\id MRK - Koya
\ide UTF-8
\h ମାର୍କ
\toc3 ମାର୍କ
\toc2 ମାର୍କ
\toc1 ମାର୍କ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌
\mt2 ମାର୍କ ଲିଖିତ ଜିସୁ କ୍ରିଷ୍ଟଙ୍କ୍ ସୁସମାଚାର୍‌
\mt1 ମାର୍କ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌
\imt ମାର୍କ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ପ୍ରବୁ ଜିସୁ କ୍ରିଷ୍ଟନ୍‍ ଜିୱୁଣ୍ଡ୍‍ ବିଷୟ୍‍ତେ ସାର୍ରେ ଗଟ୍‍ ଲେକ୍‍ତାୱୁ ପୁନେ ନିୟମ୍‍ତେ ନାଲୁ ବଇକିନ୍‍ ଲୋପେଙ୍କ୍‍ ମାର୍କ ଲେକିମାନ୍ଦାନ୍‍ ସୁସମାଚାର୍‍ ଆଦୁତ୍‍ ଅଣ୍ଡୟ୍‌‍ । ଆୱୁ ନାଲୁ ବଇକିଂଙ୍କ୍‍ ୱେରୱେର ସୁସମାଚାର୍‍ ଇଞ୍ଜ କେତିତଡ଼୍‍ । ଆଦିନ୍‍ ଅର୍ତ ଆଦୁତ୍‍, “ନେଲେତାଦ୍‍ କାବୁର୍‍ ।” ଆୱୁ ସାର୍ରେ ଜିସୁନ୍‍ ଡଲ୍‍ତେ ପେର୍କେ ମାତିଉ, ମାର୍କ, ଲୁକ, ମେଣ୍ଡେ ଯୋହନ୍‌‌ ତଡ଼୍‍ ଲେକା ଆତ୍‍ତେ । ନାଲୁ ସୁସମାଚାର୍‍ ଲୋପେଙ୍କ୍‍ ମାର୍କ ଲେକ୍‍ତାଦ୍‍ ସୁସମାଚାର୍‍ ଆଦୁତ୍‍ ସାର୍ରେତିଙ୍କ୍‍ ସୁଦୁରାଦ୍‍ । ଇଦିଙ୍କ୍‍ ଇଲା ଗାଲା ବିଶ୍ୱାସ୍‍ ମାଡ଼ିତଡ଼୍‍ ଯେ, ଇଦ୍‍ ସୁସମାଚାର୍‍ ଲୋପେଙ୍କ୍‍ ସାର୍ରେତିଙ୍କ୍‍ ମୁନେନ୍‍ କ୍ରିଷ୍ଟାଦ୍ଦ ୬୫-୭୦ ଲୋପେ ଲେକା ଆତ୍‍ତେ । ବେସ୍‍କ୍‍ତୁଡ଼୍‍ ବାଇବଲ୍‍ ପଣ୍ଡିତିଡ଼୍‍ ବିଶ୍ୱାସ୍‍ ମାଡ଼ିତଡ଼୍‍ ଯେ, ରୋମ୍‍ ଦେଶ୍‍ ମାନ୍ଦାନ୍‍ କ୍ରିଷ୍ଟିୟାନ୍‍ ନାରୁଡ଼୍‍କ୍‍ ସାର୍‍ଦେ ମାଡ଼ାନ୍‍ ସେଙ୍ଗେ ଇଦ୍‍ ରୋମ୍‍ ଦେଶ୍‍ତାଗ୍‍ ଲେକା ଆତ୍‍ତେ । ମାର୍କ, ବେନଙ୍କ୍ ଯୋହନ୍‌‌ ମାର୍କ ଇଞ୍ଜ ପୁଞ୍ଜ୍‌ମାତ୍‍ତଡ଼୍‍ । ଅଣ୍ଡ୍‌‍ ପାଉଲ୍‍ ନୁ ବର୍ଣ୍ଣବାନ୍‍ ସାଙ୍ଗ ମାତ୍‍ତଣ୍ଡ୍‍, ମାତର୍‌ ବେସୁଟ୍‌ ଅଣ୍ଡ୍‌‍ ଅଡ଼୍‌‍କିଂଙ୍କ୍‍ ପ୍ରବୁନ୍‍ ସେବା ପାଡ଼୍‍ୟିଦେ ସେଙ୍ଗେ ଆଦାନଙ୍କ୍‍ ୱିଡ଼୍‍ସି ୱାତ୍‍ତଣ୍ଡ୍, ଆସୁଟ୍‍ ଅଡ଼ାଦ୍‌‍ ପେଦେର୍‍ ପେର୍ସି ୱାଦାନ୍‍ ୱେଲେ, ଦୁଃକାମ୍‍ ଦିନାମ୍‍ ଏୱୁତ୍‍ତେ । ପ୍ରେରିତ \xt ୧୩:୧୩ \xt* ବେସ୍‌କ୍ ଦିନ୍‍ ଆତ୍‍ତେ ପେର୍କେ ମାର୍କ ମେଣ୍ଡେ ବର୍ଣ୍ଣବାନ୍‍ ତଡ଼୍‍ ଆଦାନଙ୍କ୍‍ ଆରାମ୍‍ ମାଡ଼୍‍ତଣ୍ଡ୍‍ \xt ପ୍ରେରିତ ୧୫:୩୭-୩୯\xt* । ମାର୍କ ଆନ୍‌ତେ ପିତର୍‍ତେ ଗାଟି ସାଙ୍ଗ ଇଞ୍ଜ ପୁଞ୍ଜ୍‌ମାତ୍‍ତଡ଼୍‍ \xt ୧ ପିତର୍‍ ୫:୧୩\xt* । ମାର୍କ ଜିସୁନ୍‍ ଜିୱୁଣ୍ଡ୍‍ତାଗ୍‍ ଆସ୍‍ମାନ୍ଦାନ୍‍ ସାର୍ରେ ବିଷୟ୍‍ତେ ସାକ୍ଷି ଆୟକ୍‍ ଗାଲା, ପଣ୍ଡିତିଡ଼୍‍ ଅଂକିଙ୍କ୍‌ ବିଶ୍ୱାସ୍‍ ମାଡ଼ିତଡ଼୍‍ । ଅଣ୍ଡ୍‌‍ ପିତର୍‍ ସାକ୍ଷି ଇସ୍‍ମାନ୍ଦାନ୍‍ ବିଷୟ୍‍ ନିଜର୍‍ ସୁସମାଚାର୍‍ତାଗ୍‍ ଲେକ୍‍ତଣ୍ଡ୍‍ । ମାର୍କ ଶିଷ୍ୟ ଆତ୍‍ତାଦ୍‍ ନୁ ମାଡ଼େଙ୍ଗ୍‌ ୱେଲେତ୍ ଗଟ୍‍ ଜିସୁନ୍‍ ଶିକ୍ଷାତାଗ୍‍ କେତ୍‍ତଣ୍ଡ୍‍ । ଇଦ୍‍ ମାର୍କ ବଇତାଗ୍‍ ଜିସୁ କ୍ରିଷ୍ଟଙ୍କ୍‍ ୱେରଣ୍ଡ୍‍ ଦାର୍ମାମ୍‌ ଚାକର୍‍ ମେଣ୍ଡେ ପରମେଶ୍ୱର୍‍ତେ ଯୋଜନା ପୁରା ମାଡ଼ାନଙ୍କ୍‍, ସାର୍ରେଦିନେ ତିଆର୍‍ ଆସ୍‍ମାନ୍ଦାନ୍‍ ସାୟେତ୍‍ ପେକାଲ୍‍ ଇଞ୍ଜ କେସ୍‍ମିନ୍ଦେଣ୍ଡ୍‍ । ଅଦିନ୍‌ ସେଙ୍ଗେ ମାର୍କ ଜିସୁ ମାଡ଼୍‍ତାୱୁ ଆଶର୍ଯ୍ୟ ପାଡ଼୍‍ୟି ବିଷୟ୍‍ତେ ଗାଟି ଲେକ୍‍ତଣ୍ଡ୍‍ । ଇଦ୍‍ ସୁସମାଚାର୍‍ଦାଗ୍‍ ଜିସୁ ଶିଷ୍ୟଡ଼୍ ମାଡ଼ାନାଦ୍‍ ନୁ ମାଡ଼େଙ୍ଗ୍‌ ଦିନାମ୍‍ତେ ଶିକ୍ଷା ବିଷୟ୍‍ତେ ମାନ୍‍ ଇତ୍‍ତଡ଼୍‍ ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ମାର୍କ ବଇ ବିଷୟ୍‍ତେ ପରିଚୟ୍‍ ଇଦ୍‍ତେ । \ior ୧:୧-୧୩\ior*
\io1 ୨. ଗାଲିଲୀତାଗ୍‍ ଜିସୁନ୍‍ ସେବା କାମ୍‍ । \ior ୧:୧୪–୯:୫୦\ior*
\io1 ୩. ଜିସୁ ଜିରୁଶାଲେମ୍‍ ଆଦାନାଦ୍‍ କେତିତେ । \ior ୧୦:୧–୧୨:୪୪\ior*
\io1 ୪. ଜିସୁକି ଜିରୁସାଲେମ୍‍ତାଗ୍‍ ସେବା କାମ୍‍ ନୁ ଡଲାନାଦ୍‍, ପୁନୁର୍‍ତାନ୍‍ ବିଷୟ୍‍ତେ କେତ୍‍ତଣ୍ଡ୍‍ । \ior ୧୧:୧–୧୬:୨୦\ior*
\c 1
\s ବାପ୍ତିସ୍ମ ଇଦାନ୍ ଯୋହନ୍‌‌ତେ ପ୍ରଚାର୍‍
\r (ମାତିଉ ୩:୧-୧୨; ଲୁକ ୩:୧-୧୮; ଯୋହନ୍‌‌ ୧:୧୯-୨୮)
\p
\v 1 ଇଶ୍ୱର୍‌ତେ ମାର୍‍ ଜିସୁ କ୍ରିଷ୍ଟନ୍ ସୁସମାଚାର୍ ଇଦ୍‍ଲେକାମ୍ ଆରାମ୍ ଆତ୍‍ତେ । 
\v 2 ଯିଶାଇୟ ବାବବାଦୀ ଶାସ୍ତ୍ରତାଗ୍ ବେଦ୍‍ଲେକାମ୍ ଲେକାମିନ୍ଦେ, ଉଡ଼େ, ମାମ୍‍ମେ ମା ଦୂତକିଙ୍କ୍ ମିଇ ମୁନେ ରହସ୍ ମିନ୍ଦେମ୍, ଅଣ୍ଡ୍‌ ମିୟାଦ୍ ଆର୍ ତିଆର୍‍ ମାଡ଼ିତଣ୍ଡ୍ । 
\v 3 “ଉଚ୍‍କ ନେଏଲ୍‍ଦାଗ୍ ଯିଶାଇ ବେନ ଗାଟି ଲେଙ୍କ୍‍ଦେ କେସମିନ୍ଦେନ୍, ପ୍ରବୁନ୍ ସେଙ୍ଗେ ଆର୍ ତିଆର୍ ମାଡ଼ାଟ୍; ଅନାଦ୍‌ ୱାଦାନ୍ ସେଙ୍ଗେ ଆର୍ ତିଆର୍ ମାଡ଼ାଟ୍ ।”
\p
\v 4 ଆଦ୍ ଲେକାମ୍ ବାପ୍ତିଜକ ଯୋହନ୍‌ ଉସ୍କ ନେଲ୍‍ଦା ୱାସ୍ ପ୍ରଚାର୍ ମାଡ଼ାତନ୍ ନୁ ବାପ୍ତିସ୍ମ ଇଦାନଙ୍କ୍ ପସ୍‍ପତନ୍ । ଅଣ୍ଡ୍‌ ନାରୁଡ଼୍‍କିଂଙ୍କ୍ କେସ୍‍ମାତ୍‍ତନ୍ “ନିଜେ ନିଜେତ୍ ପାପ୍ ସେଙ୍ଗେ ୱିଡ଼୍‍ସାଟ୍ ନୁ ବାପ୍ତିସ୍ମ ଗ୍ରହନ୍ ମାଡ଼ାଟ୍ । ଆଲାଇତ୍‍କେ ଇଶ୍ୱର୍ ମିୟାଦ୍ ପାପ୍ କ୍ଷମା ମାଡ଼ିତନ୍ ।” 
\v 5 ଯିହୁଦା ପ୍ରଦେଶ୍‍ ନୁ ଯିରୁଶାଲେମ୍ ସହର୍‍ତାଗାଙ୍କ୍ ନାର୍‍ଗେ ନାରୁଡ଼୍ ଯୋହନ୍‌‌ତେ ପ୍ରଚାର୍ କେଞ୍ଜାନ୍ ସେଙ୍ଗେ ୱାତ୍‍ତଡ଼୍ । ଅଡ଼୍‌ ନିଜେ ନିଜେ ପାପ୍ ସ୍ୱୀକାର୍ ମାଡ଼୍‍ତଡ଼୍ ନୁ ଯୋହନ୍‌ ଅଡ଼୍‌‍କିଂଙ୍କ୍ ଯର୍ଦ୍ଦନ୍ ବେଡ଼େମ୍‍ତାଗ୍ ବାପ୍ତିସ୍ମ ଇତ୍‍ତନ୍ ।
\p
\v 6 ଯୋହନ୍‌‌ତାଦ୍‍ ଚକା ଉଟ୍‍ କେଲ୍‍କିନ୍ ତିଆର୍‍ ଆସ୍‍ମାତ୍‍ତେ ନୁ ଅନ୍‌ ଟିକିଡ଼୍‍ତାଗ୍ ତଲ୍‌କେ ତହସ୍ ମାତ୍‍ତନ୍ । କାରାପ୍ ମାଡ଼େତ୍ କାୟା ନୁ ଗୁପ୍‍ତାଦ୍ ତେନେ ଅନାଦ୍ କାଦି ମାତ୍‍ତେ, ଅଣ୍ଡ୍‌ ନାରୁଡ଼୍ ପାକେ କେସ୍‍ ମାତ୍‍ତନ୍ । 
\v 7 “ବେନ୍ ନାରୁଡ଼୍ ନା ପେର୍କେ ୱାଦ୍‍ତନ୍, ଅଣ୍ଡ୍‌ ନାୟାଗାଙ୍କ୍ ମହାନ୍ । ନାନେ ଆଦ୍‍ଲେକାମ୍ ଅନ୍‌ ଡେକାନ୍ ବନ୍ଦନ୍ କୁସ୍‍ପାନଙ୍କ୍ ମିକା ନାନ୍‍ନେ ଅଯୋଗ୍ୟ । 
\v 8 ନାନେ ମିକିଂଙ୍କ୍ ଏର୍‍ଦାଗ୍ ବାପ୍ତିସ୍ମ ଇଦୁତାନ୍, ବାତେଙ୍କ୍ ଇତ୍‍କେ ଅଣ୍ଡ୍‌ ପବିତ୍ର ଆତ୍ମାତେ ବାପ୍ତିସ୍ମ ଇଦ୍‍ତନ୍ ।”
\s ଜିସୁନାଦ୍ ବାପ୍ତିସ୍ମ ଆଦାନାଦ୍ ନୁ ପରିକ୍ଷା ମାଡ଼୍‍ତଣ୍ଡ୍
\r (ମାତିଉ ୩:୧୩–୪:୧୧; ଲୁକ ୩:୨୧-୨୨; ୪:୧-୧୩)
\p
\v 9 ଆଦ୍ ସମୟ୍‍ତେ ଜିସୁ ଗାଲିଲୀ ପ୍ରଦେଶ୍‍ତେ ନାଜରିତିୟ ତାଗାଙ୍କ୍ ୱାସ୍ ଯୋହନ୍‌ ତଡ଼୍ ଯର୍ଦ୍ଦନ୍ ବେଡ଼େମ୍‍ତାଗ୍ ବାପ୍ତିସ୍ମ ଅତ୍‍ତନ୍ । 
\v 10 ଜିସୁ ଏର୍‍ଦାଗାଙ୍କ୍ ତେଦି ୱାଦାନ୍ ୱେଲେ ଉଡ଼୍‍ତନ୍, ସ୍ୱର୍ଗ କୁଲାଆସ୍‍ ନୁ ପରମାଆତ୍ମା ପାର୍ୱା ରକମ୍ ଅନ୍‌ ପରୁ ଡ଼ିଗ୍‍ତେ । 
\v 11 \x + \xo ୧:୧୧ \xo*\xt ମାତିଉ 3:୧୭; ୧୨:୧୮; ମାର୍କ ୯:୭; ଲୁକ 3:୨୨.\xt*\x*ମେଣ୍ଡେ ସ୍ୱର୍ଗତାଗାଙ୍କ୍‍ ଇଦ୍ ଗଟ୍‍ ୱାତ୍‍ତେ, “ନିମେ ମା ପ୍ରିୟ ମାର୍‍, ନିୟାଗେ ନାନେ ଗାଟି ସନ୍ତୁଷ୍ଟ ।”
\p
\v 12 ଆସୁଙ୍କ୍ ପବିତ୍ର ଆତ୍ମା ଅଂକିଙ୍କ୍‌ ସିମ୍‍ସାମ୍ ପଡ଼ିୟେତାଗ୍ ଅତ୍‍ତେ । 
\v 13 ଆଗେ ଅଣ୍ଡ୍‌ ଚାଳିଶ୍‍ ଦିନ୍ ମାତ୍‍ତନ୍ । ଆଦ୍ ସମୟ୍‍ତେ ଶୟ୍‍ତାନ୍‍ ବେସ୍‍ ବେସ ତାଉ ପରିକ୍ଷା ପ୍ରଲୋଭନ୍‍ତେ ଅଂକିଙ୍କ୍‌ ୱିଡ଼୍‍ସି ଆତ୍‍ତେ । ଆଗେ ଅଣ୍ଡ୍‌ ମେଟେତ୍ ଜିୱାକିନ୍ ତଡ଼୍ ମାତ୍‍ତନ୍, ବାତେଙ୍କ୍ ଇତ୍‍କେ ଦୂତ ୱାସ୍ ଜିସୁନାଦ୍ ଯତ୍ନ ଅତ୍‍ତା ।
\s କିକେ ପଇତାନ୍‍ ନାଲ୍‍ୱୁଡ଼୍‍କ୍‍ ଜିସୁ କାର୍‍ଙ୍କ୍‍ତନ୍
\r (ମାତିଉ ୪:୧୨-୨୨; ଲୁକ ୪:୧୪-୧୫; ୫:୧-୧୧)
\p
\v 14 ଯୋହନ୍‌‌ତିଙ୍କ୍ ବନ୍ଦି ଆତ୍‍ତେ ପେର୍‍କେ ଜିସୁ ଗାଲିଲୀତାଗ୍ ଆଞ୍ଜ୍ ଇଶ୍ୱର୍‌ତେ ରାଜ୍ୟତେ ଲେକାମ୍ ଗଟ୍ ପ୍ରଚାର୍ ମାଡ଼୍‍ତଣ୍ଡ୍ । 
\v 15 \x + \xo ୧:୧୫ \xo*\xt ମାତିଉ 3:୨.\xt*\x*ଅଣ୍ଡ୍‌ କେତ୍‍ତାନ୍, “ଲେକାମ୍ ଦିନାମ୍ ୱାସ୍‍ମିନ୍ଦେ, ଇଶ୍ୱର୍‌ତେ ରାଜ୍ୟ ମି ଗାର୍‍ରେ ୱାସ୍ ହେୱ୍‍ସ୍ ମିନ୍ଦେ ! ପାପ୍ ସେଙ୍ଗେ ମାଲ୍ସ୍‍ୱାସ୍ ଇଦ୍ ଲେକେତ୍ ଗଟ୍ ବିଶ୍ୱାସ୍ ମାଡ଼ାଟ୍ ।”
\p
\v 16 ଜିସୁ ଗାଲିଲୀ ସାୱ୍‍ଡ଼େତ୍ ଆଞ୍ଚ୍‍ଇସ୍ ଆଦାନ୍ ୱେଲେ ଶିମୋନ୍ ନୁ ଆନ୍ଦ୍ରିୟ, ଇଡ଼୍ ତାମୁଣ୍ଡ୍‌ଇର୍‍ୱୁଡ଼୍ ୱାଲେ ୱାଟି ସାୱ୍‍ଡ଼େତାଗ୍ କିକେ ପୟ୍‍ସମାତ୍‍ତଡ଼୍‍ । 
\v 17 ଜିସୁ ଅଡ଼୍‌‍କିଂଙ୍କ୍ କାର୍‍ଙ୍ଗି କେତ୍‍ତଣ୍ଡ୍, “ନା ତଡ଼୍ ୱାଡ଼ାଟ୍ । ନାନ୍ ମିକିଂଙ୍କ୍ ନାରୁଡ଼୍‍କିଂଙ୍କ୍ ପଇତାନାଦ୍ ନାଡ଼୍‍ସ୍ପିତ୍‍ତାନ୍ ।” 
\v 18 ଆସୁଙ୍କ୍ ସାଙ୍ଗେ ସାଙ୍ଗେ ଅଡ଼ାୱୁ ୱାଲା ୱିଡ଼୍‍ସି ଅନ୍‌ ତଡ଼୍ ଆତ୍‍ତଡ଼୍ ।
\p
\v 19 ଜିସୁ ମେଣ୍ଡେ ସୁଦୁଟ୍ ମୁନେ ଆଞ୍ଜ୍ ଜେବଦିନ୍ ଇର୍‍ୱୁଡ଼୍ ମାର୍‍କିଡ଼୍ ଯାକୁବ୍ ନୁ ତାନ୍‌ ତାମୁଣ୍ଡ୍‌ ଯୋହନ୍‌ ତିଙ୍କ୍ ଉଡ଼୍‍ତନ୍ । ଅଡ଼୍‌ ଜାରି ୱାଟାନଙ୍କ୍ ନିଜେତ୍ ଓଡେତାଗ୍ ତିଆର୍ ଆସ୍‍ମାତ୍‍ତଡ଼୍ । 
\v 20 ଜିସୁ ଅଡ଼୍‌‍କିଂଙ୍କ୍ ଉଡ଼ିମିକା ଗାର୍‍ରେ କାର୍‍ଙ୍କ୍‍ତନ୍ । ଓଡେତାଗ୍ ଚାକର୍‍ନଡ଼୍ ତଡ଼୍ ଅଡ଼୍‌ ବାବାଲ୍ ଜେବଦୀଙ୍କ୍ ୱିଡ଼୍‍ସି ଅଡ଼୍‌ ଜିସୁନ୍ ପାକେ ୱାତ୍‍ତଡ଼୍ ।
\s ବୁତ୍‌ପଇତେ ନାରୁଙ୍କ୍‍ ସାୟ୍‍ମାଡ଼ତଣ୍ଡ୍
\r (ଲୁକ ୪:୩୧-୩୭)
\p
\v 21 ଜିସୁ ନୁ ତାନ୍ ଶିଷ୍ୟନଡ଼୍ କପର୍ନାହୁମ୍‍‍ତାଗ୍ ଆତ୍‌ତଡ଼୍, ମେଣ୍ଡନ୍‍ଦିନେ ଜିସୁ ଯିହୁଦିଡ଼୍ ମିଟିଙ୍କ୍‍ ଲୋନ୍‌ ଆଞ୍ଜ୍ ଶିକ୍ଷା ଇତ୍‍ତନ୍ । 
\v 22 \x + \xo ୧:୨୨ \xo*\xt ମାତିଉ ୭:୨୮,୨୯.\xt*\x*ଅନାଦ୍‌ ଶିକ୍ଷା କେଞ୍ଜି ନାରୁଡ଼୍ ବକୁୱା ଆଦ୍‍ତଡ଼୍; ବାତେଙ୍କ୍‍ଇତ୍କେ ଅଡ଼୍‌ ଶାସ୍ତ୍ରିନଡ଼୍ ଲେକାମ୍ ଶିକ୍ଷା ଇୱକଟ୍ ୱେରନ୍ କ୍ଷମତାପନ୍‍ ନାରୁନ୍ ଲେକାମ୍ ଶିକ୍ଷା ଇସମାତ୍‍ତନ୍ ।
\p
\v 23 ଆସୁଙ୍କ୍ ୱେରନ୍ ବୁତ୍‌ପଇତେ ନାରୁଡ଼୍ ପ୍ରାର୍ତନା ଲୋନ୍‌ ନେହେଙ୍ଗି ମିକା କିଡ଼୍‍କ୍‍ତନ୍ । 
\v 24 “ହୋ ନାଜରିତିୟ ଜିସୁ, ମା ତଡ଼୍ ନିୟାଦ୍ ବାତ୍ ସମ୍ପର୍କ ? ନିମେ ବାତେଏ ମାକିଂଙ୍କ୍ ଦ୍ୱଂସ ମାଡ଼ାନଙ୍କ୍ ଇଗେ ୱାତ୍‍ତିନ୍; ନିମ୍‍ ଇଶ୍ୱର୍‌ତାଗାଙ୍କ୍ ୱାସ୍‍ମାନ୍ଦାନ୍ ଆ ପବିତ୍ର ନାରୁନୀ ।”
\p
\v 25 ଜିସୁ ଆସୁଙ୍କ୍ ଦମକ୍ ଇସ୍ କେତ୍‍ତନ୍; “ଶାନ୍ତି ଆୟମ୍ ! ଇ ନାରୁନ୍ ଲୋପେଙ୍କ୍ ପେଇସ୍ ଆନ୍‌ ।
\p
\v 26 ଆ ବୁତ୍, ଆ ନାରିଙ୍କ୍ ଗାଟି ୱାଡ଼୍‍ସ୍‍କି, ଗାଟି ଲେଙ୍ଗ୍ ମାଡ଼ି ଅନ୍‌ ମେନ୍ଦୁଲ୍‍ତାଗାଙ୍କ୍ ପେଇସ୍ ଆତ୍‍ତେ । 
\v 27 ଇଗେ ସାରେତଡ଼୍ ବାକ୍‍ୱା ଆସ୍ ନିଜେ ନିଜେ କେତାକେତି ଆତ୍‍ତଡ଼୍, ଇଦ୍ ବେସତ୍ ଗଟ୍ ? ଅଣ୍ଡ୍‌ ଅଦିକାର୍‌ ନୁ ଶକ୍ତି ତଡ଼୍ ଅଶୁଚି ଆତ୍ମାକିଂଙ୍କ୍ ଗଟ୍ ହିଦ୍‍ତଣ୍ଡ୍, ମେଣ୍ଡେ ଆୱ୍ ପେୟିସ୍ ଆଦ୍‍ତା ।”
\p
\v 28 ଆଗେ ଅନ୍‌‍ୱାଦ୍ ବିଷୟତେ ସୁସମାଚାର୍ ସାରେ ପାକା ସାରେ ପଡ଼ିୟେତାଗ୍ ପ୍ରଚାର୍ ଆତ୍‍ତେ ।
\s ନାର୍‍ଗେ ନାରୁଡ଼୍‍କ୍ ସାୟ୍‍ ମାଡ଼ନ୍‍ ଶକ୍ତି ଇତଣ୍ଡ୍
\r (ମାତିଉ ୮:୧୪-୧୭; ଲୁକ ୪:୩୮-୪୧)
\p
\v 29 ଯାକୁବ୍, ଯୋହନ୍‌ ନୁ ବାଗାତ୍ ଶିଷ୍ୟନଡ଼୍ ତଡ଼୍ ଜିସୁ ପ୍ରାର୍ତନା ଲୋନ୍‌ ୱିଡ଼୍‍ସି ଶିମୋନ୍ ନୁ ଆନ୍ଦ୍ରିୟନ୍ ଲୋନ୍‌ ଆତ୍‍ତଡ଼୍ । 
\v 30 ଆଗେ ହେଉଦାନ୍ ୱେଲେ ଅଣ୍ଡ୍‌ କେଞ୍ଜ୍‍ତଣ୍ଡ୍ ଯେ ଶିମୋନ୍‍ତେ ପୋୟେ ଏଡ଼୍‍କିନେ ପାଟିମିନ୍ଦେ । 
\v 31 ଅଣ୍ଡ୍‌ ତାନ୍ ଗାର୍‍ରେ ଆଞ୍ଜ୍ ତାନାଦ୍ କାଇ ପଇସ୍ କେତ୍‍ତାନ୍, ତାନାଦ୍ ଏଡ଼୍‍କ୍‍ ୱିଡ଼୍‍ସିଆତ୍‍ତେ ନୁ ଆଦ୍ ଅଡ଼୍‌‍କିଂଙ୍କ୍ ସେବା ମାଡ଼ାଙ୍କ୍‍ ଦାନ୍ଦେଆତ୍‍ତେ ।
\p
\v 32 ପଡ଼୍‍ଦ୍‍ ପେଇତାନ୍ ୱେଲେ ନାରୁଡ଼୍ ଜିସୁନ୍‍ପାକେ ରୋଗ୍ ନୁ ବୁତ୍‌ପଇତେ ନାରୁଡ଼୍‍କିଂଙ୍କ୍ ତାତ୍‍ତଡ଼୍ । 
\v 33 ସାରେ ସହର୍‍ତେ ନାରୁଡ଼୍ ୱାସ୍ ଦ୍ୱାର୍‍ମୁନେ ଗୁଡ଼୍‍ତଡ଼୍ । 
\v 34 ବାତ୍‍ବାତ୍ ରୋଗୀଡ଼୍ ମାତ୍‍ତଡ଼୍ ବା ନାର୍‍ଗେ ରୋଗିଡ଼୍‍କ୍‌ ଜିସୁ ସୁସ୍ଥ ମାଡ଼୍‍ତଣ୍ଡ୍ ନୁ ନାର୍ଗେନାରୁଡ଼୍‍ଗାଙ୍କ୍ ବୁତ୍‌କ୍‍ ୱିର୍‍ପ୍‍ତନ୍ ଆ ବୁତ୍‌କିଂଙ୍କ୍ ଗଟି କେତାନଙ୍କ୍ ଇୱେ ମାତ୍‍ତନ୍, ବାତେଙ୍କ୍‍ଇତ୍କେ ଆୱୁ ଅଂକିଙ୍କ୍‌ ପୁଞ୍ଜ୍‍ମାତ୍‍ତା ।
\s ଗାଲିଲୀତାଗ୍ ଜିସୁନାଦ୍‍ ଗଟ୍‍
\r (ଲୁକ ୪:୪୨-୪୪)
\p
\v 35 ତାନ୍ ମେଣ୍ଡନ୍ ଦିନ୍ ପଡଦ୍ ପେଇୱେ ମୁନେଙ୍କ୍ ଜିସୁ ତେଦି ଲୋତ୍‍ତାଗାଙ୍କ୍ ପେଇସ୍‍ଆତ୍‍ତନ୍ । ଅଣ୍ଡ୍‌ ନାର୍ ୱିଡ଼୍‍ସି ୱେରଡ଼୍ ସିମ୍‍ସାମ୍ ପଡ଼ିୟେତାଗ୍ ଆଞ୍ଜ୍ ପ୍ରାର୍ତନା ମାଡ଼୍‍ତଣ୍ଡ୍ । 
\v 36 ଶିମୋନ୍ ନୁ ତାନ୍ ସାଙ୍ଗନଡ଼୍ ଜିସୁଙ୍କ୍ ମେହେକାନଙ୍କ୍ ପସ୍‍ପ୍‍ ତ୍‍ତଡ଼୍ । 
\v 37 ଅଂକିଙ୍କ୍‌ ଦର୍ସିକି ଅଡ଼୍‌ କେତ୍‍ତଡ଼୍, ମାମ୍‍ମେ ସାରେତମ୍ ନିକିଂଙ୍କ୍ ମେହେକୁତମ୍ ।
\p
\v 38 ବାତେଙ୍କ୍ ଇତ୍‍କେ ଜିସୁ ଅଡ଼୍‌‍କିଂଙ୍କ୍ କେତ୍ତନ୍, “ଗାର୍‍ରେମାନ୍ଦାନ୍ ବେନା ବେନା ନାକିନାଗ୍ ମାନା ଆଦାଙ୍କ୍ ଆଦ୍‍ତେ । ନାନ୍‍ନେ ଆଗେ ମିକା ପ୍ରଚାର୍ ମାଡ଼ିତାନ୍, ବାତେଙ୍କ୍‍ଇତ୍କେ ଆଦ୍ ଉଦ୍ଦେଶ୍ୟତେ ନାନ୍‍ନେ ଆଦୁତାନ୍ ।”
\p
\v 39 \x + \xo ୧:3୯ \xo*\xt ମାତିଉ ୪:୨3; ୯:3୫.\xt*\x*ତାନ୍‍ପେର୍କେ ଅଣ୍ଡ୍‌ ଗାଲିଲୀତେ ସାରେ ନାକିନାଗ୍ ଉଡି ପ୍ରାର୍ତନା ଲୋକିନାଗ୍ ପ୍ରଚାର୍ ମାଡ଼୍‍ତଣ୍ଡ୍ ନୁ ବୁତ୍‌କ୍ ୱିର୍‍ସ୍ପତନ୍ ।
\s କୁଷ୍ଠରଗୀ ସୁସ୍ଥ ଆତ୍‍ତନ୍
\r (ମାତିଉ ୮:୧-୪; ଲୁକ ୫:୧୨-୧୬)
\p
\v 40 ୱେରଣ୍ଡ୍ କୃଷ୍ଠରୋଗି ଜିସୁନ୍ ପାକେ ୱାତ୍‍ତନ୍ । ମର୍‍ମିଣ୍ଡା ଇସ୍ ବିନତି ମାଡ଼ି କେତ୍‍ତାନ୍, “ପ୍ରବୁ, ନିମେ ଯଦି ଇଚ୍ଛା ମାଡ଼ିତି, ଆଲାତ୍କେ ନାକିଂଙ୍କ୍ ସୁସ୍ଥ ମାଡ଼୍‍ଡ଼େ ପାର୍‍ତିଡ଼୍ ।”
\p
\v 41 ଜିସୁ ଦୟାତେ କାଇ ଆସ୍ ଅଂକିଙ୍କ୍‌ ଇଟ୍‍ତନ୍ ନୁ କେତ୍‍ତାନ୍, “ନାନ୍‍ନେ ଆଦେକେ ଇଚ୍ଛା ମାଡ଼ୁତାନ୍, ନିମ୍‍ ଶୁଚି ଆୟାମ୍ ।” 
\v 42 ସାଙ୍ଗେ ସାଙ୍ଗେ ଆଦ୍ ରୋଗ୍ ଅନାଗାଙ୍କ୍ ଦୁର୍ ଆତ୍‍ତେ ନୁ ଅଣ୍ଡ୍‌ ଶୁଚି ଆତ୍‍ତନ୍ । 
\v 43 ତାନ୍‍ପେର୍କେ ଜିସୁ ଅଙ୍କ୍‌ ସତର୍କ ମାଡ଼ି କେତ୍‍ତାନ୍, 
\v 44 “କେଞ୍ଜା ଇଦ୍‍ଗୋଟ୍ ବେନଙ୍କ୍ ବା କେଲ୍‍ମା ବାତେଙ୍କ୍ ଇତ୍‍କେ ଦର୍ମ ଯାଜଗ୍‍ନଡ଼୍ ପାକେ ଆନ୍‌ । ଅଣ୍ଡ୍‌ ନିକିଂଙ୍କ୍ ପରିକ୍ଷା ମାଡ଼ି ଉଡ଼ିତନ୍ । ତାନ୍‍ପେର୍କେ ନିମ୍‍ ସାରେ ଶୁଚିଆତ୍‍ତିନ୍ ଇଞ୍ଜ ବାଗାତଡ଼୍ ପାକେ ପ୍ରମାନ୍‍ ମାଡ଼ାନ୍ ସେଙ୍ଗେ ମୋଶାନ୍‌ ନିର୍ଦ୍ଦେଶ୍‍ ଲେକାମ୍ ପାଲନ୍‍ ମାଡ଼େ ।” ଇଦ୍ କେସ୍ ଜିସୁ ଅଂକିଙ୍କ୍‌ ସାଙ୍ଗେ ସାଙ୍ଗେ ରହସିତ୍‍ତନ୍ ।
\p
\v 45 ବାତେଙ୍କ୍ ଇତ୍‍କେ ନାରୁଡ଼୍ ଆଗାଙ୍କ୍ ଆଞ୍ଜ ଇଦ୍‍ଗୋଟ୍ ସାରେପାକ୍ କେତ୍‍ତଡ଼୍ । ଆଦ୍ ଇ ବିଷୟ୍‍ତେ ଇସର୍ କେସ୍ ଉଡ଼୍‍ତଣ୍ତ ଯେ, ଜିସୁ କେତାନଙ୍କ୍ ବେନ୍ ସହର୍ ଲୋପେ ଆଦେ ପାର୍‍ୱନ୍ । ଆଦିଙ୍କ୍ ଅଣ୍ଡ୍‌ ସିମ୍‍ ସାମ୍ ପଡ଼ିୟେତାଗ୍ ମାତ୍‍ତନ୍, ଆଗେକ୍‍ ବା ସାରେ ପାକେତ୍ ନାରୁଡ଼୍ ଅନ୍‌‍ପାକେ ୱାତ୍‍ତଡ଼୍ ।
\c 2
\s ପକ୍ଷାଗାତ୍ ରୋଗି ସାୟ୍‍ ଆତ୍‍ତନ୍
\r (ମାତିଉ ୯:୧-୮; ଲୁକ ୫:୧୭-୨୬)
\p
\v 1 ବେସ୍‌କ୍ ଦିନାତ୍ ପେର୍‍କେ ଜିସୁ କପର୍ନାହୁମ୍ ମାଲ୍‍ସ୍ ଆତ୍‍ତନ୍ । ଅଣ୍ଡ୍‌ ଲୋନ୍‌ ମିନ୍ଦେନ୍ ଇଞ୍ଜ କବର୍ ସାରେ ପାକେ ଆତ୍‍ତେ । 
\v 2 ଆଗେ ଇସର୍ ନାରୁଡ଼୍ ୱାସ୍ ଗୁଡ଼୍‍ତଡ଼୍ ଯେ ଦ୍ୱାର୍‍ପାକ୍ ମିକା ସୁଦୁଟ୍ ବା ପଡ଼ିୟେ ଇଲ୍‍ୱେ ମାତ୍‍ତେ । ମେଣ୍ଡେ ଅଣ୍ଡ୍‌ ଅଡ଼୍‌‍ ପାକେ ବାକ୍ୟ ପ୍ରଚାର୍ ମାଡ଼ାନଙ୍କ୍ ପସ୍ପ୍‍ତନ୍ । 
\v 3 ଜିସୁ ଅଡ଼୍‌‍ପାକେ ସୁସମାଚାର୍ ପ୍ରଚାର୍ ମାଡ଼ାନ୍ ୱେଲେ, ନାଲ୍‍ୱୁଡ଼୍ ନାରୁଡ଼୍ ୱେରଙ୍କ୍ ପକ୍ଷାଗାତ୍ ରୋଗିଙ୍କ୍ କାଞ୍ଜି ତାତ୍‍ତଡ଼୍ । 
\v 4 ବାତେଙ୍କ୍ ଇତ୍କେ ନାରୁଡ଼୍ ମାନ୍ଦେ ସେଙ୍ଗେ ଅଡ଼୍‌ ଅଂକିଙ୍କ୍‌ ଜିସୁନ୍ ଗାର୍‍ରେ ତାତାଙ୍କ୍ ଆୟେୱେ ମାତ୍‍ତେ । ଆଦିଙ୍କ୍ ଜିସୁ ବେନ୍ ପଡ଼ିୟେତାଗ୍ ମାତ୍‍ତନ୍, ଟିକ୍ ଆଦେ ପଡ଼ିୟେତାଗ୍ ମୁର୍ସ୍‌ତିଙ୍କ୍ ଟେଣ୍ଡ୍‍ତଡ଼୍ ନୁ ଆଦ୍‍ ଆଲାନ୍ ରୋଗିଙ୍କ୍ କେତିତାଗ୍ ପାଡ଼୍‍ସ୍ପି ମଦଲ୍ ଡିପିତ୍‍ତଡ଼୍ । 
\v 5 ଆ ନାରୁଡ଼୍ ବିଶ୍ୱାସ୍ ଉଡ଼ି ଜିସୁ ପକ୍ଷାଗାତ ରୋଗିଙ୍କ୍ କେତ୍‍ତନ୍, “ପେକା ! ନିୟାଦ୍ ପାପ୍ ସାରେକ୍ଷମା ଆତ୍‍ତେ ।”
\p
\v 6 ଆଗେ କୁଦିମାନ୍ଦାନ୍ ବେସ୍‍ତୁଡ଼୍ ଶାସ୍ତ୍ରୀନାରୁଡ଼୍ ଆଦ୍‍ କେଞ୍ଜି ମାନ୍‍ଦାଗ୍ ଆଲ୍‍ସତଡ଼୍, 
\v 7 “ଅଣ୍ଡ୍‌ ଇଦ୍‍ଗୋଟ୍ କେତାନଙ୍କ୍ ସାହାସ୍ ମାଡ଼୍‍ତଣ୍ଡ୍ ବେଲାନ୍ ? ଇଦ୍ ଇଶ୍ୱର୍‌ତେ ନିନ୍ଦ୍ । ଇଶ୍ୱର୍‌ତିଙ୍କ୍ ୱିଡ଼୍‍ସି ବେନ ପାପ୍‍କ୍ଷମା ମାଡ଼୍‍ଡ଼େ ପାର୍‍ୱଣ୍ଡ୍ ?”
\p
\v 8 ଅଡ଼୍‌ ମାନ୍‍ଦେ ହେର୍କା ପୁଞ୍ଜ୍ ଜିସୁ ପଚାର୍ ମାଡ଼୍‍ତଣ୍ଡ୍, “ବାତ୍‍ତିଙ୍କ୍ ଇଦ୍‍ଲେକାମ୍ କାରାପ୍‍ ଗଟି ସାରେ ଆଲ୍‍ସୁତିଡ଼୍ ? 
\v 9 ଆ ପକ୍ଷାଗାତ ରୋଗିଙ୍କ୍ ‘ନିୟାଦ୍ ପାପ୍ କ୍ଷମା ଆତ୍‍ତେ,’ ଇଞ୍ଜ କେତାନାଦ୍ ସହଜ୍ ନା ‘ତେଦା, କେତ୍ ପଇସ୍ ଅନ୍‌’ ଇଞ୍ଜ କେତାନାଦ୍ ସହଜ୍ ?” 
\v 10 “ପୃତିବିତାଗ୍ ପାପ୍ କ୍ଷମା ମାଡ଼ାନ୍ ସେଙ୍ଗେ ନାରୁନ୍‍ପିଲେତିଙ୍କ୍ ଅଦିକାର୍‌ ମିନ୍ଦେ, ଇଦ୍ ମିଡ଼୍ ଇଞ୍ଜେ ପୁନ୍ଦେପାର୍‍ୱିଡ଼୍ ।” 
\v 11 ଇଦିନ୍‍ପେର୍କେ ଜିସୁ ଆ ରୋଗିଙ୍କ୍ କେତ୍‍ତନ୍, “ନାନ୍‍ନେ ନିକିଂଙ୍କ୍ କେତୁତାନ୍, ତେଦ୍‍ଦେ, ନିୟାଦ୍ କେତ୍ ପଇସ୍ ଲୋନ୍‌ଆନ୍‌ ।”
\p
\v 12 ସାରେତଡ଼୍ ଉଡ଼ି ମାନ୍ଦାନ୍ ୱେଲେ, ରୋଗି ତେଦିମିକା କେତ୍‍ ପଇସ୍ ଆତ୍‍ତନ୍ । ଆଗାଙ୍କ୍ ସାରେତଡ଼୍ ବାକୁୱା ଆସ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସ୍ କେତ୍‍ତଡ଼୍, “ମାମ୍‍ମେ ଇଦ୍‍ଲେକାତ୍ କାମ୍ ବେସୁଙ୍କ୍‍ ଉଡ଼୍‍ୱେ ମାତ୍‍ତମ୍ ।”
\s ଲେବୀୟଙ୍କ୍ କାର୍‍ଙ୍ଗାନାଦ୍
\r (ମାତିଉ ୯:୯-୧୩; ଲୁକ ୫:୨୭-୩୨)
\p
\v 13 ଜିସୁ ମେଣ୍ଡନ୍‍ନ୍ଦାମ୍ ଇଲ୍‍କେ ଗୁୟ୍‍ନ୍ଦେ ଆଞ୍ଚିନା ଆତ୍‍ତନ୍ । ଆଗେ ନାରୁଡ଼୍ ଗୁଡ଼୍‍ନାଙ୍କ୍ ଜିସୁ ଅଡ଼୍‌‍କିଂଙ୍କ୍ ଶିକ୍ଷା ଇତ୍‍ତନ୍ । 
\v 14 ଅଣ୍ଡ୍‌ ଆଗାଙ୍କ୍ ଆଦ୍‍ଦାନ୍ ଆର୍‍ଦାଗ୍ ଆଲପିନ୍‍ ମାର୍‍ ସିସ୍ତୁ ଆଦାୟ୍‍ ମାଡ଼ାନଣ୍ଡ୍ ଲେବୀଙ୍କ୍ ତାନ୍ କାମ୍‍ମାଡ଼ାନଙ୍କ୍ ଲୋତ୍‍ତାଗ୍ କୁଦିମାନ୍ଦାନାଦ୍ ଉଡ଼୍‍ତନ୍ । ଜିସୁ ଅଂକିଙ୍କ୍‌ କେତ୍‍ତାନ୍, “ନା ପେର୍‍କେ ପେର୍‍କେ ୱାଡ଼ା ।” ଲେବିୟତେଦି ଅନ୍‌ ପେର୍‍କେ ଆତ୍‍ତନ୍ ।
\p
\v 15 ତାନ୍‍ପେର୍କେ ଜିସୁ ଲେବିନ୍‍ ଲୋନ୍‌ ତିନ୍ଦାନାଗ୍ କୁଦ୍‍ତନ୍ । ଜିସୁନ୍ ପେର୍‍କେ ଆଞ୍ଜ୍ ମାନ୍ଦାନ୍ ନାର୍ଗେନାରୁଡ଼୍ ସିସ୍ତୁ ଆଦାୟ୍‍ ମାଡ଼ାନଣ୍ଡ୍ ନୁ ସମାଜ ଲୋତ୍‍ତେ ନାରୁଡ଼୍ ଜିସୁ ନୁ ତାନ୍ ଶିଷ୍ୟନଡ଼୍‍ ତଡ଼୍ ଅଣ୍ଡୟାଗେ ତିନ୍ଦାନାଗ୍ କୁଦ୍‍ତଡ଼୍ । 
\v 16 ଆଦ୍ ଉଡ଼ି ପାରୂଶୀଡ଼୍ ମାନ୍ଦେତାଗ୍ ବେସ୍‍ତୁଡ଼୍‍ ଶାସ୍ତ୍ରୀଡ଼୍ ଜିସୁନ୍ ଶିଷ୍ୟଡ଼୍‍କ୍ ପଚାର୍‍ମାଡ଼୍‍ତନ୍, “ଇଦ୍‍ଲେକାମ୍ ନାରୁଡ଼୍‍ତଡ଼୍ ଅଣ୍ଡ୍‌ ବାତ୍‍ତିଙ୍କ୍ ତିଞ୍ଚମିନ୍ଦେନ୍ ?”
\p
\v 17 ଆଦ୍‍ଗଟ୍ କେଞ୍ଜି ଜିସୁ ଉତ୍ତର୍ ଇତ୍‍ତନ୍, “ସୁସ୍ଥନାରୁଣ୍ଡ୍ ସେଙ୍ଗେ ଚିକିତ୍ସା ମାଡ଼ାନାଦ୍ ଦର୍‍କାଡ଼୍ ଇଲ୍‍ଲେ । ଦର୍‍କାର୍‍ ମିନ୍ଦେ ମାତର୍ ଅସୁସ୍ଥ ନାରୁଡ଼୍‍ ସେଙ୍ଗେ । ନାନ୍‍ ଦାର୍ମିକ୍ ନଡ଼୍ ସେଙ୍ଗେ ୱାଡ଼ନ୍, ୱାତ୍‍ତାନ୍ ପାପୀନଡ଼୍ ସେଙ୍ଗେ ।”
\s ଉପବାସ୍ ସମ୍ପର୍କତେ
\r (ମାତିଉ ୯:୧୪-୧୭; ଲୁକ ୫:୩୩-୩୯)
\p
\v 18 ଅଣ୍ଡ୍‌ ଦାମ୍ ବାପ୍ତିସ୍ମଇଦାନ୍ ଯୋହନ୍‌‌ତେ ଶିଷ୍ୟନଡ଼୍ ନୁ ପାରୂଶୀଡ଼୍ ଉପବାସ୍ ମାଡ଼ାନ୍‍ୱେଲେ, ବେସ୍‌କ୍ ତଡ଼୍ ଜିସୁନ୍‍ପାକେ ୱାସ୍ ପଚାର୍‍ମାଡ଼୍‍ତଡ଼୍, “ଯୋହନ୍‌ ନୁ ଫାରୁଶୀନଡ଼୍ ଶିଷ୍ୟନଡ଼୍ ଉପବାସ୍ ମାଡ଼ିତଡ଼୍ ବାତେଙ୍କ୍ ଇତ୍‍କେ ନି ଶିଷ୍ୟନଡ଼୍ ବାତ୍‍ତିଙ୍କ୍ ଉପବାସ୍ ମାଡ଼ଡ଼୍‍ ?”
\p
\v 19 ଜିସୁ ଉତ୍ତର୍‍ ଇତ୍‍ତନ୍, “ସାଙ୍ଗେତେ ମାନ୍ଦା‍ନ୍ ଯାକ ପେଣ୍ଡୁଲ୍‍ ପେକାନ୍‍ତଡ଼୍‍ ମାନ୍ଦାନ୍‍ ନାରୁଡ଼୍‍ ବାତେଏ ଉପବାସ୍ ମାନ୍ଦେ ପାର୍‍ୱଡ଼୍ ? ବେସୁଙ୍କ୍‍ ଆୟ୍‍ୟ । ଅଡ଼୍‌‍ତଡ଼୍ ବର ମାନ୍ଦନ୍ ଯାକ ଅଡ଼୍‌‍ଆଦ୍ ମାଡ଼ଡ଼୍ । 
\v 20 ବାତେଙ୍କ୍ ଇତ୍‍କେ ଦିନାମ୍ ୱାତ୍‍ତେ, ବେସୁଙ୍କ୍‍ ବର ଆ ନାରୁଡ଼୍‍ଡ଼ାଗାଙ୍କ୍ ଯେକା ଆଦ୍‍ତଡ଼୍ । ଆସୁଙ୍କ୍‍ ଅଡ଼୍‌ ଉପବାସ୍ ମାଡ଼ିତଡ଼୍ ।”
\p
\v 21 “ବେନ ପାଃନ୍ତେ ଚକାନେ ପୁନେ କନାତେ ତାଲି ୱାଟନ୍ । ବାତେଙ୍କ୍‍ଇତ୍କେ ପୁନେ କନାତେ ତାଲି କୁଙ୍କ୍‍ସି ମିକା ସିଲେ ଅଦିକ୍‌ ଇକି ତିଡ଼୍‍ । 
\v 22 ମେଣ୍ଡେ, ବେନ ପାଃନ୍ତେ ତଲ୍‍‍କେତ୍‍ କୁଣ୍ଡେତାଗ୍ ପୁନାଦ୍‍ ଦ୍ରାକ୍ଷାରସ୍‍ ୱାଟଡ଼୍; ଇତ୍କେ ପୁନାଲାଦ୍‍ ଦ୍ରାକ୍ଷାରସ୍‍ ୱାଟ୍‍କେ ଆଦ୍ କୁଣ୍ଡେ ପାର୍‍କ୍ ମାଡ଼ିଦ୍‍ତେ, ନୁ ମେଣ୍ଡେ ଦ୍ରାକ୍ଷାରସ୍‍ ନୁ କୁଣ୍ଡେ ରେଣ୍ଡ୍‍ଆସ ନଷ୍ଟ ଆଦ୍‍ତେ । ଆସୁଙ୍କ୍‍ ପୁଃନେ ଦ୍ରାକ୍ଷାରସ୍‍ ପୁଃନେ ତଲ୍‍କେ କୁଣ୍ଡେତାଗ୍ ୱାଟାନଙ୍କ୍‍ ଆଦ୍‍ତେ ।” \fig ତଲ୍‌କେତେ ତିଆର୍‍ ଆତ୍‌ତେ କୁଣ୍ଡେ|alt="Wineskin bag" src="lb00145c.tif" size="col" copy="Horace Knowles ©" ref="୨:୨୨"\fig*
\s ରମାନ୍‍ ଦିନାମ୍‍ତେ କାମ୍‍
\r (ମାତିଉ ୧୨:୧-୮; ଲୁକ ୬:୧-୫)
\p
\v 23 ଅନ୍‌‍ଦିନ୍‌ ବିଶ୍ରାମ୍‍ଦିନେତେ ଜିସୁ ୱେରଡ଼୍ କେଡ଼୍ ୱାୟେତାଲାନ୍ ନାଡ଼୍‍ମେଙ୍କ୍ ଆଞ୍ଜମାତ୍‍ତଣ୍ଡ୍ । ଅନ୍‌‍ତଡ଼୍ ଶିଷ୍ୟନଡ଼୍ ଆଦ୍‍ଆର୍ ଆଦାନ୍‍ୱେଲେ ଶସ୍ୟକେଡ଼୍ ଦେହେତାନଙ୍କ୍ ପସ୍ପ୍‍ତ୍‍ତଡ଼୍ । 
\v 24 ଫାରୁଶୀନଡ଼୍ ଜିସୁଙ୍କ୍ କେତ୍‍ତଡ଼୍, “ଉଡ଼ାଟ୍, ବିଶ୍ରାମ୍‍ଦିନେତେ ମିଇ ଶିଷ୍ୟନଡ଼୍ ମା ଶାସ୍ତ୍ରବିରୁଦ୍ଦ୍‌ତେ ପାଡ଼୍‍ୟି ମାଡ଼ୁତଡ଼୍ ।”
\p
\v 25 ଜିସୁ ଅଡ଼୍‌କିଂଙ୍କ୍‌ ଉତ୍ତର୍‍ ଇତ୍‍ତନ୍, “ବେସୁଙ୍କ୍‍ ଦାଉଦ୍‍ତେ ତିନ୍ଦାନାଦ୍ ନାର୍‍ଗେ ଆତ୍‍ତେ, ଅଣ୍ଡ୍‌ ବାତ୍‍ତେ ମାଡ଼ିତନ୍, ଆଦ୍ ଗୋଟ୍‍ମିଡ଼୍ ବେସୁଙ୍କ୍‍ କାର୍‍ୱିଡ଼୍ ?”
