\id PHP - Koya
\ide UTF-8
\h ଫିଲିପିୟ
\toc3 ଫିଲିପିୟ
\toc2 ଫିଲିପିୟ
\toc1 ଫିଲିପିୟଡ଼୍‌ ଗାର୍ରେ ପାଉଲ୍‌ତେ ଚିଟି
\mt2 ଫିଲିପ୍ପିୟମାନଙ୍କ ନିକଟକୁ ପାଉଲଙ୍କ ପତ୍ର
\mt1 ଫିଲିପିୟଡ଼୍‌ ଗାର୍ରେ ପାଉଲ୍‌ତେ ଚିଟି
\imt ଫିଲିପିୟ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ଜିସୁ କ୍ରିଷ୍ଟନ୍‍ ଜନମ୍‍ ଆଦାନ୍‍ ଗାରେଗାରେ ୬୧ ଏଣ୍ଡ୍‍କ୍‍ ପେର୍କେ ପାଉଲ୍‍ ପିଲିପି ମଣ୍ଡଲିତ୍‍ ବିଶ୍ୱାସୀଡ଼୍‍ ଗାର୍ରେ ଚିଟି ଲେକିମାତ୍‍ତଣ୍ଡ୍ । ସମ୍ଭାବନା ପାଉଲ୍‍ ରୋମ୍‍ତାଗ୍‍ ବନ୍ଦି ମାନ୍ଦାନ୍‍ ୱେଲେ ଅଣ୍ଡ୍‌‍ ଇଦ୍‍ ଚିଟି‍ ଲେକିମାତ୍‍ତଣ୍ଡ୍ \xt ୧:୧୩\xt* । ପିଲିପିୟ ଟାୱୁନ୍‍ ନାଡ଼୍‍ମେ ମାନ୍ଦାନ୍‍ ମଣ୍ଡଲି ଗାର୍ରେ ଇଦ୍‍ ଚିଟି ଲେକା ଆସ୍‍ମାତ୍‍ତେ । ମାମ୍‍ ପ୍ରେରିତ୍‍ ବଇତାଗ୍‍ ଗାଲା ବେସ୍‍କେ ବିଷୟ୍‍ ପିଲିପି ବଇ ବିଷୟ୍‍ତେ ପୁନ୍ଦେ ପାର୍‍ଦୁତାଡ଼୍‍ । ପିଲିପି ମାକିଦୋନିଆ ରାଜ୍‍ଦାନୀ ଟାୱୁନ୍‍ ମାତ୍‍ତେ । ଇଦ୍‍ ମାକିଦୋନିଆତାଗ୍‍ ତିଆର୍‍ ଆତ୍‍ତେ ମୁନେତ୍‍ ମଣ୍ଡଲି ମାତ୍‍ତେ । ପାଉଲ୍‍ ନୁ ଶୀଲା କାୟ୍‍ଲି ଇଦ୍‍ ମଣ୍ଡଲି ଆରାମ୍‍ ମାଡ଼ିମାତ୍‍ତଡ଼୍‍ । ମେଣ୍ଡେ ଆଗେ ମାନ୍ଦାନ୍‍ ୱେଲେ ଅଣ୍ଡୟ୍‌‍ ନାର୍କେତ୍‍ ସେଙ୍ଗେ ଜଇଲ୍‍ତାଗ୍‍ ନେଃଏସ୍‍ ମାତ୍‍ତଡ଼୍‍ \xt ପ୍ରେରିତ ୧୬\xt* ।
\ip ଆଦ୍‍ପାର୍‍ତେ ପାଉଲ୍‍ ଇଦ୍‍ ଚିଟି ଲେକାନାଗ୍‍ ନାର୍ଗେ ଉଦେଶ୍ୟ ମାତ୍‍ତେ । ଅଣ୍ଡ୍‌‍ ବନ୍ଦି ମାନ୍ଦାନ୍‍ ବିଷୟ୍‍ କେଞ୍ଜି ମଣ୍ଡଲିତେ ନାରୁଡ଼୍‍ ଦାନ ଗୁଡ଼୍‍ପି ରହସ୍‍ ମାନ୍‍ନାଙ୍କ୍‍ ମଣ୍ଡଲିତିଙ୍କ୍‍ ଦନ୍ୟବାଦ୍‍ ଇଦାନ୍‍ ଉଦେଶ୍ୟ ନେଃଏସ୍‍ ଚିଟି ଲେକ୍‍ତଣ୍ଡ୍‍ \xt ୪:୧୦-୧୯\xt* । ଅଣ୍ଡ୍‌‍ ଗାଲା ତାନ୍‍ ବନ୍ଦି ଅବସ୍ଥା ପରିସ୍ଥିତି କେସ୍‍ ମଣ୍ଡଲିତେ ତିମତି ନୁ ଏପାପ୍ରଦିତତିଙ୍କ୍‍ ସୁପାରି ମାଡ଼୍‍ତଣ୍ଡ୍‍, ବିଶ୍ୱାସୀଡ଼୍‍ ବେଲା ଅଡ଼୍‌‍କିଂଙ୍କ୍‍ ମାନେମ୍‍ ଆସ୍‍ ନମସ୍କାର୍‍ ମାଡ଼ିତଡ଼୍‍ ନୁ ଅନ୍‌‍ କେଲ୍‍ନାଙ୍କ୍‍ ସମ୍ମାନ୍‍ ଇଦ୍‍ତଡ଼୍‍ \xt ୨:୧୯-୩୦\xt* ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ପିଲିପି ମଣ୍ଡଲିତିଙ୍କ୍‍ ପାଉଲ୍‍ତେ ନମସ୍କାର୍‍ । \ior ୧:୧-୨\ior*
\io1 ୨. ପାଉଲ୍‍ତେ ପରିସ୍ଥିତି ନୁ ତାନ୍‍ ଚିନ୍ତେ । \ior ୧:୩–୨:୩୦\ior*
\io1 ୩. ବିଶ୍ୱାସୀ ନାରୁଡ଼୍‍କ୍‍ କ୍ରିଷ୍ଟିୟାନ୍‍ ଜିୱୁଣ୍ଡ୍‍ ବାଦ୍‍କାନ୍‍ ସେଙ୍ଗେ ପାଉଲ୍‍ତେ ନିର୍ଦ୍ଦେଶ୍‍ । \ior ୩:୧–୪:୯\ior*
\io1 ୪. ପାଉଲ୍‍ ଦାନ୍‍ ସେଙ୍ଗେ ପିଲିପି ମଣ୍ଡଲିତିଙ୍କ୍‍ ନମସ୍କାର୍‍ ନୁ ଦନ୍ୟବାଦ୍‍ କେତିତଣ୍ଡ୍‍ । \ior ୪:୧୦-୨୩\ior*
\c 1
\s କାର୍‍ତାନ୍ ନାରୁଡ଼୍ ସେଙ୍ଗେ ପାଉଲତେ ପ୍ରାର୍ତନା
\p
\v 1 \x + \xo ୧:୧ \xo*\xt ପ୍ରେରିତ ୧୬:୧୨.\xt*\x*ଫିଲିପୀ ମଣ୍ଡଲିତେ ଦର୍ମଗୁରୁ, ସେବକିଡ଼୍ ନୁ କ୍ରିଷ୍ଟ ବିଶ୍ୱାସି ସାରେତଡ଼୍‍କ୍, କ୍ରିଷ୍ଟ ଜିସୁନ୍ ଦାସ ପାଉଲ୍ ନୁ ତିମତିନ୍ ଚିଟି, 
\v 2 ମାନ୍‍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ମିକିଂଙ୍କ୍ ଅନୁଗ୍ରହ ନୁ ଶାନ୍ତି ଇୱିଣ୍ଡ୍‍ । 
\v 3 ବେସ୍‍ଦାମ୍ ନାନ୍ ମିକିଂଙ୍କ୍ ଏର୍କା ମାଡ଼ିତାନ୍, ନା ଇଶ୍ୱର୍‌ତିଙ୍ଗ୍ ଦନ୍ୟବାଦ୍ ଇଦ୍‍ତାନ୍, 
\v 4 ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ାନ୍ ୱେଲେ ୱେଡ଼୍‍କେତେ ପ୍ରାର୍ତନା ମାଡ଼ାଟ୍; 
\v 5 ବାତେଙ୍କ୍ ମିୟାଦ୍ ବିଶ୍ୱାସ୍ ପ୍ରାୟ ଦିନାକିନେ କେ ନାନ୍ ମିକିଙ୍କ୍ ସୁସମାଚାର୍‍ତାଗ୍ କାମ୍ ମାଡ଼ିତାନ୍ । 
\v 6 ଆଦିଙ୍କ୍ ନାନ୍ ଇଦ୍ ବିଷୟ୍‍ତେ ନିଜାମ୍‍ ଯେ, ବେନ୍ ପ୍ରବୁ ମିୟାଗେ ଇଦ୍ ସାୟେ ପାଡ଼୍‍ୟି ଆରାମ୍ ମାଡ଼୍‍ତଣ୍ଡ୍, କ୍ରିଷ୍ଟ ଜିସୁନ୍ ୱାଦାନ୍ ଦିନାତେ ଇଦ୍ ତେରାନ୍ ଯାକ ଅଣ୍ଡ୍‌ ଆଦ୍ ମାଡ଼ିତନ୍ । 
