\id COL - Koya
\ide UTF-8
\h କଲସୀୟ
\toc3 କଲସୀୟ
\toc2 କଲସୀୟ
\toc1 କଲସୀୟ ନାରୁଡ଼୍‌ ଗାରେ ପାଉଲ୍‌ତେ ଚିଟି
\mt2 କଲସୀୟ ଲୋକମାନଙ୍କ ନିକଟକୁ ପାଉଲଙ୍କ ପତ୍ର
\mt1 କଲସୀୟ ନାରୁଡ଼୍‍ ଗାରେ ପାଉଲ୍‍ତେ ଚିଟି
\imt କଲସିୟ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip କଲସିୟ ଗାରେ ଲେକ୍‍ତାଦ୍ ଚିଟି ଆଦୁତ୍‍ ପାଉଲ୍‍ ତଡ଼୍‍ ଲେକା ଆତ୍‍ତାଦ୍‍ ଚିଟି \xt ୧:୧\xt* । ପାଉଲ୍‍ ଆଦ୍‍ପାର୍‍ତେ ଜିସୁ କ୍ରିଷ୍ଟନ୍‍ ଜନମ୍‌ତେ ପେର୍କେ ଗାରେଗାରେ ୬୦ କ୍ରିଷ୍ଟାଦ୍ଦତେ ରମ୍‍ତାଗ୍‍ ବନ୍ଦି ମାନ୍ଦାନ୍‍ ୱେଲେ ଅଣ୍ଡ୍‌‍ ଇଦ୍‍ ଚିଟି ଲେକି ମାତ୍‍ତଣ୍ଡ୍‍ । କଲସି ଚିଟି ତଡ଼୍‍ ଏଫିସିୟ ନୁ ଫିଲିପି ଚିଟିତିଙ୍କ୍‍ ଜଇଲ୍‍ ଚିଟି ଇଞ୍ଜ କେତିତଡ଼୍‍ ବାତେଙ୍କ୍‍ଇତ୍‍କେ ପାଉଲ୍‍ ଜଇଲ୍‍ତାଗ୍‍ ମାନ୍ଦାନ୍‍ ୱେଲେ ଇଦ୍‍ ଚିଟି ଲେକିମାତ୍‍ତଣ୍ଡ୍ । ଅଣ୍ଡ୍‌‍ କଲସିୟ ଟାୱୁନ୍‍ତାଗ୍‍ ମାନ୍ଦାନ୍‍ ମଣ୍ଡଲିତାଗ୍‍ ଗାରେ ଇଦ୍‍ ଚିଟି ଲେକିମାତ୍‍ତଣ୍ଡ୍ । ପାଉଲ୍‍ ଅଣ୍ଡ୍‌‍ ଇଦ୍‍ ମଣ୍ଡଲିତିଙ୍କ୍‍ ଆରାମ୍‍ ମାଡ଼୍‍ୱେମାତ୍‍ତଣ୍ଡ୍‍ ବେଦ୍ ଅଣ୍ଡ୍‌‍ \xt ୨:୧\xt* ଲେକିମିନ୍ଦେଣ୍ଡ୍, କିନ୍ତୁ ନାର୍ଗେ ଆଗେ ତାମ୍‍ ଦାୟିତ୍ୱତେ ମାନ୍ଦାନ୍‍ ଗଟ୍‍ ହେର୍କା ମାଡ଼ିତଣ୍ଡ୍‍ । ଏପ୍ରାପ୍ରସ୍‍ ଇଦ୍ ମଣ୍ଡଲି ତିଆର୍‌ ମାଡ଼ିମାତ୍‍ତଣ୍ଡ୍‍ । ଆଦିଙ୍କ୍‍ ଅଣ୍ଡ୍‌ କଲସିୟତେ ନାରୁଣ୍ଡ୍‍ ମାତ୍‍ତଣ୍ଡ୍‍ ।
\ip ପାଉଲ୍‍ କଲସିୟ ବେସ୍‍କେ ମିଚ୍‍ ଶିକ୍ଷା ବିଷୟ୍‍ତେ ଚିନ୍ତେତେ ମିନ୍ଦେଣ୍ଡ୍‍ । ଅଣ୍ଡ୍‌‍ ଇଦ୍‍ ବିଷୟ୍‍ତେ ଚିଟି ଲେକାନ୍‍ ସେଙ୍ଗେ ନାର୍ଗେ ସମୟ୍‍ କଟା ମାଡ଼୍‍ତଣ୍ଡ୍‍ । ଇଗାଙ୍କ୍‍ ଆଦ୍‍ପାର୍‍ତେ ମାନ୍ଦେ ଯିହୁଦୀ କ୍ରିଷ୍ଟିୟାନ୍‍ ବେନଡ଼୍‍କି ବାଗାତ୍ କ୍ରିଷ୍ଟିୟାନ୍‍ ନାରୁଡ଼୍‍କ୍‍ ପାଆନ୍‌ତେ ନିୟମ୍‍ତେ ଯିହୁଦୀ ବ୍ୟବସ୍ଥାତିଙ୍କ୍‍, ନିଜର୍‍ ଇସାବ୍‍ତେ ସୁନ୍ନତ ବିଦୀତିଙ୍କ୍‍ ପାଲନ୍‍ ମାଡ଼ାନ୍‍ ସେଙ୍ଗ୍‍ ବାଦ୍ୟ ମାଡ଼ାନଙ୍କ୍‍ ଚେଷ୍ଟା ମାଡ଼ମାତ୍‍ତଣ୍ଡ୍‍ । ପାଉଲ୍‍ ନିଜର୍‍ ଇସାବ୍‍ତେ ଦର୍‍କାର୍‍ ଆୟ୍‍ୱେ ଲେକାମ୍‍ କ୍ରିଷ୍ଟିୟାନ୍‍ ବିଷୟ୍‍ତେ ଲେକିତଣ୍ଡ୍‍, ୱେରଣ୍ଡ୍‍ ବେନ ଆୟିଣ୍ଡ୍‍ କ୍ରିଷ୍ଟନ୍‍ ବିନା ଇଶ୍ୱର୍‌ତେ ଗାରେ ଗ୍ରହନ୍‍ ଆଦାନଙ୍କ୍‍ ପାର୍‍ୱଣ୍ଡ୍‍ \xt ୧:୧୫-୨୦\xt* ମେଣ୍ଡେ ନାରୁଡ଼୍‍ ଯୁକ୍ତିତଡ଼୍‍ ସ୍ଥାପିତ୍‍ ଶିକ୍ଷା ମୁଲ୍ୟ ଇନ ଆଦ୍‍ତେ \xt ୨:୮\xt* ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. କଲସିୟ ମଣ୍ଡଲିତିଙ୍କ୍‍ ପାଉଲ୍‍ତେ ନମସ୍କାର୍‍ । \ior ୧:୧-୨\ior*
\io1 ୨. କ୍ରିଷ୍ଟନ୍‍ ମହାନ୍‍ ନୁ ମିଚ୍‍ ଶିକ୍ଷା ପରୁ ପାଉଲ୍‍ତାଦ୍‍ ଜବାବ୍‍ । \ior ୧:୩–୩:୪\ior*
\io1 ୩. ସାୟେ କ୍ରିଷ୍ଟିୟାନ୍‍ ଜିୱୁଣ୍ଡ୍‍ ବାଦ୍‍କାନ୍‍ ସେଙ୍ଗେ ପାଉଲ୍‍ତେ ନିର୍ଦ୍ଦେଶ୍‍ । \ior ୩:୫–୪:୬ \ior*
\io1 ୪. ପାଉଲ୍‍ ଇଦ୍‍ ଚିଟିତିଙ୍କ୍‍ ବାଗାତ୍‍ ମଣ୍ଡଲିନାଗ୍‍ ମିକା କାର୍‍ୟାନଙ୍କ୍‍ କେସ୍‍ ନମସ୍କାର୍‍ ମାଡ଼ି ତେର୍ସ୍ପିତଣ୍ଡ୍‍ । \ior ୪:୭-୧୮\ior*
\c 1
\p
\v 1 ପାଉଲ୍, ଇଶ୍ୱର୍‌ତେ ଇଚ୍ଛା ଲେକାମ୍‍ କ୍ରିଷ୍ଟ ଜିସୁନ୍‍ ୱେରଣ୍ଡ୍ ପ୍ରେରିତ, ମେଣ୍ଡେ ମାନ୍‍ ଦାଦାଲ୍ ତିମତି 
\v 2 କଲସିୟତାଗ୍ ମାନ୍ଦାନ୍ ସାଦୁ ନୁ କ୍ରିଷ୍ଟ ବିଶ୍ୱାସି ଦାଦାଲଡ଼୍ ନୁ ଏଲାସ୍କ୍‍ ଗାରେ ଇଦ୍ ଚିଟି ଲେକିମିନ୍ଦେନ୍ । ମାନ୍‍ ବାବାଲ୍ ଇଶ୍ୱର୍‌ତାଗାଙ୍କ୍, ଦୟା ନୁ ଶାନ୍ତି ମୀଇ ସେଙ୍ଗେ ଆୟି ।
\s ଦନ୍ୟବାଦ୍‍ତାଦ୍ ପ୍ରାର୍ତନା
