\id 1TI - Koya
\ide UTF-8
\h ୧ ତୀମତି
\toc3 ୧ ତୀମତି
\toc2 ୧ ତୀମତି
\toc1 ତୀମତିନ୍‌ ଗାର୍ରେ ପାଉଲ୍‌ତେ ପ୍ରତମ୍‍ ଚିଟି
\mt2 ତିମତିଙ୍କ୍ ନିକଟକୁ ପାଉଲଙ୍କ ପ୍ରଥମ ପତ୍ର
\mt1 ତୀମତିନ୍‌ ଗାର୍ରେ ପାଉଲ୍‌ତେ ପ୍ରତମ୍‍ ଚିଟି
\imt ତୀମତି ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ୧ ତୀମତି ବଇ ଅଣ୍ଡୟ୍‌‍ ଚିଟି, ପ୍ରେରିତ୍‍ ପାଉଲ୍‍ତାଗାଙ୍କ୍‍ ତାନ୍‍ ଶିଷ୍ୟ ତୀମତିତିଙ୍କ୍‍ ଲେକ୍‍ତଣ୍ଡ୍‍ । ୧ ତୀମତି ସମ୍ବାବନା ପାକାପାକି ୬୨-୬୪ କ୍ରିଷ୍ଟାଦ୍ଦତେ ଜିସୁ କ୍ରିଷ୍ଟନ୍‍ ଜନମ୍‍ ପେର୍କେ ଲେକା ଆତ୍‍ତେ । ଇଦ୍‍ ଆଦ୍‍ପାର୍‍ତେ ଇଦ୍‍ ପାଉଲ୍‍ତେ ଜିୱୁଣ୍ଡ୍‍ ମାଡ଼େଙ୍ଗ୍‍ ସମୟ୍‍ । ପାଉଲ୍‍ ତଡ଼୍‍ ତୀମତିନ୍‍ ଗାଟି ସମ୍ପର୍କ ମାତ୍‍ତେ, ଅଣ୍ଡ୍‌‍ ନାର୍ଗେ ସମୟତେ ତୀମତିନ୍‍ ମାର୍‍ ଇଞ୍ଜ କେତିତଣ୍ଡ୍‍ \xt ଫିଲିପିୟ ୨:୨୨\xt*; \xt ୧ ତୀମତି ୧:୨; ୧:୧୮\xt* । ଇଦ୍‍ ପ୍ରେରିତ୍‍ ପାଉଲ୍‍ ତଡ଼୍‍ ଲେକା ଆତ୍‍ତେ ନାଲୁ ବ୍ୟକ୍ତିଗତ ଚିଟିନ୍‍ ଲୋପେଙ୍କ୍‍ ଇଦ୍‍ ଅଣ୍ଡୟ୍‌‍ ବେଗେ କି ମଣ୍ଡଲି ବାଦୁଲ୍‍ତେ ଅର୍ତୁଣ୍ଡ୍‍ ନାରୁନ୍‍ ପରିଚୟ୍‍ ଇଦ୍‍ତଣ୍ଡ୍‍ । ମେଣ୍ଡେ ମୁଣ୍ଡ୍‍ ବଇକି ଆଦୁତେ ୨ ତୀମତି, ତୀତସ୍‍ ନୁ ଫିଲିମନ୍‍ । ୧ ତୀମତିତାଗ୍‍ ମଣ୍ଡଲିତେ ନାର୍ଗେ ଉପାସନ୍‍ ଦାରା ବିଷୟ୍‍ତେ ମିନ୍ଦେ \xt ୨:୧-୫\xt* ।
\ip ଇଗେ ମଣ୍ଡଲିତେ ନେତାଲଡ଼ାଦ୍‍ ଯୋଗ୍ୟତା ବିଷୟ୍‍ତେ ଉଡ଼ିତମ୍‍ \xt ୩:୧-୧୩\xt* ମେଣ୍ଡେ ମିଚ୍‍ ଗୁରୁଡ଼୍‍ ବିରୁଦ୍‍ତେ ସତର୍କ ମିନ୍ଦେ \xt ୧:୩-୧୧; ୪:୧-୫; ୬:୨-୫\xt* । ମଣ୍ଡଲି ଲୋପେଙ୍କ୍‍ ତୀମତି ବେଦ୍‍ରକମ୍‍ ଅଣ୍ଡୟ୍‌‍ ନେତାଲ୍‍ ଆଦାନ୍‍ ଦର୍‍କାର୍‍ ଆଦ୍‍ ପାଉଲ୍‍ ତାଲିମ୍‍ ଇଦାନ୍‍ ବିଷୟ୍‍ତେ କେତ୍‍ତଣ୍ଡ୍‍ । ୧ ତୀମତିତାଗ୍‍ ଇଞ୍ଜେତ୍‍ ନାଟେନ୍‍ ମଣ୍ଡଲିତେ ପାଡ଼୍‍ୟି ପରିଚାଲନା ସେଙ୍ଗେ ମଣ୍ଡଲିତେ ନେତାଲଡ଼୍‍କ୍‍ ନାର୍ଗେ ମୁଲ ବିଷୟ୍‍ ଇଦ୍‍ତେ ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ପାଉଲ୍‍ ତୀମତିଙ୍କ୍‍ ନମସ୍କାର୍‍ କେସ୍‍ ଲେକା ଆରାମ୍‍ ମାଡ଼ିତଣ୍ଡ୍‍ । \ior ୧:୧-୨\ior*
\io1 ୨. ପାଉଲ୍‍ ତୀମତିଙ୍କ୍‍ ମିଚ୍‍ ଗୁରୁଡ଼୍‍ ବିରୁଦ୍‍ତେ ସତର୍କ କେତିତଣ୍ଡ୍‍ । \ior ୧:୩-୧୧\ior*
\io1 ୩. କ୍ରିଷ୍ଟନାଗ୍‍ ପାଉଲ୍‍ତେ କୃତଜ୍ଞତା । \ior ୧:୧୨-୧୯ \ior*
\io1 ୪. ପାଉଲ୍‍ ମଣ୍ଡଲିତେ ସେବା ପାଡ଼୍‍ୟି ନୁ ନେତାଲଡ଼୍‍ ବିଷୟ୍‍ତେ ତୀମତିଙ୍କ୍‍ ନିର୍ଦ୍ଦେଶ୍‍ ଇଦ୍‍ତଣ୍ଡ୍‍ । \ior ୨–୩ \ior*
\io1 ୫. ତୀମତିଙ୍କ୍‍ ପାଉଲ୍‍ତେ ମାଡ଼େଙ୍କ୍‌ତାଦ୍‍ ନିର୍ଦ୍ଦେଶନା । \ior ୪–୬ \ior*
\c 1
\p
\v 1 ନାନ୍‍ ପାଉଲ୍‍, ମାନ୍‍ ମୁକ୍ତିଦାତାଲ୍‍ ନିଜେ ଇଶ୍ୱର ନୁ ମାନାଙ୍କ୍ ଆଶେତେ କ୍ରିଷ୍ଟ ଜିସୁନ୍‍ ଗଟ୍‍ ଲେକାମ୍‌ ଏଞ୍ଚ୍‍ତଣ୍ଡ୍ ପ୍ରେରିତ ପାଉଲ୍‍ ।
\p
\v 2 \x + \xo ୧:୨ \xo*\xt ପ୍ରେରିତ ୧୬:୧.\xt*\x*ଅନ୍‌‍ ଦର୍ମମାର୍‍ ତୀମତିନ୍‍ ଗାରେ ଲେକିମାନ୍ଦାନ୍ ଚିଟି, ବାବାଲ୍‍ ଇଶ୍ୱର୍‍ ନୁ ମାନ୍‍ ପ୍ରବୁ କ୍ରିଷ୍ଟ ଜିସୁ ମିକିଂଙ୍କ୍‍ ଅନୁଗ୍ରହ, କୃପା ନୁ ଶାନ୍ତି ଇଦ୍‍ତଣ୍ଡ୍ ।
\s ବୁଚା ଶିକ୍ଷା ମାଇଦିଙ୍କ୍ ସତର୍କବାଣୀ
\p
\v 3 ନାନ୍‍ ମାସିଦୋନିଆତା ଆଦାନ୍‍ୱେୟ୍ ମିକିଙ୍କ୍ କେସ୍‍ମାନ୍ଦାନ୍‍ ଲେକାମ୍‌ ମିଡ଼୍‍ ଏଫିସିତାଗ୍ ମାନୁଟ୍‍ । ଆଗେ ବେସ୍କ୍‍ତୁଡ଼୍‍ ବୁଲ୍‍ ଶିକ୍ଷାସାରେ ଇଦୁତଡ଼୍‍, ଅଡ଼୍‌‍କିଂଙ୍କ୍ ଆଗାଙ୍କ୍ ବନ୍ଦ୍‍ ମାଡ଼ାନଙ୍କ୍ ଆଦେଶ୍‍ ଇମୁଟ୍‍ । 
\v 4 ଅଡ଼୍‌‍ ଲେକେତ୍‍ ୱେଷଡ଼୍‍ ନୁ ଆନିଦାଦିଡ଼ାଦ୍‍ ବଂଶତଡ଼୍‍କିଙ୍କ୍ ତିଆର୍‍ ମାଡ଼ାଙ୍କ୍‍ ଆତ୍‍ତଡ଼୍‍ । ଆୱ୍‍ସାରେ ୱିଡ଼୍‍ସାଙ୍କ୍ ଅଡ଼୍‌‍କିଂଙ୍କ୍ ଶିକ୍ଷାହିମୁଟ୍‍, ବାତେଙ୍କ୍‍ଇତ୍‍କେ ଆଦ୍‍ ମାତର୍‍ ଆଙ୍ଗ୍‍ଡ଼ାମ୍‍ ଗଲକ୍‍ ସୃଷ୍ଟି ମାଡ଼ିତ୍‍ । ବେନ୍‍ ସରଳ ବିଶ୍ୱାସ୍‍ତେ ଇଶ୍ୱର୍‌ତେ ଇଚ୍ଛା ପୁନ୍ଦାଙ୍କ୍ ଆଦ୍‍ତେ, ଇୱ୍‍ସାରେ ତାଙ୍କ୍‍କିଙ୍କ୍ ବାଦା ଇଦ୍‍ତା । 
