\id 1CO - Koya
\ide UTF-8
\h ୧ କରନ୍ତିୟ
\toc3 ୧ କରନ୍ତିୟ
\toc2 ୧ କରନ୍ତିୟ
\toc1 କରନ୍ତିୟ ବିଶ୍ୱାସୀଡ଼୍ ଗାର୍ରେ ପାଉଲ୍‌ତେ ପ୍ରତମ୍‍ ଚିଟି
\mt2 କରନ୍ତିୟ ବିଶ୍ୱାସୀମାନଙ୍କ ନିକଟକୁ ପାଉଲଙ୍କ ପ୍ରଥମ ପତ୍ର
\mt1 କରନ୍ତିୟ ବିଶ୍ୱାସିଡ଼୍ ଗାର୍ରେ ପାଉଲ୍‌ତେ ପ୍ରତମ୍‍ ଚିଟି
\imt ୧ କରନ୍ତିୟ ବଇ ବିଷୟ୍‍ତେ ଅଣ୍ଡୟ୍‌‍ ପଦ୍‍
\ip ପ୍ରତମ୍ କରନ୍ତି ଚିଟି ପ୍ରେରିତ୍ ପାଉଲ୍‍ତଡ଼୍ ଜିସୁ କ୍ରିଷ୍ଟନ୍ ଜନମ୍‍ତେ ୫୫ ଏଣ୍ଡ୍‍କ୍‍ ପେର୍‍କେ ଲେକ୍‍ତାଦ୍ ଆସ୍‍ମାତ୍‍ତେ \xt ୧:୧\xt* । ପାଉଲ୍‍ତଡ଼୍ ଲେକ୍‍ତାଦ୍ ଆସ୍‍ମାନ୍ଦାନ୍ ରେଣ୍ଡ୍ ଚିଟିନ୍‌ ଲୋପେଙ୍କ୍ ଇଦ୍ ଆଦୁତ୍‍ତେ ମୁନ୍ନେତାଦ୍ ଚିଟି । ଅଣ୍ଡ୍‌ ଆଦ୍‍ପାର୍‍ତେ ଇଦ୍ ଚିଟି ଏଫିସିତାଗ୍ ମାନ୍ଦାନ୍ ୱେଲେ ଲେକିମାତ୍‍ତଣ୍ଡ୍ । ମାସିଦନିୟା ତାଗାଙ୍କ୍ କରିନ୍ତିତାଗ୍ ଆଦାନ୍ ମୁନେଙ୍କ୍ ଲେକ୍‍ତଣ୍ଡ୍ \xt ୧୬:୫-୯\xt* ।
\ip ପାଉଲ୍ ଇଦ୍ ଚିଟିତାଗ୍ ମଣ୍ଡଲି ଲୋପେ ୱେକ୍‍ୱେକ୍‍ ମାନ୍ଦେ ନୁ ବୁଦ୍‍ ଇଲ୍‍ୱେଲେକେ ଯୌନ ଲାଲସାତଡ଼୍ ବାତ୍‍ବାତ୍ କାରାପ୍ ପାଡ଼୍‍ୟି ଆସମାନ୍ଦାନ୍ ବିଷୟ୍ ମଣ୍ଡଲିତେ ସବ୍ୟଡ଼ାଗାଙ୍କ୍ କେଞ୍ଜି ଉତ୍ତର୍ ଇଦାନାଗ୍ ଦାନ୍ ଇଦ୍‍ତଣ୍ଡ୍ । କରନ୍ତି ଟାୱୁନ୍‍ତିଙ୍କ୍ ବୁଦ୍‍ ଇଲ୍‍ୱେଲେକେ ଯୌନ ଲାଲସା ବିଷୟ୍‍ତେ ପୁଞ୍ଜ୍‍ମାତ୍‍ତଡ଼୍ । ଆଦିଙ୍କ୍ ମଣ୍ଡଲି ଇୱୁ ସମସ୍ୟାକିନ୍ ତିପାଲ୍ ଆସମାତ୍‍ତେ ଇଗେ ବାତ୍ ବାକ୍‍ୱା ଆଦାନାଦ୍ ବାତ୍ ଇଲ୍‍ଲେ । ପ୍ରତମ୍ କରନ୍ତି ପ୍ରେମତ୍ ପର୍‍ର ଅଣ୍ଡୟ୍‌ ପ୍ରସିଦ୍ଦ୍ ଅଦ୍ୟାୟ୍ ପୟ୍‍ସ୍ ମାନ୍‍ତେ \xt ୧୩\xt* ।
\iot ବଇତ୍ ଲୋପେ ମାନ୍ଦାନ୍ ମୁକ୍ୟ ବିଷୟ୍
\io1 ୧. ପାଉଲ୍ କରନ୍ତି ନାରୁଡ଼୍‍କିଂଙ୍କ୍ ନମସ୍କାର୍ ମାଡ଼ୁତଣ୍ଡ୍ ନୁ ଅଡ଼୍‌ ସେଙ୍ଗେ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତଣ୍ଡ୍ । \ior ୧:୧-୯\ior*
\io1 ୨. ପାଉଲ୍ କରନ୍ତି ମଣ୍ଡଲିତାଗାଙ୍କ୍ ପାଏମ୍‍ଆତ୍‍ତେ ମଣ୍ଡଲି ୱେରେ ବିଷୟ୍‍ତେ ଶିକ୍ଷା ଇଦ୍‍ତଣ୍ଡ୍ । \ior ୧:୧୦–୪:୨୧ \ior*
\io1 ୩. ମେଣ୍ଡେନଣ୍ଡ୍ ଅଣ୍ଡ୍‌ ବୁଦ୍‍ ଇଲ୍‍ୱେଲେକେ ଯୌନ ଲାଲସା ନୁ ୱେରଣ୍ଡ୍ ମେଣ୍ଡେଅର୍‍ତୁଙ୍କ୍ କୋର୍ଟ୍‍ତାଗ୍ ଆଦାନ୍ ବିଷୟ୍‍ତେ ଲେକ୍‍ତଣ୍ଡ୍ । \ior ୫–୬ \ior*
\io1 ୪. ପେର୍‍କେ ପେଣ୍ଡୁଲ୍ ବିଷୟ୍, ପୁତ୍‍ଲାମ୍‍ ପୁଜେ, କାୟ୍‍ଲିମିକା ଉପବାସ୍, ପବିତ୍ର ଆତ୍ମାତେ ଦାନ ନୁ ପୁନରୁତ୍‍ତାନ୍ ଲେକ୍‍ତଣ୍ଡ୍ । \ior ୭–୧୫\ior*
\io1 ୫. ମାଡ଼େଙ୍ଗ୍ ଅଣ୍ଡ୍‌ ବେସ୍‌କ୍ ବ୍ୟବହାର୍‌ ଆଦାନାୱୁ ନୁ ନିଜେତ୍ ବିଷୟ୍ ଲେକି ତେର୍‍ସ୍ପ୍‍ତଣ୍ଡ୍ । \ior ୧୬\ior*
\c 1
\p
\v 1 ନାନ୍ ପାଉଲ୍ ନୁ ମାନ୍‍ ବିଶ୍ୱାସୀ ସୋସ୍ଥିନା ମିକିଂଙ୍କ୍ ନମସ୍କାର୍ ମାଡ଼ୁତମ୍ । ଇଶ୍ୱର୍‌ତେ ମାନ୍‌ତାଦ୍‌ ଇସାବ୍‌ତେ କ୍ରିଷ୍ଟ ଜିସୁନ୍ କାବୁର୍ ପ୍ରେରିତ ଶିଷ୍ୟ ଲେକେତ୍‍ ଏଞ୍ଚ୍‌ତେନଣ୍ଡ୍ ପାଉଲ୍‌ ନୁ ମାନ୍‍ ଦାଦାଲ୍ ସୋସ୍ଥିନା ।
\p
\v 2 \x + \xo ୧:୨ \xo*\xt ପ୍ରେରିତ ୧୮:୧.\xt*\x*କରନ୍ତି ଟାୱୁନ୍‍କିନ୍ ଇଶ୍ୱରତେ ମଣ୍ଡଲିକିଙ୍କ୍ ଇଦ୍ ଚିଟି ଲେକୁତଡ଼୍, ବେନ୍‌ମାନେ ଇଶ୍ୱରନ୍ ପବିତ୍ର ନାରୁନ୍ ଆଦାନ୍ ମାଇଦିଙ୍କ୍‌ ଏଞ୍ଚ୍‌ତଡ଼୍‌ ମେଣ୍ଡେ ଜିସୁ କ୍ରିଷ୍ଟନ୍‌ ସାଙ୍ଗ୍‌ କାଇଲ୍‍ତା ସେଙ୍ଗେ ଇଶ୍ୱର୍‌ନଡ଼୍‌ ଆସ୍‌ ମିନ୍ଦେଡ଼୍‌ ନୁ ସାର୍ରେତାଗ୍ ମାନ୍‍ ଜିସୁ କ୍ରିଷ୍ଟନାଦ୍ ପୁଜା କିସମିନ୍ଦେଡ଼୍ । 
\v 3 ଅଣ୍ଡ୍‌ ମିକିଂଙ୍କ୍ ମାନ୍‍ ବାବାଲ୍ ଇଶ୍ୱର୍ ନୁ ପ୍ରବୁ ଜିସୁ କ୍ରିଷ୍ଟ ସାୟେ ନୁ ସୁକାମ୍‍ତେ ଇୱିଣ୍ଡ୍ ।
\s କ୍ରିଷ୍ଟନ୍ ଆର୍ଶିବାଦ୍
\p
\v 4 ବାତେଙ୍କ୍‍ ଇତ୍କେ କ୍ରିଷ୍ଟନ୍‍ତଡ଼୍ କାୟ୍‍ଲ୍‍ତେ ସେଙ୍ଗେ ଇଶ୍ୱର୍ ମିକିଂଙ୍କ୍ ଆଦ୍ ଅନୁଗ୍ରହ ଇସ୍‌ମିନ୍ଦେଣ୍ଡ୍, ଆଦିନ୍‌ ମାଇଦିଙ୍କ୍‌ ନାନ୍ ଇଶ୍ୱର୍‌ତିନ୍ ସାରେଦାମ୍‌ ଦନ୍ୟବାଦ୍‌ ଇଦୁତାନ୍, 
\v 5 ବାତାଙ୍କ୍ଇତ୍‌କେ ଇଶ୍ୱରତେ ସାଙ୍ଗ୍‌ କାଇଲି ମାନ୍ଦାନ୍‌ ମାଇଦିଙ୍କ୍ ମିଡ଼୍ ସାର୍‍ରେ ବିଷୟ୍‍ତେ ବେଲାକି କେତାନ୍‍ ଶକ୍ତି ନୁ ବୁଦ୍‍ତେ ଗାଲା ସାଉକାର୍ ଆସ୍‌ମିନ୍ଦେ । 
\v 6 କ୍ରିଷ୍ଟନ୍ ଜଡ଼୍‌ତାଦ୍‌ କାବୁର୍‍ ମିୟାଗା ଡାଟୁମ୍‌ତେ ତିଆର୍‌ ଆସ୍‌ମିନ୍ଦେ । 
\v 7 ଆଦିନ୍‌ମାଇଦିଙ୍କ୍ ପ୍ରବୁ ଜିସୁ କ୍ରିଷ୍ଟନାଦ୍‌ ଉଡ଼ାନ୍ ସେଙ୍ଗେ କେପିମାନ୍ଦାନ୍ ୱେଲା ମିୟାଦ୍‌ ବାତା ବା ଜିୱତ୍‌ ଆର୍ଶିବାଦ୍‌ତାଦ୍‌ ଅବାବ୍ ଆୟ୍‍ୟ । 
\v 8 ଅଣ୍ଡ୍‌‌ ମିକା ମିକିଂଙ୍କ୍ ମାଡ଼େଙ୍ଗ୍‌ ଅନ୍‌‍ପାକେ ଗେଲ୍‌ସ୍ପିତଣ୍ଡ୍‌ । ବେଲାକି ପ୍ରବୁ ଜିସୁ କ୍ରିଷ୍ଟ ୱାଦାନ୍ ଦିନାମ୍‌ତେ ମିଡ଼୍ ନିର୍ଦୋଷ୍‍ ଆଦ୍‍ତିଡ଼୍ । 
\v 9 ବେନ୍‍ ଇଶ୍ୱର୍ ତାନା ମାର୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍‌ ବପୁ ଦର୍କାନ୍ ମାଇଦିଙ୍କ୍ ମିକିନ୍‌ କାର୍ଙ୍ଗିମିନ୍ଦେଣ୍ଡ୍, ଅଣ୍ଡ୍‌ ସାରେଦାମ୍‌ ବିଶ୍ୱାସ୍‌ତଣ୍ଡ୍‌ ।
\s ମଣ୍ଡଲିତାଗ୍‌ ୱେକ୍‍ୱେକ୍‍ ମାନ୍ଦେ
\p
\v 10 ହୋ ଦାଦାଲଡ଼ି ନୁ ଏଲାସ୍କ୍ ପ୍ରବୁ ଜିସୁ କ୍ରିଷ୍ଟନ୍‌ ଅଦିକାର୍‌‌ଦେ ସେଙ୍ଗେ ନାନ୍‌ ମିକିଙ୍କ୍‌ ଅନୁରଦ୍‌‍ ମାଡ଼ମିନ୍ଦେଣ୍ଡ୍, ଆଲ୍‍ସାନ୍ ମାଡ଼ାନ୍‍ୱେଲେ ୱେରଡ଼୍ ଆଇମୁଟ୍‌ । ଆଲାଇତ୍‌କେ ମିଇ ଲୋପେ ବାତାବା ୱେକ୍‍ୱେକ୍‍ ଆୟ୍‍ୟ । 
\v 11 ୱେରଡ଼୍ ଚିନ୍ତେ ନୁ ୱେରଡ଼୍ ଏଦେ ଅସ୍ ୱେରଡ଼୍ ଆଇମୁଟ୍‌ । ଦାଦାଲଡ଼ି ନୁ ଏଲାସ୍କ୍, ମିଇ ଲୋପେ ଗଲ୍‍କ୍ ମିନ୍ଦେ ଇଞ୍ଜ କ୍ଲୟିନ୍‌ତାଦ୍‌ ପରିବାର୍‌ତଡ଼୍‌ ବେସ୍‌ୱୁଡ଼୍‌ ନାକିନ୍‌ କେତ୍‌ତଡ଼୍‌ । 
\v 12 \x + \xo ୧:୧୨ \xo*\xt ପ୍ରେରିତ ୧୮:୨୪.\xt*\x*ନାକ୍ ଏର୍କା ମିନ୍ଦା, ମିଡ଼୍ ସାର୍ରେତଡ଼୍‌ ୱେରେୱେରେ ଗଟି କେତୁତିଡ଼୍‌ । ବେନ କେତୁତଣ୍ଡ୍‌, “ନାନ୍ ପାଉଲିନ୍ ପେର୍‍କେ ଆଦ୍‍ତାନ୍, ମେଣ୍ଡ୍‌ ବେନ କେତୁତଣ୍ଡ୍, ନାନ୍ ଆପୋଲ୍ଲୋ ପେର୍‍କେ ଆଦ୍‍ତାନ୍, ବେନ କେତୁତଣ୍ଡ୍ ନାନ୍ ପିତର୍‌ତେ ପେର୍‍କେ ଆଦ୍‍ତାନ୍, ମେଣ୍ଡେ ବେନ କେତୁତଣ୍ଡ୍ ନାନ୍ କ୍ରିଷ୍ଟନ୍ ପେର୍‍କେ ଆତ୍‌ତାନ୍‌ ।” 
\v 13 କ୍ରିଷ୍ଟ ବାତା ୱେରେ ଆସ୍‌ମିନ୍ଦେଣ୍ଡ୍ ? ପାଉଲ ବାତା ମିଇ ମାଇଦିଙ୍କ୍‌ କ୍ରୁଶତାଗ୍‌ ଡଲିଆସ୍‌ମାତ୍‌ତଣ୍ଡ୍ ? ମିଡ଼୍ ବାତା ପାଉଲନ୍ ପେଦେର୍‍ତେ ଏର୍‌ ମୁଡ଼୍‌ନ୍ଦି ମାତ୍‌ତିଡ଼୍ ?
\p
\v 14 \x + \xo ୧:୧୪ \xo*\xt ପ୍ରେରିତ ୧୮:୮; \xt*\xt ପ୍ରେରିତ ୧୯:୨୯; ରୋମୀୟ ୧୬:୨3.\xt*\x*ଇଶ୍ୱରଙ୍କ୍‌ ଦନ୍ୟବାଦ୍ ଇଦୁତାନ୍ କି କ୍ରିଷ୍ପ ନୁ ଗାୟଙ୍କ ୱିଡ଼୍‌ସ୍‌କେ ମିଇ ଲୋପେ ନାନ୍ ବେନଙ୍କ୍ ବା ଏର୍‌ ମୁଡ଼୍‌ନ୍ଦନ୍‌ । 
\v 15 ଆଦିଙ୍କ୍‌ ନା ପେଦେର୍‍ତେ ଏର୍‌ ମୁଡ଼୍‌ନ୍ଦିତଡ଼୍‌ ଇଞ୍ଜ ମିୟାଗାଙ୍କ୍‌ ବେନ ବା କେତାପାର୍ୱଡ଼୍‍ । 
\v 16 \x + \xo ୧:୧୬ \xo*\xt ୧ କରନ୍ତିୟ ୧୬:୧୫.\xt*\x*ହଁ, ନାନ୍ ସ୍ତିଫାନ୍ ନୁ ତାନ୍‌ ଲତ୍‌ତେ ନଡ଼୍‌କିଙ୍ଗ୍‌ ଏର୍‌ ମୁହୁସ୍‌ ମାତ୍‌ତାନ୍ । ମେଣ୍ଡେ ବେନଙ୍କ୍‌ ଏର୍‌ ମୁଡ଼୍‌ହ୍‌ତାନ୍‌ ଇଞ୍ଜ ନାକିନ୍‌ ଏର୍କା ୱାଦିଲ୍ଲେ । 
\v 17 ଏର୍‌ ମୁଡ଼୍‌ତାନ୍ ମାଇଦିଙ୍କ୍ କ୍ରିଷ୍ଟ ନାକିନ୍ ରଅତିଲେ । ଅଣ୍ଡ୍‌ ନାକିନ୍ ସାୟେ କାବୁର୍‌ କେତାନଙ୍କ୍ ରହ୍‌ସ୍‌ମିନ୍ଦେଣ୍ଡ୍; ଆଦ୍‍ମିକା ମେଣ୍ଡେ ବାକ୍ୟଲେକେତ୍ ଇଲ୍‍ଲେ, କ୍ରୁଶତ୍ ପର୍‍ର କ୍ରିଷ୍ଟନାଦ୍ ଡଲ୍‍ତାଦ୍ ବେକାର୍‍ ଆଦ୍‍ତେ ।
\s କ୍ରିଷ୍ଟ ଇଶ୍ୱର୍‌ତେ ଲାୱୁ ନୁ ବୁଦ୍
\p
\v 18 ପେଦ୍‍ ଆଦାନ୍ ନାରୁଡ଼୍ ମାଇଦିଙ୍କ୍ କ୍ରୁଶତ୍‌ ପର୍‍ର କ୍ରିଷ୍ଟନାଦ୍ ଡଲ୍‍ତାଦ୍ କାବୁର୍ ବେକାର୍‍ । ମାତର୍ ମା ଲେକାମ୍ ଗେଲ୍‍ସି ମାନ୍ଦାନ୍ ନାରୁଡ଼୍ ମାଇଦିଙ୍କ୍ ଇଦ୍‌ ଆଦୁତେ ଇଶ୍ୱର୍‌ତେ ଲାୱୁ । 
\v 19 ବେଲାକି ବାଇବଲ୍‍ତାଗ୍‌ ଲେକାମିନ୍ଦେ, “ନାନ୍ ଜ୍ଞାନି ନାରୁଡ଼ାୱୁ ବୁଦ୍ ପେଏଦ୍ ମାଡ଼ିତାନ୍, ବୁଦ୍‍ ନାରୁଡ଼୍ ବୁଜେମ୍ ଆଦାନାଦିଙ୍କ୍ ବେକାର୍‍ ମାଡ଼ିତାନ୍ ।” 
\v 20 ଆଦିଙ୍କ୍ ଇ ଜୁଗାତ୍‌ ଜ୍ଞାନିଡ଼୍‌, ବୁଦ୍ଦିଡ଼୍‌ ଗାଟି ଗାଇଦେ ନାରିଡ଼୍ ପଡ଼ିୟେ ବେଗା ? ଇଦ୍‌ ବୁଦ୍‍ତାଦ୍‌ ବୁଦ୍‍ତିନ୍ ମୁର୍କତା ଇଞ୍ଜ ଇଶ୍ୱର୍ କେତ୍‌ଇଲେ କି ?
\p
\v 21 ଇଶ୍ୱର୍ ତାନାଦ୍‌ ବେଡ଼ିୟଡ଼୍ ବୁଦ୍‍ତେ ଆଲ୍‌ସି ମାତ୍‌ତଣ୍ଡ୍ ଯେ ନାରୁଡ଼୍ ତାମ୍ ବୁଦ୍ ତଡ଼୍ ଇଶ୍ୱରତିଙ୍କ୍ ପୁନ୍ଦେପାର୍ୱଡ଼୍ । ମେଣ୍ଡେଅଣ୍ଡ୍‌‍ପାକା, ମାମ୍‍ମେ ପ୍ରଚାର୍ ମାଡ଼ାନାଦ୍ ଗଟ୍‍ତାଗ୍ ମାନ୍ଦାନ୍ ପିନ୍ଦ କାବୁର୍‌ତିଙ୍କ୍ ବିଶ୍ୱାସ୍ ମାଡ଼ାନ୍‌ ନାରୁଡ଼୍‌କିଙ୍ଗ୍ ଗେଲ୍‌ସ୍ପାନ୍‌ ମାଇଦିଙ୍କ୍ ଇଶ୍ୱର୍ ଆଲ୍‌ସି ମିନ୍ଦେଣ୍ଡ୍ । 
\v 22 ଇହୁଦୀ ନାରୁଡ଼୍ ଚିଃନେ ମେହ୍‌କିତଡ଼୍, ଗ୍ରୀକ୍‍ ନାରୁଡ଼୍‌ ବୁଦ୍‍ତିଙ୍କ୍ ମେହ୍‌କିତଡ଼୍‌ । 
\v 23 ମାତର୍ ମାମ୍‍ମେ କ୍ରୁଶତାଗ୍ ଡଲ୍‍ତେ କ୍ରିଷ୍ଟନାଦ୍‌ ଗଟ୍ କେତୁତମ୍ । ଇଦୁ ଇହୁଦୀ ନାରୁଡ଼୍‌କ୍‌ ମାଇଦିଙ୍କ୍‌ ତିପାଲ୍ ଲେକାମ୍ ନୁ ଅଣଇହୁଦୀ ନାରୁଡ଼୍ କଣ୍ଡେତାଗ୍ ପିନ୍ଦ ଆସ୍‌ମାନ୍‌ତା; 
\v 24 ମାତର୍ ଇହୁଦୀ ଆୟିଡ଼୍ ବା ଅଣଇହୁଦୀ ଆୟିଡ଼୍ ଏଞ୍ଚ୍‍ତେ ସାର୍ରେତଡ଼୍‌କ୍ ମାଇଦି କ୍ରିଷ୍ଟ ଆଦୁତନ୍ ଇଶ୍ୱର୍‌ତେ ଶକ୍ତି ନୁ ଜ୍ଞାନ୍‌ତେ ଅବିବ୍ୟକ୍ତି । 
\v 25 ବାତେଙ୍କ୍ ଇତ୍‍କେ ବାତ୍ ଇଶ୍ୱରତାଦ୍ ମୁର୍କତା ଇଞ୍ଜ ଏର୍କେ ଆତ୍‍କେ, ଆଦ୍‌ ନାରୁଡ଼୍‌ ବୁଦ୍‍ତେ ନୁଞ୍ଚ୍‌ ନାର୍‍ଗେ ବେଡ଼ିୟଡ଼୍ । ମେଣ୍ଡେ ବାତା ଇଶ୍ୱରନାଦ୍‌ ଦୁର୍ବଲତା ଇଞ୍ଜ ଏର୍କେ ଆତ୍‍କେ, ଆଦ୍‌ ନାରୁଡ଼୍ ଲାୱୁ ନୁଞ୍ଚ୍‌ ନାର୍‍ଗେ ଲାୱୁ । 
\v 26 ହୋ ଦାଦାଲଡି ନୁ ଏଲାସ୍କ୍, ଇଶ୍ୱର୍ କାର୍ଙ୍ଗାନ୍‌ ୱେଲା ମିଡ଼୍‌ ବେଲା ମାତ୍‍ତିଡ଼୍‌, ଆଦ୍‌ ଆଲ୍‌ସୁଡାଟ୍‌ । ବୁମ୍‌ତା ଇସାପ୍‌ତେ ମିୟାଗା ନୁଞ୍ଚ୍ ମାତର୍ ବେସ୍‌ୱୁଡ଼୍ ବୁଦିଡ଼୍, କ୍ଷମତାପନ୍‍ କି ବେଡ଼ିୟଡ଼୍ ଲୋତ୍‍ତେନଡ଼ି ମାତ୍‌ତିଡ଼୍‌ । 
\v 27 ଇଶ୍ୱର୍ ବୁଦିଡ଼୍‌କ୍ ସିଗ୍‌ ମାଡ଼ାନଙ୍କ୍ ବୁମ୍‌ତା ନୁଞ୍ଚ୍ ବିବେଚିତ ମୁର୍କନାରୁଡ଼୍‌କିନ୍ ଏଞ୍ଚିମିନ୍ଦେଣ୍ଡ୍ ମେଣ୍ଡେ ଲାୱ୍‌ଦଡ଼୍‌କିନ୍‌ ସିଗ୍‌ ମାଡ଼ନ୍‌ ମାଇଦିଙ୍କ୍ ବୁମ୍‌ତା ନୁଞ୍ଚ୍ ବିବେଚିତ ଦୁର୍ବଲ ନାରୁଡ଼୍‌କ୍‌ ଏଞ୍ଚିମିନ୍ଦେଣ୍ଡ୍ । 
\v 28 ବୁମ୍‍ତେ କଣ୍ଡ୍‍ତେ ବାତେସାର୍ରେ ମେଲ୍‍ତାୱୁ, ଆୱ୍‌ ସାର୍‍ରେ ମାଇସ୍‌ପାନ୍ ମାଇଦିଙ୍କ୍; ସୁଦୁଲଡ଼୍, ପାସ୍କ୍‍ତଡ଼୍ ନୁ ନଗନ୍ୟ ନାରୁଡ଼୍‍କ୍ ଅଣ୍ଡ୍‌‌ ଏଞ୍ଚିମିନ୍ଦେଣ୍ଡ୍ । 
\v 29 ପରମେଶ୍ୱରତାଦ୍‌ ଇଲାମାଡ଼ାନାଦ୍‌ ବାତେଙ୍କ୍ ଇତ୍‍କେ ଯେ, ବେନ ବା ନାରୁଡ଼୍ ବେଲାକି ଅନା ମୁନ୍‍ନେ ଗାଇ କିଦ୍‍ପାର୍‍ୱଣ୍ଡ୍ । 
\v 30 ଇତ୍‍କେ ଇଶ୍ୱର୍ ମିକିଂଙ୍କ୍ କ୍ରିଷ୍ଟ ଜିସୁନ୍‌ ତଡ଼୍ କାଲ୍‌ପି ମିନ୍ଦେଣ୍ଡ୍‌ ନୁ ଆଦ୍ କ୍ରିଷ୍ଟଙ୍କ୍ କେ ମାନ୍‍ ମାଇଦିଙ୍କ୍‌ ବୁଦ୍‍ତେ ଲେକାମ୍ ମାଡ଼ିମିନ୍ଦେଣ୍ଡ୍ । ଅନ୍‌ ତଡ଼୍ ଇଶ୍ୱର୍‌ତେ ତଡ଼୍ ମାୟାଦ୍‌ ସାୟେତ୍ ସମ୍ପର୍କ ତିୟାର୍ ଆତ୍‍ତେ, ମାନାଡ଼୍ ଦାର୍ମାମ୍‌ ନୁ ପବିତ୍ର ଜିୱାତେ ନାରୁଡ଼୍ ଆସ୍ ମୁକ୍ତି ପାଏମ୍ ଆତ୍‍ତାଡ଼୍ । 
\v 31 ଦର୍ମଶାସ୍ତ୍ରତାଗ୍ ଲେକାମିନ୍ଦେ, “ଯଦି ବେନନାଦ୍ ଗର୍ବ ମାଡ଼ାନାଦ୍‌ ମିନ୍ଦେ । ପ୍ରବୁ ବାତ୍ ମାଡ଼ିମିନ୍ଦେଣ୍ଡ୍, ଆଦିନ୍ ସେଙ୍ଗେ ଅଣ୍ଡ୍‌ ଗର୍ବ ମାଡ଼ିଣ୍ଡ୍‌ ।”
\c 2
\s କ୍ରୁଶବିଦ୍ଦ କ୍ରିଷ୍ଟନ୍‌ ବିଷୟ୍‍ତେ କାବୁର୍‌
\p
\v 1 ଦାଦାଲରି ନୁ ଏଲାସ୍କ୍‍, ନାନ୍ ମିୟାଗା ଇଶ୍ୱରନ୍‌ ସାୟେ କାବୁର୍ କେତାଙ୍କ୍ ମାଇଦିଙ୍କ୍ ଆଞ୍ଜମାନ୍ଦାନ୍‌ୱେଲେ ବାକ୍ୟନମ୍ବର ବା ପାଣ୍ଡିତ୍ୟ ତୱେ ମାତ୍‌ତାନ୍‌ । 
\v 2 ମିଇ ସାଙ୍ଗ୍‌ ମାନ୍ଦାନ୍‌ୱେଲେ ମାତର୍ ଜିସୁ କ୍ରିଷ୍ଟ ନୁ କ୍ରୁଶତ୍ ପର୍‍ର ଅନ୍‌‍ୱାଦ୍ ଡଲ୍‍ନାଦ୍ ୱିଡ଼୍‍ସ୍‍କେ ମେଣ୍ଡେ ବାତା ବିଷୟ ବା ପୁନ୍ଦାନ୍‌ ମାଇଦିଙ୍କ୍‌ ଇଷ୍ଟାମ୍‌ ଇଲ୍‌ୱାମାତ୍‌ତା । 
\v 3 \x + \xo ୨:3 \xo*\xt ପ୍ରେରିତ ୧୮:୯.\xt*\x*ଆସୁଟ୍‌ ନାନ୍ ଲାୱୁ ଇଲ୍‌ୱା ମାତ୍‌ତାନ୍, ଆମ୍‌ତେ ୱେର୍‌ସ ମାତ୍‌ତାନ୍ । 
\v 4 ନାୟାଦ୍‌ ଶିକ୍ଷା ନୁ କାବୁର୍, ନାରୁଡ଼୍‌ ବୁଦ୍‍ତେ ଗଟିନ୍‍ ଚାଲାକ୍‍ତେ ଆୟାୱା ମାତ୍‌ତା । ଆଦ୍‌ ଇଶ୍ୱରନ୍ ଆତ୍ମାତ୍‌ ଶାତ୍‍ୱାମ୍‍ତଡ଼୍ ନିଞ୍ଜାମ୍‌ ପ୍ରମାନ୍‌ ତଡ଼୍ ପ୍ରଚାର୍ ଆସ୍‌ମାତ୍‌ତା । 
\v 5 ଆଦିନ୍‌ ମାଇଦିଙ୍କ୍‌ ମିୟାଦ୍‌ ବିଶ୍ୱାସ୍ ନାରୁଡ଼୍‌ ବୁଦ୍‍ତେ ପର୍ର ଆଦାରିତ୍‌ ଆୟ୍‍ୟ, ଆଦ୍‌ ଇଶ୍ୱରନ୍‌ ବପୁତେ ଆସ୍‍ମାତ୍‍ତା ।
\s ଇଶ୍ୱର୍‌ତେ ବୁଦ୍
\p
\v 6 ଇତ୍‍କେ ବାଡ଼େ ମାମ୍‍ମେ ବେଡ଼ିୟଡ଼୍ ନାରୁଡ଼୍‌ ନାଡ଼୍‌ମେ ବୁଦ୍‍ତାଦ୍‌ ଗଟ୍‌ କେତୁତମ୍, ବାତେଙ୍କ୍ ଇତ୍‍କେ ଆଦ୍‌ ଇଦ୍‌ ଜୁଗ୍‌ତାଦ୍‌ ବୁଦ୍ ଇଲ୍ଲା ବା ଇଦ୍‌ ଜୁଗ୍‌ତାଦ୍‌ ନଷ୍ଟାମ୍‌ ଆଦାନ୍ ନେତାନଡ଼ାଦ୍‌ ବୁଦ୍‍ ଇଲ୍ଲା, 
\v 7 ମାତର୍ ମାମ୍‍ମେ ବିଶ୍ୱାସ୍‌ତେ ଲେକାମ୍‌ ଇଶ୍ୱରତେ ବୁଦ୍‍ତାଦ୍‌ ଗଟି କେତୁତମ୍‌; ଆଦ୍‌ ବୁଦ୍‍ ନାରୁଡ଼ାଗାଙ୍କ୍ ମିସି ନେଃଏତଡ଼୍, ଇଶ୍ୱର୍ ମାନାକିନ୍‌ ଗୌରବ୍ ମାଇଦିଙ୍କ୍‌ ବୁମ୍ ତିୟାର୍‍ ଆତ୍‍ତେ ମୁନେଙ୍କ୍ ଏଞ୍ଚିମାତ୍‍ତଣ୍ଡ୍‌ । 
\v 8 ଇ ଜୁଗ୍‌ତଡ଼୍‌ ନେତା ନାରୁଡ଼୍‌ ଲୋପେ ବେନ ଆଦ୍‌ ପୁନଣ୍ଡ୍‌, ବାତେଙ୍କ୍ଇତ୍କେ ଅଡ଼୍‌‌ ଆଦ୍ ପୁଞ୍ଜ୍‌ ମାତ୍‌କେ ଗୌରବମୟ ପ୍ରବୁଙ୍କ୍ କ୍ରୁଶତାଗ୍‌ ରେହ୍‌ୱେ ମାନେଡ଼୍‌; 
\v 9 ବେଲାକି ବାଇବଲ୍‍ତାଗ ଲେକ୍‍ତାଦ୍ ମିନ୍ଦେ, “ବାତା ବେନ ବେସୁଙ୍କ୍‍ ଉଡ଼୍‌ଇଲେଣ୍ଡ୍ ବା କେଞ୍ଜ୍‌ ଇଲେଣ୍ଡ୍, ବାତା ଗଟେମ୍‌ ଆଦାନାଦ୍ ବେନନ୍ ଆଲ୍‌ସଣ୍ଡ୍‌, ଅନ୍‌‌ ପ୍ରେମ୍‌ ମାଡ଼ାନ୍‌ ନାରୁଡ଼୍‌କ୍‌ ମାଇଦିଙ୍କ୍ ଇଶ୍ୱର୍ ଆୱ୍‌ ସାର୍‍ରେ ତିଆର୍ କିସ୍‌ମିନ୍ଦେଣ୍ଡ୍ ।” 
\v 10 ବାତେଙ୍କ୍ ଇତ୍‍କେ ଇଶ୍ୱର୍ ତାନ୍ ଆତ୍ମାତେ ତଡ଼୍ ଆଦ୍ ମିଞ୍ଜ୍‍ତାୱ୍ ବିଷୟ ମାକିଂଙ୍କ୍ କେସ୍‌ମିନ୍ଦେଣ୍ଡ୍ । ଆଦ୍‌ ପରମଆତ୍ମା କେ ଇଶ୍ୱରତାଦ୍ ଲୋପେତ୍ ଏର୍କାତିଙ୍କ୍ ମେଦ୍‌କି ମିନ୍ଦେଣ୍ଡ୍ । 
\v 11 ନାରୁଡ଼୍‌ତାଦ୍‌ ସାର୍‍ରେକିଚି ଅରଟ୍‌ ତାମାଦ୍‌ ଲପାତ୍‌ ଆତ୍ମା ପୁନ୍‌ତା । ଆଲେନେ ମାତର୍‍ ଇଶ୍ୱରନ୍‌ ଆତ୍ମା ଇଶ୍ୱର୍‌ତେ ବିଷୟ୍‍ତେ ସାର୍‍ରେକିଚି ପୁନ୍‌ତା । 
\v 12 ମାମ୍‍ମେ ବୁଦ୍‍ତାଦ୍‌ ଆତ୍ମାତ୍‌ ଦର୍କାକିୱମ୍‌ । ବାତେଙ୍କ୍ ଇତ୍‍କେ ଇଶ୍ୱର୍ ଇତ୍‌ତାଦ୍‌ ସାର୍‍ରେ ବିଷୟ ପୁନ୍ଦାନ୍‌ ମାଇଦିଙ୍କ୍ ଇଶ୍ୱର୍ ରହ୍‌ତାଦ୍‌ ଆତ୍ମା ଆସ୍‌ମିନ୍ଦେମ୍ ।
\p
\v 13 ଆଦିଙ୍କ୍ ଦାର୍ମାମ୍ ନାରୁଡ଼୍ ବକେତ୍ ନିଜାତାଦ୍ ଦାର୍ମାମ୍ କେତ୍‍ତାନ୍ ୱେଲେ ମାମ୍‍ମେ ବୁମ୍‍ତାୱୁ ବୁଦ୍ ଗଟି କେଲମ୍; ପବିତ୍ର ଆତ୍ମାତେ ଶିକ୍ଷା ଲେକାମ୍ ଆୱ୍‌ ସାର୍‍ରେ ନିଜାତାୱୁ କେତିତମ୍ । 
\v 14 ବେନ୍‍ ନାରୁଡ଼୍ ମେଲ୍‍ତେ ଇସାପ୍‍ତେ ଇଲଣ୍ଡ୍‌, ଅଣ୍ଡ୍‌ ପରମେଶ୍ୱରତାଦ୍‌ ଆତ୍ମିକ ସାୟାତାୱ୍‌ ଆଦା ପାର୍‍ୱଣ୍ଡ୍ । ଅଣ୍ଡ୍‌ ଆତ୍ମାତ୍ ସାତ୍ ସାର୍‍ରେ ବୁଜେମ୍ ଆୟା ପାର୍ୱଣ୍ଡ୍‌ । ଆୱୁସାର୍ରେ ଅନ୍‌ ସେଙ୍ଗେ ପୁନ୍‍ୱାଦ୍; ବାତେଙ୍କ୍ ଇତ୍‍କେ ଆୱ୍‌ ସାର୍‍ରେ ଆଦ୍ୟାତ୍ମିକ ଇସାବ୍‌ତେ ବିଚାର୍‌ କିଦାନଙ୍କ୍‌ ଆତା । 
\v 15 ବାତେଙ୍କ୍ ଇତ୍‍କେ ୱେରଣ୍ଡ୍‌ ଇଶ୍ୱର୍ ଆତ୍ମାମାନ୍ଦାନ୍ ନାରୁଣ୍ଡ୍‌ ସାର୍‍ରେ ବିଷୟ୍‍ତେ ନେଲ୍ଲା ବୁଜେମ୍ ଆଦ୍ ପାର୍ଦାତଣ୍ଡ୍; ମାତର୍ ଅଣ୍ଡ୍‌ ନିଜେ ମେଣ୍ଡେଆର୍‍ତୁନ୍‌ ତଡ଼୍ ବିଚାର୍‌ ଆଦ୍‍ଦା ପାର୍ୱଣ୍ଡ୍‌ । 
\v 16 ଦର୍ମଶାସ୍ତ୍ରତାଗ୍ ଲେକା ମିନ୍ଦେ, “ବେନଣ୍ଡ୍ ଇଶ୍ୱର ଆଲ୍‍ସାନାଦ୍‌ ବୁଜେମ୍ ଆଦ୍‍ଦା ପାର୍ଦାତଣ୍ଡ୍ ? ବେନଣ୍ଡ୍ ଅଂକିଙ୍କ୍‌ କେତାପାର୍ଦ୍‍ତଣ୍ଡ୍‌ ?” ଆଦ୍‌ ବେଲାଆୟି, ମାମ୍‍ମେ କ୍ରିଷ୍ଟନ୍‌ ମାନ୍‍ଦିଙ୍କ୍ ଦର୍ସିକି ଆତ୍‍ତମ୍ ।
\c 3
\s ଇଶ୍ୱରନ୍ ଦାସ
\p
\v 1 ଦାଦାଲଡ଼ି ନୁ ଏଲାସ୍କ୍, ଆଦ୍ୟାତ୍ମିକ ନାରୁଡ଼୍‌ ସାଙ୍ଗ୍ ଗଟି ତିରିଆନ୍‌‌ ଲେକେତ୍‍ ନାନ୍‌ ମିତଡ଼୍‌ ଗଟି ତିରିୟ୍‌ଇଲେନ୍ । ମାତର୍ ନାନ୍‌ ମିକିନ୍‌ ଇ ବୁମ୍‌ତା ନାରୁଡ଼୍ ନୁ କ୍ରିଷ୍ଟନ୍‌ ବିଶ୍ୱାସ୍‌ତାଗ୍ ପିଲା ଏର୍କା କିସ୍‌ ଗଟି କେତ୍‌ତାନ୍ । 
\v 2 \x + \xo 3:୨ \xo*\xt ଏବ୍ରୀ ୫:୧୨,୧3.\xt*\x*ମିକିଂଙ୍କ୍ ଅଲ୍‍ଗାତାଦ୍ କାଦି ଇୱକଟ ପାୟାଲ୍ ଉନ୍ଦାନଙ୍କ୍ ଇସ୍‍ମାତ୍‍ତାନ୍, ବାତେଙ୍କ୍ ଇତ୍‍କେ ମିଡ଼୍ ଆଦ୍ ତିନ୍ଦାନଙ୍କ୍ ପାର୍‍ୱେମାତ୍‌ତିଡ଼୍‌, ଇଞ୍ଜେ ଗାଲା ତିନ୍ଦାନଙ୍କ୍ ମାଡ଼୍‌ୱିର୍‌, 
\v 3 ଇଞ୍ଜେ ମିକା ମିଡ଼୍ ଜଗତ୍‍ତେ ନାରୁଡ଼୍ ଲେକାମ୍ ବାଦ୍‍କୁତିଡ଼୍ । ମିଇ ଲୋପେ କପାମ୍ ନୁ ମିଇ ଲୋପେ ଗଲ୍‍କ୍ ମିନ୍ଦେ; ଇଗାଙ୍କ୍ ବାତ୍ ମିଡ଼୍ ମେନ୍ଦୁଲ୍ ନୁ ଜଗତ୍‍ତଡ଼ି ଇଞ୍ଜ ପ୍ରାମାନ୍ ଆୟ୍‍ୱିଡ଼୍ ? 
