\id JUD - Koya
\ide UTF-8
\h ଯିହୁଦା
\toc3 ଯିହୁଦା
\toc2 ଯିହୁଦା
\toc1 ଯିହୁଦା ଲେକ୍‍ତାଦ୍ ଚିଟି
\mt2 ଯିହୁଦା ଲିଖିତ ପତ୍ର
\mt1 ଯିହୁଦା ଲେକ୍‍ତାଦ୍‍ ଚିଟି
\imt ଯିହୁଦା ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ଇଦ୍‍ ଚିଟି ଲେକ୍‌ତେନନ୍‍ ପେଦେର୍‍ ଇସାବ୍‍ତେ ଇଦ୍‍ ବଇତେ ପେଦେର୍‍ ଇତ୍‍ତଡ଼୍‍ । ଯିହୁଦା ନିଜେ ଯାକୁବ ନୁ ଜିସୁନ୍‍ ତାମୁଣ୍ଡ୍‍ ଇଞ୍ଜ ପରିଚୟ୍‍ ଇଦ୍‍ତଣ୍ଡ୍‍ । ଆଦିଙ୍କ୍ ଅଙ୍କ୍‌ ଜିସୁନ୍‍ ତାମୁଣ୍ଡ୍‍ ଲୋପେଙ୍କ୍ ୱେରଣ୍ଡ୍ ଇଞ୍ଜ ବିଶ୍ୱାସ୍‍ ମାଡ଼ିତାଡ଼୍‍ \xt ୧\xt* । ପୁରାତନ୍‍ ନିୟମ୍‍ତେ ପ୍ରସଙ୍ଗତିଙ୍କ୍‍ ଲେକିମାନ୍ଦାନ୍‍ ମାୟ୍‍ଦିଙ୍କ୍‍ ଇଦ୍‍ ଅଣ୍ଡୟ୍‌‍ ସ୍ୱତନ୍ତ୍ର ମଣ୍ଡଲିତିଙ୍କ୍‍ ଲେକାଆସ୍‍ ମାନ୍ଦାନ୍‍ ରକମ୍‍ ମନେ ଆଦ୍‍ତେ । ଯିହୁଦା ଚିଟିତ୍‍ ନିଜାମ୍‍ କାର୍‍ତାନଡ଼୍‍ ଯିହୁଦୀ ରକମ୍‍ ପରିଚିତ୍‍ ଆଦ୍‍ତଡ଼୍‍-ବେନଡ଼୍‍ କି ବାବାଲ୍‍ ଇଶ୍ୱର୍‌ତେ ପ୍ରେମତଡ଼୍‍ କ୍ରିଷ୍ଟନ୍‍ ସେଙ୍ଗେ ନେଃଏତଡ଼୍‍ । ଆଦ୍‍ ବାତ୍‍ଆୟି ଯିହୁଦା ସାର୍ରେ ଆହ୍ୱାନ୍‍ ପାଏମ୍‍ଆତ୍‍ତେ ନାରୁଡ଼୍‍କିଙ୍କ୍ ପାତା ଇଦ୍‍ତଣ୍ଡ୍‍ । ଇଦ୍‍ ଚିଟି ପାକାପାକି ଜିସୁ କ୍ରିଷ୍ଟନ୍‍ ଜନମ୍‍ ପେର୍କେ କ୍ରିଷ୍ଟାଦ୍ଦ ୬୦ ୱେଲେ ଲେକା ଆସ୍‍ମାତ୍‍ତେ \xt ୧\xt* ।
