\id 2CO - Kopo
\ide UTF-8
\h ୨ କରିନ୍ତିୟ
\toc3 ୨ କରିନ୍ତିୟ
\toc2 ୨ କରିନ୍ତିୟ
\toc1 କରିନ୍ତିୟରି ମଣ୍ତଲି ଲାକ୍‌ତୁ ପାଉଲତି ମାରିଉନ୍‌ଡ୍ରି ଆକୁ
\mt2 କରନ୍ତୀୟମାନଙ୍କ ମଣ୍ତଲି ନିକଟକୁ ପାଉଲଙ୍କ ଦ୍ୱିତୀୟ ପତ୍ର
\mt1 କରିନ୍ତିୟ ମଣ୍ତଲି ଲାକ୍‌ତୁ ପାଉଲତି ମାରିଉନ୍‌ଡ୍ରି ଆକୁ
\imt କରିନ୍ତିୟ ଆକୁ ବିସୟ୍‌ତାନ୍‌ ଏସ ମାଟା
\ip ୨ କରିନ୍ତିୟ ପେରିତ୍‌ ପାଉଲତି ମାଣାନ୍‌ ଆନାତ୍‌ସୁଗି ଜିସୁ କ୍ରିସ୍ତଦି ଜନମ୍‌ତି ପୁରା ୫୫-୫୬ ବାର୍ସେକ୍‌ ୱେନ୍‌କା ରାସାତା ମାର୍ହାତ୍‌ \xt ୧:୧\xt* । ମା ଲାକ୍‌ତୁ ମାନି କରିନ୍ତିୟ ମଣ୍ତଲିଦିଙ୍ଗ୍‌ ରାସାତିମାନି ଆକୁ ଲୋଇ ଇକା ଆଜିନାତ୍‌ ପାଉଲତି ମାରିଉନ୍‌ଡ୍ରି ଆକୁ । ପଣ୍ତିତ୍‌କୁ ବିସ୍‌ବାସ୍‌ କିନାର୍‌ ଜେ, ଇୟା ଆଗ୍‌ଡ଼ିରାନ୍‌ ପାଉଲ କରିନ୍ତିୟ ମଣ୍ତଲି ଲାକ୍‌ତୁ ଉନ୍‌ଡ୍ରି ଆଟ୍‌ୱାଦି ସିଟି ରାସ୍‌ତାମାର୍ହାନ୍‌ \xt ୨:୩-୪ \xt*ପଦଦୁ ୱାନ୍‌ ଆମାକା ୱେର୍‌ନାନ୍‌, ଆବେଣି ଇନି ରାସାତି ବିସୟ୍‌ ମା ଲାକ୍‌ତୁ ସିଲେତ୍‌ । ଆନାତ୍‌ସୁଗି ପାଉଲ ମାକିଦନିଆରେ ମାନି ବେଡ଼ାଦୁ ୨ କରିନ୍ତିୟ ରାସାତାମାର୍ହାନ୍‌ \xt ୨:୧୩\xt* ।
\ip ୨ କରିନ୍ତିୟ ଆଜିନାତ୍‌ ମାରିଉନ୍‌ଡ୍ରି ଇକା, ଆକା ପୁରା ନିଜେଦିକା ମାରି ୱେଡ଼ିକା ଇକା । କରନ୍ତିୟଦୁ ମାନି ମଣ୍ତଲି ବିସୟ୍‌ତାନ୍‌ ତିତସଦି ମାଣାନ୍‌ ନେଗି କାବୁର୍‌ ପୟ୍‌ଜି ପାଉଲ ୱେଡ଼ିକା ଆନାନ୍‌ । ଇୟା ସିଟିଦୁ ପୁନି ନିୟମ୍‌ତି ଇସାବ୍‌ତାତି ବିସୟ୍‌ ସିକିୟା ପୟ୍‌ନାପ୍‌ । ଇୟା ବାଗ୍‌ତୁ, ଆମାମାନୁ ପାଉଲ ଜିରୁସାଲାମ୍‌ତି ବିସ୍‌ବାସ୍‌ସିରିଙ୍ଗ୍‌ ସାହାଜ୍ୟ କିନି ଉଣ୍ତିଙ୍ଗ୍‌ ଡାବୁଙ୍ଗ୍‌ଁ ଲସ୍‌ତେଙ୍ଗ୍‌ ଆଦେସ୍‌ ସିନାନ୍‌ \xt ୮–୯\xt* । ଇକା ଜାଣେଆଜିନାତ୍‌ ଜେ, ମଣ୍ତଲି ଆତେର୍‌ଦାନ୍‌ ଏସ ମିଚ୍‌ ୱେର୍‌ନି ପ୍ରେରିତର୍‌, ୱାର୍‌ ନିଜେଦିଙ୍ଗ୍‌ ପଦ୍‌ ମୁସ୍‌କୁ କିଦେଙ୍ଗ୍‌ ପାଉଲତି ବିରୁଦ୍‌ତାନ୍‌ ମଣ୍ତଲିଦି ଏସ ଲୋକାଙ୍ଗ୍‌ ବ୍ୟବହାର୍‌ କିଜିନାର୍‌ । ୱାର୍‌ ପାଉଲତି ଅଦିକାର୍‌ତିଙ୍ଗ୍‌ ନାମ୍‌ଏଜିନାର୍‌ । ଆମା ବାଦ୍‌ଲୁ ୨ କରିନ୍ତିୟ ସାରାସାରି ବାଗ୍‌ତୁ ୱାନ୍‌ ଅରେନ୍‌ ଜିସୁ କ୍ରିସ୍ତଦି ଅଦିକାର୍‌ତାନ୍‌ ଅରେନ୍‌ ପ୍ରେରିତ ଆନାନ୍‌ ଇଜି ଡାଟ୍‌ତାନ୍‌ ପାର୍‌ମାଣ୍‌ କିନାର୍‌ ।
\iot ଇୟା ଆକୁଦୁ ମାନି ଏସ ମୁକିୟ ବିସୟ୍‌
\io1 ୧. ପାଉଲ ଆକୁଦି ଆରାମ୍‌ତାନ୍‌ ନମସ୍କାର୍‌ ଜାଣେକିନାନ୍‌ । \ior ୧:୧-୭\ior*
\io1 ୨. ପାଉଲ ୱାନି ସନ୍‌ଡ୍ରେଙ୍ଗ୍‌ ତିଆର୍‌ତାନ୍‌ ବାଦେଲ୍‌ଆନିକା ମାରି ୱାରି ବିସୟ୍‌ତାନ୍‌ ପୟ୍‌ତିମାନି ମାଟା ମାରି ୱାନି ଆକୁ ବିସୟ୍‌ତାନ୍‌ ୱାରି ମାଟା । \ior ୧:୮–୭:୧୬\ior*
\io1 ୩. ପାଉଲ ଜିରୁସାଲମ୍‌ତି ବିସ୍‌ବାସ୍‌ସିରି ଉଣ୍ତିଙ୍ଗ୍‌ ଦାନ୍‌ ଲସ୍‌ନି ବିସୟ୍‌ତାନ୍‌ ଆଦେସ୍‌ ସିନାନ୍‌ । \ior ୮:୧–୯:୧୫\ior*
\io1 ୪. ସାରାସାରିୱେନ୍‌କା ପାଉଲ ୱାନି ପ୍ରେରିତ ପଦ୍‌ ସୁରକ୍ଷା କିନାନ୍‌ ମାରି ପୁନାଦାନ୍‌ ସନି ଉଣ୍ତିଙ୍ଗ୍‌ ଜାଗାର୍‌ତା ୱେର୍‌ନାନ୍‌ । \ior ୧୦:୧–୧୩:୧୪ \ior*
\c 1
\p
\v 1 \x + \xo ୧:୧ \xo*\xt ପ୍ରେରିତ ୧୮:୧.\xt*\x*ନାନ୍‌ ପାଉଲ, ମାପୁରୁଦି ବଦାଦାନ୍ ବାସେଆତି ଜିସୁ କ୍ରିସ୍ତଦି ପ୍ରେରିତ ସିସୁ ପାଉଲ ମାରି ମା ତଡ଼ାନ୍‍ ତିମତି କରନ୍ତି ଗାଡ଼ାଦି ମାପୁରୁଦି ମଣ୍ତଲି ମାରି ଆକାୟା ଦେସ୍‍ତି ୱିଜୁ ବିସ୍‍ବାସିରି ଲାକୁତୁ ଇୟା ଆକୁ ରାସ୍‍ସିନାନ୍‍ ।
\p
\v 2 ମା ବୁବା ମାପୁରୁ ମାରି ପ୍ରବୁ ଜିସୁ କ୍ରିସ୍ତ ମିଙ୍ଗିଁ ଦୟା ମାରି ସାନ୍ତି ସିପିନ୍‍ ।
\s ମାପୁରୁଦି ଉଣ୍ତିଙ୍ଗ୍‌ ପାଉଲ୍‍ତି ଦନ୍ୟବାଦ
\p
\v 3 ରାଦୁ, ମା ମାପୁରୁ ଜିସୁ କ୍ରିସ୍ତଦି ବୁବା, ଦୟାକିନିକାନ୍‍ ମାରି ୱିଜେରିଙ୍ଗ୍ ସାକାକିନିକାନ୍‍, ମାପୁରୁଙ୍ଗୁ ଦନ୍ୟବାଦ୍‍ ଜାଣେକିନାଟ୍‌ । 
\v 4 ମା ଦୁକ୍ କାସ୍ଟୁ ବେଡ଼ାଦୁ ୱାନ୍‌ ମାଙ୍ଗିଁ ଏମେ ସାନ୍ତି ସିନାନ୍, ଆୟା ସାନ୍ତି ଦାନ୍ ମାଡ଼ୁ ଦୁଃକ୍‍କାଷ୍ଟୁ ପୟ୍‍ଜିମାନି ଆଇୱାରିଙ୍ଗ୍‌ ସାନ୍ତି ସିଦେଙ୍ଗ୍‌ ଆଟିନିକା । 
\v 5 ମାଡୁ କ୍ରିସ୍ତଦି ନାଣ୍ତ ଦୁକ୍‌ବୋଗଦୁ ମିସାତିମାନିଙ୍ଗ୍ କ୍ରିସ୍ତଦି ସାକାଦାନ୍ ମାପୁରୁଦି ନାଣ୍ତସାନ୍ତିଦୁ ବା ମିସାଦେଙ୍ଗ୍ ଆଟ୍‍ନିକା । 
\v 6 ମାଡୁ ଜଦି ଏମେ ଦୁଃକ୍‌ବୋଗ୍‌ କିନିକା, ଆକା ମି ନେଗିତାନିଙ୍ଗ୍‌ ମାରି ରକ୍‌ୟାଦି ଉଣ୍ତିଙ୍ଗ୍‌ । ମାପୁ ସାନ୍ତିପୋୟ୍‍ତିଙ୍ଗ୍‍, ମିର୍‌ ବା ଆୟାୱାଜା ଆଟୁୱାଦାନ୍‌ ଦୁକ୍ ବୋଗକିନି ଉଣ୍ତିଙ୍ଗ୍‌ ସାନ୍ତି ମାରି ସାକ୍ତି ପୟ୍‌ନିଦେର୍‌ । 
\v 7 ମି ବିସୟ୍‍ତାନ୍‍ ମା ଆସା ମାନାତ୍ । ମାପୁ ନେସ୍‌ନାପ୍, ମିର୍‌ ମା ଦୁକ୍‍କାଷ୍ଟୁଦୁ ଏଣ୍ତେସ୍ ମିସାଜିନିଦେର୍‌, ଆୟାୱାଜା ମା ସାନ୍ତିଦୁ ବା ମିସାଦୁ ।
\p
\v 8 \x + \xo ୧:୮ \xo*\xt ୧ କରିନ୍ତିୟ ୧୫:୩୨.\xt*\x*ତଡ଼ାନ୍‌କୁ ନି ତାଙ୍ଗିଁକି, ମାଡ଼ୁ ଆସିଆ ଦେସ୍‌ତୁ ପୋଇତିମାନି କାସ୍ଟୁ ବିଷୟ ମିଙ୍ଗିଁ ୱେର୍‍ତେଙ୍ଗ୍ ଇଛାକିଜିନା । ଆୟାକାସ୍ଟୁ ବଜୁଆଜିମାନିଙ୍ଗ୍‌ ମା ଜିବନ୍‌ତୁ ସାକ୍ତି ଆସା ଡ଼ିସ୍‌ତାମାରାପ୍ । 
\v 9 ମାଙ୍ଗିଁ ବିଚାର୍‌ ସିଆତାମାନାତ୍‌ ଇଜି ଅଡ଼୍‌ବିତାମାରାପ୍ । ମାତର ନିଜେ ମୁସୁକୁ ଆସାଇଡ୍‍ଏନ୍‍ଙ୍ଗା ସାନିମାଡ଼ାନ୍‍କୁ ଜିବନ୍‌ ସିନି ମାପୁରୁଦି ମୁସୁକୁ ଆସା ଇଡିନି ଉଣ୍ତିଙ୍ଗ୍ ଇୟାୱିଜୁ ଗୋଟାତା ମାନାତ୍ । 
\v 10 ଇୟାୱାଜା ନାଣ୍ତସାନି ବିପଦତାନ୍ ୱାନ୍‌ ମାଙ୍ଗିଁ ଉଦାର୍‌ କିତାମାନାନ୍ ମାରି କିଜିମାନାନ୍ । ୱାନ୍‌ ମାରିଡ଼େସି ମାଙ୍ଗିଁ ଜାଗ୍‌ରାତା କିନାନ୍ ଇୟା ଆସା ମାଙ୍ଗିଁ ୱାନିମାନୁ ମାନାତ୍‌ । 
\v 11 ମିର୍‌ ପାର୍‍ତନାଦାନ୍‍ ମାଙ୍ଗିଁ ସାହାଜ୍ୟ କିଦୁ । ଆର୍‌ତିଙ୍ଗ୍‌, ମା ଉଣ୍ତିଙ୍ଗ୍ କିତିମାନି ଏସ ପାର୍‍ତନାଦୁ ଉତର୍‌ ପୋଇନିକା ମାରି ମାପୁରୁ ମାଙ୍ଗିଁ ଆସିର୍ବାଦ୍‌ ଦାନ୍‍ କିନାନ୍ । ମା ଉଣ୍ତିଙ୍ଗ୍ ଗାଦିଲୋକ୍‌ ମାପୁରୁମାଡ଼ାନ୍ ଦନ୍ୟବାଦ ସିନାର୍‌ ।
\s ପାଉଲତି ଜଜନାଦି ବାଦ୍‌ଲେଆନିକା
\p
\v 12 ଦୁନିଆଦୁ ଜିବନ୍‌ ମାରି ବିସେସ୍‍କିଜି ମିୱାଲେ ମା ମିଲାମିସା ମାପୁରୁମାନୁ ପବିତ୍ର ମାରି ବିସ୍‍ବାସ୍ ବୁଲାଜିସାଜି ଇଜି ମା ବୁଦିଦୁ ସାକି । ଇୟାଉଣ୍ତିଙ୍ଗ୍‌ ମା ମୋନତୁ ଗର୍ବ ଆଜିନାତ୍ ଦୁନିଆଦି ବୁଦିଦାନ୍ ଆଏତେ, ମାତର୍‌ ମାପୁରୁଦି ଦୟାଦାନ୍ ଇକା କିଦେଙ୍ଗ୍ ମାପୁ ସାକି ଆତିମାନିକା । 
\v 13 ଆମାକା ପଡ଼ାଜି ମିର୍‌ ବୁଜାଜିନିଦେର୍‌, ମିମାନୁ ମାପ୍‌ ନାସନେ ରାସ୍‌ତାମାନାପ୍ । 
\v 14 ନାନୁ ଆସା କିଜିନା, ଇଲେଇ ଆମାକା ଅଡ଼ପ୍‍ତାନ୍‍ ବାବେ ବୁଜାଜିନାପ୍, ଆକା ଅଡ଼ପ୍‍ତାନ୍‍ ବାବରେ ପ୍ରବୁ ଜିସୁଦି ଡ଼େସିୱାନି ୱାନିକା ପୁରା ବୁଜାଦେଙ୍ଗ୍ ଆଟ୍‌ନାର୍ । ଆର୍‌ତିଙ୍ଗ୍‌, ମିର୍‌ ମା ଉଣ୍ତିଙ୍ଗ୍ ଗର୍ବ କିଜିନିଦେର୍‌ ମାରି ମାପୁ ବା ମି ଉଣ୍ତିଙ୍ଗ୍ ଗର୍ବ କିଜିନାପ୍ ।
\p
\v 15 ଇୟା ବିସୟତାନ୍ ନାନୁ ଟିକ୍‍ବାବେ ନେସ୍ତିମାନିଙ୍ଗ୍ ଆଗିଡ଼ିନେ ମି ଲାକ୍‌ତୁନେ ସନି ଉଣ୍ତିଙ୍ଗ୍‌ ନା ବଦା ମାର୍‌ଆତ୍‌ । ଆର୍‌ତିଙ୍ଗ୍‌ ମିର୍‌ ରିଜା ସୁଡ଼ୁଜି ନାଙ୍ଗିଁ ଦୟା ପୟ୍‌ଦେଙ୍ଗ୍‌ ଆଟ୍‌ତିଦେର୍‌ମାନ୍ଦି । 
\v 16 \x + \xo ୧:୧୬ \xo*\xt ପ୍ରେରିତ ୧୯:୨୧.\xt*\x*ମାସିଦନିଆ ସନିୱାଲେ ମାରି ଆବେଟ୍‌କୁ ଡ଼େସିୱାନିୱାଲେ ମି ଲାକ୍‌ତୁ ଏସ ଦିନ୍ ମାନ୍‌ଡ୍ରେଙ୍ଗ୍ ନା ପାଣିକିନିକା ମାର୍‌ଆତ୍, ମାତର୍‌ ଜିହୁଦା ଦେସ୍‌ତୁ ସନିଉଣ୍ତିଙ୍ଗ୍ ନାନୁ ମି ସାହାଜ୍ୟ ଦରକାର୍ ମାର୍‌ଆତ୍ । 
\v 17 ନାନୁ ଇନିକା ନା ବଦାଦାନ୍ ଇୟା ପାଣି ତିଆର୍ କିତାମାର୍‌ଆ ? ଏମେକାର୍ ଅରସେ “ହଁ, ହଁ” ମାରି “ସିଲେ, ସିଲେ,” ଇନାର୍, ୱାରିୱାଜା ଇନିକା ନା ନିଜେଦି ତରାନିଉଣ୍ତିଙ୍ଗ୍ ନା ପାଣିକିଜିନା ? 
