\id 2TI - Kopo
\ide UTF-8
\h ୨ ତିମତି
\toc3 ୨ ତିମତି
\toc2 ୨ ତିମତି
\toc1 ତିମତିଦି ଲାକ୍‌ତୁ ପ୍ରେରିତ ପାଉଲତି ମାରିଉନ୍‌ଡ୍ରି ଆକୁ
\mt2 ତୀମଥିଙ୍କ ନିକଟକୁ ପ୍ରେରିତ ପାଉଲଙ୍କ ଦ୍ୱିତୀୟ ପତ୍ର
\mt1 ତିମତିଦି ଲାକ୍‌ତୁ ପ୍ରେରିତ ପାଉଲତି ମାରିଉନ୍‌ଡ୍ରି ଆକୁ
\imt ଇୟା ଆକୁଦୁ ମାନି ଏସ ବିସୟ୍‌
\ip ମାରିଉଣ୍ତ୍ରି ତିମତି ଆକୁ ପାଉଲତି ମାଣାନ୍‌ ୱାନି ସିସୁ ତିମତିଦି ଲାକ୍‌ତୁ ରାସ୍‌ତିମାନି ଆକୁ । ମାରିଉଣ୍ତ୍ରି ତିମତି ପାଉଲତି ଜିବନ୍‌ତି ସାରାସାରି ବେଡ଼ାଦୁ ରାସାତିମାନି ଆକୁ ଇକା ।
\ip ଇୟା ବେଡ଼ାଦୁ ୱାନ୍‌ ରୋମ୍‌ତି ଜଇଲ୍‌ତୁ ତେବାତା ମାର୍ହାନ୍‌ \xt ୧:୧୬\xt* ପାଉଲତି ୱାଲେ ତିମତିଦି ପୁରା ମିସାବିଡ଼ାନିକା ମାର୍ହାତ୍‌ ମାରି ୱିଜୁୱାଲେ ୱାନିଙ୍ଗ୍‌ ମାରିନ୍‌ ୱାଜା ରାସ୍‌ନାନ୍‌ \xt ପିଲିପିୟ ୨:୨୨\xt*, \xt ୧ ତିମତି ୧:୨\xt*, \xt ୧:୧୮\xt* ଇକା ପାଉଲତି ୪ ନାଲିଗି ବଇଙ୍ଗାଁ ମାଣୁକୁ ଉନ୍‌ଡ୍ରେ, ଆମାମାନୁ କି ମଣ୍ତଲିଦିଙ୍ଗ୍‌ ଅରେନ୍‌ ଲୋକ୍‌ ରାସାନାନ୍‌ । ଆଇ ୩ ମୁନ୍‌ଡ୍ରି ବଇଙ୍ଗ୍‌ ୱିଜୁ ୧ ତିମତି, ତିତସ, ମାରି ଫିଲିମନ । ମାରିଉନ୍‌ଡ୍ରି ଆକୁ ରାସାନି ବେଡ଼ାଦୁ ରମିୟ ଦେସ୍‌ଦୁ କାସ୍ଟୁ ଆଜିମାର୍ହାତ୍‌ । ଆନ୍‌ମାନ୍‌ତାନ୍‌ ଇୟା ପାଣି ମାନିଙ୍ଗ୍‌ ପାଉଲ ଜଇଲ୍‌ତୁ ମାର୍ହାନ୍‌ ମାରି ତିମତିଦିଙ୍ଗ୍‌ କାସ୍ଟୁ ସାସ୍‌ କିଦେଙ୍ଗ୍‌ ଆଦେସ୍‌ ସିଜିମାର୍ହାନ୍‌ । ପାର୍ତୁମ୍‌ ତିମତି ଇସାବ୍‌ତାନ୍‌ ପାଉଲ ତିମତିଦିଙ୍ଗ୍‌ ମିଚ୍‌ ୱେର୍‌ନି ଗୁରୁରି ବିସୟ୍‌ତାନ୍‌ ଏସ ଜାଗ୍‌ରାତାଦି ମାଟେଙ୍ଗ୍‌ ସିନାନ୍‌ । \xt ୧ ତିମତି ୧:୧୬-୧୮\xt* ପାଉଲ ତିମତିଦିଙ୍ଗ୍‌ ଇନାନ୍‌ ଜେ, ବବିସତ୍‌ଦୁ ନାଣ୍ତ କାସ୍ଟୁଦି ବେଡ଼ା ମାନାତ୍‌ \xt ୩:୧\xt* ।
\iot ଇୟା ଆକୁଦୁ ମାନି ଏସ ମୁକ୍ୟ ବିସୟ୍‌
\io1 ୧. ପାଉଲ ତିମତିଦିଙ୍ଗ୍‌ ନମସ୍କାର୍‌ ଜାଣେକିଜି ମାରି ୱାନିଙ୍ଗ୍‌ ସାହାସ୍‌ ସିଦୁ । \ior ୧:୧-୧୮\ior*
\io1 ୨. ତିମତିଦିଙ୍ଗ୍‌ ସାସ୍‌ ପାର୍‌ମାଣ୍‌ କିଜି ତର୍‌ନି ଉଣ୍ତିଙ୍ଗ୍‌ ପାଉଲ ସାହାସ୍‌ ସିନାନ୍‌ । \ior ୨:୧-୧୩\ior*
\io1 ୩. ୱେନ୍‌କା ପାଉଲ ଏସ ସମାନ୍‌ତି ମାଟେଙ୍ଗ୍‌ ସିନାନ୍‌ । \ior ୨:୧୪-୨୬\ior*
\io1 ୪. ବବିସତ୍‌ ଗଟ୍‌ନା ବିସୟ୍‌ତାନ୍‌ ଜାଗାର୍‌ତା ତେବାନିକା ମାରି ସତ୍‌ତି ରାସ୍ତା ଆସ୍‌କିନି ଉଣ୍ତିଙ୍ଗ୍‌ ଜାଗ୍‌ରାତା କିନାନ୍‌ । \ior ୩:୧–୪:୮\ior*
\io1 ୫. ପାଉଲ ତିମତିଦିଙ୍ଗ୍‌ ଏସ ନିଜେଦି ମାଟା ସିଜି ରାସ୍‌ନିକା ୱିସ୍‌ତାନ୍‌ । \ior ୪:୯-୨୨\ior*
\c 1
\p
\v 1 ନାନ୍‌ ପାଉଲ, କ୍ରିସ୍ତ ଜିସୁଦି ୱାଲେ ମିସାତି ମାଣାନ୍ ମାପୁରୁଦି ପାର୍‌ମାଣ୍‌ତି ଇସାବ୍‌ତାନ୍‌ ମାପ୍‌ ଆମା ଜିବନ୍‌ ପୟ୍‌ତା ମାନାପ୍‌, ଆକା ୱେର୍‌ତେଙ୍ଗ୍‌ ମାପୁରୁଦି ମାଟା ଇସାବ୍‌ତାନ୍‌ ନାନ୍‌ ଅରେନ୍‌ ସିସୁ ୱାଜା ୱାତାମାନା ।
\p
\v 2 \x + \xo ୧:୨ \xo*\xt ପ୍ରେରିତ ୧୬:୧.\xt*\x*ନା ଲାଡ୍‍ତି ମାରିନ୍‌ ତିମତିଦି ଲାକ୍‌ତୁ ନାନ୍‌ ଇୟା ଆକୁ ରାସ୍‌ସିନା : ବୁବା ମାପୁରୁ ମାରି ପ୍ରବୁ ଜିସୁ କ୍ରିସ୍ତ ମିଙ୍ଗିଁ ଦୟା, ସାକା ମାରି ସାନ୍ତି ସିପିନ୍‌ ।
