\id TIT - Kopo
\ide UTF-8
\h ତିତସ
\toc3 ତିତସ
\toc2 ତିତସ
\toc1 ତିତସଦି ଲାକ୍‌ତୁ ପାଉଲଦି ଆକୁ
\mt2 ତୀତସଙ୍କ ନିକଟକୁ ପାଉଲଙ୍କ ପତ୍ର
\mt1 ତିତସଦି ଲାକ୍‌ତୁ ପାଉଲଦି ଆକୁ
\imt ତିତସ ଆକୁ ବିସୟ୍‌ତାନ୍‌ ଏସ ମାଟା
\ip ପାଉଲ ନାଲିଗି ଆକୁ ଲୋଇରାନ୍‌ ତିତସ ବଇ ଉନ୍‌ଡ୍ରି । ଆମାକାକି ଉନ୍‌ଡ୍ରି ମଣ୍ତଲି ବାଦ୍‌ଲୁ ଲୋକ୍‌ତିଙ୍ଗ୍‌ ପରିଚୟ ସିନାତ୍‌ । ଆଇ ମୁନ୍‌ଡ୍ରି ଆକୁ ଆଜିନେ, ୧ ତିମତି, ୨ ତିମତି, ମାରି ପିଲିମନ ଇକେଙ୍ଗ୍‌ । ପାଉଲ ତିତସତିଙ୍ଗ୍‌ ରାସ୍‌ନାନ୍‌ ଜେ, ୱାନ୍‌ ଏଣ୍ତେସ୍‌ ୱିଜେରି ଆଗ୍‌ଡ଼ି ନାଣ୍ତ ଆଉଲି ଆଜି ଇୟା ଆକୁ ପଡ଼ାନାନ୍‌ । ପ୍ରେରିତ ୱାଜା ୱାନି ଜଗ୍‌ତି ବିସୟ୍‌ ବୁଜାକିନା ସିନାନ୍‌ । ଇକା ଏସମାନୁ ତିତସ ଆଗ୍‌ଡ଼ିରାନ୍‌ ନେସ୍‌ତାମାନାନ୍‌ । ଆନାତ୍‌ସୁଗି କ୍ରିସ୍ତଦି ଜନମ୍‌ତି ୬୩ ଦାନ୍‌ ୬୫ ଲୋଇ ପାଉଲ ଇୟା ଆକୁ ରାସ୍‌ତେଙ୍ଗ୍‌ ଆଟ୍‌ନାମାନାନ୍‌ ।
\ip ପାଉଲ କ୍ରିତିଦି ଦେସ୍‌ତୁ ମାନି ମଣ୍ତଲିଙ୍ଗାଁ ସାଲାକିଦେଙ୍ଗ୍‌ ତିତସତିଙ୍ଗ୍‌ ଆଦେସ୍‌ ସିନାନ୍‌ । ଆୟା ସାମାନ୍‌ ସିକିୟା ତିମତିଦିଙ୍ଗ୍‌ ବା ସିତାମାନାନ୍‌ । ପାଉଲ ଇୟା ଆକୁଦୁ ତିତସତିଙ୍ଗ୍‌ ମଣ୍ତଲିଦି ପେରି ୱାରିଙ୍ଗ୍‌ ଆସ୍‌କିନିକା ମାରି ସିକିୟା ସିନି ବିସୟ୍‌ତାନ୍‌ ରାସ୍‌ନାନ୍‌ । ନେର୍‌ତି ମଣ୍ତଲି ମାରି ମଣ୍ତଲିଦି ପେରିୱାରି ଦାୟିତ୍‌ କିନି ଉଣ୍ତିଙ୍ଗ୍‌ ମାପୁରୁଦି ବଦା ଇସାବ୍‌ତାନ୍‌ ଏଣ୍ତେସ୍‌ ନାନି ଜଗ୍‌ ଆନିକା ଦର୍‌କାର୍‌ ଜାତୁନ୍‌ତାନ୍‌ ଦିୟାନ୍‌ ସିନିକା ମାନାତ୍‌, ଆକା ସିଟିଦୁ ରାସ୍‌ନାନ୍‌ ।
\iot ଇୟା ଆକୁଦୁ ମାନି ମୁକିୟ ବିସୟ୍‌
\io1 ୧. ପାଉଲ ତିତସତିଙ୍ଗ୍‌ ଦାର୍ମୁଦି ଲୋକାଙ୍ଗ୍‌ ଆସ୍‌କିନି ଉଣ୍ତିଙ୍ଗ୍‌ ଆଦେସ୍‌ ସିନାନ୍‌ । \ior ୧:୧-୧୬\ior*
