\id 2PE - Koya
\ide UTF-8
\h ୨ ପିତର୍‌
\toc3 ୨ ପିତର୍‌
\toc2 ୨ ପିତର୍‌
\toc1 ପିତର୍‌ ଲେକ୍‍ତାଦ୍ ଦ୍ୱିତୀୟ ଚିଟି
\mt2 ପିତର ଲିଖିତ ଦ୍ୱିତୀୟ ପତ୍ର
\mt1 ପିତର୍‌ ଲେକ୍‍ତାଦ୍ ଦ୍ୱିତୀୟ ଚିଟି
\imt ପିତର୍‍ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ପିତର୍‍ତେ ଦ୍ୱିତୀୟ ଚିଟି କେତିତ୍‍ ଯେ, ଆଦ୍‍ ଚିଟି ପ୍ରେରିତ୍‍ ପିତର୍‍ ତଡ଼୍‍ ଲେକା ଆସ୍‍ମିନ୍ଦେ । ଇତ୍‍କେ ଇଞ୍ଜେ ନାର୍ଗେ ପଣ୍ଡିତ୍‍ ନାରୁଡ଼୍‍ ଇଦ୍‍ ସତ୍‍ ଆୟ ଇଞ୍ଜ କେତିତଡ଼୍‍ । ସମ୍ବାବନା ଇଦ୍‍ ମେଣ୍ଡେଅର୍ତୁଣ୍ଡ୍‍ ପିତର୍‍ତେ ବାଦୁଲ୍‍ ଲେକ୍‍ତଣ୍ଡ୍‍ । ଲେକ୍‍ତେନନ୍‌ କେତିତଣ୍ଡ୍‍ ଯେ ଅଣ୍ଡ୍‌‍ ଜିସୁ କ୍ରିଷ୍ଟନ୍‍ ଉଡ଼୍‍ତେନଣ୍ଡ୍‍ ସାକ୍ଷୀ ଆତ୍‍ତଣ୍ଡ୍‍ । ବିଶେଷ୍‍ ବାବେ ଜିସୁ କ୍ରିଷ୍ଟନ୍‍ ଲେକାମ୍‍ ବିଷୟ୍‍ କେତିତଣ୍ଡ୍‍ \xt ୧:୧୭-୧୮\xt* । ଯଦି ପିତର୍‍ ଇଦ୍‍ ଚିଟି ଲେକ୍‍ତଣ୍ଡ୍‍ ସମ୍ବାବନା କ୍ରିଷ୍ଟନ୍‍ ଜନମ୍‍ତେ ପେର୍କେ ୫୬-୬୯ ଲୋପେ ଅନ୍‌‍ ଡଲାନ୍‍ ମୁନେନ୍‍ ଇଦ୍‍ ଲେକ୍‍ତଣ୍ଡ୍‍ । ପିତର୍‍ ଗାଲା ଇଦ୍‍ ତାନ୍‍ ଦ୍ୱିତୀୟ ଚିଟି ଇଞ୍ଜ କେତିତଣ୍ଡ୍‍ \xt ୩:୧\xt* । ପିତର୍‍ତେ ମୁନେତ୍‍ ଚିଟି ଲେକା ଆତ୍‍ତେ ପେର୍କେ ଆଦ୍‍ ଲେକ୍‍ତାଦ୍‍ ସମୟ୍‍ତିଙ୍କ୍‍ ପଡ଼୍‍ୟେ ଇସ୍‍ ଇଦ୍‍ ଦ୍ୱିତୀୟ ଚିଟି ଇଞ୍ଜ କେତିତଣ୍ଡ୍‍ । ଅଣ୍ଡ୍‌‍ ସାର୍ରେ କ୍ରିଷ୍ଟିୟାନ୍‍ ନାରୁଡ଼୍‍କିଙ୍କ୍‍ ଇଦ୍‍ ଚିଟିତାଗ୍‍ ପାତା ଇଦ୍‍ତଣ୍ଡ୍‍ \xt ୨\xt* । ପିତର୍‍ ବିଶ୍ୱାସୀ ନାରୁଡ଼୍‍କ୍‍ ସାହାସ୍‍ ଇଦାନଙ୍କ୍‍ ନୁ ସାୟେ ଜିୱୁଣ୍ଡ୍‍ ବାଦ୍‍କାନ୍‍ ସେଙ୍ଗେ ମେଣ୍ଡେ ମିଚ୍‍ ମେସ୍ତେରିଡ଼୍‍ ପେର୍କେ ଆନ୍‌ମାଟ୍‌ ଇଞ୍ଜ ସତର୍କ ମାଡ଼ାନ୍‍ ସେଙ୍ଗେ ଇଦ୍‍ ଚିଟି ଲେକ୍‍ତଣ୍ଡ୍‍ । ଜିସୁ ୱାଦାନ୍‍ ସେଙ୍ଗେ ନାର୍ଗେ ସମୟ୍‍ ଆଦୁତଣ୍ଡ୍‍ ଇଞ୍ଜ କେସମାନ୍ଦାନ୍‍ ନାରୁଡ଼୍‍କିଙ୍କ୍‍ ପାସ୍କାନ୍‍ ସେଙ୍ଗେ ସାହାସ୍‍ ଇଦୁତଣ୍ଡ୍‍ । ଇଶ୍ୱର୍ ଜାମ୍‍ ଆୟଣ୍ଡ୍‍ ମାତର୍‌ ସାର୍ରେତଡ଼୍‍ ଉଦ୍ଦାର୍‍ ପାଏମ୍‍ଆତ୍‍ତଡ଼୍‍ ଇଦ୍‍ ଇଶ୍ୱର୍ ଇଚ୍ଛା ମାଡ଼ୁତଣ୍ଡ୍‍ ୨ ପିତର୍‍ \xt ୩:୮-୯\xt* ଇଦ୍‍ ଅଣ୍ଡୟ୍‌‍ ସାୟେ ଜିୱୁଣ୍ଡ୍‍ତାଦ୍‍ କାରନ୍‍ \xt ୩:୧୪\xt* ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ପିତର୍‍ ଅଣ୍ଡ୍‌ ନିଜର୍‍ ପରିଚୟ୍‍ ଇଦ୍‍ତଣ୍ଡ୍‍ ମେଣ୍ଡେ ତାନ୍‍ କାର୍‍ତାନଡ଼୍‍କିଙ୍କ୍‍ ପାତା ଇଦ୍‍ତଣ୍ଡ୍‍ । \ior ୧:୧-୨\ior*
\io1 ୨. ତାନ୍‍ପେର୍କେ ବିଶ୍ୱାସୀ ନାରୁଡ଼୍‍କ୍‍ ସାୟେ ଜିୱୁଣ୍ଡ୍‍ ବାଦ୍‍କାନ୍‍ ସେଙ୍ଗେ ମନେ ମାଡ଼ିଦ୍‍ତଣ୍ଡ୍‍, ବାତେଙ୍କ୍‍ଇତ୍‍କେ ଇଶ୍ୱର୍ ମାନାଙ୍କ୍‍ ସପଟ୍‍ ମାଡ଼୍‍ତଣ୍ଡ୍‍ । \ior ୧:୩-୨୧\ior*