\p
\v 26 “ଅଣ୍ଡ୍‌ ନୁ ତାନ୍ ସାଙ୍ଗନଡ଼୍ କାର୍‍ୱିଙ୍କ୍ ଆଇନାଙ୍କ୍ ଇଶ୍ୱର୍‌ତେ ମନ୍ଦିର୍‍ତାଗ୍ ଲୋପେ ଆଞ୍ଜ୍ ଇଶ୍ୱର୍‌ତେ ଉଦ୍ଦେଶ୍ୟତେ ଉତ୍ସର୍ଗିତ ରୂଟି ତିଞ୍ଜ୍ ମାତ୍‍ତଡ଼୍ । ଆବିଆଥାତେ ବେଡ଼ିଇ ପୁରହିତ ମାନ୍ଦାନ୍‍ୱେଲେ ଇଦ୍ ଗଟନା ଗଟେମ୍ ଆସ୍‍ମାତ୍‍ତେ । ମାୟାଦ୍‌ ଶାସ୍ତ୍ରଲେକାମ୍ ମାତର୍ ପୁରହୀତନଡ଼୍ ଇଦ୍ ରୂଟି ତିନ୍ଦାନ୍ ଦର୍‍କାର୍‍ । ବାତେଙ୍କ୍ ଇତ୍‍କେ ଦାଉଦ୍ ନିଜେ ଇଦ୍‍ତିଞ୍ଜ୍ ତାନ୍ ସାଙ୍ଗନଡ଼୍‍କ୍‍ ମିକା ଇସ୍‍ମାତ୍‍ତନ୍ ।”
\p
\v 27 ତାନ୍‍ପେର୍କେ ଜିସୁ କେତ୍‍ତନ୍, “ନାରୁଡ଼୍ ସେଙ୍ଗେ ବିଶ୍ରାମ୍‍ଦିନେ ଆସ୍‍ମିନ୍ଦେ, ନାରୁଡ଼୍ ବିଶ୍ରାମ୍‍ଦିନେ ସେଙ୍ଗେ ଆୟ୍‍ୟ । 
\v 28 ଆଦିଙ୍କ୍‍ ନାରୁନ୍‍ ପିଲେ ବିଶ୍ରାମ୍‍ଦିନେତେ ମିକା ପ୍ରବୁ ।”
\c 3
\s କଲିକାଇ ସାୟେଆତ୍‍ତେ
\r (ମାତିଉ ୧୨:୯-୧୪; ଲୁକ ୬:୬-୧୧)
\p
\v 1 ଜିସୁ ପ୍ରାର୍ତନା ଲୋନ୍‌ ମାଲ୍‍ସ୍ ଆତ୍‍ତନ୍ । ଆଗେ ୱେରଣ୍ଡ୍ ନାରୁଡ଼୍ ମାତ୍‍ତନ୍‍ । ଅନାଦ୍‌ କାଇ ୱାସି ମାତ୍‍ତେ । 
\v 2 ଜିସୁ ବିଶ୍ରାମ୍ ଦିନେତେ ଆ ନାରୁଙ୍କ୍ ସୁସ୍ଥ ମାଡ଼ିତ୍‍ତନ୍ କି ଇଲ୍‍ଲେ, ଇଦ୍ ବିଷୟ୍‍ତେ ଅନାଦ୍‌ ଦଷ୍ ପଇସ୍ କାରାପ୍ ଗଟି ତତାନ୍‍ସେଙ୍ଗେ ବେସ୍‍ତୁଡ଼୍ ନାରୁଡ଼୍ ଅନ୍‌‍ପରୁ ଲେକେତ୍‍ କଣ୍ଡେ ୱାଟ୍‍ତଡ଼୍‍ । 
\v 3 ଜିସୁ ଆ ନାରୁଙ୍କ୍ କେତ୍‍ତନ୍, “ନା ମୁନେ ତେଦିୱାଡ଼ା ।” 
\v 4 ଅଣ୍ଡ୍‌ ନାରୁଡ଼୍‍କିଂଙ୍କ୍ ପଚାର୍‍ମାଡ଼୍‍ତନ୍, “ବିଶ୍ରାମ୍‍ଦିନେତେ ବାଆତେ ମାଡ଼ାନାଦ୍‍ ଟିକ୍‍ ନିୟମ୍‍ ? ବେନ୍ ଦିନ୍ ୱେରନାଦ୍ ଲେକେତ୍‍ ମାଡ଼ିକାଡ଼୍ ନା କାରାପ୍‍ ମାଡ଼ିକା ? ୱେରନାଦ୍‍ ତ ଜିୱୁନ୍‍ତିଙ୍କ୍‌ ରକ୍ଷା ମାଡ଼ାନାଦ୍ ନା ବିନାସ ମାଡ଼ାନାଦ୍ ? ବାତେଙ୍କ୍ ଇତ୍‍କେ ଅଡ଼୍‌ କଟମାତ୍‍ତଡ଼୍ ।”
\p
\v 5 ଜିସୁ ଅଡ଼୍‌‍ପାକେଙ୍କ୍ କପାମ୍‍ ଆସ୍ ଉଡ଼୍‍ତନ୍‍ ନୁ ଅଡ଼ାଦ୍‌ ତିପାଲ୍‌ ହୃଦୟତିଙ୍କ୍‍ ଉଡ଼ି ଦୁଃକାମ୍ ଆତ୍‍ତନ୍ । ତାନ୍‍ପେର୍କେ ଆ ନାରୁଙ୍କ୍ କେତ୍‍ତନ୍, “କାଇ ଆମ୍‍ ।” ଅଣ୍ଡ୍‌ କାଇ ଆତାନ୍‍ ୱେଲେ ସୁସ୍ଥ ଆତ୍‍ତେ । 
\v 6 ଆସୁଙ୍କ୍ ଫାରଶୀଡ଼୍‍ ପ୍ରାର୍ତନା ଲୋତ୍‍ତାଗାଙ୍କ୍ ପେଇସ୍ ଆଞ୍ଜ୍ ଜିସୁଙ୍କ୍ ଆୱୁକାନ୍ ସେଙ୍ଗେ “ହେରଦୀନ୍‍” ମାନ୍ଦେତ୍ ନାରୁଡ଼୍‍ତଡ଼୍ ତିର୍‍ୟ୍‍ତନ୍ ।
\s ଇଲ୍‍କେ ଗୁଇନ୍ଦେ ଆଞ୍ଚିନା ନାରୁଡ଼୍‍ ମାନ୍ଦେ
\p
\v 7 ଜିସୁ ନୁ ତାନ୍ ଶିଷ୍ୟନଡ଼୍ ଗାଲିଲୀ ଇଲ୍‍କେତ୍ ଆଞ୍ଚିନାଗ୍ ଆଦ୍‍ତଡ଼୍ ନୁ ନାରୁଡ଼୍ ନାର୍ଗେମାନ୍ଦେ ଅନ୍‌‍ପେର୍କେ ତାକ୍‍ତଡ଼୍ ମେଣ୍ଡେ, ଯିହୂଦା ପ୍ରଦେଶ୍ ।
\p
\v 8 ଅଡ଼୍‌ ଗାଲିଲୀ, ଯିହୁଦା, ଯିରୁଶାଲେମ୍, ଏଦୋମ, ଯର୍ଦ୍ଦନ ବେଡ଼୍‍ମ୍‍ତେ ମୁନେମାନ୍ଦାନ୍ ସହର୍ ନୁ ସୋର୍‍ ନୁ ସିଦୋନ୍‍ ସହର୍‍ତେ ଗାର୍‍ରେମାନ୍ଦାନ୍ ନାର୍‍ଦାଗାଙ୍କ୍ ୱାସ୍ ମାତ୍‍ତଡ଼୍ । 
\v 9 \x + \xo 3:୯ \xo*\xt ମାର୍କ ୪:୧; ଲୁକ ୫:୧-3.\xt*\x*ଆଗେ ଇସର୍ ନାରୁଡ଼୍‍ଗହଲି ଆଦ୍‍ତଡ଼୍ ଯେ, ମାନ୍ଦେତାଗାଙ୍କ୍ ରକ୍ଷା ଆଦାନ୍‍ ସେଙ୍ଗେ ଜିସୁ ୱେରଡ଼୍ ଓଡେ ଯୋଗାଡ଼୍ ମାଡ଼ାନଙ୍କ୍ ଶିଷ୍ୟନଡ଼୍‍କ୍‍ କେତ୍‍ତନ୍ । 
\v 10 ଅଣ୍ଡ୍‌ ନାର୍‍ଗେ ନାରୁଡ଼୍‍କିଂଙ୍କ୍ ସୁସ୍ଥ ମାଡ଼୍‍ତଣ୍ଡ୍ । ନପିନ୍‍ନେ ମାନ୍ଦାନ୍ ନାରୁଡ଼୍ ଅଙ୍କ୍‌ ଇଟାନ୍‍ ସେଙ୍ଗେ ମୁନେ ଆଞ୍ଜମାତ୍‍ତଡ଼୍ । 
\v 11 ମେଣ୍ଡେ ବୁତ୍‍ପଇତେ ନାରୁଡ଼୍ ଅଂକିଙ୍କ୍‌ ଉଡ଼ାନ୍ ସାଙ୍ଗେ ସାଙ୍ଗେ ଅନ୍‌‍ମୁନେ ନେଲ୍‍ରାଲି ଗାଟିଲେଙ୍କ୍‍ଦେ କେସମାତ୍‍ତଡ଼୍ “ନିମେକେ ଇଶ୍ୱର୍‌ତେ ମାର୍‍ ।”
\p
\v 12 ଅଣ୍ଡ୍‌ ବେନ, ଇଦ୍‍ଗଟ୍ ବେନଙ୍କ୍ ବା କେଲ୍‍ମାଟ୍ ଇଞ୍ଜ ଜିସୁ ବୁତ୍‌କିଂଙ୍କ୍ ଦମକ୍‍ ଇସ୍ କେସମାତ୍‍ତନ୍ ।
\s ଜିସୁନ୍ ବାରଜାନ୍‍ ଶିଷ୍ୟଡ଼୍‍କ୍ ହେଞ୍ଜ୍‍ତନ୍‍
\r (ମାତିଉ ୧୦:୧-୪; ଲୁକ ୬:୧୨-୧୬)
\p
\v 13 ତାନ୍‍ପେର୍କେ ଜିସୁ ମେଟେତ୍‍ପରୁ ଆଞ୍ଜ୍ ବେନଡ଼୍‍କ୍ ଇଚ୍ଛା ମାଡ଼ୁତଣ୍ଡ୍, ଅଡ଼୍‌‍କିଂଙ୍କ୍ ଗାର୍‍ରେ କାର୍‍ଙ୍କ୍‍ତନ୍ । 
\v 14 ଅଣ୍ଡ୍‌ ବାରଜାନ୍‍ତିଙ୍କ୍ ହେଞ୍ଚିମିକା ପ୍ରେରିତ୍‍ ଶିଷ୍ୟଡ଼୍ ପେଦେର୍ ଇତ୍‍ତନ୍ । ଅଡ଼୍‌‍କିଂଙ୍କ୍ ଅଣ୍ଡ୍‌ କେତ୍‍ତାନ୍, “ନା ତୋଡ଼୍ ମାନ୍ଦାନଙ୍କ୍ ନାନ୍‍ନେ ମିକିଂଙ୍କ୍ ହେଞ୍ଚି ମିନ୍ଦେନ୍ ନୁ ପ୍ରଚାର୍ ମାଡ଼ାନ୍ ସେଙ୍ଗେ ନାନ୍‍ନେ ମିକିଂଙ୍କ୍ ରତିତାନ୍ । 
\v 15 ମିଡ଼୍ ବୁତ୍‌ୱିର୍‍ସ୍ପାନଙ୍କ୍ ଆନ୍‌‍ତେ ଅଦିକାର୍‌ ପାହେମ୍‍ ଆଦ୍‍ତିଡ଼୍ ।”
\p
\v 16 ଅଡ଼୍‌‍ ବାରଜାନ୍‍ତିଙ୍କ୍ ହେଞ୍ଚ୍‍ତନ୍ ଶିମୋନ୍ ଜିସୁ ଅଂକିଙ୍କ୍‌ ପିତର୍ ଇଞ୍ଜ ପେଦେର୍ ଇତ୍‍ତନ୍; 
\v 17 ଜେବଦୀଙ୍କ୍ ଇର୍‍ୱୁଡ଼୍ ମାର୍‍କ୍ ଯାକୁବ୍ ନୁ ତାନ୍‌ ତାମୁଣ୍ଡ୍‌ ଯୋହନ୍‌ ଜିସୁ ଅଡ଼୍‌‍କିଂଙ୍କ୍ ବିନେରିଗୋଷ ଇତ୍‍କେ “ମାବ୍‍ତାଗାଙ୍କ୍ ୱାତ୍‍ତେ ମାର୍‍କ୍,” ପେଦେର୍‍ ଇତ୍‍ତନ୍ । 
\v 18 ଆନ୍ଦ୍ରିୟ, ଫିଲିପ୍, ବର୍ତଲମି, ମାତିଉ, ତୋମା, ଆଲ୍‍ଫିନ୍ ଇର୍‍ୱୁଡ଼୍ ମାର୍‍କ୍‍ ଯାକୁବ୍ ନୁ ତଦ୍ଦିୟ, ଦେଶ୍‍ତିଙ୍କ୍ ପ୍ରେମ୍‍ ମାଡ଼ାନ୍ ଶିମୋନ୍ ନୁ 
\v 19 ଇଷକାରିୟତେ ଯିହୁଦାଲ୍‍ ପେର୍‍କେ ଯେ ଜିସୁନ୍ ତଡ଼୍ ବିଶ୍ୱାସଗାତକତା ମାଡ଼୍‍ତଣ୍ଡ୍ ।
\s ଜିସୁ ନୁ ବାଆଲ୍‍ଜିବୁଲ୍
\r (ମାତିଉ ୧୨:୨୨-୩୨; ଲୁକ ୧୧:୧୪-୨୩; ୧୨:୧୦)
\p
\v 20 ତାନ୍‍ପେର୍କେ ଜିସୁ ବେସୁଙ୍କ୍‍ ଲୋନ୍‌ ମାଲ୍‍ତନ୍, ଆଗେମିକା ଇସର୍ ନାରୁଡ଼୍ ଗୁଡ଼୍‍ତଡ଼୍ ଯେ ଜିସୁ ନୁ ତାନ୍‍ଶିଷ୍ୟନଡ଼୍ ତିନ୍ଦାଙ୍କ୍‍ମିକା ପାର୍‍ୱଡ଼୍ । 
\v 21 ଜିସୁ ବାୟ୍‍ ଆତ୍‍ତନ୍ ଇଞ୍ଜ ନାରୁଡ଼୍‍ କେତାନାଦ୍ କେଞ୍ଜି, ଜିସୁନ୍ ଆତ୍ମୀୟନଡ଼୍ ଅଙ୍କ୍‌ପଇସ୍‍ ଆଦାନଙ୍କ୍ ୱାତ୍‍ତଡ଼୍ ।
\p
\v 22 \x + \xo 3:୨୨ \xo*\xt ମାତିଉ ୯:3୪; ୧୦:୨୫.\xt*\x*ଯିରୁଶାଲେମ୍ ତାଗାଙ୍କ୍ ୱାସ୍‍ମାନ୍ଦାନ୍ ବେସ୍‍ତୁଡ଼୍ ଦର୍ମଗୁରୁଡ଼୍ କେତ୍‍ତଡ଼୍, “ବାଆଲ୍‍ଜିବୁଲ୍ ଅଂକିଙ୍କ୍‌ ଅଦିକାର୍‌ ମାଡ଼୍‍ତେ । ମେଣ୍ଡେ ବୁତ୍‌କିନ୍ ଅଦିପତି ବୁତ୍‌କ୍ ୱିର୍‍ସ୍ପାନଙ୍କ୍ ଅଂକିଙ୍କ୍‌ ଶକ୍ତି ଇତ୍‍ତେ ।”
\p
\v 23 ଜିସୁ ଅଡ଼୍‌‍କିଂଙ୍କ୍ କାର୍‍ଙ୍ଗି ୱେଷଡ଼୍‍ଲେକାମ୍ ବୁଜାମାଡ଼ି କେତ୍‍ତାନ୍, “ଶୟ୍‍ତାନ୍‍ ବେଲାନ୍ ଶୟ୍‍ତାନ୍‍ତିଙ୍କ୍ ତୋଲାନଙ୍କ୍ ପାର୍‍ତେ ? 
\v 24 ରାଜ୍ୟତେ ନାରୁଡ଼୍ ଯଦି ମାନ୍ଦା ମାନ୍ଦାଆସ୍ ନିଜେତ୍ ବିରୁଦ୍ଦ୍‌ତେ ଯୁଦ୍‌ ମାଡ଼ିତଡ଼୍, ଆଦ୍ ରାଜ୍ୟ ଦୁଡ଼ା ଦୁଡ଼ା ଆଦ୍‍ତେ । 
\v 25 ୱେରଡ଼୍ ପରିବାର୍‍ତେ ନାରୁଡ଼୍ ଯଦି ବେନ୍‍ବେନ୍ ମାନ୍ଦେତାଗାଙ୍କ୍ ୱିରିମିକା ନିଜେ ନିଜେ ବିରୁଦ୍ଦ୍‌ ମାଡ଼ିତଡ଼୍, ଆଦ୍ ପରିବାର୍ ଉର୍‍ଙ୍ଗି ଆଦ୍‍ତେ । 
\v 26 ଆଲେକେ ଯଦି ଶୟତାନ୍‍ତେ ରାଜ୍ୟ ୱେରେ ଆଦ୍‍ତେ, ଆଲେକେ ଆଦ୍ ରାଜ୍ୟ ମାନ୍ଦେପାର୍ୱ, ଦୁଡ଼ା ଦୁଡ଼ା ଆସ୍ ଦ୍ୱଂସ ଆଦ୍‍ତେ ।”
\p
\v 27 ଶକ୍ତିନାରୁନ୍ ଲୋନ୍‌ ବେନଆୟି ନେଙ୍କି ମୁନେ ଅଂକିଙ୍କ୍‌ ତୱେମାତ୍‍କେ, ଅନାଦ୍‌ ଜିନିଷ୍‍ ଡ଼ଙ୍ଗି ଅଦେ ପାରେୱଡ଼୍ ।
\p
\v 28 “ନାନ୍‍ନେ ମିକିଂଙ୍କ୍ ନିଜାମ୍‍ତେ କେତୁତାନ୍ ଯେ, ସାରେ ପାପ୍ ନୁ ଇଶ୍ୱର୍ ଲିନ୍ଦ୍ ସେଙ୍ଗେ ନାରୁଡ଼୍‍କିଂଙ୍କ୍ କ୍ଷମା ଇଦ୍‍ପାର୍‍ତନ୍ । 
\v 29 \x + \xo 3:୨୯ \xo*\xt ଲୁକ ୧୨:୧୦.\xt*\x*ବାତେଙ୍କ୍ ଇତ୍‍କେ ବେନାୟି ପବିତ୍ରଆତ୍ମାତିଙ୍କ୍ ଲିନ୍ଦ୍ ମାଡ଼୍‍କେ, ଅନାଦ୍‌ ବେସୁଙ୍କ୍‌ବା କ୍ଷମାଇଲେ । ବାତେଙ୍କ୍‍ଇତ୍କେ ଅନାଦ୍‌ ପାପ୍ ସାରେ ଦିନାମ୍‍ ମାନ୍‍ତେ । 
\v 30 ଜିସୁଙ୍କୁ ବୁତ୍‌ପଇତେ ଇଞ୍ଜ ବେସ୍‍କ୍‍ତୁଡ଼୍‍ କେଲ୍‍ନାଙ୍କ୍ ଜିସୁ ଇଦ୍‍ଗଟ୍ କେତ୍‍ତନ୍ ।”
\s ଜିସୁନ୍ ୟାୟ୍‍ ନୁ ଦାଦାଲଡ଼୍
\r (ମାତିଉ ୧୨:୪୬-୫୦; ଲୁକ ୮:୧୯-୨୧)
\p
\v 31 ଆସୁଙ୍କ୍ ଜିସୁନ୍ ୟାୟ୍‍ ନୁ ଦାଦାଲଡ଼୍ ୱାସ୍ ୱେଉତ୍‍ତଡ଼୍ । ଅଡ଼୍‌ ବାଇଦେ ନିସ୍ ଜିସୁଙ୍କ୍‍କାର୍ଗି ତାତାନ୍‍ସେଙ୍ଗେ କବର୍ ରତ୍‍ତଡ଼୍ । 
\v 32 ଜିସୁଙ୍କ୍ ନାର୍ଗେ ନାରୁଡ଼୍ ତିଡ଼ିଇ କୁଦିମାତ୍‍ତଡ଼୍ । ଅଡ଼୍‌ ଅଙ୍କ୍‌ କେତ୍‍ତଡ଼୍, “ନି ୟାୟ୍‍ ନୁ ଦାଦାଲଡ଼୍ ନୁ ଏଲାସ୍କ୍‌ ନିୟ୍ ସେଙ୍ଗେ ବାଇଦେ କେପ୍‍ତଡ଼୍ ।” \f + \fr ୩:୩୨ \fr*\ft ଦାଦଲଡ଼୍ ନୁ ହେଲାଡ଼୍‍କିଙ୍କ୍ ପାସ୍କି କେତ୍‍ତନ୍ \ft*\f*
\p
\v 33 ଜିସୁ ଉତ୍ତର୍ ଇତ୍‍ତନ୍, “ବେନ ନା ୟାୟ୍‍, ବେନ୍ ନା ଦାଦାଲଡ଼୍‍ ବେନ ନା ହେଲାଡ଼୍‍ ?” 
\v 34 ତାନ୍ ସାରେପାକ୍ କୁଦିମାନ୍ଦାନ୍ ନାରୁଡ଼୍‍କିଂଙ୍କ୍ ଉଡ଼ି ଅଣ୍ଡ୍‌ କେତ୍‍ତାନ୍, “ଉଡ଼େ ଇଡ଼୍‍ ନା ୟାୟ୍‍, ନୁ ଇଡ଼୍ ନା ଦାଦାଲଡ଼୍ ! 
\v 35 ବେନଆଇ ଇଶ୍ୱର୍‌ତେ ଇଚ୍ଛା ପାଲନ୍ ମାଡ଼ିତଡ଼୍‍, ଅନ୍‌ ନା ଦାଦାଲ୍, ଏଲାସ୍କ୍‌ ନୁ ୟାୟ୍‍ ।”
\c 4
\s ୱିଜ୍ ୱିତାନ୍ ୱେଷଡ଼୍
\r (ମାତିଉ ୧୩:୧-୯; ଲୁକ ୮:୪-୮)
\p
\v 1 \x + \xo ୪:୧ \xo*\xt ଲୁକ ୫:୧-3.\xt*\x*ସମୁଦ୍ର ଆଞ୍ଚିନା ଜିସୁ ମେଣ୍ଡନ୍ ଦାମ୍ ଶିକ୍ଷାଇଦାନଙ୍କ୍ ଆରାମ୍ ମାଡ଼୍‍ତଣ୍ଡ୍ । ଜିସୁନ୍ ସାରେପାକା ଇସର୍ ନାରୁଡ଼୍ ଯେ ଅଣ୍ଡ୍‌ ୱେରଡ଼୍ ଓଡ଼େତାଗ୍ ଆଞ୍ଜ୍ କୁଦ୍‍ତନ୍ । ଓଡ଼େତାଗ୍ ଏର୍‍ଦେ ଲୋପେ ସୁଦୁଟ୍ ଯେକା ମାତ୍‍ତେ ନୁ ନାରୁଡ଼୍ ଆଞ୍ଚିନ୍‍ ବୂମ୍‌ତାଗ୍‍ ନିସ୍ ମାତ୍‍ତଡ଼୍ । 
\v 2 ଜିସୁ ୱେଷଡ଼୍‍ ଇନା ଅଡ଼୍‌‍କିଂଙ୍କ୍ ନାର୍‍ଗେ ଶିକ୍ଷା ଇତ୍‍ତନ୍, ମେଣ୍ଡେ କେତ୍‍ତଣ୍ଡ୍ ।
\p
\v 3 ଅନ୍‌ କେତ୍‍ତନ୍, “କେଞ୍ଜାଟ୍ ! ଅନ୍‌‍ଦାମ୍ ୱେରଣ୍ଡ୍ ନାରୁଡ଼୍ ୱାୟେତାଗ୍ ୱିତାନଙ୍କ୍ ପେଇତ୍‍ତନ୍ । 
\v 4 ଅନ୍‌ ୱିଜ୍ ୱିତାନ୍‍ୱେଲେ ଆର୍‍ଦେ ପରୁ ବେସ୍‌କ୍ ରାଲ୍‍ତା ନୁ ପିଟେ ଆୱିଙ୍କ୍ ତିତ୍‍ତା ।
\p
\v 5 ମେଣ୍ଡେ ବେସ୍‌କ୍ ୱିଜ୍ କାଲ୍‍କିନ୍‍ ୱାୟେତାଗ୍ ରାଲ୍‍ତା, ଆଗେ ଅଦିକ୍‌ ଇଶୁର୍ ମାଣ୍ଡୁଲ୍‍ମାତ୍‍ତେ । ଆଗେ ମାଣ୍ଡୁଲ୍‍ତେ ଲୋପେ ଇଲ୍‍ୱାଙ୍କ୍ ଜାପେ ୱିଜ୍ ଗାଜ୍‍ ଆତ୍‍ତେ, ବାତେଙ୍କ୍ ଇତ୍‍କେ ମାଡା ଲୋପେ ଆଦ୍‍ଦେ ପାର୍‍ୱ । 
\v 6 ପେର୍‍କେ ପଡ଼ଦ୍‍ତେ ଗାଟିକାମ୍‍କେତେ ଆୱୁ ଗାଜେ ସାରେ ୱାସିଆତ୍‍ତା । 
\v 7 ମେଣ୍ଡେ ବେସ୍‌କ୍ ୱିଜ୍ କୟେ ଦୀବାନାଗ୍ ରାଲ୍‍ତା । ଆୱୁ କୟେମାଡ଼ାକ୍ ପେର୍‍ସି ଇସୁ ଇସୁ ଗାଜେନ୍ ପରୁ ମାନ୍‍ନାଙ୍କ୍ ଆଗେମେଣ୍ଡେ ପେଡ଼େକ୍ ଆୟ । 
\v 8 ମେଣ୍ଡେ ବେସ୍‌କ୍ ୱିଜ୍ ଲେକେତ୍‍ ୱାୟେତାଗ୍ ରାଲ୍‍ତା, ହାଉସାରେ ଗାଯେଆସ୍ ପେର୍‍ସ୍ତା ନୁ ସାୟେ ଆଦ୍‍ତା; ବେସ୍‌କ୍ ତିରିଶି ଗୁଣ୍, ବେସ୍‌କ୍ ଷାଟିଏ ଗୁଣ୍ ନୁ ବେସ୍‌କ୍ ଶହେ ଗୁଣ୍‍ ଆଦ୍‍ତା ।”
\p
\v 9 ଜିସୁଆଦ୍‍ ୱେଷଡ଼୍ ତେର୍‍ପ୍ତି କେତ୍‍ତନ୍, “ବେନନାୱୁ କେଞ୍ଜାନଙ୍କ୍ କେୱୁକ୍‍ ମିନ୍ଦେ, ଅଣ୍ଡ୍‌ ମନ୍‍ଇସ୍ କେଞ୍ଜିନ୍ ।”
\s ୱେଷଡ଼୍‍ତେ ଲେକାମ୍
\r (ମାତିଉ ୧୩:୧୦-୧୭; ଲୁକ ୮:୯-୧୦)
\p
\v 10 ଜିସୁ ୱେରଣ୍ଡ୍ ମାନ୍ଦାନ୍‍ୱେଲେ କେଞ୍ଜାନଡ଼୍‍ ଆଗାଙ୍କ୍ ବେସ୍‍କ୍‍ତୁଡ଼୍‍ ବାର ଶିଷ୍ୟନଡ଼୍‍ ନୁ ଅନ୍‌‍ ପାକେ ବେସ୍‍ତୁଡ଼୍ ମାତ୍‍ତେନଡ଼୍ ଅଣ୍ଡ୍‌ କେସ୍‍ମାନ୍ଦାନ୍ ୱେଷଡ଼୍‍ତେ ଇତ୍‍କେ ବୁଜାମାଡ଼ାଙ୍କ୍ ଅନୁରଦ୍‌ ମାଡ଼୍‍ତଡ଼୍ । 
\v 11 ଜିସୁ ଉତ୍ତର୍ ଇତ୍‍ତନ୍, “ଇଶ୍ୱର୍‌ତେ ରାଜ୍ୟ ବିଶ୍ୱାସ୍‍ତେ ମିଇପାକେ କେସ୍‍ମିନ୍ଦେନ୍ । ବାତେଙ୍କ୍ ଇତ୍‍କେ ବାଗାତଡ଼୍‍କିଙ୍କ୍ ଇୱୁ ସୁଦୁଟ୍ ୱେଷଡ଼୍‍ତେ ଲେକାମ୍‍ କେତୁତଡ଼୍‍ ।
\p
\v 12 ଆଦିନ୍‌ ସେଙ୍ଗେ, ଅଡ଼୍‌ ଉଡ଼ଡ଼୍ ମାନ୍‍ତଡ଼୍ ଇତ୍‍କେ ବାତେଏ ଉଡ଼େ ପାର୍‍ୱଡ଼୍ । ସାରେ ଗଟି କେଞ୍ଜିମାନ୍ତଡ଼୍, ବାତେଙ୍କ୍ ଇତ୍‍କେ ବାତେଏ ବୁଜେମ୍ ଆୟ୍‍ୟଡ଼୍; ଅଡ଼୍‌ ଯଦି ପ୍ରକୃତ୍‍ତେ ଉଡ଼େଡ଼୍‍ ନୁ ବୁଜେମ୍ ଆୟେଡ଼୍, ଅଡ଼୍‌ ଇଶ୍ୱର୍‌ତେ ପାକେ ମାଲ୍‍ସ୍ ୱାଡେଡ଼୍ ନୁ ଇଶ୍ୱର୍ ଅଡ଼୍‌‍କିଂଙ୍କ୍ କ୍ଷମା ଇୱେଣ୍ଡ୍ ।”
\s ୱିଜ୍ ୱିତାନ୍ ୱେଷଡ଼୍‍ତେ ଲେକାମ୍‍
\r (ମାତିଉ ୧୩:୧୮-୨୩; ଲୁକ ୮:୧୧-୧୫)
\p
\v 13 ଜିସୁ ଅଡ଼୍‌‍କିଂଙ୍କ୍ ପଚାର୍‍ମାଡ଼୍‍ତନ୍, “ଇଦ୍ ୱେଷଡ଼୍‍ତେ ଇତ୍‍କେ ବାତେଏ ବୁଜେମ୍ ଆୟ୍‍ୱିଡ଼୍ ? ଆଲେକେ ମେଣ୍ଡନ୍ ୱେଷଡ଼୍ ସାରେତିଙ୍କ୍ ବୁଜେମ୍ ଆଦ୍‍ତିଡ଼୍ ବେଲାନ୍ ? 
\v 14 ଇଶ୍ୱର୍‌ତେ ଗଟ୍ ପଚାର୍‌ମାଡ଼ାନ୍‌ଡ଼୍‍, ୱିଜ୍ ୱିତାନନ୍ ଲେକାମ୍ । 
\v 15 ଆର୍‍ଦାଗ୍ ରାଲିମାନ୍ଦାନ୍ ୱିଜେଲେକାମ୍ ଆଦ୍ ଗଟ୍‍ତିଙ୍କ୍ ବେସ୍‍କ୍‍ତୁଡ଼୍‍ ନାରୁଡ଼୍ ଗ୍ରହନ୍ ମାଡ଼ିତଡ଼୍ । ବାତେଙ୍କ୍ ଇତ୍‍କେ ଅଡ଼୍‌ କେଞ୍ଜାନ୍‍ ସାଙ୍ଗେ ସାଙ୍ଗେ ଶୟ୍‍ତାନ୍‍ ଅନାଦ୍‌ ଡଙ୍ଗିଆଦ୍‍ତେ । 
\v 16 କାଲ୍‍କିନ୍‍ ୱାୟେତାଗ୍ ରାଲିମାନ୍ଦାନ୍ ୱିଜେଲେକାମ୍ ଆଦ୍ ଗଟ୍‍ତିଙ୍କ୍ ବେସ୍‍କ୍‍ତୁଡ଼୍‍ ନାରୁଡ଼୍ କେଞ୍ଜ୍‍ତେ ୱେଲେ ୱେଡ଼୍‍କେତେ ଗଟ୍‍ ଗ୍ରହନ୍ ମାଡ଼୍‍ତଡ଼୍, 
\v 17 ବାତେଙ୍କ୍ ଇତ୍‍କେ ବିଶ୍ୱାସ୍‍ତେ ଆଦ୍ ହୃଦୟଙ୍ଗମ ମାଡ଼୍‍ୱାଙ୍କ୍ ଅଡ଼୍‌ ଆଗାଙ୍କ୍ ତିଆର୍‍ତେ ମାନ୍‍ନ୍ଦେ ପାର୍‍ୱଡ଼୍ ନୁ ଆଦ୍ ଗଟ୍ ସେଙ୍ଗେ ବେସୁଙ୍କ୍‍ ଦୁଃକାମ୍ କଷ୍ଟ ନୁ ଉତ୍‍ପିଡ଼ିତ ୱାସ୍‍ହେଉତେ, ଅଡ଼ାଦ୍‌ ଦଂସ ଆଦ୍‍ତେ । 
\v 18 କୟେ ଦିବାନାଗ୍ ରାଲିମାନ୍ଦାନାୱୁ ୱିଜେଲେକାମ୍ ଆଦ୍ ଗଟ୍‍ତିଙ୍କ୍ ମେଣ୍ଡେ ବେସ୍‍କ୍‍ତୁଡ଼୍‍ ନାରୁଡ଼୍ କେଞ୍ଜିତଡ଼୍, 
\v 19 ବାତେଙ୍କ୍ ଇତ୍‍କେ ସଂସାର୍‍ତେ ଚିନ୍ତେ, ଡାବ୍‍କିନ୍‍ ଆସେ ନୁ ଲେକେତାୱୁ ବେଶତାୱ୍‍ ଲାଲସା ତାମ୍‍ ମାନ୍‍ତାଗ୍ ମାନ୍‍ନାଙ୍କ୍ ମାଡ଼ାନଙ୍କ୍ ଆଦ୍ ଗଟ୍ ବେସୁଙ୍କ୍‌ବା କାୟେ ଆଦ । 
\v 20 ଲେକେତ୍‍ ୱାୟେତାଗ୍ ରାଲିମାନ୍ଦାନ୍ ୱିଜେଲେକାମ୍, ଆଦ୍ ଗଟ୍‍ତିଙ୍କ୍ ମେଣ୍ଡେ ବେସ୍‍କ୍‍ତୁଡ଼୍‍ କେଞ୍ଜି ଗ୍ରହନ୍ ମାଡ଼ିତଡ଼୍ ନୁ ଜିୱେତାଗ୍ ବେନ ତିରିଶ୍ ଗୁଣ୍, ବେନ ଷାଟିଏ ଗୁଣ୍ ନୁ ବେନ ଶହେ ଗୁଣ୍ କାୟା ଆଦ୍‍ଦିତ୍‍ତା ।”
\s ବଡ୍‍ତେ ମଦଲ୍ ୱେସ୍
\r (ଲୁକ ୮:୧୬-୧୮)
\p
\v 21 \x + \xo ୪:୨୧ \xo*\xt ମାତିଉ ୫:୧୫; ଲୁକ ୧୧:33.\xt*\x*ଜିସୁ ମେଣ୍ଡେ କେତ୍‍ତଣ୍ତ୍, ବେନ ବାତ୍‍ତେ କୁପିତିଙ୍କ୍ ନିଡ଼୍‍ସ୍‍ପି ବଡ଼୍‍ ମଦଲ୍ ମୁସ୍‍ସି ୱାଟିତନ୍ ବା କାଟୁଲ୍‍ ମଦଲ୍ ୱାଟିତନ୍ ? ଆଦ୍ ବାତ୍‍ତେ ୱେସ୍‍ୱାଟାନ୍ ପରୁ ୱାଟାନଙ୍କ୍‍ ଆୟ୍‍ୟ ? 
\v 22 \x + \xo ୪:୨୨ \xo*\xt ମାତିଉ ୧୦:୨୬; ଲୁକ ୧୨:୨.\xt*\x*ବାତେଏ ମିଞ୍ଜି ମିନ୍ଦେ, ଆଦ୍ ପ୍ରକାଶ୍‍ ଆଦ୍‍ତେ; ବାତେଏ ତନ୍ଦମିନ୍ଦେ, ଆଦ୍ ବେସୁଙ୍କ୍‍ ବା ତନ୍ଦ । 
\v 23 ବେନଙ୍କ୍ କେଞ୍ଜାନଙ୍କ୍ କେୱୁ ମିନ୍ଦେ, ଅନ୍‌ କେଞ୍ଜିନ୍ ।
\p
\v 24 \x + \xo ୪:୨୪ \xo*\xt ମାତିଉ ୭:୨; ଲୁକ ୬:3୮.\xt*\x*ଜିସୁ ଅଡ଼୍‌‍କିଂଙ୍କ୍ କେତ୍‍ତାନ୍, “ବାତ୍‍ତେ କେଞ୍ଜିତିଡ଼୍, ଆଦିନ୍ ସେଙ୍ଗେ ମାନ୍‍ଇସ୍ କେଞ୍ଜାନଙ୍କ୍ ମାନୁଟ୍ । ବେନ୍‍ବାଡ଼୍‍ତେ ମିଡ଼୍ ବାଗାତଡ଼୍ ବିଚାର୍ ମାଡ଼ାଟ୍, ଆଦ୍ ବାଡ଼୍‍ତେ ବାତେଙ୍କ୍ ଇତ୍‍କେ ଅଦିକ୍‌ କଷ୍ଟତେ ଇଶ୍ୱର୍ ମିୟାଦ୍ ବିଚାର୍ ମାଡ଼ିତନ୍ ।
\p
\v 25 \x + \xo ୪:୨୫ \xo*\xt ମାତିଉ ୧3:୧୨; ୨୫:୨୯; ଲୁକ ୧୯:୨୬.\xt*\x*ବେନନାଉ ମିନ୍ଦେ, ଅଂକିଙ୍କ୍‌ ଅଦିକ୍‌ ଇଦ୍‍ତନ୍ । ବେନନାଉ ଇଲା, ଅନାହୁ ବାତେସାରେ ମିନ୍ଦେ, ଆଦ୍ ମିକା ଟେଣ୍ଡିଆଦ୍‍ତନ୍ ।”
\s ଅଙ୍ଗୁର୍ ନାର୍ଗେଆଦାନ୍ ୱେଷଡ଼୍
\p
\v 26 ଜିସୁ କେତାନଙ୍କ୍ ପସ୍ପ୍‍ତନ୍; ଇଶ୍ୱର୍‌ତେ ରାଜ୍ୟତେ ଆସର୍ ଇଦ୍‍ଲେକାମ୍ । ୱେରନ୍ ନାରୁନ୍ ୱାୟେତାଗ୍ ୱିତିତନ୍ । 
\v 27 ନାର୍‍କେତ୍ ଉଞ୍ଜାଙ୍କ୍ ଆଦ୍‍ତନ୍ ନୁ ପାୟାଲ୍ କେପିତନ୍, ବାତେଙ୍କ୍ ଇତ୍‍କେ ୱିଜ୍ ଗାଜେଆସ୍ ବେଲାନ୍ ନାର୍‍ଗେ ଆଦ୍‍ତେ, ଆଦ୍‍ ଅଣ୍ଡ୍‌ ପୁନଣ୍ଡ୍ । 
\v 28 ମାଡ଼େ ପେର୍‍ସି କାୟାଆଦାନ୍ ସେଙ୍ଗେ ମାଣ୍ଡୁଲ୍ଏ‍କେ ସାରେ ମାଡ଼ିତେ, ମୁନେଙ୍କ୍ ମାଡ଼େତେ ଚିଟି, ତାନ୍‍ପେର୍କେ କଡ଼୍‍ସିତ୍‍ ନୁ ପେର୍‍କେ କେଡ଼୍‍ତାଗ୍ ପେଡ଼େକ୍‍ ଆଦ୍‍ଦିତ୍‍ତା । 
\v 29 ପେଡ଼େକ୍ ପାଣ୍ଡି କଇଦାନ୍ ଦିନାମ୍ ହେଉକେ; ଅଣ୍ଡ୍‌ ଏଟାକେସେର୍ ପଇସ୍ କଇଦ୍‍ତନ୍ ।
\s ସୋରିଷ ପେଡ଼େମ୍‍ତେ ୱେଷଡ଼୍
\r (ମାତିଉ ୧୩:୩୧-୩୨,୩୪; ଲୁକ ୧୩:୧୮-୧୯)
\p
\v 30 ଜିସୁ କେତ୍‍ତଣ୍ତ ; ଇଶ୍ୱର୍‌ତେ ରାଜ୍ୟତଡ଼୍ ବେନଙ୍କ୍ ସାମାନ୍ ମାଡ଼ାନଙ୍କ୍ ଆଦ୍‍ତେ ? ଅଂକିଙ୍କ୍‌ ବୁଜାମାଡ଼ାନ୍‍ ସେଙ୍ଗେ ବାତେଏ ୱେଷଡ଼୍ କେତିତାନ୍ ? 
\v 31 ଇଦ୍ ୱେଷଡ଼୍ ଗର୍ର୍ ପେଡ଼େମ୍‍ ଲେକାମ୍ । ଗର୍ର୍‌ ପେଡ଼େମ୍ ଗାଟି ସୁଦୁରାଦ୍ ଆତ୍କେ ମିକା, 
\v 32 ମାଣ୍ଡୁଲ୍‍ତାଗ୍ ରାଲ୍‍କେ ଆଦ୍ ବେଡ଼ିୟାଦ୍ ମାଡ଼େ ଆସ୍ କମା ଆଦ୍‍ତେ ନୁ ବେଡ଼ିୟାଦ୍ ମାଡେ ଲେକାମ୍ ତିଆର୍‍ଆଦ୍‍ତେ ନୁ ପିଟେ ତାନ୍ ତୁଉକାନାଗ୍ ବାସେ ମାନ୍‍ତା ।
\p
\v 33 ଇଦ୍‍ଲେକାମ୍ ନାର୍‍ଗେ ୱେଷଡ଼୍‍ତେ ଗଟି କେସ୍‍ ଜିସୁ ଅନାୱୁ ଗଟି ପ୍ରଚାର୍ ମାଡ଼୍‍ତଣ୍ଡ୍; ଅଡ଼୍‌ ବେସର୍ ବୁଜେମ୍ ଆତ୍‍ତଡ଼୍, ଅଣ୍ଡ୍‌ ଆସର୍ କେସ୍‍ମାତ୍‍ତନ୍ । 
\v 34 ୱେଷଡ଼୍‍ତିଙ୍କ୍ ୱିଡ଼୍‍ସି ଅନ୍‌ ଅଡ଼୍‌‍କିଂଙ୍କ୍ କେତାନାଦ୍ ଇୱେମାତ୍‍ତନ୍ । ବାତେଙ୍କ୍ ଇତ୍‍କେ ମାତର୍ ଶିଷ୍ୟନଡ଼୍‍ତଡ଼୍ ମାନ୍ଦାନ୍ ୱେଲେ ଅନ୍‌ ଅଡ଼୍‌‍କିଂଙ୍କ୍ ସାରେ ଗଟି କେସ ମାତ୍‍ତଣ୍ଡ୍ ।
\s ଜିସୁ ଗାଲ୍, ୱାନାତିଙ୍କ୍ ଶାନ୍ତି ମାଡ଼୍‍ତଣ୍ଡ୍
\r (ମାତିଉ ୮:୨୩-୨୭; ଲୁକ ୮:୨୨-୨୫)
\p
\v 35 ଆଦ୍ ଦିନ୍ ମୁଲ୍‍ପୁଟ୍ ଜିସୁ ଶିଷ୍ୟନଡ଼୍‍କ୍ କେତ୍‍ତନ୍, “ଦାଟିଟ୍‍, ମାନାଡ଼୍ ବେଡ଼େମ୍ ଆପାକ୍‍କେ ଆଦିକାଡ଼୍‍ ।” 
\v 36 ଅନ୍‌ଦିନେ ଅଡ଼୍‌ ନାରୁଡ଼୍‍କ୍‍ ୱିଡ଼୍‍ସି ଓଡେତାଗ୍ ଆଞ୍ଜ୍ କୁଦ୍‍ତଡ଼୍ । ଆଗାଙ୍କ୍ ଜିସୁ ମୁନେକେ କୁଦିମାତ୍‍ତଣ୍ଡ୍ । ଅଡ଼୍‌ ଓଡେତିଙ୍କ୍ କଅତାନଙ୍କ୍ ପସ୍‍ପ୍‍ତ୍‍ ତଡ଼୍ । ବେଡ଼େମ୍‍ତାଗ୍ ମେଣ୍ଡେ ନାର୍‍ଗେ ଓଡା ମାତ୍‍ତା । 
\v 37 ହଟାତ୍ ଗାଟି ଗାଲ୍‍ ୱାତ୍‍ତେ ନୁ ଓଡେତ୍ ଲୋପେ ତଲ୍‍କଡ଼୍‍ତେ ଏର୍‍ ଓଡ଼େତାଗ୍ ନିଣ୍ଡାନଙ୍କ୍ ପସ୍ପତ୍‍ତେ । 
\v 38 ଜିସୁ ଓଡେତ୍ ପେର୍କେତ୍‍ ପାକେ ବାଲିସ୍‍ତେ ପରୁ ତାଲେୱାଟି ଉଞ୍ଜିମାତ୍‍ତନ୍ । ଶିଷ୍ୟନଡ଼୍ ଅଙ୍କ୍‌ ତେସ୍‍ କେତ୍‍ତଡ଼୍, “ଗୁରୁ, ମାମ୍‍ମେ ମୁଡ଼ୁନ୍ଦି ଡଲିତମ୍, ନିୟାଦ୍ ବାତେଏ ଚିନ୍ତାଇଲେ ?”
\p
\v 39 ଜିସୁ ନିସ୍‍ମିକା ଗାଲ୍‍ଦିଙ୍କ୍ ଦମକ୍‍ଇସ୍ କେତ୍‍ତନ୍, “ଶାନ୍ତି ଆୟିମ୍,” ନୁ ତଲ୍‍କଡ଼୍‍ତିଙ୍କ୍ କେତ୍‍ତନ୍, “ସୁସ୍ଥିର ଆୟିମ୍ ।” ହଟାତ୍ ଗାଲ୍ ମାଦ୍‍ତେ ନୁ ସାରେ ଶାନ୍ତି ଆତ୍‍ତେ । 
\v 40 ତାନ୍‍ପେର୍କେ ଜିସୁ ଶିଷ୍ୟନଡ଼୍‍କ୍ ପଚାର୍‍ମାଡ଼୍‍ତନ୍, “ବାତ୍‍ତିଙ୍କ୍ ଆସର୍ ୱେର୍‍ଦୁତିଡ଼୍ ? ଇଞ୍ଜେକ୍ ଆଇନା ବାତେଏ ମିୟାଦ୍ ବିଶ୍ୱାସ୍ ଇଲେ ?”
\p
\v 41 କିନ୍ତୁ ଅଡ଼୍‌ ଗାଟି ୱେର୍‍ସ୍‍ ମିକା ତାମେ ତାମେ କେତ୍‍ତଡ଼୍, ଇ ନାରୁଣ୍ଡ୍ ବେନ ? ଏର୍‍ ନୁ ଗାଲ୍ ଅନ୍‌‍ ଗଟି ମାନେମ୍‍ ଆଦ୍‍ତା ।
\c 5
\s ବାହିନୀ ବୁତ୍‌ପଇତେ ନାରୁଙ୍କ୍ ଜିସୁ ସାୟେ ମାଡ଼୍‍ତନ୍
\r (ମାତିଉ ୮:୨୮-୩୪; ଲୁକ ୮:୨୬-୩୯)
\p
\v 1 ଜିସୁ ନୁ ତାନ୍ ଶିଷ୍ୟନଡ଼୍ ଗାଲିଲୀ ବେଡ଼େମ୍ ମେଣ୍ଡନ୍‍ ପାକେ ଗରାଶୀୟନଡ଼୍ ନାର୍ଦାଗ୍ ହେଉତ୍‍ତଡ଼୍ । 
\v 2 ଜିସୁ ଓଡେତାଗାଙ୍କ୍ ଡ଼ିଗାନ୍‍ ସାଙ୍ଗେ ସାଙ୍ଗେ ଆଗେ ମାନ୍ଦାନ୍ କବର୍ ବା ପାଡ଼୍‍କିନ୍ ଲୋପେଙ୍କ୍ ୱେରନ୍ ବୁତ୍‌ପଇତେ ନାରୁନ୍ ୱାସ୍ ଅଙ୍କ୍‌ କାଇଲ୍‍ତନ୍ । 
\v 3 ଅଣ୍ଡ୍‌ ୱିସ୍‍କିନାଗ୍ ମାନ୍‍ନୁନ୍ । ବେନ ଅଙ୍କ୍‌ ଇକ୍‍ଲେମ୍‍ତ ମିକା ତଅତ୍‍ତେ ପାର୍‍ୱେ ମାନ୍‍ମାନ । 
\v 4 ଅଣ୍ଡ୍‌ କାଇକିନାଉ ଇକ୍‍ଲେମ୍‍ ଦେହେସ୍‍ ମାତ୍‍ତନ୍ ନୁ ଡେକାନ୍ ବେଡ଼ି ଉୱୁସ୍ ମାନ୍‍ନୁନ୍ । ଅନାହୁ କାଇକ୍ ଡ଼େକା ଇକ୍‍ଲେକ୍ ତହସ୍ ମାତ୍‍ତଡ଼୍ । କିନ୍ତୁ ଅଙ୍କ୍‌ ପଇତାନ୍ ସେଙ୍ଗେ ବେନନାଦ୍ ଶକ୍ତି ଇଲ୍‍ଲେ । 
\v 5 ଅଣ୍ଡ୍‌ ନାର୍କା ପାୟାଲ୍ ମେଟାନାଗ୍ ନୁ ୱିଷ୍‍କିନାଗ୍ ଉଡମାନ୍‍ନୁନ୍, କିଡ଼୍‍କି ମିକା କାଲ୍‍କିନାଗ୍ ନିଜେତ୍ ମେନ୍ଦୁଲ୍‍ତିଙ୍କ୍ ଚିହ୍ନା ମାଡ଼ମାତ୍‍ତଣ୍ତ୍‌ ।
\p
\v 6 ସୁଦୁଟ୍ ଯେକା ଜିସୁଙ୍କ୍ ଉଡ଼ି ଅଣ୍ଡ୍‌ ମିରିୱାସ୍ ଅନ୍‌ ମୁନେ ମର୍‍ମିଣ୍ଡା ଇସ୍, 
\v 7 ଗାଟିଲେଙ୍ଗ୍‍ଦେ କେତ୍‍ତାନ୍, “ହୋ ସର୍ବୋପରିସ୍ଥ ଇଶ୍ୱର୍‌ତେ ମାର୍‍ ଜିସୁ ! ନା ପାକେ ନିୟାଦ୍‍ ବାତେ ପାଡ଼୍‍ୟି ? ଇଶ୍ୱର୍‌ତେ ପେଦେର୍‍ତେ କେତୁତାନ୍, ନାକିଙ୍କ୍ ଯନ୍ତ୍ରଣା ଇମା ।” 
\v 8 ଅଣ୍ଡ୍‌ ଇଦ୍‍ଗଟ୍ କେତ୍‍ତନ୍, ବାତେଙ୍କ୍‍ ଇତ୍‍କେ ଆସୁଙ୍କ୍ ଅନାଗେ ମାନ୍ଦା‍ନ୍ ବୁତ୍‌କିଂଙ୍କ୍ ପେଇସ୍‍ ଆଦାନ୍ ସେଙ୍ଗେ କେସମାତ୍‍ତନ୍ ।
\p
\v 9 ଜିସୁଅଙ୍କ୍‌ କେତ୍‍ତନ୍, “ନି ପେଦେର୍‍ ବାତ୍‍ତେ ?” ଅଣ୍ଡ୍‌ ଉତ୍ତର୍‍ ହିତ୍‍ତନ୍, “ନା ପେଦେର୍ ବାହିନୀ ।”
\p
\v 10 “ମାମେ ନାର୍ଗେ ।” ଆୱିକିଂଙ୍କ୍ ଆଦ୍ ନାର୍‍ଦାଗାଙ୍କ୍ ଯେକା ତଲ୍‍ମାଟ୍ ଇଞ୍ଜ ଅଣ୍ଡ୍‌ ଜିସୁଙ୍କ୍ କେତାନଙ୍କ୍ ପସ୍ପ୍‍ତନ୍ ।
\p
\v 11 ଗାର୍‍ରେ ମାନ୍ଦାନ୍ ମେଟେତାଗ୍ ମାନ୍ଦେ ପାଦି ମେୟ ମାତ୍‍ତା । 
\v 12 ବୁତ୍‌କ୍ ଜିସୁଙ୍କ୍ ଅନୁରଦ୍‌ ମାଡ଼ି କେତ୍‍ତା, “ଆୱୁ ପାଦି ମାନ୍ଦେ ଲୋପେ ନେଙ୍ଗାନ୍ ସେଙ୍ଗେ ମାକିଙ୍କ୍ ଇମ୍ ।” 
\v 13 ଜିସୁ କେସ୍‍ ଇତ୍‍ତ‍ନ୍ ନୁ ବୁତ୍‌କ୍ ଆ ନାରୁନାଗାଙ୍କ୍ ପେଇସ୍‍ ୱାସ୍ ପାଦି ମାନ୍ଦେ ଲୋପେ ନେଙ୍ଗ୍‍ତା ନୁ ସାରେ ରେଣ୍ଡ୍‍ହଜାର୍‌ ପାଦି ଗାଟି ଉର୍‍ଗିଙ୍କ୍ ମିରି ମେଟେତ୍‍ ଜୁଟିନାଗାଙ୍କ୍ ରାଲ୍‍ଲି ମୁଡ଼୍‍ନ୍ଦି ଡଲ୍‍ତା ।
\p
\v 14 ପାଦିଙ୍କ୍ କେପାନଡ଼୍ ମିରିଆଞ୍ଜ୍ ଇଦ୍ କବର୍ ସହର୍ ନୁ ଗାରେମାନ୍ଦାନ୍ ନାକିନାଗ୍ କେସ୍‍ସିତ୍‍ତଡ଼୍ । ବାତେ ଗଟେମ୍ ଆତ୍‍ତେ, ଉଡ଼ାନଙ୍କ୍ ନାର୍ଗେ ନାରୁଡ଼୍ ଆତ୍‍ତଡ଼୍ । 
\v 15 ଅଡ଼୍‌ ଉଡ଼୍‌ତଡ଼୍ ଯେ ବୁତ୍‌ପଇତେ ନାରୁନ୍ ଚକା କେର୍‍ସ୍ ଲେକେତ୍‍ ତିଆର୍ ଆସ୍ ଜିସୁନ୍ ଗାରେ କୁଦ୍‍ତନ୍ । ଆଦ୍ ଉଡ଼ି ଅଡ଼୍‌ ବାକ୍‍ୱା ଆତ୍‍ତଡ଼୍ । 
\v 16 ବୁତ୍‌ପଇତେ ନାରୁନ୍ ବେଲାନ୍ ସୁସ୍ଥ ଆତ୍‍ତନ୍ ନୁ ପାଦି ବେଲାନ୍ ନଷ୍ଟ ଆସ୍ ମାତ୍‍ତା, ଇୱୁସାରେ ଗଟ୍‍ନା ଉଡ଼ିମାନ୍ଦାନ୍ ନାରୁଡ଼୍ ଅଡ଼୍‌‍କିଂଙ୍କ୍ କେତ୍‍ତଡ଼୍ ।
\p
\v 17 ଆଦ୍ କେଞ୍ଜି ଅଡ଼୍‌‍ ଜିସୁଙ୍କ୍ ଆଦ୍ ନାର୍ ୱିଡ଼୍‍ସି ଆଦାଙ୍କ୍ କେତ୍‍ତଡ଼୍ ।
\p
\v 18 ଜିସୁ ଓଡେତାଗ୍ ତାରେନଙ୍କ୍ ଆଦାନ୍ ୱେଲେ ବୁତ୍‌ତାଗାଙ୍କ୍ ରକ୍ଷା ଆସ୍‍ମାନ୍ଦାନ୍ ନାରୁଣ୍ଡ୍ ଅନ୍‌‍ତଡ଼୍ ଆଦାନ୍ ସେଙ୍ଗେ କେତ୍‍ତନ୍ ।
\p
\v 19 ଜିସୁ ଅଙ୍କ୍‌ ତାନ୍‌ଡ଼୍‌ ଆଦାଙ୍କ୍‌ ଇୱକଟ୍ କେତ୍‍ତନ୍, “ଲେକେତ୍ ମିଇ ଲୋନ୍‌‍ ମୀଇ ନାରୁଡ଼୍‍ ପାକେ ମାଲ୍‍ସ୍ ଆନ୍‌ । ପ୍ରବୁ ନିଇ ସେଙ୍ଗେ ବାତ୍‍ତେ ସାରେ ମାଡ଼୍‍ତନ୍ ନୁ ନିଇ ମାଇଦିଙ୍କ୍ ବେନ୍ ଦୟା ତତ୍‍ତନ୍, ଇଦ୍ ଗଟ୍ ଅଡ଼୍‌‍କିଂଙ୍କ୍ କେଲ୍‍ମ୍ ।”
\p
\v 20 ନାରୁଣ୍ଡ୍ ଦେକାପଲୀ ଅଞ୍ଚଲ୍‍ତା ଆଞ୍ଜ୍ ଜିସୁ ଅନ୍‌‍ସେଙ୍ଗେ ବାତେ ମାଡ଼ିମାତ୍‍ତନ୍, ସାରେପାକେ କେତ୍‍ତନ୍ । ବେନଡ଼୍ ଅନ୍‌ ଗଟି କେଞ୍ଜ୍‍ତଡ଼୍, ସାରେତଡ଼୍ ବାକ୍‍ୱା ଆତ୍‍ତଡ଼୍ ।
\s ନାଟାଡ଼୍ ସୁସ୍ଥ ଆତ୍‍ତେ ଯାଇରସ୍‍ତେ ମାୟାଡ଼୍ ଗେଲ୍‍ସ୍‍ତେ
\r (ମାତିଉ ୯:୧୮-୨୬; ଲୁକ ୮:୪୦-୫୬)
\p
\v 21 ଜିସୁ ବେଡ଼େମ୍‍ତେ ମେଣ୍ଡ୍‍ନ୍ ପାକେ ମାଲ୍‍ସ୍‍ ଆତ୍‍ତନ୍ । ଆ ସମୁଦ୍ର ଆଞ୍ଚିନାଗ୍ ନାର୍ଗେ ନାରୁଡ଼୍ ଅଙ୍କ୍‌ ତିଡ଼ିୟି ନିସ୍‍ ଗୁଡ଼୍‍ତଡ଼୍ । 
\v 22 ଆଗେମାନ୍ଦାନ୍ ଲୋତ୍‍ତେ ଯାଇରସ୍ ପେଦେର୍‍ତନ୍ ୱେରଣ୍ଡ୍ ନାରୁଣ୍ଡ୍ ଆଗେ ହେଉତ୍‍ତନ୍, 
\v 23 ନୁ ଜିସୁଙ୍କ୍ ଉଡ଼ି ଅନ୍‌ ଡେକାନ୍ ମଦଲ୍ ରାଲି ହୃଦୟତେ ନିବେଦନ୍ ମାଡ଼୍‍ତନ୍, “ନା ମାୟାଡ଼୍ ନାର୍ଗେ ରୋଗ୍‍ତେ ମିନ୍ଦେ । ନିମେ ୱାସ୍ ତାନ୍ ପରୁ କାଇ ୱାଟ୍‍କେ, ଆଦ୍ ସାୟେ ଆସ୍ ଗେଲ୍‍ସିତ୍ ।”
\p
\v 24 ଜିସୁ ଅନ୍‌‍ତୋଡ଼୍ ଆଦାନଙ୍କ୍ ପେଇତ୍‍ତନ୍ । ନାର୍ଗେ ମୁଲ୍‍ ନାରୁଡ଼୍‍ ଅନ୍‌‍ତଡ଼୍ ଆଞ୍ଜମାତ୍‍ତଡ଼୍ ଯେ ଅନ୍‌ ପରୁ ଅଡ଼୍‌ ସାରେପାକେଙ୍କ୍ ତାଲ୍‍ଗି ରାୟମାତ୍‍ତଡ଼୍ ।
\p
\v 25 ୱେରଡ଼୍ ମୁତ୍‍ତେ ପ୍ରାୟ ବାର ହେଣ୍ଡେକ୍ ପୟିସ୍ ନେତୁର୍‍ ପେଇତାନ୍ ରୋଗ୍‍ତେ ଗାଟି ତିପାଲ୍ ଆସମାତ୍‍ତେ । 
\v 26 ନାର୍ଗେଦାମ୍‍ ସାୟେ ମାଡ଼୍‍କେ ମିକା ସାୟେ ଆୱେ ମାତ୍‍ତେ, ତାନାଉ ସାରେ ଡାବ୍‍କ୍‍ ତେରମାତ୍‍ତେ ମିକା, ରୋଗ୍ ଲେକେତ୍‍ ଆୟ୍‍ୱେ ମାତ୍‍ତେ ନୁ ନାର୍ଗେ ଆସମାତ୍‍ତେ । 
\v 27 ଆଦ୍ ଜିସୁନ୍ ବିଷୟ୍‍ତେ କେଞ୍ଜିମାତ୍‍ତେ ନୁ ନାରୁଡ଼୍ ଗହଲି ଲୋପେଙ୍କ୍ ଜିସୁନ୍‍, ସିଲେତିଙ୍କ୍‍ ହିଟ୍‍ତେ, 
\v 28 ପେର୍କେଙ୍କ୍ ୱାସ୍‍ ଆଲ୍‍ସମାତ୍‍ତେ, “ନାନେ ଯଦି ଅନାଦ୍‌ ସିଲେତିଙ୍କ୍, ହିଟ୍‌କେ ନାନେ ସାୟେ ଆଦ୍‍ତାନ୍ ।”
\p
\v 29 ଆଦ୍ ଜିସୁନ୍ ସିଲେତିଙ୍କ୍ ଇଟ୍‍ତେ ସାଙ୍ଗେ ସାଙ୍ଗେ ତାନାଦ୍ ନେତୁର୍ ପେଇତାନାଦ୍ ବନ୍ଦ ଆତ୍‍ତେ ନୁ ଆଦ୍ ରୋଗ୍‍ତାଗାଙ୍କ୍ ସାୟେ ଆତ୍‍ତେ ଇଞ୍ଜ ଏର୍କେ ମାଡ଼୍‍ତେ । 
\v 30 ଆସୁଙ୍ଗେ ଜିସୁ ଅନାଗାଙ୍କ୍ ଶକ୍ତି ପେୟିସ୍ ଆଦାନାଦ୍ ପୁତ୍‍ତନ୍ ନାରୁଡ଼୍‍ ପାର୍କେ ମିଡ଼୍‍ନ୍ଦି ମିକା କେତ୍‍ତନ୍, “ବେନ ନା ସିଲେତିଙ୍କ୍‍ ଇଟ୍‍ତନ୍ ?”
