\id JAS - Koya
\ide UTF-8
\h ଯାକୁବ
\toc3 ଯାକୁବ
\toc2 ଯାକୁବ
\toc1 ଯାକୁବ ଲେକ୍‍ତାଦ୍ ଚିଟି
\mt2 ଯାକୁବ ଲିଖିତ ପତ୍ର
\mt1 ଯାକୁବ ଲେକ୍‍ତାଦ୍ ଚିଟି
\imt ଯାକୁବ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ଯାକୁବ ବଇ ଯାକୁବ ପେଦେର୍‍ତେ କାର୍‍ଙ୍ଗମାନ୍ଦାନ୍‍ ୱେରଣ୍ଡ୍ ନାରୁଣ୍ଡ୍‍ ତଡ଼୍‍ ଲେକା ଆତ୍‍ତେ । ଇ ଯାକୁବ ସମ୍ବାବନା ଜିସୁ କ୍ରିଷ୍ଟନ୍‍ ତାମୁଣ୍ଡ୍‍ ମାତ୍‍ତଣ୍ଡ୍‍, ବେନ କି ମୁନେତ୍‍ ମଣ୍ଡଲିତେ ଅର୍ତୁଣ୍ଡ୍‍ ନେତାଲ୍‍ ନୁ ଜିରୁସାଲେମ୍‍ ସବାତେ ସବ୍ୟ ମାତ୍‍ତଣ୍ଡ୍‍ \xt ପ୍ରେରିତ ୧୫:୧୩ \xt*। ପ୍ରେରିତ୍‍ ପାଉଲ୍‍ ଗାଲା ଯାକୁବଙ୍କ୍‍ ମଣ୍ଡଲିତେ ଦିମା ଇଞ୍ଜ କାର୍‍ଙ୍ଗିତଡ଼୍‍ \xt ଗାଲାତୀୟ ୨:୯\xt* । ଯାକୁବ ବଇ ଜିସୁ କ୍ରିଷ୍ଟ ଜନମ୍‍ତେ ପାଚାଶ୍‍ ଏଣ୍ଡ୍‍କ୍‍ ପେର୍କେ ଲେକାଆତ୍‍ତେ ଇଞ୍ଜ ବାଇବଲ୍‍ ପଣ୍ଡିତିଡ଼୍‍ ବିଶ୍ୱାସ୍‍ ମାଡ଼ିତଡ଼୍‍ । ଯାକୁବ ଜିରୁସାଲେମ୍‍ତେ ମଣ୍ଡଲି ନେତାଲ୍‍ ମାତ୍‍ତଣ୍ଡ୍‍ ଆଦିଙ୍କ୍ ସମ୍ବାବନ୍‍ ଆଗେ ବାସେ ମାଡ଼ମାନ୍ଦାନ୍‍ୱେଲେ ଅଣ୍ଡ୍‌‍ ଇଦ୍‍ ବଇ ଲେକିମାତ୍‍ତଣ୍ଡ୍ । ଯାକୁବ ଦେଶ୍‍ତାଗ୍‍ ୱେରେ ୱେରେ ଆସ୍‍ମାନ୍ଦାନ୍‍ ବାରଟାନ୍‍ ଗୋଷ୍ଠୀକିଙ୍କ୍‍ ତାନ୍‍ ବଇତାଗ୍‍ ପରିଚୟ ଇସ୍‍ ମିନ୍ଦେଣ୍ଡ୍‍ \xt ୧:୧\xt* ।
\ip ଆଦ୍‍ପାର୍‍ଦ୍‍ତେ ବ୍ୟବହାର୍‌ ଯୋଗ୍ୟ ବିଷୟ୍‍ ସାର୍ରେ କ୍ରିଷ୍ଟିୟାନ୍‍ ନାରୁଡ଼୍‍ ସେଙ୍ଗେ ଆଦ୍‍ତେ, କିନ୍ତୁ ବାରଟାନ୍‍ ଗୋଷ୍ଠୀ ବିଷୟ୍‍ତେ ବ୍ୟବହାର୍‌ ମାଡ଼ିମାନ୍ଦାନ୍‍ ଶଦ୍ଦ ସମ୍ବାବନ୍‍ ଯାକୁବ ସିଦା ଯିହୁଦୀ କ୍ରିଷ୍ଟିୟାନ୍‍ ନାରୁଡ଼୍‍କିଙ୍କ୍ ଲେକିମାତ୍‍ତଣ୍ଡ୍ । ବାତେଙ୍କ୍‍ଇତ୍‍କେ ଇଦ୍‍ ବଇ ଏକାମ୍‍ ମାନ୍ଦାନ୍‍ କାର୍‍ତାନଡ଼୍‍କିଙ୍କ୍‍ ଏୱୁସାନ୍‍ ବିଷୟ୍‍ତେ ଟିକଣା ଇଦ୍‍ତେ । ଯାକୁବ, ବିଶ୍ୱାସ୍‍ ନୁ ପାଡ଼୍‍ୟିତାଦ୍‍ ଗାଟି ସମ୍ପର୍କ ପର ତହଃସ୍‍ କେତିତଣ୍ଡ୍‍ ଯେ ପ୍ରକୃତ ବିଶ୍ୱାସ୍‍ ପାଡ଼୍‍ୟିତାଗ୍‍ ତଅନ୍‌ଦିତ୍‍ \xt ୨:୧୭\xt* । ଅଣ୍ଡ୍‌‍ ସାୱୁକାର୍‍ ନାରୁଡ଼୍‍ ସେଙ୍ଗେ ପକ୍ଷପାତ୍‍ ବିଷୟ୍‍ତେ ସତର୍କ ମାଡ଼ିତଡ଼୍‍ \xt ୨:୧-୪\xt* । ସଞ୍ଜତ ମାଞ୍ଜ୍‍ ଗଟିତିର୍‍ୟାନ୍‍ ବିଷୟ୍‍ତେ ଗାଲା ସତର୍କ ଆଦାନଙ୍କ୍‍ କେତିତଣ୍ଡ୍‍ । \xt ୩:୧-୧୨\xt*
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ଯାକୁବ ତାମ୍‍ କାର୍‍ତାନଡ଼୍‍କିଙ୍କ୍‍ ଅବିବାଦନ୍‍ କେତିତଣ୍ଡ୍ । \ior ୧:୧\ior*
\io1 ୨. ଅଣ୍ଡ୍‌‍ କ୍ରିଷ୍ଟିୟାନ୍‍ ନାରୁଡ଼୍‍କିଙ୍କ୍ ଦୁଃକାମ୍‍ୱେଲେ ଗାଡ଼୍‍ସ୍‍ ମାନ୍ଦାନଙ୍କ୍ ସାହାସ୍‍ ଇଦ୍‍ତଣ୍ଡ୍‍ । \ior ୧:୨-୨୭\ior*
\io1 ୩. ପାଡ଼୍‍ୟିତଡ଼୍‍ ବେଲା ବିଶ୍ୱାସ୍‍ ତଅତାନ୍‍ ଦର୍‍କାର୍‍ ଆଦ୍‍ ବିଷୟ୍‍ତେ କେତିତଣ୍ଡ୍‍ । \ior ୨:୧-୨୬\ior*
\io1 ୪. ବାକ୍ୟ ବେଲା ଶକ୍ତି ଆଦ୍‍ତେ ଆଦ୍‍ ଅଣ୍ଡ୍‌‍ ଲେକ୍‍ତଣ୍ଡ୍‍ । \ior ୩:୧-୧୨ \ior*
\io1 ୫. ଯାକୁବ ଇଶ୍ୱର୍‌ତେ ଜ୍ଞାନ୍‍ ଜାଗତିକ୍‍ ଜ୍ଞାନ୍‍ତାଗାଙ୍କ୍‍ ୱେରେ ଆଦ୍‍ପାର୍‍ତେ ଆଦ୍‍ ବର୍ଣ୍ଣନା ମାଡ଼ିତଣ୍ଡ୍‍ । \ior ୩:୧୩–୪:୧୦\ior*
\io1 ୬. ପେର୍କେ ଅଣ୍ଡ୍‌‍ କାର୍‍ତାନଡ଼୍‍କିଙ୍କ୍‍ ଗର୍ବ ମାଡ଼୍‍ମାଟ୍‍ ଇଞ୍ଜ ସତର୍କ ମାଡ଼ିତଣ୍ଡ୍‍ । \ior ୪:୧୧–୫:୬\ior*
\io1 ୭. ମାଡ଼େଙ୍ଗ୍‍ ଯାକୁବ ବେସ୍‍କେ ସାଦାରନ୍‍ ନିର୍ଦ୍ଦେଶନା ଇସ୍‍ ତାନ୍‍ ଲେକା ତେର୍ସ୍ପିତଣ୍ଡ୍‍ । \ior ୫:୭-୨୦ \ior*
\c 1
\p
\v 1 \x + \xo ୧:୧ \xo*\xt ମାତିଉ ୧3:୫୫; ମାର୍କ ୬:3; ପ୍ରେରିତ ୧୫:୧3; ଗାଲାତୀୟ ୧:୧୯.\xt*\x*ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନ୍ ଦାସ ଯାକୁବନ୍ ୱେଏକ୍‍ ୱେଏକ୍ ଆତ୍‍ତେ ଇଶ୍ୱର୍‌ତେ ନାରୁଡ଼୍‍କିଙ୍କ୍ ନମସ୍କାର୍ ।
\s ବିଶ୍ୱାସ୍ ନୁ ବୁଦ୍