\v 18 ସତ୍‍ ମାପୁରୁ ନେସ୍‌ନାନ୍‌, ଅବସ୍ୟ ମାପୁରୁ ମି ମାଟା ୱେର୍‌ନିୱାଲେ ମାପ୍‌ ଏସ୍‌କାଙ୍ଗ୍‌ବା “ହୁଁ ସିଲ୍‌ତିଙ୍ଗ୍‌ ସିଲେ ।” 
\v 19 ସିଲା, ତିମତି ମାରି ନାମାଣୁକୁ ମି ଲାକ୍‌ତୁ ପ୍ରଚାର୍‌କିତିମାନି ମାପୁରୁଦି କଡ଼ ଜିସୁ କ୍ରିସ୍ତଙ୍ଗ୍‌, ଏସ୍‌କାଙ୍ଗ୍ ଅର୍‌ସେ “ହୁଁ ” ମାରି “ସିଲେ” ଇନ୍‌ଏର୍‌ । ଆଇତରିନ୍‍, ୱାନ୍‌ ୱିଜୁଦିନ୍ ମାପୁରୁଦି ମାଟାଦିଙ୍ଗ୍‌ “ହୁଁ” ଇଜିନାନ୍‌ । 
\v 20 ମାପୁରୁଦି ୱିଜୁ ଆସାଦି ଉଣ୍ତିଙ୍ଗ୍‌ ଜିସୁ କ୍ରିସ୍ତ “ହୁଁ,” ଇନାନ୍‌ ୱାନିମାନୁ ପୁରା ଆତାମାନାତ୍ । ଇୟାଉଣ୍ତିଙ୍ଗ୍‌ ଜିସୁ କ୍ରିସ୍ତଦି ଉଣ୍ତିଙ୍ଗ୍‌ ମା ମାପୁରୁଦି ଗୌରବ୍‍ ଉଣ୍ତିଙ୍ଗ୍‌ “ଆମେନ୍‍ ।” 
\v 21 ନିଜେ ମାପୁରୁ ଜିସୁ କ୍ରିସ୍ତଦିମାନୁ ମିଦି ମାରି ମା ଜିବନ୍‌ତିଙ୍ଗ୍‌ ଅର୍‌ସେ କିଜି ରକ୍‌ୟା କିତାମାନାନ୍ । 
\v 22 ୱାନ୍‌ ମାଙ୍ଗିଁ ୱେରେଏ କିତାମାନାନ୍ ମାରି ମା ଜିବନ୍‌ତୁ ୱାନି ପବିତ୍ରଆତ୍ମାଦିଙ୍ଗ୍ ଇଟିତାମାନାନ୍ । ପବିତ୍ରଆତ୍ମା ଆଜିନାତ୍, ମା ମୁସ୍‌କୁ ମାପୁରୁଦି ଅଦିକାର୍‍ତି ସିନା ମାରି ବବିସତ୍‌ଦୁ ମାଡୁ ଆମାକା ପୟ୍‌ନିକା, ୱାନି ୱିଜୁ ୱାଜା ।
\p
\v 23 ମାପୁରୁ ନା ସାକି । ୱାନ୍‌ ନା ଜିବନ୍‌ ନେସ୍‌ନାନ୍‌ । ମିଙ୍ଗିଁ ନାନୁ ଏଣ୍ତେସ୍‌ମାରି ଦୁଃକ୍‌ସିଏ, ଆୟାଉଣ୍ତିଙ୍ଗ୍‌ ନାନ୍‌ କରନ୍ତିଦୁ ସନିକା ତେବାକିତା । 
\v 24 ମିର୍‌ ଏମେ ବାସା ବିସ୍‍ବାସ୍‍ କିନିଦେର୍‌, ଇୟା ବିସୟ୍‌ତାନ୍‌ ମି ମୁସ୍‌କୁ ପାଣିକିଦେଙ୍ଗ୍ ମାପ୍‌ ସେସ୍ଟାକିଏପ୍, ମାତର୍‌ ମିର୍‌ ବିସ୍‍ବାସ୍ ଆଟୁୱା ଆଜି । ମାରି ମିଙ୍ଗିଁ କେବଲ ୱେଡ଼ିକା କିନି ଉଣ୍ତିଙ୍ଗ୍ ମି ୱାଲେ ମିସାବିଡ଼ାଜି ମାଡୁ ପାଣିକିନାଟ୍ ।
\c 2
\p
\v 1 ଜଦି ନାନ୍‌ ମି ଲାକ୍‌ତୁ ୱାନିକା ମି ଉଣ୍ତିଙ୍ଗ୍‌ ଦୁଃକ୍‍ଆଜିନାତ୍, ମି ଲାକ୍‌ତୁ ମାରି ଏସ୍‌କାଙ୍ଗ୍ ବା ୱାଦେଙ୍ଗ୍ ନାନୁ ବଦାକିଏ । 
\v 2 ମିଙ୍ଗିଁ ଦୁକ୍ ସିତିଙ୍ଗ୍, ନାଙ୍ଗିଁ ଏନ୍‌ ୱେଡ଼ିକା ସିନାନ୍ ? ମିଙ୍ଗିଁ ଡ଼ିସ୍‍ତିଙ୍ଗ୍‌ ମାରି ଆୟାୱାଜା ଏନ୍‌ ସିଲେର୍‌ । 
\v 3 ଆୟାଉଣ୍ତିଙ୍ଗ୍‌ ନାନୁ ମିଙ୍ଗିଁ ରାସ୍‍ତାମାର୍‌ଆ, ନାନ୍‌ ଆବେନ୍‌ ସରିଙ୍ଗ୍‌; ଏମେୱାରି ଉଣ୍ତିଙ୍ଗ୍‌ ନା ୱେଡ଼ିକା ଆତାତ୍‍ମାନ୍ଦି, ୱାରିମାଡ଼ାନ୍‍କୁ ଏଣ୍ତେସ୍‌ ନାନ୍‌ ଦୁକ୍ ପୟ୍‌ଏ । ସତ୍‍ତାନ୍‌ ନା ଡାଟ୍‌ ବିସ୍‍ବାସ୍ ଜେ, ନା ୱେଡ଼ିକାଦୁ ମି ୱେଡ଼ିକା । 
\v 4 ନାଣ୍ତ ଦୁକ୍ ନି କାସ୍ଟୁଦାନ୍‌ ଜିବନ୍‌ତାନ୍‌ ଆଡ଼୍‍ବାଜି ଆଡ଼୍‍ବାଜି ନାନୁ ଏମେ ସିଟି ରାସ୍‍ତାମାର୍‌ଆ, ମିଙ୍ଗିଁ ଦୁକ୍ ସିଦେଙ୍ଗ୍‌ ସିଲେ, ମାତର ମିଙ୍ଗିଁ ନାନୁ ଏସଜିବନ୍‌ନୋନା, ଇକା ୱେର୍‌ନିକା ମାରାତ୍ ଆୟାଚିଟିଦି ଆଦେସ୍ ।
\s ଦସି ଲୋକ୍‍ତି କେମା
\p
\v 5 ଜଦି ଏନ୍‌ ଏମେୱାନିଙ୍ଗ୍ ଦୁକ୍ ସିନାନ୍, ୱାନ୍‌ ନେ ନା ମୋନ୍‌ତୁ ଦୁକ୍ ସିଏନ୍‌, ଏସ ନାଣ୍ତ ମିଙ୍ଗିଁ ବା ଦୁକ୍ ସିଜିନା । ଇୟା ବିସୟତାନ୍ ନାନୁ ନାଣ୍ତ ବୋଜୁ ସିନିଉଣ୍ତିଙ୍ଗ୍ ମିଙ୍ଗିଁ ବଦାକିଏଜିନା । 
\v 6 ମି ମାଡ଼ାନ୍‍କୁ ଏସଲୋକ୍‌ ବଦାଦାନ୍‌ ଆୟା ଲୋକ୍‌ତିଙ୍ଗ୍ ଆମା ଦଣ୍ତସିତାମାନାର୍, ଆକା ୱାନି ଉଣ୍ତିଙ୍ଗ୍‌ ବେସି । 
\v 7 ୱାନ୍‌ ଏଣ୍ତେସ୍ ନାଣ୍ତ ଦୁକ୍‌ତାନ୍‌ ଆଏନ୍‍, ଆୟାଉଣ୍ତିଙ୍ଗ୍‌ ଇଲେଇ ୱାନିଙ୍ଗ୍‌ କେମା ମାରି ସାନ୍ତି ସିଦେଙ୍ଗ୍‌ ମି ପାଣି । 
\v 8 ମିଙ୍ଗିଁ ନା ଅନୁରଦ୍‌, ମିର୍‌ ୱାନିଙ୍ଗ୍‌ ଲାଡ୍‌ ମାରି ୱେଡ଼ିକା କିଜିନିଦେର୍‌ ଇଜି ୱେରସ୍‌ ସିଦାଟ୍ । 
\v 9 ମିର୍‌ ୱିଜୁଦିନ୍ ନା ମାଟା ମାନାଦେଙ୍ଗ୍ ତିଆର୍ ନୋ ସିଲେ, ଆକା ନେସ୍‌ନି ଉଣ୍ତିଙ୍ଗ୍‌ ନାନ୍‌ ଆୟା ଆକୁ ରାସ୍‍ତାମାର୍‌ଆ । 
\v 10 ଜଦି ମିର୍‌ ଏଙ୍ଗ୍‌ବା କେମା କିନିଦେର୍‌, ନାନ୍‌ ବା ୱାନିଙ୍ଗ୍‌ କେମା କିନା । ଜଦି ଇନି ବିସୟତାନ୍ ଏମେୱାନିଙ୍ଗ୍ କେମାକିନାମାନାନ୍, ଆକା ୱାନିଙ୍ଗ୍‌ କ୍ରିସ୍ତଦି ଆଗ୍‍ଡ଼ିରାନ୍ ମି ଉଣ୍ତିଙ୍ଗ୍‌ କିତାମାନା । 
\v 11 ଆର୍‌ତିଙ୍ଗ୍‌ ସୟତାନ୍ ମା ବିରୁଦ୍‍ତାନ୍ ଇନି ପାଣି କିନି ଉଣ୍ତିଙ୍ଗ୍ ସୁଜୋଗ ପୟ୍‌ଏତ୍‌; ତାନି ୱିଜୁ ପାଣି ମାପ୍‌ ନେସ୍‌ନାପ୍‌ । 
\v 12 \x + \xo ୨:୧୨ \xo*\xt ପ୍ରେରିତ ୨୦:୧.\xt*\x*କ୍ରିସ୍ତଦି ସୁସମାଚାର୍‌ ୱେର୍‍ନି ଉଣ୍ତିଙ୍ଗ୍‌ ତ୍ରୋୟା ଦିପଦୁ ଇଜି ନାନ୍ ସୁଡ଼ୁତା, ଇୟା ପାଣି ଉଣ୍ତିଙ୍ଗ୍‌ ପ୍ରବୁ ସାରି ରେତା ମାନାନ୍ । 
\v 13 ମାତର୍‌ ତଡ଼ାନ୍ ତିତସତିଙ୍ଗ୍‌ ଆବେନ୍‌ ସୁଡ଼ୁଏଣ୍ତା ନାନ୍‌ ଦାନ୍ଦା ଆତା । ଆଦେଙ୍ଗ୍‌ ଆବେଣି ଲୋକାମାଣୁକୁ ଡ଼ିସ୍‌ତାନୋ ନାନ୍‌ ମାସିଦୋନିଆଦୁ ସର୍‌ଆ ।
\s କ୍ରିସ୍ତଦି ମାଣ୍‌କୁ ଜିଣାନିକା
\p
\v 14 ମାପୁରୁଦି ଦନ୍ୟବାଦ୍‌ ଆପିତ୍‌ । ଇରିଙ୍ଗ୍‌ ୱାନ୍‌ ଜିସୁ କ୍ରିସ୍ତଦିମାଣୁକୁ ୱିଜୁଦିନ୍ ମାଙ୍ଗିଁ ଜିଣାନି ସାରିଦୁ ଆଗ୍‍ଡ଼ି ଅନାନ୍ । ମାରି ବାସ୍‌ନା ଦୁପୁଣି ୱିଜୁତରିନ୍‌ ୱେଙ୍ଗିଁତି ୱାଜା କ୍ରିସ୍ତଦି ବୁଦି ଆଇୱାରିଙ୍ଗ୍‌ ସିନିଉଣ୍ତିଙ୍ଗ୍ ମାପୁରୁ ମାଙ୍ଗିଁ ବ୍ୟବହାର୍‌ କିତାମାନାନ୍ । 
\v 15 ଇରିଙ୍ଗ୍‌ ଏମେକାର୍ ରକିୟା ପୟ୍‌ତାମାନାର୍ ମାରି ଏମେକାର୍ ନାସ୍ଟୁ ସାରିଦୁ ମୁଜିତାମାନାର୍, ୱିଜେରିମାଣୁକୁ ମାପ୍‌ ଆଜିନାପ୍ ମାପୁରୁଦି ଉଦେସ୍‍ତାନ୍‍ ସିଆୟ୍‍ଆତିମାନି କ୍ରିସ୍ତଦି ବାସ୍‍ନା ଦୁପ୍‍ଣି ୱାଜା । 
\v 16 ଆମାକାର୍‌ ସାତି ସାରିଦୁ ବୁଲାଜିନାର୍; ୱାରି ଲାକ୍‌ତୁ ଇୟା ବାସ୍‌ନାନାନିକା ସାନିକା, ଆମାକାର୍‌ ରକ୍‌ୟା ପୟ୍‌ତାମାନାର୍‌, ୱାରି ଉଣ୍ତିଙ୍ଗ୍‌ ଇକା ଜିବନ୍‌ମାନିବାକ୍ୟ । ମାତର୍‌ ଇୟା ପାଣି କିନି ଉଣ୍ତିଙ୍ଗ୍‌ ଏନ୍‌ ଡାଟ୍‌ । 
\v 17 ଗାଦିଲୋକ୍‌ ନିଜେ ଲାବବାନ୍ ଆଦେଙ୍ଗ୍‍ଁ ମାପୁରୁଦି ବାକ୍ୟ ବ୍ୟବହାର୍ କିଜିନାର୍ । ମାଡ଼ୁ ମାତର ଆୟାୱାଜା ସିଲେ । ମାଙ୍ଗିଁ ମାପୁରୁ ପୋକିସି କିତିମାନିଙ୍ଗ୍ ମାଡ଼ୁ ବିସ୍‍ବାସ୍‍ତାନ୍ ୱାନି ଆଦେସ୍ ମାନାଜିନି ମାରି ମାପୁରୁଦି ସାକିଦାନ୍ କ୍ରିସ୍ତଦି ଦାସ ୱାଜା ପ୍ରଚାର କିନାପ୍‌ ।
\c 3
\s ପୁନି ନିୟମ୍‌ତି ଦାସ୍‌
\p
\v 1 ମାଡ଼ୁ ଇନିକା ମାରି ଗର୍ବ ୱାଜା ମନେଆଜିନାତ୍ ? ଇରିଙ୍ଗ୍‌ ଆଇୱାରିୱାଜା ମାଡ଼ୁ ଇନିକା ମି ଲାକୁତୁ ବା ମି ଲାକୁତୁରାନ୍ ପରିଚୟ ଆକୁ ଦର୍‌କାର୍‌ ଇଜିନିକା । 
\v 2 ମିର୍‌ ମା ପରିଚୟ ଆକୁ, ମା ଜିବନ୍‌ଲୋଇ ପାଟାଦି ରାସାତି ସିଟି, ଏମେତାନିଙ୍ଗ୍‌ ୱିଜେରେ ନେସ୍‌ନାର୍ ମାରି ପଡ଼ାଦେଙ୍ଗ୍ ଆଟ୍‌ନାର୍ । 
\v 3 ଇୟା ସେବା ଆକୁ କ୍ରିସ୍ତଦି ମାଡ଼ାନ୍ ରାସାତାମାନାତ୍‌ ମାରି ମା ମୋନତି ଆକୁଦୁ ଲୋଇସରାମାନାତ୍ । ଇକା ସିରାଦାନ୍‍ ରାସାଏତ୍‍, ମାତର୍‌ ଜିବନ୍‌ମାନି ମାପୁରୁଦି ଆତ୍ମାଦାନ୍‌ ଲୋକା ଜିବନ୍‌ତୁ ରାସାତାମାନାତ୍‌ ।
\p
\v 4 କ୍ରିସ୍ତଦି ସିଜି ମାପୁରୁଦି ମୁସୁକୁ ଆସା ମାନିଙ୍ଗ୍‌ ମାଡ଼ୁ ଇଜିନିକା, 
\v 5 ଇରିଙ୍ଗ୍‌ ମାଡ଼ୁ କିତିମାନି ଦାବି କିନି ଉଣ୍ତିଙ୍ଗ୍‌ ଇନି ଜୋଗ୍ୟ ବା ସିଲେତ୍‌ । ମା ଜୋଗ୍ୟତା ମାପୁରୁଦିମାଣୁକୁ ୱାନାତ୍ । 
\v 6 ପୁନି ନିୟମ୍‍ଦି ସେବାକିନିଉଣ୍ତିଙ୍ଗ୍ ମାପୁରୁ ମାଙ୍ଗିଁ ଆସ୍‌କିତାମାନାନ୍‌ । ଇୟା ନିୟମ ରାସାଏତ୍‍, ମାତ୍ର ମାପୁରୁଦି ଆତ୍ମାଦି ଦାନ୍ ୱାତିମାନିକା, ଇରିଙ୍ଗ୍‌ ରାସାତି ନିୟମ୍‌ ସାନିକା ଗଟେକିନାତ୍, ମାତର ଆତ୍ମାଦି ନିୟମ୍‌ ଜିବନ୍‌କିନାତ୍ ।
\p
\v 7 ପିଡ଼୍‌ପିକାଲୁ ମୁସ୍‌କୁ ରସାତିମାନି ମୋସାଦି ବ୍ୟବସ୍ଥାଦି ସେବା ତିଆର୍‍ ବେଡ଼ାଦୁ ମାପୁରୁ ଗୌରବ୍‍ ତରାତା ମାର୍ହାତ୍‌ । ଆୟା ଗୌରବ୍‍ତି ଦିୱା ନାମିତି ମାରିଙ୍ଗ୍‍ବା ମୋସାଦି ଜାୟ୍‌ ମୋକମ୍‌ତରିନ୍‌ ଇସ୍ରାଏଲ୍‌ ଲୋକୁ ସୁଡ଼ୁଦେଙ୍ଗ୍‌ ଆଟ୍‍ଏତାମାରାର୍ । ସାନିକା ଗଟେକିନି ବ୍ୟବସ୍ଥା ଜଦି ଇୟାୱାଜା ଗୌରବ୍‌ଦି ୱାଲେ ୱେଙ୍ଗିଁତାତ୍‌ । 
\v 8 ଆର୍‌ତିଙ୍ଗ୍‌ ପବିତ୍ରଆତ୍ମାଦି ସେବା ପାଣିଙ୍ଗ୍‌ୱିଜୁ ୱାନି ମାଡ଼ାନ୍ ଏସ ନାଣ୍ତ ଗୌରବ୍‌ତାନ୍‌ ତିଆର୍‌ ଆଏତ୍ । 
\v 9 ଦଣ୍ତ ସିନି ନିୟମ୍‌ ସେବା ପାଣି ମୋହିମାଦୁ ଜଦି ଏସ ଗୌରବ୍‍ଦୁ, ଆର୍‌ତିଙ୍ଗ୍‌ ପରିତ୍ରାଣ ଲୋକୁଦି ନିୟମ୍‍ତିଙ୍ଗ୍‌ ମାନାତିଙ୍ଗ୍ ଏସ ନାଣ୍ତ ଗୌରବ୍‍ ଆଏତେମାନାତ୍ । 
\v 10 ମାଡ଼ୁ ଇନ୍‌ଡ୍ରେଙ୍ଗ୍‌ ଆଟିନିକା, ପୁର୍ବେ ଆମାକା ଦନ୍ୟବାଦ୍‌ ମାରାତ୍, ଜାୟ୍‌ତି ଉଣ୍ତ୍ରି ମହିମାଦି ୱାତାତ୍‍ଆକା ଇଲେଇ ଆକା ୱାର୍‍ସି ସରାମାନାତ୍ । 
\v 11 ଜଦି ତେବାଇ ବିସୟ ନିସ ଗୌରବ୍‍ ପୋଇନାତ୍, ୱିଜୁ ଦିନ୍‍ତି ବିସୟ ୱେନିମାଡ଼ାନ୍‍କୁ ଏସ ନାଣ୍ତ ଗୁଣୁତାନ୍ ଗୌରବ୍‌ ପୋଇନାନ୍ !
