\id COL - Kopo
\ide UTF-8
\h କଲସିୟ
\toc3 କଲସିୟ
\toc2 କଲସିୟ
\toc1 କଲସିୟ ଲୋକା ଲାକ୍‌ତୁ ପାଉଲତି ଆକୁ
\mt2 କଲସୀୟମାନଙ୍କ ନିକଟକୁ ପାଉଲଙ୍କ ପତ୍ର
\mt1 କଲସିୟ ଲୋକା ଲାକ୍‌ତୁ ପାଉଲତି ଆକୁ
\imt3 କଲସିୟ ଆକୁ ବିସୟ୍‌ତାନ୍‌ ଏସ ମାଟା
\ip କଲସିୟ ଲାକ୍‌ତୁ ରାସ୍‌ତିମାନି ବଇ ଆଜିନାତ୍‌ ପାଉଲତି ମାଣାନ୍‌ ରାସାତି ବଇ ଇକା \xt ୧:୧\xt* । ପାଉଲ ଆନାତ୍‌ ସୁଗି ଜିସୁ କ୍ରିସ୍ତଦି ଜନମ୍‌ ୱେନ୍‌କା ପାକାପାକି ୬୦ ବାର୍ସେକ୍‌ ରମ୍‌ ଗାଡ଼୍‌ଦୁ ମାନି ବେଡ଼ାଦୁ ୱାନ୍‌ ଇୟା ବଇ ରାସାତା ମାର୍ହାନ୍‌ । କଲସି ବଇଦି ୱାଲେ ଏପିସିୟ ମାରି ପିଲିପିୟ ବଇଦିଙ୍ଗ୍‌ ଜଇଲ୍‌ତି ବଇ ଇଜି ଇନାର୍‌ ଇରିଙ୍ଗ୍‌ ପାଉଲ ଜଇଲ୍‌ତୁ ମାନି ବେଡ଼ାଦୁ ଇୟା ବଇ ରାସାତା ମାର୍‌ଆନ୍‌ । ୱାନ୍‌ କଲସିୟ ଗାଡ଼୍‌ଦୁ ମାନି ମଣ୍ତଲି ଲାକ୍‌ତୁ ଇୟା ବଇ ରାସ୍‌ତା ମାର୍‌ଆନ୍‌ । ପାଉଲ ୱାନ୍‌ ଇୟା ମଣ୍ତଲିଦିଙ୍ଗ୍‌ ଆରାମ୍‌ କିଏନ୍‌ ମାର୍ହାନ୍‌ ଆମାକା ଇକା \xt ୨:୧\xt* ମାନାତ୍‌, ମାତର୍‌ ନାଣ୍ତ ଲୋକୁ ଆବେନୁ ୱାନି ଦାଇତ୍‌ ତେବାତିମାନି ମାଟା ଏତ୍‌ କିନାର୍‌ । ଏପାପ୍ରସ ଇୟା ମଣ୍ତଲି ତିଆର୍‌ କିତାମାର୍ହାନ୍‌ ଆଦେଙ୍ଗ୍‌ ୱାନ୍‌ କଲସିୟଦି ଲୋକୁ ମାର୍ହାନ୍‌ ।
\ip ପାଉଲ କଲସିୟ ମଣ୍ତଲିଦୁ ଏସ ମିଚ୍‌ ସାକି ବିସୟ୍‌ତାନ୍‌ ସିନ୍ତା ମାନାନ୍‌ । ୱାନ୍‌ ଇୟା ବିସୟ୍‌ତାନ୍‌ ବଇ ରାସ୍‌ନି ଉଣ୍ତିଙ୍ଗ୍‌ ନାଣ୍ତ ବେଡ଼ା କାଟେ କିତାମାନାନ୍‌ । ଇବେନୁ ଆଦେଙ୍ଗ୍‌ ଆଟ୍‌ନାତ୍‌ ଉନ୍‌ଡ୍ରି ଦଲ୍‌ ଜିହୁଦି କ୍ରିସ୍ଟିଆନ୍‌ ଆମାକାର୍‌କି ଆଇ କ୍ରିସ୍ଟିଆନ୍‌ ଲୋକାଙ୍ଗ୍‌ ପାଡ଼ିଇ ନିୟମ୍‍ଦି ଜିହୁଦି ନିୟମ୍‌ତିଙ୍ଗ୍‌, ନେସ୍‌ନିୱାଜା ସୁନ୍ନତ ରିତିନିତିଦିଙ୍ଗ୍‌ ମାନାଦେଙ୍ଗ୍‌ ଇଜି ୱେର୍‌ତେଙ୍ଗ୍‌ ସେସ୍ଟା କିଜିମାର୍ହାର୍‌ । ପାଉଲ ନେସ୍‌ନିୱାଜା ଦର୍‌କାର୍‌ ସିଲି କ୍ରିସ୍ଟିଆନ୍‌ ବିସୟ୍‌ତାନ୍‌ ରାସ୍‌ନାନ୍‌, ଅରେନ୍‌ ଏନ୍‌ ଆତିଙ୍ଗ୍‌ବା କ୍ରିସ୍ତଦିଙ୍ଗ୍‌ ଡ଼ିସ୍‌ତିଙ୍ଗ୍‌ ମାପୁରୁଦି ଲାକ୍‌ତୁ ନେଗିକାନ୍‌ ଆଦେଙ୍ଗ୍‌ ଆଟ୍‌ଏନ୍‌ \xt ୧:୧୫-୨୦\xt* ମାରି ଲୋକ୍‌ଦି ଆସ୍‌ସିମାନି ମାଣାନ୍‌ ତିଆର୍‌ଆତି ସିକ୍‌ୟା ବେକାର୍‌ ଆନାତ୍‌ \xt ୨:୮\xt* ।
\iot ଇୟା ଆକୁଦୁ ମାନି ଏସ ମୁକିୟ ବିସୟ୍‌
\io1 ୧. କଲସିୟ ମଣ୍ତଲିଦିଙ୍ଗ୍‌ ପାଉଲତି ମାଡ଼ିସ୍‌କିନିକା । \ior ୧:୧-୨\ior*
\io1 ୨. କ୍ରିସ୍ତଦି ପେରିକା ନି ମିଚ୍‌ ସାକି ମୁସ୍‌କୁ ପାଉଲଦି ମାଟାଦିଙ୍ଗ୍‌ ମାଟା ଆତାନ୍‌ । \ior ୧:୩–୩:୪\ior*
\io1 ୩. ପୁରାନେଗି କ୍ରିସ୍ଟିଆନ୍‌ ଜିବନ୍‌ତୁ ଜିନିମାଡ଼ିନି ଉଣ୍ତିଙ୍ଗ୍‌ ପାଉଲତି ମାଟା । \ior ୩:୫–୪:୬\ior*
\io1 ୪. ପାଉଲ ଇୟା ବଇଦିଙ୍ଗ୍‌ ଆଇ ମଣ୍ତଲିଦୁ ବା ପଡ଼ାଦେଙ୍ଗ୍‌ ୱେର୍‌ସି ମାଡ଼ିସ୍‌କିନିକା ୱେର୍‌ସି ୱିସ୍‌ନାନ୍‌ । \ior ୪:୭-୧୮\ior*
\c 1
\p
\v 1 ମାପୁରୁଦି ବଦାଦାନ୍‌ କ୍ରିସ୍ତ ଜିସୁଦି ଅରେନ୍‍ ପ୍ରେରିତ ସିସୁ, ପାଉଲ ମାରି ତଡ଼ାନ୍‌ ତିମତି
\p
\v 2 କଲସିଦୁ ମାନି ସାଦୁରିଙ୍ଗ୍‌ ମାରି କ୍ରିସ୍ତବିସ୍‌ବାସ୍‌ସିର୍‌ ତଡ଼ାନ୍‌କୁ ନି ତାଙ୍ଗିକ୍ ଲାକ୍‌ତୁ ଇୟା ଆକୁ ରାସ୍‌ସିନାନ୍‌,
\p ମା ବୁବା ମାପୁରୁମାଣୁକୁ ଦୟା ମାରି ସାନ୍ତି ମି ଉଣ୍ତିଙ୍ଗ୍‌ ଆପିତ୍‌ ।
\s ଦନ୍ୟବାଦ୍‌ ସିନି ପାର୍‌ତାନା
\p
\v 3 ମାପୁ ମି ଉଣ୍ତିଙ୍ଗ୍‌ ପାର୍‌ତାନା କିଜି ମା ପ୍ରବୁ ଜିସୁ କ୍ରିସ୍ତଦି ବୁବା ମାପୁରୁଙ୍ଗୁଁ ୱିଜୁଦିନ୍ ଦନ୍ୟବାଦ୍‌ ସିଜିନାପ୍‌; 
\v 4 ଇରିଙ୍ଗ୍‌ କ୍ରିସ୍ତ ଜିସୁଦିମାନୁ ମି ବିସ୍‌ବାସ୍‌ ମାରି ମାପୁରୁଦି ୱିଜେରି ଲୋକା ଉଣ୍ତିଙ୍ଗ୍‌ ଜିବନ୍‍ନନି ବିସୟ୍‌ ୱେର୍ହାମାନାପ୍, 