\v 7 ମୀଇଡ଼୍ ସାରେଦାମ୍ ନା ହୃଦୟ୍‍ତାଗ୍ ମିନ୍ଦେଡ଼ି; ଆଦିଙ୍କ୍ ମିୟାଦ୍ ବିଷୟ୍‍ତେ ଇଦ୍‍ଲେକାମ୍ ଏର୍କା ମାଡ଼ାନାଦ୍ ନାକିଙ୍କ୍‍ ଟିକ୍ ଆଦ୍‍ତେ । ନାନ୍‍ନେ ସ୍ୱାଦିନ୍ ମାନ୍ଦାନ୍ ୱେଲେ ନୁ ଇଞ୍ଜେ ଇଦ୍ ବନ୍ଦି ଅବସ୍ଥାତେ ସୁସମାଚାର୍ତେ ପ୍ରତିଷ୍ଠା ନୁ ସୁରକ୍ଷା ସେଙ୍ଗେ ପାଡ଼୍‍ୟି ମାଡ଼ାନଙ୍କ୍ ଇଶ୍ୱର୍ ନାକିଂଙ୍କ୍ ବେନ୍ ସୁଯଗ୍ ଇତ୍‍ତନ୍, ମୀଇଡ଼୍ ସାରେତଡ଼୍ ଇଦ୍‍ନ୍ ଅଂଶି ଆସ୍‍ମିନ୍ଦେ । 
\v 8 ମିଇ ସାରେତଡ଼୍ ସେଙ୍ଗେ ନାୟାଦ୍ ନାର୍‍ଗେ ସ୍ନେହ ସ୍ୱୟଂ ଜିସୁ କ୍ରିଷ୍ଟନାଗାଙ୍କ୍ ନାନ୍ ପାଏମ୍ ଆତ୍‍ତାନ୍ ଇଞ୍ଜ୍‍ ବେସୁଙ୍କ୍‍ ନାନ୍ କେତିତାନ୍, ଇଦ୍ ନିଜାମ୍ ସତ୍ । ଇଶ୍ୱର୍ ଇଦିନ୍ ସାକ୍ଷି ଆତ୍‍ତେ । 
\v 9 ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ଲେକାମ୍ ମୁନେଙ୍କ୍‍ତାଦ୍ ବୁଦ୍‍ତେ ନୁ ନ୍ୟାୟ ବିଚାର୍‍ତେ ମିୟାଦ୍ ପ୍ରେମ ନାର୍ଗେ ତାଗାଙ୍କ୍ ନାର୍‍ଗେ ଆଦ୍‌ତେ 
\v 10 ନୁ ମୀଇଡ଼୍ ବେଲାନ୍ ଲେକେତ୍ ଶିକ୍ଷା ସାରେ ଏଞ୍ଚ୍‍ ପାର୍‍ଦ୍‍ତିନ୍ । ଆଲେକେ, ମିଡ଼୍ କ୍ରିଷ୍ଟନାଦ୍ ୱାଦାନାଦ୍ ଦିନାତେ ପବିତ୍ର ନୁ ନିନ୍ଦ୍‍ ଇଲ୍‍ୱେନନି ମାନ୍‍ତିଡ଼୍‍ 
\v 11 ଇଶ୍ୱର୍‌ତାଦ୍ ଗୌରବ୍ ନୁ ପ୍ରସଂଶା ସେଙ୍ଗେ ମିୟାଦ୍ ଜିୱୁଣ୍ଡ୍ ଜିସୁ କ୍ରିଷ୍ଟ ଇସ୍‍ମାନ୍ଦାନ୍ ସାରେଗୁଣତଡ଼୍ ବର୍ତ୍ତି ଆଦ୍‍ତେ । \fig ଫିଲିପ୍‍ ଟାୱୁନ୍|alt="City of Philippi" src="hk00363c.tif" size="span" copy="Horace Knowles ©" ref="୧:୧"\fig*
\s ଗେଲ୍‍ସାନାଦ୍ ଆତ୍‍ତେ କ୍ରିଷ୍ଟ
\p
\v 12 ହୋ ଦାଦାନଡ଼ି ନୁ ଏଲାସ୍କିନଡ଼ି ! ନାନ୍ ମିଇକିଂଙ୍କ୍ କେଞ୍ଜ୍‍ପାନଙ୍କ୍ ଇଚ୍ଛା ଯେ, ନା ସେଙ୍ଗେ ବାତେଏ ଗଟେମ୍ ଆତ୍‍ତେ, ଆଦ୍ ସୁସମାଚାର୍‍ତିଙ୍କ୍ ସାରେପାକା ସାହାଯ୍ୟ ମାଡ଼୍‍ତେ । 
\v 13 \x + \xo ୧:୧3 \xo*\xt ପ୍ରେରିତ ୨୮:3୦.\xt*\x*ପେର୍‍କେ, ଇଗେତ୍‍ ସାରେ ପ୍ରାସାଦ୍‌ତଡ଼୍‌ ନୁ ବାଗାତ୍ ସାରେତଡ଼୍ ପୁତ୍‍ତଡ଼୍ ଯେ, କ୍ରିଷ୍ଟନାଦ୍ ଦାସ ଆସ୍‍ମାନ୍‍ନାଙ୍କ୍ ନାନ୍ ଇଞ୍ଜେ ବନ୍ଦି ଲତ୍‍ତାଗେ ମିନ୍ଦେନ୍ । 
\v 14 ବାତେଙ୍କ୍ ଇତ୍‍କେ ନାନ୍ ବନ୍ଦି ଆତ୍‍ତାଙ୍କ୍ ନାର୍‍ଗେ ଦାଦାନଡ଼ି ନୁ ହେଲାସ୍କ୍ ପ୍ରବୁନ୍ ସେଙ୍ଗେ ନାର୍‍ଗେ ବିଶ୍ୱାସ୍ ଆତ୍‍ତେ, ମେଣ୍ଡେ ଇଦ୍ ପେର୍‍କେ ଜାମ୍‍ମେ ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼ାନଙ୍କ୍ ଅଡ଼ାଦ୍‌ ସାହସ ନାର୍‍ଗେ ଆତ୍‍ତେ । 
\v 15 ଆଦ୍‍ଲେକାମ୍ ଅଡ଼୍‌ଆଗାଙ୍କ୍‌ ବେସ୍‍ତୁଡ଼୍ ଗଲ୍‍କିନଡ଼୍ କପାମ୍ ଆସ୍ ପ୍ରଚାର୍ କାମ୍‍ତାଗେ ଇଞ୍ଜେ କାଇଲ୍‍ତଡ଼୍ । ନୁ ବାଗାତଡ଼୍ ହୃଦୟତାଗ୍ ଆଦ୍ ମାଡ଼ୁତଡ଼୍ । 
\v 16 ପ୍ରେମତେ ମାୟ୍‍ଦିଙ୍କ୍‍ ଅଡ଼୍‌‍କ୍ ଆଦ୍‍ ମାଡ଼ାନଙ୍କ୍‍ ସାୟେଲାଗିତ୍ । ବାତେଙ୍କ୍‍ଇତ୍‍କେ ଅଡ଼୍‌ ପୁତ୍‍ତଡ଼୍‍ ଯେ, ଇଶ୍ୱର୍ ନାକିଂଙ୍କ୍ ସୁସମାଚାର୍‍ତେ ସୁରକ୍ଷା ଦାୟିତ୍ୱ ଇତ୍‍ତନ୍ । 
\v 17 ବାଗାତଡ଼୍ ବିଶ୍ୱସ୍ତତେ କ୍ରିଷ୍ଟନ୍ ଗଟ୍ ପ୍ରଚାର୍ ମାଡ଼କଟ୍ ଆଙ୍ଗାଡ଼ାତାଦ୍ ଲେକାମ୍ ଆସ୍ ଆଦ୍ ମାଡ଼ୁତଡ଼୍ । ନାନ୍‍ନେ ବନ୍ଦିଲୋତ୍‍ତାଗେ ମାନ୍ଦାନ୍ ୱେଲେ ନା ମାନ୍‍ତାଗେ ଅଦିକ୍‌ କଷ୍ଟ ଇଦାନଙ୍କ୍ ଅଡ଼୍‌ ଆଦ୍ ମାଡ଼ୁତଡ଼୍ । 
\v 18 ଆଗେ ବାତେମିକା ଆଞ୍ଜ୍ ଆୟ୍‍ୟ । ସତ୍‍ଉଦେଶ୍ୟ ଆୟି ବା ଆସତ୍ ସାରେ ଆସ୍ ଆୟି, ବେନ୍ ମିକା ଉପାୟ୍‍ତେ କ୍ରିଷ୍ଟନ୍ ଗଟ୍ ପ୍ରଚାର୍ ଆତ୍‍କେ, ଆଗେ ନାୟାଦ୍ ୱେଡ଼୍‍କ୍‍ । ନାନ୍ ୱେଡ଼୍‍କା ମାଡ଼ମାନ୍‍ତାନ୍, 
\v 19 ବାତେଙ୍କ୍ଇତ୍କେ, ନାନ୍ ପୁତ୍‍ତାନ୍ ମିୟାଦ୍ ପ୍ରାର୍ତନା ନୁ ଜିସୁ କ୍ରିଷ୍ଟନ୍ ଆତ୍ମାତେ ସାହାଯ୍ୟ ତଡ଼୍ ନାନ୍ ମୁକ୍ତି ଲାବ୍ ମାଡ଼ିତାନ୍ । 
