\id ACT - Kopo
\ide UTF-8
\h ପ୍ରେରିତ
\toc3 ପ୍ରେରିତ
\toc2 ପ୍ରେରିତ
\toc1 ପ୍ରେରିତ ସିସୁରି ପାଣିଦି ଇସାବ୍‌
\mt2 ପ୍ରେରିତ ଶିଷ୍ୟମାନଙ୍କ କାର୍ଯ୍ୟର ବିବରଣୀ
\mt1 ପ୍ରେରିତ ସିସୁରି ପାଣିଦି ଇସାବ୍‌
\imt ପ୍ରେରିତ ବଇ ବିସୟ୍‌ତାନ୍‌ ଏସ ମାଟା
\ip ପ୍ରେରିତ ବଇ ଆଜିନାତ୍‍ ମଣ୍ତଲିଦି ଆରାମ୍‌ ମାରି ଏଣ୍ତେସ୍‌ ଇକା ଜିରୁସାଲାମ୍‌ତାନ୍‌ ଜିହୁଦା, ସୋମିରିୟା, ମାରି ଇତିରାଜିଦୁ ୱେଙ୍ଗିଁତାତ୍‍, ଇକା ଜିସୁ ମୁସ୍‌କୁପୁର୍‌ତୁ ସନି ଆଗ୍‌ଡ଼ି ୱାନି ସିସୁରିଙ୍ଗ୍‌ ଇର୍‌ଆ ମାର୍ହାନ୍‌ \xt ୧:୮\xt* । ଇକା ଲୁକଦି ମାଣାନ୍‌ ରାସାତାମାନାତ୍‌ ଏନ୍‌ କି ସୁସମାଚାର୍‌ ଲୁକ ବା ରାସାତାମାର୍ହାନ୍‌, ୱାନ୍‌ ଅରେନ୍‌ ଡାକ୍ତର୍‌ ମାରି ଏନ୍‌ କି ନେଗେନ୍‌ତାନ୍‌ ରାସାତା ଇଟ୍‌ତା ମାର୍ହାନ୍‌ । ୱାନ୍‌ ୱାନି ସୁସମାଚାର୍‌ ନି ପ୍ରେରିତ ବଇଦୁ ତିୟପିଲ, ଏନ୍‌ କି ଗ୍ରିକ୍‌ ଲୋକ୍‍ ମାର୍ହାନ୍‌, ୱାନି ବିସୟ୍‌ତାନ୍‌ ୱେର୍‌ସିନାନ୍‌ । ମାତର୍‌ ବଇଙ୍ଗ୍‌ଁ ବା ଆନାତ୍‌ସୁଗି କ୍ରିସ୍ଟାନ୍‌ ଲୋକାଙ୍ଗ୍‌ ମିସାକିଜି ଗ୍ରିକ୍‌ ଲୋକାଙ୍ଗ୍‌ ମାରି ଜିହୁଦି ଲୋକାଙ୍ଗ୍‌ ମାର୍ହାତ୍‍ \xt ୧:୧\xt* ।
\ip ପ୍ରେରିତ ବଇ ୬୦-୬୪ ବାର୍ସେକ୍‌ ଲୋଇ ଆନାତ୍‌ସୁଗି ରାସାତାମାନାତ୍‌ ଜିସୁ କ୍ରିସ୍ତଦି ଜନମ୍‌ ୱେନ୍‌କା ଇରିଙ୍ଗ୍‌ ବଇ ପାଉଲତି ଜଇଲ୍‌ତାନ୍‌ ମୁକୁଡ଼ାନି ଆଗ୍‌ଡ଼ି ବଇ ରାସାତିକା ୱିଜ୍‌ଜିନାତ୍‌ । ଲୁକ ବା ପାଉଲତି ୱାଲେ ସର୍‌ଆନ୍‌ ମାରି ଇୟା ବଇ ଆନାତ୍‌ସୁଗି ଆଣ୍ଟିୟକ ଗାଡ଼୍‌ତୁ ରାସାତାମାନାତ୍‌ । ପ୍ରେରିତ ବଇ ଲୁକ ବଇ ରାସାତି ୱେନ୍‌କା ୱେନ୍‌କା ରାସାତାମାନାତ୍‌ ମାରି ଇକା ଜିସୁ କ୍ରିସ୍ତଦି ମୁସ୍‌କୁପୁର୍‌ତୁ ସନି ୱାଲେ ଆରାମ୍‌ ଆତାମାନାତ୍‌ । ଲୁକ ରାସ୍‌ନି ଉଦେସ୍‌ ଆଜିନାତ୍‌ ଏଣ୍ତେସ୍‌ ସୁସମାଚାର୍‌ ରାସ୍‌ତା ମାର୍ହାନ୍‌ ଆୟାୱାଜା ଇବେବା ରାସ୍‌ତାମାନାନ୍‌ । ୱାନ୍‌ ତିୟପିଲଙ୍ଗ୍‌ ବଦା କିତାନ୍‌ ଆୟା ଦାପେ ଦାପେ ପିର୍‌ଜିମାନି କ୍ରିସ୍ଟାନ୍‌ ଲୋକୁ ଏଣ୍ତେସ୍‌ କିଜି ଅଜାଦେଙ୍ଗ୍‌ ଆଟ୍‌ନାର୍‌ ମାରି ୱାନ୍‌ ଜିସୁ କ୍ରିସ୍ତଦି ଜିବନ୍‌ତି ଟିକ୍‌ ଦାଡ଼ି ମାରି କ୍ରିସ୍ଟାନ୍‌ ପିରିନି ବିସୟ୍‌ତାନ୍‌ ରାସ୍‌ତାମାନାନ୍‌ ।
\ip ପ୍ରେରିତ ବଇ ମାଙ୍ଗିଁ ପାର୍‌ତୁମ୍‌ ମଣ୍ତଲିଦି ନେଗି ବିସୟ୍‌ ତର୍‌ନାତ୍‌ ମାରି ଜିସୁ କ୍ରିସ୍ତଦିମାନୁ ବିସ୍‌ବାସ୍‌ତାନ୍‌ ଜିନିମାଡ଼ିନି ଉଣ୍ତିଙ୍ଗ୍‌ ତର୍‌ନାତ୍‌ । ପ୍ରେରିତ ସିସୁର୍‍ ମାଙ୍ଗିଁ ନେଗି ସାରି ତର୍‌ନାର୍‌ ଏଣ୍ତେସ୍‌ କିଜି ପବିତ୍ର ଆତ୍ମାଦି ସାକ୍ତିଦାନ୍‌ ଆସା ଇଡ୍‌ଜି ଆଇ ୱାରିମାନୁ ସୁସମାଚାର୍‌ ପ୍ରଚାର୍‌ କିନିକା ।
\iot ଇୟା ବଇଦି ଏସ ମୁକିୟ ବିସୟ
\io1 ୧. ସିସୁରି ମୁସ୍‌କୁ ପବିତ୍ର ଆତ୍ମାଦି ରେତାନିକା ମାରି ମଣ୍ତଲିଦି ପିରିନିକା । \ior ୧:୧–୮:୧\ior*
\io1 ୨. ମଣ୍ତଲିଦି କାସ୍ଟୁ ମାରି ଜିରୁସାଲାମ୍‌ ସାନ୍ଧି ସୁସମାଚାର୍‌ ୱେଙ୍ଗିଁତାତ୍‌ । \ior ୮:୨–୧୨:୨୩\ior*
\io1 ୩. ପାଉଲତି ପାର୍‌ତୁମ୍‌ ସେବାକିନି ପାଣି । \ior ୧୨:୨୪–୧୪:୨୮\ior*
\io1 ୪. ପୁନି ବିସ୍‌ବାସ୍‌ସିରି ଉଣ୍ତିଙ୍ଗ୍‌ ଇନିକା ଦର୍‌କାର୍‌ ଜିରୁସାଲାମ୍‌ତି ମିଟିଙ୍ଗ୍‌ତୁ ନିଷ୍ପତି । \ior ୧୫:୧-୩୫\ior*
\io1 ୫. ପାଉଲତି ମାରିଉନ୍‌ଡ୍ରିଦେବା ସେବାକିନି ପାଣି । \ior ୧୫:୩୬–୧୮:୨୨\ior*
\io1 ୬. ପାଉଲତି ମୁନ୍‌ଡ୍ରିଦେବେଙ୍ଗ୍‌ ସେବାକିନି ପାଣି । \ior ୧୮:୨୩–୨୦:୩୮\ior*
\io1 ୭. ପାଉଲ ଜିରୁସାଲାମ୍‌ତୁ ତର୍‌ତାର୍‌ । \ior ୨୧–୨୬\ior*
\io1 ୮. ପାଉଲତିଙ୍ଗ୍‌ ରୋମ୍‌ତୁ ପୋକ୍‌ତାର୍‌ । \ior ୨୭–୨୮\ior*
\c 1
\s ପବିତ୍ର ଆତ୍ମାଦି ପାରାମାଣ୍‌
\p
\v 1 \x + \xo ୧:୧ \xo*\xt ଲୁକ ୧:୧-୪.\xt*\x*ଏ ଲାଡ୍‍ତି ତିୟପିଲ,
\p ନା ପାର୍‌ତୁମ୍‌ ବଇଦୁ ଜିସୁ ୱାନି ପାଣି ଆରାମ୍‌ କିନି ଦିନ୍‍ତାନ୍‍ ଆମାୱିଜୁ ପାଣି କିତାମାର୍ହାନ୍‌ ମାରି ସିକିୟା ସିତାମାର୍ହାନ୍‍, ଆୟାୱିଜୁ ବିସୟ୍‌ତାନ୍‌ ରାସ୍‍ତାମାର୍ହା । 
\v 2 ମୁସ୍‌କୁପୁର୍‌ ସନି ଆଗ୍‍ଡ଼ିନେ ଆମାୱାରିଙ୍ଗ୍‌ ୱାନ୍‌ ନିଜେଦି ସିସୁ ୱାଜା ଆସ୍‌କିତା ମାର୍ହାନ୍‌, ୱାରିଙ୍ଗ୍‌ ୱାନ୍‌ ପବିତ୍ରାଆତ୍ମାଦି ସାକ୍ତିଦାନ୍ ସିକିୟା ସିତାମାର୍ହାନ୍‌ 
\v 3 ନାସ୍ତିୱାଲେ ୱାନ୍‌ ଜିବନ୍‌ ମାର୍ହାନ୍‌, ଇକା ପାରାମାଣ୍‌ କିନି ଉଣ୍ତିଙ୍ଗ୍‌ ମାରି ସିସୁର୍‍ ନାମ୍‌ଇକା ଆକ କିନି ଉଣ୍ତିଙ୍ଗ୍‌ ୱାନ୍‌ ୱାରି ସାତି ୱେନ୍‌କା ସାଲିସ୍‌ ଦିନ୍‌ ସାନ୍ଦି ଗାଦି ଦେବେଙ୍ଗ୍‌ ୱାରିଙ୍ଗ୍‌ ତରାୟା ଆତାମାର୍ହାନ୍‍ । ୱାର୍‌ ଜିସୁଙ୍ଗୁଁ ସୁଡ଼ୁତାମାର୍ହାର୍‌ ମାରି ଜିସୁ ୱାରିଙ୍ଗ୍‌ ମାପୁରୁଦି ରାଜି ବିସୟ୍‌ତାନ୍‌ ଇର୍ହାନ୍‌ । 
\v 4 \x + \xo ୧:୪ \xo*\xt ଲୁକ ୨୪:୪୯.\xt*\x*ୱାର୍‌ ଉନ୍‌ଡ୍ରେମାନୁ ମାନିୱାଲେ ଉଣିତିନିମାନୁ ଜିସୁ ୱାରିଙ୍ଗ୍‌ ଇୟା ମାଟା ସିତାନ୍‌ ଜିରୁସାଲାମ୍‌ ଡ଼ିସ୍‌ସୋ ସଲ୍‌ମାଟ୍‌ । ମୁସ୍‌କୁପୁର୍‌ତି ବୁବା ମିଙ୍ଗିଁ ଆମାକା ସିନାନ୍‌ ଇଜି ପାର୍‌ମାଣ୍‌ କିତାମାନାନ୍‌ ମାରି ଆମା ଦାନ୍‌ ବିସୟ୍‌ତାନ୍‌ ନାନ୍ ମିଙ୍ଗିଁ ୱେର୍‌ତାମାର୍‌ଆ, ଆକା ପଇନି ସାନ୍ଦି କାପ୍‌କିଦୁ । 
\v 5 \x + \xo ୧:୫ \xo*\xt ମାତିଉ ୩:୧୧; ମାର୍କ ୧:୮; ଲୁକ ୩:୧୬; ଜୋହନ ୧:୩୩.\xt*\x*ଜୋହନ ଏର୍‌ତୁ ଡୁବନ୍‌ ସିତାନ୍‌, ମାତର୍‌ ଏସ ଉଣା ଦିନ୍‌ ୱେନ୍‌କା ମିର୍‌ ପବିତ୍ର ଆତ୍ମାଦୁ ଡୁବନ୍‌ ଆନିଦେର୍‌ ।
\s ଜିସୁଦି ମୁସ୍‌କୁପୁର୍‌ସନିକା
\p
\v 6 ଅର୍‍ଲେନ୍‍ ପ୍ରେରିତ ସିସୁର୍‍ ଉନ୍‌ଡ୍ରେମାନୁ ମାନିୱାଲେ ଜିସୁଙ୍ଗୁଁ ୱେନ୍‍ବାତାର୍‌, “ପ୍ରବୁ, ନିନ୍‌ ଇନିକା ଇଲେଇ ଇସ୍ରାଏଲରିଙ୍ଗ୍‌ ୱାରି ରାଜି ଡ଼େସି ସିନି ?”
\p
\v 7 ଜିସୁ ୱାରିଙ୍ଗ୍‌ ଇର୍ହାନ୍‌, “ୱେଡ଼ା ନି ଇଲେଇତିଙ୍ଗ୍‌ ନା ବୁବା ୱାନି ଆଡ୍‍ଗି କିଜି ଇଟ୍‌ତାମାନାନ୍‌ । ଇୟାୱିଜୁ ଏସ୍‌କାଙ୍ଗ୍‌ ଗଟାନାତ୍‌, ମିର୍‌ ନେସ୍‌ତେଙ୍ଗ୍‌ ଦର୍‌କାର୍‌ ସିଲେ । 
\v 8 \x + \xo ୧:୮ \xo*\xt ମାତିଉ ୨୮:୧୯; ମାର୍କ ୧୬:୧୫; ଲୁକ ୨୪:୪୭,୪୮.\xt*\x*ମାତର୍‌ ମି ମୁସ୍‌କୁ ପବିତ୍ରଆତ୍ମା ରେତାତିଙ୍ଗ୍‌, ମିର୍‌ ସାକ୍ତିଦାନ୍ ପୁରା ଆନିଦେର୍‌ ମାରି ଜିରୁସାଲାମ୍‌, ସାରାୱିଜୁ ଜିହୁଦା ମାରି ସମିରୋଣ ମାରି ଦୁନିଆଦି ସାରାସାରିଇତି ସାନ୍ଦି ନା ଉଣ୍ତିଙ୍ଗ୍‌ ମିର୍‌ ସାକି ଆନିଦେର୍‌ ।” 
\v 9 \x + \xo ୧:୯ \xo*\xt ମାର୍କ ୧୬:୧୯; ଲୁକ ୨୪:୫୦,୫୧.\xt*\x*ଇକା ୱେର୍‌ତି ୱେନ୍‌କା ଜିସୁଙ୍ଗୁଁ ମୁସ୍‌କୁପୁର୍‌ତୁ ସନିକା ୱାର୍‌ ସୁଡ଼ୁତାର୍‌ ମାରି କାଣ୍ତେକ୍‌ ବାଦ୍‍ଡ଼ତାନ୍‌ ୱାନ୍‌ ୱାରି କାଣାଗ୍‌ଦି ଆଗ୍‌ଡ଼ିରାନ୍‌ ସାୟାମାୟା ଆତାନ୍‌ ।
\p
\v 10 ୱାନ୍‌ ମୁସ୍‌କୁ ସୋରି ୱେନ୍‌କା ବା ୱାର୍‌ ତିର୍‌ତାନ୍‌ ସୁଡ଼ୁଜି ବାଦ୍‌ଡ଼ତିଙ୍ଗ୍‌ ବେସ୍‌ସି ତେବାତାମାର୍ହାର୍‌ । ଅଡ଼ିନିଆଙ୍ଗିଁ ଆରାତିକାର୍‌ ରିଏର୍‌ ଲୋକୁ ଆୟାଦାପ୍ରେନେ ୱାରି ଲାକ୍‌ତୁ ୱାଜି, 
\v 11 ନିର୍ହା ଇର୍ହାନ୍‌, “ଏ ଗାଲିଲିଦି ଲୋକୁ, ଏନ୍ଦା ଇବେନୁ ନିର୍‌ଦେର୍‌ନୋ ବାଦ୍‌ଡ଼ତିଙ୍ଗ୍‌ ବେସ୍‌ସିନିଦେର୍‌ ? ଏ ଜିସୁ ମି ଲାକ୍‌ତୁରାନ୍‌ ସୋଲ୍‌ସି ମୁସ୍‌କୁପୁର୍‌ତୁ ଅତାର୍‌ । ମାତର୍‌ ୱାନ୍‌ ଆମା ୱାଜା ମୁସ୍‌ପୁର୍‌ତୁ ସନିକା ମିର୍‌ ସୁଡ଼ୁତିଦେର୍‌, ଟିକ୍‌ ଆୟାୱାଜା ୱାନ୍‌ ମାରିଡ଼େସି ୱାନାନ୍‌ ।”
\s ଜିହୁଦାଦି ବାଡି ପୁରା ଆନାତ୍‌
\p
\v 12 ତାନେୱେନ୍‌କା ପ୍ରେରିତ ସିସୁର୍‍ ଜିତ ଗରନ୍‌ତାନ୍‌ ଜିରୁସାଲମ୍‌ତୁ ଡ଼େସି ସୋର୍ହାର୍‌ । ଜିତ ଗରନ୍‌ ଗାଡ଼୍‌ତାନ୍‍ ଉନ୍‌ଡ୍ରେ କିଲମିଟର୍‌ ଆକ ମାର୍ହାତ୍‌ । 
\v 13 \x + \xo ୧:୧୩ \xo*\xt ମାତିଉ ୧୦:୨-୪; ମାର୍କ ୩:୧୬-୧୯; ଲୁକ ୬:୧୪-୧୬.\xt*\x*ଗାଡ଼୍‌ତୁ ସୋଲ୍‌ସି ୱାର୍‌ ତେବାଜିମାର୍‌ଇ ମୁସ୍‌କୁରି ବାକ୍‌ରାଦୁ ଡ଼ୁଗିତାର୍‌ । ଆୟା ପ୍ରେରିତ ସିସୁର୍‍ ଆଜିନାର୍‌ ପିତର, ଜୋହନ, ଜାକୁବ, ଆନ୍ଦ୍ରିୟ, ପିଲିପ୍‌, ଥୋମା, ବାର୍ତଲମି, ମାତିଉ, ଆଲପିଦି ମାରିନ୍‌ ଜାକୁବ, ଦେସ୍‌ତିଙ୍ଗ୍‌ଜିବନ୍‌ନୋନି ସିମୋନ ମାରି ଜାକୁବଦି ମାରିନ୍‌ ଜିହୁଦା । 
\v 14 ୱାର୍‌ ବେଡ଼ାବେଡ଼ାଦୁ ଉନ୍‌ଡ୍ରେ ଦଲ୍‌ ୱାଜା ପାର୍‌ତାନା କିଦେଙ୍ଗ୍‌ ଉନ୍‌ଡ୍ରେମାନୁ ଆଜିମାର୍ହାର୍‍ ମାରି ୱାରି ୱାଲେ ଜିସୁଦି ଆଇସି ମରିୟମ୍‌ ମାରି ଆଇ ଆଇମେକ୍‍ ମାରି ଜିସୁଦି ତଡ଼ାନ୍‌କୁ ବା ଉଣ୍ତାଜି ମାର୍ହାର୍‌ ।
\p
\v 15 ଏସ ଦିନ୍‌ ୱେନ୍‌କା ସଏକଡ଼େ ଲୋକୁ ବିସ୍‌ବାସ୍‌ତି ତଡ଼ାନ୍‌କା ଉନ୍‌ଡ୍ରି ପେରି ମିଟିଙ୍ଗ୍‌ତୁ ପିତର ନିଲ୍‌ତାନ୍‌ନୋ ଇର୍ହାନ୍‌ 
\v 16 “ତଡ଼ାନ୍‌କୁ ନି ତାଙ୍ଗିଁକି, ଆମା ଜିହୁଦା ଜିସୁଙ୍ଗୁଁ ଆସ୍‌ତେଙ୍ଗ୍‌ ଇଜି ସାତ୍ରୁରିଙ୍ଗ୍ ସାରି ତର୍‌ସି ଅତାମାର୍ହାନ୍‌, ଆୟା ବିସୟ୍‌ତାନ୍‌ ଦାଉଦ ପବିତ୍ରଆତ୍ମାଦି ମାଣାନ୍‌ ସାଲାଜି ବବିସ୍ୟତ ମାଟା ୱେର୍‌ତା ମାର୍ହାନ୍‌ । ଦାର୍ମୁସାସ୍ତ୍ରଦୁ ରାସ୍‌ତି ଆୟା ମାଟା ପୁରା ଆଦେଙ୍ଗ୍‌ ସତ୍‌ ମାର୍ହାତ୍‌ । 
\v 17 ମାରିବା ଜିହୁଦା ମା ଦଲ୍‌ତୁ ମାର୍ହାନ୍‌ ମାରି ମା ଅରେନ୍‌ ଅର୍‌ସେ ସେବା ପାଣି କିନି ଉଣ୍ତିଙ୍ଗ୍‌ ଆସ୍‌କିଆତା ମାର୍ହାନ୍‌ ।” 
\v 18 \x + \xo ୧:୧୮ \xo*\xt ମାତିଉ ୨୭:୩-୮.\xt*\x*ୱାନି ତାଗ୍‌ଇ ପାଣି ଉଣ୍ତିଙ୍ଗ୍‌ ଜିହୁଦା ପୟ୍‌ତିମାନି ଡାବୁଣାଙ୍ଗ୍‌ ଉନ୍‌ଡ୍ରି ବୁମି କଡ଼ାୟା ଆତାମାର୍ହାତ୍‌ ମାରି ଆୟା ବୁମିଦୁ ମେଡ଼େତାନ୍‌ନୋ ୱାନ୍‌ ସାତାନ୍‌ । ୱାନି ପଟା ପାଡିଜି ସୋଲ୍‌ସି ୱାସ୍‌କିଙ୍ଗ୍‌ ସତେ ସର୍‌ଏ । 
\v 19 ଜିରୁସାଲାମ୍‌ତି ଗାଡ଼୍‌ତୁ ମାନି ୱିଜୁ ଲୋକୁ ଇୟାୱିଜୁ ନେସ୍‌ତେଙ୍ଗ୍‌ ଆଟ୍‌ସି ୱାରି ବାସାଦାନ୍‌ ଆୟା ବୁମିଦି ଦରୁ “ଆକେଲ ଦାମା” ଅର୍ତାତ୍‍ “ନେତେର୍‌ ତି କିଡ଼ିଇ” ଇଜି ଇଟ୍‌ତାମାନାର୍‌ ।
\p
\v 20 ଇୟା ବିସୟ୍‌ତାନ୍‌ ଗିତସଂହିତା ବଇଦୁ ରାସାତାମାନାତ୍‌
\q1 “ୱାନି ଇଲୁ ସିମ୍ରା ଆପିତ୍‌,
\q2 ଆବେନୁ ଏନ୍‌ ତେବାମାକିର୍‌,
\m ମାରି ବା ରାସାତାମାନାତ୍‌;
\q1 ଆଇକାନ୍‍ ଅରେନ୍‌ ୱାନି ପାଣିଦୁ ରାପିନ୍‌ ।”
\p
\v 21 \x + \xo ୧:୨୧ \xo*\xt ମାତିଉ ୩:୧୬; ମାର୍କ ୧:୯; ଲୁକ ୩:୨୧; \xt*\xt ମାର୍କ ୧୬:୧୯; ଲୁକ ୨୪:୫୧.\xt*\x*“ମାରି ପ୍ରବୁ ଜିସୁଦି ଡ଼େସିନିଙ୍ଗିଁନି ବିସୟ୍‌ତାନ୍‌ ସାକି ଆଦେଙ୍ଗ୍‌ ଇଜି ମାରି ଅରେନ୍‌ ମା ୱାଲେ ମିସାନିକା ଦର୍‌କାର୍‌ । 
\v 22 ଜିସୁ ଜୋହନତି ମାଣାନ୍‌ ଡୁବନ୍‌ ଅତି ସମୟ୍‍ତାନ୍ ମୁସ୍‌କୁ ସନି ସାନ୍ଧି ୱିଜୁ ୱାଲେ ପ୍ରବୁ ଜିସୁ ମା ୱାଲେ ବୁଲାସାଲା କିନିୱାଲେ, ଏମେ ଲୋକୁ ମା, ଦଲ୍‌ତୁ ମାର୍ହାର୍‌ ଅରେନ୍ ୱାନିଙ୍ଗ୍‌ ଆସ୍‍କିଦେଙ୍ଗ୍‌ ଆନାତ୍‌ ଏମେ ଲୋକୁ ମା ଦଲ୍‍ତୁ ମାର୍ହାର୍‌, ୱାରି ଲୋଇରାନ୍‌ ଅରେନ୍‌ୱାନିଙ୍ଗ୍‌ ମାରିଡ଼େସି ଇୟାଉଣ୍ତିଙ୍ଗ୍‌ ଆସ୍‌କିଦେଙ୍ଗ୍‍ ଆନାତ୍‌ ।” 
\v 23 ୱାର୍‌ ରିଏରି ଦରୁ ୱେର୍‌ତାର୍‌ ଜୋସେପ୍‌ ଏନ୍‌ ବର୍ସବା ମାରି ଜୁସ୍ତସ୍‍ ଇଜି ବା ଇନାର୍‌ ମାରି ମତିୟ । 
\v 24 ମାରି ପାର୍‌ତନା କିତାର୍‍, “ପ୍ରବୁ, ନିନ୍‌ ୱିଜୁ ସିନ୍ତା ନେସ୍‌ନି । ଇୟା ରିଏରି ଲୋଇ ଏଙ୍ଗ୍‍ଁ ବାସେକିତିମାନି, 
\v 25 ଇୟା ବେକ୍ତି ଜିହୁଦା ନିଜେଦିବାଡିଦୁ ସନି ଉଣ୍ତିଙ୍ଗ୍‌ ଇୟା ଏମେ ସେବା ମାରି ପେରିତ ସିସୁ ପାଣି କିନାନ୍ ।” 
\v 26 ତାନିୱେନ୍‍କା ରିଏରି ଲୋଇ ଅରେନ୍‌ୱାନିଙ୍ଗ୍‌ ବାସ୍‍କିଦେଙ୍ଗ୍‍ କୁଡ଼ୁକୁଡ଼ି ପକ୍‌ତାର୍‌ । ମାରି ମତିୟଦି ଦର୍‌ତାନ୍‌ କୁଡ଼ୁକୁଡ଼ି ସତାତ୍‍; ଆବେଟ୍‌ ୱାନ୍‌ ଏଗାର୍‍ ଲୋକୁ ସିସୁରି ୱାଲେ ମିସାତାନ୍‍ ।
\c 2
\s ପବିତ୍ର ଆତ୍ମାଦି ୱାନିକା
\p
\v 1 ପେଣ୍ଟିକଷ୍ଟ ପଣ୍ତତି ନାଣ୍ଡିଙ୍ଗ୍ କ୍ରିସ୍ଟାନ୍‍ ଲୋକୁ ୱିଜେରେ ଉଣ୍ତ୍ରେ ବାଡିଦୁ ଉଣ୍ତାତା ମାର୍ହାର୍‌ । 
\v 2 ଆୟାଦାପ୍ରେନେ ନାଣ୍ତ ଗାଲି ୱାନି ଆଉଲି ୱାଜା ବାଦଡ଼୍‍ତାନ୍‍ ଉଣ୍ତ୍ରି ବାଦଡ଼ତାନ୍‌ ଆଉଲି ଆତାତ୍‌ ମାରି ଏମେ ଇଲ୍‌ତୁ ୱାର୍‌ ବାସ୍‍ତାମାର୍ହାର୍‍, ଆକା ଆୟା ଆଉଲିଦାନ୍‍ ପୁରା ଆତାତ୍‌ । 
\v 3 ତାନିୱେନ୍‍କା ୱାର୍‌ ସୁଡ଼ୁତାର୍‌, ଏସୋ ସିସୁ ୱେତଲ୍‍ ସାର୍‍ଜି ଆବେ ମାର୍ହି ୱିଜେରିଙ୍ଗ୍‍ ମୁଟ୍‍ତାତ୍‍ । 
\v 4 ୱାର୍‌ ୱିଜେରେ ପବିତ୍ର ଆତ୍ମାଦୁ ପୁରା ଆତାର୍‌ ମାରି ଆତ୍ମାଦାନ୍‌ ସାଲାଜି ଆଇ ଆଇ ବାସାଦାନ୍‍ ମାଟା ଇଣ୍ତ୍ରେଙ୍ଗ୍‌ ଆସ୍‌ତାର୍‌ ।
\p
\v 5 ଦୁନିଆଦି ୱିଜୁ ଦେସ୍‍ତାନ୍‍ ୱାତିମାନି ଜିହୁଦି ଦାର୍ମୁ ଲୋକୁ ୱିଜେରେ ଜିରୁସାଲାମ୍‍ତୁ ଉଣ୍ତାତା ମାର୍ହାର୍‌ । 
\v 6 କୁଟୁମ୍‍ତୁ ଆଜିମାନି ଆଉଲି ୱେନ୍‌ଜି, ନାଣ୍ତ ଲୋକ୍‌ ଆବେ ଉଣ୍ତାତାର୍‌ । କ୍ରିସ୍ତ ବିସ୍‍ବାସ୍‍ସିର୍‍ ଆବେ ଉଣ୍ତାତିମାନି ୱିଜେରି ବାସାଦାନ୍‍ ମାଟା ଇଜିମାନିକା ୱେନ୍‌ଜି ୱାରି ମନ୍‌ତୁ କାବାନିକା ୱାତାତ୍‌ । 
\v 7 ମାରି, ୱାର୍‌ କାବାଆଜି ମାରି ବେମ୍‍ରିଆଜି ଇନ୍‌ଡ୍ରେଙ୍ଗ୍‌ ଆସ୍‌ତାର୍‌, “ଇୟାୱାଜା ୱାର୍‍ଗିଜିମାନି ଇୟା ଲୋକୁ ଇନିକା ଗାଲିଲିୟତିକାର୍‍ ଆଏର୍‌ ? 
\v 8 ଆରିଙ୍ଗ୍‌ ମାଡ୍‌ ୱିଜୁ ଏଣ୍ତେସ୍‌ ୱାରିଙ୍ଗ୍‌ ମା ନିଜେଦି ଜନମ୍‌ତି ବାସାଦାନ୍‍ ୱାର୍‍ଗିଜିମାନିକା ୱେନ୍‍ଜିନାପ୍‍ ? 
\v 9 ମାଡ୍‌ ପାର୍ତିୟ, ମାଦିୟ ମାରି ଏଲାମିୟ, ମାରି ମେସପଟାମିଆ, ଜିହୁଦା ଦେସ୍‌ ମାରି କାପ୍‍ପାଦକିଆ, ପନ୍ତ ମାରି ଆସିଆ, 
\v 10 ପ୍ରୁଗିଆ ମାରି ପାମ୍ଫିଲିଆ, ମିସର୍‍ ମାରି କୁରିଣି ଲାକ୍‌ତୁରି ଲିବିୟା ରାଜିଦୁମାନିକାର୍‍ । ମାବାଣ୍‍କୁ ଏସୋ ଲୋକୁ ରୋମ୍‍ତାନ୍‍ ୱାତିମାନି ଜିହୁଦିର୍‌ 
\v 11 ମାରି ଜିହୁଦି ଦାର୍ମୁ ଆତିମାର୍‍ଇ ଲୋକୁ; ମାରି ଏସୋ କ୍ରିତି ନି ଆରବିୟ ଦେସ୍‌ତି ଲୋକୁ । ମାରିବା ମାପୁରୁ ଏମେ କାବାଆନି ବିସୟ୍‌ ୱିଜୁ କିତାମାନାନ୍‍, ଆୟା ବିସୟ୍‌ତାନ୍‌ ମାପ୍‌ ୱିଜେରେ ୱାରିମାଣ୍‌କୁ ମା ନିଜେ ନିଜେଦି ବାସାଦାନ୍‍ ୱେନ୍‍ଡ୍ରେଙ୍ଗ୍‍ ଆଟ୍‍ସିନାପ୍‍ ।” 
\v 12 କାବାନି ବେମ୍‍ରିଆଜି ୱାର୍‌ ନିଜେ ନିଜେଦିମାନୁ ୱେନ୍‍ବାଦେଙ୍ଗ୍‍ ଆସ୍‌ତାର୍‌, “ତେନି ଅର୍ତ ଇନିକା ?”
\p
\v 13 ମାତର୍‌ ଆଇକାର୍‌ ବିସ୍‍ବାସିରିଙ୍ଗ୍‍ ୱେକ୍‍ରିସ୍‍ କିଜି ଇର୍ହାର୍‌, “ଇୟା ଲୋକୁ ଅଙ୍ଗୁର୍‌ରସ୍‌ ଉଣୁଜି ସସ୍‍ତା ମାନାର୍‌ ।”
\s ପିତରତି ପ୍ରଚାର୍‌
\p
\v 14 ତାନିୱେନ୍‍କା ଆଇ ଏଗାର୍‍ ଲୋକୁ ପ୍ରେରିତ ସିସୁରି ୱାଲେ ପିତର୍‌ ନିଙ୍ଗ୍‍ଜି ନାଣ୍ତ ଆଉଲି ଆଜି ଇର୍ହାନ୍‌, ଏ ଜିହୁଦି ତଡ଼ାନ୍‌କୁ ତାଙ୍ଗିଁକ୍‌ ମାରି ଜିରୁସାଲାମ୍‍ତୁ ବାସାତିମାନି ମଣ୍ତଲି, ନା ମାଟା ନେଗେନ୍‌ତାନ୍‌ ୱେନ୍‌ଡ୍ରୁ, ନାନ୍ ଇୟା ବିସୟ୍‌ତାନ୍‌ ବୁଜାକିଜି ଇନା । 
\v 15 ମିର୍‌ ଅଡ଼୍‌ବିଜିନିଦେର୍‌, ଇୟାକାର୍‌ ସହସ୍‍ତିକାର୍‍ । ସିଲେ, ଇୟାକାର୍‌ ସହସ୍‍ତିକାର୍‍ ଆଏର୍‌ । ଇରିଙ୍ଗ୍‌ ଇଲେଇ ୱେଡ଼ା ସାଲ୍‍ଦି ନୋ ଗଣ୍ଟା । 
\v 16 ମାତର୍‌ ବାବବାଦି ଜୟେଲ୍‍ ଏମେ ଗଟାନା ବିସୟ୍‌ତାନ୍‌ ବବିସତ୍‍ବାଣି ଇର୍ହାମାର୍ହାନ୍, ଆକା ଆୟାୱାଜା ଉନ୍‌ଡ୍ରି ଗଟନା;
\q1
\v 17 ମାପୁରୁ ଇନାନ୍‌; ୱିଜ୍‍ନି ଦିନ୍‍କାଙ୍ଗ୍‍ଁ ଇକା ୱିଜୁ ଗଟାନାତ୍‌,
\q2 ନାନ୍ ୱିଜେରି ମୁସ୍‌କୁ ନା ଆତ୍ମା ୱାକ୍‌ନା ସିନା ।
\q1 ମି କଡ଼ର୍‌ ନି ଆଇଲିକ୍‌ ବାବବାଦି କିନାର୍‌ ।
\q2 ମି ମୁରୁଲିର୍‍ ଦର୍ସନ ସୁଣାର୍‍,
\q2 ମାରି ନେତାର୍‍ ଲବେର୍‍ ସୁଣାର୍‍ ।
\q1
\v 18 ହୁଁ ନା ଦାସ୍‍କୁ ଅର୍‌ସେ ମେମାରି ନି ଆଇମେକା ମୁସ୍‌କୁ,
\q2 ଆୟା ଦିନ୍‍ତୁ ନା ଆତ୍ମା ୱାକ୍‍ନା ସିନା,
\q2 ମାରି ୱାର୍‌ ନା ବାକ୍ୟ ୱେର୍‌ନାର୍‌ ।
\q1
\v 19 ନାନ୍ ବାଦଡ଼୍‍ ମୁସ୍‌କୁ କାବାଆନି ପାଣି
\q2 ମାରି ଆଡ୍‍ଗିରି ଦୁନିଆଦୁ କାବାଆନି ପାଣିତର୍‍ନା ।
\q1 ନେତେର୍‌, ସିସୁ ମାରି ନାଣ୍ତ ଗଇଦାନ୍‌ ଦୁନିଆ ବର୍ତି ଆନାତ୍‌;
\q2
\v 20 ପ୍ରବୁଦି ପେରି ଗୌରବ୍‍ ଦିନ୍‍ତି ୱାନି ଆଗ୍‌ଡ଼ି
\q2 ୱେଡ଼ା ସିକାଟି ଆନାତ୍‌
\q2 ମାରି ଲେଞ୍ଜୁ ନେତେର୍‌ ୱାଜା ଆନାତ୍‌ ।
\q1
\v 21 ନାସ୍ତିୱାଲେ ଏନ୍‌ ପ୍ରବୁଦି ଦର୍‌ତାନ୍‌ ପାର୍‌ତନା କିନାନ୍‌, ୱାନ୍‌ ରକିୟା ପୟ୍‌ନାନ୍‌ ।
\p
\v 22 ଏ ଇସ୍ରାଏଲ୍‌ତି ଲୋକୁ, ଇୟାୱିଜୁ ମାଟା ୱେନ୍‌ଡ୍ରୁ ! ନାଣ୍ତ ସାକ୍ତିଦି ପାଣି ମାରି କାବାନି ସିନା ଦାନ୍‌ ନାଜରିୟତିୟ ଜିସୁ ଜେ ମାପୁରୁ ପକ୍‍ତିକାନ୍ ଇଜି ପାର୍‍ମାଣ୍‍ କିଆୟ୍‍ ଆତାମାନାନ୍‍ ମାରି ମାପୁରୁ ସାକ୍ତି ପୁରାକିତିକାନ୍‍, ଇକା ମି ଲାକ୍‌ତୁ ସତ୍‌ ଆତାମାନାତ୍‌ । ମି ଲୋଇ ଇୟା ଇୟାୱିଜୁ ଗଟନା ଗଟାତାତ୍‍, ଆଦେଙ୍ଗ୍‌ ଇୟା ବିସୟ୍‌ତାନ୍‌ ମିର୍‌ ନେଗେନ୍‍କିଜି ନେସ୍‌ତିମାନିଦେର୍‌ । 
\v 23 \x + \xo ୨:୨୩ \xo*\xt ମାତିଉ ୨୭:୩୫; ମାର୍କ ୧୫:୨୪; ଲୁକ ୨୩:୩୩; ଜୋହନ ୧୯:୧୮.\xt*\x*ମାପୁରୁ ୱାନି ଉପାୟ୍‌ ଇସାବ୍‌ତାନ୍‌ ଜିସୁଙ୍ଗୁଁ ମି କିୟୁଦୁ ସର୍ପେ କିଦେଙ୍ଗ୍‌ ତିର୍‍ କିତାମାର୍ହାନ୍‌ । ମାରି ମିର୍‌ ୱାନିଙ୍ଗ୍‌ ପାପିଲୋକା ମାଣାନ୍‌ କ୍ରୁସଦୁ ଏକିସ୍‍କିଜି ଡାକ୍‍ତି ମାର୍‌ଇଦେର୍‌ । 
\v 24 \x + \xo ୨:୨୪ \xo*\xt ମାତିଉ ୨୮:୫,୬; ମାର୍କ ୧୬:୬; ଲୁକ ୨୪:୫.\xt*\x*ମାତର୍‌ ମାପୁରୁ ୱାନିଙ୍ଗ୍‌ ସାନି ମାଣ୍‌କୁ ଡ଼ିସିସ୍‍କିଜି ମାରିଡ଼େସି ନିକ୍‍ତାନ୍‍, ଇରିଙ୍ଗ୍‌ ୱାନ୍‌ ସାତି ମାନୁ ତରାୟ୍‍ଆଜି ତେବାନିକା ଅସମ୍ଭବ । 
\v 25 ଦାଉଦ ୱାନି ବିସୟ୍‌ତାନ୍‌ ଇନାନ୍‌,
\q1 “ୱିଜୁ ସମୟ୍‍ତୁ ନାନ୍ ପ୍ରବୁଙ୍ଗୁଁ ନା ଆଗ୍‌ଡ଼ି ସୁଡ଼ୁତାମାନା,
\q2 ୱାନ୍‌ ନା ତରିନ୍‌ ତେବାତାମାନାନ୍‌ । ଏନ୍‌ ନାଙ୍ଗିଁ ତିଲିସ୍‌ କିଦେଙ୍ଗ୍‌ ଆଟ୍‌ଏନ୍‌ ।”
\q1
\v 26 ଆଦେଙ୍ଗ୍‌ ନା ଜିବନ୍‌ ୱେଡ଼ିକାଦୁ ପୁରାଆତାମାନା,
\q2 ନା ୱେତଲ ୱେଡ଼ିକାଆଜି ନିଙ୍ଗିଁଜିନାତ୍‍ ।
\q1 ମାରିବା ନାନ୍ ସାନିକିନ୍ଦା,
\q2 ନା ପୁରା ମେନ୍ଦଲ୍‌ ଆସାଦୁ ତିର୍‌ତେବାନା,
\q1
\v 27 ଇରିଙ୍ଗ୍‌ ନିନ୍‌ ନାଙ୍ଗିଁ ସାନି ଦୁନିଆଦୁ ଡ଼ିସ୍‍ଇ;
\q2 ନିନ୍‌ ନି ବିସ୍‍ବାସ୍‍ତି ଦାସ୍‍ତିଙ୍ଗ୍‍ ଦୁକିଗୁଟା ଲୋଇ ସାବ୍‍ଦେଙ୍ଗ୍‍ ଇଜି ଡ଼ିସ୍‌ସୋ ସିଇ ।
\q1
\v 28 ନିନ୍‌ ନାଙ୍ଗିଁ ଜିବନ୍‌ତି ସାରି ତର୍‍ତିମାନି
\q2 ମାରି ନି ଲାକ୍‍ତୁତେବାନିକା ନାଙ୍ଗିଁ ୱେଡ଼ିକାଦୁ ପୁରାକିନାତ୍‍ ।
\p
\v 29 ଏ ନା ଇସ୍ରାଏଲତି ତଡ଼ାନ୍‌କୁ ନି ତାଙ୍ଗିଁକ୍‍, ବୁଜାନିୱାଜା ନାନ୍ ମିଙ୍ଗିଁ ମା ଡକ୍ରାଦାଦା ରାଜା ଦାଉଦତି ବିସୟ୍‌ତାନ୍‌ ଏସ ଇନ୍‌ଡ୍ରେଙ୍ଗ୍‌ ଦର୍‌କାର୍‌ ମାନାତ୍‌ ଇଜି ଅଡ଼୍‌ବିଜିନା । ୱାନ୍‌ ସିତିଙ୍ଗ୍‌ ମୁସ୍‌ତାର୍‌, ମାରି ୱାନି ଦୁକିଗୁଟା ନେର୍‌ ସାନ୍ଦି ଇବେ ମା ଲୋଇ ମାନାତ୍‌ । 
\v 30 ୱାନ୍‌ ଅରେନ୍‌ ବାବବାଦି ମାର୍ହାନ୍‍, ଆଦେଙ୍ଗ୍‌ ୱାନି ଉଣ୍ତିଙ୍ଗ୍‌ ମାପୁରୁଦି ଜିଦ୍‌ ମାଟା ନେସ୍‍ତାମାର୍ହାନ୍‍ । ଦାଉଦତି କୁଟୁମ୍‌ତି ଲୋଇ ଅରେନ୍‌ ୱାନିଙ୍ଗ୍‌ ରାଜା କିନାନ୍‌ ଇଜି ମାପୁରୁ ପାର୍‌ମାଣ୍‌ କିତାମାର୍ହାନ୍‌ । 
\v 31 ମାପୁରୁ ୱାନିଦିନ୍‍ତୁ ଇନିକା କିଦେଙ୍ଗ୍‌ ସଲ୍‌ସିନାନ୍‌, ଦାଉଦ ଆକା ନେସ୍‌ସି, କ୍ରିସ୍ତ ଅର୍ତାତ୍‍ ମସିହଦି ମାରିଡ଼େସି ନିଙ୍ଗିଁନି ବିସୟ୍‌ତାନ୍‌ ଇର୍ହାମାନାନ୍‌;
\q1 ୱାନ୍‌ ସାନି ଦୁନିଆଦୁ ଡ଼ିସାୟ୍‍ ଆଏତାନ୍‍ ।
\q2 ୱାନି ମେନ୍ଧଲ୍‍ ଦୁକିଗୁଟା ଲୋଇ ସାବ୍‍ଏତାତ୍‍ ।
\m
\v 32 ମାପୁରୁ ଇୟା ଜିସୁଙ୍ଗୁଁ ସାତିମାଣାନ୍‌ ମାରିଡ଼େସି ନିକ୍‍ତାମାନାନ୍‍ । ମାପ୍‌ ୱିଜେରେ ତେନି ସାକି । 
\v 33 ଜିସୁ ୱାନି ବୁବା ମାପୁରୁଦି ଉଣେରି ତରିନ୍‌ ପେରାୟ୍‍ ଆତାମାନାନ୍‌ ମାରି ବୁବାଦି ଜିଦ୍‌ ଇସାବ୍‌ତାନ୍‌ ୱାନିମାଣ୍‌କୁ ପବିତ୍ର ଆତ୍ମା ପୟ୍‌ତାମାନାନ୍‌ । ଇଲେଇ ମିର୍‌ ଆମାକା ସୁଡ଼ୁଜିନିଦେର୍‍ ମାରି ୱେନ୍‌ଜିନିଦେର୍‌, ଆକା ୱାନି ଦାନ୍‌ । ଆକା ୱାନ୍‌ ମା ମୁସ୍‌କୁ ୱାକ୍‍ତା ସିତାମାନାନ୍‌ । 
\v 34 ଦାଉଦ ନିଜେ ମୁସ୍‌କୁପୁର୍‌ତୁ ସଲ୍‍ଏନ୍‍ ମାର୍ହାନ୍‍, ମାତର୍‌ ୱାନ୍‌ ଇର୍ହାନ୍‌,
\q1 ପ୍ରବୁ ନା ପ୍ରବୁଙ୍ଗୁଁ ଇର୍ହାନ୍‌,
\q1
\v 35 ନାନ୍ ନି ସାତ୍ରୁରିଙ୍ଗ୍ ନି ପାଦାମ୍‌ ଆଡ୍‍ଗି କିଇ ସାନ୍ଦି ।
\q2 ନା ଉଣେରି ତରିନ୍‌ ବାସ୍‌ସ ମାନ୍‌ଆ ।
\p
\v 36 “ମାରି ଇସ୍ରାଏଲ୍‌ତି ଲୋକୁ ୱିଜେରେ ସତ୍‍ତାନ୍‍ ନେସିର୍‍ ଜେ, ଇୟା ଏମେ ଜିସୁଙ୍ଗୁଁ ମିର୍‌ କ୍ରୁସଦୁ ଏକିସ୍‍ କିତିଦେର୍‍, ମାପୁରୁ ୱାନିଙ୍ଗ୍‌ ନେ ପ୍ରବୁ ନି କ୍ରିସ୍ତ ଅର୍ତାତ୍‍ ମସିହ କିତାମାନାନ୍‍ ।”
\p
\v 37 ଇୟାୱିଜୁ ମାଟା ୱେନ୍‌ଜି ୱାରି ଜିବନ୍‌ ନାଣ୍ତ କିଲିବିଲି ଆତାତ୍‌ ମାରି ପିତର୍‌ ନି ଆଇ ପ୍ରେରିତ ସିସୁରିଙ୍ଗ୍‌ ୱେନ୍‌ବାତାର୍‌, “ତଡ଼ାନ୍‌କୁ ମାପ୍‌ ଇନିକା କିନାପ୍‍ ?”
\p
\v 38 ପିତର ୱାରିଙ୍ଗ୍‌ ଇର୍ହାନ୍‌, “ମିର୍‌ ୱିଜେରେ ପାପ୍‌ତାନ୍‌ ଡ଼େସିୱାଜି ମି ପାପ୍‌ କେମା ଆନି ଉଣ୍ତିଙ୍ଗ୍‌ ଜିସୁ କ୍ରିସ୍ତଦି ଦର୍‌ତାନ୍‌ ଡୁବନ୍‌ ଅତୁ; ଆର୍‌ତିଙ୍ଗ୍‌ ମିର୍‌ ମାପୁରୁଦି ଦାନ୍‌ ପବିତ୍ର ଆତ୍ମା ପୟ୍‌ନିଦେର୍‌ । 
\v 39 ଇରିଙ୍ଗ୍‌ ମାପୁରୁଦି ପାର୍‌ମାଣ୍‌ ମି ଉଣ୍ତିଙ୍ଗ୍‌, ମି କଡ଼ରି ଉଣ୍ତିଙ୍ଗ୍‌ ମାରି ପ୍ରବୁ, ମାପୁରୁଦି ମାଣାନ୍‌ କୁକାୟ୍‍ଆତି ଆକ ତେବାଜିମାନି ୱିଜେରି ଉଣ୍ତିଙ୍ଗ୍‌ ଟିକ୍‌ ।”
\p
\v 40 ପିତର ୱାରିଙ୍ଗ୍‍ ମାଡ଼ିସ୍‍କିଜି ମାରି ନାଣ୍ତ ମାଟେଣାନ୍‍ ୱାରିଙ୍ଗ୍‌ ସାକି ସିଜି ଇର୍ହାନ୍‌, “ଇୟା ତାଗ୍‌ଇ ଲୋକା ମୁସ୍‍କୁ ୱାନି ସାସ୍ତିଦାନ୍‍ ନିଜେ ନିଜେଦିଙ୍ଗ୍‍ ରକିୟା କିଦୁ ।” 
\v 41 ୱାରି ଲୋଇ ନାଣ୍ତ ଲୋକୁ ୱାନି ମାଟାଦୁ ବିସ୍‌ବାସ୍‌ କିଜି ଡୁବନ୍‌ ଅତାର୍‌ । ଆୟା ନାଣ୍ତିଙ୍ଗ୍ ତିନି ହାଜାର୍‌ ଲୋକୁ ଦଲ୍‍ତୁ ମିସାତାର୍‍ । 
\v 42 ଆୟାନାଣ୍ତିରାନ୍‍ ସିସୁର୍‍ ୱାରିଙ୍ଗ୍‌ ସିକିୟା ସିତାର୍‍ । ମାରି ୱାର୍‌ ମିସାବିଡ଼୍‍ ଆତାର୍‌, ରୁଟି ରୁକ୍‌ତେଙ୍ଗ୍‍ ମାରି ପାର୍‌ତାନା କିଦେଙ୍ଗ୍‌ ମୋନ୍‌ସିଜି ତେବାତାର୍‍ ।
\s ବିସ୍‍ବାସି ଲୋକା ଲୋଇ ଜିନିକା
\p
\v 43 ପ୍ରେରିତ ସିସୁର୍‍ ନାଣ୍ତ କାବାଆନି ସିନେଙ୍ଗ୍‍ ମାରି କାବାଆନି ବିସୟ୍‌ କିତାନ୍‌ । ମାରି ୱିଜେରେ ଆବେନୁ ତିଲାତା ସର୍ହାର୍‍ । 
\v 44 \x + \xo ୨:୪୪ \xo*\xt ପ୍ରେରିତ ୪:୩୨-୩୫.\xt*\x*ବିସ୍‍ବାସ୍‍ସିର୍‍ ଆପ୍‍ଣା ଆପ୍‍ଣାଦି ୱାଲେ ଉନ୍‍ଡ୍ରେମାନୁ ମିସାତାର୍‍ ମାରି ମିସାଜି ୱାରି ୱିଜୁ ଦନ୍‌ ସିଜିସାଜି ଆତାର୍‌ । 
\v 45 ୱାର୍‌ ଆପ୍‍ଣା ଆପ୍‍ଣାଦି ମାନି ଦନ୍‌ତିଙ୍ଗ୍‍ ପର୍‌ଜି, ଡାବୁଙ୍ଗୁଁ ୱିଜେରି ଦର୍‌କାର୍‌ ଇସାବ୍‌ତାନ୍‌ ନିଜେନିଜେ ଲୋଇ ବାଟା କିତାର୍‍ । 
\v 46 ୱାର୍‌ ୱିଜୁଦିନ୍‌ ପାର୍‍ତନାକିନି ମନ୍ଦିର୍‌ତୁ ଉନ୍‍ଡ୍ରେ ଦଲ୍‌ ୱାଜା ଉଣ୍ତାଜି ମାର୍ହାର୍‌ ମାରି ଇଲ୍‌କାଙ୍ଗ୍‌ ଇଲ୍‌କାଙ୍ଗ୍‌ ରୁଟି ରୁକ୍‍ସି ୱେଡ଼ିକା ମନ୍‍ତାନ୍‍ ମାରି ନେଗି ଜିବନ୍‌ତାନ୍‌ ଉଣିତିନିକା କିଜି, 
\v 47 ମାପୁରୁଦି ଦନ୍ୟବାଦ୍‌ କିଜି ୱିଜେରେ ଲୋକା ୱାଲେ ନେଗି ୱେଡ଼ିକା କିତାର୍‍ । ମାରି ପ୍ରବୁ ରକିୟା ପୟ୍‌ନି ଲୋକାଙ୍ଗ୍‌ ୱିଜୁଦିନ୍‌ ୱାରି ଦଲ୍‍ତୁ ମିସା କିଦେଙ୍ଗ୍‌ ଆସ୍‌ତାନ୍‌ ।
\c 3
\s ଅରେନ୍‌ ସଟା ବିକାରି ନେଗେନ୍‌ଆତାନ୍‌
\p
\v 1 ଅର୍‍ଲେନ୍‍ ପିତର ନି ଜୋହନ ପାର୍‌ତାନା ସମୟ ୱେଡ଼ାରେନି ତିନ୍‍ଟାଦୁ ମନ୍ଦିର୍‌ତୁ ସଲ୍‍ସିମାର୍ହାର୍‍ । 
\v 2 ଆବେନ୍‌ “ସୁନ୍ଦର୍‌” ଦର୍‌ତି ଦୁଆର୍‍ ଲାକ୍‌ତୁ ଅରେନ୍‌ ଲୋକୁ ମାର୍ହାନ୍‍ । ୱାନ୍‌ ଜନମ୍‍ତାନ୍‍ ସଟା । ମନ୍ଦିର୍‌ତୁ ସଲ୍‍ସିମାନି ଲୋକାମାଣ୍‌କୁ ଭିକିୟା ଲସ୍‌ତେଙ୍ଗ୍‌ ଇଜି ସବୁଦିନ୍‍ ୱାନ୍‌ ଦୁଆର୍‍ ଲାକ୍‌ତୁ ପିଣ୍ତାୟ୍‍ଆଜି ସଲ୍‍ସିମାର୍ହାନ୍‍ । 
\v 3 ପିତର ନି ଜୋହନତିଙ୍ଗ୍‌ ମନ୍ଦିର ଲୋଇ ସନିକା ସୁଡ଼ୁଜି ୱାନ୍‌ ୱାରିଙ୍ଗ୍‌ ଭିକିୟା ଲସ୍‌ତାନ୍‌ । 
\v 4 ପିତର ନି ଜୋହନ ୱାନିଙ୍ଗ୍‌ ସିଦା ବେସ୍‍ତାର୍‍ ମାରି ପିତର୍‌ ଇର୍ହାନ୍‌, “ମା ତରିନ୍‍ ସୁଡ଼୍‌ଆ !” 
\v 5 ଆବେଟ୍‌ ୱାନ୍‌ ୱାରିମାଣ୍‌କୁ ଏସ ପୟ୍‌ନି ଆସାଦାନ୍‍ ୱାରି ତରିନ୍‌ ବେସ୍‍ତାନ୍ । 
\v 6 ମାତର୍‌ ପିତର୍‌ ୱାନିଙ୍ଗ୍‌ ଇର୍ହାନ୍‌, “ନା ଲାକ୍‌ତୁ ବାଙ୍ଗାଁରାମ୍‍ ମାରି ୱେଣ୍ତି ସିଲେତ୍‌, ମାତର୍‌ ଆମାକା ମାନାତ୍‌, ନାନ୍ ନିଙ୍ଗିଁ ସିଜିନା : ନାଜରିୟତିୟ ଜିସୁ କ୍ରିସ୍ତଦି ଦର୍‌ତାନ୍‌ ନାନ୍ ଆଦେସ୍‌ ସିଜିନା, ନିଙ୍ଗଁଜ ବୁଲାଆ ।” 
\v 7 ଇକା ଇଜି ୱାନ୍‌ ୱାନି ଉଣେରି କିୟୁ ଆସ୍‌ସି ନିକ୍‍ତାନ୍‍ । ଆୟାଦାପ୍ରେ ଲୋକ୍‌ତି ପାଦାମ୍‌ ନି ସିରାଗାଟିଙ୍ଗ୍‍ ୱିଜୁ ବପୁ ଆତେ । 
\v 8 ୱାନ୍‌ ତୁଲ୍‍ଜି ନିଙ୍ଗିଁଜି ନିର୍‍ଆନ୍‍ ମାରି ବୁଲାଦେଙ୍ଗ୍‌ ଆସ୍‌ତାନ୍‌ । ତାନିୱେନ୍‍କା ୱାନ୍‌ ବୁଲାବୁ ବୁଲାବୁ, ତୁଲ୍‍ବୁ ତୁଲ୍‍ବୁ ମାରି ମାପୁରୁଦି ଦନ୍ୟବାଦ୍‌ କିବୁ କିବୁ ୱାରି ୱାଲେ ମନ୍ଦିର୍‌ତୁ ସର୍ହାନ୍‍ । 
\v 9 ଆବେଣି ଲୋକୁ ୱାନିଙ୍ଗ୍‌ ବୁଲାନିକା ନି ମାପୁରୁଦି ପ୍ରସଂସା କିନିକା ସୁଡ଼ୁତାର୍‌, 
\v 10 ୱାନିଙ୍ଗ୍‌ ମନ୍ଦିର୍ ଦୁଆର୍‍ ଲାକ୍‌ତୁ ବାସ୍‍ତିମାର୍‍ଇ ଭିକାରି ଇଜି ସିନିସ୍‍କିତାର୍‍ ମାରି ୱାନି ଉଣ୍ତିଙ୍ଗ୍‌ ଇନିକା ଗଟାତାମାର୍ହାତ୍‍, ୱିଜୁ ନେସ୍‌ସି ୱାର୍‌ କାବାନି ବେମ୍‍ରି ଆତାର୍‌ ।
\s ପାର୍‌ତନା ମନ୍ଦିର୍‌ତୁ ପିତର୍‌ତି ପ୍ରଚାର୍‌
\p
\v 11 ଆୟାକାନ୍‍ ପିତର୍‌ ନି ଜୋହନତି ୱାଲେ ସଲମନ୍‍ତି ଗୁଡିକାଲ୍‌ତୁ ମାନିକା ସୁଡ଼୍‌ଜି ଲୋକୁ କାବାଆଜି ଲାକ୍‌ତୁ ଉରୁକ୍‍ତାର୍‍ । 
\v 12 ପିତର୍‌ ୱାରିଙ୍ଗ୍‌ ସୁଡ଼ୁଜି ଇର୍ହାନ୍‌, ଏ ଇସ୍ରାଏଲ୍‌ତି ଲୋକୁ, ମିର୍‌ ଏନ୍ଦା ଇବେନୁ କାବାଆଜି ମା ତରିନ୍‌ ଇୟାୱାଜା ବେସ୍‍ସି ମାନିଦେର୍‌ ? ମିର୍‌ ଇନିକା ଅଡ଼୍‌ବିଜିନିଦେର୍‌ ଜେ ମା ନିଜେ ସାକ୍ତିଦାନ୍ ନି ମା ଦାର୍ମୁ ଉଣ୍ତିଙ୍ଗ୍‌ ମାପ୍‌ ଇୟା ଲୋକ୍‌ତି ବୁଲାନି ସାକ୍ତି ସିତାମାନାପ୍‍ ? 
\v 13 ଅବ୍ରାହାମ, ଇସ୍‌ହାକ୍‌ ମାରି ଜାକୁବଦି ମାପୁରୁ, ମା ଡକ୍ରାଦାଦାରି ମାପୁରୁ, ୱାନି ଦାସ୍‌ ଜିସୁଙ୍ଗୁଁ ମାପୁରୁଦି ଦନ୍ୟବାଦ୍‌ ସିତାମାନାନ୍‌ । ମାତର୍‌ ମିର୍‌ ୱାନିଙ୍ଗ୍‌ ଅଦିକାରିରି କିୟୁଦୁ ସର୍ପେ କିତିଦେର୍‍ । ଇୟାୱାଜାକି ପିଲାତ୍‌ ରାଜା ୱାନିଙ୍ଗ୍‌ ଡ଼ିସିସ୍‍ କିଦେଙ୍ଗ୍‌ ତିର୍‌ କିତିମାରିଙ୍ଗ୍‍ ବା, ୱାନିଙ୍ଗ୍‌ ପିଲାତ୍‌ ରାଜା ଆଗ୍‌ଡ଼ି ଅମାନ୍ୟ କିତିଦେର୍‍ । 
\v 14 \x + \xo ୩:୧୪ \xo*\xt ମାତିଉ ୨୭:୧୫-୨୩; ମାର୍କ ୧୫:୬-୧୪; ଲୁକ ୨୩:୧୩-୨୩; ଜୋହନ ୧୯:୧୨-୧୫.\xt*\x*ୱାନ୍‌ ଅରେନ୍‌ ପବିତ୍ର ମାରି ଦାର୍ମୁ ଲୋକୁ, ମାତର୍‌ ମିର୍‌ ୱାନିଙ୍ଗ୍‌ ଅମାନ୍ୟ କିତିଦେର୍‍ ମାରି ୱାନି ବାଦ୍‌ଲୁ ମିଙ୍ଗିଁ ଦୟା ତର୍‌ସି ଅରେନ୍‌ ନର୍‍କାତ୍‍ନିୱାନିଙ୍ଗ୍‍ ଡ଼ିସିସ୍‍ କିଦେଙ୍ଗ୍‌ ଇଜି ପିଲାତ୍‌ ରାଜେଙ୍ଗ୍‍ ଇର୍‍ଇଦେର୍‍ । 
\v 15 ଏନ୍‌ ଜିବନ୍‌ତି ସାରି ତର୍‍ନିକାନ୍‍, ମିର୍‌ ୱାନିଙ୍ଗ୍‌ ଡାକ୍‍ତିଦେର୍‍; ମାତର୍‌ ମାପୁରୁ ୱାନିଙ୍ଗ୍‌ ସାତିମାଣାନ୍‌ ମାରିଡ଼େସି ନିକ୍‍ତାନ୍‍ । ମାପ୍‌ ତାନି ସାକି । 
\v 16 ୱାନି ଦର୍‌ତି ସାକ୍ତି ନେ ଇୟା ସଟେଙ୍ଗ୍‍ ନେଗେନ୍‌ କିତାମାନାତ୍‌ । ଏମେ ଗଟନା ଇଲେଇ ମିର୍‌ ନିଜେ ସୁଡ଼୍‌ଜି ସତ୍‌ ଇଜି ନେସ୍‌ତିମାନିଦେର୍‌, ଆକା କେବଲ୍‌ ୱାନି ଦର୍‌ତାନ୍‌ ବିସ୍‌ବାସ୍‌ କିନି ଉଣ୍ତିଙ୍ଗ୍‌ ଆତାମାନାତ୍‌ । ଜିସୁମାନୁ ବିସ୍‌ବାସ୍‌ କିନି ଉଣ୍ତିଙ୍ଗ୍‌ ୱାନ୍‌ ଜେ ନେଗେନ୍‌ ଆତାମାନାନ୍‌, ଇକା ମିର୍‌ ସୁଡ଼ୁତିମାନିଦେର୍‍ । 
\v 17 “ମାରି ଇଲେଇ, ଏ ଇସ୍ରାଏଲ୍‌ତି ତଡ଼ାନ୍‌କୁ ନି ତାଙ୍ଗିଁକ୍‍, ମିର୍‌ ମାରି ମି ନେତାର୍‌ ଜିସୁଦି ଉଣ୍ତିଙ୍ଗ୍‌ ଆମାକା କିତିଦେର୍‍, ଆକା ନେସ୍‌ଏଣ୍ତା କିତିମାନିଦେର୍‍, ଇକା ନାନ୍ ନେସ୍‌ନା । 
\v 18 ନାଣ୍ତ ବାର୍ସେକ୍‍ ଆଗ୍‌ଡ଼ି ୱିଜେରେ ବାବବାଦି ୱେୟୁଦୁ ମାପୁରୁ ୱେର୍‍ତା ମାର୍ହାନ୍‍ ଜେ, କ୍ରିସ୍ତଙ୍ଗ୍‌ ଦୁକ୍‍ବଗାଦେଙ୍ଗ୍‍ ଆନାତ୍‌ । ଇୟାୱାଜା ଇଲେଇ ଆକା ସତ୍‌ ଆତାମାନାତ୍‌ । 
\v 19 ମାରି ଅନୁତାପ୍‍ କିଜି ମାପୁରୁ ତରିନ୍‌ ଡ଼େସି ରାଦୁ । ଆରିଙ୍ଗ୍‌ ୱାନ୍‌ ମି ପାପ୍‌ କେମା କିନାନ୍‌ । 
\v 20 ମାରି ପ୍ରବୁଦି ମାଣାନ୍‌ ମିର୍‌ ଆତ୍ମିକ ସାକ୍ତି ପୟ୍‌ନିଦେର୍‌ । ମାପୁରୁ ମି ଉଣ୍ତିଙ୍ଗ୍‌ ଆଗ୍‌ଡ଼ିରାନ୍‌ ବାସେଆତିମାନି ମସିହ ଜିସୁଙ୍ଗୁଁ ପକ୍‍ନାନ୍‍ । 
\v 21 ପୁର୍ବେକାଡ଼ାଦି ପବିତ୍ର ବାବବାଦି ମାଣ୍‌କୁ ମାପୁରୁ ୱେର୍‌ତି ଇସାବ୍‌ତାନ୍‌ ୱିଜୁ ବିସୟ୍‌ତି ପୁନିକା ଆନି ସାନ୍ଦି ୱାନ୍‌ ମୁସ୍‌କୁପୁର୍‌ତୁ ତେବାନାନ୍‌ । 
\v 22 ଇୟା ବିସୟ୍‌ତାନ୍‌ ମୋସା ଇର୍ହାମାର୍ହାନ୍‌, ମି ପ୍ରବୁ ମାପୁରୁ ମି ତଡ଼ାନ୍‌କା ମାଣୁକୁ ମି ଲାକ୍‌ତୁ ନା ନାନି ଅରେନ୍‌ ବାବବାଦିଙ୍ଗ୍‍ ପକ୍‍ନାନ୍‍ । ୱାନ୍‌ ମି ନିଜେ ଲୋକା ଲୋଇରାନ୍‌ ଅରେନ୍‌ ଆନାନ୍‍ । ୱାନ୍‌ ମିଙ୍ଗିଁ ଆମାକା ଇନାନ୍‌, ଆୟାୱିଜୁ ବିସୟ୍‌ ମିର୍‌ ମାନାନିକା ମାନାତ୍‌ । 
\v 23 ଏନ୍‌ ଆୟା ବାବବାଦିଦି ବାକ୍ୟ ମାନାଏନ୍‌, ୱାନିଙ୍ଗ୍‌ ମାପୁରୁଦି ଲୋକାମାଣ୍‌କୁ ୱେର୍‌ଏ କିଜି ନାସ୍ଟୁ କିଆୟ୍‍ଆନାନ୍‍ । 
\v 24 ଇଲେଇ ଆମାକା ଗଟାଜିନାତ୍‍, ଆୟା ବିସୟ୍‌ତାନ୍‌ ସାମୁଏଲ୍‍ତି ୱାଲେ ୱିଜେରେ ବାବବାଦିର୍ ମାଟା ପ୍ରଚାର୍‌ କିଜି ଇର୍ହାମାର୍ହାନ୍‌ ମାରି ୱାରି ୱେନ୍‌କାରି ବାବବାଦିର୍ ବା ଇୟା ବିସୟ୍‌ତାନ୍‌ ୱେର୍‍ତା ମାର୍ହାନ୍‍ । 
\v 25 ବାବବାଦିରି ୱେୟୁଦୁ ମାପୁରୁ ଏମେ ୱିଜୁ ପ୍ରତିଜ୍ଞା କିତାମାନାନ୍‍, ଆକା ମି ଉଣ୍ତିଙ୍ଗ୍‌ ଟିକ୍‌, ମାରି ମାପୁରୁ ମି ପୁର୍ବେଦିଡକ୍‌ରାଦାଦାରି ୱାଲେ ଏମେ ନିୟମ୍‌ କିତାମାନାନ୍‍, ମିର୍‌ ଆବେଣି ବାଗ୍‍ତିକାର୍‍ । ମାପୁରୁ ଅବ୍ରାହାମ୍‍ତିଙ୍ଗ୍‌ ଇର୍ହାମାର୍ହାନ୍‌, ମି କୁଟୁମ୍‌ତି ମାଣାନ୍‌ ନାନ୍ ଦୁନିଆଦି ୱିଜୁ ବାସାଦି ଲୋକାଙ୍ଗ୍‌ ଆସିର୍ବାଦ୍‌ କିନାପ୍‍ । 
\v 26 ଆଦେଙ୍ଗ୍‌ ମାପୁରୁ ୱାନି ଦାସ୍‌ତିଙ୍ଗ୍‌ ବାସେକିତାନ୍‍ ମାରି ମି ୱିଜେରିଙ୍ଗ୍‍ ତାଗ୍‌ଇ ସାରିଦାନ୍‍ ଡ଼େସିୱାନି ଆସିର୍ବାଦ୍‌ ସିଦେଙ୍ଗ୍‍ ଇଜି ଆଗ୍‌ଡ଼ି ୱାନିଙ୍ଗ୍‌ ମି ଲାକ୍‌ତୁ ପକ୍‌ତାନ୍‌ ।”
\c 4
\s ଜିହୁଦିର୍‌ ପେରି ମିଟିଙ୍ଗ୍‍ତୁ ପିତର ନି ଜୋହନ
\p
\v 1 ପିତର୍‌ ନି ଜୋହନ ଲୋକାଙ୍ଗ୍‌ ଇୟାୱାଜା ସିକିୟା ସିଜିମାନି ୱାଲେ ମନ୍ଦିର୍‌ତି ଏସ ଜାଜକର୍‌, ମନ୍ଦିର୍‌ତି କାପ୍‍କିନିୱାରି ପେରିକାନ୍‌ ମାରି ଏସ ସାଦୁକିର୍ ୱାଜି ଇତାର୍‌ । 
\v 2 ୱାର୍‌ ରିସା ଆତାମାର୍ହାର୍‍, ଇରିଙ୍ଗ୍‌ ଜିସୁ ସାତିମାଣାନ୍‌ ମାରିଡ଼େସି ନିଙ୍ଗିଁନି ଇଜି ରିଏର୍‌ ପ୍ରେରିତର୍‍ ଲୋକାଙ୍ଗ୍‌ ସିକିୟା ସିଜି, ଇବେଣାନ୍‍ ସାତିକାର୍‍ ମାରିଡ଼େସି ନିଙ୍ଗ୍‍ନାର୍‍ ଇଜି ପାର୍‍ମାଣ୍‍ କିଜିମାର୍ହାର୍‍ । 
\v 3 ମାରି ୱାର୍‌ ୱାରିଙ୍ଗ୍‌ ତର୍‍ତାର୍‍ ମାରି ଆୟାନାଣ୍ତିଙ୍ଗ୍‌ ନାଣ୍ତ ୱେଡ଼ା ଆତାମାର୍ହାତ୍‍ଆକା ମାରିନାଣ୍ତିଙ୍ଗ୍‍ ସାନ୍ଦି ୱାରିଙ୍ଗ୍‌ ଜଇଲ୍‌ତୁ ଇଟ୍‌ତାର୍‌ । 
\v 4 ମାତର୍‌ ୱାରି ସିକିୟା ୱେର୍‍ଇମାର୍ହି ନାଣ୍ତ ଲୋକୁ ଆବେନୁ ବିସ୍‌ବାସ୍‌ କିତାର୍‍ ମାରି ୱାରି ସଂଖ୍ୟା ପିର୍‌ଜି ପାସ୍‌ ହାଜାର୍‌ ଆତାତ୍‌ ।
\p
\v 5 ମାର୍‌ନାଣ୍ତିଙ୍ଗ୍‍ ଜିହୁଦି ନେତାର୍‌, ମନ୍ଦିର୍‌ତି ଆଇନେତାର୍‍ ମାରି ଦାର୍ମୁଗୁରୁର୍‌ ଜିରୁସାଲାମ୍‍ତୁ ଉଣ୍ତ୍ରେମାନୁ ଉଣ୍ତାତାର୍‌ । 
\v 6 ଆବେନୁ ୱିଜେରିଙ୍ଗ୍‍ ପେରି ଜାଜକ ହାନାନା, କୟାପା, ଜୋହନ, ଆଲେକ୍‍ଜାଣ୍ତର୍‍ ମାରି ୱିଜେରିଙ୍ଗ୍‍ପେରି ଜାଜକରି ଇଲ୍‍ତି ଆଇ ଲୋକାଙ୍ଗ୍‍ ମିସାତାର୍‍ । 
\v 7 ସିସୁରିଙ୍ଗ୍‌ ୱାରି ଆଗ୍‌ଡ଼ି ତାପିସ୍‍ କିଜି ୱେନ୍‌ବାତାର୍‌, “ମିର୍‌ ଇୟାୱିଜୁ ଏଣ୍ତେସ୍‌ କିଜିନିଦେର୍‌ ? ଏ ସାକ୍ତିଦାନ୍ ବା ଏ ଦର୍‌ତାନ୍‌ ଇକା କିଜିନିଦେର୍‌ ?”
\p
\v 8 ଆବେଟ୍‍ ପିତର ପବିତ୍ର ଆତ୍ମାଦୁ ପୁରା ଆଜି ୱାରିଙ୍ଗ୍‌ ଇର୍ହାନ୍‌, “ଏ ଲୋକା ନେତାର୍‌ ମାରି ପେରିକାର୍‌ : 
\v 9 ଜଦି ନେର୍‌ ମାଙ୍ଗିଁ ଇୟା ସଟା ଉଣ୍ତିଙ୍ଗ୍‌ କିତିମାନି ନେଗି ପାଣି ବିସୟ୍‌ତାନ୍‌ ମିର୍‌ ୱେନ୍‍ବାଜିନିଦେର୍‌ ମାରି ୱାନ୍‌ ଏଣ୍ତେସ୍‌ ନେଗେନ୍‍ ଆତାନ୍‍ ଇଜି ନେସ୍‌ତେଙ୍ଗ୍‌ ବଦାକିଜିନିଦେର୍‌ । 
\v 10 ଆବେଟ୍‌ ମିର୍‌ ମାରି ଇସ୍ରାଏଲ୍‌ତି ୱିଜେରେ ନେସ୍‍ନିକା ମାନାତ୍‌ ଜେ, ମି ଆଗ୍‌ଡ଼ି ନିର୍‍ଇ ମାନି ଇୟା ଲୋକୁ କେବଲ୍‌ ନାଜରିୟତିୟ ଜିସୁ କ୍ରିସ୍ତଦି ଦର୍‌ତି ସାକ୍ତିଦାନ୍ ପୁରା ନେଗେନ୍‌ ଆତାମାନାନ୍‌ । ଆୟା ଜିସୁଙ୍ଗୁଁ ମିର୍‌ କ୍ରୁସଦୁ ଏକିସ୍‍କିତି ମାରିଇଦେର୍‍ । ମାତର୍‌ ମାପୁରୁ ୱାନିଙ୍ଗ୍‌ ସାତିମାଣାନ୍‌ ମାରିଡ଼େସି ନିକ୍‍ତାନ୍‍ । 
\v 11 ଜିସୁଦି ବିସୟ୍‌ତାନ୍‌ ନେ ଦାର୍ମୁସାସ୍ତ୍ରଦୁ ରାସାତାମାନାତ୍‌,
\q1 “ଏମେ କାଲୁଦିଙ୍ଗ୍‌ ଇଲୁ ତିଆର୍‌ କିନିକାର୍‍ ଡ଼ିସ୍‌ତାର୍‍,
\q2 ମାତର୍‌ ଆୟା କାଲୁ ନେ କନାଦି ମୁଲ୍‌ କାଲୁ ଆତାତ୍‌ ।
\m
\v 12 କେବଲ୍‌ ୱାନି ମାଣାନ୍‌ ରକିୟା ପୟ୍‌ନିକା ଆନାତ୍‌ । ସାରା ଦୁନିଆଦୁ ମାନି ଆଇ ଇନି ଦର୍‌ ମାଣାନ୍‌ ଲୋକୁ ରକିୟା ପୟ୍‌ଦେଙ୍ଗ୍‌ ଆଟ୍‌ଏନ୍‌ ।”
\p
\v 13 ପିତର ନି ଜୋହନ ପଡ଼ାଇକାର୍‍ ମାରି ସାମାନ୍‌ତି ଲୋକୁ ଇଜି ପେରି ମିଟିଙ୍ଗ୍‍ତି ଜିହୁଦି ନେତାର୍‌ ନେସ୍‍ତାମାର୍ହାର୍‍ । ଆଦେଙ୍ଗ୍‌ ୱାରି ସାସ୍‌ ସୁଡ଼ୁଜି ୱାର୍‌ କାବାଆତାର୍‌ । ମାରି ୱାର୍‌ ନେସ୍‍ତାମାର୍ହାର୍‍, ଆୟା ରିଏର୍‌ ଜିସୁଦି ୱାଲେ ମାର୍ହାର୍‌ । 
\v 14 ମାତର୍‌ ୱାର୍‌ ବିରୁଦ୍‌ କିଜି ଇନିକା ଇନ୍‌ଡ୍ରେଙ୍ଗ୍‌ ଆଟ୍‌ଏତାର୍‌; ଇରିଙ୍ଗ୍‌ ୱାର୍‌ ନେଗେନ୍‌ ଆତିମାର୍‍ଇ ଲୋକ୍‌ତିଙ୍ଗ୍‌ ପିତର ନି ଜୋହନତି ୱାଲେ ନିର୍‍ଇ ମାରିଇକା ସୁଡ଼ୁତାର୍‌ । 
\v 15 ଆବେଟ୍‌ ୱାର୍‌ ସିସୁରିଙ୍ଗ୍‌ ମିଟିଙ୍ଗ୍‍ ଇଲ୍‌ତାନ୍‌ ସପ୍‍ସି ସିଜି ୱାରି ବିସୟ୍‌ତାନ୍‌ ନିଜେ ନିଜେମାନୁ ୱାର୍‍ଗିଦେଙ୍ଗ୍‍ ଆସ୍‌ତାର୍‌ । 
\v 16 ୱାର୍‌ ଇର୍ହାର୍‌, “ମାଡ୍‌ ୱେରି ଉଣ୍ତିଙ୍ଗ୍‌ ଇନିକା କିନାଟ୍‍ ?” ଇକାର୍‌ କିତିମାନି ଇୟା କାବାଆନି ପାଣି ବିସୟ୍‌ତାନ୍‌ ଜିରୁସାଲାମ୍‌ତି ୱିଜେରେ ନେସ୍‌ତା ମାନାର୍‌ । ତେନି ସତ୍‌ ମାଡ୍‌ ମାରି ସିଲେ ଇନ୍‌ଡ୍ରେଙ୍ଗ୍‌ ଆଟ୍‍ଇକା । 
\v 17 ମାତର୍‌ ଇୟା ମାଟା ଏଣ୍ତେସ୍‌ ଲୋକା ଲୋଇ ନାଣ୍ତ ୱେଙ୍ଗ୍‍ଁଏତ୍‍, ଜିସୁଦି ଦର୍‌ତାନ୍‌ ମାରି ଏସାଙ୍ଗ୍‍ ଆମାୱାରି ଆଗ୍‌ଡ଼ି ଇନିକା ଇନ୍‌ଇ ଉଣ୍ତିଙ୍ଗ୍‌ ଇୟାୱାରିଙ୍ଗ୍‌ ମାପ୍‌ ଜାଗାର୍‌ତା କିନା ସିନାଟ୍‍ ।
\p
\v 18 ଆବେଟ୍‌ ୱାର୍‌ ପିତର୍‌ ନି ଜୋହନତିଙ୍ଗ୍‌ ମାରିଡ଼େସି ଲୋଇ କୁକିସ୍‍ କିତାର୍‍ ମାରି ଏସାଙ୍ଗ୍‍ ବା ଜିସୁଦି ଦର୍‌ତାନ୍‌ ଇନି ମାଟା ଇନ୍‌ଇ ଉଣ୍ତିଙ୍ଗ୍‌ ମାରି ସିକିୟା ସିଇ ଉଣ୍ତିଙ୍ଗ୍‌ ଜାଗାର୍‌ତା କିତା ସିତାର୍‍ । 
\v 19 ମାତର୍‌ ପିତର ନି ଜୋହନ ଇର୍ହାର୍‌, “ମିଙ୍ଗିଁ ମାନାନିକା, ଅବା ମାପୁରୁଦିଙ୍ଗ୍‌ ମାନାନିକା ଏମେ ବିସୟ୍‌ ମାପୁରୁଦି ଆଗ୍‌ଡ଼ି ଟିକ୍‌, ଆକା ମିର୍‌ ବିସାର୍‌ କିଦୁ । 
\v 20 ଇରିଙ୍ଗ୍‌ ମାପ୍‌ ଆମାକା ସୁଡ଼ୁତାମାନାପ୍‍, ମାରି ୱେର୍‍ଆମାନାପ୍‍, ଆୟା ବିସୟ୍‌ ଇନ୍‍ଏଣ୍ତା ତେବାଦେଙ୍ଗ୍‍ ଆଟ୍‍ଏପ୍‍ ।” 
\v 21 ମାତର୍‌ ଜିହୁଦିର୍‌ ପେରି ମିଟିଙ୍ଗ୍‍ତୁ ଲୋକୁ ୱାରିଙ୍ଗ୍‌ ମାରି ଡାଟ୍‍ତାନ୍‌ ଆଦ୍‌ରିସ୍‌କିଜି ଡ଼ିସ୍‍ତା ସିତାର୍‍ । ୱାରିଙ୍ଗ୍‌ ଦଣ୍ଡ୍‌ ସିନିକା ଆଏତ୍‌ ଇଜି ୱାର୍‌ ନେସ୍‌ତେଙ୍ଗ୍‌ ଆଟ୍‌ତାର୍‌, ଇରିଙ୍ଗ୍‌ ଆୟାଗଟନା ଉଣ୍ତିଙ୍ଗ୍‌ ଲୋକୁ ୱିଜେରେ ମାପୁରୁଦି ଦନ୍ୟବାଦ୍‌ କିଜିମାର୍ହାର୍‍ । 
\v 22 ଏମେ ଲୋକୁ କାବା ଇସାବ୍‌ତାନ୍‌ ନେଗେନ୍‌ ଆତାମାର୍ହାନ୍‍, ୱାନି ବୟସ୍‌ ସାଲିସ୍‍ ବାର୍ସେକ୍‍ତାନ୍‍ ନାଣ୍ତ ମାର୍ହାତ୍‌ ।
\s ବିସ୍‍ବାସିର୍‍ ସାହାସ୍‍ ପୟ୍‌ନି ଉଣ୍ତିଙ୍ଗ୍‌ ପାର୍‌ତନା କିତାର୍‍
\p
\v 23 ପିତର ନି ଜୋହନ ମୁକ୍‍ଡ଼ାତି ଦାପେ ଦାପେ ୱାରି ଦଲ୍‍ତୁ ଡ଼େସି ସର୍ହାର୍‍ ମାରି ପେରି ଜାଜକର୍‌ ମାରି ନେତାର୍‍ ଆମାକା ଇର୍ହାମାର୍ହାର୍‍, ଆକା ୱାରିଙ୍ଗ୍‌ ୱେର୍‍ତାନ୍‍ । 
\v 24 ବିସ୍‍ବାସିର୍‍ ୱିଜୁ ମାଟା ୱେର୍‍ଇ ୱେନ୍‌କା ୱିଜେରେ ଉଣ୍ତାଜି ମାପୁରୁଦି ଲାକ୍‌ତୁ ଇୟା ପାର୍‌ତନା କିତାର୍‍, “ଏ ପ୍ରବୁ ! ମୁସ୍‌କୁପୁର୍‌, ଦୁନିଆଦୁ, ସାମ୍‌ଦୁର୍‌ ମାରି ଆବେମାନି ୱିଜୁ ବିସୟ୍‌ତି ତିଆର୍‍କିତିକିନ୍ଦା ! 
