\id LUK - Koya
\ide UTF-8
\h ଲୁକ
\toc3 ଲୁକ
\toc2 ଲୁକ
\toc1 ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌
\mt2 ଲୁକ ଲିଖିତ ଜିସୁ କ୍ରିଷ୍ଟଙ୍କ୍ ସୁସମାଚାର୍‌
\mt1 ଲୁକ ଲେକ୍‍ତାଦ୍ ଜିସୁ କ୍ରିଷ୍ଟନ୍‍ ସୁସମାଚାର୍‌
\imt ଲୁକ ବଇ ବିଷୟତେ ଅଣ୍ଡୟ୍‌‍ ପଦ୍
\ip ଲୁକ ଲେକ୍‍ତାଦ୍ ସୁସମାଚାର୍ ଆଦୁତ୍‍ତେ, ଜିସୁ କ୍ରିଷ୍ଟନ୍ ଜିୱୁଣ୍ଡ୍ ତିଆର୍ ମାଡ଼ାନ୍ ନାଲୁ ବଇକିନ୍ ଲୋପେକେ ୱେରନ୍ । ଆୱିନାଗ୍ ସାରେତାୱିଙ୍କ୍ “ସୁସମାଚାର୍,” କେତିତଡ଼୍, ବେୱିନ୍ ଇତ୍‍କେ “ଗଟ୍ ।” ଆୱ୍ ଜିସୁନ୍ ଡୋଲତେ ପେର୍‍କେ, ମାତିଉ, ମାର୍କ, ଲୁକ ନୁ ଯୋହନ୍‌‌ତେ ତଡ଼୍ ଲେକାଆସ୍ ମିନ୍ଦେ । ଲୁକ ଜିସୁନ୍ ଜିୱୁନ୍ ଗଟନା ଲେକା ତଡ଼୍, ଜିସୁନ୍ ଡଲାନାଦ୍ ନୁ ପୁନରୁତ୍‍ତାନ୍ ପେର୍‍କେ ତାମ୍ ଶିଷ୍ୟଡ଼୍ ବେନେ ବିଷୟ ସାରେ ମାଡ଼୍‍ତଡ଼୍, ଆଦ୍ ମିକା ଲେକିମିନ୍ଦେଡ଼୍, ଆଦ୍ ବଇତିଙ୍କ୍ ପ୍ରେରିତ୍ ନାରୁଡ଼୍‍ତେ କାମ୍‍ତାଦ୍ ବିବରନୀ ଇଞ୍ଜ କେତିତଡ଼୍ । ଲୁକ ବଇ ବେସୁଣ୍ଟ୍ ନୁ ବେଗାଙ୍କ୍ ଲେକା ଆସ୍‍ମିନ୍ଦେ, ଆଦ୍ ବିଷୟତେ ଟିକ୍ ବେନ ମିକା ପୁନଣ୍ଡ୍, ବାତେଙ୍କ୍ ଇତ୍କେ ଅଦିକାଂଶ ପଣ୍ଡିତ୍ ନାରୁଡ଼୍ ତଡ଼୍ ଆଦ୍‍ତଡ଼୍ ଯେ, ଇଦ୍‍ଲେକାମ୍, ଜିସୁକ୍ରିଷ୍ଟନ୍ ଜନମ୍‍ତେ ୭୦ ହେଣ୍ଡେତ୍ ପେର୍‍କେ ଲେକାଆସ୍ ମିନ୍ଦେ ।
\ip ଲେକ୍‍ତେନନ୍ ଆଦୁତନ୍ ଲୁକ, ବେନ ୱେରଣ୍ଡ୍ ଡାକ୍ଟର୍ ମାତ୍‍ତଣ୍ଡ୍ । ଅନାଦ୍‌ ଲେକାନ୍ ନୁ ଗଟି କେତାନ୍ ମୁନେଙ୍କ୍ ଯେ, ଅଣ୍ଡ୍‌ ୱେରଣ୍ଡ୍ ଶିକ୍ଷିତ୍ ନାରୁଡ଼୍ ମାତ୍‍ତଣ୍ଡ୍ । ଜିସୁନ୍ ଜିୱୁନ୍‍ତେ ଗଟନା ଗଟେମ୍ ଆତ୍‍ତେ କ୍ରମ୍ ଲେକାମ୍, ଉଲେକ୍‍ ମାଡ଼ାଟ୍ ଟିକ୍, ତିଆର୍ ମାଡ଼ାଙ୍କ୍ ଇଚ୍ଛାମାଡ଼ୁତଣ୍ଡ୍, ବେଦ୍‍ଲେକାମ୍ ବାଗାତ୍‍ନାରୁଡ଼୍ ଆଦ୍ କାର୍‌ସ୍‌ ଉପକାର୍ ଆତ୍‍ତଡ଼୍ \xt ଲୁକ ୧:୧-୩\xt* । ଅଣ୍ଡ୍‌ ୱେରଣ୍ଡ୍ ଅଣଇହୁଦି ନାରୁଡ଼୍ ମାତ୍‍ତଣ୍ଡ୍ \xt କଲସୀୟ ୪:୧୦-୧୪\xt* ମେଣ୍ଡେ ଅଣ୍ଡ୍‌ ଇଦଲେକାମ୍ ଲେକ୍‍ତଣ୍ଡ୍, ଅଣଇହୁଦିଡ଼୍ ବୁଜେମ୍ ଆଦ୍‍ତଡ଼୍ । ଅଣ୍ଡ୍‌ ରୀତିକିଙ୍କ୍ ତିଆର୍ ମାଡ଼ାଙ୍କ୍ ଇଦିଙ୍କ୍ ମାଡ଼ାନଙ୍କ୍ ସହଜ୍‍ତେ ଉଡ଼େ ପାର୍‍ଦ୍‍ତାଡ଼୍ \xt ଲୁକ ୧:୮\xt* । ଲୁକ ଲେକ୍‍ତାଦ୍ ସୁସମାଚାର୍, ମାତିଉ ନୁ ମାର୍କ ବଇ ତଡ଼୍ ସାରେ ସାମାନ୍ ହିନା ତଅନ୍‌ଦିତା, ବାତେଙ୍କ୍ ଇତ୍କେ ଅଡ଼୍‌‍ ସାମାନ୍ ବିଷୟ ମେଣ୍ଡେ ସାମାନ୍ ହିନା ତିଆର୍ ମାଡ଼ିତଡ଼୍ । ମୁଣ୍ଡ୍ ବଇକିନ୍ ଲୋପେକେ ଲୁକ ବାପ୍ତିସ୍ମ ଯୋହନ୍‌‌ତେ ଜନମ୍ ବିଷୟତେ ଟିକ୍ ବିବରନୀ ହିଦ୍‍ତଣ୍ଡ୍ । ମେଣ୍ଡେ ଲୁକ ପ୍ରାର୍ତନା ପରୁ ଗୁରୁତ୍ୱ ହିଦ୍‍ତଣ୍ଡ୍ \xt ଲୁକ ୩:୨୧; ୫:୧୬; ୬:୧୨; ୧୧:୧-୧୨; ୨୨:୩୨\xt*, ମେଣ୍ଡେ ଅଣ୍ଡ୍‌ କ୍ଷମାତ୍ ପରୁ ମିକା ଗୁରୁତ୍ୱ ହିଦ୍‍ତଣ୍ଡ୍ \xt ଲୁକ ୩:୩; ୧୧:୪; ୧୭:୩-୪; ୨୩:୩୪; ୨୪:୪୭\xt* ।
\iot ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ
\io1 ୧. ଲୁକ ସୁସମାଚାର୍‍ତେ ଉପକ୍ରମା ନୁ ଲେକାତ୍ ଉଦ୍ଦେଶ୍ୟ ତିଆର୍ ମାଡ଼ିତନ୍ । \ior ୧:୧-୪\ior*
\io1 ୨. ଜିସୁନ୍ ଜନମ୍ ନୁ ଅଣ୍ଡ୍‌ ବେଲା ସେବାପାଡ଼ିୟି ସେଙ୍ଗେ ତିଆର୍ ଆତ୍‍ତଣ୍ଡ୍ । \ior ୧:୫–୪:୧୩\ior*
\io1 ୩. ଜିସୁନ୍ ପାଡ଼ିୟି ସାରେ, ନିଜାମ୍ ଲେକାମ୍ ଅଣ୍ଡ୍‌ ମାଡ଼ମାନ୍ଦାନ୍ ବାକ୍‍ୱା ପାଡ଼ିୟି ନୁ ତାନ୍ ଶିକ୍ଷା ବିଷୟତେ କେତିତଣ୍ଡ୍ । ଇଦ୍ ଆଦୁତେ ସୁସମାଚାର୍‍ତେ ବେଡ଼ିୟାଦ୍ ବିଷୟ୍ । \ior ୪:୧୪–୨୧:୩୮\ior*
\io1 ୪. ତେର୍ତେପେୟେ, ଶେଷ ରେଣ୍ଡ୍ ଅଦ୍ୟାୟତେ, ଜିସୁ ବେଲା ଡୋଲ୍‍ତଣ୍ଡ୍, ସମାଦି ଆତ୍‍ତଣ୍ଡ୍ ନୁ ଡୋଲତେ ନାରୁଡ଼୍ କନ୍‍ସ୍ ତେଦ୍‍ତଣ୍ଡ୍ । \ior ୨୨; ୨୩; ୨୪\ior*
\c 1
\s ତିୟପିଲ୍‍ଦେ ସେଙ୍ଗେ
\p
\v 1 ଅ ତିୟପିଲ୍, ମାୟାଗ୍‌ ବାତ୍ ବାତ୍ ଆଦ୍‍ତେ, ଆଦିନାଦ୍ ଚିଟି ଲେକାନ୍ ସେଙ୍ଗେ ନାର୍ଗେ ନାରୁଡ଼୍ ପାର୍‍ତେ ଆସର୍ କିସୁଡ଼୍‍ତଡ଼୍ । 
\v 2 ମୁନ୍‍ନେ କଞ୍ଚ୍‍ ଇଦ୍ ସାରେତିଙ୍କ୍ ଉଡ଼ିମାନ୍ଦାନ୍ ନାରୁଡ଼୍ ବେଲା ନେଲା କାବୁର୍‍ କେସ୍‍ମାତ୍‍ତଡ଼୍, ଆଦ୍ ଇସାବ୍‍ତେ ଇଦ୍ ଚିଟି ଲେକାଆସ୍ ମିନ୍ଦେ । 
\v 3 ହୋ ବେଡ଼୍‍ୟନ୍ ତିୟପିଲ୍, ନାନ୍ ଆର୍‍କୁଲ୍‍ତେ ମୁନ୍‍ନେ କନ୍‍ସ୍ ଇଦ୍‍ସାରେ ଗଟ୍ ଏର୍କେ ମାଡ଼୍‍ତାନ୍, ଆଦିନ୍ ମାଇଦିଙ୍କ୍ ମି ସେଙ୍ଗେ ଇଦିନାଦ୍ ୱେରନ୍ ପୁନ୍ଦାନାଦ୍ ବିବରନୀ ଲେକାଙ୍କ୍ ଲେକେତ୍ ହେର୍କେ ମାଡ଼୍‍ତାନ୍ । 
\v 4 ଇଦ୍ ବିଷୟତେ ମିଡ଼୍ ବେନ୍ ସାରେ ବିଷୟ୍ ପୁତ୍‍ତିଡ଼୍, ଆଦିନାଦ୍ ସାରେ ସତ୍ ବେଲା ପୁଞ୍ଜ୍ ପାର୍‍ଦ୍‍ତିଡ଼୍, ଆଦିନ୍ ମାଇଦିଙ୍କ୍ ନାନ୍ ଇଦ୍ ଲେକୁତାନ୍ ।
\s ବାପ୍ତିସ୍ମ ଯୋହନ୍‌‌ତାଦ୍ ଜନମ୍‍ତେ ମୁନେତ୍ ଗଟ୍
\p
\v 5 ଯିହୁଦା ଦେଶ୍‍ତେ ରାଜାଲ୍ ହେରୋଦତେ ସମୟ୍‍ତେ ଅବିୟତେ ମାନ୍ଦେତେ ନାନେ ଜିକରୀୟ ପେଦେର୍‍ତଣ୍ଡ୍ ୱେର୍‍ଣ୍ଡ୍ ଯାଜକ୍ ମାତ୍‍ତଣ୍ଡ୍; ଅନ୍‌ ମୁତ୍‍ତେ ହାରୋଣ ବଂଶତେ ପିକିଡ଼୍, ଆଦିନ୍ ପେଦେର୍ ଏଲୀଶାବେତ୍‌ । 
\v 6 ଅଡ଼୍‌‍ ଇର୍‍ୱୁଡ୍ ଆସ୍‍ସ ପ୍ରବୁନାଦ୍ ଗଟ୍ ନୁ ପାଲନ୍ ଲେକାମ୍ ନିର୍ଦୋଷ୍‍ ଲେକାମ୍ କାମ୍ ମାଡ଼ି ପରମେଶ୍ୱର୍ ମୁନ୍‍ ଦାର୍ମିକ୍ ମାତ୍‍ତଡ୍ । 
\v 7 ଅଡ଼୍‌‍କିଂଙ୍କ୍ ମାର୍‍ ମାୟାଡ଼୍ ଇଲ୍‍ୱେ ମାତ୍‍ତେ, ବାତେଙ୍କ୍ ଇତ୍କେ ଏଲୀଶାବେତ୍‌ ୱାଞ୍ଜଲ୍ ମାତ୍‍ତେ, ମେଣ୍ଡେ ଇର୍‍ୱିଡ଼ାଦ୍ ବିଷୟ୍‍ ନାର୍ଗେଆସ୍ ମାତ୍‍ତେ ।
\p
\v 8 ଜିକରୀୟ ତାମ୍ ମାନ୍ଦେତେ ପାଲି ହିସାପ୍ ତେ ପରମେଶ୍ୱର୍‍ତେ ମୁନ୍‍ନେ ଯାଜକ୍ ପାଡ଼ିୟି ମାଡ଼ମାନ୍ଦାନ୍ ଦିନାମ୍‍ତେ, 
\v 9 ଯାଜକ୍ ପାଡ଼ିୟିଦେ ଲେକେତ୍ ଲେକାମ୍‍ତେ ଗୁଲିବାଣ୍ଟ ମାଡ଼୍‍ତାଙ୍କ୍ ଅଂକିଙ୍କ୍‌ ପ୍ରବୁନ୍ ମନ୍ଦିର୍‍ତେ ଲୋପେ ହସି ଦୂପାମ୍ ଇଦାଙ୍କ୍ ୱେୟ୍‍ତେ, 
\v 10 ମେଣ୍ଡେ ଦୂପାମ୍ ଇଦାନ୍ ୱେଲେ ସାର୍‍ରେ ତୋଡ୍ ନାରୁଡ଼୍ ବାଇଦେ ପ୍ରାର୍ତନା ମାଡ଼ ମାତ୍‍ତଡ଼୍ ।
\p
\v 11 ଆସୁଣ୍ଟ୍ ପ୍ରବୁନାଦ୍ ୱେର୍‍ଣ୍ଡ୍ ଦୂତ ଦୂପାମ୍ ଇଦାନ୍ ବାକ୍‍ଡ଼େତେ ତିନ୍ଦେ କାଇଦେ ପାକ୍ ନିଶ୍‍ମିକା ଅଂକିଙ୍କ୍‌ ତନ୍ଦ୍‍ତଣ୍ଡ୍ । 
\v 12 ଜିକରୀୟ ଅଂକିଙ୍କ୍‌ ଉଡ଼ି ଦାଦ୍‍ରେଲି ମିକା ୱେର୍‍ତଣ୍ଡ । 
\v 13 ବାତେଙ୍କ୍ ଇତ୍କେ ଦୂତ ଅଂକିଙ୍କ୍‌ କେତ୍‍ତେ, ଜିକରୀୟ, “ୱେର୍‍ମା ବାତେଙ୍କ୍ ଇତ୍କେ ନିୟାଦ୍ ପ୍ରାର୍ତନା ସଦାପ୍ରବୁ କେଞ୍ଜ୍‍ତଣ୍ଡ୍, ମେଣ୍ଡେ ନି ମୁତ୍‍ତେ ଏଲୀଶାବେତ୍‌ ନି ମାଇଦିଙ୍କ୍ ୱେର୍‍ଣ୍ଡ୍ ମାର୍‍ ଜନମ୍ ମାଡ଼ିତା, ମେଣ୍ଡେ ନିମେ ଅନ୍‌ ପେଦେର୍ ଯୋହନ୍‌ ଇଦ୍‍ତିନ୍ । 
\v 14 ଅଣ୍ଡ୍‌ ନିୱାଦ୍ କୁସି ନୁ ସାର୍‍ଦେତେ ବିଷୟ ଆଦ୍ ତଣ୍ଡ୍, ମେଣ୍ଡେ ନାର୍ଗେ ନାରୁଡ଼୍ ଅନ୍‌ ଜନମ୍‍ତେ ୱେଡ଼୍‍କିତଡ଼୍ । 
\v 15 ଅଣ୍ଡ୍‌ ପ୍ରବୁନ୍ ମୁନ୍‍ନେ ମହାନ୍ ଆଦ୍‍ତୋଣ୍ଡ୍; ଅଣ୍ଡ୍‌ ଦ୍ରାକ୍ଷାରସ୍ କି ସୁରା ବେସୁଟ୍‌ ବା ହୁନଣ୍ଡ୍ ମେଣ୍ଡେ ୟାୟନ୍ ଡଙ୍କେତାଗ୍ ମିକା ପବିତ୍ର ଆତ୍ମାତେ ସାରେ ଆଦ୍‍ତେ ।
\p
\v 16 ଆସୁଣ୍ଟ୍ ଅଣ୍ଡ୍‌ ଇସ୍ରାଏଲ ନାରୁଡ଼୍ ଲୋପ୍ ନାର୍ଗେ ନାରୁଡ଼୍‍କିଙ୍କ୍ ପ୍ରବୁ ଅଡ଼୍‌‍ୱାଦ୍ ଇଶ୍ୱର୍‌ତେ ସେଙ୍ଗେ ମାଲ୍‍ପି ମାଡ଼ି ତାତିତଣ୍ଡ୍ । 
\v 17 ୟାୟବାବାନ୍ ହୃଦୟ୍ ପିଲାନ୍ ସେଙ୍ଗେ ନୁ ପୁନ୍‍ୱେ ନାରୁଡ଼୍ ଦାର୍ମିକ୍ ନାରୁଡ଼୍‍ତେ ବୁଦ୍‍ତେ କାମ୍ ମାଡ଼ାନ୍ ସେଙ୍ଗେ ମାଲ୍‍ପାନଙ୍କ୍ ମେଣ୍ଡେ ପ୍ରବୁନ୍ ସେଙ୍ଗେ ସାଏତ୍‍ ଦଣ୍ଡଆତ୍‍ତେ ୱେରନ୍ ନାରୁଡ଼୍‌ମଣ୍ଡଲି ତିଆର୍ ମାଡ଼ାଙ୍କ୍ ଅଣ୍ଡ୍‌ ଏଲିୟତେ ଆତ୍ମା ନୁ ଶକ୍ତିତେ ଅନ୍‌ ମୁନ୍‍ନେ ତାକି ଆଦ୍‍ତନ୍ ।”
\p
\v 18 ଇଗେ ଜିକରୀୟ ଦୂତ ତିଙ୍କ୍ କେତ୍ତଣ୍ଡ୍, “ନାନ୍ ବେନ୍ ଚିହ୍ନେତେ ଇଦ୍ ପୁନ୍‍ତାନ୍ ? ବାତେଙ୍କ୍ ଇତ୍କେ ନାନ୍ ତ ମୁଇତାନ୍, ମେଣ୍ଡେ ନା ମୁତେନ୍ ବୟଷ୍ ଗାଟି ଆଦୁତେ ।”
\p
\v 19 ଦୂତ ଅଂକିଙ୍କ୍‌ କେତ୍‍ତେ, “ନାନ୍ ଗାବ୍ରିଏଲ୍‌, ନାନ୍ ପରମେଶ୍ୱର୍ ତେ ମୁନ୍‍ନେ ନିଶ୍‍ମାନ୍ଦାନ୍, ମେଣ୍ଡେ ନିକିଂଙ୍କ୍ କେତାଙ୍କ୍ ନୁ ଇଦ୍ ସୁସମାଚାର୍ କେଞ୍ଜ୍‍ପାଙ୍କ୍ ନାନ୍ ୱାସମିନ୍ଦେନ୍ । 
\v 20 ଉଡ଼ାଟ୍, ଇଦ୍ ସାରେ ଗଟେମ୍ ହାଇୱା ଦିନ୍ ଯାକ ନିମେ କନ୍ଦାହାସ୍‍ ଗଟ୍‍ତ୍ରିୟ୍ ପାର୍‍ୱିନ୍, ନାୱାଦ୍ ବେନ୍ ସାରେ ବାକ୍ୟ କେତ୍‍ତାନ୍ ଆଦ୍ ଟିକ୍ ଦିନାମ୍‍ତେ ସାରେ ଆଦ୍‍ତେ, ଆଦ୍ ସାରେତିଙ୍କ୍ ନିମେ ବିଶ୍ୱାସ୍ ମାଡ଼୍‍ୱିନ୍ ।”
\p
\v 21 ଆଦ୍ ଦିନାମ୍‍ତେ ନାରୁଡ଼୍ ଜିକରୀୟଙ୍କ୍ କେପି ମାତ୍‍ତଡ଼୍, ମନ୍ଦିର୍ ତାଗ୍ ଅନ୍‌‍ୱାଦ୍ ଡେରି ଆତ୍‍ତାଙ୍କ୍ ଅଡ଼୍‌‍ ଦାଦ୍‍ରେଲ୍‍ତଡ଼୍ । 
\v 22 ବାତେଙ୍କ୍ ଇତ୍କେ ଅଣ୍ଡ୍‌ ବାଇଦେୱାସ୍ ଅଡ଼୍‌‍କିଂଙ୍କ୍ ଗଟ୍ କେତାଙ୍କ୍ ପାର୍‍ୱଣ୍ଡ୍; ଇଗେ ଅଣ୍ଡ୍‌ ମନ୍ଦିର୍‍ତାଗ୍ ତନ୍ଦ୍‍ତଣ୍ଡ୍‍ ଇଞ୍ଜ ଆତ୍‍ତଣ୍ଡ୍ ଇଞ୍ଜ ଅଡ଼୍‌‍ ପୁତ୍‍ତଡ଼୍ । ମେଣ୍ଡେ ଅଣ୍ଡ୍‌ ଅଡ଼୍‌‍କିଂଙ୍କ୍ ଚିନ୍ନେ ମାଡ଼ାଙ୍କ୍ ପସ୍‍ପ୍‍ତଣ୍ଡ୍ ନୁ କନ୍ଦାଲ୍ ହାସ୍ ମାତ୍‍ତଣ୍ଡ୍ ।
\p
\v 23 ପେର୍‍କେ ଅନ୍‌‍ୱାଦ୍ ସେବାମାଡ଼ାନ୍ ଦିନାକ୍ ତେର୍‍ତାଙ୍କ୍, ଅଣ୍ଡ୍‌ ତାମ୍ ଲୋନ୍‌ ମାଲ୍‍ସ୍ ଆତ୍‍ତଣ୍ଡ୍ । 
\v 24 ତାନ୍ ମୁତ୍‍ତେ ଏଲୀଶାବେତ୍‌ ଡଙ୍କେତ୍ ଆତ୍‍ତେ, ମେଣ୍ଡେ ଏଇଙ୍ଗ୍ ନେଲ୍‍ଞ୍ଜ୍ ହେଉନା ଇଦ୍ ବିଷୟ ବେନଙ୍କେ କେଲକଟ ମିଞ୍ଜିମାଞ୍ଜ୍ ମାତ୍‍ତା, 
\v 25 ମେଣ୍ଡେ ଏଲୀଶାବେତ୍ କେତ୍‍ତା, “ନାରୁଡ଼୍‍ତେ ଲୋପେ ନା ଅପ୍‍ମାନ୍ ଦୁରାମ୍ ମାଡ଼ାନ୍ ସେଙ୍ଗେ ପ୍ରବୁ ଦାୟାମାଡ଼ି ନା ମାଇଦିଙ୍କ୍ ଇଲା ମାଡ଼ିମିନ୍ଦେଣ୍ଡ୍ ।”
\s ଜିସୁନ୍ ଜନମ୍‍ତେ ମୁନେତ୍ ନିୟମ୍
\p
\v 26 ଏଲୀଶାବେତ୍ ଡଙ୍କେତ୍ ଆଦ୍‍ତେ ଆରୁ ନେଲ୍ଞ୍ଜ୍‍ତେ ପେର୍‍କେ ଇଶ୍ୱରତାଦ୍ ଗାବ୍ରିଏଲ୍‌ ଦୂତ ଗାଲିଲୀତେ ନାଜରିତିୟ ପେଦେର୍‍ତେ ନଗର୍‍ତାଗ୍ ଅରଟ୍ ପିକିଡ଼୍ ଗାର୍‍ରେ ପ୍ରେରିତ୍ ଆତ୍‍ତେ; 
\v 27 \x + \xo ୧:୨୭ \xo*\xt ମାତିଉ ୧:୧୮.\xt*\x*ଦାଉଦ୍‍ ବଂଶତେ ଯୋଷେପ୍ ପେଦେର୍ ତଣ୍ଡ୍ ୱେର୍‍ଣ୍ଡ୍ ନାରୁଡ଼୍ ତଡ଼୍ ଆଦିନାଦ୍ ବେନ୍‍ଆସ୍ ମାତ୍‍ତେ; ଆଦ୍ ପିକିଡ଼୍ ତେ ପେଦେର୍ ମରୀୟମ୍‍ । 
\v 28 ଗାବ୍ରିଏଲ୍ ଦୂତ୍ ଆଦିନ୍ ଗାର୍‍ରେ ୱାସ୍ କେତ୍ତଣ୍ଡ୍, “ଆଗୋ ଅନୁଗ୍ରହପାତ୍ରୀ, ନିୟାଦ୍ ଲେକେତ୍ ହାୟି, ପ୍ରବୁ ନି ତଡ଼୍ ।”
\p
\v 29 ବାତେଙ୍କ୍ ଇତ୍କେ ଆଦ୍ ଇଦ୍ ବାକ୍ୟତେ ଗାଟି ଦାନ୍ଦେ ଆତ୍‍ତେ ନୁ ଇଦ୍ ବେସତ୍ କବର୍ ହିଞ୍ଜ ମାନ୍‍ ଦେ ହାଲ୍‍ସାନଙ୍କ୍ ପସ୍‍ପିତ୍‍ତେ । 
\v 30 ଆସୁଣ୍ଟ୍ ଦୂତ ତାକିଂଙ୍କ୍ କେତ୍‍ତେ, “ଆଗୋ ମରୀୟମ୍‍, ‘ୱେର୍‍ମା,’ ବାତେଙ୍କ୍ ଇତ୍କେ ନିମେ ଇଶ୍ୱର୍‌ତାଦ୍ ଆର୍ଶିବାଦ୍ ହାସମିନ୍ଦେନି । 
\v 31 \x + \xo ୧:3୧ \xo*\xt ମାତିଉ ୧:୨୧.\xt*\x*ମେଣ୍ଡେ ଉଡ଼େ, ନିମେ ଡଙ୍କେତ୍ ଆସ୍‍ସ ୱେର୍‍ଣ୍ଡ୍ ମାର୍‍ ଜନମ୍ ମାଡ଼ିତି ନୁ ଅନ୍‌ ପେଦେର୍ ଜିସୁ ଇଦ୍‍ତିନ୍ । 
\v 32 ଅଣ୍ଡ୍‌ ମହାନ୍ ଆଦ୍‍ତନ୍ ନୁ ସତ୍‍ଇଶ୍ୱର୍‍ତେ ମାର୍‍ ହିଞ୍ଜ ପୁନ୍‍ତଡ଼୍; ପ୍ରବୁ ଇଶ୍ୱର୍‌ ଅଂକିଙ୍କ୍‌ ତାମ୍ ଆନୀଦାଦିଡ଼୍ ଦାଉଦ୍‍ ତେ ରକମ୍ ରାଜାଲ୍ ମାଡ଼ିତନ୍ । 
\v 33 ଅଣ୍ଡ୍‌ ଯାକୁବ୍ ବଂଶତାଗ୍ ଯୁଗ୍‍ଯୁଗ୍ ତିଙ୍କ୍ ଶାସନ୍‍ ମାଡ଼ିତନ୍, ମେଣ୍ଡେ ଅନ୍‌ ରାଜ୍ୟ ଶେଷ୍ ଆୟ୍‍ୟ !”
\p
\v 34 ବାତେଙ୍କ୍ ଇତ୍କେ ମରୀୟମ୍‍ ଦୂତ ତିଙ୍କ୍ କେତ୍‍ତେ, “ଇଦ୍ ବେଲା ଆଦ୍ ତେ ? ନାନ୍ ତ ବେନ୍ ମାନେଇ ତଡ଼୍ ଉଞ୍ଜନ୍ ।”
\p
\v 35 ଦୂତ ଆଦିଙ୍କ୍ କେତ୍‍ତେ, “ପବିତ୍ର ଆତ୍ମା ନି ପରୁ ଡିଗିତେ ନୁ ସତ୍‍ଇଶ୍ୱର୍‍ତେ ଶକ୍ତିତେ ନିକିଂଙ୍କ୍ ମିସିତେ, ନୁ ବେନ ଜନମ୍ ଆଦ୍‍ତଣ୍ଡ୍, ଅଣ୍ଡ୍‌ ପବିତ୍ର ନୁ ଇଶ୍ୱର୍‌ତେ ମାର୍‍ ହିଞ୍ଜ ନାରୁଡ଼୍ ପୁନ୍‍ତଡ୍ । 
\v 36 ମେଣ୍ଡେ ଉଡେ, ମି ଆତ୍ମୀୟ ଏଲୀଶାବେତ୍‌ ମିକା ଡକ୍ରି ବୟଷ୍ ତେ ୱେର୍‍ଣ୍ଡ୍ ମାର୍‍ ଡଙ୍କେତ୍ ଆସ୍‍ସ ମିନ୍ଦେ । ବାଦିଙ୍କ୍ ୱାଞ୍ଜଲ୍ ହିଞ୍ଜ କେସ ମାତ୍‍ତଡ଼୍, ତାମ୍‍ୱାଦ୍ ଇଞ୍ଜେ ଆରୁ ନେଲଞ୍ଜ୍ ଆଦୁତ୍‍ତେ; 
\v 37 ବାତେଙ୍କ୍ ଇତ୍କେ ଇଶ୍ୱର୍‌ତେ ପାୟୁର୍ କଞ୍ଜ୍ ପେଇତାନ୍ ବେନ୍ ବାକ୍ୟ ମିକା ଶକ୍ତିହୀନ ଆୟ ।”
\p
\v 38 ଇଗେତିଞ୍ଚ ମରୀୟମ୍‍ କେତ୍‍ତେ, “ଉଡେ ନାନ୍ ପ୍ରବୁନ୍ ଦାସୀ; ନିୱାଦ୍ ବାକ୍ୟ ଲେକାମ୍ ନାୟାଗେ ହାୟି ।” ତାନ୍ ପେର୍କେ ଦୂତ ଆଦିନାଗାଙ୍କ୍ ମାଲ୍‍ସ୍ ଆତ୍‍ତେ ।
\s ମରୀୟମ୍ ଏଲୀଶାବେତ୍‌ତେ ଗାର୍‍ରେ ଆତ୍‍ତେ
\p
\v 39 ଇଦ୍ ସମୟ୍ ତେ ମରୀୟମ୍‍ ତେଦି ଯିହୁଦା ଦେଶ୍‍ତେ ମେଟେତାଗ୍ ମାନ୍ଦାନ୍ ୱେରନ୍ ନଗର୍‍ତାଗ୍ ଆତ୍‍ତେ, 
\v 40 ମେଣ୍ଡେ ଆଦ୍ ଜିକରୀୟତେ ଲୋନ୍‌ ହସି ଏଲୀଶାବେତ୍‌ ତିଙ୍କ୍ ନମସ୍କାର୍ ମାଡ଼୍‍ତେ । 
\v 41 ମେଣ୍ଡେ ଆଦ୍ ମରୀୟମ୍‍ ତେ ନମସ୍କାର୍ କେଞ୍ଜ୍‍ତେ ସାଙ୍ଗେ ସାଙ୍ଗେ ବାବୁ ଏଲୀଶାବେତ୍‌ ଡଙ୍କେତ୍ ଲୋପେମାଞ୍ଜ୍ ହେନ୍ଦଣ୍ଡ୍, ମେଣ୍ଡେ ଏଲୀଶାବେତ୍‌ ପବିତ୍ର ଆତ୍ମାତେ ପୁରା ହାସ୍ 
\v 42 ଗାଟି ଲେଙ୍ଗ୍‍ଦେ କେତ୍‍ତେ, “ନାଟାନ୍ ଲୋପ୍ ନିମେ ଦନ୍ୟ, ମେଣ୍ଡେ ଦନ୍ୟ ନି ଡଙ୍କେତ୍ କାୟେ ତିଙ୍କ୍ । 
\v 43 ମେଣ୍ଡେ, ନା ପ୍ରବୁନ୍ ୟାୟ ଯେ ନା ଗାର୍‍ରେ ୱାଦ୍‍ତେ, ନାୱାଦ୍ ଇଦ୍ ସାଏତ୍ ବିଷୟ ବେଗେତିନ୍‍ସ୍ ଆତ୍‍ତେ ? 
\v 44 ଇଦିନ୍ ସେଙ୍ଗେ ଉଡ଼େ, ନି ନମସ୍କାର୍ କେଞ୍ଜ୍ ତେ ପେର୍‍କେ ନା ଡଙ୍କେତ୍ ଲୋପେ ବାବୁ ସାର୍‍ଦେ ଆସ୍ ହେନ୍ଦ୍ ତଣ୍ଡ୍ । 
\v 45 ପ୍ରବୁ ବାତେଏ କେତ୍‍ତଣ୍ଡ୍ ହାଉସାରେ ଅଣ୍ଡ୍‌ ସାରେ ମାଡ଼ିତନ୍ ଇଞ୍ଜ ନିମେ ବିଶ୍ୱାସ୍ ମାଡ଼୍‍ତାଙ୍କ୍ ନିମେ ଆର୍ଶିବାଦ୍ ହାତ୍‍ତି ।”
\s ମରୀୟମତେ ପ୍ରସଂଶା ପାଟେ
\p
\v 46 ତାନ୍ ପେର୍‍କେ ମରୀୟମ୍‍ କେତ୍‍ତେ,
\q1 “ନା ଜିୱେ ପ୍ରବୁନ୍ ପ୍ରସଂଶା ମାଡୁତେ,
\q2
\v 47 ମେଣ୍ଡେ ନାୱାଦ୍ ଆତ୍ମା ନା ତ୍ରାଣକର୍ତ୍ତାଲ୍ ଇଶ୍ୱର୍‌ତାଗ୍ ସାର୍‍ଦେ ମାଡ଼ମିନ୍ଦେ;
\q2
\v 48 ଆଦିନ୍ ସେଙ୍ଗେ ନାନ୍ ୱେରନ୍ ସୁଦୁର୍ ଦାସୀ ହାତ୍କେମିକା ଅଣ୍ଡ୍‌ ନାକିଂଙ୍କ୍ ହେର୍କା ମାଡ଼୍‍ତଣ୍ଡ୍, ଇଞ୍ଜେ ସାରେତଡ଼୍ ନାକିଂଙ୍କ୍ ୱେଡ଼୍‍କେ ନାରୁଡ଼୍ ଇଞ୍ଜ କେତିତଡ଼୍ ।
\q2 ମେଣ୍ଡେ ଉଡ଼ାଟ୍, ଯୁଗ୍‍ଯୁଗ୍ ମାନେଇ ସାର୍‍ରେତଡ୍ ନାକିଂଙ୍କ୍ ଦନ୍ୟ ହିଞ୍ଜ କେତିତଡ଼୍‍,
\q2
\v 49 ବାତେଙ୍କ୍ ଇତ୍କେ ସାରେତିଙ୍କ୍‍ ଶକ୍ତିନଣ୍ଡ୍‌ ଇଶ୍ୱର, ଅଣ୍ଡ୍‌ ନା ସେଙ୍ଗେ ମହାନ୍‍ କାମ୍‍ ମାଡ଼୍‍ତଣ୍ଡ୍;
\q1 ଅନ୍‌‍ୱାଦ୍ ପେଦେର୍ ପବିତ୍ର,
\q2
\v 50 ମେଣ୍ଡେ ଅଂକିଙ୍କ୍‌ ୱେର୍‍ତାନ୍ ନାରୁଡ଼୍‍ତେ ସେଙ୍ଗେ ଅନ୍‌‍ୱାଦ୍ ଦୟା ଯୁଗ୍‍ଯୁଗ୍ ମାନ୍‍ତା ।
\q1
\v 51 ଅଣ୍ଡ୍‌ ତାନ୍‍ୱାଦ୍ କାଇତାଦ୍ ଶକ୍ତିତିଙ୍କ୍ କେତ୍‍ତଣ୍ଡ୍,
\q2 ଆଂକାର ମାଡ଼ମାନ୍ଦାନ୍ ନାରୁଡ଼୍‍କ୍ ତାମ୍ ହୃଦୟ୍‍ତେ ଆଲ୍‍ସାନାଦ୍‍ ୱେରେୱେରେ ମାଡ଼ିମିନ୍ଦେଣ୍ଡ୍,
\q1
\v 52 ଅଣ୍ଡ୍‌ ଶକ୍ତିତଡ଼୍ ରାଜାଲଡ଼୍‍କ୍ ତାମ୍ ସିଂହାସନ୍ ତେ କଞ୍ଚ୍‌ ମଦଲ୍ ତାତ୍‍ତଣ୍ଡ୍ ନୁ
\q2 ଗରିବ୍ ନାରୁଡ଼୍‍କ୍ ପରୁ ତେହେତ୍‍ତଣ୍ଡ୍,
\q1
\v 53 ଅଣ୍ଡ୍‌ କାର୍ୱିନ୍ ନାରୁଡ଼୍‍କ୍ ସାଏତ୍ ଜିନିଷ୍ ତେ ନିଇତ୍‌ତଣ୍ଡ୍‌,
\q2 ସାଉକାର୍ ନାରୁଡ଼୍‍କ୍ ଆସାମ୍ କାଇଦେ ରହସ୍ ମିନ୍ଦେଣ୍ଡ୍ ।
\q1
\v 54 ମା ପିତୃପୁରୁଷତେ ସେଙ୍ଗେ କେତ୍‍ତାଦ୍ ଅନ୍‌‍ୱାଦ୍ ବାକ୍ୟଲେକାମ୍ ତେ ଅଣ୍ଡ୍‌ ଆବ୍ରାହାମ୍ ନୁ ତାନ୍ ମାର୍‍କିଡ୍ ସେଙ୍ଗେ,
\q1
\v 55 ଯୁଗ୍‍ଯୁଗ୍ ଦୟା ହେର୍କା ମାଡ଼ାନ୍ ସେଙ୍ଗ୍ ଅବ୍ରାହାମ୍‌ ନୁ ତାନ୍‍ ଦାସ୍ ଇସ୍ରାଏଲ ତେ ଉପକାର୍ ମାଡ଼ତଣ୍ଡ୍ ।”
\p
\v 56 ମେଣ୍ଡେ, ମରୀୟମ୍‍ ତାନ୍ ତଡ଼୍ ମୁଣ୍ଡ୍ ନେଲଞ୍ଜ୍ ମାଞ୍ଜ୍ ତାମ୍ ଲୋନ୍‌ ମାଲ୍‍ସ୍ ଆତ୍‍ତେ ।
\s ବାପ୍ତିସ୍ମ ଯୋହନ୍‌‌ତେ ଜନମ୍
\p
\v 57 ପେର୍‍କେ ଏଲୀଶାବେତ୍‌ ତେ ସାୟେ ମାଡ଼ାନ୍ ଅଦାନ୍‌ଦିନାମ୍‌ ଦିନାମ୍ ହେୱତାଙ୍କ୍, ଆଦ୍ ୱେର୍‍ଣ୍ଡ୍ ମାର୍‍ ଜନମ୍ ମାଡ଼୍‍ତେ, 
\v 58 ମେଣ୍ଡେ ପ୍ରବୁ ଯେ ତାନ୍ ମାଇଦିଙ୍କ୍ ଗାଟି ଦୟା ମାଡ଼୍‍ତଣ୍ଡ୍, ଇଦ୍ କେଞ୍ଜି ତାମ୍ ଗାରେତଡ଼୍ ନୁ ଲୋତେନଡ୍ ତାନ୍ ତୋଡ୍ କାଇଲି ସାର୍‍ଦେ ମାଡ଼୍‍ତଡ଼୍ ।
\p
\v 59 ଆଟ୍‌ ଦିନାତିଙ୍କ୍ ଅଡ଼୍‌‍ ବାବୁଙ୍କ୍ ହେକ୍ ମାଡ଼ାଙ୍କ୍\f + \fr ୧:୫୯ \fr*\ft ନାରୁଡ଼୍ ଡ଼ାଦ୍ ଲିଙ୍ଗତେ ମୁନେତ୍ ତଲ୍‍କା କଇଦାନଙ୍କ୍ ହେକ୍ କେତିତଡ଼୍\ft*\f* ୱାତତୋଡ୍ ନୁ ତାମ୍ ବାବାନ୍ ପେଦେର୍ ଲେକାମ୍ ଅନ୍‌ ପେଦେର୍ ଜିକରୀୟ ହିଦାଙ୍କ୍ ଇଚ୍ଛା ମାଡ଼୍‍ତଡ଼୍ । 
\v 60 ବାତେଙ୍କ୍ ଇତ୍କେ ତାମ୍ ୟାୟ କେତ୍‍ତେ, “ଇଲ୍‍ଲେ, ଅନ୍‌ ପେଦେର୍ ଯୋହନ୍‌ ଆଦ୍ ତେ ।”
\p
\v 61 ଅଡ଼୍‌‍ ତାକିଂଙ୍କ୍ କେତ୍‍ତଡ଼୍‍, “ମି ଆତ୍ମାତେ ନାରୁଡ଼୍ ଲୋପ୍ ତ ବେନନାଦ୍ ଇସତ୍ ପେଦେର୍ ଇଲ୍‍ଲେ ।” 
\v 62 ଇଗେ ଅଂକିଙ୍କ୍‌ ବାତ୍ ପେଦେର୍ ହିଦାନାଦ୍ ହିଞ୍ଜ ତାମ୍ ବାବାଲ୍ ଇଚ୍ଛା ମାଡ଼ୁତଣ୍ଡ୍, ଆଦ୍ ଅଡ଼୍‌‍ ଅଂକିଙ୍କ୍‌ ଚିନ୍ନେ ମାଡ଼ି ପଚାର୍ ମାଡ଼୍‍ତଡ଼୍ ।
\p
\v 63 ଆଗେ ଆଦ୍ ୱେରନ୍ ଲେକ୍‍ତଦ୍ ଇଦ୍ ଲେକାମ୍ ଲେକ୍‍ତଣ୍ଡ୍, “ଅନ୍‌ ପେଦେର୍ ଯୋହନ୍‌ ।” ଇଗେ ସାର୍‍ରେ ତୋଡ୍ ଦାଦ୍‍ରେଲ୍‍ତଡ଼୍ । 
\v 64 ମେଣ୍ଡେ, ସେନେକ୍ ତିଙ୍କ୍ ତାନ୍ ପାୟୁର୍ ନୁ ୱାଞ୍ଜେର୍ ଟେଣ୍ଡି ଆତ୍‍ତେ ନୁ ମେଣ୍ଡନ୍ଦାମ୍ ଅଣ୍ଡ୍‌ ଗଟ୍‍ତିର୍‍ୟି ପରମେଶ୍ୱର୍‍ ତେ ପ୍ରସଂଶା ମାଡ଼ାଙ୍କ୍ ପସ୍‍ପିତ୍‍ତଣ୍ଡ୍ । 
\v 65 ଇଗେ ତାମ୍ ଗାର୍‍ରେତଡ଼୍ ସାରେ ୱେର୍‍ତଡ୍, ମେଣ୍ଡେ ଇଦ୍ ସାରେ ଗଟ୍ ଯିହୁଦା ଦେଶ୍ ତେ ମେଣ୍ଡନ୍ ଅଞ୍ଚଲତ୍ ସାରେ ପାକେତ୍ ନାରୁଡ଼୍ ତିରିୟା ତିରିୟି ଆତ୍‍ତଡ଼୍, 
\v 66 ମେଣ୍ଡେ କେଞ୍ଜାନ୍ ନାରୁଡ଼୍ ସାରେତଡ଼୍ ଆଦ୍ ସାରେ ନିଜ୍‍ନିଜ୍ ହୃଦୟ୍‍ତାଗ୍ ନେଏସ୍ କେତ୍‍ତଡ଼୍‍, “ଇ ବାବୁ ଆଲାତ୍କେ ବାତ୍ ଆଦ୍‌ତଣ୍ଡ୍ ? ବାତେଙ୍କ୍ ଇତ୍କେ ପ୍ରବୁନ୍ କାୟ୍ ଅନ୍‌‍ତଡ଼୍ ମିନ୍ଦେ ।”
\s ଜିକରୀୟତେ ବାବବାନି
\p
\v 67 ମେଣ୍ଡେ, ତାମ୍ ବାବାଲ୍ ଜିକରୀୟ ପବିତ୍ର ଆତ୍ମାତେ ପୁରା ଆସ୍ ଇଦ୍ ବାବବାନି କେତ୍‍ତଣ୍ଡ୍,
\q1
\v 68 “ଇସ୍ରାଏଲ୍ ତେ ଇଶ୍ୱର୍‌ତାଦ୍ ପ୍ରସଂଶା ଆୟି,
\q2 ବାତେଙ୍କ୍ ଇତ୍କେ ଅଣ୍ଡ୍‌ ଦାୟାମାଡ଼ି ତାମ୍ ନାରୁଡ଼୍‍କ୍ ତେ ସେଙ୍ଗ୍ ମୁକ୍ତି ତିଆର୍ ମାଡ଼ିମିନ୍ଦେଣ୍ଡ୍;
\q1
\v 69 ଅଣ୍ଡ୍‌ ତାମ୍ ଦାସ୍ ଦାଉଦ୍‍ ତେ ବଂଶତ୍ ୱେର୍‍ଣ୍ଡ୍ ଶକ୍ତିନଡ଼୍ ପରିତ୍ରାଣ୍‍କର୍ତ୍ତାଙ୍କ୍ ମା ସେଙ୍ଗ୍ ରହ୍‍ତଣ୍ଡ୍
\q1
\v 70 ପୁରାକାଲ୍‌ଦେ କଞ୍ଜ୍ ତାମ୍ ପବିତ୍ର ବାବବାଦୀ ନାରୁଡ଼୍ ତେ ପାୟୁର୍ ତଡ଼୍ ବେଦ୍ ପୁଟୁଙ୍କ୍ କେସ୍ ମାତ୍‍ତଡ଼୍,
\q2
\v 71 ଆଦ୍ ରକମ୍ ମାନ୍‍ ଶତ୍ରୁଡ଼ାଗାଙ୍କ୍ ନୁ ମାନ୍‍ ସାରେ ପାସ୍‍କାନ୍ ନାରୁଡ଼୍ ତେ କାଇଦେକଞ୍ଜ୍ ପରିତ୍ରାଣ ତିଆର୍ ମାଡ଼ି ମିନ୍ଦେଡ଼୍,
\q1
\v 72 ବେଲା କି ଅଣ୍ଡ୍‌ ମା ଆନିଦାଦିଡ଼୍ ସେଙ୍ଗେ ଦୟା ବ୍ୟବହାର୍ ମାଡ଼ିତନ୍, ନୁ ଅଡ଼୍‌‍ ସେଙ୍ଗେ ମାଡ଼ିମାନ୍ଦାନ୍ ନିଜର୍ ପବିତ୍ର ନିୟମ୍ ହେର୍କା ମାଡ଼ିତନ୍,
\q1
\v 73 ମାନ୍‍ ବାବାଲ୍ ଅବ୍ରାହାମ୍‌ତେ ଗାର୍‍ରେ ବେନେ ଶପତ୍‍ ମାଡ଼ିମାତ୍‍ତଣ୍ଡ୍, ତାମ୍ଆଦ୍ ଆଦ୍ ପବିତ୍ର ନିୟମ୍ ହେର୍କା ମାଡ଼ିତନ୍ ।
\q2
\v 74 ମାନାଡ଼୍ ମାନ୍‍ ଶତ୍ରୁଡ଼ାଗାଙ୍କ୍ ଉଦ୍ଦାର୍‍ ଆତ୍‍ତାଡ଼୍,
\q2
\v 75 ବେଲା କି ମାନାଡ଼୍ ମାୟାଦ୍‌ ସାରେଜିୱୁଣ୍ଡ୍ ଅନ୍‌ ମୁନ୍‍ନେ ପବିତ୍ର ନୁ ଦାର୍ମିକ୍ ଆଦ୍ ପାର୍‍ଦ୍‍ତା ।
\q1
\v 76 ହୋ ନା ମାର୍‍ ନିମେ ସାରେତିଙ୍କ୍ ପର ଇଶ୍ୱର୍‌ତେ ୱେର୍‍ଣ୍ଡ୍ ବାବବାଦୀ ଲେକାମ୍ ତିଆର୍ ଆଦ୍‍ତିଡ଼୍ । ନିମେ ପ୍ରବୁନ୍ ୱେର୍‍ଣ୍ଡ୍ ଅଗ୍ରଦୂତ ଲେକାମ୍ ଅନାଦ୍‌ ହାର୍ ତିଆର୍ ମାଡ଼ିତି ।
\q1
\v 77 ପାପ୍ କ୍ଷମା ଆଦାନ୍ ତଡ଼୍ ଅଡ଼୍‌‍କିଂଙ୍କ୍ ଯେ ପରିତ୍ରାଣ ଦର୍‍କିତେ, ତାମ୍ ନାରୁଡ଼୍‍କ୍ ଇଦ୍ ଗଟ୍ କେତାଙ୍କ୍ ଆତ୍‌ତେ ।
\q1
\v 78 ମାନ୍‍ ଇଶ୍ୱର୍‌ କୃପା ନୁ କୋମଲ ହୃଦୟ୍ ଅଣ୍ଡ୍‌ ମାନ୍‍ ସେଙ୍ଗେ ପରିତ୍ରାଣତେ ପଡ଼ଦ୍ ପେସ୍‍ପିତଣ୍ଡ୍ ।
\q2
\v 79 ବେନଡ଼୍ ଡଲାନ୍ ଲେକାମ୍ ଇକାଡ଼୍ ନିଡ଼୍‍କେତାଗ୍ ବାଦ୍‍କିତଡ଼୍, ଅଡ଼୍‌‍କିଂଙ୍କ୍ ଶାନ୍ତି ହାର୍ ତେ ଆଦାନ୍ ସେଙ୍ଗେ ଅଣ୍ଡ୍‌ ସାରେତଡ଼୍ ପରୁ ସ୍ୱର୍ଗତେ ୱେସ୍ ମାଡ଼ିତନ୍ ।”
\p
\v 80 ମେଣ୍ଡେ, ବାବୁ ପେର୍‍ସି ଆତ୍ମାତେ ଶକ୍ତିତଣ୍ଡ୍‌ ଆଦାଙ୍କ୍ ପସ୍ପ୍‍ତଣ୍ଡ୍ ନୁ ଇସ୍ରାଏଲତେ ଗାର୍‍ରେ କେଲ୍‍ୱାଙ୍କ୍ ହାଇୱା ଯାକ୍ ଆଞ୍ଚିନା ମାତ୍‍ତଣ୍ଡ୍ ।
\c 2
\s ଜିସୁନ୍ ଜନମ୍
\r (ମାତିଉ ୧:୧୮-୨୫)
\p
\v 1 ଆଦ୍ ଦିନାମ୍‍ତେ ରୋମ୍‍ ରାଜ୍ୟ ସମ୍ରାଟ୍ ଅଗଷ୍ଟ କାଇସର୍‍ତେ ତଡ଼୍ ଦେଶ୍‍ତେ ସାରେ ନାରୁଡ଼୍ ପେଦେର୍ ଲେକାନ୍‍ ସେଙ୍ଗେ ଗଟ୍ କେତାନଙ୍କ୍ । 
\v 2 ସିରିଆତେ ଶାସନ୍‍ କର୍ତ୍ତାଲ୍ କ୍ୱିରୀଣିୟତେ ୱେଲେ ମୁନେ ଦାମ୍ଇଦ୍ ପେଦେର୍ ଲେକାନାଲ୍‌ଦ୍ ଆସ୍ ମାତ୍‍ତେ । 
\v 3 ଆଦିନ୍ ସେଙ୍ଗେ ସାରେତଡ଼୍ ପେଦେର୍ ଲେକାମାଡ଼ାନ୍ ସେଙ୍ଗେ ନିଜେ ନିଜେ ନଗର୍‍ତାଗ୍ ଆଦ୍‍ତଡ଼୍ ।
\p
\v 4 ମେଣ୍ଡ, ଯୋଷେପ୍ ମିକା ପେଦେର୍ ଲେକାମାଡ଼ାନ୍ ସେଙ୍ଗେ ମରୀୟମ୍‍‍ତଡ୍ ଗାଲିଲୀତେ ନାଜରିତିୟ ନଗର୍‍ ତାଗାଙ୍କ୍ ଯିହୁଦା ନାର୍‍ଦେ ବେତ୍‌ଲିହିମ୍‌ ପେଦେର୍ ଡ଼ାଦ୍ ଦାଉଦ୍‍ ତେ ନଗର୍‍ତାଗ୍ ଆତ୍‍ତଡ଼୍, ବାତେଙ୍କ୍ ଇତ୍କେ ଅଣ୍ଡ୍‌ ଦାଉଦ୍ ତେ ବଂଶ ନୁ ନାର୍‍ଦେ ନାରୁଡ଼୍ ମାତ୍‍ତଣ୍ଡ୍; 
\v 5 ଅନ୍‌ ତଡ଼୍ ମରୀୟମ୍‍ ତେ ଯୱ ଆସ୍ ମାତ୍‍ତେ ନୁ ଆଦ୍ ଡଙ୍କେତ୍ ମାତ୍‍ତେ । 
\v 6 ଅଡ଼୍‌‍ ଆଦ୍ ପଡ଼ିୟେତାଗ୍ ମାନ୍ଦାନ୍ ୱେଲେ ତାନ୍‍ୱାଦ୍ ପିଲେ ଜନମ୍ ମାଡ଼ାନ୍ ଦିନାମ୍ ୱାସ୍ ହେୱେତେ, 
\v 7 ମେଣ୍ଡେ ଆଦ୍ ତାନ୍ ମୁନେ ଜନମ୍‍ତେ ମାର୍‍ ଜନମ୍ ମାଡ଼୍‍ତେ ନୁ ଅଂକିଙ୍କ୍‌ ସିଲେତଡ୍ ଉତ୍‍ତି ଗୋଡ୍ କଟାମ୍ ତାଗ୍ ପଡ଼୍‍ପ୍‍ତଡ଼୍, ବାତେଙ୍କ୍ ଇତ୍କେ ବାଡ଼ା ଲୋନ୍‌‍ତାଗ୍ ଅଡ଼୍‌‍ ସେଙ୍ଗେ ପଡ଼ିୟ୍ ଇଲ୍ୱେ ମାତ୍‍ତେ ।
\s ମେଣ୍ଢା ପଡ଼ପାନଡ୍ ଜିସୁନ୍ ଜନମ୍ ତେ କାବୁର୍‍ ଦର୍‍କ୍‍ତେ
\p
\v 8 ଆଦ୍ ପଡ଼ିୟେତାଗ୍ ବେସ୍‍କ୍‍ତୁଡ଼୍‍ ମେଣ୍ଢା ମେଇତାନଡ୍ ବାଇଦେ ମାଞ୍ଜ୍ ଇକାଡ଼୍ ତେ ତାମ୍ ମେଣ୍ଢାଙ୍କ୍ କେପ ମାତ୍‍ତଡ଼୍ । 
\v 9 ପ୍ରବୁନାଦ୍ ୱେର୍‍ଣ୍ଡ୍ ଦୂତ ଅଡ଼୍‌‍ ଗାର୍‍ରେ ତଅନ୍‍ତଣ୍ଡ୍, ମେଣ୍ଡେ ପ୍ରବୁନାଦ୍ ଗୌରବ୍ ୱେସ୍ ଅଡ଼୍‌‍ ସାର୍‍ରେପାକେ ତନ୍ଦ୍‍ତେ, ମେଣ୍ଡେ ଅଡ଼୍‌‍ ୱେର୍‍ତଡ଼୍ । 
\v 10 ଆଗେତିନ୍‍ସ୍ ଦୂତ ଅଡ଼୍‌‍କିଂଙ୍କ୍ କେତ୍‍ତେ, “ୱେର୍‍ମାଟ୍, ଉଡାଟ୍, ନାନ୍ ସାରେତଡ଼୍ ନାରୁଡ଼୍ ଡ଼ାଦ୍ ଗାଟି ୱେଡ଼୍‍କେ ତେ ସୁସମାଚାର୍ ମିକିଂଙ୍କ୍ କେତୁତାନ୍, 
\v 11 ବାତେଙ୍କ୍ ଇତ୍କେ ନେଣ୍ଡ୍ ଦାଉଦ୍‍ ତେ ନାର୍ ତାଗ୍ ମି ସେଙ୍ଗେ ତ୍ରାଣକର୍ତ୍ତାଲ୍ ଜନମ୍ ଆତ୍‍ତଣ୍ଡ୍, ଅଣ୍ଡ୍‌ କ୍ରିଷ୍ଟ ପ୍ରବୁ । 
\v 12 ମେଣ୍ଡେ, ମି ସେଙ୍ଗେ ଇଦ୍ ଚିହ୍ନେ ଲେକାମ୍ ଆଦ୍‍ତ୍‍ତେ, ମିଡ଼୍ ୱେର୍‍ଣ୍ଡ୍ ବାବୁଙ୍କ୍ ସିଲ୍‍ଲେ ତାଗ୍ ଉତ୍‍ତି ମିକା ଗୋଡ୍ କଟାମ୍ କୁଣ୍ଡତାଗ୍ ଉଞ୍ଜି ମାନ୍ଦାନାଦ୍ ଉଡ଼ିତିଡ଼୍‍ ।”
\p
\v 13 ମେଣ୍ଡେ, ତାନ୍ ପେର୍‍କେ ଆଦ୍ ଦୂତକିନ୍ ତଡ଼୍ ସ୍ୱର୍ଗକନ୍‍ସ୍ ଦୂତକିନ୍ ୱେରନ୍ ବେଡ଼୍‍ୟାଦ୍‍ ମାନ୍ଦେ ତହନ୍ଦି ଇଶ୍ୱର୍‌ତେ ପ୍ରସଂଶା ମାଡ଼ି କେତ୍‍ତା,
\q1
\v 14 “ସ୍ୱର୍ଗତାଗ୍ ଇଶ୍ୱର୍‌ତେ ମହିମା, ମେଣ୍ଡେ ପୃତିବିତାଗ୍ ଅନ୍‌ ଶାନ୍ତି ନାରୁଡ଼୍ ତେ ସେଙ୍ଗେ ଶାନ୍ତି ଆୟି ।”
\p
\v 15 ଦୂତକି ତାମାଗା କଞ୍ଜ୍ ସ୍ୱର୍ଗତାଗ୍ ମାଲ୍‍ସ୍ ଆତ୍‍ତେ ସାଙ୍ଗେ ସାଙ୍ଗେ “ମେଣ୍ଢା ପଡ଼୍‍ପାନଡ଼୍ ତାମ୍‍ତାମ୍ ଲୋପେ କେତାକେତି ଆତ୍‍ତଡ଼୍, ୱାଡ଼ାଟ୍, ମାନାଡ଼୍ ବେତ୍‌ଲିହିମ୍‌ ହେଉନା ଆଞ୍ଜ୍, ପ୍ରବୁ ମାନ୍‍ ଇଦ୍ ବେନେ ଗଟନା କେତ୍‍ତଣ୍ଡ୍, ଆଦିଙ୍କ୍ ଉଡ଼ିକାଡ଼୍‍ ।”
\p
\v 16 ଇଗେ ଅଡ଼୍‌‍ ସିଟ୍‍ପାଟ୍ ଆଞ୍ଜ୍ ମେଦ୍‍କି ମିକା ମରୀୟମ୍‍ ନୁ ଯୋଷେପ୍ ତିଙ୍କ୍, ମେଣ୍ଡେ କଟାମ୍ କୁଣ୍ଡତାଗ୍ ବାବୁ ଉଞ୍ଜି ମାନ୍ଦାନାଦ୍ ଉଡ଼୍‌ତଡ୍ । 
\v 17 ଅଡ଼୍‌‍ ଅଂକିଙ୍କ୍‌ ଉଡ଼ି ଆଦ୍ ବାବୁନ୍ ବିଷୟତେ ଦୂତ୍‍କ୍ ଅଡ଼୍‌‍କିଂଙ୍କ୍ ବେନ୍ ଗଟ୍ କେସ୍ ମାତ୍‍ତଡ଼୍, ଆଦ୍ ପ୍ରକାଶ୍ ମାଡ଼୍‍ତଡ଼୍, 
\v 18 ମେଣ୍ଡେ ବେସ୍‍କ୍‍ତୁଡ଼୍‍ ନାରୁଡ଼୍ ମେଣ୍ଢା ପଡ଼୍‍ପାନଡ଼୍ ଦେ କଞ୍ଜ୍ ଆଦ୍ ସାରେ ଗଟ୍ କେଞ୍ଜ୍ ତଡ଼୍, ଅଡ଼୍‌‍ ସାରେତଡ଼୍ ଆଗେ ଦାଦ୍‍ରେଲ୍‍ତଡ଼୍ । 
\v 19 ବାତେଙ୍କ୍ ଇତ୍କେ ମରୀୟମ୍‍ ଇଦ୍ ସାରେ ଗଟ୍ ହୃଦୟ୍ ତାଗ୍ ନେସ୍‍ଗାଟି ଚିନ୍ତେ ମାଡ଼ାଙ୍କ୍ ପସ୍‍ପ୍‍ତେ । 
\v 20 ମେଣ୍ଡେ, ମେଣ୍ଢା ପଡ଼୍‍ପାନଡ଼୍‍କିଙ୍କ୍ ଦୂତ୍ ବେଲା କେସ୍ ମାତ୍‍ତଡ଼୍, ଆଦ୍ ଲେକାମ୍ ଅଡ଼୍‌‍ ବାତେଏ କେଞ୍ଜ୍‍ତଡ଼୍‍ ନୁ ଉଡ଼୍‌ତଡ୍, ଆଦ୍ ସାରେତାୱିନ୍ ସେଙ୍ଗେ ଇଶ୍ୱର୍‌ତେ ଗୌରବ୍ ନୁ ପ୍ରସଂଶା ମାଡ଼ି ମାଲ୍‍ସ୍ ଆତ୍‍ତଡ଼୍ ।
\s ଜିସୁଙ୍କ୍ ମନ୍ଦିର୍‌ତାଗ୍ ଆତ୍‍ତଡ଼୍
\p
\v 21 \x + \xo ୨:୨୧ \xo*\xt ଲୁକ ୧:3୧.\xt*\x*ଆଟ ଦିନାତେ ଜିସୁଙ୍କ୍ ହେକ୍\f + \fr ୨:୨୧ \fr*\ft ମାନେଇନାଉ ଲିଙ୍ଗତାଦ୍ ମୁନେତ୍ ତଲ୍‍କାତିଙ୍କ୍ କଇଦାନାଦ୍\ft*\f* ମାଡ଼ାନ୍ ସେଙ୍ଗେ ମନ୍ଦିର୍‌ତାଗ୍ ଆତ୍‍ତଡ଼୍, ଅନ୍‌ ପେଦେର୍ ଜିସୁ ହିତ୍‍ତଡ଼୍; ଇ ପେଦେର୍ ଅଣ୍ଡ୍‌ ଡଙ୍କେତ୍ ମାତ୍‍ତେ ମୁନେଙ୍କ୍ ଦୂତ ଇସ୍‌ ମାତ୍‍ତା । 
\v 22 ପେର୍‍କେ ବେସୁଣ୍ଟ୍ ମଶାନାଦ୍ ବ୍ୟବସ୍ଥା ଲେକାମ୍ ତେ ତାମ୍‍ୱାଦ୍ \f + \fr ୨:୨୨ \fr*\ft ଲେବୀ୧୨.୬-୮\ft*\f*ସୁସ୍ଥ ଆଦାନ୍ ଦିନାମ୍ ସାରେ ଆତ୍‍ତେ, ତ ଅଡ଼୍‌‍ ବାବୁଙ୍କ୍ ପ୍ରବୁନ୍ ଗାର୍‍ରେ ଉତ୍ସର୍ଗ ମାଡ଼ାଙ୍କ୍ ସେଙ୍ଗେ ଯିରୁଶାଲେମ୍‍ତାଗ୍ ମନ୍ଦିର୍‌ତାଗ୍ ଆତ୍‍ତଡ଼୍ । 
\v 23 ବେଲା ପ୍ରବୁନ୍ ବ୍ୟବସ୍ଥା ଶାସ୍ତ୍ରତାଗ୍ ଲେକ୍‍ତାଦ୍ ଲେକାମ୍ ଆସୁଣ୍ଟ୍ ସାର୍‍ରେତଡ୍ ମୁନେ ଜନମ୍ ଆତ୍‍ତେ ପିଲାଙ୍କ୍ ମାର୍‍କିଡ଼୍ ପ୍ରବୁନ୍ ଉଦ୍ଦେଶ୍ୟତେ ପବିତ୍ର ହିଞ୍ଜ ଗଣିତ ଆଦ୍‍ତଡ଼୍, 
\v 24 ମେଣ୍ଡେ ମିକା ଇଦ୍ ଗଟ୍ ଲେକାମ୍ ତେ ତାମ୍ ପ୍ରବୁନ୍ ଉଦ୍ଦେଶ୍ୟତେ ଉତ୍ସର୍ଗ ମାଡ଼ାନ୍ ସେଙ୍ଗେ ନୁ ପ୍ରବୁନ୍ ବ୍ୟବସ୍ଥା ଶାସ୍ତ୍ରତାଗ୍ ଲେକାଆତ୍‍ତେ ବିଷୟ ଲେକାମ୍ ତେ ରେଣ୍ଡ୍ ବଡେ ବା ରେଣ୍ଡ୍ ପାର୍‍ୱେ ପିଟେ ପିଲା ବଲିଦାନ୍ ମାଡ଼ାନ୍ ସେଙ୍ଗେ ଅଂକିଙ୍କ୍‌ ଯିରୁଶାଲେମ୍ ତାଗ୍ ହତ୍‍ତଡ଼୍ ।
\s ଶିମୀୟୋନ ନୁ ହାନ୍ନା ଜିସୁଙ୍କ୍ ଉଡ଼୍‌ତଡ଼୍
\p
\v 25 ମେଣ୍ଡେ ଉଡାଟ୍, ଯିରୁଶାଲେମ୍ ତାଗ୍ ଶିମୀୟୋନ ପେଦେର୍ ତଣ୍ଡ୍ ୱେର୍‍ଣ୍ଡ୍ ଦାର୍ମିକ୍ ନୁ ଲେକେତ୍ ନାରୁଡ଼୍ ମାତ୍‍ତଣ୍ଡ୍; ଅଣ୍ଡ୍‌ ଇସ୍ରାଏଲ ତେ ଉଦ୍ଦାର୍‍ କର୍ତ୍ତାନ୍ କେପି ମାତ୍‍ତଣ୍ଡ୍, ମେଣ୍ଡେ ପବିତ୍ର ଆତ୍ମା ଅନ୍‌ ତଡ଼୍ ମାତ୍‍ତେ । 
\v 26 କ୍ରିଷ୍ଟନ୍ ଉଦ୍ଦାର୍ କର୍ତ୍ତାଲ୍ ତନ୍ଦ୍‍ୱେ କଟ ଅନ୍‌‍ୱାଦ୍ ଯେ ଡଲାନାଦ୍ ଆୟ୍‍ୟ, ପବିତ୍ର ଆତ୍ମା ତଡ଼୍ ଅଂକିଙ୍କ୍‌ ଇଦ୍ ଗଟ୍ କେସ୍ ମାତ୍‍ତଡ଼୍ । 
\v 27 ଅଣ୍ଡ୍‌ ଆତ୍ମାତେ ତଡ଼୍ ଚାଲେମ୍ ଆସ୍ ମନ୍ଦିର୍‌ ତାଗ୍ ଆତ୍‍ତଣ୍ଡ୍, ମେଣ୍ଡେ ସୁଦୁନ୍ ଜିସୁନ୍ ୟାୟବାବ ବେସୁଣ୍ଟ୍ ତାନ୍ ବିଷୟତେ ବ୍ୟବସ୍ଥାତେ ପାଲନ୍ ଲେକାମ୍ ପାଡ଼ିୟି ମାଡ଼ାନ୍ ସେଙ୍ଗେ ଅଂକିଙ୍କ୍‌ ମନ୍ଦିର୍‌ ଲୋପେ ତାତ୍‍ତଡ଼୍, 
\v 28 ଆସୁଣ୍ଟ୍ ଶିମୀୟୋନ ସୁଦୁନ୍ ବାବୁଙ୍କ୍ ଏତି ଇଶ୍ୱର୍‌ ତିଙ୍କ୍ ଦନ୍ୟବାଦ୍ ଇସ୍‌ କେତ୍‍ତଣ୍ଡ୍,
\q1
\v 29 “ହୋ ପ୍ରବୁ, ଇଞ୍ଜେ ନିମେ ନି ବାକ୍ୟ ଲେକାମ୍ ତେ
\q2 ନିଜ୍ ଦାସଙ୍କ୍ ଶାନ୍ତିତେ ଆଦାଙ୍କ୍ ଗଟ୍ ହିସମିନ୍ଦେନି;
\q1
\v 30 ବାତେଙ୍କ୍ ଇତ୍କେ ନା କଣ୍ଡେ ନିୱାଦ୍ ପରିତ୍ରାଣ ଉଡିମିନ୍ଦେ,
\q2
\v 31 ବାତେଏ ମିଡ଼୍ ସାରେତଡ଼୍ ନାରୁଡ଼୍ ତେ ମୁନ୍‍ନେ ତିଆର୍ ମାଡ଼ିମିନ୍ଦେଡ଼ି,
\q1
\v 32 ମେଣ୍ଡେ ବିଜାତିନାରୁଡ଼୍‍କ୍ ସତ୍ ତଅତାନ୍ ୱେସ୍,
\q2 ମେଣ୍ଡେ ମି ନାରୁଡ଼୍ ଇସ୍ରାଏଲତଡ଼୍‍କ୍ ଗୌରବ୍ ମାଡ଼୍‍ତି ।”
\p
\v 33 ପିଲେତ୍ ବିଷୟତେ ଶିମୀୟନ୍ ବାତେଏ କେତ୍‍ତଣ୍ଡ୍ ଆଦ୍ କେଞ୍ଜି ତାମ୍ ୟାୟବାବ ବାକ୍‍ୱା ଆସମାତ୍‍ତଡ୍ । 
\v 34 ମେଣ୍ଡେ, ଶିମୀୟୋନ ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ି ତାମ୍ ୟାୟ ମରୀୟମ୍‍ ତିଙ୍କ୍ କେତ୍‍ତେ, “ଉଡ଼େ ଇଣ୍ଡ୍ ପିଲେତ୍ ମାଇଦିଙ୍କ୍ ଇସ୍ରାଏଲତେ ଲୋପେକେ ନାର୍ଗେ ନାରୁଡ଼୍ ଦଷି ଆଦ୍‍ତଡ଼୍ ନୁ ନାର୍ଗେ ନାରୁଡ଼୍ ଉଦ୍ଦାର୍ ଆଦ୍‍ତଡ଼୍, ଇଦିନ୍ ସେଙ୍ଗେ ଇଶ୍ୱର୍‌ତେ ତଡ଼୍ ହେଞ୍ଜ୍‍ତାଦ୍ । ବେନନ୍ ବିରୁଦ୍‍ତେ ନାର୍ଗେ ନାରୁଡ଼୍ ଗଟ୍ କେତିତଡ଼୍ ଇଦ୍ ରକମ୍ ଚିହେହ୍ନେ ଲେକାମ୍ ଆଦ୍‍ତନ୍ । 
\v 35 ନାର୍ଗେ ଅଂକିଙ୍କ୍‌ ବିରୁଦ୍ ମାଡ଼ି ନିଜର୍ ହୃଦୟ୍‍ତାଗ୍ ମିସ୍‍ତାଦ କେତ୍‍ତଡ଼୍ । ଦୁଃକାମ୍ ରକମ୍ ୱେରନ୍ ୱାୟେମାନ୍ଦାନ୍ ଚୁର୍‌ତଡ଼୍ ହୃଦୟ୍ ତିଙ୍କ୍ ଦର୍‍ରେ ମାଡ଼ିତଡ଼୍ ।”
\p
\v 36 ମେଣ୍ଡେ, ହାନ୍ନା ପେଦେର୍ ତେ ୱେର୍‍ଡ୍ ଡକ୍‍ରିଲ୍ ବାବବାଦୀନି ମାତ୍‍ତେ; ଆଦ୍ ଆଶେର୍ ବଂଶତାଦ୍ ପିନୂୟେଲ ତେ ପିକିଡ଼୍ । ଆଦିନାଦ୍ ଗାଟି ବୟଷ୍ ଆସ୍ ମାତ୍‍ତେ; ଆଦ୍ କୁମାରୀ ଅବସ୍ଥାତେ ପେର୍‍କେ ସାତ୍‍ହେଣ୍ଡ୍ ମୁଦ୍‍ପାନ୍‍ ତଡ଼୍ ମାତ୍‍ତେ ନୁ ଚୁଉରାଅଶୀ ୱାଡ଼୍‍ଷା ହେଉନା ରାଣ୍ଡିଲ୍ ମାତ୍‍ତେ । 
\v 37 ଆଦ୍ ମନ୍ଦିର୍‌ତିଙ୍କ୍ ୱିଡ଼୍‍ସ୍‍ୱେ କଞ୍ଜ୍ ବାୟିଦେ ଆନ୍‌‍ୱମାତ୍‍ତେ, ଉପବାସ୍ ନୁ ପ୍ରାର୍ତନା ତଡ଼୍ ନାର୍କେପାୟାଲ ଉପବାସ୍ ମାଡ଼ମାତ୍‍ତେ । 
\v 38 ଆଦ୍ ଦିନାମ୍‍ତେ ଆଦ୍ ଉପସ୍ଥିତ୍ ଆସ୍ ଇଶ୍ୱର୍‌ତେ ପ୍ରସଂଶା ମାଡ଼ମାଡ଼ ଯିରୁଶାଲେମ୍‍ତେ ମୁକ୍ତି କେପି ମାନ୍ଦାନ୍ ସାରେତଡ଼୍‍କିଙ୍କ୍ ଜିସୁନ୍ ବିଷୟ କେସମାତ୍ତେ ।
\s ଯୋଷେପ୍ ନୁ ମରୀୟମ୍ ନାଜରିତିୟ ତାଗ୍ ମାଲ୍‍ତଡ଼୍
\p
\v 39 \x + \xo ୨:3୯ \xo*\xt ମାତିଉ ୨:୨3.\xt*\x*ପେର୍‍କେ ଅଡ଼୍‌‍ ପ୍ରବୁନ୍ ବ୍ୟବସ୍ଥାଲେକାମ୍ ସାରେ ପାଡ଼ିୟି ତେର୍‍ସ୍‍ପି ମିକା ଗାଲିଲୀତେ, ନିଜ୍ ନଗର୍‍ ନାଜରିତିୟ ତାଗ୍ ମାଲ୍‍ତଡ୍ । 
\v 40 ମେଣ୍ଡେ, ସୁଦୁନଣ୍ଡ୍ ବେଡ଼େୟନ୍ ଆତ୍‍ତଣ୍ଡ୍ ନୁ ବୁଦ୍‍ତେ ସାରେ ଆସ୍‍ସ ଆସ୍‍ସ ଶକ୍ତିନଡ଼୍ ଆତ୍‍ତଣ୍ଡ୍, ମେଣ୍ଡେ ଇଶ୍ୱର୍‌ତାଦ୍ ଅନୁଗ୍ରହ ଅନ୍‌ ପରୁ ମାତ୍‍ତେ ।
\s ମନ୍ଦିର୍‌ତାଗ୍ ସୁଦୁନ୍ ଜିସୁ
\p
\v 41 ଜିସୁନ୍ ୟାୟବାବ ସାରେ ହେଣ୍ଡ୍ ନିସ୍ତାର୍ ପାଣ୍ତୁତେ ୱେଲେ ଯିରୁଶାଲେମ୍‍ତାଗ୍ ଆଞ୍ଜମାତ୍‍ତଡ଼୍ । 
\v 42 ଜିସୁନ୍ ବାର ହେଣ୍ଡ୍ ତେ ୱେଲେ ଅଡ଼୍‌‍ ରୀତି ଲେକାମ୍ ତେ ଯିରୁଶାଲେମ୍ ପାଣ୍ଡୁମ୍‍ତାଗ୍ ଆତ୍‍ତଡ଼୍ । 
\v 43 ପାଣ୍ଡୁତେ ସମୟ୍ ତେର୍‍ସ୍‍ପି ମିକା ବେସୁଣ୍ଟ୍ ଅଡ଼୍‌‍ ମାଲ୍‍ସ୍ ୱାସମାତ୍‍ତଡ୍, ଆସୁଣ୍ଟ୍ ଇସୁନ୍ ଜିସୁ ଯିରୁଶାଲେମ୍‍ତାଗ୍ ମାତ୍‍ତଣ୍ଡ୍, ମେଣ୍ଡେ ତାନ୍ ୟାୟବାବାଲ୍ ଆଦ୍ ପୁନୱେକଟ୍ ମାତ୍‍ତଡ଼୍ । 
\v 44 ବାତେଙ୍କ୍ ଇତ୍କେ ଅଣ୍ଡ୍‌ ମାନ୍ଦେତାଗ୍ ମିନ୍ଦେଣ୍ଡ୍ ହିଞ୍ଜ ହେର୍କେ ମାଡ଼ି ଅଡ଼୍‌‍ ୱେରନ୍ ଦିନ୍ ତେ ହାର୍ ତାକିଆତ୍‍ତଡ୍, ମେଣ୍ଡେ ଆତ୍ମାତେ ନୁ ପୁତ୍‍ତେ ନାରୁଡ଼୍ ତେ ଲୋପେ ଅଂକିଙ୍କ୍‌ ମେହେକ ମାତ୍‍ତଡ଼୍, 
\v 45 ମେଣ୍ଡେ ଅଂକିଙ୍କ୍‌ ଦର୍‍ସ୍‍କ କଟ ମେହେକ ଯିରୁଶାଲେମ୍‍ତା ମାଲ୍‍ସ୍ ଆତ୍‍ତଡ଼୍ । 
\v 46 ମୁଣ୍ଡ୍ ଦିନାତେ ପେର୍‍କେ ଅଡ଼୍‌‍ ଅଂକିଙ୍କ୍‌ ମନ୍ଦିର୍‌ ତାଗ୍ ଦର୍‍ସ୍‍କ୍‍ତଡ଼୍; ଅଣ୍ଡ୍‌ ପଣ୍ଡିତ୍‍ନାରୁଡ୍ ଲୋପେ କୁଦି ଅଡ଼ାଦ୍‌ ଗଟ୍ କେଞ୍ଜ ମାତ୍‍ତଣ୍ଡ୍ ନୁ ଅଡ଼୍‌‍କିଂଙ୍କ୍ ପଶ୍ନ କେସ ମାତ୍‍ତଣ୍ଡ୍ । 
\v 47 ମେଣ୍ଡେ, ବେସର୍ ନାରୁଡ଼୍ ଅନାଦ୍‌ ଗଟ୍ କେଞ୍ଜ ମାତ୍‍ତଡ଼୍, ସାରେତଡ଼୍ ଅନାଦ୍‌ ବୁଦ୍‍ ନୁ ଉତ୍ତର୍ ତେ ବାକ୍‍ୱା ଆସ୍‍ସ ମାତ୍‍ତଡ଼୍ । 
\v 48 ଅଡ଼୍‌‍ ଅଂକିଙ୍କ୍‌ ଉଡ଼ି ବାକ୍‍ୱା ଆତ୍‍ତଡ଼୍, ମେଣ୍ଡେ ତାମ୍ ୟାୟ ଅଂକିଙ୍କ୍‌ କେତ୍‍ତେ, “ପେକାଲ୍ ମା ସେଙ୍ଗେ ବାତେଙ୍କ୍ ଇଦ୍ ରକମ୍ ବ୍ୟବହାର୍ ମାଡ଼୍‍ତି ? ଉଡ଼େ, ମି ବାବାଲ୍ ନୁ ନାନ୍ ଗାଟି ଦାନ୍ଦେ ଆସ୍ ମିକା ନିକିଂଙ୍କ୍ ମେହେକ୍‍ତମ୍ ।” \fig ଜିରୁଶାଲେମ୍‍ ମନ୍ଦିର୍‍|alt="Temple in Jerusalem" src="lb00250c.tif" size="span" copy="Horace Knowles ©" ref="୨:୪୧"\fig*
\p
\v 49 ଇଗେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ବାତେଙ୍କ୍ ମିଡ଼୍ ନାକିଂଙ୍କ୍ ମେହେକ ମାତ୍‍ତିଡ୍ ? ନା ବାବାନ୍ ଲୋନ୍‌ ମାନ୍ଦାନାଦ୍ ଯେ ନାୱାଦ୍ ପାଡ଼ିୟି, ଇଦ୍ ପୁନ୍‍ୱେକଟ୍ ମାତ୍‍ତିଡ୍ କି ? 
\v 50 ବାତେଙ୍କ୍ ଇତ୍କେ ଅଣ୍ଡ୍‌ ଅଡ଼୍‌‍କିଂଙ୍କ୍ ବେନେ ଗଟ୍ କେତ୍‍ତଣ୍ଡ୍, ଆଦିଙ୍କ୍ ଅଡ଼୍‌‍ ବୁଜେମ୍ ଆଦାଙ୍କ୍ ପାର୍‍ୱଡ୍ ।
\p
\v 51 ପେର୍‍କେ ଅଣ୍ଡ୍‌ ଅଡ଼୍‌‍ ତଡ଼୍ ମାଲ୍‍ସ୍ ନାଜରିତିୟ ତାଗ୍ ୱାତ୍‍ତଣ୍ଡ୍ ନୁ ଅଡ଼ାଦ୍‌ ଗଟ୍ କେଞ୍ଜି ମାତ୍‍ତଣ୍ଡ୍; ମେଣ୍ଡେ, ତାମ୍ ୟାୟ ଇଦ୍ ସାରେ ଗଟ୍ ସାବ୍‍ଦାନ୍ ତଡ଼୍ ତାନ୍ ହୃଦୟ୍ ତାଗ୍ ନେହେତ୍‍ତେ । 
\v 52 ମେଣ୍ଡେ, ଜିସୁ ବୁଦ୍‍ ତେ ନୁ ମେନ୍ଦୁଲ୍ ତେ, ମେଣ୍ଡେ ଇଶ୍ୱର୍‌ ନୁ ନାରୁଡ଼୍ ତେ ଅନୁଗ୍ରହ ତେ ପେର୍‍ସାଙ୍କ୍ ପସ୍‍ପ୍‍ତଣ୍ଡ୍ ।
\c 3
\s ବାପ୍ତିସ୍ମ ଯୋହନ୍‌ ତେ ପ୍ରଚାର୍‍
\r (ମାତିଉ ୩:୧-୧୨; ମାର୍କ ୧:୧-୧୮; ଯୋହନ୍‌‌ ୧:୧୯-୨୮)
\p
\v 1 ସମ୍ରାଟ୍ ତିବିରିଆ କାଇସର୍‍ତେ ଶାସନ୍‍ ତେ ପନ୍ଦ୍ର ୱାଡ଼୍‍ଷା ତେ, ବେସୁଣ୍ଟ୍ ପନ୍ତୀୟ ପିଲାତ ଯିହୂଦା ନାର୍‍ଦେ ଶାସନ୍‍କର୍ତ୍ତାଲ୍ ନୁ ହେରୋଦ୍ ଗାଲିଲୀତା ସାମନ୍ତରାଜାଲ୍ ମାତ୍‍ତଣ୍ଡ୍, ମେଣ୍ଡେ ତାନ୍ ତାମୁଣ୍ଡ୍‌ ପିଲିପ୍‍ପ ଇତୂରୀୟା ନୁ ତ୍ରାକୋନୀତି ନାର୍‍ଦେ ସାମନ୍ତରାଜାଲ୍, ମେଣ୍ଡେ ଲୂସାନୀୟା ଅବିଲୀନୀ ନଗର୍‍ତେ ସାମନ୍ତରାଜାଲ୍ ମାତ୍‍ତଣ୍ଡ୍ । 
\v 2 ମେଣ୍ଡେ ହାନାନ ନୁ କୟାପା ବେଡ଼ିୟିଯାଜକ ମାତ୍‍ତଡ଼୍, ଆସୁଣ୍ଟ୍ ପରମେଶ୍ୱର୍‍ ତେ ବାକ୍ୟ ଉସ୍କ ନେଲ୍‍ଦାଗ୍ ମାନ୍ଦାନ୍ ଜିକରୀୟ ତେ ମାର୍‍ ଯୋହନ୍‌ ଗାର୍‍ରେ ଉପସ୍ଥିତ୍ ହାତ୍‍ତେ । 
\v 3 ଆଗେ ବାପ୍ତିଜକ ଯୋହନ୍‌ ଯର୍ଦ୍ଦନ ବେଡ଼େମ୍ ତେ ଗାର୍‍ରେ ସାରେ ଜାଗେତାଗ୍ ଆଞ୍ଜ୍ “ପାପ୍‍କ୍ଷମା ସେଙ୍ଗେ ମନପରିବର୍ତ୍ତନ୍ ତେ ବାପ୍ତିସ୍ମ କେତାନଙ୍କ ପସ୍‍ପ୍‍ତଣ୍ଡ୍,” 
\v 4 ବେଦ୍‍ଲେକାମ୍ ଯିଶାଇୟ ବାବବାଦୀ ଶାସ୍ତ୍ରତାଗ୍ ଲେକାମିନ୍ଦେ,
\q1 “ବେନ ୱେରଣ୍ଡ୍ ଉସ୍କନେଲ୍‍ କଞ୍ଜ୍ ଗାଟି ଲେଙ୍ଗ୍‍ତେ କେସମିନ୍ଦେଣ୍ଡ୍,
\q2 ପ୍ରବୁନ୍ ସେଙ୍ଗେ ହାର୍ ତିଆର୍ ମାଡ଼ାଟ୍;
\q2 ଅନାଦ୍‌ ଆଦାନାଦ୍ ସେଙ୍ଗେ ତିନାଙ୍କ୍ ହାର୍ ତିଆର୍ ମାଡ଼ାଟ୍;
\q1
\v 5 ସାର୍‍ରେ ଉପତ୍ୟକା ସାରେ ମାଡ଼ାଙ୍କ୍ ଆଦ୍‍ତେ,
\q2 ମେଣ୍ଡେ ସାର୍‍ରେ ମେଟା ନୁ ସୁଦୁ ମେଟା ସାମାନ୍ ମାଡ଼ାଙ୍କ୍ ଆଦ୍‍ତେ,
\q1 ୱାଙ୍କ୍‍ଙ୍ଗ ହାର୍ ସାରେ ତିନାଙ୍କ୍ ଆଦ୍‍ତେ,
\q2 ମେଣ୍ଡେ ଗୁଇନ୍ଦା ଗପ୍ ବୁମ୍ ସାମାନ୍ ହାର୍ ତେ ସାୟେ ଆଦ୍‍ତେ;
\q1
\v 6 ମେଣ୍ଡେ, ସାରେତଡ଼୍ ନାରୁଡ଼୍ ଇଶ୍ୱର୍ ତେ ପରିତ୍ରାଣ ଉଡ଼ିତଡ଼୍‍ ।”
\p
\v 7 \x + \xo 3:୭ \xo*\xt ମାତିଉ ୧୨:3୪; ୨3:33.\xt*\x*ଆସୁଣ୍ଟ୍ ଅଣ୍ଡ୍‌ ତାନ୍ ତଡ଼୍ ବାପ୍ତିସ୍ମ ଆଦାନ୍ ସେଙ୍ଗେ ପେଇସ୍ ୱାଦାନ୍ ନାରୁଡ଼୍‍କ୍ ଯୋହନ୍‌ କେତ୍ତଣ୍ଡ୍, “ରେ ୱିସାମ୍ ମାନ୍ଦାନ୍ ତାଡ଼ାମ୍‍ ବଂଶତଡ଼୍, ୱାଦାନ୍ ଦଣ୍ଡତେ ୱେଲେ ମିରାନଙ୍କ୍ ସେଙ୍ଗେ ବେନ ମିକିଂଙ୍କ୍ ଚେତନା ହିତ୍‍ତଣ୍ଡ୍ ? 
\v 8 \x + \xo 3:୮ \xo*\xt ଯୋହନ୍‌‌ ୮:33.\xt*\x*ଯଦି ନିଜାମ୍ ପାପ୍‍ତାଗାଙ୍କ୍ ମାଲ୍‍ସ୍ ୱାତ୍‍ତିଡ଼୍, ଇଦ୍ ମିଡ଼୍ ସାୟେତ୍ ପାଡ଼ିୟିଦାଗ୍ ତଅମୁଟ୍; ମେଣ୍ଡେ, ଅବ୍ରାହାମ୍‌ ମା ବାବାଲ୍ ଇଞ୍ଜ, ମନ୍ ତେ ମନ୍ ତେ ମିକା ଇଦ୍ ଲେକାମ୍ କେଲମାଟ୍; ବାତେଙ୍କ୍ ଇତ୍କେ ନାନ୍ ତ ମିକିଂଙ୍କ୍ କେତୁତାନ, ପରମେଶ୍ୱର୍‍ ଇଦ୍ କାଲ୍‍କିନ୍ ତଡ଼୍ ଆବ୍ରାହାମ୍ ତେ ସେଙ୍ଗ୍ ମାର୍‍ ତିଆର୍‍ମାଡ଼୍‍ଡ଼େ ପାର୍‍ଦ୍‍ତଣ୍ଡ୍ । 
\v 9 \x + \xo 3:୯ \xo*\xt ମାତିଉ ୭:୧୯.\xt*\x*ମେଣ୍ଡେ, ଇଞ୍ଜେ ମିକା ମାଡ଼ାକିନ୍ ମଦଲ୍ ଗଡେଲ୍‍ ମିନ୍ଦେ; ବେନ୍ ମାଡ଼ାକିନାଗ୍ କାୟା ସାୟେ ଆଦକ୍, ଆୱିଙ୍କ୍ ନାଡ଼୍‍କି କିସ୍‍ତାଗ୍ ୱାଟିତଡ଼୍ ।”
\p
\v 10 ଇଗେ ନାରୁଡ଼୍ ଅଂକିଙ୍କ୍‌ କେତ୍‍ତଡ଼୍, “ଆଲାତ୍କେ ମାନାଡ଼୍ ବାତେଏ ମାଡ଼ିକାଡ଼୍ ?”
\p
\v 11 ଯୋହନ୍‌ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ବେନନାଗ୍‍ ରେଣ୍ଡ୍ ଚକା ମିନ୍ଦେ, ଅଣ୍ଡ୍‌ ବେନନାଗ୍‍ ଇଲ୍‍ଲେ, ଅଂକିଙ୍କ୍‌ ୱେରନ୍ ହିୱୀଣ୍ଡ୍; ମେଣ୍ଡେ ବେନଙ୍କ୍ ତିନ୍ଦାନାଦ୍ ମିନ୍ଦେ, ଅଣ୍ଡ୍‌ ଆଦ୍ ଲେକାମ୍ ମାଡ଼ିଣ୍ଡ୍ ।”
\p
\v 12 \x + \xo 3:୧୨ \xo*\xt ଲୁକ ୭:୨୯.\xt*\x*କର ଆଦାୟ୍ ମାଡ଼ାନ୍ ନାରୁଡ଼୍ ମିକା ବାପ୍ତିସ୍ମ ଆଦାଙ୍କ୍ ୱାସ୍ ଯୋହନ୍‌‌ତିଙ୍କ୍ କେତ୍‍ତଡ଼୍, “ହୋ ଗୁରୁ, ମାନାଡ଼୍ ବାତେଏ ମାଡ଼ିକାଡ଼୍ ?”
\p
\v 13 ମେଣ୍ଡେ ଅଣ୍ଡ୍‌ ଅଡ଼୍‌କିଂଙ୍କ୍ କେତ୍ତଣ୍ଡ୍, “ମି ସେଙ୍ଗେ ବେସର୍ ନିୟମ୍ ମିନ୍ଦେ, ତାନାଗାକସ୍‍ ଗାଟି ଆଦାୟ ମାଡ଼ମାଟ୍ ।”
\p
\v 14 ସୈନିକ୍ ମିକା ଯୋହନ୍‌‌ତିଙ୍କ୍ କେତ୍‍ତଡ଼୍, “ମାନାଡ଼୍ ବାତେଏ ମାଡ଼ିକାଡ଼୍ ?”