\p
\v 31 ତାନ୍‍ ଶିଷ୍ୟନଡ଼୍ ଉତ୍ତର୍ ହିତ୍‍ତଡ଼୍, “ନିମେ ତ ଉଡ଼ମିନ୍ଦେନି, ବେଲାନ୍ ନି ସାରେ ପାକା ନାରୁଡ଼୍ ମାନ୍ଦେ ଆସ୍‍ମିନ୍ଦେଡ଼୍ । ନିକିଙ୍କ୍ ବେନ ଇଟ୍‍ତନ୍ ଇଞ୍ଜ କେସମିନ୍ଦେନି ବାତ୍‍ତିଙ୍କ୍ ?” 
\v 32 କିନ୍ତୁ ବେନ ଅଙ୍କ୍‌ ଇଟ୍‍ତନ୍, ପୁନ୍ଦାନ୍‍ ମାଇଦିଙ୍କ୍ ଜିସୁ ସାରେ ପାକ୍‍କେ ଉଡ଼୍‍ତନ୍ । 
\v 33 ସାରେ ଗଟି ପୁନ୍ଦେପାର୍‍ସ୍ ଆ ନାଟାଡ଼୍ ୱେର୍‍ଗିଙ୍କ୍ ଜିସୁନ୍ ଡେକାନ୍ ମଦଲ୍ ମର୍‍ମିଣ୍ଡା ଇସ୍ ସାରେ ସତ୍‍ ଗଟି କେତ୍‍ତେ । 
\v 34 ଜିସୁ ଆଦିଙ୍କ୍‍ କେତ୍‍ତନ୍, “ପିକି ! ନିୟାଦ୍ ବିଶ୍ୱାସ୍ ନିକିଙ୍କ୍ ସୁସ୍ଥ ମାଡ଼୍‍ତେ । ସାରେତାଗାଙ୍କ୍ ସାୟେ ଆସ୍ ଶାନ୍ତିତେ ମାଲ୍‍ସ୍ ଅନ୍‌ ।”
\p
\v 35 ଜିସୁ ଇଦ୍‍ଗଟ୍ କେତାନ୍‍ ୱେଲେ, ଯାଇରସ୍‍ତେ ଲୋତ୍‍ତେ କଞ୍ଜ୍ କବର୍‍ ତାସ୍‍ ମାନ୍ଦାନ୍ ନାରୁଡ଼୍ ଅଙ୍କ୍‌ କେତ୍‍ତଡ଼୍, “ନି ମାୟାଡ଼୍ ଡଲିଆତ୍‍ତେ, ମେଣ୍ଡେ ବାତ୍‍ତିଙ୍କ୍ ଗୁରୁଙ୍କ୍ ତିପାଲ୍ ମାଡ଼ୁତିନ୍ ।” 
\v 36 ଜିସୁ ଅଡ଼ାୱୁ ଗଟିଙ୍କ୍ କେଞ୍ଜିମିକା ଯାଇରସ୍‍ତିଙ୍କ୍ କେତ୍‍ତନ୍, “ୱେର୍‍ମା; ମାତର୍ ବିଶ୍ୱାସ୍‍ ମାଡ଼େ ।” 
\v 37 ତାନ୍‍ ପେର୍କେ ଯାକୁବ୍, ତାନ୍ ତାମୁଣ୍ଡ୍‌ ଯୋହନ୍‌‌ ନୁ ପିତର୍‍ତିଙ୍କ୍ ୱିଡ଼୍‍ସି ସାଙ୍ଗେତେ ମେଣ୍ଡେ ବେନଙ୍କ୍ ଆୟକଟ୍ ଜିସୁ ଯାଇରସ୍‍ତେ ଲୋନ୍‌‍ ଆତ୍‍ତଣ୍ତ୍‌ । 
\v 38 ଆଗେ ହେଉସ୍ ଅଣ୍ଡ୍‌ ଉଡ଼୍‍ତନ୍, ନାଟା ଗାଟିଲେଙ୍ଗ୍‍ଦେ କେୟ ମାତ୍‍ତା, 
\v 39 ଆଦ୍ ମାନ୍ଦେତିଙ୍କ୍ ଆଞ୍ଜ୍ ଆୱିଙ୍କ୍ କେତ୍‍ତନ୍, “ବାତ୍‍ତିଙ୍କ୍ ମର୍‍ ଆଦୁତିଡ଼୍ ? ବାତ୍‍ତିଙ୍କ୍ କେୟୁତିଡ଼୍ ? ପିକିଡ଼୍ ଡଲ୍‍ଲ, ଉଞ୍ଜ୍‍ତେ ।”
\p
\v 40 ଅଡ଼୍‌‍ ଅଙ୍କ୍‌ ବାକ୍‍ୱାଲ୍ ଆଲ୍‍ସି କାୱୁତ୍‍ତଡ଼୍ । ଜିସୁ ସାରେତଡ଼୍‍କ୍ ପେସ୍‍ପିତ୍‍ତନ୍ ନୁ ମାତର୍ ନିଜେତ୍ ମୁୱୁଡ଼୍ ଶିଷ୍ୟ ନୁ ପିଲେତ୍ ୟାୟ ବାବାଙ୍କ୍ ଆସ୍ ଆଦ୍ ଉଞ୍ଜିମାନ୍ଦାନ୍ ବାକ୍‍ଡ଼େତାଗ୍ ଆତ୍‍ତଡ଼୍‍ । 
\v 41 ପିଲେତ୍ କାଇଦିଙ୍କ୍ ପଇସ୍‍ ଜିସୁ କେତ୍‍ତନ୍, “ତାଲିତା କୁମ୍,” ଇତ୍‍କେ “ପିକି, ନାନ୍ କେତୁତାନ୍ ତେଦା ।” 
\v 42 ପିକିଡ଼୍ ଆସୁଙ୍ଗେ ତେଦ୍‍ଦି ତାଆକ ଉଡ଼ାଙ୍କ୍ ପସ୍‍ପ୍‍ତେ । ଆସୁଙ୍ଗ୍ ତାନ୍ ବୟସ୍ ମାତର୍ ବାର ହେଣ୍ଡେକ୍ । ଇଦ୍ ଗଟ୍‍ନାତାଗ୍ ସାରେତଡ଼୍ ବାକ୍‍ୱା ଆତ୍‍ତଡ଼୍ । 
\v 43 କିନ୍ତୁ ଇଦ୍ ବିଷୟ୍‍ତେ ବେନଙ୍କ୍ ବାତ୍‍ତେ କେତାନଙ୍କ୍ ଅଣ୍ଡ୍‌ ଅଡ଼୍‌‍କିଂଙ୍କ୍ କେଲ୍‍ମାଟ୍ ଇଞ୍ଜ କେତ୍‍ତନ୍ । ତାନ୍‍ପେର୍କେ ପିକ୍‍ତିଙ୍କ୍ ବାତ୍‍ତେ ତିନ୍ଦାଙ୍କ୍ ଇଦାନ୍‍ ସେଙ୍ଗେ ଜିସୁ ଅଡ଼୍‌‍କିଂଙ୍କ୍ କେତ୍‍ତନ୍ ।
\c 6
\s ନାଜରିତତାଗ୍ ଜିସୁ କେତାନାଦ୍
\r (ମାତିଉ ୧୩:୫୩-୫୮; ଲୁକ ୪:୧୬-୩୦)
\p
\v 1 ଜିସୁ ଆଦ୍‍ ସହର୍ ୱିଡ଼୍‍ସି ଶିଷ୍ୟନଡ଼୍‍ତଡ଼୍ ନିଜେତ୍ ନାର୍ ନାଜରିତତା ମାଲ୍‍ସ୍ ଆତ୍‍ତଣ୍ତ । 
\v 2 ଆଗେ ରମାନ୍‍ ଦିନେ ପ୍ରାର୍ତନା ଲୋତ୍‍ତାଆଗ୍ ଅଣ୍ଡ୍‌ ଉପଦେଶ୍‍ ହିଦାନ୍‍ ୱେଲେ ନାର୍ଗେ ନାରୁଡ଼୍ ମାତ୍‍ତଡ଼୍ । ଜିସୁନ୍ ଗଟି କେଞ୍ଜି ଅଡ଼୍‌ ବାକୁୱାଆସ୍ କେତ୍‍ତଡ଼୍, “ଇସର୍ ଗଟି ଅଣ୍ଡ୍‌ ବେଗାଙ୍କ୍ ପୁତ୍‍ତନ୍ ? ଇସର୍ ଜ୍ଞାନ୍ ଅଣ୍ଡ୍‌ ବେଗାଙ୍କ୍ ପୁତ୍‍ତନ୍ ? ଇୱୁସାରେ ଆଶର୍ଯ୍ୟ ପାଡ଼୍‍ୟି ଅଣ୍ଡ୍‌ ବେଲାନ୍ ମାଡ଼ୁତନ୍ ? 
\v 3 ଇଣ୍ଡ୍‌ ବାତ୍‍ତେ ମରୀୟମ୍‍ ତେ ମାର୍‍, ଅଣ୍ଡ୍‌ କୁମାଲ୍ ଆୟନ୍ ? ଇଣ୍ଡ୍ ବାତ୍‍ତେ ଯାକୁବ୍, ଯୋସେପ୍, ଯିହୁଦାଲ୍ ନୁ ଶିମୋନ୍‍ତେ ଦାଦାଲ୍ ଆୟଣ୍ଡ୍ ? ତାନ୍ ଏଲାସ୍କ୍‌ ବାତ୍‍ତେ ମାନ୍‍ତଡ଼୍ ଇଗେ ମାନ୍‍ନ ?” ଇଦ୍ କେସ୍ ଅଡ଼୍‌‍ ଜିସୁଙ୍କ୍ ଉଡ଼ି କାୱୁତ୍‍ତଡ଼୍ ।
\p
\v 4 \x + \xo ୬:୪ \xo*\xt ଯୋହନ୍‌‌ ୪:୪୪.\xt*\x*ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ତ, “ବାବବାଦୀ ନିଜେତ୍ ନାର୍‍, ପରିବାର୍ ନୁ ଆତ୍ମାତେ ସାରେତଡ଼୍‍କ୍ ୱିଡ଼୍‍ସି ବାଗାତ୍ ସାରେତଡ଼୍ ତ ସମ୍ମାନିତ ଆୟଣ୍ଡ୍ ।”
\p
\v 5 ଆଦିଙ୍କ୍ ବେସ୍‍କ୍‍ତୁଡ଼୍‍ ରୋଗ୍‍ତେ ନାରୁଡ଼୍‍ ପରୁ କାଇ ୱାଟି ଅଡ଼୍‌‍କିଂଙ୍କ୍ ସୁସ୍ଥ ମାଡ଼ାନାଦ୍ ୱିଡ଼୍‍ସି ଜିସୁ ଆଗେ ମେଣ୍ଡନ୍‍ ବାତ୍‍ତେ ବାକ୍‍ୱା କାମ୍ ମାଡ଼୍‍ଡ଼େ ପାର୍‍ୱଣ୍ଡ୍‍ । 
\v 6 ଅଡ଼ାଦ୍‌ ଅବିଶ୍ୱାସୀ ଉଡ଼ି ଜିସୁ କାବା ଆତ୍‍ତଣ୍ତ୍‌ । ତାନ୍‍ପେର୍କେ ଜିସୁ ଗାର୍‍ରେ ମାନ୍ଦାନ୍ ନାର୍‍କିନାଗ୍ ଆଞ୍ଜ୍ ନାରୁଡ଼୍‍କ୍ ଶିକ୍ଷା ଇତ୍‍ତନ୍ ।
\s ବାର ଶିଷ୍ୟନଡ଼୍‍କ୍ ରତାନାଦ୍
\r (ମାତିଉ ୧୦:୫-୧୫; ଲୁକ ୯:୧-୬)
\p
\v 7 ଅଣ୍ଡ୍‌ ବାର ଜାନ୍ ଶିଷ୍ୟଡ଼୍‌କ୍‌ କାର୍‍ଙ୍ଗି ଇର୍‍ୱୁ ଇର୍‍ୱୁଡ଼୍ ମାଡ଼ି ରତ୍‍ତନ୍ । ଅଶୁଚି ଆତ୍ମାଙ୍କ୍ ତଲାନ୍ ସେଙ୍ଗେ ଅଡ଼୍‌‍କିଂଙ୍କ୍ ଅଦିକାର୍‌ ଇସ୍‍ କେତ୍‍ତଣ୍ତ୍‌, 
\v 8 “ମିୟାଦ୍ ଆଦାନ୍‍ ସେଙ୍ଗେ ସୁଦୁର୍ ଡୁଡ୍‍ ଅଦେପାର୍‍ତିଡ଼୍‍ ନୁ 
\v 9 ରୂଟି ମାନ୍ଦାନ୍‍ ମୁନା କି ପାନ୍‌ଡ଼ତାଗ୍‍ ଡାବକ୍‍ ଅୟ୍‍ମାଟ୍‍ ଇଞ୍ଜ କେତ୍‍ତଡ଼୍‍ । ଇତ୍‍କେ ଅଡ଼୍‌‍କିଂଙ୍କ୍‍ ଏର୍‍ପୁକ୍‍ କେର୍‍ଦାନଙ୍କ୍‍ କେତ୍‍ତଣ୍ଡ୍‌ । ମେଣ୍ଡେ ରେଣ୍ଡ୍‍ ଚକା କେର୍‍ଦାନଙ୍କ୍ ମନା ମାଡ଼୍‍ତଣ୍ଡ୍‌ ।” 
\v 10 ମେଣ୍ଡେ ଅଣ୍ଡ୍‌ କେତ୍‍ତଣ୍ତ୍‌, “ବେନ୍ ଲୋତ୍‍ତାଗ୍ ମିକିଂଙ୍କ୍ କାର୍‍ଙ୍ଗିତଡ଼୍, ଆଦ୍ ପଡ଼ିୟେତାଗାଙ୍କ୍ ପେଇସ୍‌ ଆନ୍‌ୱେ ଯାକ ଆଗେ ମାନୁଟ୍ । 
\v 11 \x + \xo ୬:୧୧ \xo*\xt ପ୍ରେରିତ ୧3:୫୧.\xt*\x*\x + \xo ୬:୧୧ \xo*\xt ଲୁକ ୧୦:୪-୧୧.\xt*\x*ଯଦି ବାତ୍‍ତେବା ପଡ଼ିୟେତାଗ୍ ନାରୁଙ୍କ୍ ମିକିଙ୍କ୍ କାର୍‍ଙ୍କ୍‍ଗଡ଼୍ ବା ମିଇ ଗଟି କେଞ୍ଜଡ଼୍, ମୀଇ ଡେକେତ୍ ଦୂମ୍ କାଇସ୍ ଆଦ୍ ପଡ଼ିୟେ ୱିଡ଼୍‍ସି ଆନୁଟ୍ । ଇଦ୍ ମିୟାଦ୍ ବିରୁଦ୍ଦ୍‌ତେ ସାକ୍ଷି ଲେକାମ୍ ଆଦ୍‍ତେ ।”
\p
\v 12 ତାନ୍‍ପେର୍କେ ଶିଷ୍ୟନଡ଼୍ ଆଞ୍ଜ୍ ପାପ୍ ଆର୍‍ଦାଗାଙ୍କ୍ ମାଲ୍‍ନ୍ଦାନ୍ ସେଙ୍ଗେ ନାରୁଡ଼୍‍କିଙ୍କ୍ ଉପଦେଶ୍ ଇତ୍‍ତଡ଼୍‌ । 
\v 13 \x + \xo ୬:୧3 \xo*\xt ଯାକୁବ ୫:୧୪.\xt*\x*ଅଡ଼୍‌ ନାର୍ଗେ ବୁତ୍‌କ୍ ୱିର୍‍ସ୍ପ୍‍ତଡ଼୍ ନୁ ରୋଗ୍‍ତେ ନାରୁଡ଼୍‍କ୍ ନିୟ୍‍ ତମି ସୁସ୍ଥ ମାଡ଼୍‍ତଡ଼୍ ।
\s ବାପ୍ତିସ୍ମଇଦାନ୍ ଯୋହନ୍‌‌ତେ ଡଲ୍‍ତାଦ୍
\r (ମାତିଉ ୧୪:୧-୧୨; ଲୁକ ୯:୭-୯)
\p
\v 14 \x + \xo ୬:୧୪ \xo*\xt ମାତିଉ ୧୬:୧୪; ମାର୍କ ୮:୨୮; ଲୁକ ୯:୧୯.\xt*\x*ଇଦ୍‍ ସାରେ ବିଷୟ୍‍ତେ ରାଜାଲ୍ ହେରଦ୍ କେଞ୍ଜ୍‍ତଣ୍ତ୍‌, ବାତେଙ୍କ୍‍ଇତ୍କେ ଜିସୁନାଦ୍ ସୁକାମ୍‍ ଦୁଃକାମ୍ ସାରେପାକ୍ ଆତ୍‍ତେ । ବେସ୍‍ତୁଡ଼୍ କେସମାତ୍‍ତଡ଼୍, “ବାପ୍ତିସ୍ମ ଯୋହନ୍‌ ମେଣ୍ଡେଜିୱେ ଆତ୍‍ତନ୍ । ଆଦିନ୍‌ସେଙ୍ଗେ ଇଦ୍‍ ସାରେ ବାକ୍‌ୱାକାମ୍ ମାଡ଼ାନଙ୍କ୍ ଅଣ୍ଡ୍‌ ଶକ୍ତି ଦର୍‍ସ୍‍ତଣ୍ଡ୍‌ ।”
\p
\v 15 ବାଗାତଡ଼୍ କେସ୍‍ମାତ୍‍ତଡ଼୍, “ଅଣ୍ଡ୍‌ ଏଲିୟ, ମେଣ୍ଡେ ବେସ୍‍ତୁଡ଼୍ କେତ୍‍ତଡ଼୍, ମୁନେତ୍‍ କାଲାମ୍‍ତେ ବାବବାଦୀ ନଡ଼୍‍ ଲେକାମ୍ ଅଣ୍ଡ୍‌ ମିକା ୱେରଣ୍ଡ୍ ବାବବାଦୀ ।”
\p
\v 16 ହେରୋଦ ଜିସୁନ୍‍ ବିଷୟ୍‍ତେ କେଞ୍ଜି କେତ୍‍ତଣ୍ତ୍‌, “ଅଣ୍ଡ୍‌ ନିଜାମ୍ ବାପ୍ତିସ୍ମ ଯୋହନ୍‌ । ନାନେ ଅନାଦ୍‌ ତାଲେତିଙ୍କ୍ କଇସ୍‍ ମାତ୍‍ତାନ୍, କିନ୍ତୁ ଅଣ୍ଡ୍‌ ମେଣ୍ଡେ ଗେଲ୍‍ସି ତେଦ୍‍ତଣ୍ଡ୍‌ ।” 
\v 17 \x + \xo ୬:୧୭ \xo*\xt ଲୁକ 3:୧୯,୨୦.\xt*\x*ହେରଦ ନିଜେ ଯୋହନ୍‌‌ତିଙ୍କ୍ ଗିରପ୍‍ ମାଡ଼ାନଙ୍କ୍ ଆଦେଶ୍ ଇସ୍‍ମାତ୍‍ତନ୍ ନୁ ଯୋହନ୍‌ ବନ୍ଦି ଆସ୍ ଜଇଲ୍‍ତାଗ୍ ମାତ୍‍ତଣ୍ତ୍‌ । ହେରଦ୍ ନିଜେତ୍ ଦାଦାନ୍‌ ମୁତେଙ୍କ୍ ହେରଦ୍‍ତିଙ୍କ୍ ପେଣ୍ଡୁଲ୍ ମାଡ଼ି ମାନ୍‍ନାଙ୍କ୍ ଯୋହନ୍‌ 
\v 18 ଅଙ୍କ୍‌ ମେଣ୍ଡେ ପ୍ରମାନ୍ ମାଡ଼ି କେସ୍‍ମାତ୍‍ତଣ୍ଡ୍‌, “ତାମୁଣ୍ଡ୍‌ ମୁତେଙ୍କ୍ ପେଣ୍ଡୁଲ୍ ମାଡ଼ି ନିମେସାୟେତ୍‍ କାମ୍ ମାଡ଼୍‌ୱିନ୍‌ ।”
\p
\v 19 ଆଦିନ୍ ସେଙ୍ଗେ ହେରଦିଆ ଯୋହନ୍‌‌ତେ ସେଙ୍ଗେ କପାମ୍ ନେହେସ୍ ଅଙ୍କ୍‌ ଆୱୁକାଙ୍କ୍ ଇଚ୍ଛା ମାଡ଼ମାତ୍‍ତନ୍, କିନ୍ତୁ ହେରଦ୍‍ତେ ସେଙ୍ଗେ ଇଦ୍ ମାଡ଼୍‍ଡ଼େ ପାର୍‍ୱେ ମାତ୍‍ତଣ୍ଡ୍‌ । 
\v 20 ବାତେଙ୍କ୍‍ଇତ୍କେ ଯୋହନ୍‌ ୱେରନ୍ ଦାର୍ମିକ୍ ନୁ ପବିତ୍ର ନାରୁନ୍ ଇଞ୍ଜ ପୁଞ୍ଜ୍ ହେରଦ୍ ଅଙ୍କ୍‌ ୱେର୍‍ସ ମାତ୍‍ତଣ୍ତ୍‌ ଅଂକିଙ୍କ୍‌ ଲେକେତ୍ ପଡ଼ିୟେ ତାଗ୍ ୱାଟିମାତ୍‍ତଣ୍ଡ୍‌ । ଯୋହନ୍‌‌ତେ ଶିକ୍ଷା କେଞ୍ଜି ସାରେଦିନା ଅଣ୍ଡ୍‌ କପାମ୍ ଆସ ମାତ୍‍କେ ମିକା ଅନ୍‌ ଗୋଟି କେଞ୍ଜାନଙ୍କ୍ ଅଣ୍ଡ୍‌ ଇଚ୍ଛା ମାଡ଼ମାତ୍‍ତଣ୍ଡ୍‌ ।
\p
\v 21 ଅଣ୍ଡ୍‌‍ଦାମ୍ ହେରୋଦିଆଙ୍କ୍‌ ୱେରଡ଼୍ ସୁଯୋଗ୍ ଦର୍‍କ୍‍ତେ । ହେରୋଦ୍‍ତ୍‍ତେ ଜନମ୍‍ଦିନେ ୱାତ୍‍ତେ, ତିଆର୍‍ଆତ୍‍ତେ ବୋଜିତିଙ୍କ୍ ବେଡ଼ିୟେ କର୍ମଚାରିଡ଼୍, ସେନାଦ୍ୟକ୍ଷ ନୁ ଗାଲିଲୀତେ ମାନ୍ଦାନ୍‍ ନାରୁଡ଼୍ କାର୍‍ଙ୍ଗ୍‍ତାଙ୍କ୍ ୱାସ୍‍ମାତ୍‍ତଡ଼୍ । 
\v 22 ହେରୋଦ୍‍ତେ ପିକିଡ଼୍ ଇଦ୍ ଉତ୍ସବତାଗ୍ ହେନ୍ଦି ମିକା ହେରୋଦତେ କୁଟ୍‍ମାମ୍‍ ତିଙ୍କ୍ ୱେଡ଼୍‌କେ ମାଡ଼ିମାତ୍‍ତେ । ଆଦିଙ୍କ୍ ହେରୋଦ୍‍ ପିକ୍‍ତିଙ୍କ୍ କେତ୍‍ତଣ୍ଡ୍‌, “ନିମେ ବାତ୍‍ତେ ଇଚ୍ଛା ମାଡ଼ୁତିନ୍, ବାତ୍‍ତେ ତାଲ୍‍କିତିନ୍ ଆଦ୍ ନାନେ ଇଦ୍‍ତାନ୍ ।” 
\v 23 ରାଜାଲ୍ ଗଟ୍‍ଇସ୍ କେତ୍‍ତଣ୍ଡ୍‌, “ନାନେ ପ୍ରାମାନ୍ ମାଡ଼ି କେତୁତାନ୍, ନିମେ ବାତ୍‍ତେ ତାଲ୍‍କିତିନ୍, ଇଦ୍‍ତାନ୍ ଇଦ୍‍ଲେକା‍ମ୍ ରାଜ୍ୟତାଗାଙ୍କ୍ ଦୁଡ଼େ ତାଲ୍‍କେ ମିକା ଇଦ୍‍ତାନ୍ ।”
\p
\v 24 ପିକିଡ଼୍ ୟାୟନ୍ ପାକେ ଆଞ୍ଜ୍ କେତ୍‍ତେ, “ବାତ୍‍ତେ ତାଲ୍‍କିତାନ୍ ?” ସାଙ୍ଗେ ସାଙ୍ଗେ ହେରୋଦ୍‍ତେ ମୁତେ କେତ୍‍ତେ, “ବାପ୍ତିସ୍ମ ଯୋହନ୍‌‌ତେ ତାଲେ ।” 
\v 25 ପିକିଡ଼୍ ମିରିୱାସ୍ ରାଜାଙ୍କ୍ କେତ୍‍ତେ, “ଇଞ୍ଜେକେ ବାପ୍ତିସ୍ମ ଯୋହନ୍‌‌ତେ ତାଲ୍ ତାଲିତାଗ୍ ୱାଟି ନାକ୍‍ ଇମୁଟ୍ ।”
\p
\v 26 ଇଦ୍ କେଞ୍ଜି ରାଜାଙ୍କ୍‍ ଗାଟି ଦୁଃକାମ୍‍ ଆତ୍‍ତେ, କିନ୍ତୁ କୁଟ୍‍ମାମ୍‍ତେ ମୁନେ ପ୍ରାମାନ୍ ମାଡ଼ିମାନ୍‍ନାଙ୍କ୍ ଇଲ୍‍ଲେ ଇଞ୍ଜ କେତ୍‍ତେ ପାର୍‍ୱେ ମାତ୍‍ତଣ୍ଡ୍‌ । 
\v 27 ଆଦିଙ୍କ୍ ଯୋହନ୍‌‌ତେ ତାଲେ କୟିସ୍‍ ତାତାନଙ୍କ୍ ରାଜାଲ୍‍ ସାଙ୍ଗେ ସାଙ୍ଗେ ଚାକର୍‍ନଡ଼୍‍କ୍ ରହତ୍‍ତଣ୍ଡ୍‌ । 
\v 28 ଚାକର୍‍ନଡ଼୍ ଜଇଲ୍‍ତାଗ୍ ଆଞ୍ଜ୍ ଯୋହନ୍‌‌ତେ ତାଲ୍‍ଲେ କୟିତ୍‍ତଡ଼୍ ନୁ ତାଲ୍‍ଲେ ତିଙ୍କ୍ ତାଲିତାଗ୍ ୱାଟି ଆ ପିକ୍‍ତିଙ୍କ୍ ଇ‍ତ୍‍ତଡ଼୍ । ଆଦ୍ ଅସ୍ ୟାୟଙ୍କ୍ ଇତ୍‍ତେ । 
\v 29 ଯୋହନ୍‌‌ତେ ଶିଷ୍ୟନଡ଼୍ କବର୍‍ କେଞ୍ଜି ଅନାଦ୍‌ ଡଲ୍‍ତେ ମେନ୍ଦୁଲ୍‍ତିଙ୍କ୍ ଅସ୍ ସମାଦି ଇସ୍‍ମାତ୍‍ତଡ଼୍ ।
\s ଏଇଙ୍କ୍ ରୂଟି ରେଣ୍ଡ୍ କିକେ
\r (ମାତିଉ ୧୪:୧୩-୨୧; ଲୁକ ୯:୧୦-୧୭; ଯୋହନ୍‌‌ ୬:୧-୧୪)
\p
\v 30 ପ୍ରେରିତ୍‍ ଶିଷ୍ୟଡ଼୍ ମାଲ୍‍ସ୍‍ ୱାସ୍ ବାତ୍ ବାତ୍ ଅଡ଼୍‌ ମାଡ଼ିମାତ୍‍ତଡ଼୍ ନୁ ଶିକ୍ଷା ଇସ୍‍ମାତ୍‍ତଡ଼୍, ଜିସୁଙ୍କ୍ କେତ୍‍ତଡ଼୍ । 
\v 31 ଇସର୍ ନାରୁଡ଼୍‍ ମାନ୍ଦେତ୍‍ ଲୋପେ ଜିସୁ ନୁ ତାନ୍ ଶିଷ୍ୟନଡ଼୍ ତିନ୍ଦାନଙ୍କ୍ ଦିନାମ୍ ଦର୍‍କ୍‍ୱେ ମାତ୍‍ତେ । ଜିସୁ ଅଡ଼୍‌‍କିଂଙ୍କ୍ କେତ୍‍ତନ୍, “ଦାଟିଟ୍, ମାନାଡ଼୍ ୱେରଡ଼୍ ବେନ ଇଲ୍‍ୱେ ଜାଗେତାଗ୍ ଆଦିକାଡ଼୍‍ । ଆଗେ ମିଡ଼୍ ସୁଦୁଟ୍ ଜେଲ୍ ରମେ ପାର୍‍ତିଡ଼୍ ।” 
\v 32 ତାନ୍‍ପେର୍କେ ଜିସୁ ନୁ ତାନ୍ ଶିଷ୍ୟନଡ଼୍ ଓଡା ତାରି ୱେରଡ଼୍ ଚିମ୍ ଚାମ୍ ଜାଗେତାଗ୍ ଆଦାନଙ୍କ୍ ପେଇତ୍‍ତଡ଼୍ ।
\p
\v 33 ଅଡ଼୍‌ ଆଦାନ୍‍ୱେଲେ ନାର୍ଗେ ନାରୁଡ଼୍ ଅଡ଼୍‌‍କିଂଙ୍କ୍ ଉଡ଼େ ପାର୍‍ୱଡ଼୍‍ ଆତ୍‍ତଡ଼୍ । ଆଦିଙ୍କ୍ ଅଡ଼୍‌ ବେନ୍‍ ବେନା ପଡ଼ିୟାନାଗାଙ୍କ୍ ପେଇସ୍ ଜିସୁ ନୁ ତାନ୍ ଶିଷ୍ୟନଡ଼୍ ବେନ୍‍ ଜାଗେତାଗ୍ ଆଞ୍ଜମାତ୍‍ତଡ଼୍, ମିରି ମିରି ଆଗେ ମୁନେ ଆଞ୍ଜ୍ ହେଉତ୍‍ତଡ଼୍ । 
\v 34 \x + \xo ୬:3୪ \xo*\xt ମାତିଉ ୯:3୬.\xt*\x*ଜିସୁ ଓଡେ ତାଗାଙ୍କ୍ ଡିଗି ଆଦ୍ ବେଡ଼୍‍ୟାଦ୍ ନାରୁଡ଼୍‍ ମାନ୍ଦେ ଉଡ଼ି ଅନାଦ୍‌ ହୃଦୟ ଦୟାତେ ନତ୍‍ତେ । ବାତେଙ୍କ୍‍ଇତ୍କେ ଅଡ଼୍‌‍ ମେୟ୍‍ତାନଣ୍ଡ୍‍ ଇଲ୍‍ୱେ ମେଣ୍ଢା ମାନ୍ଦେ ଲେକାମ୍ ମାତ୍‍ତଡ଼୍‌ । ଆଗେ ଜିସୁ ଅଡ଼୍‌‍କିଂଙ୍କ୍ ନାର୍ଗେ ବିଷୟ୍‍ତେ ଶିକ୍ଷା ଇଦାଙ୍କ୍ ପସ୍ପତ୍‍ତଣ୍ଡ୍‌ । 
\v 35 ପଡ଼ଦ୍‍ ଆଦାନାଦ୍ ଉଡ଼ି, ଶିଷ୍ୟନଡ଼୍ ଜିସୁଙ୍କ୍ ୱାସ୍ କେତ୍‍ତଡ଼୍, “ନାର୍ଗେ ଗମାଡ଼୍ ଆସମିନ୍ଦେ ନୁ ଇଦ୍ ପଡ଼ିୟେ ଗାଟି ଚିମ୍‍ଚାମ୍ । 
\v 36 ନାରୁଡ଼୍‍ ବେଲାନ୍ ଚାରେପାକା ଗୁଡ଼୍‍ଏକ୍‍ ବା ନାକିନାଗ୍ ଆଞ୍ଜ୍ ନିଜେ ନିଜେତ୍‌ ସେଙ୍ଗେ ତିନ୍ଦାନଙ୍କ୍ ବାତ୍‍ତେ ଆସିତଡ଼୍, ଆଦିନ୍‍ ସେଙ୍ଗେ ଅଡ଼୍‌‍କିଂଙ୍କ୍ ରହସିମୁଟ୍ ।”
\p
\v 37 ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍‌, “ମିଡ଼୍‍ ନିଜେ ଅଡ଼୍‌‍କିଂଙ୍କ୍ ବାତ୍‍ତେ ତିନ୍ଦାନଙ୍କ୍ ଇମୁଟ୍ ।” ଅଡ଼୍‌‍ କେତ୍‍ତଡ଼୍, “ନିମେ ବାତ୍‍ତେ ଇଚ୍ଛା ମାଡ଼ୁତିନ୍, ମାମେ ରେଣ୍ଡ୍‍ୱାନ୍ଦା ରୁପା\f + \fr ୬:୩୭ \fr*\fq ରୁପା \fq*\ft ଇତ୍‍କେ ଅଣ୍ଡୟ୍‌ ଦିନାତ୍ କୁଲ୍‍ଦେ ପାଇସା ଅଣ୍ଡୟ୍‌ ରୁପା ଡାଉକ୍ \ft*\f* ଡାଉକ୍‍ଙ୍କିନ୍‍ ତଡ଼୍ ରୋଟି ଆସି ତାସ୍ ଇଡ଼୍‍କିଙ୍କ୍ ଇଦିକାଡ଼୍ ?”
\p
\v 38 ଜିସୁ ପଚାର୍‍ମାଡ଼୍‍ତଣ୍ଡ୍‌, “ମିଇପାକେ ବେସ୍‌କ୍ ରୋଟି ମିନ୍ଦେ, ଉଡ଼ି ୱାଡ଼ାଟ୍ ।” ଅଡ଼୍‌‍ ଉଡ଼ି ୱାସ୍ ମାତର୍‌ ଏଇଙ୍କ୍ ରୋଟି ନୁ ରେଣ୍ଡ୍ କିକେ ମିନ୍ଦେ ଇଞ୍ଜ କେତ୍‍ତଡ଼୍ ।
\p
\v 39 ନାରୁଡ଼୍‍କିଙ୍କ୍ ମାନ୍ଦା ମାନ୍ଦା ମାଡ଼ି ଗାଡ୍‍ତେ ପରୁ କୁସ୍ପାନଙ୍କ୍ ଜିସୁ ଶିଷ୍ୟନଡ଼୍‍କ୍ କେତ୍‍ତଣ୍ଡ୍‌ । 
\v 40 ଅନ୍‌‍ ଗଟ୍‍ତେ ଲେକାମ୍ ନାରୁଡ଼୍‍କିଙ୍କ୍ ଲାଇନ୍‍ତେ ଶହେ ବା ପଚାଶ୍ ଲାକା କୁସ୍ପ୍‌ତଡ଼୍ । 
\v 41 ତାନ୍‍ପେର୍କେ ଜିସୁ ଆୱୁ ଏଇଙ୍କ୍ ରୋଟି ନୁ ରେଣ୍ଡ୍‍ କିକେ ଅସ୍ ସ୍ୱର୍ଗପାକେ ପରୁଉଡ଼ି ମିକା ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇତ୍‍ତଣ୍ଡ୍‌ । ମେଣ୍ଡେ ଆୱୁ ରୋଟିକିଙ୍କ୍ ଉସ୍‍ ନାରୁଡ଼୍ ପାକେ ସାରେତଡ଼୍‍କ୍ ତୁଉସିଦ୍‍ନଙ୍କ୍ ଶିଷ୍ୟନଡ଼୍‍କ୍ ଇତ୍‍ତଣ୍ଡ୍‌ । 
\v 42 ସାରେତଡ଼୍ ତିଞ୍ଜ୍ ଡଙ୍କ୍‍ ନିହିତ୍‍ତଡ଼୍ । 
\v 43 ତାନ୍‍ପେର୍କେ ଶିଷ୍ୟନଡ଼୍ ମିଗ୍ଲିମାନ୍ଦାନ୍ ରୋଟି ନୁ କିକେ ଦୁଡ଼ାକି ପେହେକି ବାରଟାନ୍ ଜୁଡ଼ିନାଗ୍ ନିହିତ୍‍ତଡ଼୍ । 
\v 44 ବେନଡ଼୍ ଆଦ୍ କାଦ୍ୟ ତିଞ୍ଜ୍‍ମାତ୍‍ତଡ଼୍, ଅଡ଼୍‌‍ ଆଗାଙ୍କ୍ ଆସାମ୍ ମାନେଇତେ ମାନ୍ଦେ ମାତ୍‍ତେ ଏଇଙ୍କ୍ ହଜାର୍‌ ।
\s ଜିସୁ ଏର୍‍ଦେ ପରୁ ତାକ୍‍ତନ୍
\r (ମାତିଉ ୧୪:୨୨-୩୩; ଯୋହନ୍‌‌ ୬:୧୫-୨୧)
\p
\v 45 ତାନ୍‍ପେର୍କେ ଜିସୁ ଶିଷ୍ୟନଡ଼୍‍କିଙ୍କ୍‌ ସମୁଦ୍ର ମେଣ୍ଡନ୍‍ ପାକେ ବେତ୍‌ସାଇଦାତା ଆଦାନ୍‍ ସେଙ୍ଗେ ମୁନେଙ୍କେ ଓଡେତାଗ୍ ରହସିତ୍‍ତଣ୍ଡ୍‌ । 
\v 46 ନାରୁଡ଼୍‍କିଙ୍କ୍ ରଅସିସ୍ ମିକା ଅଣ୍ଡ୍‌ ନିଜେ ପ୍ରାର୍ତନା ମାଡ଼ାନ୍‍ ସେଙ୍ଗେ ୱେରଡ଼୍‍ ମେଟେତ୍‍ ପରୁ ଆତ୍‍ତଣ୍ଡ୍‌ । 
\v 47 ମୁଲ୍‍ପୁଟ୍ ଆସ ମାନ୍ଦାନ୍‍ ୱେଲେ ଜିସୁ ୱେରଣ୍ଡେ ଆଞ୍ଚିନା ବୂମ୍‌ତାଗ୍‍ ମାତ୍‍ତଣ୍ତ୍‌ ନୁ ଓଡେ ସାଉଡ଼େ ନାଡ଼୍‍ମେ ମାତ୍‍ତେ । 
\v 48 ଅଡ଼୍‌‍ ମୁନେଙ୍କ୍ ଗାଲ୍‍ ୱାସମାନ୍‍ନାଙ୍କ୍ ଶିଷ୍ୟନଡ଼୍ ଗାଟି ତିପାଲ୍‍ତେ ଓଡେ କହସ ମାନ୍ଦାନାଦ୍ ଅଣ୍ଡ୍‌ ଉଡ଼୍‍ତଣ୍ଡ୍‌ । ଆଙ୍କାଡ଼୍‍ତେ ନାର୍କା ୩ ଟା ତାଗାଙ୍କ୍ ୬ ଟା ଆଇନା 
\v 49 ଜିସୁ ଏର୍‍ଦେ ପରୁ ତାକିତାକି ଅଡ଼୍‌‍ପାକେ ଗାର୍ରେ ହେଉତ୍‍ତଣ୍ଡ୍‌ । ଅଡ଼୍‌‍କିଂଙ୍କ୍ ହେରି ମିକା ଅଣ୍ଡ୍‌ ଆନେନ୍ । କିନ୍ତୁ ଅଙ୍କ୍‌ ଏର୍‍ଦେ ପରୁ ତାକାନାଦ୍ ଉଡ଼ି ଶିଷ୍ୟନଡ଼୍ ବୁତ୍‍ ଆଲ୍‍ସି ମର୍‍ପଇତ୍‍ତଡ଼୍ । 
\v 50 ଅଙ୍କ୍‌ ଉଡ଼ି ଅଡ଼୍‌ ୱେର୍‍ସ୍‍ ମାତ୍‍ତଡ଼୍ । ତାନ୍‍ ପେର୍କେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍‌, “ସାହାସ୍ ପୟିମ୍ ଇଣ୍ଡ୍ ନାନେ, ୱେର୍‍ମାଟ୍ ।” 
\v 51 ଆଦ୍ କେସ୍ ଓଡେତାଗ୍ ତାର୍‍ତନ୍ ନୁ ଆସୁଙ୍ଗେ ଗାଲ୍‍ ମାଦ୍‍ତେ । ଶିଷ୍ୟନଡ଼୍ ଆଦ୍‍ଉଡ଼ି ବାକ୍‍ୱା ଆତ୍‍ତଡ଼୍, 
\v 52 ବେଦିନ୍ ଏଇଙ୍କ୍ ରୋଟି ଗଟ୍‍ଣାତେ କାମ୍ ଅଡ଼୍‌ ପୁନ୍‍ୱେ ମାତ୍‍ତଡ଼୍, ବାତେଙ୍କ୍‍ଇତ୍କେ ଅଡ଼ାଦ୍‌‍ ଜ୍ଞାନ୍ ଶକ୍ତି ଇଲ୍‍ୱେ ମାତ୍‍ତେ ।
\s ଜିସୁ ଗିନେସର୍‍ତେ ରୋଗିନଡ଼୍‍କ୍ ସାୟେ ମାଡ଼୍‍ତନ୍
\r (ମାତିଉ ୧୪:୩୪-୩୬)
\p
\v 53 ସମୁଦ୍ରତିଙ୍କ୍ ହେରି ମିକା ଅଡ଼୍‌ ଗିନେସର୍‍ତାଗ୍ ହେୱୁସ୍ ଆଞ୍ଚିନ୍‍ ବୂମ୍‌ତାଗ୍‍ ଓଡେତିଙ୍କ୍ ତହସିତ୍‍ତଡ଼୍ । 
\v 54 ଅଡ଼୍‌‍ ଓଡେତାଗାଙ୍କ୍ ଡିଗାନ୍ ସାଙ୍ଗେ ସାଙ୍ଗେ ନାରୁଡ଼୍‍ ଜିସୁଙ୍କ୍ ହେଞ୍ଚତଡ଼୍, 
\v 55 ଆଦିଙ୍କ୍ ମିରିଆଞ୍ଜ୍ ଆଦ୍ ଗାର୍ରେ ନାର୍‍କିନାଗ୍ ମାନ୍ଦାନ୍ ନାର୍ଗେ ହେଣ୍ଡ୍‍କିନ୍ ରୋଗିନଡ଼୍‍କ୍ ଅନ୍‌‍ ପାକେ କାଞ୍ଜି ତାତ୍‍ତଡ଼୍ । 
\v 56 ଜିସୁ ବେନ୍ ନାର୍, ସହର୍ ନୁ ସୁଦୁଗୁଡ଼ିୟେ ନାକିନାଗ୍ ହେଉତ୍‍ତନ୍, ଆଗେ ଆଟ୍ ବାଜାର୍‍ତାଗ୍ ମାନ୍ଦାନ୍ ନାରୁଡ଼୍ ଲେକାମ୍‍ ରୋଗ୍‍ତେ ନଡ଼୍‍କିଙ୍କ୍ ୱାଟ୍‍ତଡ଼୍‍ ଅନ୍‌ ଚକାତିଙ୍କ୍ ଇଟାନଙ୍କ୍ ଅଂକିଙ୍କ୍‌ ଗଟ୍ ତାଲ୍‍କ୍‍ତଡ଼୍ ନୁ ଅନ୍‌ ସିଲେତ୍ କଙ୍ଗିଙ୍କ୍ ଇଟାନ୍ ସାଙ୍ଗେ ସାଙ୍ଗେ ରୋଗିନଡ଼୍ ସୁସ୍ଥ ଆତ୍‍ତଡ଼୍ ।
\c 7
\s ମୁନେତ୍‍ ନାରୁଡ଼ାଦ୍ ନିତିନିୟ
\r (ମାତିଉ ୧୫:୧-୯)
\p
\v 1 ଯିରୁଶାଲାମ୍‍ ତାଗାଙ୍କ୍ ୱାସ୍‍ମାନ୍ଦାନ୍‍ ବେସ୍‍କ୍‍ତୁଡ଼୍‍ ପାରୂଶୀଡ଼୍ ନୁ ଶାସ୍ତ୍ରିଡ଼୍‍ ଜିସୁନ୍ ଗାର୍‍ରେ ଗୁଡ଼୍‍ତଡ଼୍ । 
\v 2 ଅଡ଼୍‌‍ ଉଡ଼୍‌ତଡ଼୍‍ ଯେ, ଜିସୁନ୍‍ ବେସ୍‍କ୍‍ତଡ଼୍ ଶିଷ୍ୟଡ଼୍ ନିୟମ୍ ଲେକାମ୍‌ କାଇକ୍‍ ନର୍ସ୍ ତିନଡ଼୍‍ । ଫାରୁଶିଡ଼୍‍ ତିନ୍ଦାନ୍‍ ମୁନେ କାଇ ନର୍‍ଦାନ୍‍ ମାଇଦିଙ୍କ୍‍ ବେନ୍‍ ନିୟମ୍‍ ସାରେ ମାଡ଼ିମାତ୍‍ତଡ଼୍‍, ଶିଷ୍ୟଡ଼୍ ଆଦିଙ୍କ୍‍ ପାଲନ୍‍ ମାଡ଼କଟ ମାତ୍‍ତଡ଼୍‍ ।
\p
\v 3 ଫାରୁଶିଡ଼୍‍ ନୁ ବାଗାତ୍ ଯିହୁଦିଡ଼୍‍ ଅଡ଼୍‌‍ ମୁନେଙ୍କ୍‍ ତେ ଆନିଦାଦିଡ଼୍‍ ନିତିନିୟମ୍‍ ପାଲନ୍‍ ମାଡ଼ାନଡ଼୍‍, ନିୟମ୍‍ ତେ କାଇ ନର୍‍ୱକଟ ଅଡ଼୍‌‍ ତିନ୍‍ନଡ଼୍‍ । 
\v 4 ଆଟି ନାଗାଙ୍କ୍‍ ମାଲ୍‍ତେ ୱେୟେ ମୁନେଙ୍କେତେ ନିୟମ୍‍ ଲେକାମ୍ ଡେକା କାଇକ୍‍ ନର୍‍ୱକଟ ବାତ୍‍ ବା ତିନ୍‍ଅଡ଼୍‌‍ । ୱେଡ଼୍‍ତ୍‍ତେ, ଗିନେ, କୁଣ୍ଡା ନୁ ତାରାନାୱ୍‍ ଆକି ନର୍‍ଦାନ୍‍ ମାଇଦିଙ୍କ୍ ବେସ୍‍ ବେସତ୍ ତିଆର୍‍ ଆତ୍‍ତେ ନିୟମ୍‍ ଅଡ଼୍‌‍ ପାଲନ୍‍ ମାଡ଼ିତଡ଼୍‍ ।
\p
\v 5 ପାରୁଶୀଡ଼୍‍ ନୁ ଶାସ୍ତ୍ରୀଡ଼୍‍ ଜିସୁଙ୍କ୍ ପାଚାରା ମାଡ଼୍‍ତଡ଼୍‍, “ମାନ୍‍ ମୁନେଙ୍କ୍‍ତେ ଆନିଦାଦିଡ଼୍‍ ବେନ୍‍ସାରେ ନିତିନିୟମ୍‍ ତିଆର୍‍ ମାଡ଼ିସ୍‍ ଆଞ୍ଜ୍‍ମିନ୍ଦେଡ଼୍‍, ନି ଶିଷ୍ୟଡ଼୍ ଆଦିଙ୍କ୍ ପାଲନ୍‍ ମାଡ଼ଡ଼୍‍ ବାତେଙ୍କ୍‍ ? ନିୟମ୍‍ ଲେକାମ୍ ତିନ୍ଦାନ୍‍ ମୁନେଙ୍କ୍ କାଇକ୍‍ ନର୍‍ୱଡ଼୍‍ ବାତେଙ୍କ୍‍ ?”
