\id 1TI - Kopo
\ide UTF-8
\h ୧ ତିମତି
\toc3 ୧ ତିମତି
\toc2 ୧ ତିମତି
\toc1 ତିମତିଦି ଲାକ୍‌ତୁ ପାଉଲତି ପାର୍‌ତୁମ୍‌ ଆକୁ
\mt2 ତୀମଥିଙ୍କ ନିକଟକୁ ପାଉଲଙ୍କ ପ୍ରଥମ ପତ୍ର
\mt1 ତିମତିଦି ଲାକ୍‌ତୁ ପାଉଲତି ପାର୍‌ତୁମ୍‌ ଆକୁ
\imt1 ଇୟା ଆକୁଦୁ ମାନି ଏସ ବିସୟ୍‌
\ip ପାର୍‌ତୁମ୍‌ ତିମତି ପ୍ରେରିତ ପାଉଲଦି ମାଣାନ୍‌ ୱାନି ସିସୁ ତିମତିଦିଙ୍ଗ୍‌ ରାସ୍‌ତାମାନାନ୍‌ । ପାର୍‌ତୁମ୍‌ ତିମତି ଆନାତ୍‌ସୁଗି ପାକାପାକି ୬୨-୬୪ ବାର୍ସେକ୍‌ ଜିସୁ କ୍ରିସ୍ତଦି ଜନମ୍‌ ୱେନ୍‌କା ରାସାତାମାନାତ୍‌ । ଆଦେଙ୍ଗ୍‌ ଆଟ୍‌ନାତ୍‌ ଇକା ପାଉଲଦି ଜିବନ୍‌ତି ସାରାସାରି ବେଡ଼ା । ପାଉଲଦି ୱାଲେ ତିମତିଦି ପୁରା ମିସାବିଡ଼ା ମାର୍‌ଆତ୍‌ । ୱାନ୍‌ ଏସ ବେଡ଼ାଦୁ ତିମତିଦିଙ୍ଗ୍‌ ମାରିନ୍‌ ଇଜି ମାନାନାନ୍‌ \xt ପିଲିପିୟ ୨:୨୨\xt*; ୧ ତିମତି \xt ୧:୨\xt*, \xt ୧:୧୮\xt* । ଇକା ପାଉଲଦି ମାଣାନ୍‌ ରାସାତିମାନି ନାଲିଗି ବଇଙ୍ଗ୍‌ ଲୋଇ ଇକା ଉନ୍‌ଡ୍ରି । ଆଇ ମୁନ୍‌ଡ୍ରି ବଇଙ୍ଗ୍‌ ୨ ତିମତି, ତିତସ, ମାରି ପିଲିମନ ଇକେଙ୍ଗ୍‌ । ପାର୍‌ତୁମ୍‌ ତିମତିଦୁ ମଣ୍ତଲିଦି ଉପାସନା ବିସୟ୍‌ ତେବାତାମାନାତ୍‌ \xt ୨:୧-୧୫\xt* ।
\ip ଇବେନୁ ମଣ୍ତଲିଦି ନେତାରି ଜଗ୍‌ ବିସୟ୍‌ତାନ୍‌ ସୁଡ଼ୁଜିନିକା \xt ୩:୧-୧୩\xt* ମାରି ମିସ୍‌ ଗୁରୁରି ତରିନ୍‌ ଜାଗାର୍‌ତାଦି ମାଟା ତେବାତାମାନାତ୍‌ \xt ୧:୩-୧୧\xt*, \xt ୪:୧-୫\xt*, \xt ୬:୨-୫\xt* । ମଣ୍ତଲି ଲୋଇ ତିମତି ଏଣ୍ତେସ୍‌ ନାନି ଉନ୍‌ଡ୍ରି ନେତା ଆନି ଦର୍‌କାର୍‌ ଆକା ପାଉଲ ଅଜା କିନି ସିନି ବିସୟ୍‌ତାନ୍‌ ୱେର୍‌ନାନ୍‌ । ପାର୍‌ତୁମ୍‌ ତିମତିଦୁ ଇଲେଇତି ନାର୍‌କାଣି ମଣ୍ତଲିଆଙ୍ଗାଁ ପାଣି ସାଲାକିନି ଉଣ୍ତିଙ୍ଗ୍‌ ମଣ୍ତଲିଦି ନେତାରିଙ୍ଗ୍‌ ଏସ ମୁଲ୍‌ ମାଟା ୱେର୍‌ନାର୍‌ ।
\iot ଇୟା ଆକୁଦୁ ମାନି ମୁକ୍ୟ ବିସୟ୍‌
\io1 ୧. ପାଉଲ ତିମତିଦିଙ୍ଗ୍‌ ମାଡ଼ିସ୍‌କିଜି ରାସ୍‌ନିକା ଆରାମ୍‌ କିତାନ୍‌ । \ior ୧:୧-୨\ior*
\io1 ୨. ପାଉଲ ତିମତିଦିଙ୍ଗ୍‌ ମିଚ୍‌ ୱେର୍‌ନି ଗୁରୁରି ତରିନ୍‌ ଜାଗାର୍‌ତା କିନାର୍‌ । \ior ୧:୩-୧୧\ior*
\io1 ୩. କ୍ରିସ୍ତଦିମାନୁ ପାଉଲଦି ଦନ୍ୟବାଦ୍‌ । \ior ୧:୧୨-୧୯\ior*
\io1 ୪. ପାଉଲ ମଣ୍ତଲିଦି ସେବା ପାଣି ନି ନେତାରି ବିସୟ୍‌ତାନ୍‌ ତିମତିଦିଙ୍ଗ୍‌ ମାଟା ୱେର୍‌ନାର୍‌ । \ior ୨–୩\ior*
\io1 ୫. ତିମତିଦିଙ୍ଗ୍‌ ପାଉଲଦି ସାରାସାରି ୱେର୍‌ନିକା । \ior ୪–୬ \ior*
\c 1
\p
\v 1 ନାନୁ ପାଉଲ, ମା ରକିୟାକର୍ତ୍ତା ମାପୁରୁ ମାରି ଆସାଦିମୁଣ୍ତା କ୍ରିସ୍ତ ଜିସୁଦି ମାଟା ଇସାବ୍‌ତାନ୍‌ କ୍ରିସ୍ତ ଜିସୁଦି ଅରେନ୍‌ ପୋକ୍‌ତିମାନି ସିସୁ,
\p
\v 2 \x + \xo ୧:୨ \xo*\xt ପ୍ରେରିତ ୧୬:୧.\xt*\x*ୱାନି ଦାର୍ମୁମାରିସି ତିମତିଦି ଲାକ୍‌ତୁ ରାସ୍‌ତିମାନି ଆକୁ :
\p ବୁବା ମାପୁରୁ ମାରି ମା ପ୍ରବୁ କ୍ରିସ୍ତ ଜିସୁଦିମାଣାନ୍‌ ଦୟା, ସାକା ମାରି ସାନ୍ତି ମି ଉଣ୍ତିଙ୍ଗ୍‌ ଆପିତ୍‌ ।
\s ତାଗ୍‌ଇ ସିକିୟା ଉଣ୍ତିଙ୍ଗ୍‌ ଜାଗାର୍‌ତା
\p
\v 3 ନାନ୍‌ ମାସିଦୋନିଆଦୁ ସନିୱାଲେ ମିଙ୍ଗିଁ ୱେର୍‌ତିମାର୍‌ଇ ଇସାବ୍‌ତାନ୍‌ ମିର୍‌ ଏପିସ୍‌ତୁ ମାନ୍‌ଡ୍ରୁ । ଆବେନୁ ଆମାକାର୍‌ ତାଗ୍‌ଇ ସିକିୟା ୱିଜୁ ସିଜିନାର୍‌, ୱାରିଙ୍ଗ୍‌ ଆବେଟ୍‌ତାନ୍‌ ସୁପ୍‌ ଆଦେଙ୍ଗ୍‌ ଇଜି ଆଦେସ୍‌ ସିଦୁ । 
\v 4 ୱାର୍‌ ପୁର୍ବେଦି କାତେଙ୍ଗ୍‌ ନି ପୁର୍ବେଦିଡକ୍‌ରାଦାଦାରି ନିର୍‍ଇ ଦାଡ଼ି ତିଆର୍‌ କିଜିନାର୍‌ । ଆୟାୱିଜୁ ଡ଼ିସ୍‌ତେଙ୍ଗ୍‌ ୱାରିଙ୍ଗ୍‌ ସିକିୟା ସିଦୁ, ଇରିଙ୍ଗ୍‌ ଆକା କେବଲ୍‌ ତାଗ୍‌ଇ ମାଟେଙ୍ଗ୍‌ ସପ୍‌ନାତ୍‌ । ଆମା ନେଗି ବିସ୍‌ବାସ୍‌ତୁ ମାପୁରୁଦି ବଦା ନେସ୍‌ତେଙ୍ଗ୍‌ ଆନାତ୍‌, ଇୟାୱିଜୁ ତାନିଙ୍ଗ୍‌ ବାଦା କିନାତ୍‌ । 
\v 5 ନେଗି ଜିବନ୍‌, ନେଗି ବୁଦି ମାରି ସତ୍‍ ବିସ୍‌ବାସ୍‌ତାନ୍‌ ଆମା ଜିବନ୍‌ନୋନିକା ସନାତ୍‌, ତାନିଙ୍ଗ୍‌ ଜାଗାର୍‌ତା କିନି ଉଣ୍ତିଙ୍ଗ୍‌ ନେରୁ ନାନ୍‌ ଇୟା ଆଦେସ୍‌ ସିଜିନା । 
\v 6 ଏସ ଲୋକୁ ଇୟା ମୁକିୟ ବିସୟ୍‌ଆଙ୍ଗ୍‌ ବାଣାଜି ସୋଲ୍‌ସି ପୁକା ମାଟେଙ୍ଗ୍‌ ଆସ୍‌ସି ସାରିବାଣାତା ମାନାର୍‌ । 