\v 5 ଏସ୍ତିୱାଲେ ସୁସମାଚାର୍‌ତି ସତ୍‌ ବାକ୍ୟ ମି ଲାକ୍‍ତୁ ଆଗ୍‍ଡ଼ି ୱାତାତ୍‍, ମିର୍‌ ଆୟାମାଣାନ୍‍ ସିଆୟ୍‍ଆତିମାନି ଆସାଦି ମାଟା ୱେର୍‌ଇମାର୍‍ଇଦେର୍‌ । ମିର୍‌ ଆମାକା ଆସା କିନିଦେର୍‍, ଆମାକା ମି ଉଣ୍ତିଙ୍ଗ୍‌ ମୁସ୍‌କୁପୁର୍‌ତୁ ନେଗେନ୍‍ ତେବାନାତ୍‍, ତାନି ମୁସ୍‌କୁ ମି ବିସ୍‍ବାସ୍‍ ମାରି ଜିବନ୍‍ନୋନିକା ତିଆର୍‌ଆତାମାନାତ୍‌ । 
\v 6 ଆମା ସୁସମାଚାର୍‌ ପ୍ରଚାର୍‍ତି ଉଣ୍ତିଙ୍ଗ୍‌ ମିର୍‌ ଆଗ୍‍ଡ଼ିନେ ମାପୁରୁଦି ଦୟା ବିସୟ୍‍ ୱେର୍‌ଇଦେର୍‌ ମାରି ତେନି ସତ୍‍ତିକା ଅଡ଼୍‍ବିତିଦେର୍‍, ଆୟା ସୁସମାଚାର୍‌ ଇଲେଇ ସାରା ଜଗତ୍‌ଦୁ ୱେଙ୍ଗିଁତାମାନାତ୍‍ ମାରି ଆର୍ସିବାଦ୍‌ ତାସିନାତ୍‍ । 
\v 7 \x + \xo ୧:୭ \xo*\xt କଲସିୟ ୪:୧୨; ପିଲିମନ ୧:୨୩.\xt*\x*ମା ତରିଟାନ୍‌ କ୍ରିସ୍ତଦି ଅରେନ୍‍ ବିସ୍‌ବାସ୍‌ତାନ୍‌ ସେବାକିନିକାନ୍‌ ମାରି ମା ଲାଡ୍‍ତି ଅର୍‍ସେପାଣିକିନି ଏପାଫ୍ରାଦିମାଣ୍‌ନା ମିର୍‌ ମାପୁରୁଦି ଆୟା ଦୟା ବିସୟ୍‌ କିତିମାନିଦେର୍‌; 
\v 8 ପବିତ୍ର ଆତ୍ମା ମିଙ୍ଗିଁ ସିତିମାନି ଜିବନ୍‌ନୋନି ବିସୟ୍‌ତାନ୍‌ ୱାନ୍‌ ମାଙ୍ଗିଁ ୱେର୍‌ତାମାନାନ୍‌ ।
\p
\v 9 ଇୟାଉଣ୍ତିଙ୍ଗ୍‌ ମି ବିସୟ୍‌ତାନ୍‌ ୱେନି ନାଣ୍ତିରାନ୍‌ ମାପ୍‌ ବା ମି ଉଣ୍ତିଙ୍ଗ୍‌ ୱିଜୁଦିନ୍‍ ପାର୍‌ତାନା କିଜିନାପ୍‌ । ପବିତ୍ରଆତ୍ମା ସିତିମାନି ୱିଜୁ ବୁଦି ମାରି ବୁଜାନି ସାକ୍ତିଦାନ୍‌ ମାପୁରୁଦି ବଦା ପୁରାଦାନ୍‌ ମିର୍‌ ଏଣ୍ତେସ୍‌ ନେସ୍‌ତେଙ୍ଗ୍‌ ଆଟ୍‌ନିଦେର୍‌, ଇୟାଉଣ୍ତିଙ୍ଗ୍‌ ମି ଉଣ୍ତିଙ୍ଗ୍‌ ମାପ୍‌ ପାର୍‍ତନା କିଜିନାପ୍‍ । 
\v 10 ଆର୍‌ତିଙ୍ଗ୍‌, ମିର୍‌ ପ୍ରବୁଦି ବଦାଦି ୱାଜା ଜିଦେଙ୍ଗ୍‌ ଆଟ୍‍ନିଦେର୍‍ ମାରି ୱାନି ୱେଡ଼ିକାଦି ପାଣି କିଦେଙ୍ଗ୍‌ ଆଟ୍‍ନିଦେର୍‍ । ମିର୍‌ ଜିବନ୍‍ତୁ ୱିଜୁ ରକମ୍‍ତି ନେଗି ପାଣି କିଦେଙ୍ଗ୍‌ ଆଟ୍‍ନିଦେର୍‍ ମାରି ମାପୁରୁଦି ବିସୟ୍‍ତାନ୍‍ ମି ବୁଦି ପିର୍‍ନାତ୍‍ । 
\v 11 ମାରି ୱିଜୁ ବିସୟ୍‌ତୁ ମିର୍‌ ଏଣ୍ତେସ୍‌ ସାସ୍‌ତାନ୍‌ ମାରି ସାସ୍‌ କିଦେଙ୍ଗ୍‌ ଆଟ୍‌ନିଦେର୍‌, ଇୟାଉଣ୍ତିଙ୍ଗ୍‌ ୱାନି ଗୌରବ୍‌ଦି ସାକ୍ତି ଦାନ୍‌ ମିର୍‌ ବପୁ ଆଦୁ, 
\v 12 ମାରି ଆମା ବୁବା ମାପୁରୁ ଜାୟ୍‌ତି ରାଜିଦୁ ୱାନି ଲୋକା ଉଣ୍ତିଙ୍ଗ୍‌ ଆମାକା ରକିୟାକିଜି ଇଟ୍‌ତାମାନାନ୍‌, ୱାନି ମିସାନି ଉଣ୍ତିଙ୍ଗ୍‌ ୱାନ୍‌ ଜେ ମିଙ୍ଗିଁ ଆସ୍‌କିତାମାନାନ୍‌, ଇୟାଉଣ୍ତିଙ୍ଗ୍‌ ୱାନିଙ୍ଗ୍‌ ୱେଡ଼ିକାଦି ୱାଲେ ଦନ୍ୟବାଦ୍‌ ସିଦୁ । 
\v 13 ୱାନ୍‌ ମାଙ୍ଗିଁ ସିକାଟିଦି ସାକ୍ତିଦାନ୍‌ ଉଦାର୍‌ କିତାମାନାନ୍‌ ମାରି ତିର୍‌ତାନ୍‌ ମାଙ୍ଗିଁ ୱାନି ଲାଡ୍‍ତି ମାରିନ୍‌ତି ରାଜିଦୁ ତାତାମାନାନ୍‌, 
\v 14 \x + \xo ୧:୧୪ \xo*\xt ଏପିସିୟ ୧:୭.\xt*\x*ଆୟା ମାରିନ୍‌ତି ମାଣାନ୍‌ ମାପୁ ମୁକୁଡ଼ାତା ମାନାପ୍‌, ମାରି, ମା ପାପ୍‌ କେମା ଆତାମାନାପ୍‌ ।
\s କ୍ରିସ୍ତ ମାରି ୱାନି ପାଣି
\p
\v 15 କ୍ରିସ୍ତ ତରାୟ୍‌ଆଇ ମାପୁରୁଦି ତରାଇଆନି ମୁର୍ତିୱାଜା, ୱାନ୍‌ ଆଗ୍‌ଡ଼ି ଜନମ୍‌ଆତି ମାରିନ୍‌, ୱିଜୁ ଗାଡ଼୍‍ଆତିମାନି ବିସୟ୍‌ତିମାଣ୍‌କୁ ପେରିକାନ୍‌ । 
\v 16 ଇରିଙ୍ଗ୍‌ ୱାନି ମାଣାନ୍‌ ମାପୁରୁ ମୁସ୍‍କୁପୁର୍‍ତୁ ନି ଦୁନିଆଦୁ ୱିଜୁ ତରାନିକା ମାରି ତରାଇକା ଜିନିସ୍‍, ଆତ୍ମାଦି ସାକ୍ତିୱିଜୁ, ସାଲାକିନିମାଲିକ୍‌, ସାସନ୍‌କିନିକାର୍‍ ମାରି ୱିଜୁ ଅଦିକାରିରିଙ୍ଗ୍‍ ତିଆର୍‍ କିତାନ୍‍ । ୱାନି ମାଣୁକୁ ମାରି ୱାନି ଉଣ୍ତିଙ୍ଗ୍‌ ମାପୁରୁ ସାରାଦୁନିଆଦିଙ୍ଗ୍‌ ତିଆର୍‌ କିତାନ୍‌ । 
\v 17 ୱିଜୁ ବିସୟ୍‌ ତିଆର୍‌ ଆନି ଆଗ୍‍ଡ଼ିନେ କ୍ରିସ୍ତ ମାନାନ୍‌ ମାରି ୱାନିୱାଲେ ମିସାନି ମାଣାନ୍‌ ୱିଜୁ ବିସୟ୍‌ ନିଜେ ନିଜେଦି ଗାଡ଼୍‌ଆତିମାନି ବାଡିଦୁ ମାନେ । 