\ip ଇଦ୍‍ ଚିଟି ବେନଡ଼୍‍ ବୁସା କ୍ରିଷ୍ଟଡ଼ାକ୍‍ ଆଞ୍ଜ ମାତ୍‍ତଡ଼୍‍ ଅଡ଼୍‌‍ ସାର୍ରେ କ୍ରିଷ୍ଟିୟାନ୍‍ ନାରୁଡ଼୍‍କ୍‍ ସତର୍କ ମାଡ଼ାନ୍‍ ଉଦ୍ଦେଶ୍ୟତେ ଲେକା ଆସ୍‍ମାତ୍‍ତେ । \xt ଯିହୁଦା ୧:୪\xt* ଅଣ୍ଡ୍‌‍ ତାନ୍‍ ଗଟ୍‍ତାଗ୍‍ ଗାଡ଼୍‍ସ୍‍ ମାନ୍ଦାନ୍‍ ମାୟ୍‍ଦିଙ୍କ୍‍ ପାଃନ୍ତେ ନିୟମ୍‍ତେ ପ୍ରସଙ୍ଗ ମେଣ୍ଡେ ଗଟନା ବିଷୟ୍‍ କେତିତଣ୍ଡ୍‍ । ଇଦ୍‍ ଚିଟିତାଗ୍‍ ମିଚ୍‍ ମେସ୍ତେରିଡ଼୍‍ ବିରୁଦ୍‍ତେ ପିତର୍‍ତେ ଦ୍ୱିତୀୟ ଚିଟିତାଗ୍‍ ଲେକା ଆସ୍‍ମାନ୍ଦାନ୍‍ ଚିନ୍ତାଦାରା ତଡ଼୍‍ କାୟ୍‍ଲୁତ୍‍ । ଇଗେ ଦୂତ ନୁ ସଦମ୍‍ ଗମରା ବିଷୟ୍‍ତେ ଗାଲା ଲେକା ଆସ୍‍ମିନ୍ଦେ \xt ଯିହୁଦା ୪\xt*, ମେଣ୍ଡେ \xt ୨ ପିତର୍‌ ୨:୧\xt* ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ଯିହୁଦା ମୁନେନ୍‍ ତାନ୍‍ କାର୍‍ତାନଡ଼୍‍କିଙ୍କ୍‍ ପରିଚୟ୍‍ ଇୱିଣ୍ଡ୍‍ । \ior ୧:୧-୨\ior*
\io1 ୨. ମିଚ୍‍ ମେସ୍ତେରିଡ଼୍‍ ବିରୁଦ୍‍ତେ ସତର୍କ ମାଡ଼ିତଣ୍ଡ୍‍ । \ior ୧:୩-୪ \ior*
\io1 ୩. ଅଣ୍ଡ୍‌‍ ପାଃନ୍ତେ ନିୟମ୍‍ତେ ନାରୁଡ଼୍‍କିଙ୍କ୍‍ ମେଣ୍ଡେ ଗଟନାତିଙ୍କ୍‍ ଆସ୍‍ ଉଦାରନ୍‍ ଇଦ୍‍ତଣ୍ଡ୍‍ । \ior ୧:୫-୧୬\ior*
\io1 ୪. ଯାକୁବନ୍‍ ସତର୍କ ସୁଚନାତାଗ୍‍ ଅଡ଼ାଦ୍‌‍ ଦାୟିତ୍ୱ ବାତେ ଆଦ୍‍ତେ ଆଦ୍‍ ବିଷୟ୍‍ତେ କେତିତଣ୍ଡ୍‍ । \ior ୧:୧୭-୨୩\ior*
\io1 ୫. ମାଡ଼େଙ୍ଗ୍‍ ଇଶ୍ୱର୍‌ତିଙ୍କ୍‍ ଗୌରବ୍‍ ଇସ୍‍ ଚିଟି ତେର୍‍ସ୍ପିତଣ୍ଡ୍‍ । \ior ୧:୨୪-୨୫\ior*
\c 1
\p
\v 1 \x + \xo ୧:୧ \xo*\xt ମାତିଉ ୧3:୫୫; ମାର୍କ ୬:3.\xt*\x*ନାନ୍‍ ଯିହୁଦା, ଜିସୁ କ୍ରିଷ୍ଟଟନ୍ ଦାସ ନୁ ଜାକୁବନ୍ ଦାଦାଲ୍, ବେନଡ଼୍‍କିଂଙ୍କ୍ ବାବାଲ୍‍ ଇଶ୍ୱର୍ କାର୍‍ଙ୍ଗ୍‍ତଣ୍ଡ୍ ନୁ ଅନ୍‌ ପ୍ରେମତଡ଼୍ ବାଦ୍‍କୁତଡ଼୍ ମେଣ୍ଡେ ଜିସୁ କ୍ରିଷ୍ଟଟନ୍ ସେଙ୍ଗେ ସାୟେ ମିନ୍ଦେ, ଅଡ଼୍‌ ବକେତ୍ ଚିଟି ଲେକୁତାନ୍ । 