\v 4 \x + \xo 3:୪ \xo*\xt ୧ କରନ୍ତିୟ ୧:୧୨.\xt*\x*ବେଲାକି ବେସୁଙ୍କ୍‍ ୱେର୍‍ଣ୍ଡ୍ କେତୁତଣ୍ଡ୍, ନାନ୍ ଆପୋଲ୍ଲୋତନ୍, ମେଣ୍ଡେ ୱେର୍‍ଣ୍ଡ୍ କେତୁତଣ୍ଡ୍, ନାନ୍ ଆପଲ୍ଲତନ୍, ଆସୁଟ୍‌ ମିଡ଼୍‌ ବେଲା ମେନ୍ଦୁଲ୍‌ତେ ଇଲ୍‌ୱିଡ଼୍‌ କି ?
\p
\v 5 ଆପୋଲ୍ଲୋ ବେନଣ୍ଡ୍ ? ପାଉଲ୍‌ ମେଣ୍ଡେ ବେନଣ୍ଡ୍ ? ଅଡ଼୍‌‌ ତ ସେବକିଡ଼୍ । ମିକିଂଙ୍କ୍ ବିଶ୍ୱାସ୍ ମାଡ଼ାନ୍ ସେଙ୍ଗେ ମାମ୍‍ମେ ଆଦ୍ ପାଡ଼୍‍ୟି ମାଡ଼ୁତମ୍ । ଇଶ୍ୱର୍ ମାନ୍‍ ଲୋପେଙ୍କ୍ ସାର୍ରେତଡ଼୍‍କିଙ୍କ୍ ପାଡ଼୍‍ୟିତାଗ୍ ନିଯୁକ୍ତି ମାଡ଼୍‍ତମ୍, ମାମ୍‍ମେ ଆଦ୍ ପାଡ଼୍‍ୟି ମାଡ଼ୁତମ୍ । 
\v 6 \x + \xo 3:୬ \xo*\xt ପ୍ରେରିତ ୧୮:୪-୧୧; \xt*\xt ପ୍ରେରିତ ୧୮:୨୪-୨୮.\xt*\x*ନାନ୍ ଉର୍‍ସ୍କି ମିନ୍ଦେନ୍, ଆପୋଲ୍ଲୋ ଏର୍‌ ଇତ୍‌ତଣ୍ଡ୍, ବାତେଙ୍କ୍ ଇତ୍‍କେ ଇଶ୍ୱର୍ ପେଡ଼୍‌ସ୍‌ପି ମିନ୍ଦେଣ୍ଡ୍ । 
\v 7 ଇତ୍‌କେ, ବେନ ଉର୍‍ସ୍କ୍‍ତଣ୍ଡ୍ ବା ଏର୍‌ ଇଦ୍‍ତଣ୍ଡ୍‌, ଅଣ୍ଡ୍‌ ବାତେଏ ବା ଇଲଣ୍ଡ୍‌ ମାତର୍ ପେଡ଼୍‌ସ୍‌ପାନଣ୍ଡ୍ ଇଶ୍ୱର୍, ଅଣ୍ଡ୍‌ ବାଡ଼୍‍ୟଣ୍ଡ୍ । 
\v 8 ବେନଣ୍ଡ୍ ଉର୍‍ସ୍କ୍‍ତଣ୍ଡ୍ ନୁ ବେନଣ୍ଡ୍ ଏର୍‌ ଇଦ୍‍ତଣ୍ଡ୍ ଅଡ଼୍‌ ଇର୍‌ୱୁର୍‌ ୱେର୍‍ଟେ, ବାତେଙ୍କ୍‍ଇତ୍‍କେ ଇଶ୍ୱର୍ ସାର୍‍ରେ ନାରୁଡ଼୍ ତାମାଦ୍‌ ପାଡ଼୍‍ୟି ଇସାବତେ ପୁରସ୍କାର୍ ଇଦ୍‍ତଣ୍ଡ୍ । 
\v 9 ବାତେଙ୍କ୍‍ଇତ୍‍କେ ମାମ୍‍ମେ ଇଶ୍ୱର୍‌ତେ ତଡ଼୍ ପାଡ଼୍‍ୟିମାଡ଼ାନମ୍; ମିଡ଼୍‌ ଇଶ୍ୱରନ୍‌ ୱାୟା ନୁ ଇଶ୍ୱରନ୍ ଲୋନ୍‌ ।
\p
\v 10 ନାକିନ୍‌ ଇତ୍‌ତାଦ୍‌ ଇଶ୍ୱରନ୍ ଅନୁଗ୍ରହ ଇସାବ୍‌ତେ ନାନ୍ ୱେରନ୍ ବୁଦ୍ଦ୍‌ତନ୍ ଲୋନ୍‌ ମାଡ଼ାନ୍ ଲେକାମ୍ ବିତ୍ତିମୁଲ ତିଆର୍‌ କିତ୍‍ତାନ୍‌, ମେଣ୍ଡେ ୱେରଣ୍ଡ୍ ତାନ୍‌ପର୍ର ମାଡ଼ିମିନ୍ଦେଣ୍ଡ୍ । ବାତେଙ୍କ୍ ଇତ୍‍କେ ସାର୍ରେତଡ଼୍‌ ତାନ୍‌ପର୍ର ମାଡ଼ିମିନ୍ଦେଡ଼୍, ଆଦିନ୍‌ ସେଙ୍ଗେ ଜତନ୍‌ତେ ମାନ୍ଦାନାଦ୍‌ । 
\v 11 ବାତେଙ୍କ୍‍ଇତ୍‍କେ ଇଶ୍ୱର୍ ଜିସୁ କ୍ରିଷ୍ଟଙ୍କ୍ ତିଆର୍ ଆତ୍‌ତାଦ୍ ଦୁଡ଼ା ୱେରଟ୍ ଗଞ୍ଜ୍‌ ଇନା ନିଲ୍‍ସ୍ପ୍‍ତଣ୍ଡ୍ । ଅଂକିଙ୍କ୍‌ ୱିଡ଼୍‍ସ୍‍କେ ମେଣ୍ଡେ ବେନ୍ ଦୁଡ଼େ ତିୟାର୍ ଆଦେପାର୍‍ୱ । 
\v 12 ଜିସୁ ନିଜେ ଇଦିନ୍ ଦୁଡ଼େ । ୱେର୍‍ଣ୍ଡ୍ ନାରୁଡ଼୍ ଆଦ୍ ମୁଲଦୁଆତ୍ ପର୍ର ସୁନା, ରୁପା, ନାର୍ଗେଦାମିନାୱ୍ କାଲ୍‌କ୍‌, ୱେର୍‌କି, ୱେଦୁର୍ ଇଲକ୍‌ ଗାଡ୍‌ଡୁ, ବାତା ବା ଆସ୍ ମାଡ଼ା ପାର୍ଦାତଡ଼୍‌ । 
\v 13 ବାତେଙ୍କ୍ ଇତ୍‍କେ କ୍ରିଷ୍ଟ ମେଣ୍ଡଅନ୍‌‍ଦାମ୍ ୱାଦାନ୍ ୱେଲେ ସାର୍ରେତଡ଼ାଦ୍ ପାଡ଼୍‍ୟି ପରିକ୍ଷା ମାଡ଼ିତନ୍ । କିସ୍‌ତେ ଲେକେତ୍‍ ଆଦ୍‌ ଦିନାମ୍ ୱାଦ୍‍ତା, ନୁ ଆଦ୍‌ କିସ୍ ସାର୍‍ରେ ନାରୁଡ଼୍ କାମ୍‌ତିନ୍ ପରିକ୍ଷା ମାଡ଼ିତା ଦାମ୍ ଇଦ୍‍ତେ । 
\v 14 ଯଦି ଆଦ୍ ଦୁଡ଼େତ୍‌ ପର୍ର ମାଡ଼୍‌ତା ନାରୁନ୍ ଲୋନ୍‌ ନିସ୍‌ ମାନ୍‌ତା । ଆଲେ ଇତ୍‌କେ ଅଣ୍ଡ୍‌ ତାନ୍‌ ପୁରସ୍କାର୍ ଆତ୍‍ତଣ୍ଡ୍ । 
\v 15 ବେନନାଦ୍ ପାଡ଼ିୟ୍ ଦଂସ ଆଦ୍‍ତେ, ଅଣ୍ଡ୍‌ ଆଗାଙ୍କ୍ ଗେଲ୍‍ସିତଣ୍ଡ୍, ବାତେଙ୍କ୍ ଇତ୍‍କେ ପରିକ୍ଷା ତାଗାଙ୍କ୍ ଉଦାର୍ ପାଏମ୍ ଆତ୍‍ତେ ନାରୁଡ଼୍ ଲେକାମ୍ ଅଣ୍ଡ୍‌ ନିଜେ ଗେଲ୍‍ସିତଣ୍ଡ୍ ।
\p
\v 16 \x + \xo 3:୧୬ \xo*\xt ୧ କରନ୍ତିୟ ୬:୧୯; ୨ କରନ୍ତିୟ ୬:୧୬.\xt*\x*ମିଡ଼୍‌ ପୁନ୍ଦାନ୍ ୱାଇତିତା ଯେ, ମିଡ଼୍‌ ପର୍‌ମେଶ୍ୱରନ୍‌ ଗୁଡ଼ିୟ୍‌, ମେଣ୍ଡେ ପରମେଶ୍ୱରନ୍‌ ଆତ୍ମା ମିୟାଦ୍ ଜିୱୁଣ୍ଡ୍‍ତାଗ୍ ମାନ୍‌ତା । 
\v 17 ଯଦି ବେନ୍‌ନାରୁନ୍‌ ପରମେଶ୍ୱରନ୍‌ ଗୁଡ଼ିୟଦିନ୍‌ ନଷ୍ଟାମ୍‌ ମାଡ଼ାତଣ୍ଡ୍, ଆଲାଇତ୍‌କେ ପରମେଶ୍ୱର୍ ଅଂକିଙ୍କ୍‌ ନାଷ୍ଟାମ୍‌ ମାଡ଼ିତନ୍ । ପରମେଶ୍ୱରନ୍‌ ଗୁଡ଼ିୟ୍‌ ଆଦୁତେ ପବିତ୍ର । ଆଦ୍‌ ପବିତ୍ର ଗୁଡ଼ିୟ୍‌ ମିଡ଼୍ ।
\p
\v 18 ମିଡ଼୍‌ ନିଜେ ବୁସା ମାଡ଼୍‌ମାଟ୍‌, ଯଦି ବେନ୍‍ ନାରୁନ୍‌ ଆଲ୍‌ସିତଣ୍ଡ୍‌ ଯେ, ଅଣ୍ଡ୍‌ ଇଦ୍‌ ଜୁଗ୍‌ ଇସାବ୍‌ତେ ଜ୍ଞାନ୍‌ତନ୍‌ ଇଞ୍ଜ, ଆଲାଇତ୍‌କେ ଅଂକିଙ୍କ୍‌ ମୁର୍କ ଆଦୁୱାଇତିତ୍‌, 
\v 19 ବାତାଙ୍କ୍ ଇତ୍କେ ପରମେଶ୍ୱରନ୍‌ କଣ୍ଡେତେ ବୁଦ୍‍ତାଦ୍‌ ଜ୍ଞାନ୍‌ ନିଜାମ୍‌ ମୁର୍କତ୍‌ ଲେକେତ୍‍ । ଦର୍ମଶାସ୍ତ୍ର କେତିତ୍‌; “ବେସୁଙ୍କ୍‍ କି ଜ୍ଞାନିନାରୁଡ଼୍ ତାମ୍‌ ଚାଲାକ୍‌କେ ମାନ୍‌ତଡ଼୍‌, ପରମେଶ୍ୱର୍ ଆସୁଙ୍କ୍ ଅଡ଼୍‌‌କିଂଙ୍କ୍‌ ପଇତିତଣ୍ଡ୍‍ ।” 
\v 20 ଶାସ୍ତ୍ରତାଗ୍‌ ଇଦ୍‌ ମେଣ୍ଡେ ଲେକାମିନ୍ଦେ, “ପ୍ରବୁ ଜ୍ଞାନିନାରୁଡ଼୍‌ ଆଲ୍‌ସାନାଦ୍‌ ପୁନ୍‍ତଣ୍ଡ୍ । ଅଡ଼ାଦ୍‌‌ ସାର୍‍ରେ ଏଡ଼୍‌କାମାଡ଼ାନାଦ୍‌ ଯେ ବେକାର୍‍ ଆଦ୍‌ମେଣ୍ଡେ ଅଣ୍ଡ୍‌ ପୁନ୍‌ତଣ୍ଡ୍ ।” 
\v 21 ଆଦିନ୍‌ମାଇଦିଙ୍କ୍‌ ନାରୁଡ଼୍‌ ମାଡ଼୍‍ତେ ବିଷୟତାଗ୍ ବେନ ଗର୍ବ ମାଡ଼ାନାଦ୍‌ ଇଲ୍‌ଲେ । ନିଜାମ୍ ସାର୍‍ରେ ବିଷୟ ମିୟାଦେ । 
\v 22 ପାଉଲ୍‌, ପିତର୍‌ ନୁ ଆପୋଲ୍ଲୋ ଇଦ୍ ବୁମ୍, ଜିୱୁ ବା ଡଲ୍‍ନାଦ୍; ଇଞ୍ଜେ ବା ୱାଦାନାଦ୍ ସାର୍‍ରେ ମିୟାଦେ । 
\v 23 ବାତେଙ୍କ୍ ଇତ୍‍କେ ମିଡ଼୍‌ କ୍ରିଷ୍ଟନ୍‍ତଡ଼୍ ନୁ କ୍ରିଷ୍ଟ ପରମେଶ୍ୱରତଣ୍ଡ୍ ।
\c 4
\s କ୍ରିଷ୍ଟନ୍ ପ୍ରେରିତଶିଷ୍ୟ
\p
\v 1 ମା ବିଷୟ୍‍ତେ ନାରୁଡ଼୍‌ ଆଲ୍‌ସାନ୍‌ ୱେଇତିତ୍‍ ଯେ, ମାନାଲ୍‌ କ୍ରିଷ୍ଟନ୍‌ ଦାସ । ପରମେଶ୍ୱର୍ ତାନ୍ ମିଞ୍ଜ୍‍ତାଦ୍‌ ସତ୍‌ସାର୍ରେ ମାୟାଗ୍‌ ଆଶେ ୱାଟି କେସ୍‌ ମିନ୍ଦେଣ୍ଡ୍ । 
\v 2 ବେନ୍ ନାରୁଡ଼୍‌କିନ୍‌ ଇଦ୍‌ ଦାୟୀତ୍ୱ ଇସ୍‌ମିନ୍ଦେଡ଼୍‌ ଅଡ଼୍‌‌ ବେଲାକି ଇଦିନାଦ୍‌ ଯଗ୍ୟ ଆଦାପାର୍ଦାତଡ଼୍ । 
\v 3 ମିଡ଼୍‌ ଯଦି ନାୟାଦ୍‌ ବିଚାର୍‌ କିତ୍‍ତିଡ଼୍ ଇଲକ୍‌ ବେନ୍‍ ବା ଅଦାଲତ୍, ଯଦି ନାୟାଦ୍‌ ବିଚାର୍ ମାଡ଼ିତେ, ଆଲାଇତ୍‌କେ ନାନ୍ ବେନନ୍‌ବା ଏଡ଼୍‌କା ମାଡ଼ନ୍ । ବେଲାକି ନାନ୍‌ ନାୟାଦ୍‌ ବିଚାର୍‌ ମେଣ୍ଡେ ମାଡ଼ଣ୍ଡ୍ । 
\v 4 ନା ବିରୁଦ୍‍ତେ ବାତେବା ବିଷୟ୍ ମାନ୍ଦାନ୍ ଗଟ୍ ନାନ୍‌ ପୁନନ୍ । ନିଜାମ୍ ଇଦିନାଦ୍ ଇତ୍‍କେ ଆୟ୍‍ୟ ଯେ ନାନ୍ ସାରେ ନିର୍ଦୋଷ୍ । ବାତେଙ୍କ୍ ଇତ୍‍କେ ପ୍ରବୁ ନିଜେ ନାୟାଦ୍ ବିଚାର୍ କର୍ତାଲ୍ । 
\v 5 ସାୟେ ଦିନାମ୍ ୱାଦ୍‌ଇଲ୍‌ୱା ଆସୁଙ୍କ୍ ଇତ୍‌କେ ନେଲା ୱାଦାନ୍ ଆସୁଙ୍କ୍‌ ଆନା, ବାତା ବା ଗଟିନ୍‌ ବିଚାର୍‌ କିୟାନାଦ୍‌ ଆୟ୍‌ । ପ୍ରବୁ ବିଚାର୍ ମାଡ଼ାନଙ୍କ୍ ୱାଦାନ୍ ଯାକ କେପାଟ୍ । ଅଣ୍ଡ୍‌‌ ଇକାଡ଼୍‌ତେ ମାନ୍ଦାନାୱ୍‌ ବିଷୟ୍ ସାର୍‍ରେ ନାରୁଡ଼୍‌ ମୁନ୍‍ନେ ତାତ୍‍ତଣ୍ଡ୍ । ଅଣ୍ଡ୍‌‌ ନାରୁଡ଼୍‌ ଗୁଣ୍ଡେତେ ଲପା ମିଞ୍ଜ୍‍ତାୱ୍ ସାର୍‍ରେ ପେସ୍‌ପାତଣ୍ଡ୍ । ଆସୁଙ୍କ୍‌ ପରମେଶ୍ୱର୍ ସାର୍ରେତଡ଼୍‌କିଙ୍କ୍‌ ବେନାଦ୍‌ ବାତା ଦର୍କିତ୍‌ ଆଦ୍‌ ଇଦ୍‍ତଣ୍ଡ୍ ।
\p
\v 6 ଦାଦାଲଡ଼ି ନୁ ଏଲାସ୍କ୍‍, ମିୟାଦ୍‌ ସାୟେତ୍‌ ମାଇଦିଙ୍କ୍‌ ନାନ୍‌ ଆପୋଲ୍ଲୋ ନୁ ନାୟାଦ୍‌ ବିସୟତେ ଇୱୁ ସାର୍‍ରେ ମାଟା କେତ୍‌ତାନ୍‌ । ମାକ୍‌ ଇଡ଼୍‌ୱୁକିଙ୍ଗ୍‌ ୱେଷଡ଼୍ ଲେକାମ୍ ଏର୍କା ମାଡ଼ି ମିଡ଼୍ କାର୍‍ତେ ୱାଇତିତ୍ ଯେ, ଶାସ୍ତ୍ରତାଗ୍ ବାତା ଲେକ୍‍ତାଦ୍ ମିନ୍ଦେ, ଆଦିନ୍‌ ଲେକେତ୍‍ ଆଦାନାଦ୍‌ ନିୟମ୍ ଇଲ୍‌ଲେ । ମିଇ ଲୋପେଙ୍କ୍ ବେନଙ୍କ୍ ଆସ୍ ବା ଆଶେ ମାଡ଼୍‌ମାଟ୍, ମେଣ୍ଡେ ବେନଙ୍କ୍ କେପ୍‌ମାଟ୍ । 
\v 7 ଅର୍ତୁନୁଞ୍ଚ୍‌ ନିକିଂଙ୍କ୍ ବେନ ଲେକେତ୍ ମାଡ଼ତଣ୍ଡ୍ ? ମିୟାଦ୍‌ ସାର୍‍ରେ ବାତେଏ ଇଶ୍ୱରନ୍‌ ଦାନାମ୍ ଆୟ୍‍ୟ କି ? ଇତ୍‍କେ ଆଦ୍‌ ଯଦି ମିକିଂଙ୍କ୍ ଦାନାମ୍ ଲେକେତ୍‍ ଦର୍‌କ୍ତା, ଆଲା ଇତ୍‌କେ ବାତାଙ୍କ୍ ମିଡ଼୍ ଦାନାମ୍ ଦର୍କିଲ୍ଲା ଲେକାମ୍ ଗର୍ବ ମାଡ଼ୁତିଡ଼୍ ?
\p
\v 8 ମିକିଂଙ୍କ୍ ଦର୍‍କାର୍ ସାର୍‍ରେ ଜିନିଷ୍ ପାଏମ୍ ଆଦ୍‍ତିଡ଼୍ କି ? ମିଡ଼୍ ବାତା ସାଉକାର୍ ଆତ୍‌ତିଡ଼୍ କି ? ମିଡ଼୍ ବାତା ରାଜା ଆଦ୍‌ତିଡ଼ି ? ଯଦି ମାମ୍‍ମେ ଆୟକ୍ ଗାଲା । ନିଜାମ୍, ମିଡ଼୍ ରାଜା ଆୟେଡ଼ି କି ? ଆଲାଇତ୍‍କେ, ମାମ୍‍ମେ ମିୟାଦ୍ ଆଦ୍ ରାଜ୍‍ପଦ୍‍ତାଗ୍ ପାଲ୍‍କ୍ ଆୟେମ୍ । 
\v 9 ନିଜାମ୍ ନାକିଂଙ୍କ୍ ଏର୍କା ମିନ୍ଦେ, ମାନ୍‍ ଲେକାମ୍ ପ୍ରେରିତ୍ ଶିଷ୍ୟଡ଼୍‍କ୍ ଇଶ୍ୱର୍ ସାର୍ରେତଡ଼୍ ପେର୍‍କେ ନେଃଏତଣ୍ଡ୍ । ତଅନ୍‌ଦାନ୍ ଲେକାମ୍ ଡଲିମାଞ୍ଜ୍ ସାର୍‍ରେ ବୁମ୍‍ତେ ନାରୁଡ଼୍ ନୁ ଦେୟାମ୍‍ ଦୂତଡ଼୍ ଗାର୍ରେ ପାସ୍କ୍‍ତେ ନାରୁଡ଼୍ ଇନା ମାକିଂଙ୍କ୍ ଅଣ୍ଡ୍‌ ପୟସ୍‍ମିନ୍ଦେଣ୍ଡ୍ । 
\v 10 କ୍ରିଷ୍ଟନ୍‌ ମାଇଦିଙ୍କ୍‌ ମାନାଡ଼୍ ମୁର୍କ ଇଞ୍ଜ ପୁତ୍‍ତଡ଼୍ । ବାତେଙ୍କ୍ ଇତ୍‍କେ ମିଡ଼୍ କ୍ରିଷ୍ଟନ୍ ତଡ଼୍ କାୟ୍‍ଲ୍‍ତାଙ୍କ୍ ମିଡ଼୍ ଜ୍ଞାନି । ମାମ୍ ଲାୱୁ ଇଲ୍‌ୱାନମ୍‌; ମାତି ମିଡ଼୍ ଲାୱ୍‌ଦନର୍‌ । ମିଡ଼୍ ସମ୍ମାନ୍ ଦର୍‍କ୍‍ତେନଡ଼୍‌, ମାତି ମାମ୍‍ମେ ଅନାଦ୍‌‌ ଇନତେ ନାରୁମ୍ । 
\v 11 ଇଞ୍ଜେ ଅନ୍‌‍ପାକେ ମାମ୍ କାର୍ର୍‌ୱିନମ୍‌ ନୁ ଉନ୍ଦ୍‌ ୱାତ୍‌ତେନମ୍‌, ଇଙ୍କ୍‍ତେ ସିଲେ କେର୍‍ତମ୍ ନୁ ଦେବ୍‌ବା ତିଞ୍ଜ୍‌ ମାନ୍ଦାନମ୍ ନୁ ପଡ୍‌ୟା ଇଲ୍‌ୱେନମ୍ । 
\v 12 \x + \xo ୪:୧୨ \xo*\xt ପ୍ରେରିତ ୧୮:3.\xt*\x*ଗାଟି ପାଡ଼୍‍ୟି ମାଡ଼ି ମାମ୍‍ମେ ୱାସିଆଦୁତମ୍ । ବେନ ମାକିଂଙ୍କ୍ ଅବିଶାପ୍‌ ଇତ୍‍କେ, ମାମ୍‍ମେ ଅଡ଼୍‌‍କିଂଙ୍କ୍ ଆର୍ଶିବାଦ୍ ମାଡ଼ିତମ୍ । ନିନ୍ଦ୍ ଆତ୍‍କେବା, ମାମ୍‍ମେ ସହେମ୍ ଆଦ୍‍ତମ୍ । 
\v 13 ଅପ୍‌ୱାଦ୍‌ ଆସ୍‌ ବାରେ କାଲ୍‌ୟାନାଦ୍‌ ଗଟ୍‌ କେସ୍‌ ମିନ୍ଦେମ୍‌ । ଇଞ୍ଜେ ଅନ୍‌‍ପାକେ ବା ମାମ୍‍ମେ ବୁମ୍‌ତାଗା ତଗୁ ଇନା ଆସ୍ ମିନ୍ଦେମ୍; ସାର୍ରେତଡ଼୍ ମାକିଂଙ୍କ୍ ପାସ୍‍କ୍‍ତଡ଼୍ ।
\p
\v 14 ନାନେ ନିକିଙ୍କ୍‌ ସିଗ୍‌ ଇଦାନ୍‌ ମାଇଦିଙ୍କ୍‌ ଇୱୁ ସାର୍‍ରେ ଗଟି ଲେକ୍‌କିଲେନ୍‌ ପ୍ରେମତେ ପିଲ୍ଲା ଇଞ୍ଜ୍‌ ଆଲ୍‌ସି ଏର୍କା ଇଦାନ୍ ମାଇଦିଙ୍କ୍ ଇଞ୍ଜ ସାର୍‍ରେ ଲେକ୍‌କିମିନ୍ଦେନ୍‌ । 
\v 15 କ୍ରିଷ୍ଟିୟାନ୍ ଜିୱୁଣ୍ଡ୍‍ତାଗ୍ ମିକିଂଙ୍କ୍ ନାର୍‍ଗେ ଦର୍ମଗୁରୁ ମାନ୍‍ତଡ଼୍ । ଇତ୍‍କେ ମିଇ ବାବାଲ୍ ୱେରଣ୍ଡ୍ । ମିଇ ଗାର୍ରେ ନେଲା କାବୁର୍ ପ୍ରଚାର୍ ମାଡ଼୍‍କେ କ୍ରିଷ୍ଟିୟାନ୍ ଜିୱୁଣ୍ଡ୍‍ତାଗ୍ ନାନ୍ ମିଇ ବାବାନ୍ ଲେକେ । 
\v 16 \x + \xo ୪:୧୬ \xo*\xt ୧ କରନ୍ତିୟ ୧୧:୧; ଫିଲିପିୟ 3:୧୭.\xt*\x*ଆଦିଙ୍କ୍, ନାୟାଦ୍ ଆଦର୍ଶ୍ ପେର୍‍କେ ମାଡ଼ାନଙ୍କ୍ ନାନ୍‌ ମିକିଙ୍କ୍‌ ଅନୁରଦ୍‌‌ ମାଡ଼ମିନ୍ଦେନ୍ । 
\v 17 ଇଦିନ୍‌ ମାଇଦିଙ୍କ୍‌ ନାନ୍ ମିଇ ଗାର୍ରେ ତିମତିଙ୍କ୍‌ ରଅତାନ୍, ଅଣ୍ଡ୍‌ ଦେଉଡ଼୍‌ତାଗ୍ ନାୟାଗ୍‌ ପ୍ରେମ୍‌ତେ ନୁ ବିଶ୍ୱାସ୍‌ତେ ମାର୍‍ ! ବେଲାକି ନାନ୍‌ ସାର୍‍ରେ ଗୁଡ଼ିୟ୍‌ ନାଗ୍‌ ଶିକ୍ଷା ଇଦୁତାନ୍‌, ଆଲେକେ, ଅଣ୍ଡ୍‌‌ ନିକିଂଙ୍କ୍ ନାୟାଗ୍‌ କ୍ରିଷ୍ଟିଅନ୍‌‌ ଆଚରନ୍‌ ଆର୍ର୍ ଏଡ଼୍‌କା ମାଡ଼ିତନ୍ ।
\p
\v 18 ନାନ୍ ମିଇ ଗାର୍ରେ ୱାଡ଼େନ୍‌ ଇଞ୍ଜ ଏର୍କା ମାଡ଼ି ବେନ ଗର୍ବ ମାଡ଼୍‌ତଡ଼୍ । 
\v 19 ଇଶ୍ୱର୍ ଇଚ୍ଛା ମାଡ଼୍‍କେ, ନାନ୍ ସିଟ୍‍ପାଟ୍ ମିଇ ଗାର୍ରେ ଆଦ୍‍ତାନ୍ । ଆସୁଟେ ଇଡ଼୍ ଗର୍ବି ନାରୁଡ଼ାଦ୍ ଗଟି ମାତର୍ କେଞ୍ଜନ୍ ନିଜାମ୍ ଅଡ଼ାଦ୍‌ ବେସର୍ ଶାତ୍‍ୱାମ୍‍ ମିନ୍ଦେ, ଆଦ୍ ନାନ୍ ଉଡ଼ିତାନ୍ । 
\v 20 ବାତେଙ୍କ୍ ଇତ୍‍କେ ଇଶ୍ୱରତେ ରାଜ୍ୟ ବାକ୍ୟତେ ଆୟ୍‍ୟ । ମାତି ଲାୱ୍‌ଦେ ତଅନ୍‌ଦାନ୍ ବିଷୟ୍ । 
\v 21 ମିଡ଼୍ ବାତ୍ ଚାଏମ୍ ଆଦୁତିଡ଼୍ ? ନାନ୍ ବାତ୍ ମିକିଂଙ୍କ୍ ଶାସନ୍‍ ମାଡ଼ାନ୍ ମାୟ୍‍ଦିଙ୍କ୍ କଅଡ଼ା ପୟ୍‍ସ୍ ୱାଦ୍‍ତାନ୍ ? କି, ପ୍ରେମ ନୁ ଲେକାମ୍ ମାନ୍‍ ଆସ୍ ୱାଦ୍‍ତାନ୍ ?
\c 5
\s ମଣ୍ଡଲିକଞ୍ଚ୍ ଦୁରାମ୍ ଆତା ଦାଦାଲରକ୍‌ ୱିଡ଼୍‌ସାନାଦ୍
\p
\v 1 ନିଜାମେ କେଞ୍ଜମିନ୍ଦେମ୍ ଯେ, ମିଇ ଲପେ ବ୍ୟବିଚାର୍ ମିନ୍ଦେ, ଇଦ୍‌ଲେକାତ୍ ବ୍ୟବିଚାର୍, ବାତାକି ୱେର୍‌ ଜାତିନଡ଼୍‌ ଲୋପେ ବା ତଅନ୍‌ଦ, ଇଦ୍‌ଲେକେମ୍‌ କି ୱେରନ୍ ତାମ୍ ବାବାନ୍ ପାୟେତ୍ ମୁତେଙ୍କ୍ ନେଃଏସ୍ ମିନ୍‌ନ୍ଦେନ୍ । 
\v 2 ମେଣ୍ଡେ, ବେନ ଇଦ୍ ପାଡିୟ୍‌ ମାଡ଼ମିନ୍ଦେନ୍, ଅଣ୍ଡ୍‌ ବେଲାକି ମିଇ ଲୋପେଙ୍କ୍‌ ନୁଞ୍ଚ୍ ଦୁରାମ୍‌ ମାଡ଼୍‍ତର୍‌, ଇଦିନ୍ ମାଇଦିଙ୍କ୍‌ ଆଲ୍‌ସକଟ୍‌ ଅୟ୍‌ୱେ ବେଲାନ୍ କି ଗର୍ବ ମାଡ଼ମିନ୍ଦେଡ଼ି ? 
\v 3 ବାତେଙ୍କ୍ ଇତ୍‍କେ ନାନେ ମେନ୍ଦୁଲ୍‌ତେ କାଇଲକେ ବା ଆତ୍ମାତେ କାଇଲି ମାଞ୍ଜ୍, ବେନଣ୍ଡ୍ ଇଦିନ୍‌ ଲେକାମ୍ ପାଡିୟ୍‌ ମାଡ଼ିମିନ୍ଦେନ୍, କାଇଲି ମାନ୍ଦାନ୍ ଲେକେମ୍ ନାନ୍ ଅନାଦ୍‌ ବିଚାର୍ କିସ୍‌ ତେର୍‌ସ୍ପି ମିନ୍ଦେନ୍, 
\v 4 ମିଡ଼୍‌ ନୁ ନାୟାଦ୍‌ ଆତ୍ମା ମାନାଦ୍‌ ପ୍ରବୁ ଜିସୁନ୍ ପେଦେର୍‍ତେ ଅଣ୍ଡୟାଗେ ଆଦାନ୍ ୱେଲେ, ଶକ୍ତିତଡ଼୍‌ ଇଦ୍‌ ସ୍ଥିର୍‌ ମାଡ଼ମିନ୍ଦେନ୍ ଯେ, 
\v 5 ଇଦ୍ ଲେକେତ୍‍ ନାରୁଙ୍କ୍ ମେନ୍ଦୁଲ୍‌ତାଦ୍ ନାଷ୍ଟାମ୍‌ତ ମାଇଦିଙ୍କ୍ ଶୟ୍‍ତାନ୍‍ତେ କାଇଦେ ୱିସଡ୍‌ସିନାଦ୍ ମିନ୍ଦେ, ବେଲାକି ପ୍ରବୁ ଜିସୁନ୍ ଦିନାମ୍‌ତେ ଅନାଦ୍‌ ଆତ୍ମା ଗେଲ୍‌ସେ ପାର୍ଦିତ୍‌ ।
\p
\v 6 \x + \xo ୫:୬ \xo*\xt ଗାଲାତୀୟ ୫:୯.\xt*\x*ମିୟାଦ୍‌ ଇଦ୍‌ଲେକେତ୍‌ ଗର୍ବ ମାଡ଼ାନାଦ୍‌ ସାୟେ ଇଲ୍‌ଲେ । ମିଡ଼୍ କି ପୁନିର୍‌ ଯେ ସୁଡୁଟ୍‌ ଇଞ୍ଜ କମିର୍‌ ସାର୍‍ରେ ମଇଦା ପିଣ୍ଡୁଲାତିଙ୍କ୍‌ କମିରମୟ ମାଡ଼ିତା ? 