\p
\v 12 ଆୟା ଆସା ମାନିଙ୍ଗ୍ ମାଡୁ ନାଣ୍ତ ସାହାସ୍ । 
\v 13 ମାଡ଼ୁ ମୋସାଦି ୱାଜା ଆଇକା । ୱାନ୍‌ ନିଜେ ମୋକମତୁ କାବର୍‍ ପିଡ଼ିଗିତା ମାରାନ୍, ଏଣ୍ତେସ୍ ନାମ୍‍ଜିମାନି ଆୟା ଦିୱେଙ୍ଗ୍ ୱିଜ୍‍ନିକା ଇସ୍ରାଏଲ୍‌ ଲୋକୁ ସୁଡ଼ୁଦେଙ୍ଗ୍‌ ଆଟ୍‍ଏର୍‍ । 
\v 14 ସତେନେ ୱାର୍‌ ବୁଜାନି ସାକ୍ତି ହାରା କିତାମାନାର୍‌ । ଇଲେଇବା ପାଡ଼୍‍ଇ ନିୟମ୍‌ ପଡ଼ାନି ୱାଲେ ୱାରି ଆଗ୍‍ଡ଼ି ଆୟା ଓଡ଼ଣି ବ୍ୟବ୍‌ହାର୍‌ ମାନାତ୍ । ଜିସୁ କ୍ରିସ୍ତଦି ୱାଲେ ମିସାନିମାଡ଼ାନ୍ କେବଲ ଆୟାୱାନିକା ଆକ ଆନାତ୍‌ । 
\v 15 ନେରୁ ବା ମୋସାଦି ବ୍ୟବସ୍ଥା ପଡ଼ାନିୱାଲେ ୱାରି ମୋନ୍‌ ମୁସୁକୁ ମାନାତ୍ ଉଣ୍ତ୍ରି କାବର୍‍ । 
\v 16 ମାତର୍‌ ଆୟା କାବର୍‍ ଗୁସାଦେଙ୍ଗ୍ ଆଟ୍‌ନାତ୍ । ଇରିଙ୍ଗ୍‌ ଦର୍ମ ସାସ୍ତ୍ର ଇନାତ୍‍, ବ୍ୟବସ୍ଥାଦୁ ମୋସାଦି ବିସୟତାନ୍‍ ରାସାତାମାନାତ୍‌, ମାପୁରୁଦି ଆଗ୍‍ଡ଼ି ମୋକମ୍ ସୁଣିଉଣ୍ତିଙ୍ଗ୍ ଆୟା କାବର୍‍ ଗୁସାତାସରାତ୍ । 
\v 17 ଇୟା ବ୍ୟବସ୍ଥାଦୁ ରାସାତିକା “ପ୍ରବୁ ଆଜିନାନ୍ ଆତ୍ମା” ଏମେନୁ ପ୍ରବୁଦି ଆତ୍ମା, ଆବେନ୍‌ ମାନାତ୍ ମୁକୁଡ଼ାନିକା । 
\v 18 ମା ୱିଜେରି କେର୍‍ବିଇ ମୋକମି ଇଲେ ପ୍ରବୁଦି ମହିମା ଜାୟ୍‍ଆନାତ୍ ମାରି ପ୍ରବୁଦି ଆତ୍ମା ମାଡ଼ାନ୍ ସସିମାନି ଆୟା ମହିମାଦି ଆଟ୍‍ନିମାଡ଼ାନ୍‍ ମାଡ଼ୁ ନାଣ୍ତ ଜାୟ୍‌ ଇସାବ୍‍ତାନ୍‍ ୱାନି ମୁର୍ତିୱାଜା ବାଦ୍‍ଲେ ଆଜିନିକା ।
\c 4
\p
\v 1 ମାପୁରୁଦି ଦୟା କିଜି ମାଙ୍ଗିଁ ଇୟା ସେବା ପାଣି ସିତିମାନିଙ୍ଗ୍ ମାଡ଼ୁ ୱେଡ଼ିକାସିଲି ଲୋକା ୱାଜା କିଇକା । 
\v 2 ସେମାର୍‌ତି ମାରି ଆରେତିପାଣି କିତି ପାଣି ୱିଜୁ ମାଡ଼ୁ ଡ଼ିସିନିକା । ମାପ୍‌ ଟକେ କିଏପ୍‍ ମାରି ମାପୁରୁଦି ବାକ୍ୟଦିଙ୍ଗ୍ ତାଗ୍‍ଇ ଅର୍ତ କିଏପ୍‍ । ମାତର ତରାନି ଇସାବ୍‍ତାନ୍‍ ମାପୁରୁଦି ଆଗ୍‍ଡ଼ି ଲୋକା ବୁଦି ଲାକୁତୁ ମାପ୍‌ ନିଜେ ନିଜେଦି ସତ୍‌ ପାର୍‍ମାଣ୍‍ କିନି ଉଣ୍ତିଙ୍ଗ୍ ଚେଷ୍ଟାକିଜିନାପ୍‍; 
\v 3 ମାତର ମା ମାଡ଼ାନ୍ ପ୍ରଚାର୍ ଆତିମାନି ସୁସମାଚାର୍‌ ଜଦି ମାର୍‍ଗିନାମାନାତ୍‍, ଆର୍‌ତିଙ୍ଗ୍‌ ଆରେତି ନାସ୍ଟୁଆନିଲୋକା ଉଣ୍ତିଙ୍ଗ୍‌ ଆକା ମାର୍‍ଗିନାମାନାତ୍‍ । 
\v 4 ୱାର୍‌ ବିସ୍‍ବାସ୍ କିଏରେ, ଇରିଙ୍ଗ୍‌ ୱାରି ମନ୍‍ତିଙ୍ଗ୍ ଇୟା ଦୁନିଆଦି ଦିୟାମ୍‌ କାଣା କିତାମାନାତ୍ । ଇସାବ୍‍ତାନ୍ ମାପୁରୁଦି ମୁର୍ତିଦି କ୍ରିସ୍ତଦି ମହିମାନ୍ନିତ ସୁସମାଚାର୍‌ତି ଜାୟ୍‌ ୱାରି ଲାକୁତୁ ସଲ୍‌ଏତ୍‍ନି । 
\v 5 ମାପ୍‌ ନିଜେଦିଙ୍ଗ୍ ପ୍ରଚାର୍‌ କିଏପ୍‍, ମାତର୍‌ କ୍ରିସ୍ତଦି ପ୍ରବୁ ଇଜି ମାରି ଜିସୁଦି ଉଣ୍ତିଙ୍ଗ୍‌ ନିଜେ ନିଜେଦିଙ୍ଗ୍ ମି ସେବାକିନିକା ଇଜି ପ୍ରଚାର୍ କିନାପ୍, 
\v 6 ଇରିଙ୍ଗ୍‌ ଆମା ମାପୁରୁ ଇର୍‌ଆମାନାନ୍‌, “ସିକାଟିଦି ଲୋଇରାନ୍‌ ଜାୟ୍‌ତିକା ଆନିକା,” ଆୟା ମାପୁରୁ କ୍ରିସ୍ତଦି ମୋକମ୍‌ତାନ୍ ସାକ୍ତିଦି ମହିମା ସୁଡ଼ୁନି ଉଣ୍ତିଙ୍ଗ୍‌ ମା ଜିବନ୍‌ତୁ ଜାୟ୍‌ କିତାମାନାନ୍ ।
\p
\v 7 ମାତର୍‌ ମାଡୁ କେବଲ ମା ସାମାନ୍‌ତି ସିକିଲା ସାଟିଦୁ ଇୟା ମୁସ୍‌କୁପୁର୍‌ତି ଦନ୍‌ସମ୍ପତି ପୟ୍‍ତିମାନିକା । ଇବେଣ୍‌କୁ ପାର୍‍ମାଣ୍‍ ଆତାମାନାତ୍‌ ଜେ, ଇୟାୱାଜା କାବାଆନି ସାକ୍ତି ମାଦି ଆଏତ୍‍, ମାତର୍‌ ମାପୁରୁଦି । 
\v 8 ମାପ୍‌ ୱିଜୁ ଦୁଃକ୍ କାଷ୍ଟୁ ପୋଇଜିନାପ୍, ମାତର୍‌ ନିରାସ୍‌ ଆଏପ୍ । ବେଡ଼ା ବେଡ଼ାଦୁ ତିଲାଜିନାପ୍‌ ମାତର୍‌ ନିରାସ୍‌ ଆଏପ୍ । 
\v 9 ମାପ୍‌ ଦୁଃକ୍‌କାସ୍ଟୁ ପୟ୍‌ତାପ୍, ମାତର୍‌ ମାପୁରୁ ମାଙ୍ଗିଁ ଏସ୍‌କାଙ୍ଗ୍‍ ବା ଡ଼ିସ୍‍ଏନ୍‍ । ଏସ ବେଡ଼ାଦୁ ମାପ୍‌ କାସ୍ଟୁ ପୟ୍‌ତାମାନାପ୍‌, ମାତର୍‌ ଦ୍ୱଂସ ଆଏପ୍‌ । 
\v 10 ଜିସୁଦି ଜିବନ୍‌ ଏଣ୍ତେସ୍‌ ମାମାନୁ ୱେଙ୍ଗିଁନାତ୍‌, ଆୟାଉଣ୍ତିଙ୍ଗ୍‌ ମାଡୁ ୱିଜୁଦିନ୍ ମା ମେନ୍ଦଲ୍‌ତୁ ଜିସୁଦି ସାନିକା ପିଡ଼ିଜିନାପ୍‌ । 
\v 11 ଜିସୁଦି ଜିବନ୍‌ତିଙ୍ଗ୍‌ ଇୟା ସାତି ମେନ୍ଦଲ୍‌ତାନ୍‌ ୱେକ୍‌ନି ଉଣ୍ତିଙ୍ଗ୍‌ କ୍ରିସ୍ତଦି ଉଣ୍ତିଙ୍ଗ୍‌ ୱିଜୁଦିନ୍‌ତି ଜିବନ୍‌ ମାଡୁ ସାନି ମାନୁ ଆର୍‌ତି ମାନିକା । 
\v 12 ମାରି ଇୟାୱାଜା ଦାନ୍‌, ମାମାନୁ ସାନିକା ମାରି ମି ଲୋଇ ଜିବନ୍‌ତି ପାଣି କିଜି ସାଲାନିକା ।
\p
\v 13 ଦର୍ମସାସ୍ତ୍ରଦୁ ରାସାତା ମାନାତ୍, “ନାନ୍‌ ବିସ୍‌ବାସ୍‌ କିନି ଉଣ୍ତିଙ୍ଗ୍‌ ୱାର୍‌ଗିତା ।” ମାଡୁ ଆୟା ବିସ୍‍ବାସ୍‌ତି ଆତ୍ମା ପୟ୍‌ତିମାନିକା । ମାଡୁ ବିସ୍‍ବାସ୍ କିଜିନିକା, ଆଦେଙ୍ଗ୍‍ଁ ୱେର୍‌ସିନାପ୍‌ । 
\v 14 ମାପୁ ନେସ୍‍ନିକା, ମାପୁରୁ ପ୍ରବୁ ଜିସୁଙ୍ଗୁଁ ସାତିମାଣୁକୁ ଜିବନ୍‌ କିତାମାନାନ୍‌ । ଆୟା ମାପୁରୁ, ଜିସୁଦି ୱାଲେ ମାଙ୍ଗିଁ ବା ଜିବନ୍‌ କିନାନ୍ ମାରି ମି ୱାଲେ ମାଙ୍ଗିଁ ୱାନି ଲାକ୍‌ତୁ ଅନାନ୍ । 
\v 15 ମି ନେଗି ଉଣ୍ତିଙ୍ଗ୍‌ ଇୟାୱିଜୁ ଗଟାଜିନାତ୍ । ମାପୁରୁଦି ଦୟା ମାରି ନାଣ୍ତଦାନ୍ ନାଣ୍ତ ପିର୍‌ଜି ଲୋକାଙ୍ଗ୍‌ ମୁଟୁତାତ୍‌, ମାରି ଗାଦିଲୋକ୍‌ ନେଗି ମୋନ୍‌ତାନ୍‌ ମାପୁରୁଦି ଗୌରବ୍‍ କିନାର୍ ।
\s ବିସ୍‍ବାସ୍‍ତି ଜିବନ୍‌
\p
\v 16 ଇୟାଉଣ୍ତିଙ୍ଗ୍‌ ମାପ୍‌ ଏସ୍‌କାଙ୍ଗ୍‍ ନିସାର୍‌ ଆଏପ୍‌ । ମା ମେନ୍ଧଲ୍‍ ଦିରେ ଦିରେ ୱିଜ୍‌ଜିନାତ୍‌ । ମାତର୍‌ ମା ଜିବନ୍‌ତିଆତ୍ମା ଦିନ୍‌ତିଙ୍ଗ୍‌ ଦିନ୍‌ ପୁନିକା ଆଜିନାତ୍ । 
\v 17 ଇୟା ଇସ୍ରିମାଟା ମାରି ଅଡ଼ପ୍‍ତି ଦୁକ୍ କାସ୍ଟୁ ମା ଉଣ୍ତିଙ୍ଗ୍‌ ତାସିନାତ୍ ଇସାବ୍‌ସିଲି ୱିଜୁଦିନ୍‌ତି ଗୌରବ୍‍ ପୁରା କିଜିନାତ୍‌ । ଇୟା ଗୌରବ୍‍ ଦୁଃକ୍‌କାସ୍ଟୁଦାନ୍‌ ପେରିକା । 
\v 18 ମା କାଣ୍‌ଗା ସୁଡ଼ୁନି ଜିନିସ୍‌ ମୁସ୍‌କୁ ସିଲେ, ମାତର୍‌ ତର୍‍ଇ ଜିନିସ୍‍ ମୁସ୍‌କୁ ସୁଡ଼ୁଜିନିକା, ଇରିଙ୍ଗ୍‌ ତର୍‍ନି ୱିଜୁ ଜିନିସ୍‍ ସାଣେକ୍‌ତିଙ୍ଗ୍‌, ମାତର୍‌ ଆମାକା ତର୍‍ଏତ୍, ଆକା ୱିଜୁଦିନ୍‍ ତେବାନାତ୍‍ ।
\c 5
\p
\v 1 ମାପୁ ନେସିନିକା, ଏମେ ଦୁନିଆଦି ମେନ୍ଦଲ୍‍ତି ୱାଜା ଗୁଡ଼ାଦୁ ମାପୁ ଇଲେଇ ବାସା କିଜିନିକା, ଆକା ନାସ୍ଟୁ ଆତିଆଙ୍ଗାଁ, ମାଙ୍ଗିଁ ମାପୁରୁଦି ମୁସ୍‌କୁପୁର୍‌ତୁ ଉନ୍‌ଡ୍ରି ୱିଜୁଦିନିତି ଇଲୁ ଜଗେକିନାନ୍ । ଆକା ଲୋକ କିୟୁଦାନ୍‌ ତିଆର୍ କିତିକା ଆଏତ୍‍ ନିଜେ ମାପୁରୁ ଆକା ତିଆର୍ କିତାମାନାନ୍ । ଆକା ୱିଜୁଦିନ୍‍ ତେବାନାତ୍‌ । 
\v 2 ଇୟା ଦୁନିଆଦି ଇଲୁଦୁ ମାନ୍‌ଜି ମାପ୍‌ ଆୟା ମୁସ୍‌କୁପୁର୍‌ତି ଇଲୁୱାଜା ଆଙ୍ଗିଁ ଆରାଦେଙ୍ଗ୍ ୱେଡ଼ିକା କିଜିନାପ୍‌ । 
\v 3 ମାତର୍‌ ଆୟା ମୁସ୍‌କୁପୁର୍‌ତି ଇଲୁଦୁ ସରିଆଙ୍ଗାଁ, ମା ମେନ୍ଦଲ୍‌ନାଗାଡ଼ା ତର୍‌ଏତ୍‌ । 
\v 4 ମାପୁ ଇୟା ଦୁନିଆଦି ଗୁଡ଼ାଦୁ ମାନିୱାଲେ ୱିଜୁଦିନ୍‌ତି ଜିବନ୍‌ ଆଡ଼ାବାଜିନାତ୍‌ । ଦୁନିଆଦି ମେନ୍ଦଲତିଙ୍ଗ୍ ଡ଼ିସିତେଙ୍ଗ୍ ମା ଆସା ସିଲେତ୍‌, ମାତର୍‌ ମାପ୍‌ ଅଡ଼୍‌ବିନାପ୍‌, ମୁସ୍‌କୁପୁର୍‌ତି ଆଙ୍ଗିଁ ଆରାନି ମାଣ୍‌କୁ ମା ଇୟା ସାତି ମେନ୍ଦଲ୍‍ ଏଣ୍ତେସ୍ ୱିଜୁଦିନ୍‌ତିଙ୍ଗ୍‌ ନେଗିକା ଆନାତ୍‌ । 
\v 5 ମାପୁରୁ ମାଙ୍ଗିଁ ଇୟା ବାଦ୍‌ଲେଆନି ଉଣ୍ତିଙ୍ଗ୍‌ ତିଆର୍ କିତାମାନାନ୍ । ମାରି ଇୟାକା ମା ଉଣ୍ତିଙ୍ଗ୍‌ ୱାନି ପବିତ୍ରଆତ୍ମାଦିଙ୍ଗ୍ ୱାନ୍‌ ୱାନି ସିନା ୱାଜା ମାଙ୍ଗିଁ ଦାନ୍ କିତାମାନ୍ ।
\p
\v 6 ଆୟାଉଣ୍ତିଙ୍ଗ୍‌ ମାପୁ ୱିଜୁଦିନ୍ ସାହାସ୍ ଆସ୍ତିମାନିକା । ମାପ୍‌ ନେସ୍‍ନିକା, ଏସ ଦିନ୍ ମାପୁ ଇୟା ମେନ୍ଦଲ୍‌ତୁ ମାନ୍‍ଜିନିକା, ନାସ ଦିନ୍‌ ପ୍ରବୁଦି ଇଲୁଦାନ୍‌ ଆକମାନିଜି ଜିଜି ମାଡ଼ିନିକା । 
\v 7 ଇରିଙ୍ଗ୍‌ ମା ଜିବନ୍‌ ତର୍‌ନି ବିସୟ୍‍ ମୁସ୍‌କୁ ଜିଜି ମାଡ଼ିଏଣ୍‌ଗା ମାତର୍‌ ବିସ୍‍ବାସ୍ ମୁସ୍‌କୁ ଜିଜି ମାଡ଼ିନିକା । 
\v 8 ଆଦେଙ୍ଗ୍‍ଁ ମାପୁ ସାହାସ୍‌ତାନ୍, ମାରି ଇୟା ମେନ୍ଦଲ୍‌ ଡ଼ିସ୍‍ସି ପ୍ରବୁ ୱାଲେ ବାସା କିନି ଉଣ୍ତିଙ୍ଗ୍ ମାପୁ ନାଣ୍ତ ୱେଡ଼ିକା । 
\v 9 ଆୟାଉଣ୍ତିଙ୍ଗ୍‌ ଆତ୍‌ରେ ଆପିତ୍‌ ଇଲୁଦୁଆପିତ୍ ମାପୁରୁଙ୍ଗୁ ୱେଡ଼ିକା କିଦେଙ୍ଗ୍ ହଁ ମା ଉଣ୍ତ୍ରେ ବଦା । 
\v 10 \x + \xo ୫:୧୦ \xo*\xt ରୋମିୟ ୧୪:୧୦.\xt*\x*ଇରିଙ୍ଗ୍‌ ମା ୱିଜେରିଙ୍ଗ୍ ୱାନିମାଡ଼ାନ୍‍କୁ ବିଚାର୍‍ ଆଦେଙ୍ଗ୍‍ଁ ସତେନ୍ କ୍ରିସ୍ତଦି ଆଗ୍‍ଡ଼ି ନିଣ୍ତ୍‍ରେଙ୍ଗ୍ ପଡ଼ାନାତ୍ । ନାସ୍ତିୱାଲେ ସାନି ମେନ୍ଦଲ୍‌ତୁ ମାଡୁ କିତିମାନି ନେଗିକା ବା ତାଗ୍‍ଇକା, ୱିଜୁ ପାଣିକିତି ଇସାବ୍‍ତାନ୍‍ ମାଡୁ ପଲ୍‌ ପୋଇନିକା ।
\s କ୍ରିସ୍ତଦି ନାଡ଼୍‍ମି ପାଣି ଉଣ୍ତିଙ୍ଗ୍‍ଁ ମାପୁରୁଦିୱାଲେ ତଡ଼୍‍
\p
\v 11 ମାପୁରୁଙ୍ଗୁ ତିଲାନି ଅର୍ତ ଇନିକା, ମାପ୍‌ ନେସ୍‍ତାମାନାପ୍‍, ମାରି ଇକା କିନି ଉଣ୍ତିଙ୍ଗ୍‌ ମାପୁ ୱିଜେରିଙ୍ଗ୍ ୱେର୍‍ତାମାନାପ୍ । ମାପୁରୁ ମାଙ୍ଗିଁ ୱିଜେରିଙ୍ଗ୍ ନେଗେନ୍‌ତାନ୍‌ ନେସ୍‍ତା ମାନାନ୍ । ନାନୁ ଆସା କିଜିନା, ମି ବୁଦିଦାନ୍‌ ନାଙ୍ଗିଁ ନେଗେନ୍‍ତାନ୍‍ ନେସ୍‍ନିଦେର୍‍ । 
\v 12 ମାପୁ ମାରିଡ଼େସି ମି ଲାକ୍‍ତୁ ମାପୁ ଜିବନ୍‌ ଗର୍ବ କିଦେଙ୍ଗ୍ ଇଛା କିଏଜିନାପ୍ । ମାତର୍‌ ମା ବିସୟତାନ୍‍ ଟିକ୍‍ତାନ୍‍ ଗର୍ବ କିନି ଉଣ୍ତିଙ୍ଗ୍‍ଁ ମିଙ୍ଗିଁ ସୁଜୋଗ ସିଦେଙ୍ଗ୍‌ ମା ଉଦେସ୍ । ଆର୍‌ତିଙ୍ଗ୍‌, ମୋନତି ଗୁଣ୍‍ ସୁଡ଼ୁଏଜି କେବଲ ଆତେରି ୱେଡ଼ିକା ସୁଡ଼୍‌ଜି ଏମେକାର୍ ଗର୍ବ କିନାର୍, ୱାରିଙ୍ଗ୍ ମିର୍‌ ଟିକ୍ ବେଡ଼ାଦୁ ଉତର ସିଦେଙ୍ଗ୍‌ ଆଟିନିଦେର୍‌ । 
\v 13 ମାଦି ଇନିକା ବୁଦିବେମ୍ରି ଆତାମାନାତ୍‌ ? ମାଦି ଜଦି ବେମ୍‌ରି ଆନାମାନାତ୍‍, ଆକା ମାପୁରୁଦି ଉଣ୍ତିଙ୍ଗ୍‌ ଆତାମାନାତ୍ । ମାପ୍‌ ଇନିକା ଆୟା ନାନିଲୋକ ? ମାପ୍‌ ଜଦି ଆୟା ନାନିଲୋକ, ଆର୍‌ତିଙ୍ଗ୍‌ ମି ଉଣ୍ତିଙ୍ଗ୍‌ ଆୟାୱାଜା ମାନାପ୍ । 