\v 20 ଜିୱେତାଗ୍ ବା ଡଲାନାଗ୍, ନାୟାଦ୍ ପାଡ଼ିୟିଦାଗ୍ ଗମାଡ଼୍ ମାଡକଟ୍ ସାରେ ସମୟ୍‍ତେ ନୁ ବିଶେଷତେ ଇଦ୍ ଦୁର୍ଦ୍ଦିନତେ ଶକ୍ତିତନ୍ ଆସ୍ ସାରେଲେକାମ୍ ବେଲାନ୍ ନାନ୍‍ନେ କ୍ରିଷ୍ଟଙ୍କ୍ ଗୌରବ୍‍ତେ ମାଡ଼ିତାନ୍, ଇଦ୍ କେ ନାୟାଦ୍ ଅଣ୍ଡୟ୍‌‍କେ ଆଶେ ନୁ ଆକାଂକ୍ଷା । 
\v 21 ବାସ୍ତବିକ, ନା ଜିୱେତାଗ୍ କ୍ରିଷ୍ଟକେ ସାର୍‍ରେ । ଆଦିଙ୍କ୍ ନା ପାକେ ଡଲ୍‍ନାଦ୍ ଅଦିକ୍‌ ଲାବ୍ ଆଦ୍‍ତେ । 
\v 22 ଯଦି ଗେଲ୍‍ସି ମାଞ୍ଜ୍ ନାନ୍ ଅଦିକ୍‌ ସାୟେତ୍ ପାଡ଼୍‍ୟି ମାଡ଼େ ପାର୍‍ଦ୍‍ତାନ୍‍, ଆଲେକେ ଜିୱୁନ୍ ବା ଡଲ୍‍ନାଦ୍ ବାତ୍‍ତିଙ୍କ୍ ହେଞ୍ଚିତାନ୍, ନାନ୍ ଟିକ୍ ମାଡ଼େ ପାର୍‍ୱନ୍ । 
\v 23 ନାନ୍ ରେଣ୍ଡ୍‍ପାକେ ରେଣ୍ଡ୍ ଆକର୍ଷଣତେ ମିନ୍ଦେ । ଇଦ୍ ଜିୱୁନ୍ ୱିଡ଼୍‍ସି କ୍ରିଷ୍ଟନ୍ ତଡ଼୍ ମାନ୍ଦାନଙ୍କ୍ ନାୟାଦ୍ ଗାଟି ଇଚ୍ଛା । ଆଲେକେ ଇଦ୍ ଲେକାମ୍ । 
\v 24 ମିଇ ସେଙ୍ଗେ ନାୟାଦ୍ ଗେଲ୍‍ସି ମାନ୍ଦାନ୍ ଅଦିକ୍‌ ଦର୍‍କାଡ଼୍ । 
\v 25 ନାନ୍ ଇଦ୍ ବିଷୟ୍‍ତେ ନିଜାମ୍, ଆଦିଙ୍କ୍ ନାନ୍ ପୁତ୍‍ତାନ୍, ନାନ୍ ଜିୱୁନ୍ ମାନ୍‍ତାନ୍ । ମିୟାଦ୍ ବିଶ୍ୱାସ୍ତେ ଅଦିକ୍‌ ନୁ ୱେଡ଼୍‍କ୍‍ ସେଙ୍ଗେ ନାନ୍ ମିଇ ସାରେତଡ଼୍ ସାଙ୍ଗେ ମାନ୍‍ତାନ । 
\v 26 ଆଲେକେ, ମୀଇଡ଼୍ ଜିୱେତାଗ୍ କ୍ରିଷ୍ଟନ୍‍ତଡ଼୍ କାଇଲି ମିକା ନା ତଡ଼୍ ଅଦିକ୍‌ ଗର୍ବ ଆଲ୍‍ସେ ପାର୍‍ଦ୍‍ତିଡ଼୍ । 
\v 27 ନାନ୍ ମିଇକିଙ୍କ୍ ଉଡ଼ାନ୍ ସେଙ୍ଗେ ଆଦାନଙ୍କ୍ ସମର୍ତନ୍ ଆଦ୍‍ତେ ବା ଆୟ୍‍ୟ, ଇଞ୍ଜେ ବେଡ଼୍‍ୟାଦ୍‍ ବିଷୟ ଆଦୁତ୍‍ତେ, ମିୟାଦ୍ ଜିୱୁନ୍ ପ୍ରଣାଲି ବେଲାନ୍ କ୍ରିଷ୍ଟନାଦ୍ ସୁସମାଚାର୍ ଲେକାମ୍ ଆଦ୍‍ତେ ନାନ୍ ବେଲାନ୍‍କି କେଞ୍ଜ୍‍ ପାର୍‍ତାନ୍, ମିଡ଼୍ ଇଦ୍ ଲେକାମ୍ ଆସ୍ ଦୃଡ଼ତେ ନିତ୍‍ତିଡ଼୍ ନୁ ୱେରଡ଼୍ ଆକାଂକ୍ଷା ଆସ୍ ସୁସମାଚାର୍ ବିଶ୍ୱାସ୍ ସେଙ୍ଗେ ୱେରଡ଼୍ ସଂଗ୍ରାମ୍ ମାଡ଼ୁତିଡ଼୍ । 
\v 28 ଶତ୍ରୁଡ଼୍ ନଡ଼କ୍ ୱେର୍‍ମାଟ୍, ସାହାସ୍‍ତେ ଡୁଟ୍‍ଟାଙ୍କ୍ ମାନୁଟ୍ । ଆଲେକେ, ଅଡ଼୍‌ ପୁନ୍ଦେପାର୍‍ତଡ଼୍ ଯେ, ଅଡ଼୍‌‍ ନିଜାମ୍ ହାରେମ୍‍ ଆଦ୍‍ତଡ଼୍‍ ନୁ ମିଡ଼୍ ଜିଡ଼ିତିଡ଼୍, ବାତେଙ୍କ୍ ଇତ୍‍କେ ଇଶ୍ୱର୍‍କେ ମିକିଂଙ୍କ୍ ପରିତ୍ରାଣ ମାଡ଼ିତଣ୍ଡ୍ । 
\v 29 ମାତର୍ କ୍ରିଷ୍ଟନାଗେ ବିଶ୍ୱାସ୍ ମାଡ଼ାନାଦ୍ ଆୟ୍‍ୟ, ଅନ୍‌ ସେଙ୍ଗେ ଦୁଃକାମ୍ କଷ୍ଟ ମାଡ଼ାନ୍ ସେଙ୍ଗେ ମିକିଂଙ୍କ୍ କ୍ରିଷ୍ଟନାଦ୍ ସେବା ମାଡ଼ାନ୍ ସେଙ୍ଗେ ସୁଜଗ୍ ଇତ୍‍ତଣ୍ଡ । 
\v 30 \x + \xo ୧:3୦ \xo*\xt ପ୍ରେରିତ ୧୬:୧୯-୪୦.\xt*\x*ଇଞ୍ଜେ ଇଦ୍ ଯୁଦ୍‌ ମିଡ଼୍ ନାୟାଦ୍ ପାଡ଼୍‍ୟି ଗ୍ରହନ୍ ମାଡ଼୍‍ଡ଼େ ପାର୍‍ଦ୍‍ତିଡ଼୍ । ମୁନେଙ୍କ୍ ମିଇଡ଼୍ ନାକିଂଙ୍କ୍ ବେନ୍ ଯୁଦ୍‌ ମାଡ଼ାନାଦ୍ ଉଡ଼ିମାତ୍‍ତିଡ଼୍, ଇଞ୍ଜେ ମିକା ନାନ୍ ଆଦ୍ ଯୁଦ୍‍ତାଗ୍ ମିକା ମିନ୍ଦେନ୍ ଇନା ମିଇଡ଼୍ କେଞ୍ଜିତିଡ଼୍ ।
\c 2
\s କ୍ରିଷ୍ଟନାଦ୍ ନମ୍ରତା ନୁ ଆଦର୍ଶ
\p
\v 1 କ୍ରିଷ୍ଟନ୍‍ତଡ଼୍ କାଇଲି ମାନ୍ଦାନ୍ ନଡ଼୍‍ ମିଇ ଜିୱେତାଗ୍ ଡାଟାମ୍‍ ଆଦ୍‍ତିଡ଼୍, ମେଣ୍ଡେ ଅନାଦ୍‌ ପ୍ରେମ ମିକିଂଙ୍କ୍ ସାନ୍ତନା ଇଦୁତ୍ । ମିଡ଼୍ ପବିତ୍ର ଆତ୍ମାତଡ଼୍ ସାହାସ୍‍ତେ କଷ୍ଟ ମାଡ଼ୁତିଡ଼୍ ନୁ ନିଜେ ନିଜେ ଲୋପେ ମିୟାଦ୍ ପ୍ରେମ ନୁ ଦୟା ମିନ୍ଦେ । 
\v 2 ଆଦିଙ୍କ୍ ନାନ୍ ମିକିଂଙ୍କ୍ ଅନୁରଦ୍‌‍ ମାଡ଼ୁତାନ୍, ୱେରଡ଼୍ ଚିନ୍ତାତଡ଼୍ ଆଲ୍‍ସି ମିକା, ୱେରଡ଼୍ ପ୍ରେମତେ କାଇଲି ମିକା ମନ୍ ନୁ ଆତ୍ମାତେ ଅଣ୍ଡୟ୍‌ ଆସ୍ ମିଡ଼୍ ନାକିଂଙ୍କ୍ ଆଦ୍‍ଲେକାମ୍ ସୁକାମ୍‍ତେ କାଟେମ୍ ଆୟ୍‍ମୁଟ୍ । 
\v 3 ନିଜେତ୍ ଉର୍‍ଗାଡ଼୍ ସେଙ୍ଗେ ବା ଶକ୍ତି ତଅତାନ୍ ସେଙ୍ଗେ ବେନେମିକା ପାଡ଼୍‍ୟି ମାଡ଼୍‍ମାଟ୍ । ବାତ୍‍ଇତ୍କେ ବାଗାତଡ଼୍‍କ୍ ନିଜେତଣ୍ଡ୍ ଲେକାମ୍ ଆଲ୍‍ସି ନିଜେ ନିଜେ ସେଙ୍ଗେ ନମ୍ର ବ୍ୟବହାର୍ ମାଡ଼ାଟ୍ । 
