\id HEB - Koya
\ide UTF-8
\h ଏବ୍ରୀ
\toc3 ଏବ୍ରୀ
\toc2 ଏବ୍ରୀ
\toc1 ଏବ୍ରୀ ନାରୁଡ଼୍‍ ଗାର୍ରେ ଲେକ୍‍ତାଦ୍‍ ଚିଟି
\mt2 ହିବ୍ରୁ ଲୋକମାନଙ୍କ ନିକଟକୁ ଲିଖିତ ପତ୍ର
\mt1 ଏବ୍ରୀ ନାରୁଡ଼୍‍ ଗାର୍ରେ ଲେକ୍‍ତାଦ୍‍ ଚିଟି
\imt ଏବ୍ରୀ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ଏବ୍ରି ବଇ ଅଣ୍ଡୟ୍‌‍ ସାର୍‍ଦେ ଇଦାନାଦ୍‍ ଚିଟି । ପୁରାତନ୍‍ ନିୟମ୍‍ତେ ୱେରେୱେରେ ବାବବାଣୀ ସାରେ ନିଣ୍ଡିମାନ୍ଦାନ୍‍ ବିଷୟ୍‍ ଇଗେ ପାଏମ୍‍ଆଦ୍‍ତମ୍‍ । ଇଦ୍‍ ଅଣ୍ଡୟ୍‌‍ ଉପଦେଶ୍‍ ଲେକାମ୍‍ । ଇଗେ ପ୍ରାୟ୍‍ ୬୦ ରୁ ପେର୍କେ ପୁରାତନ୍‍ ନିୟମ୍‍ତାଦ୍‍ ପ୍ରସଙ୍ଗ ମିନ୍ଦେ । ବାତ୍‍ ଜିସୁ କ୍ରିଷ୍ଟ ବେଦ୍‍ଲେକାମ୍ ବାବବାଣୀ ନୁ ଯିହୁଦୀ ପୁଜାରିଡ଼୍‍ କାମ୍‍ ପୁରା ମାଡ଼୍‍ତଣ୍ଡ୍‍ ଇଗେ ମାମେ ପାଏମ୍‍ଆଦ୍‍ତମ୍‍ । ଇଦିନ୍‍ସେଙ୍ଗେ ଇଦ୍‍ ଯିହୁଦୀ କ୍ରିଷ୍ଟିୟାନ୍‍ ନାରୁଡ଼୍‍କ୍‍ ସାହାସ୍‍ ଇଦାନାଦ୍‍ ବଇ । ଏବ୍ରି ଚିଟି ଜିସୁନ୍ ନିୟମ୍ ତେର୍‍ସ୍ପାନ୍‍ତଡ଼୍‍ ପୁଜାରିଡ଼୍ ମେଣ୍ଡନ୍‍ଦାମ୍ ବେସୁଙ୍କ୍‍ ବଲି ଇଦାନଙ୍କ୍ ଆୟ ଇଦ୍ ବିଷୟ କେତ୍‍ତିତ୍ । ଜିସୁ ବେଲା ନିୟମ୍‍ ତିଆର୍‌ ମାଡ଼୍‍ତଣ୍ଡ୍‍ ଆଦିନ୍‌ମାୟ୍‍ଦିଙ୍କ୍‍ ପୁଜାରି ମେଣ୍ଡନ୍‍ଦାମ୍‍ ବେସୁଟ୍‌ ବଲି ଇୱଣ୍ଡ୍‍ । ଜିସୁ କ୍ରିଷ୍ଟ ଆଦୁତଣ୍ଡ୍‍ ସାର୍ରେ ପାପାମ୍‍ତେ ବଲି ଇତ୍‌ତଣ୍ଡ୍‌‍, ଇଦ୍‍ ଅଣ୍ଡୟ୍‌‍ଦାମ୍‍ ସାର୍ରେଦିନେତ୍‍ ମାୟ୍‍ଦିଙ୍କ୍‍ । ଇଞ୍ଜେତ୍‍ ଯୁଗ୍‍ତେ କ୍ରିଷ୍ଟିୟାନ୍‍ ନାରୁଡ଼୍‍ ସେଙ୍ଗେ ଏବ୍ରି ଚିଟିତାଗ୍‍ ସାହାସୀକ୍‍ ତଅନ୍‌ଦିତ୍‍ । ମାତର୍‍ କ୍ରିଷ୍ଟ ମାନାଙ୍କ୍‍ ଇଶ୍ୱର୍‌ତିଙ୍କ୍‍ ନିର୍ବର୍‍ ମାଡ଼ାନ୍‍ ସେଙ୍ଗେ ସମ୍ଭବ୍‍ ମାଡ଼େପାର୍‍ଦ୍‍ତଣ୍ଡ୍‍ । ମେଣ୍ଡେଗାଲା ଅନାଗ୍‍ ନିର୍ବର୍‍ ମାଡ଼ି ଲେକାମ୍‌ ଚାଲେମ୍‍ ଆଦ୍‍ତାଡ଼୍‍ \xt ୧୨:୨\xt* ।
\ip ଏବ୍ରି ବଇ ବେନ ଲେକ୍‍ତଣ୍ଡ୍‍ ପୁନ୍ଦାଙ୍କ୍‍ ଆୟ, କିନ୍ତୁ ପଣ୍ଡିତ୍‍ ନାରୁଡ଼୍‍ କେତିତଡ଼୍‍, ପ୍ରେରିତ୍‍ ପାଉଲ୍‍, ଲୁକ ବା ବର୍ଣ୍ଣବା ଆସ୍‍ମାନ୍‍ତଣ୍ଡ୍‍ । ଇଦିନ୍‍ ଲେକ୍‍ତାଦ୍‍ ସମୟ୍‍ ଗାଲା ପୁନ୍ଦାନଙ୍କ୍‍ ଆୟ କିନ୍ତୁ ନାର୍ଗେ ନାରୁଡ଼୍‍ ବିଶ୍ୱାସ୍‍ ମାଡ଼ୁତଡ଼୍‍ ଇଦ୍‍ ଜିସୁ କ୍ରିଷ୍ଟନ୍‍ ଜନମ୍‍ତେ ମୁନେ ୭୦ କ୍ରିଷ୍ଟାଦ୍ଦତେ ଲେକାଆତ୍‍ତେ । ଜିରୁଶାଲେମ୍‍ ମନ୍ଦିର୍‍ ୭୦ କ୍ରିଷ୍ଟାଦ୍ଦତେ ଦଂସ ଆତ୍‍ତେ କିନ୍ତୁ ଇଦ୍‍ ଚିଟିତାଦ୍‍ ଲେକାନଣ୍ଡ୍‍ ଇଦ୍‍ ନଷ୍ଟ ଆୟ ଇଞ୍ଜ କେତିତଣ୍ଡ୍ । ଏବ୍ରି ଚିଟି ଆଦ୍‍ପାର୍‍ତେ ରୋମୀୟ ଟାୱୁନ୍‍ତାଗ୍‍ ଲେକାଆସ୍‍ମାତ୍‍ତେ \xt ୧୩:୨୪\xt* ମେଣ୍ଡେ ୱେରେୱେରେ ମଣ୍ଡଲିତାଗ୍‍ ତୁସିସ୍‍ ମାତ୍‍ତଡ଼୍‍ ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ଜିସୁ କ୍ରିଷ୍ଟ ବାବବାଦୀ ମେଣ୍ଡେ ଦୂତନାଗାଙ୍କ୍‍ ବେଡ଼୍‍ୟଣ୍ଡ୍‍ । \ior ୧:୧–୪:୧୩ \ior*
\io1 ୨. ଜିସୁ କ୍ରିଷ୍ଟ ଶ୍ରେଷ୍ଟ ପୁଜାରି । \ior ୪:୧୪–୭:୨୮\ior*
\io1 ୩. ଜିସୁନ୍ ସେବା ପାଡ଼ିୟିଦାଗ୍ ଶ୍ରେଷ୍ଟତା । \ior ୮:୧–୧୦:୩୧\ior*
\io1 ୪. ଜିସୁ ସାରେତିଙ୍କ୍ ବେଡ଼୍‍ୟଣ୍ଡ୍‍ । \ior ୧୦:୩୨–୧୩:୧୭ \ior*
\io1 ୫. ଲେକ୍‍ତେନନ୍‌ ଇଦ୍‍ ଚିଟିତାଗ୍‍ ବେସ୍‍କେ ଗାଡ଼୍‍ସ୍‍ତାୱୁ ପରାମର୍ଶ ନୁ ମାରେଙ୍ଗ୍‍ତେ ନମସ୍କାର୍‍ । \ior ୧୩:୧୮-୨୫\ior*
\c 1
\s ମାରିନୁଞ୍ଚ୍ ଇଶ୍ୱରତେ ଗଟ୍‍
\p
\v 1 ମୁନେତ୍‌କାଲାତେ ଇଶ୍ୱର ଆମ୍‍ତି ନୁ ବେସୁଙ୍କ୍‍ ବେସୁଙ୍କ୍‍ ବବିଷ୍ୟତ୍‌ ବକ୍ତାଲଡ଼୍‌ ତଡ଼୍‍ ମାନ୍‍ ଆନିଦାଦିଡ୍‌କ୍‌ ଗଟ୍‌‍ କେସ୍‍ମାତ୍‍ତଣ୍ଡ୍‍ । 
\v 2 ଇତ୍‍କେ ଇଦ୍‌ ତେରାନ୍‌ ଦିନାମ୍‌ତେ ଅନ୍‌‌ ତାନ୍‌ ମାରିନ୍‍ ତ ମାନ୍‌ସାଙ୍ଗ୍ ଗଟ୍‌ ତିରିୟ୍‌ତଣ୍ଡ୍‍ । ଆ ମାରିନ୍‍ ତ ଇଶ୍ୱର ବୁମ୍‌ତିଙ୍କ୍‍ ତିଆର୍‌ ମାଡ଼୍‍ତଣ୍ଡ୍‍ ମେଣ୍ଡେ ଆ ପେର୍କେ ସାର୍ରେ ବିଷୟ୍‍ତେ ଅଦିକାର୍‌‌ ଆଦାନଙ୍କ୍‌ ଅଣ୍ଡ୍‌‌ ଅଂକିଙ୍କ୍‌ ଏଞ୍ଚ୍‌ତଣ୍ଡ୍‌ । 
\v 3 ଅନାଗା ଇଶ୍ୱରନ୍‌ ମହିମାତାଦ୍‌ ୱେସ୍‌ ପତିତ୍‌ ନୁ ସ୍ୱର୍ଗତାଦ୍‍ ସମ୍ପତି ସାର୍ରେ ମିନ୍ଦେ । ମେଣ୍ଡେ ଅଣ୍ଡ୍‌ ତାନ୍ ଗଟ୍‌ତଡ଼୍‍ ସାର୍ରେ ଜଗତ୍‍ତିଙ୍କ୍‍ ପଇସ୍‌ ମିନ୍ଦେଣ୍ଡ୍‌ । ଅଣ୍ଡ୍‌‌ ନାରୁଡ଼୍‍ ଜାତ୍‌ତେ ମାଇଦିଙ୍କ୍‌ ପାପ୍ କ୍ଷମା ମାଡ଼ି ସ୍ୱର୍ଗତଣ୍ଡ୍‍ ବାଗ୍‌ୱାନ୍‌ତାଗ୍‌ ଲାୱ୍‌ଦେ ଇଶ୍ୱରନ୍‌ ତିନ୍ଦେ ପାକା କୁଦି ମିନ୍ଦେଣ୍ଡ୍ ।
\s ଇଶ୍ୱରନ୍ ମାର୍‍ ଆଦୁତଣ୍ଡ୍‌ ବାଡ଼ିୟଣ୍ଡ୍
\p
\v 4 ଅଣ୍ଡ୍‌ ସ୍ୱର୍ଗ ଦୂତକିନ୍‌ନାଗାଙ୍କ୍‍ ବେଲା ବେଡ଼ିୟଣ୍ଡ୍, ଅନ୍‌‍ୱାଦ୍‍ ପେଦେର୍‌ ଆନ୍‌ତେ ଆଦେରକମ୍‍ ଅଡ଼୍‌ଡ଼ାଦ୍‌ ପେଦେର୍‌ତାଗାଙ୍କ୍‍ ମହାନ୍‍, 
\v 5 ବାତାଙ୍କ୍ ଇତ୍କେ ବେସୁଙ୍କ୍‌ବା ଇଶ୍ୱର ବେନ୍ ଦୂତତିଙ୍କ୍‍ କେତ୍‌ଇଲେ, “ନିମେ ନା ମାର୍‍, ନେଟ୍‌ତେନୁଞ୍ଚ୍‌ ନାନ୍ ନି ବାବାଲ୍ ଆତ୍‌ତାନ୍;” ଇଶ୍ୱର ଗାଲା କେତ୍‍ତଣ୍ଡ୍‍, “ନାନ୍‌ ଅନ୍‌‍ ବାବାଲ୍ ମେଣ୍ଡେ ଅଣ୍ଡ୍‌ ନା ମାର୍‍ ।” 
\v 6 ଇତ୍‍କେ ଇଶ୍ୱର ଅନ୍‌ ମୁନେନ୍‍ ଜାନୁମ୍‌ଆତ୍‌ତା ମାରିଙ୍କ୍‍ ଇ ବୁମ୍‍ତାଗ୍‍ ରହତେୱେଲେ ଇଦ୍‍ କେସ୍‌ମାତ୍‌ତଣ୍ଡ୍‌, “ଇଶ୍ୱରନ୍‌ ଦୂତ ସାର୍ରେ ଅଙ୍କ୍‌‌ ଆରାଦନା ମାଡ଼ିତା ।” 
\v 7 ଇତ୍‍କେ ଦୂତକିନ୍‍ ବିସୟତେ ଇଶ୍ୱର ଇଦ୍‌ ଗଟ୍‌ କେତ୍‌ତଣ୍ଡ୍‍; “ଇଶ୍ୱର ତାନ୍‍ ଦୂତକିଙ୍କ୍‍ ଗାଲ୍‍ଦେ ଲେକାମ୍‍ ମେଣ୍ଡେ ତାନ୍ ଯତନ୍‌ ମାଡ଼ାନଡ଼୍‍କିଙ୍କ୍‌ ପତାନ୍ କିସ୍‌ତେ ଲେକାମ୍‍ ମାଡ଼ିତଣ୍ଡ୍‌ ।” 
\v 8 ଅଣ୍ଡ୍‌‌ ମାରିନ୍‌ ବିଷୟତେ ଅଣ୍ଡ୍‌‌ କେସ୍‌ମାତ୍‌ତଣ୍ଡ୍, “ଆ ଇଶ୍ୱର, ନିୟାଦ୍‍ ରାଜ୍ୟ ସାରେଦିନାମ୍‍ ମାନି ! ନିମା ନ୍ୟାୟତେ ନି ନାରୁଡ଼୍‍କ୍ ଶାସନ୍‍ ମାଡ଼ୁତିନ୍‍ । 
\v 9 ନିମ୍‌ ଦର୍ମାମ୍‌ତିଙ୍କ୍‍ ସାୟେ କେତିତି ନୁ ଅଦାର୍ମିକ୍‍ ଇଲ୍‌ୱାଦ୍ ନିକିଙ୍କ୍‍ ଅପ । ଆଦିଙ୍କ୍‍ ଇଶ୍ୱର୍ ନି ଇଶ୍ୱର ନିକିଙ୍କ୍‍ ନିୟ୍‍ ଆକି ଏଞ୍ଚିମିନ୍ଦେଣ୍ଡ୍‍ ମେଣ୍ଡେ ମିୱଡ଼୍‍ ସାଙ୍ଗଡ଼୍‍ ଲୋପେଙ୍କ୍‍ ନିକିଙ୍କ୍‍ ଗାଟି ପ୍ରେମ ଇସ୍‍ ୱେଡ଼୍‍କେ ମାଡ଼୍‍ତଣ୍ଡ୍‍ ।” 
\v 10 ଅଣ୍ଡ୍‌‌ ମେଣ୍ଡେ କେତ୍‍ତଣ୍ଡ୍, “ଅ ପ୍ରବୁ ନିମା ମୁନେନ୍ ବୂମ୍‌ତିଙ୍କ୍‍ ସୃଷ୍ଟି ମାଡ଼୍‌ତିନ୍‌, ମେଣ୍ଡେ ନି କାଇଦେ ମୟଲ୍‍ତିଙ୍କ୍‍ ସୃଷ୍ଟି ମାଡ଼୍‌ତିନ୍‌ ।” 
\v 11 ଆୱୁ ସାର୍ରେ ଅଣ୍ଡ୍‌‌ ଦିନା ତେରିତା । ଇତ୍‌କେ ନିମା ଆଲେକେ ମାନ୍‌ତିନ୍‌ । ଆୱୁ ପାନ୍‌ତା ସିଲେକ୍‌ ଲେକାମ୍ ନଷ୍ଟ ଆଦ୍‍ତା । 
\v 12 ଚକାସିଲେ ସଜା ମାଡ଼୍‍ତେ ଲେକାମ୍‍ ନିମେ ଆୱୁ ସାର୍ରେ ସଜାମାଡ଼ି ନେଃଏତିତି ମେଣ୍ଡେ ଚକାସିଲେ ବଦ୍‍ଲା ମାଡ଼ାନ୍‍ ଲେକାମ୍‍ ବାଦ୍‍ଲେମ୍‍ ମାଡ଼ିତିଡ଼୍‍ କିନ୍ତୁ ନିଜେ ନିମେ ବାଦ୍‍ଲେମ୍‍ ଆୟ୍‍ୱେ ଲେକାମ୍‍ ମାନ୍‍ତି ମେଣ୍ଡେ ନିମା ସାରେଦିନା ମାନ୍‍ତାନ୍ । 
\v 13 ମେଣ୍ଡେ ଇଶ୍ୱର ତାନ୍‌ ବେନ୍‌ଆଇ ଦୂତଙ୍କ୍‍ ବେସୁଟ୍‌ କେତ୍‌ଇଲେ; “ନାନ୍‍ ମି ଶତ୍ରୁଡ଼୍‍କିଙ୍କ୍‍ ବେସୁଟ୍‌ ଆୟ୍‍ନା ମି ଡେକା ମଦଲ୍‌ ୱାଟନ୍ ଆସୁଟ୍‌ ଆୟ୍‍ନା ନା ତିନ୍ଦା ପାକ୍‍ କୁଦିମାନ୍‌ ।” 
\v 14 ଆଲେକେ ସ୍ୱର୍ଗଦୂତଡ଼୍‍ ବେନ ? ଅଡ଼୍‌‍ ଆଦୁତଡ଼୍‍ ଇଶ୍ୱର୍‌ତେ ସେବକିଡ଼୍‍, ପରିତ୍ରାଣ୍‍ ପାଏମ୍‍ ଆଦାନ୍‍ ନାରୁଡ଼୍‍ତେ ସାହାଯ୍ୟ ସେଙ୍ଗେ ଇଶ୍ୱର୍ ରଅତେ ଆତ୍ମାକି ।
\c 2
\s ବାଡ଼୍‍ୟେ ପରିତ୍ରାଣ
\p
\v 1 ମାନାଲ୍‌ ବେଲାକି ସାତ୍‌ତାନୁଞ୍ଚ୍‌ ୱେରେ ଆଇୱାଲ୍‌, ଆଦିନ୍‌ ମାଇଦେ ମାନାଲ୍‌ କେଞ୍ଚ୍‌ତା ଗଟିକିଙ୍କ୍‍ ଡାଟୁମ୍‌ତେ ପଇସ୍‌ ମାନ୍ଦାନ୍‌ ମିନ୍ଦେ । 
\v 2 ବାତେଙ୍କ୍‍ଇତ୍‍କେ ମୁନେଙ୍କ୍‍ ଇଶ୍ୱର୍ ଦୂତକିନ୍‍ ତଡ଼୍‍ ବାତା କାବୁର୍‍ କେସ୍‌ମାତ୍‍ତା, ଆଦ୍‌ ସତ୍‍ ଆସ୍‌ମିନ୍ଦେ, ବେନଡ଼୍‍ ଆଦିନ୍‌ ପିନ୍ଦ ଇଞ୍ଜ ପାଲନ୍‍ ମାଡ଼ଡ଼୍‍, ଅଡ଼୍‌‍ ଆଦ୍‍ ଦଣ୍ଡ ପାଏମ୍‍ ଆତ୍‍ତଡ଼୍‍ । 
\v 3 ଆଲେଇତ୍‌କେ, ଇଦ୍‌ ବାଡ଼୍‍ୟେ ପରିତ୍ରାଣତିଙ୍କ୍‍ କେପ୍‍ତଡ଼୍‍, ମାନାଡ଼୍‍ ବେଲା ଗେଲ୍‌ସିତାଡ଼୍‍ ? ଇଦ୍‌ ପରିତ୍ରାଣ ପ୍ରବୁ ନିଜେ ମୁନେନ୍ କେତ୍‌ତଣ୍ଡ୍‌ ମେଣ୍ଡେ ଅନାଗ୍‍କଞ୍ଚ୍ କେଞ୍ଜୀମାତ୍‌ତେ ନାରୁଡ୍‌ ଅନାଦ୍‌‌ ବେଡ଼ିୟାଦ୍ ସତ୍‌ ମାୟାଗ୍‌ ନିଜାମ୍‌ ଇଞ୍ଜ କେସ୍‌ମିନ୍ଦେଡ଼୍‍ । 
\v 4 ମେଣ୍ଡେ ଗାଲେୟ୍‌, ଇଶ୍ୱର ଚିଏଃନେ ନୁ ନାର୍ଗେ ବେପଡ଼୍‍ ଆୟ୍‍ୱାଦ୍ ପାଡିୟ୍ ମେଣ୍ଡେ ଆଶର୍ଯ୍ୟ ପାଡ଼୍‍ୟି ନୁ ପବିତ୍ର ଆତ୍ମାନ୍ ୱେରେୱେରେ ଦାନାମ୍ ତଡ଼୍‍ ସାକ୍ଷି ଇସ୍‌ ମିନ୍ଦେ ।
\s ଜିସୁ ପୁରାପୁରି ନାରୁଣ୍ଡ୍ ମକମ୍‌ ପୟ୍‍ତଣ୍ଡ୍‍
\p
\v 5 ଇଶ୍ୱର ବେନ୍ ପୁନା ବୁମ୍ ତିଆର୍ ମାଡ଼ିତଣ୍ଡ୍‍ ନୁ ବେନ୍‍ ବୁମ୍‌ତା ମାଟା ମାନାଡ଼୍‍ କେତୁତାଡ଼୍‍, ତାଙ୍କ୍‍ ଶାସନ୍‍ ମାଡ଼ାନ୍‍ ସେଙ୍ଗେ ଅଣ୍ଡ୍‌‌ ସ୍ୱର୍ଗ ଦୂତକିଙ୍କ୍‍ ଏଞ୍ଚଣ୍ଡ୍‌ । 
\v 6 ବାତେଙ୍କ୍‍ ଇତ୍କେ ଦର୍ମଶାସ୍ତ୍ରତାଗ୍‍ ଲେକା ମିନ୍ଦେ, “ଆ ଇଶ୍ୱର, ନାରୁଡ଼୍‍ ବେନଡ଼୍‍ ଜେ, ନିମ୍ ଆଦିନ୍‌ ମାଇଦିଙ୍କ୍ ଆଲ୍‌ସୁତି ମେଣ୍ଡେ ନାରୁଡ୍‌ ଇଚ ସୁଡୁଟ୍‌ ମାତ୍‌କେ ଗାଲେୟ୍‌ ନିମେ ଅଡ଼୍‌‍ ମାଇଦିଙ୍କେ ଆଲ୍‌ସିତି ? 
