\id MRK - Kopo
\ide UTF-8
\h ମାର୍କ
\toc3 ମାର୍କ
\toc2 ମାର୍କ
\toc1 ମାର୍କ ରାସ୍‍ତିମାନି ଜିସୁ ଖ୍ରୀସ୍ତଦି ନେଗିକାବୁର୍‍
\mt2 ମାର୍କ ଲିଖିତ ଯୀଶୁ ଖ୍ରୀଷ୍ଟଙ୍କ ସୁସମାଚାର
\mt1 ମାର୍କ ରାସ୍‍ତିମାନି ଜିସୁ କ୍ରିସ୍ତଦି ନେଗିକାବୁର୍‌
\imt ଇୟା ବଇ ବିସୟତାନ୍ ଏସ ମାଟା
\ip ଜିସୁ କ୍ରିସ୍ତଦି ଜିବନ୍‌ ବିସୟତାନ୍ ୱେର୍‍ସିମାନି ପୁନି ନିୟମ୍‌ତି ନାଲ୍‍ଗି ବଇଙ୍ଗାଁ ମାଣ୍‌କୁ ମାର୍କ ରାସ୍‍ତିମାନି ସୁସମାଚାର୍‌ ଆଜିନାତ୍‍ ଉଣ୍ତ୍ରି । ଆୟାୱିଜୁଦିଙ୍ଗ୍‌ ସୁସମାଚାର୍‌ ଇନ୍‌ନାର୍‌, ଆମାତାନି ଅର୍ତ “ନେଗିକାବୁର୍‌” । ଆୟାୱିଜୁ ଜିସୁଦି ସାତି ୱେନ୍‌କା ମାଥିଉ, ମାର୍କ, ଲୁକ ମାରି ଯୋହନତି ମାଣ୍‌କୁ ରାସାତାମାନାତ୍‌ । ନାଲ୍‍ଗି ସୁସମାଚାର୍‌ ମାଣ୍‌କୁ ମାର୍କ ରାସ୍‍ତିମାନି ସୁସମାଚାର୍‌ ଆଜିନାତ୍‍ ୱିଜୁ ମାଣ୍‌କୁ ଇସ୍ରିକା । ଇକାବା ବିସ୍‍ବାସ୍‍ କିଆନାତ୍‍ ଜେ, ଇକା ସୁସମାଚାର୍‌ ମାଣ୍‌କୁ ୱିଜୁଦି ଆଗ୍‌ଡ଼ି, ଖ୍ରୀଷ୍ଟାଦ୍ଧ ୬୫-୭୦ ନିସୋ ବାର୍ସକ୍‌ ଲୋଇ ରାସାତାମାନାତ୍‌ । ବାଇବଲ୍‍ତି ପଣ୍ତିତ୍‌କୁ ବିସ୍‍ବାସ୍ କିନାର୍‌ ଜେ, ରୋମ୍‍ତୁ ମାନି କ୍ରିସ୍ତାନ୍‍ ଲୋକାଙ୍ଗ୍‌ ୱେଡ଼ିକା କିନି ଉଣ୍ତିଙ୍ଗ୍‌ ଇକା ରୋମ୍‍ତୁ ରାସାତାମାନାତ୍‌ ।
\ip ମାର୍କ, ଏନ୍‍କି ଯୋହନ ମାର୍କ ଦର୍‌ତାନ୍‌ ୱେଙ୍ଗିଁତାମାନାନ୍‍, ୱାନ୍‌ ପାଉଲ ମାରି ବର୍ଣ୍ଣବାସତି ତଡ଼୍‌ ମାର୍‌ଆନ୍‍, ମାତର୍‌ ଏସ୍ତିୱାଲେ ୱାନ୍‌ ୱାରିଙ୍ଗ୍‌ ପ୍ରଚାର୍‌ କିଦେଙ୍ଗ୍‌ ସନି ସାର୍‍ଦୁ ଡ଼ିସ୍‍ତା ୱାତାନ୍‌, ନାସ୍ତିୱାଲେ ୱାନି ଦର୍‌ ମାର୍‍ଗିତା ସରାଆତ୍‌ ପ୍ରେରିତ \xt ୧୩:୧୩\xt* । ୱେନ୍‌କା ମାର୍କ ମାରିଡ଼େସି ବର୍ଣ୍ଣବାସତିୱାଲେ ସେବା ପାଣିଦୁ ସର୍‌ଆନ୍‌ ପ୍ରେରିତ \xt ୧୫:୩୭-୩୯\xt* । ମାର୍କ ବା ପିତର୍‌ତି ଅରେନ୍‍ ନିଜେଦି ତଡ଼୍‌ତି ୱାଜା ୱେଙ୍ଗିଁତା ମାର୍‌ଆନ୍‍ \xt ୧ ପିତର ୫:୧୩\xt* । ଜଦିବା ମାର୍କ ଅରେନ୍‍ ଜିସୁଦି ଜିବନ୍‍ତି ସୁଡ଼ୁତି ସାକି ସିଲେତାନ୍‍, ଆତିଙ୍ଗ୍‌ବା ବାଇବଲ୍‍ ପଣ୍ତିତ୍‌କୁ ବିସ୍‍ବାସ୍‍ କିନାର୍‌ ଜେ, ୱାନ୍‌ ପିତର୍‌ତି ସାକି ୱେନ୍‌ଜି ନିଜେଦି ସୁସମାଚାର୍‌ ରାସ୍‌ତାମାନାନ୍‌ । ସୁସମାଚାର୍‍ତୁ ମାର୍କ ସିସୁର୍‌ ବିସୟ ମାରି ୱିଜ୍‍ନି ଦିନ୍‍ତି ବିସୟତାନ୍ ଜିସୁଦି ସିକିୟା ମୁସ୍‌କୁ ସୁଡ଼ୁଜି ରାସ୍‌ତାମାନାନ୍‌ ।
\ip ମାର୍କ ଇୟା ବଇଦୁ ଜିସୁ କ୍ରିସ୍ତଦିଙ୍ଗ୍‌ ଅରେନ୍‍ ଦାର୍ମୁ ଗତିମୁରୁଲି ମାରି ମାପୁରୁଦି ବଦାଦିଙ୍ଗ୍‍ ମାନାଜି କିନି ଉଣ୍ତିଙ୍ଗ୍‌ ୱିଜୁୱାଲେ ତିଆର୍‌ ଆନି ମାନି ଲାଡ୍‍ତି ମାରିନ୍‌ ୱାଜା ୱେର୍‍ତା ମାନାନ୍‌, ଆୟା ଉଣ୍ତିଙ୍ଗ୍‌ ୱାନ୍‌ ଜିସୁଦି କାବାଆନି ପାଣି ବିସୟତାନ୍ ରାସ୍‍ନାନ୍‍ । ସାରାସାରି ୱାନ୍‌ ସାରା ଦୁନିଆଦୁ ସୁସମାଚାର୍‌ ପ୍ରଚାର୍‌ କିନି ପେରି ଆଦେସ୍‍ତି ୱାଲେ ଇୟା ସୁସମାଚାର୍‌ ରାସ୍‍ତିତାନିଙ୍ଗ୍‍ ବନ୍ଧ୍‌ କିନାନ୍‌ ।
\iot ଇୟା ବଇଦୁ ମାନି ମୁକିୟ ବିସୟ୍‌
\io1 ୧. ଡୁବନ୍‌ ସିନି ଜୋହନ ମାରି ଜିସୁଦି ଡୁବନ୍‌ । \ior ୧:୧-୧୩\ior*
\io1 ୨. ଗାଲିଲିଦୁ ଜିସୁଦି ସେବାକିନି ପାଣି । \ior ୧:୧୪; ୯:୫୦\ior*
\io1 ୩. ଜିରୁସାଲମ୍‍ତୁ ଜିସୁ ସନିକା ମାରି ମନ୍ଦିର୍‌ତୁ ଡ଼ୁଗ୍‍ନିକା । \ior ୧୦:୧; ୧୨:୪୪\ior*
\io1 ୪. ୱାନି ଦିନ୍‍ତି ବିସୟତାନ୍ ୱାଜିନି ଦିନ୍‍ତି ମାଟା । \ior ୧୩:୧-୩୭\ior*
\io1 ୫. ଜିସୁଦି ସାନିକା, ଡ଼େସି ନିଙ୍ଗିଁନିକା, ମାରି ପେରି ଆଦେସ୍‌ । \ior ୧୪:୧–୧୬:୨୦\ior*
\c 1
\s ଏର୍‌ତୁ ଡୁବନ୍‌ ସିନି ଜୋହନତି ପ୍ରଚାର୍‌
\r (ମାତିଉ ୩:୧-୧୨; ଲୁକ ୩:୧-୧୮; ଜୋହନ ୧:୯-୨୮)
\p
\v 1 ଇକା ଆଜିନାତ୍‍ ମାପୁରୁ ମାରିସି ଜିସୁ କ୍ରିସ୍ତଦି ନେଗି କାବୁର୍‌ ଆରାମ୍‌ । 
\v 2 ଜିସାୟ ବାବବାଦିଦି\f + \fr ୧:୨ \fr*\ft ଏନ୍‌ ମାପୁରୁଦି ମାଟା ମାପୁରୁଦି ମାଣାନ୍‌ ଲୋକାଙ୍ଗ୍‌ ୱେର୍‌ନାନ୍‌ । \ft*\f* ବଇଦୁ ଏଣ୍ତେସ୍‌ ରାସାତାମାନାତ୍‌,
\q1 “ସୁଡ଼ୁଦୁ, ମାପୁରୁ ଇର୍ହାନ୍‌,” ମାପ୍‌ ମା ଦୁତ୍‌ତିଙ୍ଗ୍ ମି ଆଗ୍‌ଡ଼ି ପୋକ୍‌ନାପ୍‌,
\q1 ୱାନ୍‌ ମି ସାରି ରସ୍‍ନାନ୍‍ ।
\q1
\v 3 ମରୁବୁମିଦୁ ପେରିୱେୟୁଦାନ୍‌ ଆଉଲିଆଜିମାନି ଅରେନ୍‍ ୱାନି ବଲ୍,
\q1 ପ୍ରବୁଦି ସାରି ରସ୍‍ଆ,
\q1 ୱାନି ସାରି ସାଡ଼ୁକୁ କିଆ ।
\p
\v 4 ଆବେଟ୍‌କୁ ଏର୍‌ତୁ ଡୁବନ୍‌ ସିନି ଜୋହନ ବାଲିଭୁମିଦୁ ସର୍ହାନ୍‍ନୋ ୱେର୍‍ତାନ୍‌, ମାରି ଡୁବନ୍‌ ସିତାନ୍‌ । ୱାଣ୍ଡ୍‌ରୁ ପ୍ରଚାର୍‌ କିଜି ଲୋକାଙ୍ଗ୍‌ ଇନ୍‌ଡ୍ରେଙ୍ଗ୍‌ ଆସ୍‌ତାନ୍‌, “ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ, ମାରି ଡୁବନ୍‌ ଅତୁ ଆବେଟ୍‌ ମାପୁରୁ ମି ପାପ୍‌କେମା କିନାନ୍‌ ।” 
\v 5 ଆବେଟ୍‌ ଯିହୁଦା ରାଜି ମାରି ଜିରୁସାଲାମ୍‍ତି ୱିଜୁ ଲୋକୁ ସତାରୋ ଯୋହନତି ଲାକ୍‌ତୁ ୱାଦେଙ୍ଗ୍‌ ଆସ୍‌ତାର୍‌ ମାରି ନିଜେ ନିଜେଦି ପାପ୍‌ ମାନାଜି ୱାନି ମାଣ୍‌କୁ ଜର୍ଦନ ଗାଡାଦୁ ଡୁବନ୍‌ ଅତାର୍‍ ।
\p
\v 6 ଜୋହନ ଉଟ୍‌ ବୁର୍‍ବୁସାଦାନ୍‍ ତିଆର୍‌ ଆତି ଆଙ୍ଗିଁ ଆରାଜି ମାର୍‍ଆନ୍‍ ମାରି ୱାନି ଜୁକିଦି ସାରିବେଡ୍‍ତି ତଲ୍‍ତି ନାସ୍‍ ତରାଜିମାର୍ହାନ୍‍, ମାରି ମାଡ଼ିମାଉ ନି ଗରନ୍‌ ପୁକି ତିନ୍‍ଜିମାର୍‍ଆନ୍‍ । 
\v 7 ୱାଣ୍ତ୍ରୁ ଆଉଲି ଆଜି ଇଣ୍ତ୍ରେଙ୍ଗ୍‌ ଆସ୍‌ତାନ୍‌, “ଏନ୍‍କି ନା ମାଣ୍‌କୁ ନାଣ୍ତ ବପୁମାନାନ୍‍, ଆକାନ୍‍ ନା ୱେନ୍‌କା ୱାଜିନାନ୍‍; ନାନୁ ପାଡ଼୍‍ଜ ଜୁତେଙ୍ଗ୍‌ତି ଗାଟି ବା କୁତ୍‍ତେଙ୍ଗ୍‍ ଜଗ୍‌ ସିଲେ । 
\v 8 ନାନୁ ମିଙ୍ଗିଁ ଏର୍‌ତୁ ଡୁବନ୍‌ ସିଜିନା, ମାତର୍‌ ୱାନ୍‌ ମିଙ୍ଗିଁ ପବିତ୍ର ଆତ୍ମାଦୁ ଡୁବନ୍‌ ସିନାନ୍‍ ।”
\s ଜିସୁଦି ଡୁବନ୍‌ ମାରି ପରିକା
\r (ମାତିଉ ୩:୧୩; ୪:୧୧; ଲୁକ ୩:୨୧-୨୨; ୪:୧-୧୩)
\p
\v 9 ନାସ୍ତିୱାଲେ ଜିସୁ ଗାଲିଲି ରାଜିଦି ନାଜରିତ ଦର୍‌ତି ନାଟାଣ୍‍କୁ ୱାଜି ଜର୍ଦନ ଗାଡାଦୁ ଜୋହନମାନୁ ୱାନ୍‌ ଡୁବନ୍‌ ଅତାନ୍‍ । 
\v 10 ଜିସୁ ଏର୍‍ତାନ୍‍ ସହସି ୱାନିୱାଲେ ବାଦଡ଼୍‍ ରେଆତି ମାନିୱାଜା ମାରି ପବିତ୍ର ଆତ୍ମା ପାର୍‍ୱାଦି ୱାଜା ୱାଜି ୱାନି ମୁସ୍‌କୁ ରେତାନିକା ୱାନ୍‌ ସୁଡ଼ୁତାନ୍‌, 
\v 11 \x + \xo ୧:୧୧ \xo*\xt ମାତିଉ ୩:୧୭; ୧୨:୧୮; ମାର୍କ ୯:୭; ଲୁକ ୩:୨୨.\xt*\x*ନାସ୍ତିୱାଲେ ବାଦଡ଼୍‍ତାନ୍‍ ଉଣ୍ତ୍ରି ବଲ୍ ୱେଙ୍ଗିଁତାତ୍‍, “ନିନୁ ମା ଲାଡ୍‍ତି ମାରିନ୍‌, ନିବାନ୍‍ ମାପୁ ନାଣ୍ତ ୱେଡ଼ିକା ।”
\p
\v 12 ଆୟାଦାପ୍ରେ ପବିତ୍ର ଆତ୍ମା ଜିସୁଙ୍ଗୁଁ ଉଣ୍ତ୍ରି ସିମ୍ରା ବାଡିଦୁ ଅତାତ୍‍ । 
\v 13 ଜିସୁ ସିମ୍ରା ବାଡିଦୁ ସାଲିସ୍‍ ଦିନ୍‌ ତେବାଜି; ସୟତାନ୍‍ତି ମାଣାନ୍‌ ପରିକା କିଆୟ୍‍ଆତାନ୍‍; ଜିସୁ ବନ୍‍ତି ଜାତୁଙ୍ଗାୱାଲେ ମାର୍‌ଆନ୍‌, ମାତର୍‌ ମୁସ୍‌କୁପୁର୍‌ତି ଦୁତ୍‌କୁ ୱାଜି ୱାନି ସେବାକିଜିମାରେଏ ।
\s ଜିସୁ ନାଲ୍‍ଏର୍‍ ମିନ୍‌କୁ ଆସ୍‌ନି ଲୋକାଙ୍ଗ୍‌ କୁକ୍‍ତାନ୍‍
\r (ମାତିଉ ୪:୧୨-୨୨; ଲୁକ ୪:୧୪-୧୫; ୫:୧-୧୧)
\p
\v 14 ଯୋହନ ଜଇଲ୍‌ତୁ ସର୍‍ହି ୱେନ୍‌କା ଜିସୁ ଗାଲିଲି ରାଜିଦୁ ୱାତାନ୍‌ ନୋ ମାପୁରୁଦି ନେଗି କାବୁର୍‌ ପ୍ରଚାର୍‌ କିଦେଙ୍ଗ୍‌ ଆସ୍‌ତାନ୍‌ । 
\v 15 ଜିସୁ ୱେର୍‌ତେଙ୍ଗ୍‌ ଆସ୍‌ତାନ୍‌, “ଦିନ୍‌ ଲାକ୍‌ତୁ ୱାତାତ୍‌ନି, ମାପୁରୁଦି ରାଜି ଇଗା ୱାଜିନାତ୍ ! ପାପ୍‌ତାନ୍‌ ମନ୍‍ତିଙ୍ଗ୍‍ ଡ଼େପ୍‍ତୁ ମାରି ମାପୁରୁଦି ନେଗିକାବୁର୍‌ତୁ ବିସ୍‌ବାସ୍‌ କିଦୁ ।”
\p
\v 16 ଜିସୁ ଗାଲିଲିଦି ସାମ୍‌ଦୁର୍‌ ପାଡ଼ି ସିଜି ସନିୱାଲେ ସିମୋନ୍‌ ପିତର ମାରି ଆନ୍ଦ୍ରିୟ ତଡ଼୍‍ ରିଏରିଙ୍ଗ୍‍ ସାମ୍‌ଦୁର୍‌ତୁ ମିନ୍‌କୁ ଜାଡ଼ି ପକ୍‍ନିକା ସୁଡ଼ୁତାନ୍‌, ଇରିଙ୍ଗ୍‌ ୱାର୍‌ ମିନ୍‌କୁ ଆସ୍‍ନିକାର୍‍ ମାର୍‌ଆର୍‌ । 
\v 17 ଜିସୁ ୱାରିଙ୍ଗ୍‌ ଇର୍‌ଆନ୍‌, ନା ୱାଲେ ରାଦୁ, ନାନ୍ ମିଙ୍ଗିଁ ଲୋକାଙ୍ଗ୍‌ ମାପୁରୁ ଲାକ୍‌ତୁ ତାନିକା ଅଜାକିନା । 
\v 18 ଆବେଟ୍‌ ୱାର୍‌ ଆୟାଦାପ୍ରେ ଜାଡ଼ି ଡ଼ିସ୍‍ତାରୋ ଜିସୁୱାଲେ ୱାଲେ ସର୍‌ଆର୍‌ ।
\p
\v 19 ମାରି, ଜିସୁ ଅଡ଼ପ୍‍ ଆଗ୍‌ଡ଼ି ସର୍‍ଆନ୍‍ନୋ ଜେବଦିଦି ରିଏର୍‌ ମାରିସିର୍‌ ଜାକୁବ ନି ୱାନି ତଡ଼ାନ୍‌ ଜୋହନତିଙ୍ଗ୍‍ ୱାରି ଡଙ୍ଗାଁଦୁ ଜାଡ଼ି ମଦାକିନିକା ସୁଡ଼ୁତାନ୍‌ । 
\v 20 ଜିସୁ ୱାରିଙ୍ଗ୍‌ ସୁଡ଼ୁଜି ଦାପ୍ରେ ୱାନି ଲାକ୍‌ତୁ କୁକ୍‍ତାନ୍‍, ୱାର୍‌ ୱାରି ବୁବାସି ଜେବଦିଙ୍ଗ୍‍ ବୁତିକିନି ଲୋକାୱାଲେ ଡଙ୍ଗାଁଦୁ ଡ଼ିସ୍‍ତାରୋ ଜିସୁୱାଲେ ୱାଲେ ସର୍ହାର୍‍ ।
\s ଜିସୁ ଅରେନ୍‍ ଦୁବା ଆସ୍‍ତି ଲୋକ୍‌ତିଙ୍ଗ୍‌ ନେଗେଣ୍ତ୍‍ କିତାନ୍‌
\r (ଲୁକ ୪:୩୧-୩୭)
\p
\v 21 ଜିସୁ ମାରି ସିସୁର୍‌ କପର୍‍ନାହୁମ୍‍ ଇନି ଗାଡ଼୍‌ତୁ ସର୍‌ଆର୍‌, ଆୟାଦାପ୍ରେ ଜିସୁ ରୋମ୍‍ନି ନାଣ୍ଡିଙ୍ଗ୍ ଜିହୁଦିରି ପାର୍‌ତନା କିନି ଇଲୁ ଲୋଇ ସର୍‍ଆନ୍‍ନୋ ସିକିୟା ସିଦେଙ୍ଗ୍‍ ଆସ୍‌ତାନ୍‌ । 
\v 22 \x + \xo ୧:୨୨ \xo*\xt ମାତିଉ ୭:୨୮,୨୯.\xt*\x*ୱାନି ସିକିୟା ୱେନ୍‍ଜି ଲୋକ୍‌ଡର୍‌ କାବାଆତାର୍‌; ଇରିଙ୍ଗ୍‌ ଜିସୁ ସାସ୍ତ୍ରୀରି ୱାଜା ସିକିୟା ସିଏନ୍‍ଣ୍ତା ଅରେନ୍‍ ଅଦିକାର୍ ପଇତି ଲୋକ୍‌ତି ୱାଜା ସିକିୟା ସିଜି ମାର୍‌ଆନ୍‌ ।
\p
\v 23 ନାସ୍ତିୱାଲେ ଅରେନ୍‍ ଦୁବା କାସ୍ତି ଲୋକୁ ପାର୍‌ତନା କିନି ଇଲୁ ଲୋଇ ମାରାନ୍‌ ନୋ ଆଉଲି ଆଜି ଇର୍‌ଆନ୍‌ । 
\v 24 “ଏ ନାଜରିତିୟ ଜିସୁ, ନିୱାଲେ ମା ଇନି ପାଣି ମାନାତ୍‌ ? ନିନ୍‌ନେ ମାଙ୍ଗିଁ ୱିସ୍‍ତେଙ୍ଗ୍‍ ୱାତି ? ନିନୁ ଏନ୍‌ ଆକା ନାନ୍ ନେସ୍‌ନା, ନିନୁ ମାପୁରୁତି ମାଣ୍‌କୁ ୱାତିମାନି ପବିତ୍ର ଲୋକୁ ।”
\p
\v 25 ଜିସୁ ତାନିଙ୍ଗ୍‌ ଆଦ୍‌ରିସ୍‌ କିଜି ଇର୍ହାନ୍‌, “ଆଲ୍‌ଜ ମାନ୍‌ଆ, ଇୟା ୱେନିମାଣ୍‌କୁ ସସି ସାଙ୍ଗ୍‌ଆ ।”
\p
\v 26 ତାନେ ୱେନ୍‌କା ଆୟା ତାଗ୍‍ଇଆତ୍ମା ୱାନିଙ୍ଗ୍‌ ଦୁକ୍‍ତା ପକ୍‍ତା ଦୋ ନାଣ୍ତ ପେରି ୱେୟୁଦାନ୍‍ ଆଉଲି ଆଜି ୱାନି ମାଣ୍‌କୁ ସତା ସର୍‌ଆତ୍‌ । 
\v 27 ଆବେ ମାର୍‍ଇ ଲୋକ୍‌ଡର୍‌ କାବାଆତା ସର୍‌ଆର୍‌ନୋ ୱାରି ୱାରି ଲୋଇ ୱାର୍‍ଗିଜି ସାତାର୍‌, “ଇକା ଇନିକା ? ଇକା ତୋ ଉଣ୍ତ୍ରି ଅଦିକାର୍ ମାନି ପୁନି ସିକିୟା, ୱାନ୍‌ ତାଗ୍‌ଇ ଆତ୍ମେଆଙ୍ଗ୍‌ ବା ଆଦେସ୍‌ ସିନାନ୍‍, ମାରି ତାଗ୍‌ଇ ଆତ୍‍ମେଙ୍ଗ୍‍ ୱାନି ଆଦେସ୍‌ ମାନାନେ ।”
\p
\v 28 ଆୟାୱେନ୍‌କା ଜିସୁଦି ବିସୟତୁ ମାଟା ଦାପେ ଦାପେ ଗାଲିଲି ରାଜିଦୁ ୱିଜୁ ତରିନ୍‌ ୱେଙ୍ଗିଁତାସର୍‍ଆତ୍‍ ।
\s ଜିସୁ ନାଣ୍ତ ଲୋକାଙ୍ଗ୍‌ ନେଗେଣ୍ତ୍‍ କିତାନ୍‌
\r (ମାତିଉ ୮:୧୪-୧୭; ଲୁକ ୪:୩୮-୪୧)
\p
\v 29 ତାନେ ୱେନ୍‌କା ଜିସୁ ମାରି ସିସୁର୍‌ ପାର୍‌ତନା କିନି ଇଲୁଦାନ୍‌ ସତାରୋ ଯାକୁବ ନି ଜୋହନ ୱାଲେ ଆୟାଦାପ୍ରେ ସିମୋନ୍‌ ମାରି ଆନ୍ଦ୍ରିୟରି ଇଲ୍‌ତୁ ସର୍‌ଆର୍‌ । 
\v 30 ସିମୋନ୍‌କା ମିମ୍‍ସି ନବ୍‍ତି ଉଣ୍ତିଙ୍ଗ୍‌ ନିଙ୍ଗ୍‍ଦେଙ୍ଗ୍‍ ଆଟ୍‍ଏଜି ମାର୍‌ଆତ୍‌, ମାରି ସିସୁର୍‌ ଆୟାଦାପ୍ରେ ତାନେ ମାଟା ଜିସୁଙ୍ଗୁଁ ୱେର୍‌ତାର୍‌ । 
\v 31 ଆବେଟ୍‌ ଜିସୁ ଲାକ୍‌ତୁ ସର୍‍ଆନ୍‍ନୋ ତାନି କିୟୁ ଆସ୍‍ତାନ୍‍ନୋ ତାନେଙ୍ଗ୍‌ ନିକ୍‍ତାନ୍‍, ଆବେଟ୍‌ ତାନିଙ୍ଗ୍‌ ନବ୍‌ ଡ଼ିସ୍‍ତାତ୍‍, ମାରି ୱାଦ୍‌ ନେଗେଣ୍ତ୍‍ ଆତାଦୋ ଜିସୁ ମାରି ସିସୁରି ଉଣ୍ତିଙ୍ଗ୍‌ ଖାଦି ସେବା ତିଆର୍‌ କିଦେଙ୍ଗ୍‌ ଆସ୍‌ତାତ୍‌ ।
\p
\v 32 ୱେଡାସର୍ହି ୱେନ୍‌କା ଲୋକ୍‌ଡର୍‌ ଜିସୁ ଲାକ୍‌ତୁ ୱିଜୁ ରକମ୍‌ତି ରୋଗ୍‌ ମାରି ଦୁବା କାସ୍ତି ଲୋକାଙ୍ଗ୍‌ ତାତେଙ୍ଗ୍‌ ଆସ୍‌ତାର୍‌ । 
\v 33 ଆୟା ଗାଡ଼୍‌ତି ଲୋକୁ ୱିଜେରେ ୱାଜି ଆୟା ଇଲୁ ସେର୍‍ଲା ଲାକ୍‌ତୁ ଉଣ୍ତାତାର୍‌ । 
\v 34 ଜିସୁ ନାନା ରକମ୍‌ତି ରୋଗ୍‍ ଲୋକାଙ୍ଗ୍‍ ନେଗେଣ୍ତ୍‌ କିତାନ୍‌ ମାରି ଏସ ଦୁବା କାସ୍ତି ଲୋକାଙ୍ଗ୍‌ ଡ଼ିସିସ୍‍ କିତାନ୍‌, ମାରି ୱାନ୍‌ଡ୍ରୁ ଦୁବେଆଙ୍ଗ୍‍ ୱାର୍‍ଗିଦେଙ୍ଗ୍‍ ସିଏତାନ୍‌, ଇରିଙ୍ଗ୍‌ ଦୁବେଙ୍ଗ୍‍ ଡର୍‍ ଜିସୁଙ୍ଗୁଁ ନେସ୍‌ସି ମାର୍‍ହେ ।
\s ଗାଲିଲି ରାଜିଦୁ ଜିସୁ ନେଗିକାବୁର୍‌ ପ୍ରଚାର୍‌ କିତାନ୍‌
\r (ଲୁକ ୪:୪୨-୪୪)
\p
\v 35 ମାର୍‌ନାଣ୍ଡିଙ୍ଗ୍‌ ୱେଡ଼ା ସନି ଆଗ୍‌ଡ଼ି ସାଲ୍‌ଦି ସିକାଟି ମାନ୍‌ବୁ ମାନ୍‌ବୁନେ ଜିସୁ ନିଂଇତା ସତା ସର୍‌ଆନ୍‌ ମାରି ଉଣ୍ତ୍ରି ସିମ୍ରା ବାଡିଦୁ ସର୍‍ଆନ୍‍ନୋ ଆବେ ପାର୍‌ତନା କିଦେଙ୍ଗ୍‌ ଆସ୍‌ତାନ୍‌ । 
\v 36 ସିମୋନ୍‌ ମାରି ୱାନି ତଡ଼୍‍ ଲୋକୁ ଜିସୁଙ୍ଗୁଁ ପ‍ଇଦେଙ୍ଗ୍‌ ଆସ୍‌ତାର୍‌, 
\v 37 ଏସ୍ତିୱାଲେ ଜିସୁଙ୍ଗୁଁ ୱାର୍‌ ସୁଡ଼ୁତାର୍‌ ୱାନିଙ୍ଗ୍‌ ଇର୍ହାର୍‌, “ୱିଜେରେ ନିଂଇ ପଇଜି ଅସିନାର୍‌ ।”
\p
\v 38 ମାତର୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, “ରାଦୁ, ମାଡୁ ଇୟା ଲାକ୍‌ତୁ ମାନି ନାର୍‍କାଙ୍ଗ୍‍ଁ ସନାଟ୍‌ । ନାନ୍ ଆବେବା ପ୍ରଚାର୍‌ କିନା, ଇରିଙ୍ଗ୍‌ ଆୟା ଉଣ୍ତିଙ୍ଗ୍‌ ନାନୁ ସତା ୱାତାମାନା ।”
\p
\v 39 ଆୟାୱେନ୍‌କା ଜିସୁ ଗାଲିଲି ରାଜିଦି ୱିଜୁ ନାର୍‍କାଙ୍ଗ୍‍ଁ ବୁଲାଜି ବୁଲାଜି ୱାରି ୱିଜୁ ପାର୍‍ତନାକିନି ଇଲ୍‌କାଙ୍ଗ୍‌ ପ୍ରଚାର୍‌ କିତାନ୍‌ ମାରି ଦୁବେଙ୍ଗ୍‍ ଆସ୍‍ତି ଲୋକାଙ୍ଗ୍‌ ଡ଼ିସ୍‍ପିସ୍‍ତାନ୍‍ ।
\s ଜିସୁ ଅରେନ୍‍ କୁସ୍ତ ରୋଗିଙ୍ଗ୍‌ ନେଗେଣ୍ତ୍‍ କିତାନ୍‌
\r (ମାତିଉ ୮:୧-୪; ଲୁକ ୫:୧୨-୧୬)
\p
\v 40 ଜିସୁଦି ଲାକ୍‌ତୁ ଅରେନ୍‍ କୁସ୍ଟରୋଗ୍‌ ଆତି ମାରିକାନ୍‌ ୱାତାନ୍‌ ନୋ ୱାନି ଆଗ୍‌ଡ଼ି ମେଣ୍ତେଙ୍ଗ୍‍ ଗଟ୍‍ କିତାନ୍‍ନୋ ଇର୍‌ଆନ୍‌, “ନିନ୍‌ ଜଦି ବଦା କିନି, ନାଙ୍ଗିଁ ନେଗେଣ୍ତ୍‌\f + \fr ୧:୪୦ \fr*\ft କୁସ୍ତ ରୋଗ୍‍ତି ଉଣ୍ତିଙ୍ଗ୍‌ ଅରେନ୍‍ ଯିହୁଦି ଲୋକୁ ମାପୁରୁତି ପୁଜା କିଦେଙ୍ଗ୍ ଆଟ୍‍ଏଜି ମାର୍‌ଆନ୍‌, ଇରିଙ୍ଗ୍‌ କୁସ୍ତ ରୋଗ୍‌ତିଙ୍ଗ ଜିହୁଦି ଲୋକୁ ତାଗିଇକା ଇଜି ଅଡ଼ବିଜି ମାର୍‌ଆର୍‌ । \ft*\f* କିଦେଙ୍ଗ୍‌ ଆଟ୍‌ନି ।”
\p
\v 41 ଜିସୁ ଦୟା ତର୍‍ତାନ୍‍ନୋ କିୟୁ ପେର୍‌ଜି ୱାନିଙ୍ଗ୍‌ ମୁଟ୍‌ସି ଇର୍ହାନ୍‌, ନାନ୍ ବଦା କିଜିନା, “ନିନ୍‌ ନେଗେଣ୍ତ୍‌ ଆଆ ।” 
\v 42 ଆୟାଦାପ୍ରେନେ କୁସ୍ଟରୋଗ୍‌ ୱାନି ମାଣାନ୍‌ ଡ଼ିସ୍‍ତା ସର୍‌ଆତ୍‌ ମାରି ୱାଣ୍ତ୍ରୁ ନେଗେଣ୍ତ୍‌ ଆତାନ୍‌ । 
\v 43 ଇୟା ୱେନ୍‌କା ଜିସୁ ୱାନିଙ୍ଗ୍‌ ଆଟ୍‍ୱାଦାନ୍‍ ଆଦେସ୍‌ ସିଜି ଆୟାଦାପ୍ରେ ପୋକ୍‌ସି ଇର୍‌ଆନ୍‌, 
\v 44 “ଜାଗାର୍‌ତା, ଏଙ୍ଗ୍‌ବା ଇନିକା ଇନ୍‍ମା, ମାତର୍‌ ସାଙ୍ଗ୍‍ଆ, ଜାଜକରିମାନୁ ନିଜେଦିଙ୍ଗ୍‍ ତର୍‌ଆ; ନିନ୍‌ ଜେ ନେଗେଣ୍ତ୍‌ କିଆଇଆତିମାନି ଇକା ଲୋକାମାନୁ ସାକି ସିଦେଙ୍ଗ୍‍ ଇଜି ମୋସାଦି ସିତିମାନି ନିୟମ୍‍ତାନ୍‍ ପୁଜା ସିଆ ।”
\p
\v 45 ମାତର୍‌ ଆକାନ୍‍ ସତା ସର୍‌ଆନ୍‌ ନୋ ଇୟା ମାଟା ୱିଜୁ ତରିନ୍‌ ଇଜି ବୁଲାତାନ୍‌ ଜେ, ଜିସୁ ମାରି ପ୍ରଚାର୍‌ କିଦେଙ୍ଗ୍‌ ତରାଜି ଏମେ ନାର୍‍ତୁବା ସନ୍‌ଡ଼୍ରେଙ୍ଗ୍‌ ଆଟ୍‍ଏତାନ୍‍, ମାତର୍‌ ଜିସୁ ଆତ୍‌ରେ ସିମ୍ରା ବାଡିଦୁ ମାନ୍‌ଜି ମାର୍‌ଆନ୍‌; ମାରି ୱିଜୁ ତରିଣ୍‍ତି ଲୋକୁ ଜିସୁ ଲାକ୍‌ତୁ ୱାଦେଙ୍ଗ୍‌ ଆସ୍‌ତାର୍‌ ।
\c 2
\s ଜିସୁ ଅରେନ୍‍ କିକୁକାଲ୍‌କୁ ୱାର୍‌ତି ରୋଗ୍‌ ଲୋକତିଙ୍ଗ୍‍ ନେଗେଣ୍ତ୍‍ କିତାନ୍‌
\r (ମାତିଉ ୯:୧-୮; ଲୁକ ୫:୧୭-୨୬)
\p
\v 1 ଏସୋ ଦିନ୍‌ ସରିଇ ୱେନ୍‌କା ଜିସୁ କପର୍‍ନାହୁମ୍‍ ନାର୍‍ତୁ, ଏମେ ଇଣ୍ତ୍ରତେବାଜି ମାରାଆନ୍‍ ଆୟା ଇଣ୍ତ୍ରମାରିଡ଼େସି ୱାତାନ୍‌ । ଜିସୁ ଆୟା ଇଲ୍‌ତୁ ମାନାନ୍‌ ଇଜି ଲୋକାମାନୁ କାବୁର୍‌ ସର୍‌ଆତ୍‌ । 
\v 2 ଆବେ ନିସା ଲୋକୁ ଉଣ୍ତାତାର୍‌ ଜେ, ସେର୍‍ଲା ଲାକ୍‍ତୁବା ଅଡ଼ପ୍‍ ବାଡି ସିଲେତାତ୍‍, ମାରି ଜିସୁ ୱାରିମାନୁ ବାକ୍ୟ ୱେର୍‌ତେଙ୍ଗ୍‌ ଆସ୍‌ତାନ୍‌ । 
\v 3 ଇୟାୱାଲେ ଲୋକୁ ଅରେନ୍‍ ପକିୟାଗାତି ରୋଗ୍‌ ଲୋକ୍‌ତିଙ୍ଗ୍‌ ନାଲ୍‍ଏରିଙ୍ଗ୍‍ ପିଣ୍ତିସ୍‍ କିବିସ୍‍ କିତାରୋ ଜିସୁ ଲାକ୍‌ତୁ ଆସ୍‌ତା ୱାତାର୍‌, 
\v 4 ମାତର୍‌ ନାଣ୍ତ ଲୋକୁ ମାର୍‍ଆର୍‍ଆକା ଜିସୁ ଲାକ୍‌ତୁ ତାତ୍‍ତେଙ୍ଗ୍‍ ଆଟ୍‍ଏତାର୍‍, ଆଦେଙ୍ଗ୍‌ ଜିସୁ ଏମେ ବାଡିଦୁ ମାର୍‌ଆନ୍‌, ଆୟା ବାଡ଼ିଦି ରେକାମ୍‌ କୁତ୍‍ତା ପକ୍‌ତାର୍‌, ମାରି ଆକା ରୁକ୍‍ତାରୋ, ଆମା କାଟେଲ୍‍ତୁ କିକୁକାଲ୍‌କୁ ୱାର୍‌ତି ରୋଗ୍‌ ଲୋକୁ ଡରିତା ମାର୍‌ଆନ୍‌, ଆୟା ମିସ୍‍ତେ ଜିସୁ ଆଗ୍‌ଡ଼ି ରେପ୍‌ତାର୍‌ । 
\v 5 ଆୟା ଲୋକାଦି ବିସ୍‌ବାସ୍‌ ସୁଡ଼୍‌ଜି ଜିସୁ କିକୁକାଲ୍‌କୁ ୱାର୍‌ତି ରୋଗିଦିଙ୍ଗ୍‍ ଇର୍‌ଆନ୍‌, “ଏ ମାରିନ୍‌, ନି ପାପ୍‌ୱିଜୁ କେମା ଆତାମାନାତ୍‌ ।”
\p
\v 6 ମାତର୍‌ ସାସ୍ତ୍ରିର୍‍ ମାଣ୍‌କୁ ଏସଲୋକ୍‌ ଆୟା ବାଡିଦୁ ବାସ୍‍ତାରୋ ୱାରିୱାରି ମନ୍ ଲୋଇ ଇକା ଅଡ଼ବିଜି ମାର୍‌ଆର୍‌, 
\v 7 “ଇକାନ୍‌ ଏନ୍ଦା ଇୟାୱାଜା ଇଜିନାନ୍‌ ? ୱାନ୍‌ ମାପୁରୁଙ୍ଗ୍‌ ନିଦା କିଜିନାନ୍‌ ! ମାପୁରୁଙ୍ଗ୍‌ ଡ଼ିସ୍‌ତିଙ୍ଗ୍‌ ମାରି ଏନ୍‌ ପାପ୍‌କେମା କିଦେଙ୍ଗ୍‌ ଆଟ୍‍ନାନ୍‍ ?”
\p
\v 8 ୱାର୍‌ ୱାରି ମୋନ୍‌ତୁ ଇୟାୱାଜା ୱାର୍‍ଗ୍‍ଜିସାଜିନାର୍‍, ଇଜି ଜିସୁ ଜିବନ୍‌ତୁ ଆୟାଦାପ୍ରେନେ ନେସ୍‌ତାନ୍‌ନୋ ୱାରିଙ୍ଗ୍‌ ଇର୍‌ଆନ୍‌, ମିର୍‌ ନିଜେ ନିଜେଦି ମନ୍‌ତୁ ଏନ୍ଦା ଇୟାୱିଜୁ ମାଟା ୱାର୍‍ଗ୍‍ଜି ସାଜିନିଦେର୍‍ ? 
\v 9 ଇୟା କିକୁକାଲ୍‌କୁ ୱାର୍‌ତି ରୋଗିଦିଙ୍ଗ୍‍ “ନି ପାପ୍‌କେମା ଆତାତ୍‌, ଇଜି ଇନିକା ଉସାସ୍‌,” ନୋ “ନିଙ୍ଗିଁଆ, ଟାଟି ଆସ୍‌ସି, ସାଙ୍ଗ୍‍ଆ ଇଜି ଇନିକା ଉସାସ୍‌ ?” 
\v 10 ମାତର୍‌ ସାରାଦୁନିଆଦୁ ପାପ୍‌କେମା କିଦେଙ୍ଗ୍‌ ମନୁସ୍ୟପୁତ୍ରଦିଙ୍ଗ୍‌ ଜେ ଅଦିକାର୍‌ ମାନାତ୍‌, ଇକା ନାନ୍ କିଦେଙ୍ଗ୍‌ ଆଟ୍‍ନା । ଇୟାଉଣ୍ତିଙ୍ଗ୍‌ ଜିସୁ ଆୟା କିକୁକାଲ୍‌କୁ ୱାର୍‌ତି ରୋଗ୍‌ ଲୋକ୍‌ଦିଙ୍ଗ୍‍ ଇର୍‌ଆନ୍‌, 
\v 11 “ନାନ୍ ନିଇଂ ଇଜିନା, ନିଙ୍ଗ୍‍ଆ, ନି ଟାଟି ଆସ୍‌ସି, ମି ଇଣ୍ତ୍ରସାଙ୍ଗ୍‍ଆ ।”
\p
\v 12 ଆବେଟ୍‌ ୱାନ୍‌ ନିଂଇତାନ୍‍, ଆୟାଦାପ୍ରେ କାଟେଲ୍‍ ଆସ୍‌ସି, ୱିଜେରି ଆଗ୍‌ଡ଼ି ସତା ସର୍‌ଆନ୍‌; ଆବେନ୍‌ ୱିଜେରେ କାବାଆତାରୋ ମାପୁରୁଙ୍ଗୁଁ ଦନ୍ୟବାଦ୍‌ କିଜି କିଜି ଇର୍ହାର୍‌, “ମାପ୍‌ ଇୟାୱାଜା ପାଣି ଏସାଙ୍ଗ୍‍ବା ସୁଡ଼ୁଏପ୍‍ ମାର୍ହାପ୍‍ ।”
\s ଲେବି ଇନି ଅରେନ୍‍ ଲୋକ୍‌ତିଙ୍ଗ୍‌ ଜିସୁ କୁକ୍‍ତାନ୍‍
\r (ମାତିଉ ୯:୯-୧୩; ଲୁକ ୫:୨୭-୩୨)
\p
\v 13 ଜିସୁ ମାରିଡ଼େସି ଗାଲିଲି ସାମ୍‌ଦୁର୍‌ ପାଡ଼ି ସର୍‌ଆନ୍‌, ମାରି ନାଣ୍ଡଲୋକ୍‍ ୱାନି ଲାକ୍‌ତୁ ୱାତାର୍‌ ଆକା, ୱାନ୍‌ ୱାରିଙ୍ଗ୍‌ ଶିକ୍ଷା ସିଦେଙ୍ଗ୍‍ ଆସ୍‌ତାନ୍‌ । 
\v 14 ମାରି, ଜିସୁ ସଲ୍‍ପୁ ସଲ୍‍ପୁ ଆଲ୍‍ଫିତି ମାରିନ୍‌ ଲେବିଙ୍ଗ୍‍ ନିଜେଦି ସିସ୍‍ଟୁ ଲସ୍‌ନି ବାଡିଦୁ ବାସ୍‍ତି ମାର୍‌ଇକା ସୁଡ଼ୁତାନ୍‌ । ୱାନ୍‌ ୱାନିଙ୍ଗ୍‌ ଇର୍‌ଆନ୍‌, “ନା ୱେନ୍‌କା ରାଆ ।” ଆବେଟ୍‌ ୱାନ୍‌ ନିଂଇତାନ୍‍ନୋ ଜିସୁ ୱେନ୍‌କା ସର୍‌ଆନ୍‌ ।
\p
\v 15 ଇୟା ୱେନ୍‌କା ଜିସୁ ଲେବି ଇଲ୍‌ତୁ ଉଣ୍ତେଙ୍ଗ୍‌ ବାସ୍‍ନିୱାଲେ ଏସୋ ସିସ୍‍ଟୁ ଲସ୍‌ନି ଲୋକୁ ମାରି ପାପି ଲୋକ୍‌ଡର୍‌ ଜିସୁ ମାରି ୱାନି ସିସୁରିୱାଲେ ଉଣ୍ତେଙ୍ଗ୍‌ ବାସ୍‌ତାର୍‌; ଇରିଙ୍ଗ୍‌ ୱାର୍‌ ନାଣ୍ତ ଲୋକୁ ମାର୍‌ଆର୍‌, ମାରି ୱାର୍‌ ଜିସୁୱାଲେ ବୁଲାଜିମାର୍‍ଆର୍‍ । 
\v 16 ଜିସୁ ପାପିଲୋକା ୱାଲେ ମାରି ସିସ୍‍ଟୁ ଲସ୍‌ନି ଲୋକାୱାଲେ ଉଣୁଜି ମାର୍‍ଆନ୍‍, ଇକା ସୁଡ଼ୁତାର୍‌ ପାରୁସି ଦଳତି ଶାସ୍ତ୍ରୀର୍‍ ୱାନି ସିସୁରିଙ୍ଗ୍‌ ଇଣ୍ତ୍ରେଙ୍ଗ୍‌ ଆସ୍‌ତାର୍‌, “ଇକା ଇନିକା ? ୱାନ୍‌ ସିସ୍‍ଟୁ ଲସ୍‌ନି ଲୋକାୱାଲେ ମାରି ପାପିଲୋକା ୱାଲେ ଅର୍‌ସେ ଉଣାନ୍‌ !”
\p
\v 17 ଆୟା ମାଟା ୱେନ୍‌ଜି ଜିସୁ ଇର୍‌ଆନ୍‌, “ନେଗି ଲୋକାଦି ଉଣ୍ତିଙ୍ଗ୍‌ ଡାକ୍‌ତର୍‌ତି ଦର୍‌କାର୍‌ ସିଲେତ୍‌, ମାତର୍‌ ନବ୍ ଲୋକା ଉଣ୍ତିଙ୍ଗ୍‌ ଡାକ୍‌ତର୍‌ତି ଦର୍‌କାର୍‌ ମାନାତ୍‌; ନାନ୍ ଦାର୍ମୁ ଲୋକାଙ୍ଗ୍‌ କୁକ୍‍ତେଙ୍ଗ୍‍ ରେଏ, ମାତର୍‌ ପାପି ଲୋକାଙ୍ଗ୍‌ କୁକ୍‍ତେଙ୍ଗ୍‍ ଇଜି ୱାତାମାନା ।”
\s ଉପାସ୍‌ ତେବାନି ବିସୟ
\r (ମାତିଉ ୯:୧୪-୧୭; ଲୁକ ୫:୩୩-୩୯)
\p
\v 18 ଡୁବନ୍‌ ସିନି ଯୋହନତି ସିସୁର୍‍ ମାରି ପାରୁସିର୍‌ ଉପାସ୍‌ କିଜିମାର୍‍ଆର୍‍ । ଆବେଟ୍‌ ଏସ ଲୋକୁ ୱାତାରୋ ଜିସୁଙ୍ଗୁଁ ଇର୍ହାର୍‌, “ଡୁବନ୍‌ ସିନି ଯୋହନତି ସିସୁର୍‍ ମାରି ପାରୁସିର୍‌ ସିସୁର୍‍ ଉପାସ୍‌ କିନାର୍‌, ମାତର୍‌ ମି ସିସୁର୍‍ ଉପାସ୍‌ ଏନ୍ଦା କିଏର୍‌ ?”
\p
\v 19 ଜିସୁ ୱାରିଙ୍ଗ୍‌ ଇର୍‌ଆନ୍‌, “କାନ୍ୟାମୁରୁଲିରି ୱାଲେ ମୁରୁଲୀ ମାନିୱାଲେ ୱାର୍‌ ଉପାସ୍‌ କିନାର୍‌ ନୋ ? ମୁରୁଲି ଆମାସାନ୍ଦି ୱାରିୱାଲେ ମାନାନ୍‌, ଆୟା ସାନ୍ଦି ୱାର୍‌ ଉପାସ୍‌ କିଦେଙ୍ଗ୍‌ ଆଟ୍‍ଏର୍‍ । 
\v 20 ମାତର୍‌ ଦିନ୍‌ ୱାନାତ୍‌, ଏସ୍ତିୱାଲେ ୱାରିମାଣାନ୍‌ ମୁରୁଲିଙ୍ଗ୍‍ ଅନାର୍‍, ମାରି ଆୟାୱାଲେ ଆୟାନାଣ୍ତିଙ୍ଗ୍‌ ୱାର୍‌ ଉପାସ୍‌ କିନାର୍‌ ।
\p
\v 21 “ଏନ୍‌ ପୁନି ୱାତିଦି ଇସ୍ରି ଅଟିଦିଙ୍ଗ୍‍ ଅସି ପାଡ଼ିଇ ୱାତିଦୁ ଗୁତ୍‍ଏନ୍‍; ଇରିଙ୍ଗ୍‌ ଗୁତ୍‍ତିଙ୍ଗ୍‍ ଆୟା ପୁନି ୱାତିଦି ଅଟି ପାଡ଼ିଇ ୱାତିଦିଙ୍ଗ୍‌ ନାଣ୍ତ କିଜିସ୍‌କିନାତ୍‌ ମାରି ନାଣ୍ତ ପେରିକା କିଜ୍‍ନାତ୍‍ । 
\v 22 ମାରି, ଏନ୍‌ ପୁନି ଅଙ୍ଗୁର୍‍ ରସ୍‌ତିଙ୍ଗ୍‌ ପାଡ଼ିଇ ତଲ୍‍ ମଣିଦୁ ଇଡ୍‌ଏନ୍‌; ଜଦି ଇଟ୍‌ତିଙ୍ଗ୍‌ ଆକା ତଲ୍‍ ମଣିଦିଙ୍ଗ୍‍ ପାଡିସ୍‌ କିନାତ୍‍, ଆବେଟ୍‌ ଅଙ୍ଗୁର୍‍ରସ୍‍ ନି ତଲ୍‍ମଣି ରୁଣ୍ତିବା ସେଏଣ୍ତ୍‍ ଆନେ । ମାତର୍‌ ପୁନି ଅଙ୍ଗୁର୍‍ ରସ୍‌ତିଙ୍ଗ୍‌ ପୁନି ତଲ୍‍ ମଣିଦୁ ଇଡ୍‌ନିକା ମାନାତ୍‌ ।” \fig ତଲୁଦାନ୍‌ ତିଆର୍‌ଆତି ମଣି|alt="Wineskin bag" src="lb00145c.tif" size="col" copy="Horace Knowles ©" ref="୨:୨୨"\fig*
\s ରମ୍‌ନି ଦିନ୍‍ତି ବିସୟତାନ୍ ପ୍ରସ୍ନ
\r (ମାତିଉ ୧୨:୧-୮; ଲୁକ ୬:୧-୫)
\p
\v 23 ଅର୍‍ଲେନ୍‍ ରମ୍‍ନିଦିନ୍‍ତୁ ଜିସୁ ପାସି କିଡ଼ିଇ ନାଡ଼୍‍ମି ସିଜି ସଲ୍‌ସି ମାର୍‌ଆନ୍‌, ମାରି ୱାନି ସିସୁର୍‍ ୱାନିୱାଲେ ସଲ୍‍ପୁ ସଲ୍‍ପୁ ପାସି ସେରେନ୍‍କୁ ତେଉତେଙ୍ଗ୍‍ ଆସ୍‌ତାର୍‌ । 
\v 24 ଆବେଟ୍‌ ପାରୁସିର୍‌ ଜିସୁଙ୍ଗୁଁ ଇର୍ହାର୍‌, “ସୁଡୁଆ, ରମ୍‌ନିଦିନ୍‍ତୁ ଆମାକାକି କିଦେଙ୍ଗ୍‌ ନିୟମ୍‌ ସିଲେତ୍‌, ମି ସିସୁର୍‌ ଇନିଦାନିଙ୍ଗ୍‌ ଆକା କିଜିନାର୍‍ ?” 
\v 25 ଜିସୁ ୱାରିଙ୍ଗ୍‌ ଇର୍ହାନ୍‌, ଏସ୍ତିୱାଲେ ଦାଉଦଦିଙ୍ଗ୍‍ ଖାଦି ସିଲେତାତ୍‍ ଆୟାୱାଲେ ୱାନ୍‌ ମାରି ୱାନି ତଡ଼୍‍ତି ଲୋକୁ ବାଙ୍ଗାଁ ଆତାର୍‌, ନାସ୍‍ତିୱାଲେ ୱାନ୍‌ ଇନିକା କିତାମାର୍‌ଆନ୍‌, ମିର୍‌ ଆକା ଏସାଙ୍ଗ୍‍ ବା ପଡ଼ାଇଦେର୍‍ ନୋ ? 