\p
\v 6 ଜିସୁ ଉତ୍ତର୍‍ ଇତ୍‍ତଣ୍ଡ୍, “ମି ବିଷୟ୍‍ତେ ବାବବାଦି ଯିଶାଇୟ ବାତେ କେସ୍‍ମାତ୍‍ତଣ୍ଡ୍, ଆଦ୍‍ ନିଜାମ୍ । ଅନ୍‌‍ ଲେକ୍‌ତେ ଲେକାମ୍‌ ମିଡ଼୍‍ ସାରେ ବୁଚା ମାଡ଼ାନ୍ ଦାର୍ମିକ୍‍ନଡ଼ି ।
\q1 ଇଶ୍ୱର କେତ୍‍ତଣ୍ଡ୍, ‘ଇ ନାରୁଡ଼୍‍, ମାତର୍‍ ମକମ୍‍ତାଗ୍‍ ନାକିଙ୍କ୍ ସମ୍ମାନ୍‍ ଇଦ୍‍ତଡ଼୍‍,
\q2 କିନ୍ତୁ ହୃଦୟ୍‍ ତାୟାଗାଙ୍କ୍ ନାର୍ଗେ ଦୁରାମ୍‍ ।’
\q1
\v 7 ନାକିଙ୍କ୍ ଆରାଦନା ମାଡ଼ାନାଦ୍‍ ଅଡ଼ାଦ୍‌‍ ଇଲେ ।
\q2 ବାତେଙ୍କ୍‍ଇତ୍କେ ଅଡ଼୍‌‍ ନାରୁଡ଼୍‍ ମାଡ଼ିମାନ୍ଦାନ୍‍ ନିୟମ୍‍ତିଙ୍କ୍ ।
\p
\v 8 ମିଡ଼୍ ଇଶ୍ୱର୍‌ତେ ନିୟମ୍‍ତିଙ୍କ୍ ୱିଡ଼୍‍ସି, ନାରୁଡ଼ାଦ୍ ନିୟମ୍‍ତିଙ୍କ୍ ପାଲନ୍ ମାଡ଼ିତିଡ଼୍ ।”
\p
\v 9 ଜିସୁ ମେଣ୍ଡନ୍‍ଦାମ୍‍ କେତ୍‍ତଣ୍ଡ୍, ଇଶ୍ୱର୍‌ତେ ନିୟମ୍‍ତିଙ୍କ୍ କେପି ନିଜର୍‍ ଶିକ୍ଷାତିଙ୍କ୍‍ ପୟ୍‍ସ୍‍ ନେହ୍‍ତାନ୍‍ ମାଇଦିଙ୍କ୍ ମିଡ଼୍‍ ଲେକେତ୍‍ ଉପାୟ୍‍ ମାଡ଼ିମିନ୍ଦେଡ଼ି । 
\v 10 ମୋଶାଲ୍‌‍ ଆଜ୍ଞା ଇସ୍‌‍ମାତ୍‍ତଣ୍ଡ୍, ୟାୟ୍‍ବାବାଙ୍କ୍‍ ସମାଦର୍‍ ମାଡ଼ାଟ୍‍; ମେଣ୍ଡେ ବେନ ନିଜର୍‍ ୟାୟବାବାଙ୍କ୍‍ ଅବିସାପ୍‍ ଇତ୍‍ତଣ୍ଡ୍, ଅଙ୍କ୍‌ ଡଲାନ୍‍ ଦଣ୍ଡ୍‍ ଦର୍‍କିତ୍‍ । 
\v 11 ମି ପାକେ ବାତ୍‍ତେ ମିନ୍ଦେ ଆଦ୍ ୟାୟବାବାଙ୍କ୍ ସାହାଯ୍ୟ ମାଡ଼ାନାଦ୍‍, ଇଦ୍‍ରକମ୍ ଶିକ୍ଷା ଇଦ୍‍ତଣ୍ଡ୍, କିନ୍ତୁ ମିଡ଼୍ ବାତ୍‍ କେତୁତିଡ଼୍ ଆଦ୍‍ ଇଶ୍ୱର୍‌ତିଙ୍କ୍ “କୁର୍ବାନ୍,” ମାଡ଼ାଟ୍, ଇଦିନ୍‍ ଅର୍ତ ଇଶ୍ୱର୍‌ତିଙ୍କ୍ ଇମୁଟ୍‍, 
\v 12 ୟାୟ୍‍ବାବାଙ୍କ୍ ସାହାଯ୍ୟ ମାଡ଼ାନ୍‍ ଦାୟିତ୍ୟତାଗାଙ୍କ୍ ମୁକ୍ତ ଆଦ୍‍ତିଡ଼୍‍, 
\v 13 ଇଦ୍‍ଲେକାମ୍‍ ୱେର୍‍ ଅର୍‌ତୁଙ୍କ୍‌ ଇଦାନାଦ୍‌ ମିୟାଦ୍‍ ଶିକ୍ଷା ଇଶ୍ୱର୍‌ତେ ଆଜ୍ଞାତିଙ୍କ୍ ଫାଲନ୍‌ ମାଡ଼ୁତ୍‍ । ହିଦ୍‍ଲେକାମ୍‍ ମେଣ୍ଡେ ନାର୍ଗେ ପାଡ଼୍‍ୟି ମିଡ଼୍‍ ମାଡ଼ୁତିଡ଼୍‍ ।
\s ନାରୁଙ୍କ୍‍ ବାତେ ଅପବିତ୍ର ମାଡ଼ୁତେ
\r (ମାତିଉ ୧୫:୧୦-୨୦)
\p
\v 14 ଜିସୁ ମେଣ୍ଡନ୍‍ଦାମ୍‍ ନାରୁଡ଼୍‍କିଙ୍କ୍‍ କାର୍ଙ୍ଗି କେତ୍‍ତଣ୍ଡ୍, “ନା ଗଟ୍‍ ମନ୍‍ଇସ୍‌‍ କେଞ୍ଜାଟ୍‍ ନୁ ବୁଜେମ୍‍ ଆଦାଙ୍କ୍ ଚେଷ୍ଟା ମାଡ଼ାଟ୍‍ । 
\v 15 ବାୟ୍‍ଦେତ୍‍ ବାତ୍‍ ବିଷୟ୍‍ ନେଙ୍ଗି ଅଂକିଙ୍କ୍‌ ଅପବିତ୍ର ମାଡ଼୍‍ପାର୍‍ୱ । ବରଂ ବେନ୍‍ ବିଷୟ୍‍ ନାରୁତେ ଲୋପେଙ୍କ୍ ବାୟ୍‍ଦେ ପେୟ୍‍ତିତ୍‍, ଆଦେ କେ ଅଂକିଙ୍କ୍‌ ଅପବିତ୍ର ମାଡ଼ିତ୍‍ ।” 
\v 16 ଯଦି ବେନନାଦ୍ କେଞ୍ଜାନଙ୍କ୍ କେଉ ମିନ୍ଦେ ଅଣ୍ଡ୍‌ କେଞ୍ଜିଣ୍ଡ୍ । \f + \fr ୭:୧୬ \fr*\ft ବେସ୍‌କ୍ ବିଷୟକିନାଗ୍ ଇଦ୍ ଶଦ୍ଦ ମିନ୍ଦେ ମେଣ୍ଡେ ବେସ୍‌କ୍ ଶଦ୍ଧନାଗ୍‍ ଇଲା\ft*\f*
\p
\v 17 ଜିସୁ ମୁଲ୍‍ଦେ ଲୋପେଙ୍କ୍ ୱାସ୍‍ ଲୋନ୍‌‍ ନେଙ୍ଗ୍‍ତେ ପେର୍କେ, ଅନାଦ୍‌‍ ଇ ଶିକ୍ଷାତିଙ୍କ୍‍ ବୁଜାମାଡ଼ାନ୍‍ ମାଇଦିଙ୍କ୍‍ ଶିଷ୍ୟଡ଼୍ ଜିସୁଙ୍କ୍‍ ଅନୁରଦ୍‌ ମାଡ଼୍‍ତଡ଼୍‍ । 
\v 18 ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ୱେର୍‍ତଡ଼୍‍ ଲେକାମ୍‍ ମିଡ଼୍‍ ଆନ୍‌ତେ ବୁଜେମ୍‍ ଆଦାନ୍‍ ଶକ୍ତି ବାତେ ଇଚୁର୍‌ ? ଇସର୍‍ତିଙ୍କ୍ ବୁଜେମ୍‍ ଆଦାଙ୍କ୍ ପାର୍‍ୱିଡ଼୍‍ ? ବାତା ସାରେ ନାରୁନ୍‍ ମେନ୍ଦୁଲ୍‍ତେ ବାୟ୍‍ଦେକଞ୍ଚ୍‍ ଲୋପ୍‍ ନେଙ୍ଗିତା, ଆୱ୍‍ ଅଂକିଙ୍କ୍‌ ଅପବିତ୍ର ମାଡ଼୍‍ପାର୍‍ୱ 
\v 19 ବାତେଙ୍କ୍‍ଇତ୍କେ ଆଦ୍‍ ହୃଦୟ୍‍ତାଗ୍‍ ନେଙ୍ଗକଟ ଲୋପେ ଆଦ୍‍ତେ ନୁ ତାନ୍‍ପେର୍କେ ମେନ୍ଦୁଲ୍‍ ତାଗାଙ୍କ୍ ପେଇସ୍‍ ଆଦ୍‍ତେ । ଇଦ୍‍ କେତାନ୍‍ ଲେକାମ୍‍ ସାରେ କାଦି ସୁଚ୍ଛି ଇଞ୍ଜ ଜିସୁ କେସିସ୍‍ ମାତ୍‍ତଣ୍ଡ୍‍ ।
\p
\v 20 ଅଣ୍ଡ୍‌ ମେଣ୍ଡ୍ କେତ୍‍ତଣ୍ଡ୍, ବାତା ସାରେ ନାରୁନ୍‍ ଲୋପେତାଗାଙ୍କ୍‍ ପେୟ୍‍ତିତା, ଆଦେ କେ ଅଂକିଙ୍କ୍‌ ଅପବିତ୍ର ମାଡ଼ିତେ, 
\v 21 ବାତେଙ୍କ୍‍ଇତ୍କେ ଅନାଦ୍‌‍ ହୃଦୟ୍‍ତାଗାଙ୍କ୍ ପେୟ୍‍ତିତ୍‍ କାରାପ୍‍ ଚିନ୍ତେତ୍‍ ତଡ଼୍‍ ଅଣ୍ଡ୍‌ ବେସ୍‍ ବେସତ୍‍ ନିୟମ୍‍ତାଗ୍‍ ଇଲ୍‍ୱେ ଲେକେତ୍‍ ପାଡ଼୍‍ୟି ମାଡ଼ିତ୍‍ତେ, 
\v 22 ଇତ୍କେ ଡଙ୍ଗାନାଦ୍‍, ନାରିଙ୍କ୍ ଆୱ୍‍କାନାଦ୍‍, ଆର୍‍ଲା ମାଡ଼ାନାଦ୍, ଆଶେ ନୁ ବେସ୍‍ ବେସତ୍‍ କାରାପ୍‍ କାମ୍‍, କାରାପ୍‍ ବ୍ୟବହାର୍‍, କପାମ୍‍, ଆଙ୍କାର୍‍ ନୁ ମୁର୍କ । 
\v 23 ଇୱୁ ସାରେ କାରାପ୍‍ ବିଷୟ୍‍ ନାରୁନ୍‍ତେ ହୃଦୟ୍‍ତାଗାଙ୍କ୍‍ ଜନମ୍‌ ଆସ୍ ଅଂକିଙ୍କ୍‌ କାରାପ୍ ମାଡ଼ିତେ ।
\s ଅଣ୍ଡୟ୍‌ ନାଟାଡ଼୍‍ତେ ବିଶ୍ୱାସ୍‍
\r (ମାତିଉ ୧୫:୨୧-୨୮)
\p
\v 24 ତାନ୍‍ପେର୍କେ ଜିସୁ ଆଦ୍‍ ପଡ଼୍‍ୟି ୱିଡ଼୍‍ସି ଶହର୍‍ ଗାରେମାନ୍ଦାନ୍ ଅଞ୍ଚଲତାଗ୍‍ ଆତ୍‍ତଣ୍ଡ୍ । ଆଗେ ଅଣ୍ଡ୍‌ ୱେରଡ଼୍‍ ଲୋନ୍‌‍ ନେଙ୍ଗି ପୁନ୍‍ୱେକଟ ମାନ୍ଦାନ୍‍ ମାଇଦିଙ୍କ୍ ଇଚ୍ଛା ମାଡ଼୍‍ତଣ୍ଡ୍, କିନ୍ତୁ ଅଣ୍ଡ୍‌ ଲୋପେ ମାନ୍ଦ୍‍ପାର୍‍ୱଣ୍ଡ୍ । 
\v 25 ୱେର୍‌ଡ଼୍‌ ନାଟାଡ଼୍‍ତେ ମାୟାଡ଼୍‍ତିଙ୍କ୍ ବୁତ୍‌ ପୟିସ୍‍ ମାତ୍‍ତେ । ଜିସୁନ୍‍ ୱାଦାନ୍‍ ଗଟ୍‍ କେଞ୍ଜି ଆଦ୍‍ ଅନ୍‌‍ଗାରେ ୱାସ୍‍ ଅନ୍‌‍ ଡେକେତ୍‍ ମଦଲ୍‍ ରାଲ୍‍ତେ । 
\v 26 ଆଦ୍‍ ମାତ୍‍ତେ ସୁରପୈନିକି ଅଞ୍ଚଲ୍‍ତେ ଗ୍ରୀକ୍ ଅଣଇହୁଦିଲ୍‌ । ତାନ୍‍ ମାୟାଡ଼୍‍ ତାଗାଙ୍କ୍‍ ବୁତ୍‌ ୱିଡ଼୍‍ସ୍‍ପାନ୍‍ ମାଇଦିଙ୍କ୍ ଆଦ୍‍ ଜିସୁଙ୍କ୍ କେତ୍‍ତେ । 
\v 27 କିନ୍ତୁ ଜିସୁ ଉତ୍ତର୍‍ ହିତ୍‍ତଣ୍ଡ୍, ନିଜର୍‍ ପିଲାଙ୍କ୍ ମୁନେଙ୍କ୍ ତିହିତ୍‍ ୱେୟ୍‍ତିତ୍‍ । ପିଲାନ୍‍ କାଦି ଅସ୍‍ ନେୟ୍‍କିନ୍‍ ମୁନେ ୱାଟିଦାନାଦ୍‍ ସାୟେ ଆୟ ।
\p
\v 28 ନାଟାଡ଼୍‍ କେତ୍‍ତେ, ଆଜ୍ଞା, ନେୟ୍‍କ୍‍ ଟେବୁଲ୍‍ତେ ମଦଲ୍‍ ମାଞ୍ଜ୍ ପିଲାନ୍‍ ଏଙ୍ଗୁଲ୍‍ତିଙ୍କ୍ ତିନ୍ତ୍‍ତା ।
\p
\v 29 ଜିସୁ ତାଙ୍କ୍‍କିଙ୍କ୍ କେତ୍‍ତଣ୍ଡ୍, ନିଜାମ୍‍ ଗଟ୍‍, ଇଞ୍ଜେକେ ଲୋନ୍‌‍ ମାଲ୍‍ସ୍‍ ଆଞ୍ଜ୍‍ ଉଡ଼େ, ନି ମାୟାଡ଼୍‍ ତାଗାଙ୍କ୍‍ ବୁତ୍‌ ୱିଡ଼୍‍ସି ଆଞ୍ଜ୍‍ମିନ୍ଦେ ।
\p
\v 30 ନାଟାଡ଼୍‍ ଲୋନ୍‌‍ ମାଲ୍‍ସ୍‍ ଆଞ୍ଜ୍ ଉଡ଼୍‍ତେ ଯେ, ତାନ୍‍ ମାୟାଡ଼୍‍ କେତିତାଗ୍‍ ପାଟିମିନ୍ଦେ ନୁ ନିଜାମ୍‍ ବୁତ୍‌ ତାଙ୍କ୍‍କିଙ୍କ୍ ୱିଡ଼୍‍ସି ମିନ୍ଦେ ।
\s ଜିସୁ କନ୍ଦାଙ୍କ୍ ନୁ କେଞ୍ଜାନଙ୍କ୍ ପାର୍‍ୱେନଙ୍କ୍ ସାୟେ ମାଡ଼୍‍ତଣ୍ଡ୍
\p
\v 31 ତାନ୍‍ ପେର୍କେ ଜିସୁ ସୋର ଅଞ୍ଚଲତାଗାଙ୍କ୍ ସିଦନ୍‍ତାଗ୍‍ ଆଞ୍ଜ୍‍ ଆଗାକଞ୍ଚ୍‍ ଦେକାପଲୀ ପ୍ରଦେଶ ଲୋପେଙ୍କ୍‍ ଇସ୍‌‍ ଗାଲିଲୀ ଆଞ୍ଚିନାଗ୍‍ ୱାସ୍‍ ହେୱ୍‍ତଣ୍ଡ୍ । 
\v 32 ଆଗାକଞ୍ଚ୍‍ ବେସ୍‍କ୍‍ତଡ଼୍ ନାରୁଡ଼୍‍ ୱେରଙ୍କ୍‌ ବୟ୍‍ରାଙ୍କ୍ ଜିସୁନ୍‍ ଗାରେ ତାତ୍‍ତଡ଼୍‍ । ଅଣ୍ଡ୍‌ ଲେକେତ୍‍ ଗଟି ତିର୍‍ୟେ ପାର୍‍ୱକଟ ମାତ୍‍ତଣ୍ଡ୍ । ଅନ୍‌‍ ପର କାଇ ୱାଟାନ୍ ମାଇଦିଙ୍କ୍ ଅଡ଼୍‌‍ ଜିସୁ ଅନୁରଦ୍‌‌ ମାଡ଼୍‍ତଡ଼୍‍ । 
\v 33 ଜିସୁ ଅଂକିଙ୍କ୍‌ ୱେର୍‌ଙ୍କେ ନାରୁଡ଼୍‍ ଲୋପେଙ୍କ୍‍ ସୁଦୁର୍‍ ଦୁରାମ୍‍ ଆତ୍‍ତଣ୍ଡ୍ । ଅଣ୍ଡ୍‌ କେୱ୍‍ଦାଗ୍‍ ୱାଡ଼୍‍ଞ୍ଜ୍‍ ଆଦ୍‍ପି, ଉଚି ଅନ୍‌‍ ୱାଞ୍ଜେର୍‍ତିଙ୍କ୍ ହିଟ୍‍ତଣ୍ଡ୍ । 
\v 34 ତାନ୍‍ପେର୍କେ ସ୍ୱର୍ଗତ୍‍ପାକେ ପର୍‍ଉଡ଼ି, ଗାଟିନେସ୍‍କି କେତ୍‍ତଣ୍ଡ୍ “ଇପ୍‍ପତଃ !” ଅର୍ତ ଲେଙ୍ଗା ।
\p
\v 35 ସାଙ୍ଗେ ସାଙ୍ଗେ ନାରୁଣ୍ଡ୍ କେଞ୍ଜାନ୍‍ ଶକ୍ତି ପାଏମ୍‍ ଆତ୍‍ତଣ୍ଡ୍, ଅନାଦ୍‌‍ କନ୍ଦାଲ୍‍ ବନ୍ଦନ୍‍ ଦୁର୍‍ ଆତ୍‍ତେ ନୁ ଅଣ୍ଡ୍‌ ଇଞ୍ଜ୍‍ ଲେକେତ୍‍ ଗଟି ତିର୍‍ୟେ ପାର୍‍ଦୁତଣ୍ଡ୍ । 
\v 36 ଇ ଗଟନା ବିଷୟ୍‍ତେ ୱେର୍‍ତଡ଼୍‍କିଙ୍କ୍‍ ବାତେ ବା କେଲ୍‍ମାଟ୍‍ ଇଞ୍ଜ ଜିସୁ ନାରୁଡ଼୍‍କ୍‍ ଆଦେଶ୍‍ ହିତ୍‍ତଣ୍ଡ୍ । କିନ୍ତୁ ଜିସୁ ବେସର୍‍ ମନା ମାଡ଼୍‍ତଣ୍ଡ୍‍, ନାରୁଡ଼୍‍ ଆସର୍‍ କେସ ଉଡ଼୍‌ତଡ଼୍‍ । 
\v 37 ବେନଡ଼୍‍ ଇ ସାରେ ଗଟି କେଞ୍ଜ୍‍ତଡ଼୍‍, ଅଡ଼୍‌‍ କାବା ଆସ୍‍ କେତ୍‍ତଡ଼୍‍, ଅଣ୍ଡ୍‌ ବେସର୍‍ ଚମତ୍କାର୍‍ତେ ପାଡ଼୍‍ୟି ମାଡ଼ୁତଣ୍ଡ୍, ବୟ୍‍ରାଙ୍କ୍‍ କେଞ୍ଜାନ୍‍ ଶକ୍ତି, କନ୍ଦାଙ୍କ୍‍ ତିର୍‍ୟାନ୍‍ ଶକ୍ତି ଇସ୍‍ ମିନ୍ଦେଣ୍ଡ୍ ।
\c 8
\s ଜିସୁ ନାଲୁ ହଜାର୍‍ ନାରୁଡ଼୍‍କ୍‍ ତିତ୍‍ତଣ୍ଡ୍
\r (ମାତିଉ ୧୫:୩୨-୩୯)
\p
\v 1 ଆ ବେସ୍‌କ୍ ଦିନାତେ ପେର୍କେ ଅଣ୍ଡ୍‌‍ଦାମ୍‍ ନାର୍ଗେ ନାରୁଡ଼୍‍ ଜିସୁନ୍‍ ଗାରେ ଗୁଡ଼ିମାତ୍‍ତଡ଼୍‍ । ବେସୁଙ୍କ୍‍ ଅଡ଼ାଦ୍‌‍ କାଦି ତେର୍‍ତେ, ଜିସୁ ଶିଷ୍ୟଡ଼୍‍କିଙ୍କ୍ କାର୍‍ଙ୍ଗି କେତ୍‍ତଣ୍ଡ୍, 
\v 2 ଇ ନାରୁଡ଼୍‍ ମୁଣ୍ଡ୍‍ଦିନା ଆତ୍‍ତେ ନା ଗାରେ ମିନ୍ଦେଡ଼୍‍ ଇଞ୍ଜେ । ଅଡ଼୍‌‍ କାୟ୍‍ଦେ ତିନ୍ଦାନ୍‍ ମାଇଦିଙ୍କ୍ ବାତା ଇଲ୍‍ୱାଙ୍କ୍‍ ନାକିଙ୍କ୍‍ ଦୁଃକାମ୍‌ ୱେସୁତ୍‍ । 
\v 3 ଅଡ଼୍‌‍କିଂଙ୍କ୍‍ ତିୱ୍‌କଟ ୱିଡ଼୍‍ସିତ୍‍କେ, ମାଲ୍‍ସ୍‍ ଆଦାନ୍‍ ୱେଲେ ଅଡ଼୍‌‍ ଆଇଦ୍‌ତଡ଼୍‍ । ଅଡ଼୍‌‍ ଲୋପେଙ୍କ୍ ବେସ୍‍କ୍‍ତଡ଼୍ ନାର୍ଗେ ଦୁରାକଞ୍ଚ୍‍ ୱାସ୍‍ମିନ୍ଦେଡ଼୍ ।
\p
\v 4 ଶିଷ୍ୟଡ଼୍ ପାଚ୍ରାରା ମାଡ଼୍‍ତଡ଼୍‍, ଇଗ୍‍ ବାତ୍‍ଇଲ୍‍ୱେ ଜାଗାତାଗ୍‍ ଇସର୍‍ ନାରୁଡ଼୍‍କିଙ୍କ୍ ତିନ୍ଦାନ୍‌ ମାଇଦିଙ୍କ୍ ମାମ୍‍ ବେଗାକଞ୍ଚ୍ କାଦି ଯୋଗାଡ଼୍‍ ମାଡ଼୍‍ପାର୍‍ଦ୍‍ ତମ୍‍ ?
\p
\v 5 ଜିସୁ ପାଚ୍ରାରା ମାଡ଼୍‍ତଣ୍ଡ୍, ମି ଗାରେ ବେସ୍‌କ୍ ରୂଟି ମିନ୍ଦେ ?
\p
\v 6 ମାତର୍‍ ସାତ୍‍ଟାନେ ଇଞ୍ଜ ଅଡ଼୍‌‍ ଉତ୍ତର୍‍ ଇତ୍‌ତଣ୍ଡ୍‌ । ଜିସୁ ନାରୁଡ଼୍‍କିଙ୍କ୍‍ ନେଲ୍‍ କୁଦାନ୍‍ ମାଇଦିଙ୍କ୍‍ କେତ୍‍ତଣ୍ଡ୍‍ । ତାନ୍‍ପେର୍କେ ଆ ସାତ୍‍ଟାନ୍‍ ରୂଟିଙ୍କ୍ ଅସ୍‍ ଜିସୁ ଇଶ୍ୱର୍‌ତିଙ୍କ୍ ଦନ୍ୟବାଦ୍‍ ଇତ୍‌ତଣ୍ଡ୍‌ ନୁ ଆୱିଙ୍କ୍ ଉୱୁସ୍‍ ନାରୁଡ଼୍‍ ଲୋପେ ତୁସାନ୍‍ ମାଇଦିଙ୍କ୍ ଶିଷ୍ୟଡ଼୍ କାଇଦେ ଇତ୍‌ତଣ୍ଡ୍‌‍ । ଶିଷ୍ୟଡ଼୍ ଆୱିଙ୍କ୍ ତୁସ୍‍ତଡ଼୍‍ । 
\v 7 ଅଡ଼୍‌‍ ଗାରେ ବେସ୍‌କ୍ ସୁଦୁରାୱ୍‍ କିକେ ଆନ୍‌ତେ ମାତ୍‍ତା । ଆଦିନ୍‍ ମାଇଦିଙ୍କ୍ ଅଣ୍ଡ୍‌ ଇଶ୍ୱର୍‌ତିଙ୍କ୍‍ ଅଣ୍ଡ୍‌‍ ମେଣ୍ଡ୍‍ନ୍‍ ଦାମ୍‍ ଦନ୍ୟବାଦ୍‌ ଇସ୍ ଆୱିଙ୍କ୍‍ ତୁଉସାନ୍‌‍ ମାଇଦିଙ୍କ୍‍ ଶିଷ୍ୟଡ଼୍‍କ୍‍ କେତ୍‍ତଣ୍ଡ୍‍ । 
\v 8 ସାରେ ତଡ଼୍‍ ନାର୍ଗେ ତିଞ୍ଜ୍ ପାଞ୍ଚ୍‍ତଡ଼୍‍ । ମିଗିଲ୍‍ତାୱୁ ରୂଟି ସାତ୍‍ଟାନ୍‍ ଜୁଡ଼ିନାଗ୍‍ ପେଏକି ନେଏତ୍‍ତଡ଼୍‍ । 
\v 9 ନାଲୁ ହଜାର୍‍ ନାରୁଡ଼୍‍ ଇ କାଦି ତିଞ୍ଜ୍‍ମାତ୍‍ତଡ଼୍‍ ନୁ ମିଗ୍‍ଲି ରାଲି ମାନ୍ଦାନ୍‍ ଉର୍‍ଙ୍ଗ୍‍ତାଉ ରୂଟିକିଙ୍କ୍ ଶିଷ୍ୟଡ଼୍ ପେହେକି ସାତ୍‍ଟାନ୍‍ ଜୁଡ଼ି ନିଃହ୍‍ତଡ଼୍‍ । 
\v 10 ତାନ୍‍ପେର୍କେ ଜିସୁ ନାରୁଡ଼୍‍କିଙ୍କ୍ ରହ୍‍ସିସ୍‌ ଶିଷ୍ୟଡ଼୍ ତ ଓଡ୍‍ତାଗେ ତାରି ଦଲ୍‍ମନୁତା ନାର୍‍ଦା ଆତ୍‍ତଣ୍ଡ୍‍ ।
\s ଫାରୁଶିଡ଼୍‍ ଆଶର୍ଯ୍ୟ ପାଡ଼୍‍ୟି ଉଡ଼ାଙ୍କ୍‍ ଇଚ୍ଛା ମାଡ଼୍‍ତଡ଼୍‍
\r (ମାତିଉ ୧୬:୧-୪)
\p
\v 11 \x + \xo ୮:୧୧ \xo*\xt ମାତିଉ ୧୨:3୮; ଲୁକ ୧୧:୧୬.\xt*\x*ଅଣ୍ଡ୍‌ ଦିନେ ବେସ୍‍କ୍‍ତଡ଼୍ ଫାରୁଶିଡ଼୍‍ ଜିସୁନ୍‍ ଗାରେୱାସ୍‍ ଅନ୍‌‍ ତଡ଼୍‍ ରାମ୍‍କ୍ ମାଡ଼ାଙ୍କ୍‍ ପସ୍‍ପ୍‍ତଡ଼୍‍ । ଜିସୁନ୍‍ ଦୋଷତିଙ୍କ୍ ପୟ୍‍ଦାନ୍‍ ମାଇଦିଙ୍କ୍ ଉଡ଼୍‍ୟ୍‍ ୱାଟି ଅଡ଼୍‌‍ ଅଂକିଙ୍କ୍‌ ଅନୁରଦ୍‌ ମାଡ଼୍‍ତଡ଼୍‍ ଅଣ୍ଡୟ୍‌ ଆଶର୍ଯ୍ୟ ପାଡ଼ିୟ୍‍ ମାଡ଼ି ଅଣ୍ଡ୍‌ ପ୍ରମାଣ୍ ମାଡ଼ିଣ୍ଡ୍ ଯେ, ଅନ୍‌‍ ସେଙ୍ଗେ ଇଶ୍ୱର୍‌ତେ ଶକ୍ତି ମିନ୍ଦେ । 
\v 12 \x + \xo ୮:୧୨ \xo*\xt ମାତିଉ ୧୨:3୯; ଲୁକ ୧୧:୨୯.\xt*\x*ଜିସୁ ଗାଟି ନେସ୍‍କି କେତ୍‍ତଣ୍ଡ୍, “ଇ ଯୁଗ୍‍ତେ ନାରୁଡ଼୍‍, ବାକ୍‍ୱା ପାଡ଼ିୟ୍‍ ଉଡ଼ାନ୍‍ ମାଇଦିଙ୍କ୍‍ ବାତେଙ୍କ୍‍ ଇସର୍‍ ଦାନ୍ଦେ ? ନାନ୍‍ ମିକିଂଙ୍କ୍‍ ସତ୍‍ କେସ୍‍ ନେହ୍‍ତୁତାନ୍‍, ଇ ଲେକେତ୍‍ ପ୍ରମାଣ୍ ଇ ନାରୁଡ଼୍‍କ୍‍ ଇଦାନାଦ୍‍ ଆୟ୍‍ୟ ।”
\p
\v 13 ଇଲା କେସ୍‍ ଜିସୁ ଅଡ଼୍‌‍କିଂଙ୍କ୍‍ ୱିଡ଼୍‍ସି ଓଡ୍‍ତାଗ୍‍ ମାଲ୍‍ସ୍‍ ୱାତ୍‍ତଣ୍ଡ୍ ନୁ ମାଡ଼୍‍ଗିନ୍‍ ଆପ୍‍ପାକା ଆତ୍‍ତଣ୍ଡ୍‍ ।
\s ହେରୋଦ୍ ନୁ ଫାରୁଶିଡ଼୍‍ ପାଣ୍ଡୁମ୍
\r (ମାତିଉ ୧୬:୫-୧୨)
\p
\v 14 ଅଣ୍ଡ୍‌‍ଦିନେ ଶିଷ୍ୟଡ଼୍ ରୂଟି ଅଦାନଙ୍କ୍‍ ମାର୍ଙ୍ଗି ମାତ୍‍ତଡ଼୍‍ । ଅଡ଼୍‌‍ ଗାରେ ମାତର୍‍ ଅଣ୍ଡୟ୍‌‍ ରୂଟି ମାତ୍‍ତେ । 
\v 15 \x + \xo ୮:୧୫ \xo*\xt ଲୁକ ୧୨:୧.\xt*\x*ଜିସୁ ଅଡ଼୍‌‍କିଂଙ୍କ୍ ସତର୍କ ମାଡ଼ି କେତ୍‍ତଣ୍ଡ୍‍, “ସାବଦାନ୍‍, ଫାରୁଶିଡ଼୍‍ ନୁ ହେରଦ୍‍ତେ ପାଣ୍ଡୁମ୍‍ତାଗାଙ୍କ୍‍ ସତର୍କ ମାନୁଟ୍‍ ।”
\p
\v 16 ଶିଷ୍ୟଡ଼୍ ଇ ବିଷୟ୍‍ତେ ନିଜର୍‍ ନିଜର୍‍ ଲୋପେ ଆଲ୍‍ସି ମିକା କେତ୍‍ତଡ଼୍‍, “ମାମ୍‍ ସାଙ୍ଗ୍‍ତେ ରୂଟି ତାଡ଼୍‍ୱାଙ୍କ୍‍ ଅଣ୍ଡ୍‌‍ ଇଗଟି କେତୁତଣ୍ଡ୍‍ ।”
\p
\v 17 ଅଡ଼୍‌‍ ବାତେ ଆଲ୍‍ସି ମିନ୍ଦେଡ଼୍‍, ପୁଞ୍ଜ୍‍ମେଣ୍ଡେ ଜିସୁ କେତ୍‍ତଣ୍ଡ୍‍, “ଗାରେ ରୂଟି ଇଲେ ଇଞ୍ଜ ଇସର୍‍ ଆଲ୍‍ସୁତିଡ଼୍‍ ବାତେଙ୍କ୍‍ ? ମିଡ଼୍‍ ବାତେ ଇଞ୍ଜ୍‍ଜେକ୍‍ ଆଇନା ପୁନ୍ଦ୍‍ପାର୍‍ୱିଡ଼୍‍ କି ବୁଜେମ୍‍ ଆଦ୍‍ପାର୍‍ୱିଡ଼୍‍ ? ଇସର୍ ବାକ୍‍ୱା ନଡ଼ି ! 
\v 18 \x + \xo ୮:୧୮ \xo*\xt ମାର୍କ ୪:୧୨.\xt*\x*କଣ୍ଡା ମାଞ୍ଜ୍‍ ବାତେ ଉଡ଼୍‍ପାର୍‍ୱିଡ଼୍‍, କେୱ୍‍କ୍‍ ମାଞ୍ଜ୍‍ କେଞ୍ଜ୍‍ ପାର୍‍ୱିଡ଼୍‍ ଏର୍କେ ମାଡ଼ିୱିଡ଼୍‌ ? 
\v 19 ଏଇଙ୍ଗ୍‍ ରୂଟି ଉୱୁସ୍‍ ବେଲା ଏଇଙ୍ଗ୍‍ ହଜାର୍‍ ନାରୁଡ଼୍‍କିଙ୍କ୍‍ ତିହ୍‍ସ୍‍ମାତ୍‍ତିଡ଼୍‍, ମିକ୍‍ ବାତେ ହେର୍କେ ଇଲେ ? ଆ ଦିନେତ୍‍ ଲେକାମ୍‍ ରାଲି ମାନ୍ଦାନ୍‍ ରୂଟି ଦୁଙ୍କା ସାରେ ପେହ୍‍କି ବେସ୍‌କ୍ ଜୁଡ଼ି ନିହ୍‍ସ୍‍ ମାତ୍‍ତିଡ଼୍‍, ହେର୍କେ ମିନ୍ଦେ ?”
\p “ବାର୍‍ଟାନ୍‍” ଇଞ୍ଜ ଶିଷ୍ୟଡ଼୍ ଉତ୍ତର ହିତ୍‍ତଡ଼୍‍ ।
\p
\v 20 ଜିସୁ ମେଣ୍ଡେ ପାଚ୍ରାରା ମାଡ଼୍‍ତଣ୍ଡ୍‍, “ମେଣ୍ଡେ ବେସୁଙ୍କ୍‍ ନାଲୁ ହଜାର୍‍ ନାରୁଡ଼୍‍ ମାଇଦିଙ୍କ୍‍ ସାତ୍‍ଟାନ୍‍ ରୂଟି ଉୱୁସ୍‍ ମାତ୍‍ତାନ୍‍, ମିଗିଲି ମାତ୍‍ତେ ରୂଟି ଦୁଙ୍କା ପେହ୍‍କି ବେସ୍‌କ୍ ଜୁଡ଼ି ନୀଇସ୍‍ ମାତ୍‍ତିଡ଼୍‍ ?” ଅଡ଼୍‌‍ ଉତ୍ତର୍ ଇତ୍‍ତଡ଼୍‍, “ସାତ୍‍ଟାନ୍‍ ।”
\p
\v 21 ଜିସୁ ପ୍ରଶ୍ନ ମାଡ଼୍‍ତଣ୍ଡ୍‍, “ଆଗେକ୍‍ ବା ବାତେ ମିଡ଼୍‍ ବୁଜେମ୍‍ ଆୟ୍‍ୱିଡ଼୍‍ ?”
\s ଜିସୁ ବେତ୍‍ସାଇଦାତାଗ୍‍ କାନାଙ୍କ୍‍ ଉଡ଼ାନ୍‍ ଶକ୍ତି ହିତ୍‍ତଣ୍ଡ୍‍
\p
\v 22 ଅଡ଼୍‌‍ ବେସୁଙ୍କ୍‍ ବେତ୍‍ସାଇଦା ନାର୍‍ ଏୱ୍‍ତଡ଼୍‍, ନାରୁଡ଼୍‍ ୱେରଙ୍କ୍‍ କାନାଙ୍କ୍‍ ଜିସୁନ୍ ଗାରେ ତାସ୍‍ ଅଂକିଙ୍କ୍‌ ଇଟାନ୍‍ ମାଇଦିଙ୍କ୍‍ ଅନୁରୋଦ ମାଡ଼୍‍ତଡ଼୍‍ । 
\v 23 ଜିସୁ କାନାନ୍‍ କାଇ ପୟ୍‍ସ୍‍ ଅଂକିଙ୍କ୍‌ ନାର୍‍ଦେ ବାୟ୍‍ଦ୍‌ ଅତ୍‍ତଣ୍ଡ୍‍ । ଆଗେ ଅଂକିଙ୍କ୍‌ କଣ୍ଡାନାଗ୍‍ ଉସୁଲ୍‍ ମେହେସିସ୍‍ ଅନ୍‌‍ ମେନ୍ଦୁଲ୍‍ ତାଗେ କାୟ୍‍ୱାଟି ଅଂକିଙ୍କ୍‌ ପାଚ୍ରାରା ମାଡ଼୍‍ତଣ୍ଡ୍‍, “ବାତା ଉଡ଼୍‍ ପାର୍‍ଦୁତି ?”
\p
\v 24 ନାରୁଡ଼୍‌କ୍‌ ଉଡ଼ି କେତ୍‍ତଣ୍ଡ୍‍, “ହ, ନାରୁଡ଼୍‍କିଙ୍କ୍‍ ଉଡ଼୍‍ ପାର୍‍ଦୁତାନ୍‍ । ଅଡ଼୍‌‍ ବୁଚା ମାଡ଼ାନ୍‍ଡ଼୍‌ ଲେକାମ୍‍ ତନ୍ଦମିନ୍ଦେଡ଼୍‍ ।”
\p
\v 25 ଜିସୁ ନାରୁନ୍‍ତେ କଣ୍ଡେତ୍‍ ପର ନିଜର୍‍ କାଇୱାଟି ନୁ ନାରୁଣ୍ଡ୍‍ ସାୟେ ହେର୍କେ ମାଡ଼୍‍ତଣ୍ଡ୍‍ । ହଟାତ୍‍ ଅନାଦ୍‌‍ ଉଡ଼ାନ୍‍ ଶକ୍ତି ମାଲ୍‍ସ୍‍ ୱାତ୍‍ତେ ନୁ ଅଣ୍ଡ୍‌‍ ଲେକେତ୍‍ ଉଡ଼୍‍ପାର୍‍ତଣ୍ଡ୍‍ । 
\v 26 ଜିସୁ ଅଂକିଙ୍କ୍‌ ଆ ନାର୍‍ ମାଲ୍‍ସ୍‍ ଆନ୍‌‍ମା ଇଞ୍ଜ ଗଟ୍ ଇସ୍‍ ଅନ୍‌‍ ଲୋନ୍‌‍ ରୟ୍‍ସିତ୍‍ତଣ୍ଡ୍‍ ।
\s ଜିସୁନ୍‍ ବିଷୟ୍‍ତେ ପିତର୍‍ କେତାନାଦ୍
\r (ମାତିଉ ୧୬:୧୩-୨୦; ଲୁକ ୯:୧୮-୨୧)
\p
\v 27 ତାନ୍‍ ପେର୍କେ ଜିସୁ ନୁ ତାନ୍‍ ଶିଷ୍ୟଡ଼୍ କାଇସରିୟା ଫିଲିପ୍‍ପୀ ନାର୍‍ଦେ ଗାରେ ନାର୍‍କି ନା ଆଦାନ୍‍ୱେଲେ ଆର୍‍ଦାଗ୍‍ ଜିସୁ ପାଚ୍ରାରା ମାଡ଼୍‍ତଣ୍ଡ୍‍, “ନାନ୍‍ ବେନନ୍, ଇ ବିଷୟ୍‍ତେ ନାରୁଡ଼୍‍ ବାତେ କେତୁତଡ଼୍‍ ?”
\p
\v 28 \x + \xo ୮:୨୮ \xo*\xt ମାର୍କ ୬:୧୪,୧୫; ଲୁକ ୯:୭,୮.\xt*\x*ଅଡ଼୍‌‍ ଉତ୍ତର୍‍ ହିତ୍‍ତଡ଼୍‍, “ବେସ୍‌କ୍ ତଡ଼୍‍ କେତୁତଡ଼୍‍, ନିମେ ବାପ୍ତିସ୍ମ ଯୋହନ୍‌‌,” ମେଣ୍ଡେ ବେସ୍‌କ୍ ତଡ଼୍ ‍କେତୁତଡ଼୍‍, ନିମେ ଏଲିୟ । ମେଣ୍ଡେ ୱେର୍‍ତଡ଼୍‍ ମନେ ମାଡ଼ୁତଡ଼୍‍, ନିମେ ବାବବାଦୀଡ଼୍‍ ଲୋପେଙ୍କ୍‍ ୱେରନି ।
\p
\v 29 \x + \xo ୮:୨୯ \xo*\xt ଯୋହନ୍‌‌ ୬:୬୮,୬୯.\xt*\x*ଜିସୁ ଅଡ଼୍‌‍କିଂଙ୍କ୍‍ ପାଚ୍ରାରା ମାଡ଼୍‍ତଣ୍ଡ୍‍, “ମେଣ୍ଡେ ମିଡ଼୍‍ ବାତେ ଆଲ୍‍ସୁତିଡ଼୍‍ ? ନାନ୍‍ ବେନନ୍, ଇ ବିଷୟ୍‍ତେ ମିଡ଼୍‍ ବାତେ କେତୁତିଡ଼୍‍ ।” ପିତର୍‍ ଉତ୍ତର୍‍ ଇତ୍‌ତଣ୍ଡ୍‌‍, “ନିମେ ଇଶ୍ୱର୍‌ତେ ହେଞ୍ଚିମାନ୍ଦାନ୍ ତ୍ରାଣକର୍ତ୍ତାନ୍‍ ମସୀହନି ।”
\p
\v 30 ଜିସୁ ଅଡ଼୍‌‍କିଂଙ୍କ୍ ଗଟ୍‍ ଇତ୍‌ତଣ୍ଡ୍‌‍, “ନା” ବିଷୟ୍‍ତେ ଇ ଗଟ୍‍ ବେନଙ୍କ୍ କେଲ୍‍ମାଟ୍‍ ।
\s ଜିସୁ ନିଜର୍‍ ଦୁଃକାମ୍‍ ନୁ ଡଲାନ୍‍ ବିଷୟ୍‍ତେ ଗଟ୍‍ ହିତ୍‍ତଣ୍ଡ୍‍
\r (ମାତିଉ ୧୬:୨୧-୨୮; ଲୁକ ୯:୨୨-୨୭)
\p
\v 31 ଜିସୁ ଶିଷ୍ୟଡ଼୍‍କିଙ୍କ୍‍ ବୁଜାମାଡ଼ି କେତ୍‍ତଣ୍ଡ୍, ନାରୁନ୍‌ ପିଲେତିଙ୍କ୍‍ ନାର୍ଗେ କଷ୍ଟ ଆଦ୍‍ ୱେୟ୍‍ତିତ୍‍ । ଦର୍ମନେତା, ମୁକ୍ୟ ପୁରହିତ ନୁ ଦର୍ମଗୁରୁଡ଼୍‍ ନଡ଼୍‍ତ ତିପାଲ୍‍ ଆସ୍‍ ଅଣ୍ଡ୍‌ ଡଲିତଣ୍ଡ୍‍ । କିନ୍ତୁ ମୁଣ୍ଡ୍‍ଦିନାତେ ପେର୍କେ ଅଣ୍ଡ୍‌‍ ମେଣ୍ଡନ୍‍ଦାମ୍‍ ତେଦିତଣ୍ଡ୍‍ । 
\v 32 ଇ ସାରେ ଗଟି ଜିସୁ ଗାଟି ଲେକେତ୍‍ତେ ଶିଷ୍ୟଡ଼୍‍କିଙ୍କ୍ ବୁଜାମାଡ଼ିତ୍‍ତଣ୍ଡ୍‍ । ଆଦିଙ୍କ୍‍ ପିତର୍‍ ଅଂକିଙ୍କ୍‌ ଲୋପେ କାର୍ଙ୍ଗି ଅସ୍‍ ଅନ୍‌‍ତଡ଼୍‍ କାଇଲି କେତ୍‌ତଣ୍ଡ୍‌ । 
\v 33 କିନ୍ତୁ ଜିସୁ ମାଲ୍‍ସ୍‍ ଶିଷ୍ୟଡ଼ା ଉଡ଼୍‍ତଣ୍ଡ୍ ନୁ ପିତର୍‍ତିଙ୍କ୍‍ ଲେକେତ୍‍ ଉଡ଼ି କେତ୍‍ତଣ୍ଡ୍‍, “ନାୟାଗାଙ୍କ୍‍ ଦୁର୍‍ ଆୟ୍‍ମ୍‍ ଶୟ୍‍ତାନ୍‍, ନିୟାଦ୍‍ ଚିନ୍ତା ମାତର୍‍ ନାରୁଡ଼ାଦ୍, ଇଶ୍ୱର୍‌ତେ ଶକ୍ତି ଆୟ୍‌ ।”
\p
\v 34 \x + \xo ୮:3୪ \xo*\xt ମାତିଉ ୧୦:3୮; ଲୁକ ୧୪:୨୭.\xt*\x*ତାନ୍‍ ପେର୍କେ ଜିସୁ ଶିଷ୍ୟଡ଼୍‍କିଙ୍କ୍‍ ନୁ ସାରେ ତଡ଼କ୍‌ କାର୍‍ଙ୍ଗି ମିକା କେତ୍‍ତଣ୍ଡ୍‍, “ବେନ କି ନା ସାଙ୍ଗେ ୱାଦାନ୍‍ ମାଇଦିଙ୍କ୍ ଇଚ୍ଛା ଆଦ୍‍ତଣ୍ଡ୍‍, ଅଣ୍ଡ୍‌ ସାରେ ୱିଡ଼୍‍ସିଣ୍ଡ୍ ନୁ ନିଜର୍‍ କ୍ରୁଶ କାଞ୍ଜି ନା ପେର୍କେପେର୍କେ ୱାଡ଼ିଣ୍ଡ୍‍ । 
\v 35 \x + \xo ୮:3୫ \xo*\xt ମାତିଉ ୧୦:3୯; ଲୁକ ୧୭:33; ଯୋହନ୍‌‌ ୧୨:୨୫.\xt*\x*ବେନ ଆୟି ନିଜର୍‍ ଜିୱୁନ୍‌ ଗେଲ୍‍ସ୍ପାଙ୍କ୍‍ ଇଚ୍ଛା ମାଡ଼ିତଣ୍ଡ୍, ଅଣ୍ଡ୍‌ ଆଦ୍‍ ହରା ମାଡ଼ିତଣ୍ଡ୍‍; କିନ୍ତୁ ବେନ ଆୟି ନା ମାଇଦିଙ୍କ୍‍ ନୁ ଇ ଲେକେତ୍ ଗଟ୍‍ ମାଇଦିଙ୍କ୍ ନିଜର୍‍ ଜିୱୁନ୍‍ତିଙ୍କ୍ ଇସ୍‍ମିକା, ଅଣ୍ଡ୍‌‍ ଆଦ୍‍ଲେକାମ୍ ଆଦ୍‍ ନେହେତିତଣ୍ଡ୍ । 
\v 36 ଅର୍‍ତୁଣ୍ଡ୍‍ ନାରୁଣ୍ଡ୍‍ ସାରେ ଜଗତ୍‍ତିଙ୍କ୍ ଲାବ୍ ମାଡ଼ି ନିଜର୍‍ ଜିୱୁନ୍‍ତିଙ୍କ୍‍ ହରାମାଡ଼୍‍କେ, ଅନାଦ୍‌‍ ବାତେ ଲାବ୍ ଆଦ୍‍ତେ ? ନିଜାମ୍ ଲେକାମ୍‍ ଆୟ । 
\v 37 ବେନ୍‍ ବିଷୟ୍‍ତେ ବିନିମୟ୍‍ତେ ଅଣ୍ଡ୍‌‍ ଅନାଦ୍‌‍ ଜିୱୁନ୍‍ତିଙ୍କ୍‍ ଦର୍ସ୍କେ ପାର୍‍ୱଣ୍ଡ୍‍ । 
\v 38 ଇଶ୍ୱର୍‍ ୱାଦାନ୍ ଦିନାମ୍‍ତେ ଯଦି ବେନ ନା ମାଇଦିଙ୍କ୍‍ ନୁ ନା ଶିକ୍ଷାତେ ମାଇଦିଙ୍କ୍ ସିଗ୍‍ ଆଦ୍‍ତ, ଆଲାଇତ୍କେ ଇଶ୍ୱରତେ ଗୌରବତେ ନିଣ୍ଡି ଆସ୍‍ ନାରୁନ୍‌ ପିଲେ ବେସୁଙ୍କ୍‍ ପବିତ୍ର ସ୍ୱର୍ଗତେ ଦୂତକିନ୍‍ ତ ମେଣ୍ଡନ୍‍ ଦାମ୍‍ ୱାଦ୍‍ତଣ୍ଡ୍, ଅଣ୍ଡ୍‌‍ ଆନ୍ତେ ଅଡ଼୍‌‍ସେଙ୍ଗେ ସିଗ୍‍ ଆଦ୍‍ତଣ୍ଡ୍‍ ।”
\c 9
\p
\v 1 ଜିସୁ ଅଡ଼୍‌‍କିଂଙ୍କ୍‍ ମେଣ୍ଡ୍‍ କେତ୍‍ତଣ୍ଡ୍‍, “ନାନ୍‍ ମିକିଙ୍କ୍ ସତ୍‍ କେସ୍‍ ନେଏତୁତାନ୍‍, ଇଶ୍ୱର୍‌ତେ ରାଜ୍ୟ ଶକ୍ତିତଡ଼୍‍ ୱାଦାନାଦ୍‍ ନୁ ଆଦାନାଦ୍‍ ଉଡ଼ାନ୍‍ ଯାକ ଇଗ୍‍ ମାନ୍ଦାନ୍‍ ବେସ୍‍କ୍‍ତଡ଼୍ ନାରୁଡ଼୍‍ ଡଲଡ଼୍‍ ।”
\s ଜିସୁ ମେଣ୍ଡନ୍‍ ଦାମ୍ ତନ୍ଦାନାଦ୍
\r (ମାତିଉ ୧୭:୧-୧୩; ଲୁକ ୯:୨୮-୩୬)
\p
\v 2 \x + \xo ୯:୨ \xo*\xt ୨ ପିତର୍‌ ୧:୧୭,୧୮.\xt*\x*ଆଦିନ୍‌ ଆରୁ ଦିନାତେ ପେର୍କେ ପିତର, ଯାକୁବ୍‍ ନୁ ଯୋହନ୍‌‌ତିଙ୍କ୍ ସାଙ୍ଗେ ଅସ୍‍ ଜିସୁ ଅଣ୍ଡୟ୍‌ ଡେଙ୍ଗ୍‍ମାନ୍ଦାନ୍‍ ମେଟେତାଗ୍‍ ଆତ୍‍ତଡ଼୍‍ । ଆଗେ ବେନଡ଼୍‍ବା ଇଲକଟ ମାତ୍‍ତଡ଼୍‍ । ଶିଷ୍ୟଡ଼୍ ଉଡ଼ଉଡ଼ ଜିସୁନାଦ୍‍ ଅଣ୍ଡୟ୍‌‍ ବେସୁଙ୍କ୍‍ ଉଡ଼୍‍ୱେ ଲେକାମ୍ ତନ୍ଦତଣ୍ଡ୍ । 
\v 3 ଅନାଦ୍‌‍ ସିଲା ପାଣ୍ଡ୍ରି ଆସ୍‍ ଗାଟି ୱେୟ୍‍ସ୍‍ ଆତ୍‍ତେ ଜଗତ୍‍ତେ ବେନ ଆଦିଙ୍କ୍‍ ନର୍‍ସ୍‍ ଆସର୍‍ ପାଣ୍ଡ୍ରି ମାଡ଼୍‍ପାର୍‍ୱଡ଼୍‍ ଆୟେଡ଼୍‍ । 
\v 4 ତାନ୍‍ ପେର୍କେ ମୁୱୁଡ଼୍‍ ଶିଷ୍ୟଡ଼୍ ଉଡ଼୍‌ତଡ଼୍‍, ଏଲିୟ ନୁ ମୋଶାଲ୍‌‍ ପେଇସ୍‍ ମିକା ଜିସୁନ୍‍ତଡ଼୍‍ ତିର୍‍ୟା ତିର୍‍ୟି ଆଦୁତଡ଼୍‍ । 
\v 5 ପିତର୍‍ ଜିସୁଙ୍କ୍‍ କେତ୍‍ତଣ୍ଡ୍‍, “ଗୁରୁ, ଇଦ୍‍ ବେସର୍‍ ସାର୍‍ଦେତେ ଗଟ୍‍ ଯେ ନେଣ୍ଡ୍‍ ମାନାଡ଼୍‍ ଇଗେ ମିନ୍ଦେଡ଼୍‍ । ଇଗ୍‍ ମୁଣ୍ଡ୍ ଗୁଡ଼୍‍ସା ତିଆର୍‍ ମାଡ଼ିକା । ଅଣ୍ଡୟ୍‌‍ ନି ମାଇଦିଙ୍କ୍ ଅଣ୍ଡୟ୍‌‍ ମୋଶାନ୍‌‌ ମାଇଦିଙ୍କ୍ ନୁ ମେଣ୍ଡ୍‍ ଅଣ୍ଡୟ୍‌ ଏଲିୟନ୍‍ ମାଇଦିଙ୍କ୍ ।” 
\v 6 ପିତର୍‍ ବାତେ କେତିତଣ୍ଡ୍‍, ଇଞ୍ଜ୍‍ ଆଲ୍‍ସକଟ ଇ ଗଟ୍‍ କେସ୍‍ମାତ୍‍ତଣ୍ଡ୍‍ । ଇତ୍କେ ଶିଷ୍ୟଡ଼୍ ପିନା ୱେର୍‍ସ୍‍ ମାତ୍‍ତଡ଼୍‍ ।
\p
\v 7 \x + \xo ୯:୭ \xo*\xt ମାତିଉ 3:୧୭; ମାର୍କ ୧:୧୧; ଲୁକ 3:୨୨.\xt*\x*ଅଟାତ୍‍ ମୟଲ୍‍ ତାଗାଙ୍କ୍‍ ଅଣ୍ଡୟ୍‌‍ ମାବ୍‍ ତନ୍ଦ୍‍ତେ ନୁ ଆଦିନ୍‌ ନିଡ଼୍‍କେ ଅଡ଼୍‌‍କିଂଙ୍କ୍ ମିସ୍‍ତେ । ମେଣ୍ଡେ ଆ ମାବ୍‍ତେ ଲୋପେଙ୍କ୍ ଅଣ୍ଡୟ୍‌‍ ଗଟ୍‍ କେଞ୍ଜାଙ୍କ୍ ଆତ୍‍ତେ, “ହୋ ନା ପ୍ରିୟ ମାର୍‍, ଇନାଦ୍‍ ଲେଙ୍ଗ୍ ମାନ୍‍ ଇସ୍‍ କେଞ୍ଜାଟ୍‍ ।” 
\v 8 ଆସୁଟ୍‍ ଶିଷ୍ୟଡ଼୍ ସାରେ ପାକା ସିଟ୍‍ପାଟ୍‍ ଉଡ଼ି ମାତଡ଼୍‌ ଜିସୁନ୍‍ ୱିଡ଼୍‍ସି ଆଗେ ୱେର୍‍ ବେନଙ୍କ୍ ଉଡ଼ଡ଼୍ ।
\p
\v 9 ଅଡ଼୍‌‍ ମେଟେତାଗାଙ୍କ୍‍ ଡିଗାନ୍‍ ୱେଲେ ଜିସୁ ଅଡ଼୍‌‍କିଂଙ୍କ୍‍ ଗଟ୍‍ ଇସ୍‍ ତେତ୍‍ତଣ୍ଡ୍‍, “ନେଣ୍ଡ୍‍ ବାତେ ଉଡ଼ି ମିନ୍ଦେଡ଼ି, ନାରୁନ୍‌ପିଲେ ଡଲ୍‍ତାଙ୍କ୍‍ ତେଦ୍‍ନା ଜାକ ଆ ଗଟ୍‍ ବେନଡ଼୍‍କ୍‌ କେଲ୍‍ମାଟ୍‍ ।”
\p
\v 10 ଜିସୁନ୍‍ ଆଦେଶ୍‍ ଅଡ଼୍‌‍ ପାଲନ୍‍ ମାଡ଼୍‍ତଡ଼୍‍, କିନ୍ତୁ ଇ ବିଷୟ୍‍ତେ ଅଡ଼୍‌‍ ଅଡ଼୍‌ ଲୋପେ ଆଲଚନା ମାଡ଼୍‍ତଡ଼୍‍, “ଡଲି ତେଦାନାଦ୍‍” ଇତ୍‍କେ ବାତେ ?
\p
\v 11 \x + \xo ୯:୧୧ \xo*\xt ମାତିଉ ୧୧:୧୪.\xt*\x*ଅଣ୍ଡ୍‌‍ ଜିସୁଙ୍କ୍ ପାଚାରା ମାଡ଼୍‍ତଣ୍ଡ୍‍, “ଏଲିୟ ମୁନେଙ୍କ୍‍ ୱାଦ୍‍ତଣ୍ଡ୍ ଇଞ୍ଜ ମାନ୍‍ ଦର୍ମଶାସ୍ତ୍ର ତେ ଗୁରୁଡ଼୍‍ ବାତେଙ୍କ୍‍ କେତୁତଡ଼୍‍ ?” 
\v 12 ଜିସୁ ଉତ୍ତର୍‍ ଇତ୍‌ତଣ୍ଡ୍‌‍ “ମୁନେତ୍‍ ଲେକାମ୍ ସାରେ ବିଷୟ୍‍ତେ ତିଆର୍‍ ମାଡ଼ନ୍‍ ମାଇଦିଙ୍କ୍‍ ଏଲିୟ ମୁନେ ୱାଦାନ୍‍ ଗଟ୍‍ । ମେଣ୍ଡେ ନାରୁନ୍‌ଫିଲେ ନାର୍ଗେ ଦୁଃକାମ୍‍ ତିପାଲ୍‍ ଆତ୍‍ତଡ଼୍‍ ଇଞ୍ଜ ଶାସ୍ତ୍ରତାଗ୍‍ ବାତେଙ୍କ୍‍ ଲେକା ମିନ୍ଦେ ? 
\v 13 ଅଣ୍ଡ୍‌ ବେଲା ଆଇନ୍‍, ନାନ୍‍ ମିକିଂଙ୍କ୍‍ କେସିଦୁତାନ୍, ଏଲିୟ ୱାସ୍‍ ହେୱ୍‍ସ୍‍ ମିନ୍ଦେଣ୍ଡ୍‍ ନୁ ନାରୁଡ଼୍‍ ଅନ୍‌‍ ପରୁ ମନ୍‍ ଇଚ୍ଛା ବ୍ୟବହାର୍‌ ମାଡ଼ିମିନ୍ଦେଡ଼୍‍ । ଇଦିନ୍‍ ମାଇଦିଙ୍କ୍‍ ଅନ୍‌‍ ବିଷୟ୍‍ତେ ଶାସ୍ତ୍ରତାଗ୍‍ ବାତେ କେସ୍‍ମିନ୍ଦେଡ଼୍‍, ଆୱ୍‍ସାରେ ଗଟେମ୍‍ ଆଦ୍‍ତା ।”
\s ଜିସୁ ବୁତ୍‌ ପୟ୍‍ସ୍‍ ମାନ୍ଦାନ୍‍ ପେକାଙ୍କ୍‍ ସାୟ୍‍ ମାଡ଼୍‍ତଣ୍ଡ୍‍
\r (ମାତିଉ ୧୭:୧୪-୨୧; ଲୁକ ୯:୩୭-୪୩)
\p
\v 14 ଅଡ଼୍‌‍ ୱେର୍‍ ଶିଷ୍ୟଡ଼୍ ଗାରେ ହେୱ୍‍ସ୍‍ ମାନ୍ଦାନ୍‍ୱେୟ୍‍, ଆଗେ ନାର୍ଗେ ନାରୁଡ଼୍‍ ଗୁଡ଼ି ମାତ୍‍ତଡ଼୍‍ ନୁ ଆ ଶିଷ୍ୟଡ଼୍‍ତ ବେସ୍‍କ୍‍ତଡ଼୍ ଦର୍ମଗୁରୁଡ଼୍‍ ରାମ୍‍କ୍ ମାଡ଼ମାତ୍‍ତଡ଼୍‍ । 
\v 15 ନାରୁଡ଼୍‍ ଜାପେ ଜିସୁଙ୍କ୍ ଉଡ଼ି ଦାଦ୍‍ରେଲ୍‍ତଡ଼୍‍ ନୁ ମିରି ଆଞ୍ଜ୍ ଅଂକିଙ୍କ୍‌ ମଡ଼୍‍କ୍‍ ତଡ଼୍‍ । 
\v 16 ଜିସୁ ଶିଷ୍ୟଡ଼୍‍କିଙ୍କ୍‍ କେତ୍‍ତଣ୍ଡ୍‍, “ଅଡ଼୍‌‍ ତ ବେନ୍‍ ବିଷୟ୍‍ତେ ରାମ୍‍କ୍ ମାଡ଼ମାତ୍‍ତିଡ଼୍‍ ?”
\p
\v 17 ନାରୁଡ଼୍‍ ଲୋପେଙ୍କ୍ ଅର୍‍ତୁଣ୍ଡ୍‍ ଉତ୍ତର୍‍ ଇସ୍‍ କେତ୍‍ତଣ୍ଡ୍‍, ଗୁରୁ, ନା ମାରିଙ୍କ୍ ବୁତ୍‌ ‍ପୟ୍‍ତେ ନୁ ଅଣ୍ଡ୍‌ ଗଟି ତିର୍ୟାଙ୍କ୍‍ ପାର୍‍ୱଣ୍ଡ୍‍ । 
\v 18 ବୁତ୍‌ ଅଂକିଙ୍କ୍‌ ବେସୁଙ୍କ୍‍ ବେସୁଙ୍କ୍‍ ନେଲ୍‍ ରାପିଦୁତ୍‌ । ଆସୁଟ୍‍ ଅନ୍‌‍ ପାୟୁର୍‍ତାଗାଙ୍କ୍‍ ବୟୁଲ୍‍ ପେୟ୍‍ତିତ୍‍, ଅଣ୍ଡ୍‌ ଅନ୍‌‍ ପାଲ୍‍କିଙ୍କ୍‍ କର୍‍କୁତଣ୍ଡ୍‍ ନୁ ଅନ୍‌‍ ମେନ୍ଦୁଲ୍‍ ମେୟ୍‍ଲ । ବୁତ୍‌ ୱିର୍‍ସ୍ପାନ୍‍ ମାଇଦିଙ୍କ୍‍ ନି ଶିଷ୍ୟଡ଼୍‍କିଙ୍କ୍‍ କେତ୍‍ତାନ୍‍, କିନ୍ତୁ ଅଡ଼୍‌‍ ବାତ୍ ବା ମାଡ଼୍‍ପାର୍‍ୱଡ଼୍‍ ।
\p
\v 19 ଜିସୁ ଅଡ଼୍‌‍କିଂଙ୍କ୍‍ କେତ୍‍ତଣ୍ଡ୍‍, “ମିଡ଼୍ ବେସର୍‍ କମ୍‍ ବିଶ୍ୱାସିଡ଼୍ । ମି ତଡ଼୍‍ ନାନ୍‍ ମେଣ୍ଡେ ବେସ୍‌କ୍ ଦିନା ମାନ୍ତ୍‍ତାନ୍‍ ? ପେକାଙ୍କ୍‍ ନା ଗାରେ ପୟ୍‍ସ୍‍ ତାଡ଼ାଟ୍‍ !” ଅଡ଼୍‌‍ ଅକିଂଙ୍କ୍‍ ଜିସୁନ୍ ଗାରେ ତାତ୍‍ତଡ଼୍ ।
\p
\v 20 ପ୍ରେତାତ୍ମା ଜିସୁଙ୍କ୍‍ ଉଡ଼ ୱାନାକେ ପେକାଙ୍କ୍‍ ଚେତ୍‍ ଇଲ୍‍ୱେ ମାଡ଼ି ନେଲ୍‍ ରାପି ପେକାନ୍‍ ପାୟୁର୍‍ତାଗାଙ୍କ୍‍ ବୟୁଲ୍‍ ପେସ୍‍ପି ନେଲ୍‍ ପର୍‍ଲାଙ୍କ୍‍ ପସ୍‍ତଣ୍ଡ୍‍ । 
\v 21 ଜିସୁ ତାମ୍‍ ବାବାଙ୍କ୍‍ କେତ୍‍ତଣ୍ଡ୍‍, “ବେସ୍‌କ୍ ଦିନା ପୟ୍‍ସ୍‍ ଅଣ୍ଡ୍‌‍ ଇଲା ଆତ୍‍ତଣ୍ଡ୍‍ ?” 
