\id 1JN - Kopo
\ide UTF-8
\h ୧ ଜୋହନ
\toc3 ୧ ଜୋହନ
\toc2 ୧ ଜୋହନ
\toc1 ଜୋହନ ରାସ୍‍ତିମାନି ପାର୍‍ତୁମ୍‍ ଆକୁ
\mt2 ଯୋହନଙ୍କ ଲିଖିତ ପ୍ରଥମ ପତ୍ର
\mt1 ଜୋହନ ରାସ୍‌ତିମାନି ପାର୍‌ତୁମ୍‌ ଆକୁ
\imt ଇୟା ଆକୁଦି ମାନି ଏସ ମାଟା
\ip ଜୋହନଦି ପାର୍‌ତୁମ୍‌ ଆକୁ : ଜିସୁ କ୍ରିସ୍ତଦି ଜନମ୍‌ ୱେନେକା ୫୦ ଦାନ୍‌ ୧୦୦ ବାର୍ସେକ୍‌ଦି ଲୋଇ ପ୍ରେରିତ ଜୋହନଦି ମାଣାନ୍ ରାସାତାମାନାତ୍ ଜୋହନ ନିଜେଦିଙ୍ଗ୍‌ ରାସ୍‌ତି ଇସାପ୍‍ତାନ୍ ପରିଚୟ ସିଏନ୍, ମାତର ପ୍ରାର୍ତୁମ୍‌ ଅଧାୟତୁ ୱାନ୍ କ୍ରିସ୍ତଦି ଜିବନ୍‍ତି ମାରି ନିଙ୍ଗିଁନି ମାଣାନ୍‌ ୱାନ୍ ଚାକ୍ଷୁଷ ସାକି ମାନାନ୍ ଇଜି ନେସ୍‌ତେଙ୍ଗ୍‌ ଆଟ୍‍ନିକା \xt ୧:୧-୩\xt* । ୧ ଜୋହନ ରାସାତି ଗୁଣ୍‌ ଜୋହନ ରାସ୍‍ତି ଆକୁଦି ସୁସମାଚାର୍‌ ଗୁଣ୍‌ଦି ରାସ୍‍ତି ବିସୟ୍‌ ୱିଜୁ ବେସି ଡାଗୁରୁ ତୋରିଜିନାତ୍ । ତେନିଙ୍ଗ୍‌ ବିସ୍‍ବାସ୍ କିନାର୍ ଜେ ଏସ୍ତିୱାଲେ ୱାନ୍ ଏପିସିଦୁ ମାରାନ୍ ୱାନ୍ ଜୋହନ ରାସ୍‍ତି ସୁସମାଚାର୍ ମାରି ଜୋହନତି ମୁଣ୍ତ୍ରି ପୁସ୍ତକ ରାସାତ୍ ମାରାନ୍ ମାରି ୧ ଜୋହନ, ୨ ଜୋହନ, ୩ ଜୋହନ ।
\ip ବୁଦ୍ଧି ଇନ୍‍ଜିମାନି ଏସଲୋକା ମାଡ଼ାନ୍ ମଣ୍ତଲିଦି ସମସ୍ୟା ସାମ୍‍ନାଆଜିମାରି ବେଡ଼ାଦୁ ଜୋହନ ୱିଜୁ କ୍ରିସ୍ଟିୟାନ୍‌ ଲୋକାଙ୍ଗ୍‌ ଇୟା ଆକୁ ରାସ୍‍ତାମାନାନ୍ । ୱାର୍‌ ବିସ୍‍ବାସ୍ କିନାର୍ ଯେ ଜିସୁ ସତ୍‍ତାନ୍ ସତ୍ ମାପୁରୁ ନେ ମାତର ଦେସ୍‍ତୁ ମାରି ବେଡ଼ାଦୁ ୱାନ୍ ନେତେର୍ ମେନ୍ଧଲ୍‍ ଆସ୍‍ତି ଲୋକୁ ଆଏନ୍ । ଜୋହନ ଜିସୁ କ୍ରିସ୍ତଦି ସାକିଦାନ୍ ସାକି ମାରି ୱାନି କିୟୁ ଜିସୁଙ୍ଗୁଁ ମୁଟ୍‌ତି ମାରିଙ୍ଗ୍‌ ୱାନ୍ ଇକା ରାସ୍‍ତାନ୍ \xt ୧:୧-୩\xt* ଜୋହନ ଇୟା ଆକୁ ରାସ୍‍ନି ବିସୟ୍‌ ଆଜିନାତ୍ ୱାନ୍ ୱେଡ଼ିକା କିନିକା \xt ୧ ଜୋହନ ୪:୧\xt* ମାରି ବିସ୍‍ବାସ୍‍ରିଙ୍ଗ୍‌ ପାପ୍‌ତାନ୍ ଆକ ଇଡ୍‌ଦେଙ୍ଗ୍‌ ୧ ଜୋହନ \xt ୨:୧\xt* ମାରି ମିଚ୍ ସାକ୍ୟଦାନ୍ ବିସ୍‍ବାସ୍‍ରିଙ୍ଗ୍‌ ରକ୍‌ୟା କିଦେଙ୍ଗ୍‌ ୧ ଜୋହନ \xt ୨:୨୬\xt* ମାରି ବିସ୍‍ବାସ୍‍ରିଙ୍ଗ୍‌ ରକ୍‌ୟା କିଜି ଟିକ୍ କିଦେଙ୍ଗ୍‌ \xt ୫:୧୩\xt* ।
\iot ଇୟା ଆକୁଦୁ ମାନି ମୁକିୟ ବିସୟ
\io1 ୧ ଜୋହନ ୱାନି ଆକୁଦି ବିସୟତିୱାଲେ ରାସାତି ଉଦେସ୍‍ ରାସ୍‍ନାନ୍‍ । \ior ୧:୧-୪\ior*
\io1 ୨. ମାପୁରୁ ଏଣ୍ତେସ୍‍ ଜାୟ୍‌ ଆନାନ୍‍ ବୁଜାକିଜି ଜିସୁଦି ୱାଜା ଜିଦେଙ୍ଗ୍‌ ଇନାନ୍‌ । \ior ୧:୫–୩:୧୦ \ior*
\io1 ୩. ମାପୁରୁଙ୍ଗୁଁ ଜିବନ୍‌ନୋନି ବିସୟ୍‍ତାନ୍‍ ମାଙ୍ଗିଁ ମନ୍‍ତୁ ଅଡ଼୍‍ବିସ୍‍ନା ସିନାନ୍ । \ior ୩:୧୧–୫:୧୨ \ior*
\io1 ୪. ୱାନ୍‍ ୱାନି ରାସ୍‍ନିକା ୱିସ୍‍ନାନ୍‍ । \ior ୫:୧୩-୨୧\ior*
\c 1
\s ଜିବନ୍‌ତି ବାକ୍ୟ
\p
\v 1 \x + \xo ୧:୧ \xo*\xt ଜୋହନ ୧:୧.\xt*\x*ପୁର୍ବେକାଡ଼ାଦାନ୍‍ ଏନ୍‌ ମାର୍ହାନ୍‌, ଆୟା ଜିବନ୍‌ସିନି ବାକ୍ୟ ବିସ୍‌ୟତାନ୍‌ ମାପୁ ରାସ୍‌ତେଙ୍ଗ୍‌ ସୋଲ୍‌ସିନାପ୍ । ୱାନି ବାକ୍ୟ ମାଡୁ ୱେର୍‌ଇମାନିକା, ନିଜେଦି କାଣ୍‌କାଣୁକୁ ସୁଡ଼ୁତାମାନାପ୍‌, ଆମାୱାନିଙ୍ଗ୍‌ ସୁଡ଼ୁତାମାନାପ୍‌ ମାରି ନିଜେଦିକିୟୁଦାନ୍‌ ମୁଟ୍‌ତାମାନାପ୍‌ । 
\v 2 \x + \xo ୧:୨ \xo*\xt ଜୋହନ ୧:୧୪.\xt*\x*ଜିବନ୍‌ମାନି ଆୟା ବାକ୍ୟ ଏସ୍ତିୱାଲେ ତରାଇଆତାତ୍‌, ମାପୁ ୱାନିଙ୍ଗ୍‌ ସୁଡୁତାମାନାପ୍ ଆଦେଙ୍ଗ୍‌ ୱାନି ବିସୟତାନ୍ ଇୟା ମାଟା ସାକ୍ୟ, ଏସାଙ୍ଗ୍‌ ୱିଜ୍ଇ ମାଟା ୱେର୍‍ତାମାନାପ୍‌; ଯେ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ୱାଜା ୱାନ୍‌ ବୁବା ୱାଲେ ୱିଜୁଦିନ୍ ମାର୍ହାନ୍‌ ମାରି ୱାନ୍ ମା ଲାକୁତୁ ତରିତାମାନାନ୍, ୱାନି ବିସୟ୍‌ତାନ୍‌ ମାପୁ ଇୟା ମାଟା ୱେର୍‌ସିନାପ୍‌ । 
\v 3 ଆମାକା ମାପୁ ସୁଡ଼ୁତାମାନାପ୍‌ ମାରି ୱେରିମାନିକା, କେବଲ୍‌ ଆୟା ମାଟା ମି ଲାକ୍‌ତୁ ୱେର୍‌ସିଇଜିନାପ୍‌, ଇକା ୱେନ୍‌ଜି ବୁବା ମାପୁରୁ ମାରି ୱାନି ମାରିସି ଜିସୁ କ୍ରିସ୍ତଦି ୱାଲେ ମା ଆମା ସହବାଗିତା ମାନାତ୍‌, ଆବେନୁ ମିରୁ ମିସାନିଦେର୍‌, 
