\id 1JN - Koya
\ide UTF-8
\h ୧ ଯୋହନ୍‌‌
\toc3 ୧ ଯୋହନ୍‌‌
\toc2 ୧ ଯୋହନ୍‌‌
\toc1 ଯୋହନ୍‌‌ ଲେକ୍‍ତାଦ୍ ପ୍ରତମ୍‍ ଚିଟି
\mt2 ଯୋହନ ଲିଖିତ ପ୍ରଥମ ପତ୍ର
\mt1 ଯୋହନ୍‌‌ ଲେକ୍‍ତାଦ୍ ପ୍ରତମ୍‍ ଚିଟି
\imt ଯୋହନ୍‌‌ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ମୁନେତ୍‍ ଯୋହନ୍‌‌ତେ ଚିଟି ଜିସୁ କ୍ରିଷ୍ଟନ୍ ଜନମ୍‍ତେ ପେର୍କେ ୫୦ ରୁ ୧୦୦ କ୍ରିଷ୍ଟାଦ୍ଦ ଲୋପେ ପ୍ରେରିତ୍‍ ଯୋହନ୍‌‌ତଡ଼୍ ଲେକା ଆସ୍‍ମାତ୍‍ତେ । ଯୋହନ୍‌‌ ନିଜେତିଙ୍ଗ୍ ଲେକକ୍‍ ଲେକାମ୍ ପରିଚୟ ଇୱଣ୍ଡ୍, କିନ୍ତୁ ପ୍ରତମ୍‍ ଅଦ୍ୟାୟତାଗ୍ ଅଣ୍ଡ୍‌ ଜିସୁ କ୍ରିଷ୍ଟନ୍ ଜିୱୁଣ୍ଡ୍ ନୁ ପୁନରୁତ୍‍ତାନ୍‍ତେ ଅଣ୍ଡ୍‌ ଉଡ଼୍‍ତେନଣ୍ଡ୍ ସାକ୍ଷି ଇଞ୍ଜ ପୁନ୍ଦାନଙ୍କ୍ ଆଦ୍‍ତେ \xt ୧:୧-୩\xt* । ପ୍ରତମ୍ ଯୋହନ୍‌‌ ଲେକା ଆତ୍‍ତାଦ୍ ପ୍ରଣାଲି ଯୋହନ୍‌‌ ଲେକ୍‍ତାଦ୍ ସୁସମାଚାର୍‍ ଲେକା ଆତ୍‍ତେ ପ୍ରଣାଲି ଲେକାମ୍ ତନ୍ଦିତ୍ । ଇଦ୍ ବିଶ୍ୱାସ୍ ମାଡ଼ାନଙ୍କ୍ ଆଦ୍‍ତେ ଯେ ବେସୁଟ୍‌ ଅଣ୍ଡ୍‌ ଏଫିସିତାଗ୍ ମାତ୍‍ତଣ୍ଡ୍ ଅଣ୍ଡ୍‌ ଯୋହନ୍‌‌ ଲେକାତ୍‍ତାଦ୍ ସୁସମାଚାର୍ ମେଣ୍ଡେ ଯୋହନ୍‌ ତାଦ୍ ମୁଣ୍ଡୁ ଚିଠି ଲେକିମାତ୍‍ତନ୍ ଆୱୁ ୧ ଯୋହନ୍‌, ୨ ଯୋହନ୍‌, ୩ ଯୋହନ୍‌ ।
\ip ଆଜ୍ଞାବାଦୀ କେସ ମାନ୍ଦାନ୍ ମାନ୍ଦେ ନାରୁଡ଼୍ ତଡ଼୍ ମଣ୍ଡଲି ସମସ୍ୟା ଆଦାନ୍ ସମୟତେ ଯୋହନ୍‌‌ ସାରେ କ୍ରିଷ୍ଟାୟାନ୍ ନାରୁଡ଼୍‍କ୍ ଇଦ୍‍ ଚିଠି ଲେକିମାତ୍‍ତନ୍ । ଅଡ଼୍‌‍ ବିଶ୍ୱାସ୍ ମାଡ଼ିତଡ଼୍‍ ଯେ, ଜିସୁ ନିଜାମ୍ ୱେରଣ୍ଡ୍ ଇଶ୍ୱର୍ କିନ୍ତୁ ଜଗତ୍‍ତାଗ୍ ମାନ୍ଦାନ୍ ୱେଲେ ଅଣ୍ଡ୍‌ ନେତୁର୍‍ ଆୱୁଙ୍ଗ୍‍ ପଇସ୍‍ ମାନ୍ଦାନ୍ ନାରୁଣ୍ଡ୍ ଆୟଣ୍ଡ୍ । ଯୋହନ୍‌‌ ଜିସୁ କ୍ରିଷ୍ଟନ୍ ଉଡ଼୍‍ତେ ସାକ୍ଷି ମେଣ୍ଡେ ଅନ୍‌‍ୱାଦ୍ କାୟ୍ ଜିସୁଙ୍କ୍ ଇଟି ମାନ୍ଦାନ୍‍ ସେଙ୍ଗେ ଅଣ୍ଡ୍‌ ଇଦ୍ ଲେକିତନ୍ \xt ୧:୧-୩\xt* । ଯୋହନ୍‌‌ତେ ଇଦ୍ ଚିଠି ଲେକାନାଲ୍‌ଦ୍ ବାତେଙ୍କ୍‍ଇତ୍କେ ଅଦୁତ୍ ଅନାଦ୍‌ ୱେଡ଼୍‍କେ ପୁରା ମାଡ଼ାନାଦ୍ \xt ୧ ଯୋହନ୍‌‌ ୧:୪\xt* ମେଣ୍ଡେ ବିଶ୍ୱାସିଡ଼୍‍କିଙ୍କ୍ ପାପାମ୍‍ତାଗାଙ୍କ୍ ୱେରେ ମାଡ଼ାନ୍‍ ସେଙ୍ଗେ, \xt ୧ ଯୋହନ୍‌‌ ୨:୧\xt* ନୁ ମିଚ୍ ଶିକ୍ଷାତାଗାଙ୍କ୍ ବିଶ୍ୱାସିଡ଼୍‍କିଙ୍କ୍ ସୁରକ୍ଷା ଇଦାନଙ୍କ୍ \xt ୧ ଯୋହନ୍‌‌ ୨:୨୬\xt* ମେଣ୍ଡେ ବିଶ୍ୱାସିଡ଼୍‍କିଙ୍କ୍ ସୁରକିତ୍ ଇଞ୍ଜ ନିଜାମ୍ ମାଡ଼ାନଙ୍କ୍ \xt ୫:୧୩\xt* ।
\iot ବଇତ୍‍ ଲୋପେ ମାନ୍ଦାନ୍ ମୁକ୍ୟ ବିଷୟ
\io1 ୧. ଯୋହନ୍‌‌ ତାନ୍ ଚିଠିତେ ପରିଚୟ ଇଦାନ୍ ତଡ଼୍ ଲେକାତାଦ୍ ଉଦେଶ୍ୟ ଲେକିତଣ୍ଡ୍ । \ior ୧:୧-୪\ior*
\io1 ୨. ଇଶ୍ୱର୍‍ ବେଲା ୱେସ୍‍ ଆଦ୍‍ତଣ୍ଡ୍‍ ବୁଜା ମାଡ଼ି ଜିସୁନ୍‍ ଲେକାମ୍ ଜିୱୁଣ୍ଡ୍‍ ବାଦ୍‍କାନଙ୍କ୍ କେତିତନ୍ । \ior ୧:୫–୩:୧୦\ior*
\io1 ୩. ଇଶ୍ୱର୍‌ତିଙ୍କ୍ ପ୍ରେମ ମାଡ଼ାନ୍ ବିଷୟ ମାନାଙ୍କ୍ ମନେ ୱାଟିଦୁତଣ୍ଡ୍ । \ior ୩:୧୧–୫:୧୨\ior*
\io1 ୪. ଅଣ୍ଡ୍‌ ତାନ୍ ଲେକା ତେର୍‍ସ୍ପିତଣ୍ଡ୍ । \ior ୫:୧୩-୨୧\ior*
\c 1
\s ଜିୱେ ମାନ୍ଦାନ୍‍ ବାକ୍ୟ
\p
\v 1 \x + \xo ୧:୧ \xo*\xt ଯୋହନ୍‌‌ ୧:୧.\xt*\x*ନାର୍ଗେ କାଲାକଞ୍ଜ ବେନ୍‍ ମିନ୍ଦେ, ଆଦ୍ ଜିୱେତେ ବାକ୍ୟ ବିଷୟତେ ମାମେ ଲେକାନଙ୍କ୍ ଅଦୁତମ୍ । ଅନ୍‌ ଗଟି ମାମେ କେଞ୍ଜ୍‍ତମ୍, ଅଙ୍କ୍‌ ମାମେ ଉଡ଼୍‍ତମ୍ ଇଦ୍ ନିଜାମ୍, ନିଜେତ୍ କଣ୍ଡେତେ ଉଡ଼୍‍ତମ୍ ନୁ ଅଙ୍କ୍‌ ଇଟ୍‍ତମ୍ । 
