\id EPH - Kopo
\ide UTF-8
\h ଏପିସିୟ
\toc3 ଏପିସିୟ
\toc2 ଏପିସିୟ
\toc1 ଏପିସିୟ ଲୋକା ଲାକ୍‍ତୁ ପାଉଲ୍‍ତି ଆକୁ
\mt2 ଏଫିସୀୟମାନଙ୍କ ନିକଟକୁ ପାଉଲଙ୍କ ପତ୍ର
\mt1 ଏପିସିୟ ଲୋକା ଲାକ୍‍ତୁ ପାଉଲ୍‍ତି ଆକୁ
\imt1 ଏପିସିୟ ଆକୁ ବିସୟ୍‍ତାନ୍‍ ଏସ ମାଟା
\ip ଏପିସି ମଣ୍ତଲି ଲାକ୍‍ତୁ ପାଉଲତି ଆକୁ ପାଉଲତି ମାଣାନ୍‍ ଆନାତ୍‍ ୬୦ ବାର୍ସୁ ଲୋଇ କଲସିୟ ମଣ୍ତଲି ଲାକ୍‍ତୁ ରାସ୍‍ନି ୱେଡ଼ାଦୁ ରାସାତାମାର୍ହାତ୍‍ । ରାସ୍‍ନିକାନ୍‍ ୱାନ୍‍ ନିଜେ ପେରିତ ପାଉଲ ଇଜି ୱେର୍‍ସିନାନ୍‍ \xt ୧:୧\xt* । ଜଦିବା କଲସିୟ ଆକୁଦୁ ନିଜେଦି ମାଡ଼ିସ୍‍କିନିକା ସିଲିତିଙ୍ଗ୍‍ଁବା ଗାଦି ପଣ୍ତିତ୍‍କୁ ଏପିସି ଆକୁ ପାଉଲ ରାସ୍‍ତାମାନାନ୍‍ ଇଜି ଇନାର୍‍ । ଇୟାଉଣ୍ତିଙ୍ଗ୍‍ଁ ଆନାତ୍‍ ୱିଜୁ ମଣ୍ତଲିଦିଙ୍ଗ୍‍ଁ ଆକୁ ବାଟାକିନି ଉଦେସ୍‍ ଇଡ୍‍ଜି ରାସାନାମାନାତ୍‍ । ପାଉଲ ଇକାବା ୱେର୍‍ନାନ୍‍ ଜେ ୱାନ୍‍ ଇୟା ଆକୁ ରାସ୍‍ନି ବେଡ଼ାଦୁ ୱାନ୍‍ ଜଇଲ୍‍ତୁ ମାର୍ହାନ୍‍ \xt ୩:୧\xt*, \xt ୪:୧\xt*, \xt ୬:୨୦\xt* । ପାଉଲ ତୁକିକଦିଙ୍ଗ୍‍ ଏପିସି ମଣ୍ତଲିଦୁ ପୋକ୍‍ସି ୱାନି କିୟୁଦୁ ଇୟା ଆକୁ ପକ୍‍ତାମାର୍ହାନ୍‍ \xt ୬:୨୧-୨୨ \xt* ।
\ip ଏପିସି ଏସିଆ ରାଜିଦି ଉଣ୍ତ୍ରି ପେରି ଗାଡ଼୍‍ ନି ରାଜଧାନି ମାର୍ହାତ୍‍ । ଏପିସି ଗ୍ରିକ୍‌ ଦିୟାମ୍‍ ଆର୍ତେମିଦି ପୁଜା ନି ତେନି ମନ୍ଦିର୍‍ତି ଉଣ୍ତିଙ୍ଗ୍‍ ୱେଙ୍ଗିଁତା ମାର୍ହାନ୍‍ \xt ପ୍ରେରିତ ୯:୨୩-୩୧\xt* । ଏପିସି ମଣ୍ତଲି ପାର୍‍ତୁମ୍‍ ଡାଟ୍‍ ମାର୍ହାତ୍‍ ମାତର୍‍ ୱେନ୍‍କା ଦିରେ ଦିରେ ଉଣା ଆତାତ୍‍ \xt ପ୍ରକାଶିତ ୨:୧-୭\xt* ।
\ip ପାଉଲ ୱାନି ରାସ୍‍ନି ଆଦା ବାଗ୍‍ତୁ ମାପୁରୁ ଏଣ୍ତେସ୍‍ ୱାନି ଲୋକାଙ୍ଗ୍‍ ଆସ୍‌କିତାନ୍‍ ମାରି ଏଣ୍ତେସ୍‍ ଜିସୁଦି ମାଣାନ୍‌ ପାପ୍‍ତାନ୍‍ ରକିୟା କିତାନ୍‍ଆକା ବୁଜାକିନା ସିନାନ୍‍ । ପାଉଲ ମଣ୍ତଲିଦିଙ୍ଗ୍‌ ମେନ୍ଦଲ୍‌ତି ୱାଲେ ତୁସ୍‍ସି କ୍ରିସ୍ତ ଇୟାୱାନି ତାଲା ମାରି କନାଦି ପେରି କାଲୁ ଆନାନ୍‌ ଆମାତାନି ୱାଲେ ମିସାଜି ଅର୍‌ସେ ପିର୍‌ଜିନାତ୍‌ । ପାଉଲଦି ବଇଦି ଆଦା ବିସୟ୍‌ତୁ କ୍ରିସ୍ଟାନ୍‌ ଜିବନ୍‌ତି ବିସୟ୍‌ତାନ୍‌ ମାଟା ୱେର୍‌ନାନ୍‌ ।
\iot ଇୟା ବଇଦୁ ମାନି ଏସ ମୁକିୟ ବିସୟ୍‌
\io1 ୧. ପାଉଲତି ମାଡ଼ିସ୍‌କିନିକା ମାରି ନିଜେଦି ବିସୟ୍‌ ୱେର୍‌ନିକା । \ior ୧:୧-୨\ior*
\io1 ୨. କ୍ରିସ୍ତଦି ୱାଲେ ମଣ୍ତଲିଦି ମିସାନିକା । \ior ୧:୩–୩:୧-୨୧\ior*
\io1 ୩. କ୍ରିସ୍ଟିଆନ୍‌ ଜିବନ୍‌ କାଟେକିନି ସାରି । \ior ୪:୧–୬:୨୦\ior*
\io1 ୪. ପାଉଲଦି ସାରାସାରି ମାଡ଼ିସ୍‌ କିନିକା । \ior ୬:୨୧-୨୪\ior*
\c 1
\p
\v 1 \x + \xo ୧:୧ \xo*\xt ପ୍ରେରିତ ୧୮:୧୯-୨୧; ୧୯:୧.\xt*\x*ମାପୁରୁଦି ବଦାଦାନ୍ କ୍ରିସ୍ତ ଜିସୁଦି ଅରେନ୍‍ ପ୍ରେରିତ ସିସୁ ବାସେଆତି ମାନି ପାଉଲ
\p ଜିସୁ କ୍ରିସ୍ତଦି ୱାଲେ ମିସାଜି ବିସ୍‍ବାସ୍‍ତାନ୍ ଜିଜିମାନି ଏପିସିୟଦି ମାପୁରୁଦି ବିସ୍‌ବାସିଲୋକା ଲାକ୍‍ତୁ ରାସ୍‍ତିମାନି ଇୟା ଆକୁ
\p
\v 2 ମା ବୁବା ମାପୁରୁ ମାରି ପ୍ରବୁ ଜିସୁ କ୍ରିସ୍ତ ମିଙ୍ଗିଁ ଦୟା ନି ସାନ୍ତି ସିପିନ୍‍ ।
\s କ୍ରିସ୍ତମାନୁ ଆତ୍ମିକ ଆର୍ସିବାଦ୍‌
\p
\v 3 ରାଦୁ ଦନ୍ୟବାଦ୍‍ ସିନାଟ୍‍ ମା ପ୍ରବୁ ଜିସୁ କ୍ରିସ୍ତଦି ବୁବା ମାପୁରୁ । ଇରିଙ୍ଗ୍‌ ୱାନ୍‌ ମାଙ୍ଗିଁ କ୍ରିସ୍ତଦି ୱାଲେ ମିସାକିଜି ମୁସ୍‌କୁପୁର୍‌ତି ମେନ୍ଧଲ୍‍ତି ୱିଜୁ ଆତ୍ମିକ ଆର୍ସିବାଦ୍‌ ସିତିମାନି । 
\v 4 କ୍ରିସ୍ତଦିମାନୁ ମିସାଜି ମାଡୁ ଏଣ୍ତେସ୍‌ ମାପୁରୁଦି ଲୋକୁ ଆନିକା ଆୟାଉଣ୍ତିଙ୍ଗ୍‌ ୱାନ୍‌ ମାଙ୍ଗିଁ ପୃତିବି ତିଆର୍‍ ଆନି ଆଗ୍‍ଡ଼ିରାନ୍‍ ବାସେକିତାମାନାନ୍‍ । ମାରି ୱାନି ଜିବନ୍‌ନୋନିକା ମାଡୁ ୱାନି ଆଗ୍‌ଡ଼ି ପବିତ୍ର ନି ଦସ୍‍ସିଲିକାର୍‍ ଆନିକା । 
\v 5 ଜିସୁ କ୍ରିସ୍ତଦି ମାଣାନ୍‌ ୱାନ୍‌ ମାଙ୍ଗିଁ ୱାନି କଡ଼ର୍‍ ନି ଆଇଲିକ୍‌ ୱାଜା ପସା କିଦେଙ୍ଗ୍‌ ଇଜି ତିଆର୍‌ କିତାମାର୍ହାନ୍; ଇକାନେ ମାର୍ହାତ୍‌ ୱାନି ୱେଡ଼ିକା ନି ବଦା । 
\v 6 ମାପୁରୁଦି ଗୌରବ୍‌ ଦୟା ଉଣ୍ତିଙ୍ଗ୍‍ଁ ମାରି ୱାନି ଲାଡ୍‍ତି ମାରିନ୍‍ତିଙ୍ଗ୍‍ଁ ଆର୍‍ଏନେ ଦାନ୍‍ ୱାଜା ପୟ୍‍ତିମାନିଙ୍ଗ୍‍ଁ ସିଲେ, ମାପ୍‌ ମାପୁରୁଦି ଦନ୍ୟବାଦ କିଜିନାପ୍‍ । 
\v 7 \x + \xo ୧:୭ \xo*\xt କଲସିୟ ୧:୧୪.\xt*\x*କ୍ରିସ୍ତଦି ସାତି ମାଣାନ୍‌ ମାଡ୍‌ ରକିୟା ପୟ୍‍ତିମାନିକା, ଅର୍ତାତ୍‍ ମା ୱିଜୁ ପାପ୍‍ କେମା ଆତାମାନାତ୍‌ । ମାପୁରୁଦି ଦୟା ଏସା ପେରିକା, 
\v 8 ଆୟା ଦୟା ୱିଜୁଜାତିଦି ବୁଦି ମାରି ଜ୍ଞାନ୍‌ ୱାନ୍‌ ମାଙ୍ଗିଁ ନାଣ୍ତଦାନ୍‌ ସିତାମାନାନ୍‌ ! 