\p ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଶକ୍ତି ତେ କି ଚଲଣା ତେ ବେନନ୍ ଦନ୍ ହଇମାଟ୍, ମେଣ୍ଡେ, ମି ଦରମାତେ ଶାନ୍ତି ଆଇମୁଟ୍ ।”
\p
\v 15 ନାରୁଡ଼୍ ୱିଡ଼୍‍ସି ମାଡ଼ିମାତାଙ୍କ୍ ଯୋହନ୍‌ ମାନ୍‌ କ୍ରିଷ୍ଟ ଆଦ୍‍ତଣ୍ଡ୍, ଇଦ୍‍ ତାନ୍ ବିଷୟ ତେ ସାରେତଡ଼୍ ତାମ୍‍ତାମ୍ ଲୋପେ ହାଲ୍‍ସ ମାତ୍‍ତଡ଼୍ । 
\v 16 ଆଦିନ୍ ସେଙ୍ଗେ ଯୋହନ୍‌ ସାରେତଡ଼୍‍କିଙ୍କ୍ କେତ୍‍ତଣ୍ଡ୍, “ନାନ୍ ସିନା ମିକିଂଙ୍କ୍ ଏର୍‍ ଦାଗ୍ ବାପ୍ତିସ୍ମ ହିଦୁତାନ୍, ମାତର୍ ନାୟାଗ୍ କଞ୍ଜ୍ ବେନ ଗାଟି ମହାନ୍, ଅଣ୍ଡ୍‌ ୱାସ ମିନ୍ଦେଣ୍ଡ୍, ଅନ୍‌‍ୱାଦ୍ ହେର୍‍ପୁକ୍ ତେ ନୁଲ୍ କୁସ୍ପାନଙ୍କ୍ ମିକା ନାନ୍ ଯୋଗ୍ୟ ଆୟନ୍; ଅଣ୍ଡ୍‌ ମିକିଂଙ୍କ୍ ପବିତ୍ର ଆତ୍ମା ନୁ କିସ୍ ତାଗ୍ ବାପ୍ତିସ୍ମ ହିଦ୍‍ତଣ୍ଡ୍ । 
\v 17 ଅନ୍‌ କାଇଦେ ଏତ୍ ମିନ୍ଦେ, ତ ଅଣ୍ଡ୍‌ ପଲେ ମାନ୍ଦାନ୍ ଶସ୍ୟ ପରିଷ୍କାର୍ ମାଡ଼ି ତାନ୍ କୁସ୍‍ତାଗ୍ ନେହେତିତଣ୍ଡ୍ ନୁ ପଲେତିଙ୍କ୍ ଅଣ୍ଡ୍‌ ସାରେ ଦିନ୍ ନିଡ଼୍‍ତାନ୍ କିସ୍‍ତାଗ୍ ପଡ଼୍‍ସ୍ପିତଣ୍ଡ୍ ।”
\p
\v 18 ଅଣ୍ଡ୍‌ ଇଦ୍ ରକମ୍ ଗାଟି କେତାନାଦ୍ ଇସ୍, ମେଣ୍ଡେ ନାର୍ଗେ ଲେକାମ୍ ଉତ୍ସାହ ରକମ୍ ବାକ୍ୟ କେସ୍ ନାରୁଡ଼୍ ତେ ଗାର୍‍ରେ ଗଟ୍ ପ୍ରଚାର୍ ମାଡ଼ ମାତ୍‍ତଣ୍ଡ୍ ନୁ ମାନ୍‍ ପରିବର୍ତ୍ତନ୍ ମାଡ଼ାନ୍ ସେଙ୍ଗେ କେତାନାଦ୍ ହିତ୍‍ତଣ୍ଡ୍; 
\v 19 \x + \xo 3:୧୯ \xo*\xt ମାତିଉ ୧୪:3,୪; ମାର୍କ ୬:୧୭,୧୮.\xt*\x*ବାତେଙ୍କ୍ ଇତ୍କେ ସାମନ୍ତରାଜାଲ୍ ହେରୋଦ୍ ନିଜେ ତାମୁଣ୍ଡ୍‌ ତେ ମୁତ୍‍ତେ ହେରୋଦ୍ ବିଷୟ ତେ ନୁ ତାନ୍ ମାଡ଼୍‍ତେ କାରାବ୍ ବିଷୟ ତେ ଯୋହନ୍‌ ତାକିଂଙ୍କ୍ ବିରୋଦ୍ ମାଡ଼୍‍ତଣ୍ଡ୍, 
\v 20 ଅଣ୍ଡ୍‌ ଅଂକିଙ୍କ୍‌ ଜେଲ୍ ତାଗ୍ ତୁର୍‍ୱି ନିଜର୍ ବାଗାତ୍ କାରାବ୍ ତଡ଼୍ ଇଦ୍ କାରାବ୍ ମିକା କାଲ୍‍ପ୍‍ତଣ୍ଡ୍ ।
\s ଜିସୁନ୍ ବାତିସ୍ମ
\r (ମାତିଉ ୩:୧୩-୧୭; ମାର୍କ ୧:୯-୧୧)
\p
\v 21 ସାରେତଡ଼୍ ନାରୁଡ଼୍ ବାପ୍ତିସ୍ମ ଆତ୍‍ତା ପେର୍‍କେ ଜିସୁ ମିକା ବାପ୍ତିସ୍ମ ହତ୍‍ତଣ୍ଡ୍ । ମେଣ୍ଡେ ପ୍ରାର୍ତନା ମାଡ଼ାନ୍ ୱେଲେ ସ୍ୱର୍ଗ ତେର୍‍ସ୍‍ଆତ୍‍ତେ, 
\v 22 \x + \xo 3:୨୨ \xo*\xt ମାତିଉ 3:୧୭; ମାର୍କ ୧:୧୧; ଲୁକ ୯:3୫.\xt*\x*ମେଣ୍ଡେ ପବିତ୍ର ଆତ୍ମା ଡିଗିୱାସ୍ ଜିସୁନ୍ ପରୁ ପାର୍ୱା ରକମ୍ ମେନ୍ଦୁଲ୍‍ ପୟ୍‍ସ୍‍ କୁଦ୍‍ତେ; ମେଣ୍ଡେ ସ୍ୱର୍ଗତାଗାଙ୍କ୍ ଇଦ୍ ଗଟ୍‍ନା ଆତ୍‍ତେ, “ନିମେ ମା ପ୍ରିୟ ମାର୍‍, ନିୟାଗେ ନାନେ ଗାଟି ସନ୍ତୁଷ୍ଟ ।”
\s ଜିସୁ କ୍ରିଷ୍ଟନ୍ ବଂଶତଡ଼୍
\r (ମାତିଉ ୧:୧-୧୭)
\p
\v 23 ଜିସୁ ପାଡ଼ିୟି ଆରାମ୍ ମାଡ଼ାନ୍ ୱେଲେ ଅଂକିଙ୍କ୍‌ ମାତର୍ ତିରିଶ୍ ହେଣ୍ଡ୍ ବୟଷ୍ ଆସ୍ ମାତ୍‍ତେ; ନାରୁଡ଼୍ ତେ ହାଲ୍‍ସାନ୍ ଲେକାମ୍ ତେ ଜିସୁ ଯୋଷେପ୍ ତେ ମାର୍‍; ଯୋଷେପ୍ ଏଲୀ ତେ ମାର୍‍, 
\v 24 ଏଲୀ ମତ୍‍ତାତେ ତେ ମାର୍‍; ମତ୍‍ତାତେ ଲେବୀ ତେ ମାର୍‍, ଲେବୀ ମଲାକୀ ତେ ମାର୍‍, ମଲାକୀ ଯନ୍ନୟ ତେ ମାର୍‍, ଯନ୍ନୟ ଯୋଷେପ୍ ତେ ମାର୍‍, 
\v 25 ଯୋଷେପ୍ ମତ୍‍ତିତ୍ୟା ତେ ମାର୍‍, ମତ୍‍ତିତ୍ୟା ଆମୋସ ତେ ମାର୍‍, ଆମୋସ ନାହୂମ୍ ତେ ମାର୍‍, ନାହୂମ୍ ହେସ୍ଲୀ ତେ ମାର୍‍, ହେସ୍ଲୀ ନଗୟ ତେ ମାର୍‍, 
\v 26 ନଗୟ ମହତ ତେ ମାର୍‍, ମହତ ମତ୍‍ତିତ୍ୟା ତେ ମାର୍‍, ମତ୍‍ତିତ୍ୟା ଶିମୟୀ ତେ ମାର୍‍, ଶିମୟୀ ଯୋସେକ ତେ ମାର୍‍, ଯୋସେକ ଯୋଦା ତେ ମାର୍‍, 
\v 27 ଯୋଦା ଯୋହନ୍‌ ତେ ମାର୍‍, ଯୋହନ୍‌ ରେଷା ତେ ମାର୍‍, ରେଷା ଜିରୁବବାବେଲ୍‍ ତେ ମାର୍‍, ଜିରୁବବାବେଲ୍‍ ଶଆଲ୍‌ତୀୟେ ତେ ମାର୍‍, ଶଆଲ୍‌ତୀୟେ ନେରୀ ତେ ମାର୍‍, 
\v 28 ନେରୀ ମଲାକୀ ତେ ମାର୍‍, ମଲାକୀ ଆଦ୍ଦି ତେ ମାର୍‍, ଅଦ୍ଦି କୋସାମ ତେ ମାର୍‍, କୋସାମ ଏଲ୍ମଦାନ ତେ ମାର୍‍, ଏଲ୍ମଦାନ ଏର ତେ ମାର୍‍, 
\v 29 ଏର ଯିହୋଶୂୟ ତେ ମାର୍‍, ଯିହୋଶୂୟ ଏଲୀୟେଜର ତେ ମାର୍‍, ଏଲୀୟେଜର ଯୋରୀମ ତେ ମାର୍‍, ଯୋରୀମ ମତ୍‍ତାତେ ମାର୍‍, ମେତୁଶେଲାତେ ଲେବୀ ତେ ମାର୍‍, 
\v 30 ଲେବୀ ଶିମୀୟୋନ ତେ ମାର୍‍, ଶିମୀୟୋନ ଯିହୂଦା ତେ ମାର୍‍, ଯିହୂଦା ଯୋଷେପ୍ ତେ ମାର୍‍, ଯୋଷେପ୍ ଯୋନାମ ତେ ମାର୍‍, ଯୋନାମ ଏଲୀୟାକୀମ ତେ ମାର୍‍, 
\v 31 ଏଲୀୟାକୀମ ମଲାହ ତେ ମାର୍‍, ମଲାହ ମନ୍ନା ତେ ମାର୍‍, ମନ୍ନା ମତ୍ତଥାତେ ତେ ମାର୍‍, ମତ୍ତଥାତେ ନାତ୍‍ନ ତେ ମାର୍‍, ନାତ୍‍ନ ଦାଉଦ୍‍ ତେ ମାର୍‍, 
\v 32 ଦାଉଦ୍ ଯେଶୀତେ ମାର୍‍, ଯିଶାୟ ଓବେଦ ତେ ମାର୍‍, ଓବେଦ ବୋୟଜ ତେ ମାର୍‍, ବୋୟଜ ଶେଲହ ତେ ମାର୍‍, ଶେଲହ ନହଶୋନ ତେ ମାର୍‍, 
\v 33 ନହଶୋନ ଅମିନାଦାବ୍‌ ତେ ମାର୍‍, ଅମିନାଦାବ ଆଦ୍ମୀନ ତେ ମାର୍‍, ଆଦ୍ମୀନ ଆର୍ଣ୍ଣୀ ତେ ମାର୍‍, ଆର୍ଣ୍ଣୀ ହେସ୍ରୋଣ ତେ ମାର୍‍, ହେସ୍ରୋଣ; ମାଲ୍‍ପିତେ ମାର୍‍, ମାଲ୍‍ତେ ଯିହୁଦା ତେ ମାର୍‍, 
\v 34 ଯିହୁଦା ଯାକୁବ୍ ତେ ମାର୍‍, ଯାକୁବ୍ ଇସ୍‍ହାକ ତେ ମାର୍‍, ଇସ୍‍ହାକ ଅବ୍ରାହାମ୍ ତେ ମାର୍‍, ଅବ୍ରାହାମ୍‌ ତେରହ ତେ ମାର୍‍, ତେରହ ନାହୋର୍ ତେ ମାର୍‍, 
\v 35 ନହୋର୍ ସେରଗ୍‍ତେ ମାର୍‍, ସେରଗ୍‍ତେ ମାର୍‍, ରେଉ ପେଲେଗ୍‍ତେ ମାର୍‍, ପେଲେଗ୍‍ ଏବର୍‍ତେ ମାର୍‍, ଏବର୍‍ ଶେଲାଙ୍କତେ ମାର୍‍, 
\v 36 ଶେଲା କେଇନାନ୍‍ତେ ମାର୍‍, କେଇନାନ୍‍ ଆର୍‍ପାକ୍‍ସଡ଼ତେ ମାର୍‍, ଆର୍‍ପାକ୍‍ସଡ଼ ଶେମ୍‍ତେ ମାର୍‍, ଶେମ୍‍ ନୋହତେ ମାର୍‍, ନୋହ ଲାମେକ୍‍ତେ ମାର୍‍, 
\v 37 ଲାମେକ୍‍ ମେତୁଶେଲାତେ ମାର୍‍, ମେତୁଶେଲା ଅନୋକତେ ମାର୍‍, ହନୋକ୍‍ ଯାରେଦନ୍‍ତେ ମାର୍‍, ଯାରେଦ ମହାଲାଲୀଲ୍‍ତେ ମାର୍‍, ମହାଲାଲୀଲ୍‍ କେନାନ୍‍ତେ ମାର୍‍ । 
\v 38 କେନାନ୍‍ ଏନୋଶତେ ମାର୍‍, ଏନୋଶ ଶେତ୍‍ତେ ମାର୍‍, ଶେତ୍‍ ଆଦମ୍‍ତେ ମାର୍‍, ଆଦମ୍‍ ଇଶ୍ୱରତେ ମାର୍‍ ।
\c 4
\s ଜିସୁଙ୍କ୍ ଶୟ୍‍ତାନ୍‍ ପରିକ୍ଷା ମାଡ଼ିତେ
\r (ମାତିଉ ୪:୧୨-୧୭; ମାର୍କ ୧:୧୪-୧୫)
\p
\v 1 ଜିସୁ ପବିତ୍ର ଆତ୍ମାତେ ପୁରା ଆସ୍ ଯର୍ଦ୍ଦନ ବେଡ଼େମ୍ କଞ୍ଜ୍ ମାଲ୍‍ତଣ୍ଡ୍, ମେଣ୍ଡେ ପବିତ୍ର ଆତ୍ମାତେ ତଡ଼୍ ଚାଲେମ୍ ଆସ୍ ଅଂକିଙ୍କ୍‌ ସିମ୍‍ସାମ୍ ପଡ଼ିୟେତାଗ୍ ଆତ୍‍ତେ । ଆଗେ ଅଣ୍ଡ୍‌ ଚାଳିଶ୍ ଦିନ୍ ହେଉନା ଶୟ୍‍ତାନ୍‍ ତଡ଼୍ ପରୀକ୍ଷିତ ଆସମାତ୍‍ତଣ୍ଡ୍ । 
\v 2 ଆୱ୍ ସାରେ ଦିନାକ୍ ତେ ଅଣ୍ଡ୍‌ ବାଆତେ ତିନ୍‍ୱେକଟ ମାତ୍‍ତଣ୍ଡ୍, ମେଣ୍ଡେ ଆୱ୍ ସାରେ ଦିନାକ୍ ଶେଷ୍ ଆତ୍‍ତେ ୱେଲେ, ଅଂକିଙ୍କ୍‌ ଗାଟି କାର୍‍ପଇତେ ।
\p
\v 3 ଆଗେ ଶୟ୍‍ତାନ୍‍ ଅଂକିଙ୍କ୍‌ କେତ୍‍ତେ, “ନିମେ ଯଦି ଇଶ୍ୱର୍‌ ତେ ମାର୍‍, ଆଲାତ୍କେ ଇଦ୍ କାଲ୍‍ଦିଙ୍କ୍ ରୋଟି ଆଦାନ୍ ସେଙ୍ଗେ ଗଟ୍ ହିମ୍ ।”
\p
\v 4 ଇତ୍‍କେ ଜିସୁ ଉତ୍ତର୍ ହିତ୍‍ତଣ୍ଡ୍, “ଶାସ୍ତ୍ରତାଗ୍ ଲେକାମିନ୍ଦେ, ‘ନାରୁଡ଼୍ ବେସୁଣ୍ଟ୍ ରୋଟି ତଡ଼୍ ବାଦ୍‍କଡ଼୍ ।’”
\p
\v 5 ତାନ୍ ପେର୍କେ ଶୟ୍‍ତାନ୍‍ ଅଣ୍ଡୟ୍‌‍ ବେଡ଼୍‍ୟାଦ୍‍ ମେଟେତ୍ ଜୁଟିନାଗ୍ ଆତ୍‍ତେ ନୁ ଅଂକିଙ୍କ୍‌ ଜଗତ୍‍ତାଦ୍ ସାରେ ରାଜ୍ୟତାଦ୍ ସମ୍ପତି ତଅସ୍ କେତ୍‍ତଣ୍ଡ୍ । 
\v 6 ମେଣ୍ଡେ, ଶୟ୍‍ତାନ୍‍ ଜିସୁଙ୍କ୍ କେତ୍‍ତେ, “ନାନ୍ ନିକିଂଙ୍କ୍ ଇଦ୍ ସାରେ ଅଦିକାର୍ ନୁ ଇଦ୍ ସାରେ ସମ୍ପତ୍ତି ହିଦ୍‍ତାନ୍, ବାତେଙ୍କ୍ ଇତ୍କେ ନାକିଂଙ୍କ୍ ଆଦ୍ ସମର୍ପିତ୍ ଆସ୍ ମିନ୍ଦେ, ମେଣ୍ଡେ ନାନ୍ ବେନଙ୍କ୍ ଇଚ୍ଛା ମାଡ଼ିତାନ୍, ଅଂକିଙ୍କ୍‌ ଆଦ୍ ହିଦ୍‍ତାନ୍ । 
\v 7 ମେଣ୍ଡେ, ନିମେ ଯଦି ନାକିଂଙ୍କ୍ ମଡ଼୍‍କିତି, ଆସୁଟ, ସାରେ ନିୟାୱୁ ଆଦ୍‍ତେ ।”
\p
\v 8 ଜିସୁ ଉତ୍ତର୍ ହିତ୍‍ତଣ୍ଡ୍, “ଜେକେ ଅନ୍‌ ଶୟ୍‍ତାନ୍‍ ! ଦର୍ମଶାସ୍ତ୍ରତାଗ୍ ଲେକାମିନ୍ଦେ, ‘ମାତର୍ ନି ପ୍ରବୁ ଇଶ୍ୱର୍‌ତିଙ୍କ୍ ଉପବାସ୍ ମାଡ଼େ ନୁ ଅନାଦ୍‌ ସେବା ମାଡ଼େ ।’”
\p
\v 9 ମେଣ୍ଡେ, ଅଣ୍ଡ୍‌ ଜିସୁଙ୍କ୍ ଯିରୁଶାଲେମ୍ ତାଗ୍ ଆସ୍ ମନ୍ଦିର୍‌ ତେ ଜୁଟିନାଗ୍‌ ନିଲ୍‍ପି ଅଂକିଙ୍କ୍‌ କେତ୍‍ତଣ୍ଡ୍, “ନିମେ ଯଦି ଇଶ୍ୱରତେ ମାର୍‍, ଆଲାତ୍କେ ଇଗାଙ୍କ୍ ମଦଲ୍ ତୁଲ୍‍ଲେ;” 
\v 10 ବାତେଙ୍କ୍ ଇତ୍କେ ଶାସ୍ତ୍ରତାଗ୍ ଲେକାମିନ୍ଦେ, “ନିକିଂଙ୍କ୍ ରକ୍ଷା ମାଡ଼ାନ୍ ସେଙ୍ଗେ ଇଶ୍ୱର୍‌ ତାନ୍ ଦୂତକିଂଙ୍କ୍ ନି ବିଷୟ ତେ ଆଦେଶ୍‍ ହିଦ୍‍ତଣ୍ଡ୍; 
\v 11 ଇଦ୍ ମିକା ଶାସ୍ତ୍ରତାଗ୍ ଲେକାମିନ୍ଦେ, ‘ଇତ୍‍କେ ନି ଡେକେ କାଲ୍‍ଦାଗ୍ ତାଲ୍‍ଗିତେ, ଇଦ୍ ସେଙ୍ଗେ ଦୂତୁକ୍ ନିକିଂଙ୍କ୍ କାଇଦେ ତେଇସ୍ ପଇତିତା ।’”
\p
\v 12 ମେଣ୍ଡେ, ଜିସୁ ଶୟ୍‍ତାନ୍‍ ତିଙ୍କ୍ କେତ୍ତଣ୍ଡ୍‍, “ଶାସ୍ତ୍ରତାଗ୍ ଲେକାମିନ୍ଦେ, ନିମେ ପ୍ରବୁ ନିଜର୍ ଇଶ୍ୱର୍‌ ତିଙ୍କ୍ ପରିକ୍ଷା ମାଡ଼ାନାଦ୍ ଆୟ୍‍ୟ ।”
\p
\v 13 ଜିସୁଙ୍କ୍, ଶୟ୍‍ତାନ୍‍ ସାରେ ଲେକାମ୍ ପରିକ୍ଷା ମାଡ଼ି ତେର୍‍ସ୍ପ୍‍ତେ ପେର୍‍କେ ବେସ୍‌କ୍ ଦିନାତ୍ ସେଙ୍ଗେ ଅଂକିଙ୍କ୍‌ ୱିଡ଼୍‍ସି ଆତ୍‍ତେ ।
\s ଜିସୁନ୍ ସେବା ପାଡ଼ିୟି ଆରାମ୍ \f + \fr ୪:୧୪ \fr*\ft ପାଡ଼୍‍ୟି ମାଡ଼ାନଙ୍କ୍‍ ପସ୍ପାନାଦ୍‍ \ft*\f*
\r (ମାତିଉ ୪:୧୨-୧୭; ମାର୍କ ୧:୧୪-୧୫)
\p
\v 14 ଇଦିନ୍ ପେର୍‍କେ ଜିସୁ ଆତ୍ମାନ୍‌ ଶକ୍ତିତେ ଗାଲିଲୀତାଗ୍ ମାଲ୍‍ତଣ୍ଡ୍‍, ମେଣ୍ଡେ ସାରେ ପଡ଼ିୟେତାଗ୍ ତାନ୍ ବିଷୟତେ ଗଟି ପ୍ରଚାର୍ ଆତ୍‍ତେ । 
\v 15 ମେଣ୍ଡେ, ଜିସୁ ଯିହୁଦୀଡ଼୍ ପ୍ରାର୍ତନା ଲୋକିନାଗ୍ ଶିକ୍ଷା ଇସ୍‌ ଗୌରବ୍‍ ପାଏମ୍‍ ଆତ୍‍ତଣ୍ଡ୍‌ ।
\s ନାଜରିତିୟ ତାଗ୍ ଜିସୁଙ୍କ୍ ଗ୍ରହନ୍ ମାଡ଼ଡ଼୍‍
\r (ମାତିଉ ୧୩:୫୩-୫୮; ମାର୍କ ୬:୧-୬)
\p
\v 16 ତାନ୍ ପେର୍‍କେ ଜିସୁ ବେନେ ନାଜରିତିୟ ତାଗ୍ ପେର୍ସି ମାତ୍‍ତଣ୍ଡ୍, ଆଦ୍ ପଡ଼ିୟେତାଗ୍ ଅଣ୍ଡ୍‌ ଆତ୍‍ତଣ୍ଡ୍ ନୁ ତାମ୍ ରୀତି ଲେକାମ୍ ବିଶ୍ରାମବାରତେ ଉପାସନା ଲତ୍‍ତାଗ୍ ଅସ୍‍ତଣ୍ଡ୍‍, ମେଣ୍ଡେ ଦର୍ମଶାସ୍ତ୍ର କାର୍‍ତାନ୍ ସେଙ୍ଗେ ନିତ୍‍ତଣ୍ଡ୍ । 
\v 17 ଆସୁଣ୍ଟ୍ ଯିଶାଇୟ ବାବବାଦୀ ବଇ ଅଂକିଙ୍କ୍‌ ହିତ୍‍ତଡ଼୍, ମେଣ୍ଡେ ଜିସୁ ଆଦିଙ୍କ୍ ଟେଣ୍ଡିମିକା, ବେଗେ ଇଦ୍ ବାକ୍ୟ ଲେକା ଆସ୍‍ମାତ୍‍ତେ, ଆଦ୍ ଦରସ୍‍କ୍‍ତଣ୍ଡ୍,
\q1
\v 18 “ପ୍ରବୁନାଦ୍ ଆତ୍ମା ନା ପରୁ ମିନ୍ଦେ,
\q2 ଆଦିନ୍ ସେଙ୍ଗେ ଦୁଃକାମ୍ ନାରୁଡ଼୍‍ତେ ଗାର୍‍ରେ ସୁସମାଚାର୍ ପ୍ରଚାର୍ ମାଡ଼ାନ୍ ସେଙ୍ଗେ ଅଣ୍ଡ୍‌ ନାକିଂଙ୍କ୍ ହେଞ୍ଚିମିନ୍ଦେଣ୍ଡ୍,
\q1 ବନ୍ଦୀ ନାରୁଡ଼୍‍କିଂଙ୍କ୍ ମୁକ୍ତି ନୁ
\q2 କାନାଲଡ଼୍‍କ୍ କଣ୍ଡେତ୍ ୱେସ୍ ବିଷୟ କେତାନଙ୍କ୍,
\q1 ମେଣ୍ଡେ ଅତ୍ୟାଚାରି ନାରୁଡ଼୍‍କ୍ ମୁକ୍ତି ମାଡ଼ାଙ୍କ୍,
\q2
\v 19 ପ୍ରବୁ ତାନ୍ ନାରୁଡ଼୍‍କ୍ ରକ୍ଷା ମାଡ଼ାନ୍ ସମୟ୍ ଯେ ଉପସ୍ଥିତ ଇଦ୍‍ କେତାନଙ୍କ୍
\q2 ଅଣ୍ଡ୍‌ ନାକିଂଙ୍କ୍ ରହସ୍ ମିନ୍ଦେଣ୍ଡ୍ ।” \fig ତଲ୍‌କେତେ ଲେକ୍‍ତାଦ୍ |alt="Scroll" src="hk00150c.tif" size="col" copy="Horace Knowles ©" ref="୪:୧୬"\fig*
\p
\v 20 ପେର୍‍କେ ଅଣ୍ଡ୍‌ ବଇତିଙ୍କ୍ ବନ୍ଦ୍ ମାଡ଼ି ଦାସନଡ଼୍ ଆଦ୍ ଇସ୍‌ ମିକା କୁଦ୍‍ତଣ୍ଡ୍, ମେଣ୍ଡେ ସମାଜ୍ ଲୋତ୍‍ତାଗ୍ ସାରେତଡ଼ାୱ୍ କଣ୍ଡା ଅନ୍‌ ପରୁ ମାତ୍‍ତା । 
\v 21 ମେଣ୍ଡେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ନେଣ୍ଡ୍ ଦର୍ମଶାସ୍ତ୍ରତାଦ୍ ଇଦ୍ ବାକ୍ୟ ମିଡ଼୍ ବାଆତେ କେଞ୍ଜ୍‍ତିଡ଼୍ ଆଦ୍ ସାରେ ଆତ୍‍ତେ ।
\p
\v 22 ମେଣ୍ଡେ, ସାରେତଡ଼୍ ଅନ୍‌ ବିଷୟ ତେ ସାକ୍ଷ୍ୟ ହିତ୍‍ତଡ଼୍ ନୁ ଅନ୍‌‍ୱେ ପାୟୁର୍ କଞ୍ଜ୍ ପେୟିତେ ଆକର୍ଷନ୍ ବାକ୍ୟତେ ବାକ୍‍ୱା ଆଦ୍‍ତଡ଼୍; ମେଣ୍ଡେ ଅଡ଼୍‌‍ କେତୁତଡ଼୍‍, “ଇଣ୍ଡ୍ ଯଷେପ୍ ତେ ମାର୍‍ ଆୟ୍‍ୟଣ୍ଡ୍ କି ?”
\p
\v 23 ତାନ୍‍ପେର୍କେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍ତଣ୍ଡ୍, ମିଡ଼୍ ନିଜାମ୍ ନାକିଂଙ୍କ୍ ମୁନେତ୍ ମାତ୍‍ତା ବାକ୍ୟ କେତିତିଡ଼୍‍, ହୋ ଚିକିତ୍ସା ମାଡ଼ାନଡ଼ି, ମୁନେନ୍ ମିକିଂଙ୍କ୍ ସୁସ୍ଥ ମାଡ଼ାଟ୍; ମେଣ୍ଡେ ମିକା କେତିତିଡ଼୍ କପର୍‍ନାହୂମ୍‍ତାଗ୍ ବାତେଏ ଗଟେମ୍ ଆତ୍‍ତେ ଇଞ୍ଜ ମାନାଡ଼୍ କେଞ୍ଜ୍‍ତାଡ଼୍, ଆଦ୍ ସାରେ ଇଦ୍ ପଡ଼ିୟେତାଗ୍ ନିଜର୍ ଜନମ୍ ନେଲ୍‍ତାଗ୍ ମିକା ମାଡ଼ାଟ୍ । 
\v 24 \x + \xo ୪:୨୪ \xo*\xt ଯୋହନ୍‌‌ ୪:୪୪.\xt*\x*ମେଣ୍ଡେ, ଜିସୁ କେତ୍ତଣ୍ଡ୍, “ନାନ୍ ମିକିଂଙ୍କ୍ ନିଜାମ୍‍ କେତୁତାନ୍, ବେନେ ବାବବାଦୀ ମିକା ନିଜର୍ ଜନମ୍ ନଗର୍‍ତାଗ୍ ସମ୍ମାନ୍ ଆୟଡ଼୍ ।”
\p
\v 25 ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ ନିଜାମ୍ କେତୁତାନ୍, “ଏଲୀୟ ତେ ୱେଲେ ବେସୁଣ୍ଟ୍ ଇସ୍ରାଏଲ୍‍ତାଗ୍ ମୁଣ୍ଡ୍ ହେଣ୍ଡ୍ ଆରୁ ନେଲଞ୍ଜ୍ ହେଉନା ୱାର୍‍ସାମ୍ ୱାଡ଼ୱାଙ୍କ୍ ଦେଶ୍ ଏକାମ୍ ଏର୍‍ ମୁଉସ୍‍ ଆତ୍‍ତେ, ଆସୁଣ୍ଟ୍ ଇସ୍ରାଏଲ ତାଗ୍ ଗାଟି ରାଣ୍ଡିଲ୍ ମାତ୍‍ତା; 
\v 26 ମିକା ଇଶ୍ୱର୍ ଏଲୀୟଙ୍କ୍ ଆୱିନାଗେ ଗାର୍‍ରେ ବେନଡାଗେ ରଉୱକଟ ସୀଦୋନ୍ ଦେଶ୍‍ତେ ସାରିପତ୍‍ତେ ୱେରଡ଼୍ ରାଣ୍ଡିନାଗ୍ ରହତଣ୍ଡ୍ । 
\v 27 ମେଣ୍ଡେ, ବାବବାଦୀ ଇଲୀଶାୟତେ ୱେଲେ ଇସ୍ରାଏଲତାଗେ ଗାଟି କୁଷ୍ଠୀରୋଗି ମାତ୍‍ତଡ଼୍; ମିକା ଅଡ଼୍‌‍ ଲୋପେ ବେନଙ୍କେ ସୁସ୍ଥ ମାଡ଼୍‍ୱେ ମାତ୍‍ତଡ଼୍, ମାତର୍ ସୁରିଆ ଦେଶ୍‍ତେ ନାମାନ୍ ସୁସ୍ଥ ମାଡ଼ିମାତ୍‍ତଡ଼୍ ।”
\p
\v 28 ସମାଜ୍ ଲୋତ୍‍ତାଗେ ଇଦ୍ ସାରେ ଗଟ୍ କେଞ୍ଜ ସାରେତଡ଼୍ କପାମ୍‍ତେ ସାରେ ଆତ୍‍ତଡ଼୍, 
\v 29 ମେଣ୍ଡେ, ଅଡ଼୍‌‍ ତେଦି ଅଂକିଙ୍କ୍‌ ନଗର୍‍ କଞ୍ଜ୍ ପେସ୍‍ପିତ୍‍ତଡ଼୍ ନୁ ଅଡ଼ାଦ୍‌ ନଗର୍‍ ବେନେ ମେଟେତ୍ ପରୁ ତିଆର୍ ଆସ୍‍ମାତ୍‍ତେ, ଆଦିନାଦ୍ ଜୁଟିନାଗା କନ୍‍ସ୍ ମଦଲ୍ ହେସାନ୍ ସେଙ୍ଗେ ଅଂକିଙ୍କ୍‌ ଆଗେ ହତ୍‍ତଡ଼୍; 
\v 30 ବାତେଙ୍କ୍ ଇତ୍କେ ଜିସୁ ଅଡ଼୍‌‍ ଲୋପେତ୍ କେ ପେଇସ୍ ଆତ୍‍ତଣ୍ଡ୍ ।
\s ଜିସୁ ବୁତ୍ ଆତ୍ମା ନାରୁଣ୍ଡ୍‌ ତିଙ୍କ୍ ସୁସ୍ଥ ମାଡ଼ତଣ୍ଡ୍
\r (ମାର୍କ ୧:୨୧-୨୮)
\p
\v 31 ଅଣ୍ଡ୍‌ କପର୍ନାହୁମ୍‍‍କଞ୍ଜ୍‌ ଗାଲିଲୀତେ ୱେରଡ଼୍‌ ନଗର୍‍ତାଗେ ୱାତ୍‍ତଣ୍ଡ୍, ମେଣ୍ଡେ ବିଶ୍ରାମବାରତେ ନାରୁଡ଼୍‍କିଂଙ୍କ୍ ଶିକ୍ଷା ହିଦାଙ୍କ୍ ପସ୍‍ପ୍‍ତଣ୍ଡ୍, 
\v 32 \x + \xo ୪:3୨ \xo*\xt ମାତିଉ ୭:୨୮,୨୯.\xt*\x*ମେଣ୍ଡେ ଅଡ଼୍‌‍ ଅନ୍‌‍ୱାଦ୍ ଶିକ୍ଷା କେଞ୍ଜି ଆଶର୍ଯ୍ୟ ଆତ୍‍ତଡ଼୍, ବାତେଙ୍କ୍ ଇତ୍କେ ଅନ୍‌‍ୱାଦ୍ ବାକ୍ୟ ଅଦିକାର୍‌ ମାତ୍‍ତେ । 
\v 33 ଅଣ୍ଡ୍‌ ଦିନେ ସମାଜ୍ ଲତ୍‍ତାଗ୍ ୱେର୍‍ଣ୍ଡ୍ ଅଶୁଚି ବୁତ୍‌ପଇତେ ନାରୁଡ଼୍ ମାତ୍‍ତଣ୍ଡ୍; ଅଣ୍ଡ୍‌ ଗାଟି ଲେଙ୍ଗ୍‍ଦେ କେତ୍ତଣ୍ଡ୍, 
\v 34 “ହୋ, ନାଜରିତ ଜିସୁ, ମା ତଡ଼୍ ନିୱାଦ୍ ବାତେଏ ମିନ୍ଦେ ? ନିମେ ମାକିଂଙ୍କ୍ ଆୱକାଙ୍କ୍ ୱାତିକି ? ନିମେ ବେନନି, ଆଦ୍ ନାନ୍ ପୁତ୍‍ତାନ୍; ନିମ୍‍ ଇଶ୍ୱର୍‌ତାଗାଙ୍କ୍ ୱାସ୍‍ମାନ୍ଦାନ୍ ଆଦ୍ ପବିତ୍ର ନାରୁନୀ ।”
\p
\v 35 “ଜିସୁ ଆସୁଙ୍କ୍ ଦମକ୍ ଇସ୍ କେତ୍‍ତନ୍, କଟ ଆୟମ୍, ଇନାଗା କଞ୍ଜ୍ ପେୟିସ୍ ଅନ୍‌ । ଆଗେ ଆଦ୍ ବୁତ୍ ଅଡ଼୍‌‍ ମୁନ୍‍ନେ ୱାଟି ଅଂକିଙ୍କ୍‌ ବାତେଏ କ୍ଷତି ମାଡ଼କଟ୍ ପେୟିସ୍ ଆତ୍‍ତେ । 
\v 36 ଇଗେ ସାରେତଡ଼୍ ବାକ୍‍ୱା ଆସ୍ ନିଜେନିଜେ କେତାକେତି ଆତ୍‍ତଡ଼୍, ଇଦ୍ ବେସତ୍ ଗଟ୍ ? ଅଣ୍ଡ୍‌ ଅଦିକାର୍‌ ନୁ ଶକ୍ତି ତଡ଼୍ ଅଶୁଚି ଆତ୍ମାକିଂଙ୍କ୍ ଗଟ୍ ହିଦ୍‍ତଣ୍ଡ୍, ମେଣ୍ଡେ ଆୱ୍ ପେୟିସ୍ ଆତ୍‌ତେ ।
\p
\v 37 ଆଗେ ଅନ୍‌‍ୱାଦ୍ ବିଷୟତେ ସୁସମାଚାର୍ ସାରେ ପାକା ସାରେ ପଡ଼ିୟେତାଗ୍ ପ୍ରଚାର୍ ଆତ୍‍ତେ ।”
\s ଜିସୁ ନାର୍ଗେ ନାରୁଡ଼୍‍କିଂଙ୍କ୍ ସୁସ୍ଥ ମାଡ଼୍‍ତଣ୍ଡ୍\f + \fr ୪:୩୮ \fr*\ft ମାତିଉ ୮:୧୪-୧୭, ମାର୍କ୧:୨୯-୩୪\ft*\f*
\r (ମାତିଉ ୮:୧୪-୧୭; ମାର୍କ ୧:୧୯-୩୪)
\p
\v 38 ପେର୍‍କେ ଜିସୁ ସମାଜ୍‍ଲନ୍ ତାଗାଙ୍କ୍ ତେଦି ଶିମୋନ୍‍ତେ ଲୋନ୍‌ ଆତ୍‍ତଣ୍ଡ୍ । ଶିମୋନ୍ ତେ ପୟେଙ୍କ୍ ଗାଟି ହେଡ଼େକ୍ ଆସ୍ ମାତ୍‍ତେ, ମେଣ୍ଡେ ଅଡ଼୍‌‍ ଶାସନ୍‍ ବିଷୟତେ ତାଙ୍କ୍ ସୁସ୍ଥ ମାଡ଼ାଙ୍କ୍ ଜିସୁଙ୍କ୍ ଅନୁରଦ୍‌‍ ମାଡ଼୍‍ତ୍‍ତଡ଼୍ । 
\v 39 ଆଗେ ଅଣ୍ଡ୍‌ ତାମ୍ ଗାର୍‍ରେ ନିଶ୍‍ମିକା ହେଡ଼େକ୍ ତିଙ୍କ୍ ଦମକ୍ ହିତ୍‍ତଣ୍ଡ୍, ମେଣ୍ଡେ ଆଦିଙ୍କ୍ ହେଡ଼େକ୍ ୱିଡ଼୍‍ସ୍ତା, ମେଣ୍ଡେ ଆଦ୍ ସାଙ୍ଗେ ସାଙ୍ଗେ ତେଦି ଅଡ଼୍‌‍କିଂଙ୍କ୍ ସେବା ମାଡ଼ାଙ୍କ୍ ପସ୍ପିତ୍‍ତଣ୍ଡ୍ ।
\p
\v 40 ପଡ଼ଦ୍ ଆଦାନ୍ ୱେଲେ, ବେନଡ଼ାଗ୍ ନାଆ ଲେକାମ୍ ରଗ୍‍ତେ ନାରୁଡ଼୍ ମାତ୍‍ତଡ଼୍, ଅଡ଼୍‌‍ ସାରେତଡ଼୍‍କିଙ୍କ୍ ଅନ୍‌ ଗାର୍‍ରେ ତାତ୍‍ତଡ଼୍ ନୁ ଅଣ୍ଡ୍‌ ସାରେ ନାରୁଡ଼୍ ତେ ପରୁ କାୟ୍ ୱାଟି ଅଡ଼୍‌‍କିଂଙ୍କ୍ ସୁସ୍ଥ ମାଡ଼ତ୍‍ତଣ୍ଡ୍ । 
\v 41 ମେଣ୍ଡେ, ବୁତ୍‌କ୍‍ ମିକା କିଡ଼୍‍କ କିଡ଼୍‍‍କ ନିମେ ଇଶ୍ୱର୍‌ ତେ ମାର୍‍ ଇଞ୍ଜ କେସ୍ ନାର୍ଗେ ନାରୁଡ଼୍ ତେ କଞ୍ଜ୍ ପେୟିସ୍ ଆତ୍‍ତା । ମେଣ୍ଡେ, ଜିସୁ ଅଡ଼୍‌‍କିଂଙ୍କ୍ ଦମକ୍ ଇସ୍‌ ଗଟ୍ କେତାଙ୍କ୍ ହିୱଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍‌ ଯେ କ୍ରିଷ୍ଟ, ଇଦ୍ ଅଡ଼୍‌‍ ପୁଞ୍ଜ୍ ମାତ୍‍ତଡ଼୍ ।
\s ପ୍ରାର୍ତନା ଲୋତ୍‍ତାଗ୍ ଜିସୁନ୍ ପ୍ରଚାର୍
\r (ମାର୍କ ୧:୩୫-୩୯)
\p
\v 42 ନାର୍‍କୁକ୍ ଆତ୍‍ତେୱେଲେ, ଅଣ୍ଡ୍‌ ନଗର୍‍କଞ୍ଜ୍ ପେଇସ୍ ୱେରଡ଼୍ ବେନଇଲ୍‍ୱେ ପଡ଼ିୟେତାଗ୍ ଆତ୍‍ତଣ୍ଡ୍; ମେଣ୍ଡେ, ନାରୁଡ଼୍ ସାରେତଡ଼୍ ଅଂକିଙ୍କ୍‌ ମେଦ୍‍କି ମେଦ୍‍କି ଅନ୍‌ ଗାର୍‍ରେ ୱାତ୍‍ତଡ଼୍, ମେଣ୍ଡେ ଅଣ୍ଡ୍‌ ବେଲା ଅଡ଼୍‌‍ ଗାର୍‍ରେ କନ୍‍ସ୍ ଆତ୍ମାକିନ୍ ଆଦ୍ ସେଙ୍ଗେ ଅଂକିଙ୍କ୍‌ ନିଲ୍‍ସ୍ପାନଙ୍କ୍ ଆଲ୍‍ସି ମାଡ଼୍‍ତ୍‍ତଡ଼୍ । 
\v 43 ବାତେଙ୍କ୍ ଇତ୍କେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍ତଣ୍ଡ୍, ବେନ୍‍ବେନା ନଗର୍‍ତାଗେ ମିକା ନାକିଂଙ୍କ୍ ଆଦ୍‍ଲେକାମ୍ ଇଶ୍ୱର୍‌ତେ ରାଜ୍ୟ ଡ଼ାଦ୍ “ସୁସମାଚାର୍ ପ୍ରଚାର ମାଡ଼ାଙ୍କ୍ ଆଦ୍ ତେ, ବାତେଙ୍କ୍ ଇତ୍କେ ଆଦିନ୍ ସେଙ୍ଗେ ଇଶ୍ୱର୍ ନାକିଂଙ୍କ୍ ରହସ୍ ମିନ୍ଦେଣ୍ଡ୍ ।”
\p
\v 44 ମେଣ୍ଡେ, ଅଣ୍ଡ୍‌ ଯିହୁଦା ଦେଶ୍ ତେ ପ୍ରାର୍ତନା ଲୋକିନାଗ୍ ପ୍ରଚାର ମାଡ଼ାଙ୍କ୍ ପସ୍‍ପିତ୍‍ତଣ୍ଡ୍ ।
\c 5
\s ଜିସୁ ପ୍ରତମ୍‌ ଶିଷ୍ୟଙ୍କ୍ କାରଙ୍ଗ୍‍ତଣ୍ଡ୍
\r (ମାତିଉ ୪:୧୮-୨୨; ମାର୍କ ୧:୧୬-୨୦)
\p
\v 1 \x + \xo ୫:୧ \xo*\xt ମାତିଉ ୧3:୧,୨; ମାର୍କ 3:୯,୧୦; ୪:୧.\xt*\x*ଅଣ୍ଡ୍‌ ଦିନେ ଜିସୁ ଗିନେସର୍‍ତ ସାୱୁଡ଼େ ଆଞ୍ଚିନାଗ୍‌ ନିଶ୍ ମାତ୍‍ତଣ୍ଡ୍, ମେଣ୍ଡେ ନାରୁଡ଼୍ ଅନ୍‌ ବାକ୍ୟ କେଞ୍ଜାନଙ୍କ୍ ତୁର୍ସାତୁର୍ସି ଆସମାତ୍‍ତଡ଼୍; 
\v 2 ମେଣ୍ଡେ, ଅଣ୍ଡ୍‌ ସାୱୁଡ଼େ ଆଞ୍ଚିନାଗ୍‌ ରେଣ୍ଡ୍ ଓଡା ମାନ୍ଦାନାଦ୍ ଉଡ଼୍‍ତ୍ତଣ୍ଡ୍; କିକେ ପଇତାନଡ଼୍ ଆଗାକନ୍‍ସ୍ ଡିଗି ଜାରି ନର୍‍ସ୍ ମାତ୍‍ତଡ଼୍ । 
\v 3 ଆୱ ଅଡ଼୍‌ ଲୋପେ ବେଦ୍ ଶିମୋନ୍ ଡ଼ାଦ୍ ମାତ୍‍ତେ, ଆଗେଅଣ୍ଡ୍‌ ତାରି ବୂମ୍‌କନ୍‍ସ୍‍ ସୁଦୁର୍ ଜେକେ ଆଦାନ୍ ସେଙ୍ଗେ ଅଂକିଙ୍କ୍‌ ଅନୁରଦ୍‌‍ ମାଡ଼୍‍ତଣ୍ଡ୍; ମେଣ୍ଡେ, ଅଣ୍ଡ୍‌ ଓଡ଼େତାଗ୍ କୁଦି ନାରୁଡ଼୍‍କିଂଙ୍କ୍ ଶିକ୍ଷା ହିଦାଙ୍କ୍ ପସ୍‍ପିତ୍‍ତଣ୍ଡ୍ ।
\p
\v 4 ଅଣ୍ଡ୍‌ ଗଟି ତେର୍‍ସ୍‍ପି “ଶିମୋନ୍ ତିଙ୍କ୍ କେତ୍ତଣ୍ଡ୍, କୁଇଙ୍ଗ୍ ଏର୍‍ ଦାଗେ ଆଞ୍ଜ୍ କିକେ ପଇତାନ୍ ସେଙ୍ଗେ ମିୱାଦ୍ ଜାରି ୱାଟାଟ୍ । \fig କିକେ ପୟ୍‍ତାନଣ୍ଡ୍ ଓଡେତ୍‍ ପର ମାଞ୍ଜ୍ କିକେ ପୟ୍‍ତାନାଦ୍‍|alt="Fishermen in boat and catch fish" src="HK00208C.TIF" size="span" copy="Horace Knowles ©" ref="୫:୪"\fig*
\p
\v 5 \x + \xo ୫:୫ \xo*\xt ଯୋହନ୍‌‌ ୨୧:3.\xt*\x*ଇଗେତିସ୍‍ନ୍‍ ଶିମୋନ୍ କେତ୍ତଣ୍ଡ୍, ହୋ ଗୁରୁ, ମାମ୍ ନିଟେ ନାର୍କେ ତିପାଲ୍ ମାଡ଼ି ବାତେଏ ପୟ୍‍ମ୍; ବାତେଙ୍କ୍ ଇତ୍କେ ନି ଗଟ୍ ତେ ନାନ୍ ଜାରି ୱାଟିତାନ୍ ।” 
\v 6 \x + \xo ୫:୬ \xo*\xt ଯୋହନ୍‌‌ ୨୧:୬.\xt*\x*ମେଣ୍ଡେ, ଅଡ଼୍‌‍ ଆଦ୍ ୱାଟି ଗାଟି କିକେ ପୟିତ୍‍ତଡ୍, ମେଣ୍ଡେ ଅଡ଼୍‌‍ୱାଦ୍ ଜାରି ଦେଗାଙ୍କ୍ ଲେକାମ୍ ହାତ୍‍ତା । 
\v 7 ଆଗେ ତାମ୍ ବେନ୍ ଉଦାର୍‍ ଆତ୍‍ତେନଡ଼୍ ବାଗାତ୍ ଓଡେ ତାଗ୍ ମାତ୍‍ତଡ଼୍, ଅଡ଼୍‌‍ ବେଲା ୱାସ୍ ସାହାଯ୍ୟ ମାଡ଼ିତ୍‍ତଡ଼୍, ଇଦିନ୍ ସେଙ୍ଗେ ଅଡ଼୍‌‍ ଅଡ଼୍‌‍କିଂଙ୍କ୍ କାଇଦେ କାରଙ୍ଗ୍‍ତଡ଼୍‍ । ଇଗେ ଅଡ଼୍‌‍ ୱାସ୍ ରେଣ୍ଡ୍ ଓଡାକିଂଙ୍କ୍ ଇଦ୍ ରକମ୍ ସାରେ ମାଡ଼ିତଡ୍ ଯେ ଆୱ ମୁଡୁନ୍ଦାନ୍ ରକମ୍ ଆତ୍‍ତା । 
\v 8 “ବାତେଙ୍କ୍ ଇତ୍କେ ଶିମୋନ୍ ପିତର୍ ଇଦ୍ ଉଡ଼ି ଜିସୁନ୍ ଡେକାନ୍ ମଦଲ୍ ମଡ଼୍‍କି କେତ୍‍ତଣ୍ଡ୍, ହୋ ପ୍ରବୁ, ନାୟାଗ୍ କଞ୍ଜ୍ ଆଦାନଙ୍କ୍ ଆଇମ୍, ବାତେଙ୍କ୍ ନାନ୍ ୱେରଣ୍ଡ୍ ପାପି ନାରୁନ୍ ।”
\p
\v 9 ବାତେଙ୍କ୍ ଇତ୍କେ ଅଡ଼୍‌‍ ଆଗେ ୱିଡ଼୍‍ସଡ଼୍ କିକେ ପଡ଼ିୟିହିତ୍‍ତଡ଼୍ ଯେ, ଆଦ୍ ଉଡ଼ି ଶିମୋନ୍ ନୁ ତାମ୍ ସାଙ୍ଗଡ଼୍ ସାରେତଡ଼୍ ବାକ୍‍ୱା ଆତ୍‍ତଡ଼୍; 
\v 10 ମେଣ୍ଡେ, ଜେବଦିତେ ଇଡ଼ିୱୁଡ଼୍‍ ମାର୍‍କ୍ ଯାକୁବ୍ ନୁ ଯୋହନ୍‌, ବେନଡ଼୍ ଶିମୋନ୍‍ତେ ସାଙ୍ଗଡ଼୍ ମାତ୍‍ତଡ଼୍, ଅଡ଼୍‌‍ ମିକା ଆଦ୍ ରକମ୍ ବାକ୍‍ୱା ଆତ୍‍ତଡ଼୍ । ମେଣ୍ଡେ, ଜିସୁ ଶିମୋନ୍‍ତିଙ୍କ୍ କେତ୍‍ତଣ୍ଡ୍, “ନା ତଡ଼୍ ୱାଡ଼ାଟ୍ । ନାନ୍ ମିକିଂଙ୍କ୍ ନାରୁଡ଼୍‍କିଂଙ୍କ୍ ପଇତାନାଦ୍ ନାଡ଼୍‍ସ୍ପିତ୍‍ତାନ୍ ।”
\p
\v 11 ଆଗେଙ୍କ୍ ଅଡ଼୍‌‍ ସାଙ୍ଗେ ସାଙ୍ଗେ ଅଡ଼ାୱୁ ୱାଲା ୱିଡ଼୍‍ସି ଅନ୍‌ ତଡ଼୍ ପେର୍‍କେ ଆତ୍‍ତଡ଼୍ ।
\s ଜିସୁ କୁଷ୍ଠୀନାରୁନ୍‍ତିଙ୍କ୍ ସୁସ୍ଥମାଡ଼୍‍ତଣ୍ଡ୍
\r (ମାତିଉ ୮:୧-୪; ମାର୍କ ୧:୪୦-୪୫)
\p
\v 12 ଅନ୍‌‍ଦାମ୍ ଜିସୁ ୱେରନ୍ ନଗର୍‍ ତାଗ୍ ମାନ୍ଦାନ୍ ୱେଲେ, ଉଡାଟ୍, ୱେର୍‍ଣ୍ଡ୍ କୁଷ୍ଠୀରୋଗି ନାରୁଡ଼୍ ଆଦ୍ ଜାଗେତାଗେ ମାତ୍‍ତଣ୍ଡ୍; ଅଣ୍ଡ୍‌ ଜିସୁଙ୍କ୍ ଉଡ଼ି କାପ୍‍ମୁଡୁନ୍ଦି ଅଂକିଙ୍କ୍‌ ଦନ୍ୟବାଦ୍ ମାଡ଼ି କେତ୍‍ତଣ୍ଡ୍, “ହୋ ପ୍ରବୁ, ନିମେ ଯଦି ଇଚ୍ଛା ମାଡ଼ିତି, ଆଲାତ୍କେ ନାକିଂଙ୍କ୍ ସୁସ୍ଥ ମାଡ଼୍‍ଡ଼େ ପାର୍‍ତିଡ଼୍ ।”
\p
\v 13 ଆଗେଙ୍କ୍ ଅଣ୍ଡ୍‌ କାୟ୍ ଆଇସ୍ ଅଂକିଙ୍କ୍‌ ଇଟି କେତ୍ତଣ୍ଡ୍, “ନାନ୍ ଇଚ୍ଛା ମାଡ଼ୁତାନ୍, ସୁସ୍ଥ ଆଇମ୍ ।” ସାଙ୍ଗେ ସାଙ୍ଗେ କୃଷ୍ଟ ରୋଗ୍ ଅନାଗ୍‍କଞ୍ଚ୍‍ ମାୟିଆତ୍‍ତେ । 
\v 14 ମେଣ୍ଡେ, ଜିସୁ ଅଂକିଙ୍କ୍‌ ଗଟ୍ ଇସ୍‌ କେତ୍ତଣ୍ଡ୍, “ବେନଙ୍କେ କେଲ୍‍ମା, ବାତେଙ୍କ୍ ଇତ୍କେ ସିଦା ଯାଜକତେ ଗାର୍‍ରେ ଅନ୍‌ ନୁ ଅଣ୍ଡ୍‌ ନିକିଂଙ୍କ୍ ପରିକ୍ଷା ମାଡ଼ିଣ୍ଡ୍, ତାନ୍ ପେର୍‍କେ ନିମେ ସୁସ୍ଥ ଆତ୍‍ତିନ୍ ଇଞ୍ଜ ବାଗାତ୍ ନାରୁଡ଼୍‍ତେ ଗାର୍‍ରେ ପ୍ରମାନ୍ ହିଦାନ୍ ସେଙ୍ଗେ ମୋଶାନ୍‌ ଆଦେଶ୍‍ ଲେକାମ୍ ବଲି ଉତ୍ସର୍ଗ ମାଡ଼ା ।”
\p
\v 15 ବାତେଙ୍କ୍ ଇତ୍କେ ଜିସୁନ୍ ବିଷୟ ତେ ଗଟ୍ ମେଣ୍ଡେ ଅଦିକ୍‌ ସାରେପାକ୍ ଆତ୍‍ତେ, ମେଣ୍ଡେ ଗାଟି ନାରୁଡ଼୍ କେଞ୍ଜାନ୍ ସେଙ୍ଗେ ନୁ ନିଜ୍ ରୋଗ୍ କନ୍‍ସ୍ ସୁସ୍ଥ ଆଦାନ୍ ସେଙ୍ଗେ ଅଣ୍ଡୟାଗେ ଗୁଡୁତଡ଼୍‍; 
\v 16 ମାତର୍ ୱେରଡ଼୍ ସିମ୍‍ସାମ୍ ଜାଗେତାଗେ ମାଞ୍ଜ୍ ପ୍ରାର୍ତନା ମାଡ଼ମାତ୍‍ତଣ୍ଡ୍ ।
\s ଜିସୁ ୱେରଙ୍କ୍‌ ପକ୍ଷାଗାତ ରୋଗ୍‍ତିଙ୍କ୍ ସୁସ୍ଥମାଡ଼ତଣ୍ଡ୍
\r (ମାତିଉ ୯:୧-୮; ମାର୍କ ୨:୧-୧୨)
\p
\v 17 ଅନ୍‌ ଦିନେ ଜିସୁ ଶିକ୍ଷା ଇସ୍‌‍ମାତ୍‍ତଣ୍ଡ୍, ମେଣ୍ଡେ ଗାଲିଲୀତେ ସାରେ ନାର୍, ମେଣ୍ଡେ ଯିହୁଦା ପ୍ରଦେଶ୍ ନୁ ଯିରୁଶାଲେମ୍ କନ୍‍ସ୍ ୱାସ୍ ମାନ୍ଦାନ୍ ପାରୂଶୀ ନୁ ଶାସ୍ତ୍ରୀଡ଼୍ ଗାର୍‍ରେ କୁଦିମାତ୍‍ତଡ଼୍ । ମେଣ୍ଡେ, ଅଣ୍ଡ୍‌ ବେଦ୍ ରକମ୍ ରୋଗିଙ୍କ୍ ସୁସ୍ଥ ମାଡ଼ିତନ୍, ଇଦ୍ ସେଙ୍ଗେ ପ୍ରବୁନାଦ୍ ଶକ୍ତି ଉପସ୍ଥିତ୍ ମାତ୍‍ତେ । 
\v 18 ମେଣ୍ଡେ, ଉଡାଟ୍, ବେସ୍‍କ୍‍ତୁଡ଼୍‍ ନାରୁଡ଼୍ ଅରଟ୍ ପକ୍ଷାଘାତ ରୋଗି ନାରୁଙ୍କ୍ କାଟୁଲ୍ ତାଗ୍ କାଞ୍ଜି ତାସ୍ ଅଂକିଙ୍କ୍‌ ଲୋପେ ଆଦାନ୍ ସେଙ୍ଗେ ନୁ ଜିସୁନ୍ ମୁନ୍‍ନେ ରେହେତାନ୍ ସେଙ୍ଗେ ଆଲ୍‍ସି ମାଡ଼ମାତ୍‍ତଡ଼୍ । 
\v 19 ବାତେଙ୍କ୍ ଇତ୍କେ ମିଡ଼୍ ଆତ୍‍ତାଙ୍କ୍ ଅଂକିଙ୍କ୍‌ ଲୋପେ ଆଦାନ୍ ସେଙ୍ଗେ ହାର୍ ଦରସ୍‍କାଙ୍କ୍ ଅଡ଼୍‌‍ ଲୋତ୍‍ତେ ପରୁ ଆଞ୍ଜ୍ ମୁର୍ସିଙ୍କ୍ ଟେଣ୍ଡି ଲୋପେକେ କାଟୁଲ୍ ତଡ଼୍ ଅଂକିଙ୍କ୍‌ ନାଡ଼ମେ ଜିସୁନ୍ ମୁନ୍‍ନେ ୱେହେସିତ୍‍ତଡ୍ । 
\v 20 ଅଣ୍ଡ୍‌ ଅଡ଼୍‌‍ୱାଦ୍ ବିଶ୍ୱାସ୍ ଉଡ଼ି କେତ୍ତଣ୍ଡ୍, “ହୋ ବାବୁ, ନିୟାଦ୍ ପାପ୍ ସାରେ କ୍ଷମା ମାଡ଼ିତ୍‍ତଡ଼୍ ।”
\p
\v 21 ଆଗେ ଶାସ୍ତ୍ରୀନାରୁଡ଼୍‌ ନୁ ପାରୂଶୀଡ଼୍ ତିରିୟା ତିରିୟି ହାସ୍ ଇଲା କେତାଙ୍କ୍ ପସ୍ପ୍‍ତ୍‍ତଡ଼୍, ଇଣ୍ଡ୍ ଯେ ଇଶ୍ୱର୍‌ତିଙ୍କ୍‌ ଅପ୍‌ମାନ୍‌ ମାଡ଼ୁତଣ୍ଡ୍, “ଇଣ୍ଡ୍ ବେନ ? ମାତର୍‍ ଇଶ୍ୱର୍‌ ତେ ୱିଡ଼୍‍ସି ମେଣ୍ଡେ ବେନ ପାପ୍ କ୍ଷମାମାଡ଼୍ ପାର୍‍ଦ୍‍ତଣ୍ଡ୍ ?”
\p
\v 22 ବାତେଙ୍କ୍ ଇତ୍କେ ଜିସୁ ଅଡ଼୍‌‍ୱାଦ୍ ଗଟ୍ ତିରିୟାନାଦ୍ ପୁଞ୍ଜ୍ ମିକା ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ମିଡ଼୍ ନିଜ୍‍ନିଜ୍ ମାନ୍‍ଦାଗ୍ ବାତେଙ୍କ୍ ଆଦ୍ ରକମ୍ କାରାପ୍‍ ଗଟି ତିରିୟୁତିଡ୍ ? 
\v 23 ବେନ୍ କେତାନାଦ୍ ସହଜ୍ ? ନି ପାପ୍ ସାରେ କ୍ଷମା ମାଡ଼୍‍ତଡ଼୍ ଇଞ୍ଜ କେତାନାଦ୍, ନା, ତେଏଦେ, ଅନ୍‌ ଇଞ୍ଜ କେତାନାଦ୍ ? 
\v 24 ବାତେଙ୍କ୍ ଇତ୍କେ ପୃତିବିତେ ପାପ୍ କ୍ଷମା ମାଡ଼ାଙ୍କ୍ ନାରୁନ୍‍ପିଲେ ତିଙ୍କ୍‌ ଅଦିକାର୍‌ ମିନ୍ଦେ, ଇଦ୍ ବେଲା ମିଡ଼୍ ପୁଞ୍ଜ୍ ପାର୍‍ଦ୍‍ତିଡ଼୍-ଇଦ୍ ସେଙ୍ଗେ ଜିସୁ ପକ୍ଷାଘାତ ରୋଗ୍‍ତିଙ୍କ୍ କେତ୍ତଣ୍ଡ୍, ନାନ୍ କେତୁତାନ୍ ତେଦ୍‍ଦେ,” ନି କାଟୁଲ୍ ପୟିସ୍ ନି ଲୋନ୍‌ ହାନ୍ ।
\p
\v 25 ଆଗେତିନ୍‍ସ୍ ଅଣ୍ଡ୍‌ ସାଙ୍ଗେ ସାଙ୍ଗେ ଅଡ଼୍‌‍ ମୁନେତ୍‍କେ ତେଏଦି, ବେନେ କାଟୁଲ୍‍ତେ ପରୁ ଅଣ୍ଡ୍‌ ପାଟିମାତ୍‍ତଣ୍ଡ୍, ଆଦିଙ୍କ୍ ପୟିସ୍ ଇଶ୍ୱର୍‌ ତେ ମହିମା କୀର୍ତ୍ତନ୍ ମାଡ଼ମାଡ଼ ନିଜେ ଲୋନ୍‌ ଆତ୍‍ତଣ୍ଡ୍ । 
\v 26 ଆସୁଣ୍ଟ୍ “ସାରେତଡ଼୍ ବାକ୍‍ୱା ଆସ୍ ଇଶ୍ୱର୍‌ତେ ମହିମା କୀର୍ତ୍ତନ୍ ମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍ ନୁ ଗାଟି ୱେର୍‍ସ୍ କେତ୍ତଡ଼୍, ନେଣ୍ଡ୍ ମାମ୍ ଗାଟି ଆଦ୍‍ବୁତ୍ ଗଟନା ଉଡ଼୍‍ତମ୍ !
\s ଜିସୁ ଲେବୀୟଙ୍କ୍ କାରଙ୍ଗ୍‍ତଣ୍ଡ୍
\r (ମାତିଉ ୯:୯-୧୩; ମାର୍କ ୨:୧୩-୧୭)
\p
\v 27 ଇଦିନ୍ ପେର୍‍କେ ଜିସୁ ପେୟିସ୍ ଆଞ୍ଜ୍ ଲେବୀ ପେଦେର୍ ତେ ୱେର୍‍ଣ୍ଡ୍ କର ଆଦାୟ ମାଡ଼ାନକିଂଙ୍କ୍ କର ଆଦାୟ ପଡ଼ିୟେତାଗ୍ କୁଦିମାନ୍ଦାନାଦ୍ ଉଡ଼ି ଅଂକିଙ୍କ୍‌ କେତ୍ତଣ୍ଡ୍, ନା ପେର୍‍କେ ୱାଡ଼ା ।” 
\v 28 ଆଗେଙ୍କ୍ ଲେବୀ ସାରେତାୱିଙ୍କ୍ ୱିଡ଼୍‍ସି ମିକା ତେଦି ଅନ୍‌ ପେର୍କେ ତାକାଙ୍କ୍ ପସ୍‍ପ୍‍ତଣ୍ଡ୍ ।
\p
\v 29 ମେଣ୍ଡେ, ଲେବୀ ନିଜେ ଲୋନ୍‌ ଅନ୍‌ ସେଙ୍ଗେ ୱେରନ୍ ବେଡ଼େୟାଦ୍ ବଜି ମାଡ଼ତ୍‍ତଣ୍ଡ୍, ମେଣ୍ଡେ ଗାଟି ନାର୍ଗେମାନ୍ଦେ କରଗ୍ରାହୀ ନୁ ତାନ୍‌ ନାରୁଡ଼୍ ଅଡ଼୍‌‍ ତଡ଼୍ ତିନ୍ଦାନଙ୍କ୍ କୁଦ୍‍ତଡ଼୍ । 
\v 30 \x + \xo ୫:3୦ \xo*\xt ଲୁକ ୧୫:୧,୨.\xt*\x*ଆଗେ ପାରୂଶୀଡ଼୍ ନୁ ଅଡ଼୍‌‍ ମାନ୍ଦେତେ ଶାସ୍ତ୍ରୀଡ଼୍ ଅନ୍‌ ଶିଷ୍ୟନ୍ ବିରୁଦ୍ ତେ ଅବିଯୋଗ୍ ମାଡ଼ି କେତୁତଡ଼୍, “ମିଡ଼୍ ବାତେଙ୍କ୍ କରଗ୍ରାହୀ ନୁ ପାପି ନାରୁଡ଼୍ ତଡ଼୍ ତଡ଼େକ୍ ତିନ୍ଦାନ୍ ଉନ୍ଦାନ୍ ମାଡ଼ୁତିଡ଼୍ ?”
\p
\v 31 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ସୁସ୍ଥ ନାରୁଡ଼୍‍କ୍ ଡାକ୍ଟର୍‍ତେ ଦର୍‍କାର୍ ଇଲ୍‍ଲେ, ମାତର୍ ରଗ୍‍ତେ ନାରୁଡ଼୍‍କିଂଙ୍କ୍ ଦର୍‍କାର୍ ମିନ୍ଦେ । 
\v 32 ନାନ୍ ଦାର୍ମିକ୍ ନାରୁଡ଼୍‍କ୍ କାରଙ୍ଗାନ୍ ସେଙ୍ଗେ ୱାଡ଼ନ୍, ବାତେଙ୍କ୍ ଇତ୍କେ ମନପରିବର୍ତ୍ତନ୍ ସେଙ୍ଗେ ପାପି ନାରୁଡ଼୍‍କ୍ କାରଙ୍ଗାନ୍ ସେଙ୍ଗେ ୱାସ୍‍ମିନ୍ଦେନ୍ ।”
\s ଉପବାସ୍ ବିଷୟତେ ପଶ୍ନ
\r (ମାତିଉ ୯:୧୪-୧୭; ମାର୍କ ୨:୧୮-୨୨)
\p
\v 33 ବେସ୍‍କ୍‍ତୁଡ଼୍‍ ନାରୁଡ଼୍ ଜିସୁଙ୍କ୍ କେତ୍ତଡ଼୍, “ଯୋହନ୍‌ ତେ ଶିଷ୍ୟଡ଼୍ ନାର୍ଗେ ଦିନାମ୍‍ତେ ଉପବାସ୍ ନୁ ପ୍ରାର୍ତନା ମାଡ଼ିତଡ଼୍, ପାରୂଶୀଡ଼୍ ତେ ଶିଷ୍ୟଡ଼୍ ମିକା ଆଦ୍ ରକମ୍ ମାଡ଼ିତଡ଼୍, ବାତେଙ୍କ୍ ଇତ୍କେ ମିଇ ଶିଷ୍ୟଡ଼୍ ତିନ୍ଦାନ୍ ଉନ୍ଦାନ୍ ମାଡ଼ିତଡ଼୍ ।”
\p
\v 34 ଆଗେତିନ୍‍ସ୍ “ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, ପେଣ୍ଡୁଲ୍ ନାରୁଡ଼୍‍ତଡ଼୍ ବର ମାନ୍ଦାନ୍ ୱେଲେ ମିଡ଼୍ କି ଅଡ଼୍‌‍କିଂଙ୍କ୍ ଉପବାସ୍ ମାଡ଼େ ପାର୍‍ଦ୍‍ତିଡ଼୍ ? ବେସୁଟ୍‌ ମିକା ଆୟ୍‍ୟ । 
\v 35 ବାତେଙ୍କ୍ ଇତ୍କେ ସମୟ୍ ୱାଦ୍‍ତା; ମେଣ୍ଡେ, ବେସୁଣ୍ଟ୍ ଅଡ଼ାଗାକନ୍‍ସ୍ ବରତିଙ୍କ୍ ୱିରସ୍‍ପି ହଦ୍‍ତଡ଼୍, ଆସୁଣ୍ଟ୍ ଆଦ୍ ଦିନାମ୍‍ତେ ଅଡ଼୍‌‍ ଉପବାସ୍ ମାଡ଼ିତଡ଼୍ ।”
\p
\v 36 ମେଣ୍ଡେ, ଜିସୁ ଅଡ଼୍‌‍କିଂଙ୍କ୍ ୱେରଡ୍‍ ୱେଷଡ଼୍ କେତ୍ତଣ୍ଡ୍, “ବେନ ପୁଃନେ ସିଲେତ୍ କନ୍‍ସ୍ ତାଲି ଦେହେସ୍ ପାଃନ୍ତେ ସିଲେତାଗ୍ ୱାଟଣ୍ଡ୍; ୱାଟକେ ଅଣ୍ଡ୍‌ ପୁଉନାଦିଙ୍କ୍ ଇକିତଣ୍ଡ୍, ମେଣ୍ଡେ ପୁଃନେ ସିଲେତ୍ ତାଲି ପାଃନ୍‌ତାଦ୍‌ ତଡ଼୍ କାୟିଲ ।” 
\v 37 ମେଣ୍ଡେ, ବେନ ପୁଃନେ ଦ୍ରାକ୍ଷାରସ୍ ପାଃନ୍ତେ କୁଣ୍ଡେତାଗ୍ ୱାଟଣ୍ଡ୍; ୱାଟକେ ପୁଃନେ ଦ୍ରାକ୍ଷାରସ୍ କୁଣ୍ଡେତିଙ୍କ୍ ହୁଃତିତେ, ମେଣ୍ଡେ କୁଣ୍ଡେ ନୁ ଅଙ୍ଗୁର୍ ରସ୍ ନଷ୍ଟ ଆଦ୍‍ତେ । 
\v 38 ବାତେଙ୍କ୍ ଇତ୍କେ ପୁଃନେ ଦ୍ରାକ୍ଷାରସ୍ ପୁଃନେ କୁଣ୍ଡେତାଗେ ନେହେତାନ୍ ଲେକେତ୍ । 
\v 39 ମେଣ୍ଡେ, ବେନ ପାଃନ୍ତେ ଦ୍ରାକ୍ଷାରସ୍ ଉଞ୍ଜ୍ ମିକା ପୁଃନେ ଦ୍ରାକ୍ଷାରସ୍ ଉନ୍ଦାନଙ୍କ୍ ଇଚ୍ଛା ମାଡ଼ଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍‌ କେତିତଣ୍ଡ୍, ପାଃନ୍‌ତାଦ୍‌ ତ ସାଏ ।
\c 6
\s ବିଶ୍ରାମଦିନେ ବିଷୟତେ ପଶ୍ନ
\r (ମାତିଉ ୧୨:୧-୮; ମାର୍କ ୨:୨୩-୨୮)
\p
\v 1 ଅଣ୍ଡ୍‌‍ଦିନ୍ ଜିସୁ ବିଶ୍ରାମଦିନେ ତାଗ୍ ଶସ୍ୟୱାୟେ ତାଲାନ୍ ଆଞ୍ଜ ମାନ୍ଦାନ୍ ୱେଲେ ଅନ୍‌ ଶିଷ୍ୟଡ଼୍ କେଡ଼୍ ଦେହେସ୍ କାଇଦେ ନଅକି ତିଞ୍ଜ ମାତ୍‍ତଡ଼୍ । 
\v 2 ଇତ୍କେ ପାରୂଶୀଡ଼୍ ଲୋପେ ବେସ୍‍କ୍‍ତୁଡ଼୍‍ କେତ୍‍ତଡ଼୍‍, “ବିଶ୍ରାମଦିନେ ଦାଗେ ବାତେଏ ମାଡ଼ାନାଦ୍ ନିୟମ୍‍ ଆୟ୍‍ୟ, ଆଦ୍ ମିଡ଼୍ ବାତେଙ୍କ୍ ମାଡ଼ୁତିଡ଼୍ ?”
\p
\v 3 ଜିସୁ ଅଡ଼୍‌‍କିଂଙ୍କ୍ ଉତ୍ତର୍ ହିତ୍‍ତଣ୍ଡ୍, ଦାଉଦ୍‍ ନୁ ତାମ୍ ସାଙ୍ଗଡ଼୍ କାରୱିନ୍ ମାନ୍ଦାନ୍ ୱେଲେ ଅଣ୍ଡ୍‌ ବାତେଏ ମାଡ଼ତ୍‍ତଣ୍ଡ୍, ଆଦ୍ ମିଡ଼୍ କାର୍‍ୱିଡ଼୍ କି ? 
\v 4 ଅଣ୍ଡ୍‌ ବେଲା ଇଶ୍ୱର୍ ତେ ଲୋନ୍‌ ଆସି, ବେନେ ଦର୍ଶନୀରୂଟି ମାତର୍ ଯାଜକିଡ଼୍ ୱିଡ଼୍‍ସି ମେଣ୍ଡେ ବେନଙ୍କେ ତିନ୍ଦାନଙ୍କ୍ ନିୟମ୍‍ ଆୟ୍‍ୟ, ଆଦ୍ ତାସ୍ ତିତ୍‍ତଣ୍ଡ୍, ମେଣ୍ଡେ ତାନ୍ ସାଙ୍ଗଡ଼କ୍ ମିକା ହିତ୍‍ତଣ୍ଡ୍ ।
\p
\v 5 ମେଣ୍ଡେ, ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ନାରୁନ୍‍ପିଲେ ବିଶ୍ରାମଦିନେତେ ପ୍ରବୁ ଆଦ୍‍ତନ୍ ।”
\s ୱାସ୍ତେ ନାରୁଡ଼୍‍ତେ କାୟ୍ ସୁସ୍ଥତା
\r (ମାତିଉ ୧୨:୯-୧୪; ମାର୍କ ୩:୧-୬)
\p
\v 6 ଜିସୁ ମେଣ୍ଡେଅଣ୍ଡ୍‌ ବିଶ୍ରାମଦିନେ ତେ ସମାଜ୍ ଲତ୍‍ତାଗେ ନେଙ୍ଗିମିକା ଶିକ୍ଷା ହିସ ମାତ୍‍ତଣ୍ଡ୍; ଆଗେ ୱେରନ୍ ନାରୁଡ଼୍ ମାତ୍‍ତଣ୍ଡ୍, ଅନ୍‌‍ୱାଦ୍ ତିନ୍ଦେକାଇ ୱାତିମାତ୍‍ତେ । 
\v 7 ମେଣ୍ଡେ, ଅଣ୍ଡ୍‌ ଉମ୍ଭ ବିଶ୍ରାମଦିନେ ଦାଗେ ସୁସ୍ଥ ମାଡ଼ିତନ୍, ଇଦ୍ ଉଡ଼ାନ୍ ସେଙ୍ଗେ ଶାସ୍ତ୍ରୀ ନୁ ପାରୂଶୀଡ଼୍ ଅଂକିଙ୍କ୍‌ ଉଡ଼ ମାତ୍‍ତଡ଼୍, ବେଲାକି ଅଡ଼୍‌‍ ଅନ୍‌ ବିରୁଦ୍ ତେ ଦଷ୍ ପଇତାଙ୍କ୍ ପାର୍‍ଦ୍‍ତଡ଼୍ । 
\v 8 ବାତେଙ୍କ୍ ଇତ୍କେ ଜିସୁ ଅଡ଼୍‌‍ୱାଦ୍ ମନ୍‍ତାଦ୍ ହେର୍କା ପୁଞ୍ଜ୍, ବେନ୍ ନାରୁଡ଼୍ ତେ କାୟ୍ ୱାତିମାତ୍‍ତେ, ଅଂକିଙ୍କ୍‌ କେତ୍ତଣ୍ଡ୍, ତେଦ୍‍ଦା ନାଡ଼ମେ ନିଲ୍‍ମ୍ । ମେଣ୍ଡେ ଅଣ୍ଡ୍‌ ତେଦି ନିତ୍‍ତଣ୍ଡ୍ । 
\v 9 ଆଗେଙ୍କ୍ “ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, ନାନ୍ ମିକିଂଙ୍କ୍ ପାଚ୍ରାମାଡୁତାନ୍, ବିଶ୍ରାମଦିନେ ତେ ବାତେଏ ମାଡ଼ାନାଦ୍ ନିୟମ୍‍ ? ସାୟେ ମାଡ଼ାନାଦ୍ ନା କାରାପ୍ ମାଡ଼ାନାଦ୍ ? ଜିୱୁଣ୍ଡ୍ ରକ୍ଷା ମାଡ଼ାନାଦ୍ ନା ଆୱକାନାଦ୍ ?” 
\v 10 ମେଣ୍ଡେ, “ଅଣ୍ଡ୍‌ ସାର୍‍ରେପାକେ ସାରେତଡ଼୍‌କିଂଙ୍କ୍ ଉଡ଼ି ଅଂକିଙ୍କ୍‌ କେତ୍ତଣ୍ଡ୍, ନି କାଇଆମ୍ । ଆସୁଣ୍ଟ୍ ଅଣ୍ଡ୍‌ ଆଲା ମାଡ଼ତ୍‍ତଣ୍ଡ୍, ଆସୁଟେ ଅନ୍‌‍ୱାଦ୍ କାୟ୍ ସୁସ୍ଥ ଆତ୍‍ତେ ।”
\p
\v 11 ବାତେଙ୍କ୍ ଇତ୍କେ ଅଡ଼୍‌‍ କପାମ୍ ଆଦ୍‍ତଡ଼୍, ମେଣ୍ଡେ ଜିସୁନ୍ ସେଙ୍ଗେ ବାତେମାଡ଼୍ ପାର୍‍ଦ୍‍ତଡ଼୍, ଆଦ୍ ବିଷୟତେ ନିଜେ ନିଜେ ଗଟି ତିରିୟା ତିରିୟି ଆତ୍‍ତଡ଼୍ ।
\s ଜିସୁ ବାରଜାନ୍ ଶିଷ୍ୟଙ୍କ୍ ହେଞ୍ଚତଣ୍ଡ୍
\r (ମାତିଉ ୧୦:୧-୪; ମାର୍କ ୩:୧୩-୧୯)
\p
\v 12 ଆସୁଣ୍ଟ୍ ଜିସୁ ଅନ୍‌‍ଦିନେ ପ୍ରାର୍ତନା ମାଡ଼ାନ୍ ସେଙ୍ଗେ ମେଟେତାଗ୍ ଆଞ୍ଜ୍ ପରମେଶ୍ୱରତେ ଗାର୍‍ରେ ପ୍ରାର୍ତନା ମାଡ଼ମାଡ଼ ନିଟ୍‍ଟା ନାର୍କେ ମାତ୍‍ତଣ୍ଡ୍ । 
\v 13 ନାର୍‍କୁକ୍, ଜିସୁ ତାନ୍ ପ୍ରେରିତ୍‍ ଶିଷ୍ୟଡ଼୍ ଗାର୍‍ରେ କାର୍‍ଙ୍ଗି ଅଡ଼୍‌‍ ଲୋପେ ବାରଜାନ୍‍ତିଙ୍କ୍ ଏଞ୍ଚତଣ୍ଡ୍; ଅଣ୍ଡ୍‌ ଅଡ଼୍‌‍କିଂଙ୍କ୍ ମିକା ପ୍ରେରିତ୍ ପେଦେର୍ ହିତ୍‍ତଣ୍ଡ୍; 
\v 14 ଅଡ଼୍‌‍ ଆତ୍‍ତଡ଼୍ ଶିମୋନ୍, ବେନଙ୍କ୍ ଅଣ୍ଡ୍‌ ମିକା ପିତର୍ ପେଦେର୍ ହିତ୍‍ତଣ୍ଡ୍, ମେଣ୍ଡେ ତାମ୍ ଦାଦାଲ୍‌ ଆନ୍ଦ୍ରିୟ, ଯାକୁବ୍ ନୁ ଯୋହନ୍‌, ପିଲିପ୍‍ପ ନୁ ବର୍ତଲମି, 
\v 15 ମାତିଉ ନୁ ତୋମା, ଆଲ୍‍ଫିତେ ମାର୍‍ ଯାକୁବ୍ ନୁ ଶିମୋନ୍, ବେନଙ୍କ୍ ଉଦଯୋଗୀ ଇଞ୍ଜ କେତିତଡ଼୍‍, 
\v 16 ଯାକୁବ୍ ତେ ମାର୍‍ ଯିହୂଦା ନୁ ଇଷ୍କାରିୟୋତୀୟ ଯିହୂଦା, ବେନ ଜିସୁଙ୍କ୍ ଶତ୍ରୁଡ଼୍ କାଇଦେ ଇତ୍‍ତନ୍ ।
\s ଜିସୁ ଶିକ୍ଷା ହିତ୍‍ତଣ୍ଡ୍ ନୁ ସୁସ୍ଥ ମାଡ଼ତଣ୍ଡ୍
\r (ମାତିଉ ୪:୨୩-୨୫)
\p
\v 17 ମେଣ୍ଡେ, ଜିସୁ ପ୍ରେରିତ୍ ତଡ଼୍ ମେଟେତାଗାଙ୍କ୍ ମଦଲ୍ ୱାତ୍‍ତଣ୍ଡ୍ । ମେଣ୍ଡେ ତାନ୍ ଗାଟି ନାର୍ଗେ ଶିଷ୍ୟଡ଼୍ ତଡ଼୍ ୱେରନ୍ ସାମ୍‍ନ୍ ବୁମ୍‍ତାଗେ ନିତ୍‍ତଡ଼୍ । ମେଣ୍ଡେ ସାରେ ଯିହୂଦା ପ୍ରଦେଶ୍, ଯିରୁଶାଲେମ୍, ମେଣ୍ଡେ ସୋର ନୁ ସୀଦୋନ୍‍ତେ ଆଞ୍ଚିନାଗା କଞ୍ଜ୍ ଗାଟି ନାରୁଡ଼୍ ଉପସ୍ଥିତ୍ ଆତ୍‍ତଡ୍; 
\v 18 ଅଡ଼୍‌‍ ଅନ୍‌ ବାକ୍ୟ କେଞ୍ଜାନଙ୍କ୍ ନୁ ନିଜ୍‍ନିଜ୍ ରୋଗତେ କନ୍‍ସ୍ ସୁସ୍ଥ ଆଦାନ୍ ସେଙ୍ଗେ ୱାସ୍ ମାତ୍‍ତଡ଼୍, ମେଣ୍ଡେ ବେନ ଅଶୁଚି ଆତ୍ମା ତଡ଼୍ କଷ୍ଟ ଆସ୍‍ସ ମାତ୍‍ତଡ଼୍, ଅଡ଼୍‌‍ ସାରେତଡ଼୍‍କ୍ ଜିସୁ ସୁସ୍ଥ ମାଡ଼ତଣ୍ଡ୍; 
\v 19 ମେଣ୍ଡେ ନାରୁଡ଼୍ ଅଂକିଙ୍କ୍‌ ଇଟାନଙ୍କ୍ ଆଲ୍‍ସି ମାଡ଼ମାତ୍‍ତଡ଼୍, ବାତେଙ୍କ୍ ଇତ୍କେ ଅନାଗା କଞ୍ଜ୍ ଶକ୍ତି ପେୟିସ୍ ସାରେତଡ଼୍‌କିଂଙ୍କ୍ ସୁସ୍ଥ ମାଡ଼ମାତ୍‍ତେ ।
\s ଆର୍ଶିବାଦ୍ ନୁ କଷ୍ଟ
\r (ମାତିଉ ୫:୧-୧୨)
\p
\v 20 ଆସୁଣ୍ଟ୍ ଜିସୁ ତାନ୍ ଶିଷ୍ୟଡ଼୍ ପାକ୍‍କେ ଉଡ଼ି କେତ୍ତଣ୍ଡ୍,
\q1 “ଅଦାତ୍ମିକ୍ ଜିୱୁନ୍‍ତାଗ୍ ଦୁର୍ବଲ୍ ଇଞ୍ଜ ଏର୍କା ମାଡ଼ାନ୍ ନାରୁଡ଼୍ ଦନ୍ୟ,”
\q2 ବାତେଙ୍କ୍ ଇତ୍‍କେ ଅଡ଼୍‌ ସ୍ୱର୍ଗରାଜ୍ୟତେ ଅଦିକାର୍ ଆଦ୍‍ତଡ଼୍ ।
\q1
\v 21 ଇଞ୍ଜେ କାର୍‍ୱିନ୍ ଯେ ମିଡ଼୍, ମିଡ଼୍ ଦନ୍ୟ,
\q2 ବାତେଙ୍କ୍ ଇତ୍କେ ମିଡ଼୍ ତିଞ୍ଜ୍‌ ପାଞ୍ଜିତିଡ଼୍‌ ।
\q1 ଇଞ୍ଜେ କେୟୁତିଡ଼୍‍ ଯେ ମିଡ଼୍, ମିଡ଼୍ ଦନ୍ୟ,
\q2 ବାତେଙ୍କ୍ ଇତ୍କେ ମିଡ଼୍ କାୱଦିତିଡ଼୍‍ ।
\p
\v 22 \x + \xo ୬:୨୨ \xo*\xt ୧ ପିତର୍‍ ୪:୧୪.\xt*\x*ନାରୁଡ଼୍ ବେସୁଣ୍ଟ୍ ନାରୁନ୍‍ପିଲେ ସେଙ୍ଗେ ମିକିଂଙ୍କ୍ ୱେଏରେ ମାଡ଼ିତଡ଼୍, ପାସ୍‍କିତଣ୍ଡ୍, ମେଣ୍ଡେ ନିନ୍ଦା ମାଡ଼ିତଡ଼୍ ନୁ ମି ପେଦେର୍‍ତିଙ୍କ୍ କାରାବ୍‍ ଇଞ୍ଜ ପୟଡ୍, ଆସୁଣ୍ଟ୍ ମିଡ଼୍ ଦନ୍ୟ । 
\v 23 \x + \xo ୬:୨3 \xo*\xt ପ୍ରେରିତ ୭:୫୨.\xt*\x*ଆଦ୍‍ଦିନେ ୱେଡ଼୍‍କା ମାଡ଼ି ହେନ୍ଦାଟ୍, ବାତେଙ୍କ୍ ଇତ୍କେ ଉଡ଼ାଟ୍, ସ୍ୱର୍ଗତାଗେ ମିୱାଦ୍ ପୁରସ୍କାର୍ ମିନ୍ଦେ; ମେଣ୍ଡେ, ଆଦ୍ ରକମ୍ ତ ଅଡ଼୍‌‍ୱାଦ୍‌ ପିତୃପୁରୁଷନଡ଼୍ ବାବବାଦୀଡ଼୍ ସେଙ୍ଗେ ମାଡ଼ମାତ୍‍ତଡ଼୍ ।
\q1
\v 24 ବାତେଙ୍କ୍ ଇତ୍କେ ହାୟେ, ଦଣ୍ଡତେ ନାରୁଡ଼ି ସାଉକାର୍ ଯେ ମିଡ଼୍,
\q2 ବାତେଙ୍କ୍ ଇତ୍କେ ମିଡ଼୍ ନିଜେ ନିଜେ ସୁକାମ୍‍ତେ ମିନ୍ଦେଡ଼ି ।
\q1
\v 25 ହାୟେ, ଦଣ୍ଡତେ ନାରୁନ୍ ନାର୍ଗେମାନ୍ଦାନ୍ ନାରୁଡ଼୍ ଯେ ମିଡ଼୍,
\q2 ବାତେଙ୍କ୍ ଇତ୍କେ ମିଡ଼୍ କାରୱିନ୍ ଆଦ୍‍ତିଡ଼୍ ।
\q1 ହାୟେ, ଦଣ୍ଡତେ ପାତ୍ର ଇଞ୍ଜେ କାୱଦୁତିଡ଼୍‍ ଯେ ମିଡ଼୍,
\q2 ବାତେଙ୍କ୍ ଇତ୍କେ ମିଡ଼୍ ଦୁଃକାମ୍ ନୁ କେୟିତିଡ଼୍ ।
\p
\v 26 ବେସୁଣ୍ଟ୍ ନାରୁଡ଼୍ ସାରେତଡ଼୍ ମିକିଂଙ୍କ୍ ପ୍ରସଂଶା ମାଡ଼ି କେତିତଡ଼୍, ଆସୁଣ୍ଟ୍ ହାୟେ, ମିଡ଼୍ ଦଣ୍ଡତେ ପାତ୍ର; ଆଦ୍ ରକମ୍ ତ ଅଡ଼୍‌‍ୱାଦ୍‌ ପିତୃପୁରୁଷନଡ଼୍ ବଣ୍ଡବାବବାଦିଡ଼୍‍ ସେଙ୍ଗେ ମାଡ଼ମାତ୍‍ତଡ଼୍ ।
\s ଶତ୍ରୁଡ଼୍‍କ୍ ପ୍ରେମ୍ ମାଡ଼ାଟ୍
\r (ମାତିଉ ୫:୩୮-୪୮; ୭:୧୨)
\p
\v 27 ବାତେଙ୍କ୍ ଇତ୍କେ କେଞ୍ଜୁତିଡ଼୍‍ ଯେ ମିଡ଼୍, ମିକିଂଙ୍କ୍ ନାନ୍ କେତୁତାନ୍, ମି ଶତ୍ରୁନଡ଼୍‍କ୍ ପ୍ରେମ୍ ମାଡ଼ାଟ୍; ବେନଡ଼୍ ମିକିଂଙ୍କ୍ ପାସ୍‍କିତଡ଼୍, ଅଡ଼ାଦ୍‌ ଲେକେତ୍ ମାଡ଼ାଟ୍; 
\v 28 ବେନଡ଼୍ ମିକିଂଙ୍କ୍ ଅବିଶାପ୍‌ ହିଦ୍‍ତଡ଼୍, ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ାଟ୍; ବେନଡ଼୍ ମିକିଂଙ୍କ୍ ଅପ୍‍ମାନ୍ ମାଡ଼ିତଡ଼୍, ଅଡ଼୍‌‍ ସେଙ୍ଗେ ପ୍ରାର୍ତନା ମାଡ଼ାଟ୍ । 
\v 29 ବେନ ମିକିଂଙ୍କ୍ ୱେରନ୍ ବୁକେତାଗ୍ ଚାପୁଡ଼ା ରେହେତିତଣ୍ଡ୍, ଅଂକିଙ୍କ୍‌ ମେଣ୍ଡ ଅଙ୍କ୍‌ ବୁକା ତହସିମୁଟ୍; ମେଣ୍ଡେ, ବେନ ମିଇ ଡୁପଟ୍ ହଦ୍‍ତଣ୍ଡ୍, ଅଂକିଙ୍କ୍‌ ମିଇ ଚକା ମିକା ଆଦାଙ୍କ୍ ମନା ମାଡ଼ମାଟ୍ । 
\v 30 ବେନ ମିକିଂଙ୍କ୍ ତାଆଲ୍‍କିତଣ୍ଡ୍, ଅଂକିଙ୍କ୍‌ ହିମୁଟ୍; ମେଣ୍ଡେ ବେନ ମିଇ ସମ୍ପତ୍ତି ଆଦ୍‍ତଣ୍ଡ୍, ଅନାଗା କଞ୍ଜ୍ ଆଦ୍ ମେଣ୍ଡେ ତାଲ୍‍କ୍‍ମାଟ୍ । 
\v 31 \x + \xo ୬:3୧ \xo*\xt ମାତିଉ ୭:୧୨.\xt*\x*ନାରୁଡ଼୍ ମି ସେଙ୍ଗେ ବେଦ୍ ଲେକାମ୍ ବ୍ୟବହାର୍ ମାଡ଼ିଡ୍ ଇଞ୍ଜ ମିଡ଼୍ ଇଚ୍ଛା ମାଡ଼ୁତିଡ଼୍, ମିଡ଼୍ ଅଡ଼୍‌‍ ସେଙ୍ଗେ ଆଦ୍ ଲେକାମ୍ ମାଡ଼ାଟ୍ ।
\p
\v 32 ମେଣ୍ଡେ, ବେନଡ଼୍ ମିକିଂଙ୍କ୍ ପ୍ରେମ୍ ମାଡ଼ିତଡ଼୍, ମିଡ଼୍ ଯଦି ମାତର୍ ଅଡ଼୍‌‍କିଂଙ୍କ୍ ପ୍ରେମ୍ ମାଡ଼କେ ମିଡ଼୍ କି ଅନୁଗ୍ରହ ପାଏମ୍‍ ଆଦ୍‍ତିଡ୍ ? ବାତେଙ୍କ୍ ଇତ୍କେ ପାପିଡ୍ ମିକା ନିଜେ ନିଜେ ପ୍ରେମ୍‍କାରୀନଡ଼କ୍ ପ୍ରେମ୍ ମାଡ଼ିତଡ଼୍ । 
\v 33 ମେଣ୍ଡେ, ବେଏନଡ୍ ମିକିଂଙ୍କ୍ ଲେକେତ୍ ମାଡ଼ିତଡ଼୍, ଯଦି ମିଡ଼୍ ମାତର୍‍ ଅଡ଼୍‌‍ୱାଦ୍ ଲେକେତ୍ ମାଡ଼ିତିଡ଼୍, ଆସୁଣ୍ଟ୍ ମିଡ଼୍ କି ଅନୁଗ୍ରହ ପାଏମ୍‍ ଆଦ୍‍ତିଡ୍ ? ବାତେଙ୍କ୍ ଇତ୍କେ ପାପିଡ୍ ମିକା ଆଲାମାଡ଼ୁତଡ୍ । 
\v 34 ମେଣ୍ଡେ, ବେନଡ଼ାଗା କନ୍‍ସ୍ ମିଡ଼୍ ଆଦାନ୍ ଆଶେ ମାନ୍‍ତେ, ମାତର୍ ଅଡ଼୍‌‍କିଂଙ୍କ୍ ଋଣ୍‍ ଇତ୍‍କେ ମିଡ଼୍ କି ଅନୁଗ୍ରହ ପାଏମ୍‍ ଆଦ୍‍ତିଡ଼୍ ? ପାପିଡ୍ ମିକା ସମାନ୍ କାମ୍‍ ମାଡ଼୍‍ତେ କାୟେତେ ଆଦାନ୍ ସେଙ୍ଗେ ପାପିନଡ଼କ୍ ଉଦାର୍ ହିଦ୍‍ତଡ଼୍ । 
\v 35 ମାତର୍ ମିଇ ଶତ୍ରୁନଡ଼୍‍କ୍ ପ୍ରେମ୍ ମାଡ଼ାଟ୍ ନୁ ଅଡ଼ାଦ୍‌ ଲେକେତ୍ ମାଡ଼ାଟ୍, ମେଣ୍ଡେ ପରିଶୋଦତେ ଆଶେ ୱାଟକଟ ଋଣ୍‍ ହିମୁଟ୍; ଆଲାତ୍କେ ମି ପୁରସ୍କାର୍ ବେଡ଼୍‍ୟାଦ୍‍ ଆଦ୍‍ତେ ନୁ ମିଡ଼୍ ସତ୍‍ଇଶ୍ୱର୍‍ ତେ ମାର୍‍ ଆଦ୍‍ତିଡ୍, ବାତେଙ୍କ୍ ଇତ୍କେ ବେନ ଦର୍‍କ୍‍ତା ପେର୍‍କେ ମିକା ଉପକାର୍ ପୁନଣ୍ଡ୍ ଆଦ୍ ରକମ୍ ନାରୁଡ଼୍ ନୁ ଦୁଷ୍ଟ ନାରୁଡ଼୍‍ତେ ସେଙ୍ଗେ ମିକା କୃପାବାନ୍ ଆଦ୍‍ତନ୍ । 
\v 36 ମି ବାବାଲ୍ ବେଦ୍ ରକମ୍ ଦୟାତନ୍, ମିଡ଼୍ ଆଦ୍ ପୁଟୁଙ୍କ୍ ଦୟାତନ୍ ଆୟ୍‍ମୁଟ୍ ।
\s ଅର୍‌ତୁଣ୍ଡ୍ ତେ ବିଚାର୍ ମାଡ଼ମାଟ୍
\r (ମାତିଉ ୭:୧-୫)
\p
\v 37 “ମେଣ୍ଡେ, ବିଚାର୍ ମାଡ଼ମାଟ୍, ଆଲାତ୍କେ ଇଶ୍ୱର୍‌ ମିକିଂଙ୍କ୍ ବିଚାର୍ ମାଡ଼ଣ୍ଡ୍; ଦଷ୍ ହିମାଟ୍, ଆଲାତ୍କେ ଇଶ୍ୱର୍‌ ମିକିଂଙ୍କ୍ ଦଷି ମାଡ଼ଣ୍ଡ୍ । କ୍ଷମା ମାଡ଼ାଟ୍, ଆଲାତ୍କେ ଇଶ୍ୱର୍‌ ମିକିଂଙ୍କ୍ କ୍ଷମା ମାଡ଼ିତନ୍; 
\v 38 ଦାନ ମାଡ଼ାଟ୍, ଆଲାତ୍କେ ଇଶ୍ୱର୍ ମିକିଂଙ୍କ୍ ଦାନ ହିଦ୍‍ତଣ୍ଡ୍; ଅଣ୍ଡ୍‌ ବଡ୍‍ତିଙ୍କ୍ ସାରେ ମାଡ଼ି ତାଙ୍କ୍ ଆଦ୍‍ମି ମାୟିନା ମିକିଂଙ୍କ୍ ହିଦ୍‍ତଣ୍ଡ୍; ବାତେଙ୍କ୍ ଇତ୍କେ ବେନେ କଲ୍‍ସାନାଦିନ୍ ତଡ଼୍‌ କଲସିତିଡ୍, ଆଦ୍ କଲ୍‍ସାନାଦିନ୍ ତଡ଼୍‌ ଇଶ୍ୱର୍‌ ମିକିଂଙ୍କ୍ ମେଣ୍ଡେ କଲ୍‍ସି ହିଦ୍‍ତଣ୍ଡ୍ ।”
\p
\v 39 \x + \xo ୬:3୯ \xo*\xt ମାତିଉ ୧୫:୧୪.\xt*\x*ଅଣ୍ଡ୍‌ ଅଡ଼୍‌‍କିଂଙ୍କ୍ ୱେରନ୍ ୱେଷଡ଼୍ ମିକା କେତ୍ତଣ୍ଡ୍, “କାନାଲ୍ କି କାନାଙ୍କ୍ ହାର୍ ତଅତ୍‍ତେ ପାର୍‍ଦ୍‍ତଣ୍ଡ୍ ? ଯଦି ଅଣ୍ଡ୍‌ ଆଲାମାଡ଼ିତଣ୍ଡ୍ ଅଡ଼୍‌‍ କି ଇଡ଼୍‍ୱୁଡ଼୍‍ ଗୁଇନ୍ଦେ ତାଗ୍ ରାୟଡ୍ ?” 
\v 40 \x + \xo ୬:୪୦ \xo*\xt ମାତିଉ ୧୦:୨୪,୨୫; ଯୋହନ୍‌‌ ୧3:୧୬; ୧୫:୨୦.\xt*\x*ଗୁରୁ ତାଗାଙ୍କ୍‌ ଶିଷ୍ୟ ଯଗ୍ୟ ଆୟ୍‍ୟଣ୍ଡ୍; ବାତେଙ୍କ୍ ଇତ୍କେ ସାରେ ଶିଷ୍ୟ ଶିକ୍ଷା ଶେଷ୍ ମାଡ଼କେ ଗୁରୁନ୍‍ ଲେକାମ୍ ଆଦ୍‍ତନ୍ ।
\p
\v 41 ମେଣ୍ଡେ, ବାତେଙ୍କ୍ ନି ତାମୁଣ୍ଡ୍‌ ତେ କଣ୍ଡେତାଗ୍ ମାନ୍ଦାନ୍ ଇଡ଼୍‍ପେତିଙ୍କ୍ ଉଡ଼ୁତି, ବାତେଙ୍କ୍ ଇତ୍କେ ନି ନିଜେ କଣ୍ଡେତାଗ୍ ବେନେ ଜିଟ୍‍କେ ମିନ୍ଦେ, ଆଦ୍ ହାଲ୍‍ସି ଉଡ଼୍‍ୱିନ୍ ? 
