\id GAL - Koya
\ide UTF-8
\h ଗାଲାତୀୟ
\toc3 ଗାଲାତୀୟ
\toc2 ଗାଲାତୀୟ
\toc1 ଗାଲାତୀୟଡ଼୍‌ ଗାର୍ରେ ପାଉଲ୍‍ତାଦ୍‌ ଚିଟି
\mt2 ଗାଲାତୀୟମାନଙ୍କ ନିକଟକୁ ପାଉଲଙ୍କ ପତ୍ର
\mt1 ଗାଲାତୀୟଡ଼୍‌ ଗାର୍ରେ ପାଉଲ୍‍ତାଦ୍‌ ଚିଟି
\imt ଗାଲାତୀୟ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ଗାଲାତିୟ ଚିଟି ପ୍ରେରିତ୍‍ ପାଉଲ୍‍ ତଡ଼୍‍ ଲେକା ଆସ୍‍ମିନ୍ଦେ \xt ୧:୧\xt* । ଇଦ୍‍ ଚିଟି ଗାଲାତିୟ ମଣ୍ଡଲିତ୍‍ ବିଶ୍ୱାସି ନାରୁଡ଼୍‍କ୍‍ ଜିସୁ କ୍ରିଷ୍ଟନ୍‍ ଜନମ୍‍ତେ ୪୮-୫୭ କ୍ରିଷ୍ଟାଦ୍ଦ ଲୋପେ ଲେକା ଆସ୍‍ମାତ୍‍ତେ । ସମ୍ଭାବନା ଗାଲାତିୟଡ଼୍‍ ରୋମିୟ ଦେଶ୍‍ତେ ଗାଲାତିଆତାଗ୍‍ ବାସେ ମାଡ଼ମାତ୍‍ତଡ଼୍‍ ।
\ip ପାଉଲ୍‍ ଇଦ୍‍ ଚିଟି ଲେକାନ୍‍ ୱେଲେ ବେଗେ ମାତ୍‍ତଣ୍ଡ୍‍ ଇଗେ ପଣ୍ଡିତ୍‍ ନାରୁଡ଼୍‍ ନିଜାମ୍‍ ପୁନଡ଼୍‍, କିନ୍ତୁ ଏଫିସି ବା କରନ୍ତି ଇୱୁ ରେଣ୍ଡ୍‍ ପଡ଼୍‍ୟେ ଆସ୍‍ମାନ୍ତେ ଇଞ୍ଜ କେତିତଡ଼୍‍ । ପାଉଲ୍‍ ଗାଲାତିୟ ମଣ୍ଡଲିତେ ରେଣ୍ଡ୍‍ ଆଶେତୁଡ଼୍‍ ଯିହୁଦି ନୁ ଅଣଯିହୁଦି କ୍ରିଷ୍ଟିୟାନ୍‍ ନାରୁଡ଼୍‍ତେ ପାତା ଇସ୍‍ ଚିଟି ଲେକିମିନ୍ଦେଣ୍ଡ୍ । ଅଣ୍ଡ୍‌‍ ନିଜର୍‍ ଇସାବ୍‍ତେ ମିଚ୍‍ ଶିକ୍ଷାତିଙ୍କ୍‍ ମୁକାବେଲା ମାଡ଼ାନଙ୍କ୍‍ ଲେକିମାତ୍‍ତଣ୍ଡ୍, ଆଦ୍‍ କ୍ରିଷ୍ଟିୟାନ୍‍ ନାରୁଡ଼୍‍କିଙ୍କ୍‍ ପାଃନ୍ତେ ନିୟମ୍‍ତାଦ୍‍ ଯିହୁଦି ନିୟମ୍‍ତେ ଇସାବ୍‍ତେ ଚାଲେମ୍‍ ଆଦାନଙ୍କ୍‍ କେତ୍‍ତଡ଼୍‍, ନିଜର୍‍ ଇସାବ୍‍ତେ ସୁନ୍ନତ ବିଦି ବିଷୟ୍‍ତେ । କ୍ରିଷ୍ଟିୟାନ୍‍ ନାରୁଡ଼୍‍ ଲୋପେଙ୍କ୍‍ ବେସ୍‍କେ ମାନ୍ଦେ ମାତ୍‍ତଡ଼୍‍ ବେନଡ଼୍‍କିଂଙ୍କ୍ ଯିହୁଦି ଗଟ୍‍ତେ ତାକାନ୍‍ ନାରୁଡ଼୍‍ କେସମାତ୍‍ତଡ଼୍‍ ଅଡ଼୍‌‍ ଅଣଯିହୁଦି କ୍ରିଷ୍ଟିୟାନ୍‍ ନାରୁଡ଼୍‍କିଙ୍କ୍‍ ସୁନ୍ନତ ବିଦି ପାଲନ ମାଡ଼ାନଙ୍କ୍‍ କେସମାତ୍‍ତଡ଼୍‍ । ଅଡ଼୍‌‍ ଗାଲା ପାଉଲ୍‍ତେ ପ୍ରେରିତ୍‍ ଆସ୍‍ମାନ୍ଦାନ୍‍ ଅଦିକାର୍‌‍ ବିଷୟ୍‍ତେ ପ୍ରଶ୍ନ ମାଡ଼ମାତ୍‍ତଡ଼୍‍ । ପାଉଲ୍‍ତେ ବେସ୍‍କେ ୱେଷଡ଼୍‍ ଲୋପେଙ୍କ୍‍ ଅନ୍‌‍ ପ୍ରେରିତ୍‍ ଆସ୍‍ମାନ୍ଦାନ୍‍ ବିଷୟ୍‍ କେସ୍‍ ଅଡ଼୍‌‍କିଂଙ୍କ୍‍ ବିରୁଦ୍‍ ମାଡ଼ିତଣ୍ଡ୍‍ \xt ୧:୧୧–୨:୧୪\xt* ମେଣ୍ଡେ ଜିସୁ କ୍ରିଷ୍ଟଙ୍କ୍ ବିଶ୍ୱାସ୍‍ ମାଡ଼ାନ୍‍ ତଡ଼୍‍ ମୁକ୍ତି ପାଏମ୍‍ ଆଦାନାଦ୍‍ ଇଦ୍‍ ବୁଜାମାଡ଼ି ସୁସମାଚାର୍‍ତିଙ୍କ୍‍ ରକ୍ଷା ମାଡ଼ିତଣ୍ଡ୍‍ \xt ୨:୧୬ \xt*। ବାତ୍‍ ଇଶ୍ୱର୍‌ତେ ଦୟାତାଗାଙ୍କ୍‍ ଆସ୍‍ମାନ୍ତେ ନାରୁଡ଼୍‍ ବାତ୍‍ ମାଡ଼ିମାନ୍ତଡ଼୍‍ ଆଗାଙ୍କ୍‍ ଆୟ ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ପାଉଲ୍‍ତେ ନମସ୍କାର୍‍ । \ior ୧:୧-୫ \ior*
\io1 ୨. ପାଉଲ୍‍ତେ ମୁନେତ୍‍ ଜିୱୁଣ୍ଡ୍‍, ତାନ୍‍ ଶିକ୍ଷା ଇଦାନ୍‍ ଅଦିକାର୍‌‍, ନିୟମ୍‍ତାଦ୍‍ ପାଡ଼୍‍ୟି ବିଷୟ୍‍ତେ । \ior ୧:୬–୨:୨୧ \ior*
\io1 ୩. ନିୟମ୍‍ତାଦ୍‍ ପାଡ଼୍‍ୟି, ମେଣ୍ଡେ ଇଶ୍ୱର୍‌ତେ ଦୟାତାଗାଙ୍କ୍‍ ମୁକ୍ତି ବିଷୟ୍‍ । \ior ୩:୪\ior*
\io1 ୪. ସାୟେ କ୍ରିଷ୍ଟିୟାନ୍‍ ଜିୱୁଣ୍ଡ୍‍ ବାଦ୍‍କାନ୍‍ ସେଙ୍ଗେ ନିର୍ଦ୍ଦେଶ୍‍ । \ior ୫:୧–୬:୧୦\ior*
\io1 ୫. ପାଉଲ୍‍ତେ ନମସ୍କାର୍‍ ନୁ ଇଶ୍ୱର୍ ତଡ଼୍‍ ଜିୱୁଣ୍ଡ୍‍ ବାଦ୍‍ଲେମ୍‍ ଆଦାନ୍‍ ବିଷୟ୍‍ । \ior ୬:୧୧-୧୮\ior*
\c 1
\p
\v 1 ନାନ୍ ପାଉଲ୍ ପ୍ରେରିତ୍‍ ଶିଷ୍ୟ ଆଦାନ୍ ସେଙ୍ଗେ ନାନ୍ ନାରୁଡ଼ାଗାଙ୍କ୍ କି ନାରୁଡ଼୍‍କିନ୍ ଲୋପେଙ୍କ୍ କାର୍ଙ୍ଗାନାଦ୍ କେଞ୍ଜି ୱାଡ଼ନ୍‍, ଇଦ୍ କାର୍ଙ୍ଗାନାଦ୍ ନିଜେ ଇଶ୍ୱର୍‌ତାଗାଙ୍କ୍ ନୁ ଅଣ୍ଡ୍‌ ବେନଙ୍କ୍ ଡଲ୍‍ତାଗାଙ୍କ୍ ତେଏତ୍‍ତଣ୍ଡ୍, ଆ ଜିସୁ କ୍ରିଷ୍ଟ ନାଗାଙ୍କ୍ ପାଏମ୍‍ ଆତ୍‍ତାନ୍‍ । 
\v 2 ମେଣ୍ଡେ ଇଗେ ନାତଡ଼୍ ମାନ୍ଦାନ୍ ସାରେ ବିଶ୍ୱାସୀ ଦାଦାନଡ଼୍ ନୁ ହେଲାସ୍କ୍‍ନଡ଼ି ଗାଲାତିୟ ମଣ୍ଡଲିକିଙ୍କ୍ ଚିଟି ଲେକି ନମସ୍କାର୍‍ ମାଡ଼ୁତମ୍ । 
\v 3 ମାନ୍‍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ମିକିଙ୍କ୍ ଅନୁଗ୍ରହ ନୁ ଶାନ୍ତି ଇୱିଣ୍ଡ୍ ।
\p
\v 4 ଇଞ୍ଜେ ଇଦ୍ ପାପ୍ ଜଗତ୍‍ତାଗାଙ୍କ୍ ମାକିଙ୍କ୍ ଉଦ୍ଦାର୍ ମାଡ଼ାନ୍ ସେଙ୍ଗେ, ମାନ୍‍ ଇଶ୍ୱର୍‌ତେ ଇଚ୍ଛା ପାଲନ୍ ମାଡ଼ି, କ୍ରିଷ୍ଟ ମାନ୍‍ ପାପ୍ ସେଙ୍ଗେ ଅଣ୍ଡ୍‌ ତାନ୍ ନିଜର୍‍ ଜିୱୁନ୍ ଇତ୍‍ତନ୍ । 
\v 5 ଯୁଗ୍‍ଯୁଗ୍ ଇଶ୍ୱର୍ ଗୌରବ୍ ପାଏମ୍ ଆୟିଣ୍ଡ୍ । ଆମେନ୍‍ ।
\s ଆଣ୍ଡୟେ ମେଲ୍‍ତା କାବୁର୍
\p
\v 6 କ୍ରିଷ୍ଟନ୍‍ ମେଲ୍‍ତା କାବୁର୍ ତଡ଼୍ ବେନ ମିକିଙ୍କ୍ କାର୍‍ଙ୍ଗି ମାତ୍‍ତଣ୍ଡ୍, ଇସର୍ ସିଟ୍‍ପାଟ୍ ମିଡ଼୍ ଅଂକିଙ୍କ୍‌ ୱିଡ଼୍‍ସି ମେଣ୍ଡ୍‍ଅଣ୍ଡ୍‌ ମେଲ୍‍ତା କାବୁର୍‍ତିଙ୍କ୍ ଚାୟେମ୍ ଆତ୍‍ତିଡ଼୍, ଆଦିଙ୍କ୍ ନାନ୍ ଗାଟି ଆଶର୍ଯ୍ୟ ଅଦୁତାନ୍‍ । 
\v 7 ନିଜାତାଦ୍ “ମେଣ୍ଡ୍‍ଅଣ୍ଡ୍‌ ମେଲ୍‍ତା କାବୁର୍,” ଇଲ୍‌ଲେ । ବାତେଙ୍କ୍ଇତ୍‍କେ ନାନ୍ ଇଦ୍‍ରକମ୍ କେତୁତାନ୍, ବେସ୍‍କ୍‍ତୁଡ଼୍‍ କ୍ରିଷ୍ଟଟନ୍ ମେଲ୍‍ତା କାବୁର୍‍ତିଙ୍କ୍ “ମେଣ୍ଡ୍‍ଅଣ୍ଡ୍‌ ଲେକାମ୍ ଇସ୍, ମିକିଙ୍କ୍ କାବା ମାଡ଼ାନଙ୍କ୍ ଚାଏମ୍ ଅଦୁତଡ଼୍ ।” 
