\id GAL - Kopo
\ide UTF-8
\h ଗାଲାତିୟ
\toc3 ଗାଲାତିୟ
\toc2 ଗାଲାତିୟ
\toc1 ଗାଲାତିୟ ଲୋକା ଲାକ୍‍ତୁ ପାଉଲ୍‍ତି ଆକୁ
\mt2 ଗାଲାତୀୟ ଲୋକମାନଙ୍କ ନିକଟକୁ ପାଉଲଙ୍କ ପତ୍ର
\mt1 ଗାଲାତିୟ ଲୋକା ଲାକ୍‍ତୁ ପାଉଲ୍‍ତି ଆକୁ
\imt ଗାଲାତିୟ ଆକୁ ବିସୟ୍‌ତାନ୍‌ ଏସ ମାଟା
\ip ଗାଲାତିୟ ବଇ ପ୍ରେରିତ ପାଉଲଦି ମାଣାନ୍‌ ରାସାତା ମାନାତ୍‌ \xt ୧:୧\xt* । ଇୟା ବଇଆଙ୍ଗାଁ ଜିସୁ କ୍ରିସ୍ତଦି ଜନମ୍‌ଦି ୪୮-୫୭ ବାର୍ସେକ୍‌ ଲୋଇ ଗାଲାତିୟ ମଣ୍ତଲିଦି ବିସ୍‌ବାସ୍‌ସିରିଙ୍ଗ୍‌ ରାସାତା ମାର୍ହାତ୍‌ । ଆନାତ୍‌ସୁଗି ଗାଲାତିୟର୍‌ ରମିୟ ଦେସ୍‌ତି ଗାଲାତିଆଦୁ ବାସାତା ମାର୍ହାର୍‌ । ପାଉଲ ଇୟା ବଇ ରାସ୍‌ନି ୱାଲେ ଏମେମାନୁ ମାର୍ହାନ୍‌, ଇବେନୁ ପଣ୍ତିତ୍‌କୁ ସତ୍‌ ଇନାର୍‌ । ମାତର୍‌ ଏପିସି ମାରି କରନ୍ତି ଇୟା ରୁଣ୍ତି ବାଡିଙ୍ଗ୍‌ ଆନେ ସୁଗି ଇଜି ୱେର୍‌ନାନ୍‌ ।
\ip ପାଉଲ ଗାଲାତିୟ ମଣ୍ତଲିଦି ଜିହୁଦି ମାରି ଅଣଜିହୁଦି କ୍ରିସ୍ଟିଆନ୍‌ ଲୋକା ଟିକଣା ୱେର୍‌ସି ବଇ ରାସ୍‌ନାନ୍‌ । ୱାନ୍‌ ନେସ୍‌ନିୱାଜା ମିଚ୍‌ ସିକ୍‌ୟାଦିଙ୍ଗ୍‌ ସାମ୍‌ନାସାମ୍‌ନି କିନି ଉଣ୍ତିଙ୍ଗ୍‌ ରାସ୍‌ତାମାର୍ହାନ୍‌, ଆକା କ୍ରିସ୍ଟିଆନ୍‌ ଲୋକାଙ୍ଗ୍‌ ପାଡ଼ିଇ ନିୟମ୍‍ଦି ଜିହୁଦି ନିୟମ୍‌ତିଙ୍ଗ୍‌ ୱାଲେ ସନ୍‌ଡ୍ରେଙ୍ଗ୍‌ ଇନାଇଆଜିନାତ୍‌, ନେସ୍‌ନିୱାଜା ସୁନ୍ନତ ବିଦି ବିସୟ୍‌ତାନ୍‌ । କ୍ରିସ୍ଟିଆନ୍‌ ଲୋକା ଲୋଇରାନ୍‌ ଏସ ଦଲ୍‌ ମାର୍ହାର୍‌ ଆମାୱାରିଙ୍ଗ୍‌ ଜିହୁଦିର୍‌ମାଟା ଇଜି ୱେର୍‌ସି ମାର୍ହାର୍‌ । ୱାର୍‌ ଅଣଜିହୁଦି କ୍ରିସ୍ଟିଆନ୍‌ ଲୋକାଙ୍ଗ୍‌ ସୁନ୍ନତ ବିଦି ମାନାଦେଙ୍ଗ୍‌ ୱେର୍‌ସି ମାର୍‌ଆର୍‌ । ୱାନ୍‌ ବା ପାଉଲଦି ପ୍ରେରିତ ଆତିମାନି ଅଦିକାର୍‌ ବିସୟ୍‌ତାନ୍‌ ୱେନ୍‌ବାଜି ମାର୍ହାର୍‌ ।
\ip ପାଉଲ ଏସ କାତା ଇସାବ୍‌ଦାନ୍‌ ୱାନି ପ୍ରେରିତ ଆତିମାନି ବିସୟ୍‌ ୱେର୍‌ସି ୱାରିଙ୍ଗ୍‌ ଜାଟିଜଗଡ଼ା କିନାନ୍‌ \xt ୧:୧୧–୨:୧୪\xt* ମାରି ଜିସୁକ୍ରିସ୍ତଦିଙ୍ଗ୍‌ ବିସ୍‌ବାସ୍‌ କିନି ମାଣାନ୍‌ ମୁକୁଡ଼ାନିକା ପୟ୍‌ଜି ଇକା ବୁଜାକିଜି ସୁସମାଚାର୍‌ଦିଙ୍ଗ୍‌ ରକ୍‌ୟା କିନାନ୍‌ \xt ୨:୧୬\xt* । ଆମାକା ମାପୁରୁଦି ଦୟାଦାନ୍‌ ଆନାମାନାତ୍‍ ଲୋକୁ ଆମାକା କିନାମାନାନ୍‌ ଆବେନୁ ସିଲେ ।
\iot ଇୟା ଆକୁଦୁ ମାନି ଏସ ମୁକିୟ ବିସୟ୍‌
\io1 ୧. ପାଉଲଦି ମାଡ଼ିସ୍‌କିନିକା । \ior ୧:୧-୫\ior*
\io1 ୨. ପାଉଲଦି ପାଡ଼ିଇ ଜିବନ୍‌, ୱାନି ସିକ୍‌ୟା ଅଦିକାର୍‌, ନିୟମ୍‍ଦି ପାଣିକିନି ବିସୟ୍‌ । \ior ୧:୬–୨:୨୧\ior*
\io1 ୩. ନିୟମ୍‍ଦି ପାଣି ମାରି ମାପୁରୁଦି ଦୟାଦାନ୍‌ ମୁକୁଡ଼ାନି ବିସୟ୍‌ । \ior ୩–୪ \ior*
\io1 ୪. ପୁରାନେଗି କ୍ରିସ୍ଟିଆନ୍‌ ଲୋକୁ ଜିନିମାଡ଼ିନି ଉଣ୍ତିଙ୍ଗ୍‌ ୱେର୍‌ନାନ୍‌ । \ior ୫:୬-୧୦\ior*
\io1 ୫. ପାଉଲଦି ମାଡ଼ିସ୍‌କିନିକା ମାରି ମାପୁରୁଦି ମାଣାନ୍‌ ଜିବନ୍‌ ବାଦେଲ୍‌କିନି ମାଟା । \ior ୬:୧୧-୧୮\ior*
\c 1
\p
\v 1 ନାନ୍‌ ପେରିତ ସିସୁ ପାଉଲ ଆଦେଙ୍ଗ୍‍ଁ ଇଜି ନାନ୍ ଲୋକାମାଣାନ୍‍ ବା ଲୋକା ବଦାଦାନ୍ କୁକାୟ୍‍ ଆଏ, ଇୟା କୁକ୍‍ନିକା, ନିଜେ ମାପୁରୁ ମାଣାନ୍‍ ମାରି ୱାନ୍‍ ଆମାୱାନିଙ୍ଗ୍‍ଁ ସାତିମାଣାନ୍‍ ନିକ୍‍ତାମାନାନ୍‍, ଆୟା ଜିସୁ କ୍ରିସ୍ତ ମାଣାନ୍‍ ପୟ୍‍ତାମାନାପ୍‍ । 
\v 2 ମାରି ନା ୱାଲେ ମାନି ବିସ୍‌ବାସ୍‌ତି ତଡ଼ାନ୍‍କୁ ନି ତାଙ୍ଗିକ୍ ୱିଜେରେ ଗାଲାତିଆ ମଣ୍ତଲିଆଙ୍ଗ୍‍ଁ ମାଡ଼ିସିକିଜିନାପ୍ ।
\p
\v 3 ମା ବୁବା ମାପୁରୁ ନି ପ୍ରବୁ ଜିସୁ କ୍ରିସ୍ତ ମିଙ୍ଗିଁ ଦୟା ନି ସାନ୍ତି ସିପିନ୍‍ ।
\p
\v 4 ଇଲେଇତି ଇୟା ପାପ୍‌ ଦୁନିଆଦାନ୍‍ ମାଙ୍ଗିଁ ରକିୟା କିଦେଙ୍ଗ୍‍ଁ ଇଜି, ମା ବୁବା ମାପୁରୁଦି ବଦା ମାନାଜି, କ୍ରିସ୍ତ ମା ପାପ୍‍ ଉଣ୍ତିଙ୍ଗ୍‍ଁ ନିଜେଦିଙ୍ଗ୍‍ଁ ସର୍ପେ କିତାନ୍‍ । 
\v 5 ଜୁଗ୍‌ ଜୁଗ୍‍ ମାପୁରୁ ଗୌରବ୍‍ ଆପିନ୍‌ । ଆମେନ୍‍ ।
\s ଉନ୍‍ଣ୍ତ୍ରେନେ ସୁସମାଚାର୍‍
\p
\v 6 କ୍ରିସ୍ତଦି ଦୟାଦାନ୍‍ ଜେ ମିଙ୍ଗିଁ କୁକ୍‍ତାମାର୍ହାନ୍‍, ନିସା ବେଗି ମିର୍‍ ୱାନିଙ୍ଗ୍‍ଁ ଡ଼ିସ୍‍ସି ଆଇ ଉନ୍‍ଣ୍ତ୍ରି ସୁସମାଚାର୍‍ ତରିନ୍‍ ମୋନ୍‌ଦିୟାନ୍‌ ସିଜିନିଦେର୍‍, ଆୟାଉଣ୍ତିଙ୍ଗ୍‌ ନାନ୍‍ କାବା ଆଜିନା । 
\v 7 ସତ୍‍ତାନ୍‍ “ଆଇ ଇନି ସୁସମାଚାର୍‍” ସିଲେତ୍‍ । ମାତର୍‍ ନାନ୍‍ ଇୟାୱାଜା ଇଜିନା, ଇରିଙ୍ଗ୍‍ଁ ଏସଲୋକ୍‍ କ୍ରିସ୍ତଦି ସୁସମାଚାର୍‍ତିଙ୍ଗ୍‍ଁ ଆଇ ରୁପ୍‍ ସିଜି, ମିଙ୍ଗିଁ ବେମ୍ରି କିଦେଙ୍ଗ୍‍ଁ ସେସ୍ଟା କିଜିନାର୍‍ । 
\v 8 ମାତର୍‍ ମାପ୍‍ ମି ଲାକ୍‍ତୁ ଏମେ ସୁସମାଚାର୍‍ ପ୍ରଚାର୍‍ ସିତାମାର୍ହାପ୍‍, ଜଦି ତାନିମାଣାନ୍‍ ଆଇ ଉନ୍‍ଣ୍ତ୍ରି ସୁସମାଚାର୍‌ ମାପ୍‍ ନିଜେ ମାରି ମୁସ୍‌କୁପୁର୍‍ତି ଦୁତ୍‍ ପ୍ରଚାର୍‍ କିନାତ୍‌, ଆର୍‌ତିଙ୍ଗ୍‌ ୱାନ୍‍ ଅବିସାପ୍‌ ଆପିନ୍‍ । 
\v 9 ମାପ୍‍ ପୁର୍ବେ ଇକା ଇର୍ହାମାର୍ହାପ୍‍ ମାରି ଇଲେଇ ନାନ୍‍ ମାରିଡ଼େସି ଇଜିନା, ମିର୍‍ ଏମେ ସୁସମାଚାର୍‍ ମାନାତି ମାନିଦେର୍‍, ତାନିମାଣାନ୍‍ ଆଇ ଇନି ସୁସମାଚାର୍‌ ଜଦି ଏନ୍‍ ପ୍ରଚାର୍‍ କିନାନ୍‍, ଆର୍‍ତିଙ୍ଗ୍‍ଁ ୱାନ୍‍ ଅବିସାପ୍‌ ଆପିନ୍‌ ।
\p
\v 10 ଇକା ୱେନ୍‍ଜି ମିର୍‍ ଇନିକା ଅଡ଼୍‍ବିଜିନିଦେର୍‍ ଜେ, ନାନ୍‍ ଲୋକ୍‍ ସାକା ଆନିକା ଲାବ୍‍ କିନି ଉଣ୍ତିଙ୍ଗ୍‍ଁ ସେସ୍ଟା କିଜିନା ? ସିଲେ, ଏସାଙ୍ଗ୍‍ଁ ସିଲେ । ନାନୁ ବଦାକିନା କେବଲ ମାପୁରୁଦି ସାକା । ନାନୁ ଇନିକା ୱେଙ୍ଗ୍‍ଁଦେଙ୍ଗ୍‍ଁ ଆନି ଉଣ୍ତିଙ୍ଗ୍‍ଁ ବଦା କିଜିନା ? ନାନୁ ଜଦି ଇୟାସାନ୍ଦି ୱେଙ୍ଗ୍ଁଦେଙ୍ଗ୍‍ଁ ଇଜି ସେସ୍ଟା କିତାମାନ୍ଦି, ଆର୍‍ତିଙ୍ଗ୍‍ଁ ନାନୁ ନେର୍‍ କ୍ରିସ୍ତଦି ସେବାକିନିକିନ୍ଦା ଆଏତାମାନ୍ଦି ।
\s ପାଉଲ ଏଣ୍ତେସ୍‍ ପେରିତ ସିସୁ ଆତାନ୍‍
\p
\v 11 ଏ ତଡ଼ାନ୍‍କୁ ତାଙ୍ଗିଁକି, ମିଙ୍ଗିଁ ୱେର୍‍ସିନା ଜେ, ନାନୁ ଏମେ ସୁସମାଚାର୍‌ ପ୍ରଚାର୍‍ କିନା, ଆକା ଲୋକା ମାଣାନ୍‍ ରେଏତ୍‍ । 
