\id JUD - Kopo
\ide UTF-8
\h ଜିହୁଦା
\toc3 ଜିହୁଦା
\toc2 ଜିହୁଦା
\toc1 ଜିହୁଦାଦି ମାଡ଼ାନ୍‌ ରାସ୍‍ତିମାନି ଆକୁ
\mt2 ଯିହୁଦାଙ୍କଠାରୁ ଲିଖିତ ପତ୍ର
\mt1 ଜିହୁଦାଦି ମାଡ଼ାନ୍‌ ରାସାତି ଆକୁ :
\imt ଇୟା ଆକୁଦି ମାନି ଏସ ମାଟା
\ip ଇୟା ଆକୁ ରାସ୍‍ତିମାନି ଦରୁ ଇସାବ୍‌ତାନ୍‌ ଜିହୁଦା ରାସାତାମାନାତ୍ । ଜିହୁଦା ନିଜେଦିଙ୍ଗ୍‌ ଜାକୁବ ମାରି ଜିସୁଦି ତୋଡ଼ାନ୍‌ ଇଜି ପରିଚୟ୍‌ ସିନାନ୍‌ । ଆଦେଙ୍ଗ୍‌ ୱାନିଙ୍ଗ୍‌ ଜିସୁଦି ତଡ଼ାନ୍‍ ଲୋଇ ଅରେନ୍‍ ଇଜି ବିସ୍‍ବାସ୍ କିନାର୍‌ \xt ୧\xt* ପାଡ଼ିଇ ନିୟମ୍‌ତି ବିସୟ୍‌ତିଙ୍ଗ୍ ଉଦ୍ଧାର୍ କିତିମାନିଙ୍ଗ୍‌ ଇକା ଉନ୍‌ଡ୍ରେ ଟିକ୍ ମଣ୍ତଲିଦିଙ୍ଗ୍‌ ରାସ୍‌ତିମାନି ୱାଜା ମନେଆଜିନାତ୍ । ଜିହୁଦା ଆକୁଦିଙ୍ଗ୍‌ ପୋଡ଼ାନିକାର୍‌ ଜିହୁଦି ଲୋକା ୱାଜା ପରିଚୟ୍‌ ସିନାର୍‌ ଏମେକାର୍‌ କି ବୁବା ମାପୁରୁଦିଙ୍ଗ୍‌ ଜିବନ୍‌ନୋନାର୍‌ ଜିବନ୍‌ତାନ୍‌ କ୍ରିସ୍ତଦି ଉଣ୍ତିଙ୍ଗ୍‌ ଇଟ୍‌ତାମାନାର୍‌ \xt ୧\xt* ଆମା ଆମାକା ବା ଆପିତ୍‌ ଜିହୁଦା ୱିଜେରେ କୁକାୟ୍‍ ଆତିମାନି ଲୋକାଙ୍ଗ୍‌ ନିଜେଦି ବିଷୟତାନ୍ ୱେର୍‍ସିନାନ୍ । ଇୟା ଆକୁ ପାକା ପାକି ଜିସୁ କ୍ରିସ୍ତଦି ଜନମ୍‌ ୱେନ୍‌କା ୬୦ ବାର୍ସେକ୍‌ ୱେନ୍‌କା ରାସାତା ମାର୍ହାତ୍‌ ।
\ip ଇୟା ଆକୁ ଏମେକାର୍ ବଣ୍ତକ୍ରିସ୍ତରି ତୋରିନ୍‌ ସଲ୍‍ସିମାର୍‌ଆର୍‌ ୱାନ୍‌ ୱିଜେରେ କ୍ରିସ୍ଟିୟାନ୍‌କାଙ୍ଗ୍‌ ଜାଗ୍‌ରାତା କିନି ଉଣ୍ତିଙ୍ଗ୍‌ ରାସାତାମାରାତ୍ । ୱାନ୍‌ ୱାରି ବିସୟ୍‌ତାନ୍ ଡାଟ୍‍ତି ୱାଜା ପାଡ଼ିଇ ନିୟମ୍‌ ବିସୟ୍‌ ମାରି ଗଟନା ବିସୟ୍‌ ୱେର୍‍ସିନାନ୍ । ଇକା ଆକୁଦୁ ମିଚ୍ ଗୁରୁରି ବିରୁଦ୍ଧତାନ୍ ପିତରତି ମାରିଉନ୍‌ଡ୍ରି ଆକୁଦୁ ରାସାତିମାନି ଚିନ୍ତାଦି ବିସୟ୍‌ ୱେର୍‍ସିନାନ୍ । ଇୟାମାଡ଼ାନ୍‍କୁ ଦୁତ୍‌ ମାରି ସଦମ ଗୋମରାଦି ବିସୟ୍‌ତାନ୍ ବା ରାସାତା ମାନାତ୍ ଜିହୁଦା \xt ୪\xt* ମାରି \xt ୨ ପିତର ୨:୧\xt* ।