\p
\v 2 ହୋ ନା ଦାଦାଲଡ଼ି ନୁ ଏଲାସ୍କ୍‍, ମିଡ଼୍ ବେସୁଟ୍‌ ନାର୍‍ଗେ ପରିକ୍ଷାତାଗ୍ ପରିକ୍ଷା ଇଦ୍‍ତିଡ଼୍, ଆସୁଟେ ଆଦ୍ ୱେଡ଼୍‍କେତ୍ ବିଷୟ୍ ଇଞ୍ଜ ଏର୍କା ମାଡ଼ାଟ୍; 
\v 3 ପରିକ୍ଷା ଇତ୍‍ତେ ବିଶ୍ୱାସ୍ ଇ ଶକ୍ତିତଡ଼୍ ମାଡ଼ିତ୍, ଇଦ୍ ତ ପୁତ୍‍ତିଡ଼୍ । 
\v 4 ମେଣ୍ଡେ, ମିଡ଼୍ ବେଲାକି ବାତ୍ ଗାଲା ବିଷୟ୍‍ତାଗ୍ କମ୍‍ ଆୟ୍‍ୟକଟ ସାୟେ ନୁ ସାରେ ମାଡ଼ିତିଡ଼୍, ଆଦିନ୍ ସେଙ୍ଗେ ଶକ୍ତିତଡ଼୍ ପାଡ଼୍‍ୟିଦିଙ୍କ୍ ସାରେ ମାଡ଼ିତିଡ଼୍‍ । 
\v 5 ଇତ୍‍କେ ମିଇ ଲୋପେଙ୍କ୍ ବେସୁଟ୍‌ ବେନ ବୁଦ୍ ଅବାବ୍ ଆତ୍‍କେ, ଆସୁଟେ ବେନ୍ ଇଶ୍ୱର୍ ଦଷ୍ ପୟକଟ କମ୍‍ଟି ଆୟକଟ୍ କାୟ୍‍ଦେ ସାରେତଡ଼୍‌କିଂଙ୍କ୍ ଇଦ୍‍ତଣ୍ଡ୍, ଅନ୍‌ ମୁନ୍‍ନେ ଅଣ୍ଡ୍‌ ପ୍ରାର୍ତନା ମାଡ଼ିଣ୍ଡ୍, ଆସୁଟେ ଅଂକିଙ୍କ୍‌ ଇଦ୍‍ତଡ଼୍ । 
\v 6 ବାତେଙ୍କ୍ ଇତ୍କେ ଅଣ୍ଡ୍‌ ଆଦ୍‍ତେ କି ଆୟ ଇଞ୍ଜ ଏର୍କା ମାଡ଼କଟ୍ ପ୍ରାର୍ତନା ମାଡ଼ାଟ୍‍, ଆଦ୍‍ ରକମ୍‍ ନାରୁଣ୍ଡ୍, ଅଣ୍ଡ୍‌ ଗାଆଲ୍‍ଦ ଚାଲେମ୍ ଆଦାନ୍ ସମୁଦ୍ରତେ ତଲ୍‍କଡ଼୍ ଲେକାମ୍ । 
\v 7 ଆଦ୍ ରକମ୍ ନାରୁଡ଼୍ ପ୍ରବୁନାଗାଙ୍କ୍ ବାତ୍ ପାଏମ୍ ଆଦ୍‍ତନ୍ ଇଞ୍ଜ ଆଲ୍‍ସ୍‍ମାକିଣ୍ଡ୍; 
\v 8 ଅଣ୍ଡ୍‌ ତ ରେଣ୍ଡ୍ ମନ୍‍ଦେ ନାରୁଡ଼୍, ନିଜେତାଦ୍ ସାର୍‍ରେ ବିଷୟ୍‍ତାଗ୍ ଇକ୍‍ ଚିଟି‍କେ ଆଦ୍‍ତଣ୍ଡ୍ ।
\s ଗରିବ୍ ନୁ ସାଉକାର୍
\p
\v 9 ଗରିବ୍‍ତେ ମାନ୍ଦାନ୍ କ୍ରିଷ୍ଟିୟାନ୍ ନାରୁଡ଼୍ ଉନ୍ନତି ଆତ୍କେ ୱେଡ଼୍‍କେ ଆୟିଣ୍ଡ୍, 
\v 10 ସାଉକାର୍ କ୍ରିଷ୍ଟିୟାନ୍ ବିଶ୍ୱାସି ନିଜେ ଗରିବ୍ ଆଦାନଙ୍କ୍ ଆଲ୍‍ସିଣ୍ଡ୍, ବାତେଙ୍କ୍ଇତ୍କେ ଅଣ୍ଡ୍‌ ଗାଡ୍‍ତେ ପୁଙ୍ଗାର୍‍ ଲେକାମ୍ ଦୁଲ୍‍ଲିତଣ୍ଡ୍ । 
\v 11 ପଡ଼୍‍ଦ୍ କାମ୍‍କେତେ ପେୟ୍‍କେ, ଗାଡ୍‍ ବେଲା ୱାସି ଆଦ୍‍ତେ ନୁ ତାନ୍ ପୁଙ୍ଗାର୍‍ ଦୁଲ୍‍ଲି ରାଲିତ୍ ମେଣ୍ଡେ ତାନାଦ୍ ସୁନ୍ଦର୍ ମାୟି ଆଦ୍‍ତେ, ଆଦେରକମ୍ ସାଉକାର୍ ନାରୁଡ଼୍ ତାନ୍ ସାର୍‍ରେ ବିଷୟ୍‍ତାଗ୍ ୱାସି ଆଦ୍‍ତନ୍ ।
\s ପରିକ୍ଷା ନୁ ଲବ୍
\p
\v 12 ବେନ ନାରୁଣ୍ଡ୍ ପରିକ୍ଷାତାଗ୍ ଜିଡ଼ିତଣ୍ଡ୍, ଅଣ୍ଡ୍‌ ବାଗ୍ୟବାନ୍‍, ବାତେଙ୍କେଇତ୍କେ ପ୍ରବୁ ତାନ୍ ପ୍ରିୟ ନାରୁଡ଼୍‍କ୍ ବେନ୍ ଜିୱେତାଦ୍ ସହଜ୍‍ ଇଦାନଙ୍କ୍ ଗଟ୍ ଇତ୍‍ତନ୍, ପରିକ୍ଷା ଇତ୍‍ତେ ପେର୍‍କେ ଆ ନାରୁଡ଼୍ ଜିୱେତାଦ୍ ସାୟେ ପ୍ରେମତେ ସହଜ୍ ପାଏମ୍ ଆଦ୍‍ତନ୍ । 
\v 13 ବେନଙ୍କ୍ ପରିକ୍ଷା ଆତ୍‍କେ, ଅଣ୍ଡ୍‌ ଇଦ୍ ପରିକ୍ଷା ଇଶ୍ୱର୍‌ତାଗାଙ୍କ୍ ଆଦୁତ୍‍ତେ ଇଞ୍ଜ କେଲ୍‍ମାଟ୍, ବାତେଙ୍କ୍ଇତ୍କେ ଇଶ୍ୱର୍ କାରାପ୍‍ତାଗ୍ ପରିକ୍ଷା ଆୟ୍‍ୟଣ୍ଡ୍, ମେଣ୍ଡେ ଅଣ୍ଡ୍‌ ନିଜେ ବେନଙ୍କ୍ ପରିକ୍ଷା ମାଡ଼ଣ୍ଡ୍ । 
\v 14 ଇତ୍‍କେ ସାର୍‍ରେ ନାରୁଡ଼୍ ନିଜେତ୍ କାରାପ୍ ପାଡ଼୍‍ୟି ଆଲ୍‍ସି ନୁ କାରାପ୍ ଚିନ୍ତେ ମାଡ଼ି ପରିକ୍ଷା ଆଦ୍‍ତନ୍; 
\v 15 ତାନ୍ ପେର୍‍କେ କାରାପ୍ କାମ୍‍ତେ ଡଙ୍କେତ୍ ଆସ୍ ପାପତିଙ୍କ୍ ଜନମ୍ ମାଡ଼ିତ୍, ମେଣ୍ଡେ ପାପ୍ ସାରେ ପେର୍‍ସି ଡଲାନାଦିଙ୍କ୍ ଜନମ୍ ଇଦ୍‍ତେ ।
\p
\v 16 ହୋ ନା ପ୍ରିୟ ଦାଦାଲଡ଼ି ନୁ ଏଲାସ୍କ୍‍, ମିଡ଼୍‍ ଦାନ୍ଦେ ଆୟ୍‍ମାଟ୍ । 
\v 17 ସାର୍‍ରେ ସାୟେତ୍ ଦାନ ନୁ ସାର୍‍ରେ ସାୟେତ୍ ଉପହାର୍ ସ୍ୱର୍ଗତେ ବାବାନାଗାଙ୍କ୍ ୱାଦ୍‍ତେ, ଅଣ୍ଡ୍‌ ସାରେ ୱେସ୍‍ତେ ମାବିନ୍‍ କର୍ତ୍ତାଲ୍‌ । ଅନ୍‌ ୱେରେନାରୁଡ଼୍ ଲେକାମ୍ ଆୟନ୍; ମାବ୍ ନିଡ଼୍‍କେ ମାଡ଼ି ବେସୁଙ୍କ୍‍ ଇକାଡ଼୍ ସୃଷ୍ଟି ମାଡ଼ଣ୍ଡ୍ । 
\v 18 ମାନାଡ଼୍ ବେଲା ଅନ୍‌ ନିଜାମ୍‍ ସତ୍‍ ତିୟାର୍ ମାଡ଼୍‍ତେ ଜିୱାକ୍‍ ଲୋପେଙ୍କ୍ ଅଣ୍ଡୟ୍‌ ମୁନେନ୍ ଆଦ୍‍ତେ କାୟେ ରକମ୍ ଆଦ୍‍ତାଡ଼୍, ଆଦିନ୍ ସେଙ୍ଗେ ଅଣ୍ଡ୍‌ ତାନ୍ ଇଚ୍ଛାତେ ନିଜାତେ ଗଟ୍ ତଡ଼୍ ମାନାଙ୍କ୍‍ ସୃଷ୍ଟି ଇତ୍‍ତନ୍ ।
\s କେଞ୍ଜିତାଡ଼୍ ନୁ ପାଡ଼୍‍ୟି ମାଡ଼ିତାଡ଼୍
\p