\v 7 ୱାର୍‍ ଦାର୍ମୁଗୁରୁ ଆଜି ମାପୁରୁଦି ବିଦି ନିୟମ୍‌ ୱେର୍‌ତେଙ୍ଗ୍‌ ୱାର୍‌ ଆସାଆନାର୍‌, ମାତର୍‌ ନିଜେଦି ସିକିୟାଦି ଅରତ୍‌ ୱାର୍‌ ବୁଜାଦେଙ୍ଗ୍‌ ଆଟ୍‍ଏର୍‍; ଆମା ୱିଜୁ ବିସୟ୍‌ତାନ୍‌ ସତ୍‌ତାନ୍‌ ନିଜେଦି ମାଟା ୱେର୍‌ନାର୍‌, ଆକା ସତ୍‌ତାନ୍‌ ଇନିକା, ୱାର୍‌ ନେସ୍‌ଏର୍‌ ।
\p
\v 8 ମାଡ୍ ନେସ୍‌ନାଟ୍ ଜେ, ନିୟମ୍‌ ନେଗେନ୍‌ତାନ୍‌ ମାନାଦେଙ୍ଗ୍‌ ଆଟ୍‌ତିଙ୍ଗ୍‌, ଆକା ନେଗିକା । 
\v 9 ମାତର୍‌ ମନେ ଇଡ୍‌ଦେଙ୍ଗ୍‌ ଆନାତ୍‌, ଇୟା ନିୟମ୍‌ ଦାର୍ମୁଦି ଲୋକା ଉଣ୍ତିଙ୍ଗ୍‌ ଆଏତ୍‌ । ନିୟମ୍‌ତିଙ୍ଗ୍‌ ମାନାଇ ପାପିଦିଲୋକା ଉଣ୍ତିଙ୍ଗ୍‌ ଆକା ତିଆର୍‌ ଆତାମାନାତ୍‌ । ଆମାକାର୍‌ ତାଗ୍‌ଇକାର୍‌, ଆମାୱାରିଙ୍ଗ୍‌ ମାପୁରୁଙ୍ଗ୍‌ ତିୟେଲ୍‌ ସିଲେ, ଆମାକାର୍‌ ପାପ୍‌ ତାଗ୍‍ଇପାଣିଦୁ ମିସାତାମାନାର୍‌, ଆମାୱାରିଙ୍ଗ୍‌ ଦାର୍ମୁ ନି ସାନ୍ତିଜିବନ୍‍ ସିଲେତ୍‌, ଆମାକାର୍‌ ବୁବାୟାୟ୍‌ଙ୍ଗେ ସାୟାମାର୍‌ଗାଡାକ୍‌ତେଙ୍ଗ୍‌ ତିୟେଲ୍‌ ଆଏର୍‌; ଲୋକାଙ୍ଗ୍‌ ସାୟାମାର୍‌ଗାଡାକ୍‌ନିକା, 
\v 10 ଲାଲାୟ୍‍ଆନି, ଲୋକାଙ୍ଗ୍‌ ଡଙ୍ଗାଁକିନିକାର୍‍ ମାରି ମିଚ୍‌ ମାଟା ୱେର୍‌ତେଙ୍ଗ୍‌ ଆମାକାର୍‌ ଅବ୍ୟାସ୍‌, ମିଚ୍‍ ସାକି ସିନାର୍‍ ଆମାକାର୍‌ ୱିଜୁ ସତ୍‌ସିକିୟାଦୁ ବିରୁଦ୍‌ କିନାର୍‌, ୱାରି ଉଣ୍ତିଙ୍ଗ୍‌ ନିୟମ୍‌ ନେଗିକା । 
\v 11 ଗୌରବ୍‌ମୟ୍‌ ଦନ୍ୟ ମାପୁରୁଦି ନେଗି କାବୁର୍‌ ପ୍ରଚାର୍‌ କିନି ଦାଇତ୍‌ ନା ମୁସ୍‌କୁ ସିଆୟ୍‌ଆତା ମାନାତ୍‌ ।
\s ମାପୁରୁଦି ଦୟା ଉଣ୍ତିଙ୍ଗ୍‌ ଦନ୍ୟବାଦ୍‌
\p
\v 12 ନା ଦାଇତ୍‌ କିଦେଙ୍ଗ୍‌ ନାଙ୍ଗିଁ ଦୟା କିତିମାନିଙ୍ଗ୍‌ ମା ପ୍ରବୁ ଜିସୁ କ୍ରିସ୍ତଙ୍ଗ୍‌ ଦନ୍ୟବାଦ୍‌ ସିଜିନା । ପୁର୍ବେ ନାନ୍‌ ୱାନିଙ୍ଗ୍‌ ନିନ୍ଦା କିଜିମାର୍‌ଆ, ୱାନିଙ୍ଗ୍‌ କାସ୍ଟୁ ନି ଅପ୍‌ମାନ୍‌ ସିଜିମାର୍ହା । ମାରିବା ୱାନ୍‌ ନାଙ୍ଗିଁ ବିସ୍‌ବାସ୍‌ ବୁଦି କିଜି ୱାନି ସେବା ଉଣ୍ତିଙ୍ଗ୍‌ ଆସ୍‌କିତାମାନାନ୍‌ । 
\v 13 \x + \xo ୧:୧୩ \xo*\xt ପ୍ରେରିତ ୮:୩; ୯:୪,୫.\xt*\x*ମାରିବା ନାନ୍‌ ପୁର୍ବେ ନିନ୍ଦା, କାସ୍ଟୁସିନିକା ମାରି ଲୋକାଙ୍ଗ୍‌ ସାୟାମାର୍‌ଗାଡାକ୍‌ନିକାନ୍‌ ମାର୍ହା; ମାତର୍‌ ନାନ୍‌ ବିସ୍‍ବାସ୍‍ କିଇ ଉଣ୍ତିଙ୍ଗ୍‌ ନେସ୍‌ଏଣ୍‌ଗା ଆକା ୱିଜୁ କିତାମାର୍ହା, କେମା କିଜି ମାପୁରୁ ନା ଉଣ୍ତିଙ୍ଗ୍‌ ସାକା ଆତାମାନାନ୍‌ । 
\v 14 ମାରି, ମା ପ୍ରବୁ ଜିସୁ ମାରି ଦୟା କ୍ରିସ୍ତ ଜିସୁଦି ୱାଲେ ମିସାଜି ବିସ୍‌ବାସ୍‌ ମାରି ଜିବନ୍‌ନୋନିକା ଆୟାୱାଜା ନା ଉଣ୍ତିଙ୍ଗ୍‌ ଅଦିକ୍‌ ନାଣ୍ତ୍‌ ଆତାତ୍‌ । 
\v 15 ପାପି ଲୋକାଙ୍ଗ୍‌ ରକିୟା କିନି ଉଣ୍ତିଙ୍ଗ୍‌ କ୍ରିସ୍ତ ଜିସୁ ଜଗତ୍‌ଦୁ ୱାତାନ୍‌, ଇକା ଉନ୍‌ଡ୍ରି ପୁରା ସତ୍‌ ଇୟା ବାକ୍ୟ ବିସ୍‌ବାସ୍‌ ମାରି ୱିଜେରେ ମାନାନାର୍‌; ଆୟା ପାପି ଲୋକା ଲୋଇରାନ୍‌ ନାନ୍‌ ୱିଜେରିମାଣୁକୁ ପେରିକାନ୍‌ । 
\v 16 ମାତର୍‌ ନା ୱାଜା ଉନ୍‌ଡ୍ରି ପାପି ଉଣ୍ତିଙ୍ଗ୍‌ ବା ମାପୁରୁଦି ଦୟା ମାରି କ୍ରିସ୍ତ ଜିସୁଦି ସାକା ନାଙ୍ଗିଁ ଉନ୍‌ଡ୍ରି କାତା କିଜି ଇଟ୍‌ତାମାନାତ୍‌ ଆଇକାର୍‌ ଏଣ୍ତେସ୍‌ ଜିସୁଦିମାନୁ ବିସ୍‌ବାସ୍‌ ତିଆର୍‌ କିଜି ଏସ୍‌କାଙ୍ଗ୍‌ୱିଜିଇ ଜିବନ୍‌ ପୟ୍‌ନାନ୍‌ । 
\v 17 ୱିଜୁ ଦୁନିଆଦି ତରାଇ, ୱିଜ୍‌ଇ, ୱିଜୁଦିନ୍‍ତି ରାଜା ଅରେନ୍‌ ମାପୁରୁ ଜେ, ୱାନି ସମ୍ଭ୍ରମ ଗୌରବ୍‍ ଜୁଗ୍‌ ଜୁଗ୍‌ ଆପିତ୍‌ ! ଆମେନ୍‍ ।
\p
\v 18 ଏ କଡ଼ ତିମତି, ମି ବିସୟ୍‌ତାନ୍‌ ଆଗ୍‌ଡ଼ି ରାସ୍‌ତିମାନି ୱିଜୁ ବାବବାଣି ଇସାବ୍‌ତାନ୍‌ ନାନ୍‌ ନିଙ୍ଗିଁ ଇୟା ମାଟା ୱେର୍‌ସିନା, ଏଣ୍ତେସ୍‌ ନିନୁ ଆୟାୱିଜୁ ବାବବାଣି ସାହାଜ୍ୟଦାନ୍‌ ନେଗେନ୍‌ତାନ୍‌ ଜୁଦ୍‌ କିଦେଙ୍ଗ୍‌ ଆଟ୍‌ନିଦେର୍‌; 
\v 19 ବିସ୍‌ବାସ୍‌ ମାରି ନେଗି ବୁଦି ଆସ୍‌ସୋ ଇଡିଆ; ଆକା ଡ଼ିସ୍‌ତାର୍‍ଆକା ଏସଲୋକାଙ୍ଗ୍‌ ଦାର୍ମୁ ବିସ୍‌ବାସ୍‌ ରୁଙ୍ଗିଁତା ସର୍ହାତ୍‌ । 
\v 20 ୱାରି ମାଣ୍‌କୁ ହୁମନାୟ ମାରି ଆଲେକ୍‍ଜାଣ୍ତର୍‍ ଆଇକାର୍‌; ଇୟାକାର୍‌ ଏଣ୍ତେସ୍‌ ସାସନ୍ ପୟ୍‌ଆୟ୍‌ ମାପୁରୁଙ୍ଗ୍‌ ନିନ୍ଦା କିଏର୍‌, ଇୟାଉଣ୍ତିଙ୍ଗ୍‌ ନାନ୍‌ ୱେରିଙ୍ଗ୍‌ ସୟ୍‌ତାନ୍‌ କିୟୁଦୁ ସର୍‌ପେ କିତା ।
\c 2
\s ମଣ୍ତ୍‌ଲିଦି ଉପାସନା ନିୟମ୍‌
\p