\v 7 ମିଡ଼୍ ତ କମିର ଇଲ୍‌ୱା ନାରୁଡ଼୍‌, ବେଲାକି ମିଡ଼୍ ପୁନାଦ୍ ପେଣ୍ଡୁଲ୍ ଆଦ୍‍ଦେ ପାର୍ଦାତିଡ଼୍‌, ଆଦିଙ୍କ୍‌ ମାଇଦିଙ୍କ୍‌ ପାନ୍‌ତାଦ୍‌ କମିର ବାଇଦେ ପେସ୍‌ପିମୁଟ୍‌, ବାତାଙ୍କ୍‌ ଇତ୍‌କେ ମାୟାଦ୍‌ ନିସ୍ତାର୍‌ ପାଣ୍ଡୁମ୍‌ତାଦ୍‌ ତିଆର୍ ତେର୍‍ତେ । ମାନ୍‍ ସେଙ୍ଗେ କ୍ରିଷ୍ଟ, ମେଣ୍ଢା ପିଲା ଲେକାମ୍ ବଲିକୃତ ଆତ୍‍ତଣ୍ଡ୍ । 
\v 8 ଅତଏବ ୱାରାଟ୍‌, ମାନାଲ୍ ପାନ୍‌ତାଦ୍‌ କମିର ବା କାରାପ୍‌ ନୁ ପିନ୍ଦ୍‌ୱାଦ୍ ପାଡିୟ୍‌ ଲେକେତ୍‍ କମିରତେ ପାଣ୍ଡୁମ୍ କିୱାକଟେ ସରଲତା ନୁ ନିଜାମ୍‌ ଲେକେତ୍‍ କମିର ଇଲ୍‌ୱା ରୂଟିତେ ପାଣ୍ଡୁମ୍‌ ମାଡ଼ିକାଲ୍ ।
\p
\v 9 ବ୍ୟବିଚାରି ତଡ଼୍‌ କାଇଲ୍‌ମାଟ୍ ଇଞ୍ଜ ନାନ୍‌ ମିକିଙ୍କ୍‍ ନା ଚିଟି‌ ଲେକି ମାତ୍‌ତାନ୍‌ । 
\v 10 ଇ ବୁମ୍‌ତର୍‌ ବ୍ୟବିଚାରି କି ଦନ୍‍ଲୋଭିଡ଼୍ କି ଡଙ୍ଗାଲଡ଼୍ ନୁ ପୁତ୍‍ଲାମ୍‌ ପୁଜା ମାଡ଼ାନର୍‌ ତଡ଼୍ ଇଚୁର୍‌ ବା କାଇଲ୍‍ମାଟ୍ । ଆଲେଆତ୍‍କେ, ମିକିଂଙ୍କ୍ ଜଗତ୍‍ତାଗାଙ୍କ୍ ଅଣ୍ଡୟ୍‌‍ଦାମ୍ ପେୟିସ୍ ଆଦେୱେୟ୍‍ତିତ୍ । 
\v 11 ବାତେଙ୍କ୍ ଇତ୍‍କେ ନାୟାଦ୍‌ ଲେକାନାଦ୍‌ ନୁ ଆଲ୍‌ସାନାଦ୍‌ ଇଲା ମାତ୍‍ତେ ଯେ, ଯଦି ବେନଆଇ ନାରୁଣ୍ଡ୍‌ ତାମୁଣ୍ଡ୍‌ ଇଞ୍ଜ୍‌ ପୁଞ୍ଜ୍ ବ୍ୟବିଚାର୍‌ କି ସାୱ୍‌କାର୍‌ ଆଦାନଙ୍କ୍ କି ମାତ୍‍ୱାରିଡ଼୍‍ କି ପୁତ୍‍ଲାମ୍‌ ପୂଜା ମାଡ଼ାନର୍‌ କି ପେର୍‌ଲାନର୍‌ ମାତ୍‍ୱାରି କି ଅର୍‌ତୁନାଦ୍‌ ଜିନିଷ୍ ଡଙ୍ଗାଲ୍ ମାଡ଼ାନଣ୍ଡ୍‌ ଆତଣ୍ଡ୍‌ ଇତ୍‌କେ ଇସତ୍ ନାରୁଡ଼୍‌ ତଡ଼୍ କାଇଲ୍‌ମାଟ୍‌, ବେଲା ଅଣ୍ଡ୍‌‌ ତଡ଼୍‌ ଦଡା ବା ତିନ୍‌ମାଟ୍‌ ।
\p
\v 12 ବାୟ୍‍ଦେତ୍ ନାରୁଡ଼ାଦ୍ ବିଚାର୍ ମାଡ଼ାନ୍ ମାୟ୍‍ଦିଙ୍କ୍ ନାନ୍ ବେନ ? ଇତ୍‍କେ ମାନ୍‍ ମଣ୍ଡଲିତେ ଲୋପେ ମାନ୍ଦାନ୍ ନାରୁଡ଼୍‍କିଂଙ୍କ୍ ବିଚାର୍ ମାଡ଼ାନାଦ୍ ଦାୟିତ୍‌ ବାତ୍ ମାନାଦ୍‍ ଇଲ୍‍ଲେ ? 
\v 13 ଇଶ୍ୱର୍ ଅଡ଼ାଦ୍‌ ବିଚାର୍ ମାଡ଼ିତନ୍, ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦା କାରାପ୍ ନାରୁଡ଼୍‍କିଂଙ୍କ୍ ପେସ୍ପିମୁଟ୍ ।
\c 6
\s କ୍ରିଷ୍ଟିୟାନ୍‌ ଦାଦାଲଡ଼୍ ବିରଦ୍ଦତେ ମାଟା
\p
\v 1 ମିଇ ଲୋପେ ବେନଡ଼୍ ୱେରତର୍ ପର୍‌ର କପାମ୍ ମାଡ଼ ମାତ୍‌କେ ଉନ୍‌ କି ବିଚାର୍‌ ମାଇଦିଙ୍କ୍ ପବିତ୍ର ସାଦୁନାରୁଡ଼୍‌ ଗାର୍‌ରେ ଆନକଟ ଅଦାର୍ମିକ୍ ନାରୁଡ୍‌ ଗାର୍‌ରେ ଆନ୍‌ଦାନଙ୍କ୍‌ ଦମ୍ କିୱେଣ୍ଡ୍‌ ? 
\v 2 ଆଦ୍ ସାଦୁନାରୁଡ଼୍‌ ଯେ ପବିତ୍ର ବୁମ୍‌ତାଦ୍‌ ବିଚାର୍‌ କିତ୍‍ତଡ୍‌, ଇ ଗଟି କି ମିଡ଼୍‌ ବେଲା ପୁନ୍‌ୱିନ୍‌ ? ମେଣ୍ଡେ ଯଦି ବୁମ୍ ମିଇ ତଡ଼୍ ବିଚାରିତ ଆତ୍‍ତା, ବାତା ମିଡ଼୍ କି ସୁଡୁ ସୁଡୁ ବିଷୟ୍ ବିଚାର୍‌ କିଦାନଙ୍କ୍ ବେସୁଙ୍କ୍‌ ଆୟ ? 
\v 3 ମାନାଲ୍‌ ଯେ ଦୂତକିଙ୍କ୍‌ ବିଚାର୍‌ କିତ୍‍ତାଲ୍ ଇଦ୍‌ ବେଲା ମିଡ଼୍‌ ପୁନ୍‌ୱିଡ଼୍‌ ? ଆଲେକେ ଜଗତ୍‍ତାଦ୍ ବିଚାର୍ ମାଡ଼ାନାଦ୍ ମାକିଂଙ୍କ୍ ଗାଟି ସହଜ୍ ଆୟ୍‍ୟ କି ? 
\v 4 ଆଲେକ୍ ଇନ୍‌ଜେତ୍‌ ଜିୱୁତ୍‌ ମାଟ୍ଟା ବା ବାତା ? ଆଦିନ୍‌ମାଇଦିଙ୍କ୍, ଯଦି ବିଚାର୍‌ ମାଇଦିଙ୍କ୍‌ ମିୟାଦ୍‌ ଇଞ୍ଜେତ୍‌ ଜିୱୁଲେକାତ୍‌ ବାତାଆୟି ବିଷୟ୍ ମାନ୍‍ତା, ଆଲେକ୍ ମଣ୍ଡଲିତେ ବେନଡ଼୍ ନଗଣ୍ୟ, ଅଡ଼୍‌‍କିଂଙ୍କ୍ ବାତା ବିଚାର୍‌ କିଦାନ୍‌ ମାଇଦିଙ୍କ୍ ତିଆର୍‌ ମାଡ଼୍‍ୱିଡ଼୍ ? 
\v 5 ନାନ୍‌ ମିକିଙ୍କ୍‌ ସିଗ୍‌ ଇଦାନ୍‌ ମାଇଦିଙ୍କ୍ କେସ୍ ମିନ୍ଦେନ୍ । ଦାଦାଲ୍ ତାମୁଣ୍ଡ୍‍ ଲୋପେ ମୀମାଂସା ମାଡ଼ାନଙ୍କ୍‌ ଇଚ୍ଛା, ଇଦ୍‍ଲେକାମ୍ ବାତା ୱେରଣ୍ଡ୍‌ ଜ୍ଞାନି ନାରୁଡ଼୍ ନିଜାମ୍ ମିୟାଗ୍ ଇଲେର୍ ? 
\v 6 ମାତର୍ ଦାଦାଲ୍‌ ତାମୁଣ୍ଡ୍‍ ବିରୁଦ୍‍ତେ ବିଚାରଳୟତାଗ୍‌ ଅବିଯୋଗ ମାଡ଼ୁତିର୍‌, ଆଦ୍‌ମେଣ୍ଡେ ଅବିଶ୍ୱାସୀ ନାରୁରାଗ୍‌ !
\p
\v 7 ମିଡ଼୍ ଯେ ମିଇ ମିଇ ଲୋପେ ବିରୁଦ୍ଦ୍‍ ବିଚାରଳୟତାଗ୍‌ ଅବିଯୋଗ ମାଡ଼ୁତିର୍‌, ଆଗା ମିଡ଼୍ ନିଜାମେ ଦଷ୍‌ ଆତ୍‌ତିର୍‌ । ମେଣ୍ଡେ ବାତ୍‌ତେ ଗଟି କେଞ୍ଜି ମାନ୍ଦାଙ୍କ୍‌ ପାର୍ୱିଡ଼୍‌ ? ବେଲା ବାତାଙ୍କ୍ ନାଷ୍ଟ ଆଦାନାଦିନ୍‌ ୱିଡ଼୍‌ସ୍‌ୱିଡ଼୍‌ ? 
\v 8 ବାତେଙ୍କ୍ ଇତ୍‍କେ ମିଡ଼୍ ନିଜେ ନିଜେ ଅନ୍‌ୟାୟ୍ ନୁ କ୍ଷତି ମାଡ଼ୁତିର୍‌, ଆଦ୍‌ ମେଣ୍ଡେ କ୍ରିଷ୍ଟ ବିଶ୍ୱାସୀ ଦାଦାଲର୍‌ ବା ଏଲାସ୍କ୍ ପର୍ର ମାଡ଼ୁତିଡ଼୍ । 
\v 9 ମିଡ଼୍ ପୁତ୍‍ତିଡ଼୍ ଯେ ବେନ ଅଦାର୍ମିକ୍‌ ନାରୁଡ଼୍‌ ଇଶ୍ୱରନ୍‌ ରାଜ୍ୟମ୍‌ତାଗ୍‌ ଆଦା ପାର୍ୱଡ଼୍‌ । ଇଦ୍‌ ବିଷୟ୍‍ତେ ମିୟାଦ୍ ବାତେବା ପୁନ୍‍ୱେଲେକେ ମାନ୍‍ମାକି । ପଟ୍‍କାରୀ, ପୁତ୍‍ଲାମ୍ ପୁଜାମାଡ଼ାନଡ଼୍, ବ୍ୟବିଚାରୀଡ଼୍‍, ପେକାଲ୍ ପେକାନ୍‍ତଡ଼୍ ନୁ ପିକିଡ଼୍ ପିକିନ୍‍ତଡ଼୍ ଲିନ୍ଦେ ଆସ୍‍ମାନ୍ଦାନଡ଼୍, 
\v 10 ଡଙ୍ଗାଲ୍‌, ଦନ୍‌ଆସେତଣ୍ଡ୍, ମାତ୍‍ୱାରି, ନିନ୍ଦ୍ ମାଡ଼ନଣ୍ଡ୍ ନୁ ଗୁଣ୍ଡାଲଡ଼୍, ଇଡ଼୍‌ ଇଶ୍ୱରନ୍ ରାଜ୍ୟତାଗ୍ ଆଦେ ପାର୍‌ୱଡ଼୍ । 
\v 11 ମେଣ୍ଡେ, ମିଇ ଲୋପେ ବେନବେନ ଇଲା ମାତ୍‌ତିର୍‌ । ବାତେଙ୍କ୍ ଇତ୍‍କେ ଇଞ୍ଜେ ମିଡ଼୍ ପାପାମ୍‍ତାଗାଙ୍କ୍ ଏଡ୍‍ଡି, ଇଶ୍ୱର୍‌ତେ ଗଟ୍‍ତେ ଉତ୍ସର୍ଗ ଆତ୍‌ତିର୍‌ । ମେଣ୍ଡେ ପ୍ରବୁ ଜିସୁ କ୍ରିଷ୍ଟ ନୁ ପବିତ୍ର ଆତ୍ମାତଡ଼୍ ମିଡ଼୍ ଦାର୍ମାମ୍ ଇଞ୍ଜ ଲେକ୍‍ତାଦ୍ ଆସ୍‌ମିନ୍ଦେଡ଼ି ।
\s ନିଜେତ୍ ମେନ୍ଦୁଲ୍‍ତାଗ୍ ପ୍ରବୁଙ୍କ୍ ଗୌରବ୍ ମାଡ଼ାଟ୍
\p
\v 12 \x + \xo ୬:୧୨ \xo*\xt ୧ କରନ୍ତିୟ ୧୦:୨3.\xt*\x*“ସାର୍‍ରେ ବିଷୟ ସାଦନ୍‍ ମାଡ଼ାନଙ୍କ୍‌ ନାକିଂଙ୍କ୍ ଅଦିକାର୍‌‍ ଇତ୍‍ତଡ଼୍ ।” ବାତେଙ୍କ୍ ଇତ୍‍କେ ମିକିଂଙ୍କ୍ ସାର୍‍ରେ ବିଷୟ ସାୟେ ଆୟ୍‍ୟ । ସାର୍‍ରେ ବିଷୟ ସାଦନ୍‍ ମାଡ଼ାନଙ୍କ୍‌ ନାକ୍‌ ସ୍ୱାଦିନତା ମିନ୍ଦେ, ବାତେଙ୍କ୍ ଇତ୍‍କେ ନାନ୍ ବାତା ବା ବିଷୟତିଙ୍କ୍‌ ରାଜି ଆୟନ୍ । 
\v 13 ମେଣ୍ଡେ ବେନ କେତେ ପାର୍‍ଦ୍‍ତଣ୍ଡ୍, “କାଦି ପଟାତ୍ ମାଇଦିଙ୍କ୍‌, ମେଣ୍ଡେ ପଟା ବା କାଦି ମାଇଦିଙ୍କ୍‌,” ବାତେଙ୍କ୍ ଇତ୍‍କେ ଇଶ୍ୱର୍ ରେଣ୍ଡିଙ୍କ୍ ନଷ୍ଟାମ୍‌ ମାଡ଼ିତନ୍ । ମେନ୍ଦୁଲ୍‌ ବ୍ୟବିଚାର୍‌ ମାଇଦିଙ୍କ୍‌ ବ୍ୟବହାର୍‌ ଆୟକଟେ, ବାତେଙ୍କ୍ ଇତ୍‍କେ ପ୍ରବୁନ୍‌ ମାଇଦିଙ୍କ୍‌ ବ୍ୟବହାର୍‌ ଆୟି, ବାତେଙ୍କ୍‍ଇତ୍‍କେ ଇଶ୍ୱର୍ ମେନ୍ଦୁଲ୍‍ତାଦ୍ ଦର୍‍କାର୍ ସାରେ ମାଡ଼ିତନ୍ । 
\v 14 ଇଶ୍ୱର୍ ପ୍ରବୁଙ୍କ୍ ଡଲ୍‍ତାଗାଙ୍କ୍ ତେଃଏତଣ୍ଡ୍, ମେଣ୍ଡେ ତାନ୍‌ ଲାୱ୍‌ତେ ମାନାକିନ୍‌ ମେଣ୍ଡେ ତେଏତିତଣ୍ଡ୍ ।
\p
\v 15 ମିୟାଦ୍‌ ମେନ୍ଦୁଲ୍‌ ଯେ କ୍ରିଷ୍ଟନ୍‌ ମେନ୍ଦୁଲ୍‍ତେ ଅଂକିଙ୍କ୍‌ ଲେକାମ୍, ଇଦ୍‌ ବାତା ମିଡ଼୍ ପୁନ୍‌ୱିର୍‌ କି ? ଇତ୍‌କେ ନାନ୍‌ ବାତା କ୍ରିଷ୍ଟନ୍‌ ୱେରଡ଼୍ ଅଂକିଙ୍କ୍‌ ଆସ୍‌ ମେଣ୍ଡେ ବେଶ୍ୟାତାଦ୍ ଅଂକିଙ୍କ୍‌ ମାଡ଼ତାନ୍ କି ? ଆଦ୍‌ ବେସୁଟ୍‌ ବା ଆୟ୍‌ମା କି । 
\v 16 ମେଣ୍ଡେ ବେନ ବେଶ୍ୟାନତଡ଼୍‌ କାଇଲିତଣ୍ଡ୍, ଅଣ୍ଡ୍‌‌ ଆଦିନ୍‌ ସାଙ୍ଗ୍‌ ଅରଟ୍‌ ମେନ୍ଦୁଲ୍‌ ଆଦ୍‍ତେ, ଇଦ୍‌ ମିଡ଼୍ ବେଲା ପୁନ୍‌ୱିର୍‌ କି ? ବାତେଙ୍କ୍ ଇତ୍କେ ଇଲା ଲେକ୍‍ତାଦ୍ ମିନ୍ଦେ, “ଆୱ୍‌ ରେଣ୍ଡ୍‌ ଅରଟ୍‌ ଆଦ୍‌ତା ।” 
\v 17 ବାତେଙ୍କ୍ ଇତ୍‍କେ ବେନନ୍ ପ୍ରବୁନ୍‌ତଡ଼୍‌ କାଇଲି ମାନ୍‌ତଣ୍ଡ୍‌, ଅଣ୍ଡ୍‌‌ ଆନା ଆତ୍ମାତଡ଼୍‌ ଅରଟ୍‌ ଆତ୍ମା ଆଦ୍‍ତେ ।
\p
\v 18 ବ୍ୟବିଚାର୍‍ ନୁଞ୍ଚ୍‌ ଜେକେ ଆନୁଟ୍ । ନାରୁଡ଼୍‌ ବାତାବା ପାପ୍‌ କିତ୍‌କେ, ଆଦ୍‌ ମେନ୍ଦୁଲ୍‌ତେ ସେଙ୍ଗେ କାରାପ୍‌; ବାତେଙ୍କ୍ ଇତ୍‍କେ ବେନ ବ୍ୟବିଚାର୍‌ ମାଡ଼ିତଣ୍ଡ୍‌, ଅଣ୍ଡ୍‌‌ ତାନ୍ ମେନ୍ଦୁଲ୍ ବିରୁଦ୍‍ତେ ପାପ୍‌ ମାଡ଼ିତନ୍ । 
\v 19 \x + \xo ୬:୧୯ \xo*\xt ୧ କରନ୍ତିୟ 3:୧୬; ୨ କରନ୍ତିୟ ୬:୧୬.\xt*\x*ମିଡ଼୍ ବାତ୍ ପୁନ୍‍ୱିଡ଼୍ ଯେ ମିୟାଦ୍ ମେନ୍ଦୁଲ୍ ପବିତ୍ର ଆତ୍ମାତେ ମନ୍ଦିର୍‌ ? ବେନ୍ ଆତ୍ମା ମିଡ଼୍ ଇଶ୍ୱର୍ ତାଗାଙ୍କ୍ ପାଏମ୍ ଆଦ୍‍ତିଡ଼୍ । 
\v 20 ଅଣ୍ଡ୍‌ ମିକିଂଙ୍କ୍ ଗାଟି ଦାମ୍‌ତେ ଆସ୍‍ତଣ୍ଡ୍; ଆଦିଙ୍କ୍‌ ମିଇ ମେନ୍ଦୁଲ୍‌ତେ ଇଶ୍ୱରନ୍‌ ମୁକ୍ତି ନୁ ଗୌରବ୍‍ ତିଆର୍ ମାଡ଼ାଟ୍ ।
\c 7
\s ପେଣ୍ଡୁଲ୍‌ତାଦ୍ ନିୟମ୍‌
\p
\v 1 ମିଡ଼୍‌ ବାତ୍ ସାର୍‍ରେ ବିଷୟ୍ ଲେକ୍‌ତିଡ଼୍‌, ଆୱ୍‌ ସାର୍ରେତାୱିନ୍ ଉତର୍‌ ଇଦ୍‌, ନାରୁଡ୍‌ ଇୱୁ ନାଟାକିଙ୍ଗ୍‌ ପେଣ୍ଡୁଲ୍ ଆୟ୍‍ୱେ ମାତ୍‌କେ ସାୟେ; 
\v 2 ବାତେଙ୍କ୍ ଇତ୍‍କେ ସାର୍ରେତଡ଼୍‌କ୍ ଯୌନ ଲାଲସା ମାନ୍ଦାନ୍ ମାଇଦିଙ୍କ୍‌ ସାର୍‍ରେ ମୁଦ୍‌ପାଲଡ଼୍‍କ୍‌ ତାମ୍‌ ମୁତ୍‍ତେ ମାନି, ମେଣ୍ଡେ ସାର୍‍ରେ ମୁତେକିଙ୍କ୍ ତାମ୍‌ ମୁଜାଲର୍‌ ମାନିର୍‌ । 
\v 3 ମୁଜାଲ୍‌ ମୁତେନ୍‌ ତାନାଦ୍‌ ପ୍ରାପ୍ୟ ଇୱିଣ୍ଡ୍, ମେଣ୍ଡେ, ଆଦେଲେକାମ୍ ମୁତ୍‍ତେ ମୁଜାନ୍ ତାନାଦ୍‌ ପ୍ରାପ୍ୟ ଇୱୁ । 
\v 4 ମୁତେନ୍ ନିଜେତ୍ ମେନ୍ଦୁଲ୍‌ତେ ପର୍ର ଅଦିକାର୍‌‌ ଇଲ୍ଲା, ବାତେଙ୍କ୍ ଇତ୍‍କେ ମୁଦ୍‌ପାନାଦ୍ ମିନ୍ଦେ; ଆଦେଲେକାମ୍‌ ମେଣ୍ଡେ ମୁଦ୍‌ପାନ୍ ନିଜେତ୍ ମେନ୍ଦୁଲ୍‌ତେ ପର୍ର ଅଦିକାର୍‌‍ ଇଲ୍ଲା, ବାତେଙ୍କ୍ ଇତ୍‍କେ ମୁତେନାଦ୍‌ ମିନ୍ଦେ । 
\v 5 ଅଡ଼୍‌ ତାମ୍‍ତାମ୍ ଲୋପେ ୱେରେ ଆୟ୍‍ମାକିଡ଼୍ । ଇତ୍‍କେ ପ୍ରାତ୍‌ନା ମାଡ଼ାନ୍ ମାଇଦିଙ୍କ୍‌ ସୁଦୁଟ୍ ଦିନାମ୍ ସେଙ୍ଗେ ଇର୍‌ୱୁର୍‌ ୱେର୍‌ ଆସ୍‌ ମାନ୍ଦ୍‌ପାର୍ଦିତିଡ୍‌; ମେଣ୍ଡେ ମିୟାଦ୍ ଆତ୍ମସଂଯୋମ୍ ଅବାବ୍ ସେଙ୍ଗାତ୍‌ ଶୟିତାନ୍‌ ବେଲାକି ମିକିଂଙ୍କ୍ ପରିକ୍ଷା ମାଡ଼୍‌ ମା କି ଆଦିନ୍ ସେଙ୍ଗେ ମିଡ଼୍‌ ମେଣ୍ଡେ କାୟ୍‍ଲାଟ୍‌ ।
\p
\v 6 ବାତେଙ୍କ୍ ଇତ୍‍କେ ଇଗେ ବାତ୍ ସାର୍‍ରେ କେତୁତାନ୍ ଆଦ୍ ନାନ୍‌ ଗଟ୍ ଇତ୍‌ତାଲେକେତ୍ କେଲ୍‌ୱାକଟ୍ ପରାମର୍ଶ ଇତ୍‌ତେଲେକେତ୍‌ କେତାମୁନ୍‍ତାନ୍ । 
\v 7 ମିକା, ବେଲାକି ସାର୍‍ରେ ନାରୁଡ୍‌ ନା ଲେକେତ୍‍ ଆଦ୍‌ତଡ୍‌, ଇଦ୍‌ ନାୟାଦ୍‌ ଇଷ୍ଟାମ୍ । ମାତର୍ ବେନ ଇଦେଲେକାମ୍, ବେନ ଆଦ୍‌ଲେକାମ୍, ସାର୍ରେତର୍ ଇଶ୍ୱରନ୍‌ନୁଞ୍ଚ୍ ଦାନାମ୍ ଦର୍କ୍‌ତାନର୍ ।
\p
\v 8 ବାତେଙ୍କ୍ ଇତ୍‍କେ ନାନ୍‌ ପେଣ୍ଡୁଲ୍ ଆୟ୍‍ୱେରଡ଼୍‌ ନୁ ରାଣ୍ଡ୍‌ ଆତେରଡ୍‌କ୍ କେତୁତାନ୍, ଅଡ଼୍‌‌ ନା ଲେକେତ୍‍ ୱେରଣ୍ଡ୍ ମାତ୍‌କେ ତାମାକିଙ୍କ୍‌ ସାୟେ ଆୟେର୍ । 
\v 9 ଯଦି ଅଡ଼୍‌‌ ମାନ୍ଦେ ପାର୍‌ୱକ୍, ଆଲା ଇତ୍‌କେ ପେଣ୍ଡୁଲ୍‌ ଆୟ୍‌ୱିଡ଼୍‌; ବାତେଙ୍କ୍‍ଇତ୍‍କେ ମେନ୍ଦୁଲ୍ ଲାଲସାତାଗ୍ କାଡ଼୍‍ୱାନ୍‌ ୱିଡ଼୍‍ସି ପେଣ୍ଡୁଲ୍ ଆଦାନାଦ୍ ସାୟେ ।
\p
\v 10 \x + \xo ୭:୧୦ \xo*\xt ମାତିଉ ୫:3୨; ୧୯:୯; ମାର୍କ ୧୦:୧୧,୧୨; ଲୁକ ୧୬:୧୮.\xt*\x*ବାତେଙ୍କ୍ ଇତ୍‍କେ ପେଣ୍ଡୁଲ୍ ଆତ୍‌ତେ ନଡ୍‌କିନ୍‌ ଇଦ୍ ନାୟାଦ୍ ଗଟ୍ ଆୟ୍‍ୟ, ଇଶ୍ୱର୍‌ତାଦ୍ ଗଟ୍, ମୁତ୍‍ତେ ମୁଦ୍‍ପାଙ୍କ୍ ବେସୁଟ୍‍ବା ୱିଡ଼୍‍ସ୍‍ମାକି, 
\v 11 ଯଦି ମାଡ଼ିତ୍ ଆଲେକେ ଆଦ୍ ୱେରଡ଼୍ ମାନୀ, ମୁଦ୍‍ପାନ୍‍ ତଡ଼୍ କାୟ୍‍ଲି । ମେଣ୍ଡେ ମୁଦ୍‍ପାଲ୍ ମୁତେଙ୍କ୍ ବେସୁଟ୍‍ବା ୱିଡ଼୍‍ସ୍‌ମାକିଣ୍ଡ୍ ।
\p
\v 12 ବାତେଙ୍କ୍ ଇତ୍‍କେ ଇଦ୍‍ରକମ୍‍ ସାର୍ରେତଡ୍‌କ୍ ନାନ୍‌ କେତୁତାନ୍‌ ପ୍ରବୁ କେତ୍ଇଲେ, ଯଦି ବେନ୍‍ ଦାଦାନ୍ ଅବିଶ୍ୱାସ୍‌ତାଦ୍‌ ମୁତ୍‍ତେ ମାନ୍‌ତା, ମେଣ୍ଡେ ଆଦ୍ ଅନ୍‌‍ସାଙ୍ଗ୍ ମାନ୍ଦାନଙ୍କ୍ ରାଜି ଆତା, ଆଲା ଇତ୍‌କେ ଅଣ୍ଡ୍‌ ତାଙ୍କ୍ ୱିଡ଼୍‍ସ୍‌ମାକି । 
\v 13 ମେଣ୍ଡେ ବେଦ୍ ମୁତେନ୍‌ ବିସ୍‌ୱାସ୍‌ କିୱାନଣ୍ଡ୍ ମୁଜାଲ୍ ମାନ୍‌ତଣ୍ଡ୍, ମେଣ୍ଡେ ଅଣ୍ଡ୍‌‌ ତାନ୍ ସାଙ୍ଗ୍‌ ମାନ୍ଦାନିକ୍‌ ରାଜି ଆତଣ୍ଡ୍, ଆଦ୍‌ ତାନ୍‌ ମୁଜାନ୍ ୱିଡ଼୍‍ସ୍‌ମାକି । 
\v 14 ବାତାଇତ୍‌କେ ଅବିଶ୍ୱାସ୍‌ତର୍‌ ମୁଜାଲ୍‌ ମୁତେନ୍‌ ସେଙ୍ଗେ ପବିତ୍ର, ମେଣ୍ଡେ ଅବିଶ୍ୱାସ୍‌ ମୁତ୍‍ତେ ମୁଜାନ୍‌ ସେଙ୍ଗେ ପବିତ୍ର; ଆଲା ଆଇୱାମାତ୍‌କେ ମିଇ ପିଲାଜିଲା ଅପବିତ୍ର ମାନେ, ବାତେଙ୍କ୍ ଇତ୍‍କେ ନିଜାମ୍ ଇଞ୍ଜେ ଇଶ୍ୱର୍‌ତେ ଗ୍ରହନ୍ ଯୋଗ୍ୟ ଆଦ୍‍ତଡ଼୍ । 
\v 15 ଆଦ୍ ବାତ୍ ଆୟି, ଯଦି ୱେରଡ଼୍ ଅବିଶ୍ୱାସି ଏଲାଡ଼୍‍, ଆଦିନ୍‌ କ୍ରିଷ୍ଟ ବିଶ୍ୱାସୀ ମୁଦ୍‍ପାଲ୍ ବାତେ ତାନାଗାଙ୍କ୍ ୱେରେ ଆଦାନକ୍‌ ଇଚ୍ଛା ମାଡ଼ୁତଡ଼୍, ଆଲାଇତ୍‌କେ ୱେରେ ଆଇୱିଡ୍‌, କ୍ରିଷ୍ଟ ବିଶ୍ୱାସ୍‌ତାଗ୍‌ ମୁଦ୍‌ପାଲ୍‌ ବା ମୁତେ ବେନେ ନିୟମ୍‌ତେ କାଇୱେ ମାନ୍‌ତଡ଼୍‌; ଇତ୍କେ ଇଶ୍ୱର୍ ମିକିନ୍‌ ସୁକାମ୍‌ତେ ବାଦ୍‌କାନଙ୍କ୍‌ କାର୍‌ଙ୍ଗିମିନ୍ଦେ । 
\v 16 ହୋ ନାଟାଡ୍‌, ନିମ୍‌ ଯେ ନି ମୁଜାନ୍‌ ପରିତ୍ରାଣ୍ ମାଇଦିଙ୍କ୍ ଆତ୍‍ତି, ଇଦ୍‌ ବାତା ପୁନ୍‌ଦିଇଲେନ୍‌ ? ହୋ ମୁଜାଲ୍‌, ନିମ୍‌ ଯେ ନି ମୁତେନ୍ ପରିତ୍ରାଣତ୍‌ ବାତେଙ୍କ୍ ଇତ୍‍କେ ଆତିନ୍ ଇଦ୍‌ ବାତା ପୁନ୍‌ଦିଲିନ୍‌ ?
