\id 1CO - Kopo
\ide UTF-8
\h ୧ କରିନ୍ତିୟ
\toc3 ୧ କରିନ୍ତିୟ
\toc2 ୧ କରିନ୍ତିୟ
\toc1 କରିନ୍ତିୟରି ମଣ୍ତଲିଦି ଲାକ୍‌ତୁ ପାଉଲତି ପାର୍ତୁମ୍‌ ଆକୁ
\mt2 କରନ୍ତୀୟମାନଙ୍କ ମଣ୍ତଲି ନିକଟକୁ ପାଉଲଙ୍କ ପ୍ରଥମ ପତ୍ର
\mt1 କରିନ୍ତିୟ ମଣ୍ତଲିଦି ଲାକ୍‌ତୁ ପାଉଲତି ପାର୍ତୁମ୍‌ ଆକୁ
\imt କରିନ୍ତିୟ ଆକୁ ବିସୟ୍‌ତାନ୍‌ ଏସ ମାଟା
\ip ପାରତୁମ୍‍ କରିନ୍ତିୟ ଆକୁ ପେରିତ ପାଉଲତି ମାଣାନ୍‍ ଜିସୁ କ୍ରିସ୍ତଦି ଜନମ୍‍ତି ୫୫ ବାର୍‍ସେକ୍‍ ୱେନ୍‍କା ରାସାତାମାର୍ହାତ୍‍ \xt ୧:୧\xt* । ପାଉଲତି ମାଣାନ୍‌ ରାସାତିମାନି ରୁଣ୍ତି ଆକୁ ଲୋଇ ଇକା ଆଜିନାତ୍‌ ପାର୍‌ତୁମ୍‌ ଆକୁ । ୱାନ୍‌ ଆନାତ୍‌ସୁଗି ଇୟା ଆକୁ ଏପିସ୍‌ତୁ ମାର୍‌ଇ ବେଡ଼ାଦୁ ରାସାତାମାର୍ହାନ୍‌ । ମାସିଦନିଆଦାନ୍‌ କରନ୍ତିୟଦୁ ବାସାନି ଆଗ୍‌ଡ଼ି ରାସାତାମାନାନ୍‌ \xt ୧୬:୫-୯\xt* ।
\ip ପାଉଲ ଇୟା ଆକୁଦୁ ମଣ୍ତଲି ଲୋଇ ରୁଣ୍ତି ବାଗ୍‌କୁ ଆନିକା ମାରି ତାଗ୍‌ଇ ପାଣି ସାଲାଜିମାନି ବିସୟ୍‌ ମଣ୍ତଲିଦି ଲୋକା ମାଣୁକୁ ୱେନ୍‌ଞ୍ଜି ୱେର୍‌ତେଙ୍ଗ୍‌ ଇଜି ଦିୟାନ୍‌ ସିନାନ୍‌ । କରିନ୍ତିୟ ଗାଡ଼୍‌ ତାଗ୍‍ଇ ପାଣିକିନି ବିସୟ୍‌ ଉଣ୍ତିଙ୍ଗ୍‌ ୱେଙ୍ଗିଁତା ମାର୍‌ଆତ୍‌ । ଆଦେଙ୍ଗ୍‌ ମଣ୍ତଲି ଇୟା ବଦା ୱିଜୁ ପୟଜି ମାର୍ହାତ୍‌ ଇବେନୁ କାବାନିକା ଇନିକା ସିଲେ । ୧ କରିନ୍ତିୟ ଜିବନ୍‌ନୋନି ବିସୟ୍‌ତାନ୍‌ ଉନ୍‌ଡ୍ରି ଅଧ୍ୟାୟ୍‌ ମାନାତ୍‌ \xt ୧୩\xt* ।
\iot ଇୟା ଆକୁଦୁ ମାନି ମୁକିୟ ବିସୟ୍‌
\io1 ୧. ପାଉଲ କରିନ୍ତିୟରିଙ୍ଗ୍‌ ନମସ୍କାର୍‌ କିଜିନାର୍‌ ମାରି ୱାରି ଉଣ୍ତିଙ୍ଗ୍‌ ମାପୁରୁଙ୍ଗୁଁ ଦନ୍ୟବାଦ୍‌ ସିନାନ୍‌ । \ior ୧:୧-୯\ior*
