\id 2TH - Koya
\ide UTF-8
\h ୨ ଥେସଲନିୟ
\toc3 ୨ ଥେସଲନିୟ
\toc2 ୨ ଥେସଲନିୟ
\toc1 ଥେସଲନିୟ ବିଶ୍ୱାସୀଡ଼୍ ଗାର୍ରେ ପାଉଲ୍‌ତେ ଦ୍ୱିତିୟ ଚିଟି
\mt2 ଥେସଲନୀୟ ବିଶ୍ୱାସୀମାନଙ୍କ ନିକଟକୁ ପାଉଲଙ୍କ ଦ୍ୱିତୀୟ ପତ୍ର
\mt1 ଥେସଲନିୟ ବିଶ୍ୱାସୀଡ଼୍ ଗାର୍ରେ ପାଉଲ୍‌ତେ ଦ୍ୱିତିୟ ଚିଟି
\imt ୨ ଥେସଲନିୟ ବିଷୟ୍‍ତେ ଅଣ୍ଡୟ୍‌‍ ପଦ୍
\ip ଥେସଲନିୟ ମଣ୍ଡଲି ଗାର୍‍ରେ ଦ୍ୱିତିୟ ଚିଟି ପ୍ରେରିତ୍ ପାଉଲ୍‍ତଡ଼୍ ଲେକ୍‍ତାଦ୍ ଆସ୍‍ମାତ୍‍ତେ \xt ୧:୧\xt* । ପ୍ରତମ୍ ଥେସଲନିୟତେ ସୁଦୁଟ୍ ଦିନାମ୍ ପେର୍‍କେ କ୍ରିଷ୍ଟନ୍ ଜନମ୍‍ତେ ୫୧ ଏଣ୍ଡ୍‍କ୍ ପେର୍‍କେ ଇଦ୍ ଚିଟି ଲେକିମାତ୍‍ତଣ୍ଡ୍ । ପାଉଲ୍ ବେସୁଟ୍‌ ଥେସଲନିକିୟ ମଣ୍ଡଲିକିଙ୍କ୍ ଚିଟି ଲେକ୍‍ତଣ୍ଡ୍, ଆସୁଟେ ଅଣ୍ଡ୍‌ କରନ୍ତିୟ ମଣ୍ଡଲିତାଗ୍ ମାତ୍‍ତଣ୍ଡ୍ । ବେନ୍ ମଣ୍ଡଲି ଅଣ୍ଡ୍‌ ଦ୍ୱିତିୟ ମିଶନାରୀ ଆଦାନ୍‍ୱେଲେ ନିଲ୍‍ସ୍ପି ମାତ୍‍ତଣ୍ଡ୍ \xt ପ୍ରେରିତ ୧୭:୧-୧୦\xt* ।
\ip ପ୍ରେରିତ୍ ବଇତାଗ୍ କେତାନଙ୍କ୍ ଆଦ୍‍ତେ ଯେ, ବେସ୍‍କ୍‍ତୁଡ଼୍‍ ଯିହୁଦୀ ନୁ ନାର୍‍ଗେ ଗ୍ରୀକ୍ ଗଟ୍ କେସମାନ୍ଦାନ୍ ନାରୁଡ଼୍‍ତଡ଼୍ ଇଦ୍ ଥେସଲନିୟ ମଣ୍ଡଲି ନିଲ୍‍ସ୍ପି ମାତ୍‍ତଡ଼୍ । ଥେସଲନିକିୟ ମଣ୍ଡଲି ଗାର୍‍ରେ ଲେକ୍‍ତାଦ୍ ଆସ୍‍ମାନ୍ଦାନ୍ ଚିଟିତାଗ୍ କ୍ରିଷ୍ଟନ୍ ୱାଦାନାଦ୍ ନୁ ମାଡ଼େଙ୍କ୍‌ତେ ୱେଲେତ୍ ବିଷୟ୍ ଲେକ୍‍ତାଦ୍ ମିନ୍ଦେ । ବାତେଙ୍କ୍‍ଇତ୍‍କେ ପାଉଲ୍ ରେଣ୍ଡ୍ ତାନ୍ ଚିଟିତାଗ୍ ଥେସଲନିକିୟ ମଣ୍ଡଲି ଗାର୍‍ରେ ଇଦ୍ ଦ୍ୱିତୀୟଦାମ୍ ୱାଦାନାଦ୍ ବିଷୟ୍‍ତେ ନାର୍‍ଗେ ବିଷୟ୍ ଲେକିମିନ୍ଦେଣ୍ଡ୍ । ଦ୍ୱିତିୟ ଥେସଲନିୟତାଗ୍ ଲେକ୍‍ତାଦ୍ ବିଷୟ୍ ଗାରେଗାରେ ଦୁଡ଼ା ବିଷୟ୍ ମାଡ଼େଙ୍କ୍‌ତେ ୱେଲେତ୍ ବିଷୟ୍ । ପାଉଲ୍ ଗାଲା ମିଟିଙ୍କ୍ ବିଷୟ୍‍ତେ ସତର୍କ ମାଡ଼ୁତଣ୍ଡ୍ । ସାର୍‍ରେ ନାରୁଡ଼୍ ତାମ୍ କାଦି ସେଙ୍ଗେ ପାଡ଼୍‍ୟି ମାଡ଼ାନାଦ୍ ସାୟେ \xt ୩:୬-୧୦\xt* ।