\v 14 କ୍ରିସ୍ତଦି ଜିବନ୍‍ନନି ମାଣାନ୍‌ ମାପୁ ବୁଲାଜିସାଜିନିକା । ମାଡୁ ବୁଜାଜିନିକା ଜେ, ଅରେନ୍ ୱିଜେରିଉଣ୍ତିଙ୍ଗ୍ ସାତିମାନିଙ୍ଗ୍ ୱିଜେରେ ଆୟାୱିଜେରେ ସାତିମାନୁ ମିସାତାର୍ । 
\v 15 ୱାନ୍‌ ୱିଜେରି ଉଣ୍ତିଙ୍ଗ୍‌ ସାତିମାନିଙ୍ଗ୍ ଏମେକାର୍ ଜିବନ୍‌ ମାନାର୍, ୱାର୍‌ ମାରି ନିଜେଦି ଉଣ୍ତିଙ୍ଗ୍‌ ଜିବନ୍‌ଜାପନ୍‌ କିଏଜି ୱାନିଉଣ୍ତିଙ୍ଗ୍ ଜିନାର୍‍, ମାତର ୱାନିଉଣ୍ତିଙ୍ଗ୍‌ନେ ୱାନ୍‌ ସାଜି ମାରିଡ଼େସି ନିଙ୍ଗିଁତାମାନାନ୍‌ ।
\p
\v 16 ମାପ୍‌ ମାରି ଏମେୱାନିଙ୍ଗ୍ ଲୋକା ଇସାବ୍‍ତାନ୍‍ ବିଚାର୍‌ କିଏପ୍‍ । ବେଡ଼ା ମାରାତ୍ ନାସ୍ତିୱାଲେ ମାପୁ କ୍ରିସ୍ତଦିଙ୍ଗ୍‌ ବା ଲୋକା ଇସାବ୍‍ତାନ୍‍ ବିଚାର୍ କିଜିମାର୍ହାପ୍‍ । ମାତର ଇଲେ ମାରି ମାପୁ ଆୟାୱାଜା କିଏଜିନାପ୍‍ 
\v 17 କ୍ରିସ୍ତଦି ୱାଲେ ମିସାତିଙ୍ଗ୍, ଲୋକୁ ପୁନିକାନ୍ ତିଆର ଆନାତ୍‌ । ପାଡ଼୍‍ଇ ବିସୟୱିଜୁ ମାରିଗିତା ସର୍ହାମାନାତ୍, ମାରି ପୁନି ବିଷୟ ଆତାନ୍‌ । 
\v 18 ଇୟାୱିଜୁ ମାପୁରୁଦି ପାଣି । ୱାନ୍‌ କ୍ରିସ୍ତଦି ମାଡ଼ାନ୍‍କୁ ମାଙ୍ଗିଁ ୱାନିୱାଲେ ମାରି ମିସାକିତା ମାନାନ୍ ମାରି ୱାନିୱାଲେ ଆଇୱାରିଙ୍ଗ୍‌ ବା ମାରି ମିସା କିନି ଉଣ୍ତିଙ୍ଗ୍ ୱାନ୍‌ ମାଙ୍ଗିଁ ସେବା ଦାୟିତ୍‍ ସିତାମାନାନ୍‌ । 
\v 19 ଆର୍‌ତିଙ୍ଗ୍‌ ମା କାବୁର୍ ଆଜିନାତ୍, ମାପୁରୁ କ୍ରିସ୍ତଦି ମାଡ଼ାନ୍ ୱିଜୁ ଦୁନିଆଦି ଲୋକାଙ୍ଗ୍‌ ୱାନି ୱାଲେ ମାରି ମିସା କିନି ଉଣ୍ତିଙ୍ଗ୍ ନିୟମ କିତାମାନାନ୍ । ୱାନି ବିରୁଦ୍‌ତାନ୍ ୱାରି ପାପ୍‌ୱିଜୁ ୱାନ୍‌ ମାରି ୱାନି ଇସାପ୍‍ତାନ୍ ଇଡ୍‍ଏନ୍‍ । ମାରି, ଇୟା ପୁନି ମିସାକିନି କାବୁର୍ ୱେର୍‍ତେଙ୍ଗ୍ ଦାୟିତ୍‌ ମା ମୁସୁକୁ ବୋଜୁ ସିତାନ୍‌ ।
\p
\v 20 ଆର୍‌ତିଙ୍ଗ୍‌ ମାପ୍‌ କ୍ରିସ୍ତଦି ତରିଟାନ୍‍ ଇୟା ବଲୁ ଇଜିନାପ୍‍ । ନିଜେ ମାପୁରୁ ମା ମାଡ଼ାନ୍‍କୁ ଇୟା କୁକ୍‌ନିକା ସିତାମାନା ଇଜି ଅଡ଼୍‍ବିଦେଙ୍ଗ୍‍ଁ ଆନାତ୍‌ । କ୍ରିସ୍ତଦି ତରିଟାନ୍ ମାପୁ ମାଡ଼ିସ୍‍ କିଜିନାପ୍, ମାପୁରୁ ବାଦେଲେ କିପିନ୍‍ ମିଙ୍ଗିଁ ସାତ୍ରୁଦାନ୍‍ ତଡ଼୍‍ଆଦେଙ୍ଗ୍‍ଁ । ମାପୁରୁଦି ୱାଲେ ପୁନା ମିସାଦୁ, 
\v 21 ମାତର କ୍ରିସ୍ତମାନୁ ପୁରା ପାପ୍‌ ସିଲେତିଙ୍ଗ୍‌ ବା, ମାପୁରୁ ୱାନିଙ୍ଗ୍‌ ମା ଉଣ୍ତିଙ୍ଗ୍‌ ପାପ୍‍ତି ପୁଜା ୱାଜାକିତାନ୍, ମାଡ୍‌ ଏଣ୍ତେସ୍ ୱାନିୱାଲେ ମିସାଜି ମାପୁରୁଦି ଦାର୍ମୁପାଣିଦୁ ମିସାଦେଙ୍ଗ୍ ଆଟିନିକା ।
\c 6
\p
\v 1 ମାପୁରୁଦି ଉଣ୍ତିଙ୍ଗ୍‌ ଅର୍‌ସେ ପାଣି କିତିମାନିଙ୍ଗ୍‌ ମାପ୍‌ ମିଙ୍ଗିଁ ମାଡ଼ିସ୍‍ କିଜିନାପ୍, ମି ଜିବନ୍‌ତୁ ମାପୁରୁଦି ଦୟା ଆରେଏ କିମାଟ୍‌ । 
\v 2 ୱେନ୍‌ଡ୍ରୁ ଆମାକା ମାପୁରୁ ଇନାନ୍‌ :
\q1 “ମି ଉଣ୍ତିଙ୍ଗ୍‌ ଦୟା ତର୍‌ନି ବେଡ଼ା ୱାତିମାନିଙ୍ଗ୍‌
\q2 ନାନ୍‌ ମି ପାର୍‌ତାନା ୱେର୍‌ଆ,
\q1 ରକ୍‌ୟାଦି ନାଣ୍ତିଙ୍ଗ୍‌ ମି ସାକା ଆତା ।”
\m ୱେନ୍‌ଡ୍ରୁ ! ଇକା ଆଜିନାତ୍, ମାପୁରୁଦି ଦୟା ମାନାନି ବେଡ଼ା । ନେରୁ ଆଜିନାତ୍ ରକ୍‌ୟାଦି ଦିନ୍‌ ।
\p
\v 3 ଆମା ସେବାକିନି ବାଡି ମାପ୍‌ ପୟ୍‍ତା ମାନାପ୍, ତାନି ଦସ୍‍ ଏଣ୍ତେସ୍‌ ଆଏତ୍‍, ଆୟାଉଣ୍ତିଙ୍ଗ୍‌ ମାପ୍‌ ଏମେୱାନି ପାଣିଦୁ ବାଦା ସିଏପ୍ । 
\v 4 ମାରି ମାଡୁ ୱିଜୁ ଅବସ୍ଥାଦୁ ନିଜେଦିଙ୍ଗ୍ ମାପୁରୁଦି ସେବାକିନିକା ୱାଜା ଜାଣାସିନା କିଜିନାପ୍‌ । ନାଣ୍ତ ସାହାସ୍‍ତାନ୍‍ ମାପ୍‌ ୱିଜୁ ରକମ୍‌ତି କାସ୍ଟୁ, କାକୁର୍ତି ମାରି କାସ୍ଟୁ ସାସ୍‍କିତାମାନାପ୍; 
\v 5 \x + \xo ୬:୫ \xo*\xt ପ୍ରେରିତ ୧୬:୨୩.\xt*\x*ମାପ୍‌ ମାଡ୍‌ ତିର୍‌ଆର୍ହାପ୍‍, ଜେଲଦଣ୍ତ ବୋଗକିତାମାନାପ୍‍, ଜୁଦ୍‌ଦୁ ସାମ୍‍ନା କିତାମାନାପ୍‍; ନାଣ୍ତକାସ୍ଟୁପାଣି କିତାମାନାପ୍‍, ଅନିଦ୍ରାଆଜି ତେବାତାପ୍‍ ମାରି କାଦି ଉଣୁଏଣ୍‌ଗା ତେବାତାମାରାପ୍ । 
\v 6 ମା ପବିତ୍ରତା ବୁଦି, ସାହାସ୍‍, ଦୟା, ସତ୍‍ ଜିବନ୍‍ନୋନିକା ମାରି ସତ୍‍ତି ମାଟା ଉଣ୍ତିଙ୍ଗ୍‌ ପବିତ୍ର ମାପୁରୁଦି ସାକ୍ତିଦାନ୍ ମାପ୍‌ ମାପୁରୁଦି ସେବକ ଇଜି ପରିଚୟ ସିତାମାନାପ୍‍, 
\v 7 ସତ୍‍ ବାକ୍ୟଦୁ, ମାପୁରୁଦି ସାକ୍ତିଦୁ ଉଣେରି ତରିନ୍‌ ନି ଡେବ୍ରି ତରିନ୍‍ ବିରୁଦ୍‌ତାନ୍ ଲଡ଼େଇ କିନି ଉଣ୍ତିଙ୍ଗ୍ ଦାର୍ମୁ ଜିବନ୍‌ ମା ପେରି ସାଜୁ । 
\v 8 ମାପ୍‌ ସନ୍‌ମାନ୍‌ ଆଜିନାପ୍‍ ମାରି ଅପମାନିତ ଆଜିନାପ୍‍, ପ୍ରସଂସା ମାରି ସେମାର୍‍ ପୟ୍‍ଜିନାପ୍ । ମାଙ୍ଗିଁ ମିଚୁଆର୍‍ ଇଜି ଅପମାନ୍‍ ସିତାମାନାର୍, ଆତିଙ୍ଗ୍‍ଁବା ମାପ୍‌ ପୁରା ସତ୍‌ ଇଜିନାପ୍‍ । 
\v 9 ମାପ୍‌ ନେସ୍‍ତି ଲୋକ୍‍ ଆଜି ବା ନେସ୍‍ଇ ଲୋକା ୱାଜା, ଜିବନ୍‌ ମାନ୍‍ଜି ବା, ସାତିକାର୍‍ ଇଜି ଦର୍‍ପୟ୍‍ତାପ୍‍ । ମାପ୍‌ ଦଣ୍ତ ପୋଇତାମାନାପ୍‍, ମାତର ସାଏପ୍‍ । 
\v 10 ମାପ୍‌ ଆଡ଼୍‍ବାଜି ବା ୱିଜୁଦିନ୍ ୱେଡ଼ିକା । ମାପ୍‌ କାକୁର୍ତିୱାଜା ତରାଜିନାପ୍‍, ମାତର ଏସ ଲୋକାଙ୍ଗ୍‌ ମାଜନ୍‍କିତାମାନାପ୍‍ । ମାଙ୍ଗିଁ ଇନିକା ସିଲେତିୱାଜା ମନେଆଜିନାତ୍, ମାତର ସତ୍‌ତାନ୍‌ ମାପ୍‌ ୱିଜୁଦି ଅଦିକାରିର୍‍ ।
\p
\v 11 କରନ୍ତିଦି ଲାଡ୍‍ତି ତଡ଼ାନ୍‍କୁ ନି ତାଙ୍ଗିଁକ୍‍ ମାପୁ ସୁରି ୱାର୍‍ଗିନି ଲୋକ୍‍ ସିଲେ ମିଙ୍ଗିଁ ୱିଜୁ ଇର୍ହାମାନାପ୍ । ମି ଲାକୁତୁ ମା ଜିବନ୍‌ ରେତା ସିତାମାନାପ୍ । 
\v 12 ମାପୁ ମି ଉଣ୍ତିଙ୍ଗ୍‌ କେରେପ୍‍ତି ଜିବନ୍‌ ଆଏପ୍, ମାତର ମି ଜିବନ୍‌ ମା ଉଣ୍ତିଙ୍ଗ୍‌ କେର୍‍ବିତାମାନାତ୍‍ । 
\v 13 ମିଙ୍ଗିଁ ନା କଡ଼ର୍ ଇଜି ଅଡ଼୍‍ବିଜି ଇୟାୱିଜୁ ଇଜିନା । ମା ଅଡ଼ବିନି ଇସାବ୍‍ତାନ୍‍ ମି ଜିବନ୍‌ ରେଆପିତ୍‍ ।
\s ଅବିସ୍‍ବାସିରି ୱାଲେ ଜାସେ ଆମାଟ୍‌
\p
\v 14 ମିର୍‌ କ୍ରିସ୍ତଦିମାନୁ ଏମେକାର୍‌ ବିସ୍‍ବାସ୍‍ କିଏର୍‌ ୱାରିୱାଲେ ସାମାନ୍ ପାଣି କିଦେଙ୍ଗ୍ ସେସ୍ଟା କିମାଟ୍ । ଇକା ଏସାଙ୍ଗ୍‍ ବା ଆଦେଙ୍ଗ୍‍ଁ ଆଟ୍‍ଏତ୍‍ । ଦାର୍ମୁ ମାରି ଅଦାର୍ମୁ ମିସାନେ ଏମେ ? ଜାୟ୍‌ ନି ସିକାଟି ଏଣ୍ତେସ୍‌ ଅର୍‌ସେ ତେବାନେ ? 
\v 15 କ୍ରିସ୍ତ ମାରି ସୟତାନ୍ ଏଣ୍ତେସ୍ ଉଣ୍ତ୍ରେ ମାଟା ଆନାର୍ ? ବିସ୍‍ବାସି ୱାଲେ ଅବିସ୍‍ବାସି ଏମେ ବିସୟ୍‍ତୁ ଉଣ୍ତ୍ରେ ମାଟା ଆଦେଙ୍ଗ୍‌ ଆଟ୍‍ନାର୍‍ ? 
\v 16 ମାପୁରୁଦି ମନ୍ଦିର୍‌ତୁ ଏଣ୍ତେସ୍ ଦିୟାମ୍‍ ତିଆର୍‍ ଆନାତ୍‌ ? ମାଡ୍‌ ତୋ ଜିବନ୍‍ମାନି ମାପୁରୁଦି ମନ୍ଧିର୍‍, ଇରିଙ୍ଗ୍‌ ମାପୁରୁ ନିଜେ ଇର୍ହାମାନାନ୍‌, “ନା ଲୋକାୱାଲେ ନାନୁ ବାସାକିନା ମାରି ୱାରି ମାନୁ ତେବାନା; ନାନୁ ୱାରି ମାପୁରୁ ଆନା ମାରି ୱାର୍‌ ନା ନିଜେ ଲୋକ ଆନାର୍ ।” 
\v 17 ଆଦେଙ୍ଗ୍‌ ପ୍ରବୁ ଇନାନ୍‌,
\q1 “ୱାରି ମାଡ଼ାନ୍‍କୁ ମିର୍‌ ସୋହସିରାଦୁ,
\q2 ୱାରିମାଡ଼ାନ୍‍କୁ ନିଜେଦିଙ୍ଗ୍‍ ୱେର୍‌ଏ କିଦୁ ।
\q1 ତାଗ୍‍ଇ ବିସୟ୍‍ତି ୱାଲେ ମିସାମାଟ୍,
\q2 ଆର୍‍ତିଙ୍ଗ୍‍ଁ ନାନୁ ମିଙ୍ଗିଁ ଆସ୍‍ନା ।
\q1
\v 18 ନାନୁ ମି ବୁବା ଆନା, ମାରି ଆନିଦେର୍‌ ନା କଡ଼ର୍ ଆଇଲିକ୍‌,
\q2 ସର୍ବସାକ୍ତିମାନ୍ ପ୍ରବୁ ଇୟା ବଲୁ ଇନାନ୍‌ ।”
\c 7
\p
\v 1 ତଡ଼୍‍କୁ ନି ତାଙ୍ଗିଁକ୍‍ ଇୟାୱିଜୁ ମାଟା ମାଡ୍‌ ମାପୁରୁଦିମାଣାନ୍‍ ପୋଇତିମାନିକା । ଆଦେଙ୍ଗ୍‌ ରାଦୁ, ମେନ୍ଧଲ୍‍ ମାରି ଆତ୍ମାଦିଙ୍ଗ୍‌ ତାଗ୍‍ଇକାକିତିମାନୁ ୱିଜୁ ବିସୟତାନ୍ ନିଜେ ନିଜେଦିଙ୍ଗ୍ ନର୍‍ନାଟ୍‍ । ମାରି ମାପୁରୁଦିଙ୍ଗ୍ ତିଲାଜି ପୁରା ପବିତ୍ର ୱାଜା ଜିନାଟ୍‍ ।
\s ପାଉଲ୍‍ତି ୱେଡ଼ିକା
\p
\v 2 ମି ଜିବନ୍‌ତୁ ମାଙ୍ଗିଁ ବାଡି ସିଦାଟ୍ । ମାପ୍‌ ଏମେୱାନିଙ୍ଗ୍ ଅନ୍ୟାୟ୍‌ କିଏପ୍‍, ଏମେୱାନିଙ୍ଗ୍ ନାଷ୍ଟୁକିଏପ୍‍ ଇରିଙ୍ଗ୍‌ ଏମେୱାନି ମାଡ଼ାନ୍‌କୁ ଇନିକା ଲାବ୍‍ ପୟ୍‍ଦେଙ୍ଗ୍ ଚେଷ୍ଟାକିଏପ୍‍ । 
\v 3 ମିଙ୍ଗିଁ ଦୋସ୍‌ ସିଦେଙ୍ଗ୍‌ ନାନୁ ଇୟା ବଲୁ ଇନ୍‍ଏ । ନାନୁ ଆଗ୍‍ଡ଼ିରାନ୍ ଇଜିନା, ମିର୍‌ ମା ନିସ ଲାଡ୍‍ ଜେ ମାପ୍‌ ଜିତିଙ୍ଗ୍‌ ଉଣ୍ତ୍ରେମାନୁ ଜିନାଟ୍‍ ମାରି ସାତିଙ୍ଗ୍‍ ଉଣ୍ତ୍ରେମାନୁ ସାନାଟ୍ । 
\v 4 ମି ମୁସୁକୁ ନା ବେସି ଆସା ମାନାତ୍ । ମି ଉଣ୍ତିଙ୍ଗ୍‌ ନାନୁ ଗର୍ବ ବା ନାଣ୍ତ । ଦୁକ୍ କାସ୍ଟୁ ବେଡ଼ାଦୁ ନାନୁ ସାହାସ୍ ତର୍‍ତାମାନା । ୱେଡ଼ିକାଦୁ ମୁଜିତାମାନା ।
\p
\v 5 ଇୟାୱାଜାକି ମାସିଦୋନିଆଦୁ ଇତିୱାଲେ ମାପୁ ରମ୍‍ଏତାପ୍‍ନି । ୱିଜୁମାନୁ ଅସାନ୍ତି ମାରି ଜାଟି ଲାଗାତାମାରାତ୍, ଆଦେଙ୍ଗ୍‍ଁ ମା ମୋନତୁ ସାନ୍ତି ସିଲେତାତ୍ । 
\v 6 ମାତର ଏମେ ନିରାସ୍‍ତି ୱାରିଙ୍ଗ୍ ସାସ୍‌ ସିଜିମାନି ମାପୁରୁ ତିତସତିଙ୍ଗ୍‌ ପୋକ୍‌ସି ମାଙ୍ଗିଁ ୱେଡ଼ିକା ସିତାମାନାନ୍‌ । 
\v 7 କେବଲ ୱାନି ୱାନିମାଣାନ୍‍ ସିଲେ, ମାତର ୱାନ୍‌ ମି ଲାକୁତୁ ସଲ୍‌ସି ଏମେ ୱେଡ଼ିକା ପୋଇତାମାନାନ୍‍, ଆୟାମାଡ଼ାନ୍ ମାପୁ ୱେଡ଼ିକା ଆତାମାନାପ୍‌ । ନାଙ୍ଗି ସୁଡ଼ୁଦେଙ୍ଗ୍‌ ମି ଏସ ୱେଡ଼ିକା, ନା ଉଣ୍ତିଙ୍ଗ୍‌ ମି ଏସ ଦୁକ୍, ନାଙ୍ଗି ସାସ୍‌ କିଦେଙ୍ଗ୍ ମିର୍‌ ଏସ ୱେଡ଼ିକା, ଇୟାୱିଜୁ ବିସୟ ୱାନ୍‌ ନାଙ୍ଗି ୱେର୍‍ତାମାନାନ୍ । ଆବେଣାନ୍‍ ନାନୁ ନାଣ୍ତ ୱେଡ଼ିକା ଆତାମାନା ।
\p
\v 8 ନା ସିଟି ପୋଡ଼ାଜି ମିର୍‌ ମୁର୍ଚାଆତିମାରିଙ୍ଗ୍ ବା, ଆୟାଚିଟି ରାସ୍‌ତିମାନିଙ୍ଗ୍ ନା ମୋନତୁ ଇନି ଦୁକ୍ ସିଲେତ୍‌ । ସିଟି ମିଙ୍ଗିଁ ସାଣେକ୍‍ତିଙ୍ଗ୍‍ ଦୁକ୍ କିବିସ୍‍କିତିମାନିଙ୍ଗ୍ ନାନୁ ଦୁକ୍ ଆତାମାନ୍ଦି । 
\v 9 ମାତର ମି ମୋନତୁ ଦୁକ୍ ସିତିମାନିଙ୍ଗ୍ ସିଲେ, ମାତର ଇୟା ଦୁକ୍ ମି ଜିବନ୍‌ତି ବୁଲାସାଲା ବାଦ୍‌ଲେ କିତିମାନିଙ୍ଗ୍ ଇଲେଇ ନାନୁ ୱେଡ଼ିକା କିଜିନା । ମାପୁରୁଦି ବଦା ଇସାବ୍‍ତାନ୍‍ ମିର୍‌ ଇୟା ଦୁକ୍ ସାସ୍‌ କିଜିନିଦେର୍‌ । ଆଦେଙ୍ଗ୍‌ ମା ମାଡ଼ାନ୍ ମିର୍‌ ଇନି ରକମ୍‍ତି ନାଷ୍ଟୁ ଆଇଦେର୍‍ । 