\p
\v 3 ମାମେ ମିଇ ସେଙ୍ଗେ ପ୍ରାର୍ତନା ମାଡ଼ାନ୍ ସମୟତେ ମାନ୍‍ ପ୍ରବୁ କ୍ରିଷ୍ଟ ଜିସୁନ୍ ବାବାଲ୍ ଇଶ୍ୱର୍‌ତିଙ୍କ୍ ସାରେଦାମ୍ ଦନ୍ୟବାଦ୍ ଇଦୁତମ୍ । 
\v 4 ବାତେଙ୍କ୍‍ଇତ୍କେ ମାମେ କ୍ରିଷ୍ଟ ଜିସୁନାଗେ ମିୟାଦ୍ ବିଶ୍ୱାସ୍ ନୁ ଇଶ୍ୱର୍‌ତେ ସାରେ ନାରୁଡ଼୍ ସେଙ୍ଗେ ମିୟାଦ୍ ପ୍ରେମ ବିଷୟ କେଞ୍ଜ୍‍ତମ୍ । 
\v 5 ବେସୁଙ୍କ୍‍ ସୁସମାଚାର୍‍ତେ ନିଜାମ୍‍ତାଦ୍‍ କାବୁର୍ ମିଇପାକେ ମୁନେଙ୍କ୍ ୱାତ୍‍ତେ, ମିଡ଼୍‍ ଆଦିନ୍ ତଡ଼୍ ଇତ୍‍ତାୱୁ ବର୍‍ସାତାଉ ଗଟି କେଞ୍ଜିମାତ୍‍ତିଡ଼୍ । ମିଡ଼୍ ବାତ୍‍ ବର୍‍ସା ମାଡ଼ିତିଡ଼୍, ବାତ୍‍ ମିଇ ସେଙ୍ଗେ ସ୍ୱର୍ଗତାଗ୍‍ ସୁରକ୍ଷିତ୍, ଆଦିନ୍ ପରୁ ମିଇୟାଦ୍ ବିଶ୍ୱାସ୍ ନୁ ପ୍ରେମ ମିନ୍ଦେ । 
\v 6 ବେନ୍ ସୁସମାଚାର୍ ପ୍ରଚାର୍‍ତେ ସେଙ୍ଗେ ମିଡ଼୍ ମୁନେ ଇଶ୍ୱର୍‌ତେ ଅନୁଗ୍ରହ ବିଷୟ କେଞ୍ଜ୍‍ତିଡ଼୍ ନୁ ଇଦିନ୍ ସତ୍‍ ଏର୍କା ମାଡ଼୍‍ତିଡ଼୍, ଆଦ୍ ସୁସମାଚାର୍ ଇଞ୍ଜେ ସାରେ ଜଗତ୍‍ତାଗ୍ ଏକାମ୍‍ ଆଦୁତ୍‍ ନୁ ଆର୍ଶିବାଦ୍‌ ତାତୁତେ । 
\v 7 \x + \xo ୧:୭ \xo*\xt କଲସୀୟ ୪:୧୨; ଫିଲିମୋନ୍ ୧:୨3.\xt*\x*ମାନ୍‍ ପାକାଙ୍କ୍ କ୍ରିଷ୍ଟନ୍ ବିଶ୍ୱାସ୍ତେ ସେବକ୍‍ ନୁ ମାନ୍‍ ଗାଟି ପ୍ରିୟ ଏପାପ୍ରା ନାଗାଙ୍କ୍ ମିଡ଼୍ ଇଶ୍ୱର୍‌ତେ ଇଦ୍ ଅନୁଗ୍ରହ ବିଷୟ ପୁଞ୍ଜ୍ ମିନ୍ଦେଡ଼ି । 
\v 8 ପବିତ୍ରଆତ୍ମା ମିକିଙ୍କ୍ ଇସ୍‍ମାନ୍ଦାନ୍ ପ୍ରେମ ବିଷୟ୍ ଅଣ୍ଡ୍‌‍ ମାନାଙ୍କ୍ କେସ୍‍ମିନ୍ଦେନ୍ ।
\p
\v 9 ଇଦିନ୍‍ ମାୟ୍‍ଦିଙ୍କ୍‍ ମୀଇ ବିଷୟତେ କେଞ୍ଜାନ୍ ୱେଲେକନ୍ସ୍ ମାମେ ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ୁତମ୍ । ପବିତ୍ରଆତ୍ମାତଡ଼୍ ଇସ୍‍ମାନ୍ଦାନ୍ ସାରେ ଜ୍ଞାନ୍ ନୁ ପୁନ୍ଦାନ୍ ଶକ୍ତି ତଡ଼୍ ଇଶ୍ୱର୍‌ତେ ଇଚ୍ଛା ପୁରା ମିଡ଼୍‍ ବେଲାନ୍ ପୁନ୍ଦେ ପାର୍‍ଦ୍‍ତିଡ଼୍, ଆଦିନ୍ ମାୟ୍‍ଦିଙ୍କ୍‍ ମିଇ ସେଙ୍ଗେ ମାମେ ପ୍ରାର୍ତନା ମାଡ଼ୁତମ୍ । 
\v 10 ଆଲେକେ, ମିଡ଼୍ ପ୍ରବୁନ୍‍ ଇଚ୍ଛା ଲେକାମ୍ ବାଦ୍‍କେ ପାର୍‍ଦ୍‍ତିଡ଼୍ ନୁ ଅନାଦ୍‌ ପସନ୍ଦ୍‍ ଲେକେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ । ମୀୟାଦ୍ ଜିୱେତାଗ୍ ସାରେ ଲେକାତ୍ ସାୟେତ୍ କାମ୍ ମାଡ଼େ ପାର୍‍ଦ୍‍ତିଡ଼୍ ନୁ ଇଶ୍ୱର୍‌ତେ ବିଷୟତେ ମିୟାଦ୍ ଜ୍ଞାନ୍ ନାର୍ଗେ ଆଦ୍‍ତେ । 
\v 11 ଗାଡ଼୍‍ସ୍‍ଆସ୍‍ ମିଇଡ଼୍ ବେଲାନ୍ କି ସାରେ ବିଷୟ ସୟେମ୍‍ ମାଡ଼ିତିଡ଼୍, ଅଦିନ୍‌ ସେଙ୍ଗେ ଅନାଦ୍‌ ଗୌରବ୍‍ମୟ ଶକ୍ତିତଡ଼୍ ମିଡ଼୍‍ ଶକ୍ତି ଆୟ୍‍ମୁଟ୍‍ । 
\v 12 ବାବାଲ୍ ଇଶ୍ୱର ୱେସିନ୍‍ ରାଜ୍ୟତାଗ୍ ତାନ୍‍ ନାରୁଡ଼୍‍ ସେଙ୍ଗେ ବାତ୍‍ ଲେକେତ୍ ନେଃଏତଣ୍ଡ୍, ଆଦିନ୍ ବାଗିଦାର୍‍ ଆଦାନ୍ ସେଙ୍ଗେ ଅଣ୍ଡ୍‌ ଯେ ମିକିଙ୍କ୍ ଯୋଗ୍ୟ ମାଡ଼୍‍ତନ୍, ଅଦିନ୍‌ ସେଙ୍ଗେ ୱେଡ଼୍‍କେତେ ଅଙ୍କ୍‌ ଦନ୍ୟବାଦ୍ ଇମୁଟ୍ । 
\v 13 ଅଣ୍ଡ୍‌ ଇକାଡ଼୍‍ ଶକ୍ତିତାଗାଙ୍କ୍ ମାନାଙ୍କ୍ ରକ୍ଷା ମାଡ଼୍‍ତନ୍ ନୁ ବିପଦ୍ ଇଲ୍‍ୱେ ଜାଗେତାଗ୍ ମାନାଙ୍କ୍ ତାନ୍ ପ୍ରିୟ ପ୍ରେମ ମାରିନ୍ ରାଜ୍ୟତାଗେ ତାତ୍‍ତନ୍ । 
\v 14 \x + \xo ୧:୧୪ \xo*\xt ଏଫିସିୟ ୧:୭.\xt*\x*ଆ ମାରିନ୍‍ ତଡ଼୍ ମାନାଡ଼୍ ମୁକ୍ତି ଆତ୍‍ତାଡ଼୍, ଇତ୍‍କେ ମାନାଦ୍‍ ପାପ୍‌ କ୍ଷମା ଆତ୍‍ତେ ।
\s କ୍ରିଷ୍ଟ ନୁ ଅନ୍‌‍ୱାଦ୍‍ କାମ୍
\p
\v 15 କ୍ରିଷ୍ଟ, ତନ୍ଦ୍‍ଇଲ୍‍ୱେ ଇଶ୍ୱର୍‌ତେ ତନ୍ଦାନ୍ ରୁପ ଲେକାମ୍ । ଅଣ୍ଡ୍‌ ମୁନେଙ୍କ୍ ପୁଟ୍‍ତେ ମାର୍‍ ନୁ ସାରେ ସୃଷ୍ଟିତାଗାଙ୍କ୍ ଅଣ୍ଡ୍‌ ବାଡ଼୍‍ୟଣ୍ଡ୍ । 
