\id PHP - Kopo
\ide UTF-8
\h ପିଲିପିୟ
\toc3 ପିଲିପିୟ
\toc2 ପିଲିପିୟ
\toc1 ପିଲିପିୟ ଲୋକା ଲାକ୍‌ତୁ ପାଉଲତି ଆକୁ
\mt2 ଫିଲିପୀୟମାନଙ୍କ ନିକଟକୁ ପାଉଲଙ୍କ ପତ୍ର
\mt1 ପିଲିପିୟ ଲୋକା ଲାକ୍‌ତୁ ପାଉଲତି ଆକୁ
\imt1 ପିଲିପିୟ ଆକୁ ବିସୟ୍‍ତାନ୍‍ ଏସ ମାଟା
\ip ଜିସୁ କ୍ରିସ୍ତଦି ଜନମ୍‌ଦି ପାକାପାକି ୬୧ ବାର୍ସେକ୍‌ ୱେନ୍‌କା ପାଉଲ ପିଲିପି ମଣ୍ତଲଦି ବିସ୍‌ବାସିରି ଲାକ୍‌ତୁ ଇୟା ବଇ ରାସ୍‌ତାନ୍‌ । ଆନାତ୍‌ସୁଗି ପାଉଲ ରମ୍‌ ଗାଡ଼୍‌ଦୁ ଜଇଲ୍‌ତୁ ମାନିୱାଲେ ୱାନ୍‌ ଇୟା ବଇ ରାସ୍‌ତାମାର୍‌ଆନ୍‌ \xt ୧:୧୩\xt* ।
\ip ପିଲିପି ଗାଡ଼୍‌ ଲୋଇ ନେ ତିଆର୍‌ଆତି ମଣ୍ତଲି ଲାକ୍‌ତୁ ଇୟା ବଇ ରାସାତା ମାର୍‌ର୍ହାତ୍‌ । ମାପୁ ପ୍ରେରିତ ବଇଦୁ ବା ଏସ ବିସୟ୍‌ ପିଲିପି ବଇ ବିସୟ୍‌ତାନ୍‌ ନେସ୍‌ତେଙ୍ଗ୍‌ ଆଟ୍‌ନିକା । ପିଲିପି ମାକିଦନିଆ ଦେସ୍‌ତି ପେରିଗାଡ଼୍‌ ମାର୍‌ଆତ୍‌ । ଇକା ମାକିଦନିଆଦୁ ତିଆର୍‌ଆତି ପାର୍‌ତୁମ୍‌ ମଣ୍ତଲି ମାର୍‌ଆତ୍‌ । ପାଉଲ ମାରି ସିଲା ମିସାଜି ଇୟା ମଣ୍ତଲି ଆରାମ୍‌ କିତାମାର୍ହାର୍‌ । ମାରି ଆବେନୁ ତେବାନି ବେଡ଼ାଦୁ ଉନ୍‌ଡ୍ରେ ନାଡ଼ା ଉଣ୍ତିଙ୍ଗ୍‌ ୱାରିଙ୍ଗ୍‌ ଜଇଲ୍‌ତୁ ଇଟ୍‌ତାମାର୍‌ଆର୍‌ \xt ପ୍ରେରିତ ୧୬\xt* ।
\ip ଆଦେଙ୍ଗ୍‌ ଆଟ୍‌ନାତ୍‌ ପାଉଲଦି ଇୟା ବଇ ରାସ୍‌ନି ନାଣ୍ତ ଉଦେସ୍‍ ତେବାଦେଙ୍ଗ୍‌ ଆଟ୍‌ନେ । ୱାନ୍‌ ଜଇଲ୍‌ତୁ ମାନି ବିସୟ୍‌ ୱେନ୍‌ଜି ମଣ୍ତଲିଦି ଲୋକୁ ଦାନ୍‌ ଉଣ୍ତା କିଜି ପୋକ୍‌ତି ମାନିଙ୍ଗ୍‌ ମଣ୍ତଲିଦିଙ୍ଗ୍‌ ଦନ୍ୟବାଦ୍‌ ସିନି ଉଦେସ୍‍ ଇଡ୍‌ଜି ବଇ ରାସ୍‌ନାନ୍‌ \xt ୪:୧୦-୧୯\xt* । ୱାନ୍‌ ବା ୱାନି ଜଇଲ୍‌ତୁ ମାନି ଅବସ୍ତାଦି ବାଦା ୱେର୍‌ସି ମଣ୍ତଲିଦୁ ତିମତି ମାରି ଏପାପ୍ରଦିତଦିଙ୍ଗ୍‌ ମିସା କିନାନ୍‌, ବିସ୍‌ବାସ୍‌ସିର୍‌ ଏଣ୍ତେସ୍‌ ୱାରିଙ୍ଗ୍‌ ମାନାଜି ନମସ୍କାର୍‌ କିନାନ୍‌ ମାରି ୱାନି ଉଣ୍ତିଙ୍ଗ୍‌ ସନ୍‌ମାନ୍‌ ସିନାନ୍‌ \xt ୨:୧୯-୩୦\xt* ।
\iot ଇୟା ବଇଦୁ ମାନି ଏସ ମୁକିୟ ବିସୟ୍‌
\io1 ୧. ପିଲିପିୟ୍‌ ମଣ୍ତଲିଦିଙ୍ଗ୍‌ ପାଉଲଦି ମାଡ଼ିସ୍‌କିନିକା \ior ୧:୧-୨\ior*
\io1 ୨. ପାଉଲଦି ବାଦା ମାରି ୱାନି ସିନ୍ତା ବିସୟ୍‌ \ior ୧:୩–୨:୩\ior*
\io1 ୩. ବିସ୍‌ବାସିରିଙ୍ଗ୍‌ କ୍ରିସ୍ଟିଆନ୍‌ ଜିବନ୍‌ ଜିନିମାଡ଼ିନି ଉଣ୍ତିଙ୍ଗ୍‌ ପାଉଲଦି ମାଟା । \ior ୩:୧–୪:୯\ior*
\io1 ୪. ପାଉଲ ଦାନ୍‌ ଉଣ୍ତିଙ୍ଗ୍‌ ପିଲିପିୟ୍‌ ମଣ୍ତଲିଦିଙ୍ଗ୍‌ ମାଡ଼ିସ୍‌କିଜି ମାରି ଦନ୍ୟବାଦ୍‌ ସିନାନ୍‌ \ior ୪:୧୦-୨୩\ior*
\c 1
\s ନମସ୍କାର୍‌ ନି ପାଉଲତି ପାର୍‌ତନା
\p
\v 1 \x + \xo ୧:୧ \xo*\xt ପ୍ରେରିତ ୧୬:୧୨.\xt*\x*ପାଉଲ ମାରି ତିମତି, କ୍ରିସ୍ତ ଜିସୁଦି ରିଏର୍‌ ଦାସ୍‌କୁ, ପିଲିପି ମଣ୍ତଲିଦୁ ମାନି କ୍ରିସ୍ତ ଜିସୁଦି ମାନି ୱିଜେରେ ସାଦୁରି ଲାକ୍‌ତୁ ମାରି ନେତାର୍‌ ମାରି ସେବାକିନିୱାରି ଲାକ୍‌ତୁ ରାସ୍‌ସିନାନ୍‌; 
\v 2 ମା ବୁବା ମାପୁରୁ ମାରି ପ୍ରବୁ ଜିସୁ କ୍ରିସ୍ତଦିମାଣ୍‌କୁ ଦୟା ମାରି ସାନ୍ତି ମି ଉଣ୍ତିଙ୍ଗ୍‌ ଆପିତ୍‌ । \fig ପିଲିପିୟ୍‌ ଗାଡ଼୍‌|alt="City of Philippi" src="hk00363c.tif" size="span" copy="Horace Knowles ©" ref="୧:୧"\fig*
\p
\v 3 ନାନ୍‌ ମିଙ୍ଗିଁ ଏସ ଦେବେଙ୍ଗ୍‌ ଏତ୍‌କିନା, ନାସ ଦେବେଙ୍ଗ୍‌ ନା ମାପୁରୁଙ୍ଗୁଁ ଦନ୍ୟବାଦ୍‌ ସିନା । 
\v 4 ୱିଜୁ ଦେବେଙ୍ଗ୍‌ ମି ଉଣ୍ତିଙ୍ଗ୍‌ ପାର୍‍ତନା କିନି ବେଡ଼ାଦୁ ୱେଡ଼ିକାଦି ମୋନ୍‌ତାନ୍‌ ପାର୍‌ତନା କିଜିନା, 
\v 5 ଇରିଙ୍ଗ୍‌ ମି ବିସ୍‌ବାସ୍‌ ଆରାମ୍‌ତାନ୍‌ ନେର୍‌ସାନ୍ଧି ସୁସମାଚାର୍‌ତି ପାଣିଦୁ ମିର୍‌ ନାଙ୍ଗିଁ ଏଣ୍ତେସ୍‌ ସାକା ଆତିମାନିଦେର୍‌, 