\v 9 ମାପୁରୁ ୱାନି ପେରି ବୁଦି ନି ଲୋଇ ସୁଣି ମାଣାନ୍‌ ଆମାକା ବଦାକିତା ମାର୍ହାର୍‍, ଆକା ପୁରା କିତାମାନାନ୍‌ ମାରି ତାନିଙ୍ଗ୍‍ କ୍ରିସ୍ତଦି ସାକାଦାନ୍‍ ପୁରା କିଦେଙ୍ଗ୍‌ ଇଜି ୱାନ୍‌ ଏମେ ମାର୍‍ଗିତି ସିନ୍ତା କିତାମାର୍ହାନ୍, ଆକା ମା ଲାକ୍‌ତୁ ୱେକ୍‍ତା ମାନାନ୍‌ । 
\v 10 ଆୟା ସିନ୍ତାଦି ଇସାବ୍‍ତାନ୍‍ ମୁସ୍‌କୁପୁର୍‌ ନି ଦୁନିଆଦି ୱିଜୁ ତିଆର୍‌ ଆତି ବିସୟ୍‍ ଉନ୍‍ଡ୍ରେ ଆନେ ମାରି କ୍ରିସ୍ତ ଆୟାୱିଜୁଦି ତାଲା ୱାଜା ତେବାନାନ୍‍ । ଇୟା ସିନ୍ତା ମାପୁରୁ ଟିକ୍‍ ୱେଡ଼ାଦୁ ପୁରା କିନାନ୍‍ ।
\p
\v 11 ୱିଜୁ ବିସୟ୍‍ ମାପୁରୁଦି ଜୋଜନା ନି ରାଜିଆନି ଇସାବ୍‍ତାନ୍‍ ଆନାତ୍‍; ଆଗ୍‍ଡ଼ିରାନ୍‍ କିତିମାର୍ହି ନିଜେଦି ଉଦେସ୍‍ କିଦେଙ୍ଗ୍‌ ଇଜି, କ୍ରିସ୍ତଦି ମାଣାନ୍‌ ୱାନି ନିଜେ ଲୋକୁ ଆଦେଙ୍ଗ୍‌ ଇଜି ମାପୁରୁ ମାଙ୍ଗିଁ ଆସ୍‌କିତାମାନାନ୍‌ । 
\v 12 ରାଦୁ, ଏମେକାର୍‌ ୱିଜେରି ଆଗ୍‍ଡ଼ି କ୍ରିସ୍ତମାନୁ ଆସା ଇଟ୍‍ତାମାର୍‌ପା, ୱିଜେରେ ମାପୁରୁଦି ମହିମା କିନିକା ।
\p
\v 13 ମିର୍‌ ବା ଏସ୍ତିୱାଲେ ରକିୟା ପୁଟ୍‍ନି ଇୟା ସୁସମାଚାର୍‍ତି ସତ୍‍ ମାଟା ୱେର୍‍ଇଦେର୍‍, ଆୟା ୱେଡ଼ାଦାନ୍‍ ମାପୁରୁଦି ଆତିମାନିଦେର୍‍ । ମିର୍‌ କ୍ରିସ୍ତଙ୍ଗ୍‍ଁ ବିସ୍‍ବାସ୍‍ କିତିମାନିଙ୍ଗ୍‍, ମାପୁରୁ ୱାନି ପାର୍‍ମାଣ୍‍ ଇସାବ୍‍ତାନ୍‍ ପବିତ୍ର ଆତ୍ମାଦିଙ୍ଗ୍‌ ସିଜି ମି ମୁସ୍‌କୁ ୱାନି ଅଦିକାର୍‍ତି ଟାପ୍‍ଡ଼େଇତା ମାନାନ୍‌ । 
\v 14 ମାପୁରୁ ୱାନି ଲୋକାଙ୍ଗ୍‍ଁ ଏମେ ୱିଜୁ ବିସୟ୍‍ ସିଦେଙ୍ଗ୍‍ ଇଜି ପାର୍‍ମାଣ୍‍ କିତାମାନାନ୍‌, ଆୟାୱିଜୁ ଜେ ମାଡ୍‌ ପୟ୍‍ନିକା, ପବିତ୍ର ଆତ୍ମା ତାନି ସତ୍‌ ୱାଜା । ମାପୁରୁ ୱାନି ଲୋକାଙ୍ଗ୍‍ ମୁକ୍‍ଡ଼ାନି ପୁରାଆନିକା ସିନାନ୍‍, ଇୟା ସତ୍‍ ନେସ୍‍ସି, ରାଦୁ ମାପୁରୁଦି ଦନ୍ୟବାଦ କିନାଟ୍‍ ।
\s ପାଉଲ୍‍ତି ପାର୍‍ତନା
\p
\v 15 ଇୟାଉଣ୍ତିଙ୍ଗ୍‌ ପ୍ରବୁ ଜିସୁମାନୁ ମି ବିସ୍‍ବାସ୍‍ ନି ମାପୁରୁ ଲୋକା ଉଣ୍ତିଙ୍ଗ୍‌ ମି ଜିବନ୍‍ନୋନିକା ମାନାତ୍‌, 
\v 16 ଇୟାୱିଜୁ କାବୁର୍‌ ୱେନ୍‌ଜି ମି ଉଣ୍ତିଙ୍ଗ୍‌ ମାପୁରୁଙ୍ଗୁଁ ଦନ୍ୟବାଦ ସିଜି ୱାଜିନା, ନାନୁ ବା ନା ପାର୍‍ତନାଦୁ ମିଙ୍ଗିଁ ୱିଜୁଦିନ୍‍ ଏତ୍‌କିଜି ୱାଜିନା । 
\v 17 ନାନୁ ନା ଗୌରବ୍‍ତି ବୁବା, ମା ପ୍ରବୁ ଜିସୁ କ୍ରିସ୍ତଦି ମାପୁରୁଙ୍ଗୁଁ ପାର୍‍ତନା କିନା, ଏଣ୍ତେସ୍‌ ୱାନ୍‌ ମିଙ୍ଗିଁ ପବିତ୍ର ଆତ୍ମା ସିନାନ୍‍, ଆୟା ଆତ୍ମା ମିଙ୍ଗିଁ ବୁଦି ସିନାତ୍‍ ମାରି ମାପୁରୁଙ୍ଗୁଁ ମି ଲାକ୍‍ତୁ ତର୍‍ନାତ୍‍ । ଆତିଙ୍ଗ୍‌, ମିର୍‌ ୱାନିଙ୍ଗ୍‌ ନେସ୍‍ତେଙ୍ଗ୍‍ ଆଟ୍‍ନିଦେର୍‍ । 
\v 18 ନାନୁ ବାତିଙ୍ଗ୍‍ ମାଲ୍‍ନା, ଏଣ୍ତେସ୍‌ ୱାନି ଜାୟ୍‍ ସୁଡ଼ୁଦେଙ୍ଗ୍‌ ଇଜି ମି ଲୋଇରି କାଣ୍‌ଗା ରେଆନାତ୍‍ । ଆବେଣାନ୍‍ ଏମେ ଆସା ଉଣ୍ତିଙ୍ଗ୍‌ ମିର୍‌ ୱାନି ମାଣାନ୍‌ କୁକାୟ୍‍ଆତିମାନିଦେର୍‍, ଆକା ନେସ୍‌ନିଦେର୍‌ । 
\v 19 ୱାନି ଲୋକା ଉଣ୍ତିଙ୍ଗ୍‌ ୱାନି ପାର୍‍ମାଣ୍‍ତିକା କାବାଆନି ଆର୍ସିବାଦ୍‌ ୱିଜୁ ଜେ ଏସା ନାଣ୍ତ, ମାରି ମା ନାନି ବିସ୍‍ବାସି ଲୋକା ଲୋଇ ୱାନି ସାଲାନି ସାକ୍ତି ଜେ ଏସା ପେରିକା, ଆକା ମିର୍‌ ନେସ୍‍ତେଙ୍ଗ୍‍ ଆଟ୍‍ନିଦେର୍‍ । 
\v 20 ଇଲେଇ, ମା ଲୋଇ ପାଣିକିଜି ମାନି ଆୟା ସାକ୍ତି ଦାନ୍‍ ନେ ମାପୁରୁ କ୍ରିସ୍ତଙ୍ଗ୍‍ଁ ସାତି ମାଣାନ୍‌ ନିକ୍‍ସି ୱାନି ମୁସ୍‌କୁପୁର୍‌ତି ନିଜେଦି ଉଣେରି ତରିନ୍‌ ବାସିସ୍‍ କିତାମାନାନ୍‌ । 
\v 21 କ୍ରିସ୍ତ ୱିଜୁ ମୁସ୍‌କୁପୁର୍‌ତି ସାସନ୍‍ କିନିକାନ୍‍, କିଦେଙ୍ଗ୍‍ ଆଟ୍‍ନି ଅଦିକାରି, ସାକ୍ତିଦିକାନ୍‍ ମାରି ନେତାରି ମୁସ୍‌କୁ ସାସନ୍‍ କିନାନ୍‍, ଇୟା ଜୁଗ୍‌ କି ୱାନି ଜୁଗ୍‌ଦି ଅଦିକାରିସିନା ୱିଜୁ ଅଦିକାର୍‌ ବାଦ୍‍ଲୁ ୱାନି ଅଦିକାର୍‌ ନାଣ୍ତ ପେରିକା । 
\v 22 \x + \xo ୧:୨୨ \xo*\xt କଲସିୟ ୧:୧୮.\xt*\x*ମାପୁରୁ ୱିଜୁ ବିସୟ କ୍ରିସ୍ତଦି ପାଦାମ୍‍ ଆଡ୍‍ଗି ଇଟ୍‌ତାମାନାନ୍‌ ମାରି ୱିଜୁ ବିସୟ ମୁସ୍‌କୁ ୱାନିଙ୍ଗ୍‍ଁ ୱିଜେରିଙ୍ଗ୍‌ ପେରି ପ୍ରବୁ ୱାଜା ମଣ୍ତଲିଦିଙ୍ଗ୍‍ଁ ସିତାମାନାନ୍‌ । 
\v 23 ମଣ୍ତଲି କ୍ରିସ୍ତଦି ମେନ୍ଧଲ୍‍; ମଣ୍ତଲି ଦାନ୍‍ କ୍ରିସ୍ତଦି ପାଣିଦି ପୁରାଆନି ପାଣି ଆନାତ୍‌; ମାରି କ୍ରିସ୍ତ ୱିଜୁ ବିସୟ ପୁରା କିନାନ୍‍ ।
\c 2
\s ସାନିମାଣୁକୁ ଜିବନ୍‌ ପୋଇନିକା
\p
\v 1 \x + \xo ୨:୧ \xo*\xt କଲସିୟ ୨:୧୩.\xt*\x*ମି ମାନାଇକା ମାରି ପାପ୍‌ ଉଣ୍ତିଙ୍ଗ୍‌ ସର୍‌ଇଦିନ୍‌ତୁ ନେସ୍‌ନିୱାଜା ସାତି ମାର୍‌ଇଦେର୍‌ । 
\v 2 ଆୟା ବେଡ଼ାଦୁ ମିର୍‌ ଦୁନିଆଦି ସତ୍‌ସିଲି ସାରିଦୁ ବୁଲାଜି, ବାଦଡ଼ତି ରାଜିଦି ଅଦିପତିଦି ଆଡ୍‍ଗି ମାର୍‌ଇଦେର୍‌ । ଆୟା ଅଦିପତି ଇଲେଇ ମାପୁରୁଦି ମାଟା ଆସ୍‌ଇୱାରି ଲୋକା ମୁସ୍‌କୁ ସାସନ୍‌ କିଜିନାନ୍‌ । 
\v 3 ସତ୍‌ତାନ୍‌ ମାଡୁ ୱିଜୁଲୋକୁ ୱାରି ୱାଜା ମାର୍‌ଇକା ମାରି ମେନ୍ଦଲ ନି ମନ୍‍ତି ଆସାଆନି ଇସାବ୍‌ତାନ୍‌ ଜିଜି ମାର୍‌ଆଟ୍‌ । ମାରି ଆଇୱାରି ୱାଜା ମାଡୁ ବା ମାପୁରୁଦି ରିସାଦି ବାଦ୍‌ଲୁ କାସ୍ଟୁ ପୟ୍‌ଦେଙ୍ଗ୍‌ ସୋଲ୍‌ସିମାର୍ହାପ୍‌ ।
