\id 1PE - Kopo
\ide UTF-8
\h ୧ ପିତର
\toc3 ୧ ପିତର
\toc2 ୧ ପିତର
\toc1 ପିତର ରାସ୍‌ତିମାନି ପାର୍ତୁମ୍‌ ଆକୁ
\mt2 ପିତରଙ୍କ ଲିଖିତ ପ୍ରଥମ ପତ୍ର
\mt1 ପିତର ରାସ୍‌ତିମାନି ପାର୍ତୁମ୍‌ ଆକୁ
\imt1 ଇୟା ଆକୁଦୁ ମାନି ଏସ ବିସୟ୍‌କୁ
\ip ପିତରତି ପାର୍ତୁମ୍‌ ଆକୁ ପ୍ରେରିତ ପିତରତି ମାଣାନ୍‌ ରାସାତାମାନାତ୍‌ । ପିତର ୱାନ୍‌ ଏନ୍‌ ମାରି ୱାନ୍‌ ଏଙ୍ଗ୍‌ ଇୟା ଆକୁ ରାସ୍‌ନାନ୍‌ ଆୟା ବିସୟ୍‌ତାନ୍‌ ଇନ୍‌ଜି ଆକୁ ରାସ୍‌ନାନ୍‌ । ୱାନ୍‌ ଇୟା ଆକୁଦୁ ୱିଜୁ ବାସାକିତିମାନି କ୍ରିସ୍ଟାନ୍‌ ଲୋକାଙ୍ଗ୍‌ ସୁଡ଼ୁଜି ଆକୁ ରାସ୍‌ନାନ୍‌ । \xt ୧:୧; ୧:୧୭\xt* ମାରି \xt ୨:୧୧\xt* ୱାନ୍‌ ୱାନି ପଡ଼ାନିୱାରିଙ୍ଗ୍‌ ଇୟାୱାଜା ସୁଡ଼ୁଜି ରାସ୍‌ନାନ୍‌, ଇରିଙ୍ଗ୍‌ ୱାର୍‌ ଆଇଆଇ ଦେସ୍‌କାଙ୍ଗ୍‌ ଇନିଙ୍ଗାଁ ଆନିଙ୍ଗାଁ ଆତାମାରାର୍‌ ।
\ip ଇରିଙ୍ଗ୍‌ ଇୟା ଆକୁ ଏସ ବାଡିଦୁ ଏପିସିୟ ମଣ୍ତଲି ଲାକ୍‌ତୁ ପାଉଲତି ଆକୁ ୱାଜା । ନାଣ୍ତ ଲୋକୁ ବିସ୍‌ବାସ୍‌ କିନାର୍‌ ଜେ, ପାର୍ତୁମ୍‌ ଆକୁ ଜିସୁ କ୍ରିସ୍ତଦି ଜନମ୍‌ତି ୬୫ ବାର୍ସେକ୍‌ ୱେନ୍‌କା ରାସାତାମାରାତ୍‌ । ପିତର ଇୟା ଆକୁ ରୋମ୍‌ତାନ୍‌ ଆମାତାନିଙ୍ଗ୍‌ କି ୱାନ୍‌ ବାବିଲ୍‌ ଇଜି ଇନାନ୍‌ ଆବେଣାନ୍‌ ୱାନ୍‌ ରାସାତାମାରାନ୍‌ \xt ୫:୧୩\xt* ।
\ip ପିତର ଇୟା ଆକୁତୁ ୱେର୍‌ନାନ୍‌ ଜେ, ଇୟା ଆକୁଦି ଉଦେସ୍‍ ମିଙ୍ଗିଁ ସାହାସ୍‌ ସିଦେଙ୍ଗ୍‌ ଇଜି ମାରି ମାପୁରୁଦି ସାତ୍‌ ଦୟା ପରିକା କିନିକା \xt ୫:୧୨\xt* । ଇବେନୁ ନାଣ୍ତ ସାମାନ୍‌ତିକେଙ୍ଗ୍‌ ମାନେ \xt ୧ ପିତର ୨:୧୧–୩:୭\xt*, \xt ଏପିସିୟ ୫:୧୮–୬:୯\xt*, \xt ୫:୧\xt* ମାରି \xt କଲସିୟ ୩:୧୮–୪:୬\xt* । ଇୟା ମୁନ୍‌ଡ୍ରି ଆକାଙ୍ଗ୍‌ ୱିଜୁ ଅଦ୍ୟାୟ୍‌ତୁ ଇଲୁଦି ମିସାବିଡ଼ାନିକା ମାରି ଅଦିକାର୍‌ ବିସୟ୍‌ତାନ୍‌ ସିକିୟା ସିନାନ୍‌ । ସାରାସାରି ବେଡ଼ା ଲାକ୍‌ତୁ ଆଜି ୱାଜିନିଙ୍ଗ୍‌ କାସ୍ଟୁ ବେଡ଼ାଦୁ ବା ନେଗେନ୍‌ତାନ୍‌ ମାନ୍‌ଡ୍ରେଙ୍ଗ୍‌ କ୍ରିସ୍ଟାନ୍‌ ଲୋକାଙ୍ଗ୍‌ ସାହାସ୍‌ ସିନାନ୍‌ \xt ୪:୧\xt* ।
\iot ଇୟା ଆକୁଦୁ ମାନି ମୁକିୟ ବିସୟ୍‌କୁ
\io1 ୧. ପିତର ୱାନି ପଡ଼ାନିୱାରିଙ୍ଗ୍‌ ନିଜେଦି ପରିଚୟ ମାରି ଟିକଣା ସିନାନ୍‌ । \ior ୧:୧-୨ \ior*
\io1 ୨. ପିତର ମାପୁରୁଙ୍ଗୁଁ ଦନ୍ୟବାଦ୍‌ ସିନାନ୍‌ ଜେ, ୱିଜେରେ ମାପୁରୁଦି ପରିତ୍ରାଣଦୁ ମିସାନାର୍‌ ଆମାକା ୱାରି ଜିବନ୍‌ତି ମାଧ୍ୟମ । \ior ୧:୩–୨:୧୦\ior*
\io1 ୩. ୱେନ୍‌କା ଜଗତ୍‌ଦୁ ଏଣ୍ତେସ୍‌ ନେଗେନ୍‌ତାନ୍‌ ଜିଦେଙ୍ଗ୍‌ ଆନାତ୍‌ ମାରି କନ୍‌ଲି ନି ଆଡ଼୍‌ସି, ପ୍ରବୁ ନି ଦାସ ମାନୁ ଏଣ୍ତେସ୍‌ ସମ୍ପର୍କ ଇଡ୍‌ଦେଙ୍ଗ୍‌ ଆନାତ୍‌ ଆକା ଆଦେସ୍‌ ସିତାମାନାନ୍‌ । \ior ୨:୧୧–୪:୧୧\ior*
\io1 ୪. ଇୟାତାନିୱେନ୍‌କା କାସ୍ଟୁ ବେଡ଼ାଦୁ ନେଗେନ୍‌ ତେବାଦେଙ୍ଗ୍‌ ପିତର ୱାରିଙ୍ଗ୍‌ ସାହାସ୍‌ ସିନାନ୍‌ । \ior ୪:୧୨–୫:୧୧ \ior*
\io1 ୫. ୱାନ୍‌ ୱାନି ଆକୁ ରାସ୍‌ନିକା ୱିସ୍‌ତାନ୍‌ । \ior ୫:୧୨-୧୪\ior*
\c 1
\p
\v 1 ନାନ୍‌ ପିତର୍‌, ଜିସୁ କ୍ରିସ୍ତଦି ଅରେନ୍‌ ପ୍ରେରିତ ସିସୁ ରାସ୍‍ତିମାନି ଆକୁ ପନ୍ତ, ଗାଲାତିଆ, କାପ୍‍ପାଦକିଆ, ଆସିଆ ମାରି ବିତୁନିଆଦି ଦେସ୍‌କାଣି ଇନିଙ୍ଗାଁ ଆନିଙ୍ଗାଁ ଆତିମାନି ଆମା ଲୋକୁ । 
\v 2 ମିର୍‌ ବୁବା ମାପୁରୁଦି ବୁଦିଇସାବ୍‌ତାନ୍‌ ଆସାତିମାନିଦେର୍‍ । ଜିସୁ କ୍ରିସ୍ତଦି ମାଟା ମାନାଜି ୱାନି ନେତେର୍‌ତାନ୍‍ ନେଗେନ୍‌ ଆନି ଉଣ୍ତିଙ୍ଗ୍‌ ମିର୍‌ ଆତ୍ମାଦି ପାଣିଦି ଉଣ୍ତ୍ରି ପବିତ୍ର ଆତିମାନିଦେର୍‌ । ମି ଉଣ୍ତିଙ୍ଗ୍‌ ନାଣ୍ତ୍‌ଦାନ୍‌ ମାପୁରୁଦି ଦୟା ମାରି ସାନ୍ତି ଆପିତ୍‌ ।
\s ଉଣ୍ତ୍ରି ଜିବନ୍‌ତି ଆସା
\p
\v 3 ମା ପ୍ରବୁ ଜିସୁ କ୍ରିସ୍ତଦି ବୁବା ମାରି ମାପୁରୁଙ୍ଗୁଁ ଦନ୍ୟବାଦ୍‌ ଆପିତ୍‍, ଇରିଙ୍ଗ୍‌ ୱାନ୍‌ ୱାନି ଦୟାଦାନ୍‌ ଜିସୁ କ୍ରିସ୍ତଙ୍ଗ୍‌ ସାତିମାଣୁକୁ ମାରିଡ଼େସିଜିବନ୍‌ କିଜି ମାଙ୍ଗିଁ ପୁନି ଜିବନ୍‌ ସିତାମାନାନ୍‌ । ଇକା ମାଙ୍ଗିଁ ଜିବନ୍‌ତି ଆସାଦୁ ପୁରା କିତାମାନାନ୍‌ । 
