\id EPH - Koya
\ide UTF-8
\h ଏଫିସିୟ
\toc3 ଏଫିସିୟ
\toc2 ଏଫିସିୟ
\toc1 ଏଫିସିୟଡ଼୍‌ ଗାର୍ରେ ପାଉଲ୍‌ତାଦ୍‌ ଚିଟି
\mt2 ଏଫିସିୟମାନଙ୍କ ନିକଟକୁ ପାଉଲଙ୍କ ପତ୍ର
\mt1 ଏଫିସିୟଡ଼୍‌ ଗାର୍ରେ ପାଉଲ୍‌ତାଦ୍‌ ଚିଟି
\imt ଏଫିସିୟ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ଏଫିସି ମଣ୍ଡଲି ଗାର୍ରେ ପାଉଲ୍‍ତେ ଚିଟି ପାଉଲ୍‍ତେ ତଡ଼୍‍ ଆଦ୍‍ପାର୍‍ତେ ୬୦ କ୍ରିଷ୍ଟାଦ୍ଦ ଲୋପେ କଲସିୟ ମଣ୍ଡଲି ଗାର୍ରେ ଲେକାନ୍‍ ସମୟ୍‍ତେ ଲେକା ଆସ୍‍ମାତ୍‍ତେ । ଲେକାନଣ୍ଡ୍‍ ଅଣ୍ଡ୍‌‍ ନିଜେ ପ୍ରେରିତ୍‍ ପାଉଲ୍‍ ଇଞ୍ଜ ପରିଚୟ୍‍ ଇଦ୍‍ତଣ୍ଡ୍‍ \xt ୧:୧\xt* । ଯଦି କଲସିୟ ବଇତାଗ୍‍ ନିଜର୍‍ ନମସ୍କାର୍‍ ଇଲୁକ୍‍ ଗାଲା ନାର୍ଗେ ପଣ୍ଡିତ୍‍ ଏଫିସି ବଇତିଙ୍କ୍‍ ପାଉଲ୍‍ ଲେକ୍‍ତଣ୍ଡ୍‍ ଇଞ୍ଜ କେତୁତଡ଼୍‍ । ଇଦ୍‍ କାରନ୍‍ ମାୟ୍‍ଦିଙ୍କ୍‍ ଆଦ୍‍ପାର୍‍ତେ ସାର୍ରେ ମଣ୍ଡଲିନାଗ୍‍ ଚିଟି ତୁଃଉସାନ୍‍ ଉଦେଶ୍ୟ ନେଃଏସ୍‍ ଲେକା ଆସ୍‍ମାନ୍ତେ । ପାଉଲ୍‍ ଇଦ୍‍ ଗାଲା ଲେକିମିନ୍ଦେଣ୍ଡ୍ ଯେ ଅଣ୍ଡ୍‌‍ ଇଦ୍‍ ଚିଟି ଲେକାନ୍‍ ୱେଲେ ବନ୍ଦିତାଗ୍‍ ମାତ୍‍ତଣ୍ଡ୍‍ \xt ୩:୧; ୪:୧; ୬:୨୦\xt* । ପାଉଲ୍‍ ତୁକିକତିଙ୍କ୍‍ ଏଫିସି ମଣ୍ଡଲିତାଗ୍‍ ରହସ୍ ଅନ୍‌‍ କାୟ୍‍ଦେ ଇଦ୍‍ ଚିଟି ରହସ୍‍ ମାତ୍‍ତଣ୍ଡ୍‍ \xt ୬:୧-୭\xt* ।
\ip ଏଫିସି ଏସିଆ ମାଇନର୍‍ତେ ଅଣ୍ଡୟ୍‌‍ ବାଡ଼୍‍ୟାଦ୍‍ ଟାୱୁନ୍‍ ନୁ ରାଜ୍‍ଦାନୀ ମାତ୍‍ତେ । ଏଫିସି ଗ୍ରୀକ୍‍ ଦେୟାମ୍‍ ଆର୍ତେମୀତାଦ୍‍ ଉପାସନା ମେଣ୍ଡେ ଇଦିନ୍‍ ମନ୍ଦିର୍‍ ସେଙ୍ଗେ ବିକ୍ୟାତ୍‍ ଆତ୍‍ତେ \xt ପ୍ରେରିତ ୯:୨୩-୩୧\xt* । ଏଫିସି ମଣ୍ଡଲି ମୁନେନ୍‍ ଡୁଟାଙ୍ଗ୍‍ ମାତ୍‍ତେ ଇତ୍‍କେ ପେର୍କେ ପିନ୍ଦ ଆତ୍‍ତେ ପ୍ରକାଶିତ୍‌ \xt ୨:୧-୭ \xt*। ପାଉଲ୍‍ ତାନ୍‍ ଲେକ୍‍ତାଗ୍‍ ଦୁଡ଼େ ଜାଗେତାଗ୍‍, ଇଶ୍ୱର୍ ବେଲା ତାନ୍‍ ନାରୁଡ଼୍‍କିଙ୍କ୍ ଏଞ୍ଚ୍‍ତଣ୍ଡ୍ ମେଣ୍ଡେ ବେଲା ଜିସୁନ୍‍ ଇସ୍‍ ପାପାମ୍‍ତାଗାଙ୍କ୍‍ ରକ୍ଷା ମାଡ଼୍‍ତଣ୍ଡ୍‍ ଆଦ୍‍ ବୁଜା ମାଡ଼୍‍ତଣ୍ଡ୍‍ । ପାଉଲ୍‍ ମଣ୍ଡଲିତିଙ୍କ୍‍ ମେନ୍ଦୁଲ୍‍ତଡ଼୍‍ ତୁଲ୍‍ନା ମାଡ଼ି କ୍ରିଷ୍ଟ ଇଦିନ୍‍ ତାଲ୍‌ଲେ ମେଣ୍ଡେ ମୂଲେତାଦ୍‍ ଡୁଟାଙ୍ଗ୍‍ କାଲ୍‍ ବେନନ୍ ତଡ଼୍‍ କାୟ୍‍ଲି ଅଣ୍ଡୟ୍‌‍ତଡ଼୍‍ ପେର୍ସୁତାଡ଼୍‍ । ପାଉଲ୍‍ତେ ଚିଟି ଦୁଡ଼େ ଜାଗାତାଗ୍‍ କ୍ରିଷ୍ଟିୟାନ୍‍ ଜିୱୁଣ୍ଡ୍‍ ବିଷୟ୍‍ତେ ନିର୍ଦ୍ଦେଶ୍‍ ଇତ୍‌ତଣ୍ଡ୍‌‍ ।
\iot ବଇତ୍‍ ଲପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ପାଉଲ୍‍ତେ ନମସ୍କାର୍‍ ମେଣ୍ଡେ ପରିଚୟ୍‍ ଇଦାନାଦ୍‍ । \ior ୧:୧-୨\ior*
\io1 ୨. କ୍ରିଷ୍ଟନ୍‍ ତଡ଼୍‍ ମଣ୍ଡଲିତେ ସମ୍ପର୍କ । \ior ୧:୩–୩:୨୧\ior*
\io1 ୩. କ୍ରିଷ୍ଟିୟାନ୍‍ ଜିୱୁଣ୍ଡ୍‍ ବାଦ୍‍କାନାଦ୍‍ ଆର୍ର୍ । \ior ୪:୧–୬:୨୦\ior*
\io1 ୪. ପାଉଲ୍‍ତେ ମାଡ଼େଙ୍କ୍‌ତାଦ୍‍ ନମସ୍କାର୍‍ । \ior ୬:୨୧-୨୪ \ior*
\c 1
\p
\v 1 \x + \xo ୧:୧ \xo*\xt ପ୍ରେରିତ ୧୮:୧୯-୨୧; ୧୯:୧.\xt*\x*ଇଶ୍ୱର୍‌ତେ ଇଚ୍ଛା ଲେକାମ୍ କ୍ରିଷ୍ଟ ଜିସୁନ୍ ୱେରଣ୍ଡ୍ ପ୍ରେରିତ୍ ଶିଷ୍ୟ ଲେକାମ୍ ନିଯୁକ୍ତି ଆସ୍‍ମାନ୍ଦାନ୍ ପାଉଲ୍, ଜିସୁ କ୍ରିଷ୍ଟନ୍ ତଡ଼୍ କାଇଲି ମିକା ବିଶ୍ୱାସ୍‍ତେ ବାଦ୍‍କମାନ୍ଦାନ୍ ଏଫିସିତେ ଇଶ୍ୱର୍‌ତେ ନାରୁଡ଼୍ ପାକେ ଲେକିମାନ୍ଦାନ୍ ଇଦ୍ ଚିଟି, 
\v 2 ମାନ୍‍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ମିକିଂଙ୍କ୍ ଅନୁଗ୍ରହ ନୁ ଶାନ୍ତି ଇୱିଣ୍ଡ୍ ।
\s ଆତ୍ମିକ୍ ଆର୍ଶିବାଦ୍‍
\p
\v 3 ଦନ୍ୟ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ । ବାତେଙ୍କ୍‍ଇତ୍କେ ଅଣ୍ଡ୍‌ ମାନ୍‍ କ୍ରିଷ୍ଟନ୍‍ତଡ଼୍ କାଲ୍‍ପି ସ୍ୱର୍ଗ ନାରିନ୍ ସାରେ ଆତ୍ମିକ୍ ଆର୍ଶିବାଦ୍ ମାଡ଼୍‍ତନ୍ । 
\v 4 କ୍ରିଷ୍ଟନାଗ୍‍ କାୟ୍‍ଲି ମାନାଡ଼୍‍ ବେଲା ଇଶ୍ୱର୍‌ତେ ନାରୁଡ଼୍‍ ଆଦ୍‍ତାଡ଼୍‍, ଅଦିନ୍‌ ସେଙ୍ଗେ ଜଗତ୍‍ ସୃଷ୍ଟି ଆଦାନ୍‍ ମୁନେଙ୍କ୍‍ ଅଣ୍ଡ୍‌‍ ମାନାଙ୍କ୍‍ ଏଞ୍ଚି ମିନ୍ଦେଣ୍ଡ୍‍ । ଆଦିଙ୍କ୍‍ ଅନ୍‌‍ ପ୍ରେମତେ ମାନାଡ଼୍‍ ଅନ୍‌‍ ମୁନ୍ନେ ପବିତ୍ର ନୁ ନିର୍ଦୋଷ୍‍ ଆତ୍‍ତାଡ଼୍‍ । 
\v 5 ଜିସୁ କ୍ରିଷ୍ଟନ୍ ତଡ଼୍‍ ଅଣ୍ଡ୍‌ ମାନାଙ୍କ୍‍ ତାନ୍ ପିଲାନ୍ ଲେକାମ୍ ଗ୍ରହନ୍ ମାଡ଼ାନଙ୍କ୍ ଆଲ୍‍ସି ମାତ୍‍ତଣ୍ଡ୍‍; ଇଦେକେ ମାତ୍‍ତେ ଅନାଦ୍‌ ୱେଡ଼୍‍କ୍‍ ନୁ ଇଚ୍ଛା । 
\v 6 ଇଶ୍ୱର୍‌ତେ ପ୍ରେମତାଦ୍ ଅନୁଗ୍ରହ ସେଙ୍ଗେ ନୁ ତାନ୍ ପ୍ରିୟ ମାର୍‍ଦିଙ୍କ୍ ବିନା ମୁଲ୍ୟବାନ୍‍ ଦାନ ଲେକାମ୍ ପାଏମ୍ ଆସ୍‍ମାନ୍ଦାନ୍ ମାୟ୍‍ଦିଙ୍କ୍‍, ମାମ୍‍ମେ ଇଶ୍ୱର୍‌ତିଙ୍କ୍‍ ଦନ୍ୟବାଦ୍ ମାଡ଼ୁତମ୍ । 
\v 7 \x + \xo ୧:୭ \xo*\xt କଲସୀୟ ୧:୧୪.\xt*\x*କ୍ରିଷ୍ଟ ଡଲ୍‍ତାଙ୍କ୍ ମାନାଡ଼୍‍ ମୁକ୍ତି ପାଏମ୍‍ଆତ୍‍ତାଡ଼୍, ଅର୍ତାତ୍‍ ମାନ୍‍ୱାଦ୍‍ ସାର୍ରେ ପାପ୍ କ୍ଷମା ଆତ୍‍ତେ । ଇଶ୍ୱର୍‌ତେ ଅନୁଗ୍ରହ ବେସର୍‍ ମହାନ୍ ! 
