\id 1PE - Koya
\ide UTF-8
\h ୧ ପିତର୍‍
\toc3 ୧ ପିତର୍‍
\toc2 ୧ ପିତର୍‍
\toc1 ପିତର୍‌ ଲେକ୍‍ତାଦ୍ ପ୍ରତମ୍‍ ଚିଟି
\mt2 ପିତର ଲିଖିତ ପ୍ରଥମ ପତ୍ର
\mt1 ପିତର୍‌ ଲେକ୍‍ତାଦ୍ ପ୍ରତମ୍‍ ଚିଟି
\imt ପିତର୍‍ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ପିତର୍‍ତେ ମୁନେତ୍‍ ଚିଟି ପ୍ରେରିତ୍‍ ପିତର୍‍ ତଡ଼୍‍ ଲେକା ଆସ୍‍ମାତ୍‍ତେ । ପିତର୍‍ ଅଣ୍ଡ୍‌‍ ବେନ ମେଣ୍ଡେ ଅଣ୍ଡ୍‌‍ ବେନଙ୍କ୍ ଇଦ୍‍ ଚିଟି ଲେକ୍‍ତଣ୍ଡ୍‍ ଆଦ୍‍ ବିଷୟ୍‍ତେ କେସ୍‍ ଚିଟି ଲେକ୍‍ତଣ୍ଡ୍‍ । ଅଣ୍ଡ୍‌‍ ଇଦ୍‍ ଚିଟିତାଗ୍‍ ସାର୍ରେ ଗାରେତଡ଼୍‍ କ୍ରିଷ୍ଟିୟାନ୍‍ ନାରୁଡ଼୍‍କିଙ୍କ୍‍ ଉଲେକ୍‍ ମାଡ଼ି ଚିଟି ଲେକ୍‍ତଣ୍ଡ୍‍ । \xt ୧:୧; ୧:୧୭\xt* ମେଣ୍ଡେ \xt ୨:୧୧\xt* ଅଣ୍ଡ୍‌‍ ତାନ୍‍ କାର୍‍ତାନଡ଼୍‍କିଙ୍କ୍‍ ଇଦ୍‍ ରକମ୍‍ ଉଲେକ୍‍ ମାଡ଼ି ଲେକିତଣ୍ଡ୍‍, ବାତେଙ୍କ୍‍ଇତ୍‍କେ ଅଡ଼୍‌‍ ୱେରେୱେରେ ଦେଶ୍‍ ଚିନ୍‍ବିନ୍‍ ଆସ୍‍ମାତ୍‍ତଡ଼୍‍ । ବାତେଙ୍କ୍‍ଇତ୍‍କେ ଇଦ୍‍ ଚିଟି ବେସ୍‍କେ ଏଫିସିୟ ମଣ୍ଡଲି ଗାରେ ପାଉଲ୍‍ତେ ଚିଟି ଲେକାମ୍‍ ଆଦ୍‍ତେ । ନାର୍ଗେ ନାରୁଡ଼୍‍ ବିଶ୍ୱାସ୍‍ ମାଡ଼ିତଡ଼୍‍ ଯେ, ମୁନେତ୍‍ ପିତର୍‍ ଜିସୁ କ୍ରିଷ୍ଟନ୍‍ ଜନମ୍‍ତେ ୬୫ ଏଣ୍ଡ୍‍କ୍‍ ପେର୍କେ ଲେକା ଆସ୍‍ମାତ୍‍ତେ । ପିତର୍‍ ଇଦ୍‍ ଚିଟି ରୋମ୍‍ତାଗାଙ୍କ୍‍ ବେନଙ୍କ୍ ଅଣ୍ଡ୍‌‍ ବାବ୍‍ବିଲ୍‍ ଇଞ୍ଜ କେତିତଣ୍ଡ୍‍ ଆଗାଙ୍କ୍‍ ଅଣ୍ଡ୍‌‍ ଲେକିମାତ୍‍ତଣ୍ଡ୍ \xt ୫:୧୩\xt* ।
\ip ପିତର୍‍ ଇଦ୍‍ ଚିଟିତାଗ୍‍ ବର୍ଣ୍ଣନା ମାଡ଼ିତଣ୍ଡ୍‍ ଯେ, ଇଦ୍‍ ଚିଟିତ୍‍ ଉଦ୍ଦେଶ୍ୟତେ ମିକିଂଙ୍କ୍‍ ସାହାସ୍‍ ଇଦାନ୍‍ ମାୟ୍‍ଦିଙ୍କ୍‍ ମେଣ୍ଡେ ଇଶ୍ୱର୍‌ତେ ନିଜାମ୍‍ ଦୟା ପରିକ୍ଷା ମାଡ଼ାନ୍‍ ଦର୍‍କାର୍‍ \xt ୫:୧୨\xt* । ଇଗେ ନାର୍ଗେ ସାମାନ୍‍ ବିଷୟ୍‍ ମିନ୍ଦେ ଯଥା \xt ୧ ପିତର୍‍ ୨:୧୧–୩:୭; ଏଫିସିୟ ୫:୧୮–୬:୯\xt* ମେଣ୍ଡେ \xt କଲସୀୟ ୩:୧୮–୪:୬\xt* । ଇଦ୍‍ ମୁଣ୍ଡ୍‍ ଚିଟିତେ ସାର୍ରେ ଅଦ୍ୟାୟତାଗ୍‍ ପାରିବାରିକ୍‍ ସମ୍ପର୍କ ମେଣ୍ଡେ ଅଦିକାର୍‌‍ ବିଷୟ୍‍ତେ ନିର୍ଦ୍ଦେଶନା ଇଦ୍‍ତେ । ମାଡ଼େଙ୍ଗ୍‍ ସମୟ ଗାରେ ଏୱୁତାଙ୍କ୍‍ କଷ୍ଟ ସମୟ୍‍ତେ ଗାଲା କଟ ମାନ୍ଦାନଙ୍କ୍‍ କ୍ରିଷ୍ଟିୟାନ୍‍ ନାରୁଡ଼୍‍କିଙ୍କ୍‍ ସାହାସ୍‍ ଇଦ୍‍ତଣ୍ଡ୍‍ \xt ୪:୧\xt* ।
\iot ବଇତ୍‍ ଲୋପେ ମାନ୍ଦାନ୍‍ ମୁକ୍ୟ ବିଷୟ୍‍
\io1 ୧. ପିତର୍‍ ତାନ୍‍ କାର୍‍ତାନଡ଼୍‍କିଙ୍କ୍‍ ନିଜର୍‍ ପରିଚୟ୍‍ ଇଦ୍‍ତଣ୍ଡ୍‍ । \ior ୧:୧-୨\ior*
\io1 ୨. ପିତର୍‍ ଇଶ୍ୱର୍‌ତିଙ୍କ୍‍ ଦନ୍ୟବାଦ୍‍ ଇଦ୍‍ତଣ୍ଡ୍‍ ଯେ, ସାର୍ରେ ଇଶ୍ୱର୍‌ତେ ପରିତ୍ରାଣତେ ଅଂଶି ଆଦ୍‍ତଡ଼୍‍ ବାତ୍‍ ଅଡ଼୍‌‍ ଜିୱୁଣ୍ଡ୍‍ତାଗ୍‍ ଆଦ୍‍ତେ । \ior ୧:୩–୨:୧୦\ior*
\io1 ୩. ପେର୍କେ ଜଗତ୍‍ତାଗ୍‍ ବେଲା ସାୟେ ଲେକାମ୍‍ ବାଦ୍‍କାନଙ୍କ୍‍ ଆଦ୍‍ତେ ମେଣ୍ଡେ ମୁଦ୍‍ପାଲ୍‍ ନୁ ମୁତେ, ପ୍ରବୁ ନୁ ଦାସ ଲୋପେ ବେଲା ସମ୍ପର୍କ ମାନ୍ଦାନ୍‍ ଦର୍‍କାର୍‍ ଆଦ୍‍ ନିର୍ଦ୍ଦେଶନା ଇଦ୍‍ତଣ୍ଡ୍‍ । \ior ୨:୧୧–୪:୧୧\ior*
\io1 ୪. ଇଦିନ୍‍ ପେର୍କେ କଷ୍ଟ ସମୟତେ କଟ ମାନ୍ଦାନ୍‍ ମାୟ୍‍ଦିଙ୍କ୍‍ ପିତର୍‍ ସାହାସ୍‍ ଇଦ୍‍ତଣ୍ଡ୍‍ । \ior ୪:୧୨–୫:୧୧\ior*
\io1 ୫. ଅଣ୍ଡ୍‌‍ ତାନ୍‍ ଚିଟି ଲେକି ତେର୍‍ସ୍ପିତଣ୍ଡ୍‍ । \ior ୫:୧୨-୧୪\ior*
\c 1
\p
\v 1 ନାନ୍‍ ପିତର୍‍, ଜିସୁ କ୍ରିଷ୍ଟନ୍‍ ୱେରଣ୍ଡ୍‍ ପ୍ରେରିତ୍‍ ଶିଷ୍ୟ । ଏକାମ୍ ଆସ୍ ମାନ୍ଦାନ୍ ପନ୍ତ, ଗାଲାତୀୟା, କାପାଦକିଆ, ଏସିଆ ନୁ ବିତୁନିଆ ଦେଶ୍‍କିନାଗ୍ ଚିନ୍‍ବିନ୍‍ ଆସ୍‍ମାନ୍ଦାନ୍ ଇଶ୍ୱର୍‌ତେ ଏଞ୍ଚିମାନ୍ଦାନ୍ ନାରୁଡ଼୍‍ ଗାରେ ଇଦ୍‍ ଚିଟି ଲେକ୍‍ତାନ୍‍ ।
\p
\v 2 ମୀଇଡ଼୍ ବାବାଲ୍ ଇଶ୍ୱର୍‌ତେ ଆଲ୍‍ସାନ୍ ମନ୍‍ଦେ ଏଞ୍ଚ୍‍ତେନଡ଼୍ । ଜିସୁ କ୍ରିଷ୍ଟନ୍ ଗଟ୍ ପାଲନ୍ ମାଡ଼ି ଅନ୍‌‍ ନେତୁର୍‍ତେ ସୁସ୍ଥ ଆଦାନ୍ ସେଙ୍ଗେ ମୀଇଡ଼୍ ପରମାଆତ୍ମା ତଡ଼୍ ୱେରଡ଼୍ ପବିତ୍ର ଜିୱା ଆସ୍‍ମିନ୍ଦେଡ଼ି । ଇଶ୍ୱର୍‌ତେ ଅନୁଗ୍ରହ ନୁ ଶାନ୍ତି ନାର୍ଗେଆସ ମୀଇ ପରୁ ଆୟି ।
\s ୱେରଡ଼୍ ଜିୱେତେ ଆଶେ
\p