\v 2 \x + \xo ୧:୨ \xo*\xt ଯୋହନ୍‌‌ ୧:୧୪.\xt*\x*ଜିୱେତେ ଆଦ୍ ବାକ୍ୟ ବେସୁଙ୍କ୍‍ ତଅନ୍‌ଦ୍‍ତେ, ମାମେ ଆଦିଙ୍କ୍ ଉଡ଼୍‍ତମ୍; ଆଦିଙ୍କ୍ ଅଦିନ୍‌ ବିଷୟତେ ମାମେ ଇଦ୍ ଗଟି ସାକ୍ଷ୍ୟ ଇସ୍ କେସମିନ୍ଦେମ୍ ଯେ, ଅନନ୍ତ ଜିୱୁଣ୍ଡ୍‍ ଲେକାମ୍ ଆ ବାବାଲ୍ ଇଶ୍ୱର୍ ତଡ଼୍ ସାରେଦାମ୍ ମାନ୍‍ତେ ନୁ ଅଣ୍ଡ୍‌ ମାନ୍‍ ଗାରେ ତଅନ୍‌ଦିମିନ୍ଦେଣ୍ଡ୍‍ । 
\v 3 ବାତେ ମାନାଡ଼୍ ନିଜାମ୍‍ତେ ଉଡ଼ୁତାଡ଼୍ ନୁ କେଞ୍ଜୁତାଡ଼୍, ମାତର୍ ଆଦ୍ ଗଟ୍ ମିଇ ଗାରେ କେତୁତମ୍ । ଇଦ୍ କେଞ୍ଜି ବାବାଲ୍ ଇଶ୍ୱର୍ ନୁ ତାନ୍ ମାର୍‍ ଜିସୁ କ୍ରିଷ୍ଟନ୍ ତଡ଼୍ ମାମେ ବେନ୍ ସାରେ ବିଷୟ ମିନ୍ଦେ, ଆଗେ ମିଡ଼୍ ବାଗିଦାର୍‍ ଆଦ୍‍ତିଡ଼୍ । 
\v 4 ମାନ୍‍ୱାଦ୍‍ ୱେଡ଼୍‍କେ ବେଲାକି ପୁରା ଆଦ୍‍ତେ ଅଦିନ୍‌ ସେଙ୍ଗେ ମାନାଡ଼୍‍ ଇୱୁସାରେ ଲେକୁତାଡ଼୍‍ ।
\s ଇଶ୍ୱର୍‍ ଆଦୁତଣ୍ଡ୍‍ ୱେସ୍
\p
\v 5 ଇଶ୍ୱର୍‌ତେ ମାର୍‍ ଜିସୁ କ୍ରିଷ୍ଟନାଗାଙ୍କ୍ ମାମେ ବେନ୍ ଗଟି କେଞ୍ଜି କେତୁତମ୍, ଆଦ୍ ଅଦୁତ୍, ଇଶ୍ୱର୍ ଆଦୁତଣ୍ଡ୍‍ ୱେସ୍‍ ଅନାଗେ ଅଣ୍ଡୟ୍‌ ବିନ୍ଦୁ ମିକା ଇକାଡ଼୍ ଇଲେ । 
\v 6 ଅନ୍‌ ତଡ଼୍‍ ମାୟାଦ୍‌ ନିଜମ୍‍ ସତ୍‍ ସମ୍ପର୍କ ମିନ୍ଦେ ଇଞ୍ଜ କେସ୍, ଯଦି ଇକାଡ଼୍‌ତାଗ୍ ମାନ୍‍ତାଡ଼୍, ଗଟ୍‍ତେ ନୁ କାମ୍‍ତେ ମାନାଡ଼୍ ମିତ୍ୟାବାଦିଡ଼୍ ଆଦ୍‍ତାଡ଼୍ । 
\v 7 ବାତେଙ୍କ୍‍ଇତ୍କେ ଇଶ୍ୱର୍‌ତେ ଲେକାମ୍ ମାନାଡ଼୍ ଯଦି ୱେସିନାଗ୍ ମାନ୍‍ତାଡ଼୍, ମାନାଡ଼୍ ନିଜେ ନିଜର୍‍ ଲୋପେ ସାହାଯ୍ୟ ଦର୍କିତ୍ ନୁ ତାନ୍ ମାର୍‍ ଜିସୁନ୍ ନେତୁର୍ ମାନଙ୍କ୍ ସାରେତ୍ ପାପତାଗାଙ୍କ୍ ପରିଷ୍କାର୍ ମାଡ଼ିତେ ।
\p
\v 8 ମାନାଡ଼୍‍ ଯଦି ନିଜେତିଙ୍କ୍ ପାପିଆୟ ଇଞ୍ଜ ଏର୍କେ ମାଡ଼୍‍କେ, ଆଲେକ୍ ନିଜେ ନିଜର୍‍ ଲୋପେ ମିଚ୍‍ କେତୁତାଡ଼୍ ମାନାଗେ ସୁଦୁର୍‍ ବା ସତ୍‍ ଇଲେ । 
\v 9 ବାତେଙ୍କ୍ଇତ୍କେ ଇଶ୍ୱର୍‌ତେ ଗାରେ ଯଦି ମାନାଦ୍‍ ପାପ୍ ସ୍ୱୀକାର୍ ମାଡ଼ିତାଡ଼୍, ଇଶ୍ୱର୍ ତାନ୍ ଅନ୍‌‍ ଆଦେଶ୍‌ତେ ମାନ୍‍ ପରୁ ନ୍ୟାୟତେ ବ୍ୟବହାର୍‌ ମାଡ଼ିତନ୍ ଅଣ୍ଡ୍‌ ମାନ୍‍ ପାପ କ୍ଷମା ମାଡ଼ି ସାରେ ଅଦର୍ମତେ ମାନାଙ୍କ୍ ପରିଷ୍କାର୍ ମାଡ଼ାନଙ୍କ୍‍ ବିଶ୍ୱସ୍ତ ବା ନ୍ୟାୟବାନ୍‍ ଆଦ୍‍ତଣ୍ଡ୍‍ । 
\v 10 ମାନାଡ଼୍ ପାପ୍ ମାଡ଼ାୱାଡ଼୍ ଇଞ୍ଜ ଯଦି କେତିତାଡ଼୍, ଇଶ୍ୱର୍‌ତିଙ୍ଗ୍ ମିତ୍ୟାବାଦି ଇଞ୍ଜ ଲିନ୍ଦେ ମାଡ଼ୁତାଡ଼୍ ମେଣ୍ଡେ ଅନ୍‌ ବାକ୍ୟ ମାନ୍‍ ହୃଦୟତାଗ୍ ଇଲେ ।
\c 2
\s ତ୍ରାଣକର୍ତ୍ତାଲ୍ ଜିସୁ
\p
\v 1 ଆ ନା ପିଲାନଡ଼ି, ମିକିଙ୍କ୍ ନାୟାଦ୍ ଇଦ୍ ଚିଟି ଲେକେନାଦ୍ କାମ୍, ଇଦ୍ କାର୍‍ସ୍ ବେଲାନ୍ କି ମେଣ୍ଡେ ପାପ୍ ମାଡ଼୍‍ମାଟ୍ । ମେଣ୍ଡେ ମିଡ଼୍ ବେଲାନ୍ ପୁନ୍‍ତିଡ଼୍, ବେନ ଯଦି ପାପ୍‍ ମାଡ଼ିତନ୍, ମାନ୍‍ ସେଙ୍ଗେ ବାବାଲ୍ ଇଶ୍ୱର୍‌ତାଗେ କୃପାବିକ୍ଷା ମାଡ଼ାନଙ୍କ୍ ୱେରଣ୍ଡ୍ ଗାଟି ଦାର୍ମାମ୍‌ ନାରୁଣ୍ଡ୍ ମିନ୍ଦେଣ୍ଡ୍ ଅଣ୍ଡ୍‌‍ ପ୍ରବୁ ଜିସୁକ୍ରିଷ୍ଟ । 
\v 2 ଅଣ୍ଡ୍‌ କ୍ରିଷ୍ଟ ନିଜେ ମାନାଦ୍‍ ବା ପୁରା ନାରୁଣ୍ଡ୍‍ ଜାତିତେ ପାପ୍ କ୍ଷମା ସେଙ୍ଗେ ଅଣ୍ଡ୍‌ ନିଜେ ବଲି ଆସ୍‍ ମିନ୍ଦେଣ୍ଡ୍‍ ।
\p
\v 3 ଇଶ୍ୱର୍‍ ଗଟ୍‍ତେ ଲେକାମ୍ ଆଦାନ୍ ସେଙ୍ଗେ ମାମେ ନିଜାମ୍ ଅଙ୍କ୍‌ ପୁନ୍‍ତମ୍‍ । 
\v 4 ଯଦି ବେନ କେତିତନ୍ ଯେ, ଅଣ୍ଡ୍‌ ଇଶ୍ୱର୍‌ତିଙ୍କ୍ ପୁନ୍‍ତନ୍, ଆଗେକ୍‍ ବା ଅଣ୍ଡ୍‌ ଅଙ୍କ୍‌ ଗଟି ପାଲନ୍ ମାଡ଼ଣ୍ଡ୍, ଅଣ୍ଡ୍‌ ୱେରଣ୍ଡ୍ ମିତ୍ୟାବାଦି; ଆଦ୍ ସାରେଦାମ୍ ସତ୍‍ତେ ପଡ଼ିୟେ ଇଲା । 
\v 5 କିନ୍ତୁ ବେନ ଅନ୍‌‍ ବାକ୍ୟ ପାଳନ୍ ମାଡ଼ିତଣ୍ଡ୍‍ ଇଶ୍ୱର୍‌ତାଗ୍‍ ଅନ୍‌‍ୱାଦ୍‍ ଗଟ୍‍ତେ ପାଲନ୍ ମାଡ଼ିତନ୍; ଇଶ୍ୱର୍‌ତେ ସେଙ୍ଗେ ଅନାଦ୍‌ ପ୍ରେମ ପାଏମ୍ ଆସ୍‍ମାନ୍ତନ୍ । ଜିୱେ ଇଶ୍ୱର୍‌ତେ ସତ୍‍ତା ମାନାଡ଼୍ ଯେ ଏର୍କାମାଡ଼ୁତାଡ଼୍; ଇଦ୍ ନିଜାମ୍‍ତେ ବେଲାନ୍ ପୁନ୍ଦେ ପାର୍‍ତାଡ଼୍ ? 