\v 5 ସାୟେତ୍‍ ହୃଦୟ୍‍, ନିର୍ମଲ ବିବେକ୍‍ ନୁ ପ୍ରକୃତ ବିଶ୍ୱାସ୍‍ତେ ବେନ୍‍ ପ୍ରେମ ଡାଟୁମ୍‍ ଆଦ୍‍ତେ, ଆଦିଙ୍କ୍‍ ଜାଗ୍ରତ୍‍ ମାଡ଼ାନ୍‍ ମାଇଦିଙ୍କ୍ ନେଣ୍ଡ୍‍ ନାନ୍‍ ଇଦ୍‍ ଆଦେଶ୍‍ ଇଦୁତାନ୍‍ । 
\v 6 ବେସ୍କ୍‍ତୁଡ଼୍‍ ନାରୁଡ଼୍‍ ଇ ବେଡ଼ିୟି ବିଷୟ୍‍ତିଙ୍କ୍ ମାର୍ଙ୍ଗି ଆଙ୍ଗ୍‍ଡ଼ାମ୍‍ ଯୁକ୍ତିତର୍କତେ ଆର୍‍ବୁଲ୍‍କା ଆସ୍‍ମିନ୍ଦେଡ଼୍‍ । 
\v 7 ଦର୍ମ ଗୁରୁ ଆସ୍‍ ଇଶ୍ୱର୍‌ତେ ବିଦି ବ୍ୟବସ୍ଥାତେ ବ୍ୟାକ୍ୟା ମାଡ଼ାଙ୍କ୍ ଅଡ଼୍‌‍ ଇଚ୍ଛା ମାଡ଼ିତଡ଼୍‍, କିନ୍ତୁ ବେନ୍‍ ବିଷୟ୍‍ତେ ଦୃଡ଼ ଶିକ୍ଷା ଇଦ୍‍ତଡ଼୍‍ ଆଦ୍‍ ଅଡ଼୍‌‍ ନିଜେ ବୁଜେମ୍‍ ଆୟଡ଼୍‍, ବେନ୍‍ସାରେ ବିଷୟ୍‍ତେ ନିଜାମ୍‍ତେ ମତ ପ୍ରକାଶ୍‍ ମାଡ଼ିତଣ୍ଡ୍, ଆଦ୍‍ ପ୍ରକୃତତେ ବାତେ, ଅଡ଼୍‌‍ ପୁନ୍‍ନଡ଼୍‍ ।
\p
\v 8 ମାମ୍‍ ପୁତ୍‍ମ୍‍ ଯେ, ବ୍ୟବସ୍ଥାତିଙ୍କ୍ ସାୟେ ବ୍ୟବହାର୍‌ ମାଡ଼୍‍କେ, ଆଦ୍‍ ସାୟ୍‍ । 
\v 9 କିନ୍ତୁ ହେର୍କେ ନେହ୍‍ତ୍‍ ୱେୟ୍‍ତିତ୍‍, ଇ ବ୍ୟବସ୍ଥା ଦାର୍ମିକ ନାରୁଡ଼୍‍ତେ ମାଇଦିଙ୍କ୍ ଆୟ । ନିୟମ୍‍ତିଙ୍କ୍ ବାଙ୍ଗାମାଡ଼ାନ୍‍ ନାରୁଡ଼୍‍ ଆଦାର୍ମିକିଡ଼୍‍ତେ ମାଇଦିଙ୍କ୍ ଆଦ୍‍ ତିଆର୍‍ ଆସ୍‍ମିନ୍ଦେ । ବେନଡ଼୍‍ ସ୍ୱେଚ୍ଛାଚାରୀ, ବେନଡ଼୍‍ ଇଶ୍ୱର୍‌ତିଙ୍କ୍ ୱେର୍‍ୱଡ଼୍‍, ବେନଡ଼୍‍ ପାପ୍‍ ଅପକର୍ମତେ ବେନଡ଼୍‍ ଦର୍ମବାବ ବା ଆଦ୍ୟାମିବଦ ଇଲେ, ବେନଡ଼୍‍ ୟାୟ୍‍ବାବାଙ୍କ୍ ଆୱ୍‍କାଙ୍କ୍ ହେର୍କେ ମାଡ଼ାନଡ଼୍‍; ନାରୁଙ୍କ୍‍ ଆୱ୍‍କାନଡ଼୍‍, 
\v 10 ବେବିଚାରି, ଅସ୍ୱାବାବିକ କାମୁକତା, ନାରୁନ୍‍ ଡଙ୍ଗାନଡ଼୍‍ ନୁ ମିଚ୍‍ ସାକ୍ଷ୍ୟ ଇଦାନଡ଼୍‍, ବିଶ୍ୱାସ୍‍ ଇଲ୍‍ୱଡ଼୍‍ ନୁ ବେନଡ଼୍‍ ସତ୍‍ ଶିକ୍ଷାତେ ବିରୁଦ୍‍ ମାଡ଼ିତଡ଼୍‍ ଅଡ଼୍‌‍ ସେଙ୍ଗେ ବ୍ୟବସ୍ଥା ତିଆର୍‍ ଆତ୍‍ତେ । 
\v 11 ଇଦ୍‍ ଉପଦେଶ୍‍ ଇଶ୍ୱର୍‌ତେ ଗୌରବ୍‍ ପ୍ରସଂଶା ସେଙ୍ଗେ ଆୟି । ଇଦ୍‍ ସାୟେତ୍‍ ଗଟ୍‍ ପ୍ରଚାର୍‍ ମାଡ଼ାନଙ୍କ୍‍ ଦାୟିତ୍ୱ ନାକିଙ୍କ୍‍ ଇତ୍‍ତଡ଼୍‍ ।
\s ଇଶ୍ୱର୍‌ତେ ଦୟା ସେଙ୍ଗେ ଦନ୍ୟବାଦ୍‍
\p
\v 12 ନା ପର ବରସା ୱାଟି ଇଦ୍‍ ସେବା ପାଡ଼୍‍ୟି ନିଯୁକ୍ତି ମାଡ଼୍‍ତାଙ୍କ୍‍ ନାନ୍‍ ମାନ୍‍ ପ୍ରବୁ ଜିସୁଙ୍କ୍‍ ଦନ୍ୟବାଦ୍‍ ଇଦ୍‍ତାନ୍‍, ଅଣ୍ଡ୍‌ ନାକିଙ୍କ୍ ବିଶ୍ୱସ୍ତ ମନେ ମାଡ଼ି ସେବକ୍‍ ପଡ଼ିୟେତାଗ୍‍ ନିଯୁକ୍ତ ମାଡ଼ିମିନ୍ଦେଣ୍ଡ୍, 
\v 13 \x + \xo ୧:୧3 \xo*\xt ପ୍ରେରିତ ୮:3; ୯:୪,୫.\xt*\x*ମୁନେନ୍‍ ନାନ୍‍ ଜିସୁ କ୍ରିଷ୍ଟଙ୍କ୍‍ ନିନ୍ଦା ମାଡ଼ମାତ୍‍ତାନ୍‍, ଆଗେକ୍‍ବା ଅଣ୍ଡ୍‌‍ ନାକିଙ୍କ୍‍ ଯୋଗ୍ୟ ମନେ ମାଡ଼ି ନିଯୁକ୍ତ ମାଡ଼୍‍ତଣ୍ଡ୍‍ କିନ୍ତୁ ନାନ୍‍ ବାତ୍‍ ମାଡ଼ୁତାନ୍‍ ଇଞ୍ଜ ପୁନ୍‍ୱାଙ୍କ୍‍ ଇଶ୍ୱର୍ ନାକିଙ୍କ୍‍ ଦୟା ମାଡ଼୍‍ତଣ୍ଡ୍‍‍, ଅବିଶ୍ୱାସୀ ମାନ୍ଦାନ୍‍ ୱେଲେ ନାନ୍‍ ଆଲା ମାଡ଼ମାତ୍‍ତାନ୍‍ । 
\v 14 ମା ପ୍ରବୁନ୍‍ ନାର୍ଗେ ଅନୁଗ୍ରହ ନୁ ଅନାଗ୍‍ ବିଶ୍ୱାସ୍‍ ମେଣ୍ଡେ ପ୍ରେମତେ ଆସ୍‍ମିନ୍ଦେନ୍‍ । 
\v 15 ପାପିଡ଼୍‍କ୍‍ ଉଦାର୍‍ ମାଡ଼ାନ୍‍ ମାଇଦିଙ୍କ୍ କ୍ରିଷ୍ଟ ଜିସୁ ପୃତିବିତାଗ୍‍ ୱାସ୍‍ମାତ୍‍ତଣ୍ଡ୍‍, ହିଦ୍‍ ଅଣ୍ଡୟ୍‌‍ ନିଜାମ୍ ସତ୍‍ ସାରେତଡ଼୍‍ ହିଦିଙ୍କ୍ ପୁନ୍ଦାନ୍‍ ଦର୍‍କାର୍‍ । ଆ ପାପୀଡ଼ି ଲୋପେ ନାନ୍‍ ସାରେତଡ଼୍‍କିଙ୍କ୍ ଅନ୍‌‍ ବାଡ଼୍‍ୟଣ୍ଡ୍ । 
\v 16 କିନ୍ତୁ ନା ଲେକାମ୍‍ ଅର୍‍ତୁଣ୍ଡ୍ ବେଡ଼୍‍ୟେ ପାପୀ ପ୍ରତି ଆନ୍‌ତେ ଇଶ୍ୱର୍‌ତେ କୃପା ନୁ କ୍ରିଷ୍ଟ ଜିସୁନ୍‍ ସହନଶିଳତା ନାକିଙ୍କ୍ ଅଣ୍ଡୟ୍‌ ୱେଷଡ଼୍‍ ମାଡ଼ି ନେହ୍‍ତଣ୍ଡ୍‍, ଆନ୍‌ୱେ ନାରୁଡ଼୍‍ ବେଲା ଜିସୁନାଗ୍‍ ବିଶ୍ୱାସ୍‍ ମାଡ଼ି ଅନନ୍ତ ଜିୱୁନ୍‍ ଲାବ୍ ମାଡ଼ିତଡ଼୍ । 
\v 17 ସାରେ ବିଶ୍ୱ ଜଗତ୍‍ତେ ତନ୍ଦ୍‍ୱାଦ୍‍, ୱେରଣ୍ଡେ ଇଶ୍ୱର୍‌, ସାରେଦିନାତ୍‍ ରାଜାଲ୍‍, ଅଣ୍ଡୟ୍‌‍ମାତର୍ ଇଶ୍ୱର ଯୁଗ୍‍ଯୁଗ୍‍ ସମ୍ମାନିତ ନୁ ମହିମାନ୍ନିତ ଆଇଣ୍ଡ୍‍ । ଆମେନ୍‍ ।
\p