\s ଦନ୍ୟବାଦ୍‌ ନି ୱେଡ଼ିକାଦି ମାଟା
\p
\v 3 ନା ପୁର୍ବେଦିଡକ୍‌ରାଦାଦାରି ୱାଜା ନାନ୍‌ ମାପୁରୁଙ୍ଗ୍‌ ନେଗି ବୁଦିଦାନ୍‌ ସେବା କିଜି ୱାଜିନା, ୱାନିଙ୍ଗ୍‌ ଦନ୍ୟବାଦ୍‌ ସିଜିନା । ନା ପାର୍‍ତନାଦୁ ୱେର୍‌ସି ୱେଡ଼େନାଡ଼ା ନିଙ୍ଗିଁ ଏତ୍‌ କିନିୱାଲେ ନାନ୍‌ ମାପୁରୁଙ୍ଗ୍‌ ଦନ୍ୟବାଦ୍‌ ସିଜିନା । 
\v 4 ନି କାଣେର୍‌ଙ୍ଗୁ ନାଙ୍ଗିଁ ଏତ୍‌ ମାନାତ୍‌ ମାରି ନିଙ୍ଗିଁ ସୁଡ଼ୁଜି ସୁକ୍‌ ଆନି ଉଣ୍ତିଙ୍ଗ୍‌ ନାନ୍‌ ବଦା କିଜିନା । 
\v 5 \x + \xo ୧:୫ \xo*\xt ପ୍ରେରିତ ୧୬:୧.\xt*\x*ମି ଡକ୍ରିବିବି ଲୋୟି ମାରି ଆଇସି ଇଉନିସି ଆମାୱାଜା ବିସ୍‌ବାସ୍‌ କିଜିମାର୍ହାତ୍‌, ମିଦି ବା ଆୟା ଜିବନ୍‌ତି ବିସ୍‌ବାସ୍‌ ମାନାତ୍‌ । ଇୟା ମାଟା ନାନ୍‌ ଏତ୍‌ କିଜିନା । ମି ଆୟା ବିସ୍‌ବାସ୍‌ ମାନାତ୍‌ ଇଜି ସତ୍‍ତାନ୍‌ ନାନ୍‌ ନେସ୍‌ନା । 
\v 6 ନାନ୍‌ ନି ମୁସ୍‌କୁ କିୟୁସର୍‌ପେ କିତିୱାଲେ ନିନ୍‌ ମାପୁରୁମାଣାନ୍‌ ଆମା ଦାନ୍‍ ପୟ୍‌ତିମାର୍‌ଇ, ତାନିଙ୍ଗ୍‌ ଜିବନ୍‌କିଜି ଇଡ୍‌ଦେଙ୍ଗ୍‌ ନାନ୍‌ ନିଙ୍ଗିଁ ଏତ୍‌ କିବିସ୍‌କିଜିନା । 
\v 7 ମାପୁରୁ ମାଙ୍ଗିଁ ଆମା ଆତ୍ମା ଦାନ୍‌ କିତାମାନାନ୍‌, ଆକା ମାଙ୍ଗିଁ ତାଗ୍‌ଇଲୋକ୍‌ କିଏତ୍‌, ମାରି ୱାନିମାଣାନ୍‌ ମାପ୍‌ ସାକ୍ତି, ଜିବନ୍‌ନୋନିକା ମାରି ଆତ୍ମାଦାନ୍‌ ପୁରାବର୍ତି ଆପିତ୍‌ ।
\p
\v 8 ଆଦେଙ୍ଗ୍‌ ପ୍ରବୁ ଜିସୁଦି ବିସୟ୍‌ତାନ୍‌ ସାକ୍ୟୟ୍‌ ସିଦେଙ୍ଗ୍‌ ସେମାର୍‌ ଆମାଟ୍‌; ୱାନି ଉଣ୍ତିଙ୍ଗ୍‌ ନାନ୍‌ ଜଇଲ୍‌ତୁ ନା ଉଣ୍ତିଙ୍ଗ୍‌ ବା ସେମାର୍‌ ଆମାଟ୍‌ । ମାରି ମାପୁରୁ ମିଙ୍ଗିଁ ସିତିମାନି ସାକ୍ତି ଇସାବ୍‌ତାନ୍‌ ମିର୍‌ କ୍ରିସ୍ତ ଜିସୁଦି ସୁସମାଚାର୍‌ ଉଣ୍ତିଙ୍ଗ୍‌ ଦୁଃକ୍‌କାସ୍ଟୁ ପୟ୍‌ଦେଙ୍ଗ୍‌ ତିଆର୍‌ ଆଦୁ । 
\v 9 ମା ନିଜେଦି ସତ୍‌ପାଣିଦି ପୁର୍‌ସ୍କାର୍‌ ୱାଜା ୱାନ୍‌ ମାଙ୍ଗିଁ କୁକ୍‌ଏନ୍‌, କେବଲ୍‌ ୱାନି ଦୟାଦାନ୍‌ ୱାନି ଉଦେସ୍‍ ପୁରା କିଦେଙ୍ଗ୍‌ ମାଙ୍ଗିଁ ୱାନି ଲାଡ୍‍ତିଲୋକୁ ଆନି ଉଣ୍ତିଙ୍ଗ୍‌ ରକିୟା କିତାମାନାନ୍‍ ମାରି ଆସ୍‌କିତାମାନାନ୍‌ । କ୍ରିସ୍ତ ଜିସୁଦି କିତିମାନି ପାଣି ପୁର୍ବେ କାଡ଼ାଦାନ୍‌ ମାପୁରୁ ମାଙ୍ଗିଁ ଇୟା ଦୟା କିଜି ଇଟ୍‌ତା ମାର୍ହାନ୍‌ । 
\v 10 ମାତର୍‌ ଇଲେଇ ଇୟା ଦୁନିଆଦୁ ୱାତାନ୍‌ନୋ ରକିୟାକର୍ତ୍ତା କ୍ରିସ୍ତ ଜିସୁ ଇୟାୱିଜୁ ବିସୟ୍‌ ୱେର୍‌ତା ମାନାନ୍‌ । ୱାନ୍‌ ସାନି ସାକ୍ତିଦିଙ୍ଗ୍‌ ମାରିଗିସ୍‌ କିତାମାନାନ୍‌ ମାରି ୱାନି ସୁସମାଚାର୍‌ଦାନ୍‌ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ତି ସାରି ୱେର୍‌ତା ମାନାନ୍‌ ।
\p
\v 11 ଇୟା ସୁସମାଚାର୍‌ ୱେର୍‌ସି ବୁଜାକିଦେଙ୍ଗ୍‌ ମାପୁରୁ ନାଙ୍ଗିଁ ଅରେନ୍‌ ପ୍ରେରିତ୍‌ ସିସୁ ମାରି ଗୁରୁ ୱାଜା ଆସ୍‌କିତାମାନାନ୍‌ । 