\v 16 ବାତେଙ୍କ୍ଇତ୍କେ ଅନ୍‌‍ତଡ଼୍ ଇଶ୍ୱର୍‍ ସ୍ୱର୍ଗତାଗ୍ ନୁ ପୃତିବିତାଗ୍ ସାରେ ଦୃଶ୍ୟ ନୁ ଆଦୃଶ୍ୟ ଜିନିଷ୍, ତେର୍‍ୱେ ଲେକାତ୍ ନାର୍ଗେଶକ୍ତି, କର୍ତ୍ତାଲଡ଼୍, ଶାସନ୍‍ ମାଡ଼ାନଡ଼୍ ନୁ ସାରେତଡ଼୍ ଅଦିକାରିଡ଼୍‍କ୍ ତିଆର୍ ମାଡ଼୍‍ତନ୍ । ଅନ୍‌‍ ତଡ଼୍ ନୁ ଅନ୍‌ ସେଙ୍ଗେ ଇଶ୍ୱର୍‍ ସାରେ ବିଶ୍ୱତିଙ୍କ୍ ତିଆର୍ ମାଡ଼୍‍ତନ୍ । 
\v 17 ସାରେ ବିଷୟ ତିଆର୍‍ତେ ମୁନେଙ୍କେ ଅନାଦ୍‌ ଅସ୍ତିତ୍ୱ ମାତ୍‍ତେ ନୁ ଅନ୍‌‍ ତଡ଼୍ କାଇଲାନ୍ ପେର୍କେ ସାରେ ବିଷୟ ନିଜର୍ ତିଆର୍‍ତେ ଜାଗାନାଗ୍ ବେଗେତାୱୁ ଆଗେ ମାତ୍‍ତା । 
\v 18 \x + \xo ୧:୧୮ \xo*\xt ଏଫିସିୟ ୧:୨୨,୨3.\xt*\x*ଅଣ୍ଡ୍‌‍ ତାନ୍ ଉପାସନା ମଣ୍ଡଲି ଲେକାମ୍‍ତେ ମେନ୍ଦୁଲ୍‍ତେ ତାଲ୍‍ଲେ ଲେକାମ୍‍; ଆଦ୍ ମେନ୍ଦୁଲ୍‍ତେ ଅଣ୍ଡ୍‌ ଜିୱୁନ୍‍ ଶକ୍ତି, ଡଲ୍‍ତାଗାଙ୍କ୍‍ ତେଏଦ୍‍ତେନଣ୍ଡ୍‍ ଅଣ୍ଡ୍‌‍ ମୁନେନ୍‍ ପୁଟ୍‍ତେ ମାର୍‍ । ଆଦିଙ୍କ୍‍ ସାରେ ବିଷୟତେ ପ୍ରତମ୍‍ତେ ପଡ଼ିୟେ ଦର୍‍କାନ୍ ସେଙ୍ଗେ ଅଣ୍ଡ୍‌ ଯୋଗ୍ୟ ଆତ୍‍ତନ୍ । 
\v 19 ବାତେଙ୍କ୍‍ଇତ୍କେ ଇଶ୍ୱର୍‌ତେ ଇଚ୍ଛାତେ ମାର୍‍ ନିଜେ ଇଶ୍ୱର୍‌ତେ ପୁରା ରୁପ୍ ପୟ୍‍ତଣ୍ଡ୍‍ । 
\v 20 \x + \xo ୧:୨୦ \xo*\xt ଏଫିସିୟ ୨:୧୬.\xt*\x*ମାରିନ୍‍ ତଡ଼୍ ଇଶ୍ୱର୍‍ ସାରେ ବିଶ୍ୱତିଙ୍କ୍ ନିଜର୍‍ ଗାରେ ମାଲ୍‍ପି ତାତାନଙ୍କ୍ ଇଚ୍ଛା ମାଡ଼୍‍ତନ୍ । କ୍ରୁଶତାଗ୍ ତାନ୍ ମାରିନାଦ୍ ଡଲ୍‍ତାଦିନ୍ ତଡ଼୍ ଇଶ୍ୱର୍ ଶାନ୍ତି ମାଡ଼୍‍ତନ୍ ମେଣ୍ଡେ ପୃତିବି ନୁ ସ୍ୱର୍ଗତାଗ୍ ମାନ୍ଦାନ୍ ସାରେ ବିଷୟତିଙ୍କ୍ ନିଜର୍‍ ଗାରେ ମାଲ୍‍ପି ତାତ୍‍ତନ୍ ।
\p
\v 21 ଅଣ୍ଡୟ୍‌‍ ସମୟତେ କାରାପ୍ ଚିନ୍ତା ନୁ କାରାପ୍ କାମ୍ ମାଡ଼ମାନ୍‍ନାକ୍ ମିଡ଼୍ ଇଶ୍ୱର୍‌ତାଗାଙ୍କ୍ ଯେକା ମାତ୍‍ତିଡ଼୍ ନୁ ଅନ୍‌ ଶତ୍ରୁ ମାତ୍‍ତିଡ଼୍ । 
\v 22 ଇତ୍କେ ଇଞ୍ଜେ ଇଶ୍ୱର୍‍ ମିକିଙ୍କ୍ ପବିତ୍ର, ସିଦ୍ଦ ନୁ ନିର୍ଦୋଷ୍‍ ଲେକାମ୍ ଅନ୍‌ ମୁନେ ତାତାନ୍‍ ସେଙ୍ଗେ ତାନ୍ ମାରିନ୍ ମେନ୍ଦୁଲ୍‍ ଡଲ୍‍ତାଦିନ୍ ତଡ଼୍ ମିକିଙ୍କ୍ ନିଜର୍‍ ତଡ଼୍ ମେଣ୍ଡନ୍‍ଦାମ୍‍ କାଲ୍‍ପି ମିନ୍ଦେଣ୍ଡ୍ । 
\v 23 ମିଡ଼୍ ଅଣ୍ଡୟ୍‌ ଡ଼ୁଟାଙ୍ଗ୍ ନୁ ନିଜାମ୍ ମୂଲଦୁଆ ପରୁ ତିଆତ୍‍ଆସ୍ ମାନୁଟ୍ ନୁ ସୁସମାଚାର୍ କେଞ୍ଜାନ୍ ୱେଲେ ବେନେ ଆଶେ ଦର୍‍କି ମାତ୍‍ତେ, ଆଗେଙ୍କ୍‍ ଦାନ୍ଦେ ଆଦାନଙ୍କ୍ ନିଜେତିଙ୍କ୍ ପଡ଼୍‍ୟି ଇମାଟ୍ । ଆଦ୍ ସୁସମାଚାର୍ କେ ପୃତିବିତେ ସାରେତଡ଼୍ ଗାରେ ପ୍ରଚାର୍ ଅଦୁତ୍ ନୁ ନାନ୍ ପାଉଲ୍, ଅନ୍‌‍ୱାଦ୍ ୱେରନ୍ ବିଶ୍ୱାସ୍ତେ ଦାସନ୍ ।
\s ମଣ୍ଡଲିତାଗ୍ ପାଉଲ୍‍ତେ କାମ୍
\p
\v 24 ଇଞ୍ଜେ ମି ସେଙ୍ଗେ ବେନ୍ ଦୁଃକାମ୍ କଷ୍ଟ ସେଙ୍ଗେ ନାନ୍ ୱେଡ଼୍‍କ୍‍ତାନ୍ । ବାତେଙ୍କ୍‍ଇତ୍କେ ନାୟାଦ୍ ମେନ୍ଦୁଲ୍‍ ଦୁଃକାମ୍‍ ତଡ଼୍ ନାନ୍ କ୍ରିଷ୍ଟନ୍ ମେନ୍ଦୁଲ୍ ଲେକାମ୍ ମଣ୍ଡଲି ପାକାଙ୍କ୍ କ୍ରିଷ୍ଟନ୍ ଦୁଃକାମ୍‍ତେ ବାକି ଦୁଃକାମ୍‍ତିଙ୍କ୍ ପୁରା ମାଡ଼ାନ୍‍ ସେଙ୍ଗେ ନାନ୍ ସାହାଯ୍ୟ ମାଡ଼ୁତାନ୍ । 
\v 25 ମୀଇ ସାୟେତ୍ ସେଙ୍ଗେ ଇଦ୍ କାମ୍ ମାଡ଼ାନ୍ ସେଙ୍ଗେ ନାନ୍‍ ଇଶ୍ୱର୍‌ତଡ଼୍ ମଣ୍ଡଲିତେ ୱେରନ୍ ଦାସ ଲେକାମ୍ ହେଞ୍ଚି ମିନ୍ଦେନ୍ । ଅନାଦ୍‌ ସୁସମାଚାର୍ ପୁରାପୁରି କେତାନାଦ୍ ନାୟାଦ୍ କାମ୍ । 
\v 26 ଆଦ୍ ସୁସମାଚାର୍ ୱେରଡ଼୍ ଲେକେତ୍ ବିଷୟ୍ । ଯୁଗ୍‍ଯୁଗ୍ ପଇସ୍ ଇଶ୍ୱର୍ ସାରେତଡ଼ାଗାଙ୍କ୍ ଇଦ୍ ମିଞ୍ଜିସ୍ପି ନେହେସ୍ ମାତ୍‍ତନ୍, ବାତେଙ୍କ୍‍ଇତ୍କେ ଇଞ୍ଜେ ତାନ୍ ନାରୁଡ଼୍ ପାକେ କେସ୍‍ ମିନ୍ଦେନ୍ । 