\p
\v 4 ମାତର୍‌ ମାପୁରୁଦି ଦୟା ନିସା ନାଣ୍ତ ମାରି ମା ଉଣ୍ତିଙ୍ଗ୍‌ ୱାନି ଜିବନ୍‌ନୋନିକା ନିସା ପେରିକା ଜେ, 
\v 5 ମା ମାନାଇ ଉଣ୍ତିଙ୍ଗ୍‌ ମାଡୁ ନେସ୍‌ନିୱାଜା ସାତି ମାର୍‌ଇ ବେଡ଼ାଦୁ ୱାନ୍‌ କ୍ରିସ୍ତଦି ୱାଲେ ମାଙ୍ଗିଁ ଜିବନ୍‌ କିତାନ୍‌ । ମାପୁରୁଦି ଦୟାଦାନ୍‌ ନେ ମିର୍‌ ରକିୟା ପୟ୍‌ତିମାନିଦେର୍‌ । 
\v 6 କ୍ରିସ୍ତ ଜିସୁଦି ୱାଲେ ଅର୍‌ସେଆତି ମାଣ୍‌କୁ ୱାନି ୱାଲେ ମୁସ୍‌କୁପୁର୍‌ତୁ ସାସନ୍‌ କିନି ଉଣ୍ତିଙ୍ଗ୍‌ ୱାନ୍‌ ମାଙ୍ଗିଁ ବା ନିକ୍‌ତାମାନାନ୍‌ । 
\v 7 ଜିସୁ କ୍ରିସ୍ତଦିମାନୁ ତର୍‌ତିମାନି ଜିବନ୍‌ନୋନିମାନୁ ୱାନି ଜୁଗ୍‍ତୁ ନିଜେଦି ଦୟାଦାନ୍‌ ସାମାନ୍‌ତି ପେରି ନାଣ୍ତ୍‌ ଧନ ତର୍‌ନି ଉଣ୍ତିଙ୍ଗ୍‌ ମାପୁରୁ ଇକା କିତାନ୍‌ । 
\v 8 ଇରିଙ୍ଗ୍‌ ମାପୁରୁଦି ଦୟା ଉଣ୍ତିଙ୍ଗ୍‌ ବିସ୍‌ବାସ୍‌ତାନ୍‌ ମିର୍‌ ରକିୟା ପୟ୍‌ତିମାନିଦେର୍‌; ଇକା ମି ନିଜେଦିମାଣୁକୁ ଆଏତ୍‍, ମାତର୍‌ ମାପୁରୁଦି ଦାନ୍‍ ଇକା । 
\v 9 ଆଦେଙ୍ଗ୍‌ ଇୟା ବିସୟ୍‌ତାନ୍‌ ଏନ୍‌ ଗର୍ବ କିଦେଙ୍ଗ୍‌ ଆଟ୍‍ଏନ୍‍ । 
\v 10 ମାଡୁ ଆମାକା ଆଦେଙ୍ଗ୍‌ ଆଟ୍‌ତିମାନିକା, କେବଲ ମାପୁରୁନେ ଆକା କିତାମାନାନ୍‌; ଆମାୱିଜୁ ସତ୍‍ ପାଣି ମାପ୍‌ କିନାପ୍‌ ଇଜି ମାପୁରୁ ଆଗ୍‍ଡ଼ିନେ ତିଆର୍‌ କିତାମାର୍ହାନ୍‌, ମାପୁ କ୍ରିସ୍ତ ଜିସୁଦି ୱାଲେ ମିସାନି ମାଣ୍‌କୁ ଆକା ପୁରା ଆତାମାନାତ୍‌ ।
\s କ୍ରିସ୍ତଦିମାନୁ ଉଣ୍ତାନିକା
\p
\v 11 ନିଜେଦି ସର୍‌ଇଦିନ୍‌ତି ଅବସ୍ତା ଏତ୍‌ କିଦୁ, ମିର୍‌ ଅଣଜିହୁଦି ମାର୍‌ଇଦେର୍‌, ନିଜେଦିଙ୍ଗ୍‌ “ସୁନ୍ନତ” ଇଜି ୱେର୍‌ସିମାନି ଜିହୁଦିର୍‌ ମିଙ୍ଗିଁ “ଅସୁନ୍ନତ” ଇଜି ଇଜିମାରାର୍‌ । ଇକା କେବଲ ଉନ୍‌ଡ୍ରେ ମେନ୍ଦଲ୍‌ତି ଅବସ୍ତାଦିଙ୍ଗ୍‌ ବୁଜାନାତ୍‌ । 
\v 12 ଆଗ୍‌ଡ଼ି ମିର୍‌ କ୍ରିସ୍ତଦିମାଣୁକୁ ଆକ ମାର୍‌ଇଦେର୍‌, ମିର୍‌ ଆଇଦେସ୍‍ତି ଲୋକ୍‌ ମାର୍‌ଇଦେର୍‌ ମାରି ମାପୁରୁଦି ଆସ୍‌କିତିମାନି ଲୋକାମାନୁ ମିସାଏତି ମାର୍‌ଇଦେର୍‌ । ମାପୁରୁ ତାମି ଇସ୍ରାଏଲ ଲୋକା ଉଣ୍ତିଙ୍ଗ୍‌ କିତିମାନି ପାର୍‍ମାଣ୍‍ ମୁସ୍‌କୁ ତିଆର୍‌ତି ନିୟମ୍‌ତୁ ମି ଇନିକା ମିସାଏତ୍‌ ମାର୍‌ର୍ହାତ୍‌ । ମାରି ଆସାସିଲିକା ମାରି ମାପୁରୁଦିମାଣୁକୁ ୱେର୍‌ଏ ଆଜି ମିର୍‌ ଜଗତ୍‌ତୁ ବାସାତି ମାର୍‌ଇଦେର୍‌ । 
\v 13 ପୁର୍ବେ ମିର୍‌ ଆକ ମାର୍‌ଇଦେର୍‌, ମାତର୍‌ ଇଲେଇ କ୍ରିସ୍ତ ଜିସୁଦିମାନୁ ୱାନି ନେତେର୍‌ତାନ୍‌ ଲାକ୍‌ତୁ ଆତିମାନିଦେର୍‌ । 
\v 14 ଇରିଙ୍ଗ୍‌ ଜିହୁଦି ମାରି ଅଣଜିହୁଦିରିଙ୍ଗ୍‌ ଅର୍‌ସେ କିଜି, କ୍ରିସ୍ତ ନିଜେ ମାମାନୁ ସାନ୍ତି ତିଆର୍‌ କିତାମାନାନ୍‌ । ୱାରିଙ୍ଗ୍ ୱେର୍‌ଏ କିଜି ନିଜେନିଜେଦିମାନୁ ସାତ୍ରୁ ୱାଜା ଇଡ୍‌ନିମାନି ଗଡାଦିଙ୍ଗ୍‌ ୱାନ୍‌ ୱାନି ନିଜେଦି ମେନ୍ଦଲ୍‌ଦାନ୍‌ ରୁକ୍‌ତାମାନାନ୍‌ । 
\v 15 \x + \xo ୨:୧୫ \xo*\xt କଲସିୟ ୨:୧୪.\xt*\x*ୱାନ୍‌ ଜିହୁଦିରି ୱିଜୁ ବିଧିବିଧାନ୍‌ ମାଟାଦି ନିୟମ୍‌ତିଙ୍ଗ୍‌ ନିଜେଦି ମେନ୍ଦଲତାନ୍‌ ଗୁସା କିତାମାନାନ୍‌, ଏଣ୍ତେସ୍‌ ୱାନ୍‌ ସାନ୍ତି ତିଆର୍‌ କିଜି ରୁଣ୍ତିୱାନିକାଙ୍ଗ୍‌ବା ନିଜେଦିମାନୁ ଅରେନ୍‍ ପୁନି ଲୋକ୍‌ ୱାଜା ତିଆର୍‌ କିନାନ୍‌, 
\v 16 \x + \xo ୨:୧୬ \xo*\xt କଲସିୟ ୧:୨୦.\xt*\x*କ୍ରୁସକାଟ୍‌ତୁ ୱାନି ସାତିମାଣୁକୁ କ୍ରିସ୍ତ ଆୟା ଲୋକାମାନୁ ମାନି ସତ୍ରୁଦିଙ୍ଗ୍‌ ନାସ୍ଟୁ କିତାମାନାନ୍‌; କ୍ରୁସକାଟ୍‌ଦାନ୍‌ ୱାନ୍‌ ରୁଣ୍ତି ଜାତିଆଙ୍ଗାଁ ମିସା କିଜି ଉନ୍‌ଡ୍ରେ ମେନ୍ଦଲ୍‌ ୱାଜା କିତାମାନାନ୍‌ ମାରି ମାପୁରୁଦି ଲାକ୍‌ତୁ ଡ଼େସି ତାତାମାନାନ୍‌ । 
\v 17 ଆୟାଉଣ୍ତିଙ୍ଗ୍‌ କ୍ରିସ୍ତ ୱାତାମାର୍ହାନ୍‌ ମାରି ମାପୁରୁଦିମାଣୁକୁ ଆକ ସୋର୍‌ଇମାନି ଅଣଜିହୁଦି ମାରି ୱାନି ଲାକ୍‌ତୁମାନି ଜିହୁଦିରିମାନୁ ସାନ୍ତିଦି ସୁସମାଚାର୍‌ ପ୍ରଚାର୍‌ କିତାମାର୍ହାନ୍‌ । 
\v 18 କ୍ରିସ୍ତଦି ମାଣ୍‌କୁ ନେ ଜିହୁଦି ମାରି ଅଣଜିହୁଦି ୱିଜେରେ ଉନ୍‌ଡ୍ରେ ଆତ୍ମାଦୁ ବୁବାଦି ଆଗ୍‌ଡ଼ି ୱାଦେଙ୍ଗ୍‌ ଆଟ୍‌ତା ମାନାପ୍‌ ।
\p
\v 19 ମାରି, ମିର୍‌ ମାରି ଆଇଦେସ୍‌ତୁ ନି ଆଇମାନୁବାସାକିନିଲୋକୁ ଆଇଦେର୍‍, ମାତର୍‌ ଇଲେଇ ମାପୁରୁଦି ଲୋକା ୱାଲେ ମିର୍‌ ବା ୱାନି ରାଜିଦି ଲୋକୁ ମାରି ୱାନି ଇଲୁପରିବାର୍‌ତି ଲୋକୁ ଆତିମାନିଦେର୍‌ । 
\v 20 ମିର୍‌ ବା ପ୍ରେରିତ ସିସୁ ମାରି ବାବବାଦିରି ତିଆର୍‌କିତି ମୁଲ୍‌କାଲୁ ମୁସ୍‌କୁ ତିଆର୍‌ଆତି ଇଲୁୱାଜା । ଆୟା ଇଲୁଦି କୁନାଦି ମୁଲ୍‌କାଲୁ ନିଜେ କ୍ରିସ୍ତ ଜିସୁ । 
\v 21 ୱାନ୍‌ନେ କେବଲ ଇୟା ଇଲୁଦିଙ୍ଗ୍‌ ଜଡ଼େଇ କିଜି ଇଡ୍‌ନାନ୍‌ ମାରି ପ୍ରବୁଦି ଉଣ୍ତିଙ୍ଗ୍‌ ଉନ୍‌ଡ୍ରି ପବିତ୍ର ମନ୍ଦିର୍‌ ୱାଜା ପିରିସ୍‌ କିନାନ୍‌ । 
\v 22 ୱାନି ସାହାଜ୍ୟଦାନ୍‌ ମିର୍‌ ବା ଆଇ ୱିଜେରି ୱାଲେ ଆତ୍ମାୱାଜା ମାପୁରୁଦି ତେବାନି ଉଣ୍ତିଙ୍ଗ୍‌ ଉନ୍‌ଡ୍ରି ତେବାନି ଇଲୁୱାଜା ତିଆର୍‌ ଆଜିନିଦେର୍‌ ।
\c 3