\iot ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ୍
\io1 ୧. ପାଉଲ୍ ତାନ୍ ଚିଟିତାଗ୍ ନିଜେତ୍ ନୁ ତାନ୍‍ତଡ଼୍ ପାଡ଼୍‍ୟିମାଡ଼ାନଡ଼ାଦ୍ ପରିଚୟ୍ ଇସ୍ ଆରାମ୍ ମାଡ଼ିତନ୍ । \ior ୧:୧-୨\ior*
\io1 ୨. ନୁ ଥେସଲନି ମଣ୍ଡଲି ସେଙ୍ଗେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତଣ୍ଡ୍ ନୁ ପ୍ରାର୍ତନା ମାଡ଼ିତନ୍ । \ior ୧:୩-୧୨\ior*
\io1 ୩. ଦ୍ୱିତିୟ ଅଦ୍ୟାୟତେ ଜଗତ୍‍ତେ ମାଡ଼େଙ୍କ୍‌ତେ ୱେଲେତ୍ ବିଷୟ୍‍ତେ କେତିତଣ୍ଡ୍ । \ior ୨\ior*
\io1 ୪. ନୁ ଅଣ୍ଡ୍‌ ମଣ୍ଡି ବିରୁଦ୍‍ତେ ନୁ ଗାଟି ପାଡ଼୍‍ୟି ମାଡ଼ାନ୍ ବିଷୟ୍‍ତେ କେତିତଣ୍ଡ୍ । \ior ୩:୧-୧୫\ior*
\io1 ୫. ପାଉଲ୍ ମେଣ୍ଡଅନ୍‌‍ଦାମ୍ ମଣ୍ଡଲିତେ ନାରୁଡ଼୍‍କିଂଙ୍କ୍ ନମସ୍କାର୍ ମାଡ଼ି ତେର୍‍ସ୍ପିତଣ୍ଡ୍ । \ior ୩:୧୬-୧୮\ior*
\c 1
\p
\v 1 \x + \xo ୧:୧ \xo*\xt ପ୍ରେରିତ ୧୭:୧.\xt*\x*ନାନ୍ ପାଉଲ୍, ସିଲେ ନୁ ତୀମତି ମାନ୍‍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନାଗେ ମାନ୍ଦାନ୍ ଥେସଲନିକୀ ମଣ୍ଡଲି ପାକେ ଚିଟି ଲେକ୍‍ତାନ୍ ।
\p
\v 2 ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ମିକିଂଙ୍କ୍ ଅନୁଗ୍ରହ ନୁ ଶାନ୍ତି ଇୱିଣ୍ଡ୍ ।
\s କ୍ରିଷ୍ଟ ୱାଦାନାଦ୍ ନୁ ବିଚାର୍
\p
\v 3 ହୋ ଦାଦାନଡ଼ି ନୁ ଏଲାସ୍କ୍‍ ! ମିଇ ସେଙ୍ଗେ ଇଶ୍ୱର୍‌ତିଙ୍କ୍ ସାରେଦାମ୍ ଦନ୍ୟବାଦ୍ ଇଦାନ୍ ମାୟାଦ୍‌ ଲେକାମ୍, ମେଣ୍ଡେ ଆଦ୍ ଲେକାମ୍, ବାତେଙ୍କ୍ ଇତ୍‍କେ ମିୟାଦ୍ ବିଶ୍ୱାସ୍ ଲେକାମ୍ ନାର୍‍ଗେ ଆସମିନ୍ଦେ, ନିଜେ ନିଜେତ୍ ଲୋପେ ମୀଡ଼୍ ସାରେତଡ଼୍ ୱେରନ୍ ୱେର୍‍ର ପ୍ରେମ ଅଦିକ୍‌ ଆସ୍‍ମିନ୍ଦେ । 