\v 4 ମାରି ମା ୱେଡ଼ିକା ଏଣ୍ତେସ୍‌ ପୁରାବର୍ତି ଆନାତ୍‌, ଆୟାଉଣ୍ତିଙ୍ଗ୍‌ ମାପୁ ଇୟାୱିଜୁ ରାସ୍‌ସିନାପ୍‌ ।
\s ମାପୁରୁ ଜାୟ୍‌
\p
\v 5 ମାପୁରୁଦି ମାରିନ୍‌ ଜିସୁଦିମାନୁ ଆମା କାବୁର୍‌ ୱେନ୍‍ଜି ୱେର୍‌ସିନାପ୍‌ ମାରି ମିଙ୍ଗିଁ ୱେର୍‌ସିନାପ୍‌, ଆକା ଆଜିନାତ୍‌ : ମାପୁରୁଦି ଜାୟ୍‌, ମାରି ୱାନିମାନୁ ଇସ୍ରିକା ଟିକାବା ସିକାଟି ସିଲେତ୍‌ । 
\v 6 ୱାନି ୱାଲେ ମା ସହବାଗିତା ମାନାତ୍‌, ଇକା ଇନ୍‌ଞ୍ଜି ଜଦି ମାଡୁ ସିକାଟିଦି ମାନିକା, ଆର୍‌ତିଙ୍ଗ୍‌ ମାଟାଦୁ ମାରି ପାଣିଦୁ ମାଡୁ ମିଚ୍‌ଆନିକା । ମାରି ସତ୍‍ ବ୍ୟବ୍‌ହାର୍‌ କିଏପ୍‌ ମାନାପ୍‌ । 
\v 7 ମାତର୍‌ ମାପୁରୁଦି ୱାଜା ମାଡ଼ୁ ଜଦି ଜାୟ୍‌ତୁ ବାସାନିକାନ୍‌, ମାଡୁ ଆୟାୱାଜା ଜାୟ୍‌ତୁ ବାସାନିକା, ଆର୍‌ତିଙ୍ଗ୍‌ ମା ନିଜେନିଜେଦିଙ୍ଗ୍‌ ସହବାଗିତା ମାନାତ୍‌, ମାରି ୱାନି ମାରିସି ଜିସୁଦି ନେତେର୍‌ ୱିଜୁ ପାପ୍‌ତାନ୍‌ ନରିସ୍ କିନାତ୍‌ ।
\p
\v 8 ମାଡ଼ୁ ଜଦି ପାପ୍‌ ସିଲେତ୍‌, ଇଜି ଇନିକା, ଆର୍‌ତିଙ୍ଗ୍‌ ନିଜେନିଜେଦିଙ୍ଗ୍‌ ଟକେ କିନିକା, ମାରି ମାମାନୁ ଅଡ଼ପ୍‌ବା ସତ୍‌ ସିଲେତ୍‌ । 
\v 9 ମାତର୍‌ ମାପୁରୁଦି ଲାକ୍‌ତୁ ଜଦି ନିଜେଦି ପାପ୍‌ ମାନାନିକା, ୱାନି ପାର୍‌ମାଣ୍‌ତି ଇସାବ୍‌ତାନ୍‌ ମା ଉଣ୍ତିଙ୍ଗ୍‌ ନ୍ୟାୟ୍‌ତି ବ୍ୟବ୍‌ହାର୍‌ କିନାନ୍‌, ୱାନ୍‌ ମା ପାପ୍‌ କେମା କିଜି ୱିଜୁ ଅଦାର୍ମୁଦାନ୍‌ ମାଙ୍ଗିଁ ନରିସ୍ କିଦେଙ୍ଗ୍‌ ବିସ୍‌ବାସ୍‌ ନି ନ୍ୟାୟ୍‌ତିକାନ୍‌ । 
\v 10 ମାପୁ ପାପ୍‌ କିଏପ୍‌, ଇକା ଜଦି ଇନିକା, ଆର୍‌ତିଙ୍ଗ୍‌ ମାଡୁ ମାପୁରୁଙ୍ଗୁଁ ମିଚ୍‌ୱେର୍‌ନିକାନ୍‌, ମାରି ୱାନି ବାକ୍ୟ ମା ମୋନ୍‌ତୁ ସିଲେତ୍‌ ।
\c 2
\s ରକିୟାକିନି ଜିସୁ
\p
\v 1 ଏ ନା କଡ଼ର୍‌, ମିଙ୍ଗିଁ ନାନୁ ଇୟା ସିଟି ରାସ୍‌ନି ବିଷୟ, ଇକା ପଡ଼ାଜି ଏଣ୍ତେସ୍‌ମାରି ପାପ୍‌ କିଇଦେର୍‌ । ମାରି ମିର୍‌ ଏଣ୍ତେସ୍‌ ନେସ୍‌ନିଦେର୍‌, ଏନ୍‌ ଜଦି ପାପ୍‌ କିନାନ୍‌, ମା ଉଣ୍ତିଙ୍ଗ୍ ବୁବା ମାପୁରୁଦି ଲାକ୍‌ତୁ ମା ଅରେନ୍‌ ପେରି ଲୋକ୍‌ ମାନାନ୍‌ ଆୟା ଦାର୍ମୁଦି ଜିସୁ କ୍ରିସ୍ତ । 
\v 2 ମାରି ଆୟା କ୍ରିସ୍ତ ନିଜେ ମା ପାପ୍‌ ଉଣ୍ତିଙ୍ଗ୍‌, କେବଲ୍‌ ମା ପାପ୍‌ ଉଣ୍ତିଙ୍ଗ୍‌ ସିଲେ, ମାତର୍‌ ସାରାଦୁନିଆଦି ପାପ୍‌ ଉଣ୍ତିଙ୍ଗ୍‌ ବା ଜିବନ୍‌ ସିତାମାନାନ୍‌ ।
\p
\v 3 ଜଦି ମାପୁ ୱାନି ମାଟା ମାନାନାପ୍‌, ଆର୍‌ତିଙ୍ଗ୍‌ ଆୟାମାଣୁକୁ ନେସ୍‌ତେଙ୍ଗ୍‌ ଆଟ୍‌ନାପ୍‌ ଜେ, ମାପୁ ୱାନିଙ୍ଗ୍‌ ନେସ୍‌ନାପ୍‌ । 
\v 4 ୱାନି ମାଟା ମାନାଏଣ୍‌ଗା ୱାନିଙ୍ଗ୍‌ ନେସ୍‌ତାମାନା ଇଜି ଏନ୍‌ ଇନ୍‌ନାନ୍‌, ୱାନ୍‌ ଅରେନ୍‌ ମିଚ୍‌ୱେର୍‌ନିକାନ୍‌ ମାରି ୱାନିମାନୁ ସତ୍‌ ସିଲେତ୍‌ । 
\v 5 ମାତର୍‌ ଏନ୍‌ ୱାନି ବାକ୍ୟ ମାନାନାନ୍‌, ୱାନିମାନୁ ମାପୁରୁଦି ଜିବନ୍‌ନୋନିକା ସତ୍‌ତାନ୍‌ ପୁରା ଆତାମାନାତ୍‌ । ଆୟାମାଣୁକୁ ମାପୁ ନେସ୍‌ନାପ୍‌ ଜେ, ମାପୁ ୱାନିମାନୁ ମାନାପ୍‌ । 
\v 6 ଏନ୍‌ ମାପୁରୁଦି ମାନୁ ମାନା ଇଜି ଇନାନ୍‌, ୱାନ୍‌ କ୍ରିସ୍ତ ଜିସୁଦି ୱାଜା ଜିବନ୍‌ ଯାପନ କିନିକା ମାନାତ୍‌ ।
\s ପୁନି ମାଟା
\p
\v 7 \x + \xo ୨:୭ \xo*\xt ଜୋହନ ୧୩:୩୪.\xt*\x*ଏ ନା ତଡ଼୍‍କୁ, ନାନୁ ମି ଲାକ୍‌ତୁ ଆମା ପୁନି ମାଟା ରାସ୍‌ଏ, ମାତର୍‌ ଆଗ୍‌ଡ଼ିରାନ୍‌ ଆମା ପାଡ଼ିଇ ମାଟା ମିର୍‌ ନେସ୍‌ତିମାନିଦେର୍‌, ଆକା ରାସ୍‌ସିନା; ମାପୁ ପ୍ରଚାର୍‍ କିଜିମାନି କାବୁର୍‌ତୁ ଆୟା ମାଟା ୱେର୍‌ଇମାନିଦେର୍‌ । 
\v 8 ମାତର, ନାନୁ ପୁନି ମାଟା ମି ଲାକ୍‌ତୁ ରାସ୍‌ସିନା, ଇକା କ୍ରିସ୍ତଦିମାନୁ ନି ମିମାନୁ ସତ୍‌ ଇଜି ୱେଙ୍ଗେନାତ୍‌ । ଇରିଙ୍ଗ୍‌ ସିକାଟି ଗୁସାଜିସୋଲ୍‌ସିନାତ୍‌ ମାରି ସତ୍‌ତି ଜାୟ୍‌ ଇଲେ ତରିତାତ୍‌ନି ।
\p
\v 9 ଜଦି ଏନ୍‌ ନିଜେଦି ତଡ଼ାନ୍‌ତିଙ୍ଗ୍‌ କାଡ଼ାଜି ଇନାନ୍‌ ଜେ, ୱାନ୍‌ ଜାୟ୍‌ତୁ ମାନାନ୍‌, ୱାନ୍‌ ଇୟାସାନ୍ଧିବା ସିକାଟିଦୁ ମାନାନ୍‌ । 