\v 19 ହୋ ନା ପ୍ରିୟ ଦାଦାଲଡ଼ି ନୁ ଏଲାସ୍କ୍‍, ମିଡ଼୍ ଇଦ୍ ପୁତ୍‍ତିଡ଼୍ । ସାର୍‍ରେ ନାରୁଡ଼୍ କେଞ୍ଜାନଙ୍କ୍ ସିଟ୍‍ପାଟ୍ ଆୟ୍‍ମୁଟ୍, କେତାନାଗ୍ ଜାମ୍, ମେଣ୍ଡେ କପାମ୍ ଆଦାନଙ୍କ୍ ଜାମ୍ ଆୟିଣ୍ଡ୍, 
\v 20 ବାତେଙ୍କ୍ଇତ୍କେ ନାରୁଡ଼ାଦ୍ କପାମ୍ ଇଶ୍ୱର୍‌ତେ ଇଚ୍ଛା ଦାର୍ମାମ୍ କାମ୍‍ ମାଡ଼ାନଙ୍କ୍ ପାର୍‍ୱ । 
\v 21 ଆଦିଙ୍କ୍ ମିଡ଼୍ ସାର୍‍ରେ କାରାପ୍ ବିଷୟ୍ ନୁ ସାର୍‍ରେ କାରାପ୍ ପାଡ଼୍‍ୟି ୱିଡ଼୍‍ସି, ଇଶ୍ୱର୍‌ତେ ପାକେ ନିଜେତିଙ୍କ୍ ସମର୍ପଣ ମାଡ଼ାଟ୍ ନୁ ମୀଇ ହୃଦୟତାଗ୍ ଅଣ୍ଡ୍‌‍ ବେନା ବାକ୍ୟ ଉର୍‍ସ୍କ୍‍ତଣ୍ଡ୍ ନୁ ବାତ୍‍ ମିକିଙ୍କ୍ ରକ୍ଷା ମାଡ଼ାନଙ୍କ୍ ପାର୍‍ତନ୍, ଆଦ୍ ଗ୍ରହନ୍‍ ମାଡ଼ାଟ୍ ।
\p
\v 22 ବାତେଙ୍କ୍ଇତ୍କେ ଆସାମ୍ କେଞ୍ଜି ନିଜେ ନିଜେତିଙ୍କ୍ ବୁସା ମାଡ଼୍‍ୱେ କଞ୍ଚ୍ ବାକ୍ୟତାଦ୍ ପାଡ଼୍‍ୟି ମାଡ଼ାଟ୍ । 
\v 23 ବାତେଙ୍କ୍ଇତ୍କେ ଯଦି ବେନ ବାକ୍ୟତାଦ୍ ପାଡ଼୍‍ୟି ମାଡ଼୍‍ୱେ କନ୍‍ସ୍ ଆସାମ୍ କେଞ୍ଜିତଣ୍ଡ୍, ଅଣ୍ଡ୍‌ ଦର୍ପନ୍‍ତାଗ୍ ନିଜେତ୍ ମକମ୍ ଉଡ଼ାନ୍ ନାରୁନ୍ ଲେକାମ୍, 
\v 24 ଆଦିଙ୍କ୍ ଅଣ୍ଡ୍‌ ନିଜେତିଙ୍କ୍ ଉଡ଼ି ଆତ୍‍ତେ ପେର୍‍କେ, ଅଣ୍ଡ୍‌ ବେସତ୍ ନାରୁଡ଼୍, ଆଦ୍ ଆସୁଟେ ମାର୍ଙ୍ଗିତଣ୍ଡ୍ । 
\v 25 ଇତ୍‍କେ ବେନ ନିଜାମ୍, ସ୍ୱାଦିନ୍‍ତାଦ୍ ନିୟମ୍‍ତିଙ୍କ୍ ଉଡ଼ି ଅଦିନ୍‌ତଡ଼୍ ଗାଡ଼୍‍ସ୍ ମାନ୍‍ତଣ୍ଡ୍, ମେଣ୍ଡେ ବିସ୍ମରଣଡ଼୍ ଲେକାମ୍ ଆୟକଟ୍ ବରଂ କାମ୍‍ମାଡ଼ାନଣ୍ଡ୍ ଆଦ୍‍ତନ୍, ଅଣ୍ଡ୍‌ ତାନ୍ ପାଡ଼ୟିତାଗ୍ ଦନ୍ୟ ।
\p
\v 26 ଯଦି ବେନ ନିଜେତିଙ୍କ୍ ଦାର୍ମାମ୍ ନାରୁଡ଼୍ ଇଞ୍ଜ ଏର୍କା ମାଡ଼ି, ମେଣ୍ଡେ ନିଜେତ୍ ୱାଞ୍ଜେର୍‍ତିଙ୍କ୍ ଆୟତ୍ ମାଡ଼ାନଙ୍କ୍ ପାର୍‍ୱ କନ୍‍ସ୍ ନିଜେତ୍ ଜିୱୁଣ୍ଡ୍‍ତିଙ୍କ୍ ଦଷ୍ ମାଡ଼ିତନ୍, ଅନ୍‌‍ୱାଦ୍ ଦାର୍ମାମ୍ ସାରେ ଆସାମ୍ । 
\v 27 ବେନ୍ ଦାର୍ମାମ୍‌ କାର୍ମାମ୍ ବାବାଲ୍‍ ଇଶ୍ୱର୍‌ତେ କଣ୍ଡେତେ ବିଶୁଦ୍ଦ ନୁ ଉତାର୍ତ, ଆଦ୍ ଅଦୁତ୍ ଦୁର୍ଦ୍ଦଶା ଲେକାମ୍ ଅନର୍ତ ନୁ ରାଣ୍ଡିକିନ୍ ଯତନ୍ ଆଦାନ୍ ସେଙ୍ଗେ ଜଗତ୍ କଷ୍ଟ ତାଗାଙ୍କ୍ ନିଜେତିଙ୍କ୍ ମୁକ୍ତ ନେହେତିକାଡ଼୍ ।
\c 2
\s କାରାପ୍ ବିଚାର୍
\p
\v 1 ଆ ନା ଦାଦାଲଡ଼ି ନୁ ଏଲାସ୍କ୍‍, ମାନ୍‍ ଗୌରବ୍‍ତଣ୍ଡ୍ ପ୍ରବୁ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ିମାନାଙ୍କ୍ ନାରୁଡ଼୍‍କିଂଙ୍କ୍ ଆଦ୍‍ଲେକାମ୍‍ କେଲ୍‍ମାଟ୍ । 
\v 2 ବାତେଙ୍କ୍ଇତ୍କେ ସୁନାତାଦ୍ ମୁଦ୍‍ ନୁ ସାୟେତ୍ ଚକେ କେର୍‍ସ୍ ବେନ ମିୟାଦ୍ ମିଟିଙ୍ଗ୍‍ତାଗ୍ ୱାଦ୍‍ତଣ୍ଡ୍, ମେଣ୍ଡେ ୱେରଣ୍ଡ୍ ଗରିବ୍ ନାରୁଡ଼୍ ମୁର୍କ୍ ଆତ୍‍ତାଦ୍ ଚକେ କେର୍‍ସ୍ ୱାଦ୍‍ତଣ୍ଡ୍, 
\v 3 ମେଣ୍ଡେ ମିଡ଼୍ ସାୟେତ୍ ଚକେ କେର୍‍ତେନଙ୍କ୍ କେତିତିଡ଼୍, ଇଗେ ସାୟେତ୍ ପଡ଼୍‍ୟେତାଗ୍ କୁଦ୍‍ଦା, ମେଣ୍ଡେ ଗରିବ୍ ନାରୁଙ୍କ୍ କେଲାଟ୍, ଆଗେ ନିଲ୍‍ମ୍, ବା ନେଲ୍ କୁଦେ । 
\v 4 ଆଲେକେ ମିଡ଼୍ ବାତ୍ ନିଜେତ୍ ନିଜେତ୍ ଲୋପେ ୱେଏକ୍ ଆସ୍ ମେଣ୍ଡନ୍ ରକମ୍ ବ୍ୟବହାର୍‌ ନୁ କାରାପ୍ ବିଚାର୍ ମାଡ଼ୁତିଡ଼୍ ?
\p
\v 5 ଆ ନା ଦାଦାଲଡ଼ି ନୁ ଏଲାସ୍କ୍‍, କେଞ୍ଜାଟ୍, ଇଶ୍ୱର୍ ବାତ୍ ଇଦ୍ ଜଗତ୍‍ତେ ଗରିବ୍ ନାରୁଡ଼୍‍କିଂଙ୍କ୍ ବିଶ୍ୱାସ୍‍ତାଦ୍ ଦନ୍‍ତାଗ୍ ସାଉକାର୍ ଆଦାନଙ୍କ୍, ମେଣ୍ଡେ ନିଜେ ପ୍ରେମ ମାଡ଼ାନକିଂଙ୍କ୍ ବେନ୍ ରାଜ୍ୟ ଇଦାନଙ୍କ୍ ଶପତ୍ ମାଡ଼୍‍ତଣ୍ଡ୍, ଆଗେତ୍ ଅଦିକାରି ଆଦାନଙ୍କ୍ ଏଞ୍ଚଣ୍ଡ୍ କି ? 
\v 6 ଇତ୍‍କେ ମିଡ଼୍ ଗରିବ୍ ନାରୁଡ଼୍‍କିଂଙ୍କ୍ ପାସ୍କ୍‍ତିଡ଼୍ । ସାଉକାର୍ ନାରୁଡ଼୍ ବାତ୍ ମିଇ ପର୍‍ର ଅତ୍ୟାଚାର୍ ମାଡ଼ଡ଼୍‍ କି ମେଣ୍ଡେ ମିକିଂଙ୍କ୍ ବିଚାର୍ ମାଡ଼ାନାଗ୍ ଲାଗି ଆୟ୍‍ୱିଡ଼୍ କି ? 
\v 7 ବେନ୍ ଜିସୁକ୍ରିଷ୍ଟନ୍ ପେଦେର୍ତେ ମିଡ଼୍ ପାଏମ୍ ଆତ୍‍ତିଡ଼୍, ଆଦ୍ ପେଦେର୍‍ତେ ବାତ୍ ଅଡ଼୍‌ ନିନ୍ଦ୍ ମାଡ଼ଡ଼୍‍ ?