\v 10 ମାତର ଇୟାୱାଜାଦି ଦୁକ୍ ମାପୁରୁଦି ମାଡ଼ାନ୍ ବେବହାର୍‍ ଆଜି ତାନିମାଡ଼ାନ୍ ଜିବନ୍‌ ବାଦ୍‌ଲେ ଆତିଙ୍ଗ୍‌ ରକିୟା ପୁଟ୍‍ନାତ୍ । ଇବେନୁ ଚିନ୍ତାକିନି ବିସୟ ସିଲେତ୍‌ । ମାତର କେବଲ ଦୁନିଆଦି ଦୁକ୍ ସାନିକା ଗଟେକିନାତ୍ । 
\v 11 ଆଦେଙ୍ଗ୍‌ ସୁଡ଼ୁଦୁ, ମାପୁରୁଦି ମାଡ଼ାନ୍ ବଦାଦାନ୍ ପୟ୍‍ତିମାନିଦେର୍‍ ଇୟା ଦୁକ୍ ମିଙ୍ଗିଁ ମୋନତୁ ଏସ ୱେଡ଼ିକା, ଏସ ତିଲାନିକା, ଏସ ରିସା, ଏସ, ନିଜେଦିଙ୍ଗ୍‍ଁ ଟିକ୍‍ କିଦେଙ୍ଗ୍‍ଁ ଏସ ସିକିୟା, ତାଗ୍‍ଇ ପାଣିକିନିୱାରିଙ୍ଗ୍‍ ସାସ୍ତିସିଦେଙ୍ଗ୍‌ ଏସ ତାନ୍ଦ୍ରା ମାନାତ୍‌ । ଇୟାୱିଜୁ ବିସୟତାନ୍ ମିର୍‌ ଦୋସ୍ ସିଲିକାର୍‍ ପାର୍‍ମାଣ୍ ଆଜିନିଦେର୍ ।
\p
\v 12 ଜଦିବା ନାନୁ ମି ଲାକ୍‍ତୁ ରାସ୍‍ତା ସିଟି, ମି ମାଡ଼ାନ୍‌କୁ ଜେ ଅନ୍ୟାୟ୍‌ କିତାମାନାନ୍‍ ବା ଜେ ଅନ୍ୟାୟ୍‍ ସାସ୍‌ କିତାମାନାନ୍‌, ତାନି ଉଦେସ୍‍ତାନ୍ ନାନୁ ଆୟା ସିଟି ରାସ୍‍ଏମାରା । ମାତର୍‌ ମାପୁରୁଦି ଆଗ୍‍ଡ଼ି ମା ଉଣ୍ତିଙ୍ଗ୍‌ ମି ମାନାନିକା ଏସ ନାଣ୍ତ ମାରି । 
\v 13 ଆୟା ଉଣ୍ତିଙ୍ଗ୍ ମାପୁ ଏସ ୱେଡ଼ିକା, ଆକା ୱେର୍‍ନି ଉଣ୍ତିଙ୍ଗ୍‌ ନାନୁ ଆୟା ସିଟି ରାସାତା । ମାପୁ କେବଲ ୱେଡ଼ିକା ଆଏପ୍ । ମିର୍‌ ତିତସତିଙ୍ଗ୍‌ ୱିଜୁ ବିସୟତି ସାହାଜ୍ୟ କିଜି ଏଣ୍ତେସ୍‌ ୱେଡ଼ିକା କିଜିନିଦେର୍‌, ଆକା ମାଙ୍ଗିଁ ବେସିୱେଡ଼ିକା ସିତାମାନାତ୍ । 
\v 14 ୱାନି ଲାକୁତୁ ମି ଉଣ୍ତିଙ୍ଗ୍‌ ନାନୁ ଗର୍ବ କିଜିନା । ମାରି ଆୟାଉଣ୍ତିଙ୍ଗ୍‌ ନା ତାଲା ଆଡ୍‍ଗି ଆଏତ୍‍ । ଏଣ୍ତେସ୍‌ ମି ଲାକୁତୁ ମାପୁ ୱିଜୁଦିନ୍ ସତ୍‌ ଇଜିୱାଜିନାପ୍, ଆୟାୱାଜା ତିତସତି ଲାକୁତୁ ମାପୁ କିତିମାନି ପେରି ମାଟେଙ୍ଗ୍, ମିଚ୍‍ ପାର୍‍ମାଣ୍ ଆଏତ୍‍ । 
\v 15 ମିର୍‌ ୱିଜେରେ ଏଣ୍ତେସ୍‍ତାନ୍‍ ୱାନିଙ୍ଗ୍‍ଁ ମାନାଜି ମାରିଇଦେର୍‍ ମାରି ତିଲାଜି ମାରି ତିର୍‍ଗିଜି ମୋନତୁ ୱାନିଙ୍ଗ୍‌ କୁକ୍‍ତିମାରିଇଦେର୍‌, ଇୟା ମାଟା ଅଡ଼୍‍ବିଜି ମି ଉଣ୍ତିଙ୍ଗ୍‌ ୱାନି ଜିବନ୍‌ନୋନିକା ମାରି ନାଣ୍ତଆଜିନାତ୍ । 
\v 16 ନାନୁ ୱିଜୁ ବିସୟ୍‍ତୁ ମି ମୁସୁକୁ ପୁରା ଆସା ଇଡ୍‌ଜି ଆଟ୍‍ତିମାନିଙ୍ଗ୍ ନାନୁ ଏସ ୱେଡ଼ିକା ।
\c 8
\s ବିସ୍‍ବାସ୍‌ତିକା ସିନିକା
\p
\v 1 \x + \xo ୮:୧ \xo*\xt ରୋମିୟ ୧୫:୨୬.\xt*\x*ଏ ତଡ଼ାନ୍‌କୁ ନି ତାଙ୍ଗିଁକ୍‍, ମାସିଦୋନିଆଦି ମଣ୍ତଲିୟାଙ୍ଗ୍ ଏଣ୍ତେସ୍ ମାପୁରୁଦି ଦୟା ପୋଇତାମାନାର୍, ଆକା ମିଙ୍ଗିଁ ୱେର୍‌ତେଙ୍ଗ୍‌ ବଦା କିଜିନା । 
\v 2 ୱାର୍‌ ନାଣ୍ତକାସ୍ଟୁ ମାଣାନ୍‌କୁ ସିଜି ପରିକା ଆତାମାନାର୍‌ ମାରି ୱାର୍‌ ବେସି କାକୁର୍ତି ଆତିଙ୍ଗ୍‌ବା, ୱିଜ୍‍ଇ ବଦାଦି ମାଡ଼ାନ୍‌କୁ ନିଜେ ମୋନତି ୱେଡ଼ିକାଦାନ୍ ୱେକ୍‍ତାମାନାର୍‍ । 
\v 3 ନାନୁ ସତ୍‍ ବାବେ ଇଜିନା ଜେ, ୱାରି ବଦାଦାନ୍ ନିଜେଦି ସାକ୍ତି ଇସାବ୍‍ତାନ୍‍ ଇୟାୱାଜାନେ ନିଜେଦି ଆଟ୍‍ନି ମାଣାନ୍‌ ନାଣ୍ତ ବା ଦାନ କିତାମାନାର୍‌ । 
\v 4 ଜିହୁଦାଦୁମାନି ମାପୁରୁଦି ଲୋକାଙ୍ଗ୍‌ ସେବାକିନି ଉଣ୍ତିଙ୍ଗ୍‌ ୱାରିଙ୍ଗ୍ ଦୟା ସିଆୟ୍‍ଆପିତ୍‍ ଇଜି ୱାର୍‌ ମାଙ୍ଗିଁ ବାତିଙ୍ଗ୍‌ଁ ମାଲିତାମାର୍ହାର୍‍ । 
\v 5 ୱାରିମାଡ଼ାନ୍‌କୁ ମାପୁ ନିସ ଆସା କିଏତା ମାରାପ୍ । ଆଗ୍‍ଡ଼ିନେ ୱାର୍‌ ନିଜେ ନିଜେଦିଙ୍ଗ୍ ମାପୁରୁଦି ମାନୁ ସିଆୟ୍‌ଆଜି ମାରାର୍ ମାରି ୱେନେକା ମାପୁରୁଦି ଇଚ୍ଛା ଇସାବ୍‌ତାନ୍‌ ନିଜେ ନିଜେଦିଙ୍ଗ୍ ମା ଉଦେସ୍‍ତାନ୍‍ ସିଆଇଆତାର୍‍ । 
\v 6 ତିତସଦି ସାହାଜ୍ୟଦାନ୍ ଇୟା ଦୟା ପାଣି ଆରାମ୍‌ ଆତାମାରାତ୍ । ତେନିଙ୍ଗ୍‌ ସାଲାକିଜି ଇଡ୍‍ଦେଙ୍ଗ୍‌ ମାରି ଇୟା ଜିବନ୍‍ନନି ଉଣ୍ତିଙ୍ଗ୍‌ ସେବାପାଣିଦୁ ମିଙ୍ଗିଁ ସାହାଜ୍ୟ କିନିଉଣ୍ତିଙ୍ଗ୍ ତିତସତିଙ୍ଗ୍‌ ଅନୁରଦ୍‌ କିତା । 
\v 7 ମିର୍‌ ୱିଜୁ ବିସୟତୁ ମାଜନ୍‌ ଆତିମାନିଦେର୍‍ । ମି ବିସ୍‍ବାସ୍, ମାଟା ୱାର୍‍ଗିଦେଙ୍ଗ୍‍, ଜ୍ଞାନ, ସାହାଜ୍ୟକିଦେଙ୍ଗ୍‍ ୱେଡ଼ିକା ମାରି ମା ଉଣ୍ତିଙ୍ଗ୍‌ ଜିବନ୍‍ନୋନିକା ତର୍‍ତେଙ୍ଗ୍‍ଁ ନାଣ୍ତ ପରିଚୟ ସିତିମାନିଦେର୍‍ । ଆଦେଙ୍ଗ୍‍ଁ ଇୟା ଦୟା ସେବାପାଣିଦୁ ବା ଦାନ୍‌ ସିନିକାନ୍‍ ଆଜି ଜିବନ୍‍ନୋନିକା ପରିଚୟସିଦୁ, ଇକା ନା ବଦା ।
\p
\v 8 ଇୟା ବିସୟ୍‌ତାନ୍‌ ମି ଉଣ୍ତିଙ୍ଗ୍‌ ନାନୁ ଇନିକା ନିତିନିୟମ୍‍ କିଏଜିନା । କେବଲ ସେବାପାଣିଦୁ ଆଇୱାରିଙ୍ଗ୍‌ ୱେଡ଼ିକାଦି କାତାସିଜି ମି ଜିବନ୍‍ନନି ସତ୍‍ ନେସିନି ଉଣ୍ତିଙ୍ଗ୍‌ ନାନୁ ଚେଷ୍ଟାକିଜିନା । 
\v 9 ମିର୍‌ ପ୍ରବୁ ଜିସୁ କ୍ରିସ୍ତଦି ଦୟା ବିସୟନେସ୍ତୁ । ୱାନ୍‌ ମାଜନ୍‌ ଆତିଙ୍ଗ୍‌ବା ମି ଉଣ୍ତିଙ୍ଗ୍‌ ଗରିବ୍‍ ଆତାନ୍‌ ୱାନି କାକୁର୍ତିମାଡ଼ାନ୍ ମିର୍‌ ବା ଏଣ୍ତେସ୍ ମାଜନ୍‌ ଆଦେଙ୍ଗ୍‍ଁ ଆଟିନିଦେର୍‌ ।
\p
\v 10 ଇୟା ବିସୟତାନ୍ ମିଙ୍ଗିଁ ନା ଇୟା ଆଦେସ୍, ଦରନ୍ ମିର୍‌ ଏମେକା ଆରାମ୍‌କିତିମାରିଦେର୍‌, ଆକା ଇଲେଇ ୱିଜିସି କିଦେଙ୍ଗ୍ ମି ଇଛା । ଇରିଙ୍ଗ୍‌ ପାଣି କିଦେଙ୍ଗ୍ ସିଲେ, ମାତର ପାଣିକିଦେଙ୍ଗ୍ ଟିକ୍ ୱିକ୍‌ତେଙ୍ଗ୍ ମିର୍‌ ଆଜିନିଦେର୍‌ ଆଗିଡ଼ି । 
\v 11 ଇଲେଇ ପାଣିକିଜି ସାଡ୍ରୁ ମାରି ମି ସୁଜଗ୍‌ତାନ୍ ଆକା ୱିସ୍‌ତୁ । ନେଗିକାଆସିନି ବେଡ଼ାଦୁ ମି ଏମେ ୱେଡ଼ିକା ମାରାତ୍, ପାଣି ୱିଜିନିସାନ୍ଦି ଆକା ଆସ୍‍ସ ଇଡ୍‍ଦୁ । 
\v 12 ମାତର୍‌ ଦାନ ସିଦେଙ୍ଗ୍‌ ୱେଡ଼ିକା ମାରିଙ୍ଗ୍, ଲୋକୁ ୱାନି ବଦା ଇସାବ୍‍ତାନ୍ ଆମାକା ଦାନ୍ କିନାନ୍, ମାପୁରୁ ଆସ୍‍ନାନ୍‍ । ୱାନି ସିଦେଙ୍ଗ୍‍ଆଟ୍‍ନି ଆତ୍‌ରେ ୱାନ୍‌ ଇନିକା ସିପିନ୍ ଇଜି ମାପୁରୁ ବଦା କିଏନ୍‌ ।
\p
\v 13 ମି ମୁସୁକୁ ଇୟା ବୋଜୁଦିଙ୍ଗ୍ ତିଗଜ ଆଇୱାରିଙ୍ଗ୍‌ ସୁକ୍‌ ସିଦେଙ୍ଗ୍‌ ନାନୁ ବଦା କିଏଜିନା । 
\v 14 ମାତର୍‌ ଇଲେଇ ମିଙ୍ଗିଁ ନାଣ୍ତ ମାନିଙ୍ଗ୍ ସିଲିସାତି ଲୋକାଙ୍ଗ୍‍ ସାହାଜ୍ୟ କିନିକା ମି ପାଣି । ବେଡ଼ା ୱାନାତ୍, ମିର୍‌ ସିଲିସାତି ମାର୍‍ଇୱାଲେ, ୱାରି ନାଣ୍ତ ମି ଉଣା ପୁରା କିନି ଉଣ୍ତିଙ୍ଗ୍‌ ସାହାଜ୍ୟ କିନାତ୍ । ଇୟାୱାଜା ଇସାବ୍‍ତାନ୍ ମିମାନୁ ସାମାନ୍‍ ରକ୍‌ୟା କିଦେଙ୍ଗ୍‌ ଆଟ୍‌ନାର୍ । 
\v 15 ଦର୍ମସାସ୍ତ୍ରଦୁ ରାସାତାମାନାତ୍‌, “ଏନ୍‌ ନାଣ୍ତ ଉଣ୍ତା କିତାନ୍‌, ୱାନିଦି ଇନିକା ଏଜେଏତାତ୍‌ । ଏନ୍‌ ଉଣା ଉଣ୍ତା କିତାନ୍‌, ୱାନିଦି ଉଣା ଆଏତାତ୍ ।”
\s ତିତସ ନି ୱାନି ତଡ଼୍‍କୁ
\p
\v 16 ମାପୁରୁଦି ଦନ୍ୟବାଦ୍‌ ଆପିତ୍‌ । ଇରିଙ୍ଗ୍‌ ମା ୱାଜା ତିତସତି ଜିବନ୍‌ ବା ମିଙ୍ଗିଁ ସାହାଜ୍ୟ କିଦେଙ୍ଗ୍‌ ୱେଡ଼ିକା ମାନାନ୍‌ । 
\v 17 ୱାନ୍‌ କେବଲ ମା ଅନୁରଦଦିଙ୍ଗ୍ କୁକ୍‌ନିକା ୱେର୍‌ଏନ୍, ମାତର୍‌ ମିଙ୍ଗିଁ ସାହାଜ୍ୟ କିନି ଉଣ୍ତିଙ୍ଗ୍‌ ନିସ ୱେଡ଼ିକା ଜେ, ନିଜେଦି ବଦାଦାନ୍ ମି ଲାକ୍‌ତୁ ସନ୍‍ଡ୍ରେଙ୍ଗ୍‍ ୱାନ୍‌ ବଦା କିତାମାନାନ୍ । 
\v 18 ୱାନି ୱାଲେ ମାରି ଅରେନ୍ ତଡ଼ାନ୍‌ତିଙ୍ଗ୍‌ ମାପ୍‌ ପୋକ୍‌ତାତାମାନାପ୍ । ନେଗି କାବୁର୍‌ ପ୍ରଚାର୍‍ କିଦେଙ୍ଗ୍ ୱିଜୁ ମଣ୍ତଲିଆଙ୍ଗାଁ ୱାନ୍‌ ପୁରା ୱିଜୁତରିନ୍‌ ୱେଙ୍ଗିଁତାମାନାନ୍ । 
\v 19 ମାରି ନାସ ସିଲେ, ପ୍ରବୁଦି ଗୌରବ୍‍ ମାରି ମା ନମସ୍କାର୍‌ ୱିକ୍‌ନି ଉଣ୍ତିଙ୍ଗ୍‌ ଆମା ଉଣ୍ତାକିତି ଦାନ୍‍ତି ଅନି ସେବା ପାଣି ମାପ୍‌ ପୟ୍‍ତାମାନାତ୍‍, ଆବେନ୍‌ ମା ଅର୍‌ସେସନି ଉଣ୍ତିଙ୍ଗ୍‌ ଆଇଆଇ ମଣ୍ତଲି ୱାନିଙ୍ଗ୍‌ ଆସ୍‍ କିତାମାନାର୍‌ ।
\p
\v 20 ନିଜେଦି ବଦାଦାନ୍ ସିଆୟ୍‌ଆତିମାନି ଇୟା ଦାନଦିଙ୍ଗ୍ ନାଣ୍ତ ଜାଗାର୍‌ତାଦାନ୍‌ ମାପ୍‌ ବ୍ୟବହାର୍ କିଜିନାପ୍, ଏଣ୍ତେସ୍‌ ମା ମୁସ୍‌କୁ ଏନ୍‌ ଦୋସ୍‍ତିଗିଦେଙ୍ଗ୍ ଆଟ୍‌ଏନ୍ । 
\v 21 ମାତର ମାପୁରୁଦି ଆଗିଡ଼ି ସିଲେ, ମାତ୍ର ଲୋକା ଆଗିଡ଼ି ବା ସତ୍‌ ମାଡ୍ରେଙ୍ଗ୍‍ଁ ମା ବଦା ।
\p
\v 22 ଆର୍‌ତିଙ୍ଗ୍‌ ୱାରି ୱାଲେ ଇୟା ମା ତଡ଼ାନ୍‌ତିଙ୍ଗ୍‌ ମାପ୍‌ ପୋକ୍‌ତାତାମାନାପ୍‌ । ୱାନିଙ୍ଗ୍‌ ଗାଦି ଦେବେଙ୍ଗ୍‌ ପରିକା କିଜି ୱାନିଙ୍ଗ୍‌ ବିସ୍‍ବାସ୍‌ତି ପରିଚୟ ପୋୟ୍‌ତାମାନାପ୍‌ । ମି ମୁସ୍‌କୁ ୱାନି ଆଟ୍‌ୱା ମାନିଙ୍ଗ୍‌ ୱାନ୍‌ ମିଙ୍ଗିଁ ସାହାଜ୍ୟ କିନି ଉଣ୍ତିଙ୍ଗ୍‌ ନାଣ୍ତ ୱେଡ଼ିକା ଆତାମାନାନ୍‌ । 
\v 23 ତିତସଦି ପରିଚୟ ଇକା ୱାନ୍‌ ନା ୱାଲେମାନିକାନ୍‌ ମାରି ମିଙ୍ଗିଁ ସାହାଜ୍ୟ କିନି ଉଣ୍ତିଙ୍ଗ୍‌ ନା ୱାଲେ ପାଣିକିନିକାନ୍‌ । ମାରି ୱାନି ୱାଲେ ସଲିସ୍‍ମାନି ଆଇ ବିସ୍‌ବାସି ତଡ଼ାନ୍‌କା ପରିଚୟ ୱାର୍‌ ମଣ୍ତଲିଆଙ୍ଗାଁ ୱିଜୁ ପ୍ରେରିତ ସିସୁ ମାରି କ୍ରିସ୍ତଦି ଗୌରବ୍‍ ୱାଜା । 
\v 24 ୱାରିଙ୍ଗ୍ ମି ଜିବନ୍‍ନୋନିକା ତର୍‍ତୁ । ଆତିଙ୍ଗ୍‌ ୱିଜୁ ମଣ୍ତଲିଙ୍ଗ୍‍ଁ ଇୟା ବିସୟ୍‌ତାନ୍‌ ସେତାଆନାର୍ ମାରି ମି ଉଣ୍ତିଙ୍ଗ୍‌ କିଜିମାନି ଗର୍ବ ସତ୍‌ ଇଜି ବିସ୍‍ବାସ୍‍ କିଦେଙ୍ଗ୍ ଆଟ୍‍ନାର୍‍ ।
\c 9
\s ଆଇ ମଣ୍ତଲିଦୁ ବିସ୍‍ବାସିରି ଉଣ୍ତିଙ୍ଗ୍‌ ସାହାଜ୍ୟ
\p
\v 1 ଜିହୁଦାଦୁ ମାନି ମାପୁରୁଦି ଲୋକାଦି ଲାକୁତୁ ସାହାଜ୍ୟ ପୋକନି ଉଣ୍ତିଙ୍ଗ୍‌ ମିଙ୍ଗିଁ ରାସ୍‌ନିକା ଇନିକା ଦରକାରସିଲେତ୍ । 
\v 2 ନାନୁ ନେସେନା, ମିର୍‌ ୱିଜୁଦିନ୍ ସାହାଜ୍ୟ କିଦେଙ୍ଗ୍ ତିଆର୍ ମାରି ମାସିଦୋନିଆଦି ଲୋକାଦି ଲାକୁତୁ ମି ବିସୟତାନ୍ ନାନୁ ଗର୍ବ କିତାମାନା । ନାନୁ ଇର୍ହାମାର୍ହାନ୍, “ଆକାୟାଦି ତୋଡ଼ାନକୁ ସାହାଜ୍ୟକିନି ଉଣ୍ତିଙ୍ଗ୍‌ ଦରଟାନ୍ ତିଆରଆତାମାନାର୍ ।” ମି ୱେଡ଼ିକା ୱାରି ମାଡ଼ାନ୍‍କୁ ବା ଏସ ଲୋକାଙ୍ଗ୍‌ ଜାଗାର୍‌ତା କିତାମାନାତ୍‌ । 
\v 3 ଇଲେଇ ନାନୁ ଇୟା ତଡ଼ାନ୍‍କାଙ୍ଗ୍‍ ମି ଲାକୁତୁ ପୋକସିନା । ସୁଡ଼ୁଦୁ, ଇୟା ୱେଡ଼ାଦୁ ଏଣ୍ତେସ୍ ମି ବିସୟତାନ୍ ମା ଗର୍ବ ଆର୍‍ଏ ଆଏତ୍ । ନାନୁ, ୱେର୍‍ନି ଇସାବ୍‍ତାନ୍ ମିର୍‌ ଦାନତି ୱାଲେ ତିଆରଆଜମାନ୍‍ଡ୍ରୁ । 