\s ଅଣଜିହୁଦିରି ଉଣ୍ତିଙ୍ଗ୍‌ ପାଉଲଦି ପାଣି
\p
\v 1 ଇୟାଉଣ୍ତିଙ୍ଗ୍‌ ମି ୱାଜା ଅଣଜିହୁଦିରି ଉଣ୍ତିଙ୍ଗ୍‌ କ୍ରିସ୍ତ ଜିସୁଦି ଉଣ୍ତିଙ୍ଗ୍‌ ଜଇଲ୍‌ତୁ ମାନି ନାନୁ ପାଉଲ, ମାପୁରୁଦି ଲାକ୍‌ତୁ ପାର୍‌ତାନା କିଜିନା । 
\v 2 ମି ନେଗି ଉଣ୍ତିଙ୍ଗ୍‌ ମାପୁରୁ ୱାନି ଦୟାଦାନ୍‌ ନାଙ୍ଗିଁ ଜେ ଇୟା ପାଣି କିଦେଙ୍ଗ୍‌ ସିତାମାନାନ୍‌, ଇକା ପୁରା ୱେର୍‌ଇମାନି । 
\v 3 ମାପୁରୁ ୱାନି ଆୟା ମାର୍‌ଗିତିମାନି ମାଟା ୱେର୍‍ସି ନାଙ୍ଗିଁ ଜାଣେକିତାନ୍‌ । ଇୟା ବିସୟ୍‌ତାନ୍‌ ନାନ୍‌ ଇସ୍ରିକାକିଜି ରାସ୍‌ସିନା । 
\v 4 \x + \xo ୩:୪ \xo*\xt କଲସିୟ ୧:୨୬,୨୭.\xt*\x*ଆକା ପଡ଼ାତିଙ୍ଗ୍‌, କ୍ରିସ୍ତଦି ମାର୍‌ଗିତିମାନି ମାଟା ବିସୟ୍‌ତାନ୍‌ ନାନ୍‌ ଆମାକା ବୁଜାତାମାନା, ଆକା ମିର୍‌ ନେସ୍‌ତେଙ୍ଗ୍‌ ଆଟ୍‌ନିଦେର୍‌ । 
\v 5 ପୁର୍ବେକାଡ଼ାଦି ଲୋକା ଲାକ୍‌ତୁ ଇୟା ମାର୍‌ଗିତିମାନି ମାଟା ବିସୟ୍‌ତାନ୍‌ ୱେର୍‌ଏର୍‌ ମାର୍ହାର୍‌ । ମାତର୍‌ ମାପୁରୁ ଇଲେଇ ୱାନି ପବିତ୍ର ପ୍ରେରିତ ସିସୁ ମାରି ବାବବାଦିରିଙ୍ଗ୍‌ ଆତ୍ମାଦାନ୍‌ ଇକା ୱେର୍‌ତାମାନାନ୍‌ । 
\v 6 ଆୟା ମାର୍‌ଗିତିମାନି ମାଟା ଆଜିନାତ୍‍, ସୁସମାଚାର୍‌ତି ଉଣ୍ତିଙ୍ଗ୍‌ ଜିହୁଦିରି ୱାଲେ ଅଣଜିହୁଦିରି ବା ମାପୁରୁଦି ଆସିର୍ବାଦ୍‌ତୁ ମିସାତାମାନାର୍‌ । ୱାର୍‌ ଆୟା ଉନ୍‌ଡ୍ରେ ମେନ୍ଦଲତି ମେନ୍ଦଲୱିଜୁ ମାରି ଜିସୁ କ୍ରିସ୍ତଦି ସାହାଜ୍ୟଦାନ୍‌ ମାପୁରୁ ସିତିମାନି ପାର୍‌ମାଣ୍‌ତୁ ମିସାତାମାନାର୍‌ ।
\p
\v 7 ମାପୁରୁଦି ପାଣିକିନି ସାକ୍ତି ଇସାବ୍‌ତାନ୍‌ ନାଙ୍ଗିଁ ଆମା ଅନୁଗ୍ରହଦି ଦାନ୍‌ ସିତାମାନାନ୍‌, ଆୟାଉଣ୍ତିଙ୍ଗ୍‌ ଆୟା ସୁସମାଚାର୍‌ତି ନାନ୍‌ ଅରେନ୍‍ ସେବାକିନିକିନ୍ଦା ଆତାମାନା । 
\v 8 ନାନ୍‌ ମାପୁରୁଦି ଲୋକା ଲୋଇ ୱିଜେରିମାଣୁକୁ ଇସ୍ରିକିନ୍ଧା, ମାରିବା ଅଣଜିହୁଦିରି ଲାକ୍‌ତୁ କ୍ରିସ୍ତଦି ୱିଜ୍‌ଇ ସମ୍ପତିଦି ବାକ୍ୟ ଆସ୍‌ସି ସନି ଉଣ୍ତିଙ୍ଗ୍‌ ନାଙ୍ଗିଁ ମାପୁରୁ ଦୟା ସିତାମାନାନ୍‌ । 
\v 9 ମାରି ମାପୁରୁଦି ଆୟା ମାର୍‌ଗିତିମାନି ମାଟା ଏଣ୍ତେସ୍‌ ପାଣି ସିଦେଙ୍ଗ୍‌ ଆଟ୍‍ନାତ୍‍, ଆକା ୱିଜେରିଙ୍ଗ୍‌ ନେସ୍‌ସି କିନି ଉଣ୍ତିଙ୍ଗ୍ ବାଗ୍ୟ ନାନ୍‌ ପୟ୍‌ତାମାନା । ୱିଜୁ ବିସୟ୍‌ତି ତିଆର୍‌କିତିକାନ୍‌ ମାପୁରୁ ପୁର୍ବେ ୱିଜୁ ଜୁଗ୍‌ତୁ ୱାନି ମାର୍‌ଗିତିମାନି ମାଟାଦିଙ୍ଗ୍‌ ଆଡାକ୍‌ତା ଇଟ୍‌ତା ମାର୍‌ର୍ହାନ୍‌, 
\v 10 ଏଣ୍ତେସ୍‌ ଇଲେଇତି ବେଡ଼ାଦୁ କ୍ରିସ୍ଟିୟାନ୍‌ ମଣ୍ତଲିଦି ପାଣିଦାନ୍‌ ମୁସ୍‌କୁପୁର୍‌ତି ସାସନ୍‍ କିନି ମାରି ସାକ୍ତିଙ୍ଗ୍‌ଁ ମାପୁରୁଦି ନାଣ୍ତ ବୁଦି ବିସୟ୍‌ତାନ୍‌ ଅଜାଜ ବୁଜାଦେଙ୍ଗ୍‌ ଆଟ୍‍ନାର୍‍ । 
\v 11 ମାପୁରୁ ୱାନି ପୁର୍ବେଦି ଉଦେସ୍‌ତି ଇସାବ୍‌ତାନ୍‌ ମା ପ୍ରବୁ କ୍ରିସ୍ତ ଜିସୁଦିମାଣୁକୁ ଇକା ପାଣି କିତାମାନାନ୍‌ । 
\v 12 ଆୟା କ୍ରିସ୍ତଦି ୱାଲେ ମିସାତି ମାନିଙ୍ଗ୍‌ ୱାନିମାନୁ ବିସ୍‌ବାସ୍‌ କିତିମାନିଙ୍ଗ୍‌ ଆସାଦାନ୍‍ ମାପୁରୁଦି ଆଗ୍‌ଡ଼ି ସନି ଉଣ୍ତିଙ୍ଗ୍‌ ମା ସାହାସ୍‌ ମାନାତ୍‌ । 
\v 13 ଆୟାଉଣ୍ତିଙ୍ଗ୍‌ ନା ବାତିଙ୍ଗ୍‌ମାଲ୍‌ନିକା, ମି ଉଣ୍ତିଙ୍ଗ୍‌ ନା ଆମା ଦୁଃକ୍‌କାସ୍ଟୁଦି ଉଣ୍ତିଙ୍ଗ୍‌ ନିରାସ୍‌ ଆମାଟ୍‌, ଇରିଙ୍ଗ୍‌ ଇୟାୱିଜୁ ମି ନେଗି ଉଣ୍ତିଙ୍ଗ୍‌ ଆତାମାନାତ୍‌ ।
\s କ୍ରିସ୍ତଦି ଜିବନ୍‌ନୋନିକା
\p
\v 14 ଆୟା ବୁବା ମାପୁରୁଦି ଆଗ୍‌ଡ଼ି ନାନ୍‌ ମେଣ୍ତେଙ୍ଗ୍‌ ଗଟ୍‌କିଜି ପାର୍‌ତାନା କିଜିନା । 
\v 15 ଇୟାଉଣ୍ତିଙ୍ଗ୍‌ ଆମା ବୁବାଦିମାଣୁକୁ ମୁସ୍‌କୁପୁର୍‌ ମାରି ଦୁନିଆଦି ୱିଜୁ ଇଲୁକୁପରିବାର୍‌ ୱାନି ସତ୍‍ ଦରୁ ପୟ୍‌ଆ ଆତାମାନାତ୍‌, 
\v 16 ଏଣ୍ତେସ୍‌ ନାନ୍‌ ପାର୍‌ତାନା କିନା ୱାନ୍‌ ୱାନି ଆତ୍ମାଦି ଅଦିକାର୍‌ ୱାନି ଗୌରବ୍‌ତି ଉଣ୍ତାକିତିମାନିମାଣୁକୁ ମି ଜିବନ୍‌ତି ଆତ୍ମାଦିଙ୍ଗ୍‌ ବପୁ କିନି ଉଣ୍ତିଙ୍ଗ୍‌ ସାକ୍ତି ସିନାନ୍‌ । 
\v 17 ନାନ୍‌ ପାର୍‌ତାନା କିନା, ଏଣ୍ତେସ୍‌ ମି ବିସ୍‌ବାସ୍‌ତି ବପୁଦାନ୍‌ କ୍ରିସ୍ତ ମି ଜିବନ୍‌ତୁ ବାସା କିନାନ୍‌ । ନାନ୍‌ ପାର୍‌ତାନା କିନା, ଏଣ୍ତେସ୍‌ ମି ମୁଲ୍‌କୁନାଦିକାଲୁ ଜିବନ୍‌ନୋନିମାଣୁକୁ ତିଆର୍‌ ମାରି ଡାଟ୍‌ ଆନାତ୍‌ । 
\v 18 ଆର୍‌ତିଙ୍ଗ୍‌, କ୍ରିସ୍ତଦି ଜିବନ୍‌ନୋନିକା ଜେ ଏସା ନିର୍‌ଇକା ନି ଅସାର୍, ଏସ ନିରିକା ନି ନିର୍‌ଇଗୁଟା, ମିର୍‌ ମାପୁରୁଦି ଆଇଆଇ ଲୋକା ୱାଲେ ଇକା ନେସ୍‌ତେଙ୍ଗ୍‌ ଆଟ୍‌ନିଦେର୍‌ । 
\v 19 ହୁଁ, ମିର୍‌ ୱାନି ଜିବନ୍‌ନୋନି ବାକ୍ୟ ନେସ୍‌ତେଙ୍ଗ୍‌ ଆଟ୍‌ନିଦେର୍‌, ମାରିବା ଇକା ଏସ୍‌କାଙ୍ଗ୍‌ବା ପୁରାୱିଜୁ ନେସ୍‌ତେଙ୍ଗ୍‌ ଆଟ୍‌ଇକା । ଇୟାୱାଜା ମିର୍‌ ମାପୁରୁଦି ୱାଜା ବର୍ତିଦୁ ପୁରାବର୍ତି ଆଦେଙ୍ଗ୍‌ ଆଟ୍‌ନିଦେର୍‌ ।
\p
\v 20 ମାପୁରୁ ମା ଲୋଇ ପାଣି ପୁରା କିଜିମାନି ନିଜେଦି ସାକ୍ତି ଇସାବ୍‌ତାନ୍‌ ମା ଲସ୍‌ନିକା ମାରି ଅଡ଼୍‌ବିନିମାଣୁକୁ ନାଣ୍ତ ସିଦେଙ୍ଗ୍‌ ଆଟ୍‍ନାନ୍‍; 
\v 21 ମଣ୍ତଲିଦାନ୍‌ ମାରି କ୍ରିସ୍ତ ଜିସୁଦିମାଣୁକୁ ଜୁଗ୍‌ ଜୁଗ୍‌ ୱିଜୁ ଦିନ୍‌ ସାନ୍ଦି ଆୟା ମାପୁରୁଦି ଗୌରବ୍‍ ଆପିତ୍‌ ! ଆମେନ୍‍ ।
