବାଡ଼୍‍ୟେ ନଗର୍‍ତିଙ୍କ୍ ବେଲା ଶାସ୍ତି ଆଦ୍‍ତେ, ଆଦ୍ ତଅତିତାନ୍ । 
\v 2 ପୃତିବିତେ ରାଜାନଡ଼୍ ଆ ବେସ୍ୟାନ୍‍ତଡ଼୍ ବ୍ୟବିଚାର୍ ମାଡ଼୍‍ତଡ଼୍ ନୁ ପୃତିବିତେ ନାରୁଡ଼୍‍ ମାନ୍ଦେ ତାନାଦ୍ ବ୍ୟବିଚାର୍‍ତେ ସୁରାମ୍‍ ଉଞ୍ଜ୍ ମାତ୍‍ୱାର୍ ଆତ୍‍ତଡ଼୍ ।”
\p
\v 3 \x + \xo ୧୭:3 \xo*\xt ପ୍ରକାଶିତ୍‌ ବାକ୍ୟ ୧3:୧.\xt*\x*ଆସୁଙ୍ଗ୍ ପବିତ୍ରଆତ୍ମା ନାୟାଗ୍‍ ଅଦିଷ୍ଟାନ୍ ମାଡ଼୍‍ତେ ନୁ ଆଦ୍ ଦୂତ ନାକିଙ୍କ୍ ୱେରଡ଼୍ ଉସ୍କ ନେଲ୍‍ଦାଗ୍ ଆତ୍‍ତେ । ଆଗେ ନାନେ ଉଡ଼୍‍ତାନ୍, ୱେରଡ଼୍ ନାଟାଡ଼୍ ୱେରଡ଼୍ ଏର୍‍ରେ ରଙ୍ଗ୍‍ତେ ପଶୁତ୍‍ ପରୁ କୁଦ୍‍ତେ । ପଶୁତେ ସାରେପାକ୍ ମେନ୍ଦୁଲ୍‍ତାଗ୍ ଇଶ୍ୱର୍‌ତେ ନିନ୍ଦ୍‍ତଡ଼୍ ପେଦେର୍‍ରି ଲେକା ଆସ୍‍ମାନ୍‍ନୁଡ଼୍ । ନୁ ତାନ୍‍ଉ ସାତ୍‍ଟାନ୍ ତାଲ୍‍ଲା ନୁ ଦଶ୍‍ଟାନ୍ କଅକ୍‌ମିନ୍ଦେ । 
\v 4 ନାଟାଡ଼୍ ଆପେ କଲର୍ ନୁ ଏର୍‍ରେ ରଙ୍ଗ୍‍ଦେ ସିଲେ କେର୍‍ସ୍‍ ମାନ୍‍ନୁଡ଼୍ ନୁ ଆଦ୍ କେର୍‍ସ୍‍ ମାନ୍ଦାନ୍ ସୁନା, ନାର୍ଗେ ଦାମ୍‍ତାଉ ନେଡ଼େକ୍ ମୁକ୍ତାତେ ଜିଗ୍‍ଜାଗ୍ ତନ୍ଦମାନ୍‍ନୁଡ଼୍ । ତାନାଦ୍ କାଇଦାଗ୍ ୱେରଡ଼୍ ସୁବର୍ଣ୍ଣ ପାତ୍ର ମାତ୍‍ତା । ତାନ୍‍ ବ୍ରଷ୍ଟାଚାର୍‍ତେ କାୟା ଲେକାମ୍‍ ଅଶ୍ଲୀଲ ନୁ ଅଶୁଚି ପୁର୍ଣ୍ଣ ଅଣ୍ଡୟ୍‌‍ ସୁନ୍ନତ୍‍ ଗିନେ ପୟସ୍‍ ମାତ୍‍ତେ 
\v 5 ତାନ୍‍ ମୁଞ୍ଜିନାଗ୍ ୱେରଡ଼୍ ରଅସ୍ୟତେ ମିଞ୍ଜିମାନ୍ଦାନ୍‍ ପେଦେର୍‍ ଲେକା ଆସ୍‍ମାନ୍‍ନୁଡ଼୍; “ମହାନ୍ ବାବିଲନ୍, ପୃତିବିତେ ସାରେତଡ଼୍ ବେସ୍ୟା ନୁ ବ୍ରଷ୍ଟାସାର୍‍ତେ ଜନିନି ।” 
\v 6 ନାନେ ମେଣ୍ଡେ ଉଡ଼୍‍ତାନ୍, ଆଦ୍ ନାଟାଡ଼୍ ସାଦୁନଡ଼୍ ନୁ ଜିସୁନ୍‍ ସେଙ୍ଗେ ବିଶ୍ୱାସ୍ତେ ମାଞ୍ଜ୍‍ ଡଲିମାନ୍ଦାନ୍ ନାରୁଡ଼୍‍ତେ ନେତୁର୍ ଉଞ୍ଜ୍ ମାତ୍‍ୱାରି ଆସ୍‍ମାତ୍‍ତନ୍ । ଅଙ୍କ୍‌ ଉଡ଼ି ନାନେ କାବାଆସ୍ ନାୟାଦ୍‍ ବୁଦ୍‍ ମାୟି ଆତ୍‍ତେ । 
\v 7 ଦୂତ କେତ୍‍ତେ, “ବାତ୍‍ତିଙ୍କ୍ କାବା ଅଦୁତିନ୍ ?” ଆଦ୍ ନାଟାଡ଼୍ ମେଣ୍ଡେ ସାତ୍‍ଟାନ୍ ତାଲା ନୁ ଦସ୍‍ଟାନ୍ କଅକ୍‌ ସାରେ ତାନ୍ ୱାଦାନ୍ ପଶୁତେ ମିଞ୍ଜ୍‍ତେ ରଅସ୍ୟ ନାନେ ମିକିଙ୍କ୍ କେତୁତାନ୍, କେଞ୍ଜା ! 
\v 8 \x + \xo ୧୭:୮ \xo*\xt ପ୍ରକାଶିତ୍‌ ବାକ୍ୟ ୧୧:୭.\xt*\x*ପଶୁ ଅନ୍‌‍ଦିନେ ଗେଲ୍‍ସି ମାତ୍‍ତେ; ଇଞ୍ଜେ ମେଣ୍ଡେ ଗେଲ୍‍ସ, କିନ୍ତୁ ଗାଟି ଜାପେ ପାତାଲ୍‍ପୁରିତାଗାଙ୍କ୍ ତେଦି ୱାଦ୍‍ତେ ନୁ ମେଣ୍ଡନ୍‍ ଦାମ୍ ବିନଷ୍ଟ ଆଦ୍‍ତେ । ସୃଷ୍ଟିତ୍‍ ମୁନେଙ୍କ୍‍ ବେନଡ଼ାଉ ପେଦେର୍ ଜୀୱେ ବଇତାଗ୍ ଲେକା ଆୟ, ପୃତିବିତେ ନାରୁଡ଼୍ ଆଦ୍ ସାରେ ପଶୁତିଙ୍କ୍ ଉଡ଼ି ବକୁୱା ଆଦ୍‍ତଡ଼୍ । ଆଦ୍ ଦିନେ ଜିୱେ ମାତ୍‍ତେ, ଇଞ୍ଜେ ମେଣ୍ଡେ ଇଲା, କିନ୍ତୁ ମେଣ୍ଡନ୍‌ଦାମ୍ ତଅନ୍‌ଦିତେ ।
\p
\v 9 “ଇଦ୍‍ ସାରେ ବିଷୟ ବୁଜେମ୍ ଆଦାଙ୍କ୍ ଜ୍ଞାନ୍‍ ଦର୍‍କାଡ଼୍ । ପଶୁତେ ସାତ୍‍ଟାନ୍ ତାଲା ନିଜାମ୍ ସାତ୍‍ଟାନ୍ ମେଟା, ବେନିନ୍ ପରୁ ନାଟାଡ଼୍ କୁଦିମିନ୍ଦେ । ଆୱୁମିକା ସାତ୍‍ଟାନ୍ ରାଜାନ୍ ପ୍ରତିକ । 
\v 10 ଅଡ଼୍‌‍ ଆଗାଙ୍କ୍ ଏୟ୍‍ୱୁଡ଼୍‍ ମଦଲ୍‍ ରାଲ୍‍ତଡ଼୍‍ । ଇଞ୍ଜେ ୱେରଣ୍ଡ୍ ରାଜତ୍ୱ ମାଡ଼୍‍ତନ୍, ବାଗାତଡ଼୍ ଇଞ୍ଜେ ଆୟ୍‍ନା ୱାଡ଼ଣ୍ଡ୍ । ଅଣ୍ଡ୍‌ ୱାସ୍ ମାତର୍ ସୁଦୁଟ୍ ସମୟ ଯାକ ରାଜତ୍ୱ ମାଡ଼ିତନ୍, 
\v 11 ବେନ୍ ପଶୁ ଅନ୍‌‍ଦିନ୍ ଜିୱେ ମାତ୍‍ତେ, କିନ୍ତୁ ଇଞ୍ଜେ ମେଣ୍ଡେ ଇଲା, ଆଦ୍ ଅଦୁତ୍ ଅଷ୍ଟମ୍‍ ରାଜା; ଆୱୁ ସାତ୍‍ଟାନ୍ ରାଜାନଡ଼୍‍ ଆଗାଙ୍କ୍ ୱେରଣ୍ଡ୍ ନୁ ଅଣ୍ଡ୍‌ ମିକା ଯାପେ ବିନଷ୍ଟ ଆଦ୍‍ତନ୍ ।”
\p
\v 12 “ମିଡ଼୍ ଉଡ଼ିମାନ୍ଦାନ୍ ଦଶ୍‍ଟାନ୍ କଅକ୍, ଦଶ୍‍ଟାନ୍ ରାଜାନଡ଼୍ ପ୍ରତିକ୍, ଅଡ଼୍‌‍ ଇଞ୍ଜେ ଆୟ୍‍ନା ରାଜତ୍ୱ ମାଡ଼ଡ଼୍‍ । କିନ୍ତୁ ପଶୁତଡ଼୍ ରାଜତ୍ୱ ମାଡ଼ାନ୍‍ ସେଙ୍ଗେ ଅଣ୍ଡୟ୍‌ ଗଣ୍ଟା ସେଙ୍ଗେ ଅଡ଼୍‌‍କିଂଙ୍କ୍ କ୍ଷମତା ଇଦ୍‍ତନ୍ । 
\v 13 ଅଡ଼୍‌ ଦଶ୍‍ଜାନ୍ ରାଜାନ୍ ଇଚ୍ଛା ଅଣ୍ଡୟ୍‌ । ଅଡ଼୍‌ ନିଜେତ୍ ସାରେ ଶକ୍ତି ନୁ କ୍ଷମତା ପଶୁତିଙ୍କ୍ ସର୍ପଣ ମାଡ଼ିତଡ଼୍ । 
\v 14 ଅଡ଼୍‌ ମେଣ୍ଢାଗଲାଲ୍‍ ବିରୁଦ୍ଦତେ ଯୁଦ୍‌ ମାଡ଼ିତଡ଼୍; କିନ୍ତୁ ମେଣ୍ଢାଗଲାଲ୍‍ ତାମାଦ୍ ଆଉତ, ଏଞ୍ଚିମାନ୍ଦାନ୍, ପେର୍କେୱାଦାନ୍‌ ନୁ ବିଶ୍ୱାସ୍‌ସ୍ତେ ନାରୁଡ଼୍‍ ସାଆଯ୍ୟତେ ଅଡ଼୍‌‍କିଂଙ୍କ୍ ଜିଡ଼ିତଡ଼୍ । ବାତ୍‍ତିଙ୍କ୍ ଇତ୍‍କେ ରାଜାନଡ଼୍ ରାଜାଲ୍ ନୁ ଅଣ୍ଡ୍‌‍ ପ୍ରବୁନଡ଼୍‌ ପ୍ରବୁ ।”
\p
\v 15 ଦୂତ ନାକିଙ୍କ୍ ମେଣ୍ଡେ କେତ୍‍ତେ, “ନିମେ ବେନ୍ ଜଲରାଶି ଉଡ଼ିତିନ୍, ବେନିନ୍ ପରୁ ଆ ବେସ୍ୟା କୁଦ୍‍ତେ, ଆଦ୍ ଅଦୁତ୍ ବେନ୍‍ ରାଷ୍ଟ, ଜାତି, ନାଚିଟି ନୁ ବାଷାବାଦିନଡ଼୍ ସମାବେସ । 