\v 12 ନାନୁ ଇନି ଲୋକାମାଣାନ୍‍ ଆକା ପୟ୍‍ଏ, ମାରି ଏନ୍‍ ନାଙ୍ଗିଁ ଆକା ଅଜା କିଏନ୍‍ । ନିଜେ ଜିସୁ କ୍ରିସ୍ତ ଆକା ନା ଲାକ୍‍ତୁ ତର୍‍ତାମାନାନ୍‍ ।
\p
\v 13 \x + \xo ୧:୧୩ \xo*\xt ପ୍ରେରିତ ୮:୩; ୨୨:୪,୫; ୨୬:୯-୧୧.\xt*\x*ଜିହୁଦି ଦାର୍ମୁ ଉଣ୍ତିଙ୍ଗ୍‍ଁ ୱେଡ଼ିକାମାନି ସମୟ୍‍ତୁ ନାନ୍‍ ଏଣ୍ତେସ୍‍ ଜିବନ୍‍ ଜିଜିମାର୍ହା, ଏଣ୍ତେସ୍‍ ତାଗ୍‍ଏଣ୍ତା ମାପୁରୁଦି ସେବା କିନି ମଣ୍ତଲିଦିଙ୍ଗ୍‍ଁ ତାଡ଼ନା କିଜିମାର୍ହା ମାରି ତାନିଙ୍ଗ୍‍ଁ ଦଂସ କିନି ଉଣ୍ତିଙ୍ଗ୍‌ ଏଣ୍ତେସ୍‍ ବେଗିଆନାତ୍‍ ସେସ୍ଟା କିଜିମାର୍ହା, ଇୟାୱିଜୁ ବିସୟ୍‍ ମିଙ୍ଗିଁ ଜାଣେ କିଆୟ୍‍ଆତା ମାନାତ୍‍ । 
\v 14 \x + \xo ୧:୧୪ \xo*\xt ପ୍ରେରିତ ୨୨:୩.\xt*\x*ଜିହୁଦି ଦାର୍ମୁ ମାନାନିମାନୁ ସାମାନ୍‌ତାନ୍‍ ଜିହୁଦି ଲୋକାମାନୁ ବା ନାନୁ ଆଗ୍‍ଡ଼ିମାର୍ହା ମାରି ମା ଡକ୍ରାଦାଦାରି ରିତିନିତି ଉଣ୍ତିଙ୍ଗ୍‍ଁ ନାଣ୍ତ ମାନାଜିମାର୍ହା ।
\p
\v 15 \x + \xo ୧:୧୫ \xo*\xt ପ୍ରେରିତ ୯:୩-୬; ୨୨:୬-୧୦; ୨୬:୧୩-୧୮.\xt*\x*ମାତର୍‍ ମାପୁରୁ ୱାନି ଦୟାଦାନ୍‍ ନା ଜନମ୍‍ ଆନି ଆଗ୍‍ଡ଼ିରାନ୍‍ ନାଙ୍ଗିଁ ଆସ୍‍କିତାମାର୍ହାନ୍‍ ମାରି ୱାନି ସେବା କିନି ଉଣ୍ତିଙ୍ଗ୍‍ଁ ନାଙ୍ଗିଁ କୁକ୍‍ତାମାର୍ହାନ୍‍ । 
\v 16 ମାରି ଅଣଜିହୁଦି ଲୋକା ଲାକ୍‍ତୁ ସୁସମାଚାର୍‌ ପ୍ରଚାର୍‍ କିନି ଉଣ୍ତିଙ୍ଗ୍‍ଁ ଏସ୍ତିୱାଲେ ନା ଲାକ୍‍ତୁ ୱାନ୍‍ ୱାନି ମାରିସିଙ୍ଗ୍‍ ତର୍‍ତାନ୍‍, ଇୟା ବିସୟ୍‌ତାନ୍‌ ସିକିୟା ସିଦେଙ୍ଗ୍‌ ଇଜି ନାନ୍ ଆଇ ଏ ଲାକ୍‍ତୁ ସଲ୍‍ଏ ମାର୍ହା । 
\v 17 ଇୟାୱାଜାକି ନା ଆଗ୍‍ଡ଼ିରାନ୍‍ ଏମେକାର୍‍ ପେରିତ ସିସୁ ଆତାମାର୍ହାର୍‍, ୱାରି ୱାଲେ ବା ବେଟ୍‌ବୁଡ଼ାଦେଙ୍ଗ୍‍ଁ ଇଜି ଜିରୁସାଲାମ୍‍ତୁ ସଲ୍‍ଏମାର୍ହା । ମାତର୍‍ ନାନୁ ଦାପ୍ରେ ଦାପ୍ରେ ଆରବ ଦେସ୍‍ତୁ ସର୍ହାମାର୍ହା ମାରି ୱେନ୍‍କା ଦାମାସ୍‍କସ୍‍ତୁ ଡ଼େସି ୱାତା । 
\v 18 \x + \xo ୧:୧୮ \xo*\xt ପ୍ରେରିତ ୯:୨୬-୩୦.\xt*\x*ଇୟାତେନି ତିନ୍‍ ବାର୍ସେକ୍‍ ୱେନ୍‍କା ନାନୁ ପିତର୍‍ତି ୱାଲେ ମିସାଦେଙ୍ଗ୍‍ଁ ଇଜି ଜିରୁସାଲାମ୍‍ତୁ ସର୍ହା ମାରି ୱାନି ୱାଲେ ରୁଣ୍ତି ୱାରେଙ୍ଗ୍‌ ତେବାତା ମାର୍‌ଆ । 
\v 19 ପ୍ରବୁଦି ତଡ଼ାନ୍‍ ଜାକୁବଙ୍ଗ୍‍ଁ ଡ଼ିସ୍‍ତିଙ୍ଗ୍‍ଁ ନା ଆଇ ଏମେ ପେରିତ ସିସୁରି ୱାଲେ ମିସାଏତା ମାର୍ହା ।
\p
\v 20 ନାନୁ ଆମାକା ରାସ୍‍ସିନା, ଆକା ସତ୍‍; ମାପୁରୁ ନେସ୍‍ନାନ୍‍ ନାନୁ ମିସ୍‍ ଇନ୍‍ଏ !
\p
\v 21 ତେନିୱେନ୍‍କା ନାନୁ ସିରିଆ ନି ସିଲିସିଆଦି ନାଣ୍ତ ବାଡିଆଙ୍ଗ୍‍ଁ ସର୍ହାମାର୍ହା । 
\v 22 ଆୟା ସମୟ୍‍ତୁ ଜିହୁଦା ଦେସ୍‌ତୁ ମାନି କ୍ରିସ୍ତ ମଣ୍ତଲିଦି ବିସ୍‍ବାସିର୍‍ ନାଙ୍ଗିଁ ନେଗେନ୍‍ତାନ୍‌ ନେସ୍‍ଏର୍‌ ମାର୍‌ର୍ହାର୍‍ । 
\v 23 ନା ବିସୟ୍‌ତାନ୍‌ ଆଇକାର୍‌ ଆମାକା ଇର୍ହାମାର୍ହାର୍‍, ୱାର୍‍ କେବଲ ନାସନେ ନେସ୍‍ତାମାର୍ହାର୍‍ । ଆଇଲୋକାମାଣ୍‍କୁ ୱାର୍‍ ୱେର୍‍ଆମାର୍ହାର୍‍, “ଆମା ଲୋକ୍‍ ମାଙ୍ଗିଁ ତାଡ଼ନା କିଜିମାର୍ହାନ୍‍ ମାରି ଅର୍‍ଲେନ୍‍ ମା ବିସ୍‌ବାସ୍‌ତିଙ୍ଗ୍‌ ଦଂସ କିଦେଙ୍ଗ୍‍ଁ ସେସ୍ଟା କିଜିମାର୍ହାନ୍‍, ଇଲେଇ ୱାନ୍‍ ଆୟା ସୁସମାଚାର୍‌ତିଙ୍ଗ୍‌ ପ୍ରଚାର୍‍ କିଜିନାନ୍‍ !” 
\v 24 ଆୟାଉଣ୍ତିଙ୍ଗ୍‌ ୱାର୍‍ ନା ଉଣ୍ତିଙ୍ଗ୍‍ଁ ମାପୁରୁଦି ପ୍ରସଂସା କିଜିମାର୍ହାର୍‍ ।
\c 2
\s ପାଉଲ ନି ଆଇ ପ୍ରେରିତ ସିସୁର୍‍
\p
\v 1 \x + \xo ୨:୧ \xo*\xt ପ୍ରେରିତ ୧୧:୩୦; ୧୫:୨.\xt*\x*ସଉଦ ବାର୍ସେକ୍‍ ୱେନ୍‍କା ବର୍ଣ୍ଣବାଦି ୱାଲେ ନାନୁ ଜିରୁସାଲାମ୍‍ତୁ ଡ଼େସିସର୍ହାପ୍‌; ନା ୱାଲେ ତିତସ୍‍ତିଙ୍ଗ୍‍ଁ ବା ଅତା ମାର୍ହାପ୍‌ । 
\v 2 ଆବେ ସନ୍‍ଡ୍ରେଙ୍ଗ୍‍ଁ ଆନାତ୍‍ ଇଜି ମାପୁରୁମାଣାନ୍‍ ଦର୍ସନ୍‍ ପୟ୍‍ଜି ନାନୁ ସର୍ହାମାର୍ହା । ଅଣଜିହୁଦି ଲୋକା ଲାକ୍‍ତୁ ନାନୁ ଏମେ ସୁସମାଚାର୍‌ ପ୍ରଚାର୍‌ କିତାମାନା, ଜିରୁସାଲାମ୍‍ତି ନେତାରିଙ୍ଗ୍‍ଁ ଉନ୍‍ଣ୍ତ୍ରି ଇଲୁ ମିଟିଙ୍ଗ୍‍ଁତୁ ଆକା ବୁଜାକିତା ସିତାମାର୍ହା । ନା ଆଗ୍‍ଡ଼ିରି ମାରି ଇଲେଇତି ୱେଡ଼ାଦି ପାଣି ଏଣ୍ତେସ୍‍ ଆରେଏ ଆଏତ୍‍, ଆୟାଉଣ୍ତିଙ୍ଗ୍‌ ନାନୁ ସୁଡ଼ୁଜି ମାର୍‌ର୍ହା । 
\v 3 ନା ତଡ଼୍‍ ତିତସ୍‍ ଅରେନ୍‍ ଗ୍ରିକ୍‌ ଲୋକ୍‍ ଆତିମାରିଙ୍ଗ୍‌ବା, ୱାନିଙ୍ଗ୍‍ଁ ସୁନ୍ନତ ଆନି ଉଣ୍ତିଙ୍ଗ୍‍ଁ ଜବର୍‍ଦସ୍ତ କିଆୟ୍‍ ଆଏତ୍‍ମାର୍ହାତ୍‍ । 
\v 4 ମାତର୍‍ ଏସ ଲୋକୁ ୱାନିଙ୍ଗ୍‍ଁ ସୁନ୍ନତ କିବିସ୍‍କିଦେଙ୍ଗ୍‍ଁ ଇଜି ବଦାକିଜିମାର୍ହାର୍‍ । ୱାର୍‍ ବିସ୍‍ବାସିରି ତଡ଼ାନ୍‍କୁ ଇଜି ସାଲାକି କିଜି ନେସ୍‌ଇ ୱାଜା ଦଲ୍‍ତୁ ମିସାତାମାର୍ହାର୍‍ । କ୍ରିସ୍ତ ଜିସୁଦି ୱାଲେ ମିସାନି ମାଣାନ୍‍କୁ ମାପ୍‍ ଏମେ ଜିଣାନିକା ଲାବ୍‍ କିତାମାନାପ୍‍, ତାନିଙ୍ଗ୍‍ଁ ପୟ୍‍ଜ ଅତେଙ୍ଗ୍‍ ଇଜି ୱାରି ଉଦେସ୍‍ ମାର୍ହାତ୍‍ । ମାଙ୍ଗିଁ ମାରିଡ଼େସି ନିୟମ୍‍ତି ଦାସ କିଦେଙ୍ଗ୍‍ଁ ୱାର୍‍ ବଦା କିଜିମାର୍ହାର୍‍ । 
\v 5 ମାତର୍‍ ମି ଉଣ୍ତିଙ୍ଗ୍‍ ସୁସମାଚାର୍‍ତି ସତ୍‍ତିଙ୍ଗ୍‍ ଜିପିସ୍‍କିଜି ଇଡ୍‍ଦେଙ୍ଗ୍‍ ମାପ୍‍ ଆୟା ଟକେକିନିୱାରିଙ୍ଗ୍‍ ସାଣେକ୍‍ ବା ମାଟା ଇନ୍‌ଡ୍ରେଙ୍ଗ୍‌ ସାରି ସିଏପ୍‍ ମାର୍ହାପ୍‍ । 
\v 6 ମାତର୍‍ ଏମେକାର୍‍ ନେତା ଇଜି ୱେଙ୍ଗିଁଜି ମାର୍ହାର୍‍, ୱାର୍‍ ଜେ ଏର୍‍ ଆପିର୍‍, ଆବେ ଇନିକା ନା ସଲ୍‍ଏତ୍‍ ରେଏତ୍‍; ଇରିଙ୍ଗ୍‌ ଆତ୍‍ରେରି ବୁଲାସାଲା ସୁଡ଼୍‍ଜି ମାପୁରୁ ଏମେୱାନି ବିଚାର୍‍ କିଏନ୍‍, ଆୟା ନେତାର୍‍ ନାଙ୍ଗିଁ ଇନି ପୁନି ମାଟା ସିଏର୍‍ ମାର୍ହାର୍‍ । 
\v 7 ମାରି ଉନ୍‍ଣ୍ତ୍ରି ତରିନ୍‍, ୱାର୍‍ ସୁଡ଼ୁତାମାର୍ହାର୍‍ ଜେ, ମାପୁରୁ ଏଣ୍ତେସ୍‍ ଜିହୁଦିଲୋକା ଲାକ୍‍ତୁ ସୁସମାଚାର୍‍ ପ୍ରଚାର୍‍ କିନି ଦାୟିତ ପିତର୍‍ତିଙ୍ଗ୍‍ଁ ସିତାମାର୍ହାନ୍‍, ଆୟାୱାଜା ଅଣଜିହୁଦି ଲୋକା ଲାକ୍‍ତୁ ସୁସମାଚାର୍‍ ପ୍ରଚାର୍‍ କିନି ଦାୟିତ ନାଙ୍ଗିଁ ସିତାମାନାନ୍‌, 