\v 27 ତାନ୍ ନାରୁଡ଼୍‍କିଙ୍କ୍ ଆଦ୍ ମିଞ୍ଜ୍‍ତେ ଗଟ୍ କେଞ୍ଜ୍‍ପାନଙ୍କ୍ ଇଶ୍ୱର୍‌ତେ ଇଚ୍ଛା ମାତ୍‍ତେ । ଅନାଦ୍‌ ଇଦ୍ ନାର୍ଗେ ମୁଲ୍ୟ ନୁ ଗୌରବ୍ ଲେକେତ୍ ଗଟ୍ ସାରେ ନାରୁଡ଼୍ ଜାତିତେ ସେଙ୍ଗେ ଦର୍‍କାର୍ । ଇଦ୍ ଗଟ୍ ଅଦୁତ୍, କ୍ରିଷ୍ଟ ମୀଇ ଲୋପେ ମିକା ମିନ୍ଦେନ୍ । ଇଦିନ୍ ଅର୍ତ, ମିଡ଼୍ ଇଶ୍ୱର୍‌ତେ ଗୌରବ୍‍ତଡ଼ି । 
\v 28 ଆଦିନ୍ ସେଙ୍ଗେ ମାନାଡ଼୍ ସାରେତଡ଼୍ ପାକେ କ୍ରିଷ୍ଟଙ୍କ୍ ପ୍ରଚାର୍ ମାଡ଼ୁତାଡ଼୍ । ସାରେତଡ଼୍‍କ୍ କ୍ରିଷ୍ଟନ୍‍ତଡ଼୍ କାଲ୍‍ପି ମିକା ଅଣ୍ଡୟ୍‌‍ ଲେକେତ୍ ନାରୁଣ୍ଡ୍ ଲେକାମ୍ ଇଶ୍ୱର୍‌ତେ ମୁନେ ନିଲ୍‍ସ୍ପିତାଡ଼୍, ମାନାଦ୍‍ ସାରେ ବୁଦ୍‍ଜ୍ଞାନ୍ ବ୍ୟବହାର୍‌ ମାଡ଼ି, ସାରେତଡ଼୍‍କ୍ ଚେତନା ନୁ ଶିକ୍ଷା ଇସମିନ୍ଦେମ୍ । 
\v 29 ଇଦିଙ୍କ୍ ପୁରା ମାଡ଼ାନ୍‍ ମାୟ୍‍ଦିଙ୍କ୍ ନାୟାଗେ ମାନ୍ଦାନ୍ କ୍ରିଷ୍ଟ ଇତ୍‍ତେ ମହାନ୍ ଶକ୍ତିତିଙ୍କ୍ ବ୍ୟବହାର୍ ମାଡ଼ି ନାନ୍ ଜିୱେ ଅପି ଚେଷ୍ଟା ମାଡ଼ୁତାନ୍‍ ନୁ ପାଡ଼୍‍ୟି ମାଡ଼ୁତାନ୍ ।
\c 2
\p
\v 1 ମିଇ ସେଙ୍ଗେ, ଲାଉଦିକିଆତଡ଼୍ ନାରୁଡ଼୍‍ ନୁ ନାକିଙ୍କ୍ ବ୍ୟକ୍ତିଗତ ଲେକାମ୍‌ ପୁନ୍‍ୱେ ମାନ୍ଦାନ୍ ସାରେତଡ଼୍ ନାରୁଡ଼୍ ସେଙ୍ଗେ ନାନେ ଯେ ବେସର୍ ନାର୍ଗେ ତିପାଲ୍ ପାଡ଼୍‍ୟି ମାଡ଼ୁତାନ୍, ଆଦ୍ ମିଡ଼୍ ପୁନୁଟ୍ ଇଞ୍ଜ ନାନ୍ ଚାହେମ୍ ଆଦୁତାନ୍ । 
\v 2 ମିଡ଼୍ ସାରେତଡ଼ି ବେଲାକି ସାର୍‍ଦେ ଆଦ୍‍ତିଡ଼୍, ନିଜେନିଜର୍ ଲପେ ପ୍ରେମତେ ଆବଦ୍ଦ ଆଦ୍‍ତିଡ଼୍ ନୁ ସତ୍ ଜ୍ଞାନ୍ ଲାବ୍ ମାଡ଼ି ନିଜାମ୍ ଆଶେ ଲେକାତ୍ ସମ୍ପତିତେ ପୁରା ଅଦିକାରି ଆଦ୍‍ତିଡ଼୍, ଇଦ୍ ନାୟାଦ୍ ଇଚ୍ଛା । ଇଦିନ୍ ତଡ଼୍ ମିଡ଼୍ ସାରେତଡ଼୍ ପୁନ୍‍ତିଡ଼୍ ଯେ, ଜିସୁ କ୍ରିଷ୍ଟକେ ଇଶ୍ୱର୍‌ତେ ମିଞ୍ଜି ମାନ୍ଦାନ୍‍ ସତ୍ ବିଷୟ୍ । 
\v 3 ଜିସୁ କ୍ରିଷ୍ଟ ଆଦୁତନ୍ ଆଦ୍ କୁସ୍‍କାୟ୍, ବାତେ ଇଶ୍ୱର୍‌ତେ ବୁଦ୍ ନୁ ଜ୍ଞାନ୍‍ତେ ଲେକାତ୍ ସାରେ ମିଞ୍ଜିମାନ୍ଦାନ୍ ସମ୍ପତିତେ ଗୋଦାମ୍‍ତିଙ୍କ୍‍ କୁଲାମାଡ଼ିଦ୍‍ତେ । 
\v 4 ବେନ ମିକିଙ୍କ୍ ବେଲାନ୍ କି ଗଟିନ୍‍ତଡ଼୍ ବୁଲ୍‍କାମାଡ଼ି ତିପାଲ୍ ମାଡ଼୍‍ମାକିଡ଼୍, ଅଦିନ୍‌ ସେଙ୍ଗେ ନାନେ ଇଦ୍‍ କେସ୍ ନେଃଏତୁତାନ୍ । 
\v 5 ଯଦି ମେନ୍ଦୁଲ୍‍ତେ ଇଲ୍‍ୱେ ମାତ୍‍କେ ମିକା, ଆତ୍ମିକତେ ନାନେ ମିଇ ତଡ଼୍ ମିନ୍ଦେନ୍ । କ୍ରିଷ୍ଟନ୍‍ ପରୁ ନାର୍ଗେ ବିଶ୍ୱାସ ନେହେସ୍ ମିଇଡ଼୍ ବେଲାନ୍ ସାୟେତ୍‍ବୁଦ୍ ଆତ୍‍ତିଡ଼୍‍, ଆଦ୍‍ ଉଡ଼ି ନାନେ ୱେଡ଼୍‍କୁତାନ୍ ।
\s କ୍ରିଷ୍ଟନାଗେ ପୁରା ଜିୱୁଣ୍ଡ୍‍
\p
\v 6 ବେଲା ମିଡ଼୍ କ୍ରିଷ୍ଟ ଜିସୁଙ୍କ୍ ପ୍ରବୁ ଲେକାମ୍ ଗ୍ରହନ୍‍ ମାଡ଼୍‍ତିଡ଼୍, ଅନ୍‌‍ ତଡ଼୍ କାଇଲି ଜିୱୁଣ୍ଡ୍‍ ବାଦ୍‍କାଟ୍ । 
\v 7 ମିୟାଦ୍ ସାରେ ଆଶେ ଅନ୍‌ ପରୁ ଗାଡ଼୍‍ସ୍‍ତଡ଼୍‍ ନେଃଏସ୍‍ମିକା ଜିୱୁଣ୍ଡ୍ ବାଦ୍‍କାଟ୍ ନୁ ମିଡ଼୍ ପାଏମ୍‍ ଆତ୍‍ତେ ଶିକ୍ଷା ଲେକାମ୍ ବିଶ୍ୱାସ୍‍ତେ ଗାଟି ସାତ୍‍ୱାମ୍ ଆୟ୍‍ମୁଟ୍ । ମିୟାଦ୍ ହୃଦୟ ଦନ୍ୟବାଦ୍‍ ତଡ଼୍ ନିଣ୍ଡିଆନି । 
\v 8 ସାବ୍‍ଦାନ୍, ବେନ ବେଲାନ୍ ମିକିଙ୍କ୍ ନାରୁଡ଼ାଦ୍ ବୁସାତାୱୁ ଆଙ୍ଗ୍‍ଡ଼ାତ୍‍ ଜ୍ଞାନ୍ ତଡ଼୍ ବୁସା ମାଡ଼୍‍ମାକିଡ଼୍ । ଆଦ୍ ସାରେ ଜ୍ଞାନ୍ କ୍ରିଷ୍ଟନ୍ ଶିକ୍ଷାତାଗାଙ୍କ୍ ୱାଡ଼୍‍ୱେ ମାନ୍‍ନ୍ତେ । ଆଦ୍ ନାରୁଡ଼୍‍ ସମାଜ୍‍ତାଦ୍‍ ପରମ୍ପରା ଶିକ୍ଷା ନୁ ବିଶ୍ୱତେ ପରୁ ଶାସନ୍‍ ମାଡ଼ ମାନ୍ଦାନ୍ ମେନ୍ଦୁଲ୍‍ ଇଲ୍‍ୱେ ଶକ୍ତିକିନ୍ ଶିକ୍ଷାତାଦ୍‍ କାୟେ । 
\v 9 ମାତର୍‌ ନାରୁଣ୍ଡ୍ ଲେକାମ୍ କ୍ରିଷ୍ଟନାଗେ ସ୍ୱର୍ଗୀୟସମ୍ପତି ଲେକାତ୍ ଗୁନାମ୍ ନାର୍ଗେ ନିଣ୍ଡି ମିନ୍ଦେ । 