\v 8 ଇତ୍‍କେ ମାମ୍ ମି ବକେତ୍ ବେନ୍ ମେଲ୍‍ତା କାବୁର୍ ପ୍ରଚାର୍ ମାଡ଼ି ମାତ୍‍ତମ୍, ଯଦି ଆଦିନାଗାଙ୍କ୍ ୱେରେ ଅଣ୍ଡୟ୍‌ ମେଲ୍‍ତା କାବୁର୍ ମାମ୍ ନିଜେ କି ସ୍ୱର୍ଗଦୂତ ପ୍ରଚାର୍ ମାଡ଼୍‍କେ, ଆଲେକେ ଅଣ୍ଡ୍‌ ଅବିଶାପ୍‌‍ ପାଏମ୍‍ ଆୟିଣ୍ଡ୍ । 
\v 9 ମାମ୍ ମୁନେନ୍ ଇଦ୍ କେସ୍ ମାତ୍‍ତମ୍ ନୁ ଇଞ୍ଜେ ନାନ୍ ମେଣ୍ଡ୍‍ଅଣ୍ଡ୍‌‍ଦାମ୍ କେତୁତାନ୍, ମିଡ଼୍ ବେନ୍ ମେଲ୍‍ତା କାବୁର୍\f + \fr ୧:୯ \fr*\fq ମେଲ୍‍ତା କାବୁର୍ \fq*\ft ଇତ୍କେ ଜିସୁ କ୍ରିଷ୍ଟନାଦ୍ ସୁସମାଚାର୍\ft*\f* କେଞ୍ଜ୍‍ତିଡ଼୍, ଆଦିନାଗାଙ୍କ୍ ୱେରେ ମେଲ୍‍ତା କାବୁର୍ ଯଦି ବେନ ପ୍ରଚାର୍ ମାଡ଼ିତଣ୍ଡ୍, ଆଲେକେ ଅଣ୍ଡ୍‌ ଅବିଶାପ୍‌‍ ପାଏମ୍‍ ଆୟିଣ୍ଡ୍ ।
\p
\v 10 ଇଦ୍ କେଞ୍ଜି ମିଡ଼୍ ବାତ୍ ଆଲ୍‍ସୁତିଡ଼୍, ନାନ୍ ବାତ୍ ନାରୁଡ଼ାଦ୍ ସପଟ୍ ପାଏମ୍ ଆଦାନଙ୍କ୍ ଚାଏମ୍ ଆଦୁତାନ୍ ? ଇଲ୍‌ଲେ, ବେସୁଟ୍‌ ଆୟ । ନାନ୍ ଇଶ୍ୱର୍‌ତିଙ୍କେ ସପଟ୍ ମାଡ଼ୁତାନ୍ । ନାନ୍‍ ବାତ୍ ନାରୁଡ଼୍ ଲୋପେଙ୍କ୍ ସାୟେ ଆଦାନଙ୍କ୍ ଚାଏମ୍ ଆଦୁତାନ୍ ? ନାନ୍ ଯଦି ନେଣ୍ଡ୍‍ଜାକ ସାୟେ ଆଦାନଙ୍କ୍ ଚାଏମ୍ ଆୟେନ୍, ଆଲେକେ ନାନ୍ ନେଣ୍ଡ୍ କ୍ରିଷ୍ଟଟନ୍ ସେବକ୍ ଆୟନ୍ ଆୟେନ୍ ।
\s ପାଉଲ୍ ବେଲା ପ୍ରେରିତ୍‍ ଶିଷ୍ୟ ଆତ୍‍ତଣ୍ଡ୍
\p
\v 11 ଆ, ଦାଦାଲଡ଼ି ନୁ ଏଲାସ୍କିନଡ଼ି, ମିକିଙ୍କ୍ କେସ୍ ନେଏତୁତାନ୍, ନାନ୍ ବେନ୍ ମେଲ୍‍ତା କାବୁର୍ ପ୍ରଚାର୍ ମାଡ଼ିତାନ୍, ଆଦ୍ ନାରୁଡ଼ାଗାଙ୍କ୍ ତିଆର୍ ଆୟ । 
\v 12 ନାନ୍ ବେନେ ନାରୁନାଗାଙ୍କ୍ ଆଦ୍ ପାଏମ୍ ଆୟନ୍, କି ବେନ ନାକିଙ୍କ୍ ଆଦ୍ ଶିକ୍ଷା ଇୱଣ୍ଡ୍ । ଜିସୁ କ୍ରିଷ୍ଟ ନିଜେ ଆଦ୍ ନା ବକେତ୍ କେତ୍‍ତଣ୍ଡ୍ । 
\v 13 \x + \xo ୧:୧3 \xo*\xt ପ୍ରେରିତ ୮:3; ୨୨:୪,୫; ୨୬:୯-୧୧.\xt*\x*ଇଉଦି ଦର୍ମତିଙ୍କ୍ ପାସ୍‍କାନ୍ ୱେଲେ ନାନ୍ ବେଦ୍‍ରକମ୍‍ ବାଦ୍‍କ ମାତ୍‍ତାନ୍, ବେଦ୍‍ପୁଟୁଙ୍କ୍ ଉର୍ଦୟ୍ ଇଲ୍‍ୱେ ନାରୁଣ୍ଡ୍ ଲେକାମ୍ ଇଶ୍ୱର୍‌ତିଙ୍କ୍ ପୁଜେ ମାଡ଼ାନ୍ ମଣ୍ଡଲିତିଙ୍କ୍ ତାଡ଼ନା ମାଡ଼ମାତ୍‍ତାନ୍ ନୁ ଆଦିଙ୍କ୍ ଦଂସ ମାଡ଼ାନ୍ ସେଙ୍ଗେ ବେଦ୍‍ପୁଟୁଙ୍କ୍ ପାର୍‍ତେ ଇସର୍ ଚାଏମ୍ ଆସ ମାତ୍‍ତାନ୍, ଇୱୁ ସାରେ ବିଷୟ୍ ମିକିଙ୍କ୍ କେସିତ୍‍ତଡ଼୍ । 
\v 14 \x + \xo ୧:୧୪ \xo*\xt ପ୍ରେରିତ ୨୨:3.\xt*\x*ଇଉଦି ଦର୍ମ ପାଲନ୍ ମାଡ଼ାନାଗ୍ ବସ୍‍ ବେସୁଟ୍‌ ଇଉଦିଡ଼୍ ଲୋପେଙ୍କ୍ ନାନ୍ ମୁନ୍‍ନେ ମାତ୍‍ତାନ୍ ମେଣ୍ଡେ ମାନ୍‍ ଆନିଦାଦିଡ଼୍ ପରମ୍ପରାତାଗ୍ ଗାଟି ପେର୍କେ ମାତ୍‍ତାନ୍ ।
\p
\v 15 \x + \xo ୧:୧୫ \xo*\xt ପ୍ରେରିତ ୯:3-୬; ୨୨:୬-୧୦; ୨୬:୧3-୧୮.\xt*\x*ଇତ୍‍କେ ଇଶ୍ୱର୍ ନାକିଙ୍କ୍ ଅନୁଗ୍ରହ ମାଡ଼ି ନାୱାଦ୍‍ ଜନମ୍ ଆଦାନ୍‍ ମୁନେନ୍ ଏଞ୍ଚିମାତ୍‍ତଣ୍ଡ୍ ନୁ ଅନ୍‌ ସେୱା ମାଡ଼ାନ୍ ସେଙ୍ଗେ ନାକିଙ୍କ୍ କାର୍ଙ୍ଗି ମାତ୍‍ତଣ୍ଡ୍ । 
\v 16 ଅଣଇହୁଦୀଡ଼୍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ସେଙ୍ଗେ ବେସୁଟ୍‌ ନା ବକେତ୍ ଅଣ୍ଡ୍‌ ତାନ୍ ମାର୍‍ଦିଙ୍କ୍ କେତ୍‍ତଣ୍ଡ୍, ଇଦ୍ ବିଷୟ୍ କେତାନ୍ ସେଙ୍ଗେ ନାନ୍ ମେଣ୍ଡେ ବେନନ୍ ବକେତ୍ ଅନ୍‌‍ୱେ ମାତ୍‍ତାନ୍ । 
\v 17 ଇଦ୍‍ରକମ୍ କି ନା ମୁନେନ୍ ବେନ ପାଡ଼ିୟ୍‍ମାଡ଼ାନ୍ ପ୍ରେରିତଶିଷ୍ୟ ଆସ୍‍ମାତ୍‍ତଡ଼୍, ଅଡ଼୍‌ ତଡ଼୍ କାୟ୍‍ଲାନଙ୍କ୍ ମିକା ନାନ୍ ଯିରୁଶାଲେମ୍‍ତାଗ୍ ଆନ୍‌‍ୱେ ମାତ୍‍ତାନ୍ । ନାନ୍ ସାଙ୍ଗେ ସାଙ୍ଗେ ଆରବ୍ ଦେଶ୍‌ତାଗ୍ ଆତ୍‍ତାନ୍ ମେଣ୍ଡେ ତାନ୍ ପେର୍କେ ଦାମାସ୍‍କସ୍‍ ତାଗ୍‍ ମାଲ୍‍ସ୍ ୱାସ୍‍ମାତ୍‍ତାନ୍ । 
\v 18 \x + \xo ୧:୧୮ \xo*\xt ପ୍ରେରିତ ୯:୨୬-3୦.\xt*\x*ଇଦିନ୍ ମୁଣ୍ଡ୍ ହେଣ୍ଡ୍ ପେର୍କେ ନାନ୍ ପିତର୍ ତଡ଼୍ କାୟ୍‍ଲାନ୍ ସେଙ୍ଗେ ଯିରୁଶାଲେମ୍‍ତାଗ୍ ଆତ୍‍ତାନ୍ ନୁ ଅନ୍‌ ତଡ଼୍ ପନ୍ଦର୍‍ ଦିନ୍‍ ମାତ୍‍ତାନ୍ । 
\v 19 ପ୍ରବୁନ୍ ତାମୁଣ୍ଡ୍ ଯାକୁବଙ୍କ୍ ୱିଡ଼୍‍ସ୍‍କେ ନାନ୍ ମେଣ୍ଡେ ବେନନ୍ ପ୍ରେରିତ୍‍ ଶିଷ୍ୟ ତଡ଼୍ କାୟ୍‍ଲ୍‍ୱେ ମାତ୍‍ତାନ୍ ।
\p
\v 20 ନାନ୍ ବାତ୍ ଲେକୁତାନ୍, ଆଦ୍ ନିଜାମ୍; ଇଶ୍ୱର୍ ପୁତ୍‍ତଣ୍ଡ୍, ନାନ୍ ମିଚ୍ କେଲନ୍ !
\p
\v 21 ଇଦିନ୍ ପେର୍କେ ନାନ୍ ସିରିଆ ନୁ ସିଲିସିଆତେ ନାର୍ଗେ ଜାଗେତାଗ୍ ଆଞ୍ଜ୍‍ ମାତ୍‍ତାନ୍ । 
\v 22 ଆଦ୍ ସମୟ୍‍ତେ ଯିଉଦା ପ୍ରଦେଶ୍‍ତାଗ୍ ମାନ୍ଦାନ୍ କ୍ରିଷ୍ଟିୟାନ୍ ମଣ୍ଡଲିତେ ନାରୁଡ଼୍ ନାକିଙ୍କ୍ ଲେକେତ୍‍ ପୁନ୍‍ୱେ ମାତ୍‍ତଡ଼୍ । 
\v 23 ନା ବିଷୟ୍‍ତେ ବାଗାତ୍ ନାରୁଡ଼୍ ବାତ୍ କେସ୍‍ମାତ୍‍ତଡ଼୍, ଅଡ଼୍‌ ଆସର୍‍କେ ପୁଞ୍ଜ୍ ମାତ୍‍ତଡ଼୍ । ଅଡ଼୍‌‍ତିର୍ୟାନାଦ୍‌ ଅଡ଼୍‌ କେଞ୍ଜି ମାତ୍‍ତଡ଼୍, “ବେନ୍ ନାରୁଣ୍ଡ୍ ମାକିଙ୍କ୍ ତାଡ଼ନା ମାଡ଼ମାତ୍‍ତଣ୍ଡ୍ ନୁ ଅଣ୍ଡ୍‌‍ଦାମ୍ ମାନ୍‍ ଦର୍ମତିଙ୍କ୍ ଦଂସ ମାଡ଼ାନଙ୍କ୍ ଚାଏମ୍ ଆସମାତ୍‍ତଣ୍ଡ୍, ଇଞ୍ଜେ ଅଣ୍ଡ୍‌ ଆଦେ ଦର୍ମତିଙ୍କ୍ ପ୍ରଚାର୍ ମାଡ଼ୁତଣ୍ଡ୍ !” 