\v 4 ଇଦ୍‍ଲେକାମ୍ ମୀଡ଼୍ ବେନ୍‍ସାରେ ତାଡ଼ନା ନୁ କଷ୍ଟ ଆଦୁତିଡ଼୍, ଆଗେକ୍ ମିୟାଦ୍ ସାରେ ନୁ ବିଶ୍ୱାସ୍‍ତେ ସେଙ୍ଗେ ମାମ୍‍ମେ ନିଜେତ୍ ଇଶ୍ୱର୍‌ତେ ମଣ୍ଡଲି ମୁନେ ମିଇ ବିଷୟ୍‍ତେ କେତିତମ୍ ।
\p
\v 5 ଇଶ୍ୱର୍‌ତେ ବେନ୍ ରାଜ୍ୟ ସେଙ୍ଗେ ମୀଡ଼୍ ଦୁଃକା‍ମ୍ ମାଡ଼ୁତିଡ଼୍, ଆଗେତ୍ ଯୋଗ୍ୟ ଇଞ୍ଜ୍ ଆତ୍‍ତାଙ୍କ୍ ସେଙ୍ଗେ ଇଦ୍ ତ ଇଶ୍ୱର୍‌ତେ ଟିକ୍ ବିଚାର୍‍ତେ ସାରେତାଦ୍‍ ପ୍ରମାନ୍ । 
\v 6 ବାତେଏ ଟିକ୍ ଆଦ୍ ଇଶ୍ୱର୍ ମାଡ଼ିତନ୍ । ବେନ ନାରୁଡ଼୍ ମିକିଂଙ୍କ୍ କଷ୍ଟ ଇତ୍‍ତଡ଼୍ ଇଶ୍ୱର୍ ଅଡ଼୍‌‍କିଂଙ୍କ୍ କଷ୍ଟ ଇଦ୍‍ତନ୍ । 
\v 7 ଇଶ୍ୱର୍ ମିୟାଦ୍ ତିପାଲ୍‍ତିଙ୍କ୍ ଶେଷ୍ ମାଡ଼ିତନ୍, ମାନ୍‍ ଗାଲା ସାନ୍ତନା ମାଡ଼ିତନ୍ । ଇଶ୍ୱର୍ ଇଦ୍ ପାଡ଼୍‍ୟି ସାଦନ୍ ମାଡ଼ିତନ୍, ବେସୁଟ୍‌ ପ୍ରବୁ ଜିସୁ ତାନ୍ ବେଡ଼୍‍ୟାଦ୍‍ ପରାକ୍ରାନ୍ତ ଦୂତନ୍ ତଡ଼୍ ସ୍ୱର୍ଗତାଗାଙ୍କ୍ ଡିଗିତଣ୍ଡ୍ । 
\v 8 ବେନଡ଼୍ ଇଶ୍ୱର୍‌ତିଙ୍ଗ୍ ପୁନଡ଼୍ ନୁ ମାନ୍‍ ପ୍ରବୁ ଜିସୁନ୍ ସୁସମାଚାର୍ ମାନେମ୍‍ ଆୟ୍‍ୟଡ଼୍, ଅଡ଼୍‌‍କିଂଙ୍କ୍ ଅଣ୍ଡ୍‌ ନିଡ଼୍‍ତାନାଦ୍ କିସ୍‍ତାଗ୍ ଦଣ୍ଡ୍ ହିଦ୍‍ତନ୍ । 
\v 9 ଆଦ୍ ନାରୁଡ଼୍ ପ୍ରବୁନ୍ ଶାନ୍ତି, ପରାକ୍ରମ୍ ନୁ ଗୌରବ୍ ତାଗାଙ୍କ୍ ୱେରେ ଆସ୍ ସାରେଦିନାତ୍ ସେଙ୍ଗେ ବିନଷ୍ଟ ଆଦ୍‍ତଡ଼୍ । 
\v 10 ବାତେଙ୍କ୍ ଇତ୍‍କେ ଆଦ୍ ଦିନ୍ ଅନ୍‌ ତାନ୍ ନାରିଡ଼୍ ଡ଼ାଗାଙ୍କ୍ ନୁ ସାରେ ବିଶ୍ୱାସି ନଡ଼୍‍ଗାଙ୍କ୍ ସମ୍ମାନ୍ ନୁ ଗୌରବ୍ ପାଏମ୍ ଆଦ୍‍ତଡ଼୍ । ଇଡ଼୍‍ ଲୋପେ ମିଡ଼୍‍ଆନ୍‌ନ୍ତେ କାଇଲିତିଡ଼୍, ବାତେଙ୍କ୍ ଇତ୍‍କେ ମାମ୍ ମିକିଂଙ୍କ୍ ବେନ୍‍ସାରେ କାବୁର୍ ଇସ୍ ମାତ୍‍ତମ୍, ଆଗେ ମିଡ଼୍ ବିଶ୍ୱାସ୍ ମାଡ଼୍‍ତିଡ଼୍ ।
\p
\v 11 ମାନ୍‍ ଇଶ୍ୱର୍ ବେଦ୍‍ଲେକାମ୍ ମିକିଂଙ୍କ୍ ନିଜେ କାର୍‍ଙ୍ଗ୍‍ତଣ୍ଡ୍ ଯୋଗ୍ୟ ହିଞ୍ଜ ଗଣନା ମାଡ଼ିତନ୍, ମେଣ୍ଡେ ସାରେ ସାୟେ ପାଡ଼୍‍ୟି ନୁ ବିଶ୍ୱାସତେ ପାଡ଼୍‍ୟି ଶକ୍ତିତେ ସିଦ୍ଦ ମାଡ଼ିତନ୍, ଆଦିନ୍ ସେଙ୍ଗେ ମାମ୍‍ମେ ସାରେଦାମ୍ ମିଇ ସେଙ୍ଗେ ପ୍ରାର୍ତନା ମାଡ଼ୁତମ୍ । 