\v 3 ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ବାବାଲ୍ ଇଶ୍ୱର୍ତିଙ୍କ୍ ଦନ୍ୟବାଦ୍‍ ଇଦ୍‍ତମ୍, ବାତେଙ୍କ୍ଇତ୍କେ ଅଣ୍ଡ୍‌ ତାନ୍ ନାର୍ଗେ ଦୟାତେ ଜିସୁ କ୍ରିଷ୍ଟଙ୍କ୍ ଡଲ୍‍ତାଗାଙ୍କ୍ ତେସ୍‍ମିକା ମାନାଙ୍କ୍ ପୁନେଃ ଜିୱେ ଇତ୍‍ତନ୍ । ଇଦ୍ ମାନାଦ୍‍ ଜିୱେ ଆସେ ସାରେମାଡ଼୍‍ତନ୍ । 
\v 4 ଆଦିଙ୍କ୍ ଇଶ୍ୱର୍‍ ତାନ୍ ନାରୁଡ଼୍‍ ସେଙ୍ଗେ ବେନ୍ ନାର୍ଗେ ମୁଲ୍ୟ ଆର୍ଶିବାଦ୍ ନେଃତ୍‍ତନ୍, ଆଦ୍ ପାଏମ୍ ଆଦାନ୍ ସେଙ୍ଗେ କେପିମିନ୍ଦେମ୍‍ । ଆଦ୍‍ ଅଣ୍ଡ୍‌‍ ସ୍ୱର୍ଗତାଗ୍‍ ସାୟେମାଡ଼ି ନେଃତଣ୍ଡ୍‍, ଆଗେ ଆଦ୍ ବେସୁଙ୍କ୍‍ ତେର୍‍ର, ନଷ୍ଟ ବା କାର୍‍କ୍‍ ପୟ । 
\v 5 ତେରାନ୍ ଦିନେତେ ବେନ୍ ପରିତ୍ରାଣ ସାରେ ଆଦ୍‍ତେ, ଆଦ୍ ପାଏମ୍ ଆଦାନ୍ ସେଙ୍ଗେ ମିଡ଼୍ ବିଶ୍ୱାସ୍‍ ତଡ଼୍‍ ଇଶ୍ୱର୍‌ତେ ଶକ୍ତିତେ ସୁରକ୍ଷିତ୍‍ ଆତ୍‍ତିଡ଼୍ ।
\p
\v 6 ଆଦିଙ୍କ୍ ମିଡ଼୍ ୱେଡ଼୍‍କାଟ୍, ଯଦି ବା ବସ୍‍ ବେସତ୍‍ ଦୁଃକାମ୍ ସେଙ୍ଗେ ମିକିଂଙ୍କ୍ ଇଞ୍ଜେ ସୁଦୁଟ୍ ସମୟ ସେଙ୍ଗେ ଦୁଃକାମ୍ ଆଦାଙ୍କ୍ ଆଦ୍‍ପାର୍‍ଦ୍‍ତେ । 
\v 7 ମିୟାଦ୍ ବିଶ୍ୱାସ୍‍ତେ ପରିସ୍କାର୍‍ତେ ପରିକ୍ଷା ମାଡ଼ାନଙ୍କ୍ ଇଦ୍ ସାରେତାଦ୍‍ ଉଦ୍ଦେଶ୍ୟ । ତେରାନ୍‍ ସୁନାତିଙ୍କ୍‍ କିସ୍‍ତାଗ୍ ପରିକ୍ଷା ମାଡ଼ିତନ୍ । ମିୟାଦ୍ ବିଶ୍ୱାସ୍ ସୁନାତାଗାଙ୍କ୍‍ ଅଦିକ୍‌ ମୁଲ୍ୟବାନ୍ ଆଇନାଙ୍କ୍ ପରିକ୍ଷାତେ ଆଦିଙ୍କ୍ ସାୟେ ମାଡ଼ାନାଦ୍‍ ଦର୍କାର୍ । ଆଦ୍ ଆଦ୍‍ଦେ ପାର୍କେ, ଜିସୁ କ୍ରିଷ୍ଟ ପ୍ରକାଶ୍‍ ଆଦାନ୍ ୱେଲେ, ମିକିଂଙ୍କ୍‍ ପ୍ରଶଂସା, ଗୌରବ୍ ନୁ ସମ୍ମାନ୍ ଦର୍କିତେ । 
\v 8 ଇଞ୍ଜେ ମିଡ଼୍ ଅଙ୍କ୍‌ ଉଡ଼କଟ୍ ମାତ୍‍କେ ମିକା ପ୍ରେମ ମାଡ଼ୁତିଡ଼୍ ନୁ ଅନାଗେ ବିଶ୍ୱାସ୍ ମାଡ଼ୁତିଡ଼୍ ମେଣ୍ଡେ କେତାନଙ୍କ୍ ଆଇୱାଦ୍ ନୁ ଗୌରବ୍‍ ତଡ଼୍‍ ମିଡ଼୍‍ ସାର୍ଦେ ଆସ ମିନ୍ଦେଡ଼ି । 
\v 9 ମେଣ୍ଡେ, ଆଦ୍ ବିଶ୍ୱାସ୍ତେ କାୟେ ଲେକାମ୍ ଆତ୍ମାନ୍‍ ପରିତ୍ରାଣ ଦର୍‍କ୍‍ତେ ।
\p
\v 10 ଇଦ୍ ପରିତ୍ରାଣ ବିଷୟ୍‍ତେ ବାବବାଦୀନଡ଼୍ ମନ୍ ଇସ୍ ମେହେକି ନୁ ଆନୁସନ୍ଦାନ୍‌ ମାଡ଼ି, ଇଶ୍ୱର୍‍ ମାଡ଼୍‍ତେ ଦାନ ବିଷୟତେ ବବିଷ୍ୟତ୍ ଗଟ୍ କେସ୍‍ମାତ୍‍ତଡ଼୍ । 
\v 11 ଆଦ୍ ଦାନ ମିଡ଼୍ ବେସୁଙ୍କ୍‍ ନୁ ବେଲାନ୍ ପାଏମ୍ ଆଦ୍‍ତିଡ଼୍, ପୁନ୍ଦାନ୍ ସେଙ୍ଗେ ଅଡ଼୍‌ ଚେଷ୍ଟା ମାଡ଼ିମାତ୍ତଡ଼୍ । ଇଦ୍ ସମ୍ପର୍କତେ ପବିତ୍ରଆତ୍ମା ସାହାଯ୍ୟତେ ଅଡ଼୍‌ କ୍ରିଷ୍ଟଙ୍କ୍ ଦୁଃକାମ୍ ନୁ ମେଣ୍ଡନ୍‍ ଲେକେତ୍ ଗୌରବ୍‍ ବିଷୟତେ ସୂଚନା ଇସ୍‍ ମାତ୍‍ତଡ଼୍ । 
\v 12 ଇଶ୍ୱର୍‍ ଆ ବାବବାଦୀଡ଼୍ ପାକେ କେତ୍‍ତନ୍ ଯେ, ଅଡ଼୍‌ ନିଜେତ୍‍ ସେବା ମାଡ଼୍‍ୱେ ମାତ୍‍ତଡ଼୍ । ଅଡ଼୍‌‍ ବାତେ କେସମାତ୍‍ତଡ଼୍, ଆଦ୍ ମୀଇ ସେଙ୍ଗେ ଟିକ୍‍ ମାତ୍‍ତେ । ସ୍ୱର୍ଗତାଗାଙ୍କ୍ ୱାଦାନ୍ ପବିତ୍ରଆତ୍ମାନ୍ ଶକ୍ତିତେ ଇଞ୍ଜେ ବେନ୍ ଗଟି କେତ୍‍ତାନ୍‍ଡ଼୍ ସୁସମାଚାର୍ ପ୍ରଚାର୍ ମାଡ଼ୁତଡ଼୍, ମିଇଡ଼୍ ଇଞ୍ଜେ ଅଡ଼୍‌‍ଆଗାଙ୍କ୍ ଆୱୁସାରେ ଗଟି କେଞ୍ଜୁତିଡ଼୍ ଇଦ୍ ସାରେ ବିଷୟତେ ଅର୍ତ ବୁଜେମ୍ ଆଦାନ୍ ସେଙ୍ଗେ ସ୍ୱର୍ଗଦୂତକି ମିକା ତିଆର୍ ।
\s ପବିତ୍ର ଜିୱେ ବାଦ୍‍କାନଙ୍କ୍ ଆୱାନ୍
\p
\v 13 କାମ୍‍ ମାଡ଼ାନଙ୍କ୍ ତିଆର୍ ଆୟମୁଟ୍ । ତିଆର୍‍ତେ ମାଞ୍ଜ୍ ଜିସୁ କ୍ରିଷ୍ଟ ୱାଦାନ୍ ସମୟତେ ବେନ୍ ଆର୍ଶିବାଦ୍ ମିକିଙ୍କ୍ ଇଦ୍‍ତନ୍, ଆଦିନ୍ ପରୁ ନିଜାମ୍‍ତେ ଆଶେ ନେଏମୁଟ୍ । 
\v 14 ଇଶ୍ୱର୍‌ତେ ଗଟି ପାଲନ୍ ମାଡ଼ାଟ୍ । ପୁନ୍‍ୱେ ୱେଲେ ମୁନେଙ୍କ୍ ବେନ୍ କାରାପ୍ ଅବ୍ୟାସ୍ ତଡ଼୍ ମାତ୍‍ତିଡ଼୍, ଆୱୁସାରେ ତଡ଼୍ ମୀଇ ଜିୱେତାଗ୍ ମେଣ୍ଡେ ଚାଲେମ୍‍ ଆୟମାକି । 
\v 15 କିନ୍ତୁ ମିକିଂଙ୍କ୍‍ କାର୍‍ଙ୍ଗାନଣ୍ଡ୍‍ ଇଶ୍ୱର୍‍ ବେଲାନ୍ ପବିତ୍ର, ମୀଇଡ଼୍ ନିଜେ ନିଜେତ୍‍ ବ୍ୟବହାର୍‌ ତଡ଼୍‍ ଆଦ୍ ଲେକାମ୍ ପବିତ୍ର ଆୟମୁଟ୍, 
\v 16 ଶାସ୍ତ୍ରତାଗ୍ ଲେକାମିନ୍ଦେ, “ମିଡ଼୍ ପବିତ୍ର ଆୟମୁଟ୍, ବାତେଙ୍କ୍ଇତ୍କେ ମାମ୍‍ ପବିତ୍ର ।”
\p
\v 17 ଇଶ୍ୱର୍ ସାରେତଡ଼୍‍ୱାଦ୍‍ କାମ୍‍ମାଡ଼୍‍ତେ ଲେକାମ୍ ଚିମ୍‍ସାମ୍‍ତେ ସାରେତଡ଼୍ ବିଚାର୍ ମାଡ଼ିତନ୍ । ମୀଇଡ଼୍ ଅନ୍‌ ପାକେ ପ୍ରାର୍ତନା ମାଡ଼ାନ୍‍ୱେଲେ ଅଙ୍କ୍‌ ବାବାଲ୍ ଇଞ୍ଜ ପ୍ରମାନ୍ ମାଡ଼ି ମାନୁଟ୍ । ଆଲେଇତ୍କେ, ଇଦ୍ ଜଗତ୍‍ତାଗ୍ ମୀଇ ଜିୱେତାଗ୍ ଆ ସମୟତେ ଅଙ୍କ୍‌ ବେସର୍‍ ବକ୍ତି ମାଡ଼୍‍ତିଡ଼୍ ଆଦେଲେକାମ୍ ମାଡ଼ାଟ୍ । 