\v 12 ଆୟାଉଣ୍ତିଙ୍ଗ୍‌ ନାନ୍‌ ଇୟାୱିଜୁ ଦୁଃକ୍‌କାସ୍ଟୁ କିଜିନା । ଇରିଙ୍ଗ୍‌ ନାନ୍‌ ଆମାୱାନିଙ୍ଗ୍‌ ବିସ୍‌ବାସ୍‌ କିଜିନା, ନାନ୍‌ ୱାନିଙ୍ଗ୍‌ ନେଗେନ୍‌ତାନ୍‌ ନେସ୍‌ତାମାନା, ଆକା ସାଲାକିଦେଙ୍ଗ୍‌ ପେରିବିସାର୍‌ ଦିନ୍‌ ସାନ୍ଦି ୱାନ୍‌ ନାଙ୍ଗିଁ ନେଗେନ୍‌ତାନ୍‌ ଇଡ୍‌ନାନ୍‌, ଇକା ସତ୍‌ତାନ୍‌ ନେସ୍‌ସି ନାନ୍‌ ଇୟାସାନ୍ଦି ପୁରାପୁରି ଆସା ଆଜି ତେବାତାମାନା । 
\v 13 ନାନ୍‌ ମିଙ୍ଗିଁ ସିକିୟା ସିତିମାନିକା ସତ୍‌ ବିସୟ୍‌ତିଙ୍ଗ୍‌ ଡାଟ୍‌ତାନ୍‌ ଆସ୍‌ସୋ ଇଡ୍‌ଦୁ ମାରି ପ୍ରବୁ ଜିସୁ କ୍ରିସ୍ତଦି ୱାଲେ ମିସାଜ ସତ୍‌ତି ଜିବନ୍‌ନୋନିକା ମାରି ଦର୍ମ ବିସ୍‌ବାସ୍‌ତାନ୍‌ ତିଲାଏଣ୍‌ଗା ମାନ୍‌ଡ୍ରୁ । 
\v 14 ଆମା ପେରି ବିସୟ୍‌ତି ଦାଇତ୍‌ ମି ମୁସ୍‌କୁ ସର୍‌ପେ ଆତାମାନାତ୍‌, ମା ଲୋଇ ବାସାଜିମାନି ପବିତ୍ର ଆତ୍ମାଦି ସାକ୍ତିଦାନ୍‌ ଆୟାୱିଜୁଦିଙ୍ଗ୍‌ ଜାଗ୍‌ରାତା କିଜି ଇଡ୍‌ଦୁ ।
\p
\v 15 ମିର୍‌ ନେସ୍‌ନିଦେର୍‌ ପୁଗେଲ୍‌ ନି ହର୍ମଗେନା ୱିଜୁ ଆସିଆ ଦେସ୍‌ତୁ ୱିଜେରେ ନାଙ୍ଗିଁ ଡ଼ିସ୍‌ତା ସରାମାନାର୍‌ । 
\v 16 ଅନିସିପର୍‌ଦି ଇଲୁପରିବାର୍‌ତିଙ୍ଗ୍‌ ପ୍ରବୁ ଦୟା କିପିନ୍‌, ମାତର୍‌ ୱାନ୍‌ ବାର୍‌ବାର୍‌ ୱାଜି ନାଙ୍ଗିଁ ସାନ୍ତି ନି ୱେଡ଼ିକା ସିତାମାନାନ୍‌, ନାନ୍‌ ଜଇଲ୍‌ତୁ ଇଜି ୱାନ୍‌ ସେମାର୍‌ ଆଏନ୍‌ । 
\v 17 ମାତର୍‌ ରୋମ୍‍ ଗାଡ଼୍‌ତୁ ଇତି ଦାପ୍ରେ ୱାନ୍‌ ନାଙ୍ଗିଁ ପୋଇତାନ୍‌ନୋ ନା ଲାକ୍‌ତୁ ୱାତାମାର୍ହାନ୍‌ । 
\v 18 ପେରିବିସାର୍‌ ଦିନ୍‌ତୁ ପ୍ରବୁ ୱାନି ଉଣ୍ତିଙ୍ଗ୍‌ ଦୟା କିପିନ୍‌, ଏପିସ୍‌ତୁ ୱାନ୍‌ ନାଙ୍ଗିଁ ଏସ ସେବା କିତାମାର୍ହାନ୍‌, ମିର୍‌ ଆୟାୱିଜୁ ମାଟା ନେସ୍‌ନିଦେର୍‌ ।
\c 2
\s କ୍ରିସ୍ତ ଜିସୁଦି ବିସ୍‌ବାସ୍‌ତି ସନ୍ୟ
\p
\v 1 ନା ୱେଡ଼ିକାଦି ମାରିନ୍‌, କ୍ରିସ୍ତ ଜିସୁଦି ୱାଲେ ମିସାତିଙ୍ଗ୍‌ ୱାନି ଦୟାଦାନ୍‌ ଆମା ସାକ୍ତି ପୟ୍‌ତିଙ୍ଗ୍‌, ଆବେଟ୍‌କୁ ମିର୍‌ ବପୁ ଆଦୁ । 
\v 2 ମାରି ଗାଦି ଲୋକ୍‌ ସାକିରି ଆଗ୍‌ଡ଼ି ନାନ୍‌ ପ୍ରଚାର୍‌ କିତିମାନି ବାକ୍ୟୱିଜୁ ମିର୍‌ ୱେର୍‌ଇମାନିଦେର୍‌ । ଆଇୱାରିଙ୍ଗ୍‌ ସିକିୟା ସିନି ଉଣ୍ତିଙ୍ଗ୍‌ ସାସ୍‌ ମାରି ବିସ୍‌ବାସ୍‌ତି ଲୋକା ଲାକ୍‌ତୁ ଆୟାୱିଜୁ ବିସୟ୍‌ ସର୍‌ପେ କିଦୁ ।
\p
\v 3 କ୍ରିସ୍ତ ଜିସୁଦି ଅରେନ୍‌ ବିସ୍‌ବାସ୍‌ତି ସନ୍ୟ ୱାଜା ମିର୍‌ ୱାନି ଉଣ୍ତିଙ୍ଗ୍‌ ଦୁଃକ୍‌କାସ୍ଟୁ ପୟ୍‌ଦୁ । 
\v 4 ଜୁଦ୍‌ ସାଲାନି ମାନିୱାଲେ ସନ୍ୟ କେବଲ୍‌ ୱାନି ସେନାପତିଙ୍ଗ୍‌ ୱେଡ଼ିକା କିନି ଉଣ୍ତିଙ୍ଗ୍‌ ଦାନ୍ଦାଆନା ମାନାନ୍‌ । ନାସ୍ତିୱାଲେ ୱାନ୍‌ ଇନି ଦୁନିଆଦି ପାଣିଦୁ ମୋନ୍‌ ସିଏନ୍‌ । 
\v 5 ଉରୁକୁନିମାନୁ ମିସାତି ମାନି କାର୍‌ଜିନିକାନ୍‌ ଉରୁକୁନିମାନି ନିୟମ୍‌ତିଙ୍ଗ୍‌ ମାନାଏତିଙ୍ଗ୍‌, ଆବେନୁ ୱାନ୍‌ କିନିପାଣିଦୁ ପୁରସ୍କାର୍‌ ପୟ୍‌ଦେଙ୍ଗ୍‌ ଆଟ୍‌ଏନ୍‌ । 
\v 6 ଆଟ୍‌ୱା ପାଣି କିତିମାନି ଲୋକ୍‌ ପାସି ଆତିମାନି ପାସିଦି ଆଗ୍‌ଡ଼ି ବାଗ୍‍ ପୟ୍‌ନିକା ମାନାତ୍‌ । 
\v 7 ନାନ୍‌ ଆମାକା ୱେର୍‌ସିନା, ମୋନ୍‌ ସିଜି ସିନ୍ତା କିଦୁ, ଆର୍‌ତିଙ୍ଗ୍‌ ଇୟାୱିଜୁ ବିସୟ୍‌ତାନ୍‌ ଅରତ୍‌ ବୁଜାଦେଙ୍ଗ୍‌ ପ୍ରବୁ ମିଙ୍ଗିଁ ସାକ୍ତି ସିନାନ୍‌ ।
\p