\v 4 ମାରି ମାପୁରୁ ତାମି ଲୋକା ଉଣ୍ତିଙ୍ଗ୍‌ ଆମା ନାଣ୍ତଦାରାଦି ଆସିର୍ବାଦ୍‌ ଇଟ୍‌ତାମାନାନ୍‌, ଆକା ପୋଇନି ଉଣ୍ତିଙ୍ଗ୍‌ ମାପୁ ଆସାଦାନ୍‍ ମାନାପ୍ । ଆକା ୱାନ୍‌ ମୁସ୍‌କୁପୁର୍‌ତୁ ମି ଉଣ୍ତିଙ୍ଗ୍‌ ଉଣ୍ତା କିତା ଇଟ୍‌ତାମାନାନ୍‌ । ଆବେନୁ ଆକା ତାଗ୍‌ଏଣ୍‌ ଆଏତ୍‌, ନାସ୍ଟୁ ବା ୱାରାଏତ୍‌ । 
\v 5 ଆମା ରକିୟା ସାରାସାରି କାଡ଼ାଦୁ ୱେଙ୍ଗ୍‌ନି ଉଣ୍ତିଙ୍ଗ୍‌ ତିଆର୍‌ ଆତାମାନାତ୍‌, ଆକା ପୟ୍‍ନି ଉଣ୍ତିଙ୍ଗ୍‍ ମିର୍‌ ବିସ୍‍ବାସ୍‍ତାନ୍ ମାପୁରୁଦି ସାକ୍ତିଦାନ୍‌ ନେଗେନ୍‍ ମାନିଦେର୍‌ ।
\p
\v 6 ଇବେନୁ ମିର୍‌ ୱେଡ଼ିକା କିଜିନିଦେର୍‌, ଜଦିବା ଇଲେଇ ସାଣେକ୍‌ତି ଉଣ୍ତିଙ୍ଗ୍‌ ଏଣ୍ତେସ୍‌ ନାନି କାସ୍ଟୁ ଉଣ୍ତିଙ୍ଗ୍‌ ଦୁଃକ୍‌ବୋଗ୍‌ ବଗାଦେଙ୍ଗ୍‌ ମିଙ୍ଗିଁ ପଡ଼ାନାତ୍‌ । 
\v 7 ମି ବିସ୍‌ବାସ୍‌ତି ନେଗିକା ପରିକା କିନିକା ଇୟା ୱିଜୁଦି ଉଦେସ୍‍ । ୱିଜ୍‌ନି ବାଙ୍ଗାଁରାମ୍‍ତିଙ୍ଗ୍‌ ସିସୁଦୁ ପରିକା କିନାର୍‌ । ମି ବିସ୍‌ବାସ୍‌ ବାଙ୍ଗାଁରାଓ ତାନ୍‌ ନାଣ୍ତ ଦାରା ଆତିମାନିଙ୍ଗ୍‌ ପରିକାଦାନ୍‌ ତାନିଙ୍ଗ୍‌ ପୁରା କିଦେଙ୍ଗ୍‌ ପଡ଼ାନାତ୍‌ । ଜିସୁ କ୍ରିସ୍ତଦି ତରାନି ବେଡ଼ାଦୁ ମିର୍‌ ଦନ୍ୟବାଦ୍‌, ଗୌରବ୍‍ ମାରି ସନ୍‌ମାନ୍‌ ପୟ୍‌ନିଦେର୍‌ । 
\v 8 ମିର୍‌ ୱାନିଙ୍ଗ୍‌ ସୁଡ଼ୁଏଣ୍‌ଗା ଜିବନ୍‌ନୋଜିନିଦେର୍‌, ମାରି, ଇଲେଇବା ସୁଡ଼ୁଏଣ୍‌ଗା ୱାନିମାନୁ ବିସ୍‌ବାସ୍‌ କିଜିନିଦେର୍‌ । ଆମାକା ୱେର୍‌ତେଙ୍ଗ୍‌ ଆଟ୍‌ଇକା ବଲ୍‌ ମାରି ଗୌରବ୍‌ତି ୱେଡ଼ିକା କିଦୁ, 
\v 9 ଆୟା ବିସ୍‌ବାସ୍‌ତି ପଲ୍‍ ଜେ ମି ଆତ୍ମାଦି ରକିୟା, ଆକା ପୟ୍‌ତିମାନିଦେର୍‌ ।
\p
\v 10 ମାରି, ଆୟା ରକିୟା ବିସୟ୍‌ତାନ୍‌ ବାବବାଦିର୍‍ ମନ୍‍ସିଜି ପୟ୍‌ଜି ମାରି ପୟ୍‍ଜି ମାପୁରୁଙ୍ଗୁଁ, ମି ଉଣ୍ତିଙ୍ଗ୍‌ ମାପୁରୁଦି କିତିମାର୍ହି ଦାନ୍‍ ବିସୟ୍‌ତାନ୍‌ ବାବବାଣି ୱେର୍‌ତା ମାର୍ହାର୍‌ । 
\v 11 ଆୟା ଦାନ୍‍ ମିର୍‌ ଏସ୍‌କାଙ୍ଗ୍‌ ମାରି ଏଣ୍ତେସ୍‌ ପୟ୍‌ନିଦେର୍‌, ନେସ୍‌ତେଙ୍ଗ୍‌ ଇଜି ୱାର୍‌ ସେସ୍ଟା କିଜିମାର୍ହାର୍‌ । ଇୟା ବିସୟ୍‌ତାନ୍‌ ପବିତ୍ର ଆତ୍ମାଦି ସାକାଦାନ୍‌ ୱାର୍‌ କ୍ରିସ୍ତଙ୍ଗ୍‌ ଦୁଃକ୍‌କାସ୍ଟୁ ମାରି ୱେନ୍‌କାରି ଗୌରବ୍‌ ପୟ୍‌ନି ବିସୟ୍‌ତାନ୍‌ ୱେର୍‌ତା ମାର୍ହାର୍‌ । 
\v 12 ଇୟାୱିଜୁ ବିସୟତାନ୍‌ ୱାର୍‌ ଜେ ନିଜେ ନିଜେଦି ସେବା କିଏଣ୍‌ଗା ମି ସେବା କିଜିମାର୍ହାର୍‌, ଇକା ବାବବାଦିରି ଲାକ୍‌ତୁ ୱେଙ୍ଗିଁତା ମାର୍ହାତ୍‌, ମାରି, ଆୟାୱିଜୁ ବିସୟ୍‌ ମୁସ୍‌କୁପୁର୍‌ତାନ୍‌ ପୋକ୍‌ତାତିମାନି ପବିତ୍ରଆତ୍ମାଦି ସାକ୍ତିଦାନ୍‌ ଇଲେଇ ଆମା କାବୁର୍‌ୱେର୍‌ନିକାର୍‌ ନେଗିକାବୁର୍‍ ୱେର୍‍ସିନାର୍‌, ମିର୍‌ ଇଲେଇ ୱାରିମାଣୁକୁ ଆୟାୱିଜୁ ମାଟା ୱେନ୍‌ଞ୍ଜିନିଦେର୍‌, ଇୟାୱିଜୁ ବିସୟ୍‌ତି ଅର୍ତ ବୁଜାନି ଉଣ୍ତିଙ୍ଗ୍‌ ମୁସ୍‌କୁପୁର୍‌ତି ଦୁତ୍‌କୁ ବା ବଦା କିନେ ।
\s ପବିତ୍ର ଜିବନ୍‌ ଜିନି ଉଣ୍ତିଙ୍ଗ୍‌ କୁକ୍‌ନିକା
\p
\v 13 ମାରି, ପାଣି କିଦେଙ୍ଗ୍‍ ଜାଗାର୍‌ତା ମାନ୍‌ଡ୍ରୁ, ଜାଗାର୍‍ତା ମନ୍‍ତୁ ମାନ୍‍ଜି ଜିସୁ କ୍ରିସ୍ତ ୱାନି ବେଡ଼ାଦୁ ଆମା ଆସିର୍ବାଦ୍‌ ମି ଉଣ୍ତିଙ୍ଗ୍‌ ସିଆୟ୍‍ ଆନାତ୍‌, ତାନି ମୁସ୍‌କୁ ପୁରା ଆସା ଇଡ୍‌ଦୁ । 
\v 14 ମାପୁରୁଦି ମାଟା ଆସ୍‌ତୁ । ମି ଆଗ୍‌ଡ଼ି ଆମା ଆସାଦୁ ପୁରା ଆତିମାର୍‌ଇଦେର୍‌, ଆୟାୱିଜୁ ଦାନ୍‌ ମି ଜିବନ୍‌ ମାରି ସାଲାମାକିତ୍‌ । 
\v 15 ମାତର୍‌ ମିଙ୍ଗିଁ କୁକ୍‌ନିମାଲିକ୍‌ ଏଣ୍ତେସ୍‌ ପବିତ୍ର, ମିର୍‌ ବା ନିଜେ ନିଜେଦି ପାଣିଦୁ ଆୟାୱାଜା ପବିତ୍ର ଆଦୁ । 
\v 16 ସାସ୍ତ୍ରଦୁ ରାସ୍‌ତାମାନାତ୍‌, “ମିର୍‌ ପବିତ୍ର ଆଦୁ, ଇରିଙ୍ଗ୍‌ ମାପୁ ପବିତ୍ର ।”
\p
\v 17 ମାରି ମାପୁରୁ ମକମ୍‌ ସୁଡ଼ୁଏଣ୍‌ଗା ୱିଜୁ ଲୋକାଦି ପାଣିକିତିମାନି ଇସାବ୍‌ତାନ୍‌ ବିଚାର୍‌ କିନାନ୍‌, ମିର୍‌ ୱାନି ଲାକ୍‌ତୁ ପାର୍‌ତାନା କିନିୱାଲେ ୱାନିଙ୍ଗ୍‌ ବୁବା ଇଜି ସନ୍‌ମାନ୍‌ କିଜିମାନିଦେର୍‌, ମାରି, ଇୟା ଦୁନିଆଦୁ ମି ଜିବନ୍‌ତି ନେଗି ବେଡ଼ା ୱାନିଙ୍ଗ୍‌ ମାନାଜି ତିଲାଜି ଜିଜିମାଡ଼ିଦୁ । 
\v 18 ମିର୍‌ ନେସ୍‌ନିଦେର୍‌ ଜେ, ମି ପୁର୍ବେଦିଡକ୍‌ରା ଦାଦାରିମାଣୁକୁ ୱାତିମାନି ନିତିନିୟ୍‌ମ ଜିବନ୍‌ତାନ୍‌ ମିଙ୍ଗିଁ ମୁକ୍‍ଡ଼ା କିନି ଉଣ୍ତିଙ୍ଗ୍‌ ମାପୁରୁ ଏସ ଡାବୁଙ୍ଗ୍‌ ସିଦେଙ୍ଗ୍‌ ପଡ଼ାତାମାର୍ହାତ୍‌, ଆକା ୱିଜ୍‌ନି ୱେଣ୍ତି ନି ବାଙ୍ଗାଁରାମ୍‍ ଆଏତ୍‌ । 