\io1 ୨. ତାନିୱେନ୍‌କା ୱାନ୍‌ ବା ଲୋକାଙ୍ଗ୍‌ ଦାର୍ମୁଦି ଜିନିମାଡ଼ିଦେଙ୍ଗ୍‌, ଆମାକା ମାପୁରୁଙ୍ଗୁଁ ନେଗେନ୍‌ କିନାତ୍‌, ଆୟା ବିସୟ୍‌ତାନ୍‌ ସିକିୟା ସିଦେଙ୍ଗ୍‌ ଆଦେସ୍‌ ସିନାନ୍‌ । \ior ୨:୧–୩:୧୧\ior*
\io1 ୩. ସାରାସାରି ୱେନ୍‌କା ପାଉଲ ୱାନି ସାରାସାରି ମାଟା ୱେର୍‌ସି ୱିସ୍‌ନାନ୍‌ । \ior ୩:୧୨-୧୫\ior*
\c 1
\p
\v 1 ପାଉଲ, ମାପୁରୁଦି ଦାସ୍‍ ମାରି ଜିସୁ କ୍ରିସ୍ତଦି ଅରେନ୍‍ ପ୍ରେରିତ ସିସୁ । ତିତସଦି ଲାକ୍‌ତୁ ଇୟା ଆକୁ ଆସ୍‌ସିନା ।
\p ମାପୁରୁଦି ବାସେଆତି ଲୋକା ବିସ୍‍ବାସ୍‍ତିଙ୍ଗ୍‍ ଡାଟ୍‌ କିନି ଉଣ୍ତିଙ୍ଗ୍‌ ମାରି ଏସାଙ୍ଗ୍‍ୱିଜ୍‍ଇଜିବନ୍‌ ପୟ୍‍ନି ଆସା ମୁସ୍‌କୁ ରାସାତିମାନି ମା ଦାର୍ମୁବିସ୍‍ବାସ୍‍ତି ସତ୍‍ ଉଣ୍ତିଙ୍ଗ୍‌ ୱାରିଙ୍ଗ୍ ଜାଗାର୍‌ତା କିଦେଙ୍ଗ୍‌ ଇଜି ନାନୁ ପକାୟ୍‍ ଆତାମାନା । 
\v 2 ପୁର୍ବେଦି କାଡ଼ାଦାନ୍‍ ମାପୁରୁ ମାଙ୍ଗିଁ ଇୟା ଏସ୍‌କାଙ୍ଗ୍‌ୱିଜିଇ ଜିବନ୍‌ ଦାନ୍‌ ସିଦେଙ୍ଗ୍‍ ପାର୍‍ମାଣ୍‍ କିତାମାନାନ୍‌ ମାପୁରୁ ମିସ୍‍ୱେର୍‍ନିକାନ୍‍ ଆଏନ୍‍ । 
\v 3 ମାରି ଟିକ୍‍ ୱେଡ଼ାଦୁ ଇୟା କାବୁର୍‌ ୱାନ୍‌ ୱେକ୍‍ତାମାନାନ୍‍ । ମା ରକିୟାକିନି ମାପୁରୁଦି ଆଦେସ୍‍ତାନ୍‍ ଇକା ୱେର୍‍ତେଙ୍ଗ୍‍ ନାଙ୍ଗିଁ ଦାୟିତ୍‍ ସିଆୟ୍‌ ଆତାମାନାତ୍‌ ।
\p
\v 4 \x + \xo ୧:୪ \xo*\xt ୨ କରିନ୍ତିୟ ୮:୨୩; ଗାଲାତିୟ ୨:୩; ୨ ତିମତି ୪:୧୦.\xt*\x*ନା ୱିଜୁ ବିସ୍‌ବାସ୍‌ସିର୍‌ ମାରି ଇୟା ବିସ୍‌ବାସ୍‌ ଉଣ୍ତିଙ୍ଗ୍‌ ଟିକ୍‍ତାନ୍‌ ନା ମାରିନ୍‌ ତିତସଦି ଲାକ୍‌ତୁ ନାନ୍‌ ଇୟା ଆକୁ ରାସ୍‌ସିନା :
\p ବୁବା ମାପୁରୁ ମାରି ମା ରକିୟାକର୍ତ୍ତା କ୍ରିସ୍ତ ଜିସୁ ମିଙ୍ଗିଁ ଦୟା ନି ସାନ୍ତି ସିପିନ୍‌ ।
\s କ୍ରିଟ୍‌ଦୁ ତିତସଦି ପାଣି