\v 6 ନାନ୍‌ ଇୟା ବିସୟ୍‌ତାନ୍‌ ସତ୍‍ ଜେ, ଆମା ପ୍ରବୁ ମି ଲାକ୍‌ତୁ ଇୟା ନେଗିପାଣି ଆରାମ୍‌ କିତାମାନାନ୍‌, କ୍ରିସ୍ତ ଜିସୁ ମାରିଡ଼େସିୱାନି ଦିନ୍‌ତୁ ଇକା ସେସ୍‍ ଆନି ସାନ୍ଧି ୱାନ୍‌ ଆକା ପାଣି କିଜି ପୁରା କିନାନ୍‌ । 
\v 7 ମିର୍‌ ୱିଜୁଦିନ୍ ନା ମନ୍‍ତୁ ମାନିଦେର୍‌; ମାରି ମି ୱିଜୁଲୋକା ବିସୟ୍‌ତାନ୍‌ ଇୟାୱାଜା ଏତ୍‌ କିନିକା ମାନାତ୍‌ । ନାନ୍‌ ଜଇଲ୍‍ତୁ ସଲ୍‍ଇ ମାର୍‌ଇ ବେଡ଼ାଦୁ ମାରି ଇଲେଇ ଇୟା ଜଇଲ୍‍ତୁମାନି ଅବସ୍ଥାଦୁ ସୁସମାଚାର୍‌ତି ତିଆର୍‌କିନିକା ନି ରକ୍ଷାଦି ଉଣ୍ତିଙ୍ଗ୍‌ ପାଣି କିଦେଙ୍ଗ୍‌ ମାପୁରୁ ନାଙ୍ଗିଁ ଆମା ଦୟା ସିତାମାନାନ୍‌, ମିର୍‌ ୱିଜିଦେର୍‌ ଇବେନୁ ମିସାତିମାନିଦେର୍‌ । 
\v 8 ମି ୱିଜେରି ଉଣ୍ତିଙ୍ଗ୍‌ ନା ନାଣ୍ତ ୱେଡ଼ିକା ଜିସୁ କ୍ରିସ୍ତଦିମାଣ୍‌କୁ ନାନ୍‌ ପୟ୍‌ତାମାନା ଇଜି ଏସ୍ତିୱାଲେ ନାନ୍‌ ୱେର୍‌ନା, ଇକା ପୁରାସତ୍‌ । ଇୟା ବିସୟ୍‌ତାନ୍‌ ମାପୁରୁ ନା ସାକି ।
\p
\v 9 ମାରି, ନାନ୍‌ ପାର୍‌ତାନା କିଜିନା, ଏଣ୍ତେସ୍‌ ସତ୍‌ତି ବୁଦି ମାରି ନିୟାୟ୍‌ ବିଚାର୍‌ତି ୱାଲେ ମି ଜିବନ୍‌ନୋନିକା ନାଣ୍ତଦାନ୍‌ ନାଣ୍ତ ପିରିତ୍‌, 
\v 10 ଏଣ୍ତେସ୍‌ ମିର୍‌ ନେଗି ବିସୟ୍‌କୁ ୱିଜୁ ଆସ୍‌କିଦେଙ୍ଗ୍‌ ଆଟ୍‌ନିଦେର୍‌ । ଆର୍‌ତିଙ୍ଗ୍‌, ମିର୍‌ କ୍ରିସ୍ତଦି ୱାନିଦିନ୍‌ତୁ ପୁରାନେଗେନ୍‌ତାନ୍‌ ମାରି ନିନ୍ଦାସିଲିକା ତେବାନିଦେର୍‍, 
\v 11 ମାରି, ମାପୁରୁଦି ଗୌରବ୍‍ ମାରି ଦନ୍ୟବାଦତି ଉଣ୍ତିଙ୍ଗ୍‌ ମି ଜିବନ୍‌ ଜିସୁ କ୍ରିସ୍ତଦି ସିତିମାନି ୱିଜୁ ନେଗିଗୁଣୁତୁ ପୁରା ଆନାତ୍‌ ।
\s ଜିନି ଅର୍ତ କ୍ରିସ୍ତ
\p
\v 12 ଏ ତଡ଼ାନ୍‌କୁ ନି ତାଙ୍ଗିଁକି, ନା ଉଣ୍ତିଙ୍ଗ୍‌ ଆମା ଆମାକା ଗଟାତାମାନାତ୍‌, ଆକା ସୁସମାଚାର୍‌ତି ପାଣିଦିଙ୍ଗ୍‌ ପିର୍‌ନି ଉଣ୍ତିଙ୍ଗ୍‌ ସାହାଜ୍ୟ କିତାମାନାତ୍‌, ଇକା ମିଙ୍ଗିଁ ୱେର୍‍ତେଙ୍ଗ୍‍ ନାନ୍‌ ଇଚ୍ଛା କିଜିନା । 
\v 13 \x + \xo ୧:୧୩ \xo*\xt ପ୍ରେରିତ ୨୮:୩୦.\xt*\x*ଇବେଣି ୱିଜେରେ ରାଜାରି ମେଡ଼୍‍ଇଲୁଦିଙ୍ଗ୍‌ କାପ୍‌କିନିକାର୍‌ ମାରି ଆଇକାର୍‌ ୱିଜେରେ ନେସ୍‌ତାମାନାର୍‌ ଜେ, କ୍ରିସ୍ତଦି ସେବାକିନିକାନ୍‌ ଆତିମାନିଙ୍ଗ୍‌ ନାନ୍‌ ଇଲେଇ ଜଇଲ୍‍ତୁ ମାନା । 
\v 14 ମାତର୍‌ ନାନ୍‌ ଜଇଲ୍‍ତୁ ମାନିଙ୍ଗ୍‌ ଏସଲୋକ୍‌ ତଡ଼ାନ୍‌କୁ ନି ତାଙ୍ଗିଁକି ପ୍ରବୁଦି ଉଣ୍ତିଙ୍ଗ୍‌ ନାଣ୍ତ ବିସ୍‌ବାସ୍‌ କିତାମାନାର୍‌, ମାରି ଇୟାଉଣ୍ତିଙ୍ଗ୍‌ ତିଲାଏଣ୍‌ଗା ମାପୁରୁଦି ବାକ୍ୟ ପ୍ରଚାର୍‌ କିଦେଙ୍ଗ୍‌ ୱାର୍‌ ସାହାସ୍‌ ପୟ୍‌ତାମାନାର୍‌ ।
\p
\v 15 ଅବସ୍ୟ ୱାରି ଲୋଇରାନ୍‌ ଏନ୍‌ ଏନ୍‌ ଗିଦ୍‌ରି ମାରି ଲାଗାଜିସାନି ଉଣ୍ତିଙ୍ଗ୍‌ କ୍ରିସ୍ତଙ୍ଗ୍‌ ପ୍ରଚାର୍‌ କିଜିନାର୍‌ ସତ୍‍, ମାତର୍‌ ମାରି ଏନ୍‌ ଏନ୍‌ ଜିବନ୍‌ତାନ୍‌ ଆକା କିଜିନାର୍‌ । 
\v 16 ଇୟାକାର୍‌ ଇୟାୱାଜା କିନି ଉଣ୍ତିଙ୍ଗ୍‌ ଜିବନ୍‌ନୋନାର୍‌ । ଇରିଙ୍ଗ୍‌ ୱାର୍‌ ନେସ୍‌ନାର୍‌ ଜେ, ମାପୁରୁ ନାଙ୍ଗିଁ ସୁସମାଚାର୍‌ତିଙ୍ଗ୍‌ ସୁରକ୍ଷା କିଦେଙ୍ଗ୍‌ ଦାଇତ୍‌ ସିତାମାନାନ୍‌ । 
\v 17 ଆଇକାର୍‌ ବିସ୍‌ବାସ୍‌ତାନ୍‌ କ୍ରିସ୍ତଦି ମାଟା ପ୍ରଚାର୍‌ କିଏଣ୍‌ଗା ଆକାର୍‌ତି ଉଦେସ୍‍ ଅସି ଆକା କିତାମାନାର୍‌ । ନାନ୍‌ ଜଇଲ୍‍ତୁ ତେବାତିମାର୍‌ଇ ୱାଲେ ନା ମୋନ୍‌ତୁ ନାଣ୍ତ୍‌ କାସ୍ଟୁ ସିଦେଙ୍ଗ୍‌ ୱାର୍‌ ଆକା କିତା ମାନାର୍‌ ।
\p
\v 18 ଆବେନ୍‌ ଇନିକା ପୁଟ୍‌ଏତ୍‌ ! ଉଦେସ୍‌ଦି ଇସାବ୍‌ତାନ୍‌ ଆପିତ୍‌ ମାରି ନେଗେନ୍‌ତି ଇସାବ୍‌ତାନ୍‌ ଆପିତ୍‌, ଏଣ୍ତେସ୍‌ୱାଜାଦାନ୍‌ବା କ୍ରିସ୍ତ ପ୍ରଚାରିତ ଆଜିନାନ୍‍, ଇବେନୁ ନାନ୍‌ ୱେଡ଼ିକା କିଜିନା, ହୁଁ, ୱେଡ଼ିକା କିଜିମାନା । 
\v 19 ଇରିଙ୍ଗ୍‌ ନାନ୍‌ ନେସ୍‌ନା ଜେ, ମି ପାର୍‍ତନା ମାରି ଜିସୁ କ୍ରିସ୍ତଦି ଆତ୍ମାଦି ସାହାଜ୍ୟ ଦାନ୍‌ ନାନ୍‌ ମୁକୁଡ଼ାନିକା ଲାବ୍‌ କିନା । 