\v 24 ଆଦିନ୍ ମାୟ୍‍ଦିଙ୍କ୍ ଅଡ଼୍‌ ନା ସେଙ୍ଗେ ଇଶ୍ୱର୍‌ତିଙ୍କ୍ ପ୍ରସଂଶା ମାଡ଼ିମାତ୍‍ତଡ଼୍ ।
\c 2
\s ପାଉଲ୍ ନୁ ମେଣ୍ଡେବାଗାତ୍ ପ୍ରେରିତ୍‍ ଶିଷ୍ୟଡ଼୍‍
\p
\v 1 \x + \xo ୨:୧ \xo*\xt ପ୍ରେରିତ ୧୧:3୦; ୧୫:୨.\xt*\x*ଚୁଉଦ ହେଣ୍ଡ୍ ପେର୍କେ ନାନ୍ ବର୍ଣ୍ଣବାନ୍ ତଡ଼୍ ଯିରୁଶାଲେମ୍‍ତାଗ୍ ମାଲ୍‍ତ୍‍ତାନ୍; ନା ତଡ଼୍ ତିତସ୍‍ତିଙ୍କ୍ ମିକା ଆସ୍ ମାତ୍‍ତାନ୍ । 
\v 2 ଆଗ୍ ଆଦାନଙ୍କ୍ ଆଦ୍‍ତେ ଇଞ୍ଜ ଇଶ୍ୱର୍‌ତାଦ୍‍ ଆଦେଶ୍‍ ସେଙ୍ଗେ ନାନ୍ ଆଞ୍ଜ୍‍ ମାତ୍‍ତାନ୍ । ଅଣଇହୁଦୀଡ଼୍ ବକେତ୍ ନାନ୍ ବେନ୍ କାବୁର୍ ପ୍ରଚାର୍ ମାଡ଼୍‍ତାନ୍, ଯିରୁଶାଲେମ୍‍ତେ ନେତାଲଡ଼୍‍କ୍ ଅଣ୍ଡୟ୍‌ ପ୍ରାଇବେଟ୍ ମିଟିଙ୍ଗ୍ ମାଡ଼ି ବୁଜା ମାଡ଼୍‍ତାନ୍ । ନାୟାଦ୍‍ ମୁନେତାଦ୍ ନୁ ଇଞ୍ଜେତାଦ୍ ପାଡ଼୍‍ୟି ବେଲା ଆସାମ୍ ଆନ୍‌‍ମାକି ଆଦିନ୍‌ମାଇଦିଙ୍କ୍ ନାନ୍ ଉଡ଼ମାତ୍‍ତାନ୍ । 
\v 3 ନା ସାଙ୍ଗ ତିତସ୍ ୱେରଣ୍ଡ୍ ଗ୍ରୀକ୍‍ ନାରୁଣ୍ଡ୍ ଆତ୍କେ ମିକା, ଅଂକିଙ୍କ୍‌ ସୁନ୍ନତ\f + \fr ୨:୩ \fr*\fq ସୁନ୍ନତ \fq*\f* ଆଦାନଙ୍କ୍ କେଲ୍‍ୱେ ମାତ୍‍ତଡ଼୍ । 
\v 4 ଆଗେକ୍‍ବା ବେସ୍‍କ୍‍ତୁଡ଼୍‍ ଅଂକିଙ୍କ୍‌ ସୁନ୍ନତ ମାଡ଼ାନଙ୍କ୍ ଚାଏମ୍ ଆସମାତ୍‍ତଡ଼୍ । ଅଡ଼୍‌ ବିଶ୍ୱାସି ଦାଦାଲଡ଼୍ ଇଞ୍ଜ ବୁସାମାଡ଼ି ଡଙ୍ଗାଲଡ଼୍‍ ଲେକାମ୍‍ ମାୟାଗ୍‌ କାୟ୍‍ଲି ମାତ୍‍ତଡ଼୍ । କ୍ରିଷ୍ଟ ଜିସୁନ୍ ତଡ଼୍ କାୟ୍‍ଲି ମାମ୍ ବେନ୍‍ ସ୍ୱାଦିନତା ପାଏମ୍ ଆତ୍‍ତମ୍, ଆଦି ବିଷୟ୍ ପୁନ୍ଦାନଙ୍କ୍ ଅଡ଼୍‌ ଆଲ୍‍ସମାତ୍‍ତଡ଼୍ । ମାକିଙ୍କ୍ ମେଣ୍ଡଅନ୍‌‍ଦାମ୍ ନିୟମ୍‍ତେ ଚାକର୍ ମାଡ଼ାନଙ୍କ୍ ଅଡ଼୍‌ ଚାଏମ୍ ଆସ୍‍ମାତ୍‍ତଡ଼୍ । 
\v 5 ଇତ୍‍କେ ମି ସେଙ୍ଗେ ମେଲ୍‍ତା କାବୁର୍‍ତାଗ୍ ମାନ୍ଦାନ୍ ସତ୍‍ତିଙ୍କ୍ ନେଃଏତାନ୍ ସେଙ୍ଗେ ମାମ୍ ଆ ନାରୁଡ଼୍‍କିଙ୍କ୍ ସେନେକ୍‍ତିଙ୍କ୍ ମିକା ପଡ଼ିୟେ ଇୱେମାତ୍‍ତମ୍ । 
\v 6 ବେନଡ଼୍ ନେତାଲଡ଼୍ ଇଞ୍ଜ ଏଞ୍ଚି ମାତ୍‍ତଡ଼୍, ଅଡ଼୍‌ ବେନ ଆୟି ଆୟିଣ୍ଡ୍, ଆଗେ ନାୟାଦ୍ ବାତ୍ ଆନ; ବାତେଙ୍କ୍‍ଇତ୍‍କେ ବ୍ୟବହାର୍‌ ଉଡ଼ି ଇଶ୍ୱର୍ ବେନଡ଼୍‍କ୍ ବିଚାର୍ ମାଡ଼ଣ୍ଡ୍, ଆ ନେତାଲଡ଼୍ ନାକିଙ୍କ୍ ବାତ୍ ପୁନାଦ୍ ଶିକ୍ଷା ଇୱଡ଼୍ । 
\v 7 ମେଣ୍ଡନ୍‍ ରକମ୍‍ ଅଡ଼୍‌ ଉଡ଼ି ମାତ୍‍ତଡ଼୍ ଯେ, ଇଶ୍ୱର୍ ବେଦ୍ ପୁଟୁଙ୍ଗ୍ ଇଉଦୀଡ଼୍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ଦାୟିତ୍ୱ ପିତର୍‍ତିଙ୍କ୍ ଇସ୍ ମାତ୍‍ତଣ୍ଡ୍, ଆଦେ ପୁଟୁଙ୍ଗ୍ ଅଣଯିହୁଦିଡ଼୍‍ ବକେତ୍ ମେଲ୍‍ତା କାବୁର୍ ପ୍ରଚାର୍ ମାଡ଼ାନ୍ ଦାୟିତ୍ୱ ନାକିଙ୍କ୍ ଇତ୍‌ତଣ୍ଡ୍‌ । 
\v 8 ବାତେଙ୍କ୍‍ଇତ୍‍କେ ପିତର୍ ବେଦ୍‍ରକମ୍‍ ଇଶ୍ୱର୍‌ତେ ଶକ୍ତିତଡ଼୍‍ ଇଉଦିଡ଼୍ ସେଙ୍ଗେ ପ୍ରେରିତ୍‍ ଶିଷ୍ୟଡ଼୍‍ ଲେକାମ୍ ନିଯୁକ୍ତି ଆସ୍‍ମାତ୍‍ତଣ୍ଡ୍, ନାନ୍ ମିକା ଟିକ୍ ଆଦେ ପୁଟୁଙ୍ଗ୍ ଇଶ୍ୱର୍‌ତେ ଶକ୍ତିତଡ଼୍ ଅଣଇହୁଦୀଡ଼୍ ସେଙ୍ଗେ ପ୍ରେରିତ୍‍ ଶିଷ୍ୟଡ଼୍ ଲେକାମ୍ ନିଯୁକ୍ତି ଆତ୍‍ତାନ୍ । 
\v 9 ଗୁଞ୍ଜେ ଇନା ପୁଞ୍ଜ୍‍ମାନ୍ଦାନ୍ ଯାକୁବ, ପିତର୍ ନୁ ଯୋହନ୍‌ ସ୍ୱୀକାର୍ ମାଡ଼୍‍ତଡ଼୍ ଯେ, ଇଶ୍ୱର୍ ନାକିଙ୍କ୍ ଇଦ୍ ପାଡ଼୍‍ୟି ମାଡ଼ାନଙ୍କ୍ ଦାୟିତ୍ୱ ଇସ୍‍ମିନ୍ଦେଣ୍ଡ୍ । ଆଦିଙ୍କ୍ ଅଡ଼୍‌ ନାକିଙ୍କ୍ ନୁ ବର୍ଣ୍ଣବାଙ୍କ୍ ସାହାଯ୍ୟ ମାଡ଼ାନଡ଼୍ ଇଞ୍ଜ ପ୍ରେମତେ ଗ୍ରହନ୍‍ ମାଡ଼ିମାତଡ଼୍ । ବର୍ଣ୍ଣବା ନୁ ନାନ୍ ଅଣଇହୁଦିଡ଼୍ ଲୋପେ ମେଣ୍ଡେ ଅଡ଼୍‌ ଇଉଦିଡ଼୍ ଲୋପେ ପାଡ଼୍‍ୟି ମାଡ଼ିତଡ଼୍ ଇଞ୍ଜ ମାମ୍ ରାଜି ଆସ୍‍ମାତ୍‍ତମ୍ । 
\v 10 ଅଡ଼୍‌ ଇସରେ ଅନୁରୋଦ୍ ମାଡ଼ିମାତ୍‍ତଡ଼୍ ଯେ, ତାମ୍ ମାନ୍ଦେତାଗ୍ ମାନ୍ଦାନ୍ ଅବାବ୍‍ତେ ମାନ୍ଦାନ୍‍ ନାରୁଡ଼୍‍କିଙ୍କ୍ ଏର୍କେ ମାଡ଼ିତମ୍ । ଆଦ୍ ବିଷୟ୍‍ ନାକିଙ୍କ୍ ଗାଟି ଇଚ୍ଛା ମାତ୍‍ତେ ।
\s ଆଣ୍ଟିୟୋକତାଗ୍ ପିତର୍‍ତିଙ୍କ୍ ପାଉଲ୍ ଦୋଷି ମାଡ଼୍‍ତଣ୍ଡ୍
\p
\v 11 ପିତର୍ ଆଣ୍ଟିୟୋକିତାଗ୍ ୱାସ୍‍ମାନ୍ଦାନ୍ ୱେଲେ ନାନ୍ ଅଂକିଙ୍କ୍‌ ମାନା ମାଡ଼ିମାତ୍‍ତାନ୍, ବାତେଙ୍କ୍‍ଇତ୍‍କେ ନିଜାମ୍‍ ବୁଲ୍‍ ପାଡ଼୍‍ୟି ମାଡ଼ମାତ୍‍ତଣ୍ଡ୍ । 
\v 12 ଯାକୁବ ରଅତେ ବେସ୍‍କ୍‍ତୁଡ଼୍‍ ନାରୁଡ଼୍ ଆଗେ ୱାଦାନ୍ ମୁନେନ୍, ପିତର୍ ଅଣଇହୁଦି ଦାଦାଲଡ଼୍ ନୁ ଏଲାସ୍କିନ୍‍ ତଡ଼୍ ତିଞ୍ଜ ମାତ୍‍ତଣ୍ଡ୍ । ଇତ୍‍କେ ଆ ନାରୁଡ଼୍ ୱାତ୍‍ତେ ପେର୍କେ, ଅଣ୍ଡ୍‌ ଆଗାଙ୍କ୍ ତେଦି ମାତ୍‍ତଣ୍ଡ୍ । ଅଡ଼୍‌ ତଡ଼୍ ମେଣ୍ଡେ ଅଣ୍ଡ୍‌ ତିନଣ୍ଡ୍, କାରନ୍‍ ଅଣଇଉଦିଡ଼୍ ସୁନ୍ନତ ଆଦାନାଦ୍ ଦର୍‍କାର୍ ଇଞ୍ଜ ବେନ କେସମାତ୍‍ତଡ଼୍, ଅଣ୍ଡ୍‌ ଅଡ଼୍‌‍କିଂଙ୍କ୍ ୱେର୍‍ସ ମାତ୍‍ତଣ୍ଡ୍ । 
\v 13 ମେଣ୍ଡେ ବାଗାତଡ଼୍ ଇଉଦିଡ଼୍ ଦାଦାଲଡ଼୍ ପିତର୍ ତଡ଼୍ କାୟ୍‍ଲି କାରାପ୍ ବ୍ୟବହାର୍‌ ମାଡ଼ିମାତ୍‍ତଡ଼୍, ଇଦ୍ ରକମ୍ କି ବର୍ଣ୍ଣବା ମିକା ଅଡ଼୍‌ ଗଟ୍‍ତାଗ୍ ରାୟ୍‍ତଣ୍ଡ୍ । 
\v 14 ନାନ୍ ଉଡ଼୍‍ତାନ୍ ଯେ ମେଲ୍‍ତା କାବୁର୍‍ତେ ସତ୍‍ ଲେକାମ୍ ଅଡ଼୍‌ ସାୟେ ବ୍ୟବହାର୍‌ ମାଡ଼ଡ଼୍, ନାନ୍ ଅଡ଼୍‌ ମୁନ୍‍ନେ ପିତର୍‍ତିଙ୍କ୍ କେତ୍‍ତାନ୍, “ଯଦି ନିମେ ଇଉଦି ଆସ୍ ଅଣଇହୁଦି ଲେକାମ୍ ବାଦ୍‍କୁତିନ୍, ତ ଇହୁଦିଡ଼୍ ଲେକାମ୍ ବାଦ୍‍କାନଙ୍କ୍ ନିମେ ଅଣଇହୁଦିଡ଼୍‍କ୍ ବେଲା କେତିତିନ୍‍ ?”
\s ବିଶ୍ୱାସ୍‍ ତଡ଼୍‍ ପରିତ୍ରାଣ ଦର୍‍କିତ୍
\p
\v 15 ନିଜାମ୍‍ ମାମ୍ ଜନମ୍ କଞ୍ଚ୍‍ ଇହୁଦି; କେତାନ୍ ଇସାବ୍‍ତେ “ପାପି ଅଣଇହୁଦି,” ଆୟମ୍ । 
\v 16 \x + \xo ୨:୧୬ \xo*\xt ରୋମୀୟ 3:୨୦; \xt*\xt ରୋମୀୟ 3:୨୨.\xt*\x*ମାମ୍ ପୁତ୍‍ତମ୍ ନିୟମ୍‍ତାଦ୍ ଦାବିସାରେ ପୁରା ମାଡ଼୍‍କେ ଆୟ, ମାତର୍‌ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼୍‍କେ ଅର୍ତୁଣ୍ଡ୍ ଇଶ୍ୱର୍‌ତେ କଣ୍ଡେତାଗ୍ ନିର୍ଦୋଷ୍ ଆଦ୍‍ତଣ୍ଡ୍ । ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦାନ୍ ସେଙ୍ଗେ ମାମ୍ ନିୟମ୍‍ତିଙ୍କ୍ ପୟକଟ ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ୁତମ୍, ବାତେଙ୍କ୍‍ଇତ୍‍କେ ଆସାମ୍‍ ନିୟମ୍ ପାଲନ୍ ମାଡ଼୍‍କେ ବେନ ଇଶ୍ୱର୍‌ତେ ମୁନ୍‍ନେ ଦାର୍ମାମ୍ ଆୟଣ୍ଡ୍ । 
\v 17 ଇତ୍‍କେ ଜିସୁ କ୍ରିଷ୍ଟଟନ୍ ତଡ଼୍ କାୟ୍‍ଲି ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦାନଙ୍କ୍ ତିଆର୍‍ ଆତ୍‍ତେ ୱେଲେ, ଯଦି ମାମ୍ ଗାଲା ଅଣଇହୁଦି ଲେକାମ୍ “ପାପ୍‌,” ଆସ୍ ମିନ୍ଦେମ୍‍, ଇଦିନ୍ ସେଙ୍ଗେ ବାତ୍ କ୍ରିଷ୍ଟ ଦାୟି ? ଇଲ୍‌ଲେ, ଇଦ୍‍ ବେସୁଟ୍‌ ଆୟ । 
\v 18 ବେନ୍ ନିୟମ୍‍ତାଦ୍ ବନ୍ଦନ୍‍ତିଙ୍କ୍ ନାନ୍ ୱିଡ଼୍‍ସ୍‍ତାନ୍, ଆଦିଙ୍କ୍ ମେଣ୍ଡେ ତିଆର୍ ମାଡ଼୍‍କେ ନାନ୍ ଦୋଷୀ ଆଦ୍‍ତାନ୍ । 
\v 19 ନିୟମ୍‍ତାଗ୍ ନାନ୍ ପୁରା ଡଲ୍‍ତାନ୍, ଆଦ୍ ନିୟମ୍‍ତେ ସେଙ୍ଗେ ନାନ୍ ଡଲିଆତାନ୍ । ଇତ୍‍କେ ନାନ୍ ଇଶ୍ୱର୍‌ତେ ମାଇଦିଙ୍କ୍ ଜିୱେ ଆତ୍‍ତାନ୍ । କ୍ରିଷ୍ଟନ୍‍ ତଡ଼୍ ଅନ୍‌ କ୍ରୁଶତାଗ୍ ନାନ୍ ମିକା ଡଲ୍‍ତାନ୍ । 
\v 20 ଆଦିଙ୍କ୍ ଇଞ୍ଜେ ନାନ୍ ନିଜାମ୍ ଜିୱେ ଇଲେନ୍, ନାୟାଗ୍ କ୍ରିଷ୍ଟ କେ ଜିୱୁଣ୍ଡ୍ । ନାନ୍ ଇଞ୍ଜେ ବେନ୍ ଜିୱୁଣ୍ଡ୍ ବାଦ୍‍କୁତାନ୍, ଆଦ୍ ଇଶ୍ୱର୍‌ତେ ମାର୍‍ଦିଙ୍କ୍ ନାୟାଦ୍ ବିଶ୍ୱାସ୍ ମାନ୍ଦାନ୍ ସେଙ୍ଗେ ସମ୍ଭବ୍ ଆତ୍‍ତେ ବେନ ନାକିଙ୍କ୍ ପ୍ରେମ ମାଡ଼ି ତାନ୍ ଜିୱୁଣ୍ଡ୍ ଇତ୍‌ତଣ୍ଡ୍‌ । 
\v 21 ତିନ୍‍ସେଙ୍ଗେ ଇଶ୍ୱର୍‌ତେ ଅନୁଗ୍ରହତିଙ୍କ୍ ନାନ୍ ବେସୁଟ୍‌ ଅସ୍ୱିକାର୍ ମାଡ଼ନ୍ । ବାତେଙ୍କ୍‍ଇତ୍‍କେ ନିୟମ୍ ପାଲନ୍ ମାଡ଼ି ଯଦି ବେନ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ଆଦ୍‍ତଣ୍ଡ୍, ଆଲେକେ କ୍ରିଷ୍ଟ ଡଲ୍‍ତାଦ୍ ଆଙ୍ଗ୍‍ଡ଼ାମ୍ ଇଞ୍ଜ କେତାନଙ୍କ୍ ଆଦ୍‍ତେ ।
\c 3
\s ନିୟମ୍ ଇଲୁକ୍‍ ବିଶ୍ୱାସ୍
\p
\v 1 ଆ ବୁଦ୍‍ ଇଲ୍‍ୱେ ଗାଲାତିୟଡ଼ି ! ବେନ ମିକିଙ୍କ୍ ଇଦ୍ ମନ୍ତ୍ର କାର୍‍ସ୍‍ପୁତଣ୍ଡ୍ ? କ୍ରୁଶ ପର ଜିସୁ କ୍ରିଷ୍ଟ ଡଲ୍‍ତାଦ୍ ଗଟ୍ ମି ଗାରେ ଗାଟି ସାୟେ କେତୁତମ୍ । 
\v 2 ଅଣ୍ଡୟ୍‌ ଗଟ୍ ନାକିଙ୍କ୍‍ କେଲାଟ୍, ନିୟମ୍ ପାଲନ୍ ମାଡ଼ି ମିଡ଼୍ ପବିତ୍ର ଆତ୍ମା ପାଏମ୍ ଆତ୍‍ତିଡ଼୍, ନା ମେଲ୍‍ତା କାବୁର୍ କେଞ୍ଜି ଆଦିଙ୍କ୍ ବିଶ୍ୱାସ୍ ମାଡ଼ି ? 