\p
\v 5 ଆବେନ୍‌ ଏସଗୋଟା ବିସୟ୍‌ତି ନେଗିନିୟମ୍‌ କିଦେଙ୍ଗ୍‌ ମାରି ଇୟାଉଣ୍ତିଙ୍ଗ୍‌ ୱିଜୁ ଗାଡ଼ାକା ମଣ୍ତ୍‌ଲିଦି ପେରିନେତାରିଙ୍ଗ୍‌ ଆସ୍‌କିନି ଉଣ୍ତିଙ୍ଗ୍‌ ମିଙ୍ଗିଁ ନାନ୍‌ କ୍ରିଟ୍‌ଦୁ ଡ଼ିସ୍‌ତା ୱାତାମାର୍ହା । ଇୟା ବିସୟ୍‌ତାନ୍‌ ନା ମାଟେଙ୍ଗ୍‌ୱିଜୁ ଏତ୍‌ କିଦୁ, 
\v 6 \x + \xo ୧:୬ \xo*\xt ୧ ତିମତି ୩:୨-୭.\xt*\x*ମଣ୍ତ୍‌ଲିଦି ନେତା ୱାଜା ଆନି ନିନ୍ଦା ସିଲି ଲୋକ୍‍ ଆନିକାମାନାତ୍‌ । ୱାନ୍‌ ଅରେତ୍‌ ଆଇମାଦି କନ୍‌ଲି ଆନାମାନାନ୍‌ ମାରି ୱାରି କଡ଼ର୍‌ ବିସ୍‌ବାସ୍‌ ଆନାମାନାର୍‌; ସାନ୍ତି ମାରି ଅବାଦ୍ୟ ଇଜି ୱାରି ତାଗ୍‌ଇପାଣି ସିଲେତ୍‌ । 
\v 7 ମାପୁରୁଦି ପାଣିଦୁ ଦାଇତ୍‌ତୁ ମାନି ମଣ୍ତ୍‌ଲିଦି ନେତା ପୁରା ନିନ୍ଦା ସିଲିକାନ୍‍ ମାନିକା ମାନାତ୍‌ । ୱାନ୍‌ ତାଗ୍‍ଇକାନ୍‍ ନି ଗିଦ୍‌ରିଆନିକା ଆଏନ୍‍ ମାନାନ୍‌, କାଡ଼ୁ ଉଣିକା ନି ଜାଟିଜଗଡ଼ା ମାରି ଡାବୁଙ୍ଗୁଁଲୋବ୍‌ ଆଏନ୍‍ ମାନାନ୍‌ । 
\v 8 ମାତର୍‌ ୱାନ୍‌ ନେଗିକାନ୍‌ ଆନାମାନାନ୍‌ ମାରି ୱିଜୁ ସତ୍‍ ବିସୟ୍‌ତିଙ୍ଗ୍‌ ସୁକ୍‌ ପୟ୍‌ଜିମାନାନ୍‌, ନିଜେଦିଙ୍ଗ୍‍ଁ ଇଡ୍‍ନିକା, ନ୍ୟାୟ୍‌, ନେଗିବୁଦି ମାରି ନିୟମ୍‌ତୁପୁରା ଆନା ମାନାନ୍‌ । 
\v 9 ମା ନେଗି କାବୁର୍‌ତୁ ୱାନ୍‌ ଡାଟ୍‌ତାନ୍‌ ବିସ୍‌ବାସ୍‌ କିଜିମାନାର୍‌, ଇୟା ବାକ୍ୟ ସତ୍‌ତି ଦାର୍ମୁଦି ବୁଦି ମୁସ୍‌କୁ ଇଡ୍‌ଜି ମାରି ୱିଜୁଦାନ୍‌ ଆସାଦିଜଗ୍‌ । ଇୟା ବାକ୍ୟଦୁ ସତ୍‍ ସିକିୟାଦାନ୍‌ ଆଇୱାରିଙ୍ଗ୍‌ ୱେର୍‍ତେଙ୍ଗ୍‍ କିଦେଙ୍ଗ୍‌ ମାରି ତେନିଙ୍ଗ୍‌ ବିରଦ୍‌ କିଜିମାନି ଲୋକା ବୁଲ୍‌ତିଙ୍ଗ୍‌ ଆକ କିଦେଙ୍ଗ୍‌ ୱାନି ସାସ୍‌ ମାନାତ୍‌ ।
\p
\v 10 ଗାଦିଲୋକ୍‌, ବିସେସ୍‌ କ୍ରିସ୍ଟାନ୍‌ଦାର୍ମୁ ମାନାତିମାନି ଜିହୁଦିରି ଜୁଦ୍‌ କିଜି ତାଗ୍‌ଇ ମାଟାଦାନ୍‌ ଆଇୱାରିଙ୍ଗ୍‌ ଜାସେ କିଜିନାର୍‌ । 