\iot ଇୟା ଆକୁଦୁ ମାନି ମୁକିୟ ବିସୟ
\io1 ୧. ଇୟା ଜିହୁଦା ଆକୁ ବିସୟ୍‌ତାନ୍ ୧ ଜିହୁଦା ଆଗିଡ଼ିନେ ୱାରି ପୋଡ଼ାନି ୱାରିଙ୍ଗ୍‌ ପରିଚୟ ସିଜିନାନ୍ । \ior ୧:୧-୨\ior*
\io1 ୨. ବଣ୍ତଗୁରୁରି ବିରୁଦ୍‌ତାନ୍ ଜାଗ୍ରାତା କିଜିନାନ୍ । \ior ୧:୩-୪\ior*
\io1 ୩. ୱାନ୍‌ ପୁର୍ବେକାଡ଼ାଦି ନିୟମ୍‌ତି ଲୋକାଙ୍ଗ୍‌ ମାରି ବିସୟ୍‌ତିଙ୍ଗ୍‌ ଅସି ବୁଜା କିଜିନାନ୍ । \ior ୧:୧୫-୧୬ \ior*
\io1 ୪. ଜାକୁବଦି ଜାଗ୍ରାତା ପାଣି ୱାରି ଦାଇତ୍‌ ଇନିକା ଆନାତ୍ ୱାନ୍ ଅଡ଼୍‌ବିନାନ୍ । \ior ୧:୧୭-୨୩\ior*
\io1 ୫. ସାରାସାରି ମାପୁରୁଙ୍ଗୁଁ ଗୌରବ୍‌ ସିଜି ଆକୁ ୱିସ୍‌ନାନ୍ । \ior ୧:୨୪-୨୫ \ior*
\c 1
\p
\v 1 \x + \xo ୧:୧ \xo*\xt ମାତିଉ ୧୩:୫୫; ମାର୍କ ୬:୩.\xt*\x*ଜିହୁଦା, ଜିସୁ କ୍ରିସ୍ତଦି ଅରେନ୍‌ ଦାସ୍‍ ମାରି ଜାକୁବଦି ତଡ଼ାସି, ଆମାକାର୍‌ ବୁବା ମାପୁରୁଦି ମାଣାନ୍‌ ବଦାଆତିକାର୍‌ ମାରି ୱାନି ଲାଡ୍‍ତିକାର୍‌, ମାରି ଜିସୁ କ୍ରିସ୍ତଦି ଉଣ୍ତିଙ୍ଗ୍‌ ନେଗେନ୍‌ମାନାର୍‌, ୱାରି ଲାକ୍‌ତୁ ଆକୁ ରାସ୍‌ସିନା ।
\p
\v 2 ମି ଉଣ୍ତିଙ୍ଗ୍‌ ମାପୁରୁଦି ଦୟା, ସାନ୍ତି ମାରି ଜିବନ୍‌ନୋନିକା ନାଣ୍ତ ଆପିତ୍‌ ।
\s କାବାକିନି ଗୁରୁର୍‍
\p
\v 3 ଏ ଲାଡ୍‌ତି ତଡ଼୍‍କୁ, ମାଡୁ ୱିଜୁଲୋକୁ ଆମା ରକିୟାଦୁ ମିସାତିମାନିକା ଆୟା ବିସୟ୍‌ତାନ୍‌ ମି ଲାକ୍‌ତୁ ରାସ୍‌ତେଙ୍ଗ୍‌ ନାଙ୍ଗିଁ ବଦା ମାର୍ହାତ୍‌ । ମାତର୍‌ ଇୟାଦାପ୍ରେନେ ମାପୁରୁ ୱାନି ଲୋକାଙ୍ଗ୍‌ ୱିଜୁଦିନ୍‌ତି ଉଣ୍ତିଙ୍ଗ୍‌ ସିତିମାନି ବିସ୍‌ବାସ୍‌ତି ତରିନ୍‌ ସାନିଜିନିକା ଜୁଦ୍‍ କିନି ଉଣ୍ତିଙ୍ଗ୍‌ ମିଙ୍ଗିଁ ୱେଡ଼ିକା କିନି ଉଣ୍ତିଙ୍ଗ୍‌ ରାସ୍‌ତେଙ୍ଗ୍‌ ଦର୍‌କାର୍‌ ଇଜି ଏତ୍‌ କିତା । 