\v 18 ନା ମାର୍‍ ତୀମତି, ନି ବିଷୟ୍‍ତେ ମୁନେକଙ୍କ୍ ପ୍ରକାଶ ପାହେମ୍‍ ଆତ୍‍ତେ ବାବବାଣି ଲେକାମ୍‌ ନାନ୍‍ ନିକିଙ୍କ୍ ହି ଆଜ୍ଞା ହିଦୁତାନ୍‍ । ଆ ବାବବାଣିତିଙ୍କ୍ ଅମଗ ଅସ୍ତ୍ର ଲେକାମ୍‍ ବ୍ୟବହାର ମାଡ଼ି ନିମେ ଜିୱୁନ୍‍ ସଂଗ୍ରାମ୍‍ତେ ଜିଡ଼ି ଲାବ୍ ମାଡ଼ା । 
\v 19 ବିବେକ୍‍ତିଙ୍କ୍ ସାୟେ ନେହ୍‍ସ୍‍, ନି ଦର୍ମ ବିଶ୍ୱାସତେ ଡ଼ୁଟାଙ୍କ୍‍ ମାନ୍‍ । ବେନ୍‍ ବେନ୍‍ଡ଼୍‍ ବିବେକ୍‍ତେ ଚେତାବନୀତିଙ୍କ୍ ୱିଡ଼୍‌ସି ମାଡ଼ି ନିଜର୍‍ ଦର୍ମବିଶ୍ୱାସ୍‍ତିଙ୍କ୍ ନଷ୍ଟ ମାଡ଼ିସ୍‍ ମିନ୍ଦେଡ଼୍‍ । 
\v 20 ଇଡ଼୍‍ ଲୋପେଙ୍କ୍ ହୁମନାୟ ନୁ ଆଲେକ୍‍ଜାଣ୍ଡାର ମାତ୍‍ତଡ଼୍‍ । ହି ଇର୍‍ୱୁଡ଼୍‍କିଙ୍କ୍ ନାନ୍‍ ଶୟ୍‍ତାନ୍‍ତେ କାଇଦାଗ୍‍ ୱିଡ଼୍‍ସିସ୍‍ ଉପଯୁକ୍ତ ଦଣ୍ଡ ବିଦାନ ମାଡ଼୍‍ତାନ୍‍, ଉଏତ ଇଦିନ୍‍ ୱାରା ଅଡ଼୍‌‍ ଇଶ୍ୱର୍‌ତେ ନିନ୍ଦାତାଗାଙ୍କ୍‍ ୱେରେ ଆଦାନଙ୍କ୍‍ ଶିକ୍ଷା ପାଏମ୍‍ ଆଦ୍‍ତଡ଼୍‍ ।
\c 2
\s ମଣ୍ଡଲିତେ ଉପାସନା ମାଡ଼ାନ୍‍ ନିୟମ୍‍
\p
\v 1 ନାନ୍‍ ମୁନେନ୍‍ ଅନୁରଦ୍‍ ମାଡ଼ିତାନ୍‍, ଉପାସନା ମାଡ଼ାନ୍‍ ୱେଲେ ସାର୍ରେତଡ଼୍‍ ସେଙ୍ଗେ ଇଶ୍ୱର୍‌ତାଗ୍‍ ପ୍ରାର୍ତନା, ନିବେଦନ୍‍ ନୁ ଦନ୍ୟବାଦ୍‍ କେଲାଟ୍‍ । 
\v 2 ଇଦେଲେକାମ୍‍ ଅନ୍‌ୟାୟ୍‌ତେ ଶାସନ୍‍ ମାଡ଼ାନଡ଼୍‍ ନୁ ରାଜାଲଡ଼୍‍ ସେଙ୍ଗେ ପ୍ରାର୍ତନା ମାଡ଼ାଟ୍‍, ବେଲାକି ଇଶ୍ୱର୍‌ତେ ବକ୍ତିତେ ଶାନ୍ତିତେ ମାନ୍‍ତାଡ଼୍‍ ନୁ ଆନ୍‌ୱେ ନାରୁଡ଼୍‍ ପ୍ରତି ସାୟେତ୍‍ ବ୍ୟବହାର୍‌ ମାଡ଼ି ସୁକାମ୍‍ ଶାନ୍ତିତେ ଜିୱୁଣ୍ଡ୍‍ ବାଦ୍‍କେ ପାର୍‍ଦ୍‍ତାଡ଼୍‍ । 
\v 3 ଇଦ୍ ଲେକାମ୍ ପ୍ରାର୍ତନା ତ୍ରାଣକର୍ତ୍ତାଲ୍ ଇଶ୍ୱର୍‌ତେ କଣ୍ଡେତେ ଯଥାର୍ତ ନୁ ଗ୍ରହନ୍ ଯୋଗ୍ୟ । 
\v 4 ସାରେତଡ଼୍ ପାପତାଗାଙ୍କ୍ ଉଦ୍ଦାର୍ ଆସ୍ ସତ୍‍ତିଙ୍କ୍‍ ପୁନିଡ଼୍‍, ଇଦ୍ ଅନ୍‌ ଇଚ୍ଛା । 
\v 5 ୱେରନ୍ ମାତର୍ ଇଶ୍ୱର୍ ମିନ୍ତେନ୍, ମେଣ୍ଡେ ଇଶ୍ୱର୍ ନୁ ନାରିଡ଼ାଗ୍‍ ୱେରନ୍ ନାଡ଼୍‍ମେ ମିନ୍ଦେନ୍, ଅଣ୍ଡ୍‌‍ ଆଦୁତନ୍ କ୍ରିଷ୍ଟ ଜିସୁ, ୱେରନ୍ ନାରୁନ୍ । 
\v 6 ଅଣ୍ଡ୍‌ ନାରୁଡ଼ାଦ୍‍ ମୁକ୍ତି ସେଙ୍ଗେ ନିଜେତିଙ୍ଗ୍ ଉସର୍ଗ ମାଡ଼୍‍ତନ୍ ଆଦିନ୍ ସୁଦୁଟ୍ ସମୟତେ ପ୍ରମାନିତ ଆସ୍‍ମିନ୍ଦେ ଯେ, ଇଶ୍ୱର୍ ସାରେ ନାରୁଡ଼୍‍କିଙ୍କ୍ ପରିତ୍ରାନ୍ ମାଡ଼ାଙ୍କ୍‍ ଇଚ୍ଛା ମାଡ଼ୁତନ୍, ଇଦିନାଦ୍‍ ସାକ୍ଷ୍ୟ ଇସ୍‍ମିନ୍ଦେଣ୍ଡ୍‍ । 
\v 7 \x + \xo ୨:୭ \xo*\xt ୨ ତୀମତି ୧:୧୧.\xt*\x*ଆଦ୍ ସତ୍ୟ ନୁ ବିଶ୍ୱାସ୍‍ ଗଟ୍ ଅଣଯିହୁଦୀଡ଼୍‍ ପାକେ ଗୋଷନା ମାଡ଼ାନ୍ ସେଙ୍ଗେ ନାନେ ୱେରନ୍ ପ୍ରେରିତଶିଷ୍ୟ ନୁ ଗୁରୁ ଲେକାମ୍ ୱାସ୍‍ମିନ୍ଦେନ୍, ନାନେ ମିତ୍ୟା କେଲନ୍ ବାତ୍‍ କେତୁତାନ୍, ଆଦ୍‍ ସାରେ ସତ୍ ।
\p
\v 8 ନାନ୍‍ ଚାଏମ୍‍ ଅଦୁତାନ୍‍ ଉପାସନାତାଗ୍ ପବିତ୍ର କାୟ୍‍ ତେଇସ୍‍ ସାରେତଡ଼୍‍ ପ୍ରାର୍ତନା ମାଡ଼ିଡ଼୍‍ । ମନ୍‍ତାଦ୍‍ ସାରେ ପ୍ରକାର୍‍ କପାମ୍‍ ନୁ ଇର୍ଷା ୱିଡ଼୍‍ସିୱିଡ଼୍‍ । 
\v 9 \x + \xo ୨:୯ \xo*\xt ୧ ପିତର୍‍ 3:3.\xt*\x*ନାଟାକିଙ୍କ୍ ନାୟାଦ୍ ଅନୁରଦ୍‌, ଆୱୁ ନମ୍ର ନୁ ଯତ୍ନବାନ୍‍ ଆୟି । ମୂଲ୍ୟବାନ୍ ସିଲେ, କେଲ୍‍କିଙ୍କ୍‍ ସାୟେ ସଜାମାଡ଼ି ନୁ ସୁନା ରତ୍ନା ନେଡ଼େକ୍‌ କେର୍‍ୱକଟ, 
\v 10 ମୁତେକି ସାୟେ କାମ୍ ସେଙ୍ଗେ ନିଜେତ୍ ଦର୍ମପରାୟନ୍‍ତେ ପରିଚୟ ହିୱି । 
\v 11 ମୁତେକି ନିରବ୍‍ତେ ନମ୍ର ଲେକାମ୍ ମାଞ୍ଜ୍ ଶିକ୍ଷା ହିଦାନାଦ୍ ଉଚିତ୍ । 
\v 12 ଉପଦେଶ ହିଦାନାଦ୍ ବା ମାନେଇ ପୋର୍ ରାଜ୍‍ ମାଡ଼ାନ୍ ଅଦିକାର୍‌ ନାନେ ମୁତେକିଙ୍ଗ୍ ହିୱନ୍ । କିନ୍ତୁ ଆୱୁ କଟଆସ୍‍ କେଞ୍ଜି । 
\v 13 ବାତେଙ୍କ୍‍ଇତ୍କେ ଇଶ୍ୱର୍ ମୁନେନ୍‍ ଆଦମତିଙ୍କ୍‍ ସୃଷ୍ଟି ମାଡ଼୍‍ତନ୍; ତାନ୍‍ପେର୍କେ ଅବାଙ୍କ୍‍ ସୃଷ୍ଟି ମାଡ଼୍‍ତଣ୍ଡ୍‍ । 
\v 14 ଆଦମ୍ ମୁନେ ପ୍ରତାରିତ ଆୟନ୍, ମୁତେ କେ ପ୍ରତାରିତ ଆସ୍ ଇଶ୍ୱର୍‌ତେ ନିୟମ୍‍ ପାଲନ୍ ମାଡ଼ିମାତ୍‍ତେ । 
\v 15 କିନ୍ତୁ ନାଟା ବୁଦ୍‍ତଡ଼୍‍ ବିଶ୍ୱାସ୍‍, ପ୍ରେମ ନୁ ପବିତ୍ର ଜିୱା କଟ ମାତ୍‍କେ, ଆଦ୍ ପିଲା ଜନମ୍‍ ମାଡ଼୍‍କେନେ ପରିତ୍ରାନ ଦର୍କ୍‍ତେ ।
\c 3
\s ମଣ୍ଡଲିତେ ଅଦକ୍ଷ
\p