\v 7 ନିମା ଅଡ଼୍‌କିଂଙ୍କ୍‌ ଦୂତକିନୁଞ୍ଚ୍ ସୁଡୁଟ୍‌ କମ୍ ମାଡ଼ିମିନ୍ଦେନ୍, ନିମେ ଅଙ୍କ୍‌ ଗୌରବ୍‍ତାଦ୍ ନୁ ଗାଟି ସନ୍‌ମାନ୍‌ତାଦ୍ ସହଜ୍‍ ନେହ୍‌ତଣ୍ଡ୍‍, 
\v 8 ସାର୍ରେ ବିଷୟ୍‍ତେ ପର ଶାସନ୍‍ ମାଡ଼ାଙ୍କ୍‍ ଅଦିକାର୍‌ ଇତ୍‌ତେ ।” ମେଣ୍ଡେ “ସାର୍ରେ ବିଷୟ୍‌ତେ,” ଇଦିନ୍‍ ଅର୍ତ ବାତେବା ବିଷୟ୍‍ ୱିଡ଼୍‍ସ୍‍ୱେ ସାର୍ରେ ବିଷୟ୍‍ତେ ପର୍ର ଅଦିକାର୍‌‌ ଇସ୍‌ମିନ୍ଦେଣ୍ଡ୍‍ । ଇଗାଙ୍କ୍‍ ସାୟେ ପୁନ୍ଦାନଙ୍କ୍‍ ଆଦୁତ୍‍ ଯେ, ସାର୍ରେ ବିଷୟ୍ ତାନ୍‌ ଅଦିକାର୍‌‌ତେ ଲୋପେ ମିନ୍ଦେ । ଆଗେବା ମାମ୍ ପୁତ୍‌ତମ୍, ନାରୁଡ୍‌ ଇଞ୍ଜେ ସାର୍ରେ ବିଷୟ୍‌ତେ ପର ଅଦିକାର୍‌‌ ମାଡ଼ଡ଼୍‍ । 
\v 9 ମାମ୍ ଉଡୁତମ୍‌, ବେଲାକି ଜିସୁ ସ୍ୱର୍ଗ ଦୂତନୁଞ୍ଚ୍‌ ସୁଦୁଲଣ୍ଡ୍‌ ମାଡ଼ିମାତ୍‌ତଡ଼୍‍, ବେଲାକି ଇଶ୍ୱରନ୍‌ ଅନୁଗ୍ରହନୁଞ୍ଚ୍‌ ସାର୍ରେତଡ୍‌ ମାଇଦିଙ୍କ୍ ଡଲିତଣ୍ଡ୍‌ । ତାନାଦ୍‍ ଆ ଡଲ୍‌ତେ ମାଇଦିଙ୍କ୍ ମାନାଲ୍ ଇଞ୍ଜେ ଅଙ୍କ୍‌‌ ଗୌରବ୍‍ତେ ନୁ ନେକ୍‌କା ସାନ୍‌ମାନ୍‌ତାଦ୍‌ ସହଜ୍‍ କେର୍‍ତାଦ୍‌ ଉଡୁତାଲ୍‌ । 
\v 10 ସାର୍ରେତଡ଼୍‌କ୍ ତିଆର୍‌ ମାଡ଼ାନଣ୍ଡ୍‌ ନୁ ଗେଲ୍‌ସ୍ପାନଣ୍ଡ୍‌ ଇଶ୍ୱର ତାନ୍ ନାର୍ଗେ ମାର୍‌ ମାୟାସ୍କ୍‍କିଙ୍କ୍‍ ଜିସୁନ୍‌ ଗୌରବତେ କାଇଲ୍‍ପାନ୍‍ ମାଇଦିଙ୍କ୍, ଡଲାନାଗାଙ୍କ୍‌ ଜିସୁଙ୍କ୍‍ ସିଦ୍ଦ ମାଡି ସାୟେ ପାଡିୟ୍‌ ମାଡ଼୍‍ତଣ୍ଡ୍‍ । ଇତ୍‌କେ ଜିସୁ ଆଦୁତଣ୍ଡ୍‌ ପରିତ୍ରାଣ ଆର୍‌ଦେ ଅଡ଼୍‌‍କିଂଙ୍କ୍‌ ଅଦାନଣ୍ଡ୍‍ ।
\p
\v 11 ଆଦିଙ୍କ୍‍ ଜିସୁ ନୁ ବେନଡ଼୍‍କ୍‌ ଅଣ୍ଡ୍‌‍ ପବିତ୍ର ମାଡ଼ିତଣ୍ଡ୍‍, ଅଡ଼୍‌‍ ସାର୍ରେତଡ଼୍‍ ଅଣ୍ଡୟ୍‌‍ ବାବାନ୍ ମାର୍‍କ୍‍ । ଆଦିନ୍‌ ମାଇଦେ ଜିସୁ ଅଡ଼୍‌‍କିଂଙ୍କ୍‍ ଏଲାଡ଼୍‍ତାମୁଣ୍ଡ୍‍ ଇଞ୍ଜ କେତାନଙ୍କ୍‌ ସିଗ୍‌ ଆୟଣ୍ଡ୍‍ । 
\v 12 ଅଣ୍ଡ୍‌ ଇଶ୍ୱରତିଙ୍କ୍‍ କେତ୍‍ତଣ୍ଡ୍, “ନାନ୍ ନିୟାଦ୍‌ ସାର୍ରେ ପାଡ଼୍‍ୟି ନା ଏଲାଡ଼୍‍ତାମୁଡ଼୍‍କିନ୍‌ କେତିତାନ୍‌ । ନାନ୍‌ ଆଡ୍‌କ୍‍ ଗୁଡ଼ିମାନ୍ଦାନାଗେ ନିୟାଦ୍‍ ପ୍ରସଂଶା ପାଟା ପାରିତାନ୍‌ ।” 
\v 13 ଅଣ୍ଡ୍‌‌ ଇଦ୍‌ ମିକା କେତ୍‌ତଣ୍ଡ୍‌, “ନାନ୍‌ ଇଶ୍ୱରନାଗେ ବିଶ୍ୱାସ୍ ୱାଟିତାନ୍ ନୁ ଇଶ୍ୱର ନାକିଙ୍କ୍‍ ବେନ୍‍ ପିଲାକିଙ୍କ୍‍ ଇସ୍‌ମିନ୍ଦେଣ୍ଡ୍‍ ଅଡ଼୍‌‍ ନା ତଡ୍‌ ମିନ୍ଦେଡ଼୍‍ ।”
\p
\v 14 ଅଣ୍ଡ୍‌‌ ବେନଡ଼୍‍କ୍‌ ମାର୍‌କ୍‌ ଇଞ୍ଜ କେସ୍‌ମିନ୍ଦେଣ୍ଡ୍‍, ଅଡ଼୍‌‍ ନେତୁର୍‌ ମେନ୍ଦୁଲ୍‌ ପୟ୍‍ତେ ନାରୁଡ଼୍‍ ଆସ୍‌ମାନ୍ଦାନ୍‌ ମାଇଦିଙ୍କ୍‌ ଜିସୁ ମେଣ୍ଡେ ନିଜେ ଅଡ଼୍‌‍ ଲେକାମ୍ ନାରୁଣ୍ଡ୍‌ ଆସ୍‌ ଜନମ୍‌ ଆସ୍‍ମାତ୍‌ତଣ୍ଡ୍‌ । ଅଣ୍ଡ୍‌‌ ଇଲା କେତାନାଦ୍‍ ଉଦେଶ୍ୟ ଆଦୁତ୍‍, ଅଣ୍ଡ୍‌‌ ବେଲାକି ନିଜେ ଡଲିମାଞ୍ଜ୍‌ ଶଇତାନ୍‌ତିନ୍‌ ଆୱ୍‌କା ପାର୍ଦିତଣ୍ଡ୍‌, ଡଲାନାଦ୍‌ ପର୍ର୍‌ ଶଇତାନ୍‌ତାଦ୍‌ ଅଦିକାର୍‌‌ ମାତ୍‌ତା । 
\v 15 ଇଦିନ୍‌ସେଙ୍ଗା ସାର୍ରେଦିନା ଡଲାନ୍‌ ୱେର୍‌ୟି ଲେକାମ୍‍ ଦାସତ୍ୱ ବନ୍ଦନ୍‍ତାଗ୍‍ ମାନ୍ଦାନ୍‌ ନାରୁଡ଼୍‍କିନ୍‌ ଅଣ୍ଡ୍‌‌ ଗେଲ୍‌ସ୍ପି ମିନ୍ଦେଣ୍ଡ୍‌ । 
\v 16 ଇଗାଙ୍କ୍‍ ପୁନ୍ଦାନଙ୍କ୍‍ ଆଦ୍‍ତେ ଜେ, ଅଣ୍ଡ୍‌‌ ଦୂତକିନ୍‌ ସାହାଯ୍ୟ ମାଡ଼ଣ୍ଡ୍‌, “ଅଣ୍ଡ୍‌‌ ଅବ୍ରାହାମ୍‌ତେ ବଂଶତଡ଼୍‍କ୍‍ ସାହାଯ୍ୟ ମାଡ଼ିତଣ୍ଡ୍‌ ।” 
\v 17 ଆଦିଙ୍କ୍‍, ସାରେ ବିଷୟତେ ତାନ୍‌ ଏଲାଡ଼୍‍ତାମୁଣ୍ଡ୍‍ ଲେକେମ୍‍ ଆଦାନଙ୍କ୍‌ ଅଙ୍କ୍‌ ଦାର୍‌କାର୍‌ ମାତ୍‌ତା, ବେଲାକି ଅଣ୍ଡ୍‌‌ ଅଡ଼ାଦ୍‌‌ ବିଶ୍ୱସ୍ତ ନୁ ଦୟାବାନ୍ ମାଡ଼ାନଣ୍ଡ୍‍ ବେଡ଼୍‍ୟା ପୁଜାରି ଆସ୍‌ ଇଶ୍ୱରନ୍‌ ସେବା ମାଡ଼େପାର୍ଦିତଡ଼୍‍ ମେଣ୍ଡେ ନାରୁଡ଼୍‍ ପାପାମ୍‌ନୁଞ୍ଚ୍‌ କ୍ଷମା ଆଦ୍‌ତଡ଼୍‍ । 
\v 18 ଆଦିଙ୍କ୍‍ ଅଣ୍ଡ୍‌‌ ନିଜେ ପରିକ୍ୟା ଆସ୍ ଦୁଃକାମ୍‌ତେ ମାତ୍‌ତଣ୍ଡ୍‌, ପରିକ୍ୟାତାଗ୍‌ ମାନ୍ଦାନ୍ ନାରୁଡ଼୍‍କିଙ୍କ୍‍ ଗେଲ୍‌ସ୍ପାନ୍ ମାଇଦିଙ୍କ୍ ପାର୍‍ଦ୍‍ତଣ୍ଡ୍‍ ।
\c 3
\s ଜିସୁ ମଶାନାଗାଙ୍କ୍‌ ବେଡ଼ିୟଣ୍ଡ୍
\p
\v 1 କ୍ରିଷ୍ଟ ବିଶ୍ୱାସି ଏଲାଡ଼୍‍ତାମୁଣ୍ଡ୍‍, ମିକିଂଙ୍କ୍‍ ଗାଲା ଇଶ୍ୱର କାର୍‍ଙ୍ଗ୍‍ତଣ୍ଡ୍, ମିଡ଼୍‍ ଜିସୁନ୍‌ ବିଷୟ୍‌ତେ ଆଲ୍‌ସାଟ୍ ! ଅଙ୍କ୍‌ ମାନ୍‍ ବିଶ୍ୱାସିଡ଼୍‍ ବାଡ଼ିୟା ପୁଜାରି ଆଦାନଙ୍କ୍‌ ଇଶ୍ୱର ପ୍ରେରିତ ମାଡ଼ିମିନ୍ଦେଣ୍ଡ୍‌ । 
\v 2 ମଶାଲ୍‌ ବେଲା ଇଶ୍ୱରତେ ଲନ୍‍ ବିଶ୍ୱାସ୍‌ତେ ପାଡ଼ିୟ୍‌ ମାଡ଼ିମାତ୍‌ତଣ୍ଡ୍, ଇଶ୍ୱର ଏଞ୍ଚ୍‌ତେ ଜିସୁ ମେଣ୍ଡେ ଆଲେକେ ଇଶ୍ୱରନ୍‌ ସେଙ୍ଗେ ବିଶ୍ୱାସ୍‌ତେ ପାଡ଼ିୟ୍‌ ମାଡ଼ମାତ୍‌ତଣ୍ଡ୍‌ । 
\v 3 ଇତ୍‌କେ ଲୋନ୍‌ତାଗାଙ୍କ୍‍ ଲୋନ୍‌ ମାଡ଼୍‍ତେନଙ୍କ୍‌ ନାର୍ଗେ ସମ୍ମାନ୍ ଦର୍କିତା । ଆଲେକେ ମଶାନାଗାଙ୍କ୍‍ ଜିସୁ ନାର୍ଗେ ସାମ୍ମାନ୍‌ ପାଏମ୍‍ ଆଦାନଙ୍କ୍‍ ଯୋଗ୍ୟ । 
\v 4 ସାର୍ରେ ଲକ୍‌ ବେନ ବା ବେନ ମାଡ୍‌ତାୱ୍‌, ଇତ୍‌କେ ଇଶ୍ୱର ସାର୍ରେ ବିଷୟ୍‍ ତିଆର୍‍ ମାଡ଼ାନଣ୍ଡ୍ । 
\v 5 ସେବକ୍‍ ଇସାବ୍‌ତେ ମଶାଲ୍ ଇଶ୍ୱରନ୍ ଲନ୍ ବିଶ୍ୱାସ୍‌ତେ ପାଡିୟ୍‌ ମାଡ଼ିମାତ୍‍ତଣ୍ଡ୍ ମେଣ୍ଡେ ଅନ୍‌‍ ପାଡ଼୍‍ୟି ଇଶ୍ୱର୍ ବବିଷ୍ୟତ୍‍ତେ କେତାନଙ୍କ୍‍ ମାନ୍ଦାନ୍‍ ଇଚ୍ଛା ମାଡ଼ିମାନ୍ଦାନ୍‍ ଆଦେ ବିଷୟ୍‌ତେ ଉଦାରନ୍‍ ଲେକାମ୍‍ । 
\v 6 ଇତ୍‌କେ କ୍ରିଷ୍ଟ ମାର୍‌ ଲେକାମ୍‍ ଇଶ୍ୱରନ୍ ପୁରାଲୋତ୍‍ତେ ଦାୟିତ୍ୱତାଗ୍‍ ବିଶ୍ୱସ୍ତ ମିନ୍ଦେଣ୍ଡ୍‌ । ମାନାଡ଼୍‍ ଯଦି ଡାଟୁମ୍‌ତେ କେତ୍‌ତାୱ୍‌ ବିଷୟ୍ ଦର୍କିତା ଇଞ୍ଜ ମାନ୍‍ ବିଶ୍ୱାସ୍‌ତେ ଡୁଟାଙ୍ଗ୍‍ ମାନ୍‌ତାଡ଼୍‍, ଆଲାଇତ୍‌କେ ମାନାଡ଼୍‍ ଗାଲା ଅନ୍‌‌ ଲୋନ୍‌ ଆଦେପାର୍‍ଦ୍‍ତାଡ଼୍‍ ।
\s ଇଶ୍ୱର୍‌ତେ ନାରୁଡ଼୍‍ ସେଙ୍ଗେ ରମାନାଦ୍‍
\p
\v 7 ଆଦିଙ୍କ୍‍ ପବିତ୍ର ଆତ୍ମା ବେଲା କେତୁତଣ୍ଡ୍‍,
\q1 “ନେଣ୍ଡ୍‌ ଯଦି ମିଡ଼୍‍ ଇଶ୍ୱରନ୍‌ ଗଟ୍‌ କେଞ୍ଜିତିଡ଼୍‍,
\q2
\v 8 ଆଲାଇତ୍‌କେ ମି ଆନିଦାଦିଡ଼୍‍ ଲେକାମ୍‍ ହୃଦୟ୍‌ତିଙ୍କ୍‍ କଟିନ୍‍ ମାଡ଼୍‍ମାଟ୍,
\q2 ଉସ୍କନେଲ୍‌ଦାଗ୍‌ ଅଡ଼୍‌‍ ଆଦ୍‍ ଦିନେ ଇଶ୍ୱରଙ୍କ୍‍ ପରିକ୍ୟା ମାଡ଼ି ଅନ୍‌‍ ବିରୁଦ୍ଦ୍‌ତେ ନିସ୍‍ମାତ୍‍ତଡ଼୍‍ ।
\q1
\v 9 ଇଶ୍ୱର କେତୁତଣ୍ଡ୍‍, ଆଗା ଅଡ଼୍‌‍ ନାୟାଦ୍‌ ଲାୱ୍‌ଦିଙ୍କ୍‍ ନୁ ଡାଟୁମ୍‌ତିଙ୍କ୍‍ ପରିକ୍ୟା ମାଡ଼୍‍ତଡ଼୍‍,
\q2 ନାନ୍‍ ଚାଲିଶ୍ ଏଣ୍ଡ୍‌କ୍‌ ଯାକ ନାନ୍‌ ବେନାସାର୍ରେ ପାଡ଼ିୟ୍‌ ମାଡ଼ିମାତ୍‌ତାନ୍, ଆଦ୍‌ ଅଡ଼୍‌‍ ଉଡ଼ିମାତ୍‍ତଡ଼୍‍ ।
\q1
\v 10 ଆଦିଙ୍କ୍‍ ନାନ୍‌ ଅଡ଼୍‌‍ ପର୍ର ନେକ୍‌କା କପାମ୍ ଆସ୍‌ କେତ୍‌ତାନ୍‌,
\q2 ଅଡ଼୍‌‍ ସାରେଦାମ୍‌ ବିଶ୍ୱାସ୍‍ ଇଲ୍‍ୱେନଡ଼୍‍ ମେଣ୍ଡେ ନା ଗଟ୍‌ କେଞ୍ଜନଙ୍କ୍‌ ଇଷ୍ଟାମ୍‌ ଇଲ୍‌ୱାନଡ୍‌ ।
\q1
\v 11 ନାନ୍‌ କପାମ୍‌ ଆସ୍‍ ଶପତ୍‍ ମାଡ଼୍‍ତାନ୍, ‘ନାନ୍ ବେନ୍‍ ଦେଶ୍‌ତାଗ୍‌ ରମାନଙ୍କ୍‌ ଇୱେନ୍‍,
\q2 ଆ ଦେଶ୍‌ତାଗ୍‌ ଅଡ଼୍‌‍ ବେସୁଟ୍‍ବା ନେଙ୍ଗା ପାର୍ୱଡ଼୍‍ ।’”
\p
\v 12 ଅବିଶ୍ୱାସୀ ଦାଦାଲଡ଼ି ନୁ ଏଲାସ୍କ୍‍, ସାବ୍‍ଦାନ୍‍ ମାନୁଟ୍‌, ମିୟାଗାଙ୍କ୍‌ ବେନନ୍ ହୃଦୟ୍‌ ବେଲାକି ପାପ୍ ନୁ ବିଶ୍ୱାସ୍ ଇଲ୍‌ୱା ମାଞ୍ଜ୍‌ ଜିୱୁ ମାନ୍ଦାନ୍ ଇଶ୍ୱରନୁଞ୍ଚ୍‌ ୱେରେ ଆୟ୍‌ମାକି । 
\v 13 ଇତ୍‍କେ ବେସୁଙ୍କ୍‌ବା ପାପ୍‌ତେ ଆଶେତ୍ ଟକେମ୍‍ ଆସ୍‍ ମିୟାଗାଙ୍କ୍‌ ବେନନ୍ ମନ୍‌ ଡୁଟାଙ୍ଗ୍‍ ଆୟ୍‍ମାକି, ଆଦିନ୍‌ ମାଇଦିଙ୍କ୍‌ ନେଣ୍ଡ୍ ସମୟ୍‌ ମାଞ୍ଜ୍ ମାଞ୍ଜ୍‌ ୱେରଣ୍ଡ୍‌ ମେଣ୍ଡ୍‌ୱେରଙ୍କ୍ ୱେଡ଼୍‍କେ ମାଡ଼ାଟ୍ । ମେଣ୍ଡେ ଦର୍ମଶାସ୍ତ୍ରତାଗ୍‍ ଲେକ୍‍ତାଦ୍‍, “ନେଣ୍ଡ୍‍” ଲେଙ୍ଗ୍‌ ବେସୁଟ୍‌ ଆନା ମାନ୍‍ ସେଙ୍ଗେ ଦର୍‍କାର୍‍, ଆସୁଟ୍‍ ଆଦ୍‍ ମାଡ଼ମାନୁଟ୍‍, 
\v 14 ଯଦି ମାନାଡ଼୍‍ ମାଡେଙ୍ଗ୍‌ ଆୟ୍‌ନା ସାୟେ ବିଶ୍ୱାସ୍‌ତେ ମାନ୍‌ତାଡ଼୍‍, ଆଲାଇତ୍‌କେ ମାନାଡ଼୍‍ ସାର୍ରେତଡ଼୍‍ କ୍ରିଷ୍ଟନ୍‌ତଡ଼୍‍ ଆଂଶିଦାର୍‍ ଆଦେ ପାର୍‍ଦ୍‍ତାଡ଼୍‍ ।
\p
\v 15 ଦର୍ମଶାସ୍ତ୍ରତାଗ୍‌ ଲେକ୍‍ତାଦ୍ ମିନ୍ଦେ,
\q1 ନେଣ୍ଡ୍‌ ଯଦି ମିଡ଼୍‍ ଇଶ୍ୱରନ୍‌ ଗଟ୍‍ କେଞ୍ଜିତିଡ଼୍‍,
\q2 ଆଲେକେ ନି ଆନିଦାଦିଡ଼୍‍ ହୃଦୟ୍‌ ତିପାଲ୍‌ ମାଡ଼ି ଇଶ୍ୱରନ୍ ପର୍ର ବେଲା ବିରୁଦ୍ଦ୍‌ ମାଡ଼ିମାତ୍‌ତଡ଼୍‍, ଆଲା ମାଡ଼୍‍ମାଟ୍ ।
\p
\v 16 ଇଶ୍ୱରନ୍‌ ଗଟ୍‍ କେଞ୍ଜି ଗାଲେୟ୍‌ ବେନଡ଼୍‍ କି ଅନ୍‌ ପର୍ର ବିରୁଦ୍‍ ମାଡ଼୍‍ତଡ଼୍‍, ଅଡ଼୍‌‍ ବେନଡ଼୍‍ ? ବେନ୍‍ ନାରୁଡ୍‌କିଙ୍କ୍‍ ମଶାଲ୍ ମିସର୍ ଦେଶ୍‌ନୁଞ୍ଚ୍‌ କାର୍‍ଙ୍ଗି ତାସ୍‌ମାତ୍‍ତଣ୍ଡ୍, ଅଡ଼୍‌‍ ଆୟଡ଼୍‍ କି । 
\v 17 ଚାଲିଶ୍ ଏଣ୍ଡ୍‌ ପଇସ୍‌ ବେନ ଇଶ୍ୱର୍‌ତିଙ୍କ୍‍ କପାମ୍ ମାଡ଼ିମାତ୍‍ତଡ଼୍‍, ଅଡ଼୍‌‍ ବେନଡ଼୍‍ ? ବେନଡ଼୍‍ ପାପ୍‌ ପାଡ଼୍‍ୟି ମାଡ଼ି ଉସ୍କନେଲ୍‌ଦାଗ୍‌ ଡଲିମାତ୍‍ତଡ଼୍‍, ଅଡ଼୍‌‍ ଆୟଡ଼୍‍ କି । 
\v 18 ଇଶ୍ୱର ବେସୁଙ୍କ୍‍ ଶପତ୍‌ ମାଡ଼ି କେସ୍‌ମାତ୍‍ତଣ୍ଡ୍‍ ଯେ, ଅଡ଼୍‌‍ ମାନ୍‍ୱାଦ୍ ରମାନାଗ୍‌ ବେସୁଟ୍‍ବା ନେଙ୍ଗେ ପାର୍ୱଡ଼୍‍, ଆସୁଙ୍କ୍‌ ଅଣ୍ଡ୍‌‌ ବେନ୍‍ ନାରୁଡ଼୍‍ ବିଷୟ୍‌ତେ ଆଦ୍‍ କେସ୍‌ମାତ୍‌ତଣ୍ଡ୍‌ ? ବେନଡ଼୍‍ ବିରୁଦ୍ଦ୍‌ ମାଡ଼ିମାତ୍‌ତଡ଼୍‍, ଅଡ଼୍‌‍ ବିଷୟତେ ଅଣ୍ଡ୍‌‌ ଆଦ୍ କେସ୍‌ମାତ୍‌ତଣ୍ଡ୍‌ । 
\v 19 ଆଦିଙ୍କ୍‍ ମାମେ ଉଡ଼ମିନ୍ଦେମ୍‌ ଯେ, ତାମାଦ୍ ଅବିଶ୍ୱାସୀତେ ମାଇଦିଙ୍କ୍‌ ଅଡ଼୍‌‍ ଆ ପ୍ରତିଜ୍ଞା କିଣାନ ଦେଶ୍‍ତାଗ୍‍\f + \fr ୩:୧୯ \fr*\ft ପ୍ରତିଜ୍ଞା କିଣାନ ଦେଶ\ft*\f* ନେଙ୍ଗେ ପାର୍ୱଡ଼୍‍ ।
\c 4
\p
\v 1 ମାନାଙ୍କ୍‍ ବେନ୍‍ ପ୍ରତିଜ୍ଞାତ କିଣାନ ଦେଶ୍‍\f + \fr ୪:୧ \fr*\ft ପ୍ରତିଜ୍ଞା କିଣାନ ଦେଶ୍‍\ft*\f* ଇଦ୍‍ତାନ୍ ଇଞ୍ଜ ଇଶ୍ୱର କେସ୍‌ମାତ୍‌ତଣ୍ଡ୍‍, ଆଦ୍‌ ଇଞ୍ଜେ ଗାଲା ପ୍ରତିଜ୍ଞାତ ମିନ୍ଦେ । ଆ ପ୍ରତିଜ୍ଞା ରମାନ୍ ଦିନେ ବେନନ୍ ବେଲାକି ବାତ୍‌ ଆୟ୍‍ମାକିଣ୍ଡ୍‍, ଆଦିନ୍ ମାଇଦିଙ୍କ୍ କେପିମାନୁଟ୍‌ । 
\v 2 ବାତାଙ୍କ୍‌ଇତ୍‌କେ ଅଡ଼୍‌‍ ଲେକେମ୍‍ ମାମ୍ ଗାଲା ସୁସମାଚାର୍‍ କେଞ୍ଜ୍‌ତମ୍‌ । ଅଡ଼୍‌‍ ଆଦ୍‌ କେଞ୍ଜି ଗାଲେୟ୍‌ ବିଶ୍ୱାସ୍ ମାଡ଼ଡ଼୍‍ । ଆଦିଙ୍କ୍‍ ଅଡ଼୍‌‍ ସାଙ୍ଗ୍ ଆଦ୍‌ ସାୟେତାଦ୍‌ ଆୟ୍‌ୱାମାତ୍‌ତେ । 
\v 3 ଇତ୍‌କେ ବେନଡ଼୍‍ ମାୟାଗାନୁଞ୍ଚ୍ ବିଶ୍ୱାସ୍ ମାଡ଼ିତଡ଼୍‍, ଅଡ୍‌ ଯେ ଇଶ୍ୱର କେସ୍‌ମାତ୍‌ତାଦ୍‌ ରମାନାଦ୍‍ ଦର୍ସ୍କେ ପାର୍ଦିତଡ଼୍‍, ବାତେଙ୍କ୍‍ ଇତ୍କେ ଇଶ୍ୱର କେତ୍‍ତଣ୍ଡ୍‍, “ନାନ୍‌ କପାମ୍ ଆସ୍ ଶପତ୍‌ ମାଡ଼୍‍ତାନ୍, ‘ଅଡ଼୍‌‍ ନା ରମାନାଗ୍‌ ନେଙ୍ଗେ ପାର୍ୱଡ୍‌ ।’” ଯଦିବା ଇଦ୍‍ ବିଶ୍ରାମ୍ ଜଗତ୍‍ ସୃଷ୍ଟିତାଗାଙ୍କ୍‍ ତିଆର୍‍ ଆସ୍‍ମିନ୍ଦେ । 
\v 4 ଅଣ୍ଡାଗ୍‌ ଦର୍ମଶାସ୍ତ୍ରତାଗ୍ “ସାତ୍‌ ଦିନେତେ,” ବିଷୟ୍‌ତେ ଇଲା ଲେକ୍‍ତାଦ୍ ମିନ୍ଦେ, “ଇଶ୍ୱର ତାନ୍ ସାର୍ରେ ପାଡ଼୍‍ୟି ତେର୍‌ସ୍‌ପିସ୍‌ ସାତ୍ ଦିନାମ୍‌ତେ ରମ୍‌ତଣ୍ଡ୍‍ ।” 
\v 5 ମେଣ୍ଡେ ଇଦିନ୍‌ ବିଷୟ୍‌ତେ ମେଣ୍ଡ୍‌ଅଣ୍ଡାଗ୍‌ ଲେକ୍‍ତାଦ୍ ମିନ୍ଦେ, “ଇଶ୍ୱର୍ କେତ୍‍ତଣ୍ଡ୍‍, ଅଡ଼୍‌‍ ନା ରମାନାଗ୍ ବେସୁଙ୍କ୍‌ବା ନେଙ୍ଗେ ପାର୍ୱଡ଼୍‍ ।” 
\v 6 ବେନଡ଼୍‍ ମୁନେଙ୍କ୍‌ ସୁସମାଚାର୍‍ କେଞ୍ଜିମାତ୍‌ତଡ଼୍‍, ନିଜର୍‍ ଅବିଶ୍ୱାସ୍‌ତେ ମାଇଦିଙ୍କ୍‌ ଆ ରମାନାଗ୍‌ ନେଙ୍ଗାନଙ୍କ୍‍ ପାର୍ୱେମାତ୍‌ତଡ଼୍‍ । ଇଞ୍ଜେ ୱେରେତଡ଼୍‍କ୍‌ ଆ ରମାନାଗ୍ ଆଦାନଙ୍କ୍ ସୁଯଗ୍‌ ପାଏମ୍‍ଆତ୍‍ତଡ଼୍‍; 