\v 10 ଏନ୍‌ ନିଜେଦି ତଡ଼ାନ୍‌ତିଙ୍ଗ୍‌ ଜିବନ୍‌ନୋନାନ୍‌, ୱାନ୍‌ ଜାୟ୍‌ତୁ ତେବାନାନ୍‌, ମାରି ୱାନିମାନୁ ତାକାନି ଇନି ପାଣି ସିଲେତ୍‌ । 
\v 11 ମାତର୍‌ ଏନ୍‌ ନିଜେଦି ତଡ଼ାନ୍‌ତିଙ୍ଗ୍‌ କାଡ଼ାନାନ୍‌, ୱାନ୍‌ ସିକାଟିଦୁ ମାନାନ୍‌, ମାରି ସିକାଟିଦୁ ବୁଲାଜି ଆମା ତରିନ୍‌ ସୋଲ୍‌ସିନାନ୍‌, ଆକା ନେସ୍‌ଏନ୍‌, ଇରିଙ୍ଗ୍‌ ସିକାଟି ୱାନି କାଣା କିତାମାନାତ୍‌ ।
\p
\v 12 ଏ କଡ଼ର୍, ନାନୁ ମି ଲାକ୍‌ତୁ ରାସ୍‌ସିନା, ଇରିଙ୍ଗ୍‌ କ୍ରିସ୍ତଦି ଦର୍‌ତି ଉଣ୍ତିଙ୍ଗ୍‌ ମି ପାପ୍‌ କେମା ଆତାମାନାତ୍‌ । 
\v 13 ଏ ବୁବାର୍‌, ନାନୁ ମି ଲାକ୍‌ତୁ ରାସ୍‌ସିନା, ଇରିଙ୍ଗ୍‌ ଏନ୍‌ ପୁର୍ବେକାଡ଼ାଦାନ୍‌ ମାନାର୍‌, ୱାନିଙ୍ଗ୍‌ ମିରୁ ନେସ୍‌ତିମାନିଦେର୍‌ । ଏ ମୁର୍‌କଡ଼ର୍‌, ନାନୁ ମି ଲାକ୍‌ତୁ ବା ରାସ୍‌ସିନା, ଇରିଙ୍ଗ୍‌ ମିରୁ ପାପ୍‌ ଆତ୍ମାଦିଙ୍ଗ୍‌ ଜିଣାତି ମାନିଦେର୍‌ ।
\p
\v 14 ଏ କଡ଼ର୍‌, ନାନୁ ମି ଲାକ୍‌ତୁ ରାସ୍‌ସିନା, ଇରିଙ୍ଗ୍‌ ମିରୁ ବୁବେଙ୍ଗ୍‌ ନେସ୍‌ତିମାନିଦେର୍‌ । ଏ ବୁବାର୍‌, ନାନୁ ମି ଲାକ୍‌ତୁ ରାସ୍‌ସିନା, ଇରିଙ୍ଗ୍‌ ଏନ୍‌ ପୁର୍ବେକାଡ଼ାଦାନ୍‌ ମାନାନ୍‌, ମିରୁ ୱାନିଙ୍ଗ୍‌ ନେସ୍‌ତିମାନିଦେର୍‌ । ଏ ମୁର୍‌କଡ଼ର୍‌, ନାନୁ ମି ଲାକ୍‌ତୁ ବା ରାସ୍‌ସିନା, ଇରିଙ୍ଗ୍‌ ମିରୁ ସାକ୍ତିମାନିଦେର୍‌, ମାରି ମାପୁରୁଦି ବାକ୍ୟ ମିମାନୁ ମାନାତ୍‌ ମାରି ମିରୁ ପାପ୍‌ତିଙ୍ଗ୍‍ ଜିଣାତି ମାନିଦେର୍‌ ।
\ms ଦୁନିଆଦିଙ୍ଗ୍ ଜିବନ୍‌ନୋମାଟ୍
\p
\v 15 ଇୟା ଦୁନିଆ ମାରି ଆବେନୁ ମାନି ବିସୟ୍‌ତିଙ୍ଗ୍‌ ୱିଜୁ ଜିବନ୍‌ନୋମାଟ୍, ଜଦି ମିରୁ ଜଗତ୍‌ତିଙ୍ଗ୍‌ ଜିବନ୍‍ନୋନିଦେର୍‍, ବୁବାଦି ଉଣ୍ତିଙ୍ଗ୍‌ ଜିବନ୍‌ନୋନିକା ମିଙ୍ଗିଁ ସିଲେତ୍‌ । 
\v 16 ଇୟା ଜଗତ୍‌ତି ଆମାୱିଜୁ ମେନ୍ଦଲ୍‌ ବିସୟ୍‌ ୱେଡ଼ିକା କିଦେଙ୍ଗ୍‌ ଲୋକୁ ଆସାଆନାର୍‌, ଲୋକୁ ଆମାୱିଜୁ ସୁନ୍ଦର୍‌ତି ବିସୟ୍‌ ସୁଡ଼ୁଜି ଆସାୟ୍‌ ଆନାର୍‌ ମାରି ଆମା ୱିଜୁ ଦୁନିଆଦି ବିସୟ୍‌ ଅସି ଲୋକୁ ଗର୍ବ କିନାର୍‌, ଆକା ୱିଜୁ ବିସୟ୍‌ ବୁବାଦିମାଣୁକୁ ସିଲେ, ମାତର୍‌ ଦୁନିଆଦାନ୍‌ ୱାତା ମାନାତ୍‌ । 
\v 17 ଲୋକୁ ଜଗତ୍‌ ମାରି ୱାନି ଆମା ୱିଜୁ ବିସୟ୍‌ ପାଣି କିନାନ୍‌, ୱାନ୍‌ ସାନିକା ଗଟାନାତ୍‌, ମାତର୍‌ ଏନ୍‌ ମାପୁରୁଦି ବଦା ମାନାନାନ୍‌, ୱାନ୍‌ ୱିଜୁଦିନ୍‌ତିକାନ୍‌ ।
\s କ୍ରିସ୍ତଦି ସାତ୍ରୁ
\p
\v 18 ଏ କଡ଼ର୍‌, ସାରାସାରି ଦିନ୍‌ ଇଗା ୱାତାତ୍‌ନି, କ୍ରିସ୍ତଦି ସାତ୍ରୁ ୱାନାନ୍‌ ଇଜି ମିରୁ ୱେର୍‌ଇମାନିଦେର୍‌, ଆୟାୱାଜା କ୍ରିସ୍ତଦି ଗାଦିଲୋକ୍‌ ସାତ୍ରୁରୁ ଇଲେଇ ତରିତାର୍‌ନି; ଇୟାଉଣ୍ତିଙ୍ଗ୍‌ ମାପୁ ନେସ୍‌ସିନାପ୍‌ ଜେ, ସାରାସାରି ଦିନ୍‌ ଇଗା ୱାତାତ୍‌ନି । 
\v 19 ଇୟାକାର୍‌ ସତ୍‌ତାନ୍‌ ମା ଦଲ୍‌ତି ଲୋକୁ ଆଏର୍‌, ଆୟାଉଣ୍ତିଙ୍ଗ୍‌ ୱାର୍‌ ମା ଲୋଇରାନ୍‌ ସତାସର୍ହାର୍‌, ମା ଲୋକୁ ଆତିମାରିଙ୍ଗ୍‌, ଆର୍‌ତିଙ୍ଗ୍‌ ୱାର୍‌ ମା ୱାଲେ ତେବାତାର୍‌ ମାନ୍ଧି, ମାତର୍‌ ୱାର୍‌ ମା ଦଲ୍‌ତିକାର୍‌ ଆଏର୍‌ ଇଜି ଇକା ଏଣ୍ତେସ୍‌ ୱେଙ୍ଗ୍‌ନାତ୍‌, ଇୟାଉଣ୍ତିଙ୍ଗ୍‌ ୱାର୍‌ ଆକ ସର୍ହାର୍‌ ।
\p
\v 20 ମାତର୍‌ ମିରୁ କ୍ରିସ୍ତଦି ଦୟାଦାନ୍‌ ପବିତ୍ରଆତ୍ମାଦି ମାଣୁକୁ ସାକା ଆତିମାନିଦେର୍‌; ମିରୁ ୱିଜିଦେର୍‌ ସତ୍‌ ଇନିକା ନେସ୍‌ତିମାନିଦେର୍‌ । 
\v 21 ମିରୁ ସତ୍‌ ନେସ୍‌ଇତି ମାନିଙ୍ଗ୍‌ ନାନ୍‌ ଜେ ମି ଲାକ୍‌ତୁ ରାସ୍‌ସିନା, ଆକା ସିଲେ; ମାତର୍‌ ମିରୁ ସତ୍‌ ନେସ୍‌ତିମାନିଙ୍ଗ୍‌ ମାରି ଆମା ମିଚ୍‌ ମାଟା ସତ୍‌ତାନ୍‌ ସଏତ୍‌ ଇଜି ନେସ୍‌ତିମାନିଙ୍ଗ୍‌ ନାନୁ ମି ଲାକ୍‌ତୁ ରାସ୍‌ସିନା ।
\p
\v 22 ଆର୍‌ତିଙ୍ଗ୍‌ ମିଚ୍‌ୱେର୍‌ନିକାନ୍‌ ଏନ୍‌ ? ଜିସୁଙ୍ଗୁଁ ରକ୍‌ୟାକର୍ତ୍ତା କ୍ରିସ୍ତ ଇଜି ଏନ୍‌ ମାନାଏନ୍‌, ମାରି ୱାନ୍‌ କ୍ରିସ୍ତଦି ସାତ୍ରୁ ବୁବା ମାରି ୱାନି ମାରିନ୍‌ତିଙ୍ଗ୍‌, ରିଏରିଙ୍ଗ୍‌ବା ୱାନ୍‌ ଡ଼ିସ୍‌ନାନ୍‌ । 