\v 42 ନିମେ ନିଜେ କଣ୍ଡେତାଗ୍ ମାନ୍ଦାନ୍ ଜିର୍‍କେତିଙ୍କ୍ ଉଡ଼କଟ ବେଲା ନିଜେ ତାମୁଣ୍ଡ୍‌ତିଙ୍କ୍ କେତ୍‍ତେ ପାର୍‍ଦ୍‍ତି, ତାମୁନ୍, ୱାଡେ, ନି କଣ୍ଡେତାଗ୍ ମାନ୍ଦାନ୍ ଇଡ଼୍‍ପେତିଙ୍କ୍ ପେସ୍‍ପି ହିଦ୍‍ତାନ୍ ? ହୋ ଟେମ୍‌ପରି, ମୁନେନ୍ ନିଜେ କଣ୍ଡେତାଦ୍ ଜିଟ୍‍କେ ପେସ୍‍ପେ ପାର୍‍ୱନ୍, ତାନ୍ ପେର୍‍କେ ନିଜେ ତାମୁସ୍ ତେ କଣ୍ଡେତାଗ୍ ମାନ୍ଦାନ୍ ଇଡ଼୍‍ପେତିଙ୍କ୍ ପେସ୍‍ପାନ୍ ସେଙ୍ଗେ ସହଜ୍‍ତେ ଉଡ଼େପାର୍‍ଦ୍‍ତି ।
\s ମାଡ଼େ ନୁ ଆଦିନ୍ କାୟା
\r (ମାତିଉ ୭:୧୬-୨୦; ୧୨:୩୩-୩୫)
\p
\v 43 “ସାଏତ୍ ମାଡ଼େତାଗ୍ କାରାପ୍ କାୟା ଆଦ କାରାପ୍ ମାଡ଼େତାଗ୍ ସାଏତ୍ କାୟା ଆଦ ।” 
\v 44 \x + \xo ୬:୪୪ \xo*\xt ମାତିଉ ୧୨:33.\xt*\x*ବାତେଙ୍କ୍ ଇତ୍କେ ସାରେ ମାଡ଼ାକ୍ ନିଜେ କାୟାନ୍ ତଡ଼୍ ପୁନ୍ଦାଙ୍କ୍ ଆଦ୍‍ତେ; କୟେ ମାଡ଼ାକିନାଗେ କଞ୍ଜ୍ ତ ନାରୁଡ଼୍ ତୋୟା କୟୋଡ୍, ବା କୟେ ଟଣ୍ଡେତ୍ କଞ୍ଜ୍ ଅଙ୍ଗୁର୍‌ କୟୋଡ୍ । 
\v 45 \x + \xo ୬:୪୫ \xo*\xt ମାତିଉ ୧୨:3୪.\xt*\x*ସାୟେତ୍ ନାରୁଡ଼୍ ତାନ୍ ହୃଦୟ୍ ଲେକେତ୍‍ ସାଏତ୍ ଗୁଦାମ୍‌ତେ କଞ୍ଜ୍ ସାଏତ୍ ଜିନିଷ୍ ପେସ୍‍ପିତଣ୍ଡ୍, ମେଣ୍ଡେ, କାରାପ୍ ନାରୁଡ଼୍ କାରାପ୍ ଗୁଦାମ୍‌ତେ କଞ୍ଜ୍ କାରାପ୍ ଜିନିଷ୍ ପେସ୍‍ପିତଣ୍ଡ୍; ବାତେଙ୍କ୍ ଇତ୍କେ ହୃଦୟ୍ ତେ ସାରେତେ କଞ୍ଜ୍ ପାୟୁର୍ ତିରିୟିତେ ।
\s ରେଣ୍ଡ୍ ଲେକାମ୍‍ ଲୋନ୍‌ ତିଆର୍ ମାଡ଼ାନଣ୍ଡ୍
\r (ମାତିଉ ୭:୨୪-୨୭)
\p
\v 46 ମେଣ୍ଡେ, “ମିଡ଼୍ ବାତେଙ୍କ୍ ନାକିଂଙ୍କ୍ ପ୍ରବୁ ଇଞ୍ଜ କେତୁତିଡ଼୍‍, ମାତର୍ ନାୱାଦ୍ ବାକ୍ୟ ପାଲନ୍ ମାଡ଼୍‍ୱିଡ଼୍ ? 
\v 47 ବେନ ନା ଗାର୍‍ରେ ୱାସ୍ ନାୱାଦ୍ ଗଟ୍ କେଞ୍ଜି ଆୱୁସାରେ ପାଲନ୍ ମାଡ଼ିତନ୍, ଅଣ୍ଡ୍‌ ବେନନ୍ ରକମ୍ ଆଦ୍‍ତନ୍, ଆଦ୍ ନାନ୍ ମିକିଂଙ୍କ୍ କେତିତାନ୍ । 
\v 48 ଅଣ୍ଡ୍‌ ଇଦ୍ ରକମ୍ ୱେର୍‍ଣ୍ଡ୍ ଲୋନ୍‌ ତିଆର୍ ମାଡ଼ାନ୍ ନାରୁଡ଼୍ ତେ ରକମ୍, ବେନ କୁଇଙ୍ଗ୍ ଡେୱି ଗନ୍ଦ କାଲ୍‍କିନ୍ ପରୁ ୱାଟ୍‍ତଣ୍ଡ୍; ମେଣ୍ଡେ, ବନ୍ୟା ଆତ୍‍କେ, ଏର୍‍ ଆଦ୍ ଲତ୍‍ତିଙ୍କ୍ ଗାଟି ଜର୍‍ଦେ ଦକ୍‍କା ରେହେତ୍‍ତେ, ବାତେଙ୍କ୍ ଇତ୍କେ ଆଦ୍ ହୁଉତାନଙ୍କ୍ ପାର୍‍ୱ, ବାତେଙ୍କ୍ ଇତ୍କେ ଆଦ୍ ସାଏ ଲେକାମ୍ ତିଆର୍ ମାଡ଼ିମାତ୍‍ତଡ଼୍ । 
\v 49 ବାତେଙ୍କ୍ ଇତ୍କେ ବେନ କେଞ୍ଜି ପାଲନ୍ ମାଡ଼ଣ୍ଡ୍, ଅଣ୍ଡ୍‌ ଗନ୍ଦ ୱାଟକଟ ମାଣ୍ଡୁଲ୍‍ତେ ପରୁ ଲୋନ୍‌ ମାଡ଼ାନ୍ ନାରୁଡ଼୍ ତେ ରକମ୍; ଏର୍‍ ଆଦ୍ ଲନ୍‍ତିଙ୍କ୍ ଗାଟି ଜର୍‍ତେ ଦକ୍‍କା ରେହେତ୍‍କେ, ସାଙ୍ଗେ ସାଙ୍ଗେ ଆଦ୍ ଉରୁଙ୍ଗିତେ ନୁ ଆଦିନାଦ୍ ଦଂସ ବୟଙ୍କାର୍ ଆତ୍‍ତେ ।”
\c 7
\s ଜିସୁ ୱେର୍‍ଣ୍ଡ୍ ରୋମୀୟ ଦାସତିଙ୍କ୍ ସୁସ୍ଥ ମାଡ଼ତଣ୍ଡ୍
\r (ମାତିଉ ୮:୫-୧୩)
\p
\v 1 ଜିସୁ ନାରୁଡ଼୍‍କ୍ ତାନ୍‍ୱାଦ୍ ସାରେ ଗଟ୍ କେତାନାଦ୍ ତେର୍‍ସ୍‍ପି କଫର୍ନାହୁମ୍‍ ଟାୱୁନ୍‍ତାଗେ ଆତ୍‍ତଣ୍ଡ୍ । 
\v 2 ଆଦ୍ ଦିନାମ୍‍ତେ ୱେର୍‍ଣ୍ଡ୍ ଶତସେନାପତିତେ ଦାସ୍ ରଗାମ୍ ଆସ୍ ଡଲାନ୍ ରକମ୍ ଆସ୍‍ମାତ୍ତଣ୍ଡ୍, ଅଣ୍ଡ୍‌ ତାନୱେ ପ୍ରିୟଦାସ, ମାତ୍‍ତଣ୍ଡ୍ । 
\v 3 ଅଣ୍ଡ୍‌ ଜିସୁନ୍ ବିଷୟତେ କାବୁର୍ ଆସ୍, ଅଣ୍ଡ୍‌ ବେଲା ୱାସ୍ ତାନ୍ ଦାସତେ ଜିୱେ ରକ୍ଷା ମାଡ଼ତଣ୍ଡ୍, ଇଦିନ୍ ସେଙ୍ଗେ ଅନ୍‌ ଗାର୍‍ରେ ଯିହୁଦୀଡ଼୍ ଲୋପେ ବେସ୍‍କ୍‍ତୁଡ଼୍‍ ମୁକ୍ୟା ନାରୁଡ଼୍‍କିଂଙ୍କ୍ ରହସ୍ ଅଂକିଙ୍କ୍‌ ଅନୁରଦ୍‌‍ ମାଡ଼ତଣ୍ଡ୍ । 
\v 4 ଅଡ଼୍‌‍ ଜିସୁନ୍ ଗାର୍‍ରେ ଆଞ୍ଜ୍ ଅଂକିଙ୍କ୍‌ ନିଜାମ୍ ବିନତି ମାଡ଼ି କେତାଙ୍କ୍ ପସ୍‍ପ୍‍ତ୍‍ତଡ଼୍, “ଅଣ୍ଡ୍‌ ନିୱାଦ୍ ସାହାଯ୍ୟ ଆଦାନ୍ ସେଙ୍ଗେ ଯୋଗ୍ୟ ଆଦ୍‍ତନ୍; 
\v 5 ବାତେଙ୍କ୍ ଇତ୍କେ ଅଣ୍ଡ୍‌ ମାନ୍‍ ଜାତିତିଙ୍କ୍ ପ୍ରେମ୍ ମାଡ଼ୁତଣ୍ଡ୍ ନୁ ଅଣ୍ଡ୍‌ ନିଜେ ମାନ୍‍ ସେଙ୍ଗେ ସମାଜ୍‍ଲନ୍ ତିଆର୍ ମାଡ଼ିସ୍ ମିନ୍ଦେଣ୍ଡ୍ ।”
\p
\v 6 ଆଗେଙ୍କ୍ ଜିସୁ ଅଡ଼୍‌‍ ତଡ଼୍ ଆତ୍‍ତଣ୍ଡ୍ । ଅଣ୍ଡ୍‌ ଲୋତ୍‍ତେ ସୁଦୁର୍ ଦୁରାମ୍ ହେୱତାୱେୟେ, ଶତସେନାପତି ସାଙ୍ଗଡ଼କ୍ ରହସ୍ ଅଂକିଙ୍କ୍‌ କେତ୍ତଣ୍ଡ୍, “ପ୍ରବୁ କଷ୍ଟ ମାଡ଼୍‍ମାଟ୍; ବାତେଙ୍କ୍ ଇତ୍କେ ନିମ୍‍ ଯେ ନା ଲନ୍ ଡେକେ ୱାଟିତି, ନାନ୍ ଇଦ୍ ରକମ୍ ଯୋଗ୍ୟ ଆୟ୍‍ୟ; 
\v 7 ତ ନାନ୍ ନି ଗାର୍‍ରେ ଆଦାଙ୍କ୍ ନିଜେତିଙ୍କ୍ ଯୋଗ୍ୟ ହେର୍କେ ମାଡ଼ନ୍; ବାତେଙ୍କ୍ ଇତ୍କେ ୱେରନ୍ ପଦ୍ ଗଟ୍ ମାଡ଼ା, ନା ଦାସ ସୁସ୍ଥ ଆଦ୍‍ତନ୍ । 
\v 8 ବାତେଙ୍କ୍ ଇତ୍କେ ନାନ୍ ୱେରନ୍ ଅଦିନତେ ମାତ୍‍କେ ମିକା ନା ଆଦିନ୍ ତେ ସୈନିଡ଼୍ ମିନ୍ଦେଡ଼୍; ମେଣ୍ଡେ, ନାନ୍ ଅର୍‌ତୁଙ୍କ୍ ଆନ୍‌ ଇତ୍କେ ଅଣ୍ଡ୍‌ ଆଦ୍‍ତନ୍; ଅର୍‌ତୁଙ୍କ୍ ୱାଡ଼ା ଇତ୍କେ ଅଣ୍ଡ୍‌ ୱାଦ୍‍ତଣ୍ଡ୍; ମେଣ୍ଡେ ନା ଦାସଙ୍କ୍ ଇଦ୍ ମାଡ଼ା ଇତ୍କେ ଅଣ୍ଡ୍‌ ଆଦ୍ ମାଡ଼ିତନ୍ ।”
\p
\v 9 ଜିସୁ ଇଦ୍ ସାରେ ଗଟ୍ କେଞ୍ଜି ବାକ୍‍ୱା ଆତ୍‍ତଣ୍ଡ୍, ମେଣ୍ଡେ ତିଡ଼ିୟି ମିକା ପେର୍‍କେ ୱାସ୍ ମାନ୍ଦାନ୍ ନାରୁଡ଼୍ ସାରେତଡ଼୍‌କିଂଙ୍କ୍ କେତ୍ତଣ୍ଡ୍, “ନାନ୍ ମିକିଂଙ୍କ୍ କେତୁତାନ୍, ଇସ୍ରାଏଲ୍ ଲୋପେ ଇସ ବାଡ଼ିୟାଦ୍ ବିଶ୍ୱାସ୍ ଦର୍‍ସ୍‍କନ୍ !”
\p
\v 10 ମେଣ୍ଡେ, ରହତେ ନାରୁଡ଼୍ ଲୋନ୍‌ ମାଲ୍‍ସ୍ ୱାସ୍ ଦାସଙ୍କ୍ ସୁସ୍ଥ ଉଡ଼୍‌ତଡ୍ ।
\s ଜିସୁ ୱେର୍‍ଣ୍ଡ୍ ରାଣ୍ଡିନ୍ ଡୋଲତେ ମାର୍‍ତିଙ୍କ୍ ତେଏତ୍‍ତଣ୍ଡ୍
\p
\v 11 ଇଗେଙ୍କ୍ ଜିସୁ ନାଇନ ପେଦେର୍‍ତେ ନଗର୍‍ତାଗ୍ ଆତ୍‍ତଣ୍ଡ୍, ମେଣ୍ଡେ ଅନ୍‌‍ୱେ ଶିଷ୍ୟଡ଼୍ ନୁ ନାର୍ଗେ ନାରୁଡ଼୍ ଅନ୍‌ ତଡ଼୍ ଆଞ୍ଜ ମାତ୍‍ତଡ଼୍ । 
\v 12 ଅଣ୍ଡ୍‌ ନଗର୍‍ତେ ହାର୍ ତାଗ୍ ହେୱତେ ୱେଲେ, ଉଡାଟ୍, ନାରୁଡ଼୍ ୱେର୍‍ଣ୍ଡ୍ ଡୋଲତେ ନାରୁଙ୍କ୍ ବାଇଦେ କାଞ୍ଜି ତାସ ମାତ୍‍ତଣ୍ଡ୍, ଅଣ୍ଡ୍‌ ତାମ୍ ୟାୟଙ୍କ୍ ୱେରନ୍ ମାର୍‍, ମେଣ୍ଡେ ଆଦ୍ ନାଟାଡ଼୍ ରାଣ୍ଡିଲ୍; ମେଣ୍ଡେ ନାର୍ ତେ ନାର୍ଗେ ନାରୁଡ଼୍ ଅନ୍‌ ତଡ଼୍ ମାତ୍‍ତଡ଼୍ । 
\v 13 ଆଦିଙ୍କ୍ ଉଡ଼ି ପ୍ରବୁ ତାନ୍ ସେଙ୍ଗେ ଦୟାତେ ଦାନ୍ଦେ ଆସ୍ ଆଦିଙ୍କ୍ କେତ୍ତଣ୍ଡ୍, “କେୟିମା ।” 
\v 14 ମେଣ୍ଡେ, ଅଣ୍ଡ୍‌ ଗାର୍‍ରେ ଆଞ୍ଜ୍ ଡଲୋତିଙ୍କ୍ ହିଟ୍‍ତ୍‍ତଣ୍ଡ୍, ମେଣ୍ଡେ, କାଞ୍ଜ୍‍ତେନଡ଼୍ ନିତ୍‍ତଡ଼୍, ଜିସୁ କେତ୍ତଣ୍ଡ୍, “ପେକାଲ୍, ନାନ୍ ନିକିଂଙ୍କ୍ କେତୁତାନ୍, ତେଦ୍‍ଦେ ।” 
\v 15 ଆଗେତିନ୍‍ସ୍ ଡୋଲତେ ନାରୁଡ଼୍ ତେଦି କୁଦ୍‍ତଣ୍ଡ୍, ମେଣ୍ଡେ ଗଟ୍ ତିରିୟାଙ୍କ୍ ପସ୍‍ପିତ୍‍ତଣ୍ଡ୍, ମେଣ୍ଡେ ଜିସୁ ଅଂକିଙ୍କ୍‌ ତାମ୍ ୟାୟଙ୍କ୍ କାଇଦେ ପସ୍‍ପିତ୍‍ତଣ୍ଡ୍ ।
\p
\v 16 ଇଗେତିସ୍‍ନ୍‍ ସାରେତଡ଼୍ ୱେର୍‍ତଡ଼୍, ମେଣ୍ଡେ ଇଶ୍ୱର୍‌ତେ ମହିମା କୀର୍ତ୍ତନ୍ ମାଡ଼ କେତାଙ୍କ୍ ପସ୍‍ପ୍‍ତଣ୍ଡ୍, “ମାନ୍‍ ଲୋପେ ୱେର୍‍ଣ୍ଡ୍ ବାଡ଼ିୟଣ୍ଡ୍ ବାବବାଦୀ ୱାସ୍‍ମିନ୍ଦେଣ୍ଡ୍ ନୁ ଇଶ୍ୱର୍ ତାମ୍ ନାରୁଡ଼୍‍କ୍ ଉଦାର୍ ମାଡ଼ାଙ୍କ୍ ୱାସ୍‍ମିନ୍ଦେଣ୍ଡ୍ ।”
\p
\v 17 ମେଣ୍ଡେ, ଜିସୁନ୍ ବିଷୟତେ ଇଦ୍ ଗଟ୍ ଯିହୁଦା ଦେଶ୍ ଏକାମ୍ ନୁ ସାରେ ପାକା ସାରେ ପଡ଼ିୟେତାଗ୍ ପ୍ରଚାର୍ ଆତ୍‍ତେ ।
\s ବାପ୍ତିସ୍ମ ଯୋହନ୍‌‌ତେ ଇର୍‍ୱୁଡ଼୍ ଶିଷ୍ୟଡ଼୍
\r (ମାତିଉ ୧୧:୨-୧୯)
\p
\v 18 ପେର୍‍କେ ଯୋହନ୍‌‌ତେ ଶିଷ୍ୟଡ଼୍ ଇଦ୍ ସାରେ ବିଷୟ୍ ଯୋହନ୍‌‌ତିଙ୍କ୍ କେତ୍‍ତଡ଼୍‍ । 
\v 19 ଆଗେ ଯୋହନ୍‌ ତାମ୍ ଶିଷ୍ୟଡ଼ତେ ଲୋପେ ଇର୍‌ୱୁଡ଼୍‌କିଙ୍କ୍ ଗାର୍‍ରେ କାର୍‍ଙ୍ଗି ପ୍ରବୁନ୍ ଗାର୍‍ରେ ଇଲା କେସ୍ ରହତଣ୍ଡ୍, “ବେନନାଦ୍ ଆଗମନ୍ ଆଦ୍‍ତେ, ଅଣ୍ଡ୍‌ ନାରୁଡ଼୍ କି ନିମେ, କି ମାମ୍ ମେଣ୍ଡେ ଅଡ଼୍‌‍କିଂଙ୍କ୍ କେପି ମାନ୍‍ତମ୍ ?”
\p
\v 20 ଆଦ୍ ନାରୁଡ଼୍ ଜିସୁ ଗାର୍‍ରେ ୱାସ୍ କେତ୍‍ତଡ଼୍‍, “ବାପ୍ତିସ୍ମ ଯୋହନ୍‌ ମାକିଂଙ୍କ୍ ନି ଗାର୍‍ରେ ଇଲା କେସ୍ ରହତଣ୍ଡ୍, ବେନନାଦ୍ ୱାଦାନାଦ୍ ଆଦ୍‍ତେ, ଅଣ୍ଡ୍‌ ନାରୁଡ଼୍ କି ନିମେ, କି ମାମ୍ ମେଣ୍ଡେ ଅଡ଼୍‌‍କିଂଙ୍କ୍ କେପିତମ୍ ?”
\p
\v 21 ଆସୁଣ୍ଟ୍ ଜିସୁ ନାର୍ଗେ ନାରୁଡ଼୍‍କିଂଙ୍କ୍ ରୋଗ୍, ତିପାଲ୍‍ ନୁ ଦୁଷ୍ଟ ଆତ୍ମା କଞ୍ଜ୍ ସାଏ ମାଡ଼ତଣ୍ଡ୍, ମେଣ୍ଡେ ନାର୍ଗେ କାନାଲଡ଼କ୍ ଉଡ଼ାନାଦ୍ ଶକ୍ତି ହିତ୍‍ତଣ୍ଡ୍ । 
\v 22 ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ମିଡ଼୍ ଆଞ୍ଜ୍ ବାତା ଉଡ଼୍‍ତିଡ଼୍‍ ନୁ କେଞ୍ଜ୍‍ତିଡ଼୍‍, ଆଦ୍ ସାରେ ଯୋହନ୍‌ତିଙ୍କ୍ କେଲାଟ୍; କାନାଲଡ୍ ଉଡ଼ାଙ୍କ୍ ପାର୍‍ଦ୍‍ତଡ଼୍, କୁଟାଲଡ଼୍‍ ତାଆକାଂଙ୍କ୍ ପାର୍‍ଦ୍‍ତଡ଼୍, କୁଷ୍ଠୀ ନାରୁଡ଼୍ ସୁସ୍ଥ ଅଦୁତଡ୍, ବାୟିରାଲଡ୍ କେଞ୍ଜାଙ୍କ୍ ପାର୍‍ଦ୍‍ତଡ଼୍, ଡୋଲତେ ନଡ୍ ଜିୱେ ଆଦ୍‍ତଡ଼୍, ଦରିଦ୍ରଡ଼୍‍ ଗାର୍‍ରେ ସୁସମାଚାର୍ ପ୍ରଚାର୍ ମାଡ଼ୁତଡ଼୍; 
\v 23 ମେଣ୍ଡେ, ବେନେ ନାରୁଣ୍ଡ୍‍ ନାକିଂଙ୍କ୍ ବାଦା ଇୱଣ୍ଡ୍‍, ଅଣ୍ଡ୍‌ ଦନ୍ୟ ।
\p
\v 24 ଯୋହନ୍‌‌ତେ ଶିଷ୍ୟଡ଼୍ ଆତ୍‍ତେ ପେର୍‍କେ ଜିସୁ ଯୋହନ୍‌‌ତେ ବିଷୟ୍ ନାରୁଡ଼୍‍କିଂଙ୍କ୍ କେତାଙ୍କ୍ ପସ୍‍ପ୍‍ତଣ୍ଡ୍, ମିଡ଼୍ ବାତେଏ ଉଡ଼ାନ୍ ସେଙ୍ଗେ ଉସ୍କ ନେଲ୍‍ଦା ପେଇସ୍ ଆଞ୍ଜ୍ ମାତ୍‍ତିଡ୍ ? ବାଆତେ ଗାଲ୍‍ଦେ ଉଙ୍ଗାନାଦ୍ ୱେରଟ୍ ୱେଦୁର୍ ? 
\v 25 ଆଦ୍ ଆୟୋକ୍ ମିଡ଼୍ ବାତେଏ ଉଡ଼ାନ୍ ସେଙ୍ଗେ ପେଇସ୍ ଆଞ୍ଜ୍ ମାତ୍‍ତିଡ୍ ? ବେନଙ୍କ୍ ଦାମ୍‍ଦେ ସିଲେ କେର୍ ତେ ଅର୍‌ତୁଣ୍ଡ୍ ନାରୁଙ୍କ୍ ? ଉଡ଼ାଟ୍, ବେନଡ଼୍ ଦାମ୍‍ଦାଉ ସିଲେ କେର୍‍ତିତଡ଼୍, ଅଡ଼୍‌‍ ରାଜ ପ୍ରସାଦତାଗ୍ ମାନ୍‍ତଡ଼୍ । 
\v 26 ନାକିଂଙ୍କ୍ କେଲ୍‍ମ୍, ଆଦ୍ ଆୟୋକ୍ ବାତେଏ ଉଡ଼ାନ୍ ସେଙ୍ଗେ ପେଇସ୍ ଆଞ୍ଜ୍ ମାତ୍‍ତିଡ୍ ? ବେନଙ୍କ୍ ଅର୍‌ତୁଣ୍ଡ୍ ବାବବାଦୀଙ୍କ୍ ? ନାନ୍ ମିକିଂଙ୍କ୍ ନିଜାମ୍ କେତୁତାନ୍, ବାବବାଦୀନ୍ କଞ୍ଜ୍ ଗାଟି ବାଡ଼ିୟଣ୍ଡ୍ ନାରୁଙ୍କ୍ । 
\v 27 ଯୋହନ୍‌‌ତେ ବିଷୟତେ ଇଦ୍ ଶାସ୍ତ୍ରତାଗ୍ ଲେକାମିନ୍ଦେ, ଇଶ୍ୱର୍‌ କେତ୍‍ତଣ୍ଡ୍, ଉଡ଼ାଟ୍, ମାମ୍ ମା ଦୂତ୍‍ତିଙ୍କ୍ ମି ମୁନେ ରହତୁତମ୍, ଅଣ୍ଡ୍‌ ମି ମୁନେ ମିୱାଦ୍ ହାର୍ ତିଆର୍ ମାଡ଼ିତନ୍, ଇଣ୍ଡ୍ ଆଦ୍ ନାରୁଡ଼୍ ଯୋହନ୍‌ । 
\v 28 ନାନ୍ ମିକିଂଙ୍କ୍ କେତୁତାନ୍, “ନାଟାଡ଼୍ ତାଗାଙ୍କ୍‍ ଜନମ୍ ସାରେତଡ଼୍ ଲୋପେ ଯୋହନ୍‌‌ତେ କଞ୍ଜ୍ ମହାନ୍ ବେନ ଇଲାଣ୍ଡ୍; ମିକା ଇଶ୍ୱର୍‌ତେ ରାଜ୍ୟତାଗ୍ ଯେ ସୁଦୁନଣ୍ଡ୍, ଅଣ୍ଡ୍‌ ଯୋହନ୍‌ କନ୍‍ସ୍ ମିକା ମହାନ୍ ।”
\p
\v 29 \x + \xo ୭:୨୯ \xo*\xt ମାତିଉ ୨୧:3୨; ଲୁକ 3:୧୨.\xt*\x*ବେନଡ଼୍ ଇଦ୍ ସାରେ ଗଟ୍ କେଞ୍ଜ ମାତ୍‍ତଡ଼୍, ଅଡ଼୍‌‍, ବିସ୍ୱାଶ୍‍ତଡ଼୍‍ କର ଆଦାୟ ମାଡ଼ାନଡ଼ି, ଇଶ୍ୱର୍‌ତେ ନିଜାମ୍ ଦାବୀ ସାରେ ମାଡ଼ି ଯୋହନ୍‌‌ତେ ତଡ଼୍ ବାତିସ୍ମ ଇସ୍‌‍ମାତ୍‍ତଡ଼୍ । 
\v 30 ବାତେଙ୍କ୍ ଇତ୍କେ ପାରୂଶୀଡ଼୍ ନୁ ଦର୍ମଗୁରୁଡ୍ ତାମ୍ ଜିୱୁଣ୍ଡ୍ ତେ ସେଙ୍ଗେ ଇଶ୍ୱର୍‌ତେ ଉଦ୍ଦେଶ୍ୟ ଗ୍ରହନ୍ ମାଡ଼କଟ୍ ଯୋହନ୍‌‌ତେ କନ୍‍ସ୍ ବାତିସ୍ମ ଆ‍ୟୱେ ମାତ୍‍ତଡ଼୍ ।
\p
\v 31 ଜିସୁ ମେଣ୍ଡେ କେତ୍‍ତଣ୍ଡ୍, “ଇ ଯୁଗ୍‍ତେ ନାରୁଡ଼୍‍କିଂଙ୍କ୍ ନାନ୍ ବେନନ୍ ତଡ଼୍ ସାମାନ୍ ମାଡ଼ିତାନ୍, ମେଣ୍ଡେ ଅଡ଼୍‌‍ ବେନନ୍ ରକମ୍ ଆଦ୍‍ତଡ଼୍ ? 
\v 32 ବେନେ ପିଲା ହାଟ୍ ବାଜାର୍‍ତାଗ୍ କୁଦି କାର୍‍ଙ୍ଗା କାର୍‍ଙ୍ଗି ହାସ୍ କେତିତଡ଼୍‍, ମାମ୍ ମି ବକେତ୍ ଅଷଡ଼୍‍ ଉଦ୍‍ତନ୍, ମିଡ଼୍ ହେନ୍ଦୱିଡ୍; ମାମ୍ ଡୋଲତେ ପାଟେ ପାର୍‍ତମ୍, ମିଡ଼୍ କେୟିୱିଡ଼୍‍, ଅଡ଼୍‌‍ ଆଦ୍ ପିଲାନ୍ ଲେକାମ୍ । 
\v 33 ବାତେଙ୍କ୍ ଇତ୍କେ ବାପ୍ତିସ୍ମ ଯୋହନ୍‌ ୱାସ୍ ରୋଟି ତିନଣ୍ଡ୍ ନୁ ଦ୍ରାକ୍ଷାରସ୍ ଉନଣ୍ଡ୍, ମେଣ୍ଡେ ମିଡ଼୍ ଯୋହନ୍‌‌ତେ ବିଷୟତେ କେତ୍‍ତିଡ଼୍, ଅଂକିଙ୍କ୍‌ ବୁତ୍ ପୟିତେ । 
\v 34 ନାରୁନ୍‍ପିଲେ ୱାସ୍ ତିନ୍ତେ, ମେଣ୍ଡେ, ମିଡ଼୍ କେତୁତିଡ଼୍‍, ଉଡ଼ାଟ୍, ଇଣ୍ଡ୍ ଅରତୁଣ୍ଡ୍ ପେଟୁ ନୁ ମାତ୍‍ୱାରି, କରଗ୍ରାହୀ ନୁ ପାପି ନାରୁଡ଼୍‍ତେ ସାଙ୍ଗ । 
\v 35 ବେନଡ଼୍ ଇଶ୍ୱର୍‌ତେ ଜ୍ଞାନତିଙ୍କ୍ ଗ୍ରହନ୍ ମାଡ଼ିତଡ଼୍, ଅଡ଼୍‌‍ ଜିୱୁଣ୍ଡ୍ ତାଗ୍ ଅନାଦ୍‌ ସତ୍‍ତେ ତନ୍ଦିତେ ।”
\s ପାରୂଶୀ ଶିମୋନ୍‍ତେ ଲୋନ୍‌ ଜିସୁ
\p
\v 36 ମେଣ୍ଡେ, ପାରୂଶୀଡ଼୍ ଲୋପେ ୱେର୍‍ଣ୍ଡ୍ ଜିସୁଙ୍କ୍ ତାନ୍ ତଡ଼୍ ତିନ୍ଦାନଙ୍କ୍ କାରଙ୍ଗ୍‍ତଣ୍ଡ୍ । ଆଗେ ଅଣ୍ଡ୍‌ ପାରୂଶୀନଡ଼୍ ଲୋନ୍‌ ଆସି ତିନ୍ଦାନଙ୍କ୍ କୁଦ୍‍ତଡ଼୍‍ । 
\v 37 \x + \xo ୭:3୭ \xo*\xt ମାତିଉ ୨୬:୭; ମାର୍କ ୧୪:3; ଯୋହନ୍‌‌ ୧୨:3.\xt*\x*ମେଣ୍ଡେ ଉଡ଼ାଟ୍, ଆଦ୍ ନାର୍ ତାଗ୍ ଅରଟ୍ ପାପି ନାଟାଡ଼୍ ମାତ୍‍ତେ; ଜିସୁ ଆଦ୍ ପାରୂଶୀନ୍ ଲୋନ୍‌ ତିନ୍ଦାନଙ୍କ୍ କୁଦିମିନ୍ଦେଣ୍ଡ୍, ଇଦ୍ ପୁଞ୍ଜ୍ ଆଦ୍ ୱେରନ୍ ଦାମ୍‍ତାଦ୍ ବତଲ୍‍ତାଗ୍ ଲେକେତ୍ ଗାବ୍‍ତେ ନିୟି ତାସ୍, 
\v 38 ପେର୍‍କେ ଜିସୁନ୍ ଲାବ୍ ଡେକେତ୍ ଗାର୍‍ରେ ନିଶ୍‍ମିକା କେୟକେୟ କାଣ୍ଡେଡି ଏର୍‍ଦେ ଅନାଦ୍‌ ଲାବ୍ ଡେକେତିଙ୍କ୍ ନାଆସ୍‍ପି ନିଜର୍ ତାଲେତ୍ କେଲ୍‍କିନ୍ ତଡ଼୍ ଆଦ୍ ଉମ୍‍ସାନଙ୍କ୍ ପସ୍‍ପିତ୍‍ତେ, ମେଣ୍ଡେ ଅନ୍‌‍ୱେ ଲାବ୍ ଡେକେତିଙ୍କ୍ ଚୁମା ମାଡ଼ି ସାୟେ ଗାବ୍‍ତେ ନିୟ୍‍ ଅକାନଙ୍କ୍ ପସ୍ପ୍‍ତେ । 
\v 39 ଆଦ୍ ଉଡ଼ି, ବେନେ ଫାରୂଶୀ ଅଂକିଙ୍କ୍‌ ନିମନ୍ତ୍ରଣ ମାଡ଼ିମାତ୍‍ତଣ୍ଡ୍, ଅଣ୍ଡ୍‌ ହେର୍କେତ୍‍ କେତ୍ତଣ୍ଡ୍, “ଇଣ୍ଡ୍ ଯଦି ବାବବାଦୀ ଆସ୍ ମାନେଣ୍ଡ୍, ଆଲାତ୍କେ ହିକିଂଙ୍କ୍ ହିଟୁତ୍, ଆଦ୍ ବାତେଏ ନୁ ବେସତ୍ ନାଟାଡ଼୍, ଇତ୍‍କେ, ଆଦ୍ ଯେ ପାପି, ଇଦ୍ ପୁଞ୍ଜ୍ ମାନେଣ୍ଡ୍ ।”
\p
\v 40 ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ଶିମୋନ୍, ନିକିଂଙ୍କ୍ ନାନ୍ ଅଣ୍ଡ୍‌ ଗଟ୍ କେତ୍‍ତାନ୍ ମିନ୍ଦେ ।” ଅଣ୍ଡ୍‌ କେତ୍ତଣ୍ଡ୍, “ଗୁରୁ କେଲ୍‍ମ୍ ।”
\p
\v 41 “ୱେର୍‍ଣ୍ଡ୍ ସାଉକାର୍‍ତେ କନ୍‍ସ୍ ଇଡ଼ିୱୁଡ଼୍‍ ଋଣ୍‍ ହସ୍‍ମାତ୍‍ତଡ୍; ଅର୍‌ତୁଣ୍ଡ୍ ପାଞ୍ଚଶହ ଦିନାରୀ\f + \fr ୭:୪୧ \fr*\ft ୱେରଡ଼୍ ଦିନାତେ ପାଡ଼ିୟି ମାଡ଼ିତେ ଡାବ୍‍କ୍\ft*\f* ନୁ ମେଣ୍ଡେ ଅର୍‌ତୁଣ୍ଡ୍ ପାଚାଶ୍ ଦିନାରୀ ଋଣ୍‍ ମାଡ଼ିମାତ୍‍ତଡ଼୍ । 
\v 42 ମାଲ୍‍ପିଦାଙ୍କ୍ ଅଡ଼୍‌‍କିଂଙ୍କ୍ ବାତେଏ ଇଲ୍‍ୱାଙ୍କ୍ ଅଣ୍ଡ୍‌ ଇଡ଼୍‍ୱୁଡ଼ାଦ୍ ଉଦାର୍ ୱିଡ଼୍‍ସିଦ୍‍ତନ୍ । ତ ଅଡ଼୍‌‍ ଲୋପେ ବେନ ଅଂକିଙ୍କ୍‌ ଗାଟି ପ୍ରେମ୍ ମାଡ଼ିତନ୍ ?”
\p
\v 43 ଶିମୋନ୍ କେତ୍‍ତଣ୍ଡ୍, “ନାନ୍ ହାଲ୍‍ସୁତାନ୍, ଅଣ୍ଡ୍‌ ବେନନାଦ୍ ଗାଟି ଉଦାର୍ ୱିଡ଼୍‍ସ୍‍ଦ୍‍ତଣ୍ଡ୍, ଅଣ୍ଡ୍‌ ।” ଜିସୁ ଅଂକିଙ୍କ୍‌ କେତ୍ତଣ୍ଡ୍, “ନିମେ ଟିକ୍ କେତ୍‍ତି ।” 
\v 44 ମେଣ୍ଡେ, ଜିସୁ ଆଦ୍ ନାଟାଡ଼୍ ସେଙ୍ଗେ ତିଡ଼ିୟି ଶିମୋନ୍‍ତିଙ୍କ୍ କେତ୍ତଣ୍ଡ୍, “ଇଦ୍ ନାଟାଡ଼୍‍ତିଙ୍କ୍ ଉଡ଼ୁତି ? ନାନ୍ ମି ଲୋନ୍‌ ୱାତ୍‍ତାନ୍, ନିମେ ନା ଡେକେତ୍ ସେଙ୍ଗେ ଏର୍‍ ଇୱିନ୍, ବାତେଙ୍କ୍ ଇତ୍କେ ଇଦ୍ କାଣ୍ଡେଡ୍ ଏର୍‍ ତଡ଼୍ ନା ଡେକେ ନାଆସ୍ ମିକା ତାନ୍ କେଲ୍‍କିନ୍ ତଡ଼୍ ଅଂକିଙ୍କ୍‌ ଉମ୍‍ସିତ୍‍ତେ । 
\v 45 ନିମେ ନାକିଂଙ୍କ୍ ଚୁମା ଇସ୍‌ କାରଙ୍ଗ୍‍ୱିନ୍, ବାତେଙ୍କ୍ ଇତ୍କେ ନାନ୍ ଲୋପେ ୱାଦାନ୍ ସମୟ୍ ତେ କନ୍‍ସ୍ ଇଦ୍ ନା ଡେକେତିଙ୍କ୍ ଚୁମା ହିଦୁତେ । 
\v 46 ନିମେ ନା ତାଲେତାଗ୍ ନିୟ୍‍ ଉସିୱିନ୍, ବାତେଙ୍କ୍ ଇତ୍କେ ଇଦ୍ ନା ଡେକେତାଗ୍ ସାୟେ ଗାବ୍‍ତେ ନିୟି ଉସିତ୍‍ତେ । 
\v 47 ତ ନାନ୍ ନିକିଂଙ୍କ୍ କେତୁତାନ୍, ଇଦିନାଦ୍ ନାର୍ଗେ ପାପ୍ କ୍ଷମା ହାସ୍ ମିନ୍ଦେ, କାରନ୍‍ ଆଦ୍ ଗାଟି ପ୍ରେମ୍ ମାଡ଼ତ୍‍ତେ; ବାତେଙ୍କ୍ ଇତ୍କେ ବେନଙ୍କ୍ ସୁଦୁଟ୍ କ୍ଷମା ହିଦ୍‍ତଡ଼୍, ଅଣ୍ଡ୍‌ ସୁଦୁଟ୍ ପ୍ରେମ୍ ମାଡ଼ିତନ୍ ।”
\p
\v 48 ମେଣ୍ଡେ, ଜିସୁ ଆଦ୍ ନାଟାଡ଼୍ ତିଙ୍କ୍ କେତ୍ତଣ୍ଡ୍, “ନିୱାଦ୍ ପାପ୍ ସାରେ କ୍ଷମା ହାସ୍‍ମିନ୍ଦେ ।”
\p
\v 49 ଆଗେ ଅନ୍‌ ତଡ଼୍ ତିନ୍ଦାନଙ୍କ୍ କୁଦିମାନ୍ଦାନ୍ ନାରୁଡ଼୍ ହେର୍କେତ୍‍ କେତାନଙ୍କ୍ ପସ୍ପ୍‍ତ୍‍ତଡ଼୍, “ଇଣ୍ଡ୍ ନାରୁଡ଼୍ ବେନ ଯେ ପାପ୍ ମିକା କ୍ଷମା ମାଡ଼ୁତଣ୍ଡ୍ ?”
\p
\v 50 ବାତେଙ୍କ୍ ଇତ୍କେ ଜିସୁ ଆଦ୍ ନାଟାଡ଼୍‍ତିଙ୍କ୍ କେତ୍ତଣ୍ଡ୍, “ନିୱାଦ୍ ବିଶ୍ୱାସ୍ ନିକିଂଙ୍କ୍ ରକ୍ଷା ମାଡ଼ିତେ; ଶାନ୍ତି ତେ ହାନ୍ ।”
\c 8
\s ଜିସୁଙ୍କ୍ ପେର୍କେ ୱାଦାନ୍‌ ନାଟା
\p
\v 1 ତାନ୍ ପେର୍‍କେ ଜିସୁ ନାର୍‍ନାର୍ ନୁ ସହର୍‍ତାଗ୍‍ କେସ୍ ଇଶ୍ୱର୍‌ତେ ରାଜ୍ୟତେ ସୁସମାଚାର୍ ପ୍ରଚାର୍ ମାଡ଼ି ଉଡାଙ୍କ୍ ପସ୍‍ପ୍‍ତଣ୍ଡ୍, ମେଣ୍ଡେ ବାର ଜାନ୍ ଶିଷ୍ୟଡ଼୍ ଅନ୍‌ ତଡ଼୍ ମାତ୍‍ତଣ୍ଡ୍, 
\v 2 \x + \xo ୮:୨ \xo*\xt ମାତିଉ ୨୭:୫୫,୫୬; ମାର୍କ ୧୫:୪୦,୪୧; ଲୁକ ୨3:୪୯.\xt*\x*ବେନେ ନାଟାଙ୍କ୍ ଜିସୁ ଦୁଷ୍ଟ ଆତ୍ମା ନୁ ରୋଗ୍ କଞ୍ଜ୍ ସୁସ୍ଥ ମାଡ଼ିମାତ୍‍ତଡ଼୍, ମେଣ୍ଡେ ବେସ୍‌କ୍ ନାଟା ଅନ୍‌ ତଡ଼୍ ଆଞ୍ଜମାତ୍‍ତା, ଇଦ୍ ରକମ୍ ବେସ୍‍କ୍‍ତୁଡ଼୍‍ ନାଟା, ଇତ୍‍କେ, ମଗ୍‍ଦଲୀନି ପେଦେର୍ ତେ ମରୀୟମ୍, ବେନ ନାଗାଙ୍କ୍ ସାତ୍‍ଟାନ୍ ବୁତ୍‌କ୍ ପେଇସ୍ ଆଞ୍ଜ୍ ମାତ୍‍ତା, 
\v 3 ହେରୋଦତେ ବେବର୍ତ୍ତା କୁଜାନ୍ ମୁତ୍‍ତେ ଯୋହନ୍‌, ଶୋଶନ୍‍ନା, ମେଣ୍ଡେ ନାର୍ଗେ ନାଟା ଅନ୍‌ ତଡ଼୍ ମାଞ୍ଜ୍ ନିଜର୍ ସମ୍ପତ୍ତି ଇସ୍‌ ଜିସୁ ନୁ ତାନ୍ ଶିଷ୍ୟଡ଼କ୍ ସେବା ମାଡ଼ମାତ୍‍ତା ।
\s ୱିତାନଣ୍ଡ୍ ୱାଦ୍ ୱେଷଡ଼୍
\r (ମାତିଉ ୧୩:୧-୯; ମାର୍କ ୪:୧-୯)
\p
\v 4 ନାର୍ଗେ ନାରୁଡ଼୍ ୱାସ୍ ଗୁଡ଼୍‍ତଡ୍ ନୁ ନାର୍ କଞ୍ଜ୍ ନାରୁଡ଼୍ ଅନ୍‌ ଗାର୍‍ରେ ୱାତ୍‍ତାଙ୍କ୍, ଜିସୁ ଇଦ୍ ୱେଷଡ଼୍ କେତ୍ତଣ୍ଡ୍ ।
\p
\v 5 “ୱେର୍‍ଣ୍ଡ୍ ୱିତାନଣ୍ଡ୍ ତାନ୍ ୱିଜ୍ ୱିତାନଙ୍କ୍ ପେଇତଣ୍ଡ୍ । ଅଣ୍ଡ୍‌ ୱିତ ୱିତ ବେସ୍‌କ୍ ୱିଜ୍ ହାର୍‍ଦାକ୍ ରାୟତା ନୁ ଡେକେତ୍ ମଦଲ୍ ମିସିଆତ୍‍ତେ, ମେଣ୍ଡେ ମାବ୍‍ତାଗ୍ ପାର୍‍ତାନ୍‍ ପିଟେ ଆୱିଙ୍କ୍ ତିତ୍‍ତା । 
\v 6 ମେଣ୍ଡେ ବେସ୍‌କ୍ କାଲକ୍ ମାନ୍ଦାନ୍ ନେଲ୍‍ତାଗ୍ ରାୟତା, ମେଣ୍ଡେ ଗାଜ୍‍ଜେ ଆସ୍ ଏର୍‍ ଇଲ୍‍ୱାଙ୍କ୍ ୱାସିଆତ୍‍ତା । 
\v 7 ମେଣ୍ଡେ ବେସ୍‌କ୍ କୟେ ମାଡ଼ାକ୍ ଲୋପେ ରାୟତା, ମେଣ୍ଡେ କୟେ ମାଡ଼ାକ୍ ଆୱୁ ତଡ଼୍ ଗାଟି ପେର୍‍ସି ଆୱିଙ୍କ୍ ଆଦ୍‍ମିତ୍‍ତା । 
\v 8 ମେଣ୍ଡେ ବେସ୍‌କ୍ ସାୟେତ୍ ନେଲ୍ ତାଗ୍ ରାୟତା, ମେଣ୍ଡେ ପେର୍‍ସି ଶହେ ଗୁଣ୍ କାୟା ଆଦ୍‍ତା ।” ଅଣ୍ଡ୍‌ ଇଲା କେସ୍ କେସ୍ ଗାଟି ଲେଙ୍ଗ୍‍ଦେ କେତ୍ତଣ୍ଡ୍, “ବେନଙ୍କ୍ କେଞ୍ଜାନଙ୍କ୍ କେୱ୍ ମିନ୍ଦେ, ଅଣ୍ଡ୍‌ କେଞ୍ଜାଟ୍ ।”
\s ୱେଷଡ଼୍‍ତେ ଉଦ୍ଦେଶ୍ୟ
\r (ମାତିଉ ୧୩:୧୦-୧୭; ମାର୍କ ୪:୧୦-୧୨)
\p
\v 9 ଜିସୁନ୍ ଶିଷ୍ୟଡ଼୍ ଇଦ୍ ୱେଷଡ଼୍‍ତେ ଇତ୍‍କେ ବାତେଏ ଇଞ୍ଜ ଅଂକିଙ୍କ୍‌ ପାଚ୍ରାମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍ । 
\v 10 ଆଗେଙ୍କ୍ ଜିସୁ ଇତ୍‌ତନ୍‌, “ଇଶ୍ୱର୍ ତେ ମିଞ୍ଜି ମାନ୍ଦାନ୍‌ ବିଷୟ୍ ପୁନ୍ଦାନ୍ ସେଙ୍ଗେ ମିକିଂଙ୍କ୍ ବୁଦ୍‍ ଇସ୍‌‍ମିନ୍ଦେଣ୍ଡ୍, ବାତେଙ୍କ୍ ଇତ୍କେ ବାଗାତ୍ ନାରୁଡ଼୍‍କ୍ ୱେଷଡ଼୍ ତେ କେତିତଡ଼୍‍, ବେଦ୍ ରକମ୍ ଅଡ଼୍‌‍ ଉଡ଼ଉଡ଼ ନୁ କେଞ୍ଜ କେଞ୍ଜ କେଞ୍ଜଡ଼୍ ।”
\s ଜିସୁ ୱିତାନଣ୍ଡ୍‌ ୱେଷଡ଼୍‍ତେ ଇତ୍କେ ବୁଜାମାଡ଼୍‍ତଣ୍ଡ୍
\r (ମାତିଉ ୧୩:୧୮-୨୩; ମାର୍କ ୪:୧୩-୨୦)
\p
\v 11 ୱେଷଡ଼୍‍ତେ ଇତ୍‍କେ ଇଦ୍, ୱିଜ୍ ଇଶ୍ୱର୍ ତେ ବାକ୍ୟ, 
\v 12 ମେଣ୍ଡେ ହାର୍ ଦେ ଗାରେତ୍ ୱିଜ୍ ଅଡ଼୍‌‍କିଂଙ୍କ୍ ବୁଜାମାଡ଼ିତେ, ବେନଡ଼କ୍ ବାକ୍ୟ କେଞ୍ଜାନ୍ ପେର୍‍କେ ଶୟ୍‍ତାନ୍‍ ୱାସ୍, ବେଲା କି ଅଡ଼୍‌‍ ବିଶ୍ୱାସ୍ ମାଡ଼ି ପରିତ୍ରାଣ ଆୟୋଡ୍, ଇଦ୍ ସେଙ୍ଗେ ଅଡ଼ାଦ୍‌ ହୃଦୟ୍ କଞ୍ଜ୍ ବାକ୍ୟ ଡଙ୍ଗି ଆଦ୍‍ତେ । 
\v 13 ମେଣ୍ଡେ, କାଲ୍‍କିନ୍ ବୁମ୍‍ତେ ୱିଜ୍ ଅଡ଼୍‌‍କିଂଙ୍କ୍ ବୁଜାମାଡ଼ିତେ, ବେନଡ଼୍, ବାକ୍ୟ କେଞ୍ଜି ୱେଡ଼୍‍କେତେ ଗ୍ରହନ୍ ମାଡ଼ିତଡ଼୍; ବାତେଙ୍କ୍ ଇତ୍କେ ଅଡ଼୍‌‍ୱାଦ୍ ମାଡ଼୍ ଲୋପେ ଇଲ୍‍ୱାଙ୍କ୍ ଅଡ଼୍‌‍ ସୁଦୁଟ୍ ସମୟ୍ ବିଶ୍ୱାସ୍ ମାଡ଼ିତଡ଼୍ ନୁ ପରିକ୍ଷାତ୍ ୱେଲେ ରାୟିତଡ଼୍ । 
\v 14 ମେଣ୍ଡେ, କୟେ ମାଡ଼ାକିନ୍ ଲୋପେ ରାୟିତା ୱିଜ୍ ଅଡ଼୍‌‍କିଂଙ୍କ୍ ବୁଜାମାଡ଼ିତେ, ବେନଡ଼୍ ବାକ୍ୟ କେଞ୍ଜିତଡ଼୍ ମାତର୍ ସସାର୍‍ତେ ଚିନ୍ତେ, ଦନ୍ ନୁ ସୁକାମ୍‍ତେ ମୁଡ଼ୁନ୍ଦି ମିକା ବାଦ୍‍କଡ଼୍ ମୁଡ଼ୁନ୍ଦି ଆଦ୍‍ତଡ଼୍, ମେଣ୍ଡେ ସାୟେତ୍ କାୟା ତିୟାର୍‍ ମାଡ଼େ ପାର୍‍ୱଡ୍ । 
\v 15 ମେଣ୍ଡେ, ସାୟେତ୍ ନେଲ୍ ଦାଗ୍ ରାୟିତା ୱିଜ୍ ଅଡ଼୍‌‍କିଂଙ୍କ୍ ବୁଜାମାଡ଼ିତେ, ବେନଡ଼୍ ଲେକେତ୍ ହୃଦୟ୍‍ତେ ବାକ୍ୟ କେଞ୍ଜି ଆଦ୍ ପଇସ୍ ନେହେତିତଡ଼୍ ନୁ ଶକ୍ତି ତଡ଼୍ ସାୟେତ୍ କାୟା ଆଦ୍‍ପିସ୍‍ତଡ଼୍ ।
\s ବଡ୍ ମଦଲ୍ ତେ ଦିପ୍
\r (ମାର୍କ ୪:୨୧-୨୫)
\p
\v 16 \x + \xo ୮:୧୬ \xo*\xt ମାତିଉ ୫:୧୫; ଲୁକ ୧୧:33.\xt*\x*ବେନ କୁପିତିଙ୍କ୍ ନିଡ଼୍‍ସ୍‍ପି ବଡ୍ ଆଡ଼୍‌ଗି ମୁଶି ୱାଟଣ୍ଡ୍, ବା କାଟୁଲ୍ ତେ ମଦଲ୍ ୱାଟଣ୍ଡ୍, ମାତର୍ କୂପି ପରୁ ୱାଟିତଣ୍ଡ୍, ବେଲାକି ଆସାନଡ଼୍‍ ନାରୁଡ଼୍ ୱେସ୍ ତିଙ୍କ୍ ଉଡ଼େ ପାର୍‍ଦ୍‍ତଡ଼୍ ।
\p
\v 17 \x + \xo ୮:୧୭ \xo*\xt ମାତିଉ ୧୦:୨୬; ଲୁକ ୧୨:୨.\xt*\x*“ବାତେଙ୍କ୍ ଇତ୍କେ ବାତେଏ ପ୍ରକାଶିତ୍ ଆୟ୍‍ୟ, ଇଦ୍ ରକମ୍ ମିଞ୍ଜି ମାନ୍ଦାନ୍‌ ବିଷୟ ବାତେଏ ଇଲ୍‍ଲେ, ବା ବାତେଏ କେସ୍ ମିକା ପ୍ରକାଶ୍ ଆୟ୍‍ୟ, ଇଦ୍ ରକମ୍ ମିଞ୍ଜିମାନ୍ଦାନାଦ୍ ବିଷୟ୍ ବାତେଏ ଇଲ୍‍ଲେ ।”
\p
\v 18 \x + \xo ୮:୧୮ \xo*\xt ମାତିଉ ୨୫:୨୯; ଲୁକ ୧୯:୨୬.\xt*\x*ମେଣ୍ଡେ, “ବେଲା କେଞ୍ଜୁତିଡ଼୍‍, ଆଦ୍ ବିଷୟତେ ସେଙ୍ଗେ ସାବ୍‍ଦାନ୍; ବାତେଙ୍କ୍ ଇତ୍କେ ବେନନାଗେ ମିନ୍ଦେ, ଅଂକିଙ୍କ୍‌ ଗାଟି ହିଦ୍‍ତଡ଼୍, ମେଣ୍ଡେ ବେନନାଗେ ଇଲା, ଅଣ୍ଡ୍‌ ବାତେଏ ନିଜର୍ ଡ଼ାଦ୍ ମିନ୍ଦେ ଇଞ୍ଜ ହେର୍କେ ମାଡ଼ିତନ୍, ଆଦ୍ ମିକା ଅନାଗ୍‍କଞ୍ଚ୍‍ ଆଦ୍‍ତଡ଼୍ ।”
\s ଜିସୁନ୍ ୟାୟ ନୁ ତାମୁସ୍‍କିଡ଼୍‍
\r (ମାତିଉ ୧୨:୪୬-୫୦; ମାର୍କ ୩:୩୧-୩୫)
\p
\v 19 ଜିସୁନ୍ ୟାୟ ନୁ ତାମୁଣ୍ଡ୍‌କିଡ଼୍‍ ଅନ୍‌ ଗାର୍‍ରେ ୱାତ୍‍ତଡ଼୍, ବାତେଙ୍କ୍ ଇତ୍କେ ଗାଟି ନାରୁଡ଼୍‍ତେ ସେଙ୍ଗେ ଅନ୍‌‍ତଡ଼୍ କାଲ୍‍ପେ ପାର୍‍ୱେମାତ୍‍ତଡ୍ । 
\v 20 ଆଗେ ଅଂକିଙ୍କ୍‌ ୱେରଣ୍ଡ୍ ଇଦ୍ କବର୍ ହିତ୍‍ତଡ଼୍, “ମି ୟାୟ ନୁ ତାମୁଣ୍ଡ୍‌କିଡ଼୍‍ ନିକିଂଙ୍କ୍ ଉଡ଼ାନ୍ ସେଙ୍ଗେ ବାଇଦେ କେପ୍‌ତଡ଼୍‌ ।”
\p
\v 21 ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ବେନଡ଼୍ ଇଶ୍ୱର୍ ତେ ବାକ୍ୟ କେଞ୍ଜିତଡ଼୍‍ ନୁ ପାଲନ୍ ମାଡ଼ିତଡ଼୍, ଅଡ଼୍‌‍ ନା ୟାୟ ନୁ ତାମୁଣ୍ଡ୍‌କିଡ଼୍‍ ।”
\s ଜିସୁ ଏର୍ ଗାଲ୍‍ଦିଙ୍କ୍ ଶାନ୍ତି ମାଡ଼ିତନ୍
\r (ମାତିଉ ୮:୨୩-୨୭; ମାର୍କ ୪:୩୫-୪୧)
\p
\v 22 ଅନ୍‌‍ଦିନେ ଜିସୁ ନୁ ତାମ୍ ଶିଷ୍ୟଡ଼ତେ ୱେରଡ଼୍‌ ଓଡ଼େତାଗ୍ ତାର୍‍ତଣ୍ଡ୍, ମେଣ୍ଡେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ୱାଡ଼ାଟ୍, ସାୱୁଡ଼େତେ ମେଣ୍ଡେ ଅଣ୍ଡ୍‌ ପାକେ ଆଦିକାଡ଼୍‍ ।” ଆସୁଣ୍ଟ୍ ଅଡ଼୍‌‍ ଓଡେତିଙ୍କ୍ କୁସ୍‍ପିତଡ଼୍ । 
\v 23 ଇତ୍କେ ଅଟାତ୍ ଅଡ଼୍‌‍ ଓଡେତିଙ୍କ୍ ଚାଲାମାଡ଼ି ଆଦାନ୍ ୱେଲେ ଜିସୁ ଉଞ୍ଜିମାତ୍‍ତଣ୍ଡ୍ । ଆସୁଣ୍ଟ୍ ଷାୱୁଡ଼େତାଗ୍ ତୁପାନ୍ ଆତ୍‍ତେ, ମେଣ୍ଡେ ଅଡ଼ାଦ୍‌ ଓଡ଼େତାଗ୍ ଏର୍‍ ନିଣ୍ଡାନଙ୍କ୍ ପସ୍‍ପିତ୍‍ତେ ନୁ ଅଡ଼୍‌‍ ବିପଦ୍ ତାଗ୍ ରାୟତଡ଼୍ । 
\v 24 ଆସୁଣ୍ଟ୍ ଶିଷ୍ୟଡ଼୍ ଗାର୍‍ରେ ୱାସ୍ ଅଂକିଙ୍କ୍‌ ତେଇସ୍ କେତ୍‍ତଡ଼୍‍, “ହୋ ଗୁରୁ, ହୋ ଗୁରୁ, ମାନାଡ଼୍ ଡଲ୍‌ତାଡ୍ ।” ଇଗେତିସ୍‍ନ୍‍ ଅଣ୍ଡ୍‌ ତେଦି ଗାଲ୍ ନୁ ବେଡ଼େୟାଦ୍ ତଲ୍‍କଡ଼୍‍ ତିଙ୍କ୍ ଦମକ୍ ହିତ୍‍ତଣ୍ଡ୍, ମେଣ୍ଡେ ଆୱ ସାରେ କଟଆସ୍ ଶାନ୍ତି ଆତ୍‍ତେ । 
\v 25 ମେଣ୍ଡେ, ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ମିୱାଦ୍ ବିଶ୍ୱାସ୍ ବେଗେ ?” ବାତେଙ୍କ୍ ଇତ୍କେ ଅଡ଼୍‌‍ ୱେର୍‍ସ୍ ନୁ ବାକ୍‍ୱା ଆସ୍ ନିଜେନିଜେ କେତାଙ୍କ୍ ପସ୍‍ପ୍‍ତ୍‍ତଡ଼୍, “ଇଣ୍ଡ୍ ଆଲାତ୍କେ ବେନ ଯେ, ଅଣ୍ଡ୍‌ ଗାଲ୍ ନୁ ଏର୍‍ଦିଙ୍କ୍ ମିକା ଗଟ୍ ହିତ୍‍କେ, ଆୱ ଅନ୍‌‍ୱାଦ୍ ଗଟ୍ କେଞ୍ଜିତା ।”
\s ଜିସୁ ୱେର୍‍ଣ୍ଡ୍ ବୁତ୍ ପଇତ୍‍ତେ ନାରୁଙ୍କ୍ ସୁସ୍ଥ ମାଡ଼ତଣ୍ଡ୍
\r (ମାତିଉ ୮:୨୮-୩୪; ମାର୍କ ୫:୧-୨୦)
\p
\v 26 ପେର୍‍କେ ଜିସୁ ନୁ ଶିଷ୍ୟଡ଼୍ ଗାଲିଲୀତେ ମୁନେତ୍ ପାକେ ଆପାକେ ଗରାଶୀୟନଡ଼୍‍ତେ ପଡ଼ିୟେତାଗ୍ ହେୱତ୍‍ତଡ୍ । 
\v 27 ଅଣ୍ଡ୍‌ ଓଡେତ୍ କନ୍‍ସ୍ ପେଇସ୍ ଆଞ୍ଚିନାଗ୍‌ ଡିଗଡ଼େ, ଆଦ୍ ନାର୍‌ଦେ ୱେର୍‍ଣ୍ଡ୍ ବୁତ୍ ପଇତ୍‍ତେ ନାରୁଡ଼୍ ଅଂକିଙ୍କ୍‌ କାଇଲ୍‍ତଣ୍ଡ୍; ଅଣ୍ଡ୍‌ ଗାଟି ଜେଲ୍ ହେଉନା ସିଲେ କେରୱକଟ ନୁ ଲୋନ୍‌ ମାନ୍‍ୱକଟ ୱିସ୍‍କିନାଗେ ମାଞ୍ଜ ମାତ୍‍ତଣ୍ଡ୍ । 
\v 28 ଅଣ୍ଡ୍‌ ଜିସୁଙ୍କ୍ ଉଡ଼ି ଗାଟି କିଡ଼୍‍କି ଅନ୍‌‍ୱାଦ୍ ଡେକେତ୍ ମଦଲ୍ ରାଲି ଗାଟି ଲେଙ୍ଗେତେ କେତ୍ତଣ୍ଡ୍, “ହୋ ଇଶ୍ୱର୍ ତେ ମାର୍‍ ଜିସୁ, ନି ତଡ଼୍ ନାୱାଦ୍ ବାତେଏ ମିନ୍ଦେ ? ନାନ୍ ନିକିଂଙ୍କ୍ ଦନ୍ୟବାଦ୍ ମାଡ଼ୁତାନ୍, ନାକିଂଙ୍କ୍ କଷ୍ଟ ହିମା ।” 
\v 29 ବାତେଙ୍କ୍ ଇତ୍କେ ଜିସୁ ଅଶୁଚି ଆତ୍ମାତିଙ୍କ୍ ଆଦ୍ ନାରୁଡ଼୍ ତେ କନ୍‍ସ୍ ପେଇସ୍ ଆଦାନ୍ ସେଙ୍ଗେ ଗଟ୍ ଇସ୍‌‍ମାତ୍‍ତଣ୍ଡ୍ । ଆଦ୍ ଆତ୍ମା ଗାଟିଦାମ୍ ଅଂକିଙ୍କ୍‌ ପଇସ୍ ମାତ୍‍ତେ, ମେଣ୍ଡେ ନାରୁଡ଼୍ ଅଂକିଙ୍କ୍‌ କାଇତାଗ୍ ଇକ୍‌ଲେମ୍‍ ନୁ ଡେକେତାଗ୍ ବେଡ଼ି ତହସ୍ ନେହେସ୍ ମାତ୍‍ତଡ଼୍, ମାତର୍ ଅନ୍‌‍ୱାଦ୍ ବନ୍ଦନ୍ ସାରେ ଦେହେସ୍ ବୁତ୍ ଅଂକିଙ୍କ୍‌ ବେନ ଇଲ୍‌ୱେ ପଡ଼ିୟେତାଗ୍ ପଇସ୍ ହସମାତ୍‍ତେ ।
\p
\v 30 ଜିସୁ ଅଂକିଙ୍କ୍‌ ପାଚ୍ରାମାଡ଼୍‍ତଣ୍ଡ୍, “ନି ପେଦେର୍ ବାତେଏ ?” ଅଣ୍ଡ୍‌ କେତ୍ତଣ୍ଡ୍, ବାହିନୀ; “ନାର୍ଗେ ବୁତ୍‌କ୍;” ବାତେଙ୍କ୍ ଇତ୍କେ ଗାଟି ବୁତ୍‌କ୍‍ ଅନାଗେ ଅସିମାତ୍‍ତା । 
\v 31 ମେଣ୍ଡେ, ଅଣ୍ଡ୍‌ ବେଲା ଅଡ଼୍‌‍କିଂଙ୍କ୍ ପାତାଲ୍‍ତାଗେ ଆଦାନ୍ ସେଙ୍ଗେ ଗଟ୍ ହିମାକିଣ୍ଡ୍, ଇଦ୍ ସେଙ୍ଗେ ଅଡ଼୍‌‍ ଅଂକିଙ୍କ୍‌ ବିନତି ମାଡ଼ାଙ୍କ୍ ପସ୍ପ୍‍ତ୍‍ତଣ୍ଡ୍‌ ।
\p
\v 32 ଆଗେ ମେଟେତାଗ୍ ୱେରନ୍ ବାଡ଼ିୟାଦ୍ ମାନ୍ଦାପାଦି ମେୟମାତ୍‍ତା, ମେଣ୍ଡେ ଅଣ୍ଡ୍‌ ବେଦ୍ ଲେକାମ୍ ଆୱିଙ୍କ୍ ଆୱେ ପାଦିନ୍ ଲୋପେ ଆସାନ୍ ସେଙ୍ଗେ ଗଟ୍ ହିତ୍‍ତଣ୍ଡ୍, ଇଦ୍ ସେଙ୍ଗେ ଆୱ ଅଂକିଙ୍କ୍‌ ବିନତି ମାଡ଼୍‍ତେ । 
\v 33 ଜିସୁ ଆୱିଙ୍କ୍ ଗଟ୍ ହିତ୍‍ତାଙ୍କ୍, ବୁତ୍‌କ୍‍ ଆଦ୍ ନାରୁଡ଼୍ ତେ କନ୍‍ସ୍ ପେଇସ୍ ପାଦିନ୍ ଲୋପେ ଅସ୍‍ତା; ଆସୁଣ୍ଟ୍ ଆଦ୍ ମାନ୍ଦାପାଦି ଗାଟି ଉର୍‍ଗିନ୍‍ ମିରି ଆଞ୍ଜ୍ ମେଟେତ୍ ପରୁ କନ୍‍ସ୍ ସାୱୁଡ଼େ ତାଗ୍ ରାଲି ମୁଡ଼ୁନ୍ଦି ଡୋଲ୍‍ତା ।
\p
\v 34 ମେୟେତାନ୍ ନାରୁଡ଼୍ ଆଦ୍ ଗଟନା ଉଡ଼ି ମିରି ଆଞ୍ଜ୍ ନାର୍ ନୁ ନାଟେନାଗ୍ ଆଦ୍ ବିଷୟ୍ କେଞ୍ଜ୍‍ସ୍ପ୍‍ତଡ଼୍‍ । 
\v 35 ଆସୁଣ୍ଟ୍ ନାରୁଡ଼୍ ଆଦ୍ ଗଟନା ଉଡ଼ାଙ୍କ୍ ପେଇସ୍ ୱାତ୍‍ତଡ଼୍; ମେଣ୍ଡେ, ଅଡ଼୍‌‍ ଜିସୁନ୍ ଗାର୍‍ରେ ୱାସ୍, ବେନେ ନାରୁଡ଼୍ କନ୍‍ସ୍ ବୁତ୍‌କ୍ ପଇସ୍ ମାତ୍‍ତା; ଅଣ୍ଡ୍‌ ସିଲେ କେର୍‍ସ୍ ସାୟେତ୍ ମାନ୍‍ ତେ ଜିସୁନ୍ ଡେକେତ୍ ମଦଲ୍ କୁଦିମାନ୍ଦାନ୍ ଉଡ଼ି ୱେର୍‍ତ୍‍ତଡ୍ । 
\v 36 ମେଣ୍ଡେ, ବେନଡ଼୍ ଉଡ଼ିମାତ୍‍ତଡ଼୍‍, ଅଡ଼୍‌‍ ଆଦ୍ ବୁତ୍‌ପଇତ୍‍ତେ ନାରୁଡ଼୍ ବେଲା ସୁସ୍ଥ ଆତ୍‍ତଣ୍ଡ୍, ଆଦ୍ ଅଡ଼୍‌‍କିଂଙ୍କ୍ କେତ୍ତଡ଼୍ । 
\v 37 ଆଗେତିନ୍‍ସ୍ ଗରାଶୀୟ ନାରୁଡ଼୍ ତେ ପଡ଼ିୟେତାଗ୍ ସାରେପାକା ସାରେତଡ଼୍ ନାରୁଡ଼୍ ଅଡ଼୍‌ଆଗାଙ୍କ୍‌ ଆଦାନ୍ ସେଙ୍ଗେ ଅଂକିଙ୍କ୍‌ ଅନୁରଦ୍‌‍ ମାଡ଼୍‍ତଡ଼୍, ବାତେଙ୍କ୍ ଇତ୍କେ ଅଡ଼୍‌‍ ଗାଟି ୱେର୍‍ସ୍ ମାତ୍‍ତଡ଼୍; ମେଣ୍ଡେ ଜିସୁ ୱେରନ୍ ଓଡ଼େତାଗ୍ ତାରି ମାଲ୍‍ସ୍ ୱାତ୍‍ତଡ଼୍ । 
\v 38 ବାତେଙ୍କ୍ ଇତ୍କେ ବେନେ ନାରୁଡ଼୍ କନ୍‍ସ୍ ବୁତ୍‌କ୍ ପେଇସ୍ ଆଞ୍ଜ୍ ମାତ୍‍ତା, “ଅଣ୍ଡ୍‌ ତାନ୍ ତଡ଼୍ ମାନ୍ଦାନ୍ ସେଙ୍ଗେ ଦନ୍ୟବାଦ୍ ମାଡ଼୍‍ତଣ୍ଡ୍;” 
\v 39 ମାତର୍ ଅଣ୍ଡ୍‌ ଅଂକିଙ୍କ୍‌ ରହସ୍‍ ମେଣ୍ଡେ କେତ୍ତଣ୍ଡ୍, “ନିମେ ଲୋନ୍‌ ମାଲ୍‍ସ୍ ଆନ୍‌, ମେଣ୍ଡେ ଇଶ୍ୱର୍ ନି ସେଙ୍ଗେ ବାତେଏ ପାଡ଼ିୟି ମାଡ଼ି ମିନ୍ଦେଣ୍ଡ୍, ଆୱ୍ ସାରେ ନାରୁଡ଼୍‍କିଂଙ୍କ୍ କେଲେ । ଆଗେତିନ୍‍ସ୍ ଅଣ୍ଡ୍‌ ଆଞ୍ଜ୍ ମିକା, ଜିସୁ ଅନ୍‌ ସେଙ୍ଗେ ବାତେଏ ପାଡ଼ିୟି ମାଡ଼ିମାତ୍‍ତଣ୍ଡ୍, ଆୱ୍ ସାରେ ନାର୍ ଏକାମ୍ କେତାନଙ୍କ୍ ପସ୍‍ପିତ୍‍ତଣ୍ଡ୍ ।”
\s ଯାଇରସ୍‍ତେ ପିକିଡ଼୍ ନୁ ଗାଟି ରୋଗ୍ ନାଟାଡ଼୍ ସୁସ୍ଥ ଆତ୍‍ତେ
\r (ମାତିଉ ୯:୧୮-୨୬; ମାର୍କ ୫:୨୧-୪୩)
\p
\v 40 ମେଣ୍ଡେ ଜିସୁ ମେଣ୍ଡେଅଣ୍ଡ୍‌‍ ପାକେ ମାଲ୍‍ସ୍ ୱାତ୍‍ତାଙ୍କ୍, ନାରୁଡ଼୍ ଅଂକିଙ୍କ୍‌ ୱେଡ଼୍‍କା ତେ ଗ୍ରହନ୍ ମାଡ଼୍‍ତଡ଼୍, ବାତେଙ୍କ୍ ଇତ୍କେ ସାର୍‍ରେତଡ୍ ଅଙ୍କ୍‌ କେପି ମାତ୍‍ତଡ଼୍ । 
\v 41 ମେଣ୍ଡେ, ଉଡ଼ାଟ୍ ଯାଇରସ୍ ପେଦେର୍ ତଣ୍ଡ୍ ୱେର୍‍ଣ୍ଡ୍ ନାରୁଡ଼୍ ୱାତ୍‍ତଣ୍ଡ୍; ଅଣ୍ଡ୍‌ ସମାଜ୍‍ଲନ୍ ତେ ବାଡ଼୍ୟ୍‍ଣ୍ଡ ମାତ୍‍ତଣ୍ଡ୍ । ଅନ୍‌ ଜିସୁନ୍ ଡେକେତ୍ ମଦଲ୍ ରାଲି ତାମ୍ ଲୋନ୍‌ ୱାଦାନ୍ ସେଙ୍ଗେ ଅଂକିଙ୍କ୍‌ ବିନତି ମାଡ଼ତ୍‍ତଣ୍ଡ୍, 
\v 42 ବାତେଙ୍କ୍ ଇତ୍କେ ଅନ୍‌‍ୱାଦ୍ ବାର ହେଣ୍ଡେତ୍ ୱେର୍‍ଟେ ମାତର୍ ପିକିଡ଼୍ ମାତ୍‍ତେ, ମେଣ୍ଡେ ଆଦ୍ ଡଲାନ୍ ରକମ୍ ଆସ୍ ମାତ୍‍ତେ । ବାତେଙ୍କ୍ ଇତ୍କେ ଅଣ୍ଡ୍‌ ଆଦାନ୍ ୱେଲେ ନାରୁଡ଼୍ ଅନ୍‌ ପରୁ ରାୟ ମାତ୍‍ତଡ଼୍ ।
\p
\v 43 ଆସୁଣ୍ଟ୍ ବାର ହେଣ୍ଡ୍ ଯାକ ନେତୁର୍‍ ରୋଗ୍ ତେ ଅରଟ୍ ନାଟାଡ଼୍ ମାତ୍‍ତେ, ବେନ କି ତାନ୍‍ୱାଦ୍ ସାରେ ଡାବ୍‍କ୍ କର୍ଚ୍ଚ ମାଡ଼କେ ମିକା ବେନନ୍ ତଡ଼୍ ସୁସ୍ଥ ଆୟ୍‍ୟ ମାତ୍‍ତେ, \f + \fr ୮:୪୩ \fr*\ft ବେସ୍‌କ୍ ପାଣ୍ଡୁଲିପି ଲେକାତାଗ୍ ଇଦ୍ ପଦ୍‍ଲେକାମ୍‍ ଇଲ୍‍ଲେ\ft*\f* 
\v 44 ଆଦ୍ ପେର୍‍କେ କନ୍‍ସ୍ ୱାସ୍ ଜିସୁନ୍ ସିଲେତିଙ୍କ୍ ଇଟ୍‍ତା, ମେଣ୍ଡେ, ସାଙ୍ଗେ ସାଙ୍ଗେ ଆଦିନାଦ୍ ନେତୁର୍‍ ପେଇତାନାଦ୍ ବନ୍ଦ୍ ଆତ୍‍ତେ । 
\v 45 ଆସୁଣ୍ଟ୍ ଜିସୁ କେତ୍ତଣ୍ଡ୍, “ବେନ ନାକିଂଙ୍କ୍ ହିଟ୍‍ତଣ୍ଡ୍ ?” ମାତର୍ ସାରେତଡ଼୍ ଅସ୍ୱୀକାର୍ ମାଡ଼୍‍ତଡ଼୍, ପିତର୍ କେତ୍ତଣ୍ଡ୍, “ହୋ ଗୁରୁ, ନାରୁଡ଼୍ ସାରେତଡ଼୍ ତୁର୍ସାତୁର୍ସି ଆସ୍ ନି ପରୁ ରାୟୁତଡ୍ ।”
\p
\v 46 ବାତେଙ୍କ୍ ଇତ୍କେ ଜିସୁ କେତ୍ତଣ୍ଡ୍, “ବେନ ୱେର୍‍ଣ୍ଡ୍ ନାକିଂଙ୍କ୍ ହିଟ୍‍ତଣ୍ଡ୍, ବାତେଙ୍କ୍ ଇତ୍କେ ନାୟାଗେ କନ୍‍ସ୍ ଶକ୍ତି ପେଇତ୍‍ତେ ନାନ୍ ପୁତ୍‍ତାନ୍ ।” 
\v 47 ଆସୁଣ୍ଟ୍ ନାଟାଡ଼୍ ଉଡ୍ ତେ ଯେ, ଆଦ୍ ମିଞ୍ଜି ମାନ୍ଦାଙ୍କ୍ ପାର୍‍ୱ, ଆସୁଟେ ଆଦ୍ ୱାଡ଼୍‍‍କ ୱାଡ଼୍‍‍କ ୱାସ୍ ଅନ୍‌ ଡେକେତ୍ ମଦଲ୍ ରାଲି, ବାତେଙ୍କ୍ ଅଂକିଙ୍କ୍‌ ହିଟ୍ ତେ, ମେଣ୍ଡେ ବେଲା ସାଙ୍ଗେ ସାଙ୍ଗେ ସୁସ୍ଥ ଆତ୍‍ତେ, ଆଦ୍ ସାରେତଡ଼୍ ନାରୁଡ଼୍ ମୁନ୍‍ନେ କେତ୍‍ତେ । 
\v 48 ଆଗେତିନ୍‍ସ୍ ଜିସୁ ଆଦିଙ୍କ୍ କେତ୍ତଣ୍ଡ୍, “ହୋ ପିକି, ନି ବିଶ୍ୱାସ୍ ନିକିଂଙ୍କ୍ ସୁସ୍ଥ ମାଡ଼ିତେ, ଶାନ୍ତି ତେ ଆନ୍ ।”
\p
\v 49 ଅଣ୍ଡ୍‌ ଇଦ୍ ଗଟ୍ କେତ୍‍ତାନ୍ ୱେଲେ ସମାଜ୍‍ଲନ୍ ତେ ମୁକ୍ୟାନ୍ ଲୋତ୍‍ତେ କନ୍‍ସ୍ ୱେର୍‍ଣ୍ଡ୍ ୱାସ୍ କେତ୍ତଣ୍ଡ୍, “ନି ମାୟାଡ଼୍ ଡୋଲିଆତ୍‌ତେ, ଗୁରୁଙ୍କ୍ ମେଣ୍ଡେ କଷ୍ଟ ହିମା ।”
\p
\v 50 ବାତେଙ୍କ୍ ଇତ୍କେ ଜିସୁ ଇଦ୍ କେଞ୍ଜି ଯାଇରସ୍‍ତିଙ୍କ୍ କେତ୍ତଣ୍ଡ୍, “ୱେର୍‍ମାଟ୍, ମାତର୍ ବିଶ୍ୱାସ୍ ମାଡ଼ାଟ୍, ମେଣ୍ଡେ ଆଦ୍ ଗେଲ୍‌ସିତେ ।”
\p
\v 51 ମେଣ୍ଡେ, ଜିସୁ ଯାଇରସ୍‍ତେ ଲୋନ୍‌ ୱାସ୍ ପିତର୍, ଯୋହନ୍‌ ନୁ ଯାକୁବ୍, ମେଣ୍ଡେ ପିକିଡ଼୍ ତେ ୟାୟବାବଡ୍ ୱିଡ଼୍‍ସି ମେଣ୍ଡେ ବେନଙ୍କେ ଅନ୍‌‍ତଡ଼୍ ଲୋପେ ଆଦାଙ୍କ୍ ହିୱଣ୍ଡ୍ । 
\v 52 ମାତର୍ ସାରେତଡ଼୍ ଆଦିନ୍ ସେଙ୍ଗେ କେୟକେୟ ଗୁଣ୍ଡେତାଗ୍ ରେହେସ ମାତ୍‍ତଡ଼୍ । ଆଗେତିନ୍‍ସ୍ ଜିସୁ କେତ୍ତଣ୍ଡ୍, “କେୟ୍‍ମାଟ୍; ଆଦ୍‍ଡୋଲ, ମାତର୍ ଉଞ୍ଜିମିନ୍ଦେ ।”
\p
\v 53 ବାତେଙ୍କ୍ ଇତ୍କେ ଆଦ୍ ଡୋଲିଆତ୍‌ତେ ଇଞ୍ଜ ପୁଞ୍ଜ୍ ମାତ୍‍ତାଙ୍କ୍ ଅଡ଼୍‌‍ ଜିସୁଙ୍କ୍ ପରିହାସ୍ ମାଡ଼ାଙ୍କ୍ ପସ୍ପ୍‍ତ୍‍ତଡ଼୍ । 
\v 54 ମାତର୍ ଜିସୁ ଆଦିନାଦ୍ କାଇଦିଙ୍କ୍ ପଇସ୍ କାର୍‍ଙ୍ଗି କେତ୍ତଣ୍ଡ୍, “ହୋ ପିକି, ତେଦ୍‍ଦେ ।” 
\v 55 ଆଗେତିନ୍‍ସ୍ ତାନାଦ୍ ଜିୱୁଣ୍ଡ୍ ମାଲ୍‍ସ୍ ୱାତ୍‍ତେ, ମେଣ୍ଡେ ଆଦ୍ ସାଙ୍ଗେ ସାଙ୍ଗେ ତେଦ୍‍ଦେ, ମେଣ୍ଡେ ଅଣ୍ଡ୍‌ ଆଦିଙ୍କ୍ ସୁଦୁର୍ ତିନ୍ଦାନଙ୍କ୍ ହିଦାନ୍ ସେଙ୍ଗେ କେସିତ୍‍ଣ୍ଡ୍‌ । 
\v 56 ଇଗେତିସ୍‍ନ୍‍ ତାମ୍ ୟାୟବାବ ବାକ୍‍ୱା ଆତ୍‍ତଡ଼୍; ବାତେଙ୍କ୍ ଇତ୍କେ ଆଦ୍ ଜାଗେତାଦ୍ ଗଟନା ତେ ଗଟ୍ ବେନଙ୍କେ କେତାନାଦ୍ ଆୟ୍‍ୟ ଇଞ୍ଜ ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍ ।
\c 9
\s ଜିସୁ ବାର ଜାନ୍ ଶିଷ୍ୟଡ଼୍‍କିଂଙ୍କ୍ ରହ୍‍ତଣ୍ଡ୍
\r (ମାତିଉ ୧୦:୫-୧୫; ମାର୍କ ୬:୭-୧୩)
\p
\v 1 ଜିସୁ ବାରଜାନ୍ ଶିଷ୍ୟଡ଼୍‍କ୍ କାର୍‍ଙ୍ଗି ଅଣ୍ଡୟାଗେ ଗୁଡ଼୍‍ପି ଅଡ଼୍‌‍କିଂଙ୍କ୍ ସାର୍‍ରେ ବୁତ୍‌କିଂଙ୍କ୍ ୱିର୍‍ସ୍‍ପି, ମେଣ୍ଡେ, ରୋଗ୍ ୱିର୍‍ସ୍‍ପାନ୍ ମାଇଦିଙ୍କ୍ ଶକ୍ତି ନୁ ଅଦିକାର୍ ହିତ୍‍ତଣ୍ଡ୍ । 
\v 2 ମେଣ୍ଡେ ଅଣ୍ଡ୍‌ ଅଡ଼୍‌‍କିଂଙ୍କ୍ ଇଶ୍ୱର୍‌ତାଦ୍ ରାଜ୍ୟ କେତାନଙ୍କ୍ ନୁ ରୋଗି ନାରୁଡ଼୍‍କ୍ ସାୟେ ମାଡ଼ାଙ୍କ୍ ରହତ୍‍ତଣ୍ଡ । 
\v 3 ମେଣ୍ଡେ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ଆଦ୍‍ଦାନ୍ ୱେୟେ ଟେଙ୍ଗା, କି ମୁନା କି ରୂଟି କି ଡାବ୍, ବାତାମେଣ୍ଡେ ଆୟ୍‍ମାଟ୍, ରେଣ୍ଡ୍ ଚକା ସାଙ୍ଗେତେ ଆୟ୍‍ମାଟ୍ । 
\v 4 ମେଣ୍ଡେ, ମିଡ଼୍ ବେନ୍‌ଆଇ ଲୋତ୍‍ତାଗ୍ ନେଙ୍ଗିତିଡ଼ି, ଆଦ୍ ଜାଗାତାଗାଙ୍କ୍ ଆନ୍‌‍ୱକଟ ଆଦେ ପଡ଼ିୟେତାଗ୍ ମାନୁଟ୍ । 
\v 5 \x + \xo ୯:୫ \xo*\xt ପ୍ରେରିତ ୧3:୫୧.\xt*\x*\x + \xo ୯:୫ \xo*\xt ଲୁକ ୧୦:୪-୧୧.\xt*\x*ଆସୁଟେ ବେଗେ ନାରୁଡ଼୍ ମିକିଂଙ୍କ୍ ଗ୍ରହନ୍ ମାଡ଼କ୍, ଆଦ୍ ନାର୍ କନ୍‍ସ୍ ଆଦାନ୍ ୱେୟେ ଅଡ଼୍‌‍ ବିରୁଦ୍‍ତେ ସାକ୍ଷ୍ୟ ଇଦାନ୍‍ମାଇଦିଙ୍ଗ୍ ମି ଡେକେତ୍ ଦୁମ୍‌ କାୟ୍‍ସିମୁଟ୍ ।”
\p
\v 6 ଆଗେତିନ୍‍ସ୍ ଅଡ଼୍‌‍ ଆଞ୍ଜ୍ ମିକା ସୁସମାଚାର୍ ପ୍ରଚାର ମାଡ଼ି ନୁ ରୋଗିଡ଼୍‍କ୍ ସୁସ୍ଥମାଡ଼ି ନାର୍ ଉଡାଙ୍କ୍ ପେୟ୍‍ତଡ଼୍ ।
\s ହେରୋଦ୍ ବୁଲ୍‍କା ଆତ୍‍ତଣ୍ଡ୍
\r (ମାତିଉ ୧୪:୧-୧୨; ମାର୍କ ୬:୧୪-୨୯)
\p
\v 7 \x + \xo ୯:୭ \xo*\xt ମାତିଉ ୧୬:୧୪; ମାର୍କ ୮:୨୮; ଲୁକ ୯:୧୯.\xt*\x*ଇଗ୍‍ତିନ୍‍ସ୍‍ ସାମନ୍ତରାଜାଲ୍ ହେରୋଦ୍ ଇଦ୍‍ସାର୍ ଗଟ୍ କେଞ୍ଜି ଉନ୍‍କେମାନ୍‍କେ ଆତ୍‍ତଣ୍ଡ୍, ବାତେଙ୍କ୍ ଇତ୍କେ ବାପ୍ତିସ୍ମ ଯୋହନ୍‌ ଡଲ୍‍ତେ ନାରୁଡ଼୍ ଆଗାଙ୍କ୍ ତେଦି ମିନ୍ଦେଣ୍ଡ୍ ଇଞ୍ଜ ବେନ୍‍ ବେନଡ଼୍ କେସମାତ୍‍ତଡ଼୍ । 
\v 8 ମେଣ୍ଡେ, ବେନ୍‍ ବେନଡ଼୍ ଏଲିୟ ତନ୍ଦତଣ୍ଡ୍ ହିଞ୍ଜ କେସମାତ୍ତଡ଼୍, ମେଣ୍ଡେ ବାଗାତଡ଼୍ ମୁନେତ୍ ବାବବାଦୀ ଡ଼ାଗାଙ୍କ୍ ୱେରଣ୍ଡ୍ ତେଦ୍‍ତଣ୍ଡ୍ ଇଞ୍ଜ କେସମାତ୍ତଡ଼୍ । 
\v 9 ବାତେଙ୍କ୍ ଇତ୍କେ ହେରଦ୍ ରାଜାଲ୍ କେତ୍‍ତଣ୍ଡ୍, “ଯୋହନ୍‌‌ତାଦ୍ ତାଲ୍‍ତିଙ୍ଗ୍ ନାନ୍ ତ ନାଡ଼‍କ୍‍ତମ୍, ମାତର୍ ଅନ୍‌ ବିଷୟ୍‍ତେ ମାମ୍ ଇଦ୍‍ପୁଟୁଙ୍କ୍ ଗଟି କେଞ୍ଜୁତମ୍, ଇଣ୍ଡ୍ ବେନ ?” ମେଣ୍ଡେ, ଜିସୁଙ୍କ୍ ଉଡ଼ାନ୍ ମାଇଦିଙ୍କ୍ ଅଣ୍ଡ୍‌ ଆଲ୍‍ସି ମାଡ଼ମାତଣ୍ଡ୍ ।
\s ଜିସୁ ପାଞ୍ଚହାଜାର ନାରୁଡ଼୍‍କ୍ ତିହିତ୍‍ତଣ୍ଡ୍
\r (ମାତିଉ ୧୪:୧୩-୨୧; ମାର୍କ ୬:୩୦-୪୪; ଯୋହନ୍‌‌ ୬:୧-୧୪)
\p
\v 10 ପେର୍‍କେ ପ୍ରେରିତ୍‍ ଶିଷ୍ୟଡ଼୍ ମାଲ୍‍ସ୍‍ୱାସ୍, ବାତ୍‍ ବାତା ମାଡ଼ିମାତ୍‍ତଡ଼୍, ଆୱ୍‍ସାରେ ଅନ୍‌ ଗାର୍‍ରେ ତିଆର୍ ମାଡ଼୍‍ତଡ଼୍ । ମେଣ୍ଡେ ଜିସୁ ଅଡ଼୍‌‍କିଂଙ୍କ୍ ସାଙ୍ଗେତେଅସ୍ ବେତ୍‍ସାଇଦା ପେଦେର୍ ତେ ନାର୍‍ତାଗ୍ ହାତ୍‍ତଡ଼୍ । 
\v 11 ବାତେଙ୍କ୍ ଇତ୍କେ ନାରୁଡ଼୍ ଅଂକିଙ୍କ୍‌ କେଞ୍ଜି ଅନ୍‌ ପେର୍‍କେ ତାସିତ୍‌ତଡ୍; ଜିସୁ ଅଡ଼୍‌‍କିଂଙ୍କ୍ କାର୍‍ଙ୍ଗି ଗ୍ରହନ୍ ମାଡ଼ି ଇଶ୍ୱର୍‌ତେ ରାଜ୍ୟ ବିଷୟତେ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ମେଣ୍ଡେ, ବେନଡ଼୍ ସୁସ୍ଥ ଆଦାଙ୍କ୍ ଇଚ୍ଛା ମାଡ଼ମାତ୍‍ତଡ଼୍, ଅଡ଼୍‌‍କିଂଙ୍କ୍ ସୁସ୍ଥ ମାଡ଼୍‍ତଣ୍ଡ୍ ।
\p
\v 12 ହା ଦିନାମ୍‍ତେ ଦିନାମ୍ ମୁଲ୍‍ପୁଟ୍ ଆଦାଙ୍କ୍ ଆଞ୍ଜମାତ୍‍ତେ; ମେଣ୍ଡେ ବାରଜାନ୍ ଶିଷ୍ୟଡ଼୍ ଜିସୁନ୍ ଗାର୍‍ରେ ୱାସ୍ କେତ୍‍ତଡ଼୍, “ନାରୁଡ଼୍ ବେଦ୍‍ପୁଟୁଙ୍କ୍ ଗାର୍‍ରେ ନାକିନାଗ୍ ଆଞ୍ଜ୍ ନୁ ନଗର୍‍ତାଗ୍ ଆଞ୍ଜ୍ କାଦି ତିନ୍‌ତଡ଼୍‌, ଅଦିନ୍‌ ମାଇଦିଙ୍କ୍ ରଅସିମ୍, ବାତେଙ୍କ୍ ଇତ୍କେ ମାନାଡ଼୍ ଇଗେ ବାତେଏ ଇଲ୍‍ୱେ ପଡ଼ିୟେତାଗ୍ ମିନ୍ଦେଡ଼୍ ।”
\p
\v 13 ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼େ ଅଡ଼୍‌‍କିଂଙ୍କ୍ ତିନ୍ଦାନ୍ ମାଇଦିଙ୍କ୍ ହିମୁଟ୍ ।” ଅଡ଼୍‌‍ କେତ୍ତଡ଼୍, “ମା ଗାର୍‍ରେ ଏଇଙ୍ଗ୍ ରୂଟି ନୁ ରେଣ୍ଡ୍ କିକେ ମିନ୍ଦେ ଆୱିଙ୍କ୍‍ ୱିଡ଼୍‍ସି ମେଣ୍ଡେ ମାୟାଗ୍‌ ବାତା ଇଲେ । ଆଲାତ୍କେ ମାନାଡ଼୍ ଆଞ୍ଜ୍ ବାତା ଇଡ଼୍‍ସାର୍ ନାରୁଡ଼୍ ମାଇଦିଙ୍କ୍ କାଦି ଆସିତାଡ଼୍ ?” 
\v 14 ଅଡ଼୍‌‍ ସାର୍‍ରେତଡ଼୍ ଏଇଙ୍ଗ୍ ହଜାର୍‌ ନାରୁଡ଼୍ ମାତ୍‍ତଡ଼୍ । ମେଣ୍ଡେ, ଜିସୁ ତାମ୍ ଶିଷ୍ୟଡ଼କ୍ କେତ୍ତଣ୍ଡ୍, “ପାଚାଶ୍ ପାଚାଶ୍ ନାରୁଡ଼୍‍କ୍ ମାନ୍ଦେ ମାନ୍ଦେ ମାଡ଼ି କୁସ୍‍ପାଟ୍ ।”
\p
\v 15 ଆସୁଟେ ଅଡ଼୍‌‍ ରକମ୍ ସାର୍‍ରେ ତଡ଼୍‍କିଂଙ୍କ୍ କୁସ୍‍ପ୍‍ତଡ଼୍ । 
\v 16 ଜିସୁ ଆୱ୍ ଏଇଙ୍ଗ୍ ରୂଟି ନୁ ରେଣ୍ଡ୍ କିକେ ଆସ୍ ସ୍ୱର୍ଗତ୍ ପାକ୍ ମୁନ୍‍ମାଡ଼ି ଆୱ୍‍ଚାରେ ଆର୍ଶିବାଦ୍ ମାଡ଼୍‍ତଣ୍ଡ୍, ନାରୁଡ଼୍ ମୁନେ ଉଉସ୍ ମେଣ୍ଡେ, ଅଡ଼୍‌‍ ନାରୁଡ଼୍‍କ୍ ହିଦ୍‍ନ୍ ମାଇଦିଙ୍କ୍ ଶିଷ୍ୟଡ଼କ୍ ହିତ୍‍ତଣ୍ଡ୍ । 
\v 17 ମେଣ୍ଡେ ସାରେତଡ଼୍, ତିଞ୍ଜ୍ ପାଞ୍ଜ୍‍ତଡ଼୍, ଅଡ଼୍‌‍ ମେଣ୍ଡେ ଅଡ଼ାୱୁ ମିଗ୍‍ଲିମାନ୍ଦାନ୍ ଉରୁଙ୍ଗ୍‍ତେ ରୂଟି ସାରେ ବାର୍‍ଟାନ୍ ଜୁଡ଼ୀନାଗ୍ ପେହେକି ନିହ୍‍ତଡ଼୍ ।
\s ଜିସୁଙ୍କ୍ ପିତର୍ କେତ୍‍ତଣ୍ଡ୍
\r (ମାତିଉ ୧୬:୧୩-୧୯; ମାର୍କ ୮:୨୭-୨୯)
\p
\v 18 ଜିସୁ ଦିନେ ପ୍ରାର୍ତନା ମାଡ଼ାନ୍ ୱେୟ୍ ଶିଷ୍ୟଡ଼୍ ଅନ୍‌‍ଗାରେ ୱାତ୍‍ତଡ଼୍, ମେଣ୍ଡେ ଜିସୁ ଅଡ଼୍‌‍କିଂଙ୍କ୍ ପାଚ୍ରାମାଡ଼୍‍ତଣ୍ଡ୍, “ନାନେ ବେନନ୍ ଇଞ୍ଜ ନାରୁଡ଼୍ କେତୁ‍ତଡ଼୍ ?”