\v 18 \x + \xo ୧:୧୮ \xo*\xt ଏପିସିୟ ୧:୨୨,୨୩.\xt*\x*ମାରି, ୱାନ୍‌ ୱାନି ପାର୍‌ତନା କିନି ମଣ୍ତଲିୱାଜା ମେନ୍ଦଲ୍‌ତି ତାଲା, ଆୟା ମେନ୍ଦଲ୍‍ତି ୱାନ୍‌ ଜିବନ୍‍ ସାକ୍ତି, ସାତିୱାରିମାଣାନ୍‍କୁ ୱାନ୍‌ ପାର୍‍ତୁମ୍‍ ଜନମ୍‍ ଆତିମାନି କଡ଼, ୱିଜୁ ବିସୟ୍‍ତୁ ପାର୍‍ତୁମ୍‍ ବାଡି ପୟ୍‍ନି ଉଣ୍ତିଙ୍ଗ୍‍ ଆଗ୍‌ଡ଼ିଆନାନ୍‌ । 
\v 19 ଇରିଙ୍ଗ୍‌ ମାପୁରୁଦି ବଦା ଇସାବ୍‌ତାନ୍‌ ମାରିନ୍‌ ନିଜେ ମାପୁରୁଦି ପୁରାଗୁଣ୍‍ ଆସ୍‍ତାମାନାନ୍‍ । 
\v 20 \x + \xo ୧:୨୦ \xo*\xt ଏପିସିୟ ୨:୧୬.\xt*\x*ମାରିନ୍‌ତି ମାଣ୍‌କୁ ମାପୁରୁ ସାରାଦୁନିଆଦିଙ୍ଗ୍‌ ନିଜେଦି ଲାକ୍‌ତୁ ଡ଼େସି ତାତେଙ୍ଗ୍‌ ଇଜି ତିର୍‌ କିତାନ୍‌, କ୍ରୁସକାଟ୍‌ଦୁ ୱାନି ମାରିନ୍‌ତି ସାତିମାଣାନ୍‌ ମାପୁରୁ ସାନ୍ତି ତିଆର୍‌ କିତାମାନାନ୍‌ ମାରି ପୃତିବି ନି ମୁସ୍‌କୁପୁର୍‌ତୁ ମାନି ୱିଜୁ ବିସୟ୍‌ତିଙ୍ଗ୍‌ ନିଜେଦି ଲାକ୍‌ତୁ ଡ଼େସି ତାତାମାନାନ୍‌ ।
\p
\v 21 ଉନ୍‌ଡ୍ରେ ବେଡ଼ାଦୁ ତାଗ୍‌ଇ ପାଣି ନି ତାଗ୍‍ଇ ସିନ୍ତା କିଜିମାନିଙ୍ଗ୍‌ ମିର୍‌ ମାପୁରୁଦିମାଣୁକୁ ଆକ ମାର୍‌ଇଦେର୍‌ ମାରି ୱାନି ସାତ୍ରୁ ମାର୍‌ଇଦେର୍‌ । 
\v 22 ମାତର୍‌ ଇଲେଇ ୱାନ୍‌ ମିଙ୍ଗିଁ ବା ୱାନି ଆଗ୍‌ଡ଼ି ପବିତ୍ର, ନିନ୍ଦା ମାରି ଦସ୍‍ସିଲିକା କିଜି ତାନି ଉଣ୍ତିଙ୍ଗ୍‌ ୱାନି ମାରିନ୍‌ତି ମେନ୍ଦଲ୍‌ତାନ୍‌ ସାତି ମାଣୁକୁ ମିଙ୍ଗିଁ ନିଜେଦି ୱାଲେ ମାରିଡ଼େସି ମିସାକିତା ମାନାନ୍‌ । 
\v 23 ମିର୍‌ ଏସ୍‌କାଙ୍ଗ୍‌ ବିସ୍‌ବାସ୍‌ତାନ୍‌ କୁନାଦି ମାରି ଡାଟ୍‌ତାନ୍‌ ତେବାଜି ମାରି ସୁସମାଚାର୍‌ ୱେନି ୱାଲେ ଆମା ଆସା କିତିମାର୍‌ଇଦେର୍‌, ଆବେଟ୍‌କୁ ତିଲାମାଟ୍‌ । ଆର୍‌ତିଙ୍ଗ୍‌ ଏଣ୍ତେସ୍‌ବା ଇୟାୱିଜୁ ଫଲ୍‌ ପୟ୍‌ନିଦେର୍‌; ଆୟା ସୁସମାଚାର୍‌ ନେ ସାରା ପୃତିବିଦି ୱିଜେରି ଲାକ୍‌ତୁ ପ୍ରଚାର୍‌ ଆତାମାନାତ୍‌, ମାରି ନାନ୍‌ ପାଉଲ ଆବେଣି ଅରେନ୍‍ ବିସ୍‌ବାସ୍‌ତି ସେବାକିନିକିନ୍ଦା ଆତାମାନା ।
\s ମଣ୍ତଲିଦୁ ପାଉଲତି ସେବା ପାଣି
\p
\v 24 ନାନ୍‌ ମି ଉଣ୍ତିଙ୍ଗ୍‌ ଆମାୱିଜୁ ଦୁଃକ୍‌କାସ୍ଟୁ କିଜିନା, ଆୟାଉଣ୍ତିଙ୍ଗ୍‌ ଇଲେଇ ୱେଡ଼ିକା କିଜିନା, ମାରି କ୍ରିସ୍ତଦି ଆମା ଦୁଃକ୍‌କାସ୍ଟୁ ମାରି ମାନାଦେ, ଆକା ନାନ୍‌ ୱାନି ମେନ୍ଦଲ୍‌ତିୱାଜା ମଣ୍ତଲିଦି ଉଣ୍ତିଙ୍ଗ୍‌ ନା ମେନ୍ଦଲ୍‌ତାନ୍ ପୁରା କିନି ଉଣ୍ତିଙ୍ଗ୍‌ ସାକା କିଜିନା । 
\v 25 ମି ନେଗି ଉଣ୍ତିଙ୍ଗ୍‌ ଇୟା ପାଣି କିଦେଙ୍ଗ୍‍ଁ ନାନୁ ମାପୁରୁଦି ମାଣାନ୍‌ ମଣ୍ତଲିଦି ଅରେନ୍‍ ସେବାକିନିକାନ୍‌ ୱାଜା ଆସ୍‌କିତାମାନାନ୍‌ । ୱାନି ସୁସମାଚାର୍‌ ପୁରାଦାନ୍‌ ପ୍ରଚାର୍‌ କିନିକା ନା ପାଣି, 
\v 26 ଆୟା ସୁସମାଚାର୍‌ ଉନ୍‌ଡ୍ରି ମାର୍‍ଗିତି ମାଟା, ପୁର୍ବେଦିକାଡ଼ାଦୁ ପୁର୍ବେଦିଡକ୍‌ରା ଦାଦାରିମାଣୁକୁ ମାର୍‌ଗିତା ମାର୍‌ର୍ହାତ୍‌, ମାତର୍‌ ଇଲେଇ ୱାନି ସାଦୁରି ଲାକ୍‌ତୁ ୱେଙ୍ଗିଁସିକିତା ମାନାନ୍‌ । 
\v 27 ମାପୁରୁ ଅଣଜିହୁଦି ଲୋକା ଲାକ୍‌ତୁ ଆୟା ମାର୍‌ଗିତିମାର୍‌ଇ ମାଟା ୱେର୍‍ତେଙ୍ଗ୍‍ ବଦା କିତାନ୍‌, ୱାନି ଇୟା ନାଣ୍ତଦାରା ମାରି ଗୌରବ୍‌ତି ମାଟା ସାରା ଦୁନିଆଦି ଲୋକା ଉଣ୍ତିଙ୍ଗ୍‌ ନେଗିକା । ଆୟା ସତ୍‌ତି ମାଟା ଆଜିନାତ୍‍, ମି ମାନୁବା କ୍ରିସ୍ତ ମାନାନ୍‌ । ଇୟାତାନି ଅର୍ତ, ମିର୍‌ ମାପୁରୁଦି ଗୌରବ୍‌ତୁ ମିସାତିମାନିଦେର୍‌ । 
\v 28 ଆୟାଉଣ୍ତିଙ୍ଗ୍‌ ମାପୁ ୱିଜେରି ଲାକ୍‌ତୁ କ୍ରିସ୍ତଙ୍ଗ୍‌ ପ୍ରଚାର୍‌ କିଜିନାପ୍‌, ମାରି ୱିଜୁ ଲୋକାଙ୍ଗ୍‌ ସେତେନା ମାରି ପୁରା ବୁଦି ୱାଲେ ସିକିୟା ସିଜିନାପ୍‌, ଏଣ୍ତେସ୍‌ ମାପୁ ୱିଜୁ ଲୋକାଙ୍ଗ୍‌ କ୍ରିସ୍ତଦି ୱାଲେ ମିସା କିଜି ଅରେନ୍‍ ପୁରାନେଗି ଲୋକ୍‌ ୱାଜା ମାପୁରୁଦି ଆଗ୍‌ଡ଼ି ତାତେଙ୍ଗ୍‌ ଆଟ୍‍ନାପ୍‍ । 
\v 29 ଇୟାତାନିଙ୍ଗ୍‌ ପୁରା କିନି ଉଣ୍ତିଙ୍ଗ୍‌ ନା ମାନୁ ପାଣିସିନିସାକ୍ତି ମାନିଙ୍ଗ୍‌ କ୍ରିସ୍ତସିତିମାନି ପେରି ସାକ୍ତିଦିଙ୍ଗ୍‌ ବ୍ୟବ୍‌ଆର୍‌ କିଜିନାନ୍‌ ସାନିଜିନିୱାଜା ସେସ୍ଟା ନି କାସ୍ଟୁପାଣି କିଜିନା ।