\v 3 ମିଡ଼୍ ଇଦ୍‍ରକମ୍ ବିଚାର୍ ବାତେଙ୍କ୍ ମାଡ଼ୁତିଡ଼୍ ? ପରମ୍‍ଆତ୍ମାନ୍ ଶକ୍ତିତଡ଼୍ ମିଡ଼୍ ବେନ୍ ଜିୱୁଣ୍ଡ୍ ଆରାମ୍ ମାଡ଼୍‍ତିଡ଼୍, ନିଜର୍ ଶକ୍ତିତଡ଼୍ ଆଦିଙ୍କ୍ ପୁରା ମାଡ଼ାନଙ୍କ୍ ବାତେଙ୍କ୍ ଆଲ୍‍ସୁତିଡ଼୍ ? 
\v 4 ଅଦିନ୍‌ ସେଙ୍ଗେ ମିୟାଦ୍ ସାରେ ପାଡ଼୍‍ୟି ବାତେ ଆଙ୍ଗ୍‍ଡ଼ାମ୍ ? ଆଗାଙ୍କ୍ ବାତ୍ ଶିକ୍ଷା ପାଏମ୍ ଆୟ୍‍ୱିଡ଼୍ କି ? 
\v 5 ମିକିଙ୍କ୍ ନିୟମ୍ ବିଶ୍ୱାସ୍ ମାଡ଼୍‍ତାଙ୍କ୍ ଇଶ୍ୱର୍ ବାତ୍ ତାନ୍ ଆତ୍ମା ଇତ୍‌ତଣ୍ଡ୍‌ ନୁ ମି ଲୋପେ ଆଶର୍ଯ୍ୟ ପାଡ଼୍‍ୟି ସାରେ ମାଡ଼୍‍ତଣ୍ଡ୍, ନା ମିଡ଼୍ ମେଲ୍‍ତା କାବୁର୍ କେଞ୍ଜି ଆଗେ ବିଶ୍ୱାସ୍ ମାଡ଼ୁତିଡ଼୍ ଇଞ୍ଜ ?
\p
\v 6 \x + \xo 3:୬ \xo*\xt ରୋମୀୟ ୪:3.\xt*\x*ଅବ୍ରାହାମ୍‌ତେ ଗଟ୍ ଏର୍କେ ମାଡ଼ାଟ୍ । ଶାସ୍ତ୍ରତାଗ୍ ଲେକା ମିନ୍ଦେ, “ଅଣ୍ଡ୍‌ ଇଶ୍ୱର୍‌ତିଙ୍କ୍ ବିଶ୍ୱାସ୍ ମାଡ଼୍‍ତଣ୍ଡ୍ ନୁ ତାନ୍ ବିଶ୍ୱାସ୍‍ତେ ମାଇଦିଙ୍କ୍ ଇଶ୍ୱର୍ ଅଂକିଙ୍କ୍‌ ଦାର୍ମ୍ ନାରୁଣ୍ଡ୍ ଇଞ୍ଜ ଏଞ୍ଚ୍‍ତଣ୍ଡ୍ ।” 
\v 7 \x + \xo 3:୭ \xo*\xt ରୋମୀୟ ୪:୧୬.\xt*\x*ବେନଡ଼୍ ବିଶ୍ୱାସ୍ ମାଡ଼ିତଡ଼୍, ଅଡ଼୍‌ ଅବ୍ରାହାମ୍‌ତେ ନିଜାମ୍‍ ବଂଶତଡ଼୍, ଇଦ୍ ମିଡ଼୍ ପୁନୁଟ୍‍ । 
\v 8 ମୁନେତ୍‍ କଞ୍ଚ୍‍ ଦର୍ମଶାସ୍ତ୍ରତାଗ୍‍ ଲେକା ମିନ୍ଦେ ଯେ, ବିଶ୍ୱାସ୍ ତଡ଼୍ ଇଶ୍ୱର୍ ଅଣଇହୁଦିଡ଼୍‍କ୍ ମିକା ଦାର୍ମାମ୍ ନାରୁଣ୍ଡ୍ ଇଞ୍ଜ କେତିତଣ୍ଡ୍ । ଇଦ୍ ଗଟ୍ ମୁନେନ୍ ଅବ୍ରାହାମ୍‍ତିଙ୍କ୍ କେସ୍‍ମାତ୍‍ତଣ୍ଡ୍, “ମି ତଡ଼୍ ଇଶ୍ୱର୍ ପୃତିବୀତେ ସାରେ ନାରୁଡ଼୍‍କିଙ୍କ୍ ଆର୍ଶିବାଦ୍‌ ମାଡ଼ିତଣ୍ଡ୍ ।” 
\v 9 ଅବ୍ରାହାମ୍‍ ବିଶ୍ୱାସ୍ ମାଡ଼ି ଆର୍ଶିବାଦ୍‌ ପାଏମ୍ ଆସ୍ ମାତ୍‍ତଣ୍ଡ୍; ଆଦିଙ୍କ୍ ବେନଡ଼୍ ବିଶ୍ୱାସ୍ ମାଡ଼ିତଡ଼୍, ଅଡ଼୍‌ ସାରେତଡ଼୍ ଅନ୍‌ ଲେକେମ୍ ଆର୍ଶିବାଦ୍‌ ପାଏମ୍ ଆଦ୍‍ତଡ଼୍ ।
\p
\v 10 ବେନଡ଼୍ ନିୟମ୍ ପାଲନ୍ ମାଡ଼ାନାଗ୍‍ ଆଶେ ୱାଟିତଡ଼୍, ଅଡ଼୍‌ ଅବିସାପ୍ ପାଏମ୍ ଆଦାନ୍ ଜିୱୁଣ୍ଡ୍ ବାଦ୍‍କିତଡ଼୍ । ବାତେଙ୍କ୍‍ଇତ୍‍କେ ଦର୍ମଶାସ୍ତ୍ରତାଗ୍ ଲେକାମିନ୍ଦେ, “ମୋଶାନ୍ ନିୟମ୍ ବଇତାଗ୍ ବାତ୍ ସାରେ ଲେକା ମିନ୍ଦେ, ଯଦି ବେନ ଆଦ୍ ପୁରା ମାଡ଼ଣ୍ଡ୍, ଅଂକିଙ୍କ୍‌ ଇଶ୍ୱର୍ ଅବିସାପ୍ ଇଦ୍‍ତଣ୍ଡ୍ ।” 
\v 11 ଆଦିଙ୍କ୍ ଇଗାଙ୍କ୍ ପୁନ୍ଦାନଙ୍କ୍ ଅଦୁତ୍, ନିୟମ୍ ତଡ଼୍ ବେନ ଇଶ୍ୱର୍‌ତେ କଣ୍ଡେତାଗ୍ ଦାର୍ମାମ୍ ନାରୁଣ୍ଡ୍ ଆୟଣ୍ଡ୍, ବାତେଙ୍କ୍‍ଇତ୍‍କେ ଦର୍ମଶାସ୍ତ୍ରତାଗ୍ ଲେକା ମିନ୍ଦେ, “ବିଶ୍ୱାସ୍ ତଡ଼୍ ଇଶ୍ୱର୍‌ତେ ଗାରେ ନିର୍ଦଷ୍ ମାନ୍ଦାନ୍‍ ନାରୁଣ୍ଡ୍ ଇଁ ବାଦ୍‍କିତଣ୍ଡ୍ ।” 
\v 12 ମାତର୍‌ ନିୟମ୍ ତଡ଼୍ ବିଶ୍ୱାସ୍‍ତାଦ୍ ବାତ୍ ସମ୍ପର୍କ ଇଲ୍‍ଲେ । ଦର୍ମଶାସ୍ତ୍ରତାଗ୍ ଲେକା ମିନ୍ଦେ, “ବେନ୍ ନାରୁଣ୍ଡ୍ ନିୟମ୍‍ତାଦ୍ ଦାବୀ ଲେକେତ୍‍ ପାଡ଼୍‍ୟି ମାଡ଼ିତଣ୍ଡ୍, ଅଣ୍ଡ୍‌ ବାଦ୍‍କିତଣ୍ଡ୍ ।”
\p
\v 13 ମାତର୍‌ କ୍ରିଷ୍ଟ ମାନ୍‍ ସେଙ୍ଗେ ଆବିସାପ୍ ପାଏମ୍ ଆସ୍ ନିୟମ୍‍ତାଗ୍ ଲେକା ମାନ୍ଦାନ୍ ଅବିସାପ୍‍ ତାଗାଙ୍କ୍ ମାକିଙ୍କ୍ ମୁକ୍ତି ମାଡ଼୍‍ତଣ୍ଡ୍ । ଦର୍ମଶାସ୍ତ୍ରତାଗ୍ ଲେକା ମିନ୍ଦେ, “ବେନ୍ ମାଡ଼େତାଗ୍ ଗୁସ୍କ୍‍ୱିଡ଼ି ଡଲିତଣ୍ଡ୍, ଅଣ୍ଡ୍‌‍ ଇଶ୍ୱର୍ ତଡ଼୍‍ ଅବିସାପ୍ ପାଏମ୍‍ ଆତ୍‍ତଣ୍ଡ୍ !” 
