\id REV - Kopo
\ide UTF-8
\h ପ୍ରକାଶିତ
\toc3 ପ୍ରକାଶିତ
\toc2 ପ୍ରକାଶିତ
\toc1 ଜୋହନତି ଉଣ୍ତିଙ୍ଗ୍‌ ପ୍ରକାଶିତ ବାକ୍ୟ
\mt2 ଯୋହନଙ୍କ ପ୍ରତି ପ୍ରକାଶିତ ବାକ୍ୟ
\mt1 ଜୋହନତି ଉଣ୍ତିଙ୍ଗ୍‌ ପ୍ରକାଶିତ ବାକ୍ୟ
\imt ପ୍ରକାଶିତ ବାକ୍ୟ ବଇ ବିସୟ୍‌ତାନ୍‌ ଏସ ମାଟା
\ip ପ୍ରକାଶିତ ବାକ୍ୟ ପୁନି ନିୟମ୍‌ତି ସାରାସାରି ବଇ ଇକା । ଇକାବା ଜୋହନତି ମାଣାନ୍‌ ଜିସୁ କ୍ରିସ୍ତଦି ଜନମ୍‌ଦି ପାକାପାକି ୯୫ ବାର୍ସେକ୍‌ଦୁ ରାସାତାମାର୍ହାତ୍‌ \xt ୧:୧\xt* । ୱାନ୍‌ ଜୋହନ ସୁସମାଚାର୍‌ତି ୱାଲେ ମୁନ୍‌ଡ୍ରି ବଇଙ୍ଗ୍‌ ବା ରାସାତାମାର୍ହାନ୍‌ ଇୟାକେଙ୍ଗ୍‌ ଆଜିନେ ୧ ଜୋହନ, ୨ ଜୋହନ, ୩ ଜୋହନ । ଜୋହନ ଆମାୱାନିଙ୍ଗ୍‌ ଜିସୁ ନାଣ୍ତ ଜିବନ୍‌ନୋଜି ମାର୍ହାନ୍‌ ଇଜି ନେସ୍‌ନାର୍‌ \xt ଜୋହନ ୧୩:୨୩\xt* । ଜୋହନ ଆଇସ୍ଲାଣ୍ତ୍‌ଦି ପାତ୍ମସ୍‌ଦୁ ମାନିୱାଲେ ରାସାତାମାର୍‌ଆନ୍‌, ଇରିଙ୍ଗ୍‌ ଜିସୁ କ୍ରିସ୍ତଦି ସୁସମାଚାର୍‌ ପ୍ରଚାର୍‌ କିନି ଉଣ୍ତିଙ୍ଗ୍‌ ୱାନିଙ୍ଗ୍‌ ଆବେନୁ ପୋକତା ମାର୍ହାର୍‌ \xt ୧:୯\xt* ।
\ip ଜିସୁଦି ୱାଜିନିଦିନ୍‌ତି ବେଡ଼ା ଲାକ୍‌ତୁ ମାନିଙ୍ଗ୍‌ ଜିସୁ କ୍ରିସ୍ତଦିମାନୁ ବିସ୍‌ବାସ୍‌ ତେବାଦେଙ୍ଗ୍‌ ପଡ଼ାନି ୱାରିଙ୍ଗ୍‌ ସାହାସ୍‌ ନି ଆସା ସିନି ଉଣ୍ତିଙ୍ଗ୍‌ ଜୋହନ ଇୟା ପ୍ରକାଶିତ ବାକ୍ୟ ରାସ୍‌ତାନ୍‌ \xt ୧:୩; ୨୨:୭\xt* । ୱାନ୍‌ ୱିଜୁ ବିସ୍‌ବାସି ମାରି ନେସ୍‌ନିୱାଜା ସାତ୍‌ଗୋଟା ମଣ୍ତଲିଆଙ୍ଗାଁ ଇକା ରାସ୍‌ନାନ୍‌ ୨-୩ ଜୋହନ ୱାନି ରାସ୍‌ନିମାନୁ ବାବବାଣି \xt ୧:୩\xt* ମାରି ୱାନ୍‌ ସୁଡ଼ୁତିମାନି ନାଣ୍ତ ସିନାଦି ବିସୟ୍‌ତାନ୍‌ ରାସ୍‌ନାନ୍‌ । ଇକା ବଇଦୁ ଏସ ବାଗ୍‌ଦୁ ପାଡ଼ିଇ ବଇଦି ବାଗ୍‌ତି ୱାଲେ ସାମାନ୍‌ ତେବାତାମାନାତ୍‌, ଜିକରିୟ \xt ୬:୧-୮\xt* ଦୁ ସୁଡ଼ୁଦୁ । ମାରି ସାତ୍‌ଗୋଟା ମରି ନି ସାତ୍‌ଗୋଟା ଡୁବାଇଙ୍ଗୁଁ ଆମାକା ମାପୁରୁ ମିସରିୟରିଙ୍ଗ୍‌ କାସ୍ଟୁ ସିନି ଉଣ୍ତିଙ୍ଗ୍‌ ଦଣ୍ତ ପୋକ୍‌ନାନ୍‌ ଯାତ୍ରା ବଇ \xt ୭:୯\xt* ।
\ip ପ୍ରକାଶିତ ବାକ୍ୟ ସାରାସାରି ମାଟା ୱେର୍‌ନାତ୍‌, ଜିସୁ ସାରାସାରି ୱେନ୍‌କା ଜିଣାନାନ୍‌ ମାରି ଆମାକାର୍‌ ୱାନିମାନୁ ଆସା ଇଡ୍‌ନାର୍‌ ୱାର୍‌ ୱିଜୁଦିନ୍‌ ୱାନିୱାଲେ ତେବାନାର୍‌ । ଇୟା ବଇ ମିଙ୍ଗିଁ ଜାଗାର୍‌ତା କିନାତ୍‌ ମାରି ଆସା ସିନାପ୍‌ ଜେ, ଜିସୁ ମାରି ଦାପ୍ରେ ମାରିଡ଼େସି ୱାଜିନାନ୍‌ ।
\iot ଇୟା ବଇଦୁ ମାନି ଏସ ମୁକିୟ ବିସୟ୍‌
\io1 ୧. ଜୋହନତି ୱେର୍‌ନିକା ମାରି ୱାନି ବବିସତ୍‌ ସୁଣିକା । \ior ୧:୧-୨୦\ior*
\io1 ୨. ଜିସୁ କ୍ରିସ୍ତଦିମାଣୁକୁ ସାତ୍‌ଗୋଟା ମଣ୍ତଲି ଉଣ୍ତିଙ୍ଗ୍‌ ଜୋହନତି କାବୁର୍‌ । \ior ୧:୧–୩:୨୨\ior*
\io1 ୩. ସାତ୍‌ଗୋଟା ଅଦ୍‌ଲିଙ୍ଗ୍‌ \ior ୪:୧–୮:୫\ior*, ସାତ୍‌ଗୋଟା ମରିଙ୍ଗ୍‌, ବିସୟ୍‌ତାନ୍‌ ୱେର୍‌ନିକା । \ior ୮:୬–୧୧:୧୯\ior*
\io1 ୪. କଡ଼ର୍‌ ମାରି ସାତ୍‌ଗୋଟା ତାଲେକ୍‌ ୱାଜା ତର୍‌ନିକାର୍‌ ସାରାସ୍‌ତି ୱାଲେ ଜୁଦ୍‌ । \ior ୧୨:୧–୧୪:୨୦\ior*
\io1 ୫. ସାତ୍‌ଗୋଟା ରିସାଦି ଡୁବାଇଦି ବିସୟ୍‌ତାନ୍‌ ୱେର୍‌ନିକା । \ior ୧୫:୧–୧୬:୧୮\ior*
\io1 ୬. ମାପୁରୁ ମୁସ୍‌କୁପୁର୍‌ତୁ ୱାନି ସାତ୍ରୁଦିଙ୍ଗ୍‌ ଜିଣାନାନ୍‌ । \ior ୧୭:୧–୨୦:୧୫\ior*
\io1 ୭. ପୁନି ମୁସ୍‌କୁପୁର୍‌ ମାରି ପୁନି ଦୁନିଆ । \ior ୨୧:୧–୨୨:୨୧\ior*
\c 1
\p
\v 1 ଆମାକା ୱିଜୁ ଦାପ୍ରେନେ ଗଟେଆଦେଙ୍ଗ୍ ସଲ୍‌ସିନାତ୍, ମାପୁରୁ ଜିସୁ କ୍ରିସ୍ତଦି ଲାକୁତୁ ୱେର୍‌ତିମାନି ତାନି ଉଡ୍ରି ଦାଡ଼ି ଇୟା ବଇଦୁ ରାସାତାମାନାତ୍ । ଆୟାୱିଜୁ ବିସ୍‌ୟ ୱାନି ଦାସରିଙ୍ଗ୍‌ ୱେର୍‍ନି ଉଣ୍ତିଙ୍ଗ୍‌ କ୍ରିସ୍ତ ଅରେନ୍‌ ମୁସ୍‌କୁପୁର୍‌ତି ଦୁତ୍‌ତିଙ୍ଗ୍ ପୋକସି ୱାନି ଦାସ୍‍ ଜୋହନତିଙ୍ଗ୍‌ ଆକା ୱେର୍‌ତାନ୍‌ । 
\v 2 ମାରି ଜୋହନ ନିଜେ ଆମାକା ୱିଜୁ ସୁଡ଼ୁତା ମାନାନ୍‌, ଆକା ଇବେନୁ ୱେର୍‌ତାମାନାନ୍ । ଇୟା ଦାଡ଼ିଦୁ ମାପୁରୁଦି ସାକ୍ୟ ମାରି ଜିସୁ କ୍ରିସ୍ତଦି ମାଡ଼ାନ୍ ୱିଙ୍ଗିଁତିମାନି ସତ୍ କାବୁର୍ ରାସାତାମାନାତ୍‌ । 
\v 3 ଆମା ଲୋକ୍‌ ଇୟା ବଇ ପୋଡ଼ାନାନ୍‌ ମାରି ଆମାକାର୍ ଇବେନୁ ୱିଙ୍ଗିଁତିମାନି ବବିସ୍ୟତ୍‌ମାଟା ୱେନ୍‌ଜି ତାନି ଆଦେସ୍‍ତାନ୍‌ ମାନାନାର୍‌, ୱାର୍‌ ଦନ୍ୟ, ଇରିଙ୍ଗ୍‌ ଆୟାୱିଜୁ ଗଟେଆନି ବେଡ଼ା ଲାକ୍‌ତୁ ୱାତାତ୍‌ନି !
\s ସାତ୍‌ଗୋଟା ମଣ୍ତଲିଙ୍ଗାଁ ନମସ୍କାର୍‌
\p
\v 4 \x + \xo ୧:୪ \xo*\xt ପ୍ରକାଶିତ ୪:୫.\xt*\x*ଜୋହନ ଆସିଆ ଦେସ୍‌ତୁ ମାନି ସାତଗୋଟା ମଣ୍ତଲିଙ୍ଗାଁ ନା ନମସ୍କାର୍ । ମାପୁରୁଦି ମାଣାନ୍‍ ଦୟା ନି ସାନ୍ତି ମି ମୁସ୍‍କୁ ଆପିତ୍‍ । ୱାନିଦିନ୍‍ତୁ, ଆଗ୍‍ଡ଼ି ମାରି ଇଲେଇତି ଜିବନ୍‌ତି ମାପୁରୁ, ୱାନି ସିଂହାସନ୍ ଆଗ୍‌ଡ଼ିରି ସାତ୍‌ଗୋଟା ଆତ୍‍ମେଙ୍ଗ୍‍ 
\v 5 ମାରି ସାତିୱାରି ମାଣୁକୁ ଆଗ୍‌ଡ଼ି ନିଙ୍ଗିଁନିକା, ବିସ୍‌ବାସ୍‌ତି ସାକି ମାରି ଦୁନିଆ ରାଜାଦିରାଜା ଜିସୁ କ୍ରିସ୍ତଦି ଦୟା ମାରି ସାନ୍ତି ମି ମୁସୁକୁ ରାପିତ୍ । ୱାନ୍‌ ମାଙ୍ଗିଁ ଜିବନ୍‌ନୋନାନ୍‌ ମାରି ୱାନି ସାତି ମାଣୁକୁ ମାଙ୍ଗିଁ ପାପ୍‌ତାନ୍‌ ରକ୍ଷା କିତାମାନ୍ । 
\v 6 \x + \xo ୧:୬ \xo*\xt ପ୍ରକାଶିତ ୫:୧୦.\xt*\x*ମାରି ୱାନି ବୁବା ମାପୁରୁଦି ରାଜିଦୁ ସେବା କିନି ଉଣ୍ତିଙ୍ଗ୍‌ ମାଙ୍ଗିଁ ଉନ୍‌ଡ୍ରେ ଜାଜକ ୱାଜା କିତାମାନାନ୍ । ୱିଜେରେ ଗୌରବ୍‌ ମାରି ପରାକ୍ରମ ୱିଜୁଦିନ୍‌ ଜିସୁ କ୍ରିସ୍ତଦି ଆପିତ୍ ! ଆମେନ୍‍ । 
\v 7 ସୁଡୁଦୁ, \x + \xo ୧:୭ \xo*\xt ମାତିଉ ୨୪:୩୦; ମାର୍କ ୧୩:୨୬; ଲୁକ ୨୧:୨୭; ୧ ତେସଲନିକିୟ ୪:୧୭; \xt*\xt ଜୋହନ ୧୯:୩୪,୩୭; \xt*\xt ମାତିଉ ୨୪:୩୦.\xt*\x*ୱାନ୍‌ ବାଦଡ଼୍‌ତାନ୍‌ ୱାଜିନାନ୍ ଦୁନିଆଦି ଲୋକୁ ୱିଜେରେ ୱାନିଙ୍ଗ୍‌ ସୁଣାର୍‍; ଇୟାୱାଜାନେ ଆମାକାର୍ ୱାନିଙ୍ଗ୍‌ ଡାକ୍‌ତା ମାର୍‌ଆର୍‌, ୱାନ୍‌ ବା ୱାନିଙ୍ଗ୍‌ ସୁଡ଼ୁଜି ତିଲାଜି ଆଡ୍‌ବାନାର୍ । ଇୟାୱିଜୁ ପୁରା ଗଟାନାତ୍ ଆମେନ୍‍ । 
\v 8 \x + \xo ୧:୮ \xo*\xt ପ୍ରକାଶିତ ୨୨:୧୩.\xt*\x*ପ୍ରବୁ ସର୍ବସାକ୍ତିମାନ୍ ମାପୁରୁ ଇଜିନାନ୍‌, “ନାନୁ ଆରାମ୍‌ ନି ସାରାସାରି,” ୱାନ୍‌ ସର୍‌ଇଦିନ୍‌ତୁ ମାର୍‌ଆନ୍‌, ଇଲେଇବା ମାନାନ୍‌, ମାରି ବବିସତ୍‌ଦୁ ୱାନାନ୍ ।
\s କ୍ରିସ୍ତ ତରାୟ୍‌ଆତାନ୍‌
\p
\v 9 ନାନୁ ଜୋହନ, ମି ଅରେନ୍‌ ତଡ଼ାନ୍, ଜିସୁଦି ସିସୁ ୱାଜା ୱାନି ଦେସ୍‌ତି ଲୋକା ମୁସ୍‌କୁ ଆଜିମାନି କାସ୍ଟୁ ସାସ୍ତି ୱାଲେ ସାସ୍‌ କିନି ଉଣ୍ତିଙ୍ଗ୍‌ ନାନ୍‌ ମି ଅରେନ୍‌ ମିସାତାମାନା । ଜିସୁ ୱେର୍‌ତିମାନି ସତ୍‌ ମାରି ମାପୁରୁଦି ସାକ୍ୟ ୱେରିନି ଉଣ୍ତିଙ୍ଗ୍‌ ନାନୁ ପାତ୍ମ ଦର୍‌ତି ତର୍‌ତାରୋ ଅତାମାର୍ହାର୍‌ । 
\v 10 ନାନ୍‌ ପ୍ରବୁଦି ନାଣ୍ତିଙ୍ଗ୍‌ ପବିତ୍ରଆତ୍ମାଦୁ ପୁଟ୍‌ତାତ୍ ମାରି ନା ୱେନ୍‌କା ବାଜା ମରି ଆଉଲି ୱାଜା ଉନ୍‌ଡ୍ରି ପେରି ବଲୁ ୱେର୍‌ଆ । 
\v 11 ଏନ୍‌ ଅରେନ୍‌ ନାଙ୍ଗିଁ ଇର୍ହାନ୍‌, “ମିର୍‌ ଆମାକା ସୁଡ଼ିଜି ମାନିଦେର୍‌, ଆକା ଉନ୍‌ଡ୍ରି ବଇଦୁ ରାସ୍‌ସୋ ଇଡୁଦୁ ମାରି ସାତ୍‌ଗୋଟା ମଣ୍ତଲିଙ୍ଗ୍‌, ଏପିସ୍‌, ସ୍ମୁର୍ଣ୍ଣା, ପର୍ଗମ, ତୁୟତିରା, ସାର୍ଦ୍ଦୀ, ଫିଲାଦେଲ୍‍ଫିଆ, ମାରି ଲାଅଦିକିଆଦି ମଣ୍ତଲିଙ୍ଗାଁ ଲାକ୍‌ତୁ ପୋକ୍‍ତୁ ।” \fig ଏସିଆ ଦେସ୍‌ତି ସାତ୍‌ଗୋଟା ମଣ୍ତଲିଙ୍ଗ୍‌ |alt="Map of seven churches in Asia" src="hk00378c.tif" size="span" copy="Horace Knowles ©" ref="୧:୧୧"\fig*
\p
\v 12 ଏନ୍‌ ନା ୱାଲେ ୱାର୍‌ଗିଜିନାନ୍, ସୁଡ଼ୁନି ଉଣ୍ତିଙ୍ଗ୍ ନାନୁ ୱେନ୍‌କା ମାରିଜିବେସ୍‌ସି ସୁଡ଼ୁତା, ସାତ୍‌ଗୋଟା ବାଙ୍ଗାଁରାମ୍ ଦିୱେଙ୍ଗ୍‌, 
\v 13 ମାରି ଆୟା ଦିୱେଙ୍ଗାଁ ନାଡ଼୍‌ମି ମନୁସ୍ୟପୁତ୍ରଦି ୱାଜା ଅରେନ୍‌ ଲୋକ୍‌ । ୱାନି ଆଙ୍ଗିଁ ପାଦାମ୍‌ ସାନ୍ଦି ଆରାଜି ମାରି ୱାନି ବକାଦୁ ଉନ୍‌ଡ୍ରି ବାଙ୍ଗାଁରାମ୍‍ତି ବେଲୁଟୁ ଦାନ୍‌ ତର୍‌ଜିମାରାତ୍‌ । 
\v 14 ୱାନି ତାଲାଦି କୁକୁଟି ବୁରୁବୁସା ନି ଅଡ଼ିନିକା ୱାଜା ଅଡ଼ିନିକା ମାରାତ୍ ମାରି ୱାନି କାଣୁକୁ ସିସୁ ୱାଜା କାସ୍‌ସିମାରେ । 
\v 15 ୱାନି ପାଦାମ୍‌କୁ ରୁଣ୍ତି ସିସୁଦୁ ପୁରା ପିତଲ୍‌କଂସ୍‌ ୱାଜା କାସ୍‌ସି ମାରାତ୍‌ ମାରି ୱାନି ୱାର୍‌ଗିନି ବଲୁ ଏରୁୱାଙ୍ଗିଁଜିନି ୱାଜା ଆଜିମାରାତ୍ । 
\v 16 ୱାନ୍‌ ୱାନି ଉଣିକିୟୁଦୁ ସାତ୍‌ଗୋଟା ସୁକେଙ୍ଗ୍ ଆସ୍‌ତାମାରାନ୍ ମାରି ୱାନି ୱେୟୁଦାନ୍‌ ଉନ୍‌ଡ୍ରି ସିକ୍‌ସିକା ରିୟାଙ୍ଗାଁଦାରାମାନି କାଣ୍ତା ସୋସି ମାର୍ହାତ୍‌ । ୱାନି ମକମ୍‌ ୱେଡ଼େରି ୱେଡ଼ା ୱାଜା ଜାୟ୍‌ମାରାତ୍ । 
\v 17 \x + \xo ୧:୧୭ \xo*\xt ପ୍ରକାଶିତ ୨:୮; ୨୨:୧୩.\xt*\x*ୱାନିଙ୍ଗ୍‌ ସୁଡ଼ୁତି ଦାପ୍ରେ ନାନୁ ସାତି ୱାଜା ୱାନି ପାଦାମ୍‌ ଆଡ୍‍ଗି ମେଡ଼େତା । ୱାନ୍‌ ୱାନି ଉଣି କିୟୁ ନା ମୁସୁକୁ ଇଡିଜି ଇର୍ହାନ୍‌, “ତିଲାମାଟ୍, ନାନୁ ଆରାମ୍‌ ନି ସେସ୍‌ । 
\v 18 ନାନ୍‌ ନିଜେ ଜିତାମାନା; ସାତାମାର୍ହାର୍‌, ମାତର୍‌ ନାନୁ ଇଲେଇ ଜୁଗ୍‌ ଜୁଗ୍‌ ଜିବନ୍‌ ତେବାନା । ସାନିକା ମାରି ପାତାଲ୍‌ତି କୁସିକାଣ୍ତି ନା କିୟୁଦୁ ମାନାତ୍ । 
\v 19 ଆଦେଙ୍ଗ୍‍ଁ ନିନ୍‌ ଆମା ୱିଜୁ ବିସୟ୍‌ ସୁଡ଼ିଜିନିଦେର୍‌ ଏମେ ୱିଜୁ ବିସୟ୍‌ ଇଲେଇ ଗଟେଆଜିନାତ୍ ମାରି ଆମାକା ୱିଜୁ ବବିସ୍ୟତ୍‍ଦୁ ଗଟେଆନାତ୍, ଆୟାୱିଜୁ ରାସ୍‍ସ ଇଡୁଦୁ । 
\v 20 ନା ଉଣିକିୟୁଦୁ ମାନି ସାତ୍‌ଗୋଟା ସୁକେଙ୍ଗ୍‌ ମାରି ଇୟା ସାତ୍‌ଗୋଟା ବାଙ୍ଗାଁରାମ୍‌ତି ଦିୱେଙ୍ଗାଁ ମାର୍‌ଗିତିମାନି ମାଟା ଆଜିନାତ୍‌, ସୁକେଙ୍ଗ୍‌ ସାତ୍‌ଗୋଟା ମଣ୍ତଲିଦି ଦେବ ଦୁତ୍‌ ମାରି ଦିୱେଙ୍ଗ୍‌ ସାତ୍‌ଗୋଟା ମଣ୍ତଲିଙ୍ଗ୍‌ ।”
\c 2
\s ଏପିସସ୍‌ ମଣ୍ତଲି ଉଣ୍ତିଙ୍ଗ୍‌ କାବୁର୍‌
\p
\v 1 ଏପିସ୍‌ ମଣ୍ତଲିଦି ଦୁତ୍‍ଦି ଲାକୁତୁ ରାସ୍‍ତୁ : ଏମେୱାନି ଉଣିକିୟୁଦୁ ସାତଗୋଟା ସୁକେଙ୍ଗ୍‌ ମାରି ଏନ୍‌ ସାତଗୋଟା ବାଙ୍ଗାଁରାମ୍‍ ଦିୱେଙ୍ଗ୍‌ ମାଣାନ୍‌କୁ ବାଟା କିନାନ୍‌, ୱାନି ଇୟା କାବୁର୍ । 
\v 2 ମି ପାଣିକିତିମାନିକା, ନାଣ୍ତକାସ୍ଟୁ ପାଣି ମାରି ସାସ୍ତି ବିସୟ୍‌ ନାନୁ ନେସ୍‌ନା । ନାନୁ ବା ନେସ୍‌ନା ଜେ, ନିନୁ ତାଗ୍‌ଇପାଣିକିନିୱାରିଙ୍ଗ୍‌ ସାସ୍‌ କିଦେଙ୍ଗ୍‌ ଆଟ୍‌ଇ । ଏମେକାର୍‌ ପ୍ରେରିତ ସିସୁ ଇଜି ନିଜେଦି ପରିଚୟ ସିନାର୍‍, ସତ୍‍ତାନ୍ ସିସୁ ଆଏର୍‌, ପରିକା କିଜି ୱାରିଙ୍ଗ୍‌ ମିଚ୍‌ୱେର୍‌ନିକାର୍‌ ଇଜି ନିନ୍‌ ପାରାମାଣ୍‌ କିତିମାନି । 
\v 3 ମାରି ନିନ୍‌ ସାସ୍‌ ଆସ୍‌ସି ମା ଉଣ୍ତିଙ୍ଗ୍‌ ଦୁଃଖକାସ୍ଟୁ ସାସ୍‌ କିତିମାନି ମାରି ନିରାସ୍‌ ଆଇ । 
\v 4 ମାତର୍‌ ନି ବିରୁଦ୍‌ତାନ୍ ନା ଇୟା ମାଟା ମାନାତ୍‌ : ମିର୍‌ ଆଗ୍‍ଡ଼ି ଏଣ୍ତେସ୍‌ ନାଙ୍ଗିଁ ଜିବନ୍‍ନୋଜି ମାରିଇଦେର୍‌, ଇଲେଇ ଆୟାୱାଜା ମାରି ଜିବନ୍‌ନୋଇଦେର୍‌ । 
\v 5 ମିଦି ଏସା ଆଡିଗିଆତା ମାନାତ୍‌, ସିନ୍ତା କିଦୁ । ପାପ୍‌ତାନ୍ ଡ଼େସିୱାଜି ଆଗ୍‌ଡ଼ିରି ୱାଜା ସତ୍‌ପାଣି କିଦୁ । ଜଦି ପାପ୍‌ତାନ୍ ଡ଼େସି ରେଇଦେର୍‌, ଆର୍‌ତିଙ୍ଗ୍‌ ନାନୁ ମି ଦିୱାଦିଙ୍ଗ୍‌ ଆଇ ବାଡିଦୁ ଅନା । 
\v 6 ମାତର୍‌ ମି ଉଣ୍ତିଙ୍ଗ୍‌ ଉନ୍‌ଡ୍ରି ବିସୟ୍‌ ମାନାତ୍‌ । ଆକା ଆଜିନାତ୍, ମାପ୍‌ ନୀକଲାୟତିୟରି ଆମା ୱିଜୁ ପାଣି କାଡ଼ିଜିନା, ନିନ୍‌ ବା ଆୟାୱିଜୁ କାଡ଼ିଜିନି ।
\p
\v 7 \x + \xo ୨:୭ \xo*\xt ପ୍ରକାଶିତ ୨୨:୨.\xt*\x*ୱେନ୍‌ଡ୍ରେଙ୍ଗ୍‌ ଗିତଣି ମାରିଙ୍ଗ୍‌, ମଣ୍ତଲିଆଙ୍ଗ୍‌ ଉଣ୍ତିଙ୍ଗ୍‌ ପବିତ୍ରଆତ୍ମା ଇନିକା ଇଜିନାତ୍, ୱେନ୍‌ଡ୍ରୁ !
\p ଏମେକାର୍‌ ଜିଣାନିକା ଲାବକିନାର୍, ନାନୁ ୱାରିଙ୍ଗ୍‌ ମାପୁରୁଦି ମୁସ୍‌କୁପୁର୍‌ତି ଡଡିଦୁ ଆସ୍ତିମାନି ଜିବନ୍‌ ମାରାତି ପଲ୍‌ ତିନି ଉଣ୍ତିଙ୍ଗ୍‌ ଅଦିକାର୍‌ ସିନା ।
\s ସ୍ମୁର୍ଣ୍ଣା ମଣ୍ତଲି ଉଣ୍ତିଙ୍ଗ୍‌ କାବୁର୍‌
\p
\v 8 \x + \xo ୨:୮ \xo*\xt ପ୍ରକାଶିତ ୧:୧୭; ୨୨:୧୩.\xt*\x*ସ୍ମୁର୍ଣ୍ଣାଦୁ ମାନି ମଣ୍ତଲିଦି ଦୁତ୍‌ଦି ଲାକୁତୁ ରାସ୍‍ତୁ : ଏନ୍‌ ଆରାମ୍‌ ନି ସାରାସାରିୱେନ୍‌କା ମାରି ଏନ୍‌ ସାତାନ୍‌ନୋ ଡ଼େସି ଜିବନ୍‌ ଆତାନ୍‌, ୱାନି ଲାକ୍‌ତୁରାନ୍‌ ଇୟା କାବୁର୍ : 
\v 9 ମି ଦୁଃକ୍‌କାସ୍ଟୁ ୱିଜୁ ନାନ୍‌ ନେସ୍‌ନା; ନାନୁ ବା ନେସ୍‌ନା ଜେ, ମିର୍‌ କାକୁର୍ତିଲୋକୁ; ମାତର୍‌ ସତ୍‍ତାନ୍ ମିର୍‌ ମାଜନ୍‌ ଲୋକ୍‌ । ଏମେକାର୍ ନିଜେଦିଙ୍ଗ୍ ଜିହୁଦି ଇଜି ଇନାର୍, ମାତର୍‌ ସତ୍‍ତୁ ଜିହୁଦିର୍ ଆଏର୍‌ ମାରି ଏମେକାର୍ ସୟତାନ୍‍ଦି ୱେନ୍‌କା ସନାର୍‌, ୱାର୍‌ ଏଣ୍ତେସ୍‌ ମିଙ୍ଗିଁ ଅପମାନ୍ କିଜି ମାଟା ଆଜିନାର୍‌, ଆକା ନାନୁ ନେସ୍‌ନା । 
\v 10 ମିର୍‌ ଏମେ ୱିଜୁ ଦୁଃକ୍‌କାସ୍ଟୁ କିଦେଙ୍ଗ୍ ସଲିସିନିଦେର୍‌, ଆୟାଉଣ୍ତିଙ୍ଗ୍‌ ତିଲାମାଟ୍ । ୱେନ୍‌ଡ୍ରୁ ! ମି ମାଣୁକୁ ଏସ ଲୋକାଙ୍ଗ୍‌ ଜଇଲ୍‌ତୁ ନିରିସି କିଜି ସୟତାନ୍ ପରିକା କିନାତ୍‌ । ମାତର୍‌ ମି ଇୟା କାସ୍ଟୁ କେବଲ୍‌ ସାଣେକ୍‌ ଦିନ୍‍ସାଦି ତେବାନାତ୍ । ଇବେନୁ ସାନିତାନିଙ୍ଗ୍ ତିୟେଲ୍‌ ମାରିଙ୍ଗ୍‌ବା, ନା ଉଣ୍ତିଙ୍ଗ୍‌ ବିସ୍‌ବାସ୍‌ ତେବାତିଙ୍ଗ୍‌, ନାନୁ ମିଙ୍ଗିଁ ଜିବନ୍‌ନାନି ଟପି ସିନା ।
\p
\v 11 \x + \xo ୨:୧୧ \xo*\xt ପ୍ରକାଶିତ ୨୦:୧୪; ୨୧:୮.\xt*\x*ୱେନ୍‌ଡ୍ରେଙ୍ଗ୍‌ ଗିତଣି ମାରିଙ୍ଗ୍‌, ମଣ୍ତଲିକାଙ୍ଗ୍ ମାପୁରୁଦି ଆତ୍ମା ଇନିକା ଇଜିନାତ୍, ୱେନ୍‌ଡ୍ରେରୁ ଏମେକାର୍ ଜିଣାଜି ଲାବକିନାର୍, ରିଜାସାନିକା ୱାରିଙ୍ଗ୍‌ ମୁଟ୍‍ତେଙ୍ଗ୍‌ ଆଟ୍ଏତ୍‌ ।
\s ପର୍ଗମ ମଣ୍ତଲି ଉଣ୍ତିଙ୍ଗ୍‌ କାବୁର୍‌
\p
\v 12 ପର୍ଗମ ମଣ୍ତଲିଦି ଦୁତ୍‌ଦି ଲାକ୍‌ତୁ ରାସ୍‍ତୁ : ଏମେୱାନି ଲାକ୍‌ତୁ ରିଆଙ୍ଗାଁଦାରାଦି କାଣ୍ତା ମାନାତ୍‌, ୱାନି ଇୟା କାବୁର୍ । 
\v 13 ନାନୁ ନେସ୍‌ନା, ମିର୍‌ ସୟତାନ୍‍ଦି ସିଂହାସନ୍ ଲାକୁତୁ ବାସାକିଜିନିଦେର୍‌ । ମାତର୍‌ ମିର୍‌ ନା ଉଣ୍ତିଙ୍ଗ୍‌ ବିସ୍‌ବାସ୍‌, ଇୟାୱାଜାନେ ସୟତାନ୍ ବାସାକିନି ଜାଗାଦୁ ଏସ୍ତିୱାଲେ ନା ଅରେନ୍‌ ବିସ୍‌ବାସ୍‌ତି ସାକିସିନି ଆନ୍ତିପାଦିଙ୍ଗ୍‌ ସାୟାମାର୍‌ଗା ଡାକ୍‌ତାର୍‌, ନାସ୍ତିୱାଲେ ବା ମି ବିସ୍‌ବାସ୍‌ ଡ଼ିସ୍‌ଇମାରିଇଦେର୍‌ । 
\v 14 ମାତର୍‌ ନି ବିରୁଦ୍‌ତାନ୍‌ ନା ଏସ ବିସୟ ଇନିକା ମାନାତ୍‌ । ଆବେନୁ ମି ୱାଲେ ମାନି ଏସ ଲୋକୁ, ବାଲାମଦି ସିକିୟାଦାନ୍‌ ବୁଲାସାଲା ଆଜିନାର୍‌ । ବାଲାମ ପୁଜାସିନି ବଗ୍‌ ତିନ୍‌ଡ୍ରେଙ୍ଗ୍‌ ମାରି ଦାରିପାଣି କିନି ଉଣ୍ତିଙ୍ଗ୍‌ ଇସ୍ରାଏଲ୍‌ତି ଲୋକାଙ୍ଗ୍‌ ୱେର୍‌ନି ଉଣ୍ତିଙ୍ଗ୍‌ ବାଲାକଦିଙ୍ଗ୍‌ ଅଜାକିତାମାରାନ୍ । 
\v 15 ଟିକ୍ ଆୟାୱାଜା ନୀକଲାୟତିୟରି ମାଟାଦି ୱେନ୍‌କା ସୋଲ୍‌ସିମାନି ଲୋକୁ ମି ଲୋଇ ମାନାର୍‌ । 
\v 16 ମି ପାପ୍‌ ଡ଼ିସ୍‍ତୁ; ସିଲେତିଙ୍ଗ୍‌ ନାନୁ ବେଗି ମି ଲାକୁତୁ ୱାଜି ନା ୱେୟୁଦାନ୍‌ ସୋସିମାନି କାଣ୍ତାଦାନ୍‌ ଆୟା ଡଙ୍ଗାର୍‍ଙ୍ଗାଁ ବିରୁଦ୍‌ତାନ୍ ଜୁଦ୍‍ କିନା ।
\p
\v 17 \x + \xo ୨:୧୭ \xo*\xt ଜୋହନ ୬:୪୮-୫୦.\xt*\x*ଏମେକାର୍ ୱେନି ଉଣ୍ତିଙ୍ଗ୍‌ ଗିତଣି ମାନାତ୍‌, ମଣ୍ତଲିଙ୍ଗାଁ ମାପୁରୁଦି ଆତ୍ମା ଇନିକା ଇଜିନାତ୍, ଆକା ୱେନ୍‌ଡ୍ରୁ । “ଏମେକାର୍ ଜିଣାନିକା ଲାବ କିନାର୍, ନାନୁ ୱାରିଙ୍ଗ୍‌ ଇଟ୍‌ତିମାନି ମାନ୍ନାଦାନ୍ ଏସ ସିନା । ୱାରି ମାଣ୍‌କୁ ୱିଜେରିଙ୍ଗ୍ ପୁନି ଦରୁ ରାସ୍‍ତିମାନି ଅଡ଼ିନି କାଲୁ ସିନା । ଆୟା ପୁନି ଦରୁ ଇନିକା, କାଲୁଦିଙ୍ଗ୍‌ ମାନାନିକାନ୍‌ ଡ଼ିସ୍‌ତିଙ୍ଗ୍‌ ଆଇକାନ୍‍ ଏନ୍‌ ଆକା ନେସ୍‌ତେଙ୍ଗ୍‌ ଆଟ୍‍ଏର୍‍ ।”
\s ତୁୟତିରା ମଣ୍ତଲି ଉଣ୍ତିଙ୍ଗ୍‌ କାବୁର୍‌
\p
\v 18 ତୁୟତିରା ମଣ୍ତଲିଦି ଦୁତ୍‌ଦି ଲାକୁତୁ ରାସ୍‍ତୁ : ଇୟା କାବୁର୍‌ ମାପୁରୁଦି ମାରିନ୍‌ଦି ଲାକୁତୁରାନ୍‌ ୱାତାମାନାତ୍ । ୱାନି କାଣୁକୁ କାସ୍‍ସିମାନି ସିସୁ ୱାଜା ମାରି ୱାନି ପାଦାମ୍‌ ଜାୟ୍‌ତି ପିତଲ୍‌ ୱାଜା । 
\v 19 ମି ପାଣିକିତିକା, ମି ଜିବନ୍‍ନୋନିକା, ବିସ୍‌ବାସ୍‌ ମି ସେବା ପାଣି ମାରି ସାସ୍‌ ନାନୁ ନେସ୍‌ନା ! ନାନୁ ବା ନେସ୍‌ନା ଜେ, ମିର୍‌ ପୁର୍ବେ ଏମେକା କିଜିମାରିଇଦେର୍‌, ଇଲେଇ ତାନିମାଣୁକୁ ନାଣ୍ତ କିଜିନିଦେର୍‌ । 
\v 20 ମାତର୍‌ ନି ବିରୁଦ୍‌ତାନ୍ ନାନୁ କେବଲ୍‌ ନିସ ଇନିକା ମାନାତ୍, ମାପୁରୁଦି କାବୁରୁଅନିତାନି ୱାଜା ନିଜେଦି ପରିଚୟ ସିଜିମାନି ଯେଜେବଲ୍ ଦର୍‌ତି ଆଇମାଦିଙ୍ଗ୍‍ ନିନ୍‌ ଜିବନ୍‌ନୋନିକା ସିତିମାନି । ବାବବାଦିନି ନା ଦାସ୍‍ରିଙ୍ଗ୍‍ ଦାରିପାଣି କିଦେଙ୍ଗ୍‌ ମାରି ଦିୟାମ୍‌କା ଲାକ୍‌ତୁ ସିଆୟ୍‌ଆତିମାନି ବଗ୍‌ ତିନ୍‌ଡ୍ରେଙ୍ଗ୍‌ ସିକିୟା ସିଜି ୱାରିଙ୍ଗ୍‌ ଆଇସାରିଦୁ ପୋକ୍‌ସିନାତ୍‌ । 
\v 21 ପାପ୍‌ଦାନ୍ ଡ଼େସିୱାନି ଉଣ୍ତିଙ୍ଗ୍‌ ନାନୁ ତାନିଙ୍ଗ୍‌ ସମୟ ସିତାମାନା, ମାତର୍‌ ୱାଦ୍‌ ନିଜେଦି ଦାରିପାଣିଦିଙ୍ଗ୍ ଡ଼ିସ୍‍ତେଙ୍ଗ୍‌ ଇଛାକିଏଜିନାତ୍ । 
\v 22 ଆଦେଙ୍ଗ୍‌ ନାନୁ ତାନିଙ୍ଗ୍‌ ମାରି ତାନି ୱାଲେ ଦାରିପାଣିଦୁ ମିସାତି ମାନି ୱିଜେରିଙ୍ଗ୍‌ ଖାଟେଲ୍‍ଦୁ ତେର୍‌ପେନା ମାରି ୱାର୍‌ ବୟଙ୍କାର୍‌ କାସ୍ଟୁ ଭୋଗ କିନାର୍ । ଜଦି ୱାର୍‌ ତାନି ୱାଲେ କିତିମାନି ଦାରିପାଣି ଉଣ୍ତିଙ୍ଗ୍‌ ଏତ୍‌ କିଏର୍‌, ଆର୍‌ତିଙ୍ଗ୍‌ ନାନୁ ଇକା ଏଣ୍ତେସ୍‌ବା କିନା । 
\v 23 ତାନି ୱେନେକା ବୁଲାନିୱାରିଙ୍ଗ୍ ବା ସାପିସ୍‌ କିନା, ଆର୍‌ତିଙ୍ଗ୍‌ ମଣ୍ତଲିଙ୍ଗ୍‌ ୱିଜୁ ନେସ୍ତେଙ୍ଗ୍ ଆଟ୍‍ନାର୍‌ ଜେ, ନାନ୍‌ ଜିବନ୍‌ତିକାୱିଜୁ ନେସ୍‌ନା, ଲୋକ୍‌ଦି ୱିଜୁ ଚିନ୍ତା ମାରି ପାଣି ନାନୁ ନେସ୍ତେଙ୍ଗ୍‍ ଆଟ୍‍ନା । ମିର୍‌ ୱିଜେରେ ଆମାକା କିତିମାନିଦେର୍‌, ଆୟା ଇସାପ୍‍ତାନ୍ ନାନୁ ମିଙ୍ଗିଁ କାସ୍ଟୁ ସିନା ।
\p
\v 24 “ମାତର୍‌ ତୁୟତିରାଦୁ ମି ଲୋଇରାନ୍‌ ଏମେକାର୍ ଇୟା ତାଗ୍‌ଇସିକ୍‌ୟା ମାନାଇଦେର୍‌ ମାରି ଆମାତାନିଙ୍ଗ୍‌ ସୟତାନ୍‌ଦି ମାର୍‌ଗିତିମାନି ଅର୍ତଦି ସିକ୍‌ୟା କିଇଦେର୍‌, ନାନୁ ୱାରି ମୁସୁକୁ ମାରି ଇନି ବଜୁ ତିଗିଜ ସିଏ । 
\v 25 ମାତର୍‌ ନାନୁ ରେଇମାନି ସାନ୍ଦି ମିଦି ଏମେକା ମାନାତ୍‌, ଆକା ଡାଟ୍‌ତାନ୍‌ ଆସ୍‍ସୋ ଇଡିଦୁ । 
\v 26 ଏମେ ଲୋକୁ ଜିଣାନାର୍ ମାରି ସାରାସାରି ୱେନ୍‌କା ସାନ୍ଧି ନା ବଦାଦାନ୍‌ ପାଣି କିନା, ନାନ୍‌ ବୁବାଦି ଲାକ୍‌ତୁରାନ୍‌ ଏମେ ଅଦିକାର୍ ପୋଇତାମାନା, ଆକା ୱାରିଙ୍ଗ୍‌ ସିନା । 
\v 27 ପୃତିବିଦି ଆଇଆଇ ଜାତିଦି ଲୋକାଙ୍ଗ୍‌ ଲୁୱା ଦଣ୍ତଦାନ୍ ସାସନ୍ କିଦେଙ୍ଗ୍ ମାରି ସିକିଲା ସାଟି ୱାଜା ଗୁଣ୍ତ୍‍ଗୁଣ୍ତା କିଦେଙ୍ଗ୍ ନାନୁ ୱାରିଙ୍ଗ୍‌ ଅଦିକାର୍ ସିନା । 
\v 28 ନାନୁ ୱାରିଙ୍ଗ୍‌ ୱିଗାପି ସୁକା ବା ଦାନ୍ କିନା ।”
\p
\v 29 ୱେନ୍‌ଡ୍ରେଙ୍ଗ୍‌ ସାକ୍ତି ମାରିଙ୍ଗ୍, ମଣ୍ତଲିଙ୍ଗାଁ ମାପୁରୁଦି ଆତ୍ମା ଇନିକା ଇଜିନାତ୍, ୱେନ୍‌ଡ୍ରୁ !