\v 4 ମାସିଦୋନିଆଦି ଲୋକୁ ନା ୱାଲେ ସଲିସି ଜଦି ମିଙ୍ଗିଁ ତିଆରଆଇମାନିକା ସୁଣାର୍‍; ଆର୍‌ତିଙ୍ଗ୍‌ ମି ମୁସୁକୁ ଆଟୁୱା ବିସ୍‍ବାସ୍ ମାନିଙ୍ଗ୍‌ ମାପୁ ସେମାର୍‌ଆନାପ୍ ସତ୍‍ତାନ ୱେର୍‍ତେଙ୍ଗ୍‍ ସରିଙ୍ଗ୍, ଆକା ମି ଇସାବ୍‍ତାନ୍ ବା ସେମାର୍‌ତିକା ଆନାତ୍ । 
\v 5 ମିର୍‌ ମାଟା ସିତିମାନି ଦାନ ଉଣ୍ତାକିନି ଉଣ୍ତିଙ୍ଗ୍‌ ଇୟା ତଡ଼ାନ୍‍କାଙ୍ଗ୍‍ ନା ସନି ଆଗ୍‍ଡ଼ି ମି ଲାକୁତୁ ପୋକତେଙ୍ଗ୍‌ ଅନୁରଦ୍‌ କିତା । ଆରିଙ୍ଗ୍‌, ନାନୁ ମି ଲାକୁତୁ ଇନିୱାଲେ ଇୟା ଦାନ୍ ଉଣ୍ତା କିଜି ଇଡ୍‍ଜମାନ୍‍ଡ୍ରୁ । ଇୟାମାଡ଼ାନ୍‍କୁ ମିର୍‌ ଜାସେପେଲାଦାନ୍‍ ସିଏନ୍‍ଣ୍ତା ନିଜେଦିବଦାଦାନ୍‍ ସିଜିନିଦେର୍‌ ଇଜି ୱେଙ୍ଗିଁନିଦେର୍‌ ।
\p
\v 6 ମୋନ୍‍ତୁ ଇଡ୍‍ଦୁ, ଆମାଲୋକ୍‍ ଉଣା ୱିତୁ ୱିତ୍‍ନାନ୍, ୱାନ୍‌ ଉଣା ପାସି ଉଣ୍ତାକିନାନ୍, ଯେ ନାଣ୍ତ ୱିତୁ ୱିତିନାନ୍, ୱାନ୍‌ ନାଣ୍ତ ପାସି ଉଣ୍ତାକିନାନ୍ । 
\v 7 ମାରି, ଯେ ଏଣ୍ତେସ୍ ଅଡ଼ବିତାମାନାନ୍, ୱାନ୍‌ ଆୟାୱାଜା ଦାନ କିପିନି ମାରି ଆୟା ଦାନ ଦୁକ୍‍ତି ମୋନ୍‌ତାନ୍‍ ଆଏଜି ମାରି କେବଲ ସିନି ନେଗେତ୍‌ ମାନାତ୍‌ ଇଜି ସିଲେ । ଇରିଙ୍ଗ୍‌ ୱେଡ଼ିକାଦାନ୍‍ ସିନି ଲୋକାଙ୍ଗ୍‍ ମାପୁରୁ ଲାଡ୍‍ କିନାନ୍ । 
\v 8 ୱିଜୁ ରକମ୍‍ତି ଦାନତୁ ମିଙ୍ଗିଁ ପିରିସ୍‍କିଦେଙ୍ଗ୍ ମାପୁରୁ ଆଟ୍‍ନାନ୍‍; ଆବେଣାନ୍ ମିର୍‌ ୱିଜୁଦିନ୍ ନାଣ୍ତଦାନ୍ ବାସାଦେଙ୍ଗ୍‌ ଆଟିନିଦେର୍‌ ମାରି ୱିଜୁ ରକମ୍‍ତି ନେଗି ପାଣି ଉଣ୍ତିଙ୍ଗ୍‌ ନାଣ୍ତଦାନ୍ ସିଦେଙ୍ଗ୍‍ ଆଟିନିଦେର୍‌ । 
\v 9 ଦର୍ମସାସ୍ତ୍ରଦୁ ରାସାତାମାନାତ୍‌,
\q1 ସିଲିସାତି ଲୋକାଙ୍ଗ୍‌ ୱାନ୍‌ ନିଜେଦିଇଚ୍ଛାଦାନ୍‍ ଦାନ୍‍ କିନାନ୍;
\q2 ୱାନି ଜିବନ୍‌ନୋନିକା ୱିଜୁଦିନ୍‌ ମାନାତ୍ ।
\m
\v 10 ଏମେ ୱିତୁ ୱିତୁୱିତିନିଲୋକାଙ୍ଗ୍‌ ମାପୁରୁ ୱିତ୍‍ନି ଉଣ୍ତିଙ୍ଗ୍‌ ୱିତୁ ମାରି ଉଣ୍ତେଙ୍ଗ୍‌ ଇଜି କାଦି ସିନାନ୍, ୱାନ୍‌ ମି ଦରକାର୍ ଇସାବ୍‍ତାନ୍ ୱିତୁ ଜଗେକିନାନ୍ ମାରି ମି ନିଜେଦି ବଦାଦି ପଲ୍‌ତିୱାଜା ମିର୍‌ ବା ନାଣ୍ତ ପାସି ଉଣ୍ତାକିନିଦେର୍‌ । 
\v 11 ମିର୍‌ ୱିଜୁଦିନ୍‍ ଏଣ୍ତେସ୍ ନିଜେଦିବଦାଦାନ୍‍ ଦାନକିଦେଙ୍ଗ୍ ଆଟିନିଦେର୍‌, ଇୟାଉଣ୍ତିଙ୍ଗ୍‌ ମାପୁରୁ ମିଙ୍ଗିଁ ୱିଜୁ ବିସୟତାନ୍ ମାଜନ୍‍କିନାନ୍ ମାରି ମା ମାଡ଼ାନ୍‍କୁ ମିର୍‌ ପୋକିତିମାନି ଦାନ ଉଣ୍ତିଙ୍ଗ୍‌ ନାଣ୍ତଲୋକ୍‍ ମାପୁରୁଦିମାନୁ ମାଡ଼ିସି କିଜି ଦନ୍ୟବାଦ୍‌ ସିନାର୍ । 
\v 12 ମି ଦାନସିନି ସେବାଦି ମାଡ଼ାନ୍ କେବଲ ଯେ ମାପୁରୁଦି ଲୋକାଦି ଅବାବ ଉଣା ଆନାତ୍‌, ଆକା ସିଲେ, ମାତର ଇୟାମାଡ଼ାନ୍ ମାପୁରୁଦି ଉଣ୍ତିଙ୍ଗ୍‌ ନାଣ୍ତଲୋକା ଜିବନ୍‌ତି ୱେଡ଼ିକା ନିଙ୍ଗିଁଜି ୱାନାତ୍ । 
\v 13 ଇୟା ସେବାପାଣିଦାନ୍ କ୍ରିସ୍ତଦି ସୁସମାଚାର୍‍ତି ଉଣ୍ତିଙ୍ଗ୍‌ ମି ବିସ୍‍ବାସ୍ ଉଣ୍ତିଙ୍ଗ୍‌ ମାରି ୱିଜେରି ୱାଲେ ମିସାଜି ମିର୍‌ ଏମେ ନାଣ୍ତସିନିକା ତର୍‍ତିମାନିଦେର୍‍, ଆୟାଇଣ୍ତିଙ୍ଗ୍ ୱାର୍‌ ମାପୁରୁଦି ଦନ୍ୟବାଦ କିନାର୍ । 
\v 14 ମି ଉଣ୍ତିଙ୍ଗ୍‌ ମାପୁରୁଦି ନାଣ୍ତ ଦୟା ଉଣ୍ତିଙ୍ଗ୍‌ ୱାର୍‌ ନାଣ୍ତ ୱେଡ଼ିକାଦାନ୍‌ ପାର୍‍ତନାଦୁ ମିଙ୍ଗିଁ ଏତ୍‍କିନାର୍ । 
\v 15 ରାଦୁ, ମାପୁରୁଦି ଆର୍‍ଏସିତିମାନି ଦାନ୍‍ ଉଣ୍ତିଙ୍ଗ୍‌ ୱାନିଙ୍ଗ୍‌ ଦନ୍ୟବାଦ୍‌ କିନାଟ୍ !
\c 10
\s କାରାପ୍‍ ପ୍ରଚାର୍‍ ବିରୁଦ୍‍ତାନ୍‍ ପାଉଲ୍‍ତି ଉତର୍‍
\p
\v 1 ନାନୁ ପାଉଲ ମିଙ୍ଗିଁ ନା ଇୟା ନିଜେଦି ଅନୁରୋଦ ଏନ୍‌ ଏନ୍‌ ଇନାର୍‍, “ନାନୁ ମି ଲାକୁତୁ ମାରିଇୱାଲେ ନାଣ୍ତ ଦାର୍ମୁ ନି ତିର୍‌, ମାତର ଆକ ସରିଙ୍ଗାଁ ନାଣ୍ତଆଟ୍‍ୱା ।” କ୍ରିସ୍ତଦି ନମ୍ରତା ମାରି କାର୍ମୁ ସିଜି ନାନୁ ମିଙ୍ଗିଁ ଅନୁରୋଦ କିଜି ୱେରିସିନା । 
\v 2 ମି ୱାଲେ ବେଟେଗାଟ୍ ଆତିୱାଲେ ନାଙ୍ଗି ଏଣ୍ତେସ୍ ସାସ୍ତି ବ୍ୟବହାର୍‌ କିଦେଙ୍ଗ୍ ଆଏତେ । ଇରିଙ୍ଗ୍‌ ଏମେକାର୍ ଅଡ଼ବିନାର୍ ଯେ, ମାପୁ ଦୁନିଆଦି ପାଣି ଇସାବ୍‍ତାନ୍‍ ବୁଲାନାଟ୍‍, ୱାରି ବିରୁଦ୍‌ତାନ୍ ଆଟ୍‍ୱା ମାଟା ଅନି ନାଣ୍ତ ସାସ୍‌ ନାଙ୍ଗି ମାନାତ୍ । 
\v 3 ମାଡ୍‌ ଇୟା ଦୁନିଆଦୁ ବାସାକିଜିନିକା ସତ୍‌, ମାତର୍‌ ଇନି ଦୁନିଆଦି ଉଦେସ୍‍ ଇଡ୍‍ଜି ଜୁଦ୍ଧ କିଏଜିନିକା । 
\v 4 ମାତର୍‌ ମାପୁରୁଦି ସାକ୍ତିଦି ସାସାପାତି ବ୍ୟବହାର୍‌ କିଜି ଆଟୁୱା ମୁଣ୍ତେଙ୍ଗ୍‍ୱିଜୁ ନାସ୍ଟୁକିଜିମାନିକା, ମିଚ୍‍ତି ଜୁକ୍ତିଦିମାଟେଙ୍ଗ୍‍ ମାପ୍‌ ନାସ୍ଟୁ କିନାପ୍‍ 
\v 5 ମାପୁରୁଦି ବୁଦିଦିଙ୍ଗ୍ ବିରୁଦ୍‌କିନି ୱିଜେରେ ୱିଜୁ ବନ୍ଦନଦିଙ୍ଗ୍‌ ମାପୁ କୁତ୍‍ନାପ୍ ମାରି ଲୋକୁଦି ୱିଜୁ ଚିନ୍ତା ଆଡ୍‍ଗି ଆଜି କ୍ରିସ୍ତଦି ମାଟାମାନାନେ । 
\v 6 ମିର୍‌ ପୁରାଦାନ୍‌ କ୍ରିସ୍ତଦି ତରିଟିକାନ୍‍ ମାନାନିକା ୱେନେକା ମି ମାଡ଼ାନ୍ ମାରି ଇନି ମାନାଇକା ତରିତିଙ୍ଗା, ତାନି ୱାଲେ ଦଣ୍ତ୍‍ ସିଦେଙ୍ଗ୍‌ ମାପୁ ତିଆରମାନାପ୍ ।
\p
\v 7 ମି ସାରିବେଡ଼ିତି ଇନିକା ୱିଜୁ ଗଟେଆଜିନାତ୍, ସୁଡ଼ୁଦୁ । ମି ମାଡ଼ାନ୍‍କୁ ଏନ୍‌ କ୍ରିସ୍ତଦି ୱେନେକା ମାନାର୍ ନୋ ? ଜଦି ମାନାର୍, ଆର୍‌ତିଙ୍ଗ୍‌ ୱାନ୍‌ ମାରି ଅର୍‍ସୁ ଚିନ୍ତାକିଜ ସୁଡ଼ିନ୍ । ଇରିଙ୍ଗ୍‌ ୱାନି ୱାଜା ମାଡ୍‌ ବା କ୍ରିସ୍ତଦି ୱେନେକା ବୁଲାନିକାର୍‍ । 
\v 8 ମିଙ୍ଗିଁ ନାସ୍ଟୁ କିଦେଙ୍ଗ୍ ସିଲେ, ମାତର୍‌ ତିଆର୍‌ କିଦେଙ୍ଗ୍ ମାପୁରୁ ମାଙ୍ଗିଁ ଏମେ ଅଦିକାର୍‍ ସିତାମାନାନ୍‌, ଆୟାଉଣ୍ତିଙ୍ଗ୍‌ ଜଦି ନାନୁ ନାଣ୍ତ ଗର୍ବ କିତାମାନା, ଆର୍‌ତିଙ୍ଗ୍‌ ସେମାର୍ ଆଏ । 
\v 9 ନା ସିଟିଦାନ୍ ମିଙ୍ଗିଁ ତିଲିସି କିନି ଉଣ୍ତିଙ୍ଗ୍ ଚେଷ୍ଟାକିଏ ନା ବଦା ସିଲେତ୍‌ । 
\v 10 ଏନ୍‌ ଏନ୍‌ ଇନାର୍, “ପାଉଲଦି ସିଟିୱିଜୁ ନାଣ୍ତଡାଟ୍‍ ନି ଆଟ୍‍ୱା ମାତର ମା ଲାକୁତୁ ମାରିଇୱାଲେ ୱାନି ମେନ୍ଦଲ୍‌ ଦୁର୍ବଳ ତରିତାତ୍‍ ମାରି ୱାନି ବଲୁ ପାଣିସିଲିକା ୱାଜାଆତାତ୍ ।” 
\v 11 ଆୟା ଲୋକ୍‌ ବୁଜାନିକା ମାନାତ୍‌ ଜେ, ମାପୁ ଆକରାନ୍ ସିଟିଦୁ ଏମେକା ରାସ୍‌ନାପ୍, ଲାକ୍‍ତୁ ମାନିୱାଲେ ତାନିଙ୍ଗ୍‌ ପାଣିଦୁ କିନା ତର୍‍ନାପ୍ ।
\p
\v 12 ଏଣ୍ତେସ୍‍ବା ନିଜେଦିଙ୍ଗ୍ ପେରିକାନ୍ ଇଜି ଅଡ଼ବିନି ଲୋକାଦି ଦାଡ଼ି ଆନି ଉଣ୍ତିଙ୍ଗ୍‌ ବା ୱାରିୱାଲେ ନିଜେଙ୍ଗ୍‌ ତୁସ୍‍ତେଙ୍ଗ୍‍ ସାହାସ୍ ମାଦି ସିଲେତ୍‌ । ୱାର୍‌ ଏସ ବୁଦିସିଲିକାର୍‌, ଇରିଙ୍ଗ୍‌ ୱାର୍‌ ନିଜେଦିଙ୍ଗ୍‌ ନିଜେ ୱାଲେ ଇସାବ୍‌ କିନାର୍‌, ନିଜେ ଲେକିସ୍‍କିନି ବାଡିଗାଦାନ୍‍ ନିଜେନିଜେ ବିଚାର୍‌ କିଆୟ୍‍ଆନାର୍ । 
\v 13 ମାତର ମା ଗର୍ବ ଉଣା । ମାପୁରୁ ମା ଉଣ୍ତିଙ୍ଗ୍‌ ଏମେ ପାଣିବାଡି ଟିକ୍ କିତାମାନାନ୍‌, ତାନି ମାଡ଼ାନ୍‍କୁ ମାପୁ ଗର୍ବ କିଜିନାପ୍ । ଆୟା ପାଣିବାଡିଦି ଲଇ ମିର୍‌ ମିସାତିମାନିଦେର୍‍ । 
\v 14 ଆୟାଉଣ୍ତିଙ୍ଗ୍‌ ମାପୁ ଆଗିଡ଼ିରାନ୍ କ୍ରିସ୍ତଦି ସୁସମାଚାର୍‌ ମି ଲାକୁତୁ ଅସି ୱାନିବେଡ଼ାଦୁ ଇନିକା ଏରିଆ ଆତ୍‌ରେ ପାଣି କିଏପ୍‌ । 
\v 15 ମାପୁରୁ ପାଣିକିତିମାନି ମା ପାଣିଜାଗାଦୁ ପାଣିକିନି ଆତ୍‌ରେ ଆଇୱାରି ପାଣିଦୁ ସୁଜୋଗ ଅସି ଗର୍ବ କିଏପ୍ । ମାତର୍‌ ମାପୁ ଆସା କିଜିନାପ୍ ଜେ, ମିର୍‌ ବିସ୍‍ବାସ୍‍ଦୁ ପିରିଜିମାନି ସାଙ୍ଗେ ସାଙ୍ଗେ ମିଙ୍ଗିଁ ମାଡ଼ାନ୍‍କୁ ମା ପାଣିୱିଜୁ ମାରି ୱେଙ୍ଗ୍‍ନାତ୍ । ମାତର ଇକା ମାପୁରୁ କିତିମାନି ନିୟମ୍‍ ମାଟା ଅମାନ୍ୟ କିମାଟ୍‌ । 
\v 16 ଆକାଆତିଙ୍ଗ୍ ଆଇୱାରି ପାଣିଜାଗାଦୁ ଆଜିମାନି ପାଣି ଉଣ୍ତିଙ୍ଗ୍‌ ଗର୍ବ କିଏଜି ମି ଅଡ଼୍‍ବିନି ଆତ୍‌ରେ ଆଇଦେସ୍‍ତି ୱାରିଙ୍ଗ୍ ବା ମାଡ଼ୁ ସୁସମାଚାର୍‌ତି ପ୍ରଚାର୍‌ କିଦେଙ୍ଗ୍ ଆଟିନିକା ।
\p
\v 17 ବ୍ୟବସ୍ଥାଦୁ ରାସାତାମାନାତ୍‌, “ଏନ୍‌ ଗର୍ବ କିଦେଙ୍ଗ୍ ଇଚାକିନାନ୍, ୱାନ୍‌ ପ୍ରବୁଦି ପାଣି ଉଣ୍ତିଙ୍ଗ୍‌ ଗର୍ବ କିପିନ୍ ।” 
\v 18 ମାତର୍‌, ନିଜେଦିଙ୍ଗ୍‍ ପ୍ରସଂସା ମାଣାନ୍‌ ଏନ୍‌ ପରିକାଦୁ ଜିଣାଏନ୍‌, ପ୍ରବୁଦି ତରିନ୍‍ ନେଗିକାନ୍‍, ଆୟାକାନ୍‌ କେବଲ ୱାନି ଗ୍ରହଣଜଗ୍ୟ ।
\c 11
\s ପାଉଲ ନି ବାଣ୍ତା ବାବବାଦିର୍‍
\p
\v 1 ନାନ୍‌ ଅଡ଼୍‌ବିନା, ଇନି ବିସୟ୍‌ତିଙ୍ଗ୍ ଅଡ଼ପ୍‍ ବୁଲ୍‌ ଆତିଙ୍ଗ୍‌ବା ମିର୍‌ ନାଙ୍ଗିଁ ସାସ୍‌କିନିଦେର୍‌ । 
\v 2 ମି ବିସୟ୍‍ତାନ୍‍ ଉନ୍‌ଡ୍ରି ସାକ୍ତିଦି ରିସାଆନିକା ନା ମୋନ୍‌ତୁ ମାନାତ୍ । ଇରିଙ୍ଗ୍‌ ମିର୍‌ ପବିତ୍ର ରିପାଆଇଲି ୱାଜା । ଅରେନ୍‌ନେମାତର୍‌ କାନ୍ୟାମୁରୁଲି କ୍ରିସ୍ତଦି ୱାଲେ ମି ମିସାକିନି ସିନି ଉଣ୍ତିଙ୍ଗ୍‌ ନାନ୍‌ ପାର୍‌ମାଣ୍‌ କିତାମାନା । 
\v 3 ନାଙ୍ଗିଁ ତିଏଲ୍‍ୱାଜିନାତ୍‌, ସାରାସ୍‌ତି ସାଲାକିଦାନ୍‌ ହବା ଏଣ୍ତେସ୍‌ ବାୟାଆତି ୱାଜା ମିର୍‌ ଏଣ୍ତେସାତିଙ୍ଗ୍‌ କ୍ରିସ୍ତଦି ଉଣ୍ତିଙ୍ଗ୍‌ ମି ସାନ୍ତି ମାରି ପବିତ୍ର ବିସ୍‍ବାସ୍‌ତାନ୍‌ ୱେର୍‌ଏ ଆନିଦେର୍‌ । 
\v 4 ଇରିଙ୍ଗ୍‌ ଏନ୍‌ ଜଦି ୱାଜି ମାଡୁ ପ୍ରଚାର୍‍ କିତିମାନି ଜିସୁଙ୍ଗୁଁ ଡ଼ିସ୍‍ସି ଆଇ ଇନି ଜିସୁଦି ମାଟା ପ୍ରଚାର୍‌ କିନାର୍‌ ବା ମିର୍‌ ପୟ୍‌ତିମାନି ପବିତ୍ର ଆତ୍ମାଦିଙ୍ଗ୍‌ ଡ଼ିସ୍‌ତିଙ୍ଗ୍‌ ଆଇ ଏମେ ଆତ୍ମାଦି ମାଟା ୱେର୍‌ନାର୍‌ ମାରି ମିର୍‌ ମାନାତିମାନି ସୁସମାଚାର୍‌ତିଙ୍ଗ୍‌ ଡ଼ିସ୍‌ସି ଆଇ ଇନି ସୁସମାଚାର୍‌ ପ୍ରଚାର୍‌ କିନାର୍‌, ମିର୍‌ ପୁରା ମାନାତିମାନିଦେର୍‌ ।
\p
\v 5 ମି ଆୟା ୱିଜେରିଙ୍ଗ୍‌ପେରି “ପ୍ରେରିତ ସିସୁରି” ମାଣ୍‌କୁ ନାନ୍‌ ଇନି ଗୁଣୁତୁ ଇସ୍ରିକିନ୍ଦା ଇଜି ଅଡ଼ବିଏ । 
\v 6 ନାନ୍‌ ୱାରି ୱାଜା ସାଲାକିଦିକାନ୍‌ ଆଦେଙ୍ଗ୍‌ ଆଟ୍‍ଏ, ମାତର୍‌ ବୁଦିଦୁ ଉଣା ସିଲେ । ମିଙ୍ଗିଁ ଇୟା ମାଟା ମାପ୍‌ ୱିଜୁଦିନ୍‌ ମାରି ୱିଜୁ ଅସୁବିଦାଦୁ ୱେର୍‍ସି ୱାଜିନାପ୍‌ ।
\p
\v 7 ମାପୁରୁଦି ସୁସମାଚାର୍‌ ପ୍ରଚାର୍‌ କିତିୱାଲେ ନାନ୍‌ ମିମାଣୁକୁ ମୁସ୍‌କୁପେରାନି ଉଣ୍ତିଙ୍ଗ୍‌ ନାନ୍‌ ନିଜେଦିଙ୍ଗ୍‌ ଆଡ୍‍ଗି କିତାମାନା । ଇକା ଇନିକା ନା ବୁଲ୍ ? 