\v 7 ବାତାଙ୍କ୍‌ଇତ୍‌କେ ଅଡ଼୍‌‍ ମାଇଦିଙ୍କ୍‌ ଇଶ୍ୱର ମେଣ୍ଡ୍‍ଅରଟ୍‌ ଦିନାମ୍ ଟିକ୍‍ ମାଡ଼ିମିନ୍ଦେଣ୍ଡ୍‍ ମେଣ୍ଡେ ଆ ଦିନାମ୍‌ ଆଦୁତ୍‍, “ନେଣ୍ଡ୍‌ ।” ନାର୍ଗେ ଏଣ୍ଡ୍‌କ୍‌ ପେର୍କେ ଦାଉଦ୍‍ତାଦ୍ ଶାସ୍ତ୍ର କେତୁତେ, ବେଲାକି ମୁନେଙ୍କ୍‌ କେସ୍‌ମାତ୍‌ତାଦ୍‌ ମିନ୍ଦେ, “ନେଣ୍ଡ୍‌ ଯଦି ମିଡ଼୍‍ ଅନ୍‌‌ ଗଟ୍‌ କେଞ୍ଜୁତିଡ଼୍‍, ମି ହୃଦୟ୍‌ତିଙ୍କ୍‍ ଡୁଟାଙ୍ଗ୍‍ ମାଡ଼୍‍ମାଟ୍‌ ।” 
\v 8 ଯଦି ଯିହଶୁୟ ନାରୁଡ଼୍‍କିଙ୍କ୍‍ ଇଶ୍ୱର୍ କେତ୍‍ତାଦ୍‍ ରମାନାଦ୍‍ ଇୱେଣ୍ଡ୍‌, ଆଲେକେ ଇଶ୍ୱର୍ ପେର୍କେ ମେଣ୍ଡ୍‌ଅରଟ୍‌ ରମାନାଦ୍‍ ଗଟ୍ କେଲଣ୍ଡ୍‌ ଆୟେଣ୍ଡ୍‌ । 
\v 9 ଆଦିଙ୍କ୍‍ ଇଦ୍‍ ସ୍ପଷ୍ଟ ଜେ ଇଶ୍ୱରତେ ନାରୁଡ଼୍‍ ମାଇଦିଙ୍କ୍‌ ଅରଟ୍‌ ବିଶେଷ୍‍ ରମାନାଦ୍‌ କେପି ମିନ୍ଦେ । 
\v 10 ଇଶ୍ୱର ବେଲା ତାନ୍ ପାଡ଼୍‍ୟିନୁଞ୍ଚ୍‌ ରମ୍‌ତଣ୍ଡ୍‍, ବେନଆୟି ଇଶ୍ୱର୍‌ତେ ରମାନାଗ୍‍ ନେଙ୍ଗ୍‍ତଣ୍ଡ୍‍, ଅଣ୍ଡ୍‌‍ ଗାଲା ନିଜର୍‍ ପାଡ଼୍‍ୟିତେ ଆୟ୍‍ତାଗାଙ୍କ୍‍ ରମାନାଦ୍‍ ପାଏମ୍‍ଆତ୍‍ତଣ୍ଡ୍‍ । 
\v 11 ଆଦିନ୍‌ସେଙ୍ଗେ ମାନାଗାନୁଞ୍ଚ୍‌ ବେନ ବେଲାକି ନିଜର୍‍ ଅବିଶ୍ୱାସ୍‌ତେ ମାଇଦିଙ୍କ୍‌ ଆ ନାରୁଡ଼୍‍ଲେକେମ୍‍ ଆଦ୍‍ ରମାନାଗାନାଙ୍କ୍‌ ବଞ୍ଚିତ ଆୟଣ୍ଡ୍‍, ଆଦିନ୍‌ ସାଙ୍ଗ୍ ପାର୍‍ତେଆସର୍‍ ଚେଷ୍ଟା ମାଡ଼ିତାଡ଼୍‍ ।
\p
\v 12 ଇଶ୍ୱରତେ ଗଟ୍‌ ଜିୱୁତାଦ୍‌ ନୁ ଆଦ୍‍ ବିଶ୍ୱାତେ ମିନ୍ଦେ । ଆଦ୍‌ ରେଣ୍ଡ୍‌ ୱାୟେ ସୁର୍‌କେସେର୍‌ ତାଗାଙ୍କ୍‍ ଗାଟି ଅଲ୍‌ତେ; ଆତ୍ମା ନୁ ଜିୱେ ମେଣ୍ଡେ ବୁଲା ନୁ ମେଦୁର୍‍ ୱେରେ ମାଡ଼ିତେ, ମେଣ୍ଡେ ନାରୁଡ଼୍‍ତେ ମନ୍‌ତାଗ୍‌ ଆଲ୍‌ସାନାଦ୍‌ ନୁ ଚିନ୍ତେ ମାଡ଼ାନାଦ୍‍ ବିଚାର୍‍ ମାଡ଼ିତ୍‍ । 
\v 13 ଇଶ୍ୱରତାଗ୍‌ ବାତେବା ମିଞ୍ଜିମାନ୍ଦେପାର୍ୱ; ସାରେ ବୁମ୍‍ତେ ସାର୍ରେ ବିଷୟ୍ ତାନ୍‌ ଏକାମ୍ ଉଡ଼ାନ୍‍ କଣ୍ଡାନ୍‌ ମୁନେ ମୁସ୍‍ତେ ଲେକାମ୍‍ ଇଲ୍‍ଲେ ନୁ ତେର୍‌ୟ୍‌ତେ ଲେକାମ୍‍ ମିନ୍ଦେ । ଆ ଇଶ୍ୱରନ୍‌ ମୁନେ ମାନାଡ଼୍‍ ଇସାବ୍‌ ଇଦାନଙ୍କ୍‌ ଆଦ୍‌ତେ ।
\s ଜିସୁକେ ବେଡ଼୍‍ୟେ ପୁଜାରି
\p
\v 14 ବାତେଙ୍କ୍‌ଇତ୍କେ ଇଶ୍ୱରନ୍‌ ମାର୍‌ ଜିସୁ, ସ୍ୱର୍ଗତାଗ୍‍ ଆଞ୍ଜ୍‌ମିନ୍ଦେଣ୍ଡ୍‌, ଅଣ୍ଡ୍‌‌ ମାନ୍‍ ବେଡ଼୍‍ୟେ ପୁଜାରି ଆତ୍‌ତାଙ୍କ୍‍କେ ୱାରାଟ୍‌, ମାନାଡ଼୍‍ ମାନ୍‍ ବିଶ୍ୱାସ୍‍ତିଙ୍କ୍‍ ଡାଟୁମ୍‌ତେ ପଇସ୍‌ ମାନ୍ଦାଙ୍କ୍‍ ୱେୟ୍‌ତିତ୍ । 
\v 15 ବେନ ମାନାଦ୍‌ ଦୋଷ୍‌ତିଙ୍କ୍‍ ଉଡ଼ାନଙ୍କ୍‍ ପାର୍ୱଣ୍ଡ୍, ଇଦ୍‌ଲେକାମ୍‌ ବେଡ଼୍‍ୟେ ପୁଜାରି ଅଣ୍ଡ୍‌‌ ଆୟଣ୍ଡ୍‌ । ଅଣ୍ଡ୍‌‌ ତ ମାନ୍‍ ବେଡ଼୍‍ୟେ ପୁଜାରି, ମାନ୍‍ ଲେକାମ୍ ସାର୍ରେ ପରିକ୍ୟା ଆସ୍‌ମାତ୍‌କେ ମିକା ଅଣ୍ଡ୍‌‌ ପାପାମ୍‍ କିୱେ ମାତ୍‌ତଣ୍ଡ୍‌; 
\v 16 ଆଦିଙ୍କ୍‍ ମାନାଡ଼୍‍ ୱେର୍‌ୟ୍‌ୱେକଟ୍‌ ଇଶ୍ୱରନ୍ ଦୟା ସିଂହାସନ୍‌ତାଗ୍‌ ଆଦେପାର୍ଦିତାଡ଼୍‍ । ଆଗେ ମାନାଙ୍କ୍‌ ବେସୁଙ୍କ୍‍ ବାତେ କାୱାଲ୍‌ ଆସୁଙ୍କ୍‌ ମାନାଦ୍‌ ସାୟେତ୍‌ ମାଇଦିଙ୍କ୍‌ ଦୟା ନୁ ସୁକାମ୍‌ ଦର୍କିତା ।
\c 5
\p
\v 1 ସାର୍ରେ ବେଡ଼୍‍ୟେ ପୁଜାରିଡ଼୍‍ ତାମ୍ ଜାତିନ୍‌ ନାରୁଡ଼ାଗାଙ୍କ୍‌ ଏଞ୍ଚିଆସ୍ ନିତିତଡ଼୍‍ । ଅଣ୍ଡ୍‌‌ ଅଡ଼୍‌‍ପାକାଙ୍କ୍‌ ପାପାମ୍‍ ମାୟି ଇଞ୍ଜ ପୁଜେ ଇଦ୍‍ତଣ୍ଡ୍ ନୁ ଦାନ୍‍ ଇସ୍‌ମାଞ୍ଜ୍‌ ଇଶ୍ୱରନ୍‌ ସେବା ମାଡ଼ିତଣ୍ଡ୍‍ । 
\v 2 ଅଣ୍ଡ୍‌ ନିଜେ ନାର୍ଗେ ପ୍ରକାର୍‍ ଦଷ୍‌ ଦୁର୍ବଲ ତଡ଼୍‍ ନିଣ୍ଡିମାନ୍ଦାନ୍‍ ମାଇଦିଙ୍କ୍‍ ଦଷତୃଟି ମାଡ଼ମାନ୍ଦାନ୍‌ ମୁର୍କ ନାରୁଡ଼୍‍କ୍‌ ସାୟେ ଆଲ୍‌ସିତଣ୍ଡ୍‍ । 
\v 3 ଆଦିନ୍‌ସେଙ୍ଗା ଆନ୍‌ୱେ ନାରୁଡ଼୍‍ ପାପାମ୍‍ତେ ମାଇଦିଙ୍କ୍‌ ବଲି ମାଡ଼ିତଣ୍ଡ୍‍; ଆଦ୍‍ ଆୟ, ଅଣ୍ଡ୍‌ ତାନ୍‌ ମାଡ଼୍‍ତେ ପାପାମ୍‍ତେ ମାଇଦିଙ୍କ୍‌ ମିକା ବଲି ଇଦାନଙ୍କ୍‍ ଆଦ୍‍ତେ । 
\v 4 ବେନ ତାମ୍‌ ମାନ୍‌ତେ ବାଡ଼୍‍ୟେ ପୁଜାରି ଆୟେପାର୍‍ୱଡ଼୍‍, ହାରୋଣତିଙ୍କ୍‍ ବେଲା ପରମେଶ୍ୱର ନିତାକିତ୍‌ତଣ୍ଡ୍‍; ଅଣ୍ଡ୍‌‌ ପୁଜାରି ଆତ୍‌ତଣ୍ଡ୍‌ । 
\v 5 ଆଦେଲେକାମ୍ ଜିସୁ ଗୌରବ୍‍ତେ ବେଡ଼୍‍ୟେ ପୁଜାରି ଆଦାନଙ୍କ୍‍ ଅଂକିଙ୍କ୍‌ ଏଞ୍ଚଣ୍ଡ୍‌; “ନିମା ନା ମାର୍‍, ନେଟ୍‌ତେନୁଞ୍ଚ୍‌ ନାନ୍‌ ନି ବାବାଲ୍ ଆତ୍‌ତାନ୍‌ ଇଞ୍ଜ ଇଶ୍ୱର ଅଂକିଙ୍କ୍‌ କେତ୍‌ତଣ୍ଡ୍‍ ।” 
\v 6 “ନିମେ ପୁଜାରି ପଦ୍‍ତାଗ୍‌ ମଲ୍‌କିସେଦକ ଲେକେନ୍ ଉତ୍ତରାଦିକାରୀ ସାରେଦିନାତ୍‍ ପୁଜାରି ଆଦ୍‍ତିନ୍‌, ଇଞ୍ଜ ପରମେଶ୍ୱର କେତ୍‍ତଣ୍ଡ୍ ।” 
\v 7 \x + \xo ୫:୭ \xo*\xt ମାତିଉ ୨୬:3୬-୪୬; ମାର୍କ ୧୪:3୨-୪୨; ଲୁକ ୨୨:3୯-୪୬.\xt*\x*ବେନ୍‍ ଇଶ୍ୱର୍ ଅଙ୍କ୍‌ ଡଲାନାଗାଙ୍କ୍‍ ରକ୍ଷା ମାଡ଼େପାର୍‍ଦ୍‍ତଣ୍ଡ୍‍, ଅନ୍‌‍ ଗାରେ ଜିସୁ ପୁରା ଜିୱୁଣ୍ଡ୍‍ କେୟି କେୟି କାଣ୍ଡେଡ଼ି ରାପି ବିନତି ପ୍ରାର୍ତନା ମାଡ଼୍‍ତଣ୍ଡ୍‍ । ଅଣ୍ଡ୍‌ ନମ୍ର ନୁ ସାୟେ ଆସ୍‍ ମାନ୍ଦାନ୍‍ ମାଇଦିଙ୍କ୍‍, ଇଶ୍ୱର୍ ଅନ୍‌‍ ପ୍ରାର୍ତନା କେଞ୍ଜ୍‍ତଣ୍ଡ୍‍ । 
\v 8 ଯଦି ଅଣ୍ଡ୍‌‍ ଇଶ୍ୱର୍‌ତେ ମାର୍‍ ଆତ୍‍କେ ଗାଲା, ଅଣ୍ଡ୍‌‍ ଦୁକାମ୍‍ କଷ୍ଟତଡ଼୍‍ ନିୟମ୍‍ ପାଲନ୍‍ ମାଡ଼ାନଙ୍କ୍‍ ନାଡ଼୍‍ସ୍‍ତଣ୍ଡ୍‍ । 
\v 9 ଇଦ୍‍ରକମ୍‍ ଇଶ୍ୱର୍ ଅଂକିଙ୍କ୍‌ ୱେରଣ୍ଡ୍‍ ସିଦ୍ଦ ବେଡ଼୍‍ୟେ ପୁଜାରି ଇଞ୍ଜ ଯୋଗ୍ୟ ବିବେଚିତ୍‍ ମାଡ଼୍‍ତଣ୍ଡ୍‍, ଅଣ୍ଡ୍‌ ତାନ୍ ଗଟି କେଞ୍ଜାନ୍ ନାରୁଡ଼୍‍ ମାଇଦିଙ୍କ୍‌ ସାରେ ଦିନାମ୍‍ତେ ମାଇଦିଙ୍କ୍‍ ପରିତ୍ରାଣତେ ଗୁଦାମ୍‍ ଆତ୍‍ତଣ୍ଡ୍‌ । 
\v 10 ମେଣ୍ଡେ ଅଙ୍କ୍‌ ମଲ୍‌କିସେଦକ ଲେକାମ୍‍ ଉତ୍ତରାଦିକାରୀ ବେଡ଼୍‍ୟେ ପୁଜାରି ଆତ୍‍ତଣ୍ଡ୍‍ ଇଞ୍ଜ ପରମେଶ୍ୱର ଅଙ୍କ୍‌‌ ଗୋଷଣା ମାଡ଼୍‍ତଣ୍ଡ୍‍ । \fig ମାହାଯାଜକ୍‍ ସିଲେ ମେଣ୍ଡେ ଦୁପାମ୍ ପଇତାନାଦ୍ |alt="High priest with his priestly clothes and censer" src="hk00267c.tif" size="col" copy="Horace Knowles ©" ref="୫:୫"\fig*
\s ବିଶ୍ୱାସ୍ ଆରାମାଡ଼ାନାଦ୍‍ ପରିଣାମ୍‍
\p
\v 11 ଇଦ୍‌ ବିଷୟ୍‍ତେ ମାମ୍ ନାର୍ଗେ ଗଟି କେତାନଙ୍କ୍‍ ଇଚ୍ଛା ମାଡ଼ୁତମ୍‍, ଇତ୍‍କେ ମିକିଂଙ୍କ୍‍ ବୁଜାମାଡ଼ାନାଦ୍ କଷ୍ଟ ଆଦୁତ୍‍, ବାତେଙ୍କ୍‍ଇତ୍‍କେ ମିଡ଼୍‍ ଆତ୍ମିକ୍‍ ଜିୱୁଣ୍ଡ୍‍ ନୁ ମନ୍‍ତାଗ୍‍ ବୁଜେମ୍‍ ଆଦାନଙ୍କ୍‍ ଜାମ୍‍ ବୁଜେମ୍‍ ଆଦ୍‍ତିଡ଼୍‍ । 
\v 12 \x + \xo ୫:୧୨ \xo*\xt ୧ କରନ୍ତିୟ 3:୨.\xt*\x*ମିଡ଼୍ ଅର୍‌ତୁଙ୍କ୍‌ କାର୍‌ସ୍‌ପାନାଦ୍‌ ସମୟ ୱାତ୍‍ତେ, ଇସୁଟ୍ ଆୟ୍‍ନା ଇଶ୍ୱର୍‌ତେ ମୁନେନ୍‍ ନାଡ଼୍‍ସାନ୍‍ ଶିକ୍ଷା ସେଙ୍ଗେ ମେସ୍ତେରି ଦର୍‍କାର୍‍ ଆଦୁତେ । ମିଡ଼୍‍ ବେଡ଼୍‍ୟଡ଼୍ ତିନ୍ଦାନ୍‍ କାଦି ୱିଡ଼୍‍ସି ଇଞ୍ଜେକ୍‍ ଆନା ପିଲାନ୍‍ ଲେକାମ୍‍ ପାଲ୍‍ ଉନ୍ଦୂତିଡ଼୍‍ । 
\v 13 ବେନ ଆସାମ୍ ପାଲ୍ ଉନ୍‍ତଣ୍ଡ୍, ଅଣ୍ଡ୍‌‌ ପିଲାତ୍‌ ଲେକେତ୍‍ ମାନ୍‍ତଣ୍ଡ୍‌, ଆଦିଙ୍କ୍‍ ଅଣ୍ଡ୍‌‍ ସାୟେ କି କାରାପ୍‍ ପୁନ୍ଦାନଙ୍କ୍‍ ବୁଦ୍‍ ଇଲ୍‍ଲା । 
\v 14 ମେଣ୍ଡନ୍‍ରକମ୍‍ କଟିନ୍‍ କାଦି ବୟସ୍ତେ ନାରୁଡ଼୍‍ ସେଙ୍ଗେ; ଅଡ଼୍‌‍ ଜିୱୁଣ୍ଡ୍‍ତାଗ୍‍ ଚିନ୍ତେ ମାଡ଼ି ସାୟେ ନୁ କାରାପ୍‍ ପୁନ୍ଦାନଙ୍କ୍‍ ପାର୍‍ଦ୍‍ତଡ଼୍‍ ।
\c 6
\p
\v 1 ଆଦିଙ୍କ୍‍ ମାନାଡ଼୍‍ କ୍ରିଷ୍ଟ ଦର୍ମତାଦ୍‍ ମୁନେନ୍‍ତାୱୁ ତଥ୍ୟ ୱିଡ଼୍‍ସି, ନିଗୁଡ଼ ତଥ୍ୟ ଶିକ୍ଷା ମାଡ଼ାନ୍‍ ଦର୍‍କାର୍‍, ଇୱୁ ବଲାନ୍‌ କାମ୍‌ନୁଞ୍ଚ୍‌ ମାଲସ୍‌ ଇଶ୍ୱର୍‌ତାଗ୍‍ ବିଶ୍ୱାସ୍ ମାଡ଼ିତାଡ଼୍‍, 
\v 2 ଏର୍‌ ଦୀକ୍ଷା ବିସୟତେ ଶିକ୍ଷା, କାୟ୍ ୱାଟି ପ୍ରାର୍ତନା ମାଡ଼ାନାଦ୍‌, ବାଡ଼ିୟା ବିଚାର୍‌, ଡଲତେରଡ଼୍‍ ତେଦାନାଦ୍‌ ନୁ ସାରେଦିନାତ୍‍ ଦଣ୍ଡ୍‌ ଇଦ୍‍ ବିଷୟ୍‍କିନାକ୍ ମିକିଂଙ୍କ୍‍ ମେଣ୍ଡନ୍‍ଦାମ୍‍ ଶିକ୍ଷା ଇଦାନ୍‍ ଦର୍‍କାର୍‍ ଇଲ୍‍ଲେ । 
\v 3 ମାନଡ଼୍‍ ଇଞ୍ଜେ ମୁନେ ଆଦା ୱାୟ୍‍ତିତ୍, ଇଶ୍ୱରନ୍‌ ପର୍ର ଆଶେମାଡ଼ି ଇଦେ ମାନାଡ଼୍‍ ମାଡ଼ିକାଡ଼୍‍ । 
\v 4 ବେନଡ଼୍‍ ବିଶ୍ୱାସ୍ ୱିଡ଼୍‍ସ୍‍ତଡ଼୍‍ ଅଡ଼୍‌‍ ଏର୍କାମାଡ଼ି ମେଣ୍ଡେ ୱାଦା ପାର୍ଦିତଡ଼୍‍ କି ? ଅଡ଼୍‌‍ ଆସୁଙ୍କ୍ ଇଶ୍ୱରନ୍‌ ୱେସ୍‌ତେ ବାଦ୍‌କ ମାତ୍‍ତଡ଼୍‍, ସ୍ୱର୍ଗତାଦ୍ ଦାନାମ୍‌ ନାକି, ପବିତ୍ର ଆତ୍ମା ଦର୍ସ୍କିମାତ୍‍ତଡ଼୍‍ । 
\v 5 ପରମେଶ୍ୱରତା ଗଟି ମେଲ୍‌ତାୱ୍ ଇଞ୍ଜ ପୁତ୍‍ତଡ଼୍‍, ୱାଇନାଦ୍ ଯୁଗାତେ ପରମେଶ୍ୱର ତଅସିତେ ଶକ୍ତିତିଙ୍କ୍‍ ନେକା ନେଲା ପୁତ୍‍ତଡ଼୍‍ । 
\v 6 ଆଗେକ୍‍ବା ଅଡ଼୍‌‍ ବିଶ୍ୱାସ୍‍ ଆରାମାଡ଼୍‍ତଡ଼୍‍, ଆଦିଙ୍କ୍‍ ଅଡ଼୍‌‍ ମେଣ୍ଡନ୍‍ଦାମ୍‍ ଅନୁତାପ୍‍ ମାଡ଼ାନ୍‍ ସେଙ୍ଗେ ଅଡ଼୍‌‍କିଂଙ୍କ୍‍ କେତେ ପାର୍‍ନାୟ । ବାତାଙ୍କ୍‌ଇତ୍‌କେ ଅଡ଼୍‌‍ ମାନ୍‍ ପରମେଶ୍ୱରନ୍‌ ମାରିଙ୍କ୍‍ ମେଣ୍ଡେ କୃଶତାଗ୍‌ କୁଟି କଟି ଅଂକିଙ୍କ୍‌ ପରିହାସ୍‍ ମାଡ଼ୁତଡ଼୍‍ । 
\v 7 ବେନା ବୂମ୍‌ ମୁସୁର୍‌ ଏର୍‌ ଗ୍ରହନ୍‍ ମାଡ଼ି ଚାଷୀନ୍‍ ସେଙ୍ଗେ ସାୟେ ପାଣ୍ଡି ଆଦ୍‍ସ୍ପିତା, ଆ ବୂମ୍‌ତିଙ୍କ୍‍ ଇଶ୍ୱର ଆର୍ଶିବାଦ୍‌ ମାଡ଼ିତଣ୍ଡ୍‌ । 
\v 8 ଇତ୍‍କେ ଆ ବୁମ୍ ଯଦି କୟେ ପଦ୍‌ଲା ନୁ ଟଣ୍ଡା ପଦ୍‌ଲା ପେୟ୍‍ତିତା ଆଲାଇତ୍‌କେ ଆଦିନାଦ୍‍ ବାତେ ମୁଲ୍ୟ ଇଲେ । ଆଦ୍‍ ଇଶ୍ୱର୍‌ତେ ଅବିସାପ୍‍ ପାଏମ୍‍ଆଦ୍‍ତେ ନୁ କିସ୍‍ତାଗ୍‍ ଦଂସ୍‍ ପାଏମ୍‍ଆଦ୍‍ତେ । 
\v 9 ଆ ନା ପ୍ରିୟ ଏଲାଡ଼୍‍ତାମୁଣ୍ଡ୍‍, ମାନାଡ଼୍‍ ଇଦ୍‌ଲେକାମ୍ ଗଟି କେତକେ ଗାଲେୟ୍‍ ମି ପର ମାୱାଦ୍‍ ଆଶେ ମିନ୍ଦେ; ମିଡ଼୍‍ ପରିତ୍ରାଣ ପାଏମ୍‍ ଆଦାନ୍‍ ସେଙ୍ଗେ ଆର୍ଶିବାଦ୍‌ ପାତ୍ର ଆତ୍‍ତିଡ଼୍‍ । 
\v 10 ଇଶ୍ୱର କାରାପ୍ ମାଡ଼ଣ୍ଡ୍‍, ମିୟାଦ୍‌ ପାଡ଼୍‍ୟି, ବିଶେଷ୍‍ ମାଡ଼ି ଆନ୍‌ୱେ ନାରୁଡ୍‌କିଙ୍କ୍‍ ସାହାଯ୍ୟ ମାଡ଼ି ଇଶ୍ୱରନ୍ ପର୍ର ମିଡ଼୍‍ ବେନ୍‍ ପ୍ରେମାମ୍ ତଅସ୍‌ ମିନ୍ଦେଡ଼ି, ଆଦ୍‌ ଅଣ୍ଡ୍‌ ମାର୍ଗଣ୍ଡ୍ । 
\v 11 କିନ୍ତୁ ମାନ୍‍ ଅଣ୍ଡୟ୍‌‍ ଇଚ୍ଛା ମାଡ଼େଙ୍ଗ୍ ଆୟନା ଆନ୍‌ୱେ ନାରୁଡ଼୍‍ ପ୍ରତି ନିୟାଦ୍‌ ୱେଡ଼୍‍କା ମାନି, ଆଲେକେ ମିଡ଼୍‍ ବାତ୍‍ ଆଶେ ମାଡ଼୍‍ତିଡ଼୍‍ ଆଦ୍‍ ପୁରା ଆଦ୍‍ତେ । 
\v 12 ଆଲାଇତ୍‍କେ ମିଡ଼୍ ବେସୁଟ୍‍ବା ରମୱାକଟ୍‌ ଦୃଡ଼ ବିଶ୍ୱାସୀ ନୁ ଶକ୍ତି ନାରୁଡ୍ ପେର୍କେ ଆନୁଟ୍, ମେଣ୍ଡେ ଇଶ୍ୱର ପ୍ରତିଜ୍ଞା ମାଡ଼ିମାନ୍ଦାନ୍‍ ସାର୍ରେ ବିଷୟ୍ ପାଏମ୍‍ ଆୟ୍‍ମୁଟ୍‍ ।
\s ଇଶ୍ୱରନ୍ ପ୍ରତିଜ୍ଞା ନିଜାମ୍‍
\p
\v 13 ଅବ୍ରାହାମ୍‌ତିଙ୍କ୍‍ ପରମେଶ୍ୱର ବେସୁଟ୍‌ ପ୍ରତିଶୃତି ଇତ୍‌ତଣ୍ଡ୍‌‍, ଆସୁଟ୍‍ ଅଣ୍ଡ୍‌‍ ପ୍ରତିଶୃତି ରକ୍ଷା ମାଡ଼ିତଣ୍ଡ୍ ଇଞ୍ଜ ଶପତ୍‍ ମାଡ଼ିମାତ୍‍ତଣ୍ଡ୍‍ । ଅନାଗାଙ୍କ୍‍ ଶ୍ରେଷ୍ଠ ବେନ ଇଲ୍‍ୱାଙ୍କ୍‍ ଅଣ୍ଡ୍‌ ନିଜର୍‍ ପେଦେର୍‍ତେ ଶପତ୍‍ ମାଡ଼ିମାତ୍‍ତଣ୍ଡ୍‍ । 
\v 14 ଅଣ୍ଡ୍‌‍ କେତ୍‍ତଣ୍ଡ୍‍, “ନାନ୍‌ ନିକିନ୍‌ ନିଜାମ୍ ଆର୍ଶିବାଦ୍‌ ମାଡ଼ିତାନ୍ ମେଣ୍ଡେ ନି ବଂଶତିଙ୍କ୍‍ ନାର୍ଗେ ପିଲୁଡ଼୍‍ ଇଦ୍‍ତାନ୍ ।” 
\v 15 ଅବ୍ରାହାମ୍ ଗାଡ଼୍‍ସ୍‍ ଆସ୍‍ କେପିମାତ୍‍ତଣ୍ଡ୍‍ । 
\v 16 ନାରୁଡ଼୍‍ ଶପତ୍‍ ମାଡ଼୍‍ତେୱେଲେ ନିଜର୍‍ତାଗାଙ୍କ୍‍ ମହାନ୍‍ ନାରୁଣ୍ଡ୍‍ତେ ପେଦେର୍‍ତେ ଶପତ୍‍ ମାଡ଼ିତଡ଼୍‍, ଇଦ୍‍ ରକମ୍‍ ଶପତ୍‍ ମାଡ଼ାନ୍‍ ଦ୍ୱାରା ସାର୍ରେ ତିପାଲ୍‌ ତେରିଆଦ୍‍ତେ । 
\v 17 ଇଶ୍ୱର୍ ବେନଡ଼୍‍କିଂଙ୍କ୍ ଆୱୁସାର୍ରେ ବିଷୟ୍‍ ଦାନ ମାଡ଼ିତଣ୍ଡ୍‍ ଇଞ୍ଜ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍‍, ଆଦ୍‍ ପ୍ରତିଜ୍ଞାତାଗ୍‍ ଅଣ୍ଡ୍‌ କଟମାନ୍‍ତଣ୍ଡ୍‍ ଇଞ୍ଜ ଅଡ଼୍‌‍କିଂଙ୍କ୍ ଲେକେତ୍‌ ବାବେ କେତାନଙ୍କ୍‍ ଅଣ୍ଡ୍‌‍ ତାନ୍‍ ପ୍ରତିଜ୍ଞା ତଡ଼୍‍ ଶପତ୍‍ କାଲ୍‍ପିମାତ୍‍ତଣ୍ଡ୍‍ । 