\p
\v 19 \x + \xo ୯:୧୯ \xo*\xt ମାତିଉ ୧୪:୧,୨; ମାର୍କ ୬:୧୪,୧୫; ଲୁକ ୯:୭,୮.\xt*\x*ଆସୁଟେ ଅଡ଼୍‌‍ ଉତ୍ତର୍ ହିତ୍‍ତଡ଼୍, “ବାପ୍ତିସ୍ମ ଯୋହନ୍‌ ଇଞ୍ଜ,” ମେଣ୍ଡେ, “ବେନ୍‍ ବେନଡ଼୍ କେତୁତଡ଼୍, ଏଲିୟ ଇଞ୍ଜ, ବାଗାତଡ଼୍ କେତୁତଡ଼୍ ମୁନେତଣ୍ଡ୍ ବାବବାଦୀ ଡ଼ାଗାଙ୍କ୍ ୱେରଣ୍ଡ୍ ପୁନରୁତ୍‍ତିତ୍ ଆସ୍‍ମିନ୍ଦେଣ୍ଡ୍ ।”
\p
\v 20 \x + \xo ୯:୨୦ \xo*\xt ଯୋହନ୍‌‌ ୬:୬୮,୬୯.\xt*\x*ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍‍, “ନାନେ ବେନନ୍ ଇଞ୍ଜ ମିଡ଼୍ କେତୁତିଡ଼୍ ?” ପିତର୍ ଉତ୍ତର୍ ହିତ୍‍ତଣ୍ଡ୍ “ନିମେ ଇଶ୍ୱରତେ କ୍ରିଷ୍ଟନି ।”
\s ଜିସୁ ତାନାଦ୍ ଡଲାନାଦ୍ ନୁ ତେଦାନାଦ୍ ବିଷୟ୍‍ତାଦ୍ କେତ୍‍ତଣ୍ଡ୍
\r (ମାତିଉ ୧୬:୨୦-୨୮; ମାର୍କ ୮:୩୦–୯:୧)
\p
\v 21 ଜିସୁ ଆସୁଟେ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍ ଇଦ୍ ବେନଙ୍କ୍ କେଲ୍‍ମାଟ୍ ଇଦ୍ ବେନଙ୍କେ କେଲ୍‍ମାଟ୍ ଇଞ୍ଜ ଅଡ଼୍‌‍କିଂଙ୍କ୍ ଦୃଡ଼ ଗଟ୍ ଇସ୍ କେତ୍‍ତଣ୍ଡ୍‍, 
\v 22 ମେଣ୍ଡେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ନାରୁନ୍‍ପିଲେତିଙ୍କ୍ ଗାଟି ଦୁଃକାମ୍ ମାଡ଼ିତନ୍ ଆସୁଟେ ଅଂକିଙ୍କ୍‌ ଯିହୁଦୀ ନେତା, ମୁକ୍ୟଯାଜକ୍ ନୁ ଶାସ୍ତ୍ରୀଡ଼୍ ଜିସୁଙ୍କ୍ ରେହେତିତଡ଼୍, ମେଣ୍ଡେ ଅଣ୍ଡ୍‌ ମୁଣ୍ଡ୍ ଦିନାତିଙ୍କ୍ ଜିୱେ ଆସ୍ ତେଦିତଣ୍ଡ୍ ।”
\p
\v 23 \x + \xo ୯:୨3 \xo*\xt ମାତିଉ ୧୦:3୮; ଲୁକ ୧୪:୨୭.\xt*\x*ଆସୁଟେ ଜିସୁ ସାର୍‍ରେତଡ୍‍କିଙ୍ଗ୍ କେତ୍‍ତଣ୍ଡ୍‍, “ବେନ ନା ପେର୍‍କେ ତାକାଙ୍କ୍ ଇଚ୍ଛାମାଡ଼ୁତଣ୍ଡ୍, ଆଲାଇତ୍କେ ଅଣ୍ଡ୍‌ ନିଜେ ଅସ୍ୱୀକାର୍ ମାଡ଼ିଣ୍ଡ୍, ସାର୍‍ଦିନା ଅଂକିଙ୍କ୍‌ ଇସ୍ ମାନ୍ଦାନାଦ୍ କ୍ରୁଶତିଙ୍କ୍ କାଞ୍ଜି, ନା ପେର୍‍କେ ୱାଡ଼ିଣ୍ଡ୍ ।” 
\v 24 \x + \xo ୯:୨୪ \xo*\xt ମାତିଉ ୧୦:3୯; ଲୁକ ୧୭:33; ଯୋହନ୍‌‌ ୧୨:୨୫.\xt*\x*ମାତର୍ ବେନ ନିଜର୍ ଜିୱୁନ୍‍ତିଙ୍କ୍ ରକ୍ଷା ମାଡ଼ାଙ୍କ୍ ଇଚ୍ଛା ମାଡ଼ୁତଣ୍ଡ୍, ଅଣ୍ଡ୍‌ ଆଉ ୱିଡ଼୍‍ସାନ୍ ମିନ୍ଦେ; ବେନ ନା ମାଇଦିଙ୍କ୍ ଅନ୍‌ ଜିୱୁନ୍ ୱିଡ଼୍‍ସିଦ୍‍ତଣ୍ଡ୍, ଅଣ୍ଡ୍‌ ରକ୍ଷା ମାଡ଼ିତଣ୍ଡ୍ । 
\v 25 ମାତର୍ ନାରୁନ୍ ବେସୁଟ୍‌ ସାର୍‍ରେ ଜଗତ୍‍ତିଙ୍କ୍ ଲାବ୍ ମାଡ଼ି, ନିଜେତ୍ ଜିୱୁଣ୍ଡ୍ ନଷ୍ଟ ମାଡ଼ିତନ୍, ଆଲାତ୍କେ ଅଂକିଙ୍କ୍‌ ବାତ୍ ଲାବ୍ ? 
\v 26 ବେନଆଇ ନାକିଂଙ୍କ୍ ନୁ ନାୟାଦ୍ ବାକ୍ୟବିଷୟତେ ସିଗ୍ ଆଦ୍‍ତଣ୍ଡ୍, ନାରୁନ୍‍ପିଲେ ଆସୁଟେ ଅନ୍‌ ମାଇମାତେ, ପରମେଶ୍ୱର୍‍ତେ ମାଇମାତେ ନୁ ପବିତ୍ର ଦୂତକିନ୍ ମହିମା ତେ ୱାଦାନାଦ୍ ମାଡ଼ିତନ୍, ଆସୁଟେ ଅଣ୍ଡ୍‌ ଆ ବିଷୟ୍ ତେ ସିଗ୍ ଆଦ୍‍ତନ୍ । 
\v 27 ମାତର୍, ନାନେ ମିକିଂଙ୍କ୍ ସତ୍ କେତୁତାନ୍, “ମିଇ ନାରୁଡ଼୍ ଲୋପ୍ ନିଶ୍‍ମାନ୍ଦାନ୍ ବେସ୍‍ତୁଡ଼୍ ନାରୁଡ଼୍ ଡଲାନ୍ ମୁନେଙ୍କ୍ ପରମେଶ୍ୱରତାଦ୍ ରାଜ୍ୟତିଙ୍କ୍ ଉଡ଼ିତଡ୍ ।”
\s ଜିସୁନ୍ ମେଣ୍ଡନ୍‍ଲେକାମ୍ ତନ୍ଦାନାଦ୍
\r (ମାତିଉ ୧୭:୧-୮; ମାର୍କ ୯:୨-୮)
\p
\v 28 ହି ସାର୍‍ରେ ଗଟ୍‍ନା ଆସ୍ ମାତର୍ ଆଟ୍‍ ଦିନ୍ ପେର୍‍କେ ଜିସୁ, ପିତର୍, ଯୋହନ୍‌ ନୁ ଯାକୁବଙ୍କ୍ ସାଙ୍ଗେତେଆସ୍ ପ୍ରାର୍ତନା ମାଡ଼ାନ୍ ମାଇଦିଙ୍କ୍ ମେଟେତ୍ ପରୁ ଆଦ୍‍ତଡ଼୍ । 
\v 29 ଜିସୁ ପ୍ରାର୍ତନା ମାଡ଼ାନ୍ ଦିନାମ୍‍ତେ ଅନ୍‌‍ୱାଦ୍ ମକମ୍ ତନ୍ଦାନାଦ୍ ମେଣ୍ଡନ୍ ଲେକାମ୍ ଆତ୍‍ତା ଅନାୱୁ କେର୍ସ୍ ମାନ୍ଦାନ୍ ଚକା ପାଣ୍ଡେ ଆସ୍ ୱେସ୍ ଆଦ୍‍ତେ । 
\v 30 ମେଣ୍ଡେ, ଉଡ଼ାଟ୍, ହଟାତ୍ ମଶାଲ୍‌ ନୁ ଏଲିୟ, ଇର୍‍ୱୁଡ଼୍ ଜିସୁନ୍ ତଡ଼୍ ତିର୍‍ୟୁତଡ଼୍; 
\v 31 ଅଡ଼୍‌‍ ସ୍ୱର୍ଗୀୟ ଗୌରବ୍‍ତେ ତଅନ୍‌ଦମାତ୍ତଡ଼୍, ଜିସୁ ଡଲାନାଦ୍ ବିଷୟ ତେ ଯୀରୁଶାଲାମ୍ ଗଟେମ୍ ଆଦାଙ୍କ୍ ଆଦୁତ୍‍ତେ ଆଦ୍ ବିଷୟ ତେ ଅଡ଼୍‌‍ ଅଣ୍ଡ୍‌ ତଡ଼୍ ତିର୍‍ୟୁତଡ଼୍ । 
\v 32 ଆସୁଟେ, ପିତର୍ ନୁ ଅନ୍‌ ସାଙ୍ଗଡ଼୍ ଉଞ୍ଜିମାତ୍‍ତଡ଼୍; ବେସୁଙ୍କ୍‍ ଅଡ଼୍‌‍ ତେଦି ଉଡ଼ୁ‍ତଡ଼୍, ଜିସୁନାଦ୍ ମହିମା, ମେଣ୍ଡେ ଅନ୍‌‍ତଡ଼୍ ଇର୍‍ୱୁଡ଼୍ ନିସ୍ ମାନ୍ଦାନାଦ୍ ଉଡ଼୍‍ତଡ଼୍ । 
\v 33 ମେଣ୍ଡେ ମଶାଲ୍‌ ନୁ ଏଲିୟ ଜିସୁନାଗାଙ୍କ୍ ଆଦ୍‍ଦାନ୍ ୱେୟ୍ ପିତର୍ ଜିସୁଙ୍କ୍ କେତ୍‍ତଣ୍ଡ୍, “ହୋ ଗୁରୁ, ସାୟେ ଆତ୍‍ତେ ମାନାଡ଼୍ ଇଗ୍ ମିନ୍ଦେଡ଼୍; ମାନାଡ଼୍ ଇଗେ ମୁଣ୍ଡ୍ ଗୁଡ୍‍ସା ତିଆର୍ ମାଡ଼ିକାଡ଼୍, ନି ମାଇଦିଙ୍କ୍ ଅଣ୍ଡୟ୍‌, ମୋଶାନ୍‌ ମାଇଦିଙ୍କ୍ ଅଣ୍ଡୟ୍‌, ଏଲିୟନ୍ ମାଇଦିଙ୍କ୍ ଅଣ୍ଡୟ୍‌ ।” ବାତେଙ୍କ୍ ଇତ୍କେ ଅଣ୍ଡ୍‌ ବାତ୍ କେତ୍ତଣ୍ଡ୍, ଆଦ୍ ଅଣ୍ଡ୍‌ ପୁନଣ୍ଡ୍ ।
\p
\v 34 ପିତର୍ ଆଦ୍ ଗଟି କେସମାନ୍ଦାନ୍‌ ୱେୟ୍ ମାବ୍‍ୱାସ୍ ଇଡ଼୍‍କ୍ ମିସ୍‍ତା, ମେଣ୍ଡେ, ଅଡ଼୍‌‍ ମାବ୍‍ତାଗ୍ ନେଙ୍ଗାନ୍ ୱେୟ୍ ପିତର୍, ଯାକୁବ୍ ନୁ ଯୋହନ୍‌ ୱେର୍‍ତଡ଼୍ । 
\v 35 \x + \xo ୯:3୫ \xo*\xt ମାତିଉ 3:୧୭; ୧୨:୧୮; ମାର୍କ ୧:୧୧; ଲୁକ 3:୨୨.\xt*\x*\x + \xo ୯:3୫ \xo*\xt ୨ ପିତର୍‌ ୧:୧୭,୧୮.\xt*\x*ଆସୁଟେ ଆଦ୍ ମାବ୍‍ତାଗାଙ୍କ୍ ଇଦ୍‍ପୁଟୁଙ୍କ୍ ଲେଙ୍ଗ୍ ଆତ୍‍ତେ, “ହୋ ମା ପ୍ରିୟ ମାର୍‍, ଇକିଂଙ୍କ୍ ମାମ୍ ହେଞ୍ଚି ମିନ୍ଦେମ୍, ଇନ୍‍ ବାକ୍ୟତିଙ୍କ୍ କେଞ୍ଜାଟ୍ ।”
\p
\v 36 ମେଣ୍ଡେ ଆଦ୍ ଲେଙ୍ଗ୍ଆସ୍ ତେର୍‍ତ୍ ୱେୟ୍ ଜିସୁ ୱେରଣ୍ଡେ ଆଗେ ତଅନ୍‌ତତଣ୍ଡ୍ । ପିତର୍, ଯାକୁବ୍ ନୁ ଯୋହନ୍‌ କଟ ଆସ୍ ମାତ୍‍ତଡ଼୍, ଅଡ଼୍‌‍ ବାତ୍‍ ବାତା ଉଡ଼ିମାତ୍‍ତଡ଼୍, ଆଗେତାୱୁ ବେନେ ବା ଗଟ୍‌ ଆଦ୍‌ ସମୟତେ ବେନଙ୍କ୍‌ ମିକା କେଲଡ଼୍‌ ।
\s ଜିସୁ ବୁତ୍ ପଇତେ ପେକାଙ୍କ୍ ସୁସ୍ଥମାଡ଼୍‍ତଣ୍ଡ୍
\r (ମାତିଉ ୧୭:୧୪-୧୮; ମାର୍କ ୯:୧୪-୨୭)
\p
\v 37 ମେଣ୍ଡେନ୍‍ଦିନ୍ ଜିସୁ ନୁ ଅଡ଼୍‌‍ୱାଦ୍‌ ମୁୱୁଡ଼୍ ଶିଷ୍ୟଡ଼୍ ମେଟେତାଗାଙ୍କ୍ ଡିଗି ୱାତ୍‍ତେ ୱେୟ୍, ନାର୍ଗେ ନାରୁଡ଼୍ ୱାସ୍ ଜିସୁନ୍ ତଡ଼୍ କାୟ୍‍ଲ୍‍ତଡ଼୍ । 
\v 38 ମେଣ୍ଡେ ଉଡ଼ାଟ୍; ନାରୁଡ଼୍ ଲୋପେଙ୍କ୍ ୱେରଣ୍ଡ୍ ନାରୁଡ଼୍ ଗାଟି ଲେଙ୍ଗଦେ କେତ୍‍ତଣ୍ଡ୍, “ହୋ ଗୁରୁ, ନାନେ ନିକିଂଙ୍କ୍ ଦନ୍ୟବାଦ୍ ମାଡ଼ୁତାନ୍, ଦୟାମାଡ଼ି ନା ମାର୍‍ଦିଙ୍କ୍ ୱାସ୍ ଉଡ଼େ ବାତେଙ୍କ୍ ଇତ୍କେ ନାକିଂଙ୍କ୍ ଅଣ୍ଡ୍‌ ୱେରଣ୍ଡେ ଇଞ୍ଜ ମାର୍‍; 
\v 39 ଉଡ଼େ, ଅଂକିଙ୍କ୍‌ ବୁତ୍ ପୟିନୁଡ଼୍, ମେଣ୍ଡେ ଅଣ୍ଡ୍‌ ଅଟାତ୍‍ ତେ ମର୍‍ପୟ୍‍ତୁତଣ୍ଡ୍, ଅଂକିଙ୍କ୍‌ ବୁତ୍ ଇଦ୍‍ପୁଟୁଙ୍କ୍ ମାଡ଼୍‍ତେ ଯେ, ଅନ୍‌ ପାୟୁର୍‍ତାଗାଙ୍କ୍ ବୟୁଲ୍ ପେୟିନୁଡ଼୍‌, ବୁତ୍ ଅଂକିଙ୍କ୍‌ ଉକେୱେକ୍ ମାଡ଼ି ଅନ୍‌ଆଗାଙ୍କ୍ ତିପାଲ୍‍ତେ ପେୟିସ୍ ଆତ୍‍ତେ ।” 
\v 40 ବୁତ୍‌ତିଙ୍କ୍ ୱିର୍‍ସ୍‍ପାନ୍ ମାଇଦିଙ୍କ୍ ନାନେ ନି ଶିଷ୍ୟଡ଼୍‍କିଂଙ୍କ୍ କାର୍‍ଙ୍ଗି ମାତ୍‍ତାନ୍, ମାତର୍ ଅଡ଼୍‌‍ ପାର୍‍ୱଡ଼୍ ।
\p
\v 41 ଜିସୁ ଉତ୍ତର୍ ହିତ୍‍ତଣ୍ଡ୍, “ଆର୍ ଅବିଶ୍ୱାସ୍‌ଡ଼ି ନୁ ପେର୍‍କେ ୱାଦାନ୍ ବଂଶତଡ଼ି, ମେଣ୍ଡେ ବେସ୍‌କ୍‌ଦିନା ନାନେ ମି ତଡ଼୍ ମାନ୍‍ତା, ବେସର୍‍ଦିନା ନାନେ ମିୟାଦ୍ ମାଡ଼ାନ୍ କାମ୍‍ତିଙ୍କ୍ ‍କେଞ୍ଜ୍‍ତାନ୍, ତାନ୍ ପେର୍‍କେ ଜିସୁ ଆଦ୍ ନାରୁଙ୍କ୍ କେତ୍‍ତଣ୍ଡ୍, ନି ମାର୍‍ଦିଙ୍କ୍ ଇଗ୍ ପୟ୍‍ସ୍ ତାଡ଼ା ।”
\p
\v 42 ପେକାଲ୍ ୱାଦାନ୍ ୱେୟ୍ ବୁତ୍ ଅଂକିଙ୍କ୍‌ ନେଏଲ୍ ‍ରାପି ବୟଙ୍କାର୍ ତେ ପଇସ୍‍ଉକିତ୍ତେ, ବାତେଙ୍କ୍ ଇତ୍କେ ଜିସୁ ଅଶୁଚି ଆତ୍ମାତିଙ୍କ୍ ଦମକ୍ ହିତ୍‍ତଣ୍ଡ୍ ନୁ ପେକାଙ୍କ୍ ସୁସ୍ଥ ମାଡ଼ି ଅଂକିଙ୍କ୍‌ ତାମ୍ ବାବାନ୍ କାଇଦେ ଇତ୍‍ତନ୍ ମାଡ଼୍‍ତଣ୍ଡ୍ । 
\v 43 ଆଗେତିନ୍‍ସ୍ ଅଡ଼୍‌‍ ସାର୍‍ତଡ଼୍ ଇଶ୍ୱର୍ ତେ ନାର୍ଗେଶକ୍ତି ତେ ବାକ୍‍ୱା ଆଦ୍‍ତଡ଼୍ । ମାତର୍ ତାନ୍ ମାଡ଼୍‍ତେ ସାରେ ପାଡ଼ିୟି ସେଙ୍ଗେ ସାରେତଡ଼୍ ବାକ୍‍ୱା ଆଦାନ୍ ୱେଲେ ଜିସୁ ତାମ୍ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍ ।
\s ଜିସୁ ନିଜର୍ ଡଲାନ୍ ଗଟ୍ ମେଣ୍ଡଅନ୍‌‍ଦାମ୍ କେତ୍‍ତଣ୍ଡ୍
\r (ମାତିଉ ୧୭:୨୨-୨୩; ମାର୍କ ୯:୩୦-୩୨)
\p
\v 44 “ଜିସୁ ତାନ୍ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍, ନାନ୍ ବାତେଏ କତ୍‍ତାନ୍ ଆଦ୍ ମାର୍‍ଙ୍ଗ୍‌ମାଟ୍ ଆଦ୍ ସାର୍‍ରେଗଟି ମି କେୱକିନାଗ୍ ନେହେମୁଟ୍; ବାତେଙ୍କ୍ ଇତ୍କେ ନାରୁନ୍ ମାର୍‍ ଶତୃଡ଼୍ କାଇଦେ ସମର୍ପିତ୍ ହାଦାଙ୍କ୍ ଆଦୁତନ୍ ।” 
\v 45 ବାତେଙ୍କ୍ ଇତ୍କେ ଶିଷ୍ୟଡ଼୍ ଆଦ୍ ଗଟ୍‍ତିଙ୍କ୍ ବୁଜେମ୍ ଆୟ୍‍ୟଡ଼୍, ଆଦ୍ ଗଟ୍ ତେ ଇତ୍‍କେ ଅଡ଼୍‌‍ ମାଇଦିଙ୍କ୍ ପୁନ୍ଦାନ୍ ସେଙ୍ଗେ ମିଞ୍ଜିମାତ୍‍ତେ, ଆସୁଟେ ଅଡ଼୍‌‍ ଜିସୁଙ୍କ୍ ଆଦ୍ ଗଟ୍ ବିଷୟ୍ ତେ କେତ୍‍ତାନ୍ ମାଇଦିଙ୍କ୍ ୱେର୍‍ସ ମାତ୍‍ତଡ଼୍ ।
\s ଅଡ଼୍‌‍ ଲୋପେ ବେନ ବାଡ଼୍‍ୟଣ୍ଡ୍
\r (ମାତିଉ ୧୮:୧-୫; ମାର୍କ ୯:୩୩-୩୭)
\p
\v 46 \x + \xo ୯:୪୬ \xo*\xt ଲୁକ ୨୨:୨୪.\xt*\x*ଅଡ଼୍ ଲପେଙ୍କ୍‌ ବେନଣ୍ଡ୍ ବାଡ଼୍‍ୟଣ୍ଡ୍ ଆଦ୍‌ ବିଷୟତେ ଅଡ଼୍‌ ଲପେ ରାମ୍‌କ୍‌ ରଦ୍‌ଦେ ଆତ୍‌ତେ । 
\v 47 ବାତେଙ୍କ୍ ଇତ୍କେ ଜିସୁ ଅଡ଼୍‌‍ ଆଲ୍‍ସାନାଦ୍ ପୁଞ୍ଜ୍, ଅର୍‍ତୁଙ୍କ୍ ସୁଦୁନ୍ ପେକାଙ୍କ୍ ଅନ୍‌ ଗାର୍‍ରେ ତାସ୍ ନିଲ୍‍ସ୍ପି ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍, 
\v 48 \x + \xo ୯:୪୮ \xo*\xt ମାତିଉ ୧୦:୪୦; ଲୁକ ୧୦:୧୬; ଯୋହନ୍‌‌ ୧3:୨୦.\xt*\x*“ବେନଆଇ ନା ପେଦେର୍‍ତେ ହି ସୁଦୁଣ୍ଡ୍ ପେକାଙ୍କ୍ ଗ୍ରହନ୍ ମାଡ଼ିତନ୍ ଅଣ୍ଡ୍‌ ନାକିଂଙ୍କ୍ ଗ୍ରହନ୍ ମାଡ଼ିତନ୍, ବେନଆଇ ନାକିଂଙ୍କ୍ ଗ୍ରହନ୍ ମାଡ଼ିତନ୍, ଅଣ୍ଡ୍‌ ନା ତ୍ରାଣକର୍ତ୍ତାଙ୍କ୍ ଗ୍ରହନ୍ ମାଡ଼ିତନ୍; ବାତେଙ୍କ୍ ଇତ୍କେ ମି ସାର୍‍ରେତଡ଼୍ ଲୋପ୍ ବେନ ସୁଦୁନଣ୍ଡ୍, ଅଣ୍ଡେ ବାଡ଼୍‍ୟଣ୍ଡ୍ ।”
\s ବେନ ପାକେ ଆୟ୍‍ୟଣ୍ଡ୍, ଅଣ୍ଡ୍‌ ପାକେଙ୍କ୍
\r (ମାର୍କ ୯:୩୮-୪୦)
\p
\v 49 ଆସୁଙ୍କ୍ ଯୋହନ୍‌ ଉତ୍ତର୍ ହିତ୍‍ତଣ୍ଡ୍, “ହୋ ଗୁରୁ, ମାମ୍ ଅର୍‍ତୁଙ୍କ୍ ନି ପେଦେର୍ ତେ ବୁତ୍ ୱିଡ଼୍‍ସ୍‍ପାନାଦ୍ ଉଡ଼୍‍ତମ୍, ମେଣ୍ଡେ ଅଣ୍ଡ୍‌ ମା ମାନ୍ଦେ ତାଗ୍ ଇଲ୍‍ୱାଙ୍କ୍ ଅଂକିଙ୍କ୍‌ ମାମ୍ ମନା ମାଡ଼୍‍ତମ୍ ।”
\p
\v 50 ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମନା ମାଡ଼୍‍ମାଟ୍, ବେନ୍ ମିଇ ତୋଡ଼୍ ଆୟ୍‍ୟଣ୍ଡ୍ ଅଣ୍ଡ୍‌ ତୋଡ଼୍ ।”
\s1 ୱେରନ୍ ଶମିରୋଣୀୟ ନାର୍ ଜିସୁଙ୍କ୍ ଆଗ୍ରାହ୍ୟ ମାଡ଼ିତେ
\p
\v 51 ଜିସୁ ଜଗତ୍‍ତିଙ୍କ୍ ୱିଡ଼୍‍ସି ସ୍ୱର୍ଗତା ମାଲ୍‍ସ୍‍ଆଦାନ୍ ଦିନାମ୍ ଗାର୍‍ରେ ହେୱ୍‍ସ୍ ମାତ୍‍ତେ, ଆସୁଟେ ଅଣ୍ଡ୍‌ ଯିରୁଶାଲେମ୍‍ତା ଆଦାନ୍ ମାଇଦିଙ୍କ୍ ତିୟାର୍ ଆତ୍‍ତଣ୍ଡ୍ । 
\v 52 ଜିସୁ ଅନ୍‌ ମୁନେଙ୍କ୍ ବେସ୍‍କ୍‍ତୁଡ଼କ୍ ନାରୁଡ଼୍‍କିଂଙ୍କ୍ ରହତଣ୍ଡ୍, ଅଡ଼୍‌‍ ଆଞ୍ଜ୍ ଜିସୁନ୍ ମାଇଦିଙ୍କ୍ ଆୟୋଜନ୍ ମାଡ଼ାନ୍ ସେଙ୍ଗେ ଶମିରୋଣୀୟ ନାର୍‍ଦାଗ୍ ଅସ୍‍ତଡ଼୍, 
\v 53 ବାତେଙ୍କ୍ ଇତ୍କେ ଜିସୁ ଯୀରୁଶାଲାମ୍ ଆଦାଙ୍କ୍ ଇଚ୍ଛା ମାଡ଼୍‍ତଣ୍ଡ୍ ଇଞ୍ଜ ପୁଞ୍ଜ୍ ଅଡ଼୍‌‍ ଅଂକିଙ୍କ୍‌ ଗ୍ରହନ୍ ମାଡ଼ଡ଼୍‍ । 
\v 54 ଆଦ୍ ଉଡ଼ି, ଯାକୁବ୍ ନୁ ଯୋହନ୍‌, ହି ଇର୍‍ୱୁଡ଼୍ ଶିଷ୍ୟ ଜିସୁଙ୍କ୍ କେତ୍‍ତଡ଼୍, “ପ୍ରବୁ ଏଲିୟ ବେଦ୍‍ପୁଟୁଙ୍କ୍ ମାଡ଼ିମାତ୍‍ତଣ୍ଡ୍, ଆଦ୍‍ପୁଟୁଙ୍କ୍\f + \fr ୯:୫୪ \fr*\ft ବେସ୍‌କ୍ ପାଣ୍ଡୁଲିପିତାଗ୍ ଇଦ୍ ଲେକା ହିଲ୍‍ଲେ\ft*\f* ମାବ୍‍ତାଗାଙ୍କ୍ କିସ୍ ରାଲି ଅଡ଼୍‌‍କିଂଙ୍କ୍ ନଷ୍ଟ ବା ୱିଡ଼୍‍ସି ମାଡ଼ି, ଆଦ୍ ମାମ୍ କେତିତମ୍ ଇଞ୍ଜ ବାତ୍ ମିୱାଦ୍ ଇଚ୍ଛା ?”
\p
\v 55 ବାତେଙ୍କ୍ ଇତ୍କେ ଅଣ୍ଡ୍‌ ତିଡ଼୍‍ୟିମେଣ୍ଡେ ଅଡ଼୍‌‍କିଂଙ୍କ୍ ଆନୁଯୋଗ୍ ମାଡ଼ି କେତ୍‍ତଣ୍ଡ୍, ମିଡ଼୍ ବେନ୍ ଲେକାମ୍ ଆତ୍ମାତ୍ ନାରୁଡ଼ି, ଇଦ୍ ନାନ୍ ପୁନନ୍ । ନାରୁନ୍ ମାର୍‍ ନାରୁଡ଼୍‍ତେ ଜିୱୁନ୍‍ତିଙ୍କ୍ ହାଉକାଙ୍କ୍ ୱାଡ଼ଣ୍ଡ୍ ବା ଗେଲ୍‍ସ୍‍ପାଙ୍କ୍ ୱାସ୍ ମିନ୍ଦେଣ୍ଡ୍ ।\f + \fr ୯:୫୫ \fr*\ft ବେସ୍‌କ୍ ପାଣ୍ଡୁଲିପିତାଗ୍ ଇଦ୍ ଲେକା ହିଲ୍‍ଲେ\ft*\f* 
\v 56 ଆସୁଟେ ଅଡ଼୍‌‍ ମେଣ୍ଡେ ଅଣ୍ଡ୍‌ ନାର୍ ଆଦ୍‍ତଡ଼୍ ।
\s ଜିସୁନ୍ ଶିଷ୍ୟ ଆଦାଙ୍କ୍ ଇଚ୍ଛାମାଡ଼ାନ୍ ନାରୁଡ଼୍
\r (ମାତିଉ ୮:୧୯-୨୨)
\p
\v 57 ଅଡ଼୍‌‍ ଆର୍‍ଦାଲାନ୍ ଆଦାନ୍ ଦିନାମ୍ ତେ ୱେରନ୍ ନାରୁଡ଼୍ ଜିସୁଙ୍କ୍ କେତ୍‍ତଣ୍ଡ୍, “ନିମେ ବେନେ ଜାଗେତାଗ୍ ଆଦ୍‍ତିଡ଼୍, ନାନେ ନି ପେର୍‍କେ ୱାଦ୍‍ତାନ୍ ।”
\p
\v 58 ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “କଙ୍ଗାନାକାଙ୍କ୍ ଦୋର୍‌ରା ମିନ୍ଦେ, ମାବ୍ ତେ ପରୁ ଉଡାନ୍ ପିଟେଙ୍କ୍ ତୁହ୍‍କା ମିନ୍ଦେ, ମାତର୍ ନାରୁନ୍‍ପିଲେତାଦ୍‍ ତାଲାଙ୍କ୍‌ ଗୁଞ୍ଚାମାଡ଼ାଙ୍କ୍ ପଡ଼ିୟେ ଇଲା ।” \fig କଙ୍ଗାନାକା ନୁ ତାନ୍‍ ପିଲା ଦରେତାଗ୍‍ ମିନ୍ଦେ|alt="Fox with kits in a hole" src="bk00051c.tif" size="col" copy="Horace Knowles ©" ref="୯:୫୮"\fig*
\p
\v 59 ମେଣ୍ଡେ, ଅର୍‍ତୁଙ୍କ୍ କେତ୍‍ତଣ୍ଡ୍, “ନା ପେର୍‍କେ ୱାଡ଼ା ।” ବାତେଙ୍କ୍ ଇତ୍କେ ଅଣ୍ଡ୍‌ କେତ୍‍ତଣ୍ଡ୍, “ମୁନେ ଆଞ୍ଜ୍ ନା ବାବାଙ୍କ୍ ସମାଦି ହିଦାନ୍ ମାଇଦିଙ୍କ୍ ନାକିଂଙ୍କ୍ ଗଟ୍ ହିମ୍ ।”
\p
\v 60 ମାତର୍ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଡଲ୍‍ତେନଡ଼୍‍କିଂଙ୍କ୍ ସମାଦି ହିଦାଙ୍କ୍ ଡୋଲ୍‍ତଡ଼୍‍କ୍ ୱିଡ଼୍‍ସିମୁଟ୍, ବାତେଙ୍କ୍ ଇତ୍କେ ମିଡ଼୍ ଆଞ୍ଜ ଇଶ୍ୱର୍‌ତ୍ ରାଜ୍ୟତେ ପ୍ରଚାର୍ ମାଡ଼ାଟ୍ ।”
\p
\v 61 ମେଣ୍ଡେ ୱେରଣ୍ଡ୍ ଆନ୍‌‍ତେ କେତ୍‍ତଣ୍ଡ୍, “ନାନେ ନି ପେର୍‍କେ ତାକିତାନ୍, ମାତର୍ ମୁନେ ନା ଲୋନ୍‌ ମାନ୍ଦାନ୍ ନାରୁଡ଼ାଗାଙ୍କ୍ ୱିଡ଼୍‍ସିଦାନ୍ ମାଇଦିଙ୍କ୍ ନାକିଂଙ୍କ୍ ଗଟ୍ ହିମ୍ ।”
\p
\v 62 ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ବେନ ନାଙ୍ଗେଲ୍‍ତାଗ୍ କାୟ୍‍ପୟ୍‍ସ୍ ପେର୍‍କେ ଉଡ଼ିତଣ୍ଡ୍, ଅଣ୍ଡ୍‌ ଇଶ୍ୱରତେ ରାଜ୍ୟ ସେଙ୍ଗେ ବାତ୍ ପାଡ଼ିୟିଦିଙ୍କ୍ ମିକା ଯୋଗ୍ୟ ଆୟ୍‍ୟଣ୍ଡ୍ ।”
\c 10
\s ଜିସୁ ସତୁରି ଇର୍‍ୱୁଡ଼କ୍\f + \fr ୧୦:୧ \fr*\ft ବେସ୍‌କ୍ ପାଣ୍ଡୁଲିପିତାଗ୍ ସତୁରି ଜାନ୍ ଲେକା ମିନ୍ଦେ\ft*\f* ରହ୍‍ତଣ୍ଡ୍
\p
\v 1 ତାନ୍ ପେର୍‍କେ ଜିସୁ ପ୍ରବୁ ସତୁରି ଇର୍‍ୱୁଡ଼କ୍ ଜାନ୍ ନାରୁଡ଼୍‍କ୍ ଏଞ୍ଚତଣ୍ଡ୍ । ବେନ୍ ନଗର୍‍ ନୁ ପଡ଼ିୟେତାଗ୍ ଆଦାନ୍ ମାଇଦିଙ୍କ୍ ଇଚ୍ଛା ମିନ୍ଦେ, ଆଦ୍ ଜାଗାକିନାଗ୍ ଇର୍‍ୱୁଡ଼୍ ମାଡ଼ି ଜିସୁ ଆଦାନ୍ ମୁନେଙ୍କ୍ ଅଡ଼୍‌‍କିଂଙ୍କ୍ ରହ୍‍ତଣ୍ଡ୍ । 
\v 2 \x + \xo ୧୦:୨ \xo*\xt ମାତିଉ ୯:3୭,3୮.\xt*\x*ମେଣ୍ଡେ, ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ଶସ୍ୟ ସିନା ନାର୍ଗେ, ମାତର୍ ପାଡ଼ିୟିମାଡ଼ାନ୍ ନାରୁଡ଼୍ ସୁକୁକେ; ଆଦିନ୍ ମାଇଦିଙ୍କ୍ ପସଲ୍‍ମାଡ଼୍‍ତେ ମାଲିକ୍‍ତିଙ୍କ୍ ପ୍ରାର୍ତନା ମାଡ଼ାଟ୍ ଯେ, ମାଲିକ୍ ବେଲାକି କୟ୍‍ଦାନ୍ ମାଇଦିଙ୍କ୍ ନାର୍ଗେ ନାରୁଡ଼୍‍କିଂଙ୍କ୍ ରହ୍‍ତିତଣ୍ଡ୍ । 
\v 3 \x + \xo ୧୦:3 \xo*\xt ମାତିଉ ୧୦:୧୬.\xt*\x*ମିଡ଼୍ ଆନୁଟ୍, ଉଡ଼ାଟ୍, ନାନେ ମିକିଂଙ୍କ୍ କୁକାଲ୍‍କିନ୍ ଲୋପ୍ ମେଣ୍ଢାପିଲାନ୍ ଲେକାମ୍ ମାଡ଼ି ରହ୍‍ତୁତାନ୍ । 
\v 4 ଆଦାନ୍‌ ୱେଲେ ସାଙ୍ଗେ ଡାବ୍, ମୁନେ, ହେର୍‍ପୁକ୍ କି ବାତାମେଣ୍ଡେ ଆୟ୍‍ମାଟ୍, ମେଣ୍ଡେ, ଆର୍‍ଦାଗ୍ ବେନଙ୍କ୍ ନମସ୍କାର୍ ମାଡ଼୍‍ମାଟ୍ । 
\v 5 ଆସୁଟେ, ବେନେଆୟି ଲୋନ୍‌ ନେଙ୍ଗାନ୍ ମୁନେନ୍‍ କେଲ୍‍ମୁଟ୍, “ଇ ଲୋତ୍‍ତେ ସେଙ୍ଗେ ଶାନ୍ତି ଆୟି ।” 
\v 6 ଯଦି ଆଗେ ବେନ ଶାନ୍ତିତ୍ ନାରୁଡ଼୍ ମାତ୍‍କେ, ଆଲାତ୍କେ ମିୱାଦ୍ ଆର୍ଶିବାଦ୍ ଅଡ଼୍‌‍କିଂଙ୍କ୍ ଦର୍‍କିତ୍ । ଯଦି ଆଗେ ବେନ ଶାନ୍ତିତ୍ ନାରୁଡ଼୍ ହିଲକଟ୍ ମାନ୍‍ତଣ୍ଡ୍, ଆଲାତ୍କେ ମିୱାଦ୍ ଆର୍ଶିବାଦ୍ ମିୟାଗ୍ ମାଲ୍‍ସ୍ ୱାଦ୍‍ତେ । 
\v 7 \x + \xo ୧୦:୭ \xo*\xt ୧ କରନ୍ତିୟ ୯:୧୪; ୧ ତୀମତି ୫:୧୮.\xt*\x*ଆ ନାରୁଡ଼୍ ବାତାଆଇ ତିନ୍ଦାଙ୍କ୍ ହିଦ୍‍ତଡ଼୍ ଆୱୁ ତିନୁଟ୍ । ପାଡ଼ିୟେ ମାଡ଼ାନ୍ ନାରୁଡ଼୍‍କ୍ ମଜୁରି ଦର୍‍କାନାଦ୍ ଅଦିକାର୍‌ ମିନ୍ଦେ । ଲୋତ୍‍ତେ କନ୍‍ସ୍ ମେଣ୍ଡେଅଣ୍ଡ୍‌ ଲୋନ୍‌ ଆନ୍‌‍ମାଟ୍ । 
\v 8 ଯଦି ମିଡ଼୍ ବେନ୍‌ଆଇ ନାର୍ ଆଦ୍‍ତିଡ଼୍, ଯଦି ମିକିଂଙ୍କ୍ ଆଗେତ୍ ନାରୁଡ଼୍ କାର୍‍ଙ୍ଗିତଡ଼୍, ଆଲାତ୍କେ ଅଡ଼୍‌‍ ମିକିଂଙ୍କ୍ ବାତ୍ କାଦି ହିଦ୍‍ତଡ଼୍ ଆଦ୍ ତିନୁଟ୍ । 
\v 9 ଆଦ୍ ଜାଗାକିନାଗ୍ ମାନ୍ଦାନ୍ ରୋଗିନାରୁଡ଼୍ ସୁସ୍ଥ ମାଡ଼ାଟ୍, ଆସୁଟେ ଅଡ଼୍‌‍କିଂଙ୍କ୍ କେଲ୍‍ମୁଟ୍, ପରମେଶ୍ୱରତେ ରାଜ୍ୟ ମି ଗାର୍‍ରେ ୱାସ୍ ହେୱ୍‍ସ୍ ମିନ୍ଦେ । 
\v 10 \x + \xo ୧୦:୧୦ \xo*\xt ପ୍ରେରିତ ୧3:୫୧.\xt*\x*ଯଦି ବେନ୍‌ଆଇ ନାର୍ ଆଦ୍‍ତିଡ଼୍ ଯଦି ଆଗେତ୍ ନାରୁଡ଼୍ ମିକିଂଙ୍କ୍ ଗ୍ରହନ୍ ମାଡ଼ଡ଼୍‍, ଆଲାତ୍କେ ଆଦ୍ ନାର୍‍ଦେ ବାଇଦେ ଆଞ୍ଜ କେଲ୍‍ମୁଟ୍ । 
\v 11 \x + \xo ୧୦:୧୧ \xo*\xt ମାତିଉ ୧୦:୭-୧୪; ମାର୍କ ୬:୮-୧୧; ଲୁକ ୯:3-୫.\xt*\x*ମି ନାର୍‍ଦେ ଦୂମ୍ ମା ଡେକାନାଗ୍ ଟୁଣ୍ଡିମିନ୍ଦେ ଆଦ୍ ମିକା ମିୟାଗେ କାୟ୍‍ସିଦୁତମ୍ । ବେଲାହିତ୍‍କେ ମେଣ୍ଡେ ପରମେଶ୍ୱର୍‍ତାଦ୍ ରାଜ୍ୟ ମି ଗାର୍‍ରେ ୱାସ୍ ହେୱ୍‍ସ୍ ମିନ୍ଦେ, ଇଦ୍ ପୁଞ୍ଜ୍ ମାନୁଟ୍ । 
\v 12 \x + \xo ୧୦:୧୨ \xo*\xt ମାତିଉ ୧୧:୨୪; \xt*\xt ମାତିଉ ୧୦:୧୫.\xt*\x*ନାନେ ମିକିଂଙ୍କ୍ କେସମିନ୍ଦେନ୍ ଯେ, ବିଚାର୍ ଆଦାନ୍‍ଦିନାତେ ଆଦ୍ ନାର୍ ଦେ ନାରୁଡ଼୍ ତେ ଦଣ୍ଡ୍ ୱିଡ଼୍‍ସି ସଦୋମ୍‍ ନଗର୍‍ତେ ଦଣ୍ଡ୍ ସହ୍ୟ ମାଡ଼ାଙ୍କ୍ ଆଦ୍ ତେ ।
\s ବିଶ୍ୱାସ୍‍ଇଲ୍‍ୱେ ସହର୍ ତେ ଜିସୁନ୍ ସତର୍କ
\r (ମାତିଉ ୧୧:୨୦-୨୪)
\p
\v 13 ହୋ, “କୋରାଜିନ୍ ନିୟାଦ୍ ଦଣ୍ଡ୍ କି ବୟଙ୍କାର୍ ଆଦ୍ ତେ, ହୋ, ବେତ୍‍ସାଇଦା ନିୟାଦ୍ ମିକା ଦଣ୍ଡ୍ କି ବୟଙ୍କାର୍ ଆଦ୍ ତେ, ମି ମାଇଦିଙ୍କ୍ ନାନେ ନାର୍ଗେ ଆଶର୍ଯ୍ୟ ପାଡ଼ିୟେ ତଅତାନ୍ । ଯଦି ହିସତାଦ୍ ସୋର ନୁ ସିଦୋନ୍‍ତେ ନାରୁଡ଼୍‍କିଂଙ୍କ୍ ମାଡ଼ି ମାନ୍ଦାନ୍ ହିତ୍‍କେ, ହାଲାଇତ୍କେ ଅଡ଼୍‌‍ ନାର୍ଗେଦିନାତେ ମୁନେଙ୍କ୍ ବାସ୍ତା କେର୍ସ୍ ନିର୍‍ତାଗ୍ କୁଦି ମନପରିବର୍ତ୍ତନ୍ ମାଡ଼ି ମାନେଡ଼ି । 
\v 14 ହାଲାଇତ୍କେ ବିଚାର୍ ଦିନାତେ ମିୟାଦ୍ ଦଣ୍ଡ୍ ୱିଡ଼୍‍ସି ସୋର୍ ନୁ ସୀଦୋନ୍‍ତେ ନାରୁଡ଼୍ ତେ ଦଣ୍ଡ୍ ସହ୍ୟ ମାଡ଼ାଙ୍କ୍ ଆଦ୍‌ତେ । 
\v 15 ହୋ କପର୍ନାହୂମ୍ ନିମ୍‍ ବାତ୍ ସ୍ୱର୍ଗ ହେଉନା ଡେଙ୍ଗ୍ ଆଦ୍‍ତିଡ଼୍ ? ପାତାଲ୍‍ ହେଉନା ନିମେ ରାୟିତି ।”
\p
\v 16 \x + \xo ୧୦:୧୬ \xo*\xt ମାତିଉ ୧୦:୪୦; ମାର୍କ ୯:3୭; ଲୁକ ୯:୪୮; ଯୋହନ୍‌‌ ୧3:୨୦.\xt*\x*ଜିସୁ ତାମ୍ ଶିଷ୍ୟଡ଼କିଙ୍କ୍ କେତ୍‍ତଣ୍ଡ୍, “ବେନମେଣ୍ଡ୍ଆଇ ମିୱାଦ୍ ଗଟି କେଞ୍ଜିତଣ୍ଡ୍; ଅଣ୍ଡ୍‌ ନା ଗଟି କେଞ୍ଜିତଣ୍ଡ୍, ମେଣ୍ଡେ ବେନ ମିକିଂଙ୍କ୍ ଗ୍ରହନ୍ ମାଡ଼ଣ୍ଡ୍, ଅଣ୍ଡ୍‌ ନାକିଂଙ୍କ୍ ଗ୍ରହନ୍ ମାଡ଼ଣ୍ଡ୍, ମେଣ୍ଡେ ବେନ ନାକିଂଙ୍କ୍ ଗ୍ରହନ୍ ମାଡ଼ଣ୍ଡ୍ ଅଣ୍ଡ୍‌ ନା ତ୍ରାଣକର୍ତ୍ତାଙ୍କ୍ ଗ୍ରହନ୍ ମାଡ଼ଣ୍ଡ୍ ।”
\s ସତୁରି ଇର୍‍ୱୁଡ଼୍ ଜାନ୍ ଶିଷ୍ୟଡ଼୍ ମାଲ୍‍ସ୍‍ୱାତଡ଼୍
\p
\v 17 ଆସୁଟେ ଅଡ଼୍‌‍ ସତୁରି ଇର୍‍ୱୁଡ଼୍ ଜାନ୍ ନାରୁଡ଼୍ ମାଲ୍‍ସ୍‍ୱାସ୍ ସାର୍‍ଦେତେ କେତ୍‍ତଡ଼୍, “ପ୍ରବୁ, ମାମ୍ ବେସୁଟ୍‌ ନିୟାଦ୍ ପେଦେର୍ ପୟ୍‍ସ୍ କେତ୍‍ତମ୍, ଆସୁଟେ ବୁତ୍‌କ୍ ଆନ୍‌‍ତେ ମା ଗଟିଙ୍କ୍ କେଞ୍ଜ୍‍ତା ।”
\p
\v 18 ବାତେଙ୍କ୍ ଇତ୍କେ ଜିସୁ କେତ୍‍ତଣ୍ଡ୍, “ପିଡ଼୍‍ଗ୍ ହିନା ସ୍ୱର୍ଗତାଗାଙ୍କ୍ ଶୟ୍‍ତାନ୍‍ ରାଲାନାଦ୍ ନାନ୍ ଉଡ଼ିମା‍ତ୍ତାନ୍ ।” 
\v 19 ଉଡ଼ାଟ୍, ନାନ୍ ମିକିଂଙ୍କ୍ ତାଡ଼ାକିନାଗ୍ ନୁ ଏଟ୍‍ଗଡେଲ୍‍କିନ୍ ପରୁ ତାଆକାନ୍ ମାଇଦିଙ୍କ୍ ଶକ୍ତି ନୁ ଅଦିକାର୍‌ ହିତ୍‍ତାନ୍, ମେଣ୍ଡେ ଶତ୍ରୁଡ଼୍ ଶକ୍ତିତ୍ ପରୁ ଆନ୍‌‍ତେ ଅଦିକାର୍‌ ହିତ୍‍ତାନ୍, ମିକିଂଙ୍କ୍ ବେନଡ଼୍ ମେଣ୍ଡେ ବାତ୍ କ୍ଷତି ମାଡ଼୍ ପାର୍‍ୱଡ଼୍ । 
\v 20 ମିକା, କାରାପ୍ ଆତ୍ମା ଆନ୍‌‍ତେ ମିଆୱ୍ ଗଟି କେଞ୍ଜୁତ୍ ଇଞ୍ଜ ମିଡ଼୍ ସାର୍‍ଦ୍‍ ଆୟ୍‍ମାଟ୍ । ବାତେଙ୍କ୍ ଇତ୍କେ ମିୱାଦ୍ ପେଦେର୍ ଯେ ସ୍ୱର୍ଗତାଗ୍ ଲେକାମିନ୍ଦେ, ଆଦିନ୍ ମାଇଦିଙ୍କ୍ ସାର୍‍ଦେ ଆୟିମୁଟ୍ ।
\s ଜିସୁ ସାର୍‍ଦେ ଆତ୍‍ତଣ୍ଡ୍
\r (ମାତିଉ ୧୧:୨୫-୨୭; ୧୩:୧୬-୧୭)
\p
\v 21 ତାନ୍ ପେର୍‍କେ ଜିସୁ ପବିତ୍ରଆତ୍ମାତେ ତଡ଼୍ ସାର୍‍ଦେତେ ସାରେଆସ୍ କେତ୍‍ତଣ୍ଡ୍, “ହୋ ବାବା, ହୋ ସ୍ୱର୍ଗ ନୁ ପୃତିବିତେ ପ୍ରବୁ ନାନ୍ ନି ପ୍ରସଂଶା ମାଡ଼ୁତାନ୍ । ବାତେଙ୍କ୍ ଇତ୍କେ ନିମେ ଜ୍ଞାନି ନୁ ବୁଦ୍‍ ନାରୁଡ଼ାଗାଙ୍କ୍ ମିଞ୍ଜିପି ନେହେସ୍ ମାତ୍‍ତିନ୍, ପିଲାନ୍ ଲେକାମ୍ ନାରୁଡ଼୍‍କିଂଙ୍କ୍ ତଅତିନ୍ । ଆଦିନ୍‌ମାଇଦିଙ୍କ୍ ନିୱାଦ୍ ସ୍ତୁତି ମାଡ଼ୁତାନ୍; ଇଦ୍ ହିଁ ଆଦାଙ୍କ୍ ନିମେ ଇଚ୍ଛା ମାଡ଼୍‍ତି ।” 
\v 22 \x + \xo ୧୦:୨୨ \xo*\xt ଯୋହନ୍‌‌ 3:3୫; \xt*\xt ଯୋହନ୍‌‌ ୧୦:୧୫.\xt*\x*“ନା ବାବାଲ୍ ଅନାଦ୍‌ ସାରେ ବିଷୟ୍ ନାକିଂଙ୍କ୍ ହିତ୍‍ତଣ୍ଡ୍; ମେଣ୍ଡେ, ମାର୍‍ ବେନ, ଇଦ୍ ବାବାନ୍ ୱିଡ଼୍‍ସି ବେନମେଣ୍ଡେ ପୁନଡ଼୍, ମେଣ୍ଡେ ବାବାଲ୍ ବେନ, ଅନ୍‌‍ମାର୍‍ ୱିଡ଼୍‍ସି ବେନମେଣ୍ଡେ ପୁନଡ଼୍, ଆସୁଟେ ମାର୍‍ ବେନଣ୍ଡ୍ ମୁନ୍‍ନେ ଅଂକିଙ୍କ୍‌ ତଅତାନ୍ ମାଇଦିଙ୍କ୍ ଇଚ୍ଛାମାଡ଼ିତଣ୍ଡ୍, ଅଣ୍ଡ୍‌ ଅଂକିଙ୍କ୍‌ ପୁନ୍‍‍ତଣ୍ଡ୍ ।”
\p
\v 23 ମେଣ୍ଡେ, ଜିସୁ ତାମ୍ ଶିଷ୍ୟଡ଼ା ମୁନ୍‍ମାଡ଼ି ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ଇୱେ ସାରେ ବିଷୟ ଉଡ଼୍‍ତାଙ୍କ୍ ମିଡ଼୍ ଦନ୍ୟ ।” 
\v 24 ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ କେତୁତାନ୍, ମିଡ଼୍ ବାତାବାତା ଉଡ଼୍‍ତିଡ଼୍, ଆୱ୍ ସାରେ ବାବବାଦୀଡ଼୍ ନୁ ରାଜାଲଡ଼୍ ଉଡ଼ାନ୍‍ମାଇଦିଙ୍କ୍ ଇଚ୍ଛା ମାଡ଼ମାତଡ଼୍, ବାତେଙ୍କ୍ ଇତ୍କେ ଉଡ଼ାଙ୍କ୍ ପାର୍‍ୱଡ଼୍; ମେଣ୍ଡେ, ମିଡ଼୍ ବାତା କେଞ୍ଜ୍‍ତିଡ଼୍, ହାଉସାରେ ଅଡ଼୍‌‍ କେଞ୍ଜାନ୍ ଇଚ୍ଛା ମାଡ଼ମାତଡ଼୍, ବାତେଙ୍କ୍ ଇତ୍କେ କେଞ୍ଜେ ପାର୍‍ୱଡ଼୍ ।
\s ସାୟେତ୍ ଶମିରୋଣୀୟତ୍ ୱେଷଡ଼୍
\p
\v 25 \x + \xo ୧୦:୨୫ \xo*\xt ମାତିଉ ୨୨:3୫-୪୦; ମାର୍କ ୧୨:୨୮-3୪.\xt*\x*ଆସୁଟେ ଉଡ଼େ, ୱେରନ୍ ବ୍ୟବସ୍ଥାଶାସ୍ତ୍ରଜ୍ଞ ତେଦୀ ଅଂକିଙ୍କ୍‌ ପରିକ୍ଷା ମାଡ଼ି କେତ୍‍ତଣ୍ଡ୍, “ହୋ ଗୁରୁ, ସାରେଦିନାତ୍ ଜିୱୁଣ୍ଡ୍ ଆଦାନ୍ ସେଙ୍ଗେ ନାନ୍ ବାତା ମାଡ଼ିତାନ୍ ?”
\p
\v 26 ଆସୁଟେ ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ବ୍ୟବସ୍ଥାତାଗ୍ ବାତ୍ ଲେକାମିନ୍ଦେ ? ନିମେ ବେଲା କାର୍‍ତୁତିନ୍ ?”
\p
\v 27 ଅଣ୍ଡ୍‌ ଉତ୍ତର୍ ହିତ୍‍ତଣ୍ଡ୍, “ନିମେ ନିୱାଦ୍ ସାର୍‍ରେ ହୃଦୟ୍, ସାରେ ଜିୱେ, ସାରେ ଶକ୍ତି ନୁ ସାର୍‍ରେ ମାନ୍‍ ଇସ୍‌ ପ୍ରବୁ ଇଶ୍ୱର୍‌ତିଙ୍କ୍ ପ୍ରେମ୍ ମାଡ଼ାଟ୍; ମେଣ୍ଡେ, ନି ଗାର୍‍ରେତଡ଼୍‍କିଂଙ୍କ୍ ନିଜେଲାକାମ୍ ପ୍ରେମ ମାଡ଼ାଟ୍ ।”
\p
\v 28 ଆସୁଟେ ଅଂକିଙ୍କ୍‌ ଜିସୁ କେତ୍‍ତଣ୍ଡ୍, “ନିମେ ଟିକ୍ ଉତ୍ତର୍ ହିତ୍‍ତି, ଇଲା ମାଡ଼ାଟ୍ ହାଲାଇତ୍କେ ନିମେ ଜିୱୁଣ୍ଡ୍ ଦର୍‍କିତ୍ ।”
\p
\v 29 ବାତେଙ୍କ୍ ଇତ୍କେ ଶାସ୍ତ୍ରଜ୍ଞ ନିଜ୍‍ତିଙ୍କ୍ ଦାର୍ମିକ୍ ଇଞ୍ଜ ତଅତାଙ୍କ୍ ଇଚ୍ଛା ମାଡ଼ି ଜିସୁଙ୍କ୍ କେତ୍‍ତଣ୍ଡ୍, “ହାଲାଇତ୍କେ ନା ଗାରେତଡ଼୍ ବେନ ?”
\p
\v 30 ଜିସୁ ଆଦ୍ ପ୍ରଶ୍ନତେ ଉତ୍ତର୍ ଇସ୍‌ କେତ୍‍ତଣ୍ଡ୍, “ୱେରଣ୍ଡ୍ ନାରୁଡ଼୍ ଯୀରୁଶାଲାମ୍ ତାଗାଙ୍କ୍ ଯିରୀୟ ନାର୍ ଆଞ୍ଜ ମାତ୍‍ତଣ୍ଡ୍, ଆଞ୍ଜ ଆଞ୍ଜ ଡଙ୍ଗାଲଡ଼୍ କାୟ୍‍ଦେ ଆତ୍‍ତଡ଼୍ । ଅଡ଼୍‌‍ ଅନାୱୁ ଚକାସିଲେଙ୍କ୍ ୱିର୍‍ସ୍‍ପି, ଅଂକିଙ୍କ୍‌ ରେହେସ୍ ଡଲାନ୍ ଲେକାମ୍ ଆଦାନ୍ ଅବସ୍ଥାତେ ୱିଡ଼୍‍ସି ଆଦ୍‍ତଡ଼୍ । 
\v 31 ଗଟନା ଆଶେ ତେର୍‍ତ୍ ୱେୟ୍ ୱେରଣ୍ଡ୍ ଯାଜକ ଆଦେ ହାର୍ ଇସ୍‌ ଆଞ୍ଜମାତଣ୍ଡ୍, ଆସୁଟେ ଅଣ୍ଡ୍‌ ଅଂକିଙ୍କ୍‌ ଉଡ଼ି ଆର୍‍ଦାଲା ଏରି ଆତ୍‍ତଣ୍ଡ୍ । 
\v 32 ମେଣ୍ଡେ ୱେରଣ୍ଡ୍ ଲେବୀୟ ନାରୁଡ଼୍ ଆଦେ ପଡ଼ିୟେତାଗ୍ ହେଉସ୍ ଅଂକିଙ୍କ୍‌ ଉଡ଼ି ଆର୍‍ଦିଙ୍କ୍ ହେରି ଆତ୍‍ତଣ୍ଡ୍ । 
\v 33 ବାତେଙ୍କ୍ ଇତ୍କେ ୱେରଣ୍ଡ୍ ଶମିରୋଣୀୟ ପତିକ ନାରୁଡ଼୍ ଅନ୍‌ ଗାର୍‍ରେ ୱାସ୍ ଅଂକିଙ୍କ୍‌ ଉଡ଼ି ଦୟାତେ ଦାନ୍ଦେ ଆତ୍‍ତଣ୍ଡ୍, 
\v 34 ଆସୁଟେ ଅଣ୍ଡ୍‌ ଅନ୍‌ ଗାର୍‍ରେ ଆଞ୍ଜ୍ ଦେବ୍‍ ତାଲ୍‍ଗ୍‍ତାଗ୍ ନିୟ୍‍ ନୁ ଦ୍ରାକ୍ଷାରସ୍ ତଶ୍‍ସି ତହସିତ୍‍ତଣ୍ଡ୍, ଅଂକିଙ୍କ୍‌ ଆସୁଟେ ନିଜର୍ ଗଦତାଗ୍ କୁସ୍‍ପି ଅଂକିଙ୍କ୍‌ ୱେରଡ଼୍ ବେନିଲ୍‍ୱେ ଲତ୍‍ତାଗ୍ ଅସ୍ ମେଣ୍ଡେ ଅଂକିଙ୍କ୍‌ ସେବା ମାଡ଼୍‍ତଣ୍ଡ୍ । 
\v 35 ମେଣ୍ଡନ୍‍ଦିନେ ଶମିରୋଣୀୟ ନାରୁଡ଼୍ ରେଣ୍ଡ୍ ଦିନାରୀ ପେସ୍‍ପି ବେନିଲ୍‍ୱେ ଲତ୍‍ତାଗ୍ ମାନ୍ଦାନ୍ ମୁକ୍ୟାଙ୍କ୍ ଇସ୍‌ କେତ୍‍ତଣ୍ଡ୍, ହିନ୍‍ୱାଦ୍‍ ଯତନ୍ ମାଡ଼େ, ନିମେ ଅନ୍‌‍ମାଇଦିଙ୍କ୍ ବାତ୍ ‘ମେଣ୍ଡେ କର୍ଚ୍ଚମାଡ଼ିମାନ୍ତି, ନାନ୍ ଆକାଙ୍କ୍ ମାଲ୍‍ସ୍‍ୱାସ୍ ବେସର୍ କର୍ଚ୍ଚ ମାଡ଼ିମାନ୍‍ତିନ୍ ଆସର୍ ଡାବ୍ ନିକିଂଙ୍କ୍ ହିଦ୍‍ତାନ୍ ।’”
\p
\v 36 “ଇଡ଼୍ ମୁୱୁଡ଼୍ ଲୋପ୍ ବେନ ଡଙ୍ଗାନ୍ କାଇଦେ ହାର୍‍ସ୍‍ ମାତ୍‍ତଣ୍ଡ୍ ଅନ୍‌ ଗାରେ‍ତଣ୍ଡ୍ ବେନ ଇଞ୍ଜ ମିଡ଼୍ ହାଲ୍‍ସୁତିଡ଼୍ ?”
\p
\v 37 ବ୍ୟବସ୍ଥା ଶାସ୍ତ୍ରଜ୍ଞ ଉତ୍ତର୍ ହିତ୍‍ତଣ୍ଡ୍, “ବେନ ଅଂକିଙ୍କ୍‌ ଦୟାମାଡ଼୍‍ତଣ୍ଡ୍ ଅଣ୍ଡ୍‌ । ଜିସୁ ଅଂକିଙ୍କ୍‌ କେତ୍‍ତଣ୍ଡ୍, ଅନ୍‌ ନିମେ ମିକା ରକମ୍ ମାଡ଼େ ।”
\s ଜିସୁ ମାର୍ତା ନୁ ମରୀୟମତେ ଲୋନ୍‌ ଆତ୍‍ତଣ୍ଡ୍
\p
\v 38 \x + \xo ୧୦:3୮ \xo*\xt ଯୋହନ୍‌‌ ୧୧:୧.\xt*\x*ଜିସୁ ତାମ୍ ଶିଷ୍ୟଡ଼୍ ତଡ଼୍ ଆଞ୍ଜମାନ୍ଦାନ୍ ୱେଲେ ୱେରଡ଼୍ ନାର୍ ଆସ୍‍ତଣ୍ଡ୍ । ମାର୍ତା ପେଦେର୍ ତେ ୱେରଡ଼୍ ନାଟାଡ଼୍ ତାମ୍ ଲୋନ୍‌ ଜିସୁଙ୍କ୍ କାର୍‍ଙ୍ଗି ସ୍ୱାଗତ୍ ମାଡ଼ିତେ । 
\v 39 ମରୀୟମ୍ ପେଦେର୍‍ତାଦ୍ ୱେରନ୍ ତାନ୍ ଏଲାଡ଼୍‍ ମାତ୍‍ତେ, ଆଦ୍ ପ୍ରବୁନ୍ ଡେକେତ୍ ମଦଲ୍ କୁଦି ଅନାଦ୍‌ ବାକ୍ୟ କେଞ୍ଜମାତ୍‍ତେ । 
\v 40 ବାତେଙ୍କ୍ ଇତ୍କେ ମାର୍ତା ସେବା ପାଡ଼୍‍ୟି ମାଡ଼ାଙ୍କ୍ ଗାଟି ଦାନ୍ଦେ ଆସମାତ୍‍ତେ; ଆସୁଟେ ଆଦ୍ ଜିସୁନ୍ ଗାର୍‍ରେ ୱାସ୍ କେତ୍‍ତେ, ହୋ ପ୍ରବୁ, ନା ଏଲାଡ଼୍‍ ଯେ ୱେରଡେ ନା ପରୁ ସାର୍‍ରେ ସେବା ମାଡ଼ାଙ୍କ୍ ୱିଡ଼୍‍ସିତ୍‍ତେ, ଆଦ୍ ବିଷୟ ନିକିଂଙ୍କ୍ ହେର୍କା ଇଲେ କି ? ନାକିଂଙ୍କ୍ ସାହାଯ୍ୟ ମାଡ଼ାଙ୍କ୍ ମାଇଦିଙ୍କ୍ ତାଙ୍କ୍ କେସିମ୍ ।
\p
\v 41 ବାତେଙ୍କ୍ ଇତ୍କେ ପ୍ରବୁ ତାକିଂଙ୍କ୍ କେତ୍‍ତଣ୍ଡ୍, “ମାର୍ତା, ମାର୍ତା ନିମେ ଗାଟି ବିଷୟ୍‍ତିଙ୍କ୍ ଚିନ୍ତେ ନୁ ଦାନ୍ଦେ ଅଦୁତିନ୍, 
\v 42 ବାତେଙ୍କ୍ ଇତ୍କେ ୱେରଡ଼୍ ବିଷୟ ଗାଟି ଦର୍‍କାଡ଼୍ । ମରୀୟମ୍ ନିଜେତ୍ ମାଇଦିଙ୍କ୍ ଆଦ୍ ଲେକେତ୍‍ ବିଷୟତିଙ୍କ୍ ପସନ୍ଦ ମାଡ଼୍‍ତେ, ଆଦ୍ ତାନ୍‍ଆଗାଙ୍କ୍ ୱିର୍‍ସ୍‍ପି ଆଦାଙ୍କ୍ ଆୟ୍‍ୟ ।”
\c 11
\s ପ୍ରାର୍ତନା ବିଷୟତେ ଶିକ୍ଷା
\r (ମାତିଉ ୬:୯-୧୩; ୭:୭-୧୧)
\p
\v 1 ଅନ୍‌‍ଦାମ୍ ଜିସୁ ୱେରଡ଼୍ ପଡ଼ିୟେତାଗ୍ ପ୍ରାର୍ତନା ମାଡ଼ ମାତ୍‍ତଣ୍ଡ୍; ଅଣ୍ଡ୍‌ ପ୍ରାର୍ତନା ତେରପ୍‍ସ୍‍ତେ ୱେୟ୍, ତାମ୍ ଶିଷ୍ୟଡ଼୍ ଲୋପେକେ ୱେରଣ୍ଡ୍ ଅଂକିଙ୍କ୍‌ କେତ୍‍ତଣ୍ଡ୍, ହୋ ପ୍ରବୁ, ବାପ୍ତିସ୍ମ ଯୋହନ୍‌ ବେଦ୍‍ପୁଟୁଙ୍କ୍ ଅନ୍‌ ଶିଷ୍ୟଡ଼୍‍କିଂଙ୍କ୍ ପ୍ରାର୍ତନା ମାଡ଼ାଙ୍କ୍ ନାଡ଼ସ୍ପତଣ୍ଡ୍, ନିମେ ‍ଆଦେ ରକମ୍ ମାକିଂଙ୍କ୍ ପ୍ରାର୍ତନା ନାଡ଼ସ୍ପେ ।
\p
\v 2 ଜିସୁ ଆସୁଟେ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ବେସୁଟ୍‌ ମିଡ଼୍ ପ୍ରାର୍ତନା ମାଡ଼ିତିଡ଼୍, ଆସୁଟେ କେଲ୍‍ମୁଟ୍,
\q2 ‘ହଁ ସ୍ୱର୍ଗତନି ବାବା,
\q2 ନିୟାଦ୍ ପେଦେର୍ ପବିତ୍ର ହିଞ୍ଜ ମାନ୍ୟ ହାୟି ।
\q3 ନିୟାଦ୍ ରାଜ୍ୟ ୱାଡ଼ି ।
\q2
\v 3 ସାରେଦିନା ମାକିଂଙ୍କ୍ ଦର୍‍କାର୍‍ ଆଦାନ୍ କାଦି ହିମ୍ ।
\q2
\v 4 ମାକିଂଙ୍କ୍ ତିପାଲ୍ ପରିକ୍ଷାତେ ମୁନ୍‍ନେ ଆଦାନଙ୍କ୍ ହିମା,
\q2 ମାତର୍ ପାପ୍‌ ତାଗାଙ୍କ୍ ମାକିଂଙ୍କ୍ ରକ୍ଷା ମାଡ଼େ ।’”
\p
\v 5 ଆସୁଟେ, ଜିସୁ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍ କି, ମିଲୋପ୍ ବେନଣ୍ଡ୍ ଇସତ୍ ସାଙ୍ଗ ମିନ୍ଦେଣ୍ଡ୍ କି, ବେନନାଗ୍‍ଆଇ ନାର୍କା ଆଞ୍ଜ୍ କେତିତଣ୍ଡ୍, ହୋ ସାଙ୍ଗ, ନାକିଂଙ୍କ୍ ମୁଣ୍ଡ୍ ରୂଟି ଉଦାର୍ ହିମ୍, 
\v 6 ବାତେଙ୍କ୍ ଇତ୍କେ ନା ୱେରଣ୍ଡ୍ ପତିକ ସାଙ୍ଗ ନା ଲୋନ୍‌ ‍ୱାସ୍‍ମିନ୍ଦେଣ୍ଡ୍, ଅଂକିଙ୍କ୍‌ ତିନ୍ଦାଙ୍କ୍ ହିଦାନ୍ ମାଇଦିଙ୍କ୍ ନାୟାଗେ ବାତେଏ ମିକା ଇଲେ, 
\v 7 ଆସୁଟେ ଅଣ୍ଡ୍‌ ଲୋପ୍‍ମାଞ୍ଜ୍ ଇଲା କେତି‍ତଣ୍ଡ୍, ନାକିଂଙ୍କ୍ କଷ୍ଟ ଇମା; ମାଆର୍‍ ବନ୍ଦ୍ଆଦୁତ୍, ନା ପିଲା ନା ତଡ଼୍ ଉଞ୍ଜିମିନ୍ଦେ; ନାନେ ତେଦୀ ନିକିଂଙ୍କ୍ ହିଦ୍‍ପାର୍‍ୱନ୍ । 
\v 8 ନାନ୍ ମିକିଂଙ୍କ୍ କେତୁତାନ୍, ଅଣ୍ଡ୍‌ ତାମ୍ ସାଙ୍ଗ ଆସ୍ ମିକା ତେଦି ହିୱକଟ ମାନ୍‍ତଣ୍ଡ୍, ହାଲାଇତ୍କେ ଅଣ୍ଡ୍‌ ସିଗ୍ ଆୟ୍‍ୟକଟ ସେନେକ୍‍ ସେନେକ୍ ତାଲ୍‍କାନ୍ ମାଇଦିଙ୍କ୍ ଅଣ୍ଡ୍‌ ତେଦି, ଅଂକିଙ୍କ୍‌ ବେସର୍ ଦର୍‍କାର୍, ଆସର୍ ଅଂକିଙ୍କ୍‌ ହିଦ୍‍ତଣ୍ଡ୍ ।
\p
\v 9 ନାନ୍ ମିକିଂଙ୍କ୍ କେତୁତାନ୍, ତାଲ୍‍କାଟ୍, ହାଲାଇତ୍କେ ମିକିଂଙ୍କ୍ ହିଦ୍‍ତଡ଼୍; ମେହେକାଟ୍, ହାଲାଇତ୍କେ ମିଡ଼୍ ଦର୍‍ସ୍‍କ୍‍ତିଡ଼୍; ମାଆର୍‍ଦିଙ୍କ୍ ତାଲ୍‍ସା, ହାଲାଇତ୍କେ ମି ମାଇଦିଙ୍କ୍ ତେର୍‍ସିଦ୍‍ତଡ଼୍ । 
\v 10 ବେନ ଆୟି ତାଲ୍‍କିତଣ୍ଡ୍, ଅଂକିଙ୍କ୍‌ ହିଦ୍‍ତଡ଼୍; ବେନ ମେହେକିତଣ୍ଡ୍, ଅଣ୍ଡ୍‌ ଦର୍‍ସ୍‍କିତଣ୍ଡ୍, ବେନ ମାଆର୍‍ଦିଙ୍କ୍ ତାଲ୍‍ସିତଣ୍ଡ୍, ଅନ୍‌ ମାଇଦିଙ୍କ୍ ତେର୍‍ସିତଡ଼୍ । 
\v 11 ଇଦ୍‌ରକମ୍‌ ବେନ ମିଇ ବାବାଲ୍‌ ମିନ୍ଦେଣ୍ଡ୍,ତାନ୍‌ ମାର୍‌ ରୂଟି ତାଲ୍‍କ୍‍କେ ଅଂକିଙ୍କ୍‌ ବାତ୍ କାଲ୍‍ବଦା ହିଦ୍‍ତିଡ଼୍ ? ବା ଅଣ୍ଡ୍‌ କିକେ ତାଲ୍‍କ୍‍କେ ଅଂକିଙ୍କ୍‌ ବାତ୍ ତାଡ଼ାମ୍ ହିଦ୍‍ତିଡ଼୍ ? 
\v 12 ମେଣ୍ଡେ ଗାଡ଼୍‍ବାମ୍ ତାଲ୍‍କେ ଅଣ୍ଡ୍‌ ଅଂକିଙ୍କ୍‌ ଏଟ୍‍ଗଡେଲ୍‍ ହିଦ୍‍ତଣ୍ଡ୍ କି ? 
\v 13 ମିଡ଼୍ ଦୁଷ୍ଟ ଆତ୍‍କେ ମେଣ୍ଡେ, ମି ପିଲାଙ୍କ୍ ସାୟ୍‍ ସାୟ୍‍ତାୱ ହିଦାଙ୍କ୍ ପୁତ୍‍ତିଡ଼୍, ବେନ ବାବାଲ୍ ସ୍ୱର୍ଗତାଗାଙ୍କ୍ ହିଦ୍‍ତଣ୍ଡ୍ ଅନ୍‌ ଗାର୍‍ରେ ତାଲ୍‍କାନ୍ ନାରୁଡ଼୍‍କ୍ ନାର୍ଗେ ପବିତ୍ର ଆତ୍ମା ହିଦ୍‍ତଣ୍ଡ୍ !
\s ଜିସୁ ନୁ ବାଆଲ୍‍ଜିବୁଲ୍
\r (ମାତିଉ ୧୨:୨୨-୩୦; ମାର୍କ ୩:୨୦-୨୭)
\p
\v 14 ୱେରଟ୍‍ଦିନ୍ ଜିସୁ ଗଟି ତିର୍‍ୟାଙ୍କ୍ ପାର୍‍ୱେ ନାରୁନ୍ ମେନ୍ଦୁଲ୍ ତାଗାଙ୍କ୍ ବୁତ୍‌ତିଙ୍କ୍ ତଲ ମାତ୍‍ତଣ୍ଡ୍ । ବୁତ୍‌ତିର୍‍ୟାଙ୍କ୍ ପାର୍‍ୱେ ନାରୁନ୍ ମେନ୍ଦୁଲ୍‍ତାଗାଙ୍କ୍ ପେୟିସ୍ ଆତ୍‍ତେୱେୟ୍, ଗୁଡ଼୍‍ତେ ନାରୁଡ଼୍ ଉଡ଼ି ବାକ୍‍ୱା ଆଦ୍‍ତଡ଼୍ । 
\v 15 \x + \xo ୧୧:୧୫ \xo*\xt ମାତିଉ ୯:3୪; ୧୦:୨୫.\xt*\x*ବାତେଙ୍କ୍ ଇତ୍କେ ଅଡ଼୍‌‍ ଆଗାଙ୍କ୍ ବେସ୍‍କ୍‍ତୁଡ଼୍‍ କେତ୍‍ତଡ଼୍, “ବୁତ୍‌ପତି ବାଲ୍‌ଜିବୁଲ୍‌ ଶକ୍ତିତେ ଜିସୁ ବୁତ୍ ୱିର୍‍ସ୍‍ପୁତଣ୍ଡ୍ ।”
\p
\v 16 \x + \xo ୧୧:୧୬ \xo*\xt ମାତିଉ ୧୨:3୮; ୧୬:୧; ମାର୍କ ୮:୧୧.\xt*\x*ବାଗାତ୍ ନାରୁଡ଼୍ ଅଂକିଙ୍କ୍‌ ଉଡ଼ିୟିତାଗ୍ ୱାଟାଙ୍କ୍ ଇଚ୍ଛା ମାଡ଼ମାତଡ଼୍ ତ ଇଶ୍ୱର ଯେ ତାମ୍ କାଇଲାନ୍‍ନଡ଼୍ ଇଦିନ୍ ଚିହ୍ନେ ଲେକାମ୍ ମାବ୍‍ତାଗାଙ୍କ୍ ୱେରଡ଼୍ ଚିଏହ୍ନେ ତଅତାଙ୍କ୍ କେତ୍‍ତଣ୍ଡ୍ । 
\v 17 ବାତେଙ୍କ୍ ଇତ୍କେ ଜିସୁ ଅଡ଼ାଦ୍‌ ମନ୍‍ତେ ହେର୍‍କାତିଙ୍କ୍ ପୁଞ୍ଜ୍, ହଡ଼୍‍କିଙ୍କ୍ କେତ୍‍ତଣ୍ଡ୍, ବେନ୍ ଆୟି ରାଜ୍ୟ ୱେରେଆସ୍ ନିଜର୍ ବିରୁଦତେ ତେଦିତ୍, ହାଲାଇତ୍କେ ଦ୍ୱଂସ ଆଦ୍ ତେ, ମେଣ୍ଡେ ବେନେଆଇ ଲୋନ୍‌ ୱେରେ ଆତ୍‍କେ ଆଦ୍ ଆର୍ ଆଦ୍‍ତେ । 
\v 18 ଆଲେକେ, ଶୟ୍‍ତାନ୍‍ ମେଣ୍ଡେ ୱେରେ ଆସ୍ ନିଜର୍ ବିରୁଦ୍ଦ୍‌ ତେ ନିଜେ ତେଦିତ୍, ହାଲାଇତ୍କେ ତାନାଦ୍ ରାଜ୍ୟ ବେଦ୍‍ପୁଟୁଙ୍କ୍ ତିଆର୍ ଆସ୍ ମାନ୍‍ତେ ? ନାନ୍ ବାଲ୍‌ଜିବୁଲ୍‌ ଶକ୍ତିତେ ବୁତ୍‌କିଂଙ୍କ୍ ୱିର୍‍ସ୍‍ପୁତାନ୍ ଇଞ୍ଜ ମିଡ଼୍ ତ କେତୁତିଡ଼୍ । 
\v 19 ବାତେଙ୍କ୍ ଇତ୍କେ ନାନ୍ ବେସୁଙ୍କ୍‍ ବାଆଲ୍‍ଜିବୁଲ୍‍ତ୍ ଶକ୍ତିତେ ବୁତ୍‌କିଂଙ୍କ୍ ୱିର୍‍ସ୍‍ପୁତାନ୍, ଆଲାଇତ୍କେ ମି ମାର୍‍କ୍ ବେନନ୍ ଶକ୍ତିତେ ଆୱିଙ୍କ୍ ୱିର୍‍ସ୍‍ପୁତଡ଼୍ ? ମି ମାର୍‍କ୍ ପ୍ରମାନ୍ ମାଡ଼ିତା ଯେ ମିଡ଼୍ ବୁଲ୍‍ । 
\v 20 ନାନ୍ ଯଦି ପରମେଶ୍ୱର୍‍ତେ ଶକ୍ତିତେ ବୁତ୍‌ତିକିଂଙ୍କ୍‍ ୱିର୍‍ସ୍‍ପୁତାନ୍, ଆଲାଇତ୍କେ ଇଦ୍ ପ୍ରମାନ୍ ମାଡ଼ିତ୍ ଯେ ପରମେଶ୍ୱରତାଦ୍ ରାଜ୍ୟ ମି ଗାର୍‍ରେ ହେୱ୍‍ଦୁତ୍ ।
\p
\v 21 ୱେରଣ୍ଡ୍ ଶକ୍ତିତେ ମାନ୍ଦାନ୍ ନାରୁଡ଼୍ କାଡ଼ିୱିଲ୍‍କ୍ ପୟ୍‍ସ୍ ନିଜର୍ ଲୋତ୍‍ତିଙ୍କ୍ କେପିମାନ୍ତତଣ୍ଡ୍, ଆସୁଙ୍କ୍ ଅନ୍‌ ସମ୍ପତ୍ତି ଯତନ୍‍ତେ ଆସ୍ ମାନ୍‍ତା; 
\v 22 ବାତେଙ୍କ୍ ଇତ୍କେ ବେସୁଟ୍‌ ଅଂକିଙ୍କ୍‌ ଅନ୍‌ ଗାଟି ଶକ୍ତିତ୍ ନାରୁଡ଼୍ ୱାସ୍, ଅନନ୍ତ ଯୁଦ୍‌ ଆସ୍ ଅଂକିଙ୍କ୍‌ ଜିଡ଼୍‍ତଣ୍ଡ୍, ଆସୁଟେ ଅନ୍‌ କାଡ଼ିୱିଲ୍‍କ୍ ପୟ୍‍ସ୍ ମାନ୍ଦାନ୍ ସାରେ ଅଣ୍ଡ୍‌ ଲାଗି ଆତ୍‍ତେ, ଅନାୱୁ ଲାଗ୍‍ ତେ ଜିନିଷ୍‍ତିଙ୍କ୍ ତୁଉସି ଆତ୍‍ତେ ।
\p
\v 23 \x + \xo ୧୧:୨3 \xo*\xt ମାର୍କ ୯:୪୦.\xt*\x*ବେନ ନା ତୋଡ଼୍ ଆୟ୍‍ୟଣ୍ଡ୍, ଅନ୍‌ ନା ତୋଡ଼୍‍ଦେନଣ୍ଡ୍, ମେଣ୍ଡେ ବେନ ନା ତଡ଼୍ ଅଣ୍ଡୟାଗେ ମାଡ଼ଣ୍ଡ୍, ଅଣ୍ଡ୍‌ ୱେରେ ମାଡ଼ିତନ୍ ।
\s ଅଶୁଚି ଆତ୍ମା ମାଲ୍‍ସ୍ ୱାତ୍‍ତେ
\r (ମାତିଉ ୧୨:୪୩-୪୫)
\p
\v 24 “ଅଶୁଚି ଆତ୍ମା ୱେରନ୍ ନାରୁନାଗାଙ୍କ୍ ପେୟିସ୍ଆତ୍‍ତେ ୱେୟ୍ ଏର୍‍ ‍ହିଲ୍‍ୱା ଜାଗାକିନାଗ୍ ଆଞ୍ଜ୍ ଉଡ଼ିମେଣ୍ଡେ ରମାଙ୍କ୍ ମେହ୍‍କିତ୍, ଆସୁଟେ ମେହ୍‍କି ଦର୍‍ସ୍‍କକଟ୍ କେତିତ୍‍, ନାନେ ବେନ୍ ଲୋତ୍‍କଂଙ୍କ୍ ୱାସ୍‍ମିନ୍ଦେନ୍ ନାନେ ଆଦ୍ ଲୋନ୍‌ ମାଲ୍‍ସ୍ ଆଦ୍‍ତନ୍; 
\v 25 ଆସୁଙ୍କ୍ ବୁତ୍ ଆଦ୍ ନାରୁନାଗ୍ ମାଲ୍‍ସ୍ ଆଞ୍ଜ୍ ଉଡ଼ିତ୍, ହି ଲୋନ୍‌ ସାକ୍‍ସାକା ନୁ ଟିକ୍‍ଟାକ୍ ମିନ୍ଦେ । 
\v 26 ତାନ୍ ପେର୍‍କେ ଆଦ୍ ବୁତ୍ ଆଞ୍ଜ୍ ତାକିଂଙ୍କ୍ ଅନ୍‌ ପେର୍କେ ଦୁଷ୍ଟ ବୁତ୍‌କିଂଙ୍କ୍ ସାତ୍‍ଟାନ୍‍କିଂଙ୍କ୍ କାର୍‍ଙ୍ଗି ତାତ୍‍ତା, ଆୱ୍‍ଚାରେ ବୁତ୍‌କ୍ ଆଦ୍ ନାରୁନ୍ ଲୋପ୍ ନେଙ୍ଗି ଅଣ୍ଡୟାଗ୍ ମାନ୍‍ତା । ଆସୁଟେ ଆଦ୍ ନାରୁଡ଼୍ ମୁନେଙ୍କ୍‍ତେ କେପି ପେର୍‍କେ ଗାଟି କାରାପ୍‍ ଆଦ୍‍ତେ ।”
\s ନିଜାତେ ୱେଡ଼୍‍କେ
\p
\v 27 ଜିସୁ ଆଦ୍ ସାରେ ଗଟି କେତ୍‍ତାନ୍ ଦିନାମ୍‍ତେ ମାନ୍ଦେ ନାରୁଡ଼୍ ଲୋପେଙ୍କ୍ ଅଣ୍ଡ୍‌ ନାଟାଡ଼୍ ଗାଟିବେଡ଼୍‍ୟ୍ ଲେଙ୍ଗ୍‍ତେ କେତ୍‍ତା, “ଦନ୍ୟ ମି ୟାୟ୍‍ । ଆଦ୍ ନିକିଂଙ୍କ୍ ଜନମ୍‍ଇତ୍ ନୁ ପାୟାଲ୍‍ ହୁସ୍‍ପ୍‍ତେ ।”
\p
\v 28 ମାତର୍ ଜିସୁ କେତ୍‍ତଣ୍ଡ୍, “ଇଲା, ବେନଡ଼୍ ପରମେଶ୍ୱର୍‍ତେ ବାକ୍ୟ କେଞ୍ଜିତଡ଼୍, ମେଣ୍ଡେ ପାଲନ୍ ମାଡ଼ିତଡ଼୍, ପ୍ରକୃତ୍ ତେ ଆସତ୍ ନାରୁଡ଼୍ ଦନ୍ୟ ।”
\s ବାକ୍‍ୱା ପାଡ଼ିୟି ସେଙ୍ଗେ ଦାବୀ
\r (ମାତିଉ ୧୨:୩୮-୪୨)
\p
\v 29 \x + \xo ୧୧:୨୯ \xo*\xt ମାତିଉ ୧୬:୪; ମାର୍କ ୮:୧୨.\xt*\x*ନାର୍ଗେ ନାରୁଡ଼୍ ଜିସୁନାଗେ ଅଣ୍ଡୟ୍‌‍ ଆଦାଙ୍କ୍ ଅଣ୍ଡ୍‌ କେତ୍‍ତଣ୍ଡ୍, ଇଦ୍ ୱେରଡ଼୍ ଅଦାର୍ମିକିଡ଼୍ ବଂଶ । ଇଡ଼୍ ଅଣ୍ଡୟ୍‌ ବାକ୍‍ୱା ଚିହ୍ନତିଙ୍କ୍ ଉଡ଼ାନ୍‍ମାଇଦିଙ୍କ୍ ତାଲ୍‍କୁତଡ଼୍ । ବାତେଙ୍କ୍ ଇତ୍କେ ଯୂନସ୍‍ତେ ଚିହ୍ନେ ୱିଡ଼୍‍ସି ୱେରେ ‍ଅଣ୍ଡୟ୍‌‍ ଚିହ୍ନେ ଅଡ଼୍‌‍କିଂଙ୍କ୍ ହିଦାନାଦ୍ ଆୟ୍‍ୟ । 
\v 30 ଇତ୍କେ ଯୂନସ୍ ବେଦ୍‍ପୁଟୁଙ୍କ୍ ନୀନିବି ନାରୁଡ଼୍ ସେଙ୍ଗେ ଚିହ୍ନେତ୍‍ ଲେକାମ୍ ଆତ୍‍ତଣ୍ଡ୍, ଆଦେ ରକମ୍‍ ନାରୁନ୍‍ପିଲେ ଇଞ୍ଜେ ମାନ୍ଦାନ୍ ନାରୁଡ଼୍ ବଂଶତ୍ ମୁନେ ଚିହ୍ନେତ୍‍ ଲେକାମ୍ ଆଦ୍‍ତନ୍ । 
\v 31 ଦକ୍ଷିଣ୍ ପାକା ଦେଶ୍‍ତାଦ୍ ଶିବା ରାଣିଲ୍ ବିଚାର୍ ଦିନାତେ ହି ବଂଶତ୍ ନାରୁଡ଼୍ ବିରୁଦ୍ ତେ ତେଦି ଅଡ଼୍‌‍କିଂଙ୍କ୍ ଦଷି ମାଡ଼ିତ୍; କାରନ୍‍ ଆଦ୍ ଶଲୋମନ୍‍ତେ ବୁଦ୍‍ତେ ଗଟ୍ କେଞ୍ଜାଙ୍କ୍ ପୃତିବିତେ ପ୍ରନ୍ତତାଗାଙ୍କ୍ ୱାସ୍‍ମାତ୍‍ତା; ମେଣ୍ଡେ ଉଡ଼ାଟ୍, ଲୋମନ୍‍ତିଙ୍କ୍ ଅନ୍‌ ବେଡ଼୍‍ୟନ୍ ୱେରଣ୍ଡ୍ ହିଗ୍ ମିନ୍ଦେଣ୍ଡ୍ । 
\v 32 ବିଚାର୍ ଦିନ୍‍ ନିନିବୀତେ ନାରୁଡ଼୍ ମିଇ ବିରୁଦ୍ଦ୍‌ତେ ଅବିଯଗ୍ ମାଡ଼ାଙ୍କ୍ ନିଲ୍‍ଦ୍‍ତଡ଼୍, ବାତେଙ୍କ୍ ଇତ୍‍କେ ଯୁନସ୍‍ତେ ପ୍ରଚାର୍ କେଞ୍ଜି ଅଡ଼୍‌ ପାପ୍ ଆର୍ଦାଗା ମାଲ୍‍ସ୍ ୱାତ୍‍ତଡ଼୍ । ନାନ୍ ମିକିଂଙ୍କ୍ କେତୁତାନ୍, ଯୁନସ୍‍ତାଗାଙ୍କ୍ ମହାନ୍ ୱେରନ୍ ହିଗେ ମିନ୍ଦେନ୍ ।
\s ମେନ୍ଦୁଲ୍‍ତେ ୱେଇସ୍
\r (ମାତିଉ ୫:୧୫; ୬:୨୨-୨୩)
\p
\v 33 \x + \xo ୧୧:33 \xo*\xt ମାତିଉ ୫:୧୫; ମାର୍କ ୪:୨୧; ଲୁକ ୮:୧୬.\xt*\x*“ବେନ କୁପିତିଙ୍କ୍ ନିଡ଼୍‍ସ୍‍ପି ତାକିଂଙ୍କ୍ ଉଡ଼୍‍ପାର୍‍ୱା ପଡ଼୍‍ୟ୍‍ତାଗ୍, ମେଣ୍ଡେ, ବଡ୍ ମଦଲ୍ ମୁସି ୱାଟଡ଼୍, ମାତର୍ କୁପିତିଙ୍କ୍ ଦୀପରୂକା ପରକେ ୱାଟିତଡ଼୍, ବେଦ୍‍ପୁଟୁଙ୍କ୍ ଲୋପ୍ ନେଙ୍ଗାନ୍ ନାରୁଡ଼୍ ୱେୟ୍‍ସିଇଙ୍କ୍ ଉଡ଼୍‍ ପାର୍‍ତଡ଼୍ । 
\v 34 କଣ୍ଡା ମେନ୍ଦୁଲ୍‍ତେ କୁପି ରକମ୍ । ବେସୁଙ୍କ୍‍ ମି କଣ୍ଡା‌ ସାୟ୍‍ ମାନ୍‍ତା, ଆସୁଙ୍କ୍ ମି ସାରେ ମେନ୍ଦୁଲ୍ କୁପି ଲେକାମ୍‍ ୱେୟ୍‍ସ୍ ଆଦ୍‍ତେ; ବାତେଙ୍କ୍ ଇତ୍କେ ବେସୁଙ୍କ୍‍ ମି କଣ୍ଡା କାରାପ୍ ଆଦ୍‍ତେ, ଆସୁଙ୍କ୍ ମି ମେନ୍ଦୁଲ୍ ଆନ୍‌‍ତେ ହିକାଡ଼୍‍ ଆଦ୍‍ତା । 
\v 35 ମିଡ଼୍ ସାବ୍‍ଦାନ୍, ବେଲା କି ମିୟାଦ୍ ହୃଦୟ୍‍ତେ ୱେୟ୍‍ସ୍ ଇକାଡ଼୍ ଆୟ୍‍ମାକି । 
\v 36 ଯଦି ମିୟାଦ୍ ମେନ୍ଦୁଲ୍ ସାରେ ୱେୟ୍‍ସ୍ ଆଦ୍ ତେ, ଆଗେତ୍ ବେନେ ଲେକାତ୍ ହିକାଡ଼୍ ମାନ୍‍, ହାଲାଇତ୍କେ କୁପି ମିକିଂଙ୍କ୍ ୱେୟ୍‍ସ୍ ମାଡ଼୍‍ତେ ଲେକାମ୍, ଆଦ୍‍ପୁଟୁଙ୍କ୍ ମି ମେନ୍ଦୁଲ୍‍ତେ ସାରେ ୱେୟ୍‍ସ୍ ଆଦ୍‍ତେ ।”
\s ଜିସୁ ପାରୂଶୀ ନୁ ଶାସ୍ତ୍ରୀଡ଼୍‍କ୍ ଦଷ୍ ମାଡ଼ତଣ୍ଡ୍
\r (ମାତିଉ ୨୩:୧-୩୬; ମାର୍କ ୧୨:୩୮-୪୦)
\p
\v 37 ଜିସୁ ଗଟି କେତ୍‍ତାନ୍ ତେର୍‍ସ୍‍ପି ୱେରଣ୍ଡ୍ ପାରୂଶୀ ଜିସୁଙ୍କ୍ ତାନ୍ ଲୋନ୍‌ ତିନ୍ଦାନ୍ ମାଇଦିଙ୍କ୍ କାର୍‍ଙ୍ଗତଣ୍ଡ୍ । ଆସୁଟେ ଜିସୁ ଆଦ୍ ଲୋନ୍‌ ନେଙ୍ଗି ତିନ୍‍ନ୍ଦାଙ୍କ୍ କୁଦ୍‍ତଣ୍ଡ୍ । 
\v 38 ବାତେଙ୍କ୍ ଇତ୍କେ ତିନ୍ଦାନ୍ ମୁନେଙ୍କ୍ ଜିସୁ ଯିହୁଦୀ ରୀତି ଲେକାମ୍ କାୟ୍‍କ୍ ଡେକା ନର୍‍ୱାଙ୍କ୍ ଇଦ୍ ପାରୂଶୀ ଉଡ଼ି ବାକ୍‍ୱା ଆତ୍‍ତଣ୍ଡ୍ । 
\v 39 ଆସୁଙ୍କ୍ ପ୍ରବୁଜିସୁ ଅଂକିଙ୍କ୍‌ କେତ୍‍ତଣ୍ଡ୍, ମିଡ଼୍ ତ ଫାରୂଶୀନାରୁଡ଼ି ତାଲିଗିନାଙ୍କ୍ ବାୟ୍‍ଦେତ୍ ପାକେ ପରିଷ୍କାର୍ ମାଡ଼ୁତିଡ଼୍, ମାତର୍ ମି ଲୋପେ ବୁସାମାଡ଼୍‍ ତେ ପାଡ଼ିୟେ ନୁ କାରାପ୍ ନିଣ୍ଡିମିନ୍ଦେ ମିନ୍ଦେ । 
\v 40 ହୋ ମଣ୍ଡି ନାରୁଡ଼ି, ବେନ ବାୟିଦେ ତିଆର୍ ମାଡ଼୍‍ତଣ୍ଡ୍, ଅଣ୍ଡ୍‌ ବାତ୍ ଲୋପ୍‍ଆନ୍‌‍ତେ ତିଆର୍ ମାଡ଼ଣ୍ଡ୍ କି ? 