\v 18 ମୀଇଡ଼୍ ପୁତ୍‍ତିଡ଼୍ ମୀଇ ମୁନେଙ୍କ୍‍ତେ ନାରୁଡ଼୍‍ଡ଼ାଗାଙ୍କ୍ ସାରେ ପରମ୍ପରା ଆଙ୍ଗ୍‍ଡ଼ାତାଦ୍‍ ଜିୱେତାଗାଙ୍କ୍ ମିକିଙ୍କ୍ ମୁକ୍ତ ମାଡ଼ାନ୍ ସେଙ୍ଗେ ଇଶ୍ୱର୍‌ତିଙ୍କ୍‍ ବେସର୍ ମୁଲ୍ୟ ଇଦାଙ୍କ୍ ଆସ୍‍ମାତ୍‍ତେ । ଆଦ୍ ନଷ୍ଟ ଆଦାନ୍‍ ରୁପା କି ସୁନା ଆୟ, 
\v 19 କିନ୍ତୁ ଆଦ୍ ନିର୍ଦୋଷ୍‍, କାରାପ୍‍ ଆୟ୍‍ୱାଦ୍‍ ମେଣ୍ଢାପିଲେ ଲେକାମ୍ କ୍ରିଷ୍ଟନ୍ ଆତ୍ମବଲିତେ ଗାଟି ଦାମ୍‍ଦେ ନେତୁର୍ । 
\v 20 ଅଣ୍ଡ୍‌ ଜଗତ୍‍ତେ ସୃଷ୍ଟି ମୁନେଙ୍କ୍ ଇଶ୍ୱର୍‍ ତଡ଼୍ ଏଞ୍ଚିଆତ୍‍ତନ୍ ନୁ ମୀଇ ସେଙ୍ଗେ ଇଦ୍ ମାଡ଼େଙ୍କ୍ ଦିନାତେ ତଅନ୍‌ଦ୍‍ତଣ୍ଡ୍‍ । 
\v 21 ଅନ୍‌ ସେଙ୍ଗେ ମୀଇଡ଼୍ ଇଶ୍ୱର୍‌ତେ ବିଶ୍ୱାସି ଆତ୍‍ତିଡ଼୍ । ଅନ୍‌ ମହିମା ସେଙ୍ଗେ ଡଲ୍‍ତାଗାଙ୍କ୍ ତେସ୍‍ ମିକା ଏଞ୍ଚିମାନ୍ଦାନ୍ ଇଶ୍ୱର୍‌ତେ ପରୁ ମୀୟାଦ୍ ବିଶ୍ୱାସ୍ ନୁ ଆସେ ଡୁଟାଙ୍ଗ୍‍ ଆତ୍‍ତେ ।
\p
\v 22 ଇଞ୍ଜେ ମିଡ଼୍ ସତ୍‍ତେ ପେର୍କେ ଆନ୍‌‍ନାଙ୍କ୍ ନିଜେ ନିଜେତିଙ୍କ୍ ଶୁଚି ମାଡ଼୍‍ତିଡ଼୍ ନୁ ବିଶ୍ୱାସ୍‍ତେ ଦାଦାନଡ଼କ୍ ପ୍ରେମ ମାଡ଼ାନଙ୍କ୍ ତିଆର୍ତେ ମିନ୍ଦେଡ଼ି । ନିଜେ ନିଜେତିଙ୍କ୍ ହୃଦୟତେ ପ୍ରେମ ମାଡ଼ାଟ୍ । 
\v 23 ବାତେଙ୍କ୍ଇତ୍କେ ଇଶ୍ୱର୍‌ତେ ଜିୱେତାଦ୍ ନୁ ସାରେଦିନାଦ୍ ବାକ୍ୟ ତଡ଼୍ ମୀଇଡ଼୍ ବାତେମିକା ଡଲାନ୍ ବାବାନ୍ ପିଲାନ୍ ଲେକାମ୍ ଆୟ, ମାତର୍ ଜିୱେମାନ୍ଦାନ୍ ବାବାନ୍ ପିଲାନ୍ ଲେକାମ୍ ପୁଃନେ ଜନମ୍ ଲାବ୍ ମାଡ଼୍‍ତିଡ଼୍ । 
\v 24 ଶାସ୍ତ୍ରତାଗ୍ ଲେକାମିନ୍ତେ, “ନାରୁନ୍‍ ଜାତି ଗାଡ୍ ଲେକାମ୍, ତାମ୍‍ୱାଦ୍ ସୁନ୍ଦର୍‍ ମେଟେତେ ପୁଙ୍ଗାର୍‍ ଲେକାମ୍ । ଗାଡ୍ ୱାରି ଆଦ୍‍ତେ, ପୁଙ୍ଗାର୍ ଦୁଲି ରାଲିତେ, 
\v 25 କିନ୍ତୁ ଇଶ୍ୱର୍‌ତେ ବାକ୍ୟ ସାରେଦିନାତାଦ୍ ।” ଇଦ୍ ଆ ସୁସମାଚାର୍‍ତେ ବାକ୍ୟ ବେଦ୍ ମୀଇପାକେ ପ୍ରଚାର୍ ଆସ୍‍ମାତ୍‍ତେ ।
\c 2
\s ଜିୱେମାନ୍ଦାନ୍‍ ବେଡ଼୍‍ୟାଦ୍‍ କାଲ୍‍ ନୁ ପବିତ୍ର ବଂଶ
\p
\v 1 ସାରେଲେକେତ୍ କାରାପ୍ ବିଷୟ ତାଗାଙ୍କ୍ ପେଇମୁଟ୍ । ମିଚ୍‌ ନୁ ଦୁଷ୍ଟ, ଇର୍ଷା ନୁ ଅର୍‌ତୁଙ୍କ୍ ନିନ୍ଦା ମାଡ଼ାନାଦ୍ ୱିଡ଼୍‍ସାଟ୍ । 
\v 2 କେହେମୁଲ୍‍ ପିଲାନ୍ ଲେକାମ୍ ଆୟମୁଟ୍ । ସାରେଦାମ୍ ସାୟେତାଦ୍ ପାଲ୍‍ ଉନ୍ଦାନ୍ ସେଙ୍ଗେ କାର୍‍ୱିଙ୍କ୍ ଆୟମୁଟ୍ । ଆଲେକେକ୍ ମୀଇଡ଼୍ ପେର୍ସାନ୍ ସେଙ୍ଗେ ପରିତ୍ରାଣ ପାହେମ୍ ଆଦ୍‍ତିଡ଼୍ । 
\v 3 ଶାସ୍ତ୍ରତାଗ୍ ଲେକାମିନ୍ଦେ, “ଇଶ୍ୱର୍‍ ଯେ ବେଲାନ୍ କୃପାବାନ, ଆଦ୍ ମିଡ଼୍ ନିଜେ ଏର୍କେତେ ପୁତ୍‍ତିଡ଼୍ ।”
\p
\v 4 ନାରୁଡ଼୍ ବେନ୍ ଜିୱେମାନ୍ଦାନ୍‍ ବାଡ଼ିୟାଦ୍‍ କାଲ୍ ଲେକାମ୍ ପ୍ରବୁନାଦ୍ ଦାମ୍‍ଇଲେ ଇଞ୍ଜ ଆଲ୍‍ସି ପାସ୍‍କେ, ଅନ୍‌ ଗାରେ ୱାଡ଼ାଟ୍, ବାତେଙ୍କ୍ଇତ୍କେ ଅଣ୍ଡ୍‌ ଇଶ୍ୱର୍‍ ତଡ଼୍ ନାର୍ଗେ ଦାମ୍ ଆସ୍ ଏଞ୍ଚିଆତ୍‍ତଣ୍ଡ୍‍ । 
\v 5 ମୀଇଡ଼୍ ଅଣ୍ଡୟ୍‌ ଆଦ୍ୟାତ୍ମିକ୍‍ ମନ୍ଦିର୍ ତିଆର୍‍ ମାଡ଼ାନାଗ୍‍ ଜିୱେମାନ୍ଦାନ୍‍ ବାଡ଼ିୟାଦ୍ କାଲ୍‍ ଲେକାମ୍ ବ୍ୟବହାର୍‌ ଆଦାନ୍‍ ସେଙ୍ଗେ ୱାଡ଼ାଟ୍‍ । ଆଦ୍ ମନ୍ଦିର୍‍ତାଗ୍ ମୀଇଡ଼୍ ଜିସୁ କ୍ରିଷ୍ଟଙ୍କ୍ ତଡ଼୍‍ ଇଶ୍ୱର୍‌ତେ ଗ୍ରହଣଯୋଗ୍ୟ ଆଦ୍ୟାମିକ୍ ବଲି ଉତ୍ସର୍ଗ ମାଡ଼୍‍ନ୍ ସେଙ୍ଗେ ପବିତ୍ର ଜାଜକ୍‍ତେ କାମ୍ ମାଡ଼ିତିଡ଼୍‍ । 
\v 6 ଶାସ୍ତ୍ରତାଗ୍ ଇଲାନ୍ ଲେକାମିନ୍ଦେ, “ମାମେ ଅଣ୍ଡୟ୍‌ ଗାଟିଦାମ୍‍ତାଦ୍‍ ବାଡ଼ିୟାଦ୍‍କାଲ୍ ଏଞ୍ଚ୍‍ତମ୍; ଆଦ୍ ମାମେ ସିୟନତେ ମୁଲେତ୍‍ କାଲ୍ ଲେକାମ୍ ନିଲ୍‍ସ୍ପ୍‍ତମ୍ । ବେନ ଆୟି ଅନାଗେ ବିଶ୍ୱାସ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ନିରାଶ୍‍ ଆୟଣ୍ଡ୍‍ ।” 
\v 7 ମିଡ଼୍ ବିଶ୍ୱାସ୍ ଆସ୍‍ମାନ୍ଦାନ୍‍ ମାୟ୍‍ଦିଙ୍କ୍‍ ମୀଇ ସେଙ୍ଗେ ଇଦ୍ କାଲ୍ ଗାଟି ଦାମ୍‍ଦାଦ୍ । କିନ୍ତୁ ଅବିଶ୍ୱାସିନଡ଼୍ ସେଙ୍ଗେ, “ଲୋନ୍‌‍ ତିୟାର୍‍ମାଡ଼ାନଡ଼୍‍ ବେନ୍ କାଲ୍‍ତିଙ୍କ୍ ପାସ୍କ୍‍ତଡ଼୍, ଆଦ୍ ସାରେତିଙ୍କ୍ ବାଡ଼ିୟାଦ୍ କାଲ୍ ଆତ୍‍ତେ ।” 
\v 8 ପବିତ୍ର ଶାସ୍ତ୍ରତାଗ୍ ମେଣ୍ଡନ୍ ୱେରଡ଼୍ ପଡ଼ିୟେତାଗ୍ ଲେକା ଆତ୍‍ତେ, “ଇଦ୍‍ କାଲ୍‍ଦେ ପରୁ ନାର୍ଗେ ନାରୁଡ଼୍ ତାଲ୍‍ଗି ରାଲିତଡ଼୍, ଆଦ୍ ବାଣ୍ଡ୍‍କାଲ୍ ଅଡ଼୍‌ ଦଂସ ଆଦାନ୍ ଆର୍ ଆଦ୍‍ତେ ।” ଅଡ଼୍‌ ଇଶ୍ୱର୍‌ତେ ବାକ୍ୟତେ ବିଶ୍ୱାସ ମାଡ଼ଡ଼୍‍ ଆତ୍‍ତଡ଼୍, ଆଦିଙ୍କ୍ ଅଡ଼୍‌ ତାଲ୍‍ଗି ରାଲ୍‍ତଡ଼୍ । ଇଦ୍ ମାତ୍‍ତେ ଅଡ଼୍‌‍ ସେଙ୍ଗେ ଇଶ୍ୱର୍‌ତେ ଇଚ୍ଛା ।
\p