\v 1 ନାନ୍‍ ପାର୍‍ତୁମ୍‍ ଅନୁରୋଦ କିଜିନା, ପାର୍‍ତନା କିନିୱାଲେ, ୱିଜେରେ ଉଣ୍ତିଙ୍ଗ୍‍ ମାପୁରୁମାନୁ ପାର୍‍ତନା କିଦୁ, ମାଡ଼ିସ୍‍କିଦୁ ମାରି ଦନ୍ୟବାଦ୍‌ ସିଦୁ । 
\v 2 ଇୟାୱାଜା ଆଇ ସାସନ୍‌କିନିୱାରିଙ୍ଗ୍‍ ମାରି ରାଜାରିଙ୍ଗ୍‍ ପାର୍‍ତନା କିଦୁ, ଏଣ୍ତେସ୍‍ ମାପୁରୁଦି ବକ୍ତିଦାନ୍‍ ସାନ୍ତିଦାନ୍‍ ତେବାନିକା ମାରି ଆଇୱାରି ଉଣ୍ତିଙ୍ଗ୍‌ ନେଗେନ୍‍ତାନ ୱେଡ଼ିକାଦାନ୍‍ ଜିନିକା 
\v 3 ଇୟାନାନି ପାର୍‍ତନା ରକିୟା କିନି ମାପୁରୁ ଆଗ୍‍ଡ଼ି ଟିକ୍‍ ନି ଜଗ୍‌ । 
\v 4 ୱିଜେରେ ଏଣ୍ତେସ୍‌ ରକିୟା ମାରି ସତ୍‌ ବିସୟ୍‌ତାନ୍‌ ଜ୍ଞାନ୍‌ ପୟ୍‌ନାର୍‌, ୱାନ୍‌ ଇକା ବଦା କିନାନ୍‌ । 
\v 5 ଇରିଙ୍ଗ୍‌ ଅରେନ୍‌ମାତର୍‌ ମାପୁରୁ ମାନାନ୍‌, ମାରି ମାପୁରୁ ମାରି ଲୋକା ଲଇ ଅରେନ୍‌ମାତର୍‌ ନାଡ଼୍‌ମି ମାନାନ୍‌, ୱାନ୍‌ କ୍ରିସ୍ତ ଜିସୁ, ଅରେନ୍‌ ଲୋକ୍‌; 
\v 6 ୱାନ୍‌ ୱିଜେରିଙ୍ଗ୍‌ ମୁକୁଡ଼ାକିନି ଉଣ୍ତିଙ୍ଗ୍‌ ନିଜେଦିଙ୍ଗ୍‌ ଦାନ୍‌ ସିଜି ଇବେଣାନ୍‍ ଟିକ୍‍ ୱେଡ଼ାଦୁ ପାର୍‌ମାଣ୍‌ ଆତାମାନାତ୍‌ ଜେ, ମାପୁରୁ ୱିଜୁ ଲୋକାଙ୍ଗ୍‌ ସାକ୍ୟ ସିଦେଙ୍ଗ୍‌ ଇଚ୍ଛା କିନାନ୍‌ । 
\v 7 \x + \xo ୨:୭ \xo*\xt ୨ ତିମତି ୧:୧୧.\xt*\x*ଆୟା ସତ୍‌ ମାରି ବିସ୍‌ବାସ୍‌ତି କାବୁର୍‌ ଅଣଜିହୁଦିରି ଲାକ୍‌ତୁ ୱେର୍‌ତେଙ୍ଗ୍‌ ନାନ୍‌ ଅରେନ୍‌ ସିସୁ ମାରି ଗୁରୁ ୱାଜା ୱାତା ମାନା । ନାନ୍‌ ମିଚ୍‌ ୱେର୍‌ଏ, ଆମାକା ୱେର୍‌ସିନା, ଆକା ୱିଜୁ ପୁରା ସତ୍‌ ।
\p
\v 8 ପାର୍‍ତନାଦୁ ମାପୁରୁଦି ଦାର୍ମୁ ଲୋକୁ କିୟୁ ମୁସ୍‌କୁ ପେର୍‌ଜି ରିସା ନି ସୁରିୱାର୍‍ଗିଏନ୍‍ଣ୍ତା ପାର୍‌ତାନା କିପିର୍‍ । 
\v 9 \x + \xo ୨:୯ \xo*\xt ୧ ପିତର ୩:୩.\xt*\x*ଆଇମେକାଙ୍ଗ୍‍ଁ ନା ଅନୁରଦ୍‌, ୱାକୁ ଜାତୁନ୍‍ ଆପିୱି । ନାଣ୍ତ୍‌ଦାରାଦି ୱାତିଗନ୍ଦା ଆରାନିକା, କୁକୁଟି ରଙ୍ଗ୍‍ ଉସାଏନଣ୍ତା ମାରି ବାଙ୍ଗାଁରାମ୍‍ତାନ୍‌ ନିଜେଦିଙ୍ଗ୍‌ ତିଆର୍‌ଆଏଣ୍‌ଗା, 
\v 10 ଆଇମେକ୍‍ ସତ୍‍ ପାଣିଦାନ୍‌ ନିଜେଦି ଦାର୍ମୁବିସୟ୍‌ତି ତରିୱି । 
\v 11 ଆଇମେକ୍‍ ତିର୍‌ଆଜ ନେଗେନ୍‌ତାନ୍‌ ସିକିୟା ମାନାନିକା ମାନାତ୍‌ । 
\v 12 ଉପଦେସ୍‌ ସିନିକା ମାରି ଲୋକାଦି ମୁସ୍‌କୁ ସାସନ୍‌ କିନି ଉଣ୍ତିଙ୍ଗ୍ ଅଦିକାର୍‌ ନାନ୍‌ ଆଇମେକାଙ୍ଗ୍‍ଁ ସିଏ । ୱାକୁ ତିର୍‌ଆଜ ମାନିୱି । 
\v 13 ଇରିଙ୍ଗ୍‌ ଆଦମ୍‌ ପୁର୍ବେ ତିଆର୍‌ ଆତାମାର୍ହାନ୍‌; ତାନେୱେନ୍‌କା ହବାଦି ତିଆର୍‌ କିତାନ୍, 
\v 14 ମାରି ଆଗ୍‌ଡ଼ି ଆଦମ ଲାଲାୟ୍‍ ଆଇତିମାରିଙ୍ଗ୍‌, ଆଇମାନୁ ଲାଲାୟ୍‍ଆଜି ପାପ୍‌ କିଜି ମାପୁରୁଦି ମାଟା ମାନାଏତାତ୍‌ । 
\v 15 ମାତର୍‌ ୱାକୁ ନେଗି ବୁଦିଦାନ୍‌ ବିସ୍‌ବାସ୍‌, ଜିବନ୍‌ନୋନିକା ମାରି ପବିତ୍ରଦାନ୍‌ ତିର୍‌ ତେବାତିଙ୍ଗ୍‌, ୱାଦ୍‌ କଡ଼ ଜନମ୍‌ କିନି ମାଣୁକୁ ରକିୟା ପୟ୍‌ନାତ୍‌ ।
\c 3
\s ମଣ୍ତ୍‌ଲିଦୁ ଦାଇତ୍‌
\p
\v 1 ଇୟା ମାଟା ସତ୍‌, ପାର୍‌ତନା କିନି ମଣ୍ତ୍‌ଲିଦୁ ନେତା ଆନି ଉଣ୍ତିଙ୍ଗ୍‌ ଆମା ଲୋକ୍‌ ବଦା କିନାନ୍‌, ୱାନ୍‌ ସତ୍‌ ଉଣ୍ତ୍ରି ନେଗି ପାଣି କିଦେଙ୍ଗ୍‌ ବଦା କିନାନ୍‍ । 
\v 2 \x + \xo ୩:୨ \xo*\xt ତିତସ ୧:୬-୯.\xt*\x*ମାତର୍‌ ମଣ୍ତ୍‌ଲିଦିଙ୍ଗ୍‌ ସୁଡ଼ୁନିକାନ୍‌ ଇନିଦୋସ୍‌ସିଲି ଲୋକୁ ଆନିକାମାନାତ୍‌, ଅରେତ୍‍ ଆଇମାଦି କନ୍‍ଲି, ମିଚ୍‌ ଇନ୍‍ଇକା, ନେଗିବୁଦି ମାରି ସେବାକିନିକା ଆନି ଦର୍‌କାର୍‌ । ୱାନ୍‌ କୁଡ଼ାଆଙ୍ଗ୍‌ ସନ୍‌ମାନ୍‌କିନିକା ଆନିମାନିକା ମାରି ସିକିୟାଦାନ୍‌ କିଦେଙ୍ଗ୍‌ ୱାନି ବପୁ ମାନିକାମାନାତ୍‌ । 
\v 3 ୱାନ୍‌ କାଡ଼ୁଉଣିକାନ୍‌ ନି ରିସାଦି ଲୋକ୍‌ ଆଇକା ମାନାତ୍‍, ତିର୍‌ ମାରି ସାନ୍ତିଦି ଲୋକ୍‍ ଆନିକା ମାନାତ୍‍ । ୱାନ୍‍ ଦନ୍‌ତିଙ୍ଗ୍‌ ଆସାଇକା ମାନାତ୍‍ । 
\v 4 ନିଜେଦି ଇଲୁପରିବାର୍‌ତିଙ୍ଗ୍‌ ୱାନ୍‌ ନେଗେନ୍‌ତାନ୍‌ ସାଲାକିଦେଙ୍ଗ୍‌ ଆଟ୍‌ସିମାନାନ୍‌ ମାରି ୱାନିଙ୍ଗ୍‌ ସନ୍‌ମାନ୍‌ ସିଜି ୱାନି ରାଜି ଆନି ଉଣ୍ତିଙ୍ଗ୍‌ ୱାନି କଡ଼ର୍‌ ସିକିୟା ସିନାନ୍‍ । 
\v 5 ଆମା ଲୋକ୍‌ ନିଜେଦି ଇଲୁପରିବାର୍‌ତିଙ୍ଗ୍‌ ସାଲାକିଦେଙ୍ଗ୍‌ ଆଟ୍‌ଏନ୍‌, ୱାନ୍‌ ମାପୁରୁଦି ଉପାସକ୍‌ ମଣ୍ତଲିଦିଙ୍ଗ୍‌ ଜାତୁନ୍‍ ଅନାନ୍‌ ଏଣ୍ତେସ୍‌ ? 