\v 41 ମିୟାଗ୍ ବାତା ମିନ୍ଦେ ଆୱ୍ ସାରେ ଗରିବ୍ ନାରୁଡ଼୍‍କ୍ ଦାନ ମାଡ଼ାଟ୍ ଆସୁଟେ ନିଜାତେ ସାରେ ପୁରା ପରିଷ୍କାର୍ ଆଦ୍‍ତେ ।
\p
\v 42 ହୋ ଫାରୂଶୀ ନାରୁଡ଼୍ ମିଡ଼୍ ଦଣ୍ଡତେ ପାତ୍ର ! ମିଡ଼୍ ସାରେ ବିଷୟ୍ ତେ ଦଶମାଂଶ ପରମେଶ୍ୱରତିଙ୍କ୍ ଇସ୍‌‍ମାନୁଟ୍ । ପୋଦିନା, ଆରୁଦ ନୁ ନ୍ୟାୟ ବିଚାର୍ ନୁ ପରମେଶ୍ୱର୍‍ତେ ପ୍ରେମତିଙ୍କ୍ ଗମାଡ଼୍ ମାଡ଼୍‍ମାଟ୍; ହିଦ୍ ସାରେ ପାଲନ୍ ମାଡ଼ିକାଡ଼୍ ବାଗାତ୍ ସାର୍‍ତିଙ୍କ୍ ଗମାଡ଼୍ ମାଡ଼ାନାଦ୍ ଲେକେତ୍ ଆୟ୍‍ୟ ।
\p
\v 43 “ହୋ ପାରୂଶୀନାରୁଡ଼ି, ମିଡ଼୍ ଦଣ୍ଡତେ ପାତ୍ର, ବାତେଙ୍କ୍ ଇତ୍କେ ମିଡ଼୍ ସମାଜ୍ ଲୋତ୍‍ତାଗ୍ ବାଡ଼୍‍ୟଣ୍ଡ୍ ଆଦାଙ୍କ୍ ନୁ ହାଟ୍ ବାଜାର୍‍ତାଗ୍ ନମସ୍କାର୍ ଦର୍‍କାଙ୍କ୍ ସାୟେ ପ୍ରେମ ଇଞ୍ଜ ଇଚ୍ଛା ମାଡ଼ୁତିଡ଼୍ । 
\v 44 ହୋ, ମିଡ଼୍ ଦଣ୍ଡତେ ନାରୁଡ଼୍‌ ଆଦ୍‍ତିଡ଼୍, କାରନ୍‍ ମିଡ଼୍ ମିଞ୍ଜି ମାନ୍ଦାନ୍ ସମାଦି ଲେକାମ୍; ଆଦିନ୍ ପରୁ ନାରୁଡ଼୍ ପୁନକଟ ତାକିଆଦ୍‍ତଡ଼୍ ।”
\p
\v 45 ଆସୁଟେ, ୱେରଣ୍ଡ୍ ଶାସ୍ତ୍ରୀ ଜିସୁଙ୍କ୍ କେତ୍‍ତଣ୍ଡ୍, “ହୋ ଗୁରୁ, ଇଦ୍ କେସ୍ ନିମେ ମାକିଂଙ୍କ୍ ଆନ୍‌‍ତେ ଅପ୍‍ମାନ୍ ମାଡ଼ୁତିନ୍ ।”
\p
\v 46 ଆଦ୍ ‍କେଞ୍ଜି ଜିସୁ କେତ୍‍ତଣ୍ଡ୍, ହୋ ଦର୍ମଶାସ୍ତ୍ରନାରୁଡ଼ି ହାୟ, ମିଡ଼୍ ନାରୁଡ଼୍ ପରୁ କଷ୍ଟତ୍ ନିୟମ୍‍ତେ ବୋଜ୍ କାଞ୍ଜ୍‍ପିସ୍ ମିନ୍ଦେଡ଼ି ଯେ, ଆଦିଙ୍କ୍ କଞ୍ଜାନଙ୍କ୍ କଷ୍ଟ ଆଦୁତ୍‍ତେ । ହି ନିୟମ୍‍ତିଙ୍କ୍ କେଞ୍ଜାନଙ୍କ୍ ମିଡ଼୍ ନାରୁଡ଼୍‍କିଂଙ୍କ୍ ତିଆର୍ ମାଡ଼ୁତିଡ଼୍ । ବାତେଙ୍କ୍ ଇତ୍କେ ନିଜେ ବେସୁଟ୍‌ ଆନ୍‌‍ତେ ହିଗାଙ୍କ୍ ୱେରଡ଼୍ ମେଣ୍ଡେ ନିୟମ୍ ପାଲନ୍ ମାଡ଼ାଙ୍କ୍ ସାହାଯ୍ୟ ମାଡ଼୍‍ୱିଡ଼୍ । 
\v 47 ମିଡ଼୍ ଦଣ୍ଡ ଆଦ୍‍ତିଡ଼୍ ! ମିଡ଼୍ ବାବବାଦୀଡ଼ାଦ୍‍ ସମାଦି ସୁନ୍ଦର୍ ତିଆର୍ ମାଡ଼ୁତିଡ଼୍, ବେନଡ଼କ୍ ମି ମୁନେତ୍ ନାରୁଡ଼୍ ଆୱ୍‍କି ମାତ୍‍ତଡ଼୍ । 
\v 48 ମିଡ଼୍ କେଞ୍ଜୁତିଡ଼୍ ଯେ ମି ଆନିଦାଦିଡ଼୍ ବାତେଏ ମାଡ଼୍‍ତଡ଼୍ ଆଦିଙ୍କ୍ ମିଡ଼୍ ତଡ଼େକ୍ ମାଡ଼ୁତିଡ଼୍, ଅଡ଼୍‌‍ ବାବବାଦୀଡ଼୍‍କ୍ ହାୱ୍‍କ୍‍ତଡ଼୍ ମେଣ୍ଡେ ମିଡ଼୍ ଅଡ଼ାୱୁ ସମାଦି ତିଆର୍ ମାଡ଼ୁତିଡ଼୍ । 
\v 49 ପରମେଶ୍ୱର୍ ଆନ୍‌‍ତେ ନିଜର୍ ବୁଦ୍‍ତେ କେସ୍‍ମିନ୍ଦେଣ୍ଡ୍, ନାନେ ଅଡ଼୍‌‍ ଗାର୍‍ରେ ବାବବାଦୀନଡ଼କ୍ ନୁ ପ୍ରେରିତ୍‍ ଶିଷ୍ୟଡ଼୍‍କ୍ ରହ୍‍ତିତାନ୍, ଅଡ଼୍‌‍ ଲୋପେଙ୍କ୍ ବେସ୍‍କ୍‍ତୁଡ଼୍‍କିଂଙ୍କ୍ ଅଡ଼୍‌‍ ଆୱ୍‍କିତଡ଼୍ ନୁ ମେଣ୍ଡେ ବାଗାତଡ଼୍‍କିଙ୍କ୍ ତାଡ଼ନା ମାଡ଼ିତଡ଼୍, 
\v 50 ଇଦ୍ ଯୁଗ୍‍ତେ ନାରୁଡ଼୍ ପୃତିବିତେ ତିଆର୍ ମୁନେଙ୍କ୍ ସାରେତଡ଼୍ ବାବବାଦୀଡ଼୍ ହାୱୁକ୍‍ତେ ସେଙ୍ଗେ ଦଣ୍ଡ୍ ଆଦ୍‍ତଡ଼୍ । 
\v 51 ହେବଲ୍‍ତେ ହାୱୁକ୍‍ତେ ଆରାମ୍ ମାଡ଼ି ଯିକରୀୟନ୍ ହେଉନା ବେନଡ଼୍‍କ୍ ବେଦୀ ନୁ ପବିତ୍ର ପଡ଼ିୟେତାଗ୍ ହାୱୁକ୍‍ତେ ମାଡ଼ିମାତ୍‍ତଡ଼୍ । ହଁ, ନାନ୍ ମିକିଂଙ୍କ୍ କେତୁତାନ ଇଦ୍ ଯୁଗ୍‍ତେ ନାରୁଡ଼୍ ଦଣ୍ଡ ଆଦ୍‍ତଡ଼୍ । ତିଆର୍ ଆତ୍‍ତାଗାଙ୍କ୍ ବେସ୍‍କ୍‍ତଡ଼୍ ବବିଷ୍ୟଦ୍ ବକ୍ତାଲଡ଼୍ ନେତୁର୍‍ ଇସ୍‍ମିନ୍ଦେ, ଆଦିନ୍‌ମାଇଦିଙ୍କ୍ ହି ଦିନାମ୍‍ତେ ଜିୱୁନ୍ ମାନ୍ଦାନ୍ ନାରୁଡ଼୍‍କିଂଙ୍କ୍ ଦଣ୍ଡ ଆଦ୍‍ଦେ ୱେୟ୍‍ତିତ୍ । 
\v 52 “ହୋ ଦର୍ମଶାସ୍ତ୍ରୀଡ଼୍ ! ମିଡ଼୍ ଦଣ୍ଡ ଆଦ୍‍ତିଡ଼୍, ମିଡ଼୍ ପରମେଶ୍ୱର୍‍ତେ ଜ୍ଞାନତାଦ୍ କୁଚ୍‍କାଇତିଙ୍କ୍ ମିଞ୍ଜ୍‍ପିତିଡ଼୍, ବେଦ୍ ଜ୍ଞାନତାଦ୍ ହାର୍‍ଦିଙ୍କ୍ ଟେଣ୍ଡି । ମିଡ଼୍ ନିଜେ ଐଶ୍ୱରିକ୍ ବୁଦ୍‍ ନାଡ଼ସ୍‍ୱିଡ଼୍ କି, ବେନଡ଼୍ ନାଡ଼୍‍ସାଙ୍କ୍ ଇଚ୍ଛା ମାଡ଼ମାତ୍‍ତଡ଼୍, ଅଡ଼୍‌‍କିଂଙ୍କ୍ ଆନ୍‌‍ତେ ନାଡ଼୍‍ସାଙ୍କ୍ ହିୱୀଡ଼୍ ।”
\p
\v 53 ଆସୁଙ୍କ୍ ଜିସୁ ଅଡ଼୍‌‍ ଆଗାଙ୍କ୍ ପେୟିସ୍ ଆଦ୍‍ଦାନ୍ ୱେୟେ ଶାସ୍ତ୍ରୀଡ଼୍ ନୁ ପାରୂଶୀଡ଼୍ ଗାଟି ଇର୍ଷା ବା କପାମ୍ ଆସ୍, 
\v 54 ବାତେଙ୍କ୍ ଇତ୍କେ ଅଡ଼୍‌‍ ଜିସୁଙ୍କ୍ ବେସ୍‌କ୍ ବୁଲ୍ ଗଟ୍ କେସ୍ ଉଡ଼ୁଇତାଗ୍ ରାପାନଙ୍କ୍ ହାର୍ ମେହେକ ମାତ୍‍ତଡ଼୍ ।
\c 12
\s ଦୁଷ୍ଟ ନାରୁଡ଼୍‍ତେ ସେଙ୍ଗେ ସାବ୍‍ଦାନ୍
\r (ମାତିଉ ୧୦:୨୬-୨୭)
\p
\v 1 \x + \xo ୧୨:୧ \xo*\xt ମାତିଉ ୧୬:୬; ମାର୍କ ୮:୧୫.\xt*\x*ହଜାର୍‌ ହଜାର୍‌ ନାରୁଡ଼୍ ୱାସ୍ ଅଣ୍ଡୟାଗ୍ ଗୁଡ଼୍‍ପି ଆଦ୍‍ତଡ଼୍ । ନାରୁଡ଼୍ ୱେରନ୍ ପରୁ ୱେରନ୍ ତାଲ୍‍ଗା ତାଲ୍‍ଗି ଆସମାତ୍‍ତଡ଼୍ । ଜିସୁ ମୁନେ ତାମ୍ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍, ପାରୂଶୀନାରୁଡ଼୍ କପଟ‍ତାଗାଙ୍କ୍ ଜେଏକେ ମାନୁଟ୍ । ନାନ୍ କେତାନାଦ୍ ଲେକାମ୍‌ ଆଦୁତ୍‍ତେ ଯେ, ଅଡ଼୍‌‍ ଦୁଷ୍ଟ ନାରୁଡ଼୍ । 
\v 2 \x + \xo ୧୨:୨ \xo*\xt ମାର୍କ ୪:୨୨; ଲୁକ ୮:୧୭.\xt*\x*ବାତେଏ ତଅନ୍‌ଦ, ଇଦ୍‍ରକତାଦ୍ ବାତେ ମୁସ୍‍ତାଦ୍ ଇଲେ, ବାତେ ପୁନ୍ଦାନଙ୍କ୍ ଆୟ, ଇସତାଦ୍‍ ମିଞ୍ଜ୍‍ତାଦ୍ ବାତେ ଇଲେ । 
\v 3 ମିଡ଼୍ ବାତା ହିକାଡ଼୍ ତାଗ୍ କେସମିନ୍ଦେଡ଼ି, ଆୱ୍‍ଚାରେ ପାୟାଲ୍ କେଞ୍ଜ୍‍ପାଙ୍କ୍ ୱେୟ୍‍ତିତ୍, ମେଣ୍ଡେ, ବାତେଏ ତନ୍ଦ୍‍ୱେ ଲୋତ୍‍ତାଗ୍ ମିଞ୍ଜିମିକା କେସ୍ ମିନ୍ଦେଡ଼ି, ଆଦିଙ୍କ୍ ଲୋତ୍‍ତେ ମୁର୍ସିନାଗ୍‍ ଆଞ୍ଜ୍ କେସିଦ୍‍ ୱେୟ୍‍ତିତ୍ ।
\s ବେନଙ୍କ୍ ୱେର୍‍ତିତାଡ଼
\r (ମାତିଉ ୧୦:୨୮-୩୧)
\p
\v 4 ବାତେଙ୍କ୍ ଇତ୍କେ ନା ସାଙ୍ଗଡ଼ି ଯେ, ମିଡ଼୍, ମିକିଂଙ୍କ୍ ନାନେ କେତୁତାନ୍, “ବେନଡ଼୍ ମି ମେନ୍ଦୁଲ୍‍ତିଙ୍କ୍ ରେହେତିତଡ଼୍, ମାତର୍ ତାନ୍ ପେର୍‍କେ ମେଣ୍ଡେ ଅଡ଼୍‌‍ ବାତା ମାଡ଼ା ପାର୍‍ୱଡ଼୍, ଅଡ଼୍‌‍କିଂଙ୍କ୍ ୱେର୍‍ମାଟ୍ ।” 
\v 5 ବାତେଙ୍କ୍ ଇତ୍କେ ମିଡ଼୍ ବେନଙ୍କ୍ ୱେର୍‍ଦ୍‍ତିଡ଼୍, ଆଦ୍ ନାନେ ମିକିଂଙ୍କ୍ କେତିତାନ୍; ଡୋଲ୍‍ତେ ପେର୍‍କେ ନର୍‍କତାଗ୍‍ ହେସାଙ୍କ୍ ବେନେ ଇଶ୍ୱର୍ କାଇଦେ ଅଦିକାର୍‌ ମିନ୍ଦେ, ଅଂକିଙ୍କ୍‌ ୱେର୍‍ମୁଟ୍, ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ ନିଜାମ୍ କେତୁତାନ୍, ଅଂକିଙ୍କ୍‌ ୱେର୍‍ମୁଟ୍ ।
\p
\v 6 ଏଇଙ୍ଗ୍ ଆନାପିଟେ ବାତେଏ ସୁଦୁଟ୍ ଡାବ୍ ତେ ୱାମାଙ୍କ୍ ଆୟ୍‍ୟ କି ? ମିକା ପରମେଶ୍ୱର୍‍ ହାୱିନାଗାଙ୍କ୍ ୱେରଡିଙ୍କ୍ ମେଣ୍ଡେ ମାର୍‍ଙ୍ଗେ ପାର୍‍ୱଣ୍ଡ୍ । 
\v 7 ବାତେଙ୍କ୍ ଇତ୍କେ ମି ତାଲେତ୍ କେଲ୍‍କିଙ୍କ୍ ସାରେ ଲେକିମିନ୍ଦେଣ୍ଡ୍ । ୱେର୍‍ମାଟ୍; ମିଡ଼୍ ଆନାପିଟେ ନାଗାଙ୍କ୍ ଗାଟି ମୁଲ୍ୟ ।
\s କ୍ରିଷ୍ଟଙ୍କ୍ ସ୍ୱୀକାର୍‍ ନୁ ଆଗ୍ରାହ୍ୟ
\r (ମାତିଉ ୧୦:୩୨-୩୩; ୧୨:୩୨; ୧୦:୧୯-୨୦)
\p
\v 8 ମେଣ୍ଡେ ନାନେ ମିକିଂଙ୍କ୍ କେତୁତାନ୍, ବେନନ୍ ନାରୁଡ଼୍‍ତେ ମୁନ୍‍ ନାକିଂଙ୍କ୍ ସ୍ୱୀକାର୍‍ ମାଡ଼ିତନ୍, ନାରୁନ୍‍ପିଲେ ଆନ୍‌‍ତେ ପରମେଶ୍ୱର୍‍ତେ ଦୂତକିନ୍ ମୁନ୍‍ କେତିତଣ୍ଡ୍ ଯେ, ଆଦ୍ ନାରୁଡ଼୍ ନା ନିଜର୍ ନାରୁଡ଼୍ । 
\v 9 ବେନ ନାରୁଡ଼୍ ମୁନ୍‍ ନାକିଂଙ୍କ୍ ଅସ୍ୱୀକାର୍ ମାଡ଼ିତନ୍, ନାରୁଡ଼୍ ପିଲେ ପରମେଶ୍ୱର୍‍ତେ ଦୂତକିନ୍ ମୁନ୍‍ କେତିତଣ୍ଡ୍ ଯେ, ଆଦ୍ ନାରୁଡ଼୍ ନା ନିଜର୍ ନାରୁଡ଼୍ ଆୟ୍‍ୟଣ୍ଡ୍ ।
\p
\v 10 \x + \xo ୧୨:୧୦ \xo*\xt ମାତିଉ ୧୨:3୨; ମାର୍କ 3:୨୯.\xt*\x*ବେନ ନାରୁନ୍‍ପିଲେତ୍‍ ବିରୁଦ୍ଦ୍‌ତେ ଗଟି କେତିତଣ୍ଡ୍, ଅଂକିଙ୍କ୍‌ କ୍ଷମା ଇଦାଙ୍କ୍ ଆଦ୍‍ତେ; ମାତର୍ ବେନ ପବିତ୍ର ଆତ୍ମାତ୍ ବିରୁଦ୍ଦ୍‌ତେ ନିନ୍ଦା ଗଟି କେତିତଣ୍ଡ୍, ଅଂକିଙ୍କ୍‌ କ୍ଷମା ଇଦାଙ୍କ୍ ଆୟ୍‍ୟ ।
\p
\v 11 \x + \xo ୧୨:୧୧ \xo*\xt ମାତିଉ ୧୦:୧୯,୨୦; ମାର୍କ ୧3:୧୧; ଲୁକ ୨୧:୧୪,୧୫.\xt*\x*“ଅଡ଼୍‌‍ ବେସୁଙ୍କ୍‍ ମିକିଂଙ୍କ୍ ସମାଜ୍‍ଲନ୍, ରାଜ୍ୟପାଳ, ବିଚାର୍ ମାଡ଼ାନଣ୍ଡ୍ ମୁନ୍‍ନେ ବିଚାର୍ ମାଡ଼ାଙ୍କ୍ ଆଦ୍‍ତଡ଼୍, ଆସୁଙ୍କ୍ ମିଡ଼୍ ବେଲା ଉତ୍ତର୍ ହିଦ୍‍ତିଡ଼୍ ମେଣ୍ଡ୍ ବାତ୍ କେତିତିଡ଼୍ ଆଦ୍ ବିଷୟତେ ସୁଦୁର୍ ମେଣ୍ଡେ ଚିନ୍ତା ମାଡ଼୍‍ମାଟ୍ । 
\v 12 ବାତେଙ୍କ୍ ଇତ୍କେ ବାତେଏ କେତାଙ୍କ୍ ଆଦ୍‍ତେ ଆଦ୍ ସମୟ୍ ତେ ପବିତ୍ର ଆତ୍ମା ମିକିଂଙ୍କ୍ ନାଡ଼୍‍ସ୍‍ପିଦ୍‍ ତେ ।”
\s ମୁର୍କ ସାଉକାର୍ ତେ ୱେଷଡ଼୍
\p
\v 13 ନାରୁଡ଼୍ ଲୋପେଙ୍କ୍ ୱେରଣ୍ଡ୍ ଜିସୁଙ୍କ୍ କେତ୍‍ତଣ୍ଡ୍, “ହୋ ଗୁରୁ, ନା ଦାଦାଲ୍‌ ନା ତଡ଼୍ ବାବାନ୍ ସମ୍ପତ୍ତିତିଙ୍କ୍ ୱିର୍‍ସ୍‍ପାନ୍ ମାଇଦିଙ୍କ୍ କେସିମ୍ ।”
\p
\v 14 ବାତେଙ୍କ୍ ଇତ୍କେ ଜିସୁ ଅଂକିଙ୍କ୍‌ କେତ୍‍ତଣ୍ଡ୍, “ହୋ ସାଙ୍ଗ, ବେନ ନାକିଂଙ୍କ୍ ମି ପରୁ ବିଚାର୍ ମାଡ଼ାଙ୍କ୍ ବା ସମ୍ପତ୍ତି ୱିର୍‍ପାଙ୍କ୍ ବେନ ନାକିଂଙ୍କ୍ ଅଦିକାର୍ ହିତ୍‍ତଣ୍ଡ୍ ।” 
\v 15 ଜିସୁ ଅଡ଼୍‌‍କିଂଙ୍କ୍ କେତୁତଣ୍ଡ୍, “ସାବ୍‍ଦାନ୍, ସାରେ ଲେକାମ୍ ଆଶେତାଗାଙ୍କ୍ ନିଜ୍‍ତିଙ୍କ୍ ଜେକେ ନେହେମ୍, ବାତେଙ୍କ୍ ଇତ୍କେ ୱେରନ୍ ନାରୁନାଦ୍ ଜିୱୁନ୍ ଅନ୍‌‍ୱାଦ୍ ସମ୍ପତ୍ତି ସାରେତେ ପରୁ ଆଶେ ମାଡ଼ ।”
\p
\v 16 ଆସୁଙ୍କ୍ ଜିସୁ ଅଡ଼୍‌‍କିଂଙ୍କ୍ ଇଦ୍ ୱେଷଡ଼୍ କେତ୍‍ତଣ୍ଡ୍, ୱେରଣ୍ଡ୍ ସାଉକାର୍ ନାରୁନ୍ ୱାୟେତାଗ୍ ଗାଟି ପସଲ୍ ଆତ୍‍ତା । 
\v 17 ଆସୁଟେ ଆଦ୍ ନାରୁଡ଼୍ ହେର୍କେ ଆଲ୍‍ସି କେତ୍‍ତଣ୍ଡ୍, ବାତା ମାଡ଼ିତାନ୍ ? ବାତେଙ୍କ୍ ଇତ୍କେ ନାୟାଦ୍ ସାରେ ଗୁଡ଼୍‍ପି ନେହେତାନ୍ ମାଇଦିଙ୍କ୍ ପଡ଼୍‍ୟ୍ ଇଲା । 
\v 18 ମେଣ୍ଡେ, ଆଦ୍ ନାରୁନ୍ କେତ୍‍ତଣ୍ଡ୍, ଇଦ୍‍ପୁଟୁଙ୍କ୍ ମାଡ଼ିତାନ୍; ନାୟାଦ୍ ଅମାର ସାରେ ହୁଉସୁ ବେଡ଼୍‍ୟା ତିଆର୍ ମାଡ଼ିତାନ୍ ନୁ, ଆୱ୍ ‍ଚାରେତାୱିନାଗ୍ ନାୟାୱୁ ଶସ୍ୟ ନୁ ନିୟ୍ ଗୁଡ଼୍‍ପି ମାଡ଼ି ନେହ୍‍ତିତାନ୍, 
\v 19 ଆସୁଟେ, ନାନେ ନାୟାଦ୍ ଜିୱୁନ୍‍ତିଙ୍କ୍ କେତିତାନ୍, ହୋ ଜିୱୁନ୍, ନାର୍ଗେ ୱାଡ଼୍‍ଷାତ୍ ମାଇଦିଙ୍କ୍ ନିୟାଦ୍ ନିୟ୍ ତିଆର୍‍ତେମିନ୍ଦେ, ରମାଟ୍, ତିନ୍ଦାନାଦ୍ ମାଡ଼ାଟ୍, ପାନ ମାଡ଼ାଟ୍ ନୁ ସାର୍‍ଦା ମାଡ଼ାଟ୍; 
\v 20 ବାତେଙ୍କ୍ ଇତ୍କେ ପରମେଶ୍ୱର୍‍ ଅଂକିଙ୍କ୍‌ କେତ୍‍ତଣ୍ଡ୍, ରେ ମଣ୍ଡି, ନେଣ୍ଡ୍ ନାର୍କା ନି ଜିୱୁନ୍‍ତିଙ୍କ୍ ନିୟାଗାଙ୍କ୍ ଆଦ୍‍ତାନ୍; ଆସୁଟେ ନିମେ ବାତା ନିଜର୍ ସେଙ୍ଗେ ହକ୍‍ରିଞ୍ଚିମିନ୍ଦେନୀ, ହାଉସାରେ ବେନନାୱୁ ଆଦ୍‍ତେ ?
\p
\v 21 ଜିସୁ କେତ୍‍ତଣ୍ଡ୍, “ବେନ ନିଜର୍ ମାଇଦିଙ୍କ୍ ଦନ୍ ଗୁଡ଼୍‍ପି ମାଡ଼ିତନ୍, ବାତେଙ୍କ୍ ଇତ୍କେ ଇଶ୍ୱର୍ ତେ ମୁନେ ସାଉକାର୍ ଆୟ୍‍ୟଣ୍ଡ୍, ଅନ୍‌ ସେଙ୍ଗେ ଇଦ୍‍ପୁଟୁଙ୍କ୍ ଗଟେମ୍ ଆଦ୍ ତେ ।”
\s ଇଶ୍ୱର୍‌ତାଗେ ବିଶ୍ୱାସ୍‌ ୱାଟାନାଦ୍
\r (ମାତିଉ ୬:୨୫-୩୪)
\p
\v 22 ଜିସୁ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍, ଇ ବିଷୟ୍ ତେ ନାନେ ମିକିଂଙ୍କ୍ କେତୁତାନ୍, ବାତା ତିନ୍‍ତିଡ଼୍ ଇଦ୍‍ପୁଟୁଙ୍କ୍ ଆଲ୍‍ସି ମି ଜିୱୁନ୍‍ ତେ ମାଇଦିଙ୍କ୍, ମେଣ୍ଡେ, ବାତା କେର୍‍ଦ୍‍ତିଡ଼୍, ଇଦ୍‍ପୁଟୁଙ୍କ୍ ଆଲ୍‍ସି ମି ମେନ୍ଦୁଲ୍‍ତେ ମାଇଦିଙ୍କ୍ ଆନ୍‌‍ତେ ଚିନ୍ତେ ମାଡ଼୍‍ମାଟ୍ । 
\v 23 ବାତେଙ୍କ୍ ଇତ୍କେ ତିନ୍ଦାନାଦ୍ କନ୍‍ସ୍ ଜିୱୁଣ୍ଡ୍ ନୁ ଚକାସିଲେ କନ୍‍ସ୍ ମେନ୍ଦୁଲ୍‍ତେ ବେଡ଼୍‍ୟା । 
\v 24 ପାର୍‍ତାନ୍ ପିଟେଙ୍କ୍ ଉଡ଼ାଟ୍, ଆହ୍ ୱିତ କି କୟ୍‍ୟ, ମେଣ୍ଡେ, ଆୱିନ୍ ତିନ୍ଦାନ୍ ଲୋନ୍‌ ଇଲେକି ନେହ୍‍ତାନାଦ୍‍ ଅମାର ଇଲା, ବାତେଙ୍କ୍ ଇତ୍କେ ପରମେଶ୍ୱର୍‍ ଆୱିଙ୍କ୍ ତିନ୍ଦାଙ୍କ୍ ହିଦ୍‍ତଣ୍ଡ୍; ମିଡ଼୍ ତ ପିଟେଙ୍କ୍ ଆନ୍‌‍ତେ ବେସତ୍ ଗାଟି ଯଗ୍ୟ । 
\v 25 ମି ଲୋପ୍ ବେନ ଚିନ୍ତେ ମାଡ଼ି ମାଡ଼ି ନିଜର୍ ଆୟୁସ୍‍ତିଙ୍କ୍ ମେଣ୍ଡେ ସୁଦୁର୍ ଦିନାମ୍‍ତିଙ୍କ୍ କାଲ୍‍ପିତଣ୍ଡ୍ ? 
\v 26 ଆଲାତ୍କେ ମିଡ଼୍ ଯଦି ସୁଦୁରାୱ୍ ପାଡ଼ିୟିମାଡ଼୍ ପାର୍‍ୱିଡ଼୍, ହାଲାଇତ୍କେ ମେଣ୍ଡେବାଗାତ୍ ବେଡ଼୍‍ୟା ପାଡ଼ିୟ୍‍ତେ ମାଇଦିଙ୍କ୍ ବାତେଙ୍କ୍ ଦାନ୍ଦେ ଆଦୁତିଡ଼୍ ? 
\v 27 ପୁଙ୍ଗାନ୍ ବିଷୟତେ ହେର୍କା ମାଡ଼ାଟ୍, ଆୱ୍ ବେଦ୍‍ପୁଟୁଙ୍କ୍ ପେର୍‍ସ୍‍ତା ? ମେଣ୍ଡେ ଆୱ୍ ପାଡ଼ିୟି ମାଡ଼ କି ନୁଲ୍ ଆଲ୍‍ସ; ବାତେଙ୍କ୍ ଇତ୍କେ ନାନେ ମିକିଂଙ୍କ୍ କେତୁତାନ୍, ବେନ ସାର୍‍ତିଙ୍କ୍ ବାଡ଼୍‍ୟଣ୍ଡ୍, ନୁ ସାଉକାର୍ ରାଜାଲ୍ ଶଲୋମନ୍‍ ଆନ୍‌‍ତେ ଅନାଦ୍‌ ସାରେ ସମ୍ପତିତିଙ୍କ୍ ଆୱ୍ ପୁଙ୍ଗାନ୍ ଲୋପେଙ୍କ୍ ବେନେଆଇ ୱେରଡ଼୍ ତେ ଲେକାମ୍ ମିକା ସୁନ୍ଦର୍ ଚକା କେର୍‍ଦାଙ୍କ୍ ପାର୍‍ୱଣ୍ଡ୍ । 
\v 28 ୱାୟାନାଗା ବେନ ପୁଙ୍ଗା ନେଣ୍ଡ୍ ମିନ୍ଦେ, ଆୱିଙ୍କ୍ ନାଡ଼୍ ଅୟ୍‌ଦାଲ୍‌ କିସ୍‍ତାଗ୍ ୱାଟାନାଦ୍, ଆୱିଙ୍କ୍ ଯଦି ପରମେଶ୍ୱର୍‍ ଇସତ୍ ଲେକ୍‍ତାଦ୍ ହିଦ୍‍ତଣ୍ଡ୍, ଆଲାତ୍କେ; ହାୟ ସୁଦୁର୍ ବିଶ୍ୱାସୀନାରୁଡ଼ି, ଅନ୍‌ ମିକିଂଙ୍କ୍ ବେଚର୍ ନାର୍ଗେ ହିୱ୍‍ଣ୍ଡ୍ ଆଦ୍‍ତନ୍ ?
\p
\v 29 ମିଡ଼୍ ବାତା ତିନ୍‍ତିଡ଼୍, ମେଣ୍ଡେ ବାତା ଉନ୍ତିଡ଼୍, ଆୱିଙ୍କ୍ ମିଡ଼୍ ମେହେକ୍‍ମାଟ୍ ବା ଚିନ୍ତେ ମାଡ଼୍‍ମାଟ୍ 
\v 30 ବାତେଙ୍କ୍ ଇତ୍କେ ଜଗତ୍ ତେ ବିଜାତିନାରୁଡ଼୍ ହିସତ୍ ବିଷୟ ତେ ମେହେକ ହୁଡିତଡ଼୍; ବାତେଙ୍କ୍ ଇତ୍କେ ଆୱ୍‍ଚାର୍ ବିଷୟ ମିକିଂଙ୍କ୍ ଆନ୍‌‍ତେ ଦର୍‍କାର, ଆଦ୍ ମି ପରମେଶ୍ୱର୍‍ ପୁତ୍‍ତଣ୍ଡ୍ । 
\v 31 ମିଡ଼୍ ଅନ୍‌ ରାଜ୍ୟତ୍ ମାଇଦିଙ୍କ୍ ହେର୍କା ମାଡ଼ାଟ୍, ଆଲେକେ ଅଣ୍ଡ୍‌ ମିକିଂଙ୍କ୍ ଇଦ୍ ସାର୍‍ରେବିଷୟ୍ ହିଦ୍‍ତଣ୍ଡ୍ ।
\s ସ୍ୱର୍ଗତାଗ୍ ଦନ୍
\r (ମାତିଉ ୬:୧୯-୨୧)
\p
\v 32 ହୋ ସୁଦୁର୍ ମାନ୍ଦେମେଣ୍ଡା, ୱେର୍‍ମାଟ୍, ବାତେଙ୍କ୍ ଇତ୍କେ ମିକିଂଙ୍କ୍ ଆ ରାଜ୍ୟ ହିଦାନ୍‍ମାଇଦିଙ୍କ୍ ମି ପରମେଶ୍ୱର୍‍ ଇଚ୍ଛାମାଡ଼ୁତଣ୍ଡ୍ । 
\v 33 ମିୟାୱୁ ବାତା ମିନ୍ଦେ, ଆୱିଙ୍କ୍ ୱାମି ଗରିବ୍ ନାରୁଡ଼୍‍କ୍ ଦାନ ମାଡ଼ାଟ୍; ବାତେଏ ନଷ୍ଟ ଆୟ୍‍ୟ, ଆସତ୍ ପଡ଼ିୟ୍‍ତାଗ୍ ନିଜର୍ ମାଇଦିଙ୍କ୍ ୱିଜ୍‍ ନେହ୍‍ମୁଟ୍; ବେଗେ ଡଙ୍ଗାଲଡ଼୍ ଗାର୍‍ୱାଡ଼ଡ଼୍ ବା ପୁଡ଼୍‍ୟି ନଷ୍ଟ ମାଡ଼, ଆସତ୍ ସ୍ୱର୍ଗତାଗ୍ ତେର୍‍ୱେ ଦନ୍‍ସମ୍ପତ୍ତି ଅସ୍‍ରିଞ୍ଚାଟ୍ । 
\v 34 ବାତେଙ୍କ୍ ଇତ୍କେ ବେଗେ ମିୱାଦ୍ ଦନ୍‍ସମ୍ପତ୍ତି, ଆଗେ ମିକା ମିୱାଦ୍ ମନ୍ ।
\s ତିଆର୍‍ତେ ମାନ୍ଦାନ୍ ଦାସଡ଼୍
\p
\v 35 \x + \xo ୧୨:3୫ \xo*\xt ମାତିଉ ୨୫:୧-୧3.\xt*\x*“ପାଡ଼ିୟିତେ ମାଇଦିଙ୍କ୍ ସାରେଦାମ୍ ତିଆର୍ ଆଶେ ମାନୁଟ୍ । ମି କୁପିତିଙ୍କ୍ ନିଡ଼୍‍ସ୍‍ପିମାନୁଟ୍ । 
\v 36 \x + \xo ୧୨:3୬ \xo*\xt ମାର୍କ ୧3:3୪-3୬.\xt*\x*ପ୍ରବୁ ପେଣ୍ଡୁଲ୍‍ତାଗ୍ ମାଞ୍ଜ୍ ମାଲ୍‍ସ୍ ୱାସ୍ ହାର୍‍ଦାଗ୍ ତାଲ୍‍ସାନ୍ ୱେଇ ବେନ୍ ନାରୁଡ଼୍ ଅନ୍‌ ମାଇଦିଙ୍କ୍ ସାଙ୍ଗେ ସାଙ୍ଗେ କାପାଟ୍ ତେର୍‍ସିଦାଙ୍କ୍ କେପି ମାନ୍‍ତଡ଼୍, ମିଡ଼୍‍ଆନ୍‌‍ତେ ଅଡ଼୍‌‍ ଲେକାମ୍ ଆସ୍ ମାନୁଟ୍ । 
\v 37 ପ୍ରବୁ ୱାସ୍ ବେନ୍ ଚାକରିଡ଼୍ ତିଆର୍‍ତେ ମାନ୍‍ତଡ଼୍ ଅଡ଼୍‌‍କିଂଙ୍କ୍ ଉଡ଼ିତଣ୍ଡ୍, ଅଡ଼୍‌‍ ଦନ୍ୟ; ନାନେ ମିକିଂଙ୍କ୍ ସତ୍ କେତୁତାନ୍, ମାଲିକ୍ ଆନ୍‌‍ତେ ଅଡ଼୍‌‍ ସେବା ମାଡ଼ାନ୍ ମାଇଦିଙ୍କ୍ ନିଜେ ତିଆର୍ ଆଦ୍‍ତନ୍ । ଅନ୍‌ ଅଡ଼୍‌‍କିଂଙ୍କ୍ କୁଦାନ୍ ମାଇଦିଙ୍କ୍ କେତିତଣ୍ଡ୍, ନୁ ନିଜେ ଅଣ୍ଡ୍‌ ତିନ୍ଦାଙ୍କ୍ ଇଦ୍‍ତଣ୍ଡ୍ । 
\v 38 ଆସୁଟେ, ଅନ୍‌ ଯଦି ରେଣ୍ଡ୍ କି ମୁଣ୍ଡ୍ ନାଡ୍‍ନାର୍କା ୱାସ୍ ଅଡ଼୍‌‍କିଂଙ୍କ୍ ରକମ୍ ଉଡ଼ିତଣ୍ଡ୍, ଆଲାତ୍କେ ଆଦ୍ ଚାକରିଡ଼୍ ଦନ୍ୟ । 
\v 39 \x + \xo ୧୨:3୯ \xo*\xt ମାତିଉ ୨୪:୪3,୪୪.\xt*\x*ବାତେଙ୍କ୍ ଇତ୍କେ ଇଦ୍ ପୁଞ୍ଜ୍ ମାନୁଟ୍, ବେସୁଟ୍‌ ଡଙ୍ଗାଲ୍ ୱାଦ୍‍ତଣ୍ଡ୍, ଆଦ୍ ଯଦି ଲତ୍‌ତେ ମାଲିକ୍ ପୁନେଣ୍ଡ୍, ଆଲାତ୍କେ ତାମ୍ ଲୋନ୍‌ ଡଙ୍ଗାଙ୍କ୍ ନେଙ୍ଗାଙ୍କ୍ ହିୱଣ୍ଡ୍ ଆୟେଣ୍ଡ୍ । 
\v 40 ମିଡ଼୍ ଆନ୍‌‍ତେ ତିଆର୍ ଆଶେ ମାନୁଟ୍, ବାତେଙ୍କ୍ ଇତ୍କେ ନାରୁନ୍‍ପିଲେ ଜିସୁ ଇସତ୍ ଦିନାମ୍‍ତେ ୱାଦ୍‍ତଣ୍ଡ୍, ଆଦ୍ ଦିନାମ୍‍ତେ ମିଡ଼୍ ହେର୍କା ମାଡ଼କଟ୍ ମାନ୍‍ତିଡ଼୍‍ ।”
\s ବିଶ୍ୱାସ୍‌ତେ ବା ବିଶ୍ୱାସ୍‍ଇଲ୍‍ୱେ ଦାସ
\r (ମାତିଉ ୨୪:୪୫-୫୧)
\p
\v 41 ଆସୁଟେ ପିତର୍ କେତ୍‍ତଣ୍ଡ୍, “ହୋ, ପ୍ରବୁ, ନିମେ ବାତ୍ ମାକିଂଙ୍କ୍ କେତୁତିନ୍ ନା ସାରେତଡ଼୍‌କିଂଙ୍କ୍ ଇଦ୍ ୱେଷଡ଼୍ କେତୁତିନ୍ ?”
\p
\v 42 ପ୍ରବୁ ଉତ୍ତର୍ କେତ୍‍ତଣ୍ଡ୍, ଆଲେକ୍ ବିଶ୍ୱାସ୍‌ତେ ନୁ ଜ୍ଞାନି ଦାସ ବେନ ? ବେନଙ୍କ୍ ମାଲିକ୍‍ତେ ଲୋନ୍‌ ତୁୱୁସାନ୍ ମାଇଦିଙ୍କ୍ ନେହିତ୍‍ତଣ୍ଡ୍; ଅଣ୍ଡ୍‌ ଲେକେତ୍ ନାରୁଡ଼୍ ମେଣ୍ଡେ ଦାସଡ଼୍‍କିଂଙ୍କ୍ ତିନ୍ଦାଙ୍କ୍ ଇତ୍‍ତନ୍ । ଅଣ୍ଡ୍‌ ଲେକେତ୍ ଦିନାମ୍‍ତେ ନାରୁଡ଼୍‍କ୍ ତିନ୍ଦାଙ୍କ୍ ଇଦ୍‍ତଣ୍ଡ୍ ? 
\v 43 ପ୍ରବୁ ୱାସ୍ ବେନ୍ ଦାସ ଆଦ୍ ରକମ୍ ମାଡ଼ାନାଦ୍ ଉଡ଼ିତଣ୍ଡ୍, ଅଣ୍ଡ୍‌ ଦନ୍ୟ । 
\v 44 ନାନେ ମିକିଂଙ୍କ୍ ନିଜାମ୍ କେତୁତାନ୍, ଅଣ୍ଡ୍‌ ଅଂକିଙ୍କ୍‌ ନିଜର୍ ସାରେ ସମ୍ପତି ପରୁ ଦାୟିତ୍ୱ ଇଦ୍‍ତଣ୍ଡ୍ । 
\v 45 ବାତେଙ୍କ୍ ଇତ୍କେ ହେର୍କେ ମାଡ଼ାଟ୍, ଆଦ୍ ଦାସ୍ ଲୋପ୍ ଲୋପ୍ କେତିତଣ୍ଡ୍, ନା ପ୍ରବୁ ୱାଦାନାଦ୍ ଗାଟି ଲେଟ୍ଆଦ୍‍ତେ, ଆସୁଟେ ଅନ୍‌ ଯଦି ଦାସ ନାରୁଡ଼୍‍କିଂଙ୍କ୍ ରେହେତା ରେହେତି ମାଡ଼ିତନ୍ ମେଣ୍ଡେ, ତିଞ୍ଜ୍ ଉଞ୍ଜ୍ ମାତ୍‍ୱାରି ଆଦାଙ୍କ୍ ଆରାମ୍ ମାଡ଼ିତନ୍, 
\v 46 ଆଲାତ୍କେ ବେନ୍ ‍ଦିନ୍ ଅଣ୍ଡ୍‌ ଅଂକିଙ୍କ୍‌ ୱିଡ଼୍‍ସି ମାଡ଼କଟ୍ ମାନ୍‍ତଣ୍ଡ୍ ମେଣ୍ଡେ, ବେନ୍ ଦିନାମ୍ ତେ ଅନ୍‌ ପୁନକଟ ମାନ୍‍ତଣ୍ଡ୍, ଆଦ୍ ଦିନାତେ ନୁ ଆଦ୍ ଦିନାମ୍ ତେ ଆଦ୍ ଦାସ୍ ତେ ମାଲିକ୍ ୱାସ୍ ହେୱ୍‍ଦ୍‍‍ତଣ୍ଡ୍ । ଅଣ୍ଡ୍‌ ଆଦିଙ୍କ୍ ଗାଟି ଦଣ୍ଡ୍ ହିଦ୍‍ତଡ଼୍ ନୁ ଅବିଶ୍ୱାସ୍ ଆୟ୍‍ୱିଡ଼୍ ନାରୁଡ଼୍ ତଡ଼୍ ପାଲ୍‍କ୍ ତୁଉସିତଣ୍ଡ୍ ।
\p
\v 47 ଆସୁଟେ, ବେନ୍ ଦାସ୍ ନିଜର୍ ପ୍ରବୁନ୍ ଇଚ୍ଛାତିଙ୍କ୍ ପୁଞ୍ଜ୍ ବା ତିୟାର୍ ଆୟ୍‍ୟକଟ ମାନ୍‍ତଣ୍ଡ୍, ଆଲାତ୍କେ ଅନ୍‌ ଇସଲେକାତେ ପାଡ଼ିୟି ମାଡ଼କଟ୍ ମାନ୍‍ତଣ୍ଡ୍, ଅଂକିଙ୍କ୍‌ ଗାଟି ଦେବେତେ ପରୁ ଦେବ୍‍ ଦର୍‍କିତ୍ । 
\v 48 ବାତେଙ୍କ୍ ଇତ୍କେ ବେନ ପୁନକଟ ଦେବ୍‍ ତିନ୍ଦାଙ୍କ୍ ପାଡ଼ିୟ୍‍ ମାଡ଼ିମାନ୍‍ତଣ୍ଡ୍; ଅନ୍‌ ସୁଦୁର୍ ଦେବ୍‍ ତିନ୍‍ତଣ୍ଡ୍ । ବେନଙ୍କ୍ ଗାଟି ଦେବ୍‍ ଦର୍‍କି ମିନ୍ଦେ, ଅନ୍‌ ଆଗାଙ୍କ୍ ଗାଟି ଦାବୀ ମାଡ଼୍ ୱେୟ୍‍ତିତ୍; ମେଣ୍ଡେ, ନାରୁଡ଼୍ ବେନନାଗେ ଗାଟି ଇତ୍‍ତନ୍ ମାଡ଼ି ମିନ୍ଦେଡ଼୍, ଅନାଗାଙ୍କ୍ ଗାଟି ଦାବୀମାଡ଼୍ ୱେୟ୍‍ତିତ୍ ।
\s ଜିସୁନ୍ ସେଙ୍ଗେ ୱେରେ
\r (ମାତିଉ ୧୦:୩୪-୩୬)
\p
\v 49 “ନାନ୍ ପୃତିବିତାଗ୍ କିସ୍‍ ରାପାନ୍ ମାଇଦିଙ୍କ୍ ୱାସ୍‍ମିନ୍ଦେନ୍, ମେଣ୍ଡେ, ଆଦ୍ କିସ୍‍ ନିଡ଼୍‍ୱି ଇଦ୍ ନାୱାଦ୍ ବାତେଏ ଇଚ୍ଛା ! 
\v 50 \x + \xo ୧୨:୫୦ \xo*\xt ମାର୍କ ୧୦:3୮.\xt*\x*ବାତେଙ୍କ୍ ଇତ୍କେ ନାକିଂଙ୍କ୍ ଅଣ୍ଡୟ୍‌ ବାପ୍ତିସ୍ମ ଇସ୍‌ ଆଦ୍ ୱେୟ୍‍ତିତ୍ ବାତେଙ୍କ୍ ଇତ୍କେ ଆଦ୍ ତେରୱେ ଯାକ ନାନେ ଯେ, ବେସର୍ ଦାନ୍ଦେ ଆଦୁତାନ୍ । 
\v 51 ନାନେ ପୃତିବିତାଗ୍ ଶାନ୍ତି ଇଦାଙ୍କ୍ ୱାସ୍ ମିନ୍ଦେନ୍ ଇଞ୍ଜ ବାତ୍ ମିଡ଼୍ ଆଲ୍‍ସ ମିନ୍ଦେଡ଼ି ? ନାନେ ମିକିଂଙ୍କ୍, କେତୁତାନ୍, ଇଲା, ନାନେ, ପୃତିବୀତିଙ୍କ୍ ୱେରେ ମାଡ଼ାଙ୍କ୍ ୱାସ୍‍ମିନ୍ଦେନ୍ ? 
\v 52 ଅଣ୍ଡୟ୍‌ ଲୋନ୍‌ ଯଦି ଏୟ୍‍ୱୁଡ଼୍ ଡ଼ାଗାଙ୍କ୍‌ ରାମ୍‌କ୍‌ ସୃଷ୍ଟି ଆଦ୍‌ତେ, ଆଲାତ୍କେ ଇର୍‍ୱୁଡ଼୍ ବିରୁଦ୍ ତେ ମୁୱୁଡ଼୍ ନୁ ମୁୱୁଡ଼୍ ବିରୁଦ୍ ତେ ଇର୍‍ୱୁଡ଼୍ ତେଦିତଡ଼୍ । 
\v 53 ବାବାନ୍ ବିରୁଦ୍ ତେ ମାର୍‍, ମାର୍‍ ବିରୁଦ୍‍ତେ ବାବାଲ୍, ମାୟାଡ଼୍ ବିରୁଦ୍ ତେ ୟାୟ, ୟାୟନ୍ ବିରୁଦ୍ ତେ ମାୟ୍‍ୟାଡ଼୍, କଡ଼୍‍ୟାଡ଼୍‍ ବିରୁଦ୍ ତେ ପୟେ, ନୁ ପୟେନ୍ ବିରୁଦ୍ ତେ କଡ଼୍‍ୟାଡ଼୍ ତେଦିତ୍ ।”
\s ଦିନାମ୍‍ତେ ବୁଜେମ୍ ଆଦ୍‍ତାଡ଼୍
\r (ମାତିଉ ୧୬:୨-୩)
\p
\v 54 ଜିସୁ ନାରୁଡ଼୍‍କିଂଙ୍କ୍ ତେତ୍‍ତଣ୍ଡ୍ ପଶ୍ଚିମ୍‍ତେ ପାକେ ମାବ୍ ତେଦାନାଦ୍ ଉଡ଼୍ କେ ମିଡ଼୍ ସାଙ୍ଗେ ସାଙ୍ଗେ କେଲ୍‍ମୁଟ୍, ୱାର୍‍ସାମ୍ ୱାଦୁତ୍, ଆଦ୍‍ଲେକାମ୍ ଗଟେମ୍ ଆଦ୍ ତେ । 
\v 55 ମେଣ୍ଡେ, ଦକ୍ଷିଣ୍ ପାକେତ୍ ଗାଲ୍ ୱାଦୁତ୍ ଇତ୍‍କେ, ମିଡ଼୍ କେଲ୍‍ମୁଟ୍, ଏଦ୍ ତାର୍‍ଦିତେ, କେତ୍‍କେ ଆଲେ ଆଦ୍‍ତେ । 
\v 56 ରେ ମଣ୍ଡିଡ଼ି, ମିଡ଼୍ ପୃତିବି ନୁ ମାବ୍‍ତିଙ୍କ୍ ଉଡ଼ି ୱାର୍‍ସାମ୍ ପାଗ୍ ବିଷୟତେ କେତେ ପାର୍‌ଦ୍‌ତିଡ଼୍; ଆଗେକ୍‍ବା ଇଞ୍ଜେତ୍ ଯୁଗ୍‍ତାଦ୍ ପରିକ୍ଷାସାରେ ପୁନ୍ଦାଙ୍କ୍ ପାର୍‍ୱିଡ଼୍ ?
\s ବିରୁଦିଡ଼୍ ତଡ଼୍ କାଇଲାନାଦ୍
\r (ମାତିଉ ୫:୨୫-୨୬)
\p
\v 57 “ମେଣ୍ଡେ, ନିଜେ ନିଜେ ବାତେଙ୍କ୍ ସାୟେତାଦ୍ ବିଚାର୍ ମାଡ଼୍‍ୱିଡ଼୍ ? 
\v 58 ଯଦି ବେନ ମିକିଂଙ୍କ୍ ମକଦମା ମାଡ଼ି ବିଚାର୍ ଲୋତ୍‍ତାଗ୍ ଆଦ୍‍ତନ୍, ଆସୁଟେ ଅନ୍‌ ତଡ଼୍ ନିଜର୍ ବିଷୟତେ ନିଲ୍‍ପ୍‍ତେ ମାଡ଼ାଙ୍କ୍ ଆଲ୍‍ସି ମାଡ଼ିତି । ଯଦି ଆଲା ମାଡ଼କ୍ ଅଣ୍ଡ୍‌ ନିକିଂଙ୍କ୍ ବିଚାର୍ କର୍ତ୍ତାନ୍ ଗାର୍‍ରେ ଆଦ୍‍ତନ୍ ନୁ ଅଣ୍ଡ୍‌ ନିକିଂଙ୍କ୍ ପୁଲିସିଡ଼୍ କାଇଦେ ପସ୍‍ପିଦ୍‍ତଣ୍ଡ୍ ନୁ ପୁଲିସିଡ଼୍ ନିକିଂଙ୍କ୍ କାରାଗାର୍‍ ତାଗ୍ ୱାଟିଦ୍‍ତଡ଼୍ । 
\v 59 ନାନେ ନିକିଂଙ୍କ୍ କେତୁତାନ୍, ନି ପର୍‍ର ୱାଟ୍‍ତେ ସାରେ କାମ୍‍ଦେନନ୍‍ ୱେରନ୍ ପାଇସା ମିକା ଇୱେଯାକ ନିମ୍‍ ଆଗାଙ୍କ୍ କଲାସ୍ ଆଦାଙ୍କ୍ ପାର୍‍ୱିନ୍ ।”
\c 13
\s ପାପ୍ କନ୍‍ସ୍ ମାଲ୍‍ମୁଟ୍ ଇଲୁକ୍ ଡୋଲାଟ୍
\p
\v 1 ଆଦ୍ ଦିନାମ୍ ତେ ଆଗେ ମାନ୍ଦାନ୍ ବେସ୍‍ତୁଡ଼୍ ନାରୁଡ଼୍ ଜିସୁଙ୍କ୍ କେତ୍‍ତଡ଼୍ ଯେ, ଗାଲିଲୀୟ ନାରୁଡ଼୍ ଇଶ୍ୱର୍‌ ତେ ଗାର୍‍ରେ ବଲି ଉତ୍ସର୍ଗ ମାଡ଼ାନ୍ ୱେଲେ ପିଲାତ ଅଡ଼୍‌‍କିଂଙ୍କ୍ ହାୱ୍‍କି ମାତ୍‍ତଡ଼୍ । 
\v 2 ଆସୁଟେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ମିଡ଼୍ ବାତ୍ ଆଲ୍‍ସୁତିଡ଼୍ ଯେ, ହି ନାରୁଡ଼୍ ଗାଲିଲୀୟ ନାର୍‍ଦେ ଲୋପେଙ୍କ୍ ଗାଟି ପାପି ମାତ୍‍ତଡ଼୍ ଇଞ୍ଜ ଅଡ଼୍‌‍କିଂଙ୍କ୍ ଇଦ୍ ହାୱୁକ୍‍ତେ ଆଦ୍ ୱେୟ୍‍ତା କି ? 
\v 3 ନାନେ ମିକିଂଙ୍କ୍ କେତୁତାନ୍, ଇଲା, ବାତେଙ୍କ୍ ଇତ୍କେ ପାପତାଗାଙ୍କ୍ ମନ୍ ପରିବର୍ତ୍ତନ୍ ମାଡ଼କଟ୍ ମାତ୍‍କେ ମିଡ଼୍‍ଆନ୍‌‍ତେ ସାରେ ରକମ୍ ନଷ୍ଟ ଆଦ୍‍ତିଡ଼୍ । 
\v 4 ଶିଲୋହତାଗ୍ ବେଲା ୱେରନ୍ ନାରୁଡ଼୍ ପରୁ ବେଡ଼୍‍ୟାଦ୍‍ ଲୋନ୍‌‍ ଉର୍‍ଙ୍ଗି ରାଲ୍‍ତେ, ମିଡ଼୍ ବାତ୍ ଆଲ୍‍ସୁତିଡ଼୍ ? ଅଡ଼୍‌‍ ଯିରୁଶାଲେମ୍‍ତାଗ୍ ମାନ୍ଦାନ୍ ନାରୁଡ଼୍ ୱିଡ଼୍‍ସି ଅଦିକ୍‌ ପାପି ମାତ୍‍ତଡ଼୍ କି ? 
\v 5 ନାନେ ମିକିଂଙ୍କ୍ କେତୁତାନ୍, ଇଲା, ବାତେଙ୍କ୍ ଇତ୍କେ ପାପତାଗାଙ୍କ୍ ମନ୍ ପରିବର୍ତ୍ତନ୍ ମାଡ଼କଟ୍ ମାତ୍‍କେ ମିଡ଼୍‍ଆନ୍‌‍ତେ ସାରେ ରକମ୍ ନଷ୍ଟ ଆଦ୍‍ତିଡ଼୍ ।
\s ଆଦକଟ ମାନ୍ଦାନ୍ ତୟ୍‍ମାଡ଼େତ୍ ୱେଷଡ଼୍
\p
\v 6 ଆସୁଟେ, ଜିସୁ ଅଡ଼୍‌‍କିଂଙ୍କ୍ ଇଦ୍ ୱେଷଡ଼୍ କେତ୍‍ତଣ୍ଡ୍, “ୱେରନ୍ ଅଙ୍ଗୁର୍ ଗୁଡ଼େତାଗ୍ ୱେରଡ଼୍ ତୟେମାଡ଼ା ମାତ୍‍ତା, ଅଣ୍ଡ୍‌ କାୟାନ୍ ସେଙ୍ଗେ ମାଡ଼େତ୍ ଗାର୍‍ରେ ଆତ୍‍ତଣ୍ଡ୍, ବାତେଙ୍କ୍ ଇତ୍କେ ବାତେମିକା ଦର୍‍କ୍‍ତଣ୍ଡ୍ । 
\v 7 ଆସୁଟେ ଅଣ୍ଡ୍‌ ଆଦ୍ ବଗିଚାତେ ମାଲିକ୍‍ତିଙ୍କ୍ କେତ୍‍ତଣ୍ଡ୍, ଉଡ଼େ, ମୁଣ୍ଡ୍ ଏଣ୍ଡ୍ ଆଦୁତ୍‍ ନାନେ ୱାସ୍ ହି ତୟେମାଡ଼୍‍ତାଗ୍‍ କାୟା ମେହ୍‍କୁତାନ୍, ଇତ୍କେ ଦର୍‍ସ୍‍କାନଙ୍କ୍ ପାର୍‍ୱନ୍‍; ଇଦିଙ୍କ୍‍ ନାଡ଼୍‍କି ଏସାଟ୍‍ ବାତେଙ୍କ୍‍ଇତ୍‍କେ ଇଦ୍‍ ବୂମ୍‌ଦିଙ୍କ୍‍ ମିକା ନଷ୍ଟ ମାଡ଼ୁତେ । 
\v 8 ବାତେଙ୍କ୍ ଇତ୍କେ ଚାକର୍ ମାଲିକ୍‍ତିଙ୍କ୍ କେତ୍‍ତଣ୍ଡ୍, ୱେରଡ଼୍ ଏଣ୍ଡେତ୍ ମାଇଦିଙ୍କ୍ ଇଦିଙ୍କ୍ ୱିଡ଼୍‍ସିମ୍, ନାନେ ଇଦିଙ୍କ୍ ଚାର୍‍ପାକା ଡେୱିମେଣ୍ଡେ କାତାମ୍ ହିଦ୍‍ତାନ୍, 
\v 9 ୱାଦାନ୍ ଏଣ୍ଡ୍ ଯଦି ହି ମାଡ଼େତାଗ୍ କାୟା ଆଦିତ୍‍ ହିତ୍‍କେ ତ ସାୟ୍ । ଇଲୁକ୍‍ ଆଦକଟ ମାତ୍‍କେ ଆସୁଟେ ହି ମାଡ଼େତିଙ୍କ୍ ନାଡ଼୍‍କିମ୍ ।”
\s ଜିସୁ ଅରଟ୍ ମୁର୍ଗ ନାଟାଡ଼୍‍ତିଙ୍କ୍ ବିଶ୍ରାମବାରତାଗ୍ ସୁସ୍ଥ ମାଡ଼୍‍ତଣ୍ଡ୍
\p
\v 10 ଅଣ୍ଡ୍‌‍ଦାମ୍‍ ଜିସୁ ବିଶ୍ରାମ୍‍ଦିନାତେ ୱେରଡ଼୍ ଯିହୁଦୀ ପ୍ରାର୍ତନା ମାଡ଼ାନ୍ ଲୋନ୍‌ ଶିକ୍ଷା ହିସମାତ୍‍ତଣ୍ଡ୍ । 
\v 11 ଆଗେ ୱେରଡ଼୍ ନାଟାଡ଼୍ ମାତ୍‍ତେ ବେଲା କି ଅଟ୍ର ଏଣ୍ଡ୍ ଯାକ ଅଣ୍ଡୟ୍‌ ବୁତ୍ ଆତ୍ମା ତେ ମୁର୍ଗ ଆଶେ ମାତ୍‍ତେ । ନିଜ୍‍ତିଙ୍କ୍ ବେଲାମେଣ୍ଡେ ମାଡ଼ି ତିନାଙ୍କ୍ ଆଦାଙ୍କ୍ ପାର୍‍ୱକଟ ମାତ୍‍ତେ । 
\v 12 ଜିସୁ ତାକିଂଙ୍କ୍ ଉଡ଼ି ଗାର୍‍ରେ କାର୍‍ଙ୍ଗି କେତ୍‍ତଣ୍ଡ୍, ହୋ ନାଟାଡ଼୍‍ତି, ନି ଦୁର୍ବଲ୍‍ତାଗାଙ୍କ୍ ମୁକ୍ତ ଆଦ୍‍ତିଡ଼୍ । 
\v 13 ଆସୁଟେ, ଜିସୁ ତାନ୍ ପରୁ କାୟ୍ ୱାଟ୍‍ତଣ୍ଡ୍, ଆସୁଟେ, ଆଦ୍ ନାଟାଡ଼୍ ସାଙ୍ଗେ ସାଙ୍ଗେ ତିନାଙ୍କ୍ ଆସ୍ ନିସ୍ ପର୍‍ମେଶ୍ୱରତ୍ ମହିମା ବା ସ୍ତୁତି ମାଡ଼୍‍ତେ ।
\p
\v 14 ବାତେଙ୍କ୍ ଇତ୍କେ ଜିସୁ ବିଶ୍ରାମ୍‍ଦିନାତେ ସୁସ୍ଥ ମାଡ଼୍ ତାଙ୍କ୍ ପ୍ରାର୍ତନା ମାଡ଼ାନ୍ ‍ଲୋତ୍‍ତେ ମୁକ୍ୟାଲ୍ କପାମ୍ ଆସ୍ ନାରୁଡ଼୍‍କିଂଙ୍କ୍ କେତ୍‍ତଣ୍ଡ୍, “ପାଡ଼ିୟ୍‍ ମାଡ଼ାନ୍ ମାଇଦିଙ୍କ୍ ଆରୁଦିନା ଦିନାମ୍ ମିନ୍ଦେ । ଆଦ୍ ଦିନାତେ ୱାସ୍ ସୁସ୍ଥ ଆୟ୍‍ମୁଟ୍, ବିଶ୍ରାମଦିନା ତେ ୱାଡ଼୍‍ମାଟ୍‍ ।”
\p
\v 15 ବାତେଙ୍କ୍ ଇତ୍କେ ପ୍ରବୁ ଅଂକିଙ୍କ୍‌ କେତ୍‍ତଣ୍ଡ୍, “ହୋ ମଣ୍ଡିଡ଼ି ମିଡ଼୍ ବାତ୍ ବିଶ୍ରାମ୍‍ଦିନାତେ ମି ଗଡ୍‌କିଂଙ୍କ୍ କି ଗଦତିଙ୍କ୍ କଟାତାଗାଙ୍କ୍ ୱିଡ଼୍‍ସି ହେର୍‍ ହୁସ୍‍ପାଙ୍କ୍ ବାୟିଦେ ଆୟ୍‍ୱିଡ଼୍ କି ? 
\v 16 ଆଦ୍ ଅଣ୍ଡୟ୍‌ ଅବ୍ରାହାମ୍‌ତେ ବଂଶତେ ପିକିଡ଼୍ । ଶୟ୍‍ତାନ୍‍ ତାକିଂଙ୍କ୍ ଅଟ୍ର ଏଣ୍ଡ୍ ଆଇନା ତହ୍‍ସ୍‍ମାତ୍, ବିଶ୍ରାମ୍‍ଦିନାତେ ଆଦ୍ ମୁକ୍ତ ବା ସୁସ୍ଥ ଆଦ୍‍ଦାନ୍ ଲେକେତ୍ ଇଲେ କି ?” 
\v 17 ଇଦ୍ ଗଟ୍ ତାମ୍ ଶିଷ୍ୟଡ଼କ୍ ସିଗ୍ ମାଡ଼୍‍ତେ, ଆଗେକ୍‍ବା ତାମାଦ୍ ବାକ୍‍ୱା ପାଡ଼ିୟିତ୍ ମାଇଦିଙ୍କ୍ ନାରୁଡ଼୍ ସାରେତଡ଼୍ ସାର୍‍ଦା ଆଦ୍‍ତଡ଼୍ ।
\s ସୋରିଷ ପେଡ଼େମ୍‍ତାଦ୍ ୱେଷଡ଼୍
\r (ମାତିଉ ୧୩:୩୧-୩୨; ମାର୍କ ୪:୩୦-୩୨)
\p
\v 18 ଆସୁଟେ ଜିସୁ ପାଚ୍ରାମାଡ଼୍‍ତଣ୍ଡ୍, “ପରମେଶ୍ୱର୍‍ତେ ରାଜ୍ୟ ବେଦ୍‍ପୁଟୁଙ୍କ୍ ? ମେଣ୍ଡେ, ନାନେ ହିଦିଙ୍କ୍ ବେନନ୍ ତ ସାମାନ୍‍ ମାଡ଼୍‍ପାର୍‍ଦ୍‍ ତାନ୍ ? 
\v 19 ପରମେଶ୍ୱର୍‍ତେ ରାଜ୍ୟ ଅଣ୍ଡୟ୍‌ ସୋରିଷ ପେଡ଼େମ୍‍ତେ ଲେକାମ୍ । ୱେରନ୍ ନାରୁଡ଼୍ ଆଦ୍ ସୋରିଷ ପେଡ଼େମ୍‍ତିଙ୍କ୍ ଅଣ୍ଡ୍‌ ବଗିଚାତାଗ୍ ୱିତିତଣ୍ଡ୍ । ପେଡ଼େମ୍‍ତାଗାଙ୍କ୍ ଗାଜ୍‍ଜେ ପେୟ୍‍ସ୍‍ ମାଡ଼ା ଆଦ୍ ତେ ଆଦ୍ ମାଡ଼୍‍ତେ କମ୍‍ତାଗ୍ ପିଟେ ତୁଉକା ତାରିତା ।”
\s କମୀରତେ ୱେଷଡ଼୍
\r (ମାତିଉ ୧୩:୩୩)
\p
\v 20 ଜିସୁ ମେଣ୍ଡେ କେତ୍‍ତଣ୍ଡ୍, “ନାନ୍ ପରମେଶ୍ୱର୍‍ତେ ରାଜ୍ୟତିଙ୍କ୍ ବେନନ୍ ତ ସାମାନ୍‍ ମାଡ଼୍‍ପାର୍‍ଦ୍‍ ତାନ୍ ? 
\v 21 ଇଦ୍ ଅଣ୍ଡ୍‌ କମୀରତେ ଲେକାମ୍ । ୱେରଡ଼୍ ନାଟାଡ଼୍ ରୂଟି ତିଆର୍ ମାଡ଼ାନ୍ ମାଇଦିଙ୍କ୍ ଅଣ୍ଡୟ୍‌ ବେଡ଼୍‍ୟାଦ୍‍ ଗିନେତାଗ୍ ମାନ୍ଦାନ୍ ଅଟା ତଡ଼୍ ହି କମୀରତିଙ୍କ୍ କାଲ୍‍ପିତ୍ । କମୀର ଅଟାତିଙ୍କ୍ ତୟ୍‍ପିତ୍‍ତେ ।”
\s ସୁଦୁରାଦ୍ ଆର୍
\r (ମାତିଉ ୭:୧୩,୧୪,୨୧-୨୩)
\p
\v 22 ଜିସୁ ସାରେ ନାର୍ ନୁ ନାର୍ ଆଞ୍ଜ୍ ଶିକ୍ଷା ହିସମାତ୍‍ତଣ୍ଡ୍, ଅନ୍‌ ତାକି ଯିରୁଶାଲେମ୍‍ତ୍‍ ପାକେ ଆତ୍‍ତଣ୍ଡ୍ । 
\v 23 ଆସୁଟେ, ମେଣ୍ଡେ ୱେରଣ୍ଡ୍ ଜିସୁଙ୍କ୍ କେତ୍‍ତଣ୍ଡ୍, “ପ୍ରବୁ ବେସ୍‍ତୁଡ଼୍ ନାରୁଡ଼୍ ପରିତ୍ରାଣ ଆଦ୍ ପାର୍‍ଦ୍‍ତଡ଼୍ ? ବାତେଏ ସୁକୁକେ ନାରୁଡ଼୍ ?” 
\v 24 “ସୁଦୁରାଦ୍ ହାର୍‍ଇସ୍ ସ୍ୱର୍ଗତାଗ୍ ଆଦ୍‍ଦାନ୍ ମାଇଦିଙ୍କ୍ ଆଲ୍‍ସି ମାଡ଼ାଟ୍ । ବାତେଙ୍କ୍ ଇତ୍କେ ନାନେ କେତୁତାନ୍, ନାର୍ଗେମାନ୍ଦେ ଆଦ୍‍ଦାନ୍ ମାଇଦିଙ୍କ୍ ଆଲ୍‍ସି ମାଡ଼ିତଡ଼୍ ? ବାତେଙ୍କ୍ ଇତ୍କେ ଆଦାଙ୍କ୍ ପାର୍‍ୱଡ଼୍ । 
\v 25 ଲୋତ୍‍ତେ ମାଲିକ୍ ତେଦି କାପାଟ୍‍ତିଙ୍କ୍ ବନ୍ଦ୍ ମାଡ଼୍‍ତେ ପେର୍‍କେ, ମିଡ଼୍ ବାୟିଦେ ନିସ୍ ମେଣ୍ଡେ କାପାଟ୍‍ତିଙ୍କ୍ ତାଲ୍‍ସିତିଡ଼୍, ବା ଅନୁରଦ୍‌‍ ମାଡ଼ି କେତିତିଡ଼୍, ମାଲିକ୍, ମା ମାଇଦିଙ୍କ୍ କାପାଟ୍‍ ତେର୍‍ସିମ୍ । ବାତେଙ୍କ୍ ଇତ୍କେ ଅଣ୍ଡ୍‌ କେତିତଣ୍ଡ୍, ମିଡ଼୍ ବେନେ ଜାଗେତେ ନାରୁଡ଼ି, ବା ବେଗାଙ୍କ୍ ୱାସ୍‍ମିନ୍ଦେଡ଼ି, ନାନେ ଆଦ୍ ପୁନନ୍ । 
\v 26 ତାନ୍ ପେର୍‍କେ ମିଡ଼୍ କେତିତିଡ଼୍, ନିମ୍‍ ନୁ ମାମ୍ ଅଣ୍ଡୟାଗେ ମାଞ୍ଜ କାୟ୍‍ଲି ତିତ୍‍ତାଡ଼୍ । ନିମେ ମା ନାର୍ ଶିକ୍ଷା ଇସ୍‌‍ମାତିନ୍ 
\v 27 ଆସୁଟେ, ଅଣ୍ଡ୍‌ କେତ୍‍ତଣ୍ଡ୍, ମିଡ଼୍ ବେନେ ପାଡ଼୍‍ଗେତେ ନାରୁଡ଼ି, ବା ବେଗାଙ୍କ୍ ୱାସ୍‍ମିନ୍ଦେଡ଼ି, ନାନେ ଆଦ୍ ପୁନନ୍ । ମିଡ଼୍ କାରାପ୍‍ ପାଡ଼୍‌ୟି ମାଡ଼ାନ୍ ନାରୁଡ଼ି, ନାୟାଗାଙ୍କ୍ ଜେକା ଆୟ୍‍ମୁଟ୍ । 
\v 28 \x + \xo ୧3:୨୮ \xo*\xt ମାତିଉ ୨୨:୧3; ୨୫:3୦.\xt*\x*\x + \xo ୧3:୨୮ \xo*\xt ମାତିଉ ୮:୧୧,୧୨.\xt*\x*ବେସୁଙ୍କ୍‍ ମିଡ଼୍ ଅବ୍ରାହାମ୍‌, ଇସ୍‍ହାକ୍ ନୁ ଯାକୁବ୍ ନୁ ସାରେ ବାବବାଦୀଡ଼୍ ପରମେଶ୍ୱର୍‍ତେ ରାଜ୍ୟତାଗ୍ ମାନ୍ଦାନାଦ୍ ଉଡ଼ିତଡ଼୍ ବାତେଙ୍କ୍ ଇତ୍କେ ନିଜେ ବାୟିଦେ ରାଲିମାନ୍ଦାନାଦ୍ ଉଡ଼ିତଡ଼୍, ଆସୁଙ୍କ୍ ଆଗେ ନିଜେ କେୟାନାଦ୍ ନୁ ପାଲ୍‍କ୍ କିଟ୍‍ରୁମ୍ କାଟ୍‍ରୁମ୍ ଆଦାନାଦ୍ କେଞ୍ଜିତଡ଼୍ । 
\v 29 ପୂର୍ବ ନୁ ପଶ୍ଚିମ୍, ଉତ୍ତର୍ ନୁ ଦକ୍ଷିଣ୍‍ପାକେତ୍ ନାରୁଡ଼୍ ୱାସ୍ ପରମେଶ୍ୱର୍‍ତେ ରାଜ୍ୟତାଗ୍ ତିନ୍ଦାଙ୍କ୍ କୁଦିତଡ଼୍ । 
\v 30 \x + \xo ୧3:3୦ \xo*\xt ମାତିଉ ୧୯:3୦; ୨୦:୧୬; ମାର୍କ ୧୦:3୧.\xt*\x*ଆସୁଟେ ଉଡ଼ାଟ୍, ବେନଡ଼୍ ଇଞ୍ଜେ ପେର୍‍କେ ମାନ୍ଦାନଡ଼୍ ବେସ୍‍ତୁଡ଼୍ ମୁନ୍‍ ଆଦ୍‍ତଡ଼୍ ମେଣ୍ଡେ, ମୁନ୍‍ ମାନ୍ଦାନଡ଼୍ ବେସ୍‍ତୁଡ଼୍ ପେର୍‍କେ ଆଦ୍‍ତଡ଼୍ ।”
\s ଯିରୁଶାଲେମ୍‍ତାଗ୍ ଜିସୁନାଦ୍ ପ୍ରେମ୍
\r (ମାତିଉ ୨୩:୩୭-୩୯)
\p
\v 31 ଆଦ୍ ଦିନାମ୍ ତେ ବେସ୍‍ତୁଡ଼୍ ପାରୂଶୀ ନାରୁଡ଼୍ ୱାସ୍ ଜିସୁଙ୍କ୍ କେତ୍‍ତଡ଼୍, “ହି ପଡ଼ିୟ୍ ୱିଡ଼୍‍ସି ବେଗ୍‍ଆୟି ଅନ୍‌ । ବାତେଙ୍କ୍ ଇତ୍କେ ହେରଦ୍ ରାଜାଲ୍ ନିକିଂଙ୍କ୍ ଆୱ୍‍କାଂଙ୍କ୍ ଇଚ୍ଛା ମାଡ଼ୁତଣ୍ଡ୍ ।”
\p
\v 32 ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ଆନୁଟ୍, ଆଦ୍ କଙ୍ଗାନାକାତିଙ୍କ୍ କେଲ୍‍ମୁଟ୍, ନାନେ ନେଣ୍ଡ୍ ନୁ ନାଡ଼୍ ବୁତ୍‌କିଂଙ୍କ୍ ତଲିତାନ୍ ମେଣ୍ଡେ ନୁ ନାରୁଡ଼୍‍କିଂଙ୍କ୍ ସୁସ୍ଥ ମାଡ଼ିତାନ୍, ମୁଣ୍ଡ୍ ଦିନାତେ ନା ପାଡ଼ିୟ୍‍ ତେରିତ୍ । 
\v 33 ବେଲାମେଣ୍ଡେ ଆୟି, ନାକିଂଙ୍କ୍ ନେଣ୍ଡ୍, ନାଡ଼୍ ନୁ ମାନେଟି ଯାକ ଆଦ୍‍ ୱେୟ୍‍ତିତ୍, ବାତେଙ୍କ୍ ଇତ୍କେ ଯିରୁଶାଲେମ୍‍ତେ ବାୟିଦେ ବାବବାଦୀଡ଼୍ ଡୋଲାନାଦ୍ ଲେକେତ୍ ଆୟ୍‍ୟ ।
\p
\v 34 ହୋ ଯିରୁଶାଲେମ୍ ହୋ ଯିରୁଶାଲେମ୍ ନିମେ ତ ବାବବାଦୀ ଲଡ଼୍‍କିଙ୍କ୍ ଆୱ୍‍କ୍‌ତି । ବେନ୍ ନାରୁଡ଼୍‍କିଂଙ୍କ୍ ପରମେଶ୍ୱର୍‍ ନି ଗାର୍‍ରେ ରୟ୍‍ସ୍‍ ମାତ୍‍ତେ, ନିମେ ଅଡ଼୍‌‍କିଂଙ୍କ୍ କାଲ୍‍କ୍ ହେସି ରେହେତିଡ଼୍‍ । ୱେରଡ଼୍ କୋର୍‍ ତାନ୍ ରେକାନ୍ ମଦଲ୍ କୋର୍‍ପିଲାଙ୍କ୍ ଅଣ୍ଡୟ୍‌‍ୟାଗ୍ ଗୁଡ଼୍‍ପାନ୍ ଲେକାମ୍, ନାନେ ମି ନାରୁଡ଼୍‍କିଂଙ୍କ୍ ଅଣ୍ଡୟ୍‌‍ୟାଗ୍ ଗୁଡ଼୍‍ପାଙ୍କ୍ ଇଚ୍ଛା ମାଡ଼ିମାତ୍‍ତାନ୍ । ବାତେଙ୍କ୍ ଇତ୍କେ ମିଡ଼୍ ନାକିଂଙ୍କ୍ ଆଦ୍ ଲେକାମ୍ ମାଡ଼ାଙ୍କ୍ ହିୱିଡ଼୍ । 
\v 35 ଉଡ଼େ, ନିୟାଦ୍ ମନ୍ଦିର୍‍ତିଙ୍କ୍ ମି ନାରୁଡ଼୍ ୱିଡ଼୍‍ସିତ୍‍ତଡ଼୍ । ନାନେ ନିକିଂଙ୍କ୍ କେତୁତାନ୍, “ପ୍ରବୁନ୍ ପେଦେର୍ ତେ ବେନ ୱାଦୁତଣ୍ଡ୍, ଅନ୍‌ ଦନ୍ୟ, ଇଦ୍ କେଲ୍‍ୱେ ଯାକ ନିମ୍‍ ନାକିଂଙ୍କ୍ ମେଣ୍ଡେ ଉଡ଼୍ ପାର୍‍ୱିନ୍ ।”
\c 14
\s ଜିସୁ ୱେର୍‍ଣ୍ଡ୍ ନାରୁଙ୍କ୍ ସୁସ୍ଥ ମାଡ଼୍‍ତଣ୍ଡ୍
\p
\v 1 ଅନ୍‌‍ଦାମ୍ ବିଶ୍ରାମ୍‍ଦିନାତେ ଜିସୁ ୱେରଣ୍ଡ୍ ପାରୂଶୀ ନାରୁଡ଼୍ ନେତାନ୍ ଲୋନ୍‌ ତିନ୍ଦାନ୍ ମାଇଦିଙ୍କ୍ ଆତ୍‍ତଣ୍ଡ୍, ମେଣ୍ଡେ ଅଡ଼୍‌‍ ଆଗେ ଜିସୁଙ୍କ୍ ସାୟ୍ ଲକ୍ଷ ମାଡ଼ି ଉଡ଼ମାତ୍‍ତଡ଼୍ । 
\v 2 ଆସୁଟେ ଉଡ଼େ, ଜିସୁନ୍ ମୁନେ ୱେରଣ୍ଡ୍ ଜଲଦର ରୋଗ୍‍ତେ ନାରୁନ୍‌ ମାତ୍‍ତଣ୍ଡ୍ । 
\v 3 ଜିସୁ ପାରୂଶୀନଡ଼କ୍ ନୁ ଦର୍ମଶାସ୍ତ୍ରୀନଡ଼କ୍ କେତ୍‍ତଣ୍ଡ୍, ବିଶ୍ରାମ୍‍ଦିନାତେ ସୁସ୍ଥ ମାଡ଼ାନାଦ୍ ଟିକ୍ ନିୟମ୍‍ ନା ଆୟ ? ବାତେଙ୍କ୍ ଇତ୍କେ ଅଡ଼୍‌‍ କଟ ଆଶେ ମାତ୍‍ତଡ଼୍ ।
\p
\v 4 ଆସୁଟେ, ଜିସୁ ଆଦ୍ ନାରୁଙ୍କ୍ ପୟିସ୍ ସୁସ୍ଥ ମାଡ଼୍‍ତଣ୍ଡ୍ ନୁ ରୟ୍‍ସିତ୍‍ ତଣ୍ଡ୍ । 
\v 5 \x + \xo ୧୪:୫ \xo*\xt ମାତିଉ ୧୨:୧୧.\xt*\x*ଆସୁଟେ, ଜିସୁ ଅଡ଼୍‌‍କିଂଙ୍କ୍ ଉତ୍ତର୍‌ ଇସ୍‌ କେତ୍‍ତଣ୍ଡ୍, “ମି ଲୋପେଙ୍କ୍ ବେନନ୍ ମାର୍‍ କି ଗଡ୍‌କନ୍ଦ୍‌ ବିଶ୍ରାମ୍‍ଦିନ୍‍ ତେ ନୂୟ୍‍ଦାଗ୍‍ ରାଲ୍‍କେ, ମିଡ଼୍ ବାତେଏ ତାକିଂଙ୍କ୍ ସାଙ୍ଗେ ସାଙ୍ଗେ ତେୟ୍‍ସ୍ ତାଡ଼୍‍ୱିଡ଼୍ ?”
\p
\v 6 ମେଣ୍ଡେ ଅଡ଼୍‌‍ ଆଦ୍ ବିଷୟ ତେ ବାତ୍ ଉତ୍ତର୍ ଇଦ୍ ପାର୍‍ୱଡ଼୍ ।
\s ନମ୍ର ଆଦାନାଦ୍ ନୁ ସେବା ମାଡ଼ାନାଦ୍
\p
\v 7 ଜିସୁ ଉଡ଼୍‍ତଣ୍ଡ୍ ଯେ, ବେସ୍‍ତୁଡ଼୍ କୁଟ୍‍ମାମ୍‍ ତଡ଼୍ କୁଦାନ୍‍ ମାଇଦିଙ୍କ୍ ସାୟେତ୍ କେତ୍‌ ମେହ୍‍କ ମାତ୍‍ତଡ଼୍ । ଆସୁଟେ, ଜିସୁ ଅଡ଼୍‌‍କିଂଙ୍କ୍ ହି ୱେଷଡ଼୍ କେତ୍‍ତଣ୍ଡ୍, 
\v 8 “ଯଦି ୱେରଣ୍ଡ୍ ନାରୁଡ଼୍ ନିକିଂଙ୍କ୍ ପେଣ୍ଡୁଲ୍‍ତାଗ୍ କାର୍‍ଙ୍ଗୁତଣ୍ଡ୍, ଆଲାତ୍କେ ସାର୍‍ତିଙ୍କ୍ ମୁକ୍ୟ କୁର୍‍ସ୍‍ତାଗ୍‍ କୁଦ୍‍ମା । ବାତେଙ୍କ୍ ଇତ୍କେ ଆଦ୍ ନାରୁଡ଼୍ ନିକିଂଙ୍କ୍‌ ଆନ୍ତେ ଅଦିକ୍‌ ବେଡ଼୍‍ୟ୍ ନାରୁଡ଼୍ କାର୍‍ଙ୍ଗି ମାନ୍‍ତଣ୍ଡ୍ । 
\v 9 ନିମ୍‍ ଯଦି ସାର୍‍ତିଙ୍କ‍ ଅନ୍‌ ମୁକ୍ୟ ଆସନ୍ ତାଗ୍ କୁଦି ମାନ୍‍ତି, ଆଲାତ୍କେ ନିକିଂଙ୍କ୍ କାର୍‍ଙ୍ଗିମାନ୍ଦାନ୍ ନାରୁଡ଼୍ ୱାସ୍ କେତିତଣ୍ଡ୍, ହି ନାରୁଙ୍କ୍ ନିୟାଦ୍ ଆସନ୍ ହିମ୍ । ଆସୁଙ୍କ୍ ନିକିଂଙ୍କ୍ ଗାଟି ଅପ୍‍ମାନ୍ ଆଦ୍ ତେ । 
\v 10 ବେସୁଙ୍କ୍‍ ୱେରଣ୍ଡ୍ ନାରୁଡ଼୍ ନିକିଂଙ୍କ୍ ବଜିତାଗ୍ କାର୍‍ଙ୍ଗୁତଣ୍ଡ୍ ଆସୁଟେ, ନିମେ ୱେରଡ଼୍ ସୁଦୁରାଦ୍ ଆସନ୍ ତାଗ୍ କୁଦ୍ । ଆସୁଙ୍କ୍ ନିକିଂଙ୍କ୍ କାର୍‍ଙ୍ଗ୍‍ତେ ନାରୁଡ଼୍ ୱାସ୍ ନିକିଂଙ୍କ୍ କେତିତଣ୍ଡ୍, ହୋ ସାଙ୍ଗ, ନିମେ, ହିଗେ କୁଦକଟ ସୁଦୁର୍ ମୁନ୍‍ୱାସ୍ ହି ସାୟେତ୍ ଆସନ୍ ତାଗ୍ କୁଦ୍‍ । ଆସୁଙ୍କ୍ ବାଗାତଡ଼୍ ୱାସ୍‍ମାନ୍ଦାନ୍ କୁଟ୍‍ମାମ୍‍ ଆନ୍‌‍ତେ ନିକିଂଙ୍କ୍ ସମ୍ମାନ୍ ଇଦ୍‍ତଡ଼୍ । 
\v 11 \x + \xo ୧୪:୧୧ \xo*\xt ମାତିଉ ୨3:୧୨; ଲୁକ ୧୮:୧୪.\xt*\x*ବେନ୍ ନାରୁଡ଼୍ ନିଜ୍‍ତିଙ୍କ୍ ମହାନ୍ ଇଞ୍ଜ ଆଲ୍‍ସିତିଡ଼୍, ଅଂକିଙ୍କ୍‌ ହୀନ ମାଡ଼୍‍ୱେୟ୍‍ତିତ୍ । ବେନ୍ ନାରୁଡ଼୍ ନିଜ୍‍ତିଙ୍କ୍ ହୀନ ଇଞ୍ଜ ଆଲ୍‍ସିତିଡ଼୍, ଅଂକିଙ୍କ୍‌ ମହାନ୍ ମାଡ଼୍‍ୱେୟ୍‍ତିତ୍ ।”
\p
\v 12 ଜିସୁ ଅଂକିଙ୍କ୍‌ କାର୍‍ଙ୍ଗି ମାନ୍ଦାନ୍ ପାରୂଶୀ ନାରୁଡ଼୍‍କିଂଙ୍କ୍ କେତ୍‍ତଣ୍ଡ୍, “ନିମେ ବେନଙ୍କ୍ ଆୟି ପାୟାଲ୍ ବା ନାର୍କାତେ ତିନ୍ଦାଙ୍କ୍ କାର୍‍ଙ୍ଗ୍‍ତେ ୱେୟ୍ ମାତର୍ ନି ଦାଦାଲ୍‌, ସାଙ୍ଗଙ୍କ୍, କୁଟୁମାମ୍‍ ସାଉକାର୍‍ରିଡ଼୍ ନୁ ଗାରେତଡ଼୍ ନାରୁଡ଼୍‍କିଂଙ୍କ୍ କାର୍‍ଙ୍ଗ୍‍ମାଟ୍, ବାତେଙ୍କ୍ ଇତ୍କେ ମେଣ୍ଡନ୍‍ଦାମ୍ ଦାମ୍ ଅଡ଼୍‌‍ ଆନ୍‌‍ତେ ନିକିଂଙ୍କ୍ ଅଡ଼୍‌‍ ତ ତିନ୍ଦାଙ୍କ୍ କାର୍‍ଙ୍ଗି ତଡ଼୍ । ଆସୁଙ୍କ୍ ନିମେ ନିୟାଦ୍ ସାରେଦାନ୍ ଦର୍‍ସ୍‍ତିନ୍ । 
\v 13 ବାତେଙ୍କ୍ ଇତ୍କେ ବୋଜି ହିଦାନ୍ ଦିନାମ୍ ତେ ଗୋରିବ୍, ପଙ୍ଗୁ, କୁଟାଲଡ଼୍‍କ୍ ନୁ କାନାଲଡ଼୍‍କିଙ୍କ୍ କାର୍‍ଙ୍ଗାଟ୍ । 
\v 14 ହି ନାରୁଡ଼୍‍କିଂଙ୍କ୍ ବାତା ହିଲ୍‍ୱାଙ୍କ୍ ସାରେବଦଲ୍‍ ତେ ବାତା ଇଦ୍ ପାର୍‍ୱଡ଼୍ । ଆଲାତ୍କେ ମି ମାଇଦିଙ୍କ୍ ଆର୍ଶିବାଦ୍ ଆଦ୍ ତେ । ବାତେଙ୍କ୍ ଇତ୍କେ ବେସୁଙ୍କ୍‍ ଦାର୍ମିକ୍ ନାରୁଡ଼୍ ଡଲ୍‍ତେ ନାରୁଡ଼୍ ଲୋପେଙ୍କ୍ ତେଦିତଡ଼୍, ଆଦ୍ ଦିନାମ୍ ତେ ମିଡ଼୍ ମିୟାଦ୍ ପୁରସ୍କାର୍ ଦର୍‍କିତ୍ ।”
\s ୱେରଡ଼୍ ବେଡ଼୍‍ୟାଦ୍‍ ବଜିତ୍ ତେ ୱେଷଡ଼୍
\r (ମାତିଉ ୨୨:୧-୧୦)
\p
\v 15 ଜିସୁନ୍ ତ ତିନ୍ଦାଙ୍କ୍ କୁଦି ମାନ୍ଦାନ୍ ନାରୁଡ଼୍ ଲୋପେଙ୍କ୍ ୱେରନ୍ ନାରୁଡ଼୍ ହି ସାରେ ଗଟି କେଞ୍ଜି ଜିସୁଙ୍କ୍ କେତ୍‍ତଣ୍ଡ୍, “ପରମେଶ୍ୱର୍‍ତେ ରାଜ୍ୟତାଗ୍ ତିନ୍ଦାନ୍ ମାଡ଼ାନ୍ ନାରୁଡ଼୍ ଗାଟି କୁସି ବା ସାର୍‍ଦା ଆଦ୍‍ତନ୍ ।”
\p
\v 16 ଜିସୁ ଅଂକିଙ୍କ୍‌ କେତ୍‍ତଣ୍ଡ୍, ୱେରଣ୍ଡ୍ ନାରୁଡ଼୍ ୱେରଡ଼୍ ବେଡ଼୍‍ୟାଦ୍‍ ବଜି ମାଡ଼୍‍ତଣ୍ଡ୍ ନୁ ନାର୍ଗେ ନାରୁଡ଼୍‍କିଂଙ୍କ୍ କାର୍‍ଙ୍ଗ୍ ତଣ୍ଡ୍ । 
\v 17 ତିନ୍ଦାନ୍ ଦିନାମ୍ ଆଦାଙ୍କ୍ ଅଣ୍ଡ୍‌ କୁଟ୍‍ମାମ୍ କାର୍‍ଙ୍ଗାନ୍ ମାଇଦିଙ୍କ୍ ନିଜର୍ ଚାକର୍‍ତିଙ୍କ୍ ରହ୍‍ତଣ୍ଡ୍, ୱାଡ଼ାଟ୍, ତିନ୍ଦାନାଦ୍ ସାରେ ତିଆର୍‍ତେ ଆତ୍‍ତେ । 
\v 18 ବାତେଙ୍କ୍ ଇତ୍କେ କାର୍‍ଙ୍ଗ୍‍ତେ ନାରୁଡ଼୍ କେତ୍‍ତଡ଼୍ ଯେ, ଅଡ଼୍‌‍ ଆଦେ ପାର୍‍ୱଡ଼୍ । ମୁନେ ନାରୁଡ଼୍ କେତ୍‍ତଣ୍ଡ୍, ନାନେ ଇଞ୍ଜେ ୱେରନ୍ ୱାୟା ଆସ୍‍ତାନ୍ । ଆଦ୍ ୱାୟାଙ୍କ୍ ଉଡ଼ାନ୍ ମାଇଦିଙ୍କ୍ ନାକିଂଙ୍କ୍ ଇଞ୍ଜ୍ ଆଦ୍ ୱେୟ୍‍ତିତ୍ । ଦୟା ମାଡ଼ି ନାକିଂଙ୍କ୍ କ୍ଷମା ହିମ୍ । 
\v 19 ମେଣ୍ଡେ ୱେରଣ୍ଡ୍ କେତ୍‍ତଣ୍ଡ୍, ନାନେ ଏଇଙ୍ଗ୍ ହେଣ୍ଡ୍‍କ୍ ଗଡ୍‌କନ୍ଦା ଆସିମିନ୍ଦେନ୍ । ନାନେ ଆୱିଙ୍କ୍ ପରିକ୍ଷା ମାଡ଼ାନ୍ ମାଇଦିଙ୍କ୍ ଆଦ୍‍ଦାନ୍ ମିନ୍ଦେ । ଦୟା ମାଡ଼ି ନାକିଂଙ୍କ୍ କ୍ଷମା ମାଡ଼ା । 
\v 20 ତୃତୀୟ ନାରୁଡ଼୍ କେତ୍‍ତଣ୍ଡ୍, ନାନେ ପୁଃନେ ପୁଃନେ ପେଣ୍ଡୁଲ୍ ଆତ୍‍ତାନ୍‍, ନାନ୍ ଆଦ୍‍ପାର୍‍ୱନ୍ ।
\p
\v 21 ଆସୁଟେ, “ଚାକର୍ ମାଲ୍‍ସ୍ ୱାସ୍, ମାଲିକ୍‍ତିଙ୍କ୍ ସାର୍‍ରେଗଟି କେସିତ୍‍ତଣ୍ଡ୍, ମାଲିକ୍ ଆଦ୍ ଗଟି କେଞ୍ଜି ଗାଟି କପାମ୍ ଆତ୍‍ତଣ୍ଡ୍ ବା, କେତ୍‍ତଣ୍ଡ୍, ସିଟ୍‍ପାଟ୍ ନାର୍ ଗଲିକିନାଗ୍ ଆଞ୍ଜ୍ ଦରିଦ୍ର, ପଙ୍ଗୁ, କାନାଲଡ଼କ୍ ନୁ କୁଟା ନାରୁଡ଼୍‍କିଂଙ୍କ୍ କାର୍‍ଙ୍ଗି ତାଡ଼ାଟ୍ । 
\v 22 ପେର୍‍କେ ଚାକର୍ ମାଲ୍‍ସ୍ ୱାସ୍ କେତ୍‍ତଣ୍ଡ୍, ମାଲିକ୍ ନିମେ ବାତ୍ କେତ୍‍ତିନ୍, ଆଦ୍ ନାନେ ମାଡ଼୍‍ତାନ୍ । ମେଣ୍ଡେ, ପେର୍କେ ନାରୁଡ଼୍ ମାଇଦିଙ୍କ୍ ପଡ଼ିୟେ ମାୟ୍‍ତା । 
\v 23 ମାଲିକ୍ ଚାକର୍‍ତିଙ୍କ୍ କେତ୍‍ତଣ୍ଡ୍, ରାଜଆର୍‍ତା ନୁ ନାର୍‍ଦେ ଆର୍‍ଦା ଆଞ୍ଜ୍ । ଆଗେ ମାନ୍ଦାନ୍ ନାରୁଡ଼୍‍କିଂଙ୍କ୍ ୱାଦାନ୍ ମାଇଦିଙ୍କ୍ କେଲ୍‍ମ୍ । ନାନେ ଆଲ୍‍ସୁତାନ୍, ନା ଲୋନ୍‌‍ ପୁରାପୁରି ନିଣ୍ଡି ଇଞ୍ଜ । 
\v 24 ନାନ୍ ମି ସାରେତଡ଼୍‌କିଂଙ୍କ୍ କେତୁତାନ୍, ବଜିତାଗ୍ କାର୍‍ଙ୍ଗ୍ ତେ ନାରୁଡ଼୍ ଲୋପେଙ୍କ୍ ବେନ ନାୱାଦ୍ ବଜି ତିନ୍ଦାଙ୍କ୍ ପାର୍‍ୱଡ଼୍ ।”
\s ଶିଷ୍ୟ ଆଦାନ୍ ମୁଲ୍ୟ
\r (ମାତିଉ ୧୦:୩୭-୩୮)
\p
\v 25 ଅନ୍‌‍ଦାମ୍ ନାର୍ଗେ ନାରୁଡ଼୍ ଜିସୁନ୍ ତ ଆଞ୍ଜ ମାତ୍‍ତଡ଼୍ । ଜିସୁ ନାରୁଡ଼୍‍କିଂଙ୍କ୍ କେତ୍‍ତଣ୍ଡ୍, 
\v 26 \x + \xo ୧୪:୨୬ \xo*\xt ମାତିଉ ୧୦:3୭.\xt*\x*ଯଦି ୱେରଣ୍ଡ୍ ନାରୁଡ଼୍ ନା ଗାର୍‍ରେ ୱାଦ୍‍ତଣ୍ଡ୍, ଯଦି ନାକିଂଙ୍କ୍‍ ୱିଡ଼୍‍ସି ତେ ୟାୟ୍‍ବାବାଙ୍କ୍, ମୁତ୍‍ତେ, ପିଲାଙ୍କ୍, ଏଲାଡ଼୍‍ ତାମୁଣ୍ଡ୍‌ତିଙ୍କ୍‌ ଜିୱୁଣ୍ଡ୍‍ତେ ପ୍ରେମ୍ ମାଡ଼ମାନ୍‍ତଣ୍ଡ୍, ଆସତ୍‍ ନାରୁଡ଼୍ ହିତ୍‍କେ ନା ଶିଷ୍ୟ ଆଦ୍ ପାର୍‍ୱଣ୍ଡ୍ । 
\v 27 \x + \xo ୧୪:୨୭ \xo*\xt ମାତିଉ ୧୦:3୮; ୧୬:୨୪; ମାର୍କ ୮:3୪; ଲୁକ ୯:୨3.\xt*\x*ୱେରଣ୍ଡ୍ ନାରୁଡ଼୍ ନିଜର୍ କ୍ରୁଶତିଙ୍କ୍ କାଞ୍ଜି ନା ପେର୍‍କେ ତାକକଟ୍‍ ମାତ୍‍କେ, ଆସତ୍‍ ନାରୁଡ଼୍ ନା ଶିଷ୍ୟ ଆଦ୍ ପାର୍‍ୱଣ୍ଡ୍ ।
\p
\v 28 ମିଡ଼୍ ଯଦି କେପାନ୍ ଲୋନ୍‌ ମାଡ଼ାଙ୍କ୍ ଇଚ୍ଛା ମାଡ଼ୁତିଡ଼୍, ଆଲାତ୍କେ ମିଡ଼୍ କୁଦି ମୁନେ ଚିହ୍ନେ ମାଡ଼ାନ୍ ମିନ୍ଦେ ଯେ, ଇଦିନ୍‍ ମାଇଦିଙ୍କ୍ ବେସର୍ କର୍ଚ୍ଚ ଆଦ୍‍ତେ । ମିଡ଼୍ ହିସାପ୍ ମାଡ଼ି ଉଡ଼ାନ୍ ମିନ୍ଦ୍ ଯେ, ପାଡ଼ିୟି ମାଡ଼ାନାଦ୍ ତେର୍‍ନା ଯାକ ମିୟାଗ୍ ଡାବ୍ ମିନ୍ଦେ କି ଇଲେ । 
\v 29 ବାତେଙ୍କ୍ ଇତ୍କେ ଅଣ୍ଡ୍‌ ଯଦି ମୁର୍ସ ମାଡ଼ି ଲୋନ୍‌‍ ତେର୍‍ସ୍‍ପେ ପାର୍‍ୱଣ୍ଡ୍, ସାର୍‍ତଡ଼୍ ଆଦିଙ୍କ୍ ଉଡ଼ାନ୍ ନାରୁଡ଼୍ ଅଂକିଙ୍କ୍‌ ପରିହାସ୍ ମାଡ଼ିତଡ଼୍, 
\v 30 ଅଡ଼୍‌‍ କେତିତଡ଼୍, ହି ନାରୁଣ୍ଡ୍ ତିଆର୍ ମାଡ଼୍‍ତଣ୍ଡ୍ ବାତେଙ୍କ୍ ଇତ୍କେ ତେର୍‍ସ୍‍ପାଙ୍କ୍ ପାର୍‍ୱଣ୍ଡ୍ ।
\p
\v 31 ୱେରଣ୍ଡ୍ ରାଜାଲ୍‍ ମେଣ୍ଡେଅର୍‍ତୁନ୍‍ ରାଜାନ୍ ବିରୁଦ୍ ତେ ଯୁଦ୍‌ ମାଡ଼ାଙ୍କ୍ ତିଆର୍ ଆଦ୍‍ତନ୍ । ତାମ୍ ବିରୁଦ୍ ତେ ନିଜର୍ କୁଡ଼ିଏ ହଜାର୍‍ ସୌନ୍ୟଡ଼୍‍କ୍ ପୟ୍‍ସ୍ ୱାଦାନ୍ ରାଜାନ୍ ତ ନିଜର୍ ୱେରନ୍ ରାଜା ଦଶ୍‍ହଜାର୍‍ ସୌନ୍ୟଡ଼୍ ଆସ୍ କୁଡ଼ିଏ ହଜାର୍‌ ସୈନିଡ଼୍ ପୟିସ୍ ୱାଦାନ୍ ରାଜାନ୍ ତଡ଼୍ ଯୁଦ୍‌ ମାଡ଼ାଙ୍କ୍ ପାର୍‍ଦ୍‍ତଡ଼୍ କି ଇଲେ, ଆଦ୍ ବାତେଏ ଅଣ୍ଡ୍‌ ମୁନେ କୁଦି ଆଦ୍ ବିଷୟତିଙ୍କ୍ ହେର୍କା ମାଡ଼ଣ୍ଡ୍ କି ? 