\io1 ୩. ଅଣ୍ଡ୍‌‍ ମିଚ୍‍ ମେସ୍ତେରିଡ଼୍‍କ୍‍ ସତର୍କ ମାଡ଼ି ମାଡ଼େଙ୍ଗ୍‍ ସମୟ୍‍ତେ ଅଡ଼୍‌‍ ପ୍ରତି ବାତ୍‍ ଗଟେମ୍‍ ଆଦ୍‍ତେ ଆଦ୍‍ କେତିତଣ୍ଡ୍‍ । \ior ୨:୧-୨୨\ior*
\io1 ୪. ପିତର୍‍ ଜିସୁ କ୍ରିଷ୍ଟନ୍‍ ମେଣ୍ଡେଅନ୍‌‍ଦାମ୍‍ ସେଙ୍ଗେ ତିଆର୍‍ଆସ୍‍ ମାଞ୍ଜ୍‍ ସାୟେ ଜିୱୁଣ୍ଡ୍‍ ବାଦ୍‍କାନଙ୍କ୍‍ ସାହାସ୍‍ ଇଦ୍‍ତଣ୍ଡ୍‍ । \ior ୩:୧-୧୭\ior*
\c 1
\p
\v 1 ଶିମୋନ୍‍ ପିତର୍‍ତେ ଚିଟି; ଜିସୁ କ୍ରିଷ୍ଟନ୍‍ ୱେରଣ୍ଡ୍‍ ଦାସ ନୁ ପ୍ରେରିତ, ବେନଡ଼୍ ମାନ୍‍ ଇଶ୍ୱର୍‍ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଦାର୍ମାମ୍‌ତେ ସେଙ୍ଗେ ବିଶ୍ୱାସ୍ ଲେକାମ୍ ନାର୍ଗେ ଦାନାମ୍ ଦାନ ପାଏମ୍‍ ଆତ୍‍ତଡ଼୍, ଅଡ଼୍‌ ଗାରେ ଇଦ୍‍ ଚିଟି ଲେକୁତଣ୍ଡ୍‍ ।
\p
\v 2 ଇଶ୍ୱର୍ ନୁ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବିଷୟ୍‍ତେ ମିୟାଦ୍ ଜ୍ଞାନ୍‍ ତଡ଼୍‍, ପୁରାପୁରି ମିକିଂଙ୍କ୍‍ ଅନୁଗ୍ରହ ନୁ ଶାନ୍ତି ଆୟି ।
\s ଇଶ୍ୱର୍‍ କାର୍‍ଙ୍ଗାନାଦ୍ ନୁ ଏଞ୍ଚାନାଦ୍‍
\p
\v 3 ଲେକେତ୍‍ ଦାର୍ମାମ୍‌ ଜିୱେ ବାଦ୍‍କାନ୍‍ ସେଙ୍ଗେ ମାନାଙ୍କ୍‍ ବାତ୍‍ସାରେ ଦର୍କାଡ଼୍, ଆଦ୍ ଇଶ୍ୱର୍ ନିଜର୍‍ ସ୍ୱର୍ଗୀୟ ଶକ୍ତିତେ ମାନାଙ୍କ୍ ଦାନ ମାଡ଼୍‍ତନ୍ । ବେନ ନିଜର୍‍ ମୟିମା ନୁ ଦାର୍ମାମ୍‌ତାଗ୍‍ ବାଗିଦାର୍‍ ଆଦାନ୍ ସେଙ୍ଗେ ମାନାଙ୍କ୍ ଆହ୍ୱାନ୍ ମାଡ଼୍‍ତନ୍, ଅଙ୍କ୍‌ ପୁତ୍‍ତାଙ୍କ୍‍ ମାମେ ଇଦ୍ ଦାନ ପାଏମ୍ ଆତ୍‍ତମ୍ । 
\v 4 ଇଦ୍‍ଲେକାମ୍ ଅଣ୍ଡ୍‌ ମାନାଙ୍କ୍ ଅନ୍‌ ଇଚ୍ଛାଲେକାମ୍ ଲେକେତ୍ ମହାନ୍‍ ନୁ ମୁଲ୍ୟବାନ୍ ଦାନ ଇତ୍‍ତନ୍ । ଇଦ୍‍ ସାରେ ଦାନ ତଡ଼୍ ମିଡ଼୍ ଇଦ୍ ଜଗତ୍‍ତେ ଦଂଚକାରି କାମ୍‍ତାଗାଙ୍କ୍ ଉଦ୍ଦାର୍ ଆସ୍ ସ୍ୱର୍ଗତାଦ୍‍ ସ୍ୱଭାବ୍‍ତାଗ୍‍ ଅଂଶି ଆଦେ ପାର୍‍ଦ୍‍ତିଡ଼୍ । 
\v 5 ଆଦିନ୍ ସେଙ୍ଗେ ମିୟାଦ୍ ବିଶ୍ୱାସ୍ ତଡ଼୍ ସାୟେତ୍‍ ଗୁନାମ୍‍; ସାୟେତ୍‍ ଗୁନାମ୍‍ ତଡ଼୍ ଜ୍ଞାନ୍; 
\v 6 ଜ୍ଞାନ୍ ତଡ଼୍ ନିଜର୍‍ ଗାଡ଼୍‍ସ୍‍; ନିଜର୍‍ ଗାଡ଼୍‍ସ୍‍ ତଡ଼୍ ସୟେମ୍‍ ଆଦାନାଦ୍‍; ସୟେମ୍‍ ଆଦାନାଦ୍‍ ତଡ଼୍ ଇଶ୍ୱର୍‍ପରାୟଣ; 
\v 7 ଇଶ୍ୱର୍‍ପରାୟଣ ତଡ଼୍ ଦାଦାଲ୍‍ତାମୁଣ୍ଡ୍ ସ୍ନେହ ନୁ ଦାଦାଲ୍‍ତାମୁଣ୍ଡ୍ ସ୍ନେହ ତଡ଼୍ ପ୍ରେମ କାଲ୍‍ପାନଙ୍କ୍ ଜିୱୁଣ୍ଡ୍‍ ଇସ୍‍ ଚେଷ୍ଟା ମାଡ଼ାଟ୍ । 
\v 8 ଇୱୁ ସାୟେତ୍‍ ଗୁନାମ୍‍ ମିକିଂଙ୍କ୍‍ ଦର୍‍କାର୍‍ ଆଦ୍‍ତେ; ଇୱୁସାରେ ମିୟାଗ୍‍ ମାତ୍‍କେ, ମିଡ଼୍ ପାଏମ୍‍ ଆତ୍‍ତେ ପ୍ରବୁ ଜିସୁ କ୍ରିଷ୍ଟନ୍ ଜ୍ଞାନ୍ ମିକିଙ୍କ୍ ସକ୍ରିୟ ନୁ ସଫଳ ମାଡ଼ି ନେଃଏତିତନ୍ । 
