\id 2TH - Kopo
\ide UTF-8
\h ୨ ତେସଲନିକିୟ
\toc3 ୨ ତେସଲନିକିୟ
\toc2 ୨ ତେସଲନିକିୟ
\toc1 ତେସଲନିକିୟ ମଣ୍ତଲିଦୁ ପାଉଲଦି ମାରିଉଣ୍ତ୍ରି ଆକୁ
\mt2 ତେସଲନିକୀୟମାନଙ୍କ ନିକଟକୁ ପାଉଲଙ୍କ ଦ୍ୱିତୀୟ ପତ୍ର
\mt1 ତେସଲନିକିୟ ମଣ୍ତଲିଦୁ ପାଉଲଦି ମାରିଉଣ୍ତ୍ରି ଆକୁ
\imt ତେସଲନିକିୟ ଆକୁ ବିସୟ୍‌ତାନ୍‌ ଏସ ମାଟା
\ip ତେସଲନିକିୟ ମଣ୍ତଲିଦୁ ମାରିଉଣ୍ତ୍ରି ଆକୁ ପ୍ରେରିତ ପାଉଲତି ମାଣାନ୍‌ ରାସାତାମାର୍ହାତ୍‌ \xt ୧:୧\xt* । ୧ ତେସଲନିକିୟଦି ସାଣେକ୍‌ ବେଡ଼ା ୱେନ୍‌କା କ୍ରିସ୍ତଦି ଜନମ୍‌ତି ୫୧ ବାର୍ସେକ୍‌ ୱେନ୍‌କା ଇୟା ଆକୁ ରାସାତାମାର୍ହାନ୍‌ । ପାଉଲ ଏସ୍ତିୱାଲେ ତେସଲନିକିୟ ମଣ୍ତଲିଦିଙ୍ଗ୍‌ ସିଟି ରାସ୍‌ତାନ୍‌, ନାସ୍ତିୱାଲେ ୱାନ୍‌ କରିନ୍ତିୟ ମଣ୍ତଲିଦୁ ମାର୍ହାନ୍‌ । ଆମା ମଣ୍ତଲି ୱାନ୍‌ ମାରିଉଣ୍ତ୍ରିଦେବା ସନିକା ତିଆର୍‌ କିତାମାର୍ହାନ୍‌ \xt ପ୍ରେରିତ ୧୭:୧-୧୦\xt* ।
\ip ପ୍ରେରିତ ବଇଦୁ ଇନାୟ୍‌ଆନାତ୍‌ ଜେ, ଏସ ଜିହୁଦି ମାରି ଏସ ଗ୍ରିକ୍‌ ବାସା ଇଜିମାନି ଲୋକା ମାଣାନ୍‌ ଇୟା ତେସଲନିକିୟ ମଣ୍ତଲି ତିଆର୍‌ କିଆୟ୍‌ଆତାମାର୍ହାତ୍‌ । ତେସଲନିକିୟ ମଣ୍ତଲି ଲାକ୍‌ତୁ ରାସାତିମାନି ସିଟିଦୁ କ୍ରିସ୍ତଦି ୱାଜିନିଦିନ୍‌ ମାରି ସାରାସାରି ବେଡ଼ା ବିସୟ୍‌ତାନ୍‌ ରାସାତାମାନାତ୍‌ । ଇରିଙ୍ଗ୍‌ ପାଉଲ ରୁଣ୍ତି ୱାନି ଆକୁଦୁ ତେସଲନିକିୟ ମଣ୍ତଲି ଲାକ୍‌ତୁ ଇୟା ମାରିଉଣ୍ତ୍ରିଦେବା ୱାଜିନିଦିନ୍‌ ବିସୟ୍‌ତାନ୍‌ ନାଣ୍ତ ବିସୟ୍‌ତାନ୍‌ ରାସ୍‌ତାମାନାନ୍‌ । ୨ ତେସଲନିକିୟଦୁ ରାସାତି ବିସୟ୍‌ ପାକାପାକି ଆଦାବାଗ୍‌ ବିସୟ୍‌ ସାରାସାରି ବେଡ଼ାଦି ବିସୟ୍‌ତୁ ଆନାତ୍‌ । ପାଉଲ ବା ଗାଡ଼ିଆ ବିସୟ୍‌ତାନ୍‌ ଜାଗାର୍‌ତା କିନାନ୍‌ । ୱିଜେରେ ଲୋକୁ ୱାରି କାଦି ଉଣ୍ତିଙ୍ଗ୍‌ ପାଣି କିନିକା ମାନାତ୍‌ \xt ୩:୬-୧୦\xt* ।