\v 8 ଇରିଙ୍ଗ୍‌ ପିତର ଏଣ୍ତେସ୍‍ ମାପୁରୁଦି ସାକ୍ତିଦାନ୍‌ ଜିହୁଦିଲୋକା ଉଣ୍ତିଙ୍ଗ୍‍ ପେରିତ ସିସୁ ୱାଜା ବାସେ କିଆୟ୍‍ଆତାମାର୍ହାନ୍‍, ନାନୁ ବା ଟିକ୍‍ ଆୟାୱାଜା ମାପୁରୁଦି ସାକ୍ତିଦାନ୍‍ ଅଣଜିହୁଦି ଲୋକା ଉଣ୍ତିଙ୍ଗ୍‍ ପେରିତ ସିସୁ ୱାଜା ବାସେ କିଆୟ୍‍ଆତାମାନା । 
\v 9 ନାସ୍ତିୱାଲେ ମୁଣ୍ତା ୱାଜା ୱେଙ୍ଗିଁଜିମାନି ଜାକୁବ, ପିତର୍‍ ନି ଜୋହନ ମାନାତା ମାର୍ହାର୍‍ ଜେ, ମାପୁରୁ ନାଙ୍ଗିଁ ଇୟା ଦୟା ପାଣିଦି ଦାୟିତ୍ ସିତାମାନାନ୍‌ । ଆଦେଙ୍ଗ୍‌ ୱାର୍‍ ନାଙ୍ଗିଁ ନି ବର୍ଣ୍ଣବାଦିଙ୍ଗ୍‍ ଅର୍‌ସେମାନିକା ୱାଜା ୱେଡ଼ିକାଦାନ୍‍ ମାନାତାମାନାର୍‍ । ବର୍ଣ୍ଣବା ନି ନାନୁ ଅଣଜିହୁଦି ଲୋକା ଲାକ୍‍ତୁ ମାରି ୱାର୍‍ ଜିହୁଦିଲୋକା ଲାକ୍‍ତୁ ପାଣି କିନାପ୍‌ ଇଜି ମାପ୍‍ ଉନ୍‍ଣ୍ତ୍ରେମନ୍‍ ଆତାମାର୍ହାପ୍‍ । 
\v 10 ୱାର୍‍ କେବଲ ନିସନେ ଅନୁରୋଦ କିତାମାର୍ହାର୍‍ ଜେ, ମାପ୍‍ ୱାରି ଦଲ୍‍ତୁ ମାନି କାକୁର୍ତି ଲୋକାଙ୍ଗ୍‍ଁ ଏତ୍‌ ଇଡ୍‍ନାପ୍‍ । ଆୟା ବିସୟ୍‍ ଉଣ୍ତିଙ୍ଗ୍‍ ନେ ନା ଆସା ମାର୍‌ର୍ହାତ୍‍ ।
\s ଆଣ୍ଟିୟକଦୁ ପିତର୍‍ତିଙ୍ଗ୍‍ ପାଉଲତି ଲାଗାନିକା
\p
\v 11 ପିତର୍‍ ଆଣ୍ଟିୟକଦୁ ୱାତିମାର୍‌ଇୱାଲେ ନାନୁ ୱିଜେରି ଆଗ୍‍ଡ଼ି ୱାନିଙ୍ଗ୍‌ ଜାଟି କିତାମାର୍‌ଆ, ଇରିଙ୍ଗ୍‌ ୱାନ୍‍ ସତେନେ ବୁଲ୍‍ ପାଣି କିଜିମାର୍ହାନ୍‍ । 
\v 12 ଜାକୁବଦି ମାଣାନ୍‍ ପେରିତ ଏସଲୋକ୍‍ ଆବେନୁ ୱାନି ଆଗ୍‍ଡ଼ି, ପିତର ଅଣଜିହୁଦି ତଡ଼ାନ୍‍କୁ ନି ତାଙ୍ଗିଁକା ୱାଲେ ଉଣୁଜି ମାର୍ହାନ୍‌ । ମାତର୍‍ ଆୟା ଲୋକୁ ୱାତି ୱେନ୍‍କା, ୱାନ୍‍ ଇବେଟ୍‌ତାନ୍‌ ନିଙ୍ଗିଁତା ସର୍ହାନ୍‍ ମାରି ୱାରି ୱାଲେ ୱାନ୍‍ ମାରି ଉଣୁଏତାନ୍‍, ଇରିଙ୍ଗ୍‌ ଅଣଜିହୁଦି ଲୋକୁ ସୁନ୍ନତ ଆନିକା ଦରକାର୍‍ ଇଜି ଏମେକାର୍‍ ଇଜିମାର୍ହାର୍‍, ୱାନ୍‍ ୱାରିଙ୍ଗ୍‍ ତିଲାଜି ମାର୍ହାନ୍‍ । 
\v 13 ଆଇ ଜିହୁଦି ତଡ଼ାନ୍‍କୁ ପିତରତି ୱାଲେ ମିସାଜି ଟକେକିନି ଲୋକା ୱାଜା ବ୍ୟବ୍‌ହାର୍‌ କିଜିମାର୍‌ର୍ହାର୍‍, ଇୟାୱାଜାକି ବର୍ଣ୍ଣବା ବା ୱାରି ସାଲାକିଦୁ ଆର୍‍ତାନ୍‍ । 
\v 14 ନାନୁ ଏସ୍ତିୱାଲେ ସୁଡ଼ୁତା ଜେ, ସୁସମାଚାର୍‍ତି ସତ୍‍ ଇସାବ୍‍ତାନ୍‍ ୱାର୍‍ ନେଗେନ୍‍ ବ୍ୟବ୍‌ହାର୍‌ କିଏଜିନାର୍‍, ନାନୁ ୱାରି ଆଗ୍‍ଡ଼ି ପିତର୍‍ତିଙ୍ଗ୍‍ ଇର୍‌ଆମାର୍ହା, “ଜଦି ନିନୁ ଜିହୁଦିଲୋକୁ ଆଜି ଅଣଜିହୁଦି ଲୋକା ୱାଜା ଜିଜି ମାଡ଼ିଜିନି, ଆର୍‍ତିଙ୍ଗ୍‍ଁ ଜିହୁଦିଲୋକା ୱାଜା ଜିଦେଙ୍ଗ୍‍ଁ ନିନୁ ଅଣଜିହୁଦି ଲୋକାଙ୍ଗ୍‌ ଏଣ୍ତେସ୍‍ ଜବର୍‍ଦସ୍ତ୍‍ କିଦେଙ୍ଗ୍‍ଆଟ୍‍ନି ।”
\s ବିସ୍‍ବାସ୍‍ତାନ୍ ପରିତ୍ରାଣ ପୋଇନାର୍‌
\p
\v 15 ସତ୍‍ତାନ୍‍ ମାପୁ ଜନମ୍‍ତାନ୍‍ ଜିହୁଦି ଲୋକୁ; ୱାର୍‌ଗିଜିସାନି ଇସାବ୍‌ତାନ୍‌ “ପାପି ଅଣଜିହୁଦି ଲୋକୁ” ସିଲେ । 
\v 16 \x + \xo ୨:୧୬ \xo*\xt ରୋମିୟ ୩:୨୦ \xt*\xt ରୋମିୟ ୩:୨୨.\xt*\x*ମାପୁ ନେସ୍‍ନାପ୍‍, ନିୟମ୍‍ତି ଦାବିୱିଜୁ ପୁରା କିନି ମାଣାନ୍‍ ସିଲେ, ମାତର୍‍ କେବଲ ଜିସୁ କ୍ରିସ୍ତଦିମାନୁ ବିସ୍‍ବାସ୍‍ କିନି ମାଣାନ୍‍ ଅରେନ୍‍ ମାପୁରୁଦି ଆଗ୍‍ଡ଼ି ଦସ୍‍ସିଲେଣ୍‌ଗା ମିସାଦେଙ୍ଗ୍‌ ଆଟ୍‌ନାପ୍‌ । ମାପୁରୁଦି ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଇଜି ମାପ୍‍ ମାରି ନିୟମ୍‍ତି ମୁସ୍‍କୁ ଆସା ଇଡ୍‍ଏନ୍‍ଣ୍ତା ଜିସୁ କ୍ରିସ୍ତମାନୁ ବିସ୍‍ବାସ୍‍ କିଜିନାପ୍‍, ଇରିଙ୍ଗ୍‍ଁ କେବଲ ନିୟମ୍‍ ମାନାନି ମାଣାନ୍‍ ଏନ୍‍ ମାପୁରୁ ଆଗ୍‍ଡ଼ି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଆଟ୍‍ଏନ୍‍ । 
\v 17 ମାତର୍‍ କ୍ରିସ୍ତଦି ୱାଲେ ମିସାଜି ମାପୁରୁଦି ଆଗ୍‍ଡ଼ି ସେବାକିନି ଦାର୍ମୁ ଲୋକ୍‍ ଆଦେଙ୍ଗ୍‍ଁ ଇଜି ସେସ୍ଟା କିତିୱାଲେ, ଜଦି ମାପ୍‍ ବା ଅଣଜିହୁଦି ଲୋକା ୱାଜା “ପାପି” ଆଜି ତେବାତିମାନିକା, ଇୟାଉଣ୍ତିଙ୍ଗ୍‌ ଇନିକା କ୍ରିସ୍ତ ଦାୟି ? ସିଲେ, ଇକା ଏସାଙ୍ଗ୍‍ ସିଲେ । 
\v 18 ମାତର୍‍ ଏମେ ନିୟମ୍‍ତି ଗାଟିଦିଙ୍ଗ୍‍ଁ ନାନୁ ସିନା କିତାମାନା, ତାନି ମାରିଡ଼େସି ତିଆର୍‌ କିଦେଙ୍ଗ୍‌ ସରିଙ୍ଗ୍‍ ନାନୁ ଦସି ଆନା । 
\v 19 “ନିୟମ୍‍ତି ଉଣ୍ତିଙ୍ଗ୍‍ ନାନୁ ପୁରା ସାତାମାନା ଆୟା ନିୟମ୍‍ତାନ୍‍ ନେ ନାନୁ ସାତାମାନା । ମାତର୍‌ ନାନୁ ଇଲେଇ ମାପୁରୁଦି ଉଣ୍ତିଙ୍ଗ୍‌ ଜିତାମାନା । କ୍ରିସ୍ତଦି ୱାଲେ ୱାନି କ୍ରୁସ୍‌କାଟ୍‌ ମୁସ୍‌କୁ ନାନ୍‌ ବା ସାତାମାନା । 
\v 20 ଆଦେଙ୍ଗ୍‌ ଇଲେଇ ସତ୍‌ତାନ୍‍ ନାନୁ ମାରି ଜିଏ, ନା ବାନୁ କ୍ରିସ୍ତ ଜିବନ୍‌ ମାନାନ୍‌ । ନାନୁ ଇଲେଇ ଆମା ଜିଜି ମାଡ଼ିଜିନା, ଆକା କେବଲ ମାପୁରୁଦି ମାରିନ୍‌ତି ମୁସ୍‍କୁ ନା ବିସ୍‍ବାସ୍‍ତାନ୍ ଆତାମାନାତ୍‍, ଏନ୍‍ ନାଙ୍ଗିଁ ଜିବନ୍‌ନୋଜି ନା ଉଣ୍ତିଙ୍ଗ୍‍ଁ ୱାନି ଜିବନ୍‌ ସିତାମାନାନ୍‌ । 
\v 21 ଇୟାଉଣ୍ତିଙ୍ଗ୍‌ ମାପୁରୁଦି ଦୟାଦିଙ୍ଗ୍‍ ନାନୁ ଏସାଙ୍ଗ୍‍ ଅମାନ୍ୟ କିଏ । ଇରିଙ୍ଗ୍‍ଁ କେବଲ ନିୟମ୍‍ ମାନାନି ମାଣାନ୍ ଜଦି ଅରେନ୍‍ ମାପୁରୁଦି ଆଗ୍‍ଡ଼ି ଦାର୍ମୁ ଆଦେଙ୍ଗ୍‌ ଆଟ୍‍ନାନ୍‍, ଆର୍‍ତିଙ୍ଗ୍‍ଁ କ୍ରିସ୍ତଦି ସାନିକା ଇନିକା ସିଲେ ଇଜି ଇନ୍‌ଡ୍ରେଙ୍ଗ୍‌ ଆନାତ୍‍ ।”
\c 3
\s ନିୟମ୍‍ ସିଲିତିଙ୍ଗ୍‌ ବିସ୍‍ବାସ୍‍
\p
\v 1 ଏ ବୁଦିସିଲି ଗାଲାତିୟଦି ଲୋକୁ ! ଏନ୍‌ ମି ମୁସ୍‌କୁ ଇୟା ଉପାୟ୍‌ ୱେର୍‌ତାମାନାନ୍‌ ? କ୍ରୁସକାଟ୍‌ ମୁସ୍‌କୁ ଜିସୁ କ୍ରିସ୍ତଦି ସାତି ବିସୟ୍‌ ପୁରାନେସ୍‌ନି ୱାଜା ମି ଲାକ୍‌ତୁ ୱେର୍‌ଆଇ ଆତାମାନାତ୍‍ । 
\v 2 ନାଙ୍ଗିଁ ଉନ୍‍ଣ୍ତ୍ରି ମାଟା ଇନ୍‍ଣ୍ତ୍ରୁ : ନିୟମ୍‍ ମାନାଜିନି ମାଣ୍‌କୁ ମିର୍‌ ପବିତ୍ରଆତ୍ମାଦିଙ୍ଗ୍‍ ପୟ୍‍ତିମାନିଦେର୍‍, ନୋ, ମିର୍‍ ସୁସମାଚାର୍‍ ୱେନ୍‍ଜି ଆବେନୁ ବିସ୍‍ବାସ୍‍ କିଜିନି ମାଣ୍‌କୁ ? 