\v 6 ବେନ ଇଶ୍ୱର୍‌ତାଗ୍‍ ମିନ୍ଦେନ୍‍ ଇଞ୍ଜ କେତିତଣ୍ଡ୍‍, ଅଣ୍ଡ୍‌ କ୍ରିଷ୍ଟ ଜିସୁନ୍ ଲେକାମ୍ ଜୀବନ୍ ଯାପନ୍ ମାଡ଼ିଣ୍ଡ୍‍ ।
\s ପୁନାଦ୍‍ ଆଦେଶ୍‍
\p
\v 7 \x + \xo ୨:୭ \xo*\xt ଯୋହନ୍‌‌ ୧3:3୪.\xt*\x*ପ୍ରିୟ ସାଙ୍ଗନଡ଼ି ! ବେନ୍ ଗଟ୍ ବିଷୟତେ ଲେକାନଙ୍କ୍ ଆଦୁତାନ୍, ଆଦ୍ ମୁନେଙ୍କ୍ କଞ୍ଜ୍ ପୁନାଦ୍‍ ଆୟ । ନାର୍ଗେ ଦିନାକଞ୍ଚ୍‍ ମିଡ଼୍ ଆଦ୍ କେଞ୍ଜ ୱାଦୁତିଡ଼୍, ମାମେ ପ୍ରଚାର୍ ମାଡ଼ାନ୍ ଗଟିନେ ଆୱୁ ଆଦେଶ୍‍ ମିଡ଼୍ କେଞ୍ଜ୍‍ତିଡ଼୍ । 
\v 8 ଇତ୍କେ ଇଦିଙ୍କ୍ ଅଣ୍ଡୟ୍‌‍ ପୁନାଦ୍‍ ଆଦେଶ୍‍ ଲେକାମ୍ ଇଗେ ନାନ୍‍ ଲେକ୍‍ତାନ୍, ବାତେଙ୍କ୍‍ଇତ୍କେ ଇଦିନାଦ୍ ନିଜାମ୍ ମାତର୍‍ କ୍ରିଷ୍ଟନାଗେ କାମ୍‌ ଆତ୍‍ତେ ନୁ ମିଡ଼୍ ମିକା ନିଜେତ୍ ଜିୱେତାଗ୍ ଅନାଦ୍‌ ନିଜାତାଦ୍ ଏର୍କା ମାଡ଼େ ପାର୍‍ଦୁତିଡ଼୍‍; ବାତେଙ୍କ୍ଇତ୍କେ ଇକାଡ଼୍ ମାୟିଆଦୁତ୍ ନୁ ନିଜାତାଦ୍‍ ୱେସ୍ ଇଞ୍ଜେ ଆସମିନ୍ଦେ ।
\p
\v 9 ଯଦି ବେନ କେତ୍‍କେ, ଇଦ୍ ୱେସ୍‍ତାଗ୍‍ ଅଣ୍ଡ୍‌‍ ମିନ୍ଦେଣ୍ଡ୍‍, ବା ଅଣ୍ଡ୍‌‍ ତାନ୍ ତାମୁଙ୍କ୍ ପାସ୍‍କ ମାତ୍‍କେ, ଅଣ୍ଡ୍‌ ସାରେଦାମ୍ ଇକାଡ଼୍‌ତାଗ୍‍ ମାନ୍ଦାନନ୍ । 
\v 10 ବେନ ଆୟି ନିଜେତ୍ ତାମୁଙ୍ଗ୍ ପ୍ରେମ ମାଡ଼ିତନ୍, ଅଣ୍ଡ୍‌‍ ୱେସିନାଗ୍‍ ମିନ୍ଦେଣ୍ଡ୍‍; ଅଣ୍ଡ୍‌ ଆସାମ୍‌ ତାଲ୍‍ଗି ରାଲନ୍ । 
\v 11 ଇତ୍କେ ବେନ୍ ନାରୁଣ୍ଡ୍ ତାନ୍ ତାମୁଙ୍କ୍ ଗୃଣା ମାଡ଼ିତନ୍, ଅନ୍‌ ଇକାଡ଼୍‌ତାଗ୍ ମିନ୍ଦେଣ୍ଡ୍‍, ଅଣ୍ଡ୍‌ ଇକାଡ଼୍‍ ତାଗେ ବିଚରଣ ମାଡ଼ିତନ୍, ତାନ୍ ଆଦାନାଦ୍‍ ଆର୍ ଅଣ୍ଡ୍‌ ପୁନ୍ଦାଙ୍କ୍‍ ପାର୍‍ୱଣ୍ଡ୍, ଆମାସ୍‍ ଇକାଡ଼ା ଅଂକିଙ୍କ୍‌ କାନାଲ୍‌ ମାଡ଼ି ନେଃଏତିତ୍‍ ।
\p
\v 12 ପିଲାନଡ଼ି ! ମିକିଙ୍କ୍ ନାନେ ଇଦ୍ ଚିଟି ଲେକ୍‍ତାନ୍, ବାତେଙ୍କ୍ଇତ୍କେ କ୍ରିଷ୍ଟନ୍ ପେଦେର୍ ସେଙ୍ଗେ ମିୟାଦ୍ ପାପ୍ କ୍ଷମା ଆତ୍‍ତେ । 
\v 13 ଆନିଦାଦିଡ଼୍, ମିକିଙ୍କ୍ ଇଦ୍ ଚିଟି ଲେକ୍‍ତାନ୍; ବାତ୍‍ତେଙ୍କ୍ଇତ୍କେ, ନାର୍ଗେ ଦିନାକଞ୍ଜ୍ ବେନ ମିନ୍ଦେଣ୍ଡ୍‍; ଅଙ୍କ୍‌ ମିଡ଼୍ ପୁତ୍‍ତିଡ଼୍ । ଲେୟେ ସମାଜ୍, ମିକିଙ୍କ୍ ମିକା ଇଦ୍ ଚିଟି ଲେକୁତାନ୍, ବାତେଙ୍କ୍‍ଇତ୍କେ ମିଡ଼୍ ପାପ୍‍ଆତ୍ମାତିଙ୍କ୍ ଆରେମ୍‍ ମାଡ଼େ ପାର୍‍ତିଡ଼୍‍ ।
\p
\v 14 ଆ ପିଲାନଡ଼ି ! ଇଦ୍ ଚିଟି ମିଇ ସେଙ୍ଗେ ଲେକୁତାନ୍, ବାତେଙ୍କ୍ଇତ୍କେ ପରମ୍ ବାବାଙ୍କ୍ ମିଡ଼୍ ପୁତ୍‍ତିଡ଼୍ । ବାବାଲଡ଼ି ! ମିକିଙ୍କ୍ ଇଦ୍ ଚିଟି ଲେକୁତାନ୍, ବାତେଙ୍କ୍ଇତ୍କେ ବେନ ନାର୍ଗେ ଦିନାକଞ୍ଚ୍‍ ମିନ୍ଦେଣ୍ଡ୍‍, ମିଡ଼୍ ଅଙ୍କ୍‌ ପୁତ୍‍ତିଡ଼୍ । ଲେୟେ ସମାଜ୍ ! ମିକିଙ୍କ୍ ଆନ୍‌ତେ ଇଦ୍ ଚିଟି ଲେକ୍‍ତାନ୍, ବାତେଙ୍କ୍ଇତ୍କେ ମିଡ଼୍‍ ଶକ୍ତି ମାନ୍ଦାନଡ଼ି, କ୍ରିଷ୍ଟନ୍‍ ବାକ୍ୟ ମିୟାଗ୍‍ ହୃଦୟତାଗ୍‍ ମିନ୍ଦେ ନୁ ମିଡ଼୍ ପାପ୍‍ଆତ୍ମାକିଙ୍କ୍ ଆରା ମାଡ଼୍‍ତିଡ଼୍‍ ।
\s ଜଗତ୍‍ତିଙ୍କ୍‍ ପ୍ରେମ ମାଡ଼୍‍ମାଟ୍‍
\p
\v 15 ମିଡ଼୍ ଜଗତ୍‍ତିଙ୍କ୍‍ ବା ଆଗେ ମାନ୍ଦାନ୍‍ ବିଷୟ୍‍ ସାରେତିଙ୍କ୍‍ ପ୍ରେମ ମାଡ଼୍‍ମାଟ୍‍ । ଯଦି ବେନ ସଂସାର୍‍ତିଙ୍କ୍‍ ପ୍ରେମ ମାଡ଼ିତଣ୍ଡ୍‍, ଆଲେକେ ଅନାଗ୍‍ ବାବାନ୍ ପ୍ରେମ ଇଲେ । 
\v 16 ବାତେଙ୍କ୍‍ଇତ୍‍କେ ମେନ୍ଦୁଲ୍‍ ଅବିଲାଷ, କଣ୍ଡେତାଦ୍‍ ଅବିଲାଷ ନୁ ଜାଗତିକ ଗର୍ବ, ସଂସାରତାଗ୍‍ ମାନ୍ଦାନ୍‍ ଇୱୁସାରେ ବିଷୟ୍‍ ବାବାନାଗାଙ୍କ୍ ଆୟ, ମାତର୍‌ ସଂସାର୍‍ତାଙ୍କ୍‍ ତିଆର୍‍ ଆତ୍‍ତେ । 
\v 17 ନାରୁନ୍ ଜଗତ୍‍ ନୁ ତାନ୍ ବେନ୍ ସାରେ ବିଷୟ୍‍ କାମନା ମାଡ଼ିତଡ଼୍, ଆଦ୍ ସାରେ ବିନଷ୍ଟ ଗଟେମ୍ ଆଦ୍‍ତେ, ବାତେଙ୍କ୍‍ଇତ୍କେ ବେନଆଇ ଇଶ୍ୱର୍‌ତେ ଇଚ୍ଛା ପାଲନ୍ ମାଡ଼ିତନ୍, ଅଣ୍ଡ୍‌ ବେସୁଙ୍କ୍‌ବା ଡଲଣ୍ଡ୍‍ ।
\s କ୍ରିଷ୍ଟନ୍ ଶତ୍ରୁଡ଼୍
\p
\v 18 ପିଲାନଡ଼ି ! ମାଡ଼େଙ୍ଗ୍‍ ଦିନାମ୍‍ ଗାରେ ଏୱୁତେ । କ୍ରିଷ୍ଟନ୍ ଶତ୍ରୁଡ଼୍ ୱାଦାନାଦ୍ ସମୟ ଆତ୍‍ତେ ଇଞ୍ଜ୍ କେଞ୍ଜ୍‍ତିଡ଼୍, କ୍ରିଷ୍ଟନ୍ ନାର୍ଗେ ଶତ୍ରୁଡ଼୍ ଇଞ୍ଜେ ତନ୍ଦୁତଡ଼୍; ଆସୁଙ୍ଗ୍ ମାଡ଼େଙ୍ଗ୍‍ ଦିନାମ୍‍ ଗାରେ ଏୱୁତା ଇଞ୍ଜ୍ ମାମେ ପୁତ୍‍ତମ୍ । 