\v 2 ମିକିଂଙ୍କ୍ ନାର୍‍ଗେ ଇଶ୍ୱର୍‌ତେ ଦୟା, ଶାନ୍ତି ନୁ ପ୍ରେମ ଦର୍‍କି ।
\s ବୁସାମାଡ଼ାନ୍‍ ମେସ୍ତେରି
\p
\v 3 ଆ ପ୍ରିୟ ସାଙ୍ଗଡ଼ି, ନାନ୍ ମାନାଦ୍‍ ପରିତ୍ରାଣ ବିଷୟ ମିଇ ବକେତ୍ ସୁଦୁଟ୍ ଲେକାନଙ୍କ୍ ମାନ୍‍ ମାଡ଼ିମାତ୍‍ତାନ୍ । ଇତ୍‍କେ ତିନ୍ ଲୋପେ ଇଶ୍ୱର୍ ତାମ୍ ନାରୁଡ଼୍‍କିଂଙ୍କ୍ ସାରେ ଦିନେତ୍ ମାୟ୍‍ଦିଂଙ୍କ୍ ଇସ୍ ମାନ୍ଦାନ୍ ବିଶ୍ୱାସ୍‍ତଡ଼୍ ଯୁଦ୍ ମାଡ଼ାନ୍ ସେଙ୍ଗେ ମିକିଂଙ୍କ୍ ସାର୍ଦେ ମାଡ଼ାନ୍ ଦର୍‍କାର୍ ଇଞ୍ଜ ମାନ୍‍ ମାଡ଼୍‍ତାନ୍ । 
\v 4 ବେସ୍‍କ୍‍ତୁଡ଼୍‍ କାରାପ୍ ନାରୁଡ଼୍ ମିଞ୍ଜି ମେଣ୍ଡେ ମିଇ ଲୋପେ ନେଙ୍ଗି ମିନ୍ଦେଡ଼୍‍ । ଅଡ଼୍‌ ତାମ୍ କାରାପ୍ ପାଡ଼୍‍ୟିଦିଙ୍କ୍ ସମର୍ତନ୍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ “ଅନୁଗ୍ରହ,” ବିଷୟ୍‍ତେ ଗଟ୍‍ତିଙ୍କ୍ କାରାପ୍ ବ୍ୟବହାର୍‌ ମାଡ଼ୁତଡ଼୍ । ମାୱଣ୍ଡ୍ ୱେରଣ୍ଡେ ଗୁରୁ ନୁ ପ୍ରବୁ ଜିସୁ କ୍ରିଷ୍ଟଙ୍କ୍ ଅଡ଼୍‌ ଅସ୍ୱୀକାର୍ ମାଡ଼ୁତଡ଼୍ । ଅଡ଼୍‌ ସେଙ୍ଗେ ତିଆର୍ ଆସ୍ ମାନ୍ଦାନ୍ ଦଣ୍ଡ୍ ବିଦାନ୍ ବିଷୟ୍‍ତେ ମୁନେତ୍ କନ୍‍ସ୍ ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ ।
\p