\iot ଇୟା ଆକୁଦୁ ମାନି ଏସ ମୁକିୟ ବିସୟ୍‌
\io1 ୧. ପାଉଲ ୱାନି ସିଟିଦୁ ନିଜେଦିକା ମାରି ଅର୍‌ସେପାଣିକିନିୱାରି ପରିଚୟ ୱେର୍‌ସି ଆରାମ୍‌ କିନାନ୍‌ । \ior ୧:୧-୨\ior*
\io1 ୨. ମାରି ତେସଲନିକିୟ ମଣ୍ତଲି ଉଣ୍ତିଙ୍ଗ୍‌ ମାପୁରୁଙ୍ଗୁଁ ଦନ୍ୟବାଦ୍‌ ସିନାନ୍‌ ମାରି ପାର୍‌ତନା କିନାନ୍‌ । \ior ୧:୩-୧୨\ior*
\io1 ୩. ଜଗତ୍‌ତି ସାରାସାରି ବେଡ଼ା ବିସୟ୍‌ତାନ୍‌ ୱେର୍‌ନାନ୍‌ । \ior ୨\ior*
\io1 ୪. ମାରି ୱାନ୍‌ ଗାଡ଼ିଆ ବିରୁଦ୍‌ତାନ୍‌ ମାରି ପାଣି କିନି ବିସୟ୍‌ତାନ୍‌ ୱେର୍‌ନାନ୍‌ । \ior ୩:୧-୧୫\ior*
\io1 ୫. ପାଉଲ ମାରିଡ଼େସି ମଣ୍ତଲିଦି ଲୋକାଙ୍ଗ୍‌ ନମସ୍କାର୍‌ କିଜି ୱିସ୍‌ନାନ୍‌ । \ior ୩:୧୬-୧୮\ior*
\c 1
\p
\v 1 \x + \xo ୧:୧ \xo*\xt ପ୍ରେରିତ ୧୭:୧.\xt*\x*ପାଉଲ, ସିଲା ମାରି ତିମତି ମା ବୁବା ମାପୁରୁ ମାରି ପ୍ରବୁ ଜିସୁ କ୍ରିସ୍ତଦିମାନୁ ମାନି ତେସଲନିକିଆ ମଣ୍ତଲି ଲାକ୍‌ତୁ ଇୟା ବଇ ରାସ୍‌ସିନା ।
\p
\v 2 ମା ବୁବା ମାପୁରୁ ମାରି ପ୍ରବୁ ଜିସୁ କ୍ରିସ୍ତ ମିଙ୍ଗିଁ ଦୟା ନି ସାନ୍ତି ସିପିନ୍‌ ।
\s କ୍ରିସ୍ତଦି ୱାନିଦିନ୍‌ତି ବିଚାର୍‌
\p
\v 3 ଏ ତଡ଼ାନ୍‌କୁ ନି ତାଙ୍ଗିଁକି, ମି ଉଣ୍ତିଙ୍ଗ୍‌ ମାପୁରୁଙ୍ଗ୍‍ଁ ୱିଜୁଦିନ୍ ଦନ୍ୟବାଦ୍‌ ସିନିକା ମା ଦର୍‌କାର୍‌ । ମା ତରିନ୍‌ ଇକା ଟିକ୍‌ ଇଜି ମାପ୍‌ ଅଡ଼୍‌ବିଜିନାପ୍‌, ଇରିଙ୍ଗ୍‌ ମି ବିସ୍‌ବାସ୍‌ ନାଣ୍ତ୍‌ ପିର୍‍ଜିନାତ୍‌ ମାରି ମିର୍‌ ନିଜେନିଜେଦିଙ୍ଗ୍‌ ନାଣ୍ତ୍‌ ଜିବନ୍‌ନୋଜିନିଦେର୍‌ । 
\v 4 ଆଦେଙ୍ଗ୍‌ ମାପୁରୁଦି ପାର୍‍ତନାକିନି ମଣ୍ତଲିଆଙ୍ଗାଁ ମିଙ୍ଗିଁ ଅସି ମାପ୍‌ ଗାର୍ବୁ କିନାମାନାପ୍‌ । ମିର୍‌ ଏଣ୍ତେସ୍‌ ଆମା ୱିଜୁ ତାଡ଼ନା ମାରି ଦୁଃକ୍‌କାସ୍ଟୁ ସାସ୍‌ କିଜି ନିଜେଦି ବିସ୍‌ବାସ୍‌ତୁ ଇନିଙ୍ଗାଁ ଆନିଙ୍ଗାଁ ଆଏଣ୍‌ଗା ତେବାତିମାନିଦେର୍‌ । ଇୟା ମାଟା ମାଡୁ ଗର୍ବଦାନ୍‌ ୱେର୍‌ନା ମାନାପ୍‌ ।