\v 9 \x + \xo ୨:୯ \xo*\xt ତୀତସ୍‌ ୨:୧୪.\xt*\x*ମୀଇଡ଼୍ ଅଣ୍ଡୟ୍‌ ହେଞ୍ଚିମାନ୍ଦାନ୍ ଜାମେ, ରାଜାଲଡ଼୍‍ତେ ଯାଜକ୍‍ ପରିବାର୍‍, ଅଣ୍ଡୟ୍‌ ପବିତ୍ର ଜାତି ନୁ ଇଶ୍ୱର୍‌ତେ ନିଜର୍ ନାରୁଡ଼୍‍ ଆସ୍‍ମିନ୍ଦେଡ଼ି । ଇଶ୍ୱର୍‍ ମିକିଙ୍କ୍ ଇକାଡ଼୍‍ ତାଗାଙ୍କ୍ ତାନ୍ ଗାଟି ୱେସ୍‍ତାଗ୍ କାର୍‍ଙ୍ଗ୍‍ତନ୍ । ମୀଇଡ଼୍ ଅନ୍‌ ବେପ୍‍ପଡ଼୍‍ ଆଇୱାଦ୍ କାମ୍ ସାରେ ମାଡ଼ାନ୍‍ ସେଙ୍ଗେ ଏଞ୍ଚିମିନ୍ଦେଡ଼ି । 
\v 10 ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ନାରୁଡ଼୍ ଆୟିୱେ ମାତ୍‍ତିଡ଼୍, ଇଞ୍ଜେ ଆତ୍‍ତିଡ଼୍ । ମୁନେଙ୍କ୍ ମୀଇଡ଼୍ ଇଶ୍ୱର୍‌ତେ ଦୟା ବିଷୟତେ ଦର୍‍କ୍‍ୱେ ମାତ୍‍ତିଡ଼୍, ଇଞ୍ଜେ ଅନ୍‌ ଦୟାତେ ନାରୁଡ଼ି ଆତ୍‍ତିଡ଼୍‍ ।
\s ଇଶ୍ୱର୍‌ତେ ଆସ୍‍ତେ ଦାସ
\p
\v 11 ପ୍ରିୟ ସାଙ୍ଗନଡ଼ି, ମୀଇଡ଼୍ ଇଦ୍ ଜଗତ୍‍ତାଗ୍ ୱେରେ ଦେଶ୍‍ତଡ଼ି ନୁ ଇଗେତଡ଼ି ଲେକାମ୍ । ଆଦିଙ୍କ୍ ଅନୁରଦ୍‌ ମାଡ଼ୁତାନ୍, ମୀଇଡ଼୍ ସାରେ ଦାମ୍ ଆତ୍ମା ବିରୁଦ୍ଦତେ ଯୁଦ୍‌ ମାଡ଼ମାନ୍ଦାନ୍‍ ମେନ୍ଦୁଲ୍‍ ଲାଲସାତାଗାଙ୍କ୍‍ ପେୟିସ୍‍ ୱାଡ଼ାଟ୍‍ । 
\v 12 ଅଣଯିହୁଦୀଡ଼ାଗାଙ୍କ୍ ମିୟାଦ୍ ସାୟେତ୍‍ ବ୍ୟବହାର୍‌ ସାରେଦାମ୍ ପ୍ରାକଶ୍ ଆୟି; ଆଲେକେ, ଅଡ଼୍‌ ମିକିଙ୍କ୍ କାରାପ୍‍ ପାଡ଼୍‍ୟି ମାଡ଼ାନଡ଼୍‍ ଇଞ୍ଜ୍ ଅପ୍‍ମାନ୍ ଇସ ମାତ୍‍ତେ ମିକା, ମିୟାଦ୍ ସତ୍‍କାମ୍ ଉଡ଼ି କ୍ରିଷ୍ଟନ୍ ୱାଦାନ୍ ଦିନାତେ ଇଶ୍ୱର୍‌ତିଙ୍କ୍‍ ପ୍ରସଂଶା ମାଡ଼ିତଡ଼୍ ।
\p
\v 13 ପ୍ରବୁନ୍‍ ପେଦେର୍‍ତେ ଅନୁରଦ୍‌ ମାଡ଼ୁତାନ୍, ଶାସନ୍‍ ମାଡ଼ାନଡ଼୍‍ୱାଦ୍‍ ଶାସନ୍‍ ଅଦିନ୍‌ ମାନୁଟ୍ । 
\v 14 ଦେଶ୍‍ତେ ସାରେତିଙ୍କ୍‍ ବେଡ଼୍‍ୟେ ସମ୍ରାଟ୍ ନୁ ମେଣ୍ଡେବାଗାତ୍‍ ଶାସନ୍‍ ମାଡ଼ାନଡ଼୍‍କ୍ ସମ୍ମାନ୍‍ ମାଡ଼ାଟ୍‍ । ଶାସନ୍‍ ମାଡ଼ାନଡ଼୍ ଅପରାଦିନଡ଼କ୍ ତିପାଲ୍‍ ଇଦାନ୍ ସେଙ୍ଗେ ନୁ ସାୟେତ୍‍ କାମ୍‍ ମାଡ଼ମାନ୍ଦାନ୍ ନାରୁଡ଼୍‍ ପ୍ରଶଂସା ମାଡ଼ାନଙ୍କ୍ ବେଡ଼୍‍ୟେ ସମ୍ରାଟ୍‍ ତଡ଼୍ ଏଞ୍ଚିମିନ୍ଦେଡ଼୍‍ । 
\v 15 ଇଶ୍ୱର୍‍ ଇଚ୍ଛା ମାଡ଼ୁତନ୍, ମିୟାଦ୍‍ ସତ୍‍କାମ୍‍ତେ ତଡ଼୍‍ ବୁସା ଗଟି କେସମାନ୍ଦାନ୍ ବୁଦ୍‍ ଇଲ୍‍ୱେ ନାରୁଡ଼୍‍କ୍ ଉତର୍‍ ଇଦେ ପାର୍‍ୱେ ରକମ୍‍ ମାଡ଼ାଟ୍ । 
\v 16 ସ୍ୱାଦିନ୍‍ତେ ନାରୁଡ଼୍‍ ଲେକାମ୍ ଜିୱୁଣ୍ଡ୍‍ ବାଦ୍‍କାଟ୍ । କିନ୍ତୁ ସ୍ୱାଦିନ୍‍ତେ କାରାପ୍ ବେବହାର୍ ମାଡ଼ି କାରାପ୍‍ କାମ୍ ମାଡ଼୍‍ମାଟ୍ । ଇଶ୍ୱର୍‌ତେ କ୍ରୀତଦାସ ଲେକାମ୍ ଜିବନ୍ ଯାପନ୍ ମାଡ଼ାଟ୍ । 
\v 17 ସାରେତଡ଼୍‍କ୍‍ ସମ୍ମାନ୍ ଇମୁଟ୍ । ସାରେତଡ଼୍‍ କ୍ରିଷ୍ଟବିଶ୍ୱାସି ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ାଟ୍ । ଇଶ୍ୱର୍‌ତିଙ୍କ୍ ୱେର୍‍ମୁଟ୍, ସମ୍ରାଟ୍‍ତିଙ୍କ୍ ସମ୍ମାନ୍ ଇମୁଟ୍ ।
\s କ୍ରିଷ୍ଟନ୍ ଦୁଃକାମ୍‍ତାଦ୍‍ ଉଦାରନ୍‍
\p
\v 18 ଆ ଦାସନଡ଼ି, ମିଡ଼୍ ମାଲିକିଡ଼୍‍କ୍‍ ୱେର୍‍ସ୍‍ ଅଡ଼ାଦ୍‌‍ ଗଟି କେଞ୍ଜାଟ୍‍, ଇତ୍କେ ସାୟେ ନୁ ଦୟାବାନ୍‍ କର୍ତ୍ତାଲଡ଼ାଦ୍‍ ଆୟ ମାତର୍‌ ହୃଦୟ ଇଲ୍‍ୱେନଡ଼୍‍କିଙ୍କ୍‍ ମିକା ମାନେମ୍‍ ଆୟ୍‍ମୁଟ୍‍ । 
\v 19 ମିଡ଼୍‍ ଇଶ୍ୱର୍‌ତେ ଇଚ୍ଛା ପୁଞ୍ଜ୍‍ ମାନ୍‍ନାଙ୍କ୍, ଯଦି ଅନ୍ୟାୟ୍‌ ତିପାଲ୍‍ ଆସ୍ କଷ୍ଟ ଆତ୍‍କେ, ଆଲେକ୍‍ ଇଶ୍ୱର୍‍ ମିକିଙ୍କ୍ ଆର୍ଶିବାଦ୍ ମାଡ଼ିତଣ୍ଡ୍‍ । 
\v 20 ମିଡ଼୍ ଦଷ ମାଡ଼ି ଦଣ୍ଡପାହେମ୍ ଆତ୍‍କେ, ଆଗେ ପ୍ରଶଂସା ଆଦାନାଦ୍‍ ବାତ୍ କାରନ୍‍ ମିନ୍ତେ ? ନ୍ୟାୟତାଦ୍‍ କାମ୍ ମାଡ଼ି ଯଦି ତିପାଲ୍‍ କଷ୍ଟ ଆତ୍‍କେ, ଆଲେକ୍ ଇଶ୍ୱର୍‍ ମିକିଙ୍କ୍ ଆର୍ଶିବାଦ୍ ମାଡ଼ିତେ । 
\v 21 ଇଶ୍ୱର୍ ଇଦ୍ ଉଦ୍ଦେଶ୍ୟତେ ମିକିଙ୍କ୍ କାର୍ଙ୍ଗି ମିନ୍ଦେନ୍ । କ୍ରିଷ୍ଟ ନିଜେକେ ମିଇ ସେଙ୍ଗେ କଷ୍ଟ ଆସ୍ ଆଦର୍ଶ ତୋତ୍‍ତନ୍, ବେଲାନ୍ ମିଡ଼୍ ଅଣ୍ଡ୍‌‍ ତାକାନ୍‌ ପେର୍କେ ଆଦ୍‌ତିଡ଼୍ । 
\v 22 ଅଣ୍ଡ୍‌ ବାତେବା ପାପ୍‍ ମାଡ଼୍‍ୱେ ମାତ୍‍ତନ୍ । ଅନ୍‌ ପାୟୁର୍‍ତାଗାଙ୍କ୍ ମିଚ୍ ଗଟି ପେଇତାନୱୁ ବେନ ବେସୁଙ୍କ୍‍ କେଞ୍ଜ୍‍ୱେ ମାତ୍‍ତନ୍ । 
\v 23 ଅଣ୍ଡ୍‌ ଅପ୍‍ମାନ୍ ଆଦାନ୍ ସମୟତେ ଅପମାନ୍‍ତାଦ୍‍ ମେଣ୍ଡେଅନ୍‌‍ଦାମ୍‍ ଉତର୍‍ ଇୱେ ମାତ୍‍ତନ୍ । ଅଣ୍ଡ୍‌ ଦୁଃକାମ୍ ମାଡ଼ାନ୍ ୱେଲେ ପ୍ରତିଶୋଦ୍ ଆଦାନଙ୍କ୍ ୱେର୍‍ ତଅୱେ ମାତ୍‍ତନ୍; ମାତର୍ ନ୍ୟାୟ ବିଚାର୍‍କର୍ତ୍ତା ଇଶ୍ୱର୍‌ତେ ପରୁ ସାରେ ବର୍‍ସା ନେହେସ୍‍ ମାତ୍‍ତନ୍ । 