\v 19 ଇଡ଼୍‍ ମୁନେଙ୍କ୍‍ କଞ୍ଜ୍ ମାନ୍‍ ମାନ୍ଦେତେ ନାରୁଡ଼୍ ଆୟଡ଼୍, ଅଦିନ୍‌ ସେଙ୍ଗେ ଇଡ଼୍ ମାନାଙ୍କ୍ ୱିଡ଼୍‍ସ୍‍ତଡ଼୍, ମାନ୍‍ ମାନ୍ଦେ ଆସ୍‍ମାନ୍ଦାନ୍ ଇତ୍‍କେ, ଅଡ଼୍‌ ମାନ୍‍ତଡ଼୍ ମାନେଡ଼୍; ମାନାଗାଙ୍କ୍ ଯେକା ଆଦାନ୍‍ତଡ଼୍ ଅଡ଼୍‌ ମାନ୍‍ ମାନ୍ଦେତଡ଼୍ ଆୟଡ଼୍ ଇଞ୍ଜ ଟିକ୍‍ ପ୍ରମାନ୍ ଆସ୍‍ମିନ୍ଦେ ।
\p
\v 20 ଇତ୍କେ ମିଡ଼୍ କ୍ରିଷ୍ଟନ୍ ଅନୁଗ୍ରହ ତାଗାଙ୍କ୍ ପବିତ୍ରଆତ୍ମାନ୍‍ତଡ଼୍ ଅବିଷିକ୍ତ ଆସ୍‍ମିନ୍ଦେଡ଼ି; ମିଡ଼୍ ସାରେତଡ଼୍ ସତ୍‍ ବାତେ ପୁତ୍‍ତିଡ଼୍ । 
\v 21 ମିଡ଼୍‍ ସତ୍‍ ପୁନ୍‍ୱାଙ୍କ୍ ନାନ୍‍ ମିକିଙ୍କ୍ ଇଦ୍ ଚିଟି‍ ଲେକ୍‍ତନନ୍, ଆଦ୍ ଆୟ; ମାତର୍‌ ସ୍ପଷ୍ଟତେ ପୁତ୍‍ତିଡ଼୍ ଇଞ୍ଜ ଲେକୁତାନ୍, ସତ୍‍ ତାଗାଙ୍କ୍ ବେନେଆଇ ମିତ୍ୟା ତିଆର୍‍ ଆଦ୍‍ଦେ ପାର୍‍ୱ ଇଞ୍ଜ ପୁତ୍‍ତିଡ଼୍ ।
\p
\v 22 ଆଲେକ୍ ମିତ୍ୟାବାଦି ବେନ ? ଜିସୁଙ୍କ୍ ତ୍ରାଣକର୍ତାଲ୍‍ କ୍ରିଷ୍ଟ ଇଞ୍ଜ ବେନ ସ୍ୱୀକାର୍ ମାଡ଼ଣ୍ଡ୍, ଅଣ୍ଡ୍‌ ମିତ୍ୟାବାଦି । ମେଣ୍ଡେ ଅଣ୍ଡ୍‌‍ କ୍ରିଷ୍ଟନ୍ ଶତ୍ରୁ ନାରୁଣ୍ଡ୍‍, ବାବାଲ୍ ଇଶ୍ୱର୍ ନୁ ତାନ୍ ମାର୍‍ ଜିସୁ, ଇର୍‍ୱୁଡ଼୍‍କ୍‍ ଆସ ଅଣ୍ଡ୍‌‍ ଗୃନା ମାଡ଼ିତଣ୍ଡ୍‍ । 
\v 23 ମାତର୍‌ ବେନ ମାରିଙ୍କ୍ ଗୃନା ମାଡ଼ିତନ୍, ଅଣ୍ଡ୍‌ ବାବାଙ୍କ୍ ମିକା ଗୃନା ମାଡ଼ିତନ୍; ବେନ ମାରିଙ୍କ୍ ଗ୍ରହନ୍‌ ମାଡ଼ିତନ୍, ଅଣ୍ଡ୍‌ ତାନ୍ ଜିୱେତେ ବାବାନ୍ ସତ୍ତା ମିକା ଏର୍କେ ମାଡ଼ିତନ୍ ।
\p
\v 24 ମୁନେଙ୍କ୍‍କଞ୍ଜ୍ ବେନ୍ ଗଟ୍‍ କେଞ୍ଜ ୱାତ୍‍ତିଡ଼୍, ଆଦିନ୍ ସେଙ୍ଗେ ବିଶ୍ୱସ୍ତ ଆସ୍ ମାନୁଟ୍ । ମୁନେଙ୍କ୍ କଞ୍ଜ୍ ବାତେ କେଞ୍ଜ୍‍ତିଡ଼୍, ଅଙ୍କ୍‌ ଯଦି ଲେକେତ୍‍ ନେଏତେ ପାର୍‍ତିଡ଼୍, ଆଲେକେ, ମିଡ଼୍ ବାବାଙ୍କ୍ ଇଶ୍ୱର୍ ନୁ ତାନ୍ ମାରିନ୍‍ ତୋଡ଼୍ ସାରେଦିନାତ୍ ସେଙ୍ଗ୍ କାଇଲି ମାନ୍‍ତିଡ଼୍ । 
\v 25 ମାକିଂଙ୍କ୍ ଇଦ୍ ଦାନ ମାଡ଼ାନ୍ ସେଙ୍ଗେ ସ୍ୱଂୟ କ୍ରିଷ୍ଟ ପ୍ରତିଜ୍ଞା ମାଡ଼ି ମିନ୍ଦେନ୍ ଇଦ୍‍ଏକେ ଅନନ୍ତ ଜିୱୁନ୍ ।
\p
\v 26 ବେନଡ଼୍ ମିକିଂଙ୍କ୍ ତିପାଲ୍‍ ମାଡ଼ାନଙ୍କ୍ ଚେଷ୍ଟା ମାଡ଼ୁତଡ଼୍, ଅଡ଼୍‌‍ ବିଷୟ୍‍ତେ ମିକିଂଙ୍କ୍ ସତର୍କ ମାଡ଼ିଦୁତେ । 
\v 27 ମିକିଂଙ୍କ୍ କ୍ରିଷ୍ଟ ଜିସୁ ତାନ୍ ପବିତ୍ରଆତ୍ମାତେ ପରିପୂର୍ଣ୍ଣ ମାଡ଼ିମିନ୍ଦେନ୍ । ବେସୁଙ୍କ୍‍ ଆୟ୍‍ନା ଆଦ୍ ଆତ୍ମା ମୀଇ ହୃଦୟତାଗ୍ ବିରାଜ୍‍ମାନ୍, ୱେରେ ନାରୁଡ଼ାଗାଙ୍କ୍ ଶିକ୍ଷା ଗ୍ରହନ୍‌ ମାଡ଼ାନାଦ୍ ମିୟାଦ୍ ଦର୍‍କାର୍‍ ଇଲେ । ପବିତ୍ରତ୍ମା ମିକିଂଙ୍କ୍ ସାରେ ବିଷୟତେ ସତ୍‍ ଶିକ୍ଷା ଇଦ୍‍ତନ୍ ତାନ୍ ଶିକ୍ଷା ମିଚ୍‍ ଆୟ । ଆଦ୍ ଆତ୍ମାତେ ଶିକ୍ଷା ପାଲନ୍ ମାଡ଼ି କ୍ରିଷ୍ଟନ୍ ତଡ଼୍ କାଇଲି ମାନୁଟ୍ ।
\p
\v 28 ଆ ପିଲାନଡ଼ି ! କ୍ରିଷ୍ଟନ୍‍ତଡ଼୍ କାଇଲି ମାନ୍‍ନୁଟ୍, ଆଲେକେ ଅନ୍‌‍ୱାଦ୍‍ ବେସୁଙ୍କ୍‍ ଆବିର୍ବାବ ଆଦ୍‍ତେ, ମାନାଡ଼୍ ୱେର୍ରେ ଇଲ୍‍ୱେ ଅନ୍‌ ମୁନେ ଆଦେ ପାର୍‍ତାଡ଼୍, ଆୱୁ ଦିନାକିନେ ମାନାଙ୍କ୍ ସିଗ୍‍ତଡ଼୍‍ ମିଞ୍ଜାନଙ୍କ୍ ଆୟ । 
\v 29 ମାନାଡ଼୍‍ ପୁତ୍‍ତାଡ଼୍‍ ଯେ, କ୍ରିଷ୍ଟ ପୁରାପୁରି ନ୍ୟାୟବାନ୍ । ଆଗେକ୍‍ବା ମାନାଡ଼୍‍ ପୁତ୍‍ତାଡ଼୍‍ ଯେ, ବେନଡ଼୍‍ ସତ୍‍ କାମ୍‍ ମାଡ଼ିତଡ଼୍‍ ଅଡ଼୍‌‍ ଇଶ୍ୱର୍‌ତେ ମାର୍‍କ୍‍ ।
\c 3
\s ଇଶ୍ୱର୍‌ତେ ପିଲା
\p
\v 1 \x + \xo 3:୧ \xo*\xt ଯୋହନ୍‌‌ ୧:୧୨.\xt*\x*ଇଶ୍ୱର୍‍ ମାନାଙ୍କ୍ ବେସର୍ ପ୍ରେମ ମାଡ଼ୁତନ୍, ସୁଦୁର୍ ଚିନ୍ତା ମାଡ଼ୁଡ଼ାଟ୍ । ମାନ୍‍ ସେଙ୍ଗେ ଅନାଦ୍‌ ପ୍ରେମ ଇସର୍ ନାର୍ଗେ ଯେ, ମାନାଡ଼୍ ଅନ୍‌ ପିଲା ଲେକାମ୍ ଲେକା ଆତ୍‍ତାଡ଼୍ । ନିଜାମ୍ ମାନାଡ଼୍ ଅନ୍‌ ପିଲାନଡ଼୍ ଆଦିନ୍ ସେଙ୍ଗେ ଜଗତ୍ ଇଶ୍ୱର୍‍ ତିଙ୍କ୍ ପୁନ୍‍ୱାଙ୍କ୍, ମାନାଙ୍କ୍ ମିକା ଏଞ୍ଚେପାର୍‍ୱ । 
\v 2 ଆ ନା ପ୍ରିୟ ସାଙ୍ଗନଡ଼ି, ଇଞ୍ଜେ ମାନାଡ଼୍ ଇଶ୍ୱର୍‌ତେ ପିଲାନଡ଼୍, ବାତେଙ୍କ୍ଇତ୍କେ ବବିଷ୍ୟତ୍‍ତେ ବାତେ ଆଦ୍‍ତାଡ଼୍, ଇଦ୍‍ ଗଟ୍ ମେଣ୍ଡେ ପ୍ରକାଶ୍ ଆୟକେ । ଇସର୍ ମାତର୍‌ ମାନାଡ଼୍ ପୁତ୍‍ତାଡ଼୍, ବେସୁଙ୍କ୍‍ କ୍ରିଷ୍ଟ ମେଣ୍ଡନ୍‍ଦାମ୍ ୱାଦ୍‍ତନ୍, ମାନାଡ଼୍ ଅନ୍‌‍ୱାଦ୍‍ ନିଜାତାଦ୍‍ ମକମ୍‌ ଉଡ଼ି ଅନ୍‌‍ ଲେକାମ୍ ଆଦ୍‍ତାଡ଼୍ । 
\v 3 ବେନଡ଼୍ କ୍ରିଷ୍ଟନାଗେ ଇଦ୍ ଆଶେ ମାଡ଼ିମିନ୍ଦେଡ଼୍‍, ଅଡ଼୍‌ କ୍ରିଷ୍ଟନ୍ ଲେକାମ୍ ନିଜେତିଙ୍କ୍ ପବିତ୍ର ମାଡ଼ି ନେଃଏତିତଡ଼୍‍ ।