\p
\v 5 ଇୟା ୱିଜୁମାଣାନ୍‌ ପାରାମାଣ୍‌ ଆଜିନାତ୍‍ ଜେ, ମାପୁରୁଦି ବିସାର୍‌ ଟିକ୍‍ ମାରି ମିର୍‌ ୱାନି ରାଜିଦି ଜଗ୍‍ ଆନିଦେର୍‌, ଇରିଙ୍ଗ୍‌ ଆୟା ରାଜି ଉଣ୍ତିଙ୍ଗ୍‌ ମିର୍‌ ଦୁଃକ୍‌ ବୋଗାଜିନିଦେର୍‌ । 
\v 6 ଆମାକା ନ୍ୟାୟ୍‌ତିକା, ମାପୁରୁ ଆକା ପୁରା କିନାନ୍‌ । ଆମାକାର୍‌ ଇଲେଇ ମିଙ୍ଗିଁ କାସ୍ଟୁ ସିଜିନାର୍‌, ୱାର୍‌ କାସ୍ଟୁ ପୟ୍‌ନାର୍‌ । 
\v 7 ମାପୁରୁ ମିଙ୍ଗିଁ ନି ମାଙ୍ଗିଁ ବା ୱିଜୁ ଦୁଃକ୍‌ ବୋଗ୍‍ତାନ୍‍ ରମିସ୍‌ କିନାନ୍‌ । ମାପୁରୁ ଇୟା ପାଣି ପୁରା କିନାନ୍‌, ନାସ୍ତିୱାଲେ ପ୍ରବୁ ଜିସୁ ୱାନି ପେରି ସାକ୍ତିଦାନ୍‌ ଦୁତ୍‌କା ୱାଲେ ମୁସ୍‌କୁପୁର୍‌ତାନ୍‌ ରେତାନାନ୍‌ । 
\v 8 ଆମାକାର୍‌ ମାପୁରୁଙ୍ଗ୍‌ ନେସ୍‌ଏର୍‌ ମାରି ମା ପ୍ରବୁ ଜିସୁଦି ସୁସମାଚାର୍‌ ମାନାଏର୍‌, ଆୟା ଲୋକାଙ୍ଗ୍‌ ସାସ୍ତି ସିନି ଉଣ୍ତିଙ୍ଗ୍‌ ୱାନ୍‌ ନାସ୍ତିୱାଲେ କାସ୍‌ସିମାନି ସିସୁଦୁ ପକ୍‍ନାନ୍‌ । 
\v 9 ଆୟା ଲୋକୁ ପ୍ରବୁଦି ଆଗ୍‍ଡ଼ିରାନ୍‍ ମାରି ପରାକ୍ରମ୍‌ଦି ଗୌରବ୍‌ଦାନ୍‌ ୱେର୍‌ଏ ଆଜି ୱିଜୁଦିନ୍‌ତି ଉଣ୍ତିଙ୍ଗ୍‌ ନାସ୍ଟୁ ଆନାର୍‌ । 
\v 10 ମାତର୍‌ ଆୟା ନାଣ୍ତିଙ୍ଗ୍‌ ୱାନ୍‌ ୱାରି ଲୋକାମାଣୁକୁ ମାରି ୱିଜେରି ବିସ୍‌ବାସ୍‌ତି ଲୋକା ମାଣ୍‌କୁ ସନ୍‌ମାନ୍‌ ମାରି ଗୌରବ୍‍ ପୟ୍‌ନାନ୍‌ । ଇୟାୱାରି ମାଣ୍‌କୁ ମିର୍‌ ବା ମିସାନିଦେର୍‌, ଇରିଙ୍ଗ୍‌ ମାପ୍‌ ମିଙ୍ଗିଁ ଆମା କାବୁର୍‌ ସିତାମାର୍ହାପ୍‌, ଆବେନ୍‌ ମିର୍‌ ବିସ୍‌ବାସ୍‌ କିତିମାନିଦେର୍‌ ।
\p
\v 11 ଆୟାଉଣ୍ତିଙ୍ଗ୍‌ ମାପ୍‌ ୱିଜୁଦିନ୍ ମି ଉଣ୍ତିଙ୍ଗ୍‌ ପାର୍‌ତାନା କିଜିନାପ୍‌ । ମିଙ୍ଗିଁ ଆମା ଜିନି ମାଡ଼ିନି ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ କୁକ୍‌ତାମାନାନ୍‌, ଆକା କିଦେଙ୍ଗ୍‌ ଇଜି ମାପ୍‌ ମାପୁରୁଙ୍ଗ୍‌ ମାଡ଼ିସ୍‌ କିଜିନାପ୍‌ । ୱାନି ସାକ୍ତିଦାନ୍‌ ୱାନ୍‌ ମି ୱିଜୁ ସତ୍‍ପାଣି ପୁରା କିଜି ମି ବିସ୍‌ବାସ୍‌ତିଙ୍ଗ୍‌ ପିରିସ୍‌କିଜି ପୁରା କିନାନ୍‌ । 