\v 23 ଏନ୍‌ ମାରିସିଙ୍ଗ୍‌ ଡ଼ିସ୍‌ନାନ୍‌, ୱାନ୍‌ ବୁବେଙ୍ଗ୍‌ ବା ଡ଼ିସ୍‌ନାନ୍‌; ଏନ୍‌ ମାରିସିଙ୍ଗ୍‌ ମାନାନାନ୍‌, ୱାନ୍‌ ବୁବେଙ୍ଗ୍‌ ବା ମାନାତା ମାନାନ୍‌ ।
\p
\v 24 ମାରି, ମିରୁ ଆରାମ୍‌ତାନ୍‌ ଆମା କାବୁର୍‌ ୱେର୍‌ଇମାନିଦେର୍‌, ଆକା ମିମାନୁ ତେବାପିତ୍‌ । ମିରୁ ଆରାମ୍‌ତାନ୍‌ ଆମା କାବୁର୍‌ ୱେର୍‌ଇମାନିଦେର୍‌, ଆକା ଜଦି ମିମାନୁ ତେବାନାତ୍‌, ଆର୍‌ତିଙ୍ଗ୍‌ ମିରୁ ବା ମାରିନ୍‌ ନି ବୁବାଦିମାନୁ ତେବାନି । 
\v 25 ମାରି କ୍ରିସ୍ତ ମାଙ୍ଗିଁ ଆମାକା ପାର୍‌ମାଣ୍‌ କିତାମାନାନ୍‌, ଆକାନେ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ।
\p
\v 26 ଆମାକାର୍‌ ମିଙ୍ଗିଁ ତିଲିସ୍‌ କିଦେଙ୍ଗ୍‌ ସେସ୍ଟା କିଜିନାର୍‌, ୱାରି ବିସୟ୍‌ତାନ୍‌ ନାନୁ ମି ଲାକ୍‌ତୁ ଇୟାୱିଜୁ ରାସ୍‌ସିନା । 
\v 27 ମାତର୍‌ ମିଙ୍ଗିଁ କ୍ରିସ୍ତ ଜିସୁ ୱାନି ପବିତ୍ରଆତ୍ମାଦୁ ପୁରାବର୍ତି ଇଟ୍‌ତାମାନାନ୍‌, ଆମା ସାନ୍ଧି ଇୟା ପବିତ୍ରଆତ୍ମା ମିମାନୁ ମାନାତ୍‌, ମାରି ଏନ୍‌ଆପିନ୍‌ ମିଙ୍ଗିଁ ସିକ୍‌ୟା ସିନାନ୍‌, ଇକା ମିଙ୍ଗିଁ ଦର୍‌କାର୍‌ ସିଲେତ୍‌ । ପବିତ୍ରଆତ୍ମା ମିଙ୍ଗିଁ ୱିଜୁ ବିସୟ୍‌ତାନ୍‌ ଆମା ସିକ୍‌ୟା ସିନାତ୍‌, ଆକା ସତ୍‌, ମିଚ୍‌ ସିଲେ । ଆୟା ଆତ୍ମାଦି ସିକ୍‌ୟା ମାନାଜି କ୍ରିସ୍ତଦି ୱାଲେ ମିସାଜି ତେବାଦୁ ।
\p
\v 28 ମାରି, ଏ କଡ଼ର୍‌, ୱାନିମାନୁ ତେବାଦୁ, ଏଣ୍ତେସ୍‌ ୱାନ୍‌ ଏସ୍ତିୱାଲେ ତରାନାନ୍‌, ନାସ୍ତିୱାଲେ ୱାନି ୱାନିଦିନ୍‌ତି ବେଡ଼ାଦୁ ୱାନି ଆଗ୍‌ଡ଼ି ମାଡୁ ସେମାର୍‌ ଆଏଣ୍‌ଗା ସାହାସ୍‌ ପୟ୍‌ନିକା । 
\v 29 ମାଡୁ ନେସ୍‌ନିଦେର୍‌, କ୍ରିସ୍ତ ପୁରା ନ୍ୟାୟ୍‌କିନିକାନ୍‌ । ମାରି ଇକାବା ନେସ୍‌ନି ମାନିକା ମାନାତ୍‌ ଜେ, ଆମାକାର୍‌ ସତ୍‌ପାଣି କିନାର୍‌, ୱାର୍‌ ନେ ମାପୁରୁଦି କଡ଼ ।
\c 3
\s ମାପୁରୁଦି କଡ଼ର୍
\p
\v 1 \x + \xo ୩:୧ \xo*\xt ଜୋହନ ୧:୧୨.\xt*\x*ସୁଡ଼ୁଦୁ, ବୁବା ମାଙ୍ଗିଁ ଏସା ଜିବନ୍‌ନୋନାନ୍‌, ମା ଉଣ୍ତିଙ୍ଗ୍‌ ୱାନି ଜିବନ୍‌ନୋନିକା ନିସା ନାଣ୍ତ ଜେ, ମାଡୁ ମାପୁରୁଦି ୱାଜା ଦର୍‌ଆତି ମାନିକା । ସତ୍‌ତାନ୍‌ ମାଡୁ ୱାନି କଡ଼ର୍‌ ଆୟାଉଣ୍ତିଙ୍ଗ୍‌ ଜଗତ୍‌ ମାପୁରୁଙ୍ଗୁଁ ନେସ୍‌ଇତିମାନିଙ୍ଗ୍‌, ମାଙ୍ଗିଁ ବା ସିନେ କିଦେଙ୍ଗ୍‌ ଆଟ୍‌ଏତ୍‌ । 
\v 2 ଏ ନା ତଡ଼୍‍କୁ, ଇଲେଇ ମାଡୁ ମାପୁରୁଦି କଡ଼ର୍‌, ମାତର୍‌ ୱାଜିନିକାଡ଼ାଦୁ ମାଡୁ ଇନିକା ଆନିକା, ଆକା ଇୟାସାନ୍ଧି ୱେଙ୍ଗେଏତ୍‌ । ନିସନେ ମାତ୍ର ମାଡୁ ନେସ୍‌ନିକା ଜେ, କ୍ରିସ୍ତ ଏସ୍ତିୱାଲେ ତରାୟ୍‌ଆନାନ୍‌, ନାସ୍ତିୱାଲେ ମାଡୁ ୱାନି ୱାଜା ଆନାଟ୍‌, ଇରିଙ୍ଗ୍‌ ୱାନ୍‌ ଏଣ୍ତେସ୍‌, ମାଡୁ ଆୟାୱାଜା ୱାନିଙ୍ଗ୍‌ ସୁଡ଼ୁନାଟ୍‌ । 
\v 3 ମାରି ଆମାକାର୍‌ କ୍ରିସ୍ତଦିମାନୁ ଇୟା ଆସା ତିଆର୍‌ କିତାମାନାର୍‌, ୱାର୍‌ କ୍ରିସ୍ତଦି ୱାଜା ନିଜେଦିଙ୍ଗ୍‌ ପବିତ୍ର କିଜି ଇଡ୍‌ନାର୍‌ ।
\p
\v 4 ଏନ୍‌ଆପିନ୍‌ ପାପ୍‌ କିନାନ୍‌, ୱାନ୍‌ ମାପୁରୁଦି ନିୟମ୍‌ ମାନାଏନ୍‌, ଇରିଙ୍ଗ୍‌ ପାପ୍‌ତି ଅରତ୍‌ ଆଜିନାତ୍‌ ମାଟାଦିଙ୍ଗ୍‌ ମାନାଇକା । 
\v 5 \x + \xo ୩:୫ \xo*\xt ଜୋହନ ୧:୨୯.\xt*\x*ମାରି ମିର୍‌ ନେସ୍‌ନିଦେର୍‌ ଜେ, କ୍ରିସ୍ତ ପାପ୍‌ ଅତେଙ୍ଗ୍‌ ଇଜି ୱାତା ମାର୍‌ର୍ହାନ୍‌, ମାରି ୱାନିମାନୁ ପାପ୍‌ ସିଲେତ୍‌ । 
\v 6 ଏନ୍‌ କ୍ରିସ୍ତଦି ୱାଲେ ମିସାଜି ତେବାନାନ୍‌, ୱାନ୍‌ ପାପ୍‌ କିଏନ୍‌; ମାତର୍‌ ଏନ୍‌ ପାପ୍‌ କିନାନ୍‌, ୱାନ୍‌ କ୍ରିସ୍ତଙ୍ଗ୍‌ ଏସ୍‌କାଙ୍ଗ୍‌ବା ସୁଡ଼ୁଏନ୍‌, ଏସ୍‌କାଙ୍ଗ୍‌ ୱାନିଙ୍ଗ୍‌ ନେସ୍‌ଏନ୍‌ ।
\p
\v 7 ଏ କଡ଼ର୍‌, ଏନ୍‌ ମିଙ୍ଗିଁ ବାୟା କିମାକିନ୍‌; ଏନ୍‌ ସତ୍‌ପାଣି କିନାନ୍‌, କ୍ରିସ୍ତ ଏଣ୍ତେସ୍‌ ଦାର୍ମୁଦିକାନ୍‌, ୱାନ୍‌ ଆୟାୱାଜା ଦାର୍ମୁଦିକାନ୍‌ । 
\v 8 ଏନ୍‌ ପାପ୍‌ କିନାନ୍‌, ୱାନ୍‌ ସୟତାନ୍‌ତି ମାଣୁକୁ ଜନମ୍‌, ଇରିଙ୍ଗ୍‌ ସୟ୍‌ତାନ୍‌ ଜଗତ୍‌ ତିଆର୍‌ଆତି ଆଗ୍‌ଡ଼ିରାନ୍‌ନେ ପାପ୍‌ କିଜିୱାଜିନାତ୍‌ । ଆୟା ସୟ୍‌ତାନ୍‌ତି ପାଣିଦିଙ୍ଗ୍‌ ଦ୍ୱଂସ କିନି ଉଣ୍ତିଙ୍ଗ୍‌ ମାପୁରୁଦି ମାରିନ୍‌ ୱାତାନ୍‌ ।