\v 5 ଅଣ୍ଡୟ୍‌‍ଦାମ୍ ଇସ୍ରାଏଲିୟ ନାରୁଡ଼୍‍କିଂଙ୍କ୍ ଇଶ୍ୱର୍ ବେଲା ମିସର୍ ଦେଶ୍‌ତାଗାଙ୍କ୍ ରକ୍ଷା ମାଡ଼ି ତାସ୍‍ମାତ୍‍ତଣ୍ଡ୍, ମେଣ୍ଡେ ଅଡ଼୍‌ ଲୋପେ ମାନ୍ଦାନ୍ ଅବିଶ୍ୱାସି ନାରୁଡ଼୍‍କିଂଙ୍କ୍ ଉସ୍କ ନେଲ୍‍ତାଗ୍‍ ଦଂସ ମାଡ଼ିମାତ୍‍ତଣ୍ଡ୍, ମିଡ଼୍ ଇୱୁ ସାରେ ଗଟି ପୁଞ୍ଜ୍ ମାତ୍‍କେ ମିକା; ଆଦ୍ ନାନ୍ ମିକିଂଙ୍କ୍ ଏର୍କା ମାଡ଼ିଦାନଙ୍କ୍ ଆଲ୍‍ସୁତାନ୍ । 
\v 6 ମେଣ୍ଡେ ବେନ୍ ଦୂତଡ଼୍ ନିଜେତ୍ ପଦତାଗ୍ ମାନ୍‍ୱେକଟ ତାମାଦ୍ ପଡ଼୍‍ୟେ ୱିଡ଼୍‍ସ୍‍ତଡ଼୍, ଅଡ଼୍‌‍କିଂଙ୍କ୍ ଇଶ୍ୱର୍ ବେଡ଼୍‍ୟାଦ୍‍ ବିଚାର୍ ଦିନ୍ ଏୱୁନା ସାରେଦିନାତ୍ ମାୟ୍‍ଦିଂକ୍ ବନ୍ଦି ମାଡ଼ି ଇକାଡ଼୍ ମାନ୍ଦାନ୍ ପଡ଼୍‍ୟେତାଗ୍ ନେଃଏତଣ୍ଡ୍ । ଇୱୁ ସାରେ ମନେମାଡ଼ାଟ୍‍ । 
\v 7 ସଦୋମ୍‍ ନୁ ଗମୋରା ମେଣ୍ଡେ ତାନ୍ ବକେତ୍ ମାନ୍ଦାନ୍ ନଗରିକିନ୍ ଦସା ଏର୍କା ମାଡ଼ାଟ୍ । ଅଡ଼୍‌ ଆୱୁ ଦୂତକିନ୍ ରକମ୍ ବ୍ୟବହାର୍‌ ମାଡ଼ି ଇନ୍ଦ୍ରିୟ ଲାଲସା ନୁ କାରାପ୍ ପାଡ଼୍‍ୟିତାଗ୍ ମୁଡ଼ୁନ୍ଦି ଆଦ୍‍ତଡ଼୍ । ମେଣ୍ଡେବାଗାତଡ଼୍‍କିଂକ୍ ସତର୍କ ମାଡ଼ାନ୍ ସେଙ୍ଗେ ଅଡ଼୍‌ ସାରେଦିନେ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ପାଏମ୍ ଆଦୁତଡ଼୍‍ ।
\p
\v 8 ଆଦେ ରକମ୍ ଇଡ଼୍ ନାରୁଡ଼୍ ସପ୍ନ ଉଡ଼୍‍ତମ୍ ଇଞ୍ଜ ନିଜେତ୍ ମେନ୍ଦୁଲ୍ ବିରୁଦ୍‍ତେ ପାପ୍ ମାଡ଼ିତଡ଼୍ । ଅଡ଼୍‌ ଇଶ୍ୱର୍‌ତେ ଆଦେଶ୍‌ତିଙ୍କ୍ ପାଲନ୍ ମାଡ଼ଡ଼୍‍ ନୁ ସ୍ୱର୍ଗ ଦୂତକିଂଙ୍କ୍‌ ଅପ୍‍ମାନ୍ ମାଡ଼ିତଡ଼୍ । 