\s କାର୍‍ଙ୍ଗାନାଦ୍‍ ଇସାବ୍‍ତେ ବ୍ୟବହାର୍‌ ମାଡ଼ାଟ୍
\p
\v 17 ଇଶ୍ୱର୍ ବେନଙ୍କ୍ ବେଲା ଅନୁଗ୍ରହ ମାଡ଼ିମିନ୍ଦେଣ୍ଡ୍ ନୁ ବେନଙ୍କ୍ ବେନ୍‍ଲେକାମ୍ କାର୍‍ଙ୍ଗାନାଦ୍‍ ମାଡ଼ିମିନ୍ଦେଣ୍ଡ୍, ଅନ୍‌ ଆଦେଲେକାମ୍ ବାଦ୍‍କିଣ୍ଡ୍ । 
\v 18 ସୁନ୍ନତ୍ ଆତ୍‍ତେ ପେର୍‍କେ ବେନ ଯଦି ଇଶ୍ୱର୍‌ତେ ତଡ଼୍ ଆହ୍ୱାନ୍‍ ଜିୱେଦର୍‍କିତ୍, ଅଣ୍ଡ୍‌ ସୁନ୍ନତ୍ ଚିଏନ୍ନେତିଙ୍କ୍ ଲୋପ୍ ମାଡ଼ାନଙ୍କ୍ ଆଲ୍‍ସି ମାଡ଼୍‍ମାକିଣ୍ଡ୍ । 
\v 19 ସୁନ୍ନତ୍ ଆଦାନାଦ୍ କି ଅସୁନ୍ନତ ଆଦାନାଦ୍ ମୁକ୍ୟ ବିଷୟ୍ ଆୟ୍‍ୟ, ମାତର୍ ମୁକ୍ୟ ବିଷୟ୍ ଆଦୁତ୍‍ତେ ଇଶ୍ୱରନ୍‌ ଗଟ୍ କେଞ୍ଜାନାଦ୍ । 
\v 20 ଇଶ୍ୱର୍‌ତେ କାର୍‍ଙ୍ଗାନାଦ୍‍ ଗ୍ରହନ୍ ମାଡ଼୍‍ତେ ୱେଲେ ଅଣ୍ଡ୍‌ ବେନ୍ ଅବସ୍ଥାତେ ମାତ୍‍ତଣ୍ଡ୍, ଅଣ୍ଡ୍‌ ଆଲେନେ ମାନିଣ୍ଡ୍ । 
\v 21 ନିମ୍‌ ବାତା କ୍ରୀତଦାସ ଆସ୍‌ ୱାସ୍‌ମିନ୍ଦେନି କି ? ଆଲ୍‌ସ୍‌ମାଟ୍; ଯଦି ବେଲାବା ମୁକ୍ତି ଆଦ୍‌ପାର୍ଦିତିଡ୍‌ ଆଲା ଇତ୍‌କେ ସୁଜଗ୍ ମେଦ୍‌କାଟ୍ । 
\v 22 ବାତେଙ୍କ୍‍ଇତ୍‍କେ ବେନ ପ୍ରବୁନ୍ କାର୍‍ଙ୍ଗାନାଦ୍‍ ଦର୍‍କି କ୍ରୀତଦାସ ଆସ୍‌ ପ୍ରବୁନାଗ୍‌ ୱାସ୍‍ମିନ୍ଦେନ୍‍, ଅଣ୍ଡ୍‌‌ ପ୍ରବୁନ୍‌ ମୁକ୍ତ ନାରୁଣ୍ଡ୍‌, ଆଦେଲେକେମ୍‌ ବେନ ମୁକ୍ତିଆସ୍‌ ୱାସ୍‍ମିନ୍ଦେନ୍‍, ଅଣ୍ଡ୍‌‌ କ୍ରିଷ୍ଟନ୍‌ କ୍ରୀତଦାସ । 
\v 23 ମିଡ଼୍ ସାରେ ଦାମ୍‌ତେ ମୁକ୍ତି ଆସ୍‌ ୱାସ୍‌ମିନ୍ଦେଡି ନାରୁଡ୍‌ ଦାସ୍‌ ଆଇମାଟ୍‌ । 
\v 24 ହୋ ଦାଦାଲଡି ନୁ ଏଲାସ୍କ୍, ଇଶ୍ୱର୍ ମିକିଂଙ୍କ୍ ଆହ୍ୱାନ ମାଡ଼ାନ୍ ୱେଲେ ମିଡ଼୍ ବେନ୍‍ ଅବସ୍ଥାତେ ମାତ୍‍ତିଡ଼୍ ଆଦ୍ ଅବସ୍ଥାତେ ଇଶ୍ୱରନ୍‌ ତଡ଼୍ ମାନ୍ଦାନାଦ୍ ସାୟେ ।
\s ପେଣ୍ଡୁଲ୍‌ ଆୟିୱେନଡ୍‌ ନୁ ରାଣ୍ଡ୍‌ ଆତ୍‌ତେ ନଡ଼୍‌ ସେଙ୍ଗେ ପ୍ରଶ୍ନ
\p
\v 25 ମିଡ଼୍ ପେଣ୍ଡୁଲ୍ ଆୟ୍‍ୱା ବିସୟତେ ପୁନ୍ଦାନଙ୍କ୍ ଆଲ୍‍ସ୍‍ତିଡ଼୍, ଇଦ୍ ନାକିନ୍‌ ପ୍ରବୁନୁଞ୍ଚ୍‌ ବାତା ବା ଗଟ୍ ଦର୍କିଲେ; ବାତେଙ୍କ୍ ଇତ୍‍କେ ପ୍ରବୁଙ୍କ୍ ଅନୁଗ୍ରହତେ ବିସ୍‌ୱାସ୍‌ ଆସ୍‌ ନାନ୍‌ କେତୁତାନ୍‌ ।
\p
\v 26 ଇଞ୍ଜେତ୍ ତିପାଲ୍‍ତାଗାଙ୍କ ନାନ୍‌ ଆଲ୍‌ସୁତାନ୍‌ ଯେ, ନାରୁଡ଼୍ ବେଲା ମିନ୍ଦେଡ଼୍‍, କଷ୍ଟ ୱାତ୍‍କେ ବାର୍‌ ଆଲାମାନ୍ଦାୱାଲ୍‌ ସାୟେ । 
\v 27 ନିମ୍‌ ବାତା ମୁତେନ୍‌ ସାଙ୍ଗ୍‌ ଆବଦ୍ଦ ? ଆଲାଇତ୍‌କେ ମୁକ୍ତ ଆଦାଙ୍କ୍‌ ସେଙ୍ଗେ ଚେଷ୍ଟା ମାଡ଼୍‌ମା । ନିମ୍‌ ବାତା ମୁତେନାଗାଙ୍କ୍‌ ମୁକ୍ତ କି ? ଆଲାଇତ୍‌କେ ମୁତ୍‍ତେ ତାତାନଙ୍କ୍‌ ଆଲ୍‌ସ୍‌ମା । 
\v 28 ବାତେଙ୍କ୍ ଇତ୍‍କେ ଯଦି ନିମ୍‌ ପେଣ୍ଡୁଲ୍‌ ଆତ୍‌ତିନ୍‌, ଆଲାଇତ୍‌କେ ପାପ୍‌ କିୱିନ୍‌; ମେଣ୍ଡେ ଯଦି ଲେୟିୱେ ପିକ୍‌ ପେଣ୍ଡୁଲ୍‌ ଆତ୍‌ତା, ଆଲାଇତ୍‌କେ ଆଦ୍‌ ପାପ୍‌ କିୱ । ମିକା ଇସତର୍‌ ନାରୁଡ୍‌ ମେନ୍ଦୁଲ୍‌ତେ କଷ୍ଟ ପାଏମ୍‌ଆତର୍‌; ମେଣ୍ଡେ ମିଡ଼୍ ଆଗାନୁଞ୍ଚ୍‌ ଗେଲ୍‌ସାଟ୍‌, ଆଦ୍‌ ନାୟାଦ୍‌ ଇଚ୍ଛା ।
\p
\v 29 ବାତେଙ୍କ୍ ଇତ୍‍କେ ଓ ଦାଦାଲଡି ନୁ ଏଲାସ୍କ୍, ନାନ୍‌ କେତାନାଦ୍‌ ଇଦ୍‌, ସମୟ୍‌ ସୁଡୁଟ୍‌, ଆଦିଙ୍କ୍ ବେନଡ଼୍‍କ୍‌ ମୁତ୍‍ତେ ମିନ୍ଦେ, ଅଡ୍‌ ମୁତ୍‍ତେ ଇଲ୍‌ୱାଲେକେତ୍‌ ମାନିଡ୍‌ । 
\v 30 ମେଣ୍ଡେ ବେନ କେୟୁତଣ୍ଡ୍‌, ଅଡ୍‌ କେୟ୍‌ଇଲ୍‌ୱା ଲେକେତ୍‍ ମାନିଡ୍‌, ବେନ ୱେଡ଼୍‍କା ମାଡ଼ୁତଣ୍ଡ୍‌, ଅଡ୍‌ ୱେଡ଼୍‍କା ଇଲୱାନାରୁଡ୍‌ ଲେକେତ୍‍ ମାନିଡ୍‌; ବେନଡ଼୍ ୱାମାତଡ୍‌, ଅଡ୍‌ ଅଦିକାର୍ ଇଲ୍‌ୱା ନାରୁଡ୍‌ ଲେକେତ୍‍ ମାନିଡ୍‌; 
\v 31 ମେଣ୍ଡେ, ବେନ୍‍ ନାରୁଡ଼୍ ସଂସାର୍‍ତେ ବିଷୟ୍‍ତାଗ୍ ମୁଡ଼୍‍ନ୍ଦି ମାନ୍ଦାନ୍ ଲେକାମ୍ ମାନିଡ଼୍, ଅଡ୍‌ ପଇତ୍‌ ଇଲ୍‌ୱେ ନାରୁଡ୍‌ ଲେକେତ୍‍ ମାନିଡ୍‌; ବାତେଙ୍କ୍‍ଇତ୍‍କେ ଇଦ୍‌ ବୁଦ୍‍ତାଦ୍‌ ରୁପ ବାଦ୍‌ଲେମ୍‌ ଆସମିନ୍ଦେ ।
\p
\v 32 ବାତେଙ୍କ୍ ଇତ୍‍କେ ମିଡ଼୍ ବେଲା ଆଲ୍‌ସ୍‌ୱିଡ୍‌, ନାନ୍‌ ଇଲା ଆଲ୍‌ସୁତାନ, ଇଦ୍‌ ନାୟାଦ୍‌ ଇଚ୍ଛା । ବେନ ପେଣ୍ଡୁଲ୍‌ ଆଇୱାନନ୍‌, ଅଣ୍ଡ୍‌‌ ବେଲା ପ୍ରବୁନାଗ୍‌ ନେଲ୍ଲାତଣ୍ଡ୍‌ ଆତଣ୍ଡ୍, ଆଦିନ୍‌ମାଇଦିଙ୍କ୍‌ ପ୍ରବୁନ୍‌ ବିଷୟ ଆସ୍‌ ଆଲସାଟ୍; 
\v 33 ବାତେଙ୍କ୍ ଇତ୍‍କେ ବେନନ୍ ପେଣ୍ଡୁଲ୍ ଆତ୍‍ତେନନ୍‌, ଅଣ୍ଡ୍‌ ବେଲା ତାନ୍‌ ମୁତେନାଗ୍‌ ନେଲ୍ଲାତଣ୍ଡ୍‌ ଆତଣ୍ଡ୍‌, ଆଦିନ୍‌ ଅଣ୍ଡ୍‌‌ ବୁମ୍‍ତେ ବିଷୟ୍ ଆସ୍‌ ଆଲସାତଣ୍ଡ୍‌, 
\v 34 ମେଣ୍ଡେ ଅନ୍‌‌ ମାନ୍‍ ବାଗ୍‌ ଆଦ୍‍ତେ । ପେଣ୍ଡୁଲ୍‍ଆୟ୍‌ୱା ନାଟାଙ୍କ୍ ନୁ ପିକି ପ୍ରବୁନ୍ ପବିତ୍ର ପାଡ଼ୟିତାଗ୍ ମାନ୍‍ ଇଦ୍‍ତା, ବାତେଙ୍କ୍ ଇତ୍‍କେ ମେନ୍ଦୁଲ୍‍ତେ ନୁ ଆତ୍ମାତେ ଲେକାମ୍ ଆଦ୍ ନିଜେତିଙ୍କ୍ ଇଶ୍ୱର୍‌ତେ ଗାର୍ରେ ଉତ୍ସର୍ଗ ମାଡ଼ାନଙ୍କ୍ ଆଲ୍‍ସିତ୍ । ବାତେଙ୍କ୍ ଇତ୍‍କେ ବେଦ୍ ପେଣ୍ଡୁଲ୍‌ ଆତ୍‌ତା, ଆଦ୍‌ ବେଲେ ତାନ୍‌ ମୁଜାନ୍‌ ମାଇଦିଙ୍କ୍‌ ନେଲ୍ଲା ମାନ୍‌ତା, ଆଦିନ୍‌ ମାଇଦିଙ୍କ୍‌ ବୁମ୍‍ତେ ବିଷୟ ଆସ୍‌ ଆଲ୍‌ସାଟ୍‌ ।
\p
\v 35 ମୀଇୟାଦ୍ ଲେକେତାଦ୍ ସେଙ୍ଗେ କେତୁତାନ୍ । ମିଇ ଲୋପେ ବାତେବା ନିଷେଦାଜ୍ଞା ଜାରି ନେହେତେନାଦ୍‍ ନାୟାଦ୍ ଅବିପ୍ରାୟ ଆୟ୍‍ୟ । ମେଣ୍ଡନ୍ ପାକେ ମିଡ଼୍ ବାତ୍ ବାତେଏ ଆଚରଣ ମାଡ଼ି ନିଜେ ନିଜେତିଙ୍କ୍ ଆସାମ୍ ଦ୍ୱିଦାର୍‍ତେ ପ୍ରବୁନ୍ ସେବାତେ ସମର୍‍ପନ୍ ମାଡ଼ାଟ୍, ଇଦ୍ ନାୟାଦ୍ ଇଚ୍ଛା ।
\p
\v 36 ପେଣ୍ଡୁଲ୍ ନିର୍ବନ୍ଦ ଆଦ୍‍ଦାନ୍ ୱେଲେ, ମାନେଇ ଯଦି ଏର୍କା ମାଡ଼ିତନ୍ ଯେ ଅନାଦ୍‌ ବାଗ୍‍ଦତାତେ ନାଟାଡ଼୍ ସେଙ୍ଗେ ଆଦ୍ ଲେକାମ୍ ଆଚର୍‍ଣ ମାଡ଼େପାର୍‍ୱନ୍, ଯଦି ତାନାଦ୍ କାମାବିଲାଷ ନାର୍‍ଗେ ଆଦ୍‍ତେ ନୁ ତାନ୍ ପାକେ ପେଣ୍ଡୁଲ୍ ମାଡ଼୍‍ଡ଼େ ପାର୍‍ତନ୍, ଆଲେକେ ତାନାଦ୍ ଇଚ୍ଛା ଲେକାମ୍ ଆୱୁ ପେଣ୍ଡୁଲ୍ ମାଡ଼ି । ଇଗେ ବାତେବା ପାପ୍ ଇଲ୍‍ଲେ । 
\v 37 ବାତେଙ୍କ୍ ଇତ୍‍କେ ବେନନ୍ ହୃଦୟ୍‍ତେ ତିଆର୍ ମାନ୍‌ତଣ୍ଡ୍‌, ବେଲା ଆବଶ୍ୟକତିନ୍‌ ଆୱ୍‌କକଟ୍‌, ମେଣ୍ଡେ ବେନନ୍ ତାନ୍ ଇଷ୍ଟାମ୍‌ତେ ମାଡ଼ାନଙ୍କ୍‌ ଅଦିକାର୍‌‌ ମାନ୍‌ତା, ମେଣ୍ଡେ ବେନ ତାନ୍ ମୁତେନ୍ ପିକିଡ଼୍ ଲେକାମ୍ ନେଃତାନଙ୍କ୍‌ ତାନ୍ ହୃଦୟ୍‍ତାଗ୍ ତିଆର୍ ମାଡ଼ିତଣ୍ଡ୍, ଅଣ୍ଡ୍‌ ସାୟେ କିତ୍‌ତଣ୍ଡ୍ । 
\v 38 ଆଦିଙ୍କ୍ ବେନନ୍ ତାନ୍‌ ଲେୟା ପେଣ୍ଡୁଲ୍ କିସିତ୍‍ତଣ୍ଡ୍‌, ଅଣ୍ଡ୍‌‌ ସାୟେ କିତ୍‌ତଣ୍ଡ୍‌, ମେଣ୍ଡେ ବେନନ୍ ପେଣ୍ଡୁଲ୍ କିସିୱନ୍, ଅଣ୍ଡ୍‌‌ ଗାଟି ସାୟେ ମାଡ଼୍‌ତଣ୍ଡ୍ ।
\p
\v 39 ମୁଜାଲ୍‌ ଜିୱୁ ମାନ୍ଦାନ୍ ଯାକ ମୁତ୍‍ତେ ତଃତେଲେକାମ୍‌ ମାନ୍‌ତା; ବାତେଙ୍କ୍ ଇତ୍‍କେ ମୁଜାଲ୍ ଡଲ୍‌କେ, ଆଲେକ୍ ମୁତ୍‍ତେ ପ୍ରବୁନାଗ୍ ବିଶ୍ୱାସି ବେନଙ୍କ୍ ଇଷ୍ଟାମ୍ ଅଂକିଙ୍କ୍‌ ପେଣ୍ଡୁଲ୍ ଆଦ୍‍ଦା ପାର୍ଦିତ୍ । 
\v 40 ନା ଇସାବ୍‍ତେ ଅଣ୍ଡ୍‌ ତାନ୍ ପେଣ୍ଡୁଲ୍‍ଆୟ୍‍ୱାନଣ୍ଡ୍ ଲେକାମ୍ ମାତ୍‌କେ ନେକା ୱେଡ଼୍‍କିତଣ୍ଡ୍, ଇଦ୍‌ ନାୟାଦ୍‌ କେତାନାଦ୍‌, ମେଣ୍ଡେ ନାନ୍ ମେନ୍ ଇଶ୍ୱରନ୍ ଆତ୍ମା ପାଏମ୍‌ ଆତ୍‌ତାନ୍‌ ଇଞ୍ଜ ଆଲସାତାନ୍ ।
\c 8
\s ଦେୟାକିନ୍‌ ପାର୍‌ସାତ୍‌ ବିଷୟ୍‌ତେ ପ୍ରଶ୍ନ
\p
\v 1 ଦେବପ୍ରସାଦ୍ ବିସୟତେ ନାୟାଦ୍‌ ସାୟେତ୍‌ ଇଦୁ, ମାନ୍‍ ସାର୍ରେତଡ଼୍‍କ୍ ବୁଦ୍‍ତେ ମିନ୍ଦେ ଇଞ୍ଜ ମିଡ଼୍ କେତୁତିଡ଼୍, ମାମ୍ ଆଦ୍‌ ପୁତ୍‍ତମ୍ । ଜ୍ଞାନ୍‌ ନାରୁଡ଼୍‍କ୍ ଆଂକାର୍ ମାଡ଼ିତ୍, ବାତେଙ୍କ୍ ଇତ୍‍କେ ପ୍ରେମ୍‌ନୁଞ୍ଚ୍ ନିଷ୍ଟା ପୁଟିତ୍ । 
\v 2 ଯଦି ବେନ କେତିତଣ୍ଡ୍ ଅଣ୍ଡ୍‌ ସୁଦୁର୍ ପୁତ୍‍ତଣ୍ଡ୍ । ନିଜାମ୍‍ତେ ବାତ୍ ପୁନ୍ଦାନାଦ୍ ମାନ୍‍ତେ ଆଦ୍ ପୁନଣ୍ଡ୍‍ । ବେନନ୍ ବାତା ବା ବିସୟତେ ଜ୍ଞାନ୍‌ତନ୍ ଇଞ୍ଜ ଆଲ୍‌ସାତଣ୍ଡ୍, ଆଲାଇତ୍‌କେ ଅନାଦ୍‌ ବେଲା ପୁନ୍ଦାନ୍‌ମିନ୍ଦେ, ଅଣ୍ଡ୍‌ ଇଞ୍ଜେକଞ୍ଚ୍ ଆଲା ପୁନ୍ଦ୍‌ଇଲେନ୍‌ । 
\v 3 ଯଦି ବେନନ୍ ଇଶ୍ୱରଙ୍କ୍ ପ୍ରେମ୍‌ ମାଡ଼ିତଣ୍ଡ୍‌, ଅଣ୍ଡ୍‌‌ ନାରୁଡ଼୍ ତାନାକ୍‌ ପୁତ୍‌ ବେନ ଆୟି ଇଶ୍ୱର୍‌ତିଙ୍କ୍ ପ୍ରେମ୍ ମାଡ଼ିତନ୍ ଅଂକିଙ୍କ୍‌ ଇଶ୍ୱର୍ ପୁନ୍‍ତଣ୍ଡ୍ ।
\p
\v 4 ଆଦିଙ୍କ୍ ଦେବପ୍ରସାଦ ତିନ୍ଦାନ୍‌ ବିସୟତେ ମାମ୍ ପୁତ୍‍ତମ୍ ଯେ ବୁମ୍‍ତାଗ୍‍ ଦେୟାକ୍‌ ଇଞ୍ଜ ବାତେବା ଇଲ୍‌ଲେ, ଅରଟ୍‌ ଇଶ୍ୱରନ୍‌ ୱିଡ଼୍‍ସି ମେଣ୍ଡେ ଇଲ୍‌ଲେ । 
\v 5 ବାତେଙ୍କ୍‍ଇତ୍‍କେ ସ୍ୱର୍ଗ କି ବୁମ୍‌ତାଗା ଆୟି ବେନଡ଼୍‍କ୍‌ ଦେୟାକ୍‌ ଇଞ୍ଜ କେତୁତଡ଼୍‍, ଯଦି ମିନ୍ଦେଡ୍‌ ଆଲାଇତ୍‌କେତ ନାର୍‍ଗେ ଦେୟାକ୍‌ ନୁ ନାର୍‍ଗେ ପ୍ରବୁ ମିନ୍ଦେ, 
\v 6 ମାନାକିନ୍ ଅଣ୍ଡୟ୍‌‌ ଇଶ୍ୱର୍, ଇତ୍‌କେ ବେନ୍‍ ବାବାନାଗାଙ୍କ୍‌ ସାର୍‍ରେ ବିଷୟ୍ ତିୟାର୍ ଆତ୍‌ତା, ମେଣ୍ଡେ ମାନାଲ୍‌ ଅନ୍ ମାଇଦିଙ୍କ୍‌ ମିନ୍ଦେଲ୍‌, ମେଣ୍ଡେ ଅଣ୍ଡୟ୍‌‌ ପ୍ରବୁ, ଇତ୍‌କେ ଜିସୁ କ୍ରିଷ୍ଟ, ଅନାଗ୍‍କଞ୍ଚ୍ ସାର୍‍ରେ ବିଷୟ୍ ତିୟାର୍ ଆତ୍‌ତା, ମେଣ୍ଡେ ଅନାଗ୍‍କଞ୍ଚ୍ ମାନାଲ୍‌ ତିୟାର୍ ଆତ୍‌ତାଡ଼୍‍ ।
\p
\v 7 ସାର୍ରେତଡ଼୍‌କ୍ ଇଦ୍‌ ସାତ୍ ପୁନଡ଼୍; ବାତେଙ୍କ୍ ଇତ୍‍କେ ବେସ୍‍କ୍‍ତୁଡ଼୍‍ ନାରୁଡ଼୍ ଇଞ୍ଜେକ୍‌ଆନା ଦେୟାକ୍‌ ମିନ୍ଦେ ଇଞ୍ଜ ଆଲ୍‌ସି ଦେୟାକିନ୍‌ ପାର୍‍ସାଦ୍‌ ତିନ୍ଦୁତଡ୍, ମେଣ୍ଡେ ତାମାୱ୍‌ ବିବେକ୍‍ ଦୁର୍ବଲ୍ ମାନ୍ଦାନ୍‌କେ ଅପବିତ୍ର ଆତା । 
\v 8 ବାତେଙ୍କ୍ ଇତ୍‍କେ କାଦି ମାନାକିନ୍‌ ଇଶ୍ୱରନାଗ୍‌ ଗ୍ରାହ୍ୟ କି ଆଗ୍ରାହ୍ୟ କିୱ; ବା ଆସୁନ୍ ମାନାକିନ୍ କ୍ଷତି ଆୟ୍‍ୟ, କି ତିତ୍‌କେ ମାନାକିନ୍ ଲାବ୍‌ ଆୟ୍‍ୟ ।
\p
\v 9 ବାତେଙ୍କ୍ ଇତ୍‍କେ ସାବ୍‌ଦାନ୍‌, ଇତ୍‍କେ ମିୟାଦ୍‌ ଇଦ୍‌ ସ୍ୱାଦିନତା କାମ୍‌ଜୁର୍‌ ନାରୁଡ୍‌କ୍‌ ରାଲାନାଦ୍‌ ବାତେଙ୍କ୍ ଇତ୍‍କେ ଆତା । 
\v 10 ବାତେଙ୍କ୍‍ଇତ୍‍କେ ଜ୍ଞାନି ଯେ ମିଡ଼୍, ମିକିନ୍‌ ଯଦି ବେନ ଗୁଡିୟ୍‌ଦାଗ୍‌ ତିନ୍ଦାନାଗ୍‌ କୁଦିମାନ୍ଦାନାଗ୍‌ ଉଡ଼ିତଣ୍ଡ୍‌, ଆଲେକ୍ ଅଣ୍ଡ୍‌‌ ଦୁର୍ବଲ ବିଶ୍ୱାସୀ ଆସ୍‌ମାତ୍‌କେ ଅଣ୍ଡ୍‌ ବାତା ମନ୍ଦିର୍‌ତାଦ୍‌ ବଗ୍‌ ତିନ୍ଦାନଙ୍କ୍ ସାହାସ୍‌ କିୱଣ୍ଡ୍ କି ? 
\v 11 ଆଦିଙ୍କ୍ ବେନ୍‍ ଦୁର୍ବଲ ଦାଦାଲ୍ ମାଇଦିଙ୍କ୍‌ କ୍ରିଷ୍ଟ ଡଲ୍‌ଲିଆତ୍‌ତଣ୍ଡ୍, ଅଣ୍ଡ୍‌‌ ମିଇ ଜ୍ଞାନ୍‌ ତଡ଼୍ ନଷ୍ଟ ଆଦୁତନ୍ । 
\v 12 ଇଦେଲେକାମ୍ ଦାଦାଲଡ୍ ବିରୁଦ୍‍ତେ ପାପ୍‌ କିସ୍ ନୁ ଅଡ଼ାଦ୍‌ ଦୁର୍ବଲ ବିବେକ୍‌ତିନ୍‌ ରେସ୍‌ମିକା ମିଡ଼୍ କ୍ରିଷ୍ଟନ୍‌ ବିରୁଦ୍‍ତେ ପାପ୍‌ ମାଡ଼ୁତିଡ଼୍ । 
\v 13 ମେଣ୍ଡେ ଯଦି କାଦ୍ୟଦ୍ରବ୍ୟ ନା ଦାଦାନ୍‌ କାରାପ୍‌ ମାଡ଼ୁତା, ଆଲେକେ ମା ଦାଦାଲ୍‌ ବେଲା ନା ତଡ଼୍ କାରାପ୍‌ ଆୟ୍‍ୱାକି, ଇଦିନ୍‌ମାଇଦେ ନାନ୍‌ ବେସୁଙ୍କ୍‌ବା ଆୱୁଙ୍ଗ୍‌ ତିନନ୍‌ ।
\c 9
\s ପ୍ରେରିତଡ଼୍ ଅଦିକାର୍‌ ନୁ ପାଡିୟ୍‌
\p
\v 1 ନାନ୍‌ ବାତା ସ୍ୱାଦିନତା ଆୟନ୍‌ ? ନାନ୍‌ ବାତା ଅରନ୍‌ ପ୍ରେରିତ ଆୟନ୍‌ ? ନାନ୍‌ ବାତା ମାନ୍‍ ପ୍ରବୁଙ୍କ୍ ଉଡ଼ିଲେନ୍‌ ? ମିଡ଼୍ ବାତା ପ୍ରବୁନାଗା ମାଡ଼୍‍ତେ ପାଡିୟ୍‌ ଆୟ୍‍ୟ ? 
\v 2 ଯଦ୍ୟପି ନାନେ ପ୍ରେରିତ ନଡ଼ାଗାଙ୍କ୍‍ ଆରନ୍‌ ରଅତେନନ୍‌ ଆୟନ୍‌, ମିକା ମିୟାଗ୍‌ ନିଜାମ୍‌ ରଅତେନନ୍‌, ବାତେଙ୍କ୍‍ଇତ୍‍କେ ପ୍ରବୁନାଗ୍ ମିଡ଼୍ ନାୟାଦ୍‌ ରଅତାନଣ୍ଡ୍ ଇଞ୍ଜ ଗ୍ରହନ୍ ମାଡ଼ାଟ୍ ।
\p
\v 3 ନା ସମାଲୋଚକ ନାରୁଡ୍‌କ୍ ନାୟାଦ୍‌ ଇଦ୍ ଉତ୍ତର୍‌ । 
\v 4 ତିନ୍ଦାଙ୍କ୍‍ ଉନ୍ଦାଙ୍କ୍ ବାତା ମାୟାଦ୍‌ ଅଦିକାର୍‌‌ ଇଲ୍‌ଲେ ? 
\v 5 ବାଗାତ୍ ସାର୍‍ରେ ପ୍ରେରିତନଡ୍‌, ପ୍ରବୁନ୍‌ ଦାଦାଲର୍‌ ନୁ ଏଲାସ୍କ୍‌ କୈଫାନ୍ ଲେକେତ୍‍ ବିଶ୍ୱାସ୍‌ତାଦ୍‌ ମୁତ୍‍ତେ ପେଣ୍ଡୁଲ୍ ଆସ୍‌ ସାଙ୍ଗେ ପଇସ୍‌ ଉଡ଼ାନଙ୍କ୍‌ ବାତା ମାକିନ୍‌ ଅଦିକାର୍‌‌ ଇଲ୍ଲା ? 
\v 6 କି ବାଦ୍‍କାନଡ଼ାଦ୍ ପାଡ଼ିୟ୍‌ ୱିଡ଼୍‍ସାନଙ୍କ୍ ବାତା ନାୟାଦ୍‌ ନୁ ବର୍ଣ୍ଣବ୍‌ବାନାଦ୍‌ ଅଦିକାର୍‌‌ ଇଲ୍ଲା ? 
\v 7 ବେନନ୍ ନିଜେ କର୍ସତେ ବେସୁଙ୍କ୍‍ ସୈନିକ ବୃତ୍ତି ଇଦ୍‍ତଣ୍ଡ୍‌ ? ବେନନ୍ ଦ୍ରାକ୍ଷାକ୍ଷେତ୍ର ମାଡ଼ି ଆଗାତାୱ୍‌ ପାଣ୍ଡି ତିନନ୍‌ ? ବା ବେନ ପଶୁମାନ୍ଦା ପଡ୍‌ପି ପଶୁନାଦ୍‌ ପାଲ୍‌ ଉନନ୍‌ ?
\p
\v 8 ନାନ୍‌ ନାରୁନ୍‌ତ୍‌ ଇସାବ୍‌ତେ ବାତା ଇୱ୍‌ସାର୍ରେ ମାଟ୍ଟା କେତୁତାନ୍ ? ବ୍ୟବସ୍ଥା ମେଣ୍ଡେ ବାତା ଇୱ୍‌ସାର୍ରେ ମାଟ୍ଟା କେଲ କି ? 
\v 9 \x + \xo ୯:୯ \xo*\xt ୧ ତୀମତି ୫:୧୮.\xt*\x*ବାତେଙ୍କ୍‍ ଇତ୍କେ ମୋଶାନ୍‌‌ ବ୍ୟବସ୍ଥାତେ ଇଲ୍‍ଲେ ଲେକାମିନ୍ଦେ, କଟାମ୍‍ତାଗ୍‌ ଉଡାନ୍ କନ୍ଦେତ୍‌ ମୁଟ୍‌ତାଗ୍‌ ମୁର୍‌ସୁଲ୍‌ ତଅମାଟ୍‌ । ଇଶ୍ୱର୍ ବାତା କନ୍ଦା ବିଷୟ୍‌ତେ ଆଲ୍‌ସିତଣ୍ଡ୍ ? 
\v 10 ଅଣ୍ଡ୍‌‌ ବାତା ମାନ୍‍ ମାଇଦିଙ୍କ୍‌ ଇଦ୍‌ କେଲୋନ୍‌ କି ? ହଁ ମାନ୍‍ ମାଇଦିଙ୍କ୍‌ ଇଦ୍‌ ଲେକ୍‍ତାଦ୍ ମିନ୍ଦେ, ବେଲାକି ବେନନ୍ ଉଡ଼୍‍ଦିତଣ୍ଡ୍, ଆସା କିସ୍‌ ଅର୍‌ ଉଡ଼୍‍ଦା ୱେଇତିତ୍, ମେଣ୍ଡେ ବେନଣ୍ଡ୍ କଟାମ୍ ୱାଟାତଣ୍ଡ୍, ବାଗ୍‌ ଦର୍କାନ୍ ଆଶାତେ ଅନାଦ୍‌ କଟାମ୍ ୱାଟାନ୍ ମିନ୍ଦେ । 
\v 11 \x + \xo ୯:୧୧ \xo*\xt ରୋମୀୟ ୧୫:୨୭.\xt*\x*ଯଦି ମାମ୍ ନି ମାଇଦିଙ୍କ୍ ପାରମାର୍ତିକ ୱିଜେ ୱିତି ମିନ୍ଦେମ୍‌, ଆଲେକ୍ ମିୟାଦ୍‌ ଐହିକ କେଡ଼୍ ବାତା ଗୁରୁତ୍‌ ବିଷୟ ? 
\v 12 ଯଦି ଅର୍‌ତୁଡ଼ାଗାଙ୍କ୍‍ ମିଡ଼୍‌ କାଇଲ୍‌ତେନଡ଼୍‌ ଆଦ୍‌ତିଡ଼୍‌, ଆଲେକ୍ ମାମ୍ ବାତା ନେକାନାଲ୍‌ର୍ଗେ ଆୟମ୍‌ ? ମିକା ମାମ୍‍ମେ ଆଦ୍‌ ଅଦିକାର୍‌ ବ୍ୟବହାର୍‌ କିଦ୍‌ଇଲେମ୍‌; ବାତେଙ୍କ୍ ଇତ୍‍କେ ବେଲାକି ମାମ୍‍ମେ କ୍ରିଷ୍ଟନ୍‌ ନେଲ୍ଲା କାବୁର୍‌ତାଗ୍‌ ବେଲେବା ଆଡାମ୍‌ ଆୟମ୍‌, ଇଦିନ୍‌ ମାଇଦିଙ୍କ୍‌ ସାର୍‍ରେ ସାରେ ମାଡ଼ୁତମ୍ । 
\v 13 ବେନଡ଼୍ ମନ୍ଦିର୍‌ତାଗ୍ ସେବା ମାଡ଼ୁତଡ଼୍, ଅଡ଼୍‌‌ ଯେ ମନ୍ଦିର୍‌ନୁଞ୍ଚ୍‌ କାଦି ଦର୍କିତା, ମେଣ୍ଡେ ବେନଡ଼୍ ବେଦିନାଗ୍‌ ସେବା ମାଡ଼ାନଙ୍କ୍ ମାନ୍‌ତଡ଼୍‌, ଅଡ଼୍‌‌ ଯେ ବେଦିନାଗ୍‌ କାଇଲିତଡ଼୍‌, ଇଦ୍‌ ବାତା ପୁନ୍‌ୱିଡ଼୍‌ କି ? 