\p
\v 8 ମିଡ଼୍ ମିଇ ଗାରେତଡ଼୍‍କିଂଙ୍କ୍ ଜିୱୁତଡ଼୍‍ ପ୍ରେମ ମାଡ଼ାଟ୍, ଶାସ୍ତ୍ରତାଗ୍ ଇଦ୍ ଇଶ୍ୱର୍‌ତେ ନିୟମ୍ ଯଦି ନିଜାମ୍ ପାଲନ୍ ମାଡ଼୍‍କେ, ଆଲେକେ ସାୟେତ୍‍ କାମ୍ ମାଡ଼୍‍ତିଡ଼୍, 
\v 9 ଯଦି ନାରୁଡ଼୍‍କ୍ ପକ୍ଷପାତ ବ୍ୟବହାର୍‌ ମାଡ଼ୁତିଡ଼୍, ଆଲେକେ ମିଡ଼୍ ପାପ୍ ମାଡ଼ୁତିଡ଼୍, ମେଣ୍ଡେ ଇଦ୍ ମୋଶାନ୍‌‍ ନିୟମ୍‍ ଲେକାମ୍‍ ଦଷି ଆଦ୍‍ତିଡ଼୍ । 
\v 10 ବାତେଙ୍କ୍ଇତ୍କେ ବେନ ସାର୍‍ରେ ନିୟମ୍ ପାଲନ୍ ମାଡ଼ି ଅଣ୍ଡୟ୍‌ ନିୟମ୍‍ତିଙ୍କ୍ ପାଲନ୍‍ ମାଡ଼ନ୍, ଆଲେକେ ଅଣ୍ଡ୍‌ ଆଦ୍ ସାର୍‍ରେ ନିୟମ୍‍ତିଙ୍କ୍ ପାଲନ୍‍ ମାଡ଼ଣ୍ଡ୍ ଇଞ୍ଜ ଦଣ୍ଡ୍ ପାଏମ୍ ଆଦ୍‍ତନ୍ । 
\v 11 ଆଦିଙ୍କ୍ ବେନ ଇଶ୍ୱର୍‍ ବେବିଚାର୍ ମାଡ଼୍‍ମାଟ୍ ଇଞ୍ଜ କେସ୍‍ମାତ୍‍ତଣ୍ଡ୍, ଅଣ୍ଡ୍‌ ଗାଲା ଆୱୁକ୍‍ମାଟ୍ ଇଞ୍ଜ କେସ୍‍ମାତ୍‍ତଣ୍ଡ୍, ଆଦିଙ୍କ୍ ମିଡ଼୍ ଯଦି ବେବିଚାର୍ ମାଡ଼କଟ୍ ନାରୁଡ଼୍‍କ୍ ଆୱୁକିତିଡ଼୍, ଆଲେକେ ନିୟମ୍‍ତିଙ୍କ୍ ପାଲନ୍ ମାଡ଼୍‍ୱିଡ଼୍ । 
\v 12 ବେନ୍ ସ୍ୱାଦିନ୍‍ତେ ନିୟମ୍ ତଡ଼୍ ମିଡ଼୍ ଯେ ବିଚାର୍ ଆଦ୍‍ତିଡ଼୍, ଇଦ୍ ପୁଞ୍ଜ୍ ଆଦେରକମ୍ କେଲାଟ୍ ନୁ ପାଡ଼୍‍ୟି ମାଡ଼ାଟ୍ । 
\v 13 ବାତେଙ୍କ୍ଇତ୍କେ ବେନ ୱେରେ ତଡ଼୍‍କିଙ୍କ୍ ଦୟା ମାଡ଼ଣ୍ଡ୍, ବିଚାର୍ ସମୟ୍‍ତେ ଇଶ୍ୱର୍‍ ଅଡ଼୍‌‍କିଂଙ୍କ୍ ଦୟା ତତିତନ୍ ।
\s ବିଶ୍ୱାସ୍ ନୁ ପାଡ଼୍‍ୟି
\p
\v 14 ଆ ନା ଦାଦାଲଡ଼ି ନୁ ଏଲାସ୍କ୍‍, ଯଦି ବେନ ନାୟାଦ୍ ବିଶ୍ୱାସ୍ ମିନ୍ଦେ ଇଞ୍ଜ କେତିତଣ୍ଡ୍, ଇତ୍‍କେ ଅନ୍‌ ପାଡ଼୍‍ୟି ଇଲ୍‍ୱେମାନ୍ତେ, ଆଲେକେ ଆଦ୍ ବାତ୍ ଲାବ୍ ? ଇଦ୍ ରକମ୍ ବିଶ୍ୱାସ୍ ବାତ୍ ବେନଙ୍କ୍ ମୁକ୍ତି ଇଦ୍ ପାର୍‍ଦ୍‍ତେ କି ? 
\v 15 ହେର୍କେ ମାଡ଼ାଟ୍ ଯଦି ବେନ ତାମୁଣ୍ଡ୍ ଆୟି ବା ଏଲାଡ଼୍‍ ଆୟି, ଚକାସିଲେ ନୁ ତିନ୍ଦାନାଦ୍‍ କାଦି ଦର୍‍କ, 
\v 16 ଇଶ୍ୱର୍‍ ମିକିଙ୍କ୍ ଆର୍ଶିବାଦ୍ ମାଡ଼ିତ୍ ତିଞ୍ଜ୍ ଉଞ୍ଜ୍‍ ଶାନ୍ତିତେ ମାନୁଟ୍ ନିଯାତ୍‍ ଗଟ୍ ଆଙ୍ଗ୍‍ଡ଼ାମ୍ ଆୟକି ? 
\v 17 ଆଦେ ରକମ୍ ବିଶ୍ୱାସ୍ ନୁ ପାଡ଼୍‍ୟି ଇଲକଟ୍ ମାତ୍‍ତ୍କେ ବିଶ୍ୱାସ୍ ଡଲ୍‍ତେ ।
\p
\v 18 ଇତ୍‍କେ ବେନ ବା କେତିତଣ୍ଡ୍, ୱେରନାଦ୍ ବିଶ୍ୱାସ୍ ମିନ୍ଦେ, ମେଣ୍ଡେ ଅର୍ତିନାଦ୍ ପାଡ଼୍‍ୟି ମିନ୍ଦେ, କିନ୍ତୁ ନାନେ କେତୁତାନ୍ ପାଡ଼୍‍ୟି ୱିଡ଼୍‍ସି ମିୟାଦ୍ ବିଶ୍ୱାସ୍ ନାକିଂଙ୍କ୍ ତଅମ୍, ମେଣ୍ଡେ ନାନ୍ ପାଡ଼୍‍ୟିତଡ଼୍ ନିକିଂଙ୍କ୍ ମିକିଂଙ୍କ୍‍ ନାୟାଦ୍ ବିଶ୍ୱାସ୍ ତଅତିତାନ୍ । 
\v 19 ଇଶ୍ୱର୍ ଯେ ୱେରଣ୍ଡ୍, ଇଦ୍ ମିଡ଼୍ ବିଶ୍ୱାସ୍ ମାଡ଼ୁତିଡ଼୍; ସାୟେତ୍ ଗଟ୍, ବୁତ୍‌କ୍ ଗାଲା ବିଶ୍ୱାସ୍ ମାଡ଼ି ୱେର୍‍ଦେ ୱାଡ଼୍‍କିତା । 
\v 20 ଇତ୍‍କେ ଆ ମୁର୍କ ନାରୁଡ଼ି, ପାଡ଼୍‍ୟି ୱିଡ଼୍‍ସି ବିଶ୍ୱାସ୍ ବାତେଏ ବା ଆୟ୍‍ୟ, ଇଦ୍ ବାତ୍ ପୁନ୍‍ୱିଡ଼୍‍ ? 
\v 21 ମାନ୍‍ ମୁନେତ୍‍ ବାବାଲ୍ ଅବ୍ରାହାମ୍‌ ବେଦି ପର୍‍ର ନିଜେତ୍ ମାର୍‌ ଇସ୍‍ହାକ୍‍ତିଙ୍କ୍ ବଲି ମାଡ଼ାନ୍ ୱେଲେ ବାତ୍ ପାଡ଼୍‍ୟିତଡ଼୍ ଦାର୍ମାମ୍ ଆସ୍ ମାନଣ୍ଡ୍ ? 
\v 22 ମିଡ଼୍ ଉଡ଼ୁତିଡ଼୍ ଯେ ବିଶ୍ୱାସ୍ ଅନ୍‌ ତଡ଼୍ ମାତ୍‍ତେ, ମେଣ୍ଡେ ଆଦ୍ ପାଡ଼୍‍ୟିତଡ଼୍ ବିଶ୍ୱାସ୍ ନିଜାମ୍ ଆତ୍‍ତେ; 
\v 23 ଆଗାଙ୍କ୍ ଶାସ୍ତ୍ରତାଗ୍ ଇଦ୍ ଲେକ୍‍ତେ ବାକ୍ୟ ସାରେ ଆତ୍‍ତେ, ଅବ୍ରାହାମ୍‌ ଇଶ୍ୱର୍‌ତାଗ୍ ବିଶ୍ୱାସ୍ ମାଡ଼୍‍ତଣ୍ଡ୍, ମେଣ୍ଡେ ଆଦ୍ ଅଂକିଙ୍କ୍‌ ଦାର୍ମାମ୍ ମାଡ଼୍‍ତେ, ମେଣ୍ଡେ ଅଣ୍ଡ୍‌ ଇଶ୍ୱର୍‌ତେ ସାଙ୍ଗ ଇଞ୍ଜ ପେଦେର୍ ଆତ୍‍ତେ । 
\v 24 ଆସାମ୍ ବିଶ୍ୱାସ୍ ମାଡ଼୍‍କେ ଯେ ଦାର୍ମାମ୍ ଆୟ୍‍ୟଣ୍ଡ୍ ପାଡ଼୍‍ୟି ମାଡ଼୍‍କେ ଦାର୍ମାମ୍ ଆଦ୍‍ତନ୍, ଇଦ୍ ମିଡ଼୍ ଉଡ଼ୁତିଡ଼୍ ।
\p
\v 25 ଆଦେ ରକମ୍ ଦାରି ରାହାବ ଦୂତ୍‍କିଂଙ୍କ୍ ନିଜେତ୍ ମାଡ଼ି ମେଣ୍ଡେ ଅଣ୍ଡ୍‌ ହାର୍ ଇସ୍ ଆୱିଙ୍କ୍ ରହସିତ୍‍ତାଙ୍କ୍ ବାତ୍ ପାଡ଼ୟିତଡ଼୍ ଦାର୍ମାମ୍ ଆୟ୍‍ୟଣ୍ଡ୍ ?