\p
\v 4 ବେନ ଆୟି ପାପ ମାଡ଼ିତନ୍, ଅଣ୍ଡ୍‌ ଇଶ୍ୱର୍‌ତେ ଆଜ୍ଞା ପାଲନ୍ ମାଡ଼ଣ୍ଡ୍, ବାତେଙ୍କ୍ଇତ୍କେ ଅପରାଦ୍‌ ଅର୍ତ ଅଦୁତ୍ ନିୟମ୍‍ ପାଲନ୍ ମାଡ଼୍‍ୱାଦ୍‍ । 
\v 5 \x + \xo 3:୫ \xo*\xt ଯୋହନ୍‌‌ ୧:୨୯.\xt*\x*ମାନାଦ୍‍ ପାପାମ୍‍ କାଞ୍ଜୀ ଆଦାନ୍‍ ସେଙ୍ଗେ କ୍ରିଷ୍ଟ ୱାସ୍‍ମାତ୍‍ତନ୍ ମେଣ୍ଡେ ଅନାଗେ ପାପାମ୍‍ ଇଞ୍ଜ ବାତ୍‍ ଇଲ୍‍ୱେ ମାତ୍‍ତେ । 
\v 6 ବେନ କ୍ରିଷ୍ଟନ୍‍ ତଡ଼୍ କାଇଲି ମାନ୍‍ତଣ୍ଡ୍‍, ଅଣ୍ଡ୍‌ ମେଣ୍ଡେ ପାପିନାରୁଣ୍ଡ୍ ଆଦେ ପାର୍‍ୱଣ୍ଡ୍ । ଇତ୍କେ ବେନ ପାପାମ୍‍ତାଗ୍ ମାନ୍‍ତଣ୍ଡ୍‍, ଅଣ୍ଡ୍‌ କ୍ରିଷ୍ଟଙ୍କ୍ ବେସୁଙ୍କ୍‍ ଉଡ଼ଣ୍ଡ୍, ବେସୁଟ୍‌ ଅଂକିଙ୍କ୍‌ ପୁନ୍‍ଣ୍ଡ୍‍ ।
\p
\v 7 ଆ ପିଲାନଡ଼ି ! ବେନ ମିକିଙ୍କ୍ ପ୍ରତାରିତ ମାଡ଼୍‍ମାକିଣ୍ଡ୍‍ । ବେନ ଆୟି ସତ୍‍କାମ୍ ମାଡ଼ିତନ୍, ଅଣ୍ଡେକେ ମାତର୍‌ କ୍ରିଷ୍ଟନ୍ ଲେକାମ୍ ନିଜାତଣ୍ଡ୍‍ ଦାର୍ମିକ୍ ନାରୁଣ୍ଡ୍‍ । 
\v 8 ବେନ ପାପାମ୍‍ ମାଡ଼ିତଣ୍ଡ୍, ଅଣ୍ଡ୍‌ ସୃଷ୍ଟିତେ ମୁନେଙ୍କ୍ କଞ୍ଜ୍ ପାପାମ୍‍ ମାଡ଼ଡ଼୍‍ ୱାସମାନ୍ଦାନ୍ ଶୟତାନ୍‍ତେ ପେର୍କେ ଆଦାନଣ୍ଡ୍‍ । ଆ ଶୟତାନ୍‍ତେ କାମ୍‍ତିଙ୍ଗ୍ ଦ୍ୱଂସ ମାଡ଼ାନ୍ ସେଙ୍ଗେ ଇଶ୍ୱର୍‌ତେ ମାର୍‍ ୱାସ୍‍ ମାତ୍‍ତଣ୍ଡ୍‍ ।
\p
\v 9 ବେନ ପ୍ରକୃତତେ ଇଶ୍ୱର୍‌ତେ ମାର୍‍; ଅଣ୍ଡ୍‌ ପାପାମ୍‍ ମାଡ଼୍‍ୱେ ମାନ୍‍ତଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‌ତେ ପ୍ରକୃତି ଅନାଗ୍‍ ମିନ୍ଦେ । ଇଶ୍ୱର୍ ତାମ୍‍ ବାବାଲ୍, ଅଣ୍ଡ୍‌ ପାପିଆସ୍ ମାନ୍ଦେ ପାର୍ୱଣ୍ଡ୍‍ । 
\v 10 ଇଗେ ବେନ ଇଶ୍ୱର୍‌ତେ ପିଲା ନୁ ଶୟତାନ୍ ପିଲା ଇଦ୍ ପ୍ରକାଶ୍‍ ଆଦ୍‍ତେ, ବେନ୍ ସତ୍‍କାମ୍ ମାଡ଼ଣ୍ଡ୍ ବା ନିଜର୍‍ ବିଶ୍ୱାସୀ ଏଲାଡ଼୍‍ତାମୁଙ୍କ୍ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଶ୍ୱର୍‌ତେ ପିଲେ ଆୟଣ୍ଡ୍ ।
\s ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ାଟ୍
\p
\v 11 \x + \xo 3:୧୧ \xo*\xt ଯୋହନ୍‌‌ ୧3:3୪.\xt*\x*ୱେରଣ୍ଡ୍ ମେଣ୍ଡେ ଅର୍‍ତୁଙ୍କ୍ ପ୍ରେମ ମାଡ଼ାନଙ୍କ୍ ଆଦ୍‍ତେ, ଇଦ୍ ଗଟ୍ ମୁନେଙ୍କ୍‍ କଞ୍ଜ୍ କେଞ୍ଜ୍‍ତିଡ଼୍ । 
\v 12 ମାନାଡ଼୍ କୟିନ ଲେକାମ୍ ଆୟ୍‍ୱାଡ଼୍ । କୟିନ ଶୟତାନ୍‍ ତଡ଼୍ କାଇଲି ନିଜର୍‍ ତାମୁଙ୍କ୍ ଆୱୁକ୍‍ତଣ୍ଡ୍‍ । ତାନ୍ ତାମୁଙ୍କ୍ ଅଣ୍ଡ୍‌ ବାତ୍‍ତିଙ୍କ୍ ଆୱୁକ୍‍ତଣ୍ଡ୍‍ ? ଅନ୍‌‍ ନିଜର୍‍ କାମ୍ ସତ୍‍ ଇଲ୍‍ୱେ ମାତ୍‍ତେ; କିନ୍ତୁ ତାନ୍ ତାମୁଣ୍ଡ୍ ସାରେଦାମ୍ ନେଲେକାମ୍ ମାଡ଼ମାତ୍‍ଣ୍ଡ୍‍ ।
\p
\v 13 ଆ ନା ଏଲାଡ଼୍‍ତାମୁଣ୍ଡ୍‍ ଇଦ୍ ଜଗତ୍‍ତେ ନାରୁଡ଼୍‍ ଯେ ମିକିଙ୍କ୍ ବେନ ଗୃଣା ମାଡ଼ିତଡ଼୍, ଆଦିଙ୍କ୍ ଆଶର୍ଯ୍ୟ ଆୟ୍‍ମାଟ୍ । 
\v 14 \x + \xo 3:୧୪ \xo*\xt ଯୋହନ୍‌‌ ୫:୨୪.\xt*\x*ଯଦି ମାମ୍‍ କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ୁତାଡ଼୍‍ ମାମେ ପୁତ୍‍ତମ୍ ଯେ, ଇଞ୍ଜେ ମାନାଡ଼୍ ଡଲାନାଦିଙ୍କ୍ ଅତିକ୍ରମ୍ ମାଡ଼ି ଜିୱେ ପାଏମ୍‍ ଆତ୍‍ତାଡ଼୍ । ବେନ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଞ୍ଜେ ଗାଲା ଡଲାନାଗେ ମିନ୍ଦେଣ୍ଡ୍‍ । 
\v 15 ବେନଆୟି ଆନ୍‌ୱେ କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍ ଗୃଣା ମାଡ଼ିତନ୍, ଅଣ୍ଡ୍‌ ୱେରଣ୍ଡ୍ ହତ୍ୟାକାରୀ । ହତ୍ୟାକାରୀଙ୍କ୍‍ ଅନନ୍ତ ଜିୱେତାଗ୍ ଅଦିକାର୍‌ ଇଲେ ଇଞ୍ଜ ମିଡ଼୍ ପୁତ୍‍ତିଡ଼୍ । 
\v 16 ମାନ୍‍ ସେଙ୍ଗେ କ୍ରିଷ୍ଟନାଦ୍ ଜିୱୁଣ୍ଡ୍ ଇତ୍‍ତାଗାଙ୍କ୍ ମାନାଡ଼୍ ପ୍ରେମ ଶିକ୍ଷା ମାଡ଼ୁତମ୍ । କ୍ରିଷ୍ଟିୟାନ୍‍ ଏଲାଡ଼୍‍ତାମୁଙ୍କ୍ ସେଙ୍ଗେ ଜିୱୁଣ୍ଡ୍‍ ଇଦାନଙ୍କ୍ ମାନାଡ଼୍ ମିକା ତିଆର୍ ଆସ୍ ମାନ୍ଦାନାଦ୍ ସାୟେ । 
\v 17 ଯଦି ୱେରଣ୍ଡ୍ ସାଉକାର୍ ନାରୁଣ୍ଡ୍‍ କ୍ରିଷ୍ଟିୟାନ୍‍ ଏଲାଡ଼୍‍ତାମୁଣ୍ଡ୍‍ତେ ଅବାବ୍‍ ଉଡ଼ି ମିକା ଅନ୍‌ ସେଙ୍ଗେ ଦୟା ମାଡ଼ଣ୍ଡ୍, ଅନ୍‌ ହୃଦୟତାଗ୍ ଇଶ୍ୱର୍‌ତେ ପ୍ରେମ ମିନ୍ତେ ଇଞ୍ଜ ଅଣ୍ଡ୍‌ ବେଲାନ୍ କେତେ ପାର୍‍ତନ୍ ? 