\v 4 ଏସ ଅଦାର୍ମୁଦି ଲୋକୁ ମି ଲୋଇ ନେସ୍‌ଇ ୱାଜା ଡୁଗିତାମାନାର୍‌ । ୱାର୍‍ ନିଜେଦି ତାଗ୍‍ଇ ପାଣିଦିଙ୍ଗ୍‍ ସାକାକିନି ଉଣ୍ତିଙ୍ଗ୍‍ ମାପୁରୁଦି ଦୟାଦି ବିସୟ୍‍ ମାଟାଦି ତାଗ୍‍ଇ ଅର୍ତ କିଜିନାର୍‍ । ମା ଅରେନ୍‌ମାତର୍‌ ଗୁରୁ, ମାରି ପ୍ରବୁ ଜିସୁ କ୍ରିସ୍ତଙ୍ଗ୍‌ ୱାର୍‌ ମାନାଏର୍‌ । ୱାରି ଉଣ୍ତିଙ୍ଗ୍‍ ଇଡାୟ୍‍ଆତିମାନି ବିଚାର୍‍ ବିସୟତାନ୍‍ ବେସି ଆଗ୍‍ଡ଼ିରାନ୍‍ ଦାର୍ମୁସାସ୍ତ୍ରଦୁ ରାସାତାମାନାତ୍‍ ।
\p
\v 5 ଜଦି ମିର୍‌ ଇୟାୱିଜୁ ବିସୟ୍‌ ପୁରା ନେସ୍‌ତି ମାନିଦେର୍‌, ମାରି ନାନ୍‌ ମିଙ୍ଗିଁ ଏତ୍‌ କିବିସ୍‌ତେଙ୍ଗ୍‌ ବଦା କିଜିନା ଜେ, ଉନ୍‌ଡ୍ରି ଦେବା ଜିସୁ ମିସର୍‍ ଦେସ୍‌ତାନ୍‍ ଲୋକାଙ୍ଗ୍‌ ରକିୟା କିତାମାର୍ହାନ୍‌, ମାରି ଆମାକାର୍‌ ଅବିସ୍‌ବାସ୍‌ କିତାର୍‌, ୱେନ୍‌କା ୱାରିଙ୍ଗ୍‌ ଦଂସ କିତାନ୍‌ । 
\v 6 ମାରି ଆମା ମୁସ୍‌କୁପୁର୍‌ତି ଦୁତ୍‌କୁ ନିଜେ ନିଜେଦି ଅଦିକାର୍‌ତି ଲୋଇ ତେବାଏଣ୍‌ଗା ନିଜେ ନିଜେଦି ଡ଼ିସ୍‍ତେସରେଏ, ଦୁତ୍‌କାଙ୍ଗ୍‌ ଏତ୍‌ କିଦୁ । ୱାନିକାଙ୍ଗ୍‌ ମାପୁରୁ ପେରି ବିସାର୍‌ତି ୱିଜୁଦିନ୍‍ତି ଉଣ୍ତିଙ୍ଗ୍‌ ଜଇଲ୍‍ତୁ ନାଣ୍ତସିକାଟିଦି ୱିଜୁ ଦିନ୍‍ତି ସାନ୍ତି କିଜି ଇଟ୍‌ତାମାନାନ୍‌ । 
\v 7 ଆୟାୱାଜା ସଦମ୍‍ ମାରି ଗମୋରା ମାରି ଲାକ୍‌ତୁରି ଗାଡ଼୍‌କାଣି ଦଣ୍ତତିଙ୍ଗ୍‌ ଏତ୍‌ କିଦୁ । ୱାର୍‌ ତେବାତିମାନି ଆୟା ଦୁତ୍‌କା ୱାଜା ପାଣି କିଜି ଦାରିପାଣି ମାରି ତାଗ୍‍ଇପାଣିଦୁ ମିସାତାର୍‌ । ଆଇୱାରିଙ୍ଗ୍‌ ଜାଗ୍‌ରାତାକିନି ଉଣ୍ତିଙ୍ଗ୍‌ ୱାର୍‌ ୱିଜୁଦିନ୍‌ତି ନରକଦି ସିସୁଦୁ ଦଣ୍ତବୋଗ କିଜିନାର୍‌ ।