\v 12 ଆଲେକେ, ମାନ୍‍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟନ୍ ଅନୁଗ୍ରହ ତାଗାଙ୍କ୍, ନିମ୍‍ ମା ପ୍ରବୁ ଜିସୁନ୍ ପେଦେର୍‍ତିଙ୍କ୍ ଗୌରବ୍ ମାଡ଼୍‍କେ ନୁ ମିକିଂଙ୍କ୍ ଆନ୍‌‍ତେ ଅଣ୍ଡ୍‌ ଗୌରବ୍ ମାଡ଼ିତନ୍ ।
\c 2
\s ଦୁଷ୍ଟ ନାରୁଡ଼୍
\p
\v 1 \x + \xo ୨:୧ \xo*\xt ୧ ଥେସଲନିୟ ୪:୧୫-୧୭.\xt*\x*ଦାଦାନଡ଼ି ନୁ ଏଲାସ୍କ୍, ପ୍ରବୁ ଜିସୁ କ୍ରିଷ୍ଟ‍ନ୍ ୱାଦାନାଦ୍ ବିଷୟ୍‍ତେ ନୁ ଅନ୍‌ ପାକେ ମାନାଡ଼୍ ସାରେତଡ଼୍ ଅଣ୍ଡୟାଗେ ଆଦାନ୍ ମୁନେଙ୍କ୍ ମିକିଂଙ୍କ୍ ଅନୁରଦ୍‌ ମାଡ଼ୁତମ୍ । 
\v 2 ପ୍ରବୁନାଦ୍ ଦିନାମ୍ ୱାସ୍‍ହେଉତେ ଇଞ୍ଜ ବେନନାଗାଙ୍କ୍ କେଞ୍ଜି ମିଡ଼୍ ଦାନ୍ଦେ ଆୟ୍‍ମାଟ୍ । ମାମ୍‍ମେ ପ୍ରଚାର୍ ମାଡ଼ାନ୍ ୱେଲେ ଇଦ୍‍ଲେକାମ୍ ବାତେଏ ଗଟ୍ କେତ୍‍ତମ୍, ବା ଇଦ୍ ବିଷୟ୍‍ତେ ବାତେଏ ଲେକି କେଞ୍ଜ୍‍ପ୍‍ତମ୍ ଇଞ୍ଜ୍ ବେସ୍କ୍‌ତୁଡ଼ାଦ୍ ମନ୍‍ଦାଗ୍ ମିନ୍ଦେ । 
\v 3 ଇଦ୍‍ଲେକାମ୍ କେସ୍ ମିକିଂଙ୍କ୍ ବେନ ବେଲାବାଆୟି ପ୍ରତାରନା ମାଡ଼୍‍ମାକି । ଇଶ୍ୱର୍‌ତେ ବିରୁଦ୍ଦ୍‍ତେ ଅନ୍‌ତିମ ଯୁଦ୍‌ ଗଟେମ୍ ଆୟୱେ ଯାକ ନୁ ଆଦ୍ ନର୍‍କ ଆଦାନାଦ୍ “ଆଦାର୍ମି ଆତ୍ମା,” ନର୍‍କତାଗ୍‍ ଅନ୍‌‍ୱେ ଯାକ ଆଦ୍ ଦିନ୍ ୱାଡ଼୍ । 
\v 4 ଆଦ୍ କାରାପ୍ ଆତ୍ମା ନାରୁଡ଼ାଦ୍ କେତାନାଦ୍ ସାର୍‍ରେ ପୁଜାମାଡ଼ାନ୍ ଦେୟାମ୍ ନୁ ଉପାସ୍ୟ ବସ୍ତୁତାଦ୍ ବିରୁଦ୍‍ ଆଚରନ୍ ମାଡ଼ିତ୍ ନୁ ନିଜେତିଙ୍କ୍ ସାର୍ରେତ୍ ପର୍‍ର ନେଃତାନଙ୍କ୍ ପାର୍‍ଦ୍‍ତେ । ଇଦ୍ ରକମ୍ କି ଅଣ୍ଡ୍‌ ଇଶ୍ୱର୍‌ତେ ମନ୍ଦିର୍‌‍ତାଗ୍ କୁଦି ନିଜେ ଇଶ୍ୱର୍ ଇଞ୍ଜ ଦାବୀ ମାଡ଼ିତ୍ ।
\p
\v 5 ମିକିଂଙ୍କ୍ ବାତେଏ ଏର୍କା ଇଲେ ? ନାନ୍ ମିଇ ତଡ଼୍ ମାନ୍ଦାନ୍ ୱେଲେ ମିକିଂଙ୍କ୍ ଇ ସାରେ ବିଷୟ କେସ୍‍ମାତ୍‍ତାନ୍ ? 