\c 4
\s ଉନ୍‌ଡ୍ରେ ମେନ୍ଦଲ ଗାଦି ଦାନ୍‌
\p
\v 1 ପ୍ରବୁଦି ସେବା କିଜିମାର୍‌ଇ ଉଣ୍ତିଙ୍ଗ୍‌ ଜେଲ୍‌ତୁ ତେବାତିମାନି ନାନ୍‌ ପାଉଲ ମିଙ୍ଗିଁ ଅନୁରଦ୍‌ କିଜିନା, ଏଣ୍ତେସ୍‌ ଜିନି ମାଡ଼ିନି ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ କୁକ୍‌ତାମାନାନ୍‌, ଆୟାୱାଜା ସାଲାବୁଲା କିଦୁ । 
\v 2 \x + \xo ୪:୨ \xo*\xt କଲସିୟ ୩:୧୨,୧୩.\xt*\x*ୱିଜୁୱାଲେ ନମ୍ରତା, ସାନ୍ତି ମାରି ସାସ୍‌ ଆଦୁ । ଜିବନ୍‌ନୋନିମାନୁ ନିଜେନିଜେଦି ଉଣ୍ତିଙ୍ଗ୍‌ ମିସାଜି ତେବାଦୁ । 
\v 3 ପବିତ୍ରଆତ୍ମାଦି ସାହାଜ୍ୟଦାନ୍‌ ସାନ୍ତିଦାନ୍‌ ବାସାନି ଉଣ୍ତିଙ୍ଗ୍‌ ମି ମାନୁ ଆମାକା ଉନ୍‌ଡ୍ରେ ତିଆର୍‌ ଆତାମାନାତ୍‌, ତାନିଙ୍ଗ୍‌ ରକ୍‌ୟା କିନି ଉଣ୍ତିଙ୍ଗ୍‌ ଜାତୁନ୍‍ ଆଦୁ । 
\v 4 ମା ମେନ୍ଦଲ୍‌ ଉନ୍‌ଡ୍ରେ, ଆତ୍ମା ବା ଉନ୍‌ଡ୍ରେ ମାରି ଉନ୍‌ଡ୍ରେ ଆସା ସିଜି ମାପୁରୁ ମାଙ୍ଗିଁ କୁକ୍‌ତାମାନାନ୍‌ । 
\v 5 ଅରେନ୍‍ ପ୍ରବୁ, ଉନ୍‌ଡ୍ରେ ବିସ୍‌ବାସ୍‌, ଉନ୍‌ଡ୍ରେ ଡୁବନ୍‌; 
\v 6 ୱିଜେରି ଲୋକା ଜାତିଦୁ ମାପୁରୁ ନି ବୁବା ଅରେନ୍‍; ୱାନ୍‌ ୱିଜେରି ପ୍ରବୁ, ୱିଜେରି ମାନୁ ମାରି ୱିଜେରି ଜିବନ୍‌ତୁ ମାନାନ୍‌ ।
\p
\v 7 କ୍ରିସ୍ତସିତିମାନି ଅଡି ଇସାବ୍‌ତାନ୍‌ ମାଡୁ ୱିଜେରିଙ୍ଗ୍‌ ଉନ୍‌ଡ୍ରି ଉନ୍‌ଡ୍ରି ଦୟା ଦାନ୍‌ ପୟ୍‌ତିମାନିକା । 
\v 8 ଦର୍ମସାସ୍ତ୍ରଦୁ ଇୟା ବିସୟ୍‌ତାନ୍‌ ରାସ୍‌ତାମାନାତ୍‌,
\q1 “ଏସ୍ତିୱାଲେ ୱାନ୍‌ ମୁସ୍‌କୁ ସର୍ହାନ୍‌,
\q2 ୱାନି ୱାଲେ ନାଣ୍ତ ଜଇଲ୍‌ତୁ ମାର୍‌ଇୱାରିଙ୍ଗ୍‌ ୱାନ୍‌ ଅତାନ୍‍,
\q2 ମାରି ଲୋକାଙ୍ଗ୍‌ ନାଣ୍ତ ବର୍‌ ସିତାନ୍‌ ।”
\m
\v 9 ୱାନ୍‌ ମୁସ୍‌କୁ ସର୍ହାନ୍‌ ଇଜି ୱେର୍‌ନି ଅର୍ତ ଇନିକା ? ଇୟାତାନି ଅର୍ତ ଆଜିନାତ୍‍, ଆଗ୍‌ଡ଼ି ୱାନ୍‌ ଦୁନିଆଦି ଇସ୍ରି ବାଡିଆଙ୍ଗାଁ ୱାତା ମାର୍ହାନ୍‌ । 
\v 10 ଏନ୍‌ ୱାତା ମାର୍ହାନ୍‌, ୱାନ୍‌ ଏଣ୍ତେସ୍‌ ସାରା ପୃତିବିଦିଙ୍ଗ୍‌ ୱାନି ମାନିମାନୁ ପୁରାବର୍ତି କିନାନ୍‌, ଆୟାଉଣ୍ତିଙ୍ଗ୍‌ ୱାନ୍‌ ବା ମୁସ୍‌କୁପୁର୍‌ତି ମୁସ୍‌କୁ ସର୍ହାନ୍‌ । 
\v 11 ୱାନ୍‌ ନେ ଲୋକାଙ୍ଗ୍‌ ନାଣ୍ତ ବର୍‌ ଦାନ୍‌ ସିଜି ସର୍‌ଆମାନାନ୍‌ । ଏସ ଲୋକାଙ୍ଗ୍‌ ପ୍ରେରିତ ସିସୁ, ମାରି ଏସ ଲୋକାଙ୍ଗ୍‌ ବାବବାଦି, ଏସ ଲୋକାଙ୍ଗ୍‌ ସୁସମାଚାର୍‌ ପ୍ରଚାର୍‌କିନିକାନ୍‌, ମାରି ଏସ ଲୋକାଙ୍ଗ୍‌ ପାସ୍‌ଟର୍‌ ମାରି ମାସ୍‌ଟର୍‌ ୱାଜା ଆସ୍‌କିତାମାନାନ୍‌ । 
\v 12 କ୍ରିସ୍ତଦି ଆୟା ମେନ୍ଦଲ୍‌ ରସ୍‌ନି ଉଦେସ୍‌ତାନ୍‌ କ୍ରିସ୍ଟିୟାନ୍‌ ସେବା ପାଣି ଉଣ୍ତିଙ୍ଗ୍‌ ମାପୁରୁଦି ଲୋକାଙ୍ଗ୍‌ ତିଆର୍‌ କିଦେଙ୍ଗ୍‌ ୱାନ୍‌ ଇକା କିତାମାନାନ୍‌ । 
\v 13 ଆୟାଉଣ୍ତିଙ୍ଗ୍‌ ମାଡୁ ୱିଜୁଲୋକୁ ମା ବିସ୍‌ବାସ୍‌ତୁ ମାରି ମାପୁରୁଦି ମାରିନ୍‌ ବିସୟ୍‌ତି ବୁଦିଦୁ ଉନ୍‌ଡ୍ରେମାନୁ ଆନାପ୍‌, କ୍ରିସ୍ତଦି ପୁରାବର୍ତି ଆଜି ମାପୁ ପୁରାବୟସ୍‌ ଆନାପ୍‌ । 
\v 14 ଗାଲିଦି ସନିକା ମାରି ଉଲୁକାଏରୁ ଆତ୍‌ଡ଼ାତିଙ୍ଗ୍‌ ଇନିଙ୍ଗାଁ ଆନିଙ୍ଗାଁ ଆଜିମାନି ଇସ୍ରିକଡ଼ରି ୱାଜା ମାଡୁ ମାରି ତିର୍‌ ଆଇକା । ଆଇୱାରିଙ୍ଗ୍‌ ସେଇସାରିଦୁ ପୋକ୍‌ସିମାନି ବେମ୍‌ରିକିନିୱାରି ବାୟାନାନି ସିକିୟାଦୁ ମାଡୁ ଇନିଙ୍ଗାଁ ଆନିଙ୍ଗାଁ ଆଇକା । 
\v 15 ତାନିବାଦ୍‌ଲୁ ଜିବନ୍‌ନୋନି ସତ୍‍ ୱେର୍‍ସି ୱିଜୁ ବିସୟ୍‌ତୁ ତାଲା ୱାଜା କ୍ରିସ୍ତଦି ୱାଜା ଆନାଟ୍‌ । 
\v 16 \x + \xo ୪:୧୬ \xo*\xt କଲସିୟ ୨:୧୯.\xt*\x*ୱାନିମାଣୁକୁ ମେନ୍ଦଲତି ଆଇଆଇ କିକୁକାଲ୍‌କୁ ଉନ୍‌ଡ୍ରେମାନୁ ମିସାନେ ମାରି ଆବେନୁ ମାନି ସିରେଙ୍ଗ୍‌ ସାହାଜ୍ୟଦାନ୍‌ ୱିଜୁ ମେନ୍ଦଲ ତିଆର୍‌ ଆନାତ୍‌ । ଆଦେଙ୍ଗ୍‌ ମେନ୍ଦଲ୍‌ତିକେଙ୍ଗ୍‌ ୱିଜୁ ନିଜେଦି ପାଣି କିନି ୱାଜା ବ୍ୟବ୍‌ହାର୍‌ କିନିମାଣୁକୁ ୱିଜୁ ମେନ୍ଦଲ ପିରିଜି ତିଆର୍‌ ଆନାତ୍‌ ।
\s କ୍ରିସ୍ତଦିମାଣାନ୍‌ ପୁନି ଜିବନ୍‌
\p
\v 17 ମାରି, ପ୍ରବୁଦି ଦର୍‌ତାନ୍‌ ନାନ୍‌ ମିଙ୍ଗିଁ ଜାଗାର୍‌ତା କିଜି ସିଜିନା, ଅଣଜିହୁଦିରି ୱାଜା ମାରି ସାଲାବୁଲା କିମାଟ୍‌ । ୱାରି ସିନ୍ତା ପେରିକା 
\v 18 ମାରି ୱାରି ମନ୍‍ ସିକାଟି । ମାପୁରୁ ସିତିମାନି ଜିବନ୍‌ତୁ ୱାରିନ୍ଦି ଇନିକା ମିସାଏତ୍‌ । ଇରିଙ୍ଗ୍‌ ୱାର୍‌ ପୁରା ବୁଦିସିଲିକାର୍‌ ମାରି ମାନାଇକାର୍‌ । 
\v 19 ୱାର୍‌ ସେମାର୍‌ସିଲିକାର୍‌, ତାଗ୍‍ଇ ପାଣିକିନିକାର୍‌ ମାରି ଲୋବ୍‌ଦାନ୍‍ ୱିଜୁଜାତିଦି ନେଗେନ୍‌ତର୍‌ଇ ପାଣିଦୁ ମାନାର୍‌ ।
\p
\v 20 ଇୟାୱିଜୁ ମିର୍‌ କ୍ରିସ୍ତଦି ବିସୟ୍‌ତାନ୍‌ ସିକିୟା କିତିମାନି ବିସୟ୍‌ ଆଏତ୍‍ । 
\v 21 ମିର୍‌ ୱାନି ବିସୟ୍‌ ୱେର୍‌ଇମାନିଦେର୍‌, ମାରି ୱାନି ୱେନ୍‌କାସନି ୱାଜା ଜିସୁଦି ବିସୟ୍‌ତାନ୍‌ ସତ୍‍ ସିକିୟା ପୟ୍‌ତିମାନିଦେର୍‌ । 
\v 22 \x + \xo ୪:୨୨ \xo*\xt କଲସିୟ ୩:୯.\xt*\x*ମିର୍‌ ଆମା ପାଡ଼ିଇ ସାଲାବୁଲାଦାନ୍‌ ଜିବନ୍‍ ଜିଜି ମାର୍‌ଇଦେର୍‌, ଆକା ୱିଜୁ ଡ଼ିସ୍‌ତୁ, ଇରିଙ୍ଗ୍‌ ଆୟାତାନି ସାଲାକି ପାଣିଦାନ୍‌ ମି ଆତ୍ମା ନାସ୍ଟୁ ଆଜିମାର୍ହାତ୍‌ । 