\v 20 ଇୟା ବିସୟ୍‌ତାନ୍‌ ନା ଅରେନ୍‍ ଆସାନି ଆସା ଇଡ୍‌ନି ମାନାତ୍‌ ଜେ ନାନ୍‌ ଇନି ବିସୟ୍‌ତାନ୍‌ ସେମାର୍‌ ଆଏ, ମାତର୍‌ ୱିଜୁଦିନ୍ ଏଣ୍ତେସ୍‌ୱାଜା, ଇଲେଇବା ଆୟାୱାଜା ନାଣ୍ତ୍‌ ଡାଟ୍‌ତାନ୍‌, ଜିବନ୍‌ତୁ ଆପିତ୍‌ ବା ସାନିମାନୁ ଆପିତ୍‌, କ୍ରିସ୍ତଙ୍ଗ୍‌ ନା ମେନ୍ଦଲ୍‌ତାନ୍‌ ମହିମା କିନା । 
\v 21 ଇରିଙ୍ଗ୍‌ ନା ଜିବନ୍‌ତୁ କ୍ରିସ୍ତନେ ୱିଜୁ, ଆଦେଙ୍ଗ୍‌ ନା ଉଣ୍ତିଙ୍ଗ୍‌ ସାନିକା ନାଣ୍ତ୍‌ ଲାବ୍‌ ଆନାତ୍‌ । 
\v 22 ମାତର୍‌ ଜଦି ଜିବନ୍‌ ମାନ୍‌ଞ୍ଜି ନାନ୍‌ ନାଣ୍ତ ପଲ୍‌ଆସ୍‌ନି ପାଣି କିଦେଙ୍ଗ୍‌ ଆଟ୍‍ନା, ଆର୍‌ତିଙ୍ଗ୍‌ ଜିବନ୍‌ ନି ସାନିତାନିଙ୍ଗ୍‌ ଏଙ୍ଗ୍‌ ଆସ୍‌କିନା, ନାନ୍‌ ଟିକ୍‌ କିଦେଙ୍ଗ୍‌ ଆଟ୍‌ଏଜିନା । 
\v 23 ନାନ୍‌ ରୁଣ୍ତି ବିସୟ୍‌କୁ ଅସି ପେରିଆର୍‌ଲାଦୁ ପଡ଼େଆତାମାନା; ଇୟା ଜିବନ୍‌ ଡ଼ିସ୍‌ସୋ କ୍ରିସ୍ତଦି ୱାଲେ ତେବାଦେଙ୍ଗ୍‌ ନା ଇଚ୍ଛା, ଇରିଙ୍ଗ୍‌ ଆକା ପୁରା ନେଗେତ୍‌ । 
\v 24 ମାତର୍‌ ମି ଉଣ୍ତିଙ୍ଗ୍‌ ଜିଜୋ ତେବାଦେଙ୍ଗ୍‌ ନାଣ୍ତ ଦର୍‌କାର୍‌ । 
\v 25 ମାରି ନାନ୍‌ ଇୟା ବିସୟ୍‌ତାନ୍‌ ନେସ୍‌ନା ଜେ, ନାନ୍‌ ଜିନା ତେବାନା । ମି ବିସ୍‌ବାସ୍‌ତି ପିର୍‌ନିକା ମାରି ୱେଡ଼ିକାଦି ଉଣ୍ତିଙ୍ଗ୍‌ ନାନ୍‌ ମି ୱିଜେରି ୱାଲେ ତେବାନା । 
\v 26 ଏଣ୍ତେସ୍‌ ମି ମାନୁ ନାନୁ ମାରିଡ଼େସି ଇଗାୱାନି ଉଣ୍ତିଙ୍ଗ୍‌ ନା ମାଣ୍‌କୁ କ୍ରିସ୍ତ ଜିସୁଦିମାନୁ ମି ଗର୍ବ ନାଣ୍ତ ବଡ଼େ ଆନାତ୍‌ ।
\p
\v 27 ନାନ୍‌ ମିଙ୍ଗିଁ ସୁଡ଼ୁଦେଙ୍ଗ୍‌ ଇଜି ସନ୍‍ଡ୍ରେଙ୍ଗ୍‍ ଡାଟ୍‌ ଆନା ସିଲିତିଙ୍ଗ୍‌ ଆଏ, ଇଲେଇ ପେରି ବିସୟ୍‌ ଆଜିନାତ୍‍, ମି ଜିବନ୍‌ ଜିନିକା ଏଣ୍ତେସ୍‌ କ୍ରିସ୍ତଦି ସୁସମାଚାର୍‌ତି ୱାଜା ଆନାତ୍‌ ନାନ୍‌ ଏଣ୍ତେସ୍‌ ୱେନା, ମିର୍‌ ଉନ୍‌ଡ୍ରି ଉଦେସ୍‍ ଅସି ଡାଟ୍‌ତାନ୍‌ ନିର୍‌ଇ ମାନିଦେର୍‌ ମାରି ଉନ୍‌ଡ୍ରି ଆସା ଅସି ସୁସମାଚାର୍‌ ବିସ୍‌ବାସ୍‌ତି ଉଣ୍ତିଙ୍ଗ୍‌ ଅର୍‌ସେ ଜୁଦ୍‌ କିଜିନିଦେର୍‌ । 
\v 28 ସାତ୍ରୁରିଙ୍ଗ୍‌ ତିଲାମାଟ୍‌, ସାହାସ୍‌ତାନ୍‌ ଡାଟ୍‌ ତେବାଦୁ । ଆର୍‌ତିଙ୍ଗ୍‌, ୱାର୍‌ ନେସ୍‌ତେଙ୍ଗ୍‌ ଆଟ୍‍ନାର୍‍ ଜେ, ୱାର୍‌ ଆର୍‌ନିକା ପୁରାସତ୍‌ ମାରି ମିର୍‌ ଜିଣାନିଦେର୍‌, ଇରିଙ୍ଗ୍‌ ମାପୁରୁ ନେ ମିଙ୍ଗିଁ ଜିଣା କିନା । 
\v 29 ଇରିଙ୍ଗ୍‌ କ୍ରିସ୍ତଦିମାନୁ କେବଲ ବିସ୍‌ବାସ୍‌ କିନି ଉଣ୍ତିଙ୍ଗ୍‌ ମିଙ୍ଗିଁ ଜେ ସୁଜୋଗ୍‌ ସିଆୟ୍‌ଆତା ମାନାତ୍‌, ଆକା ସିଲେ, ମାତର୍‌ କ୍ରିସ୍ତଦି ଉଣ୍ତିଙ୍ଗ୍‌ ଦୁଃକ୍‌କାସ୍ଟୁ ବୋଗାନି ଉଣ୍ତିଙ୍ଗ୍‌ ମିଙ୍ଗିଁ ସୁଜୋଗ୍‌ ସିଆୟ୍‌ଆତା ମାନାତ୍‌ । 
\v 30 ଇଲେଇ ଇୟା ଜୁଦ୍‌ଦୁ ମିର୍‌ ନାମାନୁ ମିସାଦେଙ୍ଗ୍‌ ଆଟ୍‌ନିଦେର୍‌ । ସର୍‌ଇଦିନ୍‌ତୁ ମିର୍‌ ନାଙ୍ଗିଁ ଆମା ଜୁଦ୍‌ କିନିକା ସୁଡ଼ୁତିମାର୍‌ଇଦେର୍‌, ଇଲେଇବା ନାନ୍‌ ଆୟା ଜୁଦ୍‌ଦୁ ପୁରା ମାନା ଇଜି ମିର୍‌ ୱେନିମାନିଦେର୍‌ ।
\c 2
\s କ୍ରିସ୍ତଦି ସାନ୍ତି ମାରି ପେରିକାନ୍‌
\p
\v 1 କ୍ରିସ୍ତଦି ୱାଲେ ମିସାନି ଉଣ୍ତିଙ୍ଗ୍‌ ମିର୍‌ ଜିବନ୍‌ତୁ ବପୁ ଆତିମାନିଦେର୍‌ । ମାରି ୱାନି ଜିବନ୍‌ନୋନିକା ମିଙ୍ଗିଁ ୱେଡ଼ିକା ସିଜିନାତ୍‌ । ମିର୍‌ ପବିତ୍ରଆତ୍ମାଦି ସାକାଦାନ୍‌ ୱେଡ଼ିକା କିଜିନିଦେର୍‌ ମାରି ନିଜେନିଜେଦି ଉଣ୍ତିଙ୍ଗ୍‌ ମିଙ୍ଗିଁ ଜିବନ୍‍ନୋନିକା ମାରି ଦୟା ମାନାତ୍‌ । 
\v 2 ଆଦେଙ୍ଗ୍‌ ନାନ୍‌ ମିଙ୍ଗିଁ ଅନୁରଦ୍‌ କିଜିନା, ଉନ୍‌ଡ୍ରେ ମନ୍‌ତାନ୍‌, ଉନ୍‌ଡ୍ରେ ଜିବନ୍‌ନୋନିମାନୁ ମିସାନିକା ମାରି ଉନ୍‌ଡ୍ରେମୋନ୍‌ ମାରି ଆତ୍ମାଦୁ ଅର୍‌ସେ ଆଜି ମିର୍‌ ନାଙ୍ଗିଁ ପୁରା ୱେଡ଼ିକା କିଦୁ । 