\p
\v 8 ଆୟାୱାଜା ଇୟା ଲୋକୁ ଲବ୍‌ ସୁଡ଼ୁତାମାନାପ୍‌ ଅଡ଼୍‍ବିଜି ନିଜେଦି ମେନ୍ଦଲ୍‌ତିଙ୍ଗ୍‌ ପାପ୍‌ କିନାର୍‌ । ୱାର୍‌ ମାପୁରୁଦି ପାଣିଦିଙ୍ଗ୍‌ ମାନାଏର୍‌ ମାରି କାବାଆନି ସାକ୍ତିଆଙ୍ଗାଁ ନିନ୍ଦା କିନାର୍‌ । 
\v 9 \x + \xo ୧:୯ \xo*\xt ପ୍ରକାଶିତ ୧୨:୭.\xt*\x*ମାତର୍‌ ୱିଜେରିଙ୍ଗ୍‌ପେରି ଦୁତ୍‌ ମୀଖାୟେଲ ବା ଇୟାୱାଜା ବ୍ୟବ୍‌ହାର୍‌ କିଏନ୍‌ ମାର୍ହାନ୍‌ । ମୋସାଦି ମାଡ଼ା ବିସୟ୍‌ତାନ୍‌ ସୟତାନ୍‌ତି ୱାଲେ ମାଟାଦିଙ୍ଗ୍‍ ମାଟା ଆନିବେଡ଼ାଦୁ ମୀଖାୟେଲ ନିନ୍ଦା କିଜି ସୟ୍‌ତାନ୍‌ତି ବିଚାର୍‌ କିଏନ୍‌ ମାର୍ହାନ୍‌ । ୱାନ୍‌ କେବଲ ନିସନେ ଇର୍ହାନ୍‌, “ପ୍ରବୁ ନିଙ୍ଗିଁ ଆଦ୍‌ରିସ୍‌ କିପିନ୍‌ ।” 
\v 10 ମାତର୍‌ ଇୟା ଲୋକୁ ଆମା ୱିଜୁ ବିସୟ୍‌ ନେସ୍‌ଏର୍‌, ଆୟାୱିଜୁଦିଙ୍ଗ୍‌ ନିନ୍ଦା କିନାର୍‌, ମାରି ବୁଦିସିଲି ବନ୍‌ତି ଜାତୁ ୱାଜା ଆମା ଆମାକା ନେସ୍‌ନିୱାଜା ବୁଜାନେ, ଆୟାୱିଜୁ ଦାନ୍‌ ନେ ଆୟାକେଙ୍ଗ୍‌ ନାସ୍ଟୁ ଆନେ । 
\v 11 ଇକା ୱାରି ଉଣ୍ତିଙ୍ଗ୍‌ ଏସ ତିଲାନିକା । ଇରିଙ୍ଗ୍‌ ୱାର୍‌ କୟିନଦି ସାରିଦୁ ସର୍ହାମାନାର୍‌, ବାଲାମ ଅର୍ତ ଡାବୁଙ୍ଗ୍‌ଲବ୍‌ତିଙ୍ଗ୍‌ ଆମା ବୁଲ୍‌ କିତାମାର୍ହାନ୍‌, ୱାର୍‌ ଆୟା ମାଟାଦୁ ଆର୍‌ତାମାନାର୍‌ ମାରି କୋରହ ୱାଜା ଜୁଦ୍‌ କିଜି ନାସ୍ଟୁ ଆତାମାନାର୍‌ । 
\v 12 ୱାର୍‌ ତିଲାଏଣ୍‌ଗା କାଡ଼ୁ ଉଣୁଜି ସୋସ୍‌ସି ମି ଜିବନ୍‌ନୋନି ବୋଜିଦି କିଟିଙ୍ଗ୍‌ ୱାଜା ଆଜିନାର୍‌; ୱାର୍‌ ନିଜେ ନିଜେଦି ଉଣ୍ତିଙ୍ଗ୍‌ ମୋନ୍‍ସିନାର୍‍ । ୱାର୍‌ ପିରୁ ୱାଜିମାନି ଗାଲିଦାନ୍‌ ଇମ୍‌ଜିମାନି ବାଦ୍‌ଡ଼ ୱାଜା; ୱାର୍‌ ଶରତ କାଡ଼ାଦୁ ପଲ୍‌ ଆସ୍‌ଇ ମାରାନ୍‌ ମାରି ୱେଲେଙ୍ଗ୍‌ଡାସାରେଲାତି ୱାର୍‌ତି ମାରାନ୍‌ ୱାଜା । 