\v 26 ଅବିୟାଥର ୱିଜେରିଙ୍ଗ୍‍ ପେରି ଜାଜକରି ଦିନ୍‍ତୁ ଦାଉଦ ଏଣ୍ତେସ୍‍ କିଜି ମାପୁରୁତି ଇଲ୍‌ତୁ ଡ଼ୁଗିତାନ୍‍ନୋ, ଆମା ପୁଜାସିତି ରୁଟି ଯାଜକରିଙ୍ଗ୍‌ ଡ଼ିସ୍‌ତିଙ୍ଗ୍‌ ଏନ୍‍ବା ତିଣ୍ତ୍ରେଙ୍ଗ୍‍ ନିୟମ୍‌ ସିଲେତ୍‌, ଆକା ତିରାଆ ମାର୍‌ଆନ୍‌, ମାରି ୱାନି ତଡ଼୍‍ ଲୋକାଙ୍ଗ୍‌ ବା ସିତା ମାର୍‌ଆନ୍‌ ।
\p
\v 27 ଜିସୁ ପାରୁସିରିଙ୍ଗ୍‍ ଇର୍‌ଆନ୍‌, ରମ୍‍ନିଦିନ୍‍ ଲୋକା ସାହାଜ୍ୟ ଉଣ୍ତିଙ୍ଗ୍‌ ତିଆର୍‌ ଆତାମାନାତ୍‌, ମାତର୍‌ ଲୋକ୍‌ତିଙ୍ଗ୍‌ ବଜୁ ଉଣ୍ତିଙ୍ଗ୍‌ ରମ୍‍ନିଦିନ୍‍ ଆଏତ୍‍ । 
\v 28 ଆଦେଙ୍ଗ୍‌ ମନୁସ୍ୟପୁତ୍ର ଜେ ନାନ୍, ରମ୍‌ନିଦିନ୍‍ତି ପ୍ରବୁ ଆନା ।
\c 3
\s ଜିସୁ ଅରେନ୍‍ କିୟୁ ୱାର୍‌ତି ସର୍ହି ଲୋକ୍‌ତିଙ୍ଗ୍‌ ନେଗେଣ୍ତ୍‍ କିତାନ୍‌
\r (ମାତିଉ ୧୨:୯-୧୪; ଲୁକ ୬:୬-୧୧)
\p
\v 1 ଜିସୁ ମାରିଡ଼େସି ପାର୍‌ତନା କିନି ଇଲୁଦୁ ସର୍‌ଆନ୍‌ । ଆବେ ଅରେନ୍‍ ଲୋକୁ ମାର୍‌ଆନ୍‌, ୱାନି ଉଣି କିୟୁ ୱାର୍‌ତା ମାର୍‌ଆତ୍‌ । 
\v 2 ମାରି, ଜିସୁ ରମ୍‌ନି ଦିନ୍‍ତୁ ଆୟା ଲୋକ୍‌ତିଙ୍ଗ୍‌ ନେଗେଣ୍ତ୍‌ କିନାନ୍‍ନୋ ସିଲେ, ଇକା ସୁଡ଼ୁଦେଙ୍ଗ୍‍ ଇଜି ୱାର୍‌ ୱାନି ମୁସ୍‌କୁ କାଣୁକୁ ସୁଡ଼ୁଜିମାର୍‌ଆର୍‌, ଏଣ୍ତେସ୍‌କି ୱାର୍‌ ୱାନି ବିରୁଦ୍‍ତାନ୍‍ ଦୋସ୍‌ କିଦେଙ୍ଗ୍‌ ଆଟ୍‍ନାର୍‍ । 
\v 3 ଆମା ୱାନିଦି କିୟୁ ୱାର୍‌ତା ସୋର୍‌ଆ ମାର୍‌ଆତ୍‌, ୱାନିଙ୍ଗ୍‌ ଜିସୁ ଇର୍‌ଆନ୍‌, “ରାଆ, ନାଣ୍‍ମି ନିଲ୍‍ଆ ।” 
\v 4 ମାରି, ଜିସୁ ୱାରିଙ୍ଗ୍‌ ଇର୍‌ଆନ୍‌, “ରମ୍‌ନି ନାଣ୍ଡିଙ୍ଗ୍ ଇନି ପାଣି କିନିକା ନିୟମ୍‌ ମାନାତ୍‌ ? ନେଗେଣ୍ତ୍‍ କିଦେଙ୍ଗ୍‌ ନୋ ସେଏଣ୍ତ୍‍ କିଦେଙ୍ଗ୍‌ ? ଅରେନ୍‍ ଲୋକ୍‌ତି ଜିବନ୍‌ ରକିୟା କିନିକା ନୋ ସାପିସ୍‌ନିକା ?” ମାତର୍‌ ଲୋକ୍‌ଡର୍‌ ଆଲେତା ସରଆର୍‌ ।
\p
\v 5 ଆବେଟ୍‌ ଜିସୁ ଲୋକା ଜିବନ୍‌ ଆଟ୍‍ୱାଆକା ଦୁଃକ୍‌ ଆଜି ରିସାଦାନ୍‌ ସାରିବେଡ଼୍‍ତି ୱାରିଙ୍ଗ୍‌ ସୁଡ଼ୁଜି କିୟୁ ୱାର୍‌ତି ମାର୍‍ଇ ଲୋକ୍‌ତିଙ୍ଗ୍‌ ଇର୍‌ଆନ୍‌, “ନି କିୟୁ ପେର୍‌ଆ ।” ୱାନ୍‌ ୱାନି କିୟୁ ପେର୍‍ତାନ୍‍, ମାରି ୱାନି କିୟୁ ନେଗେଣ୍ତ୍‍ ଆତାସର୍‍ଆତ୍‍ । 
\v 6 ଇକା ସୁଡ଼ୁତାର୍‌ ନୋ ପାରୁସିର୍‌ ପାର୍‌ତନା ଇଲ୍‌ତାନ୍‌ ସହସି ସରଆର୍‌ ନୋ ଜିସୁଙ୍ଗୁଁ ସାୟା ମାର୍‍ଗା ଡାକ୍‌ତେଙ୍ଗ୍‍ଁ ଇଜି ୱାନି ବିରୁଦ୍‌ତାନ୍‌ ଆୟାଦାପ୍ରେ ହେରୋଦ ରାଜା ଦଲ୍‌ତି ନେତାରିୱାଲେ ୱାର୍‌ଗିଜି ସାତାର୍‌ ।
\s ସାମ୍‌ଦୁର୍‌ ପାଡ଼ି ଲୋକୁ ଉଣ୍ତାନିକା
\p
\v 7 ଜିସୁ ୱାନି ସିସୁରିୱାଲେ ମିସାତାନ୍‌ ନୋ ଗାଲିଲି ସାମ୍‌ଦୁର୍‌ ପାଡ଼ି ସର୍‌ଆନ୍‌ । ମାରି ଗାଲିଲି ଗାଡ଼୍‌ତାନ୍‍ ନାଣ୍ତ ଲୋକୁ ସତା ରୋ ୱାନି ୱାଲେ ବୁଲାତାର୍‌; ମାରି ଜିହୁଦା, 
\v 8 ଜିରୁସାଲାମ୍‍, ଇଦୋମ୍, ଜର୍ଦନ ଗାଡ଼୍‌ତି ଆୟା ପାଡ୍‍କା ମାନିକାର୍‌, ମାରି ସୋର ନି ସିଦନ୍‍ତି ସାରିବେଡ଼୍‍ତିଦାନ୍‍ ଲୋକୁ ୱିଜେରେ ୱାନି ପାଣିଦିମାଟା ୱେର୍‌ଆର୍‌ରୋ ୱାନି ଲାକ୍‌ତୁ ୱାତାର୍‌ । 
\v 9 \x + \xo ୩:୯ \xo*\xt ମାର୍କ ୪:୧; ଲୁକ ୫:୧-୩.\xt*\x*ଆବେ ନାଣ୍ତ ଲୋକ୍‌ ଉଣ୍ତାତାର୍‍ଆକା, ଲୋକୁ ୱିଜେରେ ୱାନି ଲାକ୍‌ତୁ ୱାଜ ମାଟ୍‍ସି ସାଏର୍‌, ଆୟାଉଣ୍ତିଙ୍ଗ୍‌ ୱାନ୍‌ ୱାନି ସିସୁରିଙ୍ଗ୍‌ ୱାନି ଉଣ୍ତିଙ୍ଗ୍‌ ଉଣ୍ତ୍ରି ଇସ୍ରି ଡଙ୍ଗାଁ ଲାକ୍‌ତୁ ଇଡ୍‌ଦେଙ୍ଗ୍‌ ଇର୍‌ଆନ୍‌; 
\v 10 ଇରିଙ୍ଗ୍‌ ଜିସୁ ଏସ ରୋଗ୍‍ତୁ ମାର୍‍ଇ ଲୋକାଙ୍ଗ୍‌ ନେଗେଣ୍ତ୍‌ କିତାନ୍‍ଆକା, ମାରି ରୋଗ୍‍ତୁ ମାନି ୱିଜେରେ ୱାନିଙ୍ଗ୍‌ ମୁଟ୍‌ତେଙ୍ଗ୍‌ ଇଜି ୱାନି ମୁସ୍‌କୁ ମାଟ୍‍ସି ସାଜି ମାର୍‌ଆର୍‌ । 
\v 11 ମାରି, ତାଗ୍‍ଇଆତ୍ମା ଆସ୍‌ତିମାର୍‌ଇ ଲୋକୁ ଜିସୁଙ୍ଗୁଁ ସୁଡ଼ୁଜିମାର୍‍ଆର୍‍, ୱାର୍‌ ଜିସୁ ଆଗ୍‌ଡ଼ି ଆର୍‍ଜି ଆଉଲି ଆଜି ଇନ୍‍ଜିମାର୍‍ଆର୍‍, “ନିନୁନେ ମାପୁରୁଦି ମାରିସି ।”
\p
\v 12 ଆବେଟ୍‌ ୱାନ୍‌ ଏନ୍‌ ଆକା ଏଙ୍ଗ୍‌ବା ଇନ୍‌ଇ ଉଣ୍ତିଙ୍ଗ୍‌ ୱାନ୍‌ ତାଗ୍‌ଇ ଆତ୍ମେଆଙ୍ଗ୍‌ ଆଟ୍‍ୱାଦାନ୍‍ ଆଦେସ୍‌ ସିତାନ୍‌ ।
\s ଜିସୁ ବାର ଲୋକାଙ୍ଗ୍‌ ସିସୁର୍‌ କିତାନ୍‌
\r (ମାତିଉ ୧୦:୧-୪; ଲୁକ ୬:୧୨-୧୬)
\p
\v 13 ଆୟାୱେନ୍‌କା ଜିସୁ ଗରନ୍‌ ମୁସ୍‌କୁ ସର୍‍ଆନ୍‍ନୋ, ୱାଣ୍ତ୍ରୁ ଏମେ ଲୋକ୍‌ତିଙ୍ଗ୍‌ ବଦା କିତାନ୍‌ ଆୟା ଲୋକ୍‌ତିଙ୍ଗ୍‌ ୱାନି ଲାକ୍‌ତୁ କୁକ୍‍ତାନ୍‍ ମାରି ୱାର୍‌ ୱାନିବାନୁ ୱାତାର୍‌ । 
\v 14 ଜିସୁ ବାର ଲୋକ୍‍ ସିସୁରିଙ୍ଗ୍‌ ବାସ୍‌କିତାନ୍‌, ଏଣ୍ତେସ୍‌ ୱାରୁ ୱାନିୱାଲେ ତେବାନାର୍‌, ମାରି “ୱାନ୍‌ ୱାରିଙ୍ଗ୍‌ ନେଗିକାବୁରୁ ପ୍ରଚାର୍‌ କିଦେଙ୍ଗ୍‌ ପୋକ୍‌ତାନ୍‌,” 
\v 15 ମାରି ୱାର୍‌ ଦୁବେଆଙ୍ଗ୍‍ ପେର୍‍ଦେଙ୍ଗ୍‍ ଅଦିକାର୍‍ ପ‍ଇତାର୍‌ ।
\p
\v 16 ଜିସୁ ଇୟା ବାର ଲୋକାଙ୍ଗ୍‌ ବାସ୍‌କିତାନ୍‌ ସିମୋନ୍‌, ଜିସୁ ଆମାୱାନିଙ୍ଗ୍‌ କି ମାରି ଉଣ୍ତ୍ରି ଦର୍‌ ପିତର୍‌ ଇଜି ସିତାନ୍‌; 
\v 17 ଜେବଦୀଦି ରିଏର୍‌ ମାରିସିର୍‌ ଯାକୁବ ମାରି ୱାନି ତଡ଼ାନ୍‍ ଯୋହନ, ଆମାୱାରିଙ୍ଗ୍‍ ୱାନ୍‌ ବିନେରିଗୋସ୍, ବା ମିର୍‍ସି ଆଉଲି ଆନି ବାଦଡ଼୍‍ତି ମାରିସିର୍‌ ଇଜି ଦର୍‌ ସିତାନ୍‌; 
\v 18 ଆନ୍ଦ୍ରିୟ, ପିଲିପ୍‌, ବାର୍ତଲମି, ମାତିଉ, ଥୋମା, ଆଲପିଦି ମାରିସି ଯାକୁବ, ଥଦ୍ଦୀୟ, କିଣାନିୟ ସିମୋନ, ଏନ୍‌ ଇସ୍ରାଏଲ୍‍ତିଙ୍ଗ୍‍ ଡ଼ିସିସ୍‍ କିଦେଙ୍ଗ୍‌ ବଦାକିଜି ମାର୍‍ଇ ଯିହୁଦି ଲୋକାମାଣ୍‌କୁ ଅରେନ୍‍ ମାର୍‌ଆନ୍‌ । 
\v 19 ମାରି ଇସ୍କାରିୟୋତିୟ ଜିହୁଦା, ଆମାକାନ୍‍ କି ୱେନ୍‌କା ଜିସୁଙ୍ଗୁଁ ସାତ୍ରୁରି କିୟୁଦୁ ଆସ୍‍ପିସ୍‍ କିତାନ୍‌ ।
\s ଜିସୁ ମାରି ବାଲ୍‍ଜିବୁଲ୍‍
\r (ମାତିଉ ୧୨:୨୨-୩୨; ଲୁକ ୧୧:୧୪-୨୩; ୧୨:୧୦)
\p
\v 20 ଇୟା ୱେନ୍‌କା ଜିସୁ ଏସିୱାଲେ ଇନ୍‍ଡ୍ର ଡ଼େସି ୱାତାନ୍‌, ଆବେ ନିସା ଲୋକୁ ଉଣ୍ତାତା ମାର୍‌ଆର୍‌ ଯେ, ଜିସୁ ମାରି ୱାନି ସିସୁର୍‌ ଖାଦି ଉଣ୍ତେଙ୍ଗ୍‌ ବା ଆଟ୍‍ଏତାର୍‍ । 
\v 21 ଏସ୍ତିୱାଲେ ଜିସୁରି ଇନ୍‍ଡ୍ରଣି ଲୋକୁ ଇକା ୱେର୍‌ଆର୍‌ ଆୟାୱାଲେ ୱାର୍‌ ଜିସୁଙ୍ଗୁଁ ଡ଼େସି କୁକ୍‍ସ ଅତେଙ୍ଗ୍‌ ସରଆର୍‌, ଇରିଙ୍ଗ୍‌ “ୱାନି ତାଲା ପାଣି ସିଏଜିନାତ୍‍ ଇଜି ଲୋକୁ ୱାର୍‍ଜିସାନିକା ୱେର୍‌ଆର୍‌ ।”
\p
\v 22 \x + \xo ୩:୨୨ \xo*\xt ମାତିଉ ୯:୩୪; ୧୦:୨୫.\xt*\x*ମାରି, ଜିରୁସାଲାମ୍‍ତାନ୍‌ ୱାତି ଏସୋ ସାସ୍ତ୍ରିର୍‌ ଇର୍ହାର୍‌, “ୱେନିଙ୍ଗ୍‌ ଦୁବେଆଣି ପେରିକାତ୍‍ ବାଲ୍‍ଜିବୁଲ୍‍ ବୁଡ଼୍‍ତା ମାନାତ୍‌, ତାନେ ସାକ୍ତିଦାନ୍‌ ଦୁବେଙ୍ଗ୍‍ ଡ଼ିସିସ୍‍ନାନ୍‍ ।”
\p
\v 23 ଜିସୁ ୱାରିଙ୍ଗ୍‌ ଲାକ୍‌ତୁ କୁକ୍‍ତାନ୍‍ ମାରି ଉଣ୍ତ୍ରି କାତା ୱେର୍‌ସି ବୁଜା କିତାନ୍‌, “ସୟତାନ୍‍ ଏଣ୍ତେସ୍‌ ଶୟତାନ୍‍ତିଙ୍ଗ୍‍ ପେର୍‍ଦେଙ୍ଗ୍‍ ଆଟ୍‍ନାତ୍‍ ?” 
\v 24 ନିଜେଦି ଦେସ୍‌ ଜଦି ନିଜେ ନିଜେରି ଦଳ ଲୋଇ ଜୁଦ୍‍ କିନାର୍‌, ଆୟା ରାଜି ତିର୍‌ ତେବାଦେଙ୍ଗ୍‍ ଆଟ୍‍ଏତ୍‍ । 
\v 25 ମାରି, ଉଣ୍ତ୍ରିଇଲ୍‍ତି ଲୋକୁ ଜଦି ବାଗ୍‌ ବାଗ୍‌ ଆଜି ନିଜେ ନିଜେରି ଲୋଇରି ବିରୁଦ୍‍ତାନ୍‍ ନିଂଇତିଙ୍ଗ୍‍, ଆୟା ଇଲୁ ତିର୍‌ ତେବାଦେଙ୍ଗ୍‍ ଆଟ୍‍ଏତ୍‍ । 
\v 26 ଆୟାୱାଜା, ଜଦି ଶୟତାନ୍‍ତି ରାଜି ବାଗ୍‌ ବାଗ୍‌ ଆଜି ନିଜେଦି ବିରୁଦ୍‍ତାନ୍‍ ନିଂଇତାତ୍‍ନି, ଆୟାକା ତିର୍‌ ତେବାଏତ୍‍, ମାତର୍‌ ତାନି ସାନିକା ୱାତାତ୍‌ନି ।
\p
\v 27 “ମାତର୍‌ ଅରେନ୍‍ ବପୁମାନି ଲୋକ୍‌ତି ଇନ୍‍ଡ୍ର ଏନ୍‍ବା ଡ଼ୁଗୁଜି ଆଗ୍‌ଡ଼ି ୱାନିଙ୍ଗ୍‌ ତର୍‍ଏତିଙ୍ଗ୍‍, ୱାନି ସାମାନ୍‌ପତ୍ର ଡଂଆ କିଜ ଅତେଙ୍ଗ୍‌ ଆଟ୍‍ଏନ୍‍; ୱାନିଙ୍ଗ୍‌ ଆଗ୍‌ଡ଼ି ତର୍‍ତିଙ୍ଗ୍‍ ଗାଦେ ୱାନ୍‌ ୱାନି ଇଲୁ ଲୋଇ ଡଂଆ କିନାନ୍‌ ।
\p
\v 28 “ନାନ୍ ମିଙ୍ଗିଁ ସତ୍‌ ଇଜିନା, ଲୋକ୍‌ତି ୱିଜୁ ପାପ୍‍ ମାରି ୱାର୍‌ ଏସା ନିନ୍ଦାମାଟା ଇନ୍‌ଜି ମାପୁରୁଙ୍ଗୁଁ ନିନ୍ଦା କିନାର୍‌, ଆୟାୱିଜୁ କେମା ଆନାତ୍‌; 
\v 29 \x + \xo ୩:୨୯ \xo*\xt ଲୁକ ୧୨:୧୦.\xt*\x*ମାତର୍‌ ଏନ୍‌ ପବିତ୍ରଆତ୍ମାଦି ବିରଦ୍‌ତାନ୍‌ ନିନ୍ଦା ମାଟା ଇନାନ୍‌, ୱାନିଙ୍ଗ୍‌ ମାପୁରୁ ଏସାଙ୍ଗ୍‍ ବା କେମା କିଏନ୍‍, ଆୟା ଲୋକୁ ୱିଜୁଦିନ୍‌ତି ଉଣ୍ତିଙ୍ଗ୍‌ ଶାସ୍ତି ପଇନାନ୍‌ ।” 
\v 30 “ଜିସୁଙ୍ଗୁଁ ତାଗ୍‍ଇଆତ୍ମା ଆସ୍ତା ମାନାତ୍‌” ଇଜି ଏସୋ ସାସ୍ତ୍ରିର୍‍ ଇର୍ହାର୍‌ ଆକା, ଜିସୁ ଇୟା ମାଟା ଇନ୍‌ଜି ୱାରିଙ୍ଗ୍‌ ବୁଝା କିତାନ୍‌ ।
\s ଜିସୁଦି ଆଇସି ମାରି ତଡ଼ାନ୍‌କୁ
\r (ମାତିଉ ୧୨:୪୬-୫୦; ଲୁକ ୮:୧୯-୨୧)
\p
\v 31 ନାସ୍ତିୱାଲେ ଜିସୁଦି ୟାୟା ନି ତଡ଼ାନ୍‍କୁ ୱାତାରୋ ଆତ୍‌ରେ ନିର୍ହା ରୋ ଜିସୁଙ୍ଗୁଁ କୁକ୍‍ତେଙ୍ଗ୍‍ କାବୁର୍‌ ପୋକ୍‌ତାର୍‌ । 
\v 32 ଆବେଟ୍‌ ୱାନି ସାରିବେଡ଼୍‍ତି ବାସ୍‍ତି ମାର୍‍ଇ ଲୋକୁ ୱାନିଙ୍ଗ୍‌ ଇର୍ହାର୍‌, “ସୁଡ଼ୁଆ, ମି ୟାୟା ନି ତଡ଼ାନ୍‌କୁ ମାରି ତାଙ୍ଗିଁକ୍‍ ଆତ୍‌ରେ ତେବାତେ ନୋ ନିଙ୍ଗିଁ ପଇଜିନେ ।”
\p
\v 33 ମାତର୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, “ନା ୟାୟା ନି ତଡ଼ାନ୍‍କୁ ଏର୍‌ ?” 
\v 34 ଜିସୁ ୱାନି ସାରିବେଡ଼୍‍ତି ବାସ୍‍ତି ମାର୍‍ଇ ଲୋକାଙ୍ଗ୍‌ ସୁଡ଼ୁଜି ଇର୍‌ଆନ୍‌, “ସୁଡ଼ୁଦୁ, ଇକାର୍‌ ଆଜିନାର୍‌ ନା ୟାୟା ନି ନା ତଡ଼ାନ‍କୁ । 
\v 35 ଏନ୍‌ଆପିନ୍‌ ମାପୁରୁଦି ମାଟା ମାନାନାନ୍‍, ୱାନ୍‌ ନା ତଡ଼ାନ୍‍, ତାଙ୍ଗିଁ ମାରି ୟାୟା ।”
\c 4
\s ୱିତୁ ୱିତ୍‍ନି ଲୋକ୍‌ତି କାତା
\r (ମାତିଉ ୧୩:୧-୯; ଲୁକ ୮:୪-୮)
\p
\v 1 \x + \xo ୪:୧ \xo*\xt ଲୁକ ୫:୧-୩.\xt*\x*ଜିସୁ ଗାଲିଲି ସାମ୍‌ଦୁର୍‌ ପାଡ଼ି ମାରିଡ଼େସି ଶିକ୍ଷା ସିଦେଙ୍ଗ୍‍ ଆରାମ୍‍ କିତାନ୍, ୱାନି ଲାକ୍‌ତୁ ନାଣ୍ତ ଲୋକୁ ଉଣ୍ତାତାର୍‍ ଆକା, ୱାନ୍‌ ସାମ୍‌ଦୁର୍‌ତୁ ମାର୍‍ଇ ଉନ୍‌ଡ୍ରି ଡଙ୍ଗାଁଦୁ ସଲ୍‌ସି ବାସ୍‌ତାନ୍‌ ମାରି ଲୋକୁ ୱିଜେରେ ସାମ୍‌ଦୁର୍‌ ପାଡ଼ି ତେବାତାର୍‍ । 
\v 2 ଜିସୁ କାତାଦାଣ୍ତ୍‍ ଏସୋ ସିକିୟା ସିନିୱାଲେନେ ୱାନ୍‌ ୱାରିଙ୍ଗ୍‌ ଇର୍‌ଆନ୍‌,
\p
\v 3 “ୱେଣ୍ତ୍ରୁ, ଅରେନ୍‍ ୱିତୁ ୱିତ୍‍ନିକାନ୍‍ ୱିତ୍‌ତେଙ୍ଗ୍‌ ସତାନ୍‌ । 
\v 4 ୱାନ୍‌ କିଡ଼ିଇଦୁ ୱିତୁ ୱିତ୍‍ନିୱାଲେ ଏସ ୱିତୁ ସାରି ପାଡ଼୍‌କାଦୁ ଆର୍‌ତେ ଆକା ପଟିଙ୍ଗ୍‌ ୱାଜି ଆୟାୱିଜୁ ୱିତୁ ତିର୍‍ଏ । 
\v 5 ମାରି ଏସ ୱିତୁ ଉଣା ସିକାଲାମାନି ପିଡ଼ିପି ବୁମିଦୁ ଆର୍‌ତାତ୍‌ । ମାରି ନାଣ୍ତ ସିକାଲା ସିଲେତାତ୍‌ ଆକା ୱିତୁ ଦାପ୍ରେ ନେରିତାତ୍‍ । 
\v 6 ମାତର୍‌ ୱେଡ଼ା ସତାତ୍‌ ଆକା ଗାଜା ୱେତା ସର୍‌ଆତ୍‌ ମାରି ୱେଲା ଲୋଇ ସାର୍‍ଏତା ମାର୍‌ଆତ୍‌ ଆକା ୱାର୍‍ତା ସର୍‍ଆତ୍‍ । 
\v 7 ମାରି ଏସୋ ୱିତୁ ସାମ୍‌କା ଦୁପା ଲୋଇ ଆର୍‌ତାତ୍‌, ମାରି ସାମ୍‍ମାରାକ୍‍ ପିରିତେନୋ ତାମେ ମୁସ୍‌କୁ ତିଗାତେ ମାରି ଆୟା ମାରାତୁ ଉଣ୍ତ୍ରିବା ପାଡ଼ୁ ଆସ୍‍ଏତାତ୍‍ । 
\v 8 ମାତର୍‌ ଏସୋ ୱିତୁ ନେଗି ବୁମିଦୁ ଆର୍‌ତାତ୍‌, ଆୟା ବାଡିଦୁ ଗାଜା ଆଜି ପିରିତାଦୋ ତିରିସ୍‌ ଗୁଣୁ, ସାଟେ ଗୁଣୁ ମାରି ସୟେ ଗୁଣୁ ସାନ୍ଦି ପାଡ଼ୁ ଆସ୍‌ତାତ୍‌ ।”
\p
\v 9 ଆବେ ଜିସୁ ଇର୍‌ଆନ୍‌, “ଆମାୱାନିଙ୍ଗ୍‌ ୱେନ୍‌ଡ୍ରେଙ୍ଗ୍‌ ଗିତଣିଙ୍ଗ୍‍ମାନେ, ୱାନ୍‌ ୱେନିନ୍‌ ।”
\s କାତାଦି ଉଦେସ୍‌
\r (ମାତିଉ ୧୩:୧୦-୧୭; ଲୁକ ୮:୯-୧୦)
\p
\v 10 ଜିସୁ ଅରେନ୍‍ନେ ମାନିୱାଲେ ବାର ଲୋକୁ ଶିଶୁର୍‌ ମାରି ୱାରିୱାଲେ ମାନିଲୋକ ଜିସୁମାନୁ ୱାଜି ୱେନ୍‌ବାତାର୍‌ “ନିନୁ ଏନ୍ଧା କାତାଦାନ୍‍ ମାଟା ୱେର୍‌ସିନି ?” 
\v 11 ଆବେଟ୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, ମାପୁରୁଦି ରାଜିଦି ମାର୍‍ଗିତି ମାଟା ବୁଜାଦେଙ୍ଗ୍‌ ଉଣ୍ତିଙ୍ଗ୍‌ ମିଙ୍ଗିଁ ବପୁ ପୁଟ୍‍ତାମାନାତ୍‍, ମାତର୍‌ ଆୟା ଆତ୍ରେଣି ଲୋକାଙ୍ଗ୍‌ ଇୟାୱିଜୁ ବିସୟ କାତାଦାନ୍‍ ୱେର୍‌ତେଙ୍ଗ୍‌ ଆଜିନାତ୍‍ । 
\v 12 ଆୟା ଉଣ୍ତିଙ୍ଗ୍‌
\q1 ୱାର୍‌ ୱେନ୍‌ଜି ୱେନ୍‌ଜି ନେସ୍‌ତେଙ୍ଗ୍‌ ଆଟ୍‍ଏର୍‍,
\q1 ମାରି ୱେନ୍‌ବୁ ୱେନ୍‌ବୁ ବୁଜାଏର୍‍,
\q1 ଜଦି ନେସ୍‌ନାର୍‌ ମାରି ବୁଜାନାର୍ ମାରି ମାପୁରୁତି ଲାକ୍‌ତୁ ଡ଼େସିୱାନାର୍‍
\q1 ମାରି ୱାରିଙ୍ଗ୍‌ କେମା କିନାନ୍‍ ।
\s ଜିସୁ ୱିତ୍‍ ୱିତ୍‍ତି ଅର୍ତ ବୁଝାକିତାନ୍‍
\r (ମାତିଉ ୧୩:୧୮-୨୩; ଲୁକ ୮:୧୧-୧୫)
\p
\v 13 ଜିସୁ ମାରି ସିସୁରିଙ୍ଗ୍‌ ଇର୍‌ଆନ୍‌, “ଇୟା କାତା ମିର୍‍ବା ବୁଝାଦେଙ୍ଗ୍‍ ଆଟ୍‍ଇଜିନିଦେର୍‍ ? ଆଇ ୱିଜୁ କାତା ଏଣ୍ତେସ୍‌ ବୁଝାନିଦେର୍‍ ? 
\v 14 ୱିତ୍‍ନିକାନ୍‍ ୱିତୁ ଅର୍ତାତ୍‍ ମାପୁରୁତି ବାକ୍ୟ ୱିତ୍‍ନାନ୍‍ । 
\v 15 ଆମାକାର୍‌ ମାପୁରୁଦି ବାକ୍ୟ ୱେନାର୍‌, ମାତର୍‌ ୱେର୍‍ହି ଦାପ୍ରେନେ ଶୟତାନ୍‍ ୱାନାତ୍‌ ନୋ ୱାରିମାନୁ ୱିତାତିମାନି ବାକ୍ୟଦିଙ୍ଗ୍ ଡଂଆ କିନା ଅନାତ୍‍, ୱାରୁ ସାର୍‍ଦୁ ବାକ୍ୟ ୱିତାତି ବୁମିଦି ୱାଜା । 
\v 16 ଆୟାୱାଜା, ଏର୍‌କି ବାକ୍ୟ ୱେର୍‍ଇଦାପ୍ରେ ୱେଡ଼ିକାଦାନ୍‌ ଆକା ୱାରି ମନ୍ ଲୋଇ ଇଡ୍‍ନାର୍‍, 
\v 17 ମାତର୍‌ ୱାରିମାନୁ ୱେଲା ସାଗ୍‍ଏତ୍‍ଆକା ସାଣେକ୍‍ନେ ତିର୍‍ ତେବାନାର୍‌, ୱେନ୍‌କା ବାକ୍ୟ ଉଣ୍ତିଙ୍ଗ୍‌ ଦୁଃକ୍‌‍ ମାରି ନିଦା ମାଟା ୱାତିଙ୍ଗ୍‍ ଆୟାଦାପ୍ରେ ବିସ୍‍ବାସ୍‍ ଡ଼ିସ୍‍ନାର୍‍, ୱାରୁ ପିଡ଼ିପି ବୁମିଦୁ ଆର୍‍ତିମାନି ୱିତ୍‍ତି ୱିତୁଦି ୱାଜା । 
\v 18 ମାରି ଆମାକାର୍‍କି ବାକ୍ୟ ୱେନ୍‍ନାର୍‍, ମାତର୍‌ ଦୁନିଆଦି ସିନ୍ତା, ଡାବୁଙ୍ଗୁଁ ଟାକେଙ୍ଗ୍‍ଣି ମାୟା ମାରି ଆଇ ୱିଜୁ ବିସୟତୁ ଆସା ମନ୍‌ତୁ ଡ଼ୁଗ୍‍ନାଦ ବାକ୍ୟଦିଙ୍ଗ୍‍ ତିଗାନାତ୍‍ ମାରି ଆକା ପାଡ଼ୁ ସିଲିକା ଆନାତ୍‌ । ୱାର୍‍ ସାମ୍‌ ମାରାକା ଲୋଇ ଆର୍‌ତି ୱିଜୁ ୱାଜା । 
\v 19 ମାତର୍‍ ଦୁନିଆଦି ସିନ୍ତା, ଦନ୍‍ଲବ୍‍ ମାରି ଆଇ ଆସା ୱାରି ମନ୍‌ତିଙ୍ଗ୍‍ ତିର୍‌ଜିମାନିଙ୍ଗ୍‌ ଆୟା ମାଟା ୱାରିମାନୁ ପିର୍‌ଏତ୍‌ । 
\v 20 ମାରି, ଆମାକାର୍‌ କି ବାକ୍ୟ ୱେନାରୋ ଆକା ମନ୍ ଲୋଇ ଇଡ୍‍ନାର୍‍, ୱାର୍‌ ଏନ୍‌ ତିରିସ୍‌ ଗୁଣୁ, ସାଟେ ଗୁଣୁ ମାରି ସହେ ଗୁଣୁ ପାଡ଼ୁ ଆସ୍‌ନାର୍‌ ଆୟା ଲୋକୁ ନେଗି ବୁମିଦୁ ୱିତ୍‍ତି ୱିତୁତି ୱାଜା ।”
\s ଅଡି ଆଡ୍‍ଗି ଦିଆ
\r (ଲୁକ ୮:୧୬-୧୮)
\p
\v 21 \x + \xo ୪:୨୧ \xo*\xt ମାତିଉ ୫:୧୫; ଲୁକ ୧୧:୩୩.\xt*\x*ଜିସୁ, ମାରିଡ଼େସି ୱାରିଙ୍ଗ୍‌ ଇର୍‌ଆନ୍‌, “ଏନ୍‌ ଏସ୍‌କାଙ୍ଗ୍‌ ଇନିକା ଦିୱା କାସିସ୍‍କିଜି ଅଡି ଆଡ୍‍ଗି କି ଖାଟେଲ୍‍ ଆଡ୍‍ଗି ଇଡ୍‌ନାନ୍‌ ? ଆକା ଲୋକୁ ଦିୱା କାସିସ୍‍କିଜି ଦିଆ ଇଡ୍‌ନି ବାଡିଦୁ ଇଡ୍‌ଏର୍‌ ନୋ ?” 
\v 22 \x + \xo ୪:୨୨ \xo*\xt ମାତିଉ ୧୦:୨୬; ଲୁକ ୧୨:୨.\xt*\x*ଇରିଙ୍ଗ୍‌ ତର୍‍ଇ ଇସାବ୍‌ତାନ୍‌ ଏମେକାବା ମାର୍‍ଗ୍‍ଏତ୍‍; ଆମାକା ମାର୍‍ଗିତା ମାନାତ୍‌, ଆକା ତର୍‍ଦେଙ୍ଗ୍‍ ଇଜିନେ ମାର୍‍ଗିତା ମାନାତ୍‌ । 
\v 23 ଜଦି “ଆମାୱାନିଙ୍ଗ୍‌ ୱେନ୍‌ଡ୍ରେଙ୍ଗ୍‌ ଗିତଣିଙ୍ଗ୍‍ମାନେ, ୱାନ୍‌ ୱେନିନ୍‌ ।”
\p
\v 24 \x + \xo ୪:୨୪ \xo*\xt ମାତିଉ ୭:୨; ଲୁକ ୬:୩୮.\xt*\x*ଜିସୁ ୱାରିଙ୍ଗ୍‌ ଇର୍‌ଆନ୍‌, “ଇନିକା ୱେନ୍‌ଜିନିଦେର୍‌, ଆୟା ଉଣ୍ତିଙ୍ଗ୍‌ ଜାଗାର୍‌ତା । ମିର୍‌ ଏଣ୍ତେସ୍‌ କିଜି ଆଇ ଲୋକ୍‌ତିଙ୍ଗ୍‌ ଲେକିସ୍‌ କିଜି ସିନିଦେର୍‍, ଆୟାୱାଜା ପ୍ରବୁ ମିଙ୍ଗିଁ ନାଣ୍ତ ଲେକିସ୍‌ କିଜି ସିନାନ୍‍ । 
\v 25 \x + \xo ୪:୨୫ \xo*\xt ମାତିଉ ୧୩:୧୨; ୨୫:୨୯; ଲୁକ ୧୯:୨୬.\xt*\x*ଏମେ ଲୋକ୍‍ତିନ୍ଧି ମାନାତ୍‌, ୱାନିଙ୍ଗ୍‌ ପୁଟ୍‍ନାତ୍‍; ମାରି ଆମାୱାନିନ୍ଧି ସିଲେତ୍‌, ୱାନିବାନୁ ଆମାକା ମାନାତ୍‌, ଆକାବା ମାପୁରୁ ୱାନିମାଣ୍‌କୁ ଅନାନ୍‍ ।”
\s ୱିତୁ ଗାଜା ଆଜି ପିର୍‍ନି କାତା
\p
\v 26 ଜିସୁ ମାରିଡ଼େସି ଇର୍‌ଆନ୍‌, “ମାପୁରୁତି ରାଜି ଇୟାୱାଜା । ଅରେନ୍‍ ଲୋକୁ ନିଜେଦି ବୁମିଦୁ ୱିତୁ ୱିତ୍‍ନାନ୍‍; 
\v 27 ୱାଣ୍ତ୍‍ରୁ ନାଡ଼ା ସୁଜ୍‍ନାନ୍‍ ମାରି ୱେଡ଼େ ନିଂନାନ୍‍, ମାରି ଆୟା ୱିତୁ ଏଣ୍ତେସ୍‌ ଗାଜା ଆତାଦୋ ପିର୍‍ତାତ୍‍, ଆକା ୱାନ୍‌ ନେସ୍‌ଏପ୍‌ । 
\v 28 ବୁମି ନିଜେ ପାଡ଼ୁ ତାପିସ୍‍କିନାତ୍‍, ଆଗ୍‌ଡ଼ି ଆକୁ, ୱେନ୍‌କା ସେରେନ୍‍, ତାନି ୱେନ୍‌କା ସେରେନ୍‍ତୁ ବର୍ତି ପାଡ଼୍‍କୁ । 
\v 29 ଆବେଟ୍‌ ସେରେନ୍‍ ପାଣ୍ତିତି ଦାପ୍ରେ ୱାନ୍‌ ଡେରେଙ୍ଗ୍‍ କୁଲିଙ୍ଗ୍‍ ଆତେ ଇଜି କଏର୍‌ଙ୍ଗୁଁ ଆସ୍‍ନା ସନାନ୍‌ ।
\s ସାର୍‍ସୁ ପାଡ଼ୁଦି କାତା
\r (ମାତିଉ ୧୩:୩୧-୩୨; ଲୁକ ୧୩:୧୮-୧୯)
\p
\v 30 “ଜିସୁ ମାରି ଇର୍‌ଆନ୍‌, ମାଡୁ ମାପୁରୁଦି ରାଜିଦିଙ୍ଗ୍‍ ଆମାତାନିୱାଲେ ତୁସ୍‍ନାଟ୍‍ ?” ବା ଇକା ଏମେ କାତା ୱେର୍‌ସି ଆକା ବୁଝାକିନାଟ୍‍ ? 
\v 31 ମାପୁରୁଦି ରାଜି ଆକା ଉଣ୍ତ୍ରି ସାର୍‍ସୁ ପାଡ଼ୁଦି ୱାଜା; ବୁମିଦୁ ୱିତ୍‍ତିୱାଲେ ଆକା ଦୁନିଆଦି ୱିତୁ ପାଡ୍‍କାଣ୍‍ ଇସ୍ରିକାତ୍‍, 
\v 32 ମାତର୍‌ ୱିତ୍‍ତି ୱେନ୍‌କା ଆକା ପିର୍‌ଜି ନିଂଇନାଦ ୱିଜୁ କୁସେଙ୍ଗାଁ ମାଣ୍‌କୁ ପେରିକାତ୍‍ ଆନାତ୍‌, ମାରି ତାନି କମେଙ୍ଗ୍‍ ଇୟାୱାଜା ପେରିକେଙ୍ଗ୍‌ ଆନେ ଯେ, ବାଦଡ଼୍‍ତି ପଟିଙ୍ଗ୍‌ ମାରାତି ସିତ୍‍ଡ଼ିଦୁ ତେବାଦେଙ୍ଗ୍‍ ଆଟ୍‌ନେ ।
\p
\v 33 ଜିସୁ ଇୟାୱାଜା ନାଣ୍ତ କାତାଦାନ୍‍ ଲୋକା ବୁଜାନି ଶକ୍ତି ଇସାବ୍‌ତାନ୍‌ ୱାରିମାନୁ ବାକ୍ୟ ୱେର୍‌ସି ମାର୍‌ଆନ୍‌, 
\v 34 ଜିସୁ କାତା ଇନ୍‍ଏଣ୍ତା ଇନିକାବା ଲୋକାଙ୍ଗ୍‌ ଇନ୍‍ଏଜି ମାର୍‌ଆନ୍‌ । ମାତର୍‌ ଜିସୁ ଆଇ ଲୋକୁ ସିଲିୱାଲେ ୱାନି ସିସୁରିଙ୍ଗ୍‌ ୱିଜୁମାଟା ବୁଝାକିଜି ମାର୍‌ଆନ୍‌ ।
\s ଜିସୁ ଗାଲିପିରୁ ୱାନିତାନିଙ୍ଗ୍‍ ତେବାକିତାନ୍‍
\r (ମାତିଉ ୮:୨୩-୨୭; ଲୁକ ୮:୨୨-୨୫)
\p
\v 35 ଆୟା ନାଣ୍ଡିଙ୍ଗ୍ ମିଲିମିଲିକା ଜିସୁ ସିସୁରିଙ୍ଗ୍‌ ଇର୍‌ଆନ୍‌, “ରାଦୁ, ସାମ୍‌ଦୁର୍‌ତୁ ଆୟା ପାଡ଼ି ସନାଟ୍‌ ।” 
\v 36 ଆବେଟ୍‌ ୱାନି ସିସୁର୍‍ ଲୋକାଙ୍ଗ୍‌ ଡ଼ିସ୍‍ତାରୋ, ଜିସୁ ଆଗ୍‌ଡ଼ି ଆମା ଡଙ୍ଗାଁଦୁ ବାସ୍ତା ମାର୍‌ଆନ୍‌ ଆବେ ୱାର୍‌ ଏକ୍‍ତାର୍‍ ମାରି ଜିସୁଙ୍ଗୁଁ ଅର୍‌ସେ ଅତାର୍‍, ମାରି ଆବେ ଆଇ ଡଙ୍ଗ୍‍ଗେଙ୍ଗ୍‍ ବା ମାର୍‍ହେ । 
\v 37 ଆୟାୱେନ୍‌କା ସାମ୍‌ଦୁର୍‌ତୁ ଉଣ୍ତ୍ରି ଗାଲିପିରୁ ୱାତାତ୍‍, ମାରି ଉଲ୍‍କା ଏର୍‌ ଆଟ୍‍ତେଆକା ଡଙ୍ଗାଁଦୁ ଏରୁ ପୁରୁନ୍‌ ଆଦେଙ୍ଗ୍‌ ଆରାମ୍‍ଆତେ । 
\v 38 ଜିସୁ ଜାହାଜ୍‌ଦି ଲୋଇ ଉନ୍‌ଡ୍ରି ବାକ୍‌ରାଦି ୱେନ୍‌କା ତରନ୍‌ ସର୍‍ଆନ୍‍ନୋ ତାଲା ଟାଟ୍‍ନି ପିଡା ତାଲାଆଡ୍‍ଗି ଇଟ୍‍ଟାନ୍‍ନୋ ଶୁଜ୍‍ଜିମାର୍‍ଆନ୍‍; ସିସୁର୍‌ ଜିସୁଙ୍ଗୁଁ ନିକ୍‍ସି ଇର୍ହାର୍‌, “ଏ ଗୁରୁ, ମାପ୍‌ ସାତାପ୍‌, ନିନ୍‌ ଇନିକା ଅଡ଼୍‍ବିଇ ନୋ ?”
\p
\v 39 ଆବେଟ୍‌ ଜିସୁ ନିଂଇତାନ୍‍ନୋ ଗାଲିଦିଙ୍ଗ୍‍ ଆଦ୍‌ରିସ୍‌ କିଜି ଉଲକାଏର୍‍ତିଙ୍ଗ୍‍ ଇର୍‌ଆନ୍‌, “ତିର୍‌ ଆଆ” ତେବାଆ । ଆବେଟ୍‌ ଗାଲି ଉଣାଆତାତ୍‍ ମାରି ୱିଜୁ ତିର୍‍ଆତାତ୍‍ । 
\v 40 ଆୟାୱେନ୍‌କା ଜିସୁ ସିସୁରିଙ୍ଗ୍‌ ଇର୍‌ଆନ୍‌, “ମିର୍‌ ଇନ୍‍ଦାନିଙ୍ଗ୍‍ ନିସା ତିଲାଜିନିଦେର୍‍ ? ଇକା ଇନିକା ! ଇୟାସାନ୍ଦି ମି ବିସ୍‌ବାସ୍‌ ସିଲେତ୍‌ ନୋ ?”
\p
\v 41 ଆବେଟ୍‌କୁ ସିସୁର୍‌ ନାଣ୍ତ ତିଲାତାରୋ ୱାରି ୱାରି ଲୋଇ ୱାର୍‌ଗିଜି ସାତାର୍‌, “ଇୟା ଲୋକ୍‍ ଏନ୍‍ ଜେ, ଗାଲି ନି ଏରୁ ବା ୱାନି ମାଟା ମାନାନେ ?”
\c 5
\s ଜିସୁ ଅରେନ୍‍ ଦୁବାକାସ୍ତି ଲୋକ୍‌ତିଙ୍ଗ୍‌ ନେଗେଣ୍ତ୍‍ କିତାନ୍‌
\r (ମାତିଉ ୮:୨୮-୩୪; ଲୁକ ୮:୨୬-୩୯)
\p
\v 1 ୱେନ୍‌କା ଜିସୁ ମାରି ୱାନି ସିସୁର୍‍ ଗାଲିଲି ସାମ୍‌ଦୁର୍‌ ଆୟାପାଡ଼ିଦି ଗରାସିୟରି ସାନ୍ଧିଦୁ ସର୍‌ଆର୍‌ । 
\v 2 ଜିସୁ ଡଙ୍ଗାଁଦାନ୍‍ ରେତି ଦାପ୍ରେ ଅରେନ୍‍ ଦୁବା ଆତ୍ମା କାସ୍ତି ଲୋକୁ ଦୁକି ଲୋଇରାନ୍‌ ସତାନ୍‍ନୋ ଜିସୁଙ୍ଗୁଁ ବେଟ୍‍ଆତାନ୍‍ । 
\v 3 ୱାଣ୍ତ୍ରୁ ଦୁକିଦୁ ତେବାଜି ମାର୍‌ଆନ୍‌, ୱାନିଙ୍ଗ୍‌ ଏନ୍‍ବା ସିକ୍‍ଣିଦାନ୍‍ ତର୍‌ତେଙ୍ଗ୍‍ଁ ଆଟ୍‍ଏଜିମାର୍ହାର୍‍ । 
\v 4 ୱାନ୍‌ ଏସାଦେବେଙ୍ଗ୍‍ ମେଟିଙ୍ଗ୍‍ ନି ଶିକ୍‍ଣିଦାନ୍‍ ତର୍‍ରାଇ ଆତାମାର୍‍ଆନ୍‍, ମାତର୍‌ ୱାନ୍‌ ସିକ୍‍ଣି ତେଉଜି ପକ୍‍ସି ମାର୍‌ଆନ୍‌ ମାରି ମେଟିଙ୍ଗ୍‍ କଣ୍ତ୍‌ କଣ୍ତ୍‌ କିଜି ରୁକ୍‍ସି ମାର୍‌ଆନ୍‌ ମାରି ୱାନିଙ୍ଗ୍‌ ତର୍‍ସୋ ଇଡ୍‌ଦେଙ୍ଗ୍‌ ଏ ବପୁବା ସିଲେତାତ୍‍ । 
\v 5 ୱାଣ୍ତ୍ରୁ ୱେଡ଼େ ନାଡ଼ା ୱିଜୁ ୱାଲେ ଦୁକିଗୁଟା ମାରି ଗରନ୍‌କାଙ୍ଗ୍‍ ତେବାଜି ଆଉଲି ଆଜିମାର୍ହାନ୍‍, ମାରି କାଲ୍‍କାଣ୍‍ ନିଜେଦି ମେନ୍ଧଲ୍‍ତିଙ୍ଗ୍‍ ଚିତ୍ରା କାବ୍ରା କିଜି କତାଜି ମାର୍‌ଆନ୍‌ ।
\p
\v 6 ୱାନ୍‌ ଆକରାନ୍‍ ଜିସୁଙ୍ଗୁଁ ସୁଡ଼ୁତାନ୍‌ନୋ ଉରୁକ୍‍ସି ୱାଜି ୱାନି ଆଗ୍‌ଡ଼ି ଆର୍‍ତାନ୍‍, 
\v 7 ମାରି ନାଣ୍ତ ଆଉଲି ଆଜି ଇର୍‌ଆନ୍‌, ଏ ୱିଜେରିଙ୍ଗ୍‍ ମୁସ୍‌କୁ ମାନି ମାପୁରୁଦି ମାରିସି ଜିସୁ, ନି ୱାଲେ ନା ଇନିକା ମାନାତ୍‌ ? ନିଙ୍ଗିଁ ମାପୁରୁଦି ଦର୍‌ତାନ୍‌ ମାଡ଼ିସ୍‌ କିଜିନା, ନାଙ୍ଗିଁ କାସ୍ଟୁ ସିମା । 
\v 8 ଇରିଙ୍ଗ୍‌ ଜିସୁ ୱାନିଙ୍ଗ୍‌ ଇର୍‌ଆ ମାର୍‌ଆନ୍‌, “ଏରେ ତାଗ୍‍ଇଆତ୍ମା, ଇୟା ଲୋକ୍‌ତିମାଣ୍‍କୁ ସହସ ସାଙ୍ଗ୍‍ଆ ।”
\p
\v 9 ମାରି, ଜିସୁ ୱାନିଙ୍ଗ୍‌ ୱେନ୍‌ବାତାନ୍‌, ନି ଦର୍‌ ଇନିକା ? ୱାନ୍‌ ଜିସୁଙ୍ଗୁଁ ଇର୍‌ଆନ୍‌, ନା ଦର୍‌ ବାହିନି, ଇରିଙ୍ଗ୍‌ ମାପୁ ନାଣ୍ତ । 
\v 10 ମାରି, ଜିସୁ ଏଣ୍ତେସ୍‌ ୱାନିକାଙ୍ଗ୍‌ ଆୟା ସାନ୍ଦିଦାନ୍‍ ଆତ୍‌ରେ ପୋକ୍‍ଏନ୍‍, ଆୟା ଉଣ୍ତିଙ୍ଗ୍‌ ଆୟା ଦୁବା ଆସ୍‍ତିକାନ୍‍ ୱାନିଙ୍ଗ୍‌ ନାଣ୍ତ ମାଡ଼ିସ୍‍କିତାନ୍‍ ।
\p
\v 11 ଆୟା ଲାକ୍‌ତୁରି ଗରନ୍‌ ଆଡ୍‍ଗି ଉଣ୍ତ୍ରି ପେରି ପାନ୍‍ଣ୍ତ୍ରିଙ୍ଗ୍‍ ମାନ୍ଦା ସାରାଜିମାର୍‌ଏ । 
\v 12 ମାରି, ତାଗ୍‌ଇ ଆତ୍‍ମେଙ୍ଗ୍‍ ଜିସୁଙ୍ଗୁଁ ମାଡ଼ିସ୍‍ କିଜି ଇର୍‌ଏ, “ଆୟା ପାନ୍‍ଡ୍ରିଙ୍ଗ୍‍ଆ ଲୋଇ ଡ଼ୁଗୁଦେଙ୍ଗ୍‍ ଇଜି ମାଙ୍ଗିଁ ୱାନିକା ମାନୁ ପୋକ୍‌ଆ ।” 
\v 13 ଜିସୁ ୱାନିକାଙ୍ଗ୍‌ ଆଦେସ୍‌ ସିତାନ୍‌ ଆକା, ତାଗ୍‌ଇ ଆତ୍‍ମେଙ୍ଗ୍‍ ସତେନୋ ପାନ୍‍ଡ୍ରିଙ୍ଗାଁ ଲୋଇ ଡ଼ୁଗିତେ; ଆୟା ପାନ୍‍ଡ୍ରି ମାନ୍ଧା ଉରୁକ୍‍ସି ସର୍‍ହେନୋ ଟିପୁଦାନ୍‍ ଉରୁକ୍‌ସି ସଲ୍‌ସି ସାମ୍‌ଦୁର୍‌ତୁ ଆର୍‌ଜି ମୁଡ଼ୁଗିତେ ସାତେ । ପାନ୍‍ଡ୍ରିଙ୍ଗ୍‍ ଇସାବ୍‌ ଦୁଇ ହଜାର୍‍ ମାର୍‍ହେ ।
\p
\v 14 ପାନ୍‍ଡ୍ରିଆଙ୍ଗ୍‍ ସାଆରା କିନି ଲୋକୁ ଉରୁକ୍‍ସି ସର୍‍ଆର୍‍ରୋ ଗାଡ଼୍‌କାଙ୍ଗ୍‌ ନି ନାର୍‍କାଙ୍ଗ୍‍ଁ ଆୟା ମାଟା ୱେର୍‌ତାର୍‌; ଆବେଟ୍‌ ଲୋକୁ ଇନିକା ଆତାମାନାତ୍‌ ଇଜି ସୁଡ଼ୁଗା ୱାତାର୍‌ । 
\v 15 ମାରି, ଲୋକୁ ଜିସୁ ଲାକ୍‌ତୁ ୱାତାରୋ ଆୟା ଆମାୱାନିଙ୍ଗ୍‌ କି ବାହିନି ଦୁବା ଆସ୍‌ତା ମାର୍‌ଆତ୍‌, ୱାନିଙ୍ଗ୍‌ ନେଗି ୱାତି ପିଡ଼୍‍ଗ୍‍ଜୋ ନେଗି ମୋନ୍‍ତାନ୍‍ ବାସ୍‍ତି ମାର୍‌ଇକା ସୁଡ଼ୁତାରୋ ତିଲାତାର୍‌ । 
\v 16 ଆମାକାର୍‌ ସୁଡ଼ୁତା ମାର୍‌ଆର୍‌, ୱାର୍‌ ଆୟା ଦୁବାକାସ୍ତି ୱାନିଙ୍ଗ୍‌ ଇନିକା ଆତାମାର୍‌ଆତ୍‌, ଆକା ନି ପାନ୍‍ଡ୍ରିଙ୍ଗାଁ ବିସୟତାନ୍ ୱାରିମାନୁ ୱେର୍‌ତାର୍‌ ।
\p
\v 17 ଆବେଟ୍‌ ୱାର୍‌ ୱାରି ରାଜିଦାନ୍‍ ଡ଼ିସ୍‌ସି ସନ୍‌ଡ଼୍ରେଙ୍ଗ୍‌ ଜିସୁଙ୍ଗୁଁ ମାଡ଼ିସ୍‍କିତାର୍‍ ।
\p
\v 18 ୱେନ୍‌କା ଜିସୁ ଡଙ୍ଗାଁଦୁ ଏକ୍‍ନିୱାଲେ, ଆମାୱାନିଙ୍ଗ୍‌ ଆଗ୍‌ଡ଼ି ଦୁବା କାସ୍ତା ମାର୍‌ଆତ୍‌, ୱାନ୍‌ ଜିସୁୱାଲେ ସନ୍‌ଡ଼୍ରେଙ୍ଗ୍‌ ଇଜି ରିଜା ମୁଜା ଇର୍‌ଆନ୍‌ ।
\p
\v 19 ମାତର୍‌ ଜିସୁ ୱାନିୱାଲେ ସନ୍‌ଡ଼୍ରେଙ୍ଗ୍‌ ସାରି ସିଏଣ୍ତା ୱାନିଙ୍ଗ୍‌ ଇର୍‌ଆନ୍‌, “ମି ଇନ୍‌ଡ୍ର, ମାରି ମି ନିଜେଦି ଲୋକାମାନୁ ସାଙ୍ଗ୍‍ଆ, ପ୍ରବୁ ନି ଉଣ୍ତିଙ୍ଗ୍‌ ଆମା ଆମା କାର୍ମୁ କିତାମାନାନ୍‍ ମାରି ନି ଉଣ୍ତିଙ୍ଗ୍‌ ଏମେ ଦୟା ତର୍‍ତା ମାନାନ୍‌, ଆୟାୱିଜୁ ୱିଜେରିଙ୍ଗ୍‍ ଇନ୍‌ଆଁ ।”
\p
\v 20 ଆବେଟ୍‌ ୱାଣ୍ତ୍ରୁ ସର୍‌ଆନ୍‌, ଜିସୁ ୱାନିଙ୍ଗ୍‌ ଆମା ଆମା ପାଣି କିତାମାର୍ହାନ୍‌, ଦଶ୍‌ଗୋଟା ଗାଡ଼୍‌କୁ ଦେକାପଲି ଇଜିମାନି ଦଶ୍‌ଗୋଟା ଗାଡ଼୍‌କାଙ୍ଗ୍‌ ରାଜିଦୁ ପ୍ରଚାର୍‌ କିଦେଙ୍ଗ୍‌ ଆସ୍‌ତାନ୍‌; ଆବେଟ୍‌ ୱିଜେରେ କାବାଆତାର୍‌ ।
\s ଜିସୁ ଜାଇରସ୍‍ତି ସାତି ଆଇଲିଦିଙ୍ଗ୍‍ ନିକ୍‍ତାନ୍‍ ମାରି ଅରେତ୍‌ ଆଇମାଦିଙ୍ଗ୍‍ ନେଗେଣ୍ତ୍‍ କିତାନ୍‌
\r (ମାତିଉ ୯:୧୮-୨୬; ଲୁକ ୮:୪୦-୫୬)
\p
\v 21 ଜିସୁ ଡଙ୍ଗାଁଦୁ ନାତାନ୍‍ନୋ ମାରିଡ଼େସି ସାମ୍‌ଦୁର୍‌ ଆୟାପାଡ଼ି ସର୍‌ଆନ୍‌ । ୱାନ୍‌ ସାମ୍‌ଦୁର୍‌ ପାଡ଼ିମାନିୱାଲେ ନାଣ୍ତ ଲୋକୁ ୱାନି ଲାକ୍‌ତୁ ଉଣ୍ତାତାର୍‌; ମାରି ଜିସୁ ସାମ୍‌ଦୁର୍‌ ପାଡ଼ି ତେବାତାନ୍‌ । 
\v 22 ନାସ୍ତିୱାଲେ ପାର୍‌ତନା ଇଲୁଦି ପେରିକାନ୍‌ ଜାଇରସ୍‍ ଦର୍‌ତି ଅରେନ୍‍ ଲୋକୁ ୱାଜି ଜିସୁଙ୍ଗୁଁ ସୁଡ଼ୁତାନ୍‌ନୋ ୱାନି ଆଗ୍‌ଡ଼ି ପାଡ଼୍‍ଗ୍‍ଜି ମାଡ଼ିସ୍‍କିତାନ୍‍, 
\v 23 ମାରି ଜିସୁଙ୍ଗୁଁ ନାଣ୍ତ ମାଡ଼ିସ୍‌ କିଜି ଇର୍‌ଆନ୍‌, “ନା ଗାଡ଼ି ସାତାମାନାତ୍‌; ନା ଗାଡ଼ି ଏଣ୍ତେସ୍‌ ନେଗେନ୍‍ ଆନାତ୍‍ନୋ ଜିନାତ୍‌, ଆୟା ଉଣ୍ତିଙ୍ଗ୍‌ ନିନୁ ୱାଜ ତାନି ମୁସ୍‌କୁ ନି କିୟୁ ଇଡିଆ ।”
\p
\v 24 ଆବେଟ୍‌ ଜିସୁ ୱାନିୱାଲେ ସର୍‌ଆନ୍‌, ମାରି ଲୋକୁ ୱିଜେରେ ୱାନି ୱାଲେୱାଲେ ସନ୍‌ଡ଼୍ରେଙ୍ଗ୍‌ ଆସ୍‌ତାର୍‌, ୱାର୍‌ ୱାନି ମୁସ୍‌କୁ ମାଟ୍‍ସି ସାଜି ମାର୍‌ଆର୍‌ ।
\p
\v 25 ନାସ୍ତିୱାଲେ ବାର ବାର୍‍ସେକ୍‍ ସାନ୍ଦି ସୁତୁକ୍‍ ଆନି ରୋଗ୍‌ ଆସ୍‍ତି ଆଇମା ମାରାଆତ୍‍, 
\v 26 ଆମାକାତ୍‍ କି ନାଣ୍ତ ଦୁକ୍‍ ବଗାଜି ଡାକ୍‌ତର୍‌କା ମାଣ୍‌କୁ ସେବା କିଆଇଆଜି ତାନେ ୱିଜୁ ଡାବୁଙ୍ଗୁଁ ୱିସ୍‌ତା ମାର୍‌ଆତ୍‌, ମାତର୍‌ ଏମେକାବା ନେଗେଣ୍ତ୍‍ ଆଏଣ୍ତା ନାଣ୍ତନେ ରୋଗ୍‌ ଆଜିମାର୍ହାତ୍‍, 
\v 27 ୱାଦୁ ଜିସୁ ବିସୟତାନ୍ ୱେର୍‍ଆଦୋ ନାଣ୍ତ ଲୋକୁ ଲୋଇରାନ୍‌ ୱେନ୍‌କା ସାରି ୱାତାଦୋ ୱାନି ୱାତି ଜାଲିଦିଙ୍ଗ୍‌ ମୁଟ୍‍ତାତ୍‍, ଇରିଙ୍ଗ୍‌ ୱାଦ୍‌ ଇଜିମାର୍‍ଆତ୍‍, 
\v 28 “ନାନୁ ଜିସୁ ୱାତି ମୁଟ୍‍ତିଙ୍ଗ୍‍ ନେଗେନ୍‍ ଆନା ।”
\p
\v 29 ଆୟା ଆଇମା ୱାନି ୱାତି ମୁଟ୍‍ତି ଦାପ୍ରେ ତାନି ସୁତୁକ୍‍ ଆନି ରୋଗ୍‌ ଡ଼ିସ୍‍ତାତ୍‍, ମାରି ଆୟା ଆଇମା ନାନ୍ ନେଗେନ୍‍ ଆତା ଇଜି, ମେନ୍ଦଲ୍‌ତୁ ନେସ୍‌ତେଙ୍ଗ୍‌ ଆଟ୍‍ତାତ୍‍ । 
\v 30 ଆୟାୱେନ୍‌କା ଜିସୁ ୱାନି ଲୋଇରାନ୍‌ ସାକ୍ତି ସହସି ସନିକା ନେସ୍‌ତାନ୍‌ନୋ ଲୋକୁ ଗହଳି ତରିଣ୍ତ୍‍ ମାର୍‍ତାନ୍‍ନୋ ୱେନ୍‌ବାତାନ୍‌, ଏନ୍‌ ନା ୱାତି ମୁଟ୍‌ତାନ୍‌ ?