\v 32 ଯଦି ପାର୍‍ୱଡ଼୍, ଆଲାତ୍କେ ବିରଦି ରାଜାଲ୍‍ ଗାଟି ଯେକା ମାନ୍ଦାନ୍ ୱେୟେ କେ ଅନ୍‌‍ଗାରେ ବେସ୍‍ତୁଡ଼୍ ନାରୁଡ଼୍‍କିଂଙ୍କ୍ ରୟ୍‍ସ୍‍ ପାର୍‍ୱମ୍‍ ଇଞ୍ଜ କେସିଦ୍‍ ତଡ଼୍ । 
\v 33 ଆଦ୍ ପୁଟୁଙ୍କ୍ ମି ଲୋପେଙ୍କ୍ ବେନ ଯଦି ନିଜର୍ ବାତ୍‍ତେବା ୱିଡ଼୍‍ସଣ୍ଡ୍, ଆଲାତ୍କେ ଅଣ୍ଡ୍‌ ନା ଶିଷ୍ୟ ଆଦ୍ ପାର୍‍ୱଣ୍ଡ୍ ।
\s ମୁଲ୍ୟ ଇଲ୍‍ୱାଦ୍ ଅୱଡ଼୍‌
\r (ମାତିଉ ୫:୧୩; ମାର୍କ ୯:୫୦)
\p
\v 34 “ଅୱଡ଼୍‌ ତ ସାୟେ; ବାତେଙ୍କ୍ ଇତ୍କେ ଅୱଡ଼୍‌ ଯଦି ତାନ୍ କାର୍‌ଅ ହାରାମାଡ଼ିତ୍‍, ଆଲାତ୍କେ ତାକିଂଙ୍କ୍ ବେଦ୍‍ପୁଟୁଙ୍କ୍ ଅୱଡ଼୍‌ ମାଡ଼୍ ପାର୍‍ଦ୍‍ତାଡ଼୍ ? 
\v 35 ଆଦ୍ ବୁମ୍ ବା ମାଣ୍ଡୁଲ୍ ଦିବେତ୍‍ ମାଇଦିଙ୍କ୍ ଆନ୍‌‍ତେ ଲେକେତ୍ ଆୟ୍‍ୟ, ତାକିଂଙ୍କ୍ ବାୟିଦେ ହେସିଦ୍‍ତଡ଼୍ । ବେନଙ୍କ୍ କେଞ୍ଜାଙ୍କ୍ କେୱୁ ମିନ୍ଦେ, ଅଣ୍ଡ୍‌ କେଞ୍ଜିଣ୍ଡ୍ ।”
\c 15
\s ମାଇତେ ମେଣ୍ଢାତେ ୱେଷଡ଼୍
\r (ମାତିଉ ୧୮:୧୨-୧୪)
\p
\v 1 \x + \xo ୧୫:୧ \xo*\xt ଲୁକ ୫:୨୯,3୦.\xt*\x*ଅନ୍‌‍ଦିନେ କରଆଦାୟ୍ ମାଡ଼ାନଡ଼ି ନୁ ସମାଜ୍ କଞ୍ଜ୍ ପେସ୍‍ପି ମାନ୍ଦାନ୍ ନାରୁଡ଼୍ ଜିସୁନ୍ ବାକ୍ୟ କେଞ୍ଜାନ୍ ମାଇଦିଙ୍କ୍ ଅନ୍‌ ଗାର୍‍ରେ ୱାସ୍ ମାତ୍‍ତଡ଼୍ । 
\v 2 ବାତେଙ୍କ୍ ଇତ୍କେ ପାରୂଶୀଡ଼୍ ନୁ ଦର୍ମଶାସ୍ତ୍ରୀଡ଼୍ ଅବିଯଗ୍ ମାଡ଼ି କେସମାତ୍‍ତଡ଼୍, ହି ନାରୁଡ଼୍ ସମାଜ୍ କଞ୍ଜ୍ ପେସ୍‍ପି ମାନ୍ଦାନ୍ ନାରୁଡ଼୍‍କିଂଙ୍କ୍ କାର୍‍ଙ୍ଗି ଅଡ଼୍‌‍ ତ କାଇଲି ତିନ୍ଦୁ‍ତଣ୍ଡ୍, 
\v 3 ଆଦିଙ୍କ୍, ଜିସୁ ଅଡ଼୍‌‍କିଂଙ୍କ୍ ହି ୱେଷଡ଼୍ କେତ୍‍ତଣ୍ଡ୍ ।
\p
\v 4 ହେର୍କେ ମାଡ଼ାଟ୍ ୱେରନ୍ ନାରୁନାୱୁ ଶହେଟାନ୍ ମେଣ୍ଢା ମାନ୍‍ତା, ମେଣ୍ଡେ ଆୱିନାଗାଙ୍କ୍ ୱେରଡ଼୍ ମେଣ୍ଢା ମାଇହାତ୍କେ, ଆଲାତ୍କେ ଅଣ୍ଡ୍‌ ବାତେଏ ନବ୍‍ବେ ନଅଟାନ୍ ମେଣ୍ଢାଙ୍କ୍ ଡୁକ୍‍ତାଗ୍‍ ୱିଡ଼୍‍ସି, ମାଇ ମାନ୍ଦାନ୍ ମେଣ୍ଢାତିଙ୍କ୍ ଦର୍‍ସ୍‍କ୍‍ ନା ଯାକ ତାକିଂଙ୍କ୍ ମେହ୍‍କାଙ୍କ୍ ଆନଣ୍ଡ୍ କି ? 
\v 5 ଅଣ୍ଡ୍‌ ମେହ୍‍କି ଦର୍‍ସ୍‍କି ଗାଟି ସାର୍‍ଦେ ଆଦ୍‍ତନ୍ ମେଣ୍ଡେ ମେଣ୍ଢାତିଙ୍କ୍ ଆଟେତାଗ୍ କାଞ୍ଜି ଲୋନ୍‌‍ ତାତିତଣ୍ଡ୍ । 
\v 6 ଅଣ୍ଡ୍‌ ଲୋନ୍‌ ଆଞ୍ଜ୍ ତାନ୍ ସାଙ୍ଗନଡ଼୍ ନୁ ଗାରେତଡ଼୍‍କ୍ ଅଣ୍ଡୟ୍‌ ଆଗେ କାର୍‍ଙ୍ଗି କେତିତଣ୍ଡ୍, ନା ତଡ଼୍ ସାର୍‍ଦେ ମାଡ଼ାଟ୍, ବାତେଙ୍କ୍ ଇତ୍କେ ନାନେ ନାୟାଦ୍ ମାଇ ମାନ୍ଦାନ୍ ମେଣ୍ଢାତିଙ୍କ୍ ଦର୍‍ସ୍‍କ୍‍ ତାନ୍ । 
\v 7 ଆଦେପୁଟୁଙ୍କ୍ ନାନେ ଆନ୍‌‍ତେ ମିକିଂଙ୍କ୍ କେତୁତାନ୍, ବେନ୍ ନାରୁଡ଼୍ ମନ୍ ପରିବର୍ତ୍ତନ୍ ଆଦ୍‍ଦାନ୍ ଦର୍‍କାର୍ ଇଲେ, ଇସତଡ଼୍ ନବ୍‍ବେ ନଅଜାନ୍ ଦାର୍ମିକ୍ ନାରୁଡ଼୍ ୱିଡ଼୍‍ସି ୱେରଣ୍ଡ୍ ପାପିନାରୁନ୍ ହୃଦୟ୍ ପରିବର୍ତ୍ତନ୍ ଆତ୍‍କେ ସ୍ୱର୍ଗତାଗ୍ ଗାଟି ସାର୍‍ଦ୍‍ ଆଦ୍‌ତେ ।
\s ମାଇ ମାନ୍ଦାନ୍ ରୁପାଡାବ୍‍କ୍
\p
\v 8 ହେର୍କେ ମାଡ଼ାଟ୍ ଅଣ୍ଡୟ୍‌ ନାଟାଡ଼୍‍ତାଗ୍ ଦଶ୍‍ଟାନ୍‍ ରୂପାଡାବ୍‌ ମାତ୍‍ତା, ବାତେଙ୍କ୍ ଇତ୍କେ ଆୱିନ୍‍ ଲୋପେଙ୍କ୍ ଅଣ୍ଡୟ୍‌ ମାଇ ଆଦ୍‍ତେ । ଆଲେକେ ଆଦ୍ ବାତ୍ ମାଡ଼ିତ୍ ? ଆଲାତ୍କେ ଆଦ୍ ନାଟାଡ଼୍ କୁପି ନିଡ଼୍‍ସ୍‍ପି ଲୋନ୍‌‍ସାରେ ସାୟ୍‍ ମାଡ଼ି କାୟ୍‍ତିତ୍, ମେଣ୍ଡେ, ରୂପାଡାବ୍‌ ଦର୍‍ସ୍‍କ୍‍ ନା ଯାକ ଯତନ୍ ତେ ମେହ୍‍କ କି ? 
\v 9 ମେହ୍‍କି ଦର୍‍ସ୍‍କି ଆଦ୍ ତାନ୍ ସାଙ୍ଗକିଂଙ୍କ୍ ନୁ ଗାରେତଡ଼୍‍କ୍ କାର୍‍ଙ୍ଗି କେତିତ୍‍, ନାନେ ଗାଟି ସାର୍‍ଦା । ବାତେଙ୍କ୍ ଇତ୍କେ ନାୟାଦ୍ ମାଇ ମାନ୍ଦାନାଦ୍ ରୂପାଡାବ୍‌\f + \fr ୧୫:୯ \fr*\ft ୱେରନ୍ ଦିନାତ୍ ପାଡ଼ିୟି ମାଡ଼ିତେ ଡାବ୍‍କ୍\ft*\f* ଦରସ୍‍କ୍‍ତାନ୍ । ୱାଡ଼ାଟ୍ ନା ତଡ଼୍ ସାର୍‍ଦେ ମାଡ଼ାଟ୍ । 
\v 10 ଆଦେପୁଟୁଙ୍କ୍ ୱେରଣ୍ଡ୍ ପାପିନାରୁଣ୍ଡ୍ ତାନ୍ ହୃଦୟ୍‍ତିଙ୍କ୍ ପରିବର୍ତ୍ତନ୍ ମାଡ଼କେ, ପରମେଶ୍ୱରତେ ଦୂତକିନ୍ ମୁନ୍‍ନେ ଗାଟି ସାର୍‍ଦ୍‍ ଆଦ୍‍ତେ ।
\s ମାଇମାନ୍ଦାନ୍ ମାର୍‍
\p
\v 11 ଜିସୁ ମେଣ୍ଡନ୍‍ଦାମ୍ କେତ୍‍ତଣ୍ଡ୍, ୱେରଣ୍ଡ୍ ନାରୁଙ୍କ୍ ଇର୍‍ୱୁଡ଼୍ ମାର୍‍କ୍ ମାତ୍‍ତଡ଼୍ । 
\v 12 ସୁଦୁର୍‍ ମାର୍‍ ତାମ୍ ବାବାଙ୍କ୍ କେତ୍‍ତଣ୍ଡ୍, ବାବା, ନା ଦୁଡ଼େ ସମ୍ପତ୍ତି ନାକିଂଙ୍କ୍ ହିମ୍ । ଆସୁଟେ ତାମ୍‍ବାବାଲ୍ ତାନ୍ ସମ୍ପତ୍ତିତିଙ୍କ୍ ଇର୍‍ୱୁଡ଼୍‍କ୍‍ ତୁସିତ୍‍ତଣ୍ଡ୍ । 
\v 13 ବେସ୍‍କ୍‍ଦିନାତ୍‍ ପେର୍‍କେ ସୁଦୁର୍‍ ମାର୍‍ ଅନ୍‌ ଦୁଡ଼େ ସମ୍ପତ୍ତି ପୟ୍‍ସ୍ ଯେକା ଦେଶ୍ ଆଦ୍‍ତନ୍ । ଅଣ୍ଡ୍‌ ଆଗେ ମଣ୍ଡି ହିନା ଗେଲ୍‍ସି ସାରେ ଦନ୍‍ସମ୍ପତ୍ତି ଉଡ଼ାମାଡ଼୍‍ ତଣ୍ଡ୍ । 
\v 14 ଅଣ୍ଡ୍‌ ସାର୍‍ରେ ଡାବ୍ କର୍ଚ୍ଚମାଡ଼ି ତେର୍‍ତେ ୱେୟ୍, ଆଦ୍ ଦେଶ୍‍ତାଗ୍ ବୟ୍‍ଙ୍କାର୍‍ ତୁପାନ୍‌ ଆଦ୍‍ତା । ଅଂକିଙ୍କ୍‌ ଆଗେ ବାତେମେଣ୍ଡେ ଦର୍‍କ୍‍ୱାଙ୍କ୍ କାର୍‍ୱିନ୍ ମାନ୍ଦେୱେୟ୍‍ତେ । ଅଂକିଙ୍କ୍‌ ଅବାବ୍ ଆଦ୍ ୱେୟ୍‍ତେ । 
\v 15 ଆସୁଟେ ଅଣ୍ଡ୍‌ ଆଦ୍ ଦେଶ୍‍ତେ ଅରତୁଣ୍ଡ୍ ନାରୁନାଗ୍ ଆଞ୍ଜ୍ ଗତିତ୍‍ ଲେକାମ୍ ମାତ୍‍ତଣ୍ଡ୍, ଆଦ୍ ନାରୁଡ଼୍ ଅଂକିଙ୍କ୍‌ ଅନ୍‌ ୱାୟାନା ପାଦି ମେଇତାଙ୍କ୍ ରହ୍‍ତଣ୍ଡ୍ । 
\v 16 ପାଦି ତିନ୍ଦାନ୍ କାଦି, ତିଞ୍ଜ୍ ଅଣ୍ଡ୍‌ ପଟ୍‍ଟେ ନିହ୍‍ତାଙ୍କ୍ ଇଚ୍ଛା ମାଡ଼୍‍ତଣ୍ଡ୍, ବାତେଙ୍କ୍ ଇତ୍କେ ବେନମେଣ୍ଡେ ଅଂକିଙ୍କ୍‌ ବାତା ହିୱଡ଼୍ । 
\v 17 ଆସୁଙ୍କ୍ ଅଂକିଙ୍କ୍‌ ହେର୍କା ମାଡ଼ି କେତ୍‍ତଣ୍ଡ୍, ନା ବାବାନ୍ ଲୋନ୍‌ ଚାକରିଡ଼୍ ଚାକୁର୍‍ତିନ୍ଦାନ୍‍ ୱେୟ୍ ଚାକର୍ ମାଇସ୍ ଆଦୁତ୍‍, ବାତେଙ୍କ୍ ଇତ୍କେ ନାନେ ଇଗ୍ କାର୍‍ୱିନ୍ ଡଲୁତାନ୍ । 
\v 18 ନାନେ ତେଦୀ ନା ବାବାନ୍ ଗାର୍‍ରେ ମାଲ୍‍ସ୍ ଆଦ୍‍ତନ୍ ବା ଅଂକିଙ୍କ୍‌ କେତିତାନ୍, ବାବା, ଇଶ୍ୱରତେ ବିରୁଦି ତେ ନୁ ନି ବିରୁଦି ତେ ନାନେ ପାପ୍‌ ମାଡ଼୍‍ତାନ୍ । 
\v 19 ନି ମାର୍‍ ଇଞ୍ଜ କାର୍‍ଙ୍ଗାନଙ୍କ୍ ନାନେ ଯୋଗ୍ୟ ଇଲେନ୍ । ନାକିଂଙ୍କ୍ ନି ଚାକର୍ ହିନା ନେହେମ୍ । 
\v 20 ଆସୁଟେ ଅଣ୍ଡ୍‌ ତେଦି ତାମ୍ ବାବାନ୍ ଗାର୍‍ରେ ଆତ୍‍ତଣ୍ଡ୍ । ବାତେଙ୍କ୍ ଇତ୍କେ ଅଣ୍ଡ୍‌ ଯେକା ମାନ୍ଦାନାଦ୍ ତାମ୍ ବାବାଲ୍ ଅଂକିଙ୍କ୍‌ ଉଡ଼ି ଦୟାତେ ବିଗଲିତ ଆତ୍‍ତଣ୍ଡ୍, ବା ମିରିଆଞ୍ଜ୍ ଅଂକିଙ୍କ୍‌ ଉର୍‍ଙ୍ଗି ନମସ୍କାର୍‍ ମାଡ଼୍‍ତଣ୍ଡ୍ । 
\v 21 ମାର୍‍ ଅଂକିଙ୍କ୍‌ କେତ୍‍ତଣ୍ଡ୍, ବାବା, ଇଶ୍ୱର୍‌ତେ ବିରୁଦି ତେ ନୁ ନି ବିରୁଦି ତେ ନାନେ ପାପାମ୍ ମାଡ଼୍‍ତାନ୍, ମାର୍‍ ଇଞ୍ଜ କାର୍‍ଙ୍ଗାନାଦ୍‍ ନାନେ ଯୋଗ୍ୟ ଇଲେନ୍ । 
\v 22 ବାତେଙ୍କ୍ ଇତ୍କେ ବାବାଲ୍ ତାମ୍ ଚାକରିଡ଼ିକ୍ କେତ୍‍ତଣ୍ଡ୍, ସିଟ୍‍ପାଟ୍ ଆଞ୍ଜ୍ ସାର୍‍ରେ ଲେକେତାଉ ଚକାସିଲେ ତାସ୍ ଇକିଂଙ୍କ୍ କେର୍‍ସ୍ପିମୁଟ୍ । ଇନ୍‍ କାୟ୍‍ଦାଗ୍‍ ମୁଦ୍‍ ନୁ ଡେକାନାଗ୍‍ ହେର୍‍ପୁକ୍ କେର୍‍ସ୍ପିମୁଟ୍ । 
\v 23 ମେନ୍ଦୁଲ୍ ମାନ୍ଦାନ୍ ପେୟେତିଙ୍କ୍ ତାସ୍ ଆୱୁକାଟ୍, ୱାଡ଼ାଟ୍, ମାନାଡ଼୍ ବୋଜିତାଗ୍ ସାର୍‍ଦେ ମାଡ଼୍‍ନା । 
\v 24 ବାତେଙ୍କ୍ ଇତ୍କେ ନା ହି ମାର୍‍ ଡଲି ମାତ୍‍ତଣ୍ଡ୍, ମେଣ୍ଡନ୍‍ଦାମ୍ ଗେଲ୍‍ସ୍‍ତଣ୍ଡ୍; ମାଇମାତ୍‍ତଣ୍ଡ୍, ମେଣ୍ଡେ ଦରକ୍‍ତଣ୍ଡ୍ । ଆସୁଟେ ଅଡ଼୍‌‍ ଗାଟି ସାର୍‍ଦ୍‍ ମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍ ।
\p
\v 25 ଆଦ୍ ଦିନାମ୍ ତେ ବେଡ଼୍‍ୟ୍ ମାର୍‍ ୱାୟାନା ମାତ୍‍ତଣ୍ଡ୍ । ଅଣ୍ଡ୍‌ ବେସୁଙ୍କ୍‍ ଲୋତ୍ ଗାର୍‍ରେ ୱାସ୍ ହେଉତଣ୍ଡ୍, ଆସୁଟେ, ଅଣ୍ଡ୍‌ ଡୋଲା ନୁ ହେନ୍ଦାନାଦ୍ ମର୍‍ରେ କେଞ୍ଜ୍‍ତଡ଼୍, 
\v 26 ଆସୁଟେ ଅଣ୍ଡ୍‌ ୱେରଣ୍ଡ୍ ଚାକର୍‍ତିଙ୍କ୍ କାର୍‍ଙ୍ଗି ଇଗ୍ ବାତ୍ ଆଦୁତ୍‍ ଇଞ୍ଜ କେତ୍‍ତଣ୍ଡ୍ । 
\v 27 ଚାକର୍ ଅଂକିଙ୍କ୍‌ କେତ୍‍ତଣ୍ଡ୍, ନି ତାମୁଣ୍ଡ୍‌ ଲୋନ୍‌ ମାଲ୍‍ସ୍ ୱାସ୍‍ମିନ୍ଦେଣ୍ଡ୍, ସାଏତ୍ ମେନ୍ଦୁଲ୍ ତେ ମାଲ୍‍ସ୍ ୱାସ୍ ମାନ୍ଦାନ୍ ମାଇଦିଙ୍କ୍ ମେନ୍ଦୁଲ୍‍ମାନ୍ଦାନ୍ ଗଡ୍‍ତିଙ୍କ୍ ଆୱୁକି ବଜି ମାଡ଼ୁତଡ଼୍ ।
\p
\v 28 “ବେଡ଼୍‍ୟ୍ ଦାଦାଲ୍ କପାମ୍ ଆଶେ ଲୋପ୍ ଆଦାଙ୍କ୍ ରାଜି ଆୟ୍‍ୟଣ୍ଡ୍ । ଆସୁଟେ ତାମ୍ ବାବାଲ୍ ବାୟିଦେ ୱାସ୍ ଅଂକିଙ୍କ୍‌ ଗାଟି ବୁଜାମାଡ଼୍‍ତଣ୍ଡ୍ । 
\v 29 ବାତେଙ୍କ୍ ଇତ୍କେ ବେଡ଼୍‍ୟ୍ ମାର୍‍ ତାମ୍ ବାବାଙ୍କ୍ କେତ୍‍ତଣ୍ଡ୍, ଉଡ଼େ, ହିସ ଏଣ୍ଡ୍ ଆଦୁତ୍‍ତେ ନାନେ ନି ଦାସ ଲେକାମ୍ ତାକ ୱାଦୁତାନ୍, ବାତେଙ୍କ୍ ଇତ୍କେ ବେସୁଙ୍କ୍‍ ବା ନି ଗଟ୍ ଅମାନ୍ୟ ମାଡ଼ାନ୍, ବେସୁଙ୍କ୍‍ ବା ନାକିଂଙ୍କ୍ ନା ସାଙ୍ଗଡ଼୍ ତ ବଜି ମାଡ଼ାଙ୍କ୍ ନିମ୍‍ ନାକିଂଙ୍କ୍ ମେକ୍‍ପିଲ୍ ବା ହିୱିନ୍‍ । 
\v 30 ବାତେଙ୍କ୍ ଇତ୍କେ ହିଣ୍ଡ୍ ନି ମାର୍‍ ନି ସମ୍ପତ୍ତିତିଙ୍କ୍ କଜାନଡ଼୍ ତ ଉଡ଼ାମାଡ଼ିସ୍‍ ଇଞ୍ଜ୍ ବେସୁଟ୍‌ ଅଣ୍ଡ୍‌ ଲୋନ୍‌ ମାଲ୍‍ସ୍ ୱାସ୍ ମିନ୍ଦେଣ୍ଡ୍ ନିମ୍‍ ଅନ୍‌ ମାଇଦିଙ୍କ୍ ମେନ୍ଦୁଲ୍ ମାନ୍ଦାନ୍ ପେୟେତିଙ୍କ୍ ରେହେସ୍ ବୋଜି ମାଡ଼୍‍ତିନ୍ । 
\v 31 ଆସୁଟେ ତାମ୍ ବାବାଲ୍ କେତ୍‍ତଣ୍ଡ୍, ପେକାଲ୍, ନିମ୍‍ ତ ସାର୍‍ଦାମ୍‍ ନା ତ ମାନ୍ଦୁତି, ବାତାମେଣ୍ଡେ ସାରେ ନାୟାୱୁ, ହାଉସାରେ ନିୟାୱୁ; 
\v 32 ବାତେଙ୍କ୍ ଇତ୍କେ ହିଣ୍ଡ୍ ଯେ, ନି ତାମୁଣ୍ଡ୍‌ ଡଲି ମାତ୍‍ତଣ୍ଡ୍, ମେଣ୍ଡନ୍‍ଦାମ୍ ଗେଲ୍‍ସ୍‍ତଣ୍ଡ୍; ମାଇମାତ୍‍ତଣ୍ଡ୍, ମେଣ୍ଡେ ଦରକ୍‍ତଣ୍ଡ୍, ଆଦିନ୍ ମାଇଦିଙ୍କ୍ ମାନାଡ଼୍ ଗାଟିସାର୍ଦା ମାଡ଼ାନ୍ ମାତ୍‍ତା ।”
\c 16
\s ଚାଲାକ୍ ଆଦାନଡ଼୍
\p
\v 1 ଜିସୁ ତାନ୍ ଶିଷ୍ୟଡ଼୍‍କ୍ ଆନ୍‌‍ତେ କେତ୍‍ତଣ୍ଡ୍‍, ୱେରଣ୍ଡ୍, ସାଉକାର୍‍ ନାରୁଡ଼୍ ମାତ୍‍ତଣ୍ଡ୍; ସାଉକାର୍‍ ତାନ୍ ସମ୍ପତ୍ତିତିଙ୍କ୍ ବୁଜାସୁଜା ମାଡ଼ାନ୍ ମାଇଦିଙ୍କ୍ ଗୁମାସ୍ତାଙ୍କ୍ ନେହେସ୍ ମାତ୍‍ତଣ୍ଡ୍ । ସାଉକାର୍‍ ଅର୍‍ତୁନ୍‍ ନାଗାଙ୍କ୍ କେଞ୍ଜ୍‍ତଣ୍ଡ୍ ଯେ, ଗୁମାସ୍ତାଲ୍ ଅଂକିଙ୍କ୍‌ ବୁସାମାଡ଼ ମାତ୍‍ତଣ୍ଡ୍ । 
\v 2 ଆସୁଙ୍କ୍ ଅଣ୍ଡ୍‌ ଆଦାନଡ଼୍‌କିଂଙ୍କ୍ କାର୍‍ଙ୍ଗି କେତ୍‍ତଣ୍ଡ୍, ନାନେ ନି ବିଷୟତେ ଇଲା ବାତେଙ୍କ୍ କେଞ୍ଜୁତାନ୍ ? ନିୟାୱ୍‍ ଆୟବ୍ୟୟତ୍ ହିସାପ୍ ହିମ୍, କାରନ୍‍ ନିମେ ମେଣ୍ଡେ ଗୁମାସ୍ତା ଆସ୍ ମାନ୍ଦେପାର୍‍ୱିନ୍ । 
\v 3 ଗୁମାସ୍ତାଲ୍ ହେର୍କେ କେତ୍‍ତଣ୍ଡ୍, ନାନେ ଇଞ୍ଜ୍ ବାତ୍ ମାଡ଼ିତାନ୍ ? ନା ମାଲିକ୍ ତ ପାଡ଼ିୟିତାଗାଙ୍କ୍ ନାକିଂଙ୍କ୍ ପେସ୍ପିଦୁତଣ୍ଡ୍ । ମାଣ୍ଡୁଲ୍‍ ଡେୱାଙ୍କ୍ ତ ନାକିଂଙ୍କ୍ ଶକ୍ତି ଇଲେ, ବିକ୍‍ ତାଲ୍‍କାଙ୍କ୍ ନାକିଂଙ୍କ୍ ସିଗ୍ ୱେସିତ୍‍ । 
\v 4 ଇଗାଙ୍କ୍ ନା ଚାକିରି ଆଦ୍ କେ ନାରୁଡ଼୍ ବେଦ୍‍ପୁଟୁଙ୍କ୍ ନାକିଂଙ୍କ୍ ନିଜେ ନିଜେ ଲୋନ୍‌ ୱେଡ଼୍‍କେତେ ଗ୍ରହନ୍ ମାଡ଼ିତଡ଼୍, ଆଦ୍ ନାନେ ପୁନ୍‍ତାନ୍ ।
\p
\v 5 ଆସୁଟେ ଗୁମାସ୍ତାଲ୍ ମାଲିକ୍‍ତାଗାଙ୍କ୍ ଉଦାର୍ ଆସ୍‍ମାନ୍ଦାନ୍‍ ସାରେ ନାରୁଡ଼୍‍କିଂଙ୍କ୍ କାର୍‍ଙ୍ଗ୍ ତଣ୍ଡ୍ । ଅଣ୍ଡ୍‌ ମୁନ୍ ନାରୁଙ୍କ୍ କେତ୍‍ତଣ୍ଡ୍, ନା ମାଲିକ୍‍ତିଙ୍କ୍ ନିମେ ବେଚର୍ ହିଦାନ୍ ମିନ୍ଦେ ? ଅଣ୍ଡ୍‌ କେତୁତଣ୍ଡ୍, ଶହେ କୁଣ୍ଡାନାଗ୍ ନିୟ୍ । 
\v 6 ଗୁମାସ୍ତାଲ୍ ଅଂକିଙ୍କ୍‌ କେତ୍‍ତଣ୍ଡ୍, ଇଦ୍ ନିୟାଦ୍ ନିୟ୍‍ ରସିଦ୍‍ ଆୟ୍‍ମ୍‍ । ସିଟ୍‍ପାଟ୍ କୁଦି ପଚାଶ୍ ଇଞ୍ଜ ଲେକିମ୍ । 
\v 7 ତାନ୍‍ପେର୍କେ ଅଣ୍ଡ୍‌ ଦ୍ୱିତିୟ ନାରୁଙ୍କ୍ କେତ୍‍ତଣ୍ଡ୍, ନାୟାଦ୍ ବେସର୍ ଋଣ୍ ମାଲ୍‍ପିଦାନାଦ୍ ମିନ୍ଦେ ? ନାରୁଡ଼୍ କେତ୍‍ତଣ୍ଡ୍, ଶହେ ବାସ୍ତା ଗହମ୍, ଅଣ୍ଡ୍‌ ଅଂକିଙ୍କ୍‌ କେତ୍‍ତଣ୍ଡ୍, ଇଦ୍ ଆୟ୍‍ମ୍ ନିୟାଦ୍ ରସିଦ୍‍ । ଅଶୀ ବାସ୍ତା ଇଞ୍ଜ ଲେକିମ୍ ।
\p
\v 8 ଆସୁଟେ ମାଲିକ୍ ଆଦ୍ ଅସାଦୁ ଗୁମାସ୍ତାଙ୍କ୍ ପ୍ରସଂଶା ମାଡ଼୍‍ତଣ୍ଡ୍ । ବାତେଙ୍କ୍ ଇତ୍କେ ଗୁମାସ୍ତାଲ୍ ଚାଲାକ୍ ତେ ପାଡ଼୍‌ୟି ମାଡ଼୍‍ତଣ୍ଡ୍ । ଅନ୍‌ ଲେକାମ୍, ବାଗାତ୍‍ନାରୁଡ଼୍‍ ତ ବ୍ୟବସାୟ୍‍ ମାଡ଼ାଙ୍କ୍, ହି ସସାର୍‍ତେ ନାରୁଡ଼୍ ଆଦ୍ୟାତ୍ମିକ ନାରୁଡ଼୍ ୱିଡ଼୍‍ସି ଗାଟି ଚାଲାକ୍ ।
\p
\v 9 ନାନେ ମିକିଂଙ୍କ୍ କେତୁତାନ୍, ମିଡ଼୍ ମିକା ଜଗତ୍ ତେ ଦନ୍ ତଡ଼୍ ନିଜେ ନିଜେ ସାଙ୍ଗଡ଼୍ ଦର୍‍ସ୍‍କାଟ୍ । ବେସୁଙ୍କ୍‍ ହି ଜଗତ୍ ଦନ୍ ତେରିଆଦ୍‍ତା, ଆସୁଙ୍କ୍ ସାରେଦିନାତେ ବାଦ୍‍କାନ୍ ନାରୁଡ଼୍ ମିକିଂଙ୍କ୍ କାର୍‍ଙ୍ଗିତଣ୍ଡ୍ । 
\v 10 ବେନ ସୁଦୁର୍‍ ବିଷୟ ତେ ଆନ୍‌‍ତେ ବିଶ୍ୱାସ୍‍ତଣ୍ଡ୍‍, ଅଣ୍ଡ୍‌ ନାର୍ଗେ ବିଷୟ ତେ ଆନ୍‌‍ତେ ବିଶ୍ୱାସ୍‍ତଣ୍ଡ୍‍, ବେନ ସୁଦୁର୍‍ ବିଷୟ ତେ ଆନ୍‌‍ତେ ବିଶ୍ୱାସ୍‍ଇଲ୍‍ୱେ, ଅଣ୍ଡ୍‌ ନାର୍ଗେ ବିଷୟ ତେ ଆନ୍‌‍ତେ ବିଶ୍ୱାସ୍‍ଇଲ୍‍ଲେ । 
\v 11 ଇତ୍କେ ମିଡ଼୍ ଯଦି ଜାଗତିକ ଦନସମ୍ପତ୍ତିତାଗ୍ ବିଶ୍ୱାସ୍‍ତଣ୍ଡ୍‍ ଆୟ୍‍ୱିନ୍‍ ? ଆଲାତ୍କେ ବେନ ମିକିଂଙ୍କ୍ ପ୍ରକୃତ ଦନ୍‍ସମ୍ପତ୍ତି କାଇଦେ ଇଦାଙ୍କ୍ ବିଶ୍ୱାସ୍ ମାଡ଼ିତଡ଼୍ ? 
\v 12 ମେଣ୍ଡେ ମିଡ଼୍ ଯଦି ଅର୍‍ତୁନାଦ୍‍ ଦନ୍‍ସମ୍ପତ୍ତିତିଙ୍କ୍ ବିଶ୍ୱାସ୍ ମାଡ଼୍‍ୱିଡ଼୍, ଆଲାତ୍କେ ବେନ ମିକିଂଙ୍କ୍ ମି ନିଜେତ୍ ମାଇଦିଙ୍କ୍ ଦନ୍‍ସମ୍ପତ୍ତିତିଙ୍କ୍ ଇଦ୍‍ତଣ୍ଡ୍ ?
\p
\v 13 \x + \xo ୧୬:୧3 \xo*\xt ମାତିଉ ୬:୨୪.\xt*\x*“ୱେରଣ୍ଡ୍ ଦାସ ଇର୍‍ୱୁଡ଼୍ ମାଲିକ୍‍ତେ ସେବା ମାଡ଼େପାର୍‍ୱଣ୍ଡ୍ । ଅଣ୍ଡ୍‌ ଅର୍‍ତୁଙ୍କ୍ ପାସ୍‍କିତନ୍ ନୁ ମେଣ୍ଡେ ଅର୍‍ତୁଙ୍କ୍ ପ୍ରେମ୍ ମାଡ଼ିତନ୍ । ବାତେଙ୍କ୍ ଇତ୍କେ ଅଣ୍ଡ୍‌ ୱେରଣ୍ଡ୍ ପରୁ ବିଶ୍ୱାସ୍ ତେ ମାନ୍‍ତଣ୍ଡ୍ ବା ଅର୍‍ତୁଙ୍କ୍ ମୁର୍କ ମାଡ଼ିତନ୍ । ମିଡ଼୍ ଅଣ୍ଡୟ୍‌‍ଦାମ୍ ପରମେଶ୍ୱର୍‍ ନୁ ଦନ୍‍ସମ୍ପତ୍ତି ରେଣ୍ଡିଙ୍କ୍ ସେବା ମାଡ଼୍‍ପେ ପାର୍‍ୱିଡ଼୍ ।”
\s ଜିସୁନ୍ ବେସ୍‌କ୍ ଗଟି
\r (ମାତିଉ ୧୧:୧୨-୧୩; ୫:୩୧-୩୨; ମାର୍କ ୧୦:୧୧-୧୨)
\p
\v 14 ଇଦ୍ ସାରେ ଗଟ୍ କେଞ୍ଜି ଜିସୁନ୍ ପରୁ କପାମ୍ ଆଦ୍‍ତଡ଼୍ ବାତେଙ୍କ୍ ଇତ୍କେ ଅଡ଼୍‌‍ ଡାବ୍‍କିଂକ୍ ପ୍ରେମ୍ ମାଡ଼ ମାତ୍‍ତଡ଼୍ । 
\v 15 ଆସୁଟେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ବେନ୍‍ନାରୁଡ଼୍‍ ମୁନେଙ୍କ୍ ନିଜ୍‍ତିଙ୍କ୍ ଦାର୍ମିକ୍ ଇଞ୍ଜ ତଅତିତଡ଼୍, ମିଡ଼୍ ଆଦେପୁଟୁଙ୍କତ୍ ନାରୁଡ଼ି । ବାତେଙ୍କ୍ ଇତ୍କେ ପରମେଶ୍ୱର୍‍ ମି ହୃଦୟ୍‍ତିଙ୍କ୍ ପୁତ୍‍ତଣ୍ଡ୍ । ବେନେସାରେ ବିଷୟତିଙ୍କ୍ ନାରୁଡ଼୍ ଗାଟି ମୂଲ୍ୟବାନ୍ ଇଞ୍ଜ ତନ୍ଦିତଡ଼୍, ଆଦ୍ ପରମେଶ୍ୱର୍‍ତେ ମୁନ୍‍ କାରାପ୍‌ ।
\p
\v 16 \x + \xo ୧୬:୧୬ \xo*\xt ମାତିଉ ୧୧:୧୨,୧3.\xt*\x*ମୋଶାନ୍‌ ନିୟମ୍ ନୁ ବାବବାଦୀ ବକ୍ତାଲଡ଼୍ ଲେକ୍‍ତ୍‍ତେ ଲେକାମ୍ ନାରୁଡ଼୍ ବାଦ୍‍କମାନ୍‍ତଡ଼୍‍ ଇଞ୍ଜ ପରମେଶ୍ୱର୍‍ ଇଚ୍ଛା ମାଡ଼୍‍ତଣ୍ଡ୍ । ଆଦ୍ ଦିନାମ୍‍ତେ କଞ୍ଜ୍ ଇଶ୍ୱର୍‌ତେ ରାଜ୍ୟତାଦ୍ ସୁସମାଚାର୍ ପ୍ରଚାର ଆଦୁତ୍‍ତେ । ମେଣ୍ଡେ ସାରେ ଜାନ୍ ଶକ୍ତିତଡ଼୍ ଆଗେ ହସୁତଡ଼୍ । 
\v 17 \x + \xo ୧୬:୧୭ \xo*\xt ମାତିଉ ୫:୧୮.\xt*\x*ବାତେଙ୍କ୍ ଇତ୍କେ ବ୍ୟବସ୍ଥାତାଦ୍‍ ୱେରଡ଼୍ ଚିହ୍ନେ ନଷ୍ଟ ଆଦ୍‍ଦାନ୍ ୱିଡ଼୍‍ସି ସ୍ୱର୍ଗ ନୁ ପୃତିବି ନଷ୍ଟ ଆଦାନାଦ୍ ସହଜ୍ ।
\p
\v 18 \x + \xo ୧୬:୧୮ \xo*\xt ମାତିଉ ୫:3୨; ୧ କରନ୍ତିୟ ୭:୧୦,୧୧.\xt*\x*ବେନଆଇ ନିଜର୍ ମୁତେଙ୍କ୍ ୱିଡ଼୍‍ସି ମେଣ୍ଡନ୍ ମୁତେଙ୍କ୍ ପେଣ୍ଡୁଲ୍ ଆଦ୍‍ତନ୍, ଅଣ୍ଡ୍‌ ବ୍ୟବିଚାର୍ ମାଡ଼ୁତଣ୍ଡ୍ ମେଣ୍ଡେ, ବେନ ଆଦ୍ ୱିଡ଼୍‍ସିତ୍‍ତେ ମୁତେଙ୍କ୍ ପେଣ୍ଡୁଲ୍ ଆଦ୍‍ତନ୍, ଅଣ୍ଡ୍‌ ବ୍ୟବିଚାର୍ ଆଦ୍‍ତନ୍ ।
\s ସାଉକାର୍ ନାରୁନ୍ ନୁ ଲାଜାର୍
\p
\v 19 ୱେରନ୍ ନାରୁନ୍ ସାଉକାର୍ ନାରୁଡ଼୍ ମାତ୍‍ତଣ୍ଡ୍, ଅଣ୍ଡ୍‌ ଗାଟିଦାମ୍ ଆଉ ଚକାସିଲେ କେର୍ସ୍, ନିତ୍‍ତେଦିନାଲ୍‍ ଗାଟି ଆମଦ୍‍ ପ୍ରମୋଦ୍ ମାଡ଼ମାତ୍‍ତଣ୍ଡ୍ । 
\v 20 ବାତେଙ୍କ୍ ଇତ୍କେ ଅନ୍‌ ମାର୍ ଦେ ଗାର୍‍ରେ ଲାଜାର୍ ପେଦେର୍‍ତେ ବିକାରି ନାରୁଡ଼୍ ମାତ୍‍ତଣ୍ଡ୍, ଅନ୍‌ ମେନ୍ଦୁଲ୍‍ସାରେ ପୁଣ୍ଡୁକ୍ ଆସ୍ ମାତ୍‍ତା; 
\v 21 ଅଣ୍ଡ୍‌ ସାଉକାର୍‍ ନାରୁଡ଼୍ ତେ ଚାକର୍ ତିଞ୍ଜ୍ ହେସାନ୍ ହେଙ୍ଗୁଲ୍‍ତିଙ୍କ୍ ତିଞ୍ଜ୍ ପଟ୍‍ଟେ ନିହ୍‍ତାଙ୍କ୍ ଆଶେ ମାଡ଼ିମାତ୍‍ତଣ୍ଡ୍ । ମେଣ୍ଡେ ଇଦ୍‍ପୁଟୁଙ୍କ୍ ଯେ, ନେୟ୍‍ ମିକା ୱାସ୍ ଅନ୍‌ ପୁଣ୍ଡୁକିଂଙ୍କ୍ ନାକମାତ୍‍ତା ।
\p
\v 22 ବେସ୍‌କ୍ ଦିନାତେ ପେର୍‍କେ ଲାଜାର୍ ଡଲିଆତ୍‍ତଣ୍ଡ୍, ଆସୁଟେ ଦୂତକିନ୍ ତଡ଼୍ ଅଂକିଙ୍କ୍‌ ଅବ୍ରାହାମ୍‌ତେ ଗୁଦ୍‍ତାଗ୍‍ ଆତ୍‍ତା; ବେସ୍‍କ୍‍ଦିନାତ୍‍ ପେର୍‍କେ ଆଦ୍ ସାଉକାର୍‍ ନାରୁଡ଼୍ ଆନ୍‌‍ତେ ଡଲ୍‍ତ୍‍ତଣ୍ଡ୍ ଅଂକିଙ୍କ୍‌ ସମାଦି ହିତ୍‍ତଡ଼୍ । 
\v 23 ଆସୁଟେ, ଅଣ୍ଡ୍‌ ନର୍କ ତିପାଲ୍‍ତାଗେ କଲବଲ ଆସ୍‍ ପରୁ ଯେକା ଉଡ଼୍‍ତଣ୍ଡ୍ ଅବ୍ରାହାମ୍‌ତେ ଗୁଦ୍‍ତାଗ୍‍ ଲାଜାର୍‍ତିଙ୍କ୍ କୁଦିମାନ୍ଦାନାଦ୍ ଉଡ଼୍‍ତଣ୍ଡ୍ । 
\v 24 ଆସୁଟେ ଅଣ୍ଡ୍‌ କାର୍‍ଙ୍ଗି କେତ୍‍ତଣ୍ଡ୍‍, ହୋ, ବାବା ଅବ୍ରାହାମ୍‌, ନା ସେଙ୍ଗେ ଦୟାମାଡ଼ି ଲାଜାର୍‍ତିଙ୍କ୍ ରୟ୍‍ସିମ୍, ବେଦ୍‍ପୁଟୁଙ୍କ୍ ଅଣ୍ଡ୍‌ ଏର୍‍ଦାଗ୍‍ ଅନ୍‌‍ଆଦ୍‍ ୱାଡ଼୍‍ଞ୍ଜ୍ ଟିପ ମୁହୁସ୍ ନା ୱାଞ୍ଜେର୍‍ତିଙ୍କ୍ ତଣ୍ଡା ମାଡ଼ିତ୍, ବାତେଙ୍କ୍ ଇତ୍କେ ନାନେ ହି କିସ୍ ତାଗ୍ କଲବଲ ଆଦୁତାନ୍ ।
\p
\v 25 ବାତେଙ୍କ୍ ଇତ୍କେ ଅବ୍ରାହାମ୍‌ କେତ୍‍ତଣ୍ଡ୍, ହୋ ମାର୍‍, ନିମ୍‍ ଯେ ଜିୱୁନ୍‍ମାନ୍ଦାନ୍‍ ଦିନାମ୍ ତେ ଚାୟେତ୍‍ ବିଷୟ୍‍ଚାରେ ପୁଞ୍ଜ୍‍ମାତ୍ତିନ୍, ଆସୁଟେ, ଲାଜାର୍ ଆଦେପୁଟୁଙ୍କ୍ କାରାପ୍‍ ବିଷୟ୍‍ଚାରେ ଦର୍‍ସ୍‍କ୍‍ତନ୍, ଆଦ୍ ହେର୍କା ମାଡ଼ାଟ୍; ବାତେଙ୍କ୍ ଇତ୍କେ ଇଞ୍ଜ୍ ଅଣ୍ଡ୍‌ ଶାନ୍ତିତେ ପଡ଼୍‍ତାଗ୍‍ ମିନ୍ଦେଣ୍ଡ୍ ବାତେଙ୍କ୍ ଇତ୍କେ ଇଞ୍ଜ୍ ନିମ୍‍ କଲବଲ ଆଦ୍‍ତିନ୍ । 
\v 26 ତାନ୍ ୱିଡ଼୍‍ସି ନିୟାଗ୍ ନୁ ମାୟାଗ୍‌ ୱେରଡ଼୍ ବେଡ଼୍‍ୟ୍‍ୟାଦ୍‍ ଗୁୟ୍‍ନ୍ଦ୍‍ମିନ୍ଦେ । ନିକିଂଙ୍କ୍ ସାହାଯ୍ୟ ମାଡ଼ାନ୍ ମାଇଦିଙ୍କ୍ ଆଦ୍ ଗୁୟ୍‍ନ୍ଦ୍‍ତିଙ୍କ୍ ବେନ ବା ୱେୟସ୍ ଆଦ୍ ପାର୍‍ୱଡ଼୍ ବାତେଙ୍କ୍ ଇତ୍କେ ଆଦ୍ ପଡ଼୍‍ୟ୍‍ୱିଡ଼୍‍ସି ବେନ ବା ଇଗ୍ ୱାଦ୍ ପାର୍‍ୱଡ଼୍ । 
\v 27 ଆସୁଟେ ଅଣ୍ଡ୍‌ କେତ୍‍ତଣ୍ଡ୍, ହୋ ବାବା ଆବ୍ରାହାମ୍, ଆଲାତ୍କେ ନିକିଂଙ୍କ୍ ଅନୁରଦ୍‌‍ ମାଡ଼ୁତାନ୍, ଅଂକିଙ୍କ୍‌ ନା ବାବାନ୍ ଲୋନ୍‌‍ ରୟ୍‍ସିମ୍, 
\v 28 ବାତେଙ୍କ୍ ଇତ୍କେ ଆଗେ ନା ଏୟିୱୁଡ଼୍‍ ଦାଦାଲଡ଼୍ ମିନ୍ଦେଡ଼୍; ଅଡ଼୍‌‍ ଆନ୍‌‍ତେ ବେଦ୍‍ପୁଟୁଙ୍କ୍ ହିସତ୍ ତିପାଲ୍ ପଡ଼ିୟେତାଗ୍ ୱାଡ଼୍‍ମାକିଡ଼୍‍; ଆଦିନ୍ ମାଇଦିଙ୍କ୍ ଅଣ୍ଡ୍‌ ଆଞ୍ଜ୍ ଅଡ଼୍‌‍କିଂଙ୍କ୍ ସତର୍କ ମାଡ଼ିତନ୍ ।
\p
\v 29 ବାତେଙ୍କ୍ ଇତ୍କେ ଅବ୍ରାହାମ୍‌ କେତ୍‍ତଣ୍ଡ୍, “ଅଡ଼୍‌‍ ଗାର୍‍ରେ ମୋଶାନ୍‌ ନିୟମ୍ ନୁ ବାବବାଦୀ ବକ୍ତାଲଡ଼୍ ଦର୍ମଶାସ୍ତ୍ର ମିନ୍ଦେ, ଅଡ଼୍‌‍ ଅଡ଼୍‌‍ଗଟିଙ୍କ୍ କେଞ୍ଜାନ୍ ଲେକେତ୍ । 
\v 30 ଆସୁଟେ ସାଉକାର୍‍ ନାରୁଡ଼୍ କେତ୍‍ତଣ୍ଡ୍, ହୋ, ବାବା ଅବ୍ରାହାମ୍‌, ଆଦ୍ ଆସର୍ ଆୟ୍‍ୟ, ଯଦି ଡଲିମାନ୍ଦାନ୍ ନାରୁଡ଼୍ ଲୋପେଙ୍କ୍ ବେନଆଇ ଆଡ଼୍ ଗାର୍‍ରେ ଆଦ୍‍ତନ୍, ଆଲାତ୍କେ ଅଡ଼୍‌‍ ବିଶ୍ୱାସ୍ ମାଡ଼ିତଡ଼୍, ନୁ ମନ୍ ପରିବର୍ତ୍ତନ୍ ମାଡ଼ିତଡ଼୍ । 
\v 31 ବାତେଙ୍କ୍ ଇତ୍କେ ଆବ୍ରାହାମ୍ ଅଂକିଙ୍କ୍‌ କେତ୍‍ତଣ୍ଡ୍, ଇଲେ, ଯଦି ମି ଦାଦାଲଡ଼୍ ମଶାନାଦ୍ ନୁ ବାବବାଦୀ ବକ୍ତାଲଡ଼୍ ଗଟି କେଞ୍ଜଡ଼୍ ଆଲାତ୍କେ ଅଡ଼୍‌‍ ଡଲ୍‍ତାଗାଙ୍କ୍ ତେଦିମାନ୍ଦାନ୍ ବେନ୍ ନାରୁଡ଼୍ ଗଟି ଆନ୍‌‍ତେ କେଞ୍ଜଡ଼୍ ।”
\c 17
\s ପାପାମ୍
\r (ମାତିଉ ୧୮:୬-୭; ୨୧–୨୨; ମାର୍କ ୯:୪୨)
\p
\v 1 ଜିସୁ ତାମ୍ ଶିଷ୍ୟଡ଼୍‍କିଂଙ୍କ୍ କେତ୍‍ତଣ୍ଡ୍, ବେନେ ସାରେ ହେର୍କା ତଡ଼୍ ନାରୁଡ଼୍ ପାପତାଗ୍ ରାଇତଣ୍ଡ୍ ନୁ ବେନ୍ ଅଙ୍କ୍‌ ଇଦ୍ ପାପତାଗ୍ ରାପିତଣ୍ଡ୍ ଅନ୍‌‍ୱାଦ୍ ଦଣ୍ଡ୍ ଯେ ବେସର୍ ବୟଙ୍କାର୍ ଆଦ୍‍ତେ ! 
\v 2 ହିଡ଼୍ ଲେକେତ୍‌ ନାରୁଡ଼୍‍କ୍ ପାପତାଗ୍ ରାପାନ୍ ୱିଡ଼୍‍ସି ଅନ୍‌ ପାପତାଗ୍ ଅଣ୍ଡୟ୍‌ ବାଡ଼େୟାଦ୍ ଜାତ୍‍ତେକାଲ୍ ୱେହେସ୍ ଅଂକିଙ୍କ୍‌ ସମୁଦ୍ରତାଗ୍ ହେସିତ୍କେ ମିକା ଲେକେତ୍ ଆୟେଡ଼୍ । 
\v 3 \x + \xo ୧୭:3 \xo*\xt ମାତିଉ ୧୮:୧୫.\xt*\x*ତ ମିଡ଼୍ ନିଜ୍, ବିଷୟତେ ସାବ୍‍ଦାନ୍ ଆସ୍ ମାନୁଟ୍ । ଯଦି ନି ତାମୁଣ୍ଡ୍‌ ପାପ୍‌ ମାଡ଼ିତନ୍, ଅଂକିଙ୍କ୍‌ ମନ୍‍ ପରିବର୍ତ୍ତନ୍ ମାଡ଼ାଙ୍କ୍ କେଲାଟ୍; ମେଣ୍ଡ୍ ଅଣ୍ଡ୍‌ ଯଦି ମନ୍ ପରିବର୍‍ତନ୍ ମାଡ଼ିତନ୍, ଆଲାତ୍କେ ଅଂକିଙ୍କ୍‌ କ୍ଷମା ହିମୁଟ୍ । 
\v 4 ମେଣ୍ଡେ, ଯଦି ଅଣ୍ଡ୍‌ ଅଣ୍ଡୟ୍‌‍ଦିନ୍ ତେ ଲୋପେ ସାତ୍‍ଦାମ୍, ନି ବିରୁଦ୍‍ତେ ପାପ୍‌ ମାଡ଼ିତନ୍ ନୁ ସାତ୍‍ଦାମ୍ ନି ଗାର୍‍ରେ ମାଲ୍‍ସ୍ ୱାସ୍ କେତିତଣ୍ଡ୍ ନାନ୍ ମନ୍‍ ପରିବର୍ତ୍ତନ୍ ମାଡ଼୍‍ତାନ୍ ଇଞ୍ଜ କେତିତଣ୍ଡ୍, ଆଲେକେ ଅଂକିଙ୍କ୍‌ ଆଦ୍‍ଲେକାମ୍ କ୍ଷମା ମାଡ଼ାଟ୍ ।
\s ବିଶ୍ୱାସ୍
\p
\v 5 ଆଗାଙ୍କ୍ ପ୍ରେରିତ୍‍ ଶିଷ୍ୟଡ଼୍ ପ୍ରବୁଙ୍କ୍ କେତ୍‍ତଡ଼୍, ମାୟାଦ୍‌ ବିଶ୍ୱାସ୍ ଅଦିକ୍‌ ମାଡ଼ିମ୍ ।
\p
\v 6 ପ୍ରବୁ କେତ୍‍ତଣ୍ଡ୍, ଯଦି ୱେରଡ଼୍ ସୋରିଷପେଡ଼େମ୍ ଲେକେମ୍ ମିୱାଦ୍ ବିଶ୍ୱାସ୍ ମିନ୍ଦେ, ଆଲେକେ ଇଦ୍ ତୁତକଳି ମାଡ଼େତିଙ୍କ୍ ମଦଲ୍ କଞ୍ଚ୍ ତାହାକି ସମୁଦ୍ରତାଗ୍ ଉର୍ସ୍କିଆୟି ଇଞ୍ଜ କେତ୍‌କେ ବାତେ ଆଦ୍‌ ମିୟାଦ୍‌ ଗଟ୍‌ କେଞ୍ଜିତ୍ ।
\s ୱେରଣ୍ଡ୍ ଦାସତ୍ ପାଡ଼ିୟି
\p
\v 7 ବାତେଙ୍କ୍ ଇତ୍କେ ମି ଲୋପେ ଇଦ୍ ଲେକେମ୍ ନାରୁଡ଼୍ ବେନ ମିନ୍ଦେଣ୍ଡ୍, ବେନନ୍ ଦାସ ହୁଡ଼୍‍ସ୍ ୱାସ୍ ବା ଗଡ଼କ୍‍ ମେୟେସ୍ ୱାୟାନାକାଙ୍କ୍ ୱାତ୍‍କେ ଅଣ୍ଡ୍‌ ଅଂକିଙ୍କ୍‌ କେତିତଣ୍ଡ୍, ଇଞ୍ଜେ ୱାସ୍ ତିନ୍ଦାଙ୍କ୍ କୁଦା ? 
\v 8 ବାତେଙ୍କ୍ ଇତ୍କେ ଅଣ୍ଡ୍‌ ତାନ୍ ଚାକର୍ ତିଙ୍କ୍ କେତିତଣ୍ଡ୍, ନାୟାଦ୍ ତିନ୍ଦାନାଦ୍ ଟିକ୍ ମାଡ଼ା, ମେଣ୍ଡେ ନାନ୍ ତିନ୍ଦାନାଦ୍ ଉନ୍ଦାନାଦ୍ ତେର୍‍ସ୍ପାସ୍‍ନା ଯାକ ନାକିଂଙ୍କ୍ ସେବା ମାଡ଼େ, ତାନ୍ ପେର୍‍କେ ନିମେ ତିନ୍ଦାନ୍ ଉନ୍ଦାନ୍ ମାଡ଼ିତି । 
\v 9 ଦାସ ଆଦେଶ୍‍ ଲେକାମ୍ ପାଡ଼ିୟି ମାଡ଼କେ ଅଣ୍ଡ୍‌ ଅଂକିଙ୍କ୍‌ ଦନ୍ୟବାଦ୍ ଇଦ୍‍ତଣ୍ଡ୍ କି ? 
\v 10 ଆଦ୍ ଲେକେମ୍ ମିଡ଼୍ ଆନ୍‌‍ତେ ଆଦେଶ୍‍ ଲେକାମ୍ ସାର୍‍ରେ ପାଡ଼ିୟି ମାଡ଼୍‍ତେ ପେର୍‍କେ କେଲ୍‍ମୁଟ୍, ମାନାଡ଼୍ ଅଯୋଗ୍ୟ ଦାସଡ଼୍, ବାତ୍ ପାଡ଼ିୟି, ମାତର୍ ଆଦିଙ୍କ୍ ମାଡ଼ିତମ୍ ।
\s ଜିସୁ ଦଶ୍‍ଜାନ୍ କୁଷ୍ଠୀନାରୁଡ଼୍‍କିଙ୍କ୍ ସୁସ୍ଥ ମାଡ଼୍‍ତଣ୍ଡ୍
\p
\v 11 ଜିସୁ ଯିରୁଶାଲେମ୍‍ତା ଆଞ୍ଜ ମାନ୍ଦାନ୍ ୱେଲେ ଶମିରୋଣ ନୁ ଗାଲିଲୀ ତାଲାନ୍ ଆଞ୍ଜ ମାତ୍‍ତଡ଼୍ । 
\v 12 ମେଣ୍ଡେ, ଅଣ୍ଡ୍‌ ବେନେ ୱେରନ୍ ନାର୍ ଆସାନ୍ ୱେଲେ, ଦଶ୍‍ଜାନ୍ କୁଷ୍ଟିନାରୁଡ଼୍ ଜିସୁନ୍ ତଡ଼୍ କାୟିଲ୍‍ତଡ଼୍; 
\v 13 ଅଡ଼୍‌‍ ଯେକା ନିସ୍ ଗାଟି ଲେହେଙ୍ଗ୍ ତେ କେତ୍ତଡ଼୍, “ହୋ ଜିସୁ, ଗୁରୁ, ମାକିଂଙ୍କ୍ ଦୟା ମାଡ଼ା ।”
\p
\v 14 ମେଣ୍ଡେ, ଅଣ୍ଡ୍‌ ଅଡ଼୍‌‍କିଂଙ୍କ୍ ଉଡ଼ି କେତ୍ତଣ୍ଡ୍, “ମିଡ଼୍ ଆଞ୍ଜ୍ ନିଜେ ନିଜେ ଯାଜକିଡ଼କ୍ ତଅମୁଟ୍ । ମେଣ୍ଡେ ଅଡ଼୍‌ ଆଞ୍ଜ ଆଞ୍ଜ ସୁସ୍ଥ ଆତ୍‍ତଡ଼୍ ।” 
\v 15 ବାତେଙ୍କ୍ ଇତ୍କେ ଅଡ଼୍‌‍ଆଗାଙ୍କ୍ ୱେରଣ୍ଡ୍ ତାନ୍ ସୁସ୍ଥ ଆତ୍‍ତାଦ୍ ଉଡ଼ି ଗାଟି ଲେଙ୍ଗଦେ ପ୍ରବୁଙ୍କ୍ ମହିମା କୀର୍ତ୍ତନ୍ ମାଡ଼ମାଡ଼ ମାଲ୍‍ସ୍ ୱାତ୍‍ତଣ୍ଡ୍, 
\v 16 ମେଣ୍ଡେ ଜିସୁନ୍ ଡେକାନ୍ ମଦଲ୍ ଆଡ଼୍‌‍କି ଅଂକିଙ୍କ୍‌ ଦନ୍ୟବାଦ୍ ମାଡ଼ାଙ୍କ୍ ପାସ୍‍କ୍‍ତଣ୍ଡ୍; ଅଣ୍ଡ୍‌ ୱେରଣ୍ଡ୍ ଶମିରୋଣୀୟ ନାରୁଡ଼୍ । 
\v 17 ଆଗାଙ୍କ୍ ଜିସୁ କେତ୍ତଣ୍ଡ୍, “ଦଶ୍‍ଜାନ୍ ବାତ୍ ସୁସ୍ଥ ଆୟ୍‍ୟଡ଼୍ ?” ଆଲାତ୍କେ ନଅଜାନ୍ ବେଏକେ ଆଦ୍‍ତଡ଼୍ ? 
\v 18 ଇଶ୍ୱରତାଦ୍ ଗୌରବ୍ ମାଡ଼ାନ୍ ସେଙ୍ଗେ ଇଣ୍ଡ୍ ବିଜାତି ନାରୁଡ଼୍ ୱିଡ଼୍‍ସି ମେଣ୍ଡେ ବେନ ମାଲ୍‍ସ୍ ୱାଡ଼ଣ୍ଡ୍ ? 
\v 19 ମେଣ୍ଡେ, ଜିସୁ ଅଂକିଙ୍କ୍‌ କେତ୍ତଣ୍ଡ୍, “ତେଦ୍‍ଦେ, ହାନ୍, ନିୱାଦ୍ ବିଶ୍ୱାସ୍ ନିକିଂଙ୍କ୍ ସୁସ୍ଥ ମାଡ଼ିତେ ।”
\s ଇଶ୍ୱର୍‌ତାଦ୍ ରାଜ୍ୟ ୱାଦୁତେ
\r (ମାତିଉ ୨୪:୨୩-୨୮,୩୭-୪୧)
\p
\v 20 ଇଶ୍ୱର୍‌ତାଦ୍ ରାଜ୍ୟ ବେସୁଙ୍କ୍‍ ୱାସମିନ୍ଦେନ୍, ହିଦ୍ ବିଷୟତେ ପାରୂଶୀନାରୁଡ଼୍ ଜିସୁଙ୍କ୍ ପାଚ୍ରାମାଡ଼୍‍ତାଙ୍କ୍ ପସ୍‍ପ୍‍ତ୍‍ତଡ଼୍ ନୁ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଇଶ୍ୱର୍‌ତାଦ୍ ରାଜ୍ୟ ତଅନ୍‌ଦାନ୍ ରକମ୍ ୱାଡ଼; 
\v 21 ମେଣ୍ଡେ ଉଡ଼ାଟ୍, ଇଶ୍ୱର୍‌ତେ ରାଜ୍ୟ ଇଗେ ବା ଆଗେ ମିନ୍ଦେ ଇଞ୍ଜ ନାରୁଡ଼୍ କେଲଡ଼୍; ବାତେଙ୍କ୍ ଇତ୍କେ ଉଡ଼ାଟ୍, ଇଶ୍ୱର୍‌ତାଦ୍ ରାଜ୍ୟ ମି ଲୋପେ ମିନ୍ଦେ ।”
\p
\v 22 ବାତେଙ୍କ୍ ଇତ୍କେ ଅଣ୍ଡ୍‌ ଶିଷ୍ୟକିଂଙ୍କ୍ କେତ୍ତଣ୍ଡ୍, ଇଦ୍ ଲେକାମ୍ ସମୟ୍ ୱାଦୁତେ, ବେସୁଙ୍କ୍‍ ମିଡ଼୍ ନାରୁଡ଼୍ ପିଲେତ୍ ଦିନାମ୍ ଲୋପେକ୍ ୱେରନ୍ ଦିନ୍ ଉଡ଼ାନଙ୍କ୍ ଇଚ୍ଛା ମାଡ଼ିତିଡ଼୍, ବାତେଙ୍କ୍ ଇତ୍କେ ଉଡ଼ାଙ୍କ୍ ପାର୍‍ୱିଡ଼୍ । 
\v 23 ଉଡ଼ାଟ୍, ଆଗେ, ଉଡ଼ାଟ୍, ଇଗେ ଇଞ୍ଜ ନାରୁଡ଼୍ ମିକିଂଙ୍କ୍ କେତିତଡ଼୍; ବାତେଙ୍କ୍ ଇତ୍କେ ମିଡ଼୍ ଅଡ଼୍‌‍ ପେର୍‍କେ ହାନ୍‍ମାଟ୍ । 
\v 24 ବାତ୍‍ତେଙ୍କ୍ ଇତ୍କେ ମାବ୍‍ତାଗ୍ ୱାର୍ରସୁତ୍‍ ୱେରଡାଗାଙ୍କ୍ ମେଣ୍ଡନ୍ ପାକ୍ ୱେସ୍ ଇଦ୍‍ତା, ନାରୁଡ଼୍ ପିଲେ ତାମ୍ ଦିନାତେ ଆଦ୍‍ଲେକାମ୍ ତଅନ୍‌ଦିତଣ୍ଡ୍ । 
\v 25 ବାତେଙ୍କ୍ ଇତ୍କେ ମୁନେ ଅଂକିଙ୍କ୍‌ ନାର୍ଗେ ଦୁଃକାମ୍ କଷ୍ଟ ମାଡ଼୍ ୱେଇତିତ୍ ନୁ ଇଦ୍ ଇଞ୍ଜେତ୍ ମାନେଇ ଦ୍ୱାର୍‍ ଆଗ୍ରାହ୍ୟ ମାଡ଼ିତଡ଼୍ । 
\v 26 ମେଣ୍ଡେ, ନୋହତେ ୱେଲେ ବେଦ୍ ଲେକାମ୍ ଗଟେମ୍ଆସ୍ ମାତ୍‍ତେ, ନାରୁଡ଼୍ ପିଲେତ୍ ୱେଲେ ମିକା ଆଦ୍ ଲେକେମ୍ ଗଟେମ୍ ଆଦ୍‍ତେ; 
\v 27 ନୋହ ଜାହାଜତାଗ୍ ଅସାନ୍ ଦିନାମ୍ ଯାକ ନାରୁଡ଼୍ ତିନ୍ଦାନଙ୍କ୍ ନୁ ପେଣ୍ଡୁଲ୍ ଆଦାନଙ୍କ୍ ନୁ ପେଣ୍ଡୁଲ୍ ମାଡ଼ାନଙ୍କ୍ ଦାନ୍ଦେ ମାନ୍‌ତଡ଼୍, ମେଣ୍ଡେ ଏର୍‍ ତୁପାନ୍ ୱାସ୍ ସାର୍‍ରେ ତଡ଼୍‍କିଂଙ୍କ୍ ଆୱୁକ୍‍ତେ । 
\v 28 ଲୋଟତେ ୱେଲେ ମିକା ଆଦ୍‍ଲେକାମ୍ ଗଟେମ୍ ଆସ୍ ମାତ୍‍ତା, ନାରୁଡ଼୍ ତିନ୍ଦାନଙ୍କ୍, ହାସାନ୍‍ ୱାମାନ୍, ମାଡ଼ାକ୍ ଉର୍ସ୍‍କାଙ୍କ୍ ନୁ ଲୋକ୍ ମାଡ଼ାଙ୍କ୍ ଦାନ୍ଦ୍ ଆସମାତ୍‍ତଡ଼୍, 
\v 29 ବାତେଙ୍କ୍ ଇତ୍କେ ଲୋଟ ସଦୋମ୍‍ କନ୍‍ସ୍ ପେଇସ୍ ଆଦ୍‍ଦାନ୍ ଦିନେ ମାବ୍ ତାଗାଙ୍କ୍ କିସ୍ ନୁ ଗନ୍ଦକ ୱାର୍‍ସାମ୍ ୱାସ୍ ସାରେତଡ଼୍‌କିଂଙ୍କ୍ ୱିଡ଼୍‍ସି ମାଡ଼୍‍ତେ । 
\v 30 ନାରୁଡ଼୍ ପିଲା ମାଲ୍‍ସ୍ ୱାଦାନ୍ ଦିନେ ଆଦ୍‍ଲେକାମ୍ ଗଟେମ୍ ଆଦ୍‍ତେ ।
\p
\v 31 \x + \xo ୧୭:3୧ \xo*\xt ମାତିଉ ୨୪:୧୭,୧୮; ମାର୍କ ୧3:୧୫,୧୬.\xt*\x*ଆଦ୍ ଦିନେ ବେନ ଲୋତ୍‍ତେ ମୁର୍ସିନାଗ୍‍ ମାନ୍‍ତଣ୍ଡ୍, ଅଣ୍ଡ୍‌ ଲୋତ୍ ତେ ଲୋପେ ମାନ୍ଦାନ୍ ତାମ୍ ଜିନିଷ୍‍ତିଙ୍କ୍ ଆଦାନଙ୍କ୍ ଡିଗି ୱାଡ଼୍‍ମାକିନ୍; ଆଦ୍‍ଲେକାମ୍ ବେନ ୱାୟାନାକ୍‍ ମାନ୍‍ତଣ୍ଡ୍, ଅଣ୍ଡ୍‌ ମାଲ୍‍ସ୍ ଲୋନ୍‌ ଆନ୍‌‍ମାକିନ୍‍ । 
\v 32 ଲୋଟନ୍ ମୁତେନ୍ ଗଟି ହେର୍କା ମାଡ଼ାଟ୍ । 
\v 33 \x + \xo ୧୭:33 \xo*\xt ମାତିଉ ୧୦:3୯; ୧୬:୨୫; ମାର୍କ ୮:3୫; ଲୁକ ୯:୨୪; ଯୋହନ୍‌‌ ୧୨:୨୫.\xt*\x*ବେନ୍ ନାରୁଡ଼୍ ନିଜ୍ ଜିୱୁଣ୍ଡ୍ ରକ୍ଷା ମାଡ଼ାନଙ୍କ୍ ଆଲ୍‍ସି ମାଡ଼ିତନ୍, ଅନ୍‌ ଆଦ୍ ହାରାମାଡ଼ିତଣ୍ଡ୍, ମେଣ୍ଡେ ବେନ ତାନ୍ ଜିୱୁଣ୍ଡ୍ ହରା ମାଡ଼ିତନ୍, ଅଣ୍ଡ୍‌ ଆଦିଙ୍କ୍ ଗେଲ୍‍ସ୍‍ପିତଣ୍ଡ୍ । 
\v 34 ନାନ୍ ମିକିଂଙ୍କ୍ କେସମିନ୍ଦେନ୍, ଆଦ୍ ନାର୍କେ ଇର୍‍ୱୁଡ଼୍ ୱେରନ୍ ପଡ଼ିୟେତାଗ୍ ମାନ୍‍ତଡ଼୍, ୱେରଙ୍କ୍ ଅଣ୍ଡ୍‌ତଡ଼୍ ନୁ ମେଣ୍ଡେଅର୍‍ତୁଙ୍କ୍ ୱିଡ଼୍‍ସିଦ୍‍ତଡ଼୍ । 
\v 35 ରେଣ୍ଡ୍ ମୁତ୍‍ତେ ଅଣ୍ଡୟ୍‌ ତାଗ୍ ଯାତେତିଙ୍କ୍ ଉଡ଼୍‍ସ୍ପମାନ୍‍ତା, ୱେରଡିଙ୍କ୍ ଅଦ୍‌ତା ନୁ ମେଣ୍ଡେଅଣ୍ଡିଙ୍କ୍ ୱିଡ଼୍‍ସିଦ୍‍ତଡ଼୍ । 
\v 36 ଇର୍‍ୱୁଡ଼୍ ୱାୟେତାଗ୍ ମାନ୍‍ତଡ଼୍, ଅର୍‍ତୁଙ୍କ୍ ଗ୍ରହନ୍ ମାଡ଼ିତଡ଼୍ ନୁ ମେଣ୍ଡେଅର୍‍ତୁଙ୍କ୍ ୱିଡ଼୍‍ସିଦ୍‍ତଡ଼୍ ।
\p
\v 37 ଆଗାଙ୍କ୍ ଅଡ଼୍‌‍ ଅଂକିଙ୍କ୍‌ କେତ୍‍ତଡ଼୍, “ହୋ ପ୍ରବୁ, ବେଗେ ?” ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ବେଗ୍ ମଡ଼୍, ଆଗେ ଡାମରାପିଟେ ମିକା ଅଣ୍ଡୟ୍‌‍ତାଗ୍‍ ଗୁଡ଼ିତା ।”
\c 18
\s ରାଣ୍ଡିଲ୍ ନୁ ବିଚାର୍ ମାଡ଼ାନନାଦ୍ ଗଟ୍
\p
\v 1 ହତାସ୍ ଆୟ୍‍ୟକଟ ସାରେଦାମ୍ ପ୍ରାର୍ତନା ମାଡ଼ାନାଦ୍ ସାୟେ, ଇ ବିଷୟତେ ଜିସୁ ଅଡ଼୍‌‍କିଂଙ୍କ୍ ଇଦ୍ ଗଟ୍ କେତ୍‍ତଣ୍ଡ୍, 
\v 2 ଅଣ୍ଡୟ୍‌ ନାର୍‍ଦାଗ୍ ୱେରଣ୍ଡ୍ ବିଚାର୍‍କର୍‍ତାଲ୍ ମାତ୍‍ତଣ୍ଡ୍, ଅଣ୍ଡ୍‌ ଇଶ୍ୱର୍‌ତିଙ୍କ୍ ୱେର୍‍ୟକଟ ମାତ୍‍ତଣ୍ଡ୍ କି ନାରୁଡ଼୍‍କିଂଙ୍କ୍ ଉଡ଼୍‍ପୁନ୍ୱେ ମାତ୍‍ତଣ୍ଡ୍ । 
\v 3 ଆଦ୍ ନାର୍‍ଦାଗ୍ ୱେରଡ଼୍ ରାଣ୍ଡିଲ୍ ମାତ୍‍ତେ, ଆଦ୍ ଅଣ୍ଡ୍‌ ଅଣ୍ଡ୍‌‍ଦାମ୍‍ ଆନା ଆଞ୍ଜ୍ କେସ ମାତ୍‍ତେ, ୱେର୍‍ଣ୍ଡ୍ ନା ବିରୁଦ୍ ତେ ଅନ୍‌ୟାୟ୍ ମାଡ଼ୁତଣ୍ଡ୍ ଆଦିନାଦ୍ ବିଚାର୍ ମାଡ଼େ । 
\v 4 ନାର୍ଗେ ଦିନାମ୍ ଯାକ ବିଚାର୍ କର୍ତ୍ତାଲ୍ ରାଜି ଆୟ୍‍ୟକଟ ମାତ୍‍ତଣ୍ଡ୍; ବାତେଙ୍କ୍ ଇତ୍କେ ପେର୍‍କେ ଅଣ୍ଡ୍‌ ହେର୍କା ମାଡ଼୍‍ତଣ୍ଡ୍, ଯଦି ନାନ୍ ଇଶ୍ୱତିଙ୍କ୍ ୱେର୍‍ୱନ୍ କି ନାରୁଡ଼୍‍କିଂଙ୍କ୍ କେଞ୍ଜନ୍, 
\v 5 ଆଗେକ୍ ବାଡ଼େ ଆଦ୍ ରାଣ୍ଡିଲ୍ ନାକିଂଙ୍କ୍ କଷ୍ଟ ଇସମିନ୍ଦେ ନାନ୍ ତାନ୍ ସେଙ୍ଗେ ଆତ୍‍ତେ ଅନ୍‌ୟାୟତାଦ୍ ବିଚାର୍ ମାଡ଼ିତାନ୍, ଇଲୁକ୍ ଆଦ୍ ସାରେଦାମ୍ ୱାସ୍ ନାକିଂଙ୍କ୍ ଦାନ୍ଦେ ଆସମାତ୍‍ତେ ।
\p
\v 6 ଆଗାଙ୍କ୍ ପ୍ରବୁ କେତ୍ତଣ୍ଡ୍, “ଇଣ୍ଡ୍ ଅଦାର୍ମିକିଡ଼୍ ବିଚାର୍‍କର୍‍ତାଲ୍ ବାତ୍ କେତୁତନ୍, ଆଦ୍ କେଞ୍ଜାଟ୍ । 
\v 7 ଇଶ୍ୱର୍‌ ହେଞ୍ଚତେ ନାରୁଡ଼୍ ନାର୍କାପାୟାଲ୍ ଅଂକିଙ୍କ୍ କାର୍‍ଙ୍ଗମାନ୍ତଡ଼୍, ଅଣ୍ଡ୍‌ କି ଅଡ଼୍‌‍ ସେଙ୍ଗେ ଆତ୍‍ତେ ଅନ୍‌ୟାୟତେ ବିଚାର୍ ମାଡ଼ଣ୍ଡ୍, ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାଙ୍କ୍ ଅଣ୍ଡ୍‌ ଲେଟ୍ ମାଡ଼ିତନ୍ କି ? 
\v 8 ନାନ୍ ମିକିଂଙ୍କ୍ କେସମିନ୍ଦେନ୍, ଅଣ୍ଡ୍‌ ଯାପେ ଅଡ଼୍‌‍ ସେଙ୍ଗେ ଆତ୍‍ତେ ଅନ୍‌ୟାୟତାଦ୍ ବିଚାର୍ ମାଡ଼ିତନ୍ । ବାତେଙ୍କ୍ ଇତ୍କେ ନାରୁଡ଼୍ ପିଲେ ୱାସ୍ ପୃତିବିତାଗ୍ ବାତ୍ ବିଶ୍ୱାସ୍ ଉଡ଼ିତଣ୍ଡ୍ ?”
\s ପାରୂଶୀ ନୁ କରଆଦାୟ୍ ମାଡ଼ାନନାଦ୍ ୱେଷଡ଼୍
\p
\v 9 ନିଜେ ନିଜେ ଦାର୍ମିକ୍ ଇଞ୍ଜ ହାଲ୍‍ସି ମେଣ୍ଡେ ବାଗାତଡ଼କିଂଙ୍କ୍ ବାଗାତ୍ ନାରୁଡ଼୍‍କ୍ ତୁଚ୍ଛ ହେର୍କେ ମାଡ଼ମାନ୍ଦାନ୍ ବେସ୍‍କ୍‍ତୁଡ଼୍‍ ଆତ୍ମା ଆଶେତ୍ ନାରୁଡ଼୍‍କିଂଙ୍କ୍ ଜିସୁ ଇଦ୍ ୱେଷଡ଼୍ କେତ୍‍ତଣ୍ଡ୍, 
\v 10 ୱେର୍‍ଡ୍ ଦିନେ ଇର୍‍ୱୁଡ଼୍ ନାରୁଡ଼୍ ପ୍ରାର୍ତନା ମାଡ଼ାନ୍ ମାଇଦିଙ୍କ୍ ମନ୍ଦିର୍‍ତାଗ୍ ଆତ୍‍ତଡ଼୍, ୱେରଣ୍ଡ୍ ପାରୂଶୀ ନୁ ମେଣ୍ଡ୍ଅର୍ତୁଣ୍ଡ୍ କରଗ୍ରାହୀ ।
\p
\v 11 ପାରୂଶୀ ନିଶ୍‍ମିକା ତାନ୍ ସେଙ୍ଗେ ଇଦ୍ ଲେକାମ୍ ପ୍ରାର୍ତନା ମାଡ଼ାଙ୍କ୍ ପସ୍‍ପ୍‍ତଣ୍ଡ୍, ହୋ ଇଶ୍ୱର୍‌ ନାନ୍ ନିକିଂଙ୍କ୍ ଦନ୍ୟବାଦ୍ ଇଦୁତାନ୍ ଯେ, ନାନ୍ ବାଗାତ୍ ସାରେତଡ଼୍ ନାରୁଡ଼୍ ଲେକାମ୍ ହାୱୁକାନଡ଼୍, ଆଦାର୍ମିକ୍, ବ୍ୟବିଚାରୀଡ଼୍‍ ବା ଇଣ୍ଡ୍ କରଗ୍ରାହୀ ଲେକେମ୍ ମିକା ଆୟନ୍; 
\v 12 ନାନ୍ ସପ୍‍ତାତିଙ୍କ୍ ରେଣ୍ଡ୍ ଦାମ୍ ଉପବାସ୍ ମାଡ଼ୁତାନ୍ ନୁ ନାୱାଦ୍ ସାରେ କାମ୍‍ମାଡ଼ି ଗୁଡ଼୍‍ପ୍‍ତାଦ୍ ଦଶ୍‍ବାଗ୍ କନ୍‍ସ୍ ୱେରନ୍ ପାଲ୍‍କ୍ ଦାନ ମାଡ଼ୁତାନ୍ ।
\p
\v 13 ବାତେଙ୍କ୍ ଇତ୍କେ କରଗ୍ରାହୀ ଜେକେ ନିସ୍ ମିକା ସ୍ୱର୍ଗତା ପରୁ ଉଡ଼ାନଙ୍କ୍ ସେଙ୍ଗେ ମେଣ୍ଡେ ସାହାସ୍ ମାଡ଼ଣ୍ଡ୍, ବାତେଙ୍କ୍ ଇତ୍କେ ତାନ୍ ଗୁଣ୍ଡେତାଗ୍ ରେହେସ୍ କେତାନଙ୍କ୍ ପସ୍‍ପ୍‍ତଣ୍ଡ୍, ହୋ ଇଶ୍ୱର୍‌, ନାନ୍ ପାପି, ନାକିଂଙ୍କ୍ ଦୟା ମାଡ଼ା । 
\v 14 \x + \xo ୧୮:୧୪ \xo*\xt ମାତିଉ ୨3:୧୨; ଲୁକ ୧୪:୧୧.\xt*\x*ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଅଣ୍ଡ୍‌ ପାରୂଶୀ ଆୟ୍‍ୟଣ୍ଡ୍, ବା ଇଣ୍ଡ୍ କରଗ୍ରାହୀ ଦାର୍ମାମ୍ ଆସ୍ ତାମ୍ ଲୋନ୍‌ ଆତ୍‍ତଣ୍ଡ୍; ବାତେଙ୍କ୍ ଇତ୍କେ ବେନଆଇ ନିଜେତିଙ୍କ୍ ଉନ୍ନତ ଇଞ୍ଜ ତଅତିତଣ୍ଡ୍, ଅଂକିଙ୍କ୍‌ ଆୱେକେ ମାଡ଼ିତଡ଼୍, ବାତେଙ୍କ୍ ଇତ୍କେ ବେନ ନିଜେତିଙ୍କ୍ ଆୱେକେ ମାଡ଼ିତନ୍, ଅଂକିଙ୍କ୍‌ ଉନ୍ନତ ମାଡ଼ିତଡ଼୍ ।”
\s ଜିସୁ ପିଲାଙ୍କ୍ ଆର୍ଶିବାଦ୍ ମାଡ଼ତଣ୍ଡ୍
\r (ମାତିଉ ୧୯:୧୩-୧୫; ମାର୍କ ୧୦:୧୩-୧୬)
\p
\v 15 ଜିସୁ ବେଦ୍ ଲେକାମ୍ ପିଲାଙ୍କ୍ ହିଟିତଣ୍ଡ୍, ଇଦ୍ ସେଙ୍ଗ୍ ନାରୁଡ଼୍ ଅଡ଼୍‌‍କିଂଙ୍କ୍ ମିକା ଅନ୍‌ ଗାର୍‍ରେ ତାତାନଙ୍କ୍ ପସ୍‍ପ୍‍ତ୍‍ତଡ଼୍; ମାତର୍ ଶିଷ୍ୟଡ଼୍ ଆଦ୍ ଉଡ଼ି ଅଡ଼୍‌‍କିଂଙ୍କ୍ ଗୋଲକ୍ ହିଦାନଙ୍କ୍ ପସ୍ପ୍‍ତ୍‍ତଡ଼୍ । 
\v 16 ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ ଅନ୍‌ ଗାର୍‍ରେ କାର୍‍ଙ୍ଗି କେତ୍ତଣ୍ଡ୍, “ପିଲାଙ୍କ୍ ନା ଗାର୍‍ରେ ୱାଦାଙ୍କ୍ ଇମୁଟ୍, ମେଣ୍ଡେ ଅଡ଼୍‌‍କିଂଙ୍କ୍ ମନା ମାଡ଼ମାଟ୍, ବାତେଙ୍କ୍ ଇତ୍କେ ଇଶ୍ୱରତାଦ୍ ରାଜ୍ୟ ଇଦ୍ ଲେକେମ୍ ପିଲାନାଦ୍ । 
\v 17 ନାନ୍ ମିକିଂଙ୍କ୍ ନିଜାମ୍‍ କେସମିନ୍ଦେନ୍, ବେନବା ପିଲାନ୍ ଲେକେମ୍ ଇଶ୍ୱରତାଦ୍ ରାଜ୍ୟ ଗ୍ରହନ୍ ମାଡ଼ଣ୍ଡ୍, ଅଣ୍ଡ୍‌ ବେସୁଟ୍‌ ମିକା ଆଗେ ଆସ୍ ପାର୍‍ୱଣ୍ଡ୍ ।”
\s ୱେର୍‍ଣ୍ଡ୍ ସାଉକାର୍ ନାରୁଡ଼୍
\r (ମାତିଉ ୧୯:୧୬-୩୦; ମାର୍କ ୧୦:୧୭-୩୧)
\p
\v 18 ୱେରଣ୍ଡ୍ ଯିହୁଦୀ ମୁକ୍ୟାଲ୍ ଜିସୁଙ୍କ୍ କେତ୍ତଣ୍ଡ୍, “ହୋ ସତ୍‍ ଗୁରୁ, ସାରେଦିନାତ୍ ଜିୱୁଣ୍ଡ୍ ଲେକେତ୍‍ ଆଦାନ୍ ମାଇଦିଙ୍କ୍ ନାନ୍ ବାତ୍ ମାଡ଼ିତାନ୍ ?”
\p
\v 19 ଆଗାଙ୍କ୍ ଜିସୁ ଅଂକିଙ୍କ୍‌ କେତ୍ତଣ୍ଡ୍, “ନାକିଂଙ୍କ୍ ସତ୍‌ଗୁରୁ ହିଞ୍ଜ ବାତେଙ୍କ୍ କେତୁତି ? ୱେରଣ୍ଡ୍ ୱିଡ଼୍‍ସି, ଇତ୍‍କେ, ଇଶ୍ୱତିଙ୍କ୍‌ ୱିଡ଼୍‍ସି ମେଣ୍ଡେ ବେନ ମିକା ସାୟେ ଇଲାଣ୍ଡ୍ ।” 
\v 20 ଇଶ୍ୱର୍‌ତେ ଆଦେଶ୍‍ତିଙ୍କ୍ ତ ନିମେ ପୁତ୍‍ତିନ୍, ବ୍ୟବିଚାର୍ ମାଡ଼୍‍ମାଟ୍, ନାରୁଙ୍କ୍ ଆୱୁକ୍‍ମାଟ୍, ଡଙ୍ଗ‍ମା, ୱିଶାମ୍ ଗଟି କେଲ୍‍ମା, ନିଜେ ୟାୟବାବାଙ୍କ୍‍ ସମ୍ମାନ୍ ଇମ୍ ।
\p
\v 21 ଅଣ୍ଡ୍‌ କେତ୍ତଣ୍ଡ୍, “ଇୱୁ ସାରେ ନାନ୍ ପିଲେତ୍ ଦିନାକ୍ କନ୍‍ସ୍ ପାଲନ୍ ମାଡ଼ି ୱାଦୁତାନ୍ ।”
\p
\v 22 ଜିସୁ ଇଦ୍ କେଞ୍ଜି ଅଂକିଙ୍କ୍‌ କେତ୍ତଣ୍ଡ୍, “ମିୱାଦ୍ ମେଣ୍ଡେ ୱେରଟ୍ ବିଷୟ ସୁଦୁଟ୍ ମିନ୍ଦେ; ନିମେ ନିୟାଦ୍ ସାରେ ଜିନିଷ୍ ୱାମି ଦରିଦ୍ର ନାରୁଡ଼୍‍କ୍ ତୁଉସିମ୍, ମେଣ୍ଡେ ନିକିଂଙ୍କ୍ ସ୍ୱର୍ଗତାଗ୍ ଦନ୍ ଦର୍‍କିତ୍; ମେଣ୍ଡେ ୱାସ୍ ନା ପେର୍କେ ୱାଡ଼ାଟ୍‌ ।” 
\v 23 ବାତେଙ୍କ୍ ଇତ୍କେ ଅଣ୍ଡ୍‌ ଇଦ୍ ସାରେ ଗଟି କେଞ୍ଜି ଗାଟି ଦୁଃକାମ୍ ଆତ୍‍ତଣ୍ଡ୍, ବାତ୍‍ତେଙ୍କ୍ ଇତ୍କେ ଅଣ୍ଡ୍‌ ଗାଟି ବାଡ଼୍‍ୟଣ୍ଡ୍ ସାଉକାର୍ ମାତ୍‍ତଣ୍ଡ୍ ।
\p
\v 24 ଆଗାଙ୍କ୍ ଅଣ୍ଡ୍‌ ଦୁଃକାମ୍ ଆଦାନାଦ୍ ଉଡ଼ି ଜିସୁ କେତ୍ତଣ୍ଡ୍, “ବେନନାଗ୍‍ ଦନ୍ ମିନ୍ଦେ, ଅଡ଼୍‌‍ ବେସର୍ ତିପାଲ୍‍ତେ ଇଶ୍ୱର୍‌ତେ ରାଜ୍ୟତ୍ ଲୋପେ ଅସ୍‍ ପାର୍‍ଦ୍‍ତଡ଼୍ ! 
\v 25 ବାତ୍‍ତେଙ୍କ୍ ଇତ୍କେ ଇଶ୍ୱର୍‌ତେ ରାଜ୍ୟତାଗ୍ ସାଉକାର୍ ନାରୁଣ୍ଡ୍ ନେଙ୍ଗାନ୍ ୱିଡ଼୍‍ସି, ଚୁଜ୍‍ ବସେତ୍‍ ଆଲା ଉଟ୍ ନେଙ୍ଗାନାଦ୍ ସହଜ୍ ।”
\p
\v 26 ବେନେ ନାରୁଡ଼୍ ଇଉଗୋଟି କେଞ୍ଜ୍‍ତଡ଼୍, ଅଡ଼୍‌‍ କେତ୍ତଡ଼୍, “ଇଲୁକ୍‍ ବେନ ପରିତ୍ରାଣ ଆଦ୍‍ତନ୍ ?”