\c 3
\s ସାର୍ଦ୍ଦୀ ମଣ୍ତଲି ଉଣ୍ତିଙ୍ଗ୍‌ କାବୁର୍‌
\p
\v 1 ସାର୍ଦ୍ଦୀଦୁ ମାନି ମଣ୍ତଲିଦି ଦୁତ୍‌ଦି ଲାକ୍‌ତୁ ରାସ୍‍ତୁ, “ମାପୁରୁଦି ସାତ୍‌ଗୋଟା ଆତ୍ମା ମାରି ସାତ୍‌ଗୋଟା ସୁକେଙ୍ଗ୍ ଆସ୍ତିମାନି ଲୋକ୍‌ତିମାଡ଼ାନ୍‍କୁ ଇୟା କାବୁର୍ । ନାନୁ ମି ପାଣିକିତିକା ନେସ୍‌ନା; ମିର୍‌ ସାତିମାରିଙ୍ଗ୍‌ ବା ଜିବନ୍‌ମାନାପ୍‌ ଇଜି ୱେଙ୍ଗିଁତିମାନିଦେର୍‌ । 
\v 2 ଆଦେଙ୍ଗ୍‌ ଜାଗାର୍‌ତା ଆଦୁ ମାରି ମି ଲାକୁତୁ ଆମା ବିସୟ୍‌କୁୱିଜୁ ମାନାତ୍‌, ଆକା ପୁରାୱାଜା ମାର୍‌ଗିନି ଆଗ୍‍ଡ଼ିନେ ତାନିଙ୍ଗ୍‌ ସାକ୍ତି କିଦୁ । ଇରିଙ୍ଗ୍‌ ନାନୁ ନେସ୍‌ନା, ମି ପାଣିୱିଜୁ ମାପୁରୁଦି କାଣ୍‌ଗାଦୁ ଇୟାସାନ୍ଧି ପୁରା ଆଏତ୍‌ । 
\v 3 \x + \xo ୩:୩ \xo*\xt ମାତିଉ ୨୪:୪୩,୪୪; ଲୁକ ୧୨:୩୯,୪୦; ପ୍ରକାଶିତ ୧୬:୧୫.\xt*\x*ମିଙ୍ଗିଁ ଏମେ ସିକିୟା ସିଆୟ୍‌ଆତାମାରାତ୍‌ ମାରି ମିର୍‌ ଏମେକା ୱେରିଇମାରିଇଦେର୍‌, ଆକା ଏତ୍‌କିଜି ମାନାଦୁ ମାରି ମୋନ ବାଦ୍‌ଲେକିଦୁ । ଜଦି ଜାଗାର୍‌ତା ଆଏତିଙ୍ଗ୍, ନାନୁ ଡଙ୍ଗାଁର୍‌ଏନ୍‌ ୱାଜା ମି ଲାକୁତୁ ୱାନା । ଆକା ମିର୍‌ ନେସ୍‍ତେଙ୍ଗ୍ ଆଟ୍‍ଇଦେର୍‌ । 
\v 4 ମାତ୍ର ସାର୍ଦ୍ଦୀଦୁ ମି ଲୋଇରାନ୍‌ ଉଣା ଏସ ଲୋକ୍‌ ୱାରି ଆଙ୍ଗିଁଙ୍ଗ୍‌ ମାତ୍‌ଏର୍‌ । ୱାର୍‌ ଅଡ଼ିନିଆଙ୍ଗିଁ ଆରାଜି ନା ୱାଲେ ବୁଲାସାଲା କିନାର୍, ଇରିଙ୍ଗ୍‌ ଇୟାଉଣ୍ତିଙ୍ଗ୍‌ ୱାରି ଜୋଗ୍‌ ମାନାତ୍‌ । 
\v 5 \x + \xo ୩:୫ \xo*\xt ପ୍ରକାଶିତ ୨୦:୧୨; \xt*\xt ମାତିଉ ୧୦:୩୨; ଲୁକ ୧୨:୮.\xt*\x*ଏମେକାର୍ ଜିଣାନାର୍, ୱାର୍‌ ଇୟାୱାଜା ଅଡ଼ିନି ଆଙ୍ଗିଁଙ୍ଗ୍‌ ଆରାନାର୍ । ଜିବନ୍‌ ବଇଦାନ୍‌ ୱାରି ଦରୁ ଏସାଙ୍ଗ୍‌ବା ମାର୍‌ଗେଏତ୍, ମାରି ମା ବୁବା ମାରି ୱାନି ଦୁତ୍‍କା ଆଗ୍‌ଡ଼ି ୱାରିଙ୍ଗ୍‌ ନା ୱେନ୍‌କାୱାନିକାର୍‌ ଇଜି ନାନ୍ ମାନାନା ।
\p
\v 6 “ୱେନ୍‌ଡ୍ରେଙ୍ଗ୍‌ ଗିତଣି ମାରିଙ୍ଗ୍, ମଣ୍ତଲିଆଙ୍ଗାଁ ପବିତ୍ରଆତ୍ମା ଇନିକା ଇଜିନାତ୍, ମୋନ୍ ସିଜି ୱେନ୍‌ଡ୍ରୁ ।”
\s ଫିଲାଦେଲ୍‌ଫିଆ ମଣ୍ତଲି ଉଣ୍ତିଙ୍ଗ୍‌ କାବୁର୍‌
\p
\v 7 ଫିଲାଦେଲ୍‍ଫିଆଦୁ ମାନି ମଣ୍ତଲିଦି ଦୁତ୍‍ ଲାକୁତୁ ରାସ୍‍ତୁ : ଏନ୍‌ ୱିଜୁୱାଜା ପବିତ୍ର ନି ସତ୍‍ଦି ୱାଜା ୱାନିମାଣ୍‌କୁ ଇୟା କାବୁର୍‌ ୱେନ୍‌ଡ୍ରୁ । ୱାନି ଲାକୁତୁ ଦାଉଦଦି କୁସିକାଣ୍ତି ମାନାତ୍‌, ୱାନ୍‌ ଏମେ ସେର୍‍ଲା ରେନାନ୍, ଆଇକାନ୍‍ ଏନ୍‌ ଆକା କେର୍‌ତେଙ୍ଗ୍ ଆଟ୍‍ଏନ୍‌ ମାରି ୱାନ୍‌ ଏମେକା କେର୍‌ନାନ୍, ଆଇକାନ୍‍ ଏନ୍‌ ଆକା ରେତେଙ୍ଗ୍ ଆଟ୍‍ଏନ୍‌ । 
\v 8 ମି ପାଣି ୱିଜୁ ନାନୁ ନେସ୍‌ନା; ଇୟାସାନ୍ଧି ମି ସାକ୍ତି ମାନାତ୍‌, ଇକାବା ନେସ୍‌ନା; ମିର୍‌ ନା ସିକ୍‌ୟା ମାନାଜି ୱାତିମାନିଦେର୍‌ ମାରି ନା ଉଣ୍ତିଙ୍ଗ୍‌ ବିସ୍‌ବାସ୍‌ ମାନିଦେର୍‌ । ଆଦେଙ୍ଗ୍‌ ନାନୁ ମି ଆଗ୍‌ଡ଼ି ଉଣ୍ତ୍ରି ସେର୍‍ଲା ରେତାମାନା । ଆକା ଏନ୍‌ କେର୍‌ତେଙ୍ଗ୍ ଆଟ୍ଏନ୍‌ । 
\v 9 ୱେନ୍‌ଡ୍ରୁ ! ଏସ ଲୋକୁ ମିଚ୍‌ତାନ୍‌ ନିଜେ ନିଜେଦିଙ୍ଗ୍ ଜିହୁଦି ଇଜି ଇନାର୍, ମାତର୍‌ ସତ୍‍ତାନ୍ ଜିହୁଦିର୍‌ ଆଏର୍‌, ସୟତାନ୍‍ଦି ଆୟା ଲୋକାଙ୍ଗ୍‌ ନାନୁ ମି ପାଦାମ୍‌ ଆଡ୍‍ଗି କିନା । ନାନୁ ମିଙ୍ଗିଁ ଜିବନ୍‌ନୋନା ଇଜି ୱାର୍‌ ୱିଜେରେ ନେସ୍‌ନାର୍ । 
\v 10 ନା ଆଦେସ୍‌ ଇସାବ୍‌ତାନ୍‌ ମିର୍‌ ସାସ୍‌ଆଜି ମାନିଦେର୍‌, ଆଦେଙ୍ଗ୍‌ ପୃତିବିଦିଲୋକୁ ଲୋକାଙ୍ଗ୍‌ ପରିକା କିନି ଉଣ୍ତିଙ୍ଗ୍ ସାରା ଦୁନିଆଦୁ ଆମା କାସ୍ଟୁ ୱାଦେଙ୍ଗ୍‌ ସୋଲିସ୍‍ନାତ୍, ଆବେଟ୍‌କୁ ନାନୁ ମିଙ୍ଗିଁ ନେଗିବାଡିଦୁ ଇଡ୍‌ନା । 
\v 11 ନାନୁ ଦାପ୍ରେ ୱାଜିନା, ମି ମୁକୁଟ୍ ଏମେକା ମାନାତ୍‌, ଆକା ନେଗେନ୍ ଇଡିଦୁ, ଏଣ୍ତେସ୍‌ ଏନ୍‌ ମି ଲାକ୍‌ତୁରାନ୍, ମି ଜିଣାତି ପୁରସ୍କାର୍‌ ଡଙ୍ଗାଁକିଜଅତେଙ୍ଗ୍ ଆଟ୍ଏନ୍‌ । 
\v 12 \x + \xo ୩:୧୨ \xo*\xt ପ୍ରକାଶିତ ୨୧:୨.\xt*\x*ଜିଣାତି ଲୋକ୍‌ତିଙ୍ଗ୍‌ ନାନୁ ନା ମାପୁରୁଦି ମନ୍ଦିର୍‌ଦୁ ମୁଣ୍ତାୱାଜା ତିଆର୍‌ କିନା ମାରି ୱାନ୍‌ ମୁଡ଼ୁକେ ଆବେଟ୍‌ତାନ୍‌ ଗୁସାଦେଙ୍ଗ୍ ଆଟ୍‌ଏନ୍‌ । ନାନୁ ତାନି ମୁସୁକୁ ନା ମାପୁରୁଦି ଦରୁ ରାସ୍‍ନା । ନା ମାପୁରୁଦି ଲାକ୍‌ତୁରାନ୍‌ ମୁସ୍‌କୁପୁର୍‌ତାନ୍‌ ୱାତିମାନି ମାପୁରୁଦି ଗାଡ଼୍‌, ପୁନି ଜିରୁସାଲମ୍‌ଦି ଦରୁ ମାରି ନା ପୁନି ଦରୁ ବା ଆୟା ମୁସୁକୁ ରାସ୍‍ନା ।
\p
\v 13 ଏମେୱାନିଙ୍ଗ୍ ଗିତଣି ମାନାତ୍, ୱାନ୍‌ ମଣ୍ତଲିଆଙ୍ଗାଁ ମାପୁରୁଦି ଆତ୍ମା ଇନିକା ୱେର୍‌ସିନାତ୍, ମୋନ୍ ସିଜି ୱେନ୍‌ଡ୍ରୁ ।
\s ଲାଅଦିକିଆ ମଣ୍ତଲି ଉଣ୍ତିଙ୍ଗ୍‌ କାବୁର୍‌
\p
\v 14 ଲାଅଦିକିଆ ମଣ୍ତଲିଦୁ ମାନି ଦୁତ୍‍ଦି ଲାକ୍‌ତୁ ରାସ୍‍ତୁ : ବିସ୍‌ବାସ୍‌ ନି ସତ୍‌ ସାକି ମାରି ମାପୁରୁଦି ୱିଜୁ ତିଆର୍‌କିତିମାନି ଆରାମ୍‌ ଆୟା “ଆମେନ୍‍ଦି” ଇୟା କାବୁର୍‌ : 
\v 15 ନାନୁ ମି ପାଣିୱିଜୁ ନେସ୍‌ନା; ନିନ୍‌ ସିତିଡ଼ି ସିଲେ କି ଉସୁମ୍‌ ସିଲେ, ଇକା ନାନୁ ନେସ୍‌ନା । ନିନ୍‌ ସିତ୍‍ଡ଼ି ସିଲେତିଙ୍ଗ୍‌ ଉସୁମ୍‌ ଆତିମାରିଙ୍ଗ୍‌ ନେଗେନ୍‌ ଆତାତ୍‍ମାନ୍ଧି । 
\v 16 ମାତର୍‌ ନିନ୍‌ ସିତ୍‍ଡ଼ି ବା ଉସୁମ୍‌ ଆଏଜି ଅଡ଼ପ୍‌ ଉସୁମ୍‌ ଆତିମାନିଙ୍ଗ୍‌, ନାନୁ ନିଙ୍ଗିଁନା ୱେୟୁଦାନ୍ କାକ୍‍ନା ! 
\v 17 ମିର୍‌ ଇଜିନିଦେର୍‌; ନାନୁ ଦନି, ନାଦି ନାଣ୍ତ ସମ୍ପତି ମାନାତ୍, ନାଦି ଏମେ ୱିଜୁ ଦର୍‌କାର୍‌, ଆୟାୱିଜୁ ମାନାତ୍‌; ମାରି ସତେନେ ମିର୍‌ ଏସା ଜଗ୍‌ସିଲିକା, ମାରି ସିଲିସାତିକା, ଇକା ନେସ୍‍ଇ । ମିର୍‌ କାକୁର୍ତି, ନାଗ୍‌ଡ଼ା ମାରି କାଣାର୍ ! 
\v 18 ଆଦେଙ୍ଗ୍‌ ନାନ୍‌ ନିଙ୍ଗିଁ ଆଦେସ୍ ସିଜିନା, ଦନିଆଦେଙ୍ଗ୍ ନାମାଣୁକୁ ନେଗି ବାଙ୍ଗାଁରାମ୍‍ କଡ଼ୋଦୁ ମି ସେମାର୍‌ତି ଉଣ୍ତିଙ୍ଗ୍‌ ଡୁମ୍‌ଡାମେନ୍ଦଲଦୁ ପିଡ଼ାଗାଦେଙ୍ଗ୍ ନା ଲାକୁତୁ ଅଡ଼ିନି ୱାତିଗନ୍ଦା କଡ଼ୋଦୁ । ମାରି ସୁଣି ସାକ୍ତି ନେଗେନ୍‌ କିନି ଉଣ୍ତିଙ୍ଗ୍ କାଟିକା କଡ଼ୋଜ କାଣ୍‌ଗାଦୁ ଉସାଆ । 
\v 19 \x + \xo ୩:୧୯ \xo*\xt ଏବ୍ରି ୧୨:୬.\xt*\x*ନାନୁ ଏମେୱାରିଙ୍ଗ୍ ଜିବନ୍‌ନୋନା, ୱାରିଙ୍ଗ୍‌ ନିନ୍ଦାକିନା ମାରି ସାସ୍ତି ସିନା । ଆଦେଙ୍ଗ୍‌ ଜିବନ୍‌ତି ୱାଲେ ପାପ୍‌ ସାରିଦାନ୍ ଡ଼େସିୱାଜି ମୋନ୍‌ ବାଦ୍‌ଲେ କିଦୁ । 
\v 20 ସୁଡ଼ୁଦୁ ! ନାନୁ ଆତ୍‌ରେ ନିଲ୍‌ତାନୋ ସେର୍‌ଲାଦୁ କତ୍‌ସିନା; ଜଦି ଏନ୍‌ ନା ବଲୁ ୱେନିଜି ସେର୍‍ଲା ରେନାନ୍, ନାନ୍‌ ୱାନି ଇଲୁ ଲୋଇ ସଲ୍‌ସି ୱାନି ୱାଲେ ଉଣା ମାରି ୱାନ୍‌ ନା ୱାଲେ ଉଣାନ୍ । 
\v 21 ନାନୁ ଏଣ୍ତେସ୍‌ ଜିଣାଜି ନା ବୁବାଦି ୱାଲେ ୱାନି ସିଂହାସନ୍‍ଦୁ ବାସ୍‌ତାମାନା, ଆୟାୱାଜା ଏମେକାର୍ ଜିଣାନାର୍, ୱାନ୍‌ ୱିଜେରିଙ୍ଗ୍ ନାନୁ ଟିକ୍ ଆୟାୱାଜା ନା ସିଂହାସନ୍‍ଦୁ ନା ଲାକ୍‌ତୁ ବାସିସ୍‍କିଦେଙ୍ଗ୍ ଅଦିକାର୍‍ ସିନା ।
\p
\v 22 ୱେନ୍‌ଡ୍ରେଙ୍ଗ୍ ଗିତଣି ମାରିଙ୍ଗ୍‌, ମାପୁରୁଦି ଆତ୍ମା ମଣ୍ତଲିଙ୍ଗାଁ ଇନିକା ଇଜିନାତ୍, ୱେନ୍‌ଡ୍ରୁ ।
\c 4
\s ମୁସ୍‌କୁପୁର୍‌ତୁ ପାର୍‌ତନା
\p
\v 1 ଇୟା ବେଡ଼ାଦୁ ନାନୁ ମାରି ଉଣ୍ତ୍ରି ସିନା ସୁଡ଼ୁତା । ମୁସ୍‌କୁପୁର୍‌ତୁ ଉଣ୍ତ୍ରି ସେର୍‍ଲା ରେଆଇ ଆତାମାରାତ୍ ମାରି ମରିବାଜା ଆଉଲି ୱାଜା ଉଣ୍ତ୍ରି ୱେୟୁଦି ବଲୁଦାନ୍‌ ନାଙ୍ଗିଁ ଆଦେସ୍ ୱାତାତ୍‌; “ଇବେନୁ ନିଙ୍ଗିଁଜ ରାଆ । ତେନି ୱେନେକା ଏମେ ୱିଜୁ ଗଟାଦେଙ୍ଗ୍ ସୋଲିସ୍‍ନାତ୍, ଆକା ନାନୁ ମିଙ୍ଗିଁ ତୋରନା ।” 
\v 2 ଦାପ୍ରେ ଦାପ୍ରେ ପବିତ୍ରଆତ୍ମାଦି ମାଣାନ୍ ପୁରାଆଜି ନାନୁ ସୁଡ଼ୁତା, ମୁସ୍‌କୁପୁର୍‌ତୁ ଉନ୍‌ଡ୍ରି ସିଂହାସନ୍‍ଦୁ ଅରେନ୍‌ ଏନ୍‌ ବାସ୍‌ତାମାନାନ୍ । 
\v 3 ୱାନି ମୋକମ୍ ହିରା ମାରି ମୋତି ୱାଜା ଚକ୍‍ମକ୍‌ ଆଜିମାରାତ୍ ମାରି ସିଂହାସନ୍‌ଦିଙ୍ଗ୍‌ ପାସ୍‌ରିକାଦି ହିରାକାଲୁ ୱାଜା ଉନ୍‌ଡ୍ରି ଇନ୍ଦ୍ରଦନୁ କେରେପ୍‌ତା ମାରାତ୍ । 
\v 4 ମାରି ସିଂହାସନ୍‍ଦି ସାରିବେଡ଼ିତି ଗୁଡ଼ୁବେଲିଆଜିମାନି ଆଇ ଚବିସ୍‍ଗୋଟା ସିଂହାସନ୍‍ଦୁ ଚବିସ ଲୋକୁ ପେରି ମଣ୍ତଲିନେତାର୍ ବାସ୍‌ତାମାରାର୍ । ୱାର୍‌ ଅଡ଼ିନି ଆଙ୍ଗିଁ ଆରାତାମାରାର୍ ମାରି ୱାରି ତାଲେକା ମୁସ୍‌କୁ ବାଙ୍ଗାଁରାମ୍‌ତି ଟପି । 
\v 5 \x + \xo ୪:୫ \xo*\xt ପ୍ରକାଶିତ ୮:୫; ୧୧:୧୯; ୧୬:୧୮; \xt*\xt ପ୍ରକାଶିତ ୧:୪.\xt*\x*ସିଂହାସନ୍‌ଦାନ୍‌ ଲାଇନ୍‌ତି ଜାୟ୍‌, ଆଇଆଇ ବଲୁ ମାରି ବାଦଡ଼ତି ଆଉଲି ୱାଜିମାରାତ୍ । ସିଂହାସନ୍‌ଦି ଆଗିଡ଼ି ମାପୁରୁଦି ସାତଗୋଟା ଆତ୍ମାଏଙ୍ଗାଦି ସାତ୍‌ଗୋଟା ଦିୱେଙ୍ଗ୍ କାସ୍‌ସିମାରେଏ । 
\v 6 ମାରି ସିଂହାସନ୍ ଆଗ୍‌ଡ଼ି ଇର୍ସିକା ୱାଜା ଉନ୍‌ଡ୍ରି ନେଗି ସାମୁଦୁର୍ ତର୍‌ଜିମାରାତ୍ । ସିଂହାସନ୍‌ଦିଙ୍ଗ୍‌ ରିଆଙ୍ଗାଁ ତରିନ୍‌ କାପ୍‌କିଜି ତେବାଜିମାରାର୍‌ ନାଲ୍‌ଗି ଜାତୁ; ୱାରି ମେନ୍ଦଲ୍‌ତି ନାଡ଼ିମିସାନ୍ଧି ମାରି ୱେନ୍‌କା କାଣୁକୁ ପୁରାବର୍ତି ମାରାତ୍‌ । 
\v 7 ଆଗ୍‌ଡ଼ିରି ଜାତୁ ପାର୍ଟାନରେସ୍‌ ୱାଜା ତର୍‌ଜିମାରାତ୍; ମାରିଉନ୍‌ଡ୍ରି ଷଣ୍ତଡ଼ାନ୍‌ ୱାଜା ତର୍‌ଜିମାରାତ୍ । ମାରିଉନ୍‌ଡ୍ରି ମୋକମ୍ ଲୋକାଦି ମୋକମ୍‌ ୱାଜା ମାରାତ୍ ମାରିଉନ୍‌ଡ୍ରି ଇମିନି ଡେଗା ପଟି ୱାଜା ତର୍‌ଜିମାରାତ୍ । 
\v 8 ୱିଜୁ ଜାତୁଦି ସୋଅଗୋଟାଲାକା ରେକେଙ୍ଗ୍‌ ମାରେଏ ମାରି ୱାନିକା ଆତ୍‌ରେ ମାରି ଲୋଇ ବା କାଣୁକୁ ପୁରାବର୍ତି ମାରାତ୍‌ । ୱାକୁ ନାଡ଼ା ୱେଡ଼େ, ରମ୍‌ଏଣ୍‌ଗା ପାଟା ପାରିଜିମାରେଏ :
\q1 “ପବିତ୍ର, ପବିତ୍ର, ପବିତ୍ର, ସର୍ବସାକ୍ତିମାନ୍ ପ୍ରବୁ ମାପୁରୁ !
\q2 ପୁର୍ବେଦାନ୍‌ ଇଲେସାନ୍ଦି ଏନ୍‌ ୱିଜୁଦିନ୍‌ ମାନାନ୍‌ ମାରି ଉନ୍‌ଡ୍ରି ଦେବା ୱାନ୍‌ ୱାନାନ୍‌ ।”
\p
\v 9 ଜାତୁଙ୍ଗ୍‌ ସିଂହାସନ୍‍ଦୁ ବାସ୍‌ତିମାନି ଆୟା ୱିଜୁଦିନ୍ ମାନି ଲୋକ୍‌ତିଙ୍ଗ୍‌ ଗୌରବ୍‍, ସମ୍ଭ୍ରମ ମାରି ଧନ୍ୟବାଦ ସିଜି ୱାରି ଆରାଦନା ପାଟା କିଜିମାନି ବେଡ଼ାଦୁ 
\v 10 ନାସ୍ତିୱାଲେ ୨୪ ଲୋକୁ ପେରି ନେତାର୍ ୱିଜୁଦିନ୍ ମାନି ମାପୁରୁଦି ସିଂହାସନ୍ ଆଗ୍‌ଡ଼ି ମେଣ୍ତେଙ୍ଗ୍‌ ଗଟ୍‌କିଜି ୱାନି ଆରାଧନା କିଦେଙ୍ଗ୍‌ ଆସ୍‌ତାର୍‌ । ମାରି ସିଂହାସନ୍ ଆଡ୍‍ଗି ନିଜେ ନିଜେଦି ମୁକୁଟ୍ ଇଡ୍‌ଜି ଇର୍ହାର୍‌ :
\q1
\v 11 “ଏ ମା ପ୍ରବୁ ମାପୁରୁ ! ନିନୁ ନେ ଗୌରବ୍‍,
\q2 ସମ୍ଭ୍ରମ ମାରି ସାକ୍ତି ପୋଇଦେଙ୍ଗ୍‌ ଜଗ୍‌ ମାନି, ଇରିଙ୍ଗ୍‌,
\q1 ନିନୁ ୱିଜୁ ବିସୟ ତିଆର୍‌ କିତିମାନି,
\q2 ମାରି ନିଜେଦି ବଦାଦାନ୍ ଆୟା ୱିଜେରିଙ୍ଗ୍‌ ପେଡ଼େନ୍‌ ସିତିମାନି, ଲୋକାଙ୍ଗ୍‌ ଜିବନ୍‌ କିତିମାନି ।”
\c 5
\s ବଇ ମାରି ମେଣ୍ତାପିଲା
\p
\v 1 ସିଂହାସନ୍‌ଦୁ ବାସ୍‌ତିମାନି ଲୋକ୍‌ତି ଉଣିକିୟୁଦୁ ନାନୁ ଉନ୍‌ଡ୍ରି ପାଡ଼ିଇକା ବଇ ସୁଡ଼ୁତା; ତାନି ରିଆଙ୍ଗାଁ ତରିନ୍‌ ରାସାତାମାରାତ୍ ମାରି ସାତ୍‌ଗୋଟା ସିଲ୍‌ ଆଜି ଆକା ଟାପ୍‍ ଆତାମାରାତ୍ । 
\v 2 ମାରି ନାନୁ ସୁଡ଼ୁତା, ଅରେନ୍‌ ନାଣ୍ତସାକ୍ତିମାନି ମୁସ୍‌କୁର୍‌ତି ଦୁତ୍‍ ନାଣ୍ତଆଉଲିଦାନ୍ ୱେର୍‌ସି ଇଜିନାନ୍‌ : “ସିଲ୍‌ଆତିକେଙ୍ଗ୍‌ୱିଜୁ ରୁକୁସି ଇୟା ବଇ କୁତିନି ଉଣ୍ତିଙ୍ଗ୍‌ ଏନ୍‌ ଜଗ୍‌ ଲୋକୁ ମାରିଙ୍ଗ୍‌, ସୋସ ରାଦୁ ।” 
\v 3 ମାତର୍‌ ଆୟା ବଇ କୁତିସି ଆବେନ୍‌ ଇନିକା ରାସାତାମାନାତ୍, ଆକା ପଡ଼ାଦେଙ୍ଗ୍‌ ମୁସ୍‌କୁପୁର୍‌ତୁ, ଦୁନିଆଦୁ ମାରି ପାତାଲ୍‌ତୁ ଏନ୍‌ ସୋତେଙ୍ଗ୍ ଆଟ୍ଏତାର୍ । 
\v 4 ବଇ କୁତ୍‌ସୋ ଆବେନୁ ଇନିକା ରାସାତାମାନାତ୍‌, ପଡ଼ାନି ଉଣ୍ତିଙ୍ଗ୍‌ ଏନ୍‌ ଅରେନ୍‌ବା ଜଗ୍‌ ଲୋକୁ ତର୍‌ଇତିଙ୍ଗ୍‌, ନାନ୍‌ ନିରାସ୍‌ ଆଜି ଆଡ଼୍‌ବାଦେଙ୍ଗ୍ ଆସ୍ତା । 
\v 5 ତାନିୱେନେକା ପେରିନେତାରି ମାଣ୍‌କୁ ଅରେନ୍‌ ନାଙ୍ଗିଁ ଆଲ୍‌ଜ ମାନ୍‌ଆ ଇଜି ଇର୍ହାନ୍‌, “ଆଡ଼୍‌ବାମା, ସୁଡ଼ୁଆ ! ଦାଉଦଦି ପେରି କୁଟୁମ୍‌, ଯିହୁଦା କୁଟୁମ୍‍ତି ପାର୍ଟାନରେସ୍‌ ଜିଣାଜି ୱାତାମାନାନ୍‌; ୱାନ୍‌ ଇୟା ସାତଗୋଟା ସିଲ୍‌ଆତିକେଙ୍ଗ୍‌ ରୁକୁସି ବଇ କୁତେଙ୍ଗ୍ ଆଟ୍‍ନାନ୍ ।”
\p
\v 6 ତାନିୱେନେକା ସିଂହାସନ୍‌ଦି ନାଡ଼ିମିଜାଗାଦୁ ନାଲିଗି ଜାତୁଙ୍ଗ୍‌ ମାରି ପେରି ନେତାରି ଲାକ୍‌ତୁ ଉନ୍‌ଡ୍ରି ମେଣ୍ତାପିଲାଦିଙ୍ଗ୍‌ ନିରିଇମାନିକା ସୁଡ଼ୁତା । ମେଣ୍ତାପିଲା ସାତିମାନି ୱାଜା ତର୍‌ଜିମାରାତ୍ । ତାନିଙ୍ଗ୍‌ ସାତଗୋଟା କମୁକୁ ମାରି ସାତଗୋଟା କାଣୁକୁ ମାରେଏ । ଆୟା କାଣୁକୁ ସାରା ଦୁନିଆଦୁ ପୋକ୍‍ତିମାନି ମାପୁରୁଦି ସାତଗୋଟା ଆତ୍ମେଙ୍ଗ୍‍ । 
\v 7 ମେଣ୍ତାପିଲା ସିଂହାସନ୍‍ଦୁ ବାସ୍ତିମାନି ଲୋକ୍‌ତି ଲାକୁତୁ ସଲସି ୱାନି ଉଣିକିୟୁଦାନ୍ ଆୟା ବଇ ଅତାନ୍‌ । 
\v 8 ୱାନ୍‌ ଇୟା ବଇ ଅନି ଦାପ୍ରେ ନାଲିଗି ଜାତୁଙ୍ଗ୍‌ ମାରି କଡ଼େ ନାଲିଗି ଲୋକୁ ପେରି ନେତାର୍‌ ମେଣ୍ତାପିଲାଦି ଆଗ୍‌ଡ଼ି ମେଣ୍ତେଙ୍ଗ୍‌ ଗଟ୍‌କିଜି ମାଡ଼ିସ୍‌ କିତାର୍‌ । ୱିଜେରି କିୟୁଦୁ ଉନ୍‌ଡ୍ରି ଉନ୍‌ଡ୍ରି ଟଇଲା ମାରି ମାପୁରୁଦି ସେବାକିନିୱାରି ପାର୍‌ତନାୱାଜା ଦୁପୁଣିଦାନ୍‌ ପୁରାବର୍ତି ଉନ୍‌ଡ୍ରି ବାଙ୍ଗାଁରାମ୍‍ତି ଡୁବାଇ ମାରାତ୍ । 
\v 9 ୱାର୍‌ ଉନ୍‌ଡ୍ରି ପୁନି ପାଟା ପାରିଜିମାର୍ହାର୍‌ :
\q1 “ବଇ ମାନାଜି ତାନି ସିଲ୍‍
\q2 ଆତିକେଙ୍ଗ୍‌ ରୁକୁତେଙ୍ଗ୍‌ ମିର୍‌ ନେ ଜୋଗ୍‍ :
\q2 ଇରିଙ୍ଗ୍‌ ନିନୁ ସାତିମାର୍‌ଇ ମାରି ନି ସାତିମାଡ଼ାନ୍, ୱିଜୁ କୁଟୁମ୍‌, ବାସାବାଦି, ଦେସ୍ ମାରି
\q2 ଜାତି ମାଡ଼ାନ୍‍କୁ ମାପୁରୁଦି ଉଣ୍ତିଙ୍ଗ୍ ଲୋକାଙ୍ଗ୍‌ କଟି ମାନି ।
\q1
\v 10 \x + \xo ୫:୧୦ \xo*\xt ପ୍ରକାଶିତ ୧:୬.\xt*\x*ମାରି ମାପୁରୁଦି ସେବା କିନି ଉଣ୍ତିଙ୍ଗ୍ ୱାରିଙ୍ଗ୍‌ ଉଡ୍ରି ଜାଜକ କୁଟୁମ୍‌ତୁ ମିସାକିତା ମାନାନ୍‌
\q2 ମାରି ୱାର୍‌ ଦୁନିଆ ମୁସୁକୁ ସାସନ୍‌ କିନାର୍ ।”
\p
\v 11 ନାନୁ ମାରି ମାରିଜି ସୁଡ଼ୁତା, ହଜାର୍ ହଜାର୍ ମାରି ଲକେ ଲକେ ମୁସ୍‌କୁପୁର୍‌ତି ଦୁତ୍‌କୁ ସିଂହାସନ୍‌ଦିଙ୍ଗ୍‌, ନାଲିଗି ଜାତୁଙ୍ଗ୍‌ ମାରି ପେରି ନେତାରିଙ୍ଗ୍ ଗେରେଆଜି ନିରାମାନାର୍‌ । 
\v 12 ୱାର୍‌ ପେରିବଲୁଦାନ୍ ଫାଟାପାର୍‌ଜି ମାର୍‌ଆର୍‌ :
\q1 “ସାତିମାନି ଆୟା ମେଣ୍ତାପିଲା ଅଦିକାର୍, ପରାକ୍ରମ,
\q2 ବୁଦ୍ଧି ମାରି ସାକ୍ତି ସମ୍ଭ୍ରମ,
\q2 ଗୌରବ୍‌ ମାରି ପ୍ରସଂସାଦି ପୋଇନି ଜୋଗ୍‌ !”