\v 25 ପବିତ୍ର ଆତ୍ମାଦି ମାଣାନ୍‌ ନିନ୍‌ ମା ଡକ୍ରାଦାଦା ମାରି ନି ଦାସ୍‌ ଦାଉଦତି ୱେୟୁଦାନ୍‌ ଇୟା ମାଟା ୱେର୍‍ତିମାର୍ହି,
\q1 “ଅଣଜିହୁଦିର୍‍ ଏନ୍ଦା ରିସା ଆତାର୍‌;
\q2 ଲୋକୁ ଏନ୍ଦା ଆର୍‍ତିତାନିଙ୍ଗ୍‌ ଉପାୟ୍‍କିତାର୍‍ ?
\q1
\v 26 ପ୍ରବୁଦି ବିରଦ୍‌ତାନ୍‌ ମାରି ୱାନି କ୍ରିସ୍ତ ଅର୍ତାତ୍‍ ମସିହଦି ବିରଦ୍‌ତାନ୍‌
\q2 ଦୁନିଆଦି ରାଜାର୍‌ ନିଜେଦିଙ୍ଗ୍‍ ତିଆର୍‌ କିତାର୍‍
\q2 ମାରି ସାସନ୍‍ କିନି ନେତାର୍‌ ଉଣ୍ତାତାର୍‌,
\m
\v 27 \x + \xo ୪:୨୭ \xo*\xt ଲୁକ ୨୩:୭-୧୧; \xt*\xt ମାତିଉ ୨୭:୧,୨; ମାର୍କ ୧୫:୧; ଲୁକ ୨୩:୧; ଜୋହନ ୧୮:୨୮,୨୯.\xt*\x*ସତ୍‌ତାନ୍‌ ଇୟା ଗାଡ଼୍‌ତୁ ହେରୋଦ ନି ପନ୍ତିୟ ପିଲାତ୍‌ ରାଜା ଅଣଜିହୁଦି ମାରି ଇସ୍ରାଏଲ୍‌ତି ଲୋକା ୱାଲେ ମିସାଜି ମି ମାଣାନ୍‌ ବାସେଆତି କ୍ରିସ୍ତ ଅର୍ତାତ୍‍ ମସିହ, ମି ପବିତ୍ର ଦାସ୍‌ ଜିସୁଙ୍ଗୁଁ ବିରଦ୍‌ କିତାର୍‍ । 
\v 28 ମି ସାକ୍ତି ମାରି ବଦା ଇସାବ୍‌ତାନ୍‌ ଆମାକା ୱିଜୁ ଗଟେଆନି ଉଣ୍ତିଙ୍ଗ୍‌ ମିର୍‌ ଆସା କିତିମାର୍‍ଇଦେର୍‍, ୱାର୍‌ ଉଣ୍ତାଜି ଆୟାୱିଜୁ କିନି ଉଣ୍ତିଙ୍ଗ୍‌ ଲାଗେ ପଡ଼େଆତାର୍‍ । 
\v 29 ପ୍ରବୁ, ଇଲେଇ ୱାର୍‌ ମାଙ୍ଗିଁ ଏମେ ଆଦ୍‍ରିସ୍‍ କିତାମାନାର୍‍, ନିନ୍‌ ଆୟା ବିସୟ୍‌ତାନ୍‌ ମନ୍‍ ସିଆ ମାରି ସାହାସ୍‍ତାନ୍‍ ନି ବାକ୍ୟ ପ୍ରଚାର୍‌ କିଦେଙ୍ଗ୍‌ ଇଜି, ନି ଇୟା ଦାସ୍‍ରିଙ୍ଗ୍‍ ସାକ୍ତି କିଆ । 
\v 30 ମାରି ନେଗେନ୍‌ କିଦେଙ୍ଗ୍‌ ଇଜି ନି କିୟୁ ପେର୍‌ଆ ମାରି ନି ପବିତ୍ର ଦାସ୍‌ ଜିସୁଦି ଦର୍‌ତାନ୍‌ କାବାଆନିକା ମାରି କାବାଆନି ପାଣି କିଦେଙ୍ଗ୍‌ ମାଙ୍ଗିଁ ସାକ୍ତି ସିଦା ।”
\p
\v 31 ୱାର୍‌ ପାର୍‌ତନା ୱିସ୍‌ତି ୱେନ୍‌କା ଏମେ ବାଡିଦୁ ଉଣ୍ତାତା ମାର୍ହାର୍‌, ଆକା ଦୁଙ୍ଗିଁତା ସର୍ହାତ୍‍ । ୱାର୍‌ ୱିଜେରେ ପବିତ୍ରଆତ୍ମାଦୁ ପୁରା ଆତାର୍‌ ମାରି ସାହାସ୍‍ତାନ୍‍ ମାପୁରୁଦି ବାକ୍ୟ ପ୍ରଚାର୍‌ କିଦେଙ୍ଗ୍‌ ଆସ୍‌ତାର୍‌ ।
\s ବିସ୍‍ବାସିର୍‍ ନିଜେନିଜେଦି ଦନ୍‌ତୁ ମିସାତାର୍‌
\p
\v 32 \x + \xo ୪:୩୨ \xo*\xt ପ୍ରେରିତ ୨:୪୪,୪୫.\xt*\x*ବିସ୍‍ବାସ୍‍ସି ଦଲ୍‌ ଉନ୍‌ଡ୍ରି ଜିବନ୍‌ ମାରି ଉନ୍‌ଡ୍ରି ମନ୍‍ ଆତାର୍‌ । ଏନ୍‌ ନିଜେଦି ଦନ୍‍ତିଙ୍ଗ୍‍ ନିଜେଦିକା ଇଜି ଦାବି କିଏଜିମାର୍ହାର୍‌, ମାତର୍‌ ୱିଜେରି ଦନ୍‍ତିଙ୍ଗ୍‍ ୱାର୍‌ ସାମାନ୍‍ତାନ୍‍ ବାଟାକିଜି ସିଜିସାତାର୍‌ । 
\v 33 ନାଣ୍ତ ସାକ୍ତିଦାନ୍ ପ୍ରେରିତ୍‍ର ସିସୁର୍‍ ପ୍ରବୁ ଜିସୁଦି ମାରିଡ଼େସି ନିଙ୍ଗିଁନି ବିସୟ୍‌ତାନ୍‌ ସାକିୟ ସିତାର୍‍ ମାରି ମାପୁରୁ ୱାରି ମୁସ୍‌କୁ ନାଣ୍ତ ଆସିର୍ବାଦ୍‌ ସିତାନ୍‌ । 
\v 34 ୱାରି ଦଲ୍‍ତୁ ଆମା ଲୋକୁ କାକୁର୍ତି ସିଲେତାନ୍‌ । ଏମେୱାରି ବୁମି ମାରି ଇଲୁ ମାର୍ହାତ୍‌, ୱାର୍‌ ଆକା ପର୍‍ସି ପର୍‍ତି ଦନ୍‌ତି ଡାବୁଙ୍ଗୁଁ ତାସି, 
\v 35 ୱାର୍‌ ସିସୁରି ପାଦାମ୍‌ ଆଡ୍‍ଗି ଇଡ୍‌ଜିମାର୍ହାର୍‌ । ମାରି ଆୟା ଡାବୁଙ୍ଗୁଁ ୱାରି ଲୋଇ ଲୋକା ଦର୍‌କାର୍‌ ଇସାବ୍‌ତାନ୍‌ ବାଟା କିଜିମାର୍ହାର୍‍ ।
\p
\v 36 ସାଇପ୍ରସ୍‍ ଦର୍‍ତି ବାଡିଦୁ ଜନମ୍‌ ଆତିମାର୍‍ଇ ଲେବି କଟୁମ୍‍ତି ଜସେପ୍‍, ଆମାୱାନିଙ୍ଗ୍‌ ପ୍ରେରିତ ସିସୁର୍‍ ବର୍ଣ୍ଣବା ଇଜି ଦର୍‌ ଇଟ୍‍ତାମାର୍ହାର୍‍, ବର୍ଣ୍ଣବାଦି ଅର୍ତ “ଦୁଃକ୍‌ତୁ ୱେଡ଼ିକାସିନି ମାରିନ୍‌” 
\v 37 ୱାନି ବୁମି ପର୍‍ସି ଆବେଣି ଡାବୁଙ୍ଗୁଁ ତାସି ପ୍ରେରିତ ସିସୁରିଙ୍ଗ୍‌ ସିତାନ୍‌ ।
\c 5
\s ହନନିୟ ନି ସପିରା
\p
\v 1 ହନନିୟ ଦର୍‌ତି ଅରେନ୍‌ ଲୋକୁ ମାରି ୱାନି ଆଡ଼୍‌ସି ସପିରା ତାମେ ଏସ ବୁମି ପର୍‍ତାର୍‍ । 
\v 2 ମାତର୍‌ ଆଡ଼୍‌ସି ମାଟା ଆସ୍‌ସି ହନନିୟ ପର୍‍ତି ଡାବୁଙ୍ଗୁଁ ଏସ ନିଜେଦି ଉଣ୍ତିଙ୍ଗ୍‌ ଇଡ୍‌ଜି, ଏଜିତିକା ପ୍ରେରିତ ସିସୁରିଙ୍ଗ୍‌ ସିତାର୍‍ । 
\v 3 ପିତର୍‌ ୱାନିଙ୍ଗ୍‌ ଇର୍ହାନ୍‌, “ହନନିୟ, ନି ଜିବନ୍‌ ୱିଜୁ ଏନ୍ଦା ସୟତାନ୍‍ତି ଆଡ୍‍ଗି ଆଜି ବୁମି ପର୍‌ଜି ପୟ୍‍ତିମାନି ଡାବୁଙ୍ଗୁଁ ଏସ ନିଜେଦି ଉଣ୍ତିଙ୍ଗ୍‌ ଇଡ୍‌ଜି ପବିତ୍ର ଆତ୍ମାଦିଙ୍ଗ୍‌ ମିସ୍‌ ଇର୍ହି ? 
\v 4 ଦନ୍‌ ପର୍‌ନି ଆଗ୍‌ଡ଼ି ଆକା ନି ଅଦିକାର୍‌ ମାର୍ହାତ୍‌, ପର୍‌ନି ୱେନ୍‌କା ବା ଡାବୁଙ୍ଗୁଁ ନିଦି ମାର୍ହାତ୍‌, ଆର୍‍ତିଙ୍ଗ୍‍ଁ ନିନ୍‌ ଏନ୍ଦା ଇୟାୱାଜା ପାଣି କିଦେଙ୍ଗ୍‌ ମୋନ୍‌ କିତି ? ନିନ୍‌ ଲୋକାଙ୍ଗ୍‌ ମିସ୍‌ ୱେର୍‌ଇତି, ମାତର୍‌ ମାପୁରୁଙ୍ଗ୍‍ଁ ମିସ୍‌ ୱେର୍‌ତି ।” 
\v 5 ହନନିୟ ଇୟା ମାଟା ୱେନି ଦାପ୍ରେ ଆଡ୍‍ଗି ଆର୍‍ଜି ସାତାନ୍‍; ମାରି ଏମେକାର୍‌ ଇୟା ମାଟା ୱେର୍‌ଆର୍‌, ୱାର୍‌ ୱିଜେରେ ନାଣ୍ତ ତିଲାତାର୍‌ । 
\v 6 ମାରି, ମୁରୁଲିର୍‍ ହନନିୟଦି ସାତି ମାଡ଼ାଦିଙ୍ଗ୍‍ ୱାତିଦୁ ତେରେପ୍‍ସି ଆତ୍‌ରେ ଅତାର୍‌ ମାରି ମୁସ୍‌ତାର୍‌ ।
\p
\v 7 ମାରି ମୁନ୍‌ଡ୍ରି ଗନ୍‌ଟା ୱେନ୍‌କା ହନନିୟଦି ଆଡ଼୍‌ସି ୱାଜି ଇତାତ୍‍ । ୱାଦ୍‌ ଇୟା ଗଟ୍‍ନା ବିସୟ୍‌ ନେସ୍‍ଏତ୍‍ ମାର୍ହାତ୍‌ । 
\v 8 ପିତର ତାନିଙ୍ଗ୍‌ ୱେନ୍‌ବାତାନ୍‌, “ନାଙ୍ଗିଁ ଇନ୍‌ଆଁ, ନିନ୍‌ ମାରି ନି କନ୍‍ଲି ଆମା ବୁମି ପର୍‍ତିଦେର୍‍, ଇକା ଇନିକା ତାନି ପୁରା ଡାବୁଙ୍ଗୁଁ ?”
\p ୱାଦ୍‌ ଇର୍ହାତ୍‌, “ହୁଁ ।”
\p
\v 9 ପିତର୍‌ ତାନିଙ୍ଗ୍‌ ଇର୍ହାନ୍‌, “ପ୍ରବୁଦି ଆତ୍ମାଦିଙ୍ଗ୍‍ ପରିକା କିଦେଙ୍ଗ୍‌ ଇଜି ନିନ୍‌ ମାରି କନ୍‍ଲି ଏନ୍ଦା ବାସେ କିତିଦେର୍‍ ? ଏମେକାର୍‌ ନି କନ୍‍ଲିଙ୍ଗ୍‍ ମୁସ୍‌ତାର୍‌, ୱାର୍‌ ଇଲେଇ ସେର୍‍ଲା ଲାକ୍‌ତୁ, ୱାର୍‌ ନିଙ୍ଗିଁ ବା ପିଣ୍ତ୍‍ନା ଅନାର୍‍ ।” 
\v 10 ୱେନି ଆୟାଦାପ୍ରେ ୱାଦ୍‌ ପିତର୍‌ତି କାଲ୍‍କା ଲାକ୍‌ତୁ ଆର୍‍ଜି ସାତାତ୍‍ । ମୁରୁଲିର୍‍ ଲୋଇ ୱାଜି ତାନି ସାତି ମାନିକା ସୁଡ଼୍‌ଜି ତାନିଙ୍ଗ୍‌ ପିଣ୍ତ୍‍ଜି ଅତାର୍‌ ମାରି ତାନି କନ୍‍ଲିସିଦି ଗୁଟା ଲାକ୍‌ତୁ ତାନିଙ୍ଗ୍‌ ମୁସ୍‌ତାର୍‌ । 
\v 11 ମଣ୍ତଲିଦି ପେରିକାର୍‌ ମାରି ଏମେକାର୍‌ ଇୟା ମାଟା ୱେର୍‌ଆର୍‌, ୱିଜେରେ ନାଣ୍ତ ତିଲାତାର୍‌ ।
\s କାବାଆନି ସିନା ମାରି କାବାଆନି ପାଣି
\p
\v 12 ପ୍ରେରିତ ସିସୁରି ମାଣାନ୍‌ ଲୋକା ଲୋଇ ନାଣ୍ତ କାବାଆନି ପାଣି ଆଜିମାର୍ହାର୍‍, ୱିଜେରେ ବିସ୍‍ବାସିର୍‍ ସଲମନ୍‍ତି ଗୁଡିକାଲ୍‌ତୁ ଉଣ୍ତାଜି ମାର୍ହାର୍‌ । 
\v 13 ୱାରି ବିସୟ୍‌ତାନ୍‌ ଲୋକୁ ନେଗି ମାଟା ଇଜିମାର୍ହାର୍‍, ମାତର୍‌ ଦଲ୍‌ ଆତ୍‌ରେ ମାନି ଲୋକୁ ଏନ୍‌ ୱାରି ୱାଲେ ମିସାଦେଙ୍ଗ୍‍ ସାସ୍‌ କିଏଜିମାର୍ହାର୍‌ । 
\v 14 ମାତର୍‌ ପ୍ରବୁମାନୁ ବିସ୍‌ବାସ୍‌ କିଜିମାନି ନାଣ୍ତ ଆଇମେକ୍‍ ନି ମେମାରିର୍‍ ଦଲ୍‍ତୁ ଡ଼ୁଗିତାର୍‍ ମାରି ଆୟା ବିସ୍‍ବାସି ଦଲ୍‌ ଦିନ୍‍ତିଙ୍ଗ୍‍ ଦିନ୍‌ ପିର୍‌ଦେଙ୍ଗ୍‌ ଆସ୍‌ତାର୍‌ । 
\v 15 ପ୍ରେରିତ ସିସୁରି ପାଣି ନାଣ୍ତ ନେଗେନ୍‌ ଆତାତ୍‌, ଇୟାୱାଜାକି ପିତର୍‌ ବୁଲାଜି ସନିୱାଲେ ୱାନି ନିଡ଼୍‍ଗା ଆର୍‍ଦେଙ୍ଗ୍‍ ଇଜି ଲୋକୁ ରୋଗିଲୋକାଙ୍ଗ୍‍ ପିଣ୍ତ୍‍ଜିତାସି ସାର୍‍ଦୁ କାଟେଲ୍‍ ନି ଟାଟିଦୁ ତେର୍‍ପ୍‍ସି ମାର୍ହାର୍‌ । 
\v 16 ଜିରୁସାଲାମ୍‌ତି ଲାକ୍‌ତୁରି ଗାଡ଼ାକାଣ୍‍କୁ ଉନ୍‌ଡ୍ରି ପେରି ଲୋକୁ ମାନ୍ଦା ରଗ୍‌ ନି ଦୁବା ଆସ୍‌ତି ଲୋକାଙ୍ଗ୍‌ ତାସି ସିସୁରି ଲାକ୍‌ତୁ ତାସିମାର୍ହାର୍‍ ମାରି ୱାର୍‌ ୱିଜେରେ ନେଗେନ୍‌ ଆଜିମାର୍ହାର୍‍ ।
\s ପ୍ରେରିତ ସିସୁର୍‍ କାସ୍ଟୁ ପୟ୍‌ନିକା
\p
\v 17 ତାନିୱେନ୍‍କା ୱିଜେରିଙ୍ଗ୍‍ ପେରି ଜାଜକ ମାରି ୱାନି ପାଣିକିନିକାର୍‍ ନି ଲାକ୍‌ତୁରି ସାଦୁକି ଦଲତୀ ଲୋକୁ ପ୍ରେରିତ ସିସୁରି ମୁସ୍‌କୁ ନାଣ୍ତ ରିସା ଆଜି ୱାରି ବିରୁଦ୍‍ତାନ୍‍ ପାଣି କିଦେଙ୍ଗ୍‌ ବାସେ କିତାର୍‍ । 
\v 18 ୱାର୍‌ ପ୍ରେରିତ ସିସୁରିଙ୍ଗ୍‌ ତର୍‌ସି ଇସ୍ରି ଜଇଲ୍‌ତୁ ଇଟ୍‌ତାର୍‌ । 
\v 19 ମାତର୍‌ ଆୟା ନାଡ଼ା ପ୍ରବୁଦି ଅରେନ୍‌ ଦୁତ୍‍ ଜଇଲ୍‍ତି ସେର୍‍ଲା ରେତା ସିତାନ୍‌ ମାରି ପ୍ରେରିତ ସିସୁରିଙ୍ଗ୍‌ ଡ଼ିସିସ୍‍କିଜି ୱାରିଙ୍ଗ୍‌ ଇର୍ହାନ୍‌, 
\v 20 “ସାନ୍‍ଡ୍ରୁ, ମନ୍ଦିର୍‌ତୁ ନିଲ୍‍ସି ଲୋକାଙ୍ଗ୍‌ ଇୟା ପୁନି ଜିବନ୍‌ ବିସୟ୍‌ତାନ୍‌ ୱିଜୁ ମାଟା ୱେର୍‍ତୁ ।” 
\v 21 ପ୍ରେରିତ ସିସୁର୍‍ ୱାନି ମାଟା ମାନାଜି ସାଲ୍‍ଦି ମନ୍ଦିର୍‌ତୁ ଡ଼ୁଗୁଜି ସିକିୟା ସିଦେଙ୍ଗ୍‍ ଆସ୍‌ତାର୍‌ ।
\p ୱିଜେରିଙ୍ଗ୍‍ପେରି ଜାଜକ ନି ୱାନି ୱାନି ପାଣିକିନିକାର୍‍ ପେରିମିଟିଙ୍ଗ୍‍ତି ଇନ୍‌ଡ୍ର ପୁରା ବାସ୍‌ନି ଉଣ୍ତିଙ୍ଗ୍‌ ଇସ୍ରାଏଲ୍‌ତି ୱିଜେରେ ଲୋକୁ ଜିହୁଦି ନେତାରିଙ୍ଗ୍‌ କୁକିସ୍‍ କିଜି ତାତାର୍‌ ମାରି ତାନିୱେନ୍‍କା ପ୍ରେରିତ ସିସୁରିଙ୍ଗ୍‌ ଆୟା ମିଟିଙ୍ଗ୍‍ତୁ ତାତେଙ୍ଗ୍‌ ଇଜି ପାଣିକିନିୱାରିଙ୍ଗ୍‌ ଜଇଲ୍‍ତୁ ପୋକ୍‌ତାର୍‍ । 
\v 22 ମାତର୍‌ ପାଣିକିନିକାର୍‌ ଜଇଲ୍‌ତୁ ପ୍ରେରିତ ସିସୁରିଙ୍ଗ୍‌ ପୟ୍‍ଏତାରୋ ଡ଼େସି ୱାଜି ପେରି ମିଟିଙ୍ଗ୍‍ତୁ ୱେର୍‌ତାର୍‌, 
\v 23 “ମାପ୍‍ ଜଇଲ୍‍ତୁ ଇତା ସୁଡ଼ୁତାପ୍‌, ଜଇଲି ଆଟ୍‍ୱାଦାନ୍‍ କେର୍‍ପାତା ମାନାତ୍‌ ମାରି କାପ୍‌କିନିକାର୍‌ ସେର୍‍ଲା ଆଗ୍‌ଡ଼ି କାପ୍‍କିଜିନାର୍‍, ମାତର୍‌ ସେର୍‌ଲା ରେତି ୱେନ୍‌କା ଲୋଇ ମାପ୍‌ ଏଙ୍ଗ୍‌ ପୟ୍‍ଏତାପ୍‍ ।” 
\v 24 ଇୟା ମାଟା ୱେନ୍‌ଜି ପେରି ଜାଜକ ନି ମନ୍ଦିର୍‌ କାପ୍‍କିନିୱାରି ଦାୟିତ୍‍ତୁ ମାନି ପାଣିକିନିକାନ୍‍ କାବାଆତାନ୍ । ପ୍ରେରିତ ସିସୁରିଙ୍ଗ୍‌ ଉଣ୍ତିଙ୍ଗ୍‌ ଇନିକା ଗଟାତାମାନାତ୍‍ । 
\v 25 ନାସ୍ତିୱାଲେ ଅରେନ୍‌ ଲୋକୁ ୱାଜି ଇର୍ହାନ୍‌, “ୱେନ୍‍ଣ୍ତ୍ରୁ ! ଏମେ ଲୋକାଙ୍ଗ୍‌ ମିର୍‌ ଜଇଲ୍‌ତୁ ଇଟ୍‍ତିମାର୍ହିଦେର୍‍, ୱାର୍‌ ମନ୍ଦିର୍‌ତୁ ଲୋକାଙ୍ଗ୍‌ ସିକିୟା ସିଜିନାର୍‍ ।” 
\v 26 ମନ୍ଦିର୍‌ତି ପାଣିକିନିକାର୍‌ କାପ୍‍କିନିୱାରି ୱାଲେ ସଲ୍‍ସି ପ୍ରେରିତ ସିସୁରିଙ୍ଗ୍‌ ମାରିଡ଼େସି ତାସି ୱାତାର୍‌ । ୱାର୍‌ ଏଣ୍ତେସ୍‌ କିଜିବା ବପୁ ତିଗ୍‍ଏତାର୍‍, ଇରିଙ୍ଗ୍‌ ୱାରି ତିଏଲ୍‍ ମାର୍ହାତ୍‌ ଜେ ଲୋକୁ ୱାରି ମୁସ୍‌କୁ କାଲ୍‌କୁ ଡାକ୍‌ନାର୍‌ ।
\p
\v 27 ୱାର୍‌ ପ୍ରେରିତ ସିସୁରିଙ୍ଗ୍‌ ଲୋଇ ଅସି ପେରିମିଟିଙ୍ଗ୍‌ ଆଗ୍‌ଡ଼ି ନିଲ୍‍ପ୍‍ତାର୍‍ ମାରି ୱିଜେରିଙ୍ଗ୍‍ପେରି ଜାଜକ ୱାରିଙ୍ଗ୍‌ ମାଟା ୱେନ୍‍ବାତାନ୍‌, 
\v 28 \x + \xo ୫:୨୮ \xo*\xt ମାତିଉ ୨୭:୨୫.\xt*\x*“ଇୟା ଲୋକ୍‌ତି ଦର୍‌ତାନ୍‌ ଇନି ସିକିୟା ସିଇ ଉଣ୍ତିଙ୍ଗ୍‌ ମାପ୍‌ ଡାଟ୍‍ ଆଦେସ୍‌ ସିତାମାର୍ହାପ୍‍, ମାତର୍‌ ସୁଡ଼୍‍ଦୁ, ମିର୍‌ ଇନିକା କିତିମାନିଦେର୍‍ ! ଜିରୁସାଲାମ୍‌ତି ୱିଜୁତରିନ୍‍ ମିର୍‌ ଇୟା ସିକିୟା ପ୍ରଚାର୍‌ କିତିମାନିଦେର୍‍ ମାରି ୱାନି ନେତେର୍‌ ଉଣ୍ତିଙ୍ଗ୍‌ ମିର୍‌ ମାଙ୍ଗିଁ ଦସ୍‌ କିଦେଙ୍ଗ୍‌ ସେସ୍ଟା କିଜିନିଦେର୍‌ !”
\p
\v 29 ପିତର୍‌ ନି ଆଇ ସିସୁର୍‍ ଇର୍ହାର୍‌, “ମାପ୍‌ ମାପୁରୁଙ୍ଗୁଁ ମାନାନିକା ନେଗେତ୍‌, ଲୋକାଙ୍ଗ୍‌ ସିଲେ । 
\v 30 ମିର୍‌ ଜିସୁଙ୍ଗୁଁ କ୍ରୁସଦୁ କୁଟିଙ୍ଗ୍‍ ଡାକ୍‍ସିସାପିସ୍‍ତି ୱେନ୍‌କା, ମା ଡକ୍ରାଦାଦାରି ମାପୁରୁ, ଜିସୁଙ୍ଗୁଁ ସାତିମାଣାନ୍‌ ମାରିଡ଼େସି ନିକ୍‍ତାମାନାନ୍‍ । 
\v 31 ଇସ୍ରାଏଲ୍‌ତି ଲୋକାଙ୍ଗ୍‌ ଏତ୍‌କିଜି ମନ୍‌ତିଙ୍ଗ୍‌ ଡ଼େପିସ୍‌ ପାପ୍‌ କେମା ପୟ୍‍ନି ସୁଜୋଗ ସିନି ଉଣ୍ତିଙ୍ଗ୍‌ ମାପୁରୁ ୱାନିଙ୍ଗ୍‌ ନେତା ନି ରକିୟାକର୍ତା ୱାଜା ନିକ୍‍ତାମାନାନ୍‍ ମାରି ୱାନି ଉଣେରି ତରିନ୍‌ ଇଟ୍‌ତାମାନାନ୍‌ । 
\v 32 ମାପ୍‌ ଇୟାୱିଜୁ ବିସୟ୍‌ତି ସାକି । ମାରି ଏମେ ପବିତ୍ର ଆତ୍ମାଦିଙ୍ଗ୍‍ ମାପୁରୁ ୱାନି ମାନାନିୱାରିଙ୍ଗ୍‍ ଦାନ୍‌ ସିତାମାନାନ୍‌, ୱାନ୍‌ ବା ତେନିସାକି ।”
\p
\v 33 ପେରିମିଟିଙ୍ଗ୍‍ତି ଲୋକୁ ଇୟା ମାଟା ୱେନ୍‌ଜି ନିସା ରିସା ଆତାର୍‌ ଜେ, ୱାର୍‌ ସିସୁରିଙ୍ଗ୍‌ ଡାକ୍‌ତେଙ୍ଗ୍‍ଁ ବଦା କିତାର୍‍ । 
\v 34 ମାତର୍‌ ୱାରି ଲୋଇ ଗମଲିଏଲ ଦର୍‌ତି ଅରେନ୍‌ ପେରି ପାରୁସି ଦାର୍ମୁଗୁରୁ ପେରିମିଟିଙ୍ଗ୍‍ତୁ ନିଲ୍‍ସି ପ୍ରେରିତ ସିସୁରିଙ୍ଗ୍‌ ଆତ୍‌ରେ ଅତେଙ୍ଗ୍‌ ଇଜି ଆଦେସ୍‌ ସିତାନ୍‌, 
\v 35 ପେରିମିଟିଙ୍ଗ୍‍ତି ଲୋକାଙ୍ଗ୍‌ ଇର୍ହାନ୍‌, “ଇସ୍ରାଏଲ୍‌ତି ଲୋକୁ, ଇୟା ଲୋକାଙ୍ଗ୍‌ ଉଣ୍ତିଙ୍ଗ୍‌ ଆମାକା କିଦେଙ୍ଗ୍‌ ସଲ୍‍ସିନିଦେର୍‍, ଅଡ଼ପ୍‌ ଜାଗାର୍‍ତାଦାନ୍‍ କିନିଦେର୍‍ । 
\v 36 ମି ମନ୍‌ତୁ ତେବାତାତ୍‍, ଏସ ସମୟ ଆଗ୍‌ଡ଼ି ତିହୁଦା ନିଜେଦିଙ୍ଗ୍‍ ଅରେନ୍‌ ପେରିଲୋକ୍‍ ଇଜି ଇର୍ହାନ୍‌, ମାରି ପାକାପାକି ଚାରିସ ଲୋକୁ ୱାନି ୱାଲେ ମିସାତାମାର୍ହାର; ମାତର୍‌ ୱାନ୍‌ ସାତାନ୍‍, ୱାନି ୱାଲେ ବୁଲାନିକାର୍‍ ଇନିଙ୍ଗାଁ ଆନିଙ୍ଗାଁ ଆତାର୍‌ ମାରି ୱାନି ଦଲ୍‌ ମାର୍‍ଗିତା ସର୍ହାତ୍‍ । 
\v 37 ତାନିୱେନ୍‍କା ଲୋକୁ ଲେକିସ୍‍ନି ୱେଡ଼ାଦୁ ଗାଲିଲିଦୁ ଜିହୁଦା ଦର୍‌ତି ମାରି ଅରେନ୍‌ ୱାତାନ୍‌, ୱାନ୍‌ ବା ନାଣ୍ତ ଲୋକାଙ୍ଗ୍‌ ୱାନି ଦଲ୍‍ତୁ ମିସାକିତାନ୍‌ । ମାତର୍‌ ୱାନ୍‌ ବା ସାତାନ୍‍ ମାରି ୱାନି ୱାଲେ ବୁଲାନିକାର୍‍ ଇନିଙ୍ଗାଁ ଆନିଙ୍ଗାଁ ଆତାର୍‌ । 
\v 38 ଆବେଟ୍‌ ଇୟା ବିସୟ୍‌ତାନ୍‌ ଇୟା ଲୋକା ବିରଦ୍‌ତାନ୍‌ ଇନି ପାଣି କିଇ ଉଣ୍ତିଙ୍ଗ୍‌ ନାନ୍ ମାଟା ସିଜିନା । ୱାରି ବିସୟ୍‌ତାନ୍‌ ମନ୍‍ ସିମାଟ୍‍ । ୱାରି ଉପାୟ ନି ପାଣିଦି ସନିକା ଜଦି ଲୋକା ମାଣ୍‌କୁ ଆନାମାନାତ୍‍, ଆରିଙ୍ଗ୍‌ ତାନି ବିସୟ୍‌ ମାର୍‍ଗ୍‍ନାତ୍‍ । 
\v 39 ମାତର୍‌ ଜଦି ଆକା ମାପୁରୁ ମାଣ୍‌କୁ ଆନାମାନାତ୍‍, ଆରିଙ୍ଗ୍‌ ୱାରିଙ୍ଗ୍‌ ଆରାକିନିକା ମି ଉସାସ୍‌ ସିଲେ । ଆନାତ୍‌ ତରାନାତ୍‍ ଜେ ମିର୍‌ ମାପୁରୁ ବିରଦ୍‌ତାନ୍‌ ଜୁଦ୍‍ କିତିମାନିଦେର୍‍ ।”
\p ପେରିମିଟିଙ୍ଗ୍‌ ଲୋକୁ ଗମଲିଏଲ୍‍ତି ମାଟା ମାନାତାର୍‍ । 
\v 40 ୱାର୍‌ ପ୍ରେରିତ ସିସୁରିଙ୍ଗ୍‌ ଲୋଇ କୁକ୍‌ସି, ୱାରିଙ୍ଗ୍‌ କର୍‍ଡା ଡାକିସ୍‍କିତାର୍‍ ମାରି ଜିସୁଦି ଦର୍‌ତାନ୍‌ ଇନି ମାଟା ଇନ୍‌ଇ ଉଣ୍ତିଙ୍ଗ୍‌ ଆଦେସ୍‌ ସିଜି ଡ଼ିସ୍‍ତା ସିତାର୍‍ । 
\v 41 ପ୍ରେରିତ ସିସୁର୍‍ ୱେଡ଼ିକାଦାନ୍‌ ପେରିମିଟିଙ୍ଗ୍‍ତାନ୍‍ ସତାସର୍‌ର୍ହାର୍‌, ଇରିଙ୍ଗ୍‌ ମାପୁରୁଦି ଆଗ୍‌ଡ଼ି ୱାର୍‌ ଜିସୁ ଉଣ୍ତିଙ୍ଗ୍‌ ଅପମାନ୍‍ ପୟ୍‌ଦେଙ୍ଗ୍‌ ଇଜି ଜଗ୍‌ ଅଡ଼ବିତା ମାର୍ହାର୍‍ । 
\v 42 ମାରି ୱାର୍‌ ଦିନାମି ମନ୍ଦିର୍‌ତୁ ମାରି ଲୋକା ଇଲ୍‍କାଙ୍ଗ୍‍ଁ ମସିହ ଜିସୁଦି ବିସୟ୍‌ତାନ୍‌ ନେଗିକାବୁର୍‌ ପ୍ରଚାର୍‌ କିତାର୍‍ ମାରି ସିକିୟା ସିଦେଙ୍ଗ୍‍ ଆସ୍‌ତାର୍‌ ।
\c 6
\s ସାତ୍ ଲୋକୁ ସେବାକିନିକାର୍‍
\p
\v 1 ଏସ ସମୟ ୱେନ୍‌କା ସିସୁରି ଦଲ୍‌ ପିର୍‍ନି ଦାପେ ଦାପେ ଏବ୍ରି ବାସାଦି ଜିହୁଦିର୍‍ ମାରି ଆବେ ମାନି ଜିହୁଦି ଲୋକା ଲୋଇ ଜାଟିଙ୍ଗ୍‍ଁ ଆତାର୍‌ । ଦିନାମିଦି କାଦି କି ଡାବୁଙ୍ଗୁଁ ବାଟାକିନିୱାଲେ ୱାରି ରାଣ୍ତିଆଇମେକାଙ୍ଗ୍‍ଁ ନେଗେନ୍‌ ସୁଡ଼ୁଏଜିନାର୍‍ ଇଜି ଗ୍ରିକ୍‍ବାସା ୱାର୍‍ଗିନି ଜିହୁଦିର୍‌ ଦାବି କିତାର୍‍ । 
\v 2 ଆବେଟ୍‌ ବାର୍‍ ଲୋକୁ ପ୍ରେରିତ ସିସୁର୍‍ ୱିଜୁ ବିସ୍‍ବାସି ଦଲ୍‍ତିଙ୍ଗ୍‍ ଉଣ୍ତା କିଜି ଇର୍ହାନ୍‌, “ଡାବୁଙ୍ଗୁଁ ସାଲାକିନି ଉଣ୍ତିଙ୍ଗ୍‌ ମାପୁରୁଦି ବାକ୍ୟ ପ୍ରଚାର୍‌ କିଦେଙ୍ଗ୍‌ ଗାଡ଼୍‍ୟା ଆନିକା ମା ଉଣ୍ତିଙ୍ଗ୍‌ ଟିକ୍‌ ସିଲେ । 
\v 3 ଆଦେଙ୍ଗ୍‌ ଏ ତଡ଼ାନ୍‌କୁ ନି ତାଙ୍ଗିଁକି ମି ମାଣ୍‌କୁ ପବିତ୍ର ଆତ୍ମା ନି ବୁଦିଦୁ ପୁରା ଆତିମାନି ସାତ୍ ଲୋକାଙ୍ଗ୍‌ ଆସ୍‍କିଦୁ । ମାଡ୍‌ ୱାରିଙ୍ଗ୍‌ ଇୟା ବିସୟ୍‌ତୁ ଦାୟିତ୍‍ ସିନାଟ୍‍ । 
\v 4 ଆର୍‍ତିଙ୍ଗ୍‍ଁ ପାର୍‌ତାନା ନି ପ୍ରଚାର୍‌ ସେବା ପାଣିଦୁ ମାଡ୍‌ ପୁରା ସମୟ ସିଦେଙ୍ଗ୍‍ ଆଟ୍‍ନିକା ।”
\p
\v 5 ଦଲ୍‌ତି ୱିଜେରେ ପ୍ରେରିତ ସିସୁରି ଇୟା ମାଟାଦୁ ୱେଡ଼ିକା ଆତାର୍‌ ମାରି ଇୟା ପାଣି ଉଣ୍ତିଙ୍ଗ୍‌ ବିସ୍‌ବାସ୍‌ ନି ପବିତ୍ର ଆତ୍ମାଦୁ ପୁରା ଆତିମାନି ସ୍ତିପାନ୍ ଦର୍‌ତି ଅରେନ୍‌ ଲୋକ୍‌ତିଙ୍ଗ୍‌, ମାରି ପିଲିପ୍‍ପ, ପ୍ରକର, ନିକାନୋର, ତିମୋନ, ପାର୍ମନା ମାରି ଆଗ୍‌ଡ଼ି ଜିହୁଦି ଦର୍ମଦୁ ବାଦ୍‍ଲେ ଆତିମାର୍‍ଇ ଆଣ୍ଟିୟୋକତି ଅଣଜିହୁଦି ନିକୋଲାୟତିଙ୍ଗ୍‍ ଆସ୍‌କିତାର୍‍ । 
\v 6 ପ୍ରେରିତ ସିସୁର୍‍ ଇୟା ସାତ୍ ଲୋକା ଉଣ୍ତିଙ୍ଗ୍‌ ପାର୍‌ତନା କିଜି ୱାରି ମୁସ୍‌କୁ କିକୁ ଇଟ୍‌ତାର୍‌ ।
\p
\v 7 ଇୟାୱାଜା ମାପୁରୁଦି ବାକ୍ୟ ପ୍ରଚାର୍‌ କିତାର୍‍ । ଜିରୁସାଲାମ୍‍ତୁ ସିସୁରି ଦଲ୍‌ ନାଣ୍ତଦାନ୍‌ ନାଣ୍ତ ପିର୍‌ଦେଙ୍ଗ୍‌ ଆସ୍‌ତାର୍‌; ନାଣ୍ତ ଜାଜକର୍‌ ବା କ୍ରିସ୍ତ ବିସ୍‌ବାସ୍‌ସିର୍‌ ଆତାର୍‌ ।
\s ସ୍ତିପାନ୍‍ତିଙ୍ଗ୍‍ ତର୍‍ତାର୍‍
\p
\v 8 ମାପୁରୁମାଣାନ୍‌ ନାଣ୍ତବାବେ ଆସିର୍ବାଦ୍‌ ପୟଜି ମାରି ସାକ୍ତିଦୁ ପୁରା ଆତିମାନି ସ୍ତିପାନ୍, ଲୋକା ଲୋଇ ନାଣ୍ତ ସିନା ନି କାବାଆନି ପାଣି କିତାନ୍‌ । 
\v 9 ମାତର୍‌ କୁରିଣି ମାରି ଆଲେକ୍‍ଜାଣ୍ତ୍ରିଆ ତ୍ରିଆଦି ଦାସ୍‍ପାଣିଦାନ୍‍ ମୁକ୍‍ଡ଼ାତି ମାର୍‍ଇ ଜିହୁଦିରିଙ୍ଗ୍‍ଁ ଅସି ତିଆର୍‌ଆତି ପାର୍‌ତନା ଇଲୁଦୁ ମାନି ଏସଲୋକ୍‌ ସ୍ତିପାନତି ବିରୁଦ୍‍କିତାର୍‍ । ୱାର୍‌ ମାରି କିଲିକିୟା ନି ଆସିଆ ଦେସ୍‌ତି ଆଇ ଜିହୁଦିର୍‌ ସ୍ତିପାନତି ୱାଲେ ଜାଟି କିଦେଙ୍ଗ୍‌ ଆସ୍‌ତାର୍‌ । 
\v 10 ମାତର୍‌ ପବିତ୍ର ଆତ୍ମା ସ୍ତିପାନତିଙ୍ଗ୍‍ ଇୟାୱାଜା ବୁଦି ସିତାତ୍‌ ଜେ, ଏନ୍‌ ୱାନି ବିରୁଦ୍‌ତାନ୍‌ ୱେର୍‌ତେଙ୍ଗ୍‍ ଆଟ୍‍ଏତାନ୍‍ । 
\v 11 ଆର୍‍ତିଙ୍ଗ୍‍ଁ “ୱାନ୍‌ ମୋସାଦି ବିରଦ୍‌ତାନ୍‌ ମାରି ମାପୁରୁଦି ବିରଦ୍‌ତାନ୍‌ ମାଟା ଇଜିମାନିକା ମାପ୍‌ ୱେର୍‍ଆପ୍‍,” ଇୟା ମିସ୍‌ ସାକି ସିନି ଉଣ୍ତିଙ୍ଗ୍‌ ୱାର୍‌ ଏସ ଲୋକାଙ୍ଗ୍‌ ଲାଚ୍‌ ସିଜି ପୁସେ‌ରେକିତାର୍‍ । 
\v 12 ଇୟାୱାଜା ୱାର୍‌ ଲୋକାଙ୍ଗ୍‌, ଦାର୍ମୁ ନେତାର୍‍ ମାରି ଗୁରୁରିଙ୍ଗ୍‍ ଉତ୍‍ତାର୍‍ ମାରି ସ୍ତିପାନତିଙ୍ଗ୍‍ ଆସ୍‌ସି ପେରିମିଟିଙ୍ଗ୍‍ତୁ ଅତାର୍‌ । 
\v 13 ତାନିୱେନ୍‍କା ୱାର୍‌ ୱାନି ବିରଦ୍‌ତାନ୍‌ ମିସ୍‌ ସାକି ସିଦେଙ୍ଗ୍‍ ଇଜି ଏସ ଲୋକାଙ୍ଗ୍‌ ଲୋଇ ତାତାର୍‌ । ୱାର୍‌ ଇର୍ହାର୍‌, “ଇୟା ଲୋକୁ ୱିଜୁଦିନ୍ ମା ପବିତ୍ର ମନ୍ଦିର୍‌ ନି ମୋସାଦି ନିୟମ୍‌ ବିରୁଦ୍ଧତାନ୍‌ ୱେର୍‌ସିନାନ୍‍ । 
\v 14 ନାଜରିୟତିୟ ଜିସୁ ମନ୍ଦିର୍‌ତିଙ୍ଗ୍‌ ରୁକ୍‍ନା ପକ୍‍ନାନ୍‍ ମାରି ମୋସାଦି ମାଣାନ୍‌ ମାପ୍‌ ପୟ୍‍ତିମାନି ୱିଜୁ ରିତିନିତି ବାଦ୍‍ଲେ କିନା ଇଜି ଇୟା ଲୋକୁ ଇଜିମାନିକା ମାପ୍‌ ୱେର୍‍ଆମାନାପ୍‍ !” 
\v 15 ନାସ୍ତିୱାଲେ ଆବେନ୍‌ ବାସ୍ତିମାର୍‍ଇ ୱିଜେରେ ଅର୍‌ସେ ସ୍ତିପାନ୍‍ତି ତରିନ୍‌ ସୁଡ଼ୁତାର୍‌ ଜେ ୱାନି ମକମ୍‌ ମୁସ୍‌କୁପୁର୍‌ତି ଦୁତ୍‍ତି ମକମ୍‍ତି ୱାଜା ତର୍‍ଜିମାର୍ହାପ୍‍ ।
\c 7
\s ସ୍ତିପାନ୍‌ତି ପ୍ରଚାର୍‌
\p
\v 1 ୱିଜେରିଙ୍ଗ୍‍ ପେରି ଜାଜକ ସ୍ତିପାନତିଙ୍ଗ୍‍ ୱେନ୍‌ବାତାନ୍‌, “ଇକା ଇନିକା ସତ୍‌ ?”
\p
\v 2 ସ୍ତିପାନ୍ ଇର୍ହାନ୍‌, ଏ ନା ତଡ଼ାନ୍‌କୁ ନି ବୁବାର୍‍, ୱେନ୍‌ଡ୍ରୁ ! ମା ଡକ୍ରାଦାଦା ଅବ୍ରାହାମ ହାରୋଣଦୁ ବାସାଦେଙ୍ଗ୍‍ ସନି ଆଗ୍‌ଡ଼ି ଗୌରବ୍‍ତି ମାପୁରୁ ମେସପଟାମିଆଦୁ ତରାୟ୍‌ଆଜି, 
\v 3 ମି ଇଲୁତିଲୋକୁ ମାରି ଦେସ୍‌ ଡ଼ିସ୍‌ସି ନାନ୍ ଏମେ ଦେସ୍‌ ତର୍‍ନା, ଆବେ ସାଙ୍ଗ୍ଆ । 
\v 4 ଆବେଟ୍‌ ୱାନ୍‌ ୱାନି କଲଦୀୟ ଦେସ୍‌ ଡ଼ିସ୍‌ସି ହାରୋଣତୁ ବାସାଦେଙ୍ଗ୍‍ ସର୍ହାନ୍‍ । ଅବ୍ରାହାମତି ବୁବାସି ସାତି ୱେନ୍‌କା ମିର୍‌ ଇଲେଇ ଆମା ଦେସ୍‌ତୁ ବାସାଜିନିଦେର୍‍, ମାପୁରୁ ୱାନିଙ୍ଗ୍‌ ଆୟା ଦେସ୍‌ତୁ ତାତାନ୍‍ । 
\v 5 ମାପୁରୁ ନାସ୍ତିୱାଲେ ଅବ୍ରାହାମତି ଇୟା ଦେସ୍‌ତୁ ଇନି ଦନ୍‌, ଇୟାୱାଜା ଜେ କାଣ୍ତେକ୍‌ ମୁରା ବୁମି ବା ସିଏନ୍‌ ମାର୍ହାନ୍‍ । ମାତର୍‌ ମାପୁରୁ ପାର୍‌ମାଣ୍‌ କିତାମାର୍ହାନ୍‌, ଅବ୍ରାହାମ୍‍ତିଙ୍ଗ୍‌ ଇୟା ଦେସ୍‌ ସିନାନ୍‌ ମାରି ଇକା ୱାନି ନି ୱାନି କୁଟୁମ୍‌ତି ନିଜେତିକା ଆଜି ତେବାନାତ୍‍ । ମାପୁରୁ ଆୟା ପାର୍‌ମାଣ୍‌ କିନିୱାଲେ ଅବ୍ରାହାମ୍‍ତିଙ୍ଗ୍‌ କଡ଼କକ୍‍ରା ଆଏନ୍‌ ମାର୍ହାନ୍‍ । 
\v 6 ନାସ୍ତିୱାଲେ ମାପୁରୁ ୱାନିଙ୍ଗ୍‌ ଇୟା ମାଟା ଇର୍ହାନ୍‌ ! ମି କୁଟୁମ୍‍ତିକାର୍‍ ଦାସ୍‍ତି ୱାଜା ଆଇ ଦେସ୍‌ତୁ ବାସାନାର୍‍ ମାରି ସାରିସ ବାର୍ସେକ୍‍ ସାନ୍ଦି କାଷ୍ଟୁ ପୟ୍‌ନାର୍‌ । 
\v 7 ମାତର୍‌ ମାପୁରୁ ଇର୍ହାନ୍‌, ୱାର୍‌ ଏମେୱାରି ସେବା କିନାର୍‌, ନାନ୍ ଆୟା ଲୋକା ବିସାର୍‌ କିନାପ୍‍, ୱେନ୍‌କା ମି କୁଟୁମ୍‍ତିକାର୍‍ ଆୟା ଦେସ୍‍ତାନ୍‍ ସନା ୱାନାର୍‌ ମାରି ଇୟା ବାଡିଦୁ ନା ପାର୍‌ତନା କିନାର୍‌ । 
\v 8 ୱେନ୍‌କା ମାପୁରୁ ଅବ୍ରାହାମତି ୱାଲେ ପାର୍‌ମାଣ୍‌ ସିନା ୱାଜା ସୁନ୍ନତ୍‌ ନିୟମ୍‌ ତିଆର୍‌ କିତାନ୍‌ । ଆବେଟ୍‌ ୱାନି ମାରିସି ଇସ୍‍ହାକ୍‍ତି ଜନମ୍‌ତି ଉଣ୍ତ୍ରି ସାତା ୱେନ୍‌କା ଅବ୍ରାହାମ ୱାନି ସୁନ୍ନତ କିତାନ୍‌; ଇସ୍‌ହାକ୍‌ ୱାନି ମାରିସି ଜାକୁବଙ୍ଗ୍‍ ମାରି ଜାକୁବ ୱାନି ବାର ମାରିସିରିଙ୍ଗ୍‌ ଅର୍ତାତ୍‍ ମା ଜାତିଦି ୱେଙ୍ଗିଁତି ଡକ୍ରାଦାଦାରିଙ୍ଗ୍‍ ସୁନ୍ନତ୍‌ କିତାନ୍‌ ।
\p
\v 9 ଜାକୁବଦି ମାରିସିର୍‌ ୱାରି ତଡ଼ାନ୍‌ ଜୋସେପ୍‌ ଉଣ୍ତିଙ୍ଗ୍‌ ରିସାଆଜି ୱାନିଙ୍ଗ୍‌ ମିସର୍‍ ଦେସ୍‌ତୁ କଟିସାକର୍‌ ୱାଜା ପର୍‍ତାର୍‍ । ମାତର୍‌ ମାପୁରୁ ଜସେପ୍‍ତି ୱାଲେ ମାର୍ହାନ୍‍ । 
\v 10 ମାରି ୱିଜୁ ଦୁକୁ କାସ୍ଟୁଦି ୱାଲେ ୱାନିଙ୍ଗ୍‌ ସାଲା କିତାନ୍‌ । ଏସ୍ତିୱାଲେ ଜସେପ୍‍ ମିସର୍‍ତି ରାଜା ଫାରୋଦି ଆଗ୍‌ଡ଼ି ୱାତାନ୍‌, ମାପୁରୁ ୱାନିଙ୍ଗ୍‌ ଦୟା ନି ବୁଦି ସିତାନ୍‌ ମାରି ରାଜା ଜସେପ୍‍ତିଙ୍ଗ୍‍ ଦେସ୍‌ତି ସାସନ୍‍କିନିକାନ୍‍ ନି ରାଜା ମେଡ଼୍‍ତି ପେରିକାନ୍‌ ୱାଜା ଆସ୍‌କିତାନ୍‍ । 
\v 11 ତାନିୱେନ୍‍କା ୱିଜୁ ମିସର୍‍ ମାରି କିଣାନ୍‍ତୁ ଉଣିକା ପୁଟ୍‍ଏତାତ୍‌ଆକା ଲୋକୁ ନାଣ୍ତ କାସ୍ଟୁ ପୟ୍‌ତାର୍‌ । ମା ଡକ୍ରାଦାଦାରି କାଦିଦି ଉଣା ଆତାତ୍‌ । 
\v 12 ମିସର୍‍ ଦେସ୍‌ତୁ କାଦି ମାନାତ୍‌ ଇଜି ୱେନ୍‌ଜି ଜାକୁବ ୱାନି ମାରିସିରିଙ୍ଗ୍‌ ଅର୍ତାତ୍‍ ମା ଡକ୍ରାଦାଦାରିଙ୍ଗ୍‍ ଆବେ ପକ୍‌ତାନ୍‌ । 
\v 13 ଆବେ ୱାର୍‌ ରିଜା ସନି ୱାଲେ ଜୋସେପ୍‌ ୱାନି ତଡ଼ାନ୍‌କୁ ମାନୁ ନିଜେଦି ପରିଚୟ୍‌ ୱେର୍‌ତାନ୍‌ ମାରି ଫାରୋ ରାଜା ଜସେପ୍‍ତି ଇଲୁ ବିସୟ୍‌ତାନ୍‌ ନେସ୍‌ତାନ୍‌ । 
\v 14 ତାନି ୱେନ୍‌କା ଜୋସେପ୍‌ ୱାନି ବୁବାସି ଜାକୁବ ନି ୱାନି ଇଲୁଦି ୱିଜେରେ ସତୁରି ପାସ୍‌ ଲୋକାଙ୍ଗ୍‌ ମିସର୍‍ ଦେସ୍‌ତୁ ୱାଦେଙ୍ଗ୍‌ ଇଜି କୁକ୍‍ତାନ୍‍ । 
\v 15 ଜାକୁବ ମିସର୍‍ ଦେସ୍‌ତୁ ସର୍ହାନ୍‍, ଆବେ ୱାନ୍‌ ମାରି ୱାନି ମାରିସିରି ସାତାର୍‌ । 
\v 16 ୱାରି ସାତି ମାଡ଼ା ସିକିମ୍‍ତୁ ଅତାର୍‌ ମାରି ଅବ୍ରାହାମ ହାମୋର ଲୋକା ମାଣ୍‌କୁ କଟିମାର୍ହି ବୁମିଦୁ ୱାରିଙ୍ଗ୍‌ ଅତାର୍‍ ମୁସ୍‌ତାର୍‌ ।
\p
\v 17 “ମାପୁରୁ ଅବ୍ରାହାମ୍‍ତିଙ୍ଗ୍‌ ଏମେ ପାର୍‌ମାଣ୍‌ କିତାମାର୍ହାନ୍‌, ଆକା ସତ୍‌ ଆଜି ମିସର୍‍ ଦେସ୍‌ତୁ ମା ଲୋକୁ ସଂକିୟା ନାଣ୍ତ ଆତାର୍‌ । 
\v 18 ୱେନ୍‌କା ଜୋସେପ୍‌ତି ବିସୟ୍‌ତାନ୍‌ ନେସେଇ ମାର୍ହି ଅରେନ୍‌ ରାଜା ମିସର୍‍ ଦେସ୍‌ତୁ ସାସନ୍‍ କିତାନ୍‌ । 
\v 19 ୱାନ୍‌ ମା ଡକ୍ରାଦାଦାରିଙ୍ଗ୍‍ ନାଣ୍ତ କାସ୍ଟୁ ସିତାନ୍‌, ୱାରି ଜନମ୍‍ଆତି ଇସ୍ରି କଡ଼ରିଙ୍ଗ୍‌ କାତ୍‍ତେଙ୍ଗ୍‍ ଇଜି ୱାରିଙ୍ଗ୍‌ ଆତ୍‌ରେ ପକ୍‍ତେଙ୍ଗ୍‍ ଇଜି ଆଦେସ୍‌ କିତାନ୍‌ । 
\v 20 ଇୟା ସମୟ୍‍ତୁ ମୋସା ଜନମ୍‌ ଆତାନ୍‌ । ୱାନ୍‌ ମାପୁରୁ ଆଗ୍‍ଡ଼ି ମାର୍ହାନ୍‍ ଅରେନ୍‌ ନେଗ୍ରି କଡ଼ ପିଲା । ଇନ୍‌ଡ୍ର ମୁଣ୍ତ୍ରି ଲେଜ୍‌କୁ ସାନ୍ଦି ୱାନ୍‌ ଜାତୁନ୍‍ ଅଆୟ୍‍ ଆତାନ୍‍, 
\v 21 ମାରି ଏସ୍ତିୱାଲେ ୱାନିଙ୍ଗ୍‌ ଆତ୍‌ରେ ପୋକ୍‌ତାର୍‌, ଫାରୋ ରାଜାଦି ଗାଡ଼୍‌ସି ୱାନିଙ୍ଗ୍‌ ପୟ୍‌ଜି ନିଜେଦି କଡ଼ ୱାଜା ପସା କିତାତ୍‍ । 
\v 22 ମୋସା ମିସର୍‍ ଦେସ୍‌ତି ୱିଜୁ ବୁଦିଦୁ ସିକିୟା ପୟ୍‌ତାନ୍‌, ୱାନି ମାଟା ମାରି ପାଣିଦୁ ଅରେନ୍‌ ପେରି ଲୋକୁ ୱାଜା ୱେଙ୍ଗିଁତାନ୍‍ ।”
\p
\v 23 “ମସାଦି ବାର୍ସୁ ଏସ୍ତିୱାଲେ ସାଲିସ୍‍ ବାର୍ସେକ୍‍ ଆତାତ୍‌, ୱାନ୍‌ ୱାନି ଇସ୍ରାଏଲ୍‌ତି ତଡ଼ାନ୍‌କୁ ଉଣ୍ତିଙ୍ଗ୍‌ ଏଣ୍ତେସ୍‌ ବ୍ୟବହାର୍‌ କିଆୟ୍‍ଆଜିନାତ୍‍, ଆକା ନେସ୍‌ତେଙ୍ଗ୍‌ ବଦା କିତାନ୍‌ । 
\v 24 ୱାରି ଲୋଇ ଅରେନ୍‌ ୱାନିଙ୍ଗ୍‌, ଅରେନ୍‌ ମିସର୍‍ ଦେସ୍‍ତିକାନ୍‍ ଜାଟିକିନିକା ସୁଡ଼୍‌ଜି, ମସା ୱାନିଙ୍ଗ୍‌ ରକିୟା କିଦେଙ୍ଗ୍‌ ଇଜି ମିସର୍‍ତି ୱାନିଙ୍ଗ୍‍ ବାଦ୍‌ଲୁ ଅସି ଡାକ୍‍ସି ସାପିସ୍‌କିତାନ୍‌ । 
\v 25 ୱାନ୍‌ ଅଡ଼୍‍ବିତା ମାର୍ହାନ୍‍, ୱାନି ନିଜେ ଲୋକୁ ନେସ୍‌ନାର୍‌ ଜେ, ତଡ଼ାନ୍‌କାଙ୍ଗ୍‌ ମୁକ୍‍ଡ଼ା କିଦେଙ୍ଗ୍‌ ଇଜି ମାପୁରୁ ୱାନିଙ୍ଗ୍‌ ବ୍ୟବ୍‌ହାର୍‍ କିଜିନାନ୍‍; ମାତର୍‌ ୱାର୍‌ ଆକା ବୁଜାଏତାର୍‌ । 
\v 26 ମାର୍‌ନାଣ୍ତିଙ୍ଗ୍‌ ରିଏର୍‌ ଇସ୍ରାଏଲ୍‌ ଦେସ୍‍ତିକାର୍‍ ଜାଟିକିନିକା ସୁଡ଼ୁତାନ୍‌ ମାରି ୱାରି ଲୋଇ ସାନ୍ତି କିଦେଙ୍ଗ୍‌ ସେସ୍ଟା କିତାନ୍‌ । ୱାନ୍‌ ଇର୍ହାନ୍‌, ୱେନ୍‍ଣ୍ତ୍ରୁ, ମିର୍‌ ରିଇଦେର୍‍ ତୋ ଇସ୍ରାଏଲ୍‌ ଦେସ୍‌ତି ତଡ଼ାନ୍‌କୁ । ଏନ୍ଦା ଇୟାୱାଜା ଜାଟି କିଜିନିଦେର୍‌ ? 
\v 27 ମାତର୍‌ ଏମେକାନ୍‍ ଆଇୱାନିଙ୍ଗ୍‍ ଜାଟି କିଜି ମାର୍ହାନ୍‍, ୱାନ୍‌ ମସେଙ୍ଗ୍‍ ପେଲେ କିଜି ୱେନ୍‌ବାତାନ୍‌, ମା ନେତାର୍‌ରି ମୁସ୍‌କୁ ନିଙ୍ଗିଁ ଏନ୍‌ ସାସନ୍‍କିନିକାନ୍‍ ନି ବିସାର୍‌ କିନିକାନ୍‍ କିତାମାନାନ୍‍ ? 
\v 28 ଇଏନ୍‌ ଏଣ୍ତେସ୍‌ ମିସର୍‍ ଦେସ୍‌ତି ଲୋକ୍‌ତିଙ୍ଗ୍‌ ସାୟାମାର୍‌ଗାଡାକ୍‍ତି, ନାଙ୍ଗିଁ ଇନିକା ଆୟାୱାଜା ଡାକ୍‌ତେଙ୍ଗ୍‍ଁ ବଦା କିନି ? 
\v 29 ମୋସା ଇକା ୱେନ୍‌ଜି ମିସର୍‍ ଦେସ୍‌ତାନ୍‍ ଉରକ୍‍ତାନ୍‍ ମାରି ମିଦିୟୋନଦୁ ବାସା କିତାନ୍‍ । ଆବେନ୍‌ ୱାନି ରିଏର୍‌ କଡ଼ର୍‌ ମାର୍ହାର୍‌ ।”
\p
\v 30 “ସାଲିସ୍‍ ବାର୍ସେକ୍‍ ସର୍‌ଇ ୱେନ୍‌କା ସିନୟ ଗରନ୍‌ ଲାକ୍‌ତୁ ଉଣ୍ତ୍ରି କାସ୍‍ସିମାନି ଦୁପା ସିସୁ ଲୋଇ ମାପୁରୁଦି ଉନ୍‌ଡ୍ରି ଦୁତ୍‍ ମସେଙ୍ଗ୍‍ ତରାଇଆତାତ୍‍ । 
\v 31 ମୋସା ଇକା ସୁଡ଼୍‌ଜି ନାଣ୍ତ କାବା ଆତାନ୍‌, ମାରି ଅଡ଼ପ୍‌ ନେଗେନ୍‌କିଜି ସୁଡ଼୍‍ଦେଙ୍ଗ୍‍ ଇଜି ଦୁପାଦି ଲାକ୍‌ତୁ ସର୍ହାନ୍‍ । ମାତର୍‌ ୱାନ୍‌ ପ୍ରବୁଦି ବଲ୍ ୱେର୍‍ଆନ୍‍, 
\v 32 ନାନ୍ ମି ଡକ୍ରାଦାଦା ଅବ୍ରାହାମ, ଇସ୍‌ହାକ୍‌ ମାରି ଜାକୁବଦି ମାପୁରୁ । ମୋସା ତିଲାଜି ତିରଗ୍‍ଜି ବେସ୍‍ତେଙ୍ଗ୍‍ ସାସ୍‌ କିଏତାନ୍‌ । 
\v 33 ପ୍ରବୁ ୱାନିଙ୍ଗ୍‌ ଇର୍ହାନ୍‌, ନି ଜୁତା କୁତ୍ଆ, ଇରିଙ୍ଗ୍‌ ନିନ୍‌ ଏମେମାନୁ ନିର୍ହିମାନି, ଆକା ପବିତ୍ର ବୁମି ।” 
\v 34 ମିସର୍‍ ଦେସ୍‌ତୁ ନାନ୍ ନା ଲୋକାଙ୍ଗ୍‌ ନାଣ୍ତ ଦୁକୁକାସ୍ଟୁ ସୁଡ଼ୁତାମାନା । ନାନ୍ ୱାରି ଆଡ଼୍‍ବାନିକା ୱେର୍‍ଆମାନା ମାରି ୱାରିଙ୍ଗ୍‌ ଦାସ୍‍ପାଣିଦାନ୍‍ ରକିୟା କିଦେଙ୍ଗ୍‌ ରେତା ୱାତାମାନା । ଇଲେଇ ରାଦୁ, ନାନ୍ ମିଙ୍ଗିଁ ମିସର୍‍ ଦେସ୍‌ତୁ ପକ୍‍ନା ।
\p
\v 35 “ମୋସା ଇସ୍ରାଏଲ୍‌ ଲୋକା ମାଣାନ୍‌ ଡ଼ିସାୟ୍‍ଆତା ମାର୍ହାନ୍‍ । ପେରି ନେତାର୍‌ ୱେନ୍‌ବାତାର୍‌, ମା ମୁସ୍‌କୁ ନିଙ୍ଗିଁ ଏନ୍‌ ସାସନ୍‍କିନିକାନ୍‍ ନି ବିସାର୍‌କିନିକାନ୍‍ କିତାନ୍‌ ? ମାତର୍‌ ମାପୁରୁ ଆୟା ମୋସେଙ୍ଗ୍‍ କାସ୍‍ନି ଦୁପା ଲାକ୍‌ତୁ ତରାୟ୍‍ଆତି ମାର୍ହି ଦୁତ୍‍ତି ସାକାଦାନ୍‌ ଲୋକା ମୁସ୍‌କୁ ସାସନ୍‍ କିଦେଙ୍ଗ୍‌ ମାରି ୱାରିଙ୍ଗ୍‌ ମୁକୁଡ଼ା କିଦେଙ୍ଗ୍‌ ଇଜି ପକ୍‌ତାନ୍‌ । 
\v 36 ୱାନ୍‌ ମିସର୍‍ ଦେସ୍‌ତୁ ମାରି ନେତ୍‍ରେ ସାମ୍‌ଦୁର୍‌ତୁ ନାଣ୍ତ କାବାଆନି ପାଣି କିଜି ଲୋକାଙ୍ଗ୍‌ ମିସର୍‍ ଦେସ୍‍ତାନ୍‍ ସପ୍‍ସି ତାତାନ୍‍, ସାଲିସ୍‍ ବାର୍ସେକ୍‍ ସାନ୍ଦି ବାଲି ବୁମିଦୁ ୱାରିଙ୍ଗ୍‌ ସାରି ତର୍‌ସି ଅତାନ୍‌ । 
\v 37 ମୋସା ନିଜେ ଇସ୍ରାଏଲ୍‌ ଦେସ୍‌ତି ଲୋକାଙ୍ଗ୍‌ ଇର୍ହାମାର୍ହାନ୍‌, ମାପୁରୁ ନାଙ୍ଗିଁ ଏଣ୍ତେସ୍‌ ପକ୍‍ତାମାର୍ହାନ୍‍, ଆୟାୱାଜା ମି ଲାକ୍‌ତୁ ଅରେନ୍‌ ବାବବାଦିଙ୍ଗ୍‌ ପକ୍‍ନାନ୍‍ ୱାନ୍‌ ମି ନିଜେ ତଡ଼ାନ୍‌କା ଲୋଇରାନ୍‌ ଅରେନ୍‌ ଆନାନ୍‌ । 
\v 38 ଆୟା ମୋସା ବାଲି ବୁମିଦୁ ଉଣ୍ତାତିମାର୍ହି ଇସ୍ରାଏଲ୍‌ତି ଲୋକାୱାଲେ ଅର୍‌ସେ ମାର୍ହାନ୍‍ । ୱାନ୍‌ ସିନୟ ଗରନ୍‌ତୁ ମା ଡକ୍ରାଦାଦାରି ୱାଲେ ମାରି ୱାରି ୱାଲେ ମାଟା ଇର୍ହିମାନି ମୁସ୍‌କୁପୁର୍‌ତି ଦୁତ୍‍ତି ୱାଲେ ମାର୍ହାନ୍‍ ମାରି ମା ଲାକ୍‌ତୁ ଇନ୍‍ଣ୍ତ୍ରେଙ୍ଗ୍‍ ଇଜି ୱାନ୍‌ ମାପୁରୁଦି ମାଣ୍‌କୁ ଜିବନ୍‌ତି ବାକ୍ୟ ଆସ୍‌ତାନ୍‌ ।”
\p
\v 39 ମାତର୍‌ ମା ଡକ୍ରାଦାଦାର୍‍ ୱାନିଙ୍ଗ୍‌ ମାନାଏତାର୍‍; ୱାର୍‌ ୱାନିଙ୍ଗ୍‌ ପେଲେକିଜି ମିସର୍‍ ଦେସ୍‌ତୁ ଡ଼େସି ସନ୍‌ଡ଼୍ରେଙ୍ଗ୍‌ ମନ୍‍ବଦାକିତାର୍‌ । 
\v 40 ଆୟାଉଣ୍ତିଙ୍ଗ୍‌ ୱାର୍‌ ହାରୋଣତିଙ୍ଗ୍‍ ଇର୍ହାର୍‌, ଇଲେଇ ମାଙ୍ଗିଁ ସାରି ତର୍‌ସି ଅତେଙ୍ଗ୍‌ ଇଜି ଏସ ଦିୟାମ୍‍କୁ ତିଆର୍‌ କିଜ ସିଦା । ମାଙ୍ଗିଁ ମିସର୍‍ ଦେସ୍‌ତାନ୍‍ ସପ୍‌ତି ତାତିମାନି ଆୟା ମୋସା ଜେ ଏମେ ସର୍ହାନ୍‍, ଆକା ମାପ୍‌ ନେସ୍‌ଏପ୍‌ । 
\v 41 ଆୟା ସମୟ୍‍ତୁ ଆବେ ୱାର୍‌ ଉଣ୍ତ୍ରି ଗାଡ଼ାଲ୍‍ତି ବମା ତିଆର୍‌ କିତାର୍‍ ମାରି ତାନି ଉଦେସ୍‍ତାନ୍‍ ପୁଜା କିଜି ବଲି ସିତାର୍‍ । ମାରି ନିଜେ ତିଆର୍‌ କିତିମାନି ଆୟା ମୁର୍ତିଦିଙ୍ଗ୍‍ ମାନାଦେଙ୍ଗ୍‌ ଇଜି ଉଣ୍ତ୍ରି ବଜି ତିଆର୍‌ କିତାର୍‍ । 
\v 42 ଆବେଟ୍‌ ମାପୁରୁ ୱାରିମାଣାନ୍‌ ଏରିତାନ୍‍ ମାରି ୱାରିଙ୍ଗ୍‌ ବାଦଡ଼୍‍ତି ସୁକେଙ୍ଗାଁଙ୍ଗ୍‍ ସେବା କିଦେଙ୍ଗ୍‌ ଇଜି ଡ଼ିସ୍‌ତାସିତାନ୍‌ । ଇୟା ବିସୟ୍‌ତାନ୍‌ ବାବବାଦିରି ବଇଦୁ ରାସାତାମାନାତ୍‌ :
\q1 “ଏ ଇସ୍ରାଏଲ୍‌ କୁଟୁମ୍‌ !
\q2 ବାଲିବୁମିଦୁ ସାଲିସ୍‍ ବାର୍ସେକ୍‍ ସାନ୍ଦି
\q2 ମିର୍‌ ନା ଉଣ୍ତିଙ୍ଗ୍‌ ଜାତୁ ପୁଜା ସିଇତି ମାର୍ହିଦେର୍‌ନୋ ।
\q1
\v 43 ମାତର୍‌ ମିର୍‌ ପାର୍‌ତନା କିଦେଙ୍ଗ୍‌ ଇଜି ଏମେ ବମା ୱିଜୁ ତିଆର୍‌ କିତିମାର୍ହିଦେର୍‍,
\q2 ଆୟା ମାଲେକ୍‍ତି ଗୁଡ଼ା ମାରି ସୁକା ଦିୟାମ୍‍ ରମ୍ଫାତି ବମାଦିଙ୍ଗ୍‍ ପିଣ୍ତିତିଦେର୍‍ ।
\q2 ଆୟାଉଣ୍ତିଙ୍ଗ୍‌ ନାନ୍ ମିଙ୍ଗିଁ ବାବିଲନ୍‍ତି ଆୟାପାଡ଼ି ପକ୍‍ନାପ୍‍ ।”
\p
\v 44 ବାଲିବୁମିଦୁ ମା ଡକ୍ରାଦାଦାରି ୱାଲେ ମାପୁରୁଦି ତେବାନିକା ଗୁଡ଼ା ମାର୍ହାତ୍‌ । ମାପୁରୁ ମୋସେଙ୍ଗ୍‍ ଏଣ୍ତେସ୍‌ ତିଆର୍‌ କିଦେଙ୍ଗ୍ ଇର୍ହାମାର୍ହାନ୍‌ ମାରି ମୋସାଦିଙ୍ଗ୍‍ ଏମେ ସାରି ତର୍‍ତାମାର୍ହାନ୍‍, ଇକା ଆୟାୱାଜା ତିଆର୍‌ ଆତାମାର୍ହାତ୍‍ । 
\v 45 ୱେନ୍‌କା ମା ଡକ୍ରାଦାଦାରି ଲୋକା ବୁବାସିରି ମାଣ୍‌କୁ ପୟ୍‍ତିମାର୍ହି ଆୟା ଗୁଡ଼ାଦିଙ୍ଗ୍‍ ଜିହୋସିୟଦି ୱାଲେ ପିଣ୍ତ୍‍ଜି ଅସି ସର୍ହାର୍‍ ମାରି ମାପୁରୁଦି ମାଣାନ୍‌ ପେରାୟ୍‍ ଆତିମାର୍‍ଇ ଆଇ ଦେସ୍‌ ଅଦିକାର୍‌ କିତାର୍‍ । ଦାଉଦ ରାଜାଦି ସମୟ ସାନ୍ଦି ଆବେ ତେବାତାତ୍‌ । 
\v 46 ୱାନ୍‌ ମାପୁରୁଦିମାଣାନ୍‌ ଦୟା ପୟ୍‌ଜି ଜାକୁବଦି ମାପୁରୁଦି ଉଣ୍ତିଙ୍ଗ୍‌ ଉଣ୍ତ୍ରି ତେବାନି ମନ୍ଦିର୍‌ ତିଆର୍‌ କିଦେଙ୍ଗ୍‌ ୱାନି ସାରି ବଦାକିତାମାର୍ହାନ୍‍ । 
\v 47 ମାତର୍‌ ୱେନ୍‌କା ଆୟା ତେବାନି ଇଲୁ ତିଆର୍‌ କିତାନ୍‌ ସଲମନ୍‍ ।
\p
\v 48 ମାତର୍‌ ୱିଜେରିଙ୍ଗ୍‌ ପେରି ମାପୁରୁ ଲୋକାମାଣାନ୍‌ ତିଆର୍‌ ଆତି ଇଲ୍‌କାଙ୍ଗ୍‌ ବାସାଏନ୍‍ । ଇୟା ବିସୟ୍‌ତାନ୍‌ ବାବବାଦି ରାସ୍‌ତାମାନାନ୍‌;
\q1
\v 49 “ପ୍ରବୁ ଇନାନ୍‌, ମୁସ୍‌କୁପୁର୍‌ ନା ବାସ୍‌ନି ଗାଦି
\q2 ମାରି ଦୁନିଆ ନା ପାଦାମ୍‌ ଇଡ୍‌ନି ବାଡି ମିର୍‌
\q1 ନା ଉଣ୍ତିଙ୍ଗ୍‌ ଏଣ୍ତେସ୍‌ ନାନି ଇଲୁ ତିଆର୍‌ କିନିଦେର୍‍ ?
\q2 ନା ରମ୍‌ନି ଉଣ୍ତିଙ୍ଗ୍‌ ବାଡି ଏମେ ?
\q1
\v 50 ଇୟାୱିଜୁ ବିସୟ୍‌ ଇନିକା ନାନ୍ ନିଜେ ତିଆର୍‌ କିଏ ନୋ ?”
\p
\v 51 ସ୍ତିପାନ୍‍ ମାରି ଇର୍ହାନ୍‌, “ମିର୍‌ ଏସା ମାନାଇକାର୍‍ । ମି ଜିବନ୍‌ ଏସା ତାଗ୍‌ଇକା । ମାପୁରୁଦି ବାକ୍ୟ ଉଣ୍ତିଙ୍ଗ୍‌ ମିର୍‌ ଏସା ବଇରା ! ମିର୍‌ ଟିକ୍‌ ମି ପୁର୍ବେଦିଡକ୍ରାରି ୱାଜା : ମିର୍‌ ୱିଜୁୱାଲେ ପବିତ୍ର ଆତ୍ମାଦି ବିରୁଦ୍‌ କିଜିନିଦେର୍‌ ! 