\v 6 ଆଦ୍ ବିପଦ୍ ଇଞ୍ଜେ ଗଟେମ୍ ଆୟ୍‍ୟ, ବାତେଙ୍କ୍ ଇତ୍‍କେ ଆଦିନ୍ ପ୍ରତିରଦ୍ ମାଡ଼ାନଙ୍କ୍ ଇଞ୍ଜ ୱେରଡ଼୍ ଶକ୍ତି ମିନ୍ଦେ, ଆଦ୍ ବାତେଏ ମିଡ଼୍ ପୁତ୍‍ତିଡ଼୍ ! ବାତେଙ୍କ୍ ଇତ୍‍କେ ଟିକ୍ ସମୟ୍‍ତେ ଆଦ୍ ଦୁଷ୍ଟଆତ୍ମା ତଅନ୍‌ଦିତ୍ । 
\v 7 ବାତେଙ୍କ୍ ଇତ୍‍କେ ଅଦାର୍ମିତାଗ୍ ଆତ୍ମା ଇଞ୍ଜେ ଗାଲା ପାଡ଼୍‍ୟି ମାଡ଼ୁତ୍ । ମାତର୍ ଅନାଦ୍‌ ବାଦା ଇଦାନ୍‍ ନାରୁନ୍ ଦୁରାମ୍ ଆୟୱେ ଯାକ ଆଦ୍ ପାଡ଼୍‍ୟି ମାଡ଼ମାନ୍‌ତେ । 
\v 8 ତାନ୍ ପେର୍‍କେ ପାପଆତ୍ମା ହେକାମ୍ ଆଦ୍‍ତେ; ବାତେଙ୍କ୍ ଇତ୍‍କେ ବେସୁଙ୍କ୍‍ ପ୍ରବୁ ଜିସୁ ୱାଦ୍‍ତନ୍, ଅନ୍‌ ତାନ୍ ମକମ୍‍ତେ ନେହେସ୍‍କାନାଲ୍‌ଦ୍‍ ତଡ଼୍ ଦଂସ ମାଡ଼ିତନ୍, ନୁ ଅନ୍‌ ଜାଜଲ୍‌ଲ୍ୟମାନ୍ ଦିନ୍ ଏୱୁକେ ୱିଡ଼୍‍ସି ଆଦ୍‍ତନ୍ । 
\v 9 \x + \xo ୨:୯ \xo*\xt ମାତିଉ ୨୪:୨୪.\xt*\x*ଆଦ୍ ଦୁରଆତ୍ମା ଶୟ୍‍ତାନ୍‍ ଲାୱ୍‌ଦେ ଡାଟୁମ୍‌ ଆସ୍ ୱାଦ୍‍ତନ୍ ନୁ ନାର୍‍ଗେ ଲେକ୍‍ତାଉ ଦାଦ୍‌ରେଲାନ୍ ପାଡ଼୍‍ୟି ମାଡ଼ାନଙ୍କ୍ ବୁସା ମାଡ଼ିତନ୍ । 
\v 10 ନାର୍ଗେମୁଲ୍ ତାନ୍ ପ୍ରତାରଣାତାଗ୍ ବ୍ରାନ୍ତ ଆସ୍ ବିନଷ୍ଟ ଆଦ୍‍ତଡ଼୍ । ବେନ୍ ସତ୍‍ତିଙ୍କ୍ ଗ୍ରହନ୍ ମାଡ଼ି ତାନ୍ ସେଙ୍ଗେ ଆଶ୍ୱକ୍ତ ଆଦ୍‍ଦାନ୍ ତଡ଼୍ ବେନ୍ ନାରିଡ଼୍ ମାଇ ମିନ୍ଦେ, ଅଡ଼୍‌‍କିଂଙ୍କ୍ ପ୍ରତାରନ୍ ମାଡ଼ାନଙ୍କ୍ ଇଦ୍ କାରାପ୍ ନାରିଡ଼୍ ସାରେତ୍‍ଲେକେତ୍ କାରାପ୍ ପାଡ଼୍‍ୟି ସୃଷ୍ଟିମାଡ଼ିତଡ଼୍ । ଅଡ଼୍‌ ସତ୍‍ତିଙ୍ଗ୍ ପ୍ରେମ ଆଦିଲ୍‌ୱେ ସେଙ୍ଗେ ଅସ୍ୱୀକାର୍ ମାଡ଼୍‍ତଡ଼୍, ବେଦ୍‍ଲେକାମ୍ ଅଡ଼୍‌ ଉଦ୍ଦାର୍‍ ଦର୍ସିକି ଆୟେଡ଼୍ । 
\v 11 ବାତେଏ ସତ୍, ଇଦିନ୍ ସେଙ୍ଗେ ଅଡ଼୍‌ ବେନ ମିଚ୍‌ତିଙ୍କ୍‌ ବିଶ୍ୱାସ୍ ମାଡ଼ିତଡ଼୍, ଆଦିନ୍ ସେଙ୍ଗେ ଇଶ୍ୱର୍ ଅଡ଼୍‌ ପାକେ ନଷ୍ଟ ଉତ୍ପାଦକ ଶକ୍ତିଡ୍‌ କାୟ୍‍ଦେ ୱିଡ୍‌ସିଦ୍‌ତନ୍‌ । 
\v 12 ବେନଡ଼୍ ସତ୍‍ତିଙ୍କ୍ ବିଶ୍ୱାସ୍ ମାଡ଼କଟ୍ ମାନ୍‍ନ୍ତନ୍, ମାତର୍ ପାପାମ୍‍ତାଗ୍ ୱେଡ଼୍‍କ୍‍ ମାଡ଼ିତଡ଼୍, ଅଡ଼୍‌ ସାର୍ରେତଡ଼୍ ହିଦ୍‍ଲେକାମ୍ ଦଣ୍ଡ୍ ପାଏମ୍ ଆଦ୍‍ତଡ଼୍ ।