\v 14 ଇଶ୍ୱର୍ ଅବ୍ରାହାମ୍‍ତିଙ୍କ୍ ବେନ୍ ଆର୍ଶିବାଦ୍‌ ଇଦାନଙ୍କ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍, ଅଣଇହୁଦୀଡ଼୍ ଗାଲା ବେଲା ଆଦ୍ ପାଏମ୍ ଆଦ୍‍ତଡ଼୍, ଆଦିନ୍ ସେଙ୍ଗେ କ୍ରିଷ୍ଟ ଇଦ୍ ପାଡ଼୍‍ୟି ମାଡ଼୍‍ତଣ୍ଡ୍ । ଆଦିଙ୍କ୍ ବିଶ୍ୱାସ୍ ମାଡ଼୍‍କେ ମାମ୍ ଗାଲା ଇଶ୍ୱର୍ କେତାନ୍ ଲେକାମ୍ ପବିତ୍ର ଆତ୍ମା ପାଏମ୍ ଆଦ୍‍ତମ୍ ।
\s ନିୟମ୍ ନୁ ପ୍ରତିଜ୍ଞା
\p
\v 15 ଦାଦାଲଡ଼ି ନୁ ହେଲାସ୍କ୍ ! ନାନ୍ ଅଣ୍ଡୟ୍‌ ଉଦାରନ୍‍ ଇଦୁତାନ୍, ବେସୁଟ୍‌ ଇର୍‍ୱୁଡ଼୍ ବାତ୍‍ଆୟି ବିଷୟ୍‍ତେ ଅଣ୍ଡୟ୍‌ ଚୁକ୍ତି ମାଡ଼ିତଡ଼୍, ବେନ ଆଦ୍ ଚୁକ୍ତିତିଙ୍କ୍ ୱେରେ ମାଡ଼ାନଙ୍କ୍ ପାର୍‍ୱଣ୍ଡ୍ ବା ଆଗେ ବାତ୍ କାଲ୍‍ପାନଙ୍କ୍ ପାର୍‍ୱଣ୍ଡ୍ । 
\v 16 ଅବ୍ରାହାମ୍‍ ନୁ ତାନ୍ ବଂଶତଡ଼୍ ଗାରେ ଇଶ୍ୱର୍ ତାନ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍ । ଇତ୍‍କେ ଇଦ୍ ବିଷୟ୍ “ମି ବଂଶତଡ଼୍ ସେଙ୍ଗେ,” ବା ନାର୍ଗେ ନାରୁଡ଼୍ ସେଙ୍ଗେ ଇଞ୍ଜ ଶାସ୍ତ୍ରତାଗ୍ ଲେକା ଇଲ୍‍ଲେ, “ମି ବଂଶତଡ଼୍ ସେଙ୍ଗେ,” କେ ଇଞ୍ଜ ଇଦ୍ ଗଟ୍ ମୁନେନ୍ ଅବ୍ରାହାମ୍‍ତିଙ୍କ୍ କେସ୍‍ମାତ୍‍ତଣ୍ଡ୍ ଲେକା ମିନ୍ଦେ । ଆଦିଙ୍କ୍ ଆଦ୍ ଶାସ୍ତ୍ର ଅର୍ତୁଣ୍ଡ୍ ନାରୁଣ୍ଡ୍, ବା କ୍ରିଷ୍ଟଟନ୍ ସେଙ୍ଗେ ଟିକ୍‌ । 
\v 17 ନାୟାଦ୍ କେତାନ୍ ଅର୍ତ ଆଦୁତ୍, ଇଶ୍ୱର୍ ଅବ୍ରାହାମ୍‍ ତଡ଼୍ ଅଣ୍ଡୟ୍‌ ଚୁକ୍ତି ମାଡ଼ିମାତ୍‍ତଣ୍ଡ୍ ନୁ ଆଦ୍ ରକ୍ଷା ମାଡ଼ାନଙ୍କ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍ । ବେନ୍ ନିୟମ୍ ଚାରିଶହ ତିରିଶ୍ ଏଣ୍ଡ୍ ପେର୍କେ ତିଆର୍ ଆତ୍‍ତେ, ଆଦ୍ ଆ ଚୁକ୍ତିତିଙ୍କ୍ ୱେରେ ମାଡ଼ି ଇଶ୍ୱର୍‌ତେ ପ୍ରତିଜ୍ଞାତିଙ୍କ୍ ବନ୍ଦ୍ ମାଡ଼େ ପାର୍‍ୱ । 
\v 18 \x + \xo 3:୧୮ \xo*\xt ରୋମୀୟ ୪:୧୪.\xt*\x*ଇଶ୍ୱର୍‌ତେ ପ୍ରତିଜ୍ଞା ଆର୍ଶିବାଦ୍‌ ଯଦି ନିୟମ୍‍ ପାଳନ୍ ମାଡ଼ାନ୍ ତଡ଼୍ ସାମାନ୍, ଆଲେକେ ଆଦ୍ ଅନାଦ୍‌ ପ୍ରତିଜ୍ଞା ଇଞ୍ଜ କେତାନଙ୍କ୍ ଆୟ । ଆଦିଙ୍କ୍ ଇଶ୍ୱର୍ ଅନାଦ୍‌ ପ୍ରତିଜ୍ଞା ଲେକାମ୍ ଆଦ୍ ଆର୍ଶିବାଦ୍‌ ଅବ୍ରାହାମ୍‍ତିଙ୍କ୍ ଇତ୍‌ତଣ୍ଡ୍‌ ।
\p
\v 19 ଆଲେକେ ନିୟମ୍ ବାତେଙ୍କ୍ ତିଆର୍ ଆତ୍‍ତେ ? ନାରୁଡ଼ାଦ୍ ସାରେ କାରାପ୍ କାମ୍ ତଅସିଦାଙ୍କ୍ ଆଦିନାଦ୍ କାମ୍‌ ମାତ୍‍ତେ ମେଣ୍ଡେ ଅବ୍ରାହାମ୍‍ତେ ବେନ୍ ବଂଶତଡ଼୍‍କିଙ୍କ୍ ଉଡ଼ି ଇଶ୍ୱର୍ ଆଦ୍ ପ୍ରତିଜ୍ଞା ମାଡ଼ିମାତ୍‍ତଣ୍ଡ୍, ଆ ନାରୁଣ୍ଡ୍ ୱାନା ଯାକ ନିୟମ୍ ଦର୍‍କାର୍ ମାତ୍‍ତେ । ଅର୍ତୁଣ୍ଡ୍ ନାରୁଙ୍କ୍ ନାଡ଼୍‍ମେ ମାଡ଼ି ଦୂତକିନ୍ ତଡ଼୍ ନିୟମ୍ ତିଆର୍‍ ଆସ୍‍ମାତ୍‍ତେ । 
\v 20 ଇତ୍‍କେ ପ୍ରତିଜ୍ଞା ତଡ଼୍ ମାତର୍‌ ୱେରଣ୍ଡ୍ ନାରୁଣ୍ଡ୍ କାଇଲି ମାତ୍‍ତଣ୍ଡ୍ । ଅଣ୍ଡ୍‌ ଅଦୁତଣ୍ଡ୍ ନିଜେ ଇଶ୍ୱର୍ ।
\s ନିୟମ୍‍ତାଦ୍ ଉଦ୍ଦେଶ୍ୟ
\p
\v 21 ନିୟମ୍ ବାତ୍ ଇଶ୍ୱର୍‌ତେ ପ୍ରତିଜ୍ଞାତିଙ୍କ୍ ବିରୁଦ୍‍ ମାଡ଼ୁତେ ? ଇଲ୍‍ଲେ, ବେସୁଟ୍‌ ଆୟ୍‍ୟ ! ବାତେଙ୍କ୍‍ଇତ୍‍କେ ନାରୁଣ୍ଡ୍‍ତିଙ୍କ୍ ଜିୱୁଣ୍ଡ୍ ଇଦାନ୍ ରକମ୍ ଯଦି ଅଣ୍ଡୟ୍‌ ନିୟମ୍ ତିଆର୍ ଆସ୍‍ମାନେଡ଼୍, ଆଲେକେ ଆଦ୍ ପାଲନ୍ ମାଡ଼ି ନାରୁଡ଼୍ ଇଶ୍ୱର୍‌ତେ କଣ୍ଡେତାଗାଙ୍କ୍ ନିର୍ଦୋଷ୍ ଆୟେଡ଼୍ । 
\v 22 ଇତ୍‍କେ ଦର୍ମଶାସ୍ତ୍ରତାଗ୍ ଲେକା ମିନ୍ଦେ, ସାରେ ନାରୁଣ୍ଡ୍ ପାପ୍ ଅଦିନ୍‌ତେ ମିନ୍ଦେଡ଼୍, ଆଦିଙ୍କ୍ ବେଲା ଜିସୁ କ୍ରିଷ୍ଟନାଗ୍ ବିଶ୍ୱାସ୍ ମାଡ଼ି ପ୍ରତିଜ୍ଞା ଆର୍ଶିବାଦ୍‌ କ୍ରିଷ୍ଟ ବିଶ୍ୱାସୀଡ଼୍ ପାଏମ୍ ଆଦ୍‍ତଡ଼୍ ।
\p
\v 23 ବିଶ୍ୱାସ୍‍ତେ ଯୁଗ୍ ୱାଦାନ୍ ମୁନେନ୍ ନୁ ପ୍ରଚାର୍ ଆଦାନ୍ ଯାକ ନିୟମ୍ ମାନ୍‍ ସାରେତଡ଼୍‍କିଙ୍କ୍ ତହସ୍ ନେଃଏସ୍‍ ମାତ୍‍ତେ । 
\v 24 କ୍ରିଷ୍ଟ ୱାଦାନ୍ ଯାକ ନିୟମ୍ ମାନ୍‍ ମେସ୍ତେର୍ ଇନା ମାତ୍‍ତେ; ଇତ୍‍କେ ତାନ୍ ପେର୍କେ, ମାତର୍‌ ବିଶ୍ୱାସ୍ ତଡ଼୍ ମାମ୍ ଇଶ୍ୱର୍‌ତେ ମୁନ୍‍ନେ ଦାର୍ମାମ୍ ଆଦ୍‍ତମ୍ । 
\v 25 ଇଞ୍ଜେ ବିଶ୍ୱାସ୍‍ତାଦ୍ ଯୁଗ୍ ଏୱୁତେ, ମାମ୍ ମେଣ୍ଡେ ନିୟମ୍‍ତେ ଆଦିନ୍ ଇଲେମ୍ ।
\p
\v 26 ବିଶ୍ୱାସ୍‍ ତଡ଼୍ ଜିସୁ କ୍ରିଷ୍ଟନାଗ୍ କାୟ୍‍ଲି ମିଡ଼୍ ସାରେତଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍ ଆତ୍‍ତିଡ଼୍ । 
\v 27 ଏର୍‍ଦିକ୍ଷା ତଡ଼୍ ମିଡ଼୍ ସାରେତଡ଼ି କ୍ରିଷ୍ଟନ୍‍ ତଡ଼୍‍ ଅଣ୍ଡୟ୍‌ ଆତ୍‍ତିଡ଼୍ ନୁ ଇଞ୍ଜେ ଜିସୁ କ୍ରିଷ୍ଟଟନ୍ ଜିୱୁଣ୍ଡ୍ ଲେକାମ୍ ଚକା କେର୍‍ଦୁତିଡ଼୍ । 
\v 28 ଆଦିଙ୍କ୍ ଯିହୁଦି ନୁ ଅଣଇହୁଦି, କ୍ରିତଦାସ ନୁ ସ୍ୱାଦିନ୍ ନାରୁଡ଼୍, ମାନେୟ୍ ଆୟି କି ନାଟାଡ଼୍ ଆୟି ତାମ୍ ଲୋପେ ବାତେ ୱେରେ ଇଲ୍‍ଲେ । ମିଡ଼୍ ସାରେତଡ଼ି ଜିସୁ କ୍ରିଷ୍ଟଟନ୍ ତଡ଼୍ କାୟ୍‍ଲି ଅଣ୍ଡୟ୍‌ ଆତ୍‍ତିଡ଼୍ । 
\v 29 \x + \xo 3:୨୯ \xo*\xt ରୋମୀୟ ୪:୧3.\xt*\x*ଯଦି ମିଡ଼୍ କ୍ରିଷ୍ଟନ୍‍ ନାରୁଡ଼ି, ଆଲେକେ ମିଡ଼୍‍ ଗାଲା ଅବ୍ରାହାମ୍‍ତେ ବଂଶତଡ଼ି ନୁ ଇଶ୍ୱର୍ ବାତ୍ ପ୍ରତିଜ୍ଞା ମାଡ଼୍‍ତଣ୍ଡ୍, ଆଦ୍ ପାଏମ୍ ଆଦ୍‍ତିଡ଼୍ ।
\c 4
\p
\v 1 ଇତ୍କେ ନାନେ ମିକିଙ୍କ୍ କେତୁତାନ୍ ମାର୍‍ ବାବାନ୍ ସାରେ ସମ୍ପତ୍ତିତ୍ ଅଦିକାରି, କିନ୍ତୁ ସାରେ ବିଷୟ୍‍ତେ ଅଦିକାରି ଆତ୍‍କେ ଗାଲା ବୟସ୍‍ ଆୟ୍‍ୱେ ଯାକ ଅଣ୍ଡ୍‌ ଦାସ ଇନା ମାନ୍ତଣ୍ଡ୍ । 
\v 2 ପିଲେ ମାନ୍ଦାନ୍ ୱେଲେ, ତାମ୍ ବାବାଲ୍‍ ଟିକ୍‍ ମାଡ଼୍‍ତେ ଆଦ୍‍ ସମୟ୍ ୱାନା ଯାକ ୱେରେ ନାରୁଡ଼୍ ଯତନ୍ ଆଦ୍‍ତଡ଼୍ ନୁ ସାରେ ବିଷୟ୍ ମାଡ଼ିତଡ଼୍ । 
\v 3 ଟିକ୍ ଆଦେ ରକମ୍ ମାମ୍ ଗାଲା ଦର୍ମତାଗ୍ ପିଲେ ମାନ୍ଦାନ୍ ୱେଲେ, ଆସୁଟ୍‍ ଜଗତ୍‍ତାଗ୍‍ ପ୍ରାଥମିକ ବିଷୟ୍‍ତେ ଦାସ ମାତ୍‍ତମ୍ । 
\v 4 ପେର୍କେ ବେସୁଟ୍‌ ଆଦ୍ ସମୟ୍ ୱାତ୍‍ତେ, ଇଶ୍ୱର୍ ତାନ୍ ନିଜର୍ ମାରିଙ୍କ୍ ରଅତଣ୍ଡ୍ । ଅଣ୍ଡୟ୍‌ ନାଟାଡ଼୍‍ତାଗାଙ୍କ୍ ଅଣ୍ଡ୍‌ ଜନମ୍ ଆସ୍ ଇହୁଦୀଡ଼୍ ନିୟମ୍ ଅଦିନ୍‌ତାଗ୍ ବାଦ୍‍କ୍‍ତଣ୍ଡ୍ । 
\v 5 \x + \xo ୪:୫ \xo*\xt ରୋମୀୟ ୮:୧୫-୧୭.\xt*\x*ବେଲାକି ଅଣ୍ଡ୍‌‍ ଦର୍‍କାର୍ ଇସର୍ ଦାମ୍ ଇସ୍ ଆଦ୍ ନିୟମ୍‍ତେ ବନ୍ଦନ୍‍ତାଗାଙ୍କ୍ ୱେରେ ନାରୁଡ଼୍‍କ୍ ମୁକ୍ତି ମାଡ଼ାନଙ୍କ୍ ନୁ ଅଡ଼୍‌‍କିଂଙ୍କ୍ ଇଶ୍ୱର୍‌ତେ ମାର୍‍ମାୟାସ୍କ୍ ଆଦାନ୍ ସୁଯୋଗ୍ ଇଦାନଙ୍କ୍ ଅନ୍‌ ଜିୱୁଣ୍ଡ୍‍ତାଗ୍ କାମ୍‌ ମାତ୍‍ତେ ।
\p
\v 6 ମିଡ଼୍ ଇଶ୍ୱର୍‌ତେ ମାର୍‍ମାୟାସ୍କ୍‍ ଇଦ୍ ପ୍ରାମାଣ୍ ମାଡ଼ାନ୍ ସେଙ୍ଗେ, ଇଶ୍ୱର୍ ତାନ୍ ମାରିନ୍‍ ମେଲ୍‍ତେ ଜିୱୁତିଙ୍କ୍ ମାନ୍‍ ଜିୱୁଣ୍ଡ୍ ଲୋପେ ରଅତଣ୍ଡ୍ । ଆଦ୍ ପବିତ୍ର ଜିୱୁ ଗାଟି ଲେଙ୍ଗ୍‍ଦେ କେତୁତ୍, “ବାବା ! ଆ ନା ବାବା !” 