\v 18 ପିଲାନଡ଼ି, ମାନାଦ୍‍ ନିଜାମ୍‍ ସତ୍‍ ପ୍ରେମ ଗଟିତିର୍‍ୟାନାଗ୍‍ ନୁ ବାକ୍ୟ କେତାନାଦ୍ କେଞ୍ଜ୍‍କେ ଆସରେ ଆୟ; ଆଦିଙ୍କ୍ କାମ୍‍ଦାଗ୍ ତଅତାନଙ୍କ୍ ଆଦ୍‍ତେ ।
\s ଇଶ୍ୱର୍‌ତେ ଉପାସନାତାଗ୍ ସତ୍‍ ସାହାସ୍
\p
\v 19 ମାନ୍‍ୱାଦ୍‍ ପାଡ଼୍‍ୟି ତଡ଼୍‍ ମାନାଡ଼୍‍ ସତ୍‍ତେ ପିଲା ଇଞ୍ଜ ପୁନ୍‍ତାଡ଼୍‍ । 
\v 20 ଯଦି ମାନ୍‍ ମନ୍ ମାନାଙ୍କ୍ ଦୋଷୀ ମାଡ଼ିତ୍, ମାନାଦ୍‍ ମନେ ନେଏତାନାଦ୍ ଉଚିତ୍ ଯେ, ଇଶ୍ୱର୍ ମାନ୍‍ ମାନ୍‍ତାଗାଙ୍କ୍ ଗାଟି ପରୁ ନୁ ଅଣ୍ଡ୍‌‍ ସାରେ ଗଟି ପୁତ୍‍ତଣ୍ଡ୍‍ । 
\v 21 ଆଦିଙ୍କ୍ ନା ପ୍ରିୟ ନାରୁଡ଼ି ଯଦି ନିଜେତ୍ ମନ୍ ମାନାଙ୍କ୍ ଦୋଷୀ ମାଡ଼, ଇଶ୍ୱର୍‌ତେ ମୁନେ ମାନାଡ଼୍ ସତ୍‍ସାହସୀ ଆଦେ ପାର୍‍ତାଡ଼୍‍ । 
\v 22 ମେଣ୍ଡେ ଅଙ୍କ୍‌ ବାତେ ତାଲ୍‍କିତାଡ଼୍, ଅଣ୍ଡ୍‌ ଆଦ୍‍ ଦାନ ମାଡ଼ିତନ୍, ବାତେଙ୍କ୍ଇତ୍କେ ମାନାଡ଼୍ ଅନ୍‌‍ ଆଦେଶ୍‍ ମାନେମ୍‍ ଅଦୁତାଡ଼୍‍; ମାନାଡ଼୍‍ କାମ୍‍ତଡ଼୍‍ ଅଂକିଙ୍କ୍‌ ସନ୍ତୁଷ୍ଟ ମାଡ଼ୁତାଡ଼୍ । 
\v 23 \x + \xo 3:୨3 \xo*\xt ଯୋହନ୍‌‌ ୧3:3୪; ୧୫:୧୨,୧୭.\xt*\x*ମାନ୍‍ ସେଙ୍ଗେ ଅନାଦ୍‌ ଆଜ୍ଞା ଅଦୁତ୍, ତାନ୍‍ ମାର୍‍ ଜିସୁ କ୍ରିଷ୍ଟନାଗେ ବିଶ୍ୱାସ୍ ମାଡ଼ିକାଡ଼୍ ନୁ କ୍ରିଷ୍ଟନ୍ ଆଦେଶ୍ ଲେକାମ୍ ୱେରଣ୍ଡ୍ ମେଣ୍ଡେ ଆର୍‍ତିଙ୍କ୍ ପ୍ରେମ ମାଡ଼ିକାଡ଼୍ । 
\v 24 ବେନ ଆୟି ଇଶ୍ୱର୍‌ତେ ଆଜ୍ଞା ପାଲନ୍ ମାଡ଼ିତନ୍, ଅଣ୍ଡ୍‌ ଇଶ୍ୱର୍‍ ମାନ୍ଦାନାଦ୍‍ ପୁନ୍ଦେପାର୍‍ଦ୍‍ତଣ୍ଡ୍‍, ଅନ୍‌ ହୃଦୟତାଗ୍ ଇଶ୍ୱର୍‍ ମାନ୍‍ତଣ୍ଡ୍‍ । ଇଶ୍ୱର୍ ମାନ୍‍ ହୃଦୟତାଗ୍ ମାନ୍‍ତଣ୍ଡ୍‍, ଇଦ୍ ଗଟ୍ ମାନାଙ୍କ୍ ଇତ୍‍ତେ ଅନାଦ୍‌ ଆତ୍ମା ସାହାଯ୍ୟତେ ମାନାଡ଼୍ ପୁନ୍ଦାନଙ୍କ୍‍ ପାର୍‍ଦୁତାଡ଼୍ ।
\c 4
\s ଇଶ୍ୱର୍‌ତେ ଆତ୍ମା ନୁ ମିଚ୍‍ ଆତ୍ମା
\p
\v 1 ପ୍ରିୟ ସାଙ୍ଗନଡ଼ି ! ଇଶ୍ୱର୍‌ତେ ଆତ୍ମା ପାହେମ୍‍ ଆସ୍‍ମିନ୍ତେ ଇଞ୍ଜ୍ ବେନଡ଼୍ କେତୁତଡ଼୍, ଅଡ଼୍‌‍ ସାରେତଡ଼୍‍କ୍ ବିଶ୍ୱାସ୍‍ ମାଡ଼୍‍ମାଟ୍; ଅଡ଼୍‌‍ ପାଃଏମ୍ ଆସ୍‍ମାନ୍ଦାନ୍‍ ଆତ୍ମା, ସତ୍‍ତେ ଇଶ୍ୱର୍‌ତାଗେ ଆଗାତ୍ କି ଆୟ, ମୁନେ ପରିକ୍ଷା ମାଡ଼ି ଉଡ଼ାଟ୍‍ । ବାତେଙ୍କ୍‍ ଇତ୍କେ ଇଞ୍ଜେ ନାର୍ଗେ ବଣ୍ଡବାବବାଦିଡ଼୍‍ ସାରେତାକ୍ ବିଚରଣ୍ ମାଡ଼ୁତଡ଼୍ । 
\v 2 ଅଡ଼୍‌ ଇଶ୍ୱର୍‌ତେ ଆତ୍ମା ପାହେମ୍‍ ଆସ୍‍ମିନ୍ଦେଡ଼୍ କି ଇଲେ, ତାନାଦ୍ ପୁନ୍ଦାନାଦ୍ ଉପାୟ ଅଦୁତ୍, ବେନ୍ ନାରୁନାଗେ ଇଶ୍ୱର୍‌ତେ ଆତ୍ମା ଅଦିଷ୍ଠତ, ଅଣ୍ଡ୍‌ କୁଲେମ୍‍ ଲେଙ୍ଗ୍‍ଦେ ସ୍ୱୀକାର୍ ମାଡ଼ିତନ୍ ଯେ, ଜିସୁ କ୍ରିଷ୍ଟ ନାରୁନ୍ ଲେକାମ୍ ୱାସ୍‍ମାତ୍‍ତଣ୍ଡ୍‍ । 
\v 3 କିନ୍ତୁ ବେନ୍ ଜିସୁନ୍ ବିଷୟତେ ଇଦ୍ ଗଟ୍ ସ୍ୱୀକାର୍ ମାଡ଼ଣ୍ଡ୍, ଅଣ୍ଡ୍‌ ବେସୁଙ୍କ୍‍ ମିକା ଇଶ୍ୱର୍‌ତେ ଆତ୍ମା ଲାବ୍ ମାଡ଼ଣ୍ଡ୍, କ୍ରିଷ୍ଟନ୍ ଶତ୍ରୁନାଗାଙ୍କ୍ ଅଣ୍ଡ୍‌ ଆଦ୍‍ ଆତ୍ମା ପାଏମ୍‍ ଆତ୍‍ତଣ୍ଡ୍‍, ଇଦ୍ ଆତ୍ମାତେ ଆଗମନ୍ ବିଷୟତେ ମିଡ଼୍ କେଞ୍ଜ୍‍ତିଡ଼୍ ଆଦ୍ ଇଞ୍ଜେ ଇଦ୍ ଜଗତ୍‍ତାଗେ ମିନ୍ଦେ ।
\p
\v 4 କିନ୍ତୁ ପିଲାନଡ଼ି ! ମିଡ଼୍ ଇଶ୍ୱର୍‌ତେ ପିଲା । ଆ ବୁସା ମାଡ଼ାନ୍‍ ବାବବାଦୀଡ଼୍‍କ୍‍ ମିଡ଼୍ ଆରା ମାଡ଼୍‍ତିଡ଼୍, ବାତେଙ୍କ୍‍ଇତ୍କ ମୀଇ ହୃଦୟତାଗ୍ ବାସେ ମାଡ଼ମାନ୍ଦାନ୍ ଇଶ୍ୱର୍‌ତେ ଆତ୍ମା, ସଂସାର୍‍ତେ ନାରୁଡ଼୍‍ ଆତ୍ମାତାଗାଙ୍କ୍ ଅଦିକ୍‌ ଶକ୍ତିଶାଳି । 
\v 5 ବୁସା ମାଡ଼ାନ୍‍ ବାବବାଦୀଡ଼୍ ସଂସାର୍‍ତେ ଗଟି କେସ ଉଡୁତଡ଼୍‍ ନୁ ସାଂସାରିକ୍‍ ନାରୁଡ଼୍ ଅଡ଼୍‌‍ ଗଟି କେଞ୍ଜୁତଡ଼୍ । 
\v 6 କିନ୍ତୁ ମାନାଡ଼୍ ଇଶ୍ୱର୍‌ତେ ନାରୁଡ଼୍‍ । ବେନ ଆୟି ଇଶ୍ୱର୍‌ତିଙ୍କ୍ ପୁତ୍‍ତଣ୍ଡ୍‍, ଅଣ୍ଡ୍‌ ମାନ୍‍ ସେଙ୍ଗେ କେଞ୍ଜିତନ୍ । ବେନଡ଼୍ ଇଶ୍ୱର୍‌ତଡ଼୍ ଆୟଡ଼୍, ଅଡ଼୍‌ ମାନ୍‍ ଗଟି କେଞ୍ଜଡ଼୍ । ସତ୍ ଆତ୍ମା ନୁ ମିଚ୍‍ ଆତ୍ମା ଲୋପେ ଇଦ୍ ୱେରେ ମାନାଡ଼୍ ଉଡ଼େ ପାର୍‍ତାଡ଼୍ ।
\s ଇଶ୍ୱର୍ ପ୍ରେମମୟ
\p
\v 7 ଆ ନା ପ୍ରିୟ ସାଙ୍ଗନଡ଼ି ! ନିଜର୍‍ ନିଜର୍‍ ଲୋପେ ପ୍ରେମ ମାଡ଼ାଟ୍, ବାତେଙ୍କ୍ଇତ୍କେ ପ୍ରେମ ଇଶ୍ୱର୍‌ତାଗାଙ୍କ୍ ୱାତ୍‍ତେ । ବେନନ୍ ହୃଦୟତାଗ୍ ପ୍ରେମ ମିନ୍ଦେ, ଅଣ୍ଡ୍‌ ଇଶ୍ୱର୍‌ତେ ପିଲା, ଅଣ୍ଡ୍‌ ଇଶ୍ୱର୍‌ତିଙ୍ଗ୍ ପୁତ୍‍ତଣ୍ଡ୍‍ । 
\v 8 ବେନ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଇଶ୍ୱର୍‌ତିଙ୍କ୍ ପୁନଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‍ ପ୍ରେମମୟ । 