\v 3 ଆକାର୍‍ ମାରି ନାଣ୍ତ ଗର୍ବ ତରାନି ଉଣ୍ତିଙ୍ଗ୍‌ ଇନି ପାଣି କିମାଟ୍‌, ମାତର୍‌ ନମ୍ର ଆଜି ୱିଜେରେ ଆଇୱାରିଙ୍ଗ୍‌ ନିଜେଦିମାଣ୍‌କୁ ପେରିକାନ୍‌ ଅଡ଼୍‌ବିଦୁ । 
\v 4 କେବଲ ନିଜେଦି ବିସୟ୍‌ତୁ ମୋନ୍‌ ସିଏଣ୍‌ଗା ଆଇୱାରି ବିସୟ୍‌ତୁ ବା ମୋନ୍‌ସିଦୁ । 
\v 5 କ୍ରିସ୍ତ ଜିସୁଦି ଏଣ୍ତେସ୍‌ ନାନି ମନ୍‌ ମାରାତ୍‌, ମିଦି ଆୟାୱାଜା ମୋନ୍‌ ଆପିତ୍‌ :
\q1
\v 6 ୱାନ୍‌ ମାପୁରୁୱାଜା ଆତିଙ୍ଗ୍‌ବା
\q2 ମାପୁରୁଦି ୱାଲେ ସାମାନ୍‌ ଆଜି ତେବାଦେଙ୍ଗ୍‌ ନିଜେଦି ଉଣ୍ତିଙ୍ଗ୍‌ ଆସ୍‌ସୋ ଇଡ୍‌ନି ବିସୟ୍‌ ଏତ୍‌ କିଏତାନ୍‌ ।
\q1
\v 7 ବରଂ ନିଜେଦି ଇଚ୍ଛାଦାନ୍‌ ୱାନି ୱିଜୁ ଡ଼ିସ୍‌ତାନ୍‌ନୋ ସାକର୍‌ ମୁର୍ତି ଆସ୍‌ତା ୱାତାନ୍‌ ।
\q2 ଲୋକା ୱାଜା ଆଜି ଲୋକା ୱାଜାତର୍‌ଜି ୱାତାନ୍‌ ।
\q1
\v 8 ମାରି, ୱାନ୍‌ ସାନ୍ତି ମାରି ସାନ୍ତିଦିକାନ୍‌ ଆଜି ସାନି ସାନ୍ଦି,
\q2 କ୍ରୁସଦୁ ସାନି ସାନ୍ଦି ମାନାତାନ୍‌ ।
\q1
\v 9 ଇୟାଉଣ୍ତିଙ୍ଗ୍‌ ମାପୁରୁ ୱାନିଙ୍ଗ୍‌ ପୁରାନାଣ୍ତ ମୁସ୍‌କୁ ପେର୍‌ତା ମାନାନ୍‌,
\q2 ମାରି ୱିଜେରି ଦର୍‌କା ବାଦ୍‌ଲୁ ପେରି ଦରୁ ୱାନିଙ୍ଗ୍‌ ସିତାମାନାନ୍‌ ।
\q1
\v 10 ଏଣ୍ତେସ୍‌ ମୁସ୍‌କୁପୁର୍‌, ଦୁନିଆ ମାରି ପାତାଲ୍‍ତୁ ମାନି
\q2 ୱିଜୁ ଲୋକୁ ଜିସୁଦି ଦର୍‌ତିଙ୍ଗ୍‌ ମେଣ୍ତେଙ୍ଗ୍‌ ଗଟ୍‌କିଜି ମାଡ଼ିସ୍‌ କିନାର୍‌ ।
\q1
\v 11 ମାରି, ବୁବା ମାପୁରୁଦି ଗୌରବ୍‍ତି ଉଣ୍ତିଙ୍ଗ୍‌
\q2 ୱିଜେରି ୱେତଲ୍‌ ଜିସୁ କ୍ରିସ୍ତ ପ୍ରବୁ ଇଜି ମାନାନାର୍‌ ।
\s ଦୁନିଆଦୁ ଜାୟ୍‌ ୱାଜା କାସ୍‌ତୁ
\p
\v 12 ମାରି, ଏ ନା ଲାଡ୍‍ତି ତଡ଼୍‍କୁ, ଏଣ୍ତେସ୍‌ ନାନ୍‌ ମି ୱାଲେ ମାର୍‌ଇ ବେଡ଼ାଦୁ ମିର୍‌ ଏଣ୍ତେସ୍‌ ୱିଜୁୱାଲେ ନା ମାଟାଦାନ୍‌ ମାର୍‌ଇଦେର୍‌, ମାତର୍‌ ଇଲେଇ ନାନ୍‌ ସିଲିୱାଲେ ମାରି ନାଣ୍ତଦାନ୍‌ ତିଲାଜି ମାରି ତିର୍‌ଜି ନିଜେ ନିଜେଦି ପରିତ୍ରାଣ୍‌ ପାଣି ଏଣ୍ତେସ୍‌ ପୁରା ଆନାତ୍‌ । 
\v 13 ଇରିଙ୍ଗ୍‌ ଇଚ୍ଛା କିଦେଙ୍ଗ୍‌ ମାରି ପାଣି କିଦେଙ୍ଗ୍‌ ମାପୁରୁ ନିଜେଦି ନେଗି ଉଦେସ୍‌ଦିଙ୍ଗ୍‌ ପୁରା କିନି ଉଣ୍ତିଙ୍ଗ୍‌ ମି ଜିବନ୍‌ତୁ ପାଣି କିନାନ୍‌ । 
\v 14 ଆସ୍‌କିଏଣ୍‌ଗା ମାରି ୱାର୍‌ଗିଜିସାଏଣ୍‌ଗା ୱିଜୁ ପାଣି କିଦୁ । 
\v 15 ଆର୍‌ତିଙ୍ଗ୍‌, ଇୟା କାକୁର୍ତି ମାରି ପାପ୍‌ମାନି ଦୁନିଆଦୁ ମିର୍‌ ମାପୁରୁଦି ଦାର୍ମୁ କଡ଼କକ୍‌ରା ୱାଜା ଦସ୍‍ସିଲିକା ମାରି ଦାର୍ମୁଦାନ୍‌ ଜିଜି ମାଡ଼ିଦେଙ୍ଗ୍‌ ଆଟ୍‌ନିଦେର୍‌ । 
\v 16 ଆଇୱାରି ଲାକ୍‌ତୁ ଜିବନ୍‌ମାନି କାବୁର୍‌ ପ୍ରଚାର୍‌ କିନିୱାଲେ ମିର୍‌ ବାଦଡ଼୍‌ତିଙ୍ଗ୍‌ ଜାୟ୍‌ କିଜିମାନି ସୁକେଙ୍ଗ୍‌ ୱାଜା ଜାୟ୍‌ ଆନିକା ମାନାତ୍‌ । ମିର୍‌ ଜଦି ଇୟାୱାଜା ଆନିଦେର୍‌, “କ୍ରିସ୍ତଦି ଦିନ୍‌ତୁ” ମି ବିସୟ୍‌ତୁ ନାନ୍‌ ଗର୍ବ କିଦେଙ୍ଗ୍‌ ଆଟ୍‍ନା, ଇରିଙ୍ଗ୍‌ ଇବେଣ୍‌କୁ ପାର୍‌ମାଣ୍‌ ଆନାତ୍‌ ଜେ, ନା ୱିଜୁ ଜୋଜନା ମାରି ପାଣି ଆରେଏ ଆଏତ୍‍ । 
\v 17 ମାପୁରୁଦି ଉଦେସ୍‌ତାନ୍‌ ମି ବିସ୍‌ବାସ୍‌ୱାଜା ବଲିଦାନ୍‌ତୁ ଆନାତ୍‌ସୁଗି ନା ଜିବନ୍‌ତି ନେତେର୍‌ ୱାକ୍‌ସୋ ସିଦେଙ୍ଗ୍‌ ପଡ଼ାନାତ୍‌, ଆର୍‌ତିଙ୍ଗ୍‌ ନାନ୍‌ ୱେଡ଼ିକା କିଜିନା ମାରି ନା ଇୟା ୱେଡ଼ିକାଦୁ ମିଙ୍ଗିଁ ମିସା କିଦେଙ୍ଗ୍‌ ଅଡ଼୍‌ବିଜିନା । 
\v 18 ମାରି, ଆୟାୱାଜା ମିର୍‌ ବା ୱେଡ଼ିକା କିଦୁ ମାରି ଆୟା ୱେଡ଼ିକାଦୁ ନାଙ୍ଗିଁ ବା ମିସାକିଦୁ ।
\s ତିମତି ମାରି ଏପାଫ୍ରଦିତ୍‌
\p
\v 19 ମାତର୍‌ ନାନ୍‌ ମି ଲାକ୍‌ତୁ ତିମତିଦିଙ୍ଗ୍‌ ବେଗି ପୋକ୍‌ନା ଇଜି ପ୍ରବୁ ଜିସୁଦିମାନୁ ଆସା କିଜିନା, ଏଣ୍ତେସ୍‌ ମି କାବୁର୍‌ ନେସ୍‌ସି ନାନ୍‌ ବା ୱେଡ଼ିକା ଆନା । 
\v 20 ଇରିଙ୍ଗ୍‌ ୱାନ୍‌ ମି ବିସୟ୍‌ତୁ ସତ୍‌ତାନ୍‌ ମୋନ୍‌ଦିୟାନ୍‌ କିନାନ୍‌, ଇୟାୱାଜା ଅଡ଼୍‌ବିନି ଲୋକ୍‌ ୱାନିଙ୍ଗ୍‌ ଡ଼ିସ୍‌ତିଙ୍ଗ୍‌ ନା ଲାକ୍‌ତୁ ଏନ୍‌ ସିଲେନ୍‌ । 