\p
\v 9 ଏନ୍‌ ମାପୁରୁଦିମାଣୁକୁ ଜନମ୍‌, ୱାନ୍‌ ପାପ୍‌ କିଏନ୍‌, ଇରିଙ୍ଗ୍‌ ମାପୁରୁଦି ୱିତୁ ୱାନିମାନୁ ମାନାତ୍‌, ମାରି ମାପୁରୁ ୱାନି ବୁବା, ୱାନ୍‌ ପାପ୍‌ କିଦେଙ୍ଗ୍‌ ଆଟ୍‌ଏନ୍‌ । 
\v 10 ଇବେନୁ ଏନ୍‌ ମାପୁରୁଦି ମାରିନ୍‌ ମାରି ଏନ୍‌ ସୟତାନ୍‌ଦି ମାରିନ୍‌, ଇକା ତରାୟ୍‌ଆନାତ୍‌ : ଏନ୍‌ ସତ୍‍ପାଣି କିଏନ୍‌, ମାରି ନିଜେଦି ତଡ଼ାନ୍‌ତିଙ୍ଗ୍‌ ଜିବନ୍‌ନୋଏନ୍‌, ୱାନ୍‌ ମାପୁରୁଦି ମାରିନ୍‌ ଆଏନ୍‌ ।
\s ଅରେନ୍‌ ଆଇୱାନିଙ୍ଗ୍‍ ଜିବନ୍‍ନୋଦୁ
\p
\v 11 \x + \xo ୩:୧୧ \xo*\xt ଜୋହନ ୧୩:୩୪.\xt*\x*ଅରେନ୍‌ ଆଇୱାନିଙ୍ଗ୍‍ ଜିବନ୍‌ନୋନିକା ମାନାତ୍‌, ଇୟା ମାଟା ମିର୍‌ ପୁର୍ବେଦାନ୍‌ ୱେର୍‌ଇମାନିଦେର୍‌ । 
\v 12 ପାପ୍‌ଆତ୍ମାଦି ମାରିନ୍‌ ଜେ କୟିନ, ୱାନି ୱାଜା ଆମାଟ୍‌, ୱାନ୍‌ ନିଜେଦି ତଡ଼ାନ୍‌ତିଙ୍ଗ୍‌ ସାୟାମାର୍‌ଗାଡାକ୍‌ତାନ୍‌ । ୱାନି ତଡ଼ାନ୍‌ତିଙ୍ଗ୍‌ ୱାନ୍‌ ଏନ୍ଧା ସାୟାମାର୍‌ଗାଡାକ୍‌ତାନ୍‌ ? ୱାନି ନିଜେଦି ପାଣି ପାପ୍‌ତୁ ମାର୍ହାତ୍‌; ମାତର୍‌ ୱାନି ତଡ଼ାନ୍‌ ୱିଜୁଦିନ୍ ସତ୍‍ପାଣି କିଜିମାର୍ହାନ୍‌ ।
\p
\v 13 ମାରି, ଏ ତଡ଼ାନ୍‌କୁ ନି ତାଙ୍ଗିକ୍, ଇୟା ଜଗତ୍‌ତି ଲୋକୁ ମିଙ୍ଗିଁ ଜେ କାଡ଼ାନାର୍‌, ଇବେନୁ କାବା ଆମାଟ୍‌ । 
\v 14 \x + \xo ୩:୧୪ \xo*\xt ଜୋହନ ୫:୨୪.\xt*\x*ମାପୁ ନେସ୍‌ନାପ୍‌ ଜେ, ଇଲେଇ ମାପୁ ସାନିତାନିଙ୍ଗ୍‌ ଜିଣାଜି ଜିବନ୍‌ ପୟ୍‌ତା ମାନାପ୍‌, ଇରିଙ୍ଗ୍‌ ମାପୁ ତଡ଼ାନ୍‌କାଙ୍ଗ୍‌ ଜିବନ୍‌ନୋଜିନାପ୍‌ । ଏନ୍‌ ଜିବନ୍‌ନୋଏନ୍‌, ୱାନ୍‌ ସାନି ଅଦିକାର୍‌ତାନ୍‌ ତେବାନାନ୍‌ । 
\v 15 ଏନ୍‌ ନିଜେଦି ତଡ଼ାନ୍‌ତିଙ୍ଗ୍‌ କାଡ଼ାନାନ୍‌, ୱାନ୍‌ ଅରେନ୍‌ ନରକ୍‌ଦିକାନ୍‌; ମାରି ନରକଦୁ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ସିଲେତ୍‌, ଇକା ମିରୁ ନେସ୍‌ନିଦେର୍‌ । 
\v 16 ଜିସୁ କ୍ରିସ୍ତ ମା ଉଣ୍ତିଙ୍ଗ୍‌ ନିଜେଦି ଜିବନ୍‌ ସିତି ମାଣୁକୁ ମାଡୁ ଜିବନ୍‌ନୋନି ସିକ୍‌ୟା ପୟ୍‌ତାମାନାପ୍‌; ମାରି ତଡ଼ାନ୍‌କା ଉଣ୍ତିଙ୍ଗ୍‌ ମା ଜିବନ୍‌ ବା ସିନିକା ମାନାତ୍‌ । 
\v 17 ଜଦି ଅରେନ୍‌ ଜଗତ୍‌ଦୁ ମାଜନ୍‌ ଲୋକୁ ତଡ଼ାନ୍‌ତି କାକୁର୍ତି ସୁଡ଼ୁଜି ବା ୱାନି ଉଣ୍ତିଙ୍ଗ୍‌ ଦୟା କିଏନ୍‌, ୱାନିମାନୁ ମାପୁରୁଦି ଜିବନ୍‌ନୋନିକା ମାନାତ୍‌ ଇଜି ଏଣ୍ତେସ୍‌ ୱେର୍‌ତେଙ୍ଗ୍‌ ଆଟ୍‌ନାନ୍‌ ? 
\v 18 ଏ କଡ଼ର୍‌, ରାଦୁ, ମାଡୁ ବାକ୍ୟଦାନ୍‌ ନୋ ୱେତଲ୍‌ତାନ୍‌ ଜିବନ୍‌ନୋଏଣ୍‌ଗା, ପାଣିଦାନ୍‌ ମାରି ସତ୍‌ତାନ୍‌ ଜିବନ୍‌ନୋନିକା ।
\p
\v 19 ଆର୍‌ତିଙ୍ଗ୍‌ ମାଡୁ ନେସ୍‌ତେଙ୍ଗ୍‌ ଆଟ୍‌ନିକା ଜେ, ସତ୍‍ତାନ୍‌ ମା ତେବାନିକା ମାରି ମାଡୁ ତିଲାଇ ମୋନ୍‌ତାନ୍‌ ମାପୁରୁଦି ଲାକ୍‌ତୁ ତେବାଦେଙ୍ଗ୍‌ ଆଟ୍‌ନିକା । 
\v 20 ଜଦି ଆମାଇନି ବିସୟ୍‌ତାନ୍‌ ମା ବୁଦି ମାଙ୍ଗିଁ ଦୋସ୍‌ କିନାତ୍‌, ମାଡୁ ମନେ ଇଡିନିକା ମାନାତ୍‌, ଇରିଙ୍ଗ୍‌ ମାପୁରୁ ମା ବୁଦିଦାନ୍‌ ପେରିକାନ୍‌ ମାରି ୱାନ୍‌ ୱିଜୁ ମାଟା ନେସ୍‌ନାନ୍‌ । 
\v 21 ନା ତଡ଼୍‍କୁ, ମା ବୁଦି ଜଦି ମାଙ୍ଗିଁ ଦୋସ୍‌ କିଏତ୍‌, ଆର୍‌ତିଙ୍ଗ୍‌ ମାପୁରୁଦି ଲାକ୍‌ତୁ ମା ସାହାସ୍‌ ମାନାତ୍‌ । 
\v 22 ମାରି ୱାନିଙ୍ଗ୍‌ ମାଡୁ ଇନି ଇନିକା ଲସ୍‌ନିକା, ଆୟାୱିଜୁ ୱାନିମାଣୁକୁ ପୟ୍‌ନିକା, ଇରିଙ୍ଗ୍‌ ମାଡୁ ୱାନି ମାଟା ମାନାନିକା, ମାରି ୱାନି କାଣ୍‌କାଙ୍ଗ୍‌ ଆମାକା ନେଗିକା, ଆକା କିଜିନାପ୍ । 
\v 23 \x + \xo ୩:୨୩ \xo*\xt ଜୋହନ ୧୩:୩୪; ୧୫:୧୨,୧୭.\xt*\x*ୱାନି ମାଟା ଇକା ଜେ, ମାଡୁ ୱାନି ମାରିନ୍‌ ଜିସୁ କ୍ରିସ୍ତଦି ଦର୍‌ତାନ୍‌ ବିସ୍‌ବାସ୍‌ କିନିକା ମାରି କ୍ରିସ୍ତଦି ଆଦେସ୍‌ ଇସାବ୍‌ତାନ୍‌ ନିଜେନିଜେଦିଙ୍ଗ୍‌ ଜିବନ୍‌ନୋଜିସାନିକା । 