\p
\v 26 ବାତେଙ୍କ୍ଇତ୍‍କେ ଆତ୍ମା ୱିଡ଼୍‍ସି ବେଲା ମେନ୍ଦୁଲ୍ ଡଲିତ୍, ଆଦେ ରକମ୍ ପାଡ଼୍‍ୟି ୱିଡ଼୍‍ସି ବିଶ୍ୱାସ୍ ଡଲିତ୍ ।
\c 3
\s ୱାଞ୍ଜେର୍
\p
\v 1 ଆ ନା ଦାଦାଲଡ଼ି ନୁ ଏଲାସ୍କ୍‍, ମିଡ଼୍ ନାର୍‍ଗେ ମେସ୍ତେରିଡ଼୍ ଆୟ୍‍ମାଟ୍; ମେସ୍ତେରି ଯେ ମାନାଡ଼୍, ମାନାଡ଼୍ ନାର୍‍ଗେ ଦଣ୍ଡ୍ ପାଏମ୍ ଆଦ୍‍ତାଡ଼୍, ଇଦ୍ ପୁଞ୍ଜ୍‍ମାନୁଟ୍ । 
\v 2 ଆଦିଙ୍କ୍ ମାନାଡ଼୍ ନାର୍‍ଗେ ବିଷୟ୍‍ତାଗ୍ ମଦଲ୍ ଆଦ୍‍ତାଡ଼୍ । ଯଦି ବେନ ବାକ୍ୟତାଗ୍ ମଦଲ୍ ଆନଣ୍ଡ୍, ଆଲେକେ ଅଣ୍ଡ୍‌ ନିଜାତେ ନାରୁଡ଼୍, ସାର୍‍ରେ ମେନ୍ଦୁଲ୍‍ତିଙ୍କ୍ ଗାଲା ନିଜେତ୍ ଆଦିନ୍ ମାଡ଼େ ପାର୍‍ଦ୍‍ତଣ୍ଡ୍ । 
\v 3 ମାନାଡ଼୍ ଗୁରାକିଂଙ୍କ୍ ନିଜେତ୍ ଆଦିନ୍ ମାଡ଼ାନ୍ ସେଙ୍ଗେ ଆ ପାୟୁର୍‍ତାଗ୍ ଲଗାମ୍ ଇତ୍‍କେ, ତାନ୍ ପେର୍‍କେ ଆୱୁ ସାର୍‍ରେ ମେନ୍ଦୁଲ୍‍ତିଙ୍କ୍ ଗାଲା ଉଡ଼୍‍ସ୍ପ ପାର୍‍ତାଡ଼୍ । 
\v 4 ଉଡ଼ାଟ୍, ଏର୍‍ ଜାହାଜ୍ ଇସର୍ ବାଡ଼୍‍ୟାଦ୍ ଆସ୍ ଗାଟି ଗାଲ୍ ତଡ଼୍ ଆତ୍‍କେ ଗାଲା ଅଣ୍ଡୟ୍‌ ସୁଦୁରାଦ୍ ମଙ୍ଗ\f + \fr ୩:୪ \fr*\ft (ମଙ୍ଗ) ବାଡ଼ିୟାଦ୍ ଜାଜ୍‍ତିଙ୍କ୍ ଉଡ଼୍‍ସ୍ପାନାଦ୍ ବା ମାଲ୍‍ପାନାଦ୍ ହେଣ୍ଡେଲ୍‍, ଆଦିଙ୍କ୍ ମଙ୍ଗ ଇଞ୍ଜ କେତିତଡ଼୍ \ft*\f* କଅତାନ୍‍ ଉକୁଡ଼୍‍ ତଡ଼୍ ଉକୁଡ଼୍‍ତିଙ୍କ୍ ପୟ୍‍ତେନଣ୍ଡ୍‍ତେ ଇଚ୍ଛାତେ ଆଦ୍‍ତେ । 
\v 5 ଆଦେ ରକମ୍ ୱାଞ୍ଜେର୍ ଗାଲା ଅଣ୍ଡୟ୍‌ ସୁଦୁରାଦ୍ ଆୱୁଙ୍ଗ୍, ଇତ୍‍କେ ବାଡ଼୍‍ୟା ଗଟି କେତିତ୍‍ । ଉଡ଼ାଟ୍, ବେସର୍ ସୁଦୁର୍ କିସ୍ ତାଡ଼୍‍ମି ତଡ଼୍ ଗାଟି ବେଡ଼୍‍ୟାଦ୍‍ ଗୁପ୍‍ପେତାଗ୍ କିସ୍ ନିଡ଼୍‍ତିତ୍ । \fig ଗୁରାମ୍ ଚାଲାମାଡ଼ାନଣ୍ଡ୍|alt="Rider on a horse" src="lb00035c.tif" size="col" copy="Horace Knowles ©" ref="୩:୩"\fig*
\p
\v 6 ୱାଞ୍ଜେର୍ ଗାଲା କିସ୍ ଲେକାମ୍; ନାର୍ଗେ କାରାପ୍ କାମ୍‍ଦେ ନିଣ୍ଡିମିନ୍ଦେ; ମେଣ୍ଡେ ଆଦ୍ ମାନ୍‍ ମେନ୍ଦୁଲ୍‍ ତାଗେ ମାନ୍‍ନାଙ୍କ୍ ଆସତ୍ ପ୍ରବାବ ହେକାମ୍ ମାଡ଼ି ମାନାଦ୍‍ ସାରେ ବିଶ୍ୱାତିଙ୍କ୍ କଲୁଷିତ ମାଡ଼ିତେ । ୱାଞ୍ଜେର୍‍ତେ ନର୍‍କ କିସ୍‍ ମାନାଦ୍‍ ସାରେ ଜିୱେତିଙ୍କ୍ ନିଡ଼୍‍ସ୍ପିଦେ । 
\v 7 ଇତ୍‍କେ ସାର୍‍ରେ ଲେକାତ୍ ଜିୱାକ୍, ପିଟେ, ଚିଟି‍କ ଆଦାନ୍‍ ଜୀୱାକ୍‍ ନୁ ଏର୍‍ଦାଗ୍‍ ମାନ୍ଦାନ୍ ଜିୱୁକିଂଙ୍କ୍ ନାରୁଡ଼୍ ତଡ଼୍ ଆଦିନ୍ ମାଡ଼ାନଙ୍କ୍ ଆଦ୍‍ତେ, ମେଣ୍ଡେ ଅଦିନ୍‌ତାଗ୍ ନେଃଏସ୍ ମିନ୍ଦେ; 
\v 8 ଇତ୍‍କେ ୱାଞ୍ଜେର୍‍ତିଙ୍କ୍ ବେନ ଅଦିନ୍‌ତାଗ୍ ନେଃଏତାନଙ୍କ୍ ପାର୍‍ୱଣ୍ଡ୍, କାରାପ୍ ଗଟି କେତାନଙ୍କ୍ ଆଦ୍ ନିତ୍‍ତ, ଗାଟି ବୟଙ୍କାର୍ ୱିସାମ୍ ତଡ଼୍ ଆଦ୍ ବର୍ତ୍ତି ଆତ୍‍ତେ । 
\v 9 ମାନାଡ଼୍ ୱାଞ୍ଜେର୍‍ ତଡ଼୍ ପ୍ରବୁ ନୁ ବାବାଙ୍କ୍ ଦନ୍ୟବାଦ୍ ମାଡ଼ିତାଡ଼୍, ମେଣ୍ଡେ ଇଶ୍ୱର୍ ଲେକାମ୍ ତିୟାର୍ ଆତ୍‍ତେ ନାରୁଡ଼୍‍କିଂଙ୍କ୍ ଅବିଶାପ୍‌ ଇଦ୍‍ତାଡ଼୍; 
\v 10 ଅଣ୍ଡୟ୍‌ ପାୟୁର୍‍ତେ ଆଲା ଦନ୍ୟବାଦ୍ ନୁ ଅବିଶାପ୍‌ ପେୟ୍‍ତିତ୍ । ଆ ନା ଦାଦାଲଡ଼ି ନୁ ଏଲାସ୍କ୍‍, ଇଦ୍ ରକମ୍ ଆଦାନାଦ୍ ଟିକ୍ ଆୟ୍‍ୟ । 
\v 11 ବେଡ଼େମ୍ ବାତ୍ ଅଣ୍ଡୟ୍‌ ଦନ୍ଦ୍‍ ଇସ୍ ମିଙ୍ଗ୍‍ତାଦ୍ ନୁ କାୟ୍‍ତାଦ୍ ରେଣ୍ଡ୍ ଲେକାତ୍ ଏର୍‍ ପେସ୍ପିତ୍ ? 