\v 12 ଆର୍‌ତିଙ୍ଗ୍‌ ମା ମାପୁରୁ ମାରି ପ୍ରବୁ ଜିସୁ କ୍ରିସ୍ତଦି ଦୟାଦାନ୍‌, ମିର୍‌ ମା ପ୍ରବୁ ଜିସୁଦି ଦର୍‌ତିଙ୍ଗ୍‌ ଗୌରବ୍‍ କିଦେଙ୍ଗ୍‌ ଆଟ୍‌ନିଦେର୍‌ ମାରି ମିଙ୍ଗିଁ ବା ୱାନ୍‌ ଗୌରବ୍‍ କିନାନ୍‌ ।
\c 2
\s ତାଗ୍‌ଇ ଲୋକ୍‌
\p
\v 1 \x + \xo ୨:୧ \xo*\xt ୧ ତେସଲନିକିୟ ୪:୧୫-୧୭.\xt*\x*ଏ ତଡ଼ାନ୍‌କୁ ନି ତାଙ୍ଗିଁକି, ପ୍ରବୁ ଜିସୁ କ୍ରିସ୍ତଦି ଡ଼େସିୱାନିଦିନ୍‌ତି ବିସୟ୍‌ତାନ୍‌ ମାରି ୱାନି ଲାକ୍‌ତୁ ମାଡ୍‌ ୱିଜେରେ ଉନ୍‌ଡ୍ରେମାନୁ ଆନି ବିସୟ୍‌ତାନ୍‌ ମିଙ୍ଗିଁ ବାତିଙ୍ଗ୍‌ମାଲ୍‍ଜିନାପ୍‌ । 
\v 2 ପ୍ରବୁଦି ଦିନ୍‌ ୱାତାତ୍‌ନି ଇଜି ଏମାଣାନ୍‌ ୱେନ୍‌ଞ୍ଜି ମିର୍‌ ଇନ୍‌ଙ୍ଗାଁଆନିଙ୍ଗାଁ ମାରି ବେମ୍ରି ଆମାଟ୍‌ । ମାପ୍‌ ପ୍ରଚାର୍‍ କିନିୱାଲେ ଇୟାୱାଜା ଇନି ମାଟା ୱେର୍‌ତାମାନାପ୍‌ ମାରି ଇୟା ବିସୟ୍‌ତାନ୍‌ ଇନିକା ରାସ୍‌ସି ୱେର୍‌ତାମାନାପ୍‌ ଇଜି ଏସଲୋକାଙ୍ଗ୍‌ ଏତ୍‌ ମାନାତ୍‌ । 
\v 3 ଇୟାୱାଜା ୱେର୍‍ସି ମିଙ୍ଗିଁ ଏନ୍‌ ଏଣ୍ତେସ୍‌ ୱାଜାବା ବେମ୍ରି କିମାକିନ୍‌ । ମାପୁରୁଦି ବିରୁଦ୍‌ତାନ୍‌ ସାରାସାରିୱେନ୍‌କାରି ଜୁଦ୍‌ ଗଟାଇ ସାନ୍ଦି ମାରି ଆୟା ଅଦାର୍ମୁଦି ଲୋକ୍‌ ପୁରାୱେର୍‌ଇ ସାନ୍ଦି ମାରି ୱାନିଙ୍ଗ୍‌ ନର୍‌କଦି ପୋକ୍‌ଇ ସାନ୍ଦି ପ୍ରବୁଦି ଆୟା ଦିନ୍‌ ରେଏତ୍‌ । 
\v 4 ଆୟା ତାଗ୍‌ଇଆତ୍ମା ଲୋକାଦି ୱାର୍‌ଗିଜିସାନିକା ୱିଜୁ ପୁଜାଦି ଦିୟାମ୍‌ ମାରି ପୁଜାସିତି ଜିନିସ୍‍ତି ବିରୁଦ୍‍ କିନାତ୍‌ ମାରି ନିଜେଦିଙ୍ଗ୍‌ ୱିଜେରିଙ୍ଗ୍‌ ମୁସ୍‌କୁ ଇଡାୟ୍‌ଆଦେଙ୍ଗ୍‌ ଆସା କିନାତ୍‌ । ଇୟାୱାଜା ଜେ ୱାନ୍‌ ମାପୁରୁଦି ମନ୍ଦିର୍‌ତୁ ବାସ୍‌ସି ନିଜେଦିଙ୍ଗ୍‌ ମାପୁରୁ ଇଜି ତରାନାତ୍‌ ।