\p
\v 31 ୱାନି ସିସୁର୍‍ ଇର୍ହାର୍‌, “ନିନ୍‍ତୋ ସୁଡ୍‍ଜିନି, ଲୋକ୍‌ଡର୍‌ ନି ସାରିବେଡ୍‍ତି ମାଟ୍‍ସି ସାଜିନାର୍‍, ମାରି ନିନ୍‌ ଇଜିନି, ଏନ୍‌ ନାଂଇ ମୁଟ୍‌ତାନ୍‌ ?”
\p
\v 32 ମାତର୍‌ ଏନ୍‌ ନାଂଇ ମୁଟ୍‌ତାନ୍‌, ନେସ୍‌ତେଙ୍ଗ୍‌ ଉଣ୍ତିଙ୍ଗ୍‌ ୱାନ୍‌ ସାରିବେଡ଼୍‍ତି ସୁଡ଼ୁଦେଙ୍ଗ୍‍ଆସ୍‌ତାନ୍‍ । 
\v 33 ୱିଜୁ ତାନେଙ୍ଗ୍‌ ଇନିକା ଆତାତ୍‌ଆକା ନେସ୍‍ତାଦୋ ଆୟା ଆଇମା ତିଲାଜି ତିର‍ଗ୍‍ଜି ତିର୍‍ଗ୍‍ଜି ୱାତାଦୋ ଜିସୁ କାଲ୍‌କା ଆଡ୍‍ଗି ମେଣ୍ତେଙ୍ଗ୍‍ ଗଟ୍‌କିଜି ୱିଜୁ ସତ୍‌ ମାଟା ୱେର୍‌ତାତ୍‌ । 
\v 34 ଜିସୁ ତାନିଙ୍ଗ୍‌ ଇର୍‌ଆନ୍‌, ଗାଡ଼ି, ନି ବିସ୍‌ବାସ୍‌ ନିଙ୍ଗିଁ ନେଗେନ୍‌ କିତାମାନାତ୍‌; ସାନ୍ତିଦାନ୍‍ ସାଙ୍ଗ୍‍ଆ ମାରି ନି ରୋଗ୍‌ତାନ୍‌ ନେଗେନ୍‍ ଆଜ ମାନ୍‌ଆ ।
\p
\v 35 ଜିସୁ ଇୟା ମାଟା ଇନିୱାଲେ, ପାର୍‌ତନା ଇଲ୍‌ତୁ ଅଦିକାର୍ ମାନି ଜାଇରସ୍‍ତି ଇନ୍‍ଡ୍ରଣାନ୍‍ ଏସୋଲୋକ୍‍ ୱାତା ରୋ ୱାନିଙ୍ଗ୍‌ ଇର୍ହାର୍‌, “ନି ଗାଡ଼ି ସାତାସରାତ୍‍ଲେ, ଗୁରୁଙ୍ଗ୍‍ ଏନ୍ଧା ମାରି କାସ୍ଟୁ ସିଜିନିଦେର୍‌ ?”
\p
\v 36 ଜିସୁ ଆୟାମାଟା ୱେର୍‍ଆନ୍‍ନୋ ୱେନ୍‍ଇ ୱାଜା ଆତାନ୍‍ନୋ ପାର୍‌ତନା ଇଲୁତୁ ଅଦିକାର୍ ମାନି ଯାଇରସ‍ତିଙ୍ଗ୍‍ ଇର୍‌ଆନ୍‌, “ତିଲାମା, ବିସ୍‌ବାସ୍‌ କିଆ ।” 
\v 37 ତାନେ ୱେନ୍‌କା ଜିସୁ ଯାଇରସତି ଇଲ୍‌ତୁ ସନ୍‌ଡ଼୍ରେଙ୍ଗ୍‌ ଇଜି ଯାକୁବ, ୱାନି ତଡ଼ାନ୍‌ ଯୋହନ ମାରି ପିତର୍‍ତିଙ୍ଗ୍‍ ଡ଼ିସ୍‌ତିଙ୍ଗ୍‌ ମାରି ଏଙ୍ଗ୍‌ବା ୱାନିୱାଲେ ଇଲୁ ଲୋଇ ଅଏତାନ୍‍ । 
\v 38 ୱାର୍‌ ଯାଇରସ୍‍ତି ଇଲ୍‌ତୁ ୱାତାର୍‌ ରୋ, ୱାନ୍‌ ଆଉଲି ଆନିକା ମାରି ଲୋକୁ ନାଣ୍ଡ ବର୍‍କୁକ୍‍ସି ଆଡ଼୍‍ବାନିକା ମାରି ଦୁଃକ୍‌ତାନ୍‌ ଆଡ଼୍‍ବାନିକା ସୁଡ଼ୁତାନ୍‍, 
\v 39 ଜିସୁ ଇଲୁ ଲୋଇ ସର୍‌ଆନ୍‌ ନୋ ଲୋକାଙ୍ଗ୍‌ ଇର୍‌ଆନ୍‌, “ଏନ୍ଧା ଆଉଲି ମାରି ଆଡ଼୍‍ବାଜିନିଦେର୍‍ ? ଗାଡ଼ି ସାଏତ୍‌, ମାତର୍‌ ୱାଦୁ ସୁସ୍‍ତାମାନାତ୍‍ । ଆବେଟ୍‌ ୱାର୍‌ ୱିଜେରେ ଜିସୁଙ୍ଗୁଁ ସେମାର୍‌ କିତାର୍‍ ।”
\p
\v 40 ଜିସୁ ୱିଜୁ ଲୋକାଙ୍ଗ୍‌ ଆତ୍‌ରେ ପୋକ୍‌ତାନ୍‌ ନୋ ଆଇଲିଦି ବୁବାସି ନି ଆଇସିଙ୍ଗ୍‍ ମାରି ୱାନି ମୁଏର୍‌ ଶିଶୁର୍‍ରିଙ୍ଗ୍‍ ୱାନିୱାଲେ ଆସ୍‍ତାନ୍‍ନୋ ଆଇଲି ଆମା ବାଡିଦୁ ଡରିତା ମାର୍‌ଆତ୍‌, ଆବେ ସର୍‍ଆର୍‍ରୋ ଡ଼ୁଗିତାର୍‍ । 
\v 41 ଜିସୁ ଆଇଲିଦି କିୟୁ ଆସ୍‌ସି ଇର୍‌ଆନ୍‌, “ଟାଲିଥାକୁମ୍‌,” ଇରିଙ୍ଗ୍‌ “ଏ ଆଇଲି, ନାନ୍ ନିଂଇ ଇଜିନା ନିଙ୍ଗିଁଆ ।”
\p
\v 42 ଆୟାଦାପ୍ରେ ଆଇଲି ନିଂଇତାଦୋ ବୁଲାଦେଙ୍ଗ୍‌ ଆସ୍‌ତାତ୍‌; ନାସ୍ତିୱାଲେ ଆଇଲିଦିଙ୍ଗ୍‍ ବାର ବାର୍ସେକ୍‌ ଆତାମାର୍‌ଆତ୍‌ । ଆବେଟ୍‌ ଇୟା ମାଟା ୱେର୍‌ଆର୍‌ ୱିଜେରେ ନାଣ୍ତ କାବାତାସର୍‍ଆର୍‍ । 
\v 43 ମାରି, ଇୟା ମାଟା ଏଣ୍ତେସ୍‌ ଏନ୍‍ବା ନେସ୍‌ଏର୍‌, ଆୟା ଉଣ୍ତିଙ୍ଗ୍‌ ଜିସୁ ୱାରିଙ୍ଗ୍‌ ଆଟ୍‍ୱାଦାନ୍‍ ମାଟା ୱେର୍‌ତାନ୍‌, ମାରି ଆଇଲିଦିଙ୍ଗ୍‍ ଇନ୍‍କାବା ଉଟ୍‍ପିସ୍‍କିଦେଙ୍ଗ୍‍ ଇଜି ୱାରିଙ୍ଗ୍‌ ଇର୍‌ଆନ୍‌ ।
\c 6
\s ନାଜରିତ୍‌ତି ଲୋକୁ ଜିସୁଙ୍ଗୁଁ ମାନ୍‌ଏତାର୍‌
\r (ମାତିଉ ୧୩:୫୩-୫୮; ଲୁକ ୪:୧୬-୩୦)
\p
\v 1 ଜିସୁ ଆୟାବାଡି ଡ଼ିସ୍‌ସି ସିସୁରିୱାଲେ ନିଜେ ଏମେ ବାଡ଼ିଦୁ ପିରିତା ମାର୍‌ଆନ୍‌ ଆୟା ବାଡ଼ିଦୁ ୱାତାର୍‌ ମାରି ୱାନି ଶିଶୁର୍‌ ୱାନି ୱାଲେ ୱାଲେ ସର୍‌ଆର୍‌ । 
\v 2 ରମ୍‍ନିଦିନ୍‍ ଇଗା ୱାତାତ୍‍ ଆକା, ଜିସୁ ପାର୍‌ତନା କିନି ଇଲୁଦୁ ସର୍‍ଆନ୍‍ନୋ ଶିକ୍ଷା ସିଦେଙ୍ଗ୍‍ ଆସ୍‌ତାନ୍‌; ମାରି, ଆବେ ମାର୍‍ହି ୱିଜେରେ ୱାନି ମାଟା ୱେର୍‍ଆର୍‍ରୋ କାବାଆଜି ଇର୍ହାର୍‌, “ଇୟା ଲୋକୁ ଇୟାୱିଜୁ ଶିକ୍ଷା ଆମାଣ୍‍କୁ ପ‍ଇତାନ୍‌ ? ଇୟା ୱାନିଙ୍ଗ୍‌ ଆମାଣ୍‍କୁ ବୁଦି ପୁଟ୍‍ତାମାନାତ୍‍ ? ମାରି ଏମେ ସାକ୍ତିଦି ପାଣି ୱେନି କିୟୁଦାନ୍‌ ଆଜିନାତ୍‍, ଇୟାୱିଜୁ ଇନିକା ? 
\v 3 ଇକାନ୍‌ ଆଜିନାନ୍‍ ଆୟା ବଡ଼େଇ ଆଏନ୍‌ । ୱେନି ଆଇସି ଦର୍‌ ମରିୟମ୍‌, ଯାକୁବ, ଯୋସି, ଯିହୁଦା ମାରି ସିମୋନ୍‌ ୱେନି ତଡ଼ାନ୍‌କୁ । ୱେନି ତାଙ୍ଗିଁକ୍‍ ମା ୱାଲେ ମାନେ ।” ଇୟାୱାଜା ଇଜି ୱାର୍‌ ଜିସୁଙ୍ଗୁଁ ମାନାଏତାର୍‍ ।
\p
\v 4 \x + \xo ୬:୪ \xo*\xt ଜୋହନ ୪:୪୪.\xt*\x*ଜିସୁ ୱାରିଙ୍ଗ୍‌ ଇର୍ହାନ୍‌, “ବାବବାଦିର୍‌ ନିଜେଦି ରାଜିଦୁ, ନିଜେଦି ଇଲ୍‌ତୁ ମାରି ନିଜେଦି ଲୋକାଙ୍ଗ୍‌ ଡ଼ିସ୍‌ତିଙ୍ଗ୍‌ ଆଇ ଲୋକାମାନୁ ସମ୍ମାନ୍‍ ପଇନାର୍‌ ।”
\p
\v 5 ଆୟା ବାଡିଦୁ ଜିସୁ ଏସୋ ରୋଗିଲୋକାଙ୍ଗ୍‍ ମୁସ୍‌କୁ କିୟୁ ଇଡ୍‌ଜି ନେଗେଣ୍ତ୍‌ କିନିକା ଡ଼ିସ୍‌ତିଙ୍ଗ୍‌ ମାରି ଇନି ନାଣ୍ତ କାବାଦି ପାଣି କିଦେଙ୍ଗ୍‌ ଆଟ୍‍ଏତାନ୍‍ । 
\v 6 ମାରି, ଜିସୁ ୱାରି ଅବିସ୍‍ବାସ୍‌ ସୁଡ଼୍‌ଜି କାବାଆତା ସରଆନ୍‌ ।
\s ଜିସୁ ବାର ଲୋକାଙ୍ଗ୍‌ ପୋକତାନ୍‌
\r (ମାତିଉ ୧୦:୫-୧୫; ଲୁକ ୯:୧-୬)
\p
\v 7 ୱେନ୍‌କା ଜିସୁ ସାରିବେଡ଼୍‍ତି ନାର୍‍କାଙ୍ଗ୍‍ଁ ନାର୍‍କାଙ୍ଗ୍‍ଁ ବୁଲାଜି ଶିକ୍ଷା ସିଦେଙ୍ଗ୍‍ ଆସ୍‌ତାନ୍‌ । ଆୟାୱାଲେ ଜିସୁ ବାରଲୋକ୍‌ ସିସୁରିଙ୍ଗ୍‌ ଲାକ୍‌ତୁ କୁକ୍‍ତାନ୍‍ନୋ ୱାରିଙ୍ଗ୍‌ ରିଏର୍‌ ରିଏର୍‌ କିଜି ପୋକ୍‌ତେଙ୍ଗ୍‌ ଆସ୍‌ତାନ୍‌ ମାରି ୱାରିଙ୍ଗ୍‌ ତାଗ୍‌ଇ ଆତ୍‌ମେଙ୍ଗ୍‌ଆଙ୍ଗ୍‌ ପେର୍‍ଦେଙ୍ଗ୍‍ ଅଦିକାର୍‍ ସିତାନ୍‌, 
\v 8 ମିର୍‌ ସନିୱାଲେ ଉଣ୍ତ୍ରି ବାଡିଗା ଡ଼ିସ୍‌ତିଙ୍ଗ୍‌ ରୁଟି, ବା ମଣି ବା ଡାବୁଙ୍ଗୁଁ ଇଡ୍‌ନି ମଣି ଅମାଟ୍‌ ଇଜି ଆଦେସ୍‌ ସିତାନ୍‌ । 
\v 9 ୱାରିଙ୍ଗ୍‌ ଜୁତେଙ୍ଗ୍‍ ବା ଯୋଡ଼୍‍କୁ ଆରାଦେଙ୍ଗ୍‍ ଇର୍‌ଆନ୍‌, ମାତର୍‌ ଆରାତିମାନି ଆଙ୍ଗିଁ ଡ଼ିସ୍‌ତିଙ୍ଗ୍‌ ଆଇକା ଅମାଟ୍‌ । 
\v 10 ମାରି, ଜିସୁ ୱାରିଙ୍ଗ୍‌ ଇର୍‌ଆନ୍‌, “ଆମା ଇନ୍‌ଡ୍ରଣି ଲୋକୁ ମିଙ୍ଗିଁ ମାନାନାର୍‌, ଆୟା ବାଡି ଡ଼ିସ୍‌ନି ସନି ସାନ୍ଦି ଆବେ ତେବାଦୁ । 
\v 11 \x + \xo ୬:୧୧ \xo*\xt ପ୍ରେରିତ ୧୩:୫୧.\xt*\x*\x + \xo ୬:୧୧ \xo*\xt ଲୁକ ୧୦:୪-୧୧.\xt*\x*ଜଦି ମିର୍‌ ଏମେ ନାର୍‍ତୁ ସନିଦେର୍‍ ଆୟା ବାଡ଼ିଦି ଲୋକୁ ମିଙ୍ଗିଁ ମାନାଏର୍‍, ବା ମି ମାଟା ୱେନ୍‌ଏର୍‌, ଆୟା ବାଡି ଡ଼ିସ୍‍ନିୱାଲେ ୱାରିମାନୁ ସାକି ସିଦେଙ୍ଗ୍‍ ମି ପାଦାମ୍‍କାଣି ଦୁଡ଼ି ସାଡ଼୍‍ତୁ ।”
\p
\v 12 ଇୟା ୱେନ୍‌କା ସିସୁର୍‌ ନାର୍‍କାଙ୍ଗ୍‍ଁ ସଲ୍‌ସି ପାପ୍‍ସାରି ଡ଼ିସ୍‌ସି ମନତିଙ୍ଗ୍‌ ଡ଼େପ୍‍ସି ରାଦୁ ଇଜି, ଆକା ଲୋକାମାନୁ ପ୍ରଚାର୍‌କିତାର୍‍ । 
\v 13 \x + \xo ୬:୧୩ \xo*\xt ଜାକୁବ ୫:୧୪.\xt*\x*ୱାର୍‌ ନାଣ୍ତ ଦୁବା କାସ୍ତି ଲୋକାଙ୍ଗ୍‌ ଦୁବେଙ୍ଗ୍‍ ଡ଼ିସିସ୍‍ କିତାର୍‍ ମାରି ନାଣ୍ତ ରୋଗ୍‌ ଲୋକାଙ୍ଗ୍‌ ନିୟୁ ଉସ୍‍ସି ନେଗେଣ୍ତ୍‍କିତାର୍ ।
\s ଡୁବନ୍‌ସିନି ଯୋହନତି ସାନିକା
\r (ମାତିଉ ୧୪:୧-୧୨; ଲୁକ ୯:୭-୯)
\p
\v 14 \x + \xo ୬:୧୪ \xo*\xt ମାତିଉ ୧୬:୧୪; ମାର୍କ ୮:୨୮; ଲୁକ ୯:୧୯.\xt*\x*ଜିସୁ ଦର୍‌ ୱିଜୁ ତରିନ୍‌ ୱେଙ୍ଗିଁତାତ୍‍ଆକା ୱାନି ବିସୟତାନ୍ ହେରୋଦ ରାଜା ୱେର୍‌ଆନ୍‌, ମାରି ଲୋକୁ ଇଜିମାର୍‌ଆର୍‌, “ଡୁବନ୍‌ସିନି ଯୋହନ ସାତିଲୋକାମାଣାନ୍‌କୁ ନିଙ୍ଗିଁତାମାନାନ୍‌, ଆୟା ଉଣ୍ତିଙ୍ଗ୍‌ ଇୟାୱିଜୁ ସାକ୍ତି ୱେନିମାନୁ ପାଣିକିଜିନାତ୍‍ ।”
\p
\v 15 ମାତର୍‌ ଆଇ ଲୋକ୍‌ଡର୍‌ ଇଜିମାର୍‌ଆର୍‌, “ୱାଣ୍ତ୍‍ରୁ ଏଲିୟ୍‌,” ମାରି ଏସୋ ଲୋକୁ ଇଜିମାର୍‌ଆର୍‌, “ପୁର୍ବେଦି ବାବବାଦିରି ୱାଜା ୱାଣ୍ତ୍‍ରୁ ବା ଅରେନ୍‍ ବାବବାଦି ।”
\p
\v 16 ମାତର୍‌ ହେରୋଦ ଇକା ୱେର୍‌ଆ ଇର୍‌ଆନ୍‌, “ନାନ୍ ଆମା ଯୋହନତି ତାଲା କଇତା ମାର୍ହା, ଆୟା ଯୋହନ ମାରିଡ଼େସି ନିଙ୍ଗିଁତାମାନାନ୍‌ ।” 
\v 17 \x + \xo ୬:୧୭ \xo*\xt ଲୁକ ୩:୧୯,୨୦.\xt*\x*ହେରୋଦ, ଯୋହନତିଙ୍ଗ୍‍ ତର୍‌ସି ଜଇଲ୍‌ତୁ ଇଡ୍‌ଦେଙ୍ଗ୍‌ ଆଦେସ୍‌ ସିତାମାର୍‍ଆନ୍‍, ଇରିଙ୍ଗ୍‌ ହେରୋଦ ୱାନି ତଡ଼ାନ୍‍ ପିଲିପ୍‍ତି ଆଡ଼୍‌ସି ହେରୋଦିଆଦିଙ୍ଗ୍‍ ପେଡ଼ି ଆତା ମାର୍‌ଆନ୍‌ ଆକା ଇକା କିତାନ୍‌ । 
\v 18 ଇରିଙ୍ଗ୍‌ ଯୋହନ ହେରୋଦତିଙ୍ଗ୍‍ ଇଜିମାର୍‌ଆନ୍‌, “ନିଜେଦି ତଡ଼ାନ୍‍ତି ଆଡ଼ିଦିଙ୍ଗ୍‍ ଇଡ୍‌ନିକା ନିୟମ୍‌ ସିଲେତ୍‌ ।”
\p
\v 19 ଇୟାଉଣ୍ତିଙ୍ଗ୍‌ ହେରୋଦିଆ ଯୋହନତିଙ୍ଗ୍‍ ଶାତ୍ରୁୱାଜା ସୁଡ଼୍‌ଜି ରିସା ଆତାଦୋ ସାୟାମାର୍‌ଗା ଡାକ୍‌ତେଙ୍ଗ୍‌ ବଦା କିଜିମାର୍‌ଆତ୍‌, ମାତର୍‌ ଆଟ୍‍ଏଜି ମାର୍‌ଆତ୍‌; 
\v 20 ଇରିଙ୍ଗ୍‌ ହେରୋଦ ଯୋହନତିଙ୍ଗ୍‍ ଅରେନ୍‍ ଦାର୍ମୁ ମାରି ପବିତ୍ର ଲୋକ୍‌ ଇଜି ନେସ୍‌ସି ତିଲାଜି ମାର୍‌ଆନ୍‌, ମାରି ଯୋହନତିଙ୍ଗ୍‍ ରକ୍ଷା କିଦେଙ୍ଗ୍‌ ବଦାକିଜି ମାର୍‌ଆର୍‌, ମାରି ହେରୋଦ ଯୋହନତି ମାଟା ୱେନ୍‌ଜି ନାଣ୍ଡ ତରବର ଆଜିମାର୍ହାନ୍‍ ଆତିଙ୍ଗ୍‌ବା ୱେଡ଼ିକାଦାନ୍‌ ଆୟା ମାଟା ୱେନ୍‍ଜି ମାର୍‍ଆନ୍‍ ।
\p
\v 21 ସାରାସାରି ଏସ ଦିନ୍‌ ୱେନ୍‌କା ହେରୋଦିଆଦିଙ୍ଗ୍‍ ଉଣ୍ତ୍ରି ସାରି ତରିତାତ୍‌ । ହେରୋଦ ୱାନି ଜନମ୍‌ ଦିନ୍‍ତୁ ୱିଜୁ ପେରି ପେରି ଲୋକାଙ୍ଗ୍‌, ସେନାପତିରିଙ୍ଗ୍‍ ମାରି ଗାଲିଲିଦି ୱିଜୁ ପେରି ଲୋକାଙ୍ଗ୍‌ ଉଣ୍ତେଙ୍ଗ୍‌ ନାଡ଼ା ସମୟତୁ ଉଣ୍ତ୍ରି ବୋଜି ତିଆର୍‌ କିତାନ୍‌; 
\v 22 ମାରି, ହେରୋଦିଆଦି ଗାଡ଼୍‌ସି ଲୋଇ ୱାତାତ୍‌ଦ ଗାତ୍‍ସି ହେରୋଦ ମାରି ବୋଜିଦୁ ବାସ୍‍ତି ମାର୍‍ହି କୁଡ଼ାଆଙ୍ଗ୍‍ ମୋନ୍‌ତିଙ୍ଗ୍‌ ୱେଡ଼ିକା କିବିସ୍‍କିତାତ୍‍ । ଆବେଟ୍‌ ହେରୋଦ ରାଜା ଗାଡ଼୍‍ସିଙ୍ଗ୍‍ ୱେନ୍‌ବାତାନ୍‌, “ନିନ୍‌ ଇନିକା ବଦାକିଜିନି, ଲସ୍‌ଆ, ନାନ୍ ଆକା ନିଂଇ ସିନା ।” 
\v 23 “ନାନ୍ ପାର୍‌ମାଣ୍‌ କିଜି ଇଜିନା, ନିନ୍‌ ଆମାକା ଲସ୍‌ନି, ଆକା ରାଜିଦି ଆଧା ବାଗ୍‌ ବା ସିନା ।”
\p
\v 24 ଆବେଟ୍‌ ଗାଡ଼୍‌ସି ଆତ୍‌ରେ ସର୍ହାଦୋ ତାନି ଆଇସିଙ୍ଗ୍‍ ୱେନ୍‌ବାତାତ୍‌, ନାନୁ ଇନିକା ଲସ୍‍ନା ? ତାମେ ଆଇସି ଦାପେ ଦାପେ, ତାନେଙ୍ଗ୍‌ ଇର୍ହାତ୍‌, “ନିନୁ ଡୁବନ୍‌ ସିନି ଯୋହନତି ତାଲା ଲସ୍‌ଆ ।”
\p
\v 25 ଆୟାଦାପ୍ରେ ଗାଡ଼୍‌ସି ରାଜାମାନୁ ଉରୁକ୍‌ସି ୱାଜି ଇର୍ହାତ୍‌, “ନା ବଦା ଯେ, ନିନ୍‌ ଡୁବନ୍‌ସିନି ଯୋହନତି ତାଲା ଇୟାଦାପ୍ରେ ନାଂଇ ଉଣ୍ତ୍ରି ସାଡ଼୍‍ୱାଦୁ ସିଦା ।”
\p
\v 26 ଇକା ମାଟା ୱେନ୍‌ଜି ହେରୋଦ ରାଜା ନାଣ୍ତ ଦୁଃଖ କିତାନ୍‌ ମାତର୍‌ କୁଡ଼ାଆଙ୍ଗାଁ ଆଗ୍‌ଡ଼ି ପାର୍‌ମାଣ୍‌ କିତାମାର୍ହାନ୍‌ଆକା ସିଲେ ଇନ୍‌ଡ୍ରେଙ୍ଗ୍‌ ଆଟ୍‍ଏତାନ୍‍ । 
\v 27 ଆବେଟ୍‌ ରାଜା ଦାପ୍ରେ ଅରେନ୍‍ ସନ୍ୟଙ୍ଗ୍‍ ପୋକ୍‌ତାନ୍‌ ନୋ ଯୋହନତି ତାଲା ତାତେଙ୍ଗ୍‌ ଆଦେସ୍‌ ସିତାନ୍‌ । ୱାଣ୍ତ୍ରୁ ସର୍‌ଆନ୍‌ ନୋ ଜଇଲି ଲୋଇ ଯୋହନତି ତାଲା କଇତାନ୍‍, 
\v 28 ଯୋହନତି ତାଲା ଉଣ୍ତ୍ରି ସାଡ଼୍‍ୱାଦୁ ତାତାନ୍‍ ନୋ ଆଇଲିଦିଙ୍ଗ୍‍ ସିତାନ୍‌, ଆୟାକା ଆଇଲି ଆସ୍‍ତାଦୋ ତାମେ ଆଇସିଙ୍ଗ୍‍ ସିତାତ୍‌ । 
\v 29 ଯୋହନତି ସିସୁର୍‍ ଆୟା କାବୁର୍‌ ୱେର୍‌ଆର୍‌ରୋ ୱାତାର୍‌ ମାରି ୱାନି ସାତି ମାଡ଼ା ଆସ୍‌ତା ଅତାରୋ ଦୁକି ଗୁଟାଦୁ ମୁସ୍‌ତାର୍‌ ।
\s ଜିସୁ ପାସ୍‌ ହାଜାର୍‌ ଲୋକାଙ୍ଗ୍‌ ଉଠ୍‌ପିସ୍‍ କିତାନ୍‌
\r (ମାତିଉ ୧୪:୧୩-୨୧; ଲୁକ ୯:୧୦-୧୭; ଜୋହନ ୬:୧-୧୪)
\p
\v 30 ୱେନ୍‌କା ସିସୁର୍‍ ଜିସୁ ଲାକ୍‌ତୁ ଉଣ୍ତାତାର୍‌, ୱାରୁ ଏମେ ଏମେକା କିତାମାର୍‍ଆର୍‍ ମାରି ଏମେ ଏମେକା ଶିକ୍ଷା ସିତାମାର୍‍ଆର୍‍, ଆୟାୱିଜୁ ୱାନିଙ୍ଗ୍‌ ୱେର୍‌ତାର୍‌ । 
\v 31 ଆବେଟ୍‌ ୱାନ୍‌ ୱାନି ସିସୁରିଙ୍ଗ୍‌ ଇର୍‌ଆନ୍‌, “ସାଦୁ ମାଡୁ ଏର୍‍ନାଡ ଉଣ୍ତ୍ରି ସିମ୍ରା ବାଡିଦୁ ସନାଟ୍‌ । ଆବେ ଏସୋ ସମୟ ରୋମ୍‍ନାଟ୍‍ ।” ଇରିଙ୍ଗ୍‌ ନାଣ୍ତ ଲୋକୁ ୱିଜେରେ ସନିକା ୱାନିକା ଆଜିମାର୍ହାର୍‍ ଆକା ୱାରିଙ୍ଗ୍‌ ଉଣ୍ତେଙ୍ଗ୍‌ ବା ସମୟ ସିଲେତାତ୍‍ । 
\v 32 ଆୟାୱେନ୍‌କା ଜିସୁ ମାରି ୱାନି ଶିଶୁର୍‌ ଡଙ୍ଗାଁଦୁ ଏକ୍‍ତାର୍‍ନୋ ଉଣ୍ତ୍ରି ସିମ୍ରା ବାଡିଦୁ ସନ୍‌ଡ଼୍ରେଙ୍ଗ୍‌ ସତାର୍‍ ।
\p
\v 33 ମାତର୍‌ ୱାର୍‌ ସନିୱାଲେ ଏସୋ ଲୋକୁ ୱାରିଙ୍ଗ୍‌ ସୁଡ଼୍‌ଜି ମାରି ସିନିସ୍‍ କିତାର୍‍, ମାରି ଲୋକୁ ୱିଜେରେ ୱିଜୁ ଗାଡ୍‌କାଣାକୁ ପାଦାମ୍‌କାଣ୍‌କୁ ଆବେ ଅର୍‌ସେ ଉରୁକ୍‍ସି ସରଆର୍‌ ରୋ ୱାରି ଆଗିଡ଼ି ଇଗା ସରଆର୍‌ । 
\v 34 \x + \xo ୬:୩୪ \xo*\xt ମାତିଉ ୯:୩୬.\xt*\x*ଜିସୁ ଡଙ୍ଗାଁଦାନ୍‍ ସତାନ୍‍ନୋ ନାଣ୍ତ ଲୋକାଙ୍ଗ୍‌ ସୁଡ଼୍‌ଜି ୱାରି ଉଣ୍ତିଙ୍ଗ୍‌ ଦୁଃକ୍‌‍ କିତାନ୍‌, ଇରିଙ୍ଗ୍‌ ୱାର୍‌ ଗାଉଡ଼ୁ ସିଲି ମେଣ୍ତେଙ୍ଗାଁ ମାନ୍ଦା ୱାଜା ୱାର୍‌ ସାକାସିଲିକା ନି ସିନ୍ତା ଆଜିମାର୍ହାର୍‍; ମାରି, ୱାଣ୍ତ୍ରୁ ୱାରିଙ୍ଗ୍‌ ନାଣ୍ତ ସିକିୟା ସିଦେଙ୍ଗ୍‍ ଆସ୍‌ତାନ୍‌ । 
\v 35 ନାଣ୍ତ ୱେଡ଼ା ଆତାତ୍‌ଆକା ୱାନି ସିସୁର୍‍ ୱାନି ଲାକ୍‌ତୁ ୱାତା ଇର୍ହାର୍‌, “ଇୟାବାଡିତୋ ସିମ୍ରା, ମାରି ନାଣ୍ତ ୱେଡ଼ା ଆତାତ୍‌ନି; 
\v 36 ଲୋକୁ ଏଣ୍ତେସ୍‌କି ସାରିବେଡ଼୍‍ତି ନାର୍‍କାଙ୍ଗ୍‍ଁ ସନାର୍‌ ନିଜେ ନିଜେଦି ଉଣ୍ତିଙ୍ଗ୍‌ ଏସୋ ଉଣି ଖାଦି କଣାର୍‍, ଆୟାଉଣ୍ତିଙ୍ଗ୍‌ ୱାରିଙ୍ଗ୍‌ ପୋକ୍‌ଆ ।”
\p
\v 37 ମାତର୍‌ ଜିସୁ ୱାରିଙ୍ଗ୍‌ ଇର୍ହାନ୍‌, “ମିର୍‌ ୱାରିଙ୍ଗ୍‌ ଉଣ୍ତେଙ୍ଗ୍‌ ସିଦୁ,” ସିସୁର୍‌ ୱାନିଙ୍ଗ୍‌ ଇର୍ହାର୍‌, “ମାପ୍‌ ଇନିକା ଆଟ୍‍ଗୋଟା ଲେଜ୍‍ତି କୁଲି ଡାବୁଦାନ୍‍ ରୁଟି କଣାପ୍‍ ୱେରିଙ୍ଗ୍‌ ସିନାପ୍‍ ?”
\p
\v 38 ଜିସୁ ୱାରିଙ୍ଗ୍‌ ଇର୍‌ଆନ୍‌, “ମି ଲାକ୍‌ତୁ ଏସୋ ଗୋଟା ରୁଟିଙ୍ଗ୍‌ ମାନେ ? ସଲ୍‍ସ ସୁଡ଼୍‍ଦୁ ।” ସିସୁର୍‌ ସର୍‌ଆ ୱେର୍‌ଆ ୱାତା ରୋ ୱାନିଙ୍ଗ୍‌ ଇର୍ହାର୍‌, “ପାସ୍‌ଗୋଟା ରୁଟିଙ୍ଗ୍‌ ମାରି ରୁଣ୍ତି ମିନ୍‌କୁ ମାନେ ।”
\p
\v 39 ୱିଜେରେ ଏଣ୍ତେସ୍‌କି ଧାଡ଼ି ଧାଡ଼ି ଆଜି କଡ଼୍‍କି ଲାଟା ମାନି ବାଡିଦୁ ବାସ୍‍ନାର୍‍, ଆୟା ଉଣ୍ତିଙ୍ଗ୍‌ ଜିସୁ ବାସିସ୍‌ କିଦେଙ୍ଗ୍‌ ୱାରିଙ୍ଗ୍‌ ଆଦେସ୍‌ ସିତାନ୍‌ । 
\v 40 ଆବେଟ୍‌ ୱିଜେରେ ଶହେ ଶହେ ଲୋକୁ ମାରି ପଚାସ୍‍ ପଚାସ୍‍ ଲୋକୁ ଧାଡ଼ି ଆଜି ବାସ୍‌ତାର୍‌ । 
\v 41 ଆୟାୱେନ୍‌କା ଜିସୁ ଆୟା ପାସ୍‌ଗୋଟା ରୁଟିଙ୍ଗ୍‌ ମାରି ରୁଣ୍ତି ମିନ୍‌କୁ ଅସି ସ୍ୱର୍ଗ ମୁସ୍‌କୁ ସୁଡ଼୍‌ଜି ମାପୁରୁଦିଙ୍ଗ୍‌ ଦନ୍ୟବାଦ୍‌ ସିତାନ୍‌ ମାରି ରୁଟିଙ୍ଗ୍‌ ରୁକ୍‍ସି ଲୋକାଙ୍ଗ୍‌ ବାଟାକିଜି ସିଦେଙ୍ଗ୍‍ ସିସୁରିଙ୍ଗ୍‌ ସିତାନ୍‌ । ଆୟା ରୁଣ୍ତି ମିନ୍‍କାଙ୍ଗ୍‍ ବା ବାଟାକିଜି ସିଦେଙ୍ଗ୍‍ ସିତାନ୍‌ । 
\v 42 ୱିଜୁ ଲୋକୁ ୱିଜେରେ ତିର୍‌ଆରୋ ପଟାପାଜିତାର୍‍ । 
\v 43 ଇୟା ୱେନ୍‌କା ସିସୁର୍‌ ଏଜିତି ରୁଟିଙ୍ଗ୍‌ ମାରି ମିନ୍‌କୁ ମୋକେଙ୍ଗ୍‍ ପେର୍ଜି ବାରଗୋଟା ଡାଡ଼ିଦୁ ବର୍ତି କିତାର୍‌ । 
\v 44 ଏମେ ଲୋକ୍‌ଡର୍‌ ଇୟା ରୁଟିଙ୍ଗ୍‌ ତିର୍ହା ମାର୍‍ଆର୍‍, ୱାରି ଲୋଇ ଆବ୍‍କା ମେମାର୍‍ଙ୍ଗୁଁ ଲୋକୁନେ ୫,୦୦୦ ହାଜାର୍‌ ମାର୍‌ଆର୍‌ ।
\s ଜିସୁ ଏର୍‌ ମୁସ୍‌କୁ ବୁଲାତାନ୍‌
\r (ମାତିଉ ୧୪:୨୨-୩୩; ଜୋହନ ୬:୧୫-୨୧)
\p
\v 45 ଆୟାଦାପ୍ରେ ଜିସୁ ୱାନି ସିସୁରିଙ୍ଗ୍‌ ଡଙ୍ଗାଁଦୁ ବାସିସ୍‌ତାନ୍‌ ନୋ ସାମ୍‌ଦୁର୍‌ତୁ ଆୟା ପାଡ଼ିଦି ବେତ୍‍ସାଇଦାଦୁ ୱାନି ଆଗ୍‍ଡ଼ିନେ ସଣ୍ଡ୍ରେଙ୍ଗ୍‌ ଇର୍ହାନ୍‌, ଆବେଟ୍‌ ଲୋକାଙ୍ଗ୍‌ ଜିସୁ ପୋକ୍‌ତାନ୍‌ । 
\v 46 ଜିସୁ ଲୋକାଙ୍ଗ୍‌ ପୋକ୍‍ତି ୱେନ୍‌କା ୱାନ୍‌ ପାର୍‌ତନା କିଦେଙ୍ଗ୍‌ ଇଜି ଗରନ୍‌ ମୁସ୍‌କୁ ସର୍ହାନ୍‍ । 
\v 47 ମିଲିମିଲିକା ଆଜି ୱାନିୱାଲେ ଡଙ୍ଗାଁ ସାମ୍‌ଦୁର୍‌ ନାଡ଼୍‍ମି ମାର୍‌ଆତ୍‌ ମାରି ୱାନ୍‌ ପାଡ଼ି ଅରେନ୍‍ ମାର୍‌ଆନ୍‌ । 
\v 48 ଜିସୁ ସୁଡ଼ୁତାନ୍‌ ଯେ ସିସୁରି ଡଙ୍ଗାଁଦି ସାଟ୍‍ୱା ଡାକ୍‌ତେଙ୍ଗ୍‍ଁ ଇଜି ନାଣ୍ତ ବାଦାଜି ମାର୍‌ଆର୍‌ । ଇରିଙ୍ଗ୍‌ ନାସ୍ତିୱାଲେ ଗାଲି ୱାରି ଆଗ୍‌ଡ଼ି ସାରି ୱାଜି ମାର୍‌ଆତ୍‌ । ସାଲ୍‍ଦି ଆନିୱାଲେ ଜିସୁ ଏର୍‌ ମୁସ୍‌କୁ ବୁଲାଜି ବୁଲାଜି ଶିଶୁରି ଲାକ୍‌ତୁ ୱାତାନ୍‌, ୱାଣ୍ତ୍ରୁ ସିସୁରି ଲାକ୍‌ତୁରାନ୍‌ ଆଜି ଆଗ୍‌ଡ଼ି ସନ୍‌ଡ଼୍ରେଙ୍ଗ୍‌ ବଦା କିଜି ମାର୍ହାନ୍‍ 
\v 49 ମାତର୍‌ ସିସୁର୍‌ ୱାନିଙ୍ଗ୍‌ ସାମ୍‌ଦୁର୍‌ ମୁସ୍‌କୁ ବୁଲାନିକା ସୁଡ଼ୁତାରୋ, “ଦୁବା ଇଜି” ଅଡ୍‍ବିତାରୋ ନାଣ୍ତ ଆଉଲି ଆତାର୍‌, 
\v 50 ଇରିଙ୍ଗ୍‌ ୱିଜେରେ ଜିସୁଙ୍ଗୁଁ ସୁଡ଼ୁତାର୍‌ ତିଲାତା ସର୍‍ହାମାର୍‍ଆର୍‍ । ମାତର୍‌ ଜିସୁ ଆୟାଦାପ୍ରେ ୱାରିୱାଲେ ୱାର୍‌ଗିଜି ୱାରିଙ୍ଗ୍‌ ଇର୍‌ଆନ୍‌, ସାସ୍‌ ଆସ୍‌ତୁ, ତିଲାମାଟ୍‌, “ନାନ୍ ତୋ ଜିସୁ ।” 
\v 51 ଜିସୁ ୱାରି ଲାକ୍‌ତୁ ସର୍‍ଆନ୍‍ନୋ ଡଙ୍ଗାଁଦୁ ଏକ୍‍ତାନ୍‍, ଆବେଟ୍‌ ଗାଲି ତିର୍‌ ଆତାତ୍‌ । ସିସୁର୍‌ ମନ୍ ଲୋଇ ନାଣ୍ତ କାବାଆତା ସରଆର୍‌ । 
\v 52 ଇରିଙ୍ଗ୍‌ ୱାର୍‌ ପାସ୍‌ ହଜାର୍‍ ଲୋକାଙ୍ଗ୍‌ ରୁଟିଙ୍ଗ୍‌ ଉଠ୍‌ପିସ୍‌କିତି ବିସୟଦି ଅର୍ତ ବୁଝାଏତା ମାର୍‌ଆର୍‌, ଇରିଙ୍ଗ୍‌ ୱାରି ବୁଦ୍ଧି ଗୁପାତା ମାର୍‌ଆତ୍‌ ।
\s ଜିସୁ ଗିନେସର୍‍ତୁ ନାଣ୍ତ ରୋଗ୍‌ ଲୋକାଙ୍ଗ୍‌ ନେଗେଣ୍ତ୍‍ କିତାନ୍‌
\r (ମାତିଉ ୧୪:୩୪-୩୬)
\p
\v 53 ଜିସୁ ମାରି ୱାନି ସିସୁର୍‌ ସାମ୍‌ଦୁର୍‌ ନାସି ଗିନେସରତି ସାନ୍ଧିଦୁ ୱାତାର୍‍ନୋ ସାମ୍‌ଦୁର୍‌ ପାଡ଼ି ଡଙ୍ଗାଁ ତର୍‍ତାର୍ । 
\v 54 ୱାର୍‌ ଡଙ୍ଗାଁଦାଣ୍ତ୍‍ ରେତି ୱାତିଦାପ୍ରେ ଲୋକୁ ଜିସୁଙ୍ଗୁଁ ସୁଡ଼୍‌ଜି ସିନିସ୍‍ତାର୍‍ । 
\v 55 ଆବେଟ୍‌ ଆୟା ସାରିବେଡ୍‍ତି ନାର୍‌କାଙ୍ଗ୍‌ ଉର୍‌କୁସି ସର୍‌ଆର୍‌ । ଜିସୁ ଆମା ଆମା ବାଡ଼ିଦୁ ମାର୍‌ଆନ୍‌ ମାରି ଲୋକୁ ୱିଜେରେ ରୋଗ୍‌ ଲୋକାଙ୍ଗ୍‌ କାଟେଲ୍‍ତୁ ପିଣ୍ତ୍‍ଜି ଜିସୁମାନୁ ତାତାର୍‌ । 
\v 56 ଜିସୁ ଏମେ ଏମେ ନାର୍‍, ଗାଡ଼୍‌ ମାରି ଲୋଇରି ନାର୍‌କାଙ୍ଗ୍‌ ସର୍‍ହାନ୍‍, ଲୋକ୍‌ ୱିଜେରେ ୱିଜୁ ବାଡ଼ିଦି ରୋଗିଲୋକାଙ୍ଗ୍‍ ସାତାଦୁ ତାତାରୋ ଉଣ୍ତାକିତାର୍‍, ମାରି ରୋଗିଲୋକ୍‍ ଏଣ୍ତେସ୍‌କି ୱାନି ୱାତି ଜାଲି ଅଡ଼ପ୍‍ ମୁଟ୍‍ନାର୍‍, ଆୟାଉଣ୍ତିଙ୍ଗ୍‌ ଜିସୁଙ୍ଗୁଁ ମାଡ଼ିସ୍‌ କିତାର୍‍; ମାରି ଏସୋ ଲୋକ୍‌ଡର୍‌ ଜିସୁଦି ୱାତି ଜାଲି ମୁଟ୍‍ତାର୍‍ ଆୟା ଲୋକ୍‌ଡର୍‌ ନେଗେନ୍‍ ଆତାର୍‌ ।
\c 7
\s ପୁର୍ବେଦି ଲୋକା ମାଟା
\r (ମାତିଉ ୧୫:୧-୯)
\p
\v 1 ୱେନ୍‌କା ପାରୁସିର୍‌ ମାରି ଜିରୁସାଲାମ୍‍ତାନ୍‌ ୱାତି ମାର୍‍ଇ ଏସୋ ସାସ୍ତ୍ରିର୍‌ ଜିସୁ ସାରିବେଡ୍‍ତି ଉଣ୍ତାତାର୍‌ । 
\v 2 ୱାର୍‌ ସୁଡ଼ୁତାର୍‌ ଯେ, ୱାନି ଏସୋ ସିସୁର୍‍ ଜିହୁଦିରି ଇସାବ୍‌ତାନ୍‌ କିୟୁ ନର୍‍ବାଏଣ୍ତା ଉଣୁଜି ମାର୍‌ଆର୍‌ ।
\p
\v 3 ପାରୁସିର୍‌ ମାରି ୱିଜେରେ ଯିହୁଦୀଲୋକ୍‍ ୱାରି ପୁର୍ବେଦି ନେତାରି ରୀତିନୀତି ମାନାଜି ନେଗେଣ୍ତ୍‍ କିୟୁ ନର୍‍ବାଏତିଙ୍ଗ୍‍ ୱାର୍‌ ଉଣୁଏର୍‌, 
\v 4 ସାତାଦୁ ସର୍‍ହି ୱାତି ୱେନ୍‌କା ନିଜେ ନିଜେଦି ମୁସ୍‌କୁ ଏର୍‌ ଲଜାଏତିଙ୍ଗ୍‍ ଉଣୁଏର୍‌; ମାରି ଗିନା, ମୁତା ମାରି କସ୍‍ ନକି ଏର୍‌ତୁ ମୁଡ଼ୁକିିସି ନର୍‍ବାନିକା, ଖାଟେଲ୍‍ତୁ ଏରୁ ସିଲିକ୍‌ନିକା ୱିଜୁ ଆଇ ରୀତିନୀତି ମାନାଦେଙ୍ଗ୍‌ ଇଜି ୱାର୍‌ ଆଦେସ୍‌ ପଇତା ମାର୍‌ଆର୍‌ ।
\p
\v 5 ପାରୁସିର୍‌ ମାରି ସାସ୍ତ୍ରିର୍‌ ଜିସୁଙ୍ଗୁଁ ଇର୍ହାର୍‌, “ନି ସିସୁର୍‍ ପୁର୍ବେଦି ନେତାରି ରୀତିନୀତି ଦାଣ୍ତ୍‍ ସାଲାଏଣ୍ତା କିକୁ ନର୍‍ବାଏଣ୍ତା ଏନ୍ଦା ଉଣୁଜିନାର୍‌ ?”