\s ମିଡ଼୍ ପରିତ୍ରାନ୍‍ ଆସ୍ ଏଞ୍ଚିଆତ୍‍ତିଡ଼୍
\p
\v 13 ହୋ ଦାଦାନଡ଼ି ନୁ ଏଲାସ୍କ୍, ମିଇ ସେଙ୍ଗେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ହିଦାନାଦ୍ ଲେକାମ୍ । ବାତେଙ୍କ୍ ଇତ୍‍କେ ପ୍ରବୁ ମିକିଂଙ୍କ୍ ପ୍ରେମମାଡ଼ୁତ୍ । ସତ୍‍ତେ ମିୟାଦ୍ ବିଶ୍ୱାସ୍‍ତେ ସେଙ୍ଗେ ଇଶ୍ୱର୍ ମିକିଂଙ୍କ୍ ପରିତ୍ରାଣ ମାଡ଼ିମିନ୍ଦେଣ୍ଡ୍, ବେଦ୍‍ଲେକାମ୍ ପବିତ୍ର ଆତ୍ମା ଶକ୍ତିତେ ମୀଡ଼୍ ପରିତ୍ରାନ୍ ଆଦ୍‍ତିଡ଼୍ ନୁ ୱେରଡ଼୍ ପବିତ୍ର ଜିୱାତେ ଗୋଷ୍ଟି ଆଦ୍‍ତିଡ଼୍ । 
\v 14 ମିଇ ପାକେ ମାମ୍‍ମେ ବେନ୍ ନେଲା କାବୁର୍ କେତ୍‍ତଣ୍ଡ୍, ଆଦିନ୍ ସେଙ୍ଗେ ଇଶ୍ୱର୍ ମିକିଂଙ୍କ୍ କାର୍‍ଙ୍ଗିମିନ୍ଦେନ୍ । ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ମାଇମାତେ ଗୌରବ୍‍ତେ କାଇଲାନ୍ ସେଙ୍ଗେ ଅଣ୍ଡ୍‌ ମିକିଂଙ୍କ୍ କାର୍‍ଙ୍ଗିମିନ୍ଦେନ୍ । 
\v 15 ହୋ ଦାଦାନଡ଼ି ନୁ ଏଲାସ୍କ୍‍, ମାୟାଦ୍‌ କେତାନାଦ୍ ନୁ ଚିଟିତେ ବେନ୍‍ସାରେ ଶିକ୍ଷାଲେକାମ୍ ବେନ୍‍ସାରେ ସତ୍ କେସ୍‍ମିନ୍ଦେମ୍, ଆଦିଙ୍କ୍ ଡାଟୁମ୍ ପଇସ୍‌ ମାନୁଟ୍; ବିଶ୍ୱାସ୍‍ତେ ମାନୁଟ୍ ।
\p
\v 16 ମାନ୍‍ ପ୍ରବୁ ଜିସୁ କ୍ରିଷ୍ଟ ନିଜେ, ମାନ୍‍ ବେନ୍ ବାବାଲ୍ ଇଶ୍ୱର୍ ମାନ୍‍ ପ୍ରେମ ମାଡ଼ି ମାନ୍‍ ଅନୁଗ୍ରହତେ ମାନ୍‍ ସାରେଦିନାତ୍ ସାନ୍ୱନା ନୁ ଲେକେତ୍‍ ଆଶେ ଇସ୍‍ମିନ୍ଦେନ୍ । 
\v 17 ଅଣ୍ଡ୍‌ ମାନ୍‍ ସାରେଦିନାମ୍ ସାୟେ ପାଡ଼୍‍ୟି ମାଡ଼ାନ୍ ସେଙ୍ଗେ ନୁ ସତ୍‍ ବାକ୍ୟ କେତାନଙ୍କ୍ ରହତନ୍ ନୁ ଶକ୍ତି ଇୱିଣ୍ଡ୍ ।
\c 3
\s ମା ସେଙ୍ଗେ ପ୍ରାର୍ତନା ମାଡ଼ାଟ୍
\p
\v 1 ଦାଦାନଡ଼ି ନୁ ଏଲାସ୍କ୍, ମାଡ଼େଙ୍ଗ୍‍ ନାନ୍ ମିକିଂଙ୍କ୍ କେତୁତାନ୍, ମା ସେଙ୍ଗେ ପ୍ରାର୍ତନା ମାଡ଼ାଟ୍ । ଯେ ପ୍ରବୁନ୍ ବାକ୍ୟ ନୁ ଶିକ୍ଷା ଯାପେ ସାରେପାକେ ଆଦ୍‍ତେ ଆଦ୍‍ଦିଙ୍କ୍ ମିକା ପ୍ରାର୍ତନା ମାଡ଼ାଟ୍, ମିଡ଼୍ ବେଲାନ୍ କି ଆଉ ଶିକ୍ଷାତିଙ୍କ୍‍ ସମ୍ମାନ୍ ଇଦ୍‍ତିଡ଼୍ । ଟିକ୍ ଆଦେଲେକାମ୍ ନାରୁଡ଼୍ ଆନ୍‌‍ତେ ସମ୍ମାନ୍ ହିଦ୍‍ତଡ଼୍ । 