\v 52 ମି ପୁର୍ବେଦିଡକ୍ରାଦାଦାରି ମାଣାନ୍‌ ପେରାୟ୍‍ ଆଇ ମାନି ଏମେ ବାବବାଦି ମାନାନ୍‌ ନୋ ? ମାପୁରୁଦି ଏମେ କାବୁର୍‌ସିନିକାର୍‍ ବେସି ଆଗ୍‌ଡ଼ି ୱାରି ଦାର୍ମୁଦି ଦାସ୍‍ତି ୱାନି ବିସୟ୍‌ତାନ୍‌ ଇର୍ହାମାର୍ହାର୍‍, ମି ଡକ୍ରାଦାଦାର୍‍ ୱାରିଙ୍ଗ୍‌ ଡାକ୍‍ତାର୍‍ । 
\v 53 ଇଲେଇ ମିର୍‌ ୱାନି ଉଣ୍ତିଙ୍ଗ୍‌ ବିସ୍‌ବାସ୍‌ତୁ ଆରାକିଜି ୱାନିଙ୍ଗ୍‌ ଡାକ୍‍ତିମାନିଦେର୍‍ । ମିର୍‌ ମୁସ୍‌କୁପୁର୍‌ତି ଦୁତ୍‍କା ମାଣାନ୍‌ ସିତିମାନି ମାପୁରୁଦି ନିୟମ୍‌ ୱିଜୁ ପୟ୍‌ତିମାନିଦେର୍‌ ମାତର୍‌ ଆକା ମାନାଇଦେର୍‍ ।”
\s ସ୍ତିପାନ୍‍ତି ସାନିକା
\p
\v 54 ପେରିମିଟିଙ୍ଗ୍‍ତି ନେତାର୍‌ ସ୍ତିପାନ୍‍ତି ମାଟା ୱେନ୍‌ଜି ନାଣ୍ତ ରିସା ଆତାର୍‌, ୱାନି ଉଣ୍ତିଙ୍ଗ୍‌ ରିସାଦାନ୍‍ ପାଲ୍‍କୁ କାତ୍ରେ କିତାର୍‍ । 
\v 55 ମାତର୍‌ ସ୍ତିପାନ୍‍ ପବିତ୍ର ଆତ୍ମାଦୁ ପୁରାଆଜି ମୁସ୍‌କୁପୁର୍‌ ତରିନ୍‌ ସୁଡ଼ୁତାନ୍‌ ମାରି ମାପୁରୁଦି ଗୌରବ୍‍ ନି ଜିସୁଙ୍ଗୁଁ ମାପୁରୁଦି ଉଣେରି ତରିନ୍‌ ନିନି ମାନିକା ସୁଡ଼ୁତାନ୍‌ । 
\v 56 ୱାନ୍‌ ଇର୍ହାନ୍‌, “ସୁଡ଼ୁଦୁ, ନାନ୍ ମୁସ୍‌କୁପୁର୍‌ ରେଆତିକା ମାରି ମନୁସ୍ୟପୁତ୍ରଙ୍ଗ୍‍ ମାପୁରୁଦି ଉଣେରି ତରିନ୍‌ ନିନି ମାନିକା ସୁଡ଼ୁଜିନା !”
\p
\v 57 ଆଉଲି ଆଜି ପେରିମିଟିଙ୍ଗ୍‍ତି ନେତାର୍‌ ଇୟା ମାଟା ୱେନ୍‍ଇ ଉଣ୍ତିଙ୍ଗ୍‌ ଗିତଣିଦୁ କିକୁ କେରପ୍‍ତାର୍‍ । ୱେନ୍‌କା ୱାର୍‌ ଏକ୍‍ଜୁଟ୍‍ ଆଜି ୱାନି ତରିନ୍‌ ମାଟ୍‍ସି ୱାତାର୍‌ । 
\v 58 ଗାଡ଼୍‌ ଆତ୍‌ରେ ୱାନିଙ୍ଗ୍‌ ରେଲ୍‌ଜି ଅସି, ୱାନି ମୁସ୍‌କୁ କାଲ୍‌କୁ ପକ୍‍ସି ଡାକ୍‍ତାର୍‍ । ମିସ୍‌ ସାକିସିନିକାର୍‍ ସାଉଲ୍‍ ଦର୍‌ତି ଅରେନ୍‌ ମୁରୁଲିଦି ଲାକ୍‌ତୁ ୱାରି ଆଙ୍ଗିଁପାସିୟା ୱିଜୁ ଡ଼ିସ୍‍ତା ସର୍ହାମାର୍ହାର୍‍ । 
\v 59 ୱାର୍‌ ସ୍ତିପାନ୍‍ତି ମୁସ୍‌କୁ କାଲ୍‌କୁ ଡାକ୍‍ନି ସମୟ୍‍ତୁ ୱାନ୍‌ ପ୍ରବୁଙ୍ଗ୍‌ ପାର୍‌ତନା କିଜି ଇର୍ହାନ୍‌, “ପ୍ରବୁ ଜିସୁ ନା ଆତ୍ମାଦିଙ୍ଗ୍‍ ମାନାଆ !” 
\v 60 ୱାନ୍‌ ମେଣ୍ତେଙ୍ଗ୍‍ ଗଟ୍‌କିଜି ନାଣ୍ତ ଆଉଲିଦାନ୍‍ ଇର୍ହାନ୍‌, “ପ୍ରବୁ ! ଇୟାୱାରି ବିରଦ୍‌ତାନ୍‌ ଇୟା ପାପ୍‌ ଏତ୍‌ କିମା ।” ଇକା ଇଜି ୱାନ୍‌ ପୁଣ୍ତା ଡ଼ିସ୍‍ସି ସାତାନ୍‍ ।
\c 8
\s ସାଉଲ ମଣ୍ତଲିଦିଙ୍ଗ୍‍ କାସ୍ଟୁ ସିତାନ୍‌
\p
\v 1 ସ୍ତିପାନ୍‍ତି ସାନିଦଣ୍ତ୍‍ତିଙ୍ଗ୍‍ ସାଉଲ ଉନ୍‌ଡ୍ରେମୋନ୍‌ ଆତାନ୍‌ ।
\p ଆୟାନାଣ୍ତିରାନ୍‍ ଜିରୁସାଲାମ୍‌ତି ମଣ୍ତଲି ଉଣ୍ତିଙ୍ଗ୍‌ ନାଣ୍ତ କାସ୍ଟୁଦି ତାଡ଼ନା ଆରାମ୍‌ ଆତାତ୍‌ । ସିସୁରିଙ୍ଗ୍‌ ଡ଼ିସ୍‌ସି ଆଇ ୱିଜେରେ ବିସ୍‍ବାସିର୍‍ ଜିହୁଦା ନି ସମିରୋଣ ରାଜିଦି ଇନିଙ୍ଗାଁ ଆନିଙ୍ଗାଁ ଆତାସର୍ହାର୍‍ । 
\v 2 ଏସ ମାପୁରୁଦି ଦାର୍ମୁ ଲୋକୁ ନାଣ୍ତ ଆଉଲି ଆଜି ଆଡ଼୍‌ବାଜି ସ୍ତିପାନ୍‍ତି ସାତି ମାଡ଼ାଦିଙ୍ଗ୍‍ ମୁସ୍‌ତାର୍‌ ।
\p
\v 3 \x + \xo ୮:୩ \xo*\xt ପ୍ରେରିତ ୨୨:୪,୫; ୨୬:୯-୧୧.\xt*\x*ମାତର୍‌ ସାଉଲ ମଣ୍ତଲିଦିଙ୍ଗ୍‍ ଦଂସ କିଦେଙ୍ଗ୍‌ ସେସ୍ଟା କିତାନ୍‌, ଇଲୁ ଇଲୁଦୁ ସଲ୍‍ସି କ୍ରିସ୍ତ ବିସ୍‍ବାସି ମେମାରି, ଆଇମା ୱିଜେରିଙ୍ଗ୍‍ ରେଲ୍‌ଜି ତାସି ଜଇଲ୍‌ତୁ ଇଟ୍‌ତାନ୍‌ ।
\s ସମିରୋଣଦୁ ସୁସମାଚାର ପ୍ରଚାର୍‌
\p
\v 4 ଇନିଙ୍ଗାଁ ଆନିଙ୍ଗାଁ ୱିଦିତି ମାର୍‍ଇ ବିସ୍‍ବାସିର୍‍ ୱିଜୁ ତରିନ୍‌ ସଲ୍‍ସି ସୁସମାଚାର୍‌ ପ୍ରଚାର୍‌ କିତାର୍‍ । 
\v 5 ସମିରୋଣଦି ପେରି ଗାଡ଼୍‍କାଙ୍ଗ୍‍ଁ ସଲ୍‍ସି ପିଲିପ୍‍ପ, ଆବେଣି ଲୋକାମାନୁ କ୍ରିସ୍ତ ନି ମାପୁରୁଦି ସୁସମାଚାର୍‌ ପ୍ରଚାର୍‌ କିତାନ୍‌ । 
\v 6 ପିଲିପ୍‍ପଦି ମାଟା ୱେନ୍‌ଜି ମାରି ୱାନି କାବାଆନି ପାଣି ୱିଜୁ ସୁଡ଼୍‌ଜି ଲୋକୁ ୱାନି ତରିନ୍‌ ନାଣ୍ତ ନେଗେନ୍‌ ବେସ୍‍ତାର୍‍ । 
\v 7 ନାଣ୍ତ ଲୋକା ମାଣାନ୍‌ ତାଗ୍‌ଇ ଆତ୍‍ମେଙ୍ଗ୍‍ ଆଉଲି ଆଜି ସତେ ସର୍ହେ, ନାଣ୍ତ କୁସ୍ଟ ରୋଗି ମାରି ସଟାର୍‍ ନେଗେନ୍‌ ଆତାର୍‌ । 
\v 8 ଇୟାଉଣ୍ତିଙ୍ଗ୍‌ ଆୟା ଗାଡ଼୍‌ତୁ ଉନ୍‍ଣ୍ତ୍ରି ୱେଡ଼ିକା ଆଉଲି ୱେଙ୍ଗିଁତା ସର୍ହାତ୍‍ ।
\p
\v 9 ସିମୋନ୍‌ ଦର୍‌ତି ଅରେନ୍‌ ଲୋକୁ ୱାନି ଗୁଣିଆ ବିଦ୍ୟା ଦାନ୍‌ ଆୟା ସମିରୋଣୟ ରାଜିଦି ଲୋକାଙ୍ଗ୍‌ କାବା କିଜି ଇଟ୍‌ତାମାର୍ହାନ୍‍ । 
\v 10 ୱାନ୍‌ ନିଜେଦିଙ୍ଗ୍‍ ଅରେନ୍‌ ପେରିଲୋକ୍‍ ଇଜି ସମାଜ୍‍ତି ୱିଜୁଜାତିଦି ଲୋକା ଲୋଇ ପେରିପଦ୍‍ ପୟ୍‍ତାମାର୍ହାନ୍‍ । ୱାର୍‌ ଇଜିମାର୍ହାର୍‍, “ୱାନ୍‌ ପେରିସାକ୍ତି ଦର୍‌ତାନ୍‌ ୱେଙ୍ଗିଁତି ମାପୁରୁଦି ଉନ୍‍ଣ୍ତ୍ରି ସାକ୍ତି ।” 
\v 11 ୱାନ୍‌ ଗୁଣିଆ ବିଦ୍ୟାଦାନ୍‍ ନାଣ୍ତ ଦିନ୍‌ ଆସ୍‌ସି ୱାନ୍‌ ସମିରୋଣ୍‍ତି ଲୋକାଙ୍ଗ୍‌ ୱାନି ୱାଲେ ବୁଲାଦେଙ୍ଗ୍‌ ଇଜି ଇଟ୍‍ଟାମାର୍ହାନ୍‍ । 
\v 12 ମାତର୍‌ ପିଲିପ୍‍ପତି ମାଣ୍‌କୁ ମାପୁରୁଦି ରାଜି ମାରି ଜିସୁ କ୍ରିସ୍ତଦି ବିସୟ୍‌ତାନ୍‌ ସୁସମାଚାର୍‌ ୱେନ୍‌ଜି, ଆୟାବାନୁ ଲୋକା ବିସ୍‌ବାସ୍‌ ଆତାତ୍‌ ମାରି ଆୟା ରାଜିଦି ଆଇମା ମେମାରି ୱିଜେରେ ଡୁବନ୍‌ ଅତାର୍‌ । 
\v 13 ନିଜେ ସିମୋନ୍‌ ଆୟା ସୁସମାଚାର୍‍ତୁ ବିସ୍‌ବାସ୍‌ କିତାନ୍‌ । ପିଲିପ୍‍ପତି ମାଣ୍‌କୁ ଆତିମାର୍‍ଇ କାବାଆନି ପାଣି ନି ନେଗେନ୍‌ କିନି ପାଣି ୱିଜୁ ସୁଡ଼୍‌ଜି ୱାନ୍‌ ଡୁବନ୍‌ ଅସି ପିଲିପ୍‍ପତି ୱାଲେ ତେବାତାନ୍‌ ।
\p
\v 14 ସମିରୋଣଦି ଲୋକୁ ମାପୁରୁଦି ବାକ୍ୟ ଆସ୍‍ତାମାନାର୍‍ ଇଜି ଜିରୁସାଲାମ୍‍ତୁ ମାନି ପ୍ରେରିତ ସିସୁର୍‍ ୱେନ୍‌ଜି, ପିତର ମାରି ଜୋହନତିଙ୍ଗ୍‌ ୱାରି ଲାକ୍‌ତୁ ପକ୍‌ତାନ୍‌ । 
\v 15 ୱାର୍‌ ଆବେ ଇତି ୱେନ୍‌କା ସମିରୋଣଦି ବସ୍‍ବାସିର୍‍ ଏଣ୍ତେସ୍‌ ପବିତ୍ର ଆତ୍ମା ପୟ୍‌ନାର୍‌, ଆୟାଉଣ୍ତିଙ୍ଗ୍‌ ପାର୍‌ତନା କିତାର୍‍ । 
\v 16 ଇରିଙ୍ଗ୍‌ ଆୟା ସାନ୍ଦି ୱାରି ଲୋଇ ଏମେୱାରି ମୁସ୍‌କୁ ପବିତ୍ର ଆତ୍ମା ରେତାଏତ୍‍ ମାର୍ହାତ୍‌ । ୱାର୍‌ କେବଲ୍‌ ପ୍ରବୁ ଜିସୁକ୍ରିସ୍ତଦି ଦର୍‌ତାନ୍‌ ଡୁବନ୍‌ ଅତାମାର୍ହାର୍‍ । 
\v 17 ପିତର ନି ଜୋହନ ୱାରି ମୁସ୍‌କୁ କିୟୁ ଇଟ୍‍ତି ଦାପ୍ରେ ୱାର୍‌ ପବିତ୍ର ଆତ୍ମା ପୟ୍‌ତାର୍‌ ।
\p
\v 18 ସିମୋନ୍‌ ସୁଡ଼ୁତାନ୍‌ ଜେ, ପ୍ରେରିତ ସିସୁର୍‍ ବିସ୍‍ବାସିରି ମୁସ୍‌କୁ କିୟୁ ଇଟ୍‍ତାର୍‍ଆକା ୱାର୍‌ ପବିତ୍ର ଆତ୍ମା ପୟ୍‌ତାର୍‌ । ଆବେଟ୍‌ ୱାନ୍‌ ପିତର୍‌ ନି ଜୋହନତିଙ୍ଗ୍‌ ଡାବୁଙ୍ଗୁଁ ଜାସେ କିଜି ଇର୍ହାନ୍‌, 
\v 19 “ନାନ୍ ଆଇୱାରି ମୁସ୍‌କୁ କିୟୁ ଇଟ୍‌ତିଙ୍ଗ୍‌, ୱାର୍‌ ଏଣ୍ତେସ୍‌ ପବିତ୍ର ଆତ୍ମା ପୟ୍‌ଦେଙ୍ଗ୍‌ ଆଟ୍‍ନାର୍‍, ଇୟାଉଣ୍ତିଙ୍ଗ୍‌ ନାଙ୍ଗିଁ ଇୟା ସାକ୍ତି ନି ଅଦିକାର୍‌ ସିଦା ।”
\p
\v 20 ମାତର୍‌ ପିତର୍ ୱାନିଙ୍ଗ୍‌ ଇର୍ହାନ୍‌, “ନି ୱାଲେ ନି ଡାବୁଙ୍ଗୁଁ ଦ୍ୱଂସ ଆପିତ୍‌, ଇରିଙ୍ଗ୍‌ ଡାବୁଦାନ୍‍ ନିନ୍‌ ମାପୁରୁଦି ଦାନ୍‌ କଣ୍ତେଙ୍ଗ୍‌ ଅଡ଼୍‍ବିତିମାନି ! 
\v 21 ମା ପାଣିଦୁ ନି ଇନି ବାଗ୍ ସିଲେତ୍‌ । ଇରିଙ୍ଗ୍‌ ମାପୁରୁଦି ଆଗ୍‌ଡ଼ି ନି ଜିବନ୍‌ ନେଗିକା ସିଲେତ୍‌ । 
\v 22 ଆଦେଙ୍ଗ୍‌ ନି ଇୟା ତାଗ୍‌ଇ ମାଟା ଉଣ୍ତିଙ୍ଗ୍‌ ମନ୍‍ ଡ଼େପ୍‍ଆ, ଇୟାୱାଜା ବିସୟ୍‌ ସିନ୍ତା କିତିମାନିଙ୍ଗ୍‍ ପ୍ରବୁ ଏଣ୍ତେସ୍‌ କେମା କିନାନ୍‌, ଆୟାଉଣ୍ତିଙ୍ଗ୍‌ ପ୍ରବୁଙ୍ଗ୍‌ ପାର୍‌ତନା କିଆ । 
\v 23 ଇରିଙ୍ଗ୍‌ ନାନ୍ ସୁଡ଼ୁଜିନା ଜେ ନି ଜିବନ୍‌ ରିସାଦୁ ପୁରା ଆତାମାନାତ୍‌, ନିନ୍‌ ପାପ୍‌ ଗାଟିଦୁ ତରାତିମାନି ।”
\p
\v 24 ସିମୋନ୍‌ ଜୋହନ ନି ପିତର୍‌ତିଙ୍ଗ୍‌ ଇର୍ହାନ୍‌, “ମିର୍‌ ଆମା ୱିଜୁ ଇର୍‍ଇଦେର୍‍, ଆକା ଏଣ୍ତେସ୍‌ ନା ଉଣ୍ତିଙ୍ଗ୍‌ ଗଟାଏତ୍‍, ଇୟାଉଣ୍ତିଙ୍ଗ୍‌ ଦୟାକିଜି ପ୍ରବୁଦି ଆଗ୍‌ଡ଼ି ପାର୍‌ତନା କିଦୁ ।”
\p
\v 25 ସାକି ନି ପ୍ରବୁଦି ବାକ୍ୟ ୱେର୍‌ତି ୱେନ୍‌କା ପିତର୍‌ ନି ଜୋହନ ଜିରୁସାଲାମ୍‍ତୁ ଡ଼େସିସର୍ହାର୍‍ । ଡ଼େସି ସନି ସାରିଦୁ ୱାର୍‌ ସମିରୋଣଦି ଏସ ନାର୍‍କାଙ୍ଗ୍‍ଁ ସୁସମାଚାର୍‌ ପ୍ରଚାର୍‌ କିତାର୍‍ ।
\s ପିଲିପ ନି ଇତିଓପିଆଦି ପାଣିକିନିକାନ୍‌
\p
\v 26 ପ୍ରବୁଦି ଅରେନ୍‌ ଦୁତ୍‍ ପିଲିପତିଙ୍ଗ୍‍ ଇର୍ହାନ୍‌, “ତିଆର୍‌ ଆଆ, ଉଣେରି ତରିନ୍‌ ଜିରୁସାଲାମ୍‍ତାନ୍‍ ଗାଜା ତରିନ୍‌ ମାନି ପେରିଜାରିଦୁ ସାଙ୍ଗ୍‍ଆ ।” ଆଜିକାଲି ମାରି ଆୟା ରାସ୍ତା ବ୍ୟବ୍‌ହାର୍‌ ଆଏଜିନାତ୍‌ 
\v 27 ଆବେଟ୍‌ ପିଲିପ ନିଙ୍ଗିଁତା ସର୍ହାନ୍‍ । ମାରି ସୁଡ଼ୁଦୁ, ଇତିଓପିଆ ଦେସ୍‍ତି କାଣ୍ତାକି ଦର୍‌ତି ରାଣିଦି ମାନୁ ପେରିପାଣିକିନି ପଦ୍‌ ପୟ୍‌ତି ଇତିଓପିଆଦି ପାଣିକିନିକାନ୍‌, ଏନ୍‌ ତାନି ୱିଜୁ ଦନ୍‍ସମ୍ଫତିଦି ସୁଣିକାନ୍‍ ମାର୍ହାନ୍‍, ୱାନ୍‌ ମାପୁରୁଙ୍ଗୁଁ ପାର୍‌ତନା କିଦେଙ୍ଗ୍‌ ଇଜି ଜିରୁସାଲାମ୍‍ତୁ ୱାତାମାର୍ହାନ୍‍; 
\v 28 ୱାନ୍‌ ୱାନି ରତଦୁ ବାସ୍‌ସି ଇନ୍‌ଡ୍ର ଡ଼େସିସଲ୍‍ସିମାର୍ହାନ୍‍ । ୱାନ୍‌ ରତଦୁ ଡ଼େସିସନି ସମୟତୁ ଜିସାୟ ବାବବାଦିଦି ପୁସ୍ତକ ନାଣ୍ତ ଆଉଲି ଆଜି ପଡ଼ାଜି ମାର୍ହାନ୍‍ । 
\v 29 ପବିତ୍ର ଆତ୍ମା ପିଲିପତିଙ୍ଗ୍‍ ଇର୍ହାତ୍‌, “ଆୟା ରତ ଲାକ୍‌ତୁ ସାଙ୍ଗ୍‍ଆ ମାରି ୱାନି ଲାକ୍‌ତୁ ତେବାଆ ।” 
\v 30 ଆବେଟ୍‌ ପିଲିପ୍‍ପ ଉର୍‍ସି ସଲ୍‍ସି ୱାନ୍‌ ଜିସାୟ ବାବବାଦିଦି ବଇ ପଡ଼ାନିକା ୱେର୍‍ଆନ୍‍ । ୱାନ୍‌ ୱାନିଙ୍ଗ୍‌ ୱେନ୍‌ବାତାନ୍‌, “ନିନ୍‌ ଆମାକା ପଡ଼ାଜିନି, ଆକା ବୁଜାଦେଙ୍ଗ୍‌ ଆଟ୍‍ସିନିନୋ ?”
\p
\v 31 ପାଣିକିନିକାନ୍‌ ଇର୍ହାନ୍‌, “ଅରେନ୍‌ ଏନ୍‌ ନାଙ୍ଗିଁ ଇକା ବୁଜା କିଜ ସିଏତିଙ୍ଗ୍‍, ନାନ୍ ଏଣ୍ତେସ୍‌ ବୁଜାଦେଙ୍ଗ୍‌ ଆଟ୍‍ନା ?” ୱାନି ୱାଲେ ରତଦୁ ବାସ୍‌ତେଙ୍ଗ୍‌ ଇଜି ୱାନ୍‌ ପିଲିପତିଙ୍ଗ୍‍ କୁକ୍‍ତାନ୍ । 
\v 32 ୱାନ୍‌ ଦାର୍ମୁସାସ୍ତ୍ରଦି ଇୟା ବାଗ୍ ପଡ଼ାଜି ମାର୍ହାନ୍‍ :
\q1 “କାତ୍‍ତେଙ୍ଗ୍‍ ଇଜି ଅଆୟ୍‍ଆଜିମାନି ମେଣ୍ତା ୱାଜା,
\q2 ବୁର୍‍ବୁସେଙ୍ଗ୍‍ କୟ୍‍ନିୱାଲେ ଆଲେନିମାନି ମେଣ୍ତା ୱାଜା
\q2 ୱାନ୍‌ ପଦ୍‌ ବା ମାଟା ଇନ୍‍ଏତାନ୍‍ ।
\q1
\v 33 ୱାନ୍‌ ଅପ୍‍ମାନ୍‍ ଆତାନ୍‍ ମାରି ନ୍ୟାୟ୍‍ତାନ୍ ଜିଣାଏତାନ୍‍ ।
\q2 ୱାନି କୁଟୁମ୍‌ତି ବିସୟ୍‌ତାନ୍‌ ଏନ୍‌ ଇନିକା ଇନ୍‌ଡ୍ରେଙ୍ଗ୍‌ ଆଟ୍‍ଏର୍‍,
\q2 ଇରିଙ୍ଗ୍‌ ଦୁନିଆଦୁ ୱାନି ଜିବନ୍‌ତି ୱିଜ୍‍ନିକା ଗଟାତାମାନାତ୍‍ ।”
\p
\v 34 ପାଣିକିନିକାନ୍‌ ପିଲିପତିଙ୍ଗ୍‍ ୱେନ୍‌ବାତାନ୍‌, “ବାବବାଦି ଏ ବିସୟ୍‌ତାନ୍‌ ୱେର୍‍ସିନାନ୍‍, ନାଙ୍ଗିଁ ଇନ୍‌ଆଁ । ୱାନି ନିଜେଦି ବିସୟ୍‌ତାନ୍‌ ନୋ ଆଇ ଏ ବିସୟ୍‌ତାନ୍‌ ?” 
\v 35 ପିଲିପ ଦାର୍ମୁସାସ୍ତ୍ରଦି ଇୟା ବାଗ୍‍ତାନ୍‍ ଆରାମ୍‌ କିଜି ଜିସୁଦି ବିସୟ୍‌ତାନ୍‌ ରାସାତି ୱିଜୁ ନେଗିକାବୁର୍‌ ୱାନିଙ୍ଗ୍‌ ୱେର୍‌ତାନ୍‌ । 
\v 36 ୱାର୍‌ ପେରିଜାରିଦୁ ସଲ୍‍ପୁ ସଲ୍‍ପୁ ଉନ୍‍ଣ୍ତ୍ରି ଏରୁ ମାନି ଲାକ୍‍ତୁ ଇତାର୍‌ । ପାଣିକିନିକାନ୍‌ ଇର୍ହାନ୍‌, “ଇବେ ତୋ ଏରୁ ମାନେ, ନା ଡୁବନ୍‌ ଅତେଙ୍ଗ୍‌ ଇଜି ଇନିକା ବାଦା ମାନାତ୍‌ ନୋ ?” 
\v 37 ପିଲିପ ଇର୍ହାନ୍‌, ନିନୁ ୱିଜୁ ମନ୍‍ତିୱାଲେ ଜଦି ବିସ୍‍ବାସ୍‍ କିନି, ଆତିଙ୍ଗ୍‍ଁ ଆନାତ୍‍, ଆବେଟ୍‍ ୱାନ୍‍ ଇର୍ହାନ୍‌, ଜିସୁ କ୍ରିସ୍ତ ଜେ ମାପୁରୁଦି ମାରିନ୍‍, ଇକା ନାନୁ ବିସ୍‍ବାସ୍‍ କିଜିନା । \f + \fr ୮:୩୭ \fr*\ft ପିଲିପ୍‍ପ ଇର୍ହାନ୍‌, “ନିନ୍‌ ପୁରା ଜିବନ୍‌ତାନ୍‌ ଜଦି ବିସ୍‌ବାସ୍‌ କିନି, ଆର୍‌ତିଙ୍ଗ୍‌ ଇକା ଆଦେଙ୍ଗ୍‌ ଆଟ୍‍ନାତ୍‍ । ଆବେଟ୍‌ ୱାନ୍‌ ଇର୍ହାନ୍‌, ଜିସୁ କ୍ରିସ୍ତ ଜେ ମାପୁରୁଦି ମାରିସି, ଇକା ନାନ୍‍ ବିସ୍‌ବାସ୍‌ କିଜିନା ।” \ft*\f*
\p
\v 38 ମାରି ୱାନ୍‌ ରତଦିଙ୍ଗ୍‍ ନିଲପ୍‍ତେଙ୍ଗ୍ ଆଦେସ୍‌ ସିତାନ୍‌, ମାରି ପିଲିପ ନି ପାଣିକିନିକାନ୍‌ ରିଏର୍‌ ଏରୁ ଲୋଇ ସର୍ହାର୍‍, ମାରି ପିଲିପ ୱାନିଙ୍ଗ୍‌ ଡୁବନ୍‌ ସିତାନ୍‌ । 
\v 39 ୱାର୍‌ ଏରୁତାନ୍‍ ନିଙ୍ଗ୍‍ଜି ୱାତି ୱେନ୍‌କା, ପ୍ରବୁଦି ପବିତ୍ର ଆତ୍ମା ପିଲିପତିଙ୍ଗ୍‍ ଅତାତ୍‍ । ପାଣିକିନିକାନ୍‌ ମାରି ୱାନିଙ୍ଗ୍‌ ସୁଡ଼ୁଦେଙ୍ଗ୍‍ ଆଟ୍‍ଏତାନ୍‍, ମାତର୍‌ ୱେଡ଼ିକାଦାନ୍‌ ପୁରା ଆଜି ୱାନି ସାରିଦୁ ସର୍ହାନ୍‍ । 
\v 40 ଏସ ସମୟ ୱେନ୍‌କା ପିଲିପ ସୁଡ଼ୁତାନ୍‌ ଜେ ୱାନ୍‌ ଅସଦୋଦ୍‍ତୁ ଇତାନ୍‌ । ଆବେଟ୍‌କୁ ୱାନ୍‌ କାଇସରିୟାଦୁ ସର୍ହାନ୍‍ ମାରି ସାରିଦୁ ମାନି ଗାଡ଼୍‌କାଙ୍ଗ୍‌ ସୁସମାଚାର୍‌ ପ୍ରଚାର୍‍ କିତାନ୍‌ ।
\c 9
\s ସାଉଲ ମନ୍‍ ଡ଼େପ୍‍ନିକା
\r (ପ୍ରେରିତ ୨୨:୬-୧୬; ୨୬:୧୨-୧୮)
\p
\v 1 ଇୟା ସମୟ୍‍ତୁ ସାଉଲ ପ୍ରବୁଦି ସିସୁରିଙ୍ଗ୍‌ କାତ୍‍ତେଙ୍ଗ୍‍ ଇଜି ଆଦ୍‌ରିସ୍‌ କିଜି ପେରି ଜାଜକଦି ଲାକ୍‌ତୁ ସର୍ହାନ୍‍ । 
\v 2 ମାରି ଦାମାସ୍‍କସ୍‍ତି ପାର୍‍ତନାକିନି ଇଲ୍‌କାଙ୍ଗ୍‌ ପ୍ରବୁଦି ୱାଲେ ବୁଲାନିୱାରିଙ୍ଗ୍‍ ପୟ୍‌ତିଙ୍ଗ୍‌ ତର୍‌ସି ଜିରୁସାଲାମ୍‍ତୁ ଆସ୍‌ସି ତାତେଙ୍ଗ୍‌ ଇଜି ପେରି ଜାଜକରି ମାଣାନ୍‌ ସାରି ସିନି ଆକୁ ଲୋସ୍‍ତାନ୍‍ ।
\p
\v 3 ସାଉଲ ଦାମାସ୍‍କସ୍‍ ଗାଡ଼୍‌ ଲାକ୍‌ତୁ ଇଗା ସନି ସମୟ୍‍ତୁ ଦାପ୍ରେ ବାଦଡ଼୍‍ତାନ୍‍ ଉନ୍‍ଣ୍ତ୍ରି ଜାୟ୍‌ ୱାନି ସାରିବେଡ଼୍‍ତି କାସ୍‍ସି ନିଙ୍ଗିଁତାତ୍‍ । 
\v 4 ୱାନ୍‌ ବୁମିଦୁ ଆର୍‍ତାନ୍‍ ମାରି ଉନ୍‍ଣ୍ତ୍ରି ବଲ୍ ୱେର୍‍ଆନ୍‍, “ସାଉଲ ! ସାଉଲ ! ନିନ୍‌ ଏନ୍ଦା ନାଙ୍ଗିଁ ତାଡ଼ନା କିଜିନି ?”
\p
\v 5 ୱାନ୍‌ ଇର୍ହାନ୍‌, “ପ୍ରବୁ, ନିନ୍‌ ଏନ୍‌ ?” ମାରିଡ଼େସି ଆୟା ବଲ୍ ୱାତାତ୍‍, “ନିନ୍‌ ଏଙ୍ଗ୍‍ଁ କାସ୍ଟୁ କିଜିନି, ନାନ୍ ଆୟା ଜିସୁ । 
\v 6 ନିଙ୍ଗ୍‍ଆ, ଗାଡ଼୍‌ତୁ ସାଙ୍ଗ୍ଆ, ଇନିକା କିଦେଙ୍ଗ୍‌ ଆନାତ୍‌, ଆବେ ନିଙ୍ଗିଁ ୱେର୍‌ନା ସିନା ।”
\p
\v 7 ସାଉଲତି ୱାଲେ ଅର୍‌ସେ ସନିକାର୍‍ କାବାଆଜି ତେବାତା ସର୍ହାର୍‍; ୱାର୍‌ ଆୟା ବଲ୍ ୱେର୍‌ଆର୍‌, ମାତର୍‌ ଏଙ୍ଗ୍‌ ସୁଡ଼ୁଦେଙ୍ଗ୍‍ ଆଟ୍‌ଏତାର୍‌ । 
\v 8 ସାଉଲ ବୁମିଦାନ୍‌ ନିଙ୍ଗ୍‍ଜି କାଣୁକୁ ରେତାନ୍‍, ମାତର୍‌ ୱାନିଙ୍ଗ୍‌ ଇନିକା ତର୍‍ଏତାତ୍‍ । ଆବେଟ୍‌ ୱାର୍‌ ୱାନି କିୟୁ ଆସ୍‌ସି ଦାମାସ୍‍କସ୍‍ ସାନ୍ଦି ସାରି ତର୍‌ସି ଅତାର୍‌ । 
\v 9 ମୁନେନ୍‌ ସାନ୍ଦି ୱାନ୍‌ ସୁଡ଼ୁଦେଙ୍ଗ୍‌ ଆଟ୍‍ଏତାନ୍‍ ମାରି ଆୟା ସମୟ୍‍ତୁ ଉଣୁଏତାନ୍‍ ।
\p
\v 10 ଦାମାସ୍‍କସ୍‍ତୁ ହନନିୟ ଦର୍‌ତି ଅରେନ୍‌ ସିସୁ ମାର୍ହାନ୍‍ । ୱାନ୍‌ ଉନ୍‍ଣ୍ତ୍ରି ଦର୍ସନ୍‍ ପୟ୍‌ତାନ୍‌, ପ୍ରବୁ ୱାନିଙ୍ଗ୍‌ ଇର୍ହାନ୍‌, “ହନନିୟ !”
\p ୱାନ୍‌ ଇର୍ହାନ୍‌, “ଏ ପ୍ରବୁ ଇନ୍‌ଆଁ ।”
\p
\v 11 ପ୍ରବୁ ଇର୍ହାନ୍‌, “ତିଆର୍‌ ଆଆ । ସିଦା ଦର୍‌ତି ପେରିଜାରି ଆସ୍‌ସି ଜିହୁଦାଦି ଇଲୁଦୁ ସାଙ୍ଗ୍ଆ । ଆବେ ତାର୍ସସ୍‍ତାନ୍‍ ୱାତିମାନି ସାଉଲ ଦର୍‌ତି ଅରେନ୍‌ ଲୋକ୍‌ତିଙ୍ଗ୍‌ ପୟ୍‍ଆ । ୱାନ୍‌ ପାର୍‌ତନା କିଜିନାନ୍‍ । 
\v 12 ହନନିୟ ଦର୍‌ତି ଅରେନ୍‌ ଲୋକୁ ୱାଜି ୱାନି ମୁସ୍‌କୁ କିୟୁ ଇଟ୍‌ତିଙ୍ଗ୍‌, ୱାନ୍‌ କାଣୁକୁ ସୁଣାନ୍‌ ଇଜି ଦର୍ସନ୍‍ ପୟ୍‌ତାମାନାନ୍‌ ।”
\p
\v 13 ହନନିୟ ଇର୍ହାନ୍‌, “ପ୍ରବୁ, ଇୟା ଲୋକୁ ଜିରୁସାଲାମ୍‍ତୁ ନି ବିସ୍‍ବାସି ଲୋକା ଉଣ୍ତିଙ୍ଗ୍‌ ଏମେ କାସ୍ଟୁଦି ପାଣି ୱିଜୁ କିତାମାନାନ୍‍, ଆୟା ବିସୟ୍‌ତାନ୍‌ ନାଣ୍ତ ଲୋକୁ ନାଙ୍ଗିଁ ୱେର୍‍ତାମାନାର୍‍ । 
\v 14 ମାରି ୱାନ୍‌ ପେରି ଜାଜକରି ମାଣ୍‌କୁ ଅଦିକାର୍‌ ଆକୁ ତାସି, ଦାମାସ୍‍କସ୍‍ତୁ ନି ପାର୍‌ତନା କିନିୱାରିଙ୍ଗ୍‍ ଆସ୍‌ସି ଅତେଙ୍ଗ୍‌ ଇଜି ୱାତାମାନାନ୍‍ ।”
\p
\v 15 ପ୍ରବୁ ୱାନିଙ୍ଗ୍‌ ଇର୍ହାନ୍‌, “ସାଙ୍ଗ୍ଆ, ଅଣଜିହୁଦି ମାରି ରାଜା ମାରି ଇସ୍ରାଏଲ୍‌ତି ଲୋକା ଆଗ୍‌ଡ଼ି, ନା ଦର୍‌ ୱେର୍‌ତେଙ୍ଗ୍‌ ଇଜି ମାରି ନା ସେବା କିଦେଙ୍ଗ୍‌ ନାନ୍ ୱାନିଙ୍ଗ୍‌ ଆସ୍‍କିତାମାନା । 
\v 16 ନା ଉଣ୍ତିଙ୍ଗ୍‌ ୱାନ୍‌ ଏମେ ଦୁକ୍‍ ପୟ୍‌ନାନ୍‌, ନାନ୍ ନିଜେ ୱାନିଙ୍ଗ୍‌ ୱେର୍‌ନା ।”
\p
\v 17 ହନନିୟ ସର୍ହାନ୍‍, ସାଉଲ ମାନି ଇଲୁଦୁ ଡ଼ୁଗୁଜି ୱାନି ମୁସ୍‌କୁ କିୟୁ ଇଟ୍‌ତାନ୍‌ । ୱାନ୍‌ ଇର୍ହାନ୍‌, “ତଡ଼ାନ୍‌କୁ ସାଉଲ, ଇବେ ୱାନି ସାରିଦୁ ଏମେ ପ୍ରବୁ ଜିସୁ ନିଙ୍ଗିଁ ଦର୍ସନ୍‍ ସିତାନ୍‌, ୱାନ୍‌ ନାଙ୍ଗିଁ ପକ୍‍ତାମାନାନ୍‍, ଏଣ୍ତେସ୍‌ମାରି ଡ଼େସି ନିନ୍‌ କାଣୁକୁ ସୁଡ଼୍‍ଦେଙ୍ଗ୍‍ ଆଟ୍‌ନି ମାରି ପବିତ୍ର ଆତ୍ମାଦୁ ପୁରା ଆନି ।” 
\v 18 ଆୟାଦାପ୍ରେ ସାଉଲତି କାଣ୍‍କାଣ୍‍କୁ ମିନିଦି ସପା ୱାଜା ଏସ ଆର୍‍ତେ ମାରି ୱାନ୍‌ ମାରିଅରର୍ସୁ ସୁଡ଼୍‍ଦେଙ୍ଗ୍‍ ଆଟ୍‍ତାନ୍‍ । ୱାନ୍‌ ନିଙ୍ଗ୍‍ଜି ଡୁବନ୍‌ ଅତାନ୍‌ । 
\v 19 ମାରି ଉଣୁଜି ସାକ୍ତି ପୟ୍‌ତାନ୍‌ । ସାଉଲ ସିସୁରି ୱାଲେ ଦାମାସ୍‍କସ୍‍ତୁ ଏସ ଦିନ୍‌ ତେବାତାନ୍‌ ।
\s ଦାମାସ୍‍କସ୍‍ତୁ ସାଉଲ ପ୍ରଚାର୍‌ କିତାନ୍‌
\p
\v 20 ୱାନ୍‌ ସିଦା ପାର୍‍ତନାକିନି ଇଲ୍‌କାଙ୍ଗ୍‌ ସଲ୍‍ସି, ଜିସୁ ଜେ ମାପୁରୁଦି ମାରିସି, ଇୟା ମାଟା ପ୍ରଚାର୍‌ କିଦେଙ୍ଗ୍‌ ଆସ୍‌ତାନ୍‌ ।
\p
\v 21 ଏମେକାର୍‌ ୱାନି ମାଟା ୱେର୍‌ଆର୍‌, ୱାର୍‌ କାବାଆଜି ୱେନ୍‌ବାତାର୍‌, “ଜିରୁସାଲାମ୍‍ତୁ ଜିସୁ ଦର୍‌ତି ଲୋକ୍‌ତି ପାର୍‌ତନା କିନିୱାରିଙ୍ଗ୍‍ ଏମେ ଲୋକୁ କାତ୍‍ସି ମାର୍ହାନ୍‍, ଇକାନ୍‌ ଇନିକା ଆକାନ୍‍ ଆଏନ୍‌ ନୋ ? ୱାରିଙ୍ଗ୍‌ ପେରି ଜାଜକରି ଲାକ୍‌ତୁ ଆସ୍‌ସି ଅନି ଉଦେସ୍‍ତାନ୍‍ ୱାନ୍‌ ଇନିକା ଇବେ ରେଏନ୍‌ ମାର୍ହାନ୍‍ ନୋ ?”
\p
\v 22 ମାତର୍‌ ସାଉଲ ପ୍ରଚାର୍‌ ନାଣ୍ତ ସାକ୍ତି ମାର୍ହାତ୍‌, ଜିସୁ ଜେ ମସିହ, ଇୟା ବିସୟ୍‌ତାନ୍‌ ୱାନି ପାର୍‌ମାଣ୍‌ ନିସା ଜିଦ୍‌ ମାର୍ହାତ୍‍ ଜେ ଦାମାସ୍‍କସ୍‍ତୁ ବାସାଜି ମାନି ଜିହୁଦିର୍‌ ୱାନି ଇନି ମାଟାଦି ଉତର ସିଦେଙ୍ଗ୍‍ ଆଟ୍‍ଏର୍‍ ମାର୍ହାର୍‌ ।
\p
\v 23 \x + \xo ୯:୨୩ \xo*\xt ୨ କରିନ୍ତିୟ ୧୧:୩୨,୩୩.\xt*\x*ନାଣ୍ତ ଦିନ୍‌ ଆତି ୱେନ୍‌କା ଜିହୁଦିର୍‌ ଉଣ୍ତାଜି ସାଉଲତିଙ୍ଗ୍‍ ଡାକ୍‍ତେଙ୍ଗ୍‍ଁ ଇଜି ଉପାୟା କିତାର୍‍, 
\v 24 ମାତର୍‌ ସାଉଲ ୱାରି ଉପାୟ ନେସ୍‌ତେଙ୍ଗ୍‌ ଆଟ୍‍ତାନ୍‍ । ୱାନିଙ୍ଗ୍‌ କାତ୍‍ତେଙ୍ଗ୍‍ ଇଜି ୱେଡ଼େ ନାଡ଼ା ୱାର୍‌ ଗାଡ଼୍‌ତି ଦୁଆର୍‍ ୱିଜୁ କାପ୍‌କିଜି ତେବାତାର୍‌ । 
\v 25 ମାତର୍‌ ଅର୍‍ଲେନ୍‍ ନାଡ଼ା ସାଉଲତି ସିସୁର୍‍ ୱାନିଙ୍ଗ୍‌ ଉନ୍‍ଣ୍ତ୍ରି ଦାଉଣିକାଦୁ ଇଡ୍‌ଜି ଗଡାଦି ଉନ୍‍ଣ୍ତ୍ରି ରେଆତି ସାରି ସିଜି ଆଡ୍‍ଗି ରେପ୍‍ତା ସିତାର୍‍ ।
\s ଜିରୁସାଲାମ୍‍ତୁ ସାଉଲ
\p
\v 26 ସାଉଲ ଜିରୁସାଲାମ୍‍ତୁ ସଲ୍‍ସି ସିସୁରି ୱାଲେ ମିସାଦେଙ୍ଗ୍‍ ସେସ୍ଟା କିତାନ୍‌ । ମାତର୍‌ ୱାନ୍‌ ସିସୁ ଇଜି ୱାର୍‌ ମୁଟେ ବିସ୍‌ବାସ୍‌ କିଏତାର୍‌ । ୱିଜେରେ ୱାନିଙ୍ଗ୍‌ ତିଲାଜି ମାର୍ହାର୍‌ । 
\v 27 ମାତର୍‌ ବର୍ଣ୍ଣବା ୱାନିଙ୍ଗ୍‌ ପ୍ରେରିତ ସିସୁରି ଲାକ୍‌ତୁ ଅସି ଦାମାସ୍‍କସ୍‍ ସାରିଦୁ ସାଉଲ ଏଣ୍ତେସ୍‌ ପ୍ରବୁଦି ଦର୍ସନ୍‍ ପୟ୍‍ତାମାର୍ହାନ୍‍ ମାରି ପ୍ରବୁ ଏଣ୍ତେସ୍‌ ୱାନିଙ୍ଗ୍‌ ମାଟା ଇର୍ହାମାର୍ହାନ୍‌, ଇୟାୱିଜୁ ବିସୟ୍‌ ୱାରିଙ୍ଗ୍‌ ବୁଜାକିଜି ଇର୍ହାନ୍‌ । ଦାମାସ୍‍କସ୍‍ତୁ ଜିସୁଦି ଦର୍‌ତାନ୍‌ ସାଉଲ ଏଣ୍ତେସ୍‌ ତିଲାଏଣ୍ତା ପ୍ରଚାର୍‌ କିତାମାର୍ହାନ୍‌, ୱାରିଙ୍ଗ୍‌ ନେଗେନ୍‌ କିଜି ବୁଜାକିଜି ଇର୍ହାନ୍‌ । 
\v 28 ଇୟା ୱେନ୍‌କା ସାଉଲ ପ୍ରେରିତ ସିସୁରି ୱାଲେ ତେବାତାନ୍‌ ମାରି ଜିରୁସାଲାମ୍‌ତି ସାରିବେଡ଼୍‍ତି ସଲ୍‍ସି ସାହାସ୍‍ତାନ୍‍ ପ୍ରବୁଦି ଦର୍‌ତାନ୍‌ ପ୍ରଚାର୍‌ କିତାନ୍‌ । 
\v 29 ଇୟାୱିଜୁ ବିସୟ୍‌ତାନ୍‌ ୱାନ୍‌ ଗ୍ରିକ୍‍ ବାସାଦି ଜିହୁଦିର୍‌ ୱାଲେ ବା ଆସ୍‌ସିସାତାର୍‌, ମାତର୍‌ ୱାର୍‌ ୱାନିଙ୍ଗ୍‌ ଡାକ୍‍ତେଙ୍ଗ୍‍ଁ ସେସ୍ଟା କିତାର୍‍ । 
\v 30 ବିସ୍‍ବାସି ତଡ଼ାନ୍‌କୁ ଇୟା ମାଟା ନେସ୍‌ସି; ସାଉଲତିଙ୍ଗ୍‍ କାଇସରିଆଦୁ ଅତାର୍‌ ମାରି ଆବେଣାନ୍‍ ୱାନିଙ୍ଗ୍‌ ତାର୍ସସ୍‍ତୁ ପକ୍‌ତାର୍‌ ।
\p
\v 31 ଜିହୁଦା, ଗାଲିଲି ମାରି ସମିରୋଣଦୁ ମାନି କ୍ରିସ୍ଟିୟାନ୍‍ ମଣ୍ତଲିଙ୍ଗାଁ ଉଣ୍ତିଙ୍ଗ୍‌ ଆୟା ସମୟ୍‍ତି ଦିନ୍‌ ସାନ୍ତି ମାର୍ହାତ୍‌, ମାରି ପବିତ୍ର ଆତ୍ମାଦି ସାକ୍ତିଦାନ୍ ୱାରି ଲୋକୁ ନାଣ୍ତ ଆତାର୍‌ ମାରି ୱାର୍‌ ଡାଟ୍‍ ଆତାର୍‌ । ବିସ୍‍ବାସିର୍‍ ପ୍ରବୁଦି ଉଣ୍ତିଙ୍ଗ୍‌ ମାନାଜି ଜିବନ୍‌ କାଟେ କିତାର୍‍ ।
\s ପିତର ଲୁଦା ନି ଜପା ଗାଡ଼୍‌ତୁ
\p
\v 32 ପିତର ନାଣ୍ତ ଜାଗେଆଙ୍ଗ୍‍ଁ ବୁଲାଜି ବୁଲାଜି ଅର୍‍ଲେନ୍‍ ଲୁଦାଦୁ ବାସାଜିମାନି ବିସ୍‍ବାସିରି ଲୋକାଙ୍ଗ୍‌ ମିସାଦେଙ୍ଗ୍‍ ୱାତାନ୍‌ । 
\v 33 ଆବେନୁ ଏନିୟ ଦର୍‌ତି ଅରେନ୍‌ ଲୋକ୍‌ତିଙ୍ଗ୍‌ ବେଟ୍‍ବୁଡ଼ାତାନ୍ । ୱାନ୍‌ କୁସ୍ଟ ରୋଗ୍‍ତୁ ଆସାଇ ଆଜି ଆଟ୍‍ଗୋଟା ବାର୍ସେକ୍‍ ଆସ୍‌ସି କାଟେଲ୍‍ତାନ୍‍ ନିଙ୍ଗ୍‍ଁଦେଙ୍ଗ୍‍ ଆଟ୍‌ଏଜି ମାର୍ହାନ୍‍ । 
\v 34 ପିତର ୱାନିଙ୍ଗ୍‌ ଇର୍ହାନ୍‌, “ଏନିୟ, ଜିସୁ କ୍ରିସ୍ତ ନିଙ୍ଗିଁ ନେଗେନ୍‌ କିତାମାନାନ୍‍ । ନିଙ୍ଗ୍‍ଁଆ, ନି ଟାଟି ରସ୍‍ଆ ।” ଆୟାଦାପ୍ରେ ଏନିୟ ନିଙ୍ଗିଁତାନ୍‍ । 
\v 35 ଇକା ସୁଡ଼୍‌ଜି ଲୁଦା ନି ସାରୋଣଦୁ ବାସାକିଜିମାନି ଲୋକୁ ୱିଜେରେ ପ୍ରବୁଦି ଲାକ୍‌ତୁ ଡ଼େସି ୱାତାର୍‌ ।
\p
\v 36 ଜପାଦୁ ଟବିତା ଦର୍‌ତି ଅରେତ୍‌ ବିସ୍‍ବାସିନି ଆଇମା ବାସାଜି ମାର୍ହାତ୍‌ । ତାନି ଗ୍ରିକ୍‌ ଦର୍‌ ଦର୍କାସ୍‍ ଅର୍ତାତ୍‍ “ବନ୍‍ ଗରିଆ” ମାର୍ହାତ୍‌ । ୱାଦ୍‌ ତାନି ୱିଜୁ ସମୟ୍ ନେଗି ପାଣିଦୁ ମାରି କାକୁର୍ତି ଲୋକାଙ୍ଗ୍‌ ସେବା କିନିମାନି ସମୟ ସିଜି ମାର୍ହାତ୍‌ । 
\v 37 ଆୟା ସମୟତୁ ନବ୍‌ ଆଜି ୱାଦ୍‌ ସାତା ସର୍ହାତ୍‍ । ତଡ଼୍‍କୁ ତାନି ମେନ୍ଦଲ୍‍ତିଙ୍ଗ୍ ଇବିସ୍‍ କିଜି ମୁସ୍‌କୁରି ମହଲାଦୁ ତେରେପ୍‍ତେ । 
\v 38 ଜପା ଲୁଦାଦାନ୍‍ ଆକ ସିଲେତାତ୍‍ । ପିତର ଲୁଦାଦୁ ମାନାନ୍‌ ଇଜି ୱେନ୍‌ଜି, ଜପାଦୁ ମାନି ବିସ୍‍ବାସିର୍‍ ରିଏର୍‌ ଲୋକାଙ୍ଗ୍‌ ୱାନି ଲାକ୍‌ତୁ ଇନ୍‌ଞ୍ଜି ପୋକ୍‌ତାର୍‌, “ଦୟା କିଜି ବେଗି ମା ଲାକ୍‌ତୁ ରାଆ ।” 
\v 39 ପିତର ତିଆର୍‌ ଆଜି ୱାରି ୱାଲେ ସର୍ହାନ୍‍ । ଆବେ ଇତି ଦାପ୍ରେ ଲୋକୁ ୱାନିଙ୍ଗ୍‌ ମୁସ୍‌କୁରି ମହଲାଦୁ ଅତାର୍‌ । ଆବେ ରାଣ୍ତିଆଇମେକ୍‍ ତାନିଙ୍ଗ୍‌ କେର୍‍ବିତେନ ଆଡ଼୍‌ବାଜି ଆଡ଼୍‌ବାଜି ଦର୍କାସ୍‍ ଜିଜିମାନି ୱାଲେ ଗୁତ୍‍ତି ମାର୍‍ଇ ଆଙ୍ଗିଁଙ୍ଗ୍‌ ମାରି ୱାତିଙ୍ଗ୍‍ୱିଜୁ ୱାନିଙ୍ଗ୍‌ ତର୍‍ତେ । 
\v 40 ପିତର ୱିଜେରିଙ୍ଗ୍‍ ବାକ୍‍ରାଦାନ୍‍ ଆତ୍‌ରେ ସପ୍‍ତାନ୍‍ ମାରି ମେଣ୍ତେଙ୍ଗ୍‍ଁ ଗଟ୍‌କିଜି ପାର୍‌ତନା କିତାନ୍‌ । ତାନିୱେନ୍‍କା ୱାନ୍‌ ଦାର୍କାସ୍‍ତି ସାତି ମେନ୍ଧଲ୍‍ ତରିନ୍‌ ସୁଡ଼୍‌ଜି ଇର୍ହାନ୍‌, “ଟବିତା, ନିଙ୍ଗ୍‍ଁଆ !” ଦର୍କାସ୍‍ କାଣୁକୁ ରେତାତ୍‍ ମାରି ପିତରତିଙ୍ଗ୍ ସୁଡ଼୍‌ଜି ନିଙ୍ଗ୍‍ଜି ବାସ୍‌ତାତ୍‌ । 
\v 41 ପିତର କିୟୁ ପେର୍‌ଜି ତାନିଙ୍ଗ୍‌ ଜିବନ୍‌ କିଜି ନିକ୍‍ତାନ୍‍ । ୱେନ୍‌କା ଉଣ୍ତାତି ମାର୍‍ଇ ୱିଜୁ ବିସ୍‍ବାସି ନି ରାଣ୍ତିଆଙ୍ଗ୍‍ଁ କୁକ୍‌ସି ଦର୍କାସ୍‍ତିଙ୍ଗ୍‍ ୱାରି କିୟୁଦୁ ସର୍ପେ କିତାନ୍‌ । 
\v 42 ଇୟା କାବୁର୍‌ ଜପାଦି ୱିଜୁ ତରିନ୍‌ ୱେଙ୍ଗିଁତାତ୍‌ ମାରି ନାଣ୍ତ ଲୋକୁ ପ୍ରବୁଙ୍ଗ୍ଁ ବିସ୍‌ବାସ୍‌ କିତାର୍‍ । 
\v 43 ପିତର ନାଣ୍ତ ଦିନ୍‌ ସାନ୍ଦି ଜପାଦୁ ସିମୋନ ଦର୍‌ତି ଅରେନ୍‌ ତଲ୍‍କୁପାଣିକିନି ଇଲ୍‌ତୁ ତେବାତାନ୍‌ ।
\c 10
\s ପିତର ନି କର୍ଣ୍ଣିଲିୟ
\p
\v 1 କାଇସରିଆଦୁ ବାସାନି କର୍ଣ୍ଣିଲିୟ “ଇଟାଲିଦି ବାହିନି” ଦର୍‌ତି ରମିୟ ସୈନ୍ୟରି ସେନାପତି ମାର୍ହାନ୍‍ । 
\v 2 ୱାନ୍‌ ଅରେନ୍‌ ଦାର୍ମୁ ଲୋକୁ ମାର୍ହାନ୍‍ । ୱାନ୍‌ ମାରି ୱାନି ଇଲୁଦି ୱିଜେରେ ମାପୁରୁଙ୍ଗୁଁ ପାର୍‌ତନା କିଜିମାର୍ହାର୍‍ । ୱାନ୍‌ କାକୁର୍ତି ଜିହୁଦି ଲୋକାଦି ନେଗି ଉଣ୍ତିଙ୍ଗ୍‌ ନାଣ୍ତ ପାଣି କିଜି ମାର୍ହାନ୍‍ ମାରି ଦିନାମି ମାପୁରୁମାନୁ ପାର୍‌ତାନା କିଜିମାର୍ହାନ୍‍ । 
\v 3 ଅର୍‍ଲେନ୍‍ ୱେଡ଼ାରେନି ତିନ୍‍ ଗଣ୍ଟା ସମୟ୍‍ତୁ ୱାନ୍‌ ଉନ୍‍ଣ୍ତ୍ରି ଦର୍ସନତୁ ନେଗେନ୍ ସୁଡ଼ୁତାନ୍‌ ଜେ ମାପୁରୁଦି ଦୁତ୍‍ ୱାଜି ୱାନିଙ୍ଗ୍‌ କୁକ୍‍ସିନାନ୍‍, “କର୍ଣ୍ଣିଲିୟ ।”
\p
\v 4 ୱାନ୍‌ ତିଲାଜି ଦୁତ୍‍ତି ତରିନ୍‌ ସୁଡ଼୍‌ଜି ଇର୍ହାନ୍‌, “ଏ ପ୍ରବୁ ଇନିକା ?”
\p ଦୁତ୍‍ ଇର୍ହାନ୍‌, “ମାପୁରୁ ନି ପାର୍‌ତାନା ନି ଦାନ୍‍ସିନିମାନୁ ୱେଡ଼ିକା ଆତାମାନାନ୍‌ ମାରି ତେନି ବାଦ୍‌ଲୁ ସିଦେଙ୍ଗ୍‍ ଇଜି ତିଆର୍‌ ମାନାନ୍‌ । 
\v 5 ଇଲେଇ ସିମୋନ ପିତର ଦର୍‌ତି ଅରେନ୍‌ ଲୋକ୍‌ତିଙ୍ଗ୍‌ କୁକ୍‍ସ ତାତେଙ୍ଗ୍‌ ଇଜି ଜପାଦୁ ଲୋକାଙ୍ଗ୍‌ ପକ୍‍ଆ । 
\v 6 ୱାନ୍‌ ସାମ୍‌ଦୁର୍‌ ପାଡ଼ି ବାସାଜିମାନି ସିମୋନ ଦର୍‌ତି ତଲ୍‍ପାଣିକିନିୱାନି ଇଲୁଦୁ ମାନାନ୍‌ ।” 
\v 7 ଇକା ଇଜି ଦୁତ୍‍ ସର୍ହାନ୍‍ । କର୍ଣ୍ଣିଲିୟ ୱାନି ଇଲ୍‍ତି ରିଏର୍‌ ସାକର୍‌ ନି ସନ୍ୟ ପାଣିକିନିୱାରି ଲୋଇ ଅରେନ୍‌ ଦାର୍ମୁ ଲୋକାଙ୍ଗ୍‌ କୁକିସ୍‍ତାନ୍‍ । 
\v 8 ୱାନ୍‌ ୱାରିଙ୍ଗ୍‌ ୱିଜୁ ଗଟଣା ୱେର୍‌ସି ଜପାଦୁ ପକ୍‌ତାନ୍‌ ।
\p
\v 9 ମାରିନାଣ୍ତିଙ୍ଗ୍‍ ମାଦ୍‌ଲାମ୍‌ ୱେଡ଼ାଦୁ ୱାର୍‌ ଜପାଦି ଲାକ୍‌ତୁ ଆନିୱାଲେ, ପିତର ପାର୍‌ତନା କିଦେଙ୍ଗ୍‌ ଇଜି ସାତ୍ ମୁସ୍‌କୁ ସର୍ହାମାର୍ହାନ୍‍ । 
\v 10 ୱାନ୍‌ ବାଙ୍ଗାଁ ସାଜି ଉଣ୍ତେଙ୍ଗ୍‌ ବଦା କିତାନ୍‌ ମାରି କାଦି ଆନି ସମୟ୍‍ତୁ ୱାନ୍‌ ଉଣ୍ତ୍ରି ଦର୍ସନ୍‍ ପୟ୍‌ତାନ୍‌ । 
\v 11 ୱାନ୍‌ ସୁଡ଼ୁତାନ୍‌, ବାଦଡ଼୍‍ ରେଆତାମାନାତ୍‍ ମାରି ଉଣ୍ତ୍ରି ପେରି ସାଦର୍‌ ନାଲ୍‍ଗି କନାଦାନ୍‍ ଡ଼ଆଇ ଆଜି ଦୁନିଆଦି ମୁସ୍‌କୁ ଆର୍‍ଜି ୱାଜିନାତ୍‍ । 
\v 12 ଆବେନୁ ଦୁନିଆଦି ବେସି ରକମ୍‌ତି ଜାତୁ, ଉଜ୍‍ନିକେଙ୍ଗ୍‌ ମାରି ବାଦଡ଼୍‌ତି ପଟିଙ୍ଗ୍‍ଁ ମାନେ । 
\v 13 ମାରି ୱାନ୍‌ ଉଣ୍ତ୍ରି ବଲ୍ ୱେର୍‍ଆନ୍‍, “ପିତର ! ନିଙ୍ଗ୍‍ଁଆ, ଡାକ୍‌ସ ତିନ୍‍ଆ !”
\p
\v 14 ମାତର୍‌ ପିତର ଇର୍ହାନ୍‌, “ସିଲେ ପ୍ରବୁ, ନାନ୍ ଆଟ୍‍ଏ ! ନାନ୍ ଏସାଙ୍ଗ୍‍ ଇନି ତାଗ୍‌ଇକା ନି ଅପବିତ୍ର ଜିନିସ୍‌ ତିନ୍‌ଏ ।”
\p
\v 15 ମାରି ଉଣ୍ତ୍ରି ଦେବା ୱାନ୍‌ ୱେର୍‍ଆନ୍‍; “ମାପୁରୁ ଆମାକା ପବିତ୍ର କିତାମାନାନ୍‍, ନିନ୍‌ ତାନିଙ୍ଗ୍‌ ଅପବିତ୍ର ଅଡ଼୍‍ବିମା ।” 
\v 16 ମୁଜା ଇୟାୱାଜା ଆନି ୱେନ୍‌କା, ସାଦର୍‍ତିଙ୍ଗ୍‍ ମୁସ୍‌କୁପୁର୍‌ତୁ ପେର୍‌ଜି ଅଆୟ୍‍ ଆତାତ୍‌ ।
\p
\v 17 ପିତର ୱାନି ଦର୍ସନ୍‍ତି ଅର୍ତ ମାଟା ଅଡ଼୍‍ବିଜି କାବା ଆତାନ୍‌ । ଇୟା ୱେଡ଼ାଦୁ, କର୍ଣ୍ଣିଲିୟ ଏମେୱାରିଙ୍ଗ୍‍ ପକ୍‍ତାମାର୍ହାନ୍‍, ୱାର୍‌ ସିମୋନତି ଇଲୁଦିଙ୍ଗ୍ଁ ପୟ୍‌ଜି ଗେଟ୍‍ ଲାକ୍‌ତୁ ନିର୍ହା ମାର୍ହାର୍‌ । 
\v 18 ୱାର୍‌ ୱେନ୍‌ବାତାର୍‌, “ସିମୋନ ପିତର ଦର୍‍ତିକାନ୍‍ ଇବେ ଅରେନ୍‌ କୁଡ଼ାଏନ୍‍ ମାନାନ୍‌ ନୋ ?” 
\v 19 ପିତର ଆୟା ସାନ୍ଦି ଦର୍ସନ୍‍ତି ଅର୍ତ ବୁଜାଦେଙ୍ଗ୍‌ ଇଜି ସେସ୍ଟା କିଜିମାର୍ହାନ୍‍, ଆୟା ସମୟ୍‍ତୁ ଆତ୍ମା ଇର୍ହାତ୍‌, “ସୁଡ଼୍‌ଆ, ଇବେ ମୁଏର୍‌ ଲୋକୁ ନିଙ୍ଗିଁ ପୟ୍‍ଜିନାର୍‍ । 
\v 20 ତିଆର୍‌ ଆଜି ଆଡ୍‍ଗି ସାଙ୍ଗ୍ଆ ମାରି ୱାରିୱାଲେ ସନ୍‍ଡ୍ରେଙ୍ଗ୍‍ଁ ଇଜି ଅଡ଼୍‌ବିଏଣ୍‌ଗା, ଇରିଙ୍ଗ୍‌ ନାନ୍ ୱାରିଙ୍ଗ୍‍ଁ ପକ୍‍ତାମାନା ।” 
\v 21 ପିତର ଆଡ୍‍ଗି ସଲ୍‍ସି ଆୟା ଲୋକାଙ୍ଗ୍‌ ଇର୍ହାନ୍‌, “ମିର୍‌ ଏମେୱାନିଙ୍ଗ୍‌ ପୟ୍‌ଜିନିଦେର୍‌, ନାନ୍ ଆକାନ୍‍ । ମିର୍‌ ଏନ୍ଦା ୱାତିମାନିଦେର୍‌ ?”
\p
\v 22 ୱାର୍‌ ଇର୍ହାର୍‌, “ସେନାପତି କର୍ଣ୍ଣିଲିୟା ମାଙ୍ଗିଁ ପକ୍‍ତାମାନାନ୍‍ । ୱାନ୍‌ ଅରେନ୍‌ ଦାର୍ମୁଦି ଲୋକୁ । ୱାନ୍‌ ମାପୁରୁଙ୍ଗ୍‍ଁ ଆରାଦନା କିନାନ୍‌ ମାରି ଜିହୁଦିର୍‌ ୱିଜେରେ ୱାନିଙ୍ଗ୍‌ ମାନାନାର୍‌ । ନିଙ୍ଗିଁ ୱାନି ଇନ୍‌ଡ୍ର କୁକ୍‌ସି ଅସିନି ସିକିୟା ୱେନ୍‍ଡ୍ରେଙ୍ଗ୍‍ ଇଜି ମାପୁରୁଦି ଅରେନ୍‌ ପବିତ୍ର ଦୁତ୍‍ ୱାନିଙ୍ଗ୍‌ ଆଦେସ୍‌ ସିତାମାନାନ୍‌ ।” 
\v 23 ପିତର ୱାରିଙ୍ଗ୍‌ ଲୋଇ କୁକ୍‌ସି ଅସି ଆୟା ନାଡ଼ା ଆବେ ତେବାଦେଙ୍ଗ୍‍ ଇଜି ବାତିଙ୍ଗ୍‍ ମାଲିତାର୍‍ ।
\p ମାରିନାଣ୍ତିଙ୍ଗ୍‍ ୱାନ୍‌ ତିଆର୍‌ ଆଜି ୱାରିୱାଲେ ସର୍ହାନ୍‍ । ଜପାଦୁ ଏସ ବିସ୍‍ବାସି ତଡ଼ାନ୍‌କୁ ବା ୱାନିୱାଲେ ଅର୍‌ସେ ସର୍ହାର୍‍ । 
\v 24 ମାରିନାଣ୍ତିଙ୍ଗ୍‍ ୱାର୍‌ ସିସେରିଆଦୁ ଇତାର୍‌ । ଆବେ କର୍ଣ୍ଣିଲିୟ ୱାନି ପାଡ଼୍‍କାଦି ସଙ୍ଗ୍‌ ନି ନିଜେଦି ଲୋକାୱାଲେ ପିତରତିଙ୍ଗ୍‌ କାପ୍‌କିଜି ମାର୍ହାର୍‌ । 
\v 25 ପିତର ଲୋଇ ସନିୱାଲେ କର୍ଣ୍ଣିଲିୟ ୱାନିଙ୍ଗ୍‌ ତରାଜି ୱାନି ପାଦାମ୍‌ ଆଡ୍‍ଗି ଆର୍‍ଜି ମାଡ଼ିସ୍‌ କିତାନ୍‌ । 
\v 26 ମାତର୍‌ ପିତର ୱାନିଙ୍ଗ୍‌ ନିକ୍‍ସି ଇର୍ହାନ୍‌, “ନିଙ୍ଗ୍‍ଁଆ, ନାନ୍ ନିଜେ ଅରେନ୍‌ ଲୋକୁ ।” 
\v 27 ପିତର କର୍ଣ୍ଣିଲିୟ ୱାଲେ ୱାର୍‍ଗିବୁ ୱାର୍‍ଗିବୁ ଇଲୁ ଲୋଇ ଡ଼ୁଗିତାର୍‍ ମାରି ଆବେ ନାଣ୍ତ ଲୋକାଙ୍ଗ୍‌ ଉଣ୍ତାନି ମାନିକା ସୁଡ଼ୁତାନ୍‌ । 
\v 28 ୱାନ୍‌ ୱାରିଙ୍ଗ୍‌ ଇର୍ହାନ୍‌, “ମିର୍‌ ନେଗେନ୍‌ କିଜି ନେସ୍‌ନିଦେର୍‌, ଅରେନ୍‌ ଜିହୁଦି ୱାନି ଦାର୍ମୁ ବିସ୍‌ବାସ୍‌ ଇସାବ୍‌ତାନ୍‌ ଅଣଜିହୁଦି ଲୋକା ୱାଲେ ମିସାବିଡ଼ା କିଦେଙ୍ଗ୍‌ ଆଟ୍‌ଏନ୍‌ । ମାତର୍‌ ମାପୁରୁ ନାଙ୍ଗିଁ ୱେର୍‌ତାମାନାନ୍‍, ଏଙ୍ଗ୍‍ଁ ତାଗ୍‌ଇକା ନି ଅପବିତ୍ର ଅଡ଼ବିନିକା ନେଗେତ୍‌ ସିଲେ । 
\v 29 ଆଦେଙ୍ଗ୍‌ ମିର୍‌ ଏସ୍ତିୱାଲେ ନାଙ୍ଗିଁ କୁକିସ୍‍କିତି, ନାନ୍ ଇନିକା ଅଡ଼୍‍ବିଏଣ୍ତା ୱାତା । ନାନ୍ ନେସ୍‌ତେଙ୍ଗ୍‌ ବଦା କିନା, ନିନ୍‌ ଏନ୍ଦା ନାଙ୍ଗିଁ କୁକିସ୍‍କିତି ?”
\p
\v 30 କର୍ଣ୍ଣିଲିୟ ଇର୍ହାନ୍‌, “ମୁନ୍‌ଡ୍ରିଦିନ୍‌ ଆଗ୍‌ଡ଼ି ପୁରା ଇୟା ବେଡ଼ାଦୁ ୱେଡ଼ାରେନି ମୁନ୍‌ଡ୍ରି ଗଣ୍ଟା ସମୟତୁ ନାନ୍ ନା ଇଲୁଦୁ ପାର୍‌ତନା କିଜିମାର୍ହା । ଆୟାଦାପ୍ରେ ଅଡ଼ିନିଆଙ୍ଗିଁ ଆରାତି ଅରେନ୍‌ ଲୋକୁ ନା ଆଗ୍‌ଡ଼ି ନିଲ୍‍ସି ଇର୍ହାନ୍‌; 
\v 31 କର୍ଣ୍ଣିଲିୟ ! ମାପୁରୁ ନି ପାର୍‌ତାନା ୱେର୍ହାମାନାନ୍‍ ମାରି ନିନ୍‌ କାକୁର୍ତି ଲୋକାଙ୍ଗ୍‌ ସେବା କିନିକା ସୁଡ଼ୁତା ମାନାନ୍‌ । 
\v 32 ସିମୋନ ପିତର ଦର୍‌ତି ଅରେନ୍‌ ଲୋକ୍‌ତିଙ୍ଗ୍‌ ତାତେଙ୍ଗ୍‌ ଇଜି ଜପାଦୁ ଲୋକାଙ୍ଗ୍‌ ପକ୍‍ଆ । ୱାନ୍‌ ସାମ୍‌ଦୁର୍‌ ପାଡ଼ି ତେବାତିମାନି ତଲ୍‍ପାଣି କିନି ସିମୋନ ଇଲୁଦୁ କୁଡ଼ାଏନ୍‍ ଆତାମାନାନ୍‌ । 
\v 33 ଆଦେଙ୍ଗ୍‌ ବେଗି ବେଗି ନାନ୍ ନିଙ୍ଗିଁ କୁକିସ୍‍କିତା ମାରି ନିନ୍‌ ଦୟାକିଜି ୱାତିମାନି । ପ୍ରବୁ ନିଙ୍ଗିଁ ଆମାକା କିଦେଙ୍ଗ୍‌ ଇଜି ସିକିୟା ସିତାମାନାନ୍‌, ଆକା ୱେନ୍‍ଡ୍ରେଙ୍ଗ୍‍ ମାପ୍‌ ୱିଜେରେ ଇଲେଇ ମାପୁରୁଦି ଆଗ୍‌ଡ଼ି ଉଣ୍ତାତାମାନାପ୍‍ ।”
\s ପିତରତି ସିକିୟା
\p
\v 34 ପିତର ସିକିୟା ସିଦେଙ୍ଗ୍‍ ଆରାମ୍‌ କିଜି ଇର୍ହାନ୍‌, “ଇଲେଇ ନାନ୍ ବୁଜାଜିନା ଜେ ସତ୍‌ ତାନ୍‍ ମାପୁରୁ ୱିଜେରିଙ୍ଗ୍‍ ସାମାନ୍‍ତାନ୍‍ ସୁଣାନ୍‌ । 
\v 35 ଆମା ଇନି ଜାତିଦି ଆମା ଏମେ ଲୋକୁ ପ୍ରବୁଦି ପାର୍‌ତାନା କିତିଙ୍ଗ୍‍ଁ ମାରି ୱାନି ଆଗ୍‌ଡ଼ି ସତ୍‍ପାଣି କିତିଙ୍ଗ୍‍ଁ, ପ୍ରବୁ ୱାନିଙ୍ଗ୍‌ ଆସ୍‍ନାନ୍‍ । 
\v 36 ମିର୍‌ ନେସ୍‌ତିମାନିଦେର୍‌ ଜେ ମାପୁରୁ ଇସ୍ରାଏଲ୍‌ ଲୋକା ମାନୁ ଏମେ ବାକ୍ୟ ପକ୍‍ତାମାର୍ହାନ୍‍, ଆକାନେ ଜିସୁଦି ମାଣାନ୍‌ ୱେରାୟ୍‍ଆତିମାନି ସାନ୍ତିଦି ବାକ୍ୟ, ଇୟା ଜିସୁ କ୍ରିସ୍ତ ୱିଜେରି ପ୍ରବୁ । 
\v 37 ଜୋହନ ମନ୍‍ ଡ଼େପ୍‍ନି ମାରି ଡୁବନ୍‌ ସିନି କାବୁର୍‌ ୱେର୍‌ତି ୱେନ୍‌କା, ଗାଲିଲିଦାନ୍‌ ଆରାମ୍‌ କିଜି ୱିଜୁ ଇସ୍ରାଏଲ୍‌ ଦେସ୍‌ତୁ ଆମା ୱିଜୁ ଗଟନେଙ୍ଗ୍‍ଁ ଗଟାତାସର୍ହାତ୍‍, ଆକା ମିର୍‌ ନେସ୍‌ନିଦେର୍‌ । 
\v 38 ମିର୍‌ ନାଜରିତଦି ଜିସୁଦି ବିସୟ୍‌ତାନ୍‌ ମାରି ମାପୁରୁ ଏଣ୍ତେସ୍‌ ୱାନି ମୁସ୍‌କୁ ପବିତ୍ର ଆତ୍ମା ନି ସାକ୍ତି ସିତାମାର୍ହାନ୍‍, ଆକା ନେସ୍‌ନିଦେର୍‌ । ୱାନ୍‌ ୱିଜୁ ତରିନ୍‌ ସଲ୍‍ସି କାବାଆନି ପାଣି କିତାନ୍‌ । ସୟତାନ୍‍ତି ଅଦିକାର୍‍ତାନ୍‍ ମାନି ଲୋକାଙ୍ଗ୍‍ଗଁ ନେଗେନ୍‌ କିତାନ୍‌, ଇରିଙ୍ଗ୍‌ ମାପୁରୁ ୱାନି ୱାଲେ ମାର୍ହାନ୍‍ । 
\v 39 ଜିହୁଦିରି ଦେସ୍‌ତୁ ମାରି ଜିରୁସାଲାମ୍‍ତୁ ୱାନ୍‌ ଏମେ ୱିଜୁ ପାଣି କିତାନ୍‌, ମାପ୍‌ ଆୟାୱିଜୁଦି ସାକି । ତାନେୱେନ୍‌କା ୱାନିଙ୍ଗ୍‌ ୱାର୍‌ କ୍ରୁସଦୁ ଏକିସ୍‍କିଜି ଡାକ୍‍ତାର୍‍ । 
\v 40 ମାତର୍‌ ମାପୁରୁ ମୁନେନ୍‌ ଲୋଇ ୱାନିଙ୍ଗ୍‌ ସାତିମାଣାନ୍‌ ପୁନିଜିବନ୍‍ ସିଜି ନିକ୍‍ତାନ୍‍ । 
\v 41 ୱାନ୍‌ ୱିଜେରି ଲାକ୍‌ତୁ ସିଲେ, ମାତର୍‌ ମାପୁରୁଦି ବାସେଆତିମାନି ସାକି, ଅର୍ତାତ୍‍ ମା ଲାକ୍‌ତୁ ତରାୟ୍‍ଆତାନ୍‍ । ମାପୁରୁ ୱାନିଙ୍ଗ୍‌ ସାତି ମାଣାନ୍‌ ନିକ୍‍ତି ୱେନ୍‌କା ମାପ୍‌ ୱାନି ୱାଲେ ଉଟାପ୍‍ ତିର୍‍ଆପ୍‍ । 
\v 42 ଲୋକାମାନୁ ନେଗି କାବୁର୍‌ ପ୍ରଚାର୍‌ କିଦେଙ୍ଗ୍‌ ଇଜି ନି ମାପୁରୁ ଜେ ୱାନିଙ୍ଗ୍‌ ଜିନିମାନି ନି ସାତିୱାରି ବିଚାର୍‌କିନି ୱାଜା ନିଲ୍‍ପତାମାନାନ୍‍, ଇୟା ମାଟାଦି ସାକି ସିଦେଙ୍ଗ୍‍ ଇଜି ୱାନ୍‌ ମାଙ୍ଗିଁ ଆଦେସ୍‌ ସିତାମାନାନ୍‌ । 
\v 43 ୱିଜେରେ ବାବବାଦିର୍ ୱାନି ବିସୟ୍‌ତାନ୍‌ ଇୟା ସାକି ଇର୍ହାମାର୍ହାର୍‍, ଏନ୍‌ ୱାନିମାନୁ ବିସ୍‌ବାସ୍‌ କିନାନ୍‌, ୱାନି ଦର୍‌ତି ସାକ୍ତିଦୁ ୱାନି ପାପ୍‌ କେମା ଆନାତ୍‌ ।”
\s ଅଣଜିହୁଦିର୍‍ ପବିତ୍ର ଆତ୍ମା ପୟ୍‌ନିକା
\p
\v 44 ପିତର ସିକିୟା ସିନିୱାଲେ ଏମେକାର୍‌ ୱାନି ସିକିୟା ୱେନ୍‌ଜି ମାର୍ହାର୍‌, ଆୟା ୱିଜେରି ମୁସ୍‌କୁ ପବିତ୍ର ଆତ୍ମା ରେତାତାତ୍‍ । 
\v 45 ଅଣଜିହୁଦିରି ମୁସ୍‌କୁ ବା ମାପୁରୁ ୱାନି ପବିତ୍ର ଆତ୍ମାଦାନ୍‌ ସିନିମାନିକା ସୁଡ଼୍‌ଜି ପିତରତି ୱାଲେ ୱାତିମାର୍‌ଇ ଜପାଦି ଜିହୁଦି ବିସ୍‌ବାସ୍‌ସିର୍‍ କାବାଆତାର୍‌ । 
\v 46 ଇରିଙ୍ଗ୍‌ ଜିହୁଦି ବିସ୍‍ବାସିର୍‍ ୱାରିଙ୍ଗ୍‌ ମାପୁରୁଦି ଦନ୍ୟବାଦ୍‌ କିଜିମାନିକା ନି ଆଇ ବାସାଦାନ୍‍ ୱାର୍‍ଗିଜିମାନିକା ୱେର୍‌ଆର୍‌ । ପିତର ଇର୍ହାନ୍‌, 
\v 47 “ମା ୱାଜା ଇୟା ଲୋକୁ ବା ପବିତ୍ର ଆତ୍ମା ପୟ୍‍ତାମାନାର୍‍ । ଡୁବନ୍‌ ଅତେଙ୍ଗ୍‌ ଇଜି ଏନ୍‌ ଇନିକା ୱାରିଙ୍ଗ୍‌ ବାଦା ସିଦେଙ୍ଗ୍‍ ଆଟ୍‌ନାନ୍‌ ?” 