\v 21 ଆଇକାର୍‌ ୱିଜେରେ ଜିସୁ କ୍ରିସ୍ତଦି ଉଣ୍ତିଙ୍ଗ୍‌ ମୋନ୍‌ଦିୟାନ୍‌ କିଏଣ୍‌ଗା କେବଲ ନିଜେଦି ପାଣିଦି ଉଣ୍ତିଙ୍ଗ୍‌ ଦାନ୍ଧା ଆନାର୍‌ । 
\v 22 ତିମତି ଜେ ପରିକାଦୁ ଜିଣାତି ଲୋକ୍‌, ଇକା ମିର୍‌ ନେସ୍‌ତିମାନିଦେର୍‌; ମାରିନ୍‌ ବୁବାଦି ସେବା କିତି ୱାଜା ୱାନ୍‌ ତୋ ସୁସମାଚାର୍‌ ପ୍ରଚାର୍‌ ପାଣିଦୁ ନା ୱାଲେ ସେବା କିତାମାର୍ହାନ୍‌ । 
\v 23 ମାରି, ନା ଉଣ୍ତିଙ୍ଗ୍‌ ଇନିକା ଗଟାନାତ୍‌, ଆକା ନେସ୍‌ନି ଉଣ୍ତିଙ୍ଗ୍‌ ନାନ୍‌ ୱାନିଙ୍ଗ୍‌ ମି ଲାକ୍‌ତୁ ପୋକ୍‌ତାନା ଇଜି ଆସା କିଜିନା । 
\v 24 ମାତର୍‌ ନାନ୍‌ ପ୍ରବୁଦିମାନୁ ବିସ୍‌ବାସ୍‌ କିଜିନା ଜେ, ନାନ୍‌ ନିଜେ ବା ଦାପ୍ରେ ମି ଲାକ୍‌ତୁ ୱାଦେଙ୍ଗ୍ ଆଟ୍‍ନା ।
\p
\v 25 ମାତର୍‌ ନାନ୍‌ ନା ତଡ଼ାନ୍‌, ଅର୍‍ସେପାଣିକିନାପ୍‌, ଜୁଦ୍‌ ମାରି ନା ଅବାବ୍‌ ପୁରା କିନି ଉଣ୍ତିଙ୍ଗ୍‌ ମି କାବୁର୍‌ ଅନିକାନ୍‍ ମାରି ସେବାକିନି ଏପାଫ୍ରଦିତ୍‌ତିଙ୍ଗ୍‌ ମି ଲାକ୍‌ତୁ ପୋକ୍‌ନି ଉଣ୍ତିଙ୍ଗ୍‌ ଦର୍‌କାର୍‌ ଇଜି ଏତ୍‌ କିତା । 
\v 26 ଇରିଙ୍ଗ୍‌ ୱାନ୍‌ ମିଙ୍ଗିଁ ସୁଡ଼ୁନି ଉଣ୍ତିଙ୍ଗ୍‌ ଇଚ୍ଛା କିଜିନାନ୍‌, ମାରି ୱାନ୍‌ ନବ୍‌ଆତାମାନାନ୍‌ ଇଜି ମିର୍‌ ୱେର୍‌ଇମାନିଙ୍ଗ୍‌ ୱାନ୍‌ ଦୁଃକ୍‌କିଜିନାନ୍‌ । 
\v 27 ସତ୍‌ତାନ୍‌ ୱାନ୍‌ ନବ୍‌ଆଜି ସାତିୱାଜା ଆତାମାର୍‌ର୍ହାନ୍‌, ମାତର୍‌ ମାପୁରୁ ୱାନିଙ୍ଗ୍‌ ଦୟା କିତାନ୍‌, ମାରି କେବଲ ୱାନିଙ୍ଗ୍‌ ସିଲେ, ମାତର୍‌ ଏଣ୍ତେସ୍‌ ନା ଉଣ୍ତିଙ୍ଗ୍‌ ଦୁଃକ୍‌ ମୁସ୍‌କୁ ଦୁଃକ୍‌ ଗଟାଏତ୍‌, ଇୟାଉଣ୍ତିଙ୍ଗ୍‌ ନା ମୁସ୍‌କୁ ବା ଦୟା କିତାନ୍‌ । 
\v 28 ଇୟାଉଣ୍ତିଙ୍ଗ୍‌ ନାନ୍‌ ୱାନିଙ୍ଗ୍‌ ମି ଲାକ୍‌ତୁ ପୋକ୍‌ତାନି ଉଣ୍ତିଙ୍ଗ୍‌ ଇଚ୍ଛା, ଇରିଙ୍ଗ୍‌ ମିର୍‌ ଏଣ୍ତେସ୍‌ ୱାନିଙ୍ଗ୍‌ ମାରିଡ଼େସି ସୁଡ଼ୁଜି ୱେଡ଼ିକା ଆନିଦେର୍‌ ମାରି ନା ଦୁଃକ୍‌ ବା ଉଣା ଆନାତ୍‌ । 
\v 29 ଆଦେଙ୍ଗ୍‌ ଅରେନ୍‌ କ୍ରିସ୍ତବିସ୍‌ବାସ୍‌ସି ତଡ଼ାନ୍‌ ୱାଜା ମିର୍‌ ୱାନିଙ୍ଗ୍‌ ମାନାଦୁ ମାରି ୱାନି ୱାଜା ୱିଜୁ ଗୁଣୁମାନି ଲୋକ୍‌ତିଙ୍ଗ୍‌ ସନ୍‌ମାନ୍‌ କିଦୁ । 
\v 30 ଇରିଙ୍ଗ୍‌ ମିର୍‌ ନାଙ୍ଗିଁ ଆମା ସେବା ସିଦେଙ୍ଗ୍‌ ଆଟ୍‌ଇତିଦେର୍‌, କ୍ରିସ୍ତଦି ପାଣି ପୁରା କିନି ଉଣ୍ତିଙ୍ଗ୍‌ ୱାନ୍‌ ଆକା ନା ଉଣ୍ତିଙ୍ଗ୍‌ କିଦେଙ୍ଗ୍‌ ସର୍‌ର୍ହାନ୍‌ନୋ ନିଜେଦି ଜିବନ୍‌ତିଙ୍ଗ୍‌ ନାସ୍ଟୁକିଜି ସାନି ଆଗ୍‌ଡ଼ିସାମାନା କିତାମାର୍ହାନ୍‌ ।
\c 3
\s ସତ୍‌ତି ଦାର୍ମୁ
\p
\v 1 ସାରାସାରିୱେନ୍‌କା, ଏ ନା ତଡ଼ାନ୍‌କୁ ନି ତାଙ୍ଗିଁକି, ପ୍ରବୁଦିମାନୁ ମିସାତି ମାନିଙ୍ଗ୍‌, ପ୍ରବୁଦିମାନୁ ୱେଡ଼ିକା କିଦୁ । ଆଗ୍‍ଡ଼ିରାନ୍‍ ଆମାକା ରାସ୍‌ତା ମାନାତ୍‌, ଆୟାତାନିଙ୍ଗ୍‌ ମାରିଡ଼େସି କିଦେଙ୍ଗ୍‌ ନାନ୍‌ ୱାଦ୍‌ନିକା ଅଡ଼ବିଏ, ଇରିଙ୍ଗ୍‌ ମି ସୁରକ୍ଷା ଉଣ୍ତିଙ୍ଗ୍‌ ଇକା ସାହାଜ୍ୟ କିନାତ୍‌ । 
\v 2 ଆମାକାର୍‌ ସତ୍‌ସିଲି ପାଣିଦୁ ମିସାତାମାନାର୍‌, ନୁକୁଡ଼ିଆମାଣ୍‌କୁ ଜାଗ୍‌ରାତା, ତାଗ୍‌ଇ ପାଣିକିନି ୱାରିମାଣ୍‌କୁ ଜାଗ୍‌ରାତା, ସୁନ୍ନତ୍‌କିନି ଲୋକାମାଣ୍‌କୁ ଜାଗ୍‌ରାତା; 
\v 3 ଇରିଙ୍ଗ୍‌ ମାପ୍‌ ସତ୍‌ତାନ୍‌ ସୁନ୍ନତ୍‌ପୟ୍‌ତି ଲୋକୁ, ମାପୁ ମାପୁରୁଦି ଆତ୍ମାଦାନ୍‌ ଉପାସନା କିଜିନାପ୍‌, ମାରି ଆତ୍‌ରେରି ରିତିନୀତି ମୁସ୍‌କୁ ଆସା କିଏଣ୍‌ଗା କ୍ରିସ୍ତ ଜିସୁଦିମାନୁ ଗର୍ବ କିନାପ୍‌ । 
\v 4 ନାନ୍‌ ଆତ୍‌ରେରି ବିସୟ୍‌ ମୁସ୍‌କୁ ବା ଆସା କିଦେଙ୍ଗ୍‌ ଆଟ୍‍ନା, ଜଦି ଆଇକାନ୍‍ ଏନ୍‌ ଆତ୍‌ରେରି ରିତିନୀତି ମୁସ୍‌କୁ ଆସା କିଦେଙ୍ଗ୍‌ ଆଟ୍‍ନାନ୍‍ ଇଜି ଏତ୍‌ କିନାନ୍‌, ଆର୍‌ତିଙ୍ଗ୍‌ ନାନ୍‌ ନାଣ୍ତ କିଦେଙ୍ଗ୍‌ ଆଟ୍‍ନା; 