\m
\v 13 ନାସ୍ତିୱାଲେ ମୁସ୍‌କୁପୁର୍‌, ଦୁନିଆ, ପାତାଲ୍ ମାରି ସାମୁଦୁର୍ ୱିଜୁ ଜାତୁ ମାରି ସାରା ପୃତିବିଦି ୱିଜୁ ଲୋକୁ ଫାଟା ପାରିଜିମାନିକା ନାନୁ ୱେର୍‌ଆ । ୱାରୁ ପାରିଜିମାରାର୍‌ :
\q1 “ରାଜାଗାଦିଦୁ ବାସ୍ତିମାନି ଲୋକ୍‌ତି
\q2 ମାରି ୱାନି ମେଣ୍ତାପିଲାଦି ପ୍ରସଂସା କିଦୁ
\q2 ୱାନି ସମ୍ଭ୍ରମ, ଗୌରବ୍‌ ମାରି ପରାକ୍ରମ ଜୁଗ୍‌ ଜୁଗ୍‌ ଆପିତ୍ !”
\m
\v 14 ନାଲିଗି ଜାତୁଙ୍ଗ୍‌ ୱେର୍‌ସିମାରେଏ, “ଆମେନ୍‍” ମାରି ନେତାର୍‌ ମେଣ୍ତେଙ୍ଗ୍ ଗଟ୍‌କିଜି ୱାନିଙ୍ଗ୍‌ ମାଡ଼ିସ୍‌ କିତାର୍ ।
\c 6
\s ଟାପ୍‌ତି ଅର୍ତ
\p
\v 1 ତେନି ୱେନ୍‌କା ନାନୁ ସୁଡ଼ୁତା, ମେଣ୍ତାପିଲା ସାତଗୋଟା ସିଲ୍‌ଆତିମାନି ମାଣ୍‌କୁ ଆଗ୍‌ଡ଼ିରିକା ରୁକ୍‍ତାନ୍‌ ମାରି ନାଲିଗି ଜାତୁଙ୍ଗାଁ ମାଣ୍‌କୁ ଅରେନ୍‌ ନାଙ୍ଗିଁ ବାଦଡ଼ ଡିଡ଼୍‌ଜିନି ବଲୁଦାନ୍ ଇର୍ହାନ୍‌, “ରାଆ !” 
\v 2 ନାନୁ ମାର୍‌ଜି ସୁଡ଼ୁତା, ଉନ୍‌ଡ୍ରି ଅଡ଼ିନି ଗଡ଼ା, ଗଡ଼ାଦୁ ଏକ୍‌ତିମାନି କିୟୁଦୁ ଧନୁ ଆସ୍ତାମାରାନ୍‌ । ୱାନିଙ୍ଗ୍‌ ଉନ୍‌ଡ୍ରି ମୁକୁଟ୍ ସିଆୟ୍‌ଆତାତ୍ ମାରି ୱାନ୍‌ ଜିଣାନି ଉଣ୍ତିଙ୍ଗ୍‌ ସୋତାନ୍‌ ।
\p
\v 3 ତାନି ୱେନେକା ମେଣ୍ତାପିଲା ମାରିଉନ୍‌ଡ୍ରି ସିଲ୍‍ ରୁକୁତାନ୍‌ ମାରି ମାରିଉନ୍‌ଡ୍ରି ଜାତୁ ନାଙ୍ଗିଁ ଇର୍ହାତ୍‌, “ରାଆ ।” 
\v 4 ନାନୁ ସୁଡ଼ୁତା, ନେତେର୍ ରଙ୍ଗ୍‌ତି ମାରି ଉଣ୍ତ୍ରି ଗଡ଼ା । ଦେସ୍‍ତାନ୍‍ ସାନ୍ତି ଆକ କିନି ଉଣ୍ତିଙ୍ଗ୍‌ ୱାନି ସାଲାକିନିୱାନିଙ୍ଗ୍‌ଁ ଅଦିକାର୍ ପୁଟ୍‌ତାତ୍‌, ଲୋକୁ ଏଣ୍ଡେସ୍‌ ଜୁଦ୍ କିଜି ନିଜେ ନିଜେଦିଙ୍ଗ୍‌ ସାପିସ୍‌ କିଆଇଆନାର୍ ୱାନି କିୟୁଦୁ ଉନ୍‌ଡ୍ରି ପେରିକାଣ୍ତା ପୁଟ୍‌ତାତ୍‌ ।
\p
\v 5 ତାନିୱେନ୍‌କା ମେଷସାବକ ତିନି ନମ୍ୱର୍‌ତି ସିଲ୍‌ଆତିକା ରୁକୁତାନ୍ ମାରି ମାରି ଅରେନ୍‌ ଲୋକୁ ନାଙ୍ଗିଁ ଇର୍ହାନ୍‌, “ରାଆ ସୁଡ଼ୁଆ ।” କାର୍‌ନି କଲର୍‌ତି ଗଡ଼ା; ଆୟା ଗଡ଼ାସାଲାକିନିୱାନି କିୟୁଦୁ ଉନ୍‌ଡ୍ରି କେଜିଗୁଣ୍ତୁ ମାର୍ହାତ୍‌ । 
\v 6 ମାରି ନାଙ୍ଗିଁ ମନେ ଆତାତ୍ ଯେ, ନାଲିଗିୱିଜୁ ଜାତୁଙ୍ଗ୍‌ ଉନ୍‌ଡ୍ରି ବଲୁଦାନ୍ ଇଜିନାର୍‍, “ଅର୍‌ଲେଟି ବୁତି ଡାବୁଙ୍ଗ୍‌ ଉନ୍‌ଡ୍ରେ କେଜି ଗଦ୍‍ମୁ ସିଲେତିଙ୍ଗ୍‌ କାକିଜନା ପୁଟ୍‍ନାତ୍ । ମାତର୍‌ ଜିତ ମାରାନ୍‌ ମାରି ଅଙ୍ଗୁର୍‍ରସ୍‍ ଡଡିଦିଙ୍ଗ୍‌ ନାସ୍ଟୁ କିମାଟ୍ ।”
\p
\v 7 ତାନିୱେନ୍‌କା ମେଣ୍ତାପିଲା ନାଲିଗି ନମ୍ୱର୍‌ତି ସିଲ୍‌ଆତିତାନିଙ୍ଗ୍‌ ରୁକୁତାନ୍ ମାରି ନାଲିଗି ନମ୍ୱର୍‌ତି ଲୋକୁ ନାଙ୍ଗିଁ ଇର୍ହାନ୍‌, “ରାଆ !” 
\v 8 ନାନୁ ସୁଡ଼ୁତା, ଉଣ୍ତ୍ରି ସିନ୍‌ଡ୍ରା ରଙ୍ଗ୍‍ତି ଗଡ଼ା । ତାନିଙ୍ଗ୍‍ ସାଲାକିନି ଦରୁ ସାନିକା; ତାଗ୍‍ଇଦୁବା ତାନି ୱେନେକା ବୁଲାଜି ମାରାତ୍ । ଜୁଦ୍, ବାଙ୍ଗାଁ, ରୋଗ୍‌, ନୋପି, ମାରି ଗୋରତି ଜାତୁ ମୁସୁକୁ ଦାନ୍ ଦେସ୍‍ତି ଉଣ୍ତ୍ରି ନାଲ୍‍ଗି ବାଗ୍‍ତାନ୍‍ ଉଣ୍ତ୍ରି ବାଗ୍‍ ଲୋକାଙ୍ଗ୍‍ ନାଷ୍ଟୁ କିନି ଉଣ୍ତିଙ୍ଗ୍‌ ୱାରିଙ୍ଗ୍‌ ଅଦିକାର୍ ପୁଟ୍‍ତାତ୍ ।
\p
\v 9 ତାନି ୱେନେକା, ମେଷସାବକ ପାସ୍‍ଗୋଟା ସିଲ୍‍ ରୁକୁତାନ୍ ମାରି ନାନୁ ସୁଡୁତା, ଉଣ୍ତ୍ରି ବେଦି । ମାପୁରୁଦି ବାକ୍ୟ ୱେରିସି ସାକ୍ୟସିଜି ବିସ୍‌ବାସ୍‌ ତେବାନି ଉଣ୍ତିଙ୍ଗ୍‌ ସାତିମାନି ଲୋକା ଆତ୍ମାୱିଜୁ ଆୟା ବେଦି ଆଡ୍‍ଗି ରକିୟା ଆତେମାରେଏ । 
\v 10 ୱାକୁ ପେରିବଲୁଦାନ୍ ଆଉଲିକିଜି ଇଜିମାରେଏ, “ପେରି ପ୍ରବୁ ପବିତ୍ର ମାରି ସତ୍‌ ମାପୁରୁ ! ଦେସ୍‍ତୁ ଏମେକାର୍ ମାଙ୍ଗିଁ ସାପିସ୍‌ କିତାମାନାର୍‌, ୱାରିଙ୍ଗ୍‌ ବିଚାର୍‌ କିଜି ସାସ୍ତିସିଦେଙ୍ଗ୍ ମାରି ଏସ ଦିନ୍‌ ୱେଡ଼ାକିନି ?” 
\v 11 ୱାରି ମାଡ଼ାନ୍‍କୁ ୱିଜେରିଙ୍ଗ୍ ଉନ୍‌ଡ୍ରି ଲାକା ଅଡ଼ିନିଆଙ୍ଗିଁ ସିଆୟ୍‍ ଆତାତ୍‍ । ମାରି ୱାରି ସଙ୍ଗ୍‌ତି ତଡ଼ାନ୍‌କାଙ୍ଗ୍‌ ମାରି ସେବାକିନିୱାରିଙ୍ଗ୍ ଟିକ୍ ଇସାପ୍‍ତାନ୍ ସାଇ ସାନ୍ଦି ୱାରିଙ୍ଗ୍‌ ମାରି ଏସ ବେଡ଼ା କାପ୍‍କିନି ଉଣ୍ତିଙ୍ଗ୍ ଇର୍ହାର୍‌ ।
\p
\v 12 \x + \xo ୬:୧୨ \xo*\xt ପ୍ରକାଶିତ ୧୧:୧୩; ୧୬:୧୮; \xt*\xt ମାତିଉ ୨୪:୨୯; ମାର୍କ ୧୩:୨୪,୨୫; ଲୁକ ୨୧:୨୫.\xt*\x*ତାନିୱେନ୍‍କା ନାନୁ ସୁଡୁତା, ମେଷସାବକ ସୋ ସିଲ୍‍ ରୁକୁତାନ୍; ଅଟାତ୍ ପେରି ଭୁମିକମ୍ପ ଆତାତ୍ । ୱେଡ଼ା କାର୍‍ନି ରଙ୍ଗ୍‍ତି ଡୁଷା ୱାଜା ସିକାଟି ଆତାତ୍ ମାରି ଲେଜୁ ୱିଜୁ ନେତେର୍‌ ରଙ୍ଗ୍‍ ଆତାସରାତ୍ । 
\v 13 ନାଣ୍ତ ଗାଲିଦି ଦୋକାଦିଙ୍ଗ୍ ତଗା ମାରାନ୍‌ତି ପାସି ପଲ୍‌ ୱିଜୁ ଆର୍‍ନି ୱାଜା, ସୁକେଙ୍ଗ୍ ବାଦଡ଼ତାନ୍ ଦୁନିଆଦି ମୁସୁକୁ ଆର୍‍ତେ । 
\v 14 \x + \xo ୬:୧୪ \xo*\xt ପ୍ରକାଶିତ ୧୬:୨୦.\xt*\x*ଉଣ୍ତ୍ରି କାଗଜ ପର୍ଦା ଗୁଡ଼େଆନି ୱାଜା ବାଦଡ଼ ତିର୍‍ବିଜି ଅଲଗାସରାତ୍ । ଗୋରକ୍ ମାରି ସାମ୍‍ଦୁର୍‍ ଲୋଇ ମାନି ଇସ୍ରି ବାଡିଙ୍ଗ୍‍ ଗୁସାତେ ସରେ । 
\v 15 ଆୟା ବେଡ଼ାଦୁ ଦୁନିଆଦି ୱିଜେରେ, ରାଜା, ସାସକ, ବା ସେନାରି ପେରିକାନ୍‍, ମାଜନ୍‍ ମାରି ସାକ୍ତି, କଟିସାକର୍‌ ବା ସାଦାସିଦା ଲୋକୁ ୱିଜେରେ ସାରେଆଙ୍ଗ୍ ମାରି ଗୋରନ୍‌କା କାଲୁକୁ ଆଡ୍‍ଗି ସଲସି ମାର୍‌ଗିତାର୍‌ । 
\v 16 \x + \xo ୬:୧୬ \xo*\xt ଲୁକ ୨୩:୩୦.\xt*\x*ୱାର୍‌ ଗୋରକାଙ୍ଗ୍‌ ମାରି କାଲୁ ମକେକାଙ୍ଗ୍ କୁକିସି ଇଜିମାରାର୍, “ମା ମୁସୁକୁ ଆର୍‍ଦୁ ସିଂହାସନ୍‍ତୁ ବାସ୍‍ତିମାନି ଆୟା ୱାନିମାଣାନ୍‍ତି କାଣ୍‍ଗାଦାନ୍‍ ମାରି ମେଷସାବକତି ରିସାଦାନ୍ ମାଙ୍ଗିଁ ଆଡ଼କ୍‍ସ ଇଡିଆ । 
\v 17 ୱାରି ରିସାଦି ବୟଙ୍କର୍‍ ଦିନ୍‍ ଇଗା ୱାତାତ୍ । ଏନ୍‍ ଆକା ଆଙ୍ଗ୍‌ଦେଙ୍ଗ୍‌ ଆଟ୍‍ନାନ୍ ?”
\c 7
\s ୧୪୪,୦୦୦ ଇସ୍ରାଏଲ ଲୋକୁ
\p
\v 1 ତେନି ୱେନ୍‌କା ନାନୁ ସୁଡ଼ୁତା, ଦୁନିଆଦି ନାଲିଗି କନେଆଙ୍ଗାଁ ନାଲିଗି ମୁସ୍‌କୁପୁର୍‌ତି ଦୁତ୍‌କୁ ନିରେଏମାନେ ମାରି ଦୁନିଆଦି ନାଲିଗି ତରିଟାନ୍‍ ଗାଲି ସନିତାନିଙ୍ଗ୍‍ ଆଙ୍ଗିଁତେମାନେ । ଆଦେଙ୍ଗ୍‌ ଦୁନିଆ, ସାମୁଦୁରୁ ମାରି ଇନି ମାରାକ୍ ମୁସୁକୁ କାଣ୍ତେକ୍ ବା ଗାଲି ରେଏଜିମାରାତ୍ । 
\v 2 ମାରି ନାନୁ ସୁଡୁତା, ମାରି ଅରେନ୍‌ ମୁସ୍‌କୁପୁର୍‌ତି ଦୁତ୍‌ ୱିଜୁଦିନ୍ ମାନି ମାପୁରୁଦି ସିଲ୍‍ ଅସି ମକମ୍‍ତରିଟାନ୍‍ ୱାଜିନାନ୍ । ଇୟା ଦୁତ୍ ଦୁନିଆ ମାରି ସାମୁଦୁର୍‍ତିଙ୍ଗ୍‌ ନାସ୍ଟୁ କିନି ଉଣ୍ତିଙ୍ଗ୍ ମାପୁରୁ ଏମେ ନାଲ୍‍ଗି ଦୁତ୍‍କାଙ୍ଗ୍ ଅଦିକାର୍ ସିତାମାର୍ହାନ୍‌ । 
\v 3 ୱାନିକାଙ୍ଗ୍ ନାଣ୍ତ ଆଉଲିଦାନ୍ ଦୁତ୍‍ ଇର୍ହାନ୍‌, “ମାପୁ ଏମେ ସାନ୍ଦି ମାପୁରୁଦି ସେବାକିନିୱାରି କାପାଲ୍‍ତୁ ସିଲ୍‍ ଡ଼େଏପ୍‍ମାନାପ୍, ଆୟା ସାନ୍ଦି ଦୁନିଆ, ସାମୁଦୁର୍ ବା ମାରାକାଙ୍ଗ୍‌ ଇନି ନାସ୍ଟୁ କିମାଟ୍ ।” 
\v 4 ଏମେୱାରି କାପାଲ୍‍ତୁ ମାପୁରୁଦି ସିଲ୍‍ ଡ଼େଇତାର୍, ୱାରି ଇସାପ୍ ୧୪୪,୦୦୦ ଇଜି ନାନୁ ୱେର୍‍ଆ । ୱାରି ଇସାପ୍‍ତାନ୍ ୱାର୍ ଇସ୍ରାଏଲ୍‌ତି ବାର କୁଟୁମ୍‌ତି ଲୋକୁ । 
\v 5 ଯିହୁଦା କୁଟୁମ୍‍ତାନ୍ ୧୨,୦୦୦ ହଜାର୍, ରୁବେନ୍ କୁଟୁମ୍‍ତାନ୍‍ ବାରହଜାର୍, ଗାଦ୍‌ କୁଟୁମ୍‍ତାନ୍‍ ବାରହଜାର୍, 
\v 6 ଆସେର୍ କୁଟୁମ୍‍ତାନ୍ ବାରହଜାର୍, ନପ୍‍ତାଲି କୁଟୁମ୍‍ତାନ୍ ବାରହଜାର୍, ମନସି କୁଟୁମ୍‍ତାନ୍ ବାରହଜାର୍, 
\v 7 ସିମିୟନ୍ କୁଟୁମ୍‍ତାନ୍ ବାରହଜାର୍, ଲେବି କୁଟୁମ୍‍ତାନ୍ ବାରହଜାର୍, ଇସ୍‍ହାକ୍‍ତି କୁଟୁମ୍‍ତାନ୍ ବାରହଜାର୍, 
\v 8 ସବୁଲୁନ କୁଟୁମ୍‍ତାନ୍ ବାରହଜାର୍‍, ଜୋସେପ୍‌ କୁଟୁମ୍‍ତାନ୍ ବାରହଜାର୍, ବିନ୍ୟାମିନ୍ କୁଟୁମ୍‍ତାନ୍ ବାରହଜାର୍ ।
\s ନାଣ୍ତ ଲୋକୁ
\p
\v 9 ତେନିୱେନ୍‌କା ନାନୁ ସୁଡୁତା, ଉଣ୍ତ୍ରି ପେରିଦଲ୍; ୱାରି ଇସାବ୍‌ ଲେକିସ୍‍କିଦେଙ୍ଗ୍‌ ଆଏତ୍‍ । ୱାର୍‍ ୱିଜୁ ଜାତି, କୁଟୁମ୍‌, ଦେସ୍ ମାରି ଭାସାଦି ମାଡ଼ାନ୍ ୱାତାମାର୍ହାର୍‌ । ୱାର୍‍ ଅଡ଼ିନିଆଙ୍ଗିଁ ଆରାଜି ମାରି କିୟୁଦୁ କାଜିରି କମେଙ୍ଗ୍ ଆସ୍‌ସି, ସିଂହାସନ୍ ମାରି ମେଷସାବକଦି ଆଗିଡ଼ି ନିର୍ହାମାର୍ହାର୍‍ । 
\v 10 ୱାର୍‍ ପେରିବଲୁଦାନ୍ ଇଜିମାର୍ହାର୍‍, “କେବଲ୍‌ ସିଂହାସନ୍ ମୁସୁକୁ ବାସ୍‍ତିମାନି ମାପୁରୁ ମାରି ମେଷସାବକ ମା ରକିୟାକିନିକାନ୍‍ ।” 
\v 11 ସିଂହାସନ୍‍ତିଙ୍ଗ୍‌, ପେରିନେତାରିଙ୍ଗ୍ ମାରି ନାଲ୍‌ଏରିଙ୍ଗ୍ ଗେରେଆଜି ମୁସ୍‌କୁପୁର୍‌ତି ଦୁତ୍‍କୁ ନିରେଏମାର୍ହେ । ୱାକ୍ ସିଂହାସନ୍ ଆଗ୍‍ଡ଼ି ବୁମିଦୁ ମାଡ଼ିସ୍‌ କିତେ ମାରି ମାପୁରୁଦି ଆରାଦନା କିଜି, 
\v 12 ଇରେଏ “ଆମେନ୍‍ ! ପ୍ରସଂସା, ଗୌରବ୍‌, ବୁଦି, ଦନ୍ୟବାଦ୍‌, ସମ୍ଭ୍ରମି, ଅଦିକାର୍ ମାରି ସାକ୍ତି ଜୁଗ୍‌ ଜୁଗ୍‌ ମାପୁରୁଦି ଆପିତ୍, ଆମେନ୍‍ !”
\p
\v 13 ପେରିନେତାରି ମାଡ଼ାନ୍‍କୁ ଅରେନ୍‌ ନାଙ୍ଗିଁ ୱେନ୍‍ବାତାନ୍‌, “ଅଡ଼ିନିଆଙ୍ଗିଁ ଆରାତି ଆୟା ଲୋକୁ ଏର୍‍ ? ୱାର୍‌ ଏମେଟ୍‍କୁ ୱାତାମାନାର୍ ?”