\v 9 ଇଶ୍ୱର୍ ତାନ୍ ୱେରଣ୍ଡେ ଇଞ୍ଜ ମାର୍‍ ଜିସୁଙ୍କ୍ ଜଗତ୍‍ତାଗ୍ ରସ୍‍ମିକା ମାନ୍‍ ସେଙ୍ଗ୍ ଅନାଦ୍‌ ପ୍ରେମ କେସ୍‍ ମିନ୍ତେନ୍, ଆ ଜିସୁନ୍ ତଡ଼୍ ମାନ୍ଡ଼୍ ଅନନ୍ତ ଜିୱେ ପାଏମ୍‍ ଆଦ୍‍ତାଡ଼୍ । 
\v 10 ଇଦ୍‍ କେ ନିଜାତାଦ୍‍ ପ୍ରେମ, ମାନାଡ଼୍ ଇଶ୍ୱର୍‌ତିଙ୍କ୍ ପ୍ରେମ ମାଡ଼୍‍ୱାଡ଼୍‍, ଅଣ୍ଡ୍‌ ମାନାଙ୍କ୍ ପ୍ରେମ ମାଡ଼ି, ମାନ୍‍ ପାପାମ୍‍ କାଞ୍ଜି ଆଦାନ୍ ସେଙ୍ଗେ ତାନ୍ ମାରିଙ୍କ୍‍ ରଅତଣ୍ଡ୍‍ ।
\p
\v 11 ଆ ନା ପ୍ରିୟ ସାଙ୍ଗନଡ଼ି, ଯଦି ଇଶ୍ୱର୍ ମାନାଙ୍କ୍ ଇଦ୍‍ଲେକାମ୍ ପ୍ରେମ ମାଡ଼୍‍ତନ୍, ମାନାଡ଼୍ ମିକା ନିଜେ ନିଜେତିଙ୍ଗ୍ ପ୍ରେମ ମାଡ଼ାନ୍‍ ଦର୍‍କାର୍‍ । 
\v 12 \x + \xo ୪:୧୨ \xo*\xt ଯୋହନ୍‌‌ ୧:୧୮.\xt*\x*ବେନ ବେସୁଙ୍କ୍‍ ଇଶ୍ୱର୍‌ତିଙ୍କ୍‍ ଉଡ଼ଣ୍ଡ୍, କିନ୍ତୁ ମାନାଡ଼୍ ଯଦି ନିଜେ ନିଜେତିଙ୍ଗ୍ ପ୍ରେମ ମାଡ଼ିତାଡ଼୍, ଇଶ୍ୱର୍ ମାନାଗେ ମାନ୍‍ତଣ୍ଡ୍‍ ନୁ ମାନାଗେ ଅନାଦ୍‌ ପ୍ରେମ ପୁରାପୁରି ଲାବ୍ ମାଡ଼ିତଣ୍ଡ୍‍ ।
\p
\v 13 ମାନାଡ଼୍ ଯେ ଇଶ୍ୱର୍‍ ତଡ଼୍ କାଇଲି ନୁ ଇଶ୍ୱର୍ ମାନ୍‍ ହୃଦୟତାଗ୍ ମାନ୍‍ତନ୍, ଇଦିନ୍ ନିଦର୍ଶନ୍ ଅଦୁତ୍, ଅଣ୍ଡ୍‌ ପବିତ୍ରଆତ୍ମାଙ୍କ୍ ମାନାଙ୍କ୍ ଇତ୍‍ତନ୍ । 
\v 14 ଜଗତ୍‍ତେ ତ୍ରାଣକର୍ତ୍ତାଲ୍ ଲେକାମ୍ ଇଶ୍ୱର୍ ରସ୍‍ମାନ୍ଦାନ୍ ତାନ୍ ମାରିଙ୍କ୍ ନିଜର୍‍ କଣ୍ଡେତେ ଉଡ଼ି ଅନ୍‌‍ ବିଷୟ୍‍ତେ ମାମେ ୱେରେତଡ଼୍‍କିଙ୍କ୍‍ କେତୁତମ୍ । 
\v 15 ବେନାୟି ଜିସୁଙ୍କ୍ ଇଶ୍ୱର୍‌ତେ ମାର୍‍ ଇଞ୍ଜ ବେନ ସ୍ୱୀକାର୍ ମାଡ଼ିତନ୍, ଇଶ୍ୱର୍ ଅନ୍‌ ହୃଦୟତାଗ୍ ମାନ୍‍ତନ୍ ନୁ ଅଣ୍ଡ୍‌ ଇଶ୍ୱର୍‌ତାଗ୍‍ ମିନ୍ଦେଣ୍ଡ୍‍ । 
\v 16 ମାନ୍‍ ସେଙ୍ଗେ ଇଶ୍ୱର୍‌ତେ ପ୍ରେମତାଦ୍‍ ନିଜାମ୍ ମାମେ ପୁତ୍‍ତମ୍, ଇଗେ ମାୟାଦ୍‌ ପୁରା ବିଶ୍ୱାସ୍ ମିନ୍ଦେ । ଇଶ୍ୱର୍ ପ୍ରେମମୟ । ବେନନ୍ ଜିୱେତାଗ୍ ପ୍ରେମ ବର୍ତ୍ତି ଆସ୍‍ ମିନ୍ଦେ, ଅଣ୍ଡ୍‌ ଇଶ୍ୱର୍‍ ତଡ଼୍ କାୟ୍‍ଲ୍‍ତଣ୍ଡ୍‍ ନୁ ଇଶ୍ୱର୍ ଅନାଗ୍‍ ମିନ୍ଦେଣ୍ଡ୍‍ ।
\p
\v 17 ଇଶ୍ୱର୍‌ତେ ପାକେ ଜିୱୁଣ୍ଡ୍‍ ବାଦ୍‍କାନ୍‍ ତଡ଼୍‍ ମାନ୍‍ ଜିୱେତାଗ୍ ଇଦ୍ ପ୍ରେମ ସିଦ୍ଦ ଆତ୍‍କେ, ମାମେ ୱେର୍‍ୱେକଞ୍ଚ୍ ବିଚାର୍ ଦିନେ ମୁନେ ୱାଦେପାର୍‍ଦ୍‍ତାଡ଼୍‍, ବାତେଙ୍କ୍‍ଇତ୍କେ ଇଦ୍ ଜଗତ୍‍ତେ ମାଞ୍ଜ ମାମେ କ୍ରିଷ୍ଟନ୍ ଲେକାମ୍ ଜିବନ୍ ଜାପନ୍ ମାଡ଼ୁତମ୍ । 
\v 18 ବେଗେ ପ୍ରେମ ମାନ୍‍ତେ, ଆଗେ ୱେର୍ରେ ମାନ । ସାୟେ ପ୍ରେମ ସାରେ ୱେର୍ରେ ଦୂରାମ୍ ମାଡ଼ିତ୍‍ । ବେନ ୱେର୍‍ତଣ୍ଡ୍‍, ଅନାଗେ ପ୍ରେମ ସଫଳ ଆୟ; ବାତେଙ୍କ୍‍ଇତ୍କେ ଦଣ୍ଡ୍‍ ଦର୍‍କାନାଦ୍ ୱେର୍ରେ ଅନାଦ୍‌ ମେଣ୍ଡେ ମିନ୍ତେ ।
\p
\v 19 ଅଣ୍ଡ୍‌‍ ମୁନେନ୍‍ ମାନାଙ୍କ୍‍ ପ୍ରେମ ମାଡ଼୍‍ତାଙ୍କ୍‍ ମାନାଡ଼୍‍ ପ୍ରେମ ମାଡ଼ାନଙ୍କ୍ ନାଡ଼୍‍ସ୍‍ତମ୍ । 
\v 20 ଯଦି ବେନ କେତିତନ୍ ଯେ, ଅଣ୍ଡ୍‌ ଇଶ୍ୱର୍‌ତିଙ୍କ୍ ପ୍ରେମ ମାଡ଼ୁତଣ୍ଡ୍‍, ଆଲେକ୍ ଅଣ୍ଡ୍‌ ତାନ୍ ବିଶ୍ୱାସୀ ଏଲାଡ଼୍‍ତାମୁଙ୍କ୍ ଗୃଣା ମାଡ଼ିତଣ୍ଡ୍‍, ଅଣ୍ଡ୍‌ ମିତ୍ୟାବାଦି । ବାତେଙ୍କ୍‍ଇତ୍‍କେ ନିଜାମ୍‍ ଉଡ଼ ମାନ୍ଦାନ୍ ୱେରଣ୍ଡ୍ ତାମୁଙ୍କ୍ ବେନ ଆୟି ସ୍ନେହ ମାଡ଼େ ପାର୍‍ୱନ୍, ଅଣ୍ଡ୍‌ ତନ୍ଦ୍‍ୱେ ଇଶ୍ୱର୍‌ତିଙ୍କ୍ ବେସୁଙ୍କ୍‍ ପ୍ରେମ ମାଡ଼େ ପାର୍‍ୱନ୍ । 
\v 21 ଇଦ୍ ଆଦେଶ୍ କ୍ରିଷ୍ଟ ମାକିଙ୍କ୍ ଇତ୍‍ତନ୍, ବେନ ଇଶ୍ୱର୍‌ତିଙ୍ଗ୍ ପ୍ରେମ ମାଡ଼ିତନ୍, ଅଣ୍ଡ୍‌ ନିଜାମ୍ ତାନ୍ ବିଶ୍ୱାସୀ ଏଲାଡ଼୍‍ତାମୁଙ୍କ୍‍ ପ୍ରେମ ମାଡ଼ିତନ୍ ।
\c 5
\s ଜଗତ୍‍ତେ ପରୁ ଜିଡ଼ାନାଦ୍
\p
\v 1 ବେନ ଜିସୁଙ୍କ୍ କ୍ରିଷ୍ଟ ଇଞ୍ଜ ବିଶ୍ୱାସ୍ ମାଡ଼ିତଣ୍ଡ୍‍, ଅଣ୍ଡ୍‌ ଇଶ୍ୱର୍‌ତେ ମାର୍‍ । ବେନ ଆୟି ୱେରନ୍ ବାବାଙ୍କ୍ ପ୍ରେମ୍‌ ମାଡ଼ିତନ୍, ଆ ବାବାନ୍ ମାରିଙ୍କ୍ ମିକା ଅଣ୍ଡ୍‌ ସ୍ନେହ ମାଡ଼ିତନ୍ । 
\v 2 ଯଦି ମାମେ ଇଶ୍ୱର୍‌ତିଙ୍କ୍ ପ୍ରେମ ମାଡ଼ି ଅନାଦ୍‌ ଆଜ୍ଞା ପାଲନ୍‍ ମାଡ଼ିତାଡ଼୍‍ ଇଶ୍ୱର୍‌ତେ ପିଲାନ୍‍ ସେଙ୍ଗେ ମାୟାଦ୍ ପ୍ରେମ ମିନ୍ଦେ ଇଞ୍ଜ ପୁନ୍ଦାଙ୍କ୍ ଆଦ୍‍ତେ । 
\v 3 \x + \xo ୫:3 \xo*\xt ଯୋହନ୍‌‌ ୧୪:୧୫.\xt*\x*ଇଶ୍ୱର୍‌ତେ ସେଙ୍ଗେ ମାନାଦ୍‍ ପ୍ରେମ ମିନ୍ଦେ, ଇଦିନ୍ ଅର୍ତ, ମାନାଡ଼୍ ଅନ୍‌ ଆଜ୍ଞା ପାଲନ୍ ମାଡ଼ିତାଡ଼୍ । ଅନ୍‌ ଆଜ୍ଞା ପାଲନ୍ ମାଡ଼ାନାଦ୍ ଗାଟି କଷ୍ଟ ଇଲେ, 
\v 4 ବାତେଙ୍କ୍‍ଇତ୍କେ ଅନ୍‌‍ ପିଲା ଇଦ୍ ଜଗତ୍‍ତିଙ୍କ୍ ଆରା ମାଡ଼ାନଙ୍କ୍ ଶକ୍ତି ପାଏମ୍ ଆତ୍‍ତଡ଼୍‍ । ବିଶ୍ୱାସ୍ ଶକ୍ତିତେ ମାମେ ଜଗତ୍‍ତେ ପରୁ ଜିଡ଼ାନାଦ୍ ଲାବ୍ ମାଡ଼େ ପାର୍‍ତାଡ଼୍ । 