\v 24 ମାମେ ବେଲା ପାପାମ୍‍ ସେଙ୍ଗେ ଡଲିତାଡ଼୍‍ ନୁ ଦାର୍ମାମ୍‌ ଜିୱୁଣ୍ଡ୍‍ ବାଦ୍‍କିତାଡ଼୍‍, ଆଦିନ୍ ସେଙ୍ଗେ କ୍ରିଷ୍ଟ କ୍ରୁଶ ପରୁ ନିଜେତ୍ ମେନ୍ଦୁଲ୍‍ତେ ମା ପାପାମ୍‍ତେ ବୋଜ୍‍ କାଞ୍ଜ୍‍ତନ୍ । ଅନ୍‌ ମେନ୍ଦୁଲ୍‍ତାଗେ ଆଦ୍ ପୁଣ୍ଡ୍‍ତଡ଼୍‍ ମିଡ଼୍ ସୁସ୍ଥ ଆତ୍‍ତିଡ଼୍ । 
\v 25 ମେଣ୍ଢାକିନ୍ ଲେକାମ୍ ମିଡ଼୍ ୱେରେ ଆର୍‍ଦାଗ୍‍ ଆଞ୍ଜ୍‍ ମାତ୍‍ତିଡ଼୍ । ଇଞ୍ଜେ ମିୟାଦ୍ ମେକାଗଲାଲ୍ ନୁ ଆତ୍ମାତେ ରକ୍ଷାତିଙ୍କ୍ ପେର୍କେ ଆଦାନ୍‌ ସେଙ୍ଗେ ମାଲ୍‍ସ୍ ୱାତ୍‍ତିଡ଼୍ ।
\c 3
\s ମୁତେ ନୁ ମୁଦ୍‍ପାଲଡ଼୍ ସେଙ୍ଗେ ଶିକ୍ଷା
\p
\v 1 \x + \xo 3:୧ \xo*\xt ଏଫିସିୟ ୫:୨୨; କଲସୀୟ 3:୧୮.\xt*\x*ଆ ମୁତେନଡ଼ି ! ମିଡ଼୍ ମୁଦ୍‍ପାନଡ଼୍ ସନ୍ତୁଷ୍ଟ ଆୟମୁଟ୍ । ଆଲେକେ, ଯଦି ବେନ୍‍ ଆୟି ମୁଦ୍‍ପାଲ୍ ଇଶ୍ୱର୍‌ତେ ବାକ୍ୟତେ ବିଶ୍ୱାସ୍‍ ମାଡ଼୍‍ୱେ ମାତ୍‍କେ, ଆଲେକ୍ ମିୟାଦ୍ ସାୟେତ୍‍ ବ୍ୟବହାର୍‌ ତଡ଼୍‍ ଆଦ୍ ବାକ୍ୟ ସେଙ୍ଗେ ଅନାଦ୍‌ ବିଶ୍ୱାସ୍ ଆଦ୍‍ତେ । ମିଡ଼୍ ସୁଦୁଟ୍ ମିକା କେତାନଙ୍କ୍ ଦର୍କାଡ଼୍ ଆୟ । 
\v 2 ବାତେଙ୍କ୍ଇତ୍କେ ମିୟାଦ୍ ପବିତ୍ର ବ୍ୟବହାର୍‌ ନୁ ବକ୍ତି ବାବ୍‍ ଅଡ଼୍‌ ଉଡ଼ିତଡ଼୍ । 
\v 3 \x + \xo 3:3 \xo*\xt ୧ ତୀମତି ୨:୯.\xt*\x*ମିଇଆଦ୍ କେଲ୍‍କ୍ ସଜା, ସଜ୍‍ବାଜ୍‍, ସୁନାବାନା କେର୍‍ସ୍‍ ବାୟେଦେ ତଅତାନାଦ୍‍ ନିଜର୍‍ ସଜ୍‍ବାଜ୍‍ ମାଡ଼ାନାଦ୍‍ ଉଚିତ୍‍ ଆୟ । 
\v 4 ନିଜାତାଦ୍‍ ସୁନ୍ଦୁର୍‍ ଆଦୁତ୍‍, ମୀଇ ଜିୱୁନ୍‌ଲୋପେତ୍‍ ସାୟେତ୍‍ ନମ୍ରମନ୍‍ । ମିୟାଦ୍ ଆଦ୍ ନଷ୍ଟ ଆୟ୍‍ୱାଦ୍‍ ସଜ୍‍ବାଜ୍‍ ଇଶ୍ୱର୍‌ତେ କଣ୍ଡେତେ ସାରେତିଙ୍କ୍ ମୁଲ୍ୟବାନ୍ । 
\v 5 ମୁନେଙ୍କ୍‍ତେ ବେନ୍ ପବିତ୍ର ମୁତେକି ଇଶ୍ୱର୍‍ ତାଗେ ବର୍‍ସା ନେଃଏସ୍‍ମାତ୍‍ତା, ଆୱୁ ମୁଦ୍‍ପାନଡ଼୍‍ ସନ୍ତୁଷ୍ଟ ଆଦାନ୍ ସେଙ୍ଗେ ନିଜେତିଙ୍କ୍ ପବିତ୍ରତଡ଼୍‍ ସଜ୍‍ବାଜ୍‍ ମାଡ଼ମାତ୍‍ତା । 
\v 6 ସାରା ଆସତ୍‍ଲେକାତ୍ ୱେରଡ଼୍‍ ମୁତେ ମାତ୍‍ତେ । ଆଦ୍ ଅବ୍ରାହାମ୍‌ତେ ଆଦେଶ୍‍ ପାଲନ୍‍ ମାଡ଼ି ଅଙ୍କ୍‌ ପ୍ରବୁ ଇଞ୍ଜ ମାନେମ୍‍ ଆସମାତ୍‍ତେ । ମିଡ଼୍ ଇଞ୍ଜେ ଅଦିନ୍‌ ମାୟାସ୍କ୍‍ । ଯଦି ସାୟେତ୍‍ ବ୍ୟବହାର୍‌ ମାଡ଼୍‍ତିନ୍, ଆଲେକେ, ବାତେବା ବିଷୟ ମିକିଙ୍କ୍ ମେଣ୍ଡେ ୱେର୍ରେସ୍ପେ ପାର୍‍ୱ ।
\p
\v 7 \x + \xo 3:୭ \xo*\xt ଏଫିସିୟ ୫:୨୫; କଲସୀୟ 3:୧୯.\xt*\x*ଆ ମୁଦ୍‍ପାନଡ଼ି, ଆଦ୍‍ ଲେକାମ୍ ମୀଇ ମୁତେକିଙ୍କ୍ ଶାତ୍‍ୱାମ୍‍ ଇଲ୍‍ଲେ ଇଞ୍ଜ ପୁଞ୍ଜ୍ ଆୱିନ୍ ସେଙ୍ଗେ ପସନ୍ଦ୍‍ ଆସ୍ ମାନ୍‍ନୁଟ୍ । ଆୱିଙ୍କ୍ ସମ୍ମାନ୍ ଇମୁଟ୍ । ଆୱୁମିକା ମିଇତଡ଼୍ ଇଶ୍ୱର୍‌ତାଗେ ଜିୱେତ୍‍ ଲେକାମ୍ ଦାନ ପାଏମ୍ ଆଦ୍‍ତା । ମିଇଡ଼୍ ଆୱିନ୍ ସେଙ୍ଗେ ସାୟେତ୍‍ ବ୍ୟବହାର୍‌ ମାଡ଼୍‍କେ, ମିୟାଦ୍ ପ୍ରାର୍ତନା ଅଟ୍‍କେମ୍‍ ଆୟ ।
\s ସତ୍‍କାମ୍‍ତେ ସେଙ୍ଗେ ଦୁଃକାମ୍
\p
\v 8 ପେର୍କେ, ମିଡ଼୍‍ ସାରେତଡ଼୍‍ ଅଣ୍ଡୟ୍‌‍ ମନ୍‍ ଆସ୍‍ ମାନୁଟ୍ । ନିଜେ ନିଜେତିଙ୍କ୍ ଏଲାଡ଼୍‍ତାମୁଣ୍ଡ୍‍ ଲେକାମ୍ ପ୍ରେମ ମାଡ଼ି ନିଜେ ନିଜେ ଲୋପେ ଦୟା ନୁ ନମ୍ର ଆୟ୍‍ମୁଟ୍ । 
\v 9 ଅନିଷ୍ଟ ବଦଲ୍‍ତେ ଅନିଷ୍ଟ ମାଡ଼୍‍ମାଟ୍, ଅବିଶାପ୍‌ ବାଦୁଲ୍‍ତେ ଅବିଶାପ୍‌ ମାଡ଼୍‍ମାଟ୍; ତାନ୍ ପେର୍କେ ଆର୍ଶିବାଦ୍‌ ମାଡ଼ାଟ୍, ବାତେଙ୍କ୍ଇତ୍କେ ଇଦିନ୍ ସେଙ୍ଗେ ଇଶ୍ୱର୍‍ ମିକିଙ୍କ୍ କାର୍‍ଙ୍ଗି ମାତ୍‍ତନ୍ ନୁ ଆଦ୍‍ ମାଡ଼ାନ୍ ପେର୍କେ ମିଡ଼୍ ଆର୍ଶିବାଦ୍ ପାଏମ୍ ଆଦ୍‍ତିଡ଼୍, 
\v 10 ଶାସ୍ତ୍ରତାଗ୍ ଲେକାମିନ୍ଦେ, “ବେନ ଜିୱେତାଗ୍ ପ୍ରେମ ମାଡ଼ାନଙ୍କ୍ ନୁ ସୁକାମ୍‍ତେ ଦିନାମ୍ ଉଡ଼ାନଙ୍କ୍ ଇଚ୍ଛା ମାଡ଼ିତଣ୍ଡ୍, ଅଣ୍ଡ୍‌ କାରାପ୍‍ ଗଟ୍ କେଲ୍‍ମାକିଣ୍ଡ୍‍ ନୁ ମିଚ୍‍ ଗଟିନାଗାଙ୍କ୍ ପେୟ୍‍ସ୍‍ ୱାଡ଼ିଣ୍ଡ୍ । 
\v 11 ଅଣ୍ଡ୍‌ କାରାପ୍‍ତାଗାଙ୍କ୍ ମାଲ୍‍ସ୍‍ ୱାସ୍ ସାୟେକାମ୍ ମାଡ଼ିଣ୍ଡ୍ ନୁ ମନ୍‍ଇସ୍‍ ଶାନ୍ତି କାମ୍ ମାଡ଼ିଣ୍ଡ୍ । 
\v 12 ଇଶ୍ୱର୍ ଦାର୍ମିକ୍‍ ନାରୁଡ଼୍ ସେଙ୍ଗେ ମନ୍‍ ଇଦ୍‍ତଣ୍ଡ୍‍ ନୁ ଅଡ଼୍‌ ପ୍ରାର୍ତନା କେଞ୍ଜିତଣ୍ଡ୍‍; ଇତ୍‍କେ ଅଣ୍ଡ୍‌‍ କାରାପ୍‍ ନାରୁଡ଼୍ ସେଙ୍ଗେ ମନ୍‍ ଇୱଣ୍ଡ୍ ।”
\p
\v 13 ସାୟେ କାମ୍‍ ମାଡ଼ାନଙ୍କ୍ ମିଡ଼୍ ତିଆର୍ ମାତ୍‍କେ, ବେନ ମିୟାଦ୍ ଅନିଷ୍ଟ ମାଡ଼ିତନ୍ ? 