\v 3 ମିର୍‍ ଇନିକା ନିସବା ବୁଜାଦେଙ୍ଗ୍‌ ଆଟ୍‌ଇଜିନିଦେର୍‌ ? ଆଇଆତ୍ମାଦି ସାକ୍ତିଦାନ୍‌ ମିର୍‌ ଆମା ଜିବନ୍‌ ଆରାମ୍‍ କିତିମାନିଦେର୍‍, ନିଜେଦି ସାକ୍ତିଦାନ୍‌ ଇନିକା ତାନିଙ୍ଗ୍‌ ପୁରା କିଦେଙ୍ଗ୍‌ ଅଡ଼୍‌ବିଜିନି ? 
\v 4 ଇୟାଉଣ୍ତିଙ୍ଗ୍‌ ମି ୱିଜୁ ଏତ୍‌କିତିମାଟା ଇନିକା ୱାର୍‌ଇକା ? ଆବେଣୁକୁ ଇନିକା ଅଡ଼୍‌ପବା ଅଜାଇଦେର୍‌ ? 
\v 5 ମିର୍‌ କେବଲ ନିୟମ୍‌ତୁ ବିସ୍‌ବାସ୍‌ କିଜିମାନିଙ୍ଗ୍‌ ଇନିକା ମାପୁରୁ ମିଙ୍ଗିଁ ୱାନି ଆତ୍ମା ସିତାମାନାନ୍‌ ମାରି ମି ଲୋଇ ସାକ୍ତିଦି ପାଣିୱିଜୁ ପୁରା କିନାନ୍‍, ନୋ, ମିର୍‌ ସୁସମାଚାର୍‌ ୱେନ୍‌ଜି ଆବେନୁ ବିସ୍‌ବାସ୍‌ କିଜିନିଦେର୍‌ ଇଜି ?
\p
\v 6 \x + \xo ୩:୬ \xo*\xt ରୋମିୟ ୪:୩.\xt*\x*ମାରି ଅବ୍ରାହାମତି ମାଟା ଏତ୍‌ କିଦୁ । ସାସ୍ତ୍ରଦୁ ରାସାତାମାନାତ୍‌, “ୱାନ୍‌ ମାପୁରୁଦିମାନୁ ବିସ୍‌ବାସ୍‌ କିତାନ୍‌ ମାରି ୱାନି ବିସ୍‌ବାସ୍‌ତି ଉଣ୍ତିଙ୍ଗ୍‌ ମାପୁରୁ ୱାନିଙ୍ଗ୍‌ ଦାର୍ମୁଦିକାନ୍‌ ୱାଜା ମାନାତାନ୍‌ ।” 
\v 7 \x + \xo ୩:୭ \xo*\xt ରୋମିୟ ୪:୧୬.\xt*\x*ଇକା ମିର୍‌ ନେସ୍‌ତୁ, ଆମାକାର୍‌ ବିସ୍‌ବାସ୍‌ କିଦେଙ୍ଗ୍‌ ଡାଟ୍‌, କେବଲ ଆୟାକାର୍‌ନେ ଅବ୍ରାହାମତି ସତ୍‌ତି ମାରିନ୍‌କୁ, 
\v 8 ଆଗ୍‍ଡ଼ିରାନ୍‍ ଦାର୍ମୁସାସ୍ତ୍ରଦୁ ରାସାତାମାନାତ୍‍, ବିସ୍‍ବାସ୍‍ତାନ୍ ମାପୁରୁ ଅଣଜିହୁଦି ଲୋକାଙ୍ଗ୍‌ ବା ଦାର୍ମୁଦିଲୋକ୍‍ ଇଜି ମିସାକିନାନ୍‍ । ଅବ୍ରାହାମତି ଲାକ୍‍ତୁ ଇୟା ମାଟା ଆଗ୍‌ଡ଼ି ୱେର୍‌ଆୟ୍‌ଆତାମାରାତ୍‌, “ମି ମାଣ୍‌କୁ ମାପୁରୁ ଦୁନିଆଦି ୱିଜୁ ଲୋକାଙ୍ଗ୍‍ ଆସିର୍ବାଦ୍‌ କିନାନ୍‍ ।” 
\v 9 ଅବ୍ରାହାମ ବିସ୍‍ବାସ୍‌ କିଜି ଆସିର୍ବାଦ୍‌ ପୟ୍‍ତାମାର୍ହାନ୍‍; ଆଦେଙ୍ଗ୍‌ ଆମାକାର୍‍ ବିସ୍‍ବାସ୍‍ କିନାର୍‍, ୱାର୍‍ ୱିଜେରେ ୱାନି ୱାଜା ଆସିର୍ବାଦ୍‌ ପୟ୍‍ନାର୍‍ ।
\p
\v 10 ଏମେକାର୍‍ ନିୟମ୍‍ ମାନାନି ମୁସ୍‍କୁ ଆସା ଇଡ୍‍ନାର୍‍, ୱାର୍‍ ଆନାଦୁରିଆଦି ଲୋଇ ଜିନାର୍‍ । ଇରିଙ୍ଗ୍‌ ଦାର୍ମୁସାସ୍ତ୍ରଦୁ ରାସାତାମାନାତ୍‍, “ମସାଦି ନିୟମ୍‍ ବଇଦୁ ଆମା ୱିଜୁ ରାସାତାମାନାତ୍‍, ଜଦି ଏନ୍‍ ପୁରାଦାନ୍‍ ଆକା ମାନାଏନ୍‍, ୱାନ୍‍ ମାପୁରୁଦି ଆନାଦୁରିଆଦି ଲୋକୁ ଆନାନ୍‍ ।” 
\v 11 ଆଦେଙ୍ଗ୍‌ ଇବେଟ୍‌ତାନ୍‍ ପୁରାନେସ୍‌ନିୱାଜା ୱେରାୟ୍‍ଆନାତ୍‍, ନିୟମ୍‍ତାନ୍‍ ଏମେ ଲୋକୁ ମାପୁରୁଦି ଆଗ୍‍ଡ଼ି ଦାର୍ମୁଲୋକୁ ଆଦେଙ୍ଗ୍‌ ଆଟ୍‍ଏନ୍‍, ଇରିଙ୍ଗ୍‌ ଦାର୍ମୁସାସ୍ତ୍ରଦୁ ରାସାତାମାନାତ୍‍, “ବିସ୍‍ବାସ୍‍ତାନ୍ ମାପୁରୁଦି ଲାକ୍‍ତୁ ଦସ୍‍ସିଲିକାନ୍‍ ୱେଙ୍ଗିଁଜି ମାନି ଲୋକୁ ନେ କେବଲ ଜିନାନ୍‍ ।” 
\v 12 ମାତର୍‍ ନିୟମ୍‍ତି ୱାଲେ ବିସ୍‍ବାସ୍‍ତି ଇନି ମିସାବିଡ଼ା ସିଲେତ୍‍ । ଦାର୍ମୁସାସ୍ତ୍ରଦୁ ରାସାତାମାନାତ୍‍, “ଏମେ ଲୋକୁ ନିୟମ୍‍ତି ଦାବିଦି ୱିଜୁ ପାଣି କିନାନ୍‍, ୱାନ୍‍ ଜିନାନ୍‍ ।”
\p
\v 13 ମାତର୍‍ କ୍ରିସ୍ତ ମା ଉଣ୍ତିଙ୍ଗ୍‌ ଆନାଦୁରିଆ ପୟ୍‍ଜି ନିୟମ୍‍ତୁ ରାସାତି ଆନାଦୁରିଆଦାନ୍‌ ମାଙ୍ଗିଁ ମୁକୁଡ଼ା କିତାମାନାନ୍‍ । ଦାର୍ମୁସାସ୍ତ୍ରଦୁ ରାସାତାମାନାତ୍‍, “ଏନ୍‍ ମାରାତୁ ଡ଼ଆୟ୍ ଆଜି ସାନାନ୍‍, ୱାନ୍‍ ମାପୁରୁଦି ମାଣାନ୍‍ ଆନାଦୁରିଆ ଆନାନ୍‌ !” 
\v 14 ମାପୁରୁ ଅବ୍ରାହାମ୍‍ତିଙ୍ଗ୍‌ ଏମେ ଆସିର୍ବାଦ୍‌ ସିଦେଙ୍ଗ୍‍ ପାର୍‍ମାଣ୍‍ କିତାମାର୍ହାନ୍‍, ଅଣଜିହୁଦି ଲୋକୁ ବା ଏଣ୍ତେସ୍‍ ଆକା ପୟ୍‌ଦେଙ୍ଗ୍‌ ଆଟ୍‍ନାର୍‍, ଇୟାଉଣ୍ତିଙ୍ଗ୍‌ କ୍ରିସ୍ତ ଜିସୁ ଇୟା ପାଣି କିତାମାନାନ୍‍ । ଆଦେଙ୍ଗ୍‌ ବିସ୍‍ବାସ୍‍ତାନ୍ ମାପ୍‍ ବା ମାପୁରୁଦି ସିତିମାନିମାଟା ଇସାବ୍‍ତାନ୍‍ ପବିତ୍ର ଆତ୍ମା ପୟ୍‌ଦେଙ୍ଗ୍‌ ଆଟ୍‍ନାପ୍‍ ।
\s ନିୟମ୍‍ ନି ପାର୍‍ମାଣ୍‍
\p
\v 15 ତଡ଼ାନ୍‍କୁ ନି ତାଙ୍ଗିଁକ୍‌ ! ନାନୁ ଉନ୍‍ଣ୍ତ୍ରି ଉପାସ୍‌ ମାଟା ଇଜିନା, ଏସ୍ତିୱାଲେ ରିଏର୍‌ ଇନି ବିସୟ୍‍ତାନ୍‍ ଉନ୍‍ଣ୍ତ୍ରି ନିୟମ୍‌ ମାଟା ଇନାନ୍‌, ଏନ୍‍ ଆୟା ନିୟମ୍‌ ମାଟା ରୁକ୍‍ତେଙ୍ଗ୍‍ଁ ଆଟ୍‍ଏନ୍‍ ବା ଆବେ ଇନିକା ମିସାକିଦେଙ୍ଗ୍‍ଁ ଆଟ୍‍ଏନ୍‍ । 
\v 16 ଅବ୍ରାହାମ ନି ୱାନି କୁଟୁମ୍‍ତି ଲାକ୍‍ତୁ ମାପୁରୁ ୱାନି ପାର୍‍ମାଣ୍‍ କିତାମାର୍ହାନ୍ । ମାତର୍‍ ଇୟା ବିସୟ୍‌ତାନ୍‌ “ମି କୁଟୁମ୍‍ତିୱାରି ଉଣ୍ତିଙ୍ଗ୍‍,” ଅର୍ତାତ୍‍ ନାଣ୍ତ ଲୋକା ଉଣ୍ତିଙ୍ଗ୍‍ ଇଜି ସାସ୍ତ୍ରଦୁ ରାସାଏତ୍‍ । କେବଲ “ମି କୁଟୁମ୍‍ ଉଣ୍ତିଙ୍ଗ୍‍ଁ” ଇଜି ରାସାତାମାନାତ୍‍ । ଆଦେଙ୍ଗ୍‍ଁ ଆୟା ସାସ୍ତ୍ରଦୁ ରାସାତିକା କେବଲ ଅରେନ୍‍ ଲୋକ୍‍, ଅର୍ତାତ୍‍ କ୍ରିସ୍ତଦି ଉଣ୍ତିଙ୍ଗ୍‍ଁ ଟିକ୍‍ । 
\v 17 ନାନୁ ଇନି ଅର୍ତ ଆଜିନାତ୍‍, ମାପୁରୁ ଅବ୍ରାହାମତି ୱାଲେ ଉନ୍‍ଣ୍ତ୍ରି ନିୟମ୍‌ ତିଆର୍‌ କିତାମାର୍ହାର୍‌ ମାରି ଆକା ରକିୟା କିନି ଉଣ୍ତିଙ୍ଗ୍‍ ପାର୍‍ମାଣ୍‍ କିତାମାର୍ହାର୍‌ । ଏମେ ନିୟମ୍‍ ସାରିସ ତିରିସ୍‌ ବାର୍‍ସେକ୍‍ ୱେନ୍‍କା ସିଆୟ୍‍ଆତାତ୍‍, ଆକା ଆୟା ରାଜିମାନାଦିଙ୍ଗ୍‍ ରୁକ୍‍ସି ମାପୁରୁଦି ପାର୍‍ମାଣ୍‍ତିଙ୍ଗ୍‍ ତେବାକିଦେଙ୍ଗ୍‍ ଆଟ୍‍ଏତ୍‍ । 
\v 18 \x + \xo ୩:୧୮ \xo*\xt ରୋମିୟ ୪:୧୪.\xt*\x*ମାପୁରୁଦି ପାର୍‍ମାଣ୍‍ତି ଆସିର୍ବାଦ୍‌ ଜଦି ନିୟମ୍‍ ମାନାନି ମୁସ୍‍କୁ ଆସା ଇଡିନାତ୍‍, ଆର୍‍ତିଙ୍ଗ୍‍ଁ ଆକା ୱାନି ପାର୍‍ମାଣ୍‍ତି ପଲ୍‍ ଇଜି ମାରି ଇନାୟ୍‍ ଆଦେଙ୍ଗ୍‍ଁ ଆଟ୍‍ଏତ୍‍ । ଆଦେଙ୍ଗ୍‍ଁ ମାପୁରୁ କେବଲ ୱାନି ପାର୍‍ମାଣ୍‍ତି ଇସାବ୍‍ତାନ୍‍ ଆୟା ଆସିର୍ବାଦ୍‌ ଅବ୍ରାହାମ୍‍ତିଙ୍ଗ୍‌ ସିତାନ୍‌ ।