\v 2 ମେଣ୍ଡେ ମିକା ପ୍ରାର୍ତନା ମାଡ଼ାଟ୍, ଇଶ୍ୱର୍ ବେଲାନ୍ କି ମାନ୍‍ ଦୁଷ୍ଟ ନୁ ଗଲ୍‍କ୍ ନାରିଡ଼୍ କାୟ୍‍ଦାଗାଙ୍କ୍ ଗେଲ୍‍ସ୍ପିତଣ୍ଡ୍, ବାତେଙ୍କ୍‍ଇତ୍କେ ସାରେତଡ଼୍ ସୁସମାଚାର୍‍ଦେ ବିଶ୍ୱାସିଡ଼୍ ଆୟ୍‍ୟଡ଼୍ ।
\p
\v 3 ଇତ୍‍କେ ପ୍ରବୁ ବିଶ୍ୱାସ୍‍ତଣ୍ଡ୍ ! ଅଣ୍ଡ୍‌ ମିକିଂଙ୍କ୍ ଶକ୍ତିନଡ଼୍ ମାଡ଼ିତନ୍ ନୁ ଶୟ୍‍ତାନ୍‍ ନାରୁଡ଼୍ ତାଗାଙ୍କ୍ ଗେଲ୍‍ସ୍ପିତଣ୍ଡ୍ । 
\v 4 ମିଇ ପର୍‍ର ଆଶେ ନେଃତାନ୍ ସେଙ୍ଗେ ପ୍ରବୁ ମାନ୍‍ ଆଶେ ଇତ୍‍ତନ୍ ନୁ ମାମ୍‍ମେ କେତୁତମ୍, ଆଦ୍ ମିଡ଼୍ ଯେ ମାଡ଼ୁତିଡ଼୍ ନୁ ମାଡ଼ମାନ୍ତିଡ଼୍, ଇଦ୍ ବିଷୟ୍‍ତେ ମାମ୍‍ମେ ନିଜାମ୍ ।
\p
\v 5 କ୍ରିଷ୍ଟନାଦ୍ ଶକ୍ତି ନୁ ପର୍‍ମେଶ୍ୱର୍‍ତାଦ୍ ପ୍ରେମ ଆର୍‍ଦାଗ୍ ମିୟାଦ୍ ହୃଦୟ୍ ବିଶ୍ୱାସ୍‍ତେ ମାନ୍‍ନାଙ୍କ୍ ଅଣ୍ଡ୍‌ ମିକିଂଙ୍କ୍ ବ୍ୟବହାର୍‌ ମାଡ଼ିତନ୍ ହିଞ୍ଜ ମାମ୍‍ମେ ପ୍ରାର୍ତନା ମାଡ଼ୁତମ୍ ।
\s ସାରେତଡ଼୍ ପାଡ଼୍‍ୟି ମାଡ଼ାନାଦ୍ ସାୟେ
\p
\v 6 ହୋ ଦାଦାନଡ଼ି ନୁ ଏଲାସ୍କ୍‍, ବେନଡ଼୍ ମଣ୍ଡି ଲେକାମ୍ ବାଦ୍‍କ ମାନ୍‍ତଡ଼୍ ନୁ ମାୟାଗାଙ୍କ୍ ସାରେ ଶିକ୍ଷା ଲେକାମ୍ ଆଚରଣ ମାଡ଼ଡ଼୍‍; ପ୍ରବୁ ଜିସୁନ୍ ପେଦେର୍‍ତେ ମିକିଂଙ୍କ୍ ଗଟ୍ ଇଦୁତମ୍, ଆଦ୍ ଦାଦାନଡ଼ାଗାଙ୍କ୍ ଜେକେ ମାନୁଟ୍ । 
\v 7 ମିଡ଼୍ ପୁତ୍‍ତିଡ଼୍ ଯେ, ମିୟାଦ୍ ପାଡ଼୍‍ୟିତାଗ୍ ମା ଲେକାମ୍‌ ମାଡ଼ାନାଦ୍ ସାୟେ । ମିଇ ତଡ଼୍ ମାନ୍ଦାନ୍ ୱେଲେ ମାମ୍‍ମେ ବେସୁଙ୍କ୍‍ ବା ପାଡ଼୍‍ୟି ମାଡ଼ାନଙ୍କ୍ ମଣ୍ଡି ଆୟ୍‍ୱେ ମାତ୍‍ତମ୍ । 
\v 8 ୱିଡ଼୍‍ସି ପଇସାତେ ବେନନାଗାଙ୍କ୍ କାଦି ତିନ୍‍ୱେ ମାତ୍‍ତମ୍ । ବା ବେନ ପୋର ବଜ୍ ଆୟ୍‍ୱେ ସେଙ୍ଗେ ମାମ୍‍ମେ ନାର୍‍କେତ୍ ପାୟାଲ୍ ତିପାଲ୍ ମାଡ଼ିମାତ୍‍ତମ୍ । 
\v 9 ମିୟାଗାଙ୍କ୍ ବାତେଏ ତାତ୍‍ନଙ୍କ୍ ମାୟାଦ୍‌ ଯେ ଅଦିକାର୍‌ ଇଲେ, ଆଦ୍ ଆୟ୍‍ୟ, ବାତେଙ୍କ୍ ଇତ୍‍କେ ବେଦ୍‍ଲେକାମ୍ ମିଡ଼୍ ମାକିଂଙ୍କ୍ ଅନୁକରନ୍ ମାଡ଼ିତିଡ଼୍, ଆଦିନ୍ ସେଙ୍ଗେ ମାମ୍‍ମେ ମିଇ ପାକେ ନିଜେ ନିଜେତ୍ ଆଦର୍ଶ ଲେକାମ୍ ତଅତାନ୍ ସେଙ୍ଗେ ଆଦ୍‍ଲେକାମ୍ ମାଡ଼୍‍ତମ୍ । 