\v 14 \x + \xo ୯:୧୪ \xo*\xt ମାତିଉ ୧୦:୧୦; ଲୁକ ୧୦:୭.\xt*\x*ଆଦେଲେକାମ୍‌ ବେନଣ୍ଡ୍ ସାୟେ କାବୁର୍‌ କେତିତଣ୍ଡ୍, ଅଡ଼୍‌‌ ଯେ ସାୟେ କାବୁର୍‌ ତଡ଼୍ ବାଦ୍‌କାତଡ଼୍‌, ଇଦ୍‌ ପ୍ରବୁ କେସ୍‌ମିନ୍ଦେ ।
\p
\v 15 ବାତେଙ୍କ୍‍ଇତ୍କେ ନାନ୍ ଇୱୁ ସାର୍‍ରେ ବିଷୟ୍ ବ୍ୟବହାର୍‌ ମାଡ଼ନ୍, ମେଣ୍ଡେ ନା ସେଙ୍ଗେ ଯେ କିତ୍‍ତଡ଼୍‌, ଇଦିନ୍‌ ମାଇଦିଙ୍କ୍‌ ନାନ୍ ଇୱ୍‌ସାର୍ରେ ଲେକନ୍‌; ବାତେଙ୍କ୍‍ଇତ୍‍କେ ବେନ ନାୟାଦ୍‌ ଇଦ୍‌ ଦର୍ପ ମାଡ଼ାନ୍‌ ୱିଡ଼୍‍ସି ବେଲାନ୍ ନାୟାଦ୍‌ ଡଲାନାଦ୍‌ ସାୟେ । 
\v 16 ସୁସମାଚାର୍ ପ୍ରଚାର୍ ମାଡ଼ୁତାନ୍ ଇଞ୍ଜ ନାୟାଦ୍ ପ୍ରସଂଶା ମାଡ଼ାନାଦ୍ ବାତ୍ ବାତେଙ୍କ୍ ଇତ୍‍କେ ଇଲ୍‍ଲେ । ଇଦ୍ ଦାୟିତ୍ୱ ପାଲନ୍ ମାଡ଼ାନ୍ ସେଙ୍ଗେ ନାନ୍ ଗଟ୍ ପାଏମ୍ ଆତ୍‍ତାନ୍ । ଆଦିଙ୍କ୍ ସୁସମାଚାର୍ ପ୍ରଚାର୍ ମାଡ଼୍‍ୱେ ମାତ୍‍କେ ନାକିଂଙ୍କ୍ ଦଣ୍ଡ୍‍ଆଦ୍‍ତେ । 
\v 17 ନିଜେତ୍ ମାନ୍‍ତେ ଇଦ୍ ପାଡ଼୍‍ୟି ମାଡ଼୍‍କେ, ନାନ୍ ପୁରସ୍କାର୍‍ତିଙ୍କ୍ କେପି ମାନେନ୍, ଇତ୍‍କେ ଇଶ୍ୱର୍ ନା ପର୍‍ର ଇଦ୍ ଦାୟିତ୍ୱ ଇସ୍‍ମାନ୍ଦାନ୍ ମାୟ୍‍ଦିଙ୍କ୍ ଇଦ୍ ମାଡ଼ାନାଦ୍ ନାୟାଦ୍ ପାଡ଼୍‍ୟି । 
\v 18 ଆଲେକେ ନାନ୍ କି ପୁରସ୍କାର୍ ପାଏମ୍ ଆଦ୍‍ତାନ୍ ? ସାର୍ରେତଡ଼୍ ଗାର୍‍ରେ ୱିଡ଼୍‍ସି ମୁଲ୍ୟବାନ୍‍ ସୁସମାଚାର୍ ପ୍ରଚାର୍ ସେଙ୍ଗେ, ଇଦ୍ ନାୟାଦ୍ ପୁରସ୍କାର୍ । ଆଦିନ୍ ସେଙ୍ଗେ ସୁସମାଚାର୍ ପ୍ରଚାର୍ ମାୟ୍‍ଦିଙ୍କ୍ ନାନ୍ ବାତ୍‍ମିକା ସୁଯୋଗ୍ ସୁବିଦା ପାଏମ୍ ଆତ୍‍ତାଙ୍କ୍ ମାଇଦିଙ୍କ୍ ନାନ୍ ବାତେବା ଆଶେ ମାଡ଼ନ୍ ।
\p
\v 19 ନାନ୍ ୱେରଣ୍ଡ୍ ସ୍ୱାଦିନ୍ ନାରୁନ୍‌, ବେନ ଆସ୍‍ତେ ଦାସ ଆୟନ୍, ଆଗେକ୍‍ବା କ୍ରିଷ୍ଟନାଗ୍ ସାର୍ରେତଡ଼୍ ଲାବ୍ ପାଏମ୍ ଆଦାନ୍ ସେଙ୍ଗେ ନାନ୍ ସାର୍ରେତଡ଼୍‍ୱାଦ୍ ଦାସ ଆତ୍‍ତାନ୍ । 
\v 20 ଇହୁଦୀନଡ଼୍ କ୍ରିଷ୍ଟନ୍‍ନାଗେ ଲାବ୍ ପାଏମ୍ ଆଦାନ୍ ସେଙ୍ଗେ ନାନ୍ ଅଡ଼୍‌ ତଡ଼୍ ଇହୁଦୀ ଲେକାମ୍ ବ୍ୟବହାର୍‌ ମାଡ଼ୁତାନ୍ । ମୋଶାନ୍‌ ନିୟମ୍ ପାଲନ୍ ମାଡ଼ାନଡ଼୍‍କିଙ୍କ୍ ପାଏମ୍ ଆଦାନ୍ ସେଙ୍ଗେ ନାନ୍ ବାତ୍‍ଆଇ ନିୟମ୍ ପୟ୍‍ୱେକଟ ନିୟମ୍‍ତାଗ୍ ମାନ୍ଦାନ୍ ଲେକାମ୍ ବ୍ୟବହାର୍‌ ମାଡ଼ୁତାନ୍ । 
\v 21 ଆଦେରକମ୍ ଅଣଇହୁଦୀଡ଼୍ ପାଏମ୍ ଆଦାନ୍ ସେଙ୍ଗେ ନାନ୍ ଅଡ଼୍‌ ଲୋପେ ପାଡ଼୍‍ୟି ମାଡ଼ାନ୍‍ୱେଲେ ଅଣଇହୁଦୀଡ଼୍ ଲେକାମ୍ ନିୟମ୍‍ତେ ବାୟିଦେ ବ୍ୟବହାର୍‌ ମାଡ଼ୁତାନ୍ । ଇଦିନାଦ୍ ଇତ୍‍କେ ଆୟ୍‍ୟ ଜେ, ନାନ୍ ଇଶ୍ୱର୍‌ତେ ନିତୀନିୟମ୍ ପାଲନ୍ ମାଡ଼ନ୍ । ନିଜାମ୍‍ତେ ନାନ୍ କ୍ରିଷ୍ଟନ୍ ନିୟମ୍‍ତାଗ୍ ମିନ୍ଦେନ୍ । 
\v 22 ବେନଡ଼୍ ବିଶ୍ୱାସ୍‍ତାଗ୍ ଶାତ୍‍ୱାମ୍ ଇଲ୍‍ଲେ, ଅଡ଼୍‌‍କିଂଙ୍କ୍ ପାଏମ୍ ଆଦାନ୍ ସେଙ୍ଗେ ନାନ୍ ଅଡ଼୍‌ ଲେକାମ୍ ଆତ୍‍ତାନ୍ । ବେଲାମେଣ୍ଡେ ଆୟି ଅଡ଼୍‌‍କିଂଙ୍କ୍ ଗେଲ୍‍ସ୍ପାନ୍ ମାୟ୍‍ଦିଙ୍କ୍ ନାନ୍ ସାରେ ୱେରେ ଲେକାମ୍ ବ୍ୟବହାର୍‌ ଆଚରଣ ମାଡ଼୍‍ତାନ୍ ।
\p
\v 23 ନାନ୍ ସୁସମାଚାର୍ ପ୍ରଚାର୍ ମାଡ଼ି, ଇଦିନାଗାଙ୍କ୍ ଆର୍ଶିବାଦ୍ ପାଏମ୍ ଆଦ୍‍ଦାନ୍ ଅଂଶି ଆଦାନ୍‍ ସେଙ୍ଗେ ଇୱୁ ସାର୍‍ରେ ମାଡ଼ିତାନ୍ । 
\v 24 ମିଡ଼୍ ବାତ୍ ପୁନ୍‍ୱିଡ଼୍ ଜେ, କାର୍‍ସାନାଗ୍ ନାର୍‍ଗେ ମୁଲ୍ ବାଗ୍‍ ଆଦ୍‍ତଡ଼୍, ଇତ୍‍କେ ୱେରଣ୍ଡେ ପୁରସ୍କାର୍ ପାଏମ୍ ଆଦ୍‍ତନ୍ ? ମିଡ଼୍ ଇଦ୍‍ରକମ୍ ମିରାଟ୍, ବେଲାକି ପୁରସ୍କାର୍ ପାଏମ୍ ଆଦ୍‍ତିଡ଼୍ । 
\v 25 କାର୍‍ସାନଡ଼୍ ଟ୍ରେନିଂ ୱେଲେ ସାର୍‍ରେ ବିଷୟ୍ ସାୟେ ବ୍ୟବହାର୍‌ ମାଡ଼ିତଡ଼୍ । ଅଡ଼୍‌ ନଷ୍ଟଆଦାନାଦ୍ ସହଜ୍‍ ପାଏମ୍ ଆଦାନ୍ ସେଙ୍ଗେ ଇଦ୍‍ରକମ୍ ମାଡ଼ିତଡ଼୍ । ଇତ୍‍କେ ମାନାଡ଼୍ ତେର୍‍ୱାଦ୍ ସହଜ୍‍ ପାଏମ୍ ଆଦାନ୍ ସେଙ୍ଗେ ଇଦ୍‍ରକମ୍ ମାଡ଼ିତାଡ଼୍ । 
\v 26 ଆଦିନ୍ ସେଙ୍ଗେ ନାନ୍ ସିଦା ଏୱୁଦାନ୍ ବକେତ୍ ମିରିତାନ୍, ନାନ୍‍ ୱେରଣ୍ଡ୍ ମୁଷ୍ଟି ବୀର ଲେକାମ୍ ନାନ୍ ନିଜେତ୍ ମୁଟେତେ ରେଏତାନଙ୍କ୍ ଆସାମ୍ ୱିଡ଼୍‍ସାନଙ୍କ୍ ମାନ୍‍ ମାଡ଼ନ୍ । 
\v 27 ୱେରେ ନାରୁଡ଼ାଗ୍ ସୁସମାଚାର୍ ପ୍ରଚାର୍ ମାଡ଼ିମାତ୍‍କେ ଗାଲା ନାନ୍ ନିଜେ ବେଲାକି ପିନ୍ଦ ଆୟନ୍, ନାନ୍ ତିପାଲ୍ ମାଡ଼ି ମେନ୍ଦୁଲ୍‍ତିଙ୍କ୍ ଡୁଟାଙ୍ଗ୍‌ ମାଡ଼୍‍ତାନ୍ ନୁ ନିଜେତ୍ ଗଟ୍‍ତେ ମାଡ଼ି ନେଃଏତାନ୍ । ବାତେଙ୍କ୍‍ଇତ୍କେ ବାଗାତଡ଼୍ ପାକେ ସୁସମାଚାର୍ ପ୍ରଚାର୍ ମାଡ଼ିମାତ୍‍କେ ମିକା ନାନ୍ ନିଜେ ଆଗ୍ରାହ୍ୟ ଆୟନ୍ ।
\c 10
\s ପୁତ୍‍ଲାକ୍ ବିରୁଦ୍‍ତେ ସତର୍କତା
\p
\v 1 ଦାଦାଲଡ଼ି ନୁ ଏଲାସ୍କ୍‍ ନଡ଼ି ମୋଶାନ୍‌ ପେର୍‍କେ ଆଞ୍ଜ ମାନ୍‍ ଆନିଦାଦିଡ଼୍ ବାତ୍ ଗଟେମ୍ ଆସ୍‍ମାତ୍‍ତଡ଼୍‌, ମିଡ଼୍ ଆଦ୍ ଏର୍କା ମାଡ଼ାଟ୍, ଇଦ୍ ନାୟାଦ୍ ଇଚ୍ଛା । ଅଡ଼୍‌ ସାର୍ରେତଡ଼୍ ମାବ୍ ତଡ଼୍ ଲେକାମ୍ ମାତ୍‍ତଡ଼୍, ନେତୁର୍ ବେଡ଼େଡ଼୍‍ତିଙ୍କ୍ ତିପାଲ୍ ଆୟ୍‍ୱେ ଜିଡ଼୍‍ତଡ଼୍ । 
\v 2 ମୋଶାନ୍‌ ପେର୍‍କେ ଆଦାନଡ଼୍ ଲେକାମ୍ ଅଡ଼୍‌ ସାର୍ରେତଡ଼୍ ମାବ୍ ନୁ ବେଡ଼େଡ଼୍‍ତାଗ୍‍ ଏର୍‍ଦିକ୍ୟା ପାଏମ୍ ଆସ୍‍ମାତ୍‍ତଡ଼୍ । 
\v 3 ଅଡ଼୍‌ ସାର୍ରେତଡ଼୍ ଅଣ୍ଡୟ୍‌ ଆତ୍ମାତେ କାଦି ନୁ ଉନ୍ଦାନାଦ୍ ଗ୍ରହନ୍ ମାଡ଼ିମାତ୍‍ତଡ଼୍, 
\v 4 ବାତେଙ୍କ୍‍ଇତ୍‍କେ ଅଡ଼୍‌ ତଡ଼୍ ଚାଲେମ୍‍ ଆଦାନ୍ ଦାର୍ମାମ୍‌ ଉପାୟ୍‍ତଡ଼୍ ଅଡ଼୍‌ କାଲ୍ ଉଞ୍ଜ ମାତ୍‍ତଡ଼୍, ମେଣ୍ଡେ ଆଦ୍ କାଲ୍ ଆଦୁତନ୍ ନିଜେ କ୍ରିଷ୍ଟ । 
\v 5 ଆଗେକ୍‍ବା ଇଶ୍ୱର୍ ଅଡ଼୍‌ ସାର୍ରେତଡ଼୍ ସେଙ୍ଗେ ଶାନ୍ତି ଇଲ୍‍ୱେମାତ୍‍ତଣ୍ଡ୍ । ଆଦିଙ୍କ୍ ଅଡ଼ାଦ୍‌ ଡଲ୍‍ତେ ମେନ୍ଦୁଲ୍ ଉଚ୍‍କନେଲ୍‍ତାଗ୍ ଏକାମ୍ ଆସ୍ ରାୟିମାତ୍‍ତା ।
\p
\v 6 ଅଡ଼୍‌ ଲେକାମ୍ କାରାପ୍ ଚିନ୍ତେ ମାଡ଼ାନାଦ୍ ଆୟ୍‍ୟ କି ଇୱୁ ସାର୍‍ରେ ୱେଷଡ଼୍ ଇନା ଆସ୍ ମାନ୍‍ ଏର୍କା ଇଦୁତ୍ । 
\v 7 ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍ ପୁତ୍‍ଲାମ୍ ପୂଜେ ମାଡ଼ାନାଦ୍ ଆୟ୍‍ୟ, ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, “ନାରୁଡ଼୍ ତିନ୍ଦାନଙ୍କ୍ କୁଦ୍‍ତଡ଼୍ ନୁ ତାନ୍‍ପେର୍କେ ତେଦି ମୂର୍ତ୍ତି ପୂଜା ପାଡ଼୍‍ୟି ମାଡ଼ାନଙ୍କ୍ ପସ୍ପ୍‍ତ୍‍ତଡ଼୍ ।” 
\v 8 ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍ ବେବିଚାର୍ ମାଡ଼୍‍ତାଙ୍କ୍ ୱେରଡ଼୍ ଦିନେତେ ତେଇସ୍ ହଜାର୍‌ ନାରୁଡ଼୍ ଡଲ୍‍ତଡ଼୍ । ଆଦ୍ ରକମ୍ ପାପାମ୍ ମାଡ଼୍‍ୱାଡ଼୍ । 
\v 9 ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍ ପ୍ରବୁନ୍ ପରିକ୍ଷା ମାଡ଼ି ତାଡ଼ାମ୍ କାସି ଡଲ୍‍ତଡ଼୍ । ମାନାଡ଼୍ ଆଦ୍‍ଲେକାମ୍ ପ୍ରବୁଙ୍କ୍ ପରିକ୍ଷା ମାଡ଼ାନାଦ୍ ଆୟ୍‍ୟ । 
\v 10 ଅଡ଼୍‌ ଲୋପେଙ୍କ୍ ବେସ୍‍କ୍‍ତୁଡ଼୍‍ ଇଶ୍ୱର୍‌ତିଙ୍କ୍ ବିରୁଦ୍ ମାଡ଼ି ଆୱୁକାନାଦ୍ ଦୂତ୍‍ତଡ଼୍ ଦଂସ ଆଦ୍‍ତଡ଼୍ । ମିଡ଼୍ ଆଦ୍‍ଲେକାମ୍ କପାମ୍ ଗଟି କେଲ୍‍ମାଟ୍ ।
\p
\v 11 ଅଡ଼୍‌ ସେଙ୍ଗେ ଇଦ୍ ସାର୍‍ରେ ଗଟ୍‍ନା ୱେରେନାରୁଡ଼ାଦ୍ ୱେଷଡ଼୍ ଇନା ଆତ୍‍ତେ ନୁ ମାନ୍‍ ସତର୍କ ମାଡ଼ାନ୍ ସେଙ୍ଗେ ଆୱୁ ଲେକାଆତ୍‍ତା । ବାତେଙ୍କ୍‍ଇତ୍‍କେ ମାନାଡ଼୍ ଯୁଗ୍ ତେରାନ୍‍ୱେଲେ ବାଦ୍‍କୁତାଡ଼୍ । 
\v 12 ବେନ ଗାଡ଼୍‍ସ୍ ଇଞ୍ଜ ଆଲ୍‍ସିତିଡ଼୍, ଅଣ୍ଡ୍‌ ସାବ୍‍ଦାନ୍ ମାନୁଟ୍ । ଅନାଦ୍‌ ବେଲା ରାଲି ଆନ୍‌‍ମାକିଣ୍ଡ୍ । 
\v 13 ମିଡ଼୍ ବେନ୍ ପରିକ୍ଷା ଇତ୍‍ତିଡ଼୍, ନାରୁଡ଼୍ ଗାଲା ଆଦେରକମ୍ ପରିକ୍ଷା ଇସ୍‍ମାନ୍‍ତଡ଼୍, ଇତ୍‍କେ ଇଶ୍ୱର୍ ତାନ୍ ପ୍ରତିଜ୍ଞାତାଗ୍ ବିଶ୍ୱାସ୍ ମିନ୍ଦେଣ୍ଡ୍ । ଅଣ୍ଡ୍‌ ମିକିଂଙ୍କ୍ ମିୟାଦ୍ ଶାତ୍‍ୱାମ୍‍ତେ ବାୟିଦେ ପରିକ୍ଷା ଇଦାନଙ୍କ୍ ଇୱଣ୍ଡ୍ । ମିଡ଼୍ ପରିକ୍ଷା ଇଦାନ୍‍ୱେଲେ, ଗାଡ଼୍‍ସ୍‍ ଆଦାନଙ୍କ୍ ଇଶ୍ୱର୍ ମିକିଂଙ୍କ୍ ଶାତ୍‍ୱାମ୍ ଇଦ୍‍ତଣ୍ଡ୍ ନୁ ମୁକ୍ତିତେ ଆର୍ର୍ ତଅସିଦ୍‍ତଣ୍ଡ୍ ।
\p
\v 14 ଆଦିଙ୍କ୍ ହୋ ପ୍ରିୟ ସାଙ୍ଗଡ଼ି, ମିଡ଼୍ ପୁତ୍‍ଲାମ୍ ପୁଜା ବନ୍ଦ୍‍ ମାଡ଼ାଟ୍ । 
\v 15 ମିକିଂଙ୍କ୍ ବୁଦ୍‍ନାରୁଣ୍ଡ୍ ଇଞ୍ଜ ନାନ୍ ଇଦ୍ କେତୁତାନ୍, ନାନ୍ ବାତ୍ କେତୁତାନ୍, ଆଦିଙ୍କ୍ ଆଲ୍‍ସାଟ୍ । 
\v 16 \x + \xo ୧୦:୧୬ \xo*\xt ମାତିଉ ୨୬:୨୬-୨୮; ମାର୍କ ୧୪:୨୨-୨୪; ଲୁକ ୨୨:୧୯,୨୦.\xt*\x*ପ୍ରବୁବୋଜ୍‍ତାଗ୍ ମାନାଡ଼୍ ବେନ୍ ଉନ୍ଦାନାଦ୍‍ ଗିନେ ବ୍ୟବହାର୍‌ ମାଡ଼ିତାଡ଼୍, ଆଦିନ୍ ସେଙ୍ଗେ ମାନାଡ଼୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦ୍‍ତାଡ଼୍ । ଇଦ୍ ଉନ୍ଦାନ୍‍ ଗିନେତାଗାଙ୍କ୍ ଉନ୍ଦାନ୍ ୱେଲେ ମାନାଡ଼୍ କ୍ରିଷ୍ଟନ୍ ନେତୁର୍‍ତାଗ୍ ବାଗି ଆଦ୍‍ତାଡ଼୍ । ମେଣ୍ଡେ ରୂଟି ଉହୁସ୍ ତିତ୍‍କେ କ୍ରିଷ୍ଟନ୍‍ ମେନ୍ଦୁଲ୍‍ତାଗ୍ ବାଗି ଆଦ୍‍ତାଡ଼୍ । 
\v 17 ମାନାଡ଼୍ ନାର୍‍ଗେ ଆତ୍‍କେ ଗାଲା ରୂଟି ଅଣ୍ଡୟ୍‌ ଆତ୍‍ତାଙ୍କ୍ ମାନାଡ଼୍ ୱେରଡ଼୍ ମେନ୍ଦୁଲ୍ ଆଦ୍‍ତାଡ଼୍, ବାତେଙ୍କ୍‍ଇତ୍‍କେ ମାନାଡ଼୍ ସାର୍ରେତଡ଼୍ ଆଦ୍ ଅଣ୍ଡୟ୍‌ ରୂଟିତାଗ୍ ପାଲ୍‍କିନ୍‌ ସେଙ୍ଗେ ଆଦ୍‍ତାଡ଼୍ ।
\p
\v 18 ଇସ୍ରାୟେଲ୍ ନାରୁଡ଼୍‍ତେ ଗଟ୍ ଆଲ୍‍ସାଟ୍ । ଅଡ଼୍‌ ଲୋପେଙ୍କ୍ ବେନଡ଼୍ ପୁଜ୍‍ତାୱୁ ଆଉଙ୍ଗ୍ ତିନ୍‍ତଡ଼୍, ଅଡ଼୍‌ ବାତ୍ ବେଦିତ୍ ଉପାସନାତାଗ୍ ପାଲ୍‍କ୍ ଆୟଡ଼୍ କି ? 
\v 19 ଆଲେକେ ନାନ୍ ବାତ୍ କେତୁତାନ୍ ଜେ, ପୁତ୍‍ଲାମ୍ ନୁ ତାଙ୍କ୍ ଇତ୍‍ତେ ପୁଜ୍‌ତାଦ୍ ବାତ୍ ମୁଲ୍ୟ ମିନ୍ଦେ ? 
\v 20 ଇଲ୍‍ଲେ, ବେସୁଟ୍‌ ଆୟ୍‍ୟ । ନାୟାଦ୍ କେତାନାଦ୍ ଇତ୍‍କେ ଆଦୁତ୍‍ତେ ଜେ, ପୁତ୍‍ଲାମ୍ ପୁଜାମାଡ଼ାନଡ଼୍ ଇତ୍‍ତେ ବଲି ଇଶ୍ୱର୍‌ତେ ମାୟ୍‍ଦିଙ୍କ୍ ଆୟ୍‍ୟ, ଆଦ୍ ଶୟ୍‍ତାନ୍‍ତେ ମାୟ୍‍ଦିଙ୍କ୍ ଇତ୍‍ତାଦ୍ । ଶୟ୍‍ତାନ୍‍ ତଡ଼୍ ମିୟାଦ୍ ବାତ୍‍ଆଇ ସମ୍ବନ୍ଦ୍ ମାନୀ ଇଞ୍ଜ ନାନ୍ ଇଚ୍ଛା ମାଡ଼ନ୍ । 
\v 21 ପ୍ରବୁ ନୁ ବୁତ୍, ଇର୍‍ୱୁଡ଼ାଦ୍ ଉନ୍ଦାନ୍ ଗିନେତାଗାଙ୍କ୍ ମିଡ଼୍ ଉନ୍ଦାନଙ୍କ୍ ପାର୍‍ୱିଡ଼୍ । ପ୍ରବୁ ନୁ ବୁତ୍, ଇର୍‍ୱୁଡ଼ାଦ୍ ଟେବୁଲ୍‍ତାଗ୍ ମିଡ଼୍ ବାଗ୍‍ ଆଦାନଙ୍କ୍ ପାର୍‍ୱିଡ଼୍ । 
\v 22 ମାନାଡ଼୍ ବାତ୍ ପ୍ରବୁନ୍ ମନ୍‍ତାଗ୍ ଇର୍ଷା ପୁଟ୍‍ସ୍ପିତାଡ଼୍ ? ମାନାଡ଼୍ ବାତ୍ ଇଶ୍ୱର୍‌ତାଗାଙ୍କ୍ ନାର୍‍ଗେ ଶାତ୍‍ୱାମ୍‍ତଡ଼୍ ?
\p
\v 23 \x + \xo ୧୦:୨3 \xo*\xt ୧ କରନ୍ତିୟ ୬:୧୨.\xt*\x*ଅଡ଼୍‌ କେତୁତଡ଼୍, “ସାର୍‍ରେ ମାଡ଼ାନ୍ ସେଙ୍ଗେ ମାନ୍‍ ଅଦିକାର୍‌ ମିନ୍ଦେ ।” ନିଜାମ୍ ଗଟ୍, ଇତ୍‍କେ ସାର୍‍ରେ ବିଷୟ୍ ଲେକେତାୱୁ ଆୟ୍‍ୟ । ମାନାଡ଼୍ ସାର୍‍ରେ ମାଡ଼ାଙ୍କ୍ ପାର୍‍ଦ୍‍ତାଡ଼୍, ଇତ୍‍କେ ସାର୍‍ରେ ବିଷୟ୍ ସାୟେ ଆୟ୍‍ୟ । 
\v 24 ମାତର୍ ନିଜେତ୍ ସ୍ୱାର୍ତତ୍ ସେଙ୍ଗେ ମାନ୍‍ ଇୱକନ୍ସ୍, ସାର୍ରେତଡ଼୍ ଅନ୍‌ନାରୁଡ଼୍‍ତେ ସ୍ୱାର୍ତତ୍ ସେଙ୍ଗେ ମାଡ଼ାନାଦ୍ ସାୟେ ।
\p
\v 25 ବିବେକ୍‍ତିଙ୍କ୍ ସାୟେ ନେଃଏତାନ୍ ସେଙ୍ଗେ ବାତ୍‍ବା ପାଚ୍ରା ମାଡ଼୍‍ୱେ ଆଟିନାଗ୍ ୱାମାନ୍ ଆଉଙ୍ଗ୍ ମିଡ଼୍ ନିଜେତ୍ ଇଚ୍ଛାତେ ତିନ୍ଦାନଙ୍କ୍ ପାର୍‍ଦ୍‍ତିନ୍, 
\v 26 ବାତେଙ୍କ୍‍ ଇତ୍କେ ଶାସ୍ତ୍ରବାକ୍ୟ ଇସାବ୍‍ତେ, “ପୃତିବି ନୁ ତାନାଦ୍ ସାର୍‍ରେ ବିଷୟ୍ ପ୍ରବୁନାଦ୍ ।”
\p
\v 27 ଅବିଶ୍ୱାସୀ ନାରୁଡ଼୍ ଲୋପେଙ୍କ୍ ବେନ ଯଦି ମିକିଂଙ୍କ୍ କାର୍‍ଙ୍ଗିତଣ୍ଡ୍ ନୁ ମିଡ଼୍ ଆଦ୍ କେଞ୍ଜିତିଡ଼୍, ଆଲେକେ ମିୟାଦ୍ ମନ୍‍ତିଙ୍କ୍ ବାତ୍‍ବା ପାଚ୍ରା ମାଡ଼୍‍ୱେକନ୍ସ୍, ବାତ୍ ତୁଃସିତ୍‍ତଡ଼୍, ଆଦ୍ ତିନ୍‍ତିଡ଼୍ । 
\v 28 ଇତ୍‍କେ ଆଦ୍ ଦେୟାମ୍‍ ପ୍ରାସାଦ୍‍ତେ ଇଞ୍ଜ ଯଦି ବେନ କେତିତଣ୍ଡ୍, ଅନାଦ୍‌ ଲେକେତ୍‍ ସେଙ୍ଗେ ନୁ ବିବେକ୍‍\f + \fr ୧୦:୨୮ \fr*\ft ସାୟେ ନୁ କାରାପ୍ ବିଚାର୍ ମାଡ଼ାନାଦ୍ ବୁଦ୍‍ତେ \ft*\f* ସେଙ୍ଗେ ଆଦ୍ ତିନ୍‍ମାଟ୍ । 
\v 29 ଇଗେ ନାନ୍ ମିୟାଦ୍ ମନ୍‍ତାଦ୍ ଗଟ୍ ଇଞ୍ଜ ନାନ୍ କେଲନ୍, ଅନାଦ୍‌ ମାନ୍‍ତେ ସେଙ୍ଗେ ଇଦ୍ ଗଟ୍ କେତୁତାନ୍ । ମିଡ଼୍ ଆତ୍‍କେ ପାଚ୍ରା ମାଡ଼େ ପାର୍‍ଦ୍‍ତିନ୍, “ମାନ୍‍ ସ୍ୱାଦୀନତା ବାତେଙ୍କ୍ ମେଣ୍ଡେଅର୍‍ତୁନ୍ ବିବେକ୍‍ ତଡ଼୍ ବିଚାର୍ ଆଦ୍‍ତେ ? 
\v 30 ଯଦି ନାନ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସ୍ ବେନ୍ କାଦି ତିନ୍ଦୁତାନ୍, ଆଦିଙ୍କ୍ ଦନ୍ୟବାଦ୍ ଇତ୍‍ତେ ବିଷୟ୍ ସେଙ୍ଗେ ନାକିଂଙ୍କ୍ ବାତେଙ୍କ୍ ବେନ ମିଟିଙ୍କ୍ ମାଡ଼ିତନ୍ ?”
\p
\v 31 ଆଦିନ୍‌ସେଙ୍ଗେ ମିଡ଼୍ ତିନ୍ଦାନ୍ ଉନ୍ଦାନ୍ କି ବାତ୍‍ମେଣ୍ଡେ ମାଡ଼ିତିଡ଼୍, ଆଦ୍ ଇଶ୍ୱର୍‌ତେ ଗୌରବ୍‍ତେ ସେଙ୍ଗେ ମାଡ଼ାଟ୍ । 
\v 32 ମିଡ଼୍ ମେଣ୍ଡେଅନ୍‌ ଦେଶ୍‍ତଡ଼ି, ଇହୁଦୀ ବା ଅଣଇହୁଦୀ, ଇଶ୍ୱର୍‌ତେ ମଣ୍ଡଲି, ବେନ ତିପାଲ୍ ଲେକାମ୍ ଆୟ୍‍ମାଟ୍ । 
\v 33 ମିଡ଼୍ ନା ଲେକାମ୍ ବ୍ୟବହାର୍‌ ମାଡ଼ାଟ୍ । ନାନ୍ ସାର୍‍ରେ ବିଷୟ୍‍ତେ ସାର୍ରେତଡ଼୍‍କିଙ୍କ୍ ଶାନ୍ତି ମାଡ଼ାନଙ୍କ୍ ଆଲ୍‍ସି ମାଡ଼ୁତାନ୍ । ନିଜେତାଦ୍ ଚିନ୍ତେ ମାଡ଼୍‍ୱେକନ୍ସ୍, ମେଣ୍ଡେଅଡ଼୍‌‍ତିଡ଼୍ ପରିତ୍ରାଣ୍ ସେଙ୍ଗେ ସାର୍ରେତଡ଼୍‍ୱାଦ୍ ଲେକେତ୍‍ ମାଡ଼ୁତାନ୍ ।
\c 11
\p
\v 1 \x + \xo ୧୧:୧ \xo*\xt ୧ କରନ୍ତିୟ ୪:୧୬; ଫିଲିପିୟ 3:୧୭.\xt*\x*ନାନ୍ କ୍ରିଷ୍ଟଙ୍କ୍ ବିଶ୍ୱାସ୍ ମାଡ଼୍‍ତେ ଲେକାମ୍ ମିଡ଼୍ ନାକିଂଙ୍କ୍ ବିଶ୍ୱାସ୍ ମାଡ଼ାଟ୍ ।
\s ଉପାସନାତାଗ୍ କକଡ଼୍ ମୁସାନାଦ୍
\p
\v 2 ନାନ୍ ମିକିଂଙ୍କ୍ ପ୍ରସଂଶା ମାଡ଼ୁତାନ୍, ବାତେଙ୍କ୍‍ଇତ୍‍କେ ମିଡ଼୍ ସାର୍ରେଦାମ୍‌ ନାକିଂଙ୍କ୍ ଏର୍କା ମାଡ଼ୁତିଡ଼୍ ନୁ ନାନ୍ ମିକିଂଙ୍କ୍ ଇତ୍‍ତେ ଶିକ୍ଷା ସାର୍‍ରେ ପାଲନ୍ ମାଡ଼ୁତିଡ଼୍ । 
\v 3 ନାନ୍ ମିକିଂଙ୍କ୍ ବୁଜାମାଡ଼ାନଙ୍କ୍ ଆଲ୍‍ସୁତାନ୍ ଜେ, କ୍ରିଷ୍ଟ ସାର୍‍ରେ ମାନେୟ୍‍ତାଦ୍ ତାଲ୍‍ଲେ ଲେକାମ୍, ମୁଦ୍‍ପାଲ୍ ମୁତ୍‍ତେନ୍ ତାଲ୍‍ଲେ ଲେକାମ୍ ନୁ ଇଶ୍ୱର୍ କ୍ରିଷ୍ଟନ୍ ତାଲ୍‍ଲେ ଲେକାମ୍ । 
\v 4 ଆଦିଙ୍କ୍ ବେନ୍ ମାନେୟ୍‍ତେ ତାଲ୍‍ଲେ ମୁସି ପ୍ରାର୍ତନା ମାଡ଼ିତନ୍ କି ଇଶ୍ୱର୍‌ତାଦ୍ ବାକ୍ୟ ତୁଃସିତଣ୍ଡ୍, ଅଣ୍ଡ୍‌ ନିଜେତ୍ ତାଲ୍‌ଲେ ଯେ କ୍ରିଷ୍ଟ ଅଂକିଙ୍କ୍‌ ମାନେମ୍‍ ଆୟ୍‍ୟଣ୍ଡ୍ । 
\v 5 ମେଣ୍ଡେଅଣ୍ଡ୍‌‍ପାକ୍ ବେନ୍ ନାଟାଡ଼୍ ତାଲ୍‍ଲେ ମୁସି ପ୍ରାର୍ତନା ମାଡ଼ିତେ କି ଇଶ୍ୱର୍‌ତେ ବାକ୍ୟ କେତିତ୍‍, ଆଦ୍ ତାନ୍ ମୁଦ୍‍ପାଙ୍କ୍ ମାନେମ୍‍ ଆୟ୍‍ୟ । ଆଦେରକମ୍ ନାଟାଡ଼୍, କେଲ୍‍କ୍ କୟ୍‍ତେ ଟାକନାଟାଡ଼୍ ଲେକାମ୍ । 
\v 6 ବେନ୍‌ଆଇ ନାଟାଡ଼୍ ଯଦି ତାନ୍ ତାଲ୍‌ଲେତିଙ୍କ୍ ମୁସାନଙ୍କ୍ ଆଲ୍‍ସ, ଆଲେକେ ତାନ୍ ତାଲ୍‌ଲେତ୍ କେଲ୍‍କ୍‍ କୟ୍‍ସିୱିଡ଼୍ । ଇତ୍‍କେ କେଲ୍‍କ୍ କୟ୍‍ସିତ୍‍କେ କି ମୁଣ୍ଡ୍‍ରି ଆତ୍‍କେ, ନାଟାକିଙ୍କ୍ ସିଗ୍ ଆସମାନ୍ଦାଙ୍କ୍, ଆଦ୍ ତାଲ୍‍ଲେ ମୁସାନାଦ୍ ସାୟେ । 
\v 7 ମାନେୟ୍‍ତାଦ୍ ତାଲ୍‍ଲେ ମୁସାନାଦ୍ ଦର୍‍କାର୍ ଇଲ୍‍ଲେ, ଇତ୍‍କେ ଇଶ୍ୱର୍‌ତେ ଲେକାମ୍ ନୁ ମହିମା ଅନାଗ୍ ତଅନ୍‌ଦୁତ୍ । ଇତ୍‍କେ ନାଟାଡ଼୍‍ତାଗ୍ ମାନେୟ୍‍ତାଦ୍ ମହିମା ତଅନ୍‌ଦିତ୍ । 
\v 8 ନାଟାଡ଼୍ ମାନେୟ୍‍ତାଗାଙ୍କ୍ ପୁଟ୍‍ତେ; ଇତ୍‍କେ ମାନେୟ୍‍ ନାଟାଡ଼୍‍ତାଗାଙ୍କ୍ ପୁଟତଣ୍ଡ୍ । 
\v 9 ମେଣ୍ଡେ ମାନେୟ୍‍ତାଦ୍ ତିଆର୍ ନାଟାଡ଼୍ ସେଙ୍ଗେ ଆୟ୍‍ୟ ମାତର୍ ନାଟାଡ଼୍‍ତାଦ୍ ତିଆର୍ ମାନେୟ୍‍ ସେଙ୍ଗେ ଆତ୍‍ତେ । ଆଦିନ୍ ସେଙ୍ଗେ ମାନେୟ୍‍ତାଦ୍ ଅଦିକାର୍‌ ନାଟାଡ଼୍‍ତେ ପର୍‍ର ମିନ୍ଦେ । 
\v 10 ଇଦିନ୍‍ସେଙ୍ଗେ ଦୂତନ୍ ମାୟ୍‍ଦିଙ୍କ୍ ନାଟାଙ୍କ୍ ନିଜେତ୍ ମୁଦ୍‍ପାନ୍ ଅଦିକାର୍‌ତାଗ୍‍ ମାନ୍ଦାନ୍ ନିଦର୍ଶନ୍ ଲେକାମ୍ ତାମ୍ ତାଲ୍‌ଲେତାଗ୍ କକଡ଼୍ ୱାଟାନାଦ୍ ସାୟେ । 
\v 11 ଆଦ୍ ବାତ୍‍ଆଇ, ପ୍ରବୁନ୍ ଗାର୍ରେ ମାନେୟ୍‍ତେ, ନାଟାନାଗାଙ୍କ୍ ୱେର୍ରେ ଆୟ୍‍ୟ, କି ନାଟାଙ୍କ୍, ମାନେୟ୍‍କିନାଗାଙ୍କ୍ ୱେର୍ରେ ଆୟ୍‍ୟ । 
\v 12 ବାତେଙ୍କ୍‍ଇତ୍‍କେ ନାଟାଡ଼୍, ମାନେୟ୍‍ତାଗାଙ୍କ୍ ପୁଟ୍‍ତା, ନୁ ମାନେୟ୍‍ ନାଟାଡ଼୍‍ତାଗାଙ୍କ୍ ଜନମ୍ ଆତ୍‍ତଣ୍ଡ୍ । ମାତର୍ ସାର୍ରେତଡ଼୍‍ୱାଦ୍ ସୃଷ୍ଟି କର୍‌ତ୍ତାଲ୍‌ ଇଶ୍ୱର୍ ।
\p
\v 13 ମିଡ଼୍ ନିଜେ ଆଲ୍‍ସାଟ୍ । ସାର୍ରେତଡ଼୍ ମୁନ୍‍ନେ ପ୍ରାର୍ତନାତାଗ୍ କକଡ଼୍ ୱାଟ୍‍ୱେକନ୍ସ୍ ଇଶ୍ୱର୍‌ତିଙ୍କ୍ ପ୍ରାର୍ତନା ମାଡ଼ାନାଦ୍, ବାତ୍ ନାଟାଡ଼୍ ସେଙ୍ଗେ ସବାତନ୍ଦିତ୍ ? 