\c 2
\p
\v 1 ମି ଉଣ୍ତିଙ୍ଗ୍‌, ଲାଅଦିକିଆଦି ଲୋକୁ ମାରି ନାଙ୍ଗିଁ ନିଜେଦିଙ୍ଗ୍‌ ଚିନିସ୍‌କିଇ ମାନି ୱିଜୁ ଲୋକା ଉଣ୍ତିଙ୍ଗ୍‌ ନାନ୍‌ ଜେ ଏସା କାସ୍ଟୁପାଣି କିଜିନା, ଇକା ମିର୍‌ ନେସ୍‌ନିଦେର୍‌ ଇଜିନା ଇଚ୍ଛା । 
\v 2 ନା ଉଦେସ୍‍ ଇକା, ଏଣ୍ତେସ୍‌ ମିର୍‌ ୱିଜୁଲୋକୁ ୱେଡ଼ିକା ଆନିଦେର୍‌, ମାରି ୱାର୍‌ ନିଜେନିଜେଦି ୱାଲେ ଜିବନ୍‌ନୋନିମାନୁ ମିସାନିଦେର୍‌ ମାରି ସତ୍‌ତି ବୁଦି ପୟ୍‌ଜି ସତ୍‌ତିୱାଜା ୱିଜୁ ଦନ୍‌ତି ପୁରା ଅଦିକାରି ଆନିଦେର୍‌, ଇୟାଉଣ୍ତିଙ୍ଗ୍‌ ମିର୍‌ ୱିଜିଦେର୍‌ ନେସ୍‌ନିଦେର୍‌ ଜେ, କ୍ରିସ୍ତନେ ମାପୁରୁଦି ଆୟା ମାର୍‌ଗିତିମାନି ମାଟା । 
\v 3 ଜିସୁ କ୍ରିସ୍ତ ଆଜିନାନ୍‍ ଆୟା କୁସିକାଣ୍ତି, ଆମାକା ମାପୁରୁଦି ବୁଦି ମାରି ବୁଦିୱାଜା ୱିଜୁ ମାର୍‌ଗିତିମାନି ଦନ୍‌ତି ଗୁଦାମ୍‍ ରେନାନ୍‌ ।
\p
\v 4 ଏନ୍‌ ଏଣ୍ତେସ୍‌ ମିଙ୍ଗିଁ ସାଲାକିଦାନ୍‍ ବାଣ୍ତିସ୍‍ କିମାକିନ୍‌ । ଆୟାଉଣ୍ତିଙ୍ଗ୍‌ ନାନ୍‌ ଇକା ୱେର୍‌ସିନା । 
\v 5 ଇରିଙ୍ଗ୍‌ ନାନ୍‌ ମେନ୍ଦଲ୍‌ତାନ୍‌ ସିଲେତିଙ୍ଗ୍‌ ବା, ଆତ୍ମାଦାନ୍‌ ନାନ୍‌ ମି ୱାଲେ ମାନା । କ୍ରିସ୍ତଦି ମୁସ୍‌କୁ ଡାଟ୍‌ତାନ୍‌ ବିସ୍‌ବାସ୍‌ ଇଡ୍‌ଜି ମିର୍‌ ଏଣ୍ତେସ୍‌ ସାନ୍ତି ଆତିମାନିଦେର୍‌, ଆକା ସୁଡ଼ୁଜି ନାନ୍‌ ୱେଡ଼ିକା ଆଜିନା ।
\s କ୍ରିସ୍ତ ନି ଜିବନ୍‌ତି ପୁରାଆତିକା
\p
\v 6 ମାରି, କ୍ରିସ୍ତ ଜିସୁଙ୍ଗୁଁ ପ୍ରବୁ ୱାଜା ମାନାତିମାନିଦେର୍‌, ଆୟାଇସାବ୍‌ତାନ୍‌ ୱାନି ୱାଲେ ମିସାଜି ଜିଜି ମାଡ଼ିଦୁ, 
\v 7 ମି ୱେଲେଙ୍ଗ୍‍ ୱାନି ମୁସ୍‌କୁ ଡାଟ୍‌ତାନ୍‌ ତିଆର୍‌ କିଜ ଜିବନ୍‌ ତିଆର୍‌ କିଦୁ ମାରି ମିର୍‌ ପୟ୍‌ତିମାନି ସିକିୟା ଇସାବ୍‌ତାନ୍‌ ବିସ୍‌ବାସ୍‌ତୁ ନାଣ୍ତ ସାକ୍ତି ଆଦୁ । ମି ଜିବନ୍‌ ଦନ୍ୟବାଦ ସିନିମାନୁ ବର୍ତି ଆପିତ୍‌ । 
\v 8 ଜାଗାର୍‌ତା, ଏନ୍‌ ଏଣ୍ତେସ୍‌ ମିଙ୍ଗିଁ ଲୋକ୍‌ତି ବାୟାକିନିନାନି ବେକାର୍‌ତି ବୁଦିଦାନ୍‌ ବେମ୍‌ରି କିଏନ୍‌ । ଆୟାୱିଜୁ ବୁଦି କ୍ରିସ୍ତଦି ସିକିୟାଦାନ୍‌ ରେଏତ୍‌ ମାନାତ୍‌ । ଆକା ଲୋକା କୁଟୁମ୍‌ତାନ୍‌ ରିତିନିୟମ୍‌ତି ସିକିୟା ମାରି ସାରାଦୁନିଆ ମୁସ୍‌କୁ ସାସନ୍‌ କିଜିମାନି ଦୁବେଙ୍ଗ୍‌ଆଙ୍ଗାଁ ସାକ୍ତି ସିକିୟାଦି ପଲ୍‌ । 
\v 9 କେବଲ୍‌ ଲୋକାୱାଜା କ୍ରିସ୍ତଦିମାନୁ ନେଗି ଗୁଣ୍‍ ପୁରାବର୍ତି ତେବାତାମାନାତ୍‌ । 
\v 10 ୱାନି ୱାଲେ ମିସାତିମାନିଙ୍ଗ୍‌ ମିର୍‌ ଜିବନ୍‌ତୁ ପୁରାବର୍ତି ପୟ୍‌ତିମାନିଦେର୍‌ । ଆଇ ୱିଜୁ ସାକ୍ତି ମାରି ଅଦିକାର୍‌ ମୁସ୍‌କୁ କ୍ରିସ୍ତଦି ସାସନ୍‌ ନେ ପେରିକା ।
\p
\v 11 କ୍ରିସ୍ତଦି ୱାଲେ ମିସାଜିମାନି ଜିବନ୍‌ ନେ ମି ସୁନ୍ନତ ୱାଜା । ଇୟା ସୁନ୍ନତ ଲୋକ୍‌କିତିକା ଆଏତ୍‍, ଆକା କ୍ରିସ୍ତଦିମାଣୁକୁ ଆତାମାନାତ୍‌ । ଆକା ଲୋକ୍‌ତିଙ୍ଗ୍‌ ପାପ୍‌ବର୍ତିମାନି ମେନ୍ଦଲ୍‌ତି ୱିଜୁ ସାକ୍ତିଦାନ୍‌ ଡ଼ିସିସ୍‍ କିନାତ୍‌ । 
\v 12 \x + \xo ୨:୧୨ \xo*\xt ରୋମିୟ ୬:୪.\xt*\x*ଇରିଙ୍ଗ୍‌ ଡୁବନ୍‌ ଅତି ମାଣ୍‌କୁ ମିର୍‌ କ୍ରିସ୍ତଦି ୱାଲେ ମୁସାତିମାର୍‌ଇଦେର୍‌ ମାରି ଆମା ମାପୁରୁ ୱାନିଙ୍ଗ୍‌ ସାତିୱାରି ମାଣୁକୁ ନିକ୍‌ତାନ୍‌, ୱାନି ପାଣିକିତିମାନି ସାକ୍ତିଦାନ୍‌ ବିସ୍‌ବାସ୍‌ କିଜି କ୍ରିସ୍ତଦି ୱାଲେ ମିର୍‌ ବା ମାରିଡ଼େସିନିଙ୍ଗିଁତି ମାନିଦେର୍‌ । 
\v 13 \x + \xo ୨:୧୩ \xo*\xt ଏପିସିୟ ୨:୧-୫.\xt*\x*ମି ପାପ୍‌ ଉଣ୍ତିଙ୍ଗ୍‌ ମାରି ମିର୍‌ ନିୟମ୍‌ତାନ୍‌ ୱେର୍‌ଏ ଆଜି ଅଣଜିହୁଦି ମାନିଙ୍ଗ୍‌ ଉନ୍‌ଡ୍ରି ଦେବା ମିର୍‌ ଜିବନ୍‌ତାନ୍‌ ସାତି ମାର୍‌ଇଦେର୍‌; ମାତର୍‌ ମାପୁରୁ ଇଲେଇ କ୍ରିସ୍ତଦି ୱାଲେ ମିଙ୍ଗିଁ ବା ଜିବନ୍‌ କିତାମାନାନ୍‌; ମାପୁରୁ ମା ୱିଜୁ ପାପ୍‌ କେମା କିତାମାନାନ୍‌ । 