\v 9 ଇତ୍‍କେ ଇୱୁସାରେ ଗୁନାମ୍‍ ବେନନାଗ୍‍ ଇଲ୍‍ଲେ, ଅଣ୍ଡ୍‌ କାନାଲ୍‌ ନୁ ଗାଟି ଜେକେ ଉଡ଼ାନଙ୍କ୍‍ ପାର୍‍ୱଣ୍ଡ୍; ଅଦିନ୍‌ ମୁନେଙ୍କ୍‍ ମାଡ଼୍‍ତେ ସାରେ ପାପ୍‍ତାଗାଙ୍କ୍ ପରିଷ୍କାର୍ ଆତ୍‍ତେ ଇଞ୍ଜ ଅଣ୍ଡ୍‌ ମାର୍‍ଙ୍ଗ୍‍ତନ୍ ।
\p
\v 10 ଆଦିନ୍‌ସେଙ୍ଗେ, ଆ ଦାଦାନଡ଼ି ନୁ ଏଲାସ୍କ୍‍, ଇଶ୍ୱର୍‍ ଯେ ମିକିଙ୍କ୍ ଏଞ୍ଚିମିକା କାର୍ଙ୍ଗ୍‍ତଣ୍ଡ୍‍; ଇଦ୍ ଆନୁବୁତିତିଙ୍କ୍ ସାରେଦିନା ମାଡ଼୍‍ନ୍ ସେଙ୍ଗେ ଅଦିକ୍‌ ଯତ୍ନବାନ୍‍ ଆୟ୍‍ମୁଟ୍ । ଇଦ୍‍ଲେକାମ୍ ମାଡ଼୍‍କେ, ମିଡ଼୍ ବେସୁଙ୍କ୍‍ ମୀଇ ବିଶ୍ୱାସ୍‍ତାଗାଙ୍କ୍ ୱେରେ ଆୟ୍‍ୱିଡ଼୍‍ । 
\v 11 ଇଦ୍‍ ଉପାୟତେ ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଅନନ୍ତ ରାଜ୍ୟତାଗ୍‍ ନେଙ୍ଗାନ୍‍ ସେଙ୍ଗେ ମିଡ଼୍‍ ପୁରା ଅଦିକାର୍‌ ପାଏମ୍ ଆଦ୍‍ତିଡ଼୍ ।
\p
\v 12 ଯଦିବା ମିଡ଼୍ ଇଦ୍ ସାରେ ବିଷୟ ପୁତ୍‍ତିଡ଼୍ ନୁ ମିୟାଦ୍ ପାଏମ୍‍ ଆସ୍‍ମାନ୍ଦାନ୍ ସତ୍‍ତେ ଡୁଟାଙ୍ଗ୍‍ ତିଆର୍ ଆତ୍‍ତିଡ଼୍, ଇୱୁସାରେ ଗଟି ନାନେ ସାରେଦାମ୍ ମିକିଙ୍କ୍ ଏର୍କା ୱାଟିଦାନଙ୍କ୍ ଇଚ୍ଛା ମାଡ଼ୁତାନ୍‍ । 
\v 13 ନାନେ ଜିୱେ ମାନ୍‍ନା ଯାକ ଇୱୁସାରେ ବିଷୟ ସେଙ୍ଗେ ମିକିଙ୍କ୍ ଚେତନା ମାଡ଼ାନାଦ୍ ନା ସେଙ୍ଗେ ଟିକ୍ ଆଦ୍‍ତେ ଇଞ୍ଜ ନାନେ ଆଲ୍‍ସିତାନ୍ । 
\v 14 ମା ପ୍ରବୁ ଜିସୁ କ୍ରିଷ୍ଟନାଗାଙ୍କ୍ ଗାଟିସାୟେ ସୁଚନା ପାହେମ୍ ଆସ୍‍ମାନ୍ଦାନ୍ ଲେକାମ୍‌ ସିଟ୍‍ପାଟ୍‍ ଡଲାନ୍‍ ମେନ୍ଦୁଲ୍ ୱିଡ଼୍‍ସିତାନ୍ ଇଞ୍ଜ ନାନ୍‍ ପୁତ୍‍ତାନ୍ । 
\v 15 ନାୟାଦ୍ ଡଲ୍‍ତେ ପେର୍କେ ମିକା ମିଡ଼୍‍ ବେଲା ଇୱୁସାରେ ବିଷୟ ସାରେଦିନା ଏର୍କା ନେଃଏତିତିଡ଼୍, ଇଦିନ୍ ନିୟମ୍‍ ମାଡ଼ାନଙ୍କ୍ ନାନେ ପାର୍‍ତେ ଆସର୍‍ ଚେଷ୍ଟା ମାଡ଼ୁତାନ୍ ।
\s କ୍ରିଷ୍ଟନ୍ ମହିମାତାଦ୍‍ ସାକ୍ଷୀ
\p
\v 16 ପ୍ରବୁ ଜିସୁ କ୍ରିଷ୍ଟଙ୍କ୍ ଗୌରବ୍‍ମୟ ମେଣ୍ଡନ୍‍ଦାମ୍ ୱାଦାନ୍‍ ବିଷୟ୍‍ତେ ମିକିଙ୍କ୍ କେଞ୍ଜ୍‍ପାନଙ୍କ୍ ମାମେ ଆଲ୍‍ସ୍‍ତେ ୱେଷଡ଼୍‍ ପର ଆସେ ନେଏୱମ୍ । ମାମେ ନିଜର୍‍ କଣ୍ଡେତାଗ୍ ଅନ୍‌ ମଇମା ଉଡ଼୍‍ତମ୍‍ । 
\v 17 \x + \xo ୧:୧୭ \xo*\xt ମାତିଉ ୧୭:୧-୫; ମାର୍କ ୯:୨-୭; ଲୁକ ୯:୨୮-3୫.\xt*\x*ବାବାଲ୍ ଇଶ୍ୱର୍‍ ତଡ଼୍‍ ଅଣ୍ଡ୍‌ ସମ୍ମାନିତ ନୁ ଗୌରବାନ୍ୱିତ ଆଦାନ୍ ୱେଲେ ମାମେ ଆଗେ ମାତ୍‍ତମ୍ । ମହାମହିମାତାଗାଙ୍କ୍ ଅନ୍‌ ବିଷୟ୍‍ତେ କେସ୍‍ ମାନ୍ଦାନ୍ ଇଦ୍ ଗଟ୍‍ ମାମେ କେଞ୍ଜ୍‍ତମ୍, “ଇଣ୍ଡ୍‍ ମାନ୍‍ ପ୍ରିୟ ମାର୍‍, ଇଣ୍ଡ୍‍ ସେଙ୍ଗେ ମାମେ ସନ୍ତୁଷ୍ଟ ।” 
\v 18 ମାମେ ଅନ୍‌‍ ତଡ଼୍ ଆଦ୍ ପବିତ୍ର ମେଟେତାଗ୍ ପରୁ ମାନ୍ଦାନ୍ ୱେଲେ ମାମେ ନିଜେ ଇଦ୍ ସ୍ୱର୍ଗତେ ଗଟ୍‍ କେଞ୍ଜ୍‍ତମ୍ ।
\p