\v 1 ଉପାସକ ମଣ୍ଡଲିତିଙ୍କ୍ ଦାୟିତ୍ୱ ଆଦାନ୍ ସେଙ୍ଗେ ବେନ୍ ନାରୁଣ୍ଡ୍ ଇଚ୍ଛା ମାଡ଼ିତଣ୍ଡ୍‍, ଅଣ୍ଡ୍‌ ନିଜାମ୍ ୱେରଡ଼୍ ସାୟେତ୍ କାମ୍ ମାଡ଼ାନଙ୍କ୍ ଇଚ୍ଛା ମାଡ଼ିତଣ୍ଡ୍‍, ଇଦ୍ ଗଟ୍ ସତ୍ । 
\v 2 \x + \xo 3:୨ \xo*\xt ତୀତସ୍‌ ୧:୬-୯.\xt*\x*ମଣ୍ଡଲିତେ ଇକାପାକାନଣ୍ଡ ନିର୍ଦୋଷ୍‍ ଚରିତ୍ର, ୱେରଡ଼୍ ମୁତେନ୍ ମୁଦ୍‍ପାଲ୍, ସତ୍ୟବାଦୀ, ଯତ୍ନବାନ୍‍ ନୁ ନାରୁଡ଼୍‍ ମୁନେ ସମ୍ମାନ୍‍ ଆଦେୟେତିତ୍ । ଅଣ୍ଡ୍‌‍ ଅତିତିପରାୟନ୍ ଆଦାନ୍ ମିନ୍ତେ ନୁ ସିକ୍ଷିତ୍ ଇଦାନ୍ ମାୟ୍‍ଦିଙ୍କ୍‍ ଦକ୍ୟତା ମାନ୍‍ତେ । 
\v 3 ଅଣ୍ଡ୍‌ କାଲ୍ ଉନ୍ଦାନଣ୍ଡ୍ ବା ଗଲ୍‍କ୍‍ ଆସମାନ୍ଦାନ୍ ନାରୁନ୍ ଆୟକଟ, କୋମଳ ନୁ ଶାନ୍ତିତେ ମାନ୍ତନ୍ । ଅଣ୍ଡ୍‌‍ ଦନ୍‍ ଲୋବି ଆୟ୍‍ୱେ ମାନ୍‍ନ୍ତେ । 
\v 4 ନିଜେତ୍ ପରିବାର୍‍ତିଙ୍କ୍ ଅଣ୍ଡ୍‌ ସାୟେ ଚାଲେମ୍‍ ମାଡ଼େ ପାର୍‍ଦାନ୍ ମିନ୍ଦେ ନୁ ଅଙ୍କ୍‌ ସମ୍ମାନ୍ ଇସ୍ ଅନ୍‌ ବାଦ୍ୟ ଆଦାନ୍ ସେଙ୍ଗେ ତାନ୍ ପିଲାକି ଶିକିତ୍ ଆସ୍‍ମାନ୍ଦାନ୍ ମିନ୍ଦେ । 
\v 5 ବେନ୍‍ ନାରୁନ୍ ନିଜେତ୍‍ ପରିବାର୍‍ତିଙ୍କ୍ ଚାଲେମ୍‍ ମାଡ଼ାଙ୍କ୍ ପାର୍‍ୱଣ୍ଡ୍‍, ଅଣ୍ଡ୍‌ ଇଶ୍ୱର୍‌ତେ ଉପାସକ ମଣ୍ଡଲିତେ ଯତନ୍ ଆଦ୍‍ତନ୍ ବେଲା ? 
\v 6 ଅଣ୍ଡ୍‌ ବିଶ୍ୱାସ୍‍ତାଗ୍‍ ସିଦ୍ଦ ଆସ୍‍ ମାନ୍ଦାନ୍ ମିନ୍ଦେ; ଇଲୁକ୍‍ ଶୟତାନ୍ ଆଶେତେ ତୟି ଦଣ୍ଡନିୟ ଆଦାନ୍ ସମ୍ଭାବନା ମିନ୍ଦେ । 
\v 7 ମଣ୍ଡଲିତେ ବାଇଦେତ୍ ନାରିଡ଼୍‍ ମିକା ଅଣ୍ଡ୍‌ ୱେରଣ୍ଡ୍ ସମ୍ମାନ୍‍ତେ ନାରିନ୍ ମାନ୍‍ତନ୍, ଇଲୁକ୍‍ ସହଜତେ ଶୟତାନ୍‍ତେ ଉଡ଼ିୟି ଦାଗ୍ ଆରାସ୍‍ ଅଣ୍ଡ୍‌ ବେଲାନ୍ କି ଅପମାନିତ ଆୟିମା କି ।
\s ମଣ୍ଡଲିତେ ସାହାଯ୍ୟ ମାଡ଼ାନଣ୍ଡ୍‍
\p
\v 8 ଆଦ୍‍ ଲେକମ୍ ସେବକ୍‍ନଡ଼୍ ମିକା ଉଦ୍ଦାର୍ ମନ୍‍, ବିଶ୍ୱାସ୍‍ତେ ଗାଡ଼୍‍ସ୍‍ ଆଦାନ୍ ଦର୍‍କାର୍‍ । ଅଡ଼୍‌ କାଲ୍ ବା ଦନ୍‍ ଲବିଡ଼୍ ଆୟୱେ ମାନ୍‍ତଡ଼୍‍ । 
\v 9 ମାନ୍‍ ଦର୍ମବିଶ୍ୱାତେ ପ୍ରକାଶିତ୍ ସତ୍ୟ ଅଡ଼୍‌‍ ନିର୍ମଲ ମନ୍‍ତେ ଗାଡ଼୍‍ସ୍‍ ଆସ୍‍ ବିଶ୍ୱାସ୍ ମାଡ଼ମାନ୍‍ତଡ଼୍‍ । 
\v 10 ମଣ୍ଡଲିତେ ସେବା କାମ୍ ମାଡ଼ାଙ୍କ୍ ଅଦିକାର୍‌ ଆଦାନ୍ ମୁନେଙ୍କ୍ ଅଡ଼୍‌‍କିଂଙ୍କ୍ ମିକା ପରିକ୍ଷା ମାଡ଼େ ୱେଇତିତ୍ । ଇଦ୍ ପରିକ୍ୟାତାଗ୍‍ ପାସ୍‍ ଆତ୍‍କେ ଅଡ଼୍‌‍ ସେବାକାମ୍‍ଦାଗ୍ ମାନ୍‍ତଡ଼୍‍ । 
\v 11 ଆଦ୍ ଲେକାମ୍ ତାମ୍‍ ନାଟାକି ମିକା ବାଗାତଡ଼୍‍କ୍‍ ନିନ୍ଦାମାଡ଼କଟ ମାନୁଟ୍, ସତ୍ୟବାଦୀ ନୁ ସାରେ ବିଷୟ ବିଶ୍ୱାସ୍‍ତେ ମାଡ଼ାନ୍ ଦର୍‍କାର୍‍ । 
\v 12 ଅଡ଼୍‌‍ ଅଣ୍ଡୟ୍‌‍ ମୁତେନ୍‍ ମୁଦ୍‍ପାଲ୍‍ ଆସ୍‍ମାନ୍‍ତଡ଼୍‍, ମେଣ୍ଡେ ନିଜେତ୍ ନିଜେତ୍ ପିଲାକିଙ୍କ୍ ନୁ ପରିବାର୍‍ତିଙ୍କ୍‌ ଲେକେତ୍‍ ଚାଲା ମାଡ଼ମାନ୍‍ତଡ଼୍‍ । 
\v 13 ବେନଡ଼୍ ଲେକେତ୍ ସେବା କାମ୍ ମାଡ଼ ୱାଦୁତଡ଼୍‍, ଅଡ଼୍‌ ନିଜେ ନିଜେତ୍ ସେଙ୍ଗେ ସୁକ୍ୟାତି ନୁ କ୍ରିଷ୍ଟ ଜିସୁନାଗେ ବିଶ୍ୱାସିଡ଼୍ ଲେକେତ୍‍ତେ ସାହାସ୍‍ ଲାବ୍‍ ମାଡ଼ିତଡ଼୍ ।
\s ବିଶ୍ୱାସ୍‍ତାଦ୍‍ ସତ୍ୟତା
\p
\v 14 ଇଦ୍‍ ଚିଟି ଲେକାନ୍ ୱେଲେ, ଯାପେ ମି ଗାରେ ଆଦାନ୍‍ ସେଙ୍ଗେ ନାନେ ଇଚ୍ଛା ମାଡ଼ୁତାନ୍ । 
\v 15 ନାୟାଦ୍ ଯଦି ୱାଦାନାଦ୍ ଡେରି ଆଦ୍‍ତେ, ଜିୱେତ୍ ଇଶ୍ୱର୍‌ତେ ପରିବାର୍ ଲେକାମ୍ ଇଦ୍ ଉପାସକ ମଣ୍ଡଲିତାଗ୍ ମାକିଙ୍କ୍‍ ବେଲାନ୍ ବ୍ୟବହାର୍‌ ମାଡ଼ାଙ୍କ୍ ଆଦ୍‍ତେ, ଇଦ୍ ଚିଟିତେ ଆଦ୍ ମିଡ଼୍ ପୁନ୍ଦ୍‍ତିଡ଼୍ । ଇଦ୍ ମଣ୍ଡଲିତେ ସତ୍ୟତାଦ୍‍ ଗୁଞ୍ଜେ ନୁ ବିତ୍ତିମୂଲ । 
\v 16 ମାନ୍‍ ଦର୍ମବିଶ୍ୱାସତେ ଇଦ୍ ଗୁରୁତ୍ୱ ବିଷୟ୍‍ତିଙ୍କ୍‍ ବେନ ଅସ୍ୱିକାର୍ ମାଡ଼େ ପାର୍‍ୱଡ଼୍, ନାରୁନ୍ ମେନ୍ଦୁଲ୍ ପୟ୍‍ସ୍ ୱାସ୍‍ମାନ୍ଦାନ୍‍ କ୍ରିଷ୍ଟ, ସ୍ୱର୍ଗଦୂତକିନ୍ ତଡ଼୍‌ କାଇଲି ତଣ୍ଡ୍, ସାରେ ଜାତିକିନାଗ୍‍ ଅନ୍‌ ଦାର୍ମାମ୍‌ ଆତ୍‍ତଣ୍ଡ୍‍, ପୁରା ଜଗତ୍‍ତେ ନାରୁଡ଼୍‍ ଅଂକିଙ୍କ୍‌ ବିଶ୍ୱାସ୍‍ ମାଡ଼୍‍ତଡ଼୍‍, ଅଣ୍ଡ୍‌‍ ଗୌରବ୍‍ତେ ସ୍ୱର୍ଗତା ଆତ୍‍ତନ୍ ।
\c 4
\s ବୁସା ମାଡ଼ାନ୍‍ ମେସ୍ତେରିଡ଼୍‍ ବିଷୟ୍‍ତେ ସତର୍କଗଟ୍‍
\p