\v 11 ୱାରି ୱେୟୁ ମୁକ୍‍ତେଙ୍ଗ୍‍ ଆନାତ୍‌, ଇରିଙ୍ଗ୍‌ ୱାର୍‌ ସେମାର୍‌ ଆଏଣ୍‌ଗା କେବଲ ଡାବୁଙ୍ଗ୍‌ ପୟ୍‌ନି ଇସାବ୍‌ତାନ୍‌ ତାଗ୍‌ଇ ସିକିୟା ସିଜି ନାଣ୍ତ୍‌ ଇଲୁପରିବାର୍‌ତି ଲୋଇ ଅସାନ୍ତି କିଜିନାର୍‌ । 
\v 12 କ୍ରିତିଦି ଲୋକା ବିସୟ୍‌ତାନ୍‌ ୱାରିମାଣୁକୁ ଅରେନ୍‍ ବାବବାଦି ଇର୍ହାମାନାନ୍‌ : କ୍ରିତିୟର୍‌ ୱିଜୁଦିନ୍ ମିଚ୍‌ ୱେର୍‌ନାର୍‌, ୱାର୍‌ ପାର୍ଟାନରେସ୍‌ ପସୁୱାଜା ମାରି ଗାଡ଼ିଆପେଟୁ ମାନାର୍‌ । 
\v 13 ୱାରି ଇୟା ସାକ୍ୟ ପୁରା ସତ୍‌ । ମାରି, ମିର୍‌ ଆୟାୱାଜା ଲୋକାଙ୍ଗ୍‌ ନାଣ୍ତ ଜାଗାର୍‌ତା କିଦୁ । ଆତିଙ୍ଗ୍‌ ଆୟାମାଣୁକୁ ୱାର୍‌ ନେଗି ଦାର୍ମୁ ବିସ୍‌ବାସ୍‌ତି ଉଣ୍ତିଙ୍ଗ୍‌ ଡ଼େସି ୱାନାର୍‌ । 
\v 14 ସତ୍‌ତିଙ୍ଗ୍‌ ମାନାଜିମାନି ଲୋକ୍‌ତି ନିତିନିୟମ୍‌ତିଙ୍ଗ୍‌ ମାରି ଜିହୁଦିରି ୱାର୍‌ଇ କାତେଆଙ୍ଗ୍‌ ବନ୍ଦ୍‌ କିଦେଙ୍ଗ୍‌ ୱାରିଙ୍ଗ୍ ସିକ୍‌ୟା ସିଦୁ । 
\v 15 ନେଗି ଲୋକା ଉଣ୍ତିଙ୍ଗ୍‌ ୱିଜୁନେ ପବିତ୍ର; ମାତର୍‌ ତାଗ୍‍ଇକା ଅବିସ୍‌ବାସ୍‌ସିର୍‌ ଇନି ବିସୟ୍‌ବା ପବିତ୍ରତା ମାନାଏର୍‌, ଇରିଙ୍ଗ୍‌ ୱାରି ମୋନ୍‌ ନି ବୁଦି ତାଗ୍‍ଇକା । 
\v 16 ୱାର୍‌ ମାପୁରୁଙ୍ଗ୍‌ ନେସ୍‍ତାମାନାପ୍‌ ଇଜି ମାନାନାର୍‌, ମାତର୍‌ ୱାରି ପାଣିଦାନ୍‌ ୱାନିଙ୍ଗ୍‌ ମାନାଏର୍‌; ୱାର୍‌ ଆକାର୍‍ ମାରି ତାଗ୍‌ଇକାର୍‌ ଇନି ସତ୍‍ପାଣି ପୁରା କିଦେଙ୍ଗ୍‌ ୱାର୍‌ ଜଗ୍‍ ସିଲେର୍‌ ।
\c 2
\s ସତ୍‌ତି ଦାର୍ମୁପାଣି
\p
\v 1 ମାତର୍‌ ମିର୍‌ ନେଗି ସିକିୟାଦି ନେଗି ମାଟା ୱେର୍‍ତୁ । 
\v 2 ପେରିପେରିୱାରିଙ୍ଗ୍‌ ମାନାଦେଙ୍ଗ୍‍, ବିସାର୍‌କିନି ମାରି ନିଜେଦିଙ୍ଗ୍‍ ଡାଟ୍‍ଇଡ୍‍ଦେଙ୍ଗ୍‍ ଅନୁରଦ୍‌ କିଦୁ; ୱାର୍‌ ଟିକ୍‍ ବିସ୍‌ବାସ୍‌, ଜିବନ୍‌ନୋନିକା ନି ସାସ୍‌ତାନ୍‌ ପୁରାବର୍ତି ଆପିର୍‌ । 