\v 14 ଇଦ୍‌ରକମ୍‌ ବାତ୍ ମିକିଂଙ୍କ୍ ଶିକ୍ଷା ଇୱ ଯେ, ଲାଟି କେଲ୍‍କ୍ ମାନେୟ୍‍ତେ ସିଗିନଣ୍ଡ୍, 
\v 15 ଇତ୍‍କେ ନାଟାଡ଼୍‍ତିଙ୍କ୍ ଇଦ୍ ୱେଡ଼୍‍କେତାଦ୍ ଗଟ୍ ? ଆୱୁ ଲାଟି କେଲ୍‍କ୍ ତାଙ୍କ୍ ତାଲ୍‌ଲେ ମୁସାନ୍ ସେଙ୍ଗେ ଇତ୍‍ତେ । 
\v 16 ଯଦି ଇଦ୍ ବିଷୟ୍‍ତିଙ୍କ୍ ବେନ ଯୁକ୍ତିତର୍କ ମାଡ଼ାନଙ୍କ୍ ଆଲ୍‍ସିତିଡ଼୍, ଆଲେକେ ଅଂକିଙ୍କ୍‌ ନାୟାଦ୍ ଇସରେ କେତାନାଦ୍, ମାନ୍‍ ଲୋପେ କି ଇଶ୍ୱର୍‌ତେ ଉପବାସ୍ ମଣ୍ଡଲିନାଗ୍ ଉପବାସ୍ ବିଷୟ୍‍ତେ ୱେରେ ବାତ୍ତେ ୱିଡ଼୍‍ସ୍‍କେ ମେଣ୍ଡେ ବାତ୍ ବିଷୟ ଇଲ୍‍ଲେ ।
\s ପ୍ରବୁବୋଜ୍
\p
\v 17 ମଦଲ୍ ମିକିଂଙ୍କ୍ ମେଣ୍ଡେ ବେସ୍‌କ୍ ନିର୍ଦେଶ୍ ଇଦାନ୍‍ୱେଲେ ନାନ୍ ମିକିଂଙ୍କ୍ ପ୍ରସଂଶା ମାଡ଼ି ବାତ୍ କେତାନଙ୍କ୍ ପାର୍‍ୱନ୍ । ମିଡ଼୍ ଉପବାସ୍ ସେଙ୍ଗେ ଅଣ୍ଡୟାଗେ ଆଦାନ୍‍ୱେଲେ, ଇଦ୍ ମିକିଂଙ୍କ୍ ସାୟେ ଆୟ୍‍ୟକଟ ଅନିଷ୍ଟ ଆଦୁତ୍‍ତେ । 
\v 18 ମୁନ୍ନେନେ, କାବୁର୍ ପାଏମ୍ ଆତ୍‍ତାନ୍ ଜେ, ଉପବାସ୍ ଲୋନ୍‌ ଅଣ୍ଡୟାଗେ ଆତ୍‍ତେୱେଲେ ମିଇ ଲୋପେ ୱେଏକ୍‍ ୱେଏକ୍ ମାନ୍ଦେ ତିୟାର୍ ଆଦୁତ୍‍ତେ । ଇଦ୍ ସୁଦୁର୍ ଇନା ସତ୍ ଇଞ୍ଜ ନାୟାଦ୍ ବିଶ୍ୱାସ୍ । 
\v 19 ଆଗେକ୍‍ବା ମିୟାଗ୍ ୱେକ୍ ୱେକ୍ ମାନ୍ଦେ ଆଦ୍‍ତେ ନୁ ଇଦ୍ ରାମ୍‍କିନାଗ୍ ଇଶ୍ୱର୍‌ତେ ମୁନ୍‍ନେ ବେନଡ଼ାଦ୍ ଗଟ୍ ନିଜାମ୍, ପୁନ୍ଦାନଙ୍କ୍ ଆଦ୍‍ତେ । 
\v 20 ମିଡ଼୍ ୱେରଡ଼୍ ମାନ୍ଦେ ଲେକାମ୍ ଅଣ୍ଡୟାଗେ ଆସ୍ ବେନ୍ ତିନ୍ଦାନାଗ୍ ପାଲ୍‍କ୍ ଆଦୁତିଡ଼୍, ଆଦ୍ “ପ୍ରବୁବଜ୍ ଇଞ୍ଜ ଆଲ୍‍ସୁତିଡ଼୍ ମାତର୍ ଆୟ୍‍ୟ,” 
\v 21 ବାତେଙ୍କ୍‍ଇତ୍‍କେ ଆସୁଟେ ମିଡ଼୍ ସାର୍ରେତଡ଼ି ନିଜେତ୍ ନିଜେତ୍ କାଦି ତିନ୍ଦାନାଗ୍ ଦାନ୍ଦେ ଆସ୍ ମାନ୍‍ତିଡ଼୍ । ଆଦିଙ୍କ୍ ୱେରଣ୍ଡ୍ କାର୍‍ୱିନ୍ ମାନ୍ଦାନ୍‍ୱେଲେ ମେଣ୍ଡେଆର୍‍ତୁଣ୍ଡ୍ ଆସି ମାନ୍‍ତଣ୍ଡ୍ । 
\v 22 ତିନ୍ଦାନ୍ ଉନ୍ଦାନ୍ ସେଙ୍ଗେ ବାତ୍ ମିୟାଦ୍ ନିଜେତ୍ ଲୋନ୍‌ ଇଲ୍‍ଲେ ? ବା ଇଶ୍ୱର୍‌ତେ ମଣ୍ଡଲିତିଙ୍କ୍ ବୁସା ବୁଦ୍‍ତେ ମାଡ଼ାନାଦ୍ ନୁ ଅବାବ୍‍ତଡ଼୍ ନାରୁଡ଼୍‍କିଂଙ୍କ୍ ଅପ୍‍ମାନ୍ ଇଦାନ୍, ବାତ୍ ମିୟାଦ୍ ଉଦେଶ୍ୟ ? ନାନ୍ ମିକିଂଙ୍କ୍ ଇଦ୍ ବିଷୟ୍‍ତେ ବାତ୍ କେତିତାନ୍ ? ବାତ୍ ମିକିଂଙ୍କ୍ ପ୍ରସଂଶା ମାଡ଼ିତାନ୍ ? ଇଲ୍‍ଲା, ଇଦ୍ ବିଷୟ୍‍ତେ ନାନ୍ ମିକିଂଙ୍କ୍ ପ୍ରସଂଶା ମାଡ଼ାନଙ୍କ୍ ପାର୍‍ୱନ୍ ।
\p
\v 23 ଇଦ୍ ବିଷୟ୍‍ତେ ନାନ୍ ପ୍ରବୁନାଗାଙ୍କ୍ ବେନ୍ ଶିକ୍ଷା ପାଏମ୍ ଆତ୍‍ତାନ୍, ମିକିଂଙ୍କ୍ କେତୁତାନ୍ । ପ୍ରବୁ ଜିସୁ ଶତ୍ରୁଡ଼୍ କାୟ୍‍ଦେ ସର୍ପା ଆତ୍‍ତେ ନାର୍‍କେତ୍ ରୂଟି ଅସ୍, 
\v 24 ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇସ୍, ଆଦ୍ ଉହୁସ୍ କେତ୍‍ତଣ୍ଡ୍, “ଇଦ୍ ଆଦୁତ୍‍ତେ ମିଇ ସେଙ୍ଗେ ନାୟାଦ୍ ମେନ୍ଦୁଲ୍ । ନାକିଂଙ୍କ୍ ଏର୍କା ମାଡ଼ାନ୍ ସେଙ୍ଗେ ଇଦ୍‍ରକମ୍ ମାଡ଼ାଟ୍ ।” 
\v 25 ତିତ୍‍ତେ ପେର୍‍କେ ଆଦେପୁଟୁଙ୍କ୍ ଉନ୍ଦାନ୍‍ ଗିନେ ତେଏସ୍ ଅଣ୍ଡ୍‌ କେତ୍‍ତଣ୍ଡ୍, “ଇଦ୍ ଉନ୍ଦାନ୍‍ ଗିନେ ନାୟାଦ୍ ନେତୁର୍‍ତେ ତିୟାର୍‍ ଆତ୍‍ତେ ଇଶ୍ୱର୍‌ତାଦ୍ ପୁଃନେ ନିୟମ୍ । ମିଡ଼୍ ବେସର୍ ଦାମ୍ ଇଦ୍ ଗିନେତାଗାଙ୍କ୍ ଉନ୍‍ତିଡ଼୍, ଆସର୍ ଦାମ୍ ନାକିଂଙ୍କ୍ ଏର୍କା ମାଡ଼ାନଙ୍କ୍ ଇଲା ମାଡ଼ିତିଡ଼୍ ।” \fig ଜିସୁ ଶିଷ୍ୟଡ଼୍ ତଡ଼୍‍ ନିସ୍ତାର୍‍ ପାଣ୍ଡୁମ୍‍ ମାଡ଼ିତଣ୍ଡ୍|alt="Jesus eating the Passover meal with his disciples" src="lb00320c.tif" size="span" copy="Horace Knowles ©" ref="୧୧:୨୩"\fig*
\p
\v 26 ଇଗାଙ୍କ୍ ଇଦ୍ ପୁନ୍ଦାନଙ୍କ୍ ଆଦୁତ୍‍ତେ ଜେ, ମିଡ଼୍ ବେସର୍ ଦାମ୍ ଇଦ୍ ରୂଟି ତିନ୍‍ତିଡ଼୍ ନୁ ଇଦ୍ ଉନ୍ଦାନ୍‍ ଗିନେତାଗାଙ୍କ୍ ଉନ୍‍ତିଡ଼୍, ଆସର୍ ଦାମ୍ ପ୍ରବୁ ୱାଦାନ୍ ଦିନାମ୍ ଯାକ ଅନାଦ୍‌ ଡଲ୍‍ତାଦ୍ କାବୁର୍ କେତିତିଡ଼୍ । 
\v 27 ଇତ୍‍କେ ବେନ ଅଯୋଗ୍ୟ ଇନା ପ୍ରବୁନ୍ ଏର୍କେ ମାଡ଼ାନ୍ ରୂଟି ତିନ୍‍ତଣ୍ଡ୍ ନୁ ଉନ୍ଦାନ୍‍ ଗିନେତାଗାଙ୍କ୍ ଉନ୍‍ତଣ୍ଡ୍, ଅଣ୍ଡ୍‌ ପ୍ରବୁନ୍ ମେନ୍ଦୁଲ୍ ନୁ ନେତୁର୍ ବିରୁଦ୍‍ତେ ପାପ୍ ମାଡ଼ିତନ୍ । 
\v 28 ଆଦିଙ୍କ୍ ଇଦ୍ ରୂଟି ତିନ୍ଦାନ୍ ମୁନେଙ୍କ୍ ନୁ ଉନ୍ଦାନ୍‍ ଗିନେତାଗାଙ୍କ୍ ଉନ୍ଦାନ୍ ମୁନେଙ୍କ୍ ସାର୍ରେତଡ଼୍ ନିଜେତ୍ ଆତ୍ମା ପରିକ୍ଷା ମାଡ଼ାଟ୍ । 
\v 29 ବାତେଙ୍କ୍‍ଇତ୍‍କେ ବେନ୍ ନାରୁଡ଼୍ ପ୍ରବୁନ୍ ମେନ୍ଦୁଲ୍‍ତେ ନିଜାତେ ଇତ୍‍କେ ପୁନ୍‍ୱେକନ୍‍ସ୍ ତିନ୍‍ତଣ୍ଡ୍ ନୁ ଉନ୍‍ତଣ୍ଡ୍, ଅଣ୍ଡ୍‌ ନିଜାମ୍ ଦଣ୍ଡ୍ ପାଏମ୍ ଆଦ୍‍ତନ୍ । 
\v 30 ଆଦିନ୍ ସେଙ୍ଗେ ମିଇ ଲୋପେଙ୍କ୍ ନେଣ୍ଡ୍ ନାର୍‍ଗେ ଶାତ୍‍ୱାମ୍ ଇଲ୍‍ୱେ ନାରୁଡ଼୍, ରୋଗିନାରୁଡ଼୍ ନୁ ଡଲାନଣ୍ଡ୍ ଲେକାମ୍ ଆଦ୍‍ତଡ଼୍ । 
\v 31 ବାତେଙ୍କ୍ ଇତ୍‍କେ ମୁନେନ୍‍କନ୍ସ୍ ନିଜେତ୍ ନିଜେତ୍ ଆତ୍ମା ସାୟେ ମାଡ଼ି ପାଡ଼୍‍ୟି ମାଡ଼୍‍କେ, ମାନାଡ଼୍ ଇଶ୍ୱର୍‌ତେ ଦଣ୍ଡ୍ ପାଏମ୍ ଆୟ୍‍ୱାଡ଼୍, 
\v 32 ଇତ୍‍କେ ଜଗତ୍‍ତାଦ୍ ତେରାନାଦ୍ ଦଣ୍ଡ୍‍ତାଗାଙ୍କ୍ ମାନ୍‍ ରକ୍ଷା ମାଡ଼ାନ୍ ସେଙ୍ଗେ ଇଶ୍ୱର୍ ମାନ୍‍ ତିପାଲ୍ ଇସ୍ ସମାଦାନ୍ ମାଡ଼ୁତଣ୍ଡ୍ ।
\p
\v 33 ଆଦିଙ୍କ୍ ସାଙ୍ଗଡ଼ି, ମିଡ଼୍ ପ୍ରବୁବଜ୍ ସେଙ୍ଗେ ଅଣ୍ଡୟାଗେ ଆଦାନ୍‍ୱେଲେ ମିଡ଼୍ ମିଇ ସେଙ୍ଗେ କେପାଟ୍ । 
\v 34 ମିୟାଦ୍ ଅଣ୍ଡୟାଗେ ଆତ୍‍ତାଦ୍ ବେଲା ଇଶ୍ୱର୍‌ତେ ଦଣ୍ଡ୍‍ତାଦ୍ ବାତେଙ୍କ୍ ଇତ୍‍କେ ଆୟ୍‍ମାକି, ଆଦିନ୍ ସେଙ୍ଗେ ବେନ ଯଦି କାର୍‍ୱିଡ଼୍ ମିନ୍ଦେଣ୍ଡ୍, ଆଲେକେ ଅଣ୍ଡ୍‌ ଲୋନ୍‌ ତିଞ୍ଜ୍ ୱାଡ଼ିଣ୍ଡ୍ । ମେଣ୍ଡେବାଗାତ୍ ବିଷୟ୍ ନାନ୍ ଆତ୍‍କେ ବୁଜାମାଡ଼ିତାନ୍ ।
\c 12
\s ପବିତ୍ର ଆତ୍ମାତେ କନ୍‍ସ୍ ଦାନ
\p
\v 1 ଦାଦାଲଡ଼ି ନୁ ଏଲାସ୍କ୍‍, ପବିତ୍ର ଆତ୍ମାତେ ଦାନ ବିଷୟ୍‍ତେ ନାନ୍ ମିକିଂଙ୍କ୍ ନିଜାତାଦ୍ ସତ୍ କେତାନଙ୍କ୍ ଆଲ୍‍ସୁତାନ୍ । 
\v 2 ମିଡ଼୍ ପୁତ୍‍ତିଡ଼୍ ଜେ, ଅଣଇହୁଦୀ ମାତ୍‍ତେ ୱେଲେ, ଜିୱୁଣ୍ଡ୍ ଇଲ୍‍ୱା ପୁତ୍‍ଲାକିଙ୍କ୍ ପୁଜାମାଡ଼ି ଆର୍‌ ବୁଲ୍‍କା ଆସ୍‍ମାତ୍‍ତିଡ଼୍ । 
\v 3 ଆଦିନ୍ ସେଙ୍ଗେ ମିଡ଼୍ ପୁନ୍ଦାନାଦ୍ ଦର୍‍କାର୍ ଜେ, ଇଶ୍ୱର୍‌ତେ ଆତ୍ମାତଡ଼୍ ଚାଲେମ୍ ଆସ୍ ବେନ କେତାନଙ୍କ୍ ପାର୍‍ୱଣ୍ଡ୍, “ଜିସୁ ଅବିଶାପ୍‌” ମେଣ୍ଡେ ପବିତ୍ର ଆତ୍ମାତଡ଼୍ ଚାଲେମ୍ ଆୟକ୍, ବେନ ଜିସୁଙ୍କ୍ ପ୍ରବୁ ଇଞ୍ଜ ସ୍ୱୀକାର୍ ମାଡ଼ାନଙ୍କ୍ ପାର୍‍ୱଣ୍ଡ୍ ।
\p
\v 4 \x + \xo ୧୨:୪ \xo*\xt ରୋମୀୟ ୧୨:୬-୮.\xt*\x*ପବିତ୍ର ଆତ୍ମାତାଦ୍ ଦାନ ନାର୍‍ଗେ ଲେକାତ୍, ଇତ୍‍କେ ଆଦ୍ ଅଣ୍ଡୟ୍‌ ପବିତ୍ର ଆତ୍ମା ଆୱୁ ସାର୍‍ରେ ଇଦ୍‍ତେ । 
\v 5 ନାର୍‍ଗେ ଲେକାତ୍ ସେବା ପାଡ଼୍‍ୟି ମାଡ଼ମାତ୍‍କେ ଗାଲା ଅଣ୍ଡୟ୍‌ ପ୍ରବୁନାଦ୍ ସେବା ଆଦ୍‍ତେ । 
\v 6 ପାଡ଼୍‍ୟି ମାଡ଼ାନ୍ ଶାତ୍‍ୱାମ୍ ନାର୍‍ଗେ ଲେକାତ୍, ଇତ୍‍କେ ଅଣ୍ଡୟ୍‌ ଇଶ୍ୱର୍ ଆୱୁ ସାର୍‍ରେ ଶାତ୍‍ୱାମ୍ ଇଦ୍‍ତେ । 
\v 7 ସାର୍ରେତଡ଼୍‍ୱାଦ୍ ଲେକେତ୍‍ ମାଡ଼ାନ୍ ସେଙ୍ଗେ ସାର୍‍ରେ ନାରୁଣ୍ଡ୍‍ ଲୋପେ ପବିତ୍ର ଆତ୍ମାତେ ଶାତ୍‍ୱାମ୍ ନାର୍‍ଗେ ରକମ୍ ତଅନ୍‌ଦିତ୍ । 
\v 8 ପବିତ୍ର ଆତ୍ମାତ୍ ଅନୁଗ୍ରହତେ ବେନ ବୁଦ୍ ନାରୁଡ଼୍ ଆଦ୍‍ତନ୍ ନୁ ମେଣ୍ଡେ ବେନ ଜ୍ଞାନି ଆଦ୍‍ତନ୍ । 
\v 9 ଆଦ୍ ୱେରଡ଼୍ ପବିତ୍ର ଆତ୍ମା ବେନଙ୍କ୍ ଇଦ୍‍ତେ ବିଶ୍ୱାସ୍ ନୁ ବେନଙ୍କ୍ ଇଦ୍‍ତେ ସୁସ୍ଥ ମାଡ଼ାନାଦ୍ ଶାତ୍‍ୱାମ୍; 
\v 10 ବେନଙ୍କ୍ ଇଦ୍‍ତେ ଆଶ୍ଚର୍ଯ୍ୟ ପାଡ଼୍‍ୟି ମାଡ଼ାନ୍ ଶାତ୍‍ୱାମ୍, ବେନଙ୍କ୍ ଇଦ୍‍ତେ ଇଶ୍ୱର୍‌ତେ ବାକ୍ୟ କେତାନଙ୍କ୍ ଶକ୍ତି ନୁ ବେନଙ୍କ୍ ବାତ୍‍ବାତ୍ ପବିତ୍ର ଆତ୍ମା ନୁ କାରାପ୍ ଆତ୍ମା ଏଞ୍ଚାନ୍ ଶକ୍ତି; ମେଣ୍ଡେ ଅଣ୍ଡ୍‌ ବେନଙ୍କ୍ ଇଦ୍‍ତଣ୍ଡ୍ ବାତ୍‍ବାତ୍ ଗଟିନେ ତିର୍‍ୟାନାଦ୍ ଶକ୍ତି ନୁ ମେଣ୍ଡେ ବେନଙ୍କ୍ ଇଦ୍‍ତଣ୍ଡ୍ ଆଦ୍ ଗଟ୍‍ତାଦ୍ ଇତ୍‍କେ ବୁଜାମାଡ଼ାନାଦ୍ ଶକ୍ତି । 
\v 11 ଇତ୍‍କେ ଇୱୁସାର୍ରେ ଆଦ୍ ୱେରଡ଼୍ ଆତ୍ମା କେ ମାଡ଼ିତ୍ । ଅଣ୍ଡ୍‌ ନିଜେତ୍ ଇଚ୍ଛା ଲେକାମ୍ ସାର୍‍ରେ ନାରୁଙ୍କ୍ ୱେକ୍ ୱେକ୍ ବିଷୟ୍ ଦାନ ମାଡ଼ିତନ୍ ।
\s ଅଣ୍ଡୟ୍‌ ମେନ୍ଦୁଲ୍, ଇତ୍‍କେ ନାର୍‍ଗେ ଦୁଡ଼ା
\p
\v 12 \x + \xo ୧୨:୧୨ \xo*\xt ରୋମୀୟ ୧୨:୪,୫.\xt*\x*କ୍ରିଷ୍ଟ ନାର୍‍ଗେ ଦୁଡ଼ା କାୟ୍‍ଲ୍‍ତେ ଅଣ୍ଡୟ୍‌ ମେନ୍ଦୁଲ୍ ଲେକାମ୍ । ନାର୍‍ଗେ ଅଂକିଙ୍କ୍‌ ତଡ଼୍ କାୟ୍‍ଲିମାତ୍‍କେ ଗାଲା, ମେନ୍ଦୁଲ୍ ଅଣ୍ଡୟ୍‌ । 
\v 13 ଆଦେରକମ୍ ଇହୁଦୀ, ଅଣଇହୁଦୀ, କ୍ରୀତଦାସ ନୁ ସ୍ୱାଦିନ୍ ନାରୁଡ଼୍ ସାର୍ରେପେର୍କେ ମାନାଡ଼୍ ସାର୍ରେତଡ଼୍ ଅଣ୍ଡୟ୍‌ ଆତ୍ମାତେ ତଡ଼୍ ଏର୍‍ଦିକ୍ଷାତାଗ୍ ବାପ୍ତିସ୍ମ ଅସ୍ ଆଦ୍ ଅଣ୍ଡୟ୍‌ ମେନ୍ଦୁଲ୍‍ତାଗ୍ କାୟ୍‍ଲ୍‍ତମ୍, ଅଣ୍ଡୟ୍‌ ଆତ୍ମାତିଙ୍କ୍ ଉନ୍ଦୁତାଡ଼୍ ।
\p
\v 14 ମେନ୍ଦୁଲ୍ ଅଣ୍ଡୟ୍‌ ଦୁଡ଼େ ତଡ଼୍ ତିୟାର୍ ଆୟ୍‍ୟ । ମାତର୍ ଇଦ୍ ନାର୍‍ଗେ ଦୁଡ଼େ ତଡ଼୍ ତିୟାର୍ ଆତ୍‍ତେ । 
\v 15 ଡେକେ ଯଦି କେତିତ୍‍, “ନାନ୍ କାୟ୍ ଆୟନ୍, ଆଦିଙ୍କ୍ ମେନ୍ଦୁଲ୍‍ତେ ଦୁଡ଼େ ଆୟନ୍,” ଆଲେକେ ଇଦ୍ କାରନ୍‍ତେ ମାୟ୍‍ଦିଙ୍କ୍ ଆଦ୍ ମେନ୍ଦୁଲ୍‍ତଡ଼୍ କାୟ୍‍ଲ୍‍ୱେକଞ୍ଚ୍‍ ମାନ୍ଦାନଙ୍କ୍ ପାର୍‍ୱ । 
\v 16 କେୱୁ ଯଦି କେତିତ୍‍, “ନାନ୍ କଣ୍ଡା ଆୟନ୍, ଆଦିଙ୍କ୍ ମେନ୍ଦୁଲ୍‍ତେ ଦୁଡ଼େ ଆୟନ୍,” ଆଲେକେ ଇଦ୍ ବାତେଙ୍କ୍ ଇତ୍‍କେ ମାୟ୍‍ଦିଙ୍କ୍ ଆଦ୍ ମିକା ମେନ୍ଦୁଲ୍‍ତାଗାଙ୍କ୍ ୱେର୍ରେ ଆସ୍ ମାନ୍ଦାନଙ୍କ୍ ପାର୍‍ୱ । 
\v 17 ସାର୍‍ରେ ମେନ୍ଦୁଲ୍ ଯଦି ଆସାମ୍ କଣ୍ଡା ଆଦ୍‍ତେ, ଆଲେକେ ବେଲା କେଞ୍ଜାନଙ୍କ୍ ଆଦ୍‍ତେ ? ମେଣ୍ଡେ ଆଦ୍ ଯଦି ଆସାମ୍ କେୱୁକ୍‍ ଆଦ୍‍ତେ, ଆଲେକେ ବେଲା ନେସ୍କାନଙ୍କ୍ ଆଦ୍‍ତେ ? 
\v 18 ନିଜାମ୍, ଇଶ୍ୱର୍ ୱେର୍ରେ ୱେର୍ରେ ଦୁଡ଼େ ମେନ୍ଦୁଲ୍‍ତେ ୱେକ୍‍ୱେକ୍ ପଡ଼୍‍ୟେତାଗ୍ ନିଜେତ୍ ଇଚ୍ଛାତେ ଉର୍‍ସ୍କିତ୍‍ତଣ୍ଡ୍ । 
\v 19 ଆୱୁସାର୍ରେ ମାତର୍ ଅଣ୍ଡୟ୍‌ ମେନ୍ଦୁଲ୍ ଆସ୍‍ମାତ୍‍କେ, ମେନ୍ଦୁଲ୍ ବେଲା ତିୟାର୍ ଆୟେଡ଼୍ ? 
\v 20 ଆଦିଙ୍କ୍ ନାର୍‍ଗେ ଦୁଡ଼ା ଆତ୍‍କେ ମିକା ମେନ୍ଦୁଲ୍ ଅଣ୍ଡୟ୍‌ ।
\p
\v 21 ଆଦିଙ୍କ୍ କଣ୍ଡା କାୟ୍‍ଦିଙ୍କ୍ କେତାନଙ୍କ୍ ପାର୍‍ୱ, “ନାନ୍ ନିକିଂଙ୍କ୍ ଦର୍‍କାର୍ ଆୟନ୍ ।” କି ତାଲ୍‍ଲେ ରେଣ୍ଡ୍ ଡେକାଙ୍କ୍ କେତାନଙ୍କ୍ ପାର୍‍ୱ, “ନିୟାଗ୍ ନାୟାଦ୍ ବାତ୍ ଦର୍‍କାର୍ ଆୟ୍‍ୟ ।” 
\v 22 ମେଣ୍ଡେଅଣ୍ଡ୍‌ ରକମ୍, ମେନ୍ଦୁଲ୍‍ତାଗ୍ ବେନ୍ ଦୁଡ଼ା ଶକ୍ତି ଇଲ୍‍ଲେ ଇଞ୍ଜ ଆଲ୍‍ସ୍‍କେ, ଆୱୁ ଦର୍‍କାର୍ ଆୟ୍‍ୟ । 
\v 23 ମେନ୍ଦୁଲ୍‍ତାଗ୍ ବେନ୍ ଦୁଡ଼ା ମାନାଡ଼୍ ଗାଟି ଦର୍‍କାର୍ ଆୟ୍‍ୟ ଇଞ୍ଜ ଆଲ୍‍ସିତାଡ଼୍, ଆୱିଙ୍କ୍ ମାନାଡ଼୍ ଗାଟି ଜତନ୍ ଆଦ୍‍ତାଡ଼୍ । ମେଣ୍ଡେ ମେନ୍ଦୁଲ୍‍ତାଗ୍ ମିଞ୍ଜିମାନ୍ଦାନ୍ ଦୁଡ଼ା ସେଙ୍ଗେ ମାନାଡ଼୍ ଗାଟି ମାନ୍‍ ଇଦ୍‍ତାଡ଼୍, 
\v 24 ମେନ୍ଦୁଲ୍‍ତାଗ୍ ସୁନ୍ଦର୍ ଦୁଡ଼ା ସେଙ୍ଗେ ମାନାଡ଼୍ ଆସର୍ ମାନ୍‍ ଇୱାଡ଼୍ । ଇଶ୍ୱର୍ ନିଜେ ମେନ୍ଦୁଲ୍‍ତିଙ୍କ୍ ଇଦ୍ ରକମ୍ ତିୟାର୍ ମାଡ଼୍‍ତଣ୍ଡ୍ ଜେ, ବେନ୍ ଦୁଡ଼ାକିଙ୍କ୍‌ ଯତନ୍ ଦର୍‍କାର୍, ନିଜାମ୍ ଆୱିଙ୍କ୍ ଗାଟି ସାର୍‍ଦେ ଦର୍‍କିତ୍ । 
\v 25 ଆଦିଙ୍କ୍ ମେନ୍ଦୁଲ୍ ଲୋପେ ବାତ୍‍ବା ଗଲ୍‍କ୍ ତିୟାର୍ ଆୟ୍‍ୟ, ଇତ୍‍କେ ୱେକ୍ ୱେକ୍ ଦୁଡ଼ା ତାମ୍‍ତାମ୍ ଲୋପେ ଦର୍‍କାର୍ ବୁଜେମ୍ ଆଦ୍‍ତେ । 
\v 26 ମେନ୍ଦୁଲ୍‍ତେ ଅଣ୍ଡୟ୍‌ ଦୁଡ଼େତାଗ୍ କଷ୍ଟ ଆତ୍‍କେ, ମେଣ୍ଡେ ସାର୍‍ରେ ଦୁଡ଼ା ଆଦ୍ କଷ୍ଟ ପାଏମ୍ ଆଦ୍‍ତେ । ୱେରଡ଼୍ ଦୁଡ଼ା ଗୌରବ୍‍ ଆତ୍‍କେ, ମେଣ୍ଡେ ସାର୍‍ରେ ଦୁଡ଼ା ଆଦ୍ ୱେଡ଼୍‍କେତାଗ୍ ପାଲ୍‍କ୍ ଆଦ୍‍ତା ।
\p
\v 27 ମିଡ଼୍ କ୍ରିଷ୍ଟନ୍ ମେନ୍ଦୁଲ୍ । ମିଡ଼୍ ସାର୍ରେତଡ଼୍ ଆଦ୍ ମେନ୍ଦୁଲ୍‍ତେ ଅଣ୍ଡୟ୍‌ ଦୁଡ଼ା । 
\v 28 \x + \xo ୧୨:୨୮ \xo*\xt ଏଫିସିୟ ୪:୧୧.\xt*\x*ମଣ୍ଡଲିତାଗ୍ ଇଶ୍ୱର୍ ମୁନେନ୍ ପ୍ରେରିତ୍ ଶିଷ୍ୟଡ଼୍‍କିଂଙ୍କ୍, ଦ୍ୱିତୀୟଦାମ୍ ବବିଷ୍ୟତ୍‍ ବକ୍ତାଲଡ଼୍‍କିଙ୍କ୍, ତୃତୀୟଦାମ୍ ଶିକ୍ଷା ଗୁରୁଡ଼୍‍କ୍, ତାନ୍‍ପେର୍କେ ଆଶ୍ଚର୍ଯ୍ୟ ପାଡ଼୍‍ୟି ମାଡ଼ାନଡ଼୍‍କ୍, ରୋଗ୍ ସାୟେ ମାଡ଼ାନଡ଼୍‍କ୍, ସାହାଯ୍ୟ ମାଡ଼ାନଡ଼୍‍କ୍, ଶାସନ୍‍ ମାଡ଼ାନଡ଼୍‍କ୍ ନୁ ନାର୍ଗେପ୍ରକାର୍ ଗଟି ତିର୍‍ୟାନଡ଼୍‍କ୍ ନିଯୁକ୍ତି ମାଡ଼୍‍ତଣ୍ଡ୍ । 
\v 29 ଅଡ଼୍‌ ସାର୍ରେତଡ଼୍ ପ୍ରେରିତ୍ ଶିଷ୍ୟ, ବବିଷ୍ୟତ୍‍ବକ୍ତା କି ମେସ୍ତେରିଡ଼୍ ଆୟ୍‍ୟଡ଼୍ । ଆଶ୍ଚର୍ଯ୍ୟ ପାଡ଼୍‍ୟି ମାଡ଼ାନ୍ ଶକ୍ତି ସାର୍ରେତଡ଼ାଗ୍ ଇଲ୍‍ଲେ । 
\v 30 ସାର୍ରେତଡ଼୍ ରୋଗ୍ ସାୟେ ମାଡ଼ାନଙ୍କ୍, ୱେକ୍‍ୱେକ୍ ଗଟି ତିର୍‍ୟାନଙ୍କ୍ ନୁ ଆୱୁ ସାର୍ରେତାୱିନ୍ ଇତ୍‍କେ ବୁଜାମାଡ଼ାନଙ୍କ୍ ପାର୍‍ୱଡ଼୍ । 
\v 31 ମିଡ଼୍ ସାୟେତ୍ ଦାନ ପାଏମ୍ ଆଦ୍‍ଦାନ୍ ସେଙ୍ଗେ ତିୟାର୍‍ ଆୟି ମାନୁଟ୍ । ନାନ୍‍ନେ ମିକିଂଙ୍କ୍ ଇଦିନାଗାଙ୍କ୍ ସାୟେତ୍ ଅଣ୍ଡୟ୍‌ ଉପାୟ୍ ତଅତିତାନ୍ ।
\c 13
\s ପ୍ରେମ୍
\p
\v 1 ନାନ୍ ନାରୁଡ଼ାଦ୍ ଗଟ୍ ଦୂତନ୍ ଗଟ୍‍ତେ କେତ୍‍ ପାର୍‍କେ ମିକା, ନା ଜିୱୁଣ୍ଡ୍‍ତାଗ୍ ପ୍ରେମ ଇଲୁକ୍, ନାନ୍ ମାତର୍ ଅଣ୍ଡୟ୍‌ ଲେଙ୍ଗ୍‍ଦେ ନେକାନ୍ ଗାଣ୍ଟା, ଇଲୁକ୍ ଅଣ୍ଡୟ୍‌‍ତଡ଼୍ ପେଞ୍ଚାନ୍ କାୟ୍‍କ୍ ଲେଙ୍ଗ୍ । 
\v 2 \x + \xo ୧3:୨ \xo*\xt ମାତିଉ ୧୭:୨୦; ୨୧:୨୧; ମାର୍କ ୧୧:୨3.\xt*\x*ସାୟେ ଗଟ୍‍ତେ ଇଶ୍ୱର୍‌ତେ କାବୁର୍‍ କେତାନଙ୍କ୍ ନାୟାଗ୍ ଶାତ୍‍ୱାମ୍ ମାତ୍‍କେମିକା । ସାର୍‍ରେ ବିଷୟ୍‍ତେ ବୁଦ୍ ମାତ୍‍କେମିକା, ସାର୍‍ରେ ଲୋପେତ୍ ବିଷୟ୍ ବୁଜେମ୍ ଆଦାନଙ୍କ୍ ଶାତ୍‍ୱାମ୍ ମାତ୍‍କେମିକା, ବିଶ୍ୱାସ୍ ତଡ଼୍ ମେଟେତିଙ୍କ୍ ଗୁସ୍‍ପାନଙ୍କ୍ ବପୁ ମାତ୍‍କେମିକା; ଆଗେକ୍‍ବା ନାୟାଦ୍ ପ୍ରେମ୍ ଇଲୁକ୍, ନାନ୍ ବାତ୍ ଆୟନ୍ । 
\v 3 ଯଦି ନାନ୍ ଗରିବ୍ ନାରୁଡ଼୍‍କ୍ ନାର୍‍ଗେ ଦାନ ମାଡ଼େପାର୍‍ଦ୍‍ତାନ୍ ବା କିସ୍‍ତାଗ୍ କାର୍‍ୱାନଙ୍କ୍ ନା ମେନ୍ଦୁଲ୍‍ତିଙ୍କ୍ ଇଦେପାର୍‍ଦ୍‍ତାନ୍, ଆଗେକ୍‍ବା ନା ଜିୱୁଣ୍ଡ୍‍ତାଗ୍ ପ୍ରେମ୍ ଇଲ୍‍ଲେ, ଆୱୁସାର୍ରେ ନା ସେଙ୍ଗେ ଆଙ୍ଗ୍‍ଡ଼ାମ୍ ।
\p
\v 4 ପ୍ରେମ ଗାଡ଼୍‍ସ୍ ନୁ ସାୟେ । ପ୍ରେମ୍ କପାମ୍ ବା ଅବିମାନ୍ ବା ଅହଙ୍କାରୀ ଆୟ୍‍ୟ । 
\v 5 ପ୍ରେମ୍ ରୁକ୍ଷ ବା ସ୍ୱାର୍ତପର୍ ଆୟ୍‍ୟ, ଆଙ୍ଗ୍‍ଡ଼ାମ୍ କପାମ୍ ଆୟ୍‍ୟ । ପ୍ରେମ ତାନ୍ ସେଙ୍ଗେ ମାଡ଼୍‍ତେ ଅନ୍‌ୟାୟ୍‍ତାଦ୍ ଇସାପ୍ ନେଃଏୱ । 
\v 6 ପ୍ରେମ ଅଦର୍ମତଡ଼୍ ୱେଡ଼୍‍କ୍‍ ମାଡ଼, ସତ୍ ତଡ଼୍ ଆଦିନାଦ୍ ୱେଡ଼୍‍କ୍‍ । 
\v 7 ପ୍ରେମ ସାର୍‍ରେ ସାରେ ମାଡ଼ିତ୍ । ଆଦିନାଦ୍ ସାର୍‍ରେ ବିଶ୍ୱାସ୍ ମାଡ଼ିତ୍, ସାର୍‍ରେ ଆଶେ ମାଡ଼ିତ୍; ବାତ୍‍ଆଇ ତିପାଲ୍‍ୱେଲେ ଗାଡ଼୍‍ସ୍‍ ଆରେମ୍ ଆୟ୍‍ୟ ।
\p
\v 8 ପ୍ରେମ ବେସୁଟ୍‌ ତେର । ଇଶ୍ୱର୍‌ତାଗାଙ୍କ୍ କାବୁର୍‍ ମାଇ ଆଦ୍‍ତେ । ଆଶ୍ଚର୍ଯ୍ୟ ଗଟ୍‍ତେ ତିର୍‍ୟାନାଦ୍ ଶକ୍ତି ଦଂସ ଆଦ୍‍ତେ, ନାରୁଡ଼ାୱୁ ବୁଦ୍‍ତେ ମାୟିଆଦ୍‍ତେ । 
\v 9 ବାତେଙ୍କ୍‍ଇତ୍‍କେ ମାନ୍‍ ବୁଦ୍‍ତେ ଦାନାମ୍ ନୁ ଇଶ୍ୱର୍‌ତାଗାଙ୍କ୍ କାବୁର୍ କେତାନାଦ୍ ଦାନ ମାତର୍ ସୁଦୁଟ୍ ସମୟ୍‍ତିଙ୍କ୍ । 
\v 10 ଇତ୍‍କେ ସାର୍‍ରେ ବିଷୟ୍‍ତାଦ୍ ସାରେ ଆତ୍‍କେ, ଇୱୁ ସୁଦୁଲାୱୁ ବିଷୟ୍ ସାର୍‍ରେ ମାୟିଆଦ୍‍ତା ।
\p
\v 11 ନାନ୍ ସୁଦୁର୍ ମାନ୍ଦାନ୍‍ୱେଲେ ନାୟାୱୁ ଗଟି, ଆଲ୍‍ସାନାଦ୍ ନୁ ଚିନ୍ତେ ପିଲାନ୍ ଲେକାମ୍ ମାତ୍‍ତା । ଇତ୍‍କେ ବୟସ୍‍ ଆତ୍‍ତେ ପେର୍‍କେ ଇଞ୍ଜେ ନାନ୍ ମେଣ୍ଡେ ପିଲେ ଲେକେମ୍ ବ୍ୟବହାର୍‌ ମାଡ଼ନ୍ । 
\v 12 ଇଞ୍ଜେ ମାମ୍‍ମେ ବାତ୍ ଉଡ଼ୁତମ୍, ଆଦ୍ ଦର୍ପନ୍‍ତାଗ୍ ତନ୍ଦାନ୍ ମକମ୍ ଲେକାମ୍ । ଇତ୍‍କେ ଦିନାମ୍ ୱାଦ୍‍ତେ, ଆସୁଟେ ଆଦ୍ ମାନାଡ଼୍ ମୁନ୍‍ନେ ଉଡ଼ିତାଡ଼୍ । ଇଞ୍ଜେ ନାନ୍ ବାତ୍ ପୁନ୍ଦ୍‍ତାନ୍, ଆୱୁସାର୍ରେ ମାୟା । ଇଶ୍ୱର୍ ନାକିଂଙ୍କ୍ ସାରେ ପୁତ୍‍ତେ ଲେକାମ୍ ଆସୁଟେ ନାୟାଦ୍ ବୁଦ୍‍ତେ ଗାଲା ସାରେ ଆଦ୍‍ତେ ।
\p
\v 13 ବିଶ୍ୱାସ୍, ଆଶେ ନୁ ପ୍ରେମ ଇୱୁ ମୁଣ୍ଡ୍ ସାର୍ରେଦିନା ମାନ୍ଦାନ୍ ବିଷୟ୍ ଲୋପେଙ୍କ୍ ପ୍ରେମ କେ ବେଡ଼ିୟାଦ୍‌।
\c 14
\s ଆତ୍ମାତେ ଦାନ ବିଷୟ୍‍ତେ ପିନା ଗଟି
\p
\v 1 ଆଦିଙ୍କ୍ ପ୍ରେମ ସେଙ୍ଗେ ମିଡ଼୍ ତିଆର୍‍ତେ ଆୟ୍‍ମୁଟ୍ । ମେଣ୍ଡେବାଗାତ୍ ଆତ୍ମାତାଦ୍ ଦାନ ପାଏମ୍ ଆଦାନଙ୍କ୍, ବିଶେଷ୍‍ମାଡ଼ି ଇଶ୍ୱର୍‌ତାଦ୍ ବାକ୍ୟ ପ୍ରଚାର୍ ମାଡ଼ାନଙ୍କ୍, ମିୟାଦ୍ ଲୋପେତ୍ ଇଚ୍ଛା ଆୟି । 
\v 2 ବେନ ୱେରେ ଗଟ୍‍ତେ ତିର୍‍ୟିତଣ୍ଡ୍, ଅଣ୍ଡ୍‌ ନାରୁଡ଼୍ ତଡ଼୍ ଗଟି ତିର୍‍ୟଣ୍ଡ୍, ଇଶ୍ୱର୍‌ତେ ଉଦେଶ୍ୟ କେତିତଣ୍ଡ୍ । ଅନ୍‌ ଗଟି ବେନ ବୁଜେମ୍ ଆୟ୍‍ୟଣ୍ଡ୍ । ଅଣ୍ଡ୍‌ ଆତ୍ମାତେ ଶକ୍ତିତେ ଲୋପେତ୍ ଜିନିଷ୍ କେତିତଣ୍ଡ୍ । 
\v 3 ଇତ୍‍କେ ବେନ ଇଶ୍ୱର୍‌ତେ ବାକ୍ୟ ପ୍ରଚାର୍ ମାଡ଼ିତନ୍, ଅଣ୍ଡ୍‌ ଆଦ୍ ନାରୁଡ଼୍‍କିଂଙ୍କ୍ କବର୍ କେତିତଣ୍ଡ୍, ଆଦିନ୍ ତଡ଼୍ ଅଡ଼୍‌‍କିଂଙ୍କ୍ ସାହାଯ୍ୟ, ୱେଡ଼୍‍କ୍‍ ନୁ ସାନ୍ତନା ଇଦ୍‍ତେ । 
\v 4 ବେନ ୱେରେ ଗଟ୍‍ତେ ଗଟି ତିର୍‍ୟିତଣ୍ଡ୍, ଅଣ୍ଡ୍‌ ମାତର୍ ନିଜେତ୍ ସେଙ୍ଗେ ଆଦ୍ ମାଡ଼ିତନ୍; ଇତ୍‍କେ ବେନ ଇଶ୍ୱର୍‌ତେ ବାକ୍ୟ\f + \fr ୧୪:୪ \fr*\ft ଇଶ୍ୱର୍‌ତେ ବାକ୍ୟ\ft*\f* ପ୍ରଚାର୍ ମାଡ଼ିତନ୍, ଅଣ୍ଡ୍‌ ସାର୍ରେତାୱୁ ମଣ୍ଡଲିକିଙ୍କ୍ ସାହାଯ୍ୟ ମାଡ଼ିତନ୍ ।
\p
\v 5 ମିଡ଼୍ ସାର୍ରେତଡ଼ି ୱେରେ ଗଟ୍‍ତେ ତିର୍‍ୟିକେ, ନାନ୍ ୱେଡ଼୍‍କ୍‍ ଆଦ୍‍ତନ୍, ଇତ୍‍କେ ନାନ୍ ଆଲ୍‍ସୁତାନ୍, ମିଡ଼୍ ଇଶ୍ୱର୍‌ତେ ବାକ୍ୟ ପ୍ରଚାର୍ ମାଡ଼ାନଙ୍କ୍ ଶକ୍ତି ପାଏମ୍ ଆୟ୍‍ମୁଟ୍ । ୱେରେ ଗଟ୍‍ତେ ଗଟି ତିର୍‍ୟାନାଦ୍, ମଣ୍ଡଲିତିଙ୍କ୍ ଟିକ୍ ଆୟ୍‍ୟ; ଯଦି ବେନ ଆଦିନ୍ ଇତ୍‍କେ କେସ୍ ବୁଜାମାଡ଼ିତଣ୍ଡ୍, ଇଲୁକ୍ ୱେରେ ଗଟ୍‍ତେ ଗଟି ତିର୍‍ୟାନାଗାକନ୍ସ୍ ଇଶ୍ୱର୍‌ତେ କବର୍ ପ୍ରଚାର୍ ମାଡ଼ାନାଦ୍ ସାୟେ । 
\v 6 ଦାଦାଲଡ଼ି ନୁ ଏଲାସ୍କ୍, ନାନ୍ ଯଦି ମିଇ ବକେତ୍ ୱାସ୍ ୱେରେ ଗଟ୍‍ତେ ଗଟି କେତିତାନ୍, ବା ଇଶ୍ୱର୍‌ତାଗାଙ୍କ୍ ବାତ୍‍ଆଇ ଗଟ୍ କି ବାକ୍ୟ କି ବାତ୍‍ଆଇ ନାଡ଼୍‍ସାନାଦ୍ ବିଷୟ୍ କେଲନ୍, ଆଲେକେ ମିୟାଦ୍ ବାତ୍ ଉପ୍‍କାର୍ ଆଦ୍‍ତେ ?