\v 19 ମାତର୍‌ ଆକା ଦସ୍‍ସିଲେଣ୍‌ଗା ମାରି ସିନାସିଲି ମେଣ୍ତା ପିଲା ୱାଜା କ୍ରିସ୍ତଦି ନାଣ୍ତ୍‌ଦାରାଦି ନେତେର୍‌ତାନ୍‍ ମୁକ୍‍ଡ଼ାତି ମାନିଦେର୍‌ । 
\v 20 ୱାନ୍‌ ଦୁନିଆ ତିଆର୍‌ଆତି ଆଗ୍‌ଡ଼ିରାନ୍‌ନେ ମାପୁରୁଦି ମାଣୁକୁ ଆସ୍‌କିଆୟାଆତା ମାର୍ହାନ୍‌ ମାରି ମି ଉଣ୍ତିଙ୍ଗ୍‌ ଇୟା ସାରାସାରିକାଡ଼ାଦୁ ୱେଙ୍ଗିଁତା ମାନାନ୍‌ । 
\v 21 ଆମା ମାପୁରୁ ୱାନିଙ୍ଗ୍‌ ସାତିଲୋକାମାଣୁକୁ ନିକ୍‍ସି ଗୌରବ୍‍ନିତ କିତାମାନାନ୍‌, ଆୟା ମାପୁରୁମାନୁ ମିର୍‌ ୱାନି ମାଣୁକୁ ବିସ୍‌ବାସ୍‌ କିତିମାନିଦେର୍‌, ଆଦେଙ୍ଗ୍‌ ମାପୁରୁ ମି ବିସ୍‌ବାସ୍‌ ମାରି ଆସା ଡାଟ୍‌ ଆତାମାନାନ୍‌ ।
\p
\v 22 ଇଲେଇ ମିର୍‌ ସତ୍‍ତି ସାରିତରିନ୍‌ ବୁଲାଜିମାନିଙ୍ଗ୍‌ ନିଜେ ନିଜେଦିଙ୍ଗ୍‌ ନେଗେନ୍‌ କିଆତିମାନିଦେର୍‌ ମାରି ବିସ୍‌ବାସ୍‌ତି ତଡ଼ାନ୍‌କାଙ୍ଗ୍‌ ଜିବନ୍‌ ନୋଦେଙ୍ଗ୍‌ ବଦା ମାନାତ୍‌ । ନିଜେନିଜେଦିଙ୍ଗ୍‌ ଜିବନ୍‌ତାନ୍‌ ଜିବନ୍‍ନୋଦୁ । 
\v 23 ଇରିଙ୍ଗ୍‌ ମାପୁରୁଦି ଜିବନ୍‌ମାନିକା ମାରି ୱିଜୁଦିନ୍‌ତି ବାକ୍ୟ ଦାନ୍‌ ମିର୍‌ ଆମା ସାନିନାନି ବୁବାଦି ମାରିନ୍‌ ୱାଜା ସିଲେ, ମାତର୍‌ ୱିଜୁଦିନ୍‌ତିଙ୍ଗ୍‌ ମାନି ବୁବାଦି ମାରିନ୍‌ ୱାଜା ମାରିଡ଼େସି ଜନମ୍‍ ପୟ୍‌ତି ମାନିଦେର୍‌ । 
\v 24 ସାସ୍ତ୍ରଦୁ ରାସ୍‌ତାମାନାତ୍‌ :
\q1 “ଇରିଙ୍ଗ୍‌ ୱିଜୁ ଲୋକା ଜାତି ଲାଟା ୱାଜା,
\q2 ୱାରି ୱିଜୁ ସବା ବନ୍‍ତି ପୁଙ୍ଗୁଁ ୱାଜା;
\q1 ଲାଟା ୱାର୍‌ନା ସୋନାତ୍‌, ମାରି ପୁଙ୍ଗୁଁ ରାଲ୍‌ନାସୋନାତ୍‌,
\q2
\v 25 ମାତର୍‌ ମାପୁରୁଦି ବାକ୍ୟ ୱିଜୁଦିନ୍‌ତିକା ।”
\m ଇୟା ନେଗିକାବୁର୍‍ ଆମାକା ମି ଲାକ୍‌ତୁ ପ୍ରଚାର୍‌ ଆତାମାନାତ୍‌ ।
\c 2
\s ଜିବନ୍‌ତି କାଲୁ ମାରି ପବିତ୍ର ଜାତି
\p
\v 1 ମାରି, ପ୍ରବୁ ଜେ ନେଗିକାନ୍‍, ଇକା ଜଦି ୱେଟି ମାନିଦେର୍‍, ଆର୍‍ତିଙ୍ଗ୍‍ଁ ୱିଜୁ ରକମ୍‍ତି ତାଗ୍‌ଇକା, ମିଚ୍‌ୱେର୍‌ନିକା ମାରି ଟକେକିନିକା, ଆକାର୍‍ ମାରି ଆଇୱାରିଙ୍ଗ୍‌ ନିନ୍ଧାକିନିକା ଡ଼ିସ୍‌ସି । 
\v 2 ଆଲ୍‌ଜନମ୍‌ଆତି କଡ଼ ୱାଜା ଆଦୁ, ୱିଜୁଦିନ୍ ପୁରାନେଗି ଦିନ୍‌କେରି ଆତ୍ମିକ ପାଲ୍‌ ଉଣ୍ତେଙ୍ଗ୍‌ ଇଜି ଏର୍‌କି ସାଦୁ । ଆର୍‌ତିଙ୍ଗ୍‌, ମିର୍‌ ପିର୍‍ଜି ରକିୟା ପୟ୍‌ନିଦେର୍‌ । 
\v 3 ସାସ୍ତ୍ରଦୁ ରାସ୍‌ତାମାନାତ୍‌, “ମାପୁରୁ ଜେ ଏଣ୍ତେସ୍‌ ନେଗିକାନ୍‌, ଆକା ମିର୍‌ ନିଜେଦି ମୋନ୍‌ତାନ୍‌ ନେସ୍‌ତିମାନିଦେର୍‌ ।”
\p
\v 4 ମିର୍‌ ଆମା ଜିବନ୍‌ମାନି କାଲୁ ୱାଜା ମାପୁରୁ ଦାରାସିଲିକା ଅଡ଼୍‍ବିଜି ଡ଼ିସ୍‌ତାର୍‌, ୱାନି ଲାକ୍‌ତୁ ରାଦୁ, ଇରିଙ୍ଗ୍‌ ୱାନ୍‌ ମାପୁରୁଦି ଲାକ୍‌ତୁ ଆସ୍‌କିଆୟ୍‌ଆତାମାନାନ୍‌ ମାରି ନାଣ୍ତ୍‌ଦାରା ମାନାନ୍‌ । 
\v 5 ମିର୍‌ ଉନ୍‌ଡ୍ରି ଜିବନ୍‌ତି ମନ୍ଦିର୍‌ ତିଆର୍‌କିଦେଙ୍ଗ୍‌ ଜିବନ୍‌ମାନି କାଲୁ ୱାଜା ବ୍ୟବ୍‌ହାର୍‌ ଆନି ଉଣ୍ତିଙ୍ଗ୍‌ ରାଦୁ । ଆୟା ମନ୍ଦିର୍‌ତୁ ମିର୍‌ ଜିସୁ କ୍ରିସ୍ତଦି ମାଣାନ୍‍ ମାପୁରୁ ଆତ୍ମିକ ଆସ୍‍ନିନାନି ଦିନ୍‌କେରି ପୁଜା ସିନି ଉଣ୍ତିଙ୍ଗ୍‌ ପବିତ୍ର ଜାଜକଦି ପାଣି କିନିଦେର୍‌ । 
\v 6 ଦାର୍ମୁସାସ୍ତ୍ରଦୁ ଇୟାୱାଜା ରାସ୍‌ତାମାନାତ୍‌ :
\q1 “ମାପ୍‌ ଉନ୍‌ଡ୍ରି ନାଣ୍ତ୍‌ଦାରାଦି କାଲୁ ଆସ୍‌କିତାମାନାପ୍‌;
\q2 ଆକା ମାପ୍‌ ସିୟୋନ୍‌ଦି ମୁଲ୍‌କାଲୁ ୱାଜା ତିଆର୍‌ କିଜିନାପ୍‌ ।
\q2 ମାରି ଏନ୍‌ ୱାନିମାନୁ ବିସ୍‌ବାସ୍‌ କିନାନ୍‌, ୱାନ୍‌ ଏସ୍‌କାଙ୍ଗ୍‌ ମୁଲ୍‍ଙ୍ଗୁଁମାଲାଙ୍ଗ୍‍ଁ ଆଏନ୍‌ ।”
\m
\v 7 ମିର୍‌ ବିସ୍‍ବାସ୍‍ କିତିମାନିଙ୍ଗ୍‌ ମି ଉଣ୍ତିଙ୍ଗ୍‌ ଇୟା କାଲୁ ନାଣ୍ତ ଦାରା । ମାତର୍‌ ଅବିସ୍‌ବାସ୍‌ତି ଲୋକା ଉଣ୍ତିଙ୍ଗ୍‌ :
\q1 “ଆମା କାଲୁଦିଙ୍ଗ୍‌ ଇଲୁକୁ ତିଆର୍‌କିନିକାର୍‌ ସିଲେ ଇଜି ଲାତ୍‍ ଡାକ୍‍ତାର୍‌,
\q2 ଆକା ୱିଜୁମାଣୁକୁ ପେରି ଦର୍‍କାର୍‍ତି କାଲୁ ଆତାତ୍‌ ।”
\m
\v 8 ମାରି ପବିତ୍ର ସାସ୍ତ୍ରଦୁ ଆଇ ଉନ୍‌ଡ୍ରି ବାଡିଦୁ ରାସ୍‌ତାମାନାତ୍‌ :
\q1 “ଇୟା କାଲୁ ମୁସ୍‌କୁ ଗାଦିଲୋକୁ ତାକାୟ୍‌ଆନାର୍‌,
\q2 ଇୟା କାଲୁପିଲା ୱାରି ସାରିଦି ବାଦାନିକା ଆନାତ୍‌ ।”
\m ୱାର୍‌ ମାପୁରୁଦି ବାକ୍ୟଦୁ ବିସ୍‌ବାସ୍‌ କିଏତାର୍‌, ଆଦେଙ୍ଗ୍‌ ୱାର୍‌ ତାକାୟ୍‌ଆତାର୍‌ । ଇକା ମାର୍ହାତ୍‌ ୱାରି ଉଣ୍ତିଙ୍ଗ୍‌ ମାପୁରୁଦି ବଦା ।