\v 19 ଆଦିଙ୍କ୍ ବାବବାଦିନଡ଼୍‍ତଡ଼୍ ପ୍ରଚାର୍‍ ମାଡ଼୍‍ତେ ଗଟ୍‍ତଡ଼୍‍ ମାୟାଦ୍‌ ବିଶ୍ୱାସ୍ ଅଦିକ୍‌ ଡୁଟାଙ୍ଗ୍‍ ଆତ୍‍ତେ । ଅଦିନ୍‌ ସେଙ୍ଗେ ମିଡ଼୍ ମିକା ମନ୍‍ ଇଦାନ୍‍ ଦର୍‍କାଡ଼୍, ବାତେଙ୍କ୍ଇତ୍କେ ଆଦ୍ ଇକାଡ଼୍‌ତାଗ୍ ୱେରଡ଼୍ କୁପି ୱେସ୍ ଲେକାମ୍ । ବାଲ୍‍ୱିୟ୍‍ତେ ୱେଲେପେୟ୍‍ତାନ୍‍ ଉକାକିନ୍ ୱେସ୍ ମୀଇ ହୃଦୟତାଗ୍ ପେଇନା ଯାକ ଇଦ୍ ନିଡ଼୍‍ସ ମାନ୍‍ତେ । 
\v 20 ମିଡ଼୍ ଇଦ୍‍ ଇସର୍ ପୁଞ୍ଜ୍ ମାନୁଟ୍ ଯେ, ଦର୍ମଶାସ୍ତ୍ରତାଗ୍ ଲେକାମାନ୍ଦାନ୍‍ ବେନେବା ବାବବାଣୀ ବେନ ନିଜର୍‍ ଜ୍ଞାନ୍‍ତେ ବୁଜେମ୍‍ ଆଦାନଙ୍କ୍ ପାର୍‍ୱଣ୍ଡ୍‍ । 
\v 21 ବାବବାଣୀ ମାତର୍ ନାରୁନ୍ ଆଲ୍‍ସାନ୍‍ ଲେକାମ୍ ଆୟ । ଇଶ୍ୱର୍‌ତେ ବକ୍ତ ଦାସନଡ଼୍ ପବିତ୍ରଆତ୍ମା ତଡ଼୍‍ ପରିଚାଲିତ୍ ଆସ୍ ଇଶ୍ୱର୍‌ତାଗାଙ୍କ୍ ପାଏମ୍ ଆସ୍‍ମାନ୍ଦାନ୍ କାବୁର୍‍ ପ୍ରକାଶ୍ ମାଡ଼୍‍ତଡ଼୍ ।
\c 2
\s ବୁସାମାଡ଼ାନ୍‍ ମେସ୍ତେରିଡ଼୍‍
\p
\v 1 ମୁନେଙ୍କ୍ ବେଲାନ୍ ନାରୁଡ଼ାଗେ ମିକା ବଣ୍ଡବାବବାଦିଡ଼୍ ତଅନ୍‌ଦି ମାତ୍‍ତଡ଼୍, ଟିକ୍ ଆଦେଲେକାମ୍ ମିୟାଗେ ବୁସାମାଡ଼ାନ୍‍ ମେସ୍ତେରିଡ଼୍ ପେଇତିତଡ଼୍ । ଅଡ଼୍‌ ସାରେ ବିନଷ୍ଟକାରିଡ଼୍ ଅଡ଼୍‌‍ ଆଲାନ୍ ବୁସା ଶିକ୍ଷା ଇଦ୍‍ତଡ଼୍ ନୁ ବେନ୍ ପ୍ରବୁ ଅଡ଼୍‌‍କିଂଙ୍କ୍ ମୁକ୍ତି ଇସ୍‍ମିନ୍ଦେନ୍‍, ଅଙ୍କ୍‌ ସ୍ୱୀକାର୍ ମାଡ଼ଡ଼୍ । ଆଦିଙ୍କ୍ ସେନେକ୍‍ତିଙ୍କ୍‍ ଅଡ଼୍‌‍ୱାଦ୍‍ ବିନାଶ ଗଟେମ୍ ଆଦ୍‍ତେ । 
\v 2 ଆଗେକ୍‍ବା ନାର୍ଗେ ଅଡ଼ାଦ୍‌ ଅଦର୍ମ ମାର୍ଗ ଲେକାମ୍‌ ନିଜାମ୍‍ ସତ୍‍ ମାଡ଼ିତଡ଼୍ । ବାଗାତଡ଼୍ ଅଡ଼ାଦ୍‌ କାମ୍‍ମାଡ଼ାନାଦ୍ ଉଡ଼ି ଦର୍ମ ଆର୍‍ଦେ ବିରୁଦ୍ଦତେ ଗଟି କେତିତଡ଼୍ । 
\v 3 ଇଡ଼୍ ବୁସା ମାଡ଼ାନ୍‍ ମେସ୍ତେରିଡ଼୍ ଦନ୍‍ଆସେତିଙ୍କ୍ ମାନ୍‍ମାୟିସ୍‍ ଗଟି କେସ୍ ଲାବ୍ ତେଃତିତଡ଼୍ । ଇତ୍‍କେ ନାର୍ଗେ ଦିନାକଞ୍ଚ୍‍ ଇଶ୍ୱର୍ ଇଡ଼ାଦ୍‍ ବିଚାର୍‍ ମାଡ଼ ୱାଦୁତଣ୍ଡ୍‍ ନୁ ଇଡ଼ାଦ୍ ଡଲାନ୍‍ ଦିନାମ୍ ଗାରେ ଆସ ୱାଦୁତ୍ ।
\p
\v 4 ଇଶ୍ୱର୍ ପାପାମ୍‍ ଦୂତକିଙ୍କ୍ କ୍ଷମା ଇୱକଟ୍ ନର୍କତାଗ୍ ହେସ୍‍ସି ମାତ୍‍ତନ୍ । ଆଗେ ଆୱୁ ମହାବିଚାର୍ ଦିନ୍ ଯାକ ଇକାଡ଼୍‍ତେ ଗୁୟିନ୍ଦେତାଗ୍‍ ମିନ୍ଦେ । 
\v 5 ଇଶ୍ୱର୍‍ ପୁରାତନ୍ ଜଗତ୍‍ତିଙ୍କ୍ ଦଣ୍ଡ ଇୱକଟ୍ ୱିଡ଼୍‍ସିୱେ ମାତ୍‍ତନ୍; ଆଦାର୍ମିକ୍ ଜଗତ୍‍ତେ ନାରୁଡ଼୍‍ ପରୁ ଗାଟିଏର୍‍ ତଡ଼୍‍ ମୁଃଉସ୍‍ ଦଂସ ମାଡ଼ିମାତ୍‍ତନ୍ । ଆଦ୍ ମାତର୍ ଦର୍ମ ପ୍ରଚାର୍ ମାଡ଼ମାନ୍ଦାନ୍ ନୋହ ନୁ ବାଗାତ୍ ସାତ୍‍ଜାନ୍ ନାରୁଡ଼୍‍କ୍ ରକ୍ଷା ମାଡ଼୍‍ତଣ୍ଡ୍‍ । 
\v 6 ତାନ୍‍ପେର୍କେ ଇଶ୍ୱର୍ ସଦୋମ୍‍ ନୁ ଗମୋରା ନଗର୍‍ ରେଣ୍ଡିଙ୍କ୍ ଦଣ୍ଡଇସ୍‍ କିସ୍‍ତେ ଦଂସ ମାଡ଼୍‍ତନ୍ ନୁ ଦାର୍ମାମ୍‌ ଇଲ୍‍ୱେ ନାରୁଡ଼୍‍ ସେଙ୍ଗେ ବାତେ ଗଟେମ୍‍ ଆଦ୍‍ତେ, ଇୱୁ ରେଣ୍ଡ୍ ନାର୍‍କିଙ୍କ୍ ଅନାଦ୍‌ ୱେଷଡ଼୍ ଲେକାମ୍ ନେଃଏତଣ୍ଡ୍‍ । 