\v 18 ଅନ୍‌ ପ୍ରତିଜ୍ଞା ନୁ ଶପତ ବାଦ୍‍ଲେମ୍ ଆୟ, ଆଦ୍‍ ଉହୁସ୍‌ ଇଶ୍ୱର୍ ବୁସାତାଦ୍‌ ଆୟଣ୍ଡ୍‍ । ଇତ୍କେ ଅନ୍‌ ଅଶ୍ରିତ ମାନାଡ଼୍‍, ମୁନେ ମାନ୍ଦାନ୍‍ ଆଶେତିଙ୍କ୍ ଡାଟୁମ୍‍ ପଇସ୍ ମାନ୍ଦାନ୍ ମାଇଦିଙ୍କ୍‌ ନେକେ ୱେଡ଼୍‍କେ ଆଦୁତମ୍‍ । 
\v 19 ଇଦ୍‍ ଆଶେ ମାନ୍‍ ଜିୱୁଣ୍ଡ୍‍ତାଗ୍‍ ଲଙ୍ଗର୍‍\f + \fr ୬:୧୯ \fr*\ft ଓଡେତିଙ୍କ୍ ମାଲ୍‍ପାନାଦ୍‍ ଲୋପେତାଦ୍‍ ଉକୁଡ଼୍‍\ft*\f* ଲେକାମ୍‍ । ଇଦ୍‍ ଆଶେ ମାଡ଼ାନାଦ୍‍ ନୁ ବିପଦ୍ ଇଲ୍‍ୱାଦ୍‍ ମେଣ୍ଡେ ସ୍ୱର୍ଗତ୍‍ ମନ୍ଦିର୍‍ତେ ପର୍ଦା ତେର୍‍ସ୍‍ ମହା ପବିତ୍ର ପଡ଼୍‍ୟେତାଗ୍‍ ଏୱୁତେ । 
\v 20 ମାନ୍‍ ପ୍ରତିନିଦି ଲେକାମ୍‍ ଜିସୁ ମୁନେନ୍‍ ଆଗେ ଆତ୍‍ତଣ୍ଡ୍‍ । ଅଣ୍ଡ୍‌‍ ମଲ୍‌କିସେଦକନ୍‍ ଉତ୍ତରାଦିକାରୀ ଲେକାମ୍‍ ସାରେଦିନାତ୍‍ ସେଙ୍ଗେ ବେଡ଼୍‍ୟେ ପୁଜାରି ଆତ୍‍ତଣ୍ଡ୍ ।
\c 7
\s ମଲ୍‌କିସେଦକତେ ପୁଜାରି ପଦ୍‍
\p
\v 1 ଇଣ୍ଡ୍‌ ମଲ୍‌କିସେଦକ ସାଲେମତେ ରାଜାଲ୍‌ ମେଣ୍ଡେ ବେଡ଼୍‍ୟେ ଇଶ୍ୱରନ୍‌ ପୁଜାରି ମାତ୍‍ତଣ୍ଡ୍‌ । ଅବ୍ରାହାମ୍‌ ନୁ ତାମ୍‍ ସାଙ୍ଗଡ଼୍‍ ବେସୁଙ୍କ୍‍ ନାଲ୍‌ୱୁଡ଼୍‍ ରାଜାଲଡ଼୍‍କିନ୍ ଆରାମାଡ଼ି ଜୁଦନୁଞ୍ଚ୍‌ ମାଲ୍‌ସମାତ୍‍ତଣ୍ଡ୍‌, ଆସୁଙ୍କ୍‌ ମଲିକିସେଦକ ଅଙ୍କ୍‌‌ କାଇଲି ଆର୍ଶିବାଦ୍‌ ମାଡ଼୍‍ତଣ୍ଡ୍‌ । 
\v 2 ମେଣ୍ଡେ ଅବ୍ରାହାମ୍‌ ଅଙ୍କ୍‌‌ ଯୁଦ୍‍ମାଡ଼ି ପାଏମ୍‍ଆତ୍‍ତେ ସମ୍ପତିତେ ଅଣ୍ଡୟ୍‌‍ ଦଶମାଂଶ ଦାନ ଇସ୍‌ମାତ୍‍ତଣ୍ଡ୍‍ । ମଲକିସେଦକନାଦ୍‌ ପେଦେର୍‍ତାଦ୍‌ ମେଣ୍ଡ୍‍ଅଣ୍ଡ୍‌‍ ଅର୍ତ ଆଦୁତ୍‍, “ଦାର୍ମାମ୍‌ ରାଜାଲ୍‌,” ଅଣ୍ଡ୍‌‌ ସାଲେମତେ ରାଜାଲ୍‌ ଆସ୍‌ମାନ୍ଦାନ୍‌ ମାଇଦିଙ୍କ୍‌ ଅନ୍‌‍ ପେଦେର୍‍ତେ ମେଣ୍ଡନ୍‌ ଅର୍ତ “ଶାନ୍ତି ରାଜାଲ୍‌ ।” 
\v 3 ମଲକିସେଦକତେ ୟାୟବାବ ବା ଆନିଦାଦିଡ଼୍‍ କି ଅନ୍‌‍ ଜନମ୍‍ ନୁ ଡଲ୍‍ତେ ବିଷୟ୍‍ତେ ବାତ୍‍ ବିବରଣୀ ଇଲ୍‍ଲେ । ଅଣ୍ଡ୍‌‍ ଇଶ୍ୱର୍‌ତେ ମାର୍‍ ଇନା; ଅନ୍‌‍ୱାଦ୍‍ ପୁଜାରି ପାଡ଼୍‍ୟି ସାରେଦିନା ମାନ୍‍ତେ ।
\p
\v 4 ଆଦିଙ୍କ୍ ଚିନ୍ତେ ମାଡ଼ାଟ୍‍, ଅବ୍ରାହାମ୍‌ ବେସର୍‍ ମହାନ୍‍ । ମାନ୍‍ ବିକ୍ୟାତ୍‍ ଆନିଦାଦି ଯୁଦ୍‍ମାଡ଼ି ପାଏମ୍‍ଆତ୍‍ତେ ସମ୍ପତିତାଗାଙ୍କ୍‍ ଅଣ୍ଡୟ୍‌‍ ଦଶମାଂସ ଦାନ ମାଡ଼ିମାତ୍‍ତଣ୍ଡ୍‍ । 
\v 5 ଲେବିନାଦ୍‌ ବେନ୍‍ ବଂଶଦର୍‍ ପୁଜାରି ପାଡ଼୍‍ୟି ମାଡ଼ିତଡ଼୍‍, ଅଡ଼୍‌‍ ମୋଶାନ୍‌‌ କାନୁନ୍‌ତାଗ୍‌ ମାନ୍ଦାନ୍‌ ନିର୍ଦ୍ଦେଶ୍‍ ଲେକାମ୍‌ ଇସ୍ରାଏଲ ନାରୁଡ଼ାଗାଙ୍କ ଦଶମାଂଶ ଦାନ ମାଡ଼ିତଡ଼୍‍ । ଇସ୍ରାଏଲିୟଡ଼୍‍ ଅବ୍ରାହାମ୍‌ତେ ବଂଶତଡ଼୍‍ ନୁ ଲେବିୟଡ଼୍‍ ନିଜର୍‍ଜାତି ଆତକେବା ଅଡ଼୍‌ଆଗାଙ୍କ୍‌‌ ଇଦ୍‌ ଦଶମାଂଶ ଆଦାୟ୍‍ ମାଡ଼ମାତ୍‍ତଡ଼୍‍ । 
\v 6 ମଲକିସେଦକ୍‍ ଲେବିୟ ବଂଶତଣ୍ଡ୍‍ ଆୟକ୍‍ବା ଅଣ୍ଡ୍‌‍ ଇଶ୍ୱର୍‌ତାଗାଙ୍କ୍‌ ପ୍ରତିଜ୍ଞା ପାଏମ୍‍ଆତ୍‍ତେ ଅବ୍ରାହାମ୍‌ତାଗାଙ୍କ୍‌ ଅଣ୍ଡୟ୍‌‍ ଦଶମାଂଶ ଦାନ ଗ୍ରହନ୍‌ମାଡ଼ି ଅଙ୍କ୍‌‌ ଆର୍ଶିବାଦ୍‌ ମାଡ଼ିମାତ୍‍ତଣ୍ଡ୍‌ । 
\v 7 ଆର୍ଶିବାଦ୍‌ ମାଡ଼ାନ୍‍ ନାରୁଣ୍ଡ୍‌ ଆର୍ଶିବାଦ୍‌ ପାଏମ୍‍ଆଦାନ୍‍ ନାରୁଣ୍ଡ୍‌କଞ୍ଚ୍‍ ବେଡ଼ିୟଣ୍ଡ୍ ଇଗେ ହେର୍କେ ଇଲ୍‍ଲେ । 
\v 8 ଅଣ୍ଡୟ୍‌ ଦଶମାଂଶ ଦାନ ଗ୍ରହନକାରୀ ପୁଜାରିଡ଼୍‍ ଡଲାନ୍‍ ଲେକେତ୍‍ ନାରୁଡ଼୍‍ ଇତ୍‍କେ ମଲ୍‍କିସେଦକ୍‍ ଅଡ଼୍‌ଆଗାଙ୍କ୍‌ ମହାନ୍‍ ବାତେଙ୍କ୍‍ଇତ୍‍କେ ଶାସ୍ତ୍ର ଲେକାମ୍‌ ଅଣ୍ଡ୍‌‍ ଇଞ୍ଜେ ଗାଲା ଜିୱେମିନ୍ଦେଣ୍ଡ୍‍ ବା ଅଣ୍ଡ୍‌‍ ଅମର୍‍ । 
\v 9 ଆଦିଙ୍କ୍‍ ଅବ୍ରାହାମ୍‌ ମଲିକିସେଦକଙ୍କ୍‍ ଦଶମାଂଶ ଦାନ ଇଦାନାସୁଟ୍, ବେନ୍‍ ଲେବିୟ ବଂଶତଡ଼୍‍ ପୁଜାରିଡ଼୍‍ ଇଞ୍ଜେ ଦଶମାଂଶ ଦାନ ଗ୍ରହନ୍‍ ମାଡ଼ୁତଡ଼୍‍, ଆ ଲେବୀ ବା ମଲକିସେଦକଙ୍କ୍ ଆଦ୍‍ ଦାନ୍ ଇସ୍‌ମାତ୍‍ତଣ୍ଡ୍‍ ଇଞ୍ଜ କେତାପାର୍ଦିତାଡ଼୍‍ । 
\v 10 ଲେବି ଆସୁଟ୍‌ ପୁଟ୍‌ୱେ ମାତ୍‍ତଣ୍ଡ୍ ନିଜାମ୍ କିନ୍ତୁ ଅବ୍ରାହାମ୍ ମଲ୍‌କିସେଦକଙ୍କ୍‍ କାୟ୍‍ଲ୍‍ତେୱେଲେ ଆନିଦାଦି ଅବ୍ରାହାମ୍‌ତେ ବଂଶତଣ୍ଡ୍‍ ଲେବି ଅନ୍‌‍ ମେନ୍ଦୁଲ୍‍ତେ ମାତ୍‍ତଣ୍ଡ୍ ଇଞ୍ଜ କେତ୍‍କେ ମେଣ୍ଡେ ବାଲାୟ ।
\p
\v 11 ଇ ଲେବିୟଡ଼୍‍ ପୁଜାରି ନିୟମ୍‍ତିଙ୍କ୍‍ ପୟ୍‍ସ୍‍ ଇସ୍ରାଏଲ୍‌ ଜାତିତିଙ୍କ୍‌ ତାନାଦ୍‌ ବ୍ୟବସ୍ଥା ଇସ୍‍ମାତ୍‍ତଡ଼୍‍ । ଲେବିୟଡ଼ାଦ୍‌ ପାଡ଼୍‍ୟି ସଫଳ ଆତ୍‍କେ, ଆଲେକେ ହାରୋଣତେ ଉତ୍ତରାଦିକାରୀ ଇ ଲେବିୟ ପୁଜାରିଡ଼୍‍କିଙ୍କ୍‍ ୱିଡ଼୍‍ସିତ୍‍କେ, ମଲ୍‌କିସେଦକନ୍‌ ଉତ୍ତରାଦିକାରୀ ଇସାବ୍‌ତେ ମେଣ୍ଡେ ଅର୍‌ତୁନ୍‌ ପୁଜାରି ଗୋଷ୍ଠୀ ଦରକାର୍‍ ଇଲ୍‌ୱାମାତ୍‍ତା । 
\v 12 ପୁଜିରିଡ଼୍‌ ବଂଶ ବାଦ୍‌ଲେମ୍‌ ଆତ୍‌କେ, କାନୁନ୍‌ତାଦ୍‌ ବା ବାଦ୍‌ଲେମ୍‌ ଆଦାନ୍‌ ମିନ୍ଦେ । 
\v 13 ବେନନ୍ ବିସୟତେ ମାମ୍ ଇୱ ସାର୍ରେ ମାଟ୍ଟା କେତୁତମ୍‌, ମାନ୍‍ ପ୍ରବୁ ଜିସୁ ମେଣ୍ଡେ ଅରଟ ବଂଶତଣ୍ଡ୍‍ ମାତ୍‍ତଣ୍ଡ୍‍, ଆ ବଂଶତଡ୍‌ ବେସୁଙ୍କ୍‌ବା ପୁଜାରି କାମ୍ କିୱେମାତଡ୍‌ । 
\v 14 ଇଦ ନେକା ସାୟେ ଯେ, ଅଣ୍ଡ୍‌ ଯିହୁଦା ବଂଶତାଗ୍‍ ଜନମ୍‌ ଆସ୍‌ମାତ୍ତଣ୍ଡ୍ ମେଣ୍ଡେ ପୁଜାରି ଆଦାନ୍‌ ମାଇଦିଙ୍କ୍‌ ମଶାଲ୍‌ ଇ ବଂଶତାଦ୍‌ ପେଦେର୍‌ ୱାଟିଇଲେଣ୍ଡ୍‌ ।
\s ମଲ୍‌କିସେଦକ ଲେକାମ୍‍ ମେଣ୍ଡେୱେରଣ୍ଡ୍‌ ପୁଜାରି
\p
\v 15 ଇଗାନୁଞ୍ଚ ସାୟେ ପୁନ୍ଦାନ୍‌ ଆତ୍‍ତେ ଯେ, ମଲ୍‌କିସେଦକ ଲେକେନ ମେଣ୍ଡେୱେରନ୍‍ ପୁଜାରି ୱାତ୍‍ତଣ୍ଡ୍ । 
\v 16 ଅଣ୍ଡ୍‌‌ ନାରୁଡ୍‌ତାଦ୍‌ ନିୟମ କାନୁନ୍‌ ତଡ଼୍‍ ପୁଜାରି ଆଇୱା ମାତ୍‍ତଣ୍ଡ୍‌; ଇତ୍‍କେ ତେର୍‍ୱେ ଜିୱୁତାଦ୍‌ ଲାୱଦେ ସାଙ୍ଗ୍ ପୁଜାରି ଆସ୍‌ମାତ୍ତଣ୍ଡ୍‌ । 
\v 17 ଇତ୍‌କେ ଦର୍ମଶାସ୍ତ୍ରତାଗ୍‌ ଲେକା ମିନ୍ଦେ, “ନିମେ ମଲ୍‌କିସେଦକନ୍‌ ଇତ୍ତରଦିକାରୀ ଲେକାନ୍‍ ସାରେଦିନାତ୍‍ ପୁଜାର୍ ଆଦ୍‍ତି ।” 
\v 18 ଇତ୍‌କେ ପାନ୍‌ତା ନିୟମ୍‌ ଲାୱୁ ଇଲ୍‍ୱାଙ୍କ୍‍ ମେଣ୍ଡେ ଦର୍‍କାର୍‍ ଆୟ୍‍ୱାଙ୍କ୍‍ ଆଦିଙ୍କ୍‍ ବାନ୍ଦ୍‌ କିତ୍ତଡ୍‌ । 
\v 19 ବାତେଙ୍କ୍‍ଇତ୍‍କେ ମଶାଲ୍‌ ଇତ୍ତାଦ୍‌ ନିୟମ୍‌ତେ ବାତେବା ଗଟ୍‌ ଲାବ୍‌ ଆଦାପାର୍ୱ । ଇଞ୍ଜେ ମାନାଙ୍କ୍‌ ଅଣ୍ଡୟ୍‌ ଶାତୱାମ୍‌ ମାନ୍ଦାନ୍ ଆଶେ ଇତ୍ତଣ୍ଡ୍‌; ଆଦିନ୍‌ତେ ମାନାଲ୍ ଦେଉଡ୍‌ତେ ଗାରେ ଆଦାନଙ୍କ୍‌ ପାର୍ଦିତାଲ୍ ।
\p
\v 20 ନାର୍ଗେମିକା ମାନ୍‍ ସେଙ୍ଗେ ଇଶ୍ୱର୍‌ତେ ଶପତ୍‍ ମିନ୍ଦେ । ଆନ୍‌ୱେ ନାରୁଡ଼୍‍ ପୁଜାରି ପଦ୍‍ତାଗ୍‍ ନିଯୁକ୍ତ ଆଦାନ୍‍ୱେଲେ ଇଦ୍‍ ରକମ୍‍ ବାତ୍‍ ଶପତ୍‍ ଇୱେମାତ୍‍ତଡ଼୍‍ । 
\v 21 ଇତ୍‍କେ କ୍ରିଷ୍ଟ ପୁଜାରି ଆଦାନ୍‍ ଆସୁଙ୍କ୍‌ ଇଶ୍ୱର ଶପତ୍‌ ମାଡି ଅଙ୍କ୍‌ କେସ୍‌ମାତ୍‍ତନ୍‌, “ପ୍ରବୁ ଅରଟ୍‌ ଶପତ୍‌ ମାଡ଼୍‌ତନ୍ ଅଣ୍ଡ୍‌‌ ତାନାଦ୍‌ ମାଟ୍ଟା ବେସୁଙ୍କ୍‍ ବା ମିହ୍‌ୱଣ୍ଡ୍‌, ‘ନିମେ ସାରେଦିନାତ୍‍ ପୁଜାର୍ ଆଦ୍‍ତ୍ତିନ୍ ।’” 
\v 22 ଇଦ୍‍ ପାର୍ତକ୍ୟ ସେଙ୍ଗେ ଜିସୁ ଅଣ୍ଡୟ୍‌‍ ମହତ୍ୱ ଚୁକ୍ତିତେ ନିଜାମ୍‌ ଇଦ୍‍ତଣ୍ଡ୍‍ । 
\v 23 ପଅନ୍‌ତେ ଶୈଲିତେ ୱେରେ ପୁଜାରିଡ଼୍‍ ଡଲାନ୍‍ ଇନା ଆସ୍‍ମାନ୍ଦାନ୍‍ ମାଇଦିଙ୍କ୍‍ ୱେରେ ନାରୁଡ଼୍‍ ପୁଜାରି ନିଯୁକ୍ତ ଆଦ୍‍ତଡ଼୍‍; ଆଦିଙ୍କ୍‍ ଅଡ଼୍‌‍ ନାର୍ଗେ ଆତ୍‍ତଡ଼୍‍ । 
\v 24 ଇତ୍‍କେ ଜିସୁ ସାରେଦିନେ ଜିୱୁ ମାନ୍‌ତଣ୍ଡ୍‍ । ଅନାଦ୍‌‌ ପୁଜାରି ପାଡ଼୍‍ୟି ଗାଲା ସାରେଦିନା ମାନ୍‍ତେ । 
\v 25 ଆଦିନ୍ ବେନଡ଼୍‍ ଅଙ୍କ୍‌‌ ଆସ୍‌ ଇଶ୍ୱରନ୍‌ ଗାର୍ରେ ଅନ୍‌ତଡ୍, ଅଡ଼୍‌କିଂଙ୍କ୍‌ ଅଣ୍ଡ୍‌‌ ଇଞ୍ଜେ ମେଣ୍ଡେ ସାର୍ରେଦିନା ଗେଲ୍‌ସ୍ପା ପାର୍ଦେତଣ୍ଡ୍, ବାତାଙ୍କ୍‌ଇତ୍‌କେ ଅଡ୍‌ ମାଇଦିଙ୍କ୍ ଇଶ୍ୱରନ୍‌ ମୁନେ କେତାନଙ୍କ୍‌ ଅଣ୍ଡ୍‌‌ ସାରେଦିନେ ଜିୱୁ ମିନ୍ଦେଣ୍ଡ୍‌ ।
\p
\v 26 ଆଦିନ୍ ମାନାଙ୍କ୍ ବାତେ କାୱାଲ୍‌ ଆଦ୍ ସାର୍ରେ ଇଦାନଙ୍କ୍ ବାଡ଼ିୟା ପୁଜାରି ଜିସୁ ଆରଣ୍ଡେ ମିନ୍ଦେଣ୍ଡ୍‌ । ଅଣ୍ଡ୍‌‌ ପବିତ୍ର, ପାପ୍‌ କିୱେନଣ୍ଡ୍‌, ପାପି ନାରୁଡୁଞ୍ଚ୍‌ ୱେରେ ମାନ୍ଦାନଣ୍ଡ୍‌, ପର୍ର ସ୍ୱର୍ଗତାଗ୍‌ ଆତଣ୍ଡ୍‌ । 
\v 27 ଅଣ୍ଡ୍‌‌ ଇଲା ଆଲା ପୁଜାରିଡ଼୍ ଲେକେତ୍‍ ଆୟଣ୍ଡ୍; ଅଡ଼୍‌ ଲେକାମ୍‍ ବେଲାକି ମୁନେନ ତାମ୍‌ ପାପ୍‌ତେ ମାଇଦିଙ୍କ୍‌ ପୁଜି ପେର୍କେ ୱେରେତଡାଦ୍‌ ପାପାମ୍‌ତେ ମାଇଦିଙ୍କ୍‌ ସାରେଦାମ୍‌ ପୁଜାନଙ୍କ୍‌ ଦାର୍‌କାର୍‌ ଇଲ୍‌ଲେ । ଅଣ୍ଡ୍‌ ୱେରଟ୍‌ଦାମ୍ ୱେରଣ୍ଡ୍‌ ନୁ ସାର୍ରେତ୍ ମାଇଦିଙ୍କ୍‌ ତାନାକେ ପଜିଆତ୍ତନ୍ । 
\v 28 ମୋଶାନ୍‌‌ କାନୁନ୍‌ତେ ଇସାବ୍‌ତେ, ବାତେ ପୁନୱରଡ୍ ମିକା ପୁଜାରିଡ଼୍ ଆୟନୁଡ୍; ମାତି ପରମେଶ୍ୱର ଶପତ୍‌ ମାଡ଼୍‍ତାଦ୍ ଇସାବତେ ତାନା ମାର୍‍ ପୁଜାରି ଆତ୍ତୋର, ଅଣ୍ଡ୍‌‌ ସାରେଦିନା କିୟାପାର୍ଦତଣ୍ଡ୍ ।
\c 8
\s କ୍ରିଷ୍ଟ ମାନ୍‍ ବେଡ଼୍‍ୟେ ପୁଜାରି
\p
\v 1 ମାନ୍‍ ଗଟ୍‍ତାଦ୍‍ ମୁକ୍ୟ ବିଷୟ୍‍ ଇଦ୍‍, ମାମ୍‍ ବେନ୍‍ ବେଡ଼୍‍ୟେ ପୁଜାରିଙ୍କ୍‍ ପାଏମ୍‍ଆତ୍‍ତମ୍‍, ଅଣ୍ଡ୍‌‍ ସ୍ୱର୍ଗତାଗ୍‍ ସାରେତିଙ୍କ୍‍ ବାଡ଼୍‍ୟଣ୍ଡ୍ ସିଂହାସନତାଗ୍‌ ତିନ୍ଦେ ପାକେ କୁଦି ମିନ୍ଦେଣ୍ଡ୍‍ । 
\v 2 ଅଣ୍ଡ୍‌ ବେଦ୍ ବେଡ଼୍‍ୟେ ପବିତ୍ର ପଡ଼୍‍ୟେତାଗ୍ ମାଡ଼୍‍ତେ ନିଜାତାଦ୍‍ ତମ୍ବୁତ୍‌ ମଦଲ୍‌ ବେଡ଼୍‍ୟେ ପୁଜାରି ଲେକେମ୍‍ ପାଡ଼୍‍ୟି ମାଡ଼ିତଣ୍ଡ୍, ଆଦ୍‍ ନାରୁଡ଼୍‍ ତିଆର ମାଡ଼୍‍ତାଦ୍‌ ଆୟ, ଆଦିଙ୍କ୍‍ ଇଶ୍ୱର ତିଆର୍‍ ମାଡ଼୍‍ତଣ୍ଡ୍ ।
\p
\v 3 ସାର୍ରେ ବାଡ଼୍‍ୟେ ପୁଜାରିଡ଼୍‍ ଇଶ୍ୱର୍‌ତେ ଲେକାମ୍‌ ପୁଜ୍‍ ସାମାନ୍‍ ନୁ ପଶୁ ପଜ୍‍ ଇଦାନଙ୍କ୍‍ ନିଯୁକ୍ତ ଆତ୍‍ତଡ଼୍‍ । ଆଦିଙ୍କ୍‍ ମାନ୍‍ ବାଡ଼୍‍ୟେ ପୁଜାରି ଗାଲେୟ୍‍ ଆଲେକେନ୍ ସୁଡୁଟ୍‍ ପୁଜା ଜିନିଷ୍‍ ଇଦାନଙ୍କ୍‍ ଦର୍‍କାର୍‍ । 
\v 4 ଅଣ୍ଡ୍‌‌ ଯଦି ଇ ବୂମ୍‌ତାଗ୍‌ ମାନେଣ୍ଡ୍ ଆଲେକେ, ଅଣ୍ଡ୍‌‌ ବେସୁଟ୍‍ବା ପୁଜାରି ଆୟୱାମାନେଣ୍ଡ୍‌, ବାତାଙ୍କ୍ଇତକେ ଯିହୁଦିଡ଼୍‌ ନିୟମ ଇସାବ୍‍ତେ ପୁଜ୍ ଇଦାନ୍‌ ମାଇଦିଙ୍କ୍ ପୁଜାରି ଆସ୍‍ମିନ୍ଦେଣ୍ଡ୍‍ । 
\v 5 ଅଡ଼୍‌‍ୱାଦ୍ ପୁଜାରି ପାଡିୟ୍ ବସ୍ତୁତ୍ୱ ସ୍ୱର୍ଗତ୍‍ ବିଷୟ୍‍ ଲେକାମ୍‍ ନୁ ଅଣ୍ଡୟ୍‌‍ ନିଡ଼୍‍କେ । ମଶାନାଗ୍‌ ଇଲା ଆସ୍ ୱାଦୁତା । ମଶାଲ୍‌ ବେସୁଙ୍କ୍‍ ଉପାସନା ମାଇଦିଙ୍କ୍ ଅଣ୍ଡୟ୍‌ କୁଡ଼ୁମା ମାଡ଼ାଙ୍କ୍‍ ଆଦାନ୍‍ୱେଲେ, ଇଶ୍ୱର ଅଙ୍କ୍‌‌ କେତ୍ତଣ୍ଡ୍, “ଉଡ଼ା, ମେଟେତ୍‍ ପର ନିକିଙ୍କ୍‍ ବେନ୍‍ ନକ୍ସା ତଅସିତ୍‍ତାନ୍‌ ଆଲେନେ ସାର୍ରେ ବିଷୟ୍‍ ତିଆର୍‍ ମାଡ଼େ ।” 
\v 6 କିନ୍ତୁ ଇଞ୍ଜେ ଜିସୁଙ୍କ୍‌ ବେନ୍ ପୁଜାରି ପାଡିୟ୍‌ ଇସ୍‌ ମିନ୍ଦେଡ଼୍‍, ଆଦ୍‌ ୱେରେ ପୁଜାରି ପାଡିୟନୁଞ୍ଚ ବାଡ଼ିୟା । ଆଲେକେନ୍‌ ଇଶ୍ୱର ନୁ ନାରୁଡ୍ ନାଡ୍‌ମେ ଅଣ୍ଡ୍‌‌ ବେଦ୍ ନିୟମ୍‌ ଇସ୍‌ମିନ୍ଦେଣ୍ଡ୍, ଆଦ୍ ବେଡ଼ିୟାଦ୍, ବାତାଙ୍କ୍‌ଇତ୍‌କେ ଇଦ୍‌ ନିୟମତାଗ୍‍ ବାଡ଼ିୟା ବିଷୟ ଇଦାନ୍‍ ମାଇଦିଙ୍କ୍‌ ପ୍ରତିଜ୍ଞା ମାଡ଼୍‍ତଣ୍ଡ୍‍ ।
\p
\v 7 ମୁନେତ୍ ନିୟମତାଗ୍‍ ଯଦି ବାତେବା ନିର୍ଦୋଷ୍‍ ମାତ୍କେ, ଆଲେକେ ରେଣ୍ଡ୍‍ ନିୟମ୍‌ ଦରକାର ଇଲୱା ମାତ୍‍ତା । 
\v 8 କିନ୍ତୁ ଇଶ୍ୱର ତାନ୍ ନାରୁଡ୍‌ ଦୋଷତିନ୍‌ ତହସ୍‌ କେତ୍‍ତଣ୍ଡ୍‍, “ପ୍ରବୁ କେତୁତଣ୍ଡ୍‍, ସମୟ ୱାଦୁତା, ନାନ୍‌ ବେସୁଙ୍କ୍‍ ଇସ୍ରାଏଲ ବା ସାର୍ରେ ଯିହୁଦା ନାରୁଡ୍‌ ସାଙ୍ଗ୍‌ ଅରଟ୍‌ ପୁନାଦ୍‍ ନିୟମ୍‌ ତିଆର୍‍ ମାଡ଼ିତାନ୍ । 