\p
\v 14 \x + \xo ୭:୧୪ \xo*\xt ମାତିଉ ୨୪:୨୧; ମାର୍କ ୧୩:୧୯.\xt*\x*ନାନୁ ଇର୍‌ଆ, “ଆଜ୍ଞା ! ନାନୁ ନେସେଏ । ନିନୁ ନେସ୍‍ନିମାନି ।” ୱାନ୍‌ ନାଙ୍ଗିଁ ଇର୍ହାନ୍‌, “ଇୟା ଲୋକୁ ବେସି ତାଡ଼ନା ପୋଇଜି ୱାତାମାନାର୍ । ୱାର୍‌ ମେଷସାବକଦି ନେତେର୍‍ତାନ୍ ନିଜେ ନିଜେଦି ଆଙ୍ଗିଁଙ୍ଗ୍‍ ନର୍‌ବାଜି ସପା କିତାମାନାର୍‌ । 
\v 15 ଆୟା ଉଣ୍ତିଙ୍ଗ୍‌ ୱାର୍‌ ମାପୁରୁଦି ମନ୍ଦିର୍‍ତୁ ୱାନି ସିଂହାସନ୍ ଆଗ୍‍ଡ଼ି ନିଲିଜି ୱେଡ଼େ ନାଡ଼ା ୱାନି ଆରାଦନା କିଜିନାର୍ । ସିଂହାସନ୍‍ତୁ ବାସ୍‍ତିମାନିକାନ୍‍ ୱାରିଙ୍ଗ୍‌ ରମ୍‌ନିବାଡି ସିନାନ୍ । 
\v 16 ୱାର୍‌ ମାରି ଏସାଙ୍ଗ୍‍ବା ବାଙ୍ଗାଁ କି ଏରିକି ସାଏର୍‌ନି; ୱେଡ଼ା ତାତି ମାରି ଆଇ ଇନି ତାତି ୱାରିଙ୍ଗ୍‌ ଆଡ଼୍‍କ୍‍ତେଙ୍ଗ୍‍ କିଦେଙ୍ଗ୍ ଆଟ୍‍ଏତ୍‍ । 
\v 17 ଇରିଙ୍ଗ୍‌, ସିଂହାସନ୍ ବାସ୍‌ତିମାନି ମେଷସାବକ ୱାରି ମେଣ୍ତାଗାଉଡ଼ୁ ଆନାନ୍ । ୱାନ୍‌ ଜିବନ୍‌ ସିନି ଏର୍‍ତି ସନି ଲାକୁତୁ ୱାରିଙ୍ଗ୍‌ ସାରିଦୁ କୁକୁନାଅନାନ୍ ମାରି ମାପୁରୁ ୱାରି କାଣାଗ୍‍ଦି ୱିଜୁ କାଣେର୍‍ଙ୍ଗୁଁ ତେଲ୍‍ନାସିନାନ୍ ।”
\c 8
\s ସାତ୍‍ଗୋଟା ସିଲ୍‌ଆତିକେଙ୍ଗ୍‌
\p
\v 1 ମେଷସାବକ ସାତ୍‌ଗୋଟା ସିଲ୍‌ଆତିକେଙ୍ଗ୍‌ ରୁକିତି ଦାପ୍ରେ ମୁସ୍‌କୁପୁର୍‍ତୁ ଉଣ୍ତ୍ରି ଅଦଗଣ୍ଟା ସାନ୍ଦି ସିମ୍ରା ଆତାସରାର୍ । 
\v 2 ତାନିୱେନ୍‍କା ମାପୁରୁଦି ଆଗିଡ଼ି ନିନିମାନି ସାତ୍‌ଗୋଟା ଦୁତ୍‍କାଙ୍ଗ୍ ନାନୁ ସୁଡ଼ୁତା; ୱାନିକାଙ୍ଗ୍‌ ସାତ୍‌ଗୋଟା ମରିଙ୍ଗ୍‌ ସିଆୟ୍‍ଆତେ ।
\p
\v 3 ମାରି ଅରେନ୍‌ ଦୁତ୍‍ ଉଣ୍ତ୍ରି ବାଙ୍ଗାଁରାମ୍‍ତି ଦୁପିଣିଆଡ଼୍‌ନିକା ଅସି ବେଦି ଆଗିଡ଼ି ୱାଜି ନିରାତ୍ । ସିଂହାସନ୍ ଆଗିଡ଼ି ମାନି ବାଙ୍ଗାଁରାମ୍ ବେଦି ମୁସୁକୁ, ମାପୁରୁଦି ଲୋକା ପାର୍‍ତନାଦି ଦୁପୁଣିଦି ୱାଲେ ମିସାକିଜି ସିନି ଉଣ୍ତିଙ୍ଗ୍‌, ୱାନିଙ୍ଗ୍‌ ନାଣ୍ତ ଇସାପ୍‍ତାନ୍ ଦୁପୁଣି ସିଆୟ୍‍ଆତାତ୍‍ । 
\v 4 ଆୟା ଦୁତ୍‍ଦି କିୟୁଦୁ କାସ୍‍ସିମାନି ଦୁପୁଣିଦି ଗୋଇଦି ୱାଲେ ମାପୁରୁଦି ଲୋକା ପାର୍‍ତନାଦୁ ମିସାଜି ମୁସୁକୁ ନିଙ୍ଗିଁତାତ୍‍ । 
\v 5 \x + \xo ୮:୫ \xo*\xt ପ୍ରକାଶିତ ୧୧:୧୯; ୧୬:୧୮.\xt*\x*ତାନିୱେନ୍‍କା ଦୁତ୍‍, କାସ୍‍ନିଦୁପିଣିଦାନ୍‍ ବେଦିଦୁ ସିସୁ ବର୍ତି କିଜି ଆକା ଦୁନିଆ ମୁସୁକୁ ପୋକ୍‍ତା ସିତାତ୍ । ତେନି ଉଣ୍ତିଙ୍ଗ୍‍ ଡିଡ଼ିତାତ୍‌, ବାଦଡ଼ ମିରିସ୍‌ତାତ୍‌ ମାରି ଭୁମିକମ୍ପ ଆତାତ୍ ।
\s ମୋରିଙ୍ଗ୍‍ଁ
\p
\v 6 ତାନିୱେନ୍‍କା ସାତଗୋଟା ମୋରି ଆସ୍‍ତିମାନି ସାତଗୋଟା ଦୁତ୍‍କୁ ମରି ଉକୁତେ ତିଆର୍ ଆତେ ।
\p
\v 7 ପାର୍‍ତୁମ୍‍ ଦୁତ୍ ମୋରି ଉକୁତି ଦାପ୍ରେ ଆଣ୍ତ୍‍ରାଗା କାଲୁକୁ, ସିସୁ ମାରି ନେତେର୍‌ ଦେସ୍‍ ମୁସୁକୁ ଆର୍‍ତେ । ତେନି ୱେନେକା ୱିଜୁ ମାରାକ୍, ପାସି ଲାଟାଦି ୱାଲେ ଦୁନିଆଦି ମୁଣ୍ତ୍ରି ବାଗ୍‍ତାନ୍‍ ଉଣ୍ତ୍ରି ବାଗ୍‍ ୱେତାତ୍ ।
\p
\v 8 ତାନିୱେନ୍‍କା ମାରିଉଣ୍ତ୍ରି ଦୁତ୍‍ ତାନି ମୋରି ଉକୁନି ଦାପ୍ରେ ଗୋରନ୍‌ ୱାଜା ତର୍‍ନି ଉଣ୍ତ୍ରି ପେରି ସିସୁ ସାମୁଦୁର୍‍ତୁ ପୋକାୟାଆତାତ୍ ମାରି ସାମୁଦୁର୍ ମୁଣ୍ତ୍ରି ବାଗ୍‍ତାନ୍‍ ଉଣ୍ତ୍ରି ବାଗ୍‍ ନେତେର୍‍ ଆତା ସର୍ହାତ୍‍, 
\v 9 ସାମୁଦୁର୍‍ତି ଜିଜିମାନି ଜାତୁଙ୍ଗାଁ ମାଡ଼ାନ୍‍କୁ ମୁଣ୍ତ୍ରି ବାଗ୍‍ତାନ୍‍ ଉଣ୍ତ୍ରି ବାଗ୍‍ ସାତେସର୍‍ଏ ମାରି ସାମୁଦୁର୍‍ତୁ ମାନି ଜାହାଜ୍‍କା ମୁଣ୍ତ୍ରି ବାଗ୍‍ତାନ୍‍ ଉଣ୍ତ୍ରି ବାଗ୍‍ ଦଂସ ଆତାସର୍‍ଆତ୍‍ ।
\p
\v 10 ତାନିୱେନ୍‌କା ମୁନ୍‌ଡ୍ରି ଦୁତ୍‍ ତାନି ମୋରି ଉକୁତାତ୍‍ । ଦାପେ ଦାପେ ବାଦଡ଼ତାନ୍ ଦିୱା ନାନି ଉଣ୍ତ୍ରି ନାଣ୍ତ କାସ୍‍ନି ସୁକା ୱିଜୁ ଗାଡେଙ୍ଗାଁ ମାରି ଜଲେଙ୍ଗାଁ ମୁଣ୍ତ୍ରି ବାଗ୍‍ତାନ୍‍ ଉଣ୍ତ୍ରି ବାଗ୍‍ ମୁସୁକୁ ୱାଙ୍ଗ୍‍ଜି ଆର୍‍ତାତ୍ । 
\v 11 ଆୟା ସୁକାଦି ଦରୁ “କେୟ୍‍ନିକା ।” ଆବେଟ୍‌କୁ ଉଣି ଏରୁଦି ମୁଣ୍ତ୍ରି ବାଗ୍‍ତାନ୍‍ ଉଣ୍ତ୍ରି ବାଗ୍‍ କେୟ୍‌ତା ସର୍ହାତ୍‍ ମାରି ଆୟା ଏରୁ ଉଣିଜି ନାଣ୍ତ ଲୋକୁ ସାତାସରାର୍ ।
\p
\v 12 ତାନିୱେନ୍‌କା ନାଲିଗି ନମ୍ୱର୍‌ତି ଦୁତ୍‍ ତାନି ମୋରି ଉକୁନି ଦାପେ ଦାପେ, ୱେଡ଼ାଦି ମୁଣ୍ତ୍ରିବାଗ୍‌ତାନ୍‌ ଉଣ୍ତ୍ରିବାଗ୍‌, ଲେଜୁଦି ମୁଣ୍ତ୍ରିବାଗ୍‌ତାନ୍‌ ଉଣ୍ତ୍ରିବାଗ୍‌ ମାରି ସୁକେଙ୍ଗାଁ ମୁଣ୍ତ୍ରିବାଗ୍‌ତାନ୍‌ ଉଣ୍ତ୍ରିବାଗ୍‌ ନାସ୍ଟୁ ଆତାତ୍ । ଆଦେଙ୍ଗ୍‌ ଜାୟ୍‌ତି ମୁଣ୍ତ୍ରିବାଗ୍‌ତାନ୍‌ ଉଣ୍ତ୍ରିବାଗ୍‌ ସିକାଟି ଆତାତ୍ । ୱେଡ଼େରି ମୁଣ୍ତ୍ରିବାଗ୍‌ତାନ୍‌ ଉଣ୍ତ୍ରିବାଗ୍‌ ଜାୟ୍‌ଆଏତାତ୍‌ ମାରି ନାଡ଼ା ବା ଆୟାୱାଜା ଆତାତ୍ ।
\p
\v 13 ତାନିୱେନ୍‌କା ନାନୁ ମାର୍‌ଜି ବେସ୍‌ତା, ବାଦଡ଼ତି ବେସି ମୁସୁକୁରାନ୍ ଉଣ୍ତ୍ରି ଡେଗାପଟି ଇମିଜି ଇମିଜି ପେରିବଲୁଦାନ୍ ଇଜିନାତ୍, “ହାୟ ! ଏସା ବୟଙ୍କାର୍‌ ! ଆଇ ମୁଣ୍ତ୍ରି ଦୁତ୍‍କୁ ମରି ଉକୁନି ବେଡ଼ାଦୁ ଦୁନିଆଦି ଲୋକା ଅବସ୍ତା ଏସା କାସ୍ଟୁ ଆଏତ୍‍ ମାନାତ୍ ।”
\c 9
\p
\v 1 ତାନିୱେନ୍‌କା ପାଚ୍‌ ନମ୍ୱର୍‌ତି ଦୁତ୍‍ ମୋରି ଉକୁତାତ୍ ମାରି ନାନୁ ସୁଡ଼ୁତା, ଦାପେ ଦାପେ ବାଦଡ଼ତାନ୍ ଉଣ୍ତ୍ରି ସୁକା ଆରିଜି ଦେସ୍‍ ମୁସୁକୁ ଆର୍‌ତାତ୍‌ । ତାନିଙ୍ଗ୍‌ ପାତାଲ୍‍ପୁର୍‌ତି କୁସିକାଣ୍ତି ସିଆୟ୍‌ଆତାମାରାତ୍‌ । 
\v 2 ୱାଦ୍‌ ୱାଜି ପାତାଲ୍‍ତି ସେର୍‍ଲା ରେତିଦାପ୍ରେ ଉନ୍‌ଡ୍ରି ପେରି ବାଟିଦାନ୍‌ ସୋସିମାନି ଗୋଇ ୱାଜା ପାତାଲ୍‍ତି କୁଣ୍ତୁତାନ୍‌ ସିକାଟି ଗୋଇ ସତାତ୍ ମାରି ଆୟା ଗୋଇ ଉଣ୍ତିଙ୍ଗ୍ ୱେଡ଼ା ନି ବାଦଡ଼ ସିକାଟି ଆତାତ୍‌ । 
\v 3 ମାରି ଆୟା ଗୋଇଦାନ୍ ମାଡ଼ିମାଉକୁ ସୋସି ଦୁନିଆଦୁ ୱିଜୁ ତରିନ୍‌ ଆତେ । ୱାକ୍ ସର୍‍କୁପି ସାକ୍ତି ୱାଜା ସାକ୍ତି ସିଆୟ୍‌ଆତାତ୍‌ । 
\v 4 ଦୁନିଆଦି ଲାଟା, ମାରାକ୍ ବା ଆମାଇନି ଜିନିମାରାନ୍‌ତିଙ୍ଗ୍‌ ନାଷ୍ଟୁ କିଏଣ୍‌ଗା ଏମେୱାରି କାପାଲ୍‌ତୁ ମାପୁରୁଦି ଟାପ୍‌ତି ସିନା ସିଲେତାତ୍, କେବଲ୍‌ ଆୟାୱାରିଙ୍ଗ୍‌ କାସ୍ଟୁ ସିନି ଉଣ୍ତିଙ୍ଗ୍ ଆୟା ମାଡ଼ିମାଉକୁ ୱାତେ ମାରେଏ । 
\v 5 ମାରି ୱାରିଙ୍ଗ୍‌ ସାପିସ୍‍କିଏଣ୍‌ଗା ପାସ୍‌ଗୋଟା ଲେଜୁକୁ ସାନ୍ଦି କେବଲ୍‌ କାସ୍ଟୁ ସିଦେଙ୍ଗ୍‌ ମାଡ଼ିମାଉକୁ ଅଦିକାର୍ ପୋଇତେମାରେଏ । ସର୍‍କୁପି ଲୋକ୍‌ତିଙ୍ଗ୍‌ କାଟ୍‌ତିଙ୍ଗ୍‌ ଏଣ୍ତେସ୍‌ ୱିସାମ୍‌ ଆନାତ୍‌, ଇୟା ୱିସାମ୍ ଆୟାୱାଜା ଆନାତ୍‌ । 
\v 6 ଆୟା ବେଡ଼ାଦି ଲୋଇ କାସ୍ଟୁପୋଇନି ଲୋକୁ ସାନିତାନିଙ୍ଗ୍ ପୋ‌ୟ୍‌ନାର୍‌, ମାତର୍‌ ପୋଇଦେଙ୍ଗ୍‌ ଆଟ୍‌ଏତାର୍‌ । ୱାର୍‌ ସାଦେଙ୍ଗ୍‌ ବଦା କିନାର୍‌, ମାତର୍‌ ସାନିକା ୱାରି ଲାକ୍‌ତୁରାନ୍ ଉର୍‍କୁତାତ୍‌ ।
\p
\v 7 ମାଡ଼ିମାଉକୁୱିଜୁ ଜୁଦ୍‍କିନି ଉଣ୍ତିଙ୍ଗ୍ ତିଆର୍‌ଆତିମାନି ଗଡ଼ା ୱାଜା ତୋର୍‌ଜିମାରେ । ୱାନିକା ତାଲେକାଙ୍ଗ୍‌ ବାଙ୍ଗାଁରାମ୍‍ତି ମୁକୁଟ୍ ୱାଜା ତର୍‌ଜିମାରାତ୍ । ୱାନିକା ମୋକମ୍‌ ଲୋକା ମୋକମ୍‌ ୱାଜା, 
\v 8 ଆଇମେକା କୁକୁଟି ୱାଜା ୱାନିକା କୁକୁଟି ମାରାତ୍‌, ୱାନିକା ପାଲୁକୁ ପାର୍ଟାନରେସ୍‌ ପାଲୁକୁ ୱାଜା ମାରେଏ । 
\v 9 ତାମେ ବକାଦୁ ଲୁହା ସାଜୁ ନାନି ଇନି ଜିନିସ୍‍ ପିଡ଼ିଗିତା ମାର୍ହାତ୍‍ ମାରି ରତ ନି ଜୁଦ୍‍ବାଡିଦୁ ଉର୍‍କିସିମାନି ନାଣ୍ତ ଗଡ଼େଙ୍ଗାଁ ଆଉଲି ୱାଜା ତାମେକା ଡ଼େଣେଙ୍ଗାଁ ଆଉଲି ସୋସିମାରାତ୍ । 
\v 10 ସର୍‍କୁପିଙ୍ଗାଁ ୱାଜା ତାମେକା ତକେଙ୍ଗ୍ ମାରି ୱିସାମ୍‍ମାର୍ହାତ୍ । ଆୟା ତକାଦାନ୍‍ ପାସ୍‍ଗୋଟା ଲେଜୁକୁ ସାନ୍ଦି ଲୋକାଙ୍ଗ୍ କାସ୍ଟୁ ସିନି ଉଣ୍ତିଙ୍ଗ୍‌ ୱାକ୍ ସାକ୍ତି ପୋଇତେମାର୍‍ଏ । 
\v 11 ତାମେକା ମୁସୁକୁ ଅରେନ୍‌ ରାଜା ସାସନ୍ କିଜିନାନ୍ । ୱାନ୍‌ ପାତାଲ୍‍ତୁ ଦାୟିତଦୁ ମାନି ଅରେନ୍‌ ଦୁତ୍‍ । ଏବ୍ରି ବାସାଦାନ୍ ତାନି ଦରୁ ଆବାଦନ୍; ଗ୍ରିକ୍‌ ବାସାଦାନ୍ ଆୟା ଦରୁ ଆଜିନାତ୍, ଆପୋଲ୍ଲୀୟନ୍ । ଆମାତାନି ଦରୁ ଦଂସକିନିକାତ୍‍ ।
\p
\v 12 ସୁଡ଼ୁଦୁ, ପାର୍‍ତୁମ୍‍ କାସ୍ଟୁଦୁକ୍ ୱିଜିତା ସୋରାତ୍ । ତେନିୱେନ୍‌କା ମାରି ରୁଣ୍ତି ବୟ୍‌ଙ୍କାର୍‌ତି କାସ୍ଟୁ ୱାଜିନାତ୍ ।
\p
\v 13 ତେନିୱେନ୍‌କା ସୋଅ ନମ୍ୱର୍‌ତି ଦୁତ୍‍ ତାନି ମୋରି ଉକୁନି ଦାପେ ମାପୁରୁଦି ଆଗିଡ଼ି ମାନି ବାଙ୍ଗାଁରାମ୍ ବେଦିଦି ନାଲିଗି କନାଦାନ୍ ନାନୁ ଉଣ୍ତ୍ରି ବଲ୍‍ ୱେର୍‌ଆ । 
\v 14 ଆୟା ମରି ଆସ୍‌ତିମାନି ସୋଅ ନମ୍ୱର୍‌ତି ଦୁତ୍‍ତିଙ୍ଗ୍‌ ଆଦେସ୍‌ ସିତାତ୍‌, “ୟୁପ୍ରେଟିସ ପେରିଗାଡା ଲାକୁତୁ ବନ୍ଦି ଆତିମାନି ନାଲ୍‍ଗି ଦୁତକାଙ୍ଗ୍‌ ଡ଼ିସ୍‍ତୁ ।” 
\v 15 ଆର୍‌ତିଙ୍ଗ୍‌ ଇୟା ବାର୍ସେକ୍‌, ଲେଜୁ, ଦିନ୍‌ ମାରି ବେଡ଼ାଦୁ, ୱିଜୁ ଲୋକା ଜାତିଦି ମୁଣ୍ତ୍ରି ବାଗ୍‍ତାନ୍‍ ଉଣ୍ତ୍ରି ବାଗ୍‍ ଲୋକାଙ୍ଗ୍‌ ସାପିସ୍‍କିନି ଉଣ୍ତିଙ୍ଗ୍‌ ତିଆର୍‍ ଆଜିମାନି ଆୟା ନାଲିଗି ଦୁତ୍‍କାଙ୍ଗ୍‌ ଡ଼ିସ୍‍ତା ସିତାର୍ । 
\v 16 ମାରି ନାନୁ ସୁଡୁତା, ଉଣ୍ତ୍ରି ଦଲ୍‍ତି ଗଡ଼େଙ୍ଗାଁସାଲାକିନି ସୌନ୍ୟଦଲ୍ । ୱାରି ଇସାବ୍‌ ୨,୦୦୦୦୦ ଲକ୍ୟ ଇଜି ନାଙ୍ଗିଁ ୱେର୍‌ତାସିତାର୍ । 
\v 17 ମାରି ନାନୁ ଦର୍ସନତୁ ଗଡ଼ା ନି ତାମେ ସାଲାକିନିୱାରିଙ୍ଗ୍‍ଁ ଇୟାୱାଜା ସୁଡୁତା, ୱାରି ବକାସାଜୁ ସିସୁ ୱାଜା ନେତେର୍ ରଙ୍ଗ୍‍, ନିଳକାନ୍ତ ମଣି, ୱାଜା ନିଡ଼ି ମାରି ଗନ୍ଧକ ୱାଜା ଗେର୍‍କା ରଙ୍ଗ୍‍ ମାରାତ୍ । ଗଡ଼େଙ୍ଗ୍‍ଁ ନରେସ୍‍ ୱାଜା ତାଲାମାରାତ୍ ମାରି ତାମେ ୱେୟୁଦାନ୍‍ ସିସୁ, ଗୟି ନି ଗନ୍ଧକ ସତାତ୍‍ । 
\v 18 ୱାରି ୱେୟୁଦାନ୍ ସନି ସିସୁ, ଗୋଇ ମାରି ଗନ୍ଧକ ୱାଜା ଇୟା ମୁଣ୍ତ୍ରି କାସ୍ଟୁଦାନ୍‍ ମୁଣ୍ତ୍ରି ବାଗ୍‍ତାନ୍‍ ଉଣ୍ତ୍ରି ବାଗ୍‍ ଲୋକାଙ୍ଗ୍‍ଁ ସାପିସ୍‍କିତାର୍‍ । 
\v 19 ଗଡ଼େଙ୍ଗାଁ ସାକ୍ତି ତାମେ ୱେୟୁଦୁ ନି ତକାଦୁ ମାର୍ହାତ୍‍ । ତାମେକା, ତକେଙ୍ଗ୍, ତାଲେକ୍ ମାନି ସାରାସ୍ ୱାଜା ମାରି ଆବେଟ୍‌କୁ ୱାକ୍ ଲୋକାଙ୍ଗ୍‌ ଡାକ୍‌ସିମାରେଏ ।
\p
\v 20 ମର୍‍ଡିଦାନ୍ ସାଏଣ୍ତା ତେବାତି ଲୋକୁ ଜାତିଦି, ଇନିକା ବା ବାଦେଲେ ଆଏତାତ୍‍ । ୱାର୍‌ ଦୁବେଆଙ୍ଗ୍‍ଁ ପୁଜାକିଦେଙ୍ଗ୍‍ ଡ଼ିସ୍‍ଏତାର୍ । ମାରି ସୁଡ଼ୁଦେଙ୍ଗ୍‌, ୱେନ୍‍ଡ୍ରେଙ୍ଗ୍‍ଁ ମାରି ବୁଲାଦେଙ୍ଗ୍‍ ଆଟ୍‍ଇକା ବାଙ୍ଗାଁରାମ୍, ୱେଣ୍ତି, ପିତଲ୍‌, କାଲୁ ନି ୱେର୍‍ଗୁଦାନ୍‍ ତିଆର୍ ଆତିମାନି ଦିୟାମ୍‍କାଙ୍ଗ୍‍ଁ ପୁଜା କିନିକା ଡ଼ିସ୍‍ଏତାର୍ । 
\v 21 ୱାର୍‌ ମୋନ ଡ଼େପ୍‍ଏଣ୍ତା ଲୋକ୍‌ସାପିସ୍‍ନିକା, ଗୁଣିଆ ବିଦ୍ୟା, ଦାରିପାଣିକିନିକା ମାରି ଡଙ୍ଗାଁକିନି ବୁଦିଦୁ ମୁଜିତାମାରାର୍ ।
\c 10
\s ଦୁତ୍‍ ନି ଇସ୍ରି ବଇ
\p
\v 1 ତାନିୱେନେକା ନାନୁ ସୁଡ଼ୁତା, ମାରି ଅରେନ୍‌ ସାକ୍ତିମାନି ଦୁତ୍‍ ମୁସ୍‌କୁପୁର୍‌ତାନ୍ ରେତାଜି ୱାଜିନାନ୍‌ । ୱାନ୍‌ ବାଦଡ଼ଦାନ୍‍ ପିଡ଼ିଗିତା ମାର୍ହାନ୍‌ ମାରି ବାଦଡ଼ଦୁ ୱାନି ତାଲାଦିଙ୍ଗ୍ କେର୍‍ବିତାମାରାତ୍ । ୱାନି ମୋକମ୍‌ ୱେଡ଼ାଦି ୱାଜା ମାରି ପାଦାମ୍‍କୁ ସିସୁ ମୁଣ୍ତା ୱାଜା ତୋର୍‍ଜିମାରାତ୍ । 
\v 2 ୱାନି କିୟୁଦୁ ଉଣ୍ତ୍ରି ଇସ୍ରି କୁତ୍‍ତି ବଇ ମାରାତ୍‌ । ୱାନ୍‌ ୱାନି ଉଣେରି ପାଦାମ୍‍ ସାମୁଦୁର୍ ମୁସୁକୁ ମାରି ଡେବିରି ପାଦାମ୍‍ ବୁମି ମୁସୁକୁ ଇଟ୍‍ତାମାର୍ହାନ୍‌ । 
\v 3 ନରେସ୍‍ ଆଉଲି ୱାଜା ଆଉଲିକିଜି ୱାନ୍‌ କୁକୁତାନ୍, ଟିକ୍ ଆୟାୱାଜା ଆଉଲିକିଜି ସାତଗୋଟା ଡିଡ଼ିନିକେଙ୍ଗ୍‍ ଇୟା ଆଉଲିଦାନ୍ ଉତର୍‌ ସିତେ । 
\v 4 ୱାର୍‌ ଆମାକା ୱାରିଗିତାର୍‌, ଆକା ନାନୁ ରାସ୍‍ତେଙ୍ଗ୍ ସଲ୍‍ସିମାର୍ହା, ମାତର୍‌ ମୁସ୍‌କୁପୁରୁତାନ୍ ଉଣ୍ତ୍ରି ପେରି ବଲୁୱେର୍‌ଆ । ଆୟା ବଲୁ ନାଙ୍ଗି ଇର୍ହାତ୍‌, “ବାଦଡ଼୍‍ ଆଉଲିଦୁ ଆମାକା ୱେର୍‌ଇମାନି, ଆକା ଆଡ଼ିକ୍‍ସି ଇଡିଆ; ରାସ୍‍ମା ।”
\p
\v 5 ତାନିୱେନ୍‍କା ଏମେ ଦୁତ୍‍ଦିଙ୍ଗ୍‌ ସାମୁଦୁର୍‌ ମାରି ବୁମି ମୁସୁକୁ ନିରିଇମାନିକା ନାନୁ ସୁଡ଼ୁତାମାର୍ହା, ୱାନ୍‌ ୱାନି ଉଣେରି କିୟୁ ମୁସ୍‌କୁପୁର୍‌ ତରିନ୍‌ ନିକିତାନ୍‌ । 
\v 6 ମାରି ଏନ୍‍ ମୁସ୍‍କୁପୁର୍‌, ଦୁନିଆ, ସାମୁଦୁର୍‍ ମାରି ଆବେମାନି ୱିଜୁ ବିସୟ ତିଆର୍‌ କିତାମାନାନ୍‌, ଆୟା ୱିଜୁଦିନ୍‌ତି ମାପୁରୁଦି ଦରୁଦାନ୍‌ ପାର୍‌ମାଣ୍‌କିଜି ଇର୍ହାନ୍‌, “ମାରି ୱେଡ଼ା ଡ଼େରି ଆଏତ୍ । 
\v 7 ଏସ୍ତିୱାଲେ ସାତ୍‌ ନମ୍ୱର୍‌ତି ଦୁତ୍‍ ମୋରି ଉକୁନାତ୍‍, ମାପୁରୁ ୱାନି ସେବକ ବାବବାଦିର୍ ଲାକୁତୁ ଏମେ ମାରିଗିତି ମାନି ବାକ୍ୟ ୱେର୍‌ତାମାର୍ହାନ୍, ଆକା ୱିସ୍‍ନାନ୍ ।”
\p
\v 8 ତାନିୱେନ୍‍କା ମୁସ୍‌କୁପୁର୍‌ତି ଆୟା ବଲୁ ନାଙ୍ଗିଁ ମାରି ଇର୍ହାନ୍‌, ସାଙ୍ଗ୍‍ଆ, “ସାମୁଦୁର୍‌ ମାରି ବୁମି ମୁସୁକୁ ନିରିଇ ମାନି ଦୁତ୍‍ଦି କିୟୁଦାନ୍‌ କୁତ୍‍ତି ବଇ ଅଆ ।”
\p
\v 9 ନାନୁ ଦୁତ୍‍ଦି ଲାକୁତୁ ସୋଲ୍‌ସି ଆୟା ଇସ୍ରି ବଇଦିଙ୍ଗ୍‌ ଲସ୍‌ତା । ୱାନ୍‌ ନାଙ୍ଗିଁ ଇର୍ହାନ୍‌, “ଅସି ତିନ୍‍ଆ । ନି ପଟା ଉଣ୍ତିଙ୍ଗ୍‌ ଇକା କେୟ୍‍ନାତ୍‍, ମାତର୍‌ ନି ୱେୟୁଦୁ ଇକା ପୁକି ୱାଜା ସାୱି ୱାନାତ୍ ।”
\p
\v 10 ନାନୁ ଆୟା ଇସ୍ରି ବଇଦିଙ୍ଗ୍‍ ଦୁତ୍‍ତି କିୟୁଦାନ୍‌ ଅସି ତିର୍‍ଆ । ଆକା ନା ୱେୟୁଦୁ ପୁକି ୱାଜା ସାୱି ଆତାତ୍, ମାତର୍‍ ଡ଼ିଙ୍ଗିଁନି ଦାପ୍ରେ ପୋଟା ଲୋଇ କେଇତାତ୍ । 
\v 11 ତାନିୱେନ୍‍କା ଏନ୍‍ନୋ ନାଙ୍ଗିଁ ଇର୍ହାନ୍‌, “ନାଣ୍ତ ଦେସ୍‌କୁ, ଜାତି, ବାସାଦୁ ମାରି ରାଜାରି ବିସୟତାନ୍‍ ମାପୁରୁଦି କାବୁର୍ ମିର୍‌ ସୋଲ୍‌ସି ମାରିଡ଼େସି ବାବବାଣି ୱେର୍‍ତୁ ।”
\c 11
\s ରିଏର୍‌ ସାକିର୍‍
\p
\v 1 ତାନିୱେନ୍‍କା ଏନ୍‌ ଅରେନ୍‌ ଲେକିସ୍‌କିନି କାଣ୍ତି ନାନି ଇସ୍ରି ବାଡିଗା ନାଙ୍ଗିଁ ସିଜି ଇର୍ହାନ୍‌, “ସାଙ୍ଗ୍‍ଁଆ, ମାପୁରୁଦି ମନ୍ଦିର୍‌ ନି ବେଦି ଲେକିସ୍‌ କିଆ ମାରି ମନ୍ଦିରିତୁ ପାର୍‌ତନା କିନିୱାରିଙ୍ଗ୍‍ ଲେକିସ୍‌ କିଆ । 
\v 2 \x + \xo ୧୧:୨ \xo*\xt ଲୁକ ୨୧:୨୪.\xt*\x*ମାତର୍‌ ମନ୍ଦିର୍‍ତି ଆତେରେ ମାନି ଦୁଆର୍‌ତିଙ୍ଗ୍‍ ଲେକିସ୍‌କିମା । ଇରିଙ୍ଗ୍‌, ଆକା ଅଣଜିହୁଦିରିଙ୍ଗ୍ ସିଆୟ୍‍ ଆତାମାନାତ୍ । ୱାର୍‌ ୪୨ ଗୋଟା ଲେଜୁକୁ ସାନ୍ଦି ଇୟା ପବିତ୍ର ଗାଡ଼୍‌ତିଙ୍ଗ୍‌ ମାଟ୍‍ସି ଇଡ୍‍ନାର୍‌ । 
\v 3 ବାସ୍‌ତେଙ୍ଗ୍‌ ଆରାତିମାନି ନା ରିଏର୍‌ ସାକିରିଙ୍ଗ୍‌ ନାନୁ ପୋକ୍‍ନା । ୱାର୍‌ ଆୟା ୧, ୨୬୦ ଦିନ୍‌ ସାନ୍ଦି ବାବବାଣି ୱେର୍‍ନାର୍‌ ।”
\p
\v 4 ଆୟା ରିଏର୍‌ ସାକିର୍‌ ଦୁନିଆଦି ପ୍ରବୁଦି ଆଗିଡ଼ି ନିରିଇମାନି ରୁଣ୍ତି ଜିତ ମାରାକ୍‌ ନି ରୁଣ୍ତି ଦିୱେଙ୍ଗାଁ ୱାଜା । 
\v 5 ଜଦି ଏନ୍‍ ୱାରି ନାସ୍ଟୁ କିଦେଙ୍ଗ୍‌ ଚେଷ୍ଟାକିନାନ୍, ଆର୍‌ତିଙ୍ଗ୍‌ ୱାରି ୱେୟୁଦାନ୍ ସିସୁ ସୋସି ସାତ୍ରୁରି ଦଂସ କିନାତ୍‌ । ଇୟାୱାଜା ଏନ୍‍ ୱାରି କେତି କିଦେଙ୍ଗ୍‌ ସୋନାନ୍, ୱାନ୍‌ ଦଂସ ଆନାନ୍ । 
\v 6 ମାପୁରୁଦି କାବୁର୍ ୱେର୍‍ନି ବେଡ଼ାଦୁ ବାଦଡ଼ତିଙ୍ଗ୍‍ କେର୍‍ପିସି ପିରୁଦିଙ୍ଗ୍‍ଁ ତେବାକିନି ଅଦିକାର୍ ୱାରିଙ୍ଗ୍‌ ସିଆୟ୍‍ ଆତାମାର୍ହାତ୍‍ । ଏରୁ ଜଲା ନେତେର୍‍ତୁ ମାର୍‍ତେଙ୍ଗ୍ ମାରି ନିଜେ ବଦାଦାନ୍ ଦୁନିଆଦୁ ମାରିଡ଼େସି ମର୍‍ଡି ଆରାମ୍‍ କିଦେଙ୍ଗ୍‌ ୱାରି ଅଦିକାର୍‌ ମାନାତ୍‌ ।
\p
\v 7 \x + \xo ୧୧:୭ \xo*\xt ପ୍ରକାଶିତ ୧୩:୫-୭; ୧୭:୮.\xt*\x*ୱାର୍‌ ସାକ୍ୟ ୱେର୍‍ତେଙ୍ଗ୍‍ ସେସ୍‍ କିନି ୱେନ୍‍କା ପାତାଲ୍‍ପୁର୍‍ତାନ୍‍ ଉଣ୍ତ୍ରି ଜାତୁ ନିଙ୍ଗିଁଜି ୱାଜି ୱାରି ବିରୁଦ୍‍ତାନ୍ ଜୁଦ୍‍ କିନାତ୍‌ । 
\v 8 ୱାଦ୍‌ ୱାରିଙ୍ଗ୍‌ ଆରାକିଜି ସାପିସ୍‌ କିନାତ୍‌ ମାରି ଆମା ପେରିଗାଡ଼୍‌ତୁ, ପେରିଜାରିଦୁ ପ୍ରବୁ କ୍ରୁସଦୁ ସାତାମାରାନ୍, ଆବେନୁ ୱାରି ମାଡ଼ା ତେବାନାତ୍ । ଆୟା ଗାଡ଼୍‌ତିଙ୍ଗ୍‌ ଆତ୍ମାଦୁମାନି ସଦମ୍‍ ବା ମିସର୍‍ ଇଜି ଇନ୍‌ଡ୍ରେଙ୍ଗ୍‌ ଆଟ୍‍ନାର୍‌ । 
\v 9 ୱିଜୁ ଦେସ୍‍କୁ, କୁଟୁମ୍‌, ବାସାବାଦି ମାରି ଜାତିଦି ଲୋକୁ ମୁନେନ୍‌ ଆଦା ସାନ୍ଦି ଆୟା ମାଡ଼େଙ୍ଗ୍‌‍ ସୁଣାର୍‍ ମାରି ଆୟାୱାନିକାଙ୍ଗ୍‌ ମୁସୁନି ଉଣ୍ତିଙ୍ଗ୍‌ ଡ଼ିସ୍‍ଏର୍‍ । 
\v 10 ଇୟା ରିଏରି ସାନି ଉଣ୍ତିଙ୍ଗ୍‌ ଦେସ୍‍ତି ଲୋକୁ ୱେଡ଼ିକା ଆନାର୍‌, ଉଣିଜି ତିନିଜି କିଜି ନିଜେ ନିଜେଦି ଲାକୁତୁ ଦାନ୍‍ ପୋକନାର୍‌; ଇରିଙ୍ଗ୍‌ ଆୟା ବାବବାଦିରି ଉଣ୍ତିଙ୍ଗ୍‍ ଦେସ୍‍ତି ଲୋକୁ ନାଣ୍ତ ବାଦା ଆଜିମାରାର୍‌ । 
\v 11 ମାତର୍‌ ମୁନେନ୍‌ ଆଦା ଦିନ୍‌ ୱେନ୍‍କା ମାପୁରୁଦି ମାଡ଼ାନ୍ ଜିବନ୍‌ ୱାଜି ୱାରି ମେନ୍ଦଲ ଲୋଇ ଡ଼ୁଗିତାତ୍ ମାରି ୱାର୍‌ ନିଙ୍ଗିଁଜି ନିରାର୍ । ଏମେକାର୍‌ ଇୟା ଗଟନା ସୁଡ଼ୁତାର୍‌, ୱାର୍‌ ନାଣ୍ତ ତିଲାତାର୍‌ । 
\v 12 ମାରି, ଆୟା ରିଏର୍‌ ବାବବାଦି ୱାରିଙ୍ଗ୍‌ ମୁସ୍‌କୁପୁର୍‌ତାନ୍ ନାଣ୍ତ ଆଉଲିଦାନ୍ ଇୟା ବଲୁ ଇଜିମାନି ଉଣ୍ତ୍ରି କାବୁର୍ ୱେରାର୍‍, “ଇବେନୁ ନିଙ୍ଗ୍‍ଜି ରାଦୁ !” ୱାରି ସାତ୍ରୁର୍‌ ସୁଡ଼ୁବୁ ସୁଡ଼ୁବୁ ୱାର୍‌ ବାଦ୍ଡ଼ ଦୁରିଦୁ ମିସାଜି ମୁସ୍‌କୁପୁର୍‌ତୁ ସୋରାର୍ । 
\v 13 \x + \xo ୧୧:୧୩ \xo*\xt ପ୍ରକାଶିତ ୬:୧୨; ୧୬:୧୮.\xt*\x*ଟିକ୍‌ ଆୟା ବେଡ଼ାଦୁ ନାଣ୍ତ ଭୁମିକମ୍ପ ଆତାତ୍, ଗାଡ଼୍‌ତି ଦସ୍‍ବାଗ୍‍ ଦଂସ ଆତାତ୍ ମାରି ବୁମିକମ୍ପଦୁ ୭,୦୦୦ ହଜାର୍‌ ଲୋକୁ ସାତାସରାର୍‌ । ଜିତିମାନି ଲୋକୁ ତିଲାଜି ମୁସ୍‍କୁପୁର୍‍ତି ମାପୁରୁଙ୍ଗୁଁ ଦନ୍ୟବାଦ୍‌ କିତାର୍‌ ।
\p
\v 14 ଇୟା କାସ୍ଟୁ ସେସ୍‍ ଆତାତ୍; ମାତର୍‌ ତିନି ନମ୍ୱର୍‌ତି କାସ୍ଟୁ ଇଗା ୱାଜିନାତ୍ ।
\s ସାତଗୋଟା ମୋରି ଉକୁନିକାତ୍‍
\p
\v 15 ତାନିୱେନ୍‍କା ସାତ୍‌ ନମ୍ୱର୍‌ତି ଦୁତ୍‍ ତାନି ମୋରି ଉକୁତାତ୍ ମାରି ମୁସ୍‌କୁପୁର୍‌ଦୁ ନାଣ୍ତ ଆଉଲଦି ୱାଲେ ଇୟା କାବୁର୍ ୱିଙ୍ଗିତାତ୍ ! “ମା ପ୍ରବୁ ମାରି ୱାନି ମସିହ ଦୁନିଆ ମୁସୁକୁ ସାସନ୍ କିନି ଅଦିକାର୍‌ ଇଲେଇ ନିଜେ କିଦୁ ଅତାମାନାନ୍ । ୱାନ୍‌ ଇବେନୁ ୱିଜୁଦିନ୍‌ ସାସନ୍‌ କିନାନ୍ ।” 
\v 16 ତେନିୱେନ୍‍କା ମାପୁରୁଦି ଆଗିଡ଼ି ନିଜେ ନିଜେଦି ସିଂହାସନ୍‍ଦୁ ବାସିସ୍ତିମାନି ୨୪ ଲୋକୁ ପେରିନେତାର୍ ମାଡ଼ିସ୍‍ କିଜି ମାପୁରୁଦି ଆରାଦନା କିଜି,
\q1
\v 17 ଇର୍ହାନ୍‌, “ଏ ସର୍ବସାକ୍ତିମାନ୍ ମାପୁରୁ, ନିନୁ ଆଗ୍‍ଡ଼ି ମାରି ଇଲେଇ !