\p
\v 9 \x + \xo ୨:୯ \xo*\xt ତିତସ ୨:୧୪.\xt*\x*ମିର୍‌ ଉନ୍‌ଡ୍ରି ଆସ୍‌କିଆୟ୍‌ଆତିମାନି କୁଟୁମ୍‌, ରାଜାଦି ଜାଜକ ଇଲୁ, ଉନ୍‌ଡ୍ରି ପବିତ୍ର ଜାତି ମାରି ମାପୁରୁଦି ନିଜେଦି ଲୋକୁ ଆତିମାନିଦେର୍‌ । ମାପୁରୁ ମିଙ୍ଗିଁ ସିକାଟିଦାନ୍‌ ନିଜେଦି କାବାଆନି ଜାୟ୍‌ତୁ କୁକ୍‌ତାମାନାନ୍‌ । ମିର୍‍ ୱାନି କାବାଆନି ପାଣି ୱିଜୁ ୱେର୍‍ତେଙ୍ଗ୍‍ ଇଜି କୁକାତିମାନିଦେର୍‍ । 
\v 10 ପୁର୍ବେ ମିର୍‌ ମାପୁରୁଦି ଲୋକ୍‌ ଆଏତିମାରିଇଦେର୍‌, ମାତର୍‌ ଇଲେଇ ମାପୁରୁଦି ଲୋକ୍‌ ଆତିମାନିଦେର୍‌ । ପୁର୍ବେ ମିର୍‌ ମାପୁରୁଦି ଦୟା ବିସୟ୍‌ତାନ୍‌ ନେସ୍‌ଏତି ମାର୍‌ଇଦେର୍‌, ମାତର୍‌ ଇଲେଇ ୱାନି ଦୟା ପୟ୍‌ତି ମାନିଦେର୍‌ ।
\s ମାପୁରୁଦି କଟିଗତିମୁରୁଲି
\p
\v 11 ଏ ନା ତଡ଼୍‍କୁ ନି ତାଙ୍ଗିଁକ୍‍, ମିର୍‌ ଇୟା ଦୁନିଆଦୁ ଆଇ ଦେସ୍‌ ମାରି ୱାଜି ତେବାନିଲୋକୁ ଇଜି ନାନ୍ ମିଙ୍ଗିଁ ଅନୁରୋଦ୍‌ କିଜିନା, ମିର୍‌ ମେନ୍ଦଲ୍‍ତି ଆସାଦାନ୍‍ ଆକ ଆଦୁ, ଆୟାୱିଜୁ ଆତ୍ମାଦି ବିରୁଦ୍‌ତାନ୍‌ ଜୁଦ୍‍ କିନାତ୍‌ । 
\v 12 ମିର୍‌ ଅଣଜିହୁଦି ଲାକ୍‍ତୁ ନେଗେନ୍‍ତାନ ସାଲାବୁଲା କିଦୁ, ଏଣ୍ତେସ୍‌ ୱାର୍‌ ଆମା ବିସୟ୍‌ତାନ୍‌ ମିଙ୍ଗିଁ ତାଗ୍‌ଇପାଣିକିନିକାର୍‌ ଇଜି ନିନ୍ଦା କିନାର୍‌, ମି ନେଗିପାଣି ସୁଡ଼ୁଜି କ୍ରିସ୍ତଦି ୱାନିଦିନ୍‌ତୁ ମାପୁରୁଦି ଦନ୍ୟବାଦ୍‌ କିନାର୍‌ ।
\p
\v 13 ପ୍ରବୁଦି ଦର୍‌ତାନ୍‌ ଅନୁରୋଦ୍‌ କିଜିନା, ୱିଜୁ ସାସନ୍‍କିନିୱାରିଙ୍ଗ୍‍ଁ ମାନାଦୁ, ଦେସ୍‌ତି ୱିଜେରିଙ୍ଗ୍‌ ପେରିସାସନ୍‌କିନି ରାଜାଦିଙ୍ଗ୍‌ ମାରି ଆଇଆଇ ସାସନକିନିପେରିୱାରିଙ୍ଗ୍‌ ମାନାଦୁ, 
\v 14 ମାରି ସାସନ୍‍କିନିକାର୍‍ ସାସ୍ତି ସିନି ଉଣ୍ତିଙ୍ଗ୍‌ ମାରି ନେଗିପାଣି କିଜିମାନି ଲୋକାଙ୍ଗ୍‌ ଦନ୍ୟବାଦ୍‌ କିନି ଉଣ୍ତିଙ୍ଗ୍‌ ରାଜାଦି ମାଣୁକୁ ବାସେଆତା ମାନାର୍‌ । 
\v 15 ମାପୁରୁଦି ବଦା, ମିର୍‌ ଜେ ନେଗିପାଣି କିଜି ବୁଦିସିଲିୱାରି ୱାର୍‌ଇ ମାଟେଆଙ୍ଗ୍‌ ତେବା କିଦୁ । 
\v 16 ମିର୍‌ ମୁକ୍‍ଡ଼ାତି ଲୋକା ୱାଜା ଜିଜି ମାଡ଼ିଦୁ । ମାତର୍‌ ମୁକ୍‍ଡ଼ାତି ଉଣ୍ତିଙ୍ଗ୍‍ ତାଗ୍‌ଇ ପାଣି କିମାଟ୍‌ । ମାରି ମାପୁରୁଦି କଟିମାନି ଗତିମୁରୁଲି ୱାଜା ଜିଜି ମାଡ଼ିଦୁ । 
\v 17 ୱିଜେରିଙ୍ଗ୍‌ ମାନାଦୁ, ୱିଜୁ କ୍ରିସ୍ତ ବିସ୍‌ବାସ୍‌ତି ତଡ଼ାନ୍‌କାଙ୍ଗ୍‌ ନି ତାଙ୍ଗିଁକାଙ୍ଗ୍‌ ଜିବନ୍‍ନୋଦୁ, ମାପୁରୁଙ୍ଗ୍‌ଁ ତିଲାଦୁ, ରାଜେଙ୍ଗ୍‌ ମାନାଦୁ ।
\s କ୍ରିସ୍ତଦି ଦୁଃକ୍‌ବୋଗ୍‌ତି ମାଟା
\p
\v 18 ଏ ସାକର୍‌କୁ, ମିର୍‌ ତିଏଲ୍‌ତାନ୍‌ ନିଜେ ନିଜେଦି ମାଲିକ୍‌କା ଆଡ୍‍ଗି ତେବାଦୁ, କେବଲ୍‌ ନେଗିକାର୍‌ ମାରି ଦୟାଲୁ ମାଲିକ୍‌କାଙ୍ଗ୍‌ ସିଲେ, ମାତର୍‌ ଦୟାକିଇ ୱାରିଙ୍ଗ୍‌ ବା ନେଗେନ୍‌ ମାନାଦୁ । 
\v 19 ମିର୍‌ ମାପୁରୁଦି ବଦା ନେସ୍‌ତି ମାର୍‌ରିଙ୍ଗ୍‌ ବା ଅନ୍ୟାୟ୍‌ତାନ୍‌ ସାସ୍ତି ପୟ୍‌ଜି କାସ୍ଟୁ ସାସ୍‌ କିନିଦେର୍‌, ଆର୍‌ତିଙ୍ଗ୍‌ ମାପୁରୁ ମିଙ୍ଗିଁ ଆସିର୍ବାଦ୍‌ କିନାନ୍‌ । 
\v 20 ମିର୍‌ ନିଜେ ନିଜେଦି ଦସ୍‌ତାନ୍‌ ଜଦି ଦଣ୍ତ୍‌ବୋଗ୍‌ ପୟ୍‌ତିଙ୍ଗ୍‌, ଆର୍‌ତିଙ୍ଗ୍‌ ଆବେନୁ ଦନ୍ୟବାଦତି ଇନି ମାଟା ମାନାତ୍‌ ? ମାତର୍‌ ନେଗି ପାଣି କିଜିବା ସାସ୍ତି ପୟ୍‌ନିଦେର୍‌, ଆର୍‌ତିଙ୍ଗ୍‌ ମାପୁରୁ ମିଙ୍ଗିଁ ଆସିର୍ବାଦ୍‌ କିନାନ୍‌ । 
\v 21 ମାପୁରୁ ଇୟା ବଦାଦାନ୍‌ ମିଙ୍ଗିଁ କୁକ୍‌ତାମାନାନ୍‌ । କ୍ରିସ୍ତ ନିଜେ ମି ଉଣ୍ତିଙ୍ଗ୍‌ ଦୁଃକ୍‌ବୋଗ୍‌ କିଜି ମିଙ୍ଗିଁ ଉନ୍‌ଡ୍ରି ସାରି ତର୍‌ତାମାନାନ୍‌, ଏଣ୍ତେସ୍‌ ମିରୁ ୱାନି ପାଦାମ୍‍ସିନା ସିଜି ୱେନ୍‌କାସନିଦେର୍‌ । 
\v 22 ୱାନ୍‌ ଇନି ପାପ୍‌ କିଏନ୍‌ ମାର୍ହାନ୍‌, ମାରି ୱାନି ୱେୟୁଦାନ୍‌ ମିଚ୍‌ ମାଟା ୱେର୍‌ନିକା ଏନ୍‌ ଏସ୍‌କାଙ୍ଗ୍‌ ୱେନ୍‌ଏନ୍‌ ମାର୍ହାନ୍‌ । 
\v 23 ୱାନ୍‌ ନିଦା ଆନି ୱାଲେ ଡ଼େସି ନିନ୍ଦାମାଟା ୱେର୍‍ଏତାନ୍; ୱାନ୍‌ ଦୁଃକ୍‌ବୋଗ୍‌ କିନିୱାଲେ ବାଦ୍‍ଲା ଅତେଙ୍ଗ୍‌ ତିଲିସ୍‌କିଏନ୍‌ ମାର୍ହାନ୍‌; ମାତର୍‌ ନ୍ୟାୟ୍‌ ବିସାର୍‌କିନି ମାପୁରୁଦି ମୁସ୍‌କୁ ପୁରା ଆସା ଇଟ୍‌ତାମାର୍ହାନ୍‍ । 