\p
\v 6 ଜିସୁ ୱାରିଙ୍ଗ୍‌ ଇର୍ହାନ୍‌, ଏ ସାଲାକିଦି, ଜିସାଇୟ ବାବବାଦି ମି ବିସୟତୁ ଟିକ୍‍ତାନ୍‍ ମାଟା ୱେର୍‍ତା ମାନାନ୍‌, ଏଣ୍ତେସ୍‌ ରାସାତାମାନାତ୍‌,
\q1 ମାପୁରୁ ଇନାନ୍‌, ଇୟା ଜାତିଦି ଲୋକ୍‌ଡର୍‌ ମାଙ୍ଗିଁ ତାମେ ମକମିନେ ମାନାନାର୍‌,
\q1 ମାତର୍‌ ୱାରି ଜିବନ୍‌ ମାବାଣ୍‍କୁ ଆକ ତେବାନାତ୍‍ ।
\q1
\v 7 ୱାର୍‌ ଲୋକୁ ତିଆର୍‌ କିତିମାନି ରୀତିନୀତି ଦିଙ୍ଗ୍‍ ମାପୁରୁଦି ଆଦେସ୍‌ ଇଜି ଶିକ୍ଷା ସିନାର୍‍
\q1 ଆର୍‍ଏନେ ମା ସେବା କିଜିନାର୍‍ ।
\p
\v 8 “ମିର୍‌ ମାପୁରୁଦି ଆଦେସ୍‌ ଡ଼ିସ୍‌ସି ଲୋକୁ ତିଆର୍‍କିତି ନିୟମ୍‌ତିଙ୍ଗ୍‌ ଆସ୍‍ସିନିଦେର୍‍ ।”
\p
\v 9 ମାରି ଜିସୁ ୱାରିଙ୍ଗ୍‌ ଇର୍ହାନ୍‌, ମିର୍‌ ମି ସାଲାକିଦାନ୍‍ ମାପୁରୁଦି ମାଟାଦିଙ୍ଗ୍‌ ମାନାଇଜିନିଦେର୍‍ । 
\v 10 ଇରିଙ୍ଗ୍‌ ମୋସା ନିୟମ୍‌ ସିତାମାନାନ୍‌, ମି ବୁବା ୟାୟାଏଙ୍ଗ୍‍ ମାନାଦୁ, ମାରି ଏନ୍‌ ନିଜେଦି ବୁବା ନି ୟାୟାଙ୍ଗ୍‌ ଆନାଦୁରିଆ ସିନାନ୍‌, ୱାଣ୍ତ୍ରୁ ଏଣ୍ତେସ୍‌ କିଜିବା ସାନି ଦଣ୍ଡ୍‌ ପଇନାନ୍‌ । 
\v 11 ମାତର୍‌ ମି ଇନ୍‌ଡ୍ର, ଜଦି ଅରେନ୍‍ ଲୋକ୍‌ତିମାନୁ ୱାନି ବୁବା ୟାୟାଏଙ୍ଗ୍‍ ସାହାଜ୍ୟ କିଦେଙ୍ଗ୍‌ ମାନାତ୍‌, ମାତର୍‌ ଆୟା ଲୋକୁ ଇଜିନାନ୍‌, କାର୍ବାନ୍‍ ମାପୁରୁତିଙ୍ଗ୍‍ ପୁଜା ସିତାମାନା । 
\v 12 ଆଦେଙ୍ଗ୍‌ ମିର୍‌ ୱାନିଙ୍ଗ୍‌ ୱାନି ବୁବା ୟାୟାଦିଙ୍ଗ୍‍ ସାହାଜ୍ୟ କିନି ଉଣ୍ତିଙ୍ଗ୍‌ ସିଇଦେର୍‍ । 
\v 13 ଇୟାୱାଜା ମିର୍‌ ପୁର୍ବେଦି ଲୋକ୍‌ତି ରୀତିନୀତି ଉଣ୍ତିଙ୍ଗ୍‌ ମାପୁରୁଦି ବାକ୍ୟଦିଙ୍ଗ୍‍ ଲାତ୍‍ ଡାକ୍‍ସିନିଦେର୍‍ ମାରି ଆୟାୱାଜା ନାଣ୍ତ ସେଇ ପାଣିବା କିଜିିନିଦେର୍‍ ।
\s ଲୋକ୍‌ତିଙ୍ଗ୍‌ ଇନିକା ତାଗ୍‌ଇକା କିନାତ୍‌
\r (ମାତିଉ ୧୫:୧୦-୨୦)
\p
\v 14 ଅର୍‌ଲେନ୍‌ ଜିସୁ ଲୋକାଙ୍ଗ୍‌ ଲାକ୍‌ତୁ କୁକ୍‌ସି ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜେରେ ନା ମାଟା ୱେନ୍‌ଡ୍ରୁ ମାରି ବୁଝାଦୁ ।” 
\v 15 ଲୋକ୍‌ତି ମେନ୍ଧଲ୍‍ ଆତ୍‌ରେ ଇୟାୱାଜା ଇନି ବିସୟ ସିଲେତ୍‌, ଆମାକା କି ୱାନି ଲୋଇ ଡ଼ୁଗୁଜି ୱାନିଙ୍ଗ୍‌ ଅପବିତ୍ର କିନାତ୍‌, ମାତର୍‌ ଏମେ ଏମେକା ଲୋକ୍‌ତି ଲୋଇରାନ୍‌ ସନାତ୍‌, ଆୟାୱିଜୁ ୱାନିଙ୍ଗ୍‌ ଅପବିତ୍ର କିନାତ୍‌ । 
\v 16 ଜଦି ଆମାୱାନିଙ୍ଗ୍‌ ୱେନ୍‌ଡ୍ରେଙ୍ଗ୍‌ ଗିତଣିଙ୍ଗ୍‍ମାନେ ୱାଣ୍ତ୍ରୁ ୱେନିନ୍‌ ।\f + \fr ୭:୧୬ \fr*\ft ଏସୋ ପାଡ଼ିଇ ରାସାତିମାନୁ ଇୟା ପଦ୍‌ ରାସାଏତ୍‌ । \ft*\f*
\p
\v 17 ଜିସୁ ଲୋକାଙ୍ଗ୍‌ ଡ଼ିସ୍‌ସି ଇନ୍‌ଡ୍ର ୱାତି ୱେନ୍‌କା ୱାନି ସିସୁର୍‍ ଇୟା କାତାଦି ଅର୍ତ ବୁଝାକିଜି ସିଦା ଇଜି ଇର୍ହାର୍‌ । 
\v 18 ଆବେଟ୍‌ ଜିସୁ ୱାରିଙ୍ଗ୍‌ ଇର୍ହାନ୍‌, “ମିର୍‍ବା ଇନିକା ୱାରିୱାଜା ବୁଜାଦେଙ୍ଗ୍‌ ଆଟ୍‍ଏଜିନିଦେର୍‍ ? ଏମେକା କି ଆତ୍‍ରେରାନ୍‍ ଲୋକା ଲୋଇ ଡ଼ୁଗ୍‍ନାତ୍‍, ଆକା ୱାନିଙ୍ଗ୍‌ ସେଏଣ୍ଡ୍‌ କିଦେଙ୍ଗ୍‌ ଆଟ୍‍ଏତ୍‍ । 
\v 19 ଇରିଙ୍ଗ୍‌ ଆକା ୱାନି ଜିବନ୍‌ତୁ ଡ଼ୁଗ୍‍ଏତ୍‍, ମାତର୍‌ ପଟା ଲୋଇ ଡ଼ୁଗୁଜି ଆତ୍‌ରେ ସନା ସନାତ୍‌ ।” ମାରି ଇବେଣୁକୁ ୱିଜୁ ଖାଦି ନରାନା ସନାତ୍‌, ଇକା ଜିସୁ ଇର୍‌ଆନ୍‌ ।
\p
\v 20 ଜିସୁ ଇର୍ହାନ୍‌, “ଆମାକା ଲୋକ୍‍ମାଣ୍‍କୁ ସନାତ୍‌, ଆକାନେ ୱାନିଙ୍ଗ୍‌ ଅପବିତ୍ର କିନାତ୍‌ । 
\v 21 ଇରିଙ୍ଗ୍‌ ଲୋଇରାନ୍‌, ଲୋକ୍‌ତି ଜିବନ୍‍ତାନ୍‍, ତାଗ୍‌ଇଚିନ୍ତା ସନାତ୍‌, ଦାରିପାଣି, ଡଂଆ, ଲୋକ୍‌ତିଙ୍ଗ୍‌ ସାୟାମାର୍‌ଗାଡାକ୍‌ନିକା, 
\v 22 ଆଇୱାନି ଆଇମାଦିମାନୁ ସନିକା, ଲୋଭ୍‍, କାରାପ୍‌, ମିଛ୍‍ ମାଟା, ଗାଡ଼୍‍ୟା, ସୁଡ଼୍‌ଜି ଆକାର୍‍ ଆନିକା, ସୁଡ଼୍‌ଜି ଲାଲ୍‍ଇଆନିକା, ନିଦା, ଗାର୍ବୁ କିନିକା, ମୁର୍ଖୁଆନିକା; 
\v 23 ଇୟା ତାଗ୍‌ଇ ପାଣିୱିଜୁ ଲୋଇରାନ୍‌ ସହସି ଲୋକ୍‌ତିଙ୍ଗ୍‌ ଅପବିତ୍ର କିନାତ୍‌ ।”
\s ଅରେତ୍‌ ଆଇମାଦି ଆଟ୍‌ୱା ବିସ୍‍ବାସ୍‍
\r (ମାତିଉ ୧୫:୨୧-୨୮)
\p
\v 24 ଆୟାୱେନ୍‌କା ଜିସୁ ଆୟା ବାଡି ଡ଼ିସ୍‍ସି ସୋର ଗାଡ଼୍‌ତି ରାଜିଦୁ ସର୍‌ଆନ୍‌, ଉଣ୍ତ୍ରି ଇନ୍‌ଡ୍ର ଡ଼ୁଗିତାନ୍‍ନୋ, ଏର୍‍ବା ଏଣ୍ତେସ୍‌ ଆକା ନେସ୍‌ଏର୍‌, ଇକା ବଦା କିଜିମାର୍‍ଆନ୍‍, ମାତର୍‌ ୱାଣ୍ତ୍ରୁ ଆବେ ମାର୍ଗିଜୋ ମାନ୍‌ଡ଼୍ରେଙ୍ଗ୍‌ ଆଟ୍‍ଏତାନ୍‍ । 
\v 25 ଆୟାଦାପ୍ରେ ଅରେତ୍‌ ଆଇମା ଜିସୁ ୱାତି ମାର୍‍ଇ କାବୁର୍‌ ୱେର୍‍ଆଦୋ ୱାତାତ୍‍, ଇରିଙ୍ଗ୍‌ ତାନି ଗାଡ଼୍‍ସିଙ୍ଗ୍‍ ତାଗ୍‍ଇଆତ୍ମା ଆସ୍‌ତା ମାର୍‌ଆତ୍‌ । ଆଦେଙ୍ଗ୍‌ ଆୟା ଆଇମା ୱାନି ପାଦାମ୍‌କାଙ୍ଗ୍‌ ମାଡ଼ିସ୍‌ କିଜି ଗୁରିତାତ୍‍ । 
\v 26 ଆୟା ସୁର ଦେଶ୍‍ତି ସୁରଫେନିକିୟା ଜାତିଦି ଅରେତ୍‌ ଗ୍ରୀକ୍‍ ଆଇମା ମାର୍‌ଆତ୍‌ । ତାନି ଆଇଲି ମାଣାନ୍‌ ଦୁବା ଡ଼ିସ୍‍ସିସ୍‍ କିଦେଙ୍ଗ୍‌ ଇଜି ଜିସୁଙ୍ଗୁଁ ଇନ୍‌ଡ୍ରେଙ୍ଗ୍‌ ଆସ୍‌ତାତ୍‌ । 
\v 27 ଆବେଟ୍‌ ଜିସୁ ତାନିଙ୍ଗ୍‌ ଇର୍‌ଆନ୍‌, “ନିଜେଦି କଡ଼ରିଙ୍ଗ୍‌ ଆଗ୍‌ଡ଼ି ଖାଦି ପଟାବର୍ତି ଉଟ୍‍ପିସ୍‍ତେଙ୍ଗ୍‍ ଆନାତ୍‌, ଇରିଙ୍ଗ୍‌ କଡ଼ରି ବାଟା ଖାଦି ଅସି ନୁକୁଡ଼ିଆଙ୍ଗାଁ ମାନୁ ପୋକ୍‍ନିକା ନେଗେତ୍‌ ସିଲେ ।”
\p
\v 28 ଜିସୁଙ୍ଗୁଁ ଆୟା ଆଇମା ଇର୍ହାତ୍‌, “ହୁଁ, ପ୍ରବୁ, ନୁକୁଡ଼ିଙ୍ଗ୍‍ବା ଟେବୁଲ୍‍ ଆଡ୍‍ଗି ମାନ୍‌ଜି କଡ଼ର୍‌ ଉଟି ୱିସ୍‌ତି ସକ୍‌ଡ଼ି ଆର୍ତିକା ଉଣେ ।”
\p
\v 29 ଜିସୁ ଆୟା ଆଇମାଦିଙ୍ଗ୍‍ ଇର୍‌ଆନ୍‌, “ନିନୁ ଇୟା ମାଟା ଇର୍‍ଇ ଉଣ୍ତିଙ୍ଗ୍‌ ସାଙ୍ଗ୍‍ଆ, ନି ଗାଡ଼ିଦି ମାଣାନ୍‌ ଦୁବା ସତା ସର୍‌ଆତ୍‌ ନି ।”
\p
\v 30 ଆୟା ଆଇମା ଇନ୍‌ଡ୍ର ଡ଼େସି ସଲ୍‌ସି ସୁଡ଼ୁତାତ୍‍ ଯେ ତାନି ଆଇଲି ଟାଟିଦୁ ଡରିତା ମାନାତ୍‌ ମାରି ସତେନେ ଦୁବା ଆଇଲି ମାଣ୍‌କୁ ଡ଼ିସ୍‍ତା ସର୍‌ଆତ୍‌ ।
\s ଜିସୁ ଅରେନ୍‍ ଗୁଲା ମାରି ବଇରା ଲୋକ୍‌ତିଙ୍ଗ୍‌ ନେଗେଣ୍ତ୍‍ କିତାନ୍‌
\p
\v 31 ଆୟାୱେନ୍‌କା ଜିସୁ ସୋର୍‍ ସାନ୍ଧିଦାଣ୍ତ୍ ଡ଼ିସ୍‌ସି ସିଦନ୍‍ ମାରି ଦେକାପଲି ସାନ୍ଧି ସିଜି ଗାଲିଲି ସାମ୍‌ଦୁର୍‌ ପାଡ଼ି ୱାତାନ୍‌ । 
\v 32 ଏସୋ ଲୋକୁ ଗୁଲା ମାରି ବଇରା ଲୋକ୍‌ତିଙ୍ଗ୍‌ ଜିସୁ ଲାକ୍‌ତୁ ତାତାର୍‌ । ମାରି ୱାନି ମୁସ୍‌କୁ କିୟୁ ଇଡ୍‌ଦେଙ୍ଗ୍‌ ଜିସୁଙ୍ଗୁଁ ଇର୍ହାର୍‌ । 
\v 33 ଜିସୁ ଆୟା ଲୋକ୍‌ତିଙ୍ଗ୍‌ ଲୋକା ଗଲିଦାନ୍‍ ଅଡ଼ପ୍‍ ଆକ ଅତାନ୍‍ନୋ ୱାନି ରୁଣ୍ତି ଗିତଣିଆଙ୍ଗ୍‍ ୱାନି ଡ଼ାସ୍‍କେଙ୍ଗ୍‍ ମୁଟ୍‌ତାନ୍‌ ମାରି ପୁସ୍‍ସି ୱାନି ୱେତଲ୍‍ତିଙ୍ଗ୍‍ ମୁଟ୍‌ତାନ୍‌, 
\v 34 ଆୟାୱେନ୍‌କା ୱାନ୍‌ ସ୍ୱର୍ଗ ମୁସ୍‌କୁ ସୁଡ଼୍‍ଜି ପୁଣ୍ତା ଡ଼ିସ୍‌ସି ୱାନିଙ୍ଗ୍‌ ଇର୍‌ଆନ୍‌, “ଇପ୍‍ପଥଃ,” ଇରିଙ୍ଗ୍‌ ଗୁଲାଦି “ୱେୟୁ ୱାର୍‍ଗିଦେଙ୍ଗ୍‍ ରାଆ ।”
\p
\v 35 ଆୟା ଦାପ୍ରେ ୱାନ୍‌ ଗିତଣିଙ୍ଗ୍‍ ୱେନ୍‌ଡ୍ରେଙ୍ଗ୍‌ ଆଟ୍‍ତାନ୍‍ ମାରି ୱାନି ୱେତଲ୍‍ କୁଦିତାତ୍‍ ଆବେଟ୍‌ ୱାନ୍‌ ନେଗେନ୍‌ କିଜି ୱାର୍‍ଗିଦେଙ୍ଗ୍‍ ଆଟ୍‍ତାନ୍‍ । 
\v 36 ଇୟା ନେଗେଣ୍ତ୍‍ କିତି ମାଟା ଏଙ୍ଗ୍‌ବା ଇନ୍‌ମାଟ୍‌ ଇଜି ଆଟ୍‍ୱାଦାନ୍‍ ଜିସୁ ଲୋକାଙ୍ଗ୍‌ ଇର୍‌ଆନ୍‌, ମାତର୍‌ ଜିସୁ ଏସା ମାନା କିତିଙ୍ଗ୍‌ବା, ଲୋକ୍‌ଡର୍‌ ନାସାନେ ୱେର୍‌ସି ବୁଲାତାର୍‌ । 
\v 37 ମାରି, ୱିଜେରେ ଲୋକୁ ନାଣ୍ତ କାବାଆଜି ଇର୍ହାର୍‌, “ୱାଣ୍ତ୍ରୁ ୱିଜୁ ପାଣି ନେଗ୍ରେଣ୍ତା କିତାମାନାନ୍‍; ୱାଣ୍ତ୍ରୁ ୱେନ୍ଇ ଲୋକାଙ୍ଗ୍‌ ୱେନି ବପୁ ମାରି ୱାର୍‌ଗିଇ ଲୋକାଙ୍ଗ୍‌ ୱାର୍‍ଗିନି ବପୁ ବା ସିନାନ୍‍ ।”
\c 8
\s ଜିସୁ ନାଲ୍‍ଗି ହାଜାର୍‌ ଲୋକାଙ୍ଗ୍‌ ଉଟ୍‍ପିସ୍‍କିତାନ୍‍
\r (ମାତିଉ ୧୫:୩୨-୩୯)
\p
\v 1 ଆୟାୱାଲେ ଅର୍‍ଲେନ୍‍ ମାରିଡ଼େସି ନାଣ୍ତ ଲୋକୁ ଜିସୁମାନୁ ଉଣ୍ତାତାର୍‌, ନାସ୍ତିୱାଲେ ୱାରିମାନୁ ଉଣିତିନିକା ସିଲେତାତ୍‍ ଆକା ଜିସୁ ୱାନି ସିସୁରିଙ୍ଗ୍‌ ଲାକ୍‌ତୁ କୁକ୍‍ତାନ୍‍ନୋ ୱାରିଙ୍ଗ୍‌ ଇର୍‌ଆନ୍‌, 
\v 2 “ଇୟା ଲୋକା ଉଣ୍ତିଙ୍ଗ୍‌ ନା ଜିବନ୍‌ ଦୟା ଆଜିନାତ୍‍, ଇରିଙ୍ଗ୍‌ ଇକାର୍‌ ମୁନେନ୍‌ ଆତାତ୍‌ନି ନାୱାଲେ ମାନାର୍‌ ମାରି ୱେରିମାନୁ ଉଣ୍ତେଙ୍ଗ୍‌ ଇନିକା ବା ସିଲେତ୍‍ । 
\v 3 ଜଦି ନାନୁ ୱାରିଙ୍ଗ୍‌ ତାମେ ଇଲ୍‌କାଙ୍ଗ୍‌ ଉଟ୍‍ପିସ୍‍କିଏଣ୍ତା ପୋକ୍‌ନା, ନାସ୍ତିୱାଲେ ୱାର୍‌ ସାର୍‍ଦୁ ସନାରୋ ମେଡ଼୍‍ନାର୍‍; ଇରିଙ୍ଗ୍‌ ୱାରିମାଣାନ୍‌ ଏସୋ ଲୋକୁ ନାଣ୍ତ ଆକଣାନ୍‍ ୱାତାମାନାର୍‌ ।”
\p
\v 4 ସିସୁର୍‍ ଜିସୁଙ୍ଗୁଁ ଇର୍ହାର୍‌, “ଇୟା ସିମ୍ରା ବାଡିଦୁ ଏନ୍‌ ଆମାବାଣ୍‍କୁ ରୁଟି ତାସ ୱେରିଙ୍ଗ୍‌ ପଟାବର୍ତି ଉଟ୍‍ପିସ୍‍କିଦେଙ୍ଗ୍‍ ଆଟ୍‍ନାନ୍‍ ?”
\p
\v 5 ଜିସୁ ୱାରିଙ୍ଗ୍‌ ୱେନ୍‍ବାତାନ୍‌, ମି ଲାକ୍‌ତୁ ଏସଗୋଟା ରୁଟିଙ୍ଗ୍‌ ମାନେ ? ୱାର୍‌ ଇର୍ହାର୍‌, “ସାତ୍‍ଗୋଟା ରୁଟିଙ୍ଗ୍‌ ।”
\p
\v 6 ଜିସୁ ଲୋକାଙ୍ଗ୍‌ ବୁମି ମୁସ୍‌କୁ ବାସ୍‌ତେଙ୍ଗ୍‌ ଆଦେସ୍‌ ସିତାନ୍‌; ମାରି, ୱାଣ୍ତ୍ରୁ ଆୟା ସାତଗୋଟା ରୁଟିଙ୍ଗ୍‌ ଅତାନ୍‌ନୋ ମାପୁରୁଦିଙ୍ଗ୍‌ ଧନ୍ୟବାଦ ସିଜି ରୁଟିଙ୍ଗ୍‌ ମକା ମକା କିଜି ରୁକ୍‍ସି ବାଟା କିଜି ସିଦେଙ୍ଗ୍‍ ୱାନି ସିସୁରିଙ୍ଗ୍‌ ସିତାନ୍‌ ମାରି ୱାର୍‌ ଲୋକାଙ୍ଗ୍‌ ଆୟା ରୁଟିଙ୍ଗ୍‌ ବାଟାକିଜି ସିତାର୍‍ । 
\v 7 ମାରି ୱାରିମାନୁ ଏସୋ ଇସ୍ରି ମିନ୍‌କୁବା ମାର୍‍ହେ; ଜିସୁ ଆୟା ମିନ୍‍କାଙ୍ଗ୍‌ ମାପୁରୁଦିଙ୍ଗ୍‍ ଦନ୍ୟବାଦ୍‌ ସିଜି ବାଟା କିଜି ଲୋକାଙ୍ଗ୍‌ ସିଦେଙ୍ଗ୍‍ ଇର୍‌ଆନ୍‌ । 
\v 8 ୱିଜେରେ ତିନ୍‌ଞ୍ଜି ପଟା ପାଜିତାର୍‌ ମାରି ସାତ୍‍ଗୋଟା ଡାଡ଼ିଦୁ ଏଜିତି ରୁଟି ମକେଙ୍ଗ୍‌ ଡାଡ଼ିଦୁ ବର୍ତି କିତାର୍‌ । 
\v 9 ଇୟା ଉଟି ଲୋକୁ ନାଲ୍‌ଗି ହାଜାର୍‌ ମାର୍‌ଆର୍‌ । 
\v 10 ଆୟାୱେନ୍‌କା ଜିସୁ ଲୋକାଙ୍ଗ୍‌ ପୋକ୍‌ତାନ୍‌ ମାରି ଆୟାଦାପ୍ରେ ୱାନି ସିସୁରିୱାଲେ ଡଙ୍ଗାଁଦୁ ଏକ୍‌ତାନ୍‌ନୋ ଦଲ୍‍ମନୁଥା ରାଜିଦୁ ୱାତାନ୍‌ ।
\s ପାରୁସିର୍‌ ଜିସୁମାଣୁକୁ ସିନା ସୁଡ଼୍‍ଦେଙ୍ଗ୍‍ ବଦାକିତାର୍‌
\r (ମାତିଉ ୧୨:୩୮-୪୨; ୧୬:୧-୪)
\p
\v 11 \x + \xo ୮:୧୧ \xo*\xt ମାତିଉ ୧୨:୩୮; ଲୁକ ୧୧:୧୬.\xt*\x*ପାରୁସିର୍‌ ୱାତା ରୋ ଜିସୁୱାଲେ ମାଟାଦିଙ୍ଗ୍‌ ମାଟା ଆଦେଙ୍ଗ୍‌ ଆସ୍‌ତାର୍‌ । ମାରି ୱାର୍‌ ୱାନିଙ୍ଗ୍‌ ଉରିଦୁ ଆର୍‍ତେଙ୍ଗ୍‍ ବଦାକିଜି, ୱାନ୍‌ ଯେ ମାପୁରୁ ମାଣ୍‌କୁ ୱାତାମାନାନ୍‍ ଆକା ତର୍‌ତେଙ୍ଗ୍‍ଁ ବାଦଡ଼୍‍ତାନ୍‍ ଉଣ୍ତ୍ରି କାବାଆନି ପାଣି ତର୍‌ତେଙ୍ଗ୍‍ଁ ଇର୍ହାର୍‌ । 
\v 12 ଜିସୁ ଜିବନ୍‌ତୁ ଦୁକ୍‍ଆଜି ନାଣ୍ତ ପୁଣ୍ତା ଡ଼ିସ୍‌ସି ଇର୍‌ଆନ୍‌, “ଇନ୍‍ଦାନିଙ୍ଗ୍‍ ଇୟା ଜୁଗ୍‍ତି ଲୋକ୍‌ଡର୍‌ ସିନା ପଇଜିନାର୍‍ ? ନାନୁ ମିଙ୍ଗିଁ ସତ୍‌ ୱେର୍‌ସିନା, ଇୟା ଜୁଗ୍‌ତି ଲୋକ୍‌ତିଙ୍ଗ୍‌ ଆମା ସିନା ବା ପୁଟ୍‌ଏତ୍‌ ।”
\p
\v 13 ୱାନ୍‌ ୱାରିଙ୍ଗ୍‌ ଡ଼ିସ୍‌ସି ମାରିଡ଼େସି ଡଙ୍ଗାଁଦୁ ଏକ୍‍ତାନ୍‍ନୋ ସାମ୍‌ଦୁର୍‌ ଆୟାପାଡ଼ି ସର୍‌ଆନ୍‌ ।
\s ହେରୋଦ ମାରି ପାରୁସିର୍‌ ଶିକ୍ଷା ବିସୟତାନ୍ ଜାଗାର୍‌ତା
\r (ମାତିଉ ୧୬:୫-୧୨)
\p
\v 14 ଆୟାୱାଲେ ସିସୁର୍‌ ରୁଟି ଅତେଙ୍ଗ୍‌ ବାଣାତା ସରଆର୍‌; ଡଙ୍ଗାଁଦୁ ୱାରିମାନୁ କେବଲ୍ ଉନ୍‍ଡ୍ରେନେ ରୁଟି ମାର୍‌ଆତ୍‌ । 
\v 15 \x + \xo ୮:୧୫ \xo*\xt ଲୁକ ୧୨:୧.\xt*\x*ଜିସୁ ଶିଶୁରିଙ୍ଗ୍‌ ଆଟ୍‌ୱା ମାଟା ଇର୍‌ଆନ୍‌, “ଜାଗାର୍‌ତା ଆଦୁ,” ପାରୁସିର୍‌ ମାରି ହେରୋଦ୍‍କା ମିଚ୍‍ ମାଟାଦାନ୍‌ ଜାଗାର୍‌ତା ମାନ୍‌ଡ଼୍ରୁ, ଆମାକା ଖମୀର୍‍ତି\f + \fr ୮:୧୫ \fr*\ft ଖମୀର୍‍ତିଙ୍ଗ୍‍ ଗଦ୍‍ମୁଗୁଣ୍ତାଦୁ ମିସାକିତିଙ୍ଗ୍‍ ରୁଟିଦିଙ୍ଗ୍‌ ନାଣ୍ତ ଉଦିସ୍‍ କିନାତ୍‍ । \ft*\f* ୱାଜା ଆନାତ୍‌ ।
\p
\v 16 ସିସୁର୍‌ ଇୟା ବିସୟତୁ ୱାରିୱାରି ଲୋଇ ୱାର୍‌ଗିଜି ସାତାର୍‌, “ମାବାନ୍‍ ରୁଟି ସିଲେତ୍‍ଆକା ୱାନ୍‌ ଇୟାୱାଜା ଇଜିନାନ୍‌ ।”
\p
\v 17 ଜିସୁ ଆକା ନେସ୍‌ତାନ୍‌ନୋ ୱାରିଙ୍ଗ୍‌ ଇର୍‌ଆନ୍‌, ମି ଲାକ୍‌ତୁ ରୁଟିଙ୍ଗ୍‌ ସିଲୁ ଇଜି ଏନ୍ଦା ୱାର୍‌ଗିଜି ସାଜିନିଦେର୍‌ ? ମିର୍‌ ଇୟାସାନ୍ଦି ନେସ୍‌ଇଦେର୍‌ ନୋ ? କି ବୁଝାଇଦେର୍‍ ନୋ ? ମି ଜିବନ୍‌ ନିସାନେ ଆଟ୍‌ୱା ଆତାମାନାତ୍‌ ? 
\v 18 \x + \xo ୮:୧୮ \xo*\xt ମାର୍କ ୪:୧୨.\xt*\x*କାଣୁକୁ ମାନ୍‌ବୁ ମାନ୍‌ବୁ ମିର୍‌ ସୁଡ଼୍‍ଇଜିନିଦେର୍‍ ? ମାରି, ଗିତଣିଙ୍ଗ୍‍ ମାନ୍‌ବୁ ମାନ୍‌ବୁ ୱେନ୍ଇଜିନିଦେର୍‍ ? ମିର୍‌ ଇନିକା ଅଡ଼୍‍ବିଦେଙ୍ଗ୍‍ ଆଟ୍‍ଇଜିନିଦେର୍‍ ? 
\v 19 ପାସ୍‌ଗୋଟା ରୁଟିଙ୍ଗ୍‌ ରୁକ୍‍ସି ଏଣ୍ତେସ୍‌ ୫,୦୦୦ ହାଜାର୍‌ ଲୋକାଙ୍ଗ୍‌ ତିର୍‍ପିସ୍‍କିତା ମାର୍‍ହା, ଆୟାନାଣ୍ତିଙ୍ଗ୍‌ ଏଜିତି ରୁଟି ମକେଙ୍ଗ୍‌ ୱିଜୁ ପେର୍‌ଜି ଏସୋ ଗୋଟା ଡାଡ଼ିଦୁ ବର୍ତି କିତିମାର୍‍ଇଦେର୍‍, ଆକା ମିଙ୍ଗିଁ ଏତ୍‌ ସିଲେତ୍‌ ? ସିସୁର୍‌ ୱାନିଙ୍ଗ୍‌ ୱେର୍‌ତାର୍‌, “ବାରଗଟା ଡାଡ଼ିଙ୍ଗ୍‍ ।”
\p
\v 20 ଜିସୁ ମାରି ୱେନ୍‌ବାତାନ୍‌, “ଏସିୱାଲେ ୪,୦୦୦ ହାଜାର୍‌ ଲୋକା ଉଣ୍ତିଙ୍ଗ୍‌ ସାତ୍‍ଗୋଟା ରୁଟିଙ୍ଗ୍‌ ରୁକ୍‍ସି ସିତାମାର୍‍ହା,” ଏଜିତି ରୁଟି ମୁକେଙ୍ଗ୍‍ ପେର୍‌ଜି ଏସୋ ଗୋଟା ଡାଡ଼ିଦୁ ବର୍ତି କିତିମାର୍‍ଇଦେର୍‍ ? ସିସୁର୍‌ ଇର୍ହାର୍‌, “ସାତ୍‍ଗୋଟା ଡାଡ଼ିଙ୍ଗ୍‍ ।”
\p
\v 21 ଜିସୁ ୱାରିଙ୍ଗ୍‌ ଇର୍‌ଆନ୍‌, “ମିର୍‌ ଇଲେଇବା ବୁଜାଦେଙ୍ଗ୍‌ ଆଟ୍‍ଇଜିନିଦେର୍‍ ।”
\s ଜିସୁ ବେଥ୍‍ସାଇଦାଦୁ ଅରେନ୍‍ କାଣେଙ୍ଗ୍‍ ନେଗେଣ୍ତ୍‍ କିତାନ୍
\p
\v 22 ୱେନ୍‌କା ୱାର୍‌ ବେତ୍‍ସାଇଦା ନାର୍‍ତୁ ୱାତାର୍‌ । ଆବେ ଏସୋ ଲୋକୁ ଅରେନ୍‍ କାଣା ଲୋକ୍‌ତିଙ୍ଗ୍‌ ଜିସୁ ଲାକ୍‌ତୁ ତାତାର୍‌ ନୋ ୱାନିଙ୍ଗ୍‌ ମୁଟ୍‌ସୋ ନେଗେଣ୍ତ୍‍ କିଦେଙ୍ଗ୍‌ ଇର୍ହାର୍‌ । 
\v 23 ଜିସୁ କାଣାଦି କିୟୁ ଆସ୍‌ତାନ୍‌ନୋ ନାର୍‍ତାଣ୍ତ୍‍ ଆକ ଅତାନ୍‍, ଆବେ କାଣାଦି କାଣ୍‍ଗାଦୁ ପୁସ୍‍କାଣାଙ୍ଗ୍‌ ଉସ୍‍ତାନ୍‍ ନୋ ୱାନି ମୁସ୍‌କୁ କିୟୁ ଇଡ୍‌ଜି ୱାନିଙ୍ଗ୍‌ ୱେନ୍‌ବାତାନ୍‌, “ନିନ୍‌ ଇନିକା ସୁଡ୍‍ଜିନି ନୋ ?”
\p
\v 24 ଆୟା ଲୋକୁ ମୁସ୍‌କୁ ବେସ୍‍ସି ଇର୍‌ଆନ୍‌, “ହୁଁ ନାନ୍ ଲୋକାଙ୍ଗ୍‌ ସୁଡଦେଙ୍ଗ୍‌ ଆଟ୍‍ସିନା, ଇରିଙ୍ଗ୍‌ ନାନ୍ ଲୋକାଙ୍ଗ୍‌ ବୁଲାନି ମାରାକ୍‍ ୱାଜା ସାରିବେଡ଼୍‍ତି ସୁଡ଼୍‍ଜିନା ।”
\p
\v 25 ମାରିଡ଼େସି ଜିସୁ ୱାନି କାଣୁକୁ ମୁସ୍‌କୁ କିୟୁ ଇଟ୍‌ତାନ୍‌; ଆବେଟ୍‌ ୱାଣ୍ତ୍‍ରୁ ନେଗ୍ରେଣ୍ତା ସୁଡ଼୍‍ଦେଙ୍ଗ୍‍ ଆଟ୍‍ତାନ୍‍ ମାରି ନେଗେଣ୍ତ୍‍ ଆତାନ୍‍ନୋ ୱିଜୁ ସୁଡ଼୍‍ଦେଙ୍ଗ୍‍ ଆଟ୍‍ତାନ୍‍ । 
\v 26 ଜିସୁ ୱାନିଙ୍ଗ୍‌ ତାମେ ଇନ୍‌ଡ୍ର ପୋକ୍‌ସି ଇର୍‌ଆନ୍‌, “ଇୟା ନାର୍‍ତୁ ସଲ୍‍ମା, ମାତର୍‌ ମି ଇନ୍‌ଡ୍ର ସାଙ୍ଗ୍‍ଆ ।”
\s ପିତର ଜିସୁଙ୍ଗୁଁ କ୍ରିସ୍ତ ଇଜି ମାନାତାନ୍‌
\r (ମାତିଉ ୧୬:୧୩-୨୦; ୯:୧୮-୨୧)
\p
\v 27 ଇୟା ୱେନ୍‌କା ଜିସୁ ମାରି ୱାନି ସିସୁର୍‍ କାଇସରିୟା ପିଲିପି ରାଜିିଦି ଲାକ୍‌ତୁ ମାନି ନାର୍‍କାଙ୍ଗ୍‍ଁ ସନିୱାଲେ ସନିସାର୍‍ଦୁ ଜିସୁ ୱାନି ଶିଶୁରିଙ୍ଗ୍‌ ୱେନ୍‌ବାତାନ୍‌, “ନାନ୍ ଏନ୍‌ ଇଜି ଲୋକ୍‌ଡର୍‌ ଇନିକା ଇଜିନାର୍‍ ?”
\p
\v 28 \x + \xo ୮:୨୮ \xo*\xt ମାର୍କ ୬:୧୪,୧୫; ଲୁକ ୯:୭,୮.\xt*\x*ଆବେଟ୍‌ ସିସୁର୍‌ ଇର୍ହାର୍‌, “ଏସୋ ଲୋକୁ ଇଜିନାର୍‍ ଡୁବନ୍‌ସିନି ଯୋହନ, ମାରି ଏସୋ ଲୋକୁ ଇଜିନାର୍‍ ନିନ୍‌ ଏଲିୟ୍‌, ମାରି ଏର୍‌ ଏର୍‌ ଇଜିନାର୍‍, ନିନ୍‌ ବାବବାଦିରି ଲୋଇ ଅରେନ୍‍ ବାବବାଦି ।”
\p
\v 29 \x + \xo ୮:୨୯ \xo*\xt ଜୋହନ ୬:୬୮,୬୯.\xt*\x*ଜିସୁ ୱାରିଙ୍ଗ୍‌ ୱେନ୍‌ବାତାନ୍‌, “ନାନ୍ ଏନ୍‌ ଇଜି ମିର୍‌ ଇନିକା ଇଜିନିଦେର୍‌ ?” ପିତର୍‌ ୱେର୍‌ତାନ୍‌, “ନିନ୍‌ ଆଜିନି ମାପୁରୁତି ପୋକ୍‍ତିମାନି ରକ୍ଷା କିନି କ୍ରିସ୍ତ ।”
\p
\v 30 ଜିସୁ ୱାରିଙ୍ଗ୍‌ ଆଟ୍‌ୱା ମାଟା ୱେର୍‌ତାନ୍‌, “ନାନ୍ ଏନ୍‌ ନା ବିସୟ ଏଙ୍ଗ୍‌ବା ଇନ୍‌ମାଟ୍‌ ।”
\s ଜିସୁ ୱାନି ସାନି ବିସୟ ସିସୁରିଙ୍ଗ୍‌ ୱେର୍‌ତାନ୍‌
\r (ମାତିଉ ୧୬:୨୧-୨୮; ଲୁକ ୯:୨୨-୨୭)
\p
\v 31 ମାରି ଜିସୁ ସିସୁରିଙ୍ଗ୍‌ ବୁଜାକିଦେଙ୍ଗ୍‍ ଆସ୍‌ତାନ୍‌, “ନାନ୍ ମନୁଷ୍ୟପୁତ୍ର ନାଣ୍ତ କାସ୍ଟୁ ପଇନା ମାରି ପେରି ନେତାର୍‌, ପେରି ଯାଜକର ମାରି ସାସ୍ତ୍ରୀରି ମାଣାନ୍‌ ଦଣ୍ଡ୍‌ ପଇଜି ସାଦେଙ୍ଗ୍‌ ଆନାତ୍‌, ମାତର୍‌ ମୁନେଟି ୱେନ୍‌କା ମାରିଡ଼େସି ଜିବନ୍‌ଆଜି ନିଙ୍ଗ୍‍ନାନ୍‍ ।” 
\v 32 ଜିସୁ ଇୟାୱିଜୁ ମାଟା ନେଗେନେକିଜି ସିସୁରିଙ୍ଗ୍‌ ବୁଜାକିତାନ୍‍ । ଆବେଟ୍‌ ପିତର୍‌ ଜିସୁଙ୍ଗୁଁ ଆଇ ବାଡିଦୁ କୁକ୍‌ସି ଅତାନ୍‌ନୋ ୱାନିଙ୍ଗ୍‌ ଇର୍‌ଆନ୍‌, “ପ୍ରବୁ ଇୟାୱାଜା ମାଟା ଇନ୍‍ମା ।” 
\v 33 ମାତର୍‌ ଜିସୁ ୱାନି ସିସୁରିଙ୍ଗ୍‌ ସୁଡ଼୍‌ଜି ପିତର୍‍ତିଙ୍ଗ୍‍ ଇର୍‌ଆନ୍‌, “ନା ଲାକ୍‌ତୁରାନ୍‌ ଆକ ଆଆ, ସୟତାନ୍‍, ଇରିଙ୍ଗ୍‌ ନିନ୍‌ ମାପୁରୁତି ବିସୟ ଅଡ଼୍‍ବିଏଣ୍ତା ଲୋକା ବିସୟ ଅଡ଼୍‌ବିଜିନି ।”
\p
\v 34 \x + \xo ୮:୩୪ \xo*\xt ମାତିଉ ୧୦:୩୮; ଲୁକ ୧୪:୨୭.\xt*\x*ଆୟାୱେନ୍‌କା ଜିସୁ ୱାନି ସିସୁରିଙ୍ଗ୍‌ ମାରି ଉଣ୍ତାତିମାର୍‍ଇ ଲୋକାଙ୍ଗ୍‌ ଲାକ୍‌ତୁ କୁକ୍‌ସି ଇର୍‌ଆନ୍‌, “ଏନ୍‍ବା ନାୱାଲେ ୱାଦେଙ୍ଗ୍‌ ବଦା କିନାନ୍‌,” ୱାଣ୍ତ୍ରୁ ନିଜେ ନାନ୍ ଇନିକା ସିଲେ ଇଜି ଅଡ଼୍‍ବିପିନ୍‍, ୱାଣ୍ତ୍ରୁ ନା ଉଣ୍ତିଙ୍ଗ୍‌ ଦୁକ୍‍ ମାରି ସାନିକା ବଦା କିଜି ୱାଲେ ୱାଲେ ରାପିନ୍‍ । 
\v 35 ଏନ୍‍ବା ନିଜେଦି ଜିବନ୍‌ତିଙ୍ଗ୍‌ ରକିୟା କିଦେଙ୍ଗ୍‌ ବଦା କିନାନ୍‌, ୱାଣ୍ତ୍ରୁ ୱାନି ଜିବନ୍‌ ଆରା କିନାନ୍‌; ମାତର୍‌ ଏନ୍‌ ନା ଉଣ୍ତିଙ୍ଗ୍‌ ମାରି ଇୟା ସୁସମାଚାର୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିନାନ୍‍, ୱାଣ୍ତ୍ରୁ ୱାନି ଜିବନ୍‌ ରକିୟା କିନାନ୍‌ । 
\v 36 ମାରି, ଜଦି ଅରେନ୍‌ ଲୋକୁ‌ ସାରାଦୁନିଆଦିଙ୍ଗ୍‌ ଜିଣାଜି ୱାନି ଜିବନ୍‌ ଆରା କିନାନ୍‌, ଲୋକୁ ୱାନି ଇନିକା ଲାଭ୍‍ ଆନାତ୍‌ ? 
\v 37 ମାରି, ଲୋକୁ ୱାନି ଜିବନ୍‍ତିଙ୍ଗ୍ ଡ଼େସି ପ‍ଇଦେଙ୍ଗ୍‌, ଇନିକା ସିଦେଙ୍ଗ୍‍ ଆଟ୍‍ନାନ୍‍ ? 
\v 38 ଜଦି ଏନ୍‍ବା ନା ଉଣ୍ତିଙ୍ଗ୍‌ ନା ସୁସମାଚାର୍‌ ଉଣ୍ତିଙ୍ଗ୍‌ ଇୟା ଦୁନିଆଦି ଦାରିପାଣିକିନି ଲୋକାମାଣାନ୍‌ ମାରି ପାପି ଲୋକ୍‌ତି ଲାକ୍‌ତୁ ନା ବାକ୍ୟ ବିସୟତାନ୍ ସେମାର୍‌ ଆନାନ୍‌, ମନୁଷ୍ୟପୁତ୍ର ଏସ୍ତିୱାଲେ ପବିତ୍ର ଦୁତ୍‍କାୱାଲେ ୱାନି ବୁବାସିଦି ମହିମାଦାନ୍‌ ମାରିଡ଼େସି ୱାନାନ୍‌, ଆୟାୱାଲେ ୱାନ୍‍ବା ଆୟା ବିସୟତାନ୍ ସେମାର୍‌ କିନାନ୍‌ ।
\c 9
\p
\v 1 ମାରିଡ଼େସି ଜିସୁ ୱାରିଙ୍ଗ୍‌ ୱେର୍‌ତାନ୍‌, “ନାନ୍ ମିଙ୍ଗିଁ ସତ୍‌ ଇଜିନା, ମାପୁରୁଦି ରାଜିଦୁ ସାକ୍ତିଦାନ୍‍ ମାନିବାଡି ସୁଡ଼୍‌ଇ ସାନ୍ଧି ଇବେନୁ ନିନି ମାନି ଲୋକା ମାଣ୍‌କୁ ଏସୋ ଲୋକୁ ଏଣ୍ତେସ୍‌ କିଜିବା ସାନିକା ୱେଡ଼୍ଏର୍‍ ।”
\s ଜିସୁଦି ରୁପ୍‌ ବାଦ୍‍ଲାତାତ୍‍
\r (ମାତିଉ ୧୭:୧-୧୩; ଲୁକ ୯:୨୮-୩୬)
\p
\v 2 \x + \xo ୯:୨ \xo*\xt ୨ ପିତର ୧:୧୭,୧୮.\xt*\x*ଛଦିନ୍‍ ୱେନ୍‌କା ଜିସୁ କେବଲ୍‌ ପିତର୍‌, ଜାକୁବ ନି ଯୋହନତିଙ୍ଗ୍‍ ଅର୍‌ସେ ଆସ୍‌ସି ମିସାଜି ୱାରିଙ୍ଗ୍‌ ଉଣ୍ତ୍ରି ପେରି ଗରନ୍‍ତୁ ଅତାନ୍‍ । 
\v 3 ମାରି ଜିସୁ ୱାରିଙ୍ଗ୍‌ ସୁଡ଼ୁବୁ ସୁଡ଼ୁବୁ ୱାନି ମୁର୍‍ତି ବାଦଲାତାତ୍‌, ୱାନି ଆଙ୍ଗିଁ ଇୟାୱାଜା ଜାୟ୍‌ ନି ପୁରା ଅଡ଼ିନିକା ଆତାତ୍‌ ଯେ, ଦୁନିଆତି ଏମେ ନର୍‍ବାନି ଲୋକ୍‍ବା ଇୟାୱାଜା ଅଡ଼ିନିକା କିଦେଙ୍ଗ୍‌ ଆଟ୍‍ଏନ୍‍ । 
\v 4 ମାରି, ମୋଶା ନି ଏଲିୟ୍‌ ଜିସୁୱାଲେ ୱାର୍‌ଗିଜି ମାର୍‍ରିକା ୱାରିଙ୍ଗ୍‌ ତରାତାତ୍‍ । 
\v 5 ଆବେନୁ ପିତର ଜିସୁଙ୍ଗୁଁ ଇର୍ହାନ୍‌, “ଏ ଗୁରୁ, ମାପ୍‌ ଜେ ଇୟା ବାଡିଦୁ ଏସୋ ନେଗେନ୍‌ତାନ୍‍ ମାନାପ୍‍, ମାପୁ ମୁଣ୍ତ୍ରି ଗୁଡ଼େଏଙ୍ଗ୍‍ ତିଆର୍‌ କିନାପ୍‍, ନି ଉଣ୍ତିଙ୍ଗ୍‌ ଉନ୍‌ଡ୍ରି, ମୋସାଦି ଉଣ୍ତିଙ୍ଗ୍‌ ଉନ୍‌ଡ୍ରି ମାରି ଏଲିୟ୍‌ଦି ଉଣ୍ତିଙ୍ଗ୍‌ ଉନ୍‌ଡ୍ରି ।” 
\v 6 ପିତର ଇନି ଉତର୍‌ ସିଦେଙ୍ଗ୍‍ ଇଜି ନେସ୍‌ଏନ୍‌ ମାରାନ୍‌, ଆବେଟ୍‌ ସିସୁର୍‌ ନାଣ୍ତ ତିଲାତା ସର୍‌ଆର୍‌ ।
\p
\v 7 \x + \xo ୯:୭ \xo*\xt ମାତିଉ ୩:୧୭; ମାର୍କ ୧:୧୧; ଲୁକ ୩:୨୨.\xt*\x*ମାରି, ଖାଣ୍ତେକ୍‍ ବାଦଡ଼୍‍ ଇମ୍‌ଜି ୱାତା ଦୋ ୱାରିଙ୍ଗ୍‌ ବାଦଡ଼୍‍ତି ନିଡ଼୍‍ଗା ପିଡ଼ିକ୍‍ତାତ୍‍; ମାରି ଆୟା ବାଦଡ଼ତାନ୍‍ ଉଣ୍ତ୍ରି ବଲ୍ ୱାତାତ୍‍, “ଏ ନା ଲାଡ୍‍ତି ମାରିନ୍‌, ୱାନି ବାକ୍ୟ ୱେନ୍‌ଡ୍ରୁ ।” 
\v 8 ମାରି, ଉଲୁସ୍ତେ ସିସୁର୍‌ ସାରିବେଡ଼୍‍ତି ସୁଡ଼ୁତାର୍‌ ୱାରି ତଡ଼୍‍କାୱାଲେ ଲୋକା ଲୋଇରାନ୍‌ କେବଲ୍‌ ଜିସୁଙ୍ଗୁଁ ଡ଼ିସ୍‌ତିଙ୍ଗ୍‌ ମାରି ଏଙ୍ଗ୍‌ବା ସୁଡ଼ୁଏତାର୍‌ ।
\p
\v 9 ୱାର୍‌ ଗରନ୍‌ତାନ୍‌ ରେତାଜି ୱାନିୱାଲେ ଜିସୁ ସିସୁରିଙ୍ଗ୍‌ ଆଟ୍‌ୱା ମାଟା ସିଜି ୱେର୍‌ତାନ୍‌, “ମିର୍‌ ଆମାକା ଆମାକା ସୁଡ଼୍‍ତିଦେର୍‍, ଆୟାୱିଜୁ ସାତି ଲୋକାମାଣ୍‌କୁ ନାନ୍ ଯେ ମନୁଷ୍ୟପୁତ୍ରଦି ମାରିଡ଼େସି ଜିବନ୍‌ ଆନି ସାନ୍ଦି ଆୟାମାଟା ଏଙ୍ଗ୍‌ବା ଇନ୍‌ମାଟ୍‌ ।”
\p
\v 10 ଆବେଟ୍‌ ୱାର୍‌ ଆୟା ମାଟା ଆସ୍‌ତାରୋ ସାଜ ମାରିଡ଼େସି ଜିବନ୍‌ଆଜି ନିଂଇକା ଇନିକା, ଆୟା ବିସୟତାନ୍ ୱାରି ୱାରି ଲଅ ୱାର୍‍ଗିତାର୍‍ । 
\v 11 \x + \xo ୯:୧୧ \xo*\xt ମାତିଉ ୧୧:୧୪.\xt*\x*ମାରି, ସିସୁର୍‌ ଜିସୁଙ୍ଗୁଁ ୱେନ୍‌ବାତାର୍‌, “ଏଲିୟ୍‌ ଆଗ୍‌ଡ଼ି ୱାନିକା ମାନାତ୍‌ ଇଜି, ଶାସ୍ତ୍ରୀର୍‍ ଏନ୍ଦା ଇନାର୍‌ ?”
\p
\v 12 ଆବେନୁ ଜିସୁ ସିସୁରିଙ୍ଗ୍‌ ୱେର୍‌ତାନ୍‌, ଏଲିୟ୍‌ ଆଗ୍‌ଡ଼ି ୱାନାନ୍‍ନୋ ୱିଜୁ ବିସୟ ମାରିଡ଼େସି ତିଆର୍‌ କିନିକା ସତେନେ । ମାତର୍‌ ନାନ୍ ଯେ ମନୁସ୍ୟପୁତ୍ର ନାଣ୍ତ ଦୁଃକ୍‌‍ ବୋଗାଜି ନିନ୍ଧା ପଇନା ମାରି ସେମାର୍‌ ପୟନା, ଇୟାକା ଏଣ୍ତେସ୍‌ ୱାନି ବିସୟତାନ୍ ରାସ୍‌ତିକା ମାନାତ୍‌ ? 
\v 13 ମାତର୍‌ ନାନ୍ ମିଙ୍ଗିଁ ଇଜିନା, “ଏଲିୟ୍‌ ୱାତାତ୍‌ନି, ମାରି ୱାନି ବିସୟତୁ ଏଣ୍ତେସ୍‌ ରାସାତା ମାନାତ୍‌, ଆୟାୱାଜା ୱାରୁ ୱାନି ଉଣ୍ତିଙ୍ଗ୍‌ ଆମାକା ବଦା ଆୟାକା କିତାମାନାର୍‍ ।”
\s ଜିସୁ ଅରେନ୍‍ ଦୁବାକାସ୍ତି କଡ଼ଦିଙ୍ଗ୍‌ ନେଗେଣ୍ତ୍‍ କିତାନ୍‌
\r (ମାତିଉ ୧୭:୧୪-୨୦; ଲୁକ ୯:୩୭-୪୩)
\p
\v 14 ୱେନ୍‌କା ୱାର୍‌ ଆଇ ସିସୁରି ଲାକ୍‌ତୁ ୱାତା ରୋ ସୁଡ଼ୁତାର୍‌, ୱାରି ସାରିବେଡ଼୍‍ତି ନାଣ୍ତ ଲୋକୁ ଉଣ୍ତାତାର୍‌, ମାରି ଶାସ୍ତ୍ରୀର୍‍ ୱାରିୱାଲେ ମାଟାଦିଙ୍ଗ୍‍ମାଟା ଆନିକା ସୁଡ଼ୁତାନ୍‌ । 
\v 15 ଲୋକ୍‌ଡର୍‌ ଜିସୁଙ୍ଗୁଁ ଉଲୁସ୍ତେ ସୁଡ଼୍‍ତି ଦାପ୍ରେ ବେମ୍ରି ଆତା ସର୍‌ଆର୍‌ ମାରି ଉରୁକ୍‍ସି ୱାଜି ଜିସୁଙ୍ଗୁଁ ମାଡ଼ିସ୍‍କିଦେଙ୍ଗ୍‍ ଆସ୍‌ତାର୍‌ । 
\v 16 ଜିସୁ ୱାନି ସିସୁରିଙ୍ଗ୍‌ ୱେନ୍‌ବାତାନ୍‌, “ମିର୍‌ ଶାସ୍ତ୍ରୀରି ୱାଲେ ଇନିକା ମାଟାଦିଙ୍ଗ୍‍ମାଟା ଆଜି ସାଜି ମାର୍‌ଇଦେର୍‌ ?”