\v 22 ଅଣ୍ଡ୍‌‍ ଉତ୍ତର୍‍ ଇତ୍‌ତଣ୍ଡ୍‌‍ “ପିଲେକଂସ୍‍ । ବୁତ୍‌ ଅଂକିଙ୍କ୍‌ କିସ୍‍ତାଗ୍‍ ବା ଏର୍‍ଦାଗ୍‍ ରାପି ଆୱ୍‍କାନ୍‍ ମାଇଦିଙ୍କ୍‍ ନାର୍ଗେଦାମ୍‍ ଚେଷ୍ଟା ମାଡ଼୍‍ତେ । ଗୁରୁ ! ନିଜାମ୍‍ ଆତ୍କେ, ଦୟାମାଡ଼ି ମାକିଙ୍କ୍‍ ଇଗାଙ୍କ୍‍ ସାହାଯ୍ୟ ମାଡ଼ା ।”
\p
\v 23 ଜିସୁ କେତ୍‍ତଣ୍ଡ୍‍, “ହଁ !” ବେନ ବିଶ୍ୱାସ ମାଡ଼ିତଣ୍ଡ୍‍, ଅନ୍‌‍ ଗାରେ ସାରେ ନିଜାମ୍ ।
\p
\v 24 ପେକାଲଡ଼୍‍ ବାବାଲ୍‍ ଗାଟି ଲେଙ୍ଗ୍‍ତେ କେତ୍‍ତଣ୍ଡ୍‍, “ନା ବିଶ୍ୱାସ୍‍ ମିନ୍ଦେ, କିନ୍ତୁ ଅବିଶ୍ୱାସି । ନା ବିଶ୍ୱାସ୍‍ ଅଦିକ୍‌ ମାଡ଼ାନ୍‍ ମାଇଦିଙ୍କ୍‍ ନାକିଙ୍କ୍‍ ସାହାଯ୍ୟ ମାଡ଼ା ।”
\p
\v 25 ଜିସୁ ଉଡ଼୍‍ତଣ୍ଡ୍ ସାରେ ପାକାଙ୍କ୍‍ ନାରୁଡ଼୍‍ ଅନ୍‌‍ଗାରେ ୱାସ୍‍ମାତ୍‍ତଡ଼୍‍ । ଆଦିଙ୍କ୍‍ ଆ ପ୍ରେତାତ୍ମାତିଙ୍କ୍‍ ଗଟ୍‍ ଇତ୍‌ତଣ୍ଡ୍‌‍, “ତିର୍‍ୟେ ପାର୍‍ୱେ ନନ୍ ନୁ କେଞ୍ଜାଙ୍କ୍ ପାର୍‍ୱେ ଆତ୍ମା ନାନ୍‍ ନିକିଙ୍କ୍ କେତୁତାନ୍‍, ଇ ପେକାନ୍‍ ଲୋପେଙ୍କ୍‍ ପେୟ୍‍ସ୍‍ ଅନ୍‌‍ ମେଣ୍ଡେ ବେସୁଙ୍କ୍‍ ବା ଅନ୍‌‍ ଲୋପେ ନେଙ୍ଗ୍‍ମା ।”
\p
\v 26 ପ୍ରେତାତ୍ମା ଲେଙ୍ଗ୍‌ଦେ କିଡ଼୍‍କି ମିକା ପେକାଙ୍କ୍‍ ନେଲ୍‍ ରାପି ଅନ୍‌‍ଲୋପେଙ୍କ୍‍ ପେୟ୍‍ସ୍‍ ଆତ୍‍ତେ । ଚେତ୍‍ଇଲ୍‍ୱେ ମାଡ଼ି ପେକାଙ୍କ୍ ମଡ଼୍‍ଦେ ଲେକାମ୍‍ ତନ୍ଦ୍‍ତଣ୍ଡ୍‍ ନୁ ସାରେତଡ଼୍‍ କେତ୍‍ତଡ଼୍‍, “ଅନ୍‌‍ ଡଲ୍‍ତଣ୍ଡ୍‍ ।” 
\v 27 କିନ୍ତୁ ଜିସୁ ଅନ୍‌‍ କାଇ ପୟ୍‍ସ୍‍ ଅଂକିଙ୍କ୍‌ କେତ୍‍ତଣ୍ଡ୍‍ ନୁ ଅଣ୍ଡ୍‌‍ ତେଦି ନିତ୍‍ତଣ୍ଡ୍‍ ।
\p
\v 28 ଜିସୁ ଲନ୍‍ ଲୋପେ ଆତ୍‍ତେ ପେର୍କେ ଶିଷ୍ୟଡ଼୍ ଅଂକିଙ୍କ୍‌ ୱେର୍‍କଟ୍‌ ପାଚାରା ମାଡ଼୍‍ତଡ଼୍‍, “ମାମ୍‍ ବାତେଙ୍କ୍‍ ଆ ପ୍ରେତାତ୍ମାତିଙ୍କ୍‍ ତଲିଦ୍‍ ପାର୍‍ୱମ୍‍ ?” 
\v 29 ଜିସୁ ଉତ୍ତର୍‍ ଇତ୍‌ତଣ୍ଡ୍‌‍, “ଇଦ୍‍ଲେକାମ୍ ପ୍ରେତାତ୍ମାକିଙ୍କ୍‍ ମାତର୍ ପ୍ରାର୍ତନାତେ ଶକ୍ତି ତଡ଼୍ ତଲାଙ୍କ୍ ଆଦ୍‍ତେ-ୱେର୍‍ ଉପାୟ୍‍ ଇଲେ ।”
\s ଜିସୁ ଡଲାନ୍‍ ବିଷୟ୍‍ତେ ମେଣ୍ଡନ୍‍ ଦାମ୍‍ ଗଟ୍‍ ଇତ୍‌ତଣ୍ଡ୍‌‍
\r (ମାତିଉ ୧୭:୨୨-୨୩; ଲୁକ ୯:୪୩-୪୫)
\p
\v 30 ଜିସୁ ନୁ ତାନ୍‍ ଶିଷ୍ୟଡ଼୍ ଆ ପଡ଼୍‍ୟ୍‍ ୱିଡ଼୍‍ସି ଗାଲିଲୀ ଅଞ୍ଚଲ ଲୋପେଇସ୍‍ ଆତ୍‍ତଡ଼୍‍ । ଅଣ୍ଡ୍‌‍ ବେଗ୍‍ମିନ୍ଦେଣ୍ଡ୍‍, ବେନଡ଼୍‍ ପୁନ୍‍ମାକିଡ଼୍‍ ଇଞ୍ଜ ଜିସୁ ଇଚ୍ଛା ମାଡ଼ ମାତ୍‍ତଣ୍ଡ୍‍, 
\v 31 କିନ୍ତୁ ଇଦ୍‍ ସମୟତେ ଜିସୁ ଶିଷ୍ୟଡ଼୍‍କିଙ୍କ୍‍ ବୁଜାମାଡ଼ି କେସ୍‍ମାତ୍‍ତଣ୍ଡ୍‍, ବେଦ୍‍ପୁଟୁଙ୍କ୍, “ମନୁଷ୍ୟପୁତ୍ର,” ନାରୁଡ଼୍‍ କାଇଦେ ଦର୍ସ୍କି ଅସ୍‍ ମାୟି ଆଦ୍‍ତଡ଼୍‍, କିନ୍ତୁ ବେଦ୍‍ପୁଟୁଙ୍କ୍ ଅଣ୍ତ୍‌ ଡଲାନ୍‍ ମୁଣ୍ଡ୍‍ଦିନାତେ ପେର୍କେ ଅଣ୍ଡ୍‌ ଜିୱେ ଆଦ୍‍ତଣ୍ଡ୍‍ । 
\v 32 ଶିଷ୍ୟଡ଼୍ ଇ ଗଟ୍‍ତେ ଅର୍ତ ପୁନ୍ଦାଙ୍କ୍‍ ପାର୍‍ୱଡ଼୍‍ । କିନ୍ତୁ ଆ ବିଷୟ୍‍ତେ ଅଂକିଙ୍କ୍‌ ମେଣ୍ଡେ ପ୍ରଶ୍ନ ମାଡ଼ାଙ୍କ୍‍ ୱେର୍‍ତଡ଼୍‍ ।
\s ସାରେତିଙ୍କ୍ ବେଡ଼୍‍ୟଣ୍ଡ୍‍ ବେନ ?
\r (ମାତିଉ ୧୮:୧-୫; ଲୁକ ୯:୪୬-୪୮)
\p
\v 33 ଅଡ଼୍‌‍ କପର୍ନାହୁମ୍‍ ତାଗ୍‍ ଏୱ୍‍ତଡ଼୍‍ ଲୋନ୍‌‍ ନେଙ୍ଗ୍‍ତେ ପେର୍କେ ଜିସୁ ଶିଷ୍ୟଡ଼୍‍କିଙ୍କ୍‍ ପାଚାରାମାଡ଼୍‍ତଣ୍ଡ୍, “ଆର୍‍ଦାଗ୍‍ ୱାଦାନ୍‍ୱେୟ୍‍ ମିଡ଼୍‍ ବେନ୍‍ ବିଷୟ୍‍ତେ ରାମ୍‍କ୍‍ ମାଡ଼ମାତ୍‍ତିଡ଼୍‍ ?”
\p
\v 34 \x + \xo ୯:3୪ \xo*\xt ଲୁକ ୨୨:୨୪.\xt*\x*ଅଡ଼୍‌‍ ଉତ୍ତର୍‍ ଇୱକଟ ମାତ୍‍ତଡ଼୍‍, ବାତେଙ୍କ୍‌ଇତ୍କେ ଅଡ଼୍‌‍ ଲୋପେଙ୍କ୍‍ ସାରେତିଙ୍କ୍ ବେନଣ୍ଡ୍ ବେଡ଼୍‍ୟଣ୍ଡ୍‍, ଇ ବିଷୟତେ ଅଡ଼୍‌‍ ଆର୍‍ଦାଗ୍‍ ଆଲ୍‍ସ ମାତ୍‍ତଡ଼୍‍ । 
\v 35 \x + \xo ୯:3୫ \xo*\xt ମାତିଉ ୨୦:୨୬,୨୭; ୨3:୧୧; ମାର୍କ ୧୦:୪3,୪୪; ଲୁକ ୨୨:୨୬.\xt*\x*ଜିସୁ କୁଦି ଅନ୍‌‍ ବାରଜାନ୍‍ ଶିଷ୍ୟଡ଼୍‍କିଙ୍କ୍‍ ଗାରେ କାର୍ଙ୍ଗି ଅଡ଼୍‌‍କିଂଙ୍କ୍‍ କେତ୍‍ତଣ୍ଡ୍‍, “ବେନ ମୁନେ ଜାଗା ଇଚ୍ଛା ମାଡ଼ିତଣ୍ଡ୍‍, ଅଣ୍ଡ୍‌ ପେର୍କେ ମାନିଣ୍ଡ୍‍ ନୁ ସାରେତଡ଼୍‍ଦେ ସେବକ ଆଇନ୍‍ ।” 
\v 36 ତାନ୍‍ପେର୍କେ ଅଣ୍ଡ୍‌ ଅର୍‍ତୁଙ୍କ୍‍ ବାବୁଙ୍କ୍‍ ତାସ୍‍ ସାରେତଡ଼୍‍ ମୁନେ ନିଲ୍‍ସ୍ପ୍‍ତଣ୍ଡ୍‍, ମେଣ୍ଡେ ଅଂକିଙ୍କ୍‌ ବର୍‍ ମାଡ଼ି କେତ୍‍ତଣ୍ଡ୍, 
\v 37 \x + \xo ୯:3୭ \xo*\xt ମାତିଉ ୧୦:୪୦; ଲୁକ ୧୦:୧୬; ଯୋହନ୍‌‌ ୧3:୨୦.\xt*\x*“ବେନଆଇ ନା ପେଦେର୍‍ତେ ଇଦ୍‍ଲେକାମ୍‍ ଅର୍‌ତୁଙ୍କ୍‌ ବାବୁଙ୍କ୍‍ ସ୍ୱାଗତ୍‍ ମାଡ଼ିତଣ୍ଡ୍‍, ଅଣ୍ଡ୍‌ ନାକିଙ୍କ୍‍ ସ୍ୱାଗତ୍‍ ମାଡ଼ିତଣ୍ଡ୍‍ ନୁ ବେନ ନାକିଙ୍କ୍‍ ଗ୍ରହଣ ମାଡ଼ିତଣ୍ଡ୍, ଅଣ୍ଡ୍‌‍ ମାତର୍‍ ନାକିଙ୍କ୍‍ ଆୟ, ନା ତ୍ରାନକର୍ତ୍ତାଙ୍କ୍‍ ଆନ୍ତେ ଗ୍ରହଣ ମାଡ଼ିତଣ୍ଡ୍‍ ।”
\s ବେନ ମାନ୍‍ବିରଦ୍ଦି ଆୟ୍‍ୟଣ୍ଡ୍‍, ଅଣ୍ଡ୍‌‍ ମାନ୍‍ ପାକ୍‍ତଣ୍ଡ୍
\r (ଲୁକ ୯:୪୯-୫୦)
\p
\v 38 ଯୋହନ୍‍ ଜିସୁଙ୍କ୍‍ କେତ୍‍ତଣ୍ଡ୍‍, “ଗୁରୁ ନି ପେଦେର୍‍ ଆସ୍‍ ୱେରଣ୍ଡ୍‍ ନାରୁଣ୍ଡ୍‍ ବୁତ୍‌ ୱୁଡ଼୍‍ସ୍ପାନାଦ୍‍ ମାମ୍‍ ଉଡ଼୍‍ତମ୍‍ ଅଣ୍ଡ୍‌‍ ମା ଦଲତଣ୍ଡ୍‍ ଆୟ୍‍ୱାଙ୍କ୍‍ ମାମ୍‍ ଅଂକିଙ୍କ୍‌ କାର୍‍ଙ୍ଗ୍ ତାଡ଼୍‍ମ ।”
\p
\v 39 ଜିସୁ କେତ୍‍ତଣ୍ଡ୍, “ଇ କାମ୍‍ଦାଗ୍‍ ଅଂକିଙ୍କ୍‌ ତିପାଲ୍ ଇମାଟ୍‍ ।” ବେନ ନା ପେଦେର୍‍ ଆସ୍‍ ଆଶର୍ଯ୍ୟ ପାଡ଼୍‌ୟି ମାଡ଼ିତଣ୍ଡ୍‍, ଅଣ୍ଡ୍‌‍ ସାଙ୍ଗେ ସାଙ୍ଗେ ନା ବିରୁଦ୍ଦ୍‌ତେ ବାତେ କେତ୍‍ ପାର୍‍ୱଣ୍ଡ୍ । 
\v 40 \x + \xo ୯:୪୦ \xo*\xt ମାତିଉ ୧୨:3୦; ଲୁକ ୧୧:୨3.\xt*\x*ବେନ ମାନ୍‍ ବିରୁଦ୍ଦ୍‌ ଆୟଣ୍ଡ୍‍, ଅଣ୍ଡ୍‌‍ ମାନ୍‍ ପାକ୍‍ତଣ୍ଡ୍ । 
\v 41 \x + \xo ୯:୪୧ \xo*\xt ମାତିଉ ୧୦:୪୨.\xt*\x*ନାନ୍‍ ନିଜାମ୍‌ କେତୁତାନ୍‍, ନା ପେର୍‌କ୍‌ତଣ୍ତ୍‌ ଇଞ୍ଜ ମିକିଂଙ୍କ୍‍ ବେନ ଯଦି ଉନ୍ଦାନ୍‍ ମାଇଦିଙ୍କ୍‍ ଗିଲାସ୍‍ତାଗ୍‍ ଏର୍‍ ଇଦ୍‍ତ, ଅଣ୍ଡ୍‌ ନିଜାମ୍‍ ଅଣ୍ଡ୍‌‍ ମସୀହ ନାଗାଙ୍କ୍‍ ପୁରସ୍କାର୍ ପାହେମ୍‍ ଆଦ୍‍ତଣ୍ଡ୍‍ ।
\s ବିଶ୍ୱାସ୍‍ତେ ଇଲ୍‍ୱେନନ୍
\r (ମାତିଉ ୧୮:୬-୯; ଲୁକ ୧୭:୧-୨)
\p
\v 42 ବେନଆଇ ନା ଇ ବିଶ୍ୱାସିଡ଼୍ ଲୋପେଙ୍କ୍‍ ସାରେତାଗାଙ୍କ୍‍ ସୁଜୁର୍ ମିକା ବିଶ୍ୱାସ୍‍ ଇଲ୍‍ୱେନନ୍ ଗଟାମାଡ଼ିତଣ୍ଡ୍‍, ଅନ୍‌‍ ବଣ୍ଡ୍‍କ୍‍ତାଗ୍‍ ଅଣ୍ଡୟ୍‌‍ ଜାତେକାଲ୍‍ ତହ୍‍ସିସ୍‍ ଅଂକିଙ୍କ୍‌ ସମୁଦ୍ରତାଗ୍‌ ଏସିଦାଙ୍କ୍‍ ଅନ୍‌‍ ମାଇଦିଙ୍କ୍‍ ସାୟ୍‍ ଆଦ୍‍ତେ । 
\v 43 \x + \xo ୯:୪3 \xo*\xt ମାତିଉ ୫:3୦.\xt*\x*ଯଦି ନି ଅଣ୍ଡୟ୍‌ କାଇଦେ ସେଙ୍ଗେ ବିଶ୍ୱାସ୍‍ ୱିଡ଼୍‍ସିତ୍‍କେ, ଆ କାଇଦିଙ୍କ୍‍ ନାଡ଼୍‍କି ହେସିମୁଟ୍ । ରେଣ୍ଡ୍ କାଇକ୍‍ ଗାଟି ନିଡ଼୍‍ସ ମାନ୍ଦାନ୍‍ ନର୍‍କତାଗେ ରାଲାନାଗାଙ୍କ୍‍ ଅଣ୍ଡୟ୍‌‍ କାଇ ଇଲକଟ ଅନନ୍ତ ଜିୱୁନ୍‍ତାଗ୍‍ ଆଦାନାଦ୍‌ ସାୟେ । 
\v 44 ବାତେଙ୍କ୍ ଇତ୍କେ ଅଡ଼୍‌‍କିଂଙ୍କ୍ ନର୍କତାଗ୍ ପୁଡ଼ିୟ୍‍କ୍ ଡଲ୍‍ଅ, କିସ୍‍ ବେସୁଙ୍କ୍‍ ପିୟ । 
\v 45 ଯଦି ମି ୱେରଟ୍‍ ଡେକେତ୍‍ ସେଙ୍ଗେ ବିଶ୍ୱାସ୍‍ ମାଡ଼ିମାନ୍ତ୍‍ତାଡ଼୍‍, ଆ ଡେକେତିଙ୍କ୍‍ ନାଡ଼୍‍କିମୁଟ୍‍ । ରେଣ୍ଡ୍‍ ଡେକାମାଞ୍ଜ୍‍ ନର୍‍କତାଗ୍‍ ରାଲାନ୍ ୱିଡ଼୍‌ସି ୱେରଡ଼୍‍ ଡେକ୍‍ ଇଲକଟ ଅନନ୍ତ ଜିୱୁନ୍‍ ଲାବ୍ ମାଡ଼ାନ୍‍ ନାଦ୍‍ ସାୟେ । 
\v 46 ବାତେଙ୍କ୍ ଇତ୍କେ ଅଡ଼୍‌‍କିଂଙ୍କ୍ ନର୍କତାଗ୍ ପୁଡ଼ିୟ୍‍କ୍ ଡଲ୍‍ଅ, କିସ୍‍ ବେସୁଙ୍କ୍‍ ପିୟ । 
\v 47 \x + \xo ୯:୪୭ \xo*\xt ମାତିଉ ୫:୨୯.\xt*\x*ଯଦି ମି ୱେର୍‌ଡ୍‍ କଣ୍ଡେତ୍‍ ସେଙ୍ଗେ ବିଶ୍ୱାସ୍ ମାଡ଼ିମାନ୍ତାଡ଼୍, ଆଦିଙ୍କ୍‍ ଏଲ୍‍ସ୍ପିମୁଟ୍‍ । ରେଣ୍ଡ୍ କଣ୍ଡା ମାଞ୍ଜ୍‍ ନର୍‍କତାଗ୍‍ ରାଲାନାଦ୍‌ ୱିଡ଼୍‌ସି ୱେରଡ଼୍‍ କଣ୍ଡା ମାଞ୍ଜ ଇଶ୍ୱର୍‌ତେ ରାଜ୍ୟତାଗ୍‍ ନେଙ୍ଗାଙ୍କ୍‍ ନାଦ୍‍ ସାୟେ । 
\v 48 ମନେ ନେହ୍‍ମୁଟ୍‍, ନର୍‍କତ୍‍ ପୁଡ଼୍‍ୟି ବେସୁଙ୍କେ ବା ଡଲ, ଆଗେ ନିଡ଼୍‍ସ ମାନ୍ଦାନ୍‍ କିସ୍‍ ବେସୁଙ୍କ୍‍ ବା ପିୟ୍‍ୟ ।
\p
\v 49 “ଅୱଡ଼୍‍ ତଡ଼୍‍ ବେଦ୍‍ପୁଟୁଙ୍କ୍ ପୁଜାନାଦିନ୍‍ ତଡ଼୍‍ ସାୟେ ଆଦ୍‍ତେ, ଆଦେପୁଟୁଙ୍କ୍ କିସ୍‌ ତଡ଼୍‌ ସାରେତଡ଼୍‌ ପବିତ୍ର ଆଦ୍‌ତଡ଼୍‌ ।”
\p
\v 50 \x + \xo ୯:୫୦ \xo*\xt ମାତିଉ ୫:୧3; ଲୁକ ୧୪:3୪,3୫.\xt*\x*“ଅୱଡ଼୍‍ ଅଣ୍ଡ୍‌ ସାୟେତ୍‍ ଜିନିଷ୍; କିନ୍ତୁ ଅୱଡ଼୍‍ ଯଦି ତାନ୍‍ ଅୱଡ଼୍‍ତେ ମିଙ୍କ୍‍ସ୍ପାନାଦ୍‍ ହରାମାଡ଼ିତେ, ଆଦିଙ୍କ୍‍ ବେଦ୍‍ପୁଟୁଙ୍କ୍ ମିଙ୍କ୍‍ସ୍ପାଙ୍କ୍‍ ଆଦ୍‍ତେ ?”
\p “ମି ହୃଦୟତାଗ୍‍ ସାଙ୍ଗନ୍‍ ଲୋପେ ଅୱଡ଼୍‌ଇନା କାଇଲି ମାନୁଟ୍, ଆଲାଇତ୍କେ ମିଡ଼୍‍ଆନ୍‌ତେ ମାନ୍ଦ୍‍ପାର୍‍ଦ୍‍ତିଡ଼୍‍ ।”
\c 10
\s କାଇଦେ ଏର୍ ସମ୍ପର୍କତେ ଜିସୁନ୍‍ ଶିକ୍ଷା
\r (ମାତିଉ ୧୯:୧-୧୨; ଲୁକ ୧୬:୧୮)
\p
\v 1 ତାନ୍‍ପେର୍କେ ଜିସୁ ଯର୍ଦ୍ଦନ ବେଡ଼େମ୍ ୱେୟ୍‍ସ୍‍ ଇହୁଦିୟା ନାର୍‍ତାଗ୍‍ ହେୱ୍‍ତଡ଼୍‍ । ଆଗେ ଆନ୍‌ତେ ନାରୁଡ଼୍‍ ନାର୍ଗେ ସଂକ୍ୟାତେ ୱାସ୍‍ ଅନ୍‌‍ ଗାରେ ଗୁଡ଼୍‍ତେ ନୁ ଅଣ୍ଡ୍‌‍ ମୁନେତ୍‍ ଲେକାମ୍‍ ଅଡ଼୍‌‍କିଂଙ୍କ୍‍ ଶିକ୍ଷା ଇଦାଙ୍କ୍‍ ପସ୍ପ୍‍ତଣ୍ଡ୍ ।
\p
\v 2 ବେସ୍‍କ୍‍ତଡ଼୍ ଫାରୂଶୀଡ଼୍‍ ଅନ୍‌‍ ଗାରେ ୱାସ୍‍ ଅଂକିଙ୍କ୍‌ ଉଡ଼୍‍ୟିଦାଗ୍‍ ରାପାଙ୍କ୍‍ ଚେଷ୍ଟା ମାଡ଼୍‍ତଡ଼୍‍ । ଅଡ଼୍‌‍ କେତ୍‍ତଡ଼୍‍, “ମା ଶାସ୍ତ୍ରତେ ନିୟମ୍‍ ଅନୁସାରେ ଅର୍‍ତୁଣ୍ଡ୍ ଅନ୍‌‍ ମୁତେଙ୍କ୍‍ କାଇଦେ ଏର୍‍ ଇଦ୍‍ପାର୍‍ଦ୍‍ତଣ୍ଡ୍‍ କି ?”
\p
\v 3 ଜିସୁ ଉତ୍ତର୍‍ ଇତ୍‌ତଣ୍ଡ୍‌‍, “ଇ ବିଷୟ୍‍ତେ ମୋଶାନ୍‌‌ ନିୟମ୍‍ ବାତେ କେତୁତେ ?”
\p
\v 4 \x + \xo ୧୦:୪ \xo*\xt ମାତିଉ ୫:3୧.\xt*\x*ଅଡ଼୍‌‍ ଉତ୍ତର୍‍ ଇତ୍‍ତଡ଼୍‍, “କାଇଦେ ଏର୍‍ ଇସ୍‍ ମୁତେଙ୍କ୍‍ ୱିଡ଼୍‍ସାନ୍‍ ମାଇଦିଙ୍କ୍‍ ମୋଶାଲ୍‌‍ ଅନୁମତି ଇତ୍‌ତଣ୍ଡ୍‌‍ ।”
\p
\v 5 ଜିସୁ କେତ୍‍ତଣ୍ଡ୍‍, “ମି ହୃଦୟ୍‍ତେ ଡୁଟାଙ୍କ୍‍ତେ ମାଇଦିଙ୍କ୍‍ ମୋଶାଲ୍‍ ଇ ଲେକାମ୍‍ ନିୟମ୍‍ ମାଡ଼ିମାତ୍‍ତଣ୍ଡ୍‍ । 
\v 6 ଇତ୍କେ ସୃଷ୍ଟି ସମୟତେ ଇଶ୍ୱର୍‍ ନାରୁଡ଼୍‍କ୍‍ ମାନେଇ ନୁ ନାଟାଡ଼୍ ଲେକାମ୍‍ ତିଆର୍‍ ମାଡ଼ିମାତ୍‍ତଣ୍ଡ୍ ନୁ ଶାସ୍ତ୍ରତାଗ୍‍ କେତ୍‍ତାଦ୍‍ ମିନ୍ଦେ ଯେ, 
\v 7 ଆଦିନ୍‌ ମାଇଦିଙ୍କ୍‍ ନାରୁଣ୍ଡ୍‍‍ ୟାୟ୍‍ ବାବାଲଡ଼୍‍କ୍‍ ୱିଡ଼୍‍ସି ତାନ୍‍ ମୁତେନ୍‍ ତ କାହିଲିତଣ୍ଡ୍‍ ନୁ 
\v 8 ଅଡ଼୍‌ ଇର୍‌ୱୁଡ଼୍‌ କାଇଲି ଅଣ୍ଡୟ୍‌‍ ଆଦ୍‍ତଡ଼୍‍ । ଅଡ଼୍‌‍ ମେଣ୍ଡେ ଇର୍‍ୱୁଡ଼୍ ଆସ୍‍ ମାନଡ଼୍‍, କିନ୍ତୁ ଅଣ୍ଡୟ୍‌‍ ଆଦ୍‍ତଡ଼୍‍ । 
\v 9 ଇଶ୍ୱର୍‍ ବେନଡ଼କ୍ କାଲ୍‌ପି ମାଡ଼ିମିନ୍ଦେଣ୍ଡ୍‍, ନାରୁଡ଼୍‍ ଅଡ଼୍‌‍କିଂଙ୍କ୍‍ ୱେର୍‍ୱେର୍‍ ମାଡ଼୍‍ମାକିଡ଼୍‍ ।”
\p
\v 10 ଅଡ଼୍‌‍ ଲୋନ୍‌‍ ମାଲ୍‍ତେ ପେର୍କେ ଶିଷ୍ୟଡ଼୍ ଜିସୁଙ୍କ୍ ଇ ବିଷୟତେ ମେଣ୍ଡନ୍‍ଦାମ୍‍ ପାଚାରା ମାଡ଼୍‍ତଡ଼୍‍ । 
\v 11 \x + \xo ୧୦:୧୧ \xo*\xt ମାତିଉ ୫:3୨; ୧ କରନ୍ତିୟ ୭:୧୦,୧୧.\xt*\x*ଜିସୁ ଅଡ଼୍‌‍କିଂଙ୍କ୍‍ କେତ୍‍ତଣ୍ଡ୍‍, “ବେନ୍‍ ନାରୁଣ୍ଡ୍‍ କି ମୁତେଙ୍କ୍‍ କାଇଦେ ଏର୍‍ ଇସ୍‍ ମେଣ୍ଡନ୍‍ ମୁତେଙ୍କ୍‍ ତାତ୍‍କେ, ଅଣ୍ଡ୍‌‍ ନିଜେ ବ୍ୟବିଚାରି ଆଦ୍‍ତଣ୍ଡ୍‍ ନୁ 
\v 12 ବେନ୍‍ ମୁତେ ମୁଦ୍‍ପାଙ୍କ୍‍ କାଇଦେ ଏର୍‍ ଇସ୍‍ ମେଣ୍ଡ୍‍ ଅର୍‌ତୁଙ୍କ୍‌ ପେଣ୍ଡୁଲ୍‍ ଆତ୍‍କେ, ଆଦ୍‍ଆନ୍‌ତେ ବ୍ୟବିଚାର୍‍ ଆଦ୍‌ତେ ।”
\s ଜିସୁ ପିଲାକିଙ୍କ୍‍ ଆର୍ଶିବାଦ୍‌ ମାଡ଼୍‍ତଣ୍ଡ୍‍
\r (ମାତିଉ ୧୯:୧୩-୧୫; ଲୁକ ୧୮:୧୫-୧୭)
\p
\v 13 ଅଡ଼୍‌‍ ପର କାଇୱାଟି ଆର୍ଶିବାଦ୍‌ ମାଡ଼ାନ୍‍ ମାଇଦିଙ୍କ୍‍ ବେସ୍‌କ୍ ତଡ଼୍‍ ଶିଷ୍ୟଡ଼୍ କେତ୍‍ତଡ଼୍ ପିଲାକିଙ୍କ୍‍ ଜିସୁନ୍‍ ଗାରେ ତାଡ଼୍‍ମାଟ୍‍ । 
\v 14 ଆ ନାରୁଡ଼୍‍କ୍‍ ଶିଷ୍ୟଡ଼୍ ତିରସ୍କାର୍ ମାଡ଼ମାନ୍ଦାନାଦ୍‍ ଉଡ଼ି, ଜିସୁ ଶିଷ୍ୟଡ଼୍ ପର୍‌ କପାମ୍‍ ଆସ୍‍ କେତ୍‍ତଣ୍ଡ୍‍, “ପିଲାକିଙ୍କ୍‍ ନା ଗାରେ ୱାଦାଙ୍କ୍ ଇମୁଟ୍; ଅଡ଼୍‌‍କ୍‍ ଦମକ୍‍ ଇମାଟ୍‍, ବାତେଙ୍କ୍‍ଇତ୍କେ ସୁଦୁପିଲାନ୍‍ ଲେକାମ୍‍ ନାରୁଡ଼୍‍ ସ୍ୱର୍ଗରାଜ୍ୟ ଅଦିକାର୍‌‍ ମାଡ଼ିତଡ଼୍‍ । 
\v 15 \x + \xo ୧୦:୧୫ \xo*\xt ମାତିଉ ୧୮:3.\xt*\x*ଇ ଗଟ୍‍ ନାନ୍‍ ମିକିଂଙ୍କ୍‌ ନିଜାମ୍‍ କେତୁତାନ୍‍ ଯେ, ସୁଦୁପିଲାନ୍‍ ଲେକାମ୍‍ ଅର୍‍ତୁଣ୍ଡ୍‍ ଇଶ୍ୱର୍‌ତେ ରାଜ୍ୟ ଗ୍ରହଣ ମାଡ଼ାଙ୍କ୍‍ ତିଆର୍‍ ଆୟକଟ ମାତ୍କେ, ଅଣ୍ଡ୍‌‍ ଆଦିନାଗ୍‍ ନେଙ୍ଗାନଙ୍କ୍‌ ପାର୍‍ୱଣ୍ଡ୍‍ ।” 
\v 16 ତାନ୍‍ପେର୍କେ ଜିସୁ ପିଲାଙ୍କ୍‍ ବର୍‍ତାଗ୍ ୱାଟି ଅଡ଼୍‌‍ ପର୍‌ କାଇୱାଟି ଆର୍ଶିବାଦ୍‌ ମାଡ଼୍‍ତଣ୍ଡ୍‍ ।
\s ଅର୍‍ତୁଣ୍ଡ୍‍ ସାୱୁକାର୍‍ ନାରୁଣ୍ଡ୍‍
\r (ମାତିଉ ୧୯:୧୬-୩୦; ଲୁକ ୧୮:୧୮-୩୦)
\p
\v 17 ଜିସୁ ମେଣ୍ଡନ୍‍ଦାମ୍‍ ଅନାଦ୍‌‍ ଆଦାନାଦ୍‍ ଆରାମ୍‌ ମାଡ଼୍‍ତେ ୱେଲେ ଅର୍‍ତୁଣ୍ଡ୍‍ ନାରୁଣ୍ଡ୍‍ ମିରିୱାସ୍‍ ଅନ୍‌‍ ମୁନେ ମର୍‍ମିଣ୍ଡା ଉୱୁସି ପାଚାରାମାଡ଼୍‍ତଣ୍ଡ୍‍, “ଗୁରୁ, ସାରେଦିନାତ୍‌ ଜିୱୁନ୍‍ ଲାବ୍‍ ମାଡ଼ାଙ୍କ୍‍ ନାକିଙ୍କ୍‍ ଲେକେତ୍‍ ବାତେ ମାଡ଼୍‍ୱେୟ୍‍ତିତ୍‍ ?”
\p
\v 18 ଜିସୁ ଉତ୍ତର୍‍ ଇତ୍‌ତଣ୍ଡ୍‌‍, “ନାକିଙ୍କ୍‍ ବାତେଙ୍କ୍‍ ସାୟ୍‍ ଇଞ୍ଜ କେତୁତିନ୍‍ ? ଇଶ୍ୱର୍‌ତିଙ୍କ୍ ୱିଡ଼୍‍ସି ୱେର୍‍ଅର୍‍ତୁଣ୍ଡ୍‍ ବେନ ଲେକେତ୍‍ ଇଲେଣ୍ଡ୍‍ । 
\v 19 ନିମେ ଶାସ୍ତ୍ରତେ ଆଜ୍ଞା ସାରେ ପୁତ୍‍ତି ନାରୁଡ଼୍‍କ୍‍ ଆୱ୍‍କ୍‌ମା, ଆର୍‍ଲା ମାଡ଼୍‍ମାଟ୍‍, ଡଙ୍ଗ୍‍ ମା, ବେନନ୍ ବିରୁଦ୍‍ତେ ମିଚ୍‌ ଗଟି ତାଡ଼୍‍ମାଟ୍‍, ତିପାଲ୍‍ ମାଡ଼୍‍ମାଟ୍‍, ୟାୟ୍‍ବାବାଙ୍କ୍‍ ସାୟେ ଉଡ଼ାଟ୍ ।”
\p
\v 20 ନାରୁଣ୍ଡ୍‍ କେତ୍‍ତଣ୍ଡ୍‍, “ଗୁରୁ,” ନା ମୁନେକଞ୍ଜ୍‍ ଇ ସାରେ ଗଟି ମାନେମ୍‍ ଆସ ୱାସ୍‍ମିନ୍ଦେନ୍‍ ।
\p
\v 21 ଜିସୁ ଅନ୍‌‍ପାକେ ପ୍ରେମତେ ଉଡ଼ି କେତ୍‍ତଣ୍ଡ୍‍, “ଅଣ୍ଡୟ୍‌ ବିଷୟ୍‍ ମାତର୍ ନିୟାଦ୍‍ ଅବାବ୍‍ ମିନ୍ଦେ । ଆନ୍‌‍ ନିୟାଦ୍‍ ସାରେ ସମ୍ପତ୍ତି ୱାମ୍ମି ଆ ଦନ୍‍ତିଙ୍କ୍‍, ଗରିବିଡ଼୍‍କ୍‍ ଇମ୍‍, ଆଲାଇତ୍କେ ମିଡ଼୍‍ ସ୍ୱର୍ଗତେ ଦନ୍‍ ପାହେମ୍‍ ଆଦ୍‍ତିନ୍‍ । ତାନ୍‍ପେର୍କେ ୱାସ୍‍ ନା ପେର୍କେ ୱାଡ଼େ ।” 
\v 22 ଇ ଗଟ୍‍ କେଞ୍ଜୱାନାକେ ଆ ନାରୁନ୍‍ ମକମ୍‍ତାଗ୍‍ ମୁର୍‍ମୁର୍‍ ଆସ୍‍ ଆତ୍‍ତନ୍‍ ନୁ ଅଣ୍ଡ୍‌ ଦଃକମ୍‍ତେ ଆତ୍‍ତଣ୍ଡ୍‍, ବାତେଙ୍କ୍‌ ଇତ୍କେ ଅଣ୍ଡ୍‌ ବେଡ଼୍‍ୟ୍‍ ଦନି ମାତ୍‍ତଣ୍ଡ୍ ।
\p
\v 23 ଜିସୁ ଶିଷ୍ୟଡ଼ା ଉଡ଼ି କେତ୍‍ତଣ୍ଡ୍, “ଡାବ୍‌ କିନ୍‌ ସାଉକାରିଡ଼୍‌ ସର୍ଗରାଜ୍ୟତାଗ୍‍ ଆଦାଙ୍କ୍‍ ବେସର୍‍ ତିପପାଲ୍‍ ।” 
\v 24 ଇଦ୍‍ କେଞ୍ଜି ଶିଷ୍ୟଡ଼୍ ବିସ୍ମିତ ଆତ୍‍ତଡ଼୍‍ । କିନ୍ତୁ ଜିସୁ ମେଣ୍ଡେ କେତ୍‍ତଣ୍ଡ୍, “ଶିଷ୍ୟନଡ଼ି, ବାସ୍ତବିକ୍‍ ସର୍ଗରାଜ୍ୟତାଗ୍‍ ଆଦାଙ୍କ୍‍ ବେସର୍‍ ତିପ୍‍ପାଲ୍‍ । 
\v 25 ଦନି ନାରୁଣ୍ଡ୍‍ ସର୍ଗରାଜ୍ୟତାଗ୍‍ ଆଦାନ୍‍ ୱିଡ଼୍‌ସି ଉଟ୍‍ ସୁଜ୍‍ତେ ବସ୍‌ଇଷ୍‌ ଆଦାଙ୍କ୍‍ ଗାଟି ସହଜ୍‍ ଆଦ୍‍ତେ ।” \fig ବେପାରି ଉଟ୍‍ତିଙ୍କ୍ ଟାୱୁନ୍‍ ଗେଟ୍‌ତେ ବାୟ୍‌ଦେ ଆଦୁତଡ଼୍‍|alt="Merchant leading a camel outside a city wall and gate" src="hk00041c.tif" size="col" copy="Horace Knowles ©" ref="୧୦:୨୫"\fig*
\p
\v 26 ଇ ଗଟ୍‍ତେ ଶିଷ୍ୟଡ଼୍ ଗାଟି ବକୁୱା ଆସ୍‍ ନିଜ୍‍ ନିଜ୍‍ତିଙ୍କ୍‍ ପାଚାରା ମାଡ଼୍‍ତଡ଼୍‍, “ଆଲାଇତ୍କେ ବେନ ପରିତ୍ରାଣ ପହେମ୍‍ ଆଦ୍‍ତଣ୍ଡ୍‍ ?”
\p
\v 27 ଜିସୁ ଅଡ଼୍‌‍କିଂଙ୍କ୍‍ ସିଦା ଉଡ଼ି କେତ୍‍ତଣ୍ଡ୍, “ନାରୁନ୍‍ ପାକେ ଇଦ୍‍ ଆଦ୍‍ପାର୍‍ୱ; ଇଶ୍ୱର ସାରେ ମାଡ଼୍‍ ପାର୍‍ଦ୍‍ତଣ୍ଡ୍‍ ।”
\p
\v 28 ଇ ଗଟ୍‍ କେଞ୍ଜି ପିତର୍‍ କେତ୍‍ତଣ୍ଡ୍‍, “ଉଡ଼ା, ମାମ୍‍ ସାରେ ୱିଡ଼୍‍ସି ନି ପେର୍କେ ୱାତ୍‍ତମ୍‍ ।”
\p
\v 29 ଜିସୁ କେତ୍‍ତଣ୍ଡ୍‍, “ନାନ୍‍ ମିକିଂଙ୍କ୍‍ ସତ୍‍ କେସ୍‍ ନେହ୍‍ତୁତାନ୍‍, ନା ମାଇଦିଙ୍କ୍‍ ନୁ ‘ସୁସମାଚାର୍‍’ ମାଇଦିଙ୍କ୍ ବେନଆଇ ଲୋନ୍‌‍, ତାମୁଣ୍ଡ୍‌, ଏଲାଡ଼୍‍, ବାବାଲ୍‍, ୟାୟ, ପିଲା ବା ଅନାଦ୍‌‍ ୱାୟା ସାରେ ୱିଡ଼୍‍ସିତଣ୍ଡ୍‍, ଇ ଜିୱୁନ୍‍ତେ ଅଣ୍ଡ୍‌ ମେଣ୍ଡେ ନାର୍‍ଗେ ପାହେମ୍‍ ଆଦ୍‍ତଣ୍ଡ୍‍ । 
\v 30 ଇସତ୍‍ ଲୋନ୍‌‍, ତାମୁଣ୍ଡ୍‌ ଏଲାଡ଼୍‍, ୟାୟ, ପିଲା, ୱାୟାନ୍‍ ଶହେ ଗୁଣ ପାହେମ୍‍ ଆଦାନ୍‍ ତଡ଼୍‍ ତିପାଲ୍‍ ଆନ୍‌ତେ ବଗେମ୍‍ଆଦ୍‍ତଣ୍ଡ୍‍; କିନ୍ତୁ ଅଣ୍ଡ୍‌‍ ଆକାଲାତେ ଅନନ୍ତ ଜିୱୁନ୍‍ ଲାବ୍‍ ମାଡ଼ିତଣ୍ଡ୍‍ । 
\v 31 \x + \xo ୧୦:3୧ \xo*\xt ମାତିଉ ୨୦:୧୬; ଲୁକ ୧3:3୦.\xt*\x*ବେନଡ଼୍‍ ଇଞ୍ଜେ ମୁନ୍‍ ମିନ୍ଦେଡ଼୍‍, ଅଡ଼୍‌‍ ଲୋପେଙ୍କ୍‍ ନାର୍ଗେ ପଡ଼େମ୍‍ ଆଦ୍‍ତଡ଼୍‍ ନୁ ବେନଡ଼୍‍ ଇଞ୍ଜ୍‍ ପେର୍କେ ମିନ୍ଦେଡ଼୍‍; ଅଡ଼୍‌‍ ଲୋପେଙ୍କ୍‍ ନାର୍ଗେ ମୁନ୍‍ ଆଦ୍‍ତଡ଼୍‍ ।”
\s ଜିସୁ ଡଲାନ୍‍ ବିଷୟ୍‍ତେ ମୁଣ୍ଡ୍‍ଦାମ୍‍ ଗଟ୍ ଇତ୍‌ତଣ୍ଡ୍‌‍
\r (ମାତିଉ ୨୦:୧୭-୧୯; ଲୁକ ୧୮:୩୧-୩୪)
\p
\v 32 ତାନ୍‍ପେର୍କେ ଜିସୁ ନୁ ତାନ୍‍ ଶିଷ୍ୟଡ଼୍ ଜିରୁଶାଲାମ୍‍ ଆର୍‍ଦାଲା ଆତ୍‍ତଡ଼୍‍ ଜିସୁ ଶିଷ୍ୟଡ଼୍ ମୁନ୍‍ମୁନ୍‍ ଆଞ୍ଜ ମାତ୍‍ତଣ୍ଡ୍‍, ଶିଷ୍ୟଡ଼୍ ୱେର୍‍ସ୍‍ ଆସ୍‍ ମାତ୍‍ତଡ଼୍‍ ନୁ ପେର୍କେ ତାକାନ୍‍ ୱେରେ ନାରୁଡ଼୍‍ ଆନ୍‌ତେ ୱେର୍‍ସ୍‍ ମାତ୍‍ତଡ଼୍‍ । ଜିସୁ ମେଣ୍ଡନ୍‍ ଦାମ୍ ତାନ୍‍ ବାରଜାନ୍‍ ଶିଷ୍ୟଡ଼୍‍କିଙ୍କ୍‍ ଅଣ୍ଡୟ୍‌‍ ଆଗେ କାର୍ଙ୍ଗି ବବିଷ୍ୟତ୍‍ତେ ଅଡ଼୍‌‍ ପ୍ରତି ବାତେ ସାୟ୍‍ ଗଟେମ୍‍ ଆଦ୍‍ତେ, ଆ ବିଷୟ୍‍ତେ ଅଣ୍ଡ୍‌‍ କେତ୍‍ତଣ୍ଡ୍‍ । 
\v 33 “କେଞ୍ଜାଟ୍‍, ମାମ୍‍ ଜିରୁଶାଲାମ୍‍ତା ଆଦୁତମ୍ । ଆଗେ ମନୁଷ୍ୟପୁତ୍ର ବେଡ଼ିୟି ଦର୍ମପୁରହିତ ନୁ ଦର୍ମଗୁରୁଡ଼୍‍ କାଇଦେ ସମର୍ପିତ ଆଦ୍‍ତଣ୍ଡ୍‍ । ଅଡ଼୍‌‍ ଅଂକିଙ୍କ୍‌ ଡଲାନ୍‍ ଦଣ୍ଡ ଇସ୍‍ ଅଣଇହୁଦୀଡ଼୍‍ କାଇଦେ ୱିଡ଼୍‍ସିତ୍‍ତଡ଼୍ । 
\v 34 ଅଡ଼୍‌‍ ଅଂକିଙ୍କ୍‌ ପରିହାସ୍‍ ମାଡ଼ିତଡ଼୍‍, ଅନ୍‌‍ପର୍ ଉସିତଡ଼୍‍, ଅଂକିଙ୍କ୍‌ କୋରଡାତେ ରେହ୍‍ତିତଡ଼୍‍ ନୁ ଆୱ୍‍କିତଡ଼୍‍, କିନ୍ତୁ ମୁଣ୍ଡ୍‍ଦିନା ପେର୍କେ ଅଣ୍ଡ୍‌‍ ଡଲ୍‍ତାଗାଙ୍କ୍ ତେଦିତଣ୍ଡ୍‍ ।”
\s ଜାକୁବ୍‍ ନୁ ଯୋହନ୍‌‌ତେ ଅନୁରଦ୍‌‍
\r (ମାତିଉ ୨୦:୨୦-୨୮)
\p
\v 35 ଅଣ୍ଡ୍‌‍ଦିନେ ଜେବତିନ୍‍ ଇର୍‍ୱୁଡ଼୍‍ ମାର୍କ୍ ଯାକୁବ ନୁ ଯୋହନ୍‌‌ ଜିସୁଙ୍କ୍‍ କେତ୍‍ତଡ଼୍‍, “ଗୁରୁ, ନିମେ ମା ମାଇଦିଙ୍କ୍‍ ବାତ୍‍ ମାଡ଼ା, ଇଦ୍‍ ମାମ୍‍ ଇଚ୍ଛା ମାଡ଼ୁତମ୍‍ ।”
\p
\v 36 ଜିସୁ ପଚ୍ରା ମାଡ଼୍‍ତଣ୍ଡ୍‍, “ବାତ୍‍ ଇଚ୍ଛା ମାଡ଼ୁତିଡ଼୍‍ ?”
\p
\v 37 ଅଡ଼୍‌‍ ଉତ୍ତର୍‍ ଇତ୍‍ତଡ଼୍‍, “ଗୌରବମୟ ରାଜ ସିଂହାସନତାଗ୍‍ ନିମେ ବେସୁଙ୍କ୍‍ କୁଦିତି, ମା ଲୋପେଙ୍କ୍‍ ଅର୍‌ତୁଙ୍କ୍‌ ନି ତିନ୍ଦେପାକେ ନୁ ମେଣ୍ଡ୍‍ଅର୍‌ତୁଙ୍କ୍‌ ଡେବ୍‍ବେ ପାକା କୁଦାଙ୍କ୍‍ ଇମ୍‍ ।”
\p
\v 38 \x + \xo ୧୦:3୮ \xo*\xt ଲୁକ ୧୨:୫୦.\xt*\x*ଜିସୁ ଅଡ଼୍‌‍କିଂଙ୍କ କେତ୍‍ତଣ୍ଡ୍‍, “‍ମିଡ଼୍‍ ବାତା ତାଲ୍‍କୁତିଡ଼୍‍, ପୁନ୍‍ୱିଡ଼୍‍ । ନାନ୍‍ ବେନ୍‍ ଦୁଃକ ବଗତେ ପାନପାତ୍ରତାଗାଙ୍କ୍‍ ଉନ୍ଦାଙ୍କ୍‍ ଆଞ୍ଜମିନ୍ଦେନ୍‍, ଆଗାକଞ୍ଚ୍‍ ମିଡ଼୍‍ ଉନ୍ଦ୍‍ପାର୍‍ଦ୍‍ତିଡ଼୍‍ ? ନାନ୍‍ ବେଲା ତିପାଲ୍‌ ଆଦାଙ୍କ୍‍ ଆଞ୍ଜମିନ୍ଦେନ୍, ଆ ଦିକ୍ଷା ମିଡ଼୍‍ ବାତ୍‍ ଅଦେ ପାର୍‍ଦ୍‍ତିଡ଼୍‍ ?”
\p
\v 39 ନାନେ ବେନ୍‍ ପାନପାତ୍ର ଉନ୍ଦାଙ୍କ୍‌ ଆସ ମିନ୍ଦେମ୍‌ ମିଡ଼୍‌ ବାତେ ଅଦ୍‍ ଉନ୍ଦାଙ୍କ୍‌ ପାର୍‌ତିଡ଼୍, ଅଡ଼୍‌‍ ପାର୍‌ତମ୍‌ ଇଞ୍ଜ କେତ୍‍ତଡ଼୍‍ ।
\p
\v 40 ଜିସୁ କେତ୍‍ତଣ୍ଡ୍, “ବାସ୍ତବିକ ମିଡ଼୍‍ ନା ପାନପାତ୍ରତାଗାଙ୍କ୍‍ ଉନ୍ଦ୍‍ତିଡ଼୍‍ ନୁ ନା ଲେକାମ୍‍ ତିପାଲ୍‌ ଆଦ୍‍ତିଡ଼୍‍, କିନ୍ତୁ ନା ତିନ୍ଦେପାକେ ବା ଡେବ୍‍ବେ ପାକା ବେନ କୁଦିତିତଡ଼୍‍, ଇଦ୍‍ ସ୍ଥିର୍‌ ମାଡ଼ାଙ୍କ୍‍ ନା ଅଦିକାର୍‌‍ ଇଲେ । ବେନଡ଼୍‍ ମାଇଦିଙ୍କ୍‍ ଇଶ୍ୱର ଆ ଜାଗା ତିଆର୍‍ ମାଡ଼ିମିନ୍ଦେଣ୍ଡ୍‍, ଆଦ୍‍ ଅଣ୍ଡ୍‌‍ ଅଡ଼୍‌‍କିଂଙ୍କ୍‍ ଇଦ୍‍ତଣ୍ଡ୍ ।”
\p
\v 41 ଇ ସାରେ ଗଟ୍‍ କେଞ୍ଜି ଦଶ୍‍ଜାନ୍‍ ଶିଷ୍ୟଡ଼୍ ଯାକୁବ୍ ନୁ ଯୋହନ୍‌‌ତେ ପର୍‌ କପାମ୍‍ ଆତ୍‍ତଡ଼୍‍ । 
\v 42 \x + \xo ୧୦:୪୨ \xo*\xt ଲୁକ ୨୨:୨୫,୨୬.\xt*\x*ଜିସୁ ଅଡ଼୍‌‍କିଂଙ୍କ୍‍ ଅଣ୍ଡୟାଗେ କାର୍ଙ୍ଗି କେତ୍‍ତଣ୍ଡ୍‍, “ମିଡ଼୍ ପୁନୁଟ୍‍, ଇ ଜଗତ୍‍ତାଗ୍‍ ଶାସକିଡ଼୍‍ ନାରୁଡ଼୍‍ ଲୋପେ ମାପୃଇନା ମାଡ଼ିତଡ଼୍‍ ନୁ ନେତାଲଡ଼୍‍ ବିଜାତିଡ଼୍‍ ପର ଶାସନ୍‍ ମାଡ଼ିତଡ଼୍‍ । 
\v 43 \x + \xo ୧୦:୪3 \xo*\xt ମାତିଉ ୨3:୧୧; ମାର୍କ ୯:3୫; ଲୁକ ୨୨:୨୬.\xt*\x*କିନ୍ତୁ ମିଡ଼୍‍ ଇ ନିତିତେ ଚାଲେମ୍‍ ଆୟ୍‍ୱିଡ଼୍‍ । ମି ଲୋପେଙ୍କ୍‍ ଅର୍‍ତୁଣ୍ଡ୍‍ ଯଦି ବେଡ଼୍‍ୟଣ୍ଡ୍‍ ଆଦାଙ୍କ୍‍ ଚାହେମ୍‍ ଆଦ୍‍ତଣ୍ଡ୍‍, ଅଣ୍ଡ୍‌‍ ୱେର୍‍ଅର୍‍ତୁଣ୍ଡ୍‍ ସେବକ ଆଇଣ୍ଡ୍‍ 
\v 44 ମେଣ୍ଡେ ମି ଲୋପେଙ୍କ୍‍ ଯଦି ଅର୍‍ତୁଣ୍ଡ୍‍ ମୁନେତ୍‌ ଜାଗା ଅଦିକାର୍ ମାଡ଼ାଙ୍କ୍ ଇଚ୍ଛା ମାଡ଼୍‍କେ, ଅଣ୍ଡ୍‌‍ ଅଡ଼୍‌‍ ଦାସତ୍‍ ଲେକାମ୍‍ ଆଇଣ୍ଡ୍‍ । 
\v 45 ନାରୁଡ଼୍‌ ପିଲେଆନ୍ତେ ସେବା ପାହେମ୍‍ ଆଦାଙ୍କ୍‍ ୱାଡ଼ଣ୍ଡ୍, କିନ୍ତୁ ସେବା ମାଡ଼ାଙ୍କ୍‍ ନୁ ସାରେତଡ଼୍‍ ମୁକ୍ତିତେ ମୁଲ୍ୟ ଲେକାମ୍‍ ନିଜର୍‍ ଜିୱୁନ୍‍ ଉସର୍ଗ ମାଡ଼ଙ୍କ୍‍ ୱାସ୍‍ମିନ୍ଦ୍‍ଦେଣ୍ଡ୍‍ ।”
\s ଜିସୁ ବାର୍ଟିମୟ କାନାଙ୍କ୍‍ ସାୟ୍‍ ମାଡ଼୍‍ତଣ୍ଡ୍‍
\r (ମାତିଉ ୨୦:୨୯-୩୪; ଲୁକ ୧୮:୩୫-୪୩)
\p
\v 46 ଜିସୁ ନୁ ତାନ୍‍ ଶିଷ୍ୟଡ଼୍ ଯିରୀୟତାଗ୍‍ ୱାତ୍‍ତଡ଼୍ । ଅଡ଼୍‌‍ ଆ ଟାଉନ୍‍ତିଙ୍କ୍‍ ୱିଡ଼୍‍ସି ଆଦାନ୍‍ ୱେଲେ ନାର୍ଗେ ନାରୁଡ଼୍‍ ଅନ୍‌‍ ପେର୍କେ ଆତ୍‍ତଡ଼୍‍ । ଟିମୟର୍‍ତେ ମାର୍‍ ବାର୍ଟିମୟ ପେଦେର୍‍ତେ ଅର୍‍ତୁଣ୍ଡ୍‍ କାନାଲ୍‌ ବିକାରି ଆର୍‍ଦାଗ୍‍ କୁଦିମାତ୍‍ତଣ୍ଡ୍‍ । 
\v 47 ନାଜରିତିୟ ଜିସୁ ଆ ଆର୍‍ ଆଦୁତଣ୍ଡ୍‍ ଇଞ୍ଜ କେଞ୍ଜି ଅଣ୍ଡ୍‌‍ ଗାଟି ଲେଙ୍ଗ୍‌ ମାଡ଼ି କେତ୍‍ତଣ୍ଡ୍‍, “ହୋ ଦାଉଦ୍‍ତେ ମାର୍‍ ଜିସୁ ନାକିଙ୍କ୍‍ ଦୟା ମାଡ଼ା ।” 
\v 48 ନାରୁଡ଼୍‍ ଅଂକିଙ୍କ୍‌ ଦମକା ମାଡ଼ି କଟ ମାନ୍ଦାଙ୍କ୍‍ କେତ୍‍ତଡ଼୍‍, କିନ୍ତୁ ଅଣ୍ଡ୍‌ ମେଣ୍ଡେ ଗାଟିଲେଙ୍ଗ୍‍ କାର୍ଙ୍ଗ୍‍ତଣ୍ଡ୍; “ହୋ ଦାଉଦ୍‍ତେ ମାରିନ୍‍ ଜିସୁ, ନାକିଙ୍କ୍‍ ଦୟା ମାଡ଼ା ।” 
\v 49 ଜିସୁ ନିସ୍‌ ମିକା କେତ୍‍ତଣ୍ଡ୍‍, “ଅଂକିଙ୍କ୍‌ କାର୍ଙ୍ଗ୍‍ଗାଟ୍‍ ।” ନାରୁଡ଼୍‍ କାନାଙ୍କ୍‍ କାର୍ଙ୍ଗି କେତ୍‍ତଡ଼୍‍, “ଦାନ୍ଦ୍‍ ଆୟ୍‍ମା, ତେଦିୱାଡ଼ା, ଅଣ୍ଡ୍‌‍ ନିକିଙ୍କ୍‍ କାର୍ଙ୍ଗ ମିନ୍ଦେଣ୍ଡ୍‍ ।” 
\v 50 କାନାଲ୍‌ ତାନ୍‍ ଚାଦର୍‍ ହେସି ୱେଡ଼୍‌କେତେ ତୁଲ୍ଲି ଜିସୁନ୍‍ ଗାରେ ଏୱ୍‍ତଣ୍ଡ୍ । 
\v 51 ଜିସୁ ଅଂକିଙ୍କ୍‌ ପାଚାରା ମାଡ଼୍‍ତଣ୍ଡ୍‍, “ନି ମାଇଦିଙ୍କ୍‍ ନାନେ ବାତେ ମାଡ଼ିତାନ୍‍ ଇଞ୍ଜ ଇଚ୍ଛା ମାଡ଼ୁତି ?” କାନାଲ୍‌ କେତ୍‍ତଣ୍ଡ୍, “ଗୁରୁ ! ନାନ୍‍ ଉଡ଼ାନ୍‍ ମାଇଦିଙ୍କ୍‍ ଇଚ୍ଛା ମାଡ଼ୁତାନ୍‍ ।” 
\v 52 ଜିସୁ ଅଂକିଙ୍କ୍‌ କେତ୍‍ତଣ୍ଡ୍‍, “ଅନ୍‌‍, ନି ବିଶ୍ୱାସ୍‍ ନିକିଙ୍କ୍‍ ସାୟ୍‍ ମାଡ଼୍‍ତେ ।” ସାଙ୍ଗେ ସାଙ୍ଗେ କାନାଲ୍‌ ତାନ୍‍ ଉଡ଼ାନ୍‍ ଶକ୍ତି ପାହେମ୍‍ ଆତ୍‍ତଣ୍ଡ୍ ନୁ ଅଣ୍ଡ୍‌‍ ଆନ୍ତେ ଜିସୁନ୍‍ ପେର୍କେ ପେର୍କେ ତାକ୍‍ତଣ୍ଡ୍‍ ।
\c 11
\s ଯିରୁଶାଲେମ୍‍ତାଗ୍ ଜିସୁ ଆଦାନାଦ୍‍
\r (ମାତିଉ ୨୧:୧-୧୧; ଲୁକ ୧୯:୨୮-୪୦; ଯୋହନ୍‌‌ ୧୨:୧୨-୧୯)
\p
\v 1 ଅଡ଼୍‌‍ ଯିରୁଶାଲାମ୍‍ତେ ଗାରେ ଏୱ୍‍ସ୍‍ ବେତ୍‍ପାଗୀ ନୁ ବେତାନି ନାର୍‍ଦେ ପରୁତ୍‌ ପାକେ ମାନ୍ଦାନ୍‍ ଜିତମେଟେତ୍‍ ଗାରେ ଏୱ୍‍ତଡ଼୍‍ । ଜିସୁ ତାନ୍‍ ଇର୍‍ୱୁଡ଼୍‍ ଶିଷ୍ୟଡ଼୍‍କିଙ୍କ୍‍ ନିର୍ଦେଶ୍‍ ଇସ୍‍ ମୁନେଙ୍କ୍‍ ରୟ୍‍ସ୍‍ କେସ୍‍ମାତ୍‍ତଣ୍ଡ୍‍, 
\v 2 “ମୁନ୍‍ ମାନ୍ଦାନ୍‍ ନାର୍‍ କି ନାଗ୍‍ ଆନୁଟ୍‍, ଆଗେ ଏୱ୍‍କେ ବେନ ବେସୁଙ୍କ୍‍ ତାରକଟ ମାନ୍ଦାନ୍‍ ଅଣ୍ଡୟ୍‌‍ ଗଦ ପିଲ୍‍ତିଙ୍କ୍‍ ତହ୍‍ସ୍‍ ମାନ୍ଦାନାଦ୍‍ ଉଡ଼ିତିଡ଼୍, ତାଙ୍କ୍‍ ଲେୟ୍‍ସ୍‍ ନା ଗାରେ ପୟ୍‍ସ୍‍ ତାଡ଼ାଟ୍‍ । 
\v 3 ‘ବାତେଙ୍କ୍‍ ଇଦ୍‍ ମାଡ଼ୁତିଡ଼୍‍’ ଇଞ୍ଜ ବେନ ଯଦି ପାଚାରା ମାଡ଼୍‍ କ; ଅଂକିଙ୍କ୍‌ କେତିତିଡ଼୍‍, ‘ଗୁରୁଙ୍କ୍‍ ଦର୍‍କାର୍‍ ମିନ୍ଦେ ନୁ ସିଟ୍‍ପାଟ୍‍ ଆଦିଙ୍କ୍‍ ମାଲ୍‍ପିଦ୍‍ତଡ଼୍‍ ।’” 
\v 4 ଅଡ଼୍‌‍ କେତ୍‍ତେ ନାର୍‍ ଆଞ୍ଜ୍‍ ଉଡ଼୍‌ତଡ଼୍‍ ଅଣ୍ଡୟ୍‌‍ ଗଦ ପିଲ୍‍ ନାର୍‍ଦେ ଦୁୱାଡ଼୍‍ତାଗ୍‍ ଅଣ୍ଡୟ୍‌‍ ଆର୍‍ଦାଗ୍‍ ତହ୍‍ସ୍‍ ମିନ୍ଦେଡ଼୍‍ । 
\v 5 ଆଦିଙ୍କ୍‍ ଲେତାନ୍‍ୱେଲେ ଗାରେ ନିସ୍‍ ମାନ୍ଦାନ୍‍ ବେସ୍‌କ୍ ତଡ଼୍‍ କେତ୍‍ତଡ଼୍‍, “ବାତ୍‍ ମାଡ଼ୁତିଡ଼୍‍, ଗଦ ପିଲ୍‍ତିଙ୍କ୍‍ ଲେତୁତିଡ଼୍‍ ବାତେଙ୍କ୍‍ ?”