\v 7 ଆଦିଙ୍କ୍ ମିଡ଼୍ ମେଣ୍ଡେ କ୍ରୀତଦାସ ଆୟ୍‍ୱିଡ଼୍, ମାର୍‍ମାୟାସ୍କ୍‍ ଆତ୍‍ତିଡ଼୍ । ମିଡ଼୍ ଅନ୍‌ ମାର୍‍ମାୟାସ୍କ୍‍ ଆତ୍‍ତାଙ୍କ୍, ଇଶ୍ୱର୍ ତାମ୍ ମାର୍‍ମାୟାସ୍କିନ୍ ସେଙ୍ଗେ ବାତ୍ ନେଃଏତଣ୍ଡ୍, ଆୱୁ ସାରେ ମିକିଙ୍କ୍ ଇଦ୍‍ତଣ୍ଡ୍ ।
\s ଗାଲାତିୟଡ଼୍ ସେଙ୍ଗେ ପାଉଲ୍‍ତେ ଚିନ୍ତେ
\p
\v 8 ମୁନେନ୍ ମିଡ଼୍ ଇଶ୍ୱର୍‌ତିଙ୍କ୍ ପୁନ୍‍ୱେ ମାତ୍‍ତିଡ଼୍, ଆଦିଙ୍କ୍ ବେନ ନିଜାତ୍ ଇଶ୍ୱର୍ ଆୟଣ୍ଡ୍, ଆଦ୍‍ରକମ୍ ମିଚ୍ ଦେୟାକିଙ୍କ୍ ପୁଜେ ମାଡ଼ମାତ୍‍ତିଡ଼୍ । 
\v 9 ଇତ୍‍କେ ମିଡ଼୍ ଇଞ୍ଜେ ଇଶ୍ୱର୍‌ତିଙ୍କ୍ ପୁତ୍‍ତିଡ଼୍, ଆଦିଙ୍କ୍ ନାନ୍ କେତିତାନ୍, ଇଞ୍ଜେ ଇଶ୍ୱର୍ ମିକିଙ୍କ୍ ପୁତ୍‍ତଣ୍ଡ୍ । ଆଲେକେ ଇଦ୍ ବେଲା ଆଦ୍‍ତେ ଯେ, ମିଡ଼୍ ମେଣ୍ଡେ ଆୱୁ ଶକ୍ତି ଇଲ୍‍ୱେ ନୁ ମୁନେତ୍‍ ବିଷୟ୍‍କିନାକ୍ ମାଲ୍‍ସ୍ ଆଦାନଙ୍କ୍ ଆଲ୍‍ସୁତିଡ଼୍ ? ମିଡ଼୍ ବାତେଙ୍କ୍ ମେଣ୍ଡନ୍‍ଦାମ୍ ଅଡ଼୍‌ ଦାସ ଆଦାଙ୍କ୍ ଆଲ୍‍ସୁତିଡ଼୍ ? 
\v 10 ବିଶେଷ୍‍ ଗଟ୍ ମିଡ଼୍ ବେସ୍‌କ୍ ଦିନାମ୍, ନେଲ୍‍ଞ୍ଜ୍, କାଲାମ୍ ନୁ ୱାଡ଼୍‍ଷା ସେଙ୍ଗେ ଗାଟି ମାନ୍‍ ଇଦୁତିଡ଼୍ । 
\v 11 ନାନ୍ ମି ସେଙ୍ଗେ ଗାଟି ଚିନ୍ତେ ମାଡ଼ୁତାନ୍ । ମି ସେଙ୍ଗେ ନାୟାଦ୍ ସାରେ ପାଡ଼ିୟ୍ ବାତ୍ ଆଙ୍ଗ୍‍ଡ଼ାମ୍ ଆଦ୍‍ତେ ?
\p
\v 12 ଦାଦାଲଡ଼ି ନୁ ହେଲାସ୍କ୍, ମିକିଂଙ୍କ୍ ନିବେଦନ୍ ମାଡ଼ୁତାନ୍, ନା ଲେକେମ୍ ଆୟ୍‍ମୁଟ୍ । ନାନ୍ ମି ଲେକେମ୍ ଆତ୍‍ତାନ୍ ନୁ ମିଡ଼୍ ନାକିଂଙ୍କ୍ କାରାପ୍ ବ୍ୟବହାର୍‌ ମାଡ଼୍‍ୱିଡ଼୍ । 
\v 13 ନାନ୍ ମୁନେତ୍‍ଦାମ୍ ବାତେଙ୍କ୍ ମେଲ୍‍ତା କାବୁର୍ ପ୍ରଚାର୍ ମାଡ଼ିମାତ୍‍ତାନ୍, ଆଦିଙ୍କ୍ ଏର୍କେ ମାଡ଼ାଟ୍ । ଆସୁଟ୍ ନାନ୍ ଦୁଃକାମ୍‍ତେ ମାତ୍‍ତେ ସେଙ୍ଗେ ନାନ୍ ଇଦ୍ କେସ୍‍ମାତ୍‍ତାନ୍ । 
\v 14 ଇତ୍‍କେ ନା ମେନ୍ଦୁଲ୍ ସାୟେ ଇଲ୍‍ୱେମାତ୍‍କେ ମିକା, ମିଡ଼୍‍ ନାକିଂଙ୍କ୍ ପାସ୍କ୍‍ୱିଡ଼୍ ଆଗେକ୍‍ବା ନାକିଂଙ୍କ୍ ୱେରଡ଼୍‌ ସ୍ୱର୍ଗଦୂତ ଲେକାମ୍ ଗ୍ରହନ୍‍ ମାଡ଼୍‍ତିଡ଼୍ । କ୍ରିଷ୍ଟ ଜିସୁଙ୍କ୍ ମିଡ଼୍ ବେଦ୍‍ପୁଟୁଙ୍କ୍ ଗ୍ରହନ୍‍ ମାଡ଼େଡ଼ି ଆଦେପୁଟୁଙ୍ଗ୍ ନାକିଂଙ୍କ୍ ମିକା ଗ୍ରହନ୍‍ ମାଡ଼ିମାତ୍‍ତିଡ଼୍ । 
\v 15 ମିଡ଼୍ ବେସର୍ ୱେଡ଼୍‍କେ ଆସ୍‍ମାତ୍‍ତିଡ଼୍ ! ଇତ୍‍କେ ଇଞ୍ଜେ ବାତ୍ ଆତ୍‍ତେ ? ମି ବିଷୟ୍‍ତେ ନାନ୍ ଇଦ୍ ଗାଡ଼୍‍ସ୍ ଆସ୍ ଦାର୍ମିକ୍‌ତାଦ୍‍ ଗଟ୍‍ କେତାଙ୍କ୍ ପାର୍‍ୱେନ୍ ଯେ, ଦର୍‍କାର୍ ଆତ୍‍କେ, ମିଡ଼୍ ନିଜେ ନିଜର୍‍ତାୱ୍ କଣ୍ଡା ଟେଣ୍ଡି ତାସ୍ ନାକିଂଙ୍କ୍ ଇୱେଡ଼ି । 
\v 16 ଇତ୍‍କେ ଇଞ୍ଜେ ନାନ୍ ନିଜାମ୍ କେତ୍‍ତାଙ୍କ୍ ବାତ୍ ମି ଶତ୍ରୁ ଆତ୍‍ତାନ୍ ?
\p
\v 17 ଆ ୱେରେ ନାରୁଡ଼୍ ମିୟାଦ୍ ମଙ୍ଗଲ୍ ସେଙ୍ଗେ ଗାଟି ଇଚ୍ଚା ମିନ୍ଦେ ଇଞ୍ଜ ତଅତିତଡ଼୍ । କିନ୍ତୁ ଇଗେ ଅଡ଼୍‌‍ୱାଦ୍ ନିଜାତ୍ ଉଦ୍ଦେଶ୍ୟ ଇଲ୍‍ଲେ । ଅଡ଼୍‌‍ୱାଦ୍ ଆଣ୍ଡୟେ ଇଚ୍ଚା, ବେଲା ମିଡ଼୍ ନାକିଂଙ୍କ୍ ପାସ୍କି ଅଡ଼୍‌‍କିଂଙ୍କ୍ ମାନ୍‍ ମାଡ଼ିତିଡ଼୍ । 
\v 18 ସତ୍ ଉଦ୍ଦେଶ୍ୟ ଆସ୍ ଇଚ୍ଚା ମାଡ଼ାନାଦ୍ ସାୟେ । ନାନ୍‍ନେ ମି ତଡ଼୍ ମାନ୍ଦାନ୍ ୱେଲେ ଆୟ, ସାରେଦାମ୍ ମିଡ଼୍ ଇଦିନାଦ୍ ସତ୍ ପୁଞ୍ଜ୍‍ ପାର୍‍ଦ୍‍ତିଡ଼୍ । 
\v 19 ଆ ନା ପିଲାନଡ଼ି, ମିକିଂଙ୍କ୍ କ୍ରିଷ୍ଟଟନ୍ ଲେକେମ୍ ମାଡ଼ି ତିଆର୍ ମାଡ଼ାନ୍ ସେଙ୍ଗେ ନାନ୍ ମେଣ୍ଡନ୍‍ଦାମ୍ ଜନମ୍ ମାଡ଼ାନ୍ ନପ୍ ପୁନ୍ଦ୍‍ତାନ୍ । 
\v 20 ନାନ୍ ଇଞ୍ଜେ ମି ବକେତ୍ ମାନ୍ତାନ୍ ଇଞ୍ଜ ମାନ୍‍ ମିନ୍ଦେ, ଆଲେକେ ମି ବିଷୟ୍‍ତେ ନାନ୍ ମେଣ୍ଡନ୍ ଲେକାମ୍ ଆଲ୍‍ସେନ୍ । ନିଜାମ୍ ମି ସେଙ୍ଗେ ନାନ୍ ଗାଟି ଚିନ୍ତେ ମାଡ଼ୁତାନ୍ ।
\s ଆଗାର ନୁ ସାରାନ୍ ଗଟ୍
\p
\v 21 ବେନଡ଼୍ ନିୟମ୍‍ତିଙ୍କ୍ ପୟ୍‍ସ୍ ମାନ୍ଦାଙ୍କ୍ ଆଲ୍‍ସିତଡ଼୍, ନାନ୍ ଅଡ଼୍‌‍କିଂଙ୍କ୍ ପାଚ୍ରା ମାଡ଼ିତାନ୍, ନିୟମ୍‍ତାଗ୍ ବାଆତେ ଲେକା ମିନ୍ଦେ, ଆଦ୍ ମିଡ଼୍ ପୁନ୍‍ୱିଡ଼୍ ? 
\v 22 ଆଗେ ଲେକା ମିନ୍ଦେ, ଅବ୍ରାହାମ୍‌ତିଙ୍କ୍ ଇର୍‍ୱୁଡ଼୍ ମାର୍‍କ୍ ମାତ୍‍ତଡ଼୍, ୱେରଣ୍ଡ୍ କ୍ରିତଦାସିନ୍ ମାର୍‍ ନୁ ମେଣ୍ଡେ ଅର୍ତୁଣ୍ଡ୍ ତାନ୍ ମୁତେନ୍ ମାର୍‍ । 
\v 23 କ୍ରିତଦାସିନ୍ ମାର୍‍ ଆସାମ୍ ଜନମ୍ ଆସ୍ ମାତ୍‍ତଣ୍ଡ୍ କିନ୍ତୁ ତାନ୍ ପେଣ୍ଡୁଲ୍ ଆତ୍‍ତେ ମୁତେନ୍ ମାର୍‍ ଇଶ୍ୱର୍‌ତେ ପ୍ରତିଜ୍ଞା ଇସାପ୍‍ତେ ଜନମ୍ ଆସ୍ ମାତ୍‍ତଣ୍ଡ୍ । 
\v 24 ଇୱୁ ସାରେ ଗଟିନାୱ୍ ଅର୍ତ ମିନ୍ଦେ, ଇତ୍‍କେ ଇୱୁ ନାଟା ରେଣ୍ଡ୍ ନିୟମ୍ ଲେକାମ୍; ଅଣ୍ଡୟ୍‌ ନିୟମ୍ ସିନୟ ମେଟେତାଗାଙ୍କ୍ ୱାସ୍‍ ମାନ୍ଦାନ୍ ଚିହ୍ନେ, ଆଦ୍ ଦାସନ୍ ସେଙ୍ଗେ ମାର୍‍ ଜନମ୍ ମାଡ଼ାନାଦ୍, ଆଗାର ଆଦୁତ୍ ଆଦିନାଦ୍ ଉଦାରନ୍ । 
\v 25 ଆଗାର, ଇଦ୍ ଗଟ୍‍ ଆରବ ଦେଶ୍‌ତାଗ୍ ସିନୟ ମେଟେତିଙ୍କ୍ କେତିତଡ଼୍, ମେଣ୍ଡେ ଆଦ୍ ଇଞ୍ଜେତ୍‍ ଯିରୁଶାଲେମ୍ ତଡ଼୍ ସାମାନ୍, ବାତେଙ୍କ୍ଇତ୍‍କେ ଆଗାର ଲେକେମ୍‍ ଯିରୁଶାଲେମ୍ ନୁ ଆଗେ ମାନ୍ଦାନ୍‍ ଆଦିବାସୀ ନାରୁଡ଼୍‍ ଇଞ୍ଜେ ଦାସ ଇନା ମିନ୍ଦେଡ଼୍‍ । 
\v 26 କିନ୍ତୁ ପରତ୍ ଯିରୁଶାଲେମ୍‍ ସ୍ୱାଦିନ୍, ଆଦ୍ ମାନ୍‍ ୟାୟ; 
\v 27 ଆଦିଙ୍କ୍ ଲେକାମିନ୍ଦେ, “ଆ ୱାଞ୍ଜ ନାଟାନଡ଼ି, ପିଲା ଇଲ୍‍ୱେ ନାଟାନଡ଼ି, ୱେଡ଼୍‍କେ ଆୟ୍‍ମୁଟ୍, ବେସୁଟ୍‌ ଡଙ୍କେ ନପ୍ ଆୟ୍‍ୱେ ମାତ୍‍କେ ଗାଲା, ଗାଟି ଲେଙ୍ଗ୍‍ଦେ ଜୟ୍‍ଜୟ୍ ମାଡ଼ାଟ୍; ବାତେଙ୍କ୍ଇତ୍‍କେ ମୁଦ୍‍ପାନ୍ ତଡ଼୍ ମାନ୍ଦାନ୍ ନାଟାଡ଼୍ କଞ୍ଚ୍ ୱେରଡ୍ ୱିଡ଼୍‍ସ୍ତେ ନାଟାଡ଼୍‍ତେ ମାର୍‍କ୍ ନାର୍ଗେ ।”
\p