\v 48 ଆଦେଙ୍ଗ୍‌ ୱାନ୍‌ ୱାରିଙ୍ଗ୍‌ ଜିସୁ କ୍ରିସ୍ତଦି ଦର୍‌ତାନ୍‌ ଡୁବନ୍‌ ଅତେଙ୍ଗ୍‌ ଇଜି ଆଦେସ୍‌ ସିତାନ୍‌ । ତାନିୱେନ୍‌କା ୱାର୍‌ ୱାନିଙ୍ଗ୍‌ ମାରି ଏସ ଦିନ୍‌ ୱାରି ୱାଲେ ତେବାଦେଙ୍ଗ୍‍ ବାତିଙ୍ଗ୍‌ ମାଲିତାର୍‍ ।
\c 11
\s ଜିରୁସାଲାମ୍‌ ମଣ୍ତଲିଦୁ ପିତରଦି ୱେର୍‌ନିକା
\p
\v 1 ଅଣଜିହୁଦିର୍‍ ବା ମାପୁରୁଦି ବାକ୍ୟ ୱେର୍‌ଆମାନାର୍‌ ଇଜି ପ୍ରେରିତ ସିସୁର୍‍ ମାରି ଜିହୁଦା ରାଜିଦି ଆଇ ବିସ୍‍ବାସି ତଡ଼ାନ୍‌କୁ ୱେର୍‌ଆର୍‌ । 
\v 2 ପିତର ଏସ୍ତିୱାଲେ ଜିରୁସାଲାମ୍‍ତୁ ସର୍ହାନ୍‍, ଅଣଜିହୁଦିରିଙ୍ଗ୍‌ ସୁନ୍ନତ କିନି ତରିନ୍‌ ମାନି ଲୋକୁ ୱାନି ବିରୁଦ୍‌ତାନ୍‌ ଇର୍ହାର୍‌, 
\v 3 “ନିନ୍‌ ଅସୁନ୍ନତ ଅଣଜିହୁଦିରି ଇଲ୍‌କାଙ୍ଗ୍‌ କୁଡ଼ାଏନ୍‍ ଆତିଙ୍ଗ୍‌, ଇୟାୱାଜାକି ୱାରିୱାଲେ ଉଟି ।” 
\v 4 ମାତର୍‌ ଆଗ୍‌ଡ଼ିରାନ୍‌ ଆମାକା ଆମାକା ଗଟାତାମାର୍ହାତ୍‍, ପିତର ୱାରିଙ୍ଗ୍‌ ୱାନି ପୁରା ମାଟା ସିଦେଙ୍ଗ୍‍ ସଲ୍‍ସି ଇର୍ହାନ୍‌ :
\p
\v 5 “ନାନ୍ ଜପା ଗାଡ଼୍‌ତୁ ପାର୍‌ତନା କିଜିମାନିୱାଲେ ଉଣ୍ତ୍ରି ଦର୍ସନ୍‍ ପୟ୍‍ତା । ଉଣ୍ତ୍ରି ପେରି ସାଦର୍‍ତି ନାଲ୍‍ଗି କନାଦାନ୍‍ ଦୁଙ୍ଗ୍‍ଁଜି ବାଦଡ଼୍‍ତାନ୍‍ ଆଡ୍‍ଗି ଆର୍‍ଜିମାନିକା ନାନ୍ ସୁଡ଼ୁତା, ଆକା ନା ଲାକ୍‌ତୁ ତେବାତାସର୍ହାତ୍‍ । 
\v 6 ନାନ୍ ନେଗେନ୍‍କିଜି ଲୋଇ ସୁଡ଼୍‌ଜି ଆୟା ଲୋଇ ଇଲ୍‌ତୁ ପସାକିନି ଜାତୁଙ୍ଗ୍‍ଁ, ଦୁନିଆଦି ବନ୍‍ ଜାତୁଙ୍ଗ୍‍ଁ, ଉଜ୍‍ନିକେଙ୍ଗ୍‌\f + \fr ୧୧:୬ \fr*\ft ଉଜ୍‌ନିକେଙ୍ଗ୍‌ ଆଜିନାତ୍‌ ତାନି ଅର୍ତ ଆମା ୱିଜୁ ବୁମିଦୁ ଉଜ୍‌ନି ୱାନିକାଙ୍ଗ୍‌ ବୁଜାଜିନାତ୍‌ । ସାରାସ୍‌, ପିଡ଼ୁକୁ, ସିୱାଡି, କାପୋକି, ଡକି ଇନିକା ଇନିକା ୱିଜୁଦିଙ୍ଗ୍‌ ବୁଜାନାତ୍‌ ।\ft*\f* ମାରି ବାଦଡ଼୍‌ତି ବନ୍‍ ପଟିଙ୍ଗ୍‍ଁ ସୁଡ଼ୁତା । 
\v 7 ତାନିୱେନ୍‍କା ନାନ୍ ଇୟା ବଲ୍ ୱେର୍‍ଆ, ପିତର ! ନିଙ୍ଗ୍‍ଁଆ, କୟ୍‍ଜି ତିନ୍‍ଆ । 
\v 8 ମାତର୍‌ ନାନ୍ ଇର୍‌ଆ, ସିଲେ, ପ୍ରବୁ ! ନାନ୍ ଆଟ୍‍ଏ । ଇୟାସାନ୍ଦି ଇନି ଅପବିତ୍ର କାଦି ନା ୱେୟୁଦୁ ଅଏ । 
\v 9 ମୁସ୍‌କୁପୁର୍‌ତାନ୍‌ ମାରିଡ଼େସି ଇୟା ବଲ୍ ୱାତାତ୍‌, ମାପୁରୁ ଆମାକା ପବିତ୍ର କିତାମାନାନ୍‍, ନିନ୍‌ ତାନିଙ୍ଗ୍‍ଁ ଅପବିତ୍ର ଅଡ଼୍‍ବିମା ।” 
\v 10 ମୁଜା ଇୟାୱାଜା ଆତାତ୍‌, ସାରାସାରି ଆୟାୱିଜୁ ମୁସ୍‌କୁପୁର୍‌ତୁ ପେର୍‌ଜି ଅଆୟ୍‍ଆତେ । 
\v 11 ଟିକ୍‌ ଆୟା ସମୟ୍‍ତୁ, ସିସେରିଆଦାନ୍‍ ନା ଲାକ୍‌ତୁ ପକାୟାଆତିମାର୍‍ରି ମୁଏର୍‌ ଲୋକୁ ନାନ୍ ଏମେ ଇଲୁଦୁ ତେବାଜିମାର୍ହା, ଆବେ ଇଗାୱାତାର୍‍ । 
\v 12 ୱେନ୍‌କା ଅଡ଼୍‌ବିଏଣ୍‌ଗା ୱାରି ୱାଲେ ସନ୍‍ଣ୍ତ୍ରେଙ୍ଗ୍‍ଁ ଇଜି ପବିତ୍ର ଆତ୍ମା ନାଙ୍ଗିଁ ଆଦେସ୍‌ ସିତାତ୍‌ । ଜପାଦି ଇୟା ସଅ ଲୋକୁ ବିସ୍‍ବାସି ତଡ଼ାନ୍‌କୁ ନା ୱାଲେ ସିସେରିଆଦୁ ସର୍ହାର୍‍ ମାରି ମାପ୍‌ ୱିଜେରେ କର୍ଣ୍ଣିଲିୟଦି ଇଲ୍‌ତୁ ଇତାପ୍‍ । 
\v 13 ୱାନି ଇଲ୍‌ତୁ ୱାନ୍‌ ଏଣ୍ତେସ୍‌ ମୁସ୍‌କୁପୁର୍‌ତି ଦୁତ୍‍ତି ଦର୍ସନ୍‍ ପୟ୍‍ତାମାର୍ହାନ୍‍, ଆୟା ବିସୟ୍‌ତାନ୍‌ ମାଙ୍ଗିଁ ୱେର୍‌ତାନ୍‍ । ମୁସ୍‌କୁପୁର୍‌ତି ଦୁତ୍‍ ୱାନିଙ୍ଗ୍‌ ଇର୍ହାମାର୍ହାତ୍‍, “ଜପାଦୁ ମାନି ସିମୋନ ପିତର ଦର୍‌ତି ଅରେନ୍‌ ଲୋକ୍‌ତିଙ୍ଗ୍‌ ତାତେଙ୍ଗ୍‌ ଇଜି ଲୋକାଙ୍ଗ୍‌ ପକ୍‍ତୁ । 
\v 14 ୱାନ୍‌ ୱାଜି ମିଙ୍ଗିଁ ସିକିୟା ସିନାନ୍‍ ମାରି ଆବେଣ୍‍କୁ ନିନ୍‌ ମାରି ନି ଇଲୁତି ୱିଜେରେ ରକିୟା ପୟ୍‌ନାର୍‌ । 
\v 15 ମାରି ନାନ୍ ଏସ୍ତିୱାଲେ ସିକିୟା ସିଦେଙ୍ଗ୍‌ ଆରାମ୍‌ କିତା, ଆଗ୍‌ଡ଼ି ପବିତ୍ର ଆତ୍ମା ଏଣ୍ତେସ୍‌ ମା ମୁସ୍‌କୁ ରେତାତା ମାର୍ହାତ୍‌, ଆୟାୱାଜା ୱାରି ମୁସ୍‌କୁ ରେତାତାତ୍‍ । 
\v 16 \x + \xo ୧୧:୧୬ \xo*\xt ପ୍ରେରିତ ୧:୫.\xt*\x*ତାନିୱେନ୍‍କା ନାନ୍ ପ୍ରବୁଦି ଇୟା ବାକ୍ୟ ଏତ୍‌ କିତା : ଜୋହନ ଏର୍‌ତୁ ଡୁବନ୍‌ ସିତାନ୍‌, ମାତର୍‌ ମିର୍‌ ପବିତ୍ର ଆତ୍ମାଦାନ୍‌ ଡୁବନ୍‌ ଆନିଦେର୍‌ । 
\v 17 ଇକା ପୁରାସତ୍‍ ଜେ ମାପ୍‌ ପ୍ରବୁ ଜିସୁ କ୍ରିସ୍ତଦିମାନୁ ବିସ୍‌ବାସ୍‌ କିତି ଉଣ୍ତିଙ୍ଗ୍‌ ମାପୁରୁ ମାଙ୍ଗିଁ ଏମେ ଦାନ୍‌ ସିତା ମାର୍ହାନ୍‍, ଅଣଜିହୁଦିରିଙ୍ଗ୍‌ ବା ଆୟା ଦାନ୍‌ ସିତାମାନାନ୍‌; ନାନ୍ ଏନ୍‌ ଜେ ମାପୁରୁଦି ଇୟା ପାଣିଦିଙ୍ଗ୍‍ଁ ବିରୁଦ୍‌ କିନା !”
\p
\v 18 ୱାର୍‌ ଇକା ୱେର୍‌ଇ ୱେନ୍‌କା ମାରି ଜାଟି କିଏନ୍‍ଣ୍ତା ମାପୁରୁଦି ଦନ୍ୟବାଦ୍‌ କିଜି ଇର୍ହାର୍‌, “ଆରିଙ୍ଗ୍‌ ମାପୁରୁ ଅଣଜିହୁଦିରିଙ୍ଗ୍‌ ବା ଏତ୍‌କିଦେଙ୍ଗ୍‍ଁ ମାରି ଜିଦେଙ୍ଗ୍‍ଁ ସୁଜୋଗ ସିତାମାନାନ୍‌ ।”
\s ଆଣ୍ଟିକିୟାଦି ମଣ୍ତଲି
\p
\v 19 \x + \xo ୧୧:୧୯ \xo*\xt ପ୍ରେରିତ ୮:୧-୪.\xt*\x*ସ୍ତିପାନ୍‍ତି ସାତି ୱେନ୍‌କା ବିସ୍‍ବାସିର୍‍ ତାଡ଼ନା ପୟ୍‌ଜି ଇନିଙ୍ଗାଁ ଆନିଙ୍ଗାଁ ଆନିୱାଲେ ୱାରି ଲୋଇ ଏସଲୋକ୍‌ କେବଲ୍‌ ଜିହୁଦିର୍‌ ଲାକ୍‌ତୁ ବାକ୍ୟ ପ୍ରଚାର୍‌ କିଜି, ପିନିସିଆ, ସାଇପ୍ରସ୍‍ ମାରି ଆଣ୍ଟିୟକ ସାନ୍ଦି ସର୍ହାର୍‍ । 
\v 20 ମାତର୍‌ ସାଇପ୍ରସ୍‍ ମାରି କୁରିଣିଦି ଆଇ ଏସ ବିସ୍‍ବାସିର୍‍ ଆଣ୍ଟିୟକଦୁ ସଲ୍‍ସି ଅଣଜିହୁଦିରି ଲାକ୍‌ତୁ ପ୍ରବୁ ଜିସୁଦି ନେଗି କାବୁର୍‌ ପ୍ରଚାର୍‌ କିତାର୍‍ । 
\v 21 ମାପୁରୁଦି ସାକ୍ତି ୱାରି ୱାଲେ ମାର୍ହାତ୍‌ ମାରି ନାଣ୍ତ ଲୋକୁ ବିସ୍‌ବାସ୍‌ କିଜି ପ୍ରବୁଦି ତରିନ୍‌ ମନ୍‍ ଡ଼େପ୍‍ତାର୍‍ ।
\p
\v 22 ଏସ୍ତିୱାଲେ ଇୟା କାବୁର୍‌ ଜିରୁସାଲାମ୍‍ତି ମଣ୍ତଲିଦୁ ଇତାତ୍‍, ୱାର୍‌ ବର୍ଣ୍ଣବାସ୍‍ତିଙ୍ଗ୍‍ ଆଣ୍ଟିୟକଦୁ ପକ୍‌ତାର୍‌ । 
\v 23 ୱାନ୍‌ ଆବେ ଇଜି ମାପୁରୁ ଆୟା ଲୋକାଙ୍ଗ୍‌ ଏଣ୍ତେସ୍‌ ଆସିର୍ବାଦ୍‌ କିତାମାନାନ୍‍, ଆକା ସୁଡ଼୍‌ଜି ୱେଡ଼ିକା ଆତାନ୍‍ ମାରି ଜିବନ୍‌ତୁ ପ୍ରବୁଦି ଉଣ୍ତିଙ୍ଗ୍‌ ବିସ୍‌ବାସ୍‌ ତେବାଜି ନେଗେନ୍‌ ଜିଦେଙ୍ଗ୍‍ଁ ୱାରିଙ୍ଗ୍‍ଁ ୱେର୍‌ତାନ୍‌ । 
\v 24 ବର୍ଣ୍ଣବାସ୍‍ ପବିତ୍ର ଆତ୍ମା ନି ବିସ୍‌ବାସ୍‌ତୁ ପୁରାଆତି ଅରେନ୍‌ ନେଗି ଲୋକୁ ମାର୍ହାନ୍‍ । ୱାନି ପ୍ରଚାର୍‌ତାନ୍‍ ନାଣ୍ତ ଲୋକୁ ପ୍ରବୁଦି ଲାକ୍‌ତୁ ୱାତାର୍‌ ।
\p
\v 25 ତାନିୱେନ୍‍କା ବର୍ଣ୍ଣବାସ୍‍ ସାଉଲତିଙ୍ଗ୍‍ ପୟ୍‌ଦେଙ୍ଗ୍‌ ଇଜି ତାର୍ସସ୍‍ତୁ ସର୍ହାନ୍‍ । 
\v 26 ଆବେ ୱାନିଙ୍ଗ୍‍ଁ ପୟ୍‌ଜି ଆଣ୍ଟିୟକଦୁ ତାତାନ୍‍ । ମାରି ପୁରା ଉନ୍‍ଣ୍ତ୍ରି ବାର୍‍ସେକ୍‍ ସାନ୍ଦି ଇୟା ରିଏର୍‌ ଆୟାବାଣି ମଣ୍ତଲିଦି ବିସ୍‍ବାସିରି ୱାଲେ ମିସାଜି ନାଣ୍ତ ଲୋକାଙ୍ଗ୍‌ ସିକିୟା ସିତାର୍‍ । ଇୟା ଆଣ୍ଟିୟକଦି ବିସ୍‍ବାସିରିଙ୍ଗ୍‍ଁ ଲୋକୁ ଆଗ୍‌ଡ଼ି କ୍ରିସ୍ଟିୟାନ୍‍ ଇଜି ଇର୍ହାମାର୍ହାର୍‍ ।
\p
\v 27 ଆୟା ବେଡ଼ାଦୁ ଜିରୁସାଲାମ୍‍ତାନ୍‍ ଏସ ବାବବାଦିର୍ ଆଣ୍ଟିୟକଦୁ ୱାତାର୍‍ । 
\v 28 \x + \xo ୧୧:୨୮ \xo*\xt ପ୍ରେରିତ ୨୧:୧୦.\xt*\x*ୱାରି ଲୋଇ ଆଗାବ ଦର୍‌ତି ଅରେନ୍‌ ଲୋକୁ ଆତ୍ମାଦି ସାକ୍ତିଦାନ୍ ପୁରାଆଜି ୱିଜୁ ଦୁନିଆଦୁ ଉନ୍‍ଣ୍ତ୍ରି ପେରି କାକୁର୍ତି ଆନାତ୍‌ ଇଜି ବବିସତ୍‍ ମାଟା ୱେର୍‌ତାନ୍‌ । ସମ୍ରାଟ କ୍ଳାଡିୟସ୍‍ତି ସମୟ୍‍ତୁ ଇକା ଗଟାତାମାର୍ହାତ୍‍ । 
\v 29 ସିସୁର୍‍ ଜିହୁଦାଦୁ ବାସାଜିମାନି ବିସ୍‍ବାସି ତଡ଼ାନ୍‌କା ଲାକ୍‌ତୁ ୱାରି ସିଦେଙ୍ଗ୍‍ ଆଟ୍‌ନି ସାନ୍ଦି ସାହାଜ୍ୟ ପକ୍‍ନାର୍‍ ଇଜି ତିର୍‍ କିତାର୍‍ । 
\v 30 ୱାର୍‌ ଡାବୁଙ୍ଗୁଁ ଉଣ୍ତା କିଜି ବର୍ଣ୍ଣବାସ୍‍ ନି ସାଉଲତି କିଦୁ ମଣ୍ତଲିଦି ପେରି ନେତାର୍‍ରି ଲାକ୍‌ତୁ ଆକା ପୋକ୍‌ତାର୍‌ ।
\c 12
\s ନାଣ୍ତ କାସ୍ଟୁ ପୟ୍‌ନିକା
\p
\v 1 ଇୟା ସମୟତୁ ରାଜା ହେରୋଦ ମଣ୍ତଲିଦି ଏସ ଲୋକାଙ୍ଗ୍‌ କାସ୍ଟୁସିନିକା ଆରାମ୍‌ କିତାନ୍‌ । 
\v 2 ୱାନ୍‌ ଜୋହନତି ତଡ଼ାନ୍‌ ଜାକୁବଙ୍ଗ୍‍ କାଣ୍ତାଦାନ୍‍ କାତିସ୍‍ତାନ୍‍ । 
\v 3 ଜିହୁଦିର୍‌ ଇବେ ୱେଡ଼ିକା ସୁଡ଼୍‌ଜି ୱାନ୍‌ ପିତର୍‍ତିଙ୍ଗ୍‍ଁ ବା ତର୍‍ସିସ୍‍ କିତାନ୍‌ । ଇୟା ଗଟନା କମିରିମିସାକିଏନ୍‍ଣ୍ତା ରୁଟି ପଣ୍ତୟ୍‌ତି ସମୟ୍‍ତୁ ଗଟାତାମାର୍ହାତ୍‍ । 
\v 4 ପିତର ତରାୟ୍‍ଆଜି ଜଇଲ୍‌ତୁ ଇଡାୟ୍‍ ଆତାନ୍‍ ମାରି ନାଲ୍‍ଏର୍‍ ନାଲ୍‍ଏର୍‍ ଲୋକୁ ସନ୍ୟରିଙ୍ଗ୍‍ ଅସି କିଆୟ୍‍ଆତି ନାଲ୍‍ଗି ଦଲ୍‌ ସନ୍ୟର୍‍ ୱାନିଙ୍ଗ୍‌ କାପ୍‌କିଜି ତେବାତାର୍‌ । ନିସ୍ତାର୍‍ ପଣ୍ତୟ୍‌ ୱେନ୍‌କା ୱିଜେରେ ଲୋଇ ୱାନି ବିସାର୍‌ କିନିକା ହେରୋଦ୍‍ତି ବଦା ମାର୍ହାତ୍‌ । 
\v 5 ପିତର ଜଇଲ୍‌ତୁ ମାନିୱାଲେ ମଣ୍ତଲିଦି ଲୋକୁ ଉଣ୍ତ୍ରି ମନ୍‍ତାନ୍‍ ୱାନି ଉଣ୍ତିଙ୍ଗ୍‌ ମାପୁରୁଦି ଲାକ୍‌ତୁ ପାର୍‌ତାନା କିଜିମାର୍ହାର୍‍ ।
\s ଜଇଲ୍‍ତାନ୍‍ ପିତର୍‌ତି ମୁକୁଡ଼ାନିକା
\p
\v 6 ଆମା ନାଣ୍ଡିଙ୍ଗ୍ ହେରୋଦ ପିତର୍‍ତିଙ୍ଗ୍‍ ଲୋକା ଆଗ୍‌ଡ଼ି ତାନି ଉଣ୍ତିଙ୍ଗ୍‌ ଅଡ଼୍‍ବିତା ମାର୍ହାନ୍‍, ତାନି ଆଗ୍‌ଡ଼ିରି ନାଡ଼ା ପିତର ରିଏର୍‌ କାପ୍‍କିନିୱାରି ନାଡ଼୍‍ମି ଡରିତାମାର୍ହାନ୍‍ । ରୁଣ୍ତି ସିକ୍‍ଣି ଦାନ୍‍ ୱାନିଙ୍ଗ୍‌ ତର୍‍ତାମାର୍ହାର୍‍ ମାରି ଜଇଲ୍‍ତି ସେର୍‍ଲା ଲାକ୍‌ତୁ କାପ୍‍ନିକାର୍‍ କାପ୍‍କିତା ମାର୍ହାର୍‌ । 
\v 7 ଆୟାଦାପ୍ରେନେ ପ୍ରବୁଦି ଅରେନ୍‌ ଦୁତ୍‍ ୱାଜି ନିର୍‍ଆତ୍‍ ମାରି ବାକ୍‍ରା ଜାୟ୍‌ ଆତାସର୍ହାତ୍‍ । ଦୁତ୍‍ ପିତର୍‌ତି ଗୁଜାମ୍‍ତିଙ୍ଗ୍‍ଁ ଦୁକ୍‍ଜି ୱାନିଙ୍ଗ୍‍ଁ ସୁସ୍‍କାଣ୍‍କାଣ୍‍କୁ ନିକ୍‍ସି ଇର୍ହାତ୍‌, “ବେଗି ନିଙ୍ଗ୍‍ଁଆ !” ବେଗି ବେଗି ପିତରତି କିୟୁଦୁ ତର୍‍ଆତିମାର୍ହି ସିକ୍‍ଣିଙ୍ଗ୍‍ ଆର୍‍ତେ ସର୍‌ଏ । 
\v 8 ତାନିୱେନ୍‍କା ଦୁତ୍‍ ଇର୍ହାତ୍‌, “ଜୁକିଦି ଗାଟି ତର୍‌ଆ, ଜୁତେଙ୍ଗ୍‍ ଆରାଆ ।” ପିତର ଆକା କିତିୱେନ୍‌କା ଦୁତ୍‍ ଇର୍ହାତ୍‌, “ମେନ୍ଦଲ୍‌ତୁ ସାଦର୍‌ ପକ୍‍ସି ନା ୱେନ୍‌କା ରାଆ ।” 
\v 9 ଦୁତ୍‍ ଆମାକା କିଜିମାର୍ହାତ୍‍, ଆକା ଉଣ୍ତ୍ରି ସତ୍‌ ଗଟନା ନୋ ସିଲେ, ପିତର ନେସ୍‌ତେଙ୍ଗ୍‌ ଆଟ୍‍ଏତାନ୍‍ । ୱାନ୍‌ ଲବ୍‍ ସୁଡ଼୍‍ଜିନାନ୍‍ ଇଜି ଅଡ଼୍‍ବିତାନ୍‍ । ଆରିଙ୍ଗ୍‍ବା ପିତର ଜଇଲ୍‍ତାନ୍‍ ସହସି ଦୁତ୍‍ତି ୱାଲେ ସର୍ହାନ୍‍ । 
\v 10 ୱାର୍‌ କାପ୍‍କିନିୱାରି ପାର୍‌ତୁମ୍‌ ନି ମାରି ଉନ୍‍ଣ୍ତ୍ରି ବାଡି ଜିଣାଜି ସାରାସାରି ଗାଡ଼୍‌ତୁ ଡ଼ୁଗୁନି ସାରିଦୁ ମାନି ଲୁୱା ସେର୍‍ଲା ଲାକ୍‌ତୁ ୱାତାର୍‌ । ୱାରି ଉଣ୍ତିଙ୍ଗ୍‌ ସେର୍‍ଲା ତାନି ମନ୍‍ତିଙ୍ଗ୍‍ ରେଏତାତ୍‍ ମାରି ୱାର୍‌ ସହସି ବୁଲାଜି ୱାତାର୍‌ । ୱାର୍‌ ପେରିଜାରିଦୁ ସଲ୍‍ପୁ ସଲ୍‍ପୁ ଆୟାଦାପ୍ରେନେ ମୁସ୍‌କୁପୁର୍‌ତି ଦୁତ୍‍ ପିତରତିଙ୍ଗ୍‌ ଡ଼ିସ୍‌ସି ସର୍ହାତ୍‍ । \fig ଜଇଲିତି ଇଲୁଦି ଗଡାଦୁ ସିକିଣି ଡ଼ତା ମାନାର୍‌|alt="Chains embedded in prison wall" src="hk00204c.tif" size="col" copy="Horace Knowles ©" ref="୧୨:୭"\fig*
\p
\v 11 ତାନିୱେନ୍‍କା, ଆମାକା ଗଟାତାମାର୍ହାତ୍‍, ପିତର ଆକା ନେସ୍‌ତେଙ୍ଗ୍‌ ଆଟ୍‍ସି ଇର୍ହାନ୍‌, “ଇକା ସତେନେ ସତ୍‌ ଇଜି ନାନ୍ ନେସ୍‍ତେଙ୍ଗ୍‍ଁ ଆଟ୍‍ସିନା । ହେରୋଦତି ସାକ୍ତିଦାନ୍ ମାରି ଜିହୁଦି ଲୋକୁ ଆମାକା ଗଟାନାତ୍‌ ଇଜି ଆସା କିତାମାର୍ହାର୍‍, ଆବେଟ୍‌କୁ ନାଙ୍ଗିଁ ରକିୟା କିଦେଙ୍ଗ୍‌ ଇଜି ପ୍ରବୁ ମୁସ୍‌କୁପୁର୍‌ତି ଦୁତ୍‍ତିଙ୍ଗ୍‍ ପକ୍‍ତାମାର୍ହାନ୍‍ ।”
\p
\v 12 ନିଜେଦି ଅବସ୍ଥାଦି ବିସୟ୍‌ତାନ୍‌ ଜାଗାର୍‌ତା ଆଜି ୱାନ୍‌ ଜୋହନତି ନି ମାର୍କରି ଆଇସି ମରିୟମତି ଇଲୁଦୁ ସର୍ହାନ୍‍ । ଆବେ ନାଣ୍ତ ଲୋକୁ ଉଣ୍ତାଜି ପାର୍‌ତନା କିଜିମାର୍ହାର୍‍ । 
\v 13 ପିତର ଆତ୍‌ରେ ସେର୍‌ଲାଦୁ କତ୍‍ତାନ୍‍, ରୋଦା ଦର୍‌ତି ଅରେତ୍‌ ଦାସି ସେର୍‍ଲା ରେତେଙ୍ଗ୍‍ଁ ୱାତାତ୍‍ । 
\v 14 ପିତରତି ବଲ୍ ନେସ୍‍ତେଙ୍ଗ୍‍ଁ ଆଟ୍‍ସି ୱାଦ୍‌ ନିସା ୱେଡ଼ିକା ଆତାତ୍‍ଜେ ସେର୍‍ଲା ରେଏନ୍‍ଣ୍ତା ପିତର ଆତ୍‌ରେ ନିର୍‍ଆ ମାନାନ୍‌ ଇଜି ୱେର୍‌ତାତ୍‌ । 
\v 15 ୱାର୍‌ ତାନିଙ୍ଗ୍‌ ଇର୍ହାର୍‌, “ନିନ୍‌ ବାୟା ଆତିମାନି ।” ମାତର୍‌ “ଇକା ସତ୍‌” ଇଜି ୱାଦ୍‌ ଆଟ୍‍ୱାଦାନ୍‍ ଇର୍ହାତ୍‍ଆକା, ୱାର୍‌ ଅଡ଼୍‍ବିତାର୍‍, “ଆରିଙ୍ଗ୍‌ ଆନାମାନାତ୍‍, ଇକା ୱାନି ଦୁତ୍‍ ।”
\p
\v 16 ପିତର ଜାରିଦିଙ୍ଗ୍ ଜାରି ସେର୍‌ଲାଦୁ କତ୍‍ସି ମାର୍ହାନ୍‍ । ସାରାସାରି ୱାର୍‌ ସେର୍‍ଲା ରେସି ୱାନିଙ୍ଗ୍‌ ସୁଡ଼୍‌ଜି କାବାତାର୍‍ । 
\v 17 ୱାନ୍‌ କିୟୁଦାନ୍‌ ଜୁଟ୍‍ସି ଆଲ୍‍ଜ ମାନ୍‍ଡ୍ରେଙ୍ଗ୍‍ଁ ଇର୍ହାନ୍‌, ମାରି ପ୍ରବୁ ୱାନିଙ୍ଗ୍‌ ଏଣ୍ତେସ୍‌ ଜଇଲ୍‍ତାନ୍‍ ସପ୍‍ସି ତାତାନ୍‍, ଆୟା ବିସୟ୍‌ ୱାରି ଆଗ୍‌ଡ଼ି ୱେର୍‌ତାନ୍‌ । ତାନିୱେନ୍‍କା ଇୟାୱିଜୁ ମାଟା ଜାକୁବ ନି ଆଇ ୱିଜେରେ ବିସ୍‍ବାସିରି ତଡ଼ାନ୍‌କାଙ୍ଗ୍‌ ୱେର୍‍ତେଙ୍ଗ୍‍ଁ ଇଜି ଆଦେସ୍‌ ସିଜି ୱାନ୍‌ ଆବେଟ୍‌କୁ ଆଇତରିନ୍‍ ସର୍ହାନ୍‍ ।
\p
\v 18 ସାଲ୍‍ଦି ଆତି ୱେନ୍‌କା ପିତର ଏମେ ସର୍ହାନ୍‍ ଇଜି କାପ୍‍କିନିୱାରି ଲୋଇ ଗାବ୍‍ରା ଆତାସର୍ହାର୍‍ । 
\v 19 ହେରୋଦ ୱାନିଙ୍ଗ୍‌ ପୟ୍‌ଦେଙ୍ଗ୍‌ ଆଦେସ୍‌ ସିତାନ୍‌, ମାତର୍‌ ୱାର୍‌ ୱାନିଙ୍ଗ୍‌ ପୟ୍‍ଏତାର୍‍ । ସାରାସାରି କାପ୍‍କିନିୱାରିଙ୍ଗ୍‍ ୱେନ୍‍ବାଜି ୱାରିଙ୍ଗ୍‌ ସାନିଦଣ୍ତ୍‍ ସିନି ଉଣ୍ତିଙ୍ଗ୍‌ ଆଦେସ୍‌ ସିତାନ୍‌ ।
\p ତାନିୱେନ୍‍କା ହେରୋଦ ଜିହୁଦା ଦେସ୍‍ତାନ୍‍ ସଲ୍‍ସି କାଇସରିଆଦୁ ତେବାତାନ୍‌ ।
\s ହେରୋଦତି ସାନିକା
\p
\v 20 ଆୟା ସମୟ୍‍ତୁ ହେରୋଦ ସୋର ନି ସିଦୋନତି ଲୋକା ମୁସ୍‌କୁ ନାଣ୍ତ ରିସା ଆତାମାର୍ହାନ୍‍ । ଆଦେଙ୍ଗ୍‍ଁ ୱାରି ଲୋଇ ଉଣ୍ତ୍ରି ଦଲ୍‌ ୱାନିଙ୍ଗ୍‌ ତର୍‍ଆୟ୍‍ ଆଦେଙ୍ଗ୍‌ ଇଜି ସର୍ହାର୍‍ । ପାର୍‌ତୁମ୍‌ ୱାର୍‌ ରାଜା ମେଡ଼୍‍ତି ଦାୟିତୁ ମାନି ବ୍ଳାସ୍ତଙ୍ଗ୍‌ ବୁଜାକିଜି ୱାନି ସାହାଜ୍ୟ ପୟ୍‌ତାର୍‌ । ତାନିୱେନ୍‍କା ୱାର୍‌ ହେରୋଦତି ଲାକ୍‌ତୁ ସଲ୍‍ସି ସାନ୍ତି ଲସ୍‍ତାର୍‍, ଇରିଙ୍ଗ୍‌ ହେରୋଦତି ଦେସ୍‌ଦାନ୍‍ ୱାରି ଦେସ୍‌ତୁ କାଦି ୱିଜୁ ପକ୍‍ସି ମାର୍ହାର୍‌ ।
\p
\v 21 ବାସେ ଆତି ଦିନ୍‍ତୁ ହେରୋଦ ୱାନି ରାଜାଦି ଆଙ୍ଗିଁ ଆରାତାନ୍‍ ମାରି ବିଚାର୍‍ କିନି ରାଜାଗାଦିଦୁ ବାସ୍‌ସି ଲୋକାଙ୍ଗ୍‌ ଉନ୍‍ଣ୍ତ୍ରି ମାଟା ୱେର୍‌ତାନ୍‌ । 
\v 22 ୱାର୍‌ ଆଉଲି ଆତାର୍‌, “ଇକା ଇନି ଲୋକାଦି ଆଏତ୍‌, ମାତର୍‌ ଅରେନ୍‌ ମାପୁରୁଦି ବଲ୍ !” 
\v 23 ଆୟାଦାପ୍ରେ ପ୍ରବୁଦି ଦୁତ୍‍ ହେରୋଦତିଙ୍ଗ୍‍ ଡାକ୍‌ତାନ୍‌, ଇରିଙ୍ଗ୍‌ ମାପୁରୁଙ୍ଗ୍‍ଁ ଏମେ ଗୌରବ୍‍ ସିନି ମାଟା, ୱାନ୍‌ ଆକା ୱାନିଙ୍ଗ୍‌ ସିଏନ୍‌ ମାର୍ହାନ୍‍ । ପିଡ଼୍‍କୁ ଆଜି ୱାନ୍‌ ସାତାନ୍‍ ।
\p
\v 24 ଇୟା ସମୟ୍ ଲୋଇ ମାପୁରୁଦି ବାକ୍ୟ ପିର୍‌ଜି ୱେଙ୍ଗିଁଦେଙ୍ଗ୍‌ ଆସ୍‌ତାତ୍‌ ।
\p
\v 25 ବର୍ଣ୍ଣବା ମାରି ସାଉଲ ଜିରୁସାଲାମ୍‍ତୁ ସେବା ପାଣି ୱିସ୍‍ସି ଜୋହନ ମାର୍କଙ୍ଗ୍‍ଁ ଅର୍‌ସେ ଅସି ଜିରୁସାଲାମ୍‍ତାନ୍‍ ଡ଼େସିସର୍ହାର୍‍ ।
\c 13
\s ବର୍ଣ୍ଣବା ନି ସାଉଲ ପ୍ରେରିତ ସିସୁ ୱାଜା ବାସେ ଆତାର୍‌
\p
\v 1 ଆଣ୍ଟିୟକ ମଣ୍ତଲିଦୁ ଏସ ବାବବାଦି ନି ସିକିୟା ଗୁରୁର୍‍ ମାର୍ହାର୍‌ । ୱାରି ଲୋଇ ମାର୍ହାନ୍‍ ବର୍ଣ୍ଣବା, ସିମୋନ ଆମାକାନ୍‍କି ନିଗର ଦର୍‌ତାନ୍‌ ୱେଙ୍ଗିଁତା ମାର୍ହାନ୍‍, ଲୁସିଅସ୍‍ କୁରିଣିଦୁ ବାସାନିକାନ୍‍, ମହନେମ ୱାନ୍‌ ରାଜିୟ ପାଲ ହେରୋଦତି ଇଲ୍‌ତୁ ପିରିତାମାର୍ହାନ୍‍ ମାରି ସାଉଲ । 
\v 2 ୱାର୍‌ ପ୍ରବୁଦି ସେବା ନି ଉପାସ୍‌ କିନିୱାଲେ, ପବିତ୍ରଆତ୍ମା ୱାରିଙ୍ଗ୍‌ ଇର୍ହାନ୍‌, “ନାନ୍ ଏମେ ପାଣି ଉଣ୍ତିଙ୍ଗ୍‌ ବର୍ଣ୍ଣବା ନି ସାଉଲତିଙ୍ଗ୍‍ଁ କୁକ୍‍ତାମାନା, ଆୟାଉଣ୍ତିଙ୍ଗ୍‌ ୱାରିଙ୍ଗ୍‍ଁ ନା ଉଣ୍ତିଙ୍ଗ୍‌ ୱେର୍‌ଏ କିଦୁ ।”
\p
\v 3 ୱାର୍‌ ଉପାସ୍‌ ନି ପାର୍‌ତନା କିଜି ଆୟା ରିଏରି ମୁସ୍‌କୁ କିକୁ ଇଡ୍‌ଜି ୱାରିଙ୍ଗ୍‍ଁ ପ୍ରଚାରକିନି ପାଣିଦୁ ପୋକ୍‌ତାର୍‌ ।
\s ସାଇପ୍ରସ୍‍ତୁ ସେବା ପାଣି
\p
\v 4 ପବିତ୍ର ଆତ୍ମାଦି ମାଣାନ୍‌ ପକାୟ୍‍ ଆଜି ବର୍ଣ୍ଣବା ନି ସାଉଲ ସେଲୁକିୟାଦୁ ସର୍ହାର୍‍ ମାରି ଆବେଟ୍‌କୁ ଜାହାଜ୍‍ତାନ୍‍ ସାଇପ୍ରସ୍‍ ସାରିବେଡ଼୍‍ତି ସାମ୍‌ଦୁର୍‌ ମାନି ନାଣ୍‍ମିରି ଇସ୍ରିବୁମି ବାଡିଦୁ ସର୍ହାର୍‍ । 
\v 5 ସାଲାମି ଗାଡ଼୍‌ତୁ ଇଜି ଜିହୁଦିର୍‌ ପାର୍‍ତନାକିନି ଇଲ୍‌କାଙ୍ଗ୍‌ ମାପୁରୁଦି ବାକ୍ୟ ପ୍ରଚାର୍‌ କିତାର୍‍ । ଜୋହନ ମାର୍କ ୱାରିୱାଲେ ମାନ୍‌ଜି ସାହାଜ୍ୟ କିଜିମାର୍ହାନ୍‍ । \fig ପାର୍‌ତାନା କିନି ଇଲୁ|alt="Front view of a synagogue" src="lb00246c.tif" size="col" copy="Horace Knowles ©" ref="୧୩:୫"\fig*
\p
\v 6 ୱାର୍‌ ସାଇପ୍ରସ୍‍ ଇସ୍ରିବୁମି ବାଡି ଜିଣାଜି ପାଫଦୁ ସର୍ହାର୍‍ । ଆବେ ୱାର୍‌ ବାର-ଜିସୁ ଦର୍‌ତି ଅରେନ୍‌ ଜିହୁଦି ଗୁଣୁଏଙ୍ଗ୍‍ଁ ବେଟ୍‍ବୁଡ଼ାତାର୍‍ । ୱାନ୍‌ ନିଜେଦିଙ୍ଗ୍‍ଁ ବାବବାଦି ଇଜିମାର୍‍ଆନ୍‍ । 
\v 7 ୱାନ୍‌ ଆୟା ଦ୍ୱିପଦି ସାସନ୍‌କିନି ସର୍ଗିୟସ୍‍ ପାଉଲ୍‍ତି ଅରେନ୍‌ ନେଗି ତଡ଼୍‍ ମାର୍ହାନ୍‍ । ସର୍ଗିୟସ୍‌ ଅରେନ୍‌ ବୁଦିମାନି ଲୋକୁ ମାର୍ହାନ୍‍ । ୱାନ୍‌ ମାପୁରୁଦି ବାକ୍ୟ ୱେନ୍‍ଡ୍ରେଙ୍ଗ୍‍ ବଦାକିଜି ବର୍ଣ୍ଣବା ନି ସାଉଲତିଙ୍ଗ୍‍ଁ କୁକିସ୍‍ତାନ୍‍ । 
\v 8 ମାତର୍‌ ଗୁଣିଆ ଏଲିମାସ ଇକା ୱାନି ଗ୍ରିକ୍‌ ଦରୁ ୱାରିଙ୍ଗ୍‌ ବାଦା ସିତାନ୍‌, ଇରିଙ୍ଗ୍‍ଁ ୱାନ୍‌ ସାସନ୍‍କିନିୱାନିଙ୍ଗ୍‍ଁ କ୍ରିସ୍ତଦି ବିସ୍‌ବାସ୍‌ ଉଣ୍ତିଙ୍ଗ୍‍ଁ ୱେର୍‌ଏ କିଜି ଇଡ୍‍ଦେଙ୍ଗ୍‍ଁ ବଦା କିଜିମାର୍ହାନ୍‍ । 
\v 9 ମାତର୍‌ ସାଉଲ ଆମାୱାନି ଆଇ ଦରୁ ପାଉଲ ପବିତ୍ର ଆତ୍ମାଦୁ ପୁରାଆଜି ଗୁଣିଆ ତରିନ୍‌ ସିଦା କାଣ୍‍କାଣୁକୁ ସୁଡ଼ୁଜି ଇର୍ହାନ୍‌, 
\v 10 “ଏ ସୟତାନ୍‍ତି ମାରିସି ! ନିନ୍‌ ୱିଜୁ ନେଗି ବିସୟତି ସାତ୍ରୁ ! ନିନ୍‌ ୱିଜୁ ବିସୟତି ସାଲାକିଦୁ ପୁରାଆତିକିନ୍ଦା ମାରି ୱିଜୁଦିନ୍‌ ପ୍ରବୁଦି ସତ୍‍ତିଙ୍ଗ୍‍ ମିଚ୍‍ ଇଜି ଇନ୍‌ଡ୍ରେଙ୍ଗ୍‌ ଇଜି ସେସ୍ଟା କିଜିନି । 
\v 11 ଇଲେଇ ନିନ୍‌ ପ୍ରବୁଦି କିୟୁଦୁ ଦଣ୍ଡ୍‌ ପୟ୍‌ନି । ନିନ୍‌ କାଣା ଆଜି ଏସ ସମୟ ସାନ୍ଦି ୱେଡ଼େରି ଜାୟ୍‌ ସୁଡ଼୍‍ଦେଙ୍ଗ୍‍ ଆଟ୍‍ଇ ।”
\p ଆୟାଦାପ୍ରେ ଏଲିମାସଦି କାଣୁକୁ ନାଣ୍ତ ଦୁରିଦୁ କେର୍‍ବିନି ୱାଜା ଆନିକା ୱାନ୍‌ ଅଡ଼୍‍ବିତାନ୍‍ ମାରି ୱାନି କିୟୁ ଆସ୍‌ସି ସାରି ତର୍‌ସି ଅତେଙ୍ଗ୍‍ଁ ଇଜି ଅରେନ୍‌ୱାନିଙ୍ଗ୍‌ ପୟ୍‌ଦେଙ୍ଗ୍‌ ଆସ୍‌ତାନ୍‌ । 
\v 12 ଇୟା ଗଟ୍‌ନା ସୁଡ଼୍‌ଜି ସାସନକିନିୱାନି ବିସ୍‌ବାସ୍‌ ଆତାତ୍‌, ଇରିଙ୍ଗ୍‌ ୱାନ୍‌ ପ୍ରବୁଦି ସିକିୟା ୱେନ୍‌ଜି କାବାଆତା ମାର୍ହାନ୍‍ ।
\s ପିସିଦିଆଦି ଆଣ୍ଟିୟକିଆଦୁ ସେବା ପାଣି
\p
\v 13 ପାଉଲ ନି ୱାନି ସାଙ୍ଗର୍‌ ପାଫଦାନ୍‍ ଗାଡାନାସି ପାମ୍ଫିଲିଆଦି ପର୍ଗା ଦର୍‌ତି ଉନ୍‍ଣ୍ତ୍ରି ଗାଡ଼୍‌ତୁ ଇତାର୍‌ । ଜୋହନ ମାର୍କ ୱାରିଙ୍ଗ୍‌ ଇୟାବାନୁ ଡ଼ିସ୍‌ସି ଜିରୁସାଲାମ୍‍ତୁ ଡ଼େସିସର୍ହାନ୍‍ । 
\v 14 ୱାର୍‌ ପର୍ଗାଦାନ୍‍ ସଲ୍‍ସି ପିସିଦିଆଦି ଆଣ୍ଟିୟକଦୁ ଇତାର୍‌ ମାରି ରମ୍‍ନିଦିନ୍‍ ପାର୍‌ତନା ଇଲୁଦୁ ସଲ୍‍ସି ବାସ୍‌ତାର୍‌ । 
\v 15 ମାରି ମସାଦି ନିୟମ୍‌ ମାରି ବାବବାଦିରି ମାଣାନ୍‌ ରାସ୍‌ତିକା ପଡ଼ାତି ୱେନ୍‌କା, ପାର୍‌ତନା ଇଲ୍‍ତି ପେରିକାର୍‌ ୱାରି ଲାକ୍‌ତୁ ଇୟା ମାଟା ଇଜି ପକ୍‌ତାର୍‌, “ତଡ଼ାନ୍‌କୁ, ଜଦି ଲୋକାଙ୍ଗ୍‌ ୱେଡ଼ିକାକିନି ୱାଜା ମି ଇନି ଉପଦେସ୍‍ ସିନିକା ମାନାତ୍‌, ଆର୍‍ତିଙ୍ଗ୍‍ଁ ଇନ୍‍ଡ୍ରୁ ।” 
\v 16 ପାଉଲ ନିଲ୍‍ଜି ଲୋକାଙ୍ଗ୍‌ ଆଲେଜ ମାନ୍‌ଡ଼୍ରେଙ୍ଗ୍‌ ଇଜି କିୟୁ ଜୁଟ୍‍ସି ଇର୍ହାନ୍‌ :
\p ଉଣ୍ତାତିମାନି ଇସ୍ରାଏଲ୍‌ତି ତଡ଼ାନ୍‌କୁ ନି ମାପୁରୁଙ୍ଗ୍‍ଁ ପାର୍‌ତାନା କିଜିମାନି ଅଣଜିହୁଦିର୍‍, ନା ମାଟା ୱେନ୍‌ଡ୍ରୁ ! 
\v 17 ଇସ୍ରାଏଲ୍‌ ଲୋକା ମାପୁରୁ ମା ଡକାରାଦାଦାରିଙ୍ଗ୍‍ଁ ବାସେକିତାନ୍‍ ମାରି ମିସର୍‍ତୁ ୱାର୍‌ ଆଇ ଦେସ୍‌ତିକାର୍‍ ୱାଜା ବାସାଜି ମାର୍‍ହି ସମୟତୁ ଉନ୍‍ଣ୍ତ୍ରି ପେରି କୁଟୁମ୍‌ତୁ ମିସା କିତାର୍‌ । ମାପୁରୁ ୱାନି କାବାଆନି ସାକ୍ତିଦାନ୍ ୱାରିଙ୍ଗ୍‍ଁ ମିସରତାନ୍‍ ସପ୍‍ସି ତାତାନ୍‍, 
\v 18 ମାରି ସାଲିସ୍‌ ବାର୍‍ସେକ୍‍ ସାନ୍ଦି ମରୁବୁମିଦୁ ୱାରି ତାଗ୍‌ଇ ତାନିଙ୍ଗ୍‌ ସାସ୍‌ କିତାନ୍‌ । 
\v 19 ମାରି, ୱାନ୍‌ କିଣାନ୍‍ ଦେସ୍‌ତୁ ସାତଗୋଟା କୁଟୁମ୍‌ତିଙ୍ଗ୍‍ ଦଂସ କିଜି ବାସେକିତି ଲୋକାଙ୍ଗ୍‌ ଆୟା ଦେସ୍‌ ସିତାନ୍‌ । 
\v 20 ପୁରା ସାରିସ ପଚାସ୍‌ ବାର୍‍ସେକ୍‍ ଲୋଇ ଇୟାୱିଜୁ ଗଟନା ଗଟାତାମାର୍ହାତ୍‍ ।
\p ଇୟା ୱେନ୍‌କା ସାମୁଏଲ୍‍ ବାବବାଦିଦି ସମୟ ସାନ୍ଦି ମାପୁରୁ ୱାରି ମୁସ୍‌କୁ ବିସାର୍‌ କିନିୱାରିଙ୍ଗ୍‍ ଆସ୍‌କିତାନ୍‍ । 
\v 21 ଏସ୍ତିୱାଲେ ୱାର୍‌ ଅରେନ୍‌ ରାଜାଦିଙ୍ଗ୍‌ ବଦା କିତାର୍‍, ମାପୁରୁ ୱାରି ମୁସ୍‌କୁ ସାଲିସ୍‍ ବାର୍‍ସେକ୍‍ ସାନ୍ଦି ସାସନ୍ କିନି ଉଣ୍ତିଙ୍ଗ୍‍ଁ ବିନ୍ୟାମିନ୍ କୁଟୁମ୍‌ତି କିଶତି ମାରିସି ସାଉଲତିଙ୍ଗ୍‍ଁ ଆସ୍‌କିତାନ୍‍ । 
\v 22 ତାନିୱେନ୍‍କା ମାପୁରୁ ୱାନିଙ୍ଗ୍‌ ରାଜାଗାଦିଦାନ୍‍ ସପ୍‍ସି ଦାଉଦତିଙ୍ଗ୍‍ଁ ୱାରି ରାଜା କିତାନ୍‌ । ମାପୁରୁ ୱାନି ବିସୟ୍‌ତାନ୍‌ ସାକିୟ୍‌ ଇର୍ହାମାର୍ହାନ୍‌, ନାନ୍ ଏମେନାନି ଲୋକାଙ୍ଗଁ ଜିବନ୍‌ନନା, ଜେସିଦି ମାରିସି ଦାଉଦ ଆୟାନାନି ଅରେନ୍‌; ୱାନ୍‌ ନା ବଦାଦାନ୍ ୱିଜୁ ପାଣି କିନାନ୍‌ । 
\v 23 ଇୟା ଦାଉଦ କୁଟୁମ୍‌ତି ଜିସୁଙ୍ଗୁଁ ମାପୁରୁ ୱାନି ପାର୍‌ମାଣ୍‌ ଇସାବ୍‍ତାନ୍‍ ଇସ୍ରାଏଲ୍‌ ଜାତିଦି ରକିୟାକର୍ତ୍ତା କିତାମାନାନ୍‍ । 
\v 24 \x + \xo ୧୩:୨୪ \xo*\xt ମାର୍କ ୧:୪; ଲୁକ ୩:୩.\xt*\x*ଜିସୁ ୱାନି ପାଣି ଆରାମ୍‌ କିନି ଆଗ୍‌ଡ଼ିରାନ୍‌ ଜୋହନ ଇସ୍ରାଏଲ୍‌ତି ୱିଜୁ ଲୋକା ଲାକ୍‌ତୁ ପ୍ରଚାର୍‌ କିଜି ଇର୍ହାନ୍‌, ୱାରିଙ୍ଗ୍‍ଁ ପାପ୍‌ତାନ୍‌ ମନ୍ ଡ଼େପ୍‍ସି ଡୁବନ୍‌ ଅନିକା ମାନାତ୍‌ । 
\v 25 \x + \xo ୧୩:୨୫ \xo*\xt ଜୋହନ ୧:୨୦; \xt*\xt ମାତିଉ ୩:୧୧; ମାର୍କ ୧:୭; ଲୁକ ୩:୧୬; ଜୋହନ ୧:୨୭.\xt*\x*ମାରି ଜୋହନ ୱାନି ସେବା ପାଣି ସେସ୍‍ କିନି ଆଗ୍‌ଡ଼ି ଲୋକାଙ୍ଗ୍‌ ୱେନ୍‌ବାତାନ୍‌, ନା ବିସୟ୍‌ତାନ୍‌ ମି ଅଡ଼୍‍ବିନିକା ଇନିକା ? ମିର୍‌ ଆମାୱାନିଙ୍ଗ୍‍ଁ କାପ୍‍କିଜିନିଦେର୍‌, ନାନ୍ ଆକାନ୍‍ ଆଏ । ମାତର୍‌ ୱେନ୍‌ଡ୍ରୁ ! ନା ୱେନ୍‌କା ଏନ୍‌ ୱାଜିନାନ୍‍, ନାନ୍ ୱାନି ପାଦାମ୍‍ତି ଜୁତେଙ୍ଗ୍‌ତି ଗାଟି କୁତ୍‌ତେଙ୍ଗ୍‌ ବା ନାନ୍ ଜଗ୍‌ ସିଲେ ।
\p
\v 26 “ଅବ୍ରାହାମ କୁଟୁମ୍‌ତି ଏ ଇସ୍ରାଏଲ୍‌ ତଡ଼ାନ୍‌କୁ ମାରି ମାପୁରୁଙ୍ଗ୍‍ଁ ପାର୍‌ତାନା କିଜିମାନି ଇବେମାନି ଅଣଜିହୁଦି ଲୋକୁ, ମାଙ୍ଗିଁ ନେ ଇୟା ପରିତ୍ରାଣଦି ମାଟା ସିଆୟ୍‍ ଆତାମାନାତ୍‌ । 
\v 27 ମାତର୍‌ ୱାନ୍‌ ରକିୟାକର୍ତ୍ତା, ଜିରୁସାଲାମ୍‌ତୁ ତେବାଜି ମାନିକାର୍‌ ମାରି ୱାରି ନେତାର୍‌ ଆକା ନେସ୍‌ଏର୍‌ ମାର୍ହାର୍‌ । ୱାର୍‌ ୱିଜୁ ରମ୍‍ନିଦିନ୍‍ତୁ ପଡ଼ାଜି ମାନି ବାବବାଦିରି ମାଟାଦି ଅର୍ତ ବୁଜାଏଜି ମାର୍ହାର୍‌ । ଆରିଙ୍ଗ୍‍ଁବା ଜିସୁଙ୍ଗୁଁ ଦୋସ୍‌ କିଜି ୱାର୍‌ ବାବବାଦିରି ବାକ୍ୟଦିଙ୍ଗ୍‍ଁ ପୁରା କିତାର୍‍ । 
\v 28 \x + \xo ୧୩:୨୮ \xo*\xt ମାତିଉ ୨୭:୨୨,୨୩; ମାର୍କ ୧୫:୧୩,୧୪; ଲୁକ ୨୩:୨୧-୨୩; ଜୋହନ ୧୯:୧୫.\xt*\x*ସାନିଦଣ୍ତତି ଇନି ନିନ୍ଦାଦି ମାଟା ପୟ୍‍ଏନ୍‍ଣ୍ତା ବା ୱାନିଙ୍ଗ୍‍ଁ ସାନିଦଣ୍ତ୍‍ ସିଦେଙ୍ଗ୍‌ ଇଜି ୱାର୍‌ ପିଲାତ୍‌ ରାଜେଙ୍ଗ୍‍ଁ ଇର୍ହାର୍‌ । 
\v 29 \x + \xo ୧୩:୨୯ \xo*\xt ମାତିଉ ୨୭:୫୭-୬୧; ମାର୍କ ୧୫:୪୨-୪୭; ଲୁକ ୨୩:୫୦-୫୬; ଜୋହନ ୧୯:୩୮-୪୨.\xt*\x*ୱାନି ବିସୟ୍‌ତାନ୍‌ ଦାର୍ମୁସାସ୍ତ୍ରଦୁ ଏମେ ୱିଜୁ ବିସୟ୍‌ ରାସାତାମାନାତ୍‌, ଆୟାଇସାବ୍‍ତାନ୍‍ ୱିଜୁ ପାଣିକିତି ୱେନ୍‌କା ୱାର୍‌ ୱାନିଙ୍ଗ୍‌ କ୍ରୁସଦାନ୍ ରେପ୍‍ସି ତାସି ଉନ୍‌ଡ୍ରି ଦୁକିଗୁଟାଦୁ ଇଟ୍‌ତାର୍‌ । 
\v 30 ମାତର୍‌ ମାପୁରୁ ୱାନିଙ୍ଗ୍‍ଁ ସାତିମାଣାନ୍‌ ନିକ୍‍ତାନ୍‍, 
\v 31 \x + \xo ୧୩:୩୧ \xo*\xt ପ୍ରେରିତ ୧:୩.\xt*\x*ନାଣ୍ତ ଦିନ୍‌ ସାନ୍ଦି ୱାନି ୱାଲେ ଗାଲିଲିଦାନ୍‌ ଜିରୁସାଲାମ୍‍ତୁ ସନି ୱାନିକା ଆଜିମାନି ଲୋକାଙ୍ଗ୍‌ ୱାନ୍‌ ତରାୟ୍‍ଆତାନ୍‍ । ଇଲେଇ ୱାର୍‌ ଇସ୍ରାଏଲ୍‌ ଲୋକା ଲାକ୍‌ତୁ ୱାନି ସାକି । 
\v 32 ମାରି, ମାପୁରୁ ମା ଡକ୍ରାଦାଦାରିମାନୁ କିତି ପାର୍‌ମାଣ୍‌ ବିସୟ୍‌ତାନ୍‌ ମାପ୍‌ ମିଙ୍ଗିଁ ଇୟା ନେଗିକାବୁର ୱେର୍‍ସିନାପ୍‍, 
\v 33 ମାପୁରୁ ଜିସୁଙ୍ଗୁଁ ନିକ୍‍ସି ୱାରି ମାରିସି ଜେ ମାଡ୍‌, ମା ଉଣ୍ତିଙ୍ଗ୍‍ଁ ଆୟା ପାର୍‌ମାଣ୍‌ ପୁରାକିତାମାନାନ୍‍, ଏଣ୍ତେସ୍‌ ଗିତ ସଂହିତାଦି ମାରିଉନ୍‌ଡ୍ରି ପାଟାଦୁ ଇୟା ମାଟାଦିଙ୍ଗ୍‌ ୱେର୍‌ସି ରାସାତାମାନାତ୍‌,
\q1 “ନିନ୍‌ ନା ମାରିନ୍‌,
\q2 ନେର୍‌ ନାନ୍ ମି ବୁବା ଆତାମାନା ।”
\m
\v 34 ମାରି ଦୁକିଦୁ ସାବ୍‍ଦେଙ୍ଗ୍‍ଁ ଡ଼ିସ୍‍ଏନ୍‍ଣ୍ତା ୱାନିଙ୍ଗ୍‍ଁ ସାତିମାଣାନ୍‌ ନିକ୍‍ତେଙ୍ଗ୍‍ଁ ଇଜି ମାପୁରୁ ଇୟା ମାଟା ଇର୍ହାମାର୍ହାନ୍‌;
\q1 ଦାଉଦତିଙ୍ଗ୍‍ଁ ସିତିମାନି ପାର୍‌ମାଣ୍‌ ଇସାବ୍‌ତାନ୍‌
\q2 ନାନ୍ ନିଙ୍ଗିଁ ପବିତ୍ର ନି ସତ୍‌ତି ଆସିର୍ବାଦ୍‌ ଦାନ ସିନା ।
\m
\v 35 ସାସ୍ତ୍ରଦୁ ମାରି ଉଣ୍ତ୍ରି ବାଡିଦୁ ରାସାତାମାନାତ୍‌,
\q1 ନିନ୍‌ ନିଜେଦି ବିସ୍‍ବାସ୍‍ତାନ୍‌ ସେବାକିନିୱାନିଙ୍ଗ୍‌ ଦୁକିଦୁ ସାବ୍‍ଦେଙ୍ଗ୍‍ଁ ଡ଼ିସ୍‌ସୋ ସିଇ ।
\m
\v 36 ଦାଉଦ ୱାନି ସାସନ୍ କିନିୱାଲେ ମାପୁରୁଦି ବଦା ପୁରାକିଜି ସାରାସାରି ସାତାନ୍‍ ମାରି ଡକ୍ରାଦାଦ୍‍ସିୱାଲେ ମୁସାୟ୍‍ଆତାନ୍‍ । ୱାନି ମେନ୍ଧଲ୍‍ ଦୁକିଦୁ ସାବିତାତ୍‍ । 
\v 37 ମାତର୍‌ ମାପୁରୁ ଆମାୱାନିଙ୍ଗ୍‍ଁ ସାତିମାଣାନ୍‌ ନିକ୍‍ତାନ୍‍, ୱାନ୍‌ ସାବ୍‍ଏନ୍‌ । 
\v 38 ମାରି, ଏ ତଡ଼ାନ୍‌କୁ, ମିର୍‌ ଇକା ନେସ୍‌ତୁ ଜେ, କେବଲ ମୋସାଦି ମାଣାନ୍‌ ମି ଲାକ୍‌ତୁ ପାପ୍‌ କେମାଦି ସୁସମାଚାର୍‌ ପ୍ରଚାର୍‌ ଆଜିନାତ୍‌, 
\v 39 ମାରି, ମସାଦି ନିୟମ୍‍ତାନ୍‍ ଏମେ ୱିଜୁ ବିସୟ୍‌ତାନ୍‌ ମିର୍‌ ମୁକ୍‍ଡ଼ାଜି ଦାର୍ମୁ ଲୋକୁ ଆଦେଙ୍ଗ୍‌ ଆଟ୍‍ଇତିଦେର୍‍, ବିସ୍‍ବାସ୍‍କିନି ୱିଜେରେ ଲୋକୁ ଜିସୁଦି ମାଣାନ୍‌ ଆୟାୱିଜୁ ବିସୟ୍‌ତାନ୍‌ ମୁକ୍‍ଡ଼ାଜି ଦାର୍ମୁ ଲୋକୁ ଆଦେଙ୍ଗ୍‍ଁ ଆଟ୍‌ନାନ୍‌ । 
\v 40 ଜାଗାର୍‌ତା, ବାବବାଦିର୍ ଆମାକା ଇର୍ହାମାନାର୍‌, ଆକା ଏଣ୍ତେସ୍‌ ମି ଉଣ୍ତିଙ୍ଗ୍‍ଁ ଗଟାଏତ୍‍ ।
\q1
\v 41 ଏ ମାନାଇଲୋକ୍‍ ! ମିର୍‌ କଲବଲ୍‌ ଆଜି ସାଦୁ !
\q1 ଇରିଙ୍ଗ୍‌ ନାନ୍ ନେର୍‌ ଏମେ ପାଣି କିଜିନା,
\q2 ଏନ୍‌ ଆକା ବୁଜା କିଜି ସିତିଙ୍ଗ୍‌ ବା
\q2 ମିର୍‌ ବିସ୍‌ବାସ୍‌ କିଇଦେର୍‍ ।
\p
\v 42 ପାଉଲ ନି ବର୍ଣ୍ଣବା ପାର୍‌ତନା ଇଲୁ ଡ଼ିସ୍‌ସି ସନିୱାଲେ, ମାରିଉନ୍‍ଣ୍ତ୍ରି ରମ୍‍ନିଦିନ୍‍ ଡ଼େସିୱାଜି ଇୟାୱିଜୁ ବିସୟ୍‌ତାନ୍‌ ମାରି ନାଣ୍ତ ବୁଜାକିଦେଙ୍ଗ୍‍ଁ ଇଜି ୱାରିଙ୍ଗ୍‍ଁ ଲୋକୁ କୁକ୍‍ତାର୍‍ । 
\v 43 ଲୋକୁ ମିଟିଙ୍ଗ୍‌ଁ ଡ଼ିସ୍‌ସି ସର୍ହି ୱେନ୍‍କା ନାଣ୍ତ ଜିହୁଦି ନି ଜିହୁଦି ଦର୍ମଦି ଲୋକୁ ଅଣଜିହୁଦିର୍‍ ପାଉଲ ନି ବର୍ଣ୍ଣବାଦି ୱାଲେ ସର୍ହାର୍‍, ସିସୁର୍‍ ୱାରିୱାଲେ ମିସାଜି ମାପୁରୁଦି ଦୟାଦାନ୍‍ ଜିବନ୍‌ କାଟେ କିଦେଙ୍ଗ୍‌ ୱାରିଙ୍ଗ୍ଁ ୱେଡ଼ିକା ସିତାର୍‍ ।
\p
\v 44 ୱେନ୍‌କାରି ରମ୍‌ନି ଦିନ୍‍ତୁ ଗାଡ଼୍‌ତି ୱିଜେରେ ପ୍ରବୁଦି ବାକ୍ୟ ୱେନ୍‍ଡ୍ରେଙ୍ଗ୍‍ଁ ଇଜି ଉଣ୍ତାତାର୍‌ । 
\v 45 ଲୋକୁଗହଲି ସୁଡ଼୍‌ଜି ଜିହୁଦିର୍‌ ରିସାଆତାର୍‍ ମାରି ପାଉଲତି ମାଟାଦୁ ଜିଦ୍‌ କିଜି ୱାନିଙ୍ଗ୍‍ଁ ନିନ୍ଦା କିତାର୍‍ । 
\v 46 ମାତର୍‌ ପାଉଲ ନି ବର୍ଣ୍ଣବା ମାରି ନାଣ୍ତ ଆଟ୍‍ୱାଦାନ୍‍ ଇର୍ହାର୍‌, ମି ଲାକ୍‌ତୁ ପାର୍‌ତୁମ୍‌ ମାପୁରୁଦି ବାକ୍ୟ ପ୍ରଚାର୍‌ ଆନିକାମାର୍ହାତ୍‍ । ମାତର୍‌ ମିର୍‌ ଏସାଙ୍ଗ୍‌ୱିଜ୍‍ଇ ଜିବନ୍‌ ପୟ୍‍ଦେଙ୍ଗ୍‍ଁ ଇଜି ନିଜେଦିଙ୍ଗ୍‍ଁ ଜଗ୍‌ ସିଲିକା ଅଡ଼୍‍ବିଜି ତେନିଙ୍ଗ୍‍ଁ ବିସାର୍‌ କିତିମାନିଙ୍ଗ୍‍ଁ, ମାପ୍‌ ମିଙ୍ଗିଁ ଡ଼ିସ୍‌ସି ଅଣଜିହୁଦିରି ମାନୁ ସନାପ୍‌ । 
\v 47 ଇରିଙ୍ଗ୍‍ଁ ପ୍ରବୁ ମାଙ୍ଗିଁ ଇୟା ମାଟା ସିତାମାନାନ୍‌ :
\q1 ନାନ୍ ମିଙ୍ଗିଁ ଅଣଜିହୁଦିରି ଉଣ୍ତିଙ୍ଗ୍‍ଁ ଜାୟ୍‌ ୱାଜା କିତାମାନା,
\q2 ଏଣ୍ତେସ୍‌ ୱିଜୁ ଦୁନିଆ ରକିୟା ପୟ୍‌ନାତ୍‌ ।
\p
\v 48 ଅଣଜିହୁଦିର୍‍ ଇକା ୱେନ୍‌ଜି ୱେଡ଼ିକା ଆତାର୍‌ ମାରି ପ୍ରବୁଦି ମାଟା ଉଣ୍ତିଙ୍ଗ୍‍ଁ ଦନ୍ୟବାଦ୍‌ ସିତାର୍‍ । ଏମେକାର୍‌ ଏସାଙ୍ଗ୍‌ୱିଜ୍‍ଇ ଜିବନ୍‌ ଉଣ୍ତିଙ୍ଗ୍‍ଁ ବାସେଆତାମାର୍ହାର୍‍, ୱାର୍‌ ଆୟା ମାଟାଦୁ ବିସ୍‌ବାସ୍‌ କିତାର୍‍ ।
\p
\v 49 ଆୟା ରାଜିଦି ୱିଜୁ ବାଡିଦୁ ପ୍ରବୁଦି ବାକ୍ୟ ୱେଙ୍ଗିଁତାତ୍‌ । 
\v 50 ମାତର୍‌ ଜିହୁଦିର୍‌ ଗାଡ଼୍‌ତି ପେରି ଲୋକାଙ୍ଗ୍‌ ୱେରିସ୍‍କିଜି ପାଉଲ ନି ବର୍ଣ୍ଣବାଦି ମୁସ୍‌କୁ କାସ୍ଟୁ ସିଦେଙ୍ଗ୍‍ ଆସ୍‌ତାର୍‌ ମାରି ଆୟା ରାଜିଦାନ୍‌ ୱାରିଙ୍ଗ୍‍ଁ ସପ୍‌ତା ପେରିତାର୍‌ । 
\v 51 \x + \xo ୧୩:୫୧ \xo*\xt ମାତିଉ ୧୦:୧୪; ମାର୍କ ୬:୧୧; ଲୁକ ୯:୫; ୧୦:୧୧.\xt*\x*ପ୍ରେରିତ ସିସୁର୍‍ ଆୟା ଲୋକା ବିରଦ୍‌ତାନ୍‌ ୱାରି ପାଦାମ୍‌ତି ଦୁଡ଼ି ସାଡ଼୍‍ସି ସିଜି ଇକନିୟାଦୁ ସର୍ହାର୍‍ । 
\v 52 ଆଣ୍ଟିୟକଦି ବିସ୍‍ବାସିର୍‍ ପବିତ୍ର ଆତ୍ମା ନି ୱେଡ଼ିକାଦୁ ପୁରା ଆତାର୍‌ ।
\c 14
\s ଇକନିୟାଦୁ ସେବା ପାଣି
\p
\v 1 ଇକନିୟାଦୁ ଆୟା ଗଟନାଦି ବିସୟ୍‌ ମାରିଡ଼େସି ଆତାତ୍‌ : ପାଉଲ ନି ବର୍ଣ୍ଣବା ପାର୍‌ତନା ଇଲୁଦୁ ସଲ୍‍ସି ଇୟାୱାଜା ପ୍ରଚାର୍‌ କିତାନ୍‌ ଜେ ନାଣ୍ତ ଜିହୁଦି ଲୋକୁ ନି ଅଣଜିହୁଦିର୍‍ କ୍ରିସ୍ତଦିମାନୁ ବିସ୍‌ବାସ୍‌ କିତାର୍‍ । 
\v 2 ମାତର୍‌ ଅବିସ୍‍ବାସି ଜିହୁଦିର୍‌ ଅଣଜିହୁଦିରିଙ୍ଗ୍‌ ବେମ୍‌ରି କିଜି ତଡ଼ାନ୍‌କା ବିରଦ୍‌ତାନ୍‌ ମନ୍‌ତିଙ୍ଗ୍‍ ଏଗ୍ରିସ୍‌କିତାର୍‍ । 
\v 3 ଆତିଙ୍ଗ୍‍ବା ପ୍ରେରିତ ସିସୁର୍‍ ପ୍ରବୁଦି ବିସୟ୍‌ତାନ୍‌ ଆଟ୍‍ୱାଦାନ୍‍ ପ୍ରଚାର୍‌ କିଜି ନାଣ୍ତ ଦିନ୍‌ ଆବେ ତେବାତାର୍‌ । ସାକ୍ତିଦି ପାଣି ନି କାବାଆନି ପାଣିୱିଜୁ କିନି ମାଣ୍‌କୁ ୱାର୍‌ ପାର୍‌ମାଣ୍‌ କିତାର୍‍ ଜେ, ମାପୁରୁଦି ଦୟା ବିସୟ୍‌ତାନ୍‌ ୱାରି ପ୍ରଚାର୍‌ ଆତି ମାଟା ସତ୍‍ତାନ୍‍ ସତ୍‌ । 
\v 4 ଗାଡ଼୍‌ତି ଲୋକୁ ରୁଣ୍ତି ଦଲ୍‍ତୁ ବାଗ୍ ଆତାର୍‌ । ୱାରି ଲୋଇ ଏସ ଲୋକୁ ଜିହୁଦିରିଙ୍ଗ୍‍ଁ ନି ମାରି ଏସ ପ୍ରେରିତ ସିସୁରିଙ୍ଗ୍‌ ମାନେଆତାର୍‍ ।
\p
\v 5 ତାନିୱେନ୍‍କା ଏସ ଅଣଜିହୁଦିଲୋକ୍‍ ନି ଜିହୁଦିଲୋକୁ ୱାରି ନେତାର୍‌ରି ୱାଲେ ଏକ୍‍ଜୁଟ୍‍ ଆଜି ପ୍ରେରିତ ସିସୁରି ଉଣ୍ତିଙ୍ଗ୍‍ଁ ତାଗ୍‌ଇ ବ୍ୟବହାର୍‌ କିନି ଉଣ୍ତିଙ୍ଗ୍‍ଁ ନି ୱାରିଙ୍ଗ୍‍ଁ କାଲ୍‍କାଣ୍‍ ଡାକ୍‍ସି ସାପିସ୍‌ କିଦେଙ୍ଗ୍‍ଁ ଇଜି ୱାର୍‌ଗିସାଜି ତିର୍‌ କିତାର୍‍ । 
\v 6 ପ୍ରେରିତ ସିସୁର୍‍ ଇୟା ବିସୟ୍‌ତାନ୍‌ ନେସ୍‍ତେଙ୍ଗ୍‍ଁ ଆଟ୍‍ସି ଲୁକାନିଆଦି ଲୁସ୍ତ୍ରା ନି ଦର୍ବି ଗାଡ଼୍‌ତୁ ମାରି ଆୟା ସାରିବେଡ଼୍‍ତି ମାନି ରାଜିଦୁ ଉର୍‍କ୍‌ତାର୍‍, 
\v 7 ମାରି ଆବେ ନେଗିକାବୁର୍‌ ପ୍ରଚାର୍‌ କିତାର୍‍ ।
\s ଲୁସ୍ତ୍ରା ନି ଦର୍ବିଦୁ ସେବା ପାଣି
\p
\v 8 ଲୁସ୍ତ୍ରାଦୁ ଅରେନ୍‌ ଜନମ୍‍ତାନ୍ ସଟାଲୋକ୍‌ ମାର୍ହାନ୍‍ । ୱାଦ୍‌ ଅଡ଼ପ୍‍ବା ବୁଲାଦେଙ୍ଗ୍‍ଁ ଆଟ୍‌ଏଜି ମାର୍ହାନ୍‍ । 
\v 9 ଆବେ ବାସ୍‌ସି ୱାନ୍‌ ପାଉଲ୍‍ତି ସିକିୟା ୱେନ୍‌ଜି ମାର୍ହାନ୍‍ । ୱାନି ମନ୍‌ତୁ ବିସ୍‌ବାସ୍‌ ଆତାତ୍‌ ମାରି ୱାନ୍‌ ନେଗେନ୍‍ ଆନାନ୍‌ ଇଜି ପାଉଲ ନେସ୍‍ତେଙ୍ଗ୍‍ ଆଟ୍‍ତାନ୍‍ । 
\v 10 ଆଦେଙ୍ଗ୍‍ଁ ୱାନି ତରିନ୍‌ ସିଦା ସୁଡ଼୍‌ଜି ପାଉଲ ନାଣ୍ତ ଆଉଲିଦାନ୍‍ ଇର୍ହାନ୍‌, “ପାଦାମ୍‍ତାନ୍‌ ସାହାସ୍‍ଆଜି ସିଦା ନିଲ୍‍ଆ !” ଆକାନ୍‍ ଗାତ୍‍ସି ସାରିବେଡ଼୍‍ତି ବୁଲାଦେଙ୍ଗ୍‍ଁ ଆସ୍‌ତାନ୍‌ । 
\v 11 ଉଣ୍ତାତିମାର୍ହି ଲୋକୁ ପାଉଲତି ଇୟା ପାଣି ସୁଡ଼୍‌ଜି ୱାରି ଲୁକାନିଆ ବାସାଦାନ୍‍ ଆଉଲି ଆଜି ଇନ୍‍ଡ୍ରେଙ୍ଗ୍‍ଁ ଆସ୍‌ତାର୍‌, “ଦିୟାମ୍‍କୁ ଲୋକୁ ବେସ୍‍ତାନ୍‍ ମାବାନୁ ୱାତାମାନାର୍‌ ।” 
\v 12 ୱାର୍‌ ବର୍ଣ୍ଣବାଦିଙ୍ଗ୍‍ଁ ଜିଅସ୍‍ ମାରି ପାଉଲ ପେରିକାନ୍‌ ମାନିଙ୍ଗ୍‌ ୱାନିଙ୍ଗ୍‍ ହେରମିସ୍‍ ଇର୍ହାର୍‌ । 
\v 13 ଗାଡ଼୍‌ତି ଆତ୍‌ରେ ମାନି ଜିଅସ୍‍ ମନ୍ଦିର୍‌ତି ପୁଜାରି, ସେର୍‍ଲା ଲାକ୍‌ତୁ ଏସ ସଣ୍ତଙ୍ଗ୍‌ଁ ନି ପୁଙ୍ଗୁଁ ତାତାନ୍‍, ଇରିଙ୍ଗ୍‌ ୱାନ୍‌ ମାରି ଆବେ ଉଣ୍ତାତିମାର୍ହି ଲୋକୁ ପ୍ରେରିତ ସିସୁରି ଉଦେସ୍‍ତାନ୍‍ ପୁଜା ସିଦେଙ୍ଗ୍‌ ଇଜି ବଦାକିତା ମାର୍ହାର୍‍ ।
\p
\v 14 ୱାର୍‍ ଏମେ ପାଣି କିଦେଙ୍ଗ୍‍ଁ ସଲ୍‍ସିମାର୍ହାର୍‍, ସିସୁର୍‍ ଅର୍ତାତ୍‍ ବର୍ଣ୍ଣବା ନି ପାଉଲ ଆକା ୱେର୍‍ଇଦାପ୍ରେ ନିଜେଦି ଆଙ୍ଗିଁଙ୍ଗ୍‌ କିସ୍‍ତା ପକ୍‌ତାର୍‌, ଲୋକା ଲୋଇ ଉର୍‍କିସି ସଲ୍‍ସି ଆଉଲି ଆଜି ଇର୍ହାର୍‌, 
\v 15 “ମିର୍‌ ଏନ୍ଦା ଇକା କିଜିନିଦେର୍‌ ? ମାପ୍‌ ମି ୱାଜା ଲୋକୁ ମାତର୍‌ । ମି ଲାକ୍‌ତୁ ନେଗି କାବୁର୍‌ ପ୍ରଚାର୍‌ କିଦେଙ୍ଗ୍‍ଁ ଇଜି ମାରି ଇୟା ଅସାର୍ ବିସୟ୍‌ତାନ୍‌ ସୁପ୍‍ ଆଜି, ବାଦଡ଼୍‍, ଦୁନିଆ, ସାମ୍‌ଦୁର୍‌ ନି ଆବେମାନି ୱିଜୁ ବିସୟତି ତିଆର୍‍କିତି ଜିବନ୍‍ମାନି ମାପୁରୁଦି ତରିନ୍‌ ମିଙ୍ଗିଁ ଅତେଙ୍ଗ୍‍ଁ ଇଜି ମାପ୍‌ ଇବେ ୱାତାମାନାପ୍‌ । 
\v 16 ଆଗ୍‌ଡ଼ି ନିଜେଦିବଦାଦାନ୍‍ ନିଜେଦି ସାରିଦୁ ସନ୍‍ଡ୍ରେଙ୍ଗ୍‍ଁ ଇଜି ମାପୁରୁ ଲୋକାଙ୍ଗ୍‌ ଡ଼ିସ୍‍ତା ସିତାମାର୍ହାନ୍‍ । 
\v 17 ମାତର୍‌ ୱାନି ୱିଜୁ ନେଗି ପାଣିଦାନ୍‌ ୱାନ୍‌ ୱିଜୁଦିନ୍‌ ୱାନି ୱିଜୁଦିନ୍‍ମାନି କାବୁର୍‌ ସିତାମାନାନ୍‌; ୱାନ୍‌ ବାଦଡ଼୍‍ତାନ୍‍ ପିର୍‍ରୁ ମାରି ଟିକ୍‌ ୱେଡ଼ାଦୁ ପାସି ସିନାନ୍‍, କାଦି ଜଗେକିନାନ୍‍ ମାରି ୱେଡ଼ିକାଦାନ୍‌ ମି ଜିବନ୍‌ ପୁରା କିନାନ୍‌ ।” 
\v 18 ଇୟାୱିଜୁ ମାଟା ଇନ୍‌ଜି ପ୍ରେରିତ ସିସୁର୍‍ ଏଣ୍ତେସ୍‍କିଜିବା ପୁଜା ସିନିମାଣାଟ୍‍ ୱାରିଙ୍ଗ୍‍ଁ ତେବାକିତାର୍‍ ।
\p
\v 19 ପିସିଦିଆଦି ଆଣ୍ଟିୟକ ନି ଇକନିୟାଦାନ୍‍ ଏସ ଜିହୁଦି ଲୋକୁ ୱାତାମାର୍ହାର୍‍, ୱାର୍‌ ଲୋକାଙ୍ଗ୍‌ ଏଗ୍ରିସ୍‌କିଜି ପାଉଲତିଙ୍ଗ୍‍ଁ କାଲ୍‌କାଣୁକୁ ଡାକ୍‍ତାର୍‍ ମାରି ୱାନିଙ୍ଗ୍‍ଁ ସାତାନ୍‍ ଇଜି ଅଡ଼୍‍ବିଜି ଗାଡ଼୍‌ତି ଆତ୍‌ରେ ରେଲ୍‌ଜି ଅତାର୍‌ । 
\v 20 ମାତର୍‌ ସିସୁର୍‍ ୱାଜି ୱାନି ସାରିବେଡ଼୍‍ତି ଉଣ୍ତାଜି ନିର୍ହି ୱେନ୍‌କା ୱାନ୍‌ ନିଙ୍ଗିଁଜି ଗାଡ଼୍‌ତୁ ଡ଼େସିସର୍ହାନ୍‍ । ମାରିନାଣ୍ତିଙ୍ଗ୍‍ଁ ୱାନ୍‌ ନି ବର୍ଣ୍ଣବା ଦର୍ବିଦୁ ସର୍ହାର୍‍ ।
\s ସିରିଆଦି ଆଣ୍ଟିୟକଦୁ ଡ଼େସିୱାତାର୍‍
\p
\v 21 ପାଉଲ ନି ବର୍ଣ୍ଣବା ଦର୍ବିଦୁ ସୁସମାଚାର୍‌ ପ୍ରଚାର୍‌ କିଜି ନାଣ୍ତ ସିସୁରିଙ୍ଗ୍‌ ଲାବ୍‍ କିତାର୍‍ । ତାନିୱେନ୍‍କା ୱାର୍‌ ଲୁସ୍ତ୍ରା, ଇକନିୟା ନି ପିସିଦିଆଦି ଆଣ୍ଟିୟକଦୁ ଡ଼େସିସର୍ହାର୍‍ । 
\v 22 ୱାର୍‌ ବିସ୍‍ବାସିରିଙ୍ଗ୍‍ଁ ନିଜେଦି ବିସ୍‌ବାସ୍‌ତୁ ଡାଟ୍‌ତାନ୍‌ ମାନ୍‍ଡ୍ରେଙ୍ଗ୍‍ଁ ଇଜି ମନ୍‌ତିଙ୍ଗ୍‍ ୱେଡ଼ିକା କିବିସ୍‍କିତାର୍‍ । ୱାର୍‌ ସିକିୟା ସିଜି ଇର୍ହାର୍‌, “ମାପୁରୁଦି ରାଜିଦୁ ଡ଼ୁଗ୍‍ଦେଙ୍ଗ୍‍ଁ ଇଜି ମାଙ୍ଗିଁ ନାଣ୍ତ କାସ୍ଟୁଦୁକୁ ବା ସିଜି ସନ୍‍ଡ୍ରେଙ୍ଗ୍‍ଁ ଆନାତ୍‌ ।” 
\v 23 ୱିଜୁ ମଣ୍ତଲିଦୁ ୱାର୍‌ କିକୁ ଇଡ୍‌ଜି ମଣ୍ତଲିଦି ପେରି ନେତାର୍‍ରିଙ୍ଗ୍‌ ବାସେ କିତାର୍‍ ମାରି ଏମେ ପ୍ରବୁଦିମାନୁ ୱାର୍‌ ବିସ୍‌ବାସ୍‌ କିତାମାର୍ହାର୍‍, ପାର୍‌ତନା ନି ଉପବାସତି ୱାଲେ ୱାରିଙ୍ଗ୍‍ଁ ଆୟା ପ୍ରବୁଦି ଲାକ୍‌ତୁ ସର୍ପେ କିତାର୍‍ ।
\p
\v 24 ପିସିଦିଆ ରାଜି ସିଜି ୱାର୍‌ ପାମ୍ଫିଲିଆଦୁ ୱାତାର୍‌ । 
\v 25 ଆବେ ପର୍ଗାଦୁ ପ୍ରଚାର୍‌ କିଜି ଆତ୍ତାଲିଆଦୁ ସର୍ହାର୍‍ । 
\v 26 ଆବେଟ୍‌କୁ ୱାର୍‌ ଜାହାଜ୍‌ତାନ୍‌ ଆଣ୍ଟିୟକଦୁ ଡ଼େସି ୱାତାର୍‌ । ଇୟା ଆଣ୍ଟିୟକଦୁ ଇଲେଇ ଆତି ମାନି ପାଣି ଉଣ୍ତିଙ୍ଗ୍‍ଁ ମାପୁରୁଦି ଦୟା ଦାନ୍‌ ୱାର୍‌ ସର୍ପେ ଆତାମାର୍ହାର୍‍ ।
\p
\v 27 ୱାର୍‌ ଆଣ୍ଟିୟକଦୁ ଇଜି ମଣ୍ତଲିଦି ଲୋକାଙ୍ଗ୍‌ ଉଣ୍ତାକିତାର୍‍ । ମାପୁରୁ ୱାରି ଉଣ୍ତିଙ୍ଗ୍‍ଁ ଆମା ୱିଜୁ କିତାମାର୍ହାନ୍‌ ମାରି ଅଣଜିହୁଦିରି ବିସ୍‌ବାସ୍‌ ଉଣ୍ତିଙ୍ଗ୍‍ଁ ଏଣ୍ତେସ୍‌ ସାରି ରେତା ସିତାମାର୍ହାନ୍‍, ଆୟାୱିଜୁ ୱାରିଙ୍ଗ୍‍ଁ ୱେର୍‌ତାର୍‌ । 
\v 28 ଆବେ ବିସ୍‍ବାସିରି ୱାଲେ ୱାନ୍‌ ନାଣ୍ତ ଦିନ୍‌ ସାନ୍ଧି ତେବାତାନ୍‌ ।
\c 15
\s ଜିରୁସାଲାମ୍‍ତୁ କ୍ରିସ୍ଟାନ୍‌ ମିଟିଙ୍ଗ୍‍ଁ
\p
\v 1 ଜିହୁଦାଦାନ୍‍ ଏସ ଲୋକୁ ଆଣ୍ଟିୟକଦୁ ୱାଜି, ମୋସାଦି ନିୟମ ଇସାବ୍‌ତାନ୍‌ ୱାର୍‌ ସୁନ୍ନତ ଆଏତିଙ୍ଗ୍‍ଁ ରକିୟା ପୟ୍‍ଦେଙ୍ଗ୍‍ଁ ଆଟ୍‍ଏର୍‍ ଇଜି ବିସ୍‍ବାସ୍‌ତି ତଡ଼ାନ୍‌କାଙ୍ଗ୍‌ ସିକିୟା ସିତାର୍‍ । 
\v 2 ଇୟା ବିସୟ୍‌ତାନ୍‌ ୱାରି ୱାଲେ ପାଉଲ ନି ବର୍ଣ୍ଣବା ନାଣ୍ତ ଆସ୍‌ସିସାତାର୍‌ ଆକା, ଇକା ତିର୍‌ ଆତାତ୍‍ଜେ, ପାଉଲ, ବର୍ଣ୍ଣବା ମାରି ଆଣ୍ଟିୟକଦି ମାରି ଏସ ଲୋକୁ ଜିରୁସାଲାମ୍‍ତୁ ସଲ୍‍ସି ପ୍ରେରିତ ସିସୁର୍‍ ନି ମଣ୍ତଲିଦି ନେତାର୍‍ରି ୱାଲେ ଇୟା ବିସୟ୍‌ତାନ୍‌ ୱାର୍‌ଗିଜିସାନାର୍‍ ।
\p
\v 3 ମଣ୍ତଲି ୱାରି ସନି ସୁବିଦା କିଜି ପକ୍‍ତାତ୍‍ ମାରି ୱାର୍‌ ପିନିସିଆ ନି ସମିରୋଣ ସିଜି ସନି ୱାଲେ ଅଣଜିହୁଦି ଲୋକୁ ଏଣ୍ତେସ୍‌ ମନ୍‍ ଡ଼େପ୍‍ସି ଦାର୍ମୁଲୋକୁ ଆତାମାନାର୍‌, ଆୟା ବିସୟ୍‌ ୱେର୍‌ତାର୍‍; ଇୟା କାବୁର୍‌ ୱେନ୍‌ଜି ବିସ୍‍ବାସ୍‌ତି ତଡ଼ାନ୍‌କୁ ନାଣ୍ତ ୱେଡ଼ିକା ଆତାର୍‌ । 
\v 4 ୱାର୍‌ ଜିରୁସାଲାମ୍‍ତୁ ଇତି ୱେନ୍‌କା ମଣ୍ତଲି, ପ୍ରେରିତ ସିସୁର୍‍ ମାରି ମଣ୍ତଲିଦି ନେତାର୍‍ ୱାରିଙ୍ଗ୍‍ଁ କୁକ୍‍ତାର୍‍ । ମାପୁରୁ ୱାରି ମାଣାନ୍‌ କିତିମାନି ପାଣି ବିସୟ୍‌ତାନ୍‌ ପାଉଲ ନି ବର୍ଣ୍ଣବା ୱାରିଙ୍ଗ୍‍ଁ ୱେର୍‌ତାର୍‍ । 
\v 5 ମାତର୍‌ ପାରୁସିର୍‌ ଇସାବ୍‌ତାନ୍‌ ଜିନି ଏସ ବିସ୍‍ବାସିର୍‍ ନିଲ୍‍ସି ଇର୍ହାର୍‌, “ଅଣଜିହୁଦି ଲୋକୁ ସୁନ୍ନତ ଆନିକା ମାନାତ୍‌ ମାରି ମୋସାଦି ନିୟମ୍‌ ମାନାଦେଙ୍ଗ୍‌ ଇଜି ୱାରିଙ୍ଗ୍‍ଁ ଇନିକା ନେଗେତ୍‌ ।”
\p
\v 6 ଇୟା ବିସୟ୍‌ ୱାର୍‍ଗିଦେଙ୍ଗ୍‍ଁ ଇଜି ପ୍ରେରିତ ସିସୁର୍‍ ମାରି ମଣ୍ତଲିଦି ନେତାର୍‍ ଉଣ୍ତାତାର୍‌ । 
\v 7 ନାଣ୍ତ ସମୟ ୱାର୍‍ଗିତି ୱେନ୍‌କା ପିତର ନିଲ୍‍ଜି ଇର୍ହାନ୍‌, “ତଡ଼ାନ୍‌କୁ ନି ତାଙ୍ଗିଁକ୍‌, ମିର୍‌ ନେସ୍‍ନିଦେର୍‍ ଜେ ନାଣ୍ତ ଆଗ୍‌ଡ଼ିରାନ୍‌ ମାପୁରୁ ଅଣଜିହୁଦି ଲୋକୁ ଲାକ୍‌ତୁ ସୁସମାଚାର୍‌ ପ୍ରଚାର୍‌ କିଜି ଆୟାଉଣ୍ତିଙ୍ଗ୍‌ ୱାରି ବିସ୍‌ବାସ୍‌ କିବିସ୍‍ କିଦେଙ୍ଗ୍‍ଁ ଇଜି ମି ମାଣ୍‌କୁ ନାଙ୍ଗିଁ ବାସେ କିତାମାର୍ହାର୍‍ । 
\v 8 \x + \xo ୧୫:୮ \xo*\xt ପ୍ରେରିତ ୧୦:୪୪; ୨:୪.\xt*\x*ମାରି ୱିଜେରି ମନ୍‍ତି ଚିନ୍ତା ନେସ୍‍ସିମାନି ମନ୍‍ତୁବାସାନି ମାପୁରୁ ମାଙ୍ଗିଁ ଏଣ୍ତେସ୍‌ ପବିତ୍ର ଆତ୍ମା ସିତା ମାନାନ୍‌, ଅଣଜିହୁଦି ଲୋକାଙ୍ଗ୍‌ ବା ଟିକ୍‌ ଆୟାୱାଜା ଦାନ୍‌ ସିଜି ୱାରିଙ୍ଗ୍‍ଁ ସାକି ମାନାନ୍‌ । 
\v 9 ୱାରିଦି ନି ମା ଲୋଇ ୱାନ୍‌ ଇନିକା ଅଲଗା ଇଡ୍‌ଏନ୍‌ । ୱାରି ବିସ୍‌ବାସ୍‌ ଉଣ୍ତିଙ୍ଗ୍‍ଁ ୱାନ୍‌ ୱାରି ପାପ୍‌ କେମା କିତାମାନାନ୍‍ । 
\v 10 ଆର୍‍ତିଙ୍ଗ୍‍ଁ ଏମେ ବଜୁ ପିଣ୍ତ୍‍ଦେଙ୍ଗ୍‍ଁ ଇଜି ମା ଡକ୍ରାଦାଦା ନି ମାପ୍‌ ସାସ୍‌ କିଦେଙ୍ଗ୍‍ଁ ଆଟ୍‍ଏତାପ୍‍, ମିର୍‌ ଇଲେଇ ବିସ୍‍ବାସିରି ମେପିଦୁ ଆକା ଲାଦେ କିଜି ଏନ୍ଦା ମାପୁରୁଙ୍ଗ୍‍ଁ ପରିକା କିଦେଙ୍ଗ୍‌ ବଦାକିଜିନିଦେର୍‌ ? 