\io1 ୨. ପାଉଲ କରନ୍ତି ମଣ୍ତଲିଦାନ୍‌ ପୟ୍‌ତିମାନି ମଣ୍ତଲି ବାଗ୍‌ ଆନି ବିସୟ୍‌ତାନ୍‌ ସିକିୟା ସିନାନ୍‌ । \ior ୧:୧୦–୪:୨୧\ior*
\io1 ୩. ଆଇକା ୱାନ୍‌ ତାଗ୍‌ଇ ପାଣିୱିଜୁ ମାରି ଅରେନ୍‌ ଆଇୱାନିଙ୍ଗ୍‍ କର୍ଟତୁ ଅନି ବିସୟ୍‌ତାନ୍‌ ରାସାନାନ୍‌ । \ior ୫–୬\ior*
\io1 ୪. ୱେନ୍‌କା ପେଡ଼ିଆନି ବିସୟ୍‌, ଦିୟାମ୍‌ତିଙ୍ଗ୍‌ ପୁଜା ସିନିକା, ଉପାସନା, ପବିତ୍ର ଆତ୍ମାଦି ଦାନ୍‌ ମାରି ମାରିଡ଼େସି ନିଙ୍ଗିଁନିକା ରାସ୍‌ନାନ୍‌ । \ior ୭–୧୫\ior*
\io1 ୫. ସାରାସାରିୱେନ୍‌କା ୱାନ୍‌ ଏସ ବ୍ୟବହାର୍‌ ଆନିକା ମାରି ନିଜେଦି ବିସୟ୍‌ତାନ୍‌ ରାସ୍‌ସି ୱିସ୍‌ନାନ୍‌ । \ior ୧୬\ior*
\c 1
\p
\v 1 ନାନ୍‌ ପାଉଲ, ମାପୁରୁଦି ଇଚ୍ଛାଦାନ୍‌ କ୍ରିସ୍ତ ଜିସୁଦି ଆସ୍‌କିଆତି ଅରେନ୍‍ ପ୍ରେରିତ୍‌ ସିସୁ, ମା ତଡ଼ାନ୍‌ ସୋସ୍ଥିନା,
\p
\v 2 \x + \xo ୧:୨ \xo*\xt ପ୍ରେରିତ ୧୮:୧.\xt*\x*କରନ୍ତି ଗାଡ଼୍‌ଦୁ ମାନି ମାପୁରୁଦି ମଣ୍ତଲି ଲାକ୍‌ତୁ ରାସ୍‌ସିନାନ୍‌ : ଆମାକାର୍‌ ମାପୁରୁଦି ପବିତ୍ର ଲୋକୁ ଆନି ଉଣ୍ତିଙ୍ଗ୍‌ ବଦାମାନାର୍‌ ମାରି ଜିସୁ କ୍ରିସ୍ତଦି ୱାଲେ ମିସାନି ମାଣ୍‌କୁ ମାପୁରୁଦି ଲୋକୁଆତା ମାନାର୍‌ ମାରି ୱିଜୁ ମା ପ୍ରବୁ ଜିସୁ କ୍ରିସ୍ତଦି ଉପାସନା କିଜିନାର୍‌ :
\p
\v 3 ମି ଉଣ୍ତିଙ୍ଗ୍‌ ମା ବୁବା ମାପୁରୁ ମାରି ପ୍ରବୁ ଜିସୁ କ୍ରିସ୍ତଦିମାଣୁକୁ ଦୟା ମାରି ସାନ୍ତି ଆପିତ୍‌ ।
\s କ୍ରିସ୍ତଦି ମାଣ୍‌କୁ ଆସିର୍ବାଦ୍‌
\p