\v 8 ନାନ୍‌ ପ୍ରଚାର୍‌ କିତିମାନି ସୁସମାଚାର୍‌ ଇସାବ୍‌ତାନ୍‌ ଆମା ସାତିମାଣାନ୍‌ ନିଙ୍ଗିଁତି ଜିସୁ କ୍ରିସ୍ତ ଦାଉଦ ରାଜାଦି କୁଟୁମ୍‌, ୱାନିଙ୍ଗ୍‌ ଏତ୍‌ କିଦୁ । 
\v 9 ଇୟା ସୁସମାଚାର୍‌ ପ୍ରଚାର୍‌ କିତାଆକା ନାନ୍‌ ଡଙ୍ଗାଁର୍‌ଏନ୍‌ ୱାଜା ତର୍‌ଆୟ୍‌ ଆଜି କାସ୍ଟୁ ବୋଗାଜିନା । ମାତର୍‌ ମାପୁରୁଦି ବାକ୍ୟଦିଙ୍ଗ୍‌ ଏନ୍‌ ଜଇଲ୍‍ କିଦେଙ୍ଗ୍‌ ଆଟ୍‌ଏନ୍‌ । 
\v 10 ମାପୁରୁଦି ଆସ୍‌କିତିମାନି ଲୋକ୍‌ କ୍ରିସ୍ତ ଜିସୁଦି ମାଣୁକୁ ପୟ୍‌ତିମାନି ପରିତ୍ରାଣ ମାରି ଏସ୍‌କାଙ୍ଗ୍‌ୱିଜ୍‌ଇ ଗୌରବ୍‍ ପୟ୍‌ଦୁ, ଇୟା ଉଦେସ୍‌ଦାନ୍‌ ନାନ୍‌ ୱିଜୁ କାସ୍ଟୁ ସାସ୍‌ କିଜିନା । 
\v 11 ଇୟା ମାଟା ଉନ୍‌ଡ୍ରି ପୁରା ସତ୍‌ :
\q1 “ଜଦି ମାଡ୍‌ ୱାନି ୱାଲେ ସାତିମାନିକା,
\q2 ଆର୍‌ତିଙ୍ଗ୍‌ ୱାନି ୱାଲେ ଜିବନ୍‌ଆଜି ବା ଜିନାଟ୍‍ ।
\q1
\v 12 \x + \xo ୨:୧୨ \xo*\xt ମାତିଉ ୧୦:୩୩; ଲୁକ ୧୨:୯.\xt*\x*ଜଦି ମାଡ୍‌ ସାସ୍‌ ଆସ୍‌ସି ତେବାନାପ୍‌,
\q2 ଆର୍‌ତିଙ୍ଗ୍‌ ୱାନି ୱାଲେ ସାସନ୍ କିନାପ୍‌ ।
\q1 ଜଦି ୱାନିଙ୍ଗ୍‌ ମାନାଏତିଙ୍ଗ୍‌,
\q2 ଆର୍‌ତିଙ୍ଗ୍‌ ୱାନ୍‌ ବା ମାଙ୍ଗିଁ ମାନାଏନ୍‌ ।
\q1
\v 13 ଜଦି ୱାନି ଉଣ୍ତିଙ୍ଗ୍‌ ମାଡ୍‌ ଅବିସ୍‌ବାସ୍‌ ଆତିଙ୍ଗ୍‌ବା,
\q2 ୱାନ୍‌ ୱିଜୁଦିନ୍ ବିସ୍‍ବାସ୍‍ ତେବାନାନ୍‌,
\q2 ଇରିଙ୍ଗ୍‌ ୱାନ୍‌ ନିଜେଦି ବିସୟ୍‌ତାନ୍‌ ମିଚ୍‌ ୱେର୍‌ତେଙ୍ଗ୍‌ ଆଟ୍‌ଏନ୍‌ ।”
\s ବିସ୍‌ବାସ୍‌ତାନ୍‌ ପାଣିକିନିକାନ୍‌
\p
\v 14 ମିର୍‌ ୱିଜୁ ବିସ୍‌ବାସ୍‌ରିଙ୍ଗ୍‌ ଇୟାୱିଜୁ ବିସୟ୍‌ତାନ୍‌ ଏତ୍‌ କିବିସ୍‌ କିଦୁ ମାରି ସାସ୍ତ୍ରଦି ଅରତ୍‌ ବିସୟ୍‌ତାନ୍‌ ଆଉଲି ଆଇ ଉଣ୍ତିଙ୍ଗ୍‌ ୱାରିଙ୍ଗ୍‌ ଜାଗାର୍‌ତା କିଦୁ । ଇୟାୱାଜା ଆଉଲି ଏନ୍ଦି ଇନିକା ନେଗିକା କିଏତ୍‌ ମାରି ଆମାକାର୍‌ ଆବେନୁ ୱେନାର୍‌, ୱାରିନ୍ଦି ନାସ୍ଟୁ ଆନାତ୍‌ । 
\v 15 ମିର୍‌ ସେମାର୍‌ ଆଏଣ୍‌ଗା ବୁଲ୍‌ସିଲେଏଣ୍‌ଗା ମାପୁରୁଦି ସତ୍‌ବାକ୍ୟ ୱେର୍‌ତୁ; ଆର୍‌ତିଙ୍ଗ୍‌, ଅରେନ୍‌ ବିସ୍‌ବାସ୍‌ତି ଲୋକୁ ୱାଜା ମିର୍‌ ମାପୁରୁଦି ପୁରା ପରିକାଦୁ ଜିଣାନି ବିସୟ୍‌ ପୟ୍‌ନିଦେର୍‌ । 
\v 16 ଆମା ଦାର୍ମୁଦୁସିଲି ବୁଦିସିଲି ବାକ୍ୟ ୱେନି ଲୋକ୍‌ତିଙ୍ଗ୍‌ ମାପୁରୁମାଣାନ୍‌ ଅଲଗା କିନାତ୍‌, ଆୟା ୱିଜୁମାଣୁକୁ ଆକ ମାନ୍‌ଡ୍ରୁ । 
\v 17 ଆମାକାର୍‌ ଇୟାୱାଜା ବାକ୍ୟ ୱେନାର୍‌, ୱାରି ସିକିୟା ସାବ୍‌ତି ଗାଉ ୱାଜା ତିନ୍‌ଜିସନାତ୍‌ ୱାରି ଲୋଇ ମାନାର୍‌ ହୁମନାୟ ନି ପିଲିତ । 
\v 18 ୱାର୍‌ ସତ୍‌ସାରିଦାନ୍‌ ୱେର୍‌ଏ ଆତାମାନାର୍‌ ମାରି ଇୟା ଜିବନ୍‌ତୁ ମାରିଡ଼େସି ଜିବନ୍‌ଆଜି ନିଙ୍ଗିଁକା ଗଟାତାମାନାତ୍‌ ଇଜି ସିକିୟା ସିଜି ଏସଲୋକା ଦାର୍ମୁ ବିସ୍‌ବାସ୍‌ତିଙ୍ଗ୍‌ ମାର୍ତା ପୋକ୍‌ସିନାର୍‌ । 
\v 19 ମାତର୍‌ ମାପୁରୁ ଆମା ଡାଟ୍‌ତି ମୁଲ୍‌କୁନାଦି ତିଆର୍‌ କିତାମାନାନ୍‌, ତାନିଙ୍ଗ୍‌ ଏନ୍‌ ଦୁକ୍‌ତେଙ୍ଗ୍‌ ଆଟ୍‌ଏନ୍‌ । ଆୟା କୁନାଦିକାଲୁ ମୁସ୍‌କୁ ଇକା ରାସ୍‌ତା ମାନାତ୍‌ : “ମାପୁରୁ ୱାନି ନିଜେଦି ଲୋକାଙ୍ଗ୍‌ ନେସ୍‌ନାନ୍‌ ଏନ୍‌ ନିଜେଦିଙ୍ଗ୍‌ ମାପୁରୁଦି ଲୋକୁ ଇଜି ପରିଚୟ୍‌ ସିନାନ୍‌, ଆୟାୱିଜୁ ତାଗ୍‍ଇ ପାଣିଦାନ୍‌ ଆକ ମାନିନ୍‌ ।”
