\id 2JN - Kopo
\ide UTF-8
\h ୨ ଜୋହନ
\toc3 ୨ ଜୋହନ
\toc2 ୨ ଜୋହନ
\toc1 ଜୋହନ ରାସ୍‍ତିମାନି ମାରିଉଣ୍ତ୍ରି ଆକୁ
\mt2 ଯୋହନ ଲିଖିତ ଦ୍ୱିତୀୟ ପତ୍ର
\mt1 ଜୋହନ ରାସ୍‌ତିମାନି ମାରିଉନ୍‌ଡ୍ରି ଆକୁ
\imt ଇୟା ଆକୁଦୁ ମାନି ଏସ ମାଟା
\ip ଜୋହନ ରାସ୍‍ତି ଦ୍ୱିତିୟ ଆକୁ ଜିସୁକ୍ରିସ୍ତଦି ଜନମ୍‍ତି ୫୦ ତାନ୍‍ ୧୦୦ ବାର୍ସେକ୍‍ ଲୋଇ ପେରିତ ଜୋହନଦି ମାଣାନ୍‍ ରାସାୟ୍‍ଆତା ମାର୍ହାତ୍‍ । ଜୋହନ ନିଜେଦିଙ୍ଗ୍‍ ରାସ୍‍ନିକାନ୍‍ ୱାଜା ୱେର୍‍ଏନ୍‍, ତାନି ବାଦ୍‌ଲୁ ୱାନ୍‍ ନିଜେଦିଙ୍ଗ୍‍ ପ୍ରାଚିନ୍ ଇଜି ୱେର୍‍ନାନ୍‍ । ଜୋହନତି ଦ୍ୱିତିୟ ବିସୟ ଆକୁଦିୱାଲେ ଜୋହନ ରାସ୍‍ତି ସୁସମାଚାର୍‍ତୁ ମାନି ବିସୟତି ୱାଲେ ସମାନ୍‍ । ଇକା ଟିକ୍‍ତାନ୍‍ ଜିସୁଙ୍ଗୁଁ ଆମା ଇସାବ୍‍ତାନ୍‍ ୱାନ୍‍ ଅରେନ୍‍ ଅରେନ୍‍ ୱାନିଙ୍ଗ୍‍ ଜିବନ୍‌ନୋନି ବିସୟ ଜିସୁଦି ମାଟାଦିଙ୍ଗ୍‍ ମନ୍‍ ସିନାନ୍‍, ଆୟାୱାଜା ଜିସୁଦି ମାଟା ମାନାଦେଙ୍ଗ୍‍ ଆଜିନାତ୍‍, ୱାନିଙ୍ଗ୍‍ ଜିବନ୍‌ନୋନିକା ଜହନ \xt ୧:୫-୬\xt*, ଜୋହନ ୧୫:୯-୧୦ । ଇକା ବିସ୍‍ବାସ୍‍ କିଆୟ୍‍ଆନାତ୍‍ ଜେ, ଜୋହନ ଏସ୍ତିୱାଲେ ଏପିସିୟଦୁ ବାସାଜି ମାର୍ହାନ୍‍, ଜୋହନ ସୁସମାଚାର୍‍ତି ୱାଲେ ମୁଣ୍ତ୍ରି ଆକୁ ବା ରାସ୍‍ତା ମାର୍ହାନ୍‍, ଆଜିନେ ୧ ଜୋହନ, ୨ ଜୋହନ ମାରି ୩ ଜହନ ।
\ip ଜୋହନ ଇୟା ଆକୁଦୁ ବାସେଆତି ଆଇମା ମାରି ତାନି କଡ଼ର୍‍ ଇଜି ୱେର୍‍ସି ମଣ୍ତଲିଦିଙ୍ଗ୍‍ ଆକୁ ରାସ୍‍ନାନ୍‍ । ଜୋହନତି ଇୟା ଆକୁ ରାସ୍‍ନି ଉଦେସ୍‍ ଆତାତ୍‍ ବିସ୍‍ବାସିରିଙ୍ଗ୍‍ ସାହାସ୍‍ ସିନିକା ମାରି ମିଚ୍‍ ଗୁରୁରି ମାଣାନ୍‍ ଜାଗାର୍‍ତା ମାଣ୍ତ୍ରେଙ୍ଗ୍‍ଁ ମାନାତ୍‍ ।
\iot ଇୟା ଆକୁଦୁ ମାନି ମୁକିୟ ବିସୟ
\io1 ୧. ଜୋହନ ଇୟା ଆକୁ ଏ ଉଣ୍ତିଙ୍ଗ୍‍ ରାସ୍‍ନାନ୍‍ ଇକା ଇଜି, ୱାନିଙ୍ଗ୍‍ ବିସ୍‍ବାସ୍‍ କିନିୱାରିଙ୍ଗ୍‍ ମାଡ଼ିସ୍‍ କିନାନ୍‍ । \ior ୧:୧-୩\ior*