\v 7 ଦାର୍ମାମ୍‌ ଇଲ୍‍ୱେ ନାରୁଡ଼୍‍ତେ କାରାପ୍‍ ବ୍ୟବହାର୍‌ ସେଙ୍ଗେ କଷ୍ଟ ଆସ୍‍ମାନ୍ଦାନ୍‍ ଦାର୍ମାମ୍‌ତଣ୍ଡ୍‍ ଲୋଟଙ୍କ୍‍ ଇଶ୍ୱର୍ ରକ୍ଷା ମାଡ଼୍‍ତଣ୍ଡ୍ । 
\v 8 ଆଦିଙ୍କ୍‍ ସାୟେତଣ୍ଡ୍‍ ଲୋଟ ଅଡ଼୍‌‍ତଡ଼୍ ତଡ଼୍ ମାନ୍ଦାନ୍ ୱେଲେ ସାରେଦାମ୍ ଅଡ଼ାଦ୍‌ କାରାପ୍‍ କାମ୍ ଉଡ଼ି ନୁ କେଞ୍ଜି ସାରେଦିନାମ୍‍ ମନ୍‍ତାଗ୍ ନାର୍ଗେ ଦୁଃକାମ୍ କଷ୍ଟ ଆଲ୍‍ସି ମାତ୍‍ତଣ୍ଡ୍‍ । 
\v 9 ପ୍ରବୁ ପୁତ୍‍ତନ୍, ବେଲାନ୍ ଦାର୍ମିକ୍ ନାରୁଡ଼୍‍କିଙ୍କ୍‍ ଅଡ଼୍‌‍କିଂଙ୍କ୍‍ ପରିକ୍ଷାତାଗାଙ୍କ୍ ରକ୍ଷା ମାଡ଼ାନଙ୍କ୍‍ ଆଦ୍‍ତେ । ମେଣ୍ଡେ ଦୁଷ୍କର୍ମକାରିଡ଼୍‍କ୍, 
\v 10 ବିଶେଷତଃ ବେନଡ଼୍‍ ଇଶ୍ୱର୍‌ତେ କ୍ଷମତାତିଙ୍କ୍ ପେର୍କେ ୱାଟ୍‍ଟି ନିଜେତ୍ ମେନ୍ଦୁଲ୍‍ତେ ଆସେ ଚରିତାର୍ତ ମାଡ଼ମାନ୍‍ତଡ଼୍, ଅଡ଼୍‌‍କିଂଙ୍କ୍ ମହାବିଚାର୍ତେ ଦିନାମ୍ ଯାକ ବେଲାନ୍ ଦଣ୍ଡିତ୍ ମାଡ଼ି ୱାଟ୍‍ଟିତଡ଼୍, ଆଦ୍ ଅଣ୍ଡ୍‌ ପୁତ୍‍ତନ୍ । ଆ ବୁସା ମେସ୍ତେରିଡ଼୍ ବେନଙ୍କ୍ ୱେର୍‍ୱଡ଼୍‍ ମନ୍‍ଇଚ୍ଛାତେ କାମ୍ ମାଡ଼ିତଡ଼୍ ନୁ ନିଜର୍‍ ବିଷୟତେ ଆଶେତାୱୁ ଗଟି କେତିତଡ଼୍ । ଅଡ଼୍‌ ସ୍ୱର୍ଗଦୂତକିନ୍ ବିରୁଦ୍ଦତେ କାରାପ୍ ଗଟି କେତାନଙ୍କ୍ ୱେର୍‍ୱଡ଼୍ ।
\p
\v 11 ଅଡ଼୍‌‍କ୍‍ ୱିଡ଼୍‍ସି ଗାଟି ଶକ୍ତି ନୁ ସାହାସୀ ଦୂତକି ମିକା ଇଶ୍ୱର୍‌ତେ ମୁନେ ଗାଟି ଗୌରବ୍‍ମୟତେ ଜିୱାକିଂଙ୍କ୍‍ ନିନ୍ଦା ମାଡ଼ି ଆୱିଙ୍କ୍ ଦୋଷି ମାଡ଼ଡ଼୍ । 
\v 12 କିନ୍ତୁ ଇ ବୁସା ମେସ୍ତେରିଡ଼୍‍ ମୁର୍କ ପଶୁ ଲେକାମ୍‍ ସ୍ୱବାବ୍‍ ଲେକାମ୍‌ ସିଟ୍‍ପାଟ୍‍ ନାଡ଼୍‍କାନଙ୍କ୍‍ ପୁଟ୍‍ତା । ବେନ୍‍ ବିଷୟ୍‍ ବୁଜେମ୍‍ ଆୟଡ଼୍‍ ଆଦିଙ୍କ୍‍ ଅଡ଼୍‌‍ ଗଲକ୍‍ ମାଡ଼ିତଡ଼୍‍ କିନ୍ତୁ ଅଡ଼୍‌‍ ବନ୍‍ ପଶୁ ଲେକାମ୍‍ ଦଂସ ଆଦ୍‍ତଡ଼୍‍ । 
\v 13 ମେଣ୍ଡେବାଗାତଡ଼୍‍କ୍ ବେଲାନ୍ ତିପାଲ୍ ଇତ୍‍ତଡ଼୍, ନିଜେ ଆଦ୍‍ଲେକାମ୍ ଦୁଃକାମ୍ କଷ୍ଟ ଆଦ୍‍ତଡ଼୍ । ବାତ୍ ଆୟି ଅଡ଼୍‌‍ୱାଦ୍‍ ମେନ୍ଦୁଲ୍‍ତେ ସାରେ ଲାଲସା ପୁରା ମାଡ଼ିତ୍‍, ଆଦ୍ ଅଡ଼୍‌ ପାୟାଲ୍‍ ୱେସିନାଗ୍‍ ନାରୁଡ଼୍‍ଡ଼ାଗ୍ ୱେଡ଼୍‍କେ ପାହେମ୍ ଆଦ୍‍ତଡ଼୍ । ଅଡ଼୍‌ ନିଜେତ୍ ଚଲ୍‍ନାତେ ବର୍ତି କାମ୍‍ତାଗ୍ ୱେଡ଼୍‍କେ ଆସଡ଼୍‍ ମିଡ଼୍ ତଡ଼୍ କାଇଲି ମିକା ତିନ୍‍ତଡ଼୍ । 
\v 14 ଅଡ଼୍‌ ମିକିଙ୍କ୍ ସିଗ୍ ନୁ କାର୍‍କେ ପୟ୍‍ତେ ଲେକାମ୍ । ଅଡ଼ାୱୁ କଣ୍ଡା କାରାପ୍ କାମ୍‍ତେ ନିଣ୍ଡ୍‍ତେ । ଅଡ଼ାଦ୍‌ ପାପ୍ ବେସୁଙ୍କ୍‍ ପୁରା ଆୟ୍‍ୟ । ଅଡ଼ାଦ୍‌ ଦୁର୍ବଲ୍‍ତେ ମନ୍‍ତେ ନାରୁଡ଼୍‍କ୍ ଉଡ଼ିଇଦାଗ୍ ୱାଟିତଡ଼୍ । ଲବି ଆଦାନଙ୍କ୍‍ ଅଡ଼୍‌‍ୱାଦ୍‍ ଅବ୍ୟାସ୍ । ଅଡ଼୍‌ ଇଶ୍ୱର୍‌ତେ ଅବିଶାପ୍‌‍ତେ ନାରୁଡ଼୍‍ ଆଦ୍‍ତଡ଼୍‍ । 