\v 4 ମାତର୍ ନିଜେତ୍ ଉର୍‍ଗାଡ଼୍ ସେଙ୍ଗେ ମାନେମ୍‍ ଆୟ୍‍ୟକଟ ବାଗାତଡ଼୍ ସେଙ୍ଗେ ମନ୍ ଆୟ୍‍ମୁଟ୍ । 
\v 5 କ୍ରିଷ୍ଟ ଜିସୁନାଦ୍ ମାନ୍‍ହେର୍କା ବେଦ୍‍ଲେକାମ୍ ମାତ୍‍ତେ, ମିୟାଦ୍ ଆଦ୍‍ଲେକାମ୍ ଆୟି । 
\v 6 ଅନାଗେ ସାରେଏକାମ୍ ଐଶର୍ଯ୍ୟ ଲେକାମ୍ ମାଇମାତ୍‍କେ ମିକା, ଅଣ୍ଡ୍‌ ଆଦ୍ ଅଦିକାର୍‌‍ତେ ଇଶ୍ୱର୍‌ତଡ଼୍ ସାମାନ୍ ଆସ୍ ମାନ୍ଦାନଙ୍କ୍ ଆଲ୍‍ସି ମାଡ଼୍‍ୱେ ମାତ୍‍ତଡ଼୍ । 
\v 7 ଆଲେକେ ନିଜେତ୍ ଇଚ୍ଛାତେ ଅନାଦ୍‌ ସାରେ ୱିଡ଼୍‍ସି ମିକା ଦାସଲେକାମ୍ ଆତ୍‍କେ । ନାରୁନ୍ ଲେକାମ୍ ଆସ୍ ନାରୁନ୍ ଲେକାମ୍ ତିଆର୍ ଆତ୍‍ତେ । 
\v 8 ଅଣ୍ଡ୍‌ ବିନୟ ନୁ ନମ୍ର ଆସ୍ ଡଲାନ୍ ଯାକ, କ୍ରୁଶତାଗ୍ ଡଲାନ୍ ଯାକ ଗଟ୍ ପାଲନ୍ ମାଡ଼୍‍ତଣ୍ଡ୍ । 
\v 9 ଆଦିନ୍ ସେଙ୍ଗେ ଇଶ୍ୱର୍ ଅଂକିଙ୍କ୍‌ ସାରେତିଙ୍ଗ୍ ଡେଙ୍ଗ୍ ପଡ଼ିୟେତାଗ୍ ପରୁ ତେତ୍‍ତଣ୍ଡ୍ ନୁ ବାଗାତ୍ ସାରେତଡ଼ାଦ୍ ପେଦେର୍‍କିନାଗାଙ୍କ୍ ଲେକେତ୍‍ ପେଦେର୍ ଅଂକିଙ୍କ୍‌ ଇତ୍‍ତନ୍ । 
\v 10 ଆଦିଙ୍କ୍ ସ୍ୱର୍ଗ, ମର୍ତ୍ତ୍ୟ ନୁ ପାତାଲ୍‍ତେ ସାରେ ନାରୁଡ଼୍‍ ଅନ୍‌ ମୁନେ ଜିସୁନାଦ୍ ପେଦେର୍‍ତେ ମର୍‍ମିଣ୍ଡା ଉୱୁସିତା । 
\v 11 ମେଣ୍ଡେ ସାରେ ଜିୱାକ୍ ଜିସୁ କ୍ରିଷ୍ଟକେ ପ୍ରବୁ ଇଞ୍ଜ କେସ୍ ମିକା ବାବାଲ୍ ଇଶ୍ୱର୍‌ତିଙ୍ଗ୍ ଗୌରବ୍ ମାଡ଼ିତିଡ଼୍ ।
\s ପୃତିବିତାଗ୍ ୱେସ୍ ଲେକାମ୍ ତନ୍ଦାଟ୍
\p
\v 12 ଆଦିଙ୍କ୍ ପ୍ରିୟ ସାଙ୍ଗନଡ଼ି, ନାନ୍ ମିଇତଡ଼୍ ମାନ୍ଦାନ୍ ୱେଲେ ମିଇଡ଼୍‍ ବେଲାନ୍ ସାରେଦାମ୍ ନାୟାଦ୍ ଆଜ୍ଞାଦିନାମ୍ ମାଡ଼ିତିଡ଼୍, ଇଞ୍ଜେ ନାନ୍ ମିୟାଗାଙ୍କ୍ ଯେକା ମା‍ନ୍ଦାନ୍ ୱେଲେ ଅଦିକ୍‌ ବିଶ୍ୱାସ୍ତେ ନାୟାଦ୍ ବାଦ୍ୟ ଆଦାନାଦ୍ ମିୟାଦ୍ ପାଡ଼୍‍ୟି । ମିୟାଦ୍ ମୁକ୍ତି ବେଲା ସାରେ ଆଦ୍‍ତେ, ଆଦିନ୍ ସେଙ୍ଗେ ୱେର୍‍ସ୍‍ ନୁ ୱାଡ଼୍‍କାନ୍ ପାଡ଼୍‍ୟି ମାଡ଼ଡ଼୍‍ ଆନୁଟ୍ । 
\v 13 ବାତେଙ୍କ୍ ମିୟାଦ୍ ନୁ ଅନ୍‌‍ଲେକାମ୍ ପାଲନ୍ ମାଡ଼ାନ୍ ସେଙ୍ଗେ ତିଆର୍ ନୁ ସମର୍ତନ୍ ମାଡ଼ାନଙ୍କ୍ ସ୍ୱୟଂ ଇଶ୍ୱର୍ ମିୟାଗେ ସାରେଦାମ୍ ପାଡ଼୍‍ୟି ମାଡ଼ୁତଣ୍ଡ୍ । 
\v 14 ଆପତ୍ତି ବା ଗଲକ୍‍ ମାଡ଼କଟ୍ ସାରେ କାମ୍ ମାଡ଼ାଟ୍ । 
\v 15 ଆଲେକେ, ଇଦ୍ ଦୁର୍ନିତି ପେଇତାନାଦ୍ ନୁ ପାପ୍ ସାରେ ଜଗତ୍‍ତାଗ୍ ମିଡ଼୍ ଇଶ୍ୱର୍‌ତେ ପବିତ୍ର ମାର୍‍ ମାୟାକ୍ସ୍‍ ଲେକାମ୍ ନିର୍ଦୋଷ୍‍ ନୁ ପବିତ୍ର ଲେକାମ୍ ବାଦ୍‍କେ ପାର୍‍ତିଡ଼୍ । 
\v 16 ବାଗାତଡ଼୍ ପାକେ ଜିୱେଇଦାନ୍ ଗଟି ପ୍ରଚାର୍ ମାଡ଼ାନ୍‍ୱେଲେ ମିଇ ବାଗାତାଗ୍ ୱେସ୍‍ଇଦାନ୍ ଉକାକିନ୍ ଲେକାମ୍ ୱେସ୍‍ ଆଦାନାଦ୍ ସାୟେ । ମିଡ଼୍ ଯଦି ଇଦ୍‍ଲେକାମ୍ ଆଦ୍‍ତିଡ଼୍, “କ୍ରିଷ୍ଟନ୍‍ ଦିନାତେ,” ମିଇ ବିଷୟ୍‍ତେ ନାନ୍ ଗର୍ବ ମାଡ଼ିତା‍ନ୍, ବାତେଙ୍କ୍ ଇତ୍‍କେ ଇଗାଙ୍କ୍ ପ୍ରମାଣ୍ ଆଦିକାଡ଼୍ ଯେ, ନାୟାଦ୍ ତାଲେ ଉଦ୍ୟାମ ନୁ ପାଡ଼୍‍ୟି ଆଙ୍ଗ୍‌ଡ଼ାମ୍ ଆୟ୍‍ୟ । 
\v 17 ଇଶ୍ୱର୍‌ତେ ଗଟ୍‍ତେ ମିୟାଦ୍ ବିଶ୍ୱାସ୍ ଲେକାମ୍ ବଲିଦାନତାଗ୍ ଆଲେକେ ବା ନାୟାଦ୍ ଜିୱୁନ୍ ନେତୁର୍‍ଇସ୍ ତସିଦାଙ୍କ୍‍ ଆଦ୍‍ତେ । ଆଦିନ୍ ସେଙ୍ଗେ ନାନ୍ ୱେଡ଼େକେ ନୁ ନାୟାଦ୍ ଇଦ୍ ୱେଡ଼୍‍କେତେ ମିଇ ତଡ଼୍ ମାଡ଼ାନଙ୍କ୍ ନାନ୍ ଇଚ୍ଛାମାଡ଼ୁତାନ୍ । 
\v 18 ମିଇଡ଼୍ ‍ମିକା ଆଦ୍‍ଲେକାମ୍ ୱେଡ଼୍‍କ୍‍ ମାଡ଼ାନାଦ୍ ସାରେ ନୁ ଆଦ୍ ୱେଡ଼୍‍କେତେ ନାକିଂଙ୍କ୍ ମିକା ତଡ଼୍ ମାଡ଼ାଟ୍ ।
\s ତିମତି ନୁ ଏପାପ୍ରଦିତ୍
\p
\v 19 ପ୍ରବୁନାଦ୍ ଇଚ୍ଛା ମାଡ଼୍‍ତେ, ମିଇପାକେ ତିମତିଙ୍କ୍ ଯାପେ ରହତେ ପାର୍‍ତାନ୍ ଇଞ୍ଜ ନାନ୍ ଆଶେ ମାଡ଼୍‍ତାନ୍ । ଆଲେକେ, ମିୟାଦ୍ କବର୍ ସେଙ୍ଗେ ନାନ୍ ଉତ୍ସାହିତ ଆଦ୍‍ତନ୍ । 
\v 20 ମାତର୍ ଅନାଦ୍‌ ନା ଲେକାମ୍ ମାନ୍‍ ଏର୍କା ନୁ ଅଣ୍ଡ୍‌ ନିଜାମ୍‍ ମିଇ ସେଙ୍ଗେ ମାନ୍‍ଦେ ମିନ୍ଦେନ୍ । 