\v 24 ଏନ୍‌ ମାପୁରୁଦି ମାଟା ମାନାନାନ୍‌, ୱାନ୍‌ ମାପୁରୁଦି ମାଟା ଏତ୍‌ କିନାନ୍‌ : ମାପୁରୁ ୱାନିମାନୁ ତେବାନାନ୍‌ ମାରି ୱାନ୍‌ ମାପୁରୁଦିମାନୁ ତେବାନାନ୍‌, ମାରି ମାପୁରୁ ମାମାନୁ ତେବାନାନ୍‌, ଇୟା ମାଟା ମାଙ୍ଗିଁ ସିତିମାନି ୱାନି ଆତ୍ମାଦି ସାହାଜ୍ୟଦାନ୍‌ ମାଡୁ ନେସ୍‌ତେଙ୍ଗ୍‌ ଆଟ୍‌ସିନିକା ।
\c 4
\s ମାପୁରୁଦି ଆତ୍ମା ମାରି ଟକେକିନି ଆତ୍ମା
\p
\v 1 ଏ ନା ତଡ଼୍‍କୁ, ୱିଜୁ ଆତ୍ମେଆଙ୍ଗ୍‌ ବିସ୍‌ବାସ୍‌ କିମାଟ୍‌; ୱାର୍‌ ପୟ୍‌ତିମାନି ଆତ୍ମା ମାପୁରୁଦିମାଣୁକୁ ୱାତିକା ନୋ ସିଲେ, ଆଗ୍‌ଡ଼ି ୱାରିଙ୍ଗ୍‌ ପରିକା କିଜ ସୁଡ଼ୁଦୁ । ଇରିଙ୍ଗ୍‌ ଜଗତ୍‌ଦୁ ଗାଦିଲୋକ୍‌ ବଣ୍ତ୍‌ ବାବବାଦିର୍‌ ସତାମାନାର୍‌ । 
\v 2 ୱାର୍‌ ମାପୁରୁଦି ଆତ୍ମା ପୟ୍‌ତାମାନାର୍‌ ନୋ ସିଲେ, ଆକା ନେସ୍‌ନି ଉପାୟ୍‌ ଆଜିନାତ୍‌ ଆମା ଲୋକ୍‌ତିମାନୁ ମାପୁରୁଦି ଆତ୍ମା ମାନାତ୍‌, ୱାନ୍‌ ପେରି ୱେୟୁଦାନ୍‌ ମାନାନାନ୍‌ ଜେ, ଜିସୁ କ୍ରିସ୍ତ ଲୋକା ୱାଜା ୱାତା ମାର୍ହାନ୍‌ । 
\v 3 ମାତର୍‌ ଏନ୍‌ ଜିସୁଙ୍ଗୁଁ ମାନାଏନ୍‌, ୱାନ୍‌ ଏସ୍‌କାଙ୍ଗ୍‌ବା ମାପୁରୁଦି ଆତ୍ମା ପୟ୍‌ଏନ୍‌ । କ୍ରିସ୍ତଦି ସାତ୍ରୁଦି ମାଣୁକୁ ୱାନ୍‌ ଆୟା ଆତ୍ମା ପୟ୍‌ତାମାନାନ୍‌, ଆମାୱାନି ୱାନିଦିନ୍‌ତି ମାଟା ମିରୁ ୱେର୍‌ଇମାନିଦେର୍‌, ମାରି ଆକା ଇଲେଇ ଇୟା ଜଗତ୍‌ଦୁ ୱାତାମାନାତ୍‌ ।
\p
\v 4 ଏ କଡ଼ର୍‌, ମିରୁ ମାପୁରୁଦିମାଣୁକୁ ଜନମ୍‌, ମାରି ମିରୁ ଆୟା ବଣ୍ତ୍‌ ବାବବାଦିରିଙ୍ଗ୍‌ ଆରାକିତିମାନିଦେର୍‌, ଇରିଙ୍ଗ୍‌ ମି ଜିବନ୍‌ତୁ ବାସାତି ମାନି ମାପୁରୁଦି ଆତ୍ମା, ଜଗତ୍‌ଦି ଲୋକା ଆତ୍ମାଆଙ୍ଗ୍‌ ମାଣୁକୁ ନାଣ୍ତ୍‌ ସାକ୍ତି । 
\v 5 ବଣ୍ତ୍‌ ବାବବାଦିର୍‌ ଜଗତ୍‌ତାନ୍‌ ୱାତାମାନାର୍‌, ମାରି ବଣ୍ତ୍‌ ବାବବାଦିର୍‌ ଦୁନିଆଦି ମାଟା ୱେର୍‌ସି ବୁଲାଜିନାର୍‌ ମାରି ଦୁନିଆଦି ଲୋକୁ ୱାରି ମାଟା ୱେନ୍‌ଞ୍ଜିନାର୍‌ । 
\v 6 ମାତର୍‌ ମାଡୁ ମାପୁରୁଦିମାଣୁକୁ ଜନମ୍‌; ଏନ୍‌ ମାପୁରୁଦି ନେସ୍‌ନାନ୍‌, ୱାନ୍‌ ମା ମାଟା ୱେନାନ୍‌ । ଏନ୍‌ ମାପୁରୁଦିମାଣୁକୁ ଜନମ୍‌ ଆଏନ୍‌, ୱାନ୍‌ ମା ମାଟା ୱେନ୍‌ଏନ୍‌ । ଇୟାମାଣୁକୁ ମାଡୁ ସତ୍‌ତି ଆତ୍ମା ମାରି ବାୟାକିନି ଆତ୍ମାଦିଙ୍ଗ୍‌ ସିନିସ୍‌ କିଦେଙ୍ଗ୍‌ ଆଟ୍‌ନିକା ।
\s ମାପୁରୁ ଜିବନ୍‌ନୋନିକା
\p
\v 7 ଏ ନା ତଡ଼୍‍କୁ, ମାଡୁ ନିଜେନିଜେଦିଙ୍ଗ୍‌ ଜିବନ୍‌ନୋଜିସାନିକା, ଇରିଙ୍ଗ୍‌ ଜିବନ୍‌ନୋନିକା ମାପୁରୁଦିମାଣୁକୁ ୱାତାମାନାତ୍‌, ମାରି ଏନ୍‌ ଜିବନ୍‌ନୋନାନ୍‌, ୱାନ୍‌ ମାପୁରୁଦି ମାରିନ୍‌ ମାରି ୱାନ୍‌ ମାପୁରୁଙ୍ଗୁଁ ନେସ୍‌ନାନ୍‌ । 
\v 8 ଏନ୍‌ ଜିବନ୍‌ନୋଏନ୍‌, ୱାନ୍‌ ମାପୁରୁଙ୍ଗୁଁ ନେସ୍‌ଏନ୍‌, ଇରିଙ୍ଗ୍‌ ମାପୁରୁନେ ଜିବନ୍‌ନୋନିକାନ୍‌ । 
\v 9 ଇବେନୁ ମାପୁରୁଦି ଜିବନ୍‌ନୋନିକା ମା ଉଣ୍ତିଙ୍ଗ୍‌ ତର୍‌ତାମାନାନ୍‌, ମାପୁରୁ ଜେ ନିଜେଦି ମାରିନ୍‌ତିଙ୍ଗ୍‌ ଜଗତ୍‌ଦୁ ପୋକ୍‌ତାତାନ୍‌, ଏଣ୍ତେସ୍‌ ମାପ୍‌ ୱାନିମାଣୁକୁ ୱିଜୁଦିନ୍ ଜିବନ୍‌ ପୟ୍‌ନାପ୍‌ । 
\v 10 ଇକାନେ ସତ୍‌ତି ଜିବନ୍‌ନୋନିକା, ମାଡୁ ମାପୁରୁଙ୍ଗୁଁ ଜିବନ୍‌ନୋଇକା, ମାତର୍‌ ୱାନ୍‌ ମାଙ୍ଗିଁ ଜିବନ୍‌ନୋଜି, ମାରି ନିଜେଦି ମାରିନ୍‌ତିଙ୍ଗ୍‌ ମା ପାପ୍‌ତିଙ୍ଗ୍‍ ପିଣ୍ଡିନି ଅନିଉଣ୍ତିଙ୍ଗ୍‌ ପୋକ୍‌ତାତାନ୍‌ । 
\v 11 ଏ ନା ତଡ଼୍‍କୁ, ମାପୁରୁ ଜଦି ମାଙ୍ଗିଁ ଇୟାୱାଜା ଜିବନ୍‌ନୋତା ମାନାନ୍‌, ଆର୍‌ତିଙ୍ଗ୍‌ ମାଡୁ ବା ନିଜେନିଜେଦିଙ୍ଗ୍‌ ଜିବନ୍‌ନୋଜିସାନିକା ମାନାତ୍‌ । 
\v 12 \x + \xo ୪:୧୨ \xo*\xt ଜୋହନ ୧:୧୮.\xt*\x*ମାପୁରୁଙ୍ଗୁଁ ଏନ୍‌ ଏସ୍‌କାଙ୍ଗ୍‌ ସୁଡ଼ୁଏନ୍‌, ମାତର୍‌ ମାଡୁ ଜଦି ନିଜେନିଜେଦିଙ୍ଗ୍‌ ଜିବନ୍‌ନୋଜିସାନିକା, ଆର୍‌ତିଙ୍ଗ୍‌ ମାପୁରୁ ମାମାନୁ ମାନାନ୍‌ ମାରି ୱାନି ଜିବନ୍‌ନୋନିକା ମାମାନୁ ପୁରାତେବାତା ମାନାତ୍‌ । 
\v 13 ମାଡୁ ଜେ ମାପୁରୁଦିମାନୁ ମାନିକା ମାରି ୱାନ୍‌ ମାମାନୁ ମାନାନ୍‌, ଇକା ମାଡୁ ନେସ୍‌ନିକା, ଇରିଙ୍ଗ୍‌ ୱାନ୍‌ ମାଙ୍ଗିଁ ନିଜେଦି ଆତ୍ମାଦି ୱାଲେ ସିତାମାନାନ୍‌ । 