\v 23 ମାରି ମି ଜିବନ୍‌ ମାରି ମୋନ୍‌ ପୁରା ପୁନିକା ଆନିକା ମାନାତ୍‌ । 
\v 24 \x + \xo ୪:୨୪ \xo*\xt କଲସିୟ ୩:୧୦.\xt*\x*ଆମା ପୁନି ସାଲାବୁଲାନିକା ମାପୁରୁଦି ୱାଜା ତିଆର୍‌ଆତି ପୁନି ଆତ୍ମା ଆରାଦୁ । ଆକା ମି ପବିତ୍ର ମାରି ଦାର୍ମୁଦାନ୍‌ ଜିବନ୍‌ତୁ ୱେଙ୍ଗିଁତି ।
\p
\v 25 ମାରି ମିଚ୍‌ ୱେର୍‌ମାଟ୍‌ । କ୍ରିସ୍ତବିସ୍‌ବାସ୍‌ସିର୍‌ ନିଜେନିଜେଦିଙ୍ଗ୍‌ ସତ୍‍ ୱେର୍‌ନିକା ମାନାତ୍‌; ଇରିଙ୍ଗ୍‌ ମାପୁ କ୍ରିସ୍ତଦି ମେନ୍ଦଲତି ମେନ୍ଦଲୱିଜୁ । 
\v 26 ମିର୍‌ ରିସା ଆଜି ପାପ୍‌ କିମାଟ୍‌, ୱେଡ଼ା ଆର୍‌ଏଣ୍‌ଗା ମି ରିସା ତିର୍‌ ଆପିତ୍‌ । 
\v 27 ମାରି ସୟତାନ୍‌ତିଙ୍ଗ୍‌ ବାଡି ସିମାଟ୍‌ । 
\v 28 ଡଙ୍ଗାଁର୍‌ଏନ୍‌ ମାରି ଡଙ୍ଗାଁ କିମାକିନ୍‌ । ମାରି ସିଲିସାତିୱାରିଙ୍ଗ୍‌ ଦାନ୍‌ କିନି ଉଣ୍ତିଙ୍ଗ୍‌ ଏଣ୍ତେସ୍‌ ୱାନି ଲାକ୍‌ତୁ ଇନିକା ତେବାଦେଙ୍ଗ୍‌ ଆଟ୍‍ନାତ୍‍, ଇୟାଉଣ୍ତିଙ୍ଗ୍‌ ନିଜେଦି କିୟୁଦାନ୍‌ ନେଗେନ୍‌ ପାଣି କିଜି କାସ୍ଟୁପାଣି କିପିନ୍‌ । 
\v 29 ମି ୱେୟୁଦାନ୍‌ ଇନି ତାଗ୍‌ଇମାଟା ସୋମାକିତ୍‌, ମି ମାଟା ନେଗିକା, ପିରିସ୍‌କିନିକା ମାରି ପାଣିଦୁଲାଗେ ଆପିତ୍‌ । ଆର୍‌ତିଙ୍ଗ୍‌ ଆମାକାର୍‌ ମି ମାଟା ୱେନାର୍‌, ୱାରି ଉଣ୍ତିଙ୍ଗ୍‌ ଆକା ନେଗିକା ଆନାତ୍‌ । 
\v 30 ମାପୁରୁଦି ପବିତ୍ର ଆତ୍ମାଦିଙ୍ଗ୍‌ ଦୁଃକ୍‌ ସିମାଟ୍‌ । ଇରିଙ୍ଗ୍‌ ପବିତ୍ର ଆତ୍ମା ମି ମୁସ୍‌କୁ ମାପୁରୁଦି ନିଜେଦି ଅଦିକାର୍‌ତି ସିନାଦି ୱାଜା ମାରି ମାପୁରୁ ଜେ ଅର୍‍ଲେନ୍‍ ମିଙ୍ଗିଁ ରକିୟା କିନାନ୍‌, ଇୟାକା ଆନାତ୍‌ଆକା । 
\v 31 ୱିଜୁଜାତିଦି ସୁରିମାଟେଙ୍ଗ୍‌, ଗିଦିର୍‌ ମାରି ରିସା ଡ଼ିସ୍‌ତୁ । ମାଡ୍‌ଗଲ୍‌ ନି ଆଇୱାରିଙ୍ଗ୍‌ ନିନ୍ଦା କିମାଟ୍‌ । ଏ ଉଣ୍ତିଙ୍ଗ୍‌ କାଡ଼ାମାଟ୍‌ । 
\v 32 \x + \xo ୪:୩୨ \xo*\xt କଲସିୟ ୩:୧୩.\xt*\x*ମାରି, ନିଜେନିଜେଦି ଉଣ୍ତିଙ୍ଗ୍‌ ସାକା ଆଦୁ ମାରି ନେଗି ଜିବନ୍‌ ଆଦୁ, ମାରି ମାପୁରୁ କ୍ରିସ୍ତଦିମାନୁ ମିଙ୍ଗିଁ ଏଣ୍ତେସ୍‌ କେମା କିତାନ୍‌, ଆୟାୱାଜା ମିର୍‌ ନିଜେନିଜେଦିଙ୍ଗ୍‌ କେମା କିଦୁ ।
\c 5
\s ଜାୟ୍‍ତି ଜିବନ୍‌
\p
\v 1 ମିର୍‌ ମାପୁରୁଦି ଲାଡ୍‍ତି କଡ଼ର୍‍, ମାରି ୱାନି ୱାଜା ଆଦେଙ୍ଗ୍‍ଁ ଇଜି ବଦା କିଦୁ । 
\v 2 କ୍ରିସ୍ତ ଏଣ୍ତେସ୍‌ ମାଙ୍ଗିଁ ଜିବନ୍‌ନୋତାନ୍‍ ମାରି ମାପୁରୁଦି ୱେଡ଼ିକାଦି ଉଣ୍ତିଙ୍ଗ୍‍ଁ ନିଜେଦି ଜିବନ୍‍ତିଙ୍ଗ୍‍ ମା ଉଣ୍ତିଙ୍ଗ୍‌ ବାସ୍‍ନାଦି ଦୁପ୍‍ଣି ମାରି ପୁଜା ୱାଜା ଆତାନ୍‌, ମି ଜିବନ୍‌ ବା ଆୟାୱାଜା ଜିବନ୍‍ନୋନି ମାଣାନ୍‌ ସାଲାପିତ୍‍ ।
\p
\v 3 ମାପୁରୁଦି ଲୋକୁ ଆତିମାନିଙ୍ଗ୍‌ ମି ଲୋଇ ଦାରିପାଣି, ୱିଜୁ ରକମ୍‍ତି ତାଗ୍‍ଇକା ମାରି ଲୋବ୍ରାଆନିକା, ଇୟାୱିଜୁ ତେବାମାକିତ୍‍ । ଆକା ମାପୁରୁଲୋକା ଉଣ୍ତିଙ୍ଗ୍‌ ନେଗେନ୍‌ ସିଲେ, 
\v 4 ମି ଉଣ୍ତିଙ୍ଗ୍‍ଁ ତାଗ୍‍ଇ ବାସା, ୱାର୍‍ଇ ମାଟା ନି ବାଣ୍ତିସ୍‍ ମାଟା ୱାର୍‍ଗିନିକା ବା ନେଗେତ୍‍ ସିଲେ । ମାତର୍‌ ମି ୱାର୍‍ଗିମାନୁ ମାପୁରୁଙ୍ଗ୍‍ଁ ଦନ୍ୟବାଦ ସିଦୁ । 
\v 5 ଇକା ସତ୍‍ ଇଜି ନେସ୍‍ସୋ ମାନ୍‍ଡ୍ରୁ, ଏମେକାର୍‌ ଦାରିଏନ୍‍, ତାଗ୍‍ଇକାନ୍‍ ମାରି ଲୋବ୍ରା, ନାଣ୍ତ ଲୋବ୍ରା ଆନିକାନ୍‍ ବମା ପୁଜା କିନି ସାମାନ୍‍, ୱାନ୍‌ ଏସାଙ୍ଗ୍‍ବା କ୍ରିସ୍ତଦି ନି ମାପୁରୁଦି ରାଜିଦି ଅଦିକାରି ଆଏନ୍‍ ।
\p
\v 6 ପୁଲାପୁଲି ମାଟେଙ୍ଗ୍‌ ୱେର୍‌ସି ଆମାକାନ୍‍ ମିଙ୍ଗିଁ ବାଣ୍ତିସ୍‍ କିମାକିନ୍‌ । ଇୟାୱିଜୁ ତାଗ୍‍ଇ ପାଣିଦାନ୍‍ ଏମେକାର୍‌ ମାପୁରୁଦି ମାଟା ଅମାନ୍ୟ କିନାର୍‌, ୱାରି ଉଣ୍ତିଙ୍ଗ୍‌ ୱାନି ରିସା ନାଣ୍ତ ଆନାତ୍‌ । 
\v 7 ଇୟାନାନି ଲୋକାୱାଲେ ମିସାମାଟ୍‍ । 
\v 8 ମିର୍‌ ନିଜେ ଅର୍‍ଲେନ୍‍ ସିକାଟିଦୁ ମାର୍ହିଦେର୍‍ । ମାତର୍‌ ଇଲେଇ ପ୍ରବୁଦି ଲୋକୁ ଆତିମାନିଙ୍ଗ୍‌ ମିର୍‌ ଜାୟ୍‌ତୁ ମାନିଦେର୍‍ । ଆଦେଙ୍ଗ୍‌ ମିର୍‌ ଜାୟ୍‌ତି କଡ଼ରି ୱାଜା ସାଲାବୁଲା ଆଦୁ । 
\v 9 ମାତର ଜାୟ୍‌ ନେ ୱିଜୁ ରକମ୍‍ତି ନେଗିଗୁଣୁ, ଦାର୍ମୁତିକା ମାରି ସତ୍‍ନାନି ପଲ୍‌ ଆସ୍‌ନାତ୍‌ । 
\v 10 ପ୍ରବୁଦି ୱେଡ଼ିକାଦିକାନ୍‌ ଆଦେଙ୍ଗ୍‌ ଇଜି ଅଜାଦୁ । 
\v 11 ଲୋକୁ ସିକାଟିଦୁ ଏମେ ୱିଜୁ ଟକେକିନି ପାଣି କିନାର୍‌, ଆୟାୱିଜୁ ମାଣ୍‌କୁ ଆକ ମାନ୍‍ଡ୍ରୁ । ମାରି ୱାରି ପାଣିୱିଜୁ ଜାୟ୍‍ତୁ ତର୍‍ସି ସିଦୁ । 
\v 12 ସତ୍‌ତାନ୍‌ ୱାର୍‌ ମାର୍‍ଗିଜି ଆମା ପାଣି ୱିଜୁ କିନାର୍‌, ଆୟା ବିସୟ୍‍ ୱେର୍‍ତେଙ୍ଗ୍‍ ସେମାର୍‍ତି ମାଟା । 
\v 13 ଏସ୍ତିୱାଲେ ୱିଜୁ ବିସୟ୍‍ ଜାୟ୍‍ତୁ ତାନାର୍‍, ନାସ୍ତିୱାଲେ ଆୟାୱିଜୁଦି ସତ୍‍ ମାଟା ତର୍‍ନାତ୍‍ । 
\v 14 ମାତର ଜାୟ୍‍ତି ୱିଜୁ ବିସୟ୍‍ତି ତର୍‍ନାନ୍‌ । ଆୟାଉଣ୍ତିଙ୍ଗ୍‌ ଇୟାୱାଜା ରାସାତାମାନାତ୍‌ :
\q1 “ଏ ସୁଜ୍‍ତି ଲୋକୁ ନିଙ୍ଗ୍‍ଦୁ
\q2 ମାରି ସାତି ଲୋକାମାଣାନ୍‌ ଜିବନ୍‌ଆଜି ନିଙ୍ଗ୍‍ଁଦୁ !