\p
\v 17 ଲୋକାମାଣ୍‌କୁ ଅରେନ୍‍ ଜିସୁଙ୍ଗୁଁ ଉତର୍‌ ସିତାନ୍‌, “ଏ ଗୁରୁ, ନାନ୍ ନା ମାରିନ୍‍ତିଙ୍ଗ୍‍ ନି ଲାକ୍‌ତୁ ତାତାମାର୍‍ହା; ୱାନିଙ୍ଗ୍‌ ଉଣ୍ତ୍ରି ଗୁଲାଦୁବା ଆସ୍ତାମାନାତ୍‍; 
\v 18 ଆମା ବାଡିଦୁ ଆପିତ୍‌ ଦୁବା ୱାନିଙ୍ଗ୍‌ ଆସ୍‍ନାତ୍‍, ୱାନିଙ୍ଗ୍‌ ଆଡ୍‍ଗି ଆର୍‍ପ୍‍ନାତ୍‍, ୱାନି ମକ୍‍ମତାନ୍‍ ପେପଲ୍‍ ସନାତ୍‌ ମାରି ୱାଣ୍ତ୍ରୁ ପାଲ୍‍କୁ କାତ୍ରେକିନାନ୍‍, ମାରି ୱାଡ୍ରୁ ୱାର୍‍ସି ସଲ୍‌ସିନାନ୍‌; ଆୟା ଦୁବା ପେର୍‍ଦେଙ୍ଗ୍‍ ଉଣ୍ତିଙ୍ଗ୍‌ ନାନ୍ ନି ସିସୁରିଙ୍ଗ୍‌ ୱେର୍‍ତା, ମାତର୍‌ ନି ସିସୁର୍‍ ଦୁବା ପେର୍‍ଦେଙ୍ଗ୍‍ ଆଟ୍‍ଏତାର୍‍ ।”
\p
\v 19 ଜିସୁ ୱାରିଙ୍ଗ୍‌ ଇର୍ହାନ୍‌, “ଏ ଅବିସ୍‍ବାସ୍‍ତି କୁଟୁମ୍‌ ! ଏସୋଦିନ୍‍ ନାନ୍ ମି ୱାଲେ ମାନା ? ଏସୋଦିନ୍‍ ନାନ୍ ମି ପାଣି କିଜିମାନା ? ମାରିନ୍‍ତିଙ୍ଗ୍‍ ନା ଲାକ୍‌ତୁ ଆସ୍‌ସି ରାଦୁ ।” 
\v 20 ଆବେଟ୍‌ ୱାର୍‌ ୱାନିଙ୍ଗ୍‌ ଜିସୁ ଲାକ୍‌ତୁ ତାତାର୍‌ । ମାରି, ଜିସୁଙ୍ଗୁଁ ସୁଡ଼ୁତିଦାପ୍ରେ ଦୁବା ଆୟା କଡ଼ଦିଙ୍ଗ୍‍ ବୟ୍‌ଙ୍କାର୍‍ତାନ୍‍ ତିର୍‍ପିସି ଆସ୍‌ତାତ୍‌ ମାରି କଡ଼ ବୁମିଦୁ ଆର୍‍ଜି ୱେୟୁତାନ୍‍ ପେପଲ୍‍ ସପ୍‍ସି ଗୁର୍‍ଦେଙ୍ଗ୍‍ ଆସ୍‌ତାନ୍‌ । 
\v 21 ନାସ୍ତିୱାଲେ ଜିସୁ କଡ଼ଦି ବୁବାସିଙ୍ଗ୍‍ ୱେନ୍‌ବାତାନ୍‌, ଏସୋ ଦିନ୍‌ ଆତାତ୍‌ ଇୟାକା ଇୟାୱାଜା ଆତାମାନାତ୍‌ ? ୱାଣ୍ତ୍ରୁ ୱେର୍‌ତାନ୍‌, “ଇସ୍ରିରି ୱାଲେରାନ୍‍ନେ ।”
\p
\v 22 “ଦୁବା ୱାନିଙ୍ଗ୍‌ ଡ଼େଇଦେଙ୍ଗ୍‍ ଏସଦେବା ସିସୁ ନି ଏର୍‌ତୁ ପୋକ୍‍ତାମାର୍‍ଆତ୍‍; ମାତର୍‌ ନିନ୍‌ ଜଦି କିଦେଙ୍ଗ୍‌ ଆଟ୍‌ନି, ଆତିଙ୍ଗ୍‌ ମା ଉଣ୍ତିଙ୍ଗ୍‌ ଦୟା କିଜି ମାଙ୍ଗିଁ ସାହାଜ୍ୟ କିଆ ।”
\p
\v 23 ଆବେଟ୍‌ ଜିସୁ ୱାନିଙ୍ଗ୍‌ ୱେର୍‌ତାନ୍‌, “ଇନିକା ଇର୍‍ଇ ? ଜଦି କିଦେଙ୍ଗ୍‌ ଆଟ୍‌ନି ! ଏନ୍‌ ବିସ୍‍ବାସ୍‍ କିନାନ୍‌ ୱାନି ଉଣ୍ତିଙ୍ଗ୍‌ ୱିଜୁ ଆନାତ୍‌ ।”
\p
\v 24 ଆୟାଦାପ୍ରେ କଡ଼ଦି ବୁବାସି ନାଣ୍ତ ଆଉଲି ଆଜି ଇର୍‌ଆନ୍‌, “ନାନ୍ ବିସ୍‍ବାସ୍‍ କିଜିନା, ନା ବିସ୍‍ବାସ୍‍ ନାଣ୍ତ କିଦେଙ୍ଗ୍‌ ନାଂଇ ସାହାଜ୍ୟ କିଆ ।”
\p
\v 25 ତାନେୱେନ୍‍କା ଲୋକ୍‌ଡର୍‌ ଅର୍‌ସେ ଉରୁକ୍‍ସି ୱାଜିନାର୍‍ ଇକା ସୁଡ଼ୁତାନ୍‌ନୋ ଜିସୁ ଆୟା ଦୁବାଦିଙ୍ଗ୍‌ ଆଦ୍‌ରିସି ଇର୍‌ଆନ୍‌, “ଏ ଗୁଲା ନି ବଇରା ଆତ୍ମା,” ନାନ୍ ନିଂଇ ଆଦେସ୍‌ ସିଜିନା, “ଇୟା କଡ଼ଦି ମାଣ୍‌କୁ ସହସି ସାଙ୍ଗ୍‍, ମାରି ଏସାଙ୍ଗ୍‍ବା ୱାନି ଲୋଇ ଡ଼ୁଗ୍‍ମା ।”
\p
\v 26 ଆବେଟ୍‌ ଆୟା ଦୁବା ଆଉଲି ଆଜି କଡ଼ଦିଙ୍ଗ୍‌ ଆଡ୍‍ଗି ପେର୍‌ଜି ପୋକ୍‌ସି ୱାନି ମେନ୍ଧଲ୍‍ ଲୋଇରାନ୍‌ ସତା ସର୍‌ଆତ୍‌, ମାରି ଆୟା କଡ଼ ସାତିୱାଜା ଆତାନ୍‌, ଇୟାୱାଜାକି ଏସୋ ଲୋକ୍‌ଡର୍‌ ଇର୍ହାର୍‌, “ୱାଣ୍ତ୍‍ରୁ ସାତାନ୍‍ ।” 
\v 27 ମାତର୍‌ ଜିସୁ ୱାନି କିୟୁ ଆସ୍‌ତାନ୍‌ନୋ କଡ଼ଦିଙ୍ଗ୍‌ ନିକ୍‍ତାନ୍‍, ମାରି ୱାଣ୍ତ୍ରୁ ନିଙ୍ଗ୍‍ତାନ୍‍ ।
\p
\v 28 ମାରି, ଜିସୁ ଇଲୁ ଲୋଇ ୱାତାନ୍‌, ୱାନି ସିସୁରି ଜିସୁଙ୍ଗୁଁ ଏନ୍‌ ନେସେଇ ୱାଜା ୱେନ୍‌ବାତାର୍‌, “ମାପ୍‌ ଇନ୍‍ଦାନିଙ୍ଗ୍‍ ଆୟା ଦୁବାଦିଙ୍ଗ୍‌ ପେର୍‍ଦେଙ୍ଗ୍‍ ଆଟ୍‍ଏତାପ୍‍ ?”
\p
\v 29 ଜିସୁ ସିସୁରିଙ୍ଗ୍‌ ୱେର୍‌ତାନ୍‌, “ଇୟାୱାଜା ଦୁବା ଆବ୍‍କା ପାର୍‌ତାନା ଶକ୍ତିଦାଣ୍ତ୍‍ ପେର୍‍ଦେଙ୍ଗ୍‍ ଆଟ୍‍ତେଙ୍ଗ୍‍ ଆନାତ୍‌, ମାରି ଆଇ ଉପାୟ ସାରି ସିଲେତ୍‌ ।”
\s ଜିସୁ ମାରିଡ଼େସି ୱାନି ସାନି ବିସୟ ଇର୍‌ଆନ୍‌
\r (ମାତିଉ ୧୭:୨୨-୨୩; ଲୁକ ୯:୪୩-୪୫)
\p
\v 30 ଜିସୁ ନି ୱାନି ସିସୁର୍‍ ଆୟା ବାଡି ଡ଼ିସ୍‌ସି ଗାଲିଲି ରାଜି ସାନ୍ଧିସିଜି ସରଆର୍‌ । ମାରି ଏମେ ବାଡିଦୁ ମାନାନ୍‌ ଏନ୍‍ବା ନେସ୍‍ମାପିର୍‍ ଇଜି ୱାଣ୍ତ୍ରୁ ବଦାକିଜିମାର୍‍ଆନ୍‍, 
\v 31 ମାତର୍‌ ୱାନ୍‌ ୱାନି ସିସୁରିଙ୍ଗ୍‌ ଇୟା ମାଟା ସିଜି ଶିକ୍ଷା ସିତାନ୍‌ । ମାରି ୱାନ୍‌ ଇର୍‌ଆନ୍‌, “ନାନ୍ ଯେ ମନୁସ୍ୟପୁତ୍ର ଲୋକା କିୟୁଦୁ ସର୍ପେ ଆଦେଙ୍ଗ୍‌ ସଲ୍‌ସିନାନ୍‌, ମାରି ୱାରୁ ନାଂଇ ଡାକ୍‌ନାର୍‌, ମାରି ନାନୁ ସାନା ମାତର୍‌ ନାନୁ ମୁନେଟି ୱେନ୍‌କା ମାରିଡ଼େସି ଜିବନ୍‌ଆଜି ନିଙ୍ଗ୍‍ନା ।”
\p
\v 32 ମାତର୍‌ ସିସୁର୍‍ ଆୟା ମାଟା ବୁଝାଏତାର୍‍ ମାରି ୱାନିଙ୍ଗ୍‌ ୱେନ୍‍ବାଦେଙ୍ଗ୍‍ ତିଲାଜି ମାର୍‌ଆର୍‌ ।
\s ଜିସୁ ଇନାନ୍‌ ୱିଜେରିଙ୍ଗ୍‌ ପେରିକାନ୍‌ ଏନ୍‌
\r (ମାତିଉ ୧୮:୧-୫; ଲୁକ ୯:୪୬-୪୮)
\p
\v 33 ୱେନ୍‌କା ଜିସୁ ନି ୱାନି ସିସୁର୍‍ କପର୍‍ନାହୁମ୍‍ ନାର୍‍ତୁ ୱାତାର୍‌ । ୱାନ୍‌ ଇନ୍‌ଡ୍ର ଇତାନ୍‌ନୋ ସିସୁରିଙ୍ଗ୍‌ ୱେନ୍‌ବାତାନ୍‌, “ମିର୍‌ ସାର୍‍ଦୁ ୱାନିୱାଲେ ଇନି ବିସୟତାନ୍ ୱାରଗିଜିସାଜି ମାର୍‌ଇଦେର୍‌ ?”
\p
\v 34 \x + \xo ୯:୩୪ \xo*\xt ଲୁକ ୨୨:୨୪.\xt*\x*ମାତର୍‌ ସିସୁର୍‌ ଆଲେତା ମାର୍‍ଆର୍‍, ଇରିଙ୍ଗ୍‌ ୱାରି ଲୋଇ ଏନ୍‌ ପେରିକାନ୍‌, ଇୟା ବିସୟତୁ ୱାର୍‌ ସାରିଦୁ ଲୋଇ ଲୋଇ ୱାର୍‌ଗିଜି ସାଜି ମାର୍‌ଆର୍‌ । 
\v 35 \x + \xo ୯:୩୫ \xo*\xt ମାତିଉ ୨୦:୨୬,୨୭; ୨୩:୧୧; ମାର୍କ ୧୦:୪୩,୪୪; ଲୁକ ୨୨:୨୬.\xt*\x*ଆବେନ୍‌ ଜିସୁ ବାସ୍‌ତାନ୍‌ନୋ ବାର ଲୋକୁ ସିସୁରିଙ୍ଗ୍‌ କୁକ୍‍ତାନ୍‍ ମାରି ୱାରିଙ୍ଗ୍‌ ଇର୍‌ଆନ୍‌, “ଜଦି ଏନ୍‌ ପେରିକାନ୍‌ ଆଦେଙ୍ଗ୍‌ ବଦା କିନାନ୍‌, ୱାଣ୍ତ୍ରୁ ୱିଜେରେ ମାଣ୍‌କୁ ନିଜେଦିଙ୍ଗ୍‍ ନିସ୍‍ରିକା ଆପିନ୍‌ ମାରି ୱିଜେରି ସେବାକିନିକାନ୍‍ ଆପିନ୍‌ ।” 
\v 36 ମାରି, ଜିସୁ ଉଣ୍ତ୍ରି ଇସ୍ରି କଡ଼ଦିଙ୍ଗ୍‌ ତାତାନ୍‍ନୋ ୱିଜେରି ଆଗ୍‌ଡ଼ି ନିଲ୍‍ପ୍‍ତାନ୍‍ ମାରି ୱାନିଙ୍ଗ୍‌ ଗାତୁ ବାସା କିଜି ୱାରିଙ୍ଗ୍‌ ଇର୍‌ଆନ୍‌, 
\v 37 \x + \xo ୯:୩୭ \xo*\xt ମାତିଉ ୧୦:୪୦; ଲୁକ ୧୦:୧୬; ଜୋହନ ୧୩:୨୦.\xt*\x*“ଏନ୍‍ବା ନା ଦର୍‍ତୁ ଇୟାୱାଜା ଇସ୍ରି କଡ଼ରିଙ୍ଗ୍‌ ମାଣ୍‌କୁ ଅରେନ୍‍ ୱାନିଙ୍ଗ୍‌ ମାନାନାର୍‌, ୱାଣ୍ତ୍ରୁ ନାଂଇ ମାନାନାର୍‌; ମାରି, ଏନ୍‍ବା ନାଂଇ ମାନାନାର୍‌, ୱାଣ୍ତ୍ରୁ ନାଂଇ ଲାଡ୍‌ କିଏନ୍‌, ମାତର୍‌ ନା ପୋକ୍‌ତିମାନି ମାଲିକ୍‌ତିଙ୍ଗ୍‌ ମାନାନାର୍‌ ।”
\s ଏନ୍‌ ମାଙ୍ଗିଁ ବିରଦ୍‌ କିଏନ୍‌, ୱାନ୍‌ ମା ତରିନ୍‌
\r (ଲୁକ ୯:୪୯-୫୦)
\p
\v 38 ଯୋହନ ଜିସୁଙ୍ଗୁଁ ଇର୍‌ଆନ୍‌, “ଏ ଗୁରୁ, ମା ଦଲ୍‍ତୁ ସିଲି ଲୋକ୍‌ତିଙ୍ଗ୍‌ ନି ଦର୍‌ତାନ୍‌ ଦୁବା ପେର୍‍ନିକା ସୁଡ଼ୁତାପ୍‌, ମାରି ୱାଣ୍ତ୍ରୁ ମା ଦଲ୍‍ତୁ ସିଲେନ୍‌ ଇଜି ମାପ୍‌ ୱାନିଙ୍ଗ୍‌ ମନା କିତାପ୍‍ ।” 
\v 39 ମାତର୍‌ ଜିସୁ ଇର୍‌ଆନ୍‌, “ୱାନିଙ୍ଗ୍‌ ମନା କିମାଟ୍‌,” ମାତର୍‌ ନା ଦର୍‌ତି ସାକ୍ତିଦାନ୍‍ ପାଣି କିନାନ୍‌ ୱାଣ୍ତ୍ରୁ ଦାପେ ଦାପେ ନା ବିରଦ୍‌ତାନ୍‌ ଇନିକା ଇନ୍‌ଡ୍ରେଙ୍ଗ୍‌ ଆଟ୍‍ଏନ୍‍, ଇୟାୱାଜା ଲୋକୁ ଏନ୍‍ ସିଲେନ୍‍ । 
\v 40 \x + \xo ୯:୪୦ \xo*\xt ମାତିଉ ୧୨:୩୦; ଲୁକ ୧୧:୨୩.\xt*\x*ମାତର୍‌ ଏନ୍‌ ମା ବିରୁଦ୍‌ ମାଟା ଇନ୍‌ଏନ୍‌, ୱାଣ୍ତ୍ରୁ ମା ନିଜେତି ଲୋକୁ । 
\v 41 \x + \xo ୯:୪୧ \xo*\xt ମାତିଉ ୧୦:୪୨.\xt*\x*ନାନ୍ ମିଙ୍ଗିଁ ସତ୍‌ ଇଜିନା, ମିର୍‌ କ୍ରିସ୍ତଦି ଲୋକୁ ଆତିମାନି ଉଣ୍ତିଙ୍ଗ୍‌, ଏନ୍‍ବା ନା ଉଣ୍ତିଙ୍ଗ୍‌ ଗିଲାସ୍‍ ଏର୍‌ ଉଣ୍ତେଙ୍ଗ୍‌ ସିନାନ୍‍, ୱାନ୍‌ ଏଣ୍ତେସ୍‌ କିଜିବା ନିଜେଦି ପୁରସ୍‌କାର୍‌ ପଇନିକା ଆରାଏନ୍‌ ।
\s ଆଇ ଲୋକାଙ୍ଗ୍‌ ପାପ୍‌ କିବିସ୍‍କିଇ ବିସୟତାନ୍ ଶିକ୍ଷା ସିତାନ୍‌
\r (ମାତିଉ ୧୮:୬-୯; ଲୁକ ୧୭:୧-୨)
\p
\v 42 ଜିସୁ ମାରି ଇର୍‌ଆନ୍‌, ଏମେ ଲୋକୁ ନା ଲାକ୍‌ତୁ ବିସ୍‍ବାସ୍‍ କିଜିମାନି ଇସ୍ରି ଲୋକ୍‌ତି ମାଣ୍‌କୁ ଅରେନ୍‍ ୱାନିଦି ବିସ୍‌ବାସ୍‌ତୁ ବାଧା ସିନିକାନ୍‍ଆନାନ୍‍, ୱାନି କକ୍‍ଲାଦୁ ଉଣ୍ତ୍ରି ପେରି ଗୁଡ଼ୁବେଲି କାଲୁ ତର୍‌ସି ୱାନିଙ୍ଗ୍‌ ସାମ୍‌ଦୁର୍‌ତୁ ପୋକ୍‌ତିଙ୍ଗ୍‌ ନେଗେଣ୍ତ୍‍ ଆତାତ୍‌ମାନ୍ଧି । 
\v 43 \x + \xo ୯:୪୩ \xo*\xt ମାତିଉ ୫:୩୦.\xt*\x*ମାରି, ଜଦି ମି ଉଣ୍ତ୍ରି କିୟୁ ମିଙ୍ଗିଁ ପାପ୍‍ତି ପାଣି କିବିସ୍‍କିଜିମାନାତ୍‍, ଆଦେଙ୍ଗ୍‌ ଆୟା କିୟୁଦିଙ୍ଗ୍‍ କୟଜ ପୋକ୍‌ତୁ; ଇରିଙ୍ଗ୍‌ ରୁଣ୍ତି କିକୁ ଅସ ନରକଦୁ, ୱିଜୁଦିନ୍‌ ସିସୁକାସ୍‍ସି ମାନି ନର୍କଦୁ ସନି ବାଦ୍‌ଲୁ ଗୁଲା ଆଜି ଜିବନ୍‌ ଆସ୍‌ସି ମୁସ୍‍କୁପୁରତୁ ସନିକା ମି ଉଣ୍ତିଙ୍ଗ୍‌ ନେଗେତ୍‌ । 
\v 44 ଇରିଙ୍ଗ୍‌ ନର୍କଦୁ ୱାରିଙ୍ଗ୍‌ ଏମେ ପିଡ଼୍‍କୁ ତିନେ ଆକେଙ୍ଗ୍‍ ଏସାଙ୍ଗ୍‍ବା ସାଉ, ମାରି ଆୟା ସିସୁ ଏସ୍‍ସାଙ୍ଗ୍‍ବା ନାମ୍‍ଏତ୍‍ । \f + \fr ୯:୪୪ \fr*\ft ଏସ ପାଡ଼ିଇ ରାସ୍‍ତିମାନୁ ସିଲେତ୍‌ । \ft*\f* 
\v 45 ମାରି, ମି ପାଦାମ୍‌ ଉଣ୍ତିଙ୍ଗ୍‌ ମି ବିସ୍‍ବାସ୍‍ ନାଷ୍ଟୁ ଆନାତ୍‌, ଆଦେଙ୍ଗ୍‌ ଆୟା ପାଦାମ୍‌କାଙ୍ଗ୍‌ କୟଜ ପୋକ୍‌ତୁ, ରୁଣ୍ତି ପାଦାମ୍‌କାଙ୍ଗ୍‌ ଅର୍‌ସେ ନରକଦୁ ସନି ବାଦ୍‌ଲୁ ସଟା ଆଜି ଜିବନ୍‌ ଅସି ମୁସ୍‌କୁପୁର୍‌ତୁ ସନିକା ନେଗେତ୍‌ । 
\v 46 ଇରିଙ୍ଗ୍‌ ନର୍କଦୁ ୱାରିଙ୍ଗ୍‌ ଏମେ ପିଡ଼୍‍କୁ ତିନେ ଆକେଙ୍ଗ୍‍ ଏସାଙ୍ଗ୍‍ବା ସାଉ, ମାରି ଆୟା ସିସୁ ଏସ୍‌କାଙ୍ଗ୍‌ବା ନାମ୍‍ଏତ୍‍ । \f + \fr ୯:୪୬ \fr*\ft ଏସ ପାଡ଼ିଇ ରାସାତିମାନୁ ସିଲେତ୍‌ । \ft*\f* 
\v 47 \x + \xo ୯:୪୭ \xo*\xt ମାତିଉ ୫:୨୯.\xt*\x*ମାରି, ମି କାଣ୍‌ଗା ଉଣ୍ତିଙ୍ଗ୍‌ ଜଦି ମି ବିସ୍‍ବାସ୍‍ ନାସ୍ଟୁ ଆଜିନାତ୍‍, ଆଦେଙ୍ଗ୍‌ ଆୟା କାଣ୍‍ଗାଦିଙ୍ଗ୍‍ ଉନ୍ଦ୍‍ଜ ପୋକ୍‌ତୁ; ରୁଣ୍ତି କାଣୁକୁ ଅସ ନରକଦୁ ପୋକ୍‌ନି ବାଦ୍‌ଲୁ ଉଣ୍ତ୍ରି କାଣ୍‌ଗା ମାନ୍‌ଜି ମାପୁରୁଦି ପୁର୍‌ତୁ ସନିକା ମିଙ୍ଗିଁ ନେଗେତ୍‌ । 
\v 48 ଇରିଙ୍ଗ୍‌ ନର୍କଦୁ ୱାରିଙ୍ଗ୍‌ ଏମେ ପିଡ଼୍‍କୁ ତିନେ ଏସାଙ୍ଗ୍‍ବା ସାଉ । ମାରି, ଆୟା ସିସୁ ଏସ୍‌କାଙ୍ଗ୍‌ବା ନାମ୍‍ଏତ୍‍ ।
\p
\v 49 ପୁଜାସିନି ସର୍‌ତାନ୍‌ ନର୍‌ନି ୱାଜା ୱିଜେରେ ସିସୁଦାନ୍‌ ନରାଇ ଆନାର୍‌ ।
\p
\v 50 \x + \xo ୯:୫୦ \xo*\xt ମାତିଉ ୫:୧୩; ଲୁକ ୧୪:୩୪,୩୫.\xt*\x*ସରୁ ଉଣ୍ତ୍ରି ନେଗ୍ରି ଜିନିସ୍‌, ମାତର୍‌ ସର୍‍ ଜଦି କାର୍‍ୟା ଆନିକା ଗୁଣୁ ଆରାକିନାତ୍‍, ତାନେଙ୍ଗ୍‌ ମାରିଡ଼େସି ଏଣ୍ତେସ୍‌ କାରିୟା କିଦେଙ୍ଗ୍‌ ଆଟ୍‌ନିଦେର୍‌ ? “ଆଦେଙ୍ଗ୍‌ ମିର୍‌ ସର୍‍ ୱାଜା ନେଗି ଗୁଣୁ ଆସ୍‌ତୁ ମାରି ୱିଜେରି ୱାଲେ ସାନ୍ତିଦାଣ୍ତ୍‍ ମାନ୍‌ଡ଼୍ରୁ ।”
\c 10
\s ମେମାରି ଆଇମା ଡ଼ିସ୍‌ନି ବିସୟତାନ୍ ଶିକ୍ଷା
\r (ମାତିଉ ୧୯:୧-୧୨; ଲୁକ ୧୬:୧୮)
\p
\v 1 ଜିସୁ ଆୟା ବାଡିଦାଣ୍ତ୍‍ ସର୍‌ଆନ୍‌ ନୋ ଜିହୁଦା ଇତିରାଜିଦୁ ସର୍‌ଆନ୍‌ ମାରି ଜର୍ଦନ ଗାଡା ନାଆଜି ୱାତାନ୍‌; ମାରି ନାଣ୍ତ ଲୋକୁ ମାରିଡ଼େସି ଜିସୁ ଲାକ୍‌ତୁ ଉଣ୍ତାତାର୍‍, ଜିସୁ ଆଗ୍‍ଡ଼ିରି ୱାଜାନେ ୱାରିଙ୍ଗ୍‌ ସିକିୟା ସିଦେଙ୍ଗ୍‍ ଆସ୍‌ତାନ୍‌ ।
\p
\v 2 ଏସୋ ଲୋକୁ ପାରୁସିର୍‌ ଜିସୁ ଲାକ୍‌ତୁ ୱାଜି ୱାନିଙ୍ଗ୍‌ ପରିକା କିଜି ୱେନ୍‌ବାତାର୍‌, “ନିଜେଦି ଆଡ଼ିଦିଙ୍ଗ୍‍ ଡ଼ିସ୍‍ତେଙ୍ଗ୍‍ଁ ଇନିକା ମେମାରି ତରଟାନ୍‍ ମା ନିୟମ୍‌ ମାନାତ୍‌ ନୋ ?”
\p
\v 3 ଜିସୁ ୱାରିଙ୍ଗ୍‌ ଉତର୍‌ ସିତାନ୍‌, “ମୋସା ମିଙ୍ଗିଁ ଇନି ମାଟା ୱେର୍‍ତା ମାନାନ୍‌ ?”
\p
\v 4 \x + \xo ୧୦:୪ \xo*\xt ମାତିଉ ୫:୩୧.\xt*\x*ୱାର୍‌ ୱେର୍‌ତାର୍‌, “ଡ଼ିସ୍‌ନି ଆକୁ ରାସ୍‌ସି ଆଇମାଦିଙ୍ଗ୍‍ ଡ଼ିସ୍‍ତେଙ୍ଗ୍‍ଁ ମୋସା, ୱେର୍‍ତା ମାନାନ୍‌ ।”
\p
\v 5 ଜିସୁ ୱାରିଙ୍ଗ୍‌ ଇର୍ହାନ୍‌, “ମି ଜିବନ୍‍ତି ଆଟୁୱାଦିଙ୍ଗ୍‍ ସୁଡ଼୍‌ଜି ମୋସା ମିଙ୍ଗିଁ ଇୟାୱାଜା ବିଦି ରାସ୍ତା ଇଟ୍‌ଟା ମାନାନ୍‌ । 
\v 6 ମାତର୍‌ ଏଣ୍ତେସ୍‌ ସାସ୍ତ୍ର ଇନାତ୍‍, ଆୟାୱାଜା ତିଆର୍‌ ଆନି ଆଗ୍‍ଡ଼ିରାନ୍‍ ମାପୁରୁ ୱାରିଙ୍ଗ୍‌ ମେମାରି ନି ଆଇମା କିଜି ତିଆର୍‌ କିତାନ୍‌ । 
\v 7 ଆଦେଙ୍ଗ୍‌ ଅରେନ୍‍ ଇୟାଉଣ୍ତିଙ୍ଗ୍‌ ମେମାର୍‌ଏନ୍‌ ନିଜେଦି ବୁବାୟାୟେଙ୍ଗ୍‌ ଡ଼ିସ୍‌ସି ନିଜେଦି ଆଡ଼୍‌ସି ୱାଲେ ତେବାନାନ୍‌ ମାରି ଆୟା ରିଏର୍‌ ଅରେନ୍‌ଆନାର୍‍, 
\v 8 ୱାର୍‌ ରିଏର୍‌ ଉଣ୍ତ୍ରେନେ ଆନାର୍‌ । ମାରି ୱାର୍‌ ରିଏର୍‌ ଆଏର୍‌, ମାତର୍‌ ଉଣ୍ତ୍ରେନେ ଆନାର୍‌ । 
\v 9 ମାପୁରୁ ଆମାକା ମିସାକିତା ମାନାନ୍‌, ଆକା ଲୋକୁ ୱାରିଙ୍ଗ୍‌ ୱେର୍‌ଏ କିମାକିର୍‍ ।”
\p
\v 10 ୱେନ୍‌କା ସିସୁର୍‍ ଇନ୍‌ଡ୍ର ଡ଼େସି ୱାତି ୱେନ୍‌କା ଜିସୁଙ୍ଗୁଁ ଇୟା ବିସୟତୁ ମାରିଡ଼େସି ୱେନ୍‌ବାତାର୍‌ । 
\v 11 \x + \xo ୧୦:୧୧ \xo*\xt ମାତିଉ ୫:୩୨; ୧ କରିନ୍ତିୟ ୭:୧୦,୧୧.\xt*\x*ଆବେନ୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, “ଏନ୍‌ଆପିନ୍‌ ନିଜେଦି ଆଡ଼ିଦିଙ୍ଗ୍‍ ଡ଼ିସ୍‍ନାନ୍‍ ନୋ ମାରି ଉନ୍‍ଣ୍ତ୍ରିତାନିଙ୍ଗ୍‍ ପେଡ଼ି ଆନାନ୍‌, ଆୟା ମେମାରି ଆଡ଼ିସ୍‍ ବିରଦ୍‌ତାନ୍‌ ଦାରିପାଣି କିନାନ୍‍; 
\v 12 ମାରି, ଜଦି ଏମେ ଆଇମା ନିଜେତି କନ୍‍ଲିଙ୍ଗ୍‍ ଡ଼ିସ୍‍ସି ମାରି ଅରେନ୍‌ ମେମାର୍‌ଏନ୍‌ତିଙ୍ଗ୍‍ ପେଡ଼ି ଆନାତ୍‌, ଆୟା ଆଇମା ବା ଦାରି ପାପ୍‌ତୁ ଦସ୍‌ ଆନାତ୍‌ ।”
\s ଜିସୁ ଇସ୍ରି କଡ଼ରିଙ୍ଗ୍‌ ଆର୍ସିବାଦ୍‌ କିତାନ୍‌
\r (ମାତିଉ ୧୯:୧୩-୧୫; ଲୁକ ୧୮:୧୫-୧୭)
\p
\v 13 ଜିସୁ ଏଣ୍ତେସ୍‌ ଇସ୍ରି କଡ଼ରିଙ୍ଗ୍‌ କିୟୁ ଇଡ୍‌ଜି ଆର୍ସିବାଦ୍‌ କିନି ଉଣ୍ତିଙ୍ଗ୍‌, ଲୋକୁ ଇସ୍ରି କଡ଼ରିଙ୍ଗ୍‌ ଜିସୁ ଲାକ୍‌ତୁ ତାତାର୍; ମାତର୍‌ ସିସୁର୍‍ ଆୟା ଲୋକାଙ୍ଗ୍‌ ଆଦ୍‌ରିସ୍‌ତେଙ୍ଗ୍‍ ଆସ୍‌ତାର୍‌ । 
\v 14 ସିସୁର୍‍ ଲୋକାଙ୍ଗ୍‌ ଲାଗାନିକା ସୁଡ଼୍‍ଜି, ଜିସୁ ସିସୁରି ମୁସ୍‌କୁ ରିସା ଆତାନ୍‌ନୋ ଇର୍ହାନ୍‌, “ଇସ୍ରି କଡ଼ରିଙ୍ଗ୍‌ ନା ଲାକ୍‌ତୁ ୱାଦେଙ୍ଗ୍‌ ସିଦୁ, ୱାରିଙ୍ଗ୍‌ ମାନା କିମାଟ୍‌; ଏନ୍ଧା ଇରିଙ୍ଗ୍‌ ମାପୁରୁତି ରାଜି ଇୟାୱାଜା ଇସ୍ରି କଡ଼ରିଦି । 
\v 15 \x + \xo ୧୦:୧୫ \xo*\xt ମାତିଉ ୧୮:୩.\xt*\x*ନାନ୍ ମିଙ୍ଗିଁ ସତ୍‌ ଇଜିନା, ଏନ୍‌ ଜଦି ଇସ୍ରିକଡ଼ୱାଜା ମାପୁରୁଦି ରାଜିଦିଙ୍ଗ୍‍ ଆସ୍‍ଏନ୍‍, ୱାଣ୍ତ୍ରୁ ଏଣ୍ତେସ୍‌ କିଜିବା ଆବେନ୍‌ ଡ଼ୁଗୁଦେଙ୍ଗ୍‍ ଆଟ୍‍ଏନ୍‍ ।” 
\v 16 ଇୟା ୱେନ୍‌କା ଜିସୁ ୱାରିଙ୍ଗ୍‌ ଗାତୁ ଆସ୍‌ତାନ୍‌ନୋ କଡ଼ରି ମୁସ୍‌କୁ କିୟୁ ଇଡ୍‌ଜି କଡ଼ରିଙ୍ଗ୍‌ ଆର୍ସିବାଦ୍‌ କିତାନ୍‍ ।
\s ଅରେନ୍‍ ମାଜନ୍‌ ମୁରୁଲି ଲୋକ୍‌ତି ମାଟା
\r (ମାତିଉ ୧୯:୧୬-୩୦; ଲୁକ ୧୮:୧୮-୩୦)
\p
\v 17 ଜିସୁ ମାରିଡ଼େସି ସନିୱାଲେ ଅରେନ୍‍ ଲୋକୁ ଉରୁକ୍‍ସି ୱାଜି ଜିସୁଦି ଆଗ୍‌ଡ଼ି ମେଣ୍ତେଙ୍ଗ୍‌ ଗଟ୍‍କିଜି ୱାନିଙ୍ଗ୍‌ ୱେନ୍‌ବାତାନ୍‌, “ଏ ସତ୍‍ ଗୁରୁ, ଏସ୍‌କାଙ୍ଗ୍‌ୱିଜିଇ ଜିବନ୍‌ ପୟ୍‌ନି ଉଣ୍ତିଙ୍ଗ୍‌ ନାନ୍ ଇନିକା କିଦେଙ୍ଗ୍‌ ଆନାତ୍‌ ?”
\p
\v 18 ଆବେନୁ ଜିସୁ ୱାନିଙ୍ଗ୍‌ ଇର୍ହାନ୍‌, “ନାଙ୍ଗିଁ ନେଗିକାନ୍‍ ଇଜି ଇନିଦାନିଙ୍ଗ୍‌ ଇଜିନି ?” ମାରି ମାପୁରୁଙ୍ଗୁଁ ଡ଼ିସ୍‍ତିଙ୍ଗ୍, “ମାରି ଆଇକାନ୍‍ ଏନ୍‌ବା ସତ୍‌ । 
\v 19 ନିନ୍‌ ସାସ୍ତ୍ରଦି ନିୟମ୍‌କୁ ୱିଜୁ ନେସ୍ତିମାନି, ଲୋକାଙ୍ଗ୍‌ ସାୟାମାର୍‌ଗା ଡାକ୍‌ମାଟ୍‌, ଦାରିପାଣି କିମାଟ୍‌, ଡଙ୍ଗାଁ କିମାଟ୍‌, ଏ ବିରଦ୍‌ତାନ୍‌ ମିସ୍‌ ମାଟା ଇନ୍‌ଡ୍ରେଙ୍ଗ୍‌ ଆଏତ୍‍, ଲୋକାଙ୍ଗ୍‌ ଆସା କିମାଟ୍‌, ନିଜେଦି ବୁବା ୟାୟାଏଙ୍ଗ୍‍ ମାନାଦୁ ।”
\p
\v 20 ଆୟା ମାଜନ୍‌ ଲୋକୁ ଇର୍‌ଆନ୍‌, “ଏ ଗୁରୁ, ଇୟାୱିଜୁ ନାନ୍ ମୁରୁଲିୱାଲେରାନ୍‍ ଇୟାୱିଜୁ ନିୟମ୍‌ ମାନାଜି ୱାଜିନା ।”
\p
\v 21 ଜିସୁ ୱାନି ତରିଣ୍ତ୍‍ ସୁଡ଼୍‌ଜି ୱାନିଙ୍ଗ୍‌ ଲାଡ୍‍କିଜି ଇର୍‌ଆନ୍‌, “ନି ଉଣ୍ତ୍ରିବିସୟ ଉଣାମାନାତ୍‌, ସାଙ୍ଗ୍‍ ନି ୱିଜୁ ଦନ୍‌ ସମ୍ପତ୍ତି ପର୍‍ସୋ କାକୁର୍ତି ଲୋକାଙ୍ଗ୍‌ ଡାବୁଙ୍ଗୁଁ ବାଟାକିଜି ସିଆ, ଆବେଟ୍‌ ନିନ୍‌ ମୁସ୍‌କୁପୁର୍‌ତି ଦନ୍‍ ପଇନି; ମାରି, ୱାଜି ନା ୱେନ୍‌କା ବୁଲାଆ ।” 
\v 22 ଜିସୁଦି ଇୟା ମାଟା ୱେର୍‌ଆନ୍‌ ନୋ ଆୟା ଲୋକ୍‌ତି ମକମ୍‌ ୱାର୍‌ତା ସର୍‌ଆତ୍‌ ମାରି ୱାନ୍‌ ଦୁଃକ୍‍ ଆଜି ଇନ୍‌ଡ୍ର ସର୍‌ଆନ୍‌, ଇରିଙ୍ଗ୍‌ ୱାନିଙ୍ଗ୍‌ ନାଣ୍ତ ଦନ୍‍ ସମ୍ପତ୍ତି ମାର୍‌ଆତ୍‌ ।
\p
\v 23 ଜିସୁ ସାରିବେଡ଼୍‍ତି ସୁଡ଼ୁତାନ୍‌ ନୋ ନିଜେଦି ସିସୁରିଙ୍ଗ୍‌ ଇର୍ହାନ୍‌, “ଏମେ ଲୋକାଙ୍ଗ୍‌ ନାଣ୍ତ ଦନ୍‍ ମାନାତ୍‌, ୱାରୁ ବେସି କାସ୍ଟୁଦାନ୍‍ ମାପୁରୁତି ରାଜିଦୁ ସନ୍‌ଡ଼୍ରେଙ୍ଗ୍‌ ଆଟ୍‍ନାର୍‍ ।”
\p
\v 24 ଜିସୁଦି ମାଟା ୱେନ୍‌ଜି ସିସୁର୍‍ କାବାଆତା ସର୍‌ଆର୍‌ । ମାତର୍‌ ଜିସୁ ମାରିଡ଼େସି ୱାରିଙ୍ଗ୍‌ ଇର୍‌ଆନ୍‌, “ଏ ନା କଡ଼ର୍‌, ମାପୁରୁଦି ରାଜିଦୁ ସନ୍‌ଡ଼୍ରେଙ୍ଗ୍‌ ସତେନେ କାସ୍ଟୁ ! 
\v 25 ଉଣ୍ତ୍ରି ସୁଜିଦି ବର୍‌ ସିଜି ଉଟ୍‌ ଡ଼ୁଗୁନିକା ଉସାସ୍‌, ମାତର୍‌ ଅରେନ୍‍ ମାଜନ୍‌ ଲୋକୁ ମାପୁରୁଦି ରାଜିଦୁ ସନିକା କାସ୍ଟୁ ।” \fig ବେପାର୍‌ଏନ୍‌ ଉଟ୍‌ତିଙ୍ଗ୍‌ ଗାଡ଼୍‌ତି ସେରେଲାଦି ଆତ୍‌ରେ ଅସିନାନ୍‌ |alt="Merchant leading a camel outside a city wall and gate" src="hk00041c.tif" size="col" copy="Horace Knowles ©" ref="୧୦:୨୫"\fig*
\p
\v 26 ଇୟା ମାଟା ୱେନ୍‌ଜି ସିସୁର୍‍ ନାଣ୍ତ କାବା ଆତାର୍‌ ନୋ ୱାରିୱାରି ଲୋଇ ୱାର୍‌ଗିଜି ସାତାର୍‌, “ଆର୍‌ତିଙ୍ଗ୍‌ ଏନ୍‌ ରକିୟା ପଇଦେଙ୍ଗ୍‍ ଆଟ୍‍ନାନ୍‍ ?”
\p
\v 27 ଜିସୁ ସିସୁରିଙ୍ଗ୍‌ ସାଡ଼୍‌କୁ ସାଡ଼୍‌କୁ ସୁଡ଼୍‍ଜି ଇର୍ହାନ୍‌, “ଇକା ଲୋକାଦି ଉଣ୍ତିଙ୍ଗ୍‌ ଆଟ୍‌ୱା, ମାତର୍‌ ମାପୁରୁଦିଙ୍ଗ୍‌ ଉଣ୍ତିଙ୍ଗ୍‌ ଉସାସ୍‌, ଇରିଙ୍ଗ୍‌ ମାପୁରୁ ୱିଜୁ କିଦେଙ୍ଗ୍‍ ଆଟ୍‍ନାନ୍‍ ।”
\p
\v 28 ଇୟା ମାଟା ୱେନ୍‌ଜି ପିତର୍‌ ଜିସୁଙ୍ଗୁଁ ଇର୍ହାନ୍‌, “ସୁଡ଼୍‌ଆ, ମାପ୍‌ ୱିଜୁ ଡ଼ିସ୍‍ସି ନି ୱେନ୍‍କା ୱାତା ମାନାପ୍‌ ।”
\p
\v 29 ଜିସୁ ଇର୍ହାନ୍‌, “ନାନ୍ ମିଙ୍ଗିଁ ସତ୍‌ ଇଜିନା,” ଏମେ ଲୋକୁ ନା ୱେନ୍‌କା ୱାନି ଉଣ୍ତିଙ୍ଗ୍‌ “ମାରି ନା ସୁସମାଚାର୍‌ ୱେର୍‍ନି ଉଣ୍ତିଙ୍ଗ୍‌ ଏନ୍‍ବା ଇଲୁ, ତଡ଼ାନ୍‌ତିଙ୍ଗ୍‌ ନି ତାଙ୍ଗିଁ, ବୁବା ନି ୟାୟେଙ୍ଗ୍‌, କଡ଼କକ୍ରାରିଙ୍ଗ୍‌ ମାରି ବୁମିବାଡ଼ା ଡ଼ିସ୍‌ତାମାନାନ୍‌, 
\v 30 ମାରି ଇଲେଇ ଇୟା ଜଗ୍‌ତୁ ଦାପେ ଦାପେନେ ଶହେ ଗୁଣୁତାନ୍‍ ଇଲୁ, ତଡ଼ାନ୍‍, ତାଙ୍ଗିଁ, ୟାୟା, ମାରିନ୍‌, ଗାଡ଼ି, ମାରି ଭୁମିବାଡ଼ିଦି ୱାଲେ କାସ୍ଟୁ ବା ପଇନାନ୍‍ । ମାରି ୱାନି ଦିନ୍‌ତୁ ଏସ୍‌କାଙ୍ଗ୍‌ୱିଜ୍‍ଇ ଜିବନ୍‌ ପଇନାନ୍‍ । 
\v 31 \x + \xo ୧୦:୩୧ \xo*\xt ମାତିଉ ୨୦:୧୬; ଲୁକ ୧୩:୩୦.\xt*\x*ମାତର୍‌ ଇଲେଇ ଏମେ ଲୋକ୍‌ଡର୍‌ ଆଗ୍‌ଡ଼ି ମାନାର୍‌, ୱାର୍‌ ୱେନ୍‌କା ଆନାର୍‌, ମାରି ୱେନ୍‌କା ମାନି ଲୋକ୍‌ଡର୍‌ ଆଗ୍‌ଡ଼ି ଆନାର୍‌ ।”
\s ଜିସୁ ୱାନି ସାନି ମାଟା ମୁଜା ଇର୍ହାନ୍‌
\r (ମାତିଉ ୨୦:୧୭-୧୯; ଲୁକ ୧୮:୩୧-୩୪)
\p
\v 32 ଇୟା ୱେନ୍‌କା ୱାର୍‌ ଜିରୁସାଲାମ୍‍ତୁ ସନିୱାଲେ ସାରିଦୁ ମାରାଆନ୍‍ ମାରି ଜିସୁ ସିସୁରି ଆଗ୍‌ଡ଼ି ଆଗ୍‌ଡ଼ି ସଲ୍‍ସି ମାର୍‌ଆନ୍‌, ମାରି ଶିଶୁର୍‌ କାବାଆତା ସର୍‍ଆର୍‍, ମାରି ୱାନି ୱେନ୍‌କା ବୁଲାଜି ମାର୍‍ଇ ଲୋକ୍‌ଡର୍‌ ତିଲାତାସର୍‍ଆର୍‍ । ଜିସୁ ମାରିଡ଼େସି ବାର ଲୋକାଙ୍ଗ୍‌ କୁକ୍‍ସି, ୱାନି ଉଣ୍ତିଙ୍ଗ୍‌ ଇନିକା ଇନିକା ୱିଜୁ ଗଟେଆଦେଙ୍ଗ୍‍ ସଲ୍‍ସିନାତ୍‍, ଆୟା ବିସୟତାନ୍ ୱିଜୁ ସିସୁରିଙ୍ଗ୍‌ ଇନ୍‌ଡ୍ରେଙ୍ଗ୍‌ ଆସ୍‌ତାନ୍‌ । 
\v 33 ଜିସୁ ଇର୍ହାନ୍‌, “ୱେନ୍‌ଡ୍ରୁ, ମାପ୍‌ ଜିରୁସାଲମ୍‌ତୁ ସଲ୍‍ସିନାପ୍‍; ଆବେ ମନୁଷ୍ୟପୁତ୍ର ଜେ ନାନ୍ ପେରି ପେରି ଜାଜକ ମାରି ସାସ୍ତ୍ରିରି କିୟୁଦୁ ସେର୍‍ପାନା, ମାରି ୱାରୁ ନାଂଇ ସାନି ଦଣ୍ଡ୍‌ ସିନି ଉଣ୍ତିଙ୍ଗ୍‌ ଆଇ ଅଣଜିହୁଦି ଲୋକ୍‌ତି କିୟୁଦୁ ସର୍ପେ କିଜି ସିନାର୍‍, ନାଂଇ ବିଚାର୍‍ କିଜି ଡାକ୍‌ନାର୍‌ । 
\v 34 ମନୁଷ୍ୟପୁତ୍ରଦିଙ୍ଗ୍‍ ଜେ ନାନ୍ ୱାର୍‌ ନାଂଇ ସେମାର୍‌ କିନାର୍‍, ନା ମୁସ୍‌କୁ ପୁସ୍‍ନାର୍‍, ନାଂଇ କୋର୍‌ଡାଦାଣ୍ତ୍‍ ଡାକ୍‌ନାର୍‌ ମାରି ନାଂଇ ସାପିସ୍‌ କିନାର୍‍, ମାରି ମୁନେଟି ୱେନ୍‌କା ୱାନ୍‌ ମାରିଡ଼େସି ଜିବନ୍‌ଆଜି ନିଙ୍ଗିଁନାନ୍‌ ।”
\s ଯାକୁବ ନି ଯୋହନ ଜିସୁଦି ଉଣି ନି ଡେବିରି ତରିଣ୍ତ୍‌ ବାସ୍‌ତେଙ୍ଗ୍‌ ଗୁଆରି କିତାର୍‍
\r (ମାତିଉ ୨୦:୨୦-୨୮)
\p
\v 35 ଜେବଦଦି ମାରିସିର୍‌ ଯାକୁବ ନି ଯୋହନ ଜିସୁ ଲାକ୍‌ତୁ ୱାତା ରୋ ଇର୍ହାର୍‌, “ଏ ଗୁରୁ,” ମା ଉଣ୍ତିଙ୍ଗ୍‌ ଇନିକା ବା କିଆ, “ମାପ୍‌ ନିବାନୁ ଇନିକା ଲସ୍‍ନାପ୍‍, ଆୟାକା ମା ଉଣ୍ତିଙ୍ଗ୍‌ କିଆ ।”
\p
\v 36 ଜିସୁ ୱାରିଙ୍ଗ୍‌ ୱେନ୍‌ବାତାନ୍‌, “ନାନ୍, ମି ଉଣ୍ତିଙ୍ଗ୍‌ ଇନିକା କିନା ଇଜି ମିର୍‌ ଇନିକା ବଦା କିଜିନିଦେର୍‍ ?”
\p
\v 37 ୱାରୁ ଜିସୁଙ୍ଗୁଁ ଇର୍ହାର୍‌, “ମାପୁରୁତି ରାଜିଦୁ ଏସିୱାଲେ ନିନ୍‌ ମହିମାଦି ରାଜାଗଦିଦୁ ବାସ୍‌ନି ମା ମାଣ୍‌କୁ ଅରେନ୍‍ ଲୋକ୍‌ତିଙ୍ଗ୍‌ ନି ଉଣେରି କିୟୁ ତରିନ୍‍ ମାରି ଅରେନ୍‍ ଲୋକ୍‌ତିଙ୍ଗ୍‌ ନି ଡେବ୍‍ରିକିୟୁ ତରିନ୍‍ ବାସ୍ତେଙ୍ଗ୍‍, ମାଙ୍ଗିଁ ଇୟା ବର୍‌ ସିଦା ।”
\p
\v 38 \x + \xo ୧୦:୩୮ \xo*\xt ଲୁକ ୧୨:୫୦.\xt*\x*ମାତର୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, “ମିର୍‌ ଇନିକା ଲସ୍‌ସିନିଦେର୍‌, ଆୟାକା ମିର୍‌ ନେସ୍‌ତେଙ୍ଗ୍‌ କି ବୁଝାଦେଙ୍ଗ୍‍ ଆଟ୍‍ଏଜିନିଦେର୍‍ । ନାନ୍ ଏମେ ଦୁଃକୁ ବୋଗାଜି ଉଣ୍ତେଙ୍ଗ୍‌ ସନା, ଆୟା ଦୁଃକୁତିଙ୍ଗ୍‌ ବୋଗାଜି ଉଣ୍ତେଙ୍ଗ୍‌ ଆଟ୍‌ନିଦେର୍‌ ନୋ ? ନାନ୍ ଏମେ ସାନି ଡୁବନ୍‌ତୁ ଡୁବନ୍‌ ଅନା ମିର୍‌ ଇନିକା ଆୟା ଡୁବନ୍‌ତୁ ଅତେଙ୍ଗ୍‌ ଆଟ୍‌ନିଦେର୍‌ ନୋ ?”
\p
\v 39 ୱାର୍‌ ଜିସୁଙ୍ଗୁଁ ଇର୍ହାର୍‌, “ହୁଁ ମାପ୍‌ କିଦେଙ୍ଗ୍‌ ଆଟ୍‍ନାପ୍‍ ।” ଜିସୁ ୱାରିଙ୍ଗ୍‌ ଇର୍‌ଆନ୍‌, ନାନ୍ ଏମେ ଦୁଃକୁ ବୋଗାନା, “ମିର୍‌ ଆବେନୁ ଭୋଗାନିଦେର୍‍, ମାରି ନାନ୍ ଏମେ ସାନି ଡୁବନ୍‌ତୁ ଡୁବନ୍‌ ଅସିନା, ମିର୍‌ ନା ୱାଜା ଆବେନୁ ଡୁବନ୍‌ ଅତେଙ୍ଗ୍‌ ଆଟ୍‌ନିଦେର୍‌; 
\v 40 ମାତର୍‌ ନା ଉଣେରି କିୟୁ ତରିଣ୍ତ୍‍ ନି ଡେବିରି କିୟୁ ତରିଣ୍ତ୍‍ ବାସିସ୍‍ କିଦେଙ୍ଗ୍‌ ନା ଅଦିକାର୍ ବିସୟ୍‌ ସିଲେତ୍‌; ମାତର୍‌ ଏମେ ଲୋକ୍‌ତି ଉଣ୍ତିଙ୍ଗ୍‌ ମା ବୁବା ଆୟା ବାଡି ତିଆର୍‌ କିତା ଇଟ୍‌ତାମାନାନ୍‌, ଆୟା ବାଡିଦୁ ୱାର୍‌ ବାସ୍‍ନାର୍‍ ।”
\p
\v 41 ଇୟା ମାଟା ୱେର୍‌ଆର୍‌ ନୋ ଆଇ ଦାସ୍‌ଲୋକ୍‌ ସିସୁର୍‌ ଜାକୁବ ନି ଯୋହନତି ମୁସ୍‌କୁ ରିସା ଆତାର୍‌ । 
\v 42 \x + \xo ୧୦:୪୨ \xo*\xt ଲୁକ ୨୨:୨୫,୨୬.\xt*\x*ଜିସୁ ୱାରିଙ୍ଗ୍‌ ଲାକ୍‌ତୁ କୁକ୍‍ତାନ୍‍ନୋ ଇର୍‌ଆନ୍‌, “ଏମେ ଲୋକୁ ଅଣଜିହୁଦି ମାଣ୍‌କୁ ଶାସନ କିନି ଲୋକାୱାଜା ୱେଙ୍ଗ୍‌ଁନାର୍‌, ୱାର୍‌ ୱାରି ମୁସ୍‌କୁ ଶାସନ୍‍ କିଜିନାର୍‍ ମାରି ୱାରି ରାଜାର୍‌ ୱାରି ମୁସ୍‌କୁ ଶାସନ୍‍ କିଜିନାର୍‍, ମିର୍‌ ଇୟାକା ନେସ୍‌ତିମାନିଦେର୍‌ । 
\v 43 \x + \xo ୧୦:୪୩ \xo*\xt ମାତିଉ ୨୩:୧୧; ମାର୍କ ୯:୩୫; ଲୁକ ୨୨:୨୬.\xt*\x*ମାତର୍‌ ମି ମାନୁ ଆୟାୱାଜା ସିଲେତ୍‌; ମାତର୍‌ ମି ମାଣ୍‌କୁ ଏନ୍‌ ଜଦି ପେରିକାନ୍‌ ଆଦେଙ୍ଗ୍‌ ବଦା କିନାନ୍‍, ୱାଣ୍ତ୍‌ରୁ ମି ସେବାକିନିକାନ୍‍ ଆପିନ୍‌ । 
\v 44 ମାରି ମି ମାଣ୍‌କୁ ଏନ୍‌ଆପିନ୍‌ ପେରିକାନ୍‌ ଆଦେଙ୍ଗ୍‌ ବଦାକିନାନ୍‌, ୱାଣ୍ତ୍‍ରୁ ୱିଜେରି ଗତିମୁରୁଲି ଆପିନ୍‌ । 
\v 45 ଇରିଙ୍ଗ୍‌ ମନୁସ୍ୟପୁତ୍ର ଜେ ନାନ୍ ସେବା ପ‍ଇଦେଙ୍ଗ୍‌ ରେଏ, ମାତର୍‌ ସେବା କିଦେଙ୍ଗ୍‌ ୱାତାମାନା ମାରି ୱିଜୁ ଲୋକାଙ୍ଗ୍‌ ରକିୟା କିିଜି ନିଜେଦି ଜିବନ୍‌ ସିଦେଙ୍ଗ୍‍ ଇଜି ୱାତାମାନା ।”
\s ଜିସୁ ବାର୍ଟୀମୟ କାଣେଙ୍ଗ୍‍ ନେଗେଣ୍ତ୍‍ କିତାନ୍‍
\r (ମାତିଉ ୨୦:୨୯-୩୪; ଲୁକ ୧୮:୩୫-୪୩)
\p
\v 46 ଜିସୁ ମାରି ୱାନି ସିସୁର୍‍ ଜିରିହୋ ଗାଡ଼୍‌ତୁ ୱାତାର୍‌, ମାରି ୱାର୍‌ ନାଣ୍ତଲୋକୁ ୱାଲେ ସଲ୍‍ସି ମାର୍‌ଆର୍‌, ଯିରିହୋତି ଆୟା ଗାଡ଼୍‌ ଡ଼ିସ୍‍ସି ସନିୱାଲେ, ଟିମାୟଦି ମାରିନ୍‌ ବାର୍ଟୀମୟ ଦରତିକାନ୍‍ ଅରେନ୍‍ କାଣା ଭିକାରି ସାରି ଲାକ୍‌ତୁ ବାସ୍ତା ମାର୍‌ଆନ୍‌ । 
\v 47 ୱାନ୍‌ ଜେ ନାଜରିତିୟ ଜିସୁ, ଆୟା ସାରିଦୁ ସଲ୍‌ସିନାନ୍‌ ଇଜି ୱେନ୍‌ଜି ଆୟା କାଣା ବିକାରି ନାଣ୍ତ୍‍ ଆଉଲି ଆଜି ଇର୍‌ଆନ୍‌, “ଏ ଦାଉଦତି ମାରିନ୍‌ ଜିସୁ, ନାଙ୍ଗିଁ ଦୟା କିଆ ।”
\p
\v 48 ଆବେନୁ ଏସଲୋକ୍‌ ୱାନିଙ୍ଗ୍‌ ଆଲେଜ ମାନ୍‌ଡ଼୍ରେଙ୍ଗ୍‌ ଇଜି ଆଦିରିସ୍‌ତେଙ୍ଗ୍‍ ଆସ୍‌ତାର୍‌, ମାତର୍‌ ୱାଣ୍ତ୍ରୁ ମାରି ନାଣ୍ତଦାଣ୍ତ୍‍ ଆଉଲି ଆଜି ଇର୍‌ଆନ୍‌, “ଏ ଦାଉଦତି ମାରିନ୍‌, ନାଙ୍ଗିଁ ଅଡ଼ପ୍‍ ଦୟା କିଆ !”