\p
\v 27 ବାତେଙ୍କ୍ ଇତ୍କେ ଜିସୁ କେତ୍ତଣ୍ଡ୍, “ବେନ୍‌ ନାରୁଡ଼୍ ତଡ଼୍ ଆୟ୍‍ୟ ଆଦ୍ ଇଶ୍ୱରତେ ତଡ଼୍ ଆଦ୍ ତେ ।”
\p
\v 28 ଆଗେତିନ୍‍ସ୍ ପିତର୍ କେତ୍ତଣ୍ଡ୍, “ଉଡ଼େ, ମାମେ ନିଜେ ନିଜର୍ ସାରେତିଙ୍କ୍ ୱିଡ଼୍‍ସି ନି ପେର୍କେ ୱାସ୍‍ମିନ୍ଦେମ୍‍ ।”
\p
\v 29 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ନାନ୍ ମିକିଂଙ୍କ୍ ସତ୍ କେତୁତାନ୍; ବେନ୍ ନାରୁଡ଼୍ ଇଶ୍ୱରତାଦ୍ ରାଜ୍ୟ ସେଙ୍ଗେ ଲୋନ୍‌‍ କି ମୁତ୍‍ତେ କି ତାମୁଣ୍ଡ୍‌ କି ୟାୟବାବ କି ନିଜର୍ ପିଲାଙ୍କ୍ ୱିଡ଼୍‍ସ୍‍ତଡ଼୍, 
\v 30 ଇଞ୍ଜେତ୍ ଦିନାତେ ଗାଟି ଗୁଣାମ୍ ଦର୍‍କିତେ ମେଣ୍ଡ୍ ପେର୍‍କେତ୍‍ ଦିନାତେ ସାରେଦିନାତ୍ ଜିୱୁଣ୍ଡ୍ ଦର୍‍କିତ୍, ଇଦ୍ ଲେକେମ୍ ନାରୁଡ଼୍ ବେନ ଇଲାଣ୍ଡ୍ ।”
\s ଜିସୁ ତୃତୀୟଦାମ୍ ନିଜର୍ ଡୋଲ୍‍ତାଦ୍ ଗଟ୍ କେତ୍‍ତଣ୍ଡ୍
\r (ମାତିଉ ୨୦:୧୭-୧୯; ମାର୍କ ୧୦:୩୨-୩୪)
\p
\v 31 ପେର୍‍କେ ଜିସୁ ବାରଜାନ୍ ଶିଷ୍ୟଡ଼କ୍ ୱେରେ ମାଡ଼ି ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଉଡ଼ାଟ୍, ମାନାଡ଼୍ ଯିରୁଶାଲେମ୍‍ତା ଆଞ୍ଜ ମିନ୍ଦେମ୍, ମେଣ୍ଡେ ନାରୁଡ଼୍ ପିଲେତ୍ ବିଷୟତେ ବାବବାଦୀଡ଼୍ ବାତା ଲେକ୍‍ତଡ଼୍ ଆଉ ସାରେ ସଫଲ୍‍ ଆଦ୍‍ତେ । 
\v 32 ଅଣ୍ଡ୍‌ ବିଜାତି ନାରୁଡ଼୍‍ତେ କାଇଦେ ସମର୍ପିତ୍ ଆଦ୍‍ତନ୍, ମେଣ୍ଡେ ଅଡ଼୍‌‍ ଅଂକିଙ୍କ୍‌ ପରିହାସ୍ ମାଡ଼ିତଡ଼୍, ଅନ୍‌ ସେଙ୍ଗେ ଆୱୁକିତ୍‍ତଡ଼୍‍ ନୁ ଅନ୍‌ ପରୁ ଉଚିତଡ଼୍, 
\v 33 ଅଂକିଙ୍କ୍‌ ଚାବୁକତଡ଼୍ ରେହେସ୍ ହାୱକିତଡ଼୍, ମେଣ୍ଡେ ମୁଣ୍ଡ୍ ଦିନାମ୍‌ତେ ପେର୍କେ ଅଣ୍ଡ୍‌ ମେଣ୍ଡେ ଜିୱୁଣ୍ଡ୍ ଆଦ୍‍ତନ୍ ।”
\p
\v 34 ବାତେଙ୍କ୍ ଇତ୍କେ ଅଡ଼୍‌‍ ଇଦ୍‍ସାରେ ବିଷୟତେ ବାତେମିକା ପୁନଡ଼୍; ଇଦ୍ ବାକ୍ୟ ଅଡ଼୍‌‍ ଆଗାଙ୍କ୍ ମିଞ୍ଜି ମାତ୍‍ତେ, ମେଣ୍ଡେ ଜିସୁ ବାତ୍ ବାତ୍ କେସ‍ମାତ୍‍ତଡ଼୍, ଆଉ ସାରେ ଅଡ଼୍‌ ବୁଜେମ୍ ଆୟ୍‍ୟ ମାତ୍‍ତଡ଼୍ ।
\s ଜିସୁ ୱେର୍‍ଣ୍ଡ୍ କାନାଙ୍କ୍ ସୁସ୍ଥ ମାଡ଼ତଣ୍ଡ୍
\r (ମାତିଉ ୨୦:୨୯-୩୪; ମାର୍କ ୧୦:୪୬-୫୨)
\p
\v 35 ଅଣ୍ଡ୍‌ ଯିରୀୟ ନଗର୍‍ତେ ଗାର୍‍ରେ ହେଉଦାନ୍‍ ୱେଲେ, ୱେରଣ୍ଡ୍ କାନାଲ୍ ହାର୍‍ଦେ ଗାର୍‍ରେ କୁଦି ତାଆଲ୍‍କ ମାତ୍‍ତଣ୍ଡ୍ । 
\v 36 ଅଣ୍ଡ୍‌ ନାରୁଡ଼୍ ସାରେତଡ଼୍ ଆଦାନାଦ୍ ଲେଙ୍ଗ୍ କେଞ୍ଜି ଗଟ୍ ବାତେଏ ଇଞ୍ଜ ପାଚ୍ରାମାଡ଼ାଙ୍କ୍ ପସ୍‍ପ୍‍ତଣ୍ଡ୍ ।
\p
\v 37 ଅଡ଼୍‌‍ କାନାଙ୍କ୍ କେତ୍‍ତଡ଼୍, “ନାଜରିତିୟ ଜିସୁ ଇଦ୍ ଆର୍‍ଇସ୍ ଆଦୁତନ୍ ।”
\p
\v 38 ଆଗାଙ୍କ୍ ଅଣ୍ଡ୍‌ କାନାଲ୍ ଗାଟି ଲେଙ୍ଗଦେ କାର୍‍ଙ୍ଗତଣ୍ଡ୍, “ହୋ ଜିସୁ, ଦାଉଦ୍‍ତେ ମାର୍‍, ନାକିଂଙ୍କ୍ ଦୟା ମାଡ଼ା ।”
\p
\v 39 ମାତର୍ ମୁନେ ଆଦାନଡ଼୍ ନାରୁଡ଼୍ କାନାଙ୍କ୍ ଦମକ୍ ଇସ୍‌ ଅଂକିଙ୍କ୍‌ କଟ ଆଦାଙ୍କ୍ କେତ୍‍ତଡ଼୍, ବାତେଙ୍କ୍ ଇତ୍କେ ଅଣ୍ଡ୍‌ ମେଣ୍ଡ୍ ଗାଟି ଲେଙ୍ଗତେ କାର୍‍ତଣ୍ଡ୍, “ହୋ ଦାଉଦ୍‍ ତେ ମାର୍‍, ନାକିଂଙ୍କ୍ ଦୟା ମାଡ଼ା ।”
\p
\v 40 ଜିସୁ ଆଗାଙ୍କ୍ ନିସ୍ ମିକା କାନାଙ୍କ୍ ଗାର୍‍ରେ ତାତାନଙ୍କ୍ କେତ୍ତଣ୍ଡ୍, ମେଣ୍ଡ୍ ଅଣ୍ଡ୍‌ ଗାର୍‍ରେ ୱାତ୍‌ତେ ୱେଲେ, ଜିସୁ ଅଂକିଙ୍କ୍‌ କେତ୍ତଣ୍ଡ୍, 
\v 41 ନାନ୍ ନି ମାଇଦିଙ୍କ୍ ବାତ୍ ମାଡ଼ିତାନ୍ ଇଞ୍ଜ ନିମେ ଇଚ୍ଛା ମାଡ଼ୁତିନ୍ ? କାନାଲ୍ କେତ୍ତଣ୍ଡ୍, “ହୋ ପ୍ରବୁ, ନାନ୍ ବେଲାକି ମେଣ୍ଡେ ଉଡ଼୍‍ପାର୍ଦ୍‍ତାନ୍ ।”
\p
\v 42 ଜିସୁ କାନାଙ୍କ୍ କେତ୍ତଣ୍ଡ୍, “ତ ନିମେ କଣ୍ଡା ଉଡ଼େ; ନିୱାଦ୍ ବିଶ୍ୱାସ୍ ନିକିଂଙ୍କ୍ ସୁସ୍ଥ ମାଡ଼୍‍ତଣ୍ଡ୍ ।”
\p
\v 43 ସାଙ୍ଗେ ସାଙ୍ଗେ ଅଣ୍ଡ୍‌ କଣ୍ଡାଉଡ଼ି, ଇଶ୍ୱରତେ ମହିମା କୀର୍ତ୍ତନ୍‍ ମାଡ଼ମାଡ଼ ଅନ୍‌ ପେର୍କେ ପେର୍କେ ତାଆକାନଙ୍କ୍ ପସ୍ପ୍‍ତଣ୍ଡ୍ ନୁ ନାରୁଡ଼୍ ସାରେତଡ଼୍ ଆଦ୍ ଉଡ଼ି ଇଶ୍ୱର୍‌ ତେ ପ୍ରସଂଶା ମାଡ଼୍‍ତଡ଼୍ ।
\c 19
\s ଜିସୁ ନୁ ଜକୀୟ
\p
\v 1 ପେର୍‍କେ ଜିସୁ ଯିରୀୟତାଗ୍ ଆସି ମିକା ଆଦ୍ ଆଲା ଇସ୍‌ ଆଞ୍ଜ ମାତ୍‍ତଣ୍ଡ୍ । 
\v 2 ମେଣ୍ଡେ ଉଡ଼ାଟ୍, ଜକୀୟ ପେଦେର୍ ତଣ୍ଡ୍ ୱେରଣ୍ଡ୍ ନାରୁଡ଼୍ ମାତ୍‍ତଣ୍ଡ୍, ଅଣ୍ଡ୍‌ ୱେରଣ୍ଡ୍ ମୁକ୍ୟକରଗ୍ରାହୀ ନୁ ସାଉକାର୍ ନାରୁଡ଼୍ ମାତ୍‍ତଣ୍ଡ୍ । 
\v 3 ଜିସୁ ବେନଣ୍ଡ୍, ଅଂକିଙ୍କ୍‌ ଉଡ଼ାଙ୍କ୍ ଅଣ୍ଡ୍‌ ଇଚ୍ଛା ଆସମାତ୍‍ତଣ୍ଡ୍, ବାତେଙ୍କ୍ ଇତ୍କେ ନାରୁଡ଼୍ ମାନ୍ଦେ ମାଇଦିଙ୍କ୍ ଉଡ଼୍‍ ପାର୍‍ୱ ମାତ୍‍ତଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍‌ ବୁଟି ମାତ୍‍ତଣ୍ଡ୍ । 
\v 4 ଆଦିଙ୍କ୍ ଅଣ୍ଡ୍‌ ନାରୁଡ଼୍‍ତେ ମୁନେ ମିରିଆଞ୍ଜ୍ ଜିସୁଙ୍କ୍ ଉଡ଼ାନ୍ ସେଙ୍ଗ୍ ୱେରଡ଼୍ ତୟା ମାଡ଼େତାଗ୍ ତାର୍‍ତଣ୍ଡ୍, ବାତେଙ୍କ୍ ଇତ୍କେ ଆଦ୍ ହାର୍ ଇସ୍‌ ଜିସୁ ଆଦାନ୍ ମାତ୍‍ତେ । 
\v 5 ଜିସୁ ଆଦ୍ ପଡ଼ିୟେତାଗ୍‍ ୱାସ୍ ପରୁ ଉଡ଼ି ଜକୀୟଙ୍କ୍ କେତ୍ତଣ୍ଡ୍, “ଜକୀୟ ସିଟ୍‍ପାଟ୍ ଡିଗି ୱାଡ଼ା, ବାତେଙ୍କ୍ ଇତ୍କେ ନେଣ୍ଡ୍ ନାକିଂଙ୍କ୍ ବେଲାମେଣ୍ଡେ ନି ଲୋନ୍‌‍ ମାନ୍ଦେୱେଇତିତ୍‍ ।”
\p
\v 6 ଆଗାଙ୍କ୍ ଅଣ୍ଡ୍‌ ସିଟ୍‍ପାଟେ ଡିଗି ୱାସ୍ ୱେଡ଼୍‍କେତେ ଜିସୁଙ୍କ୍ ତାନ୍ ଲୋନ୍‌‍ କାର୍‍ଙ୍ଗି ହତ୍‍ତଣ୍ଡ୍ । 
\v 7 ଆଦ୍ ଉଡ଼ି ସାରେତଡ଼୍ ତାମ୍‍ତାମ୍ ଲୋପେ ତିରିୟି କେତାଙ୍କ୍ ପସ୍ପ୍‍ତ୍‍ତଡ଼୍, “ଅଣ୍ଡ୍‌ ୱେରଣ୍ଡ୍ ପାପି ମାନେୟ୍‍ତେ ଲୋନ୍‌‍ ମାନ୍ଦାଙ୍କ୍ ଆଦୁତନ୍ ।”
\p
\v 8 ଜକୀୟ ନିସ୍ ମିକା ପ୍ରବୁଙ୍କ୍ କେତ୍ତଣ୍ଡ୍, “ହୋ ପ୍ରବୁ ଉଡ଼େ, ନାୟାଦ୍ ସମ୍ପତ୍ତି କନ୍‍ସ୍ ଆଦ୍‍ ଦାନ ନାନେ ଗରିବ୍ ନାରୁଡ଼୍‍କିଂଙ୍କ୍ ଇଦୁତାନ୍‍, ମେଣ୍ଡେ ଯଦି ଅନ୍‌ୟାୟତେ, ବେନନାଗାଙ୍କ୍ ବାତ୍‍ତେ ଅସ୍‍ମାତ୍କେ, ମେଣ୍ଡେ ନାଲୁ ଗୁଣତେ ଆଦ୍ ମାଲ୍‌ପିଦୁତାନ୍ ।”
\p
\v 9 ଆଦିଙ୍କ୍ ଜିସୁ ଅଡ଼୍‌‍ ବିଷୟତେ କେତ୍ତଣ୍ଡ୍, “ନେଣ୍ଡ୍ ଇଦ୍ ଲୋନ୍‌‍ ପରିତ୍ରାଣ ୱାତ୍‍ତେ, ତ ଇଣ୍ଡ୍ ମିକା ୱେର୍‍ଣ୍ଡ୍ ଅବ୍ରାହାମ୍‌ତେ ମାର୍‍ । 
\v 10 \x + \xo ୧୯:୧୦ \xo*\xt ମାତିଉ ୧୮:୧୧.\xt*\x*ବାତ୍ ମାୟିମିନ୍ଦେ, ଆଦ୍ ମେହେକି ଗେଲ୍‍ସ୍‍ପାନ୍ ସେଙ୍ଗେ ନାରୁଡ଼୍ ପିଲେ ୱାସ୍‍ମିନ୍ଦେଣ୍ଡ୍ ।”
\s ସୁନା ରୂପାଡାବ୍‌ତେ ୱେଷଡ଼୍
\r (ମାତିଉ ୨୫:୧୪-୩୦)
\p
\v 11 ନାରୁଡ଼୍ ଇଦ୍ ଗଟିସାରେ କେଞ୍ଜାନ୍ ୱେଲେ ଜିସୁ ମେଣ୍ଡେ ୱେରଡ଼୍ ୱେଷଡ଼୍‍ କେତ୍ତଣ୍ଡ୍, ଅଣ୍ଡ୍‌ ଯୀରୁଶାଲମ୍ ଗାର୍‍ରେ ଆଶେ ମାତ୍‍ତଣ୍ଡ୍ ନୁ ଇଶ୍ୱରତେ ରାଜ୍ୟ ଗାଟି ଯାପେ ତିଆର୍ ଆଦ୍‍ତେ ଇଞ୍ଜ ଅଡ଼୍‌ ହେର୍କା ମାଡ଼ମାତ୍‍ତଡ଼୍ । 
\v 12 ଆଦିଙ୍କ୍ ଜିସୁ କେତ୍ତଣ୍ଡ୍, “ୱେରଣ୍ଡ୍ ବାଡ଼୍‍ୟଣ୍ଡ୍ ମାନେଇ ତାନ୍ ସେଙ୍ଗେ ରାଜପଦ ଦର୍‍ସ୍‍କି ମାଲ୍‍ସ୍ ୱାଦାନ୍ ମାତ୍‍ତେ ଅଣ୍ଡ୍‌ ଜେଏକେ ଦେଶ୍ ଆତ୍‍ତଣ୍ଡ୍ ।” 
\v 13 ଅଣ୍ଡ୍‌ ତାମ୍ ଦଶ୍‌ଜାନ୍ ଦାସଡ଼୍‍କ୍‍ କାର୍‍ଙ୍ଗି ଅଡ଼୍‌‍କିଂଙ୍କ୍ ୱେରନ୍ ସୁନା ରୂପାଡାବ୍‌ ଇସ୍‌ କେତ୍ତଣ୍ଡ୍, “ନାନ୍ ୱାଦାନ୍ ଯାକ ବେପାର୍ ମାଡ଼ାଟ୍ ।” 
\v 14 ବାତେଙ୍କ୍ ଇତ୍କେ ତାନ୍ ଦେଶ୍ ତେ ନାରୁଡ଼୍ ଅଂକିଙ୍କ୍‌ ପାସ୍‍କ ମାତ୍‍ତଡ଼୍, ମେଣ୍ଡେ ଅଡ଼୍‌‍ ଅନ୍‌ ପେର୍‍କେ ଦୂତ୍‍କିଂଙ୍କ୍ ରହସ୍ କେତ୍‍ତଡ଼୍‍, “ଇ ନାରୁଡ଼୍ ଯେ ମା ପରୁ ରାଜତ୍ୱ ମାଡ଼ିତନ୍, ଇଦ୍ ମାନ୍‍ ଇଚ୍ଛା ଆୟ୍‍ୟ ।”
\p
\v 15 ପେର୍‍କେ ଅଣ୍ଡ୍‌ ରାଜପଦ ଦର୍‍ସ୍‍କି ଆଗାଙ୍କ୍ ମାଲ୍‍ସ୍ ୱାତ୍‍ତଣ୍ଡ୍ । ବେନ୍ ଦାସଡ଼୍‍କ୍‍ ରୂପାଡାବ୍‌ ଇସ୍‌ ମାତ୍‍ତଣ୍ଡ୍, ଅଡ଼୍‌‍ ଲୋପେ ବେପାର୍ ମାଡ଼ି ବେନ ବେସର୍ ଲାବ୍ ମାଡ଼୍‍ତଡ଼୍, ଆଦ୍ ପୁନ୍ଦାଙ୍କ୍ ସେଙ୍ଗେ ଅଡ଼୍‌‍କିଂଙ୍କ୍ ତାନ୍ ଗାର୍‍ରେ କାର୍‍ଙ୍ଗି ତାତାନଙ୍କ୍ କେତ୍‍ତଣ୍ଡ୍ । 
\v 16 ଆଗାଙ୍କ୍ ମୁନେଙ୍କ୍ ୱେରଣ୍ଡ୍ ୱାସ୍ କେତ୍ତଣ୍ଡ୍, “ପ୍ରବୁ, ନିୟାୱୁ ସୁନା ରୂପାଡାବ୍‌ତେ ମେଣ୍ଡେ ନାନ୍ ଦଶ୍‍ଟାନ୍ ସୁନା ରୂପାଡାବ୍‌ ଲାବ୍ ମାଡ଼୍‍ତାନ୍ ।” 
\v 17 ଅଣ୍ଡ୍‌ ଅଂକିଙ୍କ୍‌ କେତ୍ତଣ୍ଡ୍, “ଲେକେତ୍‍, ସାୟେ ଦାସ, ନିମେ ଗାଟି ସୁଦୁର୍‍ ବିଷୟତେ ବିଶ୍ୱାସ୍ତ ଆଦାଙ୍କ୍ ଦଶ୍‍ଟାନ୍ ନଗର୍‍ ତେ ପରୁ ଅଦିକାର୍‌ ଦର୍‍କିତ୍ ।” 
\v 18 ମେଣ୍ଡେ ଦ୍ୱିତିୟ ନାରୁଣ୍ଡ୍‌ ୱାସ୍ କେତ୍ତଣ୍ଡ୍, “ପ୍ରବୁ, ନିୟାୱ୍‍ ରୂପାଡାବ୍‌ନ୍‍ ଏଇଙ୍ଗ୍ ରୁପେୟ୍ ଲାବ୍ ମାଡ଼୍‍ତାନ୍ ।” 
\v 19 ଅଣ୍ଡ୍‌ ଅଂକିଙ୍କ୍‌ ମିକା କେତ୍ତଣ୍ଡ୍, “ନିମେ ଆନ୍‌‍ତେ ଏଇଙ୍ଗ୍ ନଗର୍‍ତେ ପରୁ ଅଦିକାର୍‌ ଦର୍‍କ୍‍ତେ ।”
\p
\v 20 ମେଣ୍ଡେ ୱେରଣ୍ଡ୍ ୱାସ୍ କେତ୍ତଣ୍ଡ୍, “ପ୍ରବୁ, ଉଡ଼େ, ଇଦ୍ ନିୱାଦ୍ ସୁନା ରୁପେୟ୍, ନାନ୍ ଇଦିଙ୍କ୍ ତୁୱାଲ୍ ତାଗ୍ ତହସ୍ ନେହେସ୍ ମାତ୍‍ତାନ୍ । 
\v 21 ବାତେଙ୍କ୍ ଇତ୍କେ ନାନ୍ ନିକିଂଙ୍କ୍ ୱେର୍‍ତାନ୍, ବେଲାକି ନିମେ ୱେରନ୍ ଗାଡ଼୍‍ସିନ୍ ମାନେଇ, ବାତେଏ ନେହେସ୍ ମାନଡ଼୍‍, ଆଦିଙ୍କ୍ ପେହେକି ଆଦ୍‍ତିନ୍, ମେଣ୍ଡେ ବାତେଏ ୱିତୱେ ମାନ୍‍ତଡ଼୍, ଆଦିଙ୍କ୍ କଇଦ୍‍ତିନ୍ ।” 
\v 22 ଅଣ୍ଡ୍‌ ଅଂକିଙ୍କ୍‌ କେତ୍ତଣ୍ଡ୍, “ରେ ଦୁଷ୍ଟ ଦାସ, ନି ମକମ୍‍ତେ ଗଟିନେ ନିୱାଦ୍ ବିଚାର୍ ମାଡ଼ିତାନ୍ । ନାନ୍ ୱେରନ୍ ଗାଡ଼୍‍ସିନ୍ ମାନେଇ, ବାତେଏ ନେୱକଟ ମାନ୍‍ତାନ୍, ଆଦିଙ୍କ୍ ପେହେକି ଆଦ୍‍ତାନ୍, ମେଣ୍ଡେ ବେଗେୱିତି ମାନନ୍, ଆଦିଙ୍କ୍ କୟଦ୍‍ତାନ୍, ଆଦ୍ ନିମେ ପୁଞ୍ଜ୍ ମାତ୍‍ତି । 
\v 23 ଆଲାତ୍କେ, ବ୍ୟାଙ୍କ୍ ତାଗ୍ ବାତେଙ୍କ୍ ନାୟାୱ୍ ରୁପେୟ୍ ନେହେୱିନ୍ ? ଆଲାତ୍କେ ନାନ୍ ୱାସ୍ ଉଦାର୍ ତଡ଼୍ ଆଦିଙ୍କ୍ ଆଦାୟ ମାଡ଼େନ୍ ?”
\p
\v 24 ମେଣ୍ଡ୍, ଆଦ୍ ବକେତ୍ ନିସ୍ ମାନ୍ଦାନ୍ ମାନେଇନଡ଼୍‍କ୍ କେତ୍‍ତଣ୍ଡ୍, “ଇନାଗାଞ୍ଚ୍ ଇଦ୍ ରୁପେୟ୍ ହସ୍‍ମିକା, ବେନନାଦ୍ ଦଶ୍‍ଟାନ୍ ରୁପେୟ୍ ମିନ୍ଦେ, ଅଂକିଙ୍କ୍‌ ହିମୁଟ୍ ।” 
\v 25 ଆଗାସ୍‍ ଅଡ଼୍‌‍ ଅଂକିଙ୍କ୍‌ କେତ୍ତଡ଼୍, “ପ୍ରବୁ, ଅନାଦ୍‌ ତ ଦଶ୍‍ଟାନ୍ ରୂପାଡାବ୍‌ ମିନ୍ଦେ ।” 
\v 26 \x + \xo ୧୯:୨୬ \xo*\xt ମାତିଉ ୧3:୧୨; ମାର୍କ ୪:୨୫; ଲୁକ ୮:୧୮.\xt*\x*ନାନ୍ ମିକିଂଙ୍କ୍ କେସମିନ୍ଦେନ୍, “ବେନ୍ ମାନେଇତିଙ୍କ୍ ମିନ୍ଦେ, ଅଂକିଙ୍କ୍‌ ହିଦ୍‍ତଡ଼୍; ବାତେଙ୍କ୍ ଇତ୍କେ ବେନନାଦ୍ ଇଲ୍‍ଲେ, ଅନାଗ୍ ବାତ୍ ମିନ୍ଦେ, ଆଦେ ମିକା ଅନାଗାଙ୍କ୍ ଆଦ୍‍ତଡ଼୍ । 
\v 27 \x + \xo ୧୯:୨୭ \xo*\xt ମାତିଉ ୨୫:୧୪-3୦.\xt*\x*ବାତେଙ୍କ୍ ଇତ୍କେ, ନାୟାୱୁ ଇ ବେନ୍ ଶତ୍ରୁଡ଼୍ ନାନ୍ଅଡ଼୍‌‍ ପରୁ ରାଜତ୍ୱ ମାଡ଼ିତାନ୍ ଇଞ୍ଜ ଇଚ୍ଛା ମାଡ଼୍‍ୱେ ମାତ୍‍ତଡ଼୍, ଅଡ଼୍‌‍କିଂଙ୍କ୍ ଇଗେ ତାସ୍ ନା ମୁନ୍‍ନେ ହାୱ୍‍କାଟ୍‍ ।”
\s ଜିସୁ ଯୀରୁଶାଲମ୍‍ତାଗ୍ ଆଦାନ୍‍ ଆର୍
\r (ମାତିଉ ୨୧:୧-୧୧; ମାର୍କ ୧୧:୧-୧୧; ଯୋହନ୍‌‌ ୧୨:୧୨-୧୯)
\p
\v 28 ଜିସୁ ଇଦ୍‍ସାରେ ଗଟିକେସ୍ ତେର୍‍ସ୍ପ୍‍ତେ ପେର୍‍କେ ଶିଷ୍ୟଡ଼୍ ମୁନେ ଯିରୁଶାଲେମ୍‍ତା ଆଦାନଙ୍କ୍ ପସ୍ପ୍‍ତଣ୍ଡ୍ । 
\v 29 ମେଣ୍ଡ୍, ବେସୁଟ୍‌ ଅଣ୍ଡ୍‌ ଜୀତ ମେଟେତ୍ ଗାର୍‍ରେ ବେତ୍‍ପାଗୀ ନୁ ବେତନିୟା ଗାର୍‍ରେ ହେଉତଣ୍ଡ୍, ଆସୁଙ୍କ୍ ଅଣ୍ଡ୍‌ ତାନ୍ ଶିଷ୍ୟନଡ଼୍ ଲୋପେଙ୍କ୍ ଇର୍‍ୱୁଡ଼୍‍କିଙ୍କ୍ ଇଦ୍ ଗଟ୍ କେସ୍ ରହତଣ୍ଡ୍, 
\v 30 “ମି ମୁନେ ଆଦ୍ ନାର୍‍ଦାଗ୍ ଆନୁଟ୍; ଆଗେ ଅସାନ୍ ୱେଲେ, ବେନେ ତାନ୍‌ପରୁ କୁଦ୍‍ୱେ ମାନ୍‍ତଣ୍ଡ୍, ଇଦ୍ ରକମ୍ ଅଣ୍ଡ‍ୟ୍ ଗଦପିଲ୍ ତହସ୍ ମାନ୍ଦାନାଦ୍ ଉଡ଼ିତିଡ଼୍; ଆଦିଙ୍କ୍ ଲେହେସ୍ ତାଡ଼ାଟ୍ । 
\v 31 ମେଣ୍ଡେ, ଆସୁଙ୍କ୍ ବେନ ମିକିଂଙ୍କ୍ ବାତେଙ୍କ୍ ଲେତୁତିଡ଼୍ ଇଞ୍ଜ ପାଚ୍ରା ମାଡ଼ିତଡ଼୍, ଆସୁଙ୍କ୍ ଇଲା କେତିତିଡ଼୍, ବାତ୍‍ତେଙ୍କ୍ ଇତ୍କେ ହିଦ୍ ପ୍ରବୁଙ୍କ୍ ଦର୍‍କାଡ଼୍‍ ମିନ୍ଦେ ।”
\p
\v 32 ଆ ରହତ୍‌ତେ ଶିଷ୍ୟଡ଼୍‌ ଆଞ୍ଜ୍, ଅଣ୍ଡ୍‌ ଅଡ଼୍‌‍କିଂଙ୍କ୍ ବେଲାକେସ୍‍ ମାତ୍‍ତଣ୍ଡ୍, ଆଦେପୁଟୁଙ୍କ୍ ଉଡ଼୍‍ତଡ଼୍ । 
\v 33 ମେଣ୍ଡେ, ଅଡ଼୍‌‍ ଗଦପିଲେତିଙ୍କ୍ ଲେତାନ୍‍ ୱେଲ୍‍ ଆଦିନ୍ ମାଲିକ୍ ହଡ଼୍‍କିଙ୍କ୍ ପଚ୍ରାମାଡ଼୍‍ତଡ଼୍, “ବାତେଙ୍କ୍ ଗଦ ପିଲେତିଙ୍କ୍ ଲେତୁତିଡ଼୍ ?”
\p
\v 34 ଅଡ଼୍‌‍ କେତ୍‍ତଡ଼୍, “ବାତେଙ୍କ୍ ଇତ୍କେ ଇଦିନାଗ୍‍ ପ୍ରବୁନାଦ୍ ଦର୍‍କାର୍ ମିନ୍ଦେ ।”
\p
\v 35 ମେଣ୍ଡେ, ଆଦିଙ୍କ୍ ଜିସୁନ୍ ଗାରେତାସ୍‍ ତାନ୍‍ପରୁ ନିଜେ ନିଜେତ୍ ସିଲେ ୱାଟି ଜିସୁଙ୍କ୍ କୁସ୍‍ପ୍‍ତଡ଼୍ । 
\v 36 ମେଣ୍ଡେ, ଅନ୍‌ ଆଦାନ୍ ୱେଲେ ନାରୁଡ଼୍‌ ରୋଟିନାଗ୍‍ ସିଲେ ତାରାନଙ୍କ୍ ପସ୍ପ୍‍ତ୍‍ତଡ଼୍ । \fig ଜିସୁ ଜିରୁଶାଲେମ୍‍ତାଗ୍‍ ଜିଡ଼ିମେଣ୍ଡେ ନେଙ୍ଗାନାଦ୍‍|alt="Jesus’ Triumphant entry to Jerusalem" src="lb00315c.tif" size="span" copy="Horace Knowles ©" ref="୧୯:୩୬"\fig*
\p
\v 37 ମେଣ୍ଡେ, ଅଣ୍ଡ୍‌ ବେସୁଙ୍କ୍‍ ଜୀତ ମେଟେତାଗ୍ ଡିଗୁଡ଼୍ ପଡ଼ିୱେତ୍ ଗାର୍‍ରେ ଏୱୁତଡ଼୍‍, ଆସୁଙ୍କ୍ ସାର୍‍ରେତଡ଼୍ ଶିଷ୍ୟଡ଼୍ ଉଡ଼ିମାନ୍ଦାନ୍‍ ସାରେ ଶକ୍ତିତାଦ୍‍ ପାଡ଼ିୟି ମାଇଦିଙ୍କ୍ ୱେଡ଼୍‍କେତେ ଗାଟିଲେଙ୍ଗ୍‍ଦେ ଇଶ୍ୱରତିଙ୍କ୍ ପ୍ରସଂଶା ମାଡ଼ଡ଼୍‍ ମାଡ଼ଡ଼୍‍ କେତ୍‍ତଡ଼୍, 
\v 38 “ପ୍ରବୁନ୍ ପେଦେର୍‍ତେ ବେନ୍ ରାଜାଲଡ଼୍ ୱାସ ମିନ୍ଦେଡ଼୍, ଅଣ୍ଡ୍‌ ଦନ୍ୟ । ସ୍ୱର୍ଗତାଗ୍ ଶାନ୍ତି ନୁ ପ୍ରବୁନାଦ୍ ମହିମା ଆୟି ।”
\p
\v 39 ଆଗାଙ୍କ୍ ବେସ୍‍କ୍‍ତୁଡ଼୍‍ ପାରୂଶୀଡ଼୍ ଅଂକିଙ୍କ୍‌ କେତ୍‍ତଡ଼୍, “ହୋ ଗୁରୁ, ନି ଶିଷ୍ୟଡ଼୍‍କିଂଙ୍କ୍ କଟ ଆଦାଙ୍କ୍ କେଲମ୍ ।”
\p
\v 40 ଜିସୁ ଉତ୍ତର୍ କେତ୍‍ତଣ୍ଡ୍, “ନାନ୍ ମିକିଂଙ୍କ୍ କେସମିନ୍ଦେନ୍ ଇଡ଼୍ ଯଦି କଟ ମାତ୍‍କେ, କାଲ୍ ଆନ୍‌‍ତେ ଗଟି କେତିତା ।”
\s ଯୀରୁଶାଲମ୍‍ତେ ସେଙ୍ଗେ ଜିସୁନ୍ କେୟାନାଦ୍
\p
\v 41 ମେଣ୍ଡେ, ବେସୁଙ୍କ୍‍ ଜିସୁ ଯିରୁଶାଲେମ୍‍ତାଗ୍ ୱାତ୍‍ତଣ୍ଡ୍, ଆସୁଙ୍କ୍ ନାର୍‍ତିଙ୍କ୍ ଉଡ଼ି ଆଦିନ୍ ସେଙ୍ଗେ କେୟି କେତ୍‍ତଣ୍ଡ୍, 
\v 42 “ନିମ୍‍, ହଁ, ନିମ୍‍ ଯଦି ନେଣ୍ଡ୍ ଶାନ୍ତିତେ ବିଷୟତିଙ୍କ୍ ପୁଞ୍ଜ୍‍ମାନେନି, ମାତର୍ ଇଞ୍ଜେ ଆଉ ତ ତୋନ୍ଦକଟ ମିଞ୍ଜି ମିନ୍ଦେ । 
\v 43 ତ ନି ପରୁ ମାନ୍ଦାନ୍ ଦୟାତାଦ୍ ସମୟ୍ ପୁନ୍‍ୱାଙ୍କ୍, ଶତ୍ରୁଡ଼୍ ନି ସାରେ ପାକେ ପେଟି ତହସ୍ ନିକିଂଙ୍କ୍ ବନ୍ଦି ମାଡ଼ିତଡ଼୍ ମେଣ୍ଡେ ନିୟାୱୁ ସାରେ ହାର୍ ବନ୍ଦ୍ ମାଡ଼ିତଡ଼୍ । 
\v 44 ମେଣ୍ଡେ ଅଡ଼୍‌‍ ନିକିଂଙ୍କ୍ ନୁ ନି ପାକେ ମାନ୍ଦାନ୍ ନାରୁଡ଼୍‍କ୍ ପୁରା ଦସଂ ମାଡ଼ିତଡ଼୍, ଅଣ୍ଡୟ୍‌ କାଲ୍ ବଦେ ମିକା ଅଡ଼୍‌‍ ପଡ଼୍‍ୟେତାଗ୍‍ ୱିଡ଼୍‍ସଡ଼୍‍, ବାତେଙ୍କ୍ ଇତ୍କେ ବେସୁଟ୍‌ ଇଶ୍ୱର୍‌ ରକ୍ଷା ମାଡ଼ାଙ୍କ୍ ୱାତ୍‍ତଣ୍ଡ୍ ନିମେ ଅଂକିଙ୍କ୍‌ ହେଞ୍ଚାଙ୍କ୍ ପାର୍‍ୱି ।”
\s ଜିସୁ ମନ୍ଦିର୍‍ତାଗେ ଆତ୍‍ତଣ୍ଡ୍
\r (ମାତିଉ ୨୧:୧୨-୧୭; ମାର୍କ ୧୧:୧୫-୧୯; ଯୋହନ୍‌‌ ୨:୧୩-୨୨)
\p
\v 45 ମେଣ୍ଡେ, ଜିସୁ ମନ୍ଦିର୍‍ତେ ଲୋପେ ଆସ୍‍ତଣ୍ଡ୍, ୱାମ ମାନ୍ଦାନ୍ ମାନେଇକିଂଙ୍କ୍ ଇଲା କେସ୍ ପେସ୍‍ପାନଙ୍କ୍ ପସ୍‍ପ୍‍ତଣ୍ଡ୍ । 
\v 46 “ଦର୍ମଶାସ୍ତ୍ରତାଗ୍ ଲେକାମିନ୍ଦେ, ଇଶ୍ୱର୍ କେତ୍‍ତଣ୍ଡ୍, ମାୱାଦ୍‍ ଲୋନ୍‌ ପ୍ରାର୍ତନାଲୋନ୍‌ ଆଦ୍ ତେ, ବାତେଙ୍କ୍ ଇତ୍କେ ମିଡ଼୍ ଆଦିଙ୍କ୍ ଡଙ୍ଗାଲଡ଼୍ ଲୋନ୍‌ ଲେକାମ୍ ମାଡ଼ିମିନ୍ଦେଡ଼ି ।”
\p
\v 47 \x + \xo ୧୯:୪୭ \xo*\xt ଲୁକ ୨୧:3୭.\xt*\x*ମେଣ୍ଡେ, ଅଣ୍ଡ୍‌ ସାରେଦିନାମ୍ ଯିରୁଶାଲେମ୍ ମନ୍ଦିର୍‍ତାଗ୍ ଶିକ୍ଷା ହିସମାତ୍‍ତଣ୍ଡ୍, ମାତର୍ ବେଡ଼ିୟି ଯାଜକ୍‌ ନୁ ଶାସ୍ତ୍ରୀନଡ଼୍ ନାରୁଡ଼୍‌ତେ ନେତାଲଡ଼୍ ତଡ଼୍ ଅଂକିଙ୍କ୍‌ ଆୱୁକାନଙ୍କ୍ ଇଚ୍ଛା ମାଡ଼ମାତ୍‍ତଡ଼୍, 
\v 48 ବାତେଙ୍କ୍ ଇତ୍କେ ମାନେଇ ସାରେତଡ଼୍ ଅଣ୍ଡୟ୍‌‍ମନ୍ ଆସ୍‍ ଜିସୁନ୍ ଶିକ୍ଷା କେଞ୍ଜମାତ୍‍ତଡ଼୍ ଆଦିଙ୍କ୍ ଅଡ଼୍‌‍ ବାତେଏ ମାଡ଼ିତଡ଼୍ ଆଦିନାଦ୍ ଉପାୟ୍ ଦର୍‍ସ୍‍କାଙ୍କ୍ ପାର୍ୱେମାତ୍‍ତଡ଼୍ ।
\c 20
\s ଜିସୁନ୍ ଅଦିକାର୍‌ ବିଷୟତେ ପ୍ରଶ୍ନ
\r (ମାତିଉ ୨୧:୨୩-୨୭; ମାର୍କ ୧୧:୨୭-୩୩)
\p
\v 1 ଆଗ୍‍ତିନ୍‍ସ୍ ଆଦ୍ ଦିନାମ୍ ବେସୁଙ୍କ୍‍ ଜିସୁ ମନ୍ଦିର୍‍ତାଗ୍ ନାରୁଡ଼୍‍କିଂଙ୍କ୍ ଶିକ୍ଷା କେସମାତ୍‍ତଣ୍ଡ୍ ନୁ ସୁସମାଚାର୍ କେସମାତ୍‍ତଣ୍ଡ୍, ଆସୁଙ୍କ୍ ମୁକ୍ୟାଲଡ଼୍ ମାନେଇ ନୁ ଶାସ୍ତ୍ରୀଡ଼୍ ବାଡ଼ିୟା ନାରୁଡ଼୍ ତଡ଼୍ ୱାସ୍ ଅଂକିଙ୍କ୍‌ କେତ୍‍ତଡ଼୍, 
\v 2 “ନିମେ ବେନ୍ ଅଦିକାର୍‌‍ତେ ଇଦ୍‍ସାରେ ମାଡ଼ୁତିନ୍, ନିକିଂଙ୍କ୍ ଇଦ୍ ଅଦିକାର୍‌ ବେନ ଇତ୍‍ତନ୍, ଅଣ୍ଡ୍‌ ବେନନ୍, ମାକିଂଙ୍କ୍ କେଲେ ।”
\p
\v 3 ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ ଉତ୍ତର୍ ଇତ୍‌ତଣ୍ଡ୍‌, “ନାନ୍ ମିକା ମିକିଂଙ୍କ୍ ୱେରଡ଼୍ ଗଟ୍ ପାଚ୍ରାମାଡ଼ିତାନ୍, ନାକିଂଙ୍କ୍ କେଲ୍‍ମୁଟ୍, 
\v 4 ବାପ୍ତିସ୍ମ ଯୋହନ୍‌‌ତାଦ୍ ବାପ୍ତିସ୍ମ ହିଦାନାଦ୍ ଅଦିକାର୍‌ ସ୍ୱର୍ଗତାଗାଙ୍କ୍ ନା ନାରୁଡ଼ାଗାଙ୍କ୍ ଦର୍ସିମାତ୍‌ତନ୍‌ ?”
\p
\v 5 ଆଗାଙ୍କ୍ ଅଡ଼୍‌ ନିଜେ ନିଜେ ଯୁକ୍ତିତର୍କ ମାଡ଼ି କେତାକେତି ଆତ୍‍ତଡ଼୍, “ଯଦି ସ୍ୱର୍ଗତାଗାଙ୍କ୍ ଇଞ୍ଜ କେତିତାଡ଼୍‍, ଆଲାତ୍କେ ଅଣ୍ଡ୍‌ କେତିତଣ୍ଡ୍, ମିଡ଼୍ ବାତେଙ୍କ୍ ଅଂକିଙ୍କ୍‌ ବିଶ୍ୱାସ୍ ମାଡ଼୍‍ୱିଡ଼୍ ? 
\v 6 ଯଦି ମାନେଇ କନ୍‍ସ୍ ଇଞ୍ଜ କେତିତାଡ଼୍‍, ଆଲେକେ ମାନେଇ ସାରେତଡ଼୍ ମାନାଙ୍କ୍‍ କାଲ୍‍କିନ୍ ତଡ଼୍ ପିଞ୍ଜ୍‍ପ୍‍ତଡ଼୍, ବାତେଙ୍କ୍ ଇତ୍କେ ଯୋହନ୍‌ ଯେ ୱେରଣ୍ଡ୍ ବାବବାଦୀ ଇଦ୍ ଅଡ଼୍‌‍ୱାଦ୍ ଗାଟି ବିଶ୍ୱାସ୍ ମିନ୍ଦେ ।” 
\v 7 ଆଦିଙ୍କ୍ ଆଦ୍ ବେଗାଙ୍କ୍ ଆତ୍‍ତେ, ଇଦ୍ ପୁନମ୍ ଇଞ୍ଜ ଅଡ଼୍‌‍ କେତ୍‍ତଡ଼୍ ।
\p
\v 8 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଆଲେକ୍‍ ନାନ୍ ବେନ୍ ଅଦିକାର୍‌‍ତେ ଇଦ୍‍ସାରେ ମାଡ଼ୁତାନ୍, ଆଦ୍ ନାନ୍ ମିକା ମିକିଂଙ୍କ୍ କେଲନ୍ ।”
\s ଅଙ୍ଗୁର୍‌ୱାୟେତାଦ୍ ବାଗ୍‍ଚାଷିଡ଼୍ ୱେଷଡ଼୍‍
\r (ମାତିଉ ୨୧:୩୩-୪୬; ମାର୍କ ୧୨:୧-୧୨)
\p
\v 9 ଜିସୁ ନାରୁଡ଼୍‍କିଂଙ୍କ୍ ଇଦ୍‍ ୱେଷଡ଼୍‍ କେତାନଙ୍କ୍ ପସ୍‍ପ୍‍ତଣ୍ଡ୍ । ୱେରଣ୍ଡ୍ ନାରୁଡ଼୍ ଅଙ୍ଗୁର୍‌ୱାୟେ ମାଡ଼ି ଆଦିନ୍ ଅଣ୍ଡୟ୍‌‍ ଦୁଡ଼େ ଚାଷିନାରୁଡ଼୍‍କ୍ ଇସ୍‌ ନାର୍ଗେ ଦିନାତ୍ ସେଙ୍ଗେ ବିଦେଶ୍‍ ଆତ୍‍ତଣ୍ଡ୍ । 
\v 10 ମେଣ୍ଡେ, ଚାଷିନାରୁଡ଼୍‍ ଅଂକିଙ୍କ୍‌ ଅଙ୍ଗୁର୍ ୱାୟେତ୍‍କନ୍‍ସ କାୟାନେ ପାଲ୍‍କ୍ ହିଦ୍‍ତଡ଼୍, ଇଦିନ୍‍ ସେଙ୍ଗେ ଅଣ୍ଡ୍‌ ୱେରଣ୍ଡ୍ ଦାସଙ୍କ୍ ଟିକ୍ ଦିନାମ୍ ତେ ଅଡ଼୍‌‍ ଗାର୍‍ରେ ରଅତଣ୍ଡ୍, ବାତେଙ୍କ୍ ଇତ୍କେ ଆଦ୍ ଚାଷିନାରୁଡ଼୍‍ ଅଂକିଙ୍କ୍‌ ରେହେସ୍ ଆସାମ୍ କାଇଦେ ରଅତଡ଼୍‍ । 
\v 11 ଅଣ୍ଡ୍‌ ମେଣ୍ଡେଅର୍‍ତୁନ୍‍ ଦାସଙ୍କ୍ ରଅତଣ୍ଡ୍; ଅଡ଼୍‌‍ ଅଂକିଙ୍କ୍‌ ମିକା ଅପ୍‍ମାନ୍ ମାଡ଼ି ବାତେଏ ହିୱକଟ ଆସାମ୍ କାଇଦେ ରହସିତ୍ ତଡ଼୍ । 
\v 12 ପେର୍‍କେ ଅଣ୍ଡ୍‌ ତୃତୀୟ ନାରୁଙ୍କ୍ ମିକା ଆଦ୍‍ଲେକାମ୍ ରଅତଣ୍ଡ୍; ବାତେଙ୍କ୍ ଇତ୍କେ ଅଡ଼୍‌‍ ଅଂକିଙ୍କ୍‌ ମିକା ଚିହ୍ନେନେ ମାଡ଼ି ରେହେସ୍ ବାଇଦେ ହେସିତ୍‍ତଡ଼୍ । 
\v 13 ଆଗାଙ୍କ୍ ଅଙ୍ଗୁର୍ ୱାୟେତେ ମାଲିକ୍ କେତ୍‍ତଣ୍ଡ୍, ନାନ୍ ବାତ୍ ମାଡ଼ିତାନ୍ ? ନା ପ୍ରିୟ ମାର୍‍ଦିଙ୍କ୍ ରହତିତାନ୍, ଅଡ଼୍‌‍ ନିଜାମ୍ ଅନ୍‌ ଗଟି କେଞ୍ଜିତଡ଼୍‍ । 
\v 14 ମାତର୍ ଚାଷିନାରୁଡ଼୍‍ ଅଂକିଙ୍କ୍‌ ଉଡ଼ି ତାମ୍‍ତାମ୍ ଲୋପେ କେତାକେତି ଆସ୍‍ କେତ୍‍ତଡ଼୍, ଇଣ୍ଡ୍ ତ ଉତ୍ତରାଦିକାରି, ଇକିଂଙ୍କ୍ ଆୱକିକାଡ଼୍‍, ବେଲାକି ସାରେ ସମ୍ପତି ମାନାଦ୍‍ ଆଦ୍‍ତେ । 
\v 15 ମେଣ୍ଡେ, ଅଡ଼୍‌ ଅଂକିଙ୍କ୍‌ ଅଙ୍ଗୁର୍ ୱାୟେତେ ବାଇଦେ ତାସ୍‌ ଆଉକ୍‍ତ୍‍ତଡ଼୍ । ଜିସୁ ଅଡ଼୍‌‍କିଂଙ୍କ୍ ପାଚ୍ରାମାଡ଼୍‍ତଣ୍ଡ୍, ଇଞ୍ଜେ ଅଙ୍ଗୁର୍ ୱାୟତେ ମାଲିକ୍ ଅଡ଼୍‌‍କିଂଙ୍କ୍ ବାତ୍ ମାଡ଼ିତନ୍ ? 
\v 16 ଅଣ୍ଡ୍‌ ୱାସ୍ ଚାଷିନାରୁଡ଼୍‍କ୍ ଆୱକିତଣ୍ଡ୍ ନୁ ମେଣ୍ଡେ ବାଗାତଡ଼୍‍କ୍‍ ଅଙ୍ଗୁର୍ ୱାୟା ହିଦ୍‍ତଣ୍ଡ୍ । ଆଦ୍ କେଞ୍ଜି ଅଡ଼୍‌ କେତ୍ତଡ଼୍‍ ଆଲା ଆଇମା କି ।
\p
\v 17 ବାତେଙ୍କ୍ ଇତ୍କେ ଜିସୁ ଅଡ଼୍‌‍କିଂଙ୍କ୍ ଅଣ୍ଡୟ୍‌ ନଜର୍‍ ଉଡ଼ି କେତ୍ତଣ୍ଡ୍, “ଇଦ୍ ବେନ୍ ବାକ୍ୟ ଲେକାମିନ୍ଦେ, ଆଦିନ୍ ଅର୍ତ ବାତେଏ,”
\q1 ଲୋନ୍‌‍ ମାଡ଼ାନ୍ ନାରୁଡ଼୍ ବେନେ କାଲ୍‍କିଙ୍କ୍ ପାହାସ୍କ୍‍ତଡ଼୍‍,
\q2 ଆଦ୍ ମୁନେତ୍ ମୁକ୍ୟ କାଲ୍ ଆତ୍‍ତେ ।
\m
\v 18 ବେନବାଡ଼େ ଆଦ୍ କାଲ୍ ଦେ ପରୁ ରାଲିତଣ୍ଡ୍, ଅଣ୍ଡ୍‌ ଦୁଡ଼ାଦୁଡ଼ା ଆଦ୍‍ତନ୍, ମେଣ୍ଡେ ଆଦ୍ କାଲ୍ ବେନନ୍ ପରୁ ରାଲିତେ, ଅଂକିଙ୍କ୍‌ ଆଦ୍ ଇଦି‍ଲ୍‍ସ୍ପିତ୍‍ ।
\s କର ହିଦାନ୍ ବିଷୟତେ ପ୍ରଶ୍ନ
\r (ମାତିଉ ୨୨:୧୫-୨୨; ମାର୍କ ୧୨:୧୩-୧୭)
\p
\v 19 ଆଗାଙ୍କ୍ ଶାସ୍ତ୍ରୀ ନୁ ବେଡ଼ିଇ ଯାଜକିଡ଼୍ ଆଦ୍ ଦଣ୍ଡ୍ ତାଗ୍ ଅଙ୍କ୍‌ ପଇଦାନଙ୍କ୍ ଆଲ୍‍ସି ମାଡ଼୍‍ତଡ଼୍, ବାତେଙ୍କ୍ ଇତ୍କେ ଅଡ଼୍‌ ନାରୁଡ଼୍‍କ୍ ୱେର୍‍ତଡ଼୍, ବାତେଙ୍କ୍ ଇତ୍କେ ଅଣ୍ଡ୍‌ ଆଦ୍ ୱେଷଡ଼୍ ଅଡ଼୍‌‍କିଂଙ୍କ୍ ଉଡ଼ି ମିକା କେସ୍‍ମାତ୍‍ତଣ୍ଡ୍ ଇଞ୍ଜ ଅଡ଼୍‌‍ ପୁତ୍‍ତଡ଼୍ । 
\v 20 ଆଗାଙ୍କ୍ ଅଡ଼୍‌‍ ଅଂକିଙ୍କ୍‌ ଅନ୍‌ ପରତ୍ ଅଦିକାର୍‌ କାଇଦେ ନୁ ଶାସନ୍‍ ମୁକ୍ୟାନ୍ ଅଦିନତାଗ୍ ଇତ୍‍ତନ୍ ମାଡ଼ାନ୍ ସେଙ୍ଗେ ସୁଯୋଗ୍ ମେହେକି ଅନାଦ୍‌ ଗଟିନେ ସୁଦୁଟ୍ ବୁଲ୍ ପଇତାନଙ୍କ୍ ଦାର୍ମିକ୍ ଇଞ୍ଜ ତଅତାନ୍ ଡଙ୍ଗାଲଡ଼କ୍‍ ଜିସୁନ୍ ଗାର୍‍ରେ ରହତଣ୍ଡ୍ । 
\v 21 ଅଡ଼୍‌‍ ଅଂକିଙ୍କ୍‌ କେତ୍‍ତଡ଼୍, “ହୋ ଗୁରୁ, ମାମେପୁତ୍‍ତମ୍, ନିମେ ବାତେଏ କେତୁତିନ୍ ନୁ ଶିକ୍ଷା ହିଦୁତିନ୍‍, ମେଣ୍ଡେ ନିମେ ବେନନ୍ ମକମ୍‍ତିଙ୍କ୍ ଉଡ଼ି ମାଡ଼୍‍ୱିନ୍, ମାତର୍ ନାରୁଡ଼୍‍ତେ ସେଙ୍ଗେ ଇଶ୍ୱର୍‌ତାଦ୍ ଇଚ୍ଛା ବିଷୟତେ ସତ୍‍ ଶିକ୍ଷା ହିଦ୍‍ତଣ୍ଡ୍ । 
\v 22 ମାକିଂଙ୍କ୍ କେଲେ, ରୋମୀୟ ଶାସନ୍‍ କର୍ତ୍ତାଲ୍ କାଇସର୍‍ତିଙ୍କ୍ କର ଇଦାନ୍ ମାନାଦ୍‍ ନିୟମ୍‍ ମିନ୍ଦେ କି ଇଲ୍‍ଲେ ?”
\p
\v 23 କିନ୍ତୁ ଜିସୁ ଅଡ଼ାଦ୍‌ ଚାଲାକି ପୁଞ୍ଜ୍ ମେଣ୍ଡେ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, 
\v 24 ନାକିଂଙ୍କ୍ ୱେରନ୍ ରୁପାଡ଼ାବ୍‍କ୍ ତଅମୁଟ୍ । ଇଗେ ବେନନାଦ୍ ମୂର୍ତ୍ତି ନୁ ପେଦେର୍ ମିନ୍ଦେ ? ଅଡ଼୍‌‍ କେତ୍‍ତଡ଼୍ କାଇସର୍‌ତାଦ୍ ।
\p
\v 25 ଆଗାଙ୍କ୍ ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଆଲେକେ କାଇସର୍‌ତାଦ୍ ବାତେଏ, ଆଦ୍ କାଇସର୍‍ତିଙ୍କ୍ ହିମୁଟ୍; ମେଣ୍ଡେ, ଇଶ୍ୱର୍‌ତାଦ୍‍ ବାତେଏ, ଆଦ୍ ଇଶ୍ୱର୍‌ତିଙ୍କ୍ ଇମୁଟ୍ ।”
\p
\v 26 ଆଗ୍‍ତିନ୍‍ସ୍ ଅଡ଼୍‌‍ ଜିସୁନ୍ ବୁଲ୍‍ ପଇତାଙ୍କ୍ ପାର୍‍ୱଡ଼୍, ମେଣ୍ଡେ, ଅନ୍‌ ଗଟି କେଞ୍ଜି ବାକ୍‍ୱା ଆସ୍ କୋଟ ମାତ୍‍ତଡ଼୍ ।
\s ପୁନରୁତ୍‍ତାନ୍ ବିଷୟତେ ପ୍ରଶ୍ନ
\r (ମାତିଉ ୨୨:୨୩-୩୩; ମାର୍କ ୧୨:୧୮-୨୭)
\p
\v 27 \x + \xo ୨୦:୨୭ \xo*\xt ପ୍ରେରିତ ୨3:୮.\xt*\x*ତାନ୍ ପେର୍‍କେ ନାରୁଡ଼ାଦ୍ ପୁନରୁତ୍‍ତାନ୍ ମିନ୍ଦେ ଇଞ୍ଜ ବିଶ୍ୱାସ୍ ମାଡ଼୍‍ୱେ ବେସ୍‍କ୍‍ତୁଡ଼୍‍ ସାଦ୍ଦୂକିଡ଼୍‍ ଜିସୁନ୍ ଗାର୍‍ରେ ୱାସ୍ କେତ୍‍ତଡ଼୍, 
\v 28 “ହୋ ଗୁରୁ, ମଶାଲ୍‌ ମା ସେଙ୍ଗେ ଲେକିମିନ୍ଦେଣ୍ଡ୍ ଯେ, ଯୋଦି ବେନ ନାରୁଡ଼୍ ତେ ପେଣ୍ଡୁଲ୍ ଆସ୍ ପିଲା ଇଲକଟ ଡଲ୍‍କେ, ଆଲାତ୍କେ ତାନ୍ ତାମୁଣ୍ଡ୍‌ ତାମ୍ ଦାଦାନ୍ ମୁତେଙ୍କ୍ ପେଣ୍ଡୁଲ୍ ଆସ୍, ତାମ୍ ଦାଦାନ୍ ସେଙ୍ଗେ ପିଲାଜିଲା ମାଡ଼ିତନ୍ । 
\v 29 ମେଣ୍ଡେ ସାତ୍‍ଜାନ୍ ତାମୁସ୍‍କ୍‍ ମାତ୍‍ତଡ଼୍; ମୁନେଙ୍କ୍ ତଣ୍ଡ ବେଡ଼ିଇ ଦାଦାଲ୍ ପେଣ୍ଡୁଲ୍ ଆଶେ ନିଃସନ୍ତାନ ଆଶେ ଡଲ୍‍ତଣ୍ଡ୍; 
\v 30 ତାନ୍ ପେର୍‍କେ ଦ୍ୱିତିୟ ତଣ୍ଡ ତାଙ୍କ୍ ପେଣ୍ଡୁଲ୍ ଆତ୍‍ତଣ୍ଡ୍ ନୁ ମେଣ୍ଡେ ତୃତୀୟ ତଣ୍ଡ୍‌ ଅଣ୍ଡ୍‌ ମିକା ତିପାଲ୍ ଆସ୍ ଡଲ୍‍ତଣ୍ଡ୍ । 
\v 31 ଆଦିନ୍ ଲେକେମ୍ ସାତ୍‍ଜାନ୍‍ଯାକ ଆଲେ ତିପାଲ୍ ଆସ୍ ଡଲ୍‍ତଡ଼୍ । 
\v 32 ତାନ୍ ପେର୍କେ ମୁତ୍‍ତେ ମିକା ଡଲ୍‍ତେ । 
\v 33 ତ, ମେଣ୍ଡଅନ୍‌‍ଦାମ୍ ପୁନରୁତ୍‍ତାନ୍ ଆତ୍‍ତେୱେଲେ ଅଡ଼୍‌‍ ଆଗାଙ୍କ୍ ଆଦ୍ ବେନନ୍ ମୁତ୍‍ତେ ଆଦ୍ ତେ ? ସାତ୍‍ଜାନ୍ ଯାକ ତ ଆଦିଙ୍କ୍ ପେନ୍‍ଣ୍ଡୁଲ୍ ଆସ୍‍ମାତ୍‍ତଡ଼୍ ।”
\p
\v 34 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଇଦ୍ ଜଗତ୍ ତାଗ୍ ନାରୁଡ଼୍ ପେଣ୍ଡୁଲ୍ ଆଦ୍‍ତଡ଼୍ ନୁ ପେଣ୍ଡୁଲ୍ ହିଦ୍‍ତଡ଼୍ । 
\v 35 ବାତେଙ୍କ୍ ଇତ୍କେ ବେନଡ଼୍ ପୁନରୁତ୍‍ତିତ୍ ହାସ୍ ସ୍ୱର୍ଗତାଗ୍ ବାଦ୍‍କାନ୍ ମାଇଦିଙ୍କ୍ ଯୋଗ୍ୟ, ଅଡ଼୍‌‍ ମେଣ୍ଡେ ପେଣ୍ଡୁଲ୍ ଆୟ୍‍ୟଡ଼୍ । 
\v 36 ଅଡ଼୍‌ ମେଣ୍ଡେ ଡଲ୍‍ଲେ ପାର୍‍ୱଡ଼୍, ବାତେଙ୍କ୍ ଇତ୍କେ ଅଡ଼୍‌ ଦୂତକିନ୍ ଲେକେମ୍ ମାନ୍‍ତଡ଼୍, ନୁ ମେଣ୍ଡେ ଅନ୍‌‍ଦାମ୍ ଜିୱେ ଆତ୍‍ତାଙ୍କ୍ ଇଶ୍ୱର୍‌ତେ ମାର୍‍ ମାୟାଡ଼୍ ଆଦ୍‍ତଡ଼୍ । 
\v 37 ମାତର୍ ଡଲତେନଡ଼୍‍ ଯେ ତେଦିତଡ଼୍, ଇଦ୍ ମଶାଲ୍‌ ମିକା ନିଡ଼୍‍ତାନ୍ ପଦ୍ଲାତେ ୱେଷଡ଼୍ ତଡ଼୍ ପ୍ରବୁଙ୍କ୍ ଅବ୍ରାହାମ୍‌ ତେ ଇଶ୍ୱର୍‌, ଇସ୍‍ହାକ୍ ତେ ଇଶ୍ୱର୍‌ ନୁ ଯାକୁବ୍ ତେ ଇଶ୍ୱର୍‌ ଇଞ୍ଜ କେସ୍ ନିୟମ୍ ଇତ୍‍ତନ୍ । 
\v 38 ଅଣ୍ଡ୍‌ ତ ଡଲ୍‍ତେ ନଡ଼ାଦ୍ ଇଶ୍ୱର୍‌ ଆୟଣ୍ଡ୍, ମାତର୍ ଜିୱୁଣ୍ଡ୍ ମାନ୍ଦାନଡ଼ାଦ୍; ବାତେଙ୍କ୍ ଇତ୍କେ ସାରେତଡ଼୍ ଅଣ୍ଡ୍‌ ମୁନେ ଜିୱୁଣ୍ଡ୍ ନାରୁଡ଼୍ ।”
\p
\v 39 ଆଗାଙ୍କ୍ ଶାସ୍ତ୍ରୀଡ଼୍ ବେସ୍‌କ୍ ତୁଡ଼୍ ଉତ୍ତର୍ ହିତ୍‍ତଡ଼୍, “ହୋ ଗୁରୁ, ନିମେ ଟିକ୍ କେତ୍‍ତିନ୍ ।” 
\v 40 ବାତେଙ୍କ୍ ଇତ୍କେ ଅଡ଼୍‌‍ ଅଂକିଙ୍କ୍‌ ବାତେଏ ମିକା ପ୍ରଶ୍ନ କେତାନଙ୍କ୍ ମେଣ୍ଡେ ଅନ୍‌ ଦାମ୍ ସାହାସ୍ ମାଡ଼ଡ଼୍‍ ।
\s ମସୀୟ ବେନନ୍ ମାର୍‍
\r (ମାତିଉ ୨୨:୪୧-୪୬; ମାର୍କ ୧୨:୩୫-୩୭)
\p
\v 41 ଜିସୁ ଅଡ଼୍‌‍କିଂଙ୍କ୍ କେତ୍‍ତଡ଼୍‍, “କ୍ରିଷ୍ଟ ଯେ ଦାଉଦ୍‍ଉତ୍ ମାର୍‍, ଇଦ୍ ନାରୁଡ଼୍ ବେଲା କେତିତଡ଼୍ ? 
\v 42 ବାତେଙ୍କ୍ ଇତ୍କେ ନିଜେ
\q1 ଦାଉଦ୍‍ ଗୀତସଂହିତାତାଗ୍ କେତ୍ତଣ୍ଡ୍,
\q2 ପ୍ରବୁ ନା ପ୍ରବୁଙ୍କ୍ କେତ୍ତଣ୍ଡ୍,
\q2
\v 43 ମାମେ ବେସୁଟ୍‌ ଯାକ ମି ଶତ୍ରୁଡ଼୍‍କ୍ ମିୱାଦ୍ ଡେକେତ୍ ମଦଲ୍‍କଞ୍ଜ୍ ତାଡ଼ାମ୍, ଆସୁଙ୍କ୍ ହେଉନା ମା ତିନ୍ଦେକାଇଦେ ପାକେ କୁଦିମାନୁଟ୍ ।
\m
\v 44 ଦାଉଦ୍‍ ଜିସୁଙ୍କ୍ ପ୍ରବୁ ଇଞ୍ଜ କେତିତଣ୍ଡ୍; ଆଲାତ୍କେ ଅଣ୍ଡ୍‌ ବେଲା ଅନ୍‌ ମାର୍‍ ?”
\s ଜିସୁ ଶାସ୍ତ୍ରୀନାରୁଡ଼୍‍କ୍ ସତର୍କ
\r (ମାତିଉ ୨୩:୧-୩୬; ମାର୍କ ୧୨:୩୮-୪୦)
\p
\v 45 ପେର୍‍କେ ଜିସୁ ସାରେତଡ଼୍ ନାରୁଡ଼୍ ମୁନ୍‍ନେ ଶିଷ୍ୟକିଂଙ୍କ୍ କେତ୍ତଣ୍ଡ୍, 
\v 46 “ଶାସ୍ତ୍ରୀନଡ଼୍‍ ଆଗାଙ୍କ୍ ସାବ୍‍ଦାନ୍ ! ଅଡ଼୍‌‍ ଲାଟି ଚକା କେର୍‍ଦିତଡ଼୍ । ମେଣ୍ଡେ ହାଟ୍ ବାଜାର୍‍ତାଗ୍ ନମସ୍କାର୍, ସମାଜ୍ ଲତ୍‍ତାଗ୍ ମୁକ୍ୟ ଆସନ୍ ନୁ ବଜିତାଗ୍ ସାଏତ୍ ପଡ଼ିୟିତାଗ୍ କୁଦାନଙ୍କ୍ ଇଚ୍ଛା ମାଡ଼ିତଡ଼୍ । 
\v 47 ଅଡ଼୍‌‍ ରାଣ୍ଡିମୁତେନ୍ ଲୋକିଙ୍କ୍ ଆଦ୍‍ତଡ଼୍ ନୁ ବୁସାମାଡ଼ି ଲାଟି ପ୍ରାର୍ତନା ମାଡ଼ିତଡ଼୍; ଅଡ଼୍‌‍କିଂଙ୍କ୍ ଗାଟି ଦଣ୍ଡ ଦର୍‍କିତ୍ ।”
\c 21
\s ରାଣ୍ଡି ମୁତ୍‍ତେନ୍ ଦାନ
\r (ମାର୍କ ୧୨:୪୧-୪୪)
\p
\v 1 ଜିସୁ ସାରେପାକେ ଉଡ଼ି ବେସ୍‍କ୍‍ତୁଡ଼୍‍ ସାଉକାର୍ ନାରୁଡ଼୍ ମନ୍ଦିର୍‍ତାଗ୍ ଦାନପେଟ୍‌ତାଗ୍ ଦାନ ୱାଟାନାଦ୍ ଉଡ଼୍‍ତଣ୍ଡ୍ । 
\v 2 ମେଣ୍ଡେ ଆଦ୍ ୱେରଡ଼୍ ଗରିବ୍ ରାଣ୍ଡିଲ୍ ଆଗେ ରେଣ୍ଡ୍ ରୁପି ୱାଟାନାଦ୍ ଉଡ଼ି କେତ୍‍ତଣ୍ଡ୍, 
\v 3 ନାନ୍ ମିକିଂଙ୍କ୍ ସତ୍ କେତୁତାନ୍, “ଇଦ୍ ଗୋରିବ୍ ରାଣ୍ଡି ମୁତ୍‍ତେ ସାର୍‍ରେ ତାଗାଙ୍କ୍ ନାର୍ଗେ ଦାନ ୱାଟ୍‍ତା, 
\v 4 ବାତେଙ୍କ୍ ଇତ୍କେ ଇଡ଼୍‍ ସାର୍‍ରେ ତୁଡ଼୍ ପେଟ୍‍ତାଗ୍ ତାମ୍‍ତାମ୍ ନାର୍ଗେ ଦନ୍ ତାଗାଙ୍କ୍ ସୁକୁ ସୁକୁ ୱାଟ୍‍ଟଡ଼୍, ବାତେଙ୍କ୍ ଇତ୍କେ ତାନ୍ ମାନ୍ଦାନାଦ୍ ଅବସ୍ଥାତେ ବା ନିଜେତ୍ ଜିୱୁଣ୍ଡ୍ ଗେଲସ୍‍ପାନ୍ ମାଇଦିଙ୍କ୍ ତାନାଗ୍‍ ବେସର୍ ମାତ୍‍ତା ହାୱୁସାରେ ୱାଟ୍‍ତା ।”
\s ମନ୍ଦିର୍ ଦ୍ୱଂସ ବିଷୟତେ ଜିସୁ କେତ୍‍ତଣ୍ଡ୍
\r (ମାତିଉ ୨୪:୧-୨; ମାର୍କ ୧୩:୧-୨)
\p
\v 5 ମେଣ୍ଡେ, ବେସ୍‍କ୍‍ତୁଡ଼୍‍ ଶିଷ୍ୟଡ଼୍ ମନ୍ଦିର୍ ବିଷୟତେ ମିଟିଙ୍କ୍ ମାଡ଼ମାତ୍‍ତଡ଼୍ । ଅଡ଼୍‌‍ କେସ ମାତ୍‍ତଡ଼୍, “ଆଗେ ୱାଟ୍‍ତାଉ ସୁନ୍ଦର୍ କାଲ୍‍କ୍ ନୁ ଇଶ୍ୱର୍‌ତେ ସେଙ୍ଗେ ଇସ୍‌ ମାନ୍ଦାନ୍ ଉପହାର୍ ତଡ଼୍ ମନ୍ଦିର୍ ଗାଟି ସୁନ୍ଦର୍ ତଅନ୍‌ଦୁତେ !” 
\v 6 “ମିଡ଼୍ ଇଦ୍ ବାତେସାରେ ଉଡ଼ୁତିଡ଼୍, ଦିନାମ୍‌ ୱାଦ୍‍ତା, ଆସୁଙ୍କ୍ ଅଣ୍ଡ୍‌ କାଲ୍ ମେଣ୍ଡନ୍ କାଲ୍ ଦେ ପଡ଼ିୟେତାଗ୍ ମାନ୍‍, ସାରେତଡ଼୍ ବୂମ୍‌ତାଗ୍ ଆଦ୍‍ତଡ଼୍ ।”
\s ଯୁଗ୍ ତେରାନାଦ୍
\r (ମାତିଉ ୨୪:୩-୧୪; ମାର୍କ ୧୩:୩-୧୩)
\p
\v 7 ଆଗାଙ୍କ୍ ଅଡ଼୍‌‍ ଜିସୁଙ୍କ୍ କେତ୍ତଡ଼୍, “ହୋ, ଗୁରୁ, ଇଦ୍‍ସାରେ ବେସୁଙ୍କ୍‍ ଗଟେମ୍ ଆଦ୍ ତେ ? ମେଣ୍ଡେ, ବେନ୍ ଦିନାମ୍‍ତେ ଇଦ୍‍ସାରେ ଗଟନା ଦିନାମ୍ ତେରିତେ, ଆଦ୍ ଦିନାମ୍‍ତେ ବେଲା ତଅନ୍‌ଦିତେ ?”
\p
\v 8 ଆଗାଙ୍କ୍ ଜିସୁ କେତ୍‍ତଣ୍ଡ୍, “ସାବ୍‍ଦାନ୍, ମିଡ଼୍ ବେଲା ବୁଲ୍‍କା ଆୟମାଟ୍; ବାତେଙ୍କ୍ ଇତ୍କେ ନାର୍ଗେ ନାରୁଡ଼୍ ନା ପେଦେର୍‍ତେ ୱାସ୍, ନାନ୍ କ୍ରିଷ୍ଟ ନୁ ଟିକ୍ ସମୟ୍ ୱାସ୍ ହେୱୁତେ ଇଞ୍ଜ କେତିତଡ଼୍; ଅଡ଼୍‌‍ ପେର୍‍କେ ଆନ୍‌‍ମାଟ୍ । 
\v 9 ମାତର୍ ମିଡ଼୍ ବେସୁଙ୍କ୍‍ ଯୁଦ୍ଦ୍‌ ବା ଗୋଲକ୍ ବିଷୟତେ କେଞ୍ଜ୍‍କେ, ଆସୁଙ୍କ୍ ୱେର୍‍ମାଟ୍; ବାତେଙ୍କ୍ ଇତ୍କେ ଇଦ୍‍ସାରେ ଗଟନା ପ୍ରତମ୍‌ ଦାମ୍ ତେ ଗଟେମ୍ ଆଦ୍‍ତା, ବାତେଙ୍କ୍ ଇତ୍କେ ସାଙ୍ଗେ ସାଙ୍ଗେ ଯୁଗାନ୍ତ୍ ଆୟ୍‍ୟ ।”
\p
\v 10 ତାନ୍‍ପେର୍କେ ଜିସୁ ଅଡ଼୍‌‍କିଂଙ୍କ୍ ମେଣ୍ଡେ କେତ୍ତଣ୍ଡ୍, ଜାତି ବିରୁଦ୍‍ତେ ଜାତି ନୁ ରାଜ୍ୟ ବିରୁଦ୍‍ତେ ରାଜ୍ୟ ତେଦିତ୍ । 
\v 11 ମେଣ୍ଡେ ସାର୍‍ରେପାକ୍‍ ଏର୍‍ତୁପାନ୍, ଦୁର୍ବିକ୍ଷ ନୁ ମହାମାରୀ ଆଦ୍‍ତେ, ମାବ୍‍ତାଗ୍ ଅଦ୍‍ବୁତ୍ ନୁ ବୟଙ୍କାର୍ କାମ୍‍ସାରେ ତଅନ୍‌ଦିତା । 
\v 12 ବାତେଙ୍କ୍ ଇତ୍କେ ଇଦ୍ ସାରେ ବିଷୟ ଗଟେମ୍ ଆଦାନ୍ ମୁନେଙ୍କ୍ ମିକିଂଙ୍କ୍ ବନ୍ଦୀ ମାଡ଼ିତଡ଼୍ । ସମାଜ୍ ଲୋନ୍‌‍ତାଗ୍ ବିଚାରିତ ଆଦାନ୍ ସେଙ୍ଗେ ମିକିଂଙ୍କ୍ ପୟ୍‍ସ୍‍ ବନ୍ଦି ମାଡ଼ିତଡ଼୍ ନୁ ଜଇଲ୍‌ତାଗ୍‍ ନେହେତିତଡ଼୍ । 
\v 13 ଇଦ୍ ମିକିଂଙ୍କ୍ ସାକ୍ଷ୍ୟ ଇଦାଙ୍କ୍ ସୁଯୋଗ୍ ହିଦ୍ ତେ । 
\v 14 \x + \xo ୨୧:୧୪ \xo*\xt ଲୁକ ୧୨:୧୧,୧୨.\xt*\x*ଆଲାତ୍କେ, ନିଜର୍ ପାକେଙ୍କ୍ ବେଲା ଉତ୍ତର୍ ଇଦ୍‍ତିଡ଼୍, ଆଦ୍ ବିଷୟତେ ମୁନେଙ୍କ୍ ଚିନ୍ତେ ମାଡ଼୍‍ୱାଙ୍କ୍ ନିଜ୍ ମନ୍‍ତାଗ୍ ହେର୍କା ମାଡ଼ାଟ୍ । 
\v 15 ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ ଇଦ୍‌ଲେକାମ୍ ଗଟ୍ ନୁ ବୁଦ୍‍ ଇଦ୍‍ତାନ୍ ଯେ, ମିକିଂଙ୍କ୍ ସାରେତଡ଼୍ ବିରଦ୍‍ତେ ନାରୁଡ଼୍ ଆଦିନାଦ୍ ଉତ୍ତର୍ ହିଦାଙ୍କ୍ ପାର୍‍ୱଡ଼୍ । 
\v 16 ବାତେଙ୍କ୍ ଇତ୍କେ ମିଡ଼୍ ୟାୟବାବ, ତାମୁଣ୍ଡ୍‌କିଡ଼୍‍, ଲୋତ୍‍ନଡ଼୍‍ ନୁ କୁଟ୍‍ମାମ୍‍ତାଗ୍ ସମର୍ପିତ୍ ଆଦ୍‍ତିଡ଼୍, ମେଣ୍ଡେ ମି ଲୋପେଙ୍କ୍ ନାରୁଡ଼୍ ବେସ୍‍କ୍‍ତୁଡ଼କ୍ ହାୱ୍‍କିତଡ଼୍, 
\v 17 ମେଣ୍ଡେ ନା ପେଦେର୍ ସେଙ୍ଗେ ମିଡ଼୍ ସାରେତଡ଼୍ ସାରେତଡ଼୍ ତଡ଼୍ ଗୃଣିତ ଆଦ୍‍ତିଡ଼୍ । 
\v 18 ବାତେଙ୍କ୍ ଇତ୍କେ ମି ତାଲେତ୍ ଅଣ୍ଡୟ୍‌‍ମିକା କେଲେମ୍ କାରାବ୍‍ ଆୟ୍‍ୟ; 
\v 19 ମିଡ଼୍ ଶକ୍ତିତଡ଼୍ ନିଜ୍ ଜିୱୁଣ୍ଡ୍ ଦର୍‍କିତ୍ ।
\s ଜିସୁ ଯିରୁଶାଲେମ୍ ଦ୍ୱଂସ ଆଦ୍‍ଦାନ୍ ଗଟ୍ କେତ୍‍ତଣ୍ଡ୍
\r (ମାତିଉ ୨୪:୧୫-୨୧; ମାର୍କ ୧୩:୧୪-୧୯)
\p
\v 20 ମିଡ଼୍ ଯିରୁଶାଲେମ୍ ଚାରେପାକେ ସୈନିନଡ଼୍ ଗେରାମାଡ଼ି ମାନ୍ଦାନାଦ୍ ଉଡ଼ିତିଡ଼୍ । ଆସୁଟେ ମିଡ଼୍ ପୁଞ୍ଜ୍ ପାର୍‍ଦ୍‍ତିଡ଼୍ ଯେ ଯିରୁଶାଲେମ୍ ଦ୍ୱଂସ ଆଦ୍‍ଦାନ୍ ସମୟ୍ ୱାସ୍ ହେଉତେ । 
\v 21 ଆସୁଙ୍କ୍ ବେନଡ଼୍ ଯିଉଦା ଦେଶ୍‍ତାଗ୍ ମାନ୍‍ତଡ଼୍, ଅଡ଼୍‌‍ ଆଦ୍‍ଲେକାମ୍ ମେଟାତାଗ୍ ମିରାଟ୍; ମେଣ୍ଡେ ବେନଡ଼ ନଗର୍‍ତାଗ୍ ମାନ୍‍ତଡ଼୍, ଅଡ଼୍‌‍ ଆଦ୍‍ଲେକାମ୍ ଆଦ୍ ପଡ଼ିୟେ ୱିଡ଼୍‍ସିଡ଼୍; ମେଣ୍ଡେ, ବେନଡ଼୍ ନାର୍‍କିନାଗ୍‍ ମାନ୍‍ତଡ଼୍, ଅଡ଼୍‌‍ ଆଦ୍‍ଲେକାମ୍ ନଗର୍‍ତାଗ୍ ଆନ୍‌‍ମାଟ୍; 
\v 22 ବାତେଙ୍କ୍ ଇତ୍କେ ଲେକ୍‍ତାଦ୍‍ ବିଷସାରେ ସତ୍ଆଦାନ୍‍ ମାଇଦିଙ୍କ୍ ଆଦ୍ ନିଜାମ୍ ଦଣ୍ଡ୍ ହିଦ୍‍ନ୍ ଦିନାମ୍ ଆଦ୍ ତେ । 
\v 23 ଆଦ୍ ଦିନାମ୍‍ତେ ବେନ୍ ନାଟା ଡଙ୍କେତ୍ ନୁ ସୁଦୁପିଲା ମାନ୍ଦାନାୱ୍‍ ୟାୟ, ଆୱ୍ ତିପାଲ୍ ଆଦ୍‍ତି ! ବାତେଙ୍କ୍ ଇତ୍କେ ଦେଶ୍‍ତାଗ୍ ଗାଟି ବେଡ଼ିୟାଦ୍ ବିପଦ୍ ନୁ ଇଦ୍ ଜାତି ସେଙ୍ଗେ ଇଶ୍ୱର୍ ତେ ଦଣ୍ଡ୍ ୱାଦ୍‍ତା । 
\v 24 ମେଣ୍ଡେ ଅଡ଼୍‌‍ ତାଲ୍‍ୱାର୍ ତଡ଼୍ ଡଲିତଡ଼୍ ନୁ ବନ୍ଦି ଆସ୍ ସାରେତଡ଼୍ ବିଜାତିନଡ଼କ୍ ମେଣ୍ଡେଅଣ୍ଡ୍‌ ଦେଶ୍ ରହସିଦ୍‍ତଡ଼୍, ମେଣ୍ଡେ ବିଜାତିଡ଼ାଦ୍ ଯୁଗ୍ ତେର୍‍ୱାଯାକ ଯିରୁଶାଲେମ୍ ଅଡ଼ାଦ୍‌ ଡେକେତ୍ ମଦଲ୍ ଆଦ୍‍ମି ମାନ୍‍ତେ ।
\s ନାରୁନ୍‍ପିଲେ ମେଣ୍ଡ୍ଅନ୍‌ ଦାମ୍ ୱାଦାନାଦ୍
\r (ମାତିଉ ୨୪:୨୯-୩୧; ମାର୍କ ୧୩:୨୪-୨୭)
\p
\v 25 \x + \xo ୨୧:୨୫ \xo*\xt ପ୍ରକାଶିତ୍‌ ବାକ୍ୟ ୬:୧୨,୧3.\xt*\x*“ମେଣ୍ଡେ ପଡ଼ଦ୍, ନେଲ୍‍ଞ୍ଜ୍ ନୁ ଉକାକ୍‍କିନାଗ୍ କାମ୍‍ସାରେ ତଅନ୍‌ଦିତେ, ମେଣ୍ଡେ ପୃତିବିତାଗ୍ ଜାତିନଡ଼୍ ଦୁଃକାମ୍ ଆଦ୍‍ତଡ଼୍, ସମୁଦ୍ର ନୁ ଗାଙ୍କ୍‍କୁଡ଼୍‍ ଗାଟି ନେକ୍‌ନାଙ୍କ୍ ଅଡ଼୍‌‍ ଇଲା ବାତେଙ୍କ୍ ଆଦୁତ୍‍ ଇଞ୍ଜ ପୁନଡ଼୍ । 
\v 26 ମେଣ୍ଡେ ଜଗତ୍ ତେ ପରୁ ୱାସ ମାନ୍ଦାନାଦ୍ ଗଟ୍‍ନା ସାରେତିଙ୍କ୍ କେପି ମାଞ୍ଜ୍ ନାରୁଡ଼୍ ଆନ୍‌‍ତେ ସିମ୍‍କ୍ ଆତ୍‍ତଡ଼୍, ବାତେଙ୍କ୍ ଇତ୍କେ ମୟଲ୍‍ତାଗ୍ ସାରେ ବିଷୟ ବଦଲେମ୍ ଆଦ୍‍ତେ । 
\v 27 \x + \xo ୨୧:୨୭ \xo*\xt ପ୍ରକାଶିତ୍‌ ବାକ୍ୟ ୧:୭.\xt*\x*ଆସୁଙ୍କ୍ ନାରୁଡ଼୍ ପିଲେ ଗାଟି ଶକ୍ତିତଡ଼୍ ନୁ ମହିମାତଡ଼୍ ମାବ୍ ତେ କନ୍‍ସ୍ ୱାଦାନାଦ୍ ଉଡ଼ିତିଡ଼୍ । 
\v 28 ବାତେଙ୍କ୍ ଇତ୍କେ ଇଦ୍‍ସାରେ ଗଟ୍‍ନା ଆଦ୍‍ଦାନ୍ ୱେଲେ ମିଡ଼୍ ତେଦି ନିଲ୍‍ମୁଟ୍ ନୁ ପରୁ ଉଡ଼ାଟ୍ ନୁ ତାଲେତିଙ୍କ୍‍ ପରୁ ତେହେମୁଟ୍, ଆସୁଟେ ମିୱାଦ୍ ମୁକ୍ତି ଗାର୍‍ରେ ୱାସ୍ ହେଉଦୁତ୍ ।”
\s ତୟା ମାଡ଼େତାଗାଙ୍କ୍ ନାଡ଼୍‍ସାନାଦ୍‍
\r (ମାତିଉ ୨୪:୩୨-୩୫; ମାର୍କ ୧୩:୨୮-୩୧)
\p
\v 29 ଜିସୁ ଅଡ଼୍‌‍କିଂଙ୍କ୍ ୱେରଡ଼୍ ୱେଷଡ଼୍‍ କେତ୍ତଣ୍ଡ୍, ତୟା ମାଡ଼େ, ମେଣ୍ଡେ ସାରେତାୱ୍‍ ମାଡ଼ାକିଂଙ୍କ୍ ବିଷୟତେ ଚିନ୍ତେ ମାଡ଼ାଟ୍; 
\v 30 ବେସୁଟ୍‌ ମାଡ଼ାକିନାଗେ ଲେଏତା ଆକି ପେଇତିତା, ଆସୁଙ୍କ୍ ମିଡ଼୍ ଆଦ୍ ଉଡ଼ି ଏଦିକାଲାମ୍ ବକେତ୍ ହେଉଦୁତ୍ ଇଞ୍ଜଡ୍ ନିଜେ ନିଜେ ପୁନ୍‍ତିଡ଼୍ । 
\v 31 ଆଦେଲେକାମ୍ ମିଡ଼୍‍ଆନ୍ତେ ଆଦ୍‍ ସାର୍‍ରେ ଗଟନା ଉଡ଼୍‍କେ ଇଶ୍ୱର୍‌ତାଦ୍ ରାଜ୍ୟ ଯେ ବକେତ୍ ହେୱୁତେ, ଇଦ୍ ପୁନ୍‍ତିଡ଼୍ ।
\p
\v 32 ନାନ୍ ମିକିଂଙ୍କ୍ ସତ୍ କେସମିନ୍ଦେନ୍, ଡଲାନ୍ ମୁନେଙ୍କ୍ ଇୱୁ ସାରେ ଗଟେମ୍ ଆଦ୍‍ତେ । ଇଦ୍ ଇଞ୍ଜେତ୍ ଯୁଗ୍‍ତେ ମାନେଇ ବେସୁଟ୍‌ ଲୋପ୍ ଆୟ୍‍ୟଡ଼୍, 
\v 33 ମାବ୍ ନୁ ପୃତିବି ଦଂସ ଆଦ୍‌ତେ, ମାତର୍ ନାୱାଦ୍ ବାକ୍ୟ ବେସୁଙ୍କ୍‍ ଲୋପ୍ ଆୟ୍‍ୟ ।
\s ସତର୍କ ମାନ୍ଦାନାଦ୍ ସାୟେ
\p
\v 34 “ବାତେଙ୍କ୍ ଇତ୍କେ ମିଡ଼୍ ନିଜେ ନିଜେ ବିଷୟତେ ସତର୍କ ଆସ୍ ମାନୁଟ୍, ବେସୁଟ୍‌ ବା ମିୱାଦ୍ ହୃଦୟ୍‍ତାଗ୍ ଗାଟି ୱେଡ଼୍‍କା ନୁ କାଲ୍ ନିଜାତାଦ୍, ମେଣ୍ଡେ ବାଦ୍‍କାନ୍ ଚିନ୍ତାତେ ମୁଡ଼ୁନ୍ଦିମାଞ୍ଜ୍ ଦୁଃକାମ୍ ଆଦ୍‍ତିଡ଼୍, ମେଣ୍ଡେ ଆଦ୍‍ଦିନ୍ ହଟାତ୍ ୱାସ୍ ମିପର; 
\v 35 ବାତେଙ୍କ୍ ଇତ୍କେ ଆଦ୍ ଉଡ଼ୁଇ ଲେକେମ୍ ୱାସ୍ ପୃତିବି ନାରୁଡ଼୍ ସାରେତଡ଼୍ ପରୁ ରାଲିତେ । 
\v 36 ତିଆର୍‍ତେ ମାନୁଟ୍ ନୁ ତିପାଲ୍‍ତେ ଆଦାନଙ୍କ୍ ଶକ୍ତି ଆଦାନ୍ ସେଙ୍ଗେ ନୁ ନାରୁଡ଼୍ ପିଲାତନ୍ ମୁନେ ନିତାନ୍ ମାଇଦିଙ୍କ୍ ସାରେଦାମ୍ ପ୍ରାର୍ତନା ମାଡ଼ାଟ୍ ।”
\p
\v 37 \x + \xo ୨୧:3୭ \xo*\xt ଲୁକ ୧୯:୪୭.\xt*\x*ଜିସୁ ସାରେଦିନାମ୍ ମନ୍ଦିର୍ ତାଗ୍ ଶିକ୍ଷା ଇସମାତ୍ତଣ୍ଡ୍, ମେଣ୍ଡେ ସାରେ ନାର୍କା ପେଇସ୍ ମିକା ଜୀତ ମେଟାତାଗ୍ ମାନ୍‍ନୁଣ୍ଡ୍ । 
\v 38 ମେଣ୍ଡେ, ସାରେତଡ଼୍ ନାରୁଡ଼୍ ମନ୍ଦିର୍‍ତାଗ୍ ଜିସୁନାଦ୍ ଶିକ୍ଷା କେଞ୍ଜାନ୍ ମାଇଦିଙ୍କ୍ ନାର୍‍କୁକ୍ ଅନ୍‌ ଗାର୍‍ରେ ୱାସ ମାତ୍‍ତଡ଼୍ ।
\c 22
\s ଜିସୁନ୍ ବିରୁଦ୍ ତେ ସାଲାକି
\r (ମାତିଉ ୨୬:୧-୫; ମାର୍କ ୧୪:୧-୨; ଯୋହନ୍‌‌ ୧୧:୪୫-୫୩)
\p
\v 1 ନିସ୍ତାର୍ ପାଣ୍ଡୁମ୍ ପେଦେର୍ ତେ କମୀରଶୂନ୍ୟ ରୂଟି ପାଣ୍ଡୁମ୍ ବକେତ୍ ଆସମାତ୍‍ତେ । 
\v 2 ମେଣ୍ଡେ ମୁକ୍ୟ ଯାଜକ ନୁ ଶାସ୍ତ୍ରୀଡ଼୍ ନାରୁଡ଼୍‍କ୍ ୱେର୍ସମାତ୍‍ତାଙ୍କ୍, ମିଞ୍ଜିମାଞ୍ଜ୍ ଜିସୁଙ୍କ୍ ହାୱ୍‍କାଙ୍କ୍ ଉପାୟ ମେହେକ ମାତ୍‍ତଡ଼୍ ।
\s ଜିସୁଙ୍କ୍ ପସ୍‍ପିଦାନଙ୍କ୍ ଯିହୂଦା ରାଜି ଆତ୍‍ତଣ୍ଡ୍
\r (ମାତିଉ ୨୬:୧୪-୧୬; ମାର୍କ ୧୪:୧୦-୧୧)
\p
\v 3 ଆସୁଙ୍କ୍ ଜିସୁନ୍ ବାରଜାନ୍ ଶିଷ୍ୟନାଗାଙ୍କ୍ ୱେରଣ୍ଡ୍ ଇଷ୍କାରିୟୋତ୍ ପେଦେର୍ ତଣ୍ଡ୍ ଯିହୂଦାନାଗେ ଶୟ୍‍ତାନ୍‍ ନେଙ୍ଗ୍‍ତେ । 
\v 4 ଇଷ୍କାରିୟୋ ଆଞ୍ଜ୍, ବେନ୍ ଉପାୟ୍‍ତେ ଜିସୁଙ୍କ୍ ମୁକ୍ୟଯାଜକ୍ ନୁ ସେନାପତିନଡ଼୍ କାଇଦେ ପସ୍‍ପିଦାଙ୍କ୍ ଅଣ୍ଡ୍‌ ଅଡ଼୍‌‍ତଡ଼୍ ତିର୍‍ୟି‍ତଣ୍ଡ୍ । 
\v 5 ଆଗାଙ୍କ୍ ଅଡ଼୍‌ ୱେଡ଼୍‍କିତଡ଼୍ ନୁ ଅଂକିଙ୍କ୍‌ ଡାବ୍‍କ୍ ଇଦାନଙ୍କ୍ କେତ୍‍ତଡ଼୍ । 
\v 6 ମେଣ୍ଡେ ଅଡ଼୍‌‍ ସାରେତଡ଼୍ କାଇଲି ନାରୁଡ଼୍ ଉଡ଼ୁୱେ ୱେଲେ ଜିସୁଙ୍କ୍ ଅଡ଼୍‌‍ କାଇଦେ ପସ୍‍ପିଦାନ୍ ମାଇଦିଙ୍କ୍ ସୁଯୋଗ୍ ମେହେକାଙ୍କ୍ ପସ୍‍ପ୍‍ତଣ୍ଡ୍ ।
\s ନିସ୍ତାର୍ ପାଣ୍ଡୁମ୍ ତେ ବୋଜି ସେଙ୍ଗେ ଜିସୁ ତିଆର୍‍ତେ ଆତ୍‍ତଣ୍ଡ୍
\r (ମାତିଉ ୨୬:୧୭-୨୫; ମାର୍କ ୧୪:୧୨-୨୧; ଯୋହନ୍‌‌ ୧୩:୨୧-୩୦)
\p
\v 7 ପେର୍‍କେ ବେନେ ଦିନେ ନିସ୍ତାର୍ ପାଣ୍ଡୁମ୍ ୱେଲେ ମେଣ୍ଢାକିଙ୍କ୍ ବଲିଦାନ୍ ମାଡ଼ାନାଦ୍, କମୀର୍‍ଶୂନ୍ୟ ରୂଟି ପାଣ୍ଡୁମ୍‍ତାଗ୍‍ ଆଦ୍ ଦିନାମ୍ ହେୱୁତ୍‍ତେ; 
\v 8 ଜିସୁ, ପିତର୍ ନୁ ଯୋହନ୍‌‌ତିଙ୍କ୍ ଇଦ୍ କେସ୍ ରଅତଣ୍ଡ୍, ମାନାଡ଼୍ ବେଲାକି ନିସ୍ତାର୍ ପାଣ୍ଡୁତେ ବୋଜି ତିନ୍ଦେ ପାର୍‍ତାଡ଼୍, “ଆଦିଙ୍କ୍ ମିଡ଼୍ ଆଞ୍ଜ୍ ମା ମାଇଦିଙ୍କ୍ ନିସ୍ତାର୍ ପାଣ୍ଡୁମ୍‍ତାଦ୍ ବୋଜି ତିଆର୍ ମାଡ଼ାଟ୍ ।”
\p
\v 9 ଆଗାଙ୍କ୍ ଅଡ଼୍‌‍ ଜିସୁଙ୍କ୍ କେତ୍ତଡ଼୍, “ମାମେ ବେନ୍ ପଡ଼ିୟାତାଗ୍ ତିୟାର୍ ମାଡ଼ିତମ୍ ଇଞ୍ଜ ନିମେ ଇଚ୍ଛା ମାଡ଼ୁତିନ୍ ।”
\p
\v 10 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଉଡ଼ାଟ୍, ମିଡ଼୍ ନଗର୍‍ତାଗ୍ ଆଦାନ୍ ୱେଲେ, ପେଣ୍ଡୁଲ୍ କୁଣ୍ଡା ଆଦାନଣ୍ଡ୍ ୱେରଣ୍ଡ ମିକିଂଙ୍କ୍ କାଇଲିତଣ୍ଡ୍; ଅଣ୍ଡ୍‌ ବେନ୍ ପାକେ ଆଦ୍‍ତନ୍, ଅନ୍‌ ପେର୍କେ ଆଦ୍ ହାର୍ ଆଞ୍ଜ୍ ଲୋତ୍‌ତେ ମୁକିୟାଙ୍କ୍ କେତିତଣ୍ଡ୍ । 
\v 11 ଗୁରୁ ନିକିଂଙ୍କ୍ କେସ୍‍ମିନ୍ଦେମ୍, ନାନ୍ ନାୟାୱୁ ଶିଷ୍ୟଡ଼୍ ତଡ଼୍ ବେଗେ ନିସ୍ତାର୍ ପାଣ୍ଡୁମ୍ ବଜି ମାଡ଼ିତମ୍ ଆଦ୍ ଲୋନ୍‌ ମାକିଂଙ୍କ୍ ତସିମ୍ । 
\v 12 ଆଗାଙ୍କ୍ ଅଣ୍ଡ୍‌ ମିକିଂଙ୍କ୍ ସାଏ ରସ୍‍ତେ ୱେରନ୍ ପରତାଦ୍‍ ବାକ୍‍ଡ଼େ ତଅସିଦ୍‍ତଣ୍ଡ୍; ଆଦ୍ ପଡ଼ିୟିତାଗ୍ ତିଆର୍ ମାଡ଼ାଟ୍ ।”
\p
\v 13 ଅଡ଼୍‌‍ ଆଞ୍ଜ୍, ଅଡ଼୍‌‍କିଂଙ୍କ୍ ବେଲାକେତ୍‍ତଣ୍ଡ୍, ଆଦ୍‍ଲେକାମ୍ ଉଡ଼ି ନିସ୍ତାର୍ ପାଣ୍ଡୁମ୍ ବଜି ମାଡ଼୍‍ତଡ଼୍ ।
\s ପ୍ରବୁ ବଜ୍
\r (ମାତିଉ ୨୬:୨୬-୩୦; ମାର୍କ ୧୪:୨୨-୨୬; ୧ କରନ୍ତିୟ ୧୧:୨୩-୨୫)
\p
\v 14 ମେଣ୍ଡେ, ସମୟ୍ ହେଉତାଙ୍କ୍, ଜିସୁ ନୁ ଅନ୍‌‍ତଡ଼୍ ପ୍ରେରିତ୍‍ ଶିଷ୍ୟଡ଼୍ ତିନ୍ଦାଙ୍କ୍ କୁଦ୍‍ତଡ଼୍ । 
\v 15 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ନାକିଂଙ୍କ୍ କଷ୍ଟ ଦର୍‍କାନ୍ ମୁନେ ନାନ୍ ମିତଡ଼୍ କାଇଲି ନିସ୍ତାର୍ ପାଣ୍ଡୁମ୍ ବଜି ତିନ୍ଦାଙ୍କ୍ ଗାଟି ଇଚ୍ଛା ମାଡ଼ତାନ୍ ! 