\p
\v 6 ଜିସୁ କେସ୍‍ମାନ୍ଦାନ୍‍ ଲେକାମ୍‌ ଶିଷ୍ୟଡ଼୍ ଉତ୍ତର୍ ଇତ୍‍ତଡ଼୍‍ ନୁ ନାର୍‍ଦେନଡ଼୍‍ ଅଡ଼୍‌‍କିଂଙ୍କ୍‍ ୱିଡ଼୍‍ସିତ୍‍ତଡ଼୍ । 
\v 7 ଶିଷ୍ୟଡ଼୍ ଗଦ ପିଲ୍‍ତିଙ୍କ୍‍ ତାସ୍‍ ମେନ୍ଦୁଲ୍‍ତାଗ୍‍ ନିଜର୍‍ ସିଲେ ତାରିତ୍‍ତଡ଼୍‍ ନୁ ଜିସୁ ତାନ୍‍ ପର କୁଦ୍‍ତଣ୍ଡ୍‍ । 
\v 8 ବେସ୍‍କ୍‍ତଡ଼୍ ଆର୍‍ଦେ ପର ଆନ୍ତେ ନିଜର୍‍ ସିଲେ ତାରିତ୍‍ତଡ଼୍‍ । ବାଗାତଡ଼୍‍ ମାଡ଼େତ୍‍ କମା ସାରେ ନାଡ଼୍‍କି ଆର୍‍ଦେ ପର ୱାଟ୍‍ତଡ଼୍‍ । 
\v 9 ଜିସୁନ୍‍ ମୁନେ ନୁ ପେର୍କେ ଆଦାନ୍‍ ନାରୁଡ଼୍‍ ବେଡ଼୍‍ୟ୍‍ ଲେଙ୍ଗ୍‍ଦେ କେତାଙ୍କ୍‍ ପସ୍ପ୍‍ତଡ଼୍‍, ପ୍ରସଂଶା 
\v 10 “ପ୍ରବୁନ୍‍ ପେଦେର୍‍ତେ ବେନ ୱାଦୁତଣ୍ତ୍‌, ଅନାଦ୍‌‍ ପ୍ରସଂଶା ଆୟି । ମେଣ୍ଡେ ତିଆର୍‍ ଆଦାଙ୍କ୍‍ ଆଞ୍ଜମାନ୍ଦାନ୍‍ ମା ବାବାଲ୍‍ ଦାଉଦ୍‍ ରାଜାନ୍‍ ରାଜ୍ୟତିଙ୍କ୍‍ ଇଶ୍ୱର ଆର୍ଶିବାଦ୍‌ ମାଡ଼ିଣ୍ଡ୍‍ । ଇଶ୍ୱର୍‌ତେ ଗୌରବ୍ ଆୟି ।”
\p
\v 11 ଜିସୁ ଯିରୁଶାଲାତାଗ୍‍ ନେଙ୍ଗ୍‍ତଣ୍ଡ୍‍ ନୁ ମନ୍ଦିର୍‍ତାଗ୍‍ ଆଞ୍ଜ୍‍ ସାରେପାକା ଉଡ଼୍‍ତଣ୍ଡ୍‍ । କିନ୍ତୁ ଆସୁଟ୍‍ ମୂଲ୍‍ପୁଟ୍‍ ଆସ ମାନ୍ଦାନ୍‍ ମାଇଦିଙ୍କ୍‍ ବାରଜାନ୍‍ ଶିଷ୍ୟଡ଼୍ ତ ଜିସୁ ବେତାନି ନାର୍‍ଦା ଆତ୍‍ତଡ଼୍‍ ।
\s ତୟ୍‍ ମାଡ଼୍‍ତିଙ୍କ୍‍ ଜିସୁ ଅବିଶାପ୍‍ ଇତ୍‌ତଣ୍ଡ୍‌‍
\r (ମାତିଉ ୨୧:୧୮-୧୯)
\p
\v 12 ତାନ୍‍ ମେଣ୍ଡନ୍‍ ଦିନେ ଅଡ଼୍‌‍ ବେତାନିତାଗାଙ୍କ୍‍ ମାଲ୍‍ଦାନ୍‍ ୱେଲେ ଜିସୁ କାର୍‍ୱିଙ୍କ୍ ଆତ୍‍ତଣ୍ଡ୍‍ । 
\v 13 ଅଣ୍ଡୟ୍‌‍ ତୟ୍‍ ମାଡ଼୍‍ତାଗ୍‍ ନାର୍ଗେ ଆକି ମାନ୍ଦାନାଦ୍ ଅଣ୍ଡ୍‌ ଜୁୟ୍‍କଙ୍କ୍‍ ଉଡ଼୍‍ତଣ୍ଡ୍‍ । ଆଗେ କାୟା ମିନ୍ଦେ କି ଇଲ୍‌ଲେ, ଉଡ଼ାନ୍‍ ମାଇଦିଙ୍କ୍‍ ଜିସୁ ତାନ୍‍ ଗାର୍‍ରେ ଆତ୍‍ତଣ୍ଡ୍‍ । ଆଗେ ଆକିଙ୍କ୍‌ ୱିଡ଼୍‍ସି ବାତ୍‍ ମେଣ୍ଡେ ଉଡ଼ଣ୍ଡ୍‍, କାରନ୍‍ ଆସୁଟ୍‍ ତୟା ଆଦାନାଦ୍‍ ସମୟ୍‍ ଏୱକଟ ମାତ୍‍ତେ । 
\v 14 ଜିସୁ ଆ ମାଡ଼୍‍ତିଙ୍କ୍‍ ଉଡ଼ି କେତ୍‍ତଣ୍ଡ୍‍, “ନିୟାଗାଙ୍କ୍‍ ବେନ ମେଣ୍ଡେ ବେସୁଙ୍କ୍‌ବା କାୟା ତିନ୍ଦାନଙ୍କ୍‍ ପାହେମ୍‍ ଆୟଡ଼୍‍ ।” ଶିଷ୍ୟଡ଼୍ ଇଦ୍‍ କେଞ୍ଜ୍‍ତଡ଼୍‍ ।
\s ଜିସୁ ମନ୍ଦିର୍‍ତିଙ୍କ୍‍ ପରିଷ୍କାର୍‍ ମାଡ଼୍‍ତଣ୍ଡ୍‍
\r (ମାତିଉ ୨୧:୧୨-୧୭; ଲୁକ ୧୯:୪୫-୪୮; ଯୋହନ୍‌‌ ୨:୧୩-୨୨)
\p
\v 15 ଅଡ଼୍‌‍ ଯିରୁଶାଲେମ୍‍ତାଗ୍ ଏୱ୍‍ସ୍‍ ମନ୍ଦିର୍‍ତେ ଲୋପେ ଆତ୍‍ତଡ଼୍‍ ନୁ ଆଗେ ଆସାନ୍ ୱାମାନ୍ ମାଡ଼ାନ୍‍ ନାରୁଡ଼୍‍କିଙ୍କ୍‍ ଜିସୁ ବାୟ୍‍ଦେ ପେସ୍ପିତ୍‍ତଣ୍ଡ୍‍ । ମୁଦ୍ରା ବ୍ୟବସାୟି ମାଡ଼ମାନ୍ଦାନ୍‍ ନାରୁଡ଼୍‍ତେ ବେଞ୍ଚ୍‍ ନୁ ପାର୍‍ୱା ୱାମନ୍‍ନାରୁଡ଼ାଦ୍‍ ଟେଙ୍ଗା ସାରେ ମିଇସିତ୍‍ତଣ୍ଡ୍‍ । 
\v 16 ମନ୍ଦିର୍‍ତେ ଦୁୱାଡ଼୍ ଇସ୍‍ ଜିନିଷପତ୍ର ଅଦା ତାତ୍‍ତା ମାଡ଼ାଙ୍କ୍‍ ବେନଙ୍କ୍ ବା ୱିଡ଼୍‍ସଣ୍ଡ୍‍ । 
\v 17 ତାନ୍‍ ପେର୍କେ ଜିସୁ ନାରୁଡ଼୍‍କିଙ୍କ୍‍ ଶିକ୍ଷାଇସ୍ କେତ୍‍ତଣ୍ଡ୍‍, “ଦର୍ମଶାସ୍ତ୍ରତାଗ୍‍ ଲେକା ମିନ୍ଦେ, ‘ନା ମନ୍ଦିର୍‍ ସାରେ ଦେଶ୍‍ ନାରୁଡ଼୍‍ ମାଇଦିଙ୍କ୍‍ ପ୍ରାର୍ତନା ଲୋନ୍‌‍ ଇଞ୍ଜ ପେଦେର୍‍ ଆଦ୍‍ତେ,’ କିନ୍ତୁ ମିଡ଼୍‍ ଆଦିଙ୍କ୍‍ ଡ଼ଙ୍ଗାନ୍‍ ଲୋନ୍‌‍ ମାଡ଼୍‍ତିଡ଼୍‍ ।”
\p
\v 18 ବେଡ଼େଇ ଯାଜକ୍‌ ନୁ ଶାସ୍ତ୍ରୀଡ଼୍‍ ଇଦ୍‌ ଗଟନା ବିଷୟ୍‍ତେ କେଞ୍ଜି ଜିସୁଙ୍କ୍‍ ଆୱୁକାଙ୍କ୍‍ ଉପାୟ୍‍ ମେହେକାଙ୍କ୍‍ ପସ୍ପ୍‍ତଡ଼୍‍ । ଅଡ଼୍‌‍ ଜିସୁଙ୍କ୍‍ ୱେର୍‍ସ ମାତ୍‍ତଡ଼୍‍ । କାରନ୍‍ ନାରୁଡ଼୍ ଅନ୍‌‍ ଶିକ୍ଷାତେ ଆଶର୍ଯ୍ୟ ଆତ୍‍ତଡ଼୍‍ । 
\v 19 ଆ ଦିନ୍‍ ମୂଲ୍‍ପୁଟ୍‍ ୱେଲେ ଜିସୁ ନୁ ତାନ୍‍ ଶିଷ୍ୟଡ଼୍ ଟାଉନ୍‍ତିଙ୍କ୍‍ ୱିଡ଼୍‍ସି ଆତ୍‍ତଡ଼୍‍ ।
\s ତୟ୍‍ ମାଡ଼୍‍ତାଗାଙ୍କ୍‍ ଶିକ୍ଷା
\r (ମାତିଉ ୨୧:୨୦-୨୨)
\p
\v 20 ତାନ୍‍ମେଣ୍ଡ ଦିନ୍‍ ନାର୍‌କୁକେ ଅଡ଼୍‌‍ ଆର୍‍ଦାଲା ଆଦାନ୍‍ୱେଲେ ଉଡ଼୍‌ତଡ଼୍‍ ଆ ତୟା ମାଡ଼୍‍ ମଦଲ୍‍ କଞ୍ଚ୍‍ ୱାସିମିନ୍ଦେ । 
\v 21 ମୁନେତ୍‍ ଦିନାତ୍‍ ଗଟ୍‍ ହେର୍କେ ମାଡ଼ି ପିତର୍‍ ଜିସୁଙ୍କ୍‍ କେତ୍‍ତଣ୍ଡ୍‍, “ଗୁରୁ ଉଡ଼େ ନି ତଡ଼୍‍ ଅବିଶାପ୍‍ ଆସ୍‍ମାନ୍ଦାନ୍‍ ତୟା ମାଡ଼୍‍ ଡଲିମିନ୍ଦେ ।”
\p
\v 22 ଜିସୁ ଉତ୍ତର୍‍ ଇତ୍‌ତଣ୍ଡ୍‌‍, “ଇଶ୍ୱର୍‍ ତିଙ୍କ୍‍ ବିଶ୍ୱାସ୍‍ ମାଡ଼ାଟ୍‍ । 
\v 23 \x + \xo ୧୧:୨3 \xo*\xt ମାତିଉ ୧୭:୨୦; ୧ କରନ୍ତିୟ ୧3:୨.\xt*\x*ନାନ୍‍ ନିଜାମ୍‍ ମିକିଂଙ୍କ୍‍ କେତୁତାନ୍‍, ଯଦି ବେନ ଇ ମେଟେତିଙ୍କ୍‍ ତେଦିଆଞ୍ଜ୍‍ ସନ୍ଦୁର୍‍ତାଗ୍‍ ରାଲାନ୍‍ ମାଇଦିଙ୍କ୍‍ କେତିତଣ୍ଡ୍ ନୁ ମନ୍‍ଦାଗ୍‍ ସନ୍ଦେହ ନେହ୍‍ୱକଟ, ଅଣ୍ଡ୍‌‍ ବାତେ କେତ୍‍ତଣ୍ଡ୍‍, ଆଦ୍‍ ଆଦ୍‍ତେ ଇଞ୍ଜ ବିଶ୍ୱାସ୍‍ ମାଡ଼ିତଣ୍ଡ୍‍, ଆଲାଇତ୍କେ ଆଦ୍‍ ନିଜାମ୍‍ ଗଟେମ୍‍ ଆଦ୍‍ତେ । 
\v 24 ଅଦିନ୍‌ ମାଇଦିଙ୍କ୍‍ ନାନ୍‍ କେତୁତାନ୍‍ ପ୍ରାର୍ତନା ମାଡ଼ାନ୍‍ ୱେଲେ ବାତ୍‍ ତାଲ୍‍କୁତିଡ଼୍‍, ଆୱ୍‍ ଦର୍‍କ୍‍ତା ଇଞ୍ଜ ବିଶ୍ୱାସ୍‍ ମାଡ଼ାଟ୍‍, ଆଲାଇତ୍କେ ଆୱ୍‍ ମିଡ଼୍‍ ନିଜାମ୍‍ ପାହେମ୍‍ ଆଦ୍‍ତିଡ଼୍‍ । 
\v 25 \x + \xo ୧୧:୨୫ \xo*\xt ମାତିଉ ୬:୧୪,୧୫.\xt*\x*ପ୍ରାର୍ତନା ମାଡ଼ାନ୍‍ ମାଇଦିଙ୍କ୍‍ ନିତ୍‍ତେ ୱେଲେ, ଯଦି ବେନନ୍ ବିରୁଦ୍‍ତେ ମିୟାଦ୍‍ ବାତେ କେତାନାଦ୍‍ ମାନ୍ତ୍‍ତେ, ଆଦିଙ୍କ୍‍ କ୍ଷେମା ମାଡ଼ିମୁଟ୍‍ । ଆଲାଇତ୍କେ ମି ସ୍ୱର୍ଗତେ ବାବାଲ୍ ଇଶ୍ୱର୍ ମିୟାଦ୍‍ ସାରେ ଦଷ୍ କ୍ଷେମା ମାଡ଼ିତଣ୍ଡ୍‍ ।”
\p
\v 26 କିନ୍ତୁ ମିଡ଼୍‍ ଯଦି ୱେର୍‍ତଡ଼୍‍କିଙ୍କ୍ କ୍ଷେମା ମାଡ଼୍‍ୱିଡ଼୍‍, ମି ସ୍ୱର୍ଗତେ ବାବାଲ୍‍ ଆନ୍‌ତେ ମି ପାପ ଆନ୍ତେ କ୍ଷେମା ମାଡ଼ଣ୍ଡ୍‍ ।
\s ଜିସୁନ୍‍ ଶାସନ୍‍
\r (ମାତିଉ ୨୧:୨୩-୨୭; ଲୁକ ୨୦:୧-୮)
\p
\v 27 ଅଡ଼୍‌‍ ମେଣ୍ଡନ୍‍ ଦାମ୍‍ ଯିରୁଶାଲେମ୍‍ତାଗ୍ ୱାତ୍‍ତଡ଼୍ । ଜିସୁ ମନ୍ଦିର୍‍ତେ ଲୋପେ ଉଡମାନ୍ଦାନ୍‍ ସମୟ୍‍ତେ ମୁକ୍ୟ ପୁରହିତ, ଦର୍ମଗୁରୁ ନୁ ଇହୁଦି ଦର୍ମନେତାଲଡ଼୍‍ ଅନ୍‌‍ ଗାରେ ୱାସ୍‍ ପାଚାରାମାଡ଼୍‍ତଡ଼୍‍, 
\v 28 “ଇ ସାରେ ପାଡ଼୍‌ୟି ମାଡ଼ାନ୍‍ ମାଇଦିଙ୍କ୍‍ ନିୟାଦ୍‍ ବାତେ ଅଦିକାର୍‌‍ ମିନ୍ଦେ ? ନିକିଙ୍କ୍‍ ଇ ଅଦିକାର୍‌‍ ବେନ ଇତ୍‌ତଣ୍ଡ୍‌‍ ?”
\p
\v 29 ଜିସୁ ଉତ୍ତର୍‍ ଇତ୍‌ତଣ୍ଡ୍‌‍, “ମିକିଂଙ୍କ୍‍ ଅଣ୍ଡୟ୍‌‍ ପ୍ରଶ୍ନ ପାଚାରାମାଡ଼ିତାନ୍‍ । ଯଦି ତାନ୍‍ ଉତ୍ତର୍‍ ଇଦ୍‍ପାର୍‍ଦ୍‍ତିଡ଼୍‍, ଇ ମାଡ଼ାନ୍‍ ମାଇଦିଙ୍କ୍‍ ନାୟାଦ୍‍ ବାତ୍‍ ଅଦିକାର୍‌‍ ମିନ୍ଦେ, ଆଦ୍‍ ମିକିଂଙ୍କ୍‍ କେତିତାନ୍‍ ।
\p
\v 30 ବାପ୍ତିସ୍ମ ଇଦାନ୍‍ ଯୋହନ୍‌‌ ବେନନାଗାଙ୍କ୍ ଅଦିକାର୍‌ ପାହେମ୍ ‍ଆସ୍‍ମାତ୍‍ତଣ୍ଡ୍‍, ଇଶ୍ୱର୍‍ତାଗାଙ୍କ୍‍ ନା ନାରୁଡ଼୍‍ ଡ଼ାଗାଙ୍କ୍‍ ?”
\p
\v 31 ଅଡ଼୍‌‍ ନିଜର୍‍ ନିଜର୍‍ ଲୋପେ ରାମ୍‍କ୍ ମାଡ଼ାଙ୍କ୍‍ ପସ୍ପ୍‍ତଡ଼୍‍, “ଇ ଗଟ୍‍ତେ ବାତ୍‍ ଉତ୍ତର୍‍ ଇଦ୍‍ତାଡ଼୍‍ ?” ଯଦି କେତିତାଡ଼୍‍, “ଇଶ୍ୱର୍‍ତାଗାଙ୍କ୍‍,” ଯୋହନ୍‌‍ତିଙ୍କ୍‍ ମାଡ଼୍ ବାତେଙ୍କ୍‍ ବିଶ୍ୱାସ୍‍ ମାଡ଼୍‍ୱାଡ଼୍‍ ଇଞ୍ଜ ଅଣ୍ଡ୍‌‍ ପାଚାରାମାଡ଼ିତଣ୍ଡ୍ । 
\v 32 ଯଦି କେତିତାଡ଼୍‍, “ନାରୁଡ଼୍‍ଡ଼ାଗାଙ୍କ୍‍” ଅଡ଼୍‌‍ ନାରୁଡ଼୍‍କ୍‍ ୱେର୍‍ସ ମାତ୍‍ତଡ଼୍‍, କାରନ୍‍ ସାରେତଡ଼୍ ପୁଞ୍ଜ୍‍ ମାତ୍‍ତେ ଯେ, ଯୋହନ୍‌‌ ଇଶ୍ୱର୍‌ତେ ଅର୍‍ତୁଣ୍ଡ୍‍ ବାବବାଦୀ ମାତ୍‍ତଣ୍ଡ୍ । 
\v 33 ଅଡ଼୍‌‍ ଜିସୁଙ୍କ୍‍ ଉତ୍ତର୍‍ ଇତ୍‍ତଡ଼୍‍, “ମାମ୍‍ ପୁନମ୍‍ ।”
\p ଜିସୁ ଅଡ଼୍‌‍କିଂଙ୍କ୍‍ କେତ୍‍ତଣ୍ଡ୍‍, “ବେନ୍‍ ଅଦିକାର୍‌‍ତେ ହିୱୁସାରେ ମାଡ଼ୁତାନ୍‍, ନାନ୍‍ ମିକା ମିକିଙ୍କ୍ କେଲନ୍‍ ।”
\c 12
\s ଅଙ୍ଗୁର୍‌ ୱାୟାତାଗ୍‍ ବାଗ୍‍ ଚାଷିଡ଼୍‍ ୱେଷଡ଼୍‍
\r (ମାତିଉ ୨୧:୩୩-୪୬; ଲୁକ ୨୦:୯-୧୯)
\p
\v 1 ତାନ୍‍ପେର୍କେ ଜିସୁ ୱେଷଡ଼୍‍ ଇସ୍‍ କେତ୍‍ତଣ୍ଡ୍‍, “ଅଣ୍ଡୟ୍‌‍ୟାଗ୍‍ ଅର୍‍ତୁଣ୍ଡ୍‍ ନାରୁଣ୍ଡ୍ ୱେରଡ୍‍ ଅଙ୍ଗୁର୍‌ୱାୟେ ଆରାମ୍‍ ମାଡ଼ି ତାନ୍‍ ତିଡ଼ିୟିପାକା ୱେଲୁମ୍‍ କୁର୍‍ଦୁତଣ୍ଡ୍‍ । ଅଙ୍ଗୁର୍‍କିନ୍‍ ମାଇଦିଙ୍କ୍‍ ଅଣ୍ଡୟ୍‌‍ ଗୁୟ୍‍ନ୍ଦେ ଡେୱ୍‍ତଡ଼୍ ନୁ କେପାନଡ଼୍‍ ମାଇଦିଙ୍କ୍ ଡଡ୍‍ ତହ୍‍ତଡ଼୍‍ । ତାନ୍‍ପେର୍କେ ଅଣ୍ଡ୍‌ କ୍ଷେତତିଙ୍କ୍‍ ବାଗ୍‍ ଚାଷିଡ଼୍‍ କାଇଦେ ୱିଡ଼୍‍ସିସ୍‍ ଦୁରାମ୍‍ ପଡ଼୍‍ୟ୍‍ତାଗ୍‍ ଆତ୍‍ତଣ୍ଡ୍‍ ।” 
\v 2 ଆସୁଟ୍‍ ଅଙ୍ଗୁର୍‌ ଆଦାୟ୍‍ ମାଡ଼ାନ୍‍ ସମୟ୍‍ ୱାତ୍‍ତେ, ନିଜର୍ ବାଗ୍‍ ଆଦାୟ୍‍ ମାଡ଼ାନ୍‍ ମାଇଦିଙ୍କ୍ ୱେରଣ୍ଡ୍‍ ଦାସ୍‍ତିଙ୍କ୍‍ ଅଡ଼୍‌‍ ଗାରେ ରହ୍‍ତଣ୍ଡ୍‍ । 
\v 3 ଚାଷିଡ଼୍‍ ଆ ଦାସ୍‍ତିଙ୍କ୍‍ ପୟ୍‍ସ୍‍ ରେହ୍‍ସ୍‍ ଆସାମ୍‍ କାଇଦେ ରୟ୍‍ସିତ୍‍ତଡ଼୍‍ । 
\v 4 ୱାୟେତ୍‍ ମାଲିକ୍‍ ମେଣ୍ଡ୍‍ଅର୍‍ତୁନ୍‍ ଦାସତିଙ୍କ୍‍ ରହ୍‍ତଣ୍ଡ୍‍ । ଚାଷିଡ଼୍‍ ଅଙ୍କ୍‌ ଆନ୍‌ତେ କାରାପ୍‍ ବ୍ୟବହାର୍‌ ମାଡ଼୍‍ତଡ଼୍‍ ନୁ ରେହ୍‍ସ୍ ଅନ୍‌‍ ତାଲ୍‍ତିଙ୍କ୍‍ ପାଃସିତ୍‍ତଡ଼୍‍ । 
\v 5 ତାନ୍‍ପେର୍କେ ମାଲିକ୍‍ ବେନ୍‍ ଦାସଙ୍କ୍‍ ରହ୍‍ତଣ୍ଡ୍‍, ଅଂକିଙ୍କ୍‌ ଚାଷିଡ଼୍ ଡ଼ଲ୍‍ନା ରେହ୍‍ସିତ୍‍ତଡ଼୍‍ । ମାଲିକ୍‍ତେ ପାକେତ୍‍ ୱେର୍‍ବାଗାତଡ଼୍‍ ୱାତ୍‍ତଡ଼୍, ଚାଷିଡ଼୍‍ ଅଡ଼୍‌‍କ୍‍ ଆନ୍ତେ ଆଲେକେ ମାଡ଼୍‍ତଡ଼୍‍ । ବେସ୍‍କ୍‍ତଡ଼୍‍କିଙ୍କ୍ ରେହ୍‍ତଡ଼୍‍ ନୁ ୱେର୍‍ତଡ଼୍‍କିଙ୍କ୍‍ ଆୱ୍‍କ୍‌ତଡ଼୍ । 
\v 6 ଇଞ୍ଜେ ମାଲିକ୍‍ତେ ଗାରେ ମାତର୍‍ ୱେରଣ୍ଡେ ମାତର୍‌ ବାକି ମିନ୍ଦେଣ୍ଡ୍ ତାନ୍ ପ୍ରିୟ ମାର୍‍ । ମାଲିକ୍‍ ଆଲ୍‍ସ୍‍ତଣ୍ଡ୍‍, “ଅଡ଼୍‌‍ ନା ମାରିଙ୍କ୍‍ ନିଜାମ୍‍ ମାନେମ୍‍ ଆଦ୍‍ତଡ଼୍‍ ।” ଇଲା ଆଲ୍‍ସି ମାଡ଼େଙ୍କ୍‌ତେ ଚାଷିଡ଼୍‍ ଗାରେ ନିଜର୍‍ ମାରିଙ୍କ୍ ରହ୍‍ତଣ୍ଡ୍‍ । 
\v 7 କିନ୍ତୁ ଆ ଚାଷିଡ଼୍‍ ନିଜେନିଜ୍‍ତିଙ୍କ୍‍ କେତ୍‍ତଡ଼୍‍, “ଇଣ୍ଡ୍‍ ମାଲିକ୍‍ତେ ମାର୍‌ । ୱାଡ଼ାଟ୍‍ ଅଂକିଙ୍କ୍‌ ରେହ୍‍ସିନ୍‍ନା ଆଲାଇତ୍କେ ମାଲିକ୍‍ତେ ସମ୍ପତି ମାନ୍‍ କାଇଦେ ୱାଦ୍‍ତେ ।” 
\v 8 ଇଲା କେସ୍‍ ଅଡ଼୍‌‍ ମାଲିକ୍‍ତେ ମାରିଙ୍କ୍‍ ପୟ୍‍ସ୍‍ ଆୱ୍‍କ୍‌ତଡ଼୍‍ ନୁ ମଡ଼୍‍ତିଙ୍କ୍‍ ୱାୟେତ୍‍ ବାୟ୍‍ଦେ ଏସିତ୍‍ତଡ଼୍‍ ।
\p
\v 9 ଜିସୁ ପାଚାରାମାଡ଼୍‍ତଣ୍ଡ୍‍, “କେସୁଡ଼ାଟ୍‍, ତାନ୍‍ ପେର୍କେ ଆ ଅଙ୍ଗୁର୍‌ ୱାୟେତ୍‍ ମାଲିକ୍‍ ବାତ୍ ‍ମାଡ଼ିମାନ୍ତ୍‍ତଣ୍ଡ୍‍ ? ଅଣ୍ଡ୍‌ ୱାସ୍‍ ନିଜାମ୍‍ ଆ ଚାଷିଡ଼୍‍କ୍‍ ଡ଼ଲ୍‌ନା ରେହ୍‍ସିସ୍‍ ୱାୟେତିଙ୍କ୍ ୱେର୍ ‍ଚାଷିଡ଼୍‍କ୍‍ ଇସ୍‍ମାନ୍ତ୍‍ତଣ୍ଡ୍‍ ।” 
\v 10 ଶାସ୍ତ୍ରତାଗ୍‍ ଇ ଗଟ୍‍ ମିଡ଼୍‍ ନିଜାମ୍‍ କାର୍‍ତିଡ଼୍‍ ।
\p “ଲୋନ୍‌‍ ତିଆର୍‍ ମାଡ଼ାନଡ଼୍‍ ବେନ୍‍ କାଲ୍‍ଦିଙ୍କ୍ ଦର୍‍କାର୍‍ ଆୟ ଇଞ୍ଜ ଆଲ୍‍ସି ୱିଡ଼୍‍ସିସ୍‍ ମାତ୍‍ତଡ଼୍‍, ଆଦ୍‍ ଲୋତ୍‍ତେ ମୁକ୍ୟ ମୂଲ୍‍ତେ କାଲ୍‍ ଆତ୍‍ତେ ।
\q1
\v 11 ନିଜେ ପ୍ରବୁ ଇଦ୍‍ କେତ୍‍ତଣ୍ଡ୍,
\q2 ବେସର୍‍ ଚମତ୍କାର୍‍ ଇ ପାଡ଼୍‍ୟି !”
\p
\v 12 ଇହୁଦିଡ଼୍‍ ନେତାଙ୍କ୍‍ ଗିରପ୍‍ ମାଡ଼ାନ୍‍ ମାଇଦିଙ୍କ୍‍ ଚେଷ୍ଟା ମାଡ଼୍‍ତଡ଼୍‍, କାରନ୍‍ ଅଡ଼୍‌‍ ପୁତ୍‍ତଡ଼୍‍, ଅଡ଼୍‌‍କିଂଙ୍କ୍‍ ଉଡ଼ି ମିକା ଜିସୁ ଇ ୱେଷଡ଼୍‍ କେତୁତଣ୍ଡ୍ । କିନ୍ତୁ ନାରୁଡ଼୍‍ ୱେର୍‍ଙ୍ଗିଙ୍କ୍‍ ଅଡ଼୍‌‍ ଜିସୁଙ୍କ୍‍ ୱିଡ଼୍‍ସି ଆତ୍‍ତଡ଼୍‍ ।
\s ଶିସ୍ତୁ ଇଦାନ୍‍ ପ୍ରଶ୍ନ
\r (ମାତିଉ ୨୨:୧୫-୨୨; ଲୁକ ୨୦:୨୦-୨୬)
\p
\v 13 ବେସ୍‍କ୍‍ତୁଡ଼୍‍ ପାରୁସିଡ଼୍‍ ନୁ ହେରୋଦ୍‍ତେ ମାନ୍ଦେତେ ବେସ୍‍କ୍‍ତୁଡ଼୍‍ ଜିସୁଙ୍କ୍‍ ପ୍ରଶ୍ନ ପାଚାରାମାଡ଼ି ଉଡ଼୍‍ୟିଦାଗ୍‍ ରାପାନ୍‍ ମାଇଦିଙ୍କ୍‍ ୱାସ୍‍ମାତ୍‍ତଡ଼୍‍ । 
\v 14 ଅଡ଼୍‌‍ ଜିସୁଙ୍କ୍‍ ପାଚାରାମାଡ଼୍‍ତଡ଼୍‍, “ଗୁରୁ, ମାମ୍‍ ପୁତ୍‍ତମ୍‍ ନାରୁଡ଼୍‍କିଙ୍କ୍‍ ୱେର୍‍ୱକଟ ନିମେ ସତ୍‍ ଗଟି କେତିତିନ୍‍ । ବେନନ୍ ସିଗ୍‍ ମାର୍‍ଜାଦ୍ ସେଙ୍ଗ୍ ଉଡ଼କଟ ନିମେ ଇଶ୍ୱର୍‌ତେ ଇଚ୍ଛା ବିଷୟ୍‍ତେ ଶିକ୍ଷା ଇଦ୍‍ତିନ୍‍ । କେଲ୍‍ମ୍‍, ରୋମ୍‍ ସମ୍ରାଟ୍‍ତିଙ୍କ୍‍ ଶିସ୍ତୁ ଇଦାଙ୍କ୍‍ ମା ଦର୍ମ ନିୟମ୍‍ତେ ବିରୁଦ୍‍ କି ଆୟ ? ମାମ୍‍ ଶିସ୍ତୁ ଇଦ୍‍ତମ୍‍ କି ଇଲେ ?”
\p
\v 15 ଜିସୁ ଅଡ଼୍‌‍ ଚାଲାକ୍‌ତିଙ୍କ୍‌ ବୁଜେମ୍‍ ଆସ୍‍ କେତ୍‍ତଣ୍ଡ୍‍, “ନାକିଙ୍କ୍‍ ବାତେଙ୍କ୍‍ ଉଡ଼୍‍ୟିଦାଗ୍‍ ରାପାଙ୍କ୍‍ ଚେଷ୍ଟା ମାଡ଼ୁତିଡ଼୍‍ ? ୱେରଟ୍‍ ରୁପାମୁଦ୍ରା ତାଡ଼ାଟ୍‍, ନାନ୍‍ ଉଡ଼ିତାନ୍ ।”
\p
\v 16 ଅଡ଼୍‌‍ ଡାବ୍‌ ତାତ୍‍ତାଙ୍କ୍‍ ଜିସୁ ପାଚାରାମାଡ଼୍‍ତଣ୍ଡ୍, “ଇଦିନ୍‍ ପର ବେନନ୍ ମୁର୍ତ୍ତି ନୁ ପେଦେର୍‍ ମିନ୍ଦେ ?”
\p “ସମ୍ରାଟ୍‍ତାଦ୍‍” ଇଞ୍ଜ ଅଡ଼୍‌‍ ଉତ୍ତର୍‍ ଇତ୍‍ତଡ଼୍‍ ।
\p
\v 17 ଜିସୁ କେତ୍‍ତଣ୍ଡ୍‍, “ଆଲାଇତ୍କେ, ବେନ୍‍ ସମ୍ରାଟ୍‍ତଦ୍‍, ଆଦ୍‍ ସମ୍ରାଟ୍‍ତିଙ୍କ୍‍ ଇମୁଟ୍‍; ବେନ୍‍ ଇଶ୍ୱର୍‌ତାଦ୍‍, ଆଦ୍‍ ଇଶ୍ୱର୍‌ତିଙ୍କ୍‍ ଇମୁଟ୍‍ ।” ଜିସୁନ୍‍ ଇ ଗଟ୍‍ ଅଡ଼୍‌‍ କେଞ୍ଜି ବାକ୍‌ୱା ଆତ୍‍ତଡ଼୍‍ ।
\s ପୁନରୁତ୍‍ତାନ୍‍ତେ ପ୍ରଶ୍ନ
\r (ମାତିଉ ୨୨:୨୩-୩୩; ଲୁକ ୨୦:୨୭-୪୦)
\p
\v 18 \x + \xo ୧୨:୧୮ \xo*\xt ପ୍ରେରିତ ୨3:୮.\xt*\x*ଡଲ୍‍ତେ ନାରୁଡ଼୍‍ତେ ପୁନରୁତ୍‍ତାନ୍‍ ବିଶ୍ୱାସ୍‍ ମାଡ଼୍‍ୱେ ସାଦୁକିଡ଼୍‍ ମାନ୍ଦେ ବେସ୍‍କ୍‍ତୁଡ଼୍‍ ୱାସ୍‍ ଜିସୁଙ୍କ୍‍ ପାଚାରା ମାଡ଼୍‍ତଡ଼୍‍, 
\v 19 “ଆ ଗୁରୁ, ମୋଶାଲ୍‌‍ ମା ମାଇଦିଙ୍କ୍‍ ଇ ବ୍ୟବସ୍ଥା ଲେକ୍‍ତଣ୍ଡ୍‍, ୱେରଣ୍ଡ୍‍ ପିଲାଜିଲା ଇଲକଟ ଆସ୍‍ ଡଲ୍‍କେ ଆ ନାରୁନ୍‍ତେ ରାଣ୍ଡିମୁତେଙ୍କ୍‍ ତାନ୍‍ ତାମୁଣ୍ଡ୍‌ ପେଣ୍ଡୁଲ୍‍ ଆଦ୍‍ ୱେୟ୍‍ତିତ୍‍ ନୁ ଅଡ଼ାୱ୍‍ ବେନ୍‍ ପିଲା ଜନମ୍‌ ଆଦ୍‍ତା, ଆୱ୍‍ ଡଲ୍‍ତେ ନାରୁନ୍‍ତେ ପିଲା ଇଞ୍ଜ ପେଦେର୍‍ ଆଦ୍‍ତେ । 
\v 20 ଆଲେକେ ସାତ୍‍ ଜାନ୍‍ ତାମୁସ୍‍କ୍‍ ମାତ୍‍ତଡ଼୍‍ । ବେଡ଼୍‍ୟ୍‍ ଦାଦାଲ୍‍ ପେଣ୍ଡୁଲ୍‍ ଆସ୍‍ ପିଲାଜିଲା ଆୟକଟ ଡଲ୍‍ତଣ୍ଡ୍‍ । 
\v 21 ଡଲିମାନ୍ଦାନନ୍‍ ରାଣ୍ଡି ନାଟାଡ଼୍‍ତିଙ୍କ୍‍ ଦ୍ୱିତିୟ ତାମୁଣ୍ଡ୍ ପେଣ୍ଡୁଲ୍‍ ଆସ୍‍ ଅଣ୍ଡ୍‌‍ ଆନ୍ତେ ପିଲାଜିଲା ଆୟକଟ ଡଲ୍‍ତଣ୍ଡ୍‍ । ତୃତିୟ ତାମୁଣ୍ଡ୍‍ବା ଆଲେ ଆତ୍‍ତଣ୍ଡ୍‍, 
\v 22 ମେଣ୍ଡେ ୱେର୍‍ବାଗାତ୍‍ ସାତ୍‍ ଜାନ୍‍ ତାମୁସ୍‍କିଡ଼୍‍ ଆ ୱେରଡ୍‍ ନାଟାଡ଼୍‍ ପେଣ୍ଡୁଲ୍‍ ଆସ୍‍ ସାରେତଡ଼୍‍ ପିଲାଜିଲା ଆୟକଟ ଡଲ୍‍ତଡ଼୍‍ । ମାଡ଼େଙ୍ଗ୍‍ ନାଟାଡ଼୍‍ ଆନ୍‌ତେ ଡଲ୍‍ତେ । 
\v 23 ଇଞ୍ଜେ କେଲ୍‍ମୁଟ୍‍, ପୁନରୁତ୍‍ତାନ୍‍ ଦିନ୍‍ତେ, ବେସୁଙ୍କ୍‍ ଡଲ୍‍ତେନଡ଼୍‍ ପୁନର୍ଜିବିତ୍‍ ଆସ୍‍ ତେଦିତଡ଼୍‍, ଆ ନାଟାଡ଼୍‍ ବେନନ୍ ମୁତେ ଆଦ୍‍ତେ ? ସାତ୍‍ଜାନ୍‍ ଯାକ ତ ତାଙ୍କିକ୍‍ ପେଣ୍ଡୁଲ୍‍ ଆସ୍‍ ମାତ୍‍ତଡ଼୍‍ ।”
\p
\v 24 ଜିସୁ ଉତ୍ତର୍‍ ଇତ୍‌ତଣ୍ଡ୍‌‍, “ମିକିଙ୍କ୍‌ ବେସର୍‍ ବୁସା ଚିନ୍ତେ ମିନ୍ଦେ । ଦର୍ମଶାସ୍ତ୍ର ନୁ ଇଶ୍ୱର୍‌ତେ ଶକ୍ତି ବିଷୟ୍‍ତେ ମିଡ଼୍‍ ବାତେ ପୁନ୍‍ୱିଡ଼୍‍ । 
\v 25 କାରନ୍‍ ଡଲ୍‍ତେନାରୁଡ଼୍‍ ପୁନରୁତ୍‍ତିତ୍ ଆତ୍‍ତଡ଼୍‍, ଅଡ଼୍‌‍ ସ୍ୱର୍ଗତେ ଦୂତକିନ୍‍ ଲେକାମ୍‍ ଆଦ୍‍ତଡ଼୍‍ ଅଡ଼୍‌‍ ପେଣ୍ଡୁଲ୍‍ ଆୟ୍‍ୟଡ଼୍‍ କି ପେଣ୍ଡୁଲ୍‍ ଇୱଡ଼୍‍ ।” 
\v 26 ଡଲ୍‍ତେନାରୁଡ଼୍‍ ପୁନରୁତ୍‍ତାନ୍‍ ଗଟ୍‍ ପାଚାର୍‌ମାଡ଼ୁତିଡ଼୍‌ ? ମୋଶାନ୍‌‌ ବଇତାଗ୍‍ ନିଡ଼୍‍ତାନ୍‍ ପଦ୍‍ଲେ ବିଷୟ୍‍ତେ କାର୍‍ୱିଡ଼୍‍ କି ? ଆଗେ ଲେକା ମିନ୍ଦେ, ଇଶ୍ୱର୍‍ ମୋଶାଙ୍କ୍‍ କେତ୍‍ତଣ୍ଡ୍‍, “ନାନ୍‍ ଅବ୍ରାହାମ୍‌ତେ ଇଶ୍ୱର୍, ଇସାହାକତେ ଇଶ୍ୱର୍‍ ନୁ ଯାକୁବ୍‍ତେ ଇଶ୍ୱର୍ ! 
\v 27 ଅଣ୍ଡ୍‌‍ ଡଲ୍‍ତ୍‍ନାରୁଡ଼୍‍ତେ ଇଶ୍ୱର୍‍ ଆୟଣ୍ଡ୍, ଅଣ୍ଡ୍‌‍ ଜିୱୁମାନ୍ଦାନଡ଼୍‍ ଇଶ୍ୱର । ମିଡ଼୍‍ ପୁରାପୁରି ବୁଲ୍‍ ।”
\s ବେଡ଼୍‍ୟାଦ୍‍ ଆଜ୍ଞା
\r (ମାତିଉ ୨୨:୩୪-୪୦; ଲୁକ ୧୦:୨୫-୨୮)
\p
\v 28 ଅର୍‍ତୁଣ୍ଡ୍‍ ଦର୍ମଗୁରୁ ଆଗେ ମାଞ୍ଜ୍‍ ଇ ସାରେ ରାମ୍‍କ୍ ଲେକାମ୍ ଆଦାନାଦ୍ କେଞ୍ଜମାତ୍‍ତଣ୍ଡ୍‍ । ସାଦୁକିଡ଼୍‍କ୍‍ ଜିସୁ ଟିକ୍‍ ଜବାବ୍‍ ଇତ୍‌ତଣ୍ଡ୍‌ ଇଞ୍ଜ ପୁଞ୍ଜ୍‍ ଅଣ୍ଡ୍‌ ଜିସୁଙ୍କ୍‍ ମେଣ୍ଡ୍‍ ଅଣ୍ଡୟ୍‌‍ ପ୍ରଶ୍ନ ପାଚାର୍‌ମାଡ଼୍‍ତଣ୍ଡ୍‍, “ମା ଦର୍ମଶାସ୍ତ୍ରତାଗ୍‍ ବେନ୍‍ ଆଜ୍ଞା ସାରେକେ ବେଡ଼୍‍ୟାଦ୍‍ ?”
\p
\v 29 ଜିସୁ ଉତ୍ତର୍‍ ଇତ୍‌ତଣ୍ଡ୍‌‍, “ଇଶ୍ରାଏଲିୟ ନାରୁଡ଼୍‍ କେଞ୍ଜାଟ୍‍ ସାରେକେ ବେଡ଼୍‍ୟାଦ୍‍ ଆଜ୍ଞା ଆଦୁତେ, ‘ମାନ୍‍ ପ୍ରବୁ ଇଶ୍ୱର ୱେରଣ୍ଡେ ପ୍ରବୁ । 
\v 30 ପ୍ରବୁ ଇଶ୍ୱର୍‌ତିଙ୍କ୍‍ ପୁରା ହୃଦୟ୍‍, ପୁରା ଆତ୍ମା, ପୁରା ମନ୍‍, ଶକ୍ତି ସାମର୍ତ୍ୟ ଇସ୍‍ ପ୍ରେମ ମାଡ଼ାଟ୍‌ ବା ବକ୍ତି ମାଡ଼ାଟ୍‍ ।’ 
\v 31 ଦ୍ୱିତିୟ ବେଡ଼୍‍ୟାଦ୍‍ ଆଜ୍ଞା ଆଦୁତେ, ‘ମି ଗାରେତଡ଼୍‍କ୍‍ ଆତ୍ମାତେଲେକାମ୍‍ ପ୍ରେମ ମାଡ଼ାଟ୍ ।’ ଇ ରେଣ୍ଡିନ୍‍ ୱିଡ଼୍‌ସି ବେଡ଼୍‍ୟ୍‍ ଆଜ୍ଞା ମେଣ୍ଡ୍‍ ଇଲେ ।” 
\v 32 ଦର୍ମଗୁରୁ କେତ୍‍ତଣ୍ଡ୍‍, “ଗୁରୁ, ନିମେ ସତ୍‍ କେତ୍‍ତିନ୍‍ ! ବାସ୍ତବିକ୍‍ ନିମ୍‍ କେତାନ୍‍ ଲେକାମ୍‌, ମାତର୍‍ ମାନ୍‍ ପ୍ରବୁ ଆଦୁତଣ୍ଡ୍‍ ୱେରଣ୍ଡେ ଇଶ୍ୱର ଅଙ୍କ୍‌ ୱିଡ଼୍‌ସି ୱେର୍‍ ଇଶ୍ୱର୍‍ ଇଲେ । 
\v 33 ନାରୁଡ଼୍‍ ତାନ୍‍ ପୁରାହୃଦୟ୍, ପୁରାମନ୍, ପୁରାଶକ୍ତି ଇସ୍‍ ଅଂକିଙ୍କ୍‌ ପ୍ରେମ ନୁ ବକ୍ତି ମାଡ଼ାନ୍‍ ସାଙ୍ଗେ ସାଙ୍ଗେ ତାନ୍‍ ପଡ଼ଶିଡ଼୍‍କ୍‍ ଆତ୍ମାତେ ଲେକାମ୍‍ ପ୍ରେମ ମାଡ଼ାଟ୍ । ଇଶ୍ୱର୍‌ତେ ଲେକେତ୍‍ ପଶୁ ନୁ ୱେର୍‍ ବଲି ଉସର୍ଗ ମାଡ଼ାନ୍‍ ୱିଡ଼୍‌ସି, ଇ ରେଣ୍ଡ୍‍ ଆଜ୍ଞା ପାଲନ୍‌ ମାଡ଼ାଙ୍କ୍‍ ପେର୍କେ ଦର୍‍କାର୍‍ ।”
\p
\v 34 \x + \xo ୧୨:3୪ \xo*\xt ଲୁକ ୧୦:୨୫-୨୮.\xt*\x*ତାମ୍‍ ଜ୍ଞାନବାନ୍ ଉତ୍ତର୍‍ କେଞ୍ଜି ଜିସୁ କେତ୍‍ତଣ୍ଡ୍‍, “ମିଡ଼୍‍ ଇଶ୍ୱର୍‌ତେ ରାଜ୍ୟତାଗାଙ୍କ୍‍ ନାର୍ଗେଦୁରାମ୍‍ ଇଲେଡ଼ି ।”
\p ତାନ୍‍ ପେର୍କେ ଜିସୁଙ୍କ୍‍ ମେଣ୍ଡେ ପ୍ରଶ୍ନ ପାଚାରାମାଡ଼ାଙ୍କ୍‍ ବେନବା ସାହାସ୍‍ ମାଡ଼ଡ଼୍‍ ।
\s ମସିହନ୍‍ ବିଷୟ୍‍ତେ ପ୍ରଶ୍ନ
\r (ମାତିଉ ୨୨:୪୧-୪୬; ଲୁକ ୨୦:୪୧-୪୪)
\p
\v 35 ଦାଉଦ୍‍ତେ ମନ୍ଦିର୍‍ତାଗ୍‍ ଅଣ୍ଡ୍‌‍ଦିନେ ଶିକ୍ଷା ଇଦାନ୍‍ୱେଲେ କ୍ରିଷ୍ଟ ୱେରଡ୍‍ ପ୍ରଶ୍ନ ପାଚାର୍‌ମାଡ଼୍‍ତଣ୍ଡ୍, ଦର୍ମଗୁରୁଡ଼୍‍ ବାତେଙ୍କ୍‍ କେତୁତଡ଼୍‍, ମସିହ ଦାଉଦ୍‍ତେ ମାର୍‍ ଇଞ୍ଜ ? 
\v 36 ପବିତ୍ର ଆତ୍ମାତାଗାଙ୍କ୍‍ ପ୍ରେରଣା ପାହେମ୍‍ଆସ୍‍ ଦାଉଦ୍‍ କେତ୍‍ତଣ୍ଡ୍‍,
\q1 “ପ୍ରବୁ ନା ପ୍ରବୁଙ୍କ୍ କେତ୍‍ତଣ୍ଡ୍‍,”
\q2 ମାମ୍‍ ମି ସାରେ ଶତ୍ରୁଡ଼୍‍କିଙ୍କ୍‍
\q2 ମି ଡେକେତ୍‍ ମଦଲ୍‍ ମାଡ଼୍‍ନା ଯାକ, ନିମେ ମା ତିନ୍ଦେ ପାକେ କୁଦିମାନ୍‍ ।
\m
\v 37 ଇଗାଙ୍କ୍‍ ପୁନ୍ଦାଙ୍କ୍‍ ଆଦୁତ୍‍ତେ ଯେ, ମସିହଙ୍କ୍ ଦାଉଦ୍‍ ପ୍ରବୁ ଇଞ୍ଜ ଲେକା ଆତ୍‍ତେ । ଆଲାଇତ୍କେ ମସିହ ଦାଉଦ୍‍ତେ ମାର୍‍ ଆଦ୍‍ତଣ୍ଡ୍‍ ବେଲା ?
\s ଦର୍ମଗୁରୁଡ଼୍‍ ବିଷୟ୍‍ତେ ଜିସୁନ୍‍ ସତର୍କଗଟ୍‍
\r (ମାତିଉ ୨୩:୧-୩୬; ଲୁକ ୨୦:୪୫-୪୭)
\p ଅନ୍‌‍ଦାମ୍‍ ୱେରଡ୍‍ ବେଡ଼ିୟା ମାନ୍ଦେ ନାରୁଡ଼୍‍ ଜିସୁନ୍‍ ଗଟ୍‍ ଇଚ୍ଛାତେ କେଞ୍ଜମାତ୍‍ତଡ଼୍‍ ।
\p
\v 38 ଅଡ଼୍‌‍କିଂଙ୍କ୍‍ ଶିକ୍ଷା ଇଦାନ୍‍ୱେଲେ ଜିସୁ କେତ୍‍ତଣ୍ଡ୍‍, “ଲାଟି ଚକା କେର୍‍ସ୍‍ ଆଟ୍‍ ବଜାର୍‍ତା ନାରୁଡ଼୍‍ଡ଼ାଗାଙ୍କ୍‍ ସମ୍ମାନ ପାହେମ୍‍ ଆଦ୍‌ ଦର୍ମଗୁରୁଡ଼୍‍ ସେଙ୍ଗେ ସତର୍କ ମାନୁଟ୍‍ । 
\v 39 ଉପାସନା ଲୋନ୍‌‍ ନୁ ବଜିକିନାଗ୍‍ ଜାଗା ଅଦିକାର୍‌‍ ମାଡ଼ମାନ୍ଦାନ୍‍ ! 