\q1 କ୍ରିସ୍ତଦି ଜାୟ୍‍ତୁ ଜାୟ୍‍ଆଦୁ ।”
\p
\v 15 ଆଦେଙ୍ଗ୍‌ ମିର୍‌ ଏଣ୍ତେସ୍‌ ସାଲାବୁଲା କିନିଦେର୍‍, ଆୟା ବିସୟତାନ୍ ଜାଗାର୍‌ତା ମାନ୍‍ଡ୍ରୁ । ବୁଦିସିଲିଲୋକା ୱାଜା ଆଏଣ୍ତା ବୁଦି ମାନି ଲୋକା ୱାଜା ସାଲାବୁଲା କିଦୁ । 
\v 16 \x + \xo ୫:୧୬ \xo*\xt କଲସିୟ ୪:୫.\xt*\x*ୱିଜୁ ଦିନ୍‍ତିଙ୍ଗ୍‍ ନେଗେନ୍‍ତାନ୍‍ ବ୍ୟବ୍‌ହାର୍‌ କିଦୁ, ଇରିଙ୍ଗ୍‌ ତାଗ୍‍ଇ ଦିନ୍‍ ଇଗା ୱାଜିନାତ୍ । 
\v 17 ବୁଦିସିଲି ୱାଜା ଆମାଟ୍‌, ମାତର୍‌ ପ୍ରବୁଦି ବଦାଦିଙ୍ଗ୍‍ ବୁଜାଦେଙ୍ଗ୍‍ ସେସ୍ଟା କିଦୁ ।
\p
\v 18 କାଡ଼ୁ ଉଣିମାନୁ ସସ୍‍ମାଟ୍‍, ଇରିଙ୍ଗ୍‌ ଆକା କେବଲ ମିଙ୍ଗିଁ ସାପିସ୍‍ କିନାତ୍‍, ମାତର୍‌ ପବିତ୍ର ଆତ୍ମାଦୁ ପୁରାଆଦୁ । 
\v 19 \x + \xo ୫:୧୯ \xo*\xt କଲସିୟ ୩:୧୬,୧୭.\xt*\x*ୱେଡ଼ିକାଦି ପାଟା, ଦନ୍ୟବାଦ ପାଟା ମାରି ପ୍ରସଂସା ପାଟା ଦାନ୍‍ ନିଜେ ନିଜେଦିଙ୍ଗ୍‍ ୱେଡ଼ିକା କିଦୁ । ଜିବନ୍‍ତି ଦନ୍ୟବାଦ ତାନ୍‍ ପ୍ରବୁଦି ଉଦେସ୍‍ତାନ୍‍ ପାଟା ମାରି ୱେଡ଼ିକାଦି ପାଟା ପାର୍‍ଦୁ । 
\v 20 ୱିଜୁଦିନ୍‍ ୱିଜୁ ବିସୟ୍‍ ଉଣ୍ତିଙ୍ଗ୍‌ ପ୍ରବୁ ଜିସୁ କ୍ରିସ୍ତଦି ଦର୍‍ତାନ୍‍ ବୁବା ମାପୁରୁଙ୍ଗୁଁ ଦନ୍ୟବାଦ୍‍ ସିଦୁ ।
\s କନ୍‍ଲି ନି ଆଡ଼୍‍ସି
\p
\v 21 କ୍ରିସ୍ତଦି ଉଣ୍ତିଙ୍ଗ୍‌ ମି ମାନାନିକା ମାନିଙ୍ଗ୍‍ ମିର୍‌ ନିଜେ ନିଜେଦିଙ୍ଗ୍‍ ମାନାଜି ସାଦୁ ।
\p
\v 22 \x + \xo ୫:୨୨ \xo*\xt କଲସିୟ ୩:୧୮; ୧ ପିତର ୩:୧.\xt*\x*ଆଇମେକ୍‍ ! ମିର୍‌ ଏଣ୍ତେସ୍‌ ପ୍ରବୁଙ୍ଗ୍‍ଁ ମାନାନିଦେର୍‍, ଆୟାୱାଜା ନିଜେ ନିଜେଦି କନ୍‌ଲିରିଙ୍ଗ୍‌ ମାନାଦୁ । 
\v 23 ମଣ୍ତଲି ମୁସ୍‌କୁ କ୍ରିସ୍ତଦି ଅଦିକାର୍‍ ୱାଜା ଆଡ଼୍‍ସିକା ମୁସ୍‌କୁ କନ୍‍ଲିସିରି ଅଦିକାର୍‌ ମାନାତ୍‌; ମାରି କ୍ରିସ୍ତନେ ୱାନି ମେନ୍ଧଲ୍‍ ୱାଜା ମଣ୍ତଲିଦି ରକିୟାକିନିକାନ୍‍ । 
\v 24 ମଣ୍ତଲି ଏଣ୍ତେସ୍‌ କ୍ରିସ୍ତମାନୁ ମାନାନାତ୍‍, ଆଡ଼୍‍ସିକ୍‍ ଟିକ୍‍ ଆୟାୱାଜା ନିଜେ ନିଜେଦି କନ୍‍ଲିସିରି ଲାକ୍‍ତୁ ପୁରାଦାନ୍‌ ମାନାପିଉ ।
\p
\v 25 କନ୍‌ଲିର୍‌, କ୍ରିସ୍ତଦିଙ୍ଗ୍ ଏଣ୍ତେସ୍‌ ମଣ୍ତଲିଦିଙ୍ଗ୍‍ ଜିବନ୍‍ନୋଜି, ତାନି ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌, ମିର୍‌ ଟିକ୍‍ ଆୟାୱାଜା ନିଜେ ନିଜେଦି ଆଡ଼ିକାଙ୍ଗ୍‍ଁ ଜିବନ୍‍ନୋଦୁ । 
\v 26 କ୍ରିସ୍ତ ମଣ୍ତଲିଦିଙ୍ଗ୍‍ ଏରୁଦୁ ନୋର୍‍ଜି ମାପୁରୁଦି ଉଦେସ୍‍ତାନ୍‍ ପବିତ୍ର କିନାନ୍‌, 
\v 27 ମାରି ମଣ୍ତଲିଦିଙ୍ଗ୍‍ ପବିତ୍ର, ଦସ୍‍ସିଲିକା, ପାପ୍‌ସିଲିକା ମାରି ୱିଜୁ ସୁନ୍ଦର୍‌ କିଜି ନିଜେ ଆସ୍‌ତାନ୍‌ । 
\v 28 କନ୍‍ଲିସିର୍‍ ନିଜେଦି ମେନ୍ଧଲ୍‍ ୱାଜା ଅଡ଼୍‍ବିଜି ନିଜେଦି ଆଡ଼ିଦିଙ୍ଗ୍‍ ଜିବନ୍‌ନୋନିକା ମାନାତ୍‌ । ଏନ୍‌ ନିଜେ ଆଡିଦିଙ୍ଗ୍ ଜିବନ୍‌ନୋନାନ୍‌, ୱାନ୍‌ ନିଜେଦିଙ୍ଗ୍ ଜିବନ୍‌ନୋନାନ୍‌ । 
\v 29 ଏନ୍‌ ଏସାଙ୍ଗ୍‍ ନିଜେଦି ମେନ୍ଦଲ୍‌ତିଙ୍ଗ୍‌ କାଡ଼୍‍ଏନ୍‍ । ମାତର୍‌ ମେନ୍ଦଲ୍‍ତି ଉଣିକାତିନିକା କିନାନ୍‍ ମାରି ତାନି ଜାତୁନ୍‍ ଅନାନ୍‍ କ୍ରିସ୍ତ ଏଣ୍ତେସ୍‌ ମଣ୍ତଲିଦି ଜାତୁନ୍‍ କିନାନ୍‍ । 
\v 30 ଇରିଙ୍ଗ୍‌ ମାଡ୍‌ ୱାନି ମେନ୍ଦଲ୍‌ତି ମେନ୍ଦଲକାନ୍ଦଲ୍‍ । 
\v 31 ଦାର୍ମୁସାସ୍ତ୍ରଦୁ ରାସାତାମାନାତ୍‌, “ଇୟାଉଣ୍ତିଙ୍ଗ୍‌ ଅରେନ୍‌ ମେମାର୍‌ଏନ୍‌ ନିଜେଦି ବୁବାୟାୟେଙ୍ଗ୍‌ ଡ଼ିସ୍‌ସି ନିଜେଦି ଆଡ଼୍‌ସି ୱାଲେ ତେବାନାନ୍‌ ମାରି ଆୟା ରିଏର୍‌ ଅରେନ୍‌ଆନାର୍‍ ।” 
\v 32 ସାସ୍ତ୍ରଦି ଇୟା ବାଗ୍‍ତୁ ଉନ୍‌ଡ୍ରି ମାର୍‍ଗିତି ସତ୍‍ ୱେଙ୍ଗିଁତା ମାନାତ୍‌ : ଇକା କ୍ରିସ୍ତ ନି ମଣ୍ତଲି ଉଣ୍ତିଙ୍ଗ୍‌ ବ୍ୟବହାର୍‌ କିଜିନା ଇଜି ନାନୁ ବୁଜାତାମାନା । 
\v 33 ୱିଜୁ କନ୍‌ଲିର୍‌ ଆଡ଼ିଦିଙ୍ଗ୍‍ ନିଜେଦି ଜିବନ୍‌ନୋନି ୱାଜା ଜିବନ୍‌ନୋପିନ୍‍ ମାରି ୱିଜୁ ଆଡ଼ି ନିଜେଦି କନ୍‍ଲିଙ୍ଗ୍‍ ମାନାପିଉ ।
\c 6
\s ବୁବାୟାୟା ନି କଡ଼ର୍ ଆଇଲିକ୍‌
\p
\v 1 \x + \xo ୬:୧ \xo*\xt କଲସିୟ ୩:୨୦.\xt*\x*ଏ କଡ଼ର୍‍, ପ୍ରବୁଦି ଉଣ୍ତିଙ୍ଗ୍‌ ବୁବାୟାୟାରିଙ୍ଗ୍‍ ମାନାନିକା ମି ବିସ୍‍ବାସି ଲୋକା ପାଣି, ଇରିଙ୍ଗ୍‌ ଇକାନେ ଟିକ୍‌ ସାଲାବୁଲା । 
\v 2 “ମି ବୁବାୟାୟାରିଙ୍ଗ୍‍ ମାନାଦୁ ।” ଇୟା ମାଟାଦୁ ଉନ୍‌ଡ୍ରି ପାର୍‍ମାଣ୍‍ ମିସାକିଜି ୱେର୍‍ଆଇ ଆତାମାନାତ୍‌, 
\v 3 “ଏଣ୍ତେସ୍‌ ମି ନେଗିକା ଆନାତ୍‌ ମାରି ମିର୍‌ ଦୁନିଆଦୁ ନାଣ୍ତ ଦିନ୍‌ ଜିନିଦେର୍‍ ।”
\p
\v 4 \x + \xo ୬:୪ \xo*\xt କଲସିୟ ୩:୨୧.\xt*\x*ଏ ବୁବାୟାୟାର୍‍, କଡ଼ରିଙ୍ଗ୍‍ ଗିଦ୍ରି ଆନି ନାନି ଇନି ପାଣି କିମାଟ୍‌, ମାତର୍‌ ପ୍ରବୁଦି ବିସ୍‍ବାସ୍‌ତାନ୍‌ ବ୍ୟବ୍‌ହାର୍‌ କିଦୁ ମାରି ସିକିୟାଦୁ ୱାରିଙ୍ଗ୍ ଜାତୁନ୍‍ କିଦୁ ।
\s କଟିସାକର୍‌‍ ନି ମାଲିକ୍‍
\p
\v 5 \x + \xo ୬:୫ \xo*\xt କଲସିୟ ୩:୨୨-୨୫.\xt*\x*କଟିସାକର୍‌, ମିର୍‌ କ୍ରିସ୍ତଦି ସେବା କିଜିନାପ୍‍ ଅଡ଼୍‍ବିଜି ମନ୍‍ତାନ୍‍ ତିଲାଜି ନି ତିର୍‍ଗିଜି ଦୁନିଆଦି ମାଲିକାଙ୍ଗ୍‍ଁ ମାନାନିଦେର୍‍ । 