\v 9 ନାନ୍‌ ତାମ୍ ଆନିଦାଦଡ୍‌କ୍ କାୟ୍ ପଇସ୍ ମିସର୍ ଦେଶନୁଞ୍ଚ ପେସ୍‌ପି ତାତାନ୍‍ୱେଲେ ବେନ୍‍ ନିୟମ୍‌ ମାଡ଼ିମାତ୍‍ତାନ୍, ଇଦ୍‌ ନିୟମ୍‌ ଆଦ୍‌ ଲେକାମ୍‍ ଆୟ । ନାନ୍ ଅଡ଼୍‌‍ ସାଙ୍ଗ୍‌ ବେନ୍‍ ନିୟମ୍‌ ମାଡ଼ିମାତ୍‍ତନ୍, ଆଗେ ଅଡ୍‌ ବିଶ୍ୱାସ୍‍ତେ ମାନଡ଼୍‍; ଆଦିଙ୍କ୍‍ ନାନ୍‌ ଅଡ଼୍‌‍ ପର ମନ୍‍ ଇୱନ୍‌ । 
\v 10 ପ୍ରବୁ କେତ୍‌ତଣ୍ଡ୍‍, ନାନ୍ ୱାଇନାଦ୍‌ କାଲାତେ ଇସ୍ରାଏଲ ନାରୁଡ୍‌ ସାଙ୍ଗ୍ ଇଦ୍‌ ନିୟମ୍‌ ମାଡ଼ିତାନ୍ । ନାନ୍‍ ନାୟାଦ୍‌ ନିୟମ ଅଡ଼୍‌‍ ଏରକେତେ ୱାଟିତାନ୍ ନୁ ତାମ୍ ଜିୱୁନ୍‌ତାଗ୍‌ ଲେକିତ୍‌ତାନ୍, ନାନ୍‌ ତାମ୍‌ ଇଶ୍ୱର୍ ଆଦ୍‍ତାନ୍, ମେଣ୍ଡେ ଅଡ୍‌ ନା ନାରୁଡ୍‌ ଆଦ୍‍ତଡ୍‌ । 
\v 11 ଆସୁଟ୍‍ ଅଡ଼୍‌‍ ଗାରେତଡ଼୍‍କ୍‍ ଶିକ୍ଷା ଇଦାନଙ୍କ୍ ଦର୍‍କାର୍‍ ଆୟ, ବା ଦେଶ୍‍ତେ ନାରୁଡ଼୍‍କ୍‍ ‘ପ୍ରବୁଙ୍କ୍‍ ପୁନୁଟ୍,’ ଇଦ୍‍ ଗଟ୍‍ କେତାନଙ୍କ୍ ଦର୍‍କାର୍‍ ଆୟ, ବାତେଙ୍କ୍‍ଇତ୍‍କେ ସୁଦୁଲଡ଼୍‍ନୁଞ୍ଚ୍‍ ବେଡ଼ିୟଡ଼୍‍ ଏୱୁନା ସାର୍ରେତଡ୍‌ ନାକିଙ୍କ୍‍ ପୁଞ୍ଜ୍‌ମାନ୍‌ତଡ୍‌ । 
\v 12 ନାନ୍‌ ତାମ୍ ସାର୍ରେ ପାପାମ୍‍ତିଙ୍କ୍‍ ୱିଡ଼୍‍ସି ମାଞ୍ଜ୍‍ ନୁ ତାମାଦ୍‌ ବାତେବା ବୁଲ୍‍ତିଙ୍କ୍‍ ଏର୍କେ ନେୱନ୍‌ ।” 
\v 13 ଇଦିଙ୍କ୍‍ ପୁନା ନିୟମ୍‌ ଇଞ୍ଜ କେତାନ୍‌ ସାଙ୍ଗ୍ ଇଶ୍ୱର ମୁନେତାଦିଙ୍କ୍‍ ପାଃନ୍‌ତାଦ୍‌ ନିୟମ୍‌ ଇଞ୍ଜ କେସ୍‍ମିନ୍ଦେନ୍‍ ମେଣ୍ଡେ ବାତେ ପାଃନ୍‌ତାଦ୍‌ ନୁ ପାଡ଼୍‍ୟିଦେ ଆଇୱାଦ୍‌, ଆଦ୍‌ ଜାପେ ମାୟିଆତ୍‌ତେ ।
\c 9
\s ବୁମ୍ ନୁ ସ୍ୱର୍ଗତ୍‌ ସେୱା କିୟାନାଦ୍
\p
\v 1 ମୁନେତ୍ ନିୟମତାଗ୍ ସେୱାକିନାଦ ନୁ ନାରୁଡ୍‌ ମାଡ଼୍‍ତାଦ୍ ଅରଟ୍ ସେୱା ମାଡ଼ାନ୍ ପଡ଼୍‍ୟେ ବିଷୟତେ ମିନ୍ଦେ । 
\v 2 ଆଦେଲେକାମ୍‌ ଅରଟ୍‌ ସେୱା ମାଡ଼ାନ୍ ବାକ୍‍ଡ଼ା ମାତ୍‍ତେ । ଆଦିଙ୍କ୍‍ ପବିତ୍ର ବାକ୍‍ଡ଼ା ଇଞ୍ଜ କେତ୍‍ତଡ଼୍‍ । ଇଗା କୁପି ୱାଟାନ୍ ପଡିୟା, ଅରଟ୍‌ ଟେବୁଲ୍‌ ନୁ ଟେବୁଲ୍‌ତେ ପର୍ର ଇଶ୍ୱରନ୍‌ ମାଇଦିଙ୍କ୍‌ ମାନାଡ଼୍‍ ଇତ୍ତାୱ ରୂଟି ମାତ୍‍ତା । 
\v 3 ସିଲେତ୍‌ ପେର୍କେ ମେଣ୍ଡେୱେରଟ୍ ବାକ୍‍ଡ଼େ ମାତ୍‍ତା ଆଦିନ୍‌ ବାଡ଼ିୟା ପବିତ୍ର ପଡ଼୍‍ୟେ ଇଞ୍ଜ କେତିତଡ୍ । 
\v 4 ଆଗା ସୁନାତାଦ୍‍ ଦୁପାମ୍ ଇଦାନାଦ୍ ପଡ଼୍‍ୟେ ମାତ୍‍ତେ, ମେଣ୍ଡେ ସନ୍‌ତେ ତିଆର୍‌ ମାଡ଼୍‌ତାଦ୍‌ “ନିୟମ ବାକ୍‍ସ,” ମାତ୍‍ତେ, ଇଦ୍‌ ବାକ୍‍ସତେ ଲୋପେ “ମାନ୍ନା,”\f + \fr ୯:୪ \fr*\ft ଉସ୍କ ନେଲ୍‍ତାଗ୍‍ ମାନ୍ଦାନ୍‍ୱେଲେ ସ୍ୱର୍ଗକନ୍ସ୍‍ ତିନ୍ଦାନାଦ୍‍ କାଦି ଇଶ୍ୱର୍ ଇତ୍‌ତଣ୍ଡ୍‌‍ । ଆଦିନ୍ ଅର୍ତ ବାଆତେ ?\ft*\f* ମାନ୍ଦାନାଦ୍ ଅରଟ୍‌ ସୁନାତାଦ୍‍ କାସ୍‌ଲା ମାତ୍‍ତା, ହାରୋଣତାଦ୍‌ ଡୁଡ୍‌ କଡ଼୍‍ସି ମାତ୍‍ତେ ମେଣ୍ଡେ ଇଶ୍ୱର୍‌ତେ ଆଜ୍ଞା ଏକିଇତାୱ ରେଣ୍ଡ୍‌ ଚାପେ କାଲକ ମାତ୍‍ତା । 
\v 5 ଆ ବାକ୍‍ସତେ ପର୍ର ଇଶ୍ୱରନ୍‌ ମାଟା ନିଦର୍ଶନ୍‍ ଲେକାମ୍‍ ରେକା ପେୟତାୱ୍‌ ରେଣ୍ଡ୍‌ ଜନ୍ତୁତ୍‍ ପୁତ୍‍ଲାମ୍‍ ମାତ୍‍ତା । ଇୱୁ ପାପ୍‍ କ୍ଷମା ପଡ଼୍‍ୟେ ପରୁ ତାମ୍‌ ରେକା ଓଡ଼ି ମାତ୍‍ତା, ଇତ୍‍କେ ଇଞ୍ଜେ ଇୱୁସାରେତାୱୁ ବାକ୍ୟା ମାଡ଼ାନ୍‍ ଦର୍‍କାର୍‍ ଆୟ । 
\v 6 ଆଗେ ଇଦ୍‍ରକମ୍‍ ନିୟମ୍‍ ମିନ୍ଦେ, ପୁଜାରିଡ଼୍‍ ସାରେଦିନେ ତମ୍ବତେ ମୁନେତ୍‍ ବାକ୍‍ଡ଼େତାଗ୍‍ ନେଙ୍ଗି ଅଡ଼୍‌‍ୱାଦ୍‍ କର୍ତବ୍ୟ ସାଦନ୍‍ ମାଡ଼ିତଡ଼୍‍ । 
\v 7 ଲୋପେତ୍‍ ମେଣ୍ଡେୱେରଟ୍‍ ବାକରାତାଗ୍ ବେଡ଼ିୟଡ଼୍ ପୁଜାରି ଆଦେପାର୍ଦାତଣ୍ଡ୍, ଅଣ୍ଡ୍‌ ଇଗା ଏଣ୍ଡତେ ଅରଟ୍‌ଦାମ୍‍ ନେଙ୍ଗିତଣ୍ଡ୍‌, ଅଣ୍ଡ୍‌ ତାନ୍‌ ମାଇଦିଙ୍କ୍‌ ନୁ ନାରୁଡ୍‌ ପୁନୱାକଟ୍ ମାଡ଼୍‍ତାଦ୍‌ ପାପ୍‌ତେ ମାଇଦିଙ୍କ୍‌ କାୟ୍‍ତାଗ୍‍ ନେତୁର୍‌ ପୋଇସ୍‌ ଇଶ୍ୱରନ୍‌ ସାଙ୍ଗ୍ ପୁଜାନଙ୍କ୍ ଆନତ୍ତଣ୍ଡ୍ । 
\v 8 ଇ ସାର୍ରେ ବିଷୟତିଞ୍ଚ ପବିତ୍ର ଆତ୍ମା ଇଦ ଗଟ୍‌ ଗାଟି ଲେକେତ୍‌ ନାଡ଼୍‌ସ୍ପିମିନ୍ଦେ ଯେ, ମୁନେତ୍‌ ବେଦି ମାନ୍ଦାନ୍ ଯାକ, ବାଡ଼ିୟା ପବିତ୍ର ଡ଼େଡାତାଗ୍ ଆଦାନ୍ ଆର୍ ତନ୍ଦିଲେ । 
\v 9 ଇଞ୍ଜେତ୍‌ କାଲାତିନ୍‌ ଉଡ୍‌କେ ଇଦ୍‌ ଅରଟ୍‌ ୱେଷଡ଼୍‍ତେ ଲେକେତ୍‍ । ଇତ୍‌କେ, ଇଶ୍ୱରନ୍‍ ସାଙ୍ଗ୍ ଇତ୍‍ତାଦ୍‍ ପୁଜାସାମାନ୍ ନୁ ପଶୁ ପୁଜକେ ଉପାସନ୍‍ ମାଡ଼ାନ୍‍ ନାରୁନ୍‍ ହୃଦୟ୍‍ତିନ୍ ସାୟେ ମାଡ଼େପାର୍ୱ । 
\v 10 ଇୱୁ ସାର୍ରେ ତିନ୍ଦାନାୱ୍‌, ଉଣ୍ଡନାୱ୍, ପବିତ୍ର ଆଦାନ୍‍ ସେଙ୍ଗେ ବାୟ୍‍ଦେତ୍‍ କ୍ରିୟାକର୍ମ୍; ଇଶ୍ୱର୍‌ତେ ପୁନାଦ୍‍ ନିୟମ୍‍ତାଦ୍‍ ପ୍ରତିଷ୍ଟା ଯାକ ଇୱୁ ସାରେତାୱିନ୍‍ ଦର୍‍କାର୍‍ ମାତ୍‍ତେ । 
\v 11 ଇତ୍‍କେ ଇଞ୍ଜେ ମାମ୍ ବେନ୍ ସାୟେ ବିଷୟ ଦର୍‌କସ୍‌ତମ୍‌, କ୍ରିଷ୍ଟ ଆୱସାର୍ରେତାୱିନ୍‍ ବାଡ଼ିୟା ପୁଜାରି ଇନା ୱାସ୍‍ମିନ୍ଦେନ୍‍ । ଅଣ୍ଡ୍‌‌ ବେନ୍‍ ଉପାସନା ତମ୍ବୁତାଗ୍‍ ପାଡ଼୍‍ୟି ମାଡ଼ୁତଣ୍ଡ୍‍, ଆଦ୍‍ ଶ୍ରେଷ୍ଟ ନୁ ଗାଟି ପବିତ୍ର । ଆଦ୍‌ ନାରୁଡ୍‌ ମାଡ଼୍‍ତାଦ୍‌ ଆୟ । ଆଦ୍‌ ଇଦ୍‍ ବୁମ୍‍ତାଗ୍‍ ଅରଟ୍‌ ଦୁଡ଼େ ଆୟ । 
\v 12 କ୍ରିଷ୍ଟ ଆ ତମ୍ବୁତାଲେ ଆ ବେଡ଼ିୟଡ଼୍ ପବିତ୍ର ବେଦିତାଗ୍‌ ଅଣ୍ଡୟ୍‌‍ଦାମ୍‍ ନେଙ୍ଗାନ୍‍ୱେଲେ ଆଗା ବଲି ଇଦାନ୍‌ ମାଇଦିଙ୍କ୍‌ ମେକା ନୁ ପେୟେ ନେତୁର ଆସ୍‌ ଆନୱେ ମାତ୍‍ତଣ୍ଡ୍ । ଅଣ୍ଡ୍‌‌ ମାନାଙ୍ଗ୍‌ ତାନ୍‌ ନିଜର୍‍ ନେତୁର ଇସ୍‌ ସାରେଦିନେତ୍‍ ମାଇଦିଙ୍କ୍‍ ଗେଲ୍‌ସ୍ପିତଣ୍ଡ୍‌ । 
\v 13 ପଅନ୍‌ତେ ପଦତି ତଡ଼୍‍ ବେନଡ଼୍ ପୁଜ୍‍ ମାଡ଼୍‍ୱାଙ୍କ୍‍ ସାୟେ ଇଲେଡ଼୍‍, ଅଡ଼୍‌‍ ପର୍ର ମେକା ନୁ କଅନ୍ଦାତାଦ୍‍ ନେତୁର୍‌ ମେଣ୍ଡେ ଗଡ୍‌ ପଡିସ୍‌ତାଦ୍‌ ନିର୍‌ ଇସ୍‍କେ, ଅଡ଼୍‌‍ ପବିତ୍ର ଆଦ୍‍ତଡ଼୍‍ । 
\v 14 ଇଦ୍‌ ଯଦି ନିଜାମ୍‌ ଆସ୍‌ମାନ୍‌ତ୍ତା, ଆଲେଇତ୍‌କେ କ୍ରିଷ୍ଟନାଦ୍‌ ନେତୁର୍‌ ମେଣ୍ଡେ ବେସର୍‍ ପେର୍କେ ଦର୍‍କାର୍‍ ଆୟ ? ଆଚୟ ତେର୍‌ୱାଦ୍ ଜିୱୁତ୍ ତଡ୍‌ଦେ ଅଣ୍ଡ୍‌‌ ତାନାକ୍ ଇଶ୍ୱରନ୍ ମାଇଦେ ଅଣ୍ଡ୍‌ ନିର୍ଦୋଷ୍‍ ପୁଜ୍‌ତାଗ୍‌ ମନ୍‌ ଇଦୁତଣ୍ଡ୍ । ତାନାଦ୍ ଆଦ୍ ନେତୁର୍‌ତେ ସାଙ୍ଗ୍ କାରାପ୍‌ ପାଡିୟନୁଞ୍ଚ ୱେରେ ଆସ୍ ମାୟାଦ୍‌ ଜିୱୁ ନେଲ୍ଲା ମାନ୍‌ତା ନୁ ମାମ୍ ଜିୱୁ ମାନ୍ଦାନ୍ ଇଶ୍ୱରନ୍‌ ସେୱା ମାଡା ପାର୍ଦାତମ୍ । 
\v 15 ଆଦେନ୍‌ ସାଙ୍ଗ୍ କ୍ରିଷ୍ଟ ପୁନା ନିୟମ୍‌ ମାଡ଼୍‍ତଣ୍ଡ୍‍, ବେଲାକି ବେନଡ଼୍‍କ୍‌ ଇଶ୍ୱର କାର୍‍ଙ୍ଗ୍‍ତଣ୍ଡ୍‍, ଓଡେ ଇଶ୍ୱର ପ୍ରତିଜ୍ଞା ମାଡ଼୍‍ତାଦ୍‍ ଅନନ୍ତ ଆର୍ଶିବାଦ୍‌ ଦର୍କାକିଦ୍‍ତଡ୍ । ମୁନେତ୍ ନିୟମ୍‌ ପାଡ଼୍‍ୟି ମାଡ଼ାନାସୁଟ, ନାରୁଡ୍ ବେନ୍‍ସାରେ ପାପ୍ ମାଡ଼୍‍ମାତ୍‍ତଡ଼୍‍, ଅଡ୍‌ ସାର୍ରେ କ୍ରିଷ୍ଟ ଡଲ୍‌ତା ସେଙ୍ଗେ ଗେଲ୍‌ସି ମିନ୍ଦେଡ଼୍ । \fig ପ୍ରାର୍ତନା ଲତ୍‌ତେ ଲୋପେତ୍‍ ବାକ୍‌ଡ଼େ|alt="Interior of tabernacle" src="bk00278c.tif" size="span" copy="Horace Knowles ©" ref="୯:୨"\fig*
\p
\v 16 ଅଣ୍ଡୟ୍‌‍ ଚୁକ୍ତି ନିୟମ୍‍ ଲେକାମ୍‌ ଆଦ୍‍ ପାଡ଼୍‍ୟି ମାଡ଼ାନ୍‍ ସେଙ୍ଗେ ଚୁକ୍ତି ମାଡ଼ିମାନ୍ଦାନ୍‍ ନାରୁନାଦ୍‍ ଡଲାନାଦ୍‍ ଦର୍‍କାର୍‍ । ବେନଡ଼୍ ନାରୁଡ୍ ତାନାକ୍ ଡଲ୍‌ତା ପାୟ୍‌ ତାନ୍‌ ବୁମ୍ ନେଲ୍‌ ବେନନ୍ ଅଦ୍‌ତଡ଼୍‌ ଇଞ୍ଜ ଲେକା ମାଡି ତାତିତଡ୍; ଆର୍‌ ଡଲ୍‌କେ; ଆସ୍‌କେ ଆଦ୍‌ ଚାଲେମ୍‌ ଆତା । 
\v 17 ଆର୍‌ ଡଲ୍‌ତାପାୟ୍‌ ଆଦ୍‌ କାଗଜ୍‌ ଚାଲେମ୍‌ ଆତା । ଆର୍‌ ଜିୱୁ ମାନ୍ଦାନ୍‌ୱେଲେ ଆଦ୍‌ ଚାଲେମ୍‌ ଆୟ୍‌ । 
\v 18 ଆଦେନ୍‌ମାଇଦେ ମୁନେତ୍‌ ନିୟମ୍‌ ଗାଲା ନେତୁର୍‌ତେନ୍ ଚାଲେମ୍‌ ଆସମାତ୍ତା । 
\v 19 ବାତେଙ୍କ୍‍ଇତ୍‍କେ ମୁନେନ୍‍ ମୋଶାନ୍‌‌ ନିୟମ୍‌ତେ କାନୁନ୍‌ତାଗ୍‍ ମାନ୍ଦାନ୍‍ ନାରୁଡାଗ୍ କେତ୍ତଣ୍ଡ୍‍ । ତାନ୍‍ପେର୍କେ ଅଣ୍ଡ୍‌ ପେୟେ ନୁ ମେକା ନେତୁର୍‌ତିନ୍ ଏର୍‌ଦାଗ୍‌ କାଲ୍‌ପି ଏର୍‍ରେ ରଙ୍ଗ୍‌ତାଦ୍ ମେଣ୍ଢେ କେଲ୍‌କ୍‌ ନୁ ଜୁପା କାରାତା ରଟ୍‌ଟତେ କାନୁନ୍ ଲେକେମ୍‍ ଆସ୍‌ ମାନ୍ଦାନ୍ ବଇତ୍‍ ପର୍ର, ମେଣ୍ଡେ ନାରୁଡ୍ ପର୍ର ସାଚନ୍‌ ମାଡ଼୍‌ତନ୍‌ । 
\v 20 ଅଣ୍ଡ୍‌‌ କେତ୍ତଣ୍ଡ୍, “ବେନ୍‍ ନିୟମ୍‌ ପାଲନ୍‍ ମାଡ଼ାନଙ୍କ୍‍ ଇଶ୍ୱର୍ କେସ୍‌ମିନ୍ଦେଣ୍ଡ୍‍, ଇଦ୍‌ ନେତୁର୍‌ ଆଦ୍‍ ନିୟମ୍‍ ବିଷୟ୍‍ କେତିତ୍‍ ।” 
\v 21 ମଶାଲ୍‌ ଆଦ୍‍ ଲେକେମ୍‍ ନେତୁର୍‍ ଆସ୍‍ ତମ୍ବୁ ମନ୍ଦିର୍‍ ନୁ ଉପାସନାତାଗ୍‍ ବ୍ୟବହାର୍‌ ଆଦ୍‍ନ୍‍ ସାର୍ରେ ଜିନିଷ୍‍ତେ ପର ଇସ୍କ୍‍ତଣ୍ଡ୍‍ । 
\v 22 ମେଣ୍ଡେ ମୋଶାନ୍‌‌ ନିୟମ୍‍ ଲେକାମ୍‌ ସାର୍ରେ ବିଷୟ୍‍ ନେତୁର୍‍ତଡ଼୍‍ ପବିତ୍ର ଆଦ୍‍ତା ନୁ ନେତୁର୍‍ ତଡ଼୍‍କେ କ୍ଷମା ପାଏମ୍‍ ଆଦ୍‍ତେ ।
\s କ୍ରିଷ୍ଟନ୍ ବଲିଦାନ୍‍ ପାପାମ୍‍ତିଙ୍କ୍‍ ଦୁରାମ୍‍ ମାଡ଼ିତ୍‍
\p
\v 23 ବେନ୍‍ ବିଷୟ୍‍ ସ୍ୱର୍ଗତେ ମୂଲ ବିଷୟ୍‍ ଲେକେମ୍‍, ଆୱୁସାରେ ନେତୁର୍‍ ତଡ଼୍‍ ପବିତ୍ର ଆଦାନ୍‍ ଦର୍‍କାର୍‍ ମାତ୍‍ତେ, କିନ୍ତୁ ସ୍ୱର୍ଗୀୟ ବିଷୟ୍‍କି ସେଙ୍ଗେ ବେଡ଼୍‍ୟେ ବଲିଦାନ୍‍ ଦର୍‍କାର୍‍ । 
\v 24 ବାତ୍‍ ନାରୁଡ଼୍‍ ତିଆର୍‍ ମାଡ଼ଡ଼୍‍, ଇଦ୍‍ରକମ୍‍ ଅଣ୍ଡୟ୍‌‍ ପବିତ୍ର ପଡ଼୍‍ୟେତାଗ୍‍ କ୍ରିଷ୍ଟ ଆତ୍‍ତଣ୍ଡ୍‍ । ଆଦ୍‍ ବାତ୍‍ବା ନିଜାତାଦ୍‍ ବିଷୟ୍‍ତେ ଅନୁରୁପ୍‍ ଆୟ । ଅଣ୍ଡ୍‌‍ ସ୍ୱର୍ଗତାଗ୍‍ ଆତ୍‍ତଣ୍ଡ୍‍ । ଆଗେ ଅଣ୍ଡ୍‌ ମାନ୍‍ ପାକେ ଇଞ୍ଜେ ଇଶ୍ୱର୍‌ତେ ମୁନେ ମିନ୍ଦେଣ୍ଡ୍‍ । 
\v 25 ଇହୁଦିଡ୍‌ ବାଡ଼ିୟା ପୁଜାରିଡ଼୍ ବେଦ୍‍ଲେକାମ୍ ୱାଡ଼୍‍ଷାତେ ୱେରଟ୍‌ଦାମ୍ ପଶୁ ନେତୁର୍‌ ଆସ୍ ବାଡ଼ିୟା ପବିତ୍ର ଜାଗାତାଗ୍ ଅନ୍‌ତଡ୍‌ । ଆଦେରକମ୍‍ କ୍ରିଷ୍ଟ ନିଜେତିଙ୍କ୍ ସେନେମାନ୍‍ ଉତ୍ସର୍ଗ ମାଡ଼ାଙ୍କ୍‍ ଆନନ୍‍ । 
\v 26 ଆଲେଇତ୍‌କେ, ଅଙ୍କ୍‌‌ ବୁମ୍ ମାଡ୍‌ତାଗାନୁଞ୍ଚ୍‌ ନାର୍ଗେଦାମ୍ ଦୁଃକକଷ୍ଟ ମାଡ଼ାନାଦ୍ ମାତ୍‍ତା । ମାତି ଅଣ୍ଡ୍‌ ଯୁଗାନ୍ତ ସମୟତେ ତାନାକେ ପୁଜିଆତ୍‌ତେ ମାଇଦିଙ୍କ୍‌ ସାରେଦିନେତ୍‍ ମାଇଦିଙ୍କ୍‍ ଅଣ୍ଡୟ୍‌‍ଦାମ୍ ପାପ୍‌ତାଦ୍‌ ଲାୱଦିନ୍‌ ଲୋପ୍‍ମାଡ଼ାନଙ୍କ୍ ୱାସ୍‌ମାତଣ୍ଡ୍ । 
\v 27 ସାର୍ରେତଡ୍‌ ଅରଟ୍‌ଦାମ୍‍ ଡଲିତଡ଼୍‍ ମେଣ୍ଡେ ତାନ୍‍ ପେର୍କେ ଇଶ୍ୱରନ୍‌ ବିଚାରତା ମୁନେ ଆଦାଙ୍କ୍‍ ଆଦ୍‍ତେ । 
\v 28 ଆଦେଲେକାମ୍‌ ନାର୍ଗେମୁଲ୍‌ଦାଦ୍‌ ପାପ୍‌ ଦୁରାମ୍ ମାଡ଼ାନଙ୍କ୍ କ୍ରିଷ୍ଟ ଅରଟଦାମ୍ ପୁଜିଆତ୍ତଣ୍ଡ୍‍ । ଅଣ୍ଡ୍‌ ମେଣ୍ଡେ ୱାଦ୍‍ତଣ୍ଡ୍ । ଆସୁଙ୍ଗ୍‌ ମେଣ୍ଡେ ପାପ୍‌ତେ ସାଙ୍ଗ୍‌ କାଇଲାନ୍‌ ମାଇଦିଙ୍କ୍ ଅଣ୍ଡ୍‌‌ ୱାୱଣ୍ଡ୍ । ଅଣ୍ଡ୍‌‍ ୱାଦ୍‍ତଣ୍ଡ୍, ଅନ୍‌‍ ସେଙ୍ଗେ କେପିମାନ୍ଦାନ୍‍ ନାରୁଡ଼୍‍କିଙ୍କ୍‍ ପରିତ୍ରାଣ ମାଡ଼ାନ୍‍ ସେଙ୍ଗେ ।
\c 10
\p
\v 1 ଇହୁଦୀ ବ୍ୟବସ୍ଥା ବାସ୍ତବ୍‍ ବିଷୟ୍‍ତେ ପୁରା ନୁ ଟିକ୍‍ ଚିତ୍ର ଆୟ, ଇଦ୍‍ ୱାଦାନାଦ୍‍ ସାୟେତାଦ୍‍ ବିଷୟ୍‍ତେ ଅଣ୍ଡୟ୍‌‍ ସାୟେତ୍‍ ସୂଚନା ଆୟ । ସାର୍ରେଦାମ୍‍ ବାତାଙ୍କ୍‌ଇତ୍‌କେ କାନୁନ୍‌ ପେର୍କେ ସାୟେ ବିଷୟତାଦ୍‌ ଦାଡ୍‌ମ୍‌ ଲେକାମ୍‍ ଆସ୍‌ ଆୱୁ ସାର୍ରେ ବିଷୟତାଦ୍‌ ଟିକ୍‌ ଆଦ୍‌ଲେକେନ୍‌ ଆୟ୍‌ୱା ପୁଜାରିଡ଼୍‌କିଙ୍କ୍‌ ଏଣ୍ଡେକ୍‍ତିଙ୍କ୍‍ ଆମ୍‌ତେ ଆଲେ ଅରଟ୍‍ ଲେକାମ୍‍ ପୁଜାନ୍‌ ଲେକାମ୍‌ ଉପାସଡ୍‌କ୍‌ ବେସୁଙ୍କ୍‍ ବା ନାର୍‌ଦେ ପାର୍‌ୱ । 
\v 2 ଯଦି ପାର୍ଦିତା, ଆଲାଇତ୍‌କେ ଉପାସକଡ୍‌ ୱେରଟ୍‌ଦାମ୍ ଜାତ୍‌ଆସ୍‌ ପୁନ୍‌ନେଡ୍‌ ମେଣ୍ଡେ ଅଡ଼୍‌‍ ମନ୍‍ତାଗ୍‍ ପାପ୍‌ ମାଡ଼୍‍ୱାଲ୍‌ ଇଞ୍ଜ ଆୱୁ ସାର୍ରେ ପୁଜାନାଦ୍ ତେରି ମାନ୍ଦାନ୍‌ ଆୟ କି ? 