\v 40 ଅଡ଼୍‌‍ ରାଣ୍ଡିମୁତେକିନ୍‍ ଇଲ୍‍ୱେ ସୁଯଗ୍‍ ଅସ୍‍ ଆୱିନ୍‍ ସମ୍ପତି ଅଦ୍‍ତଡ଼୍‍ । କିନ୍ତୁ ଚାଲାକ୍‍ ମାଡ଼ି ଲେକେତ୍‍ ପ୍ରାର୍ତନା ମାଡ଼ିତଡ଼୍‍ । ଆଦିନ୍‌ ମାଇଦିଙ୍କ୍‍ ଅଡ଼୍‌‍ ନାର୍ଗେ କଷ୍ଟ ଦଣ୍ଡପାହେମ୍‌ ଆଦ୍‍ତଡ଼୍‍ ।”
\s ରାଣ୍ଡିମୁତେନ୍‍ ଦାନ
\r (ଲୁକ ୨୧:୧-୪)
\p
\v 41 ଅନ୍‌‍ଦାମ୍‍ ଜିସୁ ମନ୍ଦିର୍‌ତାଗ୍‍ ଦାନ ଇଦାନ୍‍ ଜାଗେତ୍‍ ଗାରେ କୁଦିମାତ୍‍ତଣ୍ଡ୍ । ନାରୁଡ଼୍‍ ୱାସ୍‍ ଆଗେ ନେହ୍‍ସ୍‍ ମାନ୍ଦାନ୍ ବାକ୍‍ସତାଗ୍‍ ଦାନ ୱାଟାନାଦ୍ ଅଣ୍ଡ୍‌‍ ଉଡ଼ ମାତ୍‍ତଣ୍ଡ୍‍ । ଦନିଡ଼୍‍ ଆଗେ ନାର୍ଗେ ଡାବ୍‍କ୍‍ ୱାଟମାତ୍‍ତଡ଼୍‍ । 
\v 42 ଆସୁଟ୍‍ ଅଣ୍ଡୟ୍‌‍ ଗରିବ୍‍ ରାଣ୍ଡିଲ୍‍ ଆଗେ ୱାସ୍‍ ମାତର୍‍ ରେଣ୍ଡ୍‍ ସୁଦୁରାୱ୍‍ ତମ୍ୱା ମୁଦ୍ରା\f + \fr ୧୨:୪୨ \fr*\fq ସୁଦୁରାୱ୍‍ ତମ୍ୱା ମୁଦ୍ରା \fq*\ft ଆୱୁ ରେଣ୍ଡ୍‍ ଅଣ୍ଡୟ୍‌‍ ବେଡ଼୍‍ୟାଦ୍‍ ତମ୍ବା ମୁଦ୍ରା ତଡ଼୍‍ ସାମାନ୍‍ । ସୁଦୁରାଦିଙ୍କ୍‍ ଲାପ୍‍ଟସ୍‍ ନୁ ବେଡ଼୍‍ୟାଦିଙ୍କ୍‍ କଡ୍ରାଟେସ୍‍ କେତିତଡ଼୍‍ । \ft*\f* ଆ ବାକ୍‍ସତାଗ୍‍ ୱାଟ୍‍ତେ । 
\v 43 ଜିସୁ ଶିଷ୍ୟଡ଼୍‍କିଙ୍କ୍‍ ସତ୍‍ କେତ୍‍ତଣ୍ଡ୍‍, “ଇ ଗରିବ୍‍ ରାଣ୍ଡିନ୍‍ ଦାନ ୱେର୍‍ବାଗାତଡ଼୍‍ ଇସ୍‍ମାନ୍ଦାନ୍‍ ଦନ୍‍ତାଗାଙ୍କ୍‍ ନାର୍ଗେ । 
\v 44 ସାୱ୍‌କାରିଡ଼୍‌ ତାମ୍‍ ମିଗ୍‍ଲ୍‍ତେ ଦନ୍‍ତାଗାଙ୍କ୍‍ ଇସ୍‍ମିନ୍ଦେଡ଼୍‍, କିନ୍ତୁ ଇ ନାଟାଡ଼୍‍ ତାନ୍‍ ଦରିଦ୍ର୍ୟ ତଡ଼୍‍ ତାନ୍‍ ଗାରେ ସମ୍ପତି ବାତ୍‍ ମାତ୍‍ତେ, ସାରେ ଇତ୍‍ତେ ।”
\c 13
\s ମନ୍ଦିର୍ ଦ୍ୱଂସ ବିଷୟତେ ଗଟ୍
\r (ମାତିଉ ୨୪:୧-୨; ଲୁକ ୨୧:୫-୬)
\p
\v 1 ଅଣ୍ଡ୍‌ ଦିନେ ଜିସୁ ମନ୍ଦିର୍‍କଞ୍ଚ୍‍ ପେଇସ୍‍ ଆଦାନ୍‍ ୱେଲେ ତାନ୍ ଶିଷ୍ୟ ଅର୍ତୁଣ୍ଡ୍ କେତଣ୍ଡ୍, “ଗୁରୁ ! ଉଡ଼େ, ବେସର୍‍ ସୁନ୍ଦର୍‍ କାଲ୍‍କ୍‍ ନୁ ବେସର୍‍ ସୁନ୍ଦର୍‍ ଲୋକ୍‍ !”
\p
\v 2 ଜିସୁ ଉତ୍ତର ଇସ୍‌ କେତ୍‍ତଣ୍ଡ୍, “ନେଣ୍ଡ୍ ଇଦ୍‍ ବାଡ଼ିୟା ଲୋନତିଙ୍କ୍ ଉଡ଼ୁତିଡ଼୍ ? ଆଦ୍ ୱେରଟ୍‍ବା କାଲ୍‍ ନିଜର୍‍ ପଡ଼ିୟେତାଗ୍‍ ମାନ୍‌ । ଆଦ୍ ସାର୍ରେ ବୂମ୍‌ଦାଗ୍‍ କାଇଲିତେ ।”
\s ଯୁଗ୍‍ ତେରାନ୍‍ ୱେଲେତେ ଗଟ୍‍
\r (ମାତିଉ ୨୪:୩-୧୪; ଲୁକ ୨୧:୭-୧୯)
\p
\v 3 ଅଣ୍ଡ୍‌ ଦିନେ ଜିସୁ ମନ୍ଦିର୍ ମୁନେତ୍‍ ଜିତ ମେଟେତେ ପର କୁଦିମାତ୍‍ତଣ୍ଡ୍ । ପିତର୍, ଯାକୁବ, ଯୋହନ ନୁ ଆନ୍ଦ୍ରିୟ କାଇଲି ତାନ୍ ଗାରେ ୱାସ୍ ପାସ୍‍ରିଞ୍ଚ୍‍ତଡ଼୍, 
\v 4 “ଇୱୁସାରେ ବେସୁଙ୍କୁ ଗଟେମ୍ ଆଦ୍‍ତେ ମାକିଙ୍କ୍ କେଲ୍‌ମ୍ । ବାତେଏ ଉଡ଼ି ଇୱୁ ସାର୍ରେ ବକେତେ ଏୱୁତା ଇଞ୍ଜ୍ ମାମେ ପୁନ୍‍ତମ୍‍ ?” 
\v 5 ଜିସୁ ଅଡ଼୍‌‍କିଂଙ୍କ୍‍ କେତ୍‍ତଣ୍ଡ୍‍, “ସାବଦାନ୍, ବେନ ବେଲା ମିକିଂଙ୍କ୍‍ ବୁସା ମାଡ଼୍‍ମାକିଣ୍ଡ୍‍ ।” 
\v 6 ନାର୍ଗେ ନା ପେଦେର୍‍ତିଙ୍କ୍‍, ଅସ୍‌ କେତିତଡ଼୍‍, ନୁ ନାନେ ଅଣ୍ଡେ ଇଦିନ୍‍ତଡ଼୍ ଅଡ଼୍‌ ପିନା ନାରୁଙ୍କୁ ବୁସା ମାଡ଼ିତଡ଼୍‍ । 
\v 7 ଗାର୍ରେତେ ଯୁଦ୍ଦ୍‌ ବା ଜେକେତେ ଯୁଦ୍‌ ମରେ କେଞ୍ଜି ମିଡ଼୍ ୱେର୍ରେମାଟ୍‍ । ଇଦିନ୍ ଲେକେ ପିନା ଗଟେମ୍‍ ଆଦ୍‍ତା । କିନ୍ତୁ ଇଦିନ୍ ଅର୍ତ ଆୟ ଯେ ତେରାନ୍‍ ଦିନାମ୍‍ ଏୱୁତେ । 
\v 8 ଦେଶ୍‌ ଦେଶ୍‌ ଲୋପେ ଯୁଦ୍‌ ଆଦ୍‍ତେ । ଅଣ୍ଡ୍‌‍ ରାଜ୍ୟ ମେଣ୍ଡନ୍ ରାଜ୍ୟତିଙ୍କି ଯୁଦ୍‌ ମାଡ଼ିତେ । ସାର୍ରେ ହେକାମ୍‍ ବୂମ୍‌ ମେୟିଦ୍‍ତେ ନୁ ମୁଡ଼ୁନ୍ଦି ଆଦ୍‍ତେ । କିନ୍ତୁ ଇୱୁସାରେ ଡଙ୍କେତ୍‍ ମାନ୍ଦାନ୍‍ ମୁତେନ୍‍ ଡଙ୍କେନପ୍‍ ଆରାମ୍‍ ଆଦାନ୍‍ ମୁନେତେ ଗଟି ।
\p
\v 9 \x + \xo ୧3:୯ \xo*\xt ମାତିଉ ୧୦:୧୭-୨୦; ଲୁକ ୧୨:୧୧,୧୨.\xt*\x*“ମିକିଙ୍କ୍ ସାବଦାନ୍ ମାନ୍ଦେ ୱେୟ୍‍ତିତ୍ ।” ମିଡ଼୍ ତହଃସ୍‍ ଜେଲ୍ ଦାଗ୍ ଆତ୍‍ତିଡ଼ି । ମିଡ଼୍‍ ଉପାସନା ଲତ୍‍ତାଗ୍‍ ଦେବ୍‍ ତିନ୍ତ୍‍ତିଡ଼୍‍ । ନା ମାଇଦିଙ୍କ୍‍ ମିଡ଼୍‍ ସାସନ୍‍କର୍ତାଲଡ଼୍‍ ନୁ ରାଜାଲଡ଼୍‍ ମୁନେ ନିସ୍‍ ସୁସମାଚାର୍‍ ଗଟ୍‍ କେଞ୍ଚ୍‍ସ୍ପ ୱେୟ୍‍ତିତ୍‍ । 
\v 10 କିନ୍ତୁ ଅଣ୍ଡ୍‌‍ ବାତ୍‍ ଆୟଣ୍ଡ୍‍ବା, ତେରାନ୍‍ ଦିନାମ୍‍ ୱାଦାନ୍‍ ମୁନେକେ ସାରେ ଜାତି ନୁ ସାରେ ନାରୁଡ଼୍‍ ଗାରେ ଇଦ୍‍ ସୁସମାଚାର୍‍ ନିଜାମ୍‍ତେ ପ୍ରଚାର୍ ଆଦ୍‍ତେ । 
\v 11 ମିକିଂଙ୍କ୍‍ ତହ୍‍ସ୍‍ ଜେଲ୍ ଦାଗ୍‍ ଅଦାନ୍‍ ୱେଲେ, ଆଗ୍‍ ବାତେକେତାଙ୍କ୍‍ ଆଦ୍‍ତେ, ଇଦ୍‍ ବିଷୟ୍‍ତିଙ୍କ୍‍ ଦାନ୍ଦ୍‍ ଆଇମାଟ୍‍ । ଆ ସମୟତେ ବାତ୍‍ କେତାଙ୍କ୍‍ ଆଦ୍‍ତେ, ଆଦ୍‍ ମିକିଙ୍କ୍ କେଞ୍ଜ୍‌ପିଦ୍‍ତଡ଼୍‍ । ଆସୁଟ୍‍ ମିକିଂଙ୍କ୍‍ ନିଜର୍‍ ମନ୍‍ଦେ ବାତ୍‍ କେତ୍‍ୱେୟ । ମିଡ଼୍‍ ବାତ୍‍ ତେତିତିଡ଼୍‍, ଆଦ୍‍ ପବିତ୍ର ଆତ୍ମା ପୁଞ୍ଜ୍‍ପିତ୍‍ । 
\v 12 ଆ ସମୟ୍‍ତେ ନାରୁଡ଼୍‍ ନିଜର୍‍ ଦାଦାଲଡ଼୍‍କିଙ୍କ୍‍ ଆୱ୍‍କାନଙ୍କ୍‍ ପସ୍ପିଦ୍‍ତଡ଼୍‍, ବାବାଲଡ଼୍ ନିଜର୍‍ ମାର୍‍କିନ୍‍ ପର ଆଲେ ମାଡ଼ିତଡ଼୍‍ । ପିଲାକି ନିଜର୍ ୟାୟବାବାନ୍‍ ପର ବିରଦ୍‍ତେ ତେଦିତଡ଼୍‍ ଅଡ଼୍‌‍କିଂଙ୍କ୍‍ ଆୱ୍‍କ୍‌ନା ମାଡ଼ିତଡ଼୍‍ । 
\v 13 \x + \xo ୧3:୧3 \xo*\xt ମାତିଉ ୧୦:୨୨.\xt*\x*ନା ସେଙ୍ଗେ ସାରେତଡ଼୍‍ ମିକିଙ୍କ୍ ଗୃନା ମାଡ଼ିତଡ଼୍‍, କିନ୍ତୁ ବେନଡ଼୍‍ ମାଡ଼େଙ୍ଗ୍‍ ଆୟ୍‍ନା ନିସ୍‍ମାନ୍ତ୍‍ତଡ଼୍‍, ଅଡ଼୍‌‍ ପରିତ୍ରାଣ ପାଏମ୍‍ ଆଦ୍‍ତଡ଼୍‍ ।
\s କପାମ୍‍ତେ ଗଟ୍‍
\r (ମାତିଉ ୨୪:୧୫-୨୮; ଲୁକ ୨୧:୨୦-୨୪)
\p
\v 14 “ମିଡ଼୍‍ ଆ ‘ଦ୍ୱଂସ କାରିଡ଼ି’ ପିନ୍ଦଲାଦିଙ୍କ୍‍ ଉଡ଼ିତିଡ଼୍‍, ବେନ୍‍ କି ମାଡ଼ାନାଦ୍‍ ଆୟ, ଆଗେ ଆଦିଙ୍କ୍ ଉଡ଼ିତିଡ଼୍‍,” କାର୍‍ୟାନଡ଼ି ଇଦିଙ୍କ୍ ବୁଜେମ୍‍ ଆଦାଙ୍କ୍‍ ଚେଷ୍ଟା ମାଡ଼ାଟ୍‍, “ଆସୁଟ୍‌ ଯିହୁଦାବାସିଡ଼୍‍ ମେଟେତ୍‍ ପର ମିରିଡ଼୍‍ ।” 
\v 15 \x + \xo ୧3:୧୫ \xo*\xt ଲୁକ ୧୭:3୧.\xt*\x*ବେନ୍‌ଅ ଲୋତ୍‍ତେ ମୁର୍ସିନାଗ୍‍ ଆଞ୍ଜ୍‍ ମିନ୍ଦେଣ୍ଡ୍ ଲନ୍‍ ଲୋପେତ୍‍ ବେନ୍‍ ଜିନିଷ୍‍ ଅଦାନଙ୍କ୍ ଅଣ୍ଡ୍‌‍ ଡିଗିୱାସ୍‍ ସମୟ୍‍ ନଷ୍ଟ ମାଡ଼୍‍ମାକିଣ୍ଡ୍‍ । 
\v 16 ବେନ୍‌ଅ ୱାୟ୍‍ତା ଆଞ୍ଜ୍‍ ମିନ୍ଦେଣ୍ଡ୍‍, ଚକାସିଲେ ଆଦାନଙ୍କ୍ ଅଣ୍ଡ୍‌‍ ଲନ୍‍‍ ୱାଡ଼୍‍ମାକିଣ୍ଡ୍‍ । 
\v 17 ଆସୁଟ୍‍ ଡଙ୍କେତ୍‍ ମାନ୍ଦାନ୍‍ ନାଟା ନୁ କାୟ୍‍ଦାଗ୍‍ଗେ ପିଲ୍‍ଲେ ପୟ୍‍ସ୍‍ ମାନ୍ଦାନ୍‍ ୟାୟକି ବେସର୍‍ କଷ୍ଟ ଆୟ । 
\v 18 ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାଟ୍‍, ଇ ଗଟନା ବେଲା ସାଲ୍‍ଦେ ୱେଲେ ଆୟ୍‍ମାକି । 
\v 19 \x + \xo ୧3:୧୯ \xo*\xt ପ୍ରକାଶିତ୍‌ ବାକ୍ୟ ୭:୧୪.\xt*\x*ଆ ଦୁର୍ଦିନତେ ଦୁଃକ୍‍କଷ୍ଟ ସାରେ ସୃଷ୍ଟି ଆରାମ୍‍ତେ ନେଣ୍ଡ୍‍ ଆୟ୍‍ନା ଗଟେମ୍‍ ଆସ୍‍ ମାନ୍ଦାନ୍‍ ସାରେ ତିପାଲ୍‍ ପେର୍କେ ବୟଙ୍କର୍‍ ଆଦ୍‍ତେ । 
\v 20 କିନ୍ତୁ ପ୍ରବୁ ଆ ଦୁର୍ଦିନ୍‍ତେ ସମୟ୍‍ତିଙ୍କ୍ କମ୍‍ ମାଡ଼ିସ୍‍ ମିନ୍ଦେଣ୍ଡ୍‍ । ଆଲା ଆୟ୍‍ୱେ ମାତ୍କେ, ଆଗାଙ୍କ୍ ବେନ ରକ୍ଷା ପାୟେମ୍‍ ଆଦାଙ୍କ୍‍ ପାର୍‍ୱଣ୍ଡ୍‍ । ତାନ୍‍ ଏଞ୍ଚିମାନ୍ଦାନ୍‍ ନାରୁଡ଼୍‍ ସେଙ୍ଗେ ଅଣ୍ଡ୍‌‍ ସମୟ୍‍ ନେହ୍‍ସ୍‍ ମିନ୍ଦେଣ୍ଡ୍ । 
\v 21 ଆସୁଟ୍‍ ବେନ୍‌ଅ କେତିତଣ୍ଡ୍, “ଉଡ଼େ, ମସିହ ଇଗେ ମିନ୍ଦେଣ୍ଡ୍,” ଆଗେ ଉଡ଼େ ମସିହ ଆଗେମିନ୍ଦେଣ୍ଡ୍, ଆଦିଙ୍କ୍‍ ବିଶ୍ୱାସ୍ ମାଡ଼୍‍ମାଟ୍‍ । 
\v 22 ବୁସା ମାଡ଼ାନ୍ ମସିହ ନୁ ବୁସା ମାଡ଼ାନ୍ ବଣ୍ଡକ୍ରିଷ୍ଟଡ଼୍‍ ତନ୍ଦିତଡ଼୍ । ଅଦିକ୍‌ ଆକେ ଇଶ୍ୱର ଏଞ୍ଚ୍‍ତେ ନାରୁଡ଼ୁକ୍‍ ବା ଟକା ମାଡ଼ାନ୍‍ ଅଡ଼୍‌ ବେପଡ଼୍‍ ମାଡ଼୍‍ୱେ ପାଡ଼ିୟି ମାଡ଼ିତଡ଼୍‍ ନୁ ବେସୁଙ୍କ୍‍ ଉଡ଼୍‍ୱେ ଆସୁଙ୍କ୍‌ତାୱୁ ତଅତିତଡ଼୍ । 
\v 23 ମିଡ଼୍‍ ସାବଦାନ୍‍ ମାନୁଟୁ । ହିୱୁ ସାରେ ଗଟେମ୍ ଆଦାନ୍‍ ମୁନେ ନାନେ ମିକିଂଙ୍କ୍‍ କେଞ୍ଜ୍‌ପିତାନ୍‍ ।
\s ନାରୁନ୍‍ପିଲେ ମେଣ୍ଡ ୱାଦାନ୍‍ଦିନାମ୍‍
\r (ମାତିଉ ୨୪:୨୯-୩୧; ଲୁକ ୨୧:୨୫-୨୮)
\p
\v 24 \x + \xo ୧3:୨୪ \xo*\xt ପ୍ରକାଶିତ୍‌ ବାକ୍ୟ ୬:୧୨.\xt*\x*“ଆ ଦୁକାମ୍‍ଦିନେ ୱାତ୍‍ତେ ପେର୍କେ ପଡ଼୍‍ଦ୍‍ତିଙ୍କ୍‍ ଇକାଡ଼୍‍ ଆଦ୍‍ତେ, ନେଞ୍ଜ୍‍ତିଙ୍କ୍‍ ୱେସ୍‍ ଆଦ୍‍ତେ,” 
\v 25 \x + \xo ୧3:୨୫ \xo*\xt ପ୍ରକାଶିତ୍‌ ବାକ୍ୟ ୬:୧3.\xt*\x*ଉକାକ୍‍ ମୟଲତାଗାଙ୍କ୍‍ ରାଇତା ମହାଶୂନ୍ୟତେ ଶକ୍ତିସାରେ ୱାଡ଼୍‍କି ଆଦ୍‍ତା । 
\v 26 \x + \xo ୧3:୨୬ \xo*\xt ପ୍ରକାଶିତ୍‌ ବାକ୍ୟ ୧:୭.\xt*\x*ଆସୁଟ୍ ନାରୁନ୍‍ପିଲେ ଗୌରବ୍ ନୁ ମହା ପରାକ୍ରମତେ ମାବ୍‍ତାଗାଙ୍କ୍‍ ୱାଦାନାଦ୍‌ ଉଡ଼ିତିଡ଼୍‌ । 
\v 27 ତାନ୍‍ ଏଞ୍ଚ୍‍ସି ମାନ୍ଦା ନାରୁଡ଼୍‍କ୍ ଜଗତ୍‍ତେ ଅଣ୍ଡ୍‌‍ ପଡ଼୍‍ୟେତାଗାଙ୍କ୍‍ ମେଣ୍ଡନ୍ ପଡ଼ିୟେତାଗ୍‍ ମେକି ଆଦାନ୍‍ ମାଇଦିଙ୍କ୍ ଅଣ୍ଡ୍‌‍ ତାନ୍‍ ଦୂତକିଙ୍କ୍‍ ସାର୍‍ଏକାମ୍‍ ବା ପୃତିବିତେ ଶେଷ୍‍ସିମା ଏୱୁନା ରଅତିତଣ୍ଡ୍ ।
\s ତୟେ ମାଡ଼୍‍ତାଗାଙ୍କ୍ ଶିକ୍ଷା
\r (ମାତିଉ ୨୪:୩୨-୩୫; ଲୁକ ୨୧:୨୯-୩୩)
\p
\v 28 “ତୟେ ମାଡ଼୍‍ତାଗ୍‍ଙ୍କ୍ ଶିକ୍ଷା ନାଡ଼୍‍ସାଟ୍‍ । ବେସୁଟ୍‌ ଲେତାୱୁ ଆକି କଡ଼୍‍ସିତା, ଆସୁଟ୍‍ ଏଦ୍‍ କାଲାମ୍‍ ଏୱୁତେ ଇଞ୍ଜ୍‍ ମିଡ଼୍ ପୁନ୍ଦ୍‍ତିଡ଼୍‍ । 
\v 29 ଟିକ୍‍ ଆଲେନେ ହିୱୁସାରେ ଗଟନା ଉଡ଼୍‍କେ, ତେରାନ୍‍ ଦିନାମ୍‍ ଏୱୁତେ ଇଞ୍ଜ ପୁନ୍ତିଡ଼୍ । 
\v 30 ନାନ୍‍ ମିକିଂଙ୍କ୍‍ ନିଜାମ୍‍ କେତୁତାନ୍‍, ବେନଡ଼୍‍ ଜିୱ୍‍ ମିନ୍ଦେଡ଼୍‍, ଅଡ଼୍‌‍ ଡଲାନ୍‍ ମୁନେଙ୍କ୍ ଇୱୁ ସାରେ ଗଟେମ୍‍ ଆଦ୍‍ତା । 
\v 31 ମୟଲ୍‍ ନୁ ପୃତିବି ଦଂସ ଆଦ୍‍ତେ, କିନ୍ତୁ ନା ଗଟ୍‍ ବେସୁଙ୍କ୍‍ ଦଂସ ଆୟ ।”
\s ଅନ୍‌‍ ୱାଦାନ୍‍ ଦିନାମ୍‍ ବେନ ପୁନଡ଼୍
\r (ମାତିଉ ୨୪:୩୬-୪୪)
\p
\v 32 \x + \xo ୧3:3୨ \xo*\xt ମାତିଉ ୨୪:3୬.\xt*\x*“ଆଦିନ୍, ବେସୁଟ୍‌ ୱାଦ୍‍ତଣ୍ଡ୍, ବେନ ପୁନଡ଼୍‍ । ସ୍ୱୟଂ ଇଶ୍ୱର୍‍ ତେ ମାର୍‍ କିମ୍ୱା ସ୍ୱର୍ଗତେ ଦୂତ ବା ଇଗଟି ପୁନ ଇତ୍କେ ବାବାଲ୍‍ ଇଶ୍ୱର୍ ଇ ଗଟି ପୁତ୍‍ତଣ୍ଡ୍ । 
\v 33 ସାବ୍‍ଦାନ୍‍ ଆସ୍‍ କେପିମାନୁଟ୍‍, ଆଦ୍‍ ସମୟ୍‍ ବେସୁଟ୍‌ ୱାଦ୍‍ତେ ଆଦ୍‍ ମିଡ଼୍‍ ପୁନ୍‍ୱିଡ଼୍‍ । 
\v 34 \x + \xo ୧3:3୪ \xo*\xt ଲୁକ ୧୨:3୬-3୮.\xt*\x*ଅର୍‍ତୁଣ୍ଡ୍‍ ନାରୁଣ୍ଡ୍ ଉଡାଙ୍କ୍ ଆଦାଙ୍କ୍‍ ପେୟ୍‍ତ୍‍ ୱେଲେ, ତାନ୍‍ ଲୋନ୍‌‍ ଚାକରିଡ଼୍‍ ଦାଇତ୍ୟ ୱିଡ଼୍‍ସିସ୍‍ ଆଦ୍‍ତଣ୍ଡ୍‍ । ଅଡ଼୍‌‍ ଲୋପେଙ୍କ୍ ବେନ ବାତ୍‍ ମାଡ଼ିତଣ୍ଡ୍‍, ବୁଜାମାଡ଼ିସ୍‍, କେପାନଡ଼୍‍କିଙ୍କ୍‍ ତିଆର୍ ଆସ୍‍ ମାନ୍ଦାଙ୍କ୍‍ କେସ୍‍ ଆଦ୍‍ତଣ୍ଡ୍‍ । 
\v 35 ଆଲେ ନେ ନାନେ ମିକିଂଙ୍କ୍‍ ସାବ୍‍ଦାନ୍‍ କେସମିନ୍ଦେନ୍‍, ବାତାଙ୍କ୍‍ ଇତ୍କେ ଲୋତ୍‍ତେ ମୁଦ୍‍ପାଲ୍‍ ବେସୁଙ୍କ୍‍ ୱାଦ୍‍ତଣ୍ଡ୍, ମିଡ଼୍‍ ପୁନ୍‍ୱିଡ଼୍‍ ମୂଲ୍‍ପୁଟ୍‍ ବା ନାଡ୍‍ନାର୍କା, ୱିୟ୍‍ଦାନ୍‍ ଗାରେ ବା ପଡ଼୍‍ଦ୍‍ ପେୟ୍‍ତାନ୍‍ ୱେଲେ ଅଣ୍ଡ୍‌‍ ୱାଦ୍‍ ପାର୍ଦ୍‍ତଣ୍ଡ୍‍ । 
\v 36 ଅଣ୍ଡ୍‌‍ ଯଦି ଅଟାତ୍‍ ୱାସ୍‍ ଏୱ୍‍ଦ୍‍ତଣ୍ଡ୍‍, ମିକିଂଙ୍କ୍‍ ଉଞ୍ଜ୍‍ତେ ପଡ଼୍‍ୟ୍‍ତାଗେ ଅଣ୍ଡ୍‌‍ ଉଡ଼୍‍ମାକିଣ୍ଡ୍ । 
\v 37 ନାନ୍‍ ମିକିଂଙ୍କ୍‍ ବାତେ କେତୁତାନ୍‍, ୱେର୍‍ତଡ଼୍‍କିଙ୍କ୍‍ ବା ଆଦେ କେତୁତାନ୍‍ ଜାଗ୍ରତ୍‍ ଆସ୍‍ ମାନୁଟ୍‍ ।”
\c 14
\s ଜିସୁନ୍‍ ବିରଦ୍‍ତେ ପେର୍‍ଲାନାଦ୍
\r (ମାତିଉ ୨୬:୧-୫; ଲୁକ ୨୨:୧-୨; ଯୋହନ୍‌‌ ୧୧:୪୫-୫୩)
\p
\v 1 ନିସ୍ତାର୍‌ ପାଣ୍ଡୁମ୍ ନୁ କମିରଶୂନ୍ୟ ରୂଟି ପାଣ୍ଡୁମ୍‍ତେ ରେଣ୍ଡ୍‌ ଦିନା ମୁନେ ଜିସୁଙ୍କ୍‍ ମିଞ୍ଜ୍‍ପି ତଅସ୍ ଅସ୍‌ ଆୱୁକାନଙ୍କ୍ ମୁକ୍ୟ ପୁରୋଇତ ନୁ ଦର୍ମଗୁରୁଡ଼୍ ଉପାୟ ମେହେକୁତଡ଼୍ । 
\v 2 ଅଡ଼୍‌ କେତ୍‍ତଡ଼୍, “ପାଣ୍ଡୁମ୍‍ତେ ୱେଲେ ଇଦ୍‍ ପାଡ଼୍‍ୟି ମାଡ଼୍‍ମାଟ୍‍, ବାତେଙ୍କ୍‍ଇତ୍କେ ଆସୁଟ ନାରୁଡ଼୍ ରାମକ୍‌ କଟ ମାଡ଼ିତଡ଼୍‍ ।”
\s ଜିସୁ ବେତାନିତାଗ୍‍ ଅବିସିକ୍ତ ଆତ୍‍ତଣ୍ଡ୍‍
\r (ମାତିଉ ୨୬:୬-୧୩; ଯୋହନ୍‌‌ ୧୨:୧-୮)
\p
\v 3 \x + \xo ୧୪:3 \xo*\xt ଲୁକ ୭:3୭,3୮.\xt*\x*ଜିସୁ ବେନିତାଗେତେ କୁଷ୍ଠି ଶିମୋନ ପେଦେର୍‍ତେ ଅର୍ତୁଣ୍ଡ୍‍ ନାରୁନ୍ତେ ଲୋନ୍‌‍ କୁଟ୍‍ମାମ୍ ଆସ୍‍ମାତଣ୍ଡ୍‍ । ଜିସୁ ଆଗେ ତିନ୍ଦାଙ୍କ୍‍ କୁଦି ମାତ୍‍ତେ ୱେଲେ ଅଣ୍ଡ୍‌ ନାଟାଡ଼୍ ୱାସ୍ ନାର୍ଗେ ଦାମିନ୍ ପାଇସାନାଦ୍ ଜଟାମାଂସି ଗାବ୍‍ମାନ୍ଦାନ୍‍ ନିୟ୍ ବର୍‍ତିମାନ୍ଦାନ୍ ଅଣ୍ଡ୍‌ ପାଣ୍ଡିରିଲାଦ୍‍ ଗିନେ ପୟସ୍ ୱାତ୍‍ତେ । ଆଦ୍ ଗିନେତିଙ୍କ୍ ଉସ୍ ଜିସୁନ୍ ମୁଞ୍ଜିନ୍‌ ପର୍ ସାରେ ନିୟ୍ ତସ୍‍ତେ । 
\v 4 ଆଗେ ମାନ୍ଦା ବେସ୍‍କେ ନାରୁଡ଼୍ ଅଦିନ୍‌ ଆ ପାଡ଼୍‍ୟି ଉଡ଼ି କପାମ୍‍ ଆତ୍‍ତଡ଼୍ ନୁ ତାମ୍‍ତାମ୍ ଲୋପେ କେତାକେତି ଆତ୍‍ତଡ଼୍, “ଇଦ୍ ଗାବ୍‍ମାନ୍ଦାନ୍‍ ନିୟ୍ ଇଲା ନଷ୍ଟ ମାଡ଼ାନାଦ୍‍ ସାୟ୍ ଆତ୍‍ତେ କି ? 
\v 5 ତାଂକିଙ୍କ୍‍ ୱାମିକେ, ତିନିଶହ ପିନା ରୌପ୍ୟ ମୁଦ୍ରା ଦର୍‍କେ ନୁ ଆ ଡ଼ାବ୍‍କ୍‍ ଗରିବ୍‍ ନାରୁଡ଼୍‍କ୍ ଇଦାଙ୍କ୍‍ ଆୟେଡ଼୍,” ଆ ନାଟାଡ଼୍‍ତିଙ୍କି ନାର୍ଗେ ଗଟି କେତ୍‍ତଡ଼୍ । \fig ସାୟେତ୍‍ ଗାବ୍‌ତେ ନିଣ୍ଡିମାନ୍ଦାନ୍ ଗିନେ |alt="Jars with spikenard" src="hk00117c.tif" size="col" copy="Horace Knowles ©" ref="୧୪:୩"\fig*
\p
\v 6 କିନ୍ତୁ ଜିସୁ କେତ୍‍ତଡ଼୍, “ତାଙ୍କି ଆସର ଅଇରାନ୍‍ ମାଡ଼ୁତି ବାତାଙ୍କ୍‍ ? ଆଦ୍ ନାମା ଇଦିଙ୍କ୍‍ ଅଣ୍ଡ୍‌ ସୁନ୍ଦର୍ ପାଡ଼ିୟ୍‌ ମାଡ଼ିମିନ୍ଦେ । 
\v 7 ଗରିବ୍ ନାରୁଡ଼୍‍ ମିକିଂଙ୍କ୍ ସାରେ ୱେଲେ ଦକିତଡ଼୍ । କିନ୍ତୁ ମିଡ଼୍‍ ଅଡ଼୍‌‍କିଂଙ୍କ୍‍ ସାହାଯ୍ୟ ମାଡ଼ାଙ୍କ୍‍ ଇଚ୍ଛା ମାଡ଼ିତିଡ଼୍‍ ଆସୁଟ୍‍ ସାହାଯ୍ୟ ମାଡ଼େ ପାର୍‍ଦ୍‍ତିଡ଼୍‍, ନାନେ ମିକିଂଙ୍କ୍ ସାରେ ୱେଲେ ଦରକ୍‍ନ । 
\v 8 ଆଦ୍ ତାନ୍‍ ସାମର୍ତ୍ୟ ଅନୁସାର୍‍ତେ ଇଦି ନା ମାୟିଦିଙ୍କ୍‍ ମାଡ଼୍‍ତେ ନାନେ ସମାଦି ଆଦାନ୍ ମୁନେନେ ଆଦ୍ ନାପର ଗାବ୍‍ ମାନ୍ଦାନ୍ ନିୟ୍ ତସ୍‍ତେ । 
\v 9 ନାନ୍ ସତ୍ କେତୁତାନ୍‍, ସାରା ଜଗତ୍‍ତାଗେ ନା ସୁସମାଚାର୍ ବେଗେ ପ୍ରଚାର୍ ଆଦ୍‍ତେ, ଆଗେ ଇ ନାଟାଡ଼୍ ବାତେ ମାଡ଼୍‍ତେ, ଆଦ୍ ସାରେ ଏର୍କେ ମାଡ଼ାନ୍ ମାଇଦିଙ୍କ୍ କେସ୍‍ମାନ୍‍ତଡ଼୍ ।”
\s ଜିସୁନ୍ ପର ଯିହୁଦାଲ୍‍ ବିରୋଦ୍
\r (ମାତିଉ ୨୬:୧୪-୧୬; ଲୁକ ୨୨:୩-୬)
\p
\v 10 ଜିସୁନ୍ ବାରଜାନ୍ ଶିଷ୍ୟଡ଼୍ ଆଗାଙ୍କ୍‍ ଇଷ୍କରିୟୋ ଯିହୁଦା ପେଦେର୍‍ତଣ୍ଡ୍ ଅର୍ତୁଣ୍ଡ୍‍ ଶିଷ୍ୟ ଜିସୁଙ୍କୁ ପସ୍କ୍‍ପିଦାଙ୍କ୍ ମୁକ୍ୟ ପୁରହିତ୍‌ତେ ଗାରେ ଆତ୍‍ତଣ୍ଡ୍ । 
\v 11 ଅଡ଼୍‌ ଅନ୍‌ ଗଟିନେ କେଞ୍ଜି ୱେଡ଼୍‍ତଡ଼୍ ନୁ ଅଂକିଙ୍କ୍‌ ଆଦିନ୍‌ ମାଇଦିଙ୍କ୍‍ ବେସର୍‍ ଡ଼ାବ୍‍କ୍‍ ଅଦ୍‍ତି ଇଞ୍ଜ୍‍ ଅଂକିଙ୍କ୍‌ କେତ୍‍ତଡ଼୍ । ଆ ସମୟତେ ଜିସୁଙ୍କ୍‍ ଅଡ଼୍‌ କାଇଦା ପସ୍ପିଦାଙ୍କ୍‍ ଯିହୁଦାଲ୍ ସୁଯୋଗ ମେହେକ୍‍ତଣ୍ଡ୍‍ ।
\s ଜିସୁ ଶିଷ୍ୟଡ଼୍ ତଡ଼୍‍ ନିସ୍ତାର ପାଣ୍ଡୁମ୍ ମାଡ଼୍‍ତଣ୍ଡ୍‍
\r (ମାତିଉ ୨୬:୧୭-୨୫; ଲୁକ ୨୨:୭-୧୪,୨୧-୨୩; ଯୋହନ୍‌‌ ୧୩:୨୧-୩୦)
\p
\v 12 କମିରଶୂନ୍ୟ ରୋଟି, ପାଣ୍ଡୁ ଦିନାତେ ୱେଲେ ନିସ୍ତାର୍ ପାଣ୍ଡୁ ତିନ୍ଦାନ୍‍ ୱେଲେ ମେଣ୍ଢେପିଲେ ପୁଜ୍‍ଜେ ଇଦ୍‍ତଡ଼୍, ଶିଷ୍ୟଡ଼୍ ଜିସୁଙ୍କ୍ ପାଚ୍‍ରାମାଡ଼୍‍ତଡ଼୍, ମାମେ ବେନ୍‍ଏଡ଼୍ ନି ସେଙ୍ଗେ ନିସ୍ତାର୍ ପାଣ୍ଡୁମ୍ ତିୟାର୍‍ ମାଡ଼ିତମ୍‍ ?
\p
\v 13 ଜିସୁ ଇଡ଼୍‍ୱୁଡ଼୍‍ ଶିଷ୍ୟଡ଼୍‍କିଙ୍କ୍‍ ଇଦି ପାଡ଼୍‍ୟି ମାଡ଼ାନ୍‍ଙ୍କ୍‍ ରଅତଣ୍ଡ୍, “ମିଡ଼୍ ଟାଉନ୍‍ ଲୋପେ ଆନୁଟ୍ ।” ଆଗେ କୁଣ୍ଡେତାଗ୍‍ ଏର୍ ଅସ୍ ମାନ୍ଦାନ୍‍ ଅର୍ତୁଣ୍ଡ୍ ନାରୁଣ୍ଡ୍ କାଇଲିତଣ୍ଡ୍ । ଅନ୍‌ ପେର୍କେ ଆନୁଟ୍‍ । 
\v 14 ଅଣ୍ଡ୍‌ ବେନ୍‍ ଲୋନ୍‌‍ ନେଙ୍ଗିତଣ୍ଡ୍, ଆ ଲୋତ୍‍ତେ ମାଲିକିତିଙ୍କ୍ କେଲ୍‍ମୁଟ୍‍, “ଗୁରୁ କେତ୍‍ତଣ୍ଡ୍, ବେନ୍‍ ବାକ୍‍ଡ଼େତାଗେ ଅଣ୍ଡ୍‌ ତାମ୍‍ ଶିଷ୍ୟଡ଼୍‍ତଡ଼୍ ନିସ୍ତାର ପାଣ୍ଡୁମ୍‍ ମାଡ଼ିତଡ଼୍ ?” 
\v 15 ଅଣ୍ଡ୍‌ ମିକିଂଙ୍କ୍‍ ପରତାଦ୍‍ ଅଣ୍ଡୟ୍‌ ଲେକେତ୍ ସଜାମାଡ଼୍‍ତେ ବାକେଡ଼େ ତଅତିତଣ୍ଡ୍ । ଆଗେ ମିଡ଼୍ ମା ମାୟ୍‍ଦିଙ୍କ୍‍ ସାର୍ ବିଷୟ ତିଆର୍ ମାଡ଼ିତିଡ଼୍ । 
\v 16 ଅଡ଼୍‌ ଇଡ଼୍‍ୱୁଡ଼୍‍ ଶିଷ୍ୟଡ଼୍ ଟାଉନ୍‍ତାଗ୍‍ ଆତ୍‍ତଡ଼୍ ନୁ ଜିସୁ କେତ୍‍ତେ ଲେକେ ସାର୍ ଗଟି ଉଡ଼୍‌ତଡ଼୍ । ଆଗେ ଅଡ଼୍‌ ନିସ୍ତାର୍ ପାଣ୍ଡୁମ୍‍ ମାଡ଼୍‍ତଡ଼୍ ।
\p
\v 17 ମୁଲୁପୁଟ୍‍ ଜିସୁ ଶିଷ୍ୟଡ଼୍‍ତଡ଼୍‍ ଆ ବାକ୍‍ଡ଼େତାଗ୍ ଆତ୍‍ତଣ୍ଡ୍ । 
\v 18 ତିନ୍ଦାଙ୍କ୍‍ କୁଦ୍‍ତେ ୱେଲେ ଜିସୁ କେତ୍‍ତଣ୍ଡ୍‍, ନାନେ ନିଜାମ୍‍ କେତୁତାନ୍ ମି ଲୋପେଙ୍କ୍‍ ଅର୍ତୁଣ୍ଡ୍ ନା ବିରୋଦ୍ଦି ଆଦ୍‍ତଣ୍ଡ୍ । ଅଣ୍ଡ୍‌ ନା ତଡ଼୍ ତିନ୍ଦାଙ୍କ୍‍ କୁଦ୍‍ତଣ୍ଡ୍ ।
\p
\v 19 ଶିଷ୍ୟଡ଼୍ ଇ ଗଟି କେଞ୍ଜି ୱେର୍‌ ୱେର୍‌ ପାଚାର୍‌ମାଡ଼୍‍ତଡ଼୍, “ନିମେ ନାକିଙ୍କ୍‍ ଉଡ଼ି ଇ ଗଟି କେଲ୍‍ୱିଡ଼୍‍ ତ ।”
\p
\v 20 ଜିସୁ ଉତ୍ତର ଇତ୍‌ତଣ୍ଡ୍‌, ମି ବାର ଜାନ୍‍ ଲୋପେଙ୍କ୍‍ ଅର୍ତୁଣ୍ଡ୍; ଅଣ୍ଡ୍‌ ନା ତଡ଼୍ ଅଣ୍ଡୟ୍‌ ତାଲିତାଗ୍‍ ରୋଟି ମୁଉସ୍ ତିନ୍ଦୁତଣ୍ଡ୍ । 
\v 21 ଶାସ୍ତ୍ରତାଗ୍‍ ଲେକ୍‌ତେ ଲେକାମ୍‌ ନାରୁଣ୍ଡ୍‍ ପିଲେ ଡ଼ଲିତେ । କିନ୍ତୁ ବେନ୍‍ ନାରୁଣ୍ଡ୍ ଅନ୍‌‍ ପର ବିରୋଦ୍‍ ମାଡ଼ିତଣ୍ଡ୍, ଅନ୍‌ ଦଶା ବେସର୍‍ ବୟଙ୍କ୍‍କର୍‍ ଆଦ୍‍ତେ । ଅଣ୍ଡ୍‌ ଜନମ୍‌ ଆୟିୱେ ମାତ୍‍କେ ଅନ୍‌‍ ପାକେ ଆୟ୍ଡ଼୍‍ ।
\s ପ୍ରବୁବୋଜ୍‍
\r (ମାତିଉ ୨୬:୨୬-୩୦; ଲୁକ ୨୨:୧୪-୨୦; ୧ କରନ୍ତିୟ ୧୧:୨୩-୨୫)
\p
\v 22 ଅଡ଼୍‌ ତିନ୍ଦା ସମୟ୍‍ତେ ଜିସୁ ଅଣ୍ଡୟ୍‌ ରୂଟି ଅସ୍ ଇଶ୍ୱରତିଙ୍କ୍‍ ଦନ୍ୟବାଦ୍‍ ଇତଣ୍ଡ୍ ନୁ ତାଙ୍କି ଉୱୁସ୍ ଶିଷ୍ୟଡ଼୍‍ଙ୍କି ଇସ୍ କେତ୍‍ତଣ୍ଡ୍‍, “ଅୟମୁଟୁ, ତିନୁଟ୍‍ ଇଦି ନା ମେନ୍ଦୁଲୁ ।”
\p
\v 23 ତାନ୍‍ ପେର୍କେ ଦ୍ରାକ୍ଷାରସ୍ ବର୍ତି ମାନ୍ଦାନ୍ ସଲ୍‍ତିଙ୍କ୍‍ ଅସ୍ ଇଶ୍ୱରତିଙ୍କ୍‍ ଦନ୍ୟବାଦ୍‍ ଇତଣ୍ଡ୍ ନୁ ଆଦ୍‍ ଶିଷ୍ୟଡ଼୍‍ଙ୍କି ଇତଣ୍ଡ୍ । ଅଡ଼୍‌ ଆଗାକଞ୍ଚ୍‌ ଉତ୍‍ତଡ଼୍ । 
\v 24 ଜିସୁ କେତଣ୍ଡ୍, “ଇଦ୍‍ ନା ନେତୁର୍‍, ନାରୁନ୍‍ ପାପ୍‍ କ୍ଷମାତେ ମାଇଦିଙ୍କ୍‍ ନାନ୍‍ ନା ବେନ୍‍ ନେତୁରୁ ତସିଦାଙ୍କ୍‍ ଆଦୁତାନ୍‍, ଆଦ୍‍ ଇଶ୍ୱରତେ ପୁଃନେ ନିୟମ୍‍ ମାଡ଼ିତେ । 
\v 25 ମିକିଂଙ୍କି କେସ୍ ନେଏତୁତାନ୍‍, ଇଶ୍ୱରତେ ରାଜ୍ୟ ପୁଃନେ ଅଙ୍ଗୁର୍‌ରସ୍ ଉନ୍ଦାନାଗାଙ୍କ୍‍, ନିଜାମ୍‍ ନାନେ ମେଣ୍ଡେ ବେସୁଙ୍କ୍‍ ଦ୍ରାକ୍ଷାରସ୍ ଉନନ୍‍ ।”
\p
\v 26 ତାନ୍‍ ପେର୍କେ ଜିସୁ ନୁ ତାମ୍‍ ଶିଷ୍ୟଡ଼୍ ପାଟା ପାରଡ଼୍‍ ଜିତ ମେଟେତାଗ୍‍ ଆତ୍‍ତଡ଼୍ ।
\s ପିତର ଅସ୍ୱିକାର ମାଡ଼ାନାଦ୍‍ ଜିସୁ ଆଲସାନ୍‍ ଗଟ୍‍
\r (ମାତିଉ ୨୬:୩୧-୩୫; ଲୁକ ୨୨:୩୧-୩୪; ଯୋହନ୍‌‌ ୧୩:୩୬-୩୮)
\p
\v 27 ଜିସୁ ଶିଷ୍ୟଡ଼୍‍ଙ୍କି କେତଣ୍ଡ୍, ମିଡ଼୍‍ ନାକିଙ୍କ୍‍ ୱିଡ଼୍‍ସି ମିରିତିଡ଼ି । ଇ ବିଷୟତେ ଶାସ୍ତ୍ରତାଗେ ଲେକାଆସ୍ ମିନ୍ଦେ, ନାନେ ମେଣ୍ଢା ମେଇତାନଙ୍କ୍ ଆୱୁକିତାନ୍‍ ନୁ ମେଣ୍ଢା ଏକାମ୍‍ ଆଦ୍‍ତା । 
\v 28 \x + \xo ୧୪:୨୮ \xo*\xt ମାତିଉ ୨୮:୧୬.\xt*\x*କିନ୍ତୁ ନାନେ ଡଲ୍‍ତାଗାଙ୍କ୍‍ ତେଏଦ୍‍ତେ ପେର୍କେ ମିଡ଼୍ ଆଦାନ୍‍ ମୁନେନ୍‍ନେ ଗାଲିଲୀତାଗ୍‍ ଆଦ୍‍ତାନ୍‍ ।
\p
\v 29 ପିତର କେତଣ୍ଡ୍, ସାରେତଡ଼୍ ୱିଡ଼୍‍ସି ଆତ୍‍କେ ବା ନାନେ ୱିଡ଼୍‍ସି ଆନନ୍‍ ।
\p
\v 30 ଜିସୁ ପିତରତିଙ୍କ୍‍ କେତଣ୍ଡ୍, ନାନ୍‍ ନିକିଙ୍କ୍‍ ସତ୍‍ କେତୁତାନ୍, ନେଣ୍ଡେ ନାର୍କା ରେଣ୍ଡେଦାମ୍‍ କର୍କ୍ କୁସାନ୍‍ ମୁନେ ନିମେ ନାକିଙ୍କି ମୁଣ୍ଡ୍‍ଦାମ୍‍ ପୁନନ୍‍ ଇଞ୍ଜ କେତିତିନ୍‍ । 
\v 31 ପିତର ମେଣ୍ଡେ କେତ୍‍ତଣ୍ଡ୍‍, “ନିତଡ଼୍ ଡଲାନ୍‍ଙ୍କ୍‍ ଆତ୍‌କେମିକା ବେସୁଙ୍କ୍‍ ବା ନିକିଙ୍କ୍‍ ପୁନନ୍‍ ଇଞ୍ଜ କେଲନ୍‍ ।” ବାଗାତ୍‌‍ ଶିଷ୍ୟଡ଼୍‌ ମିକା ଆଲେ କେତ୍‍ତଡ଼୍‍ ।
\s ଗେତସିମାନି ବଗିଚାତାଗେ ଜିସୁନ୍‍ ପ୍ରାର୍ତନା
\r (ମାତିଉ ୨୬:୩୬-୪୬; ଲୁକ ୨୨:୩୯-୪୬)
\p
\v 32 ତାନ୍‍ ପେର୍କେ ଅଡ଼୍‌‍ ଗେତ୍‍ସମନି ପେଦେର୍‍ତେ ପଡ଼୍‍ୟତାଗ୍‍ ୱାତ୍‍ତଡ଼୍ ନୁ ଜିସୁ ଶିଷ୍ୟଡ଼୍‍କିଙ୍କ୍‍ କେତ୍‍ତଣ୍ଡ୍, ମିଡ଼୍ ଇଗେ ସେନେକ୍‍ କୁଦାଟ୍‍ । ନାନେ ପ୍ରାର୍ତନା ମାଡ଼ାନ୍‍ଙ୍କ୍‍ ଆଦୁତାନ୍‍ । 
\v 33 ପିତର, ଯାକୁବ୍‍ ନୁ ଯୋହନ୍‌ତିଙ୍କ୍‌ ତଡ଼େକ୍‍ ଅସ୍ ଅଣ୍ଡ୍‌ ମୁନେ ଆତ୍‍ତଣ୍ଡ୍ । ଅଣ୍ଡ୍‌ ନାର୍ଗେ ଦୁଃକାମ୍‍ତେ ତିପାଲ୍ ଆତ୍‍ତଣ୍ଡ୍‍, 
\v 34 ଆଗାଙ୍କ୍‌ ଶିଷ୍ୟଡ଼୍‍କିଙ୍କ୍‍ କେତଣ୍ଡ୍, ଦୁଃକାମ୍‍ ନା ହୃଦୟତିଙ୍କ୍‍ ଦୁସ୍‌ତେ, ମିଡ଼୍ ଇଗେ କେପି ମାନୁଟୁ । 
\v 35 ଜିସୁ ଇସୁର୍ ଆବାଡ଼୍‍ ଆଞ୍ଜ୍‍ କାପ୍‍ମୁଡ଼୍‍ନ୍ଦି ନେଲ୍‍ ରାଲତଣ୍ଡ୍ ନୁ ଯଦି ସମ୍ଵବ ଆୟେଡ଼୍, ଦୁକାମ୍‍ ଇୱକନ୍‍ ଆଦାଙ୍କ୍‍ ପ୍ରାର୍ତନା ମାଡ଼ି କେତ୍‍ତଣ୍ଡ୍‍, 
\v 36 “ହୋ ନା ବାବାନି ! ନିଗାରେ ସାରେ ସମ୍ୱବ । ଇଦି ଉନ୍ଦାନ୍ ସଲେତ୍‍ ଏର୍‍ ନାୟାଗ୍‍କନ୍‍ ଜେକେ ଆୟମ୍ । ଆଦ୍ ଇଞ୍ଜେବା ନାୟାଦ୍‍ ଇଚ୍ଛା ଆୟ୍‌ୟ ନି ଇଚ୍ଛା ସଫଲ ଆୟି ।”
\p
\v 37 ତା ପେର୍କେ ମାଲସ୍ ଉଡ଼୍‍ତଣ୍ଡ୍, ମୁୱୁଡ଼୍ ଆସ୍‍ ଶିଷ୍ୟଡ଼୍ ଉଞ୍ଜି ମିନ୍ଦେଡ଼୍ । ଜିସୁ ପିତରତିଙ୍କ୍‍ କେତଣ୍ଡ୍, “ଶିମୋନ, ଉଞ୍ଜିତି ? ଅଣ୍ଡୟ୍‌‍ ଗଣ୍ଟେ କେପି ମାନ୍ଦାନଙ୍କ୍‍ ପାରିୱିଡ଼୍ ?” 
\v 38 ଜିସୁ ଅଡ଼୍‌‍କିଂଙ୍କ୍‌ ମେଣ୍ଡେ କେତଣ୍ଡ୍, “କେପି ମାନୁଟୁ ବେଲା ପରିକ୍ଷାତାଗେ ପଡ଼େମ୍‍ ଆୱିଡ଼୍, ଆଦି ମାଇଦିଙ୍କ୍‍ ପ୍ରାର୍ତନା ମାଡ଼ାଟ୍ । ଆତ୍ମା ଇଚ୍ଛା, କିନ୍ତୁ ମେନ୍ଦୁଲ୍‍ ଦୁର୍ବଲ ।”
\p
\v 39 ଅଣ୍ଡ୍‌ ଆଗାକନ୍‍ ମେଣ୍ଡେ ସୁଦୁର୍‌ ଜେକେ ଆଞ୍ଜ୍‍ ମୁନେ ଲେକେ ପ୍ରାର୍ତନା ମାଡ଼୍‍ତଣ୍ଡ୍ ନୁ 
\v 40 ମେଣ୍ଡେଦାମ୍‍ ମାଲ୍ସ୍‍ ୱାସ୍‍ ଉଡ଼ୁତଣ୍ଡ୍, ଶିଷ୍ୟଡ଼୍ ଉସ୍କାଡ଼୍‍ତେ ଅଡ଼୍‌ କଣ୍ଡା ତେର୍ତାଙ୍କ୍‍ ପାର୍ରୱଡ଼୍‌ ମାତ୍‍ତଡ଼୍ । ଅଡ଼୍‌‍ ଅଙ୍କ୍‌ ବାତେ ଉତ୍ତର ଇତଣ୍ଡ୍, ପୁନ୍ଦେ ପାରୱଡ଼୍ ।
\p
\v 41 ମୁଣ୍ଡ୍ ଦାମ୍‍ ମାଲ୍‌ତେ ୱେଲେ ଜିସୁ ଶିଷ୍ୟଡ଼୍‍ଙ୍କି କେତଣ୍ଡ୍, ମିଡ଼୍ ଇଞ୍ଜେ ଆଇନା ଉଞ୍ଜି ମିନ୍ଦେଡ଼୍ ? ପିନା ଆଦୁତ୍‍ । ଉଡ଼ାଟ୍‍ ! ନାରୁଣ୍ଡ୍‍ ପିଲେତିଙ୍କି ନାରୁଡ଼୍ କାଇଦେ ପସ୍କିଦାନ୍‍ ସମୟ୍‍ ଏୱୁତେ । 
\v 42 ତେଦାଟ୍‍, ଆନାଟି, ଉଡ଼ାଟ୍‍ ନାକିଙ୍କି ପସ୍ପିଦାନଣ୍ଡ୍ ନାରୁଣ୍ଡ୍‍ ୱାସ୍ ହେୱୁତଣ୍ଡ୍ ।
\s ଜିସୁ ଗିର୍‍ପ୍ ଆତଣ୍ଡ୍
\r (ମାତିଉ ୨୬:୪୭-୫୬; ଲୁକ ୨୨:୪୭-୫୩; ଯୋହନ୍‌‌ ୧୮:୩-୧୨)
\p
\v 43 ଜିସୁ ଇ ଗଟି କେତାନ୍‍ ୱେଲେ ତାନ୍‍ ବାର୍‍ଜାନ୍‍ ଶିଷ୍ୟଡ଼୍ ଲୋପେଙ୍କେ ଯିହୁଦା ପେର୍ଦେତେ ଶିଷ୍ୟୟ୍ ୱାସ୍ ଏୱୁତଣ୍ଡ୍ । ଅନ୍‌‍ ତଡ଼୍‍, ସୁରି ଟେଙ୍ଗା, ଡ଼ୁଡ଼ି ପଇସ୍ ପିନା ନାରୁଡ଼୍ ୱାସ୍‍ମାତଡ଼୍‍ । ମୁକ୍ୟ ପୁରହିତ୍‍ତଡ଼୍, ଦର୍ମଗୁରୁଡ଼୍ ନୁ ଦର୍ମନେତାଲଡ଼୍ ଅଡ଼୍‌‍କିଂଙ୍କ୍‌ ରସ୍‍ମାତଡ଼୍‍ । 
\v 44 ବିରଦ୍‍ତେ ଯିହୁଦାଲ୍‍ ଜିସୁଙ୍କୁ ପସ୍ପିଦାଙ୍କ୍‍ ୱାଦାନ୍‍ ନାରୁକିଙ୍କି ଅଣ୍ଡୟ୍‌ ଚିନ୍ନେ ଇଦାନଙ୍କ୍‍ ଇଞ୍ଜ୍‍ ଟିକ୍‍ ମାଡ଼ିମାତ୍‍ତଣ୍ଡ୍‍ । ଅଣ୍ଡ୍‌ କେତ୍‍ତଣ୍ଡ୍‍, ବେନଙ୍କ୍‍ ନମସ୍କାର୍‍ ମାଡ଼ିତାନ୍‍, ଅଙ୍କେ ମିଡ଼୍ ମେହେକ ମାନ୍ଦାନଣ୍ଡ୍‍ । ଅଂକିଙ୍କ୍‌ ଗିର୍‍ପ୍‍ ମାଡ଼ି ତସ୍କ୍‍ ଅୟ୍‍ମୁଟୁ ।
\p
\v 45 ଯିହୁଦାଲ୍‍ ୱାସ୍‍ୱାନାଙ୍କ୍‍ ଜିସୁନ୍‍ ଗାରେ ଆଞ୍ଜ ଅଂକିଙ୍କ୍‌ “ଗୁରୁ,” ଇଞ୍ଜ୍‍ କେସଡ଼୍ କେସଡ଼୍‍ ନମସ୍କାର୍‍ ମାଡ଼୍‍ତଣ୍ଡ୍ । 
\v 46 ଆସୁଟ୍‍ ଅଡ଼୍‌ ଜିସୁଙ୍କ୍‍ ଗିରପ୍‍ ମାଡ଼ି ତଃତଡ଼୍ । 
\v 47 କିନ୍ତୁ ଗାରେ ନିସ୍ ମାନ୍ଦାନ୍‍ ଅର୍ତୁଣ୍ଡ୍ ନାରୁନ୍‌ ସୁରୁ ପେସ୍ପି ବାଡ଼ିୟେ ଯାଜକତେ ଦାସଙ୍କ୍‍ ତୁର୍ସି ଅନ୍‌‍ କେୱ୍‍ ନାଡ଼୍‍କ୍‍ତଣ୍ଡ୍ । 
\v 48 ଜିସୁ ନାରୁଡ଼କିଙ୍କି କେତ୍‍ତଣ୍ଡ୍‍, “ନାନେ ବାତେ ବେଏ ମିରୁତାନ୍‍ ଯେ, ଟେଙ୍ଗା, ଡ଼ୁଡ଼ି ପୟିସ୍‍ ନାକିଙ୍କ୍ ପଇତାନଙ୍କ୍‍ ୱାତିଡ଼ି ? 