\p
\v 7 ହସଡ଼୍ ବା ବୀଣା ଲେକାମ୍ ଜିୱେଇଲ୍‍ୱାଦ୍ ପେଞ୍ଚାନାଦ୍ ବିବେଚନା ମାଡ଼ାଟ୍, ଯଦି ଟିକ୍ ଲେଙ୍ଗ୍‌ଦେ ନେକକ୍, ଆଲେକେ ଆଗେ ବାତ୍ ନେକୁତ୍, ବେନ ବାତ୍ ପୁନ୍ଦାନଙ୍କ୍ ପାର୍‍ଦ୍‍ତଣ୍ଡ୍ ? 
\v 8 ତୁରୀ ନେକାନାଲ୍‌ଦ୍ ସାୟେ ୱାଡ଼କ୍, ବେନ ବାତେଙ୍କ୍ ଯୁଦ୍‌ ମାଡ଼ାନଙ୍କ୍ ତିୟାର୍ ଆଦ୍‍ତନ୍ ? 
\v 9 ଆଦେପୁଟୁଙ୍କ୍, ଯଦି ପୁନ୍‍ୱାଦ୍ ଗଟ୍‍ତେ ଗଟି କେତ୍‍କେ, ଆଲେକେ ଆଦିଙ୍କ୍ ବେନ ବୁଜେମ୍ ଆଦ୍‍ତନ୍ ? ଇଦ୍ ଗାଲ୍‍ଦିଙ୍କ୍ କେତ୍‍ତାନ୍ ଲେକାମ୍ ଆଦ୍‍ତେ । 
\v 10 ଜଗତ୍‍ତାଗ୍ ନାର୍‍ଗେ ଗଟି ମିନ୍ଦେ, ଇତ୍‍କେ ଆୱୁସାର୍ରେ ଲୋପେଙ୍କ୍ ୱେରଡ଼୍ ମିକା ଇତ୍‍କେ ଇଲ୍‍ୱାଦ୍ ଆୟ୍‍ୟ । 
\v 11 ଯଦି ନା ତଡ଼୍ ତିର୍‍ୟମାନ୍ଦାନ୍ ନାରୁନାଦ୍ ଗଟି ନାନ୍ ବୁଜେମ୍ ଆଦାନଙ୍କ୍ ପାର୍‍ୱନ୍, ଆଲେକେ ଆଦ୍ ନାରୁଡ଼୍ ନା ବକେତ୍ ପୁନ୍‍ୱେନଣ୍ଡ୍ ଆଦ୍‍ତନ୍, ନାନ୍ ମିକା ଅନ୍‌ ବକେତ୍ ପୁନ୍‍ୱେ ନାରୁଡ଼୍ ଲେକାମ୍ ଆଦ୍‍ତନ୍ । 
\v 12 ମିଡ଼୍ ବାତ୍‍ବାତ୍ ପବିତ୍ର ଆତ୍ମାନ୍‍ ଦାନ ପାଏମ୍ ଆଦାନ୍ ସେଙ୍ଗେ ଇଚ୍ଛା ମାଡ଼ିମାନ୍ଦାଙ୍କ୍, ଆୱୁ ଲୋପେଙ୍କ୍ ବେନାସାର୍ରେ ମଣ୍ଡଲିତେ ସାୟେ ସେଙ୍ଗେ ଲେକାମ୍ ମାଡ଼େ ପାର୍‍ଦ୍‍ତା, ଆୱିଙ୍କ୍ ଗାଟି ବ୍ୟବହାର୍‌ ମାଡ଼ାନଙ୍କ୍ ଆଲ୍‍ସି ମାଡ଼ାଟ୍ । \fig ପେନ୍‍ସାନ୍‌ ସାମାନ୍‌ |alt="musical instruments" src="hk00188c.tif" size="col" copy="Horace Knowles ©" ref="୧୪:୭"\fig*
\p
\v 13 ଆଦିଙ୍କ୍ ବେନ ୱେରେ ଗଟ୍‍ତେ ଗଟି ତିର୍‍ୟିତଣ୍ଡ୍, ଅଣ୍ଡ୍‌ ଆଦିନାଦ୍ ଇତ୍‍କେ ବୁଜା ମାଡ଼ାନଙ୍କ୍ ଦାନ ପାଏମ୍ ଆଦାନଙ୍କ୍ ପ୍ରାର୍ତନା ମାଡ଼ିଣ୍ଡ୍ । 
\v 14 ଯଦି ନାନ୍ ୱେରେ ଗଟ୍‍ତେ ପ୍ରାର୍ତନା ମାଡ଼ିତାନ୍, ମାତର୍ ନାୟାଦ୍ ଲୋପେତ୍ ଆତ୍ମା ଆଦ୍ ମାଡ଼ିତ୍, ନାୟାଦ୍ ମାନ୍‍ ଆଗେ ଇଲ୍‍ୱେ ମାନ୍‍ତେ । 
\v 15 ଆଲେକେ ନାନ୍ ବାତ୍ ମାଡ଼ିତାନ୍ ? ନାନ୍ ନା ଆତ୍ମାତେ ଇଚ୍ଛାତେ ପ୍ରାର୍ତନା ମାଡ଼ିତାନ୍, ଇତ୍‍କେ ସାଙ୍ଗେ ସାଙ୍ଗେ ନାୟାଦ୍ ବୁଦ୍ ଆଲ୍‍ସି ମିକା ପ୍ରାର୍ତନା ମାଡ଼ିତାନ୍ । ନାନ୍ ନା ଆତ୍ମାତେ ଲେକାମ୍ ପାଟା ପାରିତାନ୍, ଇତ୍‍କେ ଆଦିନ୍ ତଡ଼୍ ମାନ୍‍ ଇସ୍ ପାଟା ପାରିତାନ୍ । 
\v 16 ଆଲା ଆୟକ୍ ଇଶ୍ୱର୍‌ତିଙ୍କ୍ ମିୟାଦ୍ ଆତ୍ମାତେ ଇଚ୍ଛାତେ ଦନ୍ୟବାଦ୍ ଇଦାନ୍‍ୱେଲେ, ଆଗେ ମାନ୍ଦାନ୍ ୱେରଣ୍ଡ୍ ନାରୁଡ଼୍ ବେଲା ମିଇ ତଡ଼୍ “ଆମେନ୍‍” କେତିତଣ୍ଡ୍ ? ବାତେଙ୍କ୍‍ଇତ୍‍କେ ମିଡ଼୍ ବାତ୍ କେତୁତିଡ଼୍, ଆଦ୍ ଅଣ୍ଡ୍‌ ପୁନ୍ଦାନଙ୍କ୍ ପାର୍‍ୱଣ୍ଡ୍ । 
\v 17 ମିଡ଼୍ ସାୟେ ଲେକାମ୍ ଦନ୍ୟବାଦ୍ ଇସ୍ ମାତ୍‍କେ ଗାଲା, ଆଦିନ୍ ତଡ଼୍ ଆଦ୍ ନାରୁଡ଼୍ ବେଲାମେଣ୍ଡେ ଉପ୍‍କାର୍ ଅଦାନଙ୍କ୍ ପାର୍‍ୱଣ୍ଡ୍ ।
\p
\v 18 ନାନ୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ ଇଦୁତାନ୍, ବାତେଙ୍କ୍‍ଇତ୍‍କେ ନାନ୍ ମିଇ ସାର୍ରେତଡ଼୍ ତାଗାଙ୍କ୍ ଗାଟି ୱେରେ ଗଟି କେତ୍‍ପାର୍‍ଦ୍‍ତାନ୍ । 
\v 19 ଇତ୍‍କେ ମଣ୍ଡଲିତାଗ୍ ଉପାସନାତାଗ୍ ୱେରେ ଗଟ୍‍ତେ ହଜାର୍‌ ହଜାର୍‌ ଶଦ୍ଦ ବ୍ୟବହାର୍‌ ମାଡ଼୍‍ୱେକନ୍ସ୍ ସାର୍ରେତଡ଼୍ ବୁଜେମ୍ ଆଦାନ୍ ରକମ୍ ଏଇଙ୍ଗ୍ ଶଦ୍ଦ କେତାନାଦ୍ ସାୟେ ।
\p
\v 20 ଦାଦାଲଡ଼ି ନୁ ଏଲାସ୍କ୍, ଚିନ୍ତେତାଗ୍ ପିଲାନ୍ ଲେକାମ୍ ଆୟ୍‍ମାଟ୍ । କାରାପ୍ ବିଷୟ୍ ସେଙ୍ଗେ ପିଲାନ୍ ଲେକାମ୍ ଆୟ୍‍ମୁଟ୍; ଇତ୍‍କେ ବୁଦ୍ ବିଚାର୍‍ତାଗ୍ ମିଡ଼୍ ସାରେ ବୟସ୍‍ତଡ଼୍ ଆଦାନାଦ୍ ସାୟେ । 
\v 21 ଦର୍ମଶାସ୍ତ୍ରତାଗ୍ ଲେକାମିନ୍ଦେ,
\q1 “ପ୍ରବୁ କେତୁତଣ୍ଡ୍, ପୁନ୍‍ୱାଦ୍ ଗଟ୍ କେସମାନ୍ଦାନ୍
\q2 ବିଦେଶୀ ନାରୁଡ଼୍‍କିନ୍ ପାୟୁର୍‍ତାଗ୍
\q1 ନାନ୍ ଇଦ୍ ଜାତି ତଡ଼୍ ଗଟି କେତିତାନ୍ ।
\q2 ଆଗେକ୍‍ବା ଅଡ଼୍‌ ନା ଗଟି କେଞ୍ଜଡ଼୍ ।”
\m
\v 22 ଇତ୍‍କେ ୱେରେ ଗଟ୍ କେତ୍‍ତାନ୍ ଶକ୍ତି ବିଶ୍ୱାସୀଡ଼୍ ସେଙ୍ଗେ ବାତ୍‍ବା ବିଷୟ୍‍ତାଦ୍ ନିର୍ଦେଶ୍ ଇନା ଆୟ୍‍ୟ । ଆଦ୍ ଆସାମ୍ ଅବିଶ୍ୱାସୀଡ଼ାଗ୍ ଆଶ୍ଚର୍ଯ୍ୟ ଶକ୍ତିତାଦ୍‍ ନିର୍ଦେଶ୍ । ମେଣ୍ଡେଅନ୍‌ ରକମ୍, ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼ାନାଦ୍ ଶକ୍ତି ବିଶ୍ୱାସ୍ ଇଲ୍‍ୱେ ସେଙ୍ଗେ ଆୟ୍‍ୟ, ମାତର୍ ବିଶ୍ୱାସୀଡ଼୍ ସେଙ୍ଗେ ଇଦ୍ ଆଶ୍ଚର୍ଯ୍ୟ ଶକ୍ତି ଆଦ୍‍ତେ ।
\p
\v 23 ମଣ୍ଡଲିତାଗ୍ ସାର୍ରେତଡ଼୍ ଗୁଡ଼ାନ୍ ୱେଲେ ଯଦି ସାର୍ରେତଡ଼୍ ପୁନ୍‍ୱାଦ୍ ଗଟ୍‍ତେ ଗଟି ତିର୍‍ୟିତଡ଼୍ ନୁ ଆଗେ ନାରୁଡ଼୍ ବା ୱେରେ ଦର୍ମତଡ଼୍ ୱାଦ୍‍ତଣ୍ଡ୍, ଅଡ଼୍‌ ବାତେଏ ମଣ୍ଡଲିତେ ସାର୍ରେତଡ଼୍‍କିଙ୍କ୍ ବାୟାଲଡ଼୍ ଇଞ୍ଜ ଆଲ୍‍ସଡ଼୍ ? 
\v 24 ଇତ୍‍କେ ଅଡ଼୍‌ ଯଦି ଇଶ୍ୱର୍‌ତେ ବାକ୍ୟ ପ୍ରଚାର୍ ମାଡ଼ିତଡ଼୍ ନୁ ୱେରଣ୍ଡ୍ ମେଣ୍ଡେଅର୍‍ତୁନ୍ ବୁଜେମ୍ଆଦ୍‍ତଡ଼୍ ବା ନାରୁଡ଼୍ ଆଗେ ୱାତ୍‍କେ, ଅଣ୍ଡ୍‌ ବାତ୍ କେଞ୍ଜିତଣ୍ଡ୍, 
\v 25 ଆଦିନ୍ ତଡ଼୍ ଅଣ୍ଡ୍‌ ତାନ୍ ପାପାମ୍‍ତିଙ୍କ୍ ଆଲ୍‍ସ୍‍ ପାର୍‍ଦ୍‍ତଣ୍ଡ୍; ଅନ୍‌ ଜିୱୁଣ୍ଡ୍‍ତାଗ୍ ମାନ୍ଦାନ୍ ମିଞ୍ଜ୍‍ତାଦ୍ ବିଷୟ୍‍ସାର୍ରେ ପେୟ୍‍ତିତ୍; ଅଣ୍ଡ୍‌ ଇଶ୍ୱର୍‌ତେ ବକେତ୍ ସର୍ପା ଆସ୍ ଅଡ଼ାଦ୍‌ ଆରାଦାନା ମାଡ଼ିତନ୍ ନୁ ପ୍ରଚାର୍ ମାଡ଼ିତନ୍, “ନିଜାତେ ଇଶ୍ୱର୍ ମିଇ ଲୋପେ ମିନ୍ଦେଣ୍ଡ୍ !”
\s ମଣ୍ଡଲିତାଗ୍‌ ଶାନ୍ତିତେ ମାନ୍ଦାନାଦ୍‌
\p
\v 26 ଦାଦାଲଡ଼ି ନୁ ଏଲାସ୍କ୍‍, ମିକିଂଙ୍କ୍ ନାନ୍ କେତ୍‍ତାନ୍ ଲେକାମ୍‌; ଉପବାସ୍ ମାଡ଼ାନ୍ ସେଙ୍ଗେ ଗୁଡ଼ାନ୍‍ ୱେଲେ ବେନ ୱେରଣ୍ଡ୍ ପାଟା ପାରିଣ୍ଡ୍, ମେଣ୍ଡେ ୱେରଣ୍ଡ୍ ଶିକ୍ଷା ଇୱିଣ୍ଡ୍, ବେନ ୱେରଣ୍ଡ୍ ଇଶ୍ୱର୍‌ତେ ଗଟ୍ କେଲିଣ୍ଡ୍, ମେଣ୍ଡେଅର୍‍ତୁଣ୍ଡ୍ ୱେରେ ଗଟ୍‍ତେ ଗଟି କେଲିଣ୍ଡ୍ ନୁ ମେଣ୍ଡେ ବେନ ୱେରଣ୍ଡ୍ ପୁନ୍‍ୱାଦ୍ ଗଟ୍‍ତେ ଇତ୍‍କେ ବୁଜା ମାଡ଼ିଣ୍ଡ୍ । ଇୱୁସାର୍ରେ ମଣ୍ଡଲିତେ ସାୟେତ୍ ସେଙ୍ଗେ ମାଡ଼ାନାଦ୍ ଦର୍‍କାର୍ । 
\v 27 ଯଦି ବେସ୍‍କ୍‍ତୁଡ଼୍‍ ୱେରେ ଗଟ୍‍ତେ ଗଟି କେତ୍‍ତାନ୍ ସେଙ୍ଗେ ଆଲ୍‍ସିତଡ଼୍, ଆଲେକେ ୱେରଣ୍ଡ୍ ପେର୍‍କେ ୱେରଣ୍ଡ୍ ଇଦ୍‍ରକମ୍ ରେଣ୍ଡ୍ ବା ଗାଟି ନାର୍‍ଗେ ଆତ୍‍କେ, ମୁୱୁଡ଼୍ କେଲିଡ଼୍ ନୁ ବେନ ୱେରଣ୍ଡ୍ ନିଜାମ୍ ଆଦିନ୍ ଇତ୍‍କେ ବୁଜା ମାଡ଼ିୱିଣ୍ଡ୍ । 
\v 28 ଇତ୍‍କେ ବୁଜାମାଡ଼ାନଙ୍କ୍ ବେନ ଇଲ୍‍ଉକ୍, ୱେରେ ଗଟ୍‍ତେ କେତାନଙ୍କ୍ ଆଲ୍‍ସମାନ୍ଦାନ୍ ନାରୁଡ଼୍ ଉପାସନାତାଗ୍ କଟ ମାନିଣ୍ଡ୍ । ଅଣ୍ଡ୍‌ ମାତର୍ ହେର୍କାତେ ଇଶ୍ୱର୍‌ତଡ଼୍ ଆଲା କେଲିଣ୍ଡ୍ । 
\v 29 ଇର୍‍ୱୁଡ଼୍ ବା ମୁୱୁଡ଼୍ ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼ିଡ଼୍, ମେଣ୍ଡେବାଗାତଡ଼୍ ଆଦ୍ ବିଚାର୍ ମାଡ଼ି ଉଡ଼ାଟ୍ । 
\v 30 ଇତକେ ଉପାସନାତାଗ୍ ମାନ୍ଦାନ୍ ବେନ ଯଦି ହଟାତ୍ ଇଶ୍ୱର୍‌ତାଗାଙ୍କ୍ ସୁସମାଚାର୍ ପାଏମ୍ ଆଦ୍‍ତନ୍, ଆଲେକେ ବାଷନ୍ ଇସମାନ୍ଦାନ୍ ନାରୁଡ଼୍ ତାନ୍ ଗଟି ବନ୍ଦ୍ ମାଡ଼ିଣ୍ଡ୍ । 
\v 31 ସାର୍ରେତଡ଼୍‍ୱାଦ୍ ଶିକ୍ଷା ନୁ ୱାଦାନ୍ ସେଙ୍ଗେ ସାର୍ରେତଡ଼୍ ୱେରଣ୍ଡ୍ ପେର୍‍କେ ୱେରଣ୍ଡ୍ ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼େ ପାର୍‍ଦ୍‍ତଡ଼୍ । 
\v 32 ଇତ୍‍କେ ଇଶ୍ୱର୍‌ତେ ବାକ୍ୟ ପ୍ରଚାର୍ ମାଡ଼ାନ୍ ଦାନ ପ୍ରଚାର୍ ମାଡ଼ାନଣ୍ଡ୍‍ତେ ଆଦିନ୍ ଆଦାନ୍ ସାୟେ । 
\v 33 ବାତେଙ୍କ୍‍ଇତ୍‍କେ ଇଶ୍ୱର୍ ବିଶୃଙ୍କଲା ମାଡ଼ାନଣ୍ଡ୍ ଆୟ୍‍ୟଣ୍ଡ୍, ମାତର୍ ଅଣ୍ଡ୍‌ ଶାନ୍ତିତେ ଇଶ୍ୱର୍ । ଇଶ୍ୱର୍‌ତେ ମେଣ୍ଡେବାଗାତ୍ ଉପବାସ୍ ପବିତ୍ର ମଣ୍ଡଲି ବେଲା, 
\v 34 ମିଇ ମଣ୍ଡଲିତେ ସବାକିନାଗ୍ ମିକା ଆଦେରକମ୍ ନାଟାଙ୍କ୍ କଟ ମାନୀ । ଆଗେ ଗଟି ତିର୍‍ୟାନ୍ ସେଙ୍ଗେ ଆୱିଙ୍କ୍ ଗଟ୍ ଦର୍‍କ । ଇହୁଦୀ ନିୟମ୍ ଲେକାମ୍ ଆୱୁ ମାନେୟ୍‍ତାଗ୍ ବଶୀଭୂତ ଆସ୍ ମାନୀ । 
\v 35 ଆୱୁ ବାତ୍ ବିଷୟ୍ ବୁଜେମ୍ ଆଦାନଙ୍କ୍ ଆଲ୍‍ସ୍‍କେ, ଲୋନ୍‌ ମାଲ୍‍ସ୍ ନିଜେତ୍ ମୁଦ୍‍ପାଙ୍କ୍ ପାଚ୍ରା ମାଡ଼ି । ବାତେଙ୍କ୍‍ଇତ୍‍କେ ମଣ୍ଡଲିତାଗ୍ ଗଟି କେତ୍‍କେ, ନାଟାକିଙ୍କ୍ ସିଗ୍‍ଆଦ୍‍ତେ ।
\p
\v 36 ଇଶ୍ୱର୍‌ତେ ବାକ୍ୟ ବାତ୍ ମିୟାଗାଙ୍କ୍ ପୁଟି ମାତ୍‍ତେ ? ବା ଇଦ୍ ବାତ୍ ମାତର୍ ମିଇ ବକେତ୍ ୱାସ୍‍ମାତ୍‍ତେ ? 
\v 37 ମିଇ ଲୋପେଙ୍କ୍ ବେନ ଯଦି ନିଜେ ୱେରଣ୍ଡ୍ ବାବବାଦୀ ବା ଆତ୍ମିକ ଦାନ ପାଏମ୍ ଆତ୍‍ତେ ନାରୁଡ଼୍ ଇଞ୍ଜ ଆଲ୍‍ସିତିଡ଼୍, ଅଣ୍ଡ୍‌ ପୁଞ୍ଜ୍‍ମାନିଣ୍ଡ୍ ଜେ, ଇଗେ ନାନ୍ ବାତ୍‍ସାର୍ରେ ଲେକ୍‍ତାନ୍, ଆଦ୍ ପ୍ରବୁନ୍ ଗଟ୍ । 
\v 38 ଇତ୍‍କେ ଯଦି ଅଣ୍ଡ୍‌ ଇୱୁସାର୍ରେ ଗଟିକିଙ୍କ୍ ପାସ୍‍କିତଣ୍ଡ୍, ମିଡ଼୍ ଅଂକିଙ୍କ୍‌ ପାସ୍‍କାଟ୍ ।
\p
\v 39 ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍‍, ଇଶ୍ୱର୍‌ତେ ଗଟ୍ ପ୍ରଚାର୍ ମାଡ଼ାନ୍ ସେଙ୍ଗେ ମାନ୍‍ ମାଡ଼ାଟ୍ । ଇତ୍‍କେ ୱେରେ ଗଟ୍‍ତେ ଗଟି କେତ୍‍ତାନ୍ ସେଙ୍ଗେ ବେନଙ୍କ୍ ମାନ୍‍ନା ମାଡ଼୍‍ମାଟ୍ । 
\v 40 ସାର୍‍ରେ ପାଡ଼୍‍ୟି ଟିକ୍ ଲେକାମ୍ ନୁ ଶାନ୍ତି ତଡ଼୍ ମାଡ଼ାନ୍ ଦର୍‍କାର୍ ।
\c 15
\s କ୍ରିଷ୍ଟନାଦ୍ ପୁନରୁତ୍‍ତାନ୍
\p
\v 1 ଦାଦାଲଡ଼ି ନୁ ଏଲାସ୍କ୍, ନାନ୍ ବେନ୍ ସାୟେତ୍ କାବୁର୍ ମିଇ ବକେତ୍ ପ୍ରଚାର୍ ମାଡ଼୍‍ତାନ୍, ବାତ୍ ମିଡ଼୍ ଗ୍ରହନ୍ ମାଡ଼୍‍ତିଡ଼୍ ନୁ ବେଦିନାଗ୍ ମିୟାଦ୍ ବିଶ୍ୱାସ୍ ମିନ୍ଦେ, ଆଦ୍ ବିଷୟ୍ ମିକିଂଙ୍କ୍ ଏର୍କା ମାଡ଼ିଦାନ୍ ସେଙ୍ଗେ ନାନ୍ ଇଚ୍ଛା ମାଡ଼ୁତାନ୍ । 
\v 2 ନାନ୍ ମିଇ ବକେତ୍ ପ୍ରଚାର୍ ମାଡ଼ିମାନ୍ଦାନ୍ ଆଦ୍ ସାୟେତ୍ କାବୁର୍ କେ ସୁସମାଚାର୍ । ମିଡ଼୍ ଆଦ୍ ସୁସମାଚାର୍‍ତାଗ୍ ଗାଡ଼୍‍ସ୍ ବିଶ୍ୱାସୀ ଆଶେ ମାତ୍‍କେ, ପରିତ୍ରାଣ୍ ପାଏମ୍ ଆଦ୍‍ତିଡ଼୍ । ଇଲୁକ୍ ମିୟାଦ୍ ବିଶ୍ୱାସ୍ ଆଙ୍ଗ୍‍ଡ଼ାମ୍ ।
\p
\v 3 ନାନ୍ ପାଏମ୍ ଆତ୍‍ତେ ୱେରଡ଼୍ ଶିକ୍ଷା ମିକିଂଙ୍କ୍ କେତ୍‍ତାନ୍ । ଆଦ୍ ସାର୍ରେତିଙ୍କ୍ ଗାଟି ଦର୍‍କାର୍ । ଆଦ୍ ଆଦୁତ୍‍ତେ, ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ଆତ୍‍ତେ ଲେକାମ୍, କ୍ରିଷ୍ଟ ମାନ୍‍ ପାପ୍‌ ସେଙ୍ଗେ ଡଲ୍‍ତଣ୍ଡ୍, 
\v 4 \x + \xo ୧୫:୪ \xo*\xt ମାତିଉ ୧୨:୪୦; ପ୍ରେରିତ ୨:୨୪-3୨.\xt*\x*ସମାଦି ପାଏମ୍ ଆତ୍‍ତଣ୍ଡ୍ ନୁ ମୁଣ୍ଡ୍ ଦିନେତେ ତେଏଦ୍‍ତଣ୍ଡ୍ । 
\v 5 \x + \xo ୧୫:୫ \xo*\xt ଲୁକ ୨୪:3୪; \xt*\xt ମାତିଉ ୨୮:୧୬,୧୭; ମାର୍କ ୧୬:୧୪; ଲୁକ ୨୪:3୬; ଯୋହନ୍‌‌ ୨୦:୧୯.\xt*\x*ଅଣ୍ଡ୍‌ ପିତର୍ ନୁ ପେର୍‍କେ ତାନ୍ ବାରଜାନ୍ ଶିଷ୍ୟଡ଼୍‍କ୍ ତଅନ୍‌ଦିମାତ୍‍ଣ୍ଡ୍ । 
\v 6 ତାନ୍ ପେର୍‍କେ ଅଣ୍ଡ୍‌ ଅଣ୍ଡୟ୍‌‍ଦାମ୍ ତାନ୍ ପାଞ୍ଚ୍‍ଶହ ନାର୍‍ଗେ ତାନ୍ ବିଶ୍ୱାସୀଡ଼୍‍କ୍ ତଅନ୍‌ଦିମାତ୍‍ତଣ୍ଡ୍ । ଅଡ଼୍‌ ଲୋପେଙ୍କ୍ ଇଞ୍ଜେ ବେସ୍‍କ୍‍ତୁଡ଼୍‍ ଜଗତ୍‍ତାଗ୍ ଇଲେଡ଼୍, ଇତ୍‍କେ ନାର୍‍ଗେ ମୁଲ୍ ଜିୱୁଣ୍ଡ୍ ମିନ୍ଦେଡ଼୍‌ । 
\v 7 ଇଦିନ୍ ପେର୍‍କେ ଅଣ୍ଡ୍‌ ଜାକୁବ୍ ନୁ ସାର୍‍ରେ ପ୍ରେରିତ୍ ଶିଷ୍ୟଡ଼୍‍କ୍ ତଅନ୍‌ଦିମାତ୍‍ତଣ୍ଡ୍ ।
\p
\v 8 \x + \xo ୧୫:୮ \xo*\xt ପ୍ରେରିତ ୯:3-୬.\xt*\x*ସାର୍‌ତିଙ୍କ୍‌ ପେର୍କେ ଅଣ୍ଡ୍‌ ନା ରକମ୍ ୱେରଣ୍ଡ୍ ଆକାଲ୍‌ଜାତଙ୍କ୍ ମିକା ତଅନ୍‌ଦ୍‍ତଣ୍ଡ୍ । 
\v 9 \x + \xo ୧୫:୯ \xo*\xt ପ୍ରେରିତ ୮:3.\xt*\x*ପ୍ରେରିତ୍ ଶିଷ୍ୟଡ଼୍ ଲୋପେଙ୍କ୍ ନାନ୍ ସାର୍ରେତିଙ୍କ୍ କାରାପ୍, ଇଦ୍‍ରକମ୍ କି ପ୍ରେରିତ୍ ପେଦେର୍‍ତିଙ୍କ୍ ଯୋଗ୍ୟ ଆୟନ୍, ବାତେଙ୍କ୍‍ଇତ୍‍କେ ନାନ୍ ଇଶ୍ୱର୍‌ତେ ମଣ୍ଡଲିତିଙ୍କ୍ ଗାଟିତିପାଲ୍ ମାଡ଼୍‍ତାନ୍ । 
\v 10 ଇତ୍‍କେ ଇଞ୍ଜେ ନାନ୍ ବାତ୍ ଆତ୍‍ତାନ୍, ଆଦ୍ ଇଶ୍ୱର୍‌ତେ ଅନୁଗ୍ରହ୍ ମାୟ୍‍ଦିଙ୍କ୍ ଆତ୍‍ତେ ନୁ ନା ସେଙ୍ଗେ ଅନାଦ୍‌ ଅନୁଗ୍ରହ୍ ଆସାମ୍ ଆୟ୍‍ୟ । ଇତ୍‍କେ ମେଣ୍ଡେବାଗାତ୍ ପ୍ରେରିତ୍ ଶିଷ୍ୟଡ଼ାଗାଙ୍କ୍ ନାନ୍ ଗାଟି ପାଡ଼୍‍ୟି ମାଡ଼୍‍ତାନ୍ । ନିଜାତେ ଇୱୁସାର୍ରେ ନାନ୍ ମାଡ଼ନ୍, ଇତ୍‍କେ ନା ସେଙ୍ଗେ ଇଶ୍ୱର୍‌ତାଦ୍ ଅନୁଗ୍ରହ୍ ମାନ୍ଦାନ୍ ମାୟ୍‍ଦିଙ୍କ୍ ଇଦ୍ ସମ୍ଭବ୍ ଆତ୍‍ତେ । 
\v 11 ଆଦିଙ୍କ୍ ନାନ୍ ଆୟି ବା ଅଡ଼୍‌ ଆୟି, ମାମ୍‍ମେ ସାର୍ରେତମ୍ ଆଦ୍ ଅଣ୍ଡୟ୍‌ ଗଟ୍ ପ୍ରଚାର୍ ମାଡ଼ୁତମ୍ ନୁ ମିଡ଼୍ ଆଗେ ବିଶ୍ୱାସ୍ ମାଡ଼୍‍ତିଡ଼୍ ।
\s ମାୟାଦ୍‌ ପୁନରୁତ୍‍ତାନ୍
\p
\v 12 କ୍ରିଷ୍ଟ, ଡଲ୍‍ତାଗାଙ୍କ୍ ତେଏଦିମିନ୍ଦେଣ୍ଡ୍, ଇଦ୍ କେ ମାନ୍‍ ପ୍ରଚାର୍‍ତାଦ୍ ବିଷୟ୍ । ଆଗେକ୍‍ବା ଇଞ୍ଜେ ମିଇ ଲୋପେଙ୍କ୍ ବେନ ଡଲ୍‍ତଡ଼ାଦ୍ ପୁନରୁତ୍‍ତାନ୍ ଇଲ୍‍ଲେ ଇଞ୍ଜ ବେଲା କେତୁତିଡ଼୍ ? 
\v 13 ଯଦି ନାରୁଡ଼୍ ଡଲ୍‍ତାଗାଙ୍କ୍ ପୁନରୁତ୍‍ତାନ୍ ଆୟକ୍, କ୍ରିଷ୍ଟ ମିକା ଡଲ୍‍ତାଗାଙ୍କ୍ ଜିୱୁଣ୍ଡ୍ ଆୟ୍‍ୟଣ୍ଡ୍ । 
\v 14 ଯଦି କ୍ରିଷ୍ଟ ଡଲ୍‍ତାଗାଙ୍କ୍ ତେଏଦଣ୍ଡ୍, ଆଲେକେ ମାନାଦ୍‍ ପ୍ରଚାର୍ ଆଙ୍ଗ୍‍ଡ଼ାମ୍ ନୁ ମିୟାଦ୍ ବିଶ୍ୱାସ୍ ମିକା ଆଙ୍ଗ୍‍ଡ଼ାମ୍ । 
\v 15 ନାର୍‍ଗେ ମାନାଡ଼୍ ଇଶ୍ୱର୍ ବିଷୟ୍‍ତେ ମିଚ୍ କେତ୍‍ତାନ୍ ଲେକାମ୍ ଆଦ୍‍ତେ, ବାତେଙ୍କ୍‍ଇତ୍‍କେ ମାନାଡ଼୍ କେତୁତାଡ଼୍ ଜେ, ଅଣ୍ଡ୍‌ କ୍ରିଷ୍ଟଙ୍କ୍ ପୁନର୍ଜୀବିତ୍ ମାଡ଼୍‍ତଣ୍ଡ୍ । ଇତ୍‍କେ ଯଦି ନିଜାମ୍ ଡଲ୍‍ତଡ଼ାଦ୍ ପୁନରୁତ୍‍ତାନ୍ ଇଲ୍‍ଲେ, ଆଲେକେ ଇଶ୍ୱର୍ କ୍ରିଷ୍ଟଙ୍କ୍ ପୁନରୁତ୍‍ତିତ୍ ମାଡ଼ଣ୍ଡ୍ । 
\v 16 ଯଦି ଡଲ୍‍ତଡ଼୍ ପୁନରୁତ୍‍ତିତ୍ ଆଦେ ପାର୍‍ୱକ୍, କ୍ରିଷ୍ଟ ବେଲା ପୁନରୁତ୍‍ତିତ୍ ଆୟେଣ୍ଡ୍ ? 