\v 11 ସିଲେ, ଇକା ଟିକ୍‌ ସିଲେ । ୱାର୍‌ ଏମେ ବିସ୍‌ବାସ୍‌ କିଜି ରକିୟା ପୟ୍‍ତାମାନାର୍‍, ମାପ୍‌ ବା ଟିକ୍ ଆୟାୱାଜା ବିସ୍‌ବାସ୍‌ କିଜି ପ୍ରବୁ ଜିସୁଦି ଦୟା ଦାନ୍‌ ପରିତ୍ରାଣ ପୟ୍‍ତାମାନାପ୍‍ ।”
\p
\v 12 ପାଉଲ ନି ବର୍ଣ୍ଣବାଦି ମାଣାନ୍‌ ଅଣଜିହୁଦି ଲୋକା ଲୋଇ ମାପୁରୁ ଏମେ ୱିଜୁ ନାଣ୍ତ କାବାଆନି ପାଣି ନି କାବାଆନି ବିସୟ୍‌ କିତାମାର୍ହାନ୍, ୱାରିମାଣ୍‌କୁ ତାନେ ମାଟା ୱେନ୍‌ଜି ଦଲତି ୱିଜେରେ ଆଲେତା ତେବାତାର୍‌ । 
\v 13 ୱାର୍‌ ଇର୍ହି ୱିସ୍‌ତି ୱେନ୍‌କା ଜାକୁବ ଇର୍ହାନ୍‌, “ଏ ତଡ଼ାନ୍‌କୁ ନି ତାଙ୍ଗିଁକି, ନା ମାଟା ୱେନ୍‌ଡ୍ରୁ ! 
\v 14 ମାପୁରୁ ଏଣ୍ତେସ୍‌ ଦୟା କିଜି ଅଣଜିହୁଦି ଲୋକା ଲୋଇ ଏସ ଲୋକାଙ୍ଗ୍‌ ୱାରି ଉଣ୍ତିଙ୍ଗ୍‍ଁ ବାସେ କିତାମାନାନ୍‍, ସିମୋନ ଆୟା ମାଟା ବୁଜାକିଜି ୱେର୍‌ତାନ୍‌ । 
\v 15 ବାବବାଦିରି ବାକ୍ୟ ତେନିଙ୍ଗ୍‍ଁ ପୁରାଦାନ୍‌ ମାନାଜିନାତ୍‍ । ସାସ୍ତ୍ରଦୁ ରାସାତାମାନାତ୍‌;
\q1
\v 16 “ପ୍ରବୁ ଇନାନ୍‌, ତେନି ୱେନ୍‌କା ନାନ୍ ଡ଼େସି ୱାନା
\q2 ମାରି ଦାଉଦତି ରାଜିଦି ମାରିଡ଼େସି ରକିୟା କିନା ।
\q1 ନାନ୍ ୱାନି ଦଂସଆତି ଗୁଡ଼ା ୱିଜୁ
\q2 ମାରିଡ଼େସି ତିଆର୍‍ କିଜି ତାନିଙ୍ଗ୍‌ ମାରି ଉଣ୍ତ୍ରି ଦେବା ସାକ୍ତି କିନା ।
\q1
\v 17 ୱିଜୁ ଲୋକୁ ନା ଲାକ୍‌ତୁ ୱାନାର୍‌,
\q2 ଏମେ ଅଣଜିହୁଦି ଲୋକାଙ୍ଗ୍‍ଁ ନାନ୍ ନିଜେଦିକା କିଦେଙ୍ଗ୍‍ଁ ଇଜି କୁକ୍‍ତାମାନା, ୱାର୍‌ ୱିଜେରେ ନାନ୍ଦି ଇଜି ମାନାନାର୍‌ ।
\q1
\v 18 ପ୍ରବୁ ଇୟା ମାଟା ଇର୍ହାମାନାନ୍‌, ପୁର୍ବେକାଡ଼ାଦୁ ଇୟା ମାଟା ୱାନ୍‌ ୱେର୍‍ତା ମାର୍ହାନ୍‍ ।”
\p
\v 19 “ନା ବିଚାର୍‌ ଇକା,” ଜାକୁବ ମାରି ବା ଇର୍ହାନ୍‌, ଏମେ ଅଣଜିହୁଦି ଲୋକୁ ମାପୁରୁଦି ଲାକ୍‌ତୁ ୱାତାମାନାର୍‌, ମାଡ୍‌ ୱାରିଙ୍ଗ୍‍ଁ ମାରି ବାଦା କିଏଟ୍‍ । 
\v 20 ମାତର୍‌ ୱାର୍‌ ଏଣ୍ତେସ୍‌ ଦିୟାମ୍‍କାଙ୍ଗ୍‍ଁ ପୁଜାସିତିମାନି ଇନି ଅସୁଚି କାଦି ଉଣୁଏର୍‌, ଦାରିପାଣି କିନି ପାପ୍‌ତାନ୍‌ ତେବାନାର୍‌, କକ୍‍ଲା ସିପ୍‍ସି ଡାକ୍‍ତିମାନି ଜାତୁଦି ନେତେର୍‌ ନି କାଣ୍ତା ତିନ୍‍ଏର୍‍ ଇୟାୱିଜୁ ବିସୟ୍‌ତାନ୍‌ ସିକିୟା ସିଜି ୱାରି ଲାକ୍‌ତୁ ଉଣ୍ତ୍ରି ଆକୁ ରାସ୍‍ନାଟ୍‍ । 
\v 21 ଇରିଙ୍ଗ୍‍ଁ ନାଣ୍ତଦିନ୍‍ ଆସ୍‌ସି ୱିଜୁ ରମ୍‍ନିଦିନ୍‍ତୁ ପାର୍‍ତନାକିନି ଇଲ୍‌କାଙ୍ଗ୍‌ ମୋସାଦି ନିୟମ୍‌ ପଡ଼ା ଆଜିନାତ୍‌ ମାରି ୱିଜୁ ଗାଡ଼୍‍କାଙ୍ଗ୍‍ଁ ୱାନି ବାକ୍ୟ ପ୍ରଚାର୍‌ ଆଜିନାତ୍‌ ।
\s ଅଣଜିହୁଦି ବିସ୍‍ବାସିରି ଲାକ୍‌ତୁ ଆକୁ
\p
\v 22 ୱେନ୍‌କା ପ୍ରେରିତ ସିସୁର୍‍ ନି ମଣ୍ତଲିଦି ନେତାର୍‍ ମାରି ମଣ୍ତଲିଦି ୱିଜେରେ, ଦଲତି ଏସ ଲୋକାଙ୍ଗ୍‌ ବାସେକିଜି ପାଉଲ ନି ବର୍ଣ୍ଣବାଦି ୱାଲେ ୱାରିଙ୍ଗ୍‍ଁ ଆଣ୍ଟିୟକଦୁ ପକ୍‍ତେଙ୍ଗ୍‍ଁ ଇଜି ତିର୍‌ କିତାର୍‍ । ବର୍ସବା ଦର୍‌ତି ଜିହୁଦା ନି ସିଲା ବିସ୍‍ବାସ୍‌ତି ତଡ଼ାନ୍‌କା ଲୋଇ ସନ୍‍ମାନ୍‍ ପୟ୍‍ତାର୍‌ । 
\v 23 ବିସ୍‍ବାସିର୍‍ ରାସାତିମାନି ଆକୁଦିଙ୍ଗ୍‌ ଇୟା ରିଏରି କିୟୁଦୁ ପକ୍‌ତାର୍‌ ।
\p “ଆଣ୍ଟିୟକ, ସିରିଆ ମାରି କିଲିକିୟାଦି ଅଣଜିହୁଦିରି ମାଣ୍‌କୁ ୱାତିମାନି ତଡ଼ାନ୍‌କୁ ପ୍ରେରିତ ସିସୁର୍‍ ମାରି ମଣ୍ତଲିଦି ନେତାର୍‍ ମାଡ଼ିସ୍‌ କିଜିନାର୍‍ । 
\v 24 ମାପ୍‌ ୱେନ୍‍ଜିନାପ୍‍ ଜେ, ମା ଦଲ୍‍ତାନ୍‍ ଏସ ଲୋକୁ ମି ଲାକ୍‌ତୁ ସଲ୍‍ସି ଆମାକା ଇର୍ହାମାନାର୍‌, ଆବେଣ୍‍କୁ ୱାର୍‌ ମି ମନ୍‍ତିଙ୍ଗ୍‍ ଗାବ୍ରା ନି ତରବର୍‍ କିତାମାନାର୍‍ । ମାତର୍‌ ଇୟା ବିସୟ୍‌ତାନ୍‌ ମାପ୍‌ ୱାରିଙ୍ଗ୍‍ଁ ଇନି ସିକିୟା ସିଏପ୍‍ । 
\v 25 ଆଦେଙ୍ଗ୍‌ ମାପ୍‌ ୱିଜେପେ ଉନ୍‍ଣ୍ତ୍ରି ମାଟା ଆଜି ଏସ ଲୋକ କାବୁର୍‌ ସିନିୱାରିଙ୍ଗ୍‍ଁ ବାସେ କିଜି ମି ଲାକ୍‌ତୁ ପକ୍‍ତେଙ୍ଗ୍‍ଁ ଇଜି ଆସ୍‍କିତାମାନାପ୍‍ । ୱାର୍‌ ମା ଲାଡ୍‍ତି ତଡ଼ାନ୍‌ ବର୍ଣ୍ଣବା ନି ପାଉଲତି ୱାଲେ ସନାର୍‌ । 
\v 26 ଇୟା ତଡ଼୍‍କୁ ପ୍ରବୁ ଜିସୁ କ୍ରିସ୍ତଦି ସେବାଦୁ ନିଜେଦି ଜିବନ୍‍ତିଙ୍ଗ୍‍ଁ ସିତା ମାନାର୍‌ । 
\v 27 ମାପ୍‌ ଜିହୁଦା ନି ସିଲେଙ୍ଗ୍‍ଁ ମି ଲାକ୍‌ତୁ ପକ୍‍ସିନାପ୍‍ । ମାପ୍‌ ଆମାକା ରାସ୍‍ସିନାପ୍‍, ୱାର୍‌ ନିଜେ ଆକା ମିଙ୍ଗିଁ ଇନାର୍‌ । 
\v 28 ଏସ ଦରକାର୍‍ ମାନି ନିୟମ୍‌ ଡ଼ିସ୍‍ତିଙ୍ଗ୍‍ଁ ମି ମୁସ୍‌କୁ ମାରି ଇନି ବଜୁ ତିଗ୍‌ଇ ଉଣ୍ତିଙ୍ଗ୍‍ ମାପ୍‌ ପବିତ୍ର ଆତ୍ମାଦି ମାଣାନ୍‌ ସିକିୟା ପୟ୍‍ତାମାନାପ୍‍ । 
\v 29 ଆୟା ଏସ ନିୟମ ଆତାତ୍‌; ଦିୟାମ୍‍କା ଉଦେସ୍‍ତାନ୍‍ ପୁଜାସିତିମାନି ଇନି କାଦି ଉଣ୍‍ମାଟ୍‍, ନେତେର୍‌ ତିନ୍‍ମାଟ୍‍, କକ୍‍ଲାଦିଙ୍ଗ୍‌ ପିଡ଼୍‍ସି ଡାକ୍‍ତିମାନି ଇନି ଜାତୁଦି କାଣ୍ତା ତିନ୍‍ମାଟ୍‍ ମାରି ଦାରିପାଣିଦାନ୍‌ ବନ୍ଦ୍‍ ଆନାତ୍‌ । ଇୟାୱିଜୁ ପାଣି କିଇ ଉଣ୍ତିଙ୍ଗ୍‍ଁ ଜାଗାର୍‌ତା ମାରିଙ୍ଗ୍‍ଁ, ମି ନେଗିକା ଆନାତ୍‌ । ମା ମାଟା ଆସ୍‌ତୁ ।”
\p
\v 30 ଆମା କାବୁର୍‌ ସିନିୱାରିଙ୍ଗ୍‍ଁ ପକ୍‍ତାମାର୍ହାର୍‍, ୱାର୍‌ ଆଣ୍ଟିୟକଦୁ ସଲ୍‍ସି ବିସ୍‍ବାସିରି ୱିଜୁ ଦଲ୍‍ତିଙ୍ଗ୍‍ଁ ଉଣ୍ତା କିଜି ଇୟା ସିଟି ସିତାର୍‍ । 
\v 31 ଆବେଣି ବିସ୍‌ବାସିର୍‍ ସିଟିଦି ୱେଡ଼ିକାଦି କାବୁର୍‌ ପଡ଼ାଜି ୱେଡ଼ିକାଦୁ ପୁରା ଆତାର୍‌ । 
\v 32 ଜିହୁଦା ନି ସିଲା ନିଜେ ବାବବାଦି ମାର୍ହାର୍‌ ମାରି ୱାର୍‌ ଆଣ୍ଟିୟକଦି ବିସ୍‍ବାସିରିଙ୍ଗ୍‍ଁ ନାଣ୍ତ ବେଡ଼ା ସାନ୍ଦି ୱାର୍‍ଜି ତଡ଼ାନ୍‌କାରି ବିସ୍‍ବାସ୍‍ତିଙ୍ଗ୍‍ଁ ଡାଟ୍‍ କିତାର୍‍ । 
\v 33 ଆବେ ଏସ ଦିନ୍‌ ତେବାତି ୱେନ୍‌କା ଏମେକାର୍‌ ୱାରିଙ୍ଗ୍‍ଁ ପକ୍‍ତାମାର୍ହାର୍‍, ୱାରି ଲାକ୍‌ତୁ ଡ଼େସିସନ୍‍ଡ୍ରେଙ୍ଗ୍‍ ଇଜି ବିସ୍‍ବାସ୍‌ତି ତଡ଼ାନ୍‌କୁ ୱାରିଙ୍ଗ୍‍ଁ ସାନ୍ତିଦାନ୍‍ ପକ୍‌ତାର୍‌ । 
\v 34 ମାତର୍‌ ସିଲା ଆବେନୁ ମାନିକା ନେଗେନ୍‌ ଇଜି ଅଡ଼୍‌ବିତାତ୍‌ ।
\p
\v 35 ପାଉଲ ନି ବର୍ଣ୍ଣବା ଆଣ୍ଟିୟକଦୁ ଏସ ଦିନ୍‌ ତେବାଜି ନାଣ୍ତ ଲୋକା ୱାଲେ ମିସାବିଡ଼ା ଆଜି ପ୍ରବୁଦି ବାକ୍ୟ ପ୍ରଚାର୍‌ କିତାର୍‍ ମାରି ସିକିୟା ସିତାର୍‍ ।
\s ପାଉଲ ନି ବର୍ଣ୍ଣବା ୱେର୍‌ଏ ଆତାର୍‌
\p
\v 36 ଏସ ଦିନ୍‌ ୱେନ୍‌କା ପାଉଲ ବର୍ଣ୍ଣବାଦିଙ୍ଗ୍‍ଁ ଇର୍ହାନ୍‌, “ସନାଟ୍‌, ମାଡ୍‌ ଡ଼େସିସନାଟ୍‌, ୱିଜୁ ଗାଡ଼୍‍କାଙ୍ଗ୍‍ଁ ଏମେ ତଡ଼ାନ୍‍କାଙ୍ଗ୍‍ ପ୍ରବୁଦି ବାକ୍ୟ ଏଣ୍ତେସ୍‌ ୱେନିସ୍‍ କିତିମାର୍ହିକା, ତଡ଼ାନ୍‌କାଙ୍ଗ୍‌ ମିସାନାଟ୍‍ ମାରି ୱାର୍‌ ଏଣ୍ତେସ୍‌ ମାନାର୍‌, ବୁଜାନାଟ୍‍ । 
\v 37 ବର୍ଣ୍ଣବା ୱାରି ୱାଲେ ଜୋହନ ଦର୍‌ତି ମାର୍କଙ୍ଗ୍‍ଁ ଅତେଙ୍ଗ୍‍ଁ ଇଜି ବଦାକିତା ମାର୍ହାନ୍‌, 
\v 38 ମାତର୍‌ ପାଉଲ ୱାନିଙ୍ଗ୍‍ଁ ଅତେଙ୍ଗ୍‌ ଟିକ୍‌ ଅଡ଼୍‌ବିଏତାନ୍‍; ଇରିଙ୍ଗ୍‍ଁ ୱାନ୍‌ ଆଗ୍‌ଡ଼ି ପ୍ରଚାର୍‌ କିଦେଙ୍ଗ୍‌ ସନି ପାଣିଦୁ ୱିଜ୍‍ନି ସାନ୍ଦି ୱାରି ୱାଲେ ତେବାଏନ୍‍ଣ୍ତା ୱାରିଙ୍ଗ୍‍ଁ ପାମ୍ଫିଲିଆଦୁ ଡ଼ିସ୍‌ସି ସର୍ହାମାର୍ହାନ୍ । 
\v 39 ଇୟା ବିସୟ୍‌ତାନ୍‌ ନାଣ୍ତ ଆସ୍‌ସିସାତାର୍‌ ମାରି ୱାର୍‌ ୱେର୍‌ଏ ଆତାର୍‌ । ବର୍ଣ୍ଣବା ମାର୍କଙ୍ଗ୍‍ଁ ଆସ୍‌ସି ସାଇପ୍ରସ୍‍ତୁ ଏରୁ ସାରିଦୁ ସର୍ହାନ୍‍ ।” 
\v 40 ମାତର୍‌ ପାଉଲ ସିଲେଙ୍ଗ୍‍ଁ ଆସ୍‌କିତାନ୍‍ ମାରି ବିସ୍‍ବାସ୍‌ତି ତଡ଼ାନ୍‌କା ମାଣାନ୍‌ ପ୍ରବୁଦି ଦୟାଦାନ୍‌ ସର୍ପେ ଆଜି ସର୍ହାର୍‍ । 
\v 41 ୱାନ୍‌ ମଣ୍ତଲିଆଙ୍ଗ୍‍ଁ ସାକ୍ତିକିବିସ୍‍ କିଜି ସିରିଆ ନି ସିଲିସିଆ ବା ସିଜି ସର୍ହାର୍‍ ।
\c 16
\s ପାଉଲ ନି ସିଲା ୱାଲେ ତିମତି ସର୍ହାନ୍‍
\p
\v 1 ପାଉଲ ଦର୍ବି ନି ଲୁସ୍ତ୍ରାଦୁ ସର୍ହାର୍‍ । ଆବେ ତିମତି ଦର୍‌ତି ଅରେନ୍‌ କ୍ରିସ୍ଟିୟାନ୍‍ ବାସାଜି ମାର୍ହାନ୍‍ । ୱାନ୍‌ ଅରେନ୍‌ କ୍ରିସ୍ତ ବିସ୍‍ବାସି ଜିହୁଦି ଆଇମାଦି ମାରିସି । ମାତର୍‌ ୱାନି ବୁବାସି ଅରେନ୍‌ ଗ୍ରିକ୍‌ ଲୋକୁ ମାର୍ହାନ୍‍ । 
\v 2 ଲୁସ୍ତ୍ରା ନି ଇକନିୟାଦୁ ମାନି ତଡ଼ାନ୍‌କା ଲୋଇ ତିମତିଦିଙ୍ଗ୍‌ ନେଗି ଲୋକ୍‌ ଇଜି ନେସ୍‌ତା ମାର୍‌ର୍ହାର୍‌ । 
\v 3 ପାଉଲ ୱାନି ୱାଲେ ତିମତିଙ୍ଗ୍‍ଁ ଅତେଙ୍ଗ୍‍ଁ ଇଜି ବଦା କିତାନ୍‌, ଆଦେଙ୍ଗ୍‍ଁ ୱାନିଙ୍ଗ୍‍ଁ ସୁନ୍ନତ କିତାନ୍‌ । ଇକା କିନି ମାଟା ଆତାତ୍‌, ତିମତିଦି ବୁବାସି ଗ୍ରିକ୍‌ ଲୋକୁ ଇଜି ଆୟା ବାଡିଆଙ୍ଗ୍‍ଁ ବାସାତିମାନିକାର୍‍ ଜିହୁଦି ଲୋକୁ ନେସ୍‍ତାମାର୍ହାର୍‍ । 
\v 4 ନାଣ୍ତ ଗାଡ୍‌କୁ ନାଡ଼୍‍ମି ସିଜି ସନି ୱାଲେ ୱାର୍‌ ବିସ୍‍ବାସିରିଙ୍ଗ୍‍ଁ ଜିରୁସାଲାମ୍‌ତି ପ୍ରେରିତ ସିସୁର୍‍ ନି ପେରି ନେତାର୍‍ ୱାରି ମାଣାନ୍‌ କିଆୟ୍‍ଆତି ନିତି ନିୟମ ୱିଜୁ ବୁଜାକିଜି, ଆୟାୱିଜୁ ମାନାଦେଙ୍ଗ୍‌ ଇଜି ଇଜିମାର୍ହାର୍‍ । 
\v 5 ଆବେଟ୍‌କୁ ମଣ୍ତଲିଙ୍ଗ୍‍ଁ ୱିଜୁ ବିସ୍‌ବାସ୍‌ତୁ ମାରି ନାଣ୍ତ ସାକ୍ତି ଆତାତ୍‌ ମାରି ଦିନ୍‍ତିଙ୍ଗ୍‍ ଦିନ୍‌ ଲୋକୁ ନାଣ୍ତ ଆଦେଙ୍ଗ୍‍ଁ ଆସ୍‌ତାର୍‌ ।
\s ମାସିଦନିଆ ସନ୍‍ଡ୍ରେଙ୍ଗ୍‍ଁ ଇଜି ତ୍ରୟାଦୁ ପାଉଲତିଙ୍ଗ୍‍ଁ କୁକ୍‍ନିକା
\p
\v 6 ପବିତ୍ର ଆତ୍ମା ୱାରିଙ୍ଗ୍‍ଁ ଆସିଆ ଦେସ୍‌ତୁ ପ୍ରଚାର୍‌ କିଦେଙ୍ଗ୍‍ଁ ସାରି ପୟ୍‍ଏତାର୍‍ ଆକା ୱାର୍‌ ପ୍ରୁଗିଆ ମାରି ଗାଲାତିୟ ରାଜିଦୁ ସର୍ହାର୍‍ । 
\v 7 ମିସିଆଦି ଲାକ୍‌ତୁ ଇଜି ବିତୁନିଆ ରାଜିଦୁ ସନ୍‍ଡ୍ରେଙ୍ଗ୍‍ଁ ସନିୱାଲେ ଜିସୁଦି ଆତ୍ମା ୱାରିଙ୍ଗ୍‍ଁ ସାରି ସିଏତାତ୍‍ । 
\v 8 ଆଦେଙ୍ଗ୍‍ଁ ୱାର୍‌ ମିସିଆ ନାଡ଼୍‍ମି ସିଜି ସଲ୍‍ସି ତ୍ରୋୟାଦୁ ସର୍ହାର୍‍ । 
\v 9 ଆୟା ନାଡ଼ା ପାଉଲ ଉନ୍‍ଣ୍ତ୍ରି ଦର୍ସନ୍‍ ପୟ୍‌ତାନ୍‌ ଜେ, ମାସିଦୋନିଆଦି ଅରେନ୍‌ ଲୋକୁ ମାଡ଼ିସ୍‌ କିଜି ଇଜିନାନ୍‌, “ମାସିଦୋନିଆଦୁ ୱାଜି ମାଙ୍ଗିଁ ସାକା କିଆ !” 
\v 10 ପାଉଲ ଇୟା ଦର୍ସନ୍‌ ପୟ୍‍ତିଦାପ୍ରେ ମାସିଦନିଆଦୁ ସନ୍‍ଡ୍ରେଙ୍ଗ୍‍ଁ ଇଜି ମାପ୍‌ ତିଆର୍‌ ଆତାପ୍‍, ଇରିଙ୍ଗ୍‍ଁ ମାପ୍‌ ସତେ ନେସ୍‍ତାପ୍‍, ମାପୁରୁ ଆବେଣି ଲୋକା ଲୋଇ ସୁସମାଚାର୍‌ ପ୍ରଚାର୍‌ କିଦେଙ୍ଗ୍‍ଁ ଇଜି ମାଙ୍ଗିଁ କୁକ୍‌ତାମାନାନ୍‌ ।
\s ପିଲିପିଦୁ ଲୁଦିଆ ମନ୍‍ ଡ଼େପ୍‍ତାତ୍‌
\p
\v 11 ମାପ୍‌ ଜାହାଜ୍‍ତାନ୍‍ ତ୍ରୋୟା ଡ଼ିସ୍‌ସି ସାମତ୍ରାଦୁ ସର୍ହାପ୍‍ ମାରି ମାରିନାଣ୍ତିଙ୍ଗ୍‍ଁ ନିଆପଲିଦୁ ଇତାପ୍‍ । 
\v 12 ଆବେଟ୍‍ଟାନ୍‍ ମାପ୍‌ ମାସିଦନିଆ ଜିଲାଦି ପେରି ଗାଡ଼୍‌ ପିଲିପିଦୁ ସର୍ହାପ୍‍ । ଇୟା ଗାଡ଼୍‌ ଉନ୍‍ଣ୍ତ୍ରି ରୋମିୟରି ବସ୍ତି ମାର୍ହାତ୍‌ । ମାପ୍‌ ଆବେନୁ ନାଣ୍ତ ଦିନ୍‌ ତେବାତାପ୍‍ । 
\v 13 ରମ୍‌ନି ଦିନ୍‌ ଗାଡ଼୍‌ ଆତ୍‌ରେ ମାନି ଗାଡା ପାଡ଼ି ସର୍ହାପ୍‍ । ମାପ୍‌ ଅଡ଼୍‍ବିତାପ୍‍, ଆବେ ଜିହୁଦିଲୋକୁ ଉଣ୍ତାଜି ପାର୍‌ତାନା କିଦେଙ୍ଗ୍‍ଁ ଇଜି ଉନ୍‍ଣ୍ତ୍ରି ବାଡି ତେବାନାତ୍‍ । ମାପ୍‌ ବାସ୍‍ତାପ୍‍ ମାରି ଆବେ ଉନ୍‍ଣ୍ତାତି ମାର୍ହି ଆଇମା ଲୋକା ୱାଲେ ୱାର୍‍ଗିତାପ୍‍ । 
\v 14 ତାମେ ଲୋଇ ତୁୟତିରା ଗାଡ଼୍‌ତି ସେର୍‍ଗା ରଙ୍ଗ୍‍ ୱାତିଗଦା ପର୍‌ଜି ମାନି ଲୁଦିଆ ଦର୍‌ତି ଅରେତ୍‌ ଆଇମା ମାର୍ହାତ୍‌ । ୱାଦ୍‌ ମାପୁରୁଦି ଉପାସନା କିଜିମାର୍ହାତ୍‍ ମାରି ପାଉଲ ଆମାକା ଇଜିମାର୍‍ଆନ୍‍, ଆକା ମନ୍‍ ସିଜି ୱେନ୍‌ଜି ମାନାଦେଙ୍ଗ୍‍ଁ ଇଜି ପ୍ରବୁ ତାନିଙ୍ଗ୍‍ଁ ସୁଜୋଗ ସିତାନ୍‌ । 
\v 15 ୱାଦ୍‌ ନି ତାନି ଇଲ୍‍ତି ୱିଜେରେ ଡୁବନ୍‌ ଅତି ୱେନ୍‌କା ମାଙ୍ଗିଁ ମାଡ଼ିସ୍‌ କିଜି ଇର୍ହାତ୍‌, “ପ୍ରବୁମାନୁ ସତ୍‍ତାନ୍‍ ନା ବିସ୍‌ବାସ୍‌ ମାନାତ୍‌ ଇଜି ଜଦି ମିର୍‌ ଅଡ଼ବିଜିନିଦେର୍‌, ଆର୍‍ତିଙ୍ଗ୍‍ଁ ୱାଜି ନା ଇଲ୍‌ତୁ ତେବାଦୁ ।” ୱାଦ୍‌ ଇୟାୱାଜା ତାନି ଇଲ୍‌ତୁ ସନ୍‍ଡ୍ରେଙ୍ଗ୍‍ଁ ଇଜି ମାଙ୍ଗିଁ ୱେର୍‌ତାତ୍‍ ।
\s ପିଲିପିଦି ଜଇଲ୍‌ତୁ ପାଉଲ ନି ସିଲା
\p
\v 16 ଅର୍‍ଲେନ୍‍ ମାପ୍‌ ପାର୍‌ତାନା ବାଡିଦୁ ସନିୱାଲେ ଅରେତ୍‌ ଦାସି ରିପାଦିଙ୍ଗ୍‍ଁ ବୁଡ଼ିତାପ୍‍ । ତାନି ଲୋଇ ମାନି ତାଗ୍‌ଇ ଆତ୍ମାଦି ସାକ୍ତିଦାନ୍ ୱାଦ୍‍ ବବିସତ୍‍ ମାଟା ଇନ୍‍ଡ୍ରେଙ୍ଗ୍‍ଁ ଆଟ୍‍ସି ମାର୍ହାତ୍‌ । ୱାଦ୍‌ ଲୋକା ବାଗ୍ୟ ଲେକିସ୍‌ କିଜି, ମାଲିକ୍‌କା ଉଣ୍ତିଙ୍ଗ୍‍ଁ ନାଣ୍ତ ଡାବୁଙ୍ଗୁଁ ଉଣ୍ତା କିଜିମାର୍ହାତ୍‍ । 
\v 17 ୱାଦ୍‌ ପାଉଲ ନି ମା ୱେନ୍‌କା ୱେନ୍‌କା ୱାଜି ଆଉଲି ଆଜି ଇର୍ହାତ୍‌, “ଇୟା ଲୋକୁ ୱିଜେରିଙ୍ଗ୍‍ଁ ପେରି ମାପୁରୁଦି ସେବାକିନିକାର୍‍ । ମିର୍‌ ଏଣ୍ତେସ୍‌ ପରିତ୍ରାଣ ପୟ୍‌ନିଦେର୍‌, ଇୟା ମାଟା ୱାର୍‌ ଇଜିନାର୍‍ !” 
\v 18 ରିପା ଆଇଲି ବେସି ଦିନ୍‌ ଆସ୍‌ସି ଇୟାୱାଜା କିତାତ୍‍ । ସାରାସାରି ପାଉଲ ରିସା ଆଜି ୱେନ୍‌କା ମାର୍‍ଜି ତାଗ୍‌ଇ ଆତ୍ମାଦିଙ୍ଗ୍‍ଁ ଆଦ୍‌ରିସି ଇର୍ହାନ୍‌, “ଜିସୁ କ୍ରିସ୍ତଦି ଦର୍‌ତାନ୍‌ ଆଦେସ୍‌ ସିଜିନା, ତାନି ମାଣାନ୍‌ ସହସ ସାଙ୍ଗ୍ଆ !” ଆୟା ଦାପ୍ରେ ତାଗ୍‌ଇ ଆତ୍ମା ତାନି ମାଣାନ୍‌ ସତା ସର୍ହାତ୍‍ । 
\v 19 ଏସ୍ତିୱାଲେ ତାନି ମାଲିକ୍‍କୁ ନିଜେଦି ଡାବୁଙ୍ଗୁଁ ଉଣ୍ତାକିନିକା ଆରାତାପ୍‌ ଇଜି ନେସ୍‍ସି, ପାଉଲ ନି ସିଲେଙ୍ଗ୍‍ଁ ଆସ୍‌ସି ଗାଡ଼୍‌ତି ମଜାୟ୍‍ ନାଡ଼୍‍ମିବାଡିଦୁ ମାନି ରମିୟ ନେତାର୍‌ଦି ଲାକ୍‌ତୁ ରେଲ୍‌ଜି ତାତାର୍‌ । 
\v 20 ମାରି, ୱାର୍‌ ୱାରିଙ୍ଗ୍‍ଁ ରମିୟ ସାସନ୍‍କିନିୱାରି ଲାକ୍‌ତୁ ତାସି ଇର୍ହାର୍‌, “ଇୟା ଲୋକୁ ଜିହୁଦିର୍‌, ଇୟାକାର୍‌ ମା ଗାଡ଼୍‌ତୁ ଜାଟିଜଗଡ଼ା କିଜିନାର୍‍ । 
\v 21 ୱାର୍‌ ମା ନିୟମ୍‌ ବିରୁଦ୍‍ତି ରିତିନିତି ଅଜାକିଜିନାର୍‍ । ମାଡ୍‌ ରମିୟ ଲୋକୁ, ଆଦେଙ୍ଗ୍‍ଁ ଇୟାୱିଜୁ ରିତିନିତି ଆସ୍‍ତେଙ୍ଗ୍‍ଁ ଆଟ୍‍ଏପ୍‍ ।” 
\v 22 ମାଲିକ୍‌କା ମାଟାଦୁ ଆସ୍‌ସି ଆବେ ମାନି ଲୋକୁ ପାଉଲ ନି ସିଲାଦି ବିରଦ୍‌ତାନ୍‌ ନିଙ୍ଗିଁତାର୍‍ ।
\p ପାଉଲ ନି ସିଲାଦି ଆଙ୍ଗିଁ କୁତ୍‍ସି ୱାରିଙ୍ଗ୍‍ଁ ବାଡିଗାଦାନ୍‍ ଡାକ୍‍ତେଙ୍ଗ୍‍ଁ ନେତା ଆଦେସ୍‌ ସିତାନ୍‌ । 
\v 23 ନାଣ୍ତ ମାଡ୍‌ ତିର୍‌ଇ ୱେନ୍‌କା ୱାର୍‌ ଜଇଲ୍‌ତୁ ସର୍ହାର୍‍ ମାରି ୱାରିଙ୍ଗ୍‍ଁ କୁସିକାଣ୍ତି ଆର୍‍ପ୍‍ସି କାପ୍‌କିଜି ଇଡ୍‍ଦେଙ୍ଗ୍‍ଁ ଇଜି କାପ୍‍କିନିୱାରିଙ୍ଗ୍‍ଁ ଆଦେସ୍‌ ସିଆୟ୍‍ ଆତାତ୍‌ । 
\v 24 ଇୟା ଆଦେସ୍‌ ପୟ୍‌ଜି କାପ୍‍କିନିକାନ୍‍ ୱାରିଙ୍ଗ୍‌ ଉନ୍‍ଣ୍ତ୍ରି ଲୋଇରି ବାକ୍‍ରାଦୁ ଇଡ୍‌ଜି, ବଜ୍‍ତି ମାରାନ୍‌ ଗଣ୍ତିଦୁ ୱାରି କାଲ୍‍କାଙ୍ଗ୍‍ଁ ତର୍‍ତା ଇଟ୍‌ତାନ୍‌ ।
\p
\v 25 ମଜାୟ୍‍ ନାଡ଼ା ପାଉଲ ନି ସିଲା ପାର୍‌ତନା କିଜିମାର୍ହାର୍‌, ମାପୁରୁଦି ଉଦେସ୍‍ତାନ୍‍ ପାଟା ପାର୍‍ଜି ମାର୍ହାର୍‌ ମାରି ଜଇଲ୍‌ତୁ ମାନି ଆଇକାର୍‌ ଇକା ୱେନ୍‌ଜି ମାର୍ହାର୍‌ । 
\v 26 ଆୟାଦାପ୍ରେନେ ନାଣ୍ତ ବୁମିକମ୍ଫ ଆତାତ୍‌ ମାରି ଜଇଲ୍‍ତି ମୁଲ୍‍କାଲ୍‍ତିଙ୍ଗ୍‍ଁ ଦୁକାତା ପକ୍‍ତାତ୍‍ । ବେଗି ବେଗି ୱିଜୁ ସେର୍‍ଲେଙ୍ଗ୍‌ ରେଆତେ ସର୍ହେ ମାରି ୱିଜୁ ଜଇଲ୍‌ତୁ ମାନିଲୋକା ସିକିଣିଙ୍ଗ୍‍ଁ ଆର୍‍ତେ ସର୍ହେ । 
\v 27 ଜଇଲ୍‍ତିଙ୍ଗ୍‍ଁ କାପ୍‍କିନିକାନ୍‍ ସେତାଆଜି ନିଙ୍ଗିଁତାନ୍‍ ମାରି ଜଇଲ୍‍ତି ସେର୍‍ଲେଙ୍ଗ୍‌ ୱିଜୁ ରେଆତିକା ସୁଡ଼୍‌ଜି ଅଡ଼୍‍ବିତାନ୍‍ ଜେ ଜଇଲ୍‍ତୁମାନିକାର୍‍ ଉର୍‍କୁତାମାନାର୍‍; ଆଦେଙ୍ଗ୍‍ଁ ୱାନ୍‌ ୱାନି କୁଡ଼ାମ୍‍ ସପ୍‍ସି କାତାଦେଙ୍ଗ୍‍ଁ ଇଜି ବଦା କିତାନ୍‌ । 
\v 28 ମାତର୍‌ ପାଉଲ ନାଣ୍ତ ଆଉଲିଦାନ୍‍ ଇର୍ହାନ୍‌, “ନିଜେଦିଙ୍ଗ୍‍ଁ ଇନି ନାଷ୍ଟୁ କିମା । ମାପ୍‌ ୱିଜେରେ ଇବେ ମାନାପ୍‍ ।”
\p
\v 29 ଜଇଲ୍‌ କାପ୍‍କିନିକାନ୍‍ ଦିୱା ତାପିସ୍‍କିତାନ୍‍ ମାରି ଲୋଇ ଉରୁକ୍‍ସି ୱାଜି ତିର୍‍ଗିଜି ତିର୍‍ଗିଜି ପାଉଲ ନି ସିଲାଦି କାଲ୍‍କା ଆଡ୍‍ଗି ଆର୍‍ତାନ୍‍ । 
\v 30 ୱେନ୍‌କା ୱାରିଙ୍ଗ୍‍ଁ ଆତ୍‌ରେ ଅସି ୱେନ୍‌ବାତାନ୍‌, “ଆଜ୍ଞାର୍‍, ରକିୟା ପୟ୍‍ଦେଙ୍ଗ୍‍ଁ ଇଜି ନାଙ୍ଗିଁ ଇନିକା କିଦେଙ୍ଗ୍‍ଁ ଆନାତ୍‌ ?”
\p
\v 31 ୱାର୍‌ ଇର୍ହାର୍‌, “ପ୍ରବୁ ଜିସୁମାନୁ ବିସ୍‌ବାସ୍‌ କିତିଙ୍ଗ୍‍ଁ, ନିନ୍‌ ମାରି ଇଲୁଦି ୱିଜୁ ଲୋକୁ ରକିୟା ପୟ୍‌ନିଦେର୍‌ ।” 
\v 32 ୱେନ୍‌କା ୱାର୍‌ ୱାନିଙ୍ଗ୍‍ଁ ନି ୱାନି ଇଲୁଦି ଆଇ ୱିଜେରିଙ୍ଗ୍‍ଁ ପ୍ରବୁଦି ବାକ୍ୟ ୱେର୍‌ତାର୍‌ । 
\v 33 ନାଡ଼ାଦି ଆୟା ସମୟ୍‍ତୁ ଜଇଲ୍‍ତିଙ୍ଗ୍‍ଁ କାପ୍‍କିନିକାନ୍‍ ୱାରିଙ୍ଗ୍‍ଁ ଅସି ୱାରି ଗାଉକୁ ୱିଜୁ ନର୍‍ତା ସିତାନ୍‌, ମାରି ୱାନ୍‌ ନି ଇଲ୍‍ତି ୱିଜେରେ ଆୟାଦାପ୍ରେ ଡୁବନ୍‌ ଅତାର୍‌ । 
\v 34 ତାନିୱେନ୍‍କା ୱାନ୍‌ ପାଉଲ ନି ସିଲେଙ୍ଗ୍‍ଁ ନିଜେଦି ଇଲ୍‌ତୁ ଅସି ଉଣ୍ତେଙ୍ଗ୍‍ଁ ସିତାନ୍‌ । ମାପୁରୁମାନୁ ବିସ୍‌ବାସ୍‌ କିତାର୍‍ଆକା ୱାନ୍‌ ନି ୱାନି ଇଲ୍‍ତି ୱିଜେରି ଜିବନ୍‌ ୱେଡ଼ିକାଦୁ ପୁରା ଆତାତ୍‌ ।
\p
\v 35 ମାରିନାଣ୍ତିଙ୍ଗ୍‍ଁ ସାଲ୍‍ଦି ରମିୟ ଅଦିକାରିର୍‍ ଜାମାନ୍‌କାଙ୍ଗ୍‍ଁ ଇୟା ଆଦେସ୍‌ ସିଜି ପକ୍‌ତାନ୍, “ଆୟା ଲୋକାଙ୍ଗ୍‌ ଡ଼ିସ୍‌ସୋ ସିଦୁ ।”
\p
\v 36 ଆବେଟ୍‌ ଜେଲ୍‌କାପ୍‍କିନିକାନ୍‍ ପାଉଲ୍‍ତିଙ୍ଗ୍‍ଁ ଇର୍ହାନ୍‌, “ଅଦିକାରିର୍‍ ନିଙ୍ଗିଁ ନି ସିଲେଙ୍ଗ୍‍ଁ ମୁକୁଡ଼ା କିଦେଙ୍ଗ୍‍ଁ ଇଜି ଆଦେସ୍‌ ପକ୍‍ତାମାନାନ୍‍ । ଇଲେଇ ମିର୍‌ ସାନ୍ତିଦାନ୍‌ ଇୟା ବାଡିଦାନ୍‍ ସନ୍‍ଡ୍ରେଙ୍ଗ୍‍ଁ ଆଟ୍‌ନିଦେର୍‌ ।”
\p
\v 37 ମାତର୍‌ ପାଉଲ ଜାମାନ୍‌କାଙ୍ଗ୍‍ଁ ଇର୍ହାନ୍‌, “ଇନି ନିନ୍ଦାଦୁ ଦସି ଆଏତିମାରିଙ୍ଗ୍‍ଁ ବା ୱାର୍‌ ଲୋକା ଆଗ୍‌ଡ଼ି ମାଙ୍ଗିଁ ଡାକ୍‍ତାର୍‍ । ମାପ୍‌ ରମିୟ ଲୋକୁ, ମାତର୍‌ ୱାର୍‌ ମାଙ୍ଗିଁ ଜଇଲ୍‌ତୁ ଇଟ୍‌ତାର୍‌ । ଇଲେଇ ୱାର୍‌ ମାଙ୍ଗିଁ ନେସ୍‌ଇୱାଜା ଡ଼ିସ୍‌ସୋ ସିଦେଙ୍ଗ୍‌ ବଦା କିଜିନାର୍‍ । ମାପ୍‌ ଇକା କିଦେଙ୍ଗ୍‍ଁ ସିଏପ୍‍ । ରମିୟ ଅଦିକାରିର୍‍ ନିଜେ ଇବେ ୱାଜି ମାଙ୍ଗିଁ ମୁକୁଡ଼ା କିପିର୍‍ ।” 
\v 38 ଜାମାନ୍‌କୁ ରମିୟ ଅଦିକାରିଙ୍ଗ୍‍ଁ ଇୟା ମାଟା ୱେର୍‌ତାର୍‌ । ପାଉଲ ନି ସିଲା ରମିୟ ଲୋକୁ ଇଜି ୱେନ୍‌ଜି ୱାର୍‌ ତିଲାତା ସର୍ହାର୍‍ । 
\v 39 ୱେନ୍‌କା ସଲ୍‍ସି ୱାରି ଲାକ୍‌ତୁ କେମା ଲୋସ୍‍ତାର୍‍ ମାରି ୱାରିଙ୍ଗ୍‍ଁ ଜଇଲ୍‍ତାନ୍‍ ମୁକୁଡ଼ା କିଜି ଗାଡ଼୍‌ ଡ଼ିସ୍‌ସି ସନ୍‍ଡ୍ରେଙ୍ଗ୍‍ଁ ମାଡ଼ିସ୍‌ କିତାର୍‍ । 
\v 40 ପାଉଲ ନି ସିଲା ଜଇଲି ଡ଼ିସ୍‌ସି ଲୁଦିଆଦି ଇଲ୍‌ତୁ ସର୍ହାର୍‍ । ଆବେ ୱାର୍‌ ବିସ୍‍ବାସ୍‌ତି ତଡ଼ାନ୍‌କାଙ୍ଗ୍‌ ବେଟ୍‍ ଆତାର୍‌ ମାରି ୱାରିଙ୍ଗ୍‍ଁ ୱେଡ଼ିକା ମାଟା କିବିସ୍‍ କିଜି ଆୟା ବାଡି ଡ଼ିସ୍‌ସି ସର୍ହାର୍‍ ।
\c 17
\s ତେସଲନିକାଦୁ ସେବା ପାଣି
\p
\v 1 ପାଉଲ ନି ସିଲା ଆମ୍ଫିପଲି ମାରି ଆପଲନିଆ ଗାଡ଼୍‌ ସିଜି ସଲ୍‍ସି ତେସଲନିକିୟାଦି ଇତାର୍‌ । ଆବେ ଉନ୍‍ଣ୍ତ୍ରି ଜିହୁଦିରି ପାର୍‌ତନା ଇଲୁ ମାର୍ହାତ୍‌ । 
\v 2 ପାଉଲ ୱାନି ରିତି ଇସାବ୍‌ତାନ୍‌ ପାର୍‌ତନା ଇଲ୍‌ତୁ ସର୍ହାନ୍‍ । ଆବେ ପାକାପାକି ମୁନ୍‍ଣ୍ତ୍ରି ରମ୍‌ନି ଦିନ୍‌ ସାନ୍ଧି ଦାର୍ମୁସାସ୍ତ୍ରଦି ବାକ୍ୟ ଅସି ୱାନ୍‌ ଲୋକାଙ୍ଗ୍‌ ୱେର୍‌ତାନ୍‌, 
\v 3 ଦାର୍ମୁସାସ୍ତ୍ର ୱେର୍‌ସି ମାରି ବୁଜାକିଜି ସତ୍‌ ତର୍‍ତାନ୍‍ ଜେ, ମସିହଦି ଦୁକୁ ବଗାନିକା ମାରି ସାତି ମାଣାନ୍‌ ନିଙ୍ଗିଁକା ଦର୍‌କାର୍‌ ମାର୍ହାତ୍‌ । ପାଉଲ ଇର୍ହାନ୍‌, “ଏମେ ଜିସୁଦି ବିସୟ୍‌ ନାନ୍ ୱେର୍‌ସିନା, ୱାନ୍‌ ଆୟା ମସିହ ।” 
\v 4 ୱାରି ଲୋଇ ଏସ ଲୋକୁ ଇକା ବିସ୍‌ବାସ୍‌ କିଜି ପାଉଲ ନି ସିଲା ୱାଲେ ମିସାତାର୍‍; ଆୟାୱାଜା ନାଣ୍ତ ପେରି ଆଇମେକ୍‍ ମାରି ମାପୁରୁଦି ପାର୍‍ତନାକିନି ଗ୍ରିକ୍‌ ଲୋକା ଉନ୍‍ଣ୍ତ୍ରି ପେରି ଦଲ୍‌ ବା ୱାରି ୱାଲେ ମିସାତାର୍‍ ।
\p
\v 5 ମାତର୍‌ ଜିହୁଦି ଲୋକୁ ରିସା ଆତାର୍‌ ମାରି ଏସ ତାଗ୍‌ଇ ଗୁଣ୍‍ତି ଲୋକାଙ୍ଗ୍‌ ଉଣ୍ତା କିଜି ୱିଜୁ ଗାଡ଼୍‍କାଙ୍ଗ୍‍ଁ ମାଡ୍‌ଗୋଲ୍‌ କିବିସ୍‍ କିତାର୍‍ । ୱାର୍‌ ପାଉଲ ନି ସିଲେଙ୍ଗ୍‍ଁ ପୟ୍‌ଜି ଲୋକା ଲାକ୍‌ତୁ ତାନି ଉଣ୍ତିଙ୍ଗ୍‍ଁ ଜେସନ୍‍ ଦର୍‌ତି ଅରେନ୍‌ ଲୋକ୍‌ତି ଇଲୁଦିଙ୍ଗ୍‌ ୱିର୍‍ସିତାର୍‍ । 
\v 6 ମାତର୍‌ ଆବେ ପାଉଲ ନି ସିଲେଙ୍ଗ୍‍ଁ ପୟ୍‍ଏଜି, ୱାର୍‌ ଜେସନ୍‍ ନି ଆଇ ଏସ ବିସ୍‍ବାସ୍‌ତି ତଡ଼ାନ୍‌କାଙ୍ଗ୍‌ ଗାଡ଼୍‌ତି ଅଦିକାରିରି ଲାକ୍‌ତୁ ରେଲ୍‌ଜି ତାସି ଆଉଲି ଆଜି ଇର୍ହାର୍‌, “ଇୟା ଲୋକୁ ସାରିବେଡ଼୍‍ତି ଜାଟି ଜଗଡ଼ା କିଜିନାର୍‍ ! ଇଲେଇ ୱାର୍‌ ମା ଗାଡ଼୍‌ତୁ ୱାତାମାନାର୍‌ 
\v 7 ମାରି ଜେସନ୍‍ ୱାରିଙ୍ଗ୍‍ଁ ୱାନି ଇଲ୍‌ତୁ ଇଟ୍‌ତାମାନାନ୍‌ । ଜିସୁ ଦର୍‌ତି ମାରି ଅରେନ୍‌ ରାଜା ମାନାନ୍‌ ଇଜି ୱେର୍‌ସି ୱାର୍‌ ସମ୍ରାଟଦି ୱିଜୁ ନିୟମ୍‌ ଅମାନ୍ୟ କିଜିନାର୍‍ ।” 
\v 8 ଇୟା ମାଟା ଇଜି ୱାର୍‌ ଲୋକାଙ୍ଗ୍‌ ନି ଅଦିକାରିରି ଲୋଇ ନାଣ୍ତ ରିସା ନି ଜାଟି ଜଗଡ଼ା କିଜିନାର୍‍ । 
\v 9 ଅଦିକାରିର୍‍ ଜେସନ୍‍ ନି ବିସ୍‍ବାସିରି ମାଣାନ୍‌ ଡାବୁଙ୍ଗୁଁ ଅସି ୱାରିଙ୍ଗ୍‍ଁ ମୁକୁଡ଼ା କିଜି ଡ଼ିସ୍‍ତା ସିତାର୍‍ ।
\s ବେରିଆଦୁ ସେବା ପାଣି
\p
\v 10 ନାଡ଼ା ଆତିୱେନ୍‍କା ବିସ୍‍ବାସ୍‌ତି ତଡ଼ାନ୍‌କୁ ପାଉଲ ନି ସିଲେଙ୍ଗ୍‍ଁ ବେରିଆଦୁ ପକ୍‌ତାର୍‌ । ୱାର୍‌ ଆବେଟାନ୍‍ ଇଜି ଜିହୁଦିରି ପାର୍‌ତନା ଇଲୁଦୁ ସର୍ହାର୍‍ । 
\v 11 ତେସଲନିକିୟାଦି ଲୋକା ବାଦ୍‌ଲୁ ଆବେଣି ଲୋକୁ ନାଣ୍ତ ନେସ୍‌ତେଙ୍ଗ୍‌ ୱେଡ଼ିକା ମାର୍ହାର୍‍ । ୱାର୍‌ ନାଣ୍ତ ୱେଡ଼ିକାଦାନ୍‌ ସିସୁରି ବାକ୍ୟ ୱେର୍‌ଆର୍‌ ମାରି ପାଉଲଦି ମାଟାଦି ସତ୍‌ ମାଟା ନେସ୍‍ତେଙ୍ଗ୍‍ଁ ଇଜି ୱିଜୁଦିନ୍‌ ଦାର୍ମୁସାସ୍ତ୍ର ପଡ଼ାଜି ୱେନ୍‍ବାଜି ମାର୍ହାର୍‍ । 
\v 12 ୱାରି ଲୋଇ ନାଣ୍ତ ଲୋକୁ ବିସ୍‍ବାସ୍‍ କିତାର୍‍ । ନାଣ୍ତ ସନ୍‌ମାନ୍‍‍ତି ଗ୍ରୀକ୍‍ ଆଇମେକ୍‍ ମାରି ଗ୍ରିକ୍‌ ଲୋକୁ ବିସ୍‍ବାସିରି ୱାଲେ ମିସାତାର୍‍ । 
\v 13 ମାତର୍‌ ଏସ୍ତିୱାଲେ ତେସଲନିକିୟାଦି ଜିହୁଦି ଲୋକୁ ୱେର୍‌ଆର୍‌ ଜେ ବେରିଆଦୁ ବା ପାଉଲ ମାପୁରୁଦି ବାକ୍ୟ ପ୍ରଚାର୍‌ କିଜିନାନ୍‍, ୱାର୍‌ ଆବେ ୱାଜି ଜାଟି ଜଗଡ଼ା କିଦେଙ୍ଗ୍‍ଁ ଇଜି ଲୋକାଙ୍ଗ୍‌ ଏଗ୍ରିସ୍‍ତାର୍‍ । 
\v 14 ବେଗି ବେଗି ବିସ୍‍ବାସ୍‌ତି ତଡ଼ାନ୍‌କୁ ପାଉଲ୍‍ତିଙ୍ଗ୍‍ଁ ସାମ୍‌ଦୁର୍‌ ପାଡ଼ିସିଜି ପକ୍‌ତାର୍‌; ମାତର୍‌ ସିଲା ନି ତିମତି ରିଏର୍‌ ବେରିଆଦୁ ତେବାତାର୍‌ । 
\v 15 ପାଉଲ୍‍ତିଙ୍ଗ୍‍ଁ ଅସି ମାର୍ହି ଲୋକୁ ୱାନି ୱାଲେ ଆତେନ୍‍ସ୍‍ ସାନ୍ଦି ସର୍ହାର୍‍ । ଆବେଟ୍‌ତାନ୍‌ ୱାର୍‌ ବେରିଆଦାନ୍‌ ଡ଼େସି ୱାଜି ସିଲା ନି ତିମତିଦିଙ୍ଗ୍‌ ଇର୍ହାର୍‌, ୱାର୍‌ ବେଗି ପାଉଲିତି ୱାଲେ ମିସାପିର୍‌ ଇଜି ପାଉଲ ଆଦେସ୍‌ ସିତାମାନାନ୍‌ ।
\s ଆତେନ୍‍ସ୍‍ତୁ ପାଉଲତି ସେବା ପାଣି
\p
\v 16 ଆତେନ୍‍ସ୍‍ ସିଲା ନି ତିମତିଙ୍ଗ୍‍ଁ କାପ୍‍କିନି ସମୟ୍‍ତୁ ଗାଡ଼୍‌ ଦିୟାମ୍‍କାଙ୍ଗ୍‌ ପୁରାଆତିମାନିକା ସୁଡ଼ୁଜି ପାଉଲ ନାଣ୍ତ ଦୁକ୍‌ ଆତାନ୍‍ । 
\v 17 ଆଦେଙ୍ଗ୍‍ଁ ୱାନ୍‌ ପାର୍‌ତନା ଇଲୁଦୁ ଜିହୁଦି ଲୋକା ୱାଲେ ମାପୁରୁଦି ପାର୍‍ତନାକିନି ଅଣଜିହୁଦିରି ୱାଲେ ଇୟା ବିସୟ୍‌ତାନ୍‌ ସବୁଦିନ୍‍ ୱାର୍‍ଗିଦେଙ୍ଗ୍‍ଁ ଆସ୍‌ତାନ୍‌ । ଗାଡ଼୍‌ତି ଡେଣା ବାଡିଆଙ୍ଗ୍‍ଁ ସନିୱାନିକା ଆଜିମାନି ଲୋକା ୱାଲେ ଆୟା ବିସୟ୍‌ତାନ୍‌ ୱାର୍‍ଗିତାର୍‍ । 
\v 18 ଏସ “ଏପିକ୍ୟୁରିଆନ୍‍ ନି ସ୍ଟୋଇକ୍‍” ସିକିୟା ଗୁରୁରି ୱାଲେ ୱାନି ଆସ୍‌ସିସାତାର୍‌ । ୱାରି ଲୋଇ ଏସଲୋକ୍‌ ଇର୍ହାର୍‌, “ଇୟା ବୁଦିସିଲିକାନ୍‌ ଇନିକା ଇନ୍‍ଡ୍ରେଙ୍ଗ୍‍ଁ ସଲ୍‌ସିନାନ୍‌ ?”
\p ଆଇକାର୍‌ ଇର୍ହାର୍‌, “ଆଇଦେସ୍‍ତି ଦିୟାମ୍‍କା ବିସୟ୍‌ତାନ୍‌ ୱାନ୍‌ ସୁସମାଚାର୍‌ ପ୍ରଚାର୍‌ କିନିକା ୱାଜା ଆଜିନାତ୍‌ ।” ଜିସୁ ନି ୱାନି ମାରିଡ଼େସି ନିଙ୍ଗିଁନି ବିସୟ୍‌ତାନ୍‌ ପାଉଲ ପ୍ରଚାର୍‌ କିନିକା ୱେନ୍‌ଜି ୱାର୍‌ ଇକା ଇର୍ହାର୍‌ । 
\v 19 ଆୟାଉଣ୍ତିଙ୍ଗ୍‌ ୱାର୍‌ ପାଉଲ୍‍ତିଙ୍ଗ୍‍ଁ ଆସ୍‌ତା ଅତାର୍‍ ମାରି ୱାନିଙ୍ଗ୍‌ ଏରିୟ ପାଗସ୍‍ ଦର୍‌ତି ଗାଡ଼୍‌ ମିଟିଙ୍ଗ୍‍ଁତୁ ତାସି ଇର୍ହାର୍‌, “ନିନ୍‌ ଏମେ ପୁନି ସିକିୟା ବିସୟ୍‌ତାନ୍‌ ୱେର୍‌ସିନି, ଆୟା ବିସୟ୍‌ତାନ୍‌ ମାପ୍‌ ନେସ୍‍ତେଙ୍ଗ୍‍ଁ ବଦା କିଜିନାପ୍‍ । 
\v 20 ନିନ୍‌ ୱେର୍‌ସି ମାନି ଏସ ମାଟା ମାଙ୍ଗିଁ କାବା ୱାଜିନାତ୍‍ । ମାପ୍‌ ତାନି ଅର୍ତ ନେସ୍‍ତେଙ୍ଗ୍‌ ବଦାକିନାପ୍‍ ।” 
\v 21 ଆତେନ୍‍ସ୍‍ତି ଲୋକୁ ମାରି ଆବେ ବାସାକିନି ଆଇଦେସ୍‍ତିକାର୍‍ ପୁନି ବିସୟ୍‌ ୱେନ୍‍ଡ୍ରେଙ୍ଗ୍‍ଁ ନି ଇନ୍‍ଡ୍ରେଙ୍ଗ୍‍ଁ ନାଣ୍ତ ଜିବନ୍‌ ନଜି ମାର୍ହାର୍‌ । ଇବେ ୱାର୍‌ ନାଣ୍ତ ସମୟ ସିଜି ମାର୍ହାର୍ ।
\p
\v 22 ପାଉଲ ଏରିୟ ପାଗସ୍‍ ଗାଡ଼୍‌ ମିଟିଙ୍ଗ୍‍ଁ ଆଗ୍‌ଡ଼ି ନିଲ୍‌ସି ଇର୍ହାନ୍‌, “ଆତେନ୍‍ସ୍‍ତି ବାସାନିଲୋକୁ, ମିର୍‌ ୱିଜେରେ ଦାର୍ମୁ ଲୋକୁ ଜଣା ପଡ଼ାଜିନାତ୍‍ ।” 
\v 23 ନାନ୍ ମି ଗାଡ଼୍‌ ବୁଲାଜି ସୁଡ଼୍‍ତି ୱାଲେ ମି ପୁଜାକିନି ବାଡିଦୁ ସୁଡ଼ୁତା । ଉନ୍‍ଣ୍ତ୍ରି ପୁଜା ସିନି ବେଦି ମୁସ୍‌କୁ ଉନ୍‍ଣ୍ତ୍ରି ନେସେଇ ମାପୁରୁଦି ଉଦେସ୍‍ତାନ୍‍, ରାସାତି ମାନିକା ବା ସୁଡ଼ୁତା । ମିର୍‌ ନେସ୍‍ଏନ୍‍ଣ୍ତା ଆମା ତାନିଙ୍ଗ୍‍ଁ ପୁଜା କିଜିନିଦେର୍‌, ଇଲେଇ ୱାନି ମାଟା ମି ଲାକ୍‌ତୁ ପ୍ରଚାର୍‌ କିଦେଙ୍ଗ୍‍ଁ ସଲ୍‍ସିନା । 
\v 24 \x + \xo ୧୭:୨୪ \xo*\xt ପ୍ରେରିତ ୭:୪୮.\xt*\x*ମାପୁରୁ ଦୁନିଆ ନି ଆବେ ମାନି ୱିଜୁ ବିସୟ୍‌ ତିଆର୍‌ କିତାନ୍‌ । ୱାନ୍‌ ମୁସ୍‌କୁପୁର୍‌ ନି ଦୁନିଆଦି ପ୍ରବୁ । ଲୋକା କିକାଣ୍‍ ତିଆର୍‌ ଆତି ମନ୍ଦିର୍‍କାଙ୍ଗ୍‌ ୱାନ୍‌ ବାସାଏନ୍‍ । 
\v 25 ମାଡ୍‌ ୱାନି ଉଣ୍ତିଙ୍ଗ୍‍ଁ ପାଣି କିଜି ୱାନିଙ୍ଗ୍‍ଁ ସିଦେଙ୍ଗ୍‌ ଆଟ୍‍ନିନାନି ଇନି ବିସୟ୍‌ ୱାନ୍‌ ବଦା କିଏନ୍‌; ଇରିଙ୍ଗ୍‍ଁ ୱାନ୍‌ ୱିଜେରିଙ୍ଗ୍‍ଁ ଜିବନ୍‌, ପୁନ୍‍ଣ୍ତା ମାରି ୱିଜୁ ଦର୍‌କାର୍‌ ବିସୟ୍‌ ସିତାମାନାନ୍‌ । 
\v 26 ଅରେନ୍‌ ଲୋକ୍‌ତି ମାଣାନ୍‌ ୱାନ୍‌ ୱିଜୁ ଲୋକୁ ଜାତିଦିଙ୍ଗ୍‍ଁ ତିଆର୍‌ କିତାମାନାନ୍‍ ମାରି ୱାନି ଆଦେସ୍‍ତାନ୍‍ ୱାର୍‌ ଦୁନିଆଦି ନାଣ୍ତ ବାଡିଆଙ୍ଗ୍‍ଁ ବାସାନାର୍‍, ଏମେ ସମୟ୍‍ତୁ, ଏନ୍‌ ଏମେ ବାଡିଦୁ ବାସାନାନ୍‍, ଆଗ୍‌ଡ଼ିରାନ୍‌ ମାପୁରୁ ଆକା ତିଆର୍‌ କିତାମାନାନ୍‍ । 
\v 27 ୱାନି ଉଦେସ୍‌ ମାର୍ହାତ୍‌, ୱିଜେରେ ଏଣ୍ତେସ୍‌ ୱାନିଦି ପୟ୍‌ଜି ୱାନିଙ୍ଗ୍‍ଁ ପୟ୍‌ନାର୍‌ । ମାତର୍‌ ସତ୍‍ତାନ୍‍ ମାପୁରୁ ଆମାୱାନିମାଣାନ୍‍ ଆକ ସିଲେନ୍‌ । 
\v 28 ଇୟା ବିସୟ୍‌ତାନ୍‌ ଅରେନ୍‌ ଲୋକୁ ଇର୍ହାମାନାନ୍‌,
\q1 “ୱାନିମାନୁନେ ମା ଜିବନ୍‌ତି ଜିନିକା, ବୁଲାନିକା ନି ତେବାନିକା ।”
\m ମି ରାସ୍‌ନିୱାରି ଲୋଇ ଏସଲୋକ୍‌ ଇର୍ହାମାନାର୍‌,
\q1 “ମାପ୍‌ ବା ୱାନି କଡ଼ର୍‌ ।”
\m
\v 29 ମାପ୍‌ ମାପୁରୁଦି କଡ଼ର୍‌ ଆତିମାନିଙ୍ଗ୍‌ ଲୋକା ମାଣାନ୍‌ ତିଆର୍‌ଆତି ବାଙ୍ଗାଁରାମ୍‍, ୱେନ୍‍ଣ୍ତି ମାରି କାଲ୍‍ତାନ୍‍ ତିଆର୍‌ଆତି ବମାଦି ରୁପ୍‍ତାନ୍‍ ମାପୁରୁଦି ୱାଜା ଏତ୍‌କିଦେଙ୍ଗ୍‌ ଆଟ୍‌ଏଟ୍‍ । 
\v 30 ଲୋକୁ ମାପୁରୁଙ୍ଗ୍‍ଁ ନେସ୍‍ଇୱାଲେ ୱାନ୍‌ ଆୟା ଦସ୍‌ ଆସ୍‍ଏନ୍‌ ମାର୍ହାନ୍‌, ମାତର୍‌ ଇଲେଇ ଆୟାୱିଜୁ ୱିଜେରିଙ୍ଗ୍‍ଁ ୱାରି ପାପ୍‌ ସାରିଦାନ୍‍ ଡ଼େସିୱାଦେଙ୍ଗ୍‍ଁ ଇଜି ଆଦେସ୍‌ ସିଜିନାନ୍‌ । 
\v 31 ୱାନ୍‌ ଉନ୍‍ଣ୍ତ୍ରି ଦିନ୍‌ ତିର୍‌ କିତାମାନାନ୍‌ । ଆୟା ଦିନ୍‌ ୱାନ୍‌ ୱାନି ବାସେଆତି ଲୋକ୍‌ତି ମାଣାନ୍‌ ୱିଜୁ ଦୁନିଆଦି ନ୍ୟାୟ୍‌ ବିସାର୍‌ କିନାନ୍‌ । ଆୟା ଲୋକ୍‌ତିଙ୍ଗ୍‌ ସାତିମାଣାନ୍‌ ନିକ୍‍ତି ମାଣାନ୍‌ ୱାନ୍‌ ଇୟା ମାଟାଦି ସତ୍‍ ୱିଜେରରିଙ୍ଗ୍‍ଁ ୱେର୍‍ତା ମାନାନ୍‌ !