\v 1 ପବିତ୍ର ଆତ୍ମା ବୁଜେମ୍ ଆତ୍‍ତେ ଲେକାମ୍‍ କେତୁତ୍‍ ଯେ, ପ୍ରତାରକ ପାପାତ୍ମାକିନ୍‍ କାରାପ୍‍ ଶିକ୍ଷାତାଗ୍‍ ରାୟି ଅଣ୍ଡୟ୍‌‍ଦିନେ ବେନ କ୍ରିଷ୍ଟ ବିଶ୍ୱାସତାଗାଙ୍କ୍ ୱେରେ ଆଦ୍‍ତଡ଼୍ । 
\v 2 ଇଡ଼୍‍ ବେସ୍‍କ୍‍ତୁଡ଼୍‍ ବୁସା ନୁ ମିତ୍ୟାବାଦୀଡ଼୍‍ ଆଦ୍‍ତଡ଼୍‍, ଅଡ଼୍‌‍ୱାଦ୍‍ ବିବେକ୍‍ ଡଲ୍‍ତେ । 
\v 3 ପେଣ୍ଡୁଲ୍ ମାଡ଼ାନାଦ୍ ନୁ ବେନା କାଦି ତିନ୍ଦାନାଦ୍ ଆୟ ଇଞ୍ଜ୍ ଅଡ଼୍‌ କେତୁତଡ଼୍ । କିନ୍ତୁ ବେନ୍ କ୍ରିଷ୍ଟବିଶ୍ୱାସୀଡ଼୍ ସତ୍ ସାରେ ମାଡ଼ିମିନ୍ଦେଡ଼୍, ଅଡ଼୍‌ ଇଶ୍ୱର୍‌ତେ ତିଆର୍ ମାଡ଼୍‍ତେ ସାର୍ରେ କାଦି ମାଇଦିଙ୍ଗ୍ ଅଂକିଙ୍କ୍‌ ଦନ୍ୟବାଦ୍ କେସ୍ ଆଦ୍ ନିଜାମ୍ ମନ୍‍ତେ ତିନ୍ଦେପାର୍‍ତନ୍ । 
\v 4 ଇଶ୍ୱର୍ ବାତେ ତିଆର୍‍ ମାଡ଼ିମିନ୍ଦେନ୍, ଆଦ୍ ସାରେ ସାୟେ, ଆଗାଙ୍କ୍ ବେଦିଙ୍କ୍‍ବା ପାସ୍‍କାଙ୍କ୍‍ ପାର୍‍ଦାଙ୍କ୍ ଆୟ । ଅଂକିଙ୍କ୍‌ ଦନ୍ୟବାଦ୍ ମାଡ଼ି ଅନାଦ୍‌ ସାରେ ଦାନତିଙ୍କ୍ ସାରେ କୃତଜ୍ଞା ତଡ଼୍ ଗ୍ରହନ୍ ମାଡ଼ାନ୍ ଉଚିତ୍ । 
\v 5 ଇଶ୍ୱର୍‌ତେ ବାକ୍ୟ ଏର୍କେ ମାଡ଼ି ଅଂକିଙ୍କ୍‌ ପ୍ରାର୍ତନା ମାଡ଼ାନ୍ ଦ୍ୱାରା ସାର୍ରେ ବିଷୟ ପବିତ୍ର ଆଦ୍‍ତେ ।
\s କ୍ରିଷ୍ଟ ଜିସୁନ୍ ସାୟେତ୍‍ ସେବକ
\p
\v 6 ସତ୍‍ତେ ପର ପ୍ରତିଷ୍ଟିତ ମାନ୍‍ ଦର୍ମବିଶ୍ୱାସ ନୁ ତତ୍ତ୍ୱେତେ ଅନୁପ୍ରନିତ ଆସ୍ ତୀମତି ନିମ୍ ଯଦି ମଣ୍ଡଲିତେ ଦାଦାଲଡ଼୍‍ ନୁ ଏଲାସ୍କିଙ୍କ୍ ହିୱୁ ସାରେ ଶିକ୍ଷା ଇତ୍‍କେ, କ୍ରିଷ୍ଟ ଜିସୁନ୍‍ ଅର୍‍ତୁନ୍ ସାୟେତ୍‍ ସେବକ ଆଦ୍‍ତିନ୍‍ । 
\v 7 ଇଶ୍ୱର୍‌ତିଙ୍କ୍ ଅପମାନ୍ ମାଡ଼ମାନ୍ଦାନ୍ ମୁଲ୍ୟହିନ କିମ୍ୱଦନ୍ତିକିଙ୍କ୍ ପରିହାର ମାଡ଼ି, ମି ଦର୍ମଜିୱୁଣ୍ଡ୍‍ତେ ଶକ୍ତି ମାଡ଼ାଙ୍କ୍ ଅବ୍ୟାସ୍ ମାଡ଼ାଟ୍ । 
\v 8 ମେନ୍ଦୁଲ୍‍ତେ ବ୍ୟାୟାମ୍ ଦର୍‍କାର୍ ମିନ୍ଦେ । କିନ୍ତୁ ଆଦ୍ୟାତ୍ମିକ୍ ସାଦନା ସାରେତ୍‍ ଲେକାମ୍ ଉପାୟ, ବାତେଙ୍କ୍‍ଇତ୍କେ ହିଦିନ୍ ମାର୍‍ଦିଙ୍କ୍ ନାରୁଡ଼୍ ଇରିଉଡ଼ୁ ଇଞ୍ଜେତ୍‍ ନାରିଡ଼୍ ନୁ ବବିଷ୍ୟତ୍‍ତେ ନାରୁଡ଼୍ ଜିୱୁନ୍ ଆସ୍ ମାନ୍ତଡ଼୍, ଇଞ୍ଜ୍ ପ୍ରତିଜ୍ଞା ପାହେମ୍ ଆଦ୍‍ତଡ଼୍ । 
\v 9 ହିଦ୍ ନିଜାମ୍ ସତ୍ ନୁ ସାରେତଡ଼୍ ଇଦ୍ ସାରେ ମାଡ଼ି ପୂର୍ଣ୍ଣପ୍ରାନ୍‍ତେ ବିଶ୍ୱାସ୍ ମାଡ଼ନ୍ ଦର୍‍କାର୍‍ । 
\v 10 ବେନ୍ ମୁକ୍ତିଦାତାନାଗ୍ ବିଶ୍ୱାସ୍ ମାଡ଼ାକେ ସାରେତଡ଼୍ ପରିତ୍ରାନ୍ ଲାବ୍ ମାଡ଼େପାର୍‍ତନ୍, ଆ ଜିୱୁନ୍ ତେ ଇଶ୍ୱର୍‌ତାଗେ ବର୍‍ସା ୱାଟି, ମାନାଡ଼୍ ଇସର୍ କଷ୍ଟ ସୀକାର୍ ମାଡ଼ି ହି କାମ୍ ମାଡ଼ି ଅଦୁତମ୍ ।
\p
\v 11 ହି ସାରେ ଶିକ୍ଷା ନୁ ନିର୍ଦ୍ଦେଶ ଅଡ଼୍‌‍କିଂଙ୍କ୍ ବୁଜାମାଡ଼ିମୁଟ୍ । 
\v 12 ମିଡ଼୍ ନିଜର୍ ଗଟ୍ ତିର୍‍ୟାନାଦ୍, ଆଚରନ୍, ପ୍ରେମ୍, ବିଶ୍ୱାସ୍‍ ନୁ ଚରିତ୍ର ନିର୍ମଲତାରେ ଆଦର୍ଶ ତଅତେ ପାର୍‍ତଡ଼୍, ସୁଦୁର୍ ବୟସ୍‍ ଆସ୍‍ମାତ୍‍କେ ବା ମିକିଙ୍କ୍ ମଣ୍ଡଲିତାଗ୍ ବେନ ଅବଜ୍ଞା ମାଡ଼େପାର୍‍ୱଡ଼୍ । 
\v 13 ନାନ୍ ମି ଗାରେ ୱାନା ଯାକ ମିଡ଼୍ ଦର୍ମଶାସ୍ତ୍ର କାର୍‍ତାନାଦ୍, ଉପଦେଶ ନୁ ଶିକ୍ଷା ହିଦାନ୍‌ କାମ୍ ମାଡ଼ମାନୁଟ୍ । 
\v 14 ମଣ୍ଡଲିତେ ବୟସ୍‍ତେ ବେଡ଼୍‍ୟଡ଼୍ ନେତାଲଡ଼୍ ନିକିଙ୍କ୍ ଇଶ୍ୱର୍‌ତେ ବାନୀ କେଞ୍ଜ୍‍ପି ମି ପର୍ କାୟ୍‍ୱାଟି ମାଡ଼ାନ୍ ୱେୟ ମିଡ଼୍ ବେନ୍ ଆତ୍ମାତେ ଦାନ୍‍ ଲାବ୍ ମାଡ଼ିମାତ୍‍ ତିଡ଼୍, ଆଦିଙ୍କ୍ ପାସ୍କ୍‍ୱାଡ଼୍‍ ମାଡ଼୍‍ମାଟ୍ । 
\v 15 ନାନ୍ ମାଡ଼ିମାନ୍ଦାନ୍ ସାରେ ବିଷୟ୍‍ ହୃଦୟ ତଡ଼୍ ପାଲନ୍ ମାଡ଼ାନ୍ ଅବ୍ୟାସ୍ ମାଡ଼ାଟ୍, ଫଲତେ ମି କାମ୍‍ ମାଡ଼୍‍ତାଦ୍ ସାର୍ରେତଡ଼୍‍ ଗାର୍ରେ ତଅନ୍‌ଦିତ୍‍ । 
\v 16 ଆଲାହିକେ, ମିଡ଼୍ ନିଜେ ପରିତ୍ରାନ ପାହେମ୍ ଆଦ୍‍ତିଡ଼୍ ନୁ ୱେର୍ ଅର୍‍ତୁଡ଼୍ ପରିତ୍ରାନ୍ ପ୍ରାପ୍ତିତେ ସହାୟକ ଆଦ୍‍ତିଡ଼୍ ।
\c 5
\s ବିଶ୍ୱାସୀଡ଼୍ ମାଇଦିଙ୍କ୍ କର୍ତ୍ତବ୍ୟ
\p
\v 1 ବୟସ୍‍ତେ ବେଡ଼୍‍ୟକିଙ୍ଗ୍ ନିଜର୍‍ ବାବାଲ୍‍ ଇନା ହେର୍କା ମାଡ଼ାଟ୍ । ଅଡ଼୍‌‍କିଂଙ୍କ୍ ବର୍ସନା ମାଡ଼କଟ ନମ୍ରତେ ଆନୁଯୋଗ୍ ମାଡ଼ାଟ୍ । ସୁଦୁନଡ଼୍ ପ୍ରତି ତାମୁଡ଼୍‍ ଲେକାମ୍‍ ବ୍ୟବହାର୍ ମାଡ଼ାଟ୍ । 