\v 16 ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ କେସମିନ୍ଦନ୍, ଇଶ୍ୱର୍‌ତେ ରାଜ୍ୟତାଗ୍ ଇଦିନାଦ୍ ପୁରାଅର୍ତ ପ୍ରକାଶିତ୍‍ ଆୟିୱେ ଯାକ ନାନ୍ ଆଦ୍ ବେସୁଟ୍‌ ମିକା ତିନନ୍ ।”
\p
\v 17 ମେଣ୍ଡେ ଜିସୁ ଆଦ୍ ବୋଜି ତିଞ୍ଜ୍ ଦନ୍ୟବାଦ୍ ଇସ୍ କେତ୍ତଣ୍ଡ୍, “ଇଦ୍ ଆସ୍ ମିଡ଼୍ ମିଲୋପେ ତୁସାଟ୍, 
\v 18 ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ କେସମିନ୍ଦେନ୍, ଇଶ୍ୱର୍‌ତାଦ୍ ରାଜ୍ୟ ୱାଡ଼ୱେ ଯାକ ନାନ୍ ନେଟ୍‍ତେ କଞ୍ଚ୍ ଅଙ୍ଗୁର୍‌ କାୟାନ୍ ରସ୍ ଉନନ୍ ।”
\p
\v 19 ମେଣ୍ଡେ ଅଣ୍ଡ୍‌ ଆଦ୍ ରୂଟି ଅସ୍ ଦନ୍ୟବାଦ୍ ଇତ୍‍ତନ୍ ନୁ ଆଦିଙ୍କ୍ ଉହୁସ୍ ଅଡ଼୍‌‍କିଂଙ୍କ୍ ଇସ୍ କେତ୍ତଣ୍ଡ୍, “ମି ସେଙ୍ଗେ ହିତ୍‍ତାଦ୍ ତିନ୍ଦାନାଦ୍ ରୂଟି ନାୱାଦ୍ ମେନ୍ଦୁଲ୍ ନାକିଂଙ୍କ୍ ଏର୍କାମାଡ଼ଙ୍କ୍ ମାଇଦିଙ୍କ୍ ଇଲା ମାଡ଼ାଟ୍ ।” 
\v 20 ତିତ୍‍ତା ପେର୍‍କେ ଅଣ୍ଡ୍‌ ଅଡ଼୍‌‍କିଂଙ୍କ୍ ଦ୍ରାକ୍ଷାରସ୍ ମାନ୍ଦେତାଗ୍ ତାସ୍ କେତ୍‍ତଣ୍ଡ୍, ଇଦ୍ ଉନ୍ଦାନାଦ୍ ମି ମାଇଦିଙ୍କ୍ ନାୟାଗ୍‍ କନ୍‍ସ୍ ପେଇତାନ୍ ନେତୁର୍ ଇଦ୍ ନେତୁର୍‍ତାଗାଙ୍କ୍ ପୁଃନେ ନିୟମ୍ ଆରାମ୍ ଆଦ୍‍ତେ ।
\p
\v 21 “ବାତେଙ୍କ୍ ଇତ୍କେ ଉଡ଼ାଟ୍, ବେନ ନାକିଂଙ୍କ୍ ଶତ୍ରୁଡ଼୍ କାଇଦେ ଇତ୍‍ତନ୍ ମାଡ଼୍‍ତଣ୍ଡ୍, ଅନାଦ୍‌ କାୟ୍ ନା କାଇତଡ଼୍ ଟେବୁଲ୍ ପରୁ ମିନ୍ଦେ । 
\v 22 ବାତେଙ୍କ୍ ଇତ୍କେ ପରମେଶ୍ୱର୍ ବେଲା କେସ୍‍ମିନ୍ଦେଣ୍ଡ୍, ନାରୁଡ଼୍ ପିଲେ ଆଦେପୁଟୁଙ୍କ୍ ମାଡ଼ମିନ୍ଦେଣ୍ଡ୍ ନିଜାମ୍, ମିକା ବେନେ ମାନେଇ ତଡ଼୍ ଅଣ୍ଡ୍‌ ଶତ୍ରୁଡ଼୍ କାଇଦେ ପସ୍‍ପିଦାଙ୍କ୍ ଆଦୁତନ୍, ହାୟ ଅଂକିଙ୍କ୍‌ ଦଣ୍ଡ ଦର୍‍କିତେ !”
\p
\v 23 ତ ଅଡ଼୍‌‍ ଲୋପେକେ ବେନ ଇଦ୍ ମାଡ଼ାନଙ୍କ୍ ଆଦୁତନ୍, ଆଦ୍ ବିଷୟତେ ଅଡ଼୍‌‍ ତାମ୍ ତାମ୍‍ଲୋପେ କେତାକେତି ଆଦାଙ୍କ୍ ପସ୍ପ୍‍ତ୍‍ତଡ଼୍ ।
\s ବେନ ବାଡ଼୍‍ୟଣ୍ଡ୍ ଆଦ୍ ବିଷୟତେ ଗୋଲକ୍
\p
\v 24 \x + \xo ୨୨:୨୪ \xo*\xt ମାତିଉ ୧୮:୧; ମାର୍କ ୯:3୪; ଲୁକ ୯:୪୬.\xt*\x*ମେଣ୍ଡେ ଅଡ଼୍‌ଆଗାଙ୍କ୍‌ ବେନ ମହାନ୍ ଆଦ୍‍ତନ୍, ଆଦ୍ ବିଷୟତେ ଅଡ଼୍‌‍ ଜାଗ୍‍ଡ଼ା ବା ରାମ୍‍କ୍ ଆଦ୍‍ତଡ଼୍ । 
\v 25 ଆଗାଙ୍କ୍ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, ବିଜାତିଡ଼୍ ରାଜାଲଡ଼୍ ନିଜର୍ ନାରୁଡ଼୍ ପରୁ ଶାସନ୍‍ ମାଡ଼ିତନ୍ । ମେଣ୍ଡେ ଅଡ଼ାୱୁ ଶାସନ୍‍ କର୍ତ୍ତାଲଡ଼୍ ଦେଶ୍ ସାଙ୍ଗଡ଼୍‍ ଇଞ୍ଜ ଦାବୀ ମାଡ଼ିତଡ଼୍ । 
\v 26 \x + \xo ୨୨:୨୬ \xo*\xt ମାତିଉ ୨3:୧୧; ମାର୍କ ୯:3୫.\xt*\x*\x + \xo ୨୨:୨୬ \xo*\xt ମାତିଉ ୨୦:୨୫-୨୭; ମାର୍କ ୧୦:୪୨-୪୪.\xt*\x*ବାତେଙ୍କ୍ ଇତ୍କେ ମିଡ଼୍ ଆଲା ଆୟମାଟ୍, ମାତର୍ ମିୟାଗାଙ୍କ୍ ବେନ ବାଡ଼୍‍ୟଣ୍ଡ୍, ଅଣ୍ଡ୍‌ ସୁଦୁନଣ୍ଡ୍ ଲେକେମ୍ ଆୱିଣ୍ଡ୍, ମେଣ୍ଡେ ବେନ ନେତାଲ୍, ଅଣ୍ଡ୍‌ ସେବା ମାଡ଼ାନଣ୍ଡ୍‍ ଲେକେମ୍ ଆଇଣ୍ଡ୍‍ । 
\v 27 \x + \xo ୨୨:୨୭ \xo*\xt ଯୋହନ୍‌‌ ୧3:୧୨-୧୫.\xt*\x*ବେନ ଯଗ୍ୟ ? ବେନ ତିନ୍ଦାନଙ୍କ୍ କୁଦ୍‍ତଣ୍ଡ୍, ନା ସେବା ମାଡ଼ାନଣ୍ଡ୍ ? ବେନ ତିନ୍ଦାନଙ୍କ୍ କୁଦ୍‍ତଣ୍ଡ୍, ଅଣ୍ଡ୍‌ ଯଗ୍ୟ । ବାତେଙ୍କ୍ ଇତ୍କେ ନାନ୍ ମିୟାଗାଙ୍କ୍ ୱେରଣ୍ଡ୍ ସେବକ ଲେକେମ୍ ମିନ୍ଦେନ୍ ।
\p
\v 28 ମାତର୍ ମିଡ଼୍ ନାୱାଦ୍ ସାରେ ପରିକ୍ଷାତାଗ୍ ନା ତଡ଼୍ ମାଞ୍ଜ୍ ୱାଦୁତିଡ଼୍; 
\v 29 ମେଣ୍ଡେ ନା ବାବାଲ୍ ବେଲା ନାକିଂଙ୍କ୍ ଶାସନ୍‍ ମାଡ଼ାନ୍ ଅଦିକାର୍‌ ଇସ୍‌‍ମିନ୍ଦେଣ୍ଡ୍ । ଆଦ୍‍ଲେକାମ୍ ନାନ୍ ଆନ୍‌‍ତେ ମିକିଂଙ୍କ୍ ଶାସନ୍‍ ମାଡ଼ାନ୍ ଅଦିକାର୍‌ ହିତ୍‍ତାନ୍ । 
\v 30 \x + \xo ୨୨:3୦ \xo*\xt ମାତିଉ ୧୯:୨୮.\xt*\x*ବେଲାକି ମିଡ଼୍ ନାୱାଦ୍ ରାଜ୍ୟତାଗ୍ ନା ଟେବୁଲ୍ ତାଗ୍ ତିନ୍ଦାନ୍ ଉନ୍ଦାନ୍ ପାର୍‍ତିଡ଼୍, ମେଣ୍ଡେ ସିଂହାସନତାଗ୍ କୁଦି ଇସ୍ରାଏଲତାଦ୍ ବାର୍‍ଟାନ୍ ସହର୍‍ତିଙ୍କ୍ ଶାସନ୍‍ ମାଡ଼ିତିଡ଼୍ ।
\s ଜିସୁଙ୍କ୍ ପ୍ରକାଶ ମାଡ଼ାନ୍ ବିଷୟ ପିତର୍‍ତେ ଅସୀକାର୍
\r (ମାତିଉ ୨୬:୩୧-୩୫; ମାର୍କ ୧୪:୨୭-୩୧; ଯୋହନ୍‌‌ ୧୩:୩୬-୩୮)
\p
\v 31 “ଶିମୋନ୍, ଶିମୋନ୍, ଉଡ଼ାଟ୍, ଚାଷୀ ଗୋହମତିଙ୍କ୍ ଏର୍‍ତଡ଼୍ ତଡ଼୍ ନେମି ତଗ୍ ୱେରେ ମାଡ଼ାନ୍ ଲେକାମ୍, ଶୟ୍‍ତାନ୍‍ ମିକା ମିକିଂଙ୍କ୍ ମୁର୍‍ମୁରା ମାଡ଼ାନଙ୍କ୍ ଆଦେଶ୍‌ ଆତ୍‍ତେ । 
\v 32 ବାତେଙ୍କ୍ ଇତ୍କେ ମିୱାଦ୍ ବିଶ୍ୱାସ୍ ବେଲାକି ଲପ୍ ଆୟ୍‍ୟ, ଆଦିନ୍ ମାଇଦିଙ୍କ୍ ନାନ୍ ମି ମାଇଦିଙ୍କ୍ ପ୍ରାର୍ତନା ମାଡ଼ିମିନ୍ଦେଣ୍ଡ୍; ମେଣ୍ଡେ, ମିଡ଼୍ ୱାଦାନ୍ ୱେଲେ ମି ତାମୁଣ୍ଡ୍‌କିଡ଼୍‍କ୍ ବିଶ୍ୱାସ୍ ମାଡ଼ାଙ୍କ୍ କେଲମୁଟ୍ ।”
\p
\v 33 ମାତର୍ ପିତର୍ ଜିସୁଙ୍କ୍ କେତ୍ତଣ୍ଡ୍, “ପ୍ରବୁ ନାନ୍ ନିତଡ଼୍ ଜଇଲ୍‌ତା ଆଦାଙ୍କ୍ ନୁ ଡଲାଙ୍କ୍ ବାଡ଼େ ତିଆର୍ ଆସ୍ ମିନ୍ଦେନ୍ !”
\p
\v 34 ବାତେଙ୍କ୍ ଇତ୍କେ ଜିସୁ କେତ୍ତଣ୍ଡ୍, “ହୋ ପିତର୍,” ନାନ୍ ନିକିଂଙ୍କ୍ କେସମିନ୍ଦେନ୍, “ନେଣ୍ଡ୍ କର୍କ୍ କୁସାନ୍ ମୁନେଙ୍କ୍ ନିମେ ନାକିଂଙ୍କ୍ ପୁନ୍‍ନନ୍ ଇଞ୍ଜ, ମୁଣ୍ଡ୍ ଦାମ୍ କେତିତିନ୍ ।”
\s ଡାବ୍‍କ୍ ମୁନା, ମୁନା ନୁ ତାଲ୍‍ୱାର୍
\p
\v 35 \x + \xo ୨୨:3୫ \xo*\xt ମାତିଉ ୧୦:୯,୧୦; ମାର୍କ ୬:୮,୯; ଲୁକ ୯:3; ୧୦:୪.\xt*\x*ତାନ୍ ପେର୍‍କେ ଜିସୁ ତାନ୍ ଶିଷ୍ୟଡ଼କ୍ ପାଚ୍ରାମାଡ଼୍‍ତଣ୍ଡ୍, “ନାନ୍ ବେସୁଙ୍କ୍‍ ମିକିଂଙ୍କ୍ ଆଦ୍ ଦିନାମ୍‍ତେ ହେତି, ମୁନା ନୁ ହେର୍‍ପୁକ୍ ଆୟ୍‍ମାଟ୍ ଇଞ୍ଜ କେସ୍ ରହସ୍‍ମାତ୍‍ତାନ୍, ମିୱାଦ୍ ବାତ୍ ଅବାବ୍ ଆସ୍‍ମାତ୍‍ତେ କି ?” ଅଡ଼୍‌‍ କେତ୍‍ତଡ଼୍, “ଇଲେ, ବାତ୍ ଆୟ୍‍ୟ ।”
\p
\v 36 ଆଗାଙ୍କ୍ ଅଣ୍ଡ୍‌ ଅଡ଼୍‌‍କ୍ କେତ୍‍ତଣ୍ଡ୍, “ମାତର୍ ଇଞ୍ଜେ, ବେନନାଦ୍ ୱାଦାନାଦ୍ ମିନ୍ଦେ, ଆଦ୍‍ଅଣ୍ଡ୍‌ ଆୟିଣ୍ଡ୍, ଆଦ୍‍ଲେକାମ୍ ମୁନା ଆନ୍‌‍ତେ ଆୟିଣ୍ଡ୍, ମେଣ୍ଡେ ବେନନାଦ୍ ତାଲ୍‍ୱାର୍ ଇଲ୍‍ଲେ, ଅଣ୍ଡ୍‌ ତାନାଦ୍ ଡୁପଟ୍‍‍ତିଙ୍କ୍ ୱାମି ତାଲ୍‍ୱାର୍ ଆସିଣ୍ଡ୍ । 
\v 37 ବାତେଙ୍କ୍ ଇତ୍କେ ନାନ୍ ମିକିଂଙ୍କ୍ କେସମିନ୍ଦେନ୍, ଶାସ୍ତ୍ର କେତୁତ୍ ଯେ ଅଣ୍ଡ୍‌ ଅପ୍‍ରାଦି ତଡ଼୍ ଦଣ୍ଡ ଆତ୍‍କେ ନା ବିଷୟତେ ଲେକ୍‍ତାଦ୍ ସାର୍‍ରେବିଷୟ୍ ‍ଅନ୍‌ୟାୟ୍‍ ଆଦାନ୍ ସେଙ୍ଗେ ଇଦ୍ ଗଟ୍ ନାୟାଗ୍ ସାରେ ଆଦ୍‍ତେ ।”
\p
\v 38 ଆଗାଙ୍କ୍ ଅଡ଼୍‌‍ କେତ୍‍ତଡ଼୍‍, “ପ୍ରବୁ ଉଡ଼େ, ଇଗେ ରେଣ୍ଡ୍ ଚୁରୀ ମିନ୍ଦେ ।” ମେଣ୍ଡେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍ତଣ୍ଡ୍, ରେଣ୍ଡ୍ ଚୁରୀ ଆଦ୍‍ତେ ।
\s ଜିସୁ ପ୍ରାର୍ତନା ମାଡ଼ାଙ୍କ୍ ଜୀତ ମେଟେତାଗ୍ ଆତ୍‍ତଣ୍ଡ୍
\r (ମାତିଉ ୨୬:୩୬-୪୬; ମାର୍କ ୧୪:୩୨-୪୨)
\p
\v 39 ଜିସୁ ପେଇସ୍ ତାନାଦ୍ ନିଜର୍ ରୀତି ଲେକାମ୍ ଜୀତ ମେଟେତାଗ୍ ଆତ୍‍ତଣ୍ଡ୍; ମେଣ୍ଡେ ଶିଷ୍ୟଡ଼୍ ମିକା ଅନ୍‌ ପେର୍‍କେ ପେର୍କେ ଆତ୍‍ତଡ଼୍ । 
\v 40 ଆଦ୍ ପଡ଼ିୟିତାଗ୍ ହେୱୁସ୍ ମିକା ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ପରିକ୍ଷାତାଗ୍ ବେଲାକି ରାୟ୍‍ୱିଡ଼୍, ଆଦିନ୍ ମାଇଦିଙ୍କ୍ ପ୍ରାର୍ତନା ମାଡ଼ାଟ୍ ।”
\p
\v 41 ଜିସୁ ଅଡ଼ାଗାକନ୍‍ସ୍ ସୁଦୁର୍ ଜେକେ ଆଞ୍ଜ୍ ମର୍‍ମିଣ୍ଡା ଇସ୍‌ ଇସତ୍ ପ୍ରାର୍ତନା ମାଡ଼ାଙ୍କ୍ ପସ୍‍ପ୍‍ତଣ୍ଡ୍ । 
\v 42 ହୋ ବାବା ଯଦି ନିୱାଦ୍ ଇଚ୍ଛା ମାନ୍‍ତା, ଆଲାତ୍କେ ଇଦ୍ ଦୁଃକାତାଦ୍ ପାତ୍ର ନା କନ୍‍ସ୍ ଦୂରାମ୍‍ମାଡ଼ା; ମିକା ନାୱାଦ୍ ଇଚ୍ଛା ଇଲା, ମାତର୍ ନିୱାଦ୍ ଇଚ୍ଛା ସାରେ ଆୟି । 
\v 43 ମେଣ୍ଡେ, ସ୍ୱର୍ଗତାଗାଙ୍କ୍ ୱେରଣ୍ଡ୍ ଦୂତ୍ ଅନ୍‌ ଗାର୍‍ରେ ୱାସ୍ ଅଂକିଙ୍କ୍‌ ଶକ୍ତି ଇସ୍ ଆତ୍‍ତେ । 
\v 44 ଅଣ୍ଡ୍‌ ମନ୍‍ତାଗ୍ ଦୁଃକାମ୍ ଆସ୍ ଅଣ୍ଡୟ୍‌ ହେର୍କେତେ ପ୍ରାର୍ତନା ମାଡ଼ାଙ୍କ୍ ପସ୍‍ପ୍‍ତଣ୍ଡ୍ ନୁ ଅନାଦ୍‌ ଉବାମ୍ ନାର୍ଗେ ଆସ୍ ନେତୁର୍ ହିନା ନେଲ୍ ରାୟିତା ।
\p
\v 45 ଜିସୁ ପ୍ରାର୍ତନା କଞ୍ଚ୍ ତେଦି ଶିଷ୍ୟଡ଼ାଗେ ଗାର୍‍ରେ ୱାସ୍ ଅଡ଼୍‌‍କିଂଙ୍କ୍ ଦୁଃକାମ୍ ମାଇଦିଙ୍କ୍ ଉସ୍କାଡ଼୍ ତେ ଉଞ୍ଜି ମାନ୍ଦାନାଦ୍ ଉଡ଼୍‍ତଣ୍ଡ୍; 
\v 46 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ବାତ୍‍ତିଙ୍କ୍ ଉଞ୍ଜୁତିଡ଼୍ ? ପରିକ୍ଷାତାଗ୍ ବେଲାକି ପଡ଼େମ୍ ‍ଆୟିୱିଡ଼୍, ଇଦିନ୍ ସେଙ୍ଗେ ତେଦି ପ୍ରାର୍ତନା ମାଡ଼ାଟ୍ ।”
\s ଶତ୍ରୁଡ଼୍ ଜିସୁଙ୍କ୍ ବନ୍ଦୀ ମାଡ଼ତଡ଼୍
\r (ମାତିଉ ୨୬:୪୭-୫୬; ମାର୍କ ୧୪:୪୩-୫୦; ଯୋହନ୍‌‌ ୧୮:୩-୧୧)
\p
\v 47 ଅଣ୍ଡ୍‌ ଗଟି କେତ୍‍ତାନ୍ ୱେଲେ, ଉଡ଼ାଟ୍, ନାରୁଡ଼୍ ୱାସ୍ ହେଉତଡ଼୍, ମେଣ୍ଡେ, ବାରଜାନ୍ ତାଗାଙ୍କ୍ ଯିହୂଦା ପେଦେର୍ ତଣ୍ଡ୍ ୱେରଣ୍ଡ୍ ଅଡ଼୍‌‍ ମୁନେ ୱାସ୍ ଜିସୁଙ୍କ୍ ବୁରାନଙ୍କ୍ ଅନ୍‌ ଗାର୍‍ରେ ଆତ୍‍ତଣ୍ଡ୍ । 
\v 48 ବାତେଙ୍କ୍ ଇତ୍କେ ଜିସୁ ଅଂକିଙ୍କ୍‌ କେତ୍ତଣ୍ଡ୍, “ହୋ ଯିହୂଦା, ବୁରି ମିକା ନାରୁଡ଼୍ ପିଲେତିଙ୍କ୍ ଶତ୍ରୁଡ଼୍ କାଇଦେ ପସ୍‍ପିଦୁତି ?”
\p
\v 49 ଆଗାଙ୍କ୍ ବାତ୍ ଗଟେମ୍ ଆଦ୍‍ତେ, ଆଦ୍ଉଡ଼ି ତାମ୍ ସାଙ୍ଗଡ଼୍ କେତ୍ତଡ଼୍, “ପ୍ରବୁ, ମାମେ ବାତେଏ ଚୁର୍‌ଦେ ରେଏତିତମ୍ ?” 
\v 50 ମେଣ୍ଡେ ଶିଷ୍ୟଡ଼୍ ଆଗାଙ୍କ୍ ୱେରଣ୍ଡ୍ ଚୁର୍ ପେସ୍‍ପି ମୁକ୍ୟ ଯାଜକତେ ଚାକର୍‍ତିଙ୍କ୍ ଅନାଦ୍‌ ତିନ୍ଦେକାଇଦେ ପାକେତ୍ କେଉଦିଙ୍କ୍ ନାଡ଼୍‌କିତ୍‌ତଣ୍ଡ୍ ।
\p
\v 51 ବାତେଙ୍କ୍ ଇତ୍କେ ଜିସୁ କେତ୍‍ତଣ୍ଡ୍, “ଇସରେ ମାନୀ;” ମେଣ୍ଡେ ଅଣ୍ଡ୍‌ ଅନାଦ୍‌ କେଉଦିଙ୍କ୍ ଇଟି ସୁସ୍ଥ ମାଡ଼ତଣ୍ଡ୍ ।
\p
\v 52 ମେଣ୍ଡେ ଜିସୁ ତାନ୍ ବିରୁଦ୍ ତେ ୱାସ୍‍ମାନ୍ଦାନ୍ ମୁକ୍ୟ ଯାଜକ, ମନ୍ଦିର୍‍ତେ ସେନାପତି ନୁ ବେଡ଼ିୟି ନାରୁଡ଼୍‍କ୍ କେତ୍‍ତଣ୍ଡ୍, “ମିଡ଼୍ ବାତେଏ ଡଙ୍ଗାଲଡ଼୍ ବିରୁଦ୍ଦ୍‌ତେ ପେଇତାନ୍ ଲେକେମ୍ ଚୁରୀ ନୁ ଟେଙ୍ଗା ପଇସ୍ ନାକିଂଙ୍କ୍ ପଇଦାଙ୍କ୍ ପେଇସ୍ ୱାତ୍‍ତିଡ଼୍ ? 
\v 53 \x + \xo ୨୨:୫3 \xo*\xt ଲୁକ ୧୯:୪୭; ୨୧:3୭.\xt*\x*ନାନ୍ ସାର୍‍ରେ ଦିନାମ୍ ମିତଡ଼୍ ମନ୍ଦିର୍ ତାଗ୍ ମାନ୍ଦାନ୍ ୱେଲେ ମିଡ଼୍ ନା ବିରୁଦ୍‍ତେ କାୟ୍ ଆୱିଡ଼୍, ବାତେଙ୍କ୍ ଇତ୍କେ ଇଦ୍ ମିୱାଦ୍ ସମୟ୍ ନୁ ଇକାଡ଼୍ ତେ ଶାସନ୍‍ ।”
\s ଜିସୁଙ୍କ୍ ପିତର୍ ପୁନନ୍‌ଇଞ୍ଜ କେତାନାଦ୍‌
\r (ମାତିଉ ୨୬:୫୭-୫୮,୬୯-୭୫; ମାର୍କ ୧୪:୫୩-୫୪,୬୬-୭୨; ଯୋହନ୍‌‌ ୧୮:୧୨-୧୮,୨୫-୨୭)
\p
\v 54 ପେର୍‍କେ ଅଡ଼୍‌‍ ଜିସୁଙ୍କ୍ ପଇସ୍ ଆସ୍ ବେଡ଼ୀଇ ଯାଜକିନ୍ ଲୋନ୍‌ ତାତ୍‍ତଡ଼୍; ବାତେଙ୍କ୍ ଇତ୍କେ ପିତର୍ ଜେକେ ମାଞ୍ଜ୍ ପେର୍କେ ପେର୍କେ ଆତ୍‍ତଣ୍ଡ୍ । 
\v 55 ମେଣ୍ଡେ ଅଡ଼୍‌‍ ଦୁୱାଡ଼୍‌ ତାଗ୍ କିସ୍ ନିଡ଼୍‍ସ୍‍ପି ଅଣ୍ଡୟ୍‌ ତାଗ୍ କୁଦ୍‍ତଡ଼୍, ପିତର୍ ଆନ୍‌‍ତେ ଅଡ଼୍‌‍ତଡ଼୍ କୁଦିମାତ୍‍ତଣ୍ଡ୍ । 
\v 56 ୱେରଣ୍ଡ୍ ଦାସୀ ପିତର୍‍ତିଙ୍କ୍ କିସ୍‍ତେ ଗାର୍‍ରେ କୁଦିମାନ୍ଦାନ୍ ଉଡ଼ି ଅଂକିଙ୍କ୍‌ ଅନାକେ ଉଡ଼ି କେତ୍‍ତେ, “ଇ ନାରୁଡ଼୍ ମିକା ଅନ୍‌ ତଡ଼୍ ମାତ୍‍ତଣ୍ଡ୍ ।”
\p
\v 57 ବାତେଙ୍କ୍ ଇତ୍କେ ପିତର୍ କେତ୍ତଣ୍ଡ୍, “ଇଲେ, ନାନ୍ ଅକିଂଙ୍କ୍‌ ପୁନନ୍ ।” 
\v 58 ସୁଦୁଟ୍ ସମୟତେ ପେର୍କେ ମେଣ୍ଡ୍ ୱେରନ୍ ଅଂକିଙ୍କ୍‌ ଉଡ଼ି କେତ୍ତଣ୍ଡ୍, “ନିମ୍‍ ମିକା ଅଡ଼୍‌‍ଆଗାଙ୍କ୍ ୱେର୍‍ନି ।” ବାତେଙ୍କ୍ ଇତ୍କେ ପିତର୍ କେତ୍ତଣ୍ଡ୍, “ଇଲା, ନାନ୍ ଆୟ୍‍ୟ ।”
\p
\v 59 ମାତର୍ ଅଣ୍ଡ୍‌ ଗଣ୍ଟାତ୍ ପେର୍‍କେ ମେଣ୍ଡେ ୱେରନ୍ ସତ୍ଇଞ୍ଜ କେତାନଙ୍କ୍ ପସ୍ପ୍‍ତଣ୍ଡ୍, “ଇ ନାରୁଡ଼୍ ମିକା ନିଜାମ୍ ଅନ୍‌ ତଡ଼୍ ମାତ୍‍ତଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍‌ ତ ଗାଲିଲୀୟ ନାରୁଡ଼୍ ।”
\p
\v 60 ବାତେଙ୍କ୍ ଇତ୍କେ ପିତର୍ କେତ୍ତଣ୍ଡ୍, “ନିମେ ବାତେଏ କେତୁତିନ୍ ନାନେ ଆଦ୍ ପୁନନ୍ ।” ଆସୁଙ୍କେ ଅଣ୍ଡ୍‌ ଗଟି କେସ କର୍କ୍ କୁସ୍ତା । 
\v 61 ପ୍ରବୁ ତିଡ଼ିୟିମିକା ପିତର୍‍ତିଙ୍କ୍ ୱେରନ୍ ଲେକାମ୍ ଉଡ଼୍‍ତଣ୍ଡ୍ ନୁ ପ୍ରବୁ ଅଂକିଙ୍କ୍‌ ବାତ୍ କେସ୍‍ମାତ୍‍ତଣ୍ଡ୍, ଆଦ୍ ଅଂକିଙ୍କ୍‌ ହେର୍କା ୱାତ୍‍ତା “ନେଣ୍ଡ୍ ନାର୍କେ କର୍କ୍ କୁସାନ୍ ମୁନେଙ୍କ୍ ନିମେ ନାକିଂଙ୍କ୍ ମୁଣ୍ଡ୍ ଦାମ୍ ଅସ୍ୱୀକାର୍ ମାଡ଼ିତିନ୍ ।” 
\v 62 ତାନ୍ ପେର୍‍କେ ପିତର୍ ବାଇଦେ ଆଞ୍ଜ୍ ଦୁଃକାମ୍‍ତେ ଗାଟି କେୟ୍‍ତଣ୍ଡ୍ ।
\s ଜିସୁଙ୍କ୍ ମଜାକ୍ ମାଡ଼ତଡ଼୍ ନୁ ପିଞ୍ଜ୍‍ପ୍‍ତଡ଼୍
\r (ମାତିଉ ୨୬:୬୭-୬୮; ମାର୍କ ୧୪:୬୫)
\p
\v 63 ବେନେ ନାରୁଡ଼୍ ଜିସୁଙ୍କ୍ ପଇସ୍ ନେହେସ୍ ମାତ୍‍ତଡ଼୍, ଅଡ଼୍‌‍ ଜିସୁଙ୍କ୍ ରେହେସ୍‍ ପରିହାସ୍ ମାଡ଼ତଡ଼୍, 
\v 64 ଜିସୁନ୍ ମକମ୍‍ତିଙ୍କ୍ ମୁସି ଅଂକିଙ୍କ୍‌ ପାଚ୍ରାମାଡ଼ାଙ୍କ୍ ପସ୍‍ପ୍‍ତ୍‍ତଡ଼୍, “ନିମେ ୱେରନ୍ ବାବବାଦୀବାନେ ! କେଲମ୍ ତ ନିକିଂଙ୍କ୍ ବେନ ପିଞ୍ଜ୍‍ପ୍‍ତଡ଼୍ ?” 
\v 65 ମେଣ୍ଡେ ଅଡ଼୍‌‍ ନାର୍ଗେ ଗଟି ଅନ୍‌ ବିରୁଦ୍ ତେ କେସ୍ ଅଂକିଙ୍କ୍‌ ଲିନ୍ଦ୍ ମାଡ଼ାନଙ୍କ୍ ପସ୍‍ପ୍‍ତ୍‍ତଡ଼୍ ।
\s ଜିସୁଙ୍କ୍ ବେଡ଼ିୟେ ମିଟିଙ୍କ୍‍ତାଗ୍ ତାତ୍‍ତଡ଼୍
\r (ମାତିଉ ୨୬:୫୯-୬୬; ମାର୍କ ୧୪:୫୫-୬୪; ଯୋହନ୍‌‌ ୧୮:୧୯-୨୪)
\p
\v 66 ନାରୁଡ଼୍‍କିଂଙ୍କ୍ ଆତ୍‍ତେ ୱେଲେ ଯିହୁଦୀ ମୁକ୍ୟନାରୁଡ଼୍, ମେଣ୍ଡେ ମୁକ୍ୟ ଯାଜକ ନୁ ଶାସ୍ତ୍ରୀଡ଼୍ ଅଣ୍ଡୟାଗେ ଆସ୍ ତାମ୍ ବେଡ଼ିୟାଦ୍ ମାନ୍ଦେତାଗ୍‍ ଅସ୍ କେତ୍‍ତଡ଼୍, “ନିମ୍‍ ଯଦି କ୍ରିଷ୍ଟ, ଇଞ୍ଜେ ମାକିଂଙ୍କ୍ କେଲେମ୍ ।” 
\v 67 ବାତେଙ୍କ୍ ଇତ୍କେ କ୍ରିଷ୍ଟ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ନାନ୍ ଯଦି ମିକିଂଙ୍କ୍ କେତିତାନ୍, ମିଡ଼୍ ତ ବିଶ୍ୱାସ୍ ମାଡ଼୍‍ୱିଡ଼୍;” 
\v 68 ମେଣ୍ଡେ ନାନ୍ ଯଦି ପ୍ରଶ୍ନ କେତିତାନ୍, ମିଡ଼୍ ଉତ୍ତର୍ ଇୱିଡ଼୍ । 
\v 69 ବାତେଙ୍କ୍ ଇତ୍କେ ଇଞ୍ଜେକଞ୍ଚ୍ ନାରୁଡ଼୍ ପିଲେ ସାରେତିଙ୍କ୍‍ ଶକ୍ତିନଡ଼୍ ଇଶ୍ୱର୍‌ତାଦ୍ ତିନ୍ଦେକାଇଦେ ପାକେ କୁଦିତଣ୍ଡ୍ ।
\p
\v 70 ଆଗାଙ୍କ୍ ସାରେତଡ଼୍ କେତ୍ତଡ଼୍, “ତ ନିମେ ବାତେଏ ଇଶ୍ୱର୍ ମାର୍‍ ?” ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ନାନ୍ ଅଣ୍ଡେ ଇଞ୍ଜ୍ ମିଡ଼୍ କେତୁତିଡ଼୍ ।”
\p
\v 71 ଆସୁଟେ ଅଡ଼୍‌‍ କେତ୍ତଡ଼୍, “ମାମ୍ ତ ନିଜେ ନିଜେ ଅନ୍‌ ନିଜ୍ ମକତାଗାଙ୍କ୍ ଇଦ୍ ଗଟି କେଞ୍ଜ୍‍ତମ୍ ।”
\c 23
\s ଜିସୁଙ୍କ୍ ପିଲାତନ୍ ମୁନେ ତାତ୍‍ତଡ଼୍
\r (ମାତିଉ ୨୭:୧-୨,୧୧-୧୪; ମାର୍କ ୧୫:୧-୫; ଯୋହନ୍‌‌ ୧୮:୨୮-୩୮)
\p
\v 1 ପେର୍‍କେ ସବାତାଗାଙ୍କ୍ ସାରେତଡ଼୍ ତେଦି ପିଲାତନ୍ ଗାର୍‍ରେ ଜିସୁଙ୍କ୍ ଆତ୍‍ତଡ଼୍ । 
\v 2 ଅଡ଼୍‌‍ ସାରେତଡ଼୍ କ୍ରିଷ୍ଟଙ୍କ୍ ପିଲାତନ୍ ଗାର୍‍ରେ ପଇସ୍ ଆତ୍‍ତଡ଼୍ ।
\p
\v 3 ଆଗାଙ୍କ୍ ପିଲାତ ଜିସୁଙ୍କ୍ କେତ୍ତଣ୍ଡ୍, “ନିମେ କି ଯିହୁଦାନଡ଼୍ ରାଜାନି ?” ଜିସୁ ଅଂକିଙ୍କ୍‌ ଉତ୍ତର୍ ହିତ୍‍ତଣ୍ଡ୍, “ନିମେ ଆଦ୍‌ କେତୁତିନ୍ ।”
\p
\v 4 ଆଗାଙ୍କ୍ ପିଲାତ ମୁକ୍ୟଯାଜକ୍ ନୁ ନାରୁଡ଼୍‍କ୍ କେତ୍‍ତଣ୍ଡ୍, “ମାମେ ଇ ନାରୁନାଗାଙ୍କ୍ ବାତ୍ ମିକା ଦଷ୍ ଦର୍‍ସ୍‍କମ୍ ।”
\p
\v 5 ବାତେଙ୍କ୍ ଇତ୍କେ ଅଡ଼୍‌‍ ସେନେକ୍‍ ସେନେକ୍ ଗାଟି ଲେଙ୍ଗ୍‍ଦେ କେତ୍ତଡ଼୍, “ଅନାଦ୍‌ ଶିକ୍ଷାତଡ଼୍ ଅଣ୍ଡ୍‌ ସାରେଯିହୂଦା ଦେଶ୍‍ତା ନାରୁଡ଼୍ ଲୋପେ ରାମ୍‌କ୍‌ ତିଆର୍ ମାଡ଼୍‍ତଣ୍ଡ୍ । ଅଣ୍ଡ୍‌ ଆଦ୍ ଗାଲିଲୀତାଗାଙ୍କ୍ ଆରାମ୍ ମାଡ଼ି ଇଞ୍ଜେ ଇଦ୍ ପଡ଼ିୟିତାଗ୍ ୱାତ୍‍ତଣ୍ଡ୍ ।”
\s ଜିସୁଙ୍କ୍ ହେରୋଦତେ ଗାର୍‍ରେ ରହତଡ଼୍
\p
\v 6 ବାତେଙ୍କ୍ ଇତ୍କେ ପିଲାତ ଆଦ୍ କେଞ୍ଜି କେତ୍ତଣ୍ଡ୍, “ଇ ନାରୁଡ଼୍ ବାତ୍ ୱେରଣ୍ଡ୍ ଗାଲିଲୀୟତଣ୍ଡ୍ ।” 
\v 7 ଜିସୁ ଯେ ହେରଦ୍ ରାଜ୍ୟତ୍ ନାରୁଡ଼୍, ଇଦ୍ ପୁଞ୍ଜ୍ ଅଣ୍ଡ୍‌ ଅଂକିଙ୍କ୍‌ ହେରୋଦ୍‍ତା ରୋସିତ୍‍ତଣ୍ଡ୍, ଆସୁଙ୍କ୍ ଅଣ୍ଡ୍‌ ମିକା ଯୀରୁଶାଲମ୍‍ତାଗ୍ ମାତ୍‍ତଣ୍ଡ୍ । 
\v 8 ହେରଦ୍ ଜିସୁଙ୍କ୍ ଉଡ଼ି, ଗାଟି ୱେଡ଼୍‍କିତଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍‌ ଅନାଦ୍‌ ବିଷୟ କେଞ୍ଜି ମାତ୍‍ତାଙ୍କ୍ ଅଂକିଙ୍କ୍‌ ଗାଟି ଦିନାମ୍ କଞ୍ଜ୍ ଉଡ଼ାନ୍ ମାଇଦିଙ୍କ୍ ଆଶେ ମାଡ଼ମାତ୍‍ତଣ୍ଡ୍, ମେଣ୍ଡେ ଅନ୍‌ ଆଗାଙ୍କ୍ ବାତେମିକା ବାକ୍‍ୱା ପାଡ଼ିୟି ଅଣ୍ଡ୍‌ ଉଡ଼ାଙ୍କ୍ ଆଶ୍ ମାଡ଼ିମାତ୍‍ତଣ୍ଡ୍ । 
\v 9 ଆଦିଙ୍କ୍ ହେରୋଦ୍ ଅଂକିଙ୍କ୍‌ ବାତ୍ ବାତ୍ ଗଟି କେତାନଙ୍କ୍ ପସ୍‍ପ୍‍ତଣ୍ଡ୍, ବାତେଙ୍କ୍ ଇତ୍କେ ଜିସୁ ଅଂକିଙ୍କ୍‌ ବାତେମିକା ଉତ୍ତର୍ ଇୱଣ୍ଡ୍ । 
\v 10 ମେଣ୍ଡେ ବେଡ଼ିୟି ଯାଜକ ନୁ ଶାସ୍ତ୍ରୀନଡ଼୍‍ ନିସ୍‍ମିକା ଜିସୁନ୍ ବିରୁଦ୍ ତେ ଗାଡ଼୍‍ସ୍ ଗଟି କେସ୍ ଅବିଯଗ୍ ମାଡ଼ମାତ୍‍ତଡ଼୍ । 
\v 11 ହେରୋଦ୍ ତାନ୍ ସୌନ୍ୟକିନ୍ ତଡ଼୍ ଅଂକିଙ୍କ୍‌ ତୁଚ୍ଛ ମାଡ଼ି ଇଙ୍ଗ୍‍ତାୱ୍ ଚକା କେର୍‍ସ୍‍ପି ପିଲାତନ୍ ଗାର୍‍ରେ ମେଣ୍ଡନ୍‍ଦାମ୍ ରହତଣ୍ଡ୍ । 
\v 12 ଆଦ୍ ଦିନାମ୍ ହେରୋଦ୍ ନୁ ପିଲାତ ଇର୍ୱୁଡ଼୍ ସାଙ୍ଗ ଆତ୍‍ତଡ଼୍; ଆଦିନ୍ ମୁନେଙ୍କ୍ ଅଡ଼୍‌‍ ଇର୍ୱୁଡ଼୍ ଶତ୍ରୁ ମାତ୍‍ତଡ଼୍ ।
\s ଜିସୁଙ୍କ୍ ଡଲାନ୍‍ଦଣ୍ଡ୍ ହିତ୍‍ତଡ଼୍
\r (ମାତିଉ ୨୭:୧୫-୨୬; ମାର୍କ ୧୫:୬-୧୫; ଯୋହନ୍‌‌ ୧୮:୩୯–୧୯:୧୬)
\p
\v 13 ଆଦିନ୍ ମାଇଦିଙ୍କ୍ ପିଲାତ, ବେଡ଼ିୟି ଯାଜକ, ଅଦକ୍ଷ ନୁ ସାର୍‍ରେତଡ଼୍ ନାରୁଡ଼୍‍କ୍ କାର୍‍ଙ୍ଗି ଅଣ୍ଡୟାଗେ ମାଡ଼ି ଅଡ଼୍‌‍କିଂଙ୍କ୍ କେତ୍ତଣ୍ଡ୍, 
\v 14 “ଅଣ୍ଡ୍‌ ନାରୁଡ଼୍ ଗୋଲକ୍ ମାଡ଼ୁତଣ୍ଡ୍ ଇଞ୍ଜ ମିଡ଼୍ ଅଂକିଙ୍କ୍‌ ନାୟାଗ୍ ତାତ୍‍ତିଡ଼୍ । ନାନ୍ ଅଂକିଙ୍କ୍‌ ପରିକ୍ଷା ମାଡ଼୍‍ତାନ୍; ବାତେଙ୍କ୍ ଇତ୍କେ ମିଡ଼୍ ଅବିଯଗ୍ ମାଡ଼ିମାନ୍ଦାନ୍ ବାତ୍‍ମିକା ଦଷ୍ ଅନାଗେ ଦର୍‍ସ୍‍କନ୍ । 
\v 15 ହେରୋଦ୍ ମିକା ଦର୍‍ସ୍‍କାଙ୍କ୍ ପାର୍‍ୱଣ୍ଡ୍, ବାତେଙ୍କ୍ ଇତ୍କେ ଅଣ୍ଡ୍‌ ଅଂକିଙ୍କ୍‌ ମା ଗାର୍‍ରେ ମେଣ୍ଡେ ରସିତ୍‍ତଣ୍ଡ୍; ମେଣ୍ଡେ ଉଡ଼ାଟ୍, ଇଣ୍ଡ୍ ଡଲାନାଦ୍ ଦଣ୍ଡ୍ ରକମ୍ ବାତେମିକା ପାଡ଼ିୟି ମାଡ଼ଣ୍ଡ୍; 
\v 16 ମେଣ୍ଡେ ମାମେ ଇଙ୍କ୍ ଦଣ୍ଡ ଇସ୍ ୱିଡ଼ସିଦ୍‍ତମ୍ । 
\v 17 ପାଣ୍ଡୁମ୍‍ତେ ୱେଲେ ଅଡ଼୍‌‍ ସେଙ୍ଗେ ଅଂକିଙ୍କ୍‌ ୱେରଣ୍ଡ୍ ବନ୍ଦି ନାରୁଙ୍କ୍ ମୁକ୍ତ ମାଡ଼ାଙ୍କ୍ ଆସମାତ୍‍ତଡ଼୍ ।”
\p
\v 18 ସାରେତଡ଼୍ ନାରୁଡ଼୍ କିଡ଼୍‍କି କେତ୍‍ତଡ଼୍, “ଅଂକିଙ୍କ୍‌ ଆଉକାଟ୍ । ମା ସେଙ୍ଗେ ବାରବାଙ୍କ୍ ମୁକ୍ତ ମାଡ଼ାଟ୍ ।” 
\v 19 ଅଣ୍ଡ୍‌ ବାରବା ନାର୍‍ଦାଗ୍ ଗଟେମ୍ ଆତ୍‍ତାଦ୍ ବେନମିକା ରାମ୍‍କ୍ ମାଇଦିଙ୍କ୍ ନୁ ନାରୁଙ୍କ୍ ଆଉକ୍‍ତେ ସେଙ୍ଗେ କାରାଗାର୍ ତାଗ୍ ୱାଟିମାତ୍‍ତଡ଼୍ ।
\p
\v 20 ମାତର୍ ପିଲାତ ଜିସୁଙ୍କ୍ ୱିଡ୍‌ସିଦାନଙ୍କ୍ ଇଚ୍ଛାମାଡ଼ି ଅଡ଼୍‌‍କିଂଙ୍କ୍ ମେଣ୍ଡନ୍ଦାମ୍ ବୁଜା ମାଡ଼ତଣ୍ଡ୍ । 
\v 21 ବାତେଙ୍କ୍ ଇତ୍କେ ଅଡ଼୍‌‍ ଗାଟି ଲେଙ୍ଗ୍‍ଦେ କେତାନଙ୍କ୍ ପସ୍‍ପ୍‍ତ୍‍ତଡ଼୍, “ଅଂକିଙ୍କ୍‌ କ୍ରୁଶତାଗ୍ ତାର୍‍ସ୍‍ପାଟ୍, କ୍ରୁଶତାଗ୍ ତାର୍‍ସ୍‍ପାଟ୍ ।”
\p
\v 22 ମେଣ୍ଡେ ପିଲାତ ଅଡ଼୍‌‍କିଂଙ୍କ୍ ତୃତୀୟ ଦାମ୍ କେତ୍ତଣ୍ଡ୍, “ବାତେଙ୍କ୍, ଅଣ୍ଡ୍‌ ବାତ୍ ଦଷ୍ ମାଡ଼୍‍ତଣ୍ଡ୍ ? ମାମେ ଅନାଗାଙ୍କ୍ ଡଲାନାଦ୍ ବାତେମିକା ଦଷ୍ ଦର୍‍ସ୍‍କମ୍‍; ମେଣ୍ଡେ, ମାନାଡ଼୍ ଅଂକିଙ୍କ୍‌ ଦଣ୍ଡ ଇସ୍ ୱିଡ଼ସିଦ୍‍‍ତାଡ଼୍‍ ।”
\p
\v 23 ମାତର୍ ଅଂକିଙ୍କ୍‌ କ୍ରୁଶତାଗ୍ ତାର୍‍ସ୍‍ପାଟ୍, ଇଞ୍ଜ୍ ଦାବୀ ମାଡ଼ି ଅଡ଼୍‌‍ ଗାଟିଲେଙ୍ଗ୍‍ଦେ ଜିଦ୍ ମାଡ଼ାନଙ୍କ୍ ପସ୍‍ପ୍‍ତ୍‍ତଡ଼୍, ମେଣ୍ଡେ ଅଡ଼ାଦ୍‌ ମର୍‍ରେ ହିଁ ଜିଡ଼୍‍ତା । 
\v 24 ମେଣ୍ଡେ ଅଡ଼ାଦ୍‌ ଦାବୀ ଲେକାମ୍ ମାଡ଼ାଟ୍ ଇଞ୍ଜ୍ ପିଲାତ ଆଦେଶ୍ ଇତ୍ତଣ୍ଡ୍ । 
\v 25 ବାତେଙ୍କ୍ ଇତ୍କେ ଗୋଲକ୍ ନୁ ଆଉକ୍‍ତେ ମାଇଦିଙ୍କ୍ କାରାଗାର୍ ତାଗ୍ ୱାଟିମାତ୍‍ତେ ନାରୁଡ଼୍ ମାଇଦିଙ୍କ୍ ଅଡ଼୍‌‍ ଦାବୀ ମାଡ଼ ମାତ୍‍ତଡ଼୍, ଅଂକିଙ୍କ୍‌ ଅଣ୍ଡ୍‌ ୱିଡ଼୍‍ସିତ୍‍ତଣ୍ଡ୍ ମେଣ୍ଡେ ଜିସୁଙ୍କ୍ ଅଣ୍ଡ୍‌ ଅଡ଼ାଦ୍‌ ଇଚ୍ଛାତେ ମାଡ଼ାନଙ୍କ୍ ଇତ୍‍ତନ୍ ।
\s ଜିସୁଙ୍କ୍ କ୍ରୁଶବିଦ୍ଦ ମାଡ଼ତଡ଼୍
\r (ମାତିଉ ୨୭:୩୨-୪୪; ମାର୍କ ୧୫:୨୧-୩୨; ଯୋହନ୍‌‌ ୧୯:୧୭-୨୭)
\p
\v 26 ଅଡ଼୍‌‍ ଜିସୁଙ୍କ୍ ଆଦାନ୍ ୱେଲେ ମେଣ୍ଡ ଅଙ୍କ୍‌ ନାର୍ କନ୍‍ସ୍ ୱାସମିନ୍ଦେନ୍ ଶିମୋନ୍ ପେଦେର୍‍ତଣ୍ଡ୍ ୱେରଣ୍ଡ୍ କୁରୁନିୟ ନାରୁଙ୍କ୍ ପଇସ୍ ଜିସୁନ୍ ପେର୍‍କେ ପେର୍‍କେ କ୍ରୁଶକାଞ୍ଜାନ୍ ମାଇଦିଙ୍କ୍ ଅନ୍‌ ଆଟ୍‍ତାଗ୍ ଆଦ୍ ୱାଟିତ୍‍ତଡ଼୍ ।
\p
\v 27 ମେଣ୍ଡେ ନାର୍ଗେ ନାରୁଡ଼୍ ନୁ ଅନ୍‌‍ମାଇଦିଙ୍କ୍ ଗୁଣ୍ଡେତାଗ୍ ରେହେସ୍ କେୟମାନ୍ଦାନ୍ ମୁତ୍‍ତେନ୍ ୱେରନ୍ ବେଡ଼େୟାଦ୍ ମାନ୍ଦେ ଅନ୍‌ ପେର୍‍କେ ୱାସମାତ୍‍ତେ । 
\v 28 ଜିସୁ ଅଡ଼ାକ୍ ମାଲ୍‍ସ୍ ଉଡ଼ି କେତ୍ତଣ୍ଡ୍, “ଯିରୁଶାଲେମ୍‍ତେ ନାଟାନଡ଼ି ନା ମାଇଦିଙ୍କ୍ କେୟ୍‍ମାଟ୍ ବା ମି ମାଇଦିଙ୍କ୍ ନୁ ମି ପିଲାନ୍ ମାଇଦିଙ୍କ୍ କେୟାଟ୍; 
\v 29 ବାତେଙ୍କ୍ ଇତ୍କେ ଉଡ଼ାଟ୍, ବେନଡ଼୍ ୱାଞ୍ଜଲ୍, ମେଣ୍ଡେ ବେନଡ଼୍ ବେସୁଙ୍କେ ବା ଡଙ୍କେତ୍ ଆୟ୍‍ୟ ମାନ୍‍ତା ନୁ ପାୟାଲ୍ ଉସ୍ୱେ ମାନ୍‍ତା ହାୱିଙ୍କ୍ ନାରୁଡ଼୍, ବେସୁଙ୍କ୍‍ ଦନ୍ୟ ଦନ୍ୟ ଇଞ୍ଜ କେତିତଡ଼୍, ଇଦଲେକାମ୍ ସମୟ୍ ୱାଦୁତ୍ । 
\v 30 \x + \xo ୨3:3୦ \xo*\xt ପ୍ରକାଶିତ୍‌ ବାକ୍ୟ ୬:୧୬.\xt*\x*ଆସୁଙ୍କ୍ ନାରୁଡ଼୍ ମେଟାକିଂଙ୍କ୍ କେତାନଙ୍କ ପସ୍‍ପିତ୍‍ତଡ଼୍, ମା ପରୁ ମେଇସ୍ ରାଲାଟ୍, ମେଣ୍ଡେ ସୁଦୁମେଟାକିଙ୍କ୍ କେତାଙ୍କ୍ ପସ୍‍ପିତ୍‍ତଡ଼୍, ମାକିଂଙ୍କ୍ ମିସିଇମୁଟ୍ ! 
\v 31 ବାତେଙ୍କ୍ ଇତ୍କେ ନାରୁଡ଼୍ ଯଦି ଜିୱେତ୍ ମାଡ଼େତିଙ୍କ୍ ଇଦ୍ ଲେକେମ୍ ମାଡ଼ିତଡ଼୍, ଆଲେକେ ୱାସ୍‌ତେ ମାଡ଼େ ସେଙ୍ଗେ ବାତେଏ ଗଟେମ୍ ଆୟ୍‍ୟ ?”
\p
\v 32 ବାଗାତ୍ ଇର୍‌ୱୁଡ଼୍ ଅପ୍‍ରାଦିଡ଼୍‍କ୍ ମିକା ଜିସୁନ୍ ତଡ଼୍ ଡଲାନାଦ୍ ଦଣ୍ଡ ହିଦାନ୍ ସେଙ୍ଗେ ଆସମାତ୍‍ତଡ଼୍ । 
\v 33 ଅଡ଼୍‌‍କିଂଙ୍କ୍ କପାଲ ପେଦେର୍ ପଡ଼ିୟିତାଗ୍ ଏୱୁସ୍ ମିକା ଜିସୁଙ୍କ୍ କ୍ରୁଶତାଗ୍ ତାର୍‍ସ୍‍ପ୍‍ତଡ଼୍, ମେଣ୍ଡେ ଅପ୍‍ରାଦିଡ଼୍‍କ୍ ୱେରଙ୍କ୍ ଡେବେ କାଇଦେପାକେ ନୁ ଅର୍‍ତୁଙ୍କ୍ ତିନ୍ଦେ କାଇଦେପାକେ କ୍ରୁଶତାଗ୍ ତାର୍‍ସ୍‍ପ୍‍ତଡ଼୍ । 
\v 34 ଆସୁଙ୍କ୍ ଜିସୁ କେତ୍ତଣ୍ଡ୍, “ବାବା ଇଡ଼କିଙ୍କ୍ କ୍ଷମା ମାଡ଼ା, ବାତେଙ୍କ୍ ଇତ୍କେ ଇଡ଼୍ ବାତ୍ ମାଡ଼ୁତଡ଼୍ ଆଦ୍ ପୁନଡ଼୍ ।” ମେଣ୍ଡେ ଅଡ଼୍‌‍ ଜିସୁନ୍ ଚକାତିଙ୍କ୍ ତୁସାନ୍ ମାଇଦିଙ୍କ୍ ଗୁଲିବାଣ୍ଟ ମାଡ଼୍‍ତଡ଼୍ । 
\v 35 ନାରୁଡ଼୍ ନିସ୍‍ମିକା ଉଡ଼ମାତ୍ତଡ଼୍, ମେଣ୍ଡେ ଯିହୂଦି ନେତାଲଡ଼୍ ମିକା ଅଂକିଙ୍କ୍‌ ତୁଚ୍ଛ ମାଡ଼ି କେତୁତଡ଼୍, “ଅଣ୍ଡ୍‌ ଆର୍‍ତିଡ଼କ୍ ରକ୍ଷା ମାଡ଼ତଣ୍ଡ୍; ଅଣ୍ଡ୍‌ ଯଦି ଇଶ୍ୱର୍‌ତେ ହେଞ୍ଚିମାନ୍ଦାନ୍ କ୍ରିଷ୍ଟ, ଆଲେକେ ନିଜ୍ ତିଙ୍କ୍ ରକ୍ଷା ମାଡ଼ିଣ୍ଡ୍ ।”
\p
\v 36 ସୌନ୍ୟନାରୁଡ଼୍ ମିକା ଅନ୍‌ ଗାର୍‍ରେ ୱାସ୍ ପୁଲସ୍ତାଉ କାଲ୍ ଇସ୍ ଅଂକିଙ୍କ୍‌ ପରିହାସ୍ ମାଡ଼ି କେତ୍ତଡ଼୍, 
\v 37 “ନିମ୍‍ ଯଦି ଯିହୂଦୀଡ଼୍ ରାଜାନନି, ଆଲେକେ ନିଜେତିଙ୍କ୍ ରକ୍ଷା ମାଡ଼ା ।”
\p
\v 38 ଜିସୁନ୍ ତାଲେତ୍ ପରୁ ଇଦ୍ ଲେକ୍‍ତାଦ୍ ମାତ୍‍ତା, “ଇଣ୍ଡ୍ ଯିହୂଦୀଡ଼୍ ରାଜାଲ୍ ।”
\p
\v 39 କ୍ରୁଶତାଗ୍ ତାର୍‍ସ୍‍ପ୍‍ତା ଅପ୍‍ରାଦିଡ଼୍ ଲୋପେକେ ୱେରଣ୍ଡ୍ ଅଂକିଙ୍କ୍‌ ଲିନ୍ଦେ ମାଡ଼ି କେତ୍‍ତଣ୍ଡ୍, “ନିମ୍‍ ବାତ୍ କ୍ରିଷ୍ଟ ଆୱୟି କି ? ନିଜେତିଙ୍କ୍ ନୁ ମାକିଂଙ୍କ୍ ଆନ୍‌‍ତେ ରକ୍ଷାମାଡ଼ା ।”
\p
\v 40 ମେଣ୍ଡେ ୱେରନ୍ ଅଂକିଙ୍କ୍‌ ଦମକ୍ ଇସ୍‌ କେତ୍ତଣ୍ଡ୍, ନିମ୍‍ ଆନ୍‌‍ତେ ସାମାନ୍ ଦଣ୍ଡ ଅଦୁତିନ୍, “ନିମ୍‍ ଇଶ୍ୱର୍‌ତିଙ୍କ୍ ବାତ୍ ୱେର୍‍ୟକଟ ମିନ୍ଦେନି । 
\v 41 ମାମେ ସିନା ନ୍ୟାୟ ମାଇଦିଙ୍କ୍ ଦଣ୍ଡ ଅଦୁତମ୍, ବାତେଙ୍କ୍ ଇତ୍କେ ମାମେ ନିଜ୍ ପାଡ଼ିୟିତାଗ୍ ଦଣ୍ଡ ଦର୍‍କ୍‍ତେ, ବାତେଙ୍କ୍ ଇତ୍କେ ଇ ନାରୁଡ଼୍ ବାତେମିକା ଦଷ୍ ମାଡ଼ଣ୍ଡ୍ ।” 
\v 42 ମେଣ୍ଡେ ଅଣ୍ଡ୍‌ କେତ୍ତଣ୍ଡ୍, ହଁ ଜିସୁ, “ନିମେ ରାଜାନ୍ ଲେକାମ୍ ମାଲ୍‍ସ୍ ୱାତ୍‍କେ ନାକିଂଙ୍କ୍ ଆନ୍‌‍ତେ ହେର୍କା ମାଡ଼ିତିନ୍ ।”
\p
\v 43 ଆଗାଙ୍କ୍ ଜିସୁ ଅଙ୍କ୍‌ କେତ୍ତଣ୍ଡ୍, ନାନ୍ ମିକିଂଙ୍କ୍ ସତ୍ କେତୁତାନ୍, “ନେଣ୍ଡ୍ ନିମେ ନାତଡ଼୍ ସ୍ୱର୍ଗ ଦେଶ୍‍ତାଗ୍ ଆଦ୍‍ତିଡ଼୍ ।”
\s ଜିସୁ ଡଲ୍‍ନାଦ୍
\r (ମାତିଉ ୨୭:୪୫-୫୬; ମାର୍କ ୧୫:୩୩-୪୧; ଯୋହନ୍‌‌ ୧୯:୨୮-୩୦)
\p
\v 44 ଆସୁଙ୍କ୍ ମାତର୍ ବାର ଗାଣ୍ଟା ଦିନାମ୍ ଆସ୍‍ମାତ୍‍ତା, ପଡ଼ଦ୍ ୱେସ୍ ଇଦେ ପାର୍‍ୱେ ମାତ୍‍ତା ମୁଣ୍ଡ୍ ଗାଣ୍ଟା ହେଉନା ଦେଶ୍‍ଯାକ ଇକାଡ଼୍ ଆତ୍‍ତା, 
\v 45 ମେଣ୍ଡେ ମନ୍ଦିର୍ ଡ଼ାଦ୍ ପାର୍ଦାସିଲା\f + \fr ୨୩:୪୫ \fr*\ft ପବିତ୍ର ପଡ଼ିୟେ କଞ୍ଜ୍ ମହାପବିତ୍ର ଜାଗେତିଙ୍କ୍ ୱିର୍‍ସ୍‍ପାନ୍ ସିଲେ\ft*\f* ପରତ୍ କଞ୍ଜ୍ ମଦଲ୍ ହେଉନା ହିଙ୍ଗି ରେଣ୍ଡ୍ ଦୁଡ଼ା ଆଦ୍‍ତେ । 
\v 46 ଆସୁଙ୍କ୍ ଜିସୁ ଗାଟି ଲେଙ୍ଗ୍‍ତେ କାର୍‍ଙ୍ଗି କେତ୍‍ତଣ୍ଡ୍, ହଁ ବାବା, ନି କାଇଦେ ନାନ୍ ନାୱାଦ୍ ଆତ୍ମା ଇସମିନ୍ଦେନ୍ । ଇଦ୍ କେସ୍ ଅଣ୍ଡ୍‌ ଡଲ୍‍ତଣ୍ଡ୍ ।
\p
\v 47 ଶତସେନାପତି ଇଦ୍ ଗଟନା ଉଡ଼ି ଇଶ୍ୱର୍‌ତିଙ୍କ୍ ଗୌରବ୍‍ ମାଡ଼ି କେତ୍ତଣ୍ଡ୍, “ନିଜାମ୍ ଇ ନାରୁଡ଼୍ ଦାର୍ମିକ୍ ମାତ୍‍ତଣ୍ଡ୍ ।”
\p
\v 48 ମେଣ୍ଡେ ବେନ୍ ନାରୁଡ଼୍ ଉଡ଼ାନଙ୍କ୍ ଅଣ୍ଡୟାଗେ ଆସ୍‍ମାତଡ଼୍, ଅଡ଼୍‌‍ ସାରେତଡ଼୍ ଆଦ୍ ଗଟନା ଉଡ଼ି ଗୁଣ୍ଡେତିଙ୍କ୍ ରେହେସ୍ ମାଲ୍‍ସ୍ ଆଦାଙ୍କ୍ ପସ୍‍ପ୍‍ତ୍‍ତଡ଼୍ । 
\v 49 \x + \xo ୨3:୪୯ \xo*\xt ଲୁକ ୮:୨,3.\xt*\x*ବାତେଙ୍କ୍ ଇତ୍କେ ଅଙ୍କ୍‌ ପୁତ୍‍ତେନଡ଼୍ ସାରେତଡ଼୍ ନୁ ଗାଲିଲୀତାଗାଙ୍କ୍ ଅଣ୍ଡୟ୍‌‍ତାଗ୍ ଆସ୍ ଅନ୍‌ ପେର୍କେ ପେର୍କେ ୱାସ୍‍ମାନ୍ଦାନ୍ ମୁତ୍‍ତେ ଯେକା ନିସ୍ ଇଦ୍ ସାରେ ଉଡ଼ମାତ୍ତା ।
\s ଜିସୁଙ୍କ୍ ସମାଦି ହିତ୍‍ତଡ଼୍
\r (ମାତିଉ ୨୭:୫୭-୬୧; ମାର୍କ ୧୫:୪୨-୪୭; ଯୋହନ୍‌‌ ୧୯:୩୮-୪୨)
\p
\v 50 ମେଣ୍ଡେ ଉଡ଼ାଟ୍, ଯିହୁଦିନଡ଼୍ ହାରାମାତିୟା ନାର୍ ତେ ଯୋଷେପ୍ ପେଦେର୍ ତଣ୍ଡ୍ ୱେରଣ୍ଡ୍ ନାରୁଡ଼୍ ବେଡ଼ିୟେ ମିଟିଙ୍କ୍‍ତାଗ୍ ସବ୍ୟ ମାତ୍‍ତଣ୍ଡ୍; ଅଣ୍ଡ୍‌ ୱେରଣ୍ଡ୍ ଲେକେତ୍‍ ନୁ ଦାର୍ମିକ୍ ନାରୁଡ଼୍ । 
\v 51 ମେଣ୍ଡେ ଅଡ଼ାଦ୍‌ ମନ୍ତ୍ରନା ନୁ କାମ୍‌ଦାଗ୍‌ ଇଲ୍‌ୱେ ମାତ୍‌ତନ୍‌, ମେଣ୍ଡେ ଇଶ୍ୱର୍‌ତେ ରାଜ୍ୟତିଙ୍କ୍‌ କେପିମାତ୍‌ତନ୍‌ । 
\v 52 ଅଣ୍ଡ୍‌ ପିଲାତନ୍ ଗାର୍‍ରେ ଆଞ୍ଜ୍ ଜିସୁନାଦ୍ ମେନ୍ଦୁଲ୍ ତିଙ୍କ୍ ତାଲ୍‍କ୍‍ତଣ୍ଡ୍, 
\v 53 ଅଣ୍ଡ୍‌ ଜିସୁନ୍ ମେନ୍ଦୁଲ୍ ଡିପିତାସ୍ ପାଲ୍‍ସାଲାଦ୍ ସିଲେତ୍ ମୁସି, ବେଗେ ବେନବା ବେସୁଙ୍କ୍‍ ୱାଟ୍‍ୱେମାତ୍‍ତଡ଼୍, ମେଟେତ୍ କାଲ୍‍ତାଗ୍ ଡେୱି ମାନ୍ଦାନ୍ ଇସତାଦ୍ ୱେରନ୍ ସମାଦିତାଗ୍ ଅଂକିଙ୍କ୍‌ ୱାଟ୍‍ତଡ଼୍ ।
\p
\v 54 ଆଦ୍ ଦିନ୍ ତିଆର୍ ମାଡ଼୍‍ତେ ଦିନ୍ ଶୁକୁର୍‍ବାର୍ ମାତ୍‍ତା, ମେଣ୍ଡେ ବିଶ୍ରାମ୍ ଦିନାତ୍ ଆସ୍ ୱାସମାତ୍‍ତେ ।
\p
\v 55 ମେଣ୍ଡେ ଗାଲିଲୀତାଗାଙ୍କ୍ ଅଡ଼୍‌‍ତଡ଼୍‍ ୱାସ୍‌ମାନ୍ଦାନ୍ ମୁତେକି ଯୋଷେପ୍‍ତେ ପେର୍କେ ପେର୍କେ ଆଞ୍ଜ୍ ଦିମ୍‍ତିଙ୍କ୍ ନୁ ଅନାଦ୍‌ ମେନ୍ଦୁଲ୍‍ତିଙ୍କ୍ ବେଲା ୱାଟ୍‍ତଡ଼୍, ଆଦ୍ ଉଡ଼୍‍ତା । 
\v 56 ମେଣ୍ଡେ ଆୱ୍ ମାଲ୍‍ସ୍ ଆଞ୍ଜ୍ ସାଏତ୍ ଗାବ୍‍ତାଦ୍ ଜିନିଷ୍ ନୁ ନିୟି ତିଆର୍ ମାଡ଼୍‍ତେ । ମେଣ୍ଡେ ଆୱ୍ ବ୍ୟବସ୍ଥା ଲେକାମ୍ ରମାନ୍‍ ଦିନାତେ ରମ୍‌ତା, ବାତେଙ୍କ୍ ଇତ୍କେ ଆଦ୍ ନିୟମ୍‍ତାଗ୍ ମିନ୍ଦେ ।
\c 24
\s ଜିସୁ ଡଲ୍‍ତେକଞ୍ଜ୍ ତେଦ୍‍ତଣ୍ଡ୍
\r (ମାତିଉ ୨୮:୧-୧୦; ମାର୍କ ୧୬:୧-୮; ଯୋହନ୍‌‌ ୨୦:୧-୧୦)
\p
\v 1 ସପ୍‍ତାତିଙ୍କ୍ ମୁନେତ୍‍ଦିନେ ଆୱ୍ ନାଟା ନାର୍କୁକ୍ ତାମ୍ ତିଆର୍ ମାଡ଼ିତେ ସାଏତ୍ ଗାବ୍‍ତାୱ୍ ଜିନିଷ୍ ପଇସ୍ ସମାଦିତା ଆଦ୍‍ତେ । 
\v 2 ମେଣ୍ଡେ ଆୱ୍ ନାଟା ସମାଦିତାଗ୍ କାଲ୍‍ବଦ୍‍ତିଙ୍କ୍ ଗୁସ୍‍ପ୍‍ତାଦ୍ ଉଡ଼୍‍ତା, 
\v 3 ଆଦିଙ୍କ୍ ଆୱ୍ ଲୋପେ ଆଞ୍ଜ୍‌ ଉଡ଼୍‌ତା ପ୍ରବୁ ଜିସୁନାଦ୍ ମେନ୍ଦୁଲ୍ ଆଗେ ଇଲ୍‌ୱେ ମାତ୍‌ତେ, 
\v 4 ଆୱ୍ ନାଟା ଆସୁଙ୍କ୍ ବୁଦ୍‍ତେନନ୍ ହାସ୍ ନିସ୍‍ମାତ୍‍ତା, ଆଦ୍ ଦିନାମ୍‍ତେ ଉଡ଼ାଟ୍, ୱେସ୍‍ତେ ଚକା କେର୍ସ୍ ଇର୍ଉଡ଼୍ ନାରୁଡ଼୍ ଆୱୁ ଗାର୍‍ରେ ୱାତ୍‍ତଡ଼୍, 
\v 5 ଆଗାଙ୍କ୍ ଆୱ୍ ନାଟା ଗାଟି ୱେର୍‍ତା ନୁ ତାମାଉ ତାଲାନ୍ ଆଡ଼୍‌‍ଗି ମାଡ଼ିମାତ୍‌ତା । ଆୱ୍ ଦୂତ୍‍କ୍ ଆଦ୍ ନାଟାଙ୍କ୍ କେତ୍‍ତା, “ଡୋଲ୍‌ ତାଗ୍ ଜିୱୁଣ୍ଡ୍ ମାନ୍ଦାନ୍ ନାରୁଙ୍କ୍ ବାତେଙ୍କ୍ ମେହେକୁତିଡ଼୍ ?” 
\v 6 \x + \xo ୨୪:୬ \xo*\xt ମାତିଉ ୧୬:୨୧; ୧୭:୨୨,୨3; ୨୦:୧୮,୧୯; ମାର୍କ ୮:3୧; ୯:3୧; ୧୦:33,3୪; ଲୁକ ୯:୨୨; ୧୮:3୧-33.\xt*\x*ଅଣ୍ଡ୍‌ ଇଗେ ଇଲାଣ୍ଡ୍, ମାତର୍ ଡଲ୍‍ତାକଞ୍ଜ୍‍ ତେଦିମିନ୍ଦେଣ୍ଡ୍ । ଅଣ୍ଡ୍‌ ବେନେ ବାକ୍ୟ ଗାଲିଲୀତାଗ୍ ମାନ୍ଦାନ୍ ୱେଲେ ମିକିଂଙ୍କ୍ କେସ୍ ମାତ୍‍ତଣ୍ଡ୍, ଆଦ୍ ହେର୍କା ମାଡ଼ାଟ୍ । 
\v 7 ନାରୁଡ଼୍ ପିଲେ ଯେ ଆଦ୍‍ଲେକାମ୍ ପାପିନଡ଼କ୍ କାଇଦେ ପସ୍‍ପିସ୍ ମିକା କ୍ରୁଶତାଗ୍ ଡଲିତଣ୍ଡ୍‌ ନୁ ମୁଣ୍ଡ୍ ଦିନାମାଞ୍ଜ୍ ମେଣ୍ଡେ ତେଦିତଣ୍ଡ୍ ।
\p
\v 8 ଆସୁଟେ ଆୱ୍ ଅନାଦ୍‌ ବାକ୍ୟତିଙ୍କ୍ ହେର୍କା ମାଡ଼୍‍ତେ, 
\v 9 ମେଣ୍ଡେ ସମାଦି କଞ୍ଜ୍ ମାଲ୍‍ସ୍ ଆଞ୍ଜ୍ ଆୱ୍ ଏଗାର୍ ଜାନ୍ ଶିଷ୍ୟଡ଼କ୍ କେତ୍‍ତା ନୁ ବାଗାତ୍ ସାରେତଡ଼୍‌କିଂଙ୍କ୍ ଇଦ୍ କାବୁର୍ କେତ୍‍ତା । 
\v 10 ଆୱ୍ ନାଟା ମଗ୍‍ଦଲୀନି ମରୀୟମ୍, ଯୋହନ୍‌, ଯାକୁବତେ ୟାୟ ମରୀୟମ୍ ନୁ ଇୱିନ୍ ତଡ଼୍ ମାନ୍ଦାନ୍ ମେଣ୍ଡେ ବାଗାତେ ନାଟା, ପ୍ରେରିତ୍‍ ଶିଷ୍ୟଡ଼୍‍କ୍ ଇଦ୍ ସାରେ ବିଷୟ୍ କେତ୍‍ତା । 
\v 11 ମାତର୍ ହାଉସାରେ ଗଟି ଅଡ଼୍‌‍କିଂଙ୍କ୍‍ ବାୟେଦେ ନାରୁଡ଼୍ ତେ ଗଟି ଇନା କେଞ୍ଜ୍‍ତାନ୍, ମେଣ୍ଡେ ଶିଷ୍ୟଡ଼କ୍ ଆୱିଙ୍କ୍ ବିଶ୍ୱାସ୍ ମାଡ଼ଡ଼୍‍ । 
\v 12 ବାତେଙ୍କ୍ ଇତ୍କେ ପିତର୍ ତେଦି ସମାଦିତା ମିର୍‍ତଣ୍ଡ୍, ଆଡ଼୍‌‍କି ମିକା ମାତର୍ ଜିସୁନ୍ ମେନ୍ଦୁଲ୍‍ତିଙ୍କ୍ ମିସମାତ୍‍ତେ ସିଲେତିଙ୍କ୍ ଉଡ଼୍‍ତଣ୍ଡ୍, ମେଣ୍ଡେ ଆୱୁ ଆଦ୍ ଗଟନା ବିଷୟତେ ୱେର୍‌ସ୍‌ ମିକା ତାମ୍ ଲୋନ୍‌ ଆତ୍‍ତଣ୍ଡ୍ ।
\s ଇର୍ୱୁଡ଼୍ ଶିଷ୍ୟଡ଼୍ ଇମ୍ମାୟୁ ହାର୍‍ତାଗ୍ ଆଞ୍ଜ ମାତ୍‍ତଡ଼୍
\r (ମାର୍କ ୧୬:୧୨-୧୩)
\p
\v 13 ମେଣ୍ଡେ ଉଡ଼େ, ଆଦ୍ ଦିନେ ଅଡ଼୍‌‍ ଲୋପେଙ୍କ୍ ଇର୍‍ୱୁଡ଼୍ ଯୀରୁଶାଲାମ୍ କନ୍‍ସ୍ ମାତର୍ ଏଗାର୍ କିଲମିଟର୍ ଜେକେତ୍ ଇମ୍ମାୟୁ ନାର୍ ଆଞ୍ଜ ମାତ୍‍ତଡ଼୍, 
\v 14 ଆଦ୍ ଦିନାମ୍‍ତେ ସାର୍‍ରେତଡ଼୍ ବେନେ ଗଟନା ଗଟେମ୍ ଆସ୍ ମାତ୍‍ତା ଆଦିନ୍ ବିଷୟତେ ତାମ୍ ଲୋପେ କେସମାତ୍‍ତଡ଼୍, 
\v 15 ଅଡ଼୍‌‍ ଗଟି ତିର୍‍ୟାନ୍ ୱେଲେ ନୁ ମିଟିଙ୍କ୍ ମାଡ଼ମାନ୍ଦାନ୍ ୱେଲେ ଜିସୁ ନିଜେ ଅଡ଼୍‌‍ ଗାର୍‍ରେ ୱାସ୍ ଅଡ଼୍‌‍ତଡ଼୍ ଆଦାନଙ୍କ୍ ପସ୍‍ପ୍‍ତଣ୍ଡ୍; 
\v 16 ବାତେଙ୍କ୍ ଇତ୍କେ ଅଡ଼୍‌‍ ଅଂକିଙ୍କ୍‌ ଉଡ଼୍‍ତଡ଼୍ ବାତେଙ୍କ୍ ଇତ୍କେ ଅଡ଼୍‌‍ ଜିସୁଙ୍କ୍ ଉଡ଼ି ଏଞ୍ଚାନଙ୍କ୍ ପାର୍‍ୱଡ଼୍ । 
\v 17 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ତାକ ତାକ ବେନ୍ ସାରେ ବିଷୟତେ ମିଡ଼୍ ତିର୍‍ୟୁତିଡ଼୍, ଆୱ୍ ସାରେ ବାତା ?” ଆଗାଙ୍କ୍ ଅଡ଼୍‌‍ ଦୁଃକାମ୍ ମକମ୍ ତେ ନିସ୍ ମାତ୍‍ତଡ଼୍ । 
\v 18 ଅଡ଼୍‌ଆଗାଙ୍କ୍‌ କ୍ଲେୟପା ପେଦେର୍‍ତଣ୍ଡ୍ ଜିସୁଙ୍କ୍ ଉତ୍ତର୍ ହିତ୍‍ତଣ୍ଡ୍, “ଯିରୁଶାଲେମ୍ ତାଗ୍ ମାନ୍ଦାନ୍ ନାରୁଡ଼୍ ଲୋପେକେ ନିମ୍‍ ୱେର୍‍ନି ଆଦ୍ ଜାଗେତାଦ୍ ଇଦ୍ ବେସର୍ ଦିନାତେ ଗଟନା ପୁନ୍‍ୱିନ୍ ?” 
\v 19 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଇଦ୍ ବେସତ୍ ଗଟନା ?” ଅଡ଼୍‌‍ ଅଂକିଙ୍କ୍‌ କେତ୍ତଡ଼୍, “ନାଜରିତିୟ ଜିସୁନ୍ ବିଷୟ; ଅଣ୍ଡ୍‌ ଇଶ୍ୱର୍‌ ନୁ ସାରେତଡ଼୍ କନ୍‍ସ୍ ପାଡ଼ିୟି ନୁ ବାକ୍ୟତେ ୱେରଣ୍ଡ୍ ଶକ୍ତିନଡ଼୍ ବାବବାଦି ମାତ୍‍ତଣ୍ଡ୍ । 
\v 20 ମେଣ୍ଡେ ମା ମୁକ୍ୟ ଯାଜକ ନୁ ଶାସନ୍‍ କର୍ତ୍ତାଲଡ଼୍ ଅଙ୍କ୍‌ ଜିୱେ ଇସ୍‌ କ୍ରୁଶବିଦ୍ଦ ମାଡ଼୍‍ତଡ଼୍ ନୁ ଅଣ୍ଡ୍‌ ଡୋଲ୍‍ତଣ୍ଡ୍ । 
\v 21 ବାତେଙ୍କ୍ ଇତ୍କେ ବେନ ଇସ୍ରାଏଲ୍ ତିଙ୍କ୍ ମୁକ୍ତ ମାଡ଼ିତନ୍, ଅଣ୍ଡ୍‌ ଯେ ଇ ନାରୁଡ଼୍, ଆଦ୍ ମାମେ ଆଶେ ମାଡ଼ିମାତମ୍; ମାତର୍ ଆଉ ସାରେ ୱିଡ଼୍‍ସିକ୍‍କେ ଇଦ୍ ସାରେ ଗଟେମ୍ ଆତ୍‍ତାଦ୍ ନେଟ୍‍ତେ କଞ୍ଜ୍ ମୁଣ୍ଡ୍ ଦିନା ଆତ୍‍ତେ । 
\v 22 ମେଣ୍ଡେ ମିକା, ମା ଲୋପେକେ ବେସ୍‌କ୍ ନାଟା ମାକିଂଙ୍କ୍ ବାକ୍‍ୱା ଗଟି କେତ୍‍ତା; ଆୱ୍ ନାର୍‍କୁକେ ସମାଦିତା ଆଞ୍ଜ୍ ମାତ୍‍ତା, 
\v 23 ଆୱ୍ ନାଟା ଜିସୁନ୍ ମେନ୍ଦୁଲ୍ ଦର୍ସ୍‍କ୍‍ୱେକଟ ୱାସ୍ କେତ୍‍ତା ଯେ, ଆୱ୍ ନାଟା ଦୂତକିନାୱ୍ ଦର୍ଶନ୍ ମିକା ଆସ୍ ମିନ୍ଦେ ନୁ ଆୱ୍ ଦୂତ୍‍କ୍ କେତ୍‍ତା ଯେ, ଅଣ୍ଡ୍‌ ଜିୱେ ମିନ୍ଦେଣ୍ଡ୍ । 
\v 24 ମେଣ୍ଡେ, ମା ସାଙ୍ଗନ୍ ଲୋପେକେ ବେନ ସମାଦି ଗାର୍‍ରେ ଆଞ୍ଜ୍, ନାଟା ବେଲା କେସ୍‍ମାତ୍‍ତା, ଆଦେପୁଟୁଙ୍କ୍ ଉଡ଼୍‍ତଡ଼୍, ବାତେଙ୍କ୍ ଇତ୍କେ ଅଂକିଙ୍କ୍‌ ଉଡ଼ଡ଼୍ ।”
\p
\v 25 ଆଗାଙ୍କ୍ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମିଡ଼୍ ବେସର୍ ବାକ୍‍ୱା, ବବିଷ୍ୟଦ୍ ବକ୍ତାଲଡ଼୍ ବାତେଏ ସାରେ କେସ୍‍ମାତ୍‍ତଡ଼୍ ଆଦ୍ ସତ୍‍ତିଙ୍କ୍ ବିଶ୍ୱାସ୍ ମାଡ଼ାଙ୍କ୍ ମିଡ଼୍ ବେସର୍ ଲେଟ୍ ମାଡ଼୍‍ତିଡ଼୍, 
\v 26 ଇଦ୍ ସାରେ ଦୁଃକାମ୍ ତେ କଷ୍ଟ ଆସ୍ ତାନ୍ ମଇମାତାଗ୍ ଆସାନଙ୍କ୍ ବାତେଏ କ୍ରିଷ୍ଟନାଦ୍ ଦର୍‍କାର୍ ଇଲ୍‍ୱେମାତ୍‍ତେ ?” 
\v 27 ମଶାଲ୍‌ ନୁ ସାରେତଡ଼୍ ବାବବାଦୀନି ଡ଼ାଗାଙ୍କ୍ ଆରାମ୍ ମାଡ଼ି ସାରେ ଦର୍ମଶାସ୍ତ୍ରତାଗ୍ ତାନ୍ ବିଷୟତେ ଗଟି ଜିସୁ ଅଡ଼୍‌‍କିଂଙ୍କ୍ ବୁଜାମାଡ଼ତଣ୍ଡ୍ ।
\p
\v 28 ଅଡ଼୍‌‍ ବେନ୍ ନାର୍ ଆଞ୍ଜମାତ୍‍ତଡ଼୍, ଆଦ୍ ନାର୍ ଗାର୍‍ରେ ହେଉତାଙ୍କ୍, ଅଣ୍ଡ୍‌ ମେଣ୍ଡେ ମୁନେ କେନେ ଆଦାନଙ୍କ୍ ଆଦାନ୍ ରକମ୍ ମାଡ଼ତଣ୍ଡ୍ । 
\v 29 ବାତେଙ୍କ୍ ଇତ୍କେ ଅଡ଼୍‌‍ ଜିସୁଙ୍କ୍ ଅନୁରଦ୍‌‍ ମାଡ଼ି କେତ୍‍ତଡ଼୍‍, “ମା ତଡ଼୍ ମାନ୍‍, ବାତେଙ୍କ୍ ଇତ୍କେ ମୁଲ୍‍ପୁଟ୍ ଆସମିନ୍ଦେ ନୁ ପଡ଼ଦ୍ ଆଞ୍ଜମିନ୍ଦେ ।” ଆଗାଙ୍କ୍ ଅଣ୍ଡ୍‌ ଅଡ଼୍‌‍ତଡ଼୍ ମାନ୍ଦାନଙ୍କ୍ ଲୋତ୍‍ତେ ଲୋପେ ଆତ୍‍ତଣ୍ଡ୍ । 
\v 30 ଅଡ଼୍‌‍ତଡ଼୍ ତିନ୍ଦାନଙ୍କ୍ କୁଦ୍‍ତେୱେଲେ ଅଣ୍ଡ୍‌ ରୂଟି ଆସ୍ ଆର୍ଶିବାଦ୍ ମାଡ଼ତଣ୍ଡ୍, ମେଣ୍ଡେ ଆଦ୍ ରୂଟି ଉହୁସ୍ ଅଡ଼୍‌‍କିଂଙ୍କ୍ ଇଦାନଙ୍କ୍ ପସ୍‍ପ୍‍ତଣ୍ଡ୍ । 
\v 31 ତାନ୍‍ପେର୍କେ ଅଡ଼୍‌ କଣ୍ଡା କୁଲେମ୍ ଆତ୍‍ତା ନୁ ଅଡ଼୍‌ ଆସୁଙ୍କ୍ ଜିସୁଙ୍କ୍ ଉଡ଼୍‍ତଡ଼୍; ମେଣ୍ଡେ ଅଣ୍ଡ୍‌ ଅଡ଼୍‌‍ ଉଡ଼ାନାଗାଙ୍କ୍ ମାୟିଆତ୍‍ତଣ୍ଡ୍ । 
\v 32 ଆଗାଙ୍କ୍ ଅଡ଼୍‌‍ ତାମ୍‍ତାମ୍ କେତ୍‍ତଡ଼୍, “ବେସୁଙ୍କ୍‍ ଆର୍‍ଦାଗ୍ ଅଣ୍ଡ୍‌ ମା ସାଙ୍ଗେ ଗଟି ତିର୍‍ୟମାତ୍ତଣ୍ଡ୍ ନୁ ମାକିଂଙ୍କ୍ ଦର୍ମଶାସ୍ତ୍ର ବୁଜାମାଡ଼ ମାତ୍‍ତଣ୍ଡ୍, ଆସୁଙ୍କ୍ ବାତେଏ ମା ହୃଦୟ୍ କାମ୍‍କେ ଆୟିୱେ ମାତ୍‍ତେ ?”
\p
\v 33 ତାନ୍ ପେର୍‍କେ ଅଡ଼୍‌‍ ଜାପେ ଆଗାଙ୍କ୍ ତେଦି ଯିରୁଶାଲେମ୍‍ତା ମାଲ୍‍ସ୍ଆଞ୍ଜ୍ ଗୁଡ଼୍‍ଡି ମାନ୍ଦାନ୍ ଏଗାର୍ ଜାନ୍ ଶିଷ୍ୟ ନୁ ତାମ୍ ସାଙ୍ଗଡ଼କ୍ ଉଡ଼୍‍ତଡ଼୍; 
\v 34 ଅଡ଼୍‌‍ କେସମାତ୍‍ତଡ଼୍, “ପ୍ରବୁ ନିଜାମ୍ ତେଦ୍‍ତଣ୍ଡ୍ ନୁ ଶିମୋନ୍‍ତିଙ୍କ୍ ତଅନ୍‌ଦି ମିନ୍ଦେଣ୍ଡ୍ ।”
\p
\v 35 ତାନ୍ ପେର୍‍କେ ଅଡ଼୍‌‍ ଇର୍‍ୱୁଡ଼୍ ହାର୍‍ଦାଗ୍ ବାତେସାରେ ଗଟେମ୍ ଆସ୍‍ମାତ୍‍ତେ, ମେଣ୍ଡେ ଅଡ଼୍‌‍ କେତ୍‍ତଡ଼୍, ଅଡ଼୍‌‍ ବେଲା ଜିସୁଙ୍କ୍ ରୂଟି ଉହୁତାନ୍ ୱେଲେ ହେଞ୍ଚ୍ ପାର୍‍ତଡ଼୍ । ଆଦ୍ ସାରେ ଗଟନା ଅଡ଼୍‌‍ ମୁନେ କେତ୍‍ତଡ଼୍ ।
\s ଜିସୁ ନିଜର୍ ଶିଷ୍ୟଡ଼କ୍ ଦର୍ଶନ୍ ହିତ୍‍ତଣ୍ଡ୍
\r (ମାତିଉ ୨୮:୧୬-୨୦; ମାର୍କ ୧୬:୧୪-୧୮; ଯୋହନ୍‌‌ ୨୦:୧୯-୨୩; ପ୍ରେରିତ ୧:୬-୮)
\p
\v 36 ଅଡ଼୍‌‍ ଇର୍‍ୱୁଡ଼୍ ସାରେ ଗଟି କେସମାନ୍ଦାନ୍ ୱେଲେ ଜିସୁ ନିଜେ ଅଡ଼ାଗ୍ ୱାତ୍‍ତଣ୍ଡ୍ ନୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମି ସେଙ୍ଗେ ଶାନ୍ତି ଆୟି ।”
\p
\v 37 ମାତର୍ ଅଡ଼୍‌‍ ଦାଦ୍‍ରେଲ୍‍ତଡ଼୍ ନୁ ୱେର୍‍ସ୍ ୱେରନ୍ ବୁତ୍ ଉଡ଼୍‍ତଡ଼୍ ଇଞ୍ଜ ଏର୍କା ମାଡ଼୍‍ତଡ଼୍ । 
\v 38 ତାନ୍ ପେର୍କେ ଜିସୁ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ବାତ୍‍ତିଙ୍କ୍ ଦାନ୍ଦେ ଆଦୁତିଡ଼୍, ମେଣ୍ଡେ ମି ମନ୍‍ତାଗ୍ ବାତ୍‍ତିଙ୍କ୍ ଇଦ୍ ରକମ୍ ନାକିଂଙ୍କ୍ ହେର୍କା ମାଡ଼ୁତିଡ଼୍‌ ? 
\v 39 ନାନ୍ ତ ନିଜେ, ନାୱାଉ କାଇକ୍ ନୁ ଡେକା ଉଡ଼ାଟ୍, ନାକିଂଙ୍କ୍ ଇଟ୍‍ଟାଟ୍, ବାତେଙ୍କ୍ ଇତ୍କେ ନାୱାଉ ବେଲା ଆଉଙ୍ଗ୍ ନୁ ବୁଲା ମାନ୍ଦାନାଉ ଉଡ଼ୁତିଡ଼୍, ବୁତ୍‌ତାଉ ଆଦ୍ ଲେକାମ୍ ଇଲା ।”
\p
\v 40 ମେଣ୍ଡେ ଜିସୁ ଅଡ଼୍‌‍କିଂଙ୍କ୍ ଆଦ୍ କେସ୍ ଅଡ଼୍‌‍କିଂଙ୍କ୍ ଅନାହୁ କାଇକ୍ ଡେକା ତଅତଣ୍ଡ୍ । 
\v 41 ଆଲେକେ ମିକା ଅଡ଼୍‌ ୱେଡ଼୍‍କେତେ ମାଇଦିଙ୍କ୍ ବିଶ୍ୱାସ୍ ମାଡ଼କଟ‍ ବାକ୍‍ୱା ଆଦାଙ୍କ୍ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ଇଗେ ମି ଗାର୍‍ରେ ବାତେଏ ସୁଦୁଟ୍ ତିନ୍ଦାନାଦ୍ ମିନ୍ଦେ ?” 
\v 42 ତାନ୍ ପେର୍‍କେ ଅଡ଼୍‌ ଜିସୁଙ୍କ୍ ଆଟ୍‍ତାଦ୍ କିକେ ୱେରଡ଼୍‌ ଦୁଡ଼େ ହିତ୍‍ତଡ଼୍ । 
\v 43 ଜିସୁ ଆଦ୍ କିକେ ଅଡ଼୍‌ ମୁନ୍‍ନେ ତିତ୍‍ତଣ୍ଡ୍ ।
\p
\v 44 ମେଣ୍ଡେ ଅଣ୍ଡ୍‌ ଅଡ଼୍‌‍କିଂଙ୍କ୍ କେତ୍‍ତଣ୍ଡ୍, “ମୋଶାନ୍‌ ନିୟମ୍‍ତାଗ୍ ନୁ ବାବବାଦିଡ଼ାଦ୍ ନୁ ଗୀତସହିଂତା ଦର୍ମଶାସ୍ତ୍ରତାଗ୍ ନା ବିଷୟତେ ବାତ୍ ବାତ୍ ଲେକା ମିନ୍ଦେ, ଆୱ୍ ସାରେ ଆଦାନ୍ ମିନ୍ଦେ, ନାନ୍ ମିଇତଡ଼୍ ମାନ୍ଦାନ୍ ୱେଲେ ମିକିଂଙ୍କ୍ ଇଉସାରେ ଗଟି କେସ୍‍ମାତ୍‍‍ତାନ୍ ।”
\p
\v 45 ଆସୁଙ୍କ୍ ଅଡ଼୍‌ ବେଲା ଦର୍ମଶାସ୍ତ୍ର ବୁଜେମ୍ ଆଦ୍‍ତଡ଼୍, ଆଦିଙ୍କ୍ ଅଣ୍ଡ୍‌ ଅଡ଼୍‌‍କିଂଙ୍କ୍ ସାରେ ଗଟି ବୁଜା ମାଡ଼ତଣ୍ଡ୍; 
\v 46 ଜିସୁ ଅଡ଼୍‌‍କିଂଙ୍କ୍ କେତ୍ତଣ୍ଡ୍, “ଇଦ୍ ଲେକେମ୍ ଲେକାମିନ୍ଦା, କ୍ରିଷ୍ଟ କଷ୍ଟ ଆଦ୍‍ତନ୍ ନୁ ମୁଣ୍ଡ୍ ଦିନାତେ ଡଲ୍‍ତଡ଼ାଗାଙ୍କ୍ ଜିୱୁଅସ୍ ତେଦିତଣ୍ଡ୍, 
\v 47 ଯିରୁଶାଲେମ୍‍ତାଗ୍ ଆରାମ୍ ମାଡ଼ି ସାରେ ଜାତିନଡ଼କ୍ ଅନ୍‌ ପେଦେର୍‍ତେ ପାପ୍‍କ୍ଷମା ମାଇଦିଙ୍କ୍ ମନ୍ ପରିବର୍‍ତନ୍ ମାଡ଼ାଙ୍କ୍ ପ୍ରଚାର ମାଡ଼ିତଡ଼୍ । 
\v 48 ମିଡ଼୍ ଇଦ୍ ସାରେ ବିଷୟତାଦ୍ ସାକ୍ଷୀ ଆଦ୍‍ତିଡ଼୍ । 
\v 49 \x + \xo ୨୪:୪୯ \xo*\xt ପ୍ରେରିତ ୧:୪.\xt*\x*ମେଣ୍ଡେ ଉଡ଼ାଟ୍ ନା ବାବାଲ୍ ବାତ୍ ପ୍ରତିଜ୍ଞା ମାଡ଼ିମିନ୍ଦେଣ୍ଡ୍, ଆଦ୍ ନାନ୍ ମି ଗାର୍‍ରେ ରଅତିତାନ୍, ବାତେଙ୍କ୍ ଇତ୍କେ ସ୍ୱର୍ଗତାଗାଙ୍କ୍ ଶକ୍ତି ଦର୍‍କ୍‍ୱେଯାକ ମିଡ଼୍ ଯିରୁଶାଲେମ୍ ତାଗ୍ ମାନୁଟ୍ ।”
\s ଜିସୁ ସ୍ୱର୍ଗତାଗ୍ ଆତ୍‍ତଣ୍ଡ୍
\r (ମାର୍କ ୧୬:୧୯-୨୦; ପ୍ରେରିତ ୧:୯-୧୧)
\p
\v 50 \x + \xo ୨୪:୫୦ \xo*\xt ପ୍ରେରିତ ୧:୯-୧୧.\xt*\x*ତାନ୍ ପେର୍‍କେ ଜିସୁ ଅଡ଼୍‌‍କିଂଙ୍କ୍ ବେତନିୟା ଆଦାନ୍ ହାର୍‍ଦାଗ୍ ହେଉନା କାର୍‍ଙ୍ଗି ଆତ୍‍ତେ ନୁ ତାନ୍ କାୟ୍ ତେହେସ୍ ଆର୍ଶିବାଦ୍ ମାଡ଼ତଣ୍ଡ୍ । 
\v 51 ତାନ୍ ପେର୍‍କେ ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ି ଅଣ୍ଡ୍‌ ଅଡ଼୍‌‍ଆଗାଙ୍କ୍ ମାୟିମିକା ସ୍ୱର୍ଗତାଗ୍ ଆତ୍‍ତଣ୍ଡ୍ । 
\v 52 ଅଡ଼୍‌‍ ଅଂକିଙ୍କ୍‌ ମଡ଼୍‍କିମିକା ଗାଟି ୱେଡ଼୍‍କାତେ ଯିରୁଶାଲେମ୍‍ତାଗ୍ ମାଲ୍‍ସ୍ ଆଦ୍‍ତଡ଼୍, 
\v 53 ମେଣ୍ଡେ ସାରେଦିନାମ୍ ଯୀରୁଶାଲାମ୍ ମନ୍ଦିର୍‍ତାଗ୍ ମାଞ୍ଜ୍ ଇଶ୍ୱର୍‌ତିଙ୍କ୍ ସ୍ତୁତି ପ୍ରସଂଶା ମାଡ଼ାଙ୍କ୍ ପସ୍ପ୍‍ତ୍‍ତଡ଼୍ ।