\p
\v 32 ପାଉଲତିମାଣାନ୍‌ ସାତି ମାଣାନ୍‌ ମାରିଡ଼େସି ନିଙ୍ଗିଁନି ବିସୟ୍‌ ୱେନ୍‌ଜି ୱାରି ଲୋଇ ଏସ ଲୋକୁ ୱାନିଙ୍ଗ୍‍ଁ ସେମାର୍‌କିତାର୍‍, ମାତର୍‌ ଆଇକାର୍‌ ଇର୍ହାର୍‌, “ନିବାଣ୍‍କୁ ଇୟା ବିସୟ୍‌ତାନ୍‌ ମାପ୍‌ ମାରି ଉନ୍‍ଣ୍ତ୍ରି ଦେବା ୱେନ୍‍ଡ୍ରେଙ୍ଗ୍‍ଁ ବଦା କିଜିନାପ୍‍ ।” 
\v 33 ଆୟା ନାଣ୍ତିରି ମିଟିଙ୍ଗ୍‍ଁ ଡ଼ିସ୍‌ସି ପାଉଲ ସର୍ହାନ୍‍ । 
\v 34 ଡାୟୋନିସିଅସ୍‍ ଦର୍‌ତି ମିଟିଙ୍ଗ୍‍ଁତି ଅରେନ୍‌ ଲୋକୁ, ଦାମାରି ଦର୍‌ତି ଅରେତ୍‌ ଆଇ ମାନି ମାରି ଏସ ଲୋକୁ ବିସ୍‌ବାସ୍‌ କିତେ ମାରି ୱାନି ୱାଲେ ମିସାତାର୍‌ ।
\c 18
\s କରନ୍ତି ଗାଡ଼୍‌ତୁ ପାଉଲତି ସେବା ପାଣି
\p
\v 1 ଇୟା ୱେନ୍‌କା ପାଉଲ ଆତେନ୍‍ସ୍‍ ଡ଼ିସ୍‌ସି କରନ୍ତିଦୁ ୱାତାନ୍‌ । 
\v 2 ମାରି ୱାନ୍‌ ଆକିଲା ଦର୍‌ତି ଜିହୁଦି ଲୋକ୍‍ତିଙ୍ଗ୍‍ଁ ବେଟ୍‌ଆତାନ୍‌, ପନ୍ତଦୁ ୱାନ୍‌ ଜନମ୍‌ ଆତାମାର୍ହାନ୍‍; ସମ୍ରାଟ କ୍ଳାଡିୟସ୍‍ ୱିଜେରେ ଜିହୁଦି ଲୋକାଙ୍ଗ୍‌ ରୋମ୍ ଡ଼ିସ୍‍ତେଙ୍ଗ୍‍ଁ ଇଜି ଆଦେସ୍‌ ସିତାମାର୍ହାନ୍‍ଆକା, ୱାନ୍‌ ଏସ ଦିନ୍‌ ଆଗ୍‌ଡ଼ି ୱାନି ଆଡ଼୍‌ସି ପ୍ରିସ୍କିଲାଦି ୱାଲେ ଇଟାଲିଦାନ୍‍ ୱାତାମାର୍ହାର୍‍ । 
\v 3 ପାଉଲ ୱାରିଙ୍ଗ୍‍ଁ ବେଟ୍‌ଆଦେଙ୍ଗ୍‍ଁ ସଲ୍‍ସି ୱାରି ୱାଲେ ବାସାତାନ୍‍, ଇରିଙ୍ଗ୍‍ଁ ୱାନ୍‌ ବା ୱାରିୱାଜା ଗୁଡ଼େଏଙ୍ଗ୍‍ଁ ତିଆର୍‌ କିଜି ଜିଜି ମାର୍ହାର୍‌ । 
\v 4 ଜିହୁଦି ନି ଗ୍ରିକ୍‌ଲୋକା ମନ୍‌ତୁ ପ୍ରବୁଦି ଉଣ୍ତିଙ୍ଗ୍‍ଁ ବିସ୍‌ବାସ୍‌ କିବିସ୍‍ କିଦେଙ୍ଗ୍‍ଁ ଇଜି ୱିଜୁ ରମ୍‌ନି ଦିନ୍‍ତୁ ୱାନ୍‌ ପାର୍‌ତନା ଇଲୁଦୁ ୱାର୍‌ଗିଜି ମାର୍ହାନ୍‍ ।
\p
\v 5 ସିଲା ନି ତିମତି ମାସିଦନିଆଦାନ୍‍ ଡ଼େସି ୱାତି ୱେନ୍‌କା ପାଉଲ ଜିହୁଦି ଲୋକା ଲାକ୍‌ତୁ ଜିସୁଦି ସୁସମାଚାର୍‌ ପ୍ରଚାର୍‌ କିଦେଙ୍ଗ୍‍ଁ ପୁରା ସମୟ୍ ସିତାନ୍‌ ମାରି ଜିସୁଙ୍ଗୁଁ ମସିହ ଇଜି ସାକି ସିତାନ୍‌ । 
\v 6 ମାତର୍‌ ୱାର୍‌ ୱାନି ବିରୁଦ୍‌ତାନ୍‌ ନିନ୍ଦା କିଜି ଇର୍ହାର୍‌, ତାମେ ବାଦା ୱାଜା ୱାନ୍‌ ନିଜେଦି ଆଙ୍ଗିଁଦାନ୍‍ ଦୁଡ଼ି ସାଡ଼୍‍ସି ୱାରିଙ୍ଗ୍‍ଁ ଇର୍ହାନ୍‌, “ମି ନେତେର୍‌ ମି ତାଲା ମୁସ୍‌କୁ ୱାଙ୍ଗିଁତି, ଆରିଙ୍ଗ୍‌ ଆୟାଉଣ୍ତିଙ୍ଗ୍‌ ମିର୍‌ ନିଜେ ଦାଇ ଆନିଦେର୍‌ । ନାନ୍ ଇୟାଉଣ୍ତିଙ୍ଗ୍‍ଁ ଦାଇ ସିଲେ । ଆର୍‍ତିଙ୍ଗ୍‍ଁ ନାନ୍ ଅଣଜିହୁଦିରି ମାନୁ ସନା ।” 
\v 7 ଆବେଟ୍‌ ୱାନ୍‌ ୱାରିଙ୍ଗ୍‍ଁ ଡ଼ିସ୍‌ସି ମାପୁରୁଦି ପାର୍‌ତନା କିଜିମାନି ତିତସ୍‍ ଜୁସ୍ତ ଦର୍‌ତି ଅରେନ୍‌ ଅଣଜିହୁଦିଦି ଇଲ୍‌ତୁ ତେବାଦେଙ୍ଗ୍‍ଁ ସର୍ହାନ୍‍ । ଜୁସ୍ତଦି ଇଲୁ ଜିହୁଦି ପାର୍‌ତନା ଇଲୁ ଲାକ୍‌ତୁ ମାର୍ହାତ୍‌ । 
\v 8 ଜିହୁଦି ପାର୍‌ତନା ଇଲ୍‍ତି ପେରିକାନ୍‌ କ୍ରିସ୍‍ପସ୍‍ ନି ୱାନି ଇଲ୍‌ତି ୱିଜେରେ ପ୍ରବୁମାନୁ ବିସ୍‍ବାସ୍‍‍ କିତାର୍‍ ମାରି କରନ୍ତିଦି ମାରି ନାଣ୍ତ ଲୋକୁ ପାଉଲଦି ସିକିୟା ୱେନ୍‌ଜି ବିସ୍‌ବାସ୍‌ କିତାର୍‍ ମାରି ଡୁବନ୍‌ ଅତାର୍‌ ।
\p
\v 9 ଉନ୍‍ଣ୍ତ୍ରି ନାଡ଼ା ପାଉଲ ଉନ୍‍ଣ୍ତ୍ରି ଦର୍ସନ୍‍ ପୟ୍‌ତାନ୍‌, ଦର୍ସନ୍‍ତୁ ପ୍ରବୁ ୱାନିଙ୍ଗ୍‍ଁ ଇର୍ହାନ୍‌, “ତିଲାମା, ପ୍ରଚାର୍‌ କିଜିମାନ୍‌ଆ । ଆବେଟାନ୍‍ ସୁପ୍‌ଚାପ୍‌ ତେବାମା, 
\v 10 ଇରିଙ୍ଗ୍‍ଁ ନାନ୍ ନି ୱାଲେ ଲାକ୍‌ତୁ ଲାକ୍‌ତୁ ମାନା । ଏନ୍‌ ନି କେତି କିଦେଙ୍ଗ୍‍ଁ ଆଟ୍‌ଏନ୍‌, ଇରିଙ୍ଗ୍‍ଁ ଇୟା ଗାଡ଼୍‌ତୁ ନା ନାଣ୍ତ ଲୋକୁ ମାନାର୍‌ ।” 
\v 11 ଆଦେଙ୍ଗ୍‍ଁ ପାଉଲ ଆବେ ମାପୁରୁଦି ବାକ୍ୟ ବିସୟ୍‌ତାନ୍‌ ସିକିୟା ସିଜି ବାର୍‍ସେକ୍‍ ଆଦା ତେବାତାନ୍‌ ।
\p
\v 12 ଗାଲିୟୋ ଆକାୟା ରୋମିୟ ସାସନ୍‍କିନିକାନ୍‍ ମାନି ୱେଡ଼ାଦୁ, ଜିହୁଦି ଲୋକୁ ଉଣ୍ତାଜି ପାଉଲତିଙ୍ଗ୍‍ଁ ଆସ୍‌ସି ବିଚାର୍‍ କିନିମାନୁ ଅତାର୍‌ । 
\v 13 ୱାର୍‌ ଇର୍ହାର୍‌, “ଇୟା ଲୋକୁ ମା ନିୟମ୍‌ ବିରୁଦ୍‍ତି ରିତିଦାନ୍‍ ମାପୁରୁଦି ପାର୍‌ତନା କିଦେଙ୍ଗ୍‍ଁ ଲୋକାଙ୍ଗ୍‌ କାର୍‌ପିସ୍‌ନାନ୍‌ ।”
\p
\v 14 ପାଉଲ ଇନ୍‌ଡ୍ରେଙ୍ଗ୍‌ ସନିୱାଲେ, ଗାଲିୟୋ ଜିହୁଦିଲୋକାଙ୍ଗ୍‍ଁ ଇର୍ହାନ୍‌, “ଜଦି ଇବେ ଇନି ଦୋସ୍‍ବା ତାଗ୍‌ଇମାଟା ବିସୟ୍‌ ମାନାତ୍‌, ଆର୍‍ତିଙ୍ଗ୍‍ଁ ନି ଉଣ୍ତିଙ୍ଗ୍‍ଁ ତିର୍‌ ଆଜି ନି ମାଟା ୱେନିକା ନା ଉଣ୍ତିଙ୍ଗ୍‍ଁ ଟିକ୍‍ମାଟା ଆନାତ୍‌ । 
\v 15 ମାତର୍‌ ଇୟା ବାଦା ବିସୟ୍‌ କେବଲ୍‌ ନି ନିଜେଦି ନିତି ନିୟମ୍‌ ବଲ୍ ନି ଦରୁ ଜାଟିଦି ବିସୟ୍‌ ଆତିମାନିଙ୍ଗ୍‌ ନିଜେ ତେନି ବିଚାର୍‌ କିନିକା ନେଗେତ୍‌ । ନାନ୍ ଇୟାନାନି ବିସୟ୍‌, ବିସାର୍‌ କିଏ ।” 
\v 16 ଇକା ଇଜି ୱାନ୍‌ ୱାରିଙ୍ଗ୍‍ଁ ବିଚାର୍‍ କିନି ବାଡିଦାନ୍‌ ସପ୍‍ତାର୍‌ । 
\v 17 ୱାର୍‌ ପାର୍‌ତନା ଇଲ୍‌ତି ପେରିକାନ୍‌ ସୋସ୍ଥନାତିଙ୍ଗ୍‍ଁ ଆସ୍‌ସି ବିଚାର୍‍କିନି ଆଗ୍‌ଡ଼ି ମାଡ୍‌ ଡାକ୍‍ତାର୍‍ । ମାତର୍‌ ଗାଲିୟୋ ଆୟା ଉଣ୍ତିଙ୍ଗ୍‍ଁ ମନ୍‍ ସିଏତାନ୍‌ ।
\s ସିରିଆଦି ଆଣ୍ଟିୟୋକଦୁ ପାଉଲ ଡ଼େସିୱାତାନ୍‍
\p
\v 18 ପାଉଲ କରିନ୍ତିଦୁ ବିସ୍‍ବାସ୍‌ତି ତଡ଼ାନ୍‌କା ୱାଲେ ନାଣ୍ତ ଦିନ୍‌ ତେବାତାନ୍‌ । ୱେନ୍‌କା ୱାରିଙ୍ଗ୍‍ଁ ଡ଼ିସ୍‌ସି ପ୍ରିସ୍କିଲା ନି ଆକିଲା ୱାଲେ ସିରିଆ ତରିନ୍‌ ଏରୁ ନାସି ସର୍ହାର୍‍ । କେଙ୍କ୍ରେୟାଦାନ୍‍ ଏରୁତୁ ନାତେଙ୍ଗ୍‌ ଆରାମ୍‌ କିନି ଆଗ୍‌ଡ଼ି ୱାନି ଉନ୍‍ଣ୍ତ୍ରି ନିୟମ୍‌ ଇସାବ୍‌ତାନ୍‌ ୱାନି ତାଲା ଟାଙ୍ଗୁଁରୁ ଆତାନ୍‍ । 
\v 19 ୱାର୍‌ ଏପିସସ୍‍ତୁ ଇତି ୱେନ୍‌କା ପାଉଲ ପ୍ରିସ୍କିଲା ନି ଆକ୍ୱିଲେଙ୍ଗ୍‍ଁ ପୋକ୍‌ତାନ୍‌ । ୱାନ୍‌ ଆବେ ପାର୍‌ତନା ଇଲୁଦୁ ସଲ୍‍ସି ଜିହୁଦିଲୋକା ୱାଲେ ଦାର୍ମୁ ବିସୟ୍‍ତାନ୍‍ ୱାର୍‍ଗିତାର୍‍ । 
\v 20 ଲୋକୁ ୱାନିଙ୍ଗ୍‍ଁ ମାରି ବେସି ଦିନ୍‌ ତେବାଦେଙ୍ଗ୍‍ଁ ଇର୍ହାର୍‌, ମାତର୍‌ ୱାନ୍‌ ରାଜି ଆଏତାନ୍‍ । 
\v 21 ସନି ୱେଡ଼ାଦୁ ୱାନ୍‌ ୱାରିଙ୍ଗ୍‍ଁ ଇର୍ହାନ୍‌, “ଜଦି ମାପୁରୁଦି ବଦା ତେବାନାତ୍‍, ନାନ୍ ମି ଲାକ୍‌ତୁ ଡ଼େସି ୱାନା ।” ୱେନ୍‌କା ୱାନ୍‌ ଜାହାଜ୍‌ ଏକ୍‌ସି ଏପିସସ୍‍ ଡ଼ିସ୍‌ସି ୱାତାନ୍‌ ।
\p
\v 22 ସିସେରିଆଦୁ ଇଜି ଆବେଟାନ୍‍ ୱାନ୍‌ ଜିରୁସାଲାମ୍‍ତୁ ସର୍ହାନ୍‍ ମାରି ମଣ୍ତଲିଦିଙ୍ଗ୍‍ଁ ମାଡ଼ିସ୍‌ କିଜି ଆବେଟାନ୍‍ ଆଣ୍ଟିୟକଦୁ ସର୍ହାନ୍‍ । 
\v 23 ଆବେ ଏସ ଦିନ୍‌ ସାନ୍ଧି ମାର୍‌ର୍ହି ୱେନ୍‌କା ମାରି ୱାନ୍‌ ସଲ୍‍ସି ଗାଲାତିୟ ନି ପ୍ରୁଗିଆ ରାଜିଦୁ ମଜାୟ୍‍ ସିଜି ସର୍ହାନ୍‍ ମାରି ସାର୍‍ଦୁ ବିସ୍‍ବାସିରିଙ୍ଗ୍‍ଁ ୱାରି ବିସ୍‌ବାସ୍‌ତୁ ଡାଟ୍‍ ଆଦେଙ୍ଗ୍‍ଁ ଇଜି ୱେଡ଼ିକା କିତାନ୍‌ ।
\s ଏପିସସ୍‍ ନି କରିନ୍ତିଦୁ ଆପଲୋ
\p
\v 24 ଆୟା ସମୟ୍‍ତୁ ଆଲେକ୍‍ଜାଣ୍ତ୍ରିଆ ଆଦୁ ଜନମ୍‌ ଆତିମାର୍‍ଇ ଆପୋଲୋ ଦର୍‌ତି ଅରେନ୍‌ ଜିହୁଦିଲୋକୁ ଏପିସସ୍‍ତୁ ୱାତାନ୍‌ । ୱାନ୍‌ ଅରେନ୍‌ ନେଗି ପ୍ରଚାରକ ନି ଦାର୍ମୁସାସ୍ତ୍ରଦୁ ୱାନି ନାଣ୍ତ ବୁଦି ମାର୍ହାତ୍‌ । 
\v 25 ୱାନ୍‌ ପ୍ରବୁଦି ସାରି ବିସୟ୍‌ତାନ୍‌ ସିକିୟା ପୟ୍‍ତାମାର୍ହାନ୍‍ ମାରି ଆତ୍ମାଦୁ ନାଣ୍ତ ୱେଡ଼ିକାଦାନ୍‌ ଜିସୁଦି ବିସୟ୍‌ତାନ୍‌ ସତ୍‌ ସିକିୟା ସିଜି ମାର୍ହାନ୍‍ । ମାତର୍‌ ଇୟା ବିସୟ୍‌ତାନ୍‌ ୱାନ୍‌ କେବଲ୍‌ ଜୋହନତି ଡୁବନ୍‌ ବିସୟ୍‌ ନେସ୍‍ତାମାର୍ହାନ୍‍ । 
\v 26 ପାର୍‌ତନା ଇଲୁଦୁ ୱାନ୍‌ ତିଲାଏନ୍‍ଣ୍ତା ସିକିୟା ସିଦେଙ୍ଗ୍‌ ଆସ୍‌ତାନ୍‌ । ୱାନି ସିକିୟା ୱେନ୍‌ଜି ପ୍ରିସ୍କିଲା ନି ଆକିଲା ୱାନିଙ୍ଗଁ ତାମେ ଇଲ୍‌ତୁ କୁକ୍‌ତା ଅତାର୍‌ ମାରି ଆବେ ୱାନିଙ୍ଗ୍‍ଁ ମାପୁରୁଦି ସାରି ବିସୟ୍‌ତାନ୍‌ ନେଗେନ୍‌ କିଜି ବୁଜାକିତାସିତାର୍‍ । 
\v 27 ୱେନ୍‌କା ଆପଲୋ ଆକାୟା ରାଜିଦୁ ସନ୍‍ଡ୍ରେଙ୍ଗ୍‍ଁ ଇଜି ବଦା କିତାନ୍‍ଆକା, ଏପିସସ୍‍ତି ବିସ୍‌ବାସ୍‌ତି ତଡ଼ାନ୍‌କୁ ୱାନିଙ୍ଗ୍‍ଁ ସାହାଜ୍ୟ କିତାର୍‍ ମାରି ୱାନିଙ୍ଗ୍‍ଁ ୱେଡ଼ିକାଦାନ୍‌ ଆସ୍‍ତେଙ୍ଗ୍‍ଁ ଇଜି ମାଡ଼ିସ୍‌ କିଜି ଆକାୟାଦି ବିସ୍‍ବାସିରିଙ୍ଗ୍‍ଁ ସିଟି ରାସ୍‌ତାନ୍‌ । ୱାନ୍‌ ଆବେ ଇଜି ମାପୁରୁଦି ଦୟାଦାନ୍‍ ବିସ୍‍ବାସି ଆତିମାନି ଲୋକାଙ୍ଗ୍‌ ନାଣ୍ତ ସାହାଜ୍ୟ କିତାନ୍‌ । 
\v 28 ଜିସୁ ଜେ ମସିହ, ୱାନି ସାକ୍ତିଦି ମାଟାଦିମାଟାଦାନ୍‌ ଦାର୍ମୁସାସ୍ତ୍ରଦାନ୍‍ ଇକା ସତ୍‌ ଇଜି ୱେର୍‍ନିୱାଲେ ୱାନ୍‌ ଜିହୁଦିଲୋକାଙ୍ଗ୍‍ଁ ଆରାକିତାନ୍‍ ।
\c 19
\s ଏପିସସ୍‍ତୁ ପାଉଲ
\p
\v 1 ଆପୋଲୋ କରନ୍ତିଦୁ ମାନିୱାଲେ, ପାଉଲ ଲୋଇ ତରିନ୍‌ ମାନି ରାଜିଙ୍ଗାଁ ବୁଲାଜି ଏପିସସ୍‍ତୁ ଇତାନ୍‌ । ଆବେନୁ ଏସ ସିସୁରିଙ୍ଗ୍‌ ପୟ୍‌ତାନ୍‌, 
\v 2 ୱାନ୍‌ ୱାରିଙ୍ଗ୍‍ଁ ୱେନ୍‌ବାତାନ୍‌, “ବିସ୍‌ବାସ୍‌ କିନି ସମୟ୍‍ତୁ ଇନିକା ମିର୍‌ ପବିତ୍ର ଆତ୍ମା ପୟ୍‍ତିମାର୍ହିଦେର୍‍ ?” ୱାର୍‌ ଇର୍ହାର୍‌ ସିଲେ,
\p “ମାରି ପବିତ୍ର ଆତ୍ମା ଜେ ଏନ୍‌ ମାନାନ୍‌, ଆକାବା ମାପ୍‌ ୱେନ୍‍ଏପ୍‍ ।”
\p
\v 3 ପାଉଲ ୱେନ୍‌ବାତାନ୍‌, ଆର୍‍ତିଙ୍ଗ୍‍ଁ ମିର୍‌ ଏମେନାନି ଡୁବନ୍‌ ଆତିମାର୍‌ଇଦେର୍‍ ? ୱାର୍‌ ଇର୍ହାର୍‌,
\p “ଜୋହନତି ଡୁବନ୍‌ ।”
\p
\v 4 \x + \xo ୧୯:୪ \xo*\xt ମାତିଉ ୩:୧୧; ମାର୍କ ୧:୪,୭,୮; ଲୁକ ୩:୪,୧୬; ଜୋହନ ୧:୨୬,୨୭.\xt*\x*ପାଉଲ ଇର୍ହାନ୍‌, “ଆମାକାର୍‌ ପାପ୍‌ତାନ୍‌ ମନ୍‍ଡ଼େପ୍‍ତା ମାର୍ହାର୍‌, ଜୋହନତି ଡୁବନ୍‌ ସିଜି ୱାନି ୱେନ୍‌କା ଏନ୍‌ ୱାନାନ୍‌, ଜିସୁଦିମାନୁ ବିସ୍‌ବାସ୍‌ କିଦେଙ୍ଗ୍‍ଁ ଆନାତ୍‌ ଇଜି ଲୋକାଙ୍ଗ୍‌ ଇଜିମାର୍‍ଆନ୍‍ ।”
\p
\v 5 ୱାର୍‌ ଇକା ୱେନ୍‌ଜି ପ୍ରବୁ ଜିସୁଦି ଦର୍‌ତାନ୍‌ ଡୁବନ୍‌ ଅତାର୍‌ । 
\v 6 ମାରି ପାଉଲ ୱାରି ମୁସ୍‌କୁ କିୟୁ ଇଟ୍‌ତାନ୍‌, ଆବେଟ୍‌ ପବିତ୍ର ଆତ୍ମା ୱାରି ମୁସ୍‌କୁ ୱାତାତ୍‍, ମାରି ୱାର୍‌ ଆଇ ବାସାଦାନ୍‍ ୱାର୍‍ଗିତାର୍‍ ମାରି ବାକ୍ୟ ପ୍ରଚାର୍‌ କିତାର୍‍ । 
\v 7 ୱାର୍‌ ୱିଜେରେ ବାର୍‍ ଲୋକୁ ମେମାରିର୍‍ ମାର୍ହାର୍‌ ।
\p
\v 8 ୱେନ୍‌କା ପାଉଲ ଜିହୁଦିରି ପାର୍‌ତନା ଇଲୁଦୁ ଡ଼ୁଗୁଜି ମୁନ୍‍ଣ୍ତ୍ରି ଲେଜ୍‌କୁ ସାନ୍ଦି ସାହାସ୍‍ତାନ୍‍ ମାପୁରୁଦି ରାଜି ବିସୟ୍‌ତାନ୍‌ ୱେର୍‌ସି ବିସ୍‌ବାସ୍‌ କିବିସ୍‍ କିଦେଙ୍ଗ୍‍ଁ ସେସ୍ଟା କିଦେଙ୍ଗ୍‍ଁ ଆସ୍‌ତାନ୍‌ । 
\v 9 ମାତର୍‌ ଏସ୍ତିୱାଲେ ଏସ ଲୋକୁ ଆଟ୍‌ୱା ନି ବିସ୍‌ବାସ୍‌ କିଏନ୍‍ଣ୍ତା ଲୋକା ଆଗ୍‌ଡ଼ି ଆୟା ସାରି ବିସୟ୍‌ତାନ୍‌ ନିନ୍ଦା କିଦେଙ୍ଗ୍‍ଁ ଆସ୍‌ତାର୍‌, ନାସ୍ତିୱାଲେ ୱାନ୍‌ ୱାରିଙ୍ଗ୍‍ଁ ଡ଼ିସ୍‌ସି ସିସୁରିଙ୍ଗ୍‌ ୱେର୍‌ଏ କିତାନ୍‌, ମାରି ଦିନାମି ଟିରାନସ୍‌ ଇଲୁଦୁ ୱାର୍‌ଗିଜିସାଦେଙ୍ଗ୍‌ ଆସ୍‌ତାନ୍‌ । 
\v 10 ଇୟାୱାଜା ଦୁଇ ବାର୍ସୁ ସାନ୍ଦି ସାଲାତାତ୍‍; ଆବେଟ୍‌ ଆସିଆ ବାସାତିମାନି ଜିହୁଦି ଲୋକୁ ନି ଅଣଜିହୁଦି ଲୋକୁ ୱିଜେରେ ପ୍ରବୁଦି ବାକ୍ୟ ୱେର୍ହାର୍‍ ।
\s ସ୍କେବାଦି ମାରିସିର୍‍
\p
\v 11 ମାପୁରୁ ପାଉଲ୍‍ତି ମାଣାନ୍‌ ସାମାନ୍‌ତି କାବାଆନି ପାଣି ୱିଜୁ କିତାନ୍‌ । 
\v 12 ଇୟାୱାଜା ଜେ ପାଉଲ ଆସ୍‌ସି ମାର୍ହି ରୁମାଲ୍‍ ନି ୱାତିଗନ୍ଦା ରଗିଲୋକାଙ୍ଗ୍‍ଁ ଲାକ୍‌ତୁ ଅତିଙ୍ଗ୍‍ଁ ୱାର୍‌ ନେଗେନ୍‌ ଆଜିମାର୍ହାର୍‍ ମାରି ୱାରି ମେନ୍ଦଲ୍‌ତାନ୍‌ ତାଗ୍‌ଇ ଦୁବେଙ୍ଗ୍‍ଁ ୱିଜୁ ସହସି ସଲ୍‍ସିମାର୍ହେ । 
\v 13 ଏସ ବୁଲାନି ଜିହୁଦି ଦୁବେଙ୍ଗ୍‍ଁ ପେର୍‍ନିକାର୍‍ ବା ପ୍ରବୁ ଜିସୁ ଦର୍‌ ଆସ୍‌ସି ଦୁବେଙ୍ଗ୍‍ଁ ଡ଼ିସିସ୍‍ କିଦେଙ୍ଗ୍‍ଁ ସେସ୍ଟା କିତାର୍‍ । ୱାର୍‌ ଦୁବେଆଙ୍ଗ୍‍ଁ ଇଜିମାର୍ହାର୍‍, “ପାଉଲ ପ୍ରଚାର୍‌ କିଜିମାନି ଜିସୁଦି ଦର୍‌ତାନ୍‌ ନାନ୍ ନିଙ୍ଗିଁ ଆଦେସ୍‌ ସିଜିନା ।” 
\v 14 ସ୍କେବା ଦର୍‌ତି ଅରେନ୍‌ ଜିହୁଦି ପେରି ଜାଜକତି ସାତ୍‌ଲୋକ୍‌ ମାରିସିର୍‌ ଇୟାୱାଜା କିଜିମାର୍ହାର୍‌ ।
\p
\v 15 ମାତର୍‌ ଦୁବା ୱାନିଙ୍ଗ୍‍ଁ ଇର୍ହାତ୍‌, “ନାନ୍ ଜିସୁଙ୍ଗୁଁ ନେସ୍‌ନା ମାରି ପାଉଲ୍‍ତି ବିସୟ୍‌ତାନ୍‌ ନେସ୍‌ନା; ମାତର୍‌ ମିର୍‌ ୱିଜେରେ ଏର୍‌ ?”
\p
\v 16 ଦୁବା ଆସ୍‌ତି ଲୋକୁ ୱାରିଙ୍ଗ୍‍ଁ ନାଣ୍ତଦାନ୍‌ ରେଲ୍‌ଜି ୱାନିତରିନ୍‍ ଇଟ୍‌ତାନ୍‌ । ୱାରି ଆଙ୍ଗିଁପାସିୟା କିସ୍‍ତାପକ୍‍ତାତ୍‍, ୱାର୍‌ କାଣ୍ତିଆକାବ୍‍ରା ଆଜି ୱାନି ଇଲ୍‌ତାନ୍‌ ଉର୍‍କୁତେ । 
\v 17 ଏପିସସ୍‍ତୁ ବାସାନି ଜିହୁଦିଲୋକୁ ନି ଅଣଜିହୁଦିଲୋକ୍‍ ଇୟା ବିସୟ୍‌ତାନ୍‌ ୱେନ୍‌ଜି ତିଲାତାର୍‌ ମାରି ଆବେ ପ୍ରବୁ ଜିସୁଦି ଦର୍‌ ମାରି ନାଣ୍ତଦାନ୍‌ ମାନାନିକା ଆତାତ୍‌ । 
\v 18 ବିସ୍‍ବାସ୍‍ରି ମାଣାନ୍‌ ନାଣ୍ତ ଲୋକୁ ନିଜେଦି ୱିଜୁ ତାଗ୍‌ଇ ପାଣି ୱିଜେରରି ଆଗ୍‌ଡ଼ି ୱେକ୍‍ତାର୍‍ । 
\v 19 ଗୁଣିଆ ବିଦ୍ୟା ଅଜାନି ନାଣ୍ତ ଲୋକୁ ୱାରି ବଇଙ୍ଗ୍‍ଁ ୱିଜୁ ତାସି ଲୋକା ଆଗ୍‌ଡ଼ି ଉଣ୍ତା କିଜି ଆଡ଼୍‍କ୍‍ତା ପକ୍‌ତାର୍‌ । ୱାରି ଆୟା ବଇଙ୍ଗାଁ ଦାରା ମାର୍ହାତ୍‌ ପଚାସ୍‍ ହଜାର୍‍ ୱେଡି ଡାବୁଙ୍ଗୁଁ । 
\v 20 ଇୟାୱାଜା ପ୍ରବୁଦି ବାକ୍ୟ ନାଣ୍ତଦାନ୍‌ ୱେଙ୍ଗିତାସର୍ହାତ୍‌ ମାରି ନାଣ୍ତ ସାକ୍ତିସାଲି ଆତାତ୍‌ ।
\s ଏପିସସ୍‍ତୁ ଜାଟିଜଗ୍‍ଡ଼ା
\p
\v 21 ଇୟାୱିଜୁ ଗଟନା ୱେନ୍‌କା ପାଉଲ ମାସିଦନିଆ ନି ଆକାୟା ନାମ୍‍ଡ଼ିସିଜି ଜିରୁସାଲାମ୍‍ତୁ ସନ୍‍ଡ୍ରେଙ୍ଗ୍‍ଁ ଇଚ୍ଛା କିତାନ୍‌ । ୱାନ୍‌ ଇର୍ହାନ୍‌, “ଆବେ ସର୍ହି ୱେନ୍‌କା ନାନ୍ ଏଣ୍ତେସ୍‌ବା ରୋମ୍‍ତୁ ବା ସନା ।” 
\v 22 ଆଦେଙ୍ଗ୍‌ ୱାନ୍‌ ୱାନି ସେବାକିନି ରିଏର୍‌ ତଡ଼୍‍ ତିମତି ନି ଏରାଷ୍ଟତିଙ୍ଗ୍‌ ମାସିଦନିଆଦୁ ପକ୍‌ତାନ୍‌, ମାତର୍‌ ନିଜେ ଆସିଆ ଦେସ୍‌ତୁ ମାରି ଏସ ସମୟ ତେବାତାନ୍‌ ।
\p
\v 23 ଇୟା ଲୋଇ ପ୍ରବୁ ତର୍‌ତିମାନି ସାରି ବିସୟ୍‌ତାନ୍‌ ଅସି ଏପିସସ୍‍ତୁ ନାଣ୍ତ ଜାଟିଜଗଡ଼ା ଆତାତ୍‌ । 
\v 24 ଦିମତ୍ରିୟ ଦର୍‌ତି ଅରେନ୍‌ ୱେନ୍‍ଣ୍ତି ତିଆର୍‍କିନିକାନ୍‍ ଆର୍ତ୍ତେମି ଦିୟାମ୍‍ ମନ୍ଦିର୍‌ତି ୱେନ୍‍ଣ୍ତି ବମା ରସ୍‍ସି ମାର୍ହାନ୍‍, ଇୟା ପର୍‍ନିମାଣାନ୍‍ ପାଣିକିନିକାର୍‌ ନାଣ୍ତ ଲାବ୍‍ ପୟ୍‍ଜିମାର୍ହାର୍‍ । 
\v 25 ଆୟାଉଣ୍ତିଙ୍ଗ୍‌ ୱାନ୍‌ ସାମାନ୍‌ ବେପାର୍‍କିନିୱାରିଙ୍ଗ୍‍ଁ ଉନ୍‍ଣ୍ତା କିଜି ଇର୍ହାର୍‌, “ଆଜ୍ଞାର୍‌, ଇୟା ବେପାର୍‌ ମାଙ୍ଗିଁ ମାଜନ୍‌ କିତାମାନାନ୍‍ ଇଜି ୱିଜେରେ ନେସ୍‌ନିଦେର୍‌ । 
\v 26 ଇଲେଇ ଇୟା ପାଉଲ ଇନିକା କିନାନ୍‍; ଆକା ମିର୍‌ ନିଜେ ସୁଡ଼ୁଦେଙ୍ଗ୍‌ ଆଟ୍‍ସିନିଦେର୍‍ ମାରି ୱେନ୍‍ଡ୍ରେଙ୍ଗ୍‍ଁ ଆଟ୍‍ସିନିଦେର୍‍ । ୱାନ୍‌ ଇଜିନାନ୍‌, ଲୋକୁ କିୟୁଦାନ୍‌ ତିଆର୍‌ଆତି ଦିୟାମ୍‍କୁ ୱିଜୁ ମୁଡ଼ୁକେ ଦିୟାମ୍‍କୁ ଆଉ, ମାରି ୱାନ୍‌ ଇବେ ଏପିସସ୍‍ ନି ୱିଜୁ ଆସିଆ ଦେସ୍‌ତୁ ନାଣ୍ତ ଲୋକାଙ୍ଗ୍‌ ଇୟା ବିସୟ୍‌ତାନ୍‌ ବାମ୍‍ରେକିଜିନାନ୍‍ । 
\v 27 ଆବେଟ୍‌ ମା ବେପାର୍‌ ନାସ୍ଟୁ ଆନି ମୁସ୍‌କୁ ମାନାତ୍‌ । କେବଲ୍‌ ଆକାନେ ସିଲେ, ଆମା ଦିୟାମ୍‍ ଆସିଆ ନି ୱିଜୁ ଦୁନିଆଦୁ ୱିଜେରି ମାଣାନ୍‌ ପୁଜା ପୟ୍‌ନାତ୍‌, ଆୟା ପେରି ଆର୍ତ୍ତେମି ଦିୟାମ୍‍ତି ମନ୍ଦିର୍‌ ୱେଙ୍ଗ୍‍ଁଜି ତେବାଏତ୍‍ ନି ମାରି ଆର୍ତ୍ତେମି ଦିୟାମ୍‍ତି ୱେଙ୍ଗିଁନିକା ନାସ୍ଟୁ ଆନାତ୍‌ ।”
\p
\v 28 ଲୋକୁ ଇୟା ମାଟା ୱେନ୍‌ଜି ରିସା ଆତାର୍‌ ମାରି ଆଉଲି ଆଜି ଇର୍ହାର୍‌, “ଏପିସିୟଦି ଆର୍ତ୍ତେମି ପେରିଦିୟାମ୍‍ତି ଜିଣାନିକା ଆପିତ୍‌ !” 
\v 29 ଇୟା ଜାଟିଜଗଡ଼ା ୱିଜୁ ଗାଡ଼୍‌ତୁ ୱେଙ୍ଗିଁତାସର୍ହାତ୍‍ । ରିସାଆତିମାର୍ହି ଲୋକୁ ପାଉଲ୍‍ତି ୱାଲେମାର୍ହି ମାସିଦୋନିଆଦି ଗାୟସ୍‍ ନି ଆରିସ୍ଟାର୍କସ୍‍ତିଙ୍ଗ୍‍ଁ ଆସ୍‌ସି ୱାରି ଜୁଜ୍‍କିନିବାଡିଦୁ ତର୍‍ତା ଅତାର୍‌ । 
\v 30 ପାଉଲ ନିଜେ ଲୋକା ଆଗ୍‌ଡ଼ି ନିନ୍‍ଡ୍ରେଙ୍ଗ୍‍ ବଦା କିତାନ୍‌, ମାତର୍‌ ବିସ୍‍ବାସିର୍‍ ୱାନିଙ୍ଗ୍‍ଁ ଇୟାକା କିଦେଙ୍ଗ୍‍ଁ ସିଏତାର୍‍ । 
\v 31 ଏସ ଲୋକ ଗାଡ଼୍‌ତି ନିଜେଦି ଅଦିକାରି ସଙ୍ଗ୍‌କୁ ପାଉଲ୍‍ତିଙ୍ଗ୍‍ଁ ଜୁଦ୍‌କିନିବାଡି ଲୋଇ ସଲ୍‍ଇ ଉଣ୍ତିଙ୍ଗ୍‍ଁ ମାଡ଼ିସ୍‌ କିଜି ଉନ୍‍ଣ୍ତ୍ରି ମାଟା ପକ୍‌ତାର୍‌ । 
\v 32 ଇୟା ସମୟ୍ ଲୋଇ ପୁରାମିଟିଙ୍ଗ୍‍ଁ ମାଡ୍‌ଗୋଲ୍‌ତୁ ପୁରା ଆତାତ୍‌ । ଲୋକୁ ଦଲ୍‌ ଦଲ୍‌ ଆଜି ନାଣ୍ତ ଆଉଲି ଆଜିମାର୍ହାର୍‍, ଇରିଙ୍ଗ୍‍ଁ ୱାରି ଲୋଇ ଏସ ଲୋକୁ ୱାରି ଉଣ୍ତାତି ମାର୍ହିକା ମାଟା ବା ନେସ୍‌ଏର୍‌ ମାର୍ହାର୍‌ । 
\v 33 ଲୋକା ଲୋଇ ଏସ ଲୋକୁ ଇର୍ହାର୍‌ ଜେ, ଆଲେକ୍‍ଜାଣ୍ତର୍‍ ଇୟାଉଣ୍ତିଙ୍ଗ୍‍ଁ ଦସ୍‌, ଇରିଙ୍ଗ୍‌ ଜିହୁଦି ଲୋକୁ ୱାନିଙ୍ଗ୍‍ଁ ଆଗ୍‌ଡ଼ି ନିଲ୍‍ପ୍‍ତା ମାର୍ହାର୍‌ । ଆଲେକ୍‍ଜାଣ୍ତର୍‍ କିୟୁ ପେର୍‌ଜି ଲୋକାଙ୍ଗ୍‌ ଆଲ୍‍ଜ ମାନ୍‍ଡ୍ରେଙ୍ଗ୍‍ଁ ଇଜି ଜୁଟ୍‍ତାନ୍‍ ମାରି ବିସ୍‍ବାସ୍‌ରି ତରିନ୍‌ ବାସଣ ସିଜି ବୁଜାକିଦେଙ୍ଗ୍‍ଁ ସେସ୍ଟା କିତାନ୍‌ । 
\v 34 ମାତର୍‌ ୱାନ୍‌ ଅରେନ୍‌ ଜିହୁଦି, ଇକା ନେସ୍‌ସି ୱାର୍‌ ୱିଜେରେ ଅର୍‌ସେ ଆଉଲି ଆତାର୍‌, “ଏପିସସ୍‍ତି ଆର୍ତ୍ତେମି ପେରିଦିୟାମ୍‍ତି ଜୟ୍‌ ଆପିତ୍‌ !” ଦୁଇ ଗଣ୍ଟା ଆସ୍‌ସି ଇୟାୱାଜା ଆଉଲି ଆଜିମାର୍‌ର୍ହାତ୍‌ ।
\p
\v 35 ସାରାସାରି ଗାଡ଼୍‌ତି ପେରିକାନ୍‌ ଲୋକାଙ୍ଗ୍‌ ଆଲେଜ ମାନ୍‍ଡ୍ରେଙ୍ଗ୍‍ଁ ଇଜି ଇର୍ହାନ୍‌, “ଏପିସିୟଦୁ ବାସାନି ତଡ଼ାନ୍‌କୁ ୱିଜେରେ ନେସ୍‍ନାର୍‍ ଜେ, ଏପିସସ୍‍ ଗାଡ଼୍‌ତି ପେରି ଦିୟାମ୍‍ ଆର୍ତ୍ତେମି ମନ୍ଦିର୍‌ ନି ବାଦଡ଼୍‍ତାନ୍‍ ଆର୍‍ତି ୱାତିମାନି ପବିତ୍ର ବମାଦି ରକ୍ଷା ଆଜି ୱାଜିନାତ୍‍ । 
\v 36 ଇକା ଏନ୍‌ ସିଲେ ଇନ୍‍ଡ୍ରେଙ୍ଗ୍‍ଁ ଆଟ୍‌ଏନ୍‌ । ଆଦେଙ୍ଗ୍‌ ମିର୍‌ ୱିଜେରେ ଆଲେଜ ମାନ୍‌ଡ୍ରୁ । ଇନି ତାଗ୍‌ଇ ପାଣି କିମାଟ୍‌ । 
\v 37 ଇୟା ଲୋକୁ ମନ୍ଦିର୍‌ତାନ୍‌ ଇନିକା ଡଙ୍ଗାଁ କିଏର୍‌, ମାରି ମା ଦିୟାମ୍‍ତି ବିରଦ୍‌ତାନ୍‌ ଇନି ନିନ୍ଦା ମାଟା ଇନ୍‌ଏର୍‌ । ଆରିଙ୍ଗ୍‍ବା ମିର୍‌ ୱେରିଙ୍ଗ୍‍ଁ ଆସ୍‌ସି ତାତିମାନିଦେର୍‍ । 
\v 38 ଦିମତ୍ରିୟ ନି ୱାନି ପାଣିକିନିୱାରି ଏ ବିରଦ୍‌ତାନ୍‌ ଇନି ମାଟା ମାନାତ୍‌, ତାନି ବିସାର୍‌ କିଦେଙ୍ଗ୍‍ଁ ମା ପେରିକାର୍‌ ମାନାର୍‌ ମାରି ବିସାର୍‌ ଇଲ୍‍ତି ଟିକ୍‌ ଦିନ୍‌ ୱିଜୁ ମାନାତ୍‌ । ଆବେ ଆୟା ମାଟା ୱେର୍‌ତେଙ୍ଗ୍‌ ଆଦେଙ୍ଗ୍‌ ଆଟ୍‍ନାତ୍‍ । 
\v 39 ଜଦି ତେନିମାଣାନ୍‍ ମାରି ନାଣ୍ତ ଇନିକା ବଦା କିତିଙ୍ଗ୍‍ଁ, ଆର୍‍ତିଙ୍ଗ୍‍ଁ ଲୋକାମାଣାନ୍‌ ନିୟମ୍‌ ଆତିମାନି ଉନ୍‍ଣ୍ତ୍ରି ମିଟିଙ୍ଗ୍‍ଁତୁ ତାନି ପୁରା ଅଆୟ୍‍ ଆଦେଙ୍ଗ୍‍ଁ ଆଟ୍‍ନାତ୍‍ । 
\v 40 ନେର୍‌ ଆମାକା ଗଟାତାମାନାତ୍‍, ଆବେ ମା ବିରଦ୍‌ତାନ୍‌ ଜାଟିଜଗଡ଼ା ଗଟେକିନି ମାଟାଦି ଆସା ମାନାତ୍‌, ମାଡ୍‌ ଇୟାୱିଜୁ ଜାଟିଦାନ୍‍ ଇନି ଟିକ୍‌ ମାଟା ୱେର୍‍ତେଙ୍ଗ୍‍ଁ ଆଟ୍‍ଏପ୍‍ ।” 
\v 41 ଇୟାୱିଜୁ ମାଟା ଇଜି ୱାନ୍‌ ଲୋକାଙ୍ଗ୍‌ ସାନ୍ତି କିଜି ମିଟିଙ୍ଗ୍‍ଁ ବନ୍ଦ କିତାନ୍‌ ।
\c 20
\s ମାସିଦନିଆ ନି ଆକାୟାଦୁ ସନିକା
\p
\v 1 ଜାଟିଜଗଡ଼ା ୱିଜିତି ୱେନ୍‌କା ପାଉଲ ବିସ୍‍ବାସିରିଙ୍ଗ୍‍ଁ ଉଣ୍ତା କିଜି ୱେଡ଼ିକାଦି ମାଟା ୱେନିସ୍‍କିତାନ୍‍ । ୱାରି ମାଣ୍‌କୁ ସଲ୍‍ସି ୱାନ୍‌ ମାସିଦନିଆଦୁ ସର୍ହାନ୍‍ । 
\v 2 ୱାନ୍‌ ୱିଜୁ ରାଜି ସିଜି ସର୍ହାନ୍‍ ମାରି ନାଣ୍ତ ନେଗିମାଟା ୱେର୍‌ସି ଲୋକାଙ୍ଗ୍‌ ୱେଡ଼ିକା କିତାନ୍‌ । ତାନେୱେନ୍‌କା ୱାନ୍‌ ଗ୍ରିସ୍‌ ଦେସ୍‌ତୁ ଇତାନ୍‌ । 
\v 3 ଆବେ ମୁନ୍‍ଡ୍ରି ଲେଜ୍‌କୁ ତେବାତାନ୍‍ । ୱାନ୍‌ ସିରିଆଦୁ ସନ୍‍ଡ୍ରେଙ୍ଗ୍‍ଁ ତିଆର୍‌ ଆନିୱାଲେ ଜିହୁଦିଲୋକୁ ୱାନି ବିରଦ୍‌ତାନ୍‌ ଉପାୟ କିଜିନାର୍‍ ଇଜି କାବୁର୍‌ ପୟ୍‌ଜି ମାସିଦନିଆ ସାରିତରିନ୍‍ ଡ଼େସି ସନ୍‍ଡ୍ରେଙ୍ଗ୍‍ଁ ଅଡ଼୍‍ବିତାନ୍‍ । 
\v 4 ବେରିଆଦୁ ବାସାନି ପୁରୁଦି ମାରିସି ସୋପାତ୍ର, ତେସଲନିକିଆଦି ଆରିସ୍ଟାର୍କସ୍‍ ନି ସେକୁନ୍ଦ, ଦର୍ବିଦି ଗାୟ, ଆସିଆ ଦେସ୍‌ତି ତୁକିକ ନି ତ୍ରପିମ, ମାରି ତିମତି ୱାନି ୱାଲେ ସର୍ହାର୍‍ । 
\v 5 ୱାର୍‌ ଆଗ୍‌ଡ଼ିରାନ୍‌ ସଲ୍‍ସି ତ୍ରୋୟାଦୁ ମାଙ୍ଗିଁ କାପ୍‍କିତା ମାର୍ହାର୍‌ । 
\v 6 କମିର୍‌ସିଲି ରୁଟି ପଣ୍ତୟ୍‌ତି ୱେନ୍‌କା ମାପ୍‌ ପିଲିପି ଗାଡ଼୍‌ତାନ୍‍ ଏରୁ ନାସି ପାସ୍‌ ଦିନ୍‍ ୱେନ୍‌କା ତ୍ରୋୟାଦୁ ୱାରି ୱାଲେ ମିସାତାପ୍‍ ମାରି ଆବେ ଉନ୍‍ଣ୍ତ୍ରି ୱାରା ତେବାତାପ୍‍ ।
\s ତ୍ରୋୟାଦୁ ପାଉଲ୍‍ତି ସାରାସାରି ସନିକା
\p
\v 7 ୱାରାଦି ଆଗ୍‌ଡ଼ିରି ନାଣ୍ତିଙ୍ଗ୍‌ ମାପ୍‌ ଅର୍‌ସେ ଉଣି ବଜୋଦୁ ଉଣ୍ତାତାପ୍‍ । ପାଉଲ ଲୋକାଙ୍ଗଁ ମାଜ୍‌ରାନାଡ଼ା ସାନ୍ଦି ମାଟା ୱେର୍‍ତାନ୍‍, ଇରିଙ୍ଗ୍‍ଁ ମାର୍‍ନାଣ୍ତିଙ୍ଗ୍‍ଁ ୱାନ୍‌ ଆୟା ବାଡି ଡ଼ିସ୍‍ତେଙ୍ଗ୍‍ଁ ସଲ୍‍ସିମାର୍ହାନ୍‍ । 
\v 8 ଆମା ମୁସ୍‌କୁରି ମହଲାଦୁ ମାପ୍‌ ମିଟିଙ୍ଗ୍‍ଁ କିଜିମାର୍ହାପ୍‍, ଆବେ ନାଣ୍ତ ଦିୱେଙ୍ଗ୍‌ କାସ୍‍ସି ମାର୍ହେ । 
\v 9 ଆବେ ଇଉଟିକସ୍‍ ଦର୍‌ତି ଅରେନ୍‌ ମୁରୁଲି ଜରକା ଲାକ୍‌ତୁ ବାସ୍‍ତାମାର୍ହାନ୍‍, ପାଉଲ ମାଟା ଇନି ସମୟ୍‍ତୁ ୱାନିଙ୍ଗ୍‍ଁ ସୁସ୍‍କାଣ୍‍କୁ ୱାଦେଙ୍ଗ୍‌ ଆସ୍‍ତେ । ୱାନ୍‌ ନାଣ୍ତ ସୁଜ୍‍ଜି ମୁନ୍‍ଣ୍ତ୍ରି ମହଲା ମୁସ୍‌କୁରାନ୍‌ ଆଡ୍‍ଗି ଆର୍‍ତାନ୍‍ । ୱାର୍‌ ୱାନିଙ୍ଗ୍‍ଁ ନିକିନିୱାଲେ ୱାନ୍‌ ସାତା ସର୍ହାମାର୍ହାନ୍‍ । 
\v 10 ମାତର୍‌ ପାଉଲ ଆଡ୍‍ଗି ରେସି ୱାଜି ୱାନିଙ୍ଗ୍‍ଁ ପମ୍‌ଜି ଆସ୍‌ସି ଇର୍ହାନ୍‌, “ଦାନ୍ଦା ଆମାଟ୍‍ । ୱାନ୍‌ ଜିତାମାନାନ୍‍ ।” 
\v 11 ତାନିୱେନ୍‍କା ୱାନ୍‌ ମୁସ୍‌କୁ ଡ଼େସି ସଲ୍‍ସି ରୁଟି ରୁକ୍‍ସି ତିର୍‍ଆନ୍‍ ମାରି ୱେଡ଼ା ସନି ସାନ୍ଦି ୱାରି ୱାଲେ ନାଣ୍ତ ୱାର୍‌ଗିଜି ଆବେଣାନ୍‍ ସର୍ହାନ୍‍ । 
\v 12 ଲୋକୁ ମୁରୁଲି କଡ଼ଦିଙ୍ଗ୍‍ଁ ଜିତିମାନିକା ସୁଡ଼୍‌ଜି ୱାନି ଇଲ୍‌ତୁ ଅତାର୍‌ ମାରି ନାଣ୍ତ ୱେଡ଼ିକା ପୟ୍‌ତାର୍‌ !
\s ତ୍ରୋୟାଦାନ୍‍ ମିଲିଟସ୍‍ତୁ ସନିକା
\p
\v 13 ମାପ୍‌ ଆଗ୍‌ଡ଼ିରାନ୍‌ ଜାହାଜ୍‍ତୁ ଏକ୍‌ସି ଆସୋସ୍‍ତୁ ସର୍ହାପ୍‍ । ଆବେଣାନ୍‍ ମାପ୍‌ ପାଉଲ୍‍ତିଙ୍ଗ୍‍ଁ ଜାଜ୍‍ତୁ ଅତେଙ୍ଗ୍‍ଁ ମନ୍‍ କିତାମାର୍ହାପ୍‍, ଇରିଙ୍ଗ୍‍ଁ ୱାନ୍‌ ସାରିବୁଲାଜି ଆୟା ବାଡିଦୁ ଇନାନ୍‌ ଇଜି ଇର୍ହାମାର୍ହାନ୍‌ । 
\v 14 ୱାନ୍‌ ଏସ୍ତିୱାଲେ ମାଙ୍ଗିଁ ଆସୋସ୍‍ତୁ ବେଟ୍‌ଆତାନ୍‌, ମାପ୍‌ ୱାନିଙ୍ଗ୍‍ଁ ଜାହାଜ୍‍ତୁ ଅସି ମିତିଲିନିଦୁ ସର୍ହାନ୍‍ । 
\v 15 ଆବେଣାନ୍‍ ମାରି ସଲ୍‍ସି ମାର୍‍ନାଣ୍ତିଙ୍ଗ୍‍ଁ କିଅସ୍‍ ଲାକ୍‌ତୁ ଇତାପ୍‍ । ମାରି ଉଣ୍ତ୍ରି ଦିନ୍‍ତି ୱେନ୍‌କା ମାପ୍‌ ସାମସ୍‍ତୁ ଇତାପ୍‌, ମାର୍‍ନାଣ୍ତିଙ୍ଗ୍‍ଁ ମିଲିଟସ୍‍ତୁ ଇତାପ୍‍ । 
\v 16 ଆସିଆ ରାଜିଦୁ ମାରି ନାଣ୍ତ ସମୟ୍ ତେବାଏନ୍‍ଣ୍ତା ଏପିସସ୍‍ ପାଡ଼ି ପାଡ଼ି ଜାହାଜ୍‌ ସାଲାକିଦେଙ୍ଗ୍‍ଁ ପାଉଲ ମନ୍‍ କିତାନ୍‌ । ଜଦି ଆତିଙ୍ଗ୍‍ଁ, ପେଣ୍ଟିକସ୍ଟ ନାଣ୍ତିଙ୍ଗ୍‍ଁ ଜିରୁସାଲାମ୍‍ତୁ ଇଦେଙ୍ଗ୍‍ଁ ଇଜି ୱାନ୍‌ ଦାନ୍ଦା ଆଜିମାର୍ହାନ୍‍ ।
\s ଏପିସିୟ ମଣ୍ତଲିଦି ନେତାରିଙ୍ଗ୍‍ଁ ପାଉଲତି ପକ୍‍ନି ମାଟା
\p
\v 17 ମିଲିଟସ୍‍ତାନ୍‌ କାବୁର୍‌ ପୋକ୍‌ସି ଏପିସିୟ ମଣ୍ତଲିଦି ପେରି ନେତାର୍‍ରିଙ୍ଗ୍‌ ୱାନି ୱାଲେ ମିସାଦେଙ୍ଗ୍‍ଁ ପାଉଲ କୁକିସ୍‍ କିତାନ୍‌ । 
\v 18 ୱାର୍‌ ୱାଜି ଉଣ୍ତାତାର୍‌ଆକା ପାଉଲ ଇର୍ହାନ୍‌, “ଆସିଆ ରାଜିଦୁ ଇନି ପାର୍‍ତୁମ୍‍ ଦିନ୍‍ତାନ୍‍ ନାନୁ ଏଣ୍ତେସ୍‌ ମି ୱାଲେ ଏସ ସମୟ ତେବାତା ମାର୍ହା, ଆକା ମିର୍‌ ନେସ୍‌ନିଦେର୍‌ । 
\v 19 ଜିହୁଦି ଲୋକା ଉପାୟ୍‍ତି ଉଣ୍ତିଙ୍ଗ୍‍ଁ ନାଙ୍ଗିଁ ଏମେ ୱିଜୁ ଦୁକ୍‍କାସ୍ଟୁ ବଗାଦେଙ୍ଗ୍‍ଁ ପଡ଼ାତାତ୍‍, ତାନି ଲୋଇ ନାନୁ ପ୍ରବୁଦି ସେବାକିନି ୱାଜା ଆଡ଼୍‌ବାଜି ସାନ୍ତିଦାନ୍‌ ପାଣି କିତାମାନା । 
\v 20 ମିର୍‌ ନେସ୍‌ନିଦେର୍‌ ଜେ, ନାନୁ ଲୋକାମାନୁ ପ୍ରଚାର୍‌ କିନିୱାଲେ ମାରି ମି ଇଲ୍‌କାଙ୍ଗ୍‌ ସିକିୟା ସିନିୱାଲେ ମି ନେଗେନ୍‌ ଆନି ୱାଜା ଇନି ବିସୟ୍‌ ୱେକ୍‍ତେଙ୍ଗ୍‍ ୱେନ୍‌କା ଗୁସାଏମାର୍ହା । 
\v 21 ଜିହୁଦିଲୋକୁ ନି ଅଣଜିହୁଦି ଲୋକୁ ୱିଜେରିଙ୍ଗ୍‍ ନାନୁ ଆଟ୍‌ୱା ଜାଗାର୍‌ତା ସାକି ସିତାମାର୍ହା ଜେ, ୱାର୍‌ ପାପ୍‌ତାନ୍‌ ଡ଼େସି ଏତ୍‌କିଜି ମାପୁରୁ ତରିନ୍‌ ମନ୍‍ ସିନାର୍‍ ମାରି ପ୍ରବୁ ଜିସୁଦିମାନୁ ବିସ୍‌ବାସ୍‌ କିନାର୍‌ । 
\v 22 ଇଲେଇ ପବିତ୍ର ଆତ୍ମାଦି ମାଟା ମାନାଜି ନାନୁ ଜିରୁସାଲାମ୍‍ତୁ ସଲ୍‍ସିନା, ନେସେଏ ଆବେନ୍‌ ନାନ୍‌ ଇନିକା ଆନାତ୍‌ନୋ । 
\v 23 ପବିତ୍ର ଆତ୍ମା ନାଙ୍ଗିଁ ଜାଗାର୍‌ତା କିତା ସିତାମାନାତ୍‍ ଜେ ୱିଜୁ ଗାଡ଼୍‍କାଙ୍ଗ୍‍ଁ ନାନୁ ଜଇଲ୍‍ସଲ୍‍ସି କାସ୍ଟୁ ପୟ୍‍ନା । 
\v 24 ମାତର୍‌ ନା ଉଣ୍ତିଙ୍ଗ୍‌ ନା ନିଜେ ଜିବନ୍‍ତିଙ୍ଗ୍‍ଁ ନାନୁ ଇସ୍ରିକା ଇଜି ଅଡ଼୍‍ବିନା । ମାପୁରୁଦି ଦୟା ବିସୟ୍‌ତାନ୍‌ ପ୍ରବୁ ଜିସୁ ଏମେ ମାଟା ୱେର୍‌ତେଙ୍ଗ୍‌ ଇଜି ନାଙ୍ଗିଁ ସେବା ଦାୟିତ ସିତାମାନାନ୍‌, ଆକା ପୁରା କିଦେଙ୍ଗ୍‌ ଇଜିନା ସୁସମାଚାର୍ ପ୍ରଚାର୍‌ ପାଣି ସାକି ପୁରା କିନା, ନିସନେ ନା ବଦା ।
\p
\v 25 “ମାପୁରୁଦି ରାଜି ବିସୟ୍‌ତାନ୍‌ ପ୍ରଚାର୍‌ କିଦେଙ୍ଗ୍‌ ଇଜି ନାନୁ ମି ୱିଜେରି ଲାକ୍‌ତୁ ସଲ୍‍ସିନା । ଇଲେଇ ସୁଡ଼ୁଦୁ, ନାନୁ ନେସ୍‌ନା ଜେ, ମି ମାଣାନ୍‌ ଏନ୍‌ ନାଙ୍ଗିଁ ମାରି ସୁଡ଼ୁଏନ୍‌ । 
\v 26 ଆଦେଙ୍ଗ୍‌ ନେର୍‍ରି ଇୟା ସୁଜଗଦୁ ନାନୁ ଆଟ୍‍ୱାଦାନ୍‍ ମି ଲାକ୍‌ତୁ ୱେର୍‌ସିନା ଜେ, ଜଦି ମି ଲୋଇରାନ୍‌ ଏନ୍‌ ନାସ୍ଟୁ ଆନାନ୍‌, ଆୟାଉଣ୍ତିଙ୍ଗ୍‌ ନାନୁ ଦାଇ ସିଲେ । 
\v 27 ଇରିଙ୍ଗ୍‌ ମାପୁରୁଦି ୱିଜୁ ଉଦେସ୍ ମି ଲାକ୍‌ତୁ ୱେର୍‌ତେଙ୍ଗ୍‌ ନାନୁ ୱେନ୍‌କା ଗୁସାଏ । 
\v 28 ମାରି ମିର୍‌ ନେତା ୱାଜା ନିଜେଦି ବିସୟ୍‌ତାନ୍‌ ମାରି ପବିତ୍ର ଆତ୍ମା ମି ଜାତୁନ୍‍ ଅତେଙ୍ଗ୍‌ ଏମେ ବିସ୍‍ବାସି ମାନ୍ଦାଦିଙ୍ଗ୍‍ ଡ଼ିସ୍‍ତା ସିତାମାନାନ୍‌, ଆୟା ୱିଜେରି ବିସୟ୍‌ତାନ୍‌ ଜାତୁନ୍‍ ଆଆ । ମେଣ୍ତା ଗାଉଡ଼ୁ ୱାଜା ମାପୁରୁଦି ମଣ୍ତଲିଦି ଜାତୁନ୍‍ ଅଆ । ଆୟା ମଣ୍ତଲିଦିଙ୍ଗ୍‍ ୱାନ୍‌ ୱାନି ମାରିସିଦି ନେତେର୍‌ତି ମାଣାନ୍‌ ନିଜେଦିକା କିତାମାନାନ୍‍ । 
\v 29 ନାନୁ ନେସ୍‌ନା, ନାନୁ ସର୍‍ରି ୱେନ୍‌କା ମି ଲୋଇ ବୟ୍‍ଙ୍କାର୍‍ ବେନ୍‍ଡ୍ରରକିଙ୍ଗ୍‍ ୱାନେ ମାରି ମାନ୍ଦାଦିଙ୍ଗ୍‍ କାଣ୍ତିଆକାବ୍‍ରା କିଏନ୍‍ଣ୍ତା ଡ଼ିସ୍‍ଉ । 
\v 30 ସମୟ୍ ୱାନାତ୍‍, ଏସ୍ତିୱାଲେ ମି ନିଜେଦି ଦଲତୀ ଏସ ଲୋକୁ ବିସ୍‍ବାସିରିଙ୍ଗ୍‍ ମିଚ୍‌ ମାଟା ୱେର୍‌ସି ତାଗ୍‌ଇ ସାରିଦୁ ଅନାର୍‍ । 
\v 31 ନାସ୍ତିୱାଲେ ଜାଗାର୍‌ତା ମାନ୍‌ଡ଼୍ରୁ, ନାନୁ ଜେ ୱେଡ଼େ ନାଡ଼ା କାଣେରୁଙ୍ଗୁଁ ୱାକ୍‍ସି ମୁନ୍‍ଣ୍ତ୍ରି ବାର୍‍ସେକ୍‍ ସାନ୍ଦି ମି ୱିଜେରିଙ୍ଗ୍‍ ସିକିୟା ସିତାମାନା, ଇୟା ମାଟା ମନ୍‌ତୁ ଇଡ୍‌ଦୁ ।
\p
\v 32 “ଇଲେଇ ନାନୁ ମିଙ୍ଗିଁ ମାପୁରୁଦି କିୟୁଦୁ ମାରି ୱାନି ଦୟାଦୁ ପୁରାତି ବାକ୍ୟଦୁ ସର୍ପେ କିଜିନା, ଆୟା ବାକ୍ୟ ମିଙ୍ଗିଁ ବପୁ କିଦେଙ୍ଗ୍‌ ଇଜି ମାପୁରୁଦି ଲୋକା ଉଣ୍ତିଙ୍ଗ୍‌ ମାନି ୱିଜୁ ଆର୍ସିବାଦ୍‌ ମିଙ୍ଗିଁ ସିଦେଙ୍ଗ୍‍ ଇଜି ଆଟ୍‍ନା । 
\v 33 ନାନୁ ଏ ୱେଣ୍ତି, ବାଙ୍ଗାଁରାମ୍‍ ମାରି ୱାତିଗନ୍ଦା ପୟ୍‌ଦେଙ୍ଗ୍‌ ଆସା ଇଡ୍‍ଏ । 
\v 34 ମିର୍‌ ନେସ୍‌ନିଦେର୍‌, ନାନୁ ନା ଇୟା ରୁଣ୍ତି କିକାଣ୍‍କୁ ପାଣି କିଜି ନିଜେଦି ମାରି ନା ୱାଲେ ପାଣିକିନିୱାରି ୱିଜୁ ଦର୍‌କାର୍‌ ପୁରା କିତାମାନା । 
\v 35 ପୟ୍‌ନି ମାଣାନ୍‌ ଦାନ୍‌ କିନିମାନୁ ନାଣ୍ତ ୱେଡ଼ିକା ତେବାନାତ୍‍, ନିଜେ ପ୍ରବୁ ଜିସୁଦି ଇୟା ବାକ୍ୟଦିଙ୍ଗ୍‍ ଏତ୍‌କିଜି ଇୟାୱାଜା ନାଣ୍ତ କାସ୍ଟୁଦି ପାଣିଦାନ୍‌ ମାପ୍‌ ଆଟ୍‍ଇ ଲୋକାଙ୍ଗ୍‌ ସାକା କିନି ଦର୍‌କାର୍‌, ଇୟା ବିସୟ୍‌ତାନ୍‌ ନାନୁ ୱିଜୁଦିନ୍‌ ମିଙ୍ଗିଁ ସାରି ତର୍‍ତାମାନା ।”
\p
\v 36 ଇୟାୱିଜୁ ମାଟା ୱେର୍‌ତି ୱେନ୍‌କା ପାଉଲ ୱାରି ୱାଲେ ମେଣ୍ତେଙ୍ଗ୍‍ ଗଟ୍‌କିଜି ପାର୍‌ତନା କିତାନ୍‌ । 
\v 37 ୱିଜେରେ ଆଡ଼୍‌ବାଜି ଆଡ଼୍‌ବାଜି ପାଉଲତିଙ୍ଗ୍‌ ପମ୍‍ଜି ନଣ୍ତ୍‍ଜି ପୋକ୍‌ତାର୍‌ । 
\v 38 ୱାର୍‌ ୱାନିଙ୍ଗ୍‌ ମାରି ସୁଡ଼୍‍ଦେଙ୍ଗ୍‍ ଆଟ୍‍ଏର୍‍ ଇଜି ୱାନ୍‌ ଇର୍ହାନ୍‍ଆକା ୱାର୍‌ ନାଣ୍ତ ଦୁକ୍‍ ଆତାମାର୍ହାର୍‍ । ୱାର୍‌ ୱାନିଙ୍ଗ୍‌ ପୋକ୍‌ତେଙ୍ଗ୍‌ ଇଜି ଜାହାଜ୍‌ ଲାକ୍‌ତୁ ସର୍ହାର୍‍ ।
\c 21
\s ପାଉଲ ଜିରୁସାଲାମ୍‍ତୁ ସନିକା
\p
\v 1 ୱାରିଙ୍ଗ୍‌ ପୋକ୍‍ତି ୱେନ୍‌କା ମାପ୍‌ ଆବେଣାନ୍‍ ସର୍ହାପ୍‍ । ଏରୁସାରି ନାସି ମାପ୍‌ କୋସ୍‍ତୁ ଇତାପ୍‍ । ମାରିନାଣ୍ତିଙ୍ଗ୍‍ ରୋଡସ୍‍ ପାଡ଼ି ସିଜି ପାତାରାଦୁ ସର୍ହାପ୍‍ । 
\v 2 ଆବେଣାନ୍‍ ପିନିସିଆଦୁ ସଲ୍‌ସିମାନି ଉନ୍‍ଣ୍ତ୍ରି ଜାହାଜ୍‌ ଏକ୍‌ସି ସର୍ହାପ୍‍ । 
\v 3 ତାନିୱେନ୍‍କା ସାଇପ୍ରସ୍‍ ତର୍‍ଜିମାନି ଉନ୍‍ଣ୍ତ୍ରି ବାଡିଦୁ ଇତାପ୍‍ । ଆବେଣାନ୍‍ ତାନି ଡେବିରି ତରିନ୍‌ ସିଜି ମାପ୍‌ ସିରିଆଦୁ ସର୍ହାପ୍‍ । ମାପ୍‌ ସୋର ଗାଡ଼୍‌ତୁ ଜାହାଜ୍‍ତାନ୍‍ ରେତାପ୍‍, ଇରିଙ୍ଗ୍‌ ଇୟା ଜାହାଜ୍‍ତାନ୍‍ ସାମାନ୍‍ପତର୍‌ ରେପ୍‍ନିକା ମାର୍ହାତ୍‌ । 
\v 4 ଆବେ ମାପ୍‌ ଏସ ବିସ୍‍ବାସିରିଙ୍ଗ୍‍ ସୁଡ଼୍‌ଜି ୱାରି ୱାଲେ ଉନ୍‍ଣ୍ତ୍ରି ସାତା ତେବାତାପ୍‍ । ପବିତ୍ର ଆତ୍ମାଦି ଆଦେସ୍‌ ପୟ୍‌ଜି ୱାର୍‌ ପାଉଲ୍‍ତିଙ୍ଗ୍‍ ଜିରୁସାଲାମ୍‍ତୁ ସନ୍‍ଡ୍ରେଙ୍ଗ୍‍ଁ ତେବାକିତାର୍‍ । 
\v 5 ମାତର୍‌ ୱାରି ୱାଲେ ଉନ୍‍ଣ୍ତ୍ରି ସାତା ତେବାତି ୱେନ୍‌କା ମାପ୍‌ ୱାରିଙ୍ଗ୍‌ ଡ଼ିସ୍‌ସି ନିଜେଦି ସାରିଦୁ ସର୍ହାପ୍‍ । ମାଙ୍ଗିଁ ଡ଼ିସ୍‌ତେଙ୍ଗ୍‌ ଇଜି ୱାର୍‌ ୱିଜେରେ ନିଜେଦି ଆଡ଼୍‍ସିକ୍‍ ମାରି କଡ଼ରି ୱାଲେ ଗାଡ଼୍‌ ଆତ୍‌ରେ ମାନି ସାମ୍‌ଦୁର୍‌ ପାଡ଼ି ସାନ୍ଦି ୱାତାର୍‌ । ଆବେ ମାପ୍‌ ୱିଜେରେ ମେଣ୍ତେଙ୍ଗ୍‍ ଗଟ୍‌କିଜି ପାର୍‌ତନା କିତାପ୍‍ । 
\v 6 ତାନିୱେନ୍‍କା ମାପ୍‌ ୱାରିଙ୍ଗ୍‍ଁ ପୋକ୍‌ସି, ଜାହାଜ୍‍ତୁ ଏକ୍‌ତାପ୍‍, ୱାର୍‌ ଇନ୍‌ଡ୍ର ଡ଼େସି ସର୍ହାର୍‍ ।
\p
\v 7 ମାପ୍‌ ସୋର ଗାଡ଼୍‌ତାନ୍‍ ଏରୁ ନାସି ୱିଜ୍‍ଜି ପତଲମାଇଦୁ ଇତାପ୍‍, ଆବେ ବିସ୍‍ବାସ୍‌ତି ତଡ଼ାନ୍‌କାଙ୍ଗ୍‌ ମାଡ଼ିସ୍‍କିଜି ୱାରିୱାଲେ ଉନ୍‍ଣ୍ତ୍ରି ଦିନ୍‌ ତେବାତାପ୍‍ । 
\v 8 \x + \xo ୨୧:୮ \xo*\xt ପ୍ରେରିତ ୬:୫; ୮:୫.\xt*\x*ମାରିନାଣ୍ତିଙ୍ଗ୍‍ ମାପ୍‌ ଆୟା ବାଡି ଡ଼ିସ୍‌ସି କାଇସରିଆଦୁ ଇତାପ୍‍ । ଆବେ ମାପ୍‌ ପ୍ରଚାର୍‌କିନି ପିଲିପିତି ଇଲ୍‌ତୁ ତେବାତାପ୍‍, ଜିରୁସାଲାମ୍‍ତୁ ସେବକ ୱାଜା ବାସେଆତି ମାନି ସାତ୍ ଲୋକା ଲୋଇ ୱାନ୍‌ ଅରେନ୍‌ ମାର୍ହାନ୍‍ । 
\v 9 ୱାନି ନାଲ୍‍ଗି ପେଡ଼ିଆଇ ଆଇଲିକ୍‌ ମାପୁରୁଦି ବାକ୍ୟ ୱେର୍‌ସି ମାର୍ହେ । 
\v 10 \x + \xo ୨୧:୧୦ \xo*\xt ପ୍ରେରିତ ୧୧:୨୮.\xt*\x*ମାପ୍‌ ଆବେ ନାଣ୍ତ ଦିନ୍‌ ତେବାତି ୱେନ୍‌କା, ଜିହୁଦା ଦେସ୍‌ତାନ୍‍ ଆଗାବ ଦର୍‌ତି ଅରେନ୍‌ ବାବବାଦି ଆବେ ୱାତାନ୍‌ । 
\v 11 ୱାନ୍‌ ମା ଲାକ୍‌ତୁ ୱାଜି ପାଉଲ୍‍ତି ଜୁକିଦୁ ତରାନି ନାସୁ ଅତାନ୍‌, ଆବେଟ୍‌ ୱାନ୍‌ ନିଜେଦି କିୟୁ ମାରି କାଲୁ ତର୍‌ସି ଇର୍ହାନ୍‌, “ପବିତ୍ର ଆତ୍ମା ନାଙ୍ଗିଁ ଜାଣେକିଜିନାତ୍‌ ଜେ, ଇୟା ଜୁକି ତରାତି ଅଦିକାରିଙ୍ଗ୍‍ ଜିରୁସାଲାମ୍‍ତୁ ଜିହୁଦି ଲୋକୁ ଇୟାୱାଜା ତର୍‌ସି ୱାନିଙ୍ଗ୍‌ ଅଣଜିହୁଦି ଲୋକା କିୟୁଦୁ ସର୍ପେ କିନାର୍‌ ।”
\p
\v 12 ଇକା ୱେନ୍‌ଜି ମାପ୍‌ ମାରି ଆୟା ବାଡିଦୁ ମାନି ଆଇକାର୍‌ ପାଉଲ୍‍ତିଙ୍ଗ୍‍ ଜିରୁସାଲାମ୍‍ତୁ ସଲ୍‌ଇ ଉଣ୍ତିଙ୍ଗ୍‌ ବାତିଙ୍ଗ୍‌ ମାଲିତାପ୍‍ । 
\v 13 ମାତର୍‌ ପାଉଲ ଇର୍ହାନ୍‌, “ମିର୍‌ ଇୟା ଇନିକା କିଜିନିଦେର୍‌, ଏନ୍ଦା ଇୟାୱାଜା ଆଡ଼୍‌ବାଜି ନା ଜିବନ୍‌ତିଙ୍ଗ୍‌ ରୁକ୍‍ସିନିଦେର୍‍ ? ଜିରୁସାଲାମ୍‍ତୁ କେବଲ୍‌ ତରାୟ୍‌ ଆଦେଙ୍ଗ୍‌ ସିଲେ, ମାତର୍‌ ପ୍ରବୁ ଜିସୁ ଉଣ୍ତିଙ୍ଗ୍‌ ସାଦେଙ୍ଗ୍‍ଁ ଇଜି ବା ନାନ୍‌ ତିଆର୍‌ ମାନା ।”
\p
\v 14 ମାପ୍‌ ୱାନିଙ୍ଗ୍‌ ବୁଜା କିଦେଙ୍ଗ୍‌ ଆଟ୍‌ଏଜି ଆବେଟାନ୍‍ ସୁପ୍‍ଆଜି ଇର୍ହାପ୍‍, “ପ୍ରବୁଦି ବଦା ପୁରା ଆପିତ୍‌ ।”
\p
\v 15 ଆବେ ଏସ ସମୟ ତେବାତି ୱେନ୍‌କା ମାପ୍‌ ମା ସାମାନ୍‍ ପତ୍ର ରସ୍‍ସି ଜିରୁସାଲାମ୍‌ ତରିନ୍‌ ସର୍ହାପ୍‍ । 
\v 16 କାଇସରିଆଦି ଏସ ସିସୁର୍‍ ନି କୁପ୍ରଦି ମନାସୋନ ଦର୍‌ତି ଅରେନ୍‌ ବିସ୍‍ବାସି ବା ମା ୱାଲେ ୱାତାନ୍‌ । ମନାସୋନଦି ଇଲୁତୁ ମାପ୍‌ ତେବାନି ବ୍ୟବସ୍ଥା ଆତାମାର୍ହାତ୍‍ ।
\s ଜାକୁବଦି ୱାଲେ ପାଉଲତି ବେଟ୍‌ଆନିକା
\p
\v 17 ଜିରୁସାଲାମ୍‍ତୁ ବିସ୍‍ବାସ୍‌ତି ତଡ଼ାନ୍‌କୁ ୱେଡ଼ିକାଦାନ୍‌ ମାଙ୍ଗିଁ କୁକ୍‍ତାର୍‍ । 
\v 18 ମାରିନାଣ୍ତିଙ୍ଗ୍‍ଁ ପାଉଲ ମା ୱାଲେ ଜାକୁବଙ୍ଗ୍‍ ସୁଡ଼୍‍ଦେଙ୍ଗ୍‍ ସର୍ହାନ୍‍; ମଣ୍ତଲି ୱିଜୁ ନେତାର୍‍ ଆବେ ଉଣ୍ତାତା ମାର୍ହାର୍‌ । 
\v 19 ପାଉଲ ୱାରିଙ୍ଗ୍‌ ମାଡ଼ିସ୍‌କିଜି ୱାନି ସେବା ପାଣିଦାନ୍‌ ମାପୁରୁ ଅଣଜିହୁଦି ଲୋକା ଲୋଇ ଆମାକା ଆମାକା କିତାମାର୍ହାନ୍‌; ତାନି ଉନ୍‍ଣ୍ତ୍ରି ପୁରା ମାଟା ସିତାନ୍‌ । 
\v 20 ୱାନି ମାଟା ୱେର୍‌ଇ ୱେନ୍‌କା ୱାର୍‌ ୱିଜେରେ ମାପୁରୁଦି ଦନ୍ୟବାଦ୍‌ କିତାର୍‍ । ତାନି ୱେନ୍‌କା ୱାର୍‌ ଇର୍ହାର୍‌, “ତଡ଼ାନ୍‌ ପାଉଲ, ନିନ୍‌ ସୁଡ଼୍‍ଜିନି, ଏଣ୍ତେସ୍‌ ଇଲେଇ ହାଜାର୍‌ ହାଜାର୍‌ ଜିହୁଦି ଲୋକୁ ପ୍ରବୁ ଜିସୁମାନୁ ବିସ୍‌ବାସ୍‌ କିଜିନାର୍‍ ମାରି ୱାର୍‌ ନିୟମ୍‌ ଉଣ୍ତିଙ୍ଗ୍‌ ବା ବିସ୍‌ବାସ୍‌ତାନ୍‌ ତେବାତାମାନାର୍‍ । 
\v 21 ୱାର୍‌ କାବୁର୍‌ ପୟ୍‍ତାମାନାର୍‍ ଜେ, ନିନ୍‌ ଅଣଜିହୁଦି ଲୋକା ଦେସ୍‌ତୁ ବାସାଜି ମାନି ଜିହୁଦି ଲୋକାଙ୍ଗ୍‌ ମୋସାଦି ନିୟମ୍‌ ଡ଼ିସ୍‍ତେଙ୍ଗ୍‍ଁ, ୱାରି କଡ଼ରିଙ୍ଗ୍‌ ସୁନ୍ନତ କିଇ ଉଣ୍ତିଙ୍ଗ୍‌ ମାରି ଜିହୁଦି ରିତିନିତି ମାନାଇ ଉଣ୍ତିଙ୍ଗ୍‌ ସିକିୟା ସିଜିନି । 
\v 22 ନିନ୍‌ ଇବେ ୱାତିମାନି ଇଜି ୱାର୍‌ ସତେନେ ୱେନାର୍‌ । ଆର୍‍ତିଙ୍ଗ୍‍ଁ ଇନିକା କିଦେଙ୍ଗ୍‌ ଆନାତ୍‌ ? 