\v 6 ୱାନ୍‌ ବିସ୍‌ବାସ୍‌ତୁ ପୁରା ତେବାନିକା ମାନାତ୍‌; ଆଇତିଙ୍ଗ୍‍ ସୟତାନ୍‌ ୱାଜା ଗର୍ବ କିଜି ଦଣ୍ତ୍‌ ପୟ୍‌ନି ମାଟା ମାନାତ୍‌ । 
\v 7 ମଣ୍ତ୍‌ଲି ଆତେରେ ଲୋକାମାନୁବା ୱାନ୍‌ ଅରେନ୍‌ ସନ୍‌ମାନ୍‌ ପଇନି ଲୋକ୍‌ ଆନିକା ମାନାତ୍‍, ଉସାସ୍‌ତାନ୍‌ ସୟତାନ୍‌ତି ଉରିଦୁ ଆର୍‌ଜି ୱାନ୍‌ ଏଣ୍ତେସ୍‌ ଅପ୍‌ମାନ୍‌ ଆନାନ୍‌ ।
\s ମଣ୍ତ୍‌ଲିଦୁ ସାହାଜ୍ୟକିନିକାନ୍‌
\p
\v 8 ମଣ୍ତ୍‌ଲିଦି ସେବାକିନିକାର୍‌ ବା ନେଗିଗୁଣୁ ମାରି ନେଗିପାଣିକିଦେଙ୍ଗ୍‌ ଆନି ଦର୍‌କାର୍‌ । ୱାର୍‌ କାଡ଼ୁଉଣିକାର୍‌ ନି ଦନ୍‌ତିଙ୍ଗ୍‌ ଆସାନିକାର୍‍ ଆଏର୍‌ ମାନାର୍‌ । 
\v 9 ମା ଦାର୍ମୁ ବିସ୍‌ବାସ୍‌ତି ୱେର୍‌ଆୟ୍‌ଆତିମାନି ମାଟେଙ୍ଗ୍‌ୱିଜୁ ୱାର୍‌ ନେଗି ବୁଦିଦାନ୍‌ ଡାଟ୍‌ତାନ୍‌ ବିସ୍‌ବାସ୍‌ କିଜିମାନାର୍‌ । 
\v 10 ମଣ୍ତ୍‌ଲିଦି ପାଣି କିଦେଙ୍ଗ୍‌ ଅଦିକାର୍‌ ପୟ୍‌ନି ଆଗ୍‍ଡ଼ିନେ ୱାରିଙ୍ଗ୍‌ ବା ପରିକା କିପିର୍‌ । ଇୟା ପରିକାଦୁ ନିନ୍ଦା ସିଲିକାନ୍‍ ଇଜି ତରିତିଙ୍ଗ୍‍ନେ ୱାର୍‌ ସେବା ପାଣିକିଦେଙ୍ଗ୍‌ ଅଦିକାର୍‍ ପୟ୍‌ନାର୍‌ । 
\v 11 ୱାରି ଆଡ଼୍‍ସିକ୍‍ ବା ନେଗିଗୁଣୁ ଆନେମାନେ ମାରି ଆଇ ଲୋକା ସୁରି ମାଟା ୱେର୍‌ଇକା ମାନାତ୍ । ୱାକୁ ମିଚ୍‌ୱେର୍‌ନିକା ମାରି ୱିଜୁ ବିସୟ୍‌ତୁ ବିସ୍‌ବାସ୍‌ ଆନିକା ଦର୍‌କାର୍‌ । 
\v 12 ସେବାକିନିକାର୍‌ ଅରେତ୍‌ ଆଇମାଦି କନ୍‌ଲି ଆପିନ୍‌, ମାରି ନିଜେଦି ଇଲୁପରିବାର୍‌ତିଙ୍ଗ୍‌ ମାରି କଡ଼ରିଙ୍ଗ୍‌ ନେଗେନ୍‌ତାନ୍‌ ସାଲାକିଦେଙ୍ଗ୍‌ ଆଟ୍‌ସିନିକା ମାନାନ୍‌ । 
\v 13 ସେବାକିନି ଇସାବ୍‌ତାନ୍‌ ଆମାକାର୍‌ ନେଗିପାଣି ତର୍‌ନାର୍‌, ୱାର୍‌ ମଣ୍ତ୍‌ଲିଦୁ ସନ୍‌ମାନ୍‌ କିନାର୍‌ ମାରି କ୍ରିସ୍ତ ଜିସୁଦି ବିସ୍‌ବାସ୍‌ ବିସୟ୍‌ତାନ୍‌ ତିଲାଏଣ୍‌ଗା ନିଜେଦି ମାଟା ୱେର୍‌ତେଙ୍ଗ୍‌ ଆଟ୍‌ନାର୍‌ ।
\s ବିସ୍‍ବାସ୍‍ତି ସତ୍‍ ବିସୟ୍‌
\p
\v 14 ଇୟା ଆକୁ ରାସ୍‌ନି ୱାଲେ, ଦାପ୍ରେ ମିଙ୍ଗିଁ ସୁଡ଼ୁଜ ୱାନି ଉଣ୍ତିଙ୍ଗ୍‌ ନାନ୍‌ ଆସା କିଜିନା, 
\v 15 ମାତର୍‌ ଜଦି ନାନ୍‌ ୱାନିକା ୱେଡ଼ା ଆନାତ୍‌, ଜିବନ୍‌ମାନି ମାପୁରୁଦି ଇଲୁୱାଜା ଇୟା ପାର୍‍ତନାକିନି ମଣ୍ତଲିଦୁ ମାଙ୍ଗିଁ ଏଣ୍ତେସ୍‌ ଜିଦେଙ୍ଗ୍‌ ଆନାତ୍‌, ଇୟା ଆକୁ ଦାନ୍‌ ଆକା ମିର୍‌ ନେସ୍‌ତେଙ୍ଗ୍‌ ଆଟ୍‌ନିଦେର୍‌ । ଇୟା ମାପୁରୁଦି ମଣ୍ତଲି ନେ ୱିଜୁଦିନ୍‌ତି ସତ୍‌ତି ମୁଣ୍ତା ନି କୁନାଦି ରାସ୍‌ତିକା । 
\v 16 ମା ଦାର୍ମୁବିସ୍‌ବାସ୍‌ତି ଇୟା ପେରିବିସୟ୍‌ ଏନ୍‌ ମାନାଦେଙ୍ଗ୍‌ ଆଟ୍‌ଏନ୍‌ :
\q1 କ୍ରିସ୍ତ ଲୋକା ମେନ୍ଦଲ୍‌ ଆସ୍‌ସି ରେତାତାନ୍‌,
\q2 ମୁସ୍‌କୁପୁର୍‌ତି ଦୁତ୍‌କୁ ମାଣୁକୁ ତରାୟ୍‌ଆତାନ୍‌,
\q2 ଆତ୍ମାଦୁ ଦାର୍ମିକ ଇଜି ପାର୍‌ମାଣ୍‌ କିଆୟାଆତାନ୍‌,
\q1 ୱିଜୁଜାତିଦି ଲଇ ୱାନି ନେଗିକାବୁର୍‌ ପ୍ରଚାର୍‌ ଆତାତ୍‌,
\q2 ସାରାଦୁନିଆଦି ୱିଜୁତରିନ୍‌ ୱାନ୍‌ ବିସ୍‌ବାସ୍‌ ଆଜି
\q2 ଗୌରବ୍‌ତାନ୍‌ ମୁସ୍‌କୁପୁର୍‌ତୁ ମୁସ୍‌କୁ ସର୍ହାନ୍‌ ।
\c 4
\s ମିଚ୍‍ ଗୁରୁର୍‍
\p
\v 1 ପବିତ୍ରଆତ୍ମା ପୁରାନେସ୍‌ନି ୱାଜା ୱେର୍‌ସିନାତ୍ ଜେ, ଦୁବାଆତ୍ମାଦି ତାଗ୍‌ଇ ସିକିୟାଦୁ ଆର୍‌ଜି ଅର୍‍ଲେନ୍‍ ଏନ୍‌ ଏନ୍‌ କ୍ରିସ୍ତ ବିସ୍‌ବାସ୍‌ତାନ୍‌ ଇନିଙ୍ଗାଁ ଆନିଙ୍ଗାଁ ଆନାର୍‌ । 
\v 2 ଇକାର୍‍ ଏସ ଟକ୍‌ ନି ମିଚ୍‌ୱେର୍‌ନିକାର୍‌, ୱାରି ବୁଦି ୱେତାଦୋ ନିରୁ ଆତାମାନାତ୍‌ । 
\v 3 ପେଡ଼ି କିନିକା ମାରି ଇନି ଇନି କାଦିଙ୍ଗ୍‌ ଉଣିକା ନେଗେନ୍‌ସିଲେତ୍‌ ଇଜି ୱାର୍‌ ୱେର୍‌ସିନାର୍‌ । ମାତର୍‌ ଆମା କ୍ରିସ୍ତବିସ୍‌ବାସ୍‌ସିର୍‌ ସତ୍‌ ତିଆର୍‌ କିତାମାନାନ୍‌, ୱାର୍‌ ମାପୁରୁ ତିଆର୍‌ କିତିମାନିକା ଉଣି କାଦି ଉଣ୍ତିଙ୍ଗ୍‌ ୱାନିଙ୍ଗ୍‌ ଦନ୍ୟବାଦ୍‌ ସିଜି ଆକା ୱେଡ଼ିକା ମୋନ୍‌ତାନ୍‌ ଉନ୍‌ଣ୍ତେ ଆଟ୍‌ନାର୍‌ । 