\p
\v 19 ଆର୍‍ତିଙ୍ଗ୍‍ଁ ନିୟମ୍‍ ଏନ୍ଦା ସିଆୟ୍‍ ଆତାତ୍‍ ? ଲୋକା ଅସତ୍‍ ପାଣି ୱିଜୁ ତର୍‍ସି ସିନି ଉଦେସ୍‍ ମାର୍ହାତ୍‍ ମାରି ଅବ୍ରାହାମ୍‍ତି ଆମା କୁଟୁମ୍‌ତିଙ୍ଗ୍‍ ସୁଡ଼୍‍ଜି ମାପୁରୁ ଆୟା ପାର୍‍ମାଣ୍‍ କିତାମାର୍ହାନ୍, ଆୟା ଲୋକ୍‌ତି ୱାନି ସାନ୍ଦି ନିୟମ୍‍ତି ଦର୍‍କାର୍‍ ମାର୍ହାତ୍‍ । ଅରେନ୍‍ ଲୋକା ନାଡ଼ିମିଆଜି ମୁସ୍‌କୁପୁର୍‌ତି ଦୁତ୍‍ମାଣାନ୍‍ ନିୟମ୍‍ ସିଆୟ୍‍ ଆତାମାର୍ହାତ୍‍ । 
\v 20 ମାତର୍‍ ପାର୍‍ମାଣ୍‍କିତି ଦାନ୍‍ତି ୱାଲେ କେବଲ ଉନ୍‍ଣ୍ତ୍ରି ତରିନ୍‍ ମାର୍ହାର୍‍ । ୱାନ୍‍ ଆଜିନାନ୍‍ ନିଜେ ମାପୁରୁ ।
\s ନିୟମ୍‍ତି ଉଦେସ୍‍
\p
\v 21 ନିୟମ୍‍ ଇନିକା ମାପୁରୁଦି ପାର୍‍ମାଣ୍‍ତି ବିରୁଦ୍‍ କିନାତ୍‍ ? ସିଲେ, ଏସାଙ୍ଗ୍‍ଁ ସିଲେ ! ଇରିଙ୍ଗ୍‌ ଲୋକାଙ୍ଗ୍‍ଁ ଜିବନ୍‌ ସିନି ନାନି ଉନ୍‍ଣ୍ତ୍ରି ନିୟମ୍‍ କିଆୟ୍‍ ଆତାତ୍‍ମାନ୍ଦି, ଆର୍‍ତିଙ୍ଗ୍‍ଁ ଆକା ମାନାନି ମାଣାନ୍‍ ନେ ଲୋକ୍‍ ମାପୁରୁଦି ଆଗ୍‍ଡ଼ି ଦସ୍‍କିଇକାନ୍‍ ୱାଜା ୱେଙ୍ଗାଁୟ୍‍ ଆଦେଙ୍ଗ୍‍ଁ ଆଟ୍‍ତାତ୍‍ମାନ୍ଦି । 
\v 22 ମାତର୍‍ ଦାର୍ମୁସାସ୍ତ୍ରଦୁ ରାସାତାମାନାତ୍‍, ୱିଜୁ ଲୋକୁ ଜାତି ପାପ୍‍ ସାକ୍ତିଦି ଆଡ୍‍ଗି, ଆଦେଙ୍ଗ୍‍ଁ ଏଣ୍ତେସ୍‌ ଜିସୁ କ୍ରିସ୍ତମାନୁ ବିସ୍‍ବାସ୍‍ତି ପଲ୍‍ ୱାଜା ପାର୍‍ମାଣ୍‍ଆତି ଆସିର୍ବାଦ୍‌ କ୍ରିସ୍ତ ବିସ୍‍ବାସିର୍‍ ପୟ୍‍ନାର୍‍ ।
\p
\v 23 ବିସ୍‍ବାସ୍‍ତି ଜୁଗ୍‍ ୱାନି ଆଗ୍‍ଡ଼ି ମାରି ତରାୟ୍‍ଆନି ସାନ୍ଦି ନିୟମ୍‍ ମା ୱିଜେରିଙ୍ଗ୍‍ଁ ତର୍‍ସି ଇଟ୍‍ତାମାର୍ହାତ୍‍ । 
\v 24 କ୍ରିସ୍ତଦି ୱାନି ସାନ୍ଦି ନିୟମ୍‍ ମାଙ୍ଗିଁ ଆଡିଗିକିଜି ଇଟ୍‌ତାମାର୍ହାତ୍‍; ମାତର୍‍ ତାନିୱେନ୍‍କା, କେବଲ ବିସ୍‍ବାସ୍‍ତାନ୍ ମାପୁ ମାପୁରୁ ଆଗ୍‍ଡ଼ି ଦାର୍ମୁତିକାର୍‍ ଇଜି ୱେଙ୍ଗ୍‍ଁନାପ୍‍ । 
\v 25 ଇଲେଇ ବିସ୍‍ବାସ୍‍ତି ଜୁଗ୍‍ ଇଗା ୱାତାତ୍‍, ମାପୁ ମାରି ନିୟମ୍‍ତି ଆଡ୍‍ଗି ସିଲେପ୍‍ ।
\p
\v 26 ବିସ୍‍ବାସ୍‍ତାନ୍ କ୍ରିସ୍ତ ଜିସୁଦି ୱାଲେ ଜଡ଼ାଜି ମିର୍‍ ୱିଜିଦେର୍‌ ମାପୁରୁଦି କଡ଼ର୍‍ ଆଇଲିକ୍‌ ଆତିମାନିଦେର୍‍ । 
\v 27 ଡୁବନ୍‌ତାନ୍‍ ମିର୍‍ କ୍ରିସ୍ତଦି ୱାଲେ ଉନ୍‍ଣ୍ତ୍ରେ ଆତିମାନିଦେର୍‍ ମାରି ଇଲେଇ ଜିସୁ କ୍ରିସ୍ତଦି ଜିବନ୍‍ରୁପ ଆଙ୍ଗିଁ ଆରାତିମାନିଦେର୍‍ । 
\v 28 ଆଦେଙ୍ଗ୍‍ଁ ଜିହୁଦି ନି ଅଣଜିହୁଦି, କଟିସାକର୍‌ ନି ମୁକ୍‍ଡ଼ାତି ଲୋକୁ, ମେମାରି ବା ଆଇମା ଲୋଇ ମାରି ଇନି ୱେର୍‍ଏ ସିଲେ । ମିର୍‍ ୱିଜେରେ ଜିସୁ କ୍ରିସ୍ତଦି ୱାଲେ ଜଡ଼ାଜି ଉନ୍‍ଣ୍ତ୍ରେମାନୁ ଆତିମାନିଦେର୍‍ । 
\v 29 \x + \xo ୩:୨୯ \xo*\xt ରୋମିୟ ୪:୧୩.\xt*\x*ଜଦି ମିରୁ କ୍ରିସ୍ତଦି ଲୋକୁ ଆର୍‌ତିଙ୍ଗ୍‌ ମିରୁ ଅବ୍ରାହାମତି କୁଟୁମ୍‍ ମାରି ମାପୁରୁ ଆମାକା ପାର୍‍ମାଣ୍‍ କିତାମାନାନ୍‍, ଆକା ଲାବ୍‍ କିନିଦେର୍‍ ।
\c 4
\p
\v 1 ମାତର୍‌ ନାନ୍‌ ୱେର୍‌ସିନା ମାରିସି ବୁବାସିଦି ୱିଜୁ ଦନ୍‍ତି ଅଦିକାରି, ମାତର୍‍ ୱିଜୁ ବିସୟ୍‍ତି ମାଲିକ୍‌ ଆତିଙ୍ଗ୍‍ଁ ବା ପିର୍‍ଇ ବୟସ୍‍ ମାନି ସାନ୍ଦି ୱାନ୍‍ ସାକର୍‌ତି ୱାଜା ତେବାନାନ୍‍ । 
\v 2 କଡ଼ ବେଡ଼ାଦୁ, ୱାନି ବୁବାସିଦି କିତି ସମୟ୍‍ ସାନ୍ଦି ଆଇକାର୍‌ ଜାତୁନ୍‍ ଅନାର୍‍ ମାରି ୱିଜୁ ବିସୟ୍‍ତି ଜାତୁନ୍‍ କିନାର୍‍ । 
\v 3 ଟିକ୍‌ ଆୟାୱାଜା ମାପ୍‍ ବା ଆତ୍ମିକ ଜିବନ୍‍ତୁ ପିର୍‍ନି ଆଗ୍‍ଡ଼ି, ଦୁନିଆ ମୁସ୍‍କୁ ସାସନ୍‍ କିଜିମାନି ସାକ୍ତିଙ୍ଗାଁ ଦାସ୍‍ ମାର୍ହିକା । 
\v 4 ସାରାସାରି ଏସ୍ତିୱାଲେ ଟିକ୍‍ ସମୟ୍‍ ୱାତାତ୍‍, ମାପୁରୁ ୱାନି ନିଜେ ମାରିସିଙ୍ଗ୍‍ଁ ପକ୍‍ତାନ୍‍ । ଅରେତ୍‌ ସାମାନ୍‌ତି ଆଇମା ପଟାଦାନ୍‍ ୱାନ୍‌ ଜନମ୍‍ ଆଜି ଜିହୁଦିଲୋକା ନିୟମ୍‍ତି ଅଦିକାର୍‍ତାନ୍‍ ଜିତାନ୍‌ । 
\v 5 \x + \xo ୪:୫ \xo*\xt ରୋମିୟ ୮:୧୫-୧୭.\xt*\x*ଏଣ୍ତେସ୍‌ ୱାନ୍‌ ସାମାନ୍‌ ଡାବୁଙ୍ଗୁଁ ସିଜି ଆୟା ନିୟମ୍‍ତି ଗାଟିଦାନ୍‍ ଆଇୱାରିଙ୍ଗ୍‌ ମୁକୁଡ଼ା କିନିକା ମାରି ୱାରିଙ୍ଗ୍‍ଁ ମାପୁରୁଦି ମାରିସି ଆନି ସାରି ସିନିକା ୱାନି ଜିବନ୍‍ତି ବଦା ମାର୍ହାତ୍‍ ।
\p
\v 6 ମିର୍‍ ଜେ ମାପୁରୁଦି ମାରିସି, ଇକା ପାର୍‌ମାଣ୍‌ କିଦେଙ୍ଗ୍‍ ଇଜି, ମାପୁରୁ ୱାନି ମାରିସିଦି ପବିତ୍ର ଆତ୍ମାଦିଙ୍ଗ୍‍ଁ ମା ଜିବନ୍‍ତୁ ପକ୍‍ତାମାନାନ୍‍ । ଆୟା ପବିତ୍ର ଆତ୍ମା ଆଉଲିଦାନ୍‍ ଇଜିନାତ୍, “ବୁବା ! ଏ ନା ବୁବା !” 
\v 7 ଆଦେଙ୍ଗ୍‍ଁ ମିର୍‍ ମାରି କଟିସାକର୍‌ ଆଇଦେର୍‍, ମାତର୍‌ ମାରିସି ଆତିମାନିଦେର୍‌ । ମିର୍‍ ୱାନି ମାରିସି ଗାଡ଼ିସି ଆତିମାନିଙ୍ଗ୍‌, ମାପୁରୁ ୱାନି ମାରିନ୍‌ ଗାଡ଼ିସି ଉଣ୍ତିଙ୍ଗ୍‍ଁ ଆମାକା ଇଟ୍‍ଟା ମାନାର୍‍, ଆୟାୱିଜୁ ମିଙ୍ଗିଁ ଦାନ୍‍ କିନାନ୍‍ ।
\s ଗାଲାତିୟ ଲୋକା ଉଣ୍ତିଙ୍ଗ୍‍ ପାଉଲତି ସିନ୍ତା
\p
\v 8 ଆଗ୍‍ଡ଼ି ମିର୍‍ ମାପୁରୁଙ୍ଗ୍‍ଁ ନେସ୍‍ଇମାର୍ହିଦେର୍‍, ଆଦେଙ୍ଗ୍‍ଁ ଏମେକାର୍‍ ସତ୍‍ତାନ୍‍ ମାପୁରୁ ଆଏର୍‍, ଆୟାନାନି ମିଚ୍‍ ଦିୟାମ୍‍କା ଦାସ୍‍ ମାର୍ହିଦେର୍‍ । 
\v 9 ମାତର୍‍ ଇଲେଇ ମିର୍‍ ମାପୁରୁଙ୍ଗ୍‍ଁ ନେସ୍‍ତିମାନିଦେର୍‍, ମାରିବା ନାନୁ ଇନା, ଇଲେଇ ମାପୁରୁ ମିଙ୍ଗିଁ ନେସ୍‍ତାମାନାନ୍‍ । ଆର୍‍ତିଙ୍ଗ୍‍ଁ ଇକା ଏଣ୍ତେସ୍‍ ଆଦେଙ୍ଗ୍‍ଁ ଆଟ୍‍ନାତ୍‍ ଜେ, ମିର୍‍ ମାରିଡ଼େସି ଆୟା ବପୁସିଲି, ଇନିକାସିଲି ଦିୟାମ୍‍କା ଲାକ୍‍ତୁ ଡ଼େସି ସନ୍‍ଡ୍ରେଙ୍ଗ୍‍ଁ ବଦାକିଜିନିଦେର୍‍ ? ମିର୍‍ ଏନ୍ଦା ମାରିଡ଼େସି ଆୟାୱାନିକା ଦାସ୍‍ ଆଦେଙ୍ଗ୍‍ଁ ବଦା କିଜିନିଦେର୍‍ ? 