\v 16 ମିଡ଼୍ ଉଡ଼ିମାନ୍ଦାନ୍ ସାତ୍‍ଟାନ୍ କଅକ୍ ନୁ ଆଦ୍ ପଶୁ, ବ୍ୟାସାଙ୍କ୍ ଗୃଣା ମାଡ଼ିତେ; ଅଡ଼୍‌‍ ତାନାଗାଙ୍କ୍ ତାନାୱୁ ସାରେ ୱିର୍‍ପ୍ତି ଆସ୍ ଆଦିଙ୍କ୍ ବାଣ୍ଡି ମାଡ଼ି ୱିଡ଼୍‍ସିଦ୍‍ତଡ଼୍ । ଅଡ଼୍‌‍ ତାନ୍‍ ଆୱୁଙ୍ଗ୍‍ ତିନ୍‍ତଡ଼୍‍, ମେଣ୍ଡେ ଆଦିଙ୍କ୍‍ କିସ୍‍ତାଗ୍‍ ୱାଟି ଦଂସ ମାଡ଼ିତଡ଼୍‍ । 
\v 17 ବାତ୍‍ତେଙ୍କ୍ଇତ୍କେ, ଇଶ୍ୱର୍‍ ନିଜେତ୍ ଉଦ୍ଦେଶ୍ୟତେ ସାଦନ୍ ମାଡ଼ାନ୍ ସେଙ୍ଗେ ଅଡ଼୍‌‍କିଂଙ୍କ୍ ଇଦ୍ ପ୍ରେରଣା ଇତ୍‍ତନ୍ । ଅଡ଼୍‌‍ ଅଣ୍ଡୟ୍‌ ମାନ୍‍ଆସ୍ କାମ୍ ମାଡ଼ିତଡ଼୍ ନୁ ଇଶ୍ୱର୍‌ତେ ବାକ୍ୟ ବେସୁଙ୍କ୍‍ ମିକା ପରିଣତ ଆୟ୍‍ୱେ ଯାକ ରାଜ୍ୟତେ ଶାସନ୍‍ ମପ୍ ଆଦ୍ ପଶୁତ୍ କାଇଦାଗ୍ ୱିଡ଼୍‍ସିଦ୍‍ତଡ଼୍ ।”
\p
\v 18 “ମିଡ଼୍ ବେନ୍ ନାଟାଡ଼୍‍ତିଙ୍କ୍ ଉଡ଼୍‍ତିଡ଼୍, ଆଦ୍ ଅଦୁତ୍, ପୃତିବିତେ ରାଜାନଡ଼୍ ପରୁ ଶାସନ୍‍ ମାଡ଼ମାନ୍ଦାନ୍ ଆଦ୍ ବେଡ଼ିୟ୍ ନଗର୍ ।”
\c 18
\s ବାବିଲନ୍‍ତେ ମଦଲ୍‍ ରାଲାନାଦ୍
\p
\v 1 ତାନ୍‍ପେର୍କେ ନାନେ ମେଣ୍ଡ୍‍ ୱେରଡ଼୍ ଦୂତତିଙ୍କ୍ ସ୍ୱର୍ଗତାଗାଙ୍କ୍ ଡ଼ିଗିୱାଦାନାଦ୍ ଉଡ଼୍‍ତାନ୍ । ଆଦ୍ ମହାକ୍ଷମତାପନ୍ ମାତ୍‍ତେ ନୁ ତାନ୍ କାନ୍ତି ସାରେ ପୃତିବିତିଙ୍କ୍ ୱେସ୍‍ ମାଡ଼ମାନ୍‍ନୁଡ଼୍ । 
\v 2 \x + \xo ୧୮:୨ \xo*\xt ପ୍ରକାଶିତ୍‌ ବାକ୍ୟ ୧୪:୮.\xt*\x*ଆଦ୍ ଗାଟି ଲେଙ୍ଗ୍‍ଦେ କେତ୍‍ତେ, “ତାନାଦ୍‌ ପତନ୍‍ ଗଟେମ୍‍ ଆତ୍‍ତେ । ମହାନ୍ ବାବିଲନ୍ ଦଂସ ଆସ୍‍ମିନ୍ଦେ ! ଆଦ୍ ଇଞ୍ଜେ ଅଶୁଚି ପ୍ରେତାତ୍ମାକି ମାନ୍ଦାନ୍ ପଡ଼ିୟେ ଆସ୍‍ମିନ୍ଦେ । ସାରେଲେକାମ୍ ଅଶୁଚି ନୁ ପିଟେ ତୁଉକା ମାଡ଼ି ଆଗ୍‍ଗେ ମିନ୍ଦେ । 
\v 3 ବାତ୍‍ତେଙ୍କ୍ଇତ୍କେ ସାରେ ମାନବ୍ ଜାତିତିଙ୍କ୍‍ ତାନ୍ ବେସ୍ୟାଲେକାତ୍‍ ସୁରାମ୍‍ ଉଞ୍ଜ୍‍ ମିନ୍ଦେ, ପୃତିବିତେ ରାଜାନଡ଼୍‍କ୍ ତାନ୍ ତଡ଼୍ ବ୍ୟାବିଚାର୍ ପାପତାଗ୍ ମାପିମିନ୍ଦେ, ଜଗତ୍‍ତେ ବ୍ୟାବସାୟିନଡ଼୍ ତାନ୍ ବିଲାସବ୍ୟସନ୍ ସେଙ୍ଗେ ସାଉକାର୍ ଆସ୍‍ମିନ୍ତେ ।”
\p
\v 4 ଇଦିନ୍‍ପେର୍କେ ନାନେ କେଞ୍ଜ୍‍ତାନ୍, ସ୍ୱର୍ଗତାଗାଙ୍କ୍ ମେଣ୍ଡ୍‍ନ୍ ୱେରଡ଼୍ ବାଣି କେତାନାଦ୍ କେଞ୍ଜ୍‍ତାନ୍, “ନା ନାରୁଡ଼ି ସାରେତଡ଼୍ ପେଇସ୍‍ ୱାଡ଼ାଟ୍ ! ତାନ୍ ପାକେଙ୍କ୍ ୱାଡ଼ାଟ୍ ! ମିଡ଼୍ ତନ୍ ପାପତାଗ୍ ମେଣ୍ଡେ ମାଇ ମାନ୍‍ମାଟ୍; ଆଦ୍ ବେନ୍ ଶାସ୍ତି ପାଏମ୍ ଆଦ୍‍ତେ, ଆଦିନ୍ ତଡ଼୍‍ ଆୟ୍‍ମାଟ୍ ! 
\v 5 ତାନାଦ୍ ପାପସାରେ ନୂୟ୍‍ ଲେକାମ୍‍ ଆସ୍ ମାବ୍‍ତାଗ୍ ତେଦ୍‍ତେ । ତାନ୍ ପାପଚାରଣ ସାରେ ଇଶ୍ୱର୍‍ ମାନ୍‍ ନେଏସ୍‍ ମିନ୍ଦେଣ୍ଡ୍ । 
\v 6 ଅଣ୍ଡ୍‌ ବେଲାନ୍ ମିୟାଦ୍ ସେଙ୍ଗେ ବ୍ୟବହାର୍ ମାଡ଼ିମାନ୍ଦେଣ୍ଡ୍, ମିଡ଼୍‍ ଆଦିନ୍ ସେଙ୍ଗେ ଟିକ୍ ଆଦେଲେକାମ୍ ବ୍ୟବହାର୍ ମାଡ଼ାଟ୍ । ଅଣ୍ଡ୍‌ ବାତ୍‍ତେ ମାଡ଼ିମିନ୍ଦେନ୍, ଆଦିଙ୍କ୍ ତାନ୍ ରେଣ୍ଡ୍ ଗୁନ୍‍ଦେ ସେଙ୍ଗେ ଦଣ୍ଡ୍‍ ଇମୁଟ୍ । ମିକିଙ୍କ୍ ଉସ୍‍ପାନ୍ ସେଙ୍ଗେ ଅଣ୍ଡ୍‌ ବେନ୍ ଏର୍ ତିଆର୍ ମାଡ଼ିମାତ୍‍ତନ୍, ଆଦିନ୍ ରେଣ୍ଡ୍ ଗୁନା କାଡ଼ାମ୍‍ ମାଡ଼ାଙ୍କ୍ ତାନ୍ ଗିନେତାଗ୍ ପୁର୍ଣ୍ଣ ମାଡ଼ାଟ୍ । 
\v 7 ଅଣ୍ଡ୍‌ ନିଜେତିଙ୍କ୍ ବେସର୍ ଗର୍ବ ଆସମାତ୍‍ତନ୍ ନୁ ନାର୍ଗେ ଗାବ୍‍ତାଗ୍ ମୁଡ଼୍‍ନ୍ଦି ମାତ୍‍ତନ୍, ଆଦ୍ ପରିମାନ୍‍ତେ ଅଙ୍କ୍‌ ଦୁଃକାମ୍ କଷ୍ଟ ଇମୁଟ୍ । ବାତ୍‍ତିଙ୍କ୍ ଇତ୍‍କେ ଅଣ୍ଡ୍‌ ନିଜେତିଙ୍ଗ୍ ନାର୍ଗେ ମାଡ଼ି କେତୁତନ୍, ‘ନାନେ ଇଗେ ରାଣିନ୍‌ ଲେକାମ୍ କୁଦ୍‍ତାନ୍ ! ନାନେ ରାଣ୍ଡିନ୍ ଆୟନ୍, ନାୟଦ୍ ବେସୁଙ୍କ୍‍ ଦୁଃକାମ୍ ଆୟ୍‍ୟ ।’ 
\v 8 ତାନ୍ ଇୱୁସାରେ ପାପତ୍ ସେଙ୍ଗେ ରୋଗ୍, ଦୁକାମ୍‍, ଦୁର୍ବିକ୍ଷ, ମଆମାରି ଦିନାମ୍‍ତେ ଆଦିଙ୍କ୍ ଅଣ୍ଡୟ୍‌‍ଦାମ୍ ଆଗାତ୍ ମାଡ଼ିତେ । ମେଣ୍ଡେ ଆଦ୍ କିସ୍‍ତାଗ୍ ସାରେଦିନାତ୍ ସେଙ୍ଗେ ଦଂସ ଆଦ୍‍ତେ । ବାତ୍‍ତେଙ୍କ୍ଇତ୍କେ ତାନ୍ ବେନ ବିଚାର୍ ମାଡ଼ୁତେ, ଆଦ୍ ପ୍ରବୁ ଇଶ୍ୱର୍ ମହାପରାକ୍ରାମ ।”
\p
\v 9 ପୃତିବିତେ ବେନ୍ ରାଜାମଆରାଜନଡ଼୍ ତାନ୍ ତଡ଼୍ ବ୍ୟବିଚାର୍ ନୁ ପାପ ଆଚରନ୍ ମାଡ଼ିମାତ୍‍ତଡ଼୍, ଅଡ଼୍‌‍ ତାନ୍ ଦଗ୍‍ଦ ଆସମାନ୍ଦାନ୍ ମେନ୍ଦୁଲ୍‍ତାଗାଙ୍କ୍ ପେଇତାନ୍ ଉମେ ଉଡ଼ି କେୟିତଡ଼୍ । 
\v 10 ତାନ୍ ଦୁଃକାମ୍ କଷ୍ଟତେ କାଇଲାନଙ୍କ୍ ୱେର୍‍ସ୍‍ମିକା ଅଡ଼୍‌‍ ତାନାଗାଙ୍କ୍ ନାର୍ଗେ ଯେକାନିସ୍ ମାନ୍‍ନ୍ତଡ଼୍ ନୁ ଆୟୁ, ଆୟୁ ଇଞ୍ଜ୍ କେତିତଡ଼୍, କି ବୟଙ୍କାର୍ ! କି ବୟଙ୍କର୍‍ ! ନିମେ ବାତେ ଆ ପରାକ୍ରାନ୍ତ ବେଡ଼୍‍ଇ ନାର୍ଦେ ବାବିଲନ୍ ! ମାତର୍ ଅଣ୍ଡୟ୍‌ ଗାଣ୍ଟା ଲୋପେ ଇଦ୍‍ଲେକାମ୍ ଶାସ୍ତି ପାଏମ୍ ଆତ୍‍ତିନ୍ !