\v 21 ବାଗାତ୍ ସାରେତଡ଼୍ ଜିସୁ କ୍ରିଷ୍ଟନ୍ ସେଙ୍ଗେ ମନ୍‍ଇୱକଟ ମାତର୍ ନିଜେତ୍ ଉର୍‍ଗାଡ଼୍ ସେଙ୍ଗେ ଦାନ୍ଦେ । 
\v 22 ମିଡ଼୍ ପୁତ୍‍ତିଡ଼୍, ତିମତି ବେଲାନ୍ ଅନାଦ୍‌ ଯୋଗ୍ୟତା ପ୍ରମାଣ ମାଡ଼୍‍ତଣ୍ଡ୍, ବେଲାନ୍ ଅଣ୍ଡ୍‌ ମେଣ୍ଡେ ନାନ୍ ମାର୍‍ ନୁ ବାବାନ୍ ଲେକାମ୍ ସୁସମାଚାର୍ ପ୍ରଚାର୍ ପାଡ଼ିୟିଦାଗ୍ କାଇଲିମିକା ସେବା କାମ୍ ମାଡ଼ୁତମ୍ । 
\v 23 ନା ସେଙ୍ଗେ ବାତ୍ ଗଟେମ୍ ଆଦାଙ୍କ୍ ଆଦୁତ୍‍, ପୁନ୍ଦାନ୍ ୱେଲେ ନାନ୍ ଅଂକିଙ୍କ୍‌ ମିଇ ପାକେ ରତିତାନ୍ ଇଞ୍ଜ ଆଶେ ମାଡ଼ୁତାନ୍ । 
\v 24 ଆଦେଲେକାମ୍ ପ୍ରବୁନାଗେ ନାନ୍ ବିଶ୍ୱାସ୍ ମାଡ଼ୁତାନ୍ ଯେ, ନାନ୍ ନିଜେ ଯାପେ ମୀଇପାକେ ୱାଦେ ପାର୍‍ତାନ୍ ।
\p
\v 25 ନାୟାଦ୍ ପ୍ରେରିତ ପାଡ଼୍‍ୟି ନୁ ଯୁଦ୍‌ତାଗେ ଜିଡ଼ାନାଦ୍ ନୁ ମିୟାଦ୍ କେତ୍‍ତାନ୍ ଲେକାମ୍ ନାକିଂଙ୍କ୍ ତଡ଼୍ ଆସ ୱାସମାନ୍ଦାନ୍ ଏପାପ୍ରଦିତଙ୍କ୍ ମିକା ମିଇ ପାକେ ରଅତାନଙ୍କ୍ ମାନ୍‍ ମାଡ଼ୁତାନ୍ । 
\v 26 ଅଣ୍ଡ୍‌ ମିକ୍ ସାରେତଡ଼୍‍କ୍ ଉଡ଼ାନ୍ ସେଙ୍ଗେ ସୁକାମ୍‍ତେ ନୁ ମିଡ଼୍ ଅନାଦ୍‌ ରଗାମ୍ ଗଟ୍ କେଞ୍ଜି ମାନ୍‍ନାଙ୍କ୍ ଅଣ୍ଡ୍‌ ଦୁଃକାମ୍ । 
\v 27 ମୁନେଙ୍କ୍ କଞ୍ଜ୍ ଅଣ୍ଡ୍‌ ରଗାମ୍ ଆସ୍ ଡଲାନ୍ ଲେକାମ୍ ଆସ୍ ମାତ୍‍ତଣ୍ଡ୍ । ବାତେଙ୍କ୍‍ଇତ୍କେ ଅଂକିଙ୍କ୍‌ ଇଶ୍ୱର୍ ଆର୍ଶିବାଦ୍ ମାଡ଼୍‍ତଣ୍ଡ୍ । ମାତର୍ ଅନ୍‌ ସେଙ୍ଗେ ଆୟ୍‍ୟ, ନା ସେଙ୍ଗେ ମିକା ଅନାଦ୍‌ ଆର୍ଶିବାଦ୍ ମାଡ଼ାନଙ୍କ୍ ନାକିଂଙ୍କ୍ ଦୁଃକାମ୍ ତିପାଲ୍ ଆତ୍‍ତାଙ୍କ୍ ଇୱଣ୍ଡ୍ । 
\v 28 ନାନ୍ ଅଂକିଙ୍କ୍‌ ମୀଇପାକେ ରତ୍‍ତାନ୍ ସେଙ୍ଗେ ତିଆର୍, ବାତେଙ୍କ୍‍ଇତ୍କେ ଅଂକିଙ୍କ୍‌ ଉଡ଼୍‍କେ, ମିଡ଼୍ ମେଣ୍ଡନ୍‍ନ୍ଦାମ୍ ୱେଡ଼୍‍କା ଆଦ୍‍ତିଡ଼୍ ନୁ ନାୟାଦ୍ ଦୁଃକାମ୍ ମିକା କମ୍ ଆଦ୍‍ତେ । 
\v 29 ଆଦିଙ୍କ୍ ୱେରଣ୍ଡ୍ କ୍ରିଷ୍ଟ ବିଶ୍ୱାସ୍ ଦାଦାନ୍ ଲେକାମ୍ ମିଡ଼୍ ଅଂକିଙ୍କ୍‌ ୱେଡ଼୍‍କେତେ ଗ୍ରହନ୍ ମାଡ଼ାଟ୍ ନୁ ଇଦ୍‍ ଲେକାମ୍ ସାରେ ଗୁଣତଡ଼୍ ନାରୁଡ଼୍‍କ୍ ବକ୍ତି ମାଡ଼ାଟ୍, 
\v 30 ବାତେଙ୍କ୍‍ଇତ୍କେ ମିଡ଼୍ ନାକିଂଙ୍କ୍ ବେନ୍ ସାହାଯ୍ୟ ଇଦେପାର୍‍ୱିଡ଼୍, କ୍ରିଷ୍ଟନାଦ୍ ପାଡ଼୍‍ୟି ସିଦ୍ଦ ସେଙ୍ଗେ ଅଣ୍ଡ୍‌ ଆଦ୍ ନା ସେଙ୍ଗେ ମାଡ଼ାନଙ୍କ୍ ଆଞ୍ଜ୍ ନିଜେତ୍ ଜିୱୁଣ୍ଡ୍‍ତିଙ୍କ୍ ଇତ୍‍ତନ୍ ନୁ ଡଲାନ୍ ଦିନ୍‍ତେ ମୁନେଆସ୍ ମାତ୍‍ତନ୍ ।
\c 3
\s ନିଜାମ୍‍ତେ ଦାର୍ମାମ୍
\p
\v 1 ପେର୍‍କେ ଦାଦାନଡ଼ି ନୁ ଏଲାସ୍କ୍‍କି, ପ୍ରବୁନ୍ ତଡ଼୍ କାଇଲି ମାନ୍‍ନାଙ୍କ୍ ମିଡ଼୍ ୱେଡ଼୍‍କା ମାଡ଼ାଟ୍ । ମୁନେଙ୍କ୍‍କଞ୍ଜ୍ ବାତେଏ ଲେକ୍‍ତାଦ୍ ମିନ୍ଦେ, ଆଦ୍ ମେଣ୍ଡନ୍‍ନ୍ଦାମ୍ ମାଡ଼ାନଙ୍କ୍ ନାନ୍ ମେଣ୍ଡ୍ ଆଦାନ୍ ମନ୍ ମାଡ଼ନ୍, ବାତେଙ୍କ୍‍ଇତ୍କେ ମିୟାଦ୍ ସୁରକ୍ଷା ସେଙ୍ଗେ ଇଦ୍ ସାହାଯ୍ୟ ମାଡ଼ିତେ । 
\v 2 ବେନଡ଼୍ ସତ୍ ପାଡ଼ିୟିଦାଗ୍ ମାଇମିନ୍ଦେଡ଼୍, ବେନଡ଼୍ ସୁନ୍ନତ ମାଡ଼ାନ୍ ସେଙ୍ଗେ ଜିଦ୍ ମାଡ଼ିତଡ଼୍, ଆୱୁ ନେୟ୍‍କିନ୍ ମାଇଦିଙ୍କ୍ ସାବ୍‍ଦାନ୍ । 
\v 3 ମାମ୍‍ମେ ମୁନେଙ୍କ୍ କଞ୍ଜ୍ ହେଞ୍ଚ୍‍ତେ ଲେକାମ୍; ଅଡ଼୍‌ ଆୟ୍‍ୟଡ଼୍ । ମାମ୍‍ମେ ପବିତ୍ର ଆତ୍ମାନ୍ ସାହାଯ୍ୟତେ ଇଶ୍ୱର୍‌ତେ ଉପବାସ୍ ମାଡ଼ୁତମ୍ ନୁ କ୍ରିଷ୍ଟ ଜିସୁନ୍ ତଡ଼୍ କାଇଲି ମିକା ୱେଡ଼୍‍କା ଆନନ୍ଦ ମାଡ଼ୁତମ୍ । ବାୟ୍‍ଦେତ୍‍ ରିତିନିତି ପରୁ ମାୟାଦ୍‌ ଆଶେ ଇଲା । 
\v 4 ଆଦ୍‍ଲେକାମ୍ ଆଦ୍ ସାରେ ପରୁ ଆଶେ ନେହେତାନାଦ୍ ନା ପାକେ ମାନ୍‍ନେଡ଼୍ । ଯଦି ବେନ ବାହିଦେ ରିତିନିତିତେ ଆଶେ ପରୁ ଗୁରୁତ୍ୱ ଇଦେପାର୍‍ତନ୍, ଆଦ୍‍ଲେକାମ୍ ମାଡ଼ାନଙ୍କ୍ ନାୟାଦ୍ ଆସର୍ କାରନ ମିନ୍ଦେ । 