\v 3 ବୟ୍‌ସତି ଆଇମେକାଙ୍ଗ୍‍ଁ ପବିତ୍ର ଜିନି ମାଡ଼ିଦେଙ୍ଗ୍‌ ସିକିୟା ସିଦୁ । ୱାକୁ ଆଇ ଲୋକା ସୁରିମାଟା ୱାର୍‌ଗିମାକିୱି, କାଡ଼ୁ ଉଣିମାନୁ ଦାସ୍‍ ଆମାକିୱି । 
\v 4 ମାପୁରୁଦି ବାକ୍ୟ ଏଣ୍ତେସ୍‌ ନିଦା ଆଏତ୍‍, ଇୟାଉଣ୍ତିଙ୍ଗ୍‌ ୱାର୍‌ ଆଇଲିକାଙ୍ଗ୍‍ ନିଜେଦି କନ୍‌ଲିରିଙ୍ଗ୍‌ ମାରି କଡ଼ରିଙ୍ଗ୍‌ ଜିବନ୍‌ନୋନି ଉଣ୍ତିଙ୍ଗ୍‌ ସିକିୟା ସିଦୁ, 
\v 5 ଆର୍‌ତିଙ୍ଗ୍‌, ୱାକୁ ପବିତ୍ରତା, ନେଗି ଇଲ୍‍ତି ଆଇମା, ଦାର୍ମୁ, ମାରି ନିଜେଦି କନ୍‍ଲିଙ୍ଗ୍‍ ମାନାପିଉ, ମାଙ୍ଗିଁ ସିଆୟ୍‌ ଆତିମାନି ମାପୁରୁଦି କାବୁର୍ ବିରୁଦ୍‌ତାନ୍‌ ଏନ୍‌ ଇନି ନିଦା କିଦେଙ୍ଗ୍‌ ଆଟ୍‍ଏର୍‍ ।
\p
\v 6 ଆୟାୱାଜା ମୁରୁଲିଆଙ୍ଗ୍‌ ୱିଜୁ ବିସୟ୍‌ତାନ୍‌ ନିଜେଦିଙ୍ଗ୍ ଡାଟ୍‍ଇଡ୍‍ଦେଙ୍ଗ୍‍ ଅଜା କିଦୁ । 
\v 7 ୱିଜୁ ବିସୟ୍‌ତାନ୍‌ ସତ୍‌ପାଣି ପୁରା କିଜି ମିର୍‌ ନିଜେଦି ଜିବନ୍‌ତୁ ନେଗିକା ତର୍‌ତୁ । ନେଗିମୋନ୍‌ତାନ୍‌ ମାରି ବୁଦିଦାନ୍‌ ନେଗି ବାସାଦାନ୍‌ ସିକିୟା ସିଦୁ । 
\v 8 ଆର୍‌ତିଙ୍ଗ୍‌, ଏନ୍‌ ମିଙ୍ଗିଁ ସୁରି ୱାର୍‌ଗିଦେଙ୍ଗ୍‌ ଆଟ୍‍ଏନ୍‍ ମାରି ଏଣ୍ତେସ୍‌ ମି ସାତ୍ରୁରୁ ମା ବିରୁଦ୍‌ତାନ୍‌ ଇନି ତାଗ୍‌ଇ ମାଟା ଇନ୍‌ଡ୍ରେଙ୍ଗ୍‌ ଆଟ୍‍ଏଜି ସେମାର୍‌ ଆନାର୍‌ ।
\p
\v 9 ଦାସ୍‍କୁ ମାଲିକ୍‌କାଙ୍ଗ୍‌ ମାନାଜି ୱିଜୁ ବିସୟ୍‌ତୁ ୱାରିଙ୍ଗ୍ ସିକିୟା ସିପିର୍‌; ମାଲିକ୍‌କା ମାଟାଦିଙ୍ଗ୍‌ ଡ଼େସି ୱେର୍‌ମାକିର୍‌ । 
\v 10 ୱାର୍‌ ଡଙ୍ଗାଁ କିଏଣ୍‌ଗା, ୱିଜୁଦିନ୍ ନିଜେଦି ସାଦୁ ମାରି ବିସ୍‌ବାସ୍‌ତି ପରିଚୟ ସିପିର୍‌ । ଆର୍‌ତିଙ୍ଗ୍‌, ୱାରି ୱିଜୁ ପାଣିକିତି ୱେନ୍‌କା ମାଙ୍ଗିଁ ରକିୟାକର୍ତ୍ତା ମାପୁରୁଦି ବିସୟ୍‌ତାନ୍‌ ମା ଦାର୍ମୁ ସିକିୟାଦିଙ୍ଗ୍‌ ଗୌରବ୍‍ କିନାର୍‌ ।