\q1 ମାପୁ ନିଙ୍ଗିଁ ଦନ୍ୟବାଦ୍‌ ସିଜିନାପ୍;
\q2 ଇରିଙ୍ଗ୍‌ ନି ପେରିସାକ୍ତିଦାନ୍‍ ଦେସ୍‍ତିଙ୍ଗ୍‌ ବଜୁ ଅତିମାନି ।
\q1
\v 18 ଅଣଜିହୁଦିର୍‍ ରିସା ଆତାମାନାର୍‌;
\q2 ଇରିଙ୍ଗ୍‌ ନି ରିସାଦି ବେଡ଼ା ଇଗା ୱାତାତ୍,
\q2 ସାତିକାର୍‌ ଇଲେ ବିଚାର୍‌ ଆନାର୍ ।
\q1 ନି ସେବକ ବାବବାଦିର୍, ସାଦୁର୍‍
\q2 ମାରି ଏମେକାର୍‌ ନିଙ୍ଗିଁ ତିଲାଜିନାର୍‌,
\q2 ପେରିକାର୍‍ ନି ଇସ୍ରିକାର୍‍ ୱିଜେରେ ପୁରସ୍କାର୍‌ ପୟ୍‌ନାର୍‌ ।
\q1 ମାରି ଏମେକାର୍ ଦୁନିଆଦିଙ୍ଗ୍‌ ଦଂସ କିନାର୍‌, ୱାନ୍‌ ବା ଦଂସ ଆନାର୍‌ ।”
\p
\v 19 \x + \xo ୧୧:୧୯ \xo*\xt ପ୍ରକାଶିତ ୮:୫; ୧୬:୧୮; \xt*\xt ପ୍ରକାଶିତ ୧୬:୨୧.\xt*\x*ମୁସ୍‌କୁପୁର୍‌ଦୁ ମାନି ମାପୁରୁଦି ମନ୍ଦିର୍‌ ସେର୍‍ଲା ରେଆତାତ୍ ମାରି ମନ୍ଦିର୍‍ତୁ ନିୟମ୍‌ ପେଡ଼ା ମାନିକା ତରିତାତ୍ । ତାନିୱେନ୍‍କା ବାଦଡ଼ ମିରିସ୍‌ତାତ୍‌, ବିଜ୍‍ଡାକ୍‍ତାତ୍‍, ଭୁମିକମ୍ପ ମାରି ନାଣ୍ତ ଆଡ୍‍ରାଗା ପିରୁ ଆତାତ୍ ।
\c 12
\s ଅରେତ୍‍ ଆଇ ମାନି ପେରି ସାରାସ୍‍
\p
\v 1 ୱେନ୍‍କା ବାଦଡ଼ଦୁ ଉଣ୍ତ୍ରି ପେରି ନି କାବାଆନି ସିନା ତୋରିତାତ୍‍ । ଅରେତ୍ ଆଇମା ୱେଡ଼ାଦି ଜାୟ୍‌ ଆରାତାମାରାତ୍ । ତାନି ପାଦାମ୍‍ ଆଡ୍‍ଗି ଲେଜୁ ମାରି ତାଲାଦୁ ବାରଗୋଟା ସୁକେଙ୍ଗ୍‌ ମାନି ଉଣ୍ତ୍ରି ମୁକୁଟ୍ ମାରାତ୍ । 
\v 2 ୱାଦ୍‌ ଗାର୍ବୁଦୁ ମାର୍‌ର୍ହାତ୍‍ ମାରି ଜନମ୍‍ କିନି ୱିସାମ୍‍ତାନ୍‍ କସ୍ଟ ପୟଜି ମାର୍ହାତ୍‍ ।
\p
\v 3 ବାଦଡ଼ତୁ ମାରି ଉନ୍‌ଡ୍ରି କାବାଆନି ସିନା ତୋରିତାତ୍ । ନେତେର୍‌ ରଙ୍ଗ୍‍ତି ସାରାସ୍ ୱାଜା ଉନ୍‌ଡ୍ରି ପେରି ଜାତୁ, ତାନିଙ୍ଗ୍‌ ସାତ୍‌ଗୋଟା ତାଲେକ୍, ଦାସ୍‍ଗୋଟା କମୁକୁ ମାରି ୱିଜୁ ତାଲେକାଙ୍ଗ୍‌ ଉନ୍‌ଡ୍ରି ଲାକା ମୁକୁଟ୍ ମାରାତ୍‌ । 
\v 4 ଆୟାକାତ୍‌ ତାନି ତକାଦାନ୍‍ ବାଦଡ଼ତାନ୍‌ ମୁନ୍‌ଡ୍ରିବାଗ୍‌ତାନ୍‌ ଉନ୍‌ଡ୍ରିବାଗ୍‌ ସୁକେଙ୍ଗ୍ ରେଲ୍‌ଜିତାସି ଦୁନିଆ ମୁସୁକୁ ପୋକ୍‍ତାତ୍ । କଡ଼ ଜନମ୍‌ ଆତି ଦାପେ ଦାପେ ୱାନିଙ୍ଗ୍‌ ତିନି ଉଦେସ୍‌ତାନ୍‌ ସାରାସ୍ ଆୟା ଆଇମା ଲାକ୍‌ତୁ ୱାତାଦୋ ନିରାତ୍ । 
\v 5 ଟିକ୍ ଆୟା ୱେଡ଼ାଦୁ ଆଇମା ଅରେନ୍‍ କଡ଼ପିଲାଦିଙ୍ଗ୍ ଜନମ୍‌ କିତାତ୍ । ମାତର୍‌ ଲୁୱା ଦଣ୍ତ ସାକାଦାନ୍ ୱିଜୁ ଜାତିମୁସୁକୁ ସାସନ୍ କିନି ଉଣ୍ତିଙ୍ଗ୍ ଟିକ୍ ବେଡ଼ାଦୁ ଆୟା କଡ଼ ପେରାୟ୍‌ଆଜି ମାପୁରୁ ସିଂହାସନ୍ ଲାକୁତୁ ଅଆୟ୍‍ ଆତାନ୍‍ । 
\v 6 ମାରି ଆୟା ଆଇମା ମରୁଜାଗାଦୁ ଉର୍‌କୁତାତ୍‌ । ଆବେନୁ ୧, ୨୬୦ ଦିନ୍‌ ସାନ୍ଦି ୱାଦ୍‌ ମାନି ଜାଗା ମାପୁରୁ ତିଆର୍ କିତାସିତାମାର୍ହାନ୍‌ ।
\p
\v 7 \x + \xo ୧୨:୭ \xo*\xt ଜିହୁଦା ୧:୯.\xt*\x*ତାନିୱେନ୍‍କା ମୁସ୍‌କୁପୁର୍‌ଦୁ ଜୁଦ୍‍ ଆରାମ୍‌ ଆତାତ୍ । ମୀଖାୟେଲ୍ ମାରି ତାମେ ଦୁତ୍‌କୁ ଆୟା ପେରି ସାରାସ୍‍ ମାରି ତାନି ସେବାକିନିୱାରି ୱାଲେ ଜୁଦ୍‍ କିତାତ୍ । 
\v 8 ଜୁଦଦୁ ସାରାସ୍ ମାରି ତାନି ଦୁତ୍‌କୁ ଆରାତାର୍ ମାରି ୱାର୍‌ ମାରି ମୁସ୍‌କୁପୁର୍‌ଦୁ ଜାଗା ପୋଇଏତାର୍ । 
\v 9 \x + \xo ୧୨:୯ \xo*\xt ଲୁକ ୧୦:୧୮.\xt*\x*ଆୟା ସାରାସ୍ ଆଜିନାତ୍, ୱିଜୁ ଦୁନିଆଦିଙ୍ଗ୍‍ ବାଣ୍ତିସ୍‍ କିତିମାନି ସାକ୍ତି ପୁର୍ବେଦି ସାରାସ୍, ସୟତାନ୍; ତାନି ଦୁତ୍‍କା ୱାଲେ ମୁସ୍‌କୁପୁର୍‌ଦାନ୍ ପୋକାୟ୍‌ଆଜି ଦୁନିଆଦି ମୁସୁକୁ ୱାଜି ଆର୍‌ତାତ୍ ।
\p
\v 10 ତାନିୱେନ୍‍କା ନାନୁ ମୁସ୍‌କୁପୁର୍‌ତୁ ପେରି ଆଉଲିଆଜିନିକା ଉଣ୍ତ୍ରି ମାଟା ୱେର୍‌ଆ, “ଇଲେଇ ମାପୁରୁଦି ରକିୟା ଇତାତ୍‌ । ୱାନି ରାଜା ସାକ୍ତି ମାରି ୱାନି ମସିହଦି ଅଦିକାର୍ ତରତାମାନାନ୍ ଏମେ ମିଚ୍‌ୱେର୍‌ନିକାନ୍‌ ୱେଡ଼େ ନାଡ଼ା ମାପୁରୁଦି ଆଗିଡ଼ି ନିଲିଜି, ମା ମାପୁରୁଦି ତଡ଼ାନ୍‌କା ନି ତାଙ୍ଗିଁକା ବିରୁଦ୍‌ତାନ୍ ମିଚ୍ ଦାବି କିଜିମାର୍ହାତ୍‍, ୱାନ୍‌ ନେରୁ ମୁସ୍‌କୁପୁର୍‌ଦାନ୍ ପୋକାଇଆତାନ୍ । 
\v 11 ମେଷସାବକଦି ନେତେର୍‌ତି ସାକ୍ତିଦାନ୍ ମାରି ୱାର୍‌ ସାକ୍ୟ ୱେରିସିମାନି ସତ୍ ବିସୟ୍‌ ଉଣ୍ତିଙ୍ଗ୍‌ ଜିବନ୍‌ସିଦେଙ୍ଗ୍ ତିଆର୍‍ ଆତିମାନିଙ୍ଗ୍‌ ମା ତଡ଼ାନ୍‌କୁ ନି ତାଙ୍ଗିଁକି ଜିଣାତାମାନାର୍ । 
\v 12 ଆର୍‌ତିଙ୍ଗ୍‌ ମୁସ୍‌କୁପୁର୍‌ ନି ଦୁନିଆଦୁମାନି ୱିଜେରେ ୱେଡ଼ିକା କିଦୁ । ମାତର୍‌ ଆୟ୍‌ ! ଦୁନିଆଦି ବୁମି ନି ସାମ୍‌ଦୁରୁ ୱିଜୁ ! ମି ଦଣ୍ଡ୍‌ ଏସା ବୟ୍‌ଙ୍କାର୍ ! ଇଲେ ସୟତାନ୍ ମି ଲାକୁତୁ ମାରି ୱାଦ୍‌ ବେସି ରିସାଆତାମାନାତ୍, ମାତର୍‌ ୱାଦ୍‌ ନେସ୍‍ନାତ୍, ତାନି ୱେଡ଼ା ଇଗା ୱାତାତ୍‌ନି ।”
\p
\v 13 ଦୁନିଆଦୁ ପୋକ୍‌ନିକା ସୁଡ଼ୁଜି ସୟତାନ୍ କଡ଼ଦି ଜନମ୍‌ସିତି ଆୟା ଆଇମାଦିଙ୍ଗ୍‍ ପେରିତାତ୍ । 
\v 14 ସାରାସ୍‌ଦି ଆକ୍ରମଣଦାନ୍ ରକିୟା ପୋଇନି ଉଣ୍ତିଙ୍ଗ୍ ଆଇମାଦିଙ୍ଗ୍‍ ରୁଣ୍ତି ପେରି ଡେଗା ପୋଟିଦି ରେକେଙ୍ଗ୍‍ ସିଆୟ୍‌ଆତାତ୍‌ । ତାନି ସାକାଦାନ୍ ୱାଦ୍‌ ମରୁଜାଗାଦୁ ନିଜେଦି ତେବାନି ବାଡିଦୁ ଇମିଜିସଲ୍‍ସି, ଆବେନୁ ମୁନ୍‌ଡ୍ରି ବାର୍ସେକ୍ ଆଦା ସାନ୍ଦି ସାନ୍ତିଜାଗାଦୁ ତେବାଦେଙ୍ଗ୍‌ ଇଚାକିତାତ୍ । 
\v 15 ତାନିୱେନ୍‍କା ଆଇମାଦିଙ୍ଗ୍‍ ଏରୁତୁ ଦେଲ୍‌ପିସ୍‌ ଅତେଙ୍ଗ୍‌ ଇଜି ସାରାସ୍ ନିଜେଦି ୱେୟୁଦାନ୍ ତାନି ୱେନ୍‌କା ୱେନ୍‍କା ଉଣ୍ତ୍ରି ପିରୁଏରୁ ସପ୍‍ତାତ୍ । 
\v 16 ମାତର୍‌ ଆଇମାଦିଙ୍ଗ୍‍ ରକ୍ଷାକିନି ଉଣ୍ତିଙ୍ଗ୍‌ ଦୁନିଆ ନିଜେଦି ୱେୟୁ ରେସି ସୟତାନ୍‍ତି ୱେୟୁଦାନ୍ ସୋସିମାନି ୱିଜୁ ଏରୁଦିଙ୍ଗ୍‌ ଉଟାନ୍ । 
\v 17 ଆବେଟ୍‌କୁ ସୟତାନ୍ ଆଇମାଦି ମୁସୁକୁ ନାଣ୍ତରିସା ଆଜି, ତାନି କୁଟୁମ୍‌ ଏମେ ତେବାତି ଲୋକୁ ମାପୁରୁଦି ମାଟା ମାନାନାର୍ ମାରି ଜିସୁଦି ବିସୟତାନ୍‍ ସାକି ସିନାର୍‍, ୱାରି ୱାଲେ ଜୁଦ୍‍ କିଦେଙ୍ଗ୍ ସତାତ୍ । 
\v 18 ମାରି ସୟତାନ ସାମୁଦୁର୍‍ଦି ପାଡ଼ି ସଲ୍‍ସି ନିରାନ୍ ।
\c 13
\s ରୁଣ୍ତି ଜାତୁଙ୍ଗୁଁ
\p
\v 1 \x + \xo ୧୩:୧ \xo*\xt ପ୍ରକାଶିତ ୧୭:୩,୭-୧୨.\xt*\x*ତାନି ୱେନେକା ନାନ୍‌ ସୁଡ଼ୁତା, ଉଣ୍ତ୍ରି ଜାତୁ ସାମୁଦୁରୁ ଲୋଇରାନ୍‌ ନିଙ୍ଗିଁଜି ୱାଜିନାତ୍ ତାନିଙ୍ଗ୍‌ ଦସଗୋଟା କମୁକୁ ମାରି ସାତଗୋଟା ତାଲେକ୍‌ । ୱିଜୁ କମୁକାଙ୍ଗ୍‌ ଉଣ୍ତ୍ରି ଉଣ୍ତ୍ରି ମୁକୁଟ୍ ମାରାତ୍ ମାରି ୱିଜୁ ତାଲେକାଙ୍କ୍ ଉଣ୍ତ୍ରି ଉଣ୍ତ୍ରି ମାପୁରୁଙ୍ଗୁଁ ନିନ୍ଦାକିନି ସିନା ଦରୁ ରାସାତାମାରାତ୍ । 
\v 2 ଅଡ଼ୁଜୁ ଉଣ୍ତ୍ରି କାବ୍‍ରା ନରେସ୍‍ ୱାଜା ତୋରିଜିମାରାତ୍ । ତାନି ପାଦାମ୍‍କୁ ଅଡ଼ୁଜୁ ପାଦାମ୍‍କୁ ୱାଜା ମାରି ୱେୟୁ ନରେସ୍‍ ୱେୟୁ ୱାଜା । ସାରାସ୍‍ ଇୟା ଜାତୁଦିଙ୍ଗ୍‌ ନିଜେଦି ସାକ୍ତି, ସିଂହାସନ୍ ମାରି ପେରିଅଦିକାର୍ ସିତାନ୍‌ । 
\v 3 ଜାତୁଦି ଉଣ୍ତ୍ରି ତାଲା ନାଣ୍ତ ଗାଉ ଆତିମାରି ୱାଜା ମନେ ଆଜିମାରାତ୍ । ମାତର୍‌ ଗାଉ ବାଡି ନେଗେନ୍‍ ଆତାମାରାତ୍ ମାରି ଦୁନିଆଦି ଲୋକ୍‌ ୱିଜେରେ କାବାଆଜି ଜାତୁଦି ୱେନେକା ସରାର୍ । 
\v 4 ମାରି, ୱିଜେରେ ଜାତୁଦିଙ୍ଗ୍‌ ଅଦିକାର୍‌ ସିତିମାନି ସାରାସ୍‍ତିଙ୍ଗ୍‍ ପୁଜା କିତାର୍ । ୱାର୍‌ ଜାତୁଦିଙ୍ଗ୍‌ ବା ପୁଜା କିଜି ଇର୍ହା, “ଏନ୍‍ ଇୟା ଜାତୁଦି ସାମାନ୍‍ ଆନାନ୍ ? ଏନ୍‍ ତାନି ବିରୁଦ୍‍ତାନ୍ ଜୁଦ୍‍ କିଦେଙ୍ଗ୍‌ ଆଟ୍‍ନାନ୍‍ ?”
\p
\v 5 ଜାତୁ ଗରବ୍‍ତାନ୍‍ ମାଟା ୱାରିଗିଜି ମାରାତ୍ ମାରି ମାପୁରୁ ନିନ୍ଦା କିଜିମାରାତ୍, ଆରିତିଙ୍ଗ୍‌ବା ୪୨ ଗୋଟା ଲେଜୁକୁ ସାନ୍ଦି ସାସନ୍‍ କିନି ଉଣ୍ତିଙ୍ଗ୍‌ ତାନିଙ୍ଗ୍‌ ସାରି ପୁଟ୍‍ତାତ୍ । 
\v 6 ମାପୁରୁଦି, ୱାନି ଦରୁ ମାରି ୱାନି ବାସାନିବାଡି ମାରି ମୁସ୍‌କୁପୁର୍‌ଦୁମାନି ୱିଜେରିଙ୍ଗ୍‌ ୱାନ୍‌ ଆନାଦୁରିଆ ସିଦେଙ୍ଗ୍‍ ଆସ୍‌ତାନ୍‌ । 
\v 7 ମାପୁରୁଦି ଲୋକା ବିରୁଦ୍‍ତାନ୍ ଜୁଦ୍‍ କିଜି ୱାରିଙ୍ଗ୍‌ ଆରା କିଦେଙ୍ଗ୍‌ ୱାନ୍‌ ସାରି ପୋଇତାନ୍‍ ମାରି ୱିଜୁ କୁଟୁମ୍‌, ଦେସ୍ ମାରି ବାସା ମାରି ଜାତି ମୁସୁକୁ ତାନିଙ୍ଗ୍‌ ଅଦିକାର୍ ସିଆୟ୍‍ ଆତାତ୍‍ । 
\v 8 ଦୁନିଆ ତିଆର୍‍ଆନି ପୁର୍ବେଦାନ୍ ଏମେୱାରି ଦରୁ ସାତିମାନି ମେଷସାବକତି ଜିବନ୍‌ ବଇଦୁ ରାସାତାମାରାତ୍, ୱାରିଙ୍ଗ୍‍ ଡ଼ିସ୍‍ତିଙ୍ଗ୍‍ ଦୁନିଆଦି ଆଇ ୱିଜେରେ ଆୟା ଜାତୁଦିଙ୍ଗ୍‌ ପୁଜାକିନାର୍ ।
\p
\v 9 “ଏମେୱାନିଙ୍ଗ୍‌ ଗିତଣିଙ୍ଗ୍‍ଁ ମାନେ ୱାନ୍‌ ୱେନିନ୍‌ । 
\v 10 ମାପୁରୁଦି ବଦା ଇସାବ୍‍ତାନ୍‍ ଏନ୍‍ ତରାୟ୍‍ ଆନିକାମାନାତ୍‌, ୱାନ୍‌ ସତେନେ ତରାୟ୍‍ ଆନାନ୍ । ଏନ୍‍ ଆଇୱାନିଙ୍ଗ୍‍ କାଣ୍ତାସାରି ସାପିସ୍‌ କିନାନ୍, ୱାନ୍‌ ନିଜେ କାଣ୍ତାସାରି ସାନାନ୍ । ମାପୁରୁଦି ଲୋକା ଉଣ୍ତିଙ୍ଗ୍‌ ସାସ୍‌ ନି ବିସ୍‍ବାସ୍‍ ଲୋଡ଼ା ମାନାତ୍‌ ।”
\p
\v 11 ତାନିୱେନ୍‍କା ନାନୁ ସୁଡୁତା, ମାରି ଉଣ୍ତ୍ରି ଜାତୁ ବୁମି ଲୋଇରାନ୍‌ ନିଙ୍ଗିଁଜି ୱାଜିନାତ୍ । ମେଷସାବକଦି କମୁକୁ ୱାଜା ତାନି ରୁଣ୍ତି କମୁକୁ ମାର୍‍ଏ ମାରି ୱାନ୍‌ ପୁର୍ବେଦି ସାରାସ୍ ୱାଜା ମାଟା ଇଜିମାର୍‌ଆତ୍‌ । 
\v 12 ଇୟା ମାରିଉନ୍‌ଡ୍ରି ପସୁ ପାର୍‍ତୁମ୍‍ ପସୁଦି ମାନିମାନୁ ତାନି ଅଦିକାର୍ ବ୍ୟବହାର୍‍ କିଜି ପାର୍‍ତୁମ୍‍ ପସୁଦି ପୁଜା କିନି ଉଣ୍ତିଙ୍ଗ୍ ଦୁନିଆଦୁ ବାସାନି ୱିଜେରିଙ୍ଗ୍ ରାଜି କିତାତ୍ । ଆମାତାନି ଗାଉ ନେଗେନ୍‌ ଆତାମାର୍ହାତ୍‌, 
\v 13 ମାରିଉଣ୍ତ୍ରି ପସୁଦି ପେରି କାବାଆନି ପାଣି ୱିଜୁ ପୁରାକିତାତ୍ । ୱିଜେରି ଆଗିଡ଼ି ମୁସ୍‌କୁପୁର୍‍ତାନ୍‍ ଦୁନିଆ ମୁସୁକୁ ସିସୁ ପିରୁଆରାପ୍‌ତାତ୍‍ । 
\v 14 ମାରି ପାର୍‌ତୁମ୍‌ ପସୁଦି ମାନିମାନୁ ଇୟାୱାଜା ନାଣ୍ତ କାବାଆନି ପାଣି କିଜି ଦୁନିଆଦି ଲୋକାଙ୍ଗ୍‌ ୱିଜେରିଙ୍ଗ୍ ବାଣ୍ତିସ୍‍ କିତାତ୍ । କାଣ୍ତାସାରି ଗାଉ ଆଜି ନେଗେନ୍‍ ଆତିମାର୍‍ଇ ଆଗିଡ଼ିରି ପସୁଦିଙ୍ଗ୍ ସନ୍‌ମାନ୍‌ତି ଉଣ୍ତିଙ୍ଗ୍‍ ତାନି ଉଣ୍ତ୍ରି ବମା ତିଆର୍‌ କିଦେଙ୍ଗ୍ ମାରିଉନ୍‌ଡ୍ରି ପସୁ ଲୋକାଙ୍ଗ୍‌ ଆଦେସ୍ ସିତାତ୍ । 
\v 15 ପାର୍‌ତୁମ୍‌ ପସୁଦି ବମାଦୁ ଜିବନ୍‌ସିଜି ତାନିଙ୍ଗ୍‌ ଜିବନ୍‌ କିନି ଉପାୟ୍‍ ମାରିଉନ୍‌ଡ୍ରି ପସୁ ନେସ୍ତାମାରାତ୍ । ଆବେଟ୍‍ ବମା ୱାରିଗିତାତ୍ ମାରି ଏମେକାର୍ ତାନି ପୁଜାକିଏତାର୍, ୱାରିଙ୍ଗ୍‌ ସାପିସ୍‍ କିଦେଙ୍ଗ୍‌ ଅଦିକାର୍‌ ସିଆୟ୍‌ଆତାତ୍‌ । 
\v 16 ମାରି ପେରି ଇସ୍ରି, ପାଣିକିନିକାନ୍‍, ବା ମୁକ୍‍ଡ଼ାତିକାନ୍‍, ମାଜନ୍‍ କାକୁର୍ତି, ୱିଜେରିଙ୍ଗ୍‌ ଉଣିକିୟୁଦୁ ସିଲେତିଙ୍ଗ୍‌ କାପାଳ୍‍ତୁ ଉଣ୍ତ୍ରି ସିନା ଡାକାଦେଙ୍ଗ୍‌ ୱାଦ୍‍ ଲୋକାଙ୍ଗ୍‌ ରାଜି କିତାତ୍‍ । 
\v 17 ପସୁଦି ଦରୁ ବା ଆୟା ଦରୁଦି ସିନା ଉଣ୍ତ୍ରି ଇସାବ୍‌ ଡାକାଏଜି ମାନି ଏନ୍‍ କଡ଼ଦେଙ୍ଗ୍‍ ପୋର୍‍ଦେଙ୍ଗ୍‌ ଆଟ୍ଏନ୍‍ ଇଜି ପସୁ ଆଦେସ୍ ସିତାତ୍ ।
\p
\v 18 ଇବେନୁ ବୁଦି ଦରକାର୍ ଏମେୱାନିଙ୍ଗ୍‌ ବୁଦି ମାନାତ୍‌ ୱାନ୍‌ ପସୁଦି ଇସାପ୍‌ କିପିନ୍, ମାତର୍‌ ଆକା ଅରେନ୍‌ ଲୋକୁ ଇସାପ୍‌, ମାରି ଆୟା ଇସାପ୍‌ ଆଜିନାତ୍ ୬୬୬ ।
\c 14
\s ମେଣ୍ତାପିଲା ନି ୱାନି ୱେନ୍‌କାବୁଲାନିଲୋକୁ
\p
\v 1 ତାନିୱେନ୍‌କା ନାନୁ ସୁଡ଼ୁତା, ମେଣ୍ତାପିଲା ସିୟୋନ ଗୋରନ୍‌ ମୁସୁକୁ ନିରାମାନାନ୍ । ୱାନି ୱାଲେ ୧୪୪,୦୦୦ ଲୋକୁ ମାର୍ହାର୍‌ । ୱାରି କାପାଲ୍‌ତୁ ମେଣ୍ତାପିଲା ମାରି ୱାନି ବୁବାଦି ଦରୁ ରାସାତାମାରାତ୍ । 
\v 2 ତାନିୱେନ୍‌କା ନାନୁ ୱେର୍‌ଆ, ଏରୁ ୱାଙ୍ଗ୍‌ନିଆଉଲି ମାରି ମିର୍‌ସିନି ଆଉଲି ୱାଜା ମୁସ୍‌କୁପୁର୍‌ତାନ୍‌ ଉନ୍‌ଡ୍ରି ବଲୁ ୱାତାତ୍‌ । ବାଜାଏସ୍‌ନିକାର୍‌ ବାଜାଏସ୍‌ସି ମାନି ମୋରି ଝୁମ୍‌କା ୱାଜା ଆକା ୱେନ୍‌ଜି ମାର୍ହାତ୍ । 
\v 3 ଆୟା ୧୪୪,୦୦୦ ଲୋକୁ ମୁସ୍‌କୁପୁର୍‌ ସିଂହାସନ୍‌ଦୁ, ନାଲ୍‌ଗି ଜାତୁଙ୍ଗୁଁ ମାରି ମଣ୍ତଲିଦି ପେରିନେତାରି ଆଗ୍‌ଡ଼ି ନିର୍ହାର୍ । ୱାର୍‌ ପୁନିପାଟା ପାରିଜିମାରାର୍‌ । ୱାରିଙ୍ଗ୍‌ ଡ଼ିସ୍‌ତିଙ୍ଗ୍‌ ଆଇକାର୍‌ ଏର୍‌ ଆୟା ପାଟା ପାର୍‍ଦେଙ୍ଗ୍‌ ଆଟ୍‍ଏଜିମାର୍ହାର୍‍ । ସାରା ଦୁନିଆ ଲୋକା ଜାତିଦି ମାଣୁକୁ କେବଲ୍‌ ୱାର୍‌ ରକିୟା ପୋଇତାମାରାର୍ । 
\v 4 ୱାର୍‌ ଆଇମେକା ୱାଲେ ନିଜେଦିଙ୍ଗ୍ ଏସ୍‌କାଙ୍ଗ୍ ପାପ୍‌ କିଏର୍‌ ମାର୍ହାର୍‌, ୱାର୍‌ ମାର୍ହାର୍‌ ନେଗିକାର୍‌ । ୱାର୍‌ ୱିଜୁଦିନ୍ ମେଣ୍ତାପିଲାଦି ୱେନ୍‌କା ବୁଲାଜିମାର୍ହାର୍‌ । ୱାର୍‌ ଲୋକା ମାଣୁକୁ ପାର୍‌ତୁମ୍‌ ରକିୟା ପଇଜି ମାପୁରୁ ମାରି ମେଣ୍ତାପିଲାଦି ଲାକ୍‌ତୁ ସର୍ପେ ଆତାମାନାର୍‌ । 
\v 5 ୱାର୍‌ ଏସ୍‌କାଙ୍ଗ୍ ମିଚ୍‌ ୱେର୍‌ନିକା ତର୍‌ଏତ୍, ୱାର୍‌ ପୁରା ଦସ୍‍ସିଲିକାର୍‍ ।
\s ମୁନ୍‌ଡ୍ରି ଦୁତ୍‌କୁ
\p
\v 6 ତାନିୱେନ୍‌କା ନାନୁ ମାରିଡ଼େସି ସୁଡ଼ୁତା, ମାରି ଅରେନ୍‌ ଦୁତ୍‍ ବାଦଡ଼ଦୁ ନାଣ୍ତ ମୁସ୍‌କୁରାନ୍‌ ଇମିଜି ଇମିଜି, ଦୁନିଆଦି ୱିଜୁ ଜାତି, କୁଟୁମ୍‌, ବାସାଦି ମାରି ଦୁନିଆଦି ଲୋକା ଲାକ୍‌ତୁ ମାପୁରୁଦି ଆୟା ୱିଜୁଦିନ୍‍ତି ସୁସମାଚାର୍‌ ୱେର୍‌ସିନାନ୍‌ । 
\v 7 ୱାନ୍‌ ପେରି ବଲୁଦାନ୍ ୱେର୍‌ସିନାନ୍‌, “ମାପୁରୁଙ୍ଗୁଁ ତିଲାଦୁ, ୱାନି ଆତ୍ମାଦିଙ୍ଗ୍‌ ପ୍ରସଂସା କିଦୁ, ମାତର୍‌ ଲୋକା ବିଚାର୍‍ ବେଡ଼ା ଇଗା ୱାତାତ୍‌ନି । ମୁସ୍‍କୁପୁର୍‍, ଦୁନିଆ, ସାମୁଦୁର୍‌ ମାରି ୱିଜୁ ଏରୁଜଲେଙ୍ଗ୍‌ ତିଆର୍‍କିତିୱାନିଙ୍ଗ୍‍ ପୁଜାକିଦୁ ।”
\p
\v 8 \x + \xo ୧୪:୮ \xo*\xt ପ୍ରକାଶିତ ୧୮:୨.\xt*\x*ଆୟା ଆଗ୍‌ଡ଼ିରି ଦୁତଦି ୱେନ୍‌କା ମାରିଉଣ୍ତ୍ରି ଦୁତ୍‍ ୱାଜି ଇର୍ହାତ୍‌, “ୱାନିଦି ଦଂସ ଗଟାତାତ୍ । ୱେଙ୍ଗିଁତିମାନି ବାବିଲନ୍ ଦଂସ୍‌ ଆତାମାନାତ୍‌ । ୱାନ୍‌ ୱାନି ଦାରିପାଣି ୱାଜା କାଡ଼ୁ ଉଟ୍‌ପିସ୍‌ କିଜି ୱିଜୁ ଲୋକାଙ୍ଗ୍‌ ସୋସପିସ୍‌ କିତାମାର୍ହାନ୍‌ ।”
\p
\v 9 ଇୟା ରୁଣ୍ତି ଦୁତଦି ୱେନ୍‌କା ମାରିଉଣ୍ତ୍ରି ଦୁତ୍‍ ୱାଜି ପେରି ବଲୁଦାନ୍ ଇନ୍‌ଡ୍ରେଙ୍ଗ୍‌ ଆସ୍‌ତାତ୍‌, “ଏନ୍‌ଆପିନ୍‌ ଜାତୁ ମାରି ତାନି ବମାଦିଙ୍ଗ୍‌ ପୁଜା କିନାନ୍ ମାରି ନିଜେଦି କାପାଲ୍‌ ନି କିୟୁଦୁ ୱାନି ସିନା ଆସ୍‌ନାନ୍‌, 
\v 10 ୱାନ୍‌ ମାପୁରୁଦି ରିସାଦିୱାଜା ଡୁବାଇଦୁ ୱାକ୍‍ତିମାନି ୱାନି ନାଣ୍ତ ରିସାଦି କାଡ଼ୁ ଉଣାନ୍‌ । ଏମେକାର୍‌ ଇୟା ପାଣିକିନାର୍‌, ୱାର୍‌ ୱିଜେରେ ମେଣ୍ତାପିଲା ମାରି ପବିତ୍ର ଦୁତ୍‍ରି ଆଗ୍‌ଡ଼ି ସିସୁ ମାରି ଗନ୍ଧକଦୁ କାସ୍ଟୁ ଆନେ । 
\v 11 ଆୟା କାସ୍‌ସିମାନି ସିସୁଦି ଗୋୟି ଜୁଗ୍‌ ଜୁଗ୍‌ କାସିସ୍‌ମାନାତ୍ । ଏମେକାର୍‌ ଜାତୁ ମାରି ଆୟା ମୁର୍ତିଦି ପୁଜା କିନାର୍, ମାରି ୱାନି ସିନା ଆସ୍‌ନାର୍‌, ୱାର୍‌ ନାଡ଼ାୱେଡ଼େ ୱିଜୁଦିନ୍‌ ଅସାନ୍ତି ଭୋଗାଜିମାନାର୍‌ ।”
\p
\v 12 ଏମେକାର୍‌ ମାପୁରୁଦି ମାଟାଆସ୍‌ନାର୍‌ ମାରି ଜିସୁଦି ଉଣ୍ତିଙ୍ଗ୍‌ ବିସ୍‌ବାସ୍‌ ତେବାନାର୍‌, ମାପୁରୁଦି ଆୟା ଲୋକା ଉଣ୍ତିଙ୍ଗ୍‌ ଏଣ୍ତେସ୍‌ବା ଦରକାର୍ ।
\p
\v 13 ନାନ୍‌ ୱେର୍‌ଆ, ମୁସ୍‌କୁପୁର୍‌ତାନ୍ ଉନ୍‌ଡ୍ରି ମାଟା ୱେଙ୍ଗିଁଜିନାତ୍; “ଇୟା ମାଟା ରାସ୍‍ତୁ ଏମେକାର୍ ଏଣ୍ତେସ୍‌କି ପ୍ରବୁଦି ସେବାକିଜି ସାନାସନାର୍, ୱାର୍‌ ଦନ୍ୟ ।”
\p ମାରି ନାନ୍‌ ୱେର୍‌ଆ, ତାଗ୍‍ଇଆତ୍ମା ଇଜିନାତ୍, “ଇକା ଏଣ୍ତେସ୍‌ବା ଗଟାନାତ୍ । ୱାର୍‌ ନିଜେ ନିଜେଦି କାସ୍ଟୁପାଣିଦାନ୍‌ ରମ୍‌ନାର୍‌, ଇରିଙ୍ଗ୍‌ ୱାରି ପାଣି ୱାରି ଲାକ୍‌ତୁ ଆନାତ୍‌ ।”
\s ପାସି ଉଣ୍ତାକିନିକା
\p
\v 14 ତାନିୱେନ୍‌କା ନାନୁ ସୁଡ଼ୁତା, କାଣ୍ତେକ୍ ଅଡ଼ିନି ବାଦଡ଼ ମାରି ତାନି ମୁସୁକୁ ବାସ୍ତାମାନାନ୍‌ ମନୁସ୍ୟପୁତ୍ର ୱାଜା ଅରେନ୍‌; ୱାନି ତାଲାଦୁ ବାଙ୍ଗାଁରାମ୍‌ତି ମୁକୁଟ୍ ମାରି କିୟୁଦୁ ଦାରାଦି କଏର୍‌ । 
\v 15 ମନ୍ଦିର୍‌ତାନ୍ ମାରି ଉନ୍‌ଡ୍ରି ଦୁତ୍‍ ସୋସିୱାଜି ବାଦଡ଼ପିଡ଼ିକ୍‌ତିମାନି ଲୋକ୍‌ତିଙ୍ଗ୍‌ ନାଣ୍ତଆଉଲିଆଜି ଇର୍ହାନ୍‌, “ନି କଏର୍‌ ଆସ୍‌ସି ପାସି କୟ୍‌ଆ । ଦୁନିଆଦି ପାସି ଉଣ୍ତାକିଦେଙ୍ଗ୍‌ ଟିକ୍ ବେଡ଼ା ଇଗା ୱାତାମାନାତ୍‌ ।” 
\v 16 ଇକା ୱେନ୍‌ଜି ବାଦଡ଼ପିଡ଼୍‌ତି ଲୋକୁ ୱାନି କଏର୍‌ ଆସ୍‌ପିସ୍‌ସି ମାରି ଦୁନିଆଦି ପାସି ୱିଜୁ ଉଣ୍ତାତାତ୍‌ ।
\p
\v 17 ତାନିୱେନ୍‌କା ନାନୁ ସୁଡ଼ୁତା, ମାରି ଉନ୍‌ଡ୍ରି ଦୁତ୍‍ ମୁସ୍‌କୁପୁର୍‌ତି ମନ୍ଦିର୍‌ତାନ୍‌ ୱାଜିନାନ୍, ୱାନି କିୟୁଦୁ ବା ଉନ୍‌ଡ୍ରି ଦାରାଦି କଏର୍‌ ମାର୍ହାତ୍‌ ।
\p
\v 18 ତାନିୱେନ୍‌କା ବେଦିଦି ସିସୁ ଦାଇତ୍‌ତାନ୍‌ ମାନି ଉଣ୍ତ୍ରି ଦୁତ୍‍ କଏର୍‌ ଆସ୍ତିମାନି ମାରିଉଣ୍ତ୍ରି ଦୁତଦିଙ୍ଗ୍‌ ଆଉଲି ଆଜି ଇର୍ହାନ୍‌, “କଏର୍‌ ଆସ୍‌ସି ଦୁନିଆଦି ଅଙ୍ଗୁର୍‍ କିଡ଼ିଇଦାନ୍‌ ଅଙ୍ଗୁର୍‍ ୱିଜୁ କୋୟ୍‌ଜ ପୋକ୍‌ଆ; ଆୟାୱିଜୁ ପାଣ୍ତିତେମାନେ ।” 
\v 19 ଆବେଟ୍‌ତାନ୍‌ ଦୁତ୍‍ ଦୁନିଆଦୁ ୱାନି କଏର୍‌ ଆସ୍‌ସି ଅଙ୍ଗୁର୍‍ ତିୱେଙ୍ଗ୍‌ଣ୍‌କୁ ଅଙ୍ଗୁର୍‍ କୋୟ୍‌ଜି ଉଣ୍ତା କିତାନ୍‌ ମାରି ଆୟାୱିଜୁ ମାପୁରୁଦି ନାଣ୍ତ ରିସାଦି ଅଙ୍ଗୁର୍‍ ପିର୍‌ନି କୁଣ୍ତ୍‌ଦୁ ପୋକ୍‍ତାର୍ । 
\v 20 \x + \xo ୧୪:୨୦ \xo*\xt ପ୍ରକାଶିତ ୧୯:୧୫.\xt*\x*ଗାଡ଼୍‌ତି ଆତେରେ ମାନି ଆୟା କୁଣ୍ତ୍‌ଦୁ ଅଙ୍ଗୁର୍‍ କାଙ୍ଗ୍‌ ପିରିତାର୍ ମାରି ଆବେଟ୍‌ତାନ୍‌ ନେତେର୍‌ ସୋସି ଗଡ଼େଙ୍ଗାଁ ୱେୟୁ ସାନ୍ଧି ୩୦୦ କିଲୋମିଟର୍‌ତାନ୍‌ ପୁରା ନିରିକା ମାରି ପୁରା ଦୁଇ ମିଟର୍‌ ମୁସୁକୁ ନିଙ୍ଗିଁଜି ନେତେର୍‌ ୱାତାତ୍‌ ।
\c 15
\s ସାରାସାରି କାସ୍ଟୁସିନିକା
\p
\v 1 ତାନିୱେନ୍‌କା ନାନୁ ବାଦଡ଼ତୁ ମାରି ଉଣ୍ତ୍ରି କାବାଆନି ସିନା ସୁଡ଼ୁତା । ସାତ୍‌ଗୋଟା ଦୁତ୍‌କୁ, ୱାରି କିୟୁଦୁ ସାତ୍‌ଗୋଟା କାସ୍ଟୁଙ୍ଗୁଁ, ଇକାନେ ସାରାସାରି, ଇରିଙ୍ଗ୍‌ ଇୟା କାସ୍ଟୁଦିଙ୍ଗାଁ ମାପୁରୁଦି ରିସା ୱିଜିତାତ୍‌ ।
\p
\v 2 ତାନିୱେନ୍‌କା ନାନୁ ସୁଡ଼ୁତା, ଏଣ୍ତେସ୍‌ ସିସୁମିସାତି ଉଣ୍ତ୍ରି କାୟାଦି ସାମୁଦୁର୍ ୱାଜା । ଆୟା ସାମ୍‌ଦୁରୁତି ଟିପୁବାଡିଦୁ ନିର୍‌ଆ ମାର୍ହାର୍‌ ଜିଣାତି ଲୋକୁ ଇୟାକାର୍‌ ମାପୁରୁଦି ଟଇଲା ଆସ୍‌ସି, ଜାତୁ, ଜାତୁଦି ମୁର୍ତି ମାରି ମୁସ୍‌କୁରି ଇସାବ୍‌ଦାନ୍‌ ନେସ୍‌ତିମାନି ଆୟା ତାଗ୍‌ଇଆତ୍ମା ମୁସ୍‌କୁ ଜିଣାତାମାର୍ହାର୍‌ । 
\v 3 ୱାର୍‌ ମାପୁରୁ ସିତିମାନି ଟଇଲା ଏସ୍‌ସି ମାପୁରୁଦି ସେବାକିନିକାନ୍‌ ମୋସାଦି ପାଟା ମାରି ମେଣ୍ତାପିଲାଦି ପାଟା ପାରିଜିମାର୍ହାର୍‌ ।
\q1 “ଏ ସର୍ବସାକ୍ତିମାନ୍ ମାପୁରୁ !