\p
\v 49 ଆବେନୁ ଜିସୁ ତେବାତାନ୍‍ ନୋ ଇର୍‌ଆନ୍‌, “ୱାନିଙ୍ଗ୍‌ କୁକ୍‍ତୁ ।” ୱାର୍‌ ଆୟା କାଣା ଭିକାରିତିଙ୍ଗ୍‍ କୁକ୍‍ସି ଇର୍‌ଆନ୍‌, “ସାସ୍‌ ଆସ୍‌ଆ, ନିଂଆ, ଜିସୁ ନିଂଇ କୁକ୍‍ସିନାନ୍‍ ।”
\p
\v 50 ଆବେଟ୍‌ ୱାଣ୍ତ୍ରୁ ନିଜେଦି ସାଦର୍‌ ପୋକ୍‌ତାନ୍‌ ନୋ ନିଂଇଜି ଜିସୁ ଲାକ୍‌ତୁ ୱାତାନ୍‌ ।
\p
\v 51 ଜିସୁ ୱାନିଙ୍ଗ୍‌ ୱେନ୍‌ବାତାନ୍‌, “ନାନ୍ ନି ଉଣ୍ତିଙ୍ଗ୍‌ ଇନିକା କିନା ଇଜି ନିନୁ ବଦା କିଜିନି ?” ଆୟା କାଣା ଲୋକୁ ଜିସୁଙ୍ଗୁଁ ଇର୍‌ଆନ୍‌, “ଏ ଗୁରୁ, ନାନ୍ ଏଣ୍ତେସ୍‌ ସୁଡ଼ୁଦେଙ୍ଗ୍‌ ଆଟ୍‍ନା ।”
\p
\v 52 ଜିସୁ ୱାନିଙ୍ଗ୍‌ ଇର୍‌ଆନ୍‌, “ସାଙ୍ଗ୍‍ଆ, ନି ବିସ୍‌ବାସ୍‌ ନିଙ୍ଗିଁ ନେଗେନ୍‍ କିତାମାନାତ୍‌ ।” ଆୟା ଦାପ୍ରେନେ କାଣା ୱାନି ସୁଡ଼ୁନି ସାକ୍ତି ପ‍ଇତାନ୍‌ ନୋ ସାରିଦୁ ଜିସୁ ୱେନ୍‌କା ୱେନ୍‌କା ବୁଲାଦେଙ୍ଗ୍‌ ଆସ୍‌ତାନ୍‌ ।
\c 11
\s ଜିସୁ ରାଜା ୱାଜା ଯିରୁଶାଲତୁ ସର୍‌ଆନ୍‌
\r (ମାତିଉ ୨୧:୧-୧୧; ଲୁକ ୧୯:୨୮-୪୦; ଜୋହନ ୧୨:୧୨-୧୯)
\p
\v 1 ଏସିୱାଲେ ଜିସୁ ମାରି ୱାନି ସିସୁର୍‍ ଜିରୁସାଲମ୍‍ତି ଲାକ୍‌ତୁ ମାନି ଜୀତ ଗରନ୍‍ତି ଲାକ୍‌ତୁରି ବେତ୍‍ପାଗି ନି ବେତନିୟା ଇନି ନାର୍‍ତୁ ଇତାର୍‌, ନାସ୍ତିୱାଲେ ଜିସୁ ୱାନି ସିସୁରି ଲୋଇ ରିଏରିଙ୍ଗ୍‍ ଇୟା ମାଟା ୱେର୍‌ସି ପୋକ୍‌ତାନ୍‌ । 
\v 2 “ମି ଆଗ୍‌ଡ଼ି ମାନି ଆୟା ନାଟ ସାନ୍‌ଡ୍ରୁ; ଆବେ ଇତି ଦାପ୍ରେ, ଆମା ମୁସ୍‌କୁ ଏନ୍‍ବା ବାସ୍‍ଇ ମାନି ଉଣ୍ତ୍ରି ଗଦପିଲାଦିଙ୍ଗ୍‍ ତର୍‍ନି ମାନିକା ସୁଡ଼୍‍ନିଦେର୍‍, ଆୟା ଗଦପିଲାଦିଙ୍ଗ୍‍ କୁତ୍‍ସ ନା ଲାକ୍‌ତୁ ତାଗାଟ୍‍ । 
\v 3 ମାରି, ଏନ୍‌ ଜଦି ମିଙ୍ଗିଁ ଏନ୍ଦା କୁତ୍‍ସି ଅସିନିଦେର୍‍ ଇଜି ୱେନ୍‍ବାନାନ୍‌, ଇନିଦେର୍‌, ପ୍ରବୁଙ୍ଗ୍‌ ଦର୍‌କାର୍‌ ମାନାତ୍‌, ମାରି ୱାନ୍‌ ଆୟା ଗଦପିଲାଦିଙ୍ଗ୍‍ ମାରିଡ଼େସି ୱେଡ଼ା କିଏନ୍‍ଣ୍ତା ବେନୁ ପୋକ୍‌ନାନ୍‌ ।”
\p
\v 4 ସିସୁର୍‍ ଆୟା ନାର୍‍ତୁ ସରାରୋ ଉଣ୍ତ୍ରି ଇଲୁ ସେର୍‍ଲା ଲାକ୍‌ତୁ ଆତ୍‌ରେ ଦୁୱାର୍‍ତୁ ଉଣ୍ତ୍ରି ଗଦପିଲାଦିଙ୍ଗ୍‍ ତର୍‍ତି ମାର୍‌ଇକା ସୁଡ଼ୁତାରୋ ଗଦଦିଙ୍ଗ୍‌ କୁତ୍‍ତାର୍‍ । 
\v 5 ଆବେନ୍‌ ଆୟା ଲାକ୍‌ତୁ ନିରିଇ ମାନି ଲୋକା ମାଣ୍‌କୁ ଏସ ଲୋକୁ ୱାରିଙ୍ଗ୍‌ ୱେନ୍‌ବାତାର୍‌, “ଗଦପିଲାଦିଙ୍ଗ୍‍ ଇନିକା କିଜିନିଦେର୍‍, ଗଦପିଲାଦିଙ୍ଗ୍‍ ଇନ୍‍ଦାନିଙ୍ଗ୍‍ କୁତ୍‍ସିନିଦେର୍‍ ?”
\p
\v 6 ଜିସୁ ଇନିକା ଇନ୍‌ଡ୍ରେଙ୍ଗ୍‌ ଇର୍‌ଆମାର୍‌ଆନ୍‌, ସିସୁର୍‌ ଆୟାୱାଜା ୱାରିଙ୍ଗ୍‌ ଇର୍ହାର୍‌, ତାନେ ୱେନ୍‌କା ଲୋକୁ ୱାନିକାଙ୍ଗ୍‌ ଡ଼ିସ୍‍ସି ସିତାର୍‍ । 
\v 7 ସିସୁର୍‍ ଆୟା ଗଦପିଲାଦିଙ୍ଗ୍‍ ଜିସୁ ଲାକ୍‌ତୁ ତାତାର୍‌ ରୋ ମାରି ଗଦଦି ମୁଟାମ୍‌ ମୁସ୍‌କୁ ନିଜେ ନିଜେଦି ୱାତିଙ୍ଗ୍‍ ପାର୍‍ସି ସିତାର୍‍, ମାରି ଜିସୁ ଆୟା ଗଦ ମୁସ୍‌କୁ ବାସ୍‌ତାନ୍‌ । 
\v 8 ମାରି ଏସଲୋକ୍‌ ଜିସୁଙ୍ଗୁଁ ମାନାଜି ଇଜି ନିଜେ ନିଜେଦି ୱାତିଙ୍ଗ୍‍ ରାସ୍ତାଦୁ ପାର୍‍ସି ସିତାର୍‍ ମାରି ଏସୋଲୋକ୍‍ ମାରାତି ରଡେଙ୍ଗ୍‍ ୱିଜୁ କାତ୍‍ସି ତାତାର୍‌ ନୋ ରାସ୍ତାଦୁ ପାର୍‍ତାର୍‍ । 
\v 9 ମାରି, ଜିସୁଦି ଆଗ୍‌ଡ଼ି ନି ୱେନ୍‌କା ବୁଲାଜି ସଲ୍‍ସି ମାନି ଲୋକ୍‌ଡର୍‌ ନାଣ୍ତ ଆଉଲି ଆଜି ଇନ୍‌ଡ୍ରେଙ୍ଗ୍‌ ଆସ୍‌ତାର୍‌, “ହୋଶାନା ପ୍ରବୁଦି ଦର୍‌ତାନ୍‌ ଏନ୍‌ ୱାଜିନାନ୍‍, ମାପୁରୁ ୱାନିଙ୍ଗ୍‌ ଆର୍ସିବାଦ୍‌ କିପିନ୍‍ ! 
\v 10 ମା ପୁର୍ବେଦି ବୁବା ଦାଉଦତି ଆମା ରାଜି ୱାଜିନାତ୍‍, ଆୟାତାନେଙ୍ଗ୍‍ ଧନ୍ୟ, ଆୟା ମୁସ୍‌କୁପୁର୍‌ତୁ ମାନି ନେଗି ବୁବାଦି ଧନ୍ୟ । ନାଣ୍ତ ଲୋକାମାନୁ ହୋଶାନା ।”
\p
\v 11 ଜିସୁ ଜିରୁସାଲାମ୍‍ତୁ ଇତାନ୍‌ ମାରି ମନ୍ଦିର୍‌ ଲୋଇ ଡ଼ୁଗିତାନ୍‍ ମାରି ସାରିବେଡ଼୍‍ତି ୱିଜୁ ଜିନିସ୍‌ତିଙ୍ଗ୍‌ ସୁଡ଼ୁତାନ୍‌ ନାସ୍ତିୱାଲେ ମିଲ୍‌ମିଲିକା ଆଜି ୱାଜି ମାର୍‌ଆତ୍‌ ଆକା ବାର୍‍ ଲୋକୁ ସିସୁରିୱାଲେ ବେତନିୟା ଇନି ନାର୍‍ତୁ ସର୍‌ଆନ୍‌ ।
\s ଜିସୁ ତଗା ମାରାନ୍‍ତିଙ୍ଗ୍‍ ଆନାଦୁରିଆ ସିତାନ୍‌
\r (ମାତିଉ ୨୧:୧୮-୧୯)
\p
\v 12 ଆୟା ମାର୍‍ନାଣ୍ଡିଙ୍ଗ୍ ଜିସୁ ମାରି ସିସୁର୍‍ ବେତନିୟା ନାର୍‍ତାଣ୍ତ୍‍ ଜିରୁସାଲମ୍‌ତାନ୍‌ ୱାନିୱାଲେ ଜିସୁଙ୍ଗୁଁ ନାଣ୍ତ ବାଙ୍ଗାଁ କାଟ୍‍ତାତ୍‍ । 
\v 13 ମାରି, ଜିସୁ ଆକଣ୍‍କୁ ଉଣ୍ତ୍ରି ଆକୁମାନି ତଗା ମାରାନ୍‍ତିଙ୍ଗ୍‍ ସୁଡ଼ୁତାନ୍‌, ତଗା ମାରାନ୍‌ତୁ ଫଳ୍‍ ମାନାତ୍‍ନୋ ସିଲେତ୍‌, ଆୟା ଆସାଦାନ୍‍ ଜିସୁ ତଗା ମାରାନ୍‌ ଲାକ୍‌ତୁ ସର୍‌ଆନ୍‌ । ମାତର୍‌ ଲାକ୍‌ତୁ ୱାତାନ୍‌ ନୋ ଆୟା ତଗା ମାରାନ୍‌ତୁ ଆକୁ ଡ଼ିସ୍‌ସି ମାରି ଇନି ଫଳ୍‍ ବା ପଏତାନ୍‍, ଇରିଙ୍ଗ୍‌ ଆୟା ବେଡ଼ାଦୁ ତଗା ପଲ୍‌ ଆସ୍‌ନି ଦିନ୍‌ ରେଏତା ମାର୍‌ଆତ୍‌ । 
\v 14 ଜିସୁ ଆୟା ତଗା ମାରାନ୍‍ତିଙ୍ଗ୍‍ ସୁଡ଼୍‌ଜି ଇର୍‌ଆନ୍‌, “ନି ଲାକ୍‌ତୁରାନ୍‌ ଏମେ ଲୋକୁ ଏସ୍‌କାଙ୍ଗ୍‌ବା ପଲ୍‌ ତିନ୍‍ମାକିର୍‍ ।” ଜିସୁଦି ଇୟା ମାଟା ସିସୁର୍‍ ୱେର୍‌ଆର୍‌ ।
\s ଜିସୁ ମନ୍ଦିରତି ପର୍‌ନି ପାସ୍‍ରେଙ୍ଗ୍‍ ପୋକ୍‌ତାନ୍‌
\r (ମାତିଉ ୨୧:୧୨-୧୭; ଲୁକ ୧୯:୪୫-୪୮; ଜୋହନ ୨:୧୩-୨୨)
\p
\v 15 ତାନେ ୱେନ୍‌କା ୱାର୍‌ ଜିରୁସାଲମ୍‍ତୁ ୱାତାର୍‌, ମାରି ଜିସୁ ମନ୍ଦିର୍‌ ଲୋଇ ସର୍‌ଆର୍‌ନୋ ଆବେ ପୁଜା ସିନି ଗରିଆ ମେଣ୍ତେଙ୍ଗ୍‍ ପର୍‌ଜି ମାନି ଲୋକାଙ୍ଗ୍‌ ଆତ୍‌ରେ ସପ୍‌ତା ପୋକ୍‌ତାନ୍‌ । ମାରି ଟାକା ପର୍‌ନି ଲୋକାଦି ଟେବୁଲ୍‍ ନି ପାଉରା ପର୍‌ନି ଲୋକାଦି ପାସ୍‌ରା ଡର୍‍ ପେର୍‌ଜି ପକ୍‌ତାନ୍‌, 
\v 16 ମାରି ମନ୍ଦିର୍‌ ଲୋଇରି ଦୁଆର୍‍ ସିଜି ଇନି ଜିନିସ୍‌ ଅତେଙ୍ଗ୍‌ ସାରି ଏଙ୍ଗ୍‌ବା ସିଏତାନ୍‌, 
\v 17 ଆୟାୱେନ୍‌କା ଜିସୁ ଶିକ୍ଷା ସିଜି ସିଜି ଇର୍‌ଆନ୍‌, “ଦାର୍ମୁସାସ୍ତ୍ରଦୁ ଇକା ରାସାତାମାନାତ୍‌, ନା ମନ୍ଦିର୍‌ ଦୁନିଆଦି ୱିଜୁ ଜାତିଦି ଲୋକ୍‌ତି ଉଣ୍ତିଙ୍ଗ୍‌ ପାର୍‌ତାନା ଇଲୁ ଇଜି ୱେଙ୍ଗ୍‌ଁନାତ୍‌ ? ମାତର୍‌ ମିର୍‌ ତୋ ଆକା ଡଙ୍ଗାଁରି ଇଲୁୱାଜା କିତିମାନିଦେର୍‍ ।”
\p
\v 18 ପେରି ପେରି ଜାଜକର୍‌ ମାରି ସାସ୍ତ୍ରିର୍‍ ଇୟା ମାଟା ୱେର୍‍ଆର୍‍ରୋ ଜିସୁଙ୍ଗୁଁ ଏଣ୍ତେସ୍‌ ସାପିସ୍‌ କିଦେଙ୍ଗ୍‌ ଆଟ୍‍ନାର୍‍, ଆୟା ଉଣ୍ତିଙ୍ଗ୍‌ ସାରି ପ‍ଇଦେଙ୍ଗ୍‌ ଆସ୍‌ତାର୍‌; ମାତର୍‌ ଆବେ ମାର୍‍ଇ ଲୋକଡର୍‍ ୱାନି ସିକିୟାଦିଙ୍ଗ୍‍ କାବା ଆତାର୍‌ ନୋ ୱାର୍‌ ୱାନିଙ୍ଗ୍‌ ତିଲାଜି ମାର୍‌ଆର୍‌ ।
\p
\v 19 ଆୟା ନାଣ୍ଡିଙ୍ଗ୍ ମିଲିମିଲିକା ଜିସୁ ମାରି ୱାନି ସିସୁର୍‌ ଆୟା ଗାଡ଼୍‌ ଡ଼ିସ୍‌ସି ସଲ୍‍ସିମାର୍‍ଆର୍‍ ।
\s ତଗା ମାରାନ୍‍ତାନ୍‍ ସିକିୟା
\r (ମାତିଉ ୨୧:୨୦-୨୨)
\p
\v 20 ମାରି ଅର୍‍ଲେନ୍‍ ସାଲ୍‍ଦି ଆୟା ସାରି ସିଜି ସନିୱାଲେ ୱାର୍‌ ଜିସୁ ଏମେ ତଗା ମାରାନ୍‌ତିଙ୍ଗ୍‍ ଆନାଦୁରିଆ ସିତାମାର୍ହାନ୍‍ ଆୟା ମାରାନ୍‌ ମଦଲ୍‍ତାନ୍‍ ୱାର୍‍ସି ସରିକା ସୁଡ଼ୁତାର୍‌ । 
\v 21 ନାସ୍ତିୱାଲେ ପିତର୍‌ ଆଗ୍‍ଡ଼ିରି ମାଟା ଏତ୍‌କିଜି ଜିସୁଙ୍ଗୁଁ ଇର୍‌ଆନ୍‌, “ଏ ଗୁରୁ, ସୁଡ଼୍‌ଆ, ନିନ୍‌ ଏମେ ତଗା ମାରାନ୍‍ତିଙ୍ଗ୍‍ ଆନାଦୁରିଆ ସିତି ମାର୍‍ଇ, ଆୟା ତଗା ମାରାନ୍‌ ୱାର୍‍ସି ସର୍‌ଆ ମାନାତ୍‌ ।”
\p
\v 22 ଜିସୁ ଶିଶୁରିଙ୍ଗ୍‌ ୱେର୍‌ତାନ୍‌, “ମାପୁରୁଦି ମାନୁ ବିଶ୍ୱାସ୍‍ କିଦୁ । 
\v 23 ନାନ୍ ମିଙ୍ଗିଁ ସତ୍‌ ଇଜିନା, ଜେ ଏମେ ଲୋକୁ ଇୟା ଗରନ୍‍ତିଙ୍ଗ୍‍ ନିନ୍‌ ନିଙ୍ଗ୍‍ଜି ସାମ୍‌ଦୁର୍‌ତୁ ସଲ୍‍ସି ଆର୍‌ଆ ଇଜି ଇନାନ୍‌, ମାରି ୱାନି ନିଜେଦି ମନ୍ ଲୋଇ ଅଡ଼୍‌ବିଏଣ୍‌ଗା, ଏମେକା ଇର୍‌ଆ ମାନା, ଆକା ଆନାତ୍‌ ଇଜି ବିସ୍‍ବାସ୍‍ କିନାନ୍‍, ୱାନି ଉଣ୍ତିଙ୍ଗ୍‌ ଆକା ସତ୍‌ ଆନାତ୍‌ । 
\v 24 ଆଦେଙ୍ଗ୍‌, ନାନ୍ ମିଙ୍ଗିଁ ଇଜିନା, ମିର୍‌ ଏମେ ଏମେକା ପାର୍‌ତନା କିଜି ଲସ୍‌ନିଦେର୍‌, ଆକା ୱିଜୁ ପଇନାପ୍‍ ଇଜି ବିସ୍‍ବାସ୍‍ କିଦୁ, ଆୟାୱିଜୁ ପଇନିଦେର୍‌ । 
\v 25 \x + \xo ୧୧:୨୫ \xo*\xt ମାତିଉ ୬:୧୪,୧୫.\xt*\x*ମାରି, ମିର୍‌ ଏମେ ସମୟତୁ ପାର୍‌ତନା କିଦେଙ୍ଗ୍‌ ନିଙ୍ଗ୍‍ନିଦେର୍‍, ଜଦି ଏ ବିରୁଦ୍‍ତାନ୍‍ ମିଙ୍ଗିଁ ଇନି ମାଟା ମାନାତ୍‌, ୱାନିଙ୍ଗ୍‌ କେମା କିଦୁ, ଆଦେଙ୍ଗ୍‌ ମି ମୁସ୍‌କୁପୁର୍‌ତି ବୁବା ବା ମିଙ୍ଗିଁ ୱିଜୁ ପାପ୍‌କେମା କିନାନ୍‍ । 
\v 26 ମାତର୍‌ ମିର୍‌ ଜଦି ଆଇ ଲୋକାଙ୍ଗ୍‌ କେମା କିଇଦେର୍‍, ଆଦେଙ୍ଗ୍‌ ମି ମୁସ୍‌କୁପୁର୍‌ତି ବୁବା ବା ମିଙ୍ଗିଁ ପାପ୍‌ ୱିଜୁ କେମା କିଏନ୍‌ ।”\f + \fr ୧୧:୨୬ \fr*\ft ଏସ ପାଡ଼ିଇ ରାସାତିମାନୁ ଇୟା ପଦ ସିଲେତ୍‌ । \ft*\f*
\s ଜିସୁଦି ଅଦିକାର୍ ବିସୟତୁ ୱେନ୍‌ବାତାର୍‌
\r (ମାତିଉ ୨୧:୨୩-୨୭; ଲୁକ ୨୦:୧-୮)
\p
\v 27 ମାରିଡ଼େସି ଜିସୁ ମାରି ୱାନି ଶିଶୁର୍‌ ଜିରୁସାଲମ୍‍ତୁ ୱାତାର୍; ଜିସୁ ମନ୍ଦିର୍‌ ଲୋଇ ବୁଲାନି ୱାଲେ ପେରି ଯାଜକ, ସାସ୍ତ୍ରିର୍‍ ମାରି ନେତାର୍‌ ୱାନି ଲାକ୍‌ତୁ ୱାଜି ୱେନ୍‌ବାତାର୍‌, 
\v 28 “ନିନ୍‌ ଏମେ ଅଦିକାର୍‍ତାନ୍‍ ଇୟାୱିଜୁ କିଜିନି ? ମାରି ଇୟାୱିଜୁ ପାଣି କିଦେଙ୍ଗ୍‌ ନିଂଇ ଏନ୍‌ ଇୟା ଅଦିକାର୍ ସିତା ମାନାନ୍‌ ?”
\p
\v 29 ମାତର୍‌ ଜିସୁ ୱାରିଙ୍ଗ୍‌ ଇର୍‌ଆନ୍‌, “ନାନ୍ ମିଙ୍ଗିଁ ଉଣ୍ତ୍ରି ମାଟା ୱେନ୍‌ବାନା, ନା ମାଟାଦି ଉତର୍‌ ସିଦାଟ୍‍, ଆଦେଙ୍ଗ୍‌ ନାନ୍ ଏମେ ଅଦିକାର୍‍ତାନ୍‍ ଇୟାୱିଜୁ କିଜିନା, ଆକା ମିଙ୍ଗିଁ ଇନା । 
\v 30 ଜୋହନତି ଡୁବନ୍‌ ମୁସ୍‌କୁପୁରୁତାନ୍‌ ନା ଲୋକା ମାଣ୍‌କୁ ଆତାତ୍‌ ? ନାଂଇ ୱେର୍‍ତୁ ।”
\p
\v 31 ଆବେନୁ ୱାର୍‌ ୱାରି ୱାରି ଲୋଇ ୱାର୍‍ଗିସାଜି ଇନ୍‌ଡ୍ରେଙ୍ଗ୍‌ ଆସ୍‌ତାର୍‌, ଜଦି ମୁସ୍‌କୁପୁର୍‌ତାନ୍‌ ଇଜି ଇନିକା, ଆବେଟ୍‌ ୱାଣ୍ତ୍ରୁ ଇନାନ୍‌, ମିର୍‌ ଇନ୍‍ଦାନିଙ୍ଗ୍‍ ଜୋହନତିଙ୍ଗ୍‍ ବିସ୍‍ବାସ୍‍ କିଇତିଦେର୍‍ ? 
\v 32 ଜଦି ଯୋହନତି ଡୁବନ୍‌ ଲୋକାମାଣ୍‌କୁ ଆତାମାନାନ୍‌ ଇଜି ଇଡ୍ରେଙ୍ଗ୍‍ ମାପ୍‌ ଲୋକାଙ୍ଗ୍‌ ତିଲାଜି ମାର୍ହାପ୍‍ ? ଇରିଙ୍ଗ୍‌ ୱିଜୁ ଲୋକୁ ମାନାଜି ମାର୍‌ଆର୍‌ ଯେ ଯୋହନ ଅରେନ୍‍ ବାବବାଦି ଇଜି । 
\v 33 ୱାର୍‌ ଜିସୁଙ୍ଗୁଁ ଉତର୍‌ ସିତାର୍‍, “ମାପ୍‌ ନେସ୍‌ଏପ୍‌ ।” ଆୟାୱେନ୍‌କା
\p ଜିସୁ ୱାରିଙ୍ଗ୍‌ ଇର୍‌ଆନ୍‌, “ନାନ୍ ଏମେ ଅଦିକାର୍‍ତାଣ୍ତ୍‍ ଇୟାୱିଜୁ ପାଣି କିଜିନା, ଆକା ନାନ୍ ବା ମିଙ୍ଗିଁ ୱେର୍‌ଏ ।”
\c 12
\s ଅଙ୍ଗୁର୍‍ କିଡ଼ିଇ ମାରି ବାଗ୍‍ତୁ ପାଣିକିନି ଲୋକା କାତା
\r (ମାତିଉ ୨୧:୩୩-୪୬; ଲୁକ ୨୦:୯-୧୯)
\p
\v 1 ଇୟା ୱେନ୍‌କା ଜିସୁ ୱାରିଙ୍ଗ୍‌ କାତାଦାନ୍‌ ଇର୍‌ଆନ୍‌, ଅରେନ୍‍ ଲୋକ୍‌ ଉଣ୍ତ୍ରି ଅଙ୍ଗୁର୍‍ କିଡ଼ିଇ ଆରାମ୍‌ କିଜି ଆୟା କିଡ଼ିଇଦି ସାରିବେଡ଼୍‍ତି କୋଅଟି ତିଆର୍‌ କିତାନ୍‌, ମାରି ଅଙ୍ଗୁର୍‍ରସ୍‍ ଇଡ୍‌ଦେଙ୍ଗ୍‌ ଗୁଟା କାରିତାନ୍‍ ମାରି କାପ୍‍କିନି ଗୁଡ଼ା ତିଆର୍ କିତାନ୍‌, ଆୟାୱେନ୍‌କା ୱାନ୍‌ ବାଗ୍‍ତୁ ପାଣିକିନିୱାରିଙ୍ଗ୍‌ ଆୟା ଡଡି ବାଗ୍‌ତାନ୍‌ ସିତାନ୍‌ନୋ ଆଇଦେସ୍‌ତୁ ସୋର୍ହାନ୍‌ । 
\v 2 ତାନେ ୱେନ୍‌କା ବାଗ୍‌ତୁପାଣିକିନି ୱାରି ମାଣ୍‌କୁ ଅଙ୍ଗୁର୍‍ କିଡ଼ିଇଦାନ୍‍ ଫଳ୍‍ ନିଜେତି ବାଗ୍‌ ଲୋସ୍‍ନି ତାନି ଉଣ୍ତିଙ୍ଗ୍‌ ୱାନ୍‌ ଅରେନ୍‍ ଗତିମୁରୁଲିଙ୍ଗ୍‌ ନାସ୍ତିୱାଲେ ପାଣିକିନିୱାରି ଲାକ୍‌ତୁ ପକ୍‌ତାନ୍‌ । 
\v 3 ମାତର୍‌ ୱାର୍‌ ଆୟା ଗତିମୁରୁଲିଙ୍ଗ୍‌ ଆସ୍‌ତାରୋ ଡାକ୍‍ତାର୍‍ନୋ ୱାର୍‌ଇ କିୟୁଦୁ ପକ୍‌ତାର୍‌ । 
\v 4 ଆୟାୱେନ୍‌କା ସାଉକାର୍‍ ମାରି ଅର୍‍ସୁ ମାରି ଅରେନ୍‍ ପାଣିକିନି ଗତିମୁରୁଲିଙ୍ଗ୍‌ ପୋକ୍‌ତାନ୍‌; ୱାର୍‌ ଆୟାୱାନିଙ୍ଗ୍‌ ବା ୱାନି ତାଲା ପାଟ୍‍ତାର୍‍ ମାରି ୱାନିଙ୍ଗ୍‌ ନିସାର୍‍ କିତାର୍ । 
\v 5 ଇୟା ୱେନ୍‌କା ମାରି ଅରେନ୍‍ ୱାନିଙ୍ଗ୍‌ ପକ୍‌ତାନ୍‌, ୱାର୍‌ ଆୟାୱାନିଙ୍ଗ୍‌ ବା ସାୟାମାର୍‌ଗା ଡାକ୍‍ତାର୍‍ । ସାଉକାର୍‍ ମାରିଡ଼େସି ମାରି ଏସ ଲୋକାଙ୍ଗ୍‌ ପକ୍‌ତାନ୍‌; ୱାରି ଲୋଇ ଏସୋ ଲୋକାଙ୍ଗ୍‌ ଡାକ୍‍ତାର୍‍ ମାରି ଏସ ଲୋକାଙ୍ଗ୍‌ ସାୟାମାର୍‌ଗା କାତ୍‍ତାର୍‍ । 
\v 6 ସାଉକାର୍‍ତି ଲାକ୍‌ତୁ ଅରେନ୍‍ନେ ବାକି ମାନାନ୍‌, ୱାଣ୍ତ୍ରୁ ୱାନି ନିଜେଦି ଲାଡ୍‍ତି ମାରିନ୍‌ । ନା ମାରିନ୍‍ତିଙ୍ଗ୍‍ ୱାର୍‌ ଏଣ୍ତେସ୍‌ବା ମାନାନାର୍‌, ଇୟାୱାଜା ଅଡ଼୍‍ବିଜି ସାରାସାରି ୱେନ୍‌କା ଆୟାୱାରି ଲାକ୍‌ତୁ ନିଜେଦି ମାରିନ୍‍ତିଙ୍ଗ୍‍ ପୋକ୍‌ତାନ୍‌ । 
\v 7 ମାତର୍‌ ଆୟା ବାଗ୍‍ତୁ ପାଣିକିନି ଲୋକୁ ୱାରି ୱାରି ଲୋଇ ୱାର୍‍ଗିତାର୍‍, ଇକାନ୍‌ ସାଉକାର୍‍ତି ମାରିନ୍‌, ରାଦୁ, ୱାନିଙ୍ଗ୍‌ ସାୟାମାର୍‌ଗା ଡାକ୍‍ନାଟ୍‍; ଆବେଟ୍‌ ସାଉକାର୍‍ତି ଦନ୍‍ ୱିଜୁ ମା କିୟୁଦୁ ୱାନାତ୍‌ । 
\v 8 ଆବେଟ୍‌ ୱାର୍‌ ସାଉକାର୍‍ତି ମାରିନ୍‍ତିଙ୍ଗ୍‍ ଆସ୍ତାର୍‍ନୋ ସାୟାମାର୍‌ଗା ଡାକ୍‌ତାର୍‌ ମାରି ମାଡ଼ାଦିଙ୍ଗ୍‍ ଅଙ୍ଗୁର୍‍ କିଡ଼ିଇ ଡ଼ିସ୍‌ସି ଆଇ ବାଡିଦୁ ପେର୍‌ତା ପକ୍‌ତାର୍‌ ।
\p
\v 9 ଜିସୁ ୱେନ୍‌ବାତାନ୍‌, “ଇୟା ୱେନ୍‌କା ଆୟା ଅଙ୍ଗୁର୍‍ କିଡ଼ିଇଦି ସାଉକାର୍‍ ଇନିକା କିନାନ୍‌ ?” ଆୟା ସାଉକାର୍‍ ୱାଜି ଏଣ୍ତେସ୍‌ବା ଆୟାୱାରିଙ୍ଗ୍‌ ସାୟାମାର୍‌ଗା ଡାକ୍‍ନାନ୍‍ ମାରି ଆୟା ଅଙ୍ଗୁର୍‍ କିଡ଼ିଇଦିଙ୍ଗ୍‍ ଆଇ ଲୋକାଙ୍ଗ୍‌ ବାଗ୍‍ତୁ ପାଣିକିନି ଉଣ୍ତିଙ୍ଗ୍‌ ସିନାନ୍‍ । 
\v 10 ମିର୍‌ ଦାର୍ମୁସାସ୍ତ୍ରଦୁ ଇୟା ମାଟା ବା ପଡ଼ାଇଦେର୍‌,
\q1 ଇଲୁ ତର୍‍ନି ମିସ୍ତ୍ରିର୍‍ ଏମେ କାଲୁଦିଙ୍ଗ୍‌ ଦର୍‌କାର୍‌ ଆଏତ୍‍ ଇର୍ହାର୍‌,
\q1 ଆକାନେ କନାଦି ମୁଲ୍‌ କାଲୁ ଆତାତ୍‌;
\q1
\v 11 ପ୍ରବୁ ମାଣ୍‌କୁ ଇକା ଆତାତ୍‌,
\q1 ମାରି ଆକା ମା ଉଣ୍ତିଙ୍ଗ୍‌ ଏସା କାବାଦି ମାଟା !
\p
\v 12 ଆବେନ୍‌ ଜିହୁଦି ନେତାର୍‌ ୱାନିଙ୍ଗ୍‌ ଆସ୍‌ତେଙ୍ଗ୍‌ ଇଜି ବଦାକିତାର୍‌, ମାତର୍‌ ୱାର୍‌ ଲୋକାଙ୍ଗ୍‌ ତିଲାତାର୍‌; ମାତର୍‌ ଜିସୁ ଇୟା ମାଟା ୱାରିଙ୍ଗ୍‌ ସୁଡ଼୍‌ଜି ଇନ୍‍ଜିନାନ୍‍ ଇଜି ୱାର୍‌ ନେସ୍‌ତେଙ୍ଗ୍‌ ଆଟ୍‌ତାର୍‌, ମାରି ୱାର୍‌ ତିଲାଜି ଜିସୁଙ୍ଗୁଁ ଡ଼ିସ୍‌ସି ସରଆର୍‌ ।
\s ସିସ୍‍ଟୁ ସିନି ବିସୟତୁ ମାଟା
\r (ମାତିଉ ୨୨:୧୫-୨୨; ଲୁକ ୨୦:୨୦-୨୬)
\p
\v 13 ୱେନ୍‌କା ଏସ ପାରୁସିର୍‌ ମାରି ହେରୋଦ ରାଜା ଦଲ‍ତି ମାଣ୍‌କୁ ଏସ ଲୋକାଙ୍ଗ୍‌ ଜିସୁଦି ମାଟାଦି ଭୁଲ୍‍ତିଙ୍ଗ୍‍ ଆସ୍‌ସି ଗୁଟାଦୁ ପକ୍‍ତେଙ୍ଗ୍‍ ଇଜି ୱାର୍‌ ପକ୍‍ତା ମାର୍‌ଆର୍‌ । 
\v 14 ୱାର୍‌ ୱାତା ରୋ ଜିସୁଙ୍ଗୁଁ ଇର୍ହାର୍‌, “ଏ ଗୁରୁ, ମାପ୍‌ ନେସ୍‌ନାପ୍‌, ନିନ୍‌ ସତ୍‌ ମାରି ଏମେ ଲୋକାଙ୍ଗ୍‌ ବା ତିଲାଇ; ଇରିଙ୍ଗ୍‌ ନିନ୍‌ ଏମେ ଲୋକାଙ୍ଗ୍‌ ବା ମକମ୍‌ ସୁଡ଼ୁଏଣ୍‌ଗା କିନି, ମାତର୍‌ ସତ୍‌ତାନ୍‌ ମାପୁରୁତି ସାରିଦି ବିସୟ ଶିକ୍ଷା ସିନି । ମାଙ୍ଗିଁ ୱେର୍‌ଆ କାଇସର୍‍ ରାଜାଏଙ୍ଗ୍‍ ସିସୁଟୁ ସିଦେଙ୍ଗ୍‍ ନିୟମ୍‍ନୋ ସିଲେତ୍‌ ?”
\p
\v 15 ମାଡୁ ସିନା ଡୋ ସିଲେ ? ମାତର୍‌ ଜିସୁ ୱାରି ସାଲାକି ନେସ୍‌ତାନ୍‌ନୋ ୱାରିଙ୍ଗ୍‌ ଇର୍‌ଆନ୍‌, “ଏନ୍ଦା ନାଂଇ ଉରିଦୁ ପକ୍‍ତେଙ୍ଗ୍‍ ବଦାକିଜିନିଦେର୍‌ ? ଉଣ୍ତ୍ରି ଟାକା ଅଦ୍‌ଲି ଡାବୁଙ୍ଗ୍‌ ନା ଲାକ୍‌ତୁ ତାଗାଟ୍‌, ନାନ୍ ଆକା ସୁଣା ।”
\p
\v 16 ଆବେଟ୍‌ ୱାର୍‌ ଉଣ୍ତ୍ରି ଟାକା ଅଦ୍‌ଲି ତାତାର୍‌ । ଜିସୁ ୱାରିଙ୍ଗ୍‌ ୱେନ୍‌ବାତାନ୍‌, “ଇୟା ଟାକା ମୁସ୍‌କୁ ଏ ଦର୍‌ ମାନାତ୍‌ ମାରି ଏ ବମା ମାନାତ୍‌ ?” ୱାର୍‌ ଜିସୁଙ୍ଗୁଁ ଇର୍ହାର୍‌, “କାଇସର୍‍ ରାଜାଦି ।”
\p
\v 17 ଜିସୁ ୱାରିଙ୍ଗ୍‌ ଇର୍‌ଆନ୍‌, “କାଇସର୍‍ ରାଜାଦି ଆମାକା, ଆକା କାଇସର୍‍ ରାଜାଦିଙ୍ଗ୍‍ ସିଦୁ, ମାରି, ମାପୁରୁଦି ଏମେକା, ଆୟାକା ମାପୁରୁଦିଙ୍ଗ୍‌ ସିଦୁ ।” ନାସ୍ତିୱାଲେ ୱାର୍‌ ଜିସୁ ମାଟାଦାନ୍‌ ନାଣ୍ଡ କାବାଆତାର୍‌ ।
\s ଡ଼େସିଜିବନ୍‌ଆନି ବିସୟତୁ ୱାର୍‌ଗିଜିସାନିକା
\r (ମାତିଉ ୨୨:୨୩-୩୩; ଲୁକ ୨୦:୨୭-୪୦)
\p
\v 18 ତାନି ୱେନ୍‌କା ସାତି ସର୍‌ଇ ଲୋକୁ ମାରିଡ଼େସି ଜିବନ୍‌ଆଜି ନିଙ୍ଗ୍‍ନାର୍‍ ଇଜି ବିସ୍‍ବାସ୍‍ କିଇ ସାଦୁକିର୍‍ ୱାନି ଲାକ୍‌ତୁ ୱାଜି ଇୟା ମାଟା ଆସ୍‌ସି ୱେନ୍‍ବାଦେଙ୍ଗ୍‍ ଆସ୍‌ତାର୍‌, 
\v 19 “ଏ ଗୁରୁ, ମୋସା ମା ଉଣ୍ତିଙ୍ଗ୍‌ ଇୟା ନିୟମ୍‌ ୱାଟା ମାନାନ୍‌ ଯେ, ଜଦି ଏମେ ଲୋକା ତଡ଼ାନ୍‍ ସାନାନ୍‌, ମାରି ୱାନି ଆଡ଼ିସ୍‍ ଜିବନ୍‌ ମାନାତ୍‌, ମାରି ଆୟା ରାଣ୍ତି ଆଇମା ମାନୁ କଡ଼କକ୍‌ରା ସିଲେର୍‌, ଆଦେଙ୍ଗ୍‌ ଆୟା ୱାନି ତଡ଼ାନ୍‍ ୱାନି ଆଡ଼ିସ୍‍ ଇଡ୍‌ନାନ୍‌ ମାରି ୱାନିଙ୍ଗ୍‌ ଏମେ କଡ଼କକ୍‌ରା ଜନମ୍‌ ଆନାର୍‌, ନିଜେଦି ତଡ଼ାନ୍‍ ଉଣ୍ତିଙ୍ଗ୍‌ କୁଟୁମ୍‌ କିଦେଙ୍ଗ୍‌ ଆନାତ୍‌ । 
\v 20 ସୁଡ଼୍‍ଦୁ, ସାତ୍‌ଲୋକ୍‌ ତଡ଼ାନ୍‌କୁ ମାର୍ହାର୍‌; ୱିଜେରିଙ୍ଗ୍‍ ପେରି ତଡ଼ାନ୍‍ ପେଡ଼ି ଆତାନ୍‍ନୋ କଡ଼କକ୍‍ରା ଜନମ୍‌ ଆଏଣ୍ତା ସାତା ସର୍ହାନ୍‍; 
\v 21 ୱେନ୍‌କା ୱାନି ୱେନ୍‌କାରି ତଡ଼ାନ୍‍ ତାନିଙ୍ଗ୍‌ ପେଡ଼ି ଆତାନ୍‍ନୋ କଡ଼କକ୍‍ରା ଜନମ୍‌ ଆଏଣ୍ତା ସାତା ସର୍‌ଆନ୍‌ । ଆୟାୱାଜା ମାରି ଅରେନ୍‍ବା ପେଡ଼ି ଆତାନ୍‌, 
\v 22 ମାରି ଆୟାୱାଜା ସାତ୍ ଲୋକୁ ତଡ଼ାନ୍‍କୁ ୱିଜେରେ ତାନିଙ୍ଗ୍‌ ପେଡ଼ି ଆଜି କଡ଼କକ୍‍ରା ଜନମ୍‌ ଆଏଣ୍ତା ସାତାସର୍‍ଆର୍‍; ୱିଜେରି ସାରା ସାରି ଆୟା ଆଇମା ବା ସାତା ସୋର୍ହାତ୍‌ । 
\v 23 ମାରିଡ଼େସି ଜିବନ୍‌ ଆନି ଦିନ୍‍ତୁ ଏସିୱାଲେ ସାତିସରି ଲୋକ୍‍ୱିଜୁ ମାରି ଅର୍‍ସୁ ଜିବନ୍‌ଆଜି ନିଙ୍ଗ୍‍ନାର୍‍, ନାସ୍ତିୱାଲେ ଆୟା ଆଇମା ଏମେ ଲୋକ୍‌ତି ଆଡ଼ିସ୍‍ ଆନାତ୍‌ ? ସାତ୍ ଲୋକୁ ତଡ଼ାନ୍‍କୁ ୱିଜେରେତୋ ଆୟା ଆଇମାଦିଙ୍ଗ୍‍ ପେଡ଼ି ଆତାମାର୍ହାର୍‌ ।”
\p
\v 24 ଜିସୁ ୱାରିଙ୍ଗ୍‌ ଇର୍ହାନ୍‌, “ମିର୍‌ ମାପୁରୁଦି ଦାର୍ମୁସାସ୍ତ୍ର, ମାରି ମାପୁରୁଦି ସାକ୍ତି ନେସ୍‌ଏଣ୍ତା ଭୁଲ୍‍ କିତିମାନିଦେର୍‌ । 
\v 25 ଆଦେଙ୍ଗ୍‌ ସାତି ଲୋକାମାଣ୍‌କୁ ଡ଼େସିଜିବନ୍‌ଆଜି ନିଙ୍ଗ୍‍ତି ୱେନ୍‌କା ଲୋକୁ ପେଡ଼ି ଆଏର୍‌ କି ପେଡ଼ି ବା କିବିସ୍‍ କିଏର୍‌, ମାତର୍‌ ୱାର୍‌ ୱିଜେରେ ମୁସ୍‌କୁପୁର୍‌ତି ଦୁତ୍‍କା ୱାଜା ତେବାନାର୍‌ । 
\v 26 ମାତର୍‌ ସାତିକାର୍‍ ଜେ ମାରିଡ଼େସିଜିବନ୍‌ ଆଜି ନିଙ୍ଗ୍‍ନାର୍‍, ମିର୍‌ ଆୟା ବିସୟତୁ ମୋଶାଦି ବଇଦୁ ଦୁପା କାସ୍‍ନି ବିସୟ ପଡ଼ାଇଦେର୍‌ ନୋ ? ମାପୁରୁ ୱାନିଙ୍ଗ୍‌ ଏଣ୍ତେସ୍‌ ଇର୍‌ଆନ୍‌, ମାପ୍‌ ଅବ୍ରାହାମତି ମାପୁରୁ, ଇସ୍‍ହାକ୍‍ତି ମାପୁରୁ ମାରି ଜାକୁବଦି ମାପୁରୁ । 
\v 27 ୱାଣ୍ତ୍ରୁ ସାତିଲୋକ୍‍ତି ମାପୁରୁ ଆଏନ୍‍, ମାତର୍‌ ଜିବନ୍‍ମାନି ଲୋକା ମାପୁରୁ । ମିର୍‌ ବେସି ବାମା ଆଜିନିଦେର୍‍ ।”
\s ଆମାକା ପେରି ଆଦେସ୍‌
\r (ମାତିଉ ୨୨:୩୪-୪୦; ଲୁକ ୧୦:୨୫-୨୮)
\p
\v 28 ନାସ୍ତିୱାଲେ ସାସ୍ତ୍ରିରି ମାଣ୍‌କୁ ଅରେନ୍‍ ଲାକ୍‌ତୁ ୱାତାନ୍‌ ନୋ ୱାରି ୱିଜୁ ମାଟା ୱେନ୍‌ଜି ମାର୍‌ଆନ୍‌ ମାରି ସାଦ୍ଦୁକୀରିଙ୍ଗ୍‍ ଜିସୁ ଟିକ୍‍ ଉତର୍‌ ସିତାମାନାନ୍‌, ଇକା ନେସ୍‌ତେଙ୍ଗ୍‌ ଆଟ୍‍ତାନ୍‍ନୋ ୱାଣ୍ତ୍ରୁ ଜିସୁଙ୍ଗୁଁ ୱେନ୍‌ବାତାନ୍‌, “ୱିଜୁ ଆଦେସ୍‌ ଲୋଇରାନ୍‌ ଆମାକା ପେରି ଆଦେସ୍‌ ?”
\p
\v 29 ଜିସୁ ଇର୍‌ଆନ୍‌, “ପେରି ଆଦେସ୍‌ ଇକା, ଏ ଇସ୍ରାଏଲ୍‌, ୱେଣ୍ତ୍ରୁ; ପ୍ରବୁ ମା ମାପୁରୁ ଅରେନ୍‍ନେ ପ୍ରବୁ ମାନାନ୍‌; 
\v 30 ମାରି, ମିର୍‌ ମି ପୁରା ମେନ୍ଧଲ୍‍, ପୁରା ଜିବନ୍‌, ପୁରା ମନ୍‍ ମାରି ପୁରା ବପୁ ସିଜି ପ୍ରବୁ ମି ମାପୁରୁଙ୍ଗୁଁ ଲାଡ୍‍କିଦୁ । 
\v 31 ମାରି ଉଣ୍ତ୍ରି ପେରି ଆଦେସ୍‌ ଆଜିନାତ୍‍, ମିର୍‌ ଲାକ୍‌ତୁରି ଲୋକାଙ୍ଗ୍‌ ନିଜେଦିଙ୍ଗ୍‍ ଜିବନ୍‌ନୋତିୱାଜା ଜିବନ୍‍ନୋଦୁ । ଇୟା ରୁଣ୍ତି ଆଦେସ୍‌ ଡ଼ିସ୍‌ତିଙ୍ଗ୍‌ ଆଇ ମାରି ପେରି ଆଦେସ୍‌ ଇନିକା ସିଲେତ୍‍ ।”
\p
\v 32 ଆବେଟ୍‌ ଆୟା ସାସ୍ତ୍ରି ଜିସୁଙ୍ଗୁଁ ଇର୍‌ଆନ୍‌, “ଏ ଗୁରୁ, ଆକା ସତ୍‌, ୱାଣ୍ତ୍ରୁ ନେ ଅରେନ୍‍ ମାରି ୱାନିଙ୍ଗ୍‌ ଡ଼ିସ୍‌ତିଙ୍ଗ୍‌ ଏନ୍‍ବା ସିଲେନ୍‌, ଇକା ନିନ୍‌ ସତ୍‌ ୱେର୍ତିମାନି । 
\v 33 ମାରି, ଅରେନ୍‍ ଲୋକ୍‌ତିଙ୍ଗ୍‌ ପୁରା ମେନ୍ଧଲ୍‍, ପୁରା ବୁଦି ମାରି ପୁରା ବପୁ ସିଜି ମାପୁରୁଦିଙ୍ଗ୍‌ ଲାଡ୍‍ କିନିକା ମାରି ଲାକ୍‌ତୁରି ଲୋକାଙ୍ଗ୍‌ ଲାଡ୍‌ କିନିକା ଇୟାୱିଜୁ ଦୁପ୍‍ଣି ଆଡ଼ିକ୍‍ନିକା ନି ପୁଜା ସିନି ମାଣ୍‌କୁ ନାଣ୍ତ ପେରିକା ।”
\p
\v 34 \x + \xo ୧୨:୩୪ \xo*\xt ଲୁକ ୧୦:୨୫-୨୮.\xt*\x*ସାସ୍ତ୍ରି ବୁଦିଦାନ୍‍ ଇର୍‌ଆମାନାନ୍‌ ଇଜି ନେସ୍‌ସି ଜିସୁ ୱାନିଙ୍ଗ୍‌ ଇର୍‌ଆନ୍‌, “ନିନ୍‌ ମାପୁରୁଦି ରାଜିଦାନ୍‍ ଆକ ସିଲି ।” ଆବେଟ୍‌କୁ ଜିସୁଙ୍ଗୁଁ ଏନ୍‍ବା ଇନି ପ୍ରସ୍ନ ୱେନ୍‍ବାଦେଙ୍ଗ୍‍ ସାସ୍‌ କିଏତାର୍‌ ।
\s କ୍ରିସ୍ତ ଦାଉଦତି ମାରିନ୍‌
\r (ମାତିଉ ୨୨:୪୧-୪୬; ଲୁକ ୨୦:୪୧-୪୪)
\p
\v 35 ମାତର୍‌ ଜିସୁ ମନ୍ଦିର୍‌ତୁ ସିକିୟା ସିନିୱାଲେ ୱେନ୍‌ବାତାନ୍‌, କ୍ରିସ୍ତ ଜେ ଦାଉଦତି ମାରିନ୍‌ ଇଜି, ସାସ୍ତ୍ରିର୍‍ ଏଣ୍ତେସ୍‌ ଇଜିନାର୍‍ ? 
\v 36 ଦାଉଦ ନିଜେ ପବିତ୍ର ଆତ୍ମାଦି ବପୁ ପଇଜି ଇର୍‌ଆମାର୍‌ଆନ୍‌,
\q1 ପ୍ରବୁ ନା ପ୍ରବୁଙ୍ଗ୍‌ ଇର୍‌ଆନ୍‌,
\q1 ମାପ୍‌ ଆମାସାନ୍ଦି ନି ୱିଜୁ ସାତ୍ରୁରିଙ୍ଗ୍‌ ନି ପାଦାମ୍‌କାଙ୍ଗ୍‌ ଆଡ୍‍ଗି ଇଡ୍‍ଏପ୍‍,
\q1 ଆୟା ସାନ୍ଦି ମା ଉଣେରି କିୟୁ ତରିଣ୍ତ୍‍ ବାସ୍‌ସ ମାନ୍‌ଆ ।
\m
\v 37 ଦାଉଦ ନିଜେ କ୍ରିସ୍ତଙ୍ଗ୍‍ ପ୍ରବୁ ଇଜି ଇନାନ୍‌, ମାପୁରୁଦି ବାସ୍‍ସିକିତି ରକିୟା କିନି କ୍ରିସ୍ତ ଏଣ୍ତେସ୍‌ ୱାନି ମାରିନ୍‌ ଆନାନ୍‌ ? ୱିଜେରେ ଲୋକ୍‌ ୱେଡ଼ିକାଦାନ୍‌ ୱାନି ମାଟା ୱେନ୍‍ଜିମାର୍‍ଆର୍‍ ।
\s ସାସ୍ତ୍ରିରି ମାଣ୍‌କୁ ଜାଗାର୍‌ତା
\r (ମାତିଉ ୨୩:୧-୩୬; ଲୁକ ୨୦:୪୫-୪୭)
\p
\v 38 ମାରିଡ଼େସି, ୱାନ୍‌ ୱାନି ସିକିୟାଦାନ୍‌ ଇର୍‌ଆନ୍‌, “ସାସ୍ତ୍ରିରି ମାଣ୍‌କୁ ଜାଗାର୍‌ତା ! ୱାରୁ ନିର୍‍ଇ ଆଙ୍ଗିଁ ଆରାଜି ବୁଲାଦେଙ୍ଗ୍‌, ମାରି ସାତାସାଉକାଦୁ ମାଡ଼ିସ୍‌ କିପିର୍‍ ଇଜି ବଦାକିନାର୍‍ । 
\v 39 ପାର୍‌ତନା କିନି ଇଲୁଦୁ ପେରି ଗଦିଦି ବାଡି ମାରି ବୋଜିଦୁ ପେରି ବାଡି ପ‍ଇଦେଙ୍ଗ୍‌ ୱାର୍‌ ବଦାକିନାର୍‍; 
\v 40 ୱାର୍‌ ରାଣ୍ତି ଆଇମେକା ଇଲ୍‌କାଙ୍ଗ୍‌ ୱିଜୁ ନାସ୍ଟୁ କିନାର୍‌ ମାରି ବାଣ୍ତିସ୍‍କିଜି ନିର୍‍ଇ ପାର୍‌ତନା କିନାର୍‌; ୱାର୍‌ ନାଣ୍ତ ଦଣ୍ତ୍‌ ପଇନାର୍‌ ।”
\s ଅରେତ୍‌ ରାଣ୍ତି ଆଇମା ଦାନ୍‌ ସିନିକା
\r (ଲୁକ ୨୧:୧-୪)
\p
\v 41 ଅର୍‍ଲେନ୍‍ ଜିସୁ ମନ୍ଦିର୍‌ତୁ ଦାନ୍‌ ସିନି ପେଡ଼ା ଲାକ୍‌ତୁ ବାସ୍‌ତାନ୍‌ନୋ ଲୋକୁ ୱିଜେରେ ଏଣ୍ତେସ୍‌ ପେଡ଼ାଦୁ ଦାନ୍‌ ସିଜିନାର୍‍, ଆକା ସୁଡ଼୍‍ଜିମାର୍‍ଆନ୍‍, ନାସ୍ତିୱାଲେ ଆବେ ମାର୍‍ଇ ମାଜନ୍‌ ଲୋକୁ ନାଣ୍ତ ଡାବୁଙ୍ଗୁଁ ପକ୍‌ତାର୍‌; 
\v 42 ମାରି, ଅରେତ୍‌ କାକୁର୍ତି ରାଣ୍ତି ଆଇମା ୱାତା ଦୋ ରୁଣ୍ତି ଟାକାଦି ଅଦ୍‌ଲିଙ୍ଗ୍‌ ଉଣ୍ତ୍ରିଟାକାଦି ଅଦିଲିଦାନ୍‍ ବା ଉଣା ଆକା ଆବେ ନିର୍‍ତାତ୍‍ । 
\v 43 ଆବେନୁ ଜିସୁ ୱାନି ସିସୁରିଙ୍ଗ୍‌ କୁକ୍‍ତାନ୍‍ନୋ ଇର୍‌ଆନ୍‌, “ନାନ୍ ମିଙ୍ଗିଁ ସତ୍‌ ଇଜିନା, ଇୟା ପେଡ଼ା ଲୋଇ ଡାବୁଙ୍ଗୁଁ ସିତିମାନି ଲୋକା ଭିତ୍ରେ ଇୟା କାକୁର୍ତି ରାଣ୍ତି ଆଇମା ନାଣ୍ତ ସିତାମାନାତ୍‍ । 
\v 44 ଇରିଙ୍ଗ୍‌ ୱିଜେରେ ମାଜନ୍‌ ଲୋକୁ ତାମେ ଡାବୁଙ୍ଗୁଁ ବିତ୍ରେ ଅଡ଼ପ୍‍ ଅଡ଼ପ୍‍ ସିତାର୍‍, ମାତର୍‌ ଇୟା ରାଣ୍ତି ଆଇମା ତାନି ଜିବନ୍‌ ଜିନି ଉଣ୍ତିଙ୍ଗ୍‌ ଏସ ତାନି ମାନୁ ମାର୍‌ଆତ୍‌, ଆକା ୱିଜୁ ସିତାମାନାତ୍‍ ।”
\c 13
\s ଜିସୁ ଜିରୁସାଲମ୍‍ ମନ୍ଦିର୍‌ ଦଂସ ଆନି ବିସୟ୍‌ ଇର୍‌ଆନ୍‌
\r (ମାତିଉ ୨୪:୧-୨; ଲୁକ ୨୧:୫-୬)
\p
\v 1 ଅର୍‍ଲେନ୍‍ ଜିସୁ ମନ୍ଦିର୍‌ତାନ୍‌ ସହସି ସନିୱାଲେ ୱାନି ସିସୁରି ମାଣ୍‌କୁ ଅରେନ୍‍ ସିସୁ ଜିସୁଙ୍ଗୁଁ ଇର୍‌ଆନ୍‌, “ଏ ଗୁରୁ, ସୁଡ଼ୁଆ, ମନ୍ଦିର୍‌ତି ଇଲୁ ମାରି ମନ୍ଦିର୍‌ତି ପେରି ପେରି କାଲ୍‌କୁ ଏସା ନେଗେନ୍‌ ତର୍‍ଜିନେ !”