\v 4 ମାପୁରୁ ଆମାକା ତିଆର୍‌ କିତାମାନାନ୍‌, ଆୟାୱିଜୁ ନେଗିକା, ଆବେଣୁକୁ ଆମାକାବା ଅଲଗା ଆଦେଙ୍ଗ୍‌ ଆଟ୍‌ଏତ୍‌ । ୱାନିଙ୍ଗ୍‌ ଦନ୍ୟବାଦ୍‌ ସିଜି ୱାନି ୱିଜୁ ଦାନ୍‌ତିଙ୍ଗ୍‌ ୱେଡ଼ିକାଦାନ୍‌ ମାନାନିକା ମାନାତ୍‌ । 
\v 5 ଇରିଙ୍ଗ୍‌ ମାପୁରୁଦି ବାକ୍ୟ ମାରି ପାର୍‌ତାନାଦାନ୍‌ ୱିଜୁ ବିସୟ୍‌ ପବିତ୍ର ଆନାତ୍‌ ।
\s କ୍ରିସ୍ତ ଜିସୁଦି ନେଗି ସେବାକିନିକାନ୍‌
\p
\v 6 ତିମତି, ଇୟାୱିଜୁ ବିସୟ୍‌ ନିନ୍‍ ତଡ଼ାନ୍‌ ନି ତାଙ୍ଗିଁକାଙ୍ଗ୍‌ ସିକିୟା ସିତିଙ୍ଗ୍‌ କ୍ରିସ୍ତ ଜିସୁଦି ଅରେନ୍‌ ନେଗି ସେବା କିନିକାନ୍‌ ଆନି, ମାରି ନିନ୍‍ ଆମା ବିସ୍‌ବାସ୍‌ ମାରି ନେଗି ବୁଦିଦୁ ବୁଲାଜିନି, ଆୟା ବିସୟତି ବାକ୍ୟଦାନ୍‌ ସାକ୍ତି ଆନି; 
\v 7 ମାପୁରୁଙ୍ଗୁଁ ଅପମାନ୍‍ କିଜି ୱାର୍‍ଇ ମାଟେଙ୍ଗ୍‍ ଡ଼ିସ୍‍ସି, ମି ଦାର୍ମୁ ଜିବନ୍‌ତିଙ୍ଗ୍‌ ବପୁ କିଦେଙ୍ଗ୍‌ ଅବ୍ୟାସ୍‌ କିଦୁ । 
\v 8 ଇରିଙ୍ଗ୍‌ ମେନ୍ଦଲ୍‍ତି ବ୍ୟାୟାମ୍‌ତି ଦର୍‌କାର୍‌ ମାନାତ୍‌ । ମାତର୍‌ ଆତ୍ମିକ ପୁରା କିଦେଙ୍ଗ୍‌ ୱିଜୁଦାନ୍‌ ନେଗେନ୍‌ ଆନାତ୍‌, ଇରିଙ୍ଗ୍‌ ଇୟାମାଣାନ୍‍ ଲୋକୁ ରୁଣ୍ତି ବିସୟ୍‌ତାନ୍‌ ଇୟାଜୁଗ୍‌ତିଲୋକ୍‌ ମାରି ସାତି ଲୋକ୍‌ ଜିବନ୍‌ଆଜି ତେବାନାନ୍‌ ଇଜି ବିସ୍‌ବାସ୍‌ ପୟ୍‌ତାମାନା । 
\v 9 ଇକା ପୁରା ସତ୍‌ ମାରି ୱିଜେରେ ଇକା ତରିସ୍‌ କିଜି ପୁରା ଜିବନ୍‌ତାନ୍‌ ବିସ୍‌ବାସ୍‌ କିନିକା ମାନାତ୍‌ । 
\v 10 ଆମା ରକିୟାକର୍ତ୍ତାମାନୁ ବିସ୍‌ବାସ୍‌ କିତିଙ୍ଗ୍‌ ୱିଜେରେ ରକିୟା ପୟ୍‌ଦେଙ୍ଗ୍‌ ଆଟ୍‌ନାର୍‌, ଆୟା ଜିବନ୍‌ ମାପୁରୁମାନୁ ଆସା ଇଡ୍‌ଜି ମାଡ୍‌ ନିସା କାସ୍ଟୁ ବିସ୍‌ବାସ୍‌ କିଜି ଇୟା ପାଣି କିଜି ସୋଲ୍‌ସିନାପ୍‌ ।
\p
\v 11 ମିର୍‌ ଇୟାୱିଜୁ ବିସୟ୍‌ ମାଟା ସିଜି ୱାରିଙ୍ଗ୍‌ ସିକିୟା ସିଦୁ । 
\v 12 ନି ନିଜେଦି ୱାର୍‌ଗିନିକା, ବ୍ୟବ୍‌ହାର୍‌, ଜିବନ୍‌ନୋନିକା, ବିସ୍‌ବାସ୍‌ ମାରି ପବିତ୍ରଦୁ ନେଗେନ୍‌ତାନ୍‌ ସେବା ତର୍‌ତେଙ୍ଗ୍‍ଁ ଆଟ୍‌ତିଙ୍ଗ୍‌, ଉଣା ବୟସ୍‌ ଆତିମାରିଙ୍ଗ୍‌ବା ମିଙ୍ଗିଁ ଏନ୍‌ ସେମାର୍‌ କିଦେଙ୍ଗ୍‌ ଆଟ୍‌ଏନ୍‌ । 
\v 13 ନାନ୍‌ ନି ଲାକ୍‌ତୁ ୱାନି ସାନ୍ଦି ନିନୁ ଦାର୍ମୁସାସ୍ତ୍ର ପଡ଼ାନିକା, ଉପଦେସ୍‌, ସିକିୟାସିନି ପାଣି କିଜିମାନ୍‌ଆ । 
\v 14 ମଣ୍ତ୍‌ଲିଦି ନେତାର୍‌ ମିଙ୍ଗିଁ ମାପୁରୁଦି ବାକ୍ୟ ୱେର୍‌ସି ମି ମୁସ୍‌କୁ କିୟୁଇଡ୍‌ନି ୱାଲେ ମିର୍‌ ଆମା ଅନୁଗ୍ରହଦି ଦାନ୍‍ ପୟ୍‌ତିମାନି, ତାନିଙ୍ଗ୍‌ ୱେଡ଼ା କିମାଟ୍‌ । 
\v 15 ନାନ୍‌ ରାସ୍‌ତିମାନିକା ୱିଜୁ ପାଣି ଜିବନ୍‌ତି ୱାଲେ ମାନାଦେଙ୍ଗ୍‌ ଅବ୍ୟାସ୍‌ କିଦୁ ୱେନ୍‌କା ମି ପାଣିକିତି ୱେନ୍‌କା ୱିଜେରି ଉଣ୍ତିଙ୍ଗ୍‌ ଜାଗାର୍‌ତା ମାନ୍‌ଡ୍ରୁ । 
\v 16 ନିଜେଦି ବିସୟ୍‌ତାନ୍‌ ମାରି ନିଜେଦି ସିକିୟା ବିସୟ୍‌ତାନ୍‌ ଜାଗାର୍‍ତା ମାନ୍‌ଡ୍ରୁ, ଇୟାୱିଜୁ ବିସୟ୍‌ତାନ୍‌ ଲାଗେଆଜି ମାନ୍‌ଡ୍ରୁ, ମାତର୍‌ ଆକା କିତିଙ୍ଗ୍‌ ମିର୍‌ ନିଜେ ପରିତ୍ରାଣ ପୋଇନିଦେର୍ ମାରି ମିର୍‌ ଆଇୱାରିଙ୍ଗ୍‌ ରକିୟା ବା ପୁରା କିନିଦେର୍‌ ।
\c 5
\s ବିସ୍‌ବାସ୍‌ରି ଉଣ୍ତିଙ୍ଗ୍‌ ପାଣି
\p
\v 1 ଡକ୍ରାଦାଦାରିଙ୍ଗ୍‍ ବୁବାୱାଜା ଅଡ଼୍‌ବିଦୁ, ମାତର୍‌ ୱାରିଙ୍ଗ୍‌ ଲାଗାଏଣ୍‌ଗା ନେଗେନ୍‌ତାନ୍‌ ମାନାଦୁ । ମୁରୁଲିଆଙ୍ଗାଁ ଉଣ୍ତିଙ୍ଗ୍‌ ତଡ଼ାନ୍‌ ୱାଜା ବ୍ୟବ୍‌ହାର୍‌ କିଦୁ । 
\v 2 ଡକ୍ରିବିବିକାଙ୍ଗ୍‌ ୟାୟାୱାଜା ମାରି ଆଇଲିକଡ଼କାଙ୍ଗ୍‌ ତାଙ୍ଗିଁକି ୱାଜା ଅଡ଼୍‌ବିଜ ୱାନିକା ଉଣ୍ତିଙ୍ଗ୍‌ ପବିତ୍ର ୱାଜା ମିର୍‌ ବ୍ୟବ୍‌ହାର୍‌ କିଦୁ ।
\p
\v 3 ଅରେତ୍‌ନେ ଆଜି କାକୁର୍ତିଦାନ୍‌ ସାଲାଜିମାନି ରାଣ୍ତିଆଇମେକାଙ୍ଗ୍‌ ଜାତୁନ୍‍ ଅତୁ । 