\v 15 ଅଡ଼୍‌ ଲେକେତ୍ ପ୍ରେମଆର୍ ୱିଡ଼୍‍ସିମିକା ୱେରେ ଆର୍‍ତାଗ୍‍ ଆଞ୍ଜ୍‍ମିନ୍ଦେଡ଼୍ । ବିଓର୍‍ତେ ମାର୍‍ ବାଲାମତେ ଆର୍ ଅଡ଼୍‌ ପୟ୍‍ତ୍‍ତଡ଼୍ । ଅଣ୍ଡ୍‌ ଅନ୍‌ୟାୟ୍‍ କାମ୍ ମାଡ଼ି ସାୟେତ୍‌ ଦନ୍‍ ଲାବ୍ ମାଡ଼ନଙ୍କ୍ ପସନ୍ଦ୍‍ ଆଇନାଙ୍କ୍, 
\v 16 ଇଦ୍ ପାପ ସେଙ୍ଗେ ଆସ୍‍ମାତ୍‍ତଣ୍ଡ୍‍ । ନାରୁନ୍ ଲେଙ୍ଗ୍‍ଦେ ଅନାଦ୍‌ ଗଦ୍‍ତେ ଗଟ୍ କେସ୍‍ ବେନ ବାବବାଦୀଙ୍କ୍ ବାୟେ ପାଡ଼୍‍ୟିତାଗାଙ୍କ୍ ଆୟ୍‍ସ୍ପ୍‍ତନ୍ ।
\p
\v 17 ଇଡ଼୍‍ ବୁସା ମେସ୍ତେରିଡ଼୍ ୱାସ୍‍ତେ ଇଲ୍‍କେ ଲେକାମ୍ ନୁ ଗାଲ୍‍ଦେ ଚାଲେମ୍‍ ଆଦାନ୍ ମାବ୍‍ ଲେକାମ୍ । ଇଶ୍ୱର୍‍ ଇଡ଼୍‍ ସେଙ୍ଗେ ଗାଟି ଇକାଡ଼୍‍ ତାଗ୍ ଗୁଇନ୍ଦେତାଗ୍ ପଡ଼ିୟେ ତିଆର୍ ମାଡ଼୍‍ତଡ଼୍ । 
\v 18 ଅଡ଼୍‌ ଆଂକାର୍‍ତେ ନିଣ୍ଡ୍‍ତଡ଼୍ କାରାପ୍ ଗଟି କେସମାନ୍‍ନ୍ତଡ଼୍; ଦସଂକାରୀଡ଼ାଗାଙ୍କ୍ ରକ୍ଷା ଆସ୍ ମିରି ୱାସମାନ୍ଦାନ୍ ନାରୁଡ଼୍‍କିଙ୍କ୍ ନିଚ୍‌ ଶାରିରିକ କାମ୍‍ତେ ମାୟା ତଅସ୍ ଉଡ଼୍‍ୟିତାଗ୍ ୱାଟିତଡ଼୍ । 
\v 19 ଇଡ଼୍‍କିଙ୍କ୍ ଅଡ଼୍‌ ବୁସା ମାଡ଼ାନ୍‍ ମେସ୍ତେରିଡ଼୍‍ ସ୍ୱାଦିନ୍‍ତେ ମାଡ଼ାନନ୍ ସେଙ୍ଗେ ନିଜେତ୍ ମନ୍ ଇଦ୍‍ତଡ଼୍, ଆଗେକ୍ ବା ଅଡ଼୍‌‍ ନିଜେ ଦ୍ୱଂସକାରିଡ଼୍‍ ସାରେ ଲେକେତ୍ କ୍ରିତଦାସ; ବାତେଙ୍କ୍ଇତ୍କେ ନାରୁଣ୍ଡ୍ ବେନ୍ ବିଷୟତେ ମିନ୍ଦେଣ୍ଡ୍, ଅନାଦ୍‌ ଅଣ୍ଡ୍‌ କ୍ରୀତଦାସ । 
\v 20 ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନାଗାଙ୍କ୍ ଜ୍ଞାନ୍ ଆସ୍ ବେନଡ଼୍ ସଂସାର୍‍ତେ ବିନାଶ ଆଦାନଡ଼୍ ଶକ୍ତି ନାଗାଙ୍କ୍ ରକ୍ଷା ଆଦାନ୍ ପେର୍କେ ମେଣ୍ଡନ୍‍ ଦାମ୍ ଆୱୁ ସାରେ ଆୟେ, ଅଡ଼୍‌‍ୱାଦ୍ ମାଡ଼େଙ୍କ୍‌ତେ ଦଶା ମୁନେତ୍ ଦଶାତାଗାଙ୍କ୍‍ ଗାଟି ଅଦିକ୍‌ ଶୋଚନିୟ ଆଦ୍‍ତେ । 
\v 21 ଦାର୍ମାମ୍‌ ଆର୍‍ ପୁଞ୍ଜ୍‍ ଆଗେ ଇତ୍‍ତେ ପବିତ୍ର ଶିକ୍ଷାତାଗାଙ୍କ୍‍ ୱେରେ ଆଦାନ୍‍ ୱିଡ଼୍‌ସି, ଯଦି ଅଡ଼୍‌ ମୁନେଙ୍କ୍ କଞ୍ଜ୍ ଟିକ୍ ଆର୍ ପୁନ୍‍ୱେ ମାନ୍‍ନେଡ଼୍, ଅଡ଼୍‌ ପାକେ ଲେକେତ୍ ଆୟେଡ଼୍ । ଲେକେତ୍ କାମ୍ ପୁଞ୍ଜ୍, ପବିତ୍ର ଶାସ୍ତ୍ରତେ ଶିକ୍ଷାତାଗାଙ୍କ୍ ୱେର୍‍ ଆଦାନ୍ ୱିଡ଼୍‍ସି ଆଦ୍ ପୁନ୍‍ୱେ ମାନ୍ଦାନ୍ ଇକ୍‍କେ, ଅଦିକ୍‌ ଲେକେତ୍ ଆୟେଡ଼୍ । 
\v 22 ଅଡ଼୍‌ ସେଙ୍ଗେ ବାତ୍ ଗଟେମ୍ ଆତ୍‍ତେ, ଆଗାଙ୍କ୍ ଇଦ୍ ନାରୁଡ଼୍‍ କେତାନ୍ ସତ୍‍ତାଗାଙ୍କ୍ ନିଜାମ୍ ଅଦୁତ୍, “ନେୟ୍‍ ବାତେ କାକିତ୍‍ ଆଦିଙ୍କ୍‍ ମେଣ୍ଡେ ତିନ୍ଦିତେ, ପାଦ୍‍ତିଙ୍କ୍ ନର୍‍ସିତେ ପେର୍କେ ମେଣ୍ଡେ ବୁର୍‍ଦେତାଗ୍ ତଡ଼୍‍ଞ୍ଜାଙ୍କ୍ ଆଦ୍‍ତେ ।”
\c 3
\s ପ୍ରବୁ ୱାଦାନାଦ୍‍
\p
\v 1 ପ୍ରିୟ ସାଙ୍ଗଡ଼ି, ମୀଇ ଗାରେ ଲେକାନାଲ୍‌ଦ୍ ଇଦ୍ ନାୟାଦ୍ ଦ୍ୱିତିୟ ଚିଟି । ରେଣ୍ଡ୍‍ଆସ ଚିଟିତାଗ୍ ଇୱୁସାରେ ବିଷୟ ଏର୍କା ମାଡ଼ିସ୍‍ ମୀଇ ମନ୍‍ତାଗ୍ ପବିତ୍ର ଚିନ୍ତା ପୁଟ୍‍ସ୍ପାନଙ୍କ୍‍ ଚେଷ୍ଟା ମାଡ଼୍‍ତାନ୍ । 