\v 28 ଆ ଦାଦାଲଡ଼ି ନୁ ହେଲାସ୍କ୍‍, ଅନ୍‌‍ ପ୍ରତିଜ୍ଞା ଲେକାମ୍‌ ମିଡ଼୍ ଇଞ୍ଜେ ଇଶ୍ୱର୍‌ତେ ଚିଟି‍ ଲେକାମ୍ ମାର୍‍କିଡ଼୍‍ । 
\v 29 ବାତେଙ୍କ୍ ଇତ୍କେ ମେନ୍ଦୁଲ୍‍ ପୟ୍‍ସ୍ ବେନ ପୁଟ୍‍ତଣ୍ଡ୍, ଅଣ୍ଡ୍‌ ବେଲା ଆଦ୍‍ ସମୟ୍‍ତେ ଇଶ୍ୱର୍‌ତେ ନିୟମ୍ ଇସାପ୍‍ତେ ପୁଟ୍‍ତେ, ଅଡ଼୍‌‍କିଂଙ୍କ୍ ତାଡ଼ନା ମାଡ଼ମାତ୍‍ତଡ଼୍, ଆଦେରକମ୍ ଇଞ୍ଜେ ଗାଲା ଆଦୁତ୍ । 
\v 30 ମାତର୍‌ ଶାସ୍ତ୍ର ବାତ୍ କେତୁତେ ? ଦାସିଙ୍କ୍ ନୁ ତାନ୍ ମାରିଙ୍କ୍ ପେସ୍ପିମୁଟ୍; ବାତେଙ୍କ୍‍ ଇତ୍କେ ଦାସିନ୍ ମାର୍‍ ସ୍ୱାଦିନ୍ ନାଟାଡ଼୍‍ତେ ମାର୍‍ ତଡ଼୍ ଉତ୍ତରାଦିକାରୀ ଆୟଣ୍ଡ୍ । 
\v 31 ଆଦିଙ୍କ୍ ଦାଦାଲଡ଼ି ନୁ ହେଲାସ୍କ୍‍, ମାନାଡ଼୍ ଦାସିନ୍ ମାର୍‍କ୍ ଆୟମ୍, ଇତ୍‍କେ ପେଣ୍ଡୁଲ୍‍ ଆତ୍‍ତେ ନାଟାଡ଼୍‍ତେ ମାର୍‍କ୍ ।
\c 5
\s ମିୟାଦ୍ ସ୍ୱାଦିନତାତିଙ୍କ୍ ସାୟେ ନେଏମୁଟ୍
\p
\v 1 ମାନାଡ଼୍‍ ସ୍ୱାଦିନ୍‍, ସ୍ୱାଦିନତା ମାଇଦିଙ୍କ୍ କ୍ରିଷ୍ଟ ମାନାଙ୍କ୍ ମୁକ୍ତି ମାଡ଼ିମିନ୍ଦେଣ୍ଡ୍; ଆଦିଙ୍କ୍ ଗାଡ଼୍‍ସ୍‍ ଆସ୍ ମାନୁଟ୍ ନୁ ଦାସ ଯୁଆଡ଼ିତାଗ୍ ମେଣ୍ଡେ ଯଡ଼େମ୍ ଆୟ୍‍ମାଟ୍ ।
\p
\v 2 କେଞ୍ଜାଟ୍, ନାନ୍ ପାଉଲ୍ ମିକିଙ୍କ୍ କେତୁତାନ୍, ଯଦି ମିଡ଼୍ ସୁନ୍ନତ ଆଦ୍‍ତିଡ଼୍, ଆଲେକେ କ୍ରିଷ୍ଟଟନ୍ ତଡ଼୍ ମିୟାଦ୍ ବାତ୍ ଲାବ୍ ଆୟ । 
\v 3 ନାନ୍ ସୁନ୍ନତ ପାଏମ୍ ଆଦାନଡ଼୍ ସାରେ ତଡ଼୍‍କିଙ୍କ୍ ମେଣ୍ଡନ୍‍ଦାମ୍ କେତୁତାନ୍ ଯେ, ମୋଶାନ୍‌‌ ନିୟମ୍ ସାରେ ପାଲନ୍ ମାଡ଼ାନ୍ ସେଙ୍ଗେ ଅଡ଼ାଦ୍‌‍ ଦାୟିତ୍ୱ । 
\v 4 ମିଇ ଲୋପେଙ୍କ୍‍ ବେସ୍‍କ୍‍ତୁଡ଼୍‍ ନିୟମ୍ ତଡ଼୍ ଦାର୍ମାମ୍ ଆଦାନଙ୍କ୍ ଆଲ୍‍ସୁତିଡ଼୍, ମିଡ଼୍ କ୍ରିଷ୍ଟନାଗାଙ୍କ୍ ୱେରେ ଆତ୍‍ତିଡ଼୍, ମିଡ଼୍ ଇଶ୍ୱରତେ ଅନୁଗ୍ରହ ତାଗାଙ୍କ୍ ୱେରେ ଆତ୍‍ତିଡ଼୍ । 
\v 5 ଇତ୍‍କେ ମାନାଡ଼୍ ଆଶେ ନେଃଏସ୍‍ ମିନ୍ଦେଡ଼୍‍ ଯେ, ଇଶ୍ୱର୍ ମାନାଙ୍କ୍‍ ନିର୍ଦୋଷ୍‍ ମାଡ଼ିତଣ୍ଡ୍‍, ମାନ୍‍ୱାଦ୍‍ ବିଶ୍ୱାସ୍‍ ଲେକାମ୍‍, ମାନ୍‍ ଲୋପେ ପାଡ଼୍‍ୟି ମାଡ଼ମାନ୍ଦାନ୍‍ ପବିତ୍ର ଆତ୍ମାନ୍ ଶକ୍ତିତଡ଼୍ ବିଶ୍ୱାସ୍ ମାଡ଼ ମାନ୍ଦାନ୍ ସେଙ୍ଗେ ଦାର୍ମାମ୍ ପାଏମ୍ ଆଦାନ୍ ଆସେତିଙ୍କ୍ କେପମିନ୍ଦେମ୍ । 
\v 6 ଆଦିଙ୍କ୍ କ୍ରିଷ୍ଟ ଜିସୁନ୍ ତଡ଼୍ ଜିୱୁଣ୍ଡ୍ ବାଦ୍‍କେ ସୁନ୍ନତ କି ଅସୁନ୍ନତ ବାତେବା ୱେରେ ମାନ, ଇତ୍‍କେ ବିଶ୍ୱାସ୍‍ତାଗ୍ ଗାଡ଼୍‍ସ୍ ମାଞ୍ଜ୍ ପ୍ରେମତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ ।
\p
\v 7 ମିଡ଼୍ ସାୟେ ଲେକାମ୍ ପାଡ଼ିୟି ମାଡ଼ମାତ୍‍ତିଡ଼୍, ସତ୍‍ ଆର୍‍ତାଗ୍‍ ଆଦାନ୍‍ୱେଲେ ବେନ ମିକିଙ୍କ୍ ମନାମାଡ଼୍‍ତଣ୍ଡ୍ ? ଅଣ୍ଡ୍‌‍ ବେଲା ସତ୍ ଆର୍‍ଦାଗ୍ ଆନ୍‌‍ମାଟ୍ ଇଞ୍ଜ କେତ୍‍ତଣ୍ଡ୍‍ ? 
\v 8 ମିକିଙ୍କ୍ କାର୍‍ଙ୍ଗ୍‍ତେ ଇଶ୍ୱର୍‌ତାଗାଙ୍କ୍ ଇଦ୍ ଗଟ୍ ୱାଡ଼ । 
\v 9 \x + \xo ୫:୯ \xo*\xt ୧ କରନ୍ତିୟ ୫:୬.\xt*\x*ଗଟ୍‍ତାଗ୍ ମିନ୍ଦେ, “ପିସ୍‍କ୍‍ତେ ମଇଦାତିଙ୍କ୍ ତୟ୍‍ସ୍ପାନ୍ ମାଇଦିଙ୍କ୍ ସୁଦୁଟ୍ ଇନା କମିର\f + \fr ୫:୯ \fr*\fq କମିର \fq*\ft ଇତ୍କେ ରୂଟିତିଙ୍କ୍ ତୟପ୍ସାନାଦ୍‍ ଗୁଣ୍ଡାଲ୍‍\ft*\f* ଦର୍‍କାର୍ ।” 
\v 10 ଆଦ୍‍ ବାତ୍‍ ଆୟି, ଇଞ୍ଜେକ୍‍ଆନା ମୀଇ ମିଡ଼୍ ଯେ ମେଣ୍ଡନ୍‍ରକମ୍ ବିଚାର୍ ମାଡ଼୍‍ୱିଡ଼୍, ଇଦ୍ ନାୟାଦ୍ ମି ବିଷୟ୍‍ତେ ପ୍ରବୁନାଗ୍ ଗାଟି ବିଶ୍ୱାସ୍ ମିନ୍ଦେ; ଇତ୍‍କେ ମିଡ଼୍ ଗାଟି ଦାନ୍ଦେ ଆଦୁତିଡ଼୍, ଅଣ୍ଡ୍‌ ବେନବା ଆୟିଣ୍ଡ୍, ତାନ୍ ଦଣ୍ଡ୍ ପାଏମ୍ ଆଦ୍‍ତଣ୍ଡ୍ ।
\p
\v 11 ଆଦିଙ୍କ୍ ଆ ଦାଦାଲଡ଼ି ନୁ ହେଲାସ୍କ୍ ନଡ଼ି, ଯଦି ନାନ୍ ଇଞ୍ଜେ ଗାଲା ସୁନ୍ନତବିଦି ପ୍ରଚାର୍ ମାଡ଼ୁତାନ୍, ଆଲେକେ ବାତେଙ୍କ୍ ନାନ୍ ଇଞ୍ଜେ ଗାଲା ତାଡ଼ନା ପାଏମ୍ ଆଦୁତାନ୍ ? ଆଲେକେ କ୍ରିଷ୍ଟନ୍‍ କ୍ରୁଶ ତ ଇଞ୍ଜେ ଅସୁବିଦାତେ ବିଷୟ ଆୟ । 
\v 12 ବେନଡ଼୍ ମିକିଙ୍କ୍ ଇଞ୍ଜେ ଗାଲା ଦାନ୍ଦେ ମାଡ଼ୁତଡ଼୍, ଅଡ଼୍‌‍କିଂଙ୍କ୍‍ ମଦଲ୍ କଞ୍ଚ୍ ଯୌନଆଙ୍ଗ କୟ୍‍କେ, ସାୟେ ଆୟେଡ଼୍ ।
\p
\v 13 ଆ ଦାଦାଲଡ଼ି ନୁ ହେଲାସ୍କ୍‍ ନଡ଼ି, ମିଡ଼୍ ସ୍ୱାଦିନତା ସେଙ୍ଗେ ୱାତ୍‍ତିଡ଼୍; ଆଦିଙ୍କ୍ ମେନ୍ଦୁଲ୍‍ତେ ଆଶେ ପୁରା ମାଡ଼ାନ୍ ସେଙ୍ଗେ ମଜା ମାଡ଼୍‍ମାଟ୍, ମିଡ଼୍ ମି ଲୋପେ ପ୍ରେମତେ ଦାସ ଆୟ୍‍ମୁଟ୍ । 
\v 14 ବାତେଙ୍କ୍ଇତ୍‍କେ ସାରେ ନିୟମ୍ ଇଦ୍ ଅଣ୍ଡୟ୍‌ ବାକ୍ୟତଡ଼୍ ପୁରା ଆତ୍‍ତେ, “ମିଡ଼୍ ମିୱଡ଼୍ ଗାରେତଡ଼୍‍କିଂଙ୍କ୍ ଜିୱୁଣ୍ଡ୍ ଲେକାମ୍ ପ୍ରେମ ମାଡ଼ାଟ୍ ।” 
\v 15 ମିଡ଼୍ ଯଦି କାସାକାଚି ଆସ୍ ମି ମିଲୋପେ ପୟ୍‍ତିତିଡ଼୍, ଆଲେକେ ସତର୍କ ଆୟ୍‍ମୁଟ୍, ବେଲାକି ମିଡ଼୍‍ ମି ଲୋପେ ନସ୍‍ଟ ଆୟ୍‍ୱିଡ଼୍ ।
\s ମେଲ୍‍ତେ ଜିୱେ ନୁ ମାନେୟ୍‍ତେ ବ୍ୟବହାର୍‌
\p
\v 16 ନାନ୍ କେତାନାଦ୍ ଗଟ୍ ଅଦୁତ୍, ପବିତ୍ର ଆତ୍ମା ମିୟାଦ୍‍ ଆତ୍ମାତିଙ୍କ୍‍ ଚାଲେମ୍ ମାଡ଼ି, ଆଲେକେ ମିଡ଼୍ ନାରୁଡ଼ାଦ୍‍ ମେନ୍ଦୁଲ୍ ଲାଲ୍‍ସାତିଙ୍କ୍ ମେଣ୍ଡେପୁରା ମାଡ଼୍‍ୱିଡ଼୍ । 
\v 17 \x + \xo ୫:୧୭ \xo*\xt ରୋମୀୟ ୭:୧୫-୨3.\xt*\x*ବାତେଙ୍କ୍ଇତ୍‍କେ ମେନ୍ଦୁଲ୍ ଲାଲ୍‍ସା ଜିୱୁଣ୍ଡ୍‍ତିଙ୍କ୍ ବିରୁଦ୍ ମାଡ଼ିତ୍, ମେଣ୍ଡେ ଜିୱୁଣ୍ଡ୍‍ତାଦ୍ ଲାଲ୍‍ସା ମେନ୍ଦୁଲ୍‍ତିଙ୍କ୍ ବିରୁଦ୍ ମାଡ଼ିତ୍, ଆଦିଙ୍କ୍ ଇୱୁ ରେଣ୍ଡ୍ ଇପାକ୍ ନୁ ଆପାକ୍; ଆଦିଙ୍କ୍ ମିଡ଼୍ ବାତ୍ ବାତ୍ ଇଚ୍ଚା ମାଡ଼ିତିଡ଼୍, ଆୱୁ ସାରେ ମାଡ଼ାନଙ୍କ୍ ପାର୍‍ୱିଡ଼୍ । 
\v 18 ମିଡ଼୍ ଯଦି ପବିତ୍ର ଆତ୍ମା ତଡ଼୍ ଚାଲେମ୍ ଆଦ୍‍ତିଡ଼୍, ଆଲେକ୍ ନିୟମ୍‍ ଅଦିନ୍‌ତେ ଆୟ୍‍ୱିଡ଼୍‍ ।
\p