\v 24 ମାପ୍‌ ଏଣ୍ତେସ୍ ପାପ୍‌ତି ଉଣ୍ତିଙ୍ଗ୍‌ ସାଜି ମାରି ଦାର୍ମୁଦି ଉଣ୍ତିଙ୍ଗ୍‌ ଜିଜି ମାଡ଼ିନାପ୍‌, ଇୟାଉଣ୍ତିଙ୍ଗ୍‌ କ୍ରିସ୍ତ ନିଜେ କ୍ରୁସ୍‌କାଟ୍‌ ମୁସ୍‌କୁ ନିଜେଦି ମେନ୍ଦଲ୍‌ତାନ୍‌ ମା ୱିଜୁ ପାପ୍‌ ବଜୁ ପିଣ୍ତିତାନ୍‌ । ୱାନି ମେନ୍ଦଲ୍‌ତି ଆୟା ଗାଉତି ମାଣୁକୁ ମିର୍‌ ନେଗେନ୍‌ ଆତିମାନିଦେର୍‌ । 
\v 25 ଇରିଙ୍ଗ୍‌ ମିର୍‌ ମେଣ୍ଡେଙ୍ଗ୍‌ ୱାଜା ସାରିବାଣାତି ମାର୍‌ଇଦେର୍‌, ମାତର୍‌ ଇଲେଇ ମି ମେଣ୍ତେଙ୍ଗ୍‌ଗାଉଡ଼ୁ ମାରି ଆତ୍ମାଦି ରକିୟାକିନିୱାନି ୱେନ୍‌କା ସନି ଉଣ୍ତିଙ୍ଗ୍‌ ଡ଼େସି ୱାତିମାନିଦେର୍‌ ।
\c 3
\s ଆଇ ମାନି କନ୍‌ଲିରି ଉଣ୍ତିଙ୍ଗ୍‌ ସିକିୟା
\p
\v 1 \x + \xo ୩:୧ \xo*\xt ଏପିସିୟ ୫:୨୨; କଲସିୟ ୩:୧୮.\xt*\x*ଇୟାୱାଜା ଏ ଆଇମେକ୍‍ ! ମିରୁ ମି କନ୍‌ଲିରିଙ୍ଗ୍‌ ମାନାଦୁ । ଆର୍‌ତିଙ୍ଗ୍‌, ଜଦି ମାପୁରୁଦି ବାକ୍ୟଦୁ ବିସ୍‌ବାସ୍‌ କିଏଜି ମାନାନ୍‌, ଆର୍‌ତିଙ୍ଗ୍‌ ମି ବୁଲାସାଲାନି ମାଣୁକୁ ଆୟା ବାକ୍ୟ ଉଣ୍ତିଙ୍ଗ୍‌ ୱାନି ବିସ୍‌ବାସ୍‌ ପିର୍‌ନାତ୍‌ । ମିର୍‌ ପଦ୍‌କେ ବା ଇନିକା ଇନ୍‌ଡ୍ରେଙ୍ଗ୍‌ ଦର୍‌କାର୍‌ ସିଲେତ୍‌ । 
\v 2 ଇରିଙ୍ଗ୍‌ ମି ନେଗି ବୁଲାସାଲାନିକା ମାରି ଦାର୍ମୁ ଜିବନ୍‌ ୱାର୍‌ ସୁଡ଼ୁନାର୍ । 
\v 3 \x + \xo ୩:୩ \xo*\xt ୧ ତିମତି ୨:୯.\xt*\x*କୁକୁଟି ତିଆର୍‌ଆନିକା, ନିଜେ ରଜ୍‍ନିକା, ନେଗି ୱାତିଗନ୍ଦା ଆରାନିକା, ବାଙ୍ଗାଁରାମ୍‍ ଆରାନିକା ୱିଜୁ ଆତ୍‌ରେ ତିଆର୍‌ମିଆର୍‌ ଆଜି ନିଜେଦି ସବା ତର୍‌ନିକା ମିରୁ କିଇକାମାନାତ୍‌ । 
\v 4 ସତ୍‌ତି ସୁନ୍ଦର୍‌ ଆଜିନାତ୍‌, ମି ଜିବନ୍‌ତି ଦାର୍ମୁ ମାରି ସାନ୍ତି ମାର୍‌ଗିତିମାନିକା ସୁନ୍ଦର୍‌ ମାପୁରୁଦି କାଣେକେଆଙ୍ଗାଁ ୱିଜୁଦିମାଣୁକୁ ନାଣ୍ତ୍‌ନେଗିକା । 
\v 5 ପୁର୍ବେକାଡ଼ାଦୁ ଆମା ଦାର୍ମୁଦି ଆଇମେକ୍‍ ମାପୁରୁଦିମାନୁ ଆସା ଇଟ୍‌ତେମାରେଏ, ୱାକୁ ନିଜେଦି କନ୍‍ଲିରିଙ୍ଗ୍‍ଁ ମାନାନିମାଣାନ୍‍ ନିଜେଦିଙ୍ଗ୍‍ଁ ନେଗେନ୍‌ ତିଆର୍‌ ଆଜି ମାର୍‌ଏ । 
\v 6 ସାରା ଆୟାୱାଜା ଅରେତ୍‌ ଆଇମା ମାର୍ହାତ୍ । ୱାଦ୍‌ ଅବ୍ରାହାମ୍‌ଦି ମାଟା ମାନାଜି ୱାନିଙ୍ଗ୍‌ ପ୍ରବୁ ଇଜି ମାନାଜିମାରାତ୍‌ । ମିରୁ ଇଲେଇ ତାନି ଗାଡ଼୍‌ସିକ୍‌ । ଜଦି ମାନାତିଙ୍ଗ୍‌, ଆର୍‌ତିଙ୍ଗ୍‌, ଇନି ବିସୟ୍‌ ମିଙ୍ଗିଁ ମାରି ତିଲିସ୍‌ କିଦେଙ୍ଗ୍‌ ଆଟ୍‌ଏତ୍‌ ।
\p
\v 7 \x + \xo ୩:୭ \xo*\xt ଏପିସିୟ ୫:୨୫; କଲସିୟ ୩:୧୯.\xt*\x*ଏ କନ୍‌ଲିର୍‌, ଆୟାୱାଜା ମି ଆଡ଼ିକାଙ୍ଗ୍‌ ସାକିସିଲି ତଡ଼୍‍ ଇଜି ନେସ୍‌ସି ୱାନିକା ଉଣ୍ତିଙ୍ଗ୍‌ ସାସ୍‌ ଆସ୍‌ସି ତେବାଦୁ । ୱାନିକାଙ୍ଗ୍‌ ମାନାଦୁ । ୱାକ୍‌ ବା ମି ୱାଲେ ମାପୁରୁମାନୁ ଜିବନ୍‌ନୋନି ଦୟାଦାନ୍‌ ପଇନେ । ମିରୁ ୱାନିକା ଉଣ୍ତିଙ୍ଗ୍‌ ନେଗେନ୍‌ତାନ୍‌ ସୁଡ଼ୁତିଙ୍ଗ୍‌, ମି ପାର୍‍ତନା ଏଣ୍ତେସ୍‌ ବାଦା ଆଏତ୍‌ ।
\s ଦାର୍ମୁଦି ପାଣି ଉଣ୍ତିଙ୍ଗ୍‌ ଦୁଃକ୍‌ପୟ୍‍ନି
\p
\v 8 ସାରାସାରିୱେନ୍‌କା, ମିର୍‌ ୱିଜେରେ ଉନ୍‍ଡ୍ରେମୋନ୍‌ ଆଦୁ, ନିଜେନିଜେଦି ସୁକ୍‌ଦୁଃକ୍‌ତୁ ଅର୍‌ସେ ତେବାନିକା, ତଡ଼ାନ୍‌ତିଙ୍ଗ୍‌ ଜିବନ୍‌ନୋନିକା, ସିତ୍‌ଡ଼ି ଜିବନ୍‌ ମାରି ସାନ୍ତି ଆଦୁ; 
\v 9 ନିସ୍ଟୁର୍‌ ବାଦ୍‌ଲୁ ନିସ୍ଟୁର୍‌ କିମାଟ୍‌, ଆନାଦୁରିଆ ବାଦ୍‌ଲୁ ଆନାଦୁରିଆ ଇଡ୍‌ମାଟ୍‌; ତାନି ବାଦ୍‌ଲୁ ଆସିର୍ବାଦ୍‌ କିଦୁ, ଇରିଙ୍ଗ୍‌ ଇୟାଉଣ୍ତିଙ୍ଗ୍‌ ମାପୁରୁ ମିଙ୍ଗିଁ କୁକ୍‌ତାମାର୍ହାନ୍‌ ମାରି ଇକା କିନି ମାଣୁକୁ ମିରୁ ଆସିର୍ବାଦ୍‌ ପୟ୍‌ନିଦେର୍‌ । 
\v 10 ସାସ୍ତ୍ରଦୁ ରାସ୍‌ତାମାନାତ୍‌,
\q1 “ଜଦି ଏନ୍‌ ଜିବନ୍‌ତୁ ସୁକ୍‌ବୋଗ୍‌ କିଦେଙ୍ଗ୍‌
\q2 ମାରି ସୁକ୍‌ତି ଦିନ୍‌ ସୁଡ଼ୁଦେଙ୍ଗ୍‌ ବଦା କିନାନ୍‌,
\q2 ୱାନ୍‌ ତାଗ୍‌ଇ ମାଟେଙ୍ଗ୍‌ ଇନ୍‌ମାକିନ୍‌
\q2 ମାରି ବାଣ୍ତିସ୍‍ ମାଟେଙ୍ଗ୍‍ ୱେର୍‍ତେଙ୍ଗ୍‍ ଆଲ୍‌ଜମାନିନ୍‌ ।
\q1
\v 11 ୱାନ୍‌ ତାଗ୍‌ଇପାଣିଦାନ୍‌ ଆକ ମାନ୍‌ଞ୍ଜି ସତ୍‍ପାଣି କିପିନ୍‌;
\q2 ମାରି ଜିବନ୍‌ତି ୱାଲେ ସାନ୍ତି ପାଣି ପଇନି ।
\q1
\v 12 ଇରିଙ୍ଗ୍‌ ଦାର୍ମୁଦିଲୋକା ଉଣ୍ତିଙ୍ଗ୍‌ ପ୍ରବୁଦି ସାକା ମାନାତ୍‌
\q2 ମାରି ୱାରି ପାର୍‍ତନା ୱେନାନ୍‌;
\q2 ମାତର୍‌ ୱାନ୍‌ ତାଗ୍‌ଇୱାରିଙ୍ଗ୍‌ ବିରୁଦ୍‌ କିନାନ୍‌ ।”
\p
\v 13 ମାରି ମିର୍‌ ଜଦି ସତ୍‍ପାଣି କିଦେଙ୍ଗ୍‌ ମୋନ୍‌ ସିନିଦେର୍‌, ଆର୍‌ତିଙ୍ଗ୍‌ ଏନ୍‌ ମିଙ୍ଗିଁ ନିସ୍ଟୁର୍‌ କିନାନ୍‌ ? 