\v 5 \x + \xo ୩:୫ \xo*\xt ରୋମିୟ ୧୧:୧ \xt*\xt ପ୍ରେରିତ ୨୩:୬; ୨୬:୫.\xt*\x*ନା ଜନମ୍‍ତି ଆଟ୍‌ଦିନ୍‌ତି ନାଣ୍ତିଙ୍ଗ୍‌ ନାନ୍‌ ସୁନ୍ନତ୍‌ ଆତାମାର୍‌ଆ, ନାନ୍‌ ଇସ୍ରାଏଲତି ଲୋକ୍‌, ବିନ୍ୟାମିନ୍ କୁଡ଼ା, ପୁରାନେଗି ଏବ୍ରିୟ, ନିୟମ୍‌ ମାନାନି ବିସୟ୍‌ତାନ୍‌ ଅରେନ୍‍ ପାରୁସି ମାର୍‌ଆ, 
\v 6 \x + \xo ୩:୬ \xo*\xt ପ୍ରେରିତ ୮:୩; ୨୨:୪; ୨୬:୯-୧୧.\xt*\x*ନା ତାଗ୍‌ଇ ବ୍ୟବ୍‌ଆର୍‌ତି ଉଣ୍ତିଙ୍ଗ୍‌ କ୍ରିସ୍ଟାନ୍‌ ମଣ୍ତଲିଦିଙ୍ଗ୍‌ କାସ୍ଟୁ ସିଜି ମାର୍‌ଆ, ମାରି ବ୍ୟବସ୍ଥାଦି ମାଟା ମାନାନି ମାଣୁକୁ ଜଦି ଅରେନ୍‌ ଦାର୍ମୁଦିକାନ୍‌ ଆନାନ୍‌, ଆର୍‌ତିଙ୍ଗ୍‌ ନାନ୍‌ ଦୋସ୍‌ ସିଲେତା । 
\v 7 ମାତର୍‌ ଆମାକାୱିଜୁ ନା ଉଣ୍ତିଙ୍ଗ୍‌ ନେଗେତ୍‌ ଇଜି ଅଡ଼୍‍ବିଜି ମାର୍‌ଆ, ଆୟାୱିଜୁ ନାନ୍‌ କ୍ରିସ୍ତଦି ଉଣ୍ତିଙ୍ଗ୍‌ ତାଗ୍‌ଇକା ଇଜି ଅଡ଼୍‌ବିଜିନା । 
\v 8 କେବଲ୍‌ ନାସ ସିଲେ; ନା ପ୍ରବୁ ଜିସୁ କ୍ରିସ୍ତଙ୍ଗ୍‌ ନେସ୍‌ନି ମାଣ୍‌କୁ ଆମା ନାଣ୍ତ ବୁଦି ପୟ୍‌ତାମାନା, ତାନି ବାଦ୍‌ଲୁ ୱିଜୁ ବିସୟ୍‌ତିଙ୍ଗ୍‌ ତାଗ୍‌ଇକା ଇଜି ଏତ୍‌କିନା; ୱାନି ଉଣ୍ତିଙ୍ଗ୍‌ ନାନ୍‌ ୱିଜୁ ବିସୟ୍‌ତିଙ୍ଗ୍‌ ଡ଼ିସ୍‍ତାମାନା, ଏଣ୍ତେସ୍‌ ନାନ୍‌ କ୍ରିସ୍ତଙ୍ଗ୍‌ ପୟ୍‌ଦେଙ୍ଗ୍‌ ଆଟ୍‌ନାନ୍‌ । 
\v 9 ମାରି ୱାନି ୱାଲେ ପୁରା ମିସାନି ଉଣ୍ତିଙ୍ଗ୍‌, ମାରି ଆୟାୱିଜୁ ବିସୟ୍‌ତିଙ୍ଗ୍‌ କାସ୍‌ରା ଇଜି ଅଡ଼୍‌ବିଜିନା । ମାରି, ଆମା ଦାର୍ମୁଦି ନିୟମ୍‌ ମାନାନି ମାଣ୍‌କୁ ପୟ୍‌ଦେଙ୍ଗ୍‌ ଆଟ୍‌ନିକା, ଆୟା ନାନି ଇନି ନିଜେଦି ଦାର୍ମୁ ନାଦି ସିଲେତ୍‌ । ଇଲେଇ ନାଦି ଆମା ଦାର୍ମୁ ମାନାତ୍‌, ଆକା କ୍ରିସ୍ତଦିମାନୁ ବିସ୍‌ବାସ୍‌ କିନି ମାଣ୍‌କୁ ପୟ୍‌ତାମାନା; ଆକା ମାପୁରୁଦିମାଣୁକୁ ୱାନାତ୍ ମାରି ଆକା ବିସ୍‌ବାସ୍‌ତି ମୁସ୍‌କୁ ତିଆର୍‌ଆତାମାନାତ୍‌ । 
\v 10 ଏଣ୍ତେସ୍‌ ନାନ୍‌ କ୍ରିସ୍ତଙ୍ଗ୍‌ ନେସ୍‌ନା ମାରି ୱାନି ମାରିଡ଼େସିଜିବନ୍‌ଆଜିନିଙ୍ଗିଁନି ସାକ୍ତି ଏତ୍‌କିନା; ୱାନି କାସ୍ଟୁ ବୋଗ୍‌ତି ଦଣ୍ତ୍‌ ଏତ୍‌କିଜି ସାନିମାନୁ ବା ୱାନି ୱାଜା ଆନା, 
\v 11 ମାରି ସାତିୱାରି ମାଣ୍‌କୁ ମାରିଡ଼େସିନିଙ୍ଗିଁନିକା ପୟ୍‌ଦେଙ୍ଗ୍‌ ଆସା କିଜିନା ।
\s ଇତି ବାଡିଦୁ ଉର୍‌କୁନିକା
\p
\v 12 ନାନ୍‌ ଜେ ଇଲେଇ ଆୟାୱିଜୁ ପୟ୍‌ତା ମାନା ମାରି ପୁରା ପୟ୍‌ତା ମାନା, ଆକା ସିଲେ, ମାତର୍‌ ନାନ୍‌ କ୍ରିସ୍ତ ଜିସୁଦି ମାଣ୍‌କୁ କୁକାୟ୍‍ ଆତିମାନିଙ୍ଗ୍‌ ଆକା ଆସିନି ଉଣ୍ତିଙ୍ଗ୍‌ ଉର୍‌କୁସିନା । 
\v 13 ଏ ତଡ଼ାନ୍‌କୁ ନି ତାଙ୍ଗିଁକି, ଇୟାସାନ୍ଧି ନାନ୍‌ ଇତି ବାଡିଦୁ ଇଏନେ, ମାତର୍‌ ଉନ୍‌ଡ୍ରି ପାଣିଦୁ ପୁରାମାନ୍‌ଞ୍ଜି, ୱେନ୍‌କା ଡ଼ିସ୍‌ତିୱାତିମାନି ବିସୟ୍‌କୁୱିଜୁ ମୋନ୍‌ତାନ୍‌ ଆକ କିଜି ଆଗ୍‌ଡ଼ି ମାନି ବିସୟ୍‌କୁ ପୟ୍‌ନି ଉଣ୍ତିଙ୍ଗ୍‌ ସାନିଜିନିୱାଜା ସେସ୍ଟା କିଜିନା । 
\v 14 ଆଦେଙ୍ଗ୍‌ କ୍ରିସ୍ତ ଜିସୁଦି ୱାଲେ ଆମା ମୁସ୍‌କୁପୁର୍‌ତି ଜିବନ୍‌ ପୟ୍‌ନି ଉଣ୍ତିଙ୍ଗ୍‌ ମାପୁରୁ ନାଙ୍ଗିଁ କୁକ୍‌ତାମାନାନ୍‌, ଆୟା ପୁରସ୍କାର୍‌ତି ଉଣ୍ତିଙ୍ଗ୍‌ ଆସା ଇଡ୍‌ଜି ନାନ୍‌ ଇତି ବାଡିଦୁ ଉର୍‌କୁସିନା । 
\v 15 ମାରି, ମା ଲୋଇ ଏସଲୋକ୍‌ ଆତ୍ମାଦାନ୍‌ ଜିଣାତିମାନିକା, ୱାରି ଇୟାୱାଜା ମୋନ୍‌ଅଡ଼୍‌ବିନିକା ତେବାନିକା ନେଗେତ୍‌, ମାରି ଜଦି ଇନି ବିସୟ୍‌ତୁ ମି ଅଡ଼୍‌ବିନିକା ଅଲଗା ନାନିକା ମନ୍‌ଅଡ଼୍‌ବିନିକା ମାନାତ୍‌, ଆର୍‌ତିଙ୍ଗ୍‌ ମାପୁରୁ ମିଙ୍ଗିଁ ୱିଜୁ ମାଟା ନେସ୍‌ନିୱାଜା ୱେର୍‌ନାନ୍‌ । 
\v 16 କେବଲ, ନେର୍‌ସାନ୍ଧି ମାଡୁ ଆମା ନିୟମ୍‌ ମାନାଜି ୱାଜିନିକା, ଆୟା ଇସାବ୍‌ତାନ୍‌ ଆଗ୍‌ଡ଼ି ସନିକା ମାନାତ୍‌ ।
\p