\v 9 \x + \xo ୧:୯ \xo*\xt ପ୍ରକାଶିତ୍‌ ବାକ୍ୟ ୧୨:୭.\xt*\x*କିନ୍ତୁ ମୁକ୍ୟ ସ୍ୱର୍ଗଦୂତ ମିକାଏଲ୍ ମିକା ଇଦ୍ ରକମ୍ ବ୍ୟବହାର୍‌ ମାଡ଼୍‍ୱେ ମାତ୍‍ତଣ୍ଡ୍ । ମୋଶାନ୍‌ ସମାଦି ଆ ଶୟ୍‍ତାନ୍ ତଡ଼୍ ଯୁକ୍ତିତର୍କ ମାଡ଼ାନ୍ ୱେଲେ ମିକାଏଲ୍ ଅପ୍‍ମାନ୍ ଗଟ୍ କେସ୍ ସୟ୍‍ତାନ୍‍ତିଙ୍କ୍ ବିଚାର୍ ମାଡ଼୍‍ୱେ ମାତ୍‍ତଣ୍ଡ୍ । ଅଣ୍ଡ୍‌ ଆସାମ୍ କେସ୍ ମାତ୍‍ତଣ୍ଡ୍, “ପ୍ରବୁ ନିକିଂଙ୍କ୍ ପାସ୍‍କିଣ୍ଡ୍ ।” 
\v 10 ଇତ୍‍କେ ଇଡ଼୍ ନାରୁଡ଼୍ ବାତ୍ ବୁଜେମ୍ ଆୟଡ଼୍, ପରିଆସ୍ ମାଡ଼ି ଆଦିଙ୍କ୍ ବିରୁଦ୍ ମାଡ଼ିତଡ଼୍ । ମେଣ୍ଡେ ଗୁପେତାଗ୍ ମାନ୍ଦାନ୍ ଜିୱାକିନ୍ ତଡ଼୍ ବାତ୍ ପୁନ୍‍ତଡ଼୍, ଆୱୁ ସାରେକିନ୍ ତଡ଼୍ ଅଡ଼୍‌ ଦଂସ ଆଦ୍‍ତଡ଼୍ । 
\v 11 ଇଦ୍ ଅଡ଼୍‌ ସେଙ୍ଗେ ବେସର୍ ୱେର୍ରେ । ଅଡ଼୍‌ କୟିନନ୍‌ କାରାପ୍ ଆର୍ର୍‍ଦାଗ୍ ଆଞ୍ଜ୍ ମିନ୍ଦେଡ଼୍‍ । ବାଲାମ୍ ଇତ୍‍କେ ଲୋବିଆସ୍ ବେନ୍ ବୁଲ୍‍ ମାଡ଼୍‍ତଣ୍ଡ୍‍, ଅଡ଼୍‌ ଆଦ୍ ବୁସାତାଗ୍ ରାୟ୍‍ତଡ଼୍ । କୋରଅ ଲେକାମ୍ ଗଲ୍‍କ୍ ମାଡ଼ି ଅଡ଼୍‌ ଦଂସ ଆତ୍‍ତଡ଼୍‍ । 
\v 12 ଅଡ଼୍‌ ସିଗ୍ ଆୟ୍‍ୟକଟ କାଲ୍‍ ଉଞ୍ଜ୍, ମିୱାଦ୍ ସାୟେତ୍ ବଜିତାଗ୍ ଗଲ୍‍କ୍ ମାଡ଼ାନ୍ ନାରୁଡ଼୍ ଲେକାମ୍ ଆଦୁତଡ଼୍‍ । ଅଡ଼୍‌ ତାମ୍ ସେଙ୍ଗେକେ ଡଙ୍କେ ନିଃଇତିତଡ଼୍ । ଅଡ଼୍‌ ଗାଲ୍‍ତଡ଼୍ ଚାଲେମ୍ ଆଦାନ୍ ୱାର୍ସାମ୍ ଇଲ୍‍ୱେ ମାବ୍ ଲେକାମ୍ । ଅଡ଼୍‌ ଶରତ୍ କାଲାମ୍‍ତେ କାୟା ଆଦ୍‍ୱେ ମାଡ଼େ ନୁ ମାଡେତଡ଼୍ ତାଃଆକି ଆତ୍‍ତେ ୱାସ୍‍ତେ ମାଡ଼େ ଲେକାମ୍ । 
\v 13 ଅଡ଼୍‌ ଗଦାଡ଼୍‍ତାଗ୍ ତେଏଦ୍‍ତେ ତଲ୍‍କଡ଼୍ ଲେକାମ୍ । ଅଡ଼ାଦ୍‌ ସିଗ୍ ଇଲ୍‍ୱାଦ୍ ପାଡ଼୍‍ୟି ବୟୁଲ୍ ଲେକାମ୍ ପର୍‍ର ତଅନ୍‌ଦିତ୍ । ଅଡ଼୍‌ ମାୟିଆତ୍‍ତେ ଉକାମ୍ ଲେକାମ୍ । ଇଶ୍ୱର୍ ଅଡ଼୍‌ ସେଙ୍ଗେ ସାରେଦିନାମ୍‍ ଇକାଡ଼୍ ମାନ୍ଦାନ୍ ପଡ଼୍‍ୟେ ଏଞ୍ଚିମିନ୍ଦେଣ୍ଡ୍ ।