\v 14 \x + \xo ୩:୧୪ \xo*\xt ମାତିଉ ୫:୧୦.\xt*\x*ଦାର୍ମୁଦି ଉଣ୍ତିଙ୍ଗ୍‌ ମିରୁ ଦୁଃକ୍‌କାସ୍ଟୁ ପୟ୍‌ତିଙ୍ଗ୍‌ ବା ମିର୍‌ ସତ୍‌ତାନ୍‌ ସୁକ୍‌ମାନିଦେର୍‌ । ଏଙ୍ଗ୍‌ବା ତିଲାମାଟ୍‌; ଆର୍‍ଏ ସିନ୍ତା କିମାଟ୍‌ । 
\v 15 ମାତର୍‌ ଜିବନ୍‌ତାନ୍‌ କ୍ରିସ୍ତଙ୍ଗ୍‌ ମାନାଜି, ୱାନିଙ୍ଗ୍‌ ପ୍ରବୁ ଇଜି ମାନାଦୁ । ଜଦି ଏନ୍‌ ମିମାନୁ ମାନି ଆସାଦି ମାଟା ବିସୟ୍‌ତାନ୍‌ ୱେନ୍‌ବାନାନ୍‌, ୱାନିଙ୍ଗ୍‌ ମାଟା ସିଦେଙ୍ଗ୍‌ ୱିଜୁଦିନ୍ ଜାଗାର୍‌ତା ମାନ୍‍ଡ୍ରୁ । 
\v 16 ମାତର୍‌ ସାନ୍ତିଦାନ୍‌ ମାରି ତିଏଲ୍‌ତାନ୍‌ ନେଗି ବୁଦିଦାନ୍‌ ମାଟା ୱେର୍‌ତୁ । ମି ବୁଦିଦିଙ୍ଗ୍‌ ନେଗେନ୍‍ ଇଡ୍‌ଦୁ । ଆର୍‌ତିଙ୍ଗ୍‌, ମିରୁ କ୍ରିସ୍ତଦି ୱେନ୍‌କାସନିୱାଜା ପାଣି କିଜିମାନିୱାଲେ, ଆମାକାର୍‌ ମି ବାଣ୍ତିସ୍‍ ମାଟା ୱେର୍‌ନାର୍‌, ଆବେନୁ ୱାର୍‌ ସେମାର୍‌ ଆନାର୍‌ । 
\v 17 ମାତର୍‌ ତାଗ୍‍ଇପାଣିଦି ଉଣ୍ତିଙ୍ଗ୍‌ ଦୁଃକ୍‌ ପୟ୍‍ନି ବାଦ୍‌ଲୁ ମାରି ଜଦି ମାପୁରୁଦି ବଦା ଆନାତ୍‌, ଆର୍‌ତିଙ୍ଗ୍‌ ସତ୍‌ପାଣି କିଜି ଦୁଃକ୍‌ ପୟ୍‍ନିକା ନେଗେତ୍‌ । 
\v 18 ମିଙ୍ଗିଁ ମାପୁରୁଦି ଲାକ୍‌ତୁ ତାନି ଉଣ୍ତିଙ୍ଗ୍‌ କ୍ରିସ୍ତ ନିଜେ ଦାର୍ମୁଦିକାନ୍‌ ଆଜି ଅଦାର୍ମୁ ଲୋକୁ ପାପ୍‌ ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତାନ୍‌ । ଇୟା ପାଣି ୱାନ୍‌ ପୁରାଅର୍‌ସେ ୱିଜୁଦିନ୍‌ତି ଉଣ୍ତିଙ୍ଗ୍‌ ପୁରା କିତାମାନାନ୍‌ । ୱାନ୍‌ ମେନ୍ଦଲ୍‌ତାନ୍‌ ସାତାନ୍‌, ମାତର୍‌ ଆତ୍ମାଦାନ୍‌ ଜିବନ୍‌ ଆତାନ୍‌; 
\v 19 ଆବେନୁ ବା ୱାନ୍ ଜଇଲ୍‌ତୁମାନି ଆତ୍ମେଆଙ୍ଗାଁ ଲାକ୍‌ତୁ ସଲ୍‌ସି ପ୍ରଚାର୍‌ କିତାନ୍ । 
\v 20 ପୁର୍ବେକାଡ଼ାଦୁ ନୋହଦି ବେଡ଼ାଦୁ ଏରୁଜାହାଜ୍‌ ତିଆର୍‍ କିନିୱାଲେ, ନାସ୍ତିୱାଲେ ମାପୁରୁ ସାସ୍‌ ଆସ୍‌ସି କାପ୍‌କିଜି ମାର୍ହାନ୍‌, ନାସ୍ତିୱାଲେ ଆମା ଲୋକୁ ମାପୁରୁଦି ମାଟା ଆସ୍‌ଏର୍‌ ମାର୍ହାର୍‌ । ଆୟା ଜାହାଜ୍‌ଦୁ ଡ଼ୁଗିତାରୋ ଆମା ଉଣା ଲୋକ୍‌ ୱିଜେର୍‌ମିସାଜି ଆଟ୍‌ ଲୋକ୍‌ ମାର୍ହାର୍‌, ମାତର୍‌ ଗାଲିପିରୁଦାନ୍‌ ରକିୟା ପୟ୍‌ତାର୍‌ । 
\v 21 ଆବେଣି ସିନାୱାଜା ଡୁବନ୍‌ ଅତାର୍‍ ଇୟା ଡୁବନ୍‌ ମି ମେନ୍ଦଲ୍‌ତି ରୋପି ସୋଲ୍‌ସିପ୍‌ କିଏତ୍‌, ମାତର୍‌ ମାପୁରୁଦି ଲାକ୍‌ତୁ ନେଗି ବୁଦି ପୟ୍‌ନି ଉଣ୍ତିଙ୍ଗ୍‌ ପାର୍‌ତାନା କିତାନ୍‍, ଜିସୁ କ୍ରିସ୍ତଦି ମାରିଡ଼େସିଜିବନ୍‌ଆଜିନିଙ୍ଗ୍‌ନି ମାଣୁକୁ ଇଲେଇ ମିଙ୍ଗିଁ ରକିୟା କିଜିନାତ୍‌; 
\v 22 ଆୟା କ୍ରିସ୍ତ ଇଲେଇ ମୁସ୍‌କୁପୁର୍‌ତୁ ମାପୁରୁଦି ଉଣେରି ତରିନ୍‌ ବାସ୍‌ତା ମାନାନ୍‌, ମୁସ୍‌କୁପୁର୍‌ତି ଦୁତ୍‌କୁ ମାରି ୱିଜେରେ ଅଦିକାର୍‌ପୟ୍‌ତିକାର୍‌ ମାରି ସାକ୍ତିମାନିୱାରି ମୁସ୍‌କୁ ସାସନ୍‌ କିଜିନାନ୍‌ ।
\c 4
\s ପୁନି ଜିବନ୍‌
\p
\v 1 କ୍ରିସ୍ତ ମେନ୍ଦଲ୍‌ତୁ ଦୁଃକ୍‌ ପୟ୍‍ତିମାନିଙ୍ଗ୍‌ ମିର୍‌ ବା ୱାନି ୱାଜା ମୋନ୍‌ତିଙ୍ଗ୍‌ଡ଼େପ୍‌ସି ନେଗେନ୍‌ ଆଦୁ ଜେ, ଇରିଙ୍ଗ୍‌ ଏନ୍‌ ମେନ୍ଦଲ୍‌ତୁ କାସ୍ଟୁ ସାସ୍‌ କିନାନ୍‌, ୱାନ୍‌ ମାରି ପାପ୍‌ତୁ ତେବାଏନ୍‌ । 
\v 2 ଏଣ୍ତେସ୍‌ ମିର୍‌ ଇଲେଇରାନ୍‌ ଜିବନ୍‌ତୁ ତେବାନି ଦିନ୍‌ ଲଇ ଲୋକ୍‌ତି ମେନ୍ଦଲ୍‍ତି ଆସା ଇସାବ୍‌ତାନ୍‌ ସାଲାଏଣ୍‌ଗା ମାପୁରୁଦି ବଦାଦାନ୍‌ ସାଲାଦୁ । 
\v 3 ଆଗିଡ଼ି ମିର୍‌ ଅଣଜିହୁଦିରି ୱାଜା ପାଣି କିଜି ନାଣ୍ତ୍‌ ବେଡ଼ା କାଟେକିତି ମାନିଦେର୍‌ । ମି ଜିବନ୍‌ ଲୋଇ ୱିଜୁ ରକମ୍‍ତି ପାପ୍‍, ଲାଲାୟ୍‌ଆନିକା, କାଡ଼ୁ ଉଣିକା, ରସ୍‌ୟାଆନିକା, ସୋସ୍‌ନିକା ମାରି କାଡ଼୍‌ନି ବମା ପୁଜାଦୁ ଜିଜିମାର୍‌ଇଦେର୍‍ । 