\v 10 ଦୁକ୍‍ତି ମାଟା, ମିର୍‍ ଏସ ଦିନ୍‍, ଲେଜୁ, କାଡ଼ା ନି ବାର୍ସୁ ଉଣ୍ତିଙ୍ଗ୍‍ଁ ମନ୍‍ଦିୟାନ୍‌ ସିଜିନିଦେର୍‍ । 
\v 11 ନାନୁ ମି ଉଣ୍ତିଙ୍ଗ୍‍ଁ ନାଣ୍ତ ସିନ୍ତା କିଜିନା । ମି ଉଣ୍ତିଙ୍ଗ୍‍ଁ ନା ୱିଜୁ ପାଣି ଇନିକା ବେକାର୍‌ ଆତାମାନାତ୍‍ ?
\p
\v 12 ତଡ଼ାନ୍‍କୁ ନି ତାଙ୍ଗିଁକ୍, ମିଙ୍ଗିଁ ବାତିଙ୍ଗ୍‍ଁମାଲ୍‍ଜିନା, ନା ୱାଜା ଆଦୁ । ନାନୁ ମି ୱାଜା ଆତାମାନା ମାରି ମିର୍‍ ନା ଉଣ୍ତିଙ୍ଗ୍‍ଁ ଇନି ଅନ୍ୟାୟ୍‌ କିଇଦେର୍‍ । 
\v 13 ନାନୁ ଆଗ୍‍ଡ଼ି ଏନ୍ଦା ମି ଲାକ୍‍ତୁ ସୁସମାଚାର୍‌ ପ୍ରଚାର୍‍ କିତାମାର୍ହା, ଆକା ଏତ୍‍ କିଦୁ । ନାସ୍ତିୱାଲେ ନା ମେନ୍ଦଲ୍‌ ନେଗେନ୍‍ ସିଲେତାଆକା ଆୟାୱାଜା କିତାମାର୍ହା । 
\v 14 ମାତର୍‍ ନା ମେନ୍ଦଲ୍‍ତି ଅବସ୍ଥା ମି ତରିନ୍‍ ରିସାଦିୱାଜା ଆତିମାର୍‌ଇରିଙ୍ଗ୍‍ଁ, ନିନ୍‌ ନାଙ୍ଗିଁ ଅମାନ୍ୟ ନି ଡ଼ିସ୍‌ଇତି ମାର୍‍ଇ, ମାତର୍‍ ନାଙ୍ଗିଁ ଉନ୍‍ଣ୍ତ୍ରି ମୁସ୍‍କୁପୁର୍‍ତି ଦୁତ୍‍ ୱାଜା ମାନାତିମାର୍ହିଦେର୍‍ । କ୍ରିସ୍ତ ଜିସୁଙ୍ଗୁଁ ନିନ୍‌ ଏଣ୍ତେସ୍‍ ମାନାତିଦେର୍‍ମାନ୍ଦି, ଆୟାୱାଜା ନାଙ୍ଗିଁ ବା ମାନାତିମାର୍ହିଦେର୍‍ । 
\v 15 ମିର୍‍ ଏସା ୱେଡ଼ିକା ସିଲିତିଦେର୍‍ ! ମାତର୍‍ ଇଲେଇ ଇନିକା ଆତାମାନାତ୍‍ ? ମି ବିସୟ୍‍ତାନ୍‍ ନାନୁ ଇୟା ସାକିୟ୍‌ ଡାଟ୍‍ତାନ୍‍ ଇନ୍‍ଡ୍ରେଙ୍ଗ୍‍ଁ ଆଟ୍‍ନା ଜେ, ଆଦେଙ୍ଗ୍‍ଁ ଆଟ୍‍ତିଙ୍ଗ୍‍ଁ, ମିର୍‍ ନିଜେ ନିଜେଦି କାଣୁକୁ କୁତ୍‍ସି ତାସି ନାଙ୍ଗିଁ ସିଦେଙ୍ଗ୍‌ ଆଟ୍‍ତିଦେର୍‍ମାନ୍ଦି । 
\v 16 ମାତର୍‍ ଇଲେଇ ନାନୁ ସତ୍‍ ଇର୍‌ଆ ମାନାଆକା ଇନିକା ମି ସାତ୍ରୁ ଆତାମାନା ?
\p
\v 17 ଆୟା ଆଇ ଲୋକୁ ମି ନେଗେନ୍‍ କିନି ଉଣ୍ତିଙ୍ଗ୍‍ଁ ନାଣ୍ତ ୱେଡ଼ିକା ତର୍‍ଆୟ୍‍ ଆନାର୍‍ । ମାତର୍‍ ଇବେ ୱାରି ସତ୍‍ ଉଦେସ୍‍ ସିଲେତ୍‍ । ୱାରି ଉନ୍‌ଡ୍ରେମାତର୍‌ ବଦା, ଏଣ୍ତେସ୍‍ ମିର୍‌ ନା ଉଣ୍ତିଙ୍ଗ୍‍ଁ ୱେର୍‍ଏ ଆଜି ୱାରି ଉଣ୍ତିଙ୍ଗ୍‌ ମନ୍‍ ସିନିଦେର୍‍ । 
\v 18 ସତ୍‍ ଉଦେସ୍‍ ଅସି ୱେଡ଼ିକା ଆନିକା ସାଲାକି, କେବଲ ନାନୁ ମି ୱାଲେ ତେବାତିମାର୍‌ଇ ବେଡ଼ାଦୁ ସିଲେ, ମାତର୍‍ ୱିଜୁଦିନ୍ ମିର୍‍ ତେନି ସତ୍‍ତିକା ତର୍‌ନିକା ମାନାତ୍‍ । 
\v 19 ଏ ନା ଲାଡ଼୍‍ତି କଡ଼ର୍‍, ମିଙ୍ଗିଁ କ୍ରିସ୍ତଦି ୱାଜା କିଜି ତିଆର୍‍ କିଦେଙ୍ଗ୍‍ଁ ନାନୁ ମାରିଡ଼େସି ଜନମ୍‍ କିନି ୱିସାମ୍‍ କାସ୍ଟୁ ଏତ୍‌ କିଜିନା । 
\v 20 ନାନୁ ଇଲେଇ ମି ଲାକ୍‍ତୁ ତେବାତାମାନ୍ଦି ଇଜିନା ବଦା, ଆର୍‍ତିଙ୍ଗ୍‍ଁ ଆନାତ୍‍ ମି ବିସୟ୍‍ତାନ୍‍ ନା ଆଇ ରକମ୍‍ତି ସିନ୍ତା ଆତାତ୍‍ମାନ୍ଦି । ସତ୍‍ତାନ୍‍ ମି ଉଣ୍ତିଙ୍ଗ୍‍ଁ ନାନୁ ନାଣ୍ତ ସିନ୍ତାକିଜିନା ।
\s ହାଗାର୍‍ ନି ସାରାଦି କାତା
\p
\v 21 ଏମେକାର୍‍ ନିୟମ୍‍ତି ଆଡ୍‍ଗି ତେବାଦେଙ୍ଗ୍‍ଁ ବଦାକିନାର୍‍, ନାନୁ ୱାରିଙ୍ଗ୍‍ଁ ୱେନ୍‍ବାନା, ନିୟମ୍‍ତୁ ଇନିକା ରାସାତାମାନାତ୍‍, ଆକା ମିର୍‍ ନେସ୍‍ଇଦେର୍‍ ? 
\v 22 ଆବେ ରାସାତିମାନି, ଅବ୍ରାହାମତି ରିଏର୍‌ ମାରିସିର୍‍ ମାର୍ହାର୍‍, ଅରେନ୍‍ କଟିଆଇମାଦି ମାରିସି ମାରି ଆଇକାନ୍‍ ୱାନି ନିଜେଦି ଆଡ଼୍‍ସିଦି ମାରିନ୍‌ । 
\v 23 କଟିଆଇମାଦି ମାରିସି ମାମୁଲିଦାନ୍‍ ଜନମ୍‍ ଆତାମାର୍‌ର୍ହାନ୍‍ । ମାତର୍‍ ୱାନି ନିଜେ ଆଡ଼ିଦି ମାରିନ୍‍ ମାପୁରୁଦି ପାର୍‍ମାଣ୍‍ ଇସାବ୍‍ତାନ୍‍ ଜନମ୍‍ ଆତାମାର୍ହାନ୍‍ । 
\v 24 ତେନିଙ୍ଗ୍‍ଁ ଉନ୍‍ଣ୍ତ୍ରି କାତା ୱାଜା ଆସ୍‍ତେଙ୍ଗ୍‍ଁ ଆନାତ୍‍ । ଇୟା ରୁଣ୍ତି ଆଇମେକ୍‍ ରୁଣ୍ତି ନିୟମ୍‍ତି ୱାଜା । ଆମାତାନି ମାରିସି ଦାସ୍‍ତି ଗାଟିଦାନ୍‍ ଜନମ୍‍ ଆତାମାର୍ହାନ୍‍, ଆୟା ହାଗାର୍‍, ସିନୟ ଗରନ୍‌ତାନ୍‍ ୱାତିମାନି ନିୟମ୍‌ତି ସିନା ୱାଜା । 
\v 25 ଆରବ ଦେସ୍‍ତୁ ମାନି ସିନୟ ଗରନ୍‌ତି ୱାଜା ହାଗାର୍‍ ଇଲେଇତି ଜିରୁସାଲାମ୍‍ ଗାଡ଼୍‍ ୱାଜା । ହାଗାର୍‍ ୱାଜା ଜିରୁସାଲାମ୍‍ ନି ଆବେଣି ଲୋକୁ ଇଲେଇ ଦାସ୍‍ତି ଗାଟିଦୁ ତରାୟ୍‍ ଆତାମାନାର୍‌ । 
\v 26 ମାତର୍‍ ମୁସ୍‍କୁପୁର୍‍ତି ଜିରୁସାଲାମ୍‍ ମୁକୁଡ଼ାତାମାନାତ୍‍ ମାରି ଆକା ମା ୟାୟା, 
\v 27 ଇରିଙ୍ଗ୍‍ଁ ସାସ୍ତ୍ରଦୁ ରାସାତାମାନାତ୍‍,
\q1 “ଏ ବାଞ୍ଜି ଆଇମା, ନିନୁ ୱେଡ଼ିକା ଆଆ !