\v 4 ମାତର୍‌ ଏସ୍‌କାଙ୍ଗ୍‌ ଆମା ରାଣ୍ତିଆଇମାଦି କଡ଼ ନି ଆଇଲିକଡ଼୍‌ ମାରିଙ୍ଗ୍‌, ଆର୍‌ତିଙ୍ଗ୍‌ ୱାର୍‌ ଆଗ୍‍ଡ଼ିନେ ନିଜେଦି ଇଲୁପରିବାର୍‌ ଉଣ୍ତିଙ୍ଗ୍‌ ଜିବନ୍‌ନୋନିକା ତର୍‌ତେଙ୍ଗ୍‍ଁ ମାରି ୟାୟାବୁବା ଉଣ୍ତିଙ୍ଗ୍‌ ଜିବନ୍‌ନୋନିକା ସିକିୟା କିଦୁ; ଇରିଙ୍ଗ୍‌ ଇକା ମାପୁରୁଦି କାଣ୍‌କାଙ୍ଗ୍‌ ନେଗିକା ଆନାତ୍‌ । 
\v 5 ଆମା ରାଣ୍ତିଆଇମା ସତ୍‌ତାନ୍‌ ଅରେଦେ ମାରି ସିଲିସାତିକାତ୍‌, ୱାଦ୍‌ ମାପୁରୁ ଆସା ଇଡ୍‌ଜି ୱେଡ଼େନାଡ଼ା ମାଡ଼ିସ୍‌କିଜି ମାରି ପାର୍‌ତାନାଦାନ୍‌ ତେବାପିତ୍‍ । 
\v 6 ମାତର୍‌ ଏଦ୍‌ ରାଣ୍ତି ଆତିଙ୍ଗ୍‌ବା ୱେଡ଼ିକାଦାନ୍‌ ଦିନ୍‌କାଟେକିଜିନାତ୍‌, ୱାଦ୍‌ ଜିବନ୍‌ ମାରିଙ୍ଗ୍‌ବା ସାତିକାତ୍‌ ଇଜି ଅଡ଼୍‌ବିଦେଙ୍ଗ୍‌ ଆନାତ୍‌ । 
\v 7 ରାଣ୍ତିଆଇମେକାଙ୍ଗ୍‌ ଇୟା ବିସୟ୍‌ତାନ୍‌ ଜାଗ୍‌ରାତା କିଦୁ, ଏନ୍‌ ଏଣ୍ତେସ୍‌ ୱାନିକା ବିରୁଦ୍‌ତାନ୍‌ ଇନି ମାଟା ୱେର୍‌ତେଙ୍ଗ୍‌ ସାରି ପୟ୍‌ଏନ୍‌ । 
\v 8 ମାତର୍‌ ଜଦି ଏନ୍‌ ନିଜେଦି ଲୋକାଙ୍ଗ୍‌, ନିଜେଦି ଇଲୁପରିବାର୍‌ତିଙ୍ଗ୍‌ ଜାତୁନ୍‍ କିଏନ୍‌, ୱାନ୍‌ ଦାର୍ମୁ ବିସ୍‌ବାସ୍‌ତିଙ୍ଗ୍‌ ମାନାଏଜିନାନ୍‌ ମାରି ୱାନ୍‌ ଅବିସ୍‌ବାସିରି ମାଣୁକୁ ନାଣ୍ତ୍‌ ନିନ୍ଦାଆଜିନାନ୍‌ ।
\p
\v 9 ଇୟାନାନି ଜଗ୍‍ ମାନି ରାଣ୍ତିଆଇମେକାଙ୍ଗ୍‌ ଉନ୍‌ଡ୍ରି ଦାଡ଼ି କିଦୁ ଆମାୱାନିକା ବୟସ୍‌ ସାଟେ ବାର୍ସେକ୍‌ତାନ୍‌ ମୁସ୍‍କୁ ଆନାତ୍‍, ଆଇମେକ୍‍ ଉନ୍‌ଡ୍ରେଦେବା ମାତର୍‌ ପେଡ଼ି ଆନେମାନେ, 
\v 10 କଡ଼ରି ନେଗେନ୍‌ ଜତନ୍‌ ଅନିକା, କୁଡ଼ାଆଙ୍ଗାଁ ସନ୍‌ମାନ୍‌ କିନିକା, କ୍ରିସ୍ଟାନ୍‌ ତଡ଼ାନ୍‌ ତାଙ୍ଗିଁକା ଉଣ୍ତିଙ୍ଗ୍‌ ସାନ୍ତିଦାନ୍‌ ବ୍ୟବ୍‌ହାର୍‌ କିନିକା, ସିଲିସାତି ଲୋକାଙ୍ଗ୍‌ ସାହାଜ୍ୟ କିନିକା ଇନି ଇନିକା ୱିଜୁ ସତ୍‌ପାଣି ଉଣ୍ତିଙ୍ଗ୍‌ ଆମାକାର୍‌ କୁଟୁମ୍‌ତୁ ୱେଙ୍ଗିଁନା ମାନାର୍‌ ।
\p
\v 11 ମାତର୍‌ ଉଣା ବୟସ୍‌ତି ରାଣ୍ତିଆଇମେକାଙ୍ଗ୍‌ ଇୟା ଦାଡ଼ିଦୁ ଇଡ଼୍‌ମାଟ୍‌; ଇରିଙ୍ଗ୍‌ ୱାକୁ ମେନ୍ଦଲ୍‍ତୁ ଲାଲାୟ୍‌ ଆଜି କ୍ରିସ୍ତଦି ମାଣାନ୍‌ ୱେର୍‌ଏ ଆଜି ପେଡ଼ି ଆଦେଙ୍ଗ୍‌ ବଦା କିନେ; 
\v 12 ମାରି ୱାକୁ ୱାନିକା ଆଗ୍‌ଡ଼ିରି ପାର୍‌ମାଣ୍‌ ମାନାଉତେ ଆକା ଦଣ୍ତ୍‌ ପୟ୍‌ନେ । 
\v 13 ମାରି ବା ୱାକୁ ଇଲୁକୁ ଇଲୁକୁ ବୁଲାଜି ସମୟ୍‌ ଉପ୍‌କା କିନେ, ମାତର୍‌ ନାଣ୍ତ୍‌ ନାମ୍‌ଇ କାତେଙ୍ଗ୍‌ ମାରି ଆଇ ଲୋକା ସୁରି ମାଟା ୱେର୍‌ସି ତାଗ୍‌ଇ ମାଟେଙ୍ଗ୍‌ ୱିଜୁ ୱେର୍‌ନେ । 
\v 14 ମାରି, ଉଣା ବୟସ୍‌ତି ରାଣ୍ତିଆଇମେକ୍‌ ପେଡ଼ି ଆପିୱି, କଡ଼ ଜନମ୍‌ କିପିୱି, ଇଲୁ ପାଣି ନେଗେନ୍‌ତାନ୍‌ ସାଲା କିପିୱି, ନିନ୍ଦା କିନି ଉଣ୍ତିଙ୍ଗ୍‌ ସାତ୍ରୁଦିଙ୍ଗ୍‌ ଇନି ସାରି ସିମାକିୱି । 
\v 15 ଇଲେଇବା ଏସଲୋକ୍‌ ରାଣ୍ତିଆଇମେକ୍‌ ସୟ୍‌ତାନ୍‌ତି ୱେନ୍‌କା ଆଜି ସାରିବାଣାତେ ମାନେ । 
\v 16 ଜଦି ଆମା ବିସ୍‌ବାସ୍‌ତି ଆଇମା ଇଲୁଦୁ ରାଣ୍ତିଆଇମେକ୍‌ ତେବାନେ, ଆର୍‌ତିଙ୍ଗ୍‌ ୱାନିକା ଦୁଃକ୍‌ତି ବୋଜୁ ନିଜେ ପିଣ୍ତିୱି, ମାରି ଏଣ୍ତେସ୍‌ ମଣ୍ତଲି ଇୟାୱାନିକା ଉଣ୍ତିଙ୍ଗ୍‌ ବେକାର୍‌ ବୋଜୁ ଆମାକିତି, କାକୁର୍ତି ରାଣ୍ତିଆଇମେକାଙ୍ଗ୍‌ ଜାତୁନ୍‍ ଅତେଙ୍ଗ୍‌ ଆଟ୍‌ନାତ୍‌ ।
\p
\v 17 ଆମା ନେତାର୍‌ ନେଗେନ୍‌ତାନ୍‌ ଜାତୁନ୍‍ କିନାର୍‌, ଆମାକାର୍‌ କାସ୍ଟୁ ପୟ୍‌ଜି ବାକ୍ୟ ୱେର୍‌ନାର୍‌ ମାରି ସିକିୟା ପାଣି କିଜିମାନାର୍‌, ୱାର୍‌ ଦୁଇ ଗୁଣୁ ମୁସ୍‌କୁ କାସ୍ଟୁ କିତିକା ପୟ୍‌ନାର୍‌ । 
\v 18 \x + \xo ୫:୧୮ \xo*\xt ମାତିଉ ୧୦:୧୦; ଲୁକ ୧୦:୭.\xt*\x*ଇରିଙ୍ଗ୍‌ ଦାର୍ମୁସାସ୍ତ୍ର ୱେର୍‌ନାତ୍‌ : “ପାସି ଉଣ୍ତା କିଜିମାନିୱାଲେ କଡି ୱେୟୁଦୁ ନାସୁ ତର୍‌ମାଟ୍‌ ।” ମାରି “ପାଣିକିନିକାନ୍‌ ଟିକ୍‌ତାନ୍‌ ପାଣିକିତିକା ପୟ୍‌ଦେଙ୍ଗ୍‌ ଆଟ୍‌ନାନ୍‌ ।” 
\v 19 ରିଏର୍‌ ବା ମୁଏର୍‌ ଲୋକ୍‌ ସାକି ସିଲେଏଣ୍‌ଗା ମଣ୍ତ୍‌ଲିଦି ଅରେନ୍‌ ପେରି ନେତା ବିରୁଦ୍‌ତାନ୍‌ ଇନି ମାଟା ବିଚାର୍‌ତୁ ଅମାଟ୍‌ । 