\v 4 ଇରିଙ୍ଗ୍‌ କ୍ରିସ୍ତ ଜିସୁଦି ୱାଲେ ମିସାନିମାଣୁକୁ ମାପୁରୁ ମିଙ୍ଗିଁ ଆମା ଦୟା ସିତା ମାନାନ୍‌, ଆୟାଉଣ୍ତିଙ୍ଗ୍‌ ନାନ୍‌ ୱିଜୁଦିନ୍‌ ମି ବିସୟ୍‌ତାନ୍‌ ମାପୁରୁଙ୍ଗୁଁ ଦନ୍ୟବାଦ୍‌ ସିଜିନା, 
\v 5 ଇରିଙ୍ଗ୍‌ କ୍ରିସ୍ତଦି ୱାଲେ ମିସାତି ମାନିଙ୍ଗ୍‌ ମିର୍‌ ୱିଜୁ ବିସୟ୍‌ତି ସିକିୟାଦୁ ମାରି ୱିଜୁଜାତିଦି ବୁଦିଦୁ ବା ଦନି ଆତିମାନିଦେର୍‌ । 
\v 6 ଇୟାୱାଜା କ୍ରିସ୍ତଦି ମାଟା ମିମାନୁ ସାକ୍ୟ ତିର୍‌ଆତା ମାନାତ୍‌ । 
\v 7 ଆଦେଙ୍ଗ୍‌ ପ୍ରବୁ ଜିସୁ କ୍ରିସ୍ତଦି ୱାନିତାନିଙ୍ଗ୍‌ କାପ୍‌କିଜି ତେବାନି ବେଡ଼ାଦୁ ମି ଇନି ଆତ୍ମାଦି ଦାନ୍‍ତୁ ଉଣା ଆଏତ୍‍ । 
\v 8 ଇୟାଉଣ୍ତିଙ୍ଗ୍‌ ୱାନ୍‌ ମିଙ୍ଗିଁ ସାରାସାରି ଦିନ୍‌ ସାନ୍ଦି ବା ତିର୍‌ ଇଡ୍‌ନାନ୍‌, ମା ପ୍ରବୁ ଜିସୁ କ୍ରିସ୍ତଦି ୱାନିନାଣ୍ତିଙ୍ଗ୍‌ ଏଣ୍ତେସ୍‌ ମିର୍‌ ନିନ୍ଦା ଆଇଦେର୍‍ । 
\v 9 ଆମା ମାପୁରୁ ୱାନି ମାରିନ୍‌ ମା ପ୍ରବୁ ଜିସୁ କ୍ରିସ୍ତଦି ସାକା ପୟ୍‌ନି ଉଣ୍ତିଙ୍ଗ୍‌ ମିଙ୍ଗିଁ କୁକ୍‌ତାମାନାନ୍‌, ୱାନ୍‌ ୱିଜୁଦିନ୍‌ ବିସ୍‌ବାସ୍‌ ।
\s ମଣ୍ତଲିଦୁ ବାଗ୍‌କିନିକା
\p
\v 10 ଏ ତଡ଼ାନ୍‌କୁ ନି ତାଙ୍ଗିଁକି, ମା ପ୍ରବୁ ଜିସୁ କ୍ରିସ୍ତଦି ସାକ୍ତିଦାନ୍‌ ନାନ୍‌ ମିଙ୍ଗିଁ ଅନୁରଦ୍‌ କିଜିନା, ଏଣ୍ତେସ୍‌ ମିର୍‌ ୱିଜୁଲୋକୁ ୱାର୍‌ଗିଜିସାନିୱାଲେ ଉନ୍‌ଡ୍ରେ ମାଟା ଇନିଦେର୍‍, ମାରି ମି ଲୋଇ ଏର୍‌ପିସିସାନିକା ଆଏତ୍‍ । ମାତର୍‌ ମିର୍‌ ଉନ୍‌ଡ୍ରି ମୋନ୍‌ତାନ୍‌ ମାରି ଉନ୍‌ଡ୍ରି ବିଚାର୍‌ତାନ୍‌ ଉନ୍‌ଡ୍ରେମାନୁ ଆଦୁ । 
\v 11 ଏ ନା ତଡ଼ାନ୍‌କୁ ନି ତାଙ୍ଗିଁକି, ଖ୍ଳୟୀଦି ଇଲୁଦାଣୁକୁନେ ଏସଲୋକ୍‌ ମି ବିସୟ୍‌ତାନ୍‌ ନା ଲାକ୍‌ତୁ ଇକା