\p
\v 2 ଜିସୁ ୱାନିଙ୍ଗ୍‌ ଇର୍‌ଆନ୍‌, “ନିନ୍‌ ଇନିକା ଇୟାୱିଜୁ ପେରି ମେଡ଼୍‍ ଇଲୁ ସୁଡ଼ୁଜିନି ? ଉଣ୍ତ୍ରି କାଲୁ ଆଇ କାଲୁ ମୁସ୍‌କୁ ତେବାଏତ୍‍, ଆକା ୱିଜୁ ଆର୍‍ଜି ବୁମିଦୁ ମିସାନାତ୍‌ ।”
\s ଜିସୁ ଜୁଗ୍‍ସେସ୍‌ତି ବାଦା ବିସୟ୍‌ତାନ୍ ୱେର୍‌ତାନ୍‌
\r (ମାତିଉ ୨୪:୩-୧୪; ଲୁକ ୨୧:୭-୧୯)
\p
\v 3 ତାନେ ୱେନ୍‌କା ଜିସୁ ମନ୍ଦିର୍‌ ଆଗ୍‍ଡ଼ିରି ଜିତ ଗରନ୍‌ ମୁସ୍‌କୁ ବାସ୍‍ତା ମାର୍‌ଆନ୍‌ ଆବେ ପିତର, ଜାକୁବ, ଜୋହନ ମାରି ଆନ୍ଦ୍ରିୟ ଜିସୁଙ୍ଗୁଁ ଏନ୍‍ବା ନେସ୍‌ଇୱାଜା ୱେନ୍‌ବାତାର୍‌, ଇୟାୱିଜୁ ଏସାଙ୍ଗ୍‍ ଗଟାନାତ୍‌, 
\v 4 “ମାରି ଇୟାୱିଜୁ ଏମେ ସମୟ୍‌ତୁ ଇଗା ୱାନିୱାଜା ଆନାତ୍‌,” ଆୟାୱାଲେରି ସିନା ଇନିକା, “ଆକା ମାଙ୍ଗିଁ ଇନ୍‌ଆଁ ।”
\p
\v 5 ଆବେନୁ ଜିସୁ ୱାରିଙ୍ଗ୍‌ ଇର୍‌ଆନ୍‌, ଜାଗାର୍‌ତା, ଏନ୍‌ ଏଣ୍ତେସ୍‌ ମିଙ୍ଗିଁ ବାମ୍‍ରେ କିଏନ୍‌ । 
\v 6 ନାଣ୍ତଲୋକ୍‍ ନା ଦର୍‌ତାନ୍‌ ୱାଜି ମାପ୍‌ କ୍ରିସ୍ତ ଇଜି ଇନାର୍‌, ଲୋକାଙ୍ଗ୍‌ ୱାର୍‌ ନାଣ୍ତ ବାମ୍‍ରେ କିନାର୍‌ । 
\v 7 ମାତର୍‌ ମିର୍‌ ଏସିୱାଲେ ଜୁଦ୍‌ ଆନି ବିସୟ୍‌ ୱେନିଦେର୍‍ ମାରି ଜୁଦ୍‌ ଆନି ଲୋକା ଆଉଲି ୱେନିଦେର୍‍, ଆୟାୱାଲେ ମିର୍‌ ତିଲାମାଟ୍‌, ଇୟାୱିଜୁ ପୁରା ଗଟାନାତ୍‌, ମାତର୍‌ ଇୟାତାନି ଅର୍ତ ଆଏତ୍‍ ଜେ ଜୁଗ୍‌ ସେସ୍‌ଆନି ଦିନ୍‌ ଲାକ୍‌ତୁ । 
\v 8 ଇରିଙ୍ଗ୍‌ ଜାତି ଲୋଇ ଜାତି ଜୁଦ୍‍ ଆନାତ୍‌ ମାରି ଉଣ୍ତ୍ରି ରାଜି ମାରି ଉଣ୍ତ୍ରି ରାଜି ବିରଦ୍‌ତୁ ଜୁଦ୍‍ କିନାର୍‌, ମାରି ଏସ ବାଡିଦୁ ଦିରେ ଦିରେ ବୁମିକମ୍ପ ଆନାତ୍‌ ମାରି ୱିଜୁ ଲୋକାଙ୍ଗ୍‌ ଉଣ୍ତେଙ୍ଗ୍‌ ପୁଟ୍‌ଏତ୍‌; ଇୟାୱିଜୁ ଜନମ୍‌ କିନି କାସ୍ଟୁଦି ଆରାମ୍‌ ମାତର୍‌ ।
\p
\v 9 \x + \xo ୧୩:୯ \xo*\xt ମାତିଉ ୧୦:୧୭-୨୦; ଲୁକ ୧୨:୧୧,୧୨.\xt*\x*ମାତର୍‌ ମିର୍‌ ନିଜେ ନିଜେଦି ବିସୟତାନ୍ ଜାଗାର୍‌ତା ମାନ୍‌ଡ଼୍ରୁ; ଲୋକୁ ମିଙ୍ଗିଁ ତର୍‌ସି ବିସାର୍‌ କିନି ବାଡିଦୁ ଅନାର୍‍ର ସର୍ପେ କିନାର୍‌, ମିର୍‌ ପାର୍‌ତନା କିନି ଇଲୁଦୁ ମାଡ୍‌ ତିନିଦେର୍‍ । ମାରି ମିର୍‌ ନା ସିସୁ ଆତିମାନିଙ୍ଗ୍‌ ପେରି ନେତା ନି ରାଜାରି ଆଗ୍‌ଡ଼ି ୱାରି ଉଣ୍ତିଙ୍ଗ୍‌ ସାକି ସିଦେଙ୍ଗ୍‍ ଇଜି ନିଲ୍‌ପିସ୍‌ କିନାର୍‌ । 
\v 10 ମାରି, ଇୟାକା ଗଟାନି ଆଗ୍‌ଡ଼ି ୱିଜୁ ଲୋକା ଲାକ୍‌ତୁ ସୁସମାଚାର୍‌ ପ୍ରଚାର୍‌ ଆନାତ୍‌ । 
\v 11 ଏସ୍ତିୱାଲେ ଲୋକୁ ମିଙ୍ଗିଁ ଆସ୍‍ନା ଅନାରୋ ସର୍ପେ କିନାର୍‌, ନାସ୍ତିୱାଲେ ମିର୍‌ ଇନିକା ଇନିଦେର୍‌, ଆୟା ବିସୟ୍‌ତାନ୍ ଆଗିଡ଼ିରାନ୍‌ ସିନ୍ତା କିମାଟ୍‌, ମାତର୍‌ ଆୟା ସମୟତୁ ମିଙ୍ଗିଁ ଇନିକା ପୁଟ୍‍ନାତ୍‍, ଆକା ଇଡ୍ରୁ; ଇରିଙ୍ଗ୍‌ ମିର୍‌ ଇନି ଲୋକୁ ଆଇଦେର୍‍, ମାତର୍‌ ପବିତ୍ର ଆତ୍ମା ମା ଉଣ୍ତିଙ୍ଗ୍‌ ମାଟା ଇନାତ୍‍ । 
\v 12 ଆୟା ସମୟତୁ ଲୋକୁ ତଡ଼ାନ୍‍ ତଡ଼ାନ୍‍ତିଙ୍ଗ୍‍ ମାରି ବୁବା ମାରିନ୍‍ତିଙ୍ଗ୍‍ ସାପିସ୍‍ତେଙ୍ଗ୍‍ ଇଜି ସର୍‍ପେ କିଜି ସିନାର୍‍; ମାରି, କଡ଼କକ୍‌ରା ବୁବାସି ଆଇସି ବିରୁଦ୍‍ତାନ୍‍ ନିଙ୍ଗ୍‍ନା ରୋ ୱାରିଙ୍ଗ୍‌ ସାୟାମାର୍‌ଗା ଡାକ୍‌ନାର୍‌; 
\v 13 \x + \xo ୧୩:୧୩ \xo*\xt ମାତିଉ ୧୦:୨୨.\xt*\x*ମାରି, ମିର୍‌ ନା ୱେନ୍‌କା ୱାନି ଲୋକୁ ଆତିମାନିଙ୍ଗ୍‌ ମିଙ୍ଗିଁ ୱିଜେରେ କାଡ଼୍‍ନାର୍‍; ମାତର୍‌ ଆମାକାନ୍‍ ସାରାସାରି ୱେନ୍‌କା ସାନ୍ଦି ସାସ୍‌ଆସ୍‌ସି ତେବାନାନ୍‌, ୱାନ୍‌ ରକିୟା ପଇନାନ୍‌ ।
\s ନାସ୍ଟୁକିନି କାଡ଼୍‍ନି ବିସୟ୍‌ତୁ ମାଟା ଜିସୁ ଇର୍‌ଆନ୍‌
\r (ମାତିଉ ୨୪:୧୫-୨୮; ଲୁକ ୨୧:୨୦-୨୪)
\p
\v 14 ମାତର୍‌ ମିର୍‌ ଏସିୱାଲେ ଆୟା ନାସ୍ଟୁକିନି କାଡ଼୍‌ନି ଜିନିସ୍‌ତିଙ୍ଗ୍‌, ଏମେ ବାଡିଦୁ ମାନ୍‌ଡ଼୍ରେଙ୍ଗ୍‌ ନିୟମ୍‌ ସିଲେତ୍‍, ଆୟା ବାଡିଦୁ ମାନିକା ସୁଡ଼ୁନିଦେର୍‍ ଏମେ ଲୋକ୍‌ଡର୍‌ ପଡ଼ାଦେଙ୍ଗ୍‌ ନେସ୍‌ନାର୍‌ ୱାର୍‌ ବୁଝାପିର୍‍, “ନାସ୍ତିୱାଲେ ଆମାଲୋକ୍‍ ୱିଜେରେ ଜିହୁଦା ଗାଡ଼୍‌ତୁ ମାନାର୍‌, ୱାର୍‌ ଗରନ୍‌ ମୁସ୍‌କୁ ଉରୁକ୍‍ସି ସଲିର୍‍; 
\v 15 \x + \xo ୧୩:୧୫ \xo*\xt ଲୁକ ୧୭:୩୧.\xt*\x*ଏନ୍‌ ସାତ୍ ମୁସ୍‌କୁ ଏକ୍‍ନା ମାନାନ୍‌, ୱାଣ୍ତ୍ରୁ ରେସୋ ୱାନି ଇଲ୍‌ତୁ ଇନି ସାସାପାତି ଅତେଙ୍ଗ୍‌ ଇଜି ରାମାକିନ୍‍ ବା ଇଲୁ ଲୋଇ ଡ଼ୁଗ୍‍ମାକିନ୍‍; 
\v 16 ମାରି, ଏନ୍‌ କିଡ଼ିଇଦୁ ତେବାନାନ୍‌, ୱାଣ୍ତ୍ରୁ ୱାନି ସାଦର୍‌ ତାତେଙ୍ଗ୍‌ ଇଜି ଡ଼େସି ସଲ୍‍ମାକିନ୍‍ । 
\v 17 ଆୟାୱାଲେ ପଟାଦୁମାନି ଆଇମାଲୋକ୍‍ ମାରି ଇସ୍ରି କଡ଼ରିଙ୍ଗ୍‌ ଆସ୍‌ସି ପାଲ୍‍ ଉଟ୍‍ପିସ୍‍କିନି ଆଇସିକା ଅବସ୍ତା ଏସ ତାଗ୍‌ଇକା ଆନାତ୍‌, ‍ ୱାକ୍‍ ନାଣ୍ତ ଦୁଃକ୍‌‍ ବୋଗାନେ ! 
\v 18 ମାତର୍‌ ଇକା ଏଣ୍ତେସ୍‌ ପିନିକାଡ଼ାଦୁ ଗଟାଏତ୍‍, ଆୟା ଉଣ୍ତିଙ୍ଗ୍‌ ମାପୁରୁଦି ମାନୁ ପାର୍‌ତନା କିଦୁ । 
\v 19 \x + \xo ୧୩:୧୯ \xo*\xt ପ୍ରକାଶିତ ୭:୧୪.\xt*\x*ଇରିଙ୍ଗ୍‌ ଆୟାୱାଲେ ଇୟାୱାଜା ଦୁଃକ୍‌ ଗଟାନାତ୍‍ ଜେ, ମାପୁରୁ ଦୁନିଆଦିଙ୍ଗ୍‍ ତିଆରି କିତି ୱାଲେରାନ୍‌ ନେର୍‌ ସାନ୍ଦି ଇୟାୱାଜା ଗଟାଏତ୍‍, ମାରି ଏସାଙ୍ଗ୍‍ବା ଗଟେ ଆଏତ୍‍ । 
\v 20 ମାରି, ଜଦି ପ୍ରବୁ ଆୟା ସମୟ ଏସ୍‌କାଙ୍ଗ୍‌ ଉଣା କିତାନ୍‌ ମାନ୍ଧି, ଇରିଙ୍ଗ୍‌ ଆମା ଲୋକ୍‌ଡର୍‌ ରକିୟା ପ‍ଇଦେଙ୍ଗ୍‌ ଆଟ୍‍ଏତାର୍‍ମାନ୍ଦି; ମାତର୍‌ ମାପୁରୁ ଆମା ଲୋକାଙ୍ଗ୍‌ ଆସ୍‌କିତା ମାର୍‌ଆନ୍‍, ଆୟା ବାସ୍‍କିତି ଲୋକା ଉଣ୍ତିଙ୍ଗ୍‌ ଇଜି ଆୟା ସମୟତିଙ୍ଗ୍‍ ଉଣା କିତାମାନାନ୍‍ ।
\p
\v 21 “ନାସ୍ତିୱାଲେ ଜଦି ଏନ୍‌ ଇନାନ୍‌, ସୁଡ଼ୁଦୁ, କ୍ରିସ୍ତ ଇବେ ମାନାନ୍‌, ମାରି ସୁଡ଼ୁଦୁ, କ୍ରିସ୍ତ ଆବେ ମାନାନ୍‌,” ଏନ୍‌ ଜଦି ମିଙ୍ଗିଁ ଇୟାୱାଜା ଇନାନ୍‌, ଆଦେଙ୍ଗ୍‌ ଆକା ବିସ୍‌ବାସ୍‌ କିମାଟ୍‌ । 
\v 22 କ୍ରିସ୍ତର୍‍ ନି ବଣ୍ତ ବାବବାଦିର୍‍ ସନାର୍‌ ଇୟାୱାଜା ସିନା ମାରି କାବାଆନି ପାଣି ତର୍‍ନାର୍‍ ଜେ, ଜଦି ଆତିଙ୍ଗ୍‌, ମାପୁରୁ ଆସ୍‌କିତି ଲୋକାଙ୍ଗ୍‌ ବା ବାମ୍‍ରେ କିନାର୍‌ । 
\v 23 ମାତର୍‌ ମିର୍‌ ଜାଗାର୍‌ତା ମାଣ୍ତ୍ରୁ; ଇୟାୱିଜୁ ଆନି ଆଗ୍‍ଡ଼ିନେ ନାନ୍ ମିଙ୍ଗିଁ ଇଜିନା ।
\s ଜିସୁ ମାରିଡ଼େସି ୱାନି ବିସୟ୍‌ ୱେର୍‌ତାନ୍‌
\r (ମାତିଉ ୨୪:୨୯-୩୧; ଲୁକ ୨୧:୨୫-୨୮)
\p
\v 24 \x + \xo ୧୩:୨୪ \xo*\xt ପ୍ରକାଶିତ ୬:୧୨.\xt*\x*ମାତର୍‌ ଆୟା ସମୟତୁ ଆୟା ଦୁଃକ୍‌ ୱେନ୍‌କା ୱେଡ଼ା ସିକାଟି ଆନାତ୍‌ ମାରି ଲେଜୁ ଜାୟ୍‌ ସିଏତ୍‌, 
\v 25 \x + \xo ୧୩:୨୫ \xo*\xt ପ୍ରକାଶିତ ୬:୧୩.\xt*\x*ମାରି ସୁକେଙ୍ଗ୍‍ ବାଦଡ଼୍‍ତାନ୍‍ ଆର୍‌ନେ ମାରି ବାଦଡ଼୍‍ତୁ ମାନି ୱିଜୁ ସାକ୍ତିଦିକେଙ୍ଗ୍‍ ଦୁଙ୍ଗ୍‌ନେ ସନେ । 
\v 26 \x + \xo ୧୩:୨୬ \xo*\xt ପ୍ରକାଶିତ ୧:୭.\xt*\x*ନାସ୍ତିୱାଲେ ଲୋକୁ ୱିଜୁ ମନୁସ୍ୟପୁତ୍ରଦିଙ୍ଗ୍‌ ଜେ ନାନ୍ ପେରି ସାକ୍ତିଦାନ୍‍ ମାରି ମହିମାଦାନ୍‌ ବାଦଡ଼୍‍ତାନ୍‍ ୱାନିକା ସୁଡ଼ୁନାର୍‌ । 
\v 27 ଆୟା ସମୟତୁ ନାନ୍ ଆସ୍‌କିତି ଲୋକାଙ୍ଗ୍‌ ପୃତିବିଦି ଇତି କନାଦାନ୍‍ ବାଦଡ଼୍‍ତି ଇତି କନା ସାନ୍ଦି ସାରିବେଡ଼େତି ଲୋକାଙ୍ଗ୍‌ ଉନ୍‌ଡ୍ରେମାନୁ ଉଣ୍ତାକିଦେଙ୍ଗ୍‌ ଦୁତ୍‌କାଙ୍ଗ୍‌ ପୋକ୍‌ନାନ୍‌ ।
\s ତଗା ମାରାତାନ୍‌ ଅଜାଦୁ
\r (ମାତିଉ ୨୪:୩୨-୩୫; ଲୁକ ୨୧:୨୯-୩୩)
\p
\v 28 “ତଗା ମାରାନ୍‌ତାନ୍‌ କାତା ଅଜାଦୁ; ଏସିୱାଲେ ତଗା ମାରାତି କମେଙ୍ଗ୍‌ଡ଼ି ଆକୁ ରାଲାଜି ସଲ୍‌ସି ମାରି ପୁନି ଆକୁ ସହସି‍ୱାନେ, ଆୟାୱାଲେ ଜେଟାପ୍‌ ଲେଞ୍ଜୁ ଇଗା ୱାତାତ୍‍ ଇଜି ମିର୍‌ ନେସ୍‌ସୋ ମାନ୍‌ଡ୍ରୁ; 
\v 29 ଆୟାୱାଜା ମିର୍‌ ବା ଇୟାୱିଜୁ ଗଟାନିକା ସୁଡ଼ୁଜି ନାନ୍ ୱାନି ଦିନ୍‌ ସେର୍‍ଲା ଲାକ୍‌ତୁ ଇଗା ୱାତାତ୍‌ନି ଇଜି, ଇକା ନେସ୍‌ତୁ । 
\v 30 ନାନ୍ ମିଙ୍ଗିଁ ସତ୍‌ ଇଜିନା, ଇୟାୱିଜୁ ଗଟେ ଆଇ ସାନ୍ଦି ଇଲେଇ ଜିନିମାନି ଲୋକୁ ଏଣ୍ତେସ୍‌ କିଜିବା ସାଏର୍‌ । 
\v 31 ବାଦଡ଼୍‍ ନି ଦୁନିଆ ନାସ୍ଟୁ ଆନାତ୍‌, ମାତର୍‌ ନା ବାକ୍ୟୱିଜୁ ଏସାଙ୍ଗ୍‍ ନାସ୍ଟୁ ଆଏତ୍‍ ।
\s ଜିସୁ ୱାନିକା ଏନ୍‍ବା ନେସ୍‌ଏନ୍‌
\r (ମାତିଉ ୨୪:୩୬-୪୪)
\p
\v 32 \x + \xo ୧୩:୩୨ \xo*\xt ମାତିଉ ୨୪:୩୬.\xt*\x*“ମାତର୍‌ ଆୟା ଦିନ୍‌ ବା ଆୟା ଦଣ୍ଡ୍‌ ବିସୟ ଏନ୍‌ବା ନେସ୍‌ଏନ୍‌, ମୁସ୍‌କୁପୁର୍‌ତି ଦୁତ୍‌କୁ ନେସେଉ ମାରି ନାନ୍ ମନୁସ୍ୟପୁତ୍ର ବା ନେସେଏ, ଅରେନ୍‍ ନା ବୁବା ନେସ୍‌ନାନ୍‌ । 
\v 33 ମିର୍‌ ଜାଗାର୍‌ତା ଆଜି ମାନ୍‌ଡ୍ରୁ, କାପ୍‍କିଜ ମାନ୍‌ଡ୍ରୁ; ଇରିଙ୍ଗ୍‌ ଆୟା ଦିନ୍‌ ଏସାଙ୍ଗ୍‍ ଆନାତ୍‌, ଆକା ମିର୍‌ ନେସ୍‌ଇଦେର୍‌ । 
\v 34 \x + \xo ୧୩:୩୪ \xo*\xt ଲୁକ ୧୨:୩୬-୩୮.\xt*\x*ଆକା ଇୟାୱାଜା, ଅରେନ୍‍ ଲୋକୁ ନିଜେଦି ଇଲୁ ଡ଼ିସ୍‌ସୋ ଆଇ ଦେଶ୍‍ ତେବାଜିନାନ୍‍, ମାରି ୱାଣ୍ତ୍ରୁ ୱାନି ଗତିମୁରୁଲିରିଙ୍ଗ୍‍ ୱିଜୁ ଅଦିକାର୍‍ ସିଜି ପାଣି କିଦେଙ୍ଗ୍‌ ଇଜି ଇନାମାନାନ୍‍ ମାରି ଇଲୁ କାପ୍‍କିନି ଲୋକ୍‌ତିଙ୍ଗ୍‌ ବା ଜାଗାର୍‍ତାଦାନ୍‍ କାପ୍‍କିଜ ମାନ୍‌ଡ଼୍ରେଙ୍ଗ୍‌ ଆଦେସ୍‌ ସିତାମାନାନ୍‌ । 
\v 35 ମାରି, ଏସିୱାଲେ ଇଲୁଦି ମାଲିକ୍‌ ଦାପ୍ରେ ୱାନାନ୍‍ନୋ ମିଙ୍ଗିଁ ସୁଜ୍‍ନିକା ସୁଣାନ୍‌, 
\v 36 ଆୟା ଉଣ୍ତିଙ୍ଗ୍‌ ଜାଗାର୍‌ତା ମାନ୍‌ଡ୍ରୁ, ଇରିଙ୍ଗ୍‌ ୱାଣ୍ତ୍‍ରୁ ମିଲିମିଲିକା ନୋ ମାଜେର୍‍ନାଡ଼ା ନୋ କରୁକେଡ଼୍‍ନିୱାଲେ ନୋ ସାଲ୍‍ଦି, ଏସ୍ତିୱାଲେ ୱାଣ୍ତ୍ରୁ ୱାନାନ୍‌, ଆକା ମିର୍‌ ନେସ୍‌ଇଦେର୍‌ । 
\v 37 ନାନ୍ ଆମାକା ମିଙ୍ଗିଁ ଇଜିନା, ଆକା ୱିଜେରିଙ୍ଗ୍‍ ଇଜିନା, ଜାଗାର୍‌ତା ମାନ୍‌ଡ୍ରୁ ।”
\c 14
\s ଜିସୁଙ୍ଗୁଁ ଡାକ୍‌ତେଙ୍ଗ୍‍ଁ ଯିହୁଦି ନେତାର୍‌ ଅଡ଼୍‍ବିତାର୍‍
\r (ମାତିଉ ୨୬:୧-୫; ଲୁକ ୨୨:୧-୨; ଜୋହନ ୧୧:୪୫-୫୩)
\p
\v 1 ନିସ୍ତାର୍‍ ପଣ୍ତ୍‌ୟ ମାରି କମିର୍‍ସିଲି ରୁଟି ପଣ୍ତ୍‌ୟ ଉଣି ରିନେଟି ଆଗ୍‌ଡ଼ି । ଆୟାୱାଲେ ପେରି ଜାଜକର୍‌ ମାରି ସାସ୍ତ୍ରିର୍‍ ଜିସୁଙ୍ଗୁଁ ଏନ୍‍ବା ସୁଡ଼ୁଏନ୍‍ଣ୍ତା ଆସ୍‍ସ ଅସ ସାୟାମାର୍‌ଗା ଡାକ୍‌ତେଙ୍ଗ୍‍ଁ ଇଜି ଉପାୟ କିଜିମାର୍‌ଆର୍‌ । 
\v 2 ଇରିଙ୍ଗ୍‌ ୱାର୍‌ ଇର୍ହାର୍‌, “ପଣ୍ତ୍‌ୟ ସମୟ୍‌ତୁ ଇୟା ପାଣି କିଦେଙ୍ଗ୍‌ ଆଏତ୍‍,” ଇରିଙ୍ଗ୍‌ ଆନାତ୍‌ ନାସ୍ତିୱାଲେ ଲୋକୁ ଜାଟିଜଗ୍‍ଡ଼ା କିନାର୍‌ ।
\s ଜିସୁଙ୍ଗୁଁ ଅରେତ୍‌ ଆଇମା ନିୟୁ ଉସ୍‍ତାତ୍‍
\r (ମାତିଉ ୨୬:୬-୧୩; ଜୋହନ ୧୨:୧-୮)
\p
\v 3 \x + \xo ୧୪:୩ \xo*\xt ଲୁକ ୭:୩୭,୩୮.\xt*\x*ଜିସୁ ବେତନିୟାଦୁ କୁସ୍ଟରୋଗ୍‌ ସିମୋନ୍‍କା ଇଲ୍‌ତୁ ଉଣ୍ତେଙ୍ଗ୍‌ ବାସ୍‍ତି ମାରିଇୱାଲେ ଅରେତ୍‌ ଆଇମା ଉଣ୍ତ୍ରି ସାଟିଦୁ ନାଣ୍ତଦାରାଦି ନେଗି ଉଣ୍ତ୍ରି ମାରାତାନ୍‌ ତିଆର୍‌ଆତି ମାର୍‍ଇ ବାସ୍‌ନା ନିୟୁ ତାତା ଦୋ ଆୟା ସାଟିଦି ଡାବ୍‍ଣା ରୁକ୍‍ସି ନିୟୁ ଜିସୁଦି ତାଲାଦୁ ୱାକ୍‍ତେଙ୍ଗ୍‍ ଆସ୍‌ତାତ୍‌ । 
\v 4 ଆବେ ମାର୍‍ଇ ଏସ ଲୋକୁ ଆୟା ଆଇମା ନିୟୁ ୱାକ୍‍ତିକା ସୁଡ଼୍‌ଜି ରିସା ଆତାର୍‌ ମାରି ୱାରି ୱାରି ଲଅ ୱାର୍‌ଗିଜିସାତାର୍‌, “ଇୟା ଆଇମା ବାସ୍‌ନା ନିୟୁ ଇୟାୱାଜା ନାସ୍ଟୁ କିନିକା ମାର୍‌ଆତ୍‌ ନୋ ? 
\v 5 ଆୟା ନିୟୁ ତୋ ପର୍‍ତିଙ୍ଗ୍‍ ଅର୍‍ଲେନ୍‍ ଅରେନ୍‍ କୁଲି କିତି ଡାବୁଙ୍ଗୁଁ ନାସ ପୁଟ୍‍ତେ ମାନ୍ଧି ମାରି କାକୁର୍ତି ଲୋକାଙ୍ଗ୍‌ ସିଦେଙ୍ଗ୍‍ ଆତାତ୍‌ ମାନ୍ଦି !” ୱାର୍‌ ଆୟା ଆଇମାଦିଙ୍ଗ୍‍ କାଡ଼୍‍ଦେଙ୍ଗ୍‍ ଆସ୍‌ତାର୍‌ । \fig ବାସ୍‌ନା ନିୟୁ ବର୍ତିମାନି ସାଟି|alt="Jars with spikenard" src="hk00117c.tif" size="col" copy="Horace Knowles ©" ref="୧୪:୩"\fig*
\p
\v 6 ମାତର୍‌ ଜିସୁ ଇର୍‌ଆନ୍‌, “ଆୟା ଆଇମାଦିଙ୍ଗ୍‍ ଡ଼ିସ୍‍ତୁ ! ଇନ୍‍ଦାନିଙ୍ଗ୍‍ ତାନିଙ୍ଗ୍‌ କାସ୍ଟୁ ସିଜିନିଦେର୍‌ ? ୱାଦ୍‍ତୋ ନା ଉଣ୍ତିଙ୍ଗ୍‌ ନେଗି ପାଣି କିତାମାନାତ୍‌ । 
\v 7 କାକୁର୍ତି ଲୋକ୍‍ତୋ ୱିଜୁୱାଲେ ମି ଲାକ୍‌ତୁ ମାନାର୍‌, ମାରି ୱାରି ଉଣ୍ତିଙ୍ଗ୍‌ ମିର୍‌ ଏସ୍ତିୱାଲେ ବଦାକିନିଦେର୍‍, ନାସ୍‍ସ୍ତିୱାଲେ ୱାରିଙ୍ଗ୍‌ ସାହାଜ୍ୟ କିଦେଙ୍ଗ୍‌ ଆଟ୍‌ନିଦେର୍‌; ମାତର୍‌ ନାନ୍ ୱିଜୁୱାଲେ ମି ଲାକ୍‌ତୁ ତେବାଏ । 
\v 8 ତାନି ମାଣାନ୍‌ ଆମାକା ଆନାତ୍‌, ଆକା ୱାଦ୍‌ କିତାମାନାତ୍‌; ନାନ୍ ସାନି ଆଗ୍‍ଡ଼ିନେ ୱାଦ୍‌ ନା ମେନ୍ଦଲ୍‌ତୁ ନିୟୁ ୱାକ୍‍ସି ମୁସ୍‍ନି ନାଣ୍ତିଦି ଉଣ୍ତିଙ୍ଗ୍‌ ତିଆର୍‌ କିତାମାନାତ୍‌ । 
\v 9 ନାନ୍ ମିଙ୍ଗିଁ ସତ୍‌ ଇଜିନା, ସାରା ଦୁନିଆଦୁ ନା ନେଗିକାବୁର୍‌ ଏମେ ବାଡିଦୁ ପ୍ରଚାର୍‌ ଆନାତ୍‌, ଇୟା ଆଇମା ଇନି ପାଣି କିତାମାନାତ୍‌, ତାନିଙ୍ଗ୍‌ ଏତ୍‌କିନି ଉଣ୍ତିଙ୍ଗ୍‌ ଇୟାୱିଜୁ ମାଟା ବା ୱେଙ୍ଗ୍‌ଁନାତ୍‌ ।”
\s ଜିସୁଙ୍ଗୁଁ ସାତ୍ରୁରି କିୟୁଦୁ ଆସିସ୍‍ କିଦେଙ୍ଗ୍‌ ଇସ୍କାରିୟତିୟ ଜିହୁଦା ମାନାତାନ୍‌
\r (ମାତିଉ ୨୬:୧୪-୧୬; ଲୁକ ୨୨:୩-୬)
\p
\v 10 ଆବେଟ୍‌ ବାରଲୋକ୍‌ ସିସୁରି ଲୋଇରାନ୍‌ ଇସ୍କାରିୟୋତିୟ ଜିହୁଦା ଦର୍‌ତି ଅରେନ୍‍ ସିସୁ ଜିସୁଙ୍ଗୁଁ ଆସ୍‍ପିସ୍‍ତେଙ୍ଗ୍‍ ଇଜି ପେରି ଜାଜକରି ଲାକ୍‌ତୁ ସର୍‌ଆନ୍‌ । 
\v 11 ଆୟା ପେରି ଜାଜକର୍‌ ଇସ୍କାରିୟତିୟ ଜିହୁଦାଦି ମାଟା ୱେନ୍‌ଜି ୱେଡ଼ିକା ଆତାର୍‌ ମାରି ଆୟା ପାଣିକିନି ଉଣ୍ତିଙ୍ଗ୍‌ ୱାନିଙ୍ଗ୍‌ ଏସ ଡାବୁଙ୍ଗୁଁ ସିଦେଙ୍ଗ୍‍ ପାର୍‍ମାଣ୍‍କିତାର୍‍ । ଆୟାୱାଲେରାନ୍‍ ଜିହୁଦା ଜିସୁଙ୍ଗୁଁ ପେରିଜାଜକରି କିୟୁଦୁ ଆସ୍‍ପିସ୍‍ନି ଉଣ୍ତିଙ୍ଗ୍‌ ସାରି ପ‍ଇଦେଙ୍ଗ୍‌ ଆସ୍‌ତାନ୍‌ ।
\s ଜିସୁ ୱାନି ସିସୁରିୱାଲେ ନିସ୍ତାର୍‍ ପଣ୍ତ୍‌ୟ ଉଟାନ୍‍
\r (ମାତିଉ ୨୬:୧୭-୨୫; ଲୁକ ୨୨:୭-୧୪,୨୧-୨୩; ଜୋହନ ୧୩:୨୧-୩୦)
\p
\v 12 ୱେନ୍‌କା କମିର୍‌ସିଲି ରୁଟି ଉଣି ପଣ୍ତୟ୍‍ତି ଆଗ୍‍ଡ଼ିରି ନାଣ୍ଡିଙ୍ଗ୍, ଆମା ନାଣ୍ଡିଙ୍ଗ୍ ନିସ୍ତାର୍‍ ପଣ୍ତ୍‌ୟତି ବୋଜି ଉଣ୍ତିଙ୍ଗ୍‌ ମେଣ୍ତାପିଲା କଇନାର୍‍, ଆୟା ନାଣ୍ଡିଙ୍ଗ୍ ୱାନି ସିସୁର୍‍ ୱାନିଙ୍ଗ୍‌ ୱେନ୍‌ବାତାର୍‌, “ମାପ୍‌ ନି ଉଣ୍ତିଙ୍ଗ୍‌ ସନାପ୍‌ ନୋ ଏମେ ବାଡିଦୁ ନିସ୍ତାର୍‍ ପଣ୍ତ୍‌ୟତି ବୋଜି ତିଆର୍‌ କିନାପ୍‍ ଇଜି ନିନ୍‌ ବଦା କିଜିନି ?”
\p
\v 13 ଜିସୁ ୱାନି ସିସୁରି ଲୋଇ ରିଏରିଙ୍ଗ୍‍ ଇୟା ମାଟା ଇର୍‌ଆ ପକ୍‌ତାନ୍‌, ମିର୍‌ ଗାଡ଼୍‌ତୁ ସାନ୍‍ଡ୍ରୁ, ଆବେ ଅରେନ୍‍ ଲୋକୁ ଏରୁ ସାଟି ଆସ୍‍ସ ସନିକା ସୁଣିଦେର୍‍; ମାରି ମିର୍‌ ୱାନି ୱେନ୍‌କା ୱେନ୍‌କା ସାନ୍‍ଡ୍ରୁ । 
\v 14 ୱାନ୍‌ ଆମା ଇନ୍‌ଡ୍ର ସଲ୍‌ସି ଡ଼ୁଗ୍‍ନାନ୍‍, ଆୟା ଇନ୍‌ଡ୍ର ମାଲିକ୍‌ତିଙ୍ଗ୍‌ ଇନ୍‍ଡ୍ରୁ, ଗୁରୁ ୱେନ୍‌ବାଜିନାନ୍‌, ନାନ୍ ନା ସିସୁରିୱାଲେ ଆମା ଇନ୍‌ଡ୍ର ନିସ୍ତାର୍‍ ପଣ୍ତ୍‌ୟତି ବୋଜି କିନା, ଆୟା ନା ବାକ୍ରା ଆମାକା ? 
\v 15 ଆବେଟ୍‌ ୱାନ୍‌ ମିଙ୍ଗିଁ ନେଗ୍ରେଣ୍ତା ତିଆର୍ ଆତିମାନି ଉଣ୍ତ୍ରି ମୁସ୍‌କୁରି ପେରି ବାକ୍‍ରା ତର୍‍ନାନ୍‍; ଆୟା ବାଡିଦୁ ମାଡ୍‌ ପଣ୍ତ୍‌ୟ ଉଣ୍ତେଙ୍ଗ୍‌ ବୋଜି ତିଆର୍‌ କିଦୁ ।
\p
\v 16 ଆବେଟ୍‌ ସିସୁର୍‍ ସର୍ହାରୋ ନାର୍‍ତୁ ଡ଼ୁଗିତାର୍‍, ମାରି ୱାନ୍‌ ୱାରିଙ୍ଗ୍‌ ଏଣ୍ତେସ୍‌ ଇର୍‌ଆମାର୍‌ଆନ୍‌, ଆୟାୱାଜା ୱାର୍‌ ନିସ୍ତାର୍‍ ପଣ୍ତ୍‌ୟତି ବୋଜି ତିଆର୍‌ କିତାର୍‍ ।
\p
\v 17 ମିଲ୍‌ମିଲିକା ଆତାତ୍‌ଆକା ଜିସୁ ବାର୍‌ଲୋକ୍‌ ସିସୁରି ୱାଲେ ଆୟା ଇଲ୍‌ତୁ ୱାତାର୍‌ । 
\v 18 ୱାର୍‌ ବାସ୍‍ସୋ ଉଣିୱାଲେ ଜିସୁ ଇର୍‌ଆନ୍‌, “ନାନ୍ ମିଙ୍ଗିଁ ସତ୍‌ ଇଜିନା, ମି ଲୋଅ ଅରେନ୍‍, ନାଙ୍ଗିଁ ଏନ୍‍କି ନାୱାଲେ ଉଣୁଜିନାନ୍‍, ୱାନ୍‌ ନାଙ୍ଗିଁ ସାତ୍ରୁରି କିୟୁଦୁ ସର୍‌ପେ କିନାନ୍‌ ।” 
\v 19 ଆବେଟ୍‌ ସିସୁର୍‌ ଦୁଃକ୍‌ କିଜି ଅରେନ୍‍ ଅରେନ୍‍ ଆଜି ଜିସୁଙ୍ଗୁଁ ୱେନ୍‍ବାଦେଙ୍ଗ୍‍ ଆସ୍‌ତାର୍‌, “ଆକାନ୍‍ ଇନିକା ନାନ୍ ନୋ ?”
\p
\v 20 ଜିସୁ ୱାରିଙ୍ଗ୍‌ ଇର୍‌ଆନ୍‌, ବାର୍‍ଲୋକା ଲୋଇ ଅରେନ୍‍, ଏନ୍‍କି ନାୱାଲେ କୁଡ଼ୁକାଦୁ କିୟୁ ମୁଡ଼ୁକ୍‍ସିନାନ୍‍ । 
\v 21 ନାନ୍ ସତ୍‌ ଇଜିନା, “ମନୁସ୍ୟପୁତ୍ର ଜେ ନାନ୍ ନା ବିସୟତାନ୍ ସାସ୍ତ୍ରଦୁ ଏଣ୍ତେସ୍‌ ରାସାତାମାନାତ୍‌, ଆୟାୱାଜା ନାନ୍ ସାଦେଙ୍ଗ୍‌ ସଲ୍‍ସିନା ଆକା ସତେନେ, ମାତର୍‌ ମନୁଷ୍ୟପୁତ୍ର ଜେ ନାନ୍ ଆମା ଲୋକ୍‍ତିମାଣାନ୍‍ ସାତ୍ରୁରି କିୟୁଦୁ ସର୍‍ପେ ଆଗାସଲ୍‌ସିନା, ୱାଣ୍ତ୍ରୁ ଜନମ୍‌ ଆଏତି ମାର୍‍ରିଙ୍ଗ୍‍ ୱାନି ଉଣ୍ତିଙ୍ଗ୍‌ ନେଗେଣ୍ତ୍‍ ଆତାତ୍‌ ମାନ୍ଦି ।”
\s ପ୍ରବୁ ବୋଜ୍‍
\r (ମାତିଉ ୨୬:୨୬-୩୦; ଲୁକ ୨୨:୧୪-୨୦; ୧ କରିନ୍ତିୟ ୧୧:୨୩-୨୫)
\p
\v 22 ମାରି ୱାର୍‌ ଉଣିୱାଲେ ଜିସୁ ଉଣ୍ତ୍ରି ରୁଟି ଆସ୍‌ତାନ୍‌ନୋ ମାପୁରୁଙ୍ଗ୍‌ ଦନ୍ୟବାଦ୍‌ ସିତାନ୍‌ ମାରି ରୁଟି ରୁକ୍‍ସି ସିସୁରିଙ୍ଗ୍‌ ସିଜି ଇର୍ହାନ୍‌, “ଇକା ତିନ୍‍ଡ୍ରୁ, ଇକା ନା ମେନ୍ଧଲ୍‍ ।”
\p
\v 23 ଆୟାୱେନ୍‌କା ଅଙ୍ଗୁର୍‍ରସ୍‍ ଅସି ମାପୁରୁଦି ମାନୁ ଦନ୍ୟବାଦ୍‌ ସିଜି ସିସୁରିଙ୍ଗ୍‌ ସିତାନ୍‌ ମାରି ୱିଜେରେ ଅଙ୍ଗୁର୍‍ରସ୍‍ ଉଟାର୍‌ । 
\v 24 ମାରି, ଜିସୁ ୱାରିଙ୍ଗ୍‌ ଇର୍‌ଆନ୍‌, “ଇକା ନା ନେତେର୍‌, ନାନ୍ ନା ଏମେ ନେତେର୍‌ ୱାକ୍‍ସି ସିଦେଙ୍ଗ୍‍ ସଲ୍‍ସିନା, ଆକା ମାପୁରୁଦି ୱାଲେ କିତି ପୁନି ନିୟମ୍‌ । ଆକା ଲୋକା ଉଣ୍ତିଙ୍ଗ୍‌ ନାଣ୍ତ ଦାରା । 
\v 25 ନାନ୍ ମିଙ୍ଗିଁ ସତ୍‌ ଇଜିନା, ଆମା ନାଣ୍ଡିଙ୍ଗ୍ ନାନ୍ ମାପୁରୁଦି ରାଜିଦୁ ପୁନି ଅଙ୍ଗୁର୍‍ ପଲ୍‌ତି ରସ୍‌ ଉଣି ସାନ୍ଦି, ନାନ୍ ମାରି ଏସାଙ୍ଗ୍‍ ବା ଉଣୁଏ ।”
\p
\v 26 ଇୟା ୱେନ୍‌କା ଜିସୁ ମାରି ୱାନି ସିସୁର୍‌ ଉଣ୍ତ୍ରି ଦନ୍ୟବାଦ୍‍ତି ପାଟା ପାରିତି ୱେନ୍‌କା ଜିତ ଗରନ୍‌ ମୁସ୍‌କୁ ସତାସର୍ହାର୍‌ ।
\s ୱାନିଙ୍ଗ୍‌ ପିତର୍‌ ଆଗ୍‌ଡ଼ି ଇନିକା କିନାନ୍‌ ଆକା ଜିସୁ ୱେର୍‌ତାନ୍‌
\r (ମାତିଉ ୨୬:୩୧-୩୫; ଲୁକ ୨୨:୩୧-୩୪; ଜୋହନ ୧୩:୩୬-୩୮)
\p
\v 27 ନାସ୍ତିୱାଲେ ଜିସୁ ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜିଦେର୍‌ ନାଙ୍ଗିଁ ଡ଼ିସ୍‌ନି ଉର୍‍କ୍‍ନିଦେର୍‌ । ସାସ୍ତ୍ରଦୁ ରାସାତାମାନାତ୍‌,
\q1 “ମାପ୍‌ ମେଣ୍ତେଙ୍ଗ୍‌ ସାରାକିନିୱାନିଙ୍ଗ୍‌ ସାୟାମାରାଗ୍‌ ଡାକ୍‌ତିଙ୍ଗ୍‌ ମାରି ମେଣ୍ଡେଙ୍ଗ୍‌ ଇନିଙ୍ଗାଁ ଆନିଙ୍ଗାଁ ଆନେସନେ ।” 
\v 28 \x + \xo ୧୪:୨୮ \xo*\xt ମାତିଉ ୨୮:୧୬.\xt*\x*ମାତର୍‌ ନାନ୍ ସାଜି ମାରିଡ଼େସିନିଙ୍ଗିଁତି ୱେନ୍‌କା ମି ଆଗ୍‍ଡ଼ିନେ ଗାଲିଲି ରାଜିଦୁ ସନା ।
\p
\v 29 ମାତର୍‌ ପିତର୍‌ ଜିସୁଙ୍ଗୁଁ ଇର୍‌ଆନ୍‌, “ୱିଜେରେ ଡ଼ିସ୍‌ତିଙ୍ଗ୍‌ ବା ନାନ୍ ନିଂଇ ମାତର୍‌ ଡ଼ିସ୍‍ଏ ।”
\p
\v 30 ଜିସୁ ପିତରତିଙ୍ଗ୍‌ ଇର୍ହାନ୍‌, “ନାନ୍ ନିଂଇ ସତ୍‌ ଇଜିନା, ନେର୍‍ଇ ନାଡ଼ା କର୍‌ରୁ ରିଜା କେଡ଼ିନି ଆଗ୍‌ଡ଼ି ନିନ୍‌ ନାଂଇ ମୁଜା ନାନ୍ ନେସେଏ ଇଜି ଲୋକାମାନୁ ଇନି ।”
\p
\v 31 ମାତର୍‌ ପିତର ନାଣ୍ତ ଆଟ୍‍ୱାଦାନ୍‍ ଇର୍‌ଆନ୍‌, “ନି ୱାଲେ ସାଦେଙ୍ଗ୍‌ ପଡ଼ାତିଙ୍ଗ୍‌ ବା ନାନ୍ ଏସ୍‌କାଙ୍ଗ୍‌ ନିଙ୍ଗିଁ ନେସ୍‍ଏ ଇଜି ଇନ୍‌ଏ । ମାରି ଆଇ ସିସୁର୍‍ବା ଆୟାୱାଜା ଇର୍ହାର୍‌ ।”
\s ଜିସୁ ଗେତ୍‌ସିମାନି ଡଡିଦୁ ପାର୍‌ତନା କିତାନ୍‌
\r (ମାତିଉ ୨୬:୩୬-୪୬; ଲୁକ ୨୨:୩୯-୪୬)
\p
\v 32 ଆୟାୱେନ୍‌କା ୱାର୍‌ ଗେତ୍‌ସିମାନି ଦର୍‌ତି ଉଣ୍ତ୍ରି ବାଡିଦୁ ୱାତାର୍‌, ମାରି ଜିସୁ ୱାନି ସିସୁରିଙ୍ଗ୍‌ ଇର୍‌ଆନ୍‌, “ନାନ୍ ପାର୍‌ତନା କିନେଣ୍‍ଗା ମିର୍‌ ଇବେନୁ ବାସ୍‌ସୋ ମାନ୍‌ଡ୍ରୁ ।” 
\v 33 ମାରି, ୱାନ୍‌ ପିତର, ଯାକୁବ ମାରି ଜୋହନତିଙ୍ଗ୍‍ ଅର୍‌ସେ ଅତାନ୍‌ନୋ ନାଣ୍ତ ସିମ୍ରା ମାରି ଦୁଃକ୍‌‍ କିଦେଙ୍ଗ୍‌ ଆସ୍‌ତାନ୍‌ । 
\v 34 ଆବେଟ୍‌ ୱାନ୍‌ ସିସୁରିଙ୍ଗ୍‌ ଇର୍‌ଆନ୍‌, “ନା ଜିବନ୍‌ ସାନିୱାଜା ଆଜି ନାଣ୍ତ ଆଡ୍‌ବାଜିନାତ୍‌; ମିର୍‌ ଇବେ ବାସ୍‌ସ କାପ୍‍କିଦୁ ।”
\p
\v 35 ମାରି, ୱାଣ୍ତ୍ରୁ ଅଡ଼ପ୍‍ ଆକ ଆଗ୍‌ଡ଼ି ସଲ୍‌ସି ବୁମିଦୁ ମେଣ୍ତେଙ୍ଗ୍‍ ଗଟ୍‍ କିତାନ୍‌ନୋ, ପାର୍‌ତନା କିଜି ଇର୍‌ଆନ୍‌, ନି ବଦା ଜଦି ଆନାତ୍‌, ଇୟା ଦୁଃକ୍‌ ନାମାଣ୍‍କୁ ଆକ କିଆ । 
\v 36 ମାରି, ଜିସୁ ଇର୍‌ଆନ୍‌, “ଅବ୍ବା, ବୁବା,” ୱିଜୁ ନିଂଇ ଉସାସ୍‌, ଇୟା ଦୁଃକ୍‌ ନାବାଣ୍‍କୁ ଆକ କିଆ; “ନା ବଦା ସିଲେ, ମାତର୍‌ ନି ବଦା ।”
\p
\v 37 ଆବେଟ୍‌ ୱାଣ୍ତ୍ରୁ ଡ଼େସିୱାଜି ୱାରିଙ୍ଗ୍‌ ସୁଜ୍‍ନିକା ସୁଡ଼ୁତାନ୍‌ ମାରି ପିତର୍‍ତିଙ୍ଗ୍‍ ଇର୍‌ଆନ୍‌, “ସିମୋନ୍‌, ମିର୍‌ ଇନିକା ସୁସ୍‍ତିଦେର୍‍ ? ନା ୱାଲେ ଉଣ୍ତ୍ରିଗନ୍‌ଟାବା କାପ୍‌କିଦେଙ୍ଗ୍‌ ଆଟ୍‍ଇତିଦେର୍‍ ?” 
\v 38 ପରିକାଦୁ ଏଣ୍ତେସ୍‌ ଆର୍‌ଇଦେର୍‌, “ଆୟା ଉଣ୍ତିଙ୍ଗ୍‌ ଜାଗାର୍‍ତାଦାନ୍‍ ପାର୍‌ତନା କିଦୁ; ଜିବନ୍‌ ବଦା କିନାତ୍‍ ସତ୍‌, ମାତର୍‌ ମେନ୍ଧଲ୍‍ ଲୋଡ଼ଲାଡ଼ା ।”
\p
\v 39 ୱାନ୍‌ ମାରିଡ଼େସି ସଲ୍‌ସି ଆଗ୍‌ଡ଼ି ଏଣ୍ତେସ୍‌ ପାର୍‌ତନା କିତାମାର୍‍ଆନ୍‍ ଆୟାୱାଜା ମାରି ପାର୍‌ତନା କିତାନ୍‌ । 
\v 40 ମାରିଡ଼େସି, ୱାନ୍‌ ୱାଜି ସିସୁରିଙ୍ଗ୍‌ ସୁଜୁନିକା ସୁଡ଼ୁତାନ୍‌, ଇରିଙ୍ଗ୍‌ ୱାରି କାଣୁକୁ ସୁଡ଼୍‍ଦେଙ୍ଗ୍‍ ଆଟ୍‍ଏଜି ମାର୍ହାର୍‌, ୱାର୍‌ ୱାନିଙ୍ଗ୍‌ ଇନିକା ଇନାର୍‌, ଆକା ନେସ୍‌ଏର୍‌ ମାର୍ହାର୍‌ ।
\p
\v 41 ୱାନ୍‌ ମୁଜା ୱାଜି ୱାରିଙ୍ଗ୍‌ ଇର୍‌ଆନ୍‌, “ସାଣେକ୍‌ ସୁଜ୍‍ଜି ରମ୍‍ଦୁ; ନାଣ୍ତ ଆତାତ୍‌ନି ! ଆୟା ସମୟ ଇଗା ୱାତାତ୍‌ନି ! ସୁଡ଼୍‍ଦୁ, ମନୁସ୍ୟପୁତ୍ର ଜେ ନାନ୍ ପାପି ଲୋକା କିୟୁଦୁ ସେର୍‍ପାନା । 
\v 42 ନିଙ୍ଗ୍‍ଦୁ, ମାଡ୍‌ ସନାଟ୍‌; ସୁଡ଼ୁଦୁ, ଏନ୍‌ ନାଙ୍ଗିଁ ସାତ୍ରୁରି କିୟୁଦୁ ସେରେପ୍‌ନା ସିନାନ୍‌, ୱାନ୍‌ ଲାକ୍‌ତୁ ୱାତାନ୍‍ନି ।”
\s ଜିସୁ ସାତ୍ରୁରି କିୟୁଦୁ ସେର୍‍ପାତାନ୍‍
\r (ମାତିଉ ୨୬:୪୭-୫୬; ଲୁକ ୨୨:୪୭-୫୩; ଜୋହନ ୧୮:୩-୧୨)
\p
\v 43 ମାରି ଆୟାଦାପ୍ରେ, ୱାନ୍‌ ମାଟା ଇନିୱାଲେ, ବାରଲୋକ୍ ସିସୁରି ଲୋଇରାନ୍‌ ଜିହୁଦା ଦର୍‍ତିକାନ୍‍ ମାରି ଏସ ପେରି ଯାଜକର୍‌, ସାସ୍ତ୍ରିର୍‍ ମାରି ପେରି ନେତାରି ମାଣ୍‌କୁ ଲୋକୁ କାଣ୍ତା ମାରି ବାଡିଗା ଆସ୍‌ସି ୱାତାର୍‌ । 
\v 44 ଜିସୁଙ୍ଗୁଁ ସାତ୍ରୁରି କିଦୁ ସେର୍‍ପେନିକାନ୍ ୱାରିଙ୍ଗ୍‌ ଇୟା ସିନା ସିଜି ଇର୍‌ଆନ୍‌, “ନାନ୍ ଆମାୱାନିଙ୍ଗ୍‌ ନଣ୍ତ୍‌ନା, ଆକାନ୍‍ ଜିସୁ; ୱାନିଙ୍ଗ୍‌ ଜାଗାର୍‍ତାଦାନ୍‍ ତର୍‍ନି ଅନିଦେର୍‍ ।”
\p
\v 45 ଜିହୁଦା ୱାଜି ଇତି ଦାପ୍ରେ ଜିସୁଦି ଲାକ୍‌ତୁ ସର୍‌ଆନ୍‌ ନୋ, “ଏ ଗୁରୁ !” ଇଜି ଇର୍‌ଆନ୍‌ ନୋ ଜିସୁଙ୍ଗୁଁ ନାଣ୍ତ ନଣ୍ତିତାନ୍‍ । 
\v 46 ଆବେଟ୍‌ ୱାର୍‌ ୱାତାର୍‌ ରୋ ଜିସୁଙ୍ଗୁଁ ଆସ୍ତାରୋ ତର୍‍ତାର୍‍ । 
\v 47 ମାତର୍‌ ଲାକ୍‌ତୁ ନିର୍‍ହି ମାର୍‍ଇ ଲୋକା ଲୋଇ ଅରେନ୍‍ କାଣ୍ତା ସପ୍‌ତାନ୍‌ନୋ ମାରି ପେରି ଜାଜକ୍‍ତି ଗତିମୁରୁଲିଙ୍ଗ୍‌ ଆସ୍‍ତାନ୍‍ନୋ ୱାନି ଗିତଣି କୟତା ପକ୍‌ତାନ୍‌ । 
\v 48 ଜିସୁ ୱାରିଙ୍ଗ୍‌ ଇର୍‌ଆନ୍‌, “ନାଂଇ ଆସ୍‌ତେଙ୍ଗ୍‌ ଅରେନ୍‍ ଡଙ୍ଗାଁର୍‍ଏଙ୍ଗ୍‍ ଆସ୍‌ତେଙ୍ଗ୍‌ ୱାନିୱାଜା ମିର୍‌ କାଣ୍ତା ମାରି ଡୁଡୁ ଆସ୍‌ତି ୱାତିମାନିଦେର୍‌ ? 