\v 12 ଆ ନା ଦାଦାଲଡ଼ି ନୁ ଏଲାସ୍କ୍‍, ତୟେ ମାଡ଼େତାଗ୍ ବାତ୍ ଜୀତ କାୟା ଆଦିତା, କି ଅଙ୍ଗୁର୍‌ ଟଣ୍ଡେତାଗ୍ ବାତ୍ ତୟେ କାୟା ଆଦାନଙ୍କ୍ ପାର୍‍ଦ୍‍ତେ ? ଅୱଡ଼୍‌ ବେଡ଼େଡ଼୍ ମିକା ମିଙ୍ଗ୍‍ତାଦ୍ ଏର୍‍ ଇଦାନଙ୍କ୍ ପାର୍‍ୱ ।
\s ସ୍ୱର୍ଗତାଦ୍‍ ବୁଦ୍‍
\p
\v 13 ମିଇ ଲୋପେ ଜ୍ଞାନି ନୁ ବୁଦ୍ଦିମାନ୍ ବେନ ମିନ୍ଦେଣ୍ଡ୍ ? ଅଣ୍ଡ୍‌ ତାନ୍ ବୁଦ୍ଦ୍ ତଡ଼୍ ସାୟେ ବ୍ୟବହାର୍‌ ମାଡ଼ି ନିଜେତ୍ ପାଡ଼୍‍ୟି ମାଡ଼ିଣ୍ଡ୍ । 
\v 14 ଇତ୍‍କେ ଯଦି ମିଇ ଜିୱୁଣ୍ଡ୍ ଲୋପେ ଗାଟି ଇର୍ଷା ମିନ୍ଦେ ନୁ ସ୍ୱାର୍ତପର ମିନ୍ଦେ, ଆଲେକେ ନିଜାମ୍ ବିରୁଦ୍‍ତେ ଗର୍ବ ମାଡ଼୍‍ମାଟ୍ ନୁ ମିଚ୍ କେଲ୍‍ମାଟ୍ । 
\v 15 ଇଦ୍ ରକମ୍ ବୁଦ୍ଦ୍‌ ଇଶ୍ୱର୍‍ କନ୍‍ସ୍ ୱାଡ଼, ମାତର୍ ଆଦ୍ ପୃତିବିତାଦ୍, ମେନ୍ଦୁଲ୍‍ତାଦ୍ ନୁ ବୁତିକ ପାଡ଼୍‍ୟି; 
\v 16 ବାତେଙ୍କ୍ଇତ୍କେ ବେନ୍ ପଡ଼୍‍ୟେତାଗ୍ ଆଙ୍କାର୍ ନୁ ସ୍ୱାର୍ତପର ମାନ୍‍ତେ, ଆଦ୍ ପଡ଼୍‍ୟେତାଗ୍ ବିଶୃକଲା ନୁ ସାର୍‍ରେ ରକମ୍ କାରାପ୍ ପାଡ଼୍‍ୟି ମାନ୍‍ତେ । 
\v 17 ଇତ୍‍କେ ପର୍‍ର କନ୍‍ସ୍ ୱାତ୍‍ତେ ବୁଦ୍ଦ୍‌ ପବିତ୍ର, ଶାନ୍ତି, ସାୟେ, ମାଡ଼ାଙ୍କ୍‍ ୱେୟ୍‍ତିତ୍‍, ଦୟା ନୁ ଲେକେତ୍‍ ଆସ୍‍ମାନ୍‍ତେ, ଡାୱୁଟ୍‍ ଇଲ୍‍ଲେ ନୁ ଆଦ୍ ଚଲନା ଇଲ୍‍ଲେ । 
\v 18 ମେଣ୍ଡେ ଆଦ୍ ଶାନ୍ତି ଇଦାନ୍ ନାରୁଡ଼୍ ତଡ଼୍ ଦାର୍ମାମ୍ ଲେକାମ୍ କାୟେତ୍ ପେଡ଼େମ୍ ୱିତାନଙ୍କ୍ ଆଦ୍‍ତେ ଦାର୍ମାମ୍‌ ୱିଜେ କୟ୍‍ତିତଡ଼୍‍ ।
\c 4
\s ଇଶ୍ୱର୍‌ତଡ଼୍ ସାଙ୍ଗ
\p
\v 1 ମିଇ ଲୋପେ ଗଲ୍‍କ୍ ନୁ ଯୁଦ୍‌ ବେଗାକନ୍‍ସ୍ ଆଦୁତ୍‍ତେ ? ବାତ୍ ମିଡ଼୍ ଡେକା କାୟ୍‍କିନ୍ ତଡ଼୍ ଯୁଦ୍‌ ମାଡ଼ମାନ୍ଦାନ୍ ୱାସ୍‍ତେ ଆଶେତାଗାଙ୍କ୍ ଆୟ୍‍ୟ ? 
\v 2 ମିଡ଼୍ ଆସିତିଡ଼୍; ବାତେଙ୍କ୍‍ଇତ୍କେ ପାହେମ୍ ଆୟ୍‍ୱିଡ଼୍‍; ମିଡ଼୍ ଆୱୁକିତିଡ଼୍ ନୁ ଇର୍ଷା ମାଡ଼ିତିଡ଼୍, ଇତ୍କେ ପାହେମ୍ ଆୟ୍‍ୱିଡ଼୍; ମିଡ଼୍ ଗଲକ୍ ନୁ ଯୁଦ୍‌ ମାଡ଼ିତିଡ଼୍, ମିଡ଼୍ ପାହେମ୍ ଆୟ୍‍ୱିଡ଼୍, ବାତେଙ୍କ୍‍ଇତ୍କେ ମିଡ଼୍ ଇଶ୍ୱର୍‌ତିଙ୍କ୍ ତାଲ୍‍ୱିଡ଼୍ । 
\v 3 ମିଡ଼୍ ତାଆଲ୍‍କ୍‍ତିଡ଼୍, ଇତ୍‍କେ ମିକିଂଙ୍କ୍ ଦର୍‍କ, ବାତେଙ୍କ୍ଇତ୍କେ ନିଜେତ୍ ନିଜେତ୍ ସୁକାମ୍‍ତେ ମାୟ୍‍ଦିଙ୍କ୍ ବ୍ୟବହାର୍‌ ମାଡ଼ାନ୍ ସେଙ୍ଗେ କାରାପ୍ ଚିନ୍ତେ ତଡ଼୍ ତାଆଲ୍‍କ୍‍ତିଡ଼୍ । 
\v 4 ବିଶ୍ୱାସ୍‍ତିଙ୍କ୍‍ ଉଃତାନଡ଼ି, ଜଗତ୍‍ତିଙ୍କ୍ ସାଙ୍ଗ ମାଡ଼୍‍କେ ଇଶ୍ୱର୍‌ତେ ଶତ୍ରୁଡ଼୍ ଆଦ୍‍ତିଡ଼୍, ଇଦ୍ ବାତ୍ ପୁନ୍‍ୱିଡ଼୍ ? ଆଦିଙ୍କ୍ ବେନ ଜଗତ୍‍ତିଙ୍କ୍ ସାଙ୍ଗ ମାଡ଼ାନଙ୍କ୍ ଆଲ୍‍ସିତିଡ଼୍; ଅଣ୍ଡ୍‌ ଇଶ୍ୱର୍‌ତେ ବିରୁଦ୍ଦି ଆଦ୍‍ତନ୍ । 
\v 5 ଆୟକ୍‍ ମିଡ଼୍ ବାତ୍ ଇଦ୍ ଦର୍ମଶାସ୍ତ୍ରତାଦ୍ ବାକ୍ୟତିଙ୍କ୍ ମିଚ୍ ଇଞ୍ଜ ଆଲ୍‍ସୁତିଡ଼୍; ଇଶ୍ୱର୍‍ ମାନାଗାଙ୍କ୍ ବେନ୍ ଆତ୍ମାତିଙ୍କ୍ ଅଣ୍ଡ୍‌ ମାନ୍‍ ଲୋପେ ବାଦ୍‍କାନଙ୍କ୍ ପଡ଼୍‍ୟେ ଇସ୍ ମିନ୍ଦେଣ୍ଡ୍, ଅଣ୍ଡ୍‌ ମାନ୍‍ ସାରେ ଅଦିକାର୍‌ ମାଡ଼ାନ୍ ସେଙ୍ଗେ ବେଲାବା ଚିନ୍ତେ ମାଡ଼ିତନ୍ ? 
\v 6 ଇତ୍‍କେ ଅଣ୍ଡ୍‌ ଗାଲା ନାର୍ଗେ ଅନୁଗ୍ରହ ହିଦ୍‍ତଣ୍ଡ୍; ଆଦିଙ୍କ୍ ଶାସ୍ତ୍ରତାଗ୍‍ ଲେକ୍‍ତାଦ୍ ମିନ୍ଦେ, “ଇଶ୍ୱର୍ ଆଂକାର୍ ନାରୁଡ଼୍‍କିଂଙ୍କ୍ ବିରୁଦ୍ ମାଡ଼ିତନ୍, ଇତ୍‍କେ ନମ୍ର ନାରୁଡ଼୍‍କିଂଙ୍କ୍ ଅନୁଗ୍ରହ ହିଦ୍‍ତଣ୍ଡ୍ ।”
\p
\v 7 ଆଦିଙ୍କ୍ ମିଡ଼୍ ଇଶ୍ୱର୍‌ତାଗ୍ ମାନୁଟ୍; ଶୟ୍‍ତାନ୍‍ତିଙ୍କ୍ ଦମକ୍ ଇମୁଟ୍, ଆଲେକେ ଆଦ୍ ମିୟାଗାଙ୍କ୍ ମିରିଆଦ୍‍ତେ । 
\v 8 ଇଶ୍ୱର୍‌ତେ ଗାର୍‍ରେ ଆୟମୁଟ୍, ଆଲେକେ ଅଣ୍ଡ୍‌ ମିଇ ବକେତ୍ ମାନ୍‍ତଣ୍ଡ୍ । ଆ ପାପିଲଡ଼ି, ମିଡ଼୍ କାୟ୍‍କିଂଙ୍କ୍ ଲେକେତ୍ ମାଡ଼ାଟ୍, ମେଣ୍ଡେ ଆ ରେଣ୍ଡ୍ ମାନ୍‍ତଡ଼ି, ମିଡ଼୍ ମିୟାଦ୍ ହୃଦୟ୍‍ତିଙ୍କ୍ ଲେକେତ୍ ମାଡ଼ାଟ୍ । 
\v 9 ମିୟାଦ୍ ୱେଡ଼୍‍କେ ୱିସାମ୍ ଆୟି । ମିୟାଦ୍ ୱେଡ଼୍‍କେ ଆୟିୱେ ଲେକାତ୍ ୱେଡ଼୍‍କେ ଆୟି । 
\v 10 ପ୍ରବୁନ୍ ମୁନ୍‍ନେ ମିଡ଼୍ ମଡ଼୍‍କାଟ୍, ଆଲେକେ ଅଣ୍ଡ୍‌ ମିକିଂଙ୍କ୍ ପର୍‍ର ତେଏତିତଣ୍ଡ୍ ।
\s ମେଣ୍ଡେ ଅର୍‍ତୁଡ଼୍‍କ୍‍ ଲିନ୍ଦ୍‍ ମାଡ଼୍‍ମାଟ୍‍
\p
\v 11 ଆ ଦାଦାଲଡ଼ି ନୁ ଏଲାସ୍କ୍‍, ମିଡ଼୍ ନିଜେତ୍ ନିଜେତ୍ ଲୋପେ ନିନ୍ଦେ ମାଡ଼୍‍ମାଟ୍ । ବେନ ତାମୁଣ୍ଡ୍‍ତେ ନିନ୍ଦେ ମାଡ଼ିତନ୍ କି ତାମୁଣ୍ଡ୍‍ତାଗ୍ ବିଚାର୍ ମାଡ଼ିତନ୍, ଅଣ୍ଡ୍‌ ନିୟମ୍‍ତିଙ୍କ୍ ନିନ୍ଦେ ମାଡ଼ିତନ୍ ନୁ ଆଦିଙ୍କ୍ ବିଚାର୍ ମାଡ଼ିତନ୍; ଇତ୍‍କେ ମିଡ଼୍ ଯଦି ନିୟମ୍‍ତାଦ୍ ବିଚାର୍ ମାଡ଼ିତିଡ଼୍, ଆଲେକେ ମିଡ଼୍ ଆଦିନ୍ ପାଲନ୍ ମାଡ଼ାନଡ଼ି ଆୟ୍‍ୱିଡ଼୍ ମିଡ଼୍ ଆଦିନ୍ ବିଚାର୍ ମାଡ଼ାନଡ଼ି । 
\v 12 ନିୟମ୍ ମାଡ଼ାନଣ୍ଡ୍ ନୁ ବିଚାର୍ ମାଡ଼ାନଣ୍ଡ୍ ମାତର୍ ୱେରଣ୍ଡେ, ଅଣ୍ଡ୍‌ ରକ୍ଷା ମାଡ଼ାନଙ୍କ୍ ନୁ ଆୱୁକାନଙ୍କ୍ ପାର୍‍ଦ୍‍ତଣ୍ଡ୍; ଇତ୍‍କେ ଗାରେତଡ଼୍‍କିଂଙ୍କ୍ ବିଚାର୍ ମାଡ଼ୁତିଡ଼୍ ଯେ, ମିଡ଼୍ ବେନ ?