\v 5 \x + \xo 3:୫ \xo*\xt ରୋମୀୟ ୧୧:୧; \xt*\xt ପ୍ରେରିତ ୨3:୬; ୨୬:୫.\xt*\x*ନା ଜନମ୍‍ତେ ଆଟ୍‍ଦିନେତ୍ ପେର୍‍କେ ନାକିଂଙ୍କ୍ ସୁନ୍ନତ୍ ଆସ୍‍ମାତ୍‍ତେ । ଜାତିତାଗ୍ ନାନ୍ ୱେରନ୍ ଇଶ୍ରାଏଲିୟ, ବେଞ୍ଜାମିନ୍ ବଂଶତେ ଏବ୍ରିୟ । ଇହୁଦିନଡ଼୍ ବ୍ୟବସ୍ଥା ପାଲନ୍ ତାଗାଙ୍କ୍ ନାନ୍ ୱେରନ୍ ପାରୂଶି ମାତ୍‍ତାନ୍ 
\v 6 \x + \xo 3:୬ \xo*\xt ପ୍ରେରିତ ୮:3; ୨୨:୪; ୨୬:୯-୧୧.\xt*\x*ନାୟାଦ୍ ଇର୍ଷାତ୍‍ ସେଙ୍ଗେ ନାନ୍‍ କ୍ରିଷ୍ଟିୟାନ୍‍ ମଣ୍ଡଲିତିଙ୍କ୍‍ ତାଡ଼ନା ମାଡ଼୍‍ତାନ୍‍ । ନିୟମ୍‍ତାଦ୍‍ ଆଜ୍ଞା ପାଲନ୍‍ ମାଡ଼୍‍କେ ଯଦି ନାରୁଣ୍ଡ୍‍ ଦାର୍ମାମ୍‌ ଆଦେ ପାର୍‍ଦ୍‍ତଣ୍ଡ୍‍, ଆଲେକେ ନାନ୍‍ ନିର୍ଦୋଷ୍‍ ମାତ୍‍ତାନ୍‍ । 
\v 7 ବାତେଙ୍କ୍ଇତ୍କେ ବେନ୍ ସାରେ ବିଷୟ ଲାବ୍‍ତେ ଇଞ୍ଜ ନାନ୍ ହେର୍କା ମାଡ଼ମାତ୍‍ତାନ୍, ଆଦିଙ୍କ୍ ଇଞ୍ଜେ କ୍ରିଷ୍ଟନ୍ ସେଙ୍ଗେ ନାନ୍ କ୍ଷତିତେ ଏର୍କା ମାଡ଼ୁତାନ୍ । 
\v 8 ମାତର୍ ଆସର୍ ଆୟ୍‍ୟ; ନାୟାଦ୍ ପ୍ରବୁ ଜିସୁ କ୍ରିଷ୍ଟଙ୍କ୍ ପୁନ୍ଦାନ୍ ସେଙ୍ଗେ ବେନ୍ ସାରେ ଐଶର୍ଯ୍ୟ ଲାବ୍ ମାଡ଼ୁତାନ୍, ଆଦିନ୍ ଲେକାମ୍ ବାଗାତ୍ ସାରେ ବିଷୟତିଙ୍କ୍ ନାନ୍ ଇଞ୍ଜେ ଆସର୍ ମାନେମ୍‍ ଆଦୁତାନ୍ । ଅନ୍‌ ସେଙ୍ଗେ ନାନ୍ ସାରେ ମିକା ୱିଡ଼୍‍ସ୍‍ତାନ୍ । କ୍ରିଷ୍ଟଙ୍କ୍ ଦର୍ସିକି ଆତ୍‍ତାଙ୍କ୍ । 
\v 9 ନୁ ଅନ୍‌ ତଡ଼୍ ସାରେଲେକାମ୍ କାୟ୍‍ଲାନ୍ ସେଙ୍ଗେ, ବାଗାତ୍ ସାରେ ବିଷୟତିଙ୍କ୍ ତଗ୍ ଇଞ୍ଜ ହେର୍କା ମାଡ଼ମାତ୍‍ତାନ୍ । ବେନ୍ ଦାର୍ମିକ୍‍ତାଦ୍ ବ୍ୟବସ୍ଥା ପାଲନ୍ ତଡ଼୍ ଲାବ୍ ମାଡ଼ାଙ୍କ୍ ଆଦ୍‍ତେ, ଆଦ୍ ଲେକାମ୍ ବାତେବା ନିଜେତ୍ ଦାର୍ମିକ୍ ନାୟାଦ୍ ଇଲ୍‍ଲେ । ଇଞ୍ଜେ ନାୟାଦ୍ ଦାର୍ମିକ୍ ମିନ୍ଦେ, ଆଦ୍ କ୍ରିଷ୍ଟନାଗେ ବିଶ୍ୱାସ୍ ମାଡ଼ାନାଦିନ୍ ତଡ଼୍ ଦର୍‍କିତ୍; ଆଦ୍ ଇଶ୍ୱର୍‌ତାଗାଙ୍କ୍ ୱାଦ୍‍ତେ ନୁ ଆଦ୍ ବିଶ୍ୱାସ୍ ପରୁ ମିନ୍ଦେ । 
\v 10 ଇଞ୍ଜେ ନାୟାଦ୍ ଅଣ୍ଡ୍‌‍ଦାମ୍ ଇଚ୍ଛା ନାନ୍ ବେଲାନ୍ କ୍ରିଷ୍ଟଙ୍କ୍ ପୁନ୍ଦ୍‍ତାନ୍ ନୁ ଅନ୍‌ ମେଣ୍ଡେ ୱାଦାନ୍ ଶକ୍ତି ଏର୍କେ ମାଡ଼ିତାନ୍; ତାଙ୍କ୍ ତିପାଲ୍ ବାରେତେ ସାମାନ୍‌ବେଦନା ଏର୍କାମାଡ଼ି ଡଲ୍‍ତାଗେ ମିକା ଅନ୍‌‍ଲେକାମ୍ ଆଦ୍‍ତଣ୍ଡ୍ 
\v 11 ନୁ ଡଲ୍‍ତାଗାଙ୍କ୍ ମେଣ୍ଡେ ଜିୱେ ଆଦାନ୍ ବରସା ଲାବ୍ ମାଡ଼ିତାନ୍ ।
\s ଲକ୍ଷ ପଡ଼ିୟେତାଗ୍ ମିରିକାଡ଼୍
\p
\v 12 ନିୟାଦ୍ ପରିତ୍ରାଣ ବେଲାନ୍ ପୁରା ଆସ୍‍ ଅଦିନ୍‌ ତଡ଼୍ ୱାଡ଼୍‍କି ମିକା କାମ୍ ମାଡ଼ ଆନୁଟ୍, ନାନ୍ କୃତକାମ୍ ବା ସିଦ୍ଦ ଆଦ୍‍ପାର୍‍ତେ ଇଞ୍ଜ କେଲଡ଼୍ । ପୁରସ୍କାର୍ ଦର୍ସିକି ଆଦାନଙ୍କ୍ ମିରାନାଗେ ଲାଗେମ୍ । ସ୍ୱୟଂ କ୍ରିଷ୍ଟ ନାକିଂଙ୍କ୍ ପଇସ୍ ତାସ୍ ଇଗେ ୱାଟିତ୍‍ତନ୍ । 
\v 13 ହୋ ଦାଦାନଡ଼ି ନୁ ହେଲାସ୍କ୍ ନାନ୍ ଇଞ୍ଜେ ଆଇନା ଆଦ୍ ପଡ଼ିୟେତାଗ୍ ଏୱନ୍ । ବାତେଙ୍କ୍ଇତ୍କେ ୱେରଡ଼୍ ପାଡ଼ିୟିଦାଗ୍ ନାନ୍ ବିନଷ୍ଟ ମାତ୍‍ତାନ୍; ପେର୍‍କେ ୱିଡ଼୍‍ସି ୱାସ୍‍ମାନ୍ଦାନ୍ ବିଷୟକିଙ୍କ୍ ମାର୍‍ଙ୍ଗି, ମୁନେମାନ୍ଦାନ୍ ବିଷୟକିଙ୍କ୍ ଦର୍ସିକି ଆଦାନ୍ ସେଙ୍ଗେ ସେନେକ୍‌ ମାନକଟ୍ ଆଲ୍‍ସି ମାଡ଼ୁତାନ୍ । 
\v 14 ଆଦିଙ୍କ୍ କ୍ରିଷ୍ଟ ଜିସୁନ୍ ତୋଡ଼୍‍ତନ୍ ବେନ୍ ସ୍ୱର୍ଗିୟ ଜିୱୁନ୍ ଲାବ୍ ମାଡ଼ାନ୍ ସେଙ୍ଗେ ଇଶ୍ୱର୍ ନାକିଂଙ୍କ୍ କାର୍‍ଙ୍କ୍‍ ତନ୍ ଆଦ୍ ପୁରସ୍କାର୍ ସେଙ୍ଗେ କଣ୍ଡେ ୱାଟି ନାନ୍ ମେଲ୍‍ତା ପଡ଼ିୟେତାଗ୍ ମିର୍‍ତାନ୍ । 
\v 15 ମାନାଗେ ବେନଡ଼୍ ଆଦ୍ୟାମିକ ଲେକାମ୍ ପରିପକ୍ୱ, ଅଡ଼ାଦ୍‌ ଇଦ୍‍ଲେକାମ୍ ମାନ୍‍ଏର୍କେ ମାନ୍ଦାନାଦ୍ ଲେକାମ୍ । ଯଦି ମିୟାଗେ ବେନନାଦ୍ ୱେରେ ଏର୍କେ ମାନ୍‍ତେ, ଇଶ୍ୱର୍ ମିକିଂଙ୍କ୍ ସାରେ ଗଟି ସ୍ପଷ୍ଟତେ କେସ୍‌ସିଦ୍‌ତନ୍ । 
\v 16 ଆଦ୍ ବାତ୍ ଆୟି, ନେଣ୍ଡ୍‍ଆଇନା ମାନାଡ଼୍ ବେନ୍ ନିୟମ୍ ମାନେମ୍‍ ଆସ୍‍ସ ୱାଦୁତାଡ଼୍, ଆଦ୍ ଲେକାମ୍ ଇଞ୍ଜେ ମୁନେ ଆଦାନାଦ୍ ଲେକେତ୍‍ । 