\io1 ୨. ଜୋହନ ମଣ୍ତଲିଦିଙ୍ଗ୍‍ ସାହାସ୍‍ ସିଜି ପେରିମାଟା ବିସୟତାନ୍‍ ମନ୍‍ତୁ ଅଡ଼୍‍ବିସ୍‍ କିନାନ୍‍ । \ior ୧:୪-୬\ior*
\io1 ୩. ୱାନ୍‍ ମିଚ୍‍ ଗୁରୁରି ମାଣାନ୍‍ ଜାଗାର୍‍ତା ମାଣ୍ତ୍ରେଙ୍ଗ୍‍ ଇନାନ୍‌ । \ior ୧:୭-୧୧\ior*
\io1 ୪. ୱାନ୍‍ ଏମେବାନୁ ତେବାନାନ୍‍ ଆବେଣି ବିସ୍‍ବାସିରିଙ୍ଗ୍‍ଁ ମାଡ଼ିସ୍‍ କିଜି ରାସ୍‍ନିକା ୱିସ୍‍ନାନ୍‍ । \ior ୧:୧୨-୧୩ \ior*
\c 1
\p
\v 1 ପ୍ରାଚିନ୍ ଜୋହନ ଯେ ନାନୁ ଅରେତ୍‌ ଆସ୍‌କିଆୟ୍‌ଆତି ଆଇମା ମାରି ତାନି କଡ଼ରି ଲାକ୍‌ତୁ ଇୟା ଆକୁ ରାସ୍‌ସିନା । ମିଙ୍ଗିଁ ନାନୁ ସତ୍‌ ୱାଜା ଜିବନ୍‌ନୋନା, ମାରି କେବଲ୍‌ ନାନ୍‌ ସିଲେ, ମାତର୍‌ ସତ୍‌ ନେସ୍‌ତିମାନି ୱିଜୁ ଲୋକୁ ବା ଜିବନ୍‌ନୋନାର୍‌ । 
\v 2 ଆମା ସତ୍‌ ମା ଜିବନ୍‌ତୁ ତେବାତାମାନାତ୍‌ ମାରି ୱିଜୁଦିନ୍‌ତିଙ୍ଗ୍‌ ମା ୱାଲେ ତେବାନାତ୍‌ ।
\p
\v 3 ବୁବା ମାପୁରୁ ମାରି ଆୟା ବୁବାଦି ମାରିନ୍‌ ଜିସୁ କ୍ରିସ୍ତଦିମାଣୁକୁ ଦୟା, ଦୟା ମାରି ସାନ୍ତି ମା ୱାଲେ ସତ୍‌ ନି ଜିବନ୍‌ନୋନିକା ତେବାନାତ୍‌ ।
\s ସତ୍‌ ନି ଜିବନ୍‌ନୋନିକା
\p
\v 4 ମି କଡ଼ରି ମାଣୁକୁ ଏସଲୋକ୍‌ ମାପୁରୁଦି ମାଟାଇସାବ୍‌ତାନ୍‌ ସତ୍‌ତାନ୍‌ ବୁଲାସାଲା କିଜିନିକା ୱେନ୍‌ଜି ନାନ୍‌ ନାଣ୍ତ ୱେଡ଼ିକା । 
\v 5 \x + \xo ୧:୫ \xo*\xt ଜୋହନ ୧୩:୩୪; ୧୫:୧୨,୧୭.\xt*\x*ଏ ନେଗି ଆଇମା, ନିଙ୍ଗିଁ ନାନୁ ୱେର୍‌ନି ମାଟା, ମାଡୁ ନିଜେନିଜେଦିଙ୍ଗ୍‌ ଜିବନ୍‌ନୋଜିସାନିକା ମାନାତ୍‌ । ନାନ୍‌ ଜେ ମି ଲାକ୍‌ତୁ ଇନି ପୁନି ମାଟା ରାସ୍‌ସିନା, ଆକା ସିଲେ, ମାତର୍‌ ପୁର୍ବେଦାନ୍‌ନେ ମାପୁ ଇୟା ଆଦେସ୍‌ ପୟ୍‌ତା ମାନାପ୍‌ । 
\v 6 ଆମା ଜିବନ୍‌ନୋନି ମାଟା ଇବେନୁ ନାନ୍‌ ୱେର୍‌ସିନା, ତାନି ଅର୍ତ ଆଜିନାତ୍‌, ଜିବନ୍‌ତୁ ମାପୁରୁଦି ମାଟା ମାନାନିକା । ଆୟା ମାଟା ଇନିକା, ମିରୁ ପୁର୍ବେଦାନ୍‌ନେ ୱେର୍‌ଇମାନିଦେର୍‌, ଆକା ଆଜିନାତ୍‌, ମାଡୁ ୱିଜୁଲୋକୁ ନିଜେନିଜେଦି ଉଣ୍ତିଙ୍ଗ୍‌ ଜିବନ୍‌ନୋଜିସାନିକା ମାନାତ୍‌ ।