\v 4 ମିର୍‌ ଇଲେଇ ଆୟାୱାଜା ପେରି ତାଗ୍‍ଇ ପାଣିଦୁ ୱାରି ୱାଲେ ମିସାଏତିଙ୍ଗ୍‌ ୱାର୍‌ କାବାଆଜି ମିଙ୍ଗିଁ ନାଣ୍ତ ନିନ୍ଦା କିତାର୍‌ । 
\v 5 ମାତର୍‌ ଆମା ମାପୁରୁ ଜିବନ୍‌ ମାରି ସାତିୱାରିଙ୍ଗ୍‌ ବିଚାର୍‌ କିଦେଙ୍ଗ୍‌ ମାନାନ୍‌, ୱାନି ଲାକ୍‌ତୁ ୱାରିଙ୍ଗ୍‌ ଇସାବ୍‌ ସିଦେଙ୍ଗ୍‌ ପଡ଼ାନାତ୍‌ । 
\v 6 ଇରିଙ୍ଗ୍‌ ଇୟାଉଣ୍ତିଙ୍ଗ୍‌ ସାତିୱାରି ଲାକ୍‌ତୁ ବା ସୁସମାଚାର୍‌ ପ୍ରଚାର୍‌ କିତାମାର୍ହାର୍‌, ଏଣ୍ତେସ୍‌ ୱାର୍‌ ଲୋକା ୱାଜା ମେନ୍ଦଲ୍‌ତାନ୍‌ ବିଚାର୍‌ ଆତିଙ୍ଗ୍‌ବା, ମାପୁରୁଦି ୱାଜା ଆତ୍ମାଦୁ ଜିବନ୍‌ ଆନାର୍‌ ।
\s ମାପୁରୁଦି ଦାନ୍‌ତିଙ୍ଗ୍‌ ନେଗେନ୍‌ ପାଣିକିନିକାନ୍‌
\p
\v 7 ମାତର୍‌ ୱିଜୁ ବିସୟ୍‌ତି ୱିଜ୍‌ନି ଦିନ୍‌ ଲାକ୍‌ତୁ ୱାତାତ୍‌ନି । ମାରି ମିର୍‌ ମନ୍‍ତିଙ୍ଗ୍‍ ତିର୍‍ ଇଡ୍‍ଜି, ପାର୍‍ତନା କିଦେଙ୍ଗ୍‌ ଜାଗାର୍‌ତା ମାନ୍‌ଡ୍ରୁ, 
\v 8 ୱିଜେରିୱାଜା ନିଜେନିଜେଦିଙ୍ଗ୍‌ ଜିବନ୍‌ତାନ୍‌ନୋଦୁ, ଇରିଙ୍ଗ୍‌ ଜିବନ୍‌ନୋନିକା ପିଡ଼ିକ୍‍ନାତ୍‌ ପାପ୍‌ତିଙ୍ଗ୍‍ । 
\v 9 ଗୁଜୁ ଗୁଜୁ ଆଏଣ୍‌ଗା ଲୋକାଙ୍ଗ୍‍ ମି ଇଲ୍‌କାଙ୍ଗ୍‌ କୁକ୍‍ତୁ । 
\v 10 ଏନ୍‍ ଏମେ ଦାନ୍‍ ପୟ୍‌ତା ମାନାନ୍‍, ତାନି ଜଗ୍‌ତି ନେଗେନ୍‌ ପାଣିକିନିୱାଜା ଆଇୱାରି ନେଗେନ୍‌ ଉଣ୍ତିଙ୍ଗ୍‌ ଆୟା ଦାନ୍‌ତି ନେଗି ସେବା କିନିକା ମାନାତ୍‌ । 
\v 11 ଏନ୍‌ ପ୍ରଚାର୍‌ କିନାନ୍‌, ୱାନ୍‌ ମାପୁରୁଦି ବାକ୍ୟ ପ୍ରଚାର୍‌ କିପିନ୍‌ । ଏନ୍‌ ଜଦି ସେବା କିନାନ୍‌, ୱାନ୍‌ ମାପୁରୁଦିମାଣୁକୁ ସାକ୍ତି ପୟ୍‍ତିମାନି ଲୋକ୍‌ ୱାଜା ସେବା କିପିନ୍‌, ଏଣ୍ତେସ୍‌ ଜିସୁ କ୍ରିସ୍ତଦି ମାଣାନ୍‌ ମାପୁରୁ ଦନ୍ୟବାଦ ଆନାନ୍‌; ଜୁଗ୍‌ ଜୁଗ୍‌ ଗୌରବ୍‌ ମାରି ପରିସାକ୍ତି ୱାନିଦି ଆପିତ୍‌ । ଆମେନ୍‍ ।
\s କ୍ରିସ୍ଟାନ୍‌ ଜିବନ୍‌ତୁ ଦୁଃକ୍‌
\p
\v 12 ଏ ନା ତଡ଼୍‍କୁ ନି ତାଙ୍ଗିଁକ୍‌ ଏମେ ସିସୁ ପରିକାଦୁ ମିର୍‍ ଦୁଃକ୍‌ ପୟ୍‍ଜିନିଦେର୍‍, ଆକା ଉଣ୍ତ୍ରି ପେରିମାଟା ଇଜି ଅଡ଼୍‍ବିଜି କାବା ଆମାଟ୍‌ । 
\v 13 ମାରି ୱେଡ଼ିକା ଆଦୁ, ଇରିଙ୍ଗ୍‌ ମିର୍‌ କ୍ରିସ୍ତଦି ଦୁଃକ୍‌ ପୟ୍‍ନିମାନୁ ମିସାଜିନିଦେର୍‌, ଆୟା ପାଣିଦିଙ୍ଗ୍‌ ୱେଡ଼ିକା ଆଦୁ, ୱାନି ମହିମା ତରାନି ୱାଲେ ବା ମିର୍‌ ନାଣ୍ତ୍‌ୱେଡ଼ିକାଦାନ୍‌ ୱେଡ଼ିକା ଆଦୁ । 
\v 14 ଜଦି ମିରୁ କ୍ରିସ୍ତଦି ୱେନ୍‌କାସୋନି ଉଣ୍ତିଙ୍ଗ୍‌ ନିଦା ପୟ୍‌ତିଙ୍ଗ୍‍, ମିରୁ ଆସିର୍ବାଦ୍‍ତି ଲୋକୁ, ଇରିଙ୍ଗ୍‌ ମାପୁରୁଦି ଗୌରବ୍‌ମୟ୍‌ ଆତ୍ମା ମିମାନୁ ତେବାତା ମାନାତ୍‌ । 
\v 15 ମି ଲୋଇରାନ୍‌ ଏନ୍‌ ଲୋକାଙ୍ଗ୍‌ ସାୟାମାର୍‌ଗା ଡାକ୍‌ନିକା, ଡଙ୍ଗାଁର୍‌ଏନ୍‌ ମାରି ତାଗ୍‌ଇପାଣି, ନି ଜାଟିକିନି ଉଣ୍ତିଙ୍ଗ୍‌ ଦୁଃକ୍‌ ପୟ୍‍ମାକିନ୍‌ । 
\v 16 ମାତର୍‌ ମିରୁ ଜଦି କ୍ରିସ୍ତବିସ୍‌ବାସ୍‌ ଆତିଉଣ୍ତିଙ୍ଗ୍‌ ଦୁଃକ୍‌ ପୟ୍‍ଜିନିଦେର୍‌, ଆର୍‌ତିଙ୍ଗ୍‌ ସେମାର୍‌ ଆମାଟ୍‌ । ମାପୁରୁଙ୍ଗୁଁ ଦନ୍ୟବାଦ୍‌ ସିଦୁ, ଇରିଙ୍ଗ୍‌ ମିର୍‌ କ୍ରିସ୍ତଦି ଦରୁ ଆସ୍‌ତିମାନିଦେର୍‌ । 
\v 17 ବିଚାର୍‌କିନି ଦିନ୍‌ ଇଗା ୱାତାତ୍‍ ମାରି ମାପୁରୁଦି ଲୋକୁ ଆଗ୍‌ଡ଼ି ବିଚାର୍‌ କିଆୟ୍‌ଆନାର୍‌ । ଜଦି ମାବାଣାନ୍‍କୁ ଆକା ଆରାମ୍‍ ଆନାତ୍‍, ଆର୍‍ତିଙ୍ଗ୍‍ଁ ଏମେକାର୍‍ ମାପୁରୁଦି ସୁସମାଚାର୍‌ ବିସ୍‌ବାସ୍‌ କିଏର୍‌, ୱାରି ସାରାସାରିଦି ଦଣ୍ତ୍‌ ଏସା ପେରିକା ଆଏତ୍‌ ? 
\v 18 ଦାର୍ମୁସାସ୍ତ୍ରଦୁ ରାସ୍‌ତାମାନାତ୍‌ :
\q1 ଜଦି ଦାର୍ମୁଦିଲୋକୁ ରକିୟା ପୟ୍‌ଦେଙ୍ଗ୍‌ ନିସା କାସ୍ଟୁ,
\q2 ଆର୍‌ତିଙ୍ଗ୍‌ ଅଦାର୍ମୁଦିଲୋକୁ ମାରି ପାପି ଲୋକା ଦଣ୍ତ୍‌ ଏସ ଆଏତ୍‌ ମାନାତ୍‌ ?