\v 2 ବୟସ୍‍ତେ ବେଡ଼୍‍ୟା ନାଟାକିଙ୍କ୍ ୟାୟା ନୁ ସୁଦୁର୍ ରାୱିଙ୍କ୍ ଏଲାସ୍କ୍‌ ଇଞ୍ଜ ମନେ ମାଡ଼ି ଆୱିନ୍ ମାର୍‍କିଙ୍କ୍ ପବିତ୍ର ଆଚରନ୍ ମାଡ଼ାଟ୍ ।
\p
\v 3 ୱେରଡ଼୍ ଆସ୍ ନିଃସହାୟ ଲେକାମ୍ ତାକମାନ୍ଦାନ୍ ରାଣ୍ଡିକିଙ୍କ୍ ମାନେମ୍‍ ମାଡ଼ାଟ୍ । 
\v 4 ଯଦି ବେନ୍‌ଆଇ ରାଣ୍ଡିନ୍ ମାର୍‍ ପୌତ୍ରାଦି ମିନ୍ଦେଣ୍ଡେ, ଆୱୁ ମିନେଙ୍କ୍ ନିଜର୍ ପରିବାର୍‍ଦାଗ୍ ୟାୟବାବାଲ୍, ବାବାମହ ବା ୟାୟମାହୀଙ୍କ୍ ପ୍ରତି ଦର୍ମତଃ ନିଜର୍ କର୍ତ୍ତବ୍ୟ ପାଲନ୍ ମାଡ଼ି ଇଶ୍ୱର୍‌ତେ ପସନ୍ଦ୍‍ ଆୟ୍‍ମୁଟ୍‍ । 
\v 5 ବେନ୍ ରାଣ୍ଡିଲ୍ ନିଜାମ୍ ତେ ୱେରଡ଼୍ ନୁ ଆଶ୍ରୟ ଇଲେ, ଆଦ୍‍ ଇଶ୍ୱର୍‌ତେ ପର ଆଶେ ୱାଟି, ଦିବାନିଶି ତାନ୍‍ ସାହାଯ୍ୟ ବିକ୍ୟା ମାଡ଼ମାନ୍ତେ । 
\v 6 କିନ୍ତୁ ବେନ୍ ରାଣ୍ଡି ଆସ୍‍ବା ବୋଗବିଲାସ୍‍ତେ ଦିନାତିପାତ ମାଡ଼ିତ୍, ଆଦିଙ୍କ୍ ଜିୱୁନ୍‍ ମାଞ୍ଜ୍‍ବା ଡଲ୍‍ତେ ଇଞ୍ଜ ମନେ ମାଡ଼୍ ୱେୟତିତ୍ । 
\v 7 ରାଣ୍ଡିକିଙ୍କ୍ ହି ବିଷୟତେ ସତର୍କ ମାଡ଼ିମୁଟ୍, ବେନ ବା ଆୱିନ୍ ବିରୁଦ୍ଦତେ ବାତ୍‍ ଅବିଯୋଗ୍‍ ମାଡ଼ାଙ୍କ୍ ସୁଯୋଗ୍ ପାଏମ୍ ଆୟମାକି ? 
\v 8 ବେନ୍ ନାରୁଣ୍ଡ୍ ତାନ୍ ନିଜର୍‍ ସ୍ୱଜନ ତଥା ନିଜର୍ କୁଟ୍‍ମାତେ ଯତ୍ନ ଆୟଣ୍ଡ୍, ଅଣ୍ଡ୍‌ ମା ଦର୍ମବିଶ୍ୱାସୀଡ଼ାଗାଙ୍କ୍ ଅଣ୍ଡ୍‌‍ ଅଦିକ୍‌ ନିନ୍ଦନିୟ ।
\p
\v 9 ମଦଲ୍ ଲେକ୍‍ତେ ଯୋଗ୍ୟତା ମାନ୍ଦାନ୍ ରାଣ୍ଡିକିଙ୍କ୍ ଅଣ୍ଡୟ୍‌ ତାଲିକା ମାଡ଼ାଟ୍ ବେନଡ଼୍ ବୟସ ଷାଟିଏ ବର୍ଷତ୍ ପର, ବେନଡ଼୍ ଅଣ୍ଡୟ୍‌‍ଦାମ୍ ମାତର୍ ପେଣ୍ଡୁଲ୍ ଆସ୍‍ମାନ୍‍ତା, 
\v 10 ପିଲାକିଙ୍କ୍ ଲେକେତ୍ ଯତନ୍ ଆୟନା, ଅବଗତକିଡ଼୍ ଆତିତ୍ୟ ମାଡ଼ିକାଡ଼୍ କ୍ରିଷ୍ଟିୟାନ୍ ଦାଦାଲ୍, ହେଲାସ୍‍କିଙ୍କ୍ ସେଙ୍ଗେ ନମ୍ର ଆଚରନ୍ ମାଡ଼ିକାଡ଼୍, ଗରିବ୍‍ ନାରୁଡ଼୍‍କିଙ୍ଗ୍ ସାହାଯ୍ୟ ମାଡ଼ିକାଡ଼୍ ହିସାରେ ସାୟେକମ୍ ସେଙ୍ଗେ ବେନଡ଼୍ ସମାଜ୍‍ତାଗ୍ କାତି ଲାବ୍ ମାଡ଼ିତଡ଼୍ ।
\p
\v 11 ସୁଦୁର୍ ବୟସତେ ରାଣ୍ଡିକିଙ୍କ୍ ତାଲିକାତାଗ୍ ନେହେମାଟ୍ । ଆୱୁ ମେଣ୍ଡନ୍‍ଦା‍ମ୍ ପେଣ୍ଡୁଲ୍‍ଆଦାନ୍ ଲାଲାସା ପୋଷନ୍ ମାଡ଼ାନ୍ ଦ୍ୱାରା ପ୍ରବୁ ଜିସୁନାଗେ ନେହେସ୍‍ମାନ୍ଦାନ୍ ପ୍ରତିଜ୍ଞା ନଷ୍ଟମାଡ଼ି ଅନ୍‌‍ଆଗାଙ୍କ୍ ଦୁରାମ୍ ଆଦାନାଦ୍ ଆଶଙ୍କା ମିନ୍ଦେ । 
\v 12 ଅଡ଼୍‌‍ ତାମ୍‍ ମୁନେତ୍‍ ପ୍ରତିଜ୍ଞା ଲଘଂନ୍‍ ମାଡ଼ାନ୍‍ ମାୟଦିଙ୍କ୍‍ ଦଣ୍ଡ୍‍ ପାଏମ୍‍ ଆଦ୍‍ତା । 
\v 13 ଇଡ଼୍ ଲକ୍ ଲକ୍‍ ଉଡି ସମୟ ଅପସୟ ମାଡ଼ିତଡ଼୍‍, ନାର୍ଗେ ନାରୁଡ଼୍‍ ବୁସା ୱେଷଡ଼୍ ନୁ ୱେରଣ୍ଡ୍‌ ଚର୍ଚା ମାଡ଼ି କେଲ୍‍ୱେ ଗଟି ସାରେ କେତିତଡ଼୍‍ । 
\v 14 ସୁତରଂ ନାୟାଦ୍ ମନ୍‍ଦେ ଆଦୁତେ, ସୁଦୁର୍‍ ବୟସତାୱ ରାଣ୍ଡିକି ମେଣ୍ଡନ୍‍ଦାମ୍ ପେଣ୍ଡୁଲ୍‍ଆସ୍ ମାର୍‍ଦେ ମାୟାଡ଼୍‍ଦେ ୟାୟାସ୍ ୱେରଡ଼୍ ୱେର ଲେକେତ୍ ପୁନାଦ୍ ସଂସାର୍ ତିଆର୍‍ମାଡ଼ି । ଆଲାହିକେ, ମା ବିରୁଦ୍ଦ୍‍ତେ ମାନ୍ଦନ୍ ନାରୁଡ଼୍ ଇୱିଙ୍କ୍ ଆସ୍ ସମ୍ପ୍ରଦାୟତେ କାର୍‍ପ ମାଡ଼ାଙ୍କ୍ ଅବକାଶ ପାହେମ୍ ଆୟଡ଼୍ । 
\v 15 ବେସ୍‌କ୍ ସୁନ୍ଦର୍ ବୟସ୍‍ତେ ରାଣ୍ଡିକି ଶୟତାନ୍‍ତେ ଚକ୍ରାନ୍ତତାଗେ ରାଲି ଆର୍ ମାର୍ଙ୍ଗି ଆଦୁତେ । 
\v 16 ମେଣ୍ଡନ୍ ଦାମେ କେସ୍ ନେହେତୁତାନ୍, କ୍ରିଷ୍ଟବିଶ୍ୱାସୀ ହେଲାକିଙ୍କ୍ ନିଜର୍ ପରିବାର୍‍ତାଗ୍ ମାନ୍ଦାନ୍ ରାଣ୍ଡିକିଙ୍କ୍ ପଡ଼୍‌ପାନ୍‌ ବାର ନିଜେ କାଞ୍ଜାଟ୍ । ବେଦ୍‍ପୁଟୁଙ୍କ୍ ମଣ୍ଡଲି ହିୱିନ୍ ସେଙ୍ଗେ ବାରଗ୍ରସ୍ତ ଆୟକଟ, ନିରାଶ୍ରୟ ରାଣ୍ଡିକିଙ୍କ୍ ଯତ୍ନ ଆଦାଙ୍କ୍ ସମର୍ତ ଆଦ୍‍ତେ ।
\p
\v 17 ମଣ୍ଡଲିତେ ବେନଡ଼୍ ନେତାଲଡ଼୍ ଅଡ଼୍‌ ପଡ଼ିୟେତାଗାଙ୍କ୍ କୃତିତ୍ୱ ତଅତିତଡ଼୍, ବିଶ୍ୱଷତଃ ବେନଡ଼୍, କଷ୍ଟ ସୀକାର୍ ମାଡ଼ି ଶିକ୍ଷା ନୁ ପ୍ରଚାର୍ କାମ୍ ମାଡ଼ମାନ୍‍ତଡ଼୍, ଅଡ଼୍‌ ରେଣ୍ଡ୍‍ଗୁନ୍ ହାର୍‍ତେ ପରିଶ୍ରମିକ ଦର୍‍କାନ୍ ଉଚିତ୍, 