\v 17 ଯଦି କ୍ରିଷ୍ଟ ଡଲ୍‍ତାଗାଙ୍କ୍ ପୁନରୁତ୍‍ତିତ୍ ଆୟ୍‍ୟଣ୍ଡ୍, ଆଲେକେ ମିୟାଦ୍ ବିଶ୍ୱାସ୍ ମିଚ୍ ନୁ ମିଡ଼୍ ଇଞ୍ଜେ ପାପ୍‌ତାଗ୍ ମୁଡ଼୍‍ନ୍ଦି ମିନ୍ଦେଡ଼ି । 
\v 18 ମେଣ୍ଡେ ଇଦିନାଦ୍ ଇତ୍‍କେ ଆଦ୍‍ତେ ଜେ, ଡଲିମାନ୍ଦାନ୍ କ୍ରିଷ୍ଟ ବିଶ୍ୱାସୀଡ଼୍ ମିକା ନଷ୍ଟ ଆଦ୍‍ତଡ଼୍ । 
\v 19 ଯଦି କ୍ରିଷ୍ଟନାଗ୍ ମାୟାଦ୍‌ ଆଶେ ମାତର୍ ଇଦ୍ ଜିୱୁଣ୍ଡ୍‍ତେ ମାୟ୍‍ଦିଙ୍କ୍ ଆତ୍‍ତେ, ଆଲେକେ ମେଣ୍ଡେ ବାଗାତଡ଼ାଗାଙ୍କ୍ ମାୟାଦ୍‌ ଅବସ୍ଥାତେ ଗାଟି ତିପାଲ୍ ।
\p
\v 20 ଇତ୍‍କେ ନିଜାମ୍ କ୍ରିଷ୍ଟ ଡଲିମାନ୍ଦାନ୍ ନାରୁଡ଼ାଦ୍ ପୁନରୁତ୍‍ତାନ୍ ନିଜାମ୍ ତଅତାନ୍ ସେଙ୍ଗେ ଅଡ଼୍‌ ଲୋପେଙ୍କ୍ ନିଜେ ମୁନେନ୍ ତେଏଦି ମିନ୍ଦେ । 
\v 21 ୱେରଣ୍ଡ୍ ମାୟ୍‍ଦିଙ୍କ୍ ଡଲ୍‍ନାଦ୍ ଜଗତ୍‍ତାଗ୍ ଆସ୍‍ତେ । ଆଦେରକମ୍ ୱେରଣ୍ଡ୍ ମାୟ୍‍ଦିଙ୍କ୍ ଡଲ୍‍ତଡ଼ାଦ୍ ପୁନରୁତ୍‍ତାନ୍ ସମ୍ଭବ୍ ଆତ୍‍ତେ । 
\v 22 ଆଦମ୍ ତଡ଼୍ କାୟ୍‍ଲିମାନ୍ଦାନ୍ ମାୟ୍‍ଦିଙ୍କ୍ ସାର୍‍ରେ ନାରୁଡ଼୍ ଡଲ୍‍ତଡ଼୍ । ଆଦେରକମ୍ କ୍ରିଷ୍ଟନ୍ ତଡ଼୍ କାୟ୍‍ଲାନ୍ ତଡ଼୍ ସାର୍ରେତଡ଼୍ ପୁନର୍ଜିୱୁଣ୍ଡ୍ ପାଏମ୍ ଆଦ୍‍ତଡ଼୍ । 
\v 23 ଇତ୍‍କେ ସାର୍‍ରେ ଟିକ୍ ଆତ୍‍ତେ ସମୟ୍‍ତେ ପୁନରୁତ୍‍ତିତ୍ ଆଦ୍‍ତେ । ସାର୍ରେତିଙ୍କ୍ ମୁନେନ୍ କ୍ରିଷ୍ଟ ପୁନରୁତ୍‍ତିତ୍ ଆତ୍‍ତଣ୍ଡ୍ । ଆଦିଙ୍କ୍ ଅଣ୍ଡ୍‌ ୱାଦାନ୍ ସମୟ୍‍ତେ ବେନଡ଼୍ ତାମ୍ ନାରୁଡ଼୍ ଅଡ଼୍‌ ମୁନେନ୍ ଜିୱୁଣ୍ଡ୍ ଆଦ୍‍ତଡ଼୍ । 
\v 24 ତାନ୍‍ପେର୍କେ ଯୁଗ୍ ତେରିତ୍ । କ୍ରିଷ୍ଟ ସାର୍‍ରେ କାରାପ୍ ଆତ୍ମା ବେନନାଦ୍ ଶାସନ୍‍, ଅଦିକାର୍‌ ନୁ ଶାତ୍‍ୱାମ୍‍ତିଙ୍କ୍ ତେର୍‍ସ୍‍ପି ବାବାଲ୍ ଇଶ୍ୱର୍‌ତିଙ୍କ୍ ରାଜ୍ୟ ସର୍ପା ମାଡ଼ିତନ୍ । 
\v 25 ଇଶ୍ୱର୍ ସାର୍‍ରେ ଶତ୍ରୁଡ଼୍‍କ୍ ଆରେମ୍ ମାଡ଼ି କ୍ରିଷ୍ଟନ୍ ଡେକେତ୍ ମଦଲ୍ ଆଦ୍‍ମାନ୍ ଯାକ, କ୍ରିଷ୍ଟ ଶାସନ୍‍ ମାଡ଼ିତନ୍ । 
\v 26 ତେର୍‍ତେପେର୍କେ ମାଡ଼େଙ୍ଗ୍ ଶତ୍ରୁଡ଼୍ ଡଲ୍‍ତାଦ୍, ଆଦ୍ ମିକା ଆରେମ୍ ଆଦ୍‍ତେ । 
\v 27 ବାତେଙ୍କ୍‍ ଇତ୍କେ ଦର୍ମଶାସ୍ତ୍ରତାଗ୍ ଲେକାମିନ୍ଦେ, “ଇଶ୍ୱର୍ ସାର୍‍ରେ ବିଷୟ୍ କ୍ରିଷ୍ଟନ୍ ଅଦିନ୍ ମାଡ଼ିତନ୍ ।” ଆଗେକ୍‍ବା ଇଶ୍ୱର୍ ଇୱୁ ସାର୍‍ରେ ବିଷୟ୍ ଲୋପେ ଇଲାଣ୍ଡ୍, ବାତେଙ୍କ୍ଇତ୍‍କେ ଅଣ୍ଡ୍‌ ସାର୍‍ରେ ବିଷୟ୍‍ତିଙ୍କ୍ କ୍ରିଷ୍ଟନ୍ ଅଦିନ୍ ମାଡ଼ିତନ୍ । 
\v 28 ସାର୍‍ରେ ବିଷୟ୍ କ୍ରିଷ୍ଟନ୍ ଶାସନ୍‍ ଅଦିନ୍ ଆତ୍‍ତେ ପେର୍‍କେ, ଅଣ୍ଡ୍‌ ନିଜେତ୍ ବାବାଲ୍ ଇଶ୍ୱର୍‌ତେ ଅଦିନ୍ ଆଦ୍‍ତନ୍ ନୁ ସାର୍‍ରେ ବିଷୟ୍‍ତେ ପର୍‍ର ଇଶ୍ୱର୍‌ତେ ରାଜ୍ ସାରେ ଆଦ୍‍ତେ ।
\p
\v 29 ଡଲ୍‍ତଡ଼୍ ସେଙ୍ଗେ ବେନଡ଼୍ ଏର୍‍ଦିକ୍ଷା ଗ୍ରହନ୍ ମାଡ଼ିତଡ଼୍, ଅଡ଼୍‌ ବିଷୟ୍‍ତେ ମିଡ଼୍ ବାତ୍ ଲେକ୍‍ତାଡ଼୍ ? ବେସ୍କ୍‍ତୁଡ଼ାଦ୍ ମତ ଇସାବ୍‍ତେ, ଯଦି ଡଲ୍‍ତଡ଼୍ ପୁନରୁତ୍‍ତିତ୍ ଆୟ୍‍ୱିଡ଼୍, ଅଡ଼୍‌ ସେଙ୍ଗେ ମେଣ୍ଡେ ବାଗାତଡ଼୍‍କ୍ ବାତେଙ୍କ୍ ଏର୍‍ଦିକ୍ଷା ଇଦ୍‍ତଡ଼୍ ? 
\v 30 ମେଣ୍ଡେ ମାନାଡ଼୍ ବା ବାତେଙ୍କ୍ ସେନେକ୍‍ ସେନେକ୍‍ତିଙ୍କ୍ ବିପଦ୍‍ତେ ମୁନ୍‍ନେ ଆଦୁତାଡ଼୍ ? 
\v 31 ଦାଦାଲଡ଼ି ନୁ ଏଲାସ୍କ୍‍ନଡ଼ି, ମାନାଦ୍‍ ଜିୱୁଣ୍ଡ୍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ କାୟ୍‍ଲି ମାନ୍ଦାନ୍ ମାୟ୍‍ଦିଙ୍କ୍, ମିଇ ସେଙ୍ଗେ ନାୟାଦ୍ ବେନ୍ ଗର୍ବ, ଆଦିନ୍ ତଅସ୍ କେତୁତାନ୍, ନାନ୍ ସାର୍ରେଦିନା ଡଲାନ୍ ମକମ୍‍ତାଗ୍ ମିଶି ଆଦୁତାନ୍ । 
\v 32 ଯଦି ନାନ୍ ମାତର୍ ନାରୁଡ଼୍ ଲକ୍ଷ ଅସ୍ ଏଫିସିୟତାଗ୍ ଇଂସା ଜୀୱାକିନ୍ ଲେକାମ୍ ନାରୁଡ଼୍‍ତଡ଼୍ ଲଡ଼େମ୍ ଆସ୍ ମାତ୍‍ତାନ୍, ଆଲେକେ ନାୟାଦ୍ ବାତ୍ ଲାବ୍ ଆତ୍‍ତେ ? ଯଦି ଡଲ୍‍ତଡ଼୍ ପୁନରୁତ୍‍ତିତ୍ ଆୟ୍‍ୟଡ଼୍, ଆଲେକେ ଶିକ୍ଷା ଲେକାମ୍, “ୱାଡ଼ାଟ୍, ତିଞ୍ଜ୍ଉଞ୍ଜ୍ ଦିନାମ୍ ତେର୍‍ସ୍ପିତାଡ଼୍, ବାତେଙ୍କ୍‍ଇତ୍‍କେ ନାଡ଼୍ ତ ମାନ୍‍ ଡଲାନଙ୍କ୍ ଆଦ୍‍ତେ ।”
\p
\v 33 ମିଡ଼୍ ପ୍ରତାରିତ୍ ଆୟ୍‍ମାଟ୍, “କାରାପ୍ ସାଙ୍ଗେ ନିଜାତ୍‍ଚରିତ୍ରତିଙ୍କ୍ ନଷ୍ଟ ମାଡ଼ିତେ ।” 
\v 34 ଆଦିଙ୍କ୍ ସାୟେତ୍‍ ବୁଦ୍‍ତେ ମାନୁଟ୍, ପାପାମ୍ ମାଡ଼୍‍ମାଟ୍ । ମିକିଂଙ୍କ୍ ସିଗିଙ୍କ୍ ସେଙ୍ଗେ ନାନ୍‍ନେ ଇଦ୍ କେତୁତାନ୍, ମିଇ ଲୋପେଙ୍କ୍ ବେସ୍‍କ୍‍ତୁଡ଼୍‍ ଇଶ୍ୱର୍‌ତିଙ୍କ୍ ପୁନଡ଼୍ !
\s ପୁନର୍ଜୀବିତ୍‍ ମେନ୍ଦୁଲ୍
\p
\v 35 ବେନ ପାଚ୍ରା ମାଡ଼େ ପାର୍‍ଦ୍‍ତଣ୍ଡ୍, “ମିଡ଼୍ ବେଲା ପୁନରୁତ୍‍ତିତ୍ ଆଦ୍‍ତିଡ଼୍ ?” ଅଡ଼୍‌ ବେଦ୍‍ପୁଟୁଙ୍କ୍ ମେନ୍ଦୁଲ୍ ପୟ୍‍ସ୍ ମାନ୍‍ତଡ଼୍ ? 
\v 36 ମିଡ଼୍ ବେସର୍ ବାକ୍‍ୱା । ଇସୁର୍‍ବା ବାତ୍ ପୁନ୍‍ୱିଡ଼୍, ବେନ୍ ୱିଜ୍ ୱିତିତଡ଼୍, ଆଦ୍ ଡଲକ୍‌କେ ଗାଜ୍‍ଜେ ଆୟ୍‍ୟ ? 
\v 37 ବେନ୍ ମାଡ଼େ ତିୟାର୍ ଆଦ୍‍ତେ, ମିଡ଼୍ ଆଦିଙ୍କ୍ ୱିତ୍‍ୱିଡ଼୍ । ମିଡ଼୍ ଗହମ୍ ୱିତିମାନ୍‍ତିଡ଼୍ କି ମେଣ୍ଡେଅନ୍‌ ୱିଜେତ୍ ଅଣ୍ଡୟ୍‌ ପେଡ଼େମ୍ । 
\v 38 ଇତ୍‍କେ ଇଶ୍ୱର୍ ନିଜେତ୍ ଇଚ୍ଛା ଲେକାମ୍ ତାନ୍ ମେନ୍ଦୁଲ୍ ତିୟାର୍ ମାଡ଼ିତନ୍ । ସାର୍‍ରେ ୱିଜେତିଙ୍କ୍ ଅଣ୍ଡ୍‌ ତାନ୍ ନିଜେତ୍ ପୁଟୁଙ୍କ୍ ଇଦ୍‍ତଣ୍ଡ୍ ।
\p
\v 39 ସାର୍‍ରେ ଜୀୱାକିନାୱୁ ମେନ୍ଦୁଲ୍ ଅଣ୍ଡୟ୍‌ ଲେକାମ୍ ଆୟ୍‍ୟ । ନାରୁଡ଼ାଦ୍ ମେନ୍ଦୁଲ୍ ଅଣ୍ଡୟ୍‌ ରକମ୍, ଜିୱୁକିନାୱୁ ମେନ୍ଦୁଲ୍ ମେଣ୍ଡେଅନ୍‌ ରକମ୍ । ପିଟ୍‍ଟେ ନୁ କିକେ ମେନ୍ଦୁଲ୍ ୱେରେ ।
\p
\v 40 ସ୍ୱର୍ଗତଡ଼୍ ନୁ ପୃତିବିତଡ଼୍ ଇର୍‍ୱୁଡ଼୍ ରେଣ୍ଡ୍ ପ୍ରକାର୍‍ତେ ମେନ୍ଦୁଲ୍ ମିନ୍ଦେ । ସ୍ୱର୍ଗତଡ଼ାଦ୍ ମେନ୍ଦୁଲ୍ ଅଣ୍ଡ୍‌ ରକମ୍ ସୁନ୍ଦର୍ ନୁ ପୃତିବିତଡ଼ାଦ୍ ମେନ୍ଦୁଲ୍ ମେଣ୍ଡେଅନ୍‌ ରକମ୍ ସୁନ୍ଦର୍ । 
\v 41 ପଡ଼୍‍ଦ୍‍ତାଦ୍ ସୁନ୍ଦର୍ ଅଣ୍ଡ୍‌ ଲେକାତ୍, ନେଲ୍‍ଞ୍ଜ୍‍ତାଦ୍ ମେଣ୍ଡେଅନ୍‌ ରକମ୍ ନୁ ଉକାକିନାଦ୍ ସୁନ୍ଦର୍ ୱେରେ ଲେକାତ୍ । ଇଦ୍ ରକମ୍ କି ୱେରଡ଼୍ ଉକାମ୍‍ତେ ସୁନ୍ଦର୍, ମେଣ୍ଡେଅନ୍‌ ଉକାମ୍‍ତେ ତଡ଼୍ ୱେରେ ।
\p
\v 42 ଡଲ୍‍ତଡ଼ାଦ୍ ପୁନରୁତ୍‍ତାନ୍ ବିଷୟ୍‍ତେ ମିକା ଇଦ୍ ଗଟ୍ ଦର୍‍କାର୍ । ସମାଦି ଇସମାନ୍ଦାନ୍ ମେନ୍ଦୁଲ୍ ମିକା ଦଂସ ଆଦ୍‍ତେ । ଇତ୍‍କେ ପୁନରୁତ୍‍ତିତ୍ ମେନ୍ଦୁଲ୍ ନଷ୍ଟ ଆୟ୍‍ୟ । 
\v 43 ସମାଦି ଇଦାନ୍ ମେନ୍ଦୁଲ୍ ସୁନ୍ଦର୍ ଆୟ୍‍ୟ ନୁ ଶାତ୍‍ୱାମ୍‍ ଇଲ୍‍ୱାଦ୍ । ଇତ୍‍କେ ପୁନରୁତ୍‍ତିତ୍ ମେନ୍ଦୁଲ୍ ସୁନ୍ଦର୍ ନୁ ଶାତ୍‍ୱାମ୍‍ତାଦ୍ । 
\v 44 ସମାଦି ଇଦାନ୍ ୱେଲେ ମେନ୍ଦୁଲ୍ ଲେକାମ୍ ମାନ୍‍ତେ; ଇତ୍‍କେ ପୁନର୍ଜୀବିତ୍ ଆଦାନ୍‍ୱେଲେ, ଆଦ୍ ଆଦ୍‍ତେ ଆତ୍ମିକ ମେନ୍ଦୁଲ୍ । ଲେକାମ୍ ମେନ୍ଦୁଲ୍‍ତାଦ୍ ଆତ୍ମିକ୍‌ ମାନ୍ଦାନ୍ ମାୟ୍‍ଦିଙ୍କ୍, ଆତ୍ମିକ ଆଦୁତ୍‍ତେ । 
\v 45 ଦର୍ମଶାସ୍ତ୍ରତାଗ୍ ଲେକ୍‍ତାଦ୍ ମିନ୍ଦେ, “ମୁନେନ୍ ଆଦମ୍ ଅଣ୍ଡୟ୍‌ ଜିୱେ ପଶୁ ଲେକାମ୍ ତିଆର୍ ଆସ୍ ମାତ୍‍ତଣ୍ଡ୍ ।” ପେର୍କେତ୍‌ ଆଦମ୍ ମାତ୍‍ତଣ୍ଡ୍, ଜିୱେମାନ୍ଦାନ୍‌ ଆତ୍ମା ଆତ୍‌ତନ୍‌। 
\v 46 ମୁନେନ୍‍କନ୍ସ୍ ଆତ୍ମିକ ବିଷୟ୍ ଇଲ୍‍ୱେମାତ୍‍ତେ । ମୁନେନ୍ ବାତ୍ ମାତ୍‍ତେ ଆଦ୍ ପ୍ରାକୃତିକ୍, ତାନ୍‍ପେର୍କେ ୱାତ୍‍ତେ ଆତ୍ମିକ ବିଷୟ୍ । 
\v 47 ମୁନେତ୍ ନାରୁଡ଼୍ ଆଦମ୍ ମାତ୍‍ତଣ୍ଡ୍ ପୃତିବିତଣ୍ଡ୍, ମାଣ୍ଡୁଲ୍‍ତଡ଼୍ ତିୟାର୍‍ ଆତ୍‍ତଣ୍ଡ୍; ଇତ୍‍କେ ଦ୍ୱିତୀୟ୍ ଆଦମ୍ ସ୍ୱର୍ଗତାଗାଙ୍କ୍ ଡିଗ୍‍ତଣ୍ଡ୍ । 
\v 48 ପୃତିବିତେ ନାରୁଡ଼୍ ସାରେତଡ଼୍ ଆଦ୍ ମାଣ୍ଡୁଲ୍‍ତଡ଼୍ ତିୟାର୍‍ ଆତ୍‍ତେ ନାରୁଡ଼୍ ଲେକାମ୍ । ଇତ୍‍କେ ସ୍ୱର୍ଗତଡ଼୍ ସ୍ୱବାବ୍‍ତେ ନାରୁଡ଼୍ ଆଦ୍ ସ୍ୱର୍ଗତଣ୍ଡ୍ ନାରୁଡ଼୍ ଲେକାମ୍ । 
\v 49 ମାନାଡ଼୍ ଇଞ୍ଜେ ମାଣ୍ଡୁଲ୍‍ତଡ଼୍ ତିୟାର୍ ଆତ୍‍ତେ ନାରୁଡ଼୍ ଲେକାମ୍ ପୁଟୁଙ୍କ୍ ପୟ୍‍ସ୍ ମିନ୍ଦେ, ଇତ୍‍କେ ଅନ୍‌‍ଦିନେ ଆଦ୍ ସ୍ୱର୍ଗତଣ୍ଡ୍ ମାନେୟ୍‍ତେ ଲେକାମ୍ ପୁଟୁଙ୍କ୍ ଆଦ୍‍ତାଡ଼୍ । 
\v 50 ଆଦିଙ୍କ୍ ଦାଦାଲଡ଼ି ନୁ ଏଲାସ୍କ୍, ନାନ୍ ମିକିଂଙ୍କ୍ କେତାନଙ୍କ୍ ଆଲ୍‍ସୁତାନ୍ ଜେ, ନେତୁର୍ ଆଉଙ୍ଗ୍ ମେନ୍ଦୁଲ୍ ପୟ୍‍ସ୍ ମାନାଡ଼୍ ଇଶ୍ୱର୍‌ତେ ରାଜ୍ୟତ୍ ଅଦିକାରି ଆଦାନଙ୍କ୍ ପାର୍‍ୱାଦ୍, ବାତେଙ୍କ୍ ଇତ୍‍କେ ଦଂସ ଆଦାନ୍ ଜିନିଷ୍ ନଷ୍ଟ ଆୟ୍‍ୱାଦ୍ ଆଦାନଙ୍କ୍ ପାର୍‍ୱ ।
\p
\v 51 \x + \xo ୧୫:୫୧ \xo*\xt ୧ ଥେସଲନିୟ ୪:୧୫-୧୭.\xt*\x*କେଞ୍ଜାଟ୍ ନାନ୍ ମିକିଂଙ୍କ୍ ଅଣ୍ଡୟ୍‌ ନିଜାତାଦ୍ ସତ୍ ଗଟ୍ କେତୁତାନ୍ । ମାନାଡ଼୍ ସାର୍ରେତଡ଼୍ ଡଲ୍‍ୱାଡ଼୍ ନୁ ମାନାଡ଼୍ ସାର୍ରେତଡ଼୍ ପରିବର୍ତ୍ତିତ୍ ଆଦ୍‍ତାଡ଼୍ । 
\v 52 ଇତ୍‍କେ ମାଡ଼େଙ୍କ୍‌ତାଦ୍ ତୂରି ଲେଙ୍ଗ୍ ଆଦାନ୍‍ୱେଲେ, ଅଣ୍ଡୟ୍‌ ମୁହୁର୍ତ୍ତ୍‍ତେ, କଣ୍ଡେ ମିଟ୍‍କେତେ ମାନାଡ଼୍ ସାର୍ରେତଡ଼୍ ବଦ୍‍ଲେମ୍ ଆଦ୍‍ତାଡ଼୍ । ଆସୁଟେ ଡଲ୍‍ତଡ଼୍ ଅମର୍ ଆସ୍ ତେଏଦିତଡ଼୍ । 
\v 53 ବାତେଙ୍କ୍ ଇତ୍‍କେ ବାତ୍ ନଷ୍ଟ ଆଦ୍‍ତେ, ଆଦିଙ୍କ୍ ନଷ୍ଟ ଆୟ୍‍ୱାଦ୍ ବଦ୍‍ଲେମ୍ ମାଡ଼ାନଙ୍କ୍ ଆଦ୍‍ତେ; ବେନ୍ ପୃତିବିତାନ୍ ମେନ୍ଦୁଲ୍ ଡଲିଆଦ୍‍ତେ, ଆଦିଙ୍କ୍ ଅମର୍ ଚକାସିଲେ କେର୍‍ସ୍ପାନଙ୍କ୍ ଆଦ୍‍ତେ । 
\v 54 ଆଲାଆତ୍‍କେ ନୁ ଇଦ୍ ନାୟାଦ୍ ମେନ୍ଦୁଲ୍ ଅମର୍ ଆତ୍‍କେ, ଦର୍ମଶାସ୍ତ୍ରତାଦ୍ ଇଦ୍ ଗଟ୍ ସାରେ ଆଦ୍‍ତେ, “ଡଲ୍‍ନାଦ୍ ଡଲିଆତ୍‍ତେ, ସାରେ ଜିଡ଼୍‍ତେ ।
\p
\v 55 ରେ ଡଲ୍‍ନାଦ୍ ! ବେଗେ ନିୟାଦ୍ ଜିଡ଼୍‍ତାଦ୍ ? ରେ ଡଲ୍‍ନାଦ୍ ! ବେଗେ ନିୟାଦ୍ ରେହେତାନାଦ୍ ଶାତ୍‍ୱାମ୍ ?” 
\v 56 ରେହେତାନ୍‍ ଶାତ୍‍ୱାମ୍ ଡଲ୍‍ନାଦ୍ ପାପ୍ ତାଗାଙ୍କ୍ ଦର୍ସିକି ଆଦ୍‍ତେ, ପାପାମ୍‍ତେ ଶାତ୍‍ୱାମ୍‍ ନିୟମ୍ । 
\v 57 ଇତ୍‍କେ ମାନାଡ଼୍ ଇଶ୍ୱର୍‌ତିଙ୍କ୍ ଦନ୍ୟବାଦ୍ କେତିତାଡ଼୍‍, ବାତେଙ୍କ୍‍ଇତ୍‍କେ ଅଣ୍ଡ୍‌ ମାନ୍‍ ପ୍ରବୁ ଜିସୁ କ୍ରିଷ୍ଟନ୍ ତଡ଼୍ ମାନାଡ଼୍‍କିଙ୍କ୍ ଜିଡ଼୍‍ପ୍‍ତଣ୍ଡ୍ ।
\p
\v 58 ଆଦିଙ୍କ୍ ପ୍ରିୟ ଦାଦାଲଡ଼ି ନୁ ଏଲାସ୍କ୍, ଗାଡ଼୍‍ସ୍ ନୁ ମେୟ୍‍ଲକନ୍‌ସ୍ ମାନୁଟ୍ । ପ୍ରବୁନ୍ ପାଡ଼୍‍ୟିତାଗ୍ ସାର୍ରେୱେଲେ ତିୟାର୍ ଆସ୍ ମାନୁଟ୍ । ବାତେଙ୍କ୍‍ଇତ୍‍କେ ମିଡ଼୍ ପୁତ୍‍ତିଡ଼୍ ଜେ, ପ୍ରବୁନ୍ ସେଙ୍ଗେ ମିୟାଦ୍ ପାଡ଼୍‍ୟି ବେସୁଟ୍‍ବା ଆଙ୍ଗ୍‍ଡ଼ାମ୍ ଆୟ୍‍ୟ ।
\c 16
\s ଇଶ୍ୱର୍‌ତେ ନାରୁଡ଼୍ ଡାବ୍‍କ୍ ସେଙ୍ଗେ ସାହାଯ୍ୟ
\p
\v 1 \x + \xo ୧୬:୧ \xo*\xt ରୋମୀୟ ୧୫:୨୫,୨୬.\xt*\x*ଯିହୁଦାତାଗ୍ ମାନ୍ଦାନ୍ ପବିତ୍ର ମଣ୍ଡଲିତେ ବିଶ୍ୱାସୀଡ଼୍ ସେଙ୍ଗେ ଡାବ୍‍କ୍ ସାହାଯ୍ୟ ଇଦାନ୍ ବିଷୟ୍‍ତେ ନାୟାଦ୍ ମତାମତ୍, ନାନ୍ ଗାଲାତୀୟ ଆଞ୍ଚିନାଗ୍ ମାନ୍ଦାନ୍ ମଣ୍ଡଲିତିଙ୍କ୍ ବାତ୍ ମାଡ଼ାନଙ୍କ୍ ନିର୍ଦେଶ୍ ଇତ୍‍ତାନ୍, ଆଦ୍ ଲେକାମ୍ ପାଲନ୍ ମାଡ଼ାଟ୍ । 
\v 2 ମିୟାଦ୍ ନିଜେତ୍ ରଜ୍‍ଗାର୍ ଲେକାମ୍ ସାର୍‍ରେ ରବ୍‌ବାର୍‌ ଦିନ୍ ସେଙ୍ଗେ ବେସ୍‌କ୍‌ ଡାବ୍‍କ୍ ୱେରେ ନେଃଏସ୍ ମାନୁଟ୍ । ଆଲାଆତ୍‍କେ, ନାନ୍ ଆତ୍‍ତେୱେଲେ ମିକିଂଙ୍କ୍ ମେଣ୍ଡେ ଡାବ୍‍କ୍ ତାଲ୍‍କାନଙ୍କ୍ ୱେୟ୍ । 
\v 3 ନାନ୍ ୱାସ୍ ସାୟେ ହେର୍କା ମାଡ଼ମାନ୍ଦାନ୍ ନାରୁଡ଼୍‍କିଂଙ୍କ୍ ପରିଚୟ୍ ଚିଟି ଇଦ୍‍ତାନ୍ ନୁ ଅଡ଼୍‌ ମିୟାଦ୍ ଦାନ ତଡ଼୍ ଯିରୁଶାଲେମ୍ ଆଦ୍‍ତଡ଼୍ । 
\v 4 ଇତ୍‍କେ ନାୟାଦ୍ ଆଦାନାଦ୍ ଦର୍‍କାର୍ ଆତ୍‍କେ, ଅଡ଼୍‌ ନା ତଡ଼୍ ଆଦେପାର୍‍ଦ୍‍ତଡ଼୍ ।
\s ପାଉଲ୍‍ତାଦ୍ ଯୋଜନା
\p
\v 5 \x + \xo ୧୬:୫ \xo*\xt ପ୍ରେରିତ ୧୯:୨୧.\xt*\x*ନାନ୍ ମାସିଦୋନିଆତା ଆଞ୍ଜମିନ୍ଦେନ୍ । ଆଞ୍ଜ୍ ୱାଦାନାଦ୍ ତେର୍‍ସ୍‍ପି ନାନ୍‍ନେ ମିଇ ବକେତ୍ ମାଲ୍‍ସ୍ ୱାଦ୍‍ତାନ୍ । 
\v 6 ନାନ୍ ଆତ୍‍କେ, ମିଇ ତଡ଼୍ ବେସ୍‍କେ ଦିନା ମାନ୍‍ତାନ୍, ଆତ୍‍କେ ଶାଲ୍‍ କାଲାମ୍ ମାନ୍‍ତାନ୍ । ତାନ୍‍ପେର୍କେ ବେଗେ ଆଦାନ୍ ସେଙ୍ଗେ ଆଲ୍‍ସିତାନ୍, ମିଡ଼୍ ନାକିଂଙ୍କ୍ ଆଗେ ଆଦାନ୍ ସେଙ୍ଗେ ସାହାଯ୍ୟ ମାଡ଼ିତିଡ଼୍ । 
\v 7 ବାତେଙ୍କ୍‍ଇତ୍‍କେ ଆଦାନ୍ ଆର୍ର୍‍ଦାଗ୍ ମିଇ ତଡ଼୍ ମାତର୍ ନାର୍ଗେଦିନା କାୟ୍‍ଲାନାଦ୍ ନାୟାଦ୍ ଇଚ୍ଛା ଆୟ୍‍ୟ । ନାନ୍ ଆଶେ ମାଡ଼ୁତାନ୍, ପ୍ରବୁନାଦ୍ ଇଚ୍ଛା ଆତ୍‍କେ, ନାନ୍ ମିଇ ତଡ଼୍ ଇଦାମ୍ ଗାଟି ଜେଲ୍ ମାନ୍‍ତାନ୍ ।
\p
\v 8 \x + \xo ୧୬:୮ \xo*\xt ପ୍ରେରିତ ୧୯:୮-୧୦.\xt*\x*ଇତ୍‍କେ ପେଣ୍ଟିକଷ୍ଟ୍ ପାଣ୍ଡୁମ୍‍ଦିନେ ଏୱୁନା ନାନ୍ ଇଗେ ଏପିସୀତାଗ୍ ମାନ୍‍ତାନ୍ । 
\v 9 ଇଗେ ନା ବିରୁଦ୍‍ତେ ନାର୍‍ଗେ ନାରୁଡ଼୍ ମାତ୍‍କେ ଗାଲା, ସାୟେତାୱୁ ପାଡ଼୍‍ୟି ମାଡ଼ାନ୍ ସେଙ୍ଗେ ନାକିଂଙ୍କ୍ ଆସର୍ ଆର୍‍ଙ୍ଗ ମିନ୍ଦେ ।
\p
\v 10 \x + \xo ୧୬:୧୦ \xo*\xt ୧ କରନ୍ତିୟ ୪:୧୭.\xt*\x*ତୀମତି ମିଇ ବକେତ୍ ୱାତ୍‍କେ, ଅଂକିଙ୍କ୍‌ ସ୍ୱାଗତ୍ ମାଡ଼ାଟ୍ । ବାତେଙ୍କ୍‍ଇତ୍‍କେ ଅଣ୍ଡ୍‌ ମିକା ନା ଲେକାମ୍ ପ୍ରବୁନ୍ ପାଡ଼୍‍ୟି ମାଡ଼ୁତଣ୍ଡ୍ । 
\v 11 ବେନ ଅଂକିଙ୍କ୍‌ ତୁଚ୍ଛ ବୁଦ୍‍ତେ ମାଡ଼୍‍ମାକିଡ଼୍ । ଶାନ୍ତିତଡ଼୍ ଆଦାନ୍ ସେଙ୍ଗେ ମିଡ଼୍ ଅଂକିଙ୍କ୍‌ ନିଜାମ୍ ସାହାଯ୍ୟ ମାଡ଼ିତିଡ଼୍ । ଆଲାଇତ୍‍କେ, ଅଣ୍ଡ୍‌ ଦାଦାଲଡ଼୍ ତଡ଼୍ ନା ବକେତ୍ ମାଲ୍‍ସ୍ ୱାଦ୍‍ତଣ୍ଡ୍ । ଅଡ଼୍‌‍କିଂଙ୍କ୍ ନାନ୍ କେପି ମାନ୍‍ତାନ୍ ।
\p
\v 12 ଦାଦାଲ୍ ଆପୋଲ୍ଲୋନ୍ ବିଷୟ୍‍ତେ କେତୁତାନ୍ ଜେ, ବାଗାତ୍ ଦାଦାଲଡ଼୍ ତଡ଼୍ ମିଇ ବକେତ୍ ଆଦାନ୍ ସେଙ୍ଗେ ନାନ୍ ଅଂକିଙ୍କ୍‌ ନାର୍‍ଗେ ଦାମ୍ କେତ୍‍ତାନ୍ । ଇତ୍‍କେ ଇଞ୍ଜେ ଆଦାନ୍ ସେଙ୍ଗେ ବେଲାମେଣ୍ଡେ ରାଜି ଇଲେଣ୍ଡ୍ । ପେର୍‍କେ ସୁଯୋଗ୍ ଦର୍‍କେ, ଅଣ୍ଡ୍‌ ନିଜାମ୍ ମିଇ ବକେତ୍ ଆଦ୍‍ତନ୍ ।
\s ମାଡ଼େଙ୍କ୍‌ତାଦ୍ ଗଟ୍
\p
\v 13 ମିଡ଼୍ ନାଆକି କେପି ମାନୁଟ୍, ବିଶ୍ୱାସ୍‍ତାଗ୍ ଗାଡ଼୍‍ସ୍‍ ଆୟ୍‍ମୁଟ୍, ସାହାସ୍ ନୁ ବଲ୍‍ବାନ୍ ଆୟ୍‍ମୁଟ୍ । 
\v 14 ମିୟାଦ୍ ସାର୍‍ରେ ପାଡ଼୍‍ୟି ପ୍ରେମତଡ଼୍ ଆୟି ।
\p
\v 15 \x + \xo ୧୬:୧୫ \xo*\xt ୧ କରନ୍ତିୟ ୧:୧୬.\xt*\x*ମିଡ଼୍ ସ୍ତିଫାନ୍ ନୁ ତାନ୍ ପରିବାର୍‍ ବିଷୟ୍ ପୁତ୍‍ତିଡ଼୍ । ଅଡ଼୍‌ ଆକାୟାତେ ପ୍ରର୍‍ତୁମ୍ ପବିତ୍ର କ୍ରିଷ୍ଟିୟାନ୍ । ଅଡ଼୍‌ ଇଶ୍ୱର୍‌ତେ ନାରୁଡ଼୍ ସେବା ପାଡ଼୍‍ୟିତାଗ୍ ନିଜେତିଙ୍କ୍ ସମର୍ପଣ୍‍ ମାଡ଼୍‍ତଡ଼୍ । ଦାଦାଲଡ଼ି ନୁ ଏଲାସ୍କ୍‍; ନାନ୍ ମିକିଂଙ୍କ୍ ଅନୁରୋଦ୍ ମାଡ଼ୁତାନ୍, 
\v 16 ମିଡ଼୍ ଇଡ଼ାଦ୍ ନୁ ଇଡ଼୍‍ତଡ଼୍ ପାଡ଼୍‍ୟି ନୁ ସେବା ମାଡ଼ମାନ୍ଦାନ୍ ନାରୁଡ଼୍‍ତେ ଗଟି କେଞ୍ଜାଟ୍ ।
\p
\v 17 ସ୍ତିଫାନ୍, ଫର୍ତୁନାତ ନୁ ଆକାୟିକ ଇଗେ ୱାତ୍‍ତାଙ୍କ୍ ନାନ୍ ଗାଟି ୱେଡ଼୍‍କ୍ ଆତ୍‍ତାନ୍ । ମିଡ଼୍ ଇଲ୍‍ୱାଙ୍କ୍ ଅଡ଼୍‌ ମିୟାଦ୍ ପଡ଼୍‍ୟେ ସାରେ ମାଡ଼୍‍ତଡ଼୍ । 
\v 18 ଅଡ଼୍‌ ମିକିଂଙ୍କ୍ ନୁ ନାକିଂଙ୍କ୍ ୱେଡ଼୍‍କ୍‍ ମାଡ଼୍‍ତଡ଼୍ । ଇଦ୍‍ରକମ୍ ନାରୁଡ଼୍ ସମ୍ମାନ୍‍ ପାଏମ୍ ଆଦ୍‍ତଡ଼୍ ।
\p
\v 19 \x + \xo ୧୬:୧୯ \xo*\xt ପ୍ରେରିତ ୧୮:୨.\xt*\x*ଏସିଆ ଆଞ୍ଚିନ୍‍ ମଣ୍ଡଲି ମିକିଂଙ୍କ୍ ଅବିନନ୍ଦନ୍ ମାଡ଼ୁତା । ଆକ୍ୱିଲା, ପ୍ରିସ୍କିଲା ନୁ ଅଡ଼ାଦ୍‌ ଲୋନ୍‌ ଉପବାସ୍ ମାଡ଼ମାନ୍ଦାନ୍ ମଣ୍ଡଲି, ପ୍ରବୁନ୍ ପେଦେର୍‍ତେ ମିକିଂଙ୍କ୍ ଲୋପେକନ୍‍ସ୍ ନମସ୍କାର୍‌ ମାଡ଼ୁତା । 
\v 20 ଇଗେତଡ଼୍ ଦାଦାଲଡ଼୍ ନୁ ଏଲାସ୍କ୍ ମିକିଂଙ୍କ୍ ସାର୍ରେତଡ଼୍ ନମସ୍କାର୍ କେତୁତଡ଼୍ । ମିଡ଼୍ ପବିତ୍ର କ୍ରିଷ୍ଟନ୍ ପ୍ରେମ ତଡ଼୍ ମିଡ଼୍ ମିଇ ଲୋପେ ନମସ୍କାର୍‌ ମାଡ଼ାଟ୍ ।
\p
\v 21 ନାନ୍ ପାଉଲ୍ ନିଜେତ୍ କାୟ୍‍ଦେ ଇୱୁସାର୍ରେ ଶୁଭେଚ୍ଛା ଲେକୁତାନ୍ ।
\p
\v 22 ବେନ ପ୍ରବୁଙ୍କ୍ ପ୍ରେମ ମାଡ଼ଣ୍ଡ୍, ଅଣ୍ଡ୍‌ ଅବିଶାପ୍‌ ଆୟିଣ୍ଡ୍, “ମାରାନାତା,” ମାନ୍‍ ପ୍ରବୁ ୱାଡ଼ିଣ୍ଡ୍ ।
\p
\v 23 ପ୍ରବୁ ଜିସୁନ୍ ଅନୁଗ୍ରହ୍ ମିଇ ଲୋପେ ବିରାଜ୍‍ମାନ୍ ଆୟି ।
\p
\v 24 କ୍ରିଷ୍ଟ ଜିସୁନ୍ ତଡ଼୍ କାୟ୍‍ଲିମାନ୍ଦାନଡ଼ି ମିଡ଼୍ ସାର୍ରେତଡ଼୍ ନା ଜିୱୁତେ ପ୍ରେମ ଗ୍ରହନ୍ ମାଡ଼ାଟ୍ ।