\p
\v 11 ମେଣ୍ଡେ ପୃତିବିତାଗ୍ ବଣିକନଡ଼୍ ଆଦିନ୍ ସେଙ୍ଗେ କେଇତଡ଼୍ ନୁ ଦୁକାମ୍‍ ମାଡ଼ିତଡ଼୍, ବାତ୍‍ତିଙ୍କ୍ ବେନ ଅଡ଼୍‌‍କିଂଙ୍କ୍ ବାଣିଜ୍ୟ ଦ୍ରବ୍ୟ ମେଣ୍ଡେ ୱାମ୍‍ୱଡ଼୍, 
\v 12 ସୁବର୍ଣ୍ଣ, ରୌପ୍ୟ, ପାଇସା, ମୁକ୍ତା, ପାଲ୍‍ସେଲାଦ୍ ସିଲେସ, କୃଷ୍ଣରଙ୍ଗ୍‌ଦେ ସିଲେ, ପଟସିଲେ ସିନ୍ଦୁର୍ ରଙ୍ଗ୍‌ଦେ ସିଲେ, ସାରେ ଲେକାମ୍ ଚନ୍ଦନ୍‍କାଟ, ଏନେ ପାଲ୍‍କିନ୍ ସାରେଲେକାମ୍ ବସ୍ତୁ, ଗାଟି ଲେକାମ୍ କଷ୍ଟ ପିତଲ୍ ଲୌଉଆ ନୁ ମର୍ମତେ ପେଇତାନ୍ ସେଙ୍ଗେ ସାରେଲେକାମ୍ ବସ୍ତୁ । 
\v 13 ଦାରୁଚିଇନେ, ଲେକେତ୍‌ ଗାବ୍‌ମାନ୍ଦାନ୍‌ ଦ୍ରବ୍ୟ, ଦୁପାମ୍‌, ସୁଗନ୍ଦି ଲେପ୍ୟଦ୍ରବ୍ୟ, ସୁନା, ମଦ୍ୟ, ନିୟ୍, ମଇଦା, ଗଅମ୍, ଗଡ଼୍‍କ୍, ମେକା, ପିଟେ, ରତେ, କ୍ରିତଦାସ ନୁ ନାରୁଡ଼ାଦ୍ ଜିୱେ । 
\v 14 ବ୍ୟବସାୟିଡ଼୍ ଅଙ୍କ୍‌ କେତ୍‌ତଡ଼୍, “ମିୟାଦ୍ ଅବିଲାଷତେ ସାରେତଡ଼୍ ସାୟେ ଦ୍ରବ୍ୟ ସାରେ ଆଞ୍ଜ୍ ନୁ ମିୟାଦ୍ ଦନ୍‍ ସମ୍ପତିତେ ଉଡ଼୍‍ଦାନାଣ୍ଡ୍‍ ମେଣ୍ଡେ ଇଲାଣ୍ଡ୍‍ । ମିଡ଼୍‍ ଆଉସାରେ ମେଣ୍ଡେ ବେସୁଙ୍କ୍‍ ମାଲ୍‍ସ୍ ଦର୍କେପାର୍‍ୱିଡ଼୍ !” 
\v 15 ବେନ୍ ବ୍ୟବସ୍ତାୟିଡ଼୍ ଆଦ୍ ନାର୍ଦାଗ୍ ବାଣିଜ୍ୟ ମାଡ଼ି ସାଉକାର୍ ଆସ୍‍ମାତ୍‍ତଡ଼୍, ଅଡ଼୍‌ ତାନ୍ ଦୁଃକାମ୍‍ତେ କାଇଲାନଙ୍କ୍ ୱେର୍‍ସ୍ ମିକା ନାର୍ଗେ ଯେକା ନିସ୍‍ ମାନ୍‍ତଡ଼୍ । ଅଡ଼୍‌‍ କେୟି ନୁ ଦୁଃକାମ୍‍ ମାଡ଼ି, 
\v 16 କେତିତଡ଼୍, “ଆୟୁ ! ମହାନଗର୍‍ତେ ଅବସ୍ତା ଇଞ୍ଜେ ବେସର୍ ବୟଙ୍କାର୍, ବେସର୍ ! ଅଣ୍ଡ୍‌ ସାକ୍‌ସାକା ପାଲ୍‍ସେଲାଦ୍ ସିଲେ, କୃଷ୍ଣ କଲର୍‍ତେ ନୁ ସିନ୍ଦୁର୍ କଲର୍‍ତେ ସିଲେ କେର୍‍ସ୍‍ ମାତ୍‍ତାଦ୍ ମାତ୍‍ତେ, ମେଣ୍ଡେ ସୁବର୍ଣ୍ଣ, ମଣି ନୁ ମୁକ୍ତାତେ ବୁଷିତ ମାତ୍‍ତେ । 
\v 17 କିନ୍ତୁ ୱେରଡ଼୍ ଗାଣ୍ଟା ଲୋପେ ଅଣ୍ଡେକେ ସାରେ ସମ୍ପତି ୱାମ୍‍ତନ୍ !” ଜାହାଜ୍‍ତେ ମୁକ୍ୟାଲ୍‍, ନାରୁଡ଼୍, ଓଡେ ଚାଲାମାଡ଼ାନଡ଼୍‍ ନୁ ସମୁଦ୍ର ବ୍ୟବହାର୍ ମାଡ଼ାନଡ଼୍ ନାର୍ଗେ ଯେକା ନିତ୍‍ତଡ଼୍, 
\v 18 ନୁ ଦଗ୍‍ଦ ଆଦାନ୍ ନାକିନାଗ୍ ଉମେ ଉଡ଼ି ଗାଟି ଲେଙ୍ଗ୍‍ଦେ କେତ୍‍ତଡ଼୍, “ଇଦ୍ ମହାନଗର୍‍ତେ ଲେକାମ୍ ମେଣ୍ଡେ ବେନେ ନଗର୍ ଇଲ୍‍ୱେ ମାତ୍‍ତେ ।” 
\v 19 ଅଡ଼୍‌ ତାଲେତ୍‍ ପରୁ ମାଣ୍ଡୁଲ୍ ୱାଟି ବିଲପ୍ ମାଡ଼ି କେତ୍‍ତଡ଼୍, “ବେସର୍ ବୟଙ୍କାର୍ ! ନଗର୍‍ତେ ଇଦ୍‍ ବାତ୍ ଦାରୁଣ ଦୁର୍ଦ୍ଦଶା ! ସମୁଦ୍ରତାଗ୍ ଉଡାନ୍ ଜାହାଜ୍‍କି ଆୱିନ୍ ୱାୟାନେ ସମୁଦ୍ର ଆସ୍‍ମାତ୍‍ତେ ! କିନ୍ତୁ ଅଣ୍ଡୟ୍‌‍ ଗଣ୍ଟା ଲୋପେ ଆଦ୍ ଦଂସ ଆତ୍‍ତେ !”
\p
\v 20 ଆ ସ୍ୱର୍ଗତେ ନାରୁଡ଼ି ! ଆଦ୍ ଦଂସ ଆତ୍‍ତାଙ୍କ୍ ଆନନ୍ଦ ଉଲ୍ଲାସ୍ ମାଡ଼ାଟ୍ । ଆ ସାଦୁ ନାରୁଡ଼ି; ପ୍ରେରିତ୍‍ ଶିଷ୍ୟ ନୁ ବାବବାଦିନଡ଼୍ ! ୱେଡ଼୍‍କେ ମାଡ଼ାଟ୍, ବାତ୍‍ତେଙ୍କ୍ଇତ୍କେ ମୀଇ ସେଙ୍ଗେ ଅଣ୍ଡ୍‌ ବାତ୍‍ତେ ମାଡ଼ି ମାତ୍‍ତନ୍, ଅଦିନ୍‌ ସେଙ୍ଗେ ଇଶ୍ୱର୍‍ ଆଦିଙ୍କ୍ ଶାସ୍ତି ଇତ୍‍ତନ୍ ।
\p
\v 21 ତାନ୍‍ପେର୍କେ ୱେରଣ୍ଡ୍ ଗାଟି ପ୍ରତାପି ଦୂତ ଜାତେକାଲ୍ ଲେକାମ୍ ୱରଡ଼୍ ବେଡ଼୍‍ୟାଦ୍ ବାଣ୍ଡ୍‍କାଲ୍ ଆସ୍ ସମୁଦ୍ରତାଗ୍ ଏସ୍‍ତନ୍ ନୁ କେତ୍‍ତନ୍, “ମହାନ୍‍ ନଗର୍‍ତେ ବାବିଲନ୍ ଇଦ୍‍ଲେକାମ୍ ଏସ୍‍ତେ ଆଦ୍‍ତନ୍ ନୁ ଆଦିଙ୍କ୍ ମେଣ୍ଡେ ବେନ ବେସୁଙ୍କ୍‍ ଉଡ଼େ ପାର୍‍ୱଡ଼୍ । 
\v 22 ବାତ୍ ବିଣା, କେନ୍‍ସାୟେତ୍ ଲେଙ୍ଗ୍‍ଦେ ପାଟେ, ଆସଡ଼୍‍ ବା ମୟିର୍‍ତେ ଲେଙ୍ଗ୍, ବେସୁଙ୍କ୍‍ ମେଣ୍ଡେ କେଞ୍ଜାଙ୍କ୍ ଆୟ । ବାତେବା ସାମାନ୍‌ ବା କାରିଗର୍ ନିୟାଗେ ମେଣ୍ଡେ ତନ୍ଦ; ପେଞ୍ଜ୍‌ସାନାୱୁ ଉଡ଼୍‍ସ୍ପାନ୍ ମର୍‍ରେ କେଞ୍ଜାଙ୍କ୍ ଆୟ । 
\v 23 ନିୟାଗେ ମେଣ୍ଡେ ବେସୁଙ୍କ୍‍ ମିକା କୁପି ନିଡ଼୍‍ୱ; ବା ବର କନ୍ୟାତେ ମର୍‍ରେ କେଞ୍ଜାଙ୍କ୍ ଆୟ । ବାତ୍‍ତିଙ୍କ୍ଇତ୍କେ ନି ତଡ଼ିଡ଼୍‍ ପୃତିବିତେ ଗାଟି ଶକ୍ତି ଆସ୍ ମାତ୍‍ତଡ଼୍, ନିୟାଦ୍ କୁଉକ୍ ତୋଡ଼୍ ନିମେ ପୃତିବିତେ ସାରେତଡ଼୍‍କ୍ ମଦ୍‌ ମାଡ଼ି ନେଏସ୍‍ ମାତ୍‍ତିନ୍ ।”
\p
\v 24 ମେଣ୍ଡେ ଇଦ୍ ନାର୍ଦାଗ୍ ପୃତିବିତେ ନାର୍ଗେ ବାବବାଦିଡ଼୍ ନୁ ସାଦୁନଡ଼୍ ନେତୁର୍‍ ଇସ୍‍ମାତ୍‍ତଡ଼୍ । ଇୱୁସାରେ ପାପତ୍‍ ସେଙ୍ଗେ ଅଣ୍ଡ୍‌ ସମାନ୍‍ ଦଣ୍ଡ୍‍ ପାଏମା ଆତ୍‍ତନ୍ ।
\c 19
\s ଜିଡ଼ାନାଦ୍‍ ପାଟେ
\p
\v 1 ଇଦିନ୍‍ ପେର୍କେ ନାନେ ବାତ୍‍ କେଞ୍ଜ୍‍ତାନ୍, ଆଦ୍ ସ୍ୱର୍ଗତାଗ୍ ୱେରଡ଼୍ ବେଡ଼୍‍ୟାଦ୍ ମାନ୍ଦେତାଦ୍ ମର୍‍ ଲେକାମ୍ ଏର୍କେ ଆସମାତ୍‍ତେ । ଅଡ଼୍‌ କେସମାନ୍‍ନୁଡ଼୍, “ଇଶ୍ୱର୍‌ତେ ସ୍ତୁତି ମାଡ଼ାଟ୍ । ମାନ୍‍ ଇଶ୍ୱର୍‍ ପରିତ୍ରାଣ୍, ଗୌରବ୍ ନୁ ପରାକ୍ରମତେ ଅଦିକାର୍‌ । 