\q2 ନି ସାରିୱିଜୁ ଏସ ପେରିକା ମାରି କାବାଆନିକା,
\q1 ୱିଜୁ ଲୋକା ଜାତିଦୁ ରାଜାଦି ରାଜା !
\q2 ନି ପାଣିୱିଜୁ ଏସ ନ୍ୟାୟ୍‌ ନି ସତ୍‌ ।
\q1
\v 4 ଏ ପ୍ରବୁ ! ଏନ୍‌ ନିଙ୍ଗିଁ ତିଲାଏନ୍‌ ?
\q2 ଏନ୍‍ ନି ଦର୍‍ତି ଦନ୍ୟବାଦ କିଏନ୍‌ ?
\q2 କେବଲ୍‌ ନିନୁ ନେ ପବିତ୍ର,
\q1 ୱିଜୁ ଲୋକୁ ୱାଜି
\q2 ନି ପୁଜାକିନାର୍ ।
\q2 ଇରିଙ୍ଗ୍‌ ନି ନ୍ୟାୟ୍‌ ପାଣି ୱିଜୁ ୱିଜେରେ ସୁଡ଼ୁତାମାନାର୍‌ ।”
\p
\v 5 ତାନିୱେନ୍‌କା ମୁସ୍‌କୁପୁର୍‌ତି ସାକି ମନ୍ଦିର୍‌ ସେର୍‍ଲା ରେଆୟ୍‌ଆନିକା ନାନୁ ସୁଡ଼ୁତା । ଆବେନୁ ମାପୁରୁଦି ତେବାନି ଗୁଡ଼ା ମାର୍ହାତ୍‌ । 
\v 6 ସାତ୍‌ଗୋଟା କାସ୍ଟୁସିନିକା ଆସ୍ତିମାନି ସାତ୍‌ଗୋଟା ଦୁତ୍‍କୁ ମୁସ୍‌କୁପୁର୍‌ତି ମନ୍ଦିର୍‌ତି ଲୋଇରାନ୍‌ ସୋସି ୱାତେ; ୱାକ୍‌ ନେଗି ଅଡ଼ିନି ଆଙ୍ଗିଁଙ୍ଗ୍‌ ଆରାତେ ମାରେଏ ମାରି ବକାଦୁ ବାଙ୍ଗାଁରାମ୍‍ତି ବେଲୁଟୁ ତର୍‌ଆୟ୍‌ଆତା ମାର୍ହାର୍‌ । 
\v 7 ଆବେନୁ ନାଲିଗି ଜାତୁଙ୍ଗାଁ ଲୋଇରାନ୍‌ ଉନ୍‌ଡ୍ରି ଜାତୁ ୱିଜୁଦିନ୍‌ତି ମାପୁରୁଦି ରିସାଦୁ ପୁରାବର୍ତି ସାତ୍‌ଗୋଟା ବାଙ୍ଗାଁରାମ୍‍ତି ଡୁବାଇଙ୍ଗୁଁ ଆୟା ସାତ୍‌ଗୋଟା ଦୁତ୍‍କାଙ୍ଗ୍‌ ସିତାନ୍‌ । 
\v 8 ମାପୁରୁଦି ଗୌରବ୍‍ ମାରି ସାକ୍ତିଦି ଗୋଇତାନ୍‌ ମନ୍ଦିର୍‌ ପୁରାବର୍ତି ଆତାତ୍; ସାତ୍‌ଗୋଟା ଦୁତ୍‍କୁ ଆସ୍‌ତି ୱାତିମାନି ସାତ୍‌ଗୋଟା କାସ୍ଟୁଙ୍ଗୁଁ ୱିଜ୍‌ଇ ସାନ୍ଧି ଏନ୍‌ ମନ୍ଦିର୍‌ତୁ ଡ଼ୁଗୁଦେଙ୍ଗ୍‌ ଆଟ୍‌ଏତାର୍‌ ।
\c 16
\s ମାପୁରୁଦି ରିସାଦୁ ସାତ୍‌ଗୋଟା ଡୁବାଇଙ୍ଗୁଁ
\p
\v 1 ତାନିୱେନ୍‌କା ନାନୁ ୱେର୍‌ଆ, ମନ୍ଦିର୍‌ତାନ୍‌ ଏନ୍‌ ଅରେନ୍‌ ଆଉଲି ଆଜି ଆୟା ସାତ୍‌ଗୋଟା ଦୁତ୍‌କାଙ୍ଗ୍‌ ୱେର୍‌ସିନାନ୍‌, “ସାଙ୍ଗ୍‌ଆ, ସାତ୍‌ଗୋଟା ଡୁବାଇଦୁ ମାନି ମାପୁରୁଦି ରିସା ଦୁନିଆଦୁ ମୁସ୍‌କୁ ୱାକ୍‍ସୋ ସିଦୁ ।”
\p
\v 2 ଇକା ୱେନ୍‌ଜି ପାର୍‌ତୁମ୍‌ ଦୁତ୍ ସୋଲ୍‌ସି ୱାନି ଡୁବାଇଦୁ ଆମାକା ମାର୍ହାତ୍‌, ଦୁନିଆଦୁ ମୁସ୍‌କୁ ୱାକ୍‍ତାସିତାତ୍‌ । ଦାପେ ଦାପେ ଏମେକାର୍ ଜାତୁଦି ସିନା ଆସ୍‌ତାମାର୍ହାର୍‌ ମାରି ଆୟାତାନି ମୁର୍ତିଦିଙ୍ଗ୍‌ ପୁଜା କିତାମାର୍ହାର୍‌, ୱାରି ମେନ୍ଦଲତାନ୍ ନାଣ୍ତ କାସ୍ଟୁଦାନ୍‍ ଗାଉ ସୋତାତ୍ ।
\p
\v 3 ତାନିୱେନ୍‌କା ମାରିଉନ୍‌ଡ୍ରି ଦୁତ୍‌ ତାନି ଡୁବାଇଦିଙ୍ଗ୍‌ ସାମ୍‌ଦୁର୍‌ ମୁସୁକୁ ୱାକ୍‌ତା ସିତାତ୍ । ସାମ୍‌ଦୁର୍‌ତି ଏରୁ ସାତି ଲୋକାଦି ନେତେର୍ ୱାଜା ଆତାସରାତ୍ ମାରି ସାମ୍‌ଦୁର୍‌ତି ୱିଜୁ ଏର୍‌ତୁ ଜିଜିମାନିକେଙ୍ଗ୍‌ ସାତେସର୍‌ଏ ।
\p
\v 4 ତାନିୱେନ୍‌କା ତିନି ନମ୍ୱର୍‌ତି ଦୁତଦି ଡୁବାଇଦୁ ଏମେକା ମାର୍ହାତ୍, ଆକା ୱାଦ୍‌ ଗାଡ଼୍‌ ମାରି ଜଲେଙ୍ଗାଁ ମୁସୁକୁ ୱାକ୍‍ତା ସିତାତ୍ ମାରି ଆୟାୱିଜୁ ଏରୁ ନେତେର୍‍ତୁ ମିସାତେ । 
\v 5 ନାସ୍ତିୱାଲେ ନାନ୍‌ ୱେର୍‌ଆ, ଏରୁଦୁ ଦାଇତି ମାନି ଦୁତ୍‍ ଇଜିନାତ୍, “ନିନୁ ପବିତ୍ର, ନିନୁ ଇଲେଇ ମାରି ସର୍‌ଇଦିନ୍‌ତୁ; ନିନୁ ସାମାନ୍‌ ବିଚାର୍‌ କିତିମାନି । 
\v 6 ୱାର୍‌ ମାପୁରୁଦି ଲୋକାଙ୍ଗ୍‌ ମାରି ବାବବାଦିରିଙ୍ଗ୍ ଏମେ କାତ୍‌ସି ନେତେର୍‌ କିତାମାର୍ହାର୍‌, ଆକା ନିନ୍‌ ୱାରିଙ୍ଗ୍‌ ଉଟ୍‍ପିସ୍‌ କିତିମାନି । ୱାରି ପାଣି ୱାର୍‌ ପୋଇତାମାନାର୍‌ ।” 
\v 7 ତାନିୱେନ୍‌କା ନାନୁ ବେଦିଦି ଉନ୍‌ଡ୍ରି ବଲୁ ୱେର୍‌ଆ, “ପ୍ରବୁ ସର୍ବସାକ୍ତିମାନ୍ ମାପୁରୁ ! ନି ବିଚାର୍ ଟିକ୍‌ ମାରି ନ୍ୟାୟ୍‍ତିକା ।”
\p
\v 8 ତାନିୱେନ୍‌କା ନାଲିଗି ନମ୍ୱର୍‌ତି ଦୁତ୍‍ ତାନି ଡୁବାଇଦୁ ମାନି ଜିନିସ୍‌ଦିଙ୍ଗ୍‌ ୱେଡ଼ା ମୁସ୍‌କୁ ୱାକ୍‍ତା ସିତାତ୍ । ତାନିୱେନ୍‌କା ୱେଡ଼ା ନାଣ୍ତତାତିଆଜି ଲୋକାଙ୍ଗ୍‌ ସାପିସ୍ତାତ୍‌ । 
\v 9 ଇବେଟ୍‌କୁ ୱାର୍‌ ରିସାଆଜି କାସ୍ଟୁ ମୁସ୍‌କୁ ଅଦିକାର୍‌ ମାନି ମାପୁରୁଙ୍ଗୁଁ ଆନାଦୁରିଆ ସିତାର୍; ମାତର୍‌ ମୋନ୍‌ ବାଦେଲେ କିଜି ୱାନି ମହିମା ମାନାଏତାର୍ ।
\p
\v 10 ତାନିୱେନ୍‌କା ପାସ୍‌ ନମ୍ୱର୍‌ତି ଦୁତ୍ ତାନି ଡୁବାଇଦିଙ୍ଗ୍‌ ଜାତୁଦି ସିଂହାସନ୍‌ଦି ମୁସ୍‌କୁ ୱାକ୍‌ତା ସିତାତ୍ । ଜାତୁଦି ଦେସ୍‌ ମୁସ୍‌କୁ ସିକାଟି ଆତାସର୍ହାତ୍‍ ମାରି ଲୋକୁ କାସ୍ଟୁଦାନ୍ ୱାରି ୱେତଲ୍ କାଟ୍‌ତା ପକ୍‌ତାର୍ । 
\v 11 ୱାରି ମେନ୍ଦଲ୍‍ତି ଗାଉକା ଉଣ୍ତିଙ୍ଗ୍‌ ମାରି ନୋପି କାସ୍ଟୁଦି ଉଣ୍ତିଙ୍ଗ୍‌ ମାପୁରୁଙ୍ଗୁଁ ଆନାଦୁରିଆ ସିତାର୍ । ମାତର୍‌ ନିଜେଦି ନେଗିସାରିଦାନ୍‌ ଡ଼େସି ରେଏତାର୍‌ ।
\p
\v 12 ୱିଜୁଦିନ୍‌ତି ସୋଅ ନମ୍ୱର୍‌ତି ଦୁତ୍ ପେରି ୟୁପ୍ରେଟିସ ପେରିଗାଡା ମୁସ୍‌କୁ ତାନି ଡୁବାଇତିକା ୱାକ୍‍ତା ସିତାତ୍‌ । ଦାପେ ଦାପେ ଗାଡାଦି ଏରୁ ୱାର୍‌ତେସର୍‌ଏ ମାରି ୱେଡ଼ାସୋନିତରିଟାନ୍‌ ସାତ୍ରୁ ରାଜାରି ଆଗମନ ଉଣ୍ତିଙ୍ଗ୍‌ ସାରି ରେଆତାତ୍‌ । 
\v 13 ତାନିୱେନ୍‌କା ନାନୁ କାପକି ୱାଜାତର୍‌ନି ମୁଣ୍ତ୍ରି ତାଗିଇଦୁବେଙ୍ଗ୍‌ ସୁଡ଼ୁତା । ଆୟାକେଙ୍ଗ୍‌ଁ ପୁର୍ବେଦି ସାରାସ୍‌, ପସୁ ମାରି ବଣ୍ତ ବାବବାଦିର୍ ୱେୟୁଦାନ୍ ସୋସିମାରେଏ । 
\v 14 ଆୟା ଦୁବାଆତ୍ମେଙ୍ଗ୍‌ କାବାଆନି ପାଣି ପୁରା କିଦେଙ୍ଗ୍‌ ଆଟ୍‍ନେ । ୱାର୍‌ ସର୍ବସାକ୍ତିମାନ୍ ମାପୁରୁଦି ଦିନ୍‍ତୁ ଜୁଦ୍‍ କିନି ଉଣ୍ତିଙ୍ଗ୍‌ ପୃତିବିଦି ରାଜାରିଙ୍ଗ୍‌ ଉଣ୍ତାକିନି ଉଣ୍ତିଙ୍ଗ୍‌ ସୋସିୱାତାର୍‌ ।
\p
\v 15 \x + \xo ୧୬:୧୫ \xo*\xt ମାତିଉ ୨୪:୪୩,୪୪; ଲୁକ ୧୨:୩୯,୪୦; ପ୍ରକାଶିତ ୩:୩.\xt*\x*“ୱେନ୍‌ଡ୍ରୁ ! ନାନୁ ଡଙ୍ଗାଁରେଏନ୍‌ ୱାଜା ୱାନା । ଏମେ ଲୋକୁ ଜାଗ୍ରାତ୍ ମାନିଜି ଡଙ୍ଗାଁଏର୍‌ତି ମାଡ଼ାନ୍ ନିଜେଦି ୱାତିଗୋଦା ନେଗେନ୍‌କିଜି ଇଡିନାନ୍, ୱାନ୍‌ ଦନ୍ୟ । ନାଗାଡ଼ା ଆଜି ସାଲାବୁଲା କିନି ମାଡ଼ାନ୍ ୱାନିଙ୍ଗ୍‌ ସେମାର୍ ଆଦେଙ୍ଗ୍‌ ପୋଡ଼ାଏତ୍ ।”
\p
\v 16 ତାଗିଇଆତ୍ମେଙ୍ଗ୍‌ ଟିକ୍‌ ବେଡ଼ାଦୁ ପୃତିବିଦି ରାଜାରିଙ୍ଗ୍‌ ଏମେ ଜୁଦ୍‌ଦୁ ଉଣ୍ତାକିବିସ୍‍ତାତ୍‌, ଏବ୍ରି ବାସାଦାନ୍ ତାନି ଦରୁ ଅର୍ମିଗିଦ୍ଦୋନ୍‌ ।
\p
\v 17 ତାନିୱେନ୍‌କା ସତ୍‌ ନମ୍ୱର୍‌ତି ଦୁତ୍ ତାନି ଡୁବାଇତି ଜିନିସ୍‌ତିଙ୍ଗ୍‌ ଗାଲିଦି ମୁସୁକୁ ୱାକ୍‍ତାସିତାତ୍ । ଆଦେଙ୍ଗ୍‌ ମନ୍ଦିର୍‌ତୁ ମାନି ସିଂହାସନ୍‌ତାନ୍ ପେରିବଲୁଦାନ୍ ଉନ୍‌ଡ୍ରି ମାଟା ୱିଙ୍ଗିଁତାତ୍, “ପାଣି ୱିଜିତାମାନାତ୍ ।” 
\v 18 \x + \xo ୧୬:୧୮ \xo*\xt ପ୍ରକାଶିତ ୮:୫; ୧୧:୧୩,୧୯.\xt*\x*ଆୟାଦାପ୍ରେ ଲାଇନି କାସ୍‌ତାତ୍‌, ବାଦଡ଼ ଡିଡ଼ିତାତ୍‌ ମାରି ଉନ୍‌ଡ୍ରି ବୟ୍‌ଙ୍କର୍‌ ବୁମିକମ୍ପ ଆତାତ୍, ଲୋକୁ ତିଆର୍‌ଆତି ଆଗ୍‌ଡ଼ିରାନ୍‌ ଇୟାୱାଜା ବୁମିକମ୍ପ ଏସାଙ୍ଗ୍ ଆଏତ୍‌ମାର୍ହାତ୍‌; ଇକା ମାର୍ହାତ୍‌ ୱିଜୁଦି ମାଡ଼ାନ୍‌ ବୟ୍‌ଙ୍କାର୍‌ ବୁମିକମ୍ପ । 
\v 19 ପେରିଗାଡ଼୍‌ ମୁଣ୍ତ୍ରି ବାଗ୍‍ତାନ୍ ଅଲଗା ଆତାତ୍‌, ଦେସ୍‌ତି ୱିଜୁ ଗାଡ଼୍‌କୁ ଦ୍ୱଂସ୍‌ ଆତେସର୍‌ଏ । ମାପୁରୁ ପେରିଗାଡ଼୍‌ ବାବିଲନ୍‌ତିଙ୍ଗ୍‌ ବାଣାଏନ୍‌ ମାର୍ହାନ୍‌ । ୱାନ୍‌ ୱାନି ଉଣିଡୁବାଇତାନ୍‌ ୱାନି ନାଣ୍ତ ରିସାୱାଜା କାଡ଼ୁ ୱାନିଙ୍ଗ୍‌ ଉଟ୍‍ପିସ୍‌କିତାର୍ । 
\v 20 \x + \xo ୧୬:୨୦ \xo*\xt ପ୍ରକାଶିତ ୬:୧୪.\xt*\x*ମାରି ସାମ୍‌ଦୁର୍‌ ନାଡ଼ିମିମାନି ଦେସ୍‌କୁ ୱିଜୁ ମାର୍‌ଗିତେ ସରେଏ, ପେରି ପେରି ଗରକ୍ ୱିଜୁ ତର୍‌ଉତେ । 
\v 21 \x + \xo ୧୬:୨୧ \xo*\xt ପ୍ରକାଶିତ ୧୧:୧୯.\xt*\x*୫୦ କେଜି ବଜୁଦି ପେରି କାଲୁକୁ ବାଦଡ଼ତାନ୍ ଲୋକାମୁସୁକୁ ଆର୍‍ତେ, ଲୋକୁ ଇୟା ନାଣ୍ତ କାସ୍ଟୁ ଉଣ୍ତିଙ୍ଗ୍‌ ମାପୁରୁଙ୍ଗୁଁ ଆନାଦୁରିଆ ଇଟ୍‌ତାର୍‌ ।
\c 17
\s ପେରି ଦାରିପାଣି
\p
\v 1 ତାନିୱେନ୍‌କା ସାତ୍‌ଗୋଟା ଡୁବାଇଆସ୍ତିମାନି ସାତ୍‌ଗୋଟା ଦୁତ୍‌କା ଲୋଇରାନ୍‌ ଅରେନ୍‌ ନା ଲାକୁତୁ ୱାଜି ଇର୍ହାନ୍‌, “ଇବେନୁ ରାଆ ! ନାଣ୍ତ ଗାଡେଆଙ୍ଗ୍‌ଁ ଲାକୁତୁ ତିଆର୍‌ ଆତିମାନି ଦାରିପାଣି ୱାଜା ଆୟା ପେରିଗାଡ଼୍‌ ଏସ ଦଣ୍ତ୍‌ ପୋଇନାତ୍‌, ଆକା ତୋର୍‌ନା । 
\v 2 ଆମାୱାନି ୱାଲେ ଦୁନିଆଦି ରାଜାର୍‌ ଆୟା ଦାରିପାଣିଦି କିତାମାନାର୍‌ ମାରି ପୃଥିବିଦି ଲୋକ୍‌ ୱିଜେରେ ୱାନି ଦାରିପାଣିୱାଜା କାଡ଼ୁ ଉଣୁଜି ସୋସତା ମାନାର୍‌ ।”
\p
\v 3 \x + \xo ୧୭:୩ \xo*\xt ପ୍ରକାଶିତ ୧୩:୧.\xt*\x*ନାସ୍ତିୱାଲେ ପବିତ୍ରଆତ୍ମା ନାମାନୁ ବାସାତାତ୍‌ ମାରି ଆୟା ଦୁତ୍ ନାଙ୍ଗିଁ ଉଣ୍ତ୍ରି ବାଲିଜାଗାଦୁ ଅତାତ୍ । ଆବେନୁ ନାନୁ ସୁଡ଼ୁତା, ଅରେତ୍ ଆଇମା ଲୋକୁ ଉଣ୍ତ୍ରି ଲାଲ୍ ରଙ୍ଗ୍‌ତି ଜାତୁ ମୁସୁକୁ ବାସ୍‌ତାମାନାତ୍ । ଜାତୁଦି ୱିଜୁମେଦଲ୍‍ତୁ ମାପୁରୁଦି ନିନ୍ଦାସିନି ଦର୍‌କୁ ରାସାତେମାନେ ମାରି ତାନିଙ୍ଗ୍‌ ସାତ୍‌ଗୋଟା ତାଲେକ୍ ମାରି ଦାସ୍‌ଗୋଟା କମୁକୁ ମାନେ । 
\v 4 ଅରେତ୍ ଆଇମା ସେର୍‍ଗାନାନିକା ମାରି ପୁରା ଲାଲ୍ ରଙ୍ଗ୍‌ତି ୱାତି ପିଡ଼ିଗିତାମାର୍ହାତ୍‌ ମାରି ବାଙ୍ଗାଁରାମ୍‍ତି ସରେଙ୍ଗ୍‌, ନାଣ୍ତଦାରାଦି ମଣିମାଣିକ ମାରି ୱେଡିଦାନ୍‌ ଆରାତାମାର୍ହାତ୍ । ୱାନି ନାସ୍ଟୁକିନି ପଲ୍‌ ୱାଜା ଦାରିପାଣି ନି ତାଗ୍‍ଇ ବିସୟୱିଜୁ ଉଣ୍ତ୍ରି ବାଙ୍ଗାଁରାମ୍‌ତି ଡୁବାଇ ୱାନ୍‌ ଆସ୍ତାମାର୍ହାନ୍‌ । 
\v 5 ତାନି କାପାଲ୍‌ତୁ ଉନ୍‌ଡ୍ରି ମାର୍‌ଗିତିମାନି ଦର୍‌ ରାସାତାମାନାତ୍, “ପେରି ବାବିଲନ୍, ଦୁନିଆଦି ୱିଜୁ ଦାରିପାଣି ମାରି ନାସ୍ଟୁକିନିୱାରି ଆଇସି ।” 
\v 6 ନାନୁ ମାରି ସୁଡ଼ୁତା, ଆୟା ଆଇମା ସାଦୁରି ମାରି ଜିସୁଦି ଉଣ୍ତିଙ୍ଗ୍‌ ବିସ୍‌ବାସ୍‌ ତେବାଜି ସାତି ମାନି ଲୋକାରି ନେତେର୍ ଉଣୁଜି ସୋସ୍‍ତାମାରାତ୍ । ତାନିଙ୍ଗ୍‌ ସୁଡ଼ିଜି ନାନୁ କାବାଆତା ସୋର୍‌ଆ । 
\v 7 ଦୁତ୍‍ ଇର୍ହାତ୍, “ଏନ୍ଦାନିଙ୍ଗ୍‌ କାବାଆଜିନି ? ଆୟା ଆଇମା ମାରି ସାତଗୋଟା ତାଲେକ୍ ମାରି ଦାସ୍‌ଗୋଟା କମୁକୁ ୱାଦ୍‌ ବୁଲାନି ଜାତୁଦି ମାର୍‌ଗିତିମାନି ଅର୍ତ ନାନୁ ନିଙ୍ଗିଁ ଇଜିନା, ୱେନ୍ଆ ! 
\v 8 ଜାତୁ ଅର୍‍ଲେନ୍‍ ଜିତାମାର୍‌ଆତ୍‌; ଇଲେ ମାରି ଜିଏତ୍‌, ମାତର୍‌ ଆୟାଦାପ୍ରେନେ ପାତାଲ୍‍ପୁର୍‌ତାନ୍ ନିଙ୍ଗିଁଜି ୱାନାତ୍‌ ମାରି ଉଣ୍ତ୍ରି ଦେବା ନାସ୍ଟୁ ଆନାତ୍ । ତିଆର୍‌ଆତି ପୁର୍ବେଦାନ୍‌ ଏମେୱାରି ଦରୁକୁ ଜିବନ୍‌ ବଇଦୁ ରାସାଏତ୍, ଦୁନିଆଦି ଲୋକୁ ଆୟାୱିଜେରେ ଜାତୁଦିଙ୍ଗ୍‌ ସୁଡ଼ିଜି କାବାଆତାର୍‌ । ୱାଦ୍‌ ଅର୍‍ଲେନ୍‍ ଜିବନ୍‌ ମାର୍ହାତ୍, ଇଲେଇ ମାରି ସିଲେତ୍‌, ମାତର୍‌ ମାରିଡ଼େସି ୱାଦ୍‌ ୱାନାତ୍‌ ।
\p
\v 9 “ଇୟାୱିଜୁ ବିସୟ୍‌ ବୁଜାନି ଉଣ୍ତିଙ୍ଗ୍‌ ବୁଦି ଦରକାର୍ । ଜାତୁଦି ସାତ୍‌ଗୋଟା ତାଲେକ୍ ସତ୍‌ତାନ୍‌ ସାତ୍‌ଗୋଟା ଗୋରକ୍, ଏମେ ମୁସୁକୁ ଆଇମା ବାସ୍ତାମାର୍ହାତ୍‌ । ଆୟାୱିଜୁ ବା ସାତ୍‌ଗୋଟା ରାଜାରି ସିନେଙ୍ଗ୍‌ । 
\v 10 ୱାରି ଲୋଇରାନ୍‌ ପାସ୍‌ ଲୋକୁ ସାତା ସରାମାନାର୍‌ । ଅରେନ୍‌ ଇଲେ ସାସନ୍‌ କିଜିନାନ୍, ମାରି ଅରେନ୍‌ ଇଲେ ସାନ୍ଦି ରେଏନ୍‍ନେ । ୱାନ୍‌ ୱାଜି ସାଣେକ୍‌ତି ଉଣ୍ତିଙ୍ଗ୍‌ ସାସନ୍‌ କିନାନ୍ 
\v 11 ମାରି ଆମା ଜାତୁ ଅର୍‍ଲେନ୍‍ ଜିତାମାର୍ହାତ୍, ମାତର୍‌ ଇଲେ ମାରି ସିଲେତ୍‌, ୱାନ୍‌ ଆଜିନାତ୍ ଆଟ୍‌ ନମ୍ୱର୍‌ ରାଜା; ଆୟା ସାତ୍‌ଗୋଟା ରାଜାରି ଲୋଇରାନ୍‌ ଅରେନ୍‌ ମାରି ୱାନ୍‌ ବା ବେଗି ସାନାସନାନ୍ ।
\p
\v 12 “ମିର୍‌ ସୁଡ଼ିତିମାନି ଦାସ୍‌ଗୋଟା କମୁକୁ, ଦାସ୍‌ଗୋଟା ରାଜାରି ସିନେଙ୍ଗ୍‌, ୱାର୍‌ ଇୟାସାନ୍ଦି ସାସନ୍‌ କିଏର୍‌ । ମାତର୍‌ ଜାତୁ ୱାଲେ ସାସନ୍‌ କିନି ଉଣ୍ତିଙ୍ଗ୍‌ ଉନ୍‌ଡ୍ରେ ଗନ୍‌ଟା ଉଣ୍ତିଙ୍ଗ୍‌ ୱାରିଙ୍ଗ୍‌ ଅଦିକାର୍‌ ସିଆୟ୍‌ଆନାତ୍ । 
\v 13 ଇୟା ଦାସ୍ ଲୋକା ରାଜାରି ଉଦେସ୍‌ ଉନ୍‌ଡ୍ରେ । ୱାର୍‌ ନିଜେଦି ୱିଜୁ ସାକ୍ତି ମାରି ଅଦିକାର୍ ଜାତୁଦିଙ୍ଗ୍‌ ସର୍ପେ କିନାର୍ । 
\v 14 ୱାର୍‌ ମେଷସାବକଦି ବିରୁଦ୍‌ତାନ୍ ଜୁଦ୍‍ କିନାର୍; ମାତର୍‌ ମେଷସାବକ ୱାନି କୁକାୟ୍‌ଆତାମାନା, ବାସେଆତାମାନା, ବୁଲାନିକାର୍ ମାରି ବିସ୍‌ବାସ୍‌ତି ଲୋକା ସାହାଜ୍ୟଦାନ୍ ୱାରିଙ୍ଗ୍‌ ଆରାକିନାର୍ । ଇରିଙ୍ଗ୍‌ ୱାନ୍‌ ପ୍ରବୁରି ପ୍ରବୁ ମାରି ରାଜାରି ରାଜା ।”
\p
\v 15 ଦୁତ୍ ନାଙ୍ଗିଁ ମାରି ଇର୍ହାତ୍‌, “ନିନ୍‌ ଏମେ ଏରୁତୁମାନିକେଙ୍ଗ୍‌ ସୁଡ଼ୁତି, ଏମେ ମୁସୁକୁ ଆୟା ଦାରିପାଣିକିନିକାତ୍‌ ବାସ୍ତାମାର୍ହାତ୍, ଆକା ଆଜିନାତ୍ ଆଇ ଆଇ ଦେସ୍, ଜାତି, କୁଟୁମ୍‌ ମାରି ଭାସାବାସିଦି ଲୋକୁ ମାନାର୍‌ । 
\v 16 ମିର୍‌ ସୁଡ଼ିତିମାନି ସାତ୍‌ଗୋଟା କମୁକୁ ମାରି ଆୟା ଜାତୁ, ଦାରିପାଣିଦିଙ୍ଗ୍‌ କାଡ଼୍‌ନାର୍‌; ୱାର୍‌ ତାନିମାଡ଼ାନ୍‌କୁ ତାନି ୱିଜୁ ଡ଼ିବିସ୍‍କିଜି ଅସି ତାନିଙ୍ଗ୍‌ ନାଗାଡ଼ା କିଜି ଡ଼ିସ୍‍ନାସିନାର୍ । ୱାର୍‌ ତାନି କାଣ୍ତା କୁତ୍‌ସି, ତାନିଙ୍ଗ୍‌ ସିସୁଦୁ ପୋକ୍‌ସି ଦଂସ କିନାର୍‌ ।” 
\v 17 ଇରିଙ୍ଗ୍‌ ମାପୁରୁ ନିଜେଦି ଉଦେସ୍‌ ପୁରାକିନି ଉଣ୍ତିଙ୍ଗ୍ ୱାରିଙ୍ଗ୍‌ ଇୟା ଆଦେସ୍‌ ସିତାମାନାନ୍‌ । ୱାର୍‌ ଉନ୍‌ଡ୍ରେ ମୋନ୍‌ଆଜି ପାଣି କିନାର୍ ମାରି ମାପୁରୁଦି ବାକ୍ୟ ସତ୍‌ତାନ୍‌ ପୁରାଆଇ ସାନ୍ଧି ଦେସ୍‍ତି ସାସନ୍‌ ବଜୁ ଆୟା ଜାତୁ କିୟୁଦୁ ଡ଼ିସ୍‍ନାସିନାର୍ ।
\p
\v 18 ନିନ୍‌ ଏମେ ଆଇମାଦିଙ୍ଗ୍‍ ସୁଡ଼ୁତି, ୱାଦ୍‌ ଆଜିନାତ୍, ଦୁନିଆଦି ରାଜାରି ମୁସୁକୁ ସାସନ୍‌ କିଜିମାନି ଆୟା ପେରିଗାଡ଼୍‌ ।
\c 18
\s ବାବିଲନ୍‌ଦି ଦଂସ ଆନିକା
\p
\v 1 ତାନିୱେନ୍‌କା ନାନୁ ମାରି ଉନ୍‌ଡ୍ରି ଦୁତ୍‌ଦିଙ୍ଗ୍ ମୁସ୍‌କୁପୁରୁତାନ୍ ରେତାଜି ୱାଜିନିକା ସୁଡ଼ୁତା । ୱାଦ୍‌ ନାଣ୍ତସାକ୍ତିଦିକାତ୍ ମାରାତ୍ ମାରି ତାନି ମହିମାଦାନ୍‌ ସାରାଦୁନିଆଦିଙ୍ଗ୍‌ ଜାୟ୍‌ କିଜିମାରାତ୍ । 
\v 2 \x + \xo ୧୮:୨ \xo*\xt ପ୍ରକାଶିତ ୧୪:୮.\xt*\x*ୱାଦ୍‌ ପେରି ବଲୁଦାନ୍ ଇଜିନାତ୍, “ୱାନିଦି ସାନିକା ଗଟାତାତ୍ । ପେରି ବାବିଲନ୍ ଦଂସ ଆତାମାନାତ୍ ! ଆକା ଇଲେଇ ଦୁକି ମାରି ତାଗ୍‍ଇ ଦୁବେଙ୍ଗ୍‌ ମାନି ଜାଗା ଆତାମାନାତ୍‌ । ୱିଜୁ ଜାତି ଅସୁଚି ମାରି କାଡ଼୍‌ନି ପୋଟିଙ୍ଗ୍ ଆବେନୁ ବାସା ତୋରିସି ମାନେ । 
\v 3 ଇରିଙ୍ଗ୍‌ ୱାଦ୍‌ ସାରା ପୃତିବିଦି ଜାତିଦି ଲୋକାଙ୍ଗ୍‌ ତାନି ସାକ୍ତି କାମୋଦିପକ ସୁରା ଉଟ୍‌ପିସ୍‌କିଜି, ପୃତିବିଦି ରାଜାରିଙ୍ଗ୍‌ ୱାନି ୱାଲେ ଦାରିପାଣିଦି ପାପ୍‍ଦୁ ମିସା କିତାମାନାତ୍, ପୃତିବିଦି ବେପାର୍‍ଙ୍ଗୁଁ ୱାନି ୱେଡ଼ିକାଦି ଉଣ୍ତିଙ୍ଗ୍‌ ଦନି ଆତାମାନାର୍‌ ।”
\p
\v 4 ତେନିୱେନ୍‌କା ନାନୁ ୱେର୍‌ଆ, ମୁସ୍‌କୁପୁର୍‌ଦାନ୍‌ ଆଇ ଉଣ୍ତ୍ରି ମାଟା ୱେଙ୍ଗିଁଜିନାତ୍ :
\q1 “ନା ଲୋକୁ ୱିଜେରେ ସୋସି ରାଦୁ ! ତାନି ଲାକୁତୁରାନ୍ ସୋସି ରାଦୁ !
\q2 ମିର୍‌ ତାନି ପାପ୍‍ଦୁ ମାରି ମିସାଜ ମାନାମାଟ୍‍ନି;
\q2 ୱାଦ୍‌ ଆମା ସାସ୍ତି ପୋଇନାତ୍‌, ଆବେନୁ ମିସାମାଟ୍ !