\v 14 \x + \xo 3:୧୪ \xo*\xt ମାତିଉ ୫:୧୦.\xt*\x*ସତ୍‍ କାମ୍ ମାଡ଼୍‍ନ୍‍ ସେଙ୍ଗେ ମିଡ଼୍ ଦୁଃକାମ୍ କଷ୍ଟ ମାଡ଼୍‍କେ ମିକା ମିଡ଼୍ ନିଜାମ୍‍ ସୁକାମ୍‍ତେ ମିନ୍ଦେଡ଼ି । ବେନଙ୍କ୍ ୱେର୍‍ମାଟ୍; ବେସୁଙ୍କ୍‌ବା ଚିନ୍ତାତେ ମାନ୍‍ମାଟ୍ । 
\v 15 ମାନ୍‍ କ୍ରିଷ୍ଟଙ୍କ୍ ବକ୍ତି ମାଡ଼ି, ଅଙ୍କ୍‌ ପ୍ରବୁ ଇଞ୍ଜ କେତ୍‍କେ । ଯଦି ବେନ ମି ଲୋପେତ୍‍ ହୃଦୟ୍‍ତାଗ୍‍ ବାଆତେ ମିନ୍ଦେ ଇଞ୍ଜ ପୁନ୍ଦାନଙ୍କ୍‍ ଇଚ୍ଛା ମାଡ଼୍‍କେ, ଅନ୍‌ ପ୍ରଶ୍ନତେ ଟିକ୍‍ ଉତ୍ତର୍ ଇଦାନଙ୍କ୍ ସାରେଦାମ୍ ତିଆର୍‍ତେ ମାନୁଟ୍ । 
\v 16 ଇତ୍‍କେ ବିନୀତ୍‍ତେ ନୁ ଲେକେତ୍‍ ନାରୁନ୍ ଲେକାମ୍ ଉତ୍ତର୍ ଇମୁଟ୍ । ମିୟାଦ୍ ମନ୍‍ତିଙ୍କ୍ ନିର୍ମଲ୍‍ତେ ନେଏମୁଟ୍ । ଆଲେଇତ୍‍କେ, ମିଡ଼୍ କ୍ରିଷ୍ଟନ୍‍ ପେର୍କେ ଆଦାନ୍ ଲେକାମ୍ ସାୟେତ୍‍ ବ୍ୟବହାର୍‌ ମାଡ଼ମାନ୍ଦାନ୍ ୱେଲେ, ବେନଡ଼୍ ମିୟାଦ୍ ମିଚ୍ ଅବିଯୋଗ୍‍ ମାଡ଼ିତଡ଼୍, ଅଡ଼୍‌ ସିଗ୍‍ ଆଦ୍‍ତଡ଼୍ । 
\v 17 କାରାପ୍ କାମ୍ ମାଡ଼ି କଷ୍ଟ ଆଦାନ୍‍ ନାଗାଙ୍କ୍‍, ଇଶ୍ୱର୍‌ତେ ଇଚ୍ଛାଲେକାମ୍ ସତ୍‍କାମ୍ ମାଡ଼ି ଦୁଃକାମ୍ ମାଡ଼ାନାଦ୍ ଲେକେତ୍ । 
\v 18 ମିକିଂଙ୍କ୍ ଇଶ୍ୱର୍‌ତେ ପାକେ ତାତାନ୍‍ ସେଙ୍ଗେ କ୍ରିଷ୍ଟ ନିଜେ ଦାର୍ମିକ୍ ଆସ୍ ଅଦାର୍ମିନାରୁଡ଼୍‍ ପାପତେ ପ୍ରାୟଚିତ୍‍ତେ ସେଙ୍ଗେ ନିଜେତ୍ ଜିୱେ ଇତ୍‍ତନ୍ । ଇଦ୍ ପ୍ରାୟଚିତ୍‍ତେ ଅଣ୍ଡ୍‌ ଅଣ୍ଡୟ୍‌‍ଦାମ୍ ସାରେଦିନାତ୍ ସେଙ୍ଗେ ସାଦନ୍ ମାଡ଼୍‍ତନ୍ । ଅଣ୍ଡ୍‌ ମେନ୍ଦୁଲ୍‍ ଇସାପ୍‍ତେ ଡଲ୍‍ତନ୍, ଇତ୍‍କେ ଆତ୍ମାତେ ଜିୱେ ଆତ୍‍ତନ୍, 
\v 19 ନୁ ଆଦ୍ ଆତ୍ମାତେ ସ୍ଥିତିତଡ଼୍‍ ବନ୍ଦିଆତ୍‍ତେ ଆତ୍ମାକିନ୍ ପାକେ ଆଞ୍ଜ୍ ପ୍ରଚାର୍ ମାଡ଼୍‍ତନ୍ । 
\v 20 ନୋହ ଜାହାଜ୍ ମାଡ଼ାନ୍ ସମୟତେ ଇଶ୍ୱର୍ ଦୈର୍ଯ୍ୟତେ କେପିମାତ୍‍ତନ୍ । ଆସୁଙ୍କ୍ ବେନ୍‍ ନାରୁଡ଼୍ ଇଶ୍ୱର୍‌ତଡ଼୍‍ ଉର୍‍ଗାଡ଼୍ ଆତ୍‍ତଡ଼୍, ଆ ପରୁତେ ଆତ୍ମା ଆଦୁତଡ଼୍‍ ଅଡ଼୍‌‍ଲେକେମ୍‍ । ବେନ୍ ସୁକୁକ୍ ବେସ୍କ୍‍ତୁଡ଼୍‍ ସାରେ କାଇଲି ଆଟ୍‍ଜାନ୍ ମାତର୍‌ ଗାଟି ୱାର୍‍ସାମ୍‍ତାଗାଙ୍କ୍ ରକ୍ଷା ପାଏମ୍‍ ଆତ୍‍ତଡ଼୍, 
\v 21 ଅଡ଼୍‌ ମିକିଙ୍କ୍ ପରିତ୍ରାଣ ସାଦନ୍ ମାଡ଼ିମାନ୍ଦାନ୍ ବାପ୍ତିସ୍‍ମ ଲେକାମ୍ । ଇଦ୍ ବାପ୍ତିସ୍‍ମ ମୀଇ ମେନ୍ଦୁଲ୍‍ତେ ମୁର୍କ୍‍ତିଙ୍କ୍‍ ଯେକା ମାଡ଼, ଆଦ୍ କ୍ରିଷ୍ଟନ୍ ତେଦାନ୍‍ ଦିନ୍‍ତଡ଼୍ ମିୟାଦ୍ ମନ୍‍ତିଙ୍କ୍ ଲେକେତ୍‍ ମାଡ଼ାନ୍ ସେଙ୍ଗେ ଇଶ୍ୱର୍‌ତେ ପାକେ ଆବେଦନ୍ । 
\v 22 ଅଣ୍ଡ୍‌ କ୍ରିଷ୍ଟ ଇଞ୍ଜେ ସ୍ୱର୍ଗତାଗ୍ ଇଶ୍ୱର୍‌ତେ ତିନ୍ଦେ ପାକେ କୁଦିମିକା ଦୂତ ନୁ ସାରେ ସ୍ୱର୍ଗତାଉ ଅଦିପତି ନୁ ସାରେ ଶକ୍ତିତିଙ୍କ୍‍ ଶାସନ୍‍ ମାଡ଼ୁତଣ୍ଡ୍‍ ।
\c 4
\s ବାଦ୍‍ଲେମ୍‍ ଆତ୍‍ତେ ଜିୱୁଣ୍ଡ୍‍
\p
\v 1 କ୍ରିଷ୍ଟ ନିଜେତ୍ ମେନ୍ଦୁଲ୍‍ତେ ମାନ୍ଦାନ୍ ୱେଲେ କଷ୍ଟ ମାଡ଼୍‍ତାଙ୍କ୍, ମିଡ଼୍‍ ମିକା ଅନ୍‌ ଲେକାମ୍ ମନ୍‍ ମାଡ଼ି ନିଶ୍ଚିତ୍‍ ଆୟମୁଟ୍ ଯେ, ବେନ୍ ନାରୁଣ୍ଡ୍ ଜିୱୁନ୍‍ ମେନ୍ଦୁଲ୍‍ତେ ତିପାଲ୍‍ ଆଦ୍‍ତନ୍, ଅଣ୍ଡ୍‌ ମେଣ୍ଡେ ପାପାମ୍‍ତାଗ୍ ମୁଡ଼ୁନ୍ଦି ମାନଣ୍ଡ୍‍ । 
\v 2 ମୀଇଡ଼୍ ଇଞ୍ଜେକଞ୍ଜ୍ ଜିୱୁଣ୍ଡ୍‍ତାଗ୍‍ ମାନ୍ଦାନ୍‍ ବେସ୍‌କ୍ ଦିନା ଲୋପେ ନିଜେତ୍ ମେନ୍ଦୁଲ୍ ଅବିଲାଷତେ ଜିୱୁଣ୍ଡ୍‍ ବାଦ୍‍କ ଆୟକଟ୍ ଇଶ୍ୱର୍‌ତେ ଇଚ୍ଛାଦିନାମ୍ ଆୟ୍‍ମୁଟ୍ । 
\v 3 ମୁନେଙ୍କ୍‍ ମିଡ଼୍ ଅଣଯିହୁଦୀଡ଼୍‍ ଲେକାମ୍ କାମ୍ ମାଡ଼ି ନାର୍ଗେ ସମୟ କାଟେମ୍ ଆତ୍‍ତିଡ଼୍‍ । ମିୟାଦ୍ ଜିୱେ ସାର୍ରେ କାରାପ୍‍ ପାଡ଼୍‍ୟି, କାମୁକତା, କାଲ୍‍ଉନ୍ଦାନ୍, ଲାଲସା, ମାତାଲ୍‍ ନୁ ପାସ୍କାନ୍‍ ପୁତ୍‍ଲାମ୍‍ ପୁଜାନାଗ୍‍ କାଟେମ୍ ଆତ୍‍ତେ । 