\p
\v 5 ମିଙ୍ଗିଁ ଇନିକା ଏତ୍‌ ସିଲେତ୍‌ ? ନାନ୍‌ ମି ୱାଲେ ମାର୍‌ଇୱାଲେ ମିଙ୍ଗିଁ ଇୟାୱିଜୁ ବିସୟ୍‌ ୱେର୍‌ତାମାର୍‌ଆ । 
\v 6 ଏଣ୍ତେସ୍‍ବା ଆୟା ସନିରାଉ ଇଲେଇ ଗଟାଏତ୍‌, ଇରିଙ୍ଗ୍‌ ତାନିଙ୍ଗ୍‌ ବିରୁଦ୍‍ କିଦେଙ୍ଗ୍‌ ଇଲେଇ ଉନ୍‌ଡ୍ରି ସାକ୍ତି ମାନାତ୍‌, ଆକା ଇନିକା ମିର୍‌ ନେସ୍‌ନିଦେର୍‌ ! ମାତର୍‌ ଆୟା ବେଡ଼ାଦୁ ଆୟା ତାଗ୍‌ଇଦୁବା ଇଗାୱାନାତ୍‌ । 
\v 7 ଇୟାଦାପ୍ରେ ୱାନି ମାର୍‌ଗିତିମାନି ତାଗ୍‌ଇ ପାଣି କିଜିନାତ୍‌; ମାତର୍‌ ୱାନି ବିରଦ୍‌କିତି ଲୋକ୍‌ ଆକ ସଲ୍‌ଇ ସାନ୍ଦି ଆୟା ଗଟଣେଙ୍ଗ୍‌ ଗଟେଆଉ । 
\v 8 ତାନେୱେନ୍‌କା ଆୟା ତାଗ୍‌ଇ ଦୁବା ଇଗାୱାନାତ୍‌; ମାତର୍‌ ଏସ୍ତିୱାଲେ ପ୍ରବୁ ଜିସୁ ୱାନାନ୍, ୱାନ୍‌ ୱାନି ୱେୟୁଦି ପୁଣ୍ତାଦାନ୍‌ ତାନିଙ୍ଗ୍‌ ଜୁଦ୍‌ କିନାନ୍‌, ମାରି ୱାନି ଜାୟ୍‌ତି ଆଗ୍‌ଡ଼ି ୱାନ୍‌ ଦଂସ୍‌ ଆନାନ୍‌ । 
\v 9 \x + \xo ୨:୯ \xo*\xt ମାତିଉ ୨୪:୨୪.\xt*\x*ଆୟା ତାଗ୍‌ଇଦୁବା ସୟ୍‌ତାନ୍‌ତି ସାକ୍ତିଦାନ୍‌ ନାଣ୍ତ୍‌ଡାଟ୍‌ ଆଜି ୱାନାତ୍ ମାରି ନାଣ୍ତ କାବାଆନି ପାଣି କିଜି ସାଲାକି କିନାତ୍‌ । 
\v 10 ଗାଦିଲୋକ୍‌ ୱାନି ମାଟା ଆସ୍‌ସି ବାୟା ଆଜି ନାସ୍ଟୁ ଆନାର୍‌ । ଆମା ସତ୍‌ତିଙ୍ଗ୍‌ ମାନାଜି ୱାନି ଉଣ୍ତିଙ୍ଗ୍‌ ମିସାଆଜିମାନି ମାଣାନ୍‌ ୱାର୍‌ ରକିୟା ପୟ୍‌ତାର୍‌ମାନ୍ଧି, ତାନିଙ୍ଗ୍‌ ମାନାଏତି ମାନିଙ୍ଗ୍‌ ୱାରି ଇୟା ଦଣ୍ତ୍‌ ଆନାତ୍‌ । 
\v 11 ମାରି, ଇୟାଉଣ୍ତିଙ୍ଗ୍‌ ୱାର୍‌ ଏଣ୍ତେସ୍‌ ମିଚ୍‌ତାନ୍‌ ବିସ୍‌ବାସ୍‌ କିନାର୍‌, ଆୟାଉଣ୍ତିଙ୍ଗ୍‌ ମାପୁରୁ ୱାରି ଲାକ୍‌ତୁ ବାୟାଆନି ସାକ୍ତି ପୋକ୍‌ନାନ୍‌ । 
\v 12 ଆମାକାର୍‌ ସତ୍‌ତାନ୍‌ ବିସ୍‌ବାସ୍‌ କିଏର୍‌, ମାତର୍‌ ଅଦାର୍ମୁପାଣିଦୁ ୱେଡ଼ିକା କିନାର୍‌, ୱାର୍‌ ୱିଜେରେ ଇୟାୱାଜା ବିଚାର୍‌ ଆନାର୍‌ ।