\q1
\v 5 ତାନି ପାପ୍‌ୱିଜୁ ମୁସ୍‌କୁପୁର୍‌ ସାନ୍ଦି ନିଙ୍ଗିଁଜିନାତ୍ ।
\q2 ତାନି ପାପ୍‍ପାଣି ୱିଜୁ ମାପୁରୁ ମନ୍‍ତୁ ଇଟ୍‌ତାମାନାନ୍‌ ।
\q1
\v 6 ୱାଦ୍‌ ଏଣ୍ଡେସ୍ ମି ଉଣ୍ତିଙ୍ଗ୍‌ ବ୍ୟବହାର୍‌ କିତାମାନାନ୍‌,
\q2 ମିର୍‌ ତାନି ଉଣ୍ତିଙ୍ଗ୍‌ ଟିକ୍ ଆୟାୱାଜା ବ୍ୟବହାର୍‌ କିଦୁ ।
\q1 ୱାଦ୍‌ ଆମାକା କିତାମାନାନ୍‌, ୱାନିଙ୍ଗ୍‌ ତାନି ଦୁଇଗୁଣ ଦଣ୍ଡ୍‌ ସିଦୁ ।
\q2 ମିଙ୍ଗିଁ ଉଟ୍‍ପିସ୍‍କିନି ଉଣ୍ତିଙ୍ଗ୍‌ ୱାଦ୍‌ ଆମା ଏରୁ ତିଆର୍‍ କିତାମାର୍ହାତ୍‌, ଆୟାତାନି ଦୁଇଗୁଣ ସୁରିୱାର୍‌ଗିନି ଏରୁ ୱାନି ଉଣିଡୁବାଇଦୁ ବର୍ତି କିଦୁ ।
\q1
\v 7 ୱାଦ୍‌ ନିଜେଦିଙ୍ଗ୍‌ ଏସ ଗୌରବ୍‌ କିଜିମାର୍ହାତ୍‌
\q2 ମାରି ୱେଡ଼ିକାଦୁ ୱେଡ଼ିକା କିଜି ମାନିଜିମାର୍ହାତ୍‌,
\q1 ଆୟା ଇସାପ୍‍ତାନ୍ ତାନିଙ୍ଗ୍‌ ଦୁଃକ୍‌ କାସ୍ଟୁ ସିଦୁ ।
\q1 ଇରିଙ୍ଗ୍‌ ୱାଦ୍‌ ନିଜେଦିଙ୍ଗ୍‌ ପିରିସିକିଜି ଇଜିନାତ୍,
\q2 ‘ନାନୁ ଇବେନୁ ରାଣି ୱାଜା ବାସ୍‌ତାମାନା ! ନାନୁ ରାଣ୍ଡି ଆଇମା ଆଏ ।’
\q2 ନାନ୍ଦି ଏସାଙ୍ଗ୍‍ବା ଦୁଃଖ ଆଏତ୍‌ ।
\q1
\v 8 ତାନି ଇୟାୱିଜୁ ପାପ୍‌ ଉଣ୍ତିଙ୍ଗ୍‌
\q2 ରୋଗ୍‌, ଆଡ଼୍‌ବାନିକା, ଦୁର୍ଭିକ୍ଷ, ମହାମାରି ଅର୍‍ଲେନ୍‍ ତାନିଙ୍ଗ୍‌ ଉଣ୍ତ୍ରେ ଦେବାନେ ଡାକ୍‌ନାତ୍ ।
\q1 ମାରି ୱାଦ୍‌ ସିସୁଦୁ ୱିଜୁ ଦଂସ ଆନାତ୍ ।
\q2 ଇରିଙ୍ଗ୍‌ ତାନିଙ୍ଗ୍‌ ଏନ୍‌ ବିଚାର୍‌ କିଜିନାନ୍, ଆୟା ପ୍ରବୁ ମାପୁରୁ ୱିଜେରିଙ୍ଗ୍‌ପେରି ସର୍ବସକ୍ତିମାନ୍ ।”
\p
\v 9 ଦୁନିଆଦି ଆମା ରାଜାପେରିରାଜାର୍ ତାନି ୱାଲେ ଦାରିପାଣି ନି ପାପ୍‌ପାଣି କିତାମାର୍‌ଆର୍‌, ୱାର୍‌ ତାନି ଦଂସ ଆଜିମାନି ମେନ୍ଦଲ୍‌ତାନ୍‌ ନିଙ୍ଗିଁଜିମାନି ଗୋଇ ସୁଡ଼ିଜି ଆଡ଼୍‌ବାନାର୍ । 
\v 10 ତାନି ଦୁଃଖ କଷ୍ଟଦୁ ମିସାଦେଙ୍ଗ୍‌ ତିଲାଜି ୱାର୍‌ ତାନି ମାଣ୍‌କୁ ନାଣ୍ତ ଆକ ନିଲ୍‍ଜି ତେବାନାର୍‌ ମାରି ହାୟ୍‌, ହାୟ୍‌ ଇଜି ଇନାର୍‌ : “ଏସ ବୟ୍‌ଙ୍କାର୍‌ ! ନିନୁ ଇନିକା ଆୟା ସାକ୍ତିମାନି ପେରିଗାଡ଼୍‌ ବାବିଲନ୍ ! ମାତ୍ର ଉଣ୍ତ୍ରି ଗୋଣ୍ଟା ଲୋଇ ଇୟାୱାଜା ସାସ୍ତି ପୋୟ୍‌ତି !”
\p
\v 11 ମାରି ଦୁନିଆଦି ବେପାରାଙ୍ଗୁଁ ତାନି ଉଣ୍ତିଙ୍ଗ୍‌ ଆଡ଼୍‌ବାଜି ସିନ୍ତା କିନାର୍, ଇରିଙ୍ଗ୍‌ ମାରି ଏନ୍‌ ୱାରି ପର୍‌ନିଜିନିସ୍‌ କଡ଼ଏର୍‌, 
\v 12 ୱାରି ବାଙ୍ଗାଁରାମ୍‍, ୱେଣ୍ତି, ହିରାକାଲୁ, ମୁକ୍ତା, ୱାରି ଇସ୍ରି ଆରାନି ଆଙ୍ଗିଁ, ସେର୍‌ଗା ରଙ୍ଗ୍‌ତି ଆଙ୍ଗିଁ ମାରି ଲାଲ୍ ରଙ୍ଗ୍‌ତି ଆଙ୍ଗିଁ; ୱିଜୁ ପ୍ରକାର୍‌ତି ଛନ୍ଦନ ୱେରୁକୁ, ଏନିପାଲ୍‌କୁଦି ୱିଜୁ ପ୍ରକାର୍‌ତି ଜିନିସ୍‌କୁ, ନାଣ୍ତଦାରାଦି ମାରାକ୍‌ଦାନ୍‌ ତିଆର୍‌ଆତି ଜିନିସ୍‌କୁ; ପିତଲ୍‌, ଲୁହା ମାରି ମର୍ମର କାଲୁ ମାର୍ବଲ୍‌ ତିଆର୍‌କିତି ୱିଜୁ ପ୍ରକାର୍‍ତି ଜିନିସ୍‌କୁ, 
\v 13 ଦାରୁଚିନି, ଆଇଆଇ ମସଲା ଜିନିସ୍‌କୁ, ଦୁପୁଣି, ବାସ୍‌ନାଦି ଉସାନି ଜିନିସ୍‌କୁ, କୁନ୍ଦୁରୁ, ଅଙ୍ଗୁର୍‍ରସ୍‍, ନିୟୁ, ମଈଦା, ଗଦ୍‍ମୁ, ଡ଼ାକୁ, ମେଣ୍ଡେଙ୍ଗ୍‌, ଗଡ଼ା, ରତ୍‌, ଇୟାୱାଜା ଚାକର୍‍ଙ୍ଗୁଁ ମାରି ଆତ୍ମାଦୁମାନି ଲୋକାଙ୍ଗ୍‌ ବା କଣି ଉଣ୍ତିଙ୍ଗ୍‌ ଏନ୍‌ କଣିକାନ୍‌ ସୋଏର୍‌ । 
\v 14 ବେପାର୍‌ଙ୍ଗୁଁ ୱାନିଙ୍ଗ୍ ଇନାର୍ “‍ମି ପାଣ୍ତିତି ପଲ୍‌ ୱିଜୁ ନେଗି ଜିନିସ୍‌କୁ ଆକ ଆତାମାନାତ୍ ମାରି ମି ଦନ୍‌ସମ୍ପତିଦିଙ୍ଗ୍‌ ଆକ ଅସି ନାସ୍ଟୁ ଆତାମାନାତ୍‌, ମାରି ଏସାଙ୍ଗ୍‍ବା ଆୟାୱିଜୁ ଉଦେସ୍‍ ପୁଟ୍‌ଏତ୍‌ ।” 
\v 15 ଆମା ବେପାର୍‌ଙ୍ଗୁଁ ଆୟା ଗାଡ଼୍‌ଦୁ ବେପାର୍‌ କିଜି ଦନି ଆତାମାର୍ହାର୍‌, ୱାର୍‌ ତାନି ଦୁଃକ୍‌ବୋଗଦୁ ମିସାଦେଙ୍ଗ୍‌ ତିଲାଜି ନାଣ୍ତ ଆକ ନିଲିଜି ତେବାନାର୍‌ । 
\v 16 ୱାର୍‌ ଆଡ଼୍‌ବାଜି ଇନାର୍, “ହାୟ୍‌ ! ପେରିଗାଡ଼୍‌ଦି ଅବସ୍ତା ଇଲେଇ ଏସା ବୟଙ୍କାର୍, ଏସା ଚିନ୍ତାଦି ବିସୟ୍‌ ! ୱାନ୍‌ ଇସ୍ରି ଆଙ୍ଗିଁ, ସେର୍‌ଗା ରଙ୍ଗ୍‌ତି ମାରି ଲାଲ୍‌ ରଙ୍ଗ୍‌ତି ଆଙ୍ଗିଁ ଆରାତା ମାର୍ହାତ୍‌, ମାରି ବାଙ୍ଗାଁରାମ୍‍, ହିରାକାଲୁ ମାରି ମୁକ୍ତାଦାନ୍‌ ପୁରା ଆରାତା ମାର୍ହାତ୍ । 
\v 17 ମାତର୍‌ ଉଣ୍ତ୍ରି ଗନ୍‍ଟା ଲୋଇ ୱାଦ୍‌ ଇୟାୱିଜୁ ସମ୍ପତ୍ତି ହାରାକିତାତ୍‌ !” ଜାହାଜ୍‍ଦି ପେରିକାନ୍‌, ସୋନିକାର୍‌, ଡଙ୍ଗାଁସାଲାକିନି ଲୋକୁ ମାରି ସାମ୍‌ଦୁର୍‌ତୁ ବେପାର୍‌କିନିକାର୍‌ ନାଣ୍ତ ଆକ ନିର୍‌ଆର୍‌ । 
\v 18 ମାରି କାସ୍‌ସିମାନି ଗାଡ଼୍‌ତି ଗୋଇ ସୁଡ଼ୁଜି ଇର୍ହାର୍‌, “ଇୟା ପେରିଗାଡ଼୍‌ତି ୱାଜା ମାରି ଆମା ଗାଡ଼୍‌ ସିଲେତାତ୍ ।” 
\v 19 ୱାର୍‌ ତାଲା ମୁସୁକୁ ଦୁଡ଼ି ୱାକ୍‍ସି ଆଡ଼୍‌ବାଜି ଇର୍ହାର୍‌, “ଏସା ନାଣ୍ତ ବୟଙ୍କାର୍‌ ! ଗାଡ଼୍‌ ଇକା ଏସ ଦୁଃକ୍ କାସ୍ଟୁ ! ସାମ୍‌ଦୁର୍‌ତୁ ସୋଲ୍‌ସିମାନି ଏରୁଜାହାଜ୍‍କୁ ତାନି ଦନ୍‌ତାନ୍ ଦନି ଆତାମାର୍‌ଆର୍‌ ! ମାତର୍‌ ଉଣ୍ତ୍ରି ଗନ୍‌ଟା ଲୋଇ ଆୟାକା ଦଂସ ଆତାମାନାତ୍ !”
\p
\v 20 ଏ ମୁସ୍‌କୁପୁର୍‌ଦି ଲୋକୁ ! ଆୟାକା ଦ୍ୱଂସ ଆତିମାନିଙ୍ଗ୍‌ ୱେଡ଼ିକା କିଦୁ । ଏ ସାଦୁଲୋକୁ; ପ୍ରେରିତ ସିସୁର୍‍ ମାରି ବାବବାଦିରି ! ୱେଡ଼ିକା କିଦୁ, ଇରିଙ୍ଗ୍‌ ମି ଉଣ୍ତିଙ୍ଗ୍ ୱାଦ୍‌ ଏମେକା କିତାମାରାତ୍, ଆୟାଉଣ୍ତିଙ୍ଗ୍‌ ମାପୁରୁ ତାନିଙ୍ଗ୍‌ ଦଣ୍ତ୍‌ ସିତାମାନାନ୍‌ ।
\p
\v 21 ତାନିୱେନ୍‍କା ଅରେନ୍‌ ନାଣ୍ତ ସାକ୍ତିଦି ଦୁତ୍‌ ଜାତାକାଲୁଦି ୱାଜା ଉଣ୍ତ୍ରି କାଲୁ ଅସି ସାମୁଦୁର୍‌ତୁ ପୋକ୍‍ତାନ୍‌ ମାରି ଇର୍ହାନ୍‌, “ପେରିଗାଡ଼୍‌ ବାବିଲନ୍ ଇୟାୱାଜା ପୋକାଇ ଆନାତ୍ ମାରି ତାନିଙ୍ଗ୍‌ ମାରି ଏନ୍‌ ଏସାଙ୍ଗ୍‌ ବା ସୁଡ଼ୁଦେଙ୍ଗ୍‌ ଆଟ୍‍ଏର୍‌ନି । 
\v 22 ଇନି ଟଇଲା, ଇନି ପାଟାପାର୍‌ନିକାନ୍‌, ପିରଡ଼ି ମାରି ବାଜାମରି ଏସାଙ୍ଗ୍ ମାରି ନି ମାଣ୍‌କୁ ୱେନ୍‌ଡ୍ରେଙ୍ଗ୍‌ ଆଏତ୍ । ଆମା ତିଆର୍‌କିନିକାନ୍‌ ନି ମାଣ୍‌କୁ ମାରି ତରାୟ୍‌ଆଏତ୍‌; ମାରି ଜାତା କାଲୁଦି ଆଉଲି ବା ୱେନ୍‌ଡ୍ରେଙ୍ଗ୍‌ ଆଏତ୍‌ । 
\v 23 ନି ମାଣ୍‌କୁ ଏସାଙ୍ଗ୍ ଦିୱା କାସ୍‌ଏତ୍‍; ମାରି କାନ୍ୟାମୁରୁଲିଦି ଆଉଲି ୱେନାଇଆଏତ୍‌ । ଇରିଙ୍ଗ୍‌ ନି ବେପାର୍‌ଙ୍ଗୁଁ ଦୁନିଆଦୁ ନାଣ୍ତସାକ୍ତି ଆତାମାର୍ହାର୍‌ ନି ବେମ୍‌ରିଦାନ୍‌ ନିନ୍‌ ଦୁନିଆଦି ୱିଜେରିଙ୍ଗ୍ ବାୟାକିଜି ଆସ୍‌ତିମାର୍ହି ।”
\p
\v 24 ମାରି ଇୟା ଗାଡ଼୍‌ତୁ ଦୁନିଆଦି ନାଣ୍ତ ବାବବାଦିର୍ ମାରି ସାଦୁର୍‌ ସାତାମାର୍ହାର୍‌ । ଇୟାୱିଜୁ ପାପ୍‌ଦି ଉଣ୍ତିଙ୍ଗ୍‌ ୱାଦ୍‌ ସାନିନାନି ଦଣ୍ଡ୍‌ ପୋଇତାତ୍ ।
\c 19
\s ମୁସ୍‌କୁପୁର୍‌ତୁ ୱେଡ଼ିକା
\p
\v 1 ତେନିୱେନ୍‌କା ନାନୁ ଆମାକା ୱେର୍‌ଆ, ଆକା ମୁସ୍‌କୁପୁର୍‌ଦୁ ଉଣ୍ତ୍ରି ପୁରାନାଣ୍ତ ଲୋକୁଦି ଆଉଲି ୱାଜା ମନେଆଜିମାରାତ୍ । ୱାର୍‌ ଇଜିମାର୍ହାର୍‌, “ମାପୁରୁଙ୍ଗୁଁ ପ୍ରସଂସା କିଦୁ । ମା ମାପୁରୁ ରକ୍‌ୟା, ଗୌରବ୍‌ ମାରି ସାକ୍ତିଦି ଅଦିକାରି । 
\v 2 ୱାନି ବିଚାର୍‌ ସତ୍‌ ମାରି ନ୍ୟାୟ୍‍ତିକା; ଆମା ପେରି ଦାରିପାଣି ନିଜେଦି ଦାରିପାଣିଦାନ୍‌ ଦୁନିଆଦିଙ୍ଗ୍‌ ନାସ୍ଟୁ କିତାମାର୍ହାତ୍‌, ୱାନ୍‌ ୱାନିଙ୍ଗ୍‌ ଦଣ୍ତ ସିଜି ନିଜେଦି ଦାସରି ନେତେର୍‌ତି ବାଦ୍‌ ୱାନିମାଣ୍‌କୁ ଅତାମାନାର୍‌ ।” 
\v 3 ନାନୁ ୱେର୍‌ରା, ୱାର୍‌ ମାରି ପେରିଆଉଲିଦାନ୍ ଇଜିନାର୍‍, “ମାପୁରୁଦି ପ୍ରସଂସା ପାଟାକିଦୁ । ଆୟା ପେରିଗାଡ଼୍‌ତିଙ୍ଗ୍‌ ଦଂସ କିଜି ସିଜିମାନି ସିସୁଦି ଗୋଇ ୱିଜୁଦିନ୍‌ ମୁସୁକୁ ନିଙ୍ଗିଁଜିମାନାତ୍ ।” 
\v 4 ସିଂହାସନ୍‌ଦୁ ବାସ୍‌ତିମାନି ମାପୁରୁଦି ଆଗ୍‌ଡ଼ି ୨୪ ଲୋକୁ ପେରିନେତାର୍ ମାରି ଆୟା ନାଲିଗି ଦୁତ୍‍କୁ ବୁମିଦୁ ମାଡ଼ିସିକିଜି ମାପୁରୁଦି ଆରାଦନା କିତାର୍ । ୱାର୍‌ ଇର୍ହାର୍‌, “ଆମେନ୍‍ ! ମାପୁରୁଦି ପ୍ରସଂସା କିଦୁ ।”
\s ମେଷସାବକଦି ପେଡ଼ି ବଜି
\p
\v 5 ତାନିୱେନ୍‌କା ସିଂହାସନ୍‌ଦାନ୍‌ ଉଣ୍ତ୍ରି ମାଟା ୱାତାତ୍ । “ମାପୁରୁଦି ପ୍ରସଂସା କିଦୁ । ଏସ ପେରିକାନ୍, ଏସ ଲୋକୁ, ମାପୁରୁଦି ସେବାକିନିକାର୍‌ ମାରି ପାର୍‌ତାନା କିନିକାର୍‍ ୱିଜେରେ ୱାନି ପ୍ରସଂସା କିଦୁ ।” 
\v 6 ଆୟା ବେଡ଼ାଦୁ ନାନୁ ୱେର୍‌ରା ସାମୁଦୁର୍‌ ଆଉଲି ମାରି ବାଦଡ଼ ଆଉଲିଦି ୱାଲେ ନାଣ୍ତ ଲୋକାଦି ଆଉଲି ୱାଜିନାତ୍ । ଲୋକୁ ମାରି ପ୍ରସଂସା କିଜି ଇଜିନାର୍‍, “ମାପୁରୁଦି ପ୍ରସଂସା କିଦୁ, ଇରିଙ୍ଗ୍‌ ମା ମାପୁରୁ ସର୍ବସାକ୍ତିମାନ୍ ମାପୁରୁ, ୱାନ୍‍ନେ କେବଲ୍‌ ମା ରାଜା । 
\v 7 ରାଦୁ, ୱେଡ଼ିକାଦୁ ୱେଡ଼ିକା କିନାଟ୍‌, ୱାନି ଗୌରବ୍‌ ପ୍ରସଂସା କିନାଟ୍ । ମେଷସାବକଦି ପେଡ଼ି ବଜି ଇଗା ୱାତାତ୍‌ନି, ୱାନି କାନ୍ୟା ଆୟାଉଣ୍ତିଙ୍ଗ୍‌ ନିଜେଦିଙ୍ଗ୍‌ ତିଆର୍‌ କିତାମାନାନ୍ । 
\v 8 ୱାନି ଆରାନି ଉଣ୍ତିଙ୍ଗ୍‌ ୱାନ୍‌ ଅଡ଼ିନିକା ନି ନେଗିକା ଅଡ଼ିନିଆଙ୍ଗିଁ ପୋଇତାମାନାନ୍ ।” ସାଦୁରି ନେଗିପାଣି ଆଜିନାତ୍, ଆୟା ଅଡ଼ିନିଆଙ୍ଗିଁ ।
\p
\v 9 \x + \xo ୧୯:୯ \xo*\xt ମାତିଉ ୨୨:୨,୩.\xt*\x*ନାସ୍ତିୱାଲେ ମୁସ୍‌କୁପୁର୍‌ ଦୁତ୍‌ ନାଙ୍ଗିଁ ଇର୍ହାତ୍‌, “ରାସ୍‌ସୋ ଇଡ୍‌ଦୁ, ଆମାକାର୍‌ ମେଷସାବକଦି ପେଡ଼ି‍ ବୋଜିଦୁ କୁକାତାମାନାର୍‍, ୱାର୍‌ କାର୍ମୁଦିକାର୍‌ ।” ୱାନ୍‌ ମାରି ବା ଇର୍ହାନ୍‌ “ଇକା ମାପୁରୁଦି କାବୁର୍ ଇକା ପୁରା ସତ୍‌ ।”
\p
\v 10 ଆୟା ଦୁତ୍‌ତିଙ୍ଗ୍‌ ପୁଜାକିନି ଉଣ୍ତିଙ୍ଗ୍‌ ନାନୁ ୱାନି କାଲ୍‌କା ଆଡ୍‍ଗି ମାଡ଼ିସିକିତା । ମାତର୍‌ ୱାନ୍‌ ନାଙ୍ଗିଁ ଇର୍‌ଆନ୍‌, “ଆୟାୱାଜା କିମାଟ୍ । ମି ୱାଜା ମାରି ମି ତଡ଼ାନ୍‍କା ୱାଜା ନାନୁ ମାପୁରୁଦି ଅରେନ୍‌ ଦାସ ମାତ୍ର । ମି ୱାଜା ନାନୁ ବା ଜିସୁ ୱେର୍‌ତିମାନି ସତ୍‍ତିଙ୍ଗ୍‌ ମାନାତାମାନା । କେବଲ୍‌ ମାପୁରୁଦି ପୁଜା କିଦୁ । କେବଲ୍‌ ଜିସୁ ୱେର୍‌ତିମାନି ସାକ୍ୟ ସତ୍‌, ଭାବଭାଦିରି ମାଣାନ୍‌କୁ ସିକିୟା ସିଦୁ ।”
\s ଅଡ଼ିନି ଗଡ଼ା ସାଲାକିନିକାନ୍‌
\p
\v 11 ତାନିୱେନ୍‌କା ନାନୁ ସୁଡ଼ୁତା, ମୁସ୍‌କୁପୁର୍‍ତି ସେର୍‍ଲା ରେଆତାତ୍‌ ମାରି ଆବେନୁ ଉନ୍‌ଡ୍ରି ଅଡ଼ିନି ଗଡ଼ା । ତାନିଙ୍ଗ୍‌ ସାଲାକିନିକାନ୍‌ ବିସ୍‌ବାସ୍‌ତିକାନ୍‌ ମାରି ସତ୍‌ତି ଦରୁଦାନ୍‌ ଜାଣାସିନା । ୱାନି ବିଚାର୍‌ ନ୍ୟାୟ୍‌ତିକା ମାରି ୱାନ୍‌ ଦାର୍ମୁଜୁଦଦୁ ମିସାନାନ୍‌ । 
\v 12 ୱାନି କାଣୁକୁ ସିସୁଡ଼ିବୁ ୱାଜା ମାରି ୱାନି ତାଲାଦୁ ନାଣ୍ତ ମୁକୁଟ୍‌କୁ ମାରେଏ । ୱାନି ମୁସୁକୁ ଉନ୍‌ଡ୍ରି ଦରୁ ରାସାତାମାରାତ୍, ମାତର୍‌ ଆକା ଇନିକା, ୱାନିଙ୍ଗ୍‌ ଡ଼ିସ୍‌ତିଙ୍ଗ୍‌ ମାରି ଏନ୍‌ ନେସ୍‌ଏନ୍‌ । 
\v 13 ୱାନ୍‌ ଆରାତିମାନି ଆଙ୍ଗିଁ ନେତେର୍‌ ଆତାମାରାତ୍ । ୱାନ୍‌ “ମାପୁରୁଦି ବାକ୍ୟ” ଇଜି ୱିଙ୍ଗିଁତାନ୍ । 
\v 14 ମୁସ୍‌କୁପୁର୍‌ତି ସୌନ୍ୟଦଲ୍, ନେଗିକାର୍‌, ଅଡ଼ିନିକା, ଅଡ଼ିନିଆଙ୍ଗିଁ ଆରାଜି, ଅଡ଼ିନି ଗଡ଼ାମୁସୁକୁ ଏକ୍‍ସି ୱାନି ୱେନ୍‍କା ସଲିସ୍‍ମାର୍‌ଆର୍‌ । 
\v 15 ୱାନି ୱେୟୁଦାନ୍ ଉନ୍‌ଡ୍ରି ଦାରାଦି କାଣ୍ତା ସୋସିମାରାତ୍ । ତାନି ସାହାଜ୍ୟଦାନ୍ ୱାନ୍‌ ଦୁନିଆଦି ୱିଜୁ ଜାତିଦିଙ୍ଗ୍‍ ସାପିସ୍‌ କିନାନ୍‌ । ମାରି ୱାରିଙ୍ଗ୍‌ ୱାଦ୍‌ ଲୁୱା ଦଣ୍ତତାନ୍ ସାସନ୍‌ କିନାନ୍‌ ମାରି ସର୍ବସାକ୍ତିମାନ୍ ମାପୁରୁଦି ନାଣ୍ତରିସାନାନି ଅଙ୍ଗୁର୍‌ତିଙ୍ଗ୍‌ ୱାନ୍‌ ପିର୍‌ନି କୁଣ୍ତିଦୁ ନିଜେ ପିର୍‌ଜି ଅଙ୍ଗୁର୍‍ରସ୍‍ ସୋପ୍‍ନାନ୍ । 
\v 16 ୱାନି ଆଙ୍ଗିଁ ମୁସୁକୁ ମାରି ଊରୁ ଦେସ୍‌ତାନ୍‌ ରାସାତାମାରାତ୍, “ରାଜାରି ରାଜା ମାରି ପ୍ରବୁରି ପ୍ରବୁ ।”
\p
\v 17 ୱିଜୁଦିନ୍‌ ନାନୁ ସୁଡ଼ୁତା, ମାରି ଅରେନ୍‌ ମୁସ୍‌କୁପୁର୍‌ତି ଦୁତ୍‌ ୱେଡ଼ା ମୁସୁକୁ ନିର୍‌ଆମାନାନ୍‌ । ବାଦଡ଼୍‌ଦୁ ଇମିଜିମାନି ୱିଜୁ ପୋଟିଙ୍ଗାଁ ୱାନ୍‌ ନାଣ୍ତ ଆଉଲି ଆଜି ଇର୍ହାନ୍‌, “ରାଦୁ, ମାପୁରୁଦି ପେରିବଜିଦୁ ସନି ଉଣ୍ତିଙ୍ଗ୍‌ ୱିଜୁ ଉନ୍‌ଡ୍ରେମାନୁ ଆଦୁ । 
\v 18 ରାଜା, ପ୍ରଜା, ସୌନ୍ୟ, ସୋନ୍ୟରିପେରିକାନ୍‌, ଗଡ଼ା, ଗଡ଼ା ସାଲାକିନିକାର୍‌, ପାଣିକିନି ସାକର୍‌, ମୁକୁଡ଼ାତିକାନ୍‌, ପେରିକାନ୍‌ ମାରି ଇସ୍ରିୱାରି ଲୋକା ୱିଜେରି କାଣ୍ତା ୱାଜି ତିନ୍‌ଡ୍ରୁ ।”
\p
\v 19 ତାନିୱେନ୍‍କା ନାନୁ ସୁଡ଼ୁତା, ଆୟା ଗଡ଼ା ସାଲାକିନିକାନ୍‌ ମାରି ୱାରି ସୌନ୍ୟଦଲ୍‍ତି ବିରୁଦ୍‌ତାନ୍ ଜୁଦକିନି ଉଣ୍ତିଙ୍ଗ୍ ଆୟା ପସୁ ମାରି ଦୁନିଆଦି ୱିଜେରେ ରାଜାର୍‌ ମାରି ୱାରି ସୌନ୍ୟଦଲ୍‍ ଏକଜୁଟ୍‌ ଆତାର୍‌ । 
\v 20 ଆୟା ଜୁଦଦୁ ପସୁ ମାରି ଆୟା ଆଗ୍‌ଡ଼ି କାବାଆନି ପାଣି କିଜିମାନି ଆୟା ବଣ୍ତବାବବାଦି ଦାରାପଡ଼ାଜି ତରାତାନ୍‌ । ଏମେୱାରିମାନୁ ପସୁଦି ସିନା ମାର୍‌ଆତ୍‌ ମାରି ଏମେକାର୍ ତାନି ବମାଦିଙ୍ଗ୍ ପୁଜା କିଜିମାର୍‌ଆର୍‌ । ପସୁ ତାନି କାବା ଆନିପାଣିଦାନ୍ ୱାରିଙ୍ଗ୍ ବେମ୍‌ରି କିଜିମାର୍‌ଆତ୍‌ ପସୁ ମାରି ଆୟା ବଣ୍ତବାବବାଦି ଗନ୍ଧକ କାସ୍‌ସିମାନି ସିସୁଦି ସାମ୍‌ଦୁର୍‌ଦୁ ଜିବନ୍‌ତାନ୍‌ ପୋକାୟ୍‌ ଆତାନ୍‌ । 
\v 21 ମାରି ୱାରି ସୌନ୍ୟଦଲ୍ ଗଡ଼ା ସାଲାକିନିକାର୍‌ ୱେୟୁଦାନ୍‌ ସୋସିମାନି କାଣ୍ତାଦାନ୍‌ ସାତାର୍‌; ଆବେନୁ ବାଦଡ଼୍‌ତି ପୋଟିଙ୍ଗ୍ ୱାରି କାଣ୍ତା ତିନିଜି ପଟା ପାଜିତେ ।
\c 20
\s ୧୦୦୦ ବାର୍ସେକ୍‌ତି ସାସନ୍‌
\p
\v 1 ତାନି ୱେନ୍‌କା ନାନୁ ମାରି ଅରେତ୍ ମୁସ୍‌କୁପୁର୍‌ ଦୁତ୍‌ତିଙ୍ଗ୍ ମୁକ୍‌ପୁର୍‌ତାନ୍ ରେତାଜି ୱାନିକା ସୁଡ଼ୁତା । ୱାନି କିୟୁଦୁ ପାତାଲ୍‍ପୁର୍‌ଦି କୁସିକାଣ୍ତି ମାରି ଉଣ୍ତ୍ରି ବଜୁଦି ସିକ୍‍ଣି ମାରାତ୍ । 
\v 2 ୱାଦ୍‌ ଆୟା ପ୍ରାଚିନ୍ ସାରାସ୍, ଆୟା ତାଗ୍‌ଇ ସୟତାନ୍‍ତିଙ୍ଗ୍‌ ଆସ୍‌ସି ୧,୦୦୦ ବାର୍ସେକ୍ ସାନ୍ଦି ସିକ୍‌ଣିଦାନ୍ ତୋର୍‌ତା ମାର୍ହାତ୍‌ । 
\v 3 ମାରି ପାତାଲ୍‍କୁଣ୍ତିଦୁ ପୋକ୍‌ସି ଆୟାତାନି ସେର୍‍ଲା କେର୍‌ତାତ୍‌ ମାରି ସେର୍‍ଲା ଦେସ୍‍ତିଙ୍ଗ୍‌ ସିଲ୍‍ କିତାତ୍‌ । ହଜାର୍ ବାର୍ସେକ୍ ଜିଣାଇ ସାନ୍ଦି ୱାଦ୍‌ ମାରି ଏମେ ଦେସ୍‍ତି ଲୋକାଙ୍ଗ୍‌ ବାୟାକିଦେଙ୍ଗ୍‌ ଆଟେତ୍‍ନି । ଟିକ୍ ବେଡ଼ା ଇଗା ୱାତିଙ୍ଗ୍‍, ତାନିଙ୍ଗ୍‌ ଏସ ବେଡ଼ା ଉଣ୍ତିଙ୍ଗ୍‌ ମାରି ଉଣ୍ତ୍ରି ଦେବା ମୁକୁଡ଼ାକିନାର୍ ।
\p
\v 4 ତାନିୱେନ୍‍କା ନାନୁ ସୁଡ଼ୁତା ଏସ ସିଂହାସନ୍ ମାରି ଆୟାୱାନିକାଙ୍ଗ୍‌ ବାସ୍‌ତିମାନି ଲୋକା ବିଚାର୍‍ କିଦେଙ୍ଗ୍ ଅଦିକାର୍ ସିଆୟ୍‌ଆତାମାନାନ୍‌ । ମାରି ବା ନାନୁ ସୁଡ଼ୁତା, ଏସ ଲୋକା ସାତିୱାରି ଆତ୍ମା । ଜିସୁଦି ୱେର୍‌ତିମାନି ସତ୍‌ ମାରି ମାପୁରୁଦି ବାକ୍ୟ ପ୍ରଚାର୍‌ କିତିମାନିଙ୍ଗ୍‌ ଆୟା ଲୋକୁ ସାନିଦଣ୍ତ ପୋଇତା ମାର୍ହାର୍‌ । ୱାର୍‌ ପସୁଦିଙ୍ଗ୍‌ ନି ତାନି ବମାଦିଙ୍ଗ୍ ପୁଜା କିଏର୍‌ମାର୍ହାର୍‌, ମାରି କାପାଲ୍‌ତୁ ନି କିୟୁଦୁ ପସୁଦି ସିନା ଆସ୍‌ଏର୍‌ ମାର୍ହାର୍‌ । କ୍ରିସ୍ତଦି ୱାଲେ ୧,୦୦୦ ବାର୍ସେକ୍ ସାସନ୍‌ କିନି ଉଣ୍ତିଙ୍ଗ୍ ୱାର୍‌ ପୁନିଜିବନ୍‌ ଆତାମାର୍ହାର୍‌ । 
\v 5 ଆୟା ୧,୦୦୦ ବାର୍ସେକ୍ ପୁରା ଆଇ ସାନ୍ଦି ଆଇ ଆମା ସାତି ଲୋକ୍‌ଦି ମାରିଡ଼େସି ନିଙ୍ଗିଁନିକା ଆଏତ୍‍ ମାର୍‌ଆତ୍‌ । ଇକା ପାର୍‍ତୁମ୍‍ ମାରିଡ଼େସି ଜିବନ୍‌ଆଜି ନିଙ୍ଗିଁକା । 
\v 6 ସାତି ଲୋକ୍‌ତି ଇୟା ପାର୍‍ତୁମ୍‍ ମାରିଡ଼େସି ନିଙ୍ଗିଁନିମାନୁ ଏମେକାର୍ ମିସାତାମାନାର୍‌ ୱାର୍‌ ଏସା କାର୍ମୁଦିକାର୍‌ । ୱାର୍‌ ଏସ ୱେଡ଼ିକା ! ୱାରିଙ୍ଗ୍‌ ମାରି ରୁଣ୍ତି ଦେବେଙ୍ଗ୍‌ ସାନିକା ପୋଡ଼ାଏତ୍‌ନି । ୱାର୍‌ ମାପୁରୁଦି ମାରି କ୍ରିସ୍ତଦି ଜାଜକ ଆଜି କ୍ରିସ୍ତଦି ୱାଲେ ୧,୦୦୦ ବାର୍ସେକ୍ ସାନ୍ଦି ସାସନ୍‍ କିନାର୍ ।
\s ସୟତାନ୍‌ତି ସାରାସାରି ଆରାନିକା