\v 17 \x + \xo 3:୧୭ \xo*\xt ୧ କରନ୍ତିୟ ୪:୧୬; ୧୧:୧.\xt*\x*ହୋ ଦାଦାନଡ଼ି ନୁ ଏଲାସ୍କ୍‍, ନା ଲେକାମ୍ ମାଡ଼ାଟ୍ । ମାମ୍‍ମେ ନେହେସ୍ ମାନ୍ଦାନ୍ ଆଦର୍ଶ ଲେକାମ୍ ବେନଡ଼୍ ଆଚରଣ ମାଡ଼ୁତଡ଼୍, ଅଡ଼୍‌‍କିଂଙ୍କ୍ ଉଡ଼ାଟ୍ । 
\v 18 ମୁନେଙ୍କ୍ କଞ୍ଜ୍ ନାର୍‍ଗେ ଦାମ୍ ନାନ୍ ମିକିଂଙ୍କ୍ ଇଦ୍ ଗଟ୍ କେତ୍‍ତାନ୍, ମେଣ୍ଡେ ଇଞ୍ଜେ ମିକା ସାରେଲେକାମ୍ ଲୋଚନତେ ଆଦିନ୍ ଲେକାମ୍ ମାଡ଼ୁତାନ୍; ନାର୍‍ଗେ ନିଜେ ନିଜେ ଜିୱେତାଗ୍ କ୍ରିଷ୍ଟନ୍ କ୍ରୁଶତେ ଶତ୍ରୁନଡ଼୍‍ ଆଚରଣ ମାଡ଼ୁତଡ଼୍ । 
\v 19 ନରକତାଗ୍ ଅଡ଼ାଦ୍‌ ଜିୱୁନ୍‍ତେ ସାରେ ଗଟେମ୍ ଆତ୍‍ତାଙ୍କ୍ ଆଦୁତ୍‍ତେ, ବାତେଙ୍କ୍ ଇତ୍‍କେ ମେନ୍ଦୁଲ୍‍ତେ ଆସେତଡ଼୍ କେ ଅଡ଼ାୱୁ ଦେୟାକ୍‌ । ବାତେଏ ସିଗ୍‍ତାଉ, ଅଡ଼୍‌ ଆଦିନ୍ ସେଙ୍ଗେ ଗର୍ବ ମାଡ଼ିତଡ଼୍; ମାତର୍ ସଂସାର୍‍ ବିଷୟତେ ସେଙ୍ଗେ ଅଡ଼୍‌ ଚିନ୍ତେ ମାଡ଼ିତଡ଼୍ । 
\v 20 ଅଣ୍ଡ୍‌ ବାତ୍‍ଆଇ, ମାନାଡ଼୍ ସ୍ୱର୍ଗ ରାଜ୍ୟତେ ନାରୁଡ଼୍ । ସ୍ୱର୍ଗତାଗାଙ୍କ୍ ମାନାଡ଼୍ ତ୍ରାଣକର୍ତ୍ତାଲ୍ ପ୍ରବୁ ଜିସୁଙ୍କ୍ କ୍ରିଷ୍ଟନାଦ୍ ୱାଦାନାଦିଙ୍କ୍ ମାନାଡ଼୍ ଆଗ୍ରତେ ପ୍ରତିକ୍ଷା ମାଡ଼ୁତମ୍ । 
\v 21 ବେନ୍ ଶକ୍ତି ଅଣ୍ଡ୍‌ ସାରେ ବିଷୟତିଙ୍କ୍ ନିଜେତ୍ ବଶିବୂତ ମାଡ଼େ ପାର୍‍ତନ୍, ଆଦ୍ ଶକ୍ତି ଗ୍ରହନ୍ ମାଡ଼ି ଅଣ୍ଡ୍‌ ମାନ୍‍ ଦୁର୍ବଲ୍ ନାୟାଦ୍ ମେନ୍ଦୁଲ୍‌ତିଙ୍କ୍ ଅନାଦ୍‌ ଗୌରବ୍‍ମୟ ମେନ୍ଦୁଲ୍ ଲେକାମ୍ ମାଡ଼ିତନ୍ ।
\c 4
\s ଗଟ୍ ନୁ ଶିକ୍ଷା
\p
\v 1 ପ୍ରିୟ ଦାଦାନଡ଼ି ନୁ ଏଲାସ୍କ୍, ମିକିଂଙ୍କ୍ ଉଡ଼ାନ୍ ସେଙ୍ଗେ ନାନ୍ ବେସର୍ ୱେଡ଼୍‌କେ । ମିକିଂଙ୍କ୍‍ ଆସ୍ ନାୟାଦ୍ ବେସର୍ ୱେଡ଼କେ । ମିଇ ସେଙ୍ଗେ ନାୟାଦ୍ ବେସର୍ ଆଶେ । ସହଜ୍‍ ରକମ୍‍ ଦାଦାନଡ଼ି ନୁ ଏଲାସ୍କ୍‍, ନାୟାଦ୍ ଶିକ୍ଷା ଲେକାମ୍ ପ୍ରବୁନାଗେ ମାଞ୍ଜ୍‍ମିକା ବାଦ୍‍କାଟ୍ । 
\v 2 ଇୟଦିଆ ନୁ ସୁନ୍ତକିଙ୍କ୍ ନାୟାଦ୍ ଅନୁରଦ୍‌, ଆୱୁ ଇଶ୍ୱର୍‌ତେ କଣ୍ଡେତେ ହେଲାଡ଼୍ ଲେକାମ୍ କାୟ୍‍ଲି ମାନି । 
\v 3 ହୋ ନା ବିଶ୍ୱାସ୍‌ତେ ପାଡ଼୍‍ୟିମାଡ଼ାନଡ଼ି ! ମିକିଂଙ୍କ୍ ମିକା ନାୟାଦ୍ ନିବେଦନ୍‍, ଇ ହେଲାସ୍‍କିଙ୍କ୍ ସାହାଯ୍ୟ ମାଡ଼ାଟ୍, ବାତେଙ୍କ୍ଇତ୍‍କେ ଇଡ଼୍‍ କ୍ଲେମେନ୍‌ସ୍‌ ନୁ ନା ମେଣ୍ଡେବାଗାତ୍ ତଡ଼୍‍ଦେନଡ଼୍ ତଡ଼୍ ସୁସମାଚାର୍ ପ୍ରଚାର୍ ପାଡ଼ିୟିଦାଗ୍ ଗାଟି ତିପାଲ୍ ମାଡ଼ି ନାକିଂଙ୍କ୍ ସାହାଯ୍ୟ ମାଡ଼୍‍ତଡ଼୍ । ଇଡ଼ାୱୁ ପେଦେରି ଇଶ୍ୱର୍‌ତେ; “ଜୀୱେ ବଇତାଗ୍,” ଲେକାମିନ୍ଦେ । 
\v 4 ପ୍ରବୁନ୍ ତଡ଼୍ କାଇଲି ମାନ୍‍ନାଙ୍କ୍ ସାରେଦାମ୍ ୱେଡ଼୍‍କ୍‍ ମାଡ଼ାଟ୍ । ମେଣ୍ଡନ୍‍ନ୍ଦାମ୍ କେତୁତାନ୍, “ୱେଡ଼୍‍କ୍‍ ମାଡ଼ାଟ୍ ।” 
\v 5 ସାରେତଡ଼୍ ତଡ଼୍‍ ସାଏତେ ବ୍ୟବହାର୍ ମାଡ଼ାଟ୍ । ପ୍ରବୁନାଦ୍ ୱାଦାନ୍ ଦିନା ଗାର୍‍ରେ ୱାସ୍‍ ହେଉଦୁତ୍ । 
\v 6 ବାତେବା ବିଷୟ୍‍ତେ ଚିନ୍ତେ ଆୟ୍‍ମାଟ୍ ! ବାତେଙ୍କ୍‍ଇତ୍କେ ମିକିଂଙ୍କ୍‍ ବାତ୍ ଦର୍‍କାଡ଼୍, ଆଦ୍ ପ୍ରାର୍ତନାତାଗ୍ ଇଶ୍ୱର୍‌ତିଙ୍କ୍ ତାଲ୍‍କାଟ୍ । ମେଣ୍ଡେ ପ୍ରାର୍ତନା ମାଡ଼ାନ୍ ୱେଲେ ସାରେଦାମ୍ ହୃଦୟ୍‍ତେ ଦନ୍ୟବାଦ୍ ତଡ଼୍‍ ମିୟାଦ୍‍ ସାର୍ରେ ନିବେଦନ୍‍ ଇଶ୍ୱର୍‌ତିଙ୍କ୍‍ କେଲାଟ୍‍; 
\v 7 ଆଲେକେ ନାରୁନାଦ୍ ଡଲାନାଦ୍ ଅଗମ୍ୟ ଇଶ୍ୱର୍‌ତେ ଶାନ୍ତି କ୍ରିଷ୍ଟ ଜିସୁନାଦ୍ ସାହାଚର୍ଯ୍ୟତେ ମିୟାଦ୍ ହୃଦୟ୍ ନୁ ମାନ୍‍ଦିଙ୍କ୍ ସୁରକ୍ଷା ମାଡ଼ିତେ । 
\v 8 ତାନ୍‍ପେର୍କେ, ଦାଦାନଡ଼ି ନୁ ଏଲାସ୍କ୍‍, ବେନ୍ ସାରେ ବିଷୟ ସାୟେ ନୁ ପ୍ରଶଂସ୍ୟ, ବାତ୍ ସାରେ ସତ୍ ନୁ ମହତ୍, ବାତ୍ ଟିକ୍‍, ବିଶୁଦ୍ଦ, ପ୍ରୀତିକର ନୁ ସମ୍ମାନ୍‍ତଡ଼୍, ଆଦ୍ ସାରେ ମିୟାଦ୍ ଚିନ୍ତେତେ ବିଷୟ ଆୟି । 
\v 9 ମିଡ଼୍‍ ବେନ୍‍ ସାର୍ରେ ବିଷୟ୍‍ ନାୟାଗାଙ୍କ୍‍ ଶିକ୍ଷା ମାଡ଼୍‍ତିଡ଼୍‍, ପାଏମ୍‍ ଆତ୍‍ତିଡ଼୍‍ ନୁ କେଞ୍ଜ୍‍ତିଡ଼୍‍ ନୁ ନାୟାଗ୍‍ ଉଡ଼୍‍ତିଡ଼୍‍ ଆୱୁସାର୍ରେ ମାଡ଼ାଟ୍‍, ଆଗେ ଶାନ୍ତିଦାତାଲ୍ ଇଶ୍ୱର୍ ମିୟାଦ୍‍ ତଡ଼୍‍ ଆଦ୍‍ତଣ୍ଡ୍‍ ।