\s ମିର୍‌ ରକିୟା ଉଣ୍ତିଙ୍ଗ୍‌ ମନୋନିତ
\p
\v 13 ଏ ତଡ଼ାନ୍‌କୁ ନି ତାଙ୍ଗିଁକି, ମି ଉଣ୍ତିଙ୍ଗ୍‌ ମାପୁରୁଙ୍ଗ୍‌ ୱିଜୁଦିନ୍ ଦନ୍ୟବାଦ୍‌ ସିନିକା ନେଗେତ୍‌ । ମାତର୍‌ ପ୍ରବୁ ମିଙ୍ଗିଁ ଜିବନ୍‌ନୋନାନ୍‌ । ସତ୍‌ତାନ୍‌ ମି ବିସ୍‌ବାସ୍‌ ଉଣ୍ତିଙ୍ଗ୍‌ ମାପୁରୁ ମିଙ୍ଗିଁ ପ୍ରାତୁମ୍‌ତି ୱାଜା ଆସ୍‌କିତାମାନାନ୍‌ ଏଣ୍ତେସ୍‌ ପବିତ୍ରଆତ୍ମାଦି ସାକ୍ତିଦାନ୍‌ ମିର୍‌ ରକ୍‌ୟା ପୟ୍‌ନିଦେର୍‌ ମାରି ଉନ୍‌ଡ୍ରି ପବିତ୍ର କୁଟୁମ୍‌ ଆନାତ୍‌ । 
\v 14 ମି ଲାକ୍‌ତୁ ମାପ୍‌ ଆମା ସୁସମାଚାର୍‌ ପ୍ରଚାର୍‍ କିତାମାନାପ୍‌, ୱାନି ମାଣାନ୍‌ ମାପୁରୁ ମିଙ୍ଗିଁ ଇୟାଉଣ୍ତିଙ୍ଗ୍‌ କୁକ୍‌ତାମାନାନ୍‌ । ମା ପ୍ରବୁ ଜିସୁ କ୍ରିସ୍ତଦି ଗୌରବ୍‌ଦୁ ମିସାକିନି ଉଣ୍ତିଙ୍ଗ୍‌ ୱାନ୍‌ ମିଙ୍ଗିଁ କୁକ୍‌ତାମାନାନ୍‌ । 
\v 15 ଏ ତଡ଼ାନ୍‌କୁ ନି ତାଙ୍ଗିଁକି, ମା ପ୍ରଚାର୍‍ ମାରି ମା ବଇଦୁ ମାପ୍‌ ମି ଲାକ୍‌ତୁ ଆମା ସତ୍‍ ୱେର୍‌ତା ମାନାପ୍‌, ତାନିଙ୍ଗ୍‌ ଡାଟ୍‌ତାନ୍‌ ଆସ୍‌ସ ଇଡ୍‌ଦୁ; ଆବେନ୍‌ ତିଲାଏଣ୍‌ଗା ମାନ୍‌ଡ୍ରୁ ।
\p
\v 16 ମା ପ୍ରବୁ ଜିସୁ କ୍ରିସ୍ତ ନିଜେ ମାରି ମା ଆମା ବୁବା ମାପୁରୁ ମାଙ୍ଗିଁ ଜିବନ୍‌ନୋଜି ଦୟାଦାନ୍‌ ମାଙ୍ଗିଁ ଡାଟ୍‌ତି ସାସ୍‌ ମାରି ନେଗି ଆସା ସିତାମାନାନ୍‌ । 
\v 17 ୱାନ୍‌ ମି ଜିବନ୍‌ତିଙ୍ଗ୍‌ ୱିଜୁଦିନ୍ ସତ୍‍ ପାଣି କିଦେଙ୍ଗ୍‌ ମାରି ସତ୍‍ ବାକ୍ୟ ୱେର୍‍ତେଙ୍ଗ୍‍ ପୋକ୍‌ସି ମାରି ବପୁ ସିପିନ୍‌ ।
\c 3
\s ମା ଉଣ୍ତିଙ୍ଗ୍‌ ପାର୍‌ତାନା କିଦୁ
\p
\v 1 ସାରାସାରିୱେନ୍‌କା, ଏ ତଡ଼ାନ୍‌କୁ ନି ତାଙ୍ଗିଁକି, ମା ଉଣ୍ତିଙ୍ଗ୍‌ ପାର୍‌ତାନା କିଦୁ, ଏଣ୍ତେସ୍‌ ପ୍ରବୁଦି ବାକ୍ୟ ଦାପ୍ରେ ୱେଙ୍ଗିଁତା ମାର୍ହାତ୍‌, ଆକା ଏଣ୍ତେସ୍‌ ମି ଲୋଇ ଆୟାୱାଜା ଦନ୍ୟବାଦ ଲାବ୍‌ କିନାତ୍‌ । 