\v 18 \x + \xo ୫:୧୮ \xo*\xt ମାତିଉ ୧୦:୧୦; ଲୁକ ୧୦:୭.\xt*\x*ବାତେଙ୍କ୍‍ ଇତ୍କେ ଶାସ୍ତ୍ରତାଗ୍ ଲେକାମିନ୍ଦେ; ଶସ୍ୟ ପାଣ୍ଡ୍‌ସ୍ପମାନ୍ଦାନ୍ ୱେଲେ କନ୍ଦେତ୍ ମୁଟ୍‍ତାଗ୍ ମୁର୍‌ସୁଲ୍‌ ତଅମାଟ୍ । ମେଣ୍ଡେ “କାମ୍‍ମାଡ଼ାନଡ଼୍ ମିନ୍ଦେଡ଼୍‌ ତିପାଲ୍‌ତେ କାୟେ ପାହେମ୍‍ଆଦାଙ୍କ୍ ହକ୍‍ଦାର୍ ।” 
\v 19 ଇର୍‍ୱୁଡ଼୍ ବା ମୁନୁଡ଼୍ ସାକ୍ଷି ଇଲକଟ ମଣ୍ଡଲିତେ ଅର୍‍ତୁଣ୍ଡ୍ ବେଡ଼୍‍ବୟସ୍‍ତେ ନେତାନ୍ ବିରୁଦ୍ଦ୍‍ତେ ବାତେବା ଅବିଯୋଗ୍‍ ବିଚାର୍ ମାଡ଼ାନାଗ୍ ଆୟମାଟ୍ । 
\v 20 କିନ୍ତୁ ବେନଡ଼୍ ପ୍ରକୃତେ ପାପ୍ କାମ୍‍ତାଗ୍ ମାନ୍ତ୍‍ତଡ଼୍, ୱେର୍‍ଅର୍‍ତୁଡ଼୍‍କ୍ ସତର୍କ ମାଡ଼ାନ୍ ମାଇଦିଙ୍କ୍, ଅଡ଼୍‌‍କିଂଙ୍କ୍, ପ୍ରକାଶ୍ୟତେ ବର୍ତ୍ସନା ମାଡ଼ାଟ୍ ।
\p
\v 21 ପ୍ରବୁ ଜିସୁ କ୍ରିଷ୍ଟ, ଦୂତ ନୁ ସ୍ୱୟଂ ଇଶ୍ୱର୍‌ତିଙ୍କ୍ ସାକ୍ଷି ୱାଟି, ହିସାରେ ନିର୍ଦ୍ଦେଶ ପାଲନ୍ ମାଡ଼ାଙ୍କ୍ ନାନେ ମିକିଙ୍କ୍ ଏକାନ୍ତ ଅନୁରଦ୍‌ ମାଡ଼ୁତାନ୍ । ବେନନ୍ ବିରୁଦ୍ଦ୍‍ତେ ପକ୍ୟପାତିତା ଲେକାମ୍ ବେନ୍‌ଆଇ କାମ୍ ମାଡ଼୍‍ମାଟ୍ । 
\v 22 ତରବର ଆସ୍ କାଇଦେର୍ପନ୍ ହାର୍ର୍ ଇଶ୍ୱର୍‌ତେ କାମ୍‍ତେ ମାଇଦିଙ୍କ୍ ବେନଙ୍କ୍‍ବା ନିଯୁକ୍ତ ମାଡ଼୍‍ମାଟ୍ । ୱେର୍‍ଅର୍‍ତୁନ୍ ପାପ୍‍ତେ ନିଜ୍‍ତିଙ୍କ୍ ଲିପ୍ତ ମାଡ଼ାମା । ମିଡ଼୍ ନିଜ୍‍ତିଙ୍କ୍ ପୁରା ପବିତ୍ର ନେହେମୁଟ୍ ।
\p
\v 23 ମାତର୍ ଏର୍‍ହୁନକଟ, ମିୟାଦ୍ କାର୍‍ପହିତାନ୍ ଶକ୍ତି ଅଦିକ୍‌ ମାଡ଼ାଙ୍କ୍ ସୁଦୁର୍ ଇନା ଅଙ୍ଗୁର୍‌ କାଲ୍‍ ଉନୁଟ୍, ବାତେଙ୍କ୍‍ଇତ୍କେ ମିଡ଼୍ ବାରମ୍ୱାର୍ ଅସୁସ୍ଥ ଆଦୁତିଡ଼୍ ।
\p
\v 24 ବେସ୍‍କ୍‍ତଡ଼ାଦ୍ ଦୁଷ୍କର୍ମ ସର୍ବସାରନ୍‍ତେ ପ୍ରକାଶ୍ ପାହେମ୍ ଆଦ୍‍ତେ, ଅଡ଼୍‌ ଆଦିନ୍‌ମାଇଦିଙ୍କ୍ ଗାଟି ସିଟ୍‍ପାଟ୍ ବିଚାର୍‍ଲୟତେ ସମ୍ମୁକିନ ଆଦେୱେଇତିତ୍ । ମେଣ୍ଡେ ବେସ୍‍କ୍‍ତଡ଼୍ ପାପ୍‌ ନାର୍ଗେ ମାନ୍ଦେତେ ଦରା ପଡ଼େମ୍ ଆଦ୍‍ତଡ଼୍ । 
\v 25 ଆଦେପୁଟୁଙ୍କ୍ ବେସ୍‍କ୍‍ତଡ଼କ୍ ଦର୍ମକର୍ମ ସହଜତେ ସାରେତଡ଼୍ ଉଡ଼୍ ପାର୍‍ତଡ଼୍ । କିନ୍ତୁ ମେଣ୍ଡେ ବେସ୍‍କ୍‍ତଡ଼୍ ସତ୍‍କର୍ମ ଆଦେପୁଟୁଙ୍କ୍ ପ୍ରକାଶ୍ ପାହେମ୍, ଆୟକଟ ମାତ୍‍କେ ସାରେଦିନା ମିଞ୍ଜି ମାନ୍ଦେପାର୍‍ୱଡ଼୍ ।
\c 6
\p
\v 1 କ୍ରିଷ୍ଟବିଶ୍ୱାସି କ୍ରୀତଦାସନଡ଼୍ କର୍ତ୍ତାଲଡ଼୍‍କ୍ ସାରେକିଚବିଦି ସମ୍ମାନ୍ ଇଦ୍‍ତଡ଼୍ । ଆଲେକ୍, ଇଶ୍ୱର୍‌ତେ ବିରୁଦ୍ଦତେ ବା ମାନ୍‍ ଶିକ୍ଷା ସମ୍ପର୍କତେ ବେନ ବାତେ କାରାପ୍‍ ମାଡ଼େପାର୍‍ୱଡ଼୍ । 
\v 2 ବେନଡ଼୍‍ଉ କର୍ତ୍ତାନଡ଼୍ “ଦାଦା,” ହେର୍କା ମାଡ଼ି ଅଡ଼୍‌‍କିଂଙ୍କ୍ ଯୋଥସିତ ସମ୍ମାନ୍ ଇଦାନ୍ ଲେଟ୍ ମାଡ଼୍‍ମାଟ୍, ବରଂ ଅଦିକ୍‌ ନିଷ୍ଟାପର୍ ଲେକାମ୍ ଅଡ଼୍‌ ସେବା ମାଡ଼ାଟ୍, ବାତେଙ୍କ୍‍ଇତ୍କେ ଅଡ଼୍‌‍ ମିକା କ୍ରିଷ୍ଟବିଶ୍ୱାସି ନୁ ଗାଟି ପ୍ରିୟ ନାରୁଡ଼୍‍ । ଇଦ୍ ସାରେ ବିଷୟ ମୀଇ ଶିକ୍ଷା ଇସ୍ ପ୍ରଚାର୍ ମାଡ଼ିତିଡ଼୍ ।
\s ମିତ୍ୟା ଶିକ୍ଷା ନୁ ପ୍ରକୃତ ଦନ୍
\p
\v 3 ବେନଡ଼୍ ପ୍ରବୁ ଜିସୁକ୍ରିଷ୍ଟଙ୍କ୍ ଶିକ୍ଷାତଡ଼୍ ସାନଞ୍ଜସ୍ୟ ମାନକଟ ନୁ ମାନ୍‍ ଦର୍ମ ଶିକ୍ଷାତେ ବିରୋଦ୍ ମାଡ଼ମାନ୍ଦା‍ନ୍ ମେଣ୍ଡନ୍ ଲେକାମ୍ ପ୍ରଚାର୍ ମାଡ଼ିତଡ଼୍, 
\v 4 ଅଡ଼୍‌ ମାତର୍ ଆଶେତେ ସ୍ପୀତ ୱିଡ଼୍‍ସି ମେଣ୍ଡେ ବାତ୍‍ ଆୟ । ଅଡ଼୍‌ ଶାସ୍ତ୍ରତେ ଅର୍ତ ଆସ୍ ରାମ୍‍କ୍ ମାଡ଼ିତଡ଼୍; ହିଗାଙ୍କ୍ ମାତର୍ କପାମ୍ ସନ୍ଦେହ, କୁତ୍ସାରଟନା ନୁ ଗଣ୍ଡଗଲ୍‍ ଆଦ୍‍ତେ । 
\v 5 ଅଡ଼୍‌ ବିଚାର୍ ଲେକାମ୍ ଆସ୍ ଆସାମ୍ ଯୁକ୍ତିତର୍କ ତଡ଼୍ ସତ୍ୟତାଦ୍ ଅପଲାପ ମାଡ଼ିତଡ଼୍ । ଦର୍ମବିଶ୍ୱାସ୍‍ତିଙ୍କ୍ ମାତର୍ ସାଉକାର୍ ଆଦାନ୍ ଅଣ୍ଡୟ୍‌ ଆର୍ର୍ ଇଞ୍ଜ ଅଡ଼୍‌ ହେର୍କା ମାଡ଼ିତଡ଼୍ ।
\p
\v 6 ଦର୍ମପରାୟନ୍ ନାରୁଡ଼୍ ମୁନେଙ୍କ୍ କଞ୍ଜ୍ ସାଉକାର୍, ବାତେଙ୍କ୍‍ଇତ୍କେ ଅନାଦ୍‌, ବେସର୍ ମିନ୍ଦେ, ଆଚର୍‍ତିଙ୍କ୍ ଅଣ୍ଡ୍‌ ସନ୍ତୁଷ୍ଟ । 
\v 7 ମାମେ ଇଦ୍ ଜଗତ୍‍ତିଙ୍କ୍ ବାତେ ଆସ୍ ତାତ୍‍ତମ୍ ? ବାତେ ତ ଆୟ । ମେଣ୍ଡେ ହିଗାଙ୍ଗ୍ ସାଙ୍ଗେତେ ଆସ୍ ମାଲ୍‍ସ୍ ଆଦାନାଦ୍ ? ବାତେ ଆୟ । 
\v 8 ଆଲାହିତ୍‍କେ, ମାୟାୱ ଅନ୍‌ନ ବସ୍ତ୍ରତେ ସଂସ୍ଥାର୍ ଆଦେ ପାର୍‍ତମ୍, ଇଦ୍ ମା ସେଙ୍ଗେ ଯଥେଷ୍ଟ ଆୟ କି ? 