\v 8 ମି ଲୋଇ ପାଣି କିତିୱାଲେ ନାନ୍‌ ଆଇ ମଣ୍ତଲିଙ୍ଗାଁମାଣୁକୁ ଡାବୁଙ୍ଗ୍‌ ସାହାଜ୍ୟ ପୟ୍‌ତାମାନା । ୱେର୍‍ତେଙ୍ଗ୍‍ ସରିଙ୍ଗ୍‌, ମି ନେଗି ଉଣ୍ତିଙ୍ଗ୍‌ ନାନ୍‌ ୱାରିଙ୍ଗ୍ ଡଙ୍ଗାଁ କିତାମାନା । 
\v 9 \x + \xo ୧୧:୯ \xo*\xt ପିଲିପିୟ ୪:୧୫-୧୮.\xt*\x*ମି ୱାଲେ ମାରିଇୱାଲେ ନା ଅବାବ୍‌ ପୁରାକିନି ଉଣ୍ତିଙ୍ଗ୍‌ ନାନୁ ଏଙ୍ଗ୍‌ବା ବଜୁତିଗ୍‌ଦେଙ୍ଗ୍‌ ସିଏ । ଇରିଙ୍ଗ୍‌ ମାସିଦୋନିଆଦାନ୍‌ ୱାତିମାନି ତଡ଼ାନ୍‌କୁ ନା ୱିଜୁ ଅବାବ୍‌ ପୁରା କିତାମାର୍ହାର୍‌ । ସର୍‌ଇଦିନ୍‌ତି ୱାଜା ବବିସ୍ୟତରେ ବା ନାନୁ ଏସ୍‌କାଙ୍ଗ୍‌ ମିଙ୍ଗିଁ ବଜୁତିଗ୍‌ଏ । 
\v 10 ନା ଜିବନ୍‌ତୁ ମାନି କ୍ରିସ୍ତଦି ସତ୍‌ତିଙ୍ଗ୍‌ ସାକି ସିଜି ନାନୁ ପାର୍‌ମାଣ୍‌ କିଜି ୱେର୍‌ସିନା ଜେ, ଆକାୟା ରାଜିଦି ଆମା ରାଜିଆଙ୍ଗାଁ ନା ଇୟା ଗର୍ବଦିଙ୍ଗ୍ ଏନ୍‌ ନାସ୍ଟୁ କିଦେଙ୍ଗ୍ ଆଟ୍‌ଏନ୍ । 
\v 11 ନାନ୍‌ ଇନିଦାନିଙ୍ଗ୍ ଇୟାୱାଜା ଇଜିନା ? ନାନୁ ଇନିକା ମିଙ୍ଗିଁ ଜିବନ୍‌ନୋଏ ? ମାପୁରୁ ନେସ୍‌ନାନ୍, ମିଙ୍ଗିଁ ନାନୁ ଏସଜିବନ୍‌ନୋନା ।
\p
\v 12 ମାତର୍‌ ଇଲେ ନାନୁ ଆମାକା କିଜିନା, ଆକା କିଜିମାନା । ଆର୍‌ତିଙ୍ଗ୍‌, ମା ୱାଜା ପାଣି କିଜିନିଦେର୍‌ ଇଜି ଆଇ “ପେରିତ୍‍ର୍‍” ଗର୍ବ କିନାର୍, ୱାର୍‌ ମାରି ଆକା କିଦେଙ୍ଗ୍ ଆଟ୍‍ଏର୍‍ । 
\v 13 ୱାର୍‌ ସତ୍‌ତି ପ୍ରେରିତ ସିସୁର୍‍ ଆଏର୍‌, ୱାର୍‌ ୱିଜେରେ ଟକେକିନିକାର୍‌, ୱାର୍‌ ନିଜେଦି ପାଣି ବିସୟ୍‌ତାନ୍‌ ମିଚ୍ ଇନାର୍ ମାରି କ୍ରିସ୍ତଦି ପ୍ରେରିତ ସିସୁ ୱାଜା ତରାନି ଉଣ୍ତିଙ୍ଗ୍‌ ରୁପ୍‌ ବାଦ୍‌ଲେକିନାର୍ । 
\v 14 ମାରି ଇକା କାବାଆନିକା ଇନିକା ସିଲେତ୍‌, ମାତର୍‌ ସୟତାନ୍ ବା ଜାୟ୍‌ତି ମୁସ୍‌କୁପୁର୍‌ତି ଦୁତ୍‍କା ୱାଜା ତରାନି ଉଣ୍ତିଙ୍ଗ୍‌ ରୁପ୍‌ ବାଦ୍‌ଲେକିଜିନାତ୍ । 
\v 15 ଆଦେଙ୍ଗ୍‌ ୱାନି ଦାସ୍‍କୁ ଦାର୍ମୁଦି ସେବାକିନିୱାନି ରୁପ୍‌ ଆସ୍‌ତାର୍‌, କାବାଆନିକା ଇନିକା ସିଲେତ୍‌, ମାତର୍‌ ସାରାସାରିୱେନ୍‌କା ୱାର୍‌ କିତିମାନି ପାଣିଦି ଇସାବ୍‌ତାନ୍‌ ଦଣ୍ତ ୱାର୍‌ ପୟ୍‌ନାର୍ ।
\s ପାଉଲଦି ଦୁକ୍‍ବଗାନିକା ସିସୁ ୱାଜା
\p
\v 16 ନାନ୍‌ ମାରିଡ଼େସି ଇଜିନା, ଏନ୍‌ ଏଣ୍ତେସ୍ ନାଙ୍ଗିଁ ବୁଦିସିଲିକାନ୍‌ ଇଜି ଅଡ଼୍‌ବିମାକିନ୍ । ଜଦି ଆୟାୱାଜା ଅଡ଼୍‌ବିନା,
\p ଆର୍‌ତିଙ୍ଗ୍‌ ନାଙ୍ଗିଁ ବୁଦିସିଲିକାନ୍‌ ୱାଜା ମାନାଦୁ, ଆର୍‌ତିଙ୍ଗ୍‌ ନାନୁ ବା ଅଡ଼ପ୍‍ ଗର୍ବ କିଦେଙ୍ଗ୍‌ ଉନ୍‌ଡ୍ରି ସୁଜୋଗ୍‌ ପୟ୍‌ନା । 
\v 17 ମାରିବା ଇଲେ ନାନ୍‌ ଆମାକା ଇଜିନା, ଆୟାଉଣ୍ତିଙ୍ଗ୍‌ ପ୍ରବୁ ନାଙ୍ଗିଁ ଆଦେସ୍‌ ସିଏନ୍‌ । ଇରିଙ୍ଗ୍‌ ଗର୍ବ କିନି ବିସୟତାନ୍ ନାନୁ ସତ୍‌ତାନ୍‌ ବୁଦିସିଲି ୱାଜା ୱାର୍‌ଗିଜିନା । 
\v 18 ମାତର୍‌ ଦୁନିଆଦି ବିସୟ୍‌ତାନ୍ ନାଣ୍ତଲୋକ୍‌ ଏଣ୍ତେସ୍ ଗର୍ବ କିନାର୍, ନାନ୍‌ ବା ଆୟାୱାଜା କିଦେଙ୍ଗ୍ ଆଟ୍‍ନା । 
\v 19 ମିର୍‌ ବୁଦିଆଜି ବା ୱେଡ଼ିକାଦାନ୍ ବୁଦିସିଲିୱାରିଙ୍ଗ୍‌ ସାସ୍‌ କିଜିନିଦେର୍‌ । 
\v 20 ଜଦି ଏନ୍‌ ମି ମୁସ୍‌କୁ ଅଦିକାର୍‍ କିଜି ସାକର୍‌ କିତିଙ୍ଗ୍‌, ମି ୱିଜୁ ଦନସମ୍ପତି ଆସ୍‌ତିଙ୍ଗ୍‌, ମିଙ୍ଗିଁ ଉରିଦୁ ପକ୍‍ତିଙ୍ଗ୍‍, ମିଙ୍ଗିଁ କାଡ଼ିତିଙ୍ଗ୍‍, ଇୟାୱାଜା ଜେ ମି ବୁଗୁଲିଦୁ ସାପୁଡ଼ା ଡାକ୍‌ତିଙ୍ଗ୍ ବା ମିର୍‌ ଆକା ସାସ୍‌କିଜିନିଦେର୍‌ । 
\v 21 ନାନ୍‌ ସେମାର୍‌ତି ୱାଲେ ମାନାଜିନା ଜେ, ଇୟାୱିଜୁ ବିସୟ୍‌ଦୁ ନାନୁ ନାଣ୍ତ ଦୁର୍ବଲମାନା ।
\p ମାତର୍‌ ଆଇ ଇନି ବିସୟ୍‌ତୁ ଏନ୍‌ ଜଦି ଗର୍ବ କିଦେଙ୍ଗ୍‌ ସାହାସ୍ କିନାନ୍, ଆର୍‌ତିଙ୍ଗ୍‌ ମୁର୍କୁ ୱାଜା ନାନୁ ଇଜିନା, ନା ଆୟାୱାଜା ସାହାସ୍‌ ମାନାତ୍ । 
\v 22 ୱାର୍‌ ଇନିକା ଏବ୍ରିୟ ? ନାନ୍‌ ବା ଏବ୍ରିୟ । ୱାର୍‌ ଇନିକା ଇସ୍ରାଏଲିୟ ? ନାନୁ ବା ଇସ୍ରାଏଲିୟ । ୱାର୍‌ ଇନିକା ଅବ୍ରାହାମଦି କୁଟୁମ୍‌ ? ନାନ୍‌ ବା ଅବ୍ରାହାମଦି କୁଟୁମ୍‌ । 
\v 23 \x + \xo ୧୧:୨୩ \xo*\xt ପ୍ରେରିତ ୧୬:୨୩.\xt*\x*ୱାର୍‌ ଇନିକା କ୍ରିସ୍ତଦି ସେବାକିନିକାର୍‌ ? ନାନ୍‌ ବାୟାୱାଜା ଇଜିନା, ନାନ୍‌ ୱାରିମାଣୁକୁ ୱିଜେରିଙ୍ଗ୍‌ପେରି ସେବାକିନିକିନ୍ଦା । ନାନ୍‌ ୱାରିମାଣୁକୁ ନାଣ୍ତ କାସ୍ଟୁପାଣି କିତାମାନା, ନାଣ୍ତ ଜଇଲ୍‌ତୁ ତେବାତାମାନା ମାରି ବାଡିଗାଦାନ୍‌ ଡାଟ୍‌ତିମାନିକା ସାସ୍‌ କିତାମାନା ମାରି ନାଣ୍ତ ଦେବେଙ୍ଗ୍‌ ସାନିମାନୁ ସାମାନ୍‌ କିତାମାନା । 
\v 24 ନାନ୍‌ ଜିହୁଦିରିମାଣୁକୁ ପାସ୍‌ ଦେବେଙ୍ଗ୍‌ ତିରିସ୍‌ ନ ଦେବେଙ୍ଗ୍‌ ବାଡିଗାଦାନ୍‌ ମାଡ୍‌ ତିରାମାନା । 
\v 25 \x + \xo ୧୧:୨୫ \xo*\xt ପ୍ରେରିତ ୧୬:୨୨ \xt*\xt ପ୍ରେରିତ ୧୪:୧୯.\xt*\x*ରୋମିୟରିମାଣୁକୁ ମୁନ୍‌ଡ୍ରି ଦେବେଙ୍ଗ୍‌ କର୍‌ଡା ମାଡ୍‌ ପୟ୍‌ତାମାନା । ଉନ୍‌ଡ୍ରି ଦେବେଙ୍ଗ୍‌ କାଲୁକୁ ମାଡ୍‌ ତିରାମାନା । ମୁନ୍‌ଡ୍ରି ଦେବେଙ୍ଗ୍‌ ଜାହାଜ୍‌ ଦୁର୍ଗଟଣାଦାନ୍‌ ସାମାନ୍‌ କିତାମାନା ମାରି ଉନ୍‌ଡ୍ରି ଦେବେଙ୍ଗ୍‌ ସାମ୍‌ଦୁରୁତି ଏରୁଦୁ କଡ଼େ ନାଲ୍‍ଗି ଗଣ୍ଟା ତେବାତାମାନା । 
\v 26 \x + \xo ୧୧:୨୬ \xo*\xt ପ୍ରେରିତ ୯:୨୩ \xt*\xt ପ୍ରେରିତ ୧୪:୫.\xt*\x*ଗାଦି ଦେବେଙ୍ଗ୍‌ ସନି ୱାଲେ ଗାଡାଦି ସାନିମାନୁ, ଡଙ୍ଗାଁରି କିୟୁଦୁ, ଜିହୁଦି ମାରି ଅଣଜିହୁଦିରି କିୟୁଦୁ, ଗାଡ଼୍‌ତୁ ମାରି ସୁନ୍‌ସାନ୍‌ବାଡିଦୁ, ସାମ୍‌ଦୁରୁତୁ, ଟକେକିନି ସଙ୍ଗ୍‌ରି ମାଣ୍‌କୁ ସାନିମାନୁ ସାମ୍‍ନା କିତାମାନା । 
\v 27 ବେସିନାଣ୍ତ ପାଣି କିତାମାନା ମାରି ଦୁକ୍ କାସ୍ଟୁ ବୋଗକିତାମାନାନ୍, ସୁଜୁଏଣ୍‌ଗା ମାରି ବାଙ୍ଗାଁ, ଏର୍‌କିଦାନ୍‌ ବେସିଦିନ୍ କାଟେ କିତାମାନା, ନେଗି କାଦି, ଆଙ୍ଗିଁ ମାରି ଡର୍‌ନିବାଡି ସିଲେତି ଉଣ୍ତିଙ୍ଗ୍‌ ବେସି କାସ୍ଟୁ ପୟ୍‌ତାମାନା । 
\v 28 ଇୟାକା ୱିଜୁ ଡ଼ିସ୍‍ତିଙ୍ଗ୍‍ ୱିଜୁ ମଣ୍ତଲିଆଙ୍ଗାଁ ଉଣ୍ତିଙ୍ଗ୍‌ ନା ଦାଇତ୍‌ ୱିଜୁ ଦିନ୍ ପିଣ୍ତ୍‍ଜି ବୁଲାଜିନା । 
\v 29 ଏନ୍‌ ଜଦି ଦୁର୍ବଳ ଆନାନ୍‌, ନାନୁ ବା ୱାନି ୱାଲେ ଦୁର୍ବଳ ଏତ୍‌କିନା । ଏନ୍‌ ପାପ୍‌ କିତିଙ୍ଗ୍‌, ନାନ୍‌ ଜିବନ୍‌ତୁ କାସ୍ଟୁ ଏତ୍‌କିନା ।
\p
\v 30 ଜଦି ଗର୍ବ କିଦେଙ୍ଗ୍‌ ଆନାତ୍‌, ଆର୍‌ତିଙ୍ଗ୍‌ ନା ଇୟାୱିଜୁ ଦୁର୍ବଲଦି ଉଣ୍ତିଙ୍ଗ୍‌ ନାଙ୍ଗିଁ ଗର୍ବ କିଦେଙ୍ଗ୍‌ ଆନାତ୍‌ । 
\v 31 ପ୍ରବୁ ଜିସୁ କ୍ରିସ୍ତଦି ବୁବା ମାପୁରୁ ୱିଜୁଦିନ୍‌ ଦନ୍ୟ ଆପିତ୍‌ । ୱାନ୍‌ ନେସ୍‌ନାନ୍‌ ଜେ, ନାନ୍‌ ମିଚ୍ ୱେର୍‌ଏଜିନା । 
\v 32 \x + \xo ୧୧:୩୨ \xo*\xt ପ୍ରେରିତ ୯:୨୩-୨୫.\xt*\x*ନାନ୍‌ ଦାମାସ୍‍କସ୍‍ଦୁ ମାର୍‌ଇୱାଲେ ରାଜା ଆରେଟସ୍‌ଦି ଅଦିକାରତାନ୍‌ ସାସନ୍‌କିନିକାନ୍‌ ନାଙ୍ଗିଁ ଆସ୍‌ନି ଉଣ୍ତିଙ୍ଗ୍‌ ଗାଡ଼୍‌ତି ୱିଜୁତରିନ୍‌ ସନ୍ୟରିଙ୍ଗ୍ କାପ୍‌କିବିସ୍‌ କିତାମାର୍ହାନ୍‌ । 
\v 33 ମାତର୍‌ ନାଙ୍ଗିଁ ସାଟ୍‌ନାଦି ସାହାଜ୍ୟଦାନ୍ ଜରକା ସାରି ଗାଡ଼୍‍ତି ଗଡା ଆତ୍‌ରେ ରେପ୍‌ତା ମାର୍‌ର୍ହାର୍‌ । ଇୟାୱାଜା ଇସାବ୍‌ତାନ୍‌ ନାନ୍‌ ଆୟା ସାସନ୍‌କିନିୱାନି ମାଣ୍‌କୁ ରକ୍‌ୟା ପୟ୍‌ତାମାର୍‌ଆ । \fig ଗାଡ଼୍‌ତି ଗେଟ୍‌ ମାରି ଗଡା|alt="Entrance to the city gate and wall" src="hk00238c.tif" size="col" copy="Horace Knowles ©" ref="୧୧:୩୨"\fig*
\c 12
\s ପାଉଲତି ତରାୟ୍‌ଆନିକା
\p
\v 1 ଇନିକା ଲାବ୍‌ ଆଏତିଙ୍ଗ୍‍ ବା ନାଙ୍ଗିଁ ଏଣ୍ତେସ୍‍ବା ଗର୍ବ କିଦେଙ୍ଗ୍‌ ଆନାତ୍‌ । ମାତର୍‌ ପ୍ରବୁ ନାଙ୍ଗି ଏମେ ୱିଜୁ ଦର୍ସନ ମାରି ତର୍‍ତା ସିତାମାନାନ୍‌, ଆୟାୱିଜୁ ଇଲେଇ ନାନୁ ଇନା । 
\v 2 କ୍ରିସ୍ତଦିମାନୁ ମାନି ଅରେନ ଲୋକ୍‍ ସଉଦ ବାର୍ସେକ୍ ଆଗ୍‍ଡ଼ି ମୁନ୍‍ଡ୍ରିରିପୁର୍‍ତୁ ସର୍ହାମାର୍ହାନ୍‍ ୱାନ୍‌ ନିଜେଦି ମେନ୍ଦଲ୍‌ତାନ୍ ସର୍ହାମାର୍ହାନ୍‍ ବା ଲବ୍‍ ସୁଡ଼ୁତାମାର୍ହାନ୍, ନାନୁ ନେସେଏ, ଆକା କେବଲ ମାପୁରୁ ନେସ୍‌ନାନ୍ । 
\v 3 ନାନୁ ନେସ୍‍ନା, ୱାନିଙ୍ଗ୍‌ ମୁସ୍‌କୁପୁର୍‌ତି ଡଡିଦୁ ଅଆୟ୍‍ଆତାମାର୍ହାତ୍‍ ୱାନ୍‌ ମେନ୍ଦଲ୍‌ତୁ ମାର୍ହାନ୍‍ ନୋ ମେନ୍ଧଲ୍‍ ଆତ୍‌ରେ ମାର୍ହାନ୍‌, ନାନୁ ନେସେଏ, କେବଲ ମାପୁରୁନେ ନେସ୍‍ନାନ୍‍ । 
\v 4 ଆବେନ୍‌ ୱାନ୍‌ ମାଟାଦୁ ଇନ୍‍ଏଣ୍ତା ମାରି ବଲ୍‍ କିଦେଙ୍ଗ୍‌ ଆଟ୍‍ନିନାନି ମାଟା ୱେନ୍‌ଡ୍ରେଙ୍ଗ୍‌ ଆଟ୍‍ତାମାର୍ହାନ୍‍ । 
\v 5 ଇୟା ଲୋକ୍‌ତି ଉଣ୍ତିଙ୍ଗ୍‌ ନାନୁ ଗର୍ବ କିନା । ମାତର୍‌ ନିଜେଦି ସାକ୍ତିସିଲିକା ଡ଼ିସ୍‍ତିଙ୍ଗ୍‌ ଆଇ ଇନି ବିସୟତୁ ନାନୁ ଗର୍ବ କିହେ । 
\v 6 ଗର୍ବ କିନିକା ନା ମାଡ଼ାନ୍‍କୁ ମୁର୍କ ଆଏତ୍‌, ଇରିଙ୍ଗ୍‌ ନାନୁ ସତ୍‌ ମାଟା ଇନା । ମାତର୍‌ ନାନୁ ଗର୍ବ କିଏଜିନା, ଇରିଙ୍ଗ୍‌ ନାନୁ ବଦାକିନା, ଲୋକୁ ନାଙ୍ଗି ଏଣ୍ତେସ୍‌ ପାଣି କିନିକା ସୁଣାର୍‍ ବା ନା ମାଡ଼ାନ୍‌କୁ ଏଣ୍ତେସ୍ ମାଟା ୱେନାର୍, ୱାନି ମାଡ଼ାନ୍‌କୁ ନାଙ୍ଗିଁ ପେରିକାନ୍ ଇଜି ମନ୍‍ତୁ ଇନ୍‍ମାକିର୍‍ ।