\v 2 ତାନ୍ ବିଚାର୍ ନିଜାମ୍ ନୁ ନ୍ୟାୟଚିତ୍ । ବ୍ରଷ୍ଟାଚାର୍ତେ ପୃତିବିତିଙ୍କ୍ କାରାପ୍‌ କାମ୍‌ ମାଡ଼ମାନ୍ଦାନ୍ ଦାର୍‍ୟାନଡ଼୍‍, ଅଣ୍ଡ୍‌ ନାର୍ଗେ ଦଣ୍ଡ୍ କଷ୍ଟ ମାଡ଼୍‍ତନ୍ । ଇଶ୍ୱର୍‌ତେ ଦାସନଡ଼୍‍କ୍ ଆୱୁକି ମାନ୍‍ନାଙ୍କ୍ ଅଙ୍କ୍‌ ଅଣ୍ଡ୍‌ ଶାସ୍ତି ଇତ୍‍ତନ୍ ।” 
\v 3 ନାନେ କେଞ୍ଜ୍‍ତାନ୍, ଅଡ଼୍‌‍ ମେଣ୍ଡେ ଗାଟି ଲେଙ୍ଗ୍‍ଦେ କେତୁତନ୍, “ଇଶ୍ୱର୍‌ତେ ସ୍ତୁତି ଗାନ ମାଡ଼ାଟ୍ । ଆଦ୍ ମାନ୍‌‍ନାର୍ଦିଙ୍କ୍ ଦଂସ ମାଡ଼ ମାନ୍ଦାନ୍ କିସ୍‍ତେ ଉମେ ସାରେଦିନାମ୍‍ ପରୁ ତେଦମାନ୍‍ତେ ।” 
\v 4 ସିଂହାସନ୍‌ତାଗ୍ ମାନ୍ଦାନ୍ ଇଶ୍ୱର୍‌ତେ ମୁନେ ୨୪ ଜାନ୍ ବୟସ୍ତେ ନେତାଲଡ଼୍ ନୁ ଆୱୁ ନାଲୁ ପଶୁ ମଡ଼୍‍କି ମିକା ଇଶ୍ୱର୍‌ତିଙ୍କ୍ ଆରାଦାନା ମାଡ଼୍‍ତା । ଅଡ଼୍‌ କେତ୍‍ତଡ଼୍, “ଆମେନ୍‍ ! ଇଶ୍ୱର୍‌ତେ ପ୍ରଶଂସା ମାଡ଼ାଟ୍ ।”
\s ମେଣ୍ଢାଗଲାନ୍‍ ପେଣ୍ଡୁଲ୍‍ତେ ବଜି
\p
\v 5 ତାନ୍‍ପେର୍କେ ସିଂହାସନ୍‌ତାଗାଙ୍କ୍ ୱେରଡ଼୍ ଲେଙ୍ଗ୍ କେଞ୍ଜ୍‍ତାନ୍, “ଇଶ୍ୱର୍‌ତେ ସ୍ତୁତି ମାଡ଼ାଟ୍ । କି ମହାନ୍, କି ନଗ୍ୟଣ୍ୟ, ଇଶ୍ୱର୍‌ତେ ସେବକ୍ ନୁ ଉପାସକ୍‍ ନାରୁଡ଼୍, ସାରେତଡ଼୍ ଅନ୍‌‍ ପ୍ରସଂସା ମାଡ଼ାଟ୍ ।” 
\v 6 ଆଦ୍ ସମୟତ୍‍ ନାନେ କେଞ୍ଜ୍‍ତାନ୍, ସମୁଦ୍ର ସାଉଣ୍ଡ୍ ନୁ ବିଜୁଳି ସାୱୁଣ୍ଡ୍‍ ତଡ଼୍‍ ନାରିନ୍ ମର୍‍ଲେଙ୍ଗ୍‍ ପଙ୍ଗି ୱାଦୁତ୍ । ନାରୁଡ଼୍ ମେଣ୍ଡେ ସ୍ତୁତି ମାଡ଼ୁତଡ଼୍; “ଇଶ୍ୱର୍‌ତେ ପ୍ରଂସସା ମାଡ଼ାଟ୍, ବାତ୍‍ତିଙ୍କ୍ଇତ୍କେ ମାନ୍‍ ପ୍ରବୁ ମହାପରାକ୍ରାନ୍ତ ଇଶ୍ୱର୍, ଅଣ୍ଡେ ମାତର୍ ମାନ୍‍ ରାଜାଲ୍ । 
\v 7 ୱାଡ଼ାଟ୍, ଆନନ୍ଦ ନୁ ଉଲ୍ଲାସ୍ ମାଡ଼ୁକାଡ଼୍‍, ଅନ୍‌ ବେଡ଼ିୟାଦ୍‌ନିୟମ୍‌ ପ୍ରସସ୍ତି ମାଡ଼ିକାଡ଼ାଟ୍ । ମେଣ୍ଢାଗଲାନ୍ ପେଣ୍ଡୁଲ୍ ଗାରେ ଏୱୁଦୁତ୍, ଅନ୍‌ ପିକିଡ଼୍‍ ଅଦିନ୍‌ ସେଙ୍ଗ୍ ନିଜେତିଙ୍କ୍ ତିଆର୍‍ ମାଡ଼୍‍ତେ । 
\v 8 ଆଦ୍ କେର୍‍ଦାନ୍ ସେଙ୍ଗେ ଆଦ୍ ଲେକେତାଦ୍ ନୁ ପରିଷ୍କୃତ ନାୱୁ ନାୱାଲାଦ୍‌ ସିଲେ ଦର୍‍ସ୍‍ତଡ଼୍ ।” ସାଦୁନଡ଼୍ ସାରେ କାମ୍ ଅଦୁତ୍, ଆଦ୍ ନାୱୁ ନାୱାଲାଦ୍‌ ସିଲେ ।
\p
\v 9 \x + \xo ୧୯:୯ \xo*\xt ମାତିଉ ୨୨:୨,3.\xt*\x*ଅନନ୍ତତେ ସ୍ୱର୍ଗଦୂତ ନାକିଙ୍କ୍ କେତ୍‍ତା, “ଲେକି ୱାଟେ, ବେନଡ଼୍ ମେକାଗଲାନ୍ ପେଣ୍ଡୁଲ୍‍ତେ ବଜିତାଗ୍ ତିଆର୍ ମାଡ଼୍‍ତେନଡ଼୍, ଅଡ଼୍‌ ବାଗ୍ୟବାନ୍ ।” ଅଣ୍ଡ୍‌ ମେଣ୍ଡେ କେତ୍‍ତନ୍, “ଇଦ୍ ଇଶ୍ୱର୍‌ତେ ଗଟ୍ ସାରେ ସତ୍ ।”
\p
\v 10 ଆଦ୍ ଦୂତତିଙ୍କ୍ ପୁଜା ମାଡ଼ାନ୍‍ ସେଙ୍ଗେ ନାନେ ତାନ୍ ଡେକାନ୍‍ ମଦଲ୍ ରାଲ୍‍ତାନ୍ । କିନ୍ତୁ ଆଦ୍ ନାକିଙ୍କ୍ କେତ୍‍ତେ, “ଆଦ୍‍ଲେକାମ୍ ନେଏମା । ନି ଲେକାମ୍ ନୁ ମୀଇ ତାମୁଡ଼୍‍ ଲେକାମ୍ ନାନେ ୱେରନ୍ ଜିସୁନ୍ ୱେରନ୍ ସେବକ୍‍ ମାତର୍ । ମୀଇ ଲେକାମ୍ ନାନେ ମିକା ଜିସୁନ୍‍ କେସ୍‍ମାନ୍ଦାନ୍ ସତ୍ତିଙ୍କ୍ ଗ୍ରହନ୍‌ ମାତ୍‍ତାନ୍ । ମାତର୍ ଇଶ୍ୱର୍‌ତେ ପୁଜା ମାଡ଼ାଟ୍ । ମାତର୍ ଜିସୁନ୍‍ କେସ୍‍ ମାନ୍ଦାନ୍ ସତ୍‍, ବାବବାଦିନଡ଼କ୍ ପ୍ରେରଣା ଇମୁଟ୍ ।”
\s ପାଣ୍ଡ୍ରି ଗୁରାମ୍‍ତାଗ୍‍ ମାନ୍ଦାନ୍‍ ନାରୁଣ୍ଡ୍‍
\p
\v 11 ତାନ୍‍ପେର୍କ ନାନେ ଉଡ଼୍‍ତାନ୍, ସ୍ୱର୍ଗତାଦ୍ ଆର୍ କୁଲେମ୍‍ ଆତ୍‍ତେ ନୁ ଆଗେ ୱେରଟ୍ ଶ୍ୱେତ ବର୍ଣ୍ଣତେ ଗୁରାମ୍‍ । ତାନ୍ ଚାଲାମାଡ଼ାନଣ୍ଡ୍‍ ବିଶ୍ୱାସ୍ତ ନୁ ସତ୍ ପେଦେର୍ତେ ଏଞ୍ଜ୍‍ତଣ୍ଡ୍ । ଅନ୍‌ ବିଚାର୍ ନ୍ୟାୟତାଦ୍‍ ନୁ ଅଣ୍ଡ୍‌ ଦର୍ମଯୁଦ୍‌ତାଗ୍ ନିୟଜିତ । 
\v 12 ତାନ୍ କଣ୍ଡା କିସ୍ ତାଡ଼ାମ୍ ଲେକାମ୍ ନୁ ତାନ୍ ତାଲେତାଗ୍ ନାର୍ଗେ ସହଜ୍‍ ମାତ୍‍ତା । ଅନ୍‌ ପରୁ ୱେରଡ଼୍ ପେଦେର୍ ଲେକା ଆସ୍‍ମାତ୍‍, ଇତ୍‍କେ ଆଦ୍‍ ବାତେ, ଅନ୍‌ ୱିଡ଼୍‍ସି ମେଣ୍ଡେ ବେନ ପୁନଡ଼୍ । 
\v 13 ଅଣ୍ଡ୍‌‍ କେର୍‍ସ୍‍ମାନ୍ଦାନ୍ ଚକା ନେତୁର୍ଜିତ ଆସ୍‍ ମାତ୍‍ତେ । ଅଣ୍ଡ୍‌ “ଇଶ୍ୱର୍‌ତେ ବାକ୍ୟ,” ଇଞ୍ଜ୍ ପୁତ୍‍ତାନ୍ । 
\v 14 ସ୍ୱର୍ଗତଡ଼୍ ସାରେତଡ଼ି ସୈନ୍ୟନଡ଼୍, ପରିଷ୍କାର୍, ପାଲ୍‍ସେ, ପାଲ୍‍ସେଲାଦ୍‍, ସିଲେ କେର୍‍ସ୍, ଶ୍ୱେତ ଗୁରାକିନ୍‍ ପରୁଙ୍କ୍‌ ଡିକିମିକା ତାନ୍ ପେର୍କେ ଆଞ୍ଜ୍‍ମାନ୍‍ନୁ । 
\v 15 \x + \xo ୧୯:୧୫ \xo*\xt ପ୍ରକାଶିତ୍‌ ବାକ୍ୟ ୧୪:୨୦.\xt*\x*ତାନ୍ ମକତାଗାଙ୍କ୍ ୱେରଡ଼୍ ଲାଟିଲାଦ୍ କଡ଼୍‍ଗ ୱାୟେତେ ମାନ୍‍ନୁଡ଼୍ । ତାନ୍ ସାଆଯ୍ୟତେ ଆଦ୍ ପୃତିବିତେ ସାରେ ଜାତିଙ୍କ୍ ପରାସ୍ତ ମାଡ଼ିତେ । ମେଣ୍ଡେ ଅଡ଼୍‌‍କିଂଙ୍କ୍ ଅଣ୍ଡ୍‌ ଲୁଆ ଦଣ୍ଡତାଗ୍ ସାଲା ମାଡ଼ିତନ୍ ନୁ ସାରେତିଙ୍କ୍ ଶକ୍ତି ମାନ୍‍ ଇଶ୍ୱର୍‌ତେ ଗାଟି କପାମ୍‍ତେ ପସଲ୍‍ତିଙ୍ଗ୍ ଅଣ୍ଡ୍‌ ପେଷଣ କୁଣ୍ଡତାଗ୍ ନିଜେତ୍ ପିସ୍କି କାଲ୍ ପେସ୍ପିତଣ୍ଡ୍ । 
\v 16 ଅନ୍‌ ସକେତ୍ ପରୁ ନୁ ଉରୁ ଦେଶ୍‌ତେ ଲେକା ଆସ୍‍ମାନ୍‍ନୁଡ଼୍, “ରାଜାନଡ଼୍ ରାଜା ନୁ ପ୍ରବୁନଡ଼୍ ପ୍ରବୁ ।”
\p