\v 2 ନାର୍ଗେ ମୁନେଙ୍କ୍ ପବିତ୍ର ବାବଦାଦିନଡ଼୍ ବେନ୍ ସାରେ ବାବବାଣି କେସ୍‍ ମାତ୍‍ତଡ଼୍ ନୁ ତ୍ରାଣକର୍ତ୍ତାଲ୍ ପ୍ରବୁନାଦ୍ ବେନ୍ ସାରେ ଆଜ୍ଞା ମିକିଙ୍କ୍ ପ୍ରେରିତ ଶିଷ୍ୟଡ଼୍ ରହସ୍‍ ମିନ୍ଦେଡ଼୍, ଆଦ୍ ମିକିଙ୍କ୍ ଏର୍କା ମାଡ଼ିଦାନଙ୍କ୍ ନାୟାଦ୍ ଇଚ୍ଛା । 
\v 3 \x + \xo 3:3 \xo*\xt ଯିହୁଦା ୧:୧୮.\xt*\x*ସାରେତିଙ୍କ୍ ମୁନେ ମିଡ଼୍ ପୁଞ୍ଜ୍‍ ନେଏତାନାଦ୍ ଲେକେତ୍‍ ଯେ, ଇଦ୍ ତେରାନ୍ ଦିନାକିନେ ବେସ୍କ୍‍ତୁଡ଼୍‍ ସତ୍‍ତିଙ୍କ୍‍ ପରିଆସ୍‍ ମାଡ଼ି ନିଜର୍‍ କାରାପ୍‍ ବୁଦ୍‍ତେ ଚାଲେମ୍ ଆଦ୍‍ତଡ଼୍; 
\v 4 ମେଣ୍ଡେ ଅଡ଼୍‌‍ ମିକିଙ୍କ୍ ପରିହାସ୍‍ ମାଡ଼ି କେତିତଡ଼୍‍, “ଜିସୁ ୱାଦ୍‍ତନ୍ ଇଞ୍ଜ ପ୍ରତିଜ୍ଞା ମାଡ଼ିମାତ୍‍ତନ୍, ଆୟ କି ? ଅଣ୍ଡ୍‌ ଇଞ୍ଜେ ବେଗା ? ମାନ୍‍ ଆନିଦାଦିଡ଼୍ ଡଲି ମିନ୍ଦେଡ଼୍, କିନ୍ତୁ ସୃଷ୍ଟତେ ଆରାମ୍‍ ତାଗାଙ୍କ୍ ବାତ୍ ବେଲାନ୍ ମାତ୍‍ତେ, ଇଞ୍ଜେ ମିକା ସାରେ ତ ଆଦ୍‍ରକମ୍ ମିନ୍ଦେ !” 
\v 5 ଅଡ଼୍‌ ପୁଞ୍ଜ୍‍ପୁଞ୍ଜ୍‍ ମାର୍ଙ୍ଗିତଡ଼୍ ଯେ, ମୁନେଙ୍କ୍ ଇଶ୍ୱର୍‍ ଆଜ୍ଞା ମାଡ଼୍‍ତନ୍ ମେଣ୍ଡେ ମୟଲ୍ ନୁ ପୃତିବି ସୃଷ୍ଟି ଆତ୍‍ତେ ! ପୃତିବି ଏର୍‍ଦାଗାଙ୍କ୍ ପେୟ୍‍ସ୍‍ ଏର୍‍ଦେ ପର ତିଆର୍ ଆତ୍‍ତା; 
\v 6 ମେଣ୍ଡେ, ଅନ୍‌‍ ତଡ଼୍‍ ଆଦ୍ ପୁରାତନ୍ ପୃତିବି ଦିନେ ଗାଟି ଏର୍‍ ୱାସ୍‍ ବିନଷ୍ଟ ଆତ୍‍ତେ । 
\v 7 କିନ୍ତୁ ଇଞ୍ଜେ ବେନ୍ ମୟଲ୍ ନୁ ପୃତିବି ମିନ୍ତେ, ଆଦ୍ ଇଶ୍ୱର୍‌ତେ ଆଜ୍ଞା ତଡ଼୍‍ କିସ୍‍ତେ ଦ୍ୱଂସ ଆଦାନ୍ ସେଙ୍ଗେ ନେଃଏତଣ୍ଡ୍‍ । ବେନ୍‍ ଦିନେ ଆଦାର୍ମିକ୍ ନାରୁଡ଼୍ ବିଚାର୍ ଆସ୍ ବିନଷ୍ଟ ଆଦ୍‍ତଡ଼୍, ଆଦ୍ ଦିନାମ୍ ଯାକ ଆଦ୍ ସୁରକ୍ଷା ଆସ୍ ମାନ୍‍ତେ ।
\p
\v 8 ଇତ୍‍କେ ଆ ପ୍ରିୟ ସାଙ୍ଗନଡ଼ି, ୱେରଡ଼୍‍ ବିଷୟ ମାର୍‍ଙ୍ଗ୍‍ମାଟ୍ । ଇଶ୍ୱର୍‌ତେ କଣ୍ଡେତେ ଅଣ୍ଡୟ୍‌ ଦିନ୍‍ ନୁ ହଜାର୍ ଏଣ୍ଡ୍‍କ୍‍ତାଗାଙ୍କ୍ ବାତେ ୱେରେ ଇଲେ । ଅନ୍‌‍ ଗାରେ ଇୱୁ ରେଣ୍ଡ୍ ସାମାନ୍ । 
\v 9 ପ୍ରବୁ ତାନ୍ ପ୍ରତିଜ୍ଞା ପୁରା ମାଡ଼ାନଙ୍କ୍ ଲେଟ୍ ମାଡ଼ଣ୍ଡ୍, ଯଦି ବା ବେସ୍‍କ୍‍ତୁଡ଼୍‍ ଇଦିଙ୍କ୍ ଲେଟ୍ ଇଞ୍ଜ ଏର୍କା ମାଡ଼ିତଡ଼୍ ମାତର୍‌ ପ୍ରବୁ ମି ସେଙ୍ଗେ ଗାଟି ସହନଶିଳ । ଅଣ୍ଡ୍‌ ଇଚ୍ଛା ମାଡ଼ନ୍‍, ବେନ ୱେରଣ୍ଡ୍ ବିନଷ୍ଟ ଆଇଣ୍ଡ୍ । ସାରେତଡ଼୍ ନିଜର୍‍ ନିଜର୍‍ ପାପତାଗାଙ୍କ୍ ମାଲ୍‍ୱିଡ଼୍, ଇଦ୍ ଅନାଦ୍‌ ଇଚ୍ଛା ।
\p