\p
\v 20 ଅରେନ୍‌ ପେରି ଲୋକା ଇନ୍‌ଡ୍ର ଆଇଆଇ ଜାତିଦି ସାଡ଼୍‌ୱାକୁଡ଼ୁକେଙ୍ଗ୍‌ ମାନେ । ଆବେଣାନ୍‍ ଏସଗୋଟା ନାଣ୍ତ୍‌ଦାରାଦିକେଙ୍ଗ୍‌ ବାଙ୍ଗାଁରାଓ ନି ୱେଡିଦାନ୍‌ ତିଆର୍‌ଆତିକେଙ୍ଗ୍‌, ମାରି ଏସଗୋଟା ଉଣା ଦାରାଦାନ୍‌ ସିକ୍‌ଲା ନି ମାରାତାନ୍‌ ତିଆର୍‌ଆତିକେଙ୍ଗ୍‌ । ଏସଗୋଟା ସାଡ଼୍‌ୱାଡୁବାଇଙ୍ଗୁ ପଣ୍ତୟ୍‌ତି ୱିଜୁ ୱେଡ଼ିକାଦି ୱାଲେ ବ୍ୟବ୍‌ହାର୍‌ ଆନେ, ଆଇକେଙ୍ଗ୍‌ ୱିଜୁଦିନ୍‌ତି ପାଣିଦୁ ଲାଗେ ଆନେ । 
\v 21 ଜଦି ଏନ୍ ୱିଜୁ ପାପ୍‌ ପାଣିଦାନ୍‌ ନିଜେଦିଙ୍ଗ୍‌ ନେଗିକା ଇଡିନାନ୍‌, ୱାନ୍ ପ୍ରବୁଦି ବିସେସ୍‌ ପାଣିଦୁ ବ୍ୟବ୍‌ହାର୍‌ ଆନାନ୍‌, ଇରିଙ୍ଗ୍‌ ୱାନ୍‌ ପ୍ରବୁଦିମାନୁ ଲାଡ୍‌ତିକାନ୍‌, ୱାନି ଉଣ୍ତିଙ୍ଗ୍‌ ୱାନ୍‌ ଦର୍‌କାର୍‌ । ଆମା ଇନି ପେରି ପାଣିଦୁ ବ୍ୟବ୍‌ହାର୍‌ ଆନି ଉଣ୍ତିଙ୍ଗ୍‌ ୱାନ୍‌ ତିଆର୍‌ ମାନାନ୍‌ । 
\v 22 ଆମାକାର୍ ନେଗି ଜିବନ୍‌ତାନ୍ ମାପୁରୁଦି ସାହାଜ୍ୟ ପାର୍‌ତାନା କିଜିମାନାର୍, ୱାରି ଲାକ୍‌ତୁ ତେବାଜି ମିର୍‌ ମୁରୁଲି ମାନିୱାଲେ ତାଗ୍‌ଇପାଣିଦାନ୍‌ ଆକ ମାନ୍‌ଡ୍ରୁ, ମାରି ଦାର୍ମୁ, ବିସ୍‌ବାସ୍‌, ଜିବନ୍‌ନୋନିକା ମାରି ସାନ୍ତି ଉଣ୍ତିଙ୍ଗ୍‌ ପାଣି କିଦୁ । 
\v 23 ମାରି ଉନ୍‌ଡ୍ରି ଦେବା ୱେର୍‌ସିନା, ମିଚ୍‌ ମାରି ବୁଦିସିଲି ଆସ୍‌ସିସାନିମାଣାନ୍‌ ଆକ ମାନ୍‌ଡ୍ରୁ । ମିରୁ ନେସ୍‌ନିଦେର୍‌, ଇରିଙ୍ଗ୍‌ ଇୟା ୱିଜୁଦି ପାଣି କେବଲ୍‌ ଲାଗାଜିସାନିକା । 
\v 24 ମାପୁରୁଦି ପାଣିକିନିକାନ୍‌ ଆଉଲି ଆନିକା ନେଗେତ୍‌ ସିଲେ, ୱାନ୍‌ ୱିଜେରି ଉଣ୍ତିଙ୍ଗ୍‌ ସାନ୍ତି ଆଜି ଅରେନ୍‌ ପୁରା ସାସ୍ତି ଗୁରୁ ଆନି ଦର୍‌କାର୍‌ । 
\v 25 ୱାନିଙ୍ଗ୍‌ ବିରୁଦ୍‌ କିଜିମାନି ଲୋକାନ୍ଦି ଦସ୍‌ତିବୁଲ୍‌ ୱାନ୍‌ ଡାଟ୍‌ତି ୱାଜା ସାସନ୍‌ କିନିକା ଟିକ୍‌, ମାତର୍‌ ଏତ୍‌କିଜି ସତ୍‌ ପାଣି କିଦେଙ୍ଗ୍‌ ଆର୍‌ତିଙ୍ଗ୍‌ ଅର୍‍ଲେନ୍‍ ମାପୁରୁ ୱାରିଙ୍ଗ୍‌ ସୁଜୋଗ ସିନାନ୍ । 
\v 26 ମାରି ଆମା ସୟ୍‌ତାନ୍‌ ୱାରିଙ୍ଗ୍‌ ତାନି ବଦା ପୁରା କିନି ଉଣ୍ତିଙ୍ଗ୍‌ ତର୍‌ତା ମାନାତ୍‌, ସେତା ଆଜି ସୟତାନ୍‌ ଉରିଦାନ୍‌ ଡ଼ିସାନାର୍ ।
\c 3
\s ସାରାସାରି ଦିନ୍‌
\p
\v 1 ମନେ ଇଡ୍‌ଦୁ, ସାରାସାରି ଦିନ୍‌ତୁ ଗାଦି ରାଓକୁ ୱାଜି ଇନେ । 
\v 2 ଲୋକୁ ନିଜେଦିଙ୍ଗ୍‌ ତରାନିକା, ଦନ୍‍ଲୋବ୍‌, ଗର୍ବ, ନିନ୍ଦା; ୱାର୍‌ ବୁବାୟାୟାଙ୍ଗେ ମାନାଏଣ୍‌ଗା ୱାରିଙ୍ଗ୍‌ ଅପ୍‌ମାନ୍‌ କିନାର୍‌; ୱାରି ମୋନ୍‌ତାନ୍‌ ଦୟା ମାରି ଦାର୍ମୁ ମାରାଗ୍‌ନାତ୍‌, 
\v 3 ୱାର୍‌ ଆନାର୍‌ ଆଇ ଲୋକା ସୁରି କିନିକାର୍‌, ରିସାଆନିକା ମାରି ବୟଙ୍କାକାର୍‌ତିକାର୍‌; ୱିଜୁ ନେଗି ବିସୟ୍‌ତିଙ୍ଗ୍‌ କାଡ଼ାନାନ୍‌ । 
\v 4 ୱାର୍‌ ଗର୍ବଦାନ୍‌ କେଇନିକା ଆଜି ବିସ୍‌ବାସ୍‌ ଆରାକିଜି ମାରି ବିଚାର୍‌ସିଲିକାର୍‌ ଆନାର୍‌; ୱାର୍‌ ମାପୁରୁଦି ବକ୍ତିମାଣାନ୍‌ ଉଣିତିନିମାନୁ ନାଣ୍ତ୍‌ ସୁକ୍‌ କିନାର୍‌ । 
\v 5 ଦାର୍ମୁଦି ସତ୍‌ତି ସାକ୍ତିଦିଙ୍ଗ୍‌ ମାନାଏଣ୍‌ଗା ୱାର୍‌ ଆତ୍‍ରେରି ଦାର୍ମୁପାଣିଦିଙ୍ଗ୍‌ ୱିଜୁ ଅଡ଼୍‌ବିନାର୍‌ । ଇୟାୱାରିମାଣୁକୁ ମିର୍‌ ଆକ ମାନ୍‌ଡ୍ରୁ । 