\v 17 \x + \xo ୩:୧୭ \xo*\xt ୧ କରିନ୍ତିୟ ୪:୧୬; ୧୧:୧.\xt*\x*ଏ ତଡ଼ାନ୍‌କୁ ନି ତାଙ୍ଗିଁକି, ମିର୍‌ ଅର୍‌ସେ ମିସାଜି ନା ୱେନ୍‌କା ରାଦୁ, ମାରି ମାମାନୁ ଆମା ସାନ୍ତି ସୁଡ଼ୁଜିନିଦେର୍‌, ଆମାକାର୍‌ ଆୟାଇସାବ୍‌ତାନ୍‌ ବୁଲାସାଲାଜିନାର୍‌, ୱାରିଙ୍ଗ୍ ସୁଡ଼ୁଦୁ । 
\v 18 ଇରିଙ୍ଗ୍‌ ଇୟାୱାଜା ଗାଦିଲୋକ୍‌ ମାନାର୍‌, ଆମାୱାରି ବୁଲାସାଲାନି ବିସୟ୍‌ତାନ୍‌ ନାନ୍‌ ମିଙ୍ଗିଁ ଗାଦି ଦେବେଙ୍ଗ୍‌ ୱେର୍‌ତାମାନା, ମାରି ଇଲେଇବା ଆଡ଼୍‍ବାଜି ଆଡ଼୍‍ବାଜି ୱେର୍‌ସିନା, ୱାର୍‌ କ୍ରିସ୍ତଦି କ୍ରୁସକାଟ୍‌ତି ସାତ୍ରୁରୁ; 
\v 19 ନରକଦୁ ୱାରି ଜିବନ୍‌ ସାନି ଉଣ୍ତିଙ୍ଗ୍‌ ସଲ୍‌ସିନାତ୍‌, ମେନ୍ଦଲ୍‌ ଆସାନେ ୱାରି ଦିୟାମ୍‌, ୱାର୍‌ ନିଜେ ନିଜେଦି ସେମାର୍‌ତିଙ୍ଗ୍‌ ଗର୍ବଦି ବିସୟ୍‌ ଏତ୍‌ କିନାର୍‌, ମାରି କେବଲ ଦୁନିଆଦି ବିସୟ୍‌ତି ଉଣ୍ତିଙ୍ଗ୍‌ ୱାର୍‌ ସିନ୍ତା କିନାର୍‌ । 
\v 20 ମାଡୁ ମୁସ୍‌କୁପୁର୍‌ତି ପ୍ରଜା, ଆୟା ବାଡିଦାନ୍‌ ବା ମାଡୁ ରକିୟାକର୍ତ୍ତା ପ୍ରବୁ ଜିସୁ କ୍ରିସ୍ତଦି ୱାନିଦିନ୍‌ତିଙ୍ଗ୍‌ ୱେଡ଼ିକାଦାନ୍‌ କାପ୍‌କିଜି ମାନାପ୍‌ । 
\v 21 ୱାନ୍‌ ନିଜେଦି ଆମା ପାଣିଦି ସାକ୍ତି ଦାନ୍‌ ୱିଜୁ ବିସୟ୍‌ତିଙ୍ଗ୍‌ ନିଜେଦି ଆଡ୍‍ଗି କିଦେଙ୍ଗ୍‌ ଆଟ୍‍ନାନ୍‍, ଆୟା ସାକ୍ତିଦାନ୍‌ ମା ସାକ୍ତିସିଲି ମେନ୍ଦଲ୍‌ତିଙ୍ଗ୍‌ ବାଦେଲ୍‌କିଜି ନିଜେଦି ଗୌରବ୍‌ମୟ୍‌ ମେନ୍ଧଲ୍‍ ୱାଜା କିନାନ୍‌ ।
\c 4
\s ଆଦେସ୍‌ ମାରି ସିକିୟା
\p
\v 1 ଲାଡ୍‍ତି ତଡ଼ାନ୍‌କୁ ନି ତାଙ୍ଗିଁକ୍‍, ମିଙ୍ଗିଁ ସୁଡ଼ୁନି ଉଣ୍ତିଙ୍ଗ୍‌ ନା ଏସ ବଦା, ମିଙ୍ଗିଁ ଅସିନା ଏସା ୱେଡ଼ିକା, ମି ଉଣ୍ତିଙ୍ଗ୍‌ ନା ଏସା ଗର୍ବ । ତଡ଼ାନ୍‌କୁ ନି ତାଙ୍ଗିଁକି, ନା ସିକିୟା ଇସାବ୍‌ତାନ୍‌ ପ୍ରବୁଦିମାନୁ ତିର୍‌ ତେବାଜି ଜିଜିମାଡ଼ିଦୁ ।
\p
\v 2 ଇୟଦିଆ ମାରି ସୁନ୍ତୁଖୀ ରୁଣ୍ତିୱାନିକାଙ୍ଗ୍‌ ନା ଅନୁରୋଦ୍‌ ୱାକ୍‌ ପ୍ରବୁଦିମାନୁ ତାଙ୍ଗିଁ ୱାଜା ମିସାବିଡ଼ାଜି ମାନିୱି । 
\v 3 ମାରି, ଏ ନା ବିସ୍‌ବାସ୍‌ତି ଅର୍‌ସେପାଣିକିନିକାନ୍‌, ଇୟା ତାଙ୍ଗିଁକାଙ୍ଗ୍‍ଁ ସାହାଜ୍ୟ କିନି ଉଣ୍ତିଙ୍ଗ୍‌ ନିଙ୍ଗିଁ ବା ନା ବାତିଙ୍ଗ୍‌ମାଲ୍‌ଜିନା, ଇରିଙ୍ଗ୍‌ ଇୟାକେଙ୍ଗ୍‌ କ୍ଲେମେନ୍‌ସ୍‌ ମାରି ନା ଆଇ ପାଣିକିନିୱାନିକା ୱାଲେ ସୁସମାଚାର୍‌ ପାଣିଦୁ ନା ୱାଲେ ପାଣି କିତେମାନେ; ଆୟା ପାଣିକିନିୱାନିକା ଦରୁ ମାପୁରୁଦି “ଜିବନ୍‌ ପୁସ୍ତକଦୁ” ରାସ୍‌ତାମାନାତ୍‌ । 
\v 4 ପ୍ରବୁଦି ୱାଲେ ମିସାତି ମାନିଙ୍ଗ୍‌ ୱିଜୁୱାଲେ ୱେଡ଼ିକା କିଦୁ, ମାରିଡ଼େସି ୱେର୍‌ସିନା, “ୱେଡ଼ିକା କିଦୁ ।”
\p
\v 5 ମି ନେଗି ବ୍ୟବ୍‌ହାର୍‌ ୱିଜୁ ଲୋକା ଲାକ୍‌ତୁ ତରାପିତ୍‌ । ପ୍ରବୁଦି ୱାନିଦିନ୍‌ ଲାକ୍‌ତୁ ଆତାତ୍‌ନି । 
\v 6 ଇନି ବିସୟ୍‌ତାନ୍‌ ସିନ୍ତା କିମାଟ୍‌, ମାତର୍‌ ମିଙ୍ଗିଁ ଆମାକା ଦର୍‌କାର୍‌, ଆକା ପାର୍‌ତନାଦୁ ମାପୁରୁଙ୍ଗୁଁ ଲସ୍‌ତୁ । ମାରି ପାର୍‌ତନା କିନିୱାଲେ ୱିଜୁୱାଲେ ଜିବନ୍‌ତି ଦନ୍ୟବାଦ୍‌ତି ୱାଲେ ମି ପାର୍‌ତନା ୱିଜୁ ମାପୁରୁଦିମାନୁ ୱେର୍‌ତୁ; 
\v 7 ଆର୍‌ତିଙ୍ଗ୍‌ ଲୋକ୍‌ତି ବୁଜାଦେଙ୍ଗ୍‌ ଆଟ୍‌ଇକା ମାପୁରୁଦି ସାନ୍ତି କ୍ରିସ୍ତ ଜିସୁଦି ସାକାଦାନ୍‌ ମି ଜିବନ୍‌ ମାରି ମୋନ୍‌ତିଙ୍ଗ୍‌ ନେଗେନ୍‌କିଜି ଇଡିନାତ୍‌ ।
\p
\v 8 ସାରାସାରିୱେନ୍‌କା, ଏ ତଡ଼ାନ୍‌କୁ ନି ତାଙ୍ଗିଁକି, ଆମା ୱିଜୁ ନେଗିକା ମାରି ୱେଡ଼ିକାଦି ବିସୟ୍‌ ମାନାତ୍‌, ଆମା ଆମାକା ସତ୍‌, ଆମା ଆମାକା ପେରିକା, ଆମା ଆମାକା ଟିକ୍‌, ଆମା ଆମାକା ପୁରାନେଗିକା, ଆମା ଆମାକା ଲୋକ୍‌ତିଙ୍ଗ୍‌ ନେଗିକା, ଆମା ଆମାକା ସନ୍‍ମାନଜନକ, ଆୟାୱିଜୁ ବିସୟ୍‌ ସିନ୍ତା କିଦୁ । 
\v 9 ମିର୍‌ ଆମାୱିଜୁ ବିସୟ୍‌ ନା ମାଣ୍‌କୁ ଅଜାତିମାନିଦେର୍‌, ପୟ୍‌ତିମାନିଦେର୍‌, ୱେର୍‌ଇମାନିଦେର୍‌ ମାରି ନା ମାନୁ ସୁଡ଼ୁତିମାନିଦେର୍‌, ଆୟାୱିଜୁ କିଦୁ; ଆବେନ୍‌ ସାନ୍ତିଦାତା ମାପୁରୁ ମି ସାକା ଆନାନ୍‌ ।