\p
\v 7 ନାନ୍ ଇକା ଇଜିନା ଇରିଙ୍ଗ୍‌ ଆମାକାର୍‌ ଜିସୁ କ୍ରିସ୍ତ ସାତାନ୍‌ନୋ ଲୋକା ମେନ୍ଧଲ୍‌ତାନ୍‌ ୱାତାମାନାନ୍‌ ଇଜି ମାନାଏନ୍‌, ଇୟାୱାଜା ଗାଦିଲୋକ୍‌ ବାୟାକିନିକାର୍‌ ଜଗତ୍‌ତୁ ସତା ୱାତାମାନାର୍‌ । ଇୟାୱାଜା ଲୋକୁ ପୁରାସତ୍‌ ବାୟାକିନିକାର୍‌, ୱାନ୍‌ କ୍ରିସ୍ତଦି ସାତ୍ରୁ । 
\v 8 ମିରୁ ଏଣ୍ତେସ୍‌ ମା କିତିମାନି ପାଣିଦି ପଲ୍‌ ଆରାକିଏଣ୍‌ଗା ବରଂ ଆବେଣି ପୁରାବର୍ତି ପୁରସ୍କାର୍‌ ପୟ୍‌ଦୁ, ଆୟାଉଣ୍ତିଙ୍ଗ୍‌ ନିଜେ ନିଜେଦି ବିସୟ୍‌ତାନ୍‌ ଜାଗ୍‌ରାତା ମାନ୍‌ଡ୍ରୁ ।
\p
\v 9 ଏନ୍‌ଆପିନ୍‌ କ୍ରିସ୍ତଦି ସିକିୟାଦି ଆୟା ଲୋଇ ତେବାଏଣ୍‌ଗା ଆକା ନାଜି ସୋନାନ୍‌, ୱାନ୍‌ ମାପୁରୁଙ୍ଗୁଁ ପୟ୍‌ଏନ୍‌; ଏନ୍‌ ସିକିୟାଦି ଲୋଇ ତେବାନାନ୍‌, ୱାନ୍‌ ବୁବା ନି ମାରିନ୍‌ ରିଏରିଙ୍ଗ୍‌ ପୟ୍‌ତା ମାନାନ୍‌ । 
\v 10 ଏନ୍‌ ଜଦି ଇୟା ସିକିୟା ଆସ୍‌ଏଣ୍‌ଗା ମି ଲାକ୍‌ତୁ ୱାନାନ୍‌, ଆର୍‌ତିଙ୍ଗ୍‌ ୱାନିଙ୍ଗ୍‌ ମି ଇନ୍‌ଡ୍ର କୁକ୍‌ମାଟ୍‌, “ନି ସାନ୍ତି ଆପିତ୍‌” ଇଜି ୱେର୍‌ସି ୱାନିଙ୍ଗ୍‌ ନମସ୍କାର୍‌ କିମାଟ୍‌ । 
\v 11 ଇରିଙ୍ଗ୍‌ ଏନ୍‌ଆପିନ୍‌ ୱାନିଙ୍ଗ୍‌ ନମସ୍କାର୍‌ କିନାନ୍‌, ୱାନ୍‌ ୱାନି ତାଗ୍‍ଇପାଣିଦୁ ମିସାନାନ୍‌ ।
\s ସାରାସାରି ମାଟା
\p
\v 12 ମି ଲାକ୍‌ତୁ ଗାଦି ବିସୟ୍‌ ରାସ୍‌ନିକା ମାନାତ୍‌, ମାତର୍‌ କାଗଜ ନି ସିରାଦାନ୍‌ ଆୟାୱିଜୁ ଇଲେଇ ନାନୁ ୱେର୍‌ତେଙ୍ଗ୍‌ ଇଚ୍ଛା କିଏ; ନା ଆସା ମାନାତ୍‌ ଜେ, ମି ଲାକ୍‌ତୁ ୱାଜି ସାମ୍‌ନାସାମ୍‌ନିଦାନ୍‌ ୱାର୍‌ଗିଜିସାନାଟ୍‌, ଆକା କିଦେଙ୍ଗ୍‌ ଆଟ୍‌ତିଙ୍ଗ୍‌ ମାଡୁ ୱେଡ଼ିକା ପୁରା ଆନାତ୍‌ ।
\p
\v 13 ମି ଲାଡ୍‍ତି ତାଙ୍ଗିଁକି କଡ଼ର୍‌ ମିଙ୍ଗିଁ ନମସ୍କାର୍‌ ଜାଣେ କିଜିନାର୍‌ ।