\v 9 ଦନ୍ ସମ୍ପତ୍ତିତେ ଲୋବ୍ ନାରିନାଗେ ପରିକ୍ଷା ନୁ ଚକ୍ରାନ୍ତ ଲୋପେଙ୍କ୍ ଲାଗିଆଦ୍‍ତେ; ଅନ୍‌ ମନ୍‍ଦାଗ୍ ଗାଟି ତୁଚ୍ଚ ଅନିଷ୍ଟ ଲାଳସା ଜାଗ୍ରତ ମାଡ଼ି ଆଦାଙ୍କ୍ ଦ୍ୱସଂ ନୁ ସର୍ବନାଶ ପାକେ ଲାଗିଆଦ୍‍ତେ । 
\v 10 ଅର୍ତଲୋବ୍ ସାରେତଡ଼୍ ଅନର୍ତତେ ମୁଲ । ବେନଡ଼୍ ସାରେଦାମ୍ ମାତର୍ ଅର୍ତାଗମନ୍ ପନ୍ଥା ମେହେକ ମାନ୍‍ତଡ଼୍, ଅଡ଼୍‌ ଦର୍ମବିଶ୍ୱାସ୍‍ତିଙ୍କ୍ ଆରାମାଡ଼ିତଡ଼୍, ମରିମାନତେ ମାତର୍ ନୁ ଦୁଃକାମ୍‍ତେ ଅଡ଼୍‌ ହୃଦୟ କଷ୍ଟ ଆଦ୍‍ତେ ।
\s ପାଉଲ୍‍ତେ ମାଡ଼େଙ୍କ୍‌ତାଦ୍‍ ଗଟ୍
\p
\v 11 କିନ୍ତୁ ଆ ତୀମତି ନିମେ ୱେରଣ୍ଡ୍‍ ଇଶ୍ୱର୍‌ତେ ନାରୁନି ଆଦିଙ୍କ୍‍ ହି ସାରେତାଗାଙ୍କ୍ ନିମେ ଦୂରାମ୍ ମାନୁଟ୍ । ଦର୍ମତେ ନୁ ଇଶ୍ୱର୍‌ତେ ପାକେ ବିଶ୍ୱାସ୍, ପ୍ରେମ, ସହିଷ୍ଣତା ନୁ ସୌଜନ୍ୟ ଲେକାମ୍ ସଦ୍‍ଗୁତାୱ ପରିପୂର୍ଣ୍ଣ ଆଦାଙ୍କ୍ ଚେଷ୍ଟା ମାଡ଼ାଟ୍ । 
\v 12 ବିଶ୍ୱାସ୍‌ତେ ସାୟେ ଯୁଦ୍‌ତାଗେ ପ୍ରାନପନ ମାଡ଼ାଟ୍, ଅନନ୍ତ ଜିୱୁନ୍ ପଇସ୍‌ ନେହେମୁଟ୍; ଆଦିନ୍ ସେଙ୍ଗେ ତ ମୀଡ଼୍ ଜିୱେ ଆସ୍‍ମିନ୍ଦେଡ଼ି ନୁ ନାର୍‍ଗେ ସାକ୍ଷିଙ୍କ୍ ସାକ୍ଷାତ୍‍ତେ ଲେକେତ୍‍ ସାକ୍ଷ୍ୟ ଇସ୍‍ମିନ୍ଦେଡ଼ି । 
\v 13 \x + \xo ୬:୧3 \xo*\xt ଯୋହନ୍‌‌ ୧୮:3୭.\xt*\x*ସାରେ ପଶୁକିନ୍ ଜିୱେ ଦାତାଲ୍ ଇଶ୍ୱର୍‌ତେ ମୁନେ ନୁ ପନ୍ତିଆସ୍ ପିଲାତନ୍ ମୁନେ ଦୃଡ଼ ବିଶ୍ୱାସ୍‍ତେ ପରିଚୟ ଇସ୍‍ମାନ୍ଦାନ୍ ପ୍ରବୁ ଜିସୁ କ୍ରିଷ୍ଟନ୍ ପେଦେର୍ତେ ମିକିଙ୍କ୍ ଆଦେଶ୍‍ ଇସ୍ କେତୁତାନ୍, 
\v 14 ପ୍ରବୁ ଜିସୁ କ୍ରିଷ୍ଟ ୱାଦାନ୍ ଦିନାଯାକ ମିକିଙ୍କ୍ ଇସ୍‍ମାନ୍ଦାନ୍ ଦର୍ମବିଦି ବିଶ୍ୱାସ୍‍ତେ ପାଲନ୍ ମାଡ଼ି ନିର୍ମଲ ନୁ ନିନ୍ଦେ ଆୟକଟ ମାନୁଟ୍‍ । 
\v 15 ଅନାଦ୍‌ ମେଣ୍ଡେ ୱାଦାନାଦ୍ ଦିନାମ୍ ହେଉଦାନ୍ ଦିନାମ୍ ମାଡ଼ିତନ୍ ସ୍ୱୟଂ ଇଶ୍ୱର୍‍ କେନେସାୟ୍‍, ରାଜାଦିରାଜ, ପ୍ରବୁନଡ଼୍ ପ୍ରବୁ, ଅଦ୍ୱୀତିୟ ଅଦିପତି; 
\v 16 ଇଶ୍ୱର୍ ଅମର୍‍, ଅଣ୍ଡ୍‌ ମାତର୍ ମାନାଦ୍‍, ନାରିଡ଼୍‍ତେ ଏୱୁଦାଙ୍କ୍‍ ପାର୍‍ୱେ ୱେସ୍ ରାଜ୍ୟତେ ଅଣ୍ଡ୍‌ ଆଗେ ମାନ୍‍ତନ୍; ବେନ ଅଙ୍କ୍‌ ବେସୁଙ୍କ୍‍ ଉଡ଼ନ୍; ବେନ ବା ବେସୁଙ୍କ୍‍ ୱୁଡ଼େ ପାର୍‍ୱଣ୍ଡ୍ । ଅନ୍‌ ଗୌରବ୍ ନୁ ସ୍ୱର୍ଗ ରାଜ୍ୟ ଯୁଗ୍‍ଯୁଗ୍‍ ମାନି । ଆମେନ୍‍ ।
\p
\v 17 ବେନଡ଼୍ ମୁନେଙ୍କ୍‍କଞ୍ଜ୍ ସାଉକାର୍, ଅଡ଼୍‌‍ ବେଲାନ୍ କି ଆଙ୍କାରିଡ଼୍ ଆୟଡ଼୍ ନୁ ସାରେତ୍ ଦନ୍‍ଦେ ପର ଆସେ ମାଡ଼ଡ଼୍, ବରଞ୍ଚ ବୋଗ୍‍ଦେ ସେଙ୍ଗେ ସାରେତ୍‍ ବିଷୟ ନାର୍ଗେ ଲେକାମ୍ ମାକିଙ୍କ୍ ଦାନ ମାଡ଼ିତଡ଼୍ ବେନ୍ ଇଶ୍ୱର୍, ଅନ୍‌ ପର ଆଶେ ମାଡ଼ିତ୍, 
\v 18 ମେଣ୍ଡେ ଅର୍‍ତୁଡ଼୍ ସାହାଯ୍ୟତେ ସାରେତଡ଼୍ ସତ୍‍କାମ୍‍ଦେ ସାଉକାର୍ ଆଦ୍‍ତଡ଼୍; ମେଣ୍ଡେ ମୁକ୍ତ କାଇଦେ ନୁ ଉଦାର୍‍ତେ ଦାନ ମାଡ଼ିତନ୍, ଅଦିନ୍‌ ସେଙ୍ଗେ ଅଡ଼୍‌‍କିଂଙ୍କ୍ ଆଜ୍ଞା ଇମୁଟ୍; 
\v 19 ଇଦ୍ ଲେକେତ୍‍ ନାରିଡ଼୍ ଅଡ଼୍‌‍ ଆଲ୍‍ସି ଜିୱେତ୍‍ ସେଙ୍ଗେ ଲେକେତ୍ ଦନ୍ ନିଜେ ନିଜେ ସେଙ୍ଗେ ଦର୍‍କାଟ୍, ବେଦ୍‍ଲେକାମ୍ ପ୍ରକୃତେ ଜିୱୁନ୍ ପ୍ରାପ୍ତ ଆଦ୍‍ତଡ଼୍ ।
\p
\v 20 ହୋ ତିମତି, ନିୟାଗ୍ ବେନ୍‍ ଦାୟିତ୍ୱ ସମର୍ପିତ ଆସ୍‍ମିନ୍ଦେ, ଆଦ୍ ରକ୍ଷା ମାଡ଼େ; ଆସର୍ ବକୁଆତନ୍ ନୁ କେତାକେତି ଜ୍ଞାନ୍‍ତେ ଯୁକ୍ତିତର୍କତାଗାଙ୍କ୍ ୱେର୍‌ମାଟ୍‌; 
\v 21 ବେନ ଆଦ୍ ପାଲନ୍‍ ମାଡ଼୍‍ୱେ ବିଶ୍ୱାସ୍‍ତେ ମୁନେ ଆର୍ ବୁଲ୍‍କା ଆସ୍‍ମିନ୍ଦେଡ଼୍ । ଇଶ୍ୱର୍‌ତେ ଅନୁଗ୍ରହ ମୀଇ ଗାରେ ସାରେଦିନାମ୍ ମାନି ।