\p
\v 14 ଆଦମ୍‍ତେ ସାତ୍‍ ପିଡ଼ିତେ ବଂଶତଣ୍ଡ୍ ହନୋକ ନାର୍‍ଗେ ଦିନା ମୁନେଙ୍କ୍ ଇଡ଼୍ ବିଷୟ୍‍ତେ ବବିଷ୍ୟତ୍‌ ଗଟ୍ କେସ୍‍ମାତ୍‍ତଣ୍ଡ୍, “ପ୍ରବୁ ନାର୍ଗେ ହଜାର୍‌ ସ୍ୱର୍ଗଦୂତକିନ୍ ତଡ଼୍ 
\v 15 ସାର୍‍ରେ ତଡ଼୍‍ୱାଦ୍ ବିଚାର୍ ମାଡ଼ାନଙ୍କ୍ ୱାଦ୍‍ତଣ୍ଡ୍ । ଅଡ଼ାଦ୍‌ ସାର୍‍ରେ ପାପ୍ ପାଡ଼୍‍ୟି ସେଙ୍ଗେ ନୁ କାରାପ୍ ନାରୁଡ଼୍ ଇଶ୍ୱର୍ ନିନ୍ଦ୍ ମାଡ଼ାନ୍ ସେଙ୍ଗେ ଅଡ଼୍‌‍ ଜିୱୁଣ୍ଡ୍‍ତିଙ୍କ୍‍ ଦଣ୍ଡ୍ ଇଦ୍‍ତଣ୍ଡ୍ ।”
\p
\v 16 ଇ ନାରୁଡ଼୍ ସାରେଦାମ୍ ସନ୍ତୁଷ୍ଟ ଆୟ୍‍ୟଡ଼୍ ନୁ ମେଣ୍ଡେବାଗାତଡ଼୍ ନାରୁଡ଼୍‍କ୍ ଦସି ମାଡ଼ିତଡ଼୍ । ଅଡ଼୍‌ ନିଜେତ୍ କାରାପ୍ ଅବ୍ୟାସ୍ ତଡ଼୍ ଚାଲେମ୍ ଆଦ୍‍ତଡ଼୍; ନିଜେ ବେଡ଼୍‍ୟା ଗଟି କେତିତଡ଼୍‍ ନୁ ନିଜେତ୍ ମାୟ୍‍ଦିଂକ୍ ମେଣ୍ଡେ ଅର୍‌ତୁଡ଼୍‍କ୍ ମିଚ୍ କେତିତଡ଼୍‍ ।
\s ସତର୍କ ଗଟି ନୁ ପରାମର୍ଶ
\p
\v 17 ହୋ ପ୍ରିୟ ସାଙ୍ଗନଡ଼ି, ପ୍ରବୁ ଜିସୁ କ୍ରିଷ୍ଟଟନ୍ ପ୍ରେରିତ ଶିଷ୍ୟଡ଼୍ ମିକିଂଙ୍କ୍ ବାତ୍ କେସ୍ ଆତ୍‍ତଡ଼୍, ଆଦ୍ ସାରେ ଏର୍କା ମାଡ଼ାଟ୍ । 
\v 18 \x + \xo ୧:୧୮ \xo*\xt ୨ ପିତର୍‌ 3:3.\xt*\x*ଅଡ଼୍‌ ମିକିଂଙ୍କ୍ କେସ୍‍ମାତ୍‍ତଡ଼୍, “ତେରାନ୍ ଦିନାତେ କାରାପ୍ ଅବ୍ୟାସ୍ ଇଶ୍ୱର୍ ବିରୁଦ୍ ନାରୁଡ଼୍ ପେୟିସ୍ ମିକିଂଙ୍କ୍ ପରିଆସ୍ ମାଡ଼ିତଡ଼୍ ।” 