\v 23 ମାପ୍‌ ବଦାକିଜିନାପ୍‍, ନିନ୍‌ ଉନ୍‍ଣ୍ତ୍ରି ପାଣି କିଆ । ଇବେମାନି ନାଲ୍‍ଏର୍‌ ଲୋକୁ ଉନ୍‍ଣ୍ତ୍ରି ଅପାତାମାନାର୍‍ । 
\v 24 ୱାରି ୱାଲେ ସାଙ୍ଗ୍ଆ । ନେଗେନ୍‌କିନି ବିଦି ମାନାନିମାନୁ ୱାରି ୱାଲେ ମିସାଜି ୱାରି କାର୍ସୁ କିଆ । ତାନିୱେନ୍‍କା ୱାର୍‌ ନିଜେ ନିଜେଦି ତାଲା ଟାଙ୍ଗୁଁରୁ କିନାର୍‌ । ଇବେଟ୍‍ତାନ୍‌ ଜଣା ପଡ଼ାନାତ୍‌ ଜେ, ନି ବିସୟ୍‌ତାନ୍‌ ୱେଙ୍ଗିଁତି ମାନି ଇନି ମାଟା ସତ୍‌ ସିଲେ, ମାତର୍‌ ନିନ୍‌ ମସାଦି ନିୟମ୍‌ ଇସାବ୍‌ତାନ୍‌ ଜିଜିନି । 
\v 25 \x + \xo ୨୧:୨୫ \xo*\xt ପ୍ରେରିତ ୧୫:୨୯.\xt*\x*ମାତର୍‌ ଏମେ ଅଣଜିହୁଦି ଲୋକୁ ବିସ୍‌ବାସ୍‌ ଆତାମାନାର୍‌, ୱାରି ଲାକ୍‌ତୁ ମାପ୍‌ ଉନ୍‍ଣ୍ତ୍ରି ଆକୁ ରାସ୍‌ସି ସିକିୟା ସିତାମାନାପ୍‍ ଜେ, ମା ମାଟାଦି ଇସାବ୍‌ତାନ୍‌ ୱାର୍‌ ଦିୟାମ୍‍କା ଲାକ୍‌ତୁ ପୁଜାସିତିମାନି କାଦି ଉଣୁଏର୍‌, ନେତେର୍‌ ଉଣୁଏର୍‌, କକ୍‍ଲା ପିଡ଼ିସି ସାପିସ୍‍କିତିମାନି ପସୁଦି କାଣ୍ତା ତିନ୍‍ଏର୍‍ ମାରି ଦାରିପାଣିଦାନ୍‌ ଆକତେବାଦୁ ।”
\p
\v 26 ମାରିନାଣ୍ତିଙ୍ଗ୍‍ଁ ପାଉଲ ୱାତିମାର୍‌ଇ ନାଲ୍‍ଏରି ୱାଲେ ନେଗେନ୍‌କିନି ବିଦି ମାନାତାର୍‍ । ୱେନ୍‌କା ୱାନ୍‌ ମନ୍ଦିର୍‍ତୁ ସଲ୍‍ସି ନେଗେନ୍‌କିନି ପାଣି ଏସାଙ୍ଗ୍‍ଁ ୱିଜ୍‌ନାତ୍‌ ମାରି ଆମା ୱେଡ଼ାଦୁ ପୁଜାସିନିକା ମାନାତ୍‌, ଆକା ୱେର୍‍ତା ସିତାନ୍‌ ।
\s ପାଉଲ ମନ୍ଦିର୍‌ ଲୋଇ ତରାୟ୍‌ଆତାନ୍‍
\p
\v 27 ନେଗେନ୍‌କିନି ପାଣିଦି ସାତ୍ ଦିନ୍‌ ୱିଜିତି ୱେନ୍‌କା ଆସିଆ ରାଜିଦି ଏସ ଜିହୁଦି ଲୋକୁ ମନ୍ଦିର୍‌ତୁ ପାଉଲ୍‍ତିଙ୍ଗ୍‍ ସୁଡ଼ୁତାର୍‌ । ୱାର୍‌ ଆବେ ଉଣ୍ତାତିମାର୍‍ଇ ଲୋକାଙ୍ଗ୍‌ ଏଗ୍ରିସ୍‍ କିଜି ପାଉଲ୍‍ତିଙ୍ଗ୍‍ଁ ଆସ୍‌ତାର୍‌ । 
\v 28 ୱାର୍‌ ଆଉଲି ଆଜି ଇର୍ହାର୍‌, “ଏ ଇସ୍ରାଏଲ୍‌ତି ଲୋକୁ, ମାଙ୍ଗିଁ ସାକା କିଦୁ ! ଇୟା ଲୋକୁ ସାରିବେଡ଼୍‍ତି ସଲ୍‍ସି ଇସ୍ରାଏଲ୍‌ତି ଲୋକା ବିରୁଦ୍‍ତାନ୍‍, ମସାଦି ନିୟମ୍‌ ନି ଇୟା ମନ୍ଦିର୍‌ ବିରଦ୍‌ତାନ୍‌ ସିକିୟା ସିଜିନାନ୍‌ । ମାରି ଇଲେଇ ୱାନ୍‌ ଏସ ଅଣଜିହୁଦି ଲୋକାଙ୍ଗ୍‌ ମନ୍ଦିର୍‌ ଲୋଇ ତାସି ଇୟା ପବିତ୍ର ବାଡିଦିଙ୍ଗ୍‍ଁ ତାଗ୍‌ଇକା କିଜିନାନ୍‍ ।” 
\v 29 \x + \xo ୨୧:୨୯ \xo*\xt ପ୍ରେରିତ ୨୦:୪.\xt*\x*ୱାର୍‌ ଗାଡ଼୍‌ତୁ ଏପିସସ୍‍ତି ତ୍ରପିମଦିଙ୍ଗ୍‍ଁ ପାଉଲତି ୱାଲେ ସୁଡ଼ୁତିମାରିଙ୍ଗ୍‍ଁ ଅଡ଼୍‍ବିତାର୍‍ ଜେ, ପାଉଲ ୱାନିଙ୍ଗ୍‍ ମନ୍ଦିର୍‌ତୁ ଅତାମାନାନ୍‍ ।
\p
\v 30 ୱିଜୁ ଗାଡ଼୍‌ତୁ ଜାଟି ନିଙ୍ଗିଁତାତ୍‍ । ଲୋକୁ ପାଉଲ୍‍ତିଙ୍ଗ୍‍ଁ ମନ୍ଦିର୍‌ ଆତ୍‌ରେ ଇର୍‍ସି ତାତାର୍‌ । ମନ୍ଦିର୍‌ତି ସେର୍‍ଲେଙ୍ଗ୍‌ ୱିଜୁ କେର୍‍ତା ଡ଼ିସ୍‌ତାର୍‍ । 
\v 31 ରିସାଆତି ଲୋକୁ ୱିଜେରେ ପାଉଲ୍‍ତିଙ୍ଗ୍‍ଁ ଡାକ୍‍ତେଙ୍ଗ୍‍ଁ ଇଜି ଉପାୟ୍‌ କିତାର୍‍, ଏସ୍ତିୱାଲେ ୱିଜୁ ଜିରୁସାଲାମ୍‍ତୁ ଜାଟି ଜଗଡ଼ା ଆଜିନାତ୍‌ ଇଜି ରୋମିୟ ସନ୍ୟରି ନେତା କାବୁର୍‌ ୱେର୍‌ଆନ୍‌ । 
\v 32 ନାସ୍ତିୱାଲେ ନେତା ଏସ ସେନାପତି ନି ସନ୍ୟରିଙ୍ଗ୍‍ଁ ଅସି ଜାଟି ଜଗଡ଼ା ଆନି ବାଡିଦୁ ଇତାନ୍‌ । ଲୋକୁ ସନ୍ୟରି ନେତେଙ୍ଗ୍‍ଁ ନି ସନ୍ୟରିଙ୍ଗ୍‍ଁ ସୁଡ଼୍‌ଜି ପାଉଲ୍‍ତିଙ୍ଗ୍‍ଁ ମାରି ମାଡ୍‌ ଡାକ୍‍ଏନ୍‍ଣ୍ତା ଡ଼ିସ୍‍ତାସିତାର୍‍ । 
\v 33 ସନ୍ୟରି ନେତା ପାଉଲତିଙ୍ଗ୍‍ଁ ଆସ୍‌ସି ୱାନିଙ୍ଗ୍‍ଁ ରୁଣ୍ତି ସିକ୍‍ଣି ଦାନ୍‍ ତର୍‍ତେଙ୍ଗ୍‍ଁ ଇଜି ଆଦେସ୍‌ ସିତାନ୍‌ । ୱେନ୍‌କା ୱାନ୍‌ ୱେନ୍‌ବାତାନ୍‌, “ଇୟା ଲୋକୁ ଏନ୍‌ ମାରି ୱାନ୍‌ ଇନିକା କିତାମାନାନ୍‍ ?” 
\v 34 ଲୋକୁ ଗଲି ଲୋଇ ଏନ୍‌ ଏସ ରକମ୍‌ତି ମାଟା ଇଜି ଆଉଲି ଆତାର୍‌ । ଇୟାୱାଜା ଅସାନ୍ତି ଆତାତ୍‍ଜେ, ସନ୍ୟରି ନେତା ସତ୍‌ ମାଟା ଇନିକା, ଇନିକାବା ନେସ୍‌ତେଙ୍ଗ୍‌ ଆଟ୍‍ଏତାନ୍‍ । ଆବେଟ୍‌ ୱାନ୍‌ ପାଉଲତିଙ୍ଗ୍‍ଁ ସନ୍ୟର୍‌ତେବାନି ବାଡି ଲୋଇ ଅତେଙ୍ଗ୍‍ଁ ଇଜି ସନ୍ୟରିଙ୍ଗ୍‌ ଆଦେସ୍‌ ସିତାନ୍‌ । 
\v 35 ୱାର୍‌ ୱାନିଙ୍ଗ୍‍ଁ ଅସି ସନ୍ୟର୍‌ତେବାନି ବାଡିଦି ପାଉଚ୍‌କୁ ଲାକ୍‌ତୁ ଇନି ୱେଡ଼ାଦୁ ୱାନିଙ୍ଗ୍‍ଁ କେର୍‍ବାଜି ତେବାଜିମାନି ଲୋକୁ ନିସା ରିସା ଆତାର୍‌ ଜେ ସନ୍ୟର୍‍ ପାଉଲ୍‍ତିଙ୍ଗ୍‍ଁ ପିଣ୍ତ୍‍ତା ଅତାର୍‌ । 
\v 36 ଲୋକୁ ୱିଜେରେ ୱାନି ୱେନ୍‌କା ୱେନ୍‌କା ୱାଜି ଆଉଲି ଆଜି ଇଜିମାର୍ହାର୍‍, “ୱାନିଙ୍ଗ୍‍ଁ ଡାକ୍‍ଦୁ ।”
\s ପାଉଲ ନିଜେଦି ତରିଟାନ୍‌ ମାଟା ଆଙ୍ଗିଁତାନ୍‌
\p
\v 37 ସନ୍ୟର୍‍ ପାଉଲତିଙ୍ଗ୍‍ଁ ସନ୍ୟର ତେବାନି ବାଡି ଲୋଇ ଅନି ୱାଲେ ୱାନ୍‌ ସନ୍ୟରି ନେତେଙ୍ଗ୍‍ଁ ଇର୍ହାନ୍‌ : “ନାନୁ ନିଙ୍ଗିଁ ଏସ ମାଟା ଇନ୍‍ଡ୍ରେଙ୍ଗ୍‍ଁ ଆଟ୍‍ନାନ୍‌ ନୋ ?”
\p ସନ୍ୟରି ନେତା ୱେନ୍‌ବାତାନ୍‌, “ନିନୁ ତୋ ଗ୍ରିକ୍‌ ୱାର୍‍ଗିଜିନି । 
\v 38 ଆର୍‍ତିଙ୍ଗ୍‍ଁ ଏସ ଦିନ୍‌ ଆଗ୍‌ଡ଼ି ମିସର୍‍ ଏମେ ଲୋକୁ ଜୁଦ୍‍ କିଜି ଚାରି ହାଜାର୍‌ ଜୁଦ୍‍ ସାମାନ୍‍ ଆସ୍‌ତି କାଙ୍ଗାଁର୍‌ଆଙ୍ଗ୍‌ ଅସି ମରୁବୁମିଦୁ ଇତା ମାର୍ହାନ୍‍, ନିନୁ ତୋ ଆୟା ଲୋକୁ ସିଲେ ?”
\p
\v 39 ପାଉଲ ଇର୍ହାନ୍‌, “ସିଲିସିଆଦି ତାର୍ସସ୍‍ତୁ ଜନମ୍‌ ଆତିମାନି ନାନୁ ଅରେନ୍‌ ଜିହୁଦି, ଉନ୍‌ଡ୍ରି ପେରି ଗାଡ଼୍‌ତି ଲୋକୁ । ଇୟା ଲୋକାଙ୍ଗ୍‌ ବୁଜାକିଜି ଇନ୍‍ଡ୍ରେଙ୍ଗ୍‍ଁ ଇଜି ଦୟା କିଜି ନାଙ୍ଗିଁ ସାରି ସିଦା ।
\p
\v 40 “ସନ୍ୟରି ନେତା ୱାନିଙ୍ଗ୍‍ଁ ସାରି ସିତାନ୍‌ଆକା ପାଉଲ ପାଉଚ୍‌ ମୁସ୍‌କୁ ନିଲ୍‍ସି ଲୋକାଙ୍ଗ୍‌ ଆଲେଜ ମାନ୍‍ଡ୍ରେଙ୍ଗ୍‍ଁ ଇଜି କିୟୁ ପେର୍‌ଜି ଜୁଟ୍‌ସି ୱେର୍‌ତାନ୍‌ । ୱାର୍‌ ଆଲେତି ୱେନ୍‌କା ପାଉଲ ଏବ୍ରି ଭାସାଦାନ୍‍ ଇର୍ହାନ୍‌ :
\c 22
\p
\v 1 “ତଡ଼ାନ୍‌କୁ ମାରି ବୁବାର୍‍, ମି ଆଗ୍‌ଡ଼ି ନିଜେ ତରିଟାନ୍‍ ନାନୁ ଆମାକା ଇଜିନା, ଆକା ୱେନ୍‌ଡ୍ରୁ !” 
\v 2 ୱାରି ୱାଲେ ୱାନ୍‌ ଏବ୍ରି ବାସାଦାନ୍‍ ମାଟା ୱାର୍‍ଗିଜିନିକା ୱେନ୍‌ଜି ୱାର୍‌ ମାରି ଆଲେତାର୍‍ ମାରି ପାଉଲ ଇନ୍‍ଡ୍ରେଙ୍ଗ୍‍ଁ ଆସ୍‌ତାନ୍‌ : 
\v 3 \x + \xo ୨୨:୩ \xo*\xt ପ୍ରେରିତ ୫:୩୪-୩୯.\xt*\x*ନାନୁ ଅରେନ୍‌ ଜିହୁଦି, ସିଲିସିଆଦି ତାର୍ସସ୍‍ତୁ ନା ଜନମ୍‌, ମାତର୍‌ ନାନୁ ଜିରୁସାଲାମ୍‍ତୁ ପିରିତା ମାର୍ହା ମାରି ଗମଲିଏଲତି ଅରେନ୍‌ ସିସୁ ମାର୍ହା । ମା ଡକ୍ରାଦାଦାରି ନିୟମ୍‌ ନାନୁ ଟିକ୍‍ତାନ୍‍ ଅଜାତା ମାର୍ହା ମାରି ମି ୱାଜା ମାପୁରୁଦି ଉଣ୍ତିଙ୍ଗ୍‍ଁ ୱେଡ଼ିକା ମାର୍ହା । 
\v 4 \x + \xo ୨୨:୪ \xo*\xt ପ୍ରେରିତ ୮:୩; ୨୬:୯-୧୧.\xt*\x*ନାନୁ ଇୟା ସାରିଦୁ ସନି ଲୋକା ମୁସ୍‌କୁ ଜାଟି କିଜି ୱାରିଙ୍ଗ୍‍ଁ ଜିବନ୍‌ତୁ ଡାକ୍‍ସି ମାର୍ହା । ମେମାରି ନି ଆଇମା ୱିଜେରିଙ୍ଗ୍‍ଁ ତର୍‌ସି ଜଇଲ୍‌ତୁ ଅସି ମାର୍ହା । 
\v 5 ନା ଇୟା ମାଟା ସତ୍‌ ଜେ, ପେରି ଜାଜକ ନି ପେରି ଲୋକାମିଟିଙ୍ଗ୍‍ତି ସବାଦି ୱିଜେରେ ତେନି ସାକି । ଇୟା ଲୋକାଙ୍ଗ୍‌ ତର୍‌ସି ମାରି ସିକିଣିଦାନ୍‍ ତର୍‌ସି ଦଣ୍ଡ୍‌ ସିଦେଙ୍ଗ୍‌ ଇଜି ଜିରୁସାଲାମ୍‍ତୁ ତାତେଙ୍ଗ୍‍ଁ ଇଜି ନାନୁ ପେରି ଜାଜକତିମାଣାନ୍‌ ସିଟି ଅସି ଦାମାସ୍‍କସ୍‍ତୁ ମାନି ଜିହୁଦି ତଡ଼ାନ୍‌କା ଲାକ୍‌ତୁ ସର୍‌ଆ ।
\s ପାଉଲ ୱାନି ମନ୍‍ ଡ଼େପ୍‍ତି ବିସୟ୍‌ତାନ୍‌ ୱେର୍‌ତାନ୍‌
\r (ପ୍ରେରିତ ୯:୧-୧୯; ୨୬:୧୨-୧୮)
\p
\v 6 “ନାନୁ ସଲ୍‍ସି ଏସ୍ତିୱାଲେ ଦାମାସ୍‍କସ୍‍ତି ଲାକ୍‌ତୁ ଆଜିମାର୍ହା, ମାଦ୍‌ଲାମ୍‌ ବେଡ଼ାଦୁ ବାଦଡ଼୍‍ତାନ୍‍ ଉନ୍‌ଡ୍ରି କାସ୍‍ନି ଜାୟ୍‌ ଆୟାଦାପ୍ରେନେ ନା ସାରିବେଡ଼୍‍ତି ତରାୟ୍‍ ଆତାତ୍‌ । 
\v 7 ନାନୁ ବୁମିଦୁ ମକମ୍‌ ପାଡ଼୍‍କ୍‍ସି ଆର୍‍ତା ମାରି ନା ଉଣ୍ତିଙ୍ଗ୍‍ଁ ମାଟା ୱେର୍‌ଆ, ‘ସାଉଲ, ସାଉଲ’ ନିନୁ ଏନ୍ଦା ନାଙ୍ଗିଁ କାସ୍ଟୁ ସିଜିନି ? 
\v 8 ନାନୁ ୱେନ୍‍ବାତା, ପ୍ରବୁ, ନିନୁ ଏନ୍‌ ? ୱାନ୍‌ ନାଙ୍ଗିଁ ଇର୍ହାନ୍‌, ନିନୁ ଆମାୱାନିଙ୍ଗ୍‍ଁ କାସ୍ଟୁ ସିଜିନି, ନାନୁ ଆୟା ନାଜରିୟତିୟଦି ଜିସୁ । 
\v 9 ନା ୱାଲେ ମାର୍‍ଇ ଲୋକୁ ଆୟା ଜାୟ୍‌ ସୁଡ଼ୁତାର୍‌, ମାତର୍‌ ନା ୱାଲେ ୱାର୍‌ଗିଜି ମାନି ଲୋକ୍‌ତି ବଲ୍ ୱେନ୍‍ଡ୍ରେଙ୍ଗ୍‍ଁ ଆଟ୍‌ଏତାର୍‌ । 
\v 10 ନାନୁ ୱେନ୍‍ବାତା, ପ୍ରବୁ, ନାନୁ ଇନିକା କିନା ? ପ୍ରବୁ ନାଙ୍ଗିଁ ଇର୍ହାନ୍‌, ନିଙ୍ଗ୍‍ଆ, ଦାମାସ୍‍କସ୍‍ତୁ ସାଙ୍ଗ୍‍ଆ, ମାପୁରୁ ନି ଉଣ୍ତିଙ୍ଗ୍‍ଁ ଏମେ ପାଣି ଇଟ୍‌ତାମାନାନ୍‌, ଆବେନୁ ନିଙ୍ଗିଁ ଆକା ଜାଣେ କିନାନ୍‌ । 
\v 11 ଜାୟ୍‍ତି ନାଣ୍ତ କାସ୍‍ନି ମାଣାନ୍‌ ନାନୁ କାଣା ଆତା ସର୍‌ଆ । ଆୟାଉଣ୍ତିଙ୍ଗ୍‌ ନା ୱାଲେ ଅର୍‌ସେ ସନିକାର୍‍ ନା କିୟୁ ଆସ୍‌ସି ନାଙ୍ଗିଁ ଦାମାସ୍‍କସ୍‍ତୁ ଅତାର୍‌ ।”
\p
\v 12 “ଆୟା ଗାଡ଼୍‌ତୁ ହନନିୟ ଦର୍‌ତି ଅରେନ୍‌ ଦାର୍ମୁଦି ଲୋକୁ ମାର୍ହାନ୍‍ । ୱାନ୍‌ ମା ନିୟମ୍‌ ମାନାଜି ମାର୍ହାନ୍‍ ମାରି ଆବେ ବାସା କିଜିମାନି ଜିହୁଦି ଲୋକୁ ୱିଜେରେ ୱାନିଙ୍ଗ୍‍ଁ ନାଣ୍ତ ମାନାଜି ମାର୍ହାର୍‌ । 
\v 13 ୱାନ୍‌ ନା ଲାକ୍‌ତୁ ୱାଜି ନା ଲାକ୍‌ତୁ ନିଲ୍‍ସି ଇର୍ହାନ୍‌, ତଡ଼ାନ୍‌ ସାଉଲ ନି ସୁଣି ସାକ୍ତି ପୟ୍‍ଆ । ଟିକ୍‌ ଆୟା ୱେଡ଼ାଦୁ ନାନୁ ମାରିଡ଼େସି ସୁଣିସାକ୍ତି ପୟ୍‌ଜି ୱାନିଙ୍ଗ୍‍ଁ ସୁଡ଼ୁଦେଙ୍ଗ୍‌ ଆଟ୍‍ତା । 
\v 14 ୱାନ୍‌ ଇର୍ହାନ୍‌, ମା ଡକ୍ରାଦାଦାରି ମାପୁରୁ ନିଙ୍ଗିଁ ୱାନି ମାଟା ନେସ୍‍ତେଙ୍ଗ୍‍ଁ ଇଜି, ୱାନି ଦାର୍ମୁ ସେବକତିଙ୍ଗ୍‍ଁ ସୁଡ଼ୁଦେଙ୍ଗ୍‌ ଇଜି ମାରି ୱାନି ମାଟା ୱେନ୍‍ଡ୍ରେଙ୍ଗ୍‍ଁ ଇଜି ବାସେ କିତାମାନାନ୍‍ । 
\v 15 ଇରିଙ୍ଗ୍‍ଁ ନିନୁ ଆମାକା ସୁଡ଼ୁତିମାନି ମାରି ୱେର୍‍ଇମାନି, ଆକା ୱିଜେରରି ଲୋକା ଲାକ୍‌ତୁ ୱେର୍‍ତେଙ୍ଗ୍‍ଁ ଇଜି ନିନୁ ୱାନି ସାକି ଆନି । 
\v 16 ମାରି ଏନ୍ଦା ୱେଡ଼ା କିଜିନି ? ନିଙ୍ଗିଁଆ, ଡୁବନ୍‌ ଅଆ ମାରି ୱାନିମାନୁ ପାର୍‌ତନା କିନି ମାଣାନ୍‌ ନି ପାପ୍‌ ୱିଜୁ ନରାୟ୍‍ ଆପିତ୍‌ ।”
\s ଅଣଜିହୁଦି ଲୋକା ଲାକ୍‌ତୁ ପ୍ରଚାର୍‌ କିଦେଙ୍ଗ୍‍ଁ ପାଉଲ୍‍ତିଙ୍ଗ୍‍ଁ କୁକ୍‍ତାନ୍‍
\p
\v 17 “ନାନୁ ଜିରୁସାଲାମ୍‍ତାନ୍‍ ଡ଼େସି ସଲ୍‍ସି ଆବେ ମନ୍ଦିର୍‌ତୁ ପାର୍‌ତନା କିଜିମାନିୱାଲେ, ପ୍ରବୁଦି ଦର୍ସନ୍‌ ପୟ୍‍ତା । 
\v 18 ଆମାମାନୁ ନାନ୍‌ ପ୍ରବୁଙ୍ଗୁଁ ସୁଡ଼ୁତା, ୱାନ୍‌ ନାଙ୍ଗିଁ ଇର୍ହାନ୍‌, ବେଗି ଜିରୁସାଲାମ୍‌ ଡ଼ିସ୍‍ଆ, ଇରିଙ୍ଗ୍‍ଁ ଇବେଣି ଲୋକୁ ନା ବିସୟ୍‌ତାନ୍‌ ନି ସାକି ମାନାଏର୍‍ । 
\v 19 ନାନୁ ଇର୍‌ଆ, ପ୍ରବୁ, ନାନୁ ପାର୍‍ତନାକିନି ଇଲ୍‌କାଙ୍ଗ୍‌ ସଲ୍‍ସି ନିବାନୁ ବିସ୍‌ବାସ୍‌ କିଜିମାନି ଲୋକାଙ୍ଗ୍‌ ଏଣ୍ତେସ୍‌ ତର୍‍ତାମାର୍ହା ମାରି ଡାକ୍‍ତା ମାର୍ହା, ଇକା ୱାର୍‌ ନେଗେନ୍‌ କିଜି ନେସ୍‌ନାର୍‌ । 
\v 20 \x + \xo ୨୨:୨୦ \xo*\xt ପ୍ରେରିତ ୭:୫୮.\xt*\x*ମାରି ଏସ୍ତିୱାଲେ ନି ସାକି ସ୍ତିପାନ୍‍ତିଙ୍ଗ୍‍ଁ ନେତେର୍‌ ସାୟାମାର୍‌ଗା ଡାକ୍‍ତାର୍‍, ନାନୁ ନିଜେ ଆବେ ମାର୍ହା; ୱାନିଙ୍ଗ୍‍ଁ ଜିବନ୍‌ତୁ ଡାକ୍‍ତେଙ୍ଗ୍‍ଁ ଇଜିନା ରାଜିଆନିକା ୱେର୍‍ତା ମାର୍ହା ମାରି ୱାନିଙ୍ଗ୍‌ ଡାକ୍‍ନିୱାରି ଆଙ୍ଗିଁଙ୍ଗ୍‌ ୱିଜୁ କାପ୍‍କିତା ମାର୍ହା । 
\v 21 ପ୍ରବୁ ନାଙ୍ଗିଁ ଇର୍ହାନ୍‌, ସାଙ୍ଗ୍‍ଆ, ନାନୁ ନିଙ୍ଗିଁ ନାଣ୍ତ ଆକ ଅଣଜିହୁଦି ଲୋକା ଲାକ୍‌ତୁ ପକ୍‍ନା ।”
\p
\v 22 ପାଉଲ ଇୟା ମାଟା ଇନି ସାନ୍ଦି ଲୋକୁ ମନ୍‍ ସିଜି ୱେନ୍‍ଜିମାର୍ହାର୍‍, ମାତର୍‌ ତାନିୱେନ୍‍କା ୱାର୍‌ ନାଣ୍ତ ଆଉଲି ଆଜି ଇର୍ହାର୍‌, “ୱାନିଙ୍ଗ୍‍ଁ ଦୁନିଆଦାନ୍‌ ସପ୍‍ତୁ ! ୱାନିଙ୍ଗ୍‌ ସାୟାମାର୍‌ଗା ଡାକ୍‍ତୁ ! ୱାନ୍‌ ଜିନିକା ଜଗ୍‌ ସିଲେ !” 
\v 23 ୱାର୍‌ ଆଉଲି ଆଜିମାର୍ହାର୍‍, ୱାତିଙ୍ଗ୍‍ ଇପ୍‍ସିମାର୍ହାର୍‍ ମାରି ମୁସ୍‌କୁ ଦୁଡ଼ି ପୋକ୍‌ସିମାର୍ହାର୍‍ । 
\v 24 ପାଉଲ୍‍ତିଙ୍ଗ୍‍ଁ ଦୁର୍ଗ ଲୋଇ ଅନି ଉଣ୍ତିଙ୍ଗ୍‍ଁ ରୋମିୟ ସନ୍ୟରି ନେତା ସନ୍ୟରିଙ୍ଗ୍‌ ଆଦେସ୍‍‍ ସିତାନ୍‌ ମାରି ଜିହୁଦି ଲୋକୁ ଏନ୍ଦା ୱାନି ବିରଦ୍‌ତାନ୍‌ ଇୟାୱାଜା ଆଉଲି ଆଜିନାର୍‌, ଆକା ନେସ୍‍ତେଙ୍ଗ୍‍ଁ ଇଜି ୱାନିଙ୍ଗ୍‍ଁ କରଡା ଡାକିସ୍‍ତେଙ୍ଗ୍‍ଁ ଆଦେସ୍‌ ସିତାନ୍‌ । 
\v 25 ମାତର୍‌ ୱାର୍‌ ୱାନିଙ୍ଗ୍‍ଁ ତର୍‍ନି ୱାଲେ ପାଉଲ ଆବେ ମାନି ପାଣିକିନିକାନ୍‌ ଇର୍ହାନ୍‌, “ଇନି ନିନ୍ଦାଦୁ ଇୟାସାନ୍ଦି ବିଚାରିତ ଆଇ ମାନି ଅରେନ୍‌ ରମିୟ ଲୋକ୍‍ତିଙ୍ଗ୍‍ଁ କରଡା ଡାକ୍‍ନିକା ଇନିକା ରିତିନିତି ମାନାତ୍‌ ?”
\p
\v 26 ଇକା ୱେନ୍‌ଜି ପାଣିକିନିକାନ୍‌ ସଲ୍‍ସି ସନ୍ୟରି ନେତେଙ୍ଗ୍‍ଁ ଇର୍ହାନ୍‌, “ନିନୁ ଇନିକା କିଜିନି ? ଇୟା ଲୋକୁ ଜେ ଅରେନ୍‌ ରୋମିୟ ଲୋକୁ !”
\p
\v 27 ସନ୍ୟରି ନେତା ପାଉଲ୍‍ତି ଲାକ୍‌ତୁ ସଲ୍‍ସି ୱେନ୍‌ବାତାନ୍‌, “ନିନୁ ଇନିକା ଅରେନ୍‌ ରୋମିୟ ଲୋକୁ ?”
\p ପାଉଲ ଇର୍ହାନ୍‌, “ହୁଁ ।”
\p
\v 28 ସନ୍ୟରି ନେତା ଇର୍ହାନ୍‌, “ଗାଦି ଡାବୁଙ୍ଗୁଁ ସିଜି ନାନୁ ଅରେନ୍‌ ରୋମିୟ ଲୋକୁ ଆତାମାନା ।”
\p ପାଉଲ ଇର୍ହାନ୍‌, “ମାତର୍‌ ନାନୁ ଜନମ୍‍ତାନ୍‍ ରୋମିୟ ଲୋକୁ ।”
\p
\v 29 ଦାପ୍ରେ ଦାପ୍ରେ ଏମେ ଲୋକୁ ପାଉଲତିଙ୍ଗ୍‍ଁ ୱେନ୍‍ବାଦେଙ୍ଗ୍‍ଁ ସଲ୍‍ସି ମାର୍ହାର୍‌, ୱେନ୍‌କା ଗୁସାଜିସର୍ହାର୍‍ ମାରି ପାଉଲ ଅରେନ୍‌ ରୋମିୟ ଲୋକୁ ଆତିମାନିକା ନେସ୍‌ସି ମାରି ୱାନ୍‌ ଜେ ୱାନିଙ୍ଗ୍‍ଁ ସିକିଣିଦୁ ତର୍‌ତେଙ୍ଗ୍‍ଁ ଇଜି ଆଦେସ୍‌ ସିତାମାନାନ୍‌, ଇକା ନେସ୍‌ସି ସନ୍ୟରି ନେତା ନାଣ୍ତ ତିଲାତାନ୍‍ ।
\s ପେରିସଭା ଆଗ୍‌ଡ଼ି ପାଉଲ
\p
\v 30 ଜିହୁଦି ଲୋକୁ ପାଉଲତି ବିରଦ୍‌ତାନ୍‌ ଇନି ଦାବି କିତାମାନାର୍‍, ଆକା ସତେନେ ନେସ୍‌ତେଙ୍ଗ୍‌ ସନ୍ୟରି ନେତା ମାରିନାଣ୍ତିଙ୍ଗ୍‍ଁ ପାଉଲତିଙ୍ଗ୍‍ଁ ଗାଟି ୱିଜୁ କୁତ୍‍ତାନ୍‍ ପେରିସଭାଦି ପୁରା ମିଟିଙ୍ଗ୍‍ଁ କୁକିସ୍‍ କିଦେଙ୍ଗ୍‌ ଇଜି ପେରି ଜାଜକରିଙ୍ଗ୍‍ଁ ଆଦେସ୍‌ ସିତାନ୍‌ । ତାନିୱେନ୍‍କା ପାଉଲ୍‍ତିଙ୍ଗ୍‍ଁ ଅସି ୱାରି ଆଗ୍‌ଡ଼ି ନିଲ୍‌ପ୍‍ତାର୍‌ ।
\c 23
\p
\v 1 ପାଉଲ ପେରିସବା ତରିନ୍‌ ସିଦା ସୁଡ଼୍‌ଜି ଇର୍ହାନ୍‌, “ଏ ଇସ୍ରାଏଲ୍‌ତି ତଡ଼ାନ୍‌କୁ ! ନେର୍‌ ସାନ୍ଦି ମାପୁରୁଦି ଆଗ୍‌ଡ଼ି ନାନୁ ଏଣ୍ତେସ୍‌ ଜିତାମାନା, ଆୟା ବିସୟ୍‌ତାନ୍‌ ନା ମନ୍‍ ପୁରା ନେଗିକା ।” 
\v 2 ଇୟା ମାଟା ୱେନ୍‌ଜି ପେରି ଜାଜକ ହନନିୟ ପାଉଲତି ମକମି ସାପୁଡ଼ୁ ଡାକ୍‍ତେଙ୍ଗ୍‍ଁ ପାଉଲତି ଲାକ୍‌ତୁ ନିର୍‍ଇ ମାନି ଲୋକାଙ୍ଗ୍‌ ଆଦେସ୍‌ ସିତାନ୍‌ । 
\v 3 \x + \xo ୨୩:୩ \xo*\xt ମାତିଉ ୨୩:୨୭,୨୮.\xt*\x*ପାଉଲ ୱାନିଙ୍ଗ୍‍ଁ ଇର୍ହାନ୍‌, “ଏ ଅଡ଼ିନି ପେଡ଼୍‍ୱା ଉସ୍‍ତି ଗଡା, ମାପୁରୁ ସତେନେ ନିଙ୍ଗିଁ ଡାକ୍‌ନାନ୍‍ । ନିୟମ୍‌ ଇସାବ୍‌ତାନ୍‌ ନା ବିସାର୍‌ କିଦେଙ୍ଗ୍‍ଁ ନିନୁ ଆବେ ବାସ୍‍ତିମାନି, ଜଦିବା ନାଙ୍ଗିଁ ଡାକ୍‍ତେଙ୍ଗ୍‍ଁ ଇଜି ଆଦେସ୍‌ ସିଜି ନିନୁ ନିୟମ୍‌ ରୁକ୍‍ସିନି ।”
\p
\v 4 ପାଉଲତି ଲାକ୍‍ତୁମାନି ଲୋକୁ ୱାନିଙ୍ଗ୍‌ ଇର୍ହାର୍‌, “ନିନୁ ମାପୁରୁଦି ପେରି ଜାଜକତିଙ୍ଗ୍‍ଁ ଅପମାନ୍‍ କିଜିନି !”
\p
\v 5 ପାଉଲ ଇର୍ହାନ୍‌, “ଏ ଇସ୍ରାଏଲ୍‌ ତଡ଼ାନ୍‌କୁ, ୱାନ୍‌ ନେତାର୍‌ରି ପେରି ଜାଜକ ଇଜି ନାନୁ ନେସେଏ ମାର୍ହା । ଦାର୍ମୁସାସ୍ତ୍ରଦୁ ରାସାତାମାନାତ୍‌, ମିର୍‌ ନିଜେଦି ଲୋକା ସାସନ୍‍କିନିୱାନିଙ୍ଗ୍‍ଁ ତାଗ୍‌ଇ ମାଟା ଇନ୍‌ମା ।”
\p
\v 6 \x + \xo ୨୩:୬ \xo*\xt ପ୍ରେରିତ ୨୬:୫; ପିଲିପିୟ ୩:୫.\xt*\x*ଜିହୁଦି ଦଲ୍‍ତୁ ଏସ ପାରୁସିର୍‌ ନି ମାରି ଏସ ସାଦୁକିର୍ ମାନିକା ସୁଡ଼୍‌ଜି ପାଉଲ ପେରିସଭାଦିଙ୍ଗ୍‍ଁ କୁକ୍‌ସି ଇର୍ହାନ୍‌, “ଏ ଇସ୍ରାଏଲ୍‌ତି ତଡ଼ାନ୍‌କୁ, ନାନୁ ଅରେନ୍‌ ପାରୁସି, ପାରୁସି କୁଟୁମ୍‌ତୁ ନା ଜନମ୍‌ । ସାତି ୱାରି ମାରିଡ଼େସି ନିଙ୍ଗ୍‍ଁନିମାନୁ ନାନୁ ଆସା କିନି ଉଣ୍ତିଙ୍ଗ୍‍ଁ ଇବେ ନା ବିସାର୍‌ କିଜିନାର୍‍ ।”
\p
\v 7 ୱାରି ଲୋଇ ଦଲ୍‌ ଏର୍‌ପିସିସାନିକା ମାରି ୱାନ୍‌ ଟିକ୍‌ ଇୟା ମାଟା ଇନି ସାଙ୍ଗେ ସାଙ୍ଗେ ପାରୁସି ନି ସାଦୁକିରି ଲୋଇ ଆଉଲି ଆରାମ୍‌ ଆତାତ୍‌ । 
\v 8 \x + \xo ୨୩:୮ \xo*\xt ମାତିଉ ୨୨:୨୩; ମାର୍କ ୧୨:୧୮; ଲୁକ ୨୦:୨୭.\xt*\x*ଇରିଙ୍ଗ୍‍ଁ ସାଦୁକିରି ଇସାବ୍‌ତାନ୍‌ ସାତି ଲୋକା ମାରିଡ଼େସିନିଙ୍ଗିଁକା ସିଲେତ୍‌, ମୁସ୍‌କୁପୁର୍‌ତି ଦୁତ୍‌ ମାରି ଆତ୍ମେଙ୍ଗାଁ ପେଡେନ୍‌ ସିଲେତ୍‌; ମାତର୍‌ ପାରୁସିର୍‌ ଇୟା ମୁଣ୍ତ୍ରି ବିସୟ୍‌ତାନ୍‌ ବିସ୍‌ବାସ୍‌ କିନାର୍‌ । 
\v 9 ୱାରି ଆଉଲି ନାଣ୍ତ ଆଦେଙ୍ଗ୍‌ ଆସ୍‌ତାତ୍‌ ମାରି ପାରୁସିର୍‌ ଦଲତି ଏସ ଦାର୍ମୁଗୁରୁର୍‌ ନିଲ୍‍ସି ଟାଟ୍‍ତାନ୍‍ ଇର୍ହାର୍‌, “ମାପ୍‌ ୱେନିମାନୁ ଇନି ଦସ୍‌ ପେଏଜିନାପ୍‍ ! ସତେନେ ୱାନି ୱାଲେ ଅରେନ୍‌ ଆତ୍ମା ବା ମୁସ୍‌କୁପୁର୍‌ତି ଦୁତ୍‍ ମାଟା ଇନାମାନାନ୍‍ ।”
\p
\v 10 ଆସ୍‍ସିସାନିକା ନିସା ପେରିକା ଆତାତ୍‍ଜେ, ଲୋକୁ ପାଉଲତିଙ୍ଗ୍‍ଁ କୟ୍‍ଜି ମକା ମକା କିନାର୍‌ ଇଜି ସନ୍ୟରି ନେତା ତିଲାତାନ୍‍ । ଆଦେଙ୍ଗ୍‌ ୱାନ୍‌ ଜାଟିକିନିୱାରି ଲୋଇରାନ୍‌ ପାଉଲତିଙ୍ଗ୍‍ଁ ରକିୟା କିଜି ୱାନିଙ୍ଗ୍‍ଁ ଦୁର୍ଗ ଲୋଇ ଅତେଙ୍ଗ୍‌ ଇଜି ସନ୍ୟରିଙ୍ଗ୍‌ ଆଦେସ୍‌ ସିତାନ୍‌ ।
\p
\v 11 ଆୟା ନାଡ଼ା ପ୍ରବୁ ପାଉଲତି ଲାକ୍‌ତୁ ନିଲ୍‍ସି ଇର୍ହାନ୍‌, “ସାସ୍‌ ଆସ୍‌ଆ ! ନିନୁ ଇବେ ଜିରୁସାଲାମ୍‍ତୁ ନା ଉଣ୍ତିଙ୍ଗ୍‍ଁ ସାକି ସିତିମାନି । ରୋମ୍‍ତୁ ବା ନିନୁ ସତେନେ ଆୟାୱାଜା ସାକି ସିନି ।”
\s ପାଉଲତିଙ୍ଗ୍‍ଁ ସାୟାମାର୍‍ଗାଡାକ୍‍ତେଙ୍ଗ୍‍ଁ ଇଜି ଉପାୟ୍‌
\p
\v 12 ମାରିନାଣ୍ତିଙ୍ଗ୍‍ଁ ସାଲ୍‍ଦି ଏସ ଜିହୁଦି ଲୋକୁ ଉଣ୍ତାଜି ଉନ୍‌ଡ୍ରି ଉପାୟ୍‌ କିତାର୍‍ । ପାଉଲତିଙ୍ଗ୍‍ଁ ସାୟାମାର୍‍ଗା ଡାକ୍‍ଇ ସାନ୍ଦି ୱାର୍‌ ଉଣୁଏପ୍‌ ଇଜି ପାର୍‌ମାଣ୍‌ କିତାର୍‍ । 
\v 13 ଚାଲିସ୍‍ଲୋକ୍‌ତାନ୍‍ ନାଣ୍ତ ଲୋକୁ ଇୟା ଉପାୟ୍‍କିତାର୍‍ । 
\v 14 ୱାର୍‌ ସଲ୍‍ସି ପେରି ଜାଜକ ନି ଜିହୁଦି ନେତାର୍‍ରିଙ୍ଗ୍‌ ଇର୍ହାର୍‌, “ପାଉଲତିଙ୍ଗ୍‍ଁ ସାୟାମାର୍‌ଗା ଡାକ୍‍ଇ ସାନ୍ଦି ଇନିକା ବା ଉଣୁଏପ୍‌ ଇଜି ମାପ୍‌ ଉନ୍‌ଡ୍ରି ଡାଟ୍‍ତାନ୍‌ ପାର୍‌ମାଣ୍‌ କିତାମାନାପ୍‍ । 
\v 15 ଆଦେଙ୍ଗ୍‍ଁ ୱାନି ବିସୟ୍‌ତାନ୍‌ ନାଣ୍ତ ସତ୍‌ ମାଟା ନେସ୍‌ନି ସାଲାକି ତର୍‌ସି ପେରିସଭା ଆଗ୍‌ଡ଼ି ନି ମି ଲାକ୍‌ତୁ ପାଉଲତିଙ୍ଗ୍‍ଁ ମାରି ଉନ୍‌ଡ୍ରି ଦେବା ତାତେଙ୍ଗ୍‍ଁ ଇଜି ରୋମିୟ ସନ୍ୟରି ନେତେଙ୍ଗ୍‍ଁ ବାତିଙ୍ଗ୍‍ଁ ମାଲ୍‍ଦୁ । ମାତର୍‌ ୱାନ୍‌ ଇବେ ୱାନି ଆଗ୍‌ଡ଼ି ସାରିଦୁ ମାପ୍‌ ୱାନିଙ୍ଗ୍‍ଁ ସାୟାମାର୍‍ଗାଡାକ୍‍ତେଙ୍ଗ୍‌ଁ ଇଜି ତିଆର୍‌ ଆନାମାନାପ୍‍ ।”
\p
\v 16 ମାତର୍‌ ପାଉଲତି ବାଣେଜେଙ୍ଗ୍‌ ଇୟା ଉପାୟ୍‌ ମାଟା ୱେନ୍‌ଜି, ଦୁର୍ଗ ଲୋଇ ସଲ୍‍ସି ପାଉଲତିଙ୍ଗ୍‍ଁ ଇକା ୱେର୍‌ତାନ୍‌ । 
\v 17 ପାଉଲ ରୋମିୟ ପାଣିକିନିୱାରି ଲୋଇ ଅରେନ୍‌ୱାନିଙ୍ଗ୍‍ଁ କୁକିସି ଇର୍ହାନ୍‌, “ଇୟା ମୁରୁଲିଙ୍ଗ୍‍ଁ ସନ୍ୟରି ନେତା ଲାକ୍‌ତୁ ଅଆ, ୱାନ୍‌ ୱାନିଙ୍ଗ୍‍ଁ ଏସ ଇନିକା ମାଟା ମାନାତ୍‌ ।” 
\v 18 ପାଣିକିନିକାନ୍‌ ୱାନିଙ୍ଗ୍‍ଁ ସନ୍ୟରି ନେତା ଲାକ୍‌ତୁ ଅସି ଇର୍ହାନ୍‌, “ତରାତିମାନି ପାଉଲ ନାଙ୍ଗିଁ କୁକ୍‌ସି ଇୟା ମୁରୁଲିଙ୍ଗ୍‍ଁ ନି ଲାକ୍‌ତୁ ତାତେଙ୍ଗ୍‍ଁ ଇର୍ହାନ୍‌ । ନିଙ୍ଗିଁ ୱାନ୍‌ ଏସ ଇନି ମାଟା ମାନାତ୍‌ ।”
\p
\v 19 ସନ୍ୟରି ନେତା ୱାନି କିୟୁ ଆସ୍‌ସି ନିଜେ ଅତାତ୍‍ ମାରି ୱେନ୍‌ବାତାନ୍‌, “ନାଙ୍ଗିଁ ଇନିକା ୱେର୍‌ନିକା ମାନାତ୍‌, ଇନ୍‌ଆଁ !”
\p
\v 20 ମୁରୁଲିକଡ଼ ଇର୍ହାନ୍‌, “ଜିହୁଦି ଅଦିକାରିର୍‍ ଉପାୟ୍‌ କିତାମାନାର୍‍ ଜେ, ପେରିସଭା ପାଉଲତି ବିସୟ୍‌ତାନ୍‌ ନାଣ୍ତ୍‍ ସତ୍‌ ମାଟା ନେସ୍‍ତେଙ୍ଗ୍‍ଁ ବଦା କିତାମାନାର୍‍ ଇଜି ସାଲାକିଜି ୱାନିଙ୍ଗ୍‍ଁ ପେରିସଭାଦୁ ଅତେଙ୍ଗ୍‍ଁ ଇଜି ନିଙ୍ଗିଁ ବାତିଙ୍ଗ୍‍ଁ ମାଲ୍‍ନାର୍‍ । 
\v 21 ମାତର୍‌ ୱାରି ମାଟା ୱେନ୍‌ମା; ଇରିଙ୍ଗ୍‍ଁ ସାଲିସ୍‍ତାନ୍‍ ନାଣ୍ତ ଲୋକୁ ୱାନିଙ୍ଗ୍‍ଁ ସାୟାମାର୍‌ଗା ଡାକ୍‍ଇ ସାନ୍ଦି ଉଣୁଏର୍‌ ଇଜି ପାର୍‌ମାଣ୍‌ ଅସି କାପ୍‌କିତାମାନାର୍ । ଇଲେଇ ୱାର୍‌ ନି ମାଟାଦିଙ୍ଗ୍‌ କାପ୍‌କିଜି ଜାଗାର୍‌ତା ମାନାର୍‌ ।”
\p
\v 22 “ନିନୁ ନାଙ୍ଗିଁ ଇକା ୱେର୍‍ତିମାନି ଇଜି ଏଙ୍ଗ୍‍ଁ ଇନ୍‍ମା ।” ସନ୍ୟରି ନେତା ଇକା ୱେର୍‌ସି ମୁରୁଲିଙ୍ଗ୍‍ଁ ପକ୍‌ତାନ୍‌ ।
\s ପାଉଲତିଙ୍ଗ୍‍ କାଇସରିଆଦୁ ପୋକ୍‌ତାର୍‌
\p
\v 23 ସନ୍ୟରି ନେତା ୱାନି ଆଡ୍‍ଗିମାନି ରିଏରି ପାଣିକିନିୱାରିଙ୍ଗ୍‍ଁ କୁକିସ୍‍କିଜି ଇର୍ହାନ୍‌, “ନେରୁ ନାଡ଼ା ନଅଟା ବେଡ଼ାଦୁ କାଇସରିଆଦୁ ସନ୍‍ଡ୍ରେଙ୍ଗ୍‍ଁ ଇଜି ସତୁରି ଲୋକୁ ଗଡ଼ାସାଲାକିନିୱାରିଙ୍ଗ୍‍ଁ ମାରି ଦୁଇସ ଇଟା ଆସ୍‍ନିୱାରିୱାଲେ ଦୁଇସ ବୁଲାନି ସନ୍ୟରିଙ୍ଗ୍‍ଁ ତିଆର୍‌ କିଦୁ । 
\v 24 ପାଉଲତି ସନି ଉଣ୍ତିଙ୍ଗ୍‍ଁ ଏସ ଗଡ଼େଙ୍ଗ୍‍ଁ ସିଦୁ ମାରି ନେଗେନ୍‍ତାନ୍‍ ୱାନିଙ୍ଗଁ ସାସନକିନି ପେଲିକସ୍‍ତି ଲାକ୍‌ତୁ ଅତୁ ।” 
\v 25 ସନ୍ୟରି ନେତା ଇୟାୱାଜା ଆକୁ ରାସ୍‌ତାନ୍‌ :
\p
\v 26 “ସନ୍‌ମାନ୍‌ତି ସାସନ୍‌କିନି ପେଲିକସ୍‍ତିଙ୍ଗ୍‌ କ୍ଳଡିଅସ୍‍ ଲୁସିୟାଦି ନମସ୍କାର୍‌ ଆପିତ୍‌ । 
\v 27 ଜିହୁଦି ଲୋକୁ ଇୟା ଲୋକ୍‍ତିଙ୍ଗ୍‍ଁ ଆସ୍‌ସି ୱାନିଙ୍ଗ୍‍ଁ ସାୟାମାରାଗ୍‍ ଡାକ୍‍ତେଙ୍ଗ୍‍ଁ ତିଆର୍‌ ମାର୍ହାର୍‌ । ୱାନ୍‌ ଅରେନ୍‌ ରୋମିୟ ଲୋକୁ ଇଜି ନେସ୍‍ତାର୍‍ଆକା ନାନୁ ନା ସନ୍ୟରି ମାଣାନ୍‌ ୱାନିଙ୍ଗ୍‍ଁ ରକିୟା କିତା । 
\v 28 ୱାରି ବିରଦ୍‌ତାନ୍‌ ୱାନ୍‌ ଇନି ଦସ୍‌ କିତାମାର୍ହାନ୍‌, ନେସ୍‌ତେଙ୍ଗ୍‌ ଇଜି ନାନୁ ୱାନିଙ୍ଗ୍‍ଁ ୱାରି ପେରିସଭାଦୁ ଅତା । 
\v 29 ମାତର୍‌ ୱାନ୍‌ ସାନିଦଣ୍ତ୍‍ ବା ଜଇଲ୍‍ ଦଣ୍ଡ୍‌ ପୟ୍‌ନି ୱାଜା ଇନି ପାଣି କିଏନ୍‌ ଇଜି ନାନୁ ନେସ୍‍ତେଙ୍ଗ୍‍ଁ ଆଟ୍‍ତା । ୱାନି ବିରଦ୍‌ତାନ୍‌ ଆତିମାନି ଦାବିୱିଜୁ ୱାରି ଦର୍ମଦି ବିସୟ୍‌ତି ନିୟମ୍‌ । 
\v 30 ମାରି ୱାନି ବିରଦ୍‌ତାନ୍‌ ଉନ୍‌ଡ୍ରି ଉପାୟ୍‌ ଆତାମାନାତ୍‌ ଇଜି କାବୁର୍‌ ପୟ୍‌ଜି ଦାପ୍ରେ ଦାପ୍ରେ ୱାନିଙ୍ଗଁ ନି ଲାକ୍‌ତୁ ପୋକ୍‌ତେଙ୍ଗ୍‌ ଅଡ଼୍‍ବିତା । ୱାନି ବିରଦ୍‌ତାନ୍‌ ମାନି ଦାବିୱିଜୁ ନି ଲାକ୍‌ତୁ ୱେର୍‍ତେଙ୍ଗ୍‍ଁ ଇଜି ନାନୁ ୱାନି ଦାବିକିନିୱାରିଙ୍ଗ୍‍ଁ ଇର୍ହାମାନା ।”
\p
\v 31 ସନ୍ୟର୍‍ ଆୟା ଆଦେସ୍‌ ଇସାବ୍‌ତାନ୍‌ ପାଉଲତିଙ୍ଗ୍‍ଁ ଆୟା ନାଡ଼ା ଆନ୍ତିପାତ୍ରିଦୁ ଇପ୍‍ତାର୍‍ । 
\v 32 ମାରିନାଣ୍ତିଙ୍ଗ୍‍ଁ ବୁଲାନି ସନ୍ୟର୍‍ ଦୁର୍ଗଦୁ ଡ଼େସି ସର୍ହାର୍‍ 
\v 33 ମାରି ଗଡେଙ୍ଗ୍‍ଁସାଲାକିନି ସନ୍ୟର୍‍ ପାଉଲତିଙ୍ଗ୍‍ଁ ଅସି କାଇସରିଆଦୁ ଇତାର୍‌ । ଆବେ ସନ୍ୟରି ନେତା ଆକୁଦିୱାଲେ ପାଉଲତିଙ୍ଗ୍‍ଁ ସାସନ୍‌କିନିମାନୁ ସର୍‍ପେ କିତାନ୍‌ । 
\v 34 ସାସନ୍‌କିନି ମନ୍ତ୍ରୀ ଆକୁ ପଡ଼ାଜି ପାଉଲତିଙ୍ଗ୍‍ଁ ଆମା ଦେସ୍‌ତାନ୍‍ ୱାତିମାନି ଇଜି ୱେନ୍‌ବାତାନ୍‌ । ପାଉଲ ସିଲିସିଆଦିକାଙ୍ଗ୍‍ଁ ଇଜି ନେସ୍‌ସି, 
\v 35 ୱାନ୍‌ ଇର୍ହାନ୍‌, “ନି ଦାବିକିନିକାର୍‍ ଇତି ୱେନ୍‍କା ନାନୁ ନି ମାଟା ୱେନା ।” ୱେନ୍‌କା ପାଉଲତିଙ୍ଗ୍‍ଁ ହେରୋଦତି ମେଡ଼୍‍ଇଲୁତୁ ତର୍‌ସି ଇଡ୍‍ଦେଙ୍ଗ୍‍ଁ ଇଜି ଆଦେସ୍‌ ସିତାନ୍‌ ।
\c 24
\s ପାଉଲତି ଜିହୁଦିରି ମାଣୁକୁ ଦସି ଆତାନ୍‌
\p
\v 1 ପାସ୍‌ ଦିନ୍‌ ୱେନ୍‌କା ପେରି ଜାଜକ ହନନିୟ ଏସ ଜିହୁଦି ନେତାର୍‍ ନି ତର୍ତୁଲସ୍‍ ଦର୍‌ତି ଅରେନ୍‌ ଅକିଲତି ୱାଲେ କାଇସରିଆଦୁ ସର୍ହାନ୍‍ । ୱାର୍‌ ପେଲିକ୍‍ସ୍‍ତି ଆଗ୍‌ଡ଼ି ୱାଜି ପାଉଲତି ବିରଦ୍‌ତାନ୍‌ ୱାରି ଦାବି ୱେର୍‌ତାନ୍‌ । 
\v 2 ୱେନ୍‌କା ପାଉଲତିଙ୍ଗ୍‍ଁ ଆବେ ତାତାର୍‌ ମାରି ତର୍ତୁଲସ୍‍ ଇୟାୱାଜା ଲୋକା ଦାବିୱିଜୁ ୱେର୍‌ତାନ୍‌ : “ମି ବୁଦିଦି ସାରି ତର୍‍ନି ମାଣାନ୍‌ ମାପ୍‌ ନାଣ୍ତ ଦିନ୍‌ ଆସ୍‌ସି ସାନ୍ତିଦାନ୍‌ ତେବାଜିନାପ୍‍ ମାରି ମା ଦେସ୍‌ତି ନେଗି ଉଣ୍ତିଙ୍ଗ୍‍ଁ ଗାଦି ନିୟମ୍‌ତି ପାଣି କିଆୟ୍‍ଆତାମାନାନ୍‍ । 
\v 3 ୱିଜୁ ପେଲିକସ୍‍ ବାଡିଦୁ ନି ୱିଜୁ ୱେଡ଼ାଦୁ ମାପ୍‌ ତେନିଙ୍ଗ୍‍ଁ କୁକ୍‌ସିନାପ୍‍, ମାପ୍‌ ନି ଲାକ୍‌ତୁ ନାଣ୍ତ ଇସାବ୍‌ତାନ୍‌ ଦନ୍ୟବାଦ୍‌ ସିଜିନାପ୍‌ । 
\v 4 ୱାନ୍‌ ଏଣ୍ତେସ୍‌ ଆପିନ୍‌, ନାନୁ ମି ନାଣ୍ତ ସମୟ୍ ଅତେଙ୍ଗ୍‍ଁ ବଦାକିଏ, ଆଦେଙ୍ଗ୍‍ଁ ନିନୁ ଦୟା କିଜି ମା ଏସ ମାଟା ୱେନ୍‍ଡ୍ରେଙ୍ଗ୍‍ଁ ଇଜି ନାନ୍ ମାଡ଼ିସ୍‌ କିଜିନା । 
\v 5 ଇୟା ଲୋକୁ ବୟଙ୍କର୍‍ ଜାଟିକିନିକାନ୍‍ ଇଜି ମାପ୍‌ ନେସ୍‌ନାପ୍‌; ୱାନ୍‌ ଦୁନିଆଦି ୱିଜୁତରିନ୍‍ ବୁଲାଜି ଜିହୁଦିଲୋକାଙ୍ଗ୍‍ଁ ସାନ୍ତି ରୁକ୍‍ତେଙ୍ଗ୍‍ଁ ଏଗ୍ରିସ୍‍ କିଜିନାନ୍‍ । ୱାନ୍‌ ନାଜରିୟତିୟ ଦଲତୀ ନେତା । 
\v 6 ୱାନ୍‌ ମା ମନ୍ଦିର୍‍ତିଙ୍ଗ୍‍ଁ ଅପବିତ୍ର କିଦେଙ୍ଗ୍‍ଁ ସେସ୍ଟା କିନିୱାଲେ ମାପ୍‌ ୱାନିଙ୍ଗ୍‍ଁ ଆସ୍‍ତାପ୍‍ । 
\v 7 ମାତର୍‌ ସହେ ଲୋକା ମୁସ୍‌କୁ ମାନି ନେତା ଲୁସିୟା ୱାଜି ଡାଟ୍‌ତାନ୍‌ ୱେନିଙ୍ଗ୍‍ଁ ମା କିୟୁଦାନ୍‌ ଡ଼ିବିସ୍‍ତାଅତାନ୍‍ । 
\v 8 ମାପ୍‌ ୱେନି ବିରଦ୍‌ତାନ୍‌ ଏମେ ୱିଜୁ ଦାବି କିଜିନାପ୍‍, ଆକା ନିନୁ ନିଜେ ଇୟା ଲୋକ୍‍ତିଙ୍ଗ୍‍ଁ ୱେନ୍‍ବାଜି ନେସ୍‍ତେଙ୍ଗ୍‍ଁ ଆଟ୍‌ନି ।” 
\v 9 ଇବେମାନି ଜିହୁଦି ଲୋକୁ ବା ଇୟା ଦାବି ସତ୍‌ ଇଜି ଆଟ୍‍ୱାଦାନ୍‍ ରାଜିଆନିକା ଜାଣେକିତାର୍‍ ।
\s ପେଲିକସ୍‍ତି ଆଗ୍‌ଡ଼ି ପାଉଲତି ନିଜେଦି ତରିଟାନ୍‌ ୱେର୍‍ନିକା
\p
\v 10 ତାନିୱେନ୍‍କା ଆୟା ଦେସ୍‌ତି ମନ୍ତ୍ରୀ ପାଉଲତିଙ୍ଗ୍‍ ମାଟା ଇନ୍‍ଡ୍ରେଙ୍ଗ୍‍ଁ ଇଜି ସାରିସିତାନ୍‍ ଆକା ପାଉଲ ଇର୍ହାନ୍‌, “ନାନୁ ନେସ୍‌ନା ଜେ ନାଣ୍ତ ବାର୍‍ସେକ୍‍ ଆସ୍‌ସି ନିନୁ ଇୟା ଲୋକା ବିସାର୍‌ କିନିକିନ୍ଦା ଆତିମାନି, ଆଦେଙ୍ଗ୍‍ଁ ନି ଆଗ୍‌ଡ଼ି ନିଜେଦି ବିସୟ୍‌ ୱେର୍‍ତେଙ୍ଗ୍‍ଁ ନା ତରିଟାନ୍‍ ୱେଡ଼ିକାଦି ମାଟା । 
\v 11 ନିନୁ ନିଜେ ପୟ୍‌ଜି ନେସ୍‌ତେଙ୍ଗ୍‌ ଆଟ୍‌ନି ଜେ, ଆନାତ୍‌ ବାର୍‍ ଦିନ୍‌ ଆଗ୍‌ଡ଼ି ନାନୁ ଜିରୁସାଲାମ୍‍ତୁ ପାର୍‌ତନା କିଦେଙ୍ଗ୍‍ଁ ସର୍ହାମାର୍ହା । 
\v 12 ମନ୍ଦିର୍‌ତୁ ଏୱାଲେ ନା ଆସ୍‍ସିସାନିକା କିଜିମାନିକା ଜିହୁଦିଲୋକୁ ସୁଡ଼ୁଏର୍‍ ମାର୍ହାର୍‌ ବା ପାର୍‍ତନାକିନି ଇଲ୍‌କାଙ୍ଗ୍‌ ଆପିତ୍‌ ଗାଡ଼୍‌ତି ଆଇ ଇନି ବାଡିଦୁ ନାଙ୍ଗିଁ ଲୋକାଙ୍ଗ୍‌ ଏଗ୍ରିସ୍‌କିନିକା ସୁଡ଼ୁଏର୍‍ ମାର୍ହାର୍‌ । 
\v 13 ଆଦେଙ୍ଗ୍‍ଁ ନା ବିରଦ୍‌ତାନ୍‌ ଇଲେଇ ତାତିମାନି ଦାବିୱିଜୁକା ଉଣ୍ତିଙ୍ଗ୍‍ଁ ୱାର୍‌ ସତ୍‌ ମାଟା ସିଦେଙ୍ଗ୍‌ ଆଟ୍‍ଏର୍‍ । 
\v 14 ନାନୁ ନି ଲାକ୍‌ତୁ ମାନାଜିନା ଜେ, ଏମେ ସାରିଦିଙ୍ଗ୍‍ଁ ୱାର୍‌ ମିଚ୍‌ ଇଜି ଇଜିନାର୍‍, ଆୟା ସାରିଦିଙ୍ଗ୍‍ଁ ବୁଲାଜି ନାନୁ ମା ପୁର୍ବେଦିଡକ୍‌ରାଦାଦାରି ମାପୁରୁଙ୍ଗ୍‍ଁ ସେବା କିଜିନା । ମାତର୍‌ ନାନୁ ବା ମସାଦି ନିୟମ୍‌ ନି ବାବବାଦିରି ବଇଦୁ ରାସାତି ୱିଜୁ ମାଟା ବିସ୍‌ବାସ୍‌ କିନା । 
\v 15 ଇୟାୱାରି ୱାଜା ମାପୁରୁଦିମାନୁ ନା ଆୟା ଉନ୍‌ଡ୍ରି ଆସା ମାନାତ୍‌ ଜେ, ଦାର୍ମୁ ନି ଅଦାର୍ମୁ ଲୋକୁ ୱିଜେରେ ସାତି ମାଣାନ୍‌ ମାରିଡ଼େସି ନିଙ୍ଗ୍‍ଁନାର୍‍ । 
\v 16 ଆଦେଙ୍ଗ୍‍ଁ ମାପୁରୁ ନି ଲୋକା ଆଗ୍‌ଡ଼ି ନେଗି ବୁଦି ବ୍ୟବ୍‌ହାର୍‌ କିଦେଙ୍ଗ୍‌ ଇଜି ନାନୁ ୱିଜୁଦିନ୍‌ ବଦା କିଜିନା ।
\p
\v 17 \x + \xo ୨୪:୧୭ \xo*\xt ପ୍ରେରିତ ୨୧:୧୭-୨୮.\xt*\x*“ନାଣ୍ତ ବାର୍‍ସେକ୍‍ ଆସ୍‌ସି ଜିରୁସାଲାମ୍‍ତାନ୍‍ ଆକ ତେବାତି ୱେନ୍‌କା, ନା ନିଜେଦି ଲୋକା ଉଣ୍ତିଙ୍ଗ୍‍ଁ ଏସ ଡାବୁଙ୍ଗୁଁ ଅତେଙ୍ଗ୍‍ଁ ନି ପୁଜା ସିଦେଙ୍ଗ୍‌ ଇଜି ନାନୁ ଆବେ ସର୍ହାମାର୍ହା । 
\v 18 ନାନୁ ନେଗେନ୍‌କିନି ବିଦି ୱିସ୍‌ସି ମାର୍‌ଇ ବେଡ଼ାଦୁ ୱାର୍‌ ନାଙ୍ଗିଁ ମନ୍ଦିର୍‌ତୁ ସୁଡ଼ୁତାର୍‌ । ନାସ୍ତିୱାଲେ ନା ଲାକ୍‌ତୁ ଲୋକ୍‍ଉଣ୍ତାତିକା ସିଲେତାତ୍‍ କି ଅସାନ୍ତି ଆଏତ୍‍ମାର୍ହାତ୍‍ । 
\v 19 ମାତର୍‌ ଆସିଆ ଦେସ୍‌ତି ଏସ ଜିହୁଦି ଲୋକୁ ଆବେ ମାର୍ହାର୍‌; ଜଦି ୱାରି ନା ବିରୁଦ୍‌ତାନ୍‌ ମାଟା ଇନିକା ମାନାତ୍‌, ୱାର୍‌ ନିଜେ ନି ଆଗ୍‌ଡ଼ି ୱାଜି ଦାବି କିଦେଙ୍ଗ୍‍ଁ ଆଟ୍‍ତାର୍‍ମାନ୍ଦି । 
\v 20 ମାରି, ନାନୁ ଏସ୍ତିୱାଲେ ପେରିସଭା ଆଗ୍‌ଡ଼ି ନିର୍‍ଆ ମାର୍‌ର୍ହା, ନାନୁ ଏମେ ତାଗ୍‌ଇମାଟା ପାଣିଦୁ ଦସି ଇଜି ୱେଙ୍ଗିଁତା, ଆକା ଇବେମାନି ଇୟା ଲୋକୁ ଇନିର୍‍ । 
\v 21 \x + \xo ୨୪:୨୧ \xo*\xt ପ୍ରେରିତ ୨୩:୬.\xt*\x*ଜଦିବା ନାନୁ ଉନ୍‌ଡ୍ରି ମାଟା କିତାମାର୍‌ର୍ହା : ୱାରି ଆଗ୍‌ଡ଼ି ନିର୍‍ଇ ମାର୍‍ଇୱାଲେ ନାନୁ ଡାଟ୍‍ତାନ୍‍ ଇର୍‌ଆମାର୍ହା, ସାତିକାର୍‍ ମାରିଡ଼େସି ଜିନାର୍‍ ଇଜି ନାନୁ ବିସ୍‌ବାସ୍‌ କିଜିମାନିଙ୍ଗ୍‍ଁ ନେରୁ ମିବାଣ୍‍କୁ ବିସାର୍‌ ଆଜିନା ।”
\p
\v 22 ପେଲିକସ୍‍ ନେଗି ସାରିଦି ବିସୟ୍‌ତାନ୍‌ ନେଗେନ୍‌ କିଜି ନେସ୍‍ତିମାନିଙ୍ଗ୍‍ଁ ୱେନିସ୍‍କିନିକା ତେବା କିଜି ଇର୍ହାନ୍‌, “ସନ୍ୟରି ନେତା ଲୁସିୟା ୱାତି ୱେନ୍‌କା ନାନୁ ନି କେସ୍‍ ପୁରା କିନା ।” 
\v 23 ପାଉଲତିଙ୍ଗ୍‍ଁ ୱାନ୍‌ ତର୍‌ସୋ ଇଡ୍‍ଦେଙ୍ଗ୍‍ଁ ୱାନ୍‌ ସନ୍ୟରିଙ୍ଗ୍‍ଁ ଆଦେସ୍‌ ସିତାନ୍‌, ମାତର୍‌ ୱାନି ଉଣ୍ତିଙ୍ଗ୍‍ଁ କାପ୍‍କିନା ଡ଼ିସ୍‌ସି ୱାନି ଜାତୁନ୍‍ କିଦେଙ୍ଗ୍‍ଁ ଇଜି ୱାନି ତଡ଼୍‍କାଙ୍ଗ୍‍ଁ ସାରି ସିଦେଙ୍ଗ୍‌ ୱାନ୍‌ ଆଦେସ୍‌ ସିତାନ୍‌ ।
\s ପେଲିକସ୍‍ ନି ଦ୍ରୁସିଲାଦି ଆଗ୍‌ଡ଼ି ପାଉଲ
\p
\v 24 ଏସ ଦିନ୍‌ ୱେନ୍‌କା ପେଲିକସ୍‍ ୱାନି ଜିହୁଦି ଆଇମା ଦ୍ରୁସିଲାଦି ୱାଲେ ୱାତାନ୍‍, ୱାନ୍‌ ପାଉଲତିଙ୍ଗ୍‍ଁ କୁକିସ୍‍ କିଜି ଜିସୁ କ୍ରିସ୍ତମାନୁ ବିସ୍‌ବାସ୍‌ କିନି ବିସୟ୍‌ତାନ୍‌ ୱାନି ମାଟା ୱେର୍‍ଆନ୍‍ । 
\v 25 ମାତର୍‌ ଏସ୍ତିୱାଲେ ପାଉଲ ଦାର୍ମୁଦିକା, ନିଜେଦିଙ୍ଗ୍‍ଁ ନେଗେନ୍‌କିଜି ଇଡ୍‌ନିକା ମାରି ୱାନି ବିସାର୍‌ ଦିନ୍‌ ମାଟା ୱାର୍‍ଗିତାର୍‍, ପେଲିକସ୍‍ ତିଲାଜି ଇର୍ହାନ୍‌, ନିନୁ ଇଲେଇ ସନ୍‍ଡ୍ରେଙ୍ଗ୍‍ଁ ଆଟ୍‌ନି । ସୁଜୋଗ ପୟ୍‍ତିଙ୍ଗ୍‍ଁ, “ମାରି ଅର୍‍ସୁ ନିଙ୍ଗିଁ କୁକିସ୍‍କିନା ।” 
\v 26 ଆୟା ସମୟ୍‍ତୁ ପାଉଲ ୱାନିଙ୍ଗ୍‍ଁ ଏସ ଡାବୁଙ୍ଗୁଁ ସିନି ଇଜି ୱାନ୍‌ ଆସା କିତାମାର୍ହାନ୍‌, ଆଦେଙ୍ଗ୍‍ଁ ୱାନ୍‌ ଅର୍‍ସୁଦିଙ୍ଗ୍‍ ଅର୍‍ସୁ ୱାନିଙ୍ଗ୍‍ଁ କୁକିସ୍‍କିଜି ୱାନି ୱାଲେ ୱାର୍‍ଗିଦେଙ୍ଗ୍‍ଁ ଆସ୍‌ତାନ୍‌ ।
\p
\v 27 ଇୟାୱାଜା ରୁଣ୍ତି ବାର୍‍ସେକ୍‍ ତେବାତି ୱେନ୍‌କା ପୋର୍କିୟସ ଫେଷ୍ଟସ୍‌ ପେଲିକସ୍‍ତି ବାଡିଦୁ ସାସନକିନିକାନ୍‌ ୱାଜା ବାସେ ଆତାନ୍‍ । ପେଲିକସ୍‍ ଜିହୁଦିଲୋକା ୱେଡ଼ିକା ପୟ୍‌ନି ଉଣ୍ତିଙ୍ଗ୍‍ଁ ଲାଲାୟ୍‍ ମାନିଙ୍ଗ୍‍ଁ ପାଉଲତିଙ୍ଗ୍‍ଁ ଡ଼ିସ୍‍ଏଣ୍ତା ଜଇଲ୍‌ତୁ ଡ଼ିସ୍‍ତା ସର୍ହାନ୍‍ ।
\c 25
\s ସମ୍ରାଟତି ଲାକ୍‌ତୁ ପାଉଲ୍‍ତି ଦାବି
\p
\v 1 ପେସ୍ଟସ୍‍ ଇୟା ରାଜିଦୁ ଇନି ମୁନେଟି ୱେନ୍‌କା କାଇସରିଆଦାନ୍‍ ଜିରୁସାଲାମ୍‍ତୁ ସର୍ହାନ୍‍ । 
\v 2 ଆବେଟାନ୍‍ ପେରିଜାଜକ୍‌ ନି ଜିହୁଦି ନେତାର୍‌ ମାରିଡ଼େସି ପାଉଲ୍‍ତି ବିରଦ୍‌ତାନ୍‌ ଦାବି କିତାର୍‍ । 
\v 3 ପାଉଲ୍‍ତିଙ୍ଗ୍‍ଁ ଜିରୁସାଲାମ୍‍ତୁ ତାସି ୱାରିଙ୍ଗ୍‍ଁ ୱେଡ଼ିକାକିବିସ୍‍ କିଦେଙ୍ଗ୍‍ ଇଜି ୱାର୍‌ ପେସ୍ଟସ୍‍ତିଙ୍ଗ୍‍ଁ ମାଡ଼ିସ୍‌ କିତାର୍‍, ଇରିଙ୍ଗ୍‍ଁ ୱାର୍‌ ପାଉଲ୍‍ତିଙ୍ଗ୍‍ଁ ସାରିଦୁ ଡାକ୍‍ତେଙ୍ଗ୍‍ଁ ଇଜି ଉପାୟ୍‌ ତିଆର୍‌ କିତାମାର୍ହାର୍‍ । 
\v 4 ପେସ୍ଟସ୍‍ ଇର୍ହାନ୍‌, “ପାଉଲ୍‍ତିଙ୍ଗ୍‍ଁ ଉନ୍‌ଡ୍ରି ତରାୟ୍‍ଆତି ୱାଜା କାଇସରିଆଦୁ ଇଟାୟ୍‍ଆତାମାନାନ୍‍ ମାରି ବେଗି ନାନ୍ ନିଜେ ଆବେ ଡ଼େସି ସନା । 
\v 5 ଜଦି ୱାନ୍‌ ଇନି ଦସ୍‌ କିତାମାନାନ୍‍, ଆର୍‍ତିଙ୍ଗ୍‍ଁ ମି ନେତାର୍‌ ନା ୱାଲେ କାଇସରିଆଦୁ ସଲିର୍‌ ମାରି ତାନି ବିରଦ୍‌ତାନ୍‌ ୱାରି ଦାବି ୱେର୍‍ତୁ ।”
\p
\v 6 ପେସ୍ଟସ୍‍ ୱାରି ୱାଲେ ଆଟ୍ ଦସ୍‌ ଦିନ୍‌ତାନ୍‌ ନାଣ୍ତ ତେବାଜି କାଇସରିଆଦୁ ଡ଼େସି ୱାତାନ୍‌ । ମାର୍‍ନାଣ୍ତିଙ୍ଗ୍‍ଁ ୱାନ୍‌ ବିଚାର୍‍କିନିମାନୁ ବାସ୍‌ସି ପାଉଲ୍‍ତିଙ୍ଗ୍‍ଁ ତାତେଙ୍ଗ୍‍ଁ ଇଜି ଆଦେସ୍‌ ସିତାନ୍‌ । 
\v 7 ପାଉଲ ୱାତିଦାପ୍ରେ ଜିରୁସାଲାମ୍‌ତି ଜିହୁଦିଲୋକୁ ୱାନି ସାରିବେଡ଼୍‍ତି କେର୍‍ବ୍‍ଜି ନିର୍ହାର୍‍ ମାରି ୱାନି ବିରଦ୍‌ତାନ୍‌ ନାଣ୍ତ ଗୁରୁତ୍‍ଦାନ୍‍ ଦାବି କିତାର୍‍ । ମାତର୍‌ ୱାର୍‌ ଇୟାୱିଜୁ ପାର୍‍ମାଣ୍‍ତିଙ୍ଗ୍‍ଁ ସାସ୍‌ କିଏତାର୍‌ । 
\v 8 ଇରିଙ୍ଗ୍‌ ପାଉଲ ନିଜେଦି ମୋନ୍‌ତିଙ୍ଗ୍‌ ସିଜି ଇର୍ହାନ୍‌, “ଜିହୁଦିରି ନିୟମ୍‌ ବିରୁଦ୍‌ତାନ୍ ସିଲେ କି ମନ୍ଦିର୍‌ ବିରୁଦ୍‌ଦାନ୍‌ ସିଲେ କି ରୋମିୟ ସମ୍ରାଟ୍, ଏ ବିରୁଦ୍‌ତାନ୍ ନାନୁ ଇନିକା ଦସ୍‌ କିଏ ।”
\p
\v 9 ମାତର୍‌ ଫେଷ୍ଟସ୍‌ ଜିହୁଦିରି ୱେଡ଼ିକାଦିକାନ୍‌ ଆଦେଙ୍ଗ୍‍ଁ ଇଛା କିଜି ପାଉଲତିଙ୍ଗ୍‌ ୱେନ୍‍ବାତାନ୍‌, “ଜିରୁସାଲାମ୍‌ତୁ ସନି ଉଣ୍ତିଙ୍ଗ୍‌ ମାରି ଆବେନୁ ନା ଆଗ୍‌ଡ଼ି ଇୟାୱିଜୁ ଦୋସ୍‌ଦୁ ବିସାର୍‌ ଆଦେଙ୍ଗ୍‌ ନିନୁ ଇନିକା ରାଜି ଆନି ?”