\s ଦାନ୍‌ତି ଉଣ୍ତିଙ୍ଗ୍‌ ଦନ୍ୟବାଦ୍‌
\p
\v 10 ପ୍ରବୁଦି ୱାଲେ ମିସାଜି ଜିଜି ମାଡ଼ିନି ୱାଲେ ନା ୱେଡ଼ିକା ଜେ, ମିର୍‌ ନା ଉଣ୍ତିଙ୍ଗ୍‌ ମନ୍‍ ସିଦୁ । ନାଣ୍ତ୍‌ ଦିନ୍‌ ୱେନ୍‌କା ମାରିଡ଼େସି ବାଦେଲ୍‌ଆନିକା ତର୍‌ତିମାନି । ନାନ୍‌ ଇନ୍‌ଏ ଜେ, ମିର୍‌ ଇୟାଦାପ୍ରେ ନା ଉଣ୍ତିଙ୍ଗ୍‌ ମାରି ମୋନସିଇ ମାର୍‌ଇଦେର୍‌, କେବଲ୍‌ ଆକା ୱେର୍‌ତେଙ୍ଗ୍‌ ସୁଜୋଗ୍‌ ପୋଇତିମାର୍‌ଇ । 
\v 11 ନାନ୍‌ ନିଜେଦିଙ୍ଗ୍‌ ୱେଡ଼ାଆଜିନାତ୍‌ ଏତ୍‌କିଜି ଇୟା ମାଟା ଇନ୍‌ଏ, ଇରିଙ୍ଗ୍‌ ନାନ୍‌ ଏଣ୍ତେସ୍‌ ନାନି ଅବସ୍ଥାଦାନ୍‌ ମାନା, ନାନ୍‌ ନାସଦାନ୍‌ନେ ତିର୍‌ ତେବାଦେଙ୍ଗ୍‌ ସିକିୟା କିତାମାନା । 
\v 12 ଉଣା ଆପିତ୍‌ ମାରି ନାଣ୍ତ ଆପିତ୍‌, ଏଣ୍ତେସ୍‌ ତାନି ସାମାନା କିଦେଙ୍ଗ୍‌ ଆନାତ୍‌, ଆକା ନାନ୍‌ ନେସ୍‌ତାମାନା । ଆଦେଙ୍ଗ୍‌ ଆମା ଇନି ବେଡ଼ାଦୁ, ଆମା ଇନି ଅବସ୍ଥାଦାନ୍‌ ମାରି ବାଙ୍ଗାଁଦୁ ତେବାତି ୱାଲେ ଏଣ୍ତେସ୍‌, ପଟାପାଜିତି ୱେନ୍‌କା ବା ଆୟାୱାଜା, କାକୁର୍ତି ଆନି ବେଡ଼ାଦୁ ମାରି ନାଣ୍ତ ଦୁବା ନାନ୍‌ ୱିଜୁଦିନ୍‌ ସାମାନ୍‌ । 
\v 13 ନା ସକ୍ତିଦାତା କ୍ରିସ୍ତଦି ସାହାଜ୍ୟଦାନ୍‌ ନାନ୍‌ ୱିଜୁ କିଦେଙ୍ଗ୍‌ ଆଟ୍‌ସିନା ।
\p
\v 14 ମାରିବା ମିର୍‌ ନା ଦୁଃକ୍‌ବୋଗ୍‌ତି ବେଡ଼ାଦୁ ମିସାଜି ପେରି ପାଣି କିତିମାନିଦେର୍‌ । 
\v 15 ଏ ପିଲିପ୍‌ପିୟଦି, ତଡ଼ାନ୍ ନି ତାଙ୍ଗିଁକ୍‌ ମିର୍‌ ବା ନିଜେ ନେସ୍‌ନିଦେର୍‌ ଜେ, ସୁସମାଚାର୍‌ ପ୍ରଚାର୍‌ କିନି ଆରାମ୍‌ ବେଡ଼ାଦୁ, ଏସ୍ତିୱାଲେ ନାନ୍‌ ମାସିଦୋନିଆଦାନ୍‌ ଡ଼ିସ୍‌ତା ସର୍‌ଆ, ନାସ୍ତିୱାଲେ ମିଙ୍ଗିଁ ଡ଼ିସ୍‌ତିଙ୍ଗ୍‌ ମାରି ଆମା ମଣ୍ତଲି ନା ୱାଲେଅର୍‌ସେ ଆଜି ନା ୱାଲେ ସିନିକା ଅନିକା ଇସାବ୍‌ ଇଡ୍‌ଏର୍‌ ମାର୍ହାର୍‌ । 
\v 16 \x + \xo ୪:୧୬ \xo*\xt ପ୍ରେରିତ ୧୭:୧.\xt*\x*\x + \xo ୪:୧୬ \xo*\xt ୨ କରିନ୍ତିୟ ୧୧:୯.\xt*\x*ଇରିଙ୍ଗ୍‌ ତେସଲନିକିୟାଦୁ ନାନ୍‌ ମାନି ବେଡ଼ାଦୁ ମିର୍‌ ଅର୍‍ସୁ ନି ନାଣ୍ତ୍‌ ଦେବେଙ୍ଗ୍‌ ନା ଲାକ୍‌ତୁ ଦରକାର୍‌ତି ସାହାଜ୍ୟ ପୋକ୍‌ତାତି ମାର୍‌ଇଦେର୍‌ । 
\v 17 ମିମାଣ୍‌କୁ କେବଲ ଦାନ୍‌ ଅତେଙ୍ଗ୍‌ ନାନ୍‌ ଅଡ଼୍‌ବିଏ; ଇୟାତାନି ବାଦ୍‌ଲୁ ମିର୍‌ ଏଣ୍ତେସ୍‌ ନାଣ୍ତଦାନ୍‌ ନାଣ୍ତ ପୟ୍‌ଦୁ, ଇକା ନା ବଦା । 
\v 18 ମିମାଣ୍‌କୁ ନାନ୍‌ ପୟ୍‌ତିମାନି ୱିଜୁ ଦାନ୍‌ ଉଣ୍ତିଙ୍ଗ୍‌ ପୋୟ୍‌ତିକା ମାନାଜି ଜାଣେକିଜିନା । ଆକା ନା ଉଣ୍ତିଙ୍ଗ୍‌ ନାଣ୍ତଦାନ୍‌ ନାଣ୍ତ ଆତାମାନାତ୍‌, ଏପାଫ୍ରଦିତ୍‌ଦି କିୟୁଦୁ ମିର୍‌ ପୋକ୍‌ତାତିମାନି ଦାନ୍‌ ନା ୱିଜୁ ସିଲିମାନୁ ପୁରା କିତାମାନାତ୍‌ । ଆକା ମାପୁରୁଦି ଉଦେସ୍‌ତାନ୍‌ ସିତିମାନି ବାସ୍‌ନାଆନି ଦୁପୁଣି ମାରି ୱାନି ମାନାନିନାନିକା ମାରି ୱେଡ଼ିକାଦି ବଲିପୁଜାସିନି ୱାଜା । 
\v 19 ମାରି, ନା ମାପୁରୁ କ୍ରିସ୍ତ ଜିସୁଦିମାନୁ ୱାନି ଗୌରବ୍‌ମୟ୍‌ ପାଣିଦି ଇସାବ୍‌ତାନ୍‌ ମି ୱିଜୁ ଅଭାବ୍‌ ପୁରା କିନାତ୍‌ । 
\v 20 ମା ମାପୁରୁ ମାରି ବୁବାଦି ଉଣ୍ତିଙ୍ଗ୍‌ ଜୁଗ୍‌ ଜୁଗ୍‌ ଗୌରବ୍‍ ଆପିତ୍‌ । ଆମେନ୍‍ ।
\s ସାରାସାରି ମାଟା
\p
\v 21 କ୍ରିସ୍ତ ଜିସୁଦି ଦର୍‌ତାନ୍‌ ୱିଜୁ ସାଦୁରିଙ୍ଗ୍‌ ନମସ୍କାର୍‌ ଜାଣେକିଦୁ । ନା ୱାଲେ ମାନି ତଡ଼ାନ୍‌କୁ ନି ତାଙ୍ଗିଁକି ମିଙ୍ଗିଁ ନମସ୍କାର୍‌ ଜାଣେକିଜିନାର୍‌ । 
\v 22 ଇବେନୁ ମାନି ମାପୁରୁଦି ଲୋକୁ, ବିସେସ୍‌ତାନ୍‌ ଆମାକାର୍‌ କାଇସର୍‍ତି ମେଡ଼୍‌ଇଲୁଦୁ ମାନାର୍‌, ୱାର୍‌ ମିଙ୍ଗିଁ ନମସ୍କାର୍‌ ଜାଣେକିଜିନାର୍‌ । 
\v 23 ପ୍ରବୁ ଜିସୁ କ୍ରିସ୍ତଦି ଦୟା ମି ଆତ୍ମାଦି ୱାଲେରାନ୍‌ ତେବାପିତ୍‌ ।