\s ଗାଟି ଆଶେମାଡ଼ି କେତାନାଦ୍
\p
\v 13 ଇଞ୍ଜେ ଉଡ଼ାଟ୍, ବେନଡ଼୍ କେତୁତିଡ଼୍, ନେଣ୍ଡ୍ କି ନାଡ଼୍ ମାନାଡ଼୍ ଅଣ୍ଡୟ୍‌ ଟାଉନ୍‍ତାଗ୍ ଆଦ୍‍ତାଡ଼୍ ନୁ ଆଗେ ଅଣ୍ଡୟ୍‌ ଏଣ୍ଡ୍ ମାଞ୍ଜ୍ ବେପାର୍ ମାଡ଼ି ଗାଟି ଲାବ୍ ମାଡ଼ିତାଡ଼୍; 
\v 14 ଇତ୍‍କେ ନାଡ଼୍ ବାତ୍ ଗଟେମ୍ ଆଦ୍‍ତେ, ଆଦ୍ ମିଡ଼୍ ପୁନ୍‍ୱିଡ଼୍ । ମିୟାଦ୍ ଜିୱୁଣ୍ଡ୍ ବାତ୍ ? ସେନେକ୍‍ତିଙ୍କ୍ ତନ୍ଦି ମେଣ୍ଡେ ତନ୍ଦି ଆସତ୍ ଗୁମାମ୍‍, ମିଡ଼୍ ତ ଆଦେଲେକେତଡ଼ି । 
\v 15 ଆଦିଙ୍କ୍ ପ୍ରବୁନ୍ ମାନ୍‍ ଆତ୍‍କେ ମାନାଡ଼୍ ଜିୱେ ମାଞ୍ଜ୍ ଇଦ୍ ମାଡ଼ିତାଡ଼୍ ବା ଆଦ୍ ମାଡ଼ିତାଡ଼୍, ଇଦ୍ ରକମ୍ କେତାନାଦ୍ ମିକିଂଙ୍କ୍ ସାୟ୍‍ । 
\v 16 ଇତ୍‍କେ ମିଡ଼୍ ଇଞ୍ଜେ ନିଜେତ୍ ଆଂକାର୍ ମାୟ୍‍ଦିଙ୍କ୍ ଗର୍ବ ମାଡ଼ୁତିଡ଼୍; ଇଦ୍ ରକମ୍ ଗର୍ବ ମାଡ଼ାନାଦ୍ ସାୟେ ଆୟ୍‍ୟ । \fig ଆସାନଡ଼୍‍ ନୁ ବେପାରୀଡ଼୍ କାୟ୍‍ଦାଗ୍ ଜିନିଷ୍‍|alt="Customer, merchant with his wares" src="hk00172c.tif" size="col" copy="Horace Knowles ©" ref="୪:୧୩"\fig*
\p
\v 17 ହେର୍କେ ମାଡ଼ାଟ୍ ବେନ ନାରୁଣ୍ଡ୍ ନିଜାତେ ପାଡ଼୍‍ୟି ମାଡ଼ାନଙ୍କ୍ ନାଡ଼୍‍ସି ଆଦ୍ ମାଡ଼କ୍, ଅଂକିଙ୍କ୍‌ ପାପ୍ ତାଲ୍‍ଗିତ୍ ।
\c 5
\s ସାଉକାର୍ ନାରୁଡ଼ାଦ୍ ସତର୍କ ଗଟ୍‍
\p
\v 1 ହୋ ସାଉକାର୍ ନାରୁଡ଼ି, ନା ଗଟି କେଞ୍ଜାଟ୍ । ମିୟାଦ୍ ୱାଦାନ୍ ବିପଦ୍ ସେଙ୍ଗେ କେୟାଟ୍ ନୁ ଦୁଃକାମ୍ ଆୟ୍‍ମୁଟ୍ । 
\v 2 \x + \xo ୫:୨ \xo*\xt ମାତିଉ ୬:୧୯.\xt*\x*ମିୟାଦ୍ ସମ୍ପତି ମାୟି ଆଦୁତ୍‍ତେ, ମିୟାଦ୍ ଚକାସିଲେଙ୍କ୍ ହେଲୁମ୍ ତିନ୍ଦୁତ୍, 
\v 3 ମେଣ୍ଡେ ମିୟାଦ୍ ସୁନା ନୁ ରୁପାତାଗ୍ କାର୍‍କେ ପୟ୍‍ଦୁତ୍; ଆଗେତାଦ୍ କାର୍‍କେ ମିୟାଦ୍ ସାକ୍ଷି ଆଦ୍‍ତେ ନୁ କିସ୍ ଲେକାମ୍ ମିୟାଦ୍ ମେନ୍ଦୁଲ୍‍ତିଙ୍କ୍ ପୟ୍‍ତିତ୍ । ଇଦ୍ ତେରାନ୍ ଦିନାତେ ମିଡ଼୍ ଦନ୍ ନେଃଏସ୍ ମିନ୍ଦେଡ଼ି ! 