\v 8 ଆଦ୍ ଅଣ୍ଡ୍‌ ମାନାଙ୍କ୍‍ ନାର୍ଗେ ଇତ୍‌ତଣ୍ଡ୍‌‍ । 
\v 9 ଇଶ୍ୱର୍ ତା‍ନ୍ ବୁଦ୍‍ତେ ନୁ ଜିୱୁନ୍‍ତେ ପୁନ୍ଦାନାଦିନ୍ ତଡ଼୍‍ ବାତ୍‍ ଆଲ୍‍ସି ମାଡ଼ିମାତ୍‍ତନ୍, ଆଦ୍ ପୁରା ମାଡ଼୍‍ତଣ୍ଡ୍, ମେଣ୍ଡେ ଆଦ୍ କ୍ରିଷ୍ଟନ୍‍ ସାହାଯ୍ୟତେ ବେନେ ମିଞ୍ଜ୍‍ତାଦ୍‍ ଆଲ୍‍ସି ମାତ୍‍ତଣ୍ଡ୍‍ ଆଦ୍‍ ମାନ୍‍ ଗାର୍ରେ କେସ୍‍ମିନ୍ଦେନ୍ । 
\v 10 ଆଦ୍ ଆଲ୍‍ସ୍‍ତାଦ୍‍ ଲେକାମ୍ ସ୍ୱର୍ଗ ନୁ ପୃତିବିତେ ସାରେ ତିଆର୍ ବିଷୟ ଅଣ୍ଡୟ୍‌‍ ଆଦ୍‍ତେ ନୁ କ୍ରିଷ୍ଟ ଆୱୁ ସାରେତଡ଼୍ ତାଲେ ଲେକାମ୍ ମାନ୍‍ତା ଇଦ୍ ଆଲ୍‍ସାନାଦ୍ ଇଶ୍ୱର୍ ଲେକାମ୍ ସମୟ୍‍ତେ ପୁରା ମାଡ଼ିତନ୍ ।
\p
\v 11 ସାରେ ବିଷୟ ଇଶ୍ୱର୍‌ତେ ଯୋଜନା ନୁ ନିଷ୍ପତ୍ତି ଲେକାମ୍ ତିଆର୍ ଆଦ୍‍ତେ; ମୁନେକଞ୍ଜ୍ ତିଆର୍ ନିଜେତ୍ ଉଦ୍ଦେଶ୍ୟତେ ସାଦନ୍‍ ସେଙ୍ଗେ, କ୍ରିଷ୍ଟନ୍ ତଡ଼୍ ଅନାଦ୍‌ ନିଜେତ୍ ନାରୁଡ଼୍ ଆଦାନ୍ ସେଙ୍ଗେ ଇଶ୍ୱର୍ ମାନାଙ୍କ୍‍ ହେଞ୍ଚିମିନ୍ଦେନ୍ । 
\v 12 ୱାଡ଼ାଟ୍, ବେନଡ଼୍ ସାରେତିଙ୍କ୍ ମୁନେ କ୍ରିଷ୍ଟନାଗେ ଆଶେ ନେହେସ୍ ମାତ୍‍ତମ୍, ସାରେତଡ଼୍ ଇଶ୍ୱର୍‌ତେ ମହିମା କିର୍ତ୍ତନ୍ ମାଡ଼ିକା । 
\v 13 ମିଡ଼୍ ଆନ୍‌‍ତେ ବେସୁଙ୍କ୍‍ ପରିତ୍ରାଣ୍ ଦର୍ସିକି ଆତ୍‍କେ ଇଦ୍ ସୁସମାଚାର୍‍ତେ ସତ୍‍ଗଟ୍ କେଞ୍ଜ୍‍ତିଡ଼୍, ଆଦ୍ ସମୟ୍‍ତେ ଇଶ୍ୱର୍‍ତଡ଼ି ଆଦ୍‍ତିଡ଼୍ । ମିଡ଼୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ନାଙ୍କ୍, ଇଶ୍ୱର୍ ତାନ୍ ପ୍ରତିଜ୍ଞା ଲେକାମ୍ ପବିତ୍ରଆତ୍ମାନ୍ ଦାନ ମାଡ଼ି ମିଇ ପରୁ ଅନାଦ୍‌ ସତ୍‍ ଚିଃନେ ମାଡ଼ି ନିଜର୍‍ ମାଡ଼୍‍ତଣ୍ଡ୍ । 
\v 14 ଇଶ୍ୱର୍ ତାନ୍ ନାରୁଡ଼୍‍କିଂଙ୍କ୍ ବେନ୍ ସାରେ ବିଷୟ ଇଦାନ୍ ସେଙ୍ଗେ ପ୍ରତିଜ୍ଞା ମାଡ଼୍‍ତଣ୍ଡ୍, ଆଦ୍ ସାରେ ଯେ ମାନାଡ଼୍ ଦର୍ସିକିତାଡ଼୍, ପବିତ୍ରଆତ୍ମା ଆଦିନାଦ୍ ନିଜାମ୍‍ ମାଡ଼ିତାନ୍‍ ଇଞ୍ଜ କେତ୍‍ତଣ୍ଡ୍‍ । ଇଶ୍ୱର୍ ତାନ୍ ନାରୁଡ଼୍‍କିଂଙ୍କ୍ ସ୍ୱାଦିନତା ଇଦ୍‍ତଣ୍ଡ୍‍, ଇଦ୍ ନିଜାତେ ଆୱୁକାନ୍ ସେଙ୍ଗେ, ୱାଡ଼ାଟ୍ ଇଶ୍ୱର୍‌ତେ ମହିମା କିର୍ତ୍ତନ୍ ମାଡ଼ିକାଡ଼ାଟ୍ ।
\s ପାଉଲ୍‍ତେ ପ୍ରାର୍ତନା
\p
\v 15 ଇଦ୍ କାରନ ସେଙ୍ଗେ ପ୍ରବୁ ଜିସୁନାଗାଙ୍କ୍ ମିୟାଦ୍ ବିଶ୍ୱାସ୍ ନୁ ଇଶ୍ୱର୍‌ତେ ନାରୁଡ଼୍ ସେଙ୍ଗେ ମିୟାଦ୍ ପ୍ରେମ ମିନ୍ଦେ ଇଞ୍ଜ କେଞ୍ଜ୍‍ତେ ପେର୍କେ, 
\v 16 ମିଇ ସେଙ୍ଗେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସ ୱାଦୁତାନ୍ । ନାନ୍‍ ଗାଲା ନାୟାଦ୍‍ ପ୍ରାର୍ତନାତାଗ୍ ମିକିଙ୍କ୍ ସାରେଦାମ୍‍ ଏର୍କେ ମାଡ଼ୁତାନ୍‍ । 
\v 17 ମେଣ୍ଡେ ଗୌରବ୍‍ତନ୍ ବାବାଲ୍, ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ିତାନ୍, ବେଲା ଅଣ୍ଡ୍‌ ମିକିଂଙ୍କ୍ ପବିତ୍ର ଆତ୍ମା ଇଦ୍‍ତନ୍ । ଆଦ୍ ଆତ୍ମା ମିକିଂଙ୍କ୍ ଜ୍ଞାନ୍‍ବାନ୍ ମାଡ଼ିତେ ନୁ ଇଶ୍ୱର୍‌ତିଙ୍କ୍ ମିଇ ଗାର୍ରେ କେତିତନ୍ । ଆଲାଇତ୍‍କେ, ମିଡ଼୍ ଅଙ୍କ୍‌ ପୁନ୍ଦେ ପାର୍‍ଦ୍‍ତିଡ଼୍ । 
\v 18 ନାନ୍‍ନେ ଦନ୍ୟବାଦ୍ ମାଡ଼ିତାନ୍, ବେଲାନ୍ ଅନାଦ୍‌ ୱେସ୍ ଉଡ଼ାନ୍ ସେଙ୍ଗେ ମିୟାଦ୍‍ ଲୋପେତ୍‍ ଇଚ୍ଛା ଦାନ୍ଦେ ଆଦ୍‍ତେ । ଆଦିଙ୍କ୍‍ ବେନ୍ ଆଶେତ୍ ମାୟ୍‍ଦିଙ୍କ୍‍ ମିଡ଼୍ ଅନ୍‌‍ ତଡ଼୍ କାର୍‍ଙ୍ଗିଆସ୍‍ ୱାତ୍‍ତିଡ଼୍ । 
\v 19 ଅନ୍‌ ନାରୁନ୍ ସେଙ୍ଗେ ଅନାଦ୍‌ ପ୍ରତିଜ୍ଞାତ ମହତ୍ ଆର୍ଶିବାଦ୍‍ତଡ଼୍ ଯେ ବେସର୍ ନାର୍‍ଗେ ନୁ ମା ଲେକାମ୍ ବିଶ୍ୱାସୀନଡ଼୍ ପାକେ ଅନାଦ୍‌ ସକ୍ରିୟ ଶକ୍ତି ଯେ ବେସର୍ ମହାନ୍, ଆଦ୍ ମିଡ଼୍ ପୁନ୍‍ତିଡ଼୍ । 
\v 20 ଇଞ୍ଜେ, ମାନାଗେ ଇସ୍ ମାନ୍ଦାନ୍ ଆଦ୍‍ ଶକ୍ତି ତଡ଼୍ କେ ଇଶ୍ୱର୍ କ୍ରିଷ୍ଟଙ୍କ୍ ଡଲ୍‍ତାଗାଙ୍କ୍ ତେସ୍ ମିକା ଅଂକିଙ୍କ୍‌ ସ୍ୱର୍ଗିୟ ନାରୁଡ଼୍‍ତେ ନିଜର୍‍ ତିନ୍ଦେପାକେ କୁସ୍‍ପି ମିନ୍ଦେନ୍ । 
\v 21 କ୍ରିଷ୍ଟ ସାରେତଡ଼୍ ସ୍ୱର୍ଗତେ ଶାସକ, କ୍ଷମତା ଅଦିକାରି, ଶକ୍ତିତଡ଼୍ ନୁ ଅଦିପତିନଡ଼୍ ପରୁ ଶାସନ୍‍ ମାଡ଼ିତନ୍, ଆଦ୍ ନାରୁଡ଼୍ ନୁ ୱେରେ ନାରୁଡ଼୍‍ତେ କ୍ଷମତା ଇଦାନ୍ ସାରେତଡ଼୍ ପାଡ଼୍‍ୟି ୱିଡ଼୍‍ସି ଅନାଦ୍‌ ପାଡ଼୍‍ୟି ସାରେତିଙ୍କ୍‍ ବେଡ଼୍‍ୟେ । 
\v 22 \x + \xo ୧:୨୨ \xo*\xt କଲସୀୟ ୧:୧୮.\xt*\x*ଇଶ୍ୱର୍ ସାରେ ବିଷୟ କ୍ରିଷ୍ଟନ୍ ଡେକେତ୍ ମଦଲ୍ ନେହେତ୍‍ତନ୍ ନୁ ସାରେ ବିଷୟ ପରୁ ଅଂକିଙ୍କ୍‌ ସାରେତିଙ୍କ୍‍ ବେଡ଼୍‍ୟେ ପ୍ରବୁ ଲେକାମ୍ ମଣ୍ଡଲିତାଗ୍ ଇତ୍‍ତନ୍ । 
\v 23 ମଣ୍ଡଲି କ୍ରିଷ୍ଟନ୍ ମେନ୍ଦୁଲ୍; ମଣ୍ଡଲି ତଡ଼୍ କ୍ରିଷ୍ଟନ୍ କାମ୍‍ତେ ସାରେ ପୁରା ଆଦ୍‍ତେ; ମେଣ୍ଡେ କ୍ରିଷ୍ଟ ସାରେ ବିଷୟ ପୁରା ମାଡ଼ିତନ୍ ।
\c 2
\s ଡଲିମାଞ୍ଜ୍‍ ଜିୱେ ଆଦାନାଦ୍‍
\p
\v 1 \x + \xo ୨:୧ \xo*\xt କଲସୀୟ ୨:୧3.\xt*\x*ମିୟାଦ୍ କେଞ୍ଜ୍‍ୱାଦ୍ ନୁ ପାପ୍ ସେଙ୍ଗେ ମୁନେଙ୍କ୍ ଦିନାମ୍‍ତେ ଡଲାନାଦ୍ ମାତ୍‍ତେ । 
\v 2 ଆଦ୍ ସମୟ୍‍ତେ ମିଡ଼୍, ବେନ୍ ଆତ୍ମା ଇଞ୍ଜେ ମିକା ବୁଦ୍‍ଇଲ୍‍ୱେ ପିଲାନାଗ୍ ପାଡ଼୍‍ୟି ମାଡ଼୍‍ତଣ୍ଡ୍, ଆଦିନ୍ ଇଚ୍ଛାଲେକାମ୍ ମିଡ଼୍‍ଆନ୍‌ନ୍ତେ ମୁନେଙ୍କ୍‍କଞ୍ଜ୍ ପାଲନ୍ ମାଡ଼ଡ଼୍‍ ଅପରାଦ୍‌ତେ ନୁ ପାପତେ ଡଲିମାତ୍‍ତିଡ଼୍ । 