\v 4 ମିଡ଼୍ ଇଞ୍ଜେ ଇଦ୍ ଲେକାମ୍ କାରାପ୍‍ କାମ୍‍ତାଗ୍‍ ଅଡ଼୍‌‍ତଡ଼୍ କାଇଲ୍‍ୱାଙ୍କ୍ ଅଡ଼୍‌ ଆଶର୍ଯ୍ୟ ଆସ୍ ମିକିଂଙ୍କ୍ ଗାଟି ନାର୍ଗେ ଲିନ୍ଦେ ମାଡ଼ୁତଡ଼୍ । 
\v 5 କିନ୍ତୁ ବେନ୍ ଇଶ୍ୱର୍‍ ଜିୱେ ନୁ ଡଲ୍‍ତେନଡ଼୍ ବିଚାର୍ ମାଡ଼ିତଣ୍ଡ୍‍, ଅନ୍‌‍ ଗାରେ ଅଡ଼୍‌‍କିଂଙ୍କ୍ ଇସାବ୍‍ ଇଦାନଙ୍କ୍ ଆଦ୍‍ତେ । 
\v 6 ଅଦିନ୍‌ ସେଙ୍ଗେ ଡଲ୍‍ତେନଡ଼୍‍ ଗାରେମିକା ସୁସମାଚାର୍ ପ୍ରଚାର୍ ମାଡ଼ିମାତ୍‍ତଡ଼୍, ବେଲାନ୍ ଅଡ଼୍‌ ନାରୁଡ଼୍‍ ଲେକାମ୍ ମେନ୍ଦୁଲ୍‍ତେ ବିଚାର୍‍ରିତ ଆସ୍‍ମାତ୍‍କେ ମିକା, ଇଶ୍ୱର୍‌ତେ ଆତ୍ମାତ୍‍ରକମ୍‍ ଆତ୍ମାତଡ଼୍‍ ଜିୱେ ଆଦ୍‍ତଡ଼୍ ।
\s ଇଶ୍ୱର୍‌ତେ ଦାନତିଙ୍କ୍‍ ସାୟେ ନେଃଏତାନଣ୍ଡ୍‍ ଗୁମାସ୍ତାଲ୍‍
\p
\v 7 ସାରେ ବିଷୟତାଦ୍‍ ତେରାନ୍‍ ଦିନାମ୍‍ ଏୱୁତେ । ମିଡ଼୍ ପ୍ରାର୍ତନା ତାଗ୍ ମାନ୍‍ଇସ୍‍ ମାନ୍ଦାନ୍ ସେଙ୍ଗେ ନିଜର୍‍ ପର ଆଶେ ୱାଟି ତିଆର୍‍ଆସ୍‍ ମାନୁଟ୍ । 
\v 8 ନାର୍ଗେ ପ୍ରେମତଡ଼୍‍ ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ନାର୍ଗେ ପାପାମ୍‍ତିଙ୍କ୍‍ ମୁସିତେ । 
\v 9 ସାୟେତ୍‍ ମନ୍‍ତଡ଼୍‍ ନିଜର୍‍ କୁଟ୍‍ମାମ୍‍ତିଙ୍କ୍‍ ସେବା ମାଡ଼ାଟ୍‍ । 
\v 10 ଇଶ୍ୱର୍‍ ମିଡ଼୍‍ ସାରେତଡ଼୍‍କ୍ ସାୟେତ୍‍ ଦାନ ଇତ୍‍ତନ୍ । ବେନ ବେନ୍ ଦାନ ପାଏମ୍ ଆତ୍‍ତନ୍, ଆଦିନାଦ୍ ସାୟେତ୍‍ ବ୍ୟବହାର୍‌ ଇସାପ୍‍ତେ ମେଣ୍ଡେବାଗାତଡ଼ାଦ୍‍ ସେବା ସେଙ୍ଗେ ଆଦ୍ ଦାନତାଦ୍‍ ସତ୍ ବ୍ୟବହାର୍‌ ମାଡ଼ାନାଦ୍ ସାୟେ । 
\v 11 ବେନ ପ୍ରଚାର୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ଗଟି ପ୍ରଚାର୍ ମାଡ଼ିଣ୍ଡ୍ । ବେନ ସେବା ମାଡ଼ିତନ୍, ଇଶ୍ୱର୍ ଅଙ୍କ୍‌ ଇସ୍‍ମାନ୍ଦାନ୍ ଶକ୍ତି ଲେକାମ୍ ଅଣ୍ଡ୍‌ ସେବା ମାଡ଼ିଣ୍ଡ୍ । ଆଲେଇତ୍‍କେ, ଇଶ୍ୱର୍ ସାରେ ବିଷୟତେ ଜିସୁ କ୍ରିଷ୍ଟନ୍ ତଡ଼୍ ଗୌରବ୍ ପାଏମ୍‍ ଆଦ୍‍ତନ୍ । ଯୁଗ୍‍ଯୁଗ୍ ମହିମା ନୁ ପରାକ୍ରମ୍ ଅନାଦ୍‌ । ଆମେନ୍‍ ।
\s କ୍ରିଷ୍ଟିୟାନ୍‍ ନାରୁଡ଼୍‍ତାଦ୍‍ ଦୁଃକାମ୍ କଷ୍ଟ
\p
\v 12 ପ୍ରିୟ ସାଙ୍ଗନଡ଼ି, ବେନ୍ କିସ୍ ପରିକ୍ଷାତାଗ୍ ମିଡ଼୍ ଦୁଃକାମ୍ କଷ୍ଟ ଆଦୁତିଡ଼୍, ଆଦ୍ ୱେରଡ଼୍ ଆସାମ୍‍ତେ ଗଟ୍‍ଣା ଆଲ୍‍ସି ବକୁୱା ଆୟ୍‍ମାଟ୍ । 
\v 13 ମେଣ୍ଡେ ୱେଡ଼୍‍କାଟ୍, ବାତେଙ୍କ୍ଇତ୍କେ ମିଡ଼୍ କ୍ରିଷ୍ଟନ୍ ଦୁଃକାମ୍ କଷ୍ଟତେ ଅଂଶି ଆୟ୍‍ନାଦ୍ ଅନାଦ୍‌ ମୟିମା ପ୍ରକାଶ୍‍ ଆଦାନ୍ ୱେଲେ ମିଡ଼୍ ୱେଡ଼୍‍କେତେ ସାର୍‍ଦେ ଆଦ୍‍ତିଡ଼୍ । 
\v 14 କ୍ରିଷ୍ଟନ୍ ପେର୍କେ ଆନ୍‌‍ନାଙ୍କ୍ ଅପମାନିତ୍ ଆତ୍‍କେ, ମିଡ଼୍ ପ୍ରକୃତ୍‍ତେ ଦନ୍ୟ, ବାତେଙ୍କ୍ଇତ୍କେ ଇଶ୍ୱର୍‌ତେ ଗୌରବ୍‍ମୟ ଆତ୍ମା ମିୟାଗେ ବାସେ ମାଡ଼ିମିନ୍ଦେ । 
\v 15 ମିୟାଗାଙ୍କ୍ ବେନ ନରଅନ୍‌ତା, ଦସ୍ୟୁ ବା ଦୁରାଚାରି, ବା ଗଲ୍‍କ୍‍ ସୃଷ୍ଟି ମାଡ଼ାନ୍ ସେଙ୍ଗେ ଦୁଃକାମ୍ କଷ୍ଟ ମାଡ଼୍‍ମାକିଣ୍ଡ୍‍ । 
\v 16 କିନ୍ତୁ ମିଡ଼୍ ଯଦି କ୍ରିଷ୍ଟିୟାନ୍‍ ଆୟିନାଙ୍କ୍ ଦୁଃକାମ୍ ମାଡ଼ୁତିଡ଼୍, ଆଲେକ୍ ସିଗ୍‍ ଆୟ୍‍ମାଟ୍ । ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇମୁଟ୍, ବାତେଙ୍କ୍ଇତ୍କେ ମିଡ଼୍ କ୍ରିଷ୍ଟନ୍ ପେଦେର୍ ପୟ୍‍ତିଡ଼୍ ।
\p
\v 17 ଇଞ୍ଜେ ବିଚାର୍ ଦିନାମ୍ ଏୱୁତ୍‍ତେ ନୁ ଇଶ୍ୱର୍‌ତେ ନାରୁଡ଼୍ ମୁନେଙ୍କ୍ ବିଚାର୍‍ ଆଦ୍‍ତଡ଼୍ । ଯଦି ମାନାଗାଙ୍କ୍ ଆଦ୍ ଆରାମ୍ ଆତ୍‍କେ, ଆଲେକ୍ ବେନଡ଼୍ ଇଶ୍ୱର୍‌ତେ ସୁସମାଚାର୍‍ତାଗ୍‍ ବିଶ୍ୱାସ୍‍ ମାଡ଼ଡ଼୍, ଅଡ଼ାଦ୍‌ ମାଡ଼େଙ୍କ୍‌ତାଦ୍‍ ଦଶା ବାଆତେ ଆଦ୍‍ତେ ? 
\v 18 ଦର୍ମଶାସ୍ତ୍ରତାଗ୍ ଲେକାମିନ୍ଦେ, “ଯଦି ଦାର୍ମିକ୍‍ନଡ଼୍ ପରିତ୍ରାନ୍ ପାଏମ୍ ଆଦାନାଦ୍ ଇସର୍ କଷ୍ଟ, ଆଲେକ୍ ଆଦାର୍ମିକ୍ ନୁ ପାପିନଡ଼୍ ଦଶା ବାଆତେ ଆଦ୍‍ତେ ?” 