\v 6 କେବଲ ମାଲିକ୍‌ ମିଙ୍ଗିଁ ସୁଡ଼ୁନିୱାଲେ ୱାନି ୱେଡ଼ିକା ଆନି ଉଣ୍ତିଙ୍ଗ୍‍ଁ ଇକା କିଏଣ୍ତା, କ୍ରିସ୍ତଦି କଟିସାକର୍‌ ୱାଜା ମି ୱିଜୁ ମନ୍ ସିଜି ମାପୁରୁଦି ବଦା ମାନାଦୁ । 
\v 7 କେବଲ ଲୋକା ସେବାକିଜିନାପ୍‍ ଅଡ଼୍‍ବିଏଣ୍ତା ପ୍ରବୁଦି ସେବା କିନି ୱାଜା ୱେଡ଼ିକାଦାନ୍‍ ପାଣି କିଦୁ । 
\v 8 ମନ୍‌ତୁ ଇଡ୍‌ଦୁ, ୱାନ୍‌ କଟିସାକର୍‌ ଆପିନ୍‌ କି ମୁକ୍‍ଡ଼ାତିକାନ୍‍ ଆପିନ୍‌ ପ୍ରବୁ ୱିଜୁ ଲୋକ୍‍ତିଙ୍ଗ୍‍ ୱାନି ନେଗିପାଣି ଉଣ୍ତିଙ୍ଗ୍‌ ପୁରସ୍କାର୍‍ ସିନାନ୍‍ ।
\p
\v 9 \x + \xo ୬:୯ \xo*\xt କଲସିୟ ୪:୧ \xt*\xt କଲସିୟ ୩:୨୫.\xt*\x*ଏ ମାଲିକ୍‍କୁ, ମି କଟିସାକର୍‌କା ଉଣ୍ତିଙ୍ଗ୍‍ଁ ନେଗେନ୍‍ତାନ୍‍ ବ୍ୟବ୍‌ହାର୍‌ କିଦୁ ମାରି ୱାରିଙ୍ଗ୍‍ଁ ଆଦ୍‍ରିସ୍‍କିମାଟ୍‍ । ମନ୍‌ତୁ ଇଡ୍‌ଦୁ, ମିର୍‌ ନି ମି କଟିଦାସ୍‍କୁ ୱିଜେରେ ମୁସ୍‌କୁପୁର୍‌ତି ପ୍ରବୁଦି ଆଡ୍‍ଗି ମାନିକା । ୱାନ୍‌ ୱିଜେରିଙ୍ଗ୍‍ଁ ସାମାନ୍‍ତାନ୍‍ ବିଚାର୍‍ କିନାନ୍‍ ।
\s ମାପୁରୁ ସିତିମାନି ୱିଜୁ ଜୁଦ୍‌କିନିସାଜୁ
\p
\v 10 ସାରାସାରି ୱେନ୍‌କା, ପ୍ରବୁଦି ୱାଲେ ମିସାଜି ୱାନି ପେରିସାକ୍ତିଦୁ ବପୁ ଆଦୁ । 
\v 11 ମାପୁରୁ ସିତିମାନି ୱିଜୁ ଜୁଦ୍‍ସାଜୁଦାନ୍‌ ତିଆର୍‍ ଆଦୁ, ଏଣ୍ତେସ୍‌ ସୟତାନ୍‍ତି ତାଗ୍‍ଇ ପାଣିଦି ଆଗିଡ଼ି ନିନ୍‌ଡ୍ରେଙ୍ଗ୍‍ ଆଟ୍‍ନିଦେର୍‍ । 
\v 12 ଇରିଙ୍ଗ୍‌ ମାଡ୍‌ ଦୁନିଆଦୁ ବାସାଜିମାନି ଲୋକା ବିରୁଦ୍‍ତାନ୍‍ ଜୁଦ୍‍ କିଇକା; ମାଡ୍‌ ୱାର୍‍ଇବାଦଡ଼୍‍ତି ତାଗ୍‍ଇ ସାକ୍ତି ମାରି ସିକାଟି ଜୁଗ୍‍ତି ସାସନ୍‌କିନିକାତ୍‍, ଅଦିକାରି ମାରି ୱିଜୁ ଦୁନିଆଦି ତାଗିଇ ଆତ୍ମିକ ସାକ୍ତି ବିରୁଦ୍‍ତାନ୍‍ ଜୁଦ୍‍ କିଜିନିକା । 
\v 13 ମାତର୍‌ ଇଲେଇ ମାପୁରୁସିତିମାନି ଜୁଦ୍‍ସାଜୁ ଆରାଦୁ; ଆତିଙ୍ଗ୍‍ଁ କାକୁର୍ତି ଦିନ୍‍ତୁ ମିର୍‌ ସାତ୍ରୁଦି ଆଗ୍‌ଡ଼ି ନିନ୍‌ଡ୍ରେଙ୍ଗ୍‍ ଆଟ୍‍ନିଦେର୍‍ ମାରି ସେସ୍‍ ସାନ୍ଦି ଜୁଦ୍‍ କିଜିବା ଡାଟ୍‍ତାନ୍‍ ତେବାନିଦେର୍‍ । \fig ରମିୟ ସନ୍ୟ|alt="Roman soldier" src="lb00196c.tif" size="col" copy="Horace Knowles ©" ref="୬:୧୦"\fig*
\p
\v 14 ଆଦେଙ୍ଗ୍‌ ଜାଗାର୍‌ତା ଆଦୁ, ସତ୍‍ନାନି ବେଲେଟୁ ଗାଟିଦୁ ମି ଜୁକି ସାରିବେଡ଼୍‍ତି ତର୍‌ତୁ, ଦାର୍ମୁ ନାନି ମି ବକାଦିସାଜୁ ଆରାଦୁ, 
\v 15 ମାରି ସାନ୍ତିଦି ସୁସମାଚାର୍‌ତି ଉଣ୍ତିଙ୍ଗ୍‌ ରସ୍‌ତିନାନି ପାଦାମ୍‌ତୁ ଜୁତେଙ୍ଗ୍‍ ଆରାଜି ଡାଟ୍‌ ଆଜି ନିଲ୍‍ତୁ । 
\v 16 ୱିଜୁଦିନ୍ ବିସ୍‍ବାସ୍‍ତି ସାଜୁ ପିଣ୍ତଦୁ, ତେନି ସାକାଦାନ୍‍ ସୟତାନ୍‍ ମାଣାନ୍‌ ପୋକ୍‌ନି ୱିଜୁ ସିସୁ ଇଟା ନାପ୍‍ତେଙ୍ଗ୍‍ ମିର୍‌ ଆଟ୍‍ନିଦେର୍‍ । 
\v 17 ମାରି ପରିତ୍ରାଣନାନି ଜୁଦ୍‍ଦି ଟପି ଆରାଦୁ, ପବିତ୍ରଆତ୍ମା ସିତିମାନି ମାପୁରୁଦି ବାକ୍ୟନାନି କାଣ୍ତା ଆସ୍‌ତୁ । 
\v 18 ମାପୁରୁଦି ସାକା ଲସ୍‍ସି ପାର୍‌ତାନାଦି ୱାଲେ ଇୟାୱିଜୁ କିଦୁ । ୱିଜୁ ୱେଡ଼ାଦୁ ପବିତ୍ର ଆତ୍ମାଦି ସାଲାକିନି ଇସାବ୍‍ତାନ୍‍ ପାର୍‍ତନା କିଦୁ । ଜାଗାର୍‌ତା ମାନ୍‍ଡ୍ରୁ; ଏସାଙ୍ଗ୍‍ ୱାନ୍ଦ୍‍ମାଟ୍‍ । ମାପୁରୁଦି ଲୋକା ଉଣ୍ତିଙ୍ଗ୍‌ ୱିଜୁୱାଲେ ପାର୍‍ତନାଦୁ ଏତ୍‌ କିଦୁ । 
\v 19 ନା ଉଣ୍ତିଙ୍ଗ୍‌ ବା ପାର୍‍ତନା କିଦୁ, ଏଣ୍ତେସ୍‌ ସୁସମାଚାର୍‍ତି ମାର୍‍ଗିତିମାନି ମାଟା ୱେର୍‌ତେଙ୍ଗ୍‍ ମାରି ତିଲାଏଣ୍ତା ଆକା ୱେର୍‍ତେଙ୍ଗ୍‍ ମାପୁରୁ ନା ୱେୟୁଦୁ ଟିକ୍‍ ବାକ୍ୟ ସିନାନ୍ । 
\v 20 ଇଲେଇ ଜଇଲ୍‌ତୁ ମାରିଙ୍ଗ୍‍ଁ ବା ନାନୁ ସୁସମାଚାର୍‌ ଉଣ୍ତିଙ୍ଗ୍‌ ଅରେନ୍‍ ରାଜାଦୁତ୍‍ । ପାର୍‍ତନା କିଦୁ, ଏଣ୍ତେସ୍‌ ନାନୁ ସାସ୍ତି ୱାଲେ ଟିକ୍‍ତାନ୍‍ ସୁସମାଚାର୍‌ ୱେର୍‍ତେଙ୍ଗ୍‍ ଆଟ୍‍ନା ।
\s ସାରାସାରି ମାଡ଼ିସ୍‌କିନିକା
\p
\v 21 \x + \xo ୬:୨୧ \xo*\xt ପ୍ରେରିତ ୨୦:୪; ୨ ତିମତି ୪:୧୨.\xt*\x*\x + \xo ୬:୨୧ \xo*\xt କଲସିୟ ୪:୭,୮.\xt*\x*ନା ଅବସ୍ତା ବିସୟ୍‍ତାନ୍‍ ମିର୍‌ ଏଣ୍ତେସ୍‌ ନେସ୍‍ତେଙ୍ଗ୍‍ ଆଟ୍‍ନିଦେର୍‍, ଆୟାଉଣ୍ତିଙ୍ଗ୍‌ ମା ଲାଡ୍‍ତି ତଡ଼ାନ୍‍ ମାରି ପ୍ରବୁଦି ପାଣି କିଜିମାନି ବିସ୍‍ବାସିରି ସେବାକିନି ତୁକିକ ନା ବିସୟ୍‍ତାନ୍‍ ମିଙ୍ଗିଁ ୱିଜୁ ମାଟା ୱେର୍‍ନାନ୍‍ । 
\v 22 ମାପ୍‌ ୱିଜେରେ ଏଣ୍ତେସ୍‌ ମାନାପ୍‍, ଆୟା ମାଟା ୱେର୍‍ସି ମିଙ୍ଗିଁ ୱେଡ଼ିକା କିବିସ୍‍ କିଦେଙ୍ଗ୍‍ଁ ଇଜି ନାନୁ ୱାନିଙ୍ଗ୍‍ଁ ମି ଲାକ୍‍ତୁ ପକ୍‍ତାଜିନା । 
\v 23 ବୁବା ମାପୁରୁ ନି ପ୍ରବୁ ଜିସୁ କ୍ରିସ୍ତ ବିସ୍‍ବାସି ତଡ଼ାନ୍‍କାଙ୍ଗ୍‍ଁ ନି ତାଙ୍ଗିଁକାଙ୍ଗ୍‍ଁ ସାନ୍ତି, ଜିବନ୍‍ନୋନିକା ମାରି ବିସ୍‍ବାସ୍‍ ସିପିନ୍‍ । 
\v 24 ମା ପ୍ରବୁ ଜିସୁ କ୍ରିସ୍ତଦି ଉଣ୍ତିଙ୍ଗ୍‍ଁ ଏମେୱାରି ଜିବନ୍‍ନୋନିକା ୱିଜ୍‌ଏତ୍‍, ୱାନ୍‌ ୱାରିଙ୍ଗ୍‌ ଉଣ୍ତିଙ୍ଗ୍‌ ଦୟା କିପିନ୍‍ ।