\v 17 ସାରେଦାମ୍ ତାଦ୍ ନାନେ ଉଡ଼୍‍ତାନ୍, ମେଣ୍ଡେ ୱେରଡ଼୍ ଦୂତ ପଡ଼ଦ୍‍ ପରୁ ଦଣ୍ଡତାଦ୍ । ମାବ୍‍ତାଗ୍ ଉଡ ମାନ୍ଦାନ୍ ସାରେ ପିଟେଙ୍କ୍ ସାରେତାୱିଙ୍କ୍ ଆଦ୍ ଗାଟି ଲେଙ୍ଗ୍‍ତେ କେତ୍‍ତେ, “ୱାଡ଼େ, ଇଶ୍ୱର୍‌ତେ ବାଡ଼ିୟ୍‍ ବଜିତାଗ୍ କାଇଲାନ୍ ସେଙ୍ଗେ ଅଣ୍ଡୟ୍‌‍ତାଗ୍ ଆୟ୍‍ମୁଟ୍ । 
\v 18 ରାଜା, ପ୍ରଜା, ସୈନ୍ୟଡ଼୍, ସୈନ୍ୟାଦକ୍ଷ, ଗୁରାମ୍‍, ଗୁରାତଡ଼୍‍, କ୍ରୀତଦାସ, ସ୍ୱାଦିନ୍ ମହାନ୍ ବା ସାରେତଡ଼ାଦ୍‍ ଆୱୁଙ୍ଗ୍ ୱାସ୍ ତିନୁଟ୍ ।”
\p
\v 19 ତାନ୍‍ପେର୍କେ ନାନେ ଉଡ଼୍‍ତାନ୍, ଆଦ୍ ଗୁରାତଡ଼୍‍ ନୁ ତାନ୍ ସୈନ୍ୟନଡ଼୍ ବିରୁଦ୍ଦତେ ଯୁଦ୍‌ ମାଡ଼ାନ୍ ସେଙ୍ଗେ ସାରେ ପଶୁ ନୁ ପୃତିବିତେ ସାରେତଡ଼୍ ରାଜା ନୁ ଅଡ଼୍‌ ସୈନ୍ୟନଡ଼୍ ଅଣ୍ଡୟ୍‌‍ତାଗ୍ ଆତ୍‍ତଡ଼୍ । 
\v 20 \x + \xo ୧୯:୨୦ \xo*\xt ପ୍ରକାଶିତ୍‌ ବାକ୍ୟ ୧3:୧-୧୮.\xt*\x*ଆଦ୍ ଯୁଦ୍‍ତାଗ୍ ପଶୁ ନୁ ତାନ୍ ମୁନେ ଆଶର୍ଯ୍ୟ କାମ୍‍ ମାଡ଼ିମାନ୍ଦାନ୍ ଅଡ଼୍‌ ବଣ୍ଡବାବବାଦିଡ଼୍ ଦର୍‍କି ମିକା ବନ୍ଦି ଆତ୍‍ତଡ଼୍ । ବେନଡ଼ାଗ୍ ପଶୁ ଚିଇନେ ମାତ୍‍ତେ ନୁ ବେନଡ଼୍ ତାନ୍ ଆଶର୍ଯ୍ୟ କାମ୍ ତଡ଼୍ ଅଡ଼୍‌‍କିଂଙ୍କ୍ ପ୍ରେରିତ ମାଡ଼ିମାତ୍‍ତେ । ପଶୁ ନୁ ଆ ବଣ୍ଡବାବବାଦିଡ଼୍ ଗନ୍ଦକ ନିଡ଼୍‍ତାନ୍ କିସ୍ ସାୱୁଡ଼େତାଗ୍‍ ଜିୱେ ଏସିତ୍‍ତଡ଼୍ । 
\v 21 ମେଣ୍ଡେ ଅଡ଼୍‌ ସୈନ୍ୟଡ଼୍ ଗୁରାମ୍‍ ତାରି ଉଡାନଡ଼୍‍ ମକମ୍ ବନ୍ଦ ମାଡ଼ି କଡ଼୍‍ଗତେ ଡଲ୍‍ତଡ଼୍; ମାବ୍‍ତେ ପିଟେକି ମାନ୍‍ ଇଚ୍ଛାତେ ଅଡ଼୍‌ ଆୱୁଙ୍ଗ୍‍ ତିତ୍‍ତା ।
\c 20
\s ୧୦୦୦ ଏଣ୍ଡ୍‍ତେ ଶାସନ୍‍
\p
\v 1 ତାନ୍‍ପେର୍କେ ନାନେ ମେଣ୍ଡେ ଅର୍‍ତୁନ୍ ଦୂତଙ୍କ୍ ସ୍ୱର୍ଗତାଗାଙ୍କ୍ ଡିଗିୱାଦାନ୍ ନାଦ୍ ଉଡ଼୍‍ତାନ୍ । ତାନ୍‍ କାଇଦାଗ୍ ପାତାଲ୍‍ପୁର୍‍ତେ କୁଚ୍‍କାଇ ନୁ ୱେରଡ଼୍ ପୁଉତେ ଇକ୍‍ଲେମ୍‍ ମାତ୍‍ତେ । 
\v 2 ଅଣ୍ଡ୍‌‍ ଆଦ୍ ପ୍ରାଚିନ୍‍ ତାଡ଼ାମ୍, ଆଦ୍ ପିଶାସ୍ ଶୟ୍‍ତାନ୍‍ତିଙ୍କ୍ ପଇସ୍ ୱେରଡ଼୍ ନାର୍ଗେ ୱାଡ଼୍‍ଷା ଜାକ ଜଞ୍ଜିର୍‍ତାଗ୍ ତହଃସ୍‍ ମାତ୍‍ତଡ଼୍, 
\v 3 ନୁ ପାତାଲ୍‍କୁଣ୍ଡତାଗ୍ ଏସ୍‍ସି ମିକା ଆଦିନ୍ ତଡ଼୍‌ ରୁଦ୍‌ ମାଡ଼୍‍ତଡ଼୍ ନୁ ଦ୍ୱାର୍ ଦେଶ୍‌ତିଙ୍କ୍ ମୁଦ୍ରିତ ମାଡ଼୍‍ତଡ଼୍ । ହଜାର୍‍ ୱାଡ଼୍‍ଷା କାଟେମ୍ ଆୟେ ମାନ୍‍ୱେ ଯାକ ଆଦ୍ ମେଣ୍ଡେ ବେନେ ବା ଦେଶ୍‌ତେ ନାରୁଡ଼୍‍ ପ୍ରତାରଣା ମାଡ଼େ ପାର୍‍ୱ । ସାରେ ୱାଡ଼୍‍ଷା ଆଦ୍‍କେ, ଆଦିଙ୍କ୍ ସୁଦୁଟ୍ ସମୟ ସେଙ୍ଗେ ମେଣ୍ଡନ୍‍ଦାମ୍ ୱିଡ଼୍‍ସିଦ୍‍ତଡ଼୍ ।
\p
\v 4 ତାନ୍‍ପେର୍କେ ନାନେ ଉଡ଼୍‍ତାନ୍, ବେସ୍‌କ୍ ସିଂହାସନ୍‌କିନା ନୁ ଆୱିନାଗ୍ ମାନ୍ଦାନ୍ ନାରୁଡ଼୍‍କ୍ ବିଚାର୍ ମାଡ଼ାନ୍ ଆଦେଶ୍ ଇତ୍‍ତନ୍ । ମେଣ୍ଡେ ମିକା ନାନେ ଉଡ଼୍‍ତାନ୍, ବେସ୍‍କ୍‍ତଡ଼୍ ଡଲ୍‍ତେନଡ଼୍ ଆତ୍ମା । ଜିସୁ କେସ୍‍ମାନ୍ଦାନ୍ ସତ୍ ନୁ ଇଶ୍ୱର୍‌ତେ ବାକ୍ୟ ପ୍ରଚାର୍ ମାଡ଼ିମାନ୍ଦାନ୍ ଅଡ଼୍‌ ନାରୁଡ଼୍ ଡଲାନ୍ ଦଣ୍ଡତ୍‍ ସେଙ୍ଗେ । ଅଡ଼୍‌ ପଶୁ କିମ୍ୱା ଆ ମୁର୍ତି ପୁଜାମାଡ଼୍‍ମାତଡ଼୍, ନୁ ମୁଞ୍ଜ୍‌ଜିନାଗ୍‍ ନୁ କାଇଦାଗ୍‍ ପଶୁକିନ୍‍ ଚିନ୍ନେ ୱାଟମାତଡ଼୍ । କ୍ରିଷ୍ଟନ୍ ତଡ଼୍ ହଜାର୍‍ ଏଣ୍ଡ୍‍କ୍ ରାଜତ୍ୱ ମାଡ଼ାନ୍‍ ମାଇଦିଙ୍କ୍‍ ଅଣ୍ଡ୍‌ ପୁନେ ଜନମ୍‌ ଆସମାତଣ୍ଡ୍ । 
\v 5 ଆୱୁ ହଜାର୍‍ ଏଣ୍ଡ୍‍କ୍ ପୁରା ଆୟୁୱାକେ ବେନବା ଡ଼ଲତନଣ୍ଡ୍ ପୁନାର୍ରାଉତାନ୍‍ ପାଏମ୍‌ ଆୟମାତଣ୍ଡ୍ । ଇଦେ ମୁନେତ୍‍ ପୁନାର୍ରାଉତାନ୍‍ । 
\v 6 ଡ଼ଲତେ ନାରୁଡୁ ଇ ମୁନେତେ ପୁନାର୍ରାଉତାତେ ବେନଡ଼୍ ମିନ୍ଦେଡ଼୍‌ ଅଡ଼୍‌‍ ବେସର୍‍ ସାୟେ । ଅଡ଼୍‌‍ ବେସର୍‍ ୱେଡ଼େକେ; ଅଡ଼୍‌‍କ୍ ମେଣ୍ଡେ ମେଣ୍ଡଦାମ୍ ଡ଼ଲେୱେୟ୍ । ଅଡ଼୍‌‍ ଇଶ୍ୱର୍ ନୁ କ୍ରିଷ୍ଟନ୍ ଯାଜକ ଆସ୍ କ୍ରିଷ୍ଟନ୍ ତୋଡ୍ ଅଡ଼୍‌ ହଜାର୍‍ ଏଣ୍ଡ୍‍କ୍‍ ରାଜତ୍ୱ ମାଡିତଣ୍ଡ୍ ।
\s ସୟତାନ୍ତେ ତେର୍ରତେୱେଲେତ୍ ପରାଜୟ
\p
\v 7 ହଜାର୍‍ ଏଣ୍ଡ୍‍ ପୁରାଆତେ ପେର୍କେ ଶୟତାନ୍‍ତିଙ୍କି ଜଇଲ୍‍ଦାଗ୍‍ ମୁକ୍ତି ଇତଡ଼୍ । 
\v 8 କିନ୍ତୁ ଗୋଗ୍‍ ନୁ ମାଗୋଗ୍ ଇନା ପୃତିବିତେ ଏକାମ୍‍ ସାୱୁଡ଼େତେ ଉସ୍କ ଇନା ମାନ୍ଦାନ୍‍ ନାରୁଡ଼ୁକିଙ୍କ୍ ଲେକ୍ଆୟେଲେକେ ନାରୁକିଙ୍କି ସୟତାନ୍‍ ଗୁଡ଼ୁପିଇ ଯୁଦ୍‌ ମାଡ଼ିତେ । 
\v 9 ଅଡ଼୍‌ ପୃତିବିତେ ସାର୍ ୱିକି ଆଞ୍ଜ୍ ପ୍ରବୁବକ୍ତ ନାରୁଡ଼ାୱା ପଡ଼୍‍ୟେ ସାର୍‍ତାୱାଇଙ୍କି ନୁ ଇଶ୍ୱର୍ ସାୟେ ଟାଉନ୍‍ତିଙ୍କି ସୁଟ୍‍ଆର୍ରତଡ଼୍ । ମାତର୍‌ ସ୍ୱର୍ଗତେ କିସ୍ ରାଲି ଅଡ଼୍‌‍କିଂଙ୍କ୍ ଦସ୍ୱଂ ମାଡ଼ିତେ 
\v 10 ବେନ୍‍ ଦାଡ୍‍ମିନି କିସ୍ ନିଡ଼୍‍ସମାତେ ଆ ଇକେତାଗେ ପଶୁ ନୁ ବଣ୍ଡବାବବାଦି ରାଲିମାତଡ଼୍, ଅଇରାନ୍‍ ମାଡ଼ାନ୍‍ ସୟତାନ୍ତିଙ୍କି ଆଗେ ରାପିତଡ଼୍ । ଆଗେ ନାକ୍ରାପାୟଲ୍‍ ସାର୍ ଦିନା ଦାଡ଼ମିନି କିସ୍‍ତାଗେ ଦଣ୍ଡପାଏମ୍ ଆତଡ୍ ।
\s ମାଡ଼େଙ୍କ୍‌ତାଦ୍‍ ବିଚାର୍‍
\p