\v 14 \x + \xo ୨:୧୪ \xo*\xt ଏପିସିୟ ୨:୧୫.\xt*\x*ୱାନ୍‌ ମା ବିରୁଦ୍‌ତାନ୍‌ ମାନି ନିୟମ୍‌ତି ଆକୁ ମାରି ଇୟାତାନି ନିତିନିୟମ୍‌ତିଙ୍ଗ୍‌ କ୍ରୁସକାଟ୍‌ତୁ ଡ଼ସି ମା ମାଣାନ୍‌କୁ ଆକ କିତାମାନାନ୍‌ । 
\v 15 ମାରି ଆୟା କ୍ରୁସକାଟ୍‌ ମୁସ୍‌କୁ କ୍ରିସ୍ତ ୱିଜୁ ରକମ୍‌ତି ସାକ୍ତି ମାରି ଅଦିକାର୍‍ତାନ୍‍ ନିଜେଦିଙ୍ଗ୍‌ ମୁକୁଡ଼ାତା ମାନାନ୍‌ ମାରି ୱାରିଙ୍ଗ୍ ଜଇଲ୍‌ତୁ ନିରିସି ନିଜେଦି ଜିଣାନି ସନି ସାରିଦୁ ଲୋକା ଆଗ୍‌ଡ଼ି ୱାରିଙ୍ଗ୍ ସେମାର୍‌ କିତାମାନାନ୍‌ ।
\p
\v 16 \x + \xo ୨:୧୬ \xo*\xt ରୋମିୟ ୧୪:୧-୬.\xt*\x*ଏନ୍‌ ମି ଉଣିକା, ତିନିକା, ପବିତ୍ରଦିନ୍‍ ମାରି କଡ଼୍‍କିଲେଜୁ ପଣ୍ତୟ୍‍, ମାରି ରମ୍‌ନିଦିନ୍‌ ବିସୟ୍‌ତାନ୍‌ ଇନି ନିୟମ୍‌ ବିଚାର୍‌ କିମାକିର୍‌ । 
\v 17 ଆୟାୱିଜୁ କେବଲ ୱାଜିନିଦିନ୍‌ତୁ ଗଟାଦେଙ୍ଗ୍‌ ସୋଲ୍‌ସିମାନି ବିସୟ୍‌ତି ନିଡ଼ିଗା ୱାଜା; କ୍ରିସ୍ତନେ ୱିଜୁ ବିସୟ୍‌ତୁ ସତ୍‌ତିକାନ୍‌ । 
\v 18 ଆମାକାର୍‌ ବିସେସ୍‌ ସୁଣିକା ସାଲାକିଦି ସାନ୍ତି ମାରି ମୁସ୍‌କୁପୁର୍‌ତି ଦୁତ୍‌ ପୁଜା ମୁସ୍‌କୁ ଦିୟାନ୍‌ ସିଜି ନିଜେଦିଙ୍ଗ୍‌ ପେରିକାର୍‌ ଇନାର୍‌, ୱାରିଙ୍ଗ୍ ସୁଡ଼ୁଜି ମିର୍‌ ନିଜେଦିଙ୍ଗ୍‌ ଇସ୍ରିକାନ୍‌ ଇଜି ଅଡ଼୍‌ବିମାଟ୍‌ । ଇୟାୱାଜା ଲୋକୁ ନିଜେଦିଙ୍ଗ୍‌ ଲୋକା ବିସୟ୍‌ ସିନ୍ତାଦାନ୍‌ ବେକାର୍‌ତି ଗର୍ବଦାନ୍‌ କେଇନିକା ଆଜି ତେବାନାର୍‌ । 
\v 19 \x + \xo ୨:୧୯ \xo*\xt ଏପିସିୟ ୪:୧୬.\xt*\x*ମେନ୍ଦଲ୍‌ତି ତାଲାଦି ୱାଜା କ୍ରିସ୍ତଦିମାଣୁକୁ ୱାର୍‌ ୱେର୍‌ଏ ଆତାମାନାର୍‌ । ତାନି ସାଲାକିନି ମେନ୍ଦଲ୍‍ୱିଜୁ ଗାଟିଙ୍ଗ୍‌ ମାରି ସିରେଙ୍ଗ୍‌ ମିରେଙ୍ଗ୍‌ ଦାନ୍‌ ନିଜେନିଜେଦି ୱାଲେ ମିସାଜି ମଟାଆନେ ମାରି ମେନ୍ଧଲ୍‍ ମାପୁରୁଦି ମାଟା ଇସାବ୍‌ତାନ୍‌ ପିରିଏନ୍‌ ।
\s କ୍ରିସ୍ତଦି ୱାଲେ ସାନିକା ମାରି ଜିନିକା
\p
\v 20 ମିର୍‌ ଜଦି କ୍ରିସ୍ତଦି ୱାଲେ ସାତି ମାନିଦେର୍‌ ମାରି ଇୟା ଦୁନିଆଦି ସିକିୟାଦାନ୍‌ ମୁସ୍‌କୁ ସାସନ୍‌ କିଜିମାନି ସାକ୍ତିଆଙ୍ଗାଁ ମାଣ୍‌କୁ ମୁକୁଡ଼ାତିମାନିଦେର୍‌ । ଆର୍‌ତିଙ୍ଗ୍‌ ଏନ୍ଦା ମିର୍‌ ଦୁନିଆଦି ଲୋକା ୱାଜା ଜିବନ୍‌ କାଟେକିଜିନିଦେର୍‌ ? ଏନ୍ଦା ମିର୍‌ ଇୟାୱାଜା ରୀତିନିୟମ୍‌ ମାନାଜିନିଦେର୍‌, 
\v 21 “ଇକା ଆସ୍‌ମାଟ୍‌, ଆକା ଉଣୁମାଟ୍‌, ଆକା ମୁଟ୍‌ମାଟ୍‌ ?” 
\v 22 ଇୟାୱିଜୁ ବିସୟ୍‌ ୱିଜ୍‌ନିକା । ଇକା ବ୍ୟବ୍‌ହାର୍‌ ଆନି ଦାପେ ଦାପେ ଦାରାସିଲିକା ଆନାତ୍‌ । ଇୟାୱିଜୁ କେବଲ ଲୋକ୍‌ ତିଆର୍‌କିତି ନିୟମ୍‌ ମାରି ସିକିୟା । 
\v 23 ମାରିବା ମୁସ୍‌କୁପୁର୍‌ତି ଦୁତ୍‌ ପୁଜା, ସାଲାକିଦି ଦାର୍ମୁ ମାରି ଆତ୍ମାକାସ୍ଟୁ କିନି ଉଣ୍ତିଙ୍ଗ୍‌ ୱେର୍‌ସିମାନି ଇୟାୱିଜୁ ନିୟମ୍‌କୁ ନାଣ୍ତ ବୁଦିଦାନ୍‌ ନେସ୍‌ତାମାନା ଇଜି ଏତ୍‌ ୱାନାତ୍‌; ମାତର୍‌ ମେନ୍ଦଲ୍‌ତି ପାଣିଦିଙ୍ଗ୍‌ ନାସ୍ଟୁ କିନି ଉଣ୍ତିଙ୍ଗ୍‌ ଇୟାୱାନିକା ସାକ୍ତି ସିଲେତ୍‌ ।
\c 3
\p
\v 1 ମିର୍‌ ଏସ୍‌କାଙ୍ଗ୍‌ କ୍ରିସ୍ତଦି ୱାଲେ ସାତିମାଣୁକୁ ନିଙ୍ଗିଁତି ମାନିଦେର୍‌, ଆଦେଙ୍ଗ୍‌ ମୁସ୍‌କୁପୁର୍‌ତି ବିସୟ୍‌ତି ଉଣ୍ତିଙ୍ଗ୍‌ ମନ୍ ସିଦୁ, ଇରିଙ୍ଗ୍‌ କ୍ରିସ୍ତ ମୁସ୍‌କୁପୁର୍‌ତୁ ମାପୁରୁଦି ଉଣି ତରିନ୍‌ ବାସ୍‌ତାମାନାନ୍‌ । 
\v 2 ଦୁନିଆଦି ବିସୟ୍‌ତି ଉଣ୍ତିଙ୍ଗ୍‌ ମନ୍ ସିଏଣ୍‌ଗା ମୁସ୍‌କୁପୁର୍‌ତି ବିସୟ୍‌ ଉଣ୍ତିଙ୍ଗ୍‌ ମନ୍ ସିଦୁ । 
\v 3 ଇରିଙ୍ଗ୍‌ ମିର୍‌ ସାତି ମାନିଦେର୍‌, ମାରି ମି ଜିବନ୍‌ ମାପୁରୁଦିମାନୁ କ୍ରିସ୍ତଦି ୱାଲେ ନେଗେନ୍‌ତାନ୍‌ ମାନାତ୍‌ । 
\v 4 ମା ଜିବନ୍‌ ୱାଜା ଜେ କ୍ରିସ୍ତନେ, ମାରି ଏସ୍ତିୱାଲେ ୱାନ୍‌ ତରାୟାଆନାନ୍‌, ନାସ୍ତିୱାଲେ ମିର୍‌ ବା ୱାନି ୱାଲେ ଗୌରବ୍‌ତାନ୍‌ ତରାୟାଆନିଦେର୍‌ ।