\v 3 ଆଦ୍‍ଲେକାମ୍ ମାମ୍‍ମେ ସାରେତମ୍ ଅଡ଼୍‌‍ପୁଟୁଙ୍କ୍ ମାତ୍‍ତମ୍ ନୁ ମେନ୍ଦୁଲ୍ ନୁ ମନ୍‍ଦେ ଅବିଲାଷତିଙ୍କ୍ ବ୍ୟବହାର୍‌ ମାଡ଼ି ବାଦ୍‍କମାତ୍‍ତମ୍ । ସମ୍ଭବତଃ, ବାଗାତଡ଼୍ ଲେକାମ୍ ମାମ୍‍ମେ ମିକା ଇଶ୍ୱର୍‌ତେ କପାମ୍‍ତେ ପରିମାଣ ବୋଗ୍ ମାଡ଼ାନଙ୍କ୍ ଆଞ୍ଜମାତ୍‍ତମ୍ । 
\v 4 ଇତ୍‍କେ ଇଦ୍‍ଲେକାମ୍ କାରାପ୍‍ତେ ଡଲ୍‍କେ କେ ଦୟାତଣ୍ଡ୍‍ ଯେ ଇଶ୍ୱର୍, ଅଣ୍ଡ୍‌ ମାନ୍‍ ବେନ୍ ନାର୍‍ଗେ ପ୍ରେମତଡ଼୍‍ ପ୍ରେମ ମାଡ଼୍‍ତଣ୍ଡ୍ । 
\v 5 ଆଦିନ୍ ସେଙ୍ଗେ ମିକିଂଙ୍କ୍ କ୍ରିଷ୍ଟନ୍ ତଡ଼୍ ଜିୱେ ମାଡ଼୍‍ତନ୍, ଅନୁଗ୍ରହ ତଡ଼୍‍ ମିକିଂଙ୍କ୍‍ ପରିତ୍ରାଣ୍ ପାଏମ୍‍ ଆତ୍‍ତିଡ଼୍ । 
\v 6 କ୍ରିଷ୍ଟ ଜିସୁନ୍‍ତଡ଼୍ ୱେରଡ଼୍ ଆତ୍‍ତେ ପେର୍‍କେ ଅନ୍‌‍ତଡ଼୍ ସ୍ୱର୍ଗତାଗ୍ ରାଜ୍‍ମାଡ଼ାନ୍ ସେଙ୍ଗେ ଅଣ୍ଡ୍‌ ମାନାଙ୍କ୍‍ ମିକା ତେଏସ୍ ମିନ୍ଦେନ୍ । 
\v 7 ଜିସୁ କ୍ରିଷ୍ଟନାଗେ ଇସ୍‍ମାନ୍ଦାନ୍ ପ୍ରେମତେ ଅନାଦ୍‌ ଅନୁଗ୍ରହତେ ଶାନ୍ତି ମହତ୍ୱ ଯୁଗ୍‍ଯୁଗ୍ ସାରେଦିନା ମାଡ଼ାନ୍ ସେଙ୍ଗେ ଇଶ୍ୱର୍ ଇଦ୍‍ ମାଡ଼୍‍ତଣ୍ଡ୍ । 
\v 8 ବାତେଙ୍କ୍‍ଇତ୍କେ ଅନୁଗ୍ରହତେ ବିଶ୍ୱାସ୍ ତଡ଼୍ ମିଡ଼୍ ପରିତ୍ରାଣ୍ ଦର୍ସିକି ଆସ୍ ମିନ୍ଦେଡ଼ି; ଆଦ୍ ମିୟାଗାଙ୍କ୍ ନିଜେତ୍ ଲୋପେଙ୍କ୍ ଆୟ୍‍ୟ, ଆଦ୍ ଇଶ୍ୱର୍‌ତେ ଦାନ । 
\v 9 ଆଦିଙ୍କ୍‍ ଇଦ୍‍ ବିଷୟ୍‍ତେ ବେନ ଗର୍ବ ମାଡ଼୍‍ମାକିଣ୍ଡ୍ । 
\v 10 ମାମ୍‍ମେ ବାତେଏ ଆଦ୍‍ପାର୍‍ୱମ୍, ମାତର୍ ଇଶ୍ୱର୍‍କେ ଆଦ୍‍ ମାଡ଼୍‍ତେ; ବେନ୍ ସାରେ ସାୟେ ପାଡ଼୍‍ୟି ମାମ୍‍ମେ ମାଡ଼ିତମ୍ ଇଞ୍ଜ ଇଶ୍ୱର୍ ମୁନେଙ୍କ୍ ତିଆର୍ କିସ୍ ମାତ୍‍ତନ୍, ମାମ୍‍ମେ କ୍ରିଷ୍ଟ ଜିସୁନ୍ ତଡ଼୍ କାଇଲି ମାନ୍ଦାନ୍ ସେଙ୍ଗେ ମା ଜିୱେତାଗ୍ ଆଦ୍ ସାରେ ଆତ୍‍ତେ ।
\s କ୍ରିଷ୍ଟନାଗ୍‍ ଅଣ୍ଡୟ୍‌‍
\p
\v 11 ନିଜର୍‍ ମୁନେଙ୍କ୍‍ତେ ଦିନାମ୍‍ ଏର୍କା ମାଡ଼ାଟ୍, ଜାତିତାଗ୍ ମିଡ଼୍ ଅଣଇହୁଦି ମାତ୍‍ତିଡ଼୍, ନିଜେତିଙ୍କ୍ “ସୁନ୍ନତ୍,” କେସ୍‍ମାନ୍ଦାନ୍ ଇହୁଦିଡ଼୍ ମିକିଂଙ୍କ୍ “ଅସୁନ୍ନତ,” କେତିତଡ଼୍‍ । ଇଦ୍ ମାତର୍‌ ୱେରଡ଼୍ ମେନ୍ଦୁଲ୍‍ତେ ଅବସ୍ଥାତିଙ୍କ୍ ପୁନ୍ଦାଙ୍କ୍ଆଦ୍‍ତେ । 
\v 12 ମୁନେ ମିଡ଼୍ କ୍ରିଷ୍ଟନାଗାଙ୍କ୍ ଯେକା ମାତ୍‍ତିଡ଼୍, ମିଡ଼୍ ବିଦେଶି ମାତ୍‍ତିଡ଼୍ ନୁ ଇଶ୍ୱର୍‌ତେ ହେଞ୍ଚ୍‍ତେ ଜାତିତାଗ୍ କାଇଲ୍‍ୱେ ମାତ୍‍ତିଡ଼୍ । ଇଶ୍ୱର୍ ତାନ୍ ନାରୁଡ଼୍ ସେଙ୍ଗେ ମାଡ଼ିମାନ୍ଦାନ୍ ପ୍ରତିଜ୍ଞା ପରୁ ତିଆର୍ ନିୟମ୍‍ତେ ମିୟାଦ୍ ବେନେବା କାଇଲ୍‍ୱେ ମାତ୍‍ତେ । ଆଶେ ଶୁନ୍ୟ ନୁ ଇଶ୍ୱର୍ ବିହିନ ଆସ୍ ମିଡ଼୍ ଜଗତ୍‍ତାଗ୍ ମାଞ୍ଜମାତ୍‍ତିଡ଼୍ । 
\v 13 ଆଦେଲେକାମ୍ ଯେକା ମାତ୍‌ତିଡ଼୍; ଇଞ୍ଜେ ଜିସୁନ୍‍ତଡ଼୍ ଅଣ୍ଡୟ୍‌‍ ଆସ୍ କ୍ରିଷ୍ଟନ୍ ଡଲ୍‍ତାଦ୍ ସେଙ୍ଗେ ଗାର୍‍ରେ ହେଉସ୍ ମିନ୍ଦେ । 
\v 14 ବାତେଙ୍କ୍‍ଇତ୍କେ ଇହୁଦି ନୁ ଅଣଇହୁଦିଡ଼୍ ୱେରଡ଼୍ ମାଡ଼ି କ୍ରିଷ୍ଟ ନିଜେ ମାନାଙ୍କ୍‍ ଶାନ୍ତି ଇସ୍‍ମିନ୍ତେନ୍ । ଅଡ଼୍‌‍କିଂଙ୍କ୍ ଡୁଟାଙ୍କ୍ ମାଡ଼ି ନିଜେ ନିଜେ ଶତ୍ରୁଡ଼୍ ଲେକାମ୍ ନେହେସ୍ ମାନ୍ଦାନ୍ ନେଟେତିଙ୍କ୍ ଅଣ୍ଡ୍‌ ତାନ୍ ନିଜେତ୍ ମେନ୍ଦୁଲ୍ ତଡ଼୍ ଉୱୁତନ୍ । 
\v 15 \x + \xo ୨:୧୫ \xo*\xt କଲସୀୟ ୨:୧୪.\xt*\x*ଅଡ଼୍‌ ଇହୁଦିନଡ଼୍ ସାରେ ବିଦିବିଦାନ୍ ସାର୍‌ରେ ବ୍ୟବସ୍ଥାତିଙ୍କ୍‍ ଉଚ୍ଛେଦ ମାଡ଼ି ଇହୁଦିଡ଼୍ ନୁ ଅଣଇହୁଦିଡ଼୍ ଆଗାଙ୍କ୍ ଅଡ଼ାଦ୍‌ ସାହାଯ୍ୟ ମାଡ଼ମାନ୍ଦାନ୍ ୱେରଡ଼୍ ପୁଃନେ ମାନବ୍ ଜାତି ତିଆର୍ ମାଡ଼୍‍ତଣ୍ଡ୍ । ଆଗେ ପୃତିବିତାଗ୍ ଶାନ୍ତି ତିଆର୍ ଆଦ୍‍ତେ । 
\v 16 \x + \xo ୨:୧୬ \xo*\xt କଲସୀୟ ୧:୨୦.\xt*\x*କ୍ରୁଶତାଗ୍ ଅନାଦ୍‌ ଡଲ୍‍ତେ ସେଙ୍ଗେ କ୍ରିଷ୍ଟ ଆ ଯିହୁଦିଡ଼୍‍ ନୁ ଯିହୁଦିଡ଼ାଗ୍‍ ମାନ୍ଦାନାଦ୍ ଶତ୍ରୁତିଙ୍କ୍ ମାପିମିନ୍ଦେନ୍; କ୍ରୁଶତଡ଼୍ ଅଣ୍ଡ୍‌ ୱେରେ ଜାତିତିଙ୍କ୍ ସମ୍ମିଲତ ମାଡ଼ି, ୱେରଡ଼୍ ମେନ୍ଦୁଲ୍ ଲେକାମ୍ ମାଡ଼୍‍ତଣ୍ଡ୍ ନୁ ଇଶ୍ୱର୍‌ତେ ପାକେ ଅଡ଼୍‌‍କିଂଙ୍କ୍ ମାଲ୍‍ପି ତାତ୍‍ତନ୍ । 
\v 17 ଆଦିନ୍ ସେଙ୍ଗେ କ୍ରିଷ୍ଟ ୱାସ୍‍ମାତ୍‍ତନ୍ ନୁ ଇଶ୍ୱର୍‌ତାଗାଙ୍କ୍ ଯେକା ଆଞ୍ଜ୍‍ମାନ୍ଦାନ୍ ଅଣଇହୁଦୀଡ଼୍ ନୁ ଅନ୍‌ ଗାର୍‍ରେ ତଡ଼୍ ଇହୁଦିଡ଼୍ ପାକେ ସୁସମାଚାର୍ କେସ୍‍ମାତ୍‍ତନ୍ । 
\v 18 କ୍ରିଷ୍ଟନ୍ ତଡ଼୍ କେ ଇହୁଦି ନୁ ଅଣଇହୁଦିଡ଼୍ ସାରେତଡ଼୍ ଅଣ୍ଡୟ୍‌ ଆତ୍ମାତେ ବାବାନ୍ ମୁନେ ୱାଦାନ୍ ସେଙ୍ଗେ ସାହାସ୍‍ ଆତ୍‍ତମ୍ । 
\v 19 ଆଦିନ୍ ସେଙ୍ଗେ ହୋ ଇହୁଦିନଡ଼ି, ମିଡ଼୍ ମେଣ୍ଡେ ବିଦେଶି ବା ନାରୁଡ଼୍‌ ଆୟ୍‍ୟ, ଇଞ୍ଜେ ଇଶ୍ୱର୍‌ତେ ନାରୁଡ଼୍‍ତଡ଼୍ କାଇଲି ମିଡ଼୍ ଆନ୍‌‍ତେ ତାନ୍ ରାଜ୍ୟତେ ନାରୁଡ଼ି ନୁ ତାନ୍ ପରିବାର୍‍ତେନଡ଼ି ଆତ୍‍ତିଡ଼୍‍ । 
\v 20 ମିଡ଼୍ ଆନ୍‌‍ତେ ପ୍ରେରିତ୍ ଶିଷ୍ୟ ନୁ ବାବବାଦିନଡ଼୍ ତଡ଼୍ ତିଆର୍ ଆଶେ ମାନ୍ଦାନ୍ ବିତ୍ତିମୁଲ ପରୁ ତିଆର୍‍ତେ ଲେକାମ୍ । ଆଦ୍ ଲୋତେ ମୁଲେତ୍‍ କାଲ୍‍ ନିଜେ ଜିସୁ କ୍ରିଷ୍ଟ । 
\v 21 ଅଣ୍ଡେକେ ମାତର୍ ଇଦ୍ ଲତ୍‌ତିଙ୍କ୍ କାଲ୍‌ପି ନେହେତିତନ୍ ନୁ ପ୍ରବୁନ୍ ସେଙ୍ଗେ ୱେରଡ଼୍ ଉତ୍ସର୍ଗିତ ପବିତ୍ର ମନ୍ଦିର୍ ଲେକାମ୍ ଡୁଟାଙ୍ଗ୍‍ ମାଡ଼ିତନ୍ । 
\v 22 ଅନାଦ୍‌ ଶକ୍ତିତଡ଼୍ ମିଡ଼୍‍ ଆନ୍‌ତେ ବାଗାତ୍ ସାରେତଡ଼ାଦ୍‍ ତଡ଼୍‍ ଆତ୍ମା ଲେକାମ୍ ଇଶ୍ୱର୍‌ତେ ମାନ୍ଦାନ୍‍ ସେଙ୍ଗେ ୱେରଡ଼୍ ଲନ୍‍ ଲେକାମ୍ ତିଆର୍ ଆତ୍‍ତେ ।
\c 3
\s ଅଣଯିହୁଦିଡ଼୍‍ ମାଇଦିଙ୍କ୍ ପାଉଲ୍‍ତେ ପାଡ଼ିୟି
\p
\v 1 ଇଦ୍‍ କାରନ୍‍ ମାଇଦିଙ୍କ୍ କ୍ରିଷ୍ଟ ଜିସୁନ୍‍ ମାଇଦିଙ୍କ୍ ବନ୍ଦି ଆସ୍‍ମାନ୍ଦାନ୍ ନାନ୍‍ ପାଉଲ୍‍, ମି ଲେକାମ୍‍ ଅଣଯିହୁଦୀଡ଼୍‍ ସେଙ୍ଗେ ଇଶ୍ୱର୍‌ତେ ଗାର୍‍ରେ ପ୍ରାର୍ତନା ମାଡ଼ୁତାନ୍ । 
\v 2 ମିୟାଦ୍‍ ସାୟେତ୍‍ ମାଇଦିଙ୍କ୍ ଇଶ୍ୱର୍ ଅନାଦ୍‌ ଅନୁଗ୍ରହତେ ନାକିଂଙ୍କ୍ ଯେ ଇଦ୍‌ ପାଡ଼୍‍ୟି ମାଡ଼ାଙ୍କ୍‍ ଇସ୍‍ମିନ୍ଦେଣ୍ଡ୍‍, ଇଦ୍ ନିଜାମ୍ କେଞ୍ଜ୍‍ତିଡ଼୍‍ । 
\v 3 ଇଶ୍ୱର୍ ଅନାଦ୍‌ ମିଞ୍ଜିମାନ୍ଦାନ୍‍ ଯଜନାତିଙ୍କ୍‍ କେସ୍‍ ନାକିଂଙ୍କ୍ କେସ୍‍ମିନ୍ଦେନ୍‌ ଇ ବିଷୟ୍‍ତେ ନାନ୍‍ନେ ସୁଦୁର୍‍ଇନା ଲେକୁତାନ୍‍ । 
\v 4 \x + \xo 3:୪ \xo*\xt କଲସୀୟ ୧:୨୬,୨୭.\xt*\x*ଆଦ୍ କାର୍‍କେ, କ୍ରିଷ୍ଟନ୍‍ ଲୋପେତ୍‌ ବିଷୟ୍‍ତେ ନାନ୍‍ନେ ବାତେଏ ବୁଜେମ୍ ଆତ୍‍ତାନ୍‍, ଆଦ୍ ମିଡ଼୍ ପୁନ୍ଦ୍‍ତିଡ଼୍ । 
\v 5 ମୁନେଙ୍କ୍ ନାରୁନ୍ ଗଷ୍ଠିତିଙ୍କ୍‍ ଇ ଲୋପେତ୍‌ ବିଷୟ୍‍ତେ ଲେକକଟ ମାତ୍‍ତଣ୍ଡ୍ । ଇତ୍‍କେ ଇଶ୍ୱର୍ ଇଞ୍ଜେ ଅନାଦ୍‌ ପବିତ୍ର ପ୍ରେରିତ ଶିଷ୍ୟ ନୁ ବାବବାଦିଡ଼୍‍ ଆତ୍ମାତେ ଇଦ୍ ତହଃସ୍‍ ମିନ୍ଦେଣ୍ଡ୍ । 
\v 6 ଆଦ୍ ନିଗୂଡ଼ ତତ୍ତ୍ୱ ଆଦୁତ୍‍ତେ, ସୁସମାଚାର୍‍ତେ ସେଙ୍ଗେ ଯିହୁଦିଡ଼୍ ତଡ଼୍ ଅଣଯିହୁଦୀଡ଼୍ ଆନ୍‌‍ତେ ଇଶ୍ୱର୍‌ତେ ଆର୍ଶିବାଦ୍‍ ପାଏମ୍‍ଆସ୍‍ମିନ୍ଦେଡ଼୍ । ଅଡ଼୍‌ ଆଦ୍ ୱେରଡ଼୍ ମେନ୍ଦୁଲ୍‍ତେ କାଇକ୍‌ ଡ଼େକା ନୁ ଜିସୁ କ୍ରିଷ୍ଟନ୍ ସାହାଯ୍ୟତେ ଇଶ୍ୱର୍ ଇସ୍‍ମାନ୍ଦାନ୍ ପ୍ରତିଜ୍ଞାତେ ପାଏମ୍‍ଆସ୍‍ମାନ୍ଦାନଡ଼୍ ।
\p
\v 7 ଇଶ୍ୱର୍ ଅନାଦ୍‌ ଶକ୍ତି ବ୍ୟବହାର୍‌ ମାଡ଼ି ନାକିଂଙ୍କ୍ ବେନ୍ ବିଶେଷ୍ ଦାନ ଇସ୍‍ମିନ୍ଦେଣ୍ଡ୍, ଆଦିନ୍ ମାୟ୍‍ଦିଙ୍କ୍ ନା ସୁସମାଚାର୍‍ତେ ପାଷ୍ଟରି ଆସ୍‍ମିନ୍ଦେନ୍ । 
\v 8 ନାନ୍ ଇଶ୍ୱର୍‌ତେ ନାରୁଡ଼୍ ଲୋପେଙ୍କ୍ ସାରେତଡ଼୍‌କିଂଙ୍କ୍ ସୁଦୁନଣ୍ଡ୍, ଆଗେକ୍‍ବା ଅଣଯିହୁଦିଡ଼୍ ଗାର୍‍ରେ କ୍ରିଷ୍ଟନ୍ ନାର୍‍ଗେ ସମ୍ପଦ୍‍ତେ ଗଟ୍ ପୟ୍‍ସ୍ ଆଦାନ୍ ମାୟ୍‍ଦିଙ୍କ୍ ନାକିଂଙ୍କ୍ ଇଶ୍ୱର୍ ସୁଯୋଗ୍ ଇସ୍‍ମିନ୍ଦେଣ୍ଡ୍ । 
\v 9 ଇଶ୍ୱର୍‌ତେ ଆଦ୍ ମିଞ୍ଜିମାନ୍ଦାନ୍ ଯୋଜନା ବେଦ୍‍ପୁଟୁଙ୍କ୍ ପାଡ଼୍‍ୟି ଆଦେପାର୍‍ଦ୍‍ତେ, ଆଦ୍ ସାର୍ରେତଡ଼୍‍କିଙ୍କ୍ କେତ୍‍ତାନ୍ ମାୟ୍‍ଦିଙ୍କ୍ ସବାଗ୍ୟ ପାଏମ୍ ଆତ୍‍ତାନ୍ । ସାର୍‍ରେ ବିଷୟ୍‍ତେ ତିଆର୍ କର୍ତ୍ତାଲ୍ ଇଶ୍ୱର୍ ମୁନେଙ୍କ୍ ସାର୍‍ରେ ଯୁଗ୍‍ତେ ଅନାଦ୍‌ ମିଞ୍ଜିମାନ୍ଦାନ୍‍ ସତ୍‍ତିଙ୍କ୍ ମିଞ୍ଜ୍‍ସ୍ପି ନେଃଏସ୍‍ ମାତ୍‍ତଣ୍ଡ୍, 
\v 10 ବେଦ୍‍ପୁଟୁଙ୍କ୍ ଇଞ୍ଜେତ୍ ସମୟ୍‍ତେ କ୍ରିଷ୍ଟିୟ ମଣ୍ଡଲିତେ ପାଡ଼୍‍ୟିଦେ ସ୍ୱର୍ଗତେ ଅଦିପତି ନୁ ଶକ୍ତିନଡ଼୍ ଇଶ୍ୱର୍‌ତେ ନାର୍‍ଗେ ବୁଦ୍‍ତେ ବିଷୟ୍‍ତେ ପୁରାପୁରି ବୁଜେମ୍ ଆଦ୍‍ପାର୍‍ଦ୍‍ତଡ଼୍ । 
\v 11 ଇଶ୍ୱର୍ ଅନାଦ୍‌ ସାରେଦିନାତ୍ କାଲାମ୍‍ଦେ ଇଚ୍ଛା ଲେକେମ୍‍ ମାନ୍‍ ପ୍ରବୁ କ୍ରିଷ୍ଟ ଜିସୁନ୍ ତଡ଼୍ ଇଦ୍ ପୁରା ମାଡ଼ିମିନ୍ଦେଣ୍ଡ୍ । 
\v 12 କ୍ରିଷ୍ଟନ୍ ତଡ଼୍ କାୟ୍‍ଲିମାନ୍ଦାନ୍ ମାୟ୍‍ଦିଙ୍କ୍ ନୁ ଅଂକିଙ୍କ୍‌ ବିଶ୍ୱାସ୍ ମାଡ଼ି ମାନ୍ଦାନ୍ ମାୟ୍‍ଦିଙ୍କ୍ ଆଶେତ୍‍ ଇଶ୍ୱର୍‌ତେ ମୁନ୍‍ନେ ଆଦାନ୍ ମାୟ୍‍ଦିଙ୍କ୍ ମାନାଙ୍କ୍‍ ଇଞ୍ଜେ ସାହାସ୍‍ ମିନ୍ଦେ । 
\v 13 ଆଦିନ୍ ମାୟ୍‍ଦିଙ୍କ୍ ନାୟାଦ୍ ଅନୁରଦ୍‌, ମିଇ ମାୟ୍‍ଦିଙ୍କ୍ ନା ଦୁଃକାତ୍ ମାୟ୍‍ଦିଙ୍କ୍ ମୁର୍‍ମୁରା ଆୟ୍‍ମାଟ୍, ବାତେଙ୍କ୍‍ଇତ୍‍କେ ଇୱୁସାର୍ରେ ମିଇ ସାୟେତ୍ ମାୟ୍‍ଦିଙ୍କ୍ ଆସ୍‍ମିନ୍ଦେ ।
\s କ୍ରିଷ୍ଟନ୍ ପ୍ରେମ
\p
\v 14 ଅଦିନ୍‌ ସେଙ୍ଗେ ବାବାଲ୍‍ ଇଶ୍ୱର୍‌ତେ ମୁନ୍‍ନେ ନାନ୍‍ନେ ବଟ୍‍ମିଣ୍ଡା ଉୱୁସ୍ ପ୍ରାର୍ତନା ମାଡ଼ୁତାନ୍, 
\v 15 ଆଦିନ୍ ସେଙ୍ଗେ ବେନ୍ ନାଗାଙ୍କ୍ ସ୍ୱର୍ଗ ନୁ ପୃତିବିତେ ସାର୍‍ରେ ଆନିଦାଦିଡ଼୍ ପେଦେର୍ ପାଏମ୍ ଆଦ୍‍ତଡ଼୍, 
\v 16 ନାନ୍ ପ୍ରାର୍ତନା ମାଡ଼ୁତାନ୍ ଅଣ୍ଡ୍‌ ଅନାଦ୍‌ ଆତ୍ମାତେ ଶାସକ, ଅନାଦ୍‌ ଗୌରବ୍‍ତେ ଗୁଦାମ୍‍ତାଗାଙ୍କ୍ ମିଇ ହୃଦୟତାଗାଙ୍କ୍ ପୁଜାନ୍ ମାୟ୍‍ଦିଙ୍କ୍ ଶକ୍ତି ଇଦ୍‍ତଣ୍ଡ୍ । 
\v 17 ନାନ୍ ପ୍ରାର୍ତନା ମାଡ଼ିତାନ୍ ବେଦ୍‍ପୁଟୁଙ୍କ୍ ମିଇ ବିଶ୍ୱାସ୍‍ତେ ଶକ୍ତିତେ କ୍ରିଷ୍ଟ ମିଇ ହୃଦୟ୍‍ତାଗ୍ ମାନ୍‍ତଣ୍ଡ୍ । ନାନ୍ ପ୍ରାର୍ତନା ମାଡ଼ିତାନ୍, ବେଦ୍‍ପୁଟୁଙ୍କ୍ ମିୟାଦ୍ ପାଣ୍ଡେସନ୍‌ ପ୍ରେମତେ ତିୟାର୍ ନୁ ଡୁଟାଙ୍ଗ୍ ଆଦ୍‍ତେ । 
\v 18 ଆଲାଇତ୍‍କେ, କ୍ରିଷ୍ଟନ୍ ପ୍ରେମ ଯେ ବେସର୍ ଲାଆଟି ନୁ ଗାଲ୍, ବେସର୍ ଡେଙ୍ଗ୍‍ ନୁ କୁଇଙ୍ଗ୍, ମିଡ଼୍ ଇଶ୍ୱର୍‌ତେ ୱେରେୱେରେ ନାରୁଡ଼୍ ତଡ଼୍ ଇଦ୍ ବୁଜେମ୍‍ ଆଦାନ୍‍ ମାୟ୍‍ଦିଙ୍କ୍ ପାର୍‍ଦ୍‍ତିନ୍ । 
\v 19 ହଁ ମିଡ଼୍ ଅନ୍‌ ପ୍ରେମତେ ଅର୍ତ ପୁନ୍ଦେପାର୍‍ଦ୍‍ତିଡ଼୍, ବେଲାମେଣ୍ଡେ ଇଦିଙ୍କ୍ ବେସୁଟ୍‍ବା ସାରେ ପୁନ୍ଦାନଙ୍କ୍ ଆୟ୍‍ୟ । ଇଦ୍ ପୁଟୁଙ୍କ୍ ମିଡ଼୍ ଇଶ୍ୱର୍‌ତେ ଇଚ୍ଛା ସାରେ ପୁନ୍ଦେପାର୍‍ଦ୍‍ତିଡ଼୍ । 
\v 20 ଇଶ୍ୱର୍ ମାନ୍‍ ଲପେ ଅନ୍‌‍ୱାଦ୍ ଚାଲେମ୍‍ ଆସମାନ୍ଦାନ୍ ଶକ୍ତି ତଡ଼୍‍ ମାନାଡ଼୍‍ ତାଲ୍‍କାନାଗାଙ୍କ୍ ନାର୍ଗେ ଇଦ୍‍ପୁଟୁଙ୍ଗ୍ କି ମାନାଦ୍‍ ଆଲ୍‍ସାନ୍ ବିଷୟ୍‍ ଇଦାନ୍ ମାୟ୍‍ଦିଙ୍କ୍ ପାର୍‍ଦ୍‍ତଣ୍ଡ୍‍, 
\v 21 ମଣ୍ଡଲି ତଡ଼୍‍ ନୁ କ୍ରିଷ୍ଟ ଜିସୁନ୍‍ ତଡ଼୍‍ ଯୁଗ୍ ଯୁଗ୍‍ତେ ସାରେଦିନାତ୍ କାଲାମ୍‍ ଯାକ ଆଦ୍ ଇଶ୍ୱର୍‌ତେ ଗୌରବ୍ ଆୟି । ଆମେନ୍‍ ।
\c 4
\s ମେନ୍ଦୁଲ୍ ନୁ ୱେରେୱେରେ ଦାନ
\p
\v 1 ପ୍ରବୁନ୍ ସେବା ମାଡ଼ାନ୍ ମାୟ୍‍ଦିଙ୍କ୍ ବନ୍ଦି ଆସ୍‍ମାନ୍ଦାନ୍ ନାନ୍‍ନେ ପାଉଲ ମିକିଂଙ୍କ୍ ଅନୁରୋଦ୍ ମାଡ଼ୁତାନ୍, ବେଦ୍‍ପୁଟୁଙ୍କ୍ ବାଦ୍‍କାନ୍ ମାୟ୍‍ଦିଙ୍କ୍ ଇଶ୍ୱର୍ କାର୍‍ଙ୍ଗି ମିନ୍ଦେଣ୍ଡ୍ ଆଦେ ଲେକାମ୍ ବ୍ୟବହାର୍‌ ମାଡ଼ାଟ୍ । 
\v 2 \x + \xo ୪:୨ \xo*\xt କଲସୀୟ 3:୧୨,୧3.\xt*\x*ସାରେଦାମ୍ ନମ୍ର, ଡୁଟାଙ୍ଗ୍ ନୁ ଗାଡ଼୍‍ସ୍‍ ଆୟ୍‍ମୁଟ୍ । ନିଜର୍‍ ନିଜର୍ ଲପେ ପ୍ରେମ ତଡ଼୍‍ କାହିଲି ମାନୁଟ୍‍ । 
\v 3 ପବିତ୍ର ଆତ୍ମା ସାହାଯ୍ୟତେ ଶାନ୍ତିତେ ମାନ୍ଦାନ୍ ସେଙ୍ଗେ ମିଇ ଲପେ ବେନ୍ ଏକତା ତିୟାର୍‍ ଆସ୍‍ମିନ୍ଦେ, ଆଦିଙ୍କ୍ ଜିୱୁଣ୍ଡ୍‍ତାଗ୍ ସାୟେ ଅସ୍‍ରେଞ୍ଚାଟ୍‍ । 
\v 4 ମାନାଦ୍‍ ମେନ୍ଦୁଲ୍ ଅଣ୍ଡୟ୍‌, ଆତ୍ମା ଆନ୍‌‍ତେ ଅଣ୍ଡୟ୍‌ । ମେଣ୍ଡେ ଅଣ୍ଡୟ୍‌‍ ଆଶେ ଇସ୍‍ ଇଶ୍ୱର୍ ମାନାଙ୍କ୍‍ କାର୍‍ଙ୍ଗିମିନ୍ଦେଣ୍ଡ୍ । 
\v 5 ଅଣ୍ଡୟ୍‌ ପ୍ରବୁ, ଅଣ୍ଡୟ୍‌ ବିଶ୍ୱାସ୍, ଅଣ୍ଡୟ୍‌ ବାପ୍ତିସ୍ମ । 
\v 6 ସାରେତଡ଼୍ ନାରୁନ୍ ଜାତିତ୍‍ ଇଶ୍ୱର୍ ନୁ ବାବାଲ୍ ୱେରଣ୍ଡେ; ଅଣ୍ଡ୍‌ ସାର୍ରେତଡ଼୍‍ତେ ପ୍ରବୁ, ସାର୍ରେତଡ଼୍ ଲପେ ନୁ ସାର୍ରେତଡ଼୍ ଜିୱୁଣ୍ଡ୍‍ତାଗ୍ ମାନ୍‍ତଣ୍ଡ୍ ।
\p
\v 7 କ୍ରିଷ୍ଟ ଇସ୍‍ମାନ୍ଦାନ୍ ପରିମାଣ ଲେକାମ୍ ମାମ୍‍ମେ ସାରେତମ୍ ୱେରୱେର ବିଶେଷ୍‍ ଦାନ ପାଏମ୍ ଆତ୍‍ତମ୍ । 
\v 8 ଦର୍ମଶାସ୍ତ୍ରତାଗ୍ ଇ ବିଷୟ୍‍ତେ ଲେକାମିନ୍ଦେ:
\q1 “ବେସୁଙ୍କ୍‍ ଅଣ୍ଡ୍‌ ପର୍‍ର ଆତ୍‍ତଣ୍ଡ୍,
\q2 ଅନ୍‌‍ତଡ଼୍ ନାର୍‍ଗେ ବନ୍ଦିଡ଼୍‍କିଂଙ୍କ୍ ଅଣ୍ଡ୍‌ ଆତ୍‍ତଣ୍ଡ୍‍,
\q2 ମେଣ୍ଡେ ନାରୁନ୍ ଜାତିତିଙ୍କ୍ ନାର୍‍ଗେ ବରଦାନ୍ ମାଡ଼୍‍ତଣ୍ଡ୍ ।”
\m
\v 9 “ଅଣ୍ଡ୍‌ ପର୍‍ର ଆତ୍‍ତଣ୍ଡ୍,” ଇଦିନ୍ ଇତ୍‍କେ ବାଆତେ ? ଇଦିନ୍ ଇତ୍‍କେ, ମୁନେଙ୍କ୍ ଅଣ୍ଡ୍‌ ପୃତିବିତେ ମଦଲ୍ ପଡ଼ିୟେତାଗ୍ ୱାସ୍‍ମାତ୍‍ତଣ୍ଡ୍ । 
\v 10 ଆଦିଙ୍କ୍ ବେନ ମଦଲ୍ ଡିଗିମାତ୍‍ତଣ୍ଡ୍, ଅଣ୍ଡ୍‌‍ ବେଲା ପୁରା ପୃତିବିତିଙ୍କ୍‍ ଅନ୍‌ ଉପସ୍ଥିତିତାଗ୍ ସାରେ ମାଡ଼ାନ୍ ମାୟ୍‍ଦିଙ୍କ୍ ଅଣ୍ଡ୍‌ ମେଣ୍ଡେ ସ୍ୱର୍ଗ ନାରୁଡ଼୍‍ତେ ଗାଟି ପର୍‍ର ଆତ୍‍ତଣ୍ଡ୍ । 
\v 11 ଅଣ୍ଡେ ନାରୁନ୍ ଜାତିତିଙ୍କ୍ ନାର୍‍ଗେ ବରଦାନ ମାଡ଼ି ଆଞ୍ଜ୍‍ମିନ୍ଦେଣ୍ଡ୍ । ବେସ୍କ୍‌ତୁଡ଼୍‍କିଙ୍କ୍ ପ୍ରେରିତ୍ ଶିଷ୍ୟ, ମେଣ୍ଡେ ବାଗାତଡ଼୍‍କିଙ୍କ୍ ବାବବାଦି, ବେସ୍କ୍‌ତୁଡ଼୍‍କିଙ୍କ୍ ସୁସମାଚାର୍ ପ୍ରଚାର୍ ମାଡ଼ାଙ୍କ୍, ପାଷ୍ଟେର୍ ନୁ ମେସ୍ତେରିନ୍‍ ମକମ୍‌ତେ ଏଞ୍ଚିମିନ୍ଦେଣ୍ଡ୍ । 
\v 12 କ୍ରିଷ୍ଟନ୍ ଆଦ୍ ମେନ୍ଦୁଲ୍‍ତିଙ୍କ୍ ତିୟାର୍ ମାଡ଼ାନ୍ ଲେକାମ୍‌ କ୍ରିଷ୍ଟିୟ ସେବା ପାଡ଼୍‍ୟିଦେ ମାୟ୍‍ଦିଙ୍କ୍ ଇଶ୍ୱର୍‌ତେ ନାରୁଡ଼୍‍କିଂଙ୍କ୍ ତିୟାର୍ ମାଡ଼ାନ୍ ମାୟ୍‍ଦିଙ୍କ୍ ଅଣ୍ଡ୍‌ ଇଲା ମାଡ଼ିମିନ୍ଦେଣ୍ଡ୍ । 
\v 13 ଅଦିନ୍‌ମାୟ୍‍ଦିଙ୍କ୍ ମାମ୍‍ମେ ସାର୍ରେତମ୍ ମା ବିଶ୍ୱାସ୍‍ତେ ନୁ ଇଶ୍ୱର୍‌ତେ ମାର୍‍ ବୁଦ୍‍ତେ ଅଣ୍ଡୟ୍‌‍ ଆଦ୍‍ତମ୍, କ୍ରିଷ୍ଟନ୍ ଇସାବ୍‍ତେ ମାମ୍‍ମେ ସାରେ ବୟସ୍କା ଆଦ୍‍ତମ୍ । 
\v 14 ଗାଟି ଗାଲ୍‍ତେ ନୁ ଗାଟି ଗାଙ୍କୁଡ଼୍‍ତେ ଇକାଆକା ଆସମାନ୍ଦାନ୍ ପିଲାନ୍ ଲେକାମ୍ ମାନାଡ଼୍ ମେଣ୍ଡେ ଦାନ୍ଦେ ଆୟ୍‍ୱାଡ଼୍ । ୱେରେତଡ଼୍‍କିଙ୍କ୍‍ ମେଣ୍ଡେଅନ୍‌ ଆର୍ର୍ ବୁଲ୍‍କା ମାଡ଼ମାନ୍ଦାନ୍ ତିପାଲ୍‍ ମାଡ଼ାନଡ଼୍‍ୱାଦ୍‍ ଚାଲାକ୍‍ ଶିକ୍ଷାତାଗ୍‍ ମାନାଡ଼୍ ଦାନ୍ଦେ ଆୟ୍‍ୱାଡ଼୍ । 
\v 15 ପ୍ରେମ ତଡ଼୍‍ ସତ୍ କେସ୍ ସାର୍ରେତଡ଼୍‍ୱାଦ୍‍ ତାଲେତ୍‍ ରକମ୍ କ୍ରିଷ୍ଟନ୍ ଲେକାମ୍ ଆଦ୍‍ତାଡ଼୍ । 
\v 16 \x + \xo ୪:୧୬ \xo*\xt କଲସୀୟ ୨:୧୯.\xt*\x*ଅନାଦ୍‌ ନିୟନ୍ତ୍ରଣ ତଡ଼୍‍ ମେନ୍ଦୁଲ୍‍ତେ ୱେର୍‍ୱେର୍‍ତେ କାଇକ୍‌ଡେକା ଅଣ୍ଡୟାଗେ ମଦ୍‍ଦା ଆଦ୍‍ତା ନୁ ଆଗେ ମାନ୍ଦାନ୍‍ ଗାଟିନ୍‍ ତଡ଼୍‍ ପୁରା ମେନ୍ଦୁଲ୍ ତିୟାର୍ ଆଦ୍‍ତେ । ଆଦିଙ୍କ୍ ସାର୍ରେତଡ଼୍ ସାରେୱେଲେ ନିଜେତ୍ ପାଡ଼୍‍ୟି ଟିକ୍‍ଟାକ୍ ଲେକାମ୍ ଚାଲା ମାଡ଼୍‍କେ ପୁରା ମେନ୍ଦୁଲ୍ ପ୍ରେମତେ ପେର୍ସିମିକା ସାୟେ ତିୟାର୍ ଆଦ୍‍ତା ।
\s କ୍ରିଷ୍ଟନାଗାଙ୍କ୍ ପୁନାଦ୍ ଆଦାନାଦ୍
\p
\v 17 ଆଦ୍‍ଦିଙ୍କ୍ ପ୍ରବୁନ୍ ପେଦେର୍‍ତେ ନାନ୍ ମିକିଂଙ୍କ୍ ସତର୍କ ମାଡ଼ୁତାନ୍ । ଅଣଯିହୁଦି ନାରୁଡ଼୍ ଲେକାମ୍ ମେଣ୍ଡେ ବାଦ୍‍କ୍‍ମାଟ୍ । ଅଡ଼ାଦ୍‌ ଚିନ୍ତେ ବୁସାତାଗ୍ 
\v 18 ନୁ ଅଡ଼ାଦ୍‌ ମନ୍ ଇକାଡ଼୍ । ଇଶ୍ୱର୍ ଇତ୍‍ତେ ଜିୱୁଣ୍ଡ୍‍ତେ ଅଡ଼ାଦ୍‌ ବାତ୍‍ବା ପାଲ୍‍କ୍ ଇଲ୍‍ଲେ । ବାତେଙ୍କ୍‍ଇତ୍‍କେ ଅଡ଼୍‌ ସାରେ ମୁର୍କ ନୁ ଜିଦି ନାରୁଡ଼୍‍ । 
\v 19 ଅଡ଼୍‌ ସିଗ୍‍ ଇଲ୍‍ୱେନଡ଼୍, ବ୍ରଷ୍ଟାଚାରୀଡ଼୍ ନୁ ସାରେୱେଲେ ସାର୍‍ରେ ପ୍ରକାର୍‍ତେ ଅଶୁଚି ପାଡ଼୍‍ୟିତାଗ୍ ମୁଡ଼୍‍ନ୍ଦିମାନ୍ଦାନଡ଼୍ । 
\v 20 ଇ ସାର୍‍ରେ ମିଡ଼୍ କ୍ରିଷ୍ଟନ୍‍ ବିଷୟ୍‍ତେ ଶିକ୍ଷା ମାଡ଼ିମାନ୍ଦାନ୍ ବିଷୟ୍ ଆୟ୍‍ୟ । 
\v 21 ମିଡ଼୍ ନିଜାମ୍ ଅନ୍‌ ବିଷୟ୍‍ତେ କେଞ୍ଜ୍‍ତିଡ଼୍ ନୁ ଅନ୍‌ ପେର୍କେ ଆଦାନଡ଼୍‍ ଲେକାମ୍‍ ଜିସୁନ୍ ବିଷୟ୍‍ତେ ସତ୍ ଶିକ୍ଷା ପାଏମ୍ ଆତ୍‍ତିଡ଼୍ । 
\v 22 \x + \xo ୪:୨୨ \xo*\xt କଲସୀୟ 3:୯.\xt*\x*ଆଦିଙ୍କ୍ ବେନ୍ ପାଃନ୍ତେ ଜବାବ୍ ଆସ୍ ମିଡ଼୍ ଜିୱୁଣ୍ଡ୍ ବାଦ୍‍କ ମାତ୍‍ତିଡ଼୍, ଆୱୁ ୱିଡ଼୍‍ସାଟ୍, ବାତେଙ୍କ୍ ଇତ୍କେ ଆଦିନ୍ ବୁଚା ଲାଲସା ତଡ଼୍ ମିୟାଦ୍ ଆତ୍ମା ନଷ୍ଟ ଆସମାତ୍‍ତେ । 
\v 23 ମିୟାଦ୍‍ ହୃଦୟ୍ ନୁ ମନ୍‍ ପୁରା ପୁନାଦ୍‍ ଆଦାନ୍ ଦର୍‍କାର୍ । 
\v 24 \x + \xo ୪:୨୪ \xo*\xt କଲସୀୟ 3:୧୦.\xt*\x*ଇଶ୍ୱର୍‌ତେ ଲେକାମ୍ ତିୟାର୍‍ ଆତ୍‍ତେ ପୁନାଦ୍ ନିଜାମ୍‍ ସତ୍‍ ଆତ୍ମା ପୟ୍‍ମୁଟ୍ । ଆଦ୍ ମିୟାଦ୍‍ ପବିତ୍ର ନୁ ସାୟେତାଦ୍ ଜିୱୁଣ୍ଡ୍‍ ତଅନ୍‌ଦି । 
\v 25 ମେଣ୍ଡେ ବୋଲ୍‍ମାଟ୍ । କ୍ରିଷ୍ଟ ବିଶ୍ୱାସୀଡ଼୍ ନିଜେନିଜର୍‍ତିଙ୍କ୍ ସତ୍ କେତ୍‍ତାନ୍ ମିନ୍ଦେ; ବାତେଙ୍କ୍‍ଇତ୍‍କେ ମାନାଡ଼୍ କ୍ରିଷ୍ଟନ୍ ମେନ୍ଦୁଲ୍‍ତେ କାୟ୍‍କ୍‍ ଡେକା । 
\v 26 ମିଡ଼୍ କପାମ୍ ଆସ୍ ପାପାମ୍‍ ମାଡ଼୍‍ମାଟ୍ । ପଡ଼୍‍ଦ୍ ଅନ୍‌‍ୱେ ମୁନେଙ୍କ୍ ମିୟାଦ୍ କପାମ୍ କଟ ଆୟି । 
\v 27 ଶୟ୍‍ତାନ୍‍ତିଙ୍କ୍ ପଡ଼୍‍ୟେ ଇମାଟ୍ । 
\v 28 ଡଙ୍ଗାଲ୍ ମେଣ୍ଡେ ଡଙ୍ଗ୍‍ମାକିଣ୍ଡ୍ । ସାୟେତ୍ ଉପାୟ୍‍ତେ ନିଜେତ୍ ଜିବିକା ଗାଡ଼୍‍ସାନ୍ ସେଙ୍ଗେ ନୁ ଗରିବୀଡ଼୍‍କିଙ୍କ୍ ସାହାଯ୍ୟ ମାଡ଼ାନ୍ ସେଙ୍ଗେ ଅଣ୍ଡ୍‌ ପାଡ଼୍‍ୟି ମାଡ଼ିଣ୍ଡ୍ । 
\v 29 ମିଇ ପାୟୁର୍ କନ୍‍ସ୍ କାରାପ୍ ଗଟି ପେୟ୍‍ମାକି । ମିଇ ଗଟି ସାୟେଆୟି, ଗଟିନାଗ୍ ନୁ ପାଡ଼୍‍ୟିଦାଗ୍ ବ୍ୟବହାର୍‌ ଆୟି । ଆଲାଇତ୍‍କେ ବେନଡ଼୍ ମିଇ ଗଟି କେଞ୍ଜିତଡ଼୍, ଅଡ଼୍‌ ସେଙ୍ଗେ ଆୱୁ ସାୟେ ଆଦ୍‍ତେ । 
\v 30 ଇଶ୍ୱର୍‌ତେ ପବିତ୍ର ଆତ୍ମାତିଙ୍କ୍ ଦୁଃକାମ୍‍ ଇମାଟ୍ । ବାତେଙ୍କ୍‍ଇତ୍‍କେ ପବିତ୍ର ଆତ୍ମା ମିଇ ପର୍‍ର ଇଶ୍ୱର୍‌ତେ ନିଜର୍‍ ଅଦିକାର୍‌ ଚିଃଏନେ ରକମ୍ ନୁ ଇଶ୍ୱର୍ ଯେ ଅନ୍‌‍ଦିନେ ମିକିଂଙ୍କ୍ ମୁକ୍ତି ମାଡ଼ିତନ୍, ଇଦିନ୍ ରକମ୍ । 
\v 31 ସାର୍ରେ କାୟ୍‍ତାଦ୍‍, ଉତ୍ତେଜନା ନୁ କପାମ୍ ୱିଡ଼୍‍ସାଟ୍ । ପାସ୍କ୍‍ମାଟ୍‍ ବା ନିନ୍ଦେ ମାଡ଼୍‍ମାଟ୍ । ମେଣ୍ଡେ ସାରେଲେକାତ୍‌ ହିଂସା ମିୟାଗାଙ୍କ୍‌ ଜେକା ଆଇ । 
\v 32 \x + \xo ୪:3୨ \xo*\xt କଲସୀୟ 3:୧3.\xt*\x*ଇତ୍‍କେ ନିଜେନିଜର୍‍ ସେଙ୍ଗେ ସଦୟ ନୁ ଲେଏତା ରକମ୍ ଆୟ୍‍ମୁଟ୍ ନୁ କ୍ରିଷ୍ଟନ୍ ସେଙ୍ଗେ ଇଶ୍ୱର୍ ବେଦ୍‍ପୁଟୁଙ୍କ୍ ମିକିଂଙ୍କ୍ କ୍ଷେମା ମାଡ଼ିମିନ୍ଦେଣ୍ଡ୍, ମିଡ଼୍ ଆନ୍‌‍ତେ ଆଦେପୁଟୁଙ୍ଗ୍‍ ନିଜେନିଜର୍‍ତିଙ୍କ୍ କ୍ଷେମା ଇମୁଟ୍ ।
\c 5
\s ୱେସିନ୍ ଜିୱୁଣ୍ଡ୍
\p
\v 1 ମିଡ଼୍ ଇଶ୍ୱର୍‌ତେ ପ୍ରିୟ ମାର୍‍କିନଡ଼ି, ଆଦିଙ୍କ୍‍ ଅନ୍‌ ଲେକାମ୍ ଆଦାନଙ୍କ୍ ଚାଏମ୍‍ ଆୟ୍‍ମୁଟ୍ । 
\v 2 କ୍ରିଷ୍ଟ ବେଲା ମାନାଙ୍କ୍‍ ପ୍ରେମ ମାଡ଼୍‍ତଣ୍ଡ୍ ନୁ ଇଶ୍ୱର୍‌ତେ ସାୟେତ୍ ସେଙ୍ଗେ ନିଜେତ୍ ଜିୱୁଣ୍ଡ୍‍ତିଙ୍କ୍ ମାନ୍‍ ମାୟ୍‍ଦିଙ୍କ୍ ସାୟେ ଗାବ୍‍ତାୱୁ ପୁଜାସାମାନ୍ ନୁ ବଲି ଉତ୍ସର୍ଗ ମାଡ଼୍‍ତଣ୍ଡ୍, ମିଇ ଜିୱୁଣ୍ଡ୍ ମିକା ଆଦେଲେକାମ୍ ଚାଲେମ୍ ଆୟି । 
\v 3 ଇଶ୍ୱର୍‌ତେ ନାରୁଡ଼୍ ଆତ୍‍ତାଙ୍କ୍ ମିୟାଗ୍ ବେବିଚାର୍, କାରାପ୍, ଅଶୁଚିତା ନୁ ଲାଲସା ମାନ୍‍ମାକି । 
\v 4 ମିୟାଗ୍‍ କାରାପ୍ ଗଟି, କାରାପ୍ ୱେଷଡ଼୍ ନୁ ମିଚ୍ ଗଟି କେତାନାଦ୍ ଟିକ୍ ଆୟ୍‍ୟ । ବାତେଙ୍କ୍‍ଇତ୍‍କେ ମିଡ଼୍‍ ଗଟି ତିର୍‍ୟାନାଗ୍‍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସମାନୁଟ୍‍ । 
\v 5 ଇଦ୍ ନିଜାମ୍ ଇଞ୍ଜ ପୁନୁଟ୍, ବେନ୍ ଅଶୁଚି ନାରୁଡ଼୍ ନିତାଲ୍, ଶିଷ୍ଟାଚାର୍ ଇଲ୍‍ୱେ ନାରୁଣ୍ଡ୍‍ ନୁ ଲବି ନାରୁଣ୍ଡ୍‍ ଗାଟି ଲବି ପୁତ୍‍ଲାମ୍‍ ପୁଜା ରକମ୍‍ ଅଣ୍ଡ୍‌ ବେସୁଟ୍‍ବା କ୍ରିଷ୍ଟ ନୁ ଇଶ୍ୱର୍‌ତେ ରାଜ୍ୟତାଗ୍ ଆଦେ ପାର୍‍ୱଣ୍ଡ୍ । 
\v 6 ମୁଲ୍ୟ ଇଲ୍‍ୱେ ଗଟି କେସ୍ ମିକିଂଙ୍କ୍ ବେନ ତିପାଲ୍ ମାଡ଼୍‍ମାକିଡ଼୍ । ଇୱୁ ସାର୍‍ରେ କାରାପ୍ ପାଡ଼୍‍ୟି ବେନଡ଼୍‍ ଇଶ୍ୱର୍‌ତେ ଗଟ୍ ମାନେମ୍‍ ଆୟ୍‍ୟଡ଼୍ ଅଡ଼୍‌ ମାୟ୍‍ଦିଙ୍କ୍ ଅନ୍‌ କପାମ୍ ପେୟ୍‍ତିତ୍ । 
\v 7 ଇସତ୍ ନାରୁଡ଼୍ ତଡ଼୍ ବାତ୍‍ବା ସମ୍ପର୍କ ନେଃଏମାଟ୍ । 
\v 8 ମିଡ଼୍ ନିଜେ ଅନ୍‌‍ଦିନେ ଇକାଡ଼୍‌ତାଗ୍ ମାତ୍‍ତିଡ଼୍, ଇତ୍‍କେ ମିଡ଼୍ ଇଞ୍ଜେ ପ୍ରବୁନ୍ ନାରୁଡ଼୍ ଆସ୍‍ମାନାଙ୍କ୍ ମିଡ଼୍ ୱେସ୍‍ତାଗ୍ ମିନ୍ଦେଡ଼ି । ଆଦିଙ୍କ୍ ମିଡ଼୍ ୱେସ୍‍ତେ ପିଲାନ୍ ଲେକାମ୍ ବ୍ୟବହାର୍‌ ମାଡ଼ାଟ୍ । 
\v 9 ବାତେଙ୍କ୍‍ଇତ୍‍କେ ୱେସ୍ ସାର୍‍ରେ ପ୍ରକାର୍‍ ସାୟେତ୍ ଗୁନାମ୍, ଦାର୍ମାମ୍ ନୁ ସତ୍ ପେସ୍ପିତ୍ । 
\v 10 ପ୍ରବୁ ସନ୍ତୋଷ୍ ଆଦ୍‍ଦାନ୍ ମାୟ୍‍ଦିଙ୍କ୍ ଶିକ୍ଷା ନାଡ଼୍‍ସାଟ୍ । 
\v 11 ନାରୁଡ଼୍ ଇକାଡ଼୍‌ତାଗେ ବେନ୍ ସାର୍‍ରେ କାରାପ୍ ପାଡ଼୍‍ୟି ମାଡ଼ୁତଡ଼୍, ଅଡ଼୍‌‍ସାଙ୍ଗ୍‍ ତଡ଼୍‍ ଆୟ୍‍ମାଟ୍‍ । ଅଡ଼୍‌ ପାଡ଼୍‍ୟି ସାର୍‍ରେ ପେସ୍‍ପି ତଅସିମୁଟ୍ । 
\v 12 ବାସ୍ତବିକ୍, ଅଡ଼୍‌ ମିଞ୍ଜ୍‍ସ୍ପି ବାତ୍‍ ସାର୍‍ରେ ମାଡ଼ିତଡ଼୍, ଆଦ୍ ବିଷୟ୍ କେତାନାଦ୍ ସିଗୁଲ୍‍ମାଲାମ୍ । 
\v 13 ବେସୁଟ୍‌ ସାର୍‍ରେ ବିଷୟ୍ ୱେସିନାଗ୍ ତଅନ୍‌ଦିତା ଆସୁଟେ ଆୱୁ ସାର୍‍ରେ ନିଜାମ୍‍ତାୱୁ ପେୟ୍‍ତିତା । 
\v 14 ବାତେଙ୍କ୍‍ଇତ୍‍କେ ୱେସ୍ ସାର୍‍ରେ ବିଷୟ୍ ପେସ୍ପିତା । ଆଦିନ୍ ମାୟ୍‍ଦିଙ୍କ୍ ଇଲା ଲେକ୍‍ତାଦ୍ ମିନ୍ଦେ, “ହୋ ଉଞ୍ଜ୍‍ତେନଡ଼ି, ତିଆର୍‍ତେ ଆୟ୍‍ମୁଟ୍ ନୁ ଡଲ୍‍ତେନଡ଼ାଗାଙ୍କ୍ ତେଏଦାଟ୍ ! କ୍ରିଷ୍ଟନ୍ ୱେସ୍‍ତାଗ୍ ପେୟ୍‍ମୁଟ୍ ।” 
\v 15 ଆଦିଙ୍କ୍ ମିଡ଼୍ ବେଲା ବେବ୍ୟହାର୍‌ ମାଡ଼ିତିଡ଼୍, ଆଦ୍ ବିଷୟ୍‍ତେ ସାବ୍‍ଦାନ୍ ଆୟ୍‍ମୁଟ୍ । ମୁର୍କ ଇନା ଆୟ୍‍ୟକଟ ଜ୍ଞାନି ଇନା ଆୟ୍‍ମୁଟ୍ । 
\v 16 \x + \xo ୫:୧୬ \xo*\xt କଲସୀୟ ୪:୫.\xt*\x*ସାର୍‍ରେ ସୁଯୋଗ୍‍ତାଗାଙ୍କ୍ ସାୟେ ବ୍ୟବହାର୍‌ ମାଡ଼ାଟ୍, ବାତେଙ୍କ୍‍ ଇତ୍କେ କାରାପ୍ ଦିନାମ୍ ଏୱୁତେ । 
\v 17 ମୁର୍କ ନାରୁଡ଼୍ ଇନା ଆୟ୍‍ୟକଟ, ଇତ୍‍କେ ପ୍ରବୁନ୍ ଗଟି ବୁଜେମ୍ ଆଦାଙ୍କ୍ ଆଲ୍‍ସି ମାଡ଼ାଟ୍ । 
\v 18 କାଲ୍‍ ଉନ୍ଦାନାଗ୍ ଆନ୍‌‍ମାଟ୍, ଆଦ୍ ମିକିଂଙ୍କ୍ ସର୍ବନାସ୍ ମାଡ଼ିତ୍, ବାତେଙ୍କ୍‍ଇତ୍‍କେ ପବିତ୍ର ଆତ୍ମା ତଡ଼୍‍ ପୁରା ଆୟ୍‍ମୁଟ୍ । 
\v 19 \x + \xo ୫:୧୯ \xo*\xt କଲସୀୟ 3:୧୬,୧୭.\xt*\x*ପାଟ୍‍, ଆରାଦନା ନୁ ବକ୍ତିତଡ଼୍ ପାଟ୍ ପାରାଟ୍ ନୁ ନିଜେ ନିଜର୍‌ଲପେ ସାର୍‍ଦେ ଆୟ୍‍ମୁଟ୍ । ହୃଦୟ୍‍ତେ ଲପେଙ୍କ୍ ପ୍ରବୁନ୍ ପେଦେର୍‌ତେ ପାଟ୍ ପାରାଟ୍ । 
\v 20 ସାର୍ରେୱେଲେ ସାର୍‍ରେ ବିଷୟ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍‍ତେ ନୁ ବାବାଲ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।
\s ନାଟା ନୁ ମାନେୟ୍‍
\p
\v 21 କ୍ରିଷ୍ଟନ୍ ପର୍‍ର ନିୟାଦ୍ ବକ୍ତି ମାନ୍‍ନାଙ୍କ୍ ମିଡ଼୍ ମିମିଲପେ କାୟ୍‍ଲି ମାନୁଟ୍ । 
\v 22 \x + \xo ୫:୨୨ \xo*\xt କଲସୀୟ 3:୧୮; ୧ ପିତର୍‍ 3:୧.\xt*\x*ଆ ନାଟାନଡ଼ି ! ମିଡ଼୍ ବେଲା ପ୍ରବୁନାଗ୍ ମିନ୍ଦେଡ଼ି ଆଲେନେ ନିଜର୍‍ନିଜର୍ ମୁଦ୍‍ପାଲଡ଼୍‍ ତଡ଼୍ ମାନୁଟ୍ । 
\v 23 ମଣ୍ଡଲିତେ ପର୍‍ର କ୍ରିଷ୍ଟନାଦ୍ ଅଦିକାର୍‌ ବେଲା ମିନ୍ଦେ ଆଲେନେ ନାଟାଡ଼୍‍ତେ ପର୍‍ର ମାନେୟ୍‍ତେ ଅଦିକାର୍‌ ମିନ୍ଦେ; ମେଣ୍ଡେ କ୍ରିଷ୍ଟ କେ ତାମ୍ ମେନ୍ଦୁଲ୍ ଇନା ମଣ୍ଡଲିତେ ତ୍ରାଣକର୍ତ୍ତାଲ୍ । 
\v 24 ମଣ୍ଡଲିତାଗ୍‍ ବେଲା କ୍ରିଷ୍ଟନ୍ ଅଦିକାର୍‌ ମିନ୍ଦେ, ନାଟାକି ବେଲା ନିଜର୍‍ନିଜର୍ ମୁଦ୍‍ପାଲଡ଼୍‍ ଗାର୍‍ରେ ସାରେୱେଲେ ମାନି ।
\p
\v 25 \x + \xo ୫:୨୫ \xo*\xt କଲସୀୟ 3:୧୯; ୧ ପିତର୍‍ 3:୭.\xt*\x*ମୁଦ୍‍ପାଲଡ଼ି, କ୍ରିଷ୍ଟ ବେଲା ମଣ୍ଡଲିତିଙ୍କ୍ ପ୍ରେମ ମାଡ଼ି, ତାନ୍ ଜିୱୁଣ୍ଡ୍ ଇତ୍‍ତନ୍, ମିଡ଼୍ ଟିକ୍ ଆଲେନେ ନିଜର୍‍ନିଜର୍ ମୁତେକିଙ୍କ୍ ପ୍ରେମ ମାଡ଼ାଟ୍ । 
\v 26 କ୍ରିଷ୍ଟ ମଣ୍ଡଲିତିଙ୍କ୍ ଏର୍‍ ତଡ଼୍ ପରିଷ୍କାର୍ ମାଡ଼ି ଇଶ୍ୱର୍‌ତେ ଗଟ୍‍ ମାଇଦିଙ୍କ୍‍ ଉତ୍ସର୍ଗ ମାଡ଼୍‍ତଣ୍ଡ୍, 
\v 27 ମେଣ୍ଡେ ଆଦ୍ ପବିତ୍ର, ନିର୍ଦୋଷ୍‍, ନିଷ୍କଳଙ୍କ୍ ନୁ ସାର୍‍ରେ ସାୟେ ସୁନ୍ଦର୍ ମାଡ଼ି ନିଜେ ନେଃଏତଣ୍ଡ୍ । 
\v 28 ମାନେୟ୍‍ନଡ଼ି ନିଜେତ୍ ମେନ୍ଦୁଲ୍ ଇଞ୍ଜ ଆଲ୍‍ସି ନିଜେତ୍ ନାଟାକିଙ୍କ୍ ପ୍ରେମ ମାଡ଼ାନାଦ୍ ସାୟେ । ବେନ ନିଜେତ୍ ନାଟାକିଙ୍କ୍ ପ୍ରେମ ମାଡ଼ିତନ୍, ଅଣ୍ଡ୍‌ ନିଜେତିଙ୍କ୍ ପ୍ରେମ ମାଡ଼ୁତଣ୍ଡ୍ । 
\v 29 ବେନ ବେସୁଟ୍‌ ନିଜେତ୍ ମେନ୍ଦୁଲ୍‍ତିଙ୍କ୍ ପାସ୍‍କଣ୍ଡ୍ । ମେଣ୍ଡେ ମେନ୍ଦୁଲ୍‍ତିଙ୍କ୍ ତିନ୍ଦାନ୍ ଉନ୍ଦାନ୍ ମାଡ଼ିତନ୍ ନୁ ଜତନ୍ ଆଦ୍‍ତନ୍ ଆଲେନେ କ୍ରିଷ୍ଟ ମଣ୍ଡଲିତେ ଜତନ୍ ଆଦ୍‍ତନ୍, 
\v 30 ବାତେଙ୍କ୍‍ଇତ୍‍କେ ମାନାଡ଼୍ ଅନ୍‌ ମେନ୍ଦୁଲ୍‍ତେ ଡେକା କାୟ୍‍କ୍ । 
\v 31 ଦର୍ମଶାସ୍ତ୍ରତାଗ୍ କେତ୍‍ତେ ଲେକାମ୍, “ଇଦିନ୍‍ ମାଇଦିଙ୍କ୍‍ ମାନେୟ୍‍ତେ ୟାୟବାବାଙ୍କ୍ ୱିଡ଼୍‍ସି ନିଜେତ୍ ମୁତେନ୍ ତଡ଼୍ ମାନ୍‍ତଣ୍ଡ୍ ଅଡ଼୍‌ ଇର୍‍ୱୁଡ଼୍ କାୟ୍‍ଲି ୱେରଡ଼୍ ଆଦ୍‍ତଡ଼୍ ।” 
\v 32 ଶାସ୍ତ୍ରତାଗ୍ ଇଦ୍ ବିଷୟ୍‍ତେ ପେସ୍ପିମିନ୍ଦେ, ଇଦ୍ କ୍ରିଷ୍ଟ ନୁ ମଣ୍ଡଲି ସେଙ୍ଗେ ସାୟେ ଇଞ୍ଜ ନାନ୍ ବୁଜେମ୍‌ ଆଦୁତାନ୍ । 
\v 33 ଇତ୍‍କେ ଇଦ୍ ମିଇ ସେଙ୍ଗେବା ସାୟେ । ସାର୍‍ରେ ମୁଦ୍‍ପାଲଡ଼୍ ମୁତେଙ୍କ୍ ଜିୱେଇସ୍‍ ପ୍ରେମ ମାଡ଼ାଟ୍‍ ନୁ ସାର୍‍ରେ ମୁତ୍‍ତେ ନିଜେତ୍ ମୁଦ୍‍ପାଲଡ଼୍‍କିଙ୍କ୍ ସମ୍ମାନ୍ ଇୱି ।
\c 6
\s ୟାୟବାବ ନୁ ମାର୍‍ମାୟାସ୍କ୍‍
\p
\v 1 \x + \xo ୬:୧ \xo*\xt କଲସୀୟ 3:୨୦.\xt*\x*ପିଲାନଡ଼ି, ୟାୟବାବନ୍ ଗଟି କେଞ୍ଜାନାଦ୍ ମିୟାଦ୍ କ୍ରିଷ୍ଟିୟାନ୍ ପାଡ଼୍‍ୟି, ବାତେଙ୍କ୍‍ ଇତ୍କେ ଇଦ୍‍ଏ ସାୟେତ୍ ବ୍ୟବହାର୍‌ । 
\v 2 “ମିୟାୱୁ ୟାୟବାବାଙ୍କ୍‍ ସମ୍ମାନ୍ ମାଡ଼ାଟ୍ ।” ଇଦ୍‍ଏ ଗଟ୍‍ତାଗ୍‍ ଅଣ୍ଡୟ୍‌ ପ୍ରତିଜ୍ଞା କାଲ୍‍ପି କେତ୍‍ତଡ଼୍, 
\v 3 “ବେଲାକି ମିୟାଦ୍ ସାୟେ ଆଦ୍‍ତେ ନୁ ମିଡ଼୍ ପୃତିବିତାଗ୍ ନାର୍ଗେଜେଲ୍ ମାନ୍‍ତିଡ଼୍ ।” 
\v 4 \x + \xo ୬:୪ \xo*\xt କଲସୀୟ 3:୨୧.\xt*\x*ୟାୟବାବଡ଼୍, ପିଲାକିଙ୍କ୍ କପାମ୍ ମାଡ଼ାନ୍ ଲେକାମ୍ ବାତ୍ ବ୍ୟବହାର୍‌ ମାଡ଼୍‍ମାଟ୍, ଇତ୍‍କେ ପ୍ରବୁନ୍ ବ୍ୟବହାର୍‌ ନୁ ଶିକ୍ଷାତଡ଼୍ ଅଡ଼୍‌‍କିଂଙ୍କ୍ ପୋଡ଼୍‍ପାଟ୍ ।
\s ଗତି ନୁ ସାଉକାରୀ
\p
\v 5 \x + \xo ୬:୫ \xo*\xt କଲସୀୟ 3:୨୨-୨୫.\xt*\x*ଗତିନଡ଼ି, ମିଡ଼୍ କ୍ରିଷ୍ଟନ୍ ସେବା ମାଡ଼ୁତିଡ଼୍ ଇଞ୍ଜ ଆଲ୍‍ସି ହୃଦୟତାଗ୍‍ ୱେର୍ରେତଡ଼୍ ୱାଡ଼୍‍କି ଜଗତ୍‍ତେ ସାଉକାରୀଡ଼୍‍ ଗଟ୍ ପାଲନ୍ ମାଡ଼ାଟ୍‍ । 
\v 6 ମାଲିକ୍ ମିକିଂଙ୍କ୍ ଉଡ଼ାନ୍ ୱେଲେ ଅନାଗ୍ ସାୟେ ଆଦାନଙ୍କ୍ ଆଦ୍ ମାଡ଼୍‍ୱେକନ୍ସ୍‌, କ୍ରିଷ୍ଟନ୍ କ୍ରିତଦାସ ଲେକାମ୍ ମିୟାଦ୍ ସରଲ୍‌ ହୃଦୟ୍ ଇସ୍ ଇଶ୍ୱର୍‌ତେ ଇଚ୍ଛା ଲେକାମ୍‍ ମାଡ଼ାଟ୍ । 
\v 7 ଆସାମ୍ ମାନେୟ୍‍ତାଦ୍ ସେବା ମାଡ଼ୁତିଡ଼୍ ଆଲ୍‍ସ୍‍ୱେ ପ୍ରବୁନ୍ ସେବା ମାଡ଼ାନ୍ ଲେକାମ୍ ୱେଡ଼୍‍କେତେ ଆଦ୍ ମାଡ଼ାଟ୍ । 
\v 8 ଏର୍କା ନେଃଏମୁଟ୍, ଅଣ୍ଡ୍‌ କ୍ରୀତଦାସ୍ ଆୟିଣ୍ଡ୍ ବା ସ୍ୱାଦିନ୍ ଆୟିଣ୍ଡ୍ ପ୍ରବୁ ସାର୍‍ରେ ନାରୁଡ଼୍‍କିଂଙ୍କ୍ ଅନାଦ୍‌ ସାୟେତ୍ ପାଡ଼୍‍ୟି ସେଙ୍ଗେ ପୁରଷ୍କାର୍ ଇଦ୍‍ତଣ୍ଡ୍ । 
\v 9 \x + \xo ୬:୯ \xo*\xt କଲସୀୟ ୪:୧; \xt*\xt କଲସୀୟ 3:୨୫.\xt*\x*ମାଲିକିନଡ଼ି, ମିଇ କ୍ରିତଦାସିଡ଼୍ ସେଙ୍ଗେ ଆଦେଲେକାମ୍ ବ୍ୟବହାର୍‌ ମାଡ଼ାଟ୍ ନୁ ଅଡ଼୍‌‍କିଂଙ୍କ୍ ଦମ୍‍କା ମାଡ଼୍‍ମାଟ୍ । ଏର୍କା ନେଃଏମୁଟ୍, ମିଡ଼୍ ନୁ ମିଇ କ୍ରିତଦାସଡ଼୍ ସାର୍ରେତଡ଼୍ ସ୍ୱର୍ଗତଣ୍ଡ୍ ପ୍ରବୁନ୍ ଅଦିନ୍ । ଅଣ୍ଡ୍‌ ସାର୍ରେତଡ଼୍‍କିଙ୍କ୍ ସାମାନ୍ ବିଚାର୍ ମାଡ଼ିତନ୍ ।
\s ଆତ୍ମିକ୍‍ ଯୁଦ୍‌ ଜଗ୍‍ଡ଼ାମ୍
\p
\v 10 ସାର୍ରେତିଙ୍କ୍ ପେର୍‍କେ, ପ୍ରବୁନ୍ ତଡ଼୍ କାୟ୍‍ଲି ଅନ୍‌ ମହାଶକ୍ତିତାଗ୍ ଶକ୍ତିମାନ୍‍ ଆୟ୍‍ମୁଟ୍ । 
\v 11 ଇଶ୍ୱର୍ ଇତ୍‍ତାଦ୍ ସାର୍‍ରେ ଆତ୍ମିକ୍‍ ଯୁଦ୍‍ଜଗ୍‍ଡ଼ାମ୍‍ ତଡ଼୍ ତିଆର୍‌ ଆୟ୍‍ମୁଟ୍, ବେଲାକି ଶୟ୍‍ତାନ୍‍ତେ କାରାପ୍ ଚିନ୍ତେତିଙ୍କ୍ ସାମ୍‍ନା ମାଡ଼ାଙ୍କ୍‍ ପାର୍‍ଦ୍‍ତିଡ଼୍ । 
\v 12 ବାତେଙ୍କ୍‍ଇତ୍‍କେ ମାନାଡ଼୍ ସ୍ୱର୍ଗତେ ନାରୁଡ଼୍ ବିରୁଦ୍‍ତେ ଯୁଦ୍‌ ମାଡ଼୍‍ୱାଡ଼୍; ମାନାଡ଼୍ ଶୂନ୍ୟତେ ଶୟ୍‍ତାନ୍‍ ଶକ୍ତି ନୁ ଇଦ୍ ଯୁଗ୍‍ତେ ଶାସନ୍‍ମାଡ଼ାନଡ଼୍, ରାଜାଲଡ଼୍‍ ନୁ ସାର୍‍ରେ ବିଶ୍ୱଶକ୍ତି ବିରୁଦ୍‍ତେ ଯୁଦ୍‌ ମାଡ଼ୁତମ୍ । 
\v 13 ଆଦିଙ୍କ୍ ଇଞ୍ଜେ ଇଶ୍ୱର୍ ଇତ୍‍ତେ ଆତ୍ମିକ୍‍ ଯୁଦ୍‍ ଜଗ୍‍ଡ଼ାମ୍ କେର୍‍ମୁଟ୍; ଆଲେକେ କାରାପ୍ ସମୟ୍‍ତେ ମିଡ଼୍ ଶତ୍ରୁଡ଼୍ ଚିଟିରମଣତିଙ୍କ୍ ଅଟ୍‍କା ମାଡ଼େପାର୍‍ଦ୍‍ତିଡ଼୍ ନୁ ଶେଷ୍ ଆୟ୍‍ନା ଯୁଦ୍‌ ମାଡ଼ିମିକା ଡୁଟାଙ୍ଗ୍‍ ମାନ୍‍ତିଡ଼୍ । 
\v 14 ଆଦିଙ୍କ୍ ସତ୍ୟତାଦ୍ ବେଲ୍‍ଟ୍, ଦାର୍ମାମ୍‌ତେ ଗୁଣ୍ଡେତାଗ୍ କେର୍‍ଦାନାଦ୍‍ ନୁ 
\v 15 ଡେକେତାଗ୍ ଶାନ୍ତିତେ ସୁସମାଚାର୍ ଲେକେତ୍‍ ଏର୍‍ପୁକ୍‍ କେର୍‍ସ୍ ଗାଡ଼୍‍ସ୍‍ଆସ୍‍ ନିଲ୍‍ମୁଟ୍ । 
\v 16 ସାରେଦାମ୍ ବିଶ୍ୱାସ୍‍ତାଦ୍‍ ମୁନ୍ତା କାଞ୍ଜିମାନୁଟ୍, ଇଦିନ୍‍ ସାହାଯ୍ୟତେ ଶୟ୍‍ତାନ୍‍ ଏସ୍‍ତେ ସାର୍‍ରେ କିସ୍‍ତାୱୁ କାଡ଼୍‍କିଙ୍କ୍ ବାୟିଦେ ଏସାଙ୍କ୍ ମିଡ଼୍ ପାର୍‍ଦ୍‍ତିଡ଼୍‍ । 
\v 17 ପରିତ୍ରାଣ୍ ରକତାତ୍ ତାଲ୍‌ଲେତାଗ୍ କେର୍‍ଦାନାଦ୍ ନୁ ପବିତ୍ର ଆତ୍ମା ଇତ୍‍ତେ ଇଶ୍ୱର୍‌ତେ ବାକ୍ୟ ରକମ୍ ଚୁର୍ ପୟ୍‍ମୁଟ୍ । 
\v 18 ଇଶ୍ୱର୍‌ତେ ସାହାଯ୍ୟ ବିକ୍ୟାତାଲ୍‍କି ପ୍ରାର୍ତନା ତଡ଼୍ ଇୱୁସାର୍ରେ ମାଡ଼ାଟ୍ । ସାର୍‍ରେ ଅସୁବିଦା ୱେଲେ ପବିତ୍ର ଆତ୍ମାତେ ଚାଲାମାଡ଼ାନ୍‍ ଲେକାମ୍ ପ୍ରାର୍ତନା ମାଡ଼ାଟ୍ । ତିଆର୍‍ତେ ମାନୁଟ୍; ବେସୁଟ୍‌ ଆୟ୍‍ୱିମାଟ୍ । ଇଶ୍ୱର୍‌ତେ ନାରୁଡ଼୍ ସେଙ୍ଗେ ସାରେଦାମ୍ ପ୍ରାର୍ତନାତାଗ୍ ମନ୍ ଇସ୍‍ମାନୁଟ୍ । 
\v 19 ନା ସେଙ୍ଗେ ମିକା ପ୍ରାର୍ତନା ମାଡ଼ାଟ୍, ବେଲାକି ସୁସମାଚାର୍‍ଦେ ଲୋପେତ୍ ବିଷୟ୍ କେତାନଙ୍କ୍ ନୁ ୱେର୍ରେଇଲ୍‍ୱେ ଆଦ୍ କେତାନଙ୍କ୍‌ ଇଶ୍ୱର୍ ନା ପାୟୁର୍‍ତାଗ୍ ଟିକ୍ କବର୍ ଇଦ୍‍ତଣ୍ଡ୍ । 
\v 20 ଇଞ୍ଜେ ଇକ୍‍ଲେମ୍‍ତଡ଼୍‍ ବନ୍ଦିତାଗ୍ ମାତ୍‍କେମିକା ନାନ୍ ସୁସମାଚାର୍ ସେଙ୍ଗେ ୱେରଣ୍ଡ୍ ରାଜଦୂତ୍ । ପ୍ରାର୍ତନା ମାଡ଼ାଟ୍, ବେଲାକି ନାନ୍ ସାହାସ୍‍ ତଡ଼୍ ମନ୍‍ଇସ୍‍ ସୁସମାଚାର୍ ପ୍ରଚାର୍ ମାଡ଼ାନଙ୍କ୍ ପାର୍‍ଦ୍‍ତାନ୍ । \fig ରୋମ୍ ସୈନ୍ୟଡ଼୍ |alt="Roman soldier" src="lb00196c.tif" size="col" copy="Horace Knowles ©" ref="୬:୧୦"\fig*
\s ମାଡ଼େଙ୍କ୍‌ତାଦ୍ ନମସ୍କାର୍
\p
\v 21 \x + \xo ୬:୨୧ \xo*\xt ପ୍ରେରିତ ୨୦:୪; ୨ ତୀମତି ୪:୧୨.\xt*\x*\x + \xo ୬:୨୧ \xo*\xt କଲସୀୟ ୪:୭,୮.\xt*\x*ନାୟାଦ୍ ଅବସ୍ଥା ବିଷୟ୍‍ତେ ମିଡ଼୍ ବେଲାକି ପୁନ୍ଦେପାର୍‍ଦ୍‍ତିଡ଼୍, ଆଦିନ୍ ସେଙ୍ଗେ ମାନ୍‍ ପ୍ରିୟ ଦାଦାଲ୍ ନୁ ପ୍ରବୁନ୍ ପାଡ଼୍‍ୟି ମାଡ଼ମାନ୍ଦାନ୍ ବିଶ୍ୱାସ୍‌ତେ ଦାସ ତୁକିକ ନା ବିଷୟ୍‍ତେ ମିକିଂଙ୍କ୍ ସାର୍‍ରେ ଗଟି କେତିତଡ଼୍‍ । 
\v 22 ମାମ୍ ସାର୍ରେତମ୍ ବେଲା ମିନ୍ଦେମ୍, ଆଦ୍ ବିଷୟ୍‍ତେ କେସ୍ ମିକିଂଙ୍କ୍ ସାର୍‍ଦେ ମାଡ଼ାନ୍ ସେଙ୍ଗେ ନାନ୍ ଅଂକିଙ୍କ୍‌ ମିଇ ଗାର୍‍ରେ ରଅତୁତାନ୍ । 
\v 23 ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ବିଶ୍ୱାସି ଦାଦାଲଡ଼୍‍ ନୁ ଏଲାସ୍କିଙ୍କ୍ ଶାନ୍ତି, ପ୍ରେମ ନୁ ବିଶ୍ୱାସ୍ ଇୱିଣ୍ଡ୍ । 
\v 24 ମାନ୍‍ ପ୍ରବୁ ଜିସୁ କ୍ରିଷ୍ଟନ୍‍ ସେଙ୍ଗେ ବେନଡ଼ାଦ୍ ପ୍ରେମ ଅମର୍, ଅଡ଼୍‌‍ ସାର୍ରେତଡ଼୍‍କିଂଙ୍କ୍ ଅନୁଗ୍ରହ ଆୟି ।