\v 3 କିନ୍ତୁ ଆଦ୍‍ଲେକାମ୍‍ ଆୟକଟ ହେଣ୍ଡ୍‌କିଙ୍କ୍‌ ହେଣ୍ଡ୍‌କ୍‌ ବଲିଦାନ୍‍ ଇତ୍ସର୍ଗ ମାଡ଼ାନ୍‍ ଦ୍ୱାରା ନାରୁଡ଼୍‍ ମାତର୍‍ ତାମ୍‍ ପାପାମ୍‍ ବିଷୟ୍‍ ଏର୍କା ମାଡ଼ାଙ୍କ୍ ଆଦ୍‌ତେ । 
\v 4 ବାତେଙ୍କ୍‍ଇତ୍କେ କଅନ୍ଦା ନୁ ମେକେତ୍‌ ନେତୁର୍‌ତେ ପାପ୍‌ ମାୟିତା, ଆଲେ ବେସୁଙ୍କ୍‌ବା ଆୟ । 
\v 5 ଆଦିନ୍‌ମାଇଦିଙ୍କ୍‌ କ୍ରିଷ୍ଟ ବୁମ୍‍ତାଗ୍‍ ୱାଦାନ୍‍ ମୁନେଙ୍କ୍‍ ଇଶ୍ୱର୍‌ତିଙ୍କ୍‍ କେତ୍‌ତଣ୍ଡ୍‍, “ପଶୁ ପୁଜାନାଦ୍‌ ନୁ ନୈବେଦ୍‍ ଇଦାନାଗ୍‍ ମିଡ଼୍‍ ସନ୍ତୁଷ୍ଟ ଆୟ୍‍ୱିଡ଼୍‍, କିନ୍ତୁ ମିଡ଼୍‍ ନା ସେଙ୍ଗେ ଅଣ୍ଡୟ୍‌‍ ମେନ୍ଦୁଲ୍‍ ତିଆର୍‍ ମାଡ଼୍‍ତିଡ଼୍‍ । 
\v 6 ପାପାମ୍‍ ନର୍‍ଦାନ୍‍ ସେଙ୍ଗେ ମିଡ଼୍‍ ବେଦିତ୍ ପର ହମବଲିତେ ବା ଜିୱାକ୍‌ ପୁଜାନ୍‌ ଆସୁଟ୍‌ ସନ୍ତୁଷ୍ଟ ଆୟ୍‍ୱିଡ଼୍‍ । 
\v 7 ଆଦିଙ୍କ୍‍ ନାନ୍‍ କେତ୍‍ତାନ୍‍, ‘ଆ ଇଶ୍ୱର, ନା ବିଷୟ୍‍ତେ ନିୟମ୍‍ ବଇତାଗ୍‍ ବେଲା ଲେକା ମିନ୍ଦେ, ନାନ୍‍ ଆଦ୍‍ ରକମ୍ ନିୟାଦ୍‍ ଇଚ୍ଛା ସାଦନ୍‍ ମାଡ଼ାନଙ୍କ୍ ତିଆର୍‍ଆସ୍‍ ମିନ୍ଦେନ୍‍ ।’” 
\v 8 ମୁନେଙ୍କ୍‌ ଅଣ୍ଡ୍‌‌ କେସ୍‌ମାତ୍‌ତଣ୍ଡ୍‌, “ନିମା ନାରୁଡ୍‌ତା ପାପ୍‌ ନର୍ଦାନ୍‌ ମାଇଦିଙ୍କ୍‌ ପୁଜାନାଦ୍‌ ମେଣ୍ଡେ ନୈବେଦ୍ୟ ମେଣ୍ଡେ ହମବଲି ନିକିନ୍‌ ଅପ । ଆୱୁ ସାର୍ରେ ନିକିନ୍‌ ସନ୍ତୁଷ୍ଟ ମାଡ଼େ ପାର୍‍ୱ ।” ଇୱସାର୍ରେ ପୁଜାନାଦ୍‌ କାନୁନ୍‌ତେ ଇସାବ୍‌ତେ ମାଡ଼ିମାତ୍‍କେ ଗାଲେୟ ଅଣ୍ଡ୍‌‌ ଇଲା କେସ୍‍ମାତ୍‍ତଣ୍ଡ୍ । 
\v 9 ତାନ୍‌ପେର୍କେ ଅଣ୍ଡ୍‌ କେସ୍‍ମାତ୍‍ତଣ୍ଡ୍, “ଆ ଇଶ୍ୱର, ନାନ୍ ନି ଇଚ୍ଛା ସାଦନ୍‍ ମାଡ଼ାନଙ୍କ୍ ତିଆର୍‍ ।” ଇତ୍‌କେ ଇଶ୍ୱର ଇୱସାର୍ରେ ପୁଜ୍‌ତାୱୁ ୱିଡ଼୍‍ସି ମେଣ୍ଡେ ତାନ୍‌ ବାଦ୍‌ଲେମ୍‌ତେ କ୍ରିଷ୍ଟନାଦ୍‌ ପୁଜ୍‌ତାଦ୍ ଗ୍ରହନ୍‍ ମାଡ଼୍‍ତଣ୍ଡ୍‍ । ମେଣ୍ଡେଅଣ୍ଡ୍‌‍ ନିୟମ୍‍ ତିଆର୍‍ ମାଡ଼ାନ୍‍ ସେଙ୍ଗେ ମୁନେତାଦ୍ ନିୟମ୍‍ତିଙ୍କ୍‍ ଲପ୍‍ ମାଡ଼୍‍ତଣ୍ଡ୍‍ । 
\v 10 ଆଦିଙ୍କ୍‍ ଇଶ୍ୱର୍ ଇୱୁସାରେ ବଲିଦାନ୍‍ ଗ୍ରହନ୍‍ ମାଡ଼କଟ ଆଦ୍‍ନ୍‍ ବାଦୁଲ୍‍ତେ କ୍ରିଷ୍ଟନ୍‍ ବଲିଦାନ୍‍ ଗ୍ରହନ୍‍ ମାଡ଼୍‍ତଣ୍ଡ୍‍ । ଜିସୁ କ୍ରିଷ୍ଟ ଅରଟ୍‌ଦାମ୍‌ ନୁ ସାର୍ରେଦିନାତ୍ ମାଇଦିଙ୍କ୍ ତାନ୍ ମେନ୍ଦୁଲ୍‌ତିନ୍ ପୁଜି ଇଶ୍ୱରନ୍‌ ଇଚ୍ଛା ସାଦନ୍‍ ମାଡ଼ିମାନ୍ଦାନ୍‍ ମାୟ୍‍ଦିଙ୍କ୍‍ ଅନାଦ୍‌‍ ଇଦ୍‍ ବଲି ସେଙ୍ଗେ ମାନାଡ଼୍‍ ସାରେତଡ଼୍‍ ପାପାମ୍‍ ତାଗାଙ୍କ୍ ପରିଷ୍କାର୍‍ ଆତ୍‍ତାଡ଼୍‍ । 
\v 11 ଇହୁଦୀ ପୁଜାରିଡ଼୍‍ ସାରେଦାମ୍‌ ତାମାଦ୍ କାମ୍ ମାଡି ଆଦେ ଅରଟ୍‌ ପ୍ରକାର୍‌ ମେଣ୍ଡେ ପୁଜା ଇଦୁତଡ୍‌, କିନ୍ତୁ ଇୱସାର୍ରେ ପୁଜ୍‍କେବାର୍ ବେସୁଙ୍କ୍‍ ବା ପାପ୍‌ ମାୟି ଆନ । 
\v 12 କିନ୍ତୁ କ୍ରିଷ୍ଟ ପାପ୍‌ ତେରି ଇଞ୍ଜ ସାର୍ରେଦିନା ମାଇଦିଙ୍କ୍‌ ଆଣ୍ଡୟେ ପୁଜ୍‌ତଣ୍ଡ୍‌ । ଆ ପେର୍କେ ଅଣ୍ଡ୍‌‌ ଆଞ୍ଜମାଞ୍ଜ ଇଶ୍ୱରନ୍‌ ତିନ୍ଦେ ପାକେ କୁଦି ମିନ୍ଦେଣ୍ଡ୍‌ । 
\v 13 ଇଶ୍ୱର ତାନ୍ ଶତ୍ରୁନାରୁଡ୍‌କିନ୍‌ ଡେକେ ୱିକାନାଦ୍‍ କୁତୁଲ୍‍ ଆୟ୍‍ନା, ଅଣ୍ଡ୍‌ ଆଗା କେପି ମାନ୍‌ତଣ୍ଡ୍‌ । 
\v 14 ବେନଡ଼୍ ପାପ୍ ୱିଡ଼୍‍ସି ସାୟେ ଆସ୍‌ ମିନ୍ଦେଡ଼୍, ଆଦ୍‌ ଅଣ୍ଡୟ୍‌‍ଦାମ୍ ପୁଜାନ୍ ଦ୍ୱାରା ଅଡ଼୍‌କିଂଙ୍କ୍‍ ଅଣ୍ଡ୍‌ ସାର୍ରେଦିନା ମାଇଦିଙ୍କ୍‌ ପବିତ୍ର ମାଡ଼ି ମିନ୍ଦେଣ୍ଡ୍ । 
\v 15 ପବିତ୍ର ଆତ୍ମା ମେଣ୍ଡେ ତାନାଦ୍ ସାକ୍ଷି ଇସ୍‍ କେତୁତଣ୍ଡ୍‍ । 
\v 16 ପ୍ରବୁ କେତ୍‍ତଣ୍ଡ୍‍, “ୱାୟାନ୍‍ କାଲାମ୍‌ତେ ନାନ୍ ଅଡ଼୍‌‍ସାଙ୍ଗ୍ ଇଦ୍‌ ମାଟ୍ଟା ୱିଡ଼୍‍ସି ମାନ୍‌ତାନ୍ । ନାନ୍‌ ନା ପୁନାଦ୍‍ କାନୁନ୍‌ତା ମାଟ୍ଟାନ୍ ଅଡ଼୍‌ ଜିୱୁତାଗ୍‌ ୱାଟିତାନ୍, ଅଡ଼୍‌ ଏର୍କାତାଗ୍ ଲେକା କିଦ୍‍ତାନ୍ ।” 
\v 17 ମେଣ୍ଡେ ଅଣ୍ଡ୍‌‍ କେତିତଣ୍ଡ୍‍, “ନାନ୍‍ ମେଣ୍ଡେ ଅଡ଼୍‌ ପାପ୍‌ ନୁ ଅପରାଦ୍‌ ପାଡିୟ୍‌ଦିନ୍‌ ବେସୁଙ୍କ୍‌ବା ଏର୍କା ମାଡ଼ନ୍ ।” 
\v 18 ଆଦିନ୍ ଅଡ଼୍‌‍ ଯଦି କ୍ଷମା ଆସ୍ ମିନ୍ଦେଡ଼୍, ଇତ୍‌କେ ପାପ୍ ନର୍ଦାନ୍ ମାଇଦିଙ୍କ୍ ମେଣ୍ଡେ ପୁଜାନଙ୍କ୍‍ ଦର୍‌କାର୍ ଇଲା । \fig ବେଦିତ୍ ପରୁ କିସ୍‌ତାଗ୍ ବଲି ଇଦାନାଦ୍‌ |alt="Burnt offering on an altar" src="hk00256c.tif" size="col" copy="Horace Knowles ©" ref="୧୦:୧୦"\fig*
\s ଇଶ୍ୱରନ୍‌ ଗାର୍ର ଆଦାନାଦ୍
\p
\v 19 ଆଦିନ୍ ଆ ଦାଦାଲଡି ନୁ ଏଲାସ୍କ୍‍, ଜିସୁ ଡଲ୍‌ତା ସାଙ୍ଗ୍ ମାନାଙ୍କ୍‌ ବାଡ଼ିୟା ପବିତ୍ର ଜାଗାତାଗ୍ ଆଦାନଙ୍କ୍ ସାର୍ରେ ଅଦିକାର୍ ଦର୍କ୍‌ତା । 
\v 20 ଅଣ୍ଡ୍‌‌ ତାନ୍ ମେନ୍ଦୁଲ୍ ଇସ୍ ମାନ୍‍ ମାଇଦିଙ୍କ୍ ଅରଟ୍‌ ପୁନା ଜିୱୁତ୍ ଆର୍ ତହ୍‌ସିସ୍‌ ମିନ୍ଦେଣ୍ଡ୍ । 
\v 21 ଇଶ୍ୱରନ୍‌ ଲୋନ୍‌ ଇଞ୍ଜେ ମାନ୍‍ ବାଡ଼ିୟା ପୁଜାରିଡ଼୍ କାଇଦେ ମିନ୍ଦେ । 
\v 22 ସାର୍ରେତର୍ ୱାରାଟ୍‌, ମାନାଡ଼୍‍ ନେଲା ଜିୱୁତେ ନୁ ନେକା ବିଶ୍ୱାସତେ ଇଶ୍ୱର ଗାରେ ଆଦିକାଡ଼୍‍; ବାତାଙ୍କ୍‌ଇତ୍‌କେ ମାନାଡ଼୍‍ ଇଞ୍ଜେ ମାନ୍ଦାନ୍ କାରାପ୍‍ ଜିୱୁ ନୁଞ୍ଚ୍‍ କ୍ରିଷ୍ଟନ୍‍ ନେତୁର୍‍ ତଡ଼୍‍ ଜାତ୍‌ ଆସ୍ ମିନ୍ଦେଡ଼୍‍ ନୁ ମାନ୍‍ ହୃଦୟ୍‍ ୱେଡ୍‌ତା ଏର୍‌ଦେ ନର୍‌ସ୍‌ ମିନ୍ଦେଡ଼୍‍ । 
\v 23 ବେନ୍‍ ଆଶା ମାନାଙ୍କ୍‌ ମିନ୍ଦେ ଇଞ୍ଜ ସ୍ୱୀକାର୍‍ ମାଡ଼୍‍ତଡ଼୍‍, ଆଦିନ୍‌ ଡାଟୁମ୍ ପୋଇସ୍‌ ମାନ୍ଦାନ୍ ୱେଇତିତ୍, ବାତାଙ୍କ୍ଇତ୍‌କେ ମାନାଡ଼୍‍ ଇଶ୍ୱର କେତ୍‍ତା ମାଟ୍ଟାତାଗ୍‌ ଆସା ମାଡୁତାଲ୍‌ । 
\v 24 ୱାରାଟ୍‌, ମାନାଡ଼୍‍ ୱେରେତଡ଼୍‍କିଙ୍କ୍‍ ଏର୍କା ମାଡି ଅଡ଼୍‌‍କ୍ ସାହାଯ୍ୟ ମାଡ଼ିକାଲ୍; ଇଦେଲେକାମ୍ ପ୍ରେମ୍‌ତେନେ ସତ୍ କାମ୍ ମାଡ଼ିକାଲ୍ । 
\v 25 ମେଣ୍ଡେ ବେନବେନ ମାନ୍‍ ମଣ୍ଡଲିତାଗ୍‍ ଉପାସନା ମାଡ଼ାନଙ୍କ୍‌ ଆନଡ୍‌, ମାନାଲ୍‌ ଆଲା ମାଡ଼୍‍ୱାଲ୍‌; ମେଣ୍ଡେ ପରସ୍ପର ଉତ୍ସାହ ମାଡ଼ିକାଲ୍‌, ବାତାଙ୍କ୍ଇତକେ ପ୍ରବୁନାଦ୍‌ ଦିନାମ୍ ଜାପେ ୱାଦୁତା ।
\p
\v 26 ବାତେଙ୍କ୍‍ଇତ୍‍କେ ମାନାଲ୍‌ ନିଜାମ୍ ସତ୍‍ ପୁତ୍‍ତା ପେର୍କେ ଗାଲେୟ ମାନାଲ୍ ଯଦି ପୁଞ୍ଜ୍‍ପୁଞ୍ଜ୍‍ ମେଣ୍ଡେ ପାପ୍‌ ମାଡ଼ିତାଲ୍, ଆଲାଇତ୍‌କେ ମେଣ୍ଡେ ବାତାବା ପୁଜ୍‌ସ୍‌କେ ଗାଲେୟ ମାନାକିନ୍ ପାପ୍‌ ତିଞ୍ଚ ଗେଲ୍‌ସ୍ପା ପାର୍ୱ । 
\v 27 ଇତ୍‌କେ ବିଚାର୍‍ତାଗ୍ ମେଣ୍ଡନ୍‌ ପାକା ନେକା ବେଡ଼ିୟଡ଼୍ ପରିକ୍ୟା ନୁ ଇଶ୍ୱର୍‌ତେ ବିରଦ୍ଦ୍‌ନାରୁଡ୍ ନେକା ପତାନ୍ କିସ୍‌ତାଗ୍‌ କାର୍‌ୱାତଡ୍ । 
\v 28 ବେନ ଯଦି ମୋଶାନ୍‌‌ ନିୟମ୍‍ତିଙ୍କ୍‍ ମାନେମ୍‍ ଆୟଣ୍ଡ୍‌, ଅଙ୍କ୍‌‌ ଦୟା ମାଡ଼୍‍ୱା ଇର୍‌ୱୁଡ୍‌ କି ନାର୍ଗେ ନାରୁଡ୍‌ ସାକ୍ଷି ମାଇଦିଙ୍କ୍‌ ଡଲାନ୍‌ ୱେଇତିତ୍ । 
\v 29 ଆଲାଇତ୍‌କେ, ବେନଣ୍ଡ୍ ଇଶ୍ୱରନ୍‌ ମାରିନ୍‌ ବେକାର୍‍ ଇନ୍‌ତଣ୍ଡ୍, ଇଶ୍ୱରନ୍‌ ପୁନା ନିୟମ୍‌ତାଦ୍‌ ନେତୁର୍‌ ତଡ଼୍ ପାପ୍‌ସାର୍ରେ ନର୍‌ସ୍‌ ଆତ୍‌କେ ମେଣ୍ଡେ ଅନ୍‌ ପାପ ଇନ୍‌ତଣ୍ଡ୍‌ ମେଣ୍ଡେ ଜିୱୁମାଡାନ୍ ପବିତ୍ର ଆତ୍ମାନ୍ ଦୁସାତଣ୍ଡ୍, ଅଙ୍କ୍‌‌ ବେଲା ବେସବେଡିଆଦ୍‌ ଦଣ୍ଡ୍‌ ଦର୍କିତା ? ଆଲ୍‌ସୁଡାଟ୍, ଅଣ୍ଡ୍‌‌ ବେସର୍‌ ଦଣ୍ଡ୍‌ ପାଏମ୍‍ ଆଦ୍‍ତଣ୍ଡ୍ । 
\v 30 “ନାନ୍ ବାଦ୍‍ଲା ଆଦ୍‍ତାନ୍, ନାନ୍‌ ଦଣ୍ଡ୍‌ ଇଦାନନ୍‌,” ଇଦ୍‌ ମାଟ୍ଟା ବେନ କେତଣ୍ଡ୍, ଅଙ୍କ୍‌‌ ମାମ୍ ପୁତମ୍ । ଅଣ୍ଡ୍‌‌ ମେଣ୍ଡେ କେତଣ୍ଡ୍ ଯେ, “ପ୍ରବୁ ତାନ୍‌ ନାରୁଡ୍‌କିନ୍‌ ନ୍ୟାୟ ମାଡ଼ିତଣ୍ଡ୍‍ ।” 
\v 31 ଜିୱୁ ମାନ୍ଦାନ୍ ଇଶ୍ୱରନ୍ ବିଚାର୍‍ ମୁନେ ଆଦାନାଦ୍ ନେକା ୱେର୍‌ୟାନାଦ୍‌ ବିଷୟ୍‍ । 
\v 32 ମିଡ଼୍ ମୁନେଙ୍କ୍ ବେଲା ମାତ୍‍ତିଡ୍ ଏରକା ମାଡୁତାଲ୍‌, ଇଶ୍ୱରନ୍‌ ୱେସ୍‌ ୱାତ୍ତା ପେର୍କେ ମିଡ଼୍ ନେକା ଦୁକାମ୍ କଷ୍ଟତେ ବାଦ୍‌କ୍‌ତିଡ଼୍‌, କିନ୍ତୁ ଆରେମ୍‍ ଆଇୱା ମାତ୍‍ତିଡ୍‌ । 
\v 33 ବସ୍‍ ବେସୁଙ୍କ୍‍ ମିକିଙ୍କ୍‌ ଲିନ୍ଦା ମାଡ୍‌ନୁଡ୍‌ ନୁ ରେତାନଙ୍କ୍‌ ଆସମାତଡ୍ । ମେଣ୍ଡେ ବସ୍‍ ବେସୁଙ୍କ୍‍ ମିଡ଼୍ ୱେରଣ୍ଡ୍‌ ଦୁକାମ୍‌ କଷ୍ଟତେ ଆଞ୍ଜ୍‍ମେଣ୍ଡେ କାଇଲ୍‌ନିଡ଼୍‍ । 
\v 34 ମିଡ଼୍ ତାନାତାଗ୍ ମାନ୍ଦାନଡ୍‌ ଦୁକାମ୍‌ କଷ୍ଟତେ ତଡ୍‌ କାୟିଲ୍‍ନିଡ଼୍‍ ମେଣ୍ଡେ ବେସୁଙ୍କ୍‍ ମିୟାଦ୍ ସାର୍ରେ ଦାନ୍‌ତିଙ୍କ୍‍ ଆତ୍‍ତଡ୍‌, ଆସୁଟ୍‌ ମିଡ଼୍ ୱେଡ଼୍‍କାତେ ମାଞ୍ଜ ବାତେବା ତିରୟ୍‌ୱିଡ୍, ବାତାଙ୍କ୍‌ଇତ୍‌କେ ମିୟାଦ୍‌ ସାର୍ରେଦିନାତ୍‌ ଦାନ୍‌ ସମ୍ପତି ମିନ୍ଦେ, ଆଦ୍ ମିଡ଼୍ ପୁଞ୍ଜ୍‌ମାତିଡ୍ । 
\v 35 ଆଦିନ୍ ମିୟାଦ୍ ସାହାସ୍‌ତିନ୍‌ ଆରାମାଡ଼୍‍ମାଟ୍‌, ବାତେଙ୍କ୍‍ଇତ୍‍କେ ଆଗା ବାଡ଼ିୟା ଇନାମ୍‍ ମିନ୍ଦେ । 
\v 36 ମିଡ଼୍ ଆରେମ୍ ଆୟୱା ମାନ୍ଦାନାଦ୍ ଆସ୍‌କେ ପରମେଶ୍ୱର କେତ୍‍ତାଦିଙ୍କ୍‍ ମିଡ଼୍ ମାଡ଼ି, ପରମେଶ୍ୱର ମିକିଙ୍କ୍‌ ପ୍ରତିଜ୍ଞା ମାଡ଼ି ମାତ୍‍ତାଦିନ୍‌ ଦର୍କାକିତିଡ୍ । 
\v 37 ଦର୍ମଶାସ୍ତ୍ରତାଗ୍‍ ଲେକାମିନ୍ଦେ, “ସୁଡୁଟ୍‌ ସମୟ ମିନ୍ଦେ, ଅଣ୍ଡ୍‌‌ ୱାଦାନାଦ୍ ଏୱତା, ଅଣ୍ଡ୍‌‌ ନିଜାମେ ୱାଦ୍‍ତଣ୍ଡ୍, ଅଣ୍ଡ୍‌ ଲେଟ୍ ମାଡ଼ଣ୍ଡ୍ ।” 
\v 38 ମାନ୍‍ ଦାର୍ମିକନାରୁଡ୍‌ ବିଶ୍ୱାସ୍‌ତେ ଗେଲ୍‌ସିତଡ୍‌, କିନ୍ତୁ ବେନ ପେର୍କେ ମାଲ୍‌ସ୍‌ ଅନ୍‌‌ତଣ୍ଡ୍, ଆଲାଇତ୍‌କେ ମା ଆତ୍ମା ଅନାଗ ସନ୍ତୁଷ୍ଟ ଆୟ । 
\v 39 ମାତି ବେନଡ଼୍ ଡଲାନ୍‌ ମାଇଦିଙ୍କ୍ ପେର୍କେ ମାଲ୍‌ସ୍‌ ଅନ୍‌ତଡ୍‌, ମାମ୍ ତାମ୍‌ ମାନ୍ଦେତ୍‌ ନାରୁଡ୍‌ ଆୟମ୍, ବେନଡ଼୍ କି ମାନ୍‍ ପରିତ୍ରାଣ ବିଷୟତେ ବିଶ୍ୱାସ୍ ମାଡ଼ିତଡ଼୍, ମାମ୍ ଆ ମାନ୍ଦେତ୍ ନାରୁମ୍ ।
\c 11
\s ବିଶ୍ୱାସ୍ ଉଦାରନ୍‍
\p
\v 1 ବିଶ୍ୱାସ୍ ଇତ୍‌କେ ବାତା ? ବିଶ୍ୱାସ୍ ଇତ୍‌କେ ମାନାଲ୍‌ ଆଶା କିୟାନାଦ୍‌ ମାଟ୍ଟା ନିଜାମ୍‌ ଆତ୍‍ତେ ଇଞ୍ଜ ଅଣ୍ଡୟ୍‌ ଏର୍କାତେ ମାନ୍ଦାନାଦ୍‌; ମେଣ୍ଡେ ମାନାଲ୍ ଉଡ଼୍‍ୱାଦ୍‌ ମାଟା ନିଜାମ୍‌ ମିନ୍ଦେଣ୍ଡେ ଇଞ୍ଜ ନିଜାମ୍‌ ପୁନ୍ଦାନାଦ୍ । 
\v 2 ମୁନେତ୍‌ କାଲାମ୍‌ତେ ନାରୁଡ୍ ଇଦେ ବିଶ୍ୱାସ୍‍ତେ ମାତ୍‍ତାଙ୍କ୍‍କେ ସାର୍ରେତଡ୍‌ ଇଶ୍ୱର୍‌ତେ ସାୟେତ୍‍ ନାରୁଡ଼୍‍ ଆସ୍‍ମାତ୍‍ତଡ୍‌ । 
\v 3 \x + \xo ୧୧:3 \xo*\xt ଯୋହନ୍‌‌ ୧:3.\xt*\x*ବିଶ୍ୱାସ୍‌ତେ ମାମ୍ ପୁନ୍‌ତମ୍‌ ଯେ ଇଶ୍ୱର କେତ୍‍ତେ ମାଟାତେନେ ବୁମ୍ ତିଆର୍‌ ଆତ୍ତା, ଆଦିଙ୍କ୍‌ ତନ୍ଦ୍‌ୱାଗା ନୁଞ୍ଚ ସାର୍ରେ ତନ୍ଦାନାୱ ତିଆର୍‌ ଆତ୍ତା । 
\v 4 ବିଶ୍ୱାସ୍‌ତେ ତଡ଼୍‍ ହେବଲ୍‍ କୟିନ ନୁଞ୍ଚ୍‍ ନାର୍ଗେ ପୁଜା ଇସ୍‌ ମାତ୍‍ତଣ୍ଡ୍ । ତାନ୍‌ ବିଶ୍ୱସ୍‌ତେ ମାଇଦିଙ୍କ୍‌ ଇଶ୍ୱର ଅନାଦ୍‌‌ ନୈବେଦ୍ୟ ଗ୍ରହଣ ମାଡ଼୍‌ତଣ୍ଡ୍ ମେଣ୍ଡେ ଅଣ୍ଡ୍‌‌ ନେକା ନେଲେତଣ୍ଡ୍‌ ଇଞ୍ଜ କେତ୍‍ତା, ଡଲ୍‌କେମେଣ୍ଡେ ବିଶ୍ୱାସତେ ମାଇଦିଙ୍କ୍ ହେବଲ୍‌ ନେଣ୍ଡ୍‌ଆଇନା ଗଟି ତିର୍‌ୱୁତଣ୍ଡ୍‌ । 
\v 5 ବିଶ୍ୱାସ୍ ଦ୍ୱାରା ଆନୋକ ଡଲ୍‌ୱାମାଞ୍ଜ ମେନ୍ଦୁଲ୍‌ତେ ପର୍ର ଆତ୍ତଣ୍ଡ୍‌ । ଅଣ୍ଡ୍‌ ତୋନ୍ଦିଲେଣ୍ଡ୍‌, ବାତାଙ୍କ୍‌ଇତ୍‌କେ ପରମେଶ୍ୱର ଅଙ୍କ୍‌‌ ଆତ୍‍ତା । ଅଣ୍ଡ୍‌‌ ୱେରଣ୍ଡ୍‌ ସାୟେ ନାରୁଣ୍ଡ୍‌ ମାତ୍‍ତଣ୍ଡ୍, ଆଦାନ୍‌ ମୁନେ ଅଙ୍କ୍‌‌ ନେଲାତଣ୍ଡ୍‌ ଇଞ୍ଜ ପୁଞ୍ଜ୍‌ମାତଡ୍‌ । 
\v 6 ବିଶ୍ୱାସ୍ କିୱା ଇଶ୍ୱରନ୍‌ ସନ୍ତୁଷ୍ଟ ମାଡ଼ାଙ୍କ୍ ଆୟ, ବାତାଙ୍କ୍‌ଇତ୍‌କେ ଅଣ୍ଡ୍‌‌ ଅଙ୍କ୍‌ ମେହେକାନଡ୍‌କିଙ୍କ୍‌ ଇନାମ୍‍ ଇତଣ୍ଡ୍‌ ଇଞ୍ଜ ତାନ୍‌ ଗାର୍ରେ ୱାଦାନ୍ ନାରୁଡ୍‌ ବିଶ୍ୱାସ୍ ମାଡ଼ାଙ୍କ୍ ୱେଇତିତ୍ । 
\v 7 ବିଶ୍ୱାସ୍‌ତେ ମାଇଦିଙ୍କ୍ ନୋହ ପୁନ୍‌ୱାମାତା ବିଷୟ୍‌ତେ ଇଶ୍ୱରନ୍‌ ସତର୍କ ବାଣୀ କେଞ୍ଜିମାତଣ୍ଡ୍‌ । ଅଣ୍ଡ୍‌‌ ଇଶ୍ୱରନ୍‌ ଗଟ୍‌ତେ ମାଞ୍ଜ୍‌ମେଣ୍ଡେ ଅରଟ୍‌ ଜାହାଜ୍‌ ତିଆର୍‌ ମାଡ଼୍‌ତଣ୍ଡ୍ । ଆଗା ଅଣ୍ଡ୍‌‌ ନୁ ତାନ୍‌ ଲୋତ୍‍ତେ ମୁଲ୍‌ସାର୍ରେତଡ୍‌ ଗେଲ୍‍ସି ମାତ୍‍ତଡ୍, ବୁମ୍‍ତାଗ୍‍ ମାନ୍ଦାନଡ୍‌ ସାର୍ରେ ଦଣ୍ଡ୍‌ ପାଏମ୍‌ ଆତ୍‍ତଡ୍‌, କିନ୍ତୁ ନୋହ ବିଶ୍ୱାସ୍‌ତେ ମାଇଦିଙ୍କ୍ ସାୟେତ୍‌ ପୁରସ୍କାର୍ ଦର୍‌କ୍‌ସ୍‌ତଣ୍ଡ୍‌ । 
\v 8 ଇଶ୍ୱର ଅବ୍ରାହାମ୍‌ତିଙ୍କ୍‍ ଅରଟ୍ ଦେଶ୍‌ ଇତାନ୍‌ଇଞ୍ଜ ଅରଟ୍‌ ମାଟା ୱିଡ୍‌ସିମାତେ, ଆ ଦେଶତାଗ୍‌ ଆଦାନଙ୍କ୍‌ ମାଇଦିଙ୍କ ଅଣ୍ଡ୍‌‌ ଆସୁଙ୍କ ଅଙ୍କ୍‌‌ କାର୍‌ଙ୍ଗ୍‌ତଣ୍ଡ୍‌, ଆସୁଙ୍କ୍‌ ଅବ୍ରାହାମ୍‌ ବିଶ୍ୱାସ୍‌ତେ ଇଶ୍ୱରନ୍ ମାଟାତିନ୍‌ ମାନେମ୍‌ ଆସ୍‌ମାତଣ୍ଡ୍, ଅଣ୍ଡ୍‌‌ ବେ ଆଦୁତଣ୍ଡ୍‌ ଆଦ୍‌ ପୁନ୍‌ୱା କଞ୍ଚ୍ ମେଣ୍ଡେ ତାନାଦ୍‌ ଦେଶ ୱିଡ଼୍‍ସି ଆତଣ୍ଡ୍‌ । 