\v 20 ଆମାକାର୍‌ ସତ୍‌ତାନ୍‌ ପାପ୍‌ ପାଣିଦୁ ମାନାର୍‌, ଆଇୱାରିଙ୍ଗ୍‌ ଜାଗାର୍‌ତା କିନି ଉଣ୍ତିଙ୍ଗ୍‌, ୱାରିଙ୍ଗ୍‌ ନେସ୍‌ନିୱାଜା ସେତା କିଦୁ ।
\p
\v 21 ମାପୁରୁଦି କ୍ରିସ୍ତ ଜିସୁଦି ମାରି ଆସ୍‌କିତି ମୁସ୍‌କୁପୁର୍‌ତି ଦୁତ୍‍କା ଆଗ୍‌ଡ଼ି ନାନ୍‌ ଡାଟ୍‌ତାନ୍‌ ମାଟା ୱେର୍‌ସିନା, ମିର୍‌ ଆଗ୍‌ଡ଼ିରି ଇସାବ୍‌ତାନ୍‌ ସାଲାଏଣ୍‌ଗା ଇୟାୱିଜୁ ମାନାଦୁ, ମାରି ଏ ବିରୁଦ୍‌ତାନ୍‌ ମକମ୍‌ ସୁଡ଼ୁଜି ଇନି ପାଣି କିମାଟ୍‌ । 
\v 22 ତର୍‌ବର୍‌ ଆଜି ଏ ମୁସ୍‌କୁ କିୟୁ ଇଡ୍‍ଜି ସର୍‌ପେ କିମାଟ୍‌, ଆଇୱାରି ପାପ୍‌ତୁ ନିଜେଦିଙ୍ଗ୍‌ ମିସା କିମାଟ୍‌; ମିର୍‌ ନିଜେଦିଙ୍ଗ୍‌ ପୁରା ପବିତ୍ର ଇଡ୍‌ଦୁ ।
\p
\v 23 କେବଲ୍‌ ଏରୁ ଉଣୁଏଣ୍‌ଗା, ମି ଜିରାନିସାକ୍ତି ପିରିସ୍‌ କିଦେଙ୍ଗ୍‌ ଉବୁଡ଼ିନେ ମାତର୍‌ ଅଙ୍ଗୁର୍‍ରସ୍‍ ଉଣୁଆ, ଇରିଙ୍ଗ୍‌ ନିନ୍‍ ଜାରିଦିଙ୍ଗ୍‌ଜାରି ନବ୍‌ ଆଜିନି ।
\p
\v 24 ଏସଲୋକ୍‌ ପାପ୍‌ପାଣି ୱିଜୁଲୋକାମାନୁ ୱେଙ୍ଗିଁନାତ୍‌, ୱାର୍‌ ଆୟାଉଣ୍ତିଙ୍ଗ୍‌ ଦାପ୍ରେନେ ବିଚାର୍‍ତୁ ସାମ୍‌ନା ଆଦେଙ୍ଗ୍‌ ପଡ଼ାନାତ୍‌ । ମାରି ଏସଲୋକ୍‌ ପାପ୍‌କିତିକାର୍‌ ନାଣ୍ତ୍‌ ଦିନ୍‌ତାନ୍‌ ଦରାପଡ଼େ ଆନାର୍‌ । 
\v 25 ଆୟାୱାଜା ଏସଲୋକ୍‌ଦି ଦାର୍ମୁପାଣି ଉସାସ୍‌ତାନ୍‌ ୱିଜେରେ ସୁଡ଼ୁନାର୍‌, ମାତର୍‌ ମାରି ଏସଲୋକା ସତ୍‌ପାଣି ଆୟାୱାଜା ନେସ୍‌ଇତିଙ୍ଗ୍‌ ବା, ୱିଜୁଦିନ୍‌ତିଙ୍ଗ୍‌ ମାର୍‌ଗିଜ ମାନ୍‌ଡ୍ରେଙ୍ଗ୍‌ ଆଟ୍‌ଏତ୍‌ ।
\c 6
\p
\v 1 କ୍ରିସ୍ଟାନ୍‌ ବିସ୍‌ବାସ୍‌ସିର୍‌ ପାଣିକିନିକାର୍‌ ମାଲିକାଙ୍ଗ୍‌ ନିୟମ୍‌ତାନ୍‌ ସନ୍‌ମାନ୍‌ ସିପିର୍‌ । ଆର୍‌ତିଙ୍ଗ୍‌, ମାପୁରୁଦି ବିରୁଦ୍‌ତାନ୍‌ ମାରି ମା ସିକିୟା ବିସୟ୍‌ତାନ୍‌ ଏନ୍‌ ଇନି ନିନ୍ଦା କିଦେଙ୍ଗ୍‌ ଆଟ୍‌ଏନ୍‌ । 
\v 2 ମାରି ଆମାୱାରି ମାଲିକ୍‌କୁ ବା କ୍ରିସ୍ତବିସ୍‌ବାସ୍‌ସିର୍‌, ୱାର୍‌ ମାଲିକାଙ୍ଗ୍‌ ତଡ଼ାନ୍‌କୁ ନି ତାଙ୍ଗିଁକି ଇଜି ଅଡ଼୍‍ବିଜି ୱାରିଙ୍ଗ୍‌ ନେଗେନ୍‌ତାନ୍‌ ସନ୍‌ମାନ୍‌ ସିଦେଙ୍ଗ୍‌ ଗାଡ଼ିଆ ଆମାକିର୍‌ ମାରି ନାଣ୍ତ୍‌ ଜାତୁନ୍‌ଦାନ୍‌ ୱାରି ସେବା କିପିର୍‌, ଇରିଙ୍ଗ୍‌ ଆମାକାର୍‌ ସେବାଦାନ୍‌ ଲାଡ୍‍ ପୟ୍‌ନାର୍‌, ୱାର୍‌ ବିସ୍‌ବାସ୍‌ସିର୍‌ ମାରି ନାଣ୍ତ୍‌ ୱେଡ଼ିକା ଲୋକୁ । ଇୟାୱିଜୁ ବିସୟ୍‌ ମିର୍‌ ସିକିୟା ସିଜି ପ୍ରଚାର୍‌ କିନିଦେର୍‌ ।
\s ବୁଲ୍‌ ସିକିୟା ମାରି ସତ୍‌ତି ଦନ୍‌
\p
\v 3 ଆମାକାର୍‌ ପ୍ରବୁ ଜିସୁ କ୍ରିସ୍ତଦି ସିକିୟାଦି ୱାଲେ ଅରତ୍‌ ସିଲିକା ମାରି ମା ଦାର୍ମୁ ସିକିୟାଦି ବିରଦ୍‌ କିଜିମାନି ଆଇଜାତିଦି ବାକ୍ୟ ପ୍ରଚାର୍‌ କିନାର୍‌, 
\v 4 ୱାର୍‌ କେବଲ୍‌ ପଟାଦୁ କେଇନିକା ଡ଼ିସ୍‌ତିଙ୍ଗ୍‌ ମାରି ଇନିକା ସିଲେଏର୍‌ । ୱାର୍‌ ସାସ୍ତ୍ରଦି ଅରତ୍‌କୁ ଅସି ଆଉଲି କିନାର୍‌; ଆବେଣୁକୁ କେବଲ୍‌ ଆକାର୍‍, ନାମ୍‌ଇକା, ସୁରିୱାର୍‌ଗିନିକା ମାରି ଗଣ୍ତ୍‌ଗଲ୍‌ କିନିକା ଆନାତ୍‌ । 
\v 5 ୱାର୍‌ ବିସାର୍‌ସିଲିକା ଆଜି ବେକାର୍‌ ଆସାନି ମାଣ୍‌କୁ ସତ୍‌ତି ବିରୁଦ୍‌ କିନାର୍‌ । ଦାର୍ମୁବିସ୍‌ବାସ୍‌ତିଙ୍ଗ୍‌ କେବଲ୍‌ ଦନି ଆନିକା ଉଣ୍ତ୍ରି ଉପାୟ୍‌ ଇଜି ୱାର୍‌ ଅଡ଼୍‌ବିନାର୍‌ ।
\p
\v 6 ଦର୍ମକିନି ଲୋକୁ ସତ୍‌ତାନ୍‌ ଦନି, ଇରିଙ୍ଗ୍‌ ୱାନିନ୍ଦି ଏସ ମାନାତ୍‌, ନାସ୍‌ଦାନ୍‌ନେ ୱାନ୍‌ ୱେଡ଼ିକା ମାନିନ୍‌ । 
\v 7 ଇରିଙ୍ଗ୍‌ ମାଡ୍‌ ଇୟା ଦୁନିଆଦୁ ଇନିକା ଆସ୍‌ସି ୱାତିମାନିକା ? ଇନିକା ସିଲେ । ମାରି ଇବେଣ୍‌କୁ ଅର୍‌ସେ ଇନିକା ଆସ୍‌ସି ଡ଼େସିସନିକା ? ଇନିକା ସିଲେ । 
\v 8 ଆର୍‌ତିଙ୍ଗ୍‌, ମାଙ୍ଗିଁ ଉଣିକା ନି ଆରାନିକା ନିଜେଦିବାଡି ଆଦେଙ୍ଗ୍‌ଆଟ୍‌ତିଙ୍ଗ୍‌, ଇକା ମା ଉଣ୍ତିଙ୍ଗ୍‌ ନାଣ୍ତ୍‌ ସିଲେ ନୋ ? 