\p
\v 11 ଇରିଙ୍ଗ୍‌ ୱିଜୁ ଲୋକାଙ୍ଗ୍‌ ରକିୟା ଉଣ୍ତିଙ୍ଗ୍‌ ମାପୁରୁଦି ଦୟା ୱେଙ୍ଗିଁତା ମାନାତ୍‌ । 
\v 12 ମାରି, ୱାନି ଆୟା ଦୟା ଉଣ୍ତିଙ୍ଗ୍‌ ଦାର୍ମୁସିଲିକା ମାରି ଦୁନିଆ ଆସାଦିଙ୍ଗ୍‌ ଡ଼ିସ୍‌ସି, ଇୟା ଜୁଗ୍‌ତୁ ନେଗିବୁଦି, ଦାର୍ମୁ ମାରି ଦାର୍ମୁ ୱାଜା ଜିନାଟ୍‍, 
\v 13 ମାରି ଆୟା ୱେଡ଼ିକାଦି ଆସା ମାରି ମା ପେରି ମାପୁରୁ ନି ରକିୟାକିତିକାନ୍‌ ଜିସୁ କ୍ରିସ୍ତଦି ଗୌରବ୍‍ ୱେଙ୍ଗିଁଦେଙ୍ଗ୍‌ ସୋଲ୍‌ସିନାତ୍‌, ଆୟା ଦିନ୍‌ତିଙ୍ଗ୍‌ କାପ୍‌କିଜି ମାପ୍‌ ତେବାତାମାନାପ୍‌ । 
\v 14 \x + \xo ୨:୧୪ \xo*\xt ୧ ପିତର ୨:୯.\xt*\x*ଆୟା କ୍ରିସ୍ତ ଜିସୁ ମାଙ୍ଗିଁ ୱିଜୁ ତାଗ୍‌ଇ ପାଣିଦାନ୍‌ ଡ଼ିସିସ୍‌ କିଦେଙ୍ଗ୍‌ ମାରି ନିଜେଦି ଉଣ୍ତିଙ୍ଗ୍‌ ସତ୍‌ପାଣିଦୁ ୱେଡ଼ିକାଆଜି ନିଜେଦି ଲୋକା ୱାଜା ପୁରା ନେଗେନ୍‍ କିଦେଙ୍ଗ୍‌ ମା ଉଣ୍ତିଙ୍ଗ୍‌ ନିଜେଦିଙ୍ଗ୍‌ ସିଆୟ୍‌ଆତାନ୍‌ ।
\p
\v 15 ଇୟାୱିଜୁ ବିସୟ୍‌ ଅଜା କିଦୁ ମାରି ମି ପୁରା ଡାଟ୍‌ତାନ୍‌ ଲୋକାଙ୍ଗ୍‌ ୱେଡ଼ିକା କିଦୁ । ୱାରିଙ୍ଗ୍ ୱେର୍‍ସି ଜାଗ୍‌ରାତା କିଦୁ, ମିଙ୍ଗିଁ ଏନ୍‌ କାଡ଼୍‍ମାକିନ୍‌ ।
\c 3
\s କ୍ରିସ୍ଟାନ୍‌ତି ସାଲାବୁଲାନିକା
\p
\v 1 ସାସନ୍‍କିନି ମାରି ଅଦିକାର୍‌ ପୟ୍‌ତି ଲୋକା ଆଡ୍‍ଗି ମାନ୍‍ଜି ୱାରି ଆଦେସ୍‌ ମାନାଦେଙ୍ଗ୍‌ ମାରି ୱିଜୁ ସତ୍‍ପାଣିଦୁ ସାକା କିନି ଉଣ୍ତିଙ୍ଗ୍‌ ତିଆର୍‌ ଆଦେଙ୍ଗ୍‌ ମଣ୍ତ୍‌ଲିଦି ପେରିୱାରିଙ୍ଗ୍‌ ଏତ୍‌ କିବିସ୍‌କିଦୁ । 
\v 2 ଏ ନିଦା ମାଟା ୱାର୍‌ଗିଏଣ୍‌ଗା ସାନ୍ତି ମାରି ସଙ୍ଗ୍‌ତି ୱାଜା ସାଲାଦେଙ୍ଗ୍‌ ମାରି ୱିଜୁ ଲୋକା ଉଣ୍ତିଙ୍ଗ୍‌ ନେଗି ପାଣି କିଦେଙ୍ଗ୍‌ ୱାରିଙ୍ଗ୍ ଆଦେସ୍‌ ସିଦୁ । 