\v 19 ଆଲେକ୍ ବେନଡ଼୍ ଇଶ୍ୱର୍‌ତେ ଇଚ୍ଛା ଲେକାମ୍ ଦୁଃକାମ୍ ମାଡ଼ିତଡ଼୍, ଅଡ଼୍‌ ସାରେ ସତ୍‍କାମ୍ ମାଡ଼ି ଅନାଗେ ପୁରାପୁରି ବର୍‍ସା ନେଏମୁଟ୍ । ଅଡ଼ାଦ୍‌ ସୃଷ୍ଟିକର୍ତ୍ତାଲ୍‍ ଇଶ୍ୱର୍‍ ସାରେଦାମ୍ ତାନ୍‍ ପ୍ରତିଜ୍ଞା ରକ୍ଷା ମାଡ଼ିତନ୍ ।
\c 5
\s ଇଶ୍ୱର୍‌ତେ ମାନ୍ଦ୍‍ମେଣ୍ଡା
\p
\v 1 ନାନେ ୱେରନ୍‍ ବୟସ୍ତେ ନାରୁଣ୍ଡ୍‍ ଇସାବ୍‍ତେ ମିୟାଦ୍ ମଣ୍ଡଲିତେ ବାଡ଼୍‍ୟେ ନେତାଲଡ଼୍‍କ୍ ବିନତି ମାଡ଼ି କେତୁତାନ୍ । କ୍ରିଷ୍ଟନ୍ ଦୁଃକାମ୍ କଷ୍ଟତାଗ୍‍ ନାନେ ୱେରନ୍ ସାକ୍ଷି ନୁ ଅନାଦ୍‌ ଗୌରବ୍ ପ୍ରକାଶ୍ ଆଦାନ୍ ସମୟତେ ନାନେ ଆଗେ ପାଲ୍‍କ୍‍ ଆଦ୍‍ତାନ୍ । 
\v 2 \x + \xo ୫:୨ \xo*\xt ଯୋହନ୍‌‌ ୨୧:୧୫-୧୭.\xt*\x*ଇଶ୍ୱର୍‍ ମୀଇ କାୟ୍‍ଦାଗ୍ ବେନ୍ ମାନ୍ଦ୍‍ ମେଣ୍ଢାନ୍‍ ଦ୍ୱାୟିତ୍ୱ ଇତ୍‍ତନ୍, ନାନ୍‍ ଅନୁରଦ୍‌ ମାଡ଼ୁତାନ୍, ମିଡ଼୍ ଇଚ୍ଛା ଇଲ୍‍ୱେ ଆଦ୍ ମାଡ଼କଟ୍ ସାର୍‍ଦେତେ ଅଡ଼୍‌‍କିଂଙ୍କ୍ ପଡ଼୍‍ପାଟ୍‍ । ଦନ୍ ଆଶାତେ ଆଦ୍‍ ମାଡ଼କଟ୍, ସାରେଦାମ୍ ସେବା ମନ୍ ତଡ଼୍‍ ମିୟାଦ୍ ଆଦ୍ ଦ୍ୱାୟିତ ମାଡ଼ାଟ୍‍ । 
\v 3 ମିଡ଼୍ ବେନଡ଼ାଦ୍ ଦ୍ୱାୟିତ ଆତ୍‍ତିଡ଼୍, ଅଡ଼୍‌ ପରୁ ଶାସନ୍‍ ମାଡ଼କଟ୍ ଅଡ଼୍‌ ସେଙ୍ଗେ ନିଜର୍‍ ଜିୱୁଣ୍ଡ୍‍ତାଗ୍ ଆଦର୍ଶ ତଅମୁଟ୍ । 
\v 4 ବେସୁଙ୍କ୍‍ “ଲେକେତ୍ ମେକାଗଲାଲ୍,” ୱାଦ୍‍ତନ୍, ମିଡ଼୍ ଗୌରବ୍‍ତେ ମୁକୁଟ୍‍ ପାଏମ୍ ଆଦ୍‍ତିଡ଼୍ । ଆଦିନାଦ୍ ୱେସ୍ ବେସୁଙ୍କ୍‍ ମୁର୍‍କ୍‍ ଆୟ ।
\p
\v 5 ଆ ଲେୟଡ଼ି, ମିଡ଼୍ ବୟସ୍ତେ ନାରୁଡ଼୍‍କ୍ ମାନେମ୍‍ ଆୟ୍‍ମୁଟ୍ । ମିଡ଼୍‍ ସାରେତଡ଼୍ ନିଜେ ନିଜେ ସେବାମାଡ଼ାନ୍ ସେଙ୍ଗେ ନମ୍ରତାଉ ଚକା କେର୍‍ମୁଟ୍ । ଶାସ୍ତ୍ରତାଗ୍ ଲେକାମିନ୍ଦେ, “ଇଶ୍ୱର୍ ଆଂକାର୍‍ ନାରୁଡ଼୍‍କ୍ ବିରୁଦ୍‍ ମାଡ଼ିତନ୍, ଇତ୍‍କେ ନମ୍ର ନାରୁଡ଼୍‍କ୍‍ ଅନୁଗ୍ରହ ମାଡ଼ିତନ୍ ।” 
\v 6 \x + \xo ୫:୬ \xo*\xt ମାତିଉ ୨3:୧୨; ଲୁକ ୧୪:୧୧; ୧୮:୧୪.\xt*\x*ଆଲେକେ, ଇଶ୍ୱର୍‌ତେ ଶକ୍ତିତେ କାୟ୍‍ଦେ ମଦଲ୍ ମଦଲ୍‍ ଆଡ଼୍‌‍କାଟ୍; ଅଣ୍ଡ୍‌ ତାନ୍ ଟିକ୍‍ ମାଡ଼୍‍ତେ ସମୟ୍‍ତେୱେଲେ ମିକିଙ୍କ୍ ଉନ୍ନତ ମାଡ଼ିତନ୍ । 
\v 7 ମିୟାଦ୍ ସାରେ ଚିନ୍ତାତିଙ୍କ୍ ଇଶ୍ୱର୍ ଗାରେ ସମର୍ପଣ ମାଡ଼ାଟ୍, ବାତେଙ୍କଇତ୍କେ ଅଣ୍ଡ୍‌ ମିୟାଦ୍ ଯତ୍ନ ଆଦ୍‍ତନ୍ ।
\p
\v 8 ସତର୍କ ଆୟ୍‍ମୁଟ୍, ତିଆର୍‍ ଆସ୍‍ ମାନୁଟ୍ । ମୀଇ ଶତ୍ରୁ ଶୟତାନ୍‍ କେୟାନ୍ ଗଣ୍ଡ୍ରାସ୍‍ ଲେକାମ୍ ବେନଙ୍କ୍ କାସାନ୍‍ ସେଙ୍ଗେ ମେଃଏକ ଉଡୁତେ । 
\v 9 ମିଡ଼୍‍ ବିଶ୍ୱାସ୍‍ତେ ଡୁଟାଙ୍କ୍ ମାଞ୍ଜ୍, ଆଦିଙ୍କ୍‍ ଅଟ୍‍କା ମାଡ଼ାଟ୍ । ମିଡ଼୍ ପୁତ୍‍ତିଡ଼୍, ଇଦ୍ ଜଗତ୍‍ତାଗ୍ ମୀଇ ବିଶ୍ୱାସି ଏଲାଡ଼୍‍ତାମୁଡ଼୍‍କ୍‍ ଇଦ୍‍ ଲେକାମ୍ ଦୁଃକାମ୍‍କଷ୍ଟ ତାଲାନ୍ ଅଦୁତଡ଼୍ । 
\v 10 କ୍ରିଷ୍ଟନ୍‍ ତଡ଼୍ କାଇଲି ମିକା ଅନାଦ୍‌ ସାରେଦିନାତାଦ୍ ଗୌରବ୍‍ତେ ବାଗିଦାର୍‍ ଆଦାନଙ୍କ୍, ଦୟାତଣ୍ଡ୍‍ ଇଶ୍ୱର୍ ମିକିଙ୍କ୍ ଆହ୍ୱାନ୍ ମାଡ଼୍‍ତଣ୍ଡ୍‍ । ମିୟାଦ୍ ଇସୁର୍ ଦୁଃକାମ୍ ଆତ୍‍ତେ ପେର୍କେ ଅଣ୍ଡ୍‌ ନିଜେ ମିକିଙ୍କ୍ ସାକ୍‍ସାକା, ଗାଡ଼୍‍ସ୍‍, ଡୁଟାଙ୍ଗ୍‍ ନୁ ମଜ୍‍ବୁତ୍‌ ମାଡ଼ିତନ୍ । 
\v 11 ଅନ୍‌‍ୱାଦ୍ ଶାସନ୍‍ ଯୁଗ୍‍ଯୁଗ୍ ଆୟି । ଆମେନ୍‍ ।
\s ମାଡ଼େଙ୍କ୍‌ତାଦ୍‍ ନମସ୍କାର୍‍
\p
\v 12 \x + \xo ୫:୧୨ \xo*\xt ପ୍ରେରିତ ୧୫:୨୨,୪୦.\xt*\x*ଶୀଲାଙ୍କ୍ ବିଶ୍ୱାସ୍ତେ କ୍ରିଷ୍ଟିୟାନ୍‍ ଦାଦାଲ୍‍ ଲେକାମ୍ ନାନେ ସମ୍ମାନ୍‍ ମାଡ଼ିତାନ୍ । ଅନ୍‌ ତଡ଼୍ ନାନେ ଇଦ୍ ସୁଦୁରାଦ୍‍ ଚିଟି ଲେକ୍‍ତାନ୍ । ଇଶ୍ୱର୍‌ତେ ନିଜାତାଦ୍‍ ଅନୁଗ୍ରହ ମୁନେ ସାକ୍ଷ୍ୟ ଇସ୍ ମିକିଙ୍କ୍ ସାର୍‍ଦେ ମାଡ଼ାନଙ୍କ୍‍ ନାୟାଦ୍ ଇଚ୍ଛା । ଆଦ୍ ଅନୁଗ୍ରହତାଗ୍‍ ମିଡ଼୍ ଗାଡ଼୍‍ସ୍‍ ଆସ୍‍ ମାନୁଟ୍ ।
\p
\v 13 \x + \xo ୫:୧3 \xo*\xt ପ୍ରେରିତ ୧୨:୧୨,୨୫; ୧3:୧3; ୧୫:3୭-3୯; କଲସୀୟ ୪:୧୦; ଫିଲିମୋନ୍ ୧:୨୪.\xt*\x*ଇଶ୍ୱର୍‌ତଡ଼୍ ଏଞ୍ଚିମାନ୍ଦାନ୍ ବାବିଲୋନ୍‌‍ତାଗ୍‍ ମାନ୍ଦାନ୍‍ ମଣ୍ଡଲି ନୁ ନା ଦାର୍ମାମ୍‌ ମାର୍‍ ମାର୍କ ମିକା ମିକିଙ୍କ୍ ନମସ୍କାର୍‍ ମାଡ଼ୁତନ୍‍ ।
\p
\v 14 କ୍ରିଷ୍ଟିୟ ପବିତ୍ର ପ୍ରେମ୍‌ ତଡ଼୍‍ ନିଜର୍‍ ନିଜର୍‍ ଲୋପେ ନମସ୍କାର୍‍ ମାଡ଼ାଟ୍‍ । ଜିସୁ କ୍ରିଷ୍ଟନ୍‍ ତଡ଼୍‍ ମିଡ଼୍‍ ସାରେତଡ଼୍‍କିଙ୍କ୍‍ ଶାନ୍ତି ଆୟି ।