\q2 ଏସ୍‍କାଙ୍ଗ୍‍ଁ ଜନମ୍‍ କିନି ୱିସାମ୍‍ ନେସ୍‍ଇମାରିଙ୍ଗ୍‍ଁ ବା, ୱେଡ଼ିକା ଆଆ ।
\q1 ଇରିଙ୍ଗ୍‍ଁ କନ୍‍ଲିୱାଲେ ତେବାଜିମାନି ଆଡ଼ି ବାଦ୍‍ଲୁ
\q2 ଅରେତ୍‍ ଡ଼ିସ୍‍ତି ଆଇମାଦି କଡ଼କକ୍ରାରି ସଂକିୟା ନାଣ୍ତ ଆନାର୍‍ ।”
\p
\v 28 ଏ ତଡ଼ାନ୍‍କୁ ନି ତାଙ୍ଗିଁକି, ଇସ୍‍ହାକ୍‍ତି ୱାଜା ଇଲେଇ ମିର୍‌ ମାପୁରୁଦି ପାର୍‍ମାଣ୍‍ କିତି କଡ଼ର୍‍ । 
\v 29 ଅର୍‍ଲେନ୍‍ ନେସ୍‌ନିୱାଜା ଜନମ୍‍ କିତିମାନି ମାରିସି ମାପୁରୁଦି ପବିତ୍ର ଆତ୍ମାଦି ମାଣାନ୍‍ ଜନମ୍‍ ଆତିମାନି ମାରିସିଙ୍ଗ୍‍ଁ କାସ୍ଟୁ ସିତାମାର୍ହାର୍‌ । ଆୟାୱାଜା ଇଲେଇବା କିଜିନିଦେର୍‌ । 
\v 30 ମାତର୍‍ ଇୟା ବିସୟ୍‌ତାନ୍‌ ଦାର୍ମୁସାସ୍ତ୍ର ଇନିକା ଇନାତ୍‍ ? ଆବେ ରାସାତାମାନାତ୍‍, “କଟିଦାସି ନି ତାନି ମାରିସିଙ୍ଗ୍‍ଁ ପେର୍‍ଦୁ, ଇରିଙ୍ଗ୍‍ଁ ନିଜେ ଆଇମାଦି ମାରିସି ୱାଲେ କଟିଦାସିଦି ମାରିସି ବୁବାରି ଦନ୍‍ତୁ ମିସାଦେଙ୍ଗ୍‍ଁ ଆଟ୍‍ଏନ୍‍ ।” 
\v 31 ଆଦେଙ୍ଗ୍‍ଁ ଏ ନା ତଡ଼ାନ୍‍କୁ ତାଙ୍ଗିଁକ୍, ମାଡ୍‍ କଟିଦାସିଦି କଡ଼ର୍‍ ଆଏଟ୍‍, ମାତର୍‌ ପେଡ଼ିଆତି ଆଇମାଦି କଡ଼ର୍‍ ୱାଜା ।
\c 5
\s ମି ମୁକୁଡ଼ାତି ତାନିଙ୍ଗ୍‍ ନେଗେନ୍‍ ଇଡ୍‍ଦୁ
\p
\v 1 ମାଡ୍‍ ମୁକୁଡ଼ାତିମାନିକା । କ୍ରିସ୍ତ ମାଙ୍ଗିଁ ମୁକୁଡ଼ାକିତାମାନାତ୍‍ । ଆଦେଙ୍ଗ୍‍ଁ ମିର୍‍ ମୁକୁଡ଼ାତିମାନୁ ଡାଟ୍‌ ତେବାଦୁ । ମାରିଡ଼େସି ଦାସ୍‍ତି ପୁନ୍ଦିଦୁ ତର୍‍ଆୟ୍‍ଆଦେଙ୍ଗ୍‍ଁ ଇଜି ନିଜେଦିଙ୍ଗ୍‍ଁ ଜାସାୟ୍‍ ଆମାଟ୍‍ ।
\p
\v 2 ନାନୁ ପାଉଲ, ଆମାକା ଇଜିନା ୱେନ୍‍ଣ୍ତ୍ରୁ; ମିର୍‍ ଜଦି ସୁନ୍ନତ ନିୟମ୍‍ ମାନାନିଦେର୍‍, ତାନି ଅର୍ତ ଆନାତ୍‍, ମି ଉଣ୍ତିଙ୍ଗ୍‍ଁ କ୍ରିସ୍ତଦି ଇନି ଲାବ୍‌ ସିଲେତ୍‍ । 
\v 3 ଏମେ ଲୋକ୍‍ ସୁନ୍ନତ ଆନାନ୍‍, ନାନୁ ୱାନିଙ୍ଗ୍‍ଁ ମାରିଉନ୍‍ଣ୍ତ୍ରିଦେବା ଜାଗାର୍‌ତା କିଜିନା ଜେ, ମସାଦି ନିୟମ୍‍ତିଙ୍ଗ୍‍ଁ ପୁରା ମାନାନିକା ୱାନି ପାଣି । 
\v 4 ମି ଲୋଇ ଏମେକାର୍‍ ନିୟମ୍‍ ମାନାନି ମାଣ୍‍କୁ ମାପୁରୁ ଆଗ୍‍ଡ଼ି ଦାର୍ମୁତିକାର୍‍ ଆଦେଙ୍ଗ୍‌ ଇଜି ସେସ୍ଟା କିଜିନାର୍‍, ୱାର୍‍ ନିଜେ ନିଜେଦିଙ୍ଗ୍‍ଁ କ୍ରିସ୍ତମାଣ୍‍କୁ ୱେର୍‍ଏ କିତାମାନାର୍‍, ୱାର୍‍ ମାପୁରୁଦି ଦୟାଦାନ୍‌ ଆକ ଆତାମାନାପ୍‌ । 
\v 5 ମାତର୍‍ ମାପ୍‍ ଆସା କିଜିନାପ୍‍ ଜେ, ମାପୁରୁ ମାଙ୍ଗିଁ ୱାନି ଆଗ୍‍ଡ଼ି ଦସ୍‍ସିଲିକାର୍‍ ୱେକ୍‍ନାନ୍‍; ମା ବିସ୍‍ବାସ୍‍ତି ପଲ୍‍ ୱାଜା, ମା ଲୋଇ ପାଣି କିଜିମାନି ଆଇଆତ୍ମାଦି ସାକ୍ତିଦାନ୍‌ ଇକା ପୁରା ଆନାତ୍‍ ଇଜି କାପ୍‍କିତା ତେବାତାମାନାପ୍‍ । 
\v 6 ଇରିଙ୍ଗ୍‍ଁ କ୍ରିସ୍ତ ଜିସୁଦି ୱାଲେ ମିସାଜି ଜିତିଙ୍ଗ୍‍ଁ, ସୁନ୍ନତ ମାରି ଅସୁନ୍ନତି ଇନି ଅଲଗା ସିଲେତ୍‍ । ଉନ୍‍ଡ୍ରେନେ ଦର୍‍କାର୍‍ ବିସୟ୍‍ ଆଜିନାତ୍‍, ବିସ୍‍ବାସ୍‍ତୁ ଡାଟ୍‍ ତେବାଜି ଜିବନ୍‍ନୋଜି ପାଣି କିନିକା ।
\p
\v 7 ମିର୍‍ ନେଗେନ୍‍ତାନ୍‍ ଆଗ୍‍ଡ଼ି ସଲ୍‍ସିମାର୍ହିଦେର୍‍ । ସତ୍‍ସାରିଦୁ ବୁଲାନିୱାଲେ, ଏନ୍‍ ମିଙ୍ଗିଁ ବାଦା ସିତାନ୍‌ ? ମିଙ୍ଗିଁ ବୁଲ୍‌ ସାରିଦୁ ସନ୍‌ଡ୍ରେଙ୍ଗ୍‌ ୱାନ୍‌ ଏଣ୍ତେସ୍‌ ୱେର୍‌ତାନ୍‌ ? 
\v 8 ମିଙ୍ଗିଁ କୁକ୍‍ତିମାନି ମାପୁରୁଦି ତରିଟାନ୍‍ ଇକା ଆଏତ୍‍ । 
\v 9 \x + \xo ୫:୯ \xo*\xt ୧ କରିନ୍ତିୟ ୫:୬.\xt*\x*ମାଟାଦୁ ମାନାତ୍‍, “ପିଡ଼୍‍ସିତିମାନି ଦୁର୍‍ତିଙ୍ଗ୍‍ଁ ଉଦିସ୍‌ତେଙ୍ଗ୍‍ଁ ଇଜି କାଣ୍ତେକ୍‍ ମାତର୍‍ କମିର୍‌ ଦର୍‍କାର୍‍ ।” 
\v 10 ଆକା ଆମାକାଆପିତ୍‍, ଇୟାସାନ୍ଦି ମି ମୁସ୍‍କୁ ନା ଆସା ମାନାତ୍‍ । ଇୟାଉଣ୍ତିଙ୍ଗ୍‌ ମାଡ୍‌ ୱିଜେରେ ପ୍ରବୁଦି ୱାଲେ ମିସାତାମାନାପ୍‍, ନା ଡାଟ୍‍ ବିସ୍‍ବାସ୍‍, ମିର୍‍ ନା ମାଟାଦିଙ୍ଗ୍‍ଁ ବିରୁଦ୍‍ କିଇଦେର୍‍ । ମାରି ଏମେ ଲୋକ୍‍ ମିଙ୍ଗିଁ ବାୟା କିଜିନାନ୍‍, ୱାନ୍‍ ଆମାକାନ୍‍ ଆପିନ୍ ନେ, ୱାନିଙ୍ଗ୍‍ଁ ମାପୁରୁ ଦଣ୍ତ୍‌ ସିନାନ୍‍ ।
\p
\v 11 ମାତର୍‍ ତଡ଼ାନ୍‍କୁ ନି ତାଙ୍ଗିଁକି, ନାନୁ ଜଦି ନେର୍‍ ସାନ୍ଦି ସୁନ୍ନତ୍‌ଦି ଦର୍‍କାର୍‍ତି ତରିଟାନ୍‍ ପ୍ରଚାର୍‍ କିଜିମାନା, ଆର୍‍ତିଙ୍ଗ୍‍ଁ ନାନୁ ଇଲେଇବା ଏନ୍ଦା ତାଡ଼ନା ପୟ୍‍ଜିନା ? ଜଦି ଆକା ନାନୁ କିଜିମାନା, ଆର୍‍ତିଙ୍ଗ୍‍ଁ ଆୟା ବେଗି ବେଗି କ୍ରିସ୍ତଦି କ୍ରୁସ୍‌କାଟ୍‌ ବିସୟ୍‍ତାନ୍‍ ପ୍ରଚାର୍‌ କିନି ମାଣାନ୍‍ ନା ଇନି ବାଦା ଆଏତାତ୍‍ମାନ୍ଦି । 
\v 12 ନାନୁ ବଦାକିନା, ଇୟା ବିସୟ୍‌ତାନ୍‌ ଏର୍‍ ମିଙ୍ଗିଁ ବାମ୍‍ରେ କିଜିନାର୍‍, ୱାର୍‍ ମାରି ଅଡ଼ପ୍‍ ଆଗ୍‍ଡ଼ି ସଲିର୍‍ । କେବଲ ସୁନ୍ନତ ଆଏନ୍‍ଣ୍ତା ନିଜେଦି ବପୁ ଆରାକିନାର୍‌ ।
\p
\v 13 ଏ ତଡ଼ାନ୍‍କୁ ନି ତାଙ୍ଗିଁକି, ମିର୍‍ ମୁକ୍‍ଡ଼ାଦେଙ୍ଗ୍‍ଁ ଇଜି କୁକାତିମାର୍ହିଦେର୍‍ । ମାତର୍‍ ଜାଗାର୍‍ତା, କେବଲ ମେନ୍ଦଲ୍‍ତିଙ୍ଗ୍‌ ଲାଲାୟ୍‌ ଆନି ଉଣ୍ତିଙ୍ଗ୍‌ ଆୟା ମୁକ୍‍ଡ଼ାତିକା ଏଣ୍ତେସ୍‍ ବାଡିସ୍‌ ୱାଜା ବ୍ୟବହାର୍‍ କିମାଟ୍‌ । ମାତର୍‍ ଜିବନ୍‍ନନି ମାଣାନ୍‍ ସାଲାଜି ମିର୍‍ ନିଜେନିଜେଦି ସେବା କିଦୁ । 
\v 14 ଇରିଙ୍ଗ୍‍ଁ ଉନ୍‍ଣ୍ତ୍ରି ବାକ୍ୟଦୁ ୱିଜୁ ନିୟମ୍‍ତି ଅରତ୍‌ ରାସାତାମାନାତ୍‍, “ମି ଲାକ୍‌ତୁରି ଲୋକାଙ୍ଗ୍‌ ନିଜେଦିଙ୍ଗ୍‍ ଜିବନ୍‌ନୋତିୱାଜା ନୋଦୁ ।” 
\v 15 ମାତର୍‍ ଜଦି ମିର୍‍ ବନ୍‌ତି ପସୁ ୱାଜା ବୁଲାସାଲା ଆଜି ନିଜେନିଜେଦିଙ୍ଗ୍‌ ଡାକ୍‌ସି ମାନିଦେର୍‌ ମାରି ନିଜେନିଜେଦିଙ୍ଗ୍‌ ନାସ୍ଟୁ କିଜିମାନିଦେର୍‍, ଆର୍‍ତିଙ୍ଗ୍‍ଁ ଜାଗାର୍‌ତା ମାନ୍‍ଡ୍ରୁ, ସିଲ୍‍ତିଙ୍ଗ୍‍ ଆନାତ୍‍ ମିର୍‍ ନିଜେନିଜେଦିଙ୍ଗ୍‍ ପୁରା ନାସ୍ଟୁ କିନିଦେର୍‍ ।
\s ପବିତ୍ର ଆତ୍ମା ନି ଲୋକା ଗୁଣ୍‍
\p
\v 16 ନା ୱେର୍‌ନି ମାଟା ଆତାତ୍‍ : ପବିତ୍ର ଆତ୍ମା ମି ଜିବନ୍‍ତିଙ୍ଗ୍‍ଁ ସାଲାକିପିତ୍‍ । ଆର୍‍ତିଙ୍ଗ୍‍ଁ ମିର୍‍ ମାରି ଲୋକା ଗୁଣ୍‍ତି ଆସାଦିଙ୍ଗ୍‍ଁ ନାସ୍ଟୁ କିଇଦେର୍‍ । 
\v 17 \x + \xo ୫:୧୭ \xo*\xt ରୋମିୟ ୭:୧୫-୨୩.\xt*\x*ଲୋକା ଗୁଣ୍‍ ପବିତ୍ରଆତ୍ମାଦି ବଦାଦି ବିରୋଦ୍‌ । ଆୟାୱାଜା ପବିତ୍ରଆତ୍ମାଦି ବଦା, ଲୋକା ଗୁଣ୍‍ତି ବିରୋଦ୍‌ । ଇକାନ୍‌ ନିଜେ ନିଜେଦି ସାତ୍ରୁ । ଆଦେଙ୍ଗ୍‌ ମିର୍‍ ଆମାକା କିଦେଙ୍ଗ୍‍ ବଦା କିନିଦେର୍‍, ଆକା କିଦେଙ୍ଗ୍‍ ଆଟ୍‍ଇଦେର୍‍ । 