\s ପାଡ଼ିଇକା ନି ପୁନି ଜିବନ୍‌
\p
\v 5 ମି ଜିବନ୍‌ତୁ ପାଣିକିନିକା ଦୁନିଆଦି ପାଣିଙ୍ଗ୍‌ ଅର୍ତାତ୍‌ ଦାରିପାଣି, ତାଗ୍‍ଇସିନ୍ତା, ମନ୍‍ତୁ ଲାଲାୟ୍‌ଆନିକା, ଲାଲାୟ୍‌ଆନିକା ମାରି ଲବ୍‌ତିଙ୍ଗ୍‌ ମିର୍‌ ସାପିସ୍‌ କିଦୁ । ଲବ୍‌ ବମା ପୁଜାଦି ଉନ୍‌ଡ୍ରି ରୁପ୍‌ । 
\v 6 ଇୟାୱିଜୁ ବିସୟ୍‌ଦୁ ମାନ୍‌ଜି ଆମାକାର୍‌ ମାପୁରୁଙ୍ଗ୍‌ ମାନାଏର୍‌, ୱାରି ମୁସ୍‌କୁ ମାପୁରୁ ରିସା ଆନାନ୍‌ । 
\v 7 ଅର୍‍ଲେନ୍‍ ମିର୍‌ ବା ଇୟାୱିଜୁ ବିସୟ୍‌ତୁ ମାନାଜି ଆୟାୱାଜା ଜିଜି ମାଡ଼ିଜି ମାର୍‌ଇଦେର୍‌ ।
\p
\v 8 ମାତର୍‌ ଇଲେଇ ମିର୍‌ ବା ଇୟାୱିଜୁ ବିସୟ୍‌କୁ ଇନ୍‌ଡ୍ରେଙ୍ଗ୍‌ ସରିଙ୍ଗ୍‍ : ରିସା, ଆକାର୍‍, କାଡ଼୍‌ନିକା ଡ଼ିସ୍‌ତେଙ୍ଗ୍‌ ପଡ଼ାନାତ୍‌ । ମି ୱେୟୁଦାନ୍‌ ତାଗ୍‌ଇ ମାଟେଙ୍ଗ୍‌ ମାରି ତାଗ୍‌ଇ ବାସା ମୁଡ଼ୁକେ ଇନ୍‌ମାଟ୍‌ । 
\v 9 \x + \xo ୩:୯ \xo*\xt ଏପିସିୟ ୪:୨୨.\xt*\x*ନିଜେନିଜେଦିଙ୍ଗ୍‌ ମିଚ୍‌ ଇନ୍‌ମାଟ୍‌, ଇରିଙ୍ଗ୍‌ ମିର୍‌ ପାଡ଼ିଇ ଗୁଣୁ ମାରି ତାନି ବ୍ୟବ୍‌ହାର୍‌ ଡ଼ିସ୍‌ତିମାନିଦେର୍‌, 
\v 10 \x + \xo ୩:୧୦ \xo*\xt ଏପିସିୟ ୪:୨୪.\xt*\x*ମାରି ପୁନି ଗୁଣ୍‍ ଆସ୍‌ତିମାନିଦେର୍‌ । ଲୋକ୍‌ତି ଇୟା ପୁନିପାଣି, ତିଆର୍‌କିତି ମାପୁରୁ ନିଜେଦି ମୁର୍ତି ଇସାବ୍‌ତାନ୍‌ ପାଣି କିଜିନାନ୍‌ । ଇୟାଉଣ୍ତିଙ୍ଗ୍‌ ମିର୍‌ ୱାନି ବିସୟ୍‌ତାନ୍‌ ପୁରା ବୁଦି ପୟ୍‌ଜିନିଦେର୍‌ । 
\v 11 ଇୟାୱାଜା ଜିହୁଦି, ଅଣଜିହୁଦି, ସୁନ୍ନତ ମାରି ଅସୁନ୍ନତ, ନିଜେଦି ଦେସ୍‌, ଆଇଦେସ୍‌, ଗତିମୁରୁଲି ମାରି ଆରେଏମାନି ଲୋକ୍‌ତି ଲୋଇ ଆମାଇନି ଅଲଗା ସିଲେତ୍‌ । ମାତର୍‌ କ୍ରିସ୍ତ ୱିଜେରିମାନୁ ମାନାନ୍‌ ମାରି ୱାନ୍‌ ଆଜିନାନ୍‍ ୱିଜୁୱିଜୁନେ ।
\p
\v 12 \x + \xo ୩:୧୨ \xo*\xt ଏପିସିୟ ୪:୨.\xt*\x*ମାରି, ମିର୍‌ ମାପୁରୁଦି ଲୋକୁ । ୱାନ୍‌ ମିଙ୍ଗିଁ ଜିବନ୍‌ନୋଜି ନିଜେଦି ଉଣ୍ତିଙ୍ଗ୍‌ ଆସ୍‌କିତାମାନାନ୍‌ । ଆଦେଙ୍ଗ୍‌ ମିର୍‌ ସିତ୍‍ଡ଼ି ଜିବନ୍‌, ଦୟା, ସାନ୍ତି, କରୁଣା ମାରି ସାହାସ୍‌ତିନାନି ଆଙ୍ଗିଁ ଆରାଦୁ । 
\v 13 \x + \xo ୩:୧୩ \xo*\xt ଏପିସିୟ ୪:୩୨.\xt*\x*ନିଜେନିଜେଦି ଉଣ୍ତିଙ୍ଗ୍‌ ମିସାବିଡ଼ା ଆଦୁ, ମାରି ଜଦି ଆଇ ଏମେୱାନି ବିରୁଦ୍‌ତାନ୍‌ ଇନି ମାଟା ମାର୍‌ଇଙ୍ଗାଁ, ଆର୍‌ତିଙ୍ଗ୍‌ ନିଜେନିଜେଦିଙ୍ଗ୍‌ କେମା କିଦୁ । ପ୍ରବୁ ଏଣ୍ତେସ୍‌ ମିଙ୍ଗିଁ କେମା କିତାମାନାନ୍‌, ମିର୍‌ ବା ଆୟାୱାଜା ନିଜେନିଜେଦିଙ୍ଗ୍‌ କେମା କିଦୁ । 
\v 14 ମାରି ଇୟାୱିଜୁ ଗୁଣୁ ୱାଲେ ଜିବନ୍‌ନୋନିକା ମିସାକିଦୁ । ଜିବନ୍‌ନୋନିକା ୱିଜୁ ବିସୟ୍‌ତିଙ୍ଗ୍‌ ମିସାକିଜି ଉନ୍‌ଡ୍ରେମାନୁ କିନାତ୍‌ । 
\v 15 କ୍ରିସ୍ତସିତିମାନି ସାନ୍ତି ମି ଜିବନ୍‌ତିଙ୍ଗ୍‌ ସାଲାକିପିତ୍‌; ଇରିଙ୍ଗ୍‌ ଇୟା ସାନ୍ତି ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ ଅରେସ୍‌ୱାଜା ଉନ୍‌ଡ୍ରେ ମେନ୍ଧଲ୍‍ ଆନି ଉଣ୍ତିଙ୍ଗ୍‌ କୁକ୍‌ତାମାନାନ୍‌ । ୱିଜୁଦିନ୍‌ ଦନ୍ୟବାଦ୍‌ ସିଦୁ । 
\v 16 \x + \xo ୩:୧୬ \xo*\xt ଏପିସିୟ ୫:୧୯,୨୦.\xt*\x*କ୍ରିସ୍ତଦି ବାକ୍ୟ ନାଣ୍ତଦାନ୍‌ନାଣ୍ତ ମି ଜିବନ୍‌ତୁ ବାସା କିପିତ୍‌; ମିର୍‌ ନିଜେନିଜେଦିଙ୍ଗ୍‌ ପୁରା ବୁଦିଦି ୱାଲେ ସିକିୟା ମାରି ସତେନେ ସିଦୁ । ମାରି ଆତ୍ମିକ ମାପୁରୁଦି ଉଦେସ୍‌ତାନ୍‌ ପାଟା ପାର୍‍ଦୁ, ଆରାଦନା କିଦୁ, ମାରି ଦନ୍ୟବାଦ୍‍ଦାନ୍‌ ୱେଡ଼ିକାଦି ଜିବନ୍‌ତାନ୍‌ ପାଟା ପାର୍‌ଦୁ । 
\v 17 ମାରି, ବାକ୍ୟ ସିଲିତିଙ୍ଗ୍‌ ପାଣିଦାନ୍‌ ମିର୍‌ ଆମାକା ଇନିକା କିଦୁ, ଆୟାୱିଜୁ ପ୍ରବୁ ଜିସୁଦି ଦର୍‌ତାନ୍‌ କିଜି ୱାନିମାଣୁକୁ ବୁବା ମାପୁରୁଙ୍ଗୁଁ ଦନ୍ୟବାଦ୍‌ ସିଦୁ ।