\v 6 ଇୟାୱାଜା ଲୋକୁ ଏସଲୋକା ଇଲ୍‌କାଙ୍ଗ୍‌ ସୋଲ୍‌ସି ବପୁସିଲି ଆଇମେକା ମୁସ୍‌କୁ ଆସା ଇଡ୍‌ନାର୍‌ । ଆମା ଆଇମେକ୍‍ ଇନିଇନି ଆସାଦି ଲାକ୍‌ତୁ ଆଜି ନିଜେଦି ପାପ୍‌ ବୋଜୁଦୁ ଆଜି ପଡ଼େଆନେମାନେ । 
\v 7 ଆମାକେଙ୍ଗ୍‌ ୱିଜୁଦିନ୍ ସତ୍‌ ନେସ୍‌ତେଙ୍ଗ୍‌ ସେସ୍ଟା କିଜିମାନେ, ମାତର୍‌ ତାନି ବିସୟ୍‌ ପୟ୍‌ଉ, ଇୟାୱାଜା ଆଇମେକାଙ୍ଗ୍‍ଁ ୱାର୍‌ ୱାରିଆଡ୍‌ଗି କିନାର୍‌ । 
\v 8 ଆଉ ଯନ୍ନିସ ମାରି ଯମ୍ୱ୍ରୀସ ଏଣ୍ତେସ୍‌ ମୋସାଦି ବିରୁଦ୍‌ କିତାମାର୍ହାର୍‌, ଆୟାୱାଜା ୱେନ୍‌କାରି ଦିନ୍‌ତୁ ଇୟା ତାଗ୍‌ଇକାର୍‌ ସତ୍‌ତିଙ୍ଗ୍‌ ବିରୁଦ୍‌ କିନାର୍‌ ୱାରି ବୁଦି ପାଣି ସିଏଜିନାତ୍‌ ମାରି ୱାରି ଦାର୍ମୁବିସ୍‌ବାସ୍‌ ବେକାର୍‌ ଆତାତ୍‌ । 
\v 9 ମାତର୍‌ ୱାର୍‌ ନାଣ୍ତ୍‌ ଆଗ୍‌ଡ଼ି ଆଦେଙ୍ଗ୍‌ ଆଟ୍‍ଏର୍‍ । ଅର୍‍ଲେନ୍‍ ୱିଜେରେ ନେସ୍‌ନାର୍‌, ୱାର୍‌ ଏସ ବୁଦିସିଲିକାର୍‌ । ଯନ୍ନିସ ମାରି ଯମ୍ୱ୍ରିସଦି ଜିବନ୍‌ତୁ ଆମାକା ଗଟାତା ମାର୍ହାତ୍‌, ୱାରି ଜିବନ୍‌ତୁ ଆକାନେ ଗଟାନାତ୍‌ ।
\s ସାରାସାରି ମାଟା
\p
\v 10 ମାତର୍‌ ନିନ୍‌ ନା ସିକିୟା, ନା ବ୍ୟବହାର୍‌ ମାରି ନା ଜିବନ୍‌ତି ପାଣି ସୁଡ଼ୁତିମାନିଦେର୍‌ । ନା ବିସ୍‌ବାସ୍‌, ସାସ୍‌, ଜିବନ୍‌ନୋନିକା, ସାନ୍ତି, 
\v 11 \x + \xo ୩:୧୧ \xo*\xt ପ୍ରେରିତ ୧୩:୧୪-୫୨ \xt*\xt ପ୍ରେରିତ ୧୪:୧-୭ \xt*\xt ପ୍ରେରିତ ୧୪:୮-୨୦.\xt*\x*ନା କାସ୍ଟୁ ମାରି ଦୁଃକ୍‌ବୋଗ୍‌ ନିନ୍‌ ସୁଡ଼ୁତିମାନି । ନିନ୍‌ ନେସ୍‌ତିମାନି, ଏଣ୍ତେସ୍‌ ଆଣ୍ଟିୟକ, ଇକନିୟା, ଲୁସ୍ତ୍ରାଦୁ ନାନ୍‌ ନାଣ୍ତ୍‌ କାସ୍ଟୁ ପୟ୍‌ତା ମାର୍‌ଆ । ମାତର୍‌ ଏଣ୍ତେସ୍‌ ୱାନ୍‌ ୱିଜୁଦାନ୍‌ ପ୍ରବୁ ନାଙ୍ଗିଁ ଉଦାର୍‌ କିତାମାନାନ୍‌ । 
\v 12 ସତ୍‌ତାନ୍‌ ଆମାକାର୍‌ କ୍ରିସ୍ତ ଜିସୁଦି ୱାଲେ ମିସାଜି ଦାର୍ମୁଜିବନ୍‌ତାନ୍‌ ଜିଦେଙ୍ଗ୍‌ ଇଚ୍ଛା କିନାନ୍‌, ୱାରିଙ୍ଗ୍‌ ଦୁଃକ୍‌କାସ୍ଟୁଦିଙ୍ଗ୍‌ ସାମ୍‌ନା ଆଦେଙ୍ଗ୍‌ ପଡ଼ାନାତ୍‌ । 
\v 13 ମାତର୍‌ ସୁରିୱାର୍‌ଗିନି ଲୋକ୍‌ ମାରି ପୁକାପୁଲିକିନିୱାରି ସାରି ପୁରାସେସ୍‌ ଆନିତରିନ୍‌ ୱାର୍‌ ଆଇୱାରିଙ୍ଗ୍‌ ଟକେ କିନାର୍‌ ସାରାସାରି ୱେନ୍‌କା ନିଜେ ଗୁଟାଦୁ ଆର୍‌ନାର୍‌ । 
\v 14 ମାତର୍‌ ଆମା ୱିଜୁ ସତ୍‌ ସିକିୟା କିଜି ଡାଟ୍‌ତାନ୍‌ ବିସ୍‌ବାସ୍‌ କିଜିନିଦେର୍‌, ଆୟାୱିଜୁଦୁ ନିନ୍‌ ଡାଟ୍‌ତାନ୍‌ ତେବାଆ । ନି ଗୁରୁର୍‍ ଏନ୍‌, ନିନ୍‌ ନେସ୍‌ତିମାନି । 
\v 15 କ୍ରିସ୍ତ ଜିସୁଦିମାନୁ ବିସ୍‌ବାସ୍‌ କିଜି ରକିୟା ପୟ୍‌ନି ବୁଦି ଆମା ପବିତ୍ର ଦାର୍ମୁସାସ୍ତ୍ରଦୁ ସୁଡ଼ିତିମାନିଦେର୍‌, ମିର୍‌ କଡ଼ୱାଲେରାନ୍‌ ଆୟାୱିଜୁ ସାସ୍ତ୍ର ପଡ଼ାଜି ବୁଜାତିମାନିଦେର୍‌ । 
\v 16 ୱିଜୁ ଦାର୍ମୁସାସ୍ତ୍ର ମାପୁରୁଦି ମାଣାନ୍‌ ସିଆୟ୍‌ଆତା ମାନାତ୍‌ ମାରି ସତ୍‌ ବାକ୍ୟ, ସିକ୍‌ୟା, ମିଚ୍‌ତି ବିରୁଦ୍‌ କିଜି ମାରି ବୁଲ୍‌ତିଙ୍ଗ୍‌ ଟିକ୍‌ କିନି ଉଣ୍ତିଙ୍ଗ୍‌ ୱେର୍‌ସି, ସତ୍‌ ଜିଦେଙ୍ଗ୍‌ ଦାର୍ମୁସାସ୍ତ୍ର ସାହାଜ୍ୟ କିନାତ୍‌, 