\v 49 \x + \xo ୧୪:୪୯ \xo*\xt ଲୁକ ୧୯:୪୭; ୨୧:୩୭.\xt*\x*ନାନ୍ ତୋ ୱିଜୁୱାଲେ ମିୱାଲେ ମନ୍ଦିର୍‌ତୁ ମାନ୍‌ଜି ସିକିୟା ସିଜି ମାର୍‍ଆ, ମାତର୍‌ ମିର୍‌ ନାଂଇ ଆସ୍‍ଇତିଦେର୍‍; ମାତର୍‌ ଦାର୍ମୁସାସ୍ତ୍ରଦି ମାଟା ଏଣ୍ତେସ୍‌ ସତ୍‌ ଆନାତ୍‌, ଆୟା ଉଣ୍ତିଙ୍ଗ୍‌ ଇୟାୱିଜୁ ଗଟାଜିନାତ୍‍ ।”
\p
\v 50 ଇୟା ୱେନ୍‌କା ୱାନି ସିସୁର୍‌ ୱିଜେରେ ୱାନିଙ୍ଗ୍‌ ଡ଼ିସ୍‍ସି ଉରୁକ୍‍ତାର୍‍ ।
\p
\v 51 ମାତର୍‌ ଅରେନ୍‍ ମୁରୁଲି କଡ଼ ୱାନି ଡୁମ୍‍ଡା ମେନ୍ଦଲ୍‌ତୁ ଇସ୍ରି ସାଦର୍‌ ପିଡ଼୍‍ଗିତାନ୍‍ନୋ ଜିସୁୱାଲେ ୱାଲେ ସଲ୍‌ସି ମାର୍‌ଆନ୍‌; ଆୟା ଲୋକୁ ମୁରୁଲିଙ୍ଗ୍‌ ଆସ୍‌ତେଙ୍ଗ୍‌ ବଦାକିତାର୍‌ । 
\v 52 ମାତର୍‌ କଡ଼ ଆୟା ଇସ୍ରି ସାଦର୍‌ ଡ଼ିସ୍‍ତାନ୍‍ନୋ ଡୁମ୍‍ଡା ଆତା ଉରୁକ୍‍ତାନ୍‍ ।
\s ଜିହୁଦିରି ବାଡିଦୁ ଜିସୁଙ୍ଗୁଁ ବିସାର୍‌ କିତାର୍‌
\r (ମାତିଉ ୨୬:୫୭-୬୮; ଲୁକ ୨୨:୫୪-୫୫,୬୩-୭୧; ଜୋହନ ୧୮:୧୩-୧୪,୧୯-୨୪)
\p
\v 53 ୱେନ୍‌କା ୱାର୍‌ ଜିସୁଙ୍ଗୁଁ ୱିଜେରିଙ୍ଗ୍‍ ପେରିଜାଜକତି ଲାକ୍‌ତୁ ଅତାର୍‍, ମାରି ପେରି ଜାଜକର୍‌, ପେରି ପେରି ନେତାର୍‍ ମାରି ସାସ୍ତ୍ରିର୍‍ ୱିଜେରେ ୱାତା ଉଣ୍ତାତାର୍‌ । 
\v 54 ପିତର ଅଡ଼ପ୍‍ ଆକ ତେବାତାନ୍‌ ନୋ ୱାନି ୱାଲେ ୱାଲେ ୱିଜେରିଙ୍ଗ୍‍ ପେରି ଜାଜକ୍‍ତି ଦୁଆର୍‌ ଲୋଅ ସର୍‌ଆନ୍‌ ମାରି ଆବେ ଇଲୁ କାପ୍‍କିନି ଲୋକାୱାଲେ ସିସୁ କାଇଜିମାର୍‍ଆନ୍‍ । 
\v 55 ଆୟାୱେନ୍‌କା ପେରି ଯାଜକର୍‌ ମାରି ଯିହୁଦି ସଭାତି ଲୋକୁ ୱିଜେରେ ଜିସୁଙ୍ଗୁଁ ଡାକ୍‌ତେଙ୍ଗ୍‍ଁ ଇଜି ୱାନି ବିରୁଦାନ୍‍ ସାକି ପ‍ଇଦେଙ୍ଗ୍‌ ଆସ୍‌ତାର୍‌, ମାତର୍‌ ପଇଏତାର୍‍ । 
\v 56 ମାରି ଏସ ଲୋକୁ ଜିସୁ ବିରୁଦ୍‌ତାନ୍‍ ମିଚ୍‍ ସାକି ଇର୍ହାର୍‌ ମାତର୍‌ ୱାରି ମାଟା ମିସାଏତାତ୍‍ ।
\p
\v 57 ମାରି ୱେନ୍‌କା ଏସ ଲୋକୁ ନିର୍‍ରା ରୋ ୱାନି ବିରୁଦ୍‍ତାନ୍‍ ଇୟା ମିସ୍‌ ସାକି ଇନ୍‌ଡ୍ରେଙ୍ଗ୍‌ ଆସ୍‌ତାର୍‌; 
\v 58 “ମାପ୍‌ ୱେନ୍‍ ଇୟା ମାଟା ଇନିକା ୱେର୍‍ଆମାନାପ୍‍, ନାନ୍ ଲୋକୁ କିୟୁଦୁ ତିଆର୍‍କିତି ଇୟା ମନ୍ଦିର୍‌ତିଙ୍ଗ୍‌ ରୁକ୍‍ସି ମୁନେଟାନ୍‍ ମାରି ଉଣ୍ତ୍ରିଲୋକା କିକାଣ୍‍ ତିଆର୍ ଆଇ ମନ୍ଦିର୍‌ ତିଆର୍‌ କିନା ।” 
\v 59 ମାତର୍‌ ଇବେବା ୱାରି ସାକି ମିସାଏତାତ୍‍ ।
\p
\v 60 ଆବେଟ୍‌ ୱିଜେରିଙ୍ଗ୍‍ ପେରି ଜାଜକ୍‍ ଜିସୁଙ୍ଗୁଁ ନାଡ଼୍‍ମି ନିଲ୍‍ପ୍‍ତାନ୍‍ନୋ ୱେନ୍‌ବାତାନ୍‌, “ନି ବିରୁଦ୍‍ତାନ୍‍ ଇୟାକାର୍‌ ଏମେ ମାଟା ଇଜିନାର୍‍, ଆକା ସତ୍‍ନୋ, ନିନ୍‌ ଇନିକା ବା ଇନ୍‍ଇଜିନି ?”
\p
\v 61 ମାତର୍‌ ଜିସୁ ଇନିକା ଇନ୍‍ଏଣ୍ତା ଆଲେତାମାର୍‍ଆନ୍‍, ୱିଜେରିଙ୍ଗ୍‍ ପେରି ଯାଜକ୍‍ ମାରିଡ଼େସି ୱେନ୍‌ବାତାନ୍‌, “ନିନ୍‌ ଇନିକା ପ୍ରସଂସା ପଇଜିମାନି ମାପୁରୁଦି ମାରିନ୍‌ କ୍ରିସ୍ତ ?”
\p
\v 62 ଜିସୁ ଇର୍‌ଆନ୍‌, “ହୁଁ ନାନ୍, ମିର୍‍ ମନୁସ୍ୟପୁତ୍ରଦିଙ୍ଗ୍‍ ପେରି ସାକ୍ତିଦି ମାପୁରୁଦି ଉଣି କିୟୁ ତର୍‌ନି ବାସ୍‍ନିକା ମାରି ବାଦଡ଼୍‍ତି ରତଦାନ୍‍ ୱାନିକା ମିର୍‌ ସୁଣିଦେର୍‍ ।”
\p
\v 63 ଆବେଟ୍‌ ୱିଜେରିଙ୍ଗ୍‌ ପେରି ଜାଜକ ନିଜେଦି ଆଙ୍ଗିଁଦିଙ୍ଗ୍‌ କିସ୍‌ସି ପୋକ୍‌ସି ଇର୍ହାନ୍‌, “ସାକି ମାରି ଇନି ମାଙ୍ଗିଁ ଦରକାର୍‍ଲୁ ? 
\v 64 ମିର୍‌ ତୋ ୱାନ୍‌ ମାପୁରୁଙ୍ଗୁଁ ନିନ୍ଦାକିନିକା ୱେର୍‌ଇଦେର୍‌; ଇଲେଇ ମିର୍‌ ଇନି ବିସାର୍‌ କିନିଦେର୍‌ ?” ଆବେଟ୍‌ ୱାର୍‌ ୱିଜେରେ ଇର୍ହାର୍‌ ଜିସୁ ସାନିକା ଜଗ୍‌ ମାନାତ୍‌ ।
\p
\v 65 ମାରି, ଏର୍‌ ଏର୍‌ ଜିସୁ ମୁସ୍‌କୁ ପୁସ୍‍କାଣାମ୍‍ ପୁସ୍‍ତେଙ୍ଗ୍‍ ଆସ୍‌ତାର୍‌ ମାରି ୱାନି ମକମ୍‍ତିଙ୍ଗ୍‍ ପାଗା କେରେପ୍‌ସି ୱାନିଙ୍ଗ୍‌ ଲାତ୍‍ ଅଦ୍‍ଗିଜି ଇନ୍‌ଡ୍ରେଙ୍ଗ୍‌ ଆସ୍‌ତାର୍‌, “ନିନୁନେ ବାବବାଦି !” ମାଙ୍ଗିଁ ୱେର୍‌ଆ । କାପ୍‍କିନିକାର୍‍ ୱିଜେରେ ସାପୁଡ଼ୁ ଡାକ୍‍ବୁ ଡାକ୍‍ବୁ ଜିସୁଙ୍ଗୁଁ ଆସ୍‌ତା ଅତାର୍‍ ।
\s ପିତର ଜିସୁଙ୍ଗୁଁ ନେସେଏ ଇଜି ଇର୍‌ଆନ୍‌
\r (ମାତିଉ ୨୬:୬୯-୭୫; ଲୁକ ୨୨:୫୬-୬୨; ଜୋହନ ୧୮:୧୫-୧୮,୨୧-୨୫)
\p
\v 66 ଆୟାୱାଲେ ପିତର ଆଡ୍‍ଗି ଦୁଆର୍‌ତୁ ତେବାନିୱାଲେ ୱିଜେରିଙ୍ଗ୍‍ ପେରି ଯାଜକତି ଲାକ୍‌ତୁ ପାଣି କିନି ଅରେତ୍‌ ଆଇମା ୱାଜି ପିତର୍‍ତିଙ୍ଗ୍‍ ସିସୁ କାୟନିକା ସୁଡ଼ୁତାତ୍‍ । 
\v 67 ଆୟା ଆଇମା ପିତରତିଙ୍ଗ୍‌ ନେଗେନ୍‌ କିଜି ସୁଡ଼୍‌ଜି ଇର୍ହାତ୍‌, “ନିନ୍‍ବା ନାଜରିତିୟ ଜିସୁୱାଲେ ମାର୍‍ଇ ।”
\p
\v 68 ମାତର୍‌ ପିତର ମାନା କିଜି ଇର୍‌ଆନ୍‌, “ନାନ୍ ୱାନିଙ୍ଗ୍‌ ନେସେଏ, ମାରି ନିନ୍‌ ଇନିକା ଇଜିନି, ନାନ୍ ବୁଝାଏଜିନା ।” ଆବେଟ୍‌ ୱାନ୍‌ ଦୁଆର୍‍ ଆତ୍‌ରେ ସତା ସର୍‌ଆନ୍‌ । ଆୟାଦାପ୍ରେ କରୁ ରିଜା କେଡ଼ିତାତ୍‍ ।
\p
\v 69 ଆୟା ପାଣି କିନି ଆଇମା ପିତରତିଙ୍ଗ୍‌ ସୁଡ଼ୁଜି ଲାକ୍‌ତୁ ନିର୍‍ଇ ମାର୍‍ଇ ଲୋକାଙ୍ଗ୍‌ ମାରିଡ଼େସି ଇର୍ହାତ୍‌, “ଇକାନ୍‌ ୱାରିମାଣ୍‍କୁ ଅରେନ୍‍ !” 
\v 70 ମାତର୍‌ ପିତର ମାରିଡ଼େସି ମାନାକିଜି ଇନ୍‌ଡ୍ରେଙ୍ଗ୍‌ ଆସ୍‌ତାନ୍‌ । ମାରି ଏସ ସମୟ ସରି ୱେନ୍‌କା ଆବେ ନିର୍‍ଇ ମାର୍‍ଇ ଲୋକ୍‌ଡର୍‌ ପିତରତିଙ୍ଗ୍‌ ଇର୍ହାର୍‌, “ନିନ୍‌ ସତେନେ ୱାରି ମାଣାନ୍‌ ଅରେନ୍‍, ଇରିଙ୍ଗ୍‌ ନିନ୍‍ବାତୋ ଗାଲିଲିଦି ଲୋକୁ ।”
\p
\v 71 ମାତର୍‌ ପିତର ନିଜେଦିଙ୍ଗ୍‍ ଆନାଦୁରିଆ କିଜି ମାରି ପାର୍‌ମାଣ୍‌ କିଜି ଇନ୍‌ଡ୍ରେଙ୍ଗ୍‌ ଆସ୍‌ତାନ୍‌, “ମିର୍‌ ଏମେ ଲୋକ୍‌ତି ମାଟା ଇଜିନିଦେର୍‌, ନାନ୍ ୱାନିଙ୍ଗ୍‌ ମୁଲ୍‍କେ ନେସେଏ ।”
\p
\v 72 ଆବେଟ୍‌, “କରୁ ରିଜା କେଡ଼ିତିଙ୍ଗ୍‍ ଆଗ୍‌ଡ଼ି ମୁଜା ନିନ୍‌ ନାଂଇ ନେସେଏ ଇଜି ଇନି,” ଜିସୁ ଇର୍‍ଇମାର୍‍ଇ ମାଟା ପିତରତି ମୋନ୍‌ତୁ ଏତ୍‌ ୱାତାତ୍‍, ମାରି ପିତର ଆୟାମାଟା ଅଡ଼୍‍ବିତାନ୍‍ନୋ ଦୁଃକ୍‌‍ତାନ୍‍ ଆଡ଼୍‍ବାଦେଙ୍ଗ୍‍ ଆସ୍‌ତାନ୍‌ ।
\c 15
\s ଜିସୁଙ୍ଗୁଁ ପିଲାତ୍‌ ବିସାର୍‌ କିତାନ୍‌
\r (ମାତିଉ ୨୭:୧-୨,୧୧-୧୪; ଲୁକ ୨୩:୧-୫; ଜୋହନ ୧୮:୨୮-୩୮)
\p
\v 1 ସାଲ୍‍ଦି ଆତି ଦାପ୍ରେ ୱିଜେରେ ପେରି ନେତାର୍‌, ସାସ୍ତ୍ରିରିୱାଲେ ପେରି ଜାଜକର୍‌ ୱିଜେରେ ଉଣ୍ତାତାରୋ ୱାର୍‌ଗିଜି ସାଜି ଜିସୁଙ୍ଗୁଁ ତର୍‍ତା ଅତାରୋ ପିଲାତ୍‌ କିୟୁଦୁ ସର୍‍ପେ କିତା ସିତାର୍‍ । 
\v 2 ପିଲାତ୍‌ ଜିସୁଙ୍ଗୁଁ ୱେନ୍‌ବାତାନ୍‌, “ନିନ୍‌ ଇନିକା ଜିହୁଦି ଲୋକା ରାଜା ?” ଜିସୁ ୱାନିଙ୍ଗ୍‌ ଇର୍‌ଆନ୍‌, “ନିନ୍‍ତୋ ଆୟାମାଟା ଇଜିନି ।”
\p
\v 3 ମାରି, ପେରି ଜାଜକର୍‌ ଜିସୁ ବିରୁଦ୍‍ତାନ୍‍ ନାଣ୍ତ ମାଟା ଇନ୍‌ଡ୍ରେଙ୍ଗ୍‌ ଆସ୍‌ତାର୍‌ । 
\v 4 ଆବେଟ୍‌ ପିଲାତ୍‌ ମାରିଡ଼େସି ଜିସୁଙ୍ଗୁଁ ୱେନ୍‌ବାତାନ୍‌, “ନିନୁ ଇନିକା ବା ଇନ୍‍ଇଜିନି ? ସୁଡ଼ୁଆ, ଇୟାକାର୍‌ ନି ବିରୁଦ୍‍ତାନ୍‍ ଏସୋ ମାଟା ଇଜିନାର୍‍ ।”
\p
\v 5 ମାତର୍‌ ଜିସୁ ଉଣ୍ତ୍ରି ପଦ୍‍ବା ମାଟା ଇନ୍‌ଏତାନ୍‌, ଆବେଟ୍‌ ପିଲାତ୍‌ କାବାଆତାସର୍‍ଆନ୍‍ ।
\s ପିଲାତ୍‌ ଜିସୁଙ୍ଗୁଁ ସାନି ଦଣ୍ଡ୍‌ ସିତାନ୍‌
\r (ମାତିଉ ୨୭:୧୫-୨୬; ଲୁକ ୨୩:୧୩-୨୫; ଜୋହନ ୧୮:୩୯; ୧୯:୧୬)
\p
\v 6 ମାତର୍‌ ୱିଜୁ ବାର୍ସେକ୍‍ ନିସ୍ତାର୍ ପଣ୍ତୟ୍‌ ସମୟତୁ ଲୋକୁ ଆମା ଜଇଲ୍‌ତୁ ମାନି ୱାନିଙ୍ଗ୍‌ ଲୋସ୍‍ସି ମାର୍‌ଆର୍‌, ୱାନିଙ୍ଗ୍‌ ପିଲାତ୍‌ ୱାରି ଉଣ୍ତିଙ୍ଗ୍‌ ଡ଼ିସିସ୍‍ ସିଜିମାର୍‍ଆନ୍‍ । 
\v 7 ଏମେ ଜାଟି ଜଗଡ଼ାକିନିକାର୍‍ ସରକାର୍‍ ବିରଦ୍‌ତାନ୍‌ ଜାଟି ଜଗଡ଼ା କିତାରୋ ଲୋକାଙ୍ଗ୍‌ କାତ୍‍ତା ମାର୍‌ଆର୍‌, ୱାରିୱାଲେ ବାରବ୍‌ବା ଦର୍‌ତି ଅରେନ୍‍ ଲୋକୁ ଜଇଲ୍‌ତୁ ମାର୍‌ଆନ୍‌ । 
\v 8 ନାସ୍ତିୱାଲେ ଉଣ୍ତାତିମାର୍‍ଇ ଲୋକ୍‌ଡର୍‌ ପିଲାତ୍‌ ଲାକ୍‌ତୁ ୱାଜି ୱାନି ରୀତିନୀତି ଦାଣ୍ତ୍‍ ଅରେନ୍‍ ଜଇଲ୍‍ତୁମାନି ୱାନିଙ୍ଗ୍‌ ଡ଼ିସିସ୍‍ କିଦେଙ୍ଗ୍‌ ଦାବି କିତାର୍‍ । 
\v 9 ଆବେଟ୍‌ ପିଲାତ୍‌ ୱାରିଙ୍ଗ୍‌ ୱେନ୍‌ବାତାନ୍‌, “ମିର୍‌ ଇନିକା ବଦା କିଜିନିଦେର୍‌ ? ନାନ୍ ଇନିକା ମି ଉଣ୍ତିଙ୍ଗ୍‌ ଜିହୁଦିରି ରାଜେଙ୍ଗ୍‍ ଡ଼ିସ୍‌ନା ସିନା ନୋ ?” 
\v 10 ଇରିଙ୍ଗ୍‌ ପିଲାତ୍‌ ନେସ୍‌ତାନ୍‌ ଜେ, ପେରି ଜାଜକର୍‌ ଜିସୁଙ୍ଗୁଁ ଗିଦ୍ରିଦାନ୍‍ ୱାନିମାନୁ ସେରେପ୍‍ତା ମାନାର୍‌ ।
\p
\v 11 ମାତର୍‌ ପିଲାତ୍‌ ଏଣ୍ତେସ୍‍କି ୱାରି ଉଣ୍ତିଙ୍ଗ୍‌ ଜିସୁଙ୍ଗୁଁ ଡ଼ିସ୍‍ଏଣ୍ତା ବାରବ୍‌ବାଦିଙ୍ଗ୍‌ ଡ଼ିସ୍‍ନାନ୍‍, ଆୟା ଉଣ୍ତିଙ୍ଗ୍‌ ପେରି ଜାଜକର୍‌ ୱିଜୁ ଲୋକାଙ୍ଗ୍‌ ସୁର୍ରି ୱାର୍‍ଗିସ୍‍ କିବିସ୍‍କିତାର୍‍ । 
\v 12 ମାତର୍‌ ପିଲାତ୍‌ ଲୋକାଙ୍ଗ୍‌ ମାରିଡ଼େସି ୱେନ୍‌ବାତାନ୍‌, “ଆମାୱାନିଙ୍ଗ୍‌ ମିର୍‌ ଯିହୁଦି ଲୋକ୍‌ତି ରାଜା ଇଜିନିଦେର୍‌, ୱାନିଙ୍ଗ୍‌ ନାନ୍ ଇନିକା କିନା ?”
\p
\v 13 ଲୋକ୍‌ଡର୍‌ ଆଉଲି ଆଜି ଇର୍ହାର୍‌, “ୱାନିଙ୍ଗ୍‌ କ୍ରୁସଦୁ ଏକିସ୍‍କିଦୁ !”
\p
\v 14 ଆବେଟ୍‌ ପିଲାତ୍‌ ୱାରିଙ୍ଗ୍‌ ୱେନ୍‌ବାତାନ୍‌, “ଏନ୍ଦା, ୱାଣ୍ତ୍ରୁ ଇନି ଦୋଷ୍‌ କିତାମାନାନ୍‌ ?” ମାତର୍‌ ଆୟା ଲୋକ୍‌ଡର୍‌ ମାରି ନାଣ୍ତନେ ଆଉଲି ଆଜି ଇନ୍‌ଡ୍ରେଙ୍ଗ୍‌ ଆସ୍‌ତାର୍‌, “ୱାନିଙ୍ଗ୍‌ କ୍ରୁସଦୁ ଏକିସ୍‌କିଦୁ ।”
\p
\v 15 ପିଲାତ୍‌ ଲୋକା ୱେଡ଼ିକା କିବିସ୍‍ କିଦେଙ୍ଗ୍‌ ବଦାକିତାନ୍‌ନୋ, ୱାରି ଉଣ୍ତିଙ୍ଗ୍‌ ବାରବ୍‌ବାବେଙ୍ଗ୍‍ ଜଇଲ୍‍ତାନ୍‍ ମୁକୁଡ଼ା କିବିସ୍‍ କିତାନ୍‌, ମାରି ଜିସୁଙ୍ଗୁଁ କୋର୍‍ଡା ଡାକିସ୍‍କିଜି କ୍ରୁସକାଟ୍‌ତୁ ଏକିସ୍‍କିଦେଙ୍ଗ୍‍ ସେର୍ପେକିତାନ୍‍ ।
\s ସେନାର୍‍ ଜିସୁଙ୍ଗୁଁ ସେମାର୍‌ କିତାର୍‍
\r (ମାତିଉ ୨୭:୨୭-୩୧; ଜୋହନ ୧୯:୨-୩)
\p
\v 16 ଆବେଟ୍‌ ସେନାର୍‍ ଜିସୁଙ୍ଗୁଁ ପିଲାତ୍‌ ଉଣ୍ତ୍ରି ମେଡ଼୍‍ଇଲୁଦି ଦୁଆର୍‌ତୁ ଅତାରୋ ୱିଜୁ ସେନା ଦଳତିଙ୍ଗ୍‍ କୁକ୍‌ତା ଉଣ୍ତାତାର୍‌ । 
\v 17 ସେନାର୍‍ ଜିସୁଙ୍ଗୁଁ ସେମାର୍‍ କିଦେଙ୍ଗ୍‌ ଆକ୍‍ ରଙ୍ଗ୍‍ତି ଆଙ୍ଗିଁ ଆରିସ୍‌କିତାର୍‌ ମାରି ସାମ୍‍କା ଟୋପି କିତାରୋ ୱାନି ତାଲାଦୁ ଆରିସ୍‌କିତାର୍‌; 
\v 18 ଆୟାୱେନ୍‌କା ସେନାର୍‍ ଜିସୁଙ୍ଗୁଁ ଏ ଜିହୁଦିରି ରାଜା, ଇଜି ମାଡ଼ିସ୍‌ କିତାର୍‍, “ମାରି ୱାନିଙ୍ଗ୍‌ ୱିଜୁଦିନ୍‌ ଜିଜି ମାନ୍‌ଆ ଇଜି ଇର୍ହାର୍‌ ।” 
\v 19 ମାରି, ସେନାର୍‍ ଉଣ୍ତ୍ରି ବାଡିଗାଦାନ୍‍ ୱାନି ତାଲାଦୁ ଡାକ୍‍ତାର୍‍ ମାରି ୱାନି ମୁସ୍‌କୁ ପୁସ୍‌ତାର୍‌, ଆବେଟ୍‌ ୱାର୍‌ ସେମାର୍‌ କିଜି ମେଣ୍ତେଙ୍ଗ୍‌ ଗଟ୍‌କିଜି ୱାନିଙ୍ଗ୍‌ ମାଡ଼ିସ୍‌ କିଦେଙ୍ଗ୍‌ ଆସ୍‌ତାର୍‌ । 
\v 20 ୱାର୍‌ ୱାନିଙ୍ଗ୍‌ ସେମାର୍‍ କିତିୱେନ୍‌କା ଆୟା ଆକ୍‍ ରଙ୍ଗ୍‍ତି ଆଙ୍ଗିଁ କୁତ୍‍ତା ରୋ ୱାନି ନିଜେଦି ଆଙ୍ଗିଁ ଆରିସ୍‌କିତାର୍‌ । ମାରି, ଇୟା ୱେନ୍‌କା ୱାର୍‌ ଜିସୁଙ୍ଗୁଁ କ୍ରୁସଦୁ ଏକିସ୍‍ କିଦେଙ୍ଗ୍‌ ଇଜି ଆତ୍‌ରେ ସପ୍‌ତା ଅତାର୍‍ ।
\s ଜିସୁଙ୍ଗୁଁ କ୍ରୁସକାଟ୍‌ତୁ ଏକିସ୍‍ତାର୍‍
\r (ମାତିଉ ୨୭:୩୨-୪୪; ଲୁକ ୨୩:୨୬-୪୩; ଜୋହନ ୧୯:୧୭-୨୭)
\p
\v 21 \x + \xo ୧୫:୨୧ \xo*\xt ରୋମିୟ ୧୬:୧୩.\xt*\x*ଆୟାୱାଲେ ଅରେନ୍‍ କୁରିଣିୟଦୁ ବାସାନି ସିମୋନ ନାର୍‍ଦାଣ୍ତ‍ ୱାଜି ଆୟା ସାରି ସିଜି ସଲ୍‌ସି ମାର୍‌ଆନ୍‌ । ୱାଣ୍ତ୍ରୁ ଆଲେକ୍‍ଜାଣ୍ତର୍‍ ମାରି ରୁପରି ବୁବାସି ମାର୍‌ଆନ୍‌ । ସେନାର୍‍ ୱାନିଙ୍ଗ୍‌ ଜିସୁଦି କ୍ରୁସକାଟ୍‌ ପିଣ୍ଡ୍‌ଦେଙ୍ଗ୍‌ ଜାସେ କିତାର୍‌ । 
\v 22 ମାରି, ସେନାର୍‍ ଜିସୁଙ୍ଗୁଁ ଗଲ୍‌ଗଥା ଗରନ୍‍ତୁ, ଅର୍ତାତ୍‍ “ତାଲାଦି କାପାଲ୍‌ ନାନି ଦର୍‌ତି ବାଡିଦୁ ଅତାର୍‍ ।” 
\v 23 ମାରି, ସେନାର୍‍ ଜିସୁଙ୍ଗୁଁ କାପୁଆନି ମାୟାମ୍‍ ମିସାତି ଅଙ୍ଗୁର୍‍ରସ୍‍ ଉଣ୍ତେଙ୍ଗ୍‌ ଜାସେକିତାର୍‍, ମାତର୍‌ ଆକା ୱାନ୍‌ ଉଣୁଏତାନ୍‍ । 
\v 24 ୱେନ୍‌କା ୱାର୍‌ ଜିସୁଙ୍ଗୁଁ କ୍ରୁସକାଟ୍‌ତୁ ଏକିସ୍‍କିତାର୍‍, ମାରି ଏନ୍‌ ଇନିକା ପଇନାର୍‌, ଆୟା ୱାନି ଆଙ୍ଗିଁଦିଙ୍ଗ୍‍ ବୋଟ୍‍ କିତାର୍‍ ନିଜେଦି ମାଣ୍‌କୁ ବାଗ୍‌ କିଜି ଅତାର୍‍ । 
\v 25 ସାଲ୍‍ଦି ନଅଟାଦୁ ୱାର୍‌ ଜିସୁଙ୍ଗୁଁ କ୍ରୁସଦୁ ଏକିସ୍‍କିତାର୍‍ । 
\v 26 ଜିସୁଦି ବିରଦ୍‍ତୁ ଉଣ୍ତ୍ରି ମାଟା କ୍ରୁସକାଟ୍‌ତି ମୁସୁକୁ ରାସ୍‌ତା ମାରାଆତ୍‌, “ଇକାନ୍‌ ଜିହୁଦିର୍‌ ରାଜା ।” 
\v 27 ୱାର୍‌ ଆୟା ନାଣ୍ଡିଙ୍ଗ୍ ରିଏର୍‌ ଡଙ୍ଗାଁରିଙ୍ଗ୍‌ ବା ଜିସୁୱାଲେ କ୍ରୁସକାଟ୍‌ଦୁ ଏକିସ୍‍ କିତାମାର୍‍ଆର୍‍, ଅରେନ୍‍ ୱାନିଙ୍ଗ୍‌ ଜିସୁଦି ଡେବିରି କିୟୁ ତରିଣ୍ତ୍‍ ମାରି ଅରେନ୍‍ ୱାନିଙ୍ଗ୍‌ ଜିସୁଦି ଉଣି କିୟୁ ତରିଣ୍ତ୍‍ । 
\v 28 ଆବେଟ୍‌ ଦାର୍ମୁସାସ୍ତ୍ରଦି ଇୟା ବାକ୍ୟ ସତ୍‍ଆତାତ୍‍, “ୱାଣ୍ତ୍ରୁ ଡଙ୍ଗାଁରିୱାଲେ ଡଙ୍ଗାଁର୍‍ଏନ୍‍ ଇଜି ଲେକିସ୍‍ଆତାନ୍‍ ।”\f + \fr ୧୫:୨୮ \fr*\ft ୱିଜୁ ପାଡ଼ିଇ ରାସ୍‌ତି ମାନୁ ଏସ ରାସ୍‌ତିକା ସିଲେତ୍‌ । \ft*\f*
\p
\v 29 \x + \xo ୧୫:୨୯ \xo*\xt ମାର୍କ ୧୪:୫୮; ଜୋହନ ୨:୧୯.\xt*\x*ଆୟା ସାରି ସିଜି ସନି ଲୋକ୍‌ଡର୍‌ ୱାରି ତାଲେକ୍‍ ଦୁକ୍‍ସି ଜିସୁଙ୍ଗୁଁ ନିନ୍ଦା କିଜି ଇର୍ହାର୍‌, “ବାଃ ! ଏରେ ମନ୍ଦିର୍‌ ରୁକ୍‌ନି କିନ୍ଦା ମାରି ମୁନେଟାନ୍‍ ମାରିଡ଼େସି ତିଆର୍‌ କିନିକିନ୍ଦା; 
\v 30 ଇଲେଇ କ୍ରୁସଦାନ୍‌ ରେସ ନିଜେଦିଙ୍ଗ୍‍ ରକିୟା କିଆ ।”
\p
\v 31 ପେରି ଜାଜକର୍‍ବା ଆୟାୱାଜା ସାସ୍ତ୍ରିରିୱାଲେ ୱାରି ୱାରି ଲଅ ଜିସୁଙ୍ଗୁଁ ବାସେ କିଜି ଇନ୍‌ଡ୍ରେଙ୍ଗ୍‌ ଆସ୍‌ତାର୍‌, “ୱାଣ୍ତ୍‍ରୁ ଆଇ ଲୋକାଙ୍ଗ୍‌ ରକିୟା କିତାନ୍‌, ନିଜେଦିଙ୍ଗ୍‍ ରକିୟା କିଦେଙ୍ଗ୍‌ ଆଟ୍‌ଏଜିନାନ୍‌ ।” 
\v 32 ନିନ୍‌ ଜଦି ସତ୍‌ତାନ୍‌ ଇସ୍ରାଏଲ୍‌ତି ରାଜା କ୍ରିସ୍ତ ଇୟାଦାପ୍ରେ କ୍ରୁସଦାନ୍‌ ରେସ ରାଆ, ଆକା ସୁଡ଼ୁଜି ମାପ୍‍ ନିବାନ୍‍ ବିସ୍‍ବାସ୍‍ କିନାପ୍‍ । ଆମା ରିଏର୍‌ ଡଙ୍ଗାଁର୍‍ ୱାନିୱାଲେ କ୍ରୁସଦୁ ଏକ୍‌ତାମାର୍‍ଆର୍‍, ଆକାର୍‍ ବା ଆୟାୱାଜା ମାଟା ଇଜି ବାସେ କିତାର୍‌ ।
\s ଜିସୁ ସାତାନ୍‍
\r (ମାତିଉ ୨୭:୪୫-୫୬; ଲୁକ ୨୩:୪୪-୪୯; ଜୋହନ ୧୯:୨୮-୩୦)
\p
\v 33 ଆୟା ନାଣ୍ଡିଙ୍ଗ୍ ବାର ଗନ୍‌ଟା ସମୟ୍‌ତୁ ପୃତିବି ୱିଜୁ ସିକାଟି ଆଜି ମୁଣ୍ତ୍ରି ଗନ୍‌ଟା ସାନ୍ଦି ତେବାତାତ୍‌ । 
\v 34 ମୁଣ୍ତ୍ରିଗନ୍‌ଟା ସମୟ୍‌ତୁ ଜିସୁ ନାଣ୍ତ ଆଉଲି ଆଜି କୁକ୍‌ସି ଇର୍‌ଆନ୍‌, “ଏଲି, ଏଲି, ଲାମା ସାବକ୍‍ଥାନୀ ?” ଅର୍ତାତ୍‍, “ଏ ନା ମାପୁରୁ, ଏ ନା ମାପୁରୁ, ନିନୁ ନାଙ୍ଗିଁ ଏନ୍ଦା ଡ଼ିସ୍‍ତି ?”
\p
\v 35 ଜିସୁ ମାଟା ଇନିକା ୱେନ୍‌ଜି ଆୟା ଲାକ୍‌ତୁ ନିର୍‍ଇ ମାର୍‍ଇ ଏସ ଲୋକା ମାଣ୍‌କୁ ଏନ୍‌ ଏନ୍‌ ଇର୍ହାର୍‌, “ସୁଡ଼ୁଦୁ, ୱାଣ୍ତ୍‍ରୁ ଏଲିୟଙ୍ଗ୍‍ କୁକ୍‍ସିନାନ୍‍ ।” 
\v 36 ମାରି, ଅରେନ୍‍ ଉରୁକ୍‍ସି ସଲ୍‌ସି ଉଣ୍ତ୍ରି ତୁଲାଦୁ ସଇନି ରସ୍‌ ବର୍ତି କିଜି ଆକା ଉଣ୍ତ୍ରି ବାଡିଗାଦୁ ତର୍‌ସି ଜିସୁଙ୍ଗୁଁ ଉଣ୍ତେଙ୍ଗ୍‌ ସିଜି ଇର୍‌ଆନ୍‌, “ମାଣ୍ତ୍ରୁ, ଏଲିୟ୍‌ ୱେନିଙ୍ଗ୍‌ କ୍ରୁସଦାନ୍‌ ରେପ୍‌ତେଙ୍ଗ୍‌ ୱାଜିନାନ୍‍ନୋ ରେଏନ୍‌, ସୁଣାଟ୍‍ ।”
\p
\v 37 ମାତର୍‌ ଜିସୁ ନାଣ୍ତ ଆଉଲି ଆଜି ୱାନି ଜିବନ୍‌ ସିତାନ୍‌ ।
\p
\v 38 ମାରି, ମନ୍ଦିର୍‌ତୁ ପବିତ୍ର ବାଡିଦିଙ୍ଗ୍‍ ଏର୍‍ପିସିମାନି ଦୁଙ୍ଗ୍‍ନି ପାର୍‌ଦା ମୁସ୍‌କୁରାନ୍‌ ଆଡ୍‍ଗି ସାନ୍ଦି କିଜ୍‍ଜି ରୁଣ୍ତି ମକେଙ୍ଗ୍‌ ଆତାତ୍‌ । 
\v 39 ସତସେନାପତି\f + \fr ୧୫:୩୯ \fr*\ft ଶହେ ଲୋକୁ ସେନାରି ମାଣ୍‌କୁ ପେରିକାନ୍‌\ft*\f* କ୍ରୁସଦି ଆଗ୍‌ଡ଼ି ନିର୍‍ଆନ୍‍ ନୋ ଜିସୁ ଏଣ୍ତେସ୍‌ ସାତାନ୍‍ ଆକା ସୁଡ଼ୁଜି ଇର୍‌ଆନ୍‌, “ସତେନେ, ଇକାନ୍‌ ମାପୁରୁଦି ମାରିନ୍‌ ମାର୍‌ଆନ୍‌ ।”
\p
\v 40 \x + \xo ୧୫:୪୦ \xo*\xt ଲୁକ ୮:୨,୩.\xt*\x*ଏସ ଆଇମେକ୍‍ ଆକଣାନ୍‍ ସୁଡ଼ୁଜି ମାର୍‍ହେ; ୱାନିକା ଲୋଇ ମଗ୍‌ଦଲିନି ମରିୟମ୍‌, ଇସ୍ରି ଜାକୁବ ମାରି ଜୋସିଦି ଆଇସି ମରିୟମ୍‌, ମାରି ଶଲୋମୀ ମାର୍‍ହେ; 
\v 41 ଜିସୁ ଗାଲିଲିଦୁ ମାନିୱାଲେ ୱାକ୍‍ ୱାନିୱାଲେ ତେବାଜି ୱାନି ସେବା କିଜି ମାର୍‍ହେ; ୱାନିୱାଲେ ଜିରୁସାଲମ୍‍ତୁ ୱାତି ମାର୍‍ହି ଆଇ ଏସ ଆଇମା ଆଇଲିକ୍‍ବା ଇୟାୱିଜୁ ସୁଡ଼ୁଜିମାର୍‍ହେ ।
\s ଜିସୁଙ୍ଗୁଁ ମୁସ୍‌ତାର୍‌
\r (ମାତିଉ ୨୭:୫୭-୬୧; ଲୁକ ୨୩:୫୦-୫୬; ଜୋହନ ୧୯:୩୮-୪୨)
\p
\v 42 ଆୟା ନାଣ୍ଡିଙ୍ଗ୍ ମିଲ୍‌ମିଲ୍‍କା ଆଜି ୱାଜି ମାର୍‌ଆତ୍‌, ମାରି ଇକା ରମ୍‌ନିନାଣ୍ତିଙ୍ଗ୍‌ ଆଗ୍‌ଡ଼ି ଦିନ୍‌ ମାର୍‌ଆତ୍‌, 
\v 43 ହାରାମାତିୟାଦି ଜୋସେପ୍‌ ଦର୍‌ତି ଅରେନ୍‍ ଜିହୁଦି ପେରି ଦଲ୍‌ତି ୱେଙ୍ଗିଁତି ନେତା ମାର୍‌ଆନ୍‌, ୱାଣ୍ତ୍ରୁ ନିଜେ ବା ମାପୁରୁଦି ରାଜିଦିଙ୍ଗ୍‍ କାପ୍‌କିଜି ମାର୍‌ଆନ୍‌, ୱାଣ୍ତ୍ରୁ ସାହାସ୍‍ତାନ୍‍ ପିଲାତ୍‌ମାନୁ ସର୍‌ଆନ୍‌ ନୋ ଜିସୁଦି ସାତି ମେନ୍ଧଲ୍‍ ଲସ୍‌ତାନ୍‌ । 
\v 44 ମାତର୍‌ ଜିସୁ ସାତାସର୍‍ଆନ୍‍ ନି, ଇକା ୱେନ୍‌ଜି ପିଲାତ୍‌ କାବା ଆତାନ୍‌, ମାରି ସତସେନାପତିଙ୍ଗ୍‍ ଲାକ୍‌ତୁ କୁକିସ୍‍ସି ୱାନିଙ୍ଗ୍‌ ୱେନ୍‌ବାତାନ୍‌, ଇନିକା ଜିସୁ ସାଜ ନାଣ୍ତ ୱେଡ଼ା ଆତାତ୍‌ନି ନୋ ? 
\v 45 ଆୟାୱିଜୁ ପିଲାତ୍‌ ସତସେନାପତି ମାଣ୍‌କୁ ୱେର୍‍ଆନ୍‍ନୋ ଆୟା ଜିସୁଦି ସାତି ମାଡ଼ାଦିଙ୍ଗ୍‍ ଜୋସେପତିଙ୍ଗ୍‍ ସିତାନ୍‌ । 
\v 46 ଜୋସେପ କାଣ୍ତେକ୍‌ ଇସ୍ରି ୱାତି କଟାନ୍‍ ନୋ ଜିସୁଦି ମାଡ଼ାଦିଙ୍ଗ୍‍ କ୍ରୁସଦାନ୍‌ ରେପ୍‍ସି ତାସି ଆବେନୁ ମାଡ଼ାଦିଙ୍ଗ୍‍ ତେର୍‍ପ୍‍ତାନ୍‍ ମାରି ଗରନ୍‍ତି କାଲୁଦୁ କାର୍‍ତି ମାର୍‍ଇ ଉଣ୍ତ୍ରି ଗୁଟାଦୁ ୱାନିଙ୍ଗ୍‌ ଇଟ୍‍ଟାନ୍‍ନୋ ଗୁଟାଦି ସେର୍‌ଲାଦୁ ଉଣ୍ତ୍ରି ପେରି କାଲୁ କେର୍‍ପ୍‍ତା ଡ଼ିସ୍‍ତାନ୍‍ । 
\v 47 ଜିସୁଙ୍ଗୁଁ ଏମେ ବାଡିଦୁ ଇଟ୍‌ତାର୍‌, ଆକା ମଗ୍‌ଦଲିନି ମରିୟମ୍‌ ମାରି ଜୋସିଦି ଆଇସି ମରୀୟମ ସୁଡ଼ୁତେ ।
\c 16
\s ଜିସୁ ସାତିମାଣାନ୍‌ ଡ଼େସି ନିଙ୍ଗିଁତାନ୍‍
\r (ମାତିଉ ୨୮:୧-୮; ଲୁକ ୨୪:୧-୧୨; ଜୋହନ ୨୦:୧-୧୦)
\p
\v 1 ରମ୍‌ନି ନାଣ୍ଡିଙ୍ଗ୍ ଜିଣାତାତ୍‍ଆକା ମଗ୍‌ଦଲିନି ମରିୟମ, ଜାକୁବରି ଆଇସି ମରିୟମ୍‌ ମାରି ଶଲୋମୀ ରକମ୍‌ ରକମ୍‌ତି ବାସ୍‌ନା ନିୟୁ କଟେ, ଏଣ୍ତେସ୍‌କି ୱାକ୍‍ ସଲ୍‌ସି ୱାନି ସାତି ମାଡ଼ାଦିଙ୍ଗ୍‍ ଉସ୍‌ତେଙ୍ଗ୍‌ ଆଟ୍‌ନେ । 
\v 2 ମାରି, ଆଦିୱାର୍‍ତୁ ନାଡ଼ାକାଦେ ୱାକୁ ଗୁଟାଦୁ ସର୍‍ହେ, ଆୟାୱାଲେ ୱେଡ଼ା ସତାମାର୍‍ଆତ୍‍ । 
\v 3 ସାର୍ଦୁ ୱାକୁ ୱାର୍‍ଗିସାଜି ମାର୍‍ହେ, “ଏନ୍‌ ମା ଉଣ୍ତିଙ୍ଗ୍‌ ଗୁଟାଦି ସାରିଦୁ କେର୍‍ପ୍‍ତି ମାନି କାଲୁ କୁତ୍‌ନା ସିନାନ୍‍ ?” ଇରିଙ୍ଗ୍‌ ଆକା ନାଣ୍ତ ପେରିକା ମାର୍‌ଆତ୍‌ । 
\v 4 ଆୟାୱାଲେ ୱାକ୍‍ ସୁଡ଼୍‌ତେ, ଆୟା ଗୁଟାଦୁ କେର୍‍ପ୍‍ତି ମାର୍‍ହି କାଲୁଦିଙ୍ଗ୍‌ କୁତ୍‍ତା ମାନାର୍‌ । 
\v 5 ୱାକ୍‍ ଗୁଟା ଲୋଇ ଡ଼ୁଗିତେନୋ ଅଡ଼ିନିଆଙ୍ଗିଁ ଆରାତି ଅରେନ୍‍ ମୁରୁଲିଙ୍ଗ୍‌ ଉଣେରି ପାଡ଼ାକା ବାସ୍‍ତି ମାରିକା ସୁଡ଼ୁତେନୋ ନାଣ୍ଡ ତିଲାତେ ସର୍‍ହେ ।
\p
\v 6 ଆବେଟ୍‌ ୱାଣ୍ତ୍ରୁ ୱାନିକାଙ୍ଗ୍‌ ଇର୍‌ଆନ୍‌, “ତିଲାମାଟ୍‌,” ମିର୍‌ କ୍ରୁସଦୁ ସାତି ମାର୍‍ହି ନାଜରିତିୟ ଜିସୁଙ୍ଗୁଁ ପ‍ଇଜିନିଦେର୍‌; ୱାଣ୍ତ୍ରୁ ନିଙ୍ଗିଁତାମାନାନ୍‌, ୱାନ୍‌ ଇବେ ସିଲେନ୍‌; ସୁଡ଼ୁଦୁ, ଇୟା ବାଡିଦୁ ୱାର୍‌ ଜିସୁଙ୍ଗୁଁ ଇଟ୍‌ଟା ମାର୍‌ଆର୍‌ । 
\v 7 \x + \xo ୧୬:୭ \xo*\xt ମାତିଉ ୨୬:୩୨; ମାର୍କ ୧୪:୨୮.\xt*\x*ମାତର୍‌ ମିର୍‌ ସଲ୍‌ସି ୱାନି ସିସୁରିଙ୍ଗ୍‌ ମାରି ପିତର୍‍ତିଙ୍ଗ୍‍ ଇୟା କାବୁର୍‍ ୱେର୍‌ତୁ, ୱାନ୍‌ ମି ଆଗ୍‌ଡ଼ି ଗାଲିଲିଦୁ ସଲ୍‌ସିନାନ୍‌; ୱାନ୍‌ ମିଙ୍ଗିଁ ଏଣ୍ତେସ୍‌ ଇର୍‌ଆ ମାର୍‌ଆନ୍‌, ଆୟାୱାଜାନେ ମିର୍‌ ୱାନିଙ୍ଗ୍‌ ଆବେ ସୁଣିଦେର୍‍ ।
\p
\v 8 ଆବେଟ୍‌ ଆଇମେକ୍‍ ସତେନୋ ଗୁଟାଦାନ୍‍ ଉରୁକ୍‍ସି ସର୍‍ହେ, ଇରିଙ୍ଗ୍‌ ୱାକୁ ତିଲାଜି ତିର୍‍ଗ୍‍ଜି ମାର୍‍ହେ ମାରି କାବାଆତେ ସର୍‍ହେ ମାର୍‍ହେ, ମାରି ଏଙ୍ଗ୍‌ ଇନିକା ଇନ୍‍ଉତେ, ଏଣ୍ତେସ୍‌ ୱାକ୍‍ ତିଲାତେ ମାର୍‍ହେ ।
\s ଜିସୁ ନାଣ୍ତ ଲୋକାଙ୍ଗ୍‌ ତରାୟଆତାନ୍‍
\r (ମାତିଉ ୨୮:୯-୧୦; ଜୋହନ ୨୦:୧୧-୧୮)
\p
\v 9 ଆଦିୱାର୍‍ତି ନାଣ୍ତିଙ୍ଗ୍ ନାଡ଼ାକାଦେ ଜିସୁ ସାତି ମାଣାନ୍‌ ମାରିଡ଼େସି ନିଙ୍ଗିଁଜି, ଆମାତାନି ମାଣାନ୍‌ ସାତ୍‍ଗୋଟା ଦୁବେଙ୍ଗ୍‍ ପେରିତା ମାର୍‌ଆନ୍‌, ଆୟା ମଗ୍‌ଦଲିନି ମରିୟମ୍‌ତିଙ୍ଗ୍‍ ୱିଜେରିଙ୍ଗ୍‌ ଆଗ୍‌ଡ଼ି ତରାତାନ୍‍ । 
\v 10 ୱାଦ୍‌ ସର୍ହାଦୋ, ଏମେକେଙ୍ଗ୍‍ ତାନି ସଙ୍ଗ୍‍ ଆତେ ମାର୍‍ହେ, ସିସୁରିଙ୍ଗ୍‌ କାବୁର୍‌ ସିତାତ୍‌; ୱାର୍‌ ୱିଜେରେ ଦୁଃକ୍‌ କିଜି ମାରି ଆଡ଼୍‍ବାଜି ମାର୍‌ଆର୍‌ । 
\v 11 ଜିସୁ ସାତି ମାଣାନ୍‌ ଜିତାମାନାନ୍‍ ମାରି ତାନିଙ୍ଗ୍‍ ତରାତା ମାନାନ୍‌, ଆୟା ମାଟା ୱେନ୍‌ଜି ସିସୁର୍‍ ବିସ୍‍ବାସ୍‍ କିଏତାର୍‍ ।
\s ଜିସୁ ରିଏର୍‌ ସିସୁରିଙ୍ଗ୍‌ ତରାତାନ୍‌
\r (ଲୁକ ୨୪:୧୩-୩୫)
\p
\v 12 ଇୟାୱିଜୁ ଗଟାତି ୱେନ୍‌କା ୱାରି ଲୋଇ ରିଏର୍‌ ଉଣ୍ତ୍ରି ନାର୍‍ତୁ ସନିୱାଲେ ଜିସୁ ସାର୍ଦୁ ଆଇ ମୁର୍ତି ଆଜି ୱାରିଙ୍ଗ୍‌ ତରାୟ୍‍ଆତାନ୍‍ । 
\v 13 ମାରି ୱାର୍‌ ସର୍‍ଆର୍‍ରୋ ଆଇ ସିସୁରିଙ୍ଗ୍‌ ଇୟା ମାଟା ଇର୍ହାର୍‌, ମାତର୍‌ ୱାରି ମାଟାଦିଙ୍ଗ୍‌ ବା ୱାର୍‌ ମାନାଏତାର୍‍ ।
\s ଜିସୁ ଏଗାର୍‍ ଲୋକାଙ୍ଗ୍‌ ତରାତାନ୍‍
\r (ମାତିଉ ୨୮:୧୬-୨୦; ଲୁକ ୨୪:୩୬-୪୯; ଜୋହନ ୨୦:୧୯-୨୩; ପ୍ରେରିତ ୧:୬-୮)
\p
\v 14 ସାରାସାରି ୱେନ୍‌କା ଏଗାର୍‍ ଲୋକୁ ସିସୁର୍‌ ଉଣ୍ତେଙ୍ଗ୍‌ ବାସ୍‍ତି ମାର୍‍ଇ ୱାଲେ ଜିସୁ ୱାରିଙ୍ଗ୍‌ ତରାୟ୍‍ଆତାନ୍‍, ୱାର୍‍ ୱେର୍‌ତି ମାଟାଦିଙ୍ଗ୍‌ ୱାର୍‌ ବିସ୍‍ବାସ୍‍ କିଏତାର୍‍ ମାରି ୱାର୍‌ ତାମେ ଜିବନ୍‌ ଆଟୁୱା କିତାର୍‍, ଆୟା ଉଣ୍ତିଙ୍ଗ୍‌ ଜିସୁ ୱାରିଙ୍ଗ୍‌ ଲାଗାତାନ୍‍ । 
\v 15 \x + \xo ୧୬:୧୫ \xo*\xt ପ୍ରେରିତ ୧:୮.\xt*\x*ମାରି, ଜିସୁ ସିସୁରି ଲାକ୍‌ତୁ ୱାଜି ଇର୍ହାନ୍‌, “ମିର୍‌ ସାରା ଦୁନିଆଦୁ ସଲ୍‌ସି ୱିଜୁ ଲୋକ୍‍ଜାତିଦୁ ସୁସମାଚାର୍‌ ପ୍ରଚାର୍‌ କିଦୁ । 
\v 16 ଏନ୍‌ ବିସ୍‍ବାସ୍‍ କିଜ ଡୁବନ୍‌ ଅନାନ୍‍, ୱାଣ୍ତ୍ରୁ ରକିୟା ପଇନାନ୍‍; ମାତର୍‌ ଏନ୍‌ ଅବିସ୍‍ବାସ୍‍ କିନାନ୍‍, ୱାନିଙ୍ଗ୍‌ ମାପୁରୁ ଦଣ୍ଡ୍‌ ସିନାନ୍‍ । 
\v 17 ମାରି, ବିସ୍‍ବାସ୍‍ସି ଲୋକା ଇୟାୱିଜୁ ସିନେଙ୍ଗ୍‍ ଆନେ, ୱାର୍‌ ନା ଦର୍‌ତାନ୍‌ ଦୁବେଙ୍ଗ୍‍ ପେର୍‍ନାର୍‍, ପୁନି ପୁନି ବାସାଦୁ ମାଟା ଇନାର୍‌, 
\v 18 କିକାଙ୍ଗ୍‍ ସାରାସ୍‌କୁ ଆସ୍‌ନାର୍‌, ମାରି ଇନି ୱିସାମ୍‍ତି ମାୟାମ୍‍ ଉଟିଙ୍ଗ୍‍ ବା ୱାରି ଇନିକା ନାସ୍ଟୁ ଆଏତ୍‍; ୱାର୍‌ ନବ୍‍ଆତି ଲୋକା ମୁସ୍‌କୁ କିୟୁ ଇଟ୍‌ତିଙ୍ଗ୍‌ ୱାର୍‌ ନେଗେନ୍‍ଆନାର୍‍ ।”
\s ଜିସୁ ମୁସ୍‌କୁପୁର୍‌ ସର୍‌ଆନ୍‌
\r (ଲୁକ ୨୪:୫୦-୫୩; ପ୍ରେରିତ ୧:୯-୧୧)
\p
\v 19 \x + \xo ୧୬:୧୯ \xo*\xt ପ୍ରେରିତ ୧:୯-୧୧.\xt*\x*ସିସୁରିଙ୍ଗ୍‌ ଇୟାୱିଜୁ ମାଟା ଇର୍‍ଇ ୱେନ୍‌କା ପ୍ରବୁ ଜିସୁ ମୁସ୍‌କୁପୁର୍‌ ସର୍‍ଆନ୍‍ନୋ ମାପୁରୁଦି ଉଣି କିୟୁ ତରିଣ୍ତ୍‍ ବାସ୍‌ତାନ୍‌ । 
\v 20 ମାତର୍‌ ସିସୁର୍‌ ଆୟା ବାଡିଦାଣ୍ତ୍‌ ଡ଼େସିୱାଜି ସାରା ଦୁନିଆଦୁ ଜିସୁଦି ସୁସମାଚାର୍‌ ପ୍ରଚାର୍‌ କିତାର୍‌, ମାରି ପ୍ରବୁ ୱାରିୱାଲେ ଅର୍‌ସେ ମାନ୍‌ଜି ଆୟା ସିନେଣ୍‍କୁ ଆୟା ବାକ୍ୟ ସତ୍‍ଇଜି ୱେଙ୍ଗିଁସ୍‌ଏତାନ୍‌ । \f + \fr ୧୬:୨୦ \fr*\ft ଏସ ପାଡ଼ିଇ ରାସାତିମାନି ମାର୍କ ୧୬:୯-୨୦ ନିସ ରାସାତିମାନିକା ତର୍‍ଏତ୍‍ । \ft*\f*