\v 13 ୱାର୍‌ ସାମୁଦୁର୍‌ତି ନିଙ୍ଗିଁଜି ୱାନି ଏରୁ ଉଲ୍‍କା ୱାଜା, ୱାର୍‌ ନିଜେ ନିଜେଦି ସେମାର୍‌ତି ପାଣିଙ୍ଗ୍‌ ପେପଲ୍‌ ୱାଜା ମୁସ୍‌କୁ ତର୍‌ଜିୱାନାତ୍‌ । ୱାର୍‌ ଇମ୍‌ଜିବୁଲାନି ସୁକା ୱାଜା; ମାପୁରୁ ୱାରି ଉଣ୍ତିଙ୍ଗ୍‌ ନାଣ୍ତ ସିକାଟି ୱିଜୁଦିନ୍‌ତିଙ୍ଗ୍‌ ଇଡାଆୟ୍‌ଆତାମାନାତ୍‌ ।
\p
\v 14 ଆଦମଦିମାଣୁକୁ ସାତଗୋଟାଦି ମେମାର୍‌ଏନ୍‌ ଜେ ହନୋକ, ୱାନ୍‌ ବା ପୁର୍ବେ କାଡ଼ାଦୁ ଇୟାୱାରି ବିସୟ୍‌ତାନ୍‌ ବାବବାଣି ପ୍ରଚାର୍‌ କିଜି ୱେର୍‌ସି ମାର୍ହାନ୍‌ : ପ୍ରବୁ ଆଜାର୍‌ ଆଜାର୍‌ ମୁସ୍‌କୁପୁର୍‌ତି ପବିତ୍ର ଦୁତ୍‌କା ୱାଲେ 
\v 15 ୱିଜୁଲୋକାଙ୍ଗ୍‌ ବିଚାର୍‍ କିଦେଙ୍ଗ୍‌ ୱାନାନ୍‌ । ମାରି ଅଦାର୍ମୁଦି ଲୋକୁ ୱିଜେରେ ନିଜେ ନିଜେଦି ଅଦାର୍ମୁଦାନ୍‌ ଆମାୱିଜୁ ପାପ୍‌ ପାଣି କିତାମାନାର୍‌ ମାରି ଅଦାର୍ମୁଦି ପାପି ଲୋକୁ ମାପୁରୁଦି ବିରୁଦ୍‌ତାନ୍‌ ଆମାୱିଜୁ ତାଗ୍‌ଇ ମାଟା ଇର୍‌ଆ ମାନାର୍‌, ଆୟାୱିଜୁ ବିସୟ୍‌ତି ଉଣ୍ତିଙ୍ଗ୍‌ ୱାରିଙ୍ଗ୍‌ ଦସି କିଜି ଦଣ୍ତ ସିନାନ୍‌ ।
\p
\v 16 ଇୟା ଲୋକୁ ୱିଜୁଦିନ୍ ୱେଡ଼ିକାସିଲେ ମାରି ଆଇୱାରି ମୁସ୍‌କୁ ଦସତିଗ୍‌ନାର୍‌ । ୱାର୍‌ ନିଜେ ନିଜେଦି ତାଗ୍‍ଇପାଣିଦୁ ବୁଲାନାର୍‌; ୱାରି ୱେୟୁ ପେରି ପେରି ମାଟେଙ୍ଗ୍‌ ଇନାତ୍‍ ମାରି ନିଜେଦି ତରାନି ଉଣ୍ତିଙ୍ଗ୍‌ ୱାର୍‌ ଲୋକା ମକମ୍‌ ମୁସ୍‌କୁ ପ୍ରସଂସା କିନାର୍‌ ।
\s ଜାଗ୍‌ରାତାମାଟା ମାରି ୱେର୍‌ନିକା
\p
\v 17 ମାତର୍‌ ଏ ନା ତଡ଼୍‍କୁ, ମା ପ୍ରବୁ ଜିସୁ କ୍ରିସ୍ତଦି ପ୍ରେରିତ ସିସୁର୍‍ ପୁର୍ବେ ଆମାୱିଜୁ ମାଟା ୱେର୍‌ତାମାନାର୍‌, ଆୟାୱିଜୁ ଏତ୍‌ କିଦୁ । 