\v 14 ବୁବା ଜେ ମାରିସିଙ୍ଗ୍‌ ଜଗତ୍‌ଦି ରକିୟାକର୍ତ୍ତା ଆନି ଉଣ୍ତିଙ୍ଗ୍‌ ପୋକ୍‌ତାତା ମାନାନ୍‌, ଇକା ମାଡୁ ସୁଡ଼ୁତି ମାନିକା ମାରି ୱାନି ବିସୟ୍‌ତାନ୍‌ ଆଇୱାରିଙ୍ଗ୍‌ ସାକିୟ୍‌ ୱେର୍‌ସିନିକା । 
\v 15 ଏନ୍‌ ଜିସୁଙ୍ଗୁଁ ମାପୁରୁଦି ମାରିନ୍‌ ଇଜି ମାନାନାନ୍‌, ମାପୁରୁ ୱାନିମାନୁ ମାନାନ୍‌ ମାରି ୱାନ୍‌ ମାପୁରୁଦିମାନୁ ମାନାନ୍‌ । 
\v 16 ମାରି ମା ଉଣ୍ତିଙ୍ଗ୍‌ ମାପୁରୁଦି ଆମା ଜିବନ୍‌ନୋନିକା ମାନାତ୍‌, ଆକା ମାଡୁ ନେସ୍‌ତି ମାନିକା ମାରି ବିସ୍‌ବାସ୍‌ କିତାମାନାପ୍‌ । ମାପୁରୁନେ ଜିବନ୍‌ନୋନିକାନ୍‌ । ଆମାୱାନି ଜିବନ୍‌ତୁ ଜିବନ୍‌ନୋନିକା ପୁରା ତେବାତା ମାନାତ୍‌, ୱାନ୍‌ ମାପୁରୁଦିମାନୁ ତେବାନାନ୍‌ ମାରି ମାପୁରୁ ୱାନିମାନୁ ତେବାନାନ୍‌ । 
\v 17 ଇବେନୁ ଜିବନ୍‌ନୋନିକା ମାମାନୁ ପୁରାତେବାତା ମାନାତ୍‌ ଜେ, ବିଚାର୍‍ତି ନାଣ୍ତିଙ୍ଗ୍‌ ମାଡୁ ସାହାସ୍‌ ପୟ୍‌ନିକା, ଇରିଙ୍ଗ୍‌ କ୍ରିସ୍ତ ଏଣ୍ତେସ୍‌ ମାନାନ୍‌, ମାଡୁ ବା ଇୟା ଜଗତ୍‌ଦୁ ଆୟାୱାଜା ମାନିକା । 
\v 18 ଏମେମାନୁ ଜିବନ୍‌ନୋନିକା ମାନାତ୍‌, ଆବେନୁ ତିଲାନିକା ସିଲେତ୍‌, ମାତର୍‌ ସତ୍‌ତି ଜିବନ୍‌ନୋନିକା ତିଲାନି ତାନିଙ୍ଗ୍‌ ଆକ କିନାତ୍‌, ଇରିଙ୍ଗ୍‌ ତିଲାନିକା ଦଣ୍ତ୍‌ତି ୱାଲେ ସିମାନାତ୍‌, ମାରି ଏନ୍‌ ତିଲାନାନ୍‌, ୱାନିମାନୁ ଜିବନ୍‌ନୋନିକା ପୁରା ସିଲେତ୍‌ ।
\p
\v 19 ମାଡୁ ଜିବନ୍‌ନୋନିକା ଅଜାତାମାନାପ୍‌, ଇରିଙ୍ଗ୍‌ ମାପୁରୁ ନେ ଆଗ୍‌ଡ଼ି ମାଙ୍ଗିଁ ଜିବନ୍‌ନୋତା ମାନାନ୍‌ । 
\v 20 ମାପୁରୁଙ୍ଗୁଁ ଜିବନ୍‌ନୋଜିନା ଇଜି ୱେର୍‌ସି ଜଦି ଏନ୍‌ ନିଜେଦି ବିସ୍‌ବାସିରି ତଡ଼ାନ୍‌ତିଙ୍ଗ୍‌ ନି ତାଙ୍ଗିଁକ୍‌ କାଡ଼ାନାନ୍‌, ଆର୍‌ତିଙ୍ଗ୍‌ ୱାନ୍‌ ମିଚ୍‌ୱେର୍‌ନିକାନ୍‌ । ଲାକ୍‌ତୁ ସୁଡ଼ୁଜିମାନି ଅରେନ୍‌ ତଡ଼ାନ୍‌ତିଙ୍ଗ୍‌ ଏନ୍‌ ଜିବନ୍‌ନୋଦେଙ୍ଗ୍‌ ଆଟ୍‌ଏନ୍‌, ୱାନ୍‌ ତର୍‌ଇ ମାପୁରୁଙ୍ଗୁଁ ଏସ୍‌କାଙ୍ଗ୍‌ବା ଜିବନ୍‌ନୋଦେଙ୍ଗ୍‌ ଆଟ୍‌ଏନ୍‌ । 
\v 21 ଇୟା ଆଦେସ୍‌ କ୍ରିସ୍ତ ମାଙ୍ଗିଁ ସିତାମାନାନ୍‌, ଏନ୍‌ ମାପୁରୁଙ୍ଗୁଁ ଜିବନ୍‌ନୋନାନ୍‌, ୱାନ୍‌ ନିଜେଦି ତଡ଼ାନ୍‌ତିଙ୍ଗ୍‌ ବା ଜିବନ୍‌ନୋପିନ୍‌ ।
\c 5
\s ଦୁନିଆଦି ମୁସ୍‌କୁ ଜିଣାନିକା
\p
\v 1 ଏନ୍‌ ଜିସୁଙ୍ଗୁଁ ମସିହ ଇଜି ବିସ୍‌ବାସ୍‌ କିନାନ୍‌, ୱାନ୍‌ ମାପୁରୁଦି ମାରିନ୍‌; ମାରି, ଏନ୍‌ଆପିନ୍‌ ଅରେନ୍‌ ବୁବେଙ୍ଗ୍‌ ଜିବନ୍‌ନୋନାନ୍‌, ଆୟା ବୁବାସିଦି କଡ଼ଦିଙ୍ଗ୍‌ ବା ୱାନ୍‌ ଜିବନ୍‌ନୋନାନ୍‌ । 
\v 2 ମାଡୁ ଏସ୍ତିୱାଲେ ମାପୁରୁଙ୍ଗୁଁ ଜିବନ୍‌ନୋନିକା ମାରି ୱାନି ମାଟା ମାନାନାପ୍‌, ନାସ୍ତିୱାଲେ ନେସ୍‌ତେଙ୍ଗ୍‌ ଆଟ୍‌ନାପ୍‌ ଜେ, ମାଡୁ ମାପୁରୁଦି କଡ଼ରିଙ୍ଗ୍‌ ଜିବନ୍‌ନୋଜିନାପ୍‌ । 
\v 3 \x + \xo ୫:୩ \xo*\xt ଜୋହନ ୧୪:୧୫.\xt*\x*ଇରିଙ୍ଗ୍‌ ମାପୁରୁଙ୍ଗୁଁ ଜିବନ୍‌ନୋନି ଅର୍ତ ଆଜିନାତ୍‌, ମାଡୁ ୱାନି ମାଟା ମାନାନିକା, ମାରି ୱାନି ମାଟା ମାନାନିକା ନାଣ୍ତ କାସ୍ଟୁସିଲେ । 
\v 4 ଇରିଙ୍ଗ୍‌ ମାପୁରୁଦି କଡ଼ର୍‌ ଇୟା ଜଗତ୍‌ତିଙ୍ଗ୍‌ ଆରା କିଦେଙ୍ଗ୍‌ ସାକ୍ତି ପୟ୍‌ତାମାନାନ୍‌ । ବିସ୍‌ବାସ୍‌ତି ସାକ୍ତିଦାନ୍‌ ମାଡୁ ଜଗତ୍‌ତି ମୁସ୍‌କୁ ଜିଣାଦେଙ୍ଗ୍‌ ଆଟ୍‌ନିକା । 
\v 5 ଇୟା ଜଗତ୍‌ତିଙ୍ଗ୍‌ ଏନ୍‌ ଆରା କିଦେଙ୍ଗ୍‌ ଆଟ୍‌ନାନ୍‌ ? ଜିସୁଙ୍ଗୁଁ ମାପୁରୁଦି ମାରିନ୍‌ ଇଜି ଏନ୍‌ ବିସ୍‌ବାସ୍‌ କିନାନ୍‌, ଆୟାକାନ୍‌ନେ କେବଲ୍‌ ଇକା କିଦେଙ୍ଗ୍‌ ଆଟ୍‌ନାନ୍‌ ।
\s ଜିସୁ କ୍ରିସ୍ତଦି ବିସୟ୍‌ତାନ୍‌ ସାକି
\p
\v 6 ଆୟା ଜିସୁ କ୍ରିସ୍ତ ମାପୁରୁଦି ମାରିନ୍‌ ଇଜି ଡୁବନ୍‌ତାନ୍‌ ୱାନି ଜିବନ୍‌ତି ପାଣି ଆରାମ୍‌ କିତାମାର୍ହାନ୍‌, ମାରି ନିଜେଦି ନେତେର୍‌ତାନ୍‌ ଲୋକା ରକ୍ଷାକିନି ପାଣିକିତାନ୍‌ । କେବଲ୍‌ ଡୁବନ୍ ଅସି ୱାନ୍‌ ରେଏନ୍‌ ମାର୍ହାନ୍‌, ମାତର୍‌ ଏରୁ ନି ନେତେର୍‌ ରୁଣ୍ତିୱାନିକାଙ୍ଗ୍‌ ସିଜି ୱାତାମାର୍ହାନ୍‌ । ମାରି ଆତ୍ମା ବା ଇବେଣି ସାକି ୱେର୍‌ନାନ୍‌; ଇରିଙ୍ଗ୍‌ ଆତ୍ମା ନେ ସତ୍‌ । 
\v 7 ମାରି ଇୟା ମୁଏରି ସାକି ଉନ୍‌ଡ୍ରେ ସାମାନ୍‌, 