\v 9 ମାତର୍‌ ଦନ୍‌ସମ୍ପତିଦିଙ୍ଗ୍‌ ଆସା ଲୋକ୍‌ତିଙ୍ଗ୍‌ ଗାଦି ପରିକା ମାରି ଉରି ଲଇ ରେନାଅନାତ୍‌; ୱାନି ମୋନ୍‌ତୁ ଗାଦି ତାଗ୍‌ଇ ମାଟେଙ୍ଗ୍‌ ଆସା କିଜି ୱାନିଙ୍ଗ୍‌ ଦଂସ୍‌ ମାରି ସାନି ତରିନ୍‌ ତର୍‌ସି ଅନାତ୍‌ । 
\v 10 ଡାବୁଙ୍ଗୁଁ ଲୋବ୍‌ ୱିଜୁ ୱିଜ୍‌ନି ମୁଲ୍‌ । ଆମାକାର୍‌ ୱିଜୁଦିନ୍ କେବଲ୍‌ ଡାବୁଙ୍ଗ୍‌ଣି ଉପାୟ୍‌ ପୟ୍‌ଜି ମାନାର୍‌, ୱାର୍‌ ଦାର୍ମୁ ବିସ୍‌ବାସ୍‌ତିଙ୍ଗ୍‌ ହାରାକିଦେଙ୍ଗ୍‌ ବାସ୍‌ନାର୍‌ ସାରାସାରିୱେନ୍‌କା କେବଲ୍‌ ଦୁଃକ୍‌ବୋଗ୍‌ତାନ୍‌ ୱାରି ଜିବନ୍‌ ରୁଙ୍ଗୁଁନା ମାନାତ୍‌ ।
\s ପାଉଲତି ସାରାସାରି ମାଟା
\p
\v 11 ମାତର୍‌ ଏ ତିମତି ମାପୁରୁଦି ଲୋକୁ, ଇୟା ୱିଜୁମାଣାନ୍‌ ନିନ୍‍ ଆକ ମାନ୍‌ଆ । ଦାର୍ମୁପାଣି, ମାପୁରୁ ଦାର୍ମୁ ଜିବନ୍‌ ବିସ୍‌ବାସ୍‌, ଜିବନ୍‍ନୋନିକା, ସାନ୍ତି ମାରି ସାସ୍‌ ୱିଜୁଦୁ ପୁରାଗୁଣୁତାନ୍‌ ପୁରାପୁରି ଆଦେଙ୍ଗ୍‌ ସେସ୍ଟା କିଦୁ । 
\v 12 ବିସ୍‌ବାସ୍‌ତି ନେଗି ଜୁଦ୍‌ କିଜି ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ପୟ୍‌ଦୁ । ଇୟା ପାଣିଦୁ ଇନି ଉଣ୍ତିଙ୍ଗ୍‌ ମିର୍‌ ବାସେଆତିମାନି ମାରି ଗାଦିଲୋକା ସାକିଙ୍ଗାଁ ଲୋଇ ଇକା ମାନାତିମାନି । 
\v 13 \x + \xo ୬:୧୩ \xo*\xt ଜୋହନ ୧୮:୩୭.\xt*\x*ୱିଜେରି ଜିବନ୍‌ସିନି ମାପୁରୁଦି ଆଗ୍‌ଡ଼ି, ମାରି ପନ୍ତିୟ୍‌ ପିଲାତ୍‌ଦି ଆଗ୍‌ଡ଼ି ଡାଟ୍‌ ବିସ୍‌ବାସ୍‌ତାନ୍‌ ସାକିୟ୍‌ ସିତିମାନି ପ୍ରବୁ ଜିସୁ କ୍ରିସ୍ତଦି ଦର୍‌ତାନ୍‌ ନିଙ୍ଗିଁ ଆଦେସ୍‌ ସିଜି ୱେର୍‌ସିନା : 
\v 14 ପ୍ରବୁ ଜିସୁ କ୍ରିସ୍ତଦି ମାରିଡ଼େସିୱାନି ସାନ୍ଦି ନିଙ୍ଗିଁ ସିଆୟ୍‌ଆତିମାନି ମାଟେଙ୍ଗ୍‌ୱିଜୁ ବିସ୍‌ବାସ୍‌ତାନ୍‌ ମାନାଜି ନେଗେନ୍‍ ମାରି ନିନ୍ଦା ଆଏନ୍‍ଣ୍ତା ତେବାଦୁ । 
\v 15 ୱାନି ମାରିଡ଼େସିୱାନିକା ନେଗି ସମୟ୍‌ ଆସ୍‌ କିନାନ୍‌ ନିଜେ ମାପୁରୁ ଦନ୍ୟ, ରାଜାରି ରାଜା ମାରି ପ୍ରବୁରି ପ୍ରବୁ, ମାରି ଅରେନ୍‌ ସାସନ୍‌ କିନିକାନ୍‌; 
\v 16 ୱାନ୍‌ କେବଲ୍‌ ସାଏନ୍‌; ଲୋକାଦି ନେସ୍‍ଇ ଜାୟ୍‌ ରାଜିଦୁ ୱାନ୍‌ ବାସା କିନାନ୍‌; ଏନ୍‌ ୱାନିଙ୍ଗ୍‌ ସୁଡ଼ୁଏନ୍‌; ଏନ୍‌ ଏସ୍‌କାଙ୍ଗ୍‌ ସୁଡ଼ୁଦେଙ୍ଗ୍‌ ଆଟ୍‌ଏନ୍‌ । ୱାନି ଗୌରବ୍‌ ମାରି ରାଜି ଜୁଗ୍‍ ଜୁଗ୍‌ ସାନ୍ଦି ମାନିତ୍‌ ।
\p
\v 17 ଇୟା ଦୁନିଆଦୁ ବିସୟ୍‌ତାନ୍‌ ଆମାକାର୍‌ ଦନି, ୱାରିଙ୍ଗ୍‌ ଆକାର୍‍ ଆଇଉଣ୍ତିଙ୍ଗ୍‌ ଜାଗାର୍‌ତା କିଦୁ । ୱାରିଙ୍ଗ୍‌ ଆଦେସ୍‌ ସିଜି ୱେର୍‌ତୁ, ବେକାର୍‌ ଦନ୍‍ସମ୍ପତି ମୁସ୍‌କୁ ଆସା ଇଡ୍‌ମାଟ୍‌, ୱାର୍‌ ୱିଜୁଦିନ୍‌ ମାପୁରୁଦି ମୁସ୍‌କୁ ଆସା ଇଡ୍‌ଦୁ । ତାନି ୱେନ୍‌କା ଜିଦେଙ୍ଗ୍‌ ଇଜି ମା ୱିଜୁ ଦରକାର୍‍ତି ବିସୟ ୱାନ୍‍ ମାଙ୍ଗିଁ ସିନାନ୍‍ । 
\v 18 ସତ୍‌ପାଣିଦୁ ଜାତୁନ୍‍ ଆଜି ନେଗିଦନ୍‌ ଉଣ୍ତା କିଦୁ; ଦାନ୍‌ସିଜି ନିଜେଦି ପାଣିଦୁ ଆଇୱାରିଙ୍ଗ୍‌ ମିସା କିଦୁ । 
\v 19 ଆର୍‌ତିଙ୍ଗ୍‌ ଇୟାୱାଜା କିତିଙ୍ଗ୍‌ ୱାର୍‌ ୱାଜିନିଦିନ୍‌ତି ଉଣ୍ତିଙ୍ଗ୍‌ ମୁଲ୍‌ଦନ୍‌ ନିଜେ ନିଜେଦି ଉଣ୍ତିଙ୍ଗ୍‌ ଉଣ୍ତା କିନାର୍‌ ମାରି ସାରାସାରିୱେନ୍‌କା ୱାର୍‌ ସତ୍‌ତି ଜିବନ୍‌ ପୟ୍‌ନାର୍‌ ।
\p
\v 20 ଏ ତିମତି, ନି ମୁସ୍‌କୁ ସିଆୟ୍‌ ଆତିମାନି ଦାଇତ୍‌ ବିସ୍‌ବାସ୍‌ତାନ୍‌ ମାନେଆଆ । ଏନ୍‌ ଏନ୍‌ ଦାର୍ମୁସିଲି ନିର୍ବୁଦି କାବାଦିଙ୍ଗ୍‌ “ବୁଦି” ଇଜି ଅଡ଼୍‍ବିଜି ସତ୍‌ତି ଦାର୍ମୁ ବିସ୍‌ବାସ୍‌ତାନ୍‌ ୱେର୍‌ଏ ଆଜିନାର୍‌ ଇୟା ୱିଜୁମାଣାନ୍‌ ନିନ୍‍ ଆକ ମାନ୍‌ଆ 
\v 21 ଏନ୍‌ ଏନ୍‌ ୱେଡ଼ା କିଜି ବିସ୍‌ବାସ୍‌ ବିସୟ୍‌ତାନ୍‌ ସାରିବାଣାତା ମାନାର୍‌ । ମାପୁରୁ ମି ୱିଜେରିଙ୍ଗ୍‌ ୱାନି ଦୟା ସିପିନ୍‌ ।