\v 5 ଇଦ୍ ଜଗତିଙ୍କ୍‍ ବେନ ଆରା ମାଡ଼େ ପାର୍‍ତଣ୍ଡ୍‍ ? ଜିସୁ ଇଶ୍ୱର୍‌ତେ ମାର୍‍ ଇଞ୍ଜ ବେନ ବିଶ୍ୱାସ୍ ମାଡ଼ିତନ୍, ଅଣ୍ଡେକେ ଜଗତ୍‍ତିଙ୍କ୍‍ ଜିଡ଼େ ପାର୍‍ଦ୍‍ତଣ୍ଡ୍‍ ।
\s ଜିସୁ କ୍ରିଷ୍ଟନ୍‍ ସମ୍ପର୍କତେ ସାକ୍ଷୀ
\p
\v 6 ଜିସୁ କ୍ରିଷ୍ଟ ଇଶ୍ୱର୍‌ତେ ମାର୍‍ ଇଞ୍ଜ ବାପ୍ତିସ୍ମ ତଡ଼୍ ନୁ ନିଜର୍‍ ନେତୁର୍‍ ତଡ଼୍‍ ନାରୁଡ଼ାଦ୍‍ ପରିତ୍ରାଣ ସାଦନ୍‍ ମାଡ଼୍‍ତଣ୍ଡ୍ । ମାତର୍‍ ଏର୍‍ତଡ଼୍‍ ଆୟ ମାତର୍‌ ରେଣ୍ଡ୍‍ଆସ ଏର୍‍ ନୁ ନେତୁର୍‍ ଇସ୍‍ ୱାସ୍‍ମାତ୍‍ତଣ୍ଡ୍‍ । ଆତ୍ମା ଆନ୍‌ତେ ଇଦିନାଦ୍‍ ସାକ୍ଷୀ ଇଦୁତା । ବାତ୍‍ତିଙ୍କ୍ଇତ୍କେ ପରମାଆତ୍ମା କେ ସତ୍ । 
\v 7 ମେଣ୍ଡେ ଇୱୁ ମୁଣ୍ଡିନ୍‍ ସାକ୍ଷ୍ୟ ଅଣ୍ଡୟ୍‌‍ ସମାନ୍‍ । 
\v 8 ଆତ୍ମା, ଏର୍‍ ନୁ ନେତୁର୍‍, ଇୱୁ ମୁଣ୍ଡିନ୍‍ ସାକ୍ଷ୍ୟ ଅଣ୍ଡୟ୍‌‍ । 
\v 9 ମାମେ ଯଦି ନାରୁନ୍‍ ସାକ୍ଷ୍ୟ ଗ୍ରହନ୍‍ମାଡ଼୍‍କେ ଆଲେକ୍ ଇଶ୍ୱର୍‌ତେ ସାକ୍ଷ୍ୟ ଆଦିନାଗାଙ୍କ୍ ଶ୍ରେଷ୍ଠ, ମେଣ୍ଡେ ଇଶ୍ୱର୍‌ତେ ସାକ୍ଷ୍ୟ ଇଦ୍ ‍ଯେ ଅଣ୍ଡ୍‌ ତାନ୍ ମାରିନ୍ ବିଷୟତେ ସାକ୍ଷ୍ୟ ଇତ୍‍ତନ୍ । 
\v 10 ବେନ ଇଶ୍ୱର୍‌ତେ ମାରିନାଗ୍‍ ବିଶ୍ୱାସ୍‍ ମାଡ଼ିତଣ୍ଡ୍‍, ଅଣ୍ଡ୍‌‍ ନିଜର୍‍ ହୃଦୟତାଗ୍‍ ଇଦ୍‍ ସାକ୍ଷ୍ୟ ପାଏମ୍‍ ଆତ୍‍ତଣ୍ଡ୍‍, ବେନ ଇଶ୍ୱର୍‌ତେ ସାକ୍ଷ ବିଶ୍ୱାସ୍‍ ମାଡ଼ଣ୍ଡ୍‍, ଅଣ୍ଡ୍‌‍ ଅଂକିଙ୍କ୍‌ ମିଚ୍‍ ଇଞ୍ଜ କେତ୍‍ତଣ୍ଡ୍‍, ବାତେଙ୍କ୍ଇତ୍କେ ଇଶ୍ୱର୍‍ ନିଜେ ମାରିନ୍ ବିଷୟତେ ବେନ୍ ସାକ୍ଷ୍ୟ ଇସ୍‍ମିନ୍ଦେଣ୍ଡ୍, ଆଗେ ଅଣ୍ଡ୍‌ ବିଶ୍ୱାସ୍‍ ମାଡ଼ଣ୍ଡ୍ । 
\v 11 \x + \xo ୫:୧୧ \xo*\xt ଯୋହନ୍‌‌ 3:3୬.\xt*\x*ଆଦ୍ ସାକ୍ଷ୍ୟ ଆତ୍‍ତେ, ଇଶ୍ୱର୍‍ ମାନାଙ୍କ୍ ଅନନ୍ତ ଜିୱୁନ୍ ଇତ୍‍ତନ୍; ମେଣ୍ଡେ ଆଦ୍‍ ଜିୱୁଣ୍ଡ୍ ତାନ୍ ମାରିନାଗେ ମିନ୍ଦେ । 
\v 12 ବେନ ମାରିଙ୍କ୍ ପାହେମ୍ ଆତ୍‍ତନ୍, ଅଣ୍ଡ୍‌ ଜିୱୁଣ୍ଡ୍ ପାହେମ୍ ଆତ୍‍ତନ୍; ବେନ ଇଶ୍ୱର୍‌ତେ ମାରିଙ୍କ୍ ପାହେମ୍ ଆୟନ୍, ଅଣ୍ଡ୍‌ ଜିୱୁଣ୍ଡ୍ ପାହେମ୍‍ ଆୟଣ୍ଡ୍ ।
\s ସାରେ ଦିନାତ୍ ଜିୱୁନ୍‍
\p
\v 13 ମିକିଙ୍କ୍ ଇଦ୍ ଚିଟି ଲେକୁତାନ୍, ସାରେଦିନତ୍ ଜିୱେତେ ଅଦିକାର୍‌ ଇଞ୍ଜ ମିଡ଼୍ ବେଲାନ୍ ପୁନ୍‍ତିଡ଼୍, ବାତେଙ୍କ୍‍ଇତ୍କେ ଇଶ୍ୱର୍‌ତେ ମାରିନାଗେ ମୀଇ ବିଶ୍ୱାସ ମିନ୍ଦେ । 
\v 14 ମେଣ୍ଡେ ମାନାଡ଼୍ ବେସୁଟ୍‌ ଅନାଦ୍‌ ଇଚ୍ଛା ଲେକାମ୍‌ ବାତ୍‍ଆଇ ପ୍ରାର୍ତନା ମାଡ଼ିତାଡ଼୍, ଆସୁଟ୍ ଅଣ୍ଡ୍‌ ମାନାଦ୍‍ ଆଦ୍ ପ୍ରାର୍ତନା କେଞ୍ଜିତନ୍, ଅନ୍‌ ମୁନେ ମାନାଦ୍‍ ଇଦ୍ ସାହାସ୍ ମିନ୍ଦେ । 
\v 15 ମେଣ୍ଡେ ମାନାଡ଼୍ ଅନ୍‌ ଗାରେ ବାତ୍‍ଆୟି ପ୍ରାର୍ତନା ମାଡ଼୍‍କେ, ଆଦ୍ ଅଣ୍ଡ୍‌ କେଞ୍ଜିତନ୍ ଇଞ୍ଜ୍ ଯଦି ମାନାଡ଼୍ ପୁତ୍‍ତାଡ଼୍‍, ଆଲେକ୍ ଅନ୍‌‍ ମିନେ ବାତ୍‍ ପ୍ରାର୍ତନା ମାଡ଼୍‍ତାଡ଼୍, ଆୱୁ ସାରେ ପାହେମ୍ ଆତ୍‌ତାଡ଼୍, ଇଦ୍ ମିକା ପୁତ୍‍ତାଡ଼୍ ।
\p
\v 16 ଯଦି ମୀଇ ୱେରଣ୍ଡ୍ ବିଶ୍ୱାସୀ ଏଲାଡ଼୍‍ତାମୁଣ୍ଡ୍ ପାପ ମାଡ଼ମାନ୍ଦାନ୍ ଉଡ଼ିତିଡ଼୍‍, ମେଣ୍ଡେ ଆଦ୍‍ ପାପ୍ ଡଲାନାଦ୍ ଆୟ, ଅନ୍‌ ସେଙ୍ଗେ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାଟ୍ ମେଣ୍ଡେ ଇଶ୍ୱର୍ ଅଂକିଙ୍କ୍‌ କ୍ଷମା ଇସ୍ ରକ୍ଷା ମାଡ଼ିତଣ୍ଡ୍‍ । ବେନଡ଼ାୱୁ ପାପାମ୍‍ ଡଲାନ୍‍ ଲେକାମ୍‍, ଆଦ୍‍ ବିଷୟ୍‍ତେ ନାନ୍‍ ଇଶ୍ୱର୍‌ତିଙ୍କ୍‍ ପ୍ରାର୍ତନା ମାଡ଼ାନଙ୍କ୍‍ କେଲନ୍‍ । 
\v 17 ସାରେ ଅଦର୍ମ ପାପାମ୍‍ ଆଦ୍‍ତେ, କିନ୍ତୁ ସାରେ ପାପାମ୍‍ ଡଲାନାଦ୍‍ ଆୟ ।
\p
\v 18 ବେନ ଆୟି ଇଶ୍ୱର୍‍ତାଗାଙ୍କ୍‍ ପୁଟ୍‍ତଣ୍ଡ୍‍ ଅଣ୍ଡ୍‌‍ ପାପାମ୍‍ତାଗ୍‍ ମାନଣ୍ଡ୍‍ । ବାତେଙ୍କ୍ଇତ୍କେ ଇଶ୍ୱର୍‌ତେ ମାର୍‍ ଅଙ୍କ୍‌ ରକ୍ଷା ମାଡ଼ିତଣ୍ଡ୍ ଶୟତାନ୍ ଅନାଦ୍‌ କ୍ଷତି ମାଡ଼େ ପାର୍‍ୱ ।
\p
\v 19 ମାନାଡ଼୍ ଇଶ୍ୱର୍‌ତାଗଙ୍କ୍‍ ପୁଟ୍‍ତାଡ଼୍ ନୁ ସାରେ ଜଗତ୍‍ ପାପାମ୍‍ତେ ଅଦିନ୍‌ତାଗ୍ ମିନ୍ଦେ, ଇଦ୍‍ ମାନାଡ଼୍‍ ପୁତ୍‍ତାଡ଼୍ ।
\p
\v 20 ମାମେ ପୁତ୍‍ତମ୍, ଇଶ୍ୱର୍‌ତେ ମାର୍‍ ଇଗେ ୱାସ୍ ସତ୍‍ ଇଶ୍ୱର୍‌ତେ ସତ୍‌ ଏର୍କେ ମାଡ଼ାନଙ୍କ୍ ମାନାଙ୍କ୍ ଜ୍ଞାନ୍ ଇସ୍‍ମିନ୍ତେନ୍ । ମାନାଡ଼୍ ସତ୍‍ ଇଶ୍ୱର୍ ନୁ ଅନ୍‌‍ମାର୍ ଜିସୁ କ୍ରିଷ୍ଟନ୍‍ ତଡ଼୍ କାଇଲି ମାନ୍ଦାନ୍ ଜିୱେ ବାଦ୍‍କୁତାଡ଼୍ । ଅଣ୍ଡେ କେ ସତ୍ ଇଶ୍ୱର୍ ନୁ ଅଣ୍ଡେ କେ ସାରେଦିନାତ୍ ଜିୱେ ।
\p
\v 21 ଆ ପିଲାନଡ଼ି, ଆସତ୍ ଦେୟାକିନାଗାଙ୍କ୍ ଯେକା ମାନୁଟ୍ ।