\s ପୁନି ଜିବନ୍‌ତୁ ନିଜେଦି ମିସାବିଡ଼ାନିକା
\p
\v 18 \x + \xo ୩:୧୮ \xo*\xt ଏପିସିୟ ୫:୨୨; ୧ ପିତର ୩:୧.\xt*\x*ଏ ଆଇମେକ୍‍, ମି କନ୍‌ଲିରି ଆଡ୍‍ଗି ତେବାଦୁ, ଇରିଙ୍ଗ୍‌ ପ୍ରବୁ ଜିସୁ କ୍ରିସ୍ତଦି ୱେନ୍‌କାସନି ୱାଜା ଇକା ମି ପାଣି ।
\p
\v 19 \x + \xo ୩:୧୯ \xo*\xt ଏପିସିୟ ୫:୨୫; ୧ ପିତର ୩:୭.\xt*\x*ଏ କନ୍‌ଲିରି, ନିଜେ ନିଜେଦି ଆଇମେକାଙ୍ଗ୍‍ଁ ଜିବନ୍‍ନୋଦୁ, ୱାନିକା ଉଣ୍ତିଙ୍ଗ୍‌ ତାଗ୍‌ଇ ବ୍ୟବ୍‌ହାର୍‌ କିମାଟ୍‌ ।
\p
\v 20 \x + \xo ୩:୨୦ \xo*\xt ଏପିସିୟ ୬:୧.\xt*\x*ଏ କଡ଼ର୍‌ ଆଇଲିକ୍‌, ୱିଜୁଦିନ୍‌ ମି ବୁବା ୟାୟାରି ମାଟା ଆସ୍‌ତୁ, ଇକା ମି କ୍ରିସ୍ଟାନ୍‌ତି ପାଣି, ଇରିଙ୍ଗ୍‌ ଇବେନୁ ମାପୁରୁ ୱେଡ଼ିକା ଆନାନ୍‌ ।
\p
\v 21 \x + \xo ୩:୨୧ \xo*\xt ଏପିସିୟ ୬:୪.\xt*\x*ଏ ବୁବାୟାୟାର୍‌, ନିଜେ ନିଜେଦି କଡ଼ରିଙ୍ଗ୍‌ ରିସା କିମାଟ୍‌, ଏଣ୍ତେସ୍‌ ୱାର୍‌ ୱେଡ଼ିକା ଆଏର୍‌ ।
\p
\v 22 \x + \xo ୩:୨୨ \xo*\xt ଏପିସିୟ ୬:୫-୮.\xt*\x*ଏ ଗତିମୁରୁଲିର୍‍, ୱିଜୁ ବିସୟ୍‌ତୁ ମି ମାଲିକ୍‌କା ମାଟା ଆସ୍‌ତୁ । ୱାର୍‌ ମି ଉଣ୍ତିଙ୍ଗ୍‌ ସୁଡ଼ୁଜି ମାନିୱାଲେ ୱାରିଙ୍ଗ୍ ୱେଡ଼ିକା କିନି ଉଣ୍ତିଙ୍ଗ୍‌ ସିଲେ, ମାତର୍‌ ପ୍ରବୁଦି ଉଣ୍ତିଙ୍ଗ୍‌ ମି ତିଲାଏତାନ୍‍ ତିର୍‌ ଜିବନ୍‌ତାନ୍‌ ଇକା କିଦୁ । 
\v 23 ମିର୍‌ ଆମାକା ଇନିକା କିନିଦେର୍‌, ପ୍ରବୁଦି ଉଣ୍ତିଙ୍ଗ୍‌ କିତି ୱାଜା ଜିବନ୍‌ତି ୱାଲେ ଆକା କିଦୁ, ଲୋକା ଉଣ୍ତିଙ୍ଗ୍‌ କିତି ୱାଜା କିମାଟ୍‌ । 
\v 24 ମନେଇଡ଼୍‌ଦୁ, ମାପୁରୁ ତାମି ଲୋକା ଉଣ୍ତିଙ୍ଗ୍‌ ଆମାକା ଇଟ୍‌ତାମାନାନ୍‌, ଆକା ୱାନ୍‌ ମିଙ୍ଗିଁ ପୁରସ୍କାର୍‌ ୱାଜା ସିନାନ୍‌ । ମିର୍‌ ପ୍ରବୁ କ୍ରିସ୍ତଦିଙ୍ଗ୍‌ନେ ସେବା କିଜିନିଦେର୍‌ । 
\v 25 \x + \xo ୩:୨୫ \xo*\xt ଏପିସିୟ ୬:୯.\xt*\x*ମାରି ଏନ୍‌ ଅନ୍ୟାୟ୍‌ କିନାନ୍‌, ୱାନ୍‌ ନିଜେଦି ଅନ୍ୟାୟ୍‌ଦି ବାଦ୍‌ଲୁ ଦଣ୍ତ୍‍ ପୟ୍‌ନାନ୍‌; ଇରିଙ୍ଗ୍‌ ମାପୁରୁ ସାମାନ୍‍ତାନ୍‌ ୱିଜେରି ବିଚାର୍‌ କିନାନ୍‌ ।
\c 4
\p
\v 1 \x + \xo ୪:୧ \xo*\xt ଏପିସିୟ ୬:୯.\xt*\x*ଏ ମାଲିକ୍‌କୁ, ମୁସ୍‌କୁପୁର୍‌ତୁ ମି ଉଣ୍ତିଙ୍ଗ୍‌ ବା ପ୍ରବୁ ମାନାନ୍‌ ଇଜି ନେସ୍‌ସି ନିଜେ ନିଜେଦି ଗତିମୁରୁଲିଙ୍ଗାଁ ଉଣ୍ତିଙ୍ଗ୍‌ ନ୍ୟାୟ୍‌ ମାରି ସାମାନ୍‌ତାନ୍‍ ସୁଡ଼୍‍ଦୁ ।
\s ଆଇଆଇ ମାଟେଙ୍ଗ୍‌
\p
\v 2 ୱିଜୁୱାଲେ ପାର୍‌ତାନାଦାନ୍‌ ଜିଜି ମାଡ଼ିଦୁ ମାରି ମାପୁରୁଦି ଦନ୍ୟବାଦ୍‌ କିଜି ପାର୍‌ତାନାଦୁ ଜାଗାର୍‌ତା ତେବାଦୁ । 
\v 3 କ୍ରିସ୍ତଦି ମାର୍‍ଗିତି ମାଟା ପ୍ରଚାର୍‌ କିନି ଉଦେସ୍‌ତାନ୍‌ ମାପୁରୁ ଏଣ୍ତେସ୍‌ ମାଙ୍ଗିଁ ସାରି ସିନାନ୍‌, ଆୟାଉଣ୍ତିଙ୍ଗ୍‌ ବା ପାର୍‌ତାନା କିଦୁ । ଆମା ବାକ୍ୟ ପ୍ରଚାର୍‌ କିତି ଉଣ୍ତିଙ୍ଗ୍‌ ନାନ୍‌ ଇଲେଇ ଜଇଲ୍‌ତୁ ମାନା । 
\v 4 ପାର୍‌ତାନା କିଦୁ, ଏଣ୍ତେସ୍‌ ନାନ୍‌ ଟିକ୍‌ତାନ୍‌ ମାରି ନେଗେନ୍‌ତାନ୍‌ ଆକା ପ୍ରଚାର୍‌ କିଦେଙ୍ଗ୍‌ ଆଟ୍‍ନା ।
\p
\v 5 \x + \xo ୪:୫ \xo*\xt ଏପିସିୟ ୫:୧୬.\xt*\x*ସୁଜୋଗ୍‌ତି ସତ୍‌ ବ୍ୟବ୍‌ହାର୍‌ କିଜି ଅବିସ୍‌ବାସ୍‌ରି ଲୋକା ଲାକ୍‌ତୁ ବୁଦିଦାନ୍‌ ନେଗେନ୍‍ତାନ୍‌ ସାଲାବୁଲାଦୁ । 
\v 6 ମି ମାଟା ୱିଜୁଦିନ୍‌ ଦୟା ୱାଜା ସାୱି ମାରି ମୋନ୍‌ତିଙ୍ଗ୍‌ ୱେଡ଼ିକାକିନିକେଙ୍ଗ୍‌ ଆପିତ୍‌ । ୱିଜେରିଙ୍ଗ୍‌ ଏଣ୍ତେସ୍‌ ଟିକ୍‌ ଉତର୍‌ ସିଦେଙ୍ଗ୍‌ ଆଟ୍‌ନିଦେର୍‌, ଇୟା ମାଟା ମିର୍‌ ନେସ୍‌ନିକା ଦର୍‌କାର୍‌ ମାନାତ୍‌ ।
\s ସାରାସାରି ମାଡ଼ିସ୍‌କିନିକା
\p
\v 7 \x + \xo ୪:୭ \xo*\xt ପ୍ରେରିତ ୨୦:୪; ୨ ତିମତି ୪:୧୨.\xt*\x*\x + \xo ୪:୭ \xo*\xt ଏପିସିୟ ୬:୨୧,୨୨.\xt*\x*ଲାଡ୍‍ତି ତଡ଼ାନ୍‌, ପ୍ରବୁଦି ପାଣିଦୁ ବିସ୍‌ବାସ୍‌ତି ସେବାକିନିକାନ୍‌ ମାରି ନା ୱାଲେ ଅର୍‌ସେ ସେବାକିନିକାନ୍‌ ଜେ ତୁକିକ, ୱାନ୍‌ ନା ୱିଜୁ ବିସୟ୍‌ ମିଙ୍ଗିଁ ୱେର୍‍ନାନ୍‌; 