\v 10 ଅନ୍‌‍ ତଡ଼୍ କାଇଲି ମାନ୍ଦାନ୍ ମାୟ୍‍ଦିଙ୍କ୍ ମୀଡ଼୍ ଜିୱେତାଦ୍ ପୁରା ଲାବ୍ ମାଡ଼୍‍ତିଡ଼୍‍ । ବାଗାତ୍ ସାରେ ଶକ୍ତି ନୁ ଶାସନ୍‍ ପରୁ କ୍ରିଷ୍ଟନାଦ୍ ଶାସନ୍‍ କେ ସାରେତିଙ୍କ୍ ବାଡ଼୍‍ୟେ ।
\p
\v 11 କ୍ରିଷ୍ଟନ୍‍ତଡ଼୍ କାଇଲି ମାନ୍ଦାନ୍ ଜିୱୁଣ୍ଡ୍‍ କେ ମିୟାଦ୍ ସୁନ୍ନତ ଲେକାମ୍ । ଇଦ୍ ସୁନ୍ନତ ନାରୁଡ଼୍ ମାଡ଼୍‍ତାଦ୍ ଆୟ, ଆଦ୍ କ୍ରିଷ୍ଟନ୍ ତଡ଼୍ ମିନ୍ଦେ । ଆଦ୍ ନାରୁଡ଼୍‍କ୍ ପାପାମ୍‍ ମେନ୍ଦୁଲ୍‍ ତାଗାଙ୍କ୍ ମୁକ୍ତି ଇଦ୍‍ତେ । 
\v 12 \x + \xo ୨:୧୨ \xo*\xt ରୋମୀୟ ୬:୪.\xt*\x*ବାତେଙ୍କ୍ଇତ୍କେ ଏର୍‍ମୁଡ଼୍‍ନ୍ଦ୍‍କେ ମିଡ଼୍ କ୍ରିଷ୍ଟନ୍‍ ତଡ଼୍ ସମାଦି ପାଏମ୍ ଆସ୍‍ମାତ୍‍ତିଡ଼୍ ନୁ ଜିସୁ କ୍ରିଷ୍ଟଙ୍କ୍ ତେଏସ୍ ‍ମାନ୍ଦାନ୍ ଇଶ୍ୱର୍‌ତେ ଶକ୍ତିତାଦ୍‍ ବିଶ୍ୱାସ୍ ମାଡ଼ାନ୍ ତଡ଼୍ କ୍ରିଷ୍ଟନ୍ ତଡ଼୍ ମିଡ଼୍‍ମିକା ତେଏଦ୍‍ତିଡ଼୍ । 
\v 13 \x + \xo ୨:୧3 \xo*\xt ଏଫିସିୟ ୨:୧-୫.\xt*\x*ମିୟାଦ୍ ପାପାମ୍‍ ସେଙ୍ଗେ ନୁ ମିଡ଼୍ ନିୟମ୍ ଇଲ୍‍ୱେ ଅଣଇହୁଦୀ ମାତ୍‍ତାଙ୍କ୍ ଅଣ୍ଡୟ୍‌‍ ଦାମ୍ ମିଡ଼୍ ଆଦ୍ୟାତ୍ମିକ ଲେକାମ୍ ଡଲି ମାତ୍‍ତିଡ଼୍; ଇତ୍କେ ଇଶ୍ୱର୍‍ ଇଞ୍ଜେ କ୍ରିଷ୍ଟନ୍ ତଡ଼୍ ମିକିଙ୍କ୍ ଜିୱେ ମାଡ଼୍‍ତନ୍ । ଇଶ୍ୱର୍ ମାନାଙ୍କ୍ ସାରେ ପାପାମ୍‍ କ୍ଷମା ମାଡ଼୍‍ତନ୍ । 
\v 14 \x + \xo ୨:୧୪ \xo*\xt ଏଫିସିୟ ୨:୧୫.\xt*\x*ଅଣ୍ଡ୍‌ ମାନ୍‍ ବିରୁଦ୍ଦତେ ମାନ୍ଦାନ୍ ନିୟମ୍‍ତେ ଦଲିଲ୍ ନୁ ଇଦିନ୍ ବିଦିବିଦାନ୍‍ତିଙ୍କ୍ କ୍ରୁଶତାଗ୍ ନଷ୍ଟ ମାଡ଼୍‍ତଣ୍ଡ୍‍ । 
\v 15 ମେଣ୍ଡ୍ ଆଦ୍ କ୍ରୁଶ ପରୁ କ୍ରିଷ୍ଟ ସାରେଲେକାମ୍ ଶକ୍ତି ନୁ ଅଦିକାର୍‌‍ ତାଗାଙ୍କ୍ ନିଜେତିଙ୍କ୍ ମୁକ୍ତି ମାଡ଼୍‍ତନ୍ ନୁ ଅଡ଼୍‌‍କିଂଙ୍କ୍ ବନ୍ଦି ମାଡ଼ି ନିଜେ ଜିଡ଼ି ଆଦାନ୍‍ୱେଲେ ସାରେତଡ଼୍ ମୁନେ ଅଡ଼୍‌‍କିଂଙ୍କ୍ ସିଗ୍ ୱେର୍‍ସ୍ପ୍‍ତଣ୍ଡ୍‍ ।
\p
\v 16 \x + \xo ୨:୧୬ \xo*\xt ରୋମୀୟ ୧୪:୧-୬.\xt*\x*ଆଦିଙ୍କ୍ ବେନ ମିୟାଦ୍ ତିନ୍ଦାନାଦ୍, ଉନ୍ଦାନାଦ୍, ପବିତ୍ର ଦିନାମ୍‍ ବା ଆମାସ୍ ପାଣ୍ଡୁମ୍‍, କି ରମାନ୍‍ ଦିନେ ବିଷୟତେ ବାତ୍‍ବା ନିୟମ୍ ତିଆର୍ ମାଡ଼୍‍ମାକିଡ଼୍ । 
\v 17 ଆୱୁ ସାରେ ମାତର୍‌ ବବିଷ୍ୟତ୍‍ତେ ଗଟେମ୍‍ ଆଦାନଙ୍କ୍ ଆଦାନାଦ୍ ବିଷୟତେ ନିଡ଼୍‍କେ ଲେକାମ୍ । କ୍ରିଷ୍ଟକେ ସାରେତିଙ୍କ୍ ସତ୍‍ । 
\v 18 ବେନଡ଼୍ ବିଶେଷ୍‍ ଦର୍ଶନ୍, ବାୟ୍‍ଦେ ସାୟେତଣ୍ଡ୍‍ ନୁ ଦୂତ ପୂଜା ପରୁ ଗୁରୁତ୍ୱ ଇସ୍ ଗର୍ବ ମାଡ଼ିତଡ଼୍, ଅଡ଼୍‌‍କିଂଙ୍କ୍ ଉଡ଼ି ମିଡ଼୍ ନିଜେତିଙ୍କ୍ ସୁଦୁର୍‍ ଏର୍କା ମାଡ଼୍‍ମାଟ୍ । ଇଦ୍‍ଲେକାମ୍ ନାରୁଡ଼୍ ନିଜେତିଙ୍କ୍‍ ନାରୁଡ଼୍‍ ଚିନ୍ତାତଡ଼୍ ଆଙ୍ଗ୍‍ଡ଼ାତ୍‍ ଗର୍ବତାଗ୍‍ ଗର୍ବୀଆସ୍‍ ମାନ୍‍ତଡ଼୍‍ । 
\v 19 \x + \xo ୨:୧୯ \xo*\xt ଏଫିସିୟ ୪:୧୬.\xt*\x*ମେନ୍ଦୁଲ୍‍ତେ ତାଲେ ଇନା କ୍ରିଷ୍ଟନାଗାଙ୍କ୍‍ ଅଡ଼୍‌ ୱେରେ ଆତ୍‍ତଡ଼୍ । ଅନ୍‌‍ ନିୟନ୍ତ୍ରଣତେ କାଇକ୍ ଡ଼େକା କାୟ୍‍ଲି ନୁ ନାରାସ୍ ତଡ଼୍ ତାମ୍‍ତାମ୍ ଲୋପେ କାୟ୍‍ଲି ଲେକେତ୍‍ ଆଦ୍‍ତା ମେଣ୍ଡେ ମେନ୍ଦୁଲ୍ ଇଶ୍ୱର୍‌ତେ ଇଚ୍ଛାତେ ପେର୍‍ସିତ୍ ।
\s କ୍ରିଷ୍ଟନ୍ ତଡ଼୍ ଡଲିକାଡ଼୍ ବା ଗେଲ୍‍ସିକାଡ଼୍
\p
\v 20 ମିଡ଼୍ କ୍ରିଷ୍ଟନ୍ ତଡ଼୍ ଡଲ୍‍ତିଡ଼୍ ନୁ ଇଦ୍ ପୃତିବି ପରୁ ଶାସନ୍‍ ମାଡ଼ମାନ୍ଦାନ୍ ଶକ୍ତିକିନ୍‍ଗାଙ୍କ୍ ମୁକ୍ତି ଲାବ୍ ମାଡ଼୍‍ତିଡ଼୍ । ଆଲେକ୍ ବାତ୍‍ତିଙ୍କ୍ ମିଡ଼୍ ଜଗତ୍‍ତେ ନାରୁଡ଼୍‍କିନ୍‍ ଲେକାମ୍ ଜିୱେ କାଟେମ୍ ଆଦୁତିଡ଼୍ ? ବାତ୍‍ତିଙ୍କ୍ ମିଡ଼୍ ଇଦ୍‍ଲେକାତ୍ ନିୟାମ୍ ସାରେ ପାଲନ୍ ମାଡ଼ୁତିଡ଼୍, 
\v 21 ଇତ୍‍କେ “ଇଦ୍ ପୟ୍‍ମାଟ୍, ଆଦ୍ ତିନ୍‍ମାଟ୍, ଆଦ୍ ଇଟ୍‍ମାଟ୍ ?” 