\v 19 ମେନ୍ଦୁଲ୍‍ତାୱୁ ପାଡ଼୍‍ୟି ସାରେ ତ ସାୟେ ପୁତ୍‍ତାଡ଼୍, ଦାରି ପାଡ଼୍‍ୟି, ଅଶୁଚି, କାମନା ବା କାରାପ୍‍ ପାଡ଼୍‍ୟି, 
\v 20 ପୁତ୍‍ଲାମ୍‍ପୁଜା, ୱାଡେ ବିଦ୍ୟା, ଶତ୍ରୁତା, ଗଲ୍‍କ୍, ଆଂକାର୍‍, କପାମ୍‍, ସ୍ୱାର୍ତପର, ମାନ୍ଦେବିରୁଦ୍, ଗଟ୍‍ବିରୁଦ୍, 
\v 21 ଇର୍ସା, ମାତ୍‍ୱାରି, ରଙ୍ଗରସ, ଇଦ୍‍ଲେକେତ୍ କାମ୍‍ସାରେ; ନାନ୍‍ ମୁନେଙ୍କ୍ ବେଲାନ୍ କେସ୍‍ମାତ୍‍ତାନ୍, ଆଦେଲେକାମ୍ ମୁନେନ୍ କେତୁତାନ୍ ଯେ, ବେନଡ଼୍ ଇୱୁ ସାରେ କାମ୍‍ ମାଡ଼ିତନ୍, ଅଡ଼୍‌ ଇଶ୍ୱର୍‌ତେ ରାଜ୍ୟତାଗ୍ ଅଦିକାରି ଆୟଡ଼୍ ।
\p
\v 22 ଇତ୍‍କେ ପବିତ୍ର ଆତ୍ମାନ୍‍ ଦାନ ଆଦୁତ୍‍ ପ୍ରେମ, ୱେଡ଼୍‍କେ, ଶାନ୍ତି, ଦର୍ଯ୍ୟ, ଉପକାର୍, ସାୟେତଣ୍ଡ୍‍, ବିଶ୍ୱାସ୍‍ତଣ୍ଡ୍‍ 
\v 23 ନମ୍ର ନୁ ଆତ୍ମସଂଯମ୍; ଇୱୁ ସାରେ ବିରୁଦ୍‍ତେ ବାତେ ନିୟମ୍ ଇଲ୍‍ଲେ । 
\v 24 ବେନଡ଼୍ କ୍ରିଷ୍ଟ ଜିସୁନ୍ ନାରୁଡ଼୍, ଅଡ଼୍‌ ମେନ୍ଦୁଲ୍‍ତିଙ୍କ୍ ଆଦିନ୍ ଇଚ୍ଚା ନୁ ଆଶେ ତଡ଼୍ କ୍ରୁଶତାଗ୍ ଆୱୁକ୍‍ତଡ଼୍ । 
\v 25 ଯଦି ମାନାଡ଼୍ ପବିତ୍ର ଆତ୍ମାତଡ଼୍ ଜିୱୁଣ୍ଡ୍ ପାଏମ୍ ଆତ୍‍ତାଡ଼୍, ଆଲେକେ ଅଣ୍ଡ୍‌‍ ମାନ୍‍ ଜିୱେତିଙ୍କ୍‍ ମିକା ଚାଲା ମାଡ଼ିଣ୍ଡ୍‍ । 
\v 26 ମାନାଡ଼୍ ଆଙ୍ଗ୍‍ଡ଼ାମ୍ ଗର୍ବ ତଅସ୍ ମାନ୍‍ ମାନ୍‍ଲୋପେ କପାମ୍ ଆୟ୍‍ୱାଡ଼୍ ନୁ ମାନ୍‍ ମାନ୍‍ଲୋପେ ଇର୍ସା ଆୟ୍‍ୱାଡ଼୍ ।
\c 6
\s ନଜେ ନିଜର୍‍ଲୋପେ ଦାୟିତ୍ୱ ଆଦିକାଡ଼୍
\p
\v 1 ଅ ଦାଦାଲଡ଼ି ନୁ ହେଲାସ୍କ୍ ନଡ଼ି ଯଦି ବେନ ଅପରାଦ୍ ମାଡ଼ି ଦରାପଡ଼େମ୍ ଆଦ୍‍ତଣ୍ଡ୍, ପବିତ୍ର ଆତ୍ମା ଜିୱୁତଡ଼୍ ନିଜେ, ମିଡ଼୍ ନମ୍ର ଆସ୍ ଆସତ୍ ନାରୁଙ୍କ୍ ବୁଜା ମାଡ଼ାଟ୍, ଆମ୍ଭ ନିଜେକଟ ପରିକ୍ଷାତାଗ୍ ରାୟାନଙ୍କ୍ ଆଦ୍‍ତେ, ଆଦିନ୍ ସେଙ୍ଗେ ନିଜେ ସତର୍କ ଆୟ୍‍ମୁଟ୍ । 
\v 2 ନିଜେ ନିଜର୍ ଦାୟିତ୍ୱ ଆୟ୍‍ମୁଟ୍; ଇଦ୍ ରକମ୍ ମିଡ଼୍ କ୍ରିଷ୍ଟଟନ୍ ନିୟମ୍ ପୁରା ମାଡ଼ିତିଡ଼୍ । 
\v 3 ଯଦି ବେନ ଆୟି ସୁଦୁନଣ୍ଡ୍ ଆସ୍‍ ଗାଲା ନିଜେତିଙ୍କ୍ ବାଡ଼୍‍ୟଣ୍ଡ୍ ଇଞ୍ଜ ଆଲ୍‍ସିତଣ୍ଡ୍, ଆଲେକେ ଅଣ୍ଡ୍‌ ନିଜେତିଙ୍କ୍ ବୁସାମାଡ଼ିତଣ୍ଡ୍ । 
\v 4 ବାତେଙ୍କ୍ଇତ୍‍କେ ସାରେତଡ଼୍ ତାମ୍ ପାଡ଼ିୟି ପରିକ୍ଷା ମାଡ଼ିଡ଼୍, ଆଲେକେ ଅଣ୍ଡ୍‌ ମେଣ୍ଡେଅଡ଼୍‌‍ତିନ୍ ତଡ଼୍ ତୁଲନା ମାଡ଼୍‍କେ ଗର୍ବ ମାଡ଼କଟ ନିଜର୍ ଗର୍ବ ବିଷୟ୍‍ତେ ପୁନ୍ଦ୍‍ତଣ୍ଡ୍; 
\v 5 ବାତେଙ୍କ୍ଇତ୍‍କେ ସାରେତଡ଼୍ ନିଜର୍ ଦାୟିତ୍ୱ କାଞ୍ଜାନଙ୍କ୍‍ ଆଦ୍‍ତେ ।
\p
\v 6 ବେନ ଇଶ୍ୱର୍‌ତେ ବାକ୍ୟତଡ଼୍ ଶିକ୍ଷା ପାଏମ୍ ଆଦ୍‍ତଣ୍ଡ୍, ଅଣ୍ଡ୍‌ ଶିକ୍ଷା ଇଦାନଡ଼୍‍କିଂଙ୍କ୍ ସାରେ ସାୟେତ୍ ବିଷୟ କେଲିଣ୍ଡ୍ ।
\p
\v 7 ବୁଲ୍‍କା ଆୟ୍‍ମାଟ୍; ଇଶ୍ୱର୍ ବାକ୍‍ୱା ନାରୁଣ୍ଡ୍ ଆୟଣ୍ଡ୍; ବାତେଙ୍କ୍ଇତ୍‍କେ ନାରୁଣ୍ଡ୍ ବାତ୍ ୱିତିତଣ୍ଡ୍, ଆଦିଂକେ କୟ୍‍ଦ୍‍ତଣ୍ଡ୍ । 
\v 8 ଆଦିଙ୍କ୍ ବେନ ନିଜର୍ ମେନ୍ଦୁଲ୍ ଇସାପ୍‍ତେ ୱିତିତଣ୍ଡ୍, ଅନ୍‌ ମେନ୍ଦୁଲ୍‍ତାଗାଙ୍କ୍ ତିଆର୍‍ ଆତ୍‍ତେ ତେରାନ୍ ସସ୍ୟତିଙ୍କ୍ କୟ୍‍ଦ୍‍ତଣ୍ଡ୍; ବେନ ଜିୱୁ ଇସାପ୍‍ତେ ୱିତିତଣ୍ଡ୍, ଅଣ୍ଡ୍‌ ଜିୱୁତାଗାଙ୍କ୍ ତିଆର୍‍ ଆତ୍‍ତେ ଅନନ୍ତ ଜିୱୁଣ୍ଡ୍ ଲେକାମ୍ ସସ୍ୟ କୟ୍‍ଦ୍‍ତଣ୍ଡ୍ । 
\v 9 ମାନାଡ଼୍ ସାୟେତ୍ ପାଡ଼୍‍ୟି ମାଡ଼ାନାଗ୍ ଆୟ୍‍ୱାନାଦ୍ ଆୟ; ବାତେଙ୍କ୍ଇତ୍‍କେ ଆୟ୍‍ୱେ କଞ୍ଚ୍ ମାତ୍‍କେ ଲେକେତ୍ ସମୟ୍‍ତେ ପେଡ଼େକ୍ କୟ୍‍ଦିତାଡ଼୍ । 
\v 10 ଆଦିଙ୍କ୍ ମାନାଡ଼୍ ସୁଯୋଗ୍ ଇସାପ୍‍ତେ ସାରେତଡ଼ାୱୁ, ଅଣ୍ଡୟ୍‌‍ ଲନ୍‍ତେ ବିଶ୍ୱାସି ସାରେତଡ଼ାଦ୍ ସାୟେ ମାଡ଼ିକାଡ଼୍ ।
\s ମାଡ଼େଙ୍କ୍‌ତାଦ୍‍ ସତର୍କ ଗଟ୍ ନୁ ନମସ୍କାର୍
\p
\v 11 ଉଡ଼ାଟ୍, ବେଲା ବେଡ଼୍‍ୟା ଅକର୍‍ତେ ନାୱେ ନିଜର୍‍ କାୟ୍‍ତଡ଼୍ ନାନ୍ ମି ବକେତ୍ ଲେକିମିନ୍ଦେନ୍ । 
\v 12 ବେନଡ଼୍ ବାୟ୍‍ଦେ କ୍ରିୟାକର୍ମ୍ ମାଡ଼ି କ୍ୟାତି ଆଦାନଙ୍କ୍ ଇଚ୍ଚା ମାଡ଼ିତଡ଼୍, ଅଡ଼୍‌ ମିକିଙ୍କ୍ ସୁନ୍ନତ ଆଦାନଙ୍କ୍ ବାଦ୍ୟ ମାଡ଼ିତଡ଼୍, କ୍ରିଷ୍ଟଟନ୍ କ୍ରୁଶତ୍ ସେଙ୍ଗେ ଅଡ଼୍‌ ବେଲା ତାଡ଼ନା ପାଏମ୍ ଆୟଡ଼୍, ଆଦିଙ୍କ୍ ଅଡ଼୍‌ ଆଲା ମାଡ଼ିତଡ଼୍ । 
\v 13 ବାତେଙ୍କ୍ଇତ୍‍କେ ବେନଡ଼୍ ସୁନ୍ନତ ନିୟମ୍‍ତିଙ୍କ୍ ସପଟ୍ ମାଡ଼ିତଡ଼୍, ଅଡ଼୍‌ ନିଜେ ମୋଶାନ୍‌ ନିୟମ୍‍ତିଙ୍କ୍ ପାଲନ୍ ମାଡ଼ଡ଼୍, ଆଦିଙ୍କ୍ ଅଡ଼୍‌ ବେଲା ମି ମେନ୍ଦୁଲ୍ ବିଷୟ୍‍ତେ ଗର୍ବ ମାଡ଼ିତଡ଼୍, ଆଦିଙ୍କ୍ ଅଡ଼୍‌ ମିକିଙ୍କ୍ ସୁନ୍ନତ ମାଡ଼ାନଙ୍କ୍ ଇଚ୍ଚା ମାଡ଼ିତଡ଼୍ । 
\v 14 ଆଦିଙ୍କ୍ ମାନାଡ଼୍ ପ୍ରବୁ ଜିସୁ କ୍ରିଷ୍ଟଟନ୍ କ୍ରୁଶତିଙ୍କ୍ ୱିଡ଼୍‍ସି ମେଣ୍ଡେ ବେଗେ ଗର୍ବ ମାଡ଼ାନାଦ୍ ନାୟାଗାଙ୍କ୍ ଜେକେ ମାନି; ଅନ୍‌ ତଡ଼୍ ନାନ୍‍ ଜଗତ୍ ସେଙ୍ଗେ ନୁ ଜଗତ୍ ନା ସେଙ୍ଗେ କ୍ରୁଶତାଗ୍ ଡଲିମିନ୍ଦେ । 
\v 15 ବାତେଙ୍କ୍ ଇତ୍କେ ସୁନ୍ନତ କି ଅସୁନ୍ନତ ବାତେ ମିକା ଆୟ, ଆଦିଙ୍କ୍ ପୁଃନାଦ୍ ତିଆର୍‍ ଆତ୍‍କେ ସାୟେ । 
\v 16 ମେଣ୍ଡେ ବେସ୍‍କ୍‍ତୁଡ଼୍‍ ନାରୁଡ଼୍ ଇଦ୍ ନିୟମ୍ ଇସାପ୍‍ତେ ଚାଲେମ୍ ଆଦ୍‍ତଡ଼୍, ଅଡ଼୍‌ ପର ନୁ ଇଶ୍ୱର୍‌ତେ ଇସ୍ରାଏଲ୍ ପର ଶାନ୍ତି ନୁ ଦୟା ଆୟି ।
\p
\v 17 ନେଟ୍‍ଟେ କଞ୍ଚ୍ ମେଣ୍ଡେ ବେନ ନାକିଂଙ୍କ୍ ତିପାଲ୍ ଆୟ୍‍ମାକି, ବାତେଙ୍କ୍ଇତ୍‍କେ ନାନ୍ ନା ମେନ୍ଦୁଲ୍‍ତାଗ୍ ଜିସୁନ୍ ଦେବ୍‍ ଚିହ୍ନେ ପୟ୍‍ସ୍‍ମିନ୍ଦେନ୍‍, ଆଗାଙ୍କ୍ ତନ୍ଦୁତ୍‍ ଯେ, ନାନ୍ ଜିସୁନ୍ କ୍ରିତଦାସ ।
\p
\v 18 ଆ ଦାଦାଲଡ଼ି ନୁ ହେଲାସ୍କ୍ ନଡ଼ି, ମାନ୍‍ ପ୍ରବୁ ଜିସୁ କ୍ରିଷ୍ଟଟନ୍ ଅନୁଗ୍ରହ ମିୟାଦ୍ ଜିୱେତ୍ ତଡ଼୍ ମାନି । ଆମେନ୍‍ ।