\v 49 \x + \xo ୧୪:୪୯ \xo*\xt ଲୁକ ୧୯:୪୭; ୨୧:3୭.\xt*\x*ଦିନା ଦିନା ପଇସ୍ ନାନେ ମନ୍ଦିର୍‍ତାଗେ ଶିକ୍ଷା ଇସମାତ୍‍ତାନ୍‍; ଆସୁଟ୍ ତ ନାକିଙ୍କି ଗିରାପ୍‍ ମାଡ଼ିୱିଡ଼୍ । କିନ୍ତୁ ଶାସ୍ତ୍ରତେ ଗଟି ସାରେ ଆଦ୍‍ତା ।”
\p
\v 50 ଆସୁଟ୍ ଶିଷ୍ୟଡ଼୍ ସାରେତଡ଼୍ ଅଂକିଙ୍କ୍‌ ୱିଡ଼୍‍ସି ମିରିତଡ଼୍‌ ।
\p
\v 51 ଅର୍ତୁଣ୍ଡ୍‍ ଲେୟଣ୍ଡ୍ ଅଣ୍ଡୟ୍‌‍ ଚାଦର୍‍ ମୁସି ଜିସୁନ୍‍ ପେର୍କେ ଆଞ୍ଜ୍‍ ମାତ୍‍ତଣ୍ଡ୍ । ଅଡ଼୍‌ ଅଂକିଙ୍କ୍‌ ପଇତାଙ୍କ୍‍ ଆଦାନ୍‍ ୱେଲେ, 
\v 52 ଅଣ୍ଡ୍‌ ତାନ୍‍ ଚକାସିଲେ ଏସି ଡ଼ୁନ୍‍ଟାଲ୍‍ ଆସ୍‍ ମିର୍‍ତଣ୍ଡ୍ ।
\s ମହାସବାତାଗେ ଜିସୁଙ୍କୁ ବିଚାର୍‍
\r (ମାତିଉ ୨୬:୫୭-୬୮; ଲୁକ ୨୨:୫୪-୫୫,୬୩-୭୧; ଯୋହନ୍‌‌ ୧୮:୧୩-୧୪,୧୯-୨୪)
\p
\v 53 ତାନ୍‍ ପେର୍କେ ଅଡ଼୍‌ ଜିସୁଙ୍କୁ ବାଡ଼ିୟ୍‍ ପୁରହିତ୍‌ତନ୍ ଲନ୍ ଅତ୍‍ତଡ଼୍ । ଆଗେ ମୁକ୍ୟ ପୁରହିତଡ଼୍‌, ର୍ଦମ ନେତାଲଡ଼୍ ନୁ ର୍ଦମ ଗୁରୁଡ଼୍ ଗୁଡ଼ିମାତଡ଼୍ । 
\v 54 ପିତର ଇସୁର୍ ଯେକେ ମାଞ୍ଜ୍‍ ଅଡ଼୍‌ ପେର୍କେ ଆତଣ୍ଡ୍ ନୁ ବାଡ଼ିୟେ ପୁରହିତଡ଼୍‌ ଲନ୍‍ କୁଦି ମାନ୍ଦ୍‍ନାଗ୍‍ ନେଙ୍ଗ୍‌ତଣ୍ଡ୍ । ଆଗେ କେପାନଡ଼୍‍ ତଡ଼୍ ନିଜେତିଙ୍କ୍‍ କାପାନଙ୍କ୍‍ ଆଗେ କିସ୍‍ ଗାରେ କୁଦ୍‍ତଣ୍ଡ୍ । 
\v 55 ମୁକ୍ୟ ପୁରହିତିଡ଼୍ ନୁ ମହାସବାତେ ସଦସ୍ୟନଡ଼୍ ଜିସୁଙ୍କୁ ଡଲାନ୍‌ଦଣ୍ଡ୍ ଇଦାଙ୍କ ଅନ୍‌‍ ବିରୁଦ୍ଦ୍‌ତେ ଦଷ୍‌ ମେକାନଙ୍କ୍ ପସ୍ପ୍‍ତଡ଼୍, କିନ୍ତୁ ବାତେବା ଦର୍ସ୍‍କଡ଼୍ । 
\v 56 ବେସ୍‍କ୍‍ତୁଡ଼୍‍ ନାରୁଡ଼ୁ ଜିସୁନ୍‍ ବିରୁଦ୍ଦ୍‌ତେ ମିଚ୍‍ ସାକ୍ଷି ଇତଡ଼୍, କିନ୍ତୁ ଅଡ଼୍‌ ସାକ୍ଷି ତାମ୍‍ତାମ୍ ଲୋପେ କାଇଲ୍‍ ଆତା ।
\p
\v 57 ତାନ୍‍ ପେର୍କେ ବେସ୍‍କ୍‍ତୁଡ଼୍‍ ନାରୁଡ଼ୁ ନିସ୍ ଜିସୁନ୍‍ ବିରୁଦ୍ଦ୍‌ତେ ମେଣ୍ଡ୍‍ ମିଚ୍‍ ଗଟ୍‍ କେତ୍‍ତଡ଼୍ । 
\v 58 \x + \xo ୧୪:୫୮ \xo*\xt ଯୋହନ୍‌‌ ୨:୧୯.\xt*\x*ଅଡ଼୍‌ କେତ୍‍ତଡ଼୍, ମାମ୍‍ କେଞ୍ଚ୍‍ତମ୍‍ ଅଣ୍ଡ୍‌ କେଲ୍‍ନୁଣ୍ଡ୍, “ନୁରୁଡ଼ୁ କାଇଦେ ତିଆର୍‍ ମାଡ଼୍‍ତେ ମନ୍ଦିର୍‌ତିଙ୍କ୍ ନାନେ ମାଣ୍ଡୁଲ୍‍ ତାଗେ କାଲ୍‍ପିତାନ୍‍, ମୁଣ୍ଡ୍ ଦିନା ଲୋପେ ନାରୁଡ଼ୁ ତିଆର୍ ମାଡ଼୍‍ୱାଦ୍‍ ମେଣ୍ଡନ୍‌ ମନ୍ଦିର୍‍ ତିଆର୍‍ ମାଡ଼ିତାନ୍‍ ।” 
\v 59 ଇଡ଼୍ ଗଟିବା ବେନ ବେନନାଗେ କାଇଲ୍‍ ।
\p
\v 60 ବାଡ଼ିୟେ ପୁରହିତ୍ ସାରେତଡ଼୍ ମୁନେ ନିସ୍‍ ଜିସୁଙ୍କୁ ପ୍ରଶ୍ନ ମାଡ଼୍‍ତଣ୍ଡ୍, ନି ବିରୁଦ୍ଦ୍‌ତେ ଅଡ଼୍‌ ତାସ୍ ମାନ୍ଦାନ୍‍ ଇଗଟି ବିରୁଦ୍ଦ୍‌ତେ ନିମେ ବାତେ କେତାନାଦ୍‍ ଇଲେ ? 
\v 61 କିନ୍ତୁ ଜିସୁ ବାତେ କେଲକଟ କଟମାତ୍‍ତଣ୍ଡ୍ । ବାଡ଼ିୟେ ପୁରହିତ୍ ମେଣ୍ଡ୍‍ଦାମ୍‍ ଅଂକିଙ୍କ୍‌ ପାସ୍‍ରିଞ୍ଚତଣ୍ଡ୍, ନିମେ ବାତେ ମସୀହ ମହାମହିମ୍‍ତେ ଇଶ୍ୱରତେ ମାରିନି ?
\p
\v 62 ଜିସୁ ଉତ୍ତର ଇତଣ୍ଡ୍, “ହଁ ନାନେ ଅଣ୍ତେ । ନିମେ ନାରୁଡ଼ୁ ପିଲେତିଙ୍କ୍‍ ସର୍ବ ଶକ୍ତିମାନ୍‍ତେ ତିନ୍ଦେ ପାକେ କୁଦି ମାନ୍ଦ୍‍ନାଦ୍‍ ଉଡ଼ିତିଡ଼୍ ନୁ ଅଣ୍ଡ୍‌ ସ୍ୱର୍ଗତେ ମୟଲତାଗାଙ୍କ୍‍ ୱାଦାନାଦ୍‍ ଉଡ଼ିତିଡ଼୍ ।”
\p
\v 63 ବାଡ଼ିୟେ ପୁରହିତ୍ ନିଜ୍‍ ସିଲେ ଇକି କେତଣ୍ଡ୍, ମେଣ୍ଡ୍ ବାତେ ସାକ୍ଷି ଦରକାର୍‍ ଇଲେ, 
\v 64 ଅଣ୍ଡ୍‌ ଇଶ୍ୱରତିଙ୍କି ଲିନ୍ଦେ ମାଡ଼ୁତଣ୍ଡ୍, ମିଡ଼୍ କେଞ୍ଜୁତିଡ଼୍ । ମିୟାଦ୍‌ ବାତେ ଇଚ୍ଛା ? ଅଡ଼୍‌ ତାନ୍‍ ବିରୁଦ୍ଦ୍‌ କେତ୍‍ତଡ଼୍‍ ଅଙ୍କ୍‌ ଦଷି ନୁ ଡଲାନ୍‌ଦଣ୍ଡ୍ ଇଦାନାଦ୍‍ ସାୟେ ।
\p
\v 65 ବେସ୍‍କେ ନାରୁଡ଼ୁ ଜିସୁନ୍‍ ପର୍ ଉସ୍‍ତଡ଼୍ । ଅଡ଼୍‌ ଅନ୍‌ କଣ୍ଡାଙ୍କ୍ ସିଲେ ତଃସ୍ ଅଂକିଙ୍କ୍‌ ରେହେସ୍‌ ପାସ୍‍ରିଞ୍ଚ୍ ତଡ଼୍, “ବେନ୍ ନିକିଙ୍କି ରେହେତଡ଼୍‍, କେଲ୍‌ମ୍‍ ।” କେପାନଡ଼୍ ଅଂକିଙ୍କ୍‌ ତହସ୍ ସାପୁଡ଼ା ରେହେତଡ଼୍ ।
\s ପିତର ଜିସୁଙ୍କୁ ପୁନନ୍‍ ଇଞ୍ଜ କେତ୍‍ତଣ୍ଡ୍
\r (ମାତିଉ ୨୬:୬୯-୭୫; ଲୁକ ୨୨:୫୬-୬୨; ଯୋହନ୍‌‌ ୧୮:୧୫-୧୮,୨୫-୨୭)
\p
\v 66 ପିତର ବାଡ଼୍‍ୟେ ପୁରହିତ୍‌ତନ୍‍ ଲନ୍‍ତେ ଲୋପେ ମାନ୍ଦାନ୍ ୱେଲେ ବାଡ଼୍‍ୟେ ପୁରହିତ୍‌ତେ ଆ ଦାସି ଆଦେ ଆର୍ର୍ ଇସ୍ ଆତ୍‍ତେ 
\v 67 ନୁ ପିତର କିସ୍‍ ଆରାନାଦ୍‍ ଉଡ଼ି ଅକିଂଙ୍କ୍‌ ଲେକେତ୍‍ ଉଡ଼ି କେତ୍‌ତନ୍‌, ନିମେବା ନାଜରିତେ ଜିସୁନ୍‌ତଡ଼୍ ମାତ୍‍ତିନି ।
\p
\v 68 ପିତର ପୁନ୍‍ୱେ ଲେକେ କେତଣ୍ଡ୍, ନାନେ ଅଂକିଙ୍କ୍‌ ପୁନନ୍‍ । ନିମେ ବାତେ କେତୁତି ନାନେ ବୁଜେମ୍‍ ଆୟନ୍‌ । ଆଲା କେସ୍ ଅଣ୍ଡ୍‌ ଲୋତ୍‍ତେ ଲୋପେତେ ଆର୍ର୍‍ଦେ ପାକେ ପେଇସ୍‍ ଆତଣ୍ଡ୍ । ଆସୁଟେ କର୍କ୍ କୁସ୍‍ତା ।
\p
\v 69 ଆ ଦାସିଲି ଅଂକିଙ୍କ୍‌ ମେଣ୍ଡ୍ ଦାମ୍‍ ଉଡ଼ି ଆଗେ ନିସ୍ ମାନ୍ଦାନ୍‍ ନାରୁଡ଼ୁକିଙ୍କି କେତ୍‍ତେ, ଇ ନାରୁଣ୍ଡୁ ଅଡ଼୍‌ ଲୋପେଙ୍କେ ଅର୍ତୁଣ୍ଡ୍‍ । 
\v 70 ପିତର ମେଣ୍ଡ୍‍ଦାମ୍‍ ପୁନ୍‍ୱେ ଲେକେ ମାତ୍‍ତଣ୍ଡ୍ ।
\p ସେନେକ୍‍ ମାଞ୍ଜ୍‍ ଆଗେ ନିସ୍ ମାନ୍ଦାନ୍ ନାରୁଡ଼ୁ ପିତରତିଙ୍କ୍‍ କେତ୍‍ତଡ଼୍, ନିଜାମ୍‍ ନିମେ ଅଡ଼୍‌ ମାନ୍ଦେତନି ଆୟ ଇଞ୍ଜ କେତାନଙ୍କ୍‍ ପାରିୱି । ବାତେଙ୍କ୍‌ଇତ୍କେ ନିମା ଗାଲିଲୀତେ ନାରୁନି ।
\p
\v 71 ପିତର ଉତ୍ତର ଇତଣ୍ଡ୍, ନାନେ ପ୍ରମାଣ୍ ମାଡ଼ି କେତୁତାନ୍‍, ନା ଗଟ ସତ୍‍ । ଇଲୁକ୍‍ ଇଶ୍ୱର ନାକିଙ୍କି ଦଣ୍ଡ୍ ଇୱିଣ୍ଡ୍ । ବେନନ୍‍ ଗଟି କେତୁତିଡ଼୍, ଅଂକିଙ୍କ୍‌ ନାନେ ପୁନନ୍‍ ।
\p
\v 72 ଆସୁଟେ ମୁଣ୍ଡ୍‍ଦାମ୍‍ କର୍କ୍ କୁସ୍‍ତା ନୁ ପିତରତିଙ୍କ୍‍ ଏର୍କେଆତ୍‍ତେ; ଜିସୁ କେସ୍ ମାତ୍‍ତଣ୍ଡ୍, କର୍କ୍ ରେଣ୍ଡ୍‍ଦାମ୍‍ କୁସାନ୍‍ ମୁନେ ନିମେ ନାକିଙ୍କି ମୁଣ୍ଡ୍‍ଦାମ୍‍ ପୁନନ୍‍ ଇଞ୍ଜ କେତିତି । ଅଣ୍ଡ୍‌ ଦୁଃକାତେ ମୁର୍‍ମୁରା ଆସ୍‍ କେୟ୍‍ତଣ୍ଡ୍ ।
\c 15
\s ପିଲାତନ୍‍ ମୁନେ ଜିସୁ
\r (ମାତିଉ ୨୭:୧-୨,୧୧-୧୪; ଲୁକ ୨୩:୧-୫; ଯୋହନ୍‌‌ ୧୮:୨୮-୩୮)
\p
\v 1 ବାଡ଼ିୟେ ପୁରହିତଡ଼୍‌ ୱିୟ୍‍ତେ ୱିୟ୍‍ୱାକେ ଦର୍ମନେତାଲଡ଼୍, ଦର୍ମଗୁରୁଡ଼୍ ନୁ ବାଡ଼ିୟେ ମିଟିଙ୍ଗ୍‍ତେ ସଦ୍ୟନଡ଼୍ ତଡ଼୍ କେସ୍ ଅଡ଼୍‌‍କିଂଙ୍କ୍‌ ପାଡ଼୍‌ୟି ମାତ୍‍ତଡ଼୍‍ । ଜିସୁଙ୍କୁ ଇକ୍‍ଲେମ୍‍ତାଗେ ତସ୍କ୍‍ ଆସ୍‍ ପିଲାତନ୍‌ କାଇଦେ ଇତଡ଼୍ । 
\v 2 ପିଲାତ୍ ଜିସୁଙ୍କୁ ପାର୍ରିଞ୍ଚ୍‍ତଣ୍ଡ୍, ନିମେ ବେନ୍‍ ଇହୁଦିଡ଼୍‍ ରାଜାନି ? ଜିସୁ ଉତ୍ତର ଇତଣ୍ଡ୍, ନିମେ ତ ଆଦ୍‍ କେତୁତି ।
\p
\v 3 ମୁକ୍ୟ ପୁରହିତିଡ଼୍ ଜିସୁନ୍‍ ବିରୁଦ୍ଦ୍‌ତେ ବେସର୍‍ ଗଟି କେତ୍‍ତଡ଼୍ । 
\v 4 ଆସୁଟ୍‍ ପିଲାତ୍‍ ମେଣ୍ଡ୍‍ଦାମ୍‍ ଜିସୁଙ୍କୁ ପାର୍ରିଞ୍ଚ୍‍ତଣ୍ଡ୍, ନିମେ ବାତେ ଉତ୍ତର ଇୱିନ୍‍ ? ନି ବିରୁଦ୍ଦ୍‌ତେ ଇ ସାରେ ଗଟି କେତାନାଦ୍‍ କେଞ୍ଜୁତିନ୍‍ ତ !
\p
\v 5 ଜିସୁ ପଦେଣ୍ଡେ ବା ଗଟ କେଲ୍‍ୱାଙ୍କ୍‍ ପିଲାତ୍‍ କଟ ଆତଣ୍ଡ୍ ।
\s ଜିସୁଙ୍କୁ ଡଲାନ୍‍ ଦଣ୍ଡ୍
\r (ମାତିଉ ୨୭:୧୫-୨୬; ଲୁକ ୨୩:୧୩-୨୫; ଯୋହନ୍‌‌ ୧୮:୩୯–୧୯:୧୬)
\p
\v 6 ସାରେ ଏଣ୍ଟକ୍‍ ନିସ୍ତାର ପାଣ୍ଡୁମ୍‍ ସମୟତେ ନାରୁଡ଼୍‍ ଦାବି ଲେକାମ୍‌ ପିଲାତ୍‍ ୱେରଙ୍ଗ୍‍ ବନ୍ଦି ନାରୁଙ୍କ୍‌ ମୁକ୍ତି ମାଡ଼ିସମାତଣ୍ଡ୍ । 
\v 7 ଆସୁଟ୍‍ ଗଲ୍‍କିନଡ଼୍ ନୁ ନାରୁଙ୍ଗ୍‍ ଆୱୁକ୍‍ତେ ନାରୁଡ଼୍‍କୁ ବେସ୍କ୍‍ତୁଡ଼୍‍ ବିଦ୍ରୋହିଡ଼୍ ତଡ଼୍ ବାରବ୍‍ବା ପେଦେର୍‌ତଣ୍ଡ୍ ନାରୁଣ୍ଡୁ ଜେଲ୍‍ ଦଣ୍ଡ୍ ବଗେମ୍‍ ଆସ୍ ମାତ୍‍ତଣ୍ଡ୍ । 
\v 8 ଆସୁଟ୍‍ ସାରେ ଗୁଡ଼ି ମାନ୍ଦାନ୍‍ ନାରୁଡ଼୍ ମୁନେତ୍‍ ରିତି ଲେକାମ୍‌ ଅର୍‌ତୁଙ୍କୁ ୱିଡ଼୍‍ସିଦାଙ୍କ୍‍ ଦାବି ମାଡ଼ି କେତ୍‍ତଡ଼୍‍, 
\v 9 ପିଲାତ୍‍ ଅଡ଼୍‌‍କିଂଙ୍କ୍‌ ପାର୍ରିଞ୍ଚ୍‍ତଣ୍ଡ୍‍, ଇହୁଦିଡ଼୍ ରାଜାଙ୍କ୍ ନାନେ ମୁକ୍ତି ମାଡ଼ିତାନ୍‍ ଇଞ୍ଜ୍ ମିଡ଼୍ ଇଚ୍ଛା ମାଡ଼ୁତିଡ଼୍ ? 
\v 10 ପିଲାତ୍‍ ପୁଞ୍ଜ୍‍ ମାତ୍‍ତଣ୍ଡ୍ ଯେ ମୁକ୍ୟ ପୁରହିତ୍‌ତଡ଼୍‌ ଇଂସା ଆସ୍‍ ଜିସୁଙ୍କୁ ଅନ୍‌‍ କାଇଦେ ପସ୍କ୍‍ପିତଡ଼୍ ।
\p
\v 11 କିନ୍ତୁ ବାରବ୍‍ବାଙ୍କ୍‍ ମୁକ୍ତି ମାଡ଼ାନ୍‍ ମାଇଦିଙ୍କ୍‍ ପିଲାତ୍ ଗାରେ ଦାବି ଜଣାମାଡ଼୍‍ଙ୍କ୍‍ ମୁକ୍ୟ ପୁରହିତ୍‌ତଡ଼୍‌ ନାରୁଡ଼୍‍କ୍‍ କେତ୍‍ତଡ଼୍‍ । 
\v 12 ପିଲାତ୍‍ ନାରୁଡ଼୍‍କ୍ ମେଣ୍ଡ୍‍ଦାମ୍‍ ପାର୍ରିଞ୍ଚ୍‍ତଣ୍ଡ୍, ଆଲେକେ ମିଡ଼୍ ବେନଙ୍କ୍ ଇହୁଦିଡ଼୍ ରାଜାଲ୍‍ ଇଞ୍ଜ୍‍ କେତୁତିଡ଼୍, ଅଂକିଙ୍କ୍‌ ନାନେ ବାତେ ମାଡ଼ିତାନ୍‍ ?
\p
\v 13 ନାରୁଡ଼୍ କିଡ଼୍‍କି କେତ୍‍ତଡ଼୍, ଅଂକିଙ୍କ୍‌ କ୍ରୁଶତାଗେ ତାରସ୍କ୍‍ପାଟ୍‍ ।
\p
\v 14 ପିଲାତ୍‍ ପାର୍ରିଞ୍ଚ୍‍ତଣ୍ଡ୍, କିନ୍ତୁ ଅଣ୍ଡ୍‌ ବାତେ ଦୋଷ ମାଡ଼୍‍ତଣ୍ଡ୍ ? ଅଡ଼୍‌ ମେଣ୍ଡ୍ ମର୍‍ଆସ୍ କେତ୍‍ତଡ଼୍, “ଅଂକିଙ୍କ୍‌ କ୍ରୁଶତାଗ୍‍ ତାରସ୍କ୍‍ପାଟ୍ ।”
\p
\v 15 ପିଲାତ୍‍ ନାରୁଡ଼୍‍କିଂଙ୍କ୍‍ ଶାନ୍ତି ମାଡ଼ାନଙ୍କ୍‍ ପାର୍ୱେ ମାତ୍‍ତଣ୍ଡ୍, ଆଦିଙ୍କ୍‍ ଅଣ୍ଡ୍‌ ବାରବ୍‍ବାଙ୍କ୍‍ ମୁକ୍ତି ମାଡ଼ିତଣ୍ଡ୍ ନୁ ଜିସୁଙ୍କୁ କଡ଼ାନ୍‍ତଡ଼୍ ରେହେସ୍ କ୍ରୁଶତାଗେ ତାର୍‌ସ୍ପାନଙ୍କ୍‍ ଅଡ଼୍‌ କାଇଦେ ୱିଡ଼୍‍ସିତଣ୍ଡ୍ ।
\s ସୈନିକିଡ଼୍ ଜିସୁଙ୍କୁ ପରିହାସ ମାତ୍‍ତଡ଼୍
\r (ମାତିଉ ୨୭:୨୭-୩୧; ଯୋହନ୍‌‌ ୧୯:୨-୩)
\p
\v 16 ସୈନିକିଡ଼୍ ଜିସୁଙ୍କୁ ପିଲାତନ୍‌ ପ୍ରାସାଦ୍‍ତେ ଲୋପେ ଆତ୍‍ତଡ଼୍ । ଆଗେ ସୈନିକିଡ଼୍ ସାରେତଡ଼୍ ଅଣ୍ଡୟ୍‌‍ତାଗେ ଗୁଡ଼୍‌ତଡ଼୍‌ । 
\v 17 ଅଡ଼୍‌ ଜିସୁଙ୍କୁ ଅଣ୍ଡୟ୍‌ ଆପେ ରଙ୍ଗ୍‌ତାଦ୍‌ ସିଲେ କେର୍ସ୍ପତଡ଼୍ ନୁ କୟେ ମାଡ଼େତେ କମେତେ ଅଣ୍ଡ୍‌ ସହଜ୍‌ ତିଆର୍‍ ମାଡ଼ି ଅନ୍‌‍ ତାଲେତାଗେ କେର୍‍ସ୍ପ୍‍ତଡ଼୍ । 
\v 18 ତାନ୍‍ପେର୍ରକେ ଜିସୁଙ୍କୁ ନମସ୍କାର ମାଡ଼ି କେତ୍‍ତଡ଼୍, ଇହୁଦିଡ଼୍ ରାଜାଲ୍ ଚିରଞ୍ଜିବି ଆଇଣ୍ଡ୍ । 
\v 19 ଅଡ଼୍‌ ଅନ୍‌‍ ତାଲ୍‍ତିଙ୍କ୍‍ ଡୁତେ ରେହେତଡ଼୍, ଅନ୍‌‍ ପର୍‍ ଉସ୍‍ତଡ଼୍ ନୁ ମରମିଣ୍ଡା ଉୱୁସ୍ ପ୍ରଣାମ୍‍ ମାଡ଼ାନ୍‍ କେତ୍‍ତଡ଼୍ । 
\v 20 ଇଲାନେ ଅଂକିଙ୍କ୍‌ ପରିହାସ୍‍ ମାଡ଼ି ତେରେତେ ପେର୍କେ ଆପେ କଲର୍‍ତେ ସିଲେ ଟେଣ୍ଡି ଅନ୍‌‍ ନିଜର ସିଲେ କେର୍‍ସ୍ପିତଡ଼୍ । ତାନ୍‍ ପେର୍କେ ଅଂକିଙ୍କ୍‌ କ୍ରୁଶତାଗ୍ ତାର୍‍ସ୍ପାନଙ୍କ୍‍ ଅତ୍‍ତଡ଼୍ ।
\s ଜିସୁ କ୍ରୁଶବିଦ୍ଦ୍‌ ଆତଣ୍ଡ୍
\r (ମାତିଉ ୨୭:୩୨-୪୪; ଲୁକ ୨୩:୨୬-୪୩; ଯୋହନ୍‌‌ ୧୯:୧୭-୨୭)
\p
\v 21 \x + \xo ୧୫:୨୧ \xo*\xt ରୋମୀୟ ୧୬:୧3.\xt*\x*ଆର୍ରଦାଗ୍‍ ଅଡ଼୍‌ ଶିମୋନ ପେର୍ଦେତେ ଅର୍‌ତୁଙ୍କ୍‌ ନାରୁଙ୍କୁ କାୟ୍‍ଲ୍‍ତଡ଼୍ । ଅଣ୍ଡ୍‌ ନାର୍‍କନ୍‍ ଟାଉନ୍‍ତା ୱାସମାତଣ୍ଡ୍ । ଜିସୁଙ୍କୁ କ୍ରୁଶ କାଞ୍ଚ୍‍ପାନଙ୍କ୍‍ ସୈନ୍ୟଡ଼୍ ଅଂକିଙ୍କ୍‌ ବାଦ୍ୟ ମାଡ଼୍‍ତଡ଼୍ ଇ ଶିମୋନ କୁରୁନିୟତେ ନାରୁଣ୍ଡୁ ମାତ୍‍ତଣ୍ଡ୍ । ଅଙ୍କ୍‌ ଇଉଡ଼୍ ମାର୍କ୍ ମାତ୍‍ତଡ଼୍ ଆଲେକ୍‍ଜାଣ୍ଡାର ନୁ ରୁଫସ୍‍ ।
\p
\v 22 ଅଡ଼୍‌ ଜିସୁଙ୍କୁ ଗଲ୍‍ଗତା ପେର୍ଦେତେ ପଡ଼ିୟତାଗ୍‍ ଅତ୍‍ତଡ଼୍ । ଗଲଗତାତେ ଅର୍ତ ଆଦୁତ୍‍ ତାଲେତ୍‍ ମୁଞ୍ଜ୍‍, 
\v 23 ଆଗ୍‍ ଅଡ଼୍‌ ଜିସୁଙ୍କୁ ଗାବ୍‍ମାନ୍ଦାନ୍‌ କାଲ୍‍ କାଲିପି ଉନ୍ଦାନଙ୍କ୍‍ ଇତଡ଼୍ । କିନ୍ତୁ ଜିସୁ ଆଦିଙ୍କ୍‍ ଉନଣ୍ଡ୍ । 
\v 24 ତାନ୍‍ ପେର୍ରକେ ଅଡ଼୍‌ ଜିସୁଙ୍କୁ କ୍ରୁଶବିଦ୍ଦ୍‌ ମାତ୍‍ତଡ଼୍ ନୁ ଲଟ୍ରି ମାଡ଼ି ଅନ୍‌‍ ସିଲେ ସାର୍‍ ନିଜନିଜ ଲୋପେ ବାଗ୍‍ମାଡ଼ି ଅତ୍‍ତଡ଼୍ । 
\v 25 ନାର୍କୁକ୍‍ ନଟାତେ ଜିସୁ କ୍ରୁଶବିଦ୍ଦ୍‌ ଆତଣ୍ଡ୍ ।
\p
\v 26 ଅନ୍‌‍ ସମ୍ପର୍କତେ ଅବିଯୋଗ୍‍ ଚିଟି‍ ଇଲା ଲେକେ ଆସ୍ ମାତ୍‍ତେ, “ଇହୁଦିଡ଼୍ ରାଜାଲ୍‍ ଇଞ୍ଜ୍‍ ଲେକା ମାତ୍‍ତେ । 
\v 27 ଅଡ଼୍‌ ଆଦ୍‍ନାଣ୍ଡ୍ ଇରିଉଡ଼୍ ଦସିଡ଼୍‍କ୍‍ ବା କ୍ରୁଶତାଗ୍‍ ତାସ୍ପ୍‍ତଡ଼୍ ଅର୍‌ତୁଙ୍କ୍‌ ଜିସୁନ୍‍ ଡ଼େବ୍‍ ପାକେ ନୁ ମେଣ୍ଡ୍ ଅର୍ତୁଣ୍ଡ୍ ଅନ୍‌‍ ତିନ୍‍ପାକେ କ୍ରୁଶବିଦ୍ଦ୍‌ ମାଡ଼୍‍ତଡ଼୍‍ ।
\p
\v 28 ଅଣ୍ଡ୍‌ ଅପରାଦିତଡ଼୍ ଦଶା ଆତ୍‍ତେ ।” ଶାସ୍ତ୍ରତେ ଇ ବବିଷ୍ୟତ୍‍ବାଣି ଇଲାନେ ସଫଲ୍‍ ଆତ୍‍ତେ ।
\p
\v 29 \x + \xo ୧୫:୨୯ \xo*\xt ମାର୍କ ୧୪:୫୮; ଯୋହନ୍‌‌ ୨:୧୯.\xt*\x*ଆଲା ଆଞ୍ଜମାନ୍ଦାନ୍‌ ନାରୁଡ଼୍ ତାଲେ ତେସ୍ ଜିସୁଙ୍କୁ ଅପମାନ୍‍ ଇସ୍ କେତ୍‍ତଡ଼୍, ହୋ ନିମ୍‍ତ ମନ୍ଦିର୍‌ ଉୱୁସ୍ ମୁଣ୍ଡୁ ଦିନାଲୋପେ ତିଆର୍‍ ମାଡ଼ିଦାନ୍‍ନି । 
\v 30 ଇଞ୍ଜେ କ୍ରୁଶକନ୍‍ ଡ଼ିଗି ୱାସ୍ ନିଜେତିଙ୍କି ରକ୍ଷା ମାଡ଼୍ ।
\p
\v 31 ମୁକ୍ୟ ପୁରହିତ୍‌ତଡ଼୍‌ ନୁ ଦର୍ମଗୁରୁଡ଼୍ ଆଲେନେ ଅଂକିଙ୍କ୍‌ କେଞ୍ଜ୍‍ତେ ଲେକେ ତାମ୍‍ତାମ୍‍ କେତା କେତି ଆତଡ଼୍, ଅଣ୍ଡ୍‌ ୱେରେ ତଡ଼୍‍କିଙ୍କି ରକ୍ଷା ମାଡ଼୍ ମାତ୍‍ତଣ୍ଡ୍, କିନ୍ତୁ ଇଞ୍ଜେ ନିଜେତିଙ୍କ୍‍ ରକ୍ଷା ମାଡ଼୍‍ପାର୍‍ୱ୍‍ଣ୍ଡ୍ । 
\v 32 ଇଶ୍ରାୟେଲ୍‍ତେ ରାଜାଲ୍‍ ମସୀହ ଇଞ୍ଜେ କ୍ରୁଶକନ୍‍ ଡ଼ିଗି ୱାଡ଼୍‍ଣ୍ଡି, ଆଲେକେ ମାମ୍‍ ଅଙ୍କ୍‌ ବିଶ୍ୱାସ ମାଡ଼ିତମ୍‍ ତାନ୍‍ ତଡ଼୍ ମାନ୍ଦାନ୍‍ ଇର୍‌ୱୁଡ଼୍ ସାଙ୍ଗଡ଼୍‌ ଅଂକିଙ୍କ୍‌ କାୱୁସ୍ କାୱୁସ୍‍ କେତ୍‍ତଡ଼୍ ।
\s ଜିସୁ ଡଲାନାଦ୍‍
\r (ମାତିଉ ୨୭:୪୫-୫୬; ଲୁକ ୨୩:୪୪-୪୯; ଯୋହନ୍‌‌ ୧୯:୨୮-୩୦)
\p
\v 33 ଆଦ୍‍ନାଣ୍ଡ୍ ପାୟ୍‍ଲ୍‍ତେ ହଲ୍‍ ମୁଣ୍ଡୁ ଗଣ୍ଟା ସାରେ ଦେଶ୍‍ ଇକାଡ଼୍ ଆତ୍‍ତେ । 
\v 34 ପାୟାଲ୍‍ତେ ଅଲ୍‍ ତିନିଟାୱେଲେ ଜିସୁ ଲେଙ୍ଗ୍‍ଟେଣ୍ଡି କେତ୍‍ତଣ୍ଡ୍, ଏଲୋହି, ଏଲୋହି, ଲାମା ଶବକ୍‍ତାନି । ହୋ ନାଆ ଇଶ୍ୱର ତନି, ହୋ ନାଆ ଇଶ୍ୱର ତନି, ନାକିଙ୍କି ବାତେଙ୍କ୍‍ ୱିଡ଼୍‍ସି ମିନ୍ଦେନି ?
\p
\v 35 ଅନ୍‌‍ ହି ଗଟି କେଞ୍ଜି ବେସ୍‍କ୍‍ତୁ କେତ୍‍ତଡ଼୍, ଅଣ୍ଡ୍‌ ଏଲିୟ୍‍ଙ୍କ୍‍ କାର୍‍ଙ୍ଗୁତଣ୍ଡ୍ ।
\p
\v 36 ଅଡ଼୍‌ ଲୋପେଙ୍କେ ଅର୍ତୁଣ୍ଡ୍‍ ମିରି ଆଞ୍ଜ୍‍ ପସ୍କେତିଙ୍କି ପୁଲ୍ଲେ ଅଙ୍ଗୁର୍‌ ଏର୍‌ ମୁହୁସ୍ ଅଣ୍ଡୟ୍‌‍ ଡ଼ୁଡ଼୍‍ତେ ମୁନେ ତସ୍କ୍‍ ନୁ ଆଦ୍‍ ଜିସୁ ପାୟୁର୍‍‍ତେ ଗାର୍‌ରେ ପଇସ୍‌‍ କେତ୍‍ତଣ୍ଡ୍, “ଉଡ଼ିତାନ୍‍, ଅଂକିଙ୍କ୍‌ କ୍ରୁଶକନ୍‍ ଡ଼ିପାନଙ୍କ୍‍ ଏଲିୟ ୱାଦୁତ୍‍ଣ୍ଡ୍ ଇଲେ ?”
\p
\v 37 ଜିସୁ ଆସୁଟେ ଗାଟି ଲେଙ୍ଗ୍‍ଦେ କେସ୍ ଡଲ୍‍ତଣ୍ଡ୍ ।
\p
\v 38 ମନ୍ଦିର୍‍ ତାଗେ ଉଙ୍ଗମାତେ ପରଦା ପର୍‍କନ୍‍ ମଦଲ୍ ହେୱୁନା ରେଣ୍ଡେ ଦୁଡ଼୍ ଇଙ୍ଗିଆତେ । 
\v 39 ଅର୍ତୁଣ୍ଡ୍ ସେନାପତି ଜିସୁନ୍‍ କ୍ରୁଶତେ ମୁନେ ନିସ୍‍ ଅଣ୍ଡ୍‌ ବେଲା ଡ଼ଲ୍‍ତଣ୍ଡ୍, ଆଦ୍‍ ଲେକେତ୍‍ ଉଡ଼୍ ମାତ୍‍ତଣ୍ଡ୍ । ଅଣ୍ଡ୍‌ କେତଣ୍ଡ୍, ଇ ନାରୁଣ୍ଡୁ ନିଜାମ୍‍ ଇଶ୍ୱରତେ ମାର୍‍ ।
\p
\v 40 \x + \xo ୧୫:୪୦ \xo*\xt ଲୁକ ୮:୨,3.\xt*\x*ବେସ୍‍କେ ନାଟା ଜେକେ ମାଞ୍ଜ୍‍ ଇ ସାରେ ଉଡ଼୍ ମାତ୍‍ତା । ଆୱିନ୍‍ ଲୋପେ ମାତ୍‍ତେ ମଗ୍‍ଦଲୀନି ମରୀୟମ୍, ସୁଜୁରୁ ଯାକୁବ ନୁ ଯୋଶିନ୍‍ତେ ୟାୟ୍‍ ମରୀୟମ୍ ନୁ ଶଲୋମି । 
\v 41 ଜିସୁ ଗାଲିଲୀତାଗ୍‍ ମାନ୍ଦାନ୍‍ ୱେଲେ ଆୱୁ ଅଙ୍କ୍‌ ଅନ୍‌ପେର୍କେ ଆଞ୍ଜ ସାହାଯ୍ୟ ମାଡ଼ ମାତ୍‍ତା । ତାନ୍‍ ତଡ଼୍ ଯିରୁଶାଲମତେ କନ୍‍ ୱାସ୍‍ ମାତ୍‍ତେ ପିନା ନାଟା ଆଗେ ମାତ୍‍ତା ।
\s ଜିସୁନ୍ ସମାଦି
\r (ମାତିଉ ୨୭:୫୭-୬୧; ଲୁକ ୨୩:୫୦-୫୬; ଯୋହନ୍‌‌ ୧୯:୩୮-୪୨)
\p
\v 42 ଆଦ୍‍ ନାଣ୍ଡ୍ ମୁଲୁପୁଟ୍‍ ଆରମାତିଆତେ ଯୋସେପ୍‌ ୱାସ୍ ହେୱୁତଣ୍ଡ୍ । ଅଣ୍ଡ୍‌ ବାଡ଼ିୟେ ମିଟିଙ୍ଗିତେ ସମ୍ମାନତେ ସଦସ୍ୟ ମାତ୍‍ତଣ୍ଡ୍ ନୁ ଇଶ୍ୱରତେ ରାଜ୍ୟ ୱାଦାନାଦିଙ୍କି କେପମାତ୍‍ତଣ୍ଡ୍ । 
\v 43 ଆଦ୍ ନାଣ୍ଡ୍ ମାତ୍‍ତେ ତିଆର୍‍ ମାଡ଼ନ୍‍ ଦିନାମ୍ ବା ରମାନ୍‌ଦିମ୍‍ତେ ମୁନେତ୍‌ ଦିନାମ୍‍ । ଆରମାତିଆତେ ଯୋସେଫ ୱେର୍ରୱ କନ୍ ପିଲାତେ ଗାରେ ଆଞ୍ଜ୍ ଜିସୁନ୍‍ ଡ଼ଲତେ ମଡ଼୍ ଆଦାନଙ୍କ୍‍ ତାଲ୍‍ ତଣ୍ଡ୍ ।
\p
\v 44 ଜିସୁ ଆସୁଟ୍ ଡ଼ଲତଣ୍ଡ୍ ଇଞ୍ଜ୍‍ କେଞ୍ଜି ପିଲାତ ଦାଦ୍‌ରେଲ୍‌ତଣ୍ଡ୍ । ଆଗେ ମାନ୍ଦ୍ ସେନାପତିଙ୍କି କାଙ୍ଗି ଜିସୁ ଡ଼ଲି ପିନାଜେଲ୍‍ ଆଦୁତ୍‍ କି ଇଞ୍ଜ୍‍ ପାର୍ରିଞ୍ଚ୍‍ତଣ୍ଡ୍ । 
\v 45 ଆଦ୍‍ ଅନାଗାଙ୍କ୍‍ ଇଦି ବିଷୟ ସାରେ କେଞ୍ଜି ପିଲାତ ଜିସୁନ୍‍ ଡ଼ଲତେ ମଡ଼୍ ଆଦାନଙ୍କ୍‍ ଯୋସେଫତିଙ୍କି ଇତ୍‍ଣ୍ଡ୍ ।
\p
\v 46 ଯୋସେଫ ଜିସୁନ୍‍ ମେନ୍ଦୁଲୁତିଙ୍କି କ୍ରୁଶ କନ୍‍ ଡ଼ିପି ତାସ୍‍ ଅଣ୍ଡ୍‌ ସିଲେ ତାସ୍ ଜିସୁନ୍‍ ମେନ୍ଦୁଲୁତିଙ୍କି ଅଣ୍ଡ୍‌ ମୁସ୍‍ପିତଣ୍ଡ୍ ନୁ ମେଟେତାଗ୍‍ ଡ଼େୱି ଆସମାନ୍ଦାନ୍ ଅଣ୍ଡ୍‌ ଦର୍ରତାଗ୍‍ ଅସ୍‍ ଆଦ୍‍ ୱାଟ୍‍ତଣ୍ଡ୍ । ମେଣ୍ଡେ ଅଣ୍ଡ୍‌ ବାଡ଼ିୟାଦ୍‍ କାଲ୍ ଦର୍ରତିଙ୍କି ମୁସିତଣ୍ଡ୍ । 
\v 47 ମଗ୍‍ଦଲୀନି ମରୀୟମ୍ ନୁ ଯୋଶିତେ ୟାୟ୍‍ ମରୀୟମ୍ ଆଗେ ମାଞ୍ଜ୍ ଜିସୁନ୍‍ ମେନ୍ଦୁଲୁ ବେଗେ ୱାଟିତଡ଼୍, ଉଡ଼୍ ମାତ୍‍ତା ।
\c 16
\s ଜିସୁନ୍‍ ପୁନର୍‍ଉତାନ୍‍
\r (ମାତିଉ ୨୮:୧-୮; ଲୁକ ୨୪:୧-୧୨; ଯୋହନ୍‌‌ ୨୦:୧-୧୦)
\p
\v 1 ରମାନ୍‍ ଦିନାମ୍‍ ତେର୍ରତେ ପେର୍ରକେ ମଗ୍‍ଦଲୀନି ମରୀୟମ୍; ଯାକୁବତେ ୟାୟ୍‍ ମରିୟମ୍‍ ନୁ ଶଲୋମି ଜିସୁନ୍‍ ମେନ୍ଦୁଲ୍‍ତିଙ୍କି ଉସାନଙ୍କ୍ ବେସ୍‌କ୍ ଲେକେତ୍‍ ଗାବ୍‍ ମାନ୍ଦାନ୍‍ ନିୟ୍‍ ଜିନିଷ୍‌ ଆସି ତାତ୍‍ଆ ।
\p
\v 2 ରବାର୍‌ନାଣ୍ଡ୍ ୱିୟ୍‍ଦାନ୍‍ ୱେଲେ ପଡ଼୍‍ଦ୍ ପେସ୍‍ମାତେ ୱେଲେ ଆୱୁ ସମାଦିତାଗ୍ ଆତ୍‍ତା 
\v 3 ଆର୍ରଦାଗ୍‍ ଆୱୁ ତାମ୍‍ତାମ୍‍ ଲୋପେ କେତା, “ସମାଦିତାଗେ ଆ କାଲ୍‍ଦିଙ୍କି ମାନ୍‍ ମାଇଦିଙ୍କ୍ ବେନ ତୁର୍ସିଦ୍‍ତଣ୍ଡ୍ ?” ଆଦ୍‍ କାରଣ ବାଡ଼ାତାଦ୍‍ କାଲ୍ ମାତ୍‍ତେ, 
\v 4 କିନ୍ତୁ ଆୱୁ ମାଡ଼ିକି ଉଡ଼୍‍ତା, କାଲ୍‍ଦିଙ୍କି ତୁର୍ସିଇସ୍ ମିନ୍ଦେଡ଼୍ । 
\v 5 ସମାଦିତେ ଦର୍ରରେ ଲୋପେ ଆଞ୍ଜ୍‍ ଉଡ଼୍‍ତା ଯେ ଆଗ୍‍ଗେ ଲାଟି ପାଣ୍ଡ୍ରି ଚକା କେର୍‍ତେନଣ୍ଡ୍ ଅର୍ତୁଣ୍ଡ୍‍ ଲେୟଣ୍ଡ୍ ସମାଦି ତିନ୍‍ କାଇଦେ ପାକେ କୁଦ୍‍ତଣ୍ଡ୍ । ଇୱୁସାରେ ଉଡ଼ି ଆୱୁ ୱେର୍ରତା ।
\p
\v 6 ଲେୟଣ୍ଡ୍ କେତଣ୍ଡ୍, ୱେର୍ରମାଟ୍ । ନାନେ ପୁତାନ୍‍, ମିଡ଼୍ କ୍ରୁଶତାଗ୍‌ ଡଲିମାନ୍ଦାନ୍‌ ନାଜରିତିୟ ଜିସୁଙ୍କୁ ମେକୁତିଡ଼୍ । ଅଣ୍ଡ୍‌ ଇଗେ ଇଲାଣ୍ଡ୍ । ଅଣ୍ଡ୍‌ ମେଣ୍ଡେ ଜିୱେ ଆସ୍‍ମିନ୍ଦେଣ୍ଡ୍ । ଉଡ଼ାଟ୍‍, ଅଡ଼୍‌ ଇପଡ଼ିୟେ ତାଗେ ଅଂକିଙ୍କ୍‌ ୱାଟିମାତ୍‍ତଡ଼୍ । 
\v 7 \x + \xo ୧୬:୭ \xo*\xt ମାତିଉ ୨୬:3୨; ମାର୍କ ୧୪:୨୮.\xt*\x*ଇଞ୍ଜେ ଆଞ୍ଜ୍ ପିତର ନୁ ଜିସୁନ୍‍ ବାଗାତ୍‍ ଶିଷ୍ୟଡ଼୍‍କିଙ୍କି ଇ କବର୍‍ ଇମୁଟୁ । ଅଡ଼୍‌‍କିଂଙ୍କ୍‌ କେଲ୍‍ମୁଟ୍, ଜିସୁ ମିଇ ମୁନେ ଗାଲିଲୀତାଗ୍‍ ଆଦୁତଣ୍ଡ୍ । ଅଣ୍ଡ୍‌ କେତାନ୍‍ ଲେକାମ୍‌ ମିଡ଼୍ ଅଂକିଙ୍କ୍‌ ଆଗ୍‍ ଉଡ଼୍ ପାର୍ରତିଡ଼୍ । 
\v 8 ନାଟାକି ସମାଦିକନ୍‍ ପେଇସ୍ ୱେର୍ରସ୍‍ ମିରି ମିରି ଆତ୍‍ତା । ଆୱୁ ପିନା ଦାଦ୍‍ରେଲ୍‍ତା ଆନ୍ତେ ଆଶର୍ଯ୍ୟ ଆତ୍‍ତା, ଆସୁଟ୍ ବେନଙ୍କ୍ ବା ତିରିୟାଙ୍କ୍ ପାର୍‍ୱମାତ୍‍ତା ।
\s ଜିସୁ ମଗଦଲିନି ମରିୟମ୍‌ତିଙ୍କି ତନ୍ଦ୍‍ତଣ୍ଡ୍
\r (ମାତିଉ ୨୮:୯-୧୦; ଯୋହନ୍‌‌ ୨୦:୧୧-୧୮)
\p
\v 9 ଜିସୁ ରବାର୍‍ନାଣ୍ଡ୍ ପୁନରୁତ୍‍ତି ଆସ୍‍ ମଗ୍‍ଦଲୀନି ମରୀୟମତିଙ୍କ୍‍ ମୁନେନ୍‍ ଦର୍ଶନ ଇସ୍‍ମାତ୍‍ତଣ୍ଡ୍ । ଇ ମରୀୟମ୍ ତଡ଼୍ ଅଣ୍ଡ୍‌ ସାତ୍‍ଟାନ୍‍ ବୁତ୍‌କ୍ ୱିସ୍ପିମାତଣ୍ଡ୍ । 
\v 10 ମରୀୟମ୍ ଆଞ୍ଜ୍ ଜିସୁନ୍‍ ସାଙ୍ଗନଡ଼୍‍କ୍‍ ଇଦି ବିଷୟ କେଞ୍ଜ୍‌ପ୍‍ତେ । ଅଡ଼୍‌ ଦୁକାତେ କେୟମାତ୍‍ତଡ଼୍ । 
\v 11 ଜିସୁ ଜିୱି ଆତଣ୍ଡ୍ ନୁ ଆଦ୍‍ ଅଂକିଙ୍କ୍‌ ଉଡ଼୍‍ତାନ୍‍, ଇଞ୍ଜ୍‍ ଇ ଗଟି ମରୀୟମ୍ କେତାଙ୍କ୍ ଅଡ଼୍‌ ତାନ୍‍ ଗଟିଙ୍କି ବିଶ୍ୱାସ୍‌ ମାଡ଼୍ ।
\s ଜିସୁ ଇଉଡ଼୍ ଶିଷ୍ୟଡ଼୍‍କିଙ୍କି ତନ୍ଦ୍‍ତଣ୍ଡ୍
\r (ଲୁକ ୨୪:୧୩-୩୫)
\p
\v 12 ତାନ୍‍ ପର୍ରକେ ଜିସୁନ୍‍ ଇଉଡ଼୍ ଶିଷ୍ୟଡ଼୍ ଅଣ୍ଡ୍‌ ନାର୍ର ଦାଗ୍‍ ଆଦାନ୍‍ ୱେଲେ ଆର୍ର ଦାଗ୍‍ ଜିସୁ ଅଡ଼୍‌‍କିଂଙ୍କ୍‌ ମେଣ୍ଡେ ଅଣ୍ଡ୍‌‍ ରକମ୍‍ ତନ୍ଦତଣ୍ଡ୍ । 
\v 13 ଅଡ଼୍‌ ମାଲସ୍‍ ୱାସ୍ ବାଗାତଡ଼୍‍କିଙ୍କି ଇ ଗଟି କେତ୍‍ତଡ଼୍, କିନ୍ତୁ ଅଡ଼୍ ଗଟିଙ୍କି ବେନ୍‍ ବିଶ୍ୱାସ୍‌ ମାଡ଼ଡ଼୍‍ ।
\s ଜିସୁ ଏଗାର୍ ଜାନ୍‍ ଶିଷ୍ୟଡ଼୍‍କିଙ୍କି ତନ୍ଦ୍‍ତଣ୍ଡ୍
\r (ମାତିଉ ୨୮:୧୬-୨୦; ଲୁକ ୨୪:୩୬-୪୯; ଯୋହନ୍‌‌ ୨୦:୧୯-୨୩; ପ୍ରେରିତ ୧:୬-୮)
\p
\v 14 ତାନ୍‍ପେର୍ରକେ ତାନ୍‍ ଏଗାର୍ ଜାନ୍ ଶିଷ୍ୟଡ଼୍ ତିନ୍ଦାନଙ୍କ୍‍ କୁଦି ମାତ୍‍ତଡ଼୍ ଆସୁଟ୍‍ ଜିସୁ ଅଡ଼୍‌‍କିଂଙ୍କ୍‌ ଦର୍ଶନ ଇତଣ୍ଡ୍ । ଅଡ଼୍‌‍ୱାଦ୍‍ ଅବିଶ୍ୱାସୀ ମାଇଦିଙ୍କ୍ ଅଂକିଙ୍କ୍‌ ଜିୱୁତେ ଉଡ଼ି ମାନ୍ଦାନ୍‍ ନାରୁଡ଼୍ ଗଟି ବେଲା ବୁସା ଆଇମାକି ଇଞ୍ଜ୍‍ ଜିସୁ ଅଡ଼୍‌‍କିଂଙ୍କ୍‌ କାଇଲ୍‌ତଣ୍ଡ୍‍ । 
\v 15 \x + \xo ୧୬:୧୫ \xo*\xt ପ୍ରେରିତ ୧:୮.\xt*\x*ମେଣ୍ଡେ ଅଣ୍ଡ୍‌ କେତ୍‍ତଣ୍ଡ୍, “ସମଗ୍ର ଜଗତ୍‍ତାଗ୍‍ ଆଞ୍ଜ୍‍ ନାୟାଦ୍‍ ଇଦ୍‍ ସାଏତ୍‍ କାବୁର୍‍ ସାରେତଡ଼୍ ଗାରେ ଆଞ୍ଜ୍‍ କେଲ୍‍ମୁଟୁ । 
\v 16 ବେନ୍‍ ଇଦିଙ୍କି ବିଶ୍ୱାସ ମାଡ଼ି ବାପ୍ତିସ୍ମ ଅଦ୍‍ତଣ୍ଡ୍, ଅଣ୍ଡ୍‌ ପରିତ୍ରାଣ ପାୟେମ୍‍ ଆଦ୍‍ତଡ଼୍ । ବେନ୍‍ ବିଶ୍ୱାସ ମାଡ଼ଣ୍ଡ୍, ଅଡ଼୍‌ ଦୋଷି ଆଦ୍‍ତଣ୍ଡ୍ । 
\v 17 ବିଶ୍ୱାସିଡ଼୍ ବାକ୍‌ୱା ପାଡ଼୍‍ୟି ମାଡ଼ାନଙ୍କ୍‍ ଶକ୍ତି ପାୟେମ୍‍ ଆଦ୍‍ତଡ଼୍ । ନା ପେଦେର୍‍ତେ ଅଡ଼୍‌ ବୁତ୍‌ ୱିସ୍ପିତଡ଼୍, ପୁଃନେ ଗଟ୍‍ତେ ଗଟିତିର୍ରିତଡ଼୍, 
\v 18 ଅଡ଼୍‌ ତାଡ଼୍‍ତିଙ୍କି କାଇଦେ ପୟ୍‍କେ କିମ୍ୱା ୱିସାତିଙ୍କି ଉତ୍‍କେ, ଅଡ଼୍‌‍କିଂଙ୍କ୍‌ ବାତେ ଆୟ୍‍ । ଅଡ଼୍‌ ରୋଗ୍‍ତେ ମାନ୍ଦା ନାରୁଡ଼୍‍ତେ ପର୍‍ କାଇ ୱାଟ୍‍କେ, ଅଡ଼୍‌ ସୁସ୍ଥ ଆଦ୍‍ତଡ଼୍ ।”
\s ଜିସୁ ସ୍ୱର୍ଗତା ଆତ୍‍ତଣ୍ଡ୍
\r (ଲୁକ ୨୪:୫୦-୫୩; ପ୍ରେରିତ ୧:୯-୧୧)
\p
\v 19 \x + \xo ୧୬:୧୯ \xo*\xt ପ୍ରେରିତ ୧:୯-୧୧.\xt*\x*ଅଡ଼୍‌‍କିଂଙ୍କ୍‌ ଇ ସାରେ ଗଟି କେସ୍ ତେରି ପ୍ରବୁ ଜିସୁ ସ୍ୱର୍ଗ ଇଶ୍ୱରତେ ତିନ୍ଦେ କାଇଦେ ପାକେ କୁଦ୍‍ତଣ୍ଡ୍ । 
\v 20 ଶିଷ୍ୟଡ଼୍ ଆଞ୍ଜ୍‍ ସାର୍ର ଏକାମ୍‍ ପ୍ରଚାର୍ ମାଡ଼୍‍ତଡ଼୍‍ । ଅଡ଼୍‌ କେତାନାଦ୍‍ ସତ୍‍ ପ୍ରମାଣ ମାଡ଼ାନଙ୍କ୍‍ ପ୍ରବୁ ଅଡ଼୍‌ ତଡ଼୍ ମାଞ୍ଜ୍‍ ବାକ୍‌ୱା ପାଡ଼୍‍ୟି ମାଡ଼ାନଙ୍କ୍‍ ଅଡ଼୍‌‍କିଂଙ୍କ୍‌ ଶକ୍ତି ଇତ୍‌ତନ୍‌ । \f + \fr ୧୬:୨୦ \fr*\ft ମେଣ୍ଡେଅଣ୍ଡ୍‌‍ ପାଆନ୍‌ତେ ମାଡ଼େଙ୍ଗ୍‍\ft*\f*