\v 8 ଆତ୍ମା, ଏରୁ ମାରି ନେତେର୍‌, ଇୟା ମୁଏର୍‌ ସାକି ୱେର୍‌ନାର୍‌ । 
\v 9 ମାଡୁ ଜଦି ଲୋକା ସାକି ମାନାନିକା, ଆର୍‌ତିଙ୍ଗ୍‌ ମାପୁରୁଦି ସାକି ଆୟାମାଣୁକୁ ନାଣ୍ତ ପେରିକା, ମାରି ମାପୁରୁଦି ସାକି ଇକା ଜେ, ୱାନ୍‌ ନିଜେଦି ମାରିନ୍‌ତି ବିସୟ୍‌ତାନ୍‌ ସାକି ସିତାମାନାନ୍‌ । 
\v 10 ଏନ୍‌ ମାପୁରୁଦି ମାରିନ୍‌ତିମାନୁ ବିସ୍‌ବାସ୍‌ କିନାନ୍‌, ୱାନ୍‌ ନିଜେଦି ଜିବନ୍‌ତୁ ଇୟା ସାକି ପୟ୍‌ତା ମାନାନ୍‌; ଏନ୍‌ ମାପୁରୁଦି ସାକି ବିସ୍‌ବାସ୍‌ କିଏନ୍‌, ୱାନ୍‌ ମାପୁରୁଙ୍ଗୁଁ ମିଚ୍‌ୱେର୍‌ନିକାନ୍‌ କିତାମାନାନ୍‌, ଇରିଙ୍ଗ୍‌ ମାପୁରୁ ନିଜେଦି ମାରିନ୍‌ତି ବିସୟ୍‌ତାନ୍‌ ଆମା ସାକି ୱେର୍‌ତାମାନାନ୍‌, ଆବେନୁ ୱାନ୍‌ ବିସ୍‌ବାସ୍‌ କିଏନ୍‌ । 
\v 11 ଆୟା ସାକିଦି ଅରତ୍‌ ଆତାତ୍‍ଜେ, ମାପୁରୁ ମାଙ୍ଗିଁ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ସିତାମାନାନ୍‌; ମାରି ଆୟା ଜିବନ୍‌ ୱାନି ମାରିନ୍‌ତିମାନୁ ମାନାତ୍‌ । 
\v 12 ଏନ୍‌ ମାରିନ୍‌ତିଙ୍ଗ୍‌ ପୟ୍‌ତା ମାନାନ୍‌, ୱାନ୍‌ ଜିବନ୍‌ ପୟ୍‌ତା ମାନାନ୍‌; ଏନ୍‌ ମାପୁରୁଦି ମାରିନ୍‌ତିଙ୍ଗ୍‌ ପୟ୍‌ଏନ୍‌, ୱାନ୍‌ ଜିବନ୍‌ ବା ପୟ୍‌ଏନ୍‌ ।
\s ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌
\p
\v 13 ମାପୁରୁଦି ମାରିନ୍‌ତି ଦର୍‌ତାନ୍‌ ବିସ୍‌ବାସ୍‌ କିଜିନିଦେର୍‌ ଜେ ମିରୁ, ମିରୁ ଏଣ୍ତେସ୍‌ ନେସ୍‌ନିଦେର୍‌ ଜେ, ମିରୁ ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ପୟ୍‌ତିମାନିଦେର୍‌, ଇୟାଉଣ୍ତିଙ୍ଗ୍‌ ନାନୁ ମିଙ୍ଗିଁ ଇୟା ଆକୁ ରାସ୍‌ସିନା । 
\v 14 ମାପୁ ତିଲାଏଣ୍‌ଗା ମାପୁରୁଦି ଲାକ୍‌ତୁ ୱାଦେଙ୍ଗ୍‌ ଆଟ୍‌ସିନାପ୍‌, ଇରିଙ୍ଗ୍‌ ମାପୁ ସତ୍‌ତାନ୍‌ ନେସ୍‌ନାପ୍‌ ଜେ, ମାପୁ ଏସ୍‌କାଙ୍ଗ୍‌ ୱାନି ଇଚ୍ଛାଦାନ୍‌ ଇନି ପାର୍‌ତାନା କିତିଙ୍ଗ୍‌, ଆର୍‌ତିଙ୍ଗ୍‌ ୱାନ୍‌ ମା ଆୟା ପାର୍‌ତାନା ୱେନାନ୍‌ । 
\v 15 ମାରି ମାଡୁ ୱାନି ଲାକ୍‌ତୁ ଆମାକା ଇନିକା ପାର୍‌ତାନା କିନିକା, ଆକା ୱାନ୍‌ ୱେନାନ୍‌ ଇଜି ଜଦି ମାଡୁ ନେସ୍‌ନିକା, ଆର୍‌ତିଙ୍ଗ୍‌ ୱାନି ଲାକ୍‌ତୁ ଆମାକା ପାର୍‌ତାନା କିତିମାନିକା, ଆୟାୱିଜୁ ଜେ ପୟ୍‌ତିମାନିକା, ଇକାବା ନେସ୍‌ନାପ୍‌ ।
\p
\v 16 ଜଦି ମି ଅରେନ୍‌ ତଡ଼ାନ୍‌ ପାପ୍‌ କିଜିମାନିକା ସୁଡ଼ୁତିଙ୍ଗ୍‌, ମାରି ଆୟା ପାପ୍‌ ସାନିନାନିକା ଆଏତ୍‌ ମାନାତ୍‌, ୱାନି ଉଣ୍ତିଙ୍ଗ୍‌ ମାପୁରୁଙ୍ଗୁଁ ପାର୍‌ତାନା କିଦୁ, ଏଣ୍ତେସାତିଙ୍ଗ୍‌ ମାପୁରୁ ୱାନିଙ୍ଗ୍‌ କେମା ସିଜି ରକ୍‌ୟା କିନାନ୍‌ । ମାରି ମାପୁରୁ ଏଣ୍ତେସ୍‌ୱାଜା ସାନିକା ପାପ୍‌ କିଇ ମାନି ଲୋକାଙ୍ଗ୍‌ ଜିବନ୍‌ ଦାନ୍‌ ସିନାନ୍‌, ଆୟାୱାଜା ୱାନିଙ୍ଗ୍‌ ବା ଜିବନ୍‌ ଦାନ୍‌ ସିନାନ୍‌ । ସାନିନାନି ପାପ୍‌ ମାନାତ୍‌; ଆୟାଉଣ୍ତିଙ୍ଗ୍‌ ୱାନ୍‌ ପାର୍‌ତାନା କିପିନ୍‌ ଇଜି ନାନୁ ଇନ୍‌ଏ । 
\v 17 ୱିଜୁ ତାଗ୍‌ଇ ପାଣି ପାପ୍‌, ମାତର୍‌ ଆମାକା ସାନିନାନିକା ସିଲେତ୍‌, ଇୟାୱାଜା ପାପ୍‌ ମାନାତ୍‌ ।
\p
\v 18 ମାପୁ ନେସ୍‌ନାପ୍‌, ମାପୁରୁଦି ମାରିନ୍‌ ପାପ୍‌ତୁ ମିସାଜ ତେବାଏନ୍‌; ଇରିଙ୍ଗ୍‌ ମାପୁରୁଦି ମାରିନ୍‌ ୱାନିଙ୍ଗ୍‌ ରକ୍‌ୟା କିନାନ୍‌, ମାରି ସୟ୍‌ତାନ୍‌ ୱାନିଙ୍ଗ୍‌ ଇନିକା କିଦେଙ୍ଗ୍‌ ଆଟ୍‌ଏତ୍‌ ।
\p
\v 19 ମାଡୁ ଜେ ମାପୁରୁଦିମାଣୁକୁ ଜନମ୍‌ ମାରି ୱିଜୁ ଜଗତ୍‌ ଜେ ସୟତାନ୍‍ତି ଅଦିକାର୍‌, ଇକା ମାପୁ ନେସ୍‌ନାପ୍‌ ।
\p
\v 20 ମାରି ବା ମାପୁ ନେସ୍‌ନାପ୍‌ ଜେ, ମାପୁରୁଦି ମାରିନ୍‌ ୱାତାମାନାନ୍‌ ମାରି ସତ୍‌ତିଙ୍ଗ୍‌ ନେସ୍‌ନି ଉଣ୍ତିଙ୍ଗ୍‌ ମାଙ୍ଗିଁ ବୁଦି ସିତାମାନାନ୍‌; ମାରି ମାଡୁ ଆୟା ସତ୍‌ତି ମାପୁରୁଦିମାନୁ ମାରି ୱାନି ମାରିନ୍‌ ଜିସୁ କ୍ରିସ୍ତଦି ୱାଲେ ମାନାତ୍‌ । ୱାନ୍‌ ନେ ସତ୍‌ତି ମାପୁରୁ ମାରି ଏସ୍‌କାଙ୍ଗ୍‌ୱିଜ୍‌ଇ ଜିବନ୍‌ ।
\p
\v 21 ଏ କଡ଼ର୍‌, ସତ୍‌ସିଲି ଦିୟାମ୍‍କାମାଣୁକୁ ନିଜେ ନିଜେଦିଙ୍ଗ୍‌ ଆକତେବାଦୁ ।