\v 17 ଏଣ୍ତେସ୍‌ ମାପୁରୁଦି ଲୋକୁ ପୁରା ଆଜି ୱିଜୁ ନେଗି ପାଣି ଉଣ୍ତିଙ୍ଗ୍‌ ଜଗ୍‌ ପୟ୍‌ଦେଙ୍ଗ୍‌ ଆଟ୍‌ନାନ୍‌ ।
\c 4
\p
\v 1 ମାପୁରୁଦି ଆଗ୍‌ଡ଼ି ମାରି ୱିଜୁ ଜିବନ୍‌ତିକାର୍‌ ମାରି ସାତିମାନି ଲୋକାଙ୍ଗ୍‌ ବିସାର୍‌ କିଦେଙ୍ଗ୍‌ ମାରି ସାସନ୍‌ କିଦେଙ୍ଗ୍‌ ୱାଜିମାନି କ୍ରିସ୍ତ ଜିସୁଦି ଆଗ୍‍ଡ଼ିନେ, ନାନ୍‌ ମିଙ୍ଗିଁ ଇୟା ଡାଟ୍‌ ମାଟା ସିଜିନା, 
\v 2 ବାକ୍ୟ ପ୍ରଚାର୍‌ କିଦୁ, ବେଡ଼ା ଅବେଡ଼ାଦୁ ବିସାର୍‌ କିଏଣ୍‌ଗା, ମିର୍‌ ସବୁୱାଲେ ଆୟା ବିସୟ୍‌ ମୁସ୍‌କୁ ନେସ୍‌ନି ୱାଜା ବୁଜାକିନିଦେର୍‌; ସାହାସ୍‌ତାନ୍‌ ସିକିୟା ସିଜି, ଏସ୍ତିୱାଲେ ଆଦ୍‌ରିସ୍‌ କିଜି ଏସ୍ତିୱାଲେ ମାରି ୱେଡ଼ିକା କିଜି ଆଇୱାରି ମୋନ୍‌ତୁ ଆୟାଉଣ୍ତିଙ୍ଗ୍‌ ୱେଡ଼ିକା ପିରିସ୍‌ନାତ୍‌ । 
\v 3 ଦିନ୍‌ ୱାନାତ୍‌, ଏସ୍ତିୱାଲେ ଲୋକୁ ସତ୍‌ ସିକିୟାଦୁ ୱେନ୍‌ଏର୍‌, ୱାର୍‌ କେବଲ୍‌ ନିଜେ ନିଜେଦି ଆସା ବ୍ୟବ୍‌ହାର୍‌ କିନି ଉଣ୍ତିଙ୍ଗ୍‌ ଲାଲାୟ୍‌ ଆନାର୍‌ ମାରି ଇୟାଉଣ୍ତିଙ୍ଗ୍‌ ୱାରିଙ୍ଗ୍‌ ଲାକ୍‌ତୁ କିଜିମାନି ଟକେକିନି ଗୁରୁରିଙ୍ଗ୍‌ ୱାର୍‌ କୁକ୍‌ନାର୍‌ । 
\v 4 ସତ୍‌ତି ବାକ୍ୟ ୱେନ୍‌ଏଣ୍‌ଗା ଲୋକା ମୋନ୍‌ତି କାତା ୱେନ୍‌ଡ୍ରେଙ୍ଗ୍‌ ବଦା କିନାର୍‌ । 
\v 5 ମାତର୍‌ ମିର୍‌ ୱିଜୁ କାସ୍ଟୁଦିଙ୍ଗ୍‌ ସାସ୍‌ କିଦୁ; ସୁସମାଚାର୍‌ ୱେର୍‌ନିକାନ୍‌ ମାରି ମାପୁରୁଦି ବିସ୍‌ବାସ୍‌ତି ସେବାକିନିକାନ୍‌ ୱାଜା ମିର୍‌ ଦୁଃକ୍‌କାସ୍ଟୁ ବୋଗାଦେଙ୍ଗ୍‌ ତିଆର୍‌ ଆଦୁ ।
\p
\v 6 ନା ଜିବନ୍‌ତିଙ୍ଗ୍‌ ସର୍‌ପେ କିଜି ସିଦେଙ୍ଗ୍‌ ଇୟା ଦୁନିଆ ଡ଼ିସ୍‌ସୋ ସନ୍‌ଡ୍ରେଙ୍ଗ୍‌ ବେଡ଼ା ୱାତାତ୍‌ନି । 
\v 7 ଜିବନ୍‌ତି ନେଗି ଜୁଦ୍‌ତାନ୍‌ ନାନ୍‌ ସାନି ୱାଜା ଜୁଦ୍‌ କିଜିନା, ଜିବନ୍‌ ମାନିୱାଲେ ନାନ୍‌ ତିଆର୍‌କିତି ସାରି ଜିଣାତାମାନା । ନା ବିସ୍‌ବାସ୍‌ତୁ ନାନ୍‌ ଡାଟ୍‌ ତେବାତାମାନା । 
\v 8 ଇଲେଇ ନାନ୍‌ ଦାର୍ମୁପାଣିକିନି ଉଣ୍ତିଙ୍ଗ୍‌ ଜିଣାନି ପୁର୍‌ସ୍କାର୍‌ ଇଟ୍‌ତାମାନାନ୍‌, ପେରିଦିନ୍‌ତୁ ନ୍ୟାୟ୍‌କିନି ବିସାର୍‌କିନି ପ୍ରବୁ ନାଙ୍ଗିଁ ଆୟା ପୁର୍‌ସ୍କାର୍‌ ସିନାନ୍‌, କେବଲ୍‌ ନାଙ୍ଗିଁ ସିଲେ; ଜିବନ୍‌ନୋନିକା ବକ୍ତିଦି ୱାଲେ ଆମାକାର୍‌ ୱାନି ୱାନିଦିନ୍‌ତିଙ୍ଗ୍‌ କାପ୍‌କିତା ମାନାର୍‌, ୱିଜେରେ ଇୟା ପୁର୍‌ସ୍କାର୍‌ ପୟ୍‌ନାର୍‌ ।
\s ଲୋକ୍‌ତି ମାଟା
\p
\v 9 ନା ଲାକ୍‌ତୁ ବେଗି ୱାଦେଙ୍ଗ୍‌ ତିଆର୍‌ ଆଦୁ । 
\v 10 \x + \xo ୪:୧୦ \xo*\xt କଲସିୟ ୪:୧୪; ପିଲିମନ ୧:୨୪ \xt*\xt ୨ କରିନ୍ତିୟ ୮:୨୩; ଗାଲାତିୟ ୨:୩; ତିତସ ୧:୪.\xt*\x*ଦିମା ଇୟା ଇଲେଇତି ଦୁନିଆଦିଙ୍ଗ୍‌ ଜିବନ୍‌ନୋଜି ନାଙ୍ଗିଁ ଡ଼ିସ୍‌ତାସରା ମାନାନ୍‌, ୱାନ୍‌ ଇଲେଇ ତେସଲନିକିୟାଦୁ ସର୍‌ଆମାନାନ୍‌, କ୍ରେସ୍‌କେନସ୍‌ ଗାଲାତିଆଦୁ ମାରି ତିତସ ଡଲମାତିଆଦୁ ସର୍‌ଆମାନାର୍‌ । 
\v 11 \x + \xo ୪:୧୧ \xo*\xt କଲସିୟ ୪:୧୪; ପିଲିମନ ୧:୨୪ \xt*\xt ପ୍ରେରିତ ୧୨:୧୨,୨୫; ୧୩:୧୩; ୧୫:୩୭-୩୯; କଲସିୟ ୪:୧୦; ପିଲିମନ ୧:୨୪.\xt*\x*କେବଲ୍‌ ଲୁକ ନା ଲାକ୍‌ତୁ ମାନାନ୍‌ । ମିର୍‌ ଅର୍‌ସେ ମାର୍କଙ୍ଗ୍‌ ଆସ୍‌ସି ୱାନିଦେର୍‌; ମାତର୍‌ ୱାନ୍‌ ନାଙ୍ଗିଁ ନା ପାଣି ସାହାଜ୍ୟ କିଦେଙ୍ଗ୍‌ ଆଟ୍‌ନାନ୍‌ । 