\v 10 ମିଇ ତଡ଼୍ ମାନ୍ଦାନ୍ ୱେଲେ ମାମ୍‍ମେ କେସ୍‍ମାତ୍‍ତମ୍, “ବେନ୍ ନାରୁନ୍ ପାଡ଼୍‍ୟି ମାଡ଼ନ୍, ଅଣ୍ଡ୍‌ ତିନଣ୍ଡ୍ ।”
\p
\v 11 ଇଦ୍ ଗଟ୍ ମେଣ୍ଡେ କେତୁତମ୍, ମାମ୍‍ମେ କେଞ୍ଜ୍‍ତମ୍ ଯେ । ମିୟାଗାଙ୍କ୍ ବେସ୍‍ତୁଡ଼୍ ମଣ୍ଡ୍‍ଦେ ବାଦ୍‍କୁତଡ଼୍, ବାଗାତଡ଼୍ ପାଡ଼ିୟିଦାଗ୍ ଆଙ୍ଗ୍‍ଡ଼ାମ୍ କାୟ୍‍ ଇଟି ବାତ୍ ମିକା ମାଡ଼ଡ଼୍‍ । 
\v 12 ହିଦ୍‍ଲେକାମ୍ ନାରିଡ଼୍‍କ୍ ଶାନ୍ତିତେ ପାଡ଼୍‍ୟି ମାଡ଼ି ନିଜେ ନିଜେତ୍ ଲେକାମ୍ ବାଦ୍‍କିଡ଼୍, ମାମ୍‍ମେ ପ୍ରବୁ ଜିସୁ କ୍ରିଷ୍ଟନ୍ ପେଦେର୍‍ତେ ଗଟ୍ ଇଦୁତମ୍, ଅଡ଼୍‌ ଜିୱୁଣ୍ଡ୍‍ତାଗ୍ ମେଣ୍ଡେସୁଦୁର୍ ସତର୍କ ଆସ୍ ନିଜେତ୍ ଜୀବିକା ଉପାର୍ଜନା ମାଡ଼ିତଡ଼୍ ।
\p
\v 13 ଦାଦାନଡ଼ି ନୁ ଏଲାସ୍କ୍‍, ମିଡ଼୍ ସତ୍ ପାଡ଼୍‍ୟି ମାଡ଼ାନଙ୍କ୍ ଆୟ୍‍ୱେମାଟ୍ । 
\v 14 ହିଦ୍ ଚିଟିତେ ମିକିଂଙ୍କ୍ ବେନ୍ କାବୁର୍ ରତ୍‌ତମ୍, ମିୟାଗାଙ୍କ୍ ବେନ ଆଦ୍ ପାଲନ୍ ମାଡ଼ାଙ୍କ୍ ଇଚ୍ଛା ମାଡ଼ନ୍ । ଆସତ୍‍ ନାରିଙ୍କ୍ ଚିଏହ୍ନା ନେହେମୁଟ୍ ନୁ ଅନ୍‌ ତୋଡ଼ ମିୟାଦ୍ ସମ୍ପର୍କ୍ ୱିଡ଼୍‍ସିମୁଟ୍ । 
\v 15 ଆଗେକ୍‍ ବା ଅଂକିଙ୍କ୍‌ ଶତ୍ରୁହିଞ୍ଜ୍ ହେର୍କା ମାଡ଼ାମାଟ୍, ଅଂକିଙ୍କ୍‌ ତାମୁଣ୍ଡ୍ ହିଞ୍ଜ ହେର୍କା ମାଡ଼ି ଅଂକିଙ୍କ୍‌ ବୁଦ୍‍ହିମୁଟ୍ ।
\s ମାଡ଼େଙ୍କ୍‌ତାଦ୍ ଗଟ୍
\p
\v 16 ଶାନ୍ତିଦାତା ପ୍ରବୁ ଇଶ୍ୱର୍ ମିକିଂଙ୍କ୍ ସାରେଦାମ୍ ବା ସାରେୱେଲେ ଶାନ୍ତି ଇୱିଣ୍ଡ୍ । ପ୍ରବୁ ସାରେଦିନାତ୍ ସେଙ୍ଗେ ମିଇ ତୋଡ଼ମାନିଣ୍ଡ୍ ।
\p
\v 17 “ନାନ୍ ପାଉଲ୍, ନାୟାଦ୍ ନିଜେତ୍ କାଇଦେ ଲେକି ନମସ୍କାର୍ ମାଡ଼ୁତାନ୍,” ସାରେ ଚିଟିନାଗ୍ ହିଦ୍ ଚିହ୍ନଲେକାମ୍ ନାନ୍ ଲେକ୍‍ତାନ୍ ।
\p
\v 18 ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ଅନୁଗ୍ରହ ମିଇ ସାରେତଡ଼୍ ତ ମାନି । ଆମେନ୍‌ ।