\s ଦାନ ସେଙ୍ଗେ ଦନ୍ୟବାଦ୍
\p
\v 10 ପ୍ରବୁନ୍‍ ତଡ଼୍ କାଇଲି ମାନ୍ଦାନ୍ ଜିୱୁନ୍ ଯାପନ୍ ମାଡ଼ାନ୍ ୱେଲେ, ନାୟାଦ୍ ୱେଡ଼୍‍କ୍‍ ଯେ, ମିଡ଼୍ ନା ସେଙ୍ଗେ ମାନ୍‍ ମାଡ଼୍‍ତିଡ଼୍‍ । ନାର୍‍ଗେ ଦିନାମ୍ ପେର୍‍କେ ମେଣ୍ଡନ୍‍ଦାମ୍‍ ଇଦ୍ ନିର୍ଦଶନ ତଅତ୍‍ତିଡ଼୍ । ନାନ୍ କେଲନ୍‍ ଯେ, ମିଡ଼୍ ଇଗେମିକା ନା ସେଙ୍ଗେ ମେଣ୍ଡେ ମାନ୍‍ ଆୟ୍‍ୱେ ମାତ୍‍ତିଡ଼୍, ମାତର୍ ଆଦ୍ କେତାନଙ୍କ୍‍ ସୁଯଗ୍‍ ପାଏମ୍‍ ଆୟ୍‍ୱେ ମାତ୍‍ତିଡ଼୍ । 
\v 11 ନାନ୍ ନିଜେତିଙ୍କ୍ ଅବହେଲିତ ଆଲ୍‍ସି ଇଦ୍ ଗଟ୍ କେଲନ୍, ବାତେଙ୍କ୍ଇତ୍‍କେ ନାୟାୱୁ ବାତା ମିନ୍ଦେ, ଆସର୍‍ତିଙ୍କ୍ ସନ୍ତୁଷ୍ଟ ଆଦାନଙ୍କ୍‍ ନାନ୍ ଶିକ୍ଷା ମାଡ଼ୁତାନ୍ । 
\v 12 ଅବାବ୍‍ ଆୟି, ନାର୍‍ଗେ ଆୟି, ବେଲାମେଣ୍ଡେ ଆଦ୍ ମୁନେ ମାଡ଼ାଙ୍କ୍ ଆଦ୍‍ତେ, ଆଦ୍ ନାନ୍ ପୁତ୍‍ତାନ୍ । ଆଦିଙ୍କ୍ ବେଦ୍ ସମୟ୍‍ତେ, ବେଦ୍ ଲେକାମ୍ ପରିସ୍ଥିତିତେ, କାର୍‍ୱିନ୍‍ ୱେଲେ ବେଲାନ୍, ଡଙ୍କେ ନିଣ୍ଡ୍‍ତେ ୱେଲେ ମିକା ଆଦେଲେକାମ୍, ଅବାବ୍‍ ୱେଲେ ମିକା, ମେଣ୍ଡେ ନାର୍‍ଗେ ମାନ୍ଦାନ୍‍ ୱେଲେ ନାନେ ସାରେଦାମ୍ ସନ୍ତୁଷ୍ଟ । 
\v 13 ନା ଶକ୍ତିଦାତା କ୍ରିଷ୍ଟନ୍ ସହାୟତାତେ ନାନ୍ ସାରେକିଚି ମାଡ଼େ ପାର୍‍ତାନ୍ । 
\v 14 ଆଗେକ୍ ମିକା ନାୟାଦ୍ ତିପାଲ୍ ସମୟ୍‍ତେ ନାକିଂଙ୍କ୍ ତଡ଼୍‍ ଆସ୍‍ ମିଡ଼୍ ମହତ୍ ପାଡ଼୍‍ୟି ମାଡ଼୍‍ତିଡ଼୍ । 
\v 15 ହୋ ପିଲିପିୟ ଦାଦାନଡ଼ି ନୁ ଏଲାସ୍କ୍‍, ମିୟାଦ୍‍ ସାୟେ ଏର୍କା ମାନ୍‍ତେ, ବେଲାନ୍ ସୁସମାଚାର୍ ପ୍ରଚାର୍ ଆରାମ୍ ମାଡ଼ାନ୍‍ ୱେଲେ, ନାନ୍ ବେସୁଙ୍କ୍‍ ମାସିଦୋନିଆ ୱିଡ଼୍‍ସ୍‍ତାନ୍, ମାତର୍ ମିୟାଦ୍ ମଣ୍ଡଲି ନାକିଂଙ୍କ୍ ସାହାଯ୍ୟ ମାଡ଼ିମାତ୍‍ତେ, ମାତର୍ ମିଡ଼୍ ନାୟାଦ୍ ଲାବ୍ ନୁ କ୍ଷତିତେ ବାଗିଦାର୍‍ ଆସ୍‍ମାତ୍‍ତିଡ଼୍ । 
\v 16 \x + \xo ୪:୧୬ \xo*\xt ପ୍ରେରିତ ୧୭:୧.\xt*\x*\x + \xo ୪:୧୬ \xo*\xt ୨ କରନ୍ତିୟ ୧୧:୯.\xt*\x*ନାନ୍ ଥେସଲନିକୀତାଗ୍ ମାନ୍ଦାନ୍ ୱେଲେ ମିଡ଼୍ ନାର୍‍ଗେଦାମ୍ ନା ଗାର୍ରେ ଦର୍‍କାର୍‍ ଆସ୍‍ମାନ୍ଦାନ୍ ସାହାଯ୍ୟ ରହସ୍‍ ମାତ୍‍ତିନ୍ । 
\v 17 ଇତ୍କେ ମିୟାଗାଙ୍କ୍ ମାତର୍ ଦାନ ଗ୍ରହନ୍ ମାଡ଼ାନଙ୍କ୍ ନାନ୍ ଇଚ୍ଛା ମାଡ଼ନ୍; ଇଦିନ୍ ସେଙ୍ଗେ ମିଡ଼୍ ବେଲାନ୍ ଗାଟି ନାର୍ଗେ ଲାବ୍‍ତଡ଼ି ଆୟ୍‍ମୁଟ୍, ଇଦ୍ ନାୟାଦ୍ ଇଚ୍ଛା । 
\v 18 ମିୟାଗାଙ୍କ୍‍ ନାନ୍ ପାଏମ୍‍ଆସ୍‍ ମାନ୍ଦାନ୍‍ ସାରେ ଦାନ ସେଙ୍ଗେ ପ୍ରାପ୍ତି ସ୍ୱୀକାର୍ ମାଡ଼ୁତାନ୍ । ଏପାପ୍ରଦିତ୍‍ତେ କାୟ୍‍ଦାଗ୍ ମିଡ଼୍ ରହସ୍ ମାନ୍ଦାନ୍ ଦାନ ନାୟାଦ୍ ସାରେ ଅବାବ୍ ପୁରା ମାଡ଼୍‍ତାନ୍ । ଆଦ୍ ଇଶ୍ୱର୍‌ତେ ଉଦ୍ଦେଶ୍ୟତେ ଇତ୍‍ତେ ସାୟେତ୍‍ ଗାବ୍‍ ପୁଜା ସାମାନ୍‍ ନୁ ଅଣ୍ଡ୍‌‍ ଗ୍ରହଣ ମାଡ଼ାନାଦ୍‍ ବା ସାୟେତାଦ୍‍ ବଲିଦାନ୍ ଲେକାମ୍ । 
\v 19 କ୍ରିଷ୍ଟନ୍ ତଡ଼୍ ନା ଇଶ୍ୱର୍ ଅନାଦ୍‌ ନାର୍ଗେ ଆର୍ଶିବାଦ୍‌ତେ ମିୟାଦ୍ ସାରେ ଆଦାନାଦ୍‌ କେପ୍‌ସିଦ୍‌ତଣ୍ଡ୍‍ । 
\v 20 ଯୁଗ୍‍ଯୁଗ୍ ବାବାଲ୍ ଇଶ୍ୱର୍‌ତେ ଗୌରବ୍ ଆୟି । ଆମେନ୍‍ ।
\s ମାଡ଼େଙ୍କ୍‌ତାଦ୍‍ ନମସ୍କାର୍‍
\p
\v 21 କ୍ରିଷ୍ଟ ଜିସୁନ୍ ପେଦେର୍‍ତେ ଆଗେ ମାନ୍ଦାନ୍ ସାରେତଡ଼୍ ସାଦୁନଡ଼୍ ନମସ୍କାର୍‍ ମାଡ଼ୁତାନ୍ । ନା ସାଙ୍ଗେତେ ମାନ୍ଦାନ୍ ଇଦ୍ ପଡ଼ିୟେତେ ଦାଦାନଡ଼୍ ନୁ ଏଲାସ୍କ୍‍ ମିଡ଼୍‍ ସାରେତଡ଼୍‍କ୍ ନମସ୍କାର୍‍ ମାଡ଼ୁତାନ୍‍ । 
\v 22 ଇଗେ ମାନ୍ଦାନ୍ ଇଶ୍ୱର୍‌ତେ ନାରୁଡ଼୍, ବେନଡ଼୍‍ ସମ୍ରାଟ୍‍ କାଇସର୍‍ତେ ପ୍ରାସାଦ୍‍ତାଗ୍‍ ମାନ୍ଦାନ୍ ସାଦୁନଡ଼୍ ମିକିଂଙ୍କ୍ ନମସ୍କାର୍‍ ମାଡ଼ୁତଡ଼୍ । 
\v 23 ପ୍ରବୁ ଜିସୁ କ୍ରିଷ୍ଟନାଦ୍ ଅନୁଗ୍ରହ ମିଇ ସାରେତଡ଼୍ ପରୁ ଆୟି । ଆମେନ୍‌ ।