\v 12 \x + \xo ୪:୧୨ \xo*\xt ପ୍ରେରିତ ୨୦:୪; ଏପିସିୟ ୬:୨୧,୨୨; କଲସିୟ ୪:୭,୮.\xt*\x*ତୁକିକସଦିଙ୍ଗ୍‌ ନାନ୍‌ ଏପିସ୍‌ଦୁ ପୋକ୍‌ତାମାନା । 
\v 13 \x + \xo ୪:୧୩ \xo*\xt ପ୍ରେରିତ ୨୦:୬.\xt*\x*ତ୍ରୋୟା ଗାଡ଼୍‌ତୁ କାର୍‌ପସ୍‌ଦି ଲାକ୍‌ତୁ ନାନ୍‌ ଆମା ଆଙ୍ଗିଁ ଡ଼ିସ୍‌ତା ୱାତାମାନା, ମିର୍‌ ୱାନିୱାଲେ ତାନିଙ୍ଗ୍‌ ଅର୍‌ସେ ଆସ୍‌ସି ୱାନି । ନା ବଇଙ୍ଗ୍‌ ନି ତଲୁବଇଙ୍ଗ୍‌ ବା ଆସ୍‌ସି ରାଆ । \fig ସିରାଦାନ୍‌ ତଲୁ ମୁସ୍‌କୁ ରାସାତାମାନାତ୍‌|alt="Scrolls standing by ink well" src="hk00153c.tif" size="col" copy="Horace Knowles ©" ref="୪:୧୩"\fig*
\p
\v 14 \x + \xo ୪:୧୪ \xo*\xt ୧ ତିମତି ୧:୨୦ \xt*\xt ରୋମିୟ ୨:୬.\xt*\x*କଂସାରି ଆଲେକ୍‍ଜାଣ୍ତର୍‍ ନାଙ୍ଗିଁ ନାଣ୍ତ୍‌ କାସ୍ଟୁ କିତାମାନାନ୍‌, ପ୍ରବୁଦିମାଣାନ୍‌ ୱାନ୍‌ ନିଜେଦି ପାଣି ଇସାବ୍‌ତାନ୍‌ ୱାନ୍‌ ଦଣ୍ତ୍‌ ପୟ୍‌ନାନ୍‌ । 
\v 15 ମିର୍‌ ବା ୱାନି ଲାକ୍‌ତୁରାନ୍‌ ଜାଗ୍‌ରାତା ମାନ୍‌ଡ୍ରୁ, ଇରିଙ୍ଗ୍‌ ୱାନ୍‌ ମା ସୁସମାଚାର୍‌ ୱେର୍‌ତେଙ୍ଗ୍‌ ନାଣ୍ତ୍‌ ବିରୁଦ୍‌ କିଜିମାର୍ହାନ୍‌ ।
\p
\v 16 ଆଗ୍‍ଡ଼ିନେ ଏସ୍ତିୱାଲେ ନାଙ୍ଗିଁ ନିଜେଦି ତରିନ୍‌ ସାମ୍‌ନା କିଦେଙ୍ଗ୍‌ ପଡ଼ାତାମାର୍ହାତ୍‌, ଏନ୍‌ ନା ଲାକ୍‌ତୁ ତେବାଏତାର୍‌, ୱିଜେରେ ନାଙ୍ଗିଁ ଡ଼ିସ୍‌ତା ସର୍ହାର୍‌ । ମାପୁରୁ ୱାରି ଇୟା ଦୋସ୍‌ତିଙ୍ଗ୍‌ ଆସ୍‌ମାକିନ୍‌ । 
\v 17 ମାତର୍‌ ମାପୁରୁଦି ୱାଲେ ଏତ୍‌କିଜି ଅଣଜିହୁଦିରି ମାନୁ ନେଗିକାବୁର୍‌ ପ୍ରଚାର୍‌ କିନି ଉଣ୍ତିଙ୍ଗ୍‌ ନାନ୍‌ ନାଣ୍ତ୍‌ ସାକ୍ତି ପୟ୍‌ତାମାନା ମାରି ନାନ୍‌ ପାର୍ଟାନରେସ୍‌ତି ୱେୟୁଦାନ୍‌ ବା ରକିୟା ପୟ୍‌ତାମାନା । 
\v 18 ନା ବିସ୍‌ବାସ୍‌, ପ୍ରବୁ ନାଙ୍ଗିଁ ୱିଜୁ ତାଗ୍‌ଇ ପାଣିଦାନ୍‌ ରକିୟା କିଜି ସାରାସାରିୱେନ୍‌କା ୱାନି ମୁସ୍‌କୁପୁର୍‌ତି ରାଜିଦୁ ଅନାନ୍‌, ୱାନ୍‌ ଜୁଗ୍‌ ଜୁଗ୍‌ ୱାନି ଗୌରବ୍‍ ଆପିତ୍‌ ! ଆମେନ୍‍ ।
\s ସାରାସାରି ନେଗିମାଟା
\p
\v 19 \x + \xo ୪:୧୯ \xo*\xt ପ୍ରେରିତ ୧୮:୨ \xt*\xt ୨ ତିମତି ୧:୧୬,୧୭.\xt*\x*ପ୍ରିସ୍କିଲା, ଆକିଲା ମାରି ଅନିସିପର୍‌ଦି ଇଲୁପରିବାର୍‌ତୁ ନା ମାଡ଼ିସ୍‍କିନିକା ୱେର୍‌ତୁ । 
\v 20 \x + \xo ୪:୨୦ \xo*\xt ପ୍ରେରିତ ୧୯:୨୨; ରୋମିୟ ୧୬:୨୩ \xt*\xt ପ୍ରେରିତ ୨୦:୪; ୨୧:୨୯.\xt*\x*ଏରାଷ୍ଟ କରନ୍ତିଦୁ ତେବାତା ମାନାର୍‌, ତ୍ରପିମସ୍‌ଙ୍ଗ୍‌ ୱାନି ନବ୍‌ତି ଉଣ୍ତିଙ୍ଗ୍‌ ନାନ୍‌ ମିଲିଟସ୍‍ଦୁ ଡ଼ିସ୍‌ତା ୱାତାମାନା । 
\v 21 ପିନି କାଡ଼ା ଆଗ୍‍ଡ଼ିନେ ଇବେନୁ ୱାଦେଙ୍ଗ୍‌ ସେସ୍ଟା କିଦୁ ।
\p ଇଉବୁଲସ୍‌, ପୁଦେନସ୍‌, ଲିନସ୍‌, କ୍ଳାଦିଆ ମାରି ଇବେଣିକାର୍‌ ଆଇଆଇ କ୍ରିସ୍ତବିସ୍‌ବାସ୍‌ସିର୍‌ ତଡ଼ାନ୍‌କୁ ମିଙ୍ଗିଁ ମାଡ଼ିସ୍‍କିନିକା ଜାଣେକିଜିନାର୍‌ ।
\p
\v 22 ପ୍ରବୁ ମି ଆତ୍ମାଦୁ ତେବାପିନ୍‌ ।
\p ମାପୁରୁଦି ଦୟା ମି ୱିଜେରି ୱାଲେ ମାନିତ୍‌ ।