\v 9 ଅଣ୍ଡ୍‌‌ ବିଶ୍ୱାସ୍‌ତେ ଇଶ୍ୱର କେତ୍‍ତା ଦେଶାମ୍‍ତାଗ୍ ବିଦେଶୀ ଲେକାମ୍ ବାସେ ମାଡ଼୍‍ତଣ୍ଡ୍ । ଅଣ୍ଡ୍‌ ତମ୍ବୁତାଗ୍ ବାସେ ମାଡ଼୍‍ତଣ୍ଡ୍ ନୁ ଅନ୍‌ ଲେକାମ୍ ଇଶ୍ୱର୍‌ତାଗାଙ୍କ୍ ପ୍ରତିଜ୍ଞା ପାଏମ୍ ଆସ୍ ଇସ୍‍ହାକ୍ ନୁ ଜାକୁବ୍ ମିକା ଆଦ୍‍ଲେକେନ୍ ତମ୍ବୁତାଗ୍‍ ବାସେ ମାଡ଼ିମାତ୍‍ତଡ଼୍ । 
\v 10 ବେନ୍ ସାର୍ରେଦିନାମ୍ ମାନ୍ଦାନ୍ ନଗର୍ ଇଶ୍ୱର୍ ଚିନ୍ତେ ମାଡ଼୍‍ତଣ୍ଡ୍ ନୁ ତିୟାର୍ ମାଡ଼୍‍ତଣ୍ଡ୍, ଅବ୍ରାହାମ୍ ଆଦ୍ ନଗର୍‍ତିଙ୍କ୍ କେପି ମାତ୍‍ତଣ୍ଡ୍ । 
\v 11 ସାରା ଡଙ୍କେତ୍ ଆଦାନଙ୍କ୍ ପାର୍‍ୱକ୍ ଗାଲା, ବିଶ୍ୱାସ୍‍ତେ ମାୟ୍‍ଦିଙ୍କ୍ ଅବ୍ରାହାମ୍ ପେଦ୍‍ୱାଲ୍ ଆତ୍‍ତେୱେଲେ ମିକା ବାବାଲ୍ ଆଦାନଙ୍କ୍ ପାର୍‍ତଣ୍ଡ୍ । ଇଶ୍ୱର୍ ତାନ୍ ଗଟ୍ ନେଃଏତିତଣ୍ଡ୍ ଇଞ୍ଜ ଅବ୍ରାହାମ୍‌ତାଦ୍ ବିଶ୍ୱାସ୍ ମାତ୍‍ତେ । 
\v 12 ଆବ୍ରାହାମ୍ ଡଲାନ୍‍ ଲେକେମ୍‍ ଆସ୍ ମାତ୍‍କେ ଗାଲା ଅନାଗାଙ୍କ୍ ମୟଲ୍‍ତାଗ୍ ଉକାକ୍ ନୁ ସମୁଦ୍ରତେ ଉସ୍କ ଇନା ଲେକାପାର୍‍ୱା ବଂଶଦର୍ ପୁଟ୍‍ତଡ଼୍ । 
\v 13 ପରତଡ଼୍‍ ନାରୁଡ଼୍ ନିଜର୍ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ଡଲ୍‍ତଡ଼୍ । ଇଶ୍ୱର୍ ପ୍ରତିଜ୍ଞା ମାଡ଼ିମାନ୍ଦାନ୍ ବିଷୟ୍ ସାର୍ରେ ଅଡ଼୍‌‍କିଂଙ୍କ୍ ଦର୍‍କକ୍ ଗାଲା ସୁଦୁର୍ ଜେକେ କଞ୍ଚ୍ ଉଡ଼ି ଅଡ଼୍‌‍ ସ୍ୱାଗତ୍ ମାଡ଼ିମାତ୍‍ତଡ଼୍ ନୁ ଇଦ୍ ଜଗତ୍‍ତାଗ୍ ଅଡ଼୍‌ ମାତର୍ ବିଦେଶୀ ନୁ ଦେଶୀ ନାରୁଡ଼୍ ଇଞ୍ଜ ସ୍ୱୀକାର୍ ମାଡ଼୍‍ତଡ଼୍ । 
\v 14 ବେନ୍‍ ନାରୁଣ୍ଡ୍‌ ଇଲା ତିର୍‌ୟୁତଣ୍ଡ୍‌, ଅଡ୍‌ ମେଣ୍ଡ୍‌ଅରଟ୍‌ ବାଦ୍‌କାନ୍‌ ମାଇଦିଙ୍କ୍‌ ମେଦ୍‌କ ମିନ୍ଦେଡ଼ି ଇଞ୍ଜ ପୁନ୍ଦାଙ୍କ୍‌ ଆଦ୍‌ତା । 
\v 15 ଅଡ୍‌ ବେନ୍‍ ଦେଶ ୱିଡ଼୍‍ସି ୱାସ୍‌ମାତଡ୍‍, ଆଦ୍‌ ଦେଶତିନ୍‌ ମେଣ୍ଡେ ଏର୍କା ମାଡ୍‌ୱେ ମାତ୍‍ତଡ଼୍‍ । ଯଦି ଏର୍କା ମାଡ଼େଡ଼୍, ଆଲାଇତ୍‌କେ ଆଗା ଅଡ଼୍‌‍ ମାଲ୍‌ସ୍ ଆନେଡ୍ । 
\v 16 ଇତ୍‌କେ ଅଡ୍‌ ଅରଟ୍‌ ବାଡ଼ିୟା ଦେଶତାଗ୍, ଆ ସ୍ୱର୍ଗତା ଦେଶତାଗ୍ ଆଦାନ୍ ମାଇଦିଙ୍କ୍‌ ଆଶେମାଡିମାତଡ୍ । ଆଦିଙ୍କ୍‌ ଅଡ଼୍‌‍ ଇଶ୍ୱରଙ୍କ୍‌ ନିଜର ଇଶ୍ୱର ଇଞ୍ଜ କେତାନ୍ ଦ୍ୱାରା ଅଣ୍ଡ୍‌ ସିଗ୍‌ ଆଇୱା ମାତ୍‍ତଣ୍ଡ୍ । ଇଞ୍ଜେ, ଇଶ୍ୱର ତାମ୍‌ ମାଇଦିଙ୍କ୍ ଅରଟ୍‌ ନଗର୍‍ ତିଆର୍ ମାଡି ମାତ୍‍ତେ । 
\v 17 ଇଶ୍ୱର ଅବ୍ରାହାମ୍‌ତାଦ୍ ବିଶ୍ୱାସ ପରିକ୍ଷା ମାଡ଼ାନ୍‍ୱେଲେ ଆବ୍ରାହାମ୍‌ ତାନ୍‌ ମାର୍‌ ଇ ସାକ୍ଷିନ୍‌ ପୁଜାନଙ୍କ୍‌ ତିଆର୍‌ ଆସ୍‌ମାତଣ୍ଡ୍ । ଇଶ୍ୱର ଅବ୍ରାହାମ୍‌ତିଙ୍କେ ତାନ୍‌ ପ୍ରତିଜ୍ଞା ଇସ୍‌ମାତଣ୍ଡ୍‍, ଅବ୍ରାହାମ୍‌ ତାନ୍ ୱେରଣ୍ଡେ ମାରିଙ୍କ୍‍ ପୁଜାନଙ୍କ୍ ତିଆର୍‌ ଆସ୍‌ମାତଣ୍ଡ୍ । 
\v 18 ଇଶ୍ୱର ଅଙ୍କ୍‌‌ କେସ୍‌ମାତ୍‍ତଣ୍ଡ୍‍, “ନାନ୍‌ ନିକିଙ୍କ୍‌ ବେନ୍‍ ବଂଶ ଇଦ୍‍ତାନ୍‌ ଇଞ୍ଜ କେସ୍‌ମାତ୍‍ତଣ୍ଡ୍‌, ଆଦ୍‌ ଇସାକନୁଞ୍ଚ୍‍ ଜନମ୍‍ ଆତ୍‍ତେ ।” 
\v 19 ଇଶ୍ୱର ଇଦ୍‌ସାକ୍ଷତିଙ୍କ୍ ଡଲାନାଗାନୁଞ୍ଚ ଜିୱୁ ଇଦାନଙ୍କ୍‌ ପାର୍ଦେତଣ୍ଡ୍‍, ଇଲା ବିଶ୍ୱାସ ଅବ୍ରାହାମ୍‌ତିଙ୍କ୍‌ ମାତ୍‍ତେ । ଇଞ୍ଜେ, ଅବ୍ରାହାମ୍‌ ଇ ସାକ୍ଷିନ୍‌ ଡଲାନାଗାନୁଞ୍ଚ ଦରକ୍‌ସ୍‌ତଣ୍ଡ୍‌ ଇଞ୍ଜ କେତ୍‌କେ ବାରେ ବୁଲ୍‍ ଆୟ । 
\v 20 ଇସାକ୍‌ ତାନ୍ ବିଶ୍ୱାସତେ ମାଇଦିଙ୍କ୍ ଯାକୁବନ୍‌ ନୁ ଏଷୌ ସାର୍ରେ ସୁକାମ୍‍ତେ ବାଦକାନ୍‌ ମାଇଦିଙ୍କ୍‌ ଆର୍ଶିବାଦ୍‌ ମାଡିମାତଣ୍ଡ୍ । 
\v 21 ବିଶ୍ୱାସତେ ମାଇଦିଙ୍କ୍‌ ଯାକୁବ ଡଲାନ୍ ମୁନେଙ୍କ୍‌ ଯୋସେଫତେ ଇରୱୁର୍‌ ମାରିଡ଼୍‍କ୍‌ ଆର୍ଶିବାଦ୍‌ ମାଡ଼ିମାତ୍‍ତଣ୍ଡ୍‍ । ଅଣ୍ଡ୍‌‌ ତାନାଦ୍ ଡୁଡ୍‌ତେ ପର୍ର ରୟି ଇଶ୍ୱରନ୍‌ ସେୱେ ମାଡ଼ମାତ୍‍ତଣ୍ଡ୍ । 
\v 22 ଯୋସେଫ ଡଲାନ୍‌ୱେଲେ ତାନ୍‌ ବିଶ୍ୱାସତେ ମାଇଦିଙ୍କ୍ ଇସ୍ରାଏଲତ୍‌ ନାରୁଡ୍‌ ମିଶର ଦେଶନୁଞ୍ଚ ଆଦାନ୍‌ ବିଷୟତେ ବବିଷ୍ୟତବାଣୀ ମାଡ଼ିମାତ୍‍ତଣ୍ଡ୍‍ ମେଣ୍ଡେ ତାନ୍‌ ଡଲ୍‌ତା ମେନ୍ଦୁଲ୍‌ତିଙ୍କ୍‌ ବେଲା ୱାଟାଙ୍କ୍ ଆଦ୍‍ତେ, ଆଦ୍‌ ମେଣ୍ଡେ କେସ୍‌ମାତ୍‍ତଣ୍ଡ୍ । 
\v 23 ବିଶ୍ୱାସତେ ମାଇଦିଙ୍କ୍‌ ମୋଶାନ୍‌‌ ୟାୟ ବାବଡ୍‌ ପୁଟ୍‌ତେ ପେର୍କେ ମୁଣ୍ଡ୍‌ ନେଲ୍‌ଞ୍ଜ୍‌ଆନା ମିଞ୍ଜ୍‍ସ୍ପିମାତ୍‍ତଡ୍ । ପିଲାତ୍ ସୁନ୍ଦର୍‌ ଉଡି ଅଡ୍‌ ରାଜାନ୍ ଆଦେଶତିନ୍‌ ମାନେମ୍‌ ଆୟମ୍‌ ଇଞ୍ଜ ୱେର୍‌ୱେ ମାତ୍‍ତଡ୍ । 
\v 24 ମଶାଲ୍‌ ପେର୍ସ୍ତେ ପେର୍କେ ବିଶ୍ୱାସତେ ମାଇଦିଙ୍କ୍‌ ଫାରୋ ରାଜାନ୍‌ ମାୟାଡ଼୍‍ତେ ମାର୍‌ ଇଞ୍ଜ କେତାନଙ୍କ୍‌ ମନାମାଡ଼୍‍ତଣ୍ଡ୍ । 
\v 25 ପାପାମ୍‌ତାଗ୍ ମାଞ୍ଜ୍ ସେନେକ୍‌ ବାଦ୍‌କାନ୍‌ ୱିଡ଼୍‌ସି ଇଶ୍ୱରନ୍‌ ନାରୁଡ୍‌ ସାଙ୍ଗ୍ ଦୁକାମ୍‌ତେ ମାନ୍ଦାନଙ୍କ୍‌ ଇଷ୍ଟାମ୍ ମାଡିମାତଣ୍ଡ୍ । 
\v 26 ଅଣ୍ଡ୍‌‌ ମିସର୍ ଦେଶତ୍‌ ସାର୍ରେ ଦନ ୱିଡ଼୍‌ସି ଜିସୁଙ୍କ୍‌ ମାଇଦିଙ୍କ୍‌ ପାସ୍କାନଙ୍କ୍‍ ଆଦାଙ୍କ୍‌ ସାୟେ ଇଞ୍ଜ ଆଲ୍‌ସିମାତଣ୍ଡ୍‌, ଇତ୍‌କେ ଦର୍କାନ୍‌ ପୁରସ୍କାର୍‌ତେ ସେଙ୍ଗେ ଅନ୍‌‌ ଲକ୍ଷ ମାତ୍‍ତା । 
\v 27 ମଶାଲ୍‌ ତାନ୍ ବିଶ୍ୱାସ୍‌ତେ ରାଜାନ୍ କପାମ୍‌ତିନ୍‌ ୱେର୍‌ୟେକଟ୍‌ ମିସର୍ ଦେଶ ୱିଡ଼୍‍ସି ମାତ୍‍ତଣ୍ଡ୍ । ଆଦିଙ୍କ୍ ମାଲ୍‌ସ୍‌ ଆଦାନଙ୍କ୍ ମନା ଆସ୍‌ମାତଣ୍ଡ୍ । 
\v 28 ବିଶ୍ୱାସାମ୍‌ତେ ଅଣ୍ଡ୍‌ ନିସ୍ତାର ପାଣ୍ଡୁମ୍‌ ତିଆର୍‌ ମାଡିମାତଣ୍ଡ୍ ନୁ ଆୱକାନ୍ ଦୂତ ବେଲାକି ଇସ୍ରାଏଲ୍‌ ନାରୁଡ୍ ବାଡ଼ିୟା ମାର୍‌କିନ୍‌ ଆୱକକଟ୍‌ ମାନ୍ତା, ଆଦିନ୍‌ମାଇଦିଙ୍କ୍‌ କାପାଟ୍‍ତାଗ୍ ନେତୁର୍‌ ଅକାନଙ୍କ୍‌ ଆଦେଶ୍‍ ଇସ୍‌ମାତଣ୍ଡ୍‌ । 
\v 29 ବିଶ୍ୱାସ୍‌ତେ ଇଶ୍ରାଏଲ୍‍ତ ନାରୁର୍ ୱାସ୍‌ତେ ନେଲ୍‍ଦ୍‌ ପର୍‌ର ତାକାନ୍‌ ଲେକାମ୍‍ ନେତ୍ତୁର୍‌ ଗଦାର୍‌ତିଙ୍ଗ୍‌ ୱେଇସ୍ ଆଞ୍ଜ୍‌ମାତ୍ତର୍‌, ମିସରୀୟନାରୁଡ଼୍‌ ଆଦ୍‌ରକମ୍‍ ୱେୟ୍‍ଦାନଙ୍କ୍‍ ଚେଷ୍ଟାମାଡି ମୁଡ୍‌ନ୍ଦି ଡଲ୍‌ତର୍‌ । 
\v 30 ଇଶ୍ରାଏଲ୍‌ ନାରୁର୍‌ ଯିରୀୟ ନଗର ନେଟେତ୍‍ ତିଡ଼୍‍ୟି ପାକା ବିଶ୍ୱାସ୍‌ତେ ସାତ୍‍ ଦିନାମ ଉଡ୍‌ତେ ପେର୍‌କେ, ଆଦ୍‌ ମାଣ୍ଡୁଲ୍‌ ତାଗ୍ କାଇଲି ଆତ୍ତା । 
\v 31 ବେଶ୍ୟା ରାହାବ ତାନ୍ ବିଶ୍ୱାସ୍‌ତେ ମାଇଦିଙ୍କ୍‌ ଇସ୍ରାଏଲଦ୍‌ ମିଞ୍ଜିମାନ୍ଦାନ୍‍ ଡଙ୍ଗାଲଡ଼କ୍‍ ପଡିୟା ଇତ୍ତା । ମେଣ୍ଡେ ଦେଉଡ୍‌ତ୍‌ ବିରୁଦ୍ଦ୍‍ ପାଡ଼ୟି ମାଡ଼ାନ୍‍ ନାରୁଡ୍‌ ସାଙ୍ଗ୍‌ ଡଲକଟ ରକ୍ଷା ପାଏମ୍‍ ଆତ୍‍ତଣ୍ଡ୍‍ । 
\v 32 ନାନ୍‌ ମେଣ୍ଡେ ବେସ୍‌କ୍ ମାଟା କେତିତାନ୍‌ ? ଗିଦିୟ, ବାରାକ୍‌, ସାମ୍‌ସନ୍‌, ଜିପ୍‌ଥାହ, ଦାଉଦ୍‍, ସାମୁଏଲ, ମେଣ୍ଡେ ବାବବାଦୀଡ଼୍‍ ବିଷୟ କେତାନଙ୍କ୍‌ ଆତ୍‌କେ ସମୟ ଆଲ । 
\v 33 ବିଶ୍ୱାସ୍ତେ ଇରୁ ୱେରେ ଦେଶେମତ୍‌ ବିରୁଦ୍ଦତେ ଯୁଦାମ୍ ମାଡି ସାଦନ୍ କିତ୍ତର୍, ଦେଉଡ ପ୍ରତିଜ୍ଞା ମାଡ଼ି ମାତ୍‌ତା ବିଷୟ ସାର୍ରେ ପ୍ରାପ୍ତ ଆତ୍ତର, ଇଶ୍ୱର୍ ଗଣ୍ଡ୍ରାସ୍‍ତ ପାୟୁର ବନ୍ଦ କିତ୍ତର୍‌ । 
\v 34 କିସ୍‌ତାଗାଙ୍କ୍‍ ବଞ୍ଚାକିତର୍‍ ମେଣ୍ଡେ ବାଡ଼୍‍ୟେ ଚୁର୍‌ ୱାୟେତାଗାଙ୍କ୍ ଗେଲ୍‍ସ୍ପତଡ଼୍‍ । ଇର୍‌ ସାତ୍‌ୱାମ୍ ଇଲକଟେ ମାତ୍‍ତର୍‍, ଇତ୍‍କେ ଗାଟି ଲାୱଦାନଣ୍ଡ୍ ଆତର୍‌, ଯୁଦ୍‍ତାଗ୍ ପରାକ୍ରମି ଆସ୍‌ ୱେରେ ଦେଶେତ୍ କପାମ୍ ମାନ୍ଦାନ୍ ସୈନ ନାରୁଡ୍‌କ୍‌ ଆରା ମାଡ଼୍‍ତଡ୍‌ । 
\v 35 ବିଶ୍ୱାସତେ ନାଟୱା ତାମ୍‌ ଡଲ୍‌ତା ନିଜ ନାରୁଙ୍କ୍ ଜିୱେତେ ଦରକ୍‌ସ୍‌ତା । ୱେରେତାୱ ଅଣ୍ଡୟ୍‌ ମାନ୍ତେ ଜିୱୁ ଦର୍କାନ୍ ଆଶେତେ ତାମ୍‌ ସ୍ୱାଦିନତିନ୍ ନିଜର୍‍ ଇଚ୍ଛାତେ ଇସ୍‌ ତିପାଲ୍‌ତେ ଡଲ୍‌ତଡ଼୍‍ । 
\v 36 ବେନ ପରିଆସ୍‍ ଆତ୍ତର୍‌, ଦେବା ତିତ୍ତର୍ ନୁ ଇକ୍‌ଲେମ୍‍ତେ ତଃସ୍‌ମେଣ୍ଡ୍‌ କାରାଗାର୍‌ତାଗ୍‌ ବିତାମ୍‌ ମାଡ଼୍‍ତର୍‌ । 
\v 37 ଅଡ୍‌ କାଲ୍‌କିନେ ଦେବା ତିତର୍‌, କରତ୍‍ତେ ରେଣ୍ଡ୍‌ ଦୁଙ୍କା ଆତର୍ ମେଣ୍ଡେ ବାଡ଼୍‍ୟେ ଚୁର୍‌ତେ ନାର୍‍କିତର୍ । ବେନ ମେଣ୍ଢା ନୁ ମେକାତ୍‍ ତଲ୍‌କା କେରସ୍‍, ବିକାରିଡ୍‌ ଗାଟି ରଗାମ୍‌ ନୁ ଅତ୍ୟାଚାର ଉଡାନଡ୍‌ ଲେକାମ୍‍ ଆସ୍‌ ଉଡ୍‌ତଡ୍‌ । 
\v 38 ଇଦ୍‍ରକମ୍‍ ନାରୁଡ଼୍‍ ସେଙ୍ଗେ ଜଗତ୍‍ତାଗ୍‍ ପଡ଼୍‍ୟେ ଇଲା । ଅଡ଼୍‌‍ ଗୁପା ଏକାମ୍‍ ଉଡ, ମେଟା, ପାଆଡ଼୍‌‍କ୍‌, ମେଣ୍ଡେ ଦରାନାଗ୍‍ ମାତ୍‍ତର୍‍ ବୁମ୍ ଅଡ଼୍‌‍ ମାଇଦିଙ୍କ୍‌ ଇଲେକଟ୍‌ ମାତ୍‍ତେ । 
\v 39 ଇୱୁ ସାର୍ରେତଡ଼୍‍ ତାମ୍‌ ତାମାଦ୍‌ ବିଶ୍ୱାସ୍‌ତେ ଚିହ୍‌ନ୍ନେ ନେହ୍‌ସ ଆତର୍‌ । ମେଣ୍ଡେବାଡ୍‌ ଅଡ୍‌ ଦେଉଡ୍‌ ପ୍ରତିଜ୍ଞା ମାଟ୍ଟା ଲେକେତ୍‍ ବିଷୟ ଦର୍‌ସ୍‌କ କଟେମ୍‌ ମାତର୍‌, 
\v 40 ବାତିଙ୍କ୍ଇତ୍‌କେ ଦେଉଡ୍‌ ମାନ୍‍ ମାଇଦିଙ୍କ୍‌ ସାୟେତ୍‌ ବିଷୟ ଆଲ୍‌ସି ମାତ୍‍ତଣ୍ଡ୍‌ । ଅଡ୍‌ ମାନ୍‍ ସାଙ୍ଗ୍‌ ବେଲା ସିଦ୍ଦ ଆତଡ୍‌, ଆଦେ ଆଦୁତେ ଦେଉଡ୍‌ତାଦ୍‌ ଇସ୍‌ଟାମ୍ ମାତ୍‍ତା ।
\c 12
\s ଇଶ୍ୱର ଆଦୁତନ୍‌ ମାନ୍‍ ବାବାଲ୍
\p
\v 1 ଇଦ୍‌ଲେକେନ୍‌ ସାକ୍ଷିନଡ୍ ଅଣ୍ଡୟ୍‌ ବାଡ଼ିୟା ମାନ୍ଦେ ମାନ୍‍ ନାଲୁପାକା କେପିମିନ୍‌ତେର୍ । ଆଦିନ୍‌ମାଇଦିଙ୍କ୍ ୱାଡାଟୁ, ବେନ୍‍ ସାର୍ରେ ବିଷୟ ମାନାଲ୍ ଆଦାନ୍‌ ଆର୍ଦିନ୍ ବାନ୍ଦ୍‌ ମାଡ଼ ମିନ୍ଦେ ମେଣ୍ଡେ ବେନ୍ ସାର୍ରେ ପାପାମ୍‌ ମାନାଙ୍କ୍ ଲାଗି ପଇସ୍‌ ମିନ୍ଦେ, ଆୱ୍‌ ସାର୍ରେ ୱିଡ଼୍‍ସି ମେଣ୍ଡ୍ ଗାଡ଼୍‍ସ୍‍ ଆସ୍‌ ମାନ୍‍ ମାଇଦିଙ୍କ୍ ତିଆର୍‌ ଆଦାନାଦିନ୍‌ ମୁନେ ମିରି ଆନ୍‌ଦିକାଲ୍‌ । 
\v 2 ବେନନ୍ ପର୍ର ମାନାଦ୍‌ ଆରାମ୍‍ ନୁଞ୍ଚ୍‍ ତେରାନ୍‍ ବିଶ୍ୱାସ୍ ଆଶା ମାଡ଼ମିନ୍ଦେ, ଆରାମ୍‌ ନୁଞ୍ଚ ମାଡେଙ୍ଗ୍‌ ଆନା ବେନଙ୍କ୍ ମାନାଲ୍‌ ବିଶ୍ୱାସ ୱାଟିତାଲ୍‌ ଆ ଜିସୁନ୍‌ ପର୍ର ମାନ୍‍ କାଣ୍ଡ୍‌କ୍‌ ୱାଟିକାଡ୍, ଅଣ୍ଡ୍‌‌ କ୍ରୁଶତେ ୱେରେତେ ତାନାଦ୍‌ ପାଡିୟନୁଞ୍ଚ୍‌ ୱେର୍‍ୟ କଟେମ୍‌ ମାତ୍‍ତଣ୍ଡ୍‌, ବଂର ୱାଦାନ୍ ଦିନାମ୍‌ ଅଣ୍ଡ୍‌‌ ମାଇଦିଙ୍କ୍‌ ନେହ୍‌ସିସ୍‌ ମାନ୍ଦାନ୍‌ ସୁକାମ୍‌ ମାଇଦିଙ୍କ୍‌, ସିଲ୍‌ୱାତାଦ୍‌ ଡଲାନ୍‌ ସିଗ୍‌ତିଙ୍କ୍‌ ଅଣ୍ଡ୍‌‌ ତୁଛଜ୍ଞାନ ମାଡ଼୍‌ତଣ୍ଡ୍; ଇଞ୍ଜ ଅଣ୍ଡ୍‌‌ ଦେଉଡ୍‌ତ୍‌ ସିଂହାସନତ୍‌ ତିନ୍ଦା ପାକା ମିନ୍ଦେଣ୍ଡ୍‌ । 
\v 3 ଆଲ୍‌ସୁଡାଟ୍‌, ଅଙ୍କ୍‌ ବେସର୍ ଦୁକାମ୍‌ ଆସ୍‌ମାନ୍‌ତା; ଅଣ୍ଡ୍‌‌ ପାପାମ୍‌ ନାରୁନାଗାଙ୍କ୍ ବେସର୍‌ ପିନ୍ଦ୍‌ଆୟୱା ମାନ୍‍ତଣ୍ଡ୍‌ । ଆଦିନ୍‌ମାଇଦିଙ୍କ୍‌ ମିଡ଼୍ କଟଆସ୍‌ ମାନ୍‌ମାଟ୍‌ । 
\v 4 ବାତିଙ୍ଗ୍‌ଇତ୍‌କେ ମିକିଂଙ୍କ୍ ଇଞ୍ଜେ ଆ ପାପାମ୍‌ ବିରୁଦ୍ଦତେ ଡଲାନ୍‍ ସାମାନ୍‍ତାଦ ଯୁଦୁ କିଦାନଙ୍କ୍‌ ୱେୟ । 
\v 5 ଦେଉଡ ତାନ ପିଲାନ୍‌ ଲେକେନ ମିକିଂଙ୍କ୍ ବେନା ୱେଡ଼୍‍କେତାୱ୍‍ ଗଟ କେଞ୍ଜ୍‍ସ୍ପିମିନ୍ଦେଣ୍ଡ ଆଦ୍ ବେଲା ମିର ମାର୍‍ଙ୍କ୍‍ ଆତ୍ତିର୍ ? “ହେ ନା ମାରିଡ଼୍‍, ଦେଉଡ ନିକିଙ୍କ ଶାସନ୍‍ ମାଡ଼ାନାସୁଟ କେଞ୍ଜାଟ୍ । ଅଣ୍ଡ୍‌‍ ନିକିଙ୍କ ପାସ୍କାନାସୁଟ୍ ଦୁଃକାମ୍‍ ଆଇମାଟ୍ । 
\v 6 ବାତିଙ୍କଇତକେ ଦେଉଡ ବେନଙ୍କ୍ ସାୟେ ଇନ୍‍ତଣ୍ଡ୍‍, ଅଙ୍କ୍‌ ଶାସାନ କିତଣ୍ଡ ମେଣ୍ଡ ବେନଙ୍କ୍ ମାର୍‍ ଇଞ୍ଜ କେତିତଣ୍ଡ ଅଙ୍କ୍‌‌ ତିପାଲ୍‍ ଇଦ୍‍ତଣ୍ଡ୍ ।” 
\v 7 ନିୟାଦ୍‌ ଦୁକାମ୍ କାଷ୍ଟାମ୍‌ତିଙ୍କ୍ ବାବାଲ୍ ଇଦାନ୍‌ ତିପାଲ୍ ଇଞ୍ଜ ଏର୍କା ମାଡି କଟ ମାନୁଟ୍‌, ଇଦିନ୍‌ ଦ୍ୱାରା ଅଣ୍ଡ୍‌ ମି ସାଙ୍ଗ୍‌ ମାରିନ୍‌ ଲେକାମ୍‍ ବ୍ୟବହାର ମାଡ଼ିମିନ୍ଦେଣ୍ଡ୍ ଇଞ୍ଜ ପୁନ୍ଦାଙ୍କ୍‌ ଆଦୁତ୍‍ । ବାବାନାଗାଙ୍କ୍ ବେପଡ଼୍‍ ତିପାଲ୍‌ ଦର୍‌କ, ଆଦ୍‍ ଲେକେତ୍‍ ବେନ ମାର୍‌ ମିନ୍ଦେନ୍‌ କି ? 
\v 8 ତାନ୍‌ ୱେରେ ମାର୍‌କିନ୍‌ ଲେକାମ୍‍ ମିକିନ୍‌ ଯଦି ମି ବାବାଲ୍ ଶାସନ୍‍ କେଞ୍ଜକଟେ ମାନ୍‌ତଣ୍ଡ୍‌, ଆଲେଇତ୍‌ଏ ମିଡ଼୍ ନିଜାମ୍‌ ମାର୍‌ ଆୟୱିଡ୍‌ । ମିଡ଼୍ ଦାରି ମୁତେନ୍‍ ମାରିଡ଼୍‍ । 
\v 9 ମାନା ଇଦୁନିଆତ ବାବାଲ୍ ମାନାଙ୍କ୍ ତିପାଲ ଇତ୍‌କେବା ମାନାଲ୍ ଉକିଙ୍କ୍ ପ୍ରେମ୍‍ ମାଡ଼ିତାଲ୍ । ଆଲେକିତ୍‌କେ ମାନ ସ୍ୱର୍ଗତେ ବାବାଲ୍ ଶାସନ୍‌ତା ମାନେମ୍‍ ଆସ ମାନ୍ଦାନାଦ୍ ବେଚର୍ ନାରଗେ ସାୟାତାଦ ଜୀୱାଦରକିତା ! 