\v 11 ତାନ୍‍ପେର୍କେ ନାନେ ଉଡ଼୍‍ତାନ୍, ଶ୍ୱେତବର୍ଣ୍ଣତେ ୱେରଡ଼୍ ବେଡ଼୍‍ୟାଦ୍ ସିଂହାସନ୍‌ ନୁ ତାନ୍ ପରୁ ୱେରଣ୍ଡ୍ ନାରୁଙ୍କ୍‍ ଉପବିଷ୍ଟ ମାନ୍ଦାନ୍‍ ଉଡ଼୍‍ତାନ୍‍ । ତାନ୍ ମୁନେଙ୍କ୍ ପୃତିବି ନୁ ମାବ୍ ମିର୍‍ତା ନୁ ଅଡ଼୍‌‍ ମେଣ୍ଡେ ଉଡ଼େପାର୍ୱଡ଼୍ । 
\v 12 ତାନ୍‍ପେର୍କେ ନାନେ ଉଡ଼୍‍ତାନ୍, ବାତ୍ ମହାନ୍, କି ନଗଣ୍ୟ ଡଲ୍‍ତେ ନାରୁଡ଼୍ ସାରେତଡ଼୍ ସିଂହାସନ୍‌ ମୁନେ ଦଣ୍ଡତେ ନଡ଼୍ । ବଇସାରେ କୁଲା ମାଡ଼୍‍ତଡ଼୍; ଆୱିନାଗାଙ୍କ୍ ଜୀୱେ ବଇ ପେଦେର୍‍ ୱେରଡ଼୍ ବଇ ମାତ୍‍ତେ । ଆଦ୍ ଜିୱେତ୍ ବଇ ତାଗ୍ ନାରୁଡ଼ଦ୍ କାମ୍‍ମାଡ଼୍‍ତେ ବିଷୟତେ ବାତ୍‍ସାରେ ଲେକାମାତ୍‍ତେ, ଆଦ୍ ଲେକାମ୍ ଅଡ଼୍‌‍କିଂଙ୍କ୍ ବିଚାର୍ ମାଡ଼୍‍ତଣ୍ଡ୍ । 
\v 13 ଆଦ୍‍ ସମୟତେ ସମୁଦ୍ର ଆଶେତେ ଡଲ୍‍ମାନ୍ଦାନ୍ ନାରୁଡ଼୍ ତେଦି ୱାତ୍‍ତଡ଼୍ । ପାତାଲ୍‍ ପୁରିତାଗ୍ ମାନ୍ଦାନ୍ ଡଲ୍‍ତେ ନଡ଼୍ ମିକା ପେଇସ୍‍ ୱାତ୍‍ତଡ଼୍ । ଅଡ଼୍‌‍ ସାରେତଡ଼୍ ନିଜେ ନିଜତ୍‍ ମାଡ଼୍‍ତେ କାମ୍‍ ଲେକାମ୍ ବିଚାର୍ ଆତ୍‍ତେ । 
\v 14 ତାନ୍‍ପେର୍କେ ଡଲାନାଦ୍ ନୁ ପାତାଲ ପୁରିତାଗ୍ କିସ୍‍ ସାୱୁଡ଼େତାଗ୍‍ ଏସାଙ୍କ୍ କେତ୍‍ତେ । ଇଦ୍‍ ଡଲାନାଦ୍ ଇତ୍କେ କିସ୍‍ତାଦ୍ ସାୱୁଡ଼େ, ଦ୍ୱିତିୟ ଡଲାନାଦ୍ । 
\v 15 ବେନଡ଼ାଉ ପେଦେରି ଜୀୱେ ବଇତାଗ୍ ଲେକାଇଲ୍‍ୱେ ମାତ୍‍ତେ, ଅଡ଼୍‌‍ମିକା ସାରେତଡ଼୍ କିସ୍‍ତେ ସାୱୁଡ଼େତାଗ୍‍ ରାଲ୍‍ତଡ଼୍ ।
\c 21
\s ପୁଃନେ ସ୍ୱର୍ଗ ନୁ ପୁଃନେ ପୃତିବି
\p
\v 1 \x + \xo ୨୧:୧ \xo*\xt ୨ ପିତର୍‌ 3:୧3.\xt*\x*ମାଡ଼େଙ୍ଗ୍‍ ନାନେ ୱେରଡ଼୍ ପୁଃନେ ମାବ୍, ପୁଃନେ ମୟଲ୍ ନୁ ପୁଃନେ ପୃତିବି ଉଡ଼୍‍ତାନ୍ । ପାଃନ୍ତେ ମୟଲ୍‍, ମାନ୍ତେ ପୃତିବି ନୁ ସମୁଦ୍ର ସାରେ ଆତ୍‍ତା । 
\v 2 \x + \xo ୨୧:୨ \xo*\xt ପ୍ରକାଶିତ୍‌ ବାକ୍ୟ 3:୧୨.\xt*\x*ମେଣ୍ଡେ ୱେରଡ଼୍‍ ପବିତ୍ର ନାର୍, ପୁଃନାଦ୍ ଯିରୁଶାଲେମ୍‍, ପିକିଡ଼୍‍ ଲେକାମ୍ ତିଆର୍ ଆସ୍ ସ୍ୱର୍ଗତାଗାଙ୍କ୍ ଇଶ୍ୱର୍‌ତାଗାଙ୍କ୍ ପୃତିବିତେ ପରୁଙ୍କ୍ ଡ଼ିଇଗ୍‍ନାଦ୍‍ ଉଡ଼୍‍ତାନ୍‍ । 
\v 3 ମେଣ୍ଡେ ସ୍ୱର୍ଗସିଂହାସନ୍‌ ତାଗାଙ୍କ୍ ୱେରଡ଼୍ ଗଟ୍ କେତ୍‍ତଡ଼୍, “ଇଞ୍ଜେ ଇଶ୍ୱର୍‌ତାଗ୍‍ ମାନ୍ଦାନ୍ ନାରୁଡ଼୍ ଲୋପେ; ଅଣ୍ଡ୍‌ ଅଡ଼୍‌‍ ତୋଡ଼୍ ମାନ୍‍ତନ୍ ନୁ ଅଡ଼୍‌‍ ତାନ୍ ନିଜେତେ ନାରୁଡ଼୍ ଆଦ୍‍ତଡ଼୍ । ଇଶ୍ୱର୍ ଅଡ଼୍‌‍ତଡ଼୍ ମାନ୍‍ତନ୍ ନୁ ଅଡ଼୍‌‍ ଇଶ୍ୱର୍‍ ଆଦ୍‍ତନ୍ । 
\v 4 ଅଣ୍ଡ୍‌ ଅଡ଼୍‌ କଣ୍ଡାନ୍ କାଣ୍ଡେଡ଼୍ ସାରେ ଉଞ୍ଜ୍‍ପିତ୍‍ତନ୍ । ଡଲାନାଦ୍, ଦୁକାମ୍‍, କେୟାନାଦ୍ ବା କଷ୍ଟ, ମେଣ୍ଡେ ନଦାନାଦ୍‍ ମାନ୍‍ନ । ସାରେ ପାଃନ୍ତେଲାଦ୍ ବିଷୟ ମାଇଆତ୍‍ତେ ।”
\p
\v 5 ସିଂହାସନ୍‌ତାଗ୍ ମାନ୍ଦାନ୍ ନାରୁଣ୍ଡ୍ କେତ୍‍ତନ୍, ଅଁ, ନାନେ ସାରେ ବିଷୟ ପୁଃନେ ମାଡ଼୍‍ତାନ୍ । ମେଣ୍ଡେ ଅଣ୍ଡ୍‌ ନାକିଙ୍କ୍ ଆଦେଶ୍‍ ଇତ୍‍ତନ୍, “ଇୱୁସାରେ ଗଟି ଲେକି ୱାଟାଟ୍, ବାତ୍‍ତେଙ୍କ୍ଇତ୍କେ ଇଦ୍ ସତ୍ ନୁ ଆଶେତାୱୁ ।” 
\v 6 ମେଣ୍ଡେ ମିକା ଅଣ୍ଡ୍‌‍ କେତ୍‍ତନ୍, “କାମ୍‍ ସାରେ ମାଇଆତ୍‍ତେ । ନାନେ ଆରାମ୍‍ ନୁ ମାଡ଼େଙ୍ଗ୍‍, ଆଦି ନୁ ଅନନ୍ତ । ବେନଙ୍କ୍ ଏର୍‍ ଉନ୍ଦେୱାକ୍‍କେ, ଜିୱେତ୍‍ ଲେକେତାଦ୍ ଏର୍ ନିର୍ଜର୍‍ତାଗାଙ୍କ୍ ନାନେ ଅଙ୍କ୍‌ ଆସାମ୍ ଉନ୍ଦାନଙ୍କ୍ ଇଦ୍‍ତାନ୍ । 
\v 7 ବେନ ବିଜୟ ଆସ୍‍ ମାନ୍‍ତନ୍, ନାନେ ଅଙ୍କ୍‌ ଇଦ୍‍ ପୁରସ୍କାର୍ ଇଦ୍‍ତାନ୍ ନାନେ ଅନ୍‌ ଇଶ୍ୱର୍ ଆଦ୍‍ତାନ୍ ନୁ ଅଣ୍ଡ୍‌ ନା ପିଲା ଆଦ୍‍ତନ୍ । 
\v 8 କିନ୍ତୁ କାପୁରୁଷ, ବିଶ୍ୱାସ୍‍ଗାତତନ୍, ବିକୃତଚିରିତ୍ର, ନରଅନ୍‌ତା, ଲମ୍ପର, ତନ୍ତ୍ରମନ୍ତ୍ରସାବକ୍, ମୁର୍ତ୍ତିକିଙ୍କ୍ ପୁଜାନଡ଼୍‍ ନୁ ମିତ୍ୟାବାଦିଡ଼୍ ଅଡ଼୍‌ ସାରେତଡ଼୍ ବ୍ରଷ୍ଟାଚାରିଡ଼୍‍ନଡ଼୍ ତିଆର୍‍ ଆସ୍‍ମାନ୍ଦାନ୍ ପଡ଼ିୟେ ଅଦୁତ୍, ଗନ୍ଦକ କିସ୍ ନିଡ଼୍‍ସ ମାନ୍ଦାନ୍ ସାୱୁଡ଼େ ଆଗେ ଅଡ଼୍‌ ତୃତିୟଦାମ୍ ଡଲିତଡ଼୍ ।”
\s ପୁଃନେ ଯୁରୁଶାଲାମ୍
\p
\v 9 ସାତ୍‍ଟାନ୍ ଅନ୍‌ତିମ୍ ମଆମାରି ପୁର୍ଣ୍ଣ ସାତ୍‍ଟାନ୍ ପାତ୍ର ପଇସ୍‍ ମାନ୍ଦାନ୍ ସାତ୍‍ଟାନ୍ ଦୂତନ୍, ନାଗାଙ୍କ୍ ୱେରଣ୍ଡ୍ ନା ପାକେ ୱାସ୍‍ କେତ୍‍ତନ୍, “ୱାଡ଼ା, ମେଣ୍ଢାଗଲାନ୍ ମୁତେଙ୍କ୍ ନବବଦୁଙ୍କ୍ ଉଡ଼ିତିନ୍ ।” 
\v 10 ପବିତ୍ର ଆତ୍ମା ନା ପର ୱାତ୍‍ତେ ମେଣ୍ଡେ ଦୂତ ନାକିଙ୍କ୍‍ ଅଣ୍ଡୟ୍‌‍ ବେଡ଼୍‍ୟାଦ୍‍ ମେଟେତାଗ୍‍ ଆତ୍‍ତଣ୍ଡ୍‍ । ଆଗାଙ୍କ୍‍ ନାନ୍‍ ଉଡ଼୍‍ତାନ୍‍, ଇଶ୍ୱର୍‌ତେ ଗାରେ କଞ୍ଚ୍‍ ସ୍ୱର୍ଗତାଗାଙ୍କ୍‍ ଡିଗି ମାନ୍ଦାନ୍‍ ଗୌରବ୍‍ ୱେସିନାଦ୍‍ ପବିତ୍ର ନଗରୀ ଯିରୁଶାଲେମ୍‍ । 
\v 11 ମେଣ୍ଡେ ଆଦ୍‍ ଅନ୍‌‍ ଗୌରବ୍‍ତେ ଜିକ୍‌ମିକ୍‌ ମାତ୍‍ତେ ଅଦିନ୍‌ ୱେସ୍‍ ଗାଟି ଦାମ୍‍ତୱୁ ମଣି ନୁ ପଡ଼୍‍ତେ ଦର୍ପନ ଲେକାମ୍‍ । 