\v 22 ଇୱୁସାରେ ବିଷୟ ସେନେକ୍‍ତିଙ୍କ୍ । ଇଦ୍‍ ବ୍ୟବହାର୍‌ ଆଦାନ୍ ସାଙ୍ଗେ ସାଙ୍ଗେ ମୁଲ୍ୟହିନ୍ ଆଦ୍‍ତା । ଇୱୁ ସାରେ ନାରୁଡ଼୍‍ ତିୟାର୍‍ ମାଡ଼୍‍ତାୱୁ ନିୟମ୍ ନୁ ଶିକ୍ଷା । 
\v 23 ଆଲେନ୍ ସ୍ୱର୍ଗଦୂତନ୍ ପୁଜା, ବାୟ୍‍ଦେ ସାୟେତଣ୍ଡ୍‍ ନୁ ଆତ୍ମାତିଙ୍କ୍ କଷ୍ଟ ଇଲ୍‍ୱେ ପାଡ଼୍‍ୟି ସେଙ୍ଗେ କେସମାନ୍ଦାନ୍ ଇୱୁ ସାରେ ନିୟମ୍ ନାର୍ଗେ ଜ୍ଞାନ୍ ମିନ୍ଦେ ଇଞ୍ଜ ମନେ ଆଦ୍‍ତେ, ଇତ୍‍କେ ମେନ୍ଦୁଲ୍‍ତେ ଲାଲସା ପାଡ଼୍‍ୟି ତଲାନ୍‍ ସେଙ୍ଗେ ଇୱୁ ପାର୍‍ୱ ।
\c 3
\p
\v 1 ମିଡ଼୍‍ କ୍ରିଷ୍ଟନ୍ ତଡ଼୍ ଡଲ୍‍ତାଗାଙ୍କ୍ ତେଏଦ୍‍ତିଡ଼୍ । ଆଦିଙ୍କ୍ ସ୍ୱର୍ଗତେ ବିଷୟ ସେଙ୍ଗେ ମାନ୍‍ମାଡ଼ାଟ୍, ବାତେଙ୍କ୍ଇତ୍କେ କ୍ରିଷ୍ଟ ସ୍ୱର୍ଗତାଗେ ଇଶ୍ୱର୍‌ତେ ତିନ୍ଦେ ପାକେ କୁଦି ମିନ୍ଦେନ୍ । 
\v 2 ପୃତିବି ବିଷୟ ସେଙ୍ଗେ ମନ୍ ଇୱକଟ ସ୍ୱର୍ଗତେ ବିଷୟ ସେଙ୍ଗେ ମନ୍ ଇମୁଟ୍, 
\v 3 ବାତେଙ୍କ୍ଇତ୍‍କେ ମିଡ଼୍ ଡଲ୍‍ତିଡ଼୍ ନୁ କ୍ରିଷ୍ଟନ୍ ତଡ଼୍ ମିୟାଦ୍ ଜିୱେ ଇଶ୍ୱର୍‌ତାଗେ ମିଞ୍ଜି ମିନ୍ଦେ । 
\v 4 କ୍ରିଷ୍ଟକେ ମିଇ ଜିୱୁଣ୍ଡ୍ ନୁ ଅଣ୍ଡ୍‌ ବେସୁଙ୍କ୍‍ ତନ୍ଦିତଣ୍ଡ୍, ଆସୁଙ୍ଗ୍ ମିଡ଼୍‍ ମିକା ଅନାଦ୍‌ ଗୌରବ୍‍ ତଡ଼୍ ତନ୍ଦିତିଡ଼୍ ।
\s ପାଃନ୍ତେ ନୁ ପୁଃନେ ଜିୱୁଣ୍ଡ୍
\p
\v 5 ମିଇ ଜିୱେତ୍‍ ଲୋପେ ପାଙ୍ଗ୍‍ ମାଡ଼ାନ୍ ଜଗତ୍‍ତେ ପାଡ଼୍‍ୟି ଆତ୍‍ତେ-ଲାଲସା, ପିନ୍ଦଲାଦ୍, ଇନ୍ଦ୍ରିୟଶକ୍ତି, କୁଆବିଲାଷ ନୁ ଲୋତ୍‍ତିଙ୍କ୍ ମିଡ଼୍ ବିନାଶ୍ ମାଡ଼ାଟ୍ । ଲୋବ୍ ପୁତ୍‍ଲାମ୍‍ ପୁଜାତେ ୱେରଡ଼୍ ରୁପ୍ । 
\v 6 ଇୱୁସାରେ ନାଗେ ମାୟିମାଞ୍ଜ୍ ବେନଡ଼୍ ଇଶ୍ୱର୍‌ତିଙ୍କ୍ ମାନେମ୍‍ ଆୟଡ଼୍, ଅଡ଼୍‌ ପରୁ ଇଶ୍ୱର୍‌ତେ କପାମ୍ ନାର୍ଗେ ଆଦ୍‍ତେ । 
\v 7 ଅଣ୍ଡ୍‌‍ଦିନେ ମିଇଡ଼୍ ଇୱୁ ସାରେ କାରାପ୍‍ ପାଙ୍ଗାନାଗ୍ ମାଞ୍ଜ୍ ଜିୱୁଣ୍ଡ୍ ବାଦ୍‍କ ମାତ୍‍ତିଡ଼୍ ।
\p
\v 8 ଇତ୍‍କେ ଇଞ୍ଜେ ମିକିଙ୍କ୍ କପାମ୍, ହିଂସା, ପାସ୍‍କାନାଦ୍, ଇସତାୱୁ ୱିଡ଼୍‍ସାନଙ୍କ୍ ଆଦ୍‍ତେ । ମିଡ଼୍ ଅପମାନ୍‍ ଗଟି ବା କାରାପ୍‍ ଗଟି ବେସୁଙ୍କ୍‍ କେଲ୍‍ମାଟ୍ । 
\v 9 \x + \xo 3:୯ \xo*\xt ଏଫିସିୟ ୪:୨୨.\xt*\x*ନିଜେ ନିଜର୍‍ ଲପେ ମିଚ୍ କେଲ୍‍ମାଟ୍, ବାତେଙ୍କ୍ ଇତ୍କେ ମିଡ଼୍ ପାଃନ୍ତେ ଅବ୍ୟାସ୍‍ ନୁ ବ୍ୟବହାର୍‌ ୱିଡ଼୍‍ସ୍‍ତିଡ଼୍, 
\v 10 \x + \xo 3:୧୦ \xo*\xt ଏଫିସିୟ ୪:୨୪.\xt*\x*ମେଣ୍ଡେ ପୁଃନେ ଅବ୍ୟାସ୍‍ ପୟ୍‍ତ୍‍ତିଡ଼୍ । ନାରୁଡ଼ାୱୁ ଇୱୁ ପୁନାୱୁ, ସୃଷ୍ଟିକର୍ତାଲ୍ ଇଶ୍ୱର୍‍ ନିଜେ ନିଜର୍‍ ଲେକାମ୍ ବାରମ୍ବାର୍ ତିୟାର୍ ମାଡ଼ୁତନ୍ । ଇଦିନ୍ ସେଙ୍ଗେ ମିଡ଼୍ ଅନ୍‌ ବିଷୟତେ ସାରେଲେକାତ୍ ଜ୍ଞାନ୍ ପାଏମ୍ ଆଦୁତିଡ଼୍ । 
\v 11 ପେର୍କେ, ଇହୁଦିଡ଼୍, ଅଣଇହୁଦୀଡ଼୍, ସୁନ୍ନତ ନୁ ଅସୁନ୍ନତ, ନିଷ୍ଠୁର୍, ବୟଙ୍କକାର୍, କ୍ରିତଦାସ ବା ସ୍ୱାଦିନ୍ ନାରୁଣ୍ଡ୍ ଲପେ ମେଣ୍ଡେ ବାତ୍‍ବା ୱେରେ ଇଲେ । ଇତ୍‍କେ କ୍ରିଷ୍ଟ ସାରେତଡ଼ାଗେ ମିନ୍ଦେନ୍ ନୁ ଅଣ୍ଡ୍‌ ଆଦୁତନ୍ ସାର୍ରେ । 
\v 12 \x + \xo 3:୧୨ \xo*\xt ଏଫିସିୟ ୪:୨.\xt*\x*ମିଡ଼୍ ଇଶ୍ୱର୍‌ତେ ନାରୁଡ଼ି । ଅଣ୍ଡ୍‌ ମିକିଙ୍କ୍ ପ୍ରେମ ମାଡ଼ି ନିଜେତ୍ ସେଙ୍ଗେ ଏଞ୍ଚି ମିନ୍ଦେନ୍ । ଆଦିଙ୍କ୍ ମିଡ଼୍ କରୁଣା, ଦୟା, ନମ୍ରତା, ଲେକେତ୍‍ ଜିୱେତଣ୍ଡ୍ ନୁ ଗାଡ଼୍‍ସ୍‍ତାୱୁ ଚକା କେର୍‍ମୁଟ୍ । 
\v 13 \x + \xo 3:୧3 \xo*\xt ଏଫିସିୟ ୪:3୨.\xt*\x*ନିଜର୍‍ ନିଜର୍‍ ଲପେ ଦୟା ମାଡ଼ାଟ୍ ନୁ ଯଦି ବେନନ୍ ମେଣ୍ଡେ ଅର୍‍ତୁନ୍ ବିରୁଦ୍ଦତେ କେତାନାଦ୍ ମାନ୍‍ନ୍ତେ, ଆଲେକେ ନିଜର୍‍ନିଜର୍ ଲପେ କ୍ଷମା ମାଡ଼ାଟ୍ । 
\v 14 ମେଣ୍ଡେ ଇୱୁ ସାରେ ଗୁଣାମ୍‍ ତଡ଼୍ ପ୍ରେମତିଙ୍କ୍ କାଲ୍‍ପାଟ୍ । ପ୍ରେମ ସାରେ ବିଷୟତିଙ୍କ୍ ପୁରା ମାଡ଼ି ଅଣ୍ଡୟ୍‌‍ତାଗ୍ ମାଡ଼ିତ୍ । 
\v 15 କ୍ରିଷ୍ଟ ଇତ୍‍ତେ ଶାନ୍ତି ମିୟାଦ୍ ଆଲ୍‍ସାନାଦିଙ୍କ୍ ଚାଲା ମାଡ଼ି; ବାତେଙ୍କ୍ଇତ୍କେ ଇଦ୍ ଶାନ୍ତି ସେଙ୍ଗେ ଇଶ୍ୱର୍‍ ମିକିଙ୍କ୍ ଅଣ୍ଡୟ୍‌‍ତାଗ୍ ଅଣ୍ଡୟ୍‌ ମେନ୍ଦୁଲ୍ ଆଦାନ୍ ସେଙ୍ଗେ କାର୍‍ଙ୍ଗିମିନ୍ଦେନ୍ । ସାରେଦାମ୍ ଦୟା ଆୟ୍‍ମୁଟ୍ । 
\v 16 \x + \xo 3:୧୬ \xo*\xt ଏଫିସିୟ ୫:୧୯,୨୦.\xt*\x*କ୍ରିଷ୍ଟନ୍ ଗଟିନେ ନାର୍ଗେ ତେର୍‍ୱେ ଲେକେତ୍ ଗଟି ମିଇ ହୃଦୟତାଗେ ମାନି । ଜ୍ଞାନ୍‍ତଡ଼୍ ନିଜର୍‍ନିଜର୍‍ ଲୋପେ ଶିକ୍ଷା ନୁ ପରାମର୍ଶ ଇମୁଟ୍ । ପାଟେ, ସ୍ତୁତି ନୁ କୀର୍ତ୍ତନ୍ ମାଡ଼ାଟ୍ । ହୃଦୟତେ ଦୟା ତଡ଼୍ ଇଶ୍ୱର୍‌ତେ ସେଙ୍ଗେ ପାଟେ, ପାରାଟ୍ । 
\v 17 ମିଡ଼୍ ବାକ୍ୟ ବା କାମ୍‍ତାଗ୍ ବାତେ ବା ମାଡ଼୍‍ତିଡ଼୍, ଆଦ୍ ସାରେ ପ୍ରବୁ ଜିସୁନ୍ ପେଦେର୍‍ତେ ମାଡ଼ି ବାବାଲ୍‍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍ ।
\s ପୁନେ ଜିୱୁଣ୍ଡ୍‍ତାଗ୍ ନିଜର୍‍ ସମ୍ପର୍କ
\p
\v 18 \x + \xo 3:୧୮ \xo*\xt ଏଫିସିୟ ୫:୨୨; ୧ ପିତର୍‍ 3:୧.\xt*\x*ଅ ନାଟାନଡ଼ି, ମିଇ ମୁଦ୍‍ପାଲଡ଼୍‍ ତଡ଼୍‍ କାୟ୍‍ଲି ମାନୁଟ୍, ବାତେଙ୍କ୍‍ ଇତ୍କେ ପ୍ରବୁ ଜିସୁ କ୍ରିଷ୍ଟନ୍ ନାରୁଣ୍ଡ୍ ଇନା ଇଦ୍ ମିୟାଦ୍ ପାଡ଼୍‍ୟି ।
\p
\v 19 \x + \xo 3:୧୯ \xo*\xt ଏଫିସିୟ ୫:୨୫; ୧ ପିତର୍‍ 3:୭.\xt*\x*ଅ ମୁଦ୍‍ପାଲଡ଼ି, ମିୟାୱ୍‍ ମୁତେକିଙ୍କ୍ ପ୍ରେମ ମାଡ଼ାଟ୍ । ଆୱିଙ୍କ୍ କାରାପ୍ ବ୍ୟବହାର୍‌ ମାଡ଼୍‍ମାଟ୍ !