\v 10 ମାନ ଦୁନିଆତା ବାବାଲଡ଼୍ କାଣ୍ଡକିନେ ବାତା ସାୟେତାଦ୍‍, ଆଦିନସାରେ ମାନାଙ୍କ୍ ଚୁଦୁର କାଲାମ ମାଇଦିଙ୍କ ଶାସନ ମାଡ଼ିତେ; କିନ୍ତୁ ମାନାଲ୍ ବେଲା ତାନ ପବିତ୍ରତାତେ କାୟିଲି ପାରଦିତାଲ, ଇଦ୍‌ ବିଷୟଦ୍‌ ମାୟିଦୀଙ୍କ ଦେଉଡ ମାନ ମଙ୍ଗଲତିଙ୍ଗ୍ ମାନାଙ୍କ୍ ଶାସନ କିତଣ୍ଡ୍‍ । 
\v 11 ତିପାଲ ଦରକାନ୍ ଆସୁଟ ମାନ୍‍ନାଙ୍କ୍ ଆଦ୍ କାଷ୍ଟାମ୍ ଆଦାନ୍‍ ଲେକେମ୍ ମନେ ଆତା, ଆସ୍‌କେ ବା ସୁକାମତାଦ୍ ଆୟ କିନ୍ତୁ ଶାସ୍ତି ମାୟିଦୀଙ୍କ ଅଡ଼ାଦ୍‌ ଜୀୱା ସାୟେ ଆତ୍‍ତା, ଅଡ଼୍‌‍କ୍‍ ପେର୍‌କେ ଦରକାନ୍ ଦାର୍ମିକ୍‌ ଜୀୱାତ୍ ଲେକେତ୍ ପୁରସ୍କାର୍ ଦରକୀତର ।
\s ଉପଦେଶ୍‍ ଓ ସତର୍କଗଟ୍‍
\p
\v 12 ଆଦିଙ୍କ୍‌ ମାୟାଦ୍‌ ସାତ୍‌ୱାମ୍‌ ଇଲ୍‌ୱା କାୟି ତେଏମୁଟ୍‌ ମେଣ୍ଡେ ୱାଡ଼୍‍କମାନ୍ଦାନ୍‍ ବଟ୍‍ମିଣ୍ଡା ସାତ୍‌ୱାମ୍‌ ମାଡ଼ାଟ୍ । 
\v 13 ତିନାଙ୍ଗ୍‍ ଆର୍‌ଦାଗ୍‌ ତାକାଟ୍‌; ଆଲେଆତ୍‌କେ, ମିୟାଦ୍‌ ତାକପାର୍‌ୱ କଟ ମାନ୍ଦାନ୍‌ କୁଟଡେକା ସାୟ୍ ଆଦ୍‍ତା । 
\v 14 ସାର୍ରେତର୍ ସାଙ୍ଗ୍‌ ଶାନ୍ତିତେ ବାଦ୍‌କାନଙ୍କ୍‌ ନୁ ପବିତ୍ର ଜିୱା ବାଦ୍‌କାନଙ୍କ୍‌ ଉଦ୍ୟମ୍‌ ମାଡ଼ାଟ୍, ବାତାଙ୍କ୍‌ଇତ୍‌କେ ଆଦିଙ୍କ୍‌ ୱିଡ୍‌ସିତ୍‌କେ ବେନବା ପ୍ରବୁଙ୍କ୍‍ ଉଡ଼େପାର୍‌ଣ୍ଡ୍‌ । 
\v 15 ସାବ୍‌ଦାନ୍‌, ବେଲାକି ଦେଉଡ୍‌ ଅନୁଗ୍ରମାମେ ଅନ୍‌ୟାୟ୍‌ତେ ବଞ୍ଚେମ୍ ଆୟ୍‍ମାଟ୍ । କାୟ୍‍ତେ ମାଡ଼େ ଲେକାମ୍ ଆୟ୍‍ମାଟ୍ । କାୟ୍‍ତେ ମାଡ଼େ ପେର୍‍ସ୍‍କେ, ତାନ୍ ୱିସାମ୍‍ତେ ନାର୍ଗେ କାରାପ୍ ଆଦ୍‍ତା । 
\v 16 ଏଷୌ ଲେକେ ବେନ କାରାପ୍ ବା ଅଦର୍ମ ନାରୁଣ୍ଡ୍ ଇନା ଆୟ୍‍ମାଟ୍; ଅଣ୍ଡ୍‌ ତ ଅଣ୍ଡୟ୍‌‍ ଅଲ୍‍ତେ କାଦି ସେଙ୍ଗେ ବେଡ଼୍‍ୟ୍‍ ଦାଦାନ୍ ଅଦିକାର୍‌‍ଦିଙ୍କ୍ ୱାମି ମାତ୍‍ତଣ୍ଡ୍ । 
\v 17 ତାନ୍‍ପେର୍କେ ଅଣ୍ଡ୍‌ ବାବାନ୍ ଆର୍ଶିବାଦ୍ ପାଏମ୍ ଆଦାନଙ୍କ୍ ଇଚ୍ଛା ମାଡ଼୍‍ତଣ୍ଡ୍, ଇତ୍‍କେ ପାଏମ୍‍ ଆଦେ ପାର୍‍ୱଣ୍ଡ୍ । ନାର୍ଗେ କାଣ୍ଡେଡ଼୍ ରାପି ଅଣ୍ଡ୍‌ ନିଜର୍ ମାଡ଼୍‍ତେ ପାଡ଼୍‍ୟିଦିଙ୍କ୍ ବଦ୍‍ଲା ମାଡ଼େ ପାର୍‍ୱମାତ୍‍ତଣ୍ଡ୍ । 
\v 18 ଇସ୍ରାଏଲୀୟଡ଼୍ ଲେକେ ମିଡ଼୍ ସିନାଇ ମେଟେତ୍ ପର ନିଡ଼୍‍ତାନ୍ କିସ୍, ଗାଟି ଇକାଡ଼୍, ଗାଲ୍‍ୱାର୍‍ସାମ୍, 
\v 19 ମଇର୍ ନେକାନାଲ୍‌ଦ୍ ଲେଙ୍ଗ୍ ନୁ ପାୟୁର୍‍ତେ ଲେଙ୍ଗ୍ ଏୱୟେ । ଇଶ୍ରାଏଲୀୟଡ଼୍ ଆଦ୍ ଲେଙ୍ଗ୍ କେଞ୍ଜୀ କେସ୍ ମାତ୍‍ତଡ଼୍, ବେଲାକି ଅଡ଼୍‌ ମେଣ୍ଡେ ଆଗାକନ୍ସ୍ ଅଣ୍ଡ୍‌‍ପଦ୍ ଗଟ୍‍ବା କେଞ୍ଜଡ଼୍, 
\v 20 ବାତେଙ୍କ୍‍ ଇତ୍କେ “ପଶୁ ଗାଲା ଆଦ୍ ମେଟେତିଙ୍କ୍ ଇଟ୍‍କେ, ଆଦିଙ୍କ୍ କାଲ୍‍କିନ୍ ତଡ଼୍ ଆୱୁକିତଡ଼୍,” ଇଦ୍ କଷ୍ଟ ଆଦେଶ୍ ଅଡ଼୍‌ ଇଚ୍ଛା ମାଡ଼େ ପାର୍‍ୱମାତ୍‍ତଡ଼୍ । 
\v 21 ଆଦ୍ ଦୃଶ୍ୟ ଉଡ଼ାନଙ୍କ୍ ଗାଟି ୱେର୍ରେ ମାତ୍‍ତେ, ମଶାଲ୍‌ କେତ୍‍ତଣ୍ଡ୍, “ନାନ୍ ୱେର୍ରେତେ ୱାଡ଼୍‍କୁତାନ୍ ।” 
\v 22 ଇତ୍‍କେ ମିଡ଼୍ ୱାତ୍‍ତିଡ଼୍ ସିୟୋନ୍ ମେଟେତାଗ୍, ଜିୱେତାଦ୍ ଇଶ୍ୱର୍‌ତେ ନଗରୀ ସ୍ୱର୍ଗତାଦ୍ ଯିରୁଶାଲେମ୍‍ତାଗ୍, ବେଗେ ହଜାର୍‌ ହଜାର୍‌ ସ୍ୱର୍ଗଦୂତଡ଼ାଦ୍ ମାନ୍ଦ୍‍ ଗୁଡ଼ିତଡ଼୍‍ । 
\v 23 ଇଶ୍ୱର୍‌ତାଦ୍ ମୁନେନ୍ ପୁଟ୍‍ତେ ପିଲାନ୍ ପେଦେର୍ ସ୍ୱର୍ଗତାଗ୍ ଲେକାଆତ୍‍ତେ, ମିଡ଼୍ ଅଡ଼୍‌‍ୱାଦ୍ ୱେଡ଼୍‍କେ ମାଡ଼ାନାଗ୍ ୱାତ୍‍ତିଡ଼୍ । ସାର୍ରେ ମାନେୟ୍‍ ଜାତିତ୍ ବିଚାର୍ ଇଶ୍ୱର୍‌ତେ ଗାର୍ରେ ନୁ ସାୟେ ଦାର୍ମାମ୍‌ ନାରୁଡ଼ାଦ୍ ଆତ୍ମାକିନ୍ ଗାର୍ରେ ମିଡ଼୍ ୱାତ୍‍ତିଡ଼୍ । 
\v 24 ମେଣ୍ଡେ, ପୁନା ନିୟମ୍ ତିୟାର୍ ମାଡ଼୍‍ତେ ଜିସୁନ୍ ଗାର୍ରେ ନୁ ବେନନ୍ ନେତୁର୍ ହେବଲ୍‍ତେ ନେତୁର୍ ତାଗାଙ୍କ୍ ବାଡ଼୍‍ୟେ ବିଷୟ୍ ଇଦ୍‍ତଣ୍ଡ୍ ଇଞ୍ଜ ଆଶେ ମାଡ଼ୁତମ୍, ଆଦ୍ ନେତୁର୍‍ତେ ଗାର୍ରେ ୱାସ୍‍ମିନ୍ଦେଡ଼ି । 
\v 25 ଉଡ଼ାଟ୍ ସାବ୍‍ଦାନ୍, ଅନ୍‌ ଗଟ୍‍ତିଙ୍କ୍ ଆସାମ୍ ଇଞ୍ଜ ଆଲ୍‍ସ୍‍ମାଟ୍ । ସ୍ୱର୍ଗତାଗାଙ୍କ୍ କାବୁର୍ ଆସ୍ ୱାସ୍‍ ପୃତିବିତାଗ୍ କେତ୍‍ତେନଣ୍ଡ୍ ନାରୁଣ୍ଡ୍‍ତିଙ୍କ୍ ବେନଡ଼୍ କେଞ୍ଜଡ଼୍, ଅଡ଼୍‌ ବେନଡ଼୍ ବା ରକ୍ଷା ପାଏମ୍ ଆୟଡ଼୍ । ଆଲାଇତ୍‍କେ, ଇଞ୍ଜେ ବେନ ସ୍ୱର୍ଗତାଗ୍ ମାଞ୍ଜ୍ ଗଟି କେତୁତଣ୍ଡ୍, ଅଂକିଙ୍କ୍‌ ପାସ୍‍କେ ମାନାଡ଼୍ ବାତ୍ ରକ୍ଷା ପାଏମ୍‍ ଆଦ୍‍ତାଡ଼୍ ? 
\v 26 ଆସୁଟ୍ ଅନ୍‌ ଲେଙ୍ଗ୍ ପୃତିବିତିଙ୍କ୍ ୱାଡ଼୍‍ସ୍କିସ୍ ମାତ୍‍ତେ । ଇଞ୍ଜେ ଅଣ୍ଡ୍‌ ପ୍ରତିଜ୍ଞା ମାଡ଼ି ମିନ୍ଦେଣ୍ଡ୍, “ନାନ୍ ମେଣ୍ଡଅନ୍‌‍ଦାମ୍ ପୃତିବିତିଙ୍କ୍‍ ଆୟ, ମୟଲ୍‍ତିଙ୍କ୍ ଗାଲା ୱାଡ଼୍‍ସ୍କି‍ଦ୍‍ତାନ୍ ।” 
\v 27 ଇଗାଙ୍କ୍ ନିଜାମ୍ ଯେ, ଅଣ୍ଡ୍‌ “ମେଣ୍ଡଅନ୍‌‍ଦାମ୍,” ବାତ୍ ମାଡ଼ିତଣ୍ଡ୍, ଅଦିନ୍‌ତଡ଼୍ ସୃଷ୍ଟିତାଦ୍ ସାର୍ରେ ବିଷୟ୍ ୱାଡ଼୍‍କି ଦଂସ ଆଦ୍‍ତା । ବେନ୍‍ସାର୍ରେ ବିଷୟ୍ ୱାଡ଼୍‍ସ୍କାନଙ୍କ୍ ଆୟ, ଆୱୁ ଗାଡ଼୍‍ସ୍ ଆସ୍ ମାନ୍‍ତା । 
\v 28 ଆଦିଙ୍କ୍ ୱାଡ଼ାଟ୍, ମାନାଡ଼୍ ରାଜି ଆଦିତାଡ଼୍, ବାତେଙ୍କ୍‍ଇତ୍‍କେ ମାନାଡ଼୍ ସାର୍ରେଦିନାତାଦ୍ ରାଜ୍ୟ ପାଏମ୍‍ ଆଦ୍‍ତାଡ଼୍ । ୱାଡ଼ାଟ୍, ମାନାଡ଼୍ ଦନ୍ୟବାଦ୍ ଇଦ୍‍ତାଡ଼୍ ମେଣ୍ଡେ ବକ୍ତି ନୁ ୱେର୍‍ସ୍ ଇଶ୍ୱର୍‌ତିଙ୍କ୍ ୱେଡ଼୍‍କେ ଆସ୍ ପୁଜେ ମାଡ଼ିତାଡ଼୍ । 
\v 29 ବାତେଙ୍କ୍‍ଇତ୍‍କେ ନିଜାମ୍ ମାନ୍‍ ଇଶ୍ୱର୍ ଅଣ୍ଡୟ୍‌ ଦଂସମାଡ଼ାନ୍ କିସ୍‍ ଲେକେତଣ୍ଡ୍ ।
\c 13
\s ଇଶ୍ୱର୍‌ତିଙ୍କ୍ ସନ୍ତ୍ଵଷ୍ଟ ମାଡ଼ିତାଡ଼୍‍
\p
\v 1 କ୍ରିଷ୍ଟବିଶ୍ୱାସି ଦାଦାଲଡ଼୍‍ ନୁ ଏଲାସ୍କିନଡ଼୍‍ ନିଜେ ନିଜର୍‍ ଲୋପେ ପ୍ରେମ ମାଡ଼ମାନୁଟ୍ । 
\v 2 ୱାସମାନ୍ଦାନ୍ ନାରୁଡ଼୍‍କିଙ୍କ୍ ମୀଇ ଲୋତ୍‍ତାଗେ ସେବା ମାଡ଼ାଟ୍ । ଆଦ୍‍ ମାଡ଼ାନ୍‍ୱେଲେ ବେନ ଦୂତକିଙ୍କ୍ ସେବା ମାଡ଼୍‍ତଡ଼୍ । 
\v 3 କାରାଗାର୍‍ତାଗେ ମାନ୍ଦାନ୍ ନାରୁଡ଼୍‍ ତଡ଼୍ ମିଡ଼୍ ନିଜେ କାରାଗାରତାଗ୍‍ କଷ୍ଟ ମାଡ଼ମାନ୍ଦାନ୍ ଲେକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ । ଦୁଃକାମ୍ କଷ୍ଟ ଆସମାନ୍ଦାନ୍ ନାରୁଡ଼୍‍ତଡ଼୍ ସାରେଦୁଃକାମ୍ ଆଲ୍‍ସି ଅଡ଼୍‌‍କିଂଙ୍କ୍ ଏର୍କା ମାଡ଼ାଟ୍ ।
\p
\v 4 ପେଣ୍ଡୁଲ୍‍ ସାରେତଡ଼୍ କଣ୍ଡେତେ ସାରେ ପୁରା ଆୟି, ମୁଦ୍‍ପାନଡ଼୍ ନୁ ମୁତେ ନିଜେ ନିଜେଲୋପେ ପାପ୍‍ ମାଡ଼୍‍ୱେ ମାନୁଟ୍ । ଇଶ୍ୱର୍‍ ଲାଲସା ନୁ ବେବିଚାର୍‍ଡ଼୍‍ ବିଚାର୍ ମାଡ଼ିତଣ୍ଡ୍ । 
\v 5 ଦନ୍ ଆସେତାଗାଙ୍କ୍‍ ପେୟ୍‍ସ୍‍ ୱାଡ଼ାଟ୍ ନୁ ମିୟାଦ୍ ବାତେ ମିନ୍ଦେ, ଆଗେ ସନ୍ତୁଷ୍ଟ ମାନୁଟ୍ । ବାତେଙ୍କ୍‍ଇତ୍କେ ଇଶ୍ୱର୍‍ କେତ୍‍ତନ୍, “ନାନ୍‍ ମିକିଙ୍କ୍ ୱିଡ଼୍‍ସିୱନ୍, ନାନ୍‍ ମିକିଙ୍କ୍ ବେସୁଙ୍କ୍‍ ବର୍ଜନ୍ ମାଡ଼ନ୍ ।” 
\v 6 ଆଦିଙ୍କ୍ ମାମେ ସାହାସ୍‍ତେ କେତେ ପାର୍‍ତାଡ଼୍, “ପ୍ରବୁ ନାୟାଦ୍ ସାହାସ୍‍ତେ । ନାନ୍‍ ୱେର୍‍ୟନ୍, ବେନ ନା ଅନିଷ୍ଟ ମାଡ଼େପାର୍‍ୱଡ଼୍ ?”
\p
\v 7 ବେନ୍ ନେତାଲଡ଼୍ ମୁନେଙ୍କ୍ ମିକିଙ୍କ୍ ଇଶ୍ୱର୍‌ତେ ଗଟି କେଞ୍ଜ୍‍ପି ମାତ୍‍ତଡ଼୍, ଅଡ଼୍‌‍କିଂଙ୍କ୍ ଏର୍କାମାଡ଼ାଟ୍ । ଅଡ଼ାଦ୍ ଜିୱେ ବା ଡଲ୍‍ତାଦ୍ ବେଦ୍ ଲେକାମ୍ ମାତ୍‍ତେ, ଆଦ୍ ଏର୍କା ମାଡ଼ି ଅଡ଼ାଦ୍‌ ବିଶ୍ୱାସ୍‍ତିଙ୍କ୍ ନିଜେତ୍ ଜିୱେତେ କାମ୍‌ ମାଡ଼ାଟ୍ । 
\v 8 ଜିସୁ କ୍ରିଷ୍ଟ ନିନେ, ନେଣ୍ଡ୍ ନୁ ସାରେଦିନାମ୍ ସାମାନ୍‍ ମାନ୍‍ତଣ୍ଡ୍ । 
\v 9 ବେସ୍‍ବେସତାୱୁ ବୁସାତାୱୁ ଦର୍ମଶିକ୍ଷା ମିକିଙ୍କ୍ ସତ୍‍ ଆର୍ଦାଗାଙ୍କ୍ ୱେରେ ମାଡ଼୍‍ମାକି । ଇଶ୍ୱର୍‌ତେ ଅନୁଗ୍ରମାମେ ଅନ୍‌ୟାୟ୍‌ତେ ଲୋପେତ୍‍ଆତ୍ମା ସେଙ୍ଗେ ଶକ୍ତି ତାତାନାଦ୍‍ ସାୟେ, ତିନ୍ଦାନ୍‍ କାଦି ନିୟମ୍ ପାଲନ୍ ମାଡ଼ମାନ୍ଦାନ୍ ତଡ଼୍‍ ଇଦ୍‍ ଆଦାନଙ୍କ୍‍ ପାର୍‍ୱ । ଆୱୁ ବାୟ୍‍ଦେତ୍‍ ନୀତିନିୟମ୍‍ ପାଲନ୍‍ ମାଡ଼ମାନ୍ଦାନ୍‍ ନାରୁଡ଼୍ ଆଗେ ବାତ୍‍ ଉପକାର୍‍ ପାଏମ୍‍ ଆୟଡ଼୍‍ ।
\p
\v 10 ମାନାୱୁ ବେନ୍ ଦିବ୍ୟ ବେଦୀ ମିନ୍ଦେ, ଆଗେ ମାନ୍ଦାନ୍ ନୈବେଦ୍ୟ ତିଞ୍ଜମାନ୍ଦାନ୍ ଇହୁଦୀ ଯାଜକିଡ଼ାୱୁ ଅଦିକାର୍‌ ଇଲେ । 
\v 11 ଇହୁଦୀ ବେଡ଼୍‍ୟ୍ ଯାଜକ୍‍ ଲେକାମ୍ ଇସ୍‍ମାନ୍ଦାନ୍ ପଶୁତେ ନେତୁର୍ ପାପତେ ପ୍ରାୟଶ୍ଚିତ୍ ଲେକାମ୍ ଉତ୍ସର୍ଗ ମାଡ଼ାନଙ୍କ୍ ମହାପବିତ୍ର ପଡ଼ିୟେତାଗ୍ ଆଦ୍‍ତଡ଼୍; କିନ୍ତୁ ବେଡ଼୍‍ୟି ପଶୁତେ ମେନ୍ଦୁଲ୍ ମାନ୍ଦାନ୍‍ ପଡ଼୍‍ୟେତାଗାଙ୍କ୍‍ ବାଇଦେ ଆସ୍‍ ପଡ଼୍‍ସ୍‍ନୁଡ଼୍‍ । 
\v 12 ଆଦେଲେକାମ୍ ଜିସୁ ମିକା ନିଜେତ୍ ନେତୁର୍‍ତେ ନାରୁଡ଼୍‍କିଙ୍କ୍ ପାପତାଗାଙ୍କ୍ ପରିଷ୍କାର୍‍ ମାଡ଼ାନ୍ ସେଙ୍ଗେ ନାର୍‍ଦେ ବାଇଦେ ଡଲ୍‍ତନ୍ । 
\v 13 ଆଦିଙ୍କ୍ ଦାଟିଟ୍, ମାନାଡ଼୍ ମିକା ନାର୍ଦେ ବାଇଦେ ଅନ୍‌ ପାକେ ଆଦିକାଡ଼୍‍ ନୁ ଅନ୍‌‍ତଡ଼୍ ନିନ୍ଦା, ଅପମାନ୍ ସହ୍ୟ ମାଡ଼ିକାଡ଼୍ । 
\v 14 ବାତେଇତ୍କେ ମାନ୍‍ସେଙ୍ଗେ ଇଦ୍ ଜଗତ୍‍ତାଗେ ବାତେମିକା ଲେକେତ୍ ନଗର୍ ଇଲେ; ବେନ୍ ନଗର୍ ବବିଷ୍ୟତ୍‍ତେ ତିଆର୍ ଆଦ୍‍ତେ, ମାନାଡ଼୍ ଆଦ୍ ନଗର୍‍ତିଙ୍କ୍ କେପିମାନ୍ଦିକାଡ଼୍ । 
\v 15 ଇତ୍‍କେ ୱାରାଟ୍‌, ମାନାଡ଼୍ ଜିସୁଙ୍କ୍ ପୟ୍‍ସ୍ ଇଶ୍ୱର୍‌ତିଙ୍କ୍ ମାନ୍‍ୱାଦ୍ ପ୍ରଶଂସା ଲେକେମ୍‍ ପୁଜ୍ ଇଦ୍‍ତାଡ଼୍ । ଇଦ୍ ପୁଜ୍ ଜିସୁଙ୍କ୍ “ପ୍ରବୁ,” କେତାନାଦ୍ ମାନ୍‍ ପାୟୁର୍‍ତାଲା ପେୟ୍‍ତିତ୍ । 
\v 16 ଅନ୍‌ୟାଇ ନାରୁଡ଼୍‍କ୍ ଉପ୍‍କାର୍ ମାଡ଼ାନାଦ୍ ନୁ ଅଡ଼୍‌‍କିଂଙ୍କ୍ ସାହାଯ୍ୟ ମାଡ଼ାନାଦ୍ ମାର୍‍ଙ୍ଗ୍‍ମାଟ୍, ଇୱୁସାର୍ରେକେ ଇଶ୍ୱର୍‌ତେ ଲେକେତ୍ ବଲି ଲେକାମ୍‍ ।
\p
\v 17 ମି ନେତାଲଡ଼୍ ଗଟି ମାନେମ୍‍ ଆୟ୍‍ମୁଟ୍, ଅଡ଼୍‌ କେତାନାଦ୍ କେଞ୍ଜାଟ୍ । ଅଡ଼୍‌ କେପାନ୍ ନାରୁଡ଼୍ ଲେକାମ୍ ମି ଆତ୍ମାତିଙ୍କ୍ ସୁରକ୍ଷାମାଡ଼ି କେପିତଡ଼୍, ବାତ୍‍ଙ୍କ୍‍ଇତ୍କେ ଅଡ଼୍‌ ଇଶ୍ୱର୍‌ତେ ଗାର୍ରେ ନିଜର୍ ପାଡ଼୍‍ୟିଦେ ଇସାପ୍ ଇଦ୍‍ୱେୟ୍‍ତିତ୍ । ମିଡ଼୍ ଅଡ଼୍‌ ଗଟିଙ୍କ୍ କେଞ୍ଜାଟ୍, ଆଲେକେ ଅଡ଼୍‌ ସାର୍‍ଦେ ମାନ୍‍ଦେ ନିଜର୍ ପାଡ଼୍‍ୟି ୱିଡ଼୍‍ସିତଡ଼୍, ଇତ୍‍କେ ଯଦି ଆଲା ମାଡ଼୍‍ୱିଡ଼୍, ଆଲେକେ ଅଡ଼୍‌ କପାମ୍‍ ଆସ୍ ମାଡ଼ିତଡ଼୍ ନୁ ଆଦ୍ ମିକିଙ୍କ୍ ସାୟେ ଆୟ ।
\p
\v 18 ମାନ୍‍ ମାୟ୍‍ଦିଙ୍କ୍ ପ୍ରାର୍ତନା ମାଡ଼ମାନୁଟ୍ । ମା ମନ୍ ବେଲା ସାୟେ, ଇଗେ ବାତ୍ କେତାନାଦ୍ ଇଲ୍‍ଲେ, ବାତେଙ୍କ୍‍ଇତ୍‍କେ ସାର୍ରେୱେଲେ ନ୍ୟାୟତାଦ୍ ପାଡ଼୍‍ୟି ମାଡ଼ାନାଦ୍ ମାୟାଦ୍‌ ଇଚ୍ଛା । 
\v 19 ମେଣ୍ଡେ ଇଶ୍ୱର୍ ନାକିଙ୍କ୍ ମି ଗାର୍ରେ ଯାପେ ରହସିଦ୍‍ତଣ୍ଡ୍, ମିଡ଼୍ ନା ମାୟ୍‍ଦିଙ୍କ୍ ଇଦ୍ ପ୍ରାର୍ତନା ମାଡ଼ମାନୁଟ୍ । ଇଦ୍ ମି ଗାର୍ରେ ନାୟାଦ୍ ଲୋପେକସ୍ ନିବେଦନ୍ ମାଡ଼ୁତାନ୍‍ ।
\s ମାଡ଼େଙ୍କ୍‌ତାଦ୍‍ ପ୍ରାର୍ତନା
\p
\v 20 ବେନ ନିଜର୍ ଜିୱୁଣ୍ଡ୍ ଇସ୍ ମେଣ୍ଢାକିନ୍ ବାଡ଼୍‍ୟଣ୍ଡ୍ ପଡ଼୍‍ପାନଣ୍ଡ୍ ଆତ୍‍ତଣ୍ଡ୍, ମାନ୍‍ ଅଣ୍ଡ୍‌ ପ୍ରବୁ ଜିସୁଙ୍କ୍ ଇଶ୍ୱର୍ ଡଲ୍‍ତାଗାଙ୍କ୍ ତେଏତଣ୍ଡ୍ । ଆ ଜିସୁନ୍ ଜିୱୁଣ୍ଡ୍ ଇତ୍‍ତେ ନେତୁର୍‍କନ୍ସ୍ ଅଣ୍ଡୟ୍‌ ସାର୍ରେଦିନାତାଦ୍ ଚିଃନେ ଆତ୍‍ତେ । 
\v 21 ଶାନ୍ତିଦାତାଲ୍ ଇଶ୍ୱର୍ ତାନ୍ ଇଚ୍ଛା ପାଲନ୍ ମାଡ଼ାନ୍ ସେଙ୍ଗେ ମିୟାଦ୍ ଦର୍‍କାର୍‍ ଇସାବ୍‍ ସାର୍ରେ ଲେକେତ୍ ବିଷୟ ଇୱିଣ୍ଡ୍ ନୁ ଜିସୁ କ୍ରିଷ୍ଟନ୍ ତଡ଼୍ ମାନ୍‍ ଜିୱୁଣ୍ଡ୍‍ତାଗ୍ ଅନାଦ୍‌ ସାୟେ ପାଡ଼୍‍ୟି ମାଡ଼ୁତଣ୍ଡ୍ । ଯୁଗ୍‍ଯୁଗ୍ କ୍ରିଷ୍ଟ ମହିମା ଆୟିଣ୍ଡ୍ । ଆମେନ୍‍ ।
\s ମାଡ଼େଙ୍କ୍‌ତାଦ୍ ଗଟ୍
\p
\v 22 ଆ ଦାଦାଲଡ଼ି ନୁ ଏଲାସ୍କ୍‍, ନାନ୍ ମିକିଙ୍କ୍ କେତୁତାନ୍, ନାୟାଦ୍ ଇଦ୍ ସୁଦୁର୍‍ ଲେକ୍‍ତାଦ୍‍ ଚିଟିତେ କାବୁର୍ ସେଙ୍ଗେ ଗାଡ଼୍‍ସ୍ ଆସ୍ ମାନ୍‍ ଇମୁଟ୍ । ମିକିଙ୍କ୍ ସାର୍‍ଦେ ମାଡ଼ାନ୍ ସେଙ୍ଗେ ଇଦ୍ ନାନ୍ ଲେକିମିନ୍ଦେନ୍ । 
\v 23 ମାନ୍‍ ଦାଦାଲ୍‍ ତିମତି ଜେଲ୍‍ତାଗାଙ୍କ୍ ମୁକ୍ତି ପାଏମ୍‍ ଆତ୍‍ତଣ୍ଡ୍ ପୁନ୍ଦିତାଡ଼୍ । ଅଣ୍ଡ୍‌ ଯଦି ସିଟ୍‍ପାଟ୍ ୱାଦୁତଣ୍ଡ୍, ଆଲେକେ ନାନ୍ ଅଂକିଙ୍କ୍‌ ନା ତଡ଼୍ ମି ଗାର୍ରେ ତାତିତାନ୍ ।
\p
\v 24 ମିୱଡ଼୍ କ୍ରିଷ୍ଟ ବିଶ୍ୱାସୀଡ଼୍‍କ୍ ମାୟାଦ୍‌ ନମସ୍କାର୍ କେତିତିଡ଼୍ । ଇଟାଲି ଦେଶ୍‍ତାଗାଙ୍କ୍‍ ୱାଦାନ୍ ଦାଦାଲଡ଼୍ ମିକିଙ୍କ୍ ନମସ୍କାର୍ ମାଡ଼ୁତଡ଼୍ ।
\p
\v 25 ମି ସାର୍ରେତଡ଼୍ ଗାର୍ରେ ଇଶ୍ୱର୍‌ତେ ଅନୁଗ୍ରହ୍ ସାରେଦାମ୍‍ ମାନି ।