\v 10 \x + \xo 3:୧୦ \xo*\xt ମାତିଉ ୨୪:୪3; ଲୁକ ୧୨:3୯; ୧ ଥେସଲନିୟ ୫:୨; ପ୍ରକାଶିତ୍‌ ବାକ୍ୟ ୧୬:୧୫.\xt*\x*ଇତ୍‍କେ ପ୍ରବୁନ୍ ଦିନାମ୍ ଡଙ୍ଗାଲ୍ ଲେକାମ୍ ୱାଦ୍‍ତେ । ଆଦ୍‍ ଦିନେ ଅଣ୍ଡୟ୍‌ ଗାଟି ଲେଙ୍ଗ୍‍ଦେ ଲୋପେ ମୟଲ୍ ମାୟିଆଦ୍‍ତେ । ମୟଲ୍‍ତାଗ୍‍ ମାନ୍ଦାନ୍‍ ଗ୍ରହ ନୁ ଉକାକ୍‍ କାର୍‍ୱି ଦ୍ୱଂସ ଆଦ୍‍ତା । ପୃତିବିତଡ଼୍‍ ତାନାଗ୍‍ ମାନ୍ଦାନ୍‍ ସାରେ ବିଷୟ୍‍ତଡ଼୍‍ ବିନଷ୍ଟ ଆଦ୍‍ତେ । 
\v 11 ଯଦି ଇଦ୍‍ଲେକାମ୍ ସାରେ ବିଷୟ ଦସଂ ଆଦ୍‍ତା, ଆଲେକ୍ ଆଲ୍‍ସୁଡ଼ାଟ୍, ମିୟାଦ୍ ବେସତ୍‍ ଜିୱୁଣ୍ଡ୍ ଆଦାନ୍‍ ଦର୍‍କାର୍‍ । ଆଦ୍ ପବିତ୍ର ନୁ ଇଶ୍ୱର୍‌ତେ ମୁନେ ଉତ୍ସର୍ଗ ଆଦାନାଦ୍ ନିୟାତି ଦର୍‍କାର୍‍ । 
\v 12 ମିଡ଼୍ ପ୍ରବୁନ୍ ଦିନାମ୍‍ତିଙ୍କ୍‍ କେପି ମାନ୍ଦାନ୍ ୱେଲେ, ଆଦ୍ ବେଲାନ୍ ଜାପେ ୱାଦ୍‍ତେ, ଆଦିନ୍ ସେଙ୍ଗେ ନିଜେତିଙ୍ଗ୍ ତିଆର୍ ମାଡ଼ାଟ୍ । ଆଦ୍ ଦିନେ ମୟଲ୍ କାର୍‍ୱି ଦ୍ୱଂସ ଆଦ୍‍ତା । ମୟଲ୍‍ତେ ଗ୍ରହ ଉକାକ୍‍ ଗାଟି କାମ୍‍କେତେ ଉଡ଼୍‍ୟି ଆଦ୍‍ତା । 
\v 13 \x + \xo 3:୧3 \xo*\xt ପ୍ରକାଶିତ୍‌ ବାକ୍ୟ ୨୧:୧.\xt*\x*କିନ୍ତୁ ମାମେ ଇଶ୍ୱର୍‌ତେ ତିଆର୍ ମାଡ଼ିମାନ୍ଦାନ୍ ୱେରଡ଼୍ ପୁନେ ମୟଲ୍ ନୁ ପୁନେ ପୃତିବିତାଗ୍ ମିନ୍ଦେଡ଼୍ । ଆଗେ ଦାର୍ମାମ୍‌ ନାରୁଡ଼୍ ମାନ୍ଦାନ୍‍ ପଡ଼୍‍ୟେ ଆଦ୍‍ତେ ।
\p
\v 14 ଆ ପ୍ରିୟ ସାଙ୍ଗନଡ଼ି, ଆଦ୍ ଦିନାତେ କେପାନ୍‍ ସମୟତେ ମିଡ଼୍ ଇଶ୍ୱର୍‌ତେ କଣ୍ଡେତେ ପବିତ୍ର ନୁ ନିର୍ଦଷ୍‌ ଆସ୍ ଶାନ୍ତିତେ ମାନ୍ଦାନଙ୍କ୍ ଜିୱେତାଗେ ଚେଷ୍ଟା ମାଡ଼ାଟ୍ । 
\v 15 ଏର୍କେ ମାଡ଼ାଟ୍, ପ୍ରବୁ ବେସର୍ ଲେକେତ୍ । ମିୟାଦ୍ ପରିତ୍ରାଣ ସେଙ୍ଗେ ଅଣ୍ଡ୍‌‍ ବେସର୍ ସୁଯଗ୍ ଇଦୁତନ୍ । ମାନ୍‍ ପ୍ରିୟ ଦାଦାଲ୍‍ ପାଉଲ୍ ଇଶ୍ୱର୍‌ତାଗାଙ୍କ୍ ପାଏମ୍‍ଆତ୍‍ତେ ଜ୍ଞାନ୍‍ତଡ଼୍ ମୀଇ ଗାରେ ଇଦ୍ ଲେକାମ୍ ଚିଟି ଲେକ୍‍ତଣ୍ଡ୍‍ । 
\v 16 ଅଡ଼୍‌ ଲେକ୍‍ତେ ଚିଟିନାଗ୍ ଇଦ୍ ବିଷୟତେ ଅଣ୍ଡ୍‌ ଲେକ୍‍ତଣ୍ଡ୍‍ । ଆଲେକ୍‍ତ ଅନ୍‌ ଚିଟିନାଗ୍ ବେସର୍ ବିଷୟ ବୁଜେମ୍ ଆଦାଙ୍କ୍ କଷ୍ଟ ଆଦ୍‍ତେ । କିନ୍ତୁ ମୁର୍କ ନୁ ଦାନ୍ଦେ ଲେକେତ୍ ନାରୁଡ଼୍ ଶାସ୍ତ୍ରତାଦ୍‍ ବାଗାତ୍ ଦୁଡ଼େ ଲେକାମ୍ ପାଉଲ୍‍ତେ ଚିଟିନାଗ୍‍ ମିକା କାରାପ୍‍ ଅର୍ତ ମାଡ଼ିତଡ଼୍‍ । ଇଦିନ୍‍ ତଡ଼୍ ଅଡ଼୍‌ ନିଜେ ନିଜର୍‍ ବିନାଶ୍‍ ସାଦନ୍ ମାଡ଼ୁତଡ଼୍ ।
\p
\v 17 କିନ୍ତୁ ପ୍ରିୟ ସାଙ୍ଗନଡ଼ି, ମିଡ଼୍ ଇୱୁସାରେ ମୁନେକଞ୍ଜ୍‍ ପୁତ୍‍ତିଡ଼୍ । ଆଦିଙ୍କ୍ ସାବ୍‍ଦାନ୍‍ତେ ମାନୁଟ୍‍, ବେଲାକି ଆ କାରାପ୍ ନାରୁଡ଼୍‍ତେ ବୁସା ଶିକ୍ଷାତଡ଼୍‍ ଚାଲେମ୍‍ ଆସ୍‍ ନିଜର୍‍ ଦୃଡ଼ ବିଶ୍ୱାସ୍‍ତାଗାଙ୍କ୍‍ ଜେକେ ଆନ୍‌‍ମାଟ୍‍ । 
\v 18 କିନ୍ତୁ ମାନ୍‍ ପ୍ରବୁ ନୁ ତ୍ରାଣକର୍ତ୍ତାଲ୍ ଜିସୁ କ୍ରିଷ୍ଟନ୍ ଜ୍ଞାନ୍ ନୁ ଅନୁଗ୍ରହତେ ମିଡ଼୍‍ ପେର୍‍ସାଟ୍‍ । ଇଞ୍ଜେ ନୁ ସାରେଦିନା ଅନାଦ୍‌‍ ଗୌରବ୍‍ ଆୟି, ଆମେନ୍‍ ।