\v 8 ମାପୁ ଏଣ୍ତେସ୍‌ ମାନାପ୍‌, ୱିଜୁ ବିସୟ୍‌ ୱେର୍‍ସି ମିଙ୍ଗିଁ ୱେଡ଼ିକା ସିନି ଉଣ୍ତିଙ୍ଗ୍‌ ନାନ୍‌ ୱାନିଙ୍ଗ୍‌ ମି ଲାକ୍‌ତୁ ପୋକ୍‌ତାଜିନା । 
\v 9 \x + \xo ୪:୯ \xo*\xt ପିଲିମନ ୧:୧୦-୧୨.\xt*\x*ୱାନି ୱାଲେ ନାନ୍‌ ବିସ୍‌ବାସ୍‌ତି ମାରି ଲାଡ୍‍ତି ତଡ଼ାନ୍‌ ଅନିସିମସ୍‌ଦିଙ୍ଗ୍‌ ପୋକ୍‌ତାତା, ୱାନ୍‌ ମି ଲୋଇରାନ୍‌ ଅରେନ୍‍ । ୱାର୍‌ ମିଙ୍ଗିଁ ଇୟା ବାଡିଦୁ ଗଟାଜିମାନି ୱିଜୁ ମାଟା ୱେର୍‍ନାନ୍‌ ।
\p
\v 10 \x + \xo ୪:୧୦ \xo*\xt ପ୍ରେରିତ ୧୯:୨୯; ୨୭:୨; ପିଲିମନ ୧:୨୪ \xt*\xt ପ୍ରେରିତ ୧୨:୧୨,୨୫; ୧୩:୧୩; ୧୫:୩୭-୩୯.\xt*\x*ନା ୱାଲେ ଅର୍‌ସେ ଜଇଲ୍‌ତୁ ମାର୍‌ଇ ଆରିସ୍ଟାର୍କସ୍‍ ମାରି ୱାନି ୱାଲେ ବର୍ଣ୍ଣବାଦି କୁଟୁମ୍‌ତି ତଡ଼ାନ୍‌ ମାର୍କ ବା ମିଙ୍ଗିଁ ନମସ୍କାର୍‌ ଜାଣେକିଜିନାନ୍‌ । ମାର୍କ ମି ଲାକ୍‌ତୁ ୱାତିଙ୍ଗ୍‍ ୱାନିଙ୍ଗ୍‌ ନେଗେନ୍‌ କୁକ୍‌ତୁ, ଇୟା ଆଦେସ୍‌ ମିଙ୍ଗିଁ ଆଗ୍‍ଡ଼ିରାନ୍‍ନେ ୱେର୍‌ତାମାନାର୍‌ । 
\v 11 ମାରି, ଯୁସ୍ତ ଦର୍‌ଦାନ୍‌ ଜାଣାସିନା ଯିହୋଶୁୟ ବା ମିଙ୍ଗିଁ ନମସ୍କାର୍‌ ଜାଣେକିଜିନାନ୍‌; କ୍ରିସ୍ଟାନ୍‌ ଦର୍ମ ମାନାତିମାନିକାର୍‌ କେବଲ ଇୟା ମୁଏର୍‌ ଜିହୁଦି ମାପୁରୁଦି ରାଜି ଉଣ୍ତିଙ୍ଗ୍‌ ନା ୱାଲେଅର୍‌ସେ ପାଣିକିନିକାନ୍‌ ଆଜି ନାଙ୍ଗିଁ ନାଣ୍ତ ସାହାଜ୍ୟ କିତାମାନାର୍‍ ।
\p
\v 12 \x + \xo ୪:୧୨ \xo*\xt କଲସିୟ ୧:୭; ପିଲିମନ ୧:୨୩.\xt*\x*ମି ଦଲ୍‌ତି ମାରି ଅରେନ୍‍ ଲୋକ୍‌ ମାରି କ୍ରିସ୍ତ ଜିସୁଦି ସେବାକିନି ଏପାଫ୍ରା ବା ନମସ୍କାର୍‌ ଜାଣେକିଜିନାନ୍‌ । ଏଣ୍ତେସ୍‌ ମିର୍‌ ଟିକ୍‌ ମାରି ମାପୁରୁଦି ୱିଜୁ ବଦା ବିସୟ୍‌ତାନ୍‌ ପୁରା ମାନାଜି ଡାଟ୍‌ କ୍ରିସ୍ତ ବିସ୍‍ବାସି ୱାଜା ଦୁଙ୍ଗୁଁଏଣ୍‌ଗା ନିନ୍‌ଡ୍ରେଙ୍ଗ୍‌ ଆଟ୍‌ନିଦେର୍‌, ଆୟାଉଣ୍ତିଙ୍ଗ୍‌ ୱାନ୍‌ ୱିଜୁଦିନ୍‌ ମାପୁରୁଦି ଲାକ୍‌ତୁ ସାନିଜିନିୱାଜା ସାକ୍ତିଦି ପାର୍‌ତାନା କିଜିନାନ୍‌ । 
\v 13 ଇରିଙ୍ଗ୍‌ ୱାନ୍‌ ମି ଉଣ୍ତିଙ୍ଗ୍‌ ମାରି ଲାଅଦିକିଆ ମାରି ହିଏରାପଲିଦି ଲୋକା ଉଣ୍ତିଙ୍ଗ୍‌, ୱାନ୍‌ କିତିମାନି କାସ୍ଟୁପାଣି ବିସୟ୍‌ତାନ୍‌ ନାନ୍‌ ନିଜେ ଇୟା ସାକ୍ୟ ୱେର୍‌ସିନା । 
\v 14 \x + \xo ୪:୧୪ \xo*\xt ୨ ତିମତି ୪:୧୧; ପିଲିମନ ୧:୨୪ \xt*\xt ୨ ତିମତି ୪:୧୦; ପିଲିମନ ୧:୨୪.\xt*\x*ଲାଡ୍‍ତି ଡାକ୍ତର୍‌ ଲୁକ ମାରି ଦିମା ମିଙ୍ଗିଁ ନମସ୍କାର୍‌ ଜାଣେକିଜିନାର୍‌ ।
\p
\v 15 ଲାଅଦିକିଆଦୁ ମାନି ତଡ଼ାନ୍‌କୁ ନି ତାଙ୍ଗିଁକି, ତାଙ୍ଗିଁ ନୁମ୍‌ଫା ମାରି ତାମି ଇନ୍‌ଡ୍ର ଉନ୍‌ଡ୍ରେମାନୁ ଆଜିମାନି ମଣ୍ତଲିଦି ୱିଜେରିଙ୍ଗ୍‌ ମା ନମସ୍କାର୍‌ ଜାଣେକିଦୁ । 
\v 16 ମାରି, ମିର୍‌ ଏଣ୍ତେସ୍‌ ଇୟା ଆକୁ ପଡ଼ାତି ୱିସ୍‌ତିଙ୍ଗ୍‌ ଲାଅଦିକିଆ ମଣ୍ତଲିଦୁ ବା ଏଣ୍ତେସ୍‌ ଇକା ପଡ଼ାଦେଙ୍ଗ୍‌ ଆଟ୍‍ନାର୍‍, ମାରି ଲାଅଦିକିଆଦି ମଣ୍ତଲିଦି ତଡ଼ାନ୍‌କୁ ନି ତାଙ୍ଗିଁକି ମି ଲାକ୍‌ତୁ ଆମା ଆକୁ ପୋକ୍‌ତାନାର୍‌, ଆକା ମିର୍‌ ବା ଏଣ୍ତେସ୍‌ ପଡ଼ାଦେଙ୍ଗ୍‌ ଆଟ୍‌ନିଦେର୍‌, ଇୟାଉଣ୍ତିଙ୍ଗ୍‌ ଜାତୁନ୍‍ ଆଦୁ । 
\v 17 \x + \xo ୪:୧୭ \xo*\xt ପିଲିମନ ୧:୨.\xt*\x*ମାରି ଆର୍କିପତିଙ୍ଗ୍‌ ୱେର୍‌ନି, “ପ୍ରବୁଦି ସେବା କିନି ଉଣ୍ତିଙ୍ଗ୍‌ ମିଙ୍ଗିଁ ଆମା ଦାଇତ୍‌ ସିଆୟ୍‌ଆତାମାରାତ୍‌, ଆକା ଏଣ୍ତେସ୍‌ ୱାଜାବା ୱିସ୍‌ତୁ ।”
\p
\v 18 ନାନ୍‌ ପାଉଲ ନା ନିଜେଦି କିୟୁଦାନ୍‌ ଇୟା ନମସ୍କାର୍‌ ରାସ୍‌ସିନା । ନା ଜଇଲ୍‍ତି ଅବସ୍ତାଦିଙ୍ଗ୍‌ ବାଣାମାଟ୍‌ ।
\p ମାପୁରୁଦି ଦୟା ମି ୱିଜେରି ଲାକ୍‌ତୁ ମାନିତ୍‌ ।