\v 3 ମାପ୍‌ ନିଜେ ଅର୍‍ଲେନ୍‍ ବୁଦିସିଲିକା, ମାନାଏଜି ମାରି ବାୟା ମାର୍ହାପ୍‌, ୱିଜୁ ରକମ୍‍ତି ସୁକ୍‌ବୋଗ୍‌ ମାରି ତାଗ୍‍ଇ ବିସୟ୍‌କାଙ୍ଗ୍‌ ୱିଜୁ ତେବାତା ମାର୍ହାପ୍‌; ଆକାର୍‍ ମାରି ରିସାଦାନ୍‌ ଦିନ୍‌କାଟେକିଜି ମାର୍ହାପ୍‌; ଆଇକାର୍‌ ମାଙ୍ଗିଁ କାଡ଼୍‌ଜି ମାର୍ହାର୍‌, ମାପ୍‌ ବା ୱାରିଙ୍ଗ୍ କାଡ଼୍‌ଜି ମାର୍ହାପ୍‌ । 
\v 4 ମାତର୍‌ ଏସ୍ତିୱାଲେ ମାଙ୍ଗିଁ ରକିୟାକିତି ମାପୁରୁଦି ଦୟା ମାରି ଲୋକା ଉଣ୍ତିଙ୍ଗ୍‌ ୱାନି ଜିବନ୍‌ନୋନିକା ୱେଙ୍ଗିଁତାତ୍‌ । 
\v 5 ମା ସତ୍‍ପାଣିଦି ପଲ୍‌ ୱାଜା ଇକା ଆଏତ୍‍ । କେବଲ ୱାନି ଦୟାଦାନ୍‌ ପବିତ୍ର ଆତ୍ମାଦି ମୁଟ୍‌ନିମାଣାନ୍‌ ମା ପାପ୍‌ ୱିଜୁ ନରାଇ ଆତାମାନାତ୍‌ ମାରି ମାପ୍‌ ପୁନି ଜନମ୍‍ ପୟ୍‌ଜି ରକିୟା ପୟ୍‌ତାମାନାପ୍‌ । 
\v 6 ମାଙ୍ଗିଁ ରକିୟାକିତି ପ୍ରବୁ ଜିସୁ କ୍ରିସ୍ତଦି ମାଣାନ୍‌ ଇୟାୱିଜୁ ପୁରା ଆତାମାନାତ୍‌ । ୱାନି ଉଣ୍ତିଙ୍ଗ୍‌ ମାପୁରୁ ମାଙ୍ଗିଁ ନାଣ୍ତ୍‌ଦାନ୍‌ ପବିତ୍ରଆତ୍ମା ସିତାମାନାନ୍‌ । 
\v 7 ୱାନି ଦୟାଦାନ୍‌ ମାପ୍‌ ମାପୁରୁଦି ଆଗ୍‌ଡ଼ି ଦାର୍ମୁଦୁ ମିସାଜି, ମା ଆସା ଇସାବ୍‌ତାନ୍‌ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ତୁ ସନ୍‍ଡ୍ରେଙ୍ଗ୍‍ ସାରି ପୟ୍‌ତାମାନାପ୍‌ । 
\v 8 ଇୟା ମାଟା ପୁରା ସତ୍‍ ।
\p ଇୟାୱିଜୁ ବିସୟ୍‌ ମୁସ୍‌କୁ ମିର୍‌ ନାଣ୍ତ୍‌ ଦିୟାନ୍‌ ସିଜି ବୁଜାକିନିଦେର୍‌, ଆମାକାର୍‌ ମାପୁରୁମାନୁ ବିସ୍‌ବାସ୍‌ କିନାର୍‌, ୱାର୍‌ ସତ୍‌ପାଣି କିଜି ଦିନ୍‌ କାଟେକିନିକା ମାନାତ୍‌; ୱିଜେରି ଉଣ୍ତିଙ୍ଗ୍‌ ଆମାକା ନେଗିକା, ଆୟାୱିଜୁ ପାଣିଦୁ ତେବାନିକା ମାନାତ୍‌ । 