\v 12 ଇଦିନ୍ ୱେରଡ଼୍ ବେଡ଼୍‍ୟାଦ୍ ପ୍ରାଚିର୍ ମାତ୍‍ତେ । ଆଦ୍ ପ୍ରାଚିର୍‍ତାଗ୍ ବାରହଜାର୍‌ ଦୂତନ୍ ଦ୍ୱାର୍ ମାତ୍‍ତା ବାରହଜାର୍‌ ଦ୍ୱାର୍ ମାତ୍‍ତା ନୁ ଆୱୁ ଦ୍ୱାର୍‍କିନ୍ ପରୁ ଇଶ୍ରାଏଲ୍‍ ଜାତିତେ ବାରହଜାର୍‌ ନାକିନ୍ ପେଦେରି ଲେକାମ୍‍ତେ । 
\v 13 ପ୍ରାଚିର୍‍ତେ ସାରେ ମୁଲାନ୍ ମୁଣ୍ଡ୍ ଆର୍ର୍ ମାତ୍‍ତା ପୂର୍ବତା ମୁଣ୍ଡ୍, ଦକ୍ଷିଣ୍‍ତ ମୁଣ୍ଡ୍, ଉତ୍ତର୍‍ତା ମୁଣ୍ଡ୍, ନୁ ପଶ୍ଚିମ୍‍ତା ମୁଣ୍ଡ୍ । 
\v 14 ନାର୍ଦେ ଇଦ୍ ପ୍ରାଚିର୍, ବାରଟାନ୍‍ ପ୍ରସ୍ତର୍‍ ବିତ୍ତିମୁଲକ୍‍ ପରୁ ମେକାଗଲାନ୍ ବାରଟାନ୍ ପ୍ରେରିତ ଶିଷ୍ୟନଡ଼୍ ପେଦେରି ଲେକା ଆସ୍‍ମାତ୍‍ତା । 
\v 15 ନା ତୋଡ଼୍ କେସମାନ୍ଦାନ୍ ଦୂତନ୍ କାଇଦାଗ୍ ନଗର୍‍କି, ପ୍ରାଚିର୍ ନୁ ଆର୍ରଙ୍ଗ୍‍ କଲ୍‍ସାନ୍ ସେଙ୍ଗେ ୱେରଡ଼୍ ସୁବର୍ଣ୍ଣ କଲ୍‍ସାନ୍ ଡୁଡ୍‌ ମାତ୍‍ତେ । 
\v 16 ନଗର୍‍କି ବର୍ଗକ୍ଷେତ୍ରଲେକାମ୍ ମାତ୍‍ତା; ଆୱିନ୍ ଲାଟି ନୁ ଆସର୍ ସାମାନ୍ ମାତ୍‍ତା । ଦୂତ ତାନ୍ କଲ୍‍ସାନ୍ ଡୁଡ୍‌ତେ ନଗର୍‍କିଙ୍କ୍ କଲ୍‍ସ୍‍ତନ୍ । ଆୱିନ୍ ଲାଟି ମାତ୍‍ତା ରେଣ୍ଡ୍ ହଜାର୍‍ ଚାର୍‍ଶହ କିଲୋମିଟର୍ ନୁ ଆସର୍ ନୁ ଡେଙ୍ଗ୍ ଲାଟିତଡ଼୍ ସାମାନ୍ ମାତ୍‍ତେ । 
\v 17 ଦୂତ ପ୍ରାଚିର୍‍ତେ ଡେଙ୍ଗ୍‍ ମିକା କଲ୍‍ସ୍‍ତନ୍ । ତାନାଦ୍ ୬୦ ମିଟର୍ ମାତ୍‍ତେ । 
\v 18 ସୁନା ରଙ୍ଗ୍‌ଦେ, ତିଆର୍‍ ଆସ୍‍ମାନ୍ଦାନ୍ ନୁ ନଗର୍ ତିଆର୍ ଆସ୍‍ମାତ୍‍ତେ, କାଞ୍ଚ୍‍ ଲେକାମ୍ ସ୍ୱଚ୍ଛ ବିରୁଦ୍ଦ ସ୍ୱବର୍ଣ୍ଣତେ । 
\v 19 ନାର୍‍ଦେ ସାରେପାକା ମାନ୍ଦାନ୍ ପ୍ରାଚିର୍‍ତେ ନେଟ୍ ତାଗେ ମଣିମାଣିକ୍ୟ ବର୍ତି ଆସ୍ ମାତ୍‍ତା, ପ୍ରତ୍‍ମ ଲାଇନ୍‍ତାଗ୍‍ ମାତ୍‍ତା ଇରା, ଦୂତିୟତାଗ୍‍ ଲାଇନ୍‍ତାଗ୍‍ ମାତ୍‍ତା ନିଲକାନ୍ତ ମଣି, ତୁତିୟ ଲାଇନ୍‍ତାଗ୍ ମାତ୍‍ତା ବୈଦୁର୍ଯ୍ୟ ମଣି, ଚତୁର୍ତ ଲାଇନ୍‍ତାଗ୍ ମାତ୍‍ତା ମକରତ ମଣି, 
\v 20 ପଞ୍ଚମ୍ ଲାଇନ୍‍ତାଗ୍ ପୁଲକ ମଣି, ଷଷ୍ଠ ଲାଇନ୍‍ତାଗ୍ ମାଣିକ୍ୟ ସପ୍ତମ୍ ଲାଇନ୍‍ତାଗ୍ ପୁସ୍ପରାଗ ମଣି, ଅଷ୍ଟମ୍‍ ଲାଇନ୍‍ତାଗ୍‍ ପିରୋଜ ମଣି, ନବମ୍‍ ଲାଇନ୍‍ତାଗ୍‍ ଗୋମେଦକ ମଣି, ଦଶମ୍‍ ଲାଇନ୍‍ତାଗ୍‍ ଲଶୁନିୟ ମଣି, ଏଗାର୍ ଲାଇନ୍‍ତାଗ୍‍ ଇନ୍ଦ୍ର ମଣି ନୁ ବାର ଲାଇନ୍‍ତାଗ୍‍ ଲେକେତ୍ ଗାବ୍‍ ମାନ୍ଦାନ୍‍ ମଣି ମାତ୍‍ତା । 
\v 21 ବାରଟାନ୍‍ ଆର୍‍ଙ୍ଗ୍‍ ମାତ୍‍ତା, ବାରଟାନ୍‍ ମୁକ୍ତା ସାର୍ରେ ଆର୍‍ଙ୍ଗିନାଗ୍‍ ୱେର ମୁକ୍ତାତେ ତିଆର୍‍ ଆସ୍‍ମାତ୍‍ତା । ନାର୍‍ଦେ ବାଡ଼୍‍ୟେ ଆର୍ର୍ କଞ୍ଚ୍ ଇନା ସୁନାତଡ଼୍ ତିଆର୍‍ ଆସ୍‍ମାତ୍‍ତେ ।
\p
\v 22 ନାନେ ନାର୍‍ଦାଗ୍‍ ବାତ୍‍ ମନ୍ଦିର୍ ବା ଉଡ଼ନ୍‍, କିନ୍ତୁ ସ୍ୱୟଂ ସାରେତିଙ୍କ୍‍ ଶକ୍ତିମାନ୍‍ ଇଶ୍ୱର୍ ନୁ ମେଣ୍ଢା ମେୟ୍‍ତାନଣ୍ଡ୍ ଅଦୁତଣ୍ଡ୍ ଆଦ୍‍ ନାର୍‍ଦେ ମନ୍ଦିର୍‍ । 
\v 23 ନାର୍‍ଦିଙ୍କ୍ ୱେସ୍ ମାଡ଼ାନଙ୍କ୍ ପଡ଼୍‍ଦ୍‍ ବା ନେଲ୍‍ଞ୍ଜ୍‍ ଇଲ୍‍ଲେ, ବାତେଙ୍କ୍ଇତ୍କେ ଇଶ୍ୱରତେ ଗୌରବ୍‍ତେ ୱେସ୍‍ ଆଦ୍‍ତେ ମେଣ୍ଡେ ମେଣ୍ଢାମେୟ୍‍ତାନଣ୍ଡ୍ ଆଦୁତଣ୍ଡ୍‍ ଆଦ୍ ନାର୍‍ଦେ କୁପି । 
\v 24 ପୃତିବି ସାର୍ରେ ନାରୁଡ଼୍ ଅନ୍‌ ୱେସ୍‍ତେ ଆଦାୱାଦା ଆଦ୍‍ତଡ଼୍ । ପୃତିବିତେ ରାଜାଲଡ଼୍ ଅଡ଼୍‌‍ୱାଦ୍ ଦନ୍‍ ସମ୍ପତି ଉତ୍ସର୍ଗ ମାଡ଼ିତଡ଼୍ । 
\v 25 ନାର୍‍ଦେ ଆର୍ରଙ୍ଗ୍ ସାର୍ରେୱେଲେ କୁଲାଆସ୍‍ମାନ୍ତେ । ଆୱିଙ୍କ୍ ବେସୁଙ୍କ୍‌ବା କେଃୱଡ଼୍; ବାତେଙ୍କ୍ଇତ୍‍କେ ଆଗେ ବେସୁଙ୍କ୍‍ ବା ଇକାଡ଼୍ ଆୟ । 
\v 26 ସାର୍ରେ ଦେଶ୍‌ତେ ସମ୍ପତି ନୁ ମଇମା ଇଦ୍‍ ନାର୍‍ଦାଗ୍ ୱାସ୍‍ ଗୁଡ଼ିତା । 
\v 27 ବାତ୍‍ ବା କାରାପ୍‍ ଜିନିସ୍‍ ଇଗେ ୱାଡ଼୍ । କାରାପ୍‍ କାମ୍‍ ମାଡ଼ାନ୍‍ ନାରୁଡ଼୍ ନୁ ମିଚ୍ କେତାନ୍ ନାରୁଡ଼୍ ଇଦ୍‍ ନାର୍‍ଦାଗ୍ ଅସାନଙ୍କ୍ ପାର୍‍ୱଡ଼୍ । ବେନଡ଼ାୱୁ ପେଦେର୍ ମେଣ୍ଢା ମେୟ୍‍ତାନଣ୍ଡ୍‍ତେ ଜିୱୁଣ୍ଡ୍ ବଇତାଗ୍‍ ଲେକା ଆସ୍‍ମାନ୍‍ତେ, ଅଡ଼୍‌ ଇଦ୍ ନାର୍‍ଦାଗ୍‍ ଅସାଙ୍କ୍‍ ପାର୍‍ଦ୍‍ତଡ଼୍ ।
\c 22
\p
\v 1 ପୁନେ ପୁର୍ତିବିତେ ଲେକେତ୍‍ ସାଡ୍‍ସାଡ଼ା ଜିୱେତ୍‍ ଏର୍‍ ଅଣ୍ଡ୍‌ ଇଲ୍‍କେ ଦୂତ ନ୍ନାକିଙ୍କ୍ ତତେ । ଇଦ୍ ଇଲିକେ ଇଶ୍ୱର୍ ନୁ ମେଣ୍ଢେ ମେୟ୍‍ତାନଣ୍ଡ୍ ସିଂହାସନ୍‌ ତାଗାଙ୍କ୍ ପେଇସ୍‍ 
\v 2 ନାର୍‍ଦେ ରାଜ୍‍ଆର୍ରଦାଲନ୍‍ ପେଇସ୍‍ ଆତ୍‍ତେ । ନଦୀତ୍‍ ରେଣ୍ଡପାକା ଜିୱେତେ ମାଡ଼େ ମାତ୍‍ତା । ଆୱୁ ଏଣ୍ଡ୍‍କିଙ୍କ୍‍ ସାରେ ନେଲ୍‍ଞ୍ଜ୍‍ଜିନ୍, ଇତ୍‍କେ ୱାଡ଼୍‍ଷାତିଙ୍କ୍ ୧୨ ନେଲ୍‍ଞ୍ଜ୍‍ କାୟା ଆଦିତା ନୁ ଇଦିନ୍ ଆକି ଆରୋଗ୍ୟ ଦାୟକ । 
\v 3 ଇଶ୍ୱର୍‌ତେ ଅବିଶାପତେ ପାତ୍ର ବାତେବା ବିଷୟ ଆଦ୍ ନଗର୍‍ତାଗେ ଉଡ଼ାନଙ୍କ୍ ଦର୍‍କ । ଇଶ୍ୱର ନୁ ମେଣ୍ଢାଗଲାନ୍‍ ସିଂହାସନ୍ ଆଦ୍ ନାର୍ଦାଗେ ମିକା ମାନ୍ତେ ନୁ ଆଗେ ତାନ୍ ସେବକ୍‍ନଡ଼୍ ତାନ୍ ଆରାଦନା ମାଡ଼ିତଡ଼୍ ! 