\v 4 କେଞ୍ଜାଟ୍, ମିୟାଦ୍ ୱାୟାନାଗ୍ ପାଡ଼୍‍ୟି ମାଡ଼ାନଡ଼୍‍କିଂଙ୍କ୍ ବୁସା ମାଡ଼ି ମିଡ଼୍ ଅଡ଼୍‌‍କିଂଙ୍କ୍ ଦାମ୍ ଇୱିଡ଼୍, ଆଦ୍ କିଡ଼୍‍କୁତ୍, ମେଣ୍ଡେ ପାଡ଼୍‍ୟି ମାଡ଼ାନଡ଼୍‍ତେ ପ୍ରବୁନ୍ କେୱୁଦାଗ୍ ଇଦ୍ ଗଟ୍ ଏୱୁତ୍‍ତେ । 
\v 5 ମିଡ଼୍ ଜଗତ୍‍ତାଦ୍ ସୁକାମ୍‍ତେ ନୁ ବଗ୍‍ବିଲାସ୍‍ ତଡ଼୍ ବାଦ୍‍କ୍‍ତିଡ଼୍, ଆୱୁକି ତିନ୍ଦାନ୍‍ ଲେକାମ୍‍ ମେନ୍ଦୁଲ୍‍ ଆସ୍‍ ମିନ୍ଦେଡ଼ି । ଡଲାନ୍ ଦିନେତେ ନିଜେ ନିଜେ ମାନ୍‍ଦିଙ୍କ୍ ଶାନ୍ତି ମାଡ଼୍‍ତିଡ଼ । 
\v 6 ମିଡ଼୍ ଦାର୍ମାମ୍ ନାରୁଡ଼୍‍କିଂଙ୍କ୍ ଦଷି ମାଡ଼ି ଆୱୁକ୍‍ତିଡ଼୍; ଅଣ୍ଡ୍‌ ମିକିଂଙ୍କ୍ ବିରଦ୍ ମାଡ଼େ ପାର୍‍ୱଣ୍ଡ୍ ।
\s ଦର୍ଯ୍ୟତଡ଼୍ ପ୍ରାର୍ତନା ମାଡ଼ାଟ୍
\p
\v 7 ଆଦିଙ୍କ୍ ଆ ଦାଦାଲଡ଼ି ନୁ ଏଲାସ୍କ୍‍, ପ୍ରବୁ ୱାଦାନ୍ ଯାକ ମିଡ଼୍ ଦର୍ଯ୍ୟ ପୟ୍‍ସ୍ ମାନୁଟ୍ । ଉଡ଼ାଟ୍, ଉଡ଼୍‍ଦାନ୍ ୱାୟେତାଗାଙ୍କ୍ ଗାଟି ଦାମ୍ କାୟା ଦର୍‍କ୍ନା ଯାକ ଦର୍ଯ୍ୟ ପୟ୍‍ସ୍ ମୁନେତ୍ ନୁ ତେରାନ୍ ୱାର୍‍ସାମ୍ ୱାଦାନ୍ ଯାକ କେପିତଡ଼୍ । 
\v 8 ମିଡ଼୍ ଗାଲା ଶକ୍ତିତଡ଼୍ ପୟ୍‍ସ୍ ନିଜେତ୍ ନିଜେତ୍ ଜିୱୁଣ୍ଡ୍‍ତିଙ୍କ୍ କଟ ମାଡ଼ାଟ୍, ବାତେଙ୍କ୍ଇତ୍‍କେ ପ୍ରବୁ ୱାଦାନାଦ୍ ଦିନାମ୍ ଗାର୍ରେ ଏୱୁତ୍‍ତେ ।
\p
\v 9 ଆ ଦାଦାଲଡ଼ି ନୁ ଏଲାସ୍କ୍‍, ମିଡ଼୍ ବେଲା ବିଚାର୍ ଆୟ୍‍ୱିଡ଼୍, ଆଦିନ୍ ସେଙ୍ଗେ ନିଜେତ୍ ନିଜେତ୍ ଲୋପେ ପେର୍‍ଲ୍‍ମାଟ୍, ଉଡ଼ାଟ୍, ବିଚାର୍ କର୍ତ୍ତାଲ୍ ମାର୍ ଗାରେ ନିସ୍ ମିନ୍ଦେଣ୍ଡ୍ । 
\v 10 ଆ ଦାଦାଲଡ଼ି ନୁ ଏଲାସ୍କ୍‍, ବେନ୍ ବାବବାଦିଡ଼୍ ପ୍ରବୁନ୍ ପେଦେର୍‍ତେ ଗଟି କେସ୍ ମାତ୍‍ତଡ଼୍, ଅଡ଼୍‌‍କିଂଙ୍କ୍ ଦୁଃକାମ୍ ନୁ ଦର୍ଯ୍ୟତାଦ୍ ୱେଷଡ଼୍ ଇନା ପୟ୍‍ମୁଟ୍ । 
\v 11 ଉଡ଼ାଟ୍, ବେନଡ଼୍ ଗାଡ଼୍‍ସ୍ ଆସ୍ ମାତ୍‍ତଡ଼୍ ଅଡ଼୍‌‍କିଂଙ୍କ୍ ମାମ୍‍ମେ ଦନ୍ୟ ଇଞ୍ଜ କେତିତମ୍ । ମିଡ଼୍ ଆୟୁବନ୍ ଗାଡ଼୍‍ସ୍ ଗଟି କେଞ୍ଜି ମାତ୍‍ତିଡ଼୍, ମେଣ୍ଡେ ପ୍ରବୁନ୍ ତେରାନ୍ ପାଡ଼୍‍ୟି ଉଡ଼ି ପୁତ୍‍ତିଡ଼୍ ଯେ, ଅଣ୍ଡ୍‌ ଦୟାତଣ୍ଡ୍ ନୁ କୃପା ମାଡ଼ାନଣ୍ଡ୍ ।
\p
\v 12 \x + \xo ୫:୧୨ \xo*\xt ମାତିଉ ୫:3୪-3୭.\xt*\x*ଆଦିଙ୍କ୍ ହୋ ନା ଦାଦାଲଡ଼ି ନୁ ଏଲାସ୍କ୍‍, ଶପତ୍ ମାଡ଼୍‍ମାଟ୍, ସ୍ୱର୍ଗତାଦ୍ ଆୟି ବା ପୃତିବିତାଦ୍ ଆୟି କି ମେଣ୍ଡେ ବାତ୍ ବିଷୟ ଅସ୍ ଶପତ୍ ମାଡ଼୍‍ମାଟ୍; ଆଦିଙ୍କ୍ ମିଇ ଗଟି ହଁ ତାଦ୍ ହଁ ଆୟି, ଇଲ୍‍ଲେ ତାଦ୍ ଇଲ୍‍ଲେ ଆୟି, ବେଲାକି ମିଡ଼୍ ବିଚାର୍ ମାଡ଼ାନାଗ୍ ଦଣ୍ଡ୍ ଆୟ୍‍ୱିଡ଼୍ ।
\p
\v 13 ମିଇ ଲୋପେ ବାତ୍ ବେନ ଦୁଃକାମ୍ ପାଏମ୍ ଆଦୁତନ୍ ? ଅଣ୍ଡ୍‌ ପ୍ରାର୍ତନା ମାଡ଼ିଣ୍ଡ୍ । ବେନବା ୱେଡ଼୍‍କ୍‍ ମିନ୍ଦେଣ୍ଡ୍ ? ଅଣ୍ଡ୍‌ ପାଟା ପାରି ପ୍ରଶଂସା ମାଡ଼ିଣ୍ଡ୍‍ । 
\v 14 \x + \xo ୫:୧୪ \xo*\xt ମାର୍କ ୬:୧3.\xt*\x*ମିଇ ଲୋପେ ବାତ୍ ବେନ ରୋଗି ମିନ୍ଦେଣ୍ଡ୍ ? ଅଣ୍ଡ୍‌ ମଣ୍ଡଲିତେ ନେତା ନଡ଼୍‍କିଂଙ୍କ୍ କାର୍‍ଙ୍ଗିଣ୍ଡ୍; ଅଡ଼୍‌ ପ୍ରବୁନ୍ ପେଦେର୍‍ତେ ନିୟ୍‍ ଉଃସି ଅନ୍‌ ସେଙ୍ଗେ ପ୍ରାର୍ତନା ମାଡ଼ିଣ୍ଡ୍ । 
\v 15 ବିଶ୍ୱାସ୍‍ତାଦ୍ ପ୍ରାର୍ତନା ଆଦ୍ ରୋଗିଙ୍କ୍ ରକ୍ଷା ମାଡ଼ିତ୍, ମେଣ୍ଡେ ପ୍ରବୁ ଅଂକିଙ୍କ୍‌ ତେଏତିତଣ୍ଡ୍; ମେଣ୍ଡେ ଯଦି ଅଣ୍ଡ୍‌ ପାପ୍ ମାଡ଼ିମାନ୍‍ତଣ୍ଡ୍, ଆଲେକେ ଅଂକିଙ୍କ୍‌ କ୍ଷମା ହିଦ୍‍ତଣ୍ଡ୍ । 
\v 16 ଆଦିଙ୍କ୍ ନିଜେତ୍ ନିଜେତ୍ ଲୋପେ ପାପ୍ ସ୍ୱୀକାର୍ ମାଡ଼ାଟ୍, ମେଣ୍ଡେ ସାୟେ ଆଦାନ୍ ସେଙ୍ଗେ ନିଜେତ୍ ନିଜେତ୍ ଲୋପେ ପ୍ରାର୍ତନା ମାଡ଼ାଟ୍ । ଦାର୍ମାମ୍ ନାରୁଣ୍ଡ୍‍ତେ ପ୍ରାର୍ତନା ନାର୍‍ଗେ ପାଡ଼୍‍ୟି ମାଡ଼ାନଙ୍କ୍ ପାର୍‍ଦ୍‍ତେ । 
\v 17 ଏଲୀୟ ମାନ୍‍ ରକମ୍ ନାରୁନ୍ ମାତ୍‍ତଣ୍ଡ୍, ୱାର୍ସାମ୍ ୱାଡ଼୍‍ମାକି ଇଞ୍ଜ ଅଣ୍ଡ୍‌ ଅଣ୍ଡୟ୍‌ ମାନ୍‍ତେ ପ୍ରାର୍ତନା ମାଡ଼୍‍ତଣ୍ଡ୍, ମେଣ୍ଡେ ମୁଣ୍ଡ୍ ଏଣ୍ଡ୍‍କ୍ ନୁ ଆରୁ ନେଲ୍‍ଞ୍ଜ୍ ଯାକ ଦେଶ୍‍ତାଗ୍‍ ୱାର୍ସାମ୍ ୱାଡ଼; 
\v 18 ଅଣ୍ଡ୍‌ ମେଣ୍ଡନ୍‍ନ୍ଦାମ୍ ପ୍ରାର୍ତନା ମାଡ଼୍‍ତାଙ୍କ୍ ମୟଲ୍‍ତାଗାଙ୍କ୍ ୱାର୍ସାମ୍ ୱାତ୍‍ତେ, ମେଣ୍ଡେ ବୁମ୍‌ତାଗା ପସଲ୍‍ ଆଦ୍‍ତା ।
\p
\v 19 ଆ ନା ଦାଦାଲଡ଼ି ନୁ ଏଲାସ୍କ୍‍, ମିଇ ଲୋପେ ବେନ ଯଦି ସତ୍ ହାର୍‍ଦିଙ୍କ୍ ବୁଲ୍‍କା ଆଦ୍‍ତନ୍, ମେଣ୍ଡେ ବେନ୍ ଅଂକିଙ୍କ୍‌ ସତ୍‍ ହାର୍‍ଦାଗ୍ ମାଲ୍‍ପି ତାତିତଣ୍ଡ୍, 
\v 20 \x + \xo ୫:୨୦ \xo*\xt ୧ ପିତର୍‍ ୪:୮.\xt*\x*ଆଲେକେ ଅଣ୍ଡ୍‌ ପାପି ନାରୁଙ୍କ୍ ବୁଲ୍‍କା ହାର୍‍ଦାଗାଙ୍କ୍ ମାଲ୍‍ପି ତାତ୍‍ତଣ୍ଡ୍, ଅଣ୍ଡ୍‌ ଯେ ତାନ୍ ଆତ୍ମାତିଙ୍କ୍ ଡଲାନାଗାଙ୍କ୍ ରକ୍ଷା ମାଡ଼୍‍ତଣ୍ଡ୍ ନୁ ନାର୍‍ଗେ ପାପ୍‍ତିଙ୍କ୍ ୱିଡ଼୍‍ସିଦ୍‍ତଣ୍ଡ୍, ଇଦ୍ ପୁତ୍‍ତିଡ଼୍ ।