\v 2 ମାରି ବା ପାର୍‌ତାନା କିଦୁ, ମାପୁରୁ ଏଣ୍ତେସ୍‌ ମାଙ୍ଗିଁ ତାଗ୍‌ଇଲୋକୁ ମାରି ସୁରି ଲୋକାମାଣାନ୍‍କୁ ରକିୟା କିନାନ୍‌, ଇରିଙ୍ଗ୍‌ ୱିଜେରେ ସୁସମାଚାର୍‌ତୁ ବିସ୍‌ବାସ୍‌ କିଏର୍‌ । 
\v 3 ମାତର୍‌ ପ୍ରବୁ ବିସ୍‌ବାସ୍‌ତିକାନ୍‌ ! ୱାନ୍‌ ମିଙ୍ଗିଁ ସାକ୍ତି କିନାନ୍‌ ମାରି ତାଗ୍‌ଇ ଆତ୍ମାଦାନ୍‌ ରକ୍‌ୟା କିନାନ୍‌ । 
\v 4 ମି ମୁସ୍‌କୁ ଆସା ଇଡ୍‌ଦେଙ୍ଗ୍‌ ପ୍ରବୁ ମାଙ୍ଗିଁ ଆସା ସିତାମାନାନ୍‌ ମାରି ମାପ୍‌ ଆମାକା ୱେର୍‌ସିନାପ୍‌, ଆକା ମିର୍‌ ଜେ କିଜିନିଦେର୍‌ ମାରି କିଜିମାନିଦେର୍‌, ଇୟା ବିସୟ୍‌ତାନ୍‌ ମାପ୍‌ ଜେ ନେସ୍‌ନାପ୍‌ । 
\v 5 ମାପୁରୁଦି ଜିବନ୍‌ନୋନିକା ମାରି କ୍ରିସ୍ତସିତିମାନି ସାସ୍‌ଆସ୍‌ନି ନାଣ୍ତଦାନ୍‌ ନାଣ୍ତ୍‌ ନେସ୍‌ନି ଉଣ୍ତିଙ୍ଗ୍‌ ପ୍ରବୁ ମିଙ୍ଗିଁ ସାକା ଆପିନ୍‌ ।
\s ୱିଜେରେ ପାଣି କିନିକା ମାନାତ୍‌
\p
\v 6 ଏ ତଡ଼ାନ୍‌କୁ ନି ତାଙ୍ଗିଁକି, ଆମାକାର୍‌ ଗାଡ଼ିଆ ଜିବନ୍‌ତାନ୍‌ ଜିଜିନାନ୍‌ ମାରି ମା ମାଣ୍‌କୁ ପୟ୍‌ତି ସିକିୟା ଇସାବ୍‌ତାନ୍‌ ପାଣି କିଏନ୍‌; ପ୍ରବୁ ଜିସୁ କ୍ରିସ୍ତଦି ଦର୍‌ତାନ୍‌ ମିଙ୍ଗିଁ ଇୟା ମାଟା ୱେର୍‌ସିନାପ୍‌, ଆୟା ତଡ଼ାନ୍‌କାମାଣୁକୁ ଆକ ମାନ୍‌ଡ୍ରୁ । 
\v 7 ଏଣ୍ତେସ୍‌ବା ମିର୍‌ ନେସ୍‌ତିମାନିଦେର୍‌, ମି ପାଣିକିତି ୱେନ୍‌କା ମାଙ୍ଗିଁ ଏତ୍‌ କିନିକା ମାନାତ୍‌ । ମି ୱାଲେ ତେବାତିମାର୍‌ଇ ୱାଲେ ମାପ୍‌ ଗାଡ଼ିଆ ଆଏପ୍‌ ମାର୍ହାପ୍‌ । 
\v 8 ମାରି ଇନିକା ସିଲେଣେଗା ମାପ୍‌ ଏମାଣାନ୍‌ ଜାୱା ଉଣୁଏପ୍‌ ମାର୍ହାପ୍‌, ମାରି ଏ ମୁସ୍‌କୁ ବୋଜୁ ଆଇ ଉଣ୍ତିଙ୍ଗ୍‌ ମାପ୍‌ କାସ୍ଟୁ ପୟ୍‌ଜି ୱେଡ଼େନାଡ଼ା ପାଣି କିତାମାର୍ହାପ୍‌ । 
\v 9 ମିମାଣୁକୁ ଇନିକା ଲସ୍‌ତେଙ୍ଗ୍‌ ଜେ ମା ଅଦିକାର୍‌ ସିଲେତ୍‌, ଆକା ସିଲେ, ମାତର୍‌ ଏଣ୍ତେସ୍‌ ମିର୍‌ ମାଙ୍ଗିଁ ଏତ୍‌ କିଦୁ; ଇୟାଉଣ୍ତିଙ୍ଗ୍‌ ମାପ୍‌ ମି ଲାକ୍‌ତୁ ନିଜେ ନିଜେଦିଙ୍ଗ୍‌ ନେଗିକାନ୍‌ ୱାଜା ତର୍‌ତେଙ୍ଗ୍‍ଁ ଇଜି ଆୟାୱାଜା କିତାପ୍‌ । 