\v 4 ଅଡ଼୍‌‍ ତାନ୍ ମକମ୍ ଉଡ଼ିତଡ଼୍ ନୁ ଅଡ଼୍‌‍ ମୁଞ୍ଜିନାଗ୍ ଅଡ଼୍‌ ପେଦେରି ଲେକା ଆଦ୍‍ତେ । 
\v 5 ଆଗେ ମେଣ୍ଡେ ନାର୍କା ଆୟ ନୁ କୁପିୱେସ୍ ବା ପଡଦ୍‍ତେ ଏଦ୍ ଅଡ଼୍‌‍କିଂଙ୍କ୍ ମେଣ୍ଡେ ତାର୍‍ୱ, ବାତ୍‍ତେଙ୍କ୍ଇତ୍କେ ପ୍ରବୁ ଇଶ୍ୱର୍ ଅଡ଼୍‌‍ୱାଦ୍‌ ନାରୁଡ଼୍ ଆଦ୍‍ତଡ଼୍ ନୁ ଅଡ଼୍‌ ସାରେଦିନ୍‍ ରାଜାଲ୍‍ ଲେକେମ୍‍ ରାଜତ୍ୱ ମାଡ଼ିତଡ଼୍ ।
\s ଜିସୁନାଦ୍ ମେଣ୍ଡେ ୱାଦାନାଦ୍
\p
\v 6 ଦୂତ ନାକିଙ୍କ୍ କେତ୍‍ତେ, “ଇୱୁସାରେ ଗଟି ନିଜାମ୍ ନୁ ନିର୍ବରଯୋଗ୍ୟ । ବାତା ଚିଟ୍‍ପାଟ୍ ଗଟେମ୍ ଆଦ୍‍ତେ, ଆଦ୍ ତାନ୍ ସେବକ୍‍ନଡ଼୍‍କ୍ କେତାନ୍ ସେଙ୍ଗେ ବାବବାଦିଡ଼୍‍ ଆତ୍ମାତେ ଜ୍ଞାନ୍ ଇସମାନ୍ଦାନ୍ ଇଶ୍ୱର ତାନ୍ ଦୂତଙ୍କ୍ ରସ୍‍ମିନ୍ତେଣ୍ଡ୍ ।”
\p
\v 7 ଜିସୁ କେତିତନ୍, “କେଞ୍ଜାଟ୍ ! ନାନେ ଜାପ୍‍ପେ ୱାଦ୍‍ତାନ୍ ! ବେନଡ଼୍ ଇଦ୍‍ ବଇତଡ଼୍ କେସ୍‍ମାନ୍ଦାନ୍ ବାବବାଣି ସେଙ୍ଗେ ମନ୍ ଇସ୍‍ମିକା ଗଟି କେଞ୍ଜିତନ୍, ଅଡ଼୍‌‍ ବାଗ୍ୟବାନ୍ !”
\p
\v 8 ନାନେ ଯୋହନ୍‌, ଇୱୁସାରେ ବିଷୟ ନିଜେ କେଞ୍ଜ୍‍ତା‍ନ୍ ନୁ ଉଡ଼୍‍ତାନ୍ । ସାରେ କେଞ୍ଜି ନୁ ଉଡ଼ି ତେର୍‍ତେ ପେର୍କେ, ବେନ୍ ଦୂତ ନାୟାଗେ ୱାସ୍ କେତ୍‍ତା, ନାନେ ଆୱିନ୍ ଡେକାନ୍ ମଦଲ୍ ରାଲି ଆୱିଙ୍କ୍ ଆରାଦାନା ମାଡ଼ାଙ୍କ୍ ଆଞ୍ଜମାତ୍‍ତାନ୍ । 
\v 9 କିନ୍ତୁ ଆଦ୍ ନାକିଙ୍କ୍ କେତ୍‍ତେ, “ଆଦ୍‍ ଲେକାମ୍ ମାଡ଼ାମାଟ୍, ବାତେଙ୍କ୍‍ଇତ୍‍କେ ନାନେ ମିକା ମିଇ ଲେକାମ୍ ୱେରନ୍ । ମିୟାଦ୍ ବେନ୍ ବାବବାଦି ଦାଦାନଡ଼୍ ନୁ ବେନ୍‍ ସାରେତଡ଼୍ ଇଦ୍‍ ବଇ ଲେକାମ୍ ପାଲନ୍ ମାଡ଼ିତନ୍, ଅଡ଼୍‌‍ଲେକାମ୍ ନାନେ ମିକା ୱେରନ୍ ସେବକ୍‍ ଲେକାମ୍ । ଇଶ୍ୱର୍‌ତେ ଆରାଦାନା ମାଡ଼ାଟ୍ ।” 
\v 10 ଅଣ୍ଡ୍‌ ମେଣ୍ଡେ ନାକିଙ୍କ୍ କେତ୍‍ତନ୍, “ହିଦ୍‍ ବଇକି ବବିଷ୍ୟଦ୍‍ ଗଟୀକି ମିଞ୍ଜିପି ନେହେମାଟ୍, ବାତ୍‍ତେଙ୍କ୍ଇତ୍କେ ଇୱ ଗାରେ ଗଟେମ୍‍ ଆଦାନାଦ୍ ସମୟ ଆରେ ୱାସ୍‍ଏଉଦୁତ୍ । 
\v 11 ଆଦିଙ୍କ୍ ଇୱୁ ଗଟି ପୁଞ୍ଜ୍ ବେନନାଦ୍ ବାତ୍‍ଇଚ୍ଛା, ଆଦ୍‍ ମାଡ଼ିଣ୍ଡ୍ । ଅଦର୍ମଚାରି ଯଦି ଇଚ୍ଛାମାଡ଼ିତଣ୍ଡ୍, ମେଣ୍ଡେ ଅଦର୍ମଚାରଣ ମାଡ଼ିଣ୍ଡ୍; ଅଶୁଚି ନାରୁଣ୍ଡ୍ ଅଶୁଚି ଆସ୍ ମାନୁଟ୍; କିନ୍ତୁ ବେନ ସାୟେତଣ୍ଡ୍‍, ଅଣ୍ଡ୍‌ ସତ୍‍କାମ୍‍ତେ ନିବିଷ୍ଟ ଆୟି; ବେନ ପବିତ୍ର, ଅଣ୍ଡ୍‌ ପବିତ୍ର ଆସ୍‍ ମାନିଣ୍ଡ୍ ।”
\p
\v 12 ଜିସୁ କେତୁତନ୍, “କେଞ୍ଜାଟ୍ ! ନାନେ ଜାପେ ୱାଦୁତାନ୍ ! ସାରେତଡ଼୍‍କିଙ୍କ୍ ନିଜେ ନିଜେତ୍‍ କାମ୍‍ ଲେକାମ୍ ଶାସ୍ତି ଇଦାନ୍ ସେଙ୍ଗେ ନାନେ ପୁରସ୍କାର୍ ତାତିତାନ୍ । 
\v 13 \x + \xo ୨୨:୧3 \xo*\xt ପ୍ରକାଶିତ୍‌ ବାକ୍ୟ ୧:୮; \xt*\xt ପ୍ରକାଶିତ୍‌ ବାକ୍ୟ ୧:୧୭; ୨:୮.\xt*\x*ନାନେ ଆରାମ୍‌ ନୁ ମାଡ଼େଙ୍ଗ୍‍, ଆରାମ୍ ନୁ ଶେଷ ।”
\p
\v 14 ବେନଡ଼୍ ନିଜେ ନିଜେତ୍‍ ଚକା ନର୍‍ସ୍ ୱେଡ଼୍‍ସ୍ପିତନ୍, ଅଡ଼୍‌‍ ବାଗ୍ୟବାନ୍ । ଜିୱେ ମାଡ଼େତ୍ କାୟା ତିନ୍ଦାନଙ୍କ୍ ନୁ ଦ୍ୱାର୍ ଇସ୍‍ ନାର୍‍ଦାଗ୍ ମିକା ଆଦାନଙ୍କ୍ ଅଡ଼ାଦ୍‌ ଅଦିକାର୍‌ ମିନ୍ଦେ । 
\v 15 କିନ୍ତୁ ବିକୃତଚରିତ୍ର, ତନ୍ତ୍ରମନ୍ତ୍ର ମାଡ଼ାନଣ୍ଡ୍, ନରହନ୍ତା, ମୁର୍ତ୍ତିପୂଜାକି, ମିତ୍ୟାବାଦିଡ଼୍, ପ୍ରାତାରକ୍ ସାରେ ବ୍ରାଷ୍ଟାଚାରୀଡ଼୍ ସାରେତଡ଼୍ ନାର୍‍ ବାଇଦେ ମାନ୍‍ତଡ଼୍ ।
\p
\v 16 “ନାନେ ଜିସୁ । ମଣ୍ଡଲିନାଗେ ମିୟାଦ୍ ଉପକାର୍‍ତେ ଇୱୁସାରେ ବିଷୟ କେତାନ୍ ସେଙ୍ଗେ ନାୟାଦ୍ ଦୂତତିଙ୍କ୍ ରତ୍‍ତାନ୍ । ନାନେ ଦାଉଦ୍‍ତେ ବଂଶତନ୍ । ନାନେ ଆଦ୍ ୱିୟ୍‍ ଉକାମ୍ ।”
\p
\v 17 ପବିତ୍ରଆତ୍ମା ନୁ ଆଦ୍ ନବବଦୂ କେତୁତନ୍, “ୱାଡ଼େ !” ଶ୍ରବଣକାରି ସାରେତଡ଼୍ ମିକା କେତିତଡ଼୍, “ୱାଡ଼େ !” ଯେ ବେନ ଉନ୍ଦେୱାତେନଣ୍ଡ୍‍, ଅଣ୍ଡ୍‌ ୱାଡ଼ିଣ୍ଡ୍ । ଜିୱେତେ ଏର୍ ଉନ୍ଦାନଙ୍କ୍ ବେନଙ୍କ୍ ଇଚ୍ଛାମାତ୍‍କେ, ଅଣ୍ଡ୍‌ ୱାସ୍ ବିନାମୁଲ୍ୟତେ ଆଦ୍ ଗ୍ରହନ୍‌ ମାଡ଼ିଣ୍ଡ୍ ।
\s ମାଡ଼େଙ୍କ୍‌ତାଦ୍‍ ଗଟ୍‍
\p
\v 18 ନାନେ ଯୋହନ । ବେନଡ଼୍ ଇଦ୍‍ ବଇତେ ବବିଷ୍ୟତ୍‍ବାଣି ସାରେ କେଞ୍ଜିତଡ଼୍, ଅଡ଼୍‌‍କିଂଙ୍କ୍ ନାନେ ସତର୍କ ମାଡ଼ିଦୁତାନ୍, ଯଦି ଇଗେ ବେନ ବାତେ କାଇଲ୍‍କେ, ଆଲେକ୍ ଇଦ୍‍ ବଇତାଗ୍ ଲେକ୍‍ତାଉ ମଆମାରିତେ ଇଶ୍ୱର ଅଙ୍କ୍‌ ଶାସ୍ତି ଇଦ୍‍ତନ୍, 
\v 19 ଇଦ୍ ବଇତେ ବବିଷ୍ୟଦ୍‍ବାଣି ତାଗାଙ୍କ୍ ବେନ ଯଦି ବାତେ ବୁଦ୍ ଇଦ୍‍ତନ୍, ଆଲେକ୍ ଇଶ୍ୱର୍ ଅଙ୍କ୍‌ ଇଦ୍ ବଇତାଗ୍ ଲେକ୍‍ତାୱୁ ଜିୱେତେ ମାଡ଼େତ୍ କାୟାନାଗାଙ୍କ୍ ନୁ ପବିତ୍ର ନାର୍‍ତାଗାଙ୍କ୍‍ ଗେଲ୍‍ସ୍ପିତନ୍ ।
\p
\v 20 ବେନ ଇଦ୍ ସାରେ ବିଷୟତେ ସାକ୍ଷ୍ୟ ଇଦୁତନ୍, ଅଣ୍ଡ୍‌ କେତୁତନ୍, “ଇଦ୍ ନିଜାମ୍‍ । ନାନେ ଜାପେ ୱାଦୁତାନ୍ ।” ଆଲେକେ ଆୟି । ପ୍ରବୁ ଜିସୁ ୱାଡ଼ିଣ୍ଡ୍‍ !
\p
\v 21 ପ୍ରବୁ ଜିସୁ କ୍ରିଷ୍ଟନ୍ ଅନୁଗ୍ରହ ସାରେତଡ଼୍ ଏର୍କେ ମାଡ଼ିଡ଼୍ । ଆମେନ୍‍ ।