\p
\v 7 ୧,୦୦୦ ବାର୍ସେକ୍‌ ପୁରା ଆନି ୱେନ୍‌କା ସୟତାନ୍‍ତିଙ୍ଗ୍‌ ଜଇଲ୍‍ତାନ୍ ମୁକୁଡ଼ା କିନାର୍ । 
\v 8 ମାରି ଗୋଗ୍ ମାରି ମାଗୋଗ୍ ୱାଜା ଦୁନିଆଦି ସାରିବେଡ଼ିତି ସାମ୍‌ଦୁରୁତି ବାଲିଗଣ୍ତି ୱାଜା ୱିଜୁତରିନ୍‌ ଆଜି ତେବାତିମାନି ଲୋକାଙ୍ଗ୍‌ ଲେକିସ୍‌ତେଙ୍ଗ୍‌ ଆଟ୍‌ଇ ଲୋକାଙ୍ଗ୍‌ ସୟତାନ୍ ବାୟାକିଜି ଜୁଦକିନି ଉଣ୍ତିଙ୍ଗ୍‌ ଏକଜୁଟ୍‌ କିନାତ୍‌ । 
\v 9 ୱାର୍‌‌ ଦୁନିଆଦି ୱିଜୁ ତରିନ୍‌ ସଲ୍‍ସି ପ୍ରବୁଦି ସାଦୁରିଙ୍ଗ୍‌ ମଣ୍ତଲିଙ୍ଗ୍‌ ୱିଜୁ ମାରି ମାପୁରୁଦି ଲାଡ୍‍ତି ଗାଡ଼୍‌ତିଙ୍ଗ୍‌ ଗେରେଆନାର୍ । ମାତର୍‌ ମୁସ୍‍କୁପୁର୍‍ତାନ୍‍ ସିସୁ ଆରିଜି ୱାରିଙ୍ଗ୍‌ ଦଂସ କିନାତ୍‌ 
\v 10 ମାରି ଏମେ ଗନ୍ଧକ୍‌ସିସୁ କାସ୍‌ସିମାନି ସାମ୍‌ଦୁର୍‌ତୁ ପସୁ ନି ବଣ୍ତବାବବାଦିର୍‌ ପୋକାତା ମାର୍ହାର୍‌, ବେମ୍‌ରିକିନି ସୟତାନ୍‌ତିଙ୍ଗ୍‌ ବା ଆବେନୁ ପୋକ୍‍ନାର୍‌ । ଆବେନୁ ୱାର୍‌ ୱେଡ଼େ ନାଡ଼ା ଜୁଗ୍‌ ଜୁଗ୍‌ ସାନ୍ଧି କାସ୍ଟୁ ଦୁଃକ୍‌ ପୋଇଜିମାନାର୍ ।
\s ସାରାସାରି ବିଚାର୍‌
\p
\v 11 ତାନିୱେନ୍‌କା ନାନୁ ସୁଡ଼ୁତା, ଅଡ଼ିନି ରଙ୍ଗ୍‌ତି ଉଣ୍ତ୍ରି ପେରି ସିଂହାସନ୍ ମାରି ତାନି ମୁସ୍‌କୁ ଅରେନ୍‌ ବାସ୍‌ତା ମାନାନ୍‌ । ୱାନି ଆଗିଡ଼ିରାନ୍ ପୃତିବି ମାରି ବାଦଡ଼ ଉରୁକ୍‍ତେ ମାରି ୱାର୍‌ ମାରି ସୁଡ଼ୁଦେଙ୍ଗ୍‌ ଆଟ୍ଏତାର୍‍ନି । 
\v 12 ତାନିୱେନ୍‌କା ନାନୁ ସୁଡ଼ୁତା, ଏସ ପେରିକା, ଏସ ତାଗ୍‌ଇ ସାତିଲୋକୁ ୱିଜେରେ ସିଂହାସନ୍ ଆଗ୍‌ଡ଼ି ନିରାଆମାନାର୍‌ । ବଇଙ୍ଗ୍‌ୱିଜୁ କୁତ୍‌ତାର୍; ଆୟାୱିଜୁ ବଇଙ୍ଗାଁ ଲୋଇରାନ୍‌ ଜିବନ୍‌ ପୁସ୍ତକ ଦରୁଦି ଉଣ୍ତ୍ରି ବଇ ମାରାତ୍ । ଆୟା ଜିବନ୍‌ ପୁସ୍ତକଦୁ ଲୋକୁ ପାଣିକିତିମାନି ବିସୟ୍‌ତାନ୍‌ ଏମେ ୱିଜୁ ରାସାତାମାନାତ୍, ଆୟା ଇସାପ୍‍ତାନ୍ ୱାରି ବିସାର୍‍ଆତାତ୍‌ । 
\v 13 ଆୟା ବେଡ଼ାଦୁ ସାମୁଦୁର୍ ଲୋଇ ସାତିମାନି ଲୋକୁ ନିଙ୍ଗିଁଜି ୱାତାର୍‌ । ସାତିଗୁଟାଦୁ ମାନି ଲୋକୁ ବା ସୋସି ୱାତାର୍ । ୱାର୍‌ ୱିଜେରେ ନିଜେ ନିଜେଦି ପାଣିକିତି ଇସାପ୍‍ତାନ୍ ବିଚାର୍‌ ଆତାର୍‌ । 
\v 14 ତାନିୱେନ୍‌କା ସାନିକା ମାରି ସାନିପାତାଲ୍‌ତି ଆୟା ସିସୁଦି ସାମ୍‌ଦୁର୍‌ତୁ ପୋକ୍‌ତାର୍‌ । ଇୟା ସିସୁଦି ସାମ୍‌ଦୁର୍‌ ଆଜିନାତ୍, ରୁଣ୍ତି ଦେବେଙ୍ଗ୍‌ ସାନିକା । 
\v 15 ଆମାୱାରିନ୍ଦି ଦରୁ ଜିବନ୍‌ ପୁସ୍ତକଦୁ ରାସାଏତ୍‌ ମାର୍ହାତ୍‌, ୱାନ୍‌ ବା ୱିଜେରେ ସିସୁଦି ସାମ୍‌ଦୁର୍‌ତୁ ପୋକାଇ ଆତାର୍‌ ।
\c 21
\s ପୁନି ମୁସ୍‌କୁପୁର୍‌ ନି ପୁନି ଦୁନିଆ
\p
\v 1 \x + \xo ୨୧:୧ \xo*\xt ୨ ପିତର ୩:୧୩.\xt*\x*ତେନି ୱେନେକା ନାନୁ ଉଣ୍ତ୍ରି ପୁନି ବାଦଡ଼୍‍ ମାରି ପୁନି ଦୁନିଆ ସୁଡୁତା । ପାଡ଼ିଇ ବାଦଡ଼୍‍, ପାଡ଼ିଇ ଦୁନିଆ ମାରି ସାମ୍‍ଦୁରୁ ସିଲେତାତ୍‍ । 
\v 2 \x + \xo ୨୧:୨ \xo*\xt ପ୍ରକାଶିତ ୩:୧୨.\xt*\x*ମାରି ଉଣ୍ତ୍ରି ପବିତ୍ର ଗାଡ଼୍‌, ପୁନି ଜିରୁସାଲାମ୍, କାନ୍ୟା ରୁପ୍‌ତାନ୍ ତିଆର୍‍ଆଜି ମୁସ୍‌କୁପୁର୍‌ଦାନ୍ ମାପୁରୁଦି ଲାକୁତୁ ଦେସ୍ ମୁସୁକୁ ରେତାନିକା ସୁଡ଼ୁତା । 
\v 3 ମାରି ମୁସ୍‌କୁପୁର୍‌ ସିଂହାସନ୍‍ତାନ୍ ଉନ୍‍ଣ୍ତ୍ରି ମାଟା ଆତାତ୍, “ଇଲେଇ ମାପୁରୁଦି ଆସା ଲୋକା ମାଡ଼ାନ୍; ୱାନ୍‌ ୱାରି ସଙ୍ଗତାନ୍ ବାସା କିନାର୍ ମାରି ୱାର୍‌ ୱାନି ନିଜେଦି ଲୋକୁ ଆନାର୍ । ମାପୁରୁ ୱାରିୱାଲେ ବାସାକିନାର୍ ମାରି ୱାରି ମାପୁରୁ ଆନାର୍ । 
\v 4 ୱାର୍‌ ୱାରି କାଣ୍‍ଗାଦି କାଡ଼େର୍‌ଙ୍ଗୁ ୱିଜୁ ତେଲ୍‌ଜି ସିନାନ୍ । ସାନିକା, ସିନ୍ତା, ଆଡ଼୍‍ବାନିକା ଇରିଙ୍ଗ୍‌ ନୋପି, ମାରି ଇନିକା ତେବାଏତେନି । ୱିଜୁ ପାଡ଼ିଇ ବିସୟ ମାର୍‌ଗିତାତ୍ ସରାତ୍ ।”
\p
\v 5 ସିଂହାସନ୍‌ତି ମୁସ୍‌କୁପୁର୍‌ତି ମାପୁରୁ ଇର୍ହାନ୍‌, “ହୁଁ, ନାନୁ ୱିଜୁ ବିସୟ ପୁନିକା କିତାନ୍‍ମାନାନ୍ ।” ମାରି ୱାନ୍‌ ନାଙ୍ଗି ଆଦେସ୍ ସିତାନ୍‌, “ଇୟାୱିଜୁ ମାଟା ରାସ୍‌ସ ଇଡୁଦୁ ମାତର୍‌ ଇକା ସତ୍‌ ମାରି ବିସ୍‌ବାସ୍‌ ।” 
\v 6 ମାରି ବା ୱାନ୍‌ ଇର୍ହାନ୍‌, “ପାଣି ୱିଜିତା ମାନାତ୍‌ । ନାନୁ ପାର୍‌ତୁମ୍‌ ନି ସେସ୍‍ ମାରି ଆଗ୍‌ଡ଼ି ନି ୱେନ୍‌କା । ଏନ୍ ଏରିକି, ଜିବନ୍‌ସିନି ଏରୁ ଲାକୁତୁ ନାନୁ ୱାନିଙ୍ଗ୍‌ ଆରେଦାନ୍ ଉଟ୍‍ପିସ୍‍କିଦେଙ୍ଗ୍‍ ସିନାନ୍ । 
\v 7 ଏନ୍‌ ଜିଣାଜି ତେବାନାନ୍‌, ନାନ୍‌ ୱାନିଙ୍ଗ୍‌ ଇୟା ପୁରସ୍କାର୍‍ ସିନା ନାନ୍‌ ୱାନି ମାପୁରୁ ଆନା ମାରି ୱାନ୍‌ ନା ମାରିନ୍‌ ଆନାନ୍‌ । 
\v 8 ମାତର୍‌ ବିରୁ, ଅବିସ୍‌ବାସି, କାଡ଼ିନିକାର୍, ଲୋକାଙ୍ଗ୍‍ ୱେଡ଼ିଇକାର୍ ଦାରିପାଣିକିନିକାର୍ ଗୁଣିଆର୍, ବମା ପୁଜାକିନିକାର୍‌, ମିଚ୍‌ ୱେର୍‌ନି ୱିଜେରେ ତାଗିଇ ୱାରି ଜାଗା ଆଜିନାତ୍, ଗନ୍ଧକ୍‍ତାନ୍ କାସ୍‌ସିମାନି ସିସୁଗୁଟା ଆବେନୁ ୱାର୍‌ ରିଜାସାନି ଦଣ୍ଡ୍‌ ପୋଇନାର୍ ।”
\s ପୁନି ଜିରୁସାଲାମ୍‌
\p
\v 9 ସପ୍ତ ସାରାସାରି ମହାମାରି ପୁରା ସପ୍ତ ଡୁବାଇ ଆସ୍‌ସିମାନି ସପ୍ତ ଦୁତ୍‍ଙ୍ଗ୍‌ ମାଡ଼ାନ୍ ଅରେନ୍‌ ନା ଲାକୁତୁ ୱାଜି ଇର୍‌ଆନ୍‌, “ରାଦୁ, ମେଷସାବକଦି ଆଡ଼୍‌ସିଙ୍ଗ୍‌ ତରନା ସିନା ।” 
\v 10 ଆବେଟ୍‌କୁ ୱାନ୍‌ ନାଙ୍ଗିଁ ଆତ୍ମାଦାନ୍‌ ଉଣ୍ତ୍ରି ପେରିକା ମାରି ନିରିଇ ଗରନ୍‍ତୁ ଆସ୍‌ସି ଅସି ପବିତ୍ର ଗାଡ଼୍‌ ଜିରୁସାଲାମ୍‍ଦିଙ୍ଗ୍‌ ତୋରିସ୍ତାନ୍, ଆକା ମୁସ୍‌କୁପୁର୍‌ଦାନ୍ ମାପୁରୁ ଲାକୁତୁ । 
\v 11 ରେତାଜି ୱାଜିମାର୍ହାତ୍‌ ମାରି ମାପୁରୁ ଗୌରବ୍‍ ପୋଇଜି ମାର୍ହାନ୍‌ ୱାନି ଜାୟ୍‌ ବେସିନେଗିକା ମଣି ବାଙ୍ଗାଁରାମ୍ ୱାଜା, ନେଗି ୱେଡ଼ାଦିଗଡ଼ା ୱାଜା । 
\v 12 ଇୟାତାନି ଉଡ୍ରି ନିରିଇ ଗଡା ମାର୍ହାତ୍‌ । ଇୟା ଗଡାଦୁ ବାରଗୋଟା ମୁସ୍‌କୁପୁର୍‌ଦି ଦୁତ୍‌କାମାଣାନ୍‌ ରକିୟାକିନି ବାରଗୋଟା ସେର୍‍ଲେଙ୍ଗ୍‌ ମାରେଏ ମାରି ଆୟା ସେର୍‌ଲେଙ୍ଗାଁ ମୁସୁକୁ ଇସ୍ରାଏଲ୍‌ ଜାତିଦି ବାରଗୋଟା କଟୁମ୍‌ତି ଦର୍‌କୁ ରାସାତା ମାନାତ୍‌ । 
\v 13 ଗଡାଦି ୱିଜୁତରିନ୍‌ ମୁଣ୍ତ୍ରି ସେର୍‌ଲେଙ୍ଗ୍‌ ମାରେଏ : ଆଗ୍‌ଡ଼ି ତରିନ୍‌ ମୁଣ୍ତ୍ରି, ଡେବିରି ତରିନ୍‌ ମୁଣ୍ତ୍ରି, ଉଣି ତରିନ୍‌ ମୁଣ୍ତ୍ରି ମାରି ୱେନ୍‌କା ତରିନ୍‌ ମୁଣ୍ତ୍ରି । 
\v 14 ଗାଡ଼୍‌ତି ଇୟା ଗଡାଦିଙ୍ଗ୍‌ ବାରଗୋଟା କାଲ୍‌କାଙ୍ଗ୍‌ଦି ଅସାର୍‍ତି ମୁସୁକୁ ତିଆର୍‍ ଆତାମାର୍ହାତ୍‌ ମାରି ଆୟା ଦାସ୍‍ଗୋଟା ଅସାର୍ ମୁସୁକୁ ମେଣ୍ତାପିଲାଦି ବାର୍‍ଲୋକ୍ ପ୍ରେରିତ ସିସୁରି ଦରୁକୁ ରାସାତାମାର୍ହାତ୍‌ । 
\v 15 ନାୱାଲେ ୱାର୍‌ଗିଜିମାନି ଦୁତ୍‍କା କିୟୁଦୁ ଗାଡ଼୍‌ତି, ଗଡା ମାରି ସେର୍‌ଲେଙ୍ଗ୍‌ ଲେକିସ୍‌କିନି ଉଣ୍ତିଙ୍ଗ୍‌ ଉଣ୍ତ୍ରି ବାଙ୍ଗାଁରାମ୍‍ତି ଲେକିସ୍‌କିନି କାଣ୍ତି ମାର୍ହାତ୍‌ । 
\v 16 ଗାଡ଼୍‌ତି ବର୍ଗକ୍ଷେତ୍ର ମାରାତ୍; ତାନି ଲମ୍ୱା ମାରି ଅସାର୍ ସାମାନ୍ ମାର୍ହାତ୍‌ । ଦୁତ୍‌ ତାନି ଲେକିସ୍‌କିନି କାଣ୍ତିଦାନ୍ ଗାଡ଼୍‌ତିଙ୍ଗ୍‌ ଲେକିସ୍‌ କିତାତ୍ । ତାନି ଲମ୍ୱା ମାର୍ହାତ୍‌ ୨,୪୦୦ କିଲୋମିଟର୍ ମାରି ଅସାର୍ ମାରି ନିରିକା ଲମ୍ୱାଦି ୱାଲେ ସାମାନ୍ ମାର୍ହାତ୍‌ । 
\v 17 ଦୁତ୍‌ ଗଡାଦି ନିରିକା ବା ଲେକିସ୍‌ତାତ୍ । ଆକା ୬୦ ମିଟର୍ ମାର୍ହାତ୍‌ । 
\v 18 ଆୟା ଗଡା ୱେଡ଼ାଦି ମଣିଦାନ୍‌ ତିଆର୍‌ଆତିକା, ମାରି ଗାଡ଼୍‌ ନେଗି କାୟାଦି ୱାଜା ପୁରା ବାଙ୍ଗାଁରାମ୍‍ତାନ୍‌ ତିଆର୍‌ ଆତାମାନାତ୍‌ । 
\v 19 ଗାଡ଼୍‌ତି ସାରିବେଡ଼ିତି ମାନି ଗଡାଦି ଅସାର୍ ହିରାକାଲ୍‌କାଣି ମଣିଦାନ୍‌ ତିଆର୍‍ ଆତାମାରାତ୍, ପାର୍‌ତୁମ୍‌ କୁନାଦିକନାଦୁ ମାରାତ୍ ହିରାକାଲୁ, ଦୁଇ ନମ୍ୱର୍‌ତୁ ମାର୍ହାତ୍‌ ନିଲକାନ୍ତ ମଣି, ତିନି ନମ୍ୱର୍‌ତି ବୋଦୁର୍ଯ୍ୟ ମଣି, ଚାର୍‌ ନମ୍ୱର୍‌ତି ମରକତ ମଣି । 
\v 20 ପାଞ୍ଚ୍‌ ନମ୍ୱର୍‌ତି ପୁଳକ ମଣି, ସଅ ନମ୍ୱର୍‌ତି ମାଣିକ୍ୟ ମଣି, ସାତ୍‌ ନମ୍ୱର୍‌ତି ପୁଙ୍ଗୁଁ ମଣି ଆଟ୍‌ ନମ୍ୱର୍‌ତି ଫିରୋଜ ମଣି, ନଅ ନମ୍ୱର୍‌ତି ଗୋମେଦକ ମଣି, ଦାସ୍‌ ନମ୍ୱର୍‌ଦି ଲସୁନିୟ ମଣି, ଏଗାର୍‌ ନମ୍ୱର୍‌ଦି ଇନ୍ଦ୍ରଦନୁ ମଣି, ମାରି ବାର୍‌ ନମ୍ୱର୍‌ଦି ବାସ୍‌ନାଆନି ମଣି, ମାରେଏ । 
\v 21 ଦାସ୍‍ଗୋଟା ସେର୍‍ଲା ମାରେଏ, ଦାସଗୋଟା ମୁକ୍‌ତେଙ୍ଗ୍‌ ୱିଜୁ ସେର୍‍ଲେଙ୍ଗ୍‌ ଉଡ୍ରି ମୁକ୍ତାଦି ତିଆର୍ ଆତେମାରେଏ । ଗାଡ଼୍‌ତି ସାରି ପୁରା ନେଗି କାୟାଦି ୱାଜା ପୁରାନେଗିକା ବାଙ୍ଗାଁରାମ୍‍ତାନ୍ ଆତାମାନାତ୍ ।
\p
\v 22 ନାନୁ ଗାଡ଼୍‌ତି ଏମେ ମନ୍ଦିର୍‌ତିଙ୍ଗ୍‌ ସୁଡ଼ୁଦେଙ୍ଗ୍‌ ଆଟ୍‍ଏତା, ମାତର୍‌ ନିଜେ ସର୍ବସାକ୍ତିମାନ୍ ମାପୁରୁ ମାରି ମେଣ୍ତାଗଡ଼ୁଦି ୱାନି ମନ୍ଦିର୍‌ ଆନାତ୍ । 
\v 23 ଗାଡ଼୍‌ତିଙ୍ଗ୍‌ ଜାୟ୍‌ କିନି ଉଣ୍ତିଙ୍ଗ୍ ୱେଡ଼ା ବା ଲେଜୁଦି ଜାୟ୍‌ ସିଲେତ୍‌, ମାତର୍‌ ମାପୁରୁଦି ଗୌରବ୍‍ତାନ୍‍ ଆକା ଜାୟ୍‌ ଆଜିନାତ୍ ମାରି ମେଣ୍ତାଗଡ଼ୁଦି ୱାନି ଦିୱା ଜାୟ୍‌ ୱାଜା । 
\v 24 ଦୁନିଆଦି ୱିଜୁଜାତିଦି ଲୋକାଙ୍ଗ୍‌ ୱାନି ଜାୟ୍‌ଦୁ ବୁଲାସାଲାକିନାର୍ । ଦେସ୍‌ତି ରାଜାରି ମାନୁ ୱାରି ଦନ୍‌ ସମ୍ପତ୍ତି ତାସି ସିନାର୍‌ । 
\v 25 ଗାଡ଼୍‌ତି ସେର୍‌ଲେଙ୍ଗ୍‌ ୱିଜୁ ୱିଜୁଦିନ୍‌ ରେଆତାମାନାତ୍ ଆୟାୱିଜୁ ଏସାଙ୍ଗ୍‌ ବା ବୁଲ୍‌ କିଏର୍‍ନି; ମାତର୍‌ ଆବେନୁ ଏସାଙ୍ଗ୍ ସିକାଟି ଆଏତ୍ । 
\v 26 ୱିଜୁ ଦେସ୍‌ତୁ କାବାଆନିକା ମାରି ମହିମା ଇୟା ଗାଡ଼୍‌ତୁ ୱାଜି ଉଣ୍ତାନାର୍ । 
\v 27 ଇନିକା ତାଗ୍‍ଇ ଜିନିସ୍‌ ଇବେନୁ ତାସି ରେଏର୍‌ । ତାଗ୍‌ଇ ପାଣିଦୁ ମାନିକାର୍ ତାଗ୍‌ଇକାର୍‌ ମାରି ମିଥ୍ୟାବାଦିର୍‌ ଇୟା ଗାଡ଼୍‌ଦୁ ଡ଼ୁଗୁଦେଙ୍ଗ୍‌ ଆଟ୍‍ଏର୍‍ । ଏମେୱାରି ଦରୁ ମେଣ୍ତାପିଲାଦି ଜିବନ୍‌ ବଇଦୁ ରାସାତିମାରିଙ୍ଗ୍‌, କେବଲ ୱାରେଏ ଇୟା ଗାଡ଼୍‌ତୁ ସନ୍‌ଡ୍ରେଙ୍ଗ୍‍ ଆଟ୍‍ନାର୍ ।
\c 22
\p
\v 1 ପୁନି ଦୁନିଆଦୁ କାୟାଦି ୱାଜା ନେଗି ଜିବନ୍‌ ଏରୁଦି ଉଣ୍ତ୍ରି ଗାଡା ଦୁତ୍ ନାଙ୍ଗିଁ ତର୍‌ତାତ୍ । ଇୟା ଗାଡା ମାପୁରୁ ନି ମେଷସାବକତି ସିଂହାସନ୍‌ଦାନ୍‌ ସହସି 
\v 2 ମାରି ଗାଡ଼୍‌ତି ପେର୍‌ଜାରି ନାଡ଼୍‍ମି ସିଜି ସୋର୍ହାମାର୍ହାତ୍‌ । ଗାଡାଦି ରିଆଙ୍ଗାଁ ତର୍‌ନି ଜିବନ୍‌ ମାରାନ୍‍ ମାର୍ହାତ୍‍ । ଆକା ବାର୍ସେକ୍‍ତି ୱିଜୁ ଲେଜ୍‍କାଙ୍ଗ୍‍, ମାରି ବାର୍ସେକ୍‌ତିଙ୍ଗ୍‍ଁ ବାର ଦେବେଙ୍ଗ୍‌ ପଲ୍‌ ଆସ୍‌ନାତ୍‌ ମାରି ଇୟାତେନି ଆକୁ ଲୋକାଙ୍ଗ୍‍ ନେଗେନ୍‍ କିନାତ୍‌ । 
\v 3 ମାପୁରୁଦି ଅବିସାପ୍‍ତି ମାଟା ଏମେ ବିସୟ ଆୟା ଗାଡ଼୍‌ତୁ ସୁଡ଼ୁଦେଙ୍ଗ୍‌ ପୋୟ୍‌ଇକାନି । ମାପୁରୁ ମାରି ମେଷସାବକତି ରାଜାଗାଦି ଆୟା ଗାଡ଼୍‌ତି ନାଡ଼ିମି ତେବାନାତ୍‌ ମାରି ଆବେନୁ ୱାରି ସେବା କିନିକାର୍‌ ୱାନି ଆରାଦନା କିନାର୍ ! 
\v 4 ୱାର୍‌ ୱାନି ମୋକମ୍ ସୁଣାର୍‍ ମାରି ୱାରି କାପାଲ୍‍ତୁ ୱାରି ଦରୁ ରାସାନାତ୍‍ । 
\v 5 ଆବେନୁ ମାରି ନାଡ଼ା ଆଏତ୍‍ ମାରି ଦିୱା ବା ୱେଡ଼ାଜାୟ୍‍ ୱାରିଙ୍ଗ୍‌ ମାରି ଲୋଡ଼ା ଆଏତ୍‍ନି, ଇରିଙ୍ଗ୍‌ ପ୍ରବୁ ମାପୁରୁ ୱାରି ଜାୟ୍‌ ଆନାନ୍ ମାରି ୱାର୍‌ ଜୁଗ୍‌ ଜୁଗ୍‌ ସାସନ୍ କିନାର୍ ।
\s ଜିସୁଦି ମାରିଡ଼େସି ୱାନିକା
\p
\v 6 ଦୁତ୍‌ ନାଙ୍ଗିଁ ଇର୍ହାତ୍‌, “ଇୟାୱିଜୁ କାବୁର୍‌ ସତ୍‌ ନି ଆସାଦିକା । ଆମା ଆମାକା ବେଗି ଗଟାନାତ୍, ଆକା ୱାରି ସେବାକିନିୱାରିଙ୍ଗ୍‌ ୱେର୍‍ନି ଉଣ୍ତିଙ୍ଗ୍ ବାବବାଦିରିଙ୍ଗ୍‌ ଆତ୍ମିକ ବୁଦି ସିଜିମାନି ମାପୁରୁ ୱାନି ଦୁତ୍‌ତିଙ୍ଗ୍ ପୋକ୍‍ତାମାନାନ୍‌ ।”
\p
\v 7 ଜିସୁ ଇଜିନାନ୍‌, “ୱେନ୍‍ଣ୍ତ୍ରୁ ! ନାନୁ ବେଗି ୱାଜିନା ! ଏମେକାର୍ ଇୟା ବଇଦୁ ୱେଙ୍ଗିଁତିମାନି ବାବବାଣି ଉଣ୍ତିଙ୍ଗ୍‌ ମୋନ୍‍ସିଜି ମାନାନାର୍, ୱାର୍‌ ଦନ୍ୟ !”
\p
\v 8 ନାନୁ ଜୋହନ, ଇୟାୱିଜୁ ବିସୟ୍‌ ନିଜେ ୱେର୍‍ଆମାନା ମାରି ସୁଡ଼ୁତାମାନା । ଇୟାୱିଜୁ ୱେନିଜି ମାରି ସୁଡ଼ୁତି ୱିସ୍‌ତି ୱେନ୍‌କା, ଏମେ ଦୁତ୍‌ ନା ଲାକୁତୁ ଆକା ୱିକିତାତ୍, ନାନୁ ୱାନି କାଲ୍‌କା ଆଡିଗି ୱାନିଙ୍ଗ୍‌ ପୁଜା କିଦେଙ୍ଗ୍ ସଲ୍‍ସିମାର୍ହା । 
\v 9 ମାତର୍‌ ୱାନ୍‌ ଇର୍ହାନ୍‌, “ଆୟାୱାଜା କିମାଟ୍, ଇରିଙ୍ଗ୍‌ ନାନୁ ବା ମି ୱାଜା ଅରେନ୍‌ । ମି ଏମେ ବାବବାଦି ତଡ଼ାନ୍‍କୁ ମାରି ଆମା ୱିଜେରେ ଇୟା ବଇଦି ମାଟା ଇସାପ୍‍ତାନ୍ ମାନାଜି ମାନାର୍‌, ୱାରି ୱାଜା ନାନୁ ଅରେନ୍ ସେବକ ମାତ୍ର । ମାପୁରୁଦି ଆରାଦନା କିଦୁ ।” 
\v 10 ୱାଦ୍‌ ନାଙ୍ଗିଁ ମାରି ଇର୍ହାତ୍‌, “ଇୟା ବଇଦି ବବିସ୍ୟତ୍‍ମାଟା ୱିଜୁ ଆଡ଼କ୍‌ସ ଇଡ୍‍ମାଟ୍‌, ଇରିଙ୍ଗ୍‌ ଇୟାୱିଜୁ ବିସୟ୍‌ ଗଟେଆନି ବେଡ଼ା ଲାକୁତୁ ଆଜିୱାତାତ୍‍ନି । 
\v 11 ଆଦେଙ୍ଗ୍‌ ଇୟା ମାଟା ନେସ୍‍ସି ଏନ୍‍ ଏମେକା ବଦା, ଆକା କିପିନ୍‌ । ଅଦାର୍ମୁ ଜଦି ବଦାକିନାନ୍‍, ମାରି ଅଦାର୍ମୁପାଣି କିପିନ୍; ଅସୁଚି ଲୋକ୍‌ ଅସୁଚିଆଜି ମାନିନ୍; ମାତର୍‌ ଏନ୍‍ ନେଗିକାନ୍‍, ୱାନ୍‌ ନେଗିପାଣିଦୁ ନେଗେନ୍‍ ମାନିନ୍; ଏନ୍‍ ପବିତ୍ର, ୱାନ୍‌ ପବିତ୍ର ଆଜି ମାନିନ୍ ।”
\p
\v 12 ଜିସୁ ଇଜିନାନ୍‌, “ୱେନ୍‍ଣ୍ତ୍ରୁ ! ନାନୁ ବେଗି ୱାଜିନା ! ୱିଜେରିଙ୍ଗ୍ ନିଜେ ନିଜେଦି ପାଣି ଇସାପ୍‍ତାନ୍ ପଲ୍‌ ସିନି ଉଣ୍ତିଙ୍ଗ୍ ନାନୁ ପୁରସ୍କାର୍‌ ଆସ୍‌ସି ୱାନା । 
\v 13 \x + \xo ୨୨:୧୩ \xo*\xt ପ୍ରକାଶିତ ୧:୮; \xt*\xt ପ୍ରକାଶିତ ୧:୧୭; ୨:୮.\xt*\x*ନାନୁ ଆଗିଡ଼ି ମାରି ୱେନେକା, ପାର୍‍ତୁମ୍‍ ମାରି ସାରାସାରି ।”
\p
\v 14 ଏମେକାର୍ ନିଜେ ନିଜେଦି ଆଙ୍ଗିଁଙ୍ଗ୍ ନର୍‍ବାଜି ନେଗେନ୍‌ କିତାମାନାର୍‌, ୱାର୍‍ ବାଗ୍ୟବାନ୍‍ । ଜିବନ୍‌ ମାରାତି ପଲ୍‌ ତିନ୍‍ଡ୍ରେଙ୍ଗ୍ ମାରି ସେର୍‍ଲା ସିଜି ଗାଡ଼୍‌ ଲୋଇ ଡ଼ୁଗୁଦେଙ୍ଗ୍ ଇଜି ୱାରି ଅଦିକାର୍‍ ମାନାତ୍‍ । 
\v 15 ନୁକୁଡ଼ିଙ୍ଗ୍‌ ମାତର୍‌ ତାଗ୍‌ଇକାର୍‌, ତନ୍ତ୍ରମନ୍ତ୍ର ଜାଦୁକିନିକାର୍‌, ଲୋକାଙ୍ଗ୍‌ ସାପିସ୍‍କିନିକାର୍, ଦିୟାମ୍‌ପୁଜାକିନିକାର୍, ବାଣ୍ତିସ୍‍କିନିକାର୍, ଟକେକିନିକାର୍ ୱିଜୁ ତାଗିଇ ଲୋକ୍‌ ୱିଜେରେ ଗାଡ଼୍‌ତି ଆତ୍‌ରେ ତେବାନାର୍ ।
\p
\v 16 “ନାନ୍‌ ଜିସୁ । ମଣ୍ତଲିଙ୍ଗାଁ ମି ନେଗି ତାନିଙ୍ଗ୍‌ ଇୟାୱିଜୁ ବିସୟ୍‌ ସାକ୍ୟ ସିନି ଉଣ୍ତିଙ୍ଗ୍ ନା ଦୁତ୍‌ତିଙ୍ଗ୍ ପୋକ୍‍ତାମାନା । ନାନୁ ଦାଉଦଦି କୁଟୁମ୍‍ତିକାନ୍‍ । ନାନୁ ଆୟା ଜାୟ୍‌ତି ୱିଗାପି ସୁକା ।”
\p
\v 17 ପବିତ୍ରଆତ୍ମା ମାରି ଆୟା ପୁନିକାନ୍ୟା ଇଜିନେ “ରାଦୁ !” ୱେନିଲୋକୁ ୱିଜେରେ ବା ଇନାର୍‌ : “ରାଦୁ !” ଏନ୍‍ ଜଦି ଏରିକିସାନାନ୍‌, ୱାନ୍‌ ରାପିନ୍ । ଜିବନ୍‌ସିନି ଏରୁ ଉଣ୍ତେଙ୍ଗ୍ଁ ଏନ୍‍ ଇଛା କିନାନ୍‌, ୱାନ୍‌ ୱାଜି ଆରେଏଦାନ୍ ଆକା ଅପିନ୍ ।
\s ସାରାସାରି ମାଟା
\p
\v 18 ନାନୁ ଜୋହନ । ଏମେକାର୍ ଇୟା ବଇଦି ବବିସ୍ୟତ୍‌ମାଟା ୱିଜୁ ୱେନାର୍‌, ୱାରିଙ୍ଗ୍‌ ନାନୁ ସାକି ସିଜିନା : ଜଦି ଇବେନୁ ଏନ୍‍ ଇନିକା ମିସା କିନାନ୍, ଆର୍‌ତିଙ୍ଗ୍‌ ଇୟା ବଇଦୁ ରାସାତିମାନି ମର୍‍ଡିଦାନ୍‍ ମାପୁରୁ ୱାନିଙ୍ଗ୍‌ ସାସ୍ତି ସିନାନ୍ 
\v 19 ମାରି ଇୟା ବଇଦି ବବିସ୍ୟଦ୍‍ମାଟାଦାନ୍‍ ଏନ୍‍ ଜଦି ଇନି ବାଦା କିନାନ୍, ଆର୍‌ତିଙ୍ଗ୍‌ ମାପୁରୁ ୱାନିଙ୍ଗ୍‌ ଇୟା ବଇଦୁ ରାସାତି ଜିବନ୍‌ ମାରାନ୍‌ତି ପଲ୍‌ତାନ୍ ମାରି ପବିତ୍ର ଗାଡ଼୍‌ତାନ୍ ପେର୍‍ନାନ୍ ।
\p
\v 20 ଏନ୍‍ ଇୟାୱିଜୁ ବିସୟ୍‌ତାନ୍ ସାକ୍ୟ ସିଜିନାନ୍, ୱାନ୍‌ ଇଜିନାନ୍‌, “ଇକା ସତ୍‍ । ନାନୁ ବେଗି ୱାଜିନା ।” ଆକାନେ ଆପିତ୍ । ପ୍ରବୁ ଜିସୁ, ରାପିନ୍‌ !
\p
\v 21 ପ୍ରବୁ ଜିସୁଦି ଦୟା ୱିଜେରି ମୁସୁକୁ ଆପିତ୍ । ଆମେନ୍‍ ।