\v 18 ଜଦି ପବିତ୍ରଆତ୍ମା ମିଙ୍ଗିଁ ସାଲାକିନାତ୍‍, ଆର୍‍ତିଙ୍ଗ୍‍ଁ ମିର୍‍ ମାରି ନିୟମ୍‍ତି ଆଡିଗି ସିଲେ ।
\p
\v 19 ମେନ୍ଦଲ୍‍ତି ପାଣିୱିଜୁ ନେଗେନ୍‍ତାନ୍‌ ନେସ୍‌ତିମାନିଦେର୍‌ ଦାରିପାଣି, ତାଗ୍‍ଇକା, 
\v 20 ଲାଲାୟ୍‍ ଆନିକା, ବମା ପୁଜା, ଜାଦୁବିଦ୍ୟା ଗୁଣିଆ, ସାତ୍ରୁ, ଜାଟି, ଆକାର୍‍, ରିସା, ନିଜେଦି ସୁଣିକା, ଦଲ୍‍ଆନିକା ଆସା, 
\v 21 ରିସା ନି ସସ୍‍ନିକା ମାରି ରଙ୍ଗ୍‍ରସ୍‍ ୱିଜୁ ରମ୍‍ତି ପାଣି ୱିଜୁ; ନାନୁ ଆଗ୍‍ଡ଼ି ଏଣ୍ତେସ୍‍ ଇର୍ହାମାର୍ହା, ଆୟାୱାଜା ଆଗ୍‍ଡ଼ିରାନ୍‍ ଇଜିନା ଜେ, ଏମେକାର୍‍ ଇୟାୱିଜୁ ରକମ୍‍ତି ପାଣି କିନାର୍‍, ୱାର୍‍ ମାପୁରୁଦି ରାଜିଦି ଅଦିକାରି ଆଦେଙ୍ଗ୍‍ଁ ଆଟ୍‍ଏର୍‍ ।
\p
\v 22 ମାତର୍‍ ଆତ୍ମାଦି ଦାନ୍‌ ଆଜିନାତ୍‌; ଜିବନ୍‍ନୋନିକା, ୱେଡ଼ିକା, ସାନ୍ତି, ସାସ୍‍ଆନିକା, ଦୟା, ନେଗିକା, ବିସ୍‍ବାସ୍‍, 
\v 23 ତିର୍‌ଜିବନ୍‌ ମାରି ଆତ୍ମା ରକିୟା ଇୟାୱିଜୁ ବିରୁଦ୍‍ତାନ୍‍ ଆମାଇନି ନିୟମ୍‍ ସିଲେତ୍‍ । 
\v 24 ଏମେକାର୍‍ କ୍ରିସ୍ତ ଜିସୁଦିକାର୍‌, ୱାର୍‍ ୱିଜୁ ଆସାନି ଆସାଦି ଲୋକା ଗୁଣୁତିଙ୍ଗ୍ କ୍ରୁସଦୁ ଡାକ୍‍ତାମାନାନ୍‍ । 
\v 25 ପବିତ୍ରଆତ୍ମା ମାଙ୍ଗିଁ ଜିବନ୍‌ ସିତାମାନାତ୍‍, ୱାନ୍‌ ମା ଜିବନ୍‍ତିଙ୍ଗ୍‍ ବା ସାଲାକିପିତ୍‍ । 
\v 26 ଆଦେଙ୍ଗ୍‌ ଗର୍ବ କିନିକା ମାରି ଆଇୱାରିଙ୍ଗ୍‌ ରିସା କିନିକା ମାରି ଆମାୱାନିଙ୍ଗ୍‍ ରିସା କିନିକା ମାଙ୍ଗିଁ ନେଗେତ୍‌ ସିଲେତ୍‍ ।
\c 6
\s ନିଜେନିଜେଦି ବଜୁ ପିଣ୍ତ୍‍ଦୁ
\p
\v 1 ଏ ତଡ଼ାନ୍‌କୁ ନି ତାଙ୍ଗିଁକି ! ଜଦି ଅରେନ୍‍ ତାଗ୍‍ଇ ପାଣିଦୁ ଦାରା ପଡ଼ାନାନ୍‍, ମି ଲୋଇ ଏମେକାର୍‍ ପବିତ୍ରଆତ୍ମାଦି ମାଣାନ୍‍ ସାଲାନାନ୍‍, ୱାର୍‍ ୱାନିଙ୍ଗ୍‍ ବୁଜାକିନିକା ମାନାତ୍‍, ମାତର୍‍ ମିର୍‍ ଇୟା ପାଣି ନେଗେନ୍‌ତାନ୍‌, ସାନ୍ତିଦାନ୍‍ କିନିକା ମାନାତ୍‍ । ମାରି ଜାଗାର୍‍ତା, ନିଜେ ଏଣ୍ତେସ୍‍ ଆୟାୱାଜା ପାଣି କିଦେଙ୍ଗ୍‍ ଲାଲାୟ୍‍ ଆମାଟ୍‍ । 
\v 2 ନିଜେନିଜେଦି ବଜୁ ପିଣ୍ତ୍‍ଦେଙ୍ଗ୍‍ ଇଜି ସାହାଜ୍ୟ କିଦୁ । ଇକା କିନି ମାଣାନ୍‍ ମିର୍‍ କ୍ରିସ୍ତଦି ମାଟା ମାନାନିଦେର୍‍ । 
\v 3 ନେସ୍‍ଏଜି ବା ଜେ ନିଜେଦିଙ୍ଗ୍‍ ନେସ୍‍ତାମାନା ଇଜି ଅଡ଼୍‍ବିତିଙ୍ଗ୍‍, ୱାନ୍‍ ନିଜେଦିଙ୍ଗ୍‍ କେବଲ ଟକେ କିଜିନାନ୍‍ । 
\v 4 ୱିଜେରେ ନିଜେ ନିଜେଦି ସାଲାବୁଲାନିକା ବିଚାର୍‍ କିଜି ସୁଣି ଦର୍‍କାର୍‍ । ଜଦି ଆକା ନେଗିକାଆନାତ୍‍, ଆୟାଉଣ୍ତିଙ୍ଗ୍‌ ୱାନ୍‍ ନିଜେଦିଙ୍ଗ୍ ଜିଣାତିକାନ୍‍ ଇଜି ଅଡ଼୍‍ବିତାମାନା ମାରି ଆଇୱାନି ପାଣିଦି ୱାଲେ ନିଜେଦି ଜିଣାନିତାନିଙ୍ଗ୍‍ ତୁସ୍‍ସି ୱାନ୍‍ ଗର୍ବ କିମାକିନ୍‌ । 
\v 5 ଇରିଙ୍ଗ୍‌ ୱିଜେରିଙ୍ଗ୍‍ ନିଜେ ନିଜେଦି ବଜୁ ପିଣ୍ତ୍‍ଦେଙ୍ଗ୍‍ ପଡ଼ାନାତ୍‍ ।
\p
\v 6 କ୍ରିସ୍ତଦି ସୁସମାଚାର ଅଜାନି ୱାଲେ ସିକିୟାସିନି ଗୁରୁଙ୍ଗ୍ ନିଜେ ପୟ୍‍ଜି ମାନି ୱିଜୁ ନେଗି ବିସୟ୍‍ତି ମିସାକିନିକା ମାନାତ୍‍ ।
\p
\v 7 ମାପୁରୁ ଟକେ ଆଏନ୍‍ : ଆକା କିଦେଙ୍ଗ୍ ସଲ୍‍ସି ମିରୁ ନିଜେ ଟକେ ଆମାଟ୍‍ । ଲୋକୁ ଆମାକା ୱିତ୍‍ନାର୍‌, ଆକାନେ କୟ୍‍ନାର୍‍ । 
\v 8 ଏନ୍‍ ଦୁନିଆ ଇସାବ୍‍ତାନ୍‍ ଆସାଦି କିଡ଼ିଇଦୁ ୱିତୁ ୱିତ୍‍ନାନ୍‍, ୱାନ୍‍ ସାନି ରୁପ୍‍ତି ପାସି ଉଣ୍ତା କିନାନ୍‍ । ଜଦି ୱାନ୍‍ ପବିତ୍ର ଆତ୍ମାଦି କିଡ଼ିଇଦୁ ୱିତ୍‍ନାନ୍‍, ଆର୍‍ତିଙ୍ଗ୍‍ଁ ଏସ୍‌କାଙ୍ଗ୍‌ୱିଜିଇ ଜିବନ୍‍ତି ପାସି ଉଣ୍ତା କିନାନ୍‍ । 
\v 9 ଆଦେଙ୍ଗ୍‌ ସତ୍‍ପାଣି କିଦେଙ୍ଗ୍‍ ମାଡ୍‍ ୱାଦ୍‌ନି ନେଗେତ୍‌ ସିଲେ । ଇରିଙ୍ଗ୍‌ ଆବେଟାନ୍‍ ୱାନ୍ଦ୍‍ଏତିଙ୍ଗ୍‍, ଟିକ୍‍ ସମୟ୍‍ତୁ ମାଡ୍‍ ପାସି ଉଣ୍ତାକିଦେଙ୍ଗ୍‌ ଆଟ୍‍ନିକା । 
\v 10 ଆଦେଙ୍ଗ୍‌ ଏସ ଦେବେଙ୍ଗ୍‍ ସାରି ପୁଟ୍‍ନାତ୍‍, ୱିଜୁଦିନ୍ ୱିଜେରି, ବିସେସ୍‍କିଜି ଏମେକାର୍‍ ମା ବିସ୍‍ବାସି ପରିବାର୍‌ତୁ, ୱାରି ନେଗିକା କିନିକା ମା ପାଣି ।
\s ସାରାସାରି ଜାଗାର୍‍ତା ମାଟା ନି ମାଡ଼ିସ୍‍କିନିକା
\p
\v 11 ସୁଡ଼୍‍ଦୁ, ଏସ ପେରି ପେରି ଅଇକର୍‍ତାନ୍‍ ନିଜେଦି କିୟୁଦାନ୍‌ ନାନ୍‍ ମିଙ୍ଗିଁ ଇକା ରାସ୍‍ସିନା । 
\v 12 ଏମେକାର୍‍ ଆତ୍‍ରେଦି ବିସୟ୍‍ତିଙ୍ଗ୍‍ ତର୍‍ଆଇ ଆନାର୍‍ ମାରି ପେରିକାର୍‍ ତର୍‍ନାର୍‍, ୱାର୍‍ ନେ ମିଙ୍ଗିଁ ସୁନ୍ନତ ଆଦେଙ୍ଗ୍‌ ଜାସେ କିଜିନାର୍‍ । କ୍ରିସ୍ତଦି କ୍ରୁସ ଉଣ୍ତିଙ୍ଗ୍‍ ତାଡ଼ନା ବଗ୍‌ କିଇ ଇସାବ୍‍ତାନ୍‍ ୱାର୍‍ ଇକା କିଜିନାର୍‍, 
\v 13 ଏମେକାର୍‍ ସୁନ୍ନତ ନିୟମ୍‍ ମାନାନାର୍‍, ୱାର୍‍ ବା ମସାଦି ନିୟମ୍‍ ମାନାଏର୍‍ । ମିର୍‍ ସୁନ୍ନତ ଆଦୁ ଇଜି ୱାର୍‍ ବଦାକିଜିନାର୍‍ । ଇକା ମେନ୍ଦଲ୍‍ତି ନିୟମ୍‍ ମାନାଦେଙ୍ଗ୍‍ଁ ଇଜି ମିଙ୍ଗିଁ ଟକେ କିଦେଙ୍ଗ୍‍ ଆଟ୍‍ତିଙ୍ଗ୍‍, ୱାର୍‍ ଗର୍ବ କିନାର୍‍ । 
\v 14 ମାତର୍‍ ନାନୁ କେବଲ ମା ପ୍ରବୁ ଜିସୁ କ୍ରିସ୍ତଦି କ୍ରୁସ ବିସୟ୍‍ତାନ୍‍ ଗର୍ବ କିଜିନା; ଇରିଙ୍ଗ୍‌ ୱାନି କ୍ରୁସ ଉଣ୍ତିଙ୍ଗ୍‍ ଦୁନିଆ ନା ଉଣ୍ତିଙ୍ଗ୍‍ ସାତାମାନାତ୍‍ ମାରି ନାନୁ ଦୁନିଆ ଉଣ୍ତିଙ୍ଗ୍‍ ସାତାମାନା । 
\v 15 ଏନ୍‍ ସୁନ୍ନତ ମାରି ଅସୁନ୍ନତ, ଆବେନୁ ଇନିକା ସଲ୍‍ଏତ୍‍ ରେଏତ୍‍, ପୁନି ଜନମ୍‍ ନେ ସତ୍‍ ବିସୟ୍‍ । 
\v 16 ଏମେକାର୍‍ ନିଜେଦି ଜିବନ୍‍ତୁ ଇୟା ନିତି ମାନାନାର୍‍, ୱାର୍‍ ୱିଜେରେ ମାରି ମାପୁରୁଦି ଇସ୍ରାଏଲ୍‌ତି ଲୋକୁ ୱିଜେରେ ଜିବନ୍‍ତୁ ସାନ୍ତି ପୟ୍‍ନାର୍‍ ମାରି ଦୟା ଏତ୍‌ କିପିର୍‌ ।
\p
\v 17 ସାରାସାରି, ନା ନିସନେ ୱେର୍‌ନି ମାଟା, ନାଙ୍ଗିଁ ମାରି ଏନ୍‍ ଦୁକୁ ସିମାକିନ୍‍ । ଇରିଙ୍ଗ୍‌ ନା ମେନ୍ଦଲ୍‌ତୁ ଏମେ ୱିଜୁ ଗାଉ ସିନା ମାନାତ୍‍, ଆବେଣାନ୍‍ ତରାଜିନାତ୍‍ ଜେ, ନାନୁ ଜିସୁଦି ଦାସ୍‍ ।
\p
\v 18 ଏ ତଡ଼ାନ୍‍କୁ ନି ତାଙ୍ଗିଁକି ! ମା ପ୍ରବୁ ଜିସୁ କ୍ରିସ୍ତଦି ଦୟା ମି ଆତ୍ମାଦୁ ୱିଜେରି ଲାକ୍‍ତୁ ମାନିତ୍‍ । ଆମେନ୍‍ ।