\m
\v 19 ମାରି, ଆମାକାର୍‌ ମାପୁରୁଦି ଇଚ୍ଛାଦାନ୍‌ ଦୁଃକ୍‌ବୋଗ୍‌ କିନାର୍‌, ୱାର୍‌ ନେଗି ପାଣି କିଜି ୱାନିମାନୁ ପୁରାଦାନ୍‌ ଆସା ଇଡିର୍‌ । ୱାରିଙ୍ଗ୍‌ ତିଆର୍‌କିତି ବିସ୍‌ବାସ୍‌ତି ମାପୁରୁ ୱିଜୁଦିନ୍ ୱାନି ପାର୍‌ମାଣ୍‌ ରକିୟା କିନାନ୍‌ ।
\c 5
\s ମାପୁରୁଦି ମେଣ୍ତେଙ୍ଗ୍‌ମାନ୍ଧା
\p
\v 1 ନାନ୍‌ ଅରେନ୍‌ ପେରିନେତା ଇସାବ୍‌ତାନ୍‌ ମିଙ୍ଗିଁ ମଣ୍ତ୍‌ଲିଦି ପେରିନେତାରିଙ୍ଗ୍‌ ମାଡ଼ିସ୍‍ କିଜିନା । ମାରି କ୍ରିସ୍ତଦି ଦୁଃକ୍‌ ପୟ୍‍ନିମାନୁ ନାନ୍‌ ଅରେନ୍‌ ସାକି ମାରି ୱାନି ଗୌରବ୍‌ ତରାୟ୍‍ଆନି ବେଡ଼ାଦୁ ନାନ୍‌ ଆବେନୁ ସାକି ତେବାନା । 
\v 2 \x + \xo ୫:୨ \xo*\xt ଜୋହନ ୨୧:୧୫-୧୭.\xt*\x*ମାପୁରୁ ମି କିୟୁଦୁ ଆମା ମେଣ୍ତେଙ୍ଗ୍‌ ମାନ୍ଦାଦି ଦାଇତ୍‌ ସିତାମାନାନ୍‌, ନାନୁ ମାଡ଼ିସ୍‍ କିଜିନା, ମିରୁ ଜାସେକିନିୱାଜା ଆକା କିଏଣ୍‌ଗା ୱେଡ଼ିକାଦାନ୍‌ ୱାନିକାଙ୍ଗ୍‌ ସେବା କିଦୁ । ମାତର୍‌ ମାପୁରୁଦି ବଦାଦାନ୍‌ ନେଗି ମୋନ୍‌ତାନ୍‌, ଦନ୍‌ ଆସାଦି ଉଣ୍ତିଙ୍ଗ୍‌ ଆକା କିଏଣ୍‌ଗା, ମାତର୍‌ ୱେଡ଼ିକାଦାନ୍‌ ଆକା କିଦୁ । 
\v 3 ମାରି ଆମାୱାରି ଦାଇତ୍‌ବୋଜୁ ମି କିୟୁଦୁ ସର୍ପେ ଆତାମାନାତ୍‌, ୱାରି ମୁସ୍‌କୁ ସାସନ୍‌ କିଏଣ୍‌ଗା ମାନ୍ଦା ଉଣ୍ତିଙ୍ଗ୍ ନିଜେଦି ଜିବନ୍‌ତୁ ସାରିତର୍‍ନି ଲୋକା ୱାଜା ଆଜି ଆକା ତରତୁ । 
\v 4 ଏସ୍ତିୱାଲେ ପେରି ମେଣ୍ତେଙ୍ଗ୍‌ଗାଉଡ଼ୁ ୱାନାନ୍‌, ମିରୁ ଗୌରବ୍‌ଦି ମୁକୁଟ୍ ପୋଇନିଦେର୍ । ତାନି ଜାୟ୍‌ ଏସ୍‌କାଙ୍ଗ୍‌ ନାମ୍‌ଏତ୍‌ ।
\p
\v 5 ଆୟାୱାଜା, ଏ ମୁରୁକଡ଼ର୍‌ ମିରୁ ପେରିନେତାରି ମାଟା ମାନାଦୁ । ମିରୁ ୱିଜେରେ ନିଜେନିଜେଦି ସେବା କିନି ଉଣ୍ତିଙ୍ଗ୍‌ କାର୍ମୁନାନି ଆଙ୍ଗିଁ ଆରାଦୁ । ସାସ୍ତ୍ରଦୁ ରାସାତାମାନାତ୍, “ମାପୁରୁ ଆକାର୍‍ ଲୋକାଙ୍ଗ୍‌ ବିରୁଦ୍‌ କିନାନ୍‌, ମାରି ସାନ୍ତି ଲୋକାଙ୍ଗ୍‌ ଦୟା କିନାନ୍ ।” 
\v 6 \x + \xo ୫:୬ \xo*\xt ମାତିଉ ୨୩:୧୨; ଲୁକ ୧୪:୧୧; ୧୮:୧୪.\xt*\x*ମାରି, ମାପୁରୁଦି ସାକ୍ତିମାନି କିୟୁ ଆଡ୍‍ଗି ନିଜେ ନିଜେଦିଙ୍ଗ୍‌ ତେବାକିଦୁ; ଏଣ୍ତେସ୍‌ ୱାନ୍ ମିଙ୍ଗିଁ ଟିକ୍ ବେଡ଼ାଦୁ ମୁସ୍‌କୁ ପେର୍‍ନାନ୍ । 
\v 7 ମି ୱିଜୁ ସିନ୍ତାଦି ବଜୁ ମାପୁରୁ ମୁସ୍‌କୁ ସର୍‌ପେ କିଦୁ, ଇରିଙ୍ଗ୍‌ ୱାନ୍ ମି ଜାତୁନ୍‍ ଅନାନ୍‌ ।
\p
\v 8 ତିଆର୍‌ ଆଜି ଜାଗାର୍‌ତା ମାନ୍‌ଡ୍ରୁ, ମି ସାତ୍ରୁ ସୟତାନ୍‌ ଆଉଲି ଆନି ପାର୍ଟା ନରେସ୍‍ ୱାଜା ଏଙ୍ଗ୍‌ ଡ଼ିଙ୍ଗ୍‍ଦେଙ୍ଗ୍‌ ପୟ୍‌ଜି ଅସିନାତ୍‌ । 
\v 9 ମିର୍‌ ବିସ୍‌ବାସ୍‌ତୁ ଡାଟ୍‍ ତେବାଜି, ତାନିଙ୍ଗ୍‌ ବିରୁଦ୍‌ କିଦୁ । ମାରି ଇକା ମିର୍‌ ନେସ୍‌ତିମାନିଦେର୍‌, ଇୟା ଦୁନିଆଦୁ ମାନି ମି ବିସ୍‌ବାସ୍‌ତି ତଡ଼ାନ୍‌କା ଉଣ୍ତିଙ୍ଗ୍‌ ଇୟାୱାଜା ଦୁଃକ୍‌ ଗଟେଆଜିନାତ୍ । 
\v 10 ୱିଜୁ ଦୟା ସିନି ଆମା ମାପୁରୁ ନିଜେଦି ୱିଜୁଦିନ୍‌ତି ଗୌରବ୍‌ତୁ ମିସାନି ଉଣ୍ତିଙ୍ଗ୍‌ କ୍ରିସ୍ତ ଜିସୁଦି ମାଣୁକୁ ମିଙ୍ଗିଁ କୁକ୍‌ତାମାନାନ୍‌ । ୱାନ୍‌ ନିଜେ ସାଣେକ୍‌ତି ଦୁଃକ୍‌ପୟ୍‍ତି ୱେନ୍‌କା ମିଙ୍ଗିଁ ପୁରା କିନାନ୍‌, ତିର୍‌କିନାନ୍‍, ସାକ୍ତିକିନାନ୍‍ ମାରି ଡାଟ୍‍କିନାନ୍‌ । 
\v 11 ଜୁଗ୍‌ ଜୁଗ୍‌ ୱାନିଦି ଆପିତ୍‌ ! ଆମେନ୍‍ ।
\s ସାରାସାରି ମାଟା
\p
\v 12 \x + \xo ୫:୧୨ \xo*\xt ପ୍ରେରିତ ୧୫:୨୨,୪୦.\xt*\x*ସିଲେଙ୍ଗ୍‌ ବିସ୍‌ବାସ୍‌ତି କ୍ରିସ୍ଟାନ୍‌ ତଡ଼ାନ୍‍ ୱାଜା ନାନ୍‌ ଜିବନ୍‌ନୋନା, ୱାନି ସାକାଦାନ୍‌ ନାନୁ ଇୟା ଇସ୍ରି ସିଟି ରାସ୍‌ତାମାନା । ମାପୁରୁଦି ସତ୍‌ ଦୟା ବିସୟ୍‌ତାନ୍‌ ସାକି ସିଜି ମିଙ୍ଗିଁ ୱେଡ଼ିକା କିନିକା ନା ମାଟା । ଆୟା ଦୟାଦାନ୍‌ ମିର୍‌ ଡାଟ୍‌ ତେବାଦୁ । 
\v 13 \x + \xo ୫:୧୩ \xo*\xt ପ୍ରେରିତ ୧୨:୧୨,୨୫; ୧୩:୧୩; ୧୫:୩୭-୩୯; କଲସିୟ ୪:୧୦; ପିଲିମନ ୧:୨୪.\xt*\x*ମାପୁରୁଦି ମାଣୁକୁ ଆସ୍‌କିଆୟ୍‌ଆତିମାନି ବାବିଲନ୍‌ଦି ମଣ୍ତଲି ମାରି ନା ଦାର୍ମୁ ମାରିନ୍‌ ମାର୍କ ବା ମିଙ୍ଗିଁ ମାଡ଼ିସ୍‍ କିଜିନାନ୍‌ । 
\v 14 କ୍ରିସ୍ତ ଜିବନ୍‌ନୋନିକା ନିଜେନିଜେଦିଙ୍ଗ୍‌ ମାଡ଼ିସ୍‍କିନିକା ଜାଣେକିଦୁ । କ୍ରିସ୍ତଦିମାନୁ ତେବାତିମାନି ମି ୱିଜେରିଙ୍ଗ୍‌ ସାନ୍ତି ଆପିତ୍‌ ।