\v 18 \x + \xo ୧:୧୮ \xo*\xt ୨ ପିତର ୩:୩.\xt*\x*ୱାର୍‌ ଏଣ୍ତେସ୍‌ ମିଙ୍ଗିଁ ୱେର୍‌ସିମାର୍ହାର୍‌, “ସାରାସାରିଦି କାଡ଼ାଦୁ ତାଗ୍‌ଇପାଣିଦିଙ୍ଗ୍‌ ଆସାନି ଲୋକୁ ସୋସି ମିଙ୍ଗିଁ ସେମାର୍‌ କିନାର୍‌ ।” 
\v 19 ଇୟା ଲୋକୁନେ ଅଲଗାଏରେପ୍‌ତେଙ୍ଗ୍‌ ତିଆର୍‌ କିନାର୍‌, ୱାର୍‌ କେବଲ୍‌ ମେନ୍ଦଲତି ବଦାଦାନ୍ ବୁଲାନାର୍‌ ମାରି ମାପୁରୁଦି ଆତ୍ମାସିଲିକାର୍‌ । 
\v 20 ମାତର୍‌, ଏ ନା ତଡ଼୍‍କୁ, ମିର୍‌ ପବିତ୍ର ଦାର୍ମୁବିସ୍‌ବାସ୍‌ ମୁସ୍‌କୁ ନିଜେ ନିଜେଦି ଦାର୍ମୁ ଜିବନ୍‌ ୱାଜା ଇଲୁକୁ ତିଆର୍‌ କିନିଦେର୍‌, ପବିତ୍ର ଆତ୍ମାଦି ସାକ୍ତିଦାନ୍‌ ପାର୍‌ତାନା କିଦୁ । 
\v 21 ମାରି, ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ତି ଉଣ୍ତିଙ୍ଗ୍‌ ମା ପ୍ରବୁ ଜିସୁ କ୍ରିସ୍ତଦି ଦୟାଦିଙ୍ଗ୍‌ କାପ୍‌କିଜ ମାପୁରୁଦି ଜିବନ୍‌ନୋନିଙ୍ଗ୍‌ ନିଜେଦିଙ୍ଗ୍‌ ତିର୍‌ ତେବାଦୁ ।
\p
\v 22 ନାମ୍‌ଏଣ୍‌ଗା ପେଡ଼ିଆତିମାନି ଲୋକା ମୋନ୍‌ତୁ ବିସ୍‌ବାସ୍‌ ତର୍‌ତୁ । 
\v 23 ଏମେକାର୍‌ ତାଗ୍‍ଇମାନୁ ଆରିଜି ନାସ୍ଟୁ ଆଦେଙ୍ଗ୍‍ଁ ସଲିସ୍‍ନି ଲୋକାଙ୍ଗ୍‌ ସିସୁଦାନ୍ ରକିୟା କିଦୁ । ମାରି ଏସ ଲୋକା ପାପ କାସ୍‍ତି ୱାତିଗନ୍ଦାଦିଙ୍ଗ୍‍ କାଡ଼ଦୁ, ମାତର୍‍ ତିଏଲ୍‌ତାନ୍‌ ୱାରିଙ୍ଗ୍ ଦୟା କିଦୁ ।
\s ଦନ୍ୟବାଦ୍‌ ପାର୍‌ତାନା
\p
\v 24 ଏନ୍‌ ମିଙ୍ଗିଁ ଗାଡ଼୍‌ଦିରାନ୍‌ ରକ୍‌ୟା କିଦେଙ୍ଗ୍‌ ମାରି ୱାନି ଗୌରବ୍‌ ଆଗ୍‌ଡ଼ି ଦସ୍‍ସିଲିକା ମାରି ୱେଡ଼ିକା କିଜି ଇଗାୱାଦେଙ୍ଗ୍‌ ଡାଟ୍‌ମାନାନ୍‌, 
\v 25 ମା ଆୟା ଅରେନ୍‌ମାତର୍‌ ରକିୟାକର୍ତ୍ତା ମାପୁରୁଦି ଗୌରବ୍‌, ପରାକ୍ରମ ମାରି କିତିମାନି ପାଣି; ମା ପ୍ରବୁ ଜିସୁ କ୍ରିସ୍ତଦି ମାଣୁକୁ ପୁର୍ବେ କାଡ଼ାଦାନ୍‌ ଇଲେଇ ସାନ୍ଦି ମାରି ଜୁଗ୍‌ ଜୁଗ୍‌ ୱାନିଦି ଆପିତ୍‌ ! ଆମେନ୍‍ ।