\p
\v 20 \x + \xo 3:୨୦ \xo*\xt ଏଫିସିୟ ୬:୧.\xt*\x*ପିଲାନଡ଼ି, ସାରେଦାମ୍ ମିଡ଼୍ ମିଇ ୟାୟବାବଡ଼୍ ଗଟି କେଞ୍ଜାଟ୍ । ଇଦ୍ ମିୟାଦ୍ କ୍ରିଷ୍ଟିୟାନ୍ ପାଡ଼୍‌ୟି, ବାତେଙ୍କ୍ ଇତ୍କେ ଇଗେ ଇଶ୍ୱର୍ ୱେଡ଼୍‍କେ ଆଦ୍‍ତନ୍ ।
\p
\v 21 \x + \xo 3:୨୧ \xo*\xt ଏଫିସିୟ ୬:୪.\xt*\x*ଅ ୟାୟବାବାନଡ଼ି, ମିୟାୱୁ ପିଲାକିଙ୍କ୍ କିଜ୍ରା ମାଡ଼୍‍ମାଟ୍ । ବାତେଙ୍କ୍ଇତ୍କେ ଇଦିନ୍ ମାୟ୍‍ଦିଙ୍କ୍ ଅଡ଼୍‌ ସାର୍‍ଦେ ଆୟଡ଼୍ ।
\p
\v 22 \x + \xo 3:୨୨ \xo*\xt ଏଫିସିୟ ୬:୫-୮.\xt*\x*ଅ ଗତିନଡ଼ି, ସାରେ ବିଷୟତାଗେ ମୀଇ ମାଲିକିଡ଼୍ ଗଟି କେଞ୍ଜାଟ୍ । ମାତର୍‌ ଅଡ଼୍‌‍ ମିଇ ପର କଣ୍ଡେ ୱାଟିମାନ୍ଦାନ୍ ୱେଲେ ଅଡ଼୍‌‍କିଂଙ୍କ୍ ସାର୍‍ଦେ ମାଡ଼ାନ୍ ସେଙ୍ଗେ ଆୟ, ମାତର୍‌ ପ୍ରବୁନ୍ ସେଙ୍ଗେ ମିୟାଦ୍ ବକ୍ତି ସେଙ୍ଗେ ସରଲ୍‍ ହୃଦୟତେ ଇଦ୍ ମାଡ଼ାଟ୍ । 
\v 23 ମିଡ଼୍‍ ବାତେ ମାଡ଼ିତିଡ଼୍, ଆଦ୍ ନାରୁଡ଼୍ ସେଙ୍ଗେ ମାଡ଼କଟ ଇଶ୍ୱର୍‌ତେ ସେଙ୍ଗେ ମାଡ଼ୁତିଡ଼୍ ଇଞ୍ଜ ଏର୍କେ ମାଡ଼ି ପୁରା ଜିୱୁଣ୍ଡ୍ ଅପି ମାଡ଼ାଟ୍ । 
\v 24 ଏର୍କେ ନେହେମୁଟ୍, ଇଶ୍ୱର୍‍ ତାନ୍ ନାରୁଡ଼୍ ସେଙ୍ଗେ ବାତେ ନେଃଏତଣ୍ଡ୍, ଆଦ୍ ଅଣ୍ଡ୍‌ ମିକିଙ୍କ୍ ପୁରସ୍କାର୍ ଲେକାମ୍ ଇଦ୍‍ତଣ୍ଡ୍‍ । ବାତେଙ୍କ୍ଇତ୍କେ କ୍ରିଷ୍ଟକେ ମିୟାଦ୍ ନିଜାତଣ୍ଡ୍ ପ୍ରବୁ, ବେନନାଦ୍ ସେବା ମିଡ଼୍‍ ମାଡ଼ୁତିଡ଼୍ । 
\v 25 \x + \xo 3:୨୫ \xo*\xt ଏଫିସିୟ ୬:୯.\xt*\x*ମେଣ୍ଡେ ସାରେ କାରାପ୍‍ ନାରୁଡ଼୍ ଅନାଦ୍‌ ଅପ୍‍ୱାଦ୍‍ ପାଡ଼୍‍ୟି ସେଙ୍ଗେ ଦଣ୍ଡ୍‍ ଦର୍‍କିତ୍, ବାତେଙ୍କ୍ଇତ୍କେ ଇଶ୍ୱର୍ ବେନନ୍ ପାକେ ଆୟ୍‍ୱେ ସାରେତଡ଼୍‍କିଙ୍କ୍ ବିଚାର୍ ମାଡ଼ିତଣ୍ଡ୍ ।
\c 4
\p
\v 1 \x + \xo ୪:୧ \xo*\xt ଏଫିସିୟ ୬:୯.\xt*\x*ମାଲିକିଡ଼୍, ମୀଇ ଦାସନଡ଼୍‍ ସେଙ୍ଗେ ଟିକ୍‍ ନୁ ନ୍ୟାୟ ବ୍ୟବହାର୍‌ ମାଡ଼ାଟ୍ । ଏର୍କେ ନେହେମୁଟ୍, ସ୍ୱର୍ଗତାଗ୍ ମିୟାଦ୍ ମିକା ୱେରଣ୍ଡ୍ ପ୍ରବୁ ମିନ୍ଦେଣ୍ଡ୍ ।
\s ବାତ୍‍ବାତ୍ ଉପଦେଶ୍
\p
\v 2 ସାରେଦାମ୍ ପ୍ରାର୍ତନାତଡ଼୍ ବାଦ୍‍କାଟ୍ ନୁ ଇଶ୍ୱର୍‌ତେ ଦନ୍ୟବାଦ୍ ଲେକାମ୍ ପ୍ରାର୍ତନାତାଗ୍ ତିଆର୍ ଆସ୍‍ ମାନୁଟ୍ । 
\v 3 କ୍ରିଷ୍ଟନାଦ୍ ସାରେ ବାକ୍ୟ ପ୍ରଚାର୍ ମାଡ଼ାନଙ୍କ୍ ବେଲାନ୍ ଇଶ୍ୱର୍ ମାନାଙ୍କ୍ ସୁଯଗ୍ ଇଦ୍‍ତନ୍, ଅଦିନ୍‌ ସେଙ୍ଗେ ମିକା ପ୍ରାର୍ତନା ମାଡ଼ାଟ୍ । ବେନ୍ ଗଟ୍ ପ୍ରଚାର୍ ମାଡ଼୍‍ତାଙ୍କ୍‍ ନାନେ ଇଞ୍ଜେ ବନ୍ଦିଲୋତ୍‍ତାଗ୍‍ ମିନ୍ଦେନ୍, 
\v 4 ମେଣ୍ଡେ ପ୍ରାର୍ତନା ମାଡ଼ାଟ୍, ବେଲାନ୍ ନାନେ ଲେକେତ୍‍ ନୁ ଟିକ୍‍ ଆଦ୍ ପ୍ରଚାର୍ ମାଡ଼େ ପାର୍‍ଦ୍‍ତାନ୍ ।
\p
\v 5 \x + \xo ୪:୫ \xo*\xt ଏଫିସିୟ ୫:୧୬.\xt*\x*ସାରେ ସୁଯୋଗ୍‍ ଲେକେତ୍‍ ବ୍ୟବହାର୍‌ ମାଡ଼ି ଅବିଶ୍ୱାସୀନଡ଼୍‍ ଗାରେ ବୁଦ୍‍ତଡ଼୍‍ ତିର୍‍ୟାଟ୍ । 
\v 6 ମିୟାୱୁ ଗୋଟି ସାରେଦାମ୍ ଲେକେତ୍ ମିଙ୍ଗ୍‍ତାୱୁ ନୁ ମାନ୍‍ୱାତ୍‍ତେ ଲେକେତ୍ ଗଟି ଆୟି । ସାରେତଡ଼୍‍କିଙ୍କ୍ ବେଲାନ୍ ଟିକ୍ ଉତ୍ତର୍ ଇଦେ ପାର୍‍ଦ୍‍ତିଡ଼୍, ଇୱୁ ଗୋଟି ମିଡ଼୍ ପୁନ୍ଦାନ୍ ଦର୍‍କାଡ଼୍ ।
\s ମାଡ଼େଙ୍କ୍‌ତାଦ୍‍ ନମସ୍କାର୍‍
\p
\v 7 \x + \xo ୪:୭ \xo*\xt ପ୍ରେରିତ ୨୦:୪; ୨ ତୀମତି ୪:୧୨.\xt*\x*\x + \xo ୪:୭ \xo*\xt ଏଫିସିୟ ୬:୨୧,୨୨.\xt*\x*ପ୍ରବୁନ୍ କାମ୍‍ତେ ବିଶ୍ୱସ୍ତେ ମାନ୍ଦାନଡ଼୍ ସେବକ୍‍ ନୁ ନା ତଡ଼୍‍ଦେନଡ଼୍ ପ୍ରିୟ ଦାଦାଲ୍‍ ତୁକିକ ନା ବିଷୟ୍‍ତେ ମିକିଙ୍କ୍ ସାରେ ବିଷୟ କେଞ୍ଜ୍‍ପିତଡ଼୍ । 