\p
\v 7 ଇୟା ଇସ୍ରି ପୁନା ତରାନିକା ଲାବ୍‌କିଜି ନାନୁ ଏଣ୍ତେସ୍ ଆକାର୍‍ ଆଏ, ଇୟାଉଣ୍ତିଙ୍ଗ୍‌ ନା ମେନ୍ଦଲ୍‌ତୁ ଉଣ୍ତ୍ରି ନନି ନୋପି ସିଆୟ୍‍ ଆତାମାନାନ୍, ଇକା ନାଙ୍ଗି ଗର୍ବ ଆଇ ଉଣ୍ତିଙ୍ଗ୍‌ ସୟ୍‌ତାନ୍‌ଦି ଦୁତ୍ ୱାଜା ପାଣିକିନାମାନାତ୍ । 
\v 8 ଇବେଟ୍‍କୁ ଆକ କିଦେଙ୍ଗ୍‌ ନାନୁ ପ୍ରବୁଦି ଲାକୁତୁ ମୁଜା ପାର୍‍ତନା ଅନୁରୋଦ କିତାମାନା । 
\v 9 ମାତର୍‌ ୱାନ୍‌ ନାଙ୍ଗି ଇର୍ହାନ୍‌, “ନା ଦୟା ନି ଉଣ୍ତିଙ୍ଗ୍‌ ନାଣ୍ତ, ନିନୁ ସାକ୍ତିସିଲିୱାଲେ ନା ସାକ୍ତି ପୁରା ଦାନ୍‍ ତରାୟ୍‍ ଆନାତ୍‌ ।” ଆଦେଙ୍ଗ୍‌ କ୍ରିସ୍ତଦି ସାକ୍ତି ନା ମାନୁ ବାସାନି ଉଣ୍ତିଙ୍ଗ୍‌ ନାନୁ ନା ସାକ୍ତିସିଲି ଉଣ୍ତିଙ୍ଗ୍‌ ନାଣ୍ତ ଗର୍ବ କିନା ମାରି ୱେଡ଼ିକା ଆନା । 
\v 10 ମାରି କ୍ରିସ୍ତଦି ଉଣ୍ତିଙ୍ଗ୍‌ ୱିଜୁ ରକମ୍‍ତି ସାକ୍ତିସିଲିକା, ଅପମାନ୍‍, କାଷ୍ଟୁ, ତାଡ଼ନା, ମାରି ସାନିଜିନିକା ନାନୁ ୱେଡ଼ିକାଦାନ୍‍ଜିନା, ଇରିଙ୍ଗ୍‌ ଏସ୍ତିୱାଲେ ନାନୁ ସାକିସିଲେ, ନାସ୍ତିୱାଲେ ନାନୁ ବପୁଦିକାନ୍‍ ।
\s ପାଉଲ କରିନ୍ତି ବିସ୍‍ବାସ୍‍ରି ସିନ୍ତା କିତାନ୍‍
\p
\v 11 ନାନୁ ବୁଦିସିଲି ୱାଜା ବ୍ୟବ୍‌ହାର୍‌ କିଜିନା । ଇକା କିନି ଉଣ୍ତିଙ୍ଗ୍‌ ମିର୍‌ ନାଙ୍ଗି ଜାସେପେଲା କିତିମାନିଦେର୍‌, ମାତର ନା ପ୍ରସଂସା କିନିକା ମି ଟିକ୍‌ ମାର୍ହାତ୍ । ନାନୁ ଇନିକା ଆଏତିଙ୍ଗ୍‌ ବା ମି ଆୟା ପେରି “ପ୍ରେରିତ ସିସୁରି” ମାଣ୍‌କୁ ଇନି ଗୁଣୁତାନ୍ ଇସ୍ରିକାନ୍‍ ଆଏ । 
\v 12 ମି ଲୋଇ ସାସ୍‍ତାନ୍ ନାଣ୍ତ କାବାଆନି ପାଣି ପୁରାକିଜି ନାଣ୍ତ କାବାଆନି ବିସୟତାନ୍ ନାନୁ ଯେ ସତେନେ ଅରେନ୍ ପ୍ରେରିତ ସିସୁ, ତେନି ପାର୍‍ମାଣ୍‍ ସିତାମାନା । 
\v 13 କେବଲ ଉଣ୍ତ୍ରି ବିସୟତୁ ଆଇ ମଣ୍ତଲିମାଣୁକୁ ମି ୱାଲେ ନାନ୍‌ ମିଙ୍ଗିଁ ଡାବୁଙ୍ଗ୍‌ ଲସ୍‌ନି ଉଣ୍ତିଙ୍ଗ୍‌ ବଜୁ ୱାଜା ଆଏ । ଜଦି ଇକା ମି ଉଣ୍ତିଙ୍ଗ୍‌ ନା ତାଗ୍‍ଇ ଜିବନ୍‌ତି ବ୍ୟବହାର୍, ଆର୍‌ତିଙ୍ଗ୍‌ ଇୟାଉଣ୍ତିଙ୍ଗ୍‌ ନାଙ୍ଗିଁ ଦୟାକିଜି କେମା କିଦୁ ।
\p
\v 14 ମୁଣ୍ତ୍ରି ଦେବେଙ୍ଗ୍‍ ଉଣ୍ତିଙ୍ଗ୍‌ ମି ଲାକୁତୁ ସନି ଉଣ୍ତିଙ୍ଗ୍‌ ନାନୁ ତିଆର୍ ଆଜିନା । ନାନୁ ମି ମାଡ଼ାନ୍‍କୁ ଇନି ବିସୟ ଦାବି କିଏ । ନାନୁ ମିଙ୍ଗିଁ ଇଛାକିନା । ମି ଦନସମ୍ଫତି ସିଲେ । ଇରିଙ୍ଗ୍‌ ବୁବା ୟାୟାରି ଉଣ୍ତିଙ୍ଗ୍‌ କଡ଼କକ୍‌ରା ଉଣ୍ତା କିଏର୍‌, ବୁବା ୟାୟା କଡ଼କକ୍ରାରି ଉଣ୍ତିଙ୍ଗ୍‌ ଦନ୍ ଉଣ୍ତାକିନିକା ମାନାତ୍‌ । 
\v 15 ମିଙ୍ଗିଁ ସାହାଜ୍ୟ କିନି ଉଣ୍ତିଙ୍ଗ୍‌ ନା ୱିଜୁ, ଇୟାୱାଜାକି ନିଜେଦିଙ୍ଗ୍‌ ୱେଡ଼ିକାଦାନ୍‌ ସର୍‌ପେ କିନିସିନି ଉଣ୍ତିଙ୍ଗ୍‌ ନାନୁ ତିଆର୍ ଆତାମାନା । ନାନୁ ମିଙ୍ଗିଁ ନାଣ୍ତ ଜିବନ୍‌ନୋଜିନା ଇଜି ମିର୍‌ ଇନିକା ନାଙ୍ଗିଁ ନିସ ଉଣା ଜିବନ୍‍ନୋନିଦେର୍‍ ?
\p
\v 16 ନାନୁ ମି ମୁସ୍‌କୁ ବଜୁଦି ୱାଜା ଆଏ । ଇୟା ବଲୁ ମିର୍‌ ସତେନେ ମାନାନିଦେର୍‍ । ମାତର୍‌ ମି ମାଣ୍‌କୁ ଏନ୍‌ ୱେର୍‌ତେଙ୍ଗ୍‍ ଆଟ୍‍ନାନ୍‍, ନାନୁ ସାଲାକି ଆତିମାନିଙ୍ଗ୍‌ ମିଚ୍ ୱେରିସି ମିଙ୍ଗିଁ ଉରିଦୁ ପୋକ୍‍ତାମାନାନ୍‌ । 
\v 17 ମି ଲାକ୍‌ତୁ ଏମେୱାରିଙ୍ଗ୍‌ ପୋକ୍‍ତାମାନା, ୱାରିମାଣୁକୁ ବା ଏମାଣୁକୁ ନାନୁ ଇନିକା ମିମାଣୁକୁ ଇନି ସୁବିଦା ରେଲିଜିଅତାମାନା ? 
\v 18 ମି ଲାକ୍‌ତୁ ସନିଉଣ୍ତିଙ୍ଗ୍ ନାନୁ ତିତସଦିଙ୍ଗ୍‌ ଅନୁରୋଦ କିତା ମାରି ୱାନିୱାଲେ ଆଇ ତଡ଼ାନ୍‍କାଙ୍ଗ୍‌ ପୋକ୍‍ତା । ତିତସ ମି ଲୋଇରାନ୍‌ ଇନି ସୁବିଦା ପୟ୍‍ତାମାନାନ୍‍ ଇଜି ଏନ୍‌ ଇନ୍‌ଡ୍ରେଙ୍ଗ୍‌ ଆଟ୍‍ନାନ୍ ? ୱାନ୍‌ ମାରି ନାନୁ ଇନିକା ସାମାନ୍‌ ପାଣି ଅସି ମି ୱାଲେ ସାମାନ୍‌ ବ୍ୟବହାର୍ କିଏ ନୋ ?
\p
\v 19 ଏଣ୍ତେସାତିଙ୍ଗ୍‌ ମିର୍‌ ଅଡ଼୍‍ବିଜିନିଦେର୍‍ ଜେ, ଇୟାସାନ୍ଦି ମାପୁ କେବଲ ନିଜେଦିକା ନର୍‌ଜି ସିଜି ୱାତାମାନାପ୍‌ ନୋ ! ମାପୁରୁଦି ଆଗ୍‍ଡ଼ି କ୍ରିସ୍ତ ମାଙ୍ଗିଁ ଇର୍‍ଇ ୱାଜା ମାପ୍‌ ମିଙ୍ଗିଁ ଇଜିନାପ୍‍ । ଲାଡ୍‍ତି ତଡ଼୍‍କୁ, ମାପୁ ଏମେକା କିଜିନାପ୍ ଆକା କେବଲ ମି ନେଗି ଉଣ୍ତିଙ୍ଗ୍‌ କିଜିନାପ୍ । 
\v 20 ଇରିଙ୍ଗ୍‌ ନାନୁ ତିଏଲ୍‍ ୱାଜିନାତ୍‌, ନାନୁ ମି ଲାକ୍‌ତୁ ୱାଜି ମିଙ୍ଗିଁ ଏଣ୍ତେସ୍ ସୁଡ଼ୁଦେଙ୍ଗ୍‌ ବଦା କିଜିନା, ଆୟାୱାଜା ସୁଡ଼ୁଦେଙ୍ଗ୍‌ ଆଟ୍‍ଏ ମାରି ମିର୍‌ ନା ଆମା ରୁପ୍‌ ସୁଡ଼ୁଦେଙ୍ଗ୍‌ ବଦା କିଇଜିନିଦେର୍‌, ଆର୍‌ତିଙ୍ଗ୍‌ ଆକା ସୁଡ଼ୁଦେଙ୍ଗ୍‌ ଆଟ୍‌ନିଦେର୍‌ । ଆର୍‌ତିଙ୍ଗ୍‌ ଆବେନ୍‌ ସଲ୍‌ସି ନାନୁ ୱିଜୁ ରକମ୍‍ତି ଜାଟି, ଆକାର୍‍, ରିସା, ଗର୍ବ କିନିକା, ସୁରି, ଗର୍ବ, ମାରି ସାନ୍ତିସିଲିକା ସୁଡ଼ୁଦେଙ୍ଗ୍‌ ଆଟ୍‍ନା । 
\v 21 ଇଲେଇ ମି ଲାକ୍‌ତୁ ସନିୱାଲେ ଆୟାୱାଜା ମାପୁରୁ ମି ଆଗ୍‍ଡ଼ି ନାଙ୍ଗିଁ ସେମାର୍‍ କିନାନ୍, ଏମେକାର୍ ଆଗ୍‍ଡ଼ିରାନ୍ ପାପ କିତାମାନାର୍‌, ମାତର୍‌ ୱାରି ତାଗ୍‍ଇ ପାଣିୱିଜୁ, ଲାଲାୟ୍‍ ମାରି ଦାରିପାଣି ଉଣ୍ତିଙ୍ଗ୍‌ ମନ୍‍ବାଦ୍‍ଲେ କିଏର୍‌, ଇୟାୱାଜା ନାଣ୍ତଲୋକ୍‌ ଉଣ୍ତିଙ୍ଗ୍‌ ନାଙ୍ଗିଁ ଆଡ଼୍‍ବାଦେଙ୍ଗ୍ ଆନାତ୍‌ ।
\c 13
\s ସାରାସାରି ଜାଗାର୍‌ତା ନି ନମସ୍କାର୍‍
\p
\v 1 ଇୟାତାନିଙ୍ଗ୍‍ ମିସାକିଜି ମୁଜା ନାନୁ ମି ଲାକୁତୁ ୱାଜିନା । ଦର୍ମସାସ୍ତ୍ରଦି ଇସାବ୍‍ତାନ୍‍, ରିଏର୍‌ ସିଲିତିଙ୍ଗ୍‌ ମୁଏର୍‌ରି ସାକିଦି ପାର୍‍ମାଣ୍‍ତାନ୍‍ ୱିଜୁ ମାଟା ପୁରା ଆନାତ୍‌ । 
\v 2 ପୁର୍ବେ ପାପ୍‌ କିତିମାନି ଲୋକାଙ୍ଗ୍‌ ମାରି ଆଇ ୱିଜେରିଙ୍ଗ୍ ନାନୁ ରିଜା ଆବେନ୍‌ ସୋଲ୍‌ସି ଇର୍ହାର୍‌ ମାରି ଇଲେଇ ଆକମାନିଜି ବା ଇଜିନା ଯେ, ନାନୁ ଇଲେଇ ସରିଙ୍ଗ୍‌, ଏନ୍‌ ଦଣ୍ତଦାନ୍ ଡ଼ିସାଇ ଆଦେଙ୍ଗ୍‌ ଆଟ୍‌ଏର୍‍ । 
\v 3 କ୍ରିସ୍ତ ଜେ ନା ମାଣ୍‌କୁ ସିଜି ୱାର୍‌ଗିଜିନାନ୍‍, ଇୟା ବିସୟ୍‌ତାନ୍‌ ମିର୍‌ ଅଡ଼୍‌ବିନିମାନି ୱିଜୁ ପାର୍‌ମାଣ୍‌ ପୋଇନିଦେର୍‌ । ମି ଉଣ୍ତିଙ୍ଗ୍‌ ୱାନ୍‌ ଏସାଙ୍ଗ୍‍ବା ଦୁର୍ବଳ ଆଏନ୍‍ । ମାତର୍‌ ମି ଲାକ୍‌ତୁ ୱାନ୍‌ ୱାନି ସାକ୍ତିଦି ପରିଚୟ ସିତାମାନାନ୍‌ । 
\v 4 ୱାନ୍‌ ଦୁର୍ବଳ ଆଜି କ୍ରୁସଦୁ ସାତିଙ୍ଗ୍‌ବା ମାପୁରୁଦି ସାକ୍ତିଦାନ୍ ଇଲେଇ ଜିବନ୍‌ ମାନାନ୍ । ୱାନିୱାଲେ ମିସାଜି ମାପୁ ବା ସାକ୍ତିସିଲି ୱାଜା ଆତାମାନାପ୍‌, ମାତର୍‌ ମି ୱାଲେ ମା ମିସାନିମାନୁ ମାପୁରୁଦି ସାକ୍ତିଦି ମିସାଜି କ୍ରିସ୍ତଦି ୱାଲେ ମାଡ୍‌ ଜିବନ୍‌ ଆନିକା ।
\p
\v 5 ମିର୍‌ ବିସ୍‍ବାସ୍‍ତୁ ମାନିଦେର୍‌ ନୋ ସିଲେ, ନିଜେଦି ପରିକା ନି ବିଚାର୍‍ କିଜି ସୁଡ଼ୁଦୁ । ମି ଜିବନ୍‌ତୁ ଜିସୁ କ୍ରିସ୍ତ ବାସାକିଜିନାନ୍, ଇୟା ବଲୁ ଇନିକା ନେସିଇଦେର୍‌ ନୋ, ଇବେନୁ ମିର୍‌ ଅର୍‌ସେ ଆରାତି ଆତିମାନିଦେର୍‌ ? 
\v 6 ଆସା କିଜିନା, ମିର୍‌ ବୁଜାଦେଙ୍ଗ୍ ଆଟ୍‌ନିଦେର୍‌ ଜେ, ମାଡୁ ଆରାଏପ୍‌ । 
\v 7 ମିର୍‌ ଇନି ଅନ୍ୟାୟପାଣିଦୁ ତେବାମାଟ୍‍, ଇୟାଉଣ୍ତିଙ୍ଗ୍‌ ମାପୁ ମାପୁରୁଦି ଲାକ୍‌ତୁ ପାର୍‍ତାନା କିଜିନାପ୍ । ମାପୁ ଜେ ଇବେନୁ ପରିକାଦୁ ଜିଣାତାମାନାପ୍, ଇକା ମାପୁ ତର୍‌ତେଙ୍ଗ୍ ସଲ୍‌ଏପ୍, ମାତର୍‌ ମାପୁ ଆରାତିମାରିଙ୍ଗ୍ ବା ମିର୍‌ ଏଣ୍ତେସ୍‌ ନେଗି ପାଣି କିନିଦେର୍‌, ଇୟାଉଣ୍ତିଙ୍ଗ୍‌ ପାର୍‍ତାନା କିଜିନାପ୍‍ । 
\v 8 ସତ୍‍ତିଙ୍ଗ୍‍ ବିରୁଦ୍‍ କିଦେଙ୍ଗ୍ ମା ଅଦିକାର୍‌ ସିଲେତ୍‌; ମାପୁ କେବଲ ସତ୍‍ତି ଉଣ୍ତିଙ୍ଗ୍‌ ପାଣି କିଦେଙ୍ଗ୍‌ ଆଟ୍‌ନାପ୍ । 
\v 9 ମାପୁ ଦୁର୍ବଳ ମାର୍‌ଇୱାଲେ ମିର୍‌ ସାକ୍ତିମାନିଙ୍ଗ୍‍ ମାପୁ ୱେଡ଼ିକା । ଆୟାଉଣ୍ତିଙ୍ଗ୍‌ ମି ନେକ୍‌କାଆନି ଉଣ୍ତିଙ୍ଗ୍‌ ମାପୁ ପାର୍‍ତାନା କିଜିନାପ୍ । 
\v 10 ଆୟାଉଣ୍ତିଙ୍ଗ୍‌ ଆକ ମାନ୍‌ଜି ନାନୁ ମି ଲାକ୍‌ତୁ ଇୟା ସିଟି ରାସ୍‍ସିନା, ଆବେଣାନ୍‍ ମି ଲାକ୍‌ତୁ ଇଗାୱାନି ବେଡ଼ାଦୁ ଏଣ୍ତେସ୍ ଆଟ୍‍ୱାଦି ୱାଜା ନାଙ୍ଗିଁ ଅଦିକାର୍‌ କିଦେଙ୍ଗ୍ ପଡ଼ାଏତ୍ । ଇରିଙ୍ଗ୍‌ ମିଙ୍ଗିଁ ରୁକୁତେଙ୍ଗ୍ ସିଲେ, ମାତର୍‌ ତିଆର୍‌ କିଦେଙ୍ଗ୍ ମାପୁରୁ ନାଙ୍ଗିଁ ଅଦିକାର୍‌ ସିତାମାନାନ୍‌ ।
\p
\v 11 ତଡ଼ାନ୍‍କୁ ନି ତାଙ୍ଗିଁକ୍‍ ନା ସାରାସାରି ମାଟା ଇକା ନିଜେଦିଙ୍ଗ୍ ଟିକ୍‍ କିଦୁ, ନା ମାଟା ଆସ୍‌ତୁ, ୱିଜେରେ ଉନ୍‌ଡ୍ରେମାନୁ ଆଦୁ ମାରି ସାନ୍ତିଦାନ୍ ତେବାଦୁ । ଜିବନ୍‌ନୋନିକା ମାରି ସାନ୍ତିଦି ମାପୁରୁ ମି ୱାଲେ ତେବାପିନ୍‍ ।
\p
\v 12 ପବିତ୍ର ଚୁମାଦାନ୍‌ ନିଜେନିଜେଦିଙ୍ଗ୍‌ ମାଡ଼ିସ୍‍ କିଦୁ ।
\p ୱିଜେରେ ମାପୁରୁଦିଲୋକ୍‍ ମିଙ୍ଗିଁ ମାଡ଼ିସ୍‍ କିଜିନାର୍‍ ।
\p
\v 13 ପ୍ରବୁ ଜିସୁ କ୍ରିସ୍ତଦି ଦୟା, ମାପୁରୁଦି ଜିବନ୍‌ନୋନିକା ମାରି ପବିତ୍ରଆତ୍ମାଦି ସାହାଜ୍ୟ ମି ୱିଜେରି ୱାଲେ ମାନିତ୍‍ ।