\v 10 ମି ୱାଲେ ମାର୍‌ଇବେଡ଼ାଦୁ ମାପ୍‌ ମିଙ୍ଗିଁ ୱେର୍‌ତାମାର୍ହାପ୍‌, “ଆମା ଲୋକ୍‌ ପାଣି କିଦେଙ୍ଗ୍‌ ବଦା କିଏନ୍‌, ୱାନ୍‌ ଉଣୁମାକିନ୍‌ ।”
\p
\v 11 ଇୟା ମାଟା ମାରି ୱେର୍‌ସିନାପ୍‌, ଇରିଙ୍ଗ୍‌ ମାପ୍‌ କାବୁର୍‌ ୱେର୍‌ଆମାନାପ୍‌ ଜେ, ମି ଲୋଇରାନ୍‌ ଏସଲୋକ୍‌ ଗାଡ଼ିଆ ଜିବନ୍‌ତାନ୍‌ ଜିଜିନାର୍‌ ମାରି ଆଇ ଲୋକା ପାଣିଦୁ ଆର୍‍ଏ ତେବାନିକା ଡ଼ିସ୍‌ସି ଆଇକା ଇନିକା କିଏର୍‌ । 
\v 12 ପ୍ରବୁ ଜିସୁ କ୍ରିସ୍ତଦି ଦର୍‌ତାନ୍‌ ମାପ୍‌ ଆୟା ଲୋକାଙ୍ଗ୍‌ ଜାଗାର୍‌ତା କିଜି ଆଦେସ୍‌ ସିଜିନାପ୍‌, ୱାରି ଜିବନ୍‌ତୁ ମାରି ଅଡ଼ପ୍‍ ସେତା ଆଜି ନିଜେଦି ଜିନିକା ତିଆର୍‌ କିଦୁ ।
\p
\v 13 ମାତର୍‌ ତଡ଼ାନ୍‌କୁ ନି ତାଙ୍ଗିଁକି, ମିର୍‌ ନେଗିପାଣି କିଦେଙ୍ଗ୍‌ ୱାନ୍ଦ୍‍ମାଟ୍‌ । 
\v 14 ଇୟା ଆକୁଦୁ ମିଙ୍ଗିଁ ଆମାକାବୁରୁ ପୋକ୍‌ତାଜିନାପ୍‌, ଆତିଙ୍ଗ୍‌ ମି ଲୋଇରାନ୍ ଏନ୍‌ ଆକା ମାନାଦେ‍ଙ୍ଗ୍ ବଦା କିଏନ୍‌ । ଆୟାୱାଜା ଲୋକ୍‌ତିଙ୍ଗ୍‍ ଚିନିସ୍‌କିଜ ଇଡ୍‍ଦୁ ମାରି ୱାନି ୱାଲେ ମି ମିସାବିଡ଼ା ଡ଼ିସ୍‍ସସିଦୁ । ଆର୍‌ତିଙ୍ଗ୍‌, ୱାନ୍‌ ସେମାର୍ ଆନାନ୍‌ । 
\v 15 ମାତର୍‌ ୱାନି ଉଣ୍ତିଙ୍ଗ୍‌ ସାତ୍ରୁ ଇଜି ଅଡ଼ବିମାଟ୍, ତଡ଼ାନ୍‌ ୱାଜା ୱାନିଙ୍ଗ୍‌ ଜାଗାର୍‌ତା କିଦୁ ।
\s ସାରାସାରି ମାଟା
\p
\v 16 ଆମା ପ୍ରବୁ ମା ସାନ୍ତି ସିନାନ୍‍, ୱାନ୍‌ ମିଙ୍ଗିଁ ୱିଜୁଦିନ୍ ସାନ୍ତି ସିପିନ୍‌ । ପ୍ରବୁ ମି ୱିଜେରି ଲାକ୍‌ତୁ ମାନିନ୍ । 
\v 17 ନାନ୍‌ ନିଜେଦି କିୟୁଦାନ୍‌ ଇକା ରାସ୍‌ସିନା “ପାଉଲଦିମାଣାନ୍‌ ମାଡ଼ିସ୍‍କିନିକା” ନା ୱିଜୁ ଆକୁଦୁ ଇକା ସିନାଦି ୱାଜା, ନାନ୍‌ ଇୟାୱାଜା ରାସ୍‌ନା ।
\p
\v 18 ମା ପ୍ରବୁ ଜିସୁ କ୍ରିସ୍ତଦି ଦୟା ମିର୍‌ ୱିଜିଦେର୍‌ ଜିବନ୍‌ତୁ ଅଡ଼୍‌ବିଦୁ ।