\p
\v 10 ପାଉଲ ଇର୍ହାନ୍‌, “ନାନୁ କାଇସର୍‍ଦି ବିଚାର୍‌ କିନି ଆଗ୍‌ଡ଼ି ନିର୍ହାମାନା । ଇବେନୁନେ ନା ବିଚାର୍‍ ଆନିକା ମାନାତ୍ । ନିନୁ ନିଜେ ନେଗେନ୍‌ତାନ୍ ନେସ୍‌ତିମାନି ଜେ, ନାନୁ ଜିହୁଦିରି ବିରୁଦ୍‌ତାନ୍ ଇନିକା ଜାଟି କିଏ । 
\v 11 ଜଦି ନାନୁ ଅନ୍ୟାୟ୍‌ପାଣି କିତିମାରିଙ୍ଗ୍‌ ସାନିଦଣ୍ତ ପୋଇନା ଏମେ ପାଣିକିତାମାନା, ଆବେନୁ ଦଣ୍ତ ପୋଇଦେଙ୍ଗ୍ ନାନୁ ଇଚ୍ଛା କିଏ । ମାତର ୱାର୍ ନା ବିରୁଦ୍‌ତାନ୍ ତାତିମାନି ଦୋସ୍‌ୱିଜୁ ଜଦି ଇନିକା ସତ୍ ସିଲେତ୍‌, ଆର୍‌ତିଙ୍ଗ୍‌ ଏନ୍‌ ନାଙ୍ଗି ୱାରି କିୟୁଦାନ୍‌ ଡ଼ିସିସ୍‍ କିଦେଙ୍ଗ୍ କାଇସର୍‍ଦିମାନୁ ନାନୁ ଇୟା ଅନୁରୋଦ କିତାମାନା ।”
\p
\v 12 ତାନି ୱେନ୍‌କା ପେସ୍ଟସ୍‍ ୱାରି ନେତାରିୱାଲେ ୱାରିଙ୍ଗ୍‌ ୱେର୍‌ତାନ୍‌, “ନିନୁ କାଇସର୍‌ଦିମାନୁ ଅନୁରୋଦ କିତିମାନି, ଆଦେଙ୍ଗ୍‍ଁ ନିନୁ କାଇସର୍‍ଦି ଲାକୁତୁ ସନି ।”
\s ଆଗ୍ରିପା ନି ବର୍ଣ୍ଣିସ୍‌ତି ଆଗ୍‌ଡ଼ି ପାଉଲ
\p
\v 13 ଏସଦିନ୍ ୱେନେକା ରାଜା ଆଗ୍ରିପା ମାରି ବର୍ଣ୍ଣିସ୍ ପେସ୍ଟସ୍‍ଦିଙ୍ଗ୍‌ ମିସାନି ଉଣ୍ତିଙ୍ଗ୍‌ କାଇସରିଆ ଗାଡ଼୍‌ତୁ ୱାତାର୍ । 
\v 14 ଆବେନୁ ୱାର୍‌ ଏସଦିନ୍ ତେବାତି ୱେନ୍‌କା ପେସ୍ଟସ୍‍ ରାଜାଦିଙ୍ଗ୍‌ ପାଉଲଦି ବିଷୟ ୱେରିସି ଇର୍ହାନ୍‌, “ପେଲିକସ୍‍ ଜଇଲ୍‌ତୁ ଇଟିତି ମାନି ଅରେନ୍ ଲୋକ ଇବେନୁ ମାନାନ୍ । 
\v 15 ନାନୁ ଏସ୍ତିୱାଲେ ଜିରୁସାଲାମ୍‌ତୁ ସର୍‌ଆ ମାର୍ହା, ଜିହୁଦି ପେରି ଜାଜକ ମାରି ଦାର୍ମୁ ନେତାର୍‍ ୱାନି ବିରୁଦ୍‌ତାନ୍ ଏସ ଦୋସକୁ ତାତାର୍ ମାରି ନାଙ୍ଗିଁ ୱାନିଙ୍ଗ୍‌ ଦୋସ୍‌ କିବିସ୍‌ କିଦେଙ୍ଗ୍ ଇର୍ହାର୍‌ । 
\v 16 ମାତର ନାନୁ ୱାରିଙ୍ଗ୍ ୱେର୍‌ତା ଜେ, ଅରେନ୍ ଦୋସିଙ୍ଗ୍ ବିସାର୍ କିନିବାଡିଦୁ ୱାନି ଦୋସ୍‌ଆସ୍‌ତିୱାରି ଆଗ୍‌ଡ଼ି ନିଜେଦିଙ୍ଗ୍‌ ସର୍‌ପେ କିନି ଉଣ୍ତିଙ୍ଗ୍‌ ସୁଜୋଗ ସିନି ଆଗ୍‌ଡ଼ି ୱାନିଙ୍ଗ୍ ‌ଦାଇ କିବିସ୍‌ କିଦେଙ୍ଗ୍ ମା ରୋମିୟରି ନିୟମ୍‌ ସିଲେତ୍‌ । 
\v 17 ୱାର୍ ଇବେନୁ ୱାନି ୱେନ୍‌କା ନାନୁ ୱେଡ଼ା କିଏଣ୍ତା ମାର୍‌ନାଣ୍ତିଙ୍ଗ୍‌ ବିଚାର୍‍କିନି ବାଡିଦୁ ବାସ୍‌ତା ମାରି ଆୟାୱାନିଙ୍ଗ୍‌ ଲୋଇ ତାତେଙ୍ଗ୍‌ ଇଜି ଆଦେସ୍ ସିତା । 
\v 18 ୱାନି ବିରୁଦ୍‌କିନି ଲୋକୁ ୱାନି ବିରୁଦ୍‌ତାନ୍ ଇନ୍‌ଡ୍ରେଙ୍ଗ୍‌ ନିର୍ହାର୍‌, ମାତର୍‌ ୱାର୍ ଏମେନାନି ଦୋସ ତାନାର୍ ଇଜି ନାନୁ ଅଡ଼୍‌ବିତା ମାର୍‌ଆ, ଆକା ୱାର୍ କିଦେଙ୍ଗ୍ ଆଟ୍‍ଏତାର୍ । 
\v 19 ୱାର୍ କେବଲ ନିଜେଦି ଦର୍ମ ବିସୟ୍‌ତିଙ୍ଗ୍ ମାରି ଜିସୁ ଦର୍‌ତି ଆମା ସାତି ଲୋକ୍‌ତିଙ୍ଗ୍‌ ପାଉଲ ଜିତିକାନ୍ ଇଜି ଦାବି କିଜିନାନ୍, ୱାନି ବିସୟ୍‌ ଅସି ଆସ୍‌ସିସାତାର୍‌ । 
\v 20 ଇୟାୱିଜୁ ବିସୟ ମାରି ନେଗେନ୍‌ତାନ୍‌ ନେସିନି ଉଣ୍ତିଙ୍ଗ୍ ଇନିକା କିଦେଙ୍ଗ୍ ଆନାତ୍, ଇନିକା ତିର୍‌ କିଦେଙ୍ଗ୍ ଆଟ୍ଏଜି ଇୟା ଦୋସ୍‌ତୁ ବିଚାର୍ ଆନିଉଣ୍ତିଙ୍ଗ୍ ପାଉଲ ଜିରୁସାଲମ୍‌ତୁ ସୋନାନ୍‌ନୋ ଇଜି ନାନୁ ୱାନିଙ୍ଗ୍ ୱେନ୍‍ବାତା । 
\v 21 ମାତର ପାଉଲ, ନିଜେ କାଇସର ୱାନି ମାଟା ପୁରା କିପିନ୍ ଇଜି ୱେର୍‌ସି କାପ୍‌କିନିୱାରି ମାଣାନ୍ ସୁରକ୍ଷିତ ଆନି ଉଣ୍ତିଙ୍ଗ୍‌ ଅଡ଼୍‌ବିତାନ୍‌ । ଆଦେଙ୍ଗ୍‍ଁ କାଇସର୍‍ଦି ଲାକ୍‌ତୁ ପୋକ୍‌ନି ସାନ୍ଦି ୱାନିଙ୍ଗ୍ ବନ୍ଦି କିଜି ଇଡିନି ଉଣ୍ତିଙ୍ଗ୍ ନାନ୍‌ ଆଦେସ୍‌ ସିତାମାନା ।” 
\v 22 ଆଗ୍ରିପା ପେସ୍ଟସ୍‌ତିଙ୍ଗ୍‌ ଇର୍ହାନ୍‌, “ନାନ୍‌ ନିଜେ ଇୟା ଲୋକ୍‌ତି ମାଟା ୱେନ୍‌ଡ୍ରେଙ୍ଗ୍‌ ବଦା କିଜିନା ।” ପେସ୍ଟସ୍‍ ଇର୍ହାନ୍‌, “ୱିଗେରିଙ୍ଗ୍‌ ନିନ୍‌ ୱାନି ମାଟା ୱେନିଦେର୍‌ ।” 
\v 23 ମାରିଉନ୍‌ଡ୍ରି ଦିନ୍‌ତୁ ଆଗ୍ରିପା ମାରି ବର୍ଣ୍ଣିସ୍ ସୌନ୍ୟରି ଦଲ୍‌ତି ପେରିକାନ୍‌ ମାରି ଗାଡ଼୍‌ତି ପେରି ଲୋକା ୱାଲେ ନାଣ୍ତ ୱେଡ଼ିକାଦାନ୍‌ ୱାଜି ବିଚାର୍‌କିନି ବାଡିଦୁ ଡ଼ୁଗିତାର୍‌ । ପେସ୍ଟସ୍‍ଦି ଆଦେସ୍‍ତାନ୍ ପାଉଲତିଙ୍ଗ୍‌ ଲୋଇ ତାତାର୍ । 
\v 24 ପେସ୍ଟସ୍‍ ଇର୍ହାନ୍‌, “ରାଜା ଆଗ୍ରିପା ମାରି ଆବେନୁ ମାର୍‌ଇ ପେରିମଣ୍ତଲି, ମିରୁ ଇୟା ଆମା ଲୋକ୍‌ତିଙ୍ଗ୍‌ ସୁଡ଼ୁଜିନିଦେର୍‌, ୱାନି ବିରୁଦ୍‌ତାନ୍‌ ଇବେଣିକାର୍‌ ମାରି ଜିରୁସାଲମ୍‌ତୁ ମାନି ଜିହୁଦିର୍‌ ନା ଲାକ୍‌ତୁ ୱେର୍‌ତା ମାନାର୍‌ । ୱାର୍‌ ୱାନି ଜିନି ମାନିକା ଟିକ୍‍ ସିଲେଜି ଦାବି କିଜି ଆଉଲି ଆଜିନାର୍‌ । 
\v 25 ମାତର୍‌ ୱାନ୍‌ ସାନିଦଣ୍ତ ପୟ୍‌ନି ନାନିକା କିତିମାନି ଇନି ଦସ୍‌ ନାନ୍‌ ସୁଡ଼ୁଏ । ୱାନ୍‌ ନିଜେ କାଇସରତିଙ୍ଗ୍‌ ୱେର୍‌ତି ମାନିଙ୍ଗ୍‌, ନାନ୍‌ ୱାନିଙ୍ଗ୍‌ ଆବେନୁ ପୋକ୍‌ତେଙ୍ଗ୍‌ ଇଜି ବଦା କିତାମାନା । 
\v 26 ମାତର୍‌ ୱାନି ବିସୟ୍‌ତାନ୍‌ ନେସ୍‌ନିୱାଜା କାଇସରତିଙ୍ଗ୍‌ ରାସ୍‌ତେଙ୍ଗ୍‌ ଇଜି ନାନ୍ଦି ଇନିକା ସିଲେତ୍‌ । ଆଦେଙ୍ଗ୍‌ ନାନ୍‌ ୱାନିଙ୍ଗ୍‌ ମି ଆଗ୍‌ଡ଼ି ମାରି ରାଜା ଆଗ୍ରିପା, ମି ଆଗ୍‌ଡ଼ି ତାତାମାନାନ୍‌, ଏଣ୍ତେସ୍‌ ୱାନି ବିସୟ୍‌ ନେଗେନ୍‌ତାନ୍‌ ୱେନ୍‌ବାତି ୱେନ୍‌କାନେ ନାନ୍‌ ଇନିକା ରାସ୍‌ତେଙ୍ଗ୍‌ ଆଟ୍‌ନା । 
\v 27 ଇରିଙ୍ଗ୍‌ ଅରେନ୍‌ ଜଇଲ୍‌ତୁମାନି ବିରୁଦ୍‌ତାନ୍‌ ମାନି ମାଟେଙ୍ଗ୍‌ୱିଜୁ ପୁରାନେଗେନ୍‌ତାନ୍‌ ବୁଜାଏଣ୍‌ଗା ୱାନିଙ୍ଗ୍‌ କାଇସରତି ଲାକ୍‌ତୁ ପୋକ୍‌ନିକା ଟିକ୍‌ ସିଲେ ଇଜି ନାନ୍ ଅଡ଼୍‌ବିଜିନା ।”
\c 26
\s ଆଗ୍ରିପାଦି ଆଗ୍‌ଡ଼ି ପାଉଲ ନିଜେଦି ତରିଟାନ୍‌ ୱେର୍‌ନିକା
\p
\v 1 ଆଗ୍ରିପା ପାଉଲତିଙ୍ଗ୍‌ ଇର୍ହାନ୍‌, “ମିଙ୍ଗିଁ ନିଜେଦି ମାଣ୍‌କୁ ୱେର୍‌ତେଙ୍ଗ୍‌ ଇଜି ସାରି ସିଆୟ୍‌ଆତାତ୍ ।‌” ପାଉଲ କିୟୁ ସାର୍‌ପ୍‌ସି ନିଜେଦିଙ୍ଗ୍‌ ସମର୍ଥନ କିଜି ଇର୍ହାନ୍‌ :
\p
\v 2 ଏ ରାଜା ଆଗ୍ରିପା, ଜିହୁଦିର୍‌ ନାଙ୍ଗିଁ ଆମା ୱିଜୁ ବିସୟ୍‌ତାନ୍‌ ୱେର୍‌ତାମାନାର୍‌, ଆୟା ବିସୟ୍‌ତାନ୍‌ ମି ଆଗ୍‌ଡ଼ି ନାନ୍‌ ନିଜେଦିଙ୍ଗ୍‌ ୱେର୍‌ତେଙ୍ଗ୍‌ ସୁଜୋଗ ପୟ୍‌ତି ମାନିଙ୍ଗ୍‌ ନେରୁ ନିଜେଦିଙ୍ଗ୍‌ କାର୍ମୁ ଇଜି ଅଡ଼୍‌ବିଜିନା, 
\v 3 ଇରିଙ୍ଗ୍‌ ଜିହୁଦିରି ରିତି ନିତି ମାରି ୱାର୍‌ଗିନି ବିସୟ୍‌ତାନ୍‌ ନିନୁ ନେଗେନ୍‌ତାନ୍‌ ନେସ୍‌ନି, ମାଡ଼ିସ୍‌ କିଜିନା, ନିନୁ ସାହାସ୍‌ତାନ୍‌ ନା ମାଟା ୱେନ୍‌ଆ ।
\p
\v 4 କଡ଼ୱାଲେରାନ୍‌ ନାନ୍‌ ଏଣ୍ତେସ୍‌ ଜିତାମାନା, ଆକା ଜିହୁଦିର୍‌ ନେସ୍‌ନାର୍‌ । ଆଗ୍‌ଡ଼ି ନିଜେଦି ଦେସ୍‌ତୁ ମାରି ୱେନ୍‌କା ଜିରୁସାଲମ୍‌ତୁ ନାନ୍‌ ଏଣ୍ତେସ୍‌ ଜିବନ୍‌ କାଟେ କିତାମାନା, ଲୋକୁ ଆୟାକା ନେସ୍‌ନାର୍‌ । 
\v 5 \x + \xo ୨୬:୫ \xo*\xt ପ୍ରେରିତ ୨୩:୬; ପିଲିପିୟ ୩:୫.\xt*\x*ନାନ୍‌ ଜେ ଆଗ୍‌ଡ଼ିରାନ୍‌ ପାରୁସି ଦର୍‌ତି ମା ଦର୍ମଦି ୱିଜୁମାଣ୍‌କୁ ଦଲ୍‌ତି ପେରିକାନ୍‌ ଆଜି ଜିଜି ମାର୍‌ଆ, ୱାର୍‌ ଇକା ନେସ୍‌ନାର୍‌ ମାରି ବଦା କିତିଙ୍ଗାଁ, ୱାର୍‌ ଇୟା ବିସୟ୍‌ତାନ୍‌ ସାକି ସିଦେଙ୍ଗ୍‌ ଆଟ୍‌ନାର୍‌ । 
\v 6 ମାପୁରୁ ମା ପୁର୍ବେଦିଡକ୍‌ରାଦାଦାରିଙ୍ଗ୍‌ ଆମା ମାଟା ସିତାମାର୍ହାନ୍‌, ଆବେନୁ ନା ଆସା ମାନି ଉଣ୍ତିଙ୍ଗ୍‌ ନେରୁ ନାନ୍‌ ଇବେନୁ ବିଚାର୍‌ ଆଦେଙ୍ଗ୍‌ ନିର୍‌ଆମାନା । 
\v 7 ମା ବାରଗୋଟା କୁଟୁମ୍‌ ୱେଡ଼େନାଡ଼ା ପ୍ରବୁଦି ସେବା କିଜି ଆୟା ଉନ୍‌ଡ୍ରି ବିସୟ୍‌ ପୟ୍‌ନି ଉଣ୍ତିଙ୍ଗ୍‌ ଆସା କିନାର୍‌ । ଏ ରାଜା, ନା ଆୟା ଆସା ଉଣ୍ତିଙ୍ଗ୍‌ ଜିହୁଦିର୍‌ ନାଙ୍ଗିଁ ଦୋସ୍‌ କିଜିନାର୍‌ । 
\v 8 ମାପୁରୁ ଜେ ସାତିୱାରିଙ୍ଗ୍‌ ନିକ୍‍ନାନ୍‌, ଇକା ବିସ୍‌ବାସ୍‌ କିନିକା ବେକାର୍‌ ଇଜି ମିର୍‌ ଏନ୍ଦା ଅଡ଼ବିଜିନିଦେର୍‌ ?
\p
\v 9 \x + \xo ୨୬:୯ \xo*\xt ପ୍ରେରିତ ୮:୩; ୨୨:୪,୫.\xt*\x*ନାଜରିୟତିୟ ଜିସୁଦି ବିରୁଦ୍‌ତିଙ୍ଗ୍‌ ମେଡ଼େକ୍‌ନି ଉଣ୍ତିଙ୍ଗ୍‌ ନାନ୍‌ ଆୟାଦାପ୍ରେ ସେସ୍ଟା କିନିକା ଇଜି ଅଡ଼ବିତାମାର୍‌ଆ । 
\v 10 ଜିରୁସାଲମ୍‌ତୁ ନାନ୍‌ ଆୟାୱାଜା କିତା । ୱିଜେରିଙ୍ଗ୍‌ ପେରିଜାଜକରିମାଣ୍‌କୁ ଅଦିକାର୍‌ତି ଆକୁ ଅସି ବିସ୍‍ବାସିରି ଲୋକା ଲୋଇରାନ୍‌ ନାଣ୍ତ ଲୋକାଙ୍ଗ୍‌ ଜଇଲ୍‌ତୁ ନିର୍‌ତାମାର୍‌ଆ ମାରି, ୱାରିଙ୍ଗ୍‌ ସାନିଦଣ୍ତ ସିଆୟ୍‌ଆନିୱାଲେ ନାନ୍‌ ବା ୱାରି ବିରୁଦ୍‌ତାନ୍‌ ମାର୍‌ଆ । 
\v 11 ଗାଦି ଦେବେଙ୍ଗ୍‌ ଜିହୁଦିରି ପାର୍‍ତନାକିନି ଇଲ୍‌କାଙ୍ଗ୍‌ ନାନ୍‌ ୱାରିଙ୍ଗ୍‌ କାସ୍ଟୁ ସିତାମାନା ମାରି ୱାରି ବିସ୍‌ବାସ୍‌ତାନ୍‌ ଅଲଗା କିନି ଉଣ୍ତିଙ୍ଗ୍‌ ସେସ୍ଟା କିତାମାର୍‌ଆ । ନାନ୍‌ ୱାରି ଉଣ୍ତିଙ୍ଗ୍‌ ବେସି ରିସା ଆତାମାର୍‌ଆ, ୱାରି ମୁସ୍‌କୁ କାସ୍ଟୁ ନିନ୍ଦା ସିନି ଉଣ୍ତିଙ୍ଗ୍‌ ଆଇଦେସ୍‌କାଦି ଗାଡ଼୍‌କାଙ୍ଗ୍‌ ବା ସର୍‌ଆମାର୍‌ଆ ।
\s ନିଜେଦି ବାଦେଲ୍‌ଆନି ବିସୟ୍‌ତାନ୍‌ ପାଉଲତି ମାଟା
\r (ପ୍ରେରିତ ୯:୧-୧୯; ୨୨:୬-୧୬)
\p
\v 12 ଇୟା ଉଦେସ୍‌ତାନ୍‌ ୱିଜେରିଙ୍ଗ୍‌ ପେରି ଜାଜକରି ମାଣ୍‌କୁ ଅଦିକାର୍‌ତି ଆକୁ ମାରି ଆଦେସ୍‌ ଅସିନାନ୍‌ ଦାମାସ୍‍କସ୍‍ତୁ ସର୍‌ଆମାର୍‌ଆ । 
\v 13 ଏ ରାଜା ଆଗ୍ରିପା, ଅର୍‍ଲେନ୍‍ ଦାପ୍ରେନେ ମାଦ୍‌ଲାମ୍‌ ବେଡ଼ାଦୁ ପେର୍‌ଜାରି ମୁସ୍‌କୁ ନାନ୍‌ ୱେଡ଼ାଦି ଜାୟ୍‌ତିମାଣ୍‌କୁ ନାଣ୍ତ ଅଡ଼ିନି ଜାୟ୍‌ ସୁଡ଼ୁତା, ମୁସ୍‌କୁପୁର୍‌ତାନ୍‌ ଆୟା ଜାୟ୍‌ ୱାଜି ନାଙ୍ଗିଁ ମାରି ନା ୱାଲେମାର୍‌ଇୱାରି ସାରିବେଡ଼୍‌ତି ତରିତିକା ସୁଡ଼ୁତା । 
\v 14 ମାପୁ ୱିଜୁଲୋକୁ ବୁମିଦୁ ମେଡ଼େତାପ୍‌, ନାନ୍‌ ଏବ୍ରି ବାସାଦାନ୍‌ ନା, ଉଣ୍ତିଙ୍ଗ୍‌ ଇୟା ମାଟା ୱେର୍‌ଆ, ସାଉଲ, ସାଉଲ, ନିନୁ ଏନ୍ଦା ନାଙ୍ଗିଁ ତାଡ଼ନା କିଜିନି ? ଡ଼ୁଜି ମାନି ଲୋକ୍‌ତି ତୁତେରିବାଡିଗାଦି କୁଟି ଟିପୁଦୁ ଅଦ୍‌ଗିଜିମାନି ଡ଼ାନ୍‌ ୱାଜା ନିନ୍‌ ନିଜେ କାସ୍ଟୁ ଆନି । 
\v 15 ନାନ୍‌ ୱେନ୍‌ବାତା, ପ୍ରବୁ, ନିନ୍‌ ଏନୁ ? ପ୍ରବୁ ଇର୍ହାନ୍‌, ନାନ୍‌ ଜିସୁ, ଆମାୱାନିଙ୍ଗ୍‌ ନିନ୍‌ ନିନ୍ଦା କିଜିନି । 
\v 16 ମାତର୍‌ ନିଙ୍ଗିଁଆ, ନିଙ୍ଗିଁନା ସେବାକିନି ୱାଜା ଆସ୍‌କିନି ଉଣ୍ତିଙ୍ଗ୍‌ ନାନ୍‌ ନିଙ୍ଗିଁ ତରାୟ୍‌ଆତାମାନା । ନେରୁ ମିରୁ ନା ବିସୟ୍‌ତାନ୍‌ ଆମାକା ସୁଡ଼ୁତିଦେର୍‌ ମାରି ୱାଜିନିଦିନ୍‌ତୁ ନାନ୍‌ ନିଙ୍ଗିଁ ଆମାକା ତର୍‌ନା, ଆୟା ବିସୟ୍‌ତାନ୍‌ ନିନ୍‌ ଆଇୱାରିଙ୍ଗ୍‌ ୱେର୍‌ନି । 
\v 17 ଆମା ଜିହୁଦି ମାରି ଅଣଜିହୁଦି ଲୋକା ଲାକ୍‌ତୁ ନାନ୍‌ ନିଙ୍ଗିଁ ପୋକ୍‌ନା, ୱାରିମାଣ୍‌କୁ ନାନ୍‌ ନିଙ୍ଗିଁ ରକିୟା କିନା । 
\v 18 ନିଙ୍ଗିଁ ୱାରି କାଣୁକୁ ରେପିସ୍‌ କିନିକା ମାନାତ୍‌ ମାରି ୱାରିଙ୍ଗ୍‌ ସିକାଟିଦାନ୍‌ ଜାୟ୍‌ତୁ ମାରି ସୟତାନ୍‌ତି ମାଣାନ୍‌ ପ୍ରବୁଦି ଲାକ୍‌ତୁ ତାତେଙ୍ଗ୍‌ ପଡ଼ାନାତ୍‌, ଏଣ୍ତେସ୍‌ ନା ମାନୁ ବିସ୍‌ବାସ୍‌ କିନିମାଣୁକୁ ୱାରି ପାପ୍‌ କେମା ଆନାତ୍‌ ମାରି ମାପୁରୁଙ୍ଗୁଁ ଆସ୍‌କିତି ଲୋକା ମାନୁ ୱାର୍‌ ବାଡି ପୟ୍‌ନାର୍‌ ।
\s ନିଜେଦି ପାଣି ବିସୟ୍‌ତାନ୍‌ ପାଉଲତି ମାଟା
\p
\v 19 ମାରି, “ଏ ରାଜା ଆଗ୍ରିପା, ନାନ୍‌ ମୁସ୍‌କୁପୁର୍‌ତାନ୍‌ ଆମା ଦର୍ଶନ ପୟ୍‌ତାମାନା, ଆୟାତାନିଙ୍ଗ୍‌ ଅମାନ୍ୟ ଆଏ । 
\v 20 \x + \xo ୨୬:୨୦ \xo*\xt ପ୍ରେରିତ ୯:୨୦,୨୮,୨୯.\xt*\x*ନାନ୍‌ ଆଗ୍‌ଡ଼ି ଦାମାସ୍‍କସ୍‍ ନି ଜିରୁସାଲମ୍‌ତୁ ମାରି ତାନେୱେନ୍‌କା ପୁରାୱିଜୁ ଜିହୁଦା ଦେସ୍‌ତୁ ମାରି ଅଣଜିହୁଦିରି ମାନୁ ପ୍ରଚାର୍‌ କିତା, ଏଣ୍ତେସ୍‌ ୱାର୍‌ ପାପ୍‌ତି ଉଣ୍ତିଙ୍ଗ୍‌ ମୋନ୍‌ ଡ଼େପ୍‌ସି ମାପୁରୁଦି ଲାକ୍‌ତୁ ଡ଼େସିୱାନାର୍‌ ମାରି ୱାର୍‌ ଜେ ଏତ୍‌ କିତାମାନାର୍‌, ଆୟା ପାଣିଦୁ ତର୍‌ନାର୍‌ । 
\v 21 ଇୟା ବିସୟ୍‌ତାନ୍‌ ନାନ୍‌ ମନ୍ଦିର୍‌ତୁ ମାନିୱାଲେ ଜିହୁଦିର୍‌ ନାଙ୍ଗିଁ ଆସ୍‌ସି ସାୟାମାର୍‌ଗା ଡାକ୍‌ତେଙ୍ଗ୍‍ଁ ସେସ୍ଟା କିଜିମାର୍ହାର୍‌ । 
\v 22 ମାତର୍‌ ମାପୁରୁଦିମାଣ୍‌କୁ ସାହାଜ୍ୟ ପୟ୍‌ଜି ନାନ୍‌ ନେରୁ ସାନ୍ଧି ଇସ୍ରି ପେରି ୱିଜେରି ଲାକ୍‌ତୁ ସାମାନ୍‌ତାନ୍‌ ନା ସାକ୍ଷ୍ୟ ସିଦେଙ୍ଗ୍‌ ନିର୍‌ଆମାନା । ବାବବାଦିରି ନି ମୋସା, ଆମାକା ଗଟାନାତ୍‌ ଇଜି ୱେର୍‌ତାମାନାର୍‌, ନାନ୍‌ ଆୟା ମାଟା ୱେର୍‌ସିନା : 
\v 23 \x + \xo ୨୬:୨୩ \xo*\xt ୧ କରିନ୍ତିୟ ୧୫:୨୦.\xt*\x*ମସିହ ଦୁଃକ୍‌ବୋଗ କିଜି ମାରି ସାତିୱାରି ମାଣ୍‌କୁ ୱିଜେରିଙ୍ଗ୍‌ ଆଗ୍‌ଡ଼ି ଜିବନ୍‌ଆଜି ମାରିଡ଼େସି ନିଙ୍ଗିଁଜି ଜିହୁଦି ମାରି ଅଣଜିହୁଦିରି ଲାକ୍‌ତୁ ରକ୍‌ୟାଦି ଜାୟ୍‌ ତର୍‌ନାନ୍‌ ।”
\p
\v 24 ଇୟାୱାଜା ପାଉଲ ନିଜେଦି ତରିଟାନ୍‌ ୱେର୍‌ସିମାନିୱାଲେ ପେସ୍ଟସ୍‍ ଆଉଲି ଆଜି ଇର୍ହାନ୍‌, “ପାଉଲ, ନିନୁ ବାୟା; ନି ନାଣ୍ତ ସିକିୟା ନିଙ୍ଗିଁ ବାୟା କିତାମାନାତ୍‌ ।”
\p
\v 25 ପାଉଲ ଇର୍ହାନ୍‌, “ନାନ୍‌ ବାୟା ସିଲେ, ଏ ସନ୍‌ମାନ୍‌ତି ପେସ୍ଟସ୍‍, ନାନ୍‌ ଆମାକା ଇଜିନା, ଆକା ସତ୍‌ ମାରି ସାନ୍ତି ବୁଦିଦି ବାକ୍ୟ ୱେର୍‌ସିନା । 
\v 26 ରାଜା ଆଗ୍ରିପା ! ନିନୁ ଇୟାୱିଜୁ ବିସୟ୍‌ ନେସ୍‌ତିମାନିଙ୍ଗ୍‌ ନାନ୍‌ ନି ଆଗ୍‌ଡ଼ି ଇୟା ମାଟା ୱେର୍‌ତେଙ୍ଗ୍‌ ସାହାସ୍‌ କିଜିନା, ନାନୁ ପୁରା ନେସ୍‌ନା ଜେ, ଇୟାୱିଜୁ ବିସୟ୍‌ ନିଙ୍ଗିଁ ଜାଣାମାନାତ୍‌, ଇରିଙ୍ଗ୍‌ ନେସ୍‌ଇ ବାଡିଦୁ ନେସ୍‌ଇ ୱାଜା ଇୟା ବିସୟ୍‌କୁ ଗଟାଉଁ । 
\v 27 ଏ ରାଜା ଆଗ୍ରିପା, ନିନୁ ବାବବାଦିରିଙ୍ଗ୍‌ ବିସ୍‌ବାସ୍‌ କିନି ? ନିନୁ ବିସ୍‌ବାସ୍‌ କିନି ଇଜି ନାନ୍ ନେସ୍‌ନା ।”
\p
\v 28 ଆବେନୁ ଆଗ୍ରିପା ପାଉଲତିଙ୍ଗ୍‌ ଇର୍ହାନ୍‌, “ଇୟା ଉଣା ସମୟ୍‌ତି ଲୋଇ ନିନୁ ଇନିକା ନାଙ୍ଗିଁ କ୍ରିସ୍ଟିୟାନ୍‍ କିନା ଇଜି ଅଡ଼ବିଜିନି ?”
\p
\v 29 ପାଉଲ ଇର୍ହାନ୍‌, “ଉଣା ସମୟ୍‌ ଆପିତ୍‌, କି ନାଣ୍ତ ସମୟ୍‌ ଆପିତ୍‌, ମାପୁରୁଦିମାନୁ ନା ନିସ ପାର୍‌ତାନା, ନିନ୍‌ ମାରି ନେରୁ ନା ମାଟା ୱେର୍‌ଇମାନି ୱିଜେରେ ନା ୱାଜା ଆପିର୍‌, ମାରିବା ଇୟାୱାଜା ସିକିଣିଦାନ୍‌ ତରାୟ୍‌ଆଜି ଜଇଲ୍‍ତୁ ସୋଲିର୍‌ ଇଜି ନାନ୍ ଇନ୍‌ଏ ।”
\p
\v 30 ତାନେୱେନ୍‌କା ରାଜା, ସାସନକିନିକାନ୍‌, ବର୍ଣ୍ଣିସ୍ ମାରି ଆଇକାର୍‌ ୱିଜେରେ ସନ୍‌ଡ୍ରେଙ୍ଗ୍‌ ଇଜି ନିଙ୍ଗିଁତାର୍‌ । 
\v 31 ୱାର୍‌ ସୋଲ୍‌ସି ମାର୍‌ଇୱାଲେ ନିଜେନିଜେଦିଙ୍ଗ୍‌ ଇର୍ହାର୍‌, “ଇୟା ଲୋକ୍‌ ଇୟାୱାଜା ଇନି ପାଣି କିଏନ୍‌, ଆମାତାନି ଉଣ୍ତିଙ୍ଗ୍‌ ୱାନ୍‌ ସାନିଦଣ୍ତ ପୟ୍‌ନାନ୍‌ ମାରି ଜଇଲ୍‍ତୁ ସନାନ୍‌ ।” 
\v 32 ଆଗ୍ରିପା ପେସ୍ଟସ୍‍ତିଙ୍ଗ୍‌ ଇର୍ହାନ୍‌, “ଜଦି ଇୟା ଲୋକୁ କାଇସର୍‍ତିମାନୁ ୱେର୍‌ଏତାନ୍‌ ମାନ୍ଧି, ଆର୍‌ତିଙ୍ଗ୍‌ ୱାନିଙ୍ଗ୍‌ ମାଡୁ ଡ଼ିସ୍‌ସୋ ସିଦେଙ୍ଗ୍‌ ଆତାତ୍‌ମାନ୍ଧି ।”
\c 27
\s ରୋମତୁ ପାଉଲ ଏର୍‌ଜାହାଜ୍‌ତୁ ସନିକା
\p
\v 1 ମାପୁ ଇଟାଲିଦୁ ସନାଟ୍‌ ଇଜି ତିଆର୍‌ ଆତାମାର୍ହାପ୍‌, ନାସ୍ତିୱାଲେ ପାଉଲ ମାରି ଆଇ ଏସଲୋକ୍‌ ଜଇଲ୍‌ତୁ ମାର୍‌ଇକାର୍‌ “କାଇସର ସନ୍ୟଦଲ୍‌” ଦର୍‌ତି ଉନ୍‌ଡ୍ରି ରୋମିୟ ସନ୍ୟ ଦଲ୍‌ତି ସେନାପତି ଯୁଲିୟସଦି କିୟୁଦୁ ସର୍‌ପେ ଆତାର୍‌ । 
\v 2 ମାପୁ ଆସିଆ ଦେସ୍‌ତି ସାମୁଦୁର୍‌ତିପାଡ଼ିଦୁ ମାନି ବାଡିଆଙ୍ଗାଁ ସନି ଉଣ୍ତିଙ୍ଗ୍‌ ତିଆର୍‌ଆତିମାନି ଉନ୍‌ଡ୍ରି ଆଦ୍ରାମୁତ୍ତୀୟ ଉନ୍‌ଡ୍ରି ଏରୁଜାହାଜ୍‍ତୁ ଏକ୍‌ତାପ୍‌ । ଆରିସ୍ଟାର୍କସ୍‍ ଦର୍‌ତି ତେସଲନିକିଆ ଗାଡ଼୍‌ତି ଅରେନ୍‌ ମାସିଦୋନିଆଦି ଲୋକ୍‌ ମା ୱାଲେ ମାର୍ହାନ୍‌ । 
\v 3 ମାରି ଅର୍‍ଲେନ୍‍ ମାପୁ ସିଦନ୍‍ତୁ ଇତାପ୍‌ । ଯୁଲିୟସ୍‌ ପାଉଲତି ଉଣ୍ତିଙ୍ଗ୍‌ ସାକା ମାର୍ହାନ୍‌ । ପାଉଲତି ସଙ୍ଗ୍‌ରିମାଣ୍‌କୁ ୱାରି ଦରକାର୍‌ମାନି ଜିନିସ୍‌ ୱିଜୁ ଉଣ୍ତାକିନି ଉଦେସ୍‌ତାନ୍‌ ୱାରିଙ୍ଗ୍‌ ବେଟ୍‌ଆଦେଙ୍ଗ୍‌ ଇଜି ୱାନ୍‌ ପାଉଲତିଙ୍ଗ୍‌ ସାରି ସିତାନ୍‌ । 
\v 4 ମାପୁ ଆବେଟ୍‌ତାନ୍‌ ସନି ବେଡ଼ାଦୁ ପାଡ଼ିୱାନି ଗାଲି ୱାତାତ୍‌ଆକା ସାଇପ୍ରସ୍‍ ସାମୁଦୁର୍‌ତି ପାଡ଼ି ପାଡ଼ି ସର୍ହାପ୍‌, 
\v 5 ସିଲିସିଆ ନି ପାମ୍ଫିଲିଆ ଜିଣାଜି ଲୁକିଆଦି ମୁରାଦୁ ଇତାପ୍‌ । 
\v 6 ଆବେନୁ ୱିଜେରିଙ୍ଗ୍‌ ପେରିସେନାପତି ଆଲେକ୍‍ଜାଣ୍ତ୍ରିଆ ତ୍ରିଆଦି ଉନ୍‌ଡ୍ରି ଏରୁଜାହାଜ୍‍ ଇଟାଲିଦୁ ସନି ଉଣ୍ତିଙ୍ଗ୍‌ ତିଆର୍‌ ଆଜିମାନିକା ସୁଡ଼ୁଜି ମାଙ୍ଗିଁ ଆବେନୁ ଏକିସ୍‌ତାନ୍‌ ।
\p
\v 7 ମାପୁ ବେସି ଦିନ୍‌ ସାନ୍ଧି ଦିରେ ଦିରେ ସୋଲ୍‌ସି ବଡ଼େ କାସ୍ଟୁଦାନ୍‌ କ୍ନିଦ ଗାଡ଼୍‌ ଲାକ୍‌ତୁ ଇତାପ୍‌ । ପାଡ଼ିୱାନି ଗାଲିଦି ଉଣ୍ତିଙ୍ଗ୍‌ ମାପ୍‌ ଆୟା ତରିନ୍‌ ମାରି ଆଗ୍‌ଡ଼ି ସନ୍‌ଡ୍ରେଙ୍ଗ୍‌ ଆଟ୍‌ଏତାପ୍‌, ଆଦେଙ୍ଗ୍‌ କ୍ରିଟ୍‌ ସାମ୍‌ଦୁରୁତି ଉଣି ତରିନ୍‌ ସିଜି ରାଜିଦାନ୍‌ ସୋଲ୍‌ସି ସାଲମୋନି ପାଡ଼ି ସିଜି ସର୍ହାପ୍‌ । 
\v 8 ମାରି, ମାପୁ ପାଡ଼ି ପାଡ଼ି ବଡ଼େ କାସ୍ଟୁଦାନ୍‌ ଲାସାୟା ଗାଡ଼୍‌ ଲାକ୍‌ତୁରି ସୁନ୍ଦର୍‌ ବନ୍ଦର୍‌ ଦର୍‌ତି ବାଡିଦୁ ଇତାପ୍‌ ।
\p
\v 9 ମାପ୍‌ ଆବେନୁ ବେସି ଦିନ୍‌ ତେବାତାପ୍‌ । ଜିହୁଦିରି ଉପବାସ ପଣ୍ତୟ୍‌ ୱିଜିତା ମାର୍ହାତ୍‌, ଆୟା ବେଡ଼ାଦୁ ସାମ୍‌ଦୁରୁତୁ ସନିକା ତିଲାନିପାଣି ଆତାତ୍‌ । ଆଦେଙ୍ଗ୍‌ ପାଉଲ ୱାରିଙ୍ଗ୍‌ ଇୟା ମାଟେଙ୍ଗ୍‌ ୱେର୍‌ତାନ୍‌ : 
\v 10 “ତଡ଼କୁ ନାନ୍‌ ନେସ୍‌ତେଙ୍ଗ୍‌ ଆଟ୍‌ସିନା ଜେ, ଜଦି ମାପ୍‌ ଇବେଣ୍‌କୁ ମାରି ସନ୍‌ଡ୍ରେଙ୍ଗ୍‌ ଆରାମ୍‌ କିନିକା, ଆକା ତିଲାନିପାଣି ଆନାତ୍‌ । କେବଲ ଜେ ଜିନିସ୍‌ପତ୍ର ନି ଜାହାଜ୍‌ ନାସ୍ଟୁ ଆନାତ୍‌, ଆକା ସିଲେ, ମାତର୍‌ ମା ଜିବନ୍‌ତିଙ୍ଗ୍‌ ବା ସାନି ମୁସ୍‌କୁ ମାନାତ୍‌ ।” 
\v 11 ମାତର୍‌ ସେନାପତି ପାଉଲତି ମାଟା ବିସ୍‌ବାସ୍‌ କିଏଣ୍‌ଗା ଜାହାଜ୍‌ତି ପେରିୱାନିମାନୁ ମାରି ଜାହାଜ୍‌ତି ମାଲିକ୍‌ତି ମାଟାଦାନ୍‌ ଆସ୍‌ତାନ୍‌ । 
\v 12 ପିନି କାଡ଼ା କାଟେ କିଦେଙ୍ଗ୍‌ ଆୟା ବାଡି ସୁବିଦା ସିଲେତାତ୍‍, ଆଦେଙ୍ଗ୍‌ ସୋଲ୍‌ସିମାର୍‌ଇୱାରି ମାଣ୍‌କୁ ଏସଲୋକ୍‌ ସାମ୍‌ଦୁରୁତାନ୍‌ ସନ୍‌ଡ୍ରେଙ୍ଗ୍‌ ଜଦି ଆନାତ୍‌, ଫୈନିକ୍‌ସ୍‌ତୁ ପିନି କାଡ଼ା କାଟେକିନି ଉଣ୍ତିଙ୍ଗ୍‌ ମାରିଙ୍ଗ୍‌ । ଫୈନିକ୍‌ସ୍‌ ଉଣେରି ନି ୱେଡ଼ାଆର୍‌ନି ତରିନ୍‌ ମାରି ଡେବିରି ନି ୱେଡ଼ାଆର୍‌ନି ତରିନ୍‌ ମକମ୍‌ କିଜି ତେବାତିମାନି କ୍ରିଟ୍‌ଦି ଉନ୍‌ଡ୍ରି ବାଡି ।
\s ସାମ୍‌ଦୁରୁତୁ ଗାଲି
\p
\v 13 ଏସ୍ତିୱାଲେ ଉଣେରି ତରିଟାନ୍‍ ଦିରେ ଦିରେ ଗାଲି ୱାତାତ୍‌, ସନିକାର୍‌ ଇୟାତାନିଙ୍ଗ୍‌ ଉନ୍‌ଡ୍ରି ନେଗି ମାଟା ଇଜି ଅଡ଼ବିତାର୍‌ ମାରି ଲଙ୍ଗର୍‌ ପେର୍‌ଜି ଏସା ଆକ ସନ୍‌ଡ୍ରେଙ୍ଗ୍‌ ଆନାତ୍‌, କ୍ରିଟ୍‌ଦି ପାଡ଼ି ପାଡ଼ି ସନ୍‌ଡ୍ରେଙ୍ଗ୍‌ ଆସ୍‌ତାର୍‌ । 
\v 14 ମାତର୍‌ ଆୟା ଦାପ୍ରେନେ ସାମ୍‌ଦୁରୁ ଦିପ୍‍ ତରିଟାନ୍‌ ଡେବିରି ନି ଆଗ୍‌ଡ଼ିରାନ୍‌ ଗାଲି ନାଣ୍ତଦାନ୍‌ ନାଣ୍ତ ୱାଜି 
\v 15 ଜାହାଜ୍‌ତିଙ୍ଗ୍‌ ଆତାଡ଼ାତାତ୍‌ । ଜାହାଜ୍‌ତିଙ୍ଗ୍‌ ଗାଲି ତରିନ୍‌ ମକମ୍‌ କିଜି ଇଡ୍‌ଦେଙ୍ଗ୍‌ ଆଟ୍‌ଏତାପ୍‌ଆକା ମାପ୍‌ ମାରି ସେସ୍ଟା କିଏଣ୍‌ଗା ଗାଲିଦୁ ଜାହାଜ୍‌ତିଙ୍ଗ୍‌ ଦେଲ୍‌ଜ ସନ୍‌ଡ୍ରେଙ୍ଗ୍‌ ଡ଼ିସ୍‌ତା ସିତାପ୍‌ । 
\v 16 ମାରି, ଉନ୍‌ଡ୍ରି ଇସ୍ରି ବାଡି କାଉଦାଦି ଉଣେରି ତରିନ୍‌ ସିଜି ସନି ୱାଲେ ଅଡ଼ପ୍‌ ଗାଲିଦାନ୍‌ ରକ୍‌ୟା ପୟ୍‌ତା ମାର୍ହାପ୍‌ । ଆବେନୁ ମାପୁ ଏଣ୍ତେସ୍‌ବା ଜାହାଜ୍‌ତି ଡଙ୍ଗାଁଦିଙ୍ଗ୍‌ ନେଗି ବାଡିଦୁ ଇଡ୍‌ଦେଙ୍ଗ୍‌ ଆଟ୍‍ତାପ୍‌ । 
\v 17 ଡଙ୍ଗାଁସାଲାକିନିକାର୍‌ ତାନିଙ୍ଗ୍‌ ଜାହାଜ୍‌ ମୁସ୍‌କୁ ପେର୍‌ତାର୍‌ ମାରି ନାସ୍‌ତି ସାକାଦାନ୍‌ ଡାଟ୍‌ତାନ୍‌ ଜାହାଜ୍‌ତି ୱାଲେ ତର୍‌ତାର୍‌ । ଜାହାଜ୍‌ ଲିବିୟା ସାମ୍‌ଦୁର୍‌ ପାଡ଼ିଦି ବାଲି ଲୋଇ ଡ଼ୁଗୁଗାସନାତ୍‌ ଇଜି ତିଲାଜି ଡଙ୍ଗାଁସାଲାକିନିକାର୍‌ ପାର୍‌ଦା କୁତ୍‌ତାସିତାର୍‌ ଜାହାଜ୍‌ତିଙ୍ଗ୍‌ ଗାଲି ୱାନିମାନୁ ଦେଲ୍‌ଜି ସନ୍‌ଡ୍ରେଙ୍ଗ୍‌ ଡ଼ିସ୍‌ତାସିତାର୍‌ । 
\v 18 ନାଣ୍ତ ଗାଲି ଆଜିମାରିଙ୍ଗ୍‌ ଆୟା ମାର୍‌ନାଣ୍ତିଙ୍ଗ୍‌ ୱାର୍‌ ଜାହାଜ୍‌ତାନ୍‌ ଜିନିସ୍‌ପତ୍ର ଏର୍‌ତୁ ପୋକ୍‌ତାର୍‌, 
\v 19 ମାରି, ଆୟା ମାର୍‌ନାଣ୍ତିଙ୍ଗ୍‌ ଜାହାଜ୍‌ତି ଏସ ସାସାପାତି ସାମ୍‌ଦୁରୁତୁ ପୋକ୍‌ତାର୍‌ । 
\v 20 ନାଣ୍ତ ଦିନ୍‌ ସାନ୍ଧି ମାପ୍‌ ୱେଡ଼ା କି ସୁକେଙ୍ଗ୍‌ ସୁଡ଼ୁଦେଙ୍ଗ୍‌ ଆଟ୍‌ଏତାପ୍‌ ମାରି ନାଣ୍ତଦାନ୍‌ ନାଣ୍ତ ଗାଲି ୱାଜିମାର୍‌ର୍ହାତ୍‌ । ସାରାସାରିୱେନ୍‌କା ମାପୁ ରକିୟା ପୟ୍‍ନି ଆସା ୱିଜୁ ଡ଼ିସ୍‌ତା ସିତାପ୍‌ । \fig ଗାଲିପିରୁଦିଙ୍ଗ୍‌ ରୁଙ୍ଗିତିମାନି ଏରୁଜାହାଜ୍‌|alt="Ship being wrecked in a storm" src="lb00219c.tif" size="col" copy="Horace Knowles ©" ref="୨୭:୧୮"\fig*
\p
\v 21 ମାରି, ୱିଜେରେ ନିସ ଦିନ୍‌ ସାନ୍ଧି ବାଙ୍ଗାଁଦୁ ତେବାତି ୱେନ୍‌କା, ପାଉଲ ୱାରି ଲୋଇ ନିଲ୍‌ତାନ୍‌ନୋ ଇର୍ହାନ୍‌, “ଏ ତଡ଼ାନ୍‌କୁ, ମିରୁ ନା ମାଟା ଇସାବ୍‌ତାନ୍‌ କ୍ରିଟ୍‌ଦାନ୍‌ ଜାହାଜ୍‌ ଡ଼ିସ୍‌ଇ ମାନିକାଇରିଙ୍ଗାଁ, ମା ଇୟା କାକୁର୍ତି ଗଟେଆଏତାତ୍‌ ମାନ୍ଦି । 
\v 22 ମାତର୍‌ ଇଲେଇ ନାନ୍‌ ମିଙ୍ଗିଁ ଇଜିନା, ମିରୁ ସାହାସ୍‌ ଆସ୍‌ତୁ । ମି ଲୋଇରାନ୍‌ ଅରେନ୍‌ୱାନିନ୍ଧିବା ଜିବନ୍‌ ସଲ୍‌ଏତ୍‌, କେବଲ ଜାହାଜ୍‌ ନାସ୍ଟୁ ଆନାତ୍‌ । 
\v 23 ନାନ୍‌ ଆମା ମାପୁରୁଙ୍ଗୁଁ ସେବା କିଜିନା, ଇଏରି ନାଡ଼ାଦୁ ୱାନି ଅରେନ୍‌ ମୁସ୍‌କୁପୁର୍‌ତି ଦୁତ୍‌ ନା ଲାକ୍‌ତୁ ୱାଜି ଇର୍ହାନ୍‌, 
\v 24 ପାଉଲ, ନିନୁ ତିଲାମା । ନିନୁ ପୁରା କାଇସର୍‍ଦି ଆଗ୍‌ଡ଼ି ନିନି । ନି ଉଣ୍ତିଙ୍ଗ୍‌ ମାପୁରୁ ସାକା ଆତିମାନିଙ୍ଗ୍‌, ନି ୱାଲେ ସୋଲ୍‌ସିମାନି ୱିଜେରି ଜିବନ୍‌ ୱାନ୍‌ ରକ୍‌ୟା କିନାନ୍‌ । 
\v 25 ମାରି, ତଡ଼ାନ୍‌କୁ, ସାହାସ୍‌ ଆସ୍‌ତୁ ! ଇରିଙ୍ଗ୍‌ ନାନୁ ମାପୁରୁଦିମାନୁ ବିସ୍‌ବାସ୍‌ କିନା, ନାଙ୍ଗିଁ ଆମାକା ୱେରାୟ୍‌ଆତାମାନାତ୍‌, ଟିକ୍‌ ଆୟାୱାଜା ଗଟାନାତ୍‌ । 
\v 26 ମାତର୍‌ ମାଡୁ ଆଗ୍‌ଡ଼ି ସୋଲ୍‌ସି ଉନ୍‌ଡ୍ରି ସାମ୍‌ଦୁରୁ ଲୋଇ ମାନି ବାଡିଦୁ ଇଦେଙ୍ଗ୍‌ ପଡ଼ାନାତ୍‌ ।”
\p
\v 27 ଇୟା ସଲ୍‌ସିନିମାନୁ ସତି ସଉଦ ଦିନ୍‌ତୁ, ମାଡୁ ଆଦ୍ରିଆ ସାମ୍‌ଦୁରୁତୁ ଗାଲିପିରୁ ଦାନ୍‌ ଆୟାଦାପ୍ରେ ପେଲାୟ୍‌ ଆଜି ସୋଲ୍‌ପୁ ସୋଲ୍‌ପୁ, ପୁରା ମାଜାର୍‌ନାଡ଼ା ବେଡ଼ାଦୁ ଡଙ୍ଗାଁସାଲାକିନିକାର୍‌ ଅନୁମାନ୍‌ କିତାର୍‌ ଜେ, ମାଡୁ ପାଡ଼ି ଇଗା ସୋଲ୍‌ସିନିକା । 
\v 28 ୱାର୍‌ ଲେକିସ୍‌ କିଜି ନେସ୍‌ତାର୍‌, ଆବେନୁ ଏରୁଦି ଗୁମି ସଏ କଡ଼େ ପୁଟ୍‌ ମାନାତ୍‌ । ମାରି ଅଡ଼ପ୍‌ ଆଗ୍‌ଡ଼ି ସୋଲ୍‌ସି ମାରି ଉନ୍‌ଡ୍ରି ଦେବା ଲେକିସ୍‌ କିଜି ନବେ ପୁଟ୍‌ ଗୁମି ଏରୁ ମାନେ । 
\v 29 ଜାହାଜ୍‌ ଏଣ୍ତେସ୍‌ ଆମା ଗରନ୍‌ତୁ ସୋଲ୍‌ସି ଡୁକାନାତ୍‌ ଇଜି ତିଲାଜି ୱାର୍‌ ୱେନ୍‌କାରାନ୍‌ ନାଲ୍‌ଗି ପେରିଲୁହାମକେଙ୍ଗ୍‌ ପୋକ୍‌ତାରୋ ମାରି ସାଲ୍‌ଦି ଏସ୍ତିୱାଲେ ଆନାତ୍‌ ଇଜି କାପ୍‌କିଜି ତେବାତାର୍‌ । 
\v 30 ତାନେୱେନ୍‌କା ଡଙ୍ଗାଁସାଲାକିନିକାର୍‌ ଜାହାଜ୍‌ତାନ୍‌ ରେସି ୱାଜି ସନ୍‌ଡ୍ରେଙ୍ଗ୍‌ ସେସ୍ଟା କିତାର୍‌ । ଜାହାଜ୍‌ତି ଆଗ୍‌ଡ଼ିରାନ୍‌ ମାରି ଏସ ପେରିଲୁହାମକେଙ୍ଗ୍‌ ପୋକ୍‌ତେଙ୍ଗ୍‌ ସାଲାକି କିଜି, ୱାର୍‌ ଜାହାଜ୍‌ ମୁସ୍‌କୁ ମାନି ଡଙ୍ଗାଁଦିଙ୍ଗ୍‌ ଆଡ୍‍ଗି ରେପ୍‌ତାର୍‌ । 
\v 31 ମାତର୍‌ ପାଉଲ ସେନାପତି ମାରି ସନ୍ୟରିଙ୍ଗ୍‌ ଇର୍ହାନ୍‌, “ଡଙ୍ଗାଁସାଲାକିନିକାର୍‌ ଜାହାଜ୍‌ତୁ ମାନ୍‌ଏତିଙ୍ଗ୍‌, ମି ରକିୟା ପୟ୍‌ନିକା ମାରି ଆସା ସିଲେତ୍‌ ।” 
\v 32 ଆବେନୁ ସନ୍ୟର୍‌ ଡଙ୍ଗାଁଦି ନାସ୍‍କୁୱିଜୁ କୟ୍‌ଜି ଏର୍‌ତୁ ଦେଲ୍‌ଜି ସନ୍‌ଡ୍ରେଙ୍ଗ୍‌ ଡ଼ିସ୍‌ତାସିତାର୍‌ ।
\p
\v 33 ସାଲ୍‌ଦି ଆନି ଆଗ୍‍ଡ଼ିନେ ପାଉଲ ୱିଜେରିଙ୍ଗ୍‌ ଉଣ୍ତେଙ୍ଗ୍‌ ଇଜି ଇର୍ହାନ୍‌, “ଇୟା ସଉଦ ଦିନ୍‌ ଆତାତ୍‌ନି, ମିରୁ ଇନିକା ଉଣୁଇଦେର୍‌ ।” 
\v 34 ବାତିଙ୍ଗ୍‌ ମାଲିତା, ଇଲେଇ ଇନିକା ତିନ୍‌ଡ୍ରୁ, ଜିଜ ତେବାତେଙ୍ଗ୍‌ ଇକା ପୁରା ଦର୍‌କାର୍‌ ମାନାତ୍‌ । ତିଲାମାଟ୍‌, ମି ତାଲାଦି ଉନ୍‌ଡ୍ରି ବା କୁକୁଟି ନାସ୍ଟୁ ଆଏତ୍‌ । 
\v 35 ଇୟାୱିଜୁ ମାଟା ୱେର୍‌ସି ପାଉଲ ରୁଟି ଆସ୍‌ସି ୱିଜେରି ଆଗ୍‌ଡ଼ି ମାପୁରୁଙ୍ଗୁଁ ଦନ୍ୟବାଦ୍‌ ସିଜି ରୁଟି ରୁକ୍‌ସି ତିର୍ହାର୍‌ । 
\v 36 ଆବେନୁ ୱାର୍‌ ୱିଜେରେ ସାହାସ୍‌ ଆଜି ନିଜେନିଜେ ବା ତିର୍ହାର୍‌ । 
\v 37 ନାସ୍ତିୱାଲେ ଜାହାଜ୍‌ତୁ ୱିଜେରେ ଦୁଇସ ସତୁରି ସୋଅ ଲୋକ୍‌ ମାର୍ହାର୍‌ । 
\v 38 ୱିଜେରେ ପଟା ବର୍ତି ଉଟି ୱେନ୍‌କା ଜାହାଜ୍‌ତିଙ୍ଗ୍‌ ଉସାସ୍‌ କିନି ଉଣ୍ତିଙ୍ଗ୍‌ ଆବେନୁ ମାର୍‌ଇ ୱିଜୁ ଗଦ୍‍ମୁ ସାମ୍‌ଦୁରୁତୁ ପୋକ୍‌ତାର୍‌ ।
\s ଜାହାଜ୍‌ତି ନାସ୍ଟୁଆନିକା
\p
\v 39 ମାର୍‌ନାଣ୍ତିଙ୍ଗ୍‌ ସାଲ୍‌ଦି ପାଡ଼ି ଆମା ବାଡିଦୁ ୱାଜି ୱାର୍‌ ଇତାର୍‌, ଡଙ୍ଗାଁସାଲାକିନିକାର୍‌ ନେସ୍‌ତେଙ୍ଗ୍‌ ଆଟ୍‌ଏତାର୍‌; ମାତର୍‌ ୱାର୍‌ ସୁଡ଼ୁତାର୍‌, ଆକା ଉନ୍‌ଡ୍ରି ଇସ୍ରିସାମ୍‌ଦୁରୁତି ବାଲି ବୁମି । ଆବେନୁ ଜାହାଜ୍‌ ଅତେଙ୍ଗ୍‌ ଇଜି ତିର୍‌ କିତାର୍‌ । 
\v 40 ଆଦେଙ୍ଗ୍‌ ପେରିଲୁହାମକେଙ୍ଗ୍‌ ନାସ୍‌କୁ ୱିଜୁ କୟ୍‌ଜି ଆୟାୱିଜୁ ସାମ୍‌ଦୁରୁ ଆଡ୍‍ଗି ମୁସାୟ୍‌ ଆନି ଉଣ୍ତିଙ୍ଗ୍‌ ଡ଼ିସ୍‌ତାସିତାର୍‌ । ମାରି ଏଣ୍ତେଲ୍‌ତି ନାସ୍‌କୁୱିଜୁ କୁତ୍‌ସି ସିଜି ସାମାନ୍‌ଦୁ ତର୍‌ତିମାନି ପାର୍‌ଦାଦିଙ୍ଗ୍‌ ପେର୍‌ତାର୍‌ । ଏଣ୍ତେସ୍‌କି ଗାଲିଦାନ୍‌ ପେଲାୟ୍‌ ଆଜି ଜାହାଜ୍‌ ପାଡ଼ି ତରିନ୍‌ ସନ୍‌ଡ୍ରେଙ୍ଗ୍‌ ଆସ୍‌ତାତ୍‌ । 
\v 41 ମାତର୍‌ ବାଲି ଚଡ଼ା ମୁସ୍‌କୁ ନାଣ୍ତଡୁକାଜି ଜାହାଜ୍‌ତି ଆଗ୍‌ଡ଼ିରିକା ଆଡ୍‍ଗି ମୁଜାୟ୍‌ ଆତାତ୍‌ ମାରି ଉଲୁକାଏରୁ ନାଣ୍ତ ଡୁକାଜି ଜାହାଜ୍‌ତି ୱେନ୍‌କା ତରିଟିକା ରୁଙ୍ଗୁଁଦେଙ୍ଗ୍‌ ଆସ୍‌ତାତ୍‌ ।
\p
\v 42 ଜଇଲ୍‌ତୁମାରିଇକାର୍‌ ପାଡ଼ି ପଙ୍ଗ୍‌ଁରାଜି ପଙ୍ଗ୍‌ଁରାଜି ସନାର୍‌ ଇଜି ଅଡ଼ବିଜି ୱାରିଙ୍ଗ୍‌ ସାୟାମାର୍‌ଗା ଡାକ୍‌ତେଙ୍ଗ୍‍ଁ ଇଜି ସନ୍ୟର୍‌ ବିଚାର୍‌ କିତାର୍‌ । 
\v 43 ମାତର୍‌ ସେନାପତି ପାଉଲତି ଜିବନ୍‌ ରକିୟା କିଦେଙ୍ଗ୍‌ ଅଡ଼ବିଜି ମାର୍‌ର୍ହାନ୍‌; ଆଦେଙ୍ଗ୍‌ ୱାନ୍‌ ସନ୍ୟରିଙ୍ଗ୍‌ ଆବେଟ୍‌ତାନ୍‌ ଆଲେ କିତାନ୍‌ । ପଙ୍ଗ୍‌ଁରାଦେଙ୍ଗ୍‌ ଆଟ୍‌ସିମାନି ୱିଜେରିଙ୍ଗ୍‌ ସାମ୍‌ଦୁରୁତୁ ଗାତ୍‌ସି ପଙ୍ଗ୍‌ଁରାଜି ପଙ୍ଗ୍‌ଁରାଜି ପାଡ଼ି ସନି ଉଣ୍ତିଙ୍ଗ୍‌ ଆଦେସ୍‌ ସିତାନ୍‌, 
\v 44 ମାରି ମାର୍‌କାପାଟା ନି ଜାହାଜ୍‌ତି ଆମା ରୁଙ୍ଗିଁତି ମକାଦିଙ୍ଗ୍‌ ଆସ୍‌ସି ଦେଲ୍‌ଦେଙ୍ଗ୍‌ ଇଜି ଆଇୱାରିଙ୍ଗ୍‌ ଇର୍ହାନ୍‌ । ଇୟାୱାଜା ମାପୁ ୱିଜୁଲୋକ୍‌ ନେଗେନ୍‍ତାନ୍‍ ସୋଲ୍‌ସି ପାଡ଼ି ଇତାପ୍‌ ।
\c 28
\s ମେଲତି ବାଡିଦୁ ପାଉଲ
\p
\v 1 ନେଗେନ୍‍ତାନ୍‍ ପାଡ଼ି ସଲ୍‍ସି ସୁଡ଼ୁତାପ୍‌ ଜେ ମାପ୍‌ ମେଲତି ବାଡିଦୁ ଇତାମାନାପ୍‍ । 
\v 2 ଆବେଣି ପୁର୍ବେଦାନ୍‌ ବାସାତିଲୋକୁ ମା ଉଣ୍ତିଙ୍ଗ୍‍ଁ ଜିବନ୍‌ନୋନିକା ତର୍‍ତାର୍‍ । ନାସ୍ତିୱାଲେ ପିରୁ ୱାଜି ପିନି ଆଜିମାର୍ହାତ୍‍ । ଆଦେଙ୍ଗ୍‍ଁ ୱାର୍‌ ସିସୁ କାସିସ୍‍କିଜି ମାଙ୍ଗିଁ କୁକ୍‍ତାର୍‍ । 
\v 3 ପାଉଲ ମୋପ ୱେର୍‍କୁ ପେର୍‌ଜି ସିସୁଦୁ ପକ୍‍ତେଙ୍ଗ୍‍ଁ ସଲ୍‍ସି ମାର୍ହିୱାଲେ ଆବେଟାନ୍‍ ଉନ୍‍ଣ୍ତ୍ରି ସାରାସ୍‍ ସତାତ୍‍ ମାରି ୱେସ୍‍ନି ମାଣାନ୍‌ ରକିୟା ପୟ୍‍ଦେଙ୍ଗ୍‍ଁ ଇଜି ୱାନି କିୟୁ ମୁସ୍‌କୁ ଏକ୍‌ସି ଆବେ ତେର୍‌ବିଜି କାସ୍‌ତା ମାର୍‌ର୍ହାତ୍‌ । 
\v 4 ଆବେ ବାସାତିଲୋକୁ ପାଉଲ୍‍ତି କିୟୁଦୁ ଦୁଙ୍ଗ୍‍ଁଜିମାନି ସାରାସ୍‌ତିଙ୍ଗ୍‍ଁ ସୁଡ଼୍‌ଜି ୱାରିୱାରି ଲୋଇ ଇନ୍‍ଜିସାତାର୍‌, “ଇକାନ୍‌ ସତେନ୍‍ ଅରେନ୍‌ ଲୋକାଙ୍ଗ୍‌ କାତ୍‍ତିକାନ୍‍ ଆନାମାନାନ୍‌, ୱାନ୍‌ ସାମ୍‍ଦୁର୍‍ତାନ୍‍ ରକିୟା ପୟ୍‌ତି ସର୍ହିମାରିଙ୍ଗ୍‍ଁ ବା ଦାର୍ମୁ କିୟୁଦାନ୍‌ ମାରି ଜିଏନ୍‍ ।” 
\v 5 ମାତର୍‌ ପାଉଲ ନିଜେ ଗାଉ ଆଏଜି, ସାରାସ୍‌ତିଙ୍ଗ୍‍ଁ ସିସୁ ଲୋଇ ସାଡ଼୍‍ତା ପକ୍‌ତାନ୍‌ । 
\v 6 ପାଉଲ୍‍ତି ମେନ୍ଧଲ୍‍ ୱାସ୍‍ସି ନିଙ୍ଗ୍‍ଁନାତ୍‍ ମାରି ୱାନ୍‌ ସାଜି ଆଡ୍‍ଗି ଆର୍‌ନାନ୍‌ ଅଡ଼୍‍ବିଜି, ୱାର୍‌ ଏସ ସମୟ୍ କାପ୍‍କିତାର୍‍ । ମାତର୍‌ ନାଣ୍ତ ସମୟ୍ କାପ୍‌କିଜି ଏସ୍ତିୱାଲେ ସୁଡ଼ୁତାର୍‌ ଜେ, ପାଉଲ୍‍ତି ଇନିକା ନାସ୍ଟୁ ଆଏତାତ୍‌, ୱାର୍‌ ମନ୍‍ ଡ଼େପ୍‍ସି ଇର୍ହାର୍‌, “ଇକାନ୍‌ ଅରେନ୍‌ ମାପୁରୁ !”
\p
\v 7 ଆବେଟାନ୍‍ କାଣ୍ତେକ୍‍ ଆକ ଦ୍ୱୀପ ବାଡିଦି ପେରି ପାଣିକିନିକାନ୍‌ ପବ୍ଳିୟତି ଇଲୁ ନି କିଡ଼ିଇ ମାର୍ହାତ୍‌ । ୱାନ୍‌ ମାଙ୍ଗିଁ କୁକ୍‍ତାନ୍‍ ମାରି ମାପ୍‌ ମୁନେନ୍‌ ସାନ୍ଦି ତାମେମାନୁ ତେବାତାପ୍‍ । 
\v 8 ପବ୍ଳିୟସ୍‍ତି ବୁବାସି ନବ୍‌ ନି ଆମାସୟ୍‍ ରୋଗ୍‍ ଆତାମାର୍ହାନ୍‍ । ପାଉଲ ୱାନି ବାକ୍‍ରାଦୁ ସର୍ହାନ୍‍, ୱାନି ଉଣ୍ତିଙ୍ଗ୍‍ଁ ପାର୍‌ତନା କିଜି ୱାନି ମୁସ୍‌କୁ କିୟୁ ଇଡ୍‌ଜି ୱାନିଙ୍ଗ୍‍ଁ ନେଗେନ୍‌ କିତାନ୍‌ । 
\v 9 ଇୟା ଗଟନା ୱେନ୍‌କା ଦିପଦି ରୋଗିଲୋକ୍‍ ୱିଜେରେ ପାଉଲ ଲାକ୍‌ତୁ ୱାଜି ନେଗେନ୍‌ ଆତାର୍‌ । 
\v 10 ୱାର୍‌ ମାଙ୍ଗିଁ ନାଣ୍ତ ସାହାଜ୍ୟ ସିତାର୍‍ ମାରି ମାପ୍‌ ଆବେଟାନ୍‍ ଜାହାଜ୍‍ତୁ ବାସ୍‌ସି ସନିୱାଲେ ମା ସନି ଉଣ୍ତିଙ୍ଗ୍‍ଁ ଦର୍‍କାରି ମାନି ୱିଜୁ ୱାର୍‌ ତାସି ଜାହାଜ୍‍ତୁ ଇଟ୍‍ତା ସିତାର୍‍ ।
\s ମେଲିତିଦାନ୍‍ ରୋମ୍‍ତୁ
\p
\v 11 ଆଲେକ୍‍ଜାଣ୍ତ୍ରିଆ ଦାନ୍‍ ୱାତିମାନି “ଜାଡ଼୍‌ୱା ଦିୟାମ୍‍” ଦର୍‌ତି ଉନ୍‍ଣ୍ତ୍ରି ଜାହାଜ୍‌ ମେଲିତି ଦିପଦୁ ପିନି କାଡ଼ା କାଟେ କିତାମାର୍ହାତ୍‍ । ଦିପଦୁ ମୁନ୍‍ଣ୍ତ୍ରି ଲେଜ୍‌କୁ ତେବାତି ୱେନ୍‌କା ମାପ୍‌ ଆୟା ଜାହାଜ୍‍ତୁ ବାସ୍‌ସି ମାରି ସନ୍‍ଡ୍ରେଙ୍ଗ୍‍ଁ ଆରାମ୍‌ କିତାପ୍‍ । 
\v 12 ଆଗ୍‌ଡ଼ି ମାପ୍‍ ସିରାକୁସ୍‍ ଗାଡ଼୍‌ତୁ ଇଜି ଆବେ ମୁନେନ୍‌ ତେବାତାପ୍‍ । 
\v 13 ଆବେଟାନ୍‍ ମାରି ସଲ୍‍ସି ମାପ୍‌ ରେଗିୟ ଗାଡ଼୍‌ତୁ ଇତାପ୍‍ । ମାର୍‍ନାଣ୍ତିଙ୍ଗ୍‍ଁ ଡେବିରି ତରିଟାନ୍‍ ଗାଲି ୱାତାତ୍‍ ମାରି ରିନେନ୍‍ ୱେନ୍‌କା ପୁତେଅଲି ଗାଡ଼୍‌ତୁ ଇତାପ୍‍ । 
\v 14 ଆବେ ଏସ ଲୋକୁ କ୍ରିସ୍ତ ବିସ୍‍ବାସ୍‌ତି ତଡ଼ାନ୍‌କାଙ୍ଗ୍‌ ବୁଡ଼ିତାପ୍‍ । ୱାରି ୱାଲେ ଉନ୍‍ଣ୍ତ୍ରି ୱାରା ତେବାଦେଙ୍ଗ୍‍ଁ ଇଜି ୱାର୍‌ ମାଙ୍ଗିଁ ବାତିଙ୍ଗ୍‌ ମାଲିତାର୍‍ । ସାରାସାରି ରୋମ୍‍ତୁ ସର୍ହା ଇତାପ୍‍ । 
\v 15 ମା କାବୁର୍‌ ୱେନ୍‌ଜି ରୋମ୍‍ତି ତଡ଼ାନ୍‌କୁ ମାଙ୍ଗିଁ ବେଟ୍‌ଆଦେଙ୍ଗ୍‍ଁ ଇଜି “ଆପିୟ ସାତାଦୁ” ନି “ତିନି ସରାଇ” ଦର୍‌ତି ଗାଡ଼୍‍କାଙ୍ଗ୍‍ଁ ୱାତାର୍‌ । ୱାରିଙ୍ଗ୍‍ଁ ସୁଡ଼୍‌ଜି ପାଉଲ ମାପୁରୁଙ୍ଗ୍‍ଁ ଦନ୍ୟବାଦ୍‌ ସିତାନ୍‌ ମାରି ୱେଡ଼ିକା ଆତାନ୍‌ ।
\s ରୋମ୍‍ ଗାଡ଼୍‌ତୁ ପାଉଲ ‍
\p
\v 16 ମାପ୍‌ ରୋମ୍‍ତୁ ଇତି ୱେନ୍‌କା, ପାଉଲ୍‍ତିଙ୍ଗ୍‍ଁ ସାରି ପୁଟ୍‍ତାତ୍‍ଆକା, ୱାନିଙ୍ଗ୍‍ଁ କାପ୍‍କିଦେଙ୍ଗ୍‍ଁ ବାସେ ଆତି ଅରେନ୍‌ ସନ୍ୟ ୱାଲେ ୱାନ୍‌ ନିଜେ ବଦାଦାନ୍ ଆମା ବାଡିଦୁବା ତେବାଦେଙ୍ଗ୍‍ଁ ଆଟ୍‌ନାନ୍‌ । \fig ରମିୟ ଗାଡ଼୍‌ତି ୱିଜୁ ସାକ୍‌ଡ଼ିଣିଙ୍ଗ୍‌ |alt="Street scene of The Roman city" src="hk00242c.tif" size="span" copy="Horace Knowles ©" ref="୨୮:୧୬"\fig*
\p
\v 17 ମୁନେଟି ୱେନ୍‌କା ପାଉଲ ଲାକ୍‍ତୁରି ଜିହୁଦି ନେତାରିଙ୍ଗ୍‍ଁ ଉନ୍‍ଣ୍ତ୍ରି ମିଟିଙ୍ଗ୍‍ଁ ମିସାଦେଙ୍ଗ୍‍ଁ ଇଜି କୁକ୍‍ତାର୍‍ । ୱାର୍‌ ଉଣ୍ତାତାର୍‍ଆକା ପାଉଲ ୱାରିଙ୍ଗ୍‍ଁ ଇର୍ହାନ୍‌ : “ଇସ୍ରାଏଲ୍‌ତି ତଡ଼ାନ୍‌କୁ, ମା ଲୋକା ବିରଦ୍‌ତାନ୍‌ ମାରି ମା ଡକ୍ରାଦାଦାରି ମାଣାନ୍‌ ମାପ୍‌ ପୟ୍‍ତିମାନି ରିତିନିତି ବିରଦ୍‌ତାନ୍‌ ନାନ୍ ଇନିକା କିଏତିଙ୍ଗ୍‍ଁ ବା, ଜିରୁସାଲାମ୍‍ତୁ ନାନ୍ ତରାୟ୍‍ଆଜି ରୋମିୟରି କିୟୁଦୁ ସର୍ପେ ଆତାମାନା । 
\v 18 ନାଙ୍ଗିଁ ୱେନ୍‍ବାତି ୱେନ୍‌କା ସାନି ଉଣ୍ତିଙ୍ଗ୍‍ଁ ନାନ୍ ଇନି ଦସ୍‌ କିଏ ଇଜି ନେସ୍‍ତେଙ୍ଗ୍‍ଁ ଆଟ୍‍ସି ରୋମିୟ ଲୋକୁ ନାଙ୍ଗିଁ ଡ଼ିସିସ୍‍କିଜି ସିଦେଙ୍ଗ୍‍ ବଦାକିତାମାର୍ହାର୍‍ । 
\v 19 \x + \xo ୨୮:୧୯ \xo*\xt ପ୍ରେରିତ ୨୫:୧୧.\xt*\x*ମାତର୍‌ ଜିହୁଦି ଲୋକୁ ତେନି ବିରୁଦ୍‍କିତାର୍‍ଆକା, ନିଜେଦି ଲୋକା ବିରଦ୍‌ତାନ୍‌ ନା ଇନି ଦସ୍‌ ସିଲେତିଙ୍ଗ୍‌ ବା, ନାନ୍ ସମ୍ରାଟ୍‍ତିଙ୍ଗ୍‍ଁ ମାଡ଼ିସ୍‌ କିଦେଙ୍ଗ୍‍ଁ ରାଜି ଆତା । 
\v 20 ଆୟାଉଣ୍ତିଙ୍ଗ୍‌ ଇୟା ବିସୟ୍‌ତାନ୍‌ ୱାର୍‌ଗିଜି ସାଦେଙ୍ଗ୍‍ଁ ନାନ୍ ମିଙ୍ଗିଁ କୁକିସ୍‍କିତାମାନା । ସତ୍‍ତାନ୍‍, ଆମାୱାନି ମୁସ୍‌କୁ ଇସ୍ରାଏଲ୍‌ତି ଲୋକୁ ଆସା କିତାମାନାର୍‍, ୱାରି ଉଣ୍ତିଙ୍ଗ୍‍ଁ ନାନ୍ ସିକ୍‍ଣି ଦାନ୍‍ ତରାତାମାନା ।”
\p
\v 21 ୱାର୍‌ ୱାନିଙ୍ଗ୍‌ ଇର୍ହାର୍‌, “ମାପ୍‌ ଜିହୁଦା ଦେସ୍‍ତାନ୍‍ ନି ବିସୟ୍‌ତାନ୍‌ ଇନି ସିଟିଆକୁ ପୟ୍‍ଏପ୍‍, କିନି କାବୁର୍‌ ଅସି ମାରି ନି ବିସୟ୍‌ତାନ୍‌ ଇନି ଦସ୍‌ କିଜି ଇନ୍‍ଡ୍ରେଙ୍ଗ୍‍ଁ ମା ତଡ଼ାନ୍‌କା ଲୋଇରାନ୍‌ ଏନ୍‌ ଇବେ ରେଏନ୍‌ । 
\v 22 ଆୟା ଆମାକାଆପିତ୍‍, ମାପ୍‌ ନି ମାଟା ୱେନ୍‍ଡ୍ରେଙ୍ଗ୍‍ଁ ବଦାକିନାପ୍‍, ଇରିଙ୍ଗ୍‍ଁ ମାପ୍‌ ନେସ୍‌ନାପ୍‌ ୱିଜୁ ଲୋକୁ ନି ଦଲ୍‌ ବିରଦ୍‌ତାନ୍‌ ମାଟା ଇଜିନାର୍‍ ।”
\p
\v 23 ୱାର୍‌ ଉନ୍‍ଣ୍ତ୍ରି ଦିନ୍‌ ତିଆର୍‌ କିଜି ମାରି ୱାରି ଲୋଇ ନାଣ୍ତ ଲୋକୁ ଆୟାନାଣ୍ତିଙ୍ଗ୍‌ ପାଉଲ ତେବାଜିମାନି ବାଡିଦୁ ୱାତାର୍‌ । ସାଲ୍‍ଦିରାନ୍‍ ନାଡ଼ା ସାନ୍ଦି ପାଉଲ ୱାରିଙ୍ଗ୍‍ଁ ମାପୁରୁଦି ରାଜିଦି ବିସୟ୍‌ତି ବାକ୍ୟ ପ୍ରଚାର୍‌ କିଜି ସାକି ସିତାନ୍‌ ମାରି ମୋସାଦି ନିୟମ୍‌ ନି ବାବବାଦିରି ମାଣାନ୍‌ ରାସାତି ବାକ୍ୟ ସପ୍‍ସି ଜିସୁଦିମାନୁ ୱାର୍‌ ବିସ୍‌ବାସ୍‌ କିଦେଙ୍ଗ୍‍ଁ ଚେସ୍ଟାକିତାନ୍‍ । 
\v 24 ୱାରି ଲୋଇ ଏସ ଲୋକା ଜିବନ୍‌ ବାଦେଲ୍‌ ଆତାତ୍‌, ମାତର୍‌ ଆଇକାର୍‌ ବିସ୍‍ବାସ୍‍ କିଏତାର୍‌ । 
\v 25 ଇୟା ବିସୟ୍‌ତାନ୍‌ ୱାରି ଲୋଇ ନାଣ୍ତ ଜାଟି ସତାତ୍‍ । ୱାର୍‌ ସନି ଆଗ୍‌ଡ଼ି ପାଉଲ ଉନ୍‍ଣ୍ତ୍ରି ମାଟା ମୁସ୍‌କୁ ଦିୟାନ୍‌ସିଜି ଇର୍ହାନ୍‌ : “ପବିତ୍ର ଆତ୍ମା ମି ଡକ୍ରାଦାଦାରିଙ୍ଗ୍‍ ବାବବାଦି ଜିସାୟଦି ୱେୟୁଦାନ୍‌ ଟିକ୍‌ ମାଟା ଇର୍ହାମାର୍ହାନ୍‌ ! 
\v 26 ୱାନ୍‌ ଇର୍ହାନ୍‌ :
\q1 “ଇୟା ଲୋକାଙ୍ଗ୍‌ ସଲ୍‍ସ ଇନ୍‌ଆଁ,
\q1 ମିର୍‌ ୱେନିଦେର୍‍, ନାଣ୍ତ ୱେନିଦେର୍‍, ମାତର୍‌ ବୁଜାଇଦେର୍‍ ।
\q2 ମିର୍‌ ସୁଡ଼୍‍ଜିମାନିଦେର୍‍, ମାତର୍‌ ସୁଡ଼ୁଦେଙ୍ଗ୍‌ ଆଟ୍‌ଇଦେର୍‌ ।
\q1
\v 27 ଇରିଙ୍ଗ୍‍ଁ ଇୟା ଲୋକାଦି ଜିବନ୍‌ ଉଣା ବୁଦି,
\q2 ୱାର୍‌ ନିଜେ ନିଜେଦି କାଣୁକୁ ନି
\q2 ଗିତଣିଙ୍ଗ୍‍ଁ ମୁକ୍‍ତାମାନାର୍‍,
\q1 ଆକା ଆଏତିମାରିଙ୍ଗ୍‍ଁ, ୱାର୍‌ କାଣୁକୁ ରେସି ସୁଡ଼ୁଦେଙ୍ଗ୍‌ ଆଟ୍‍ତାର୍‍ମାନ୍ଦି
\q2 ମାରି ଗିତଣିଙ୍ଗ୍‍ଁ ସିଜି ୱେନ୍‍ଡ୍ରେଙ୍ଗ୍‍ଁ ଆଟ୍‍ତାର୍‍ମାନ୍ଦି ।
\q2 ୱାରି ତାଲାଦୁ ବୁଜାନି ସାକ୍ତି ମାର୍ହାତ୍‍ମାନ୍ଦି;
\q1 ୱାର୍‌ ମାପୁରୁ ତରିନ୍‌ ଡ଼େସି ସର୍ହାର୍‍ମାନ୍ଦି
\q2 ମାରି ୱାରିଙ୍ଗ୍‌ ନାନ୍ ନେଗେନ୍‍କିତାମାନ୍ଦି ।”
\p
\v 28 ସାରାସାରି ପାଉଲ ଇର୍ହାନ୍‌, “ମିର୍‌ ନେସ୍‍ସ ମାନ୍‌ଡ଼୍ରୁ, ପରିତ୍ରାଣ ଉଣ୍ତିଙ୍ଗ୍‍ଁ ମାପୁରୁଦି ସୁସମାଚାର୍‌ ଅଣଜିହୁଦି ଲୋକା ଲାକ୍‌ତୁ ପକାୟ୍‍ଆତାମାନାତ୍‍ । ୱାର୍‌ ଆକା ୱେନାର୍‌ ।” 
\v 29 ମାରି, ପାଉଲ ଇୟାୱିଜୁ ମାଟା ଇର୍ହାନ୍‍ଆକା, ଜିହୁଦି ଲୋକୁ ଆପ୍‍ଣା ଆପ୍‍ଣା ଲୋଇ ସୁରି ୱାର୍‌ଗିଜି ୱାର୍‌ଗିଜି ସର୍ହାର୍‍ ।
\p
\v 30 ପାଉଲ ଉନ୍‍ଣ୍ତ୍ରି ଇଲୁ ବାଡ଼ା ଅସି ଦୁଇ ବାର୍ସେକ୍‍ ସାନ୍ଦି ତେବାତାନ୍‌ ମାରି ୱାନିଙ୍ଗ୍‍ଁ ସୁଡ଼ୁଦେଙ୍ଗ୍‌ ୱାଜିମାନି ୱିଜୁ ଲୋକାଙ୍ଗ୍‌ କୁକ୍‍ସି ମାର୍ହାନ୍‍ । 
\v 31 ଦର୍ଜ ନି ସାହାସ୍‍ତି ୱାଲେ ୱାନ୍‌ ମାପୁରୁଦି ରାଜି ବିସୟ୍‌ତାନ୍‌ ପ୍ରଚାର୍‌ କିଜି ପ୍ରବୁ ଜିସୁ କ୍ରିସ୍ତଦି ବିସୟ୍‌ତାନ୍‌ ସିକିୟା ସିଜି ମାର୍ହାନ୍‍ ।