\v 9 ମାତର୍‌ ଆର୍‌ଏ ଲାଗାଜିସାନିକା, ପୁର୍ବେଦି ଡକ୍ରାଦାଦାରି ନିର୍‌ଇ ଦର୍‌କା ଦାଡ଼ି ମାରି ସାସ୍ତ୍ର ଅସି ଆର୍‍ଏ ଜାଟି, ଆଉଲି ମାରି ଆସ୍‌ସିସାନିକା ୱିଜୁ ଡ଼ିସ୍‌ତୁ । ଇକା ଇନିକାସିଲିକା ନି ବେକାର୍‌ । 
\v 10 ଜାଟି କିଜିମାନି ଲୋକ୍‌ତିଙ୍ଗ୍‌ ରୁଣ୍ତି ଦେବେଙ୍ଗ୍‌ ଜାଗ୍‌ରାତା ମାଟା ୱେର୍‍ତୁ, ଆର୍‌ତିଙ୍ଗ୍‌ ୱାନ୍‌ ଜଦି ୱେନ୍‌ଏନ୍‌ ୱାନି ୱାଲେ ମିସାବିଡ଼୍‍ ଡ଼ିସ୍‌ସୋ ସିଦୁ । 
\v 11 ମିର୍‌ ନେସ୍‌ତିମାନିଦେର୍‌, ଇୟାୱାଜା ଲୋକ୍‌ ଏଣ୍ତେସ୍‌ ସାରିବାଣାତାମାନାନ୍‌, ୱାନି ପାଣି ମାଣାନ୍‌ ୱାନ୍‌ ନିଜେଦିଙ୍ଗ୍‌ ପାପ୍‌ ଇଜି ନିଜେ ପାର୍‌ମାଣ୍‍ କିନାନ୍‍ ।
\s ସାରାସାରି ମାଟା
\p
\v 12 \x + \xo ୩:୧୨ \xo*\xt ପ୍ରେରିତ ୨୦:୪; ଏପିସିୟ ୬:୨୧,୨୨; କଲସିୟ ୪:୭,୮; ୨ ତିମତି ୪:୧୨.\xt*\x*ନାନ୍‌ ଏସ୍ତିୱାଲେ ମି ଲାକ୍‌ତୁ ଆର୍ତ୍ତେମା ନି ତୁକିକଦିଙ୍ଗ୍‍ ପୋକ୍‌ତାନା, ନାସ୍ତିୱାଲେ ମିର୍‌ ନିକପଲିଦୁ ୱାଦେଙ୍ଗ୍ ଇଜି ସେସ୍ଟା କିଦୁ, ଇରିଙ୍ଗ୍‌ ଆବେନ୍‌ ନାନ୍‌ ପିନିକାଡ଼ା କାଟେକିଦେଙ୍ଗ୍‍ଁ ବଦା କିତାମାନା । 
\v 13 \x + \xo ୩:୧୩ \xo*\xt ପ୍ରେରିତ ୧୮:୨୪; ୧ କରିନ୍ତିୟ ୧୬:୧୨.\xt*\x*ସାସ୍ତ୍ରଗୁରୁ ଜିନା ମାରି ଆପୋଲୋଦି ବୁଲାନି ଉଣ୍ତିଙ୍ଗ୍‌ ଆମା ଆମାକା ଦର୍‌କାର୍‌, ୱିଜୁ ଉଣ୍ତା କିଜି ସିଜି, ସନିସାରିଦୁ ୱାରିଙ୍ଗ୍ ସାହାଜ୍ୟ କିଦୁ । 
\v 14 ସତ୍‌ପାଣିଦାନ୍‌ ଦିନ୍‌ କାଟେକିଜି ନିଜେ ନିଜେଦି ଆସା ପୁରା କିନି ଉଣ୍ତିଙ୍ଗ୍‌ ସିଲିସାତି ଲୋକାଙ୍ଗ୍‌ ସିକ୍‌ୟା ସିଦୁ । ୱାର୍‌ ଆର୍‍ଏ ବାସ୍‌ସୋ ମାନ୍‌ମାକିର୍‌ ।
\p
\v 15 ଇବେନୁ ନା ୱାଲେ ମାନି ୱିଜୁ ଲୋକ୍‌ ମିଙ୍ଗିଁ ନମସ୍କାର୍‌ ଜାଣେକିଜିନାର୍‌ । ୱିଜୁ ବିସ୍‌ବାସ୍‌ସିର୍‌ ବନ୍ଦୁରିଙ୍ଗ୍‌ ମା ନମସ୍କାର୍‌ ଜଣେକିଦୁ ।
\p ମାପୁରୁଦି ଦୟା ମି ୱିଜେରି ଉଣ୍ତିଙ୍ଗ୍‌ ଆପିତ୍‌ ।