\v 19 ଇ ନାରୁଡ଼୍ ଇଁ ଦଲ୍‍ତିଙ୍କ୍ ୱେଏକ୍ ମାଡ଼ିତଡ଼୍ । ଅଡ଼୍‌ ଆସାମ୍ ମେନ୍ଦୁଲ୍‍ତଡ଼୍ ଚାଲେମ୍ ଆଦ୍‍ତଡ଼୍ । ଅଡ଼ାଗ୍ ଇଶ୍ୱର୍‌ତେ ଆସାମ୍‍ ଇଲ୍‍ଲେ । 
\v 20 ଆଦିଙ୍କ୍ ପ୍ରିୟ ସାଙ୍ଗଡ଼ି, ମିଡ଼୍ ପବିତ୍ର ଦର୍ମଶାସ୍ତ୍ରତେ ନିତିତଡ଼୍ ନିଜର୍‍ ଜିୱୁଣ୍ଡ୍ ତିଆର୍ ମାଡ଼ାନଙ୍କ୍ ଲାଗେମ୍ ଆସ୍ ମାନୁଟ୍; ପବିତ୍ର ଆତ୍ମାନ୍ ଶକ୍ତିତଡ଼୍ ପ୍ରାର୍ତନା ମାଡ଼ମାନୁଟ୍ । 
\v 21 ପ୍ରବୁ ଜିସୁ କ୍ରିଷ୍ଟଟନ୍ ଅନୁଗ୍ରମାମେ ଆୟମ୍‌ ସାର୍ରେଦିନେତ୍ ଜିୱୁଣ୍ଡ୍ ପାଏମ୍ ଆଦାନ୍ ସେଙ୍ଗେ କେପି ଇଶ୍ୱର୍‌ତେ ପ୍ରେମତାଗ୍ କଟ ଆସ୍ ମାନୁଟ୍ ।
\p
\v 22 ହେର୍କେ ମାଡ଼ମାନ୍ଦାନ୍‍ ନାରୁଡ଼୍‍କିଂଙ୍କ୍ ବିଶ୍ୱାସ୍ ମାଡ଼ାନଙ୍କ୍ କେଲ୍‍ମୁଟ୍ । 
\v 23 ମାୟାତାଗ୍ ରାଲି ଡଲାନ୍ ନାରୁଡ଼୍‍କିଂଙ୍କ୍ କିସ୍‍ତାଗାଙ୍କ୍ ରକ୍ଷା ମାଡ଼ାଟ୍ । ମେଣ୍ଡେ ବେସ୍କ୍‍ତୁଡ଼ାଦ୍ ପାପାମ୍ କାର୍‍କେ ପୟ୍‍ତେ ସିଲେତିଙ୍କ୍ ମିକା ପାସ୍‍କାଟ୍, ଇତ୍‍କେ ୱେର୍ରେତଡ଼୍ ଅଡ଼୍‌‍କିଂଙ୍କ୍ ଦୟା ତଅମୁଟ୍ ।
\s ଦନ୍ୟବାଦ୍ ପ୍ରାର୍ତନା
\p
\v 24 ବେନ ମିକିଂଙ୍କ୍ ଡଲାନାଗାଙ୍କ୍ ରକ୍ଷା ମାଡ଼ାନଙ୍କ୍ ନୁ ତାନ୍ ଗୌରବମୟ ନିଡ଼୍‍କେତାଗ୍ ନିର୍ଦୋଷ୍‍ ନୁ ୱେଡ଼୍‍କ୍‍ ମାଡ଼ି ନିଲ୍‍ସ୍ପାନଙ୍କ୍ ପାର୍‍ଦ୍‍ତଣ୍ଡ୍, 
\v 25 ମାୱଣ୍ଡ୍ ଅଣ୍ଡେ ୱେରଣ୍ଡେ ତ୍ରାଣକର୍ତ୍ତାଲ୍ ଇଶ୍ୱର୍‌ତେ ଗୌରବ୍, ପରାକ୍ରମ୍ ନୁ ଶାସନ୍‍; ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମୁନେତ୍ କନ୍‍ସ୍ ନେଣ୍ଡ୍ ଯାକ ନୁ ଯୁଗ୍‍ଯୁଗ୍ ବିରାଜମାନ୍ ଆୟି । ଆମେନ୍‍ ।