\v 8 ମାମେ ବେଲାନ୍ ମିନ୍ଦେମ୍, ସାରେ ବିଷୟ କେସ୍ ମିକିଙ୍କ୍ ସାର୍‍ଦେ ଇଦାନ୍ ସେଙ୍ଗେ ନାନେ ଅଡ଼୍‌‍କିଂଙ୍କ୍ ମୀଇ ଗାରେ ରଅତୁତାନ୍ । 
\v 9 \x + \xo ୪:୯ \xo*\xt ଫିଲିମୋନ୍ ୧:୧୦-୧୨.\xt*\x*ଅନ୍‌‍ ତଡ଼୍ ମୀଇ ମାନ୍ଦେ ମିନ୍ଦେ ପ୍ରିୟ ବିଶ୍ୱାସି ଦାଦାଲ୍‍ ଅନିସିମସ୍‍ ମିକା ଆଦୁତନ୍ । ଅଡ଼୍‌ ମିକିଙ୍କ୍ ଇଗେ ଗଟେମ୍ ଆସମାନ୍ଦାନ୍ ସାରେ ଗଟି କେଞ୍ଜ୍‍ପିତଡ଼୍ ।
\p
\v 10 \x + \xo ୪:୧୦ \xo*\xt ପ୍ରେରିତ ୧୯:୨୯; ୨୭:୨; ଫିଲିମୋନ୍ ୧:୨୪; \xt*\xt ପ୍ରେରିତ ୧୨:୧୨,୨୫; ୧3:୧3; ୧୫:3୭-3୯.\xt*\x*ନା ତଡ଼୍ ବନ୍ଦି ଆସ୍‍ମାନ୍ଦାନ୍ ଆରିସ୍ତାର୍କ ନୁ ଅନ୍‌ ତଡ଼୍ ବର୍ଣ୍ଣବାନ୍‍ କୁଟ୍‍ମାମ୍‍ ମାର୍କ ମିକା ମିକିଙ୍କ୍ ନମସ୍କାର୍ ଜଣାମାଡ଼ୁତନ୍ । ମାର୍କ ମୀଇ ଗାରେ ଆତ୍‍କେ ଅଙ୍କ୍‌ ସ୍ୱାଗତ୍ ମାଡ଼ାଟ୍ । ଇଦ୍ ନିର୍ଦ୍ଦେଶ ମିକିଙ୍କ୍ ମୁନେଙ୍କ୍‍କଞ୍ଜ୍ ଇତ୍‍ତଡ଼୍ । 
\v 11 ଯୁସ୍ତ ପେଦେର୍‍ତେ ପୁଞ୍ଜ୍‍ମାନ୍ଦାନ୍ ଯିହୋଶୂୟ ମିକା ନମସ୍କାର୍ କେଞ୍ଜ୍‍ପୁତନ୍ । କ୍ରିଷ୍ଟ ଦର୍ମ ଗ୍ରହଣ ମାଡ଼ିମାନ୍ଦାନ୍ ମାତର୍‌ ଇଡ଼୍ ମୁୱୁଡ଼୍ ଇହୁଦୀ ଇଶ୍ୱର୍‌ତେ ରାଜ୍ୟ ସେଙ୍ଗେ ନା ତଡ଼ିନଡ଼୍‍ ଆସ୍ ନାକିଙ୍କ୍ ଗାଟି ସାହାଯ୍ୟ ମାଡ଼୍‍ତଡ଼୍ ।
\p
\v 12 \x + \xo ୪:୧୨ \xo*\xt କଲସୀୟ ୧:୭; ଫିଲିମୋନ୍ ୧:୨3.\xt*\x*ମୀଇ ମାନ୍ଦେତେ ମେଣ୍ଡେ ଅର୍‍ତୁଣ୍ଡ୍ ସବ୍ୟ ନୁ କ୍ରିଷ୍ଟ ଜିସୁନ୍ ସେବକ ଏପାପ୍ରା ନମସ୍କାର୍ କେଞ୍ଜ୍‍ପୁତନ୍ । ଇଶ୍ୱର୍‌ତେ ଇଚ୍ଛାତେ ସାରେ କେଞ୍ଜି ମୀଇଡ଼୍ ବେଲାନ୍ ବୟସ୍କା ନୁ ଗାଡ଼୍‍ସ୍‍ କ୍ରିଷ୍ଟ ବିଶ୍ୱାସିଡ଼୍‍ ଲେକାମ୍ ଡାଟାମ୍‍ ଲେକାମ୍ ନିତେ ପାର୍‍ଦ୍‍ତେ, ଆଦିନ୍ ସେଙ୍ଗେ ଅଣ୍ଡ୍‌ ସାରେଦାମ୍ ଇଶ୍ୱର୍‌ତେ ଗାରେ କେୟିକେୟି ପ୍ରାର୍ତନା ମାଡ଼ିମିନ୍ଦେଡ଼୍ । 
\v 13 ମୀଇ ସେଙ୍ଗେ, ଲାଉଦିକିଆ ନୁ ହିଏରାପଲିତେ ନାରୁଡ଼୍ ସେଙ୍ଗେ ଅଣ୍ଡ୍‌ ମାଡ଼ିମାନ୍ଦାନ୍ ଗାଟି ତିପାଲ୍ ପାଡ଼୍‍ୟି ବିଷୟ୍‍ତେ ନାନ୍‍ ନିଜେ ସାକ୍ଷ୍ୟ ଇସମିନ୍ଦେନ୍ । 
\v 14 \x + \xo ୪:୧୪ \xo*\xt ୨ ତୀମତି ୪:୧୧; ଫିଲିମୋନ୍ ୧:୨୪; \xt*\xt ୨ ତୀମତି ୪:୧୦; ଫିଲିମୋନ୍ ୧:୨୪.\xt*\x*ପ୍ରିୟ ଡାକ୍ଟର୍‍ ଲୁକ ନୁ ଦୀମା ମିକିଙ୍କ୍ ନମସ୍କାର କେଞ୍ଜ୍‍ପୁତଡ଼୍ ।
\p
\v 15 ଲାଉଦିକିଆତେ ଦାଦାଲଡ଼୍‍କ୍ ନୁ ଏଲାସ୍କ୍‍, ଏଲାଡ଼୍ ନୁମପା ନୁ ତାନ୍ ଲନ୍ ଅଣ୍ଡୟାଗ୍ ଆସମାନ୍ଦାନ୍ ମଣ୍ଡିଲିତେ ସାରେତଡ଼୍‍କ୍ ମାୟାଦ୍‌ ନମସ୍କାର୍‍ କେଞ୍ଜ୍‍ପାଟ୍ । 
\v 16 ମିଡ଼୍ ଇଦ୍ ଚିଟି କାର୍‌ସ୍‌ ତେର୍ପାନ୍ ୱେଲେ ଲାଉଦିକିଆତେ ମଣ୍ଡଲିତାଗ୍ ମିକା ବେଲାନ୍ କି ଇଦ୍ କାର୍‍ତେ ପାର୍‍ଦ୍‍ତଡ଼୍, ଆଦ୍ ବେଲା ଇତ୍‍କେ ବା ମାଡ଼ାଟ୍ । ଲାଉଦିକିଆ ମଣ୍ଡଲିତେ ଦାଦାନଡ଼୍ ମୀଇ ଗାରେ ବେନ୍ ଚିଟି ରଅତିତଡ଼୍, ଆଦ୍ ମିକା କାର୍ମୁଟ୍ । 
\v 17 \x + \xo ୪:୧୭ \xo*\xt ଫିଲିମୋନ୍ ୧:୨.\xt*\x*ମେଣ୍ଡେ ଆର୍କିପ୍‍ପଙ୍କ୍ କେତିତିଡ଼୍, “ପ୍ରବୁନ୍ ସେବା ପାଡ଼୍‍ୟି ମାଡ଼ାନ୍ ସେଙ୍ଗେ ମିକିଙ୍କ୍ ବେନ୍ ଦାୟିତ୍ୱ ଇସ୍‍ମାତ୍‍ତଡ଼୍, ଆଦ୍ ବେଲାନ୍ ଇତ୍କେବା ପୁରା ମାଡ଼ାଟ୍ ।”
\p
\v 18 ନାନେ ପାଉଲ୍ ନିଜର୍‍ କାୟ୍‍ଦେ ଚିଟି ଲେକି, ନାୟାଦ୍ ନମସ୍କାର୍‍ କେଞ୍ଜ୍‍ପୁତାନ୍ । ନାୟାଦ୍ ବନ୍ଦି ଅବସ୍ଥାତିଙ୍କ୍ ମାର୍‍ଙ୍ଗ୍‍ମାଟ୍ । ଇଶ୍ୱର୍‌ତେ ଅନୁଗ୍ରହ ମୀଇ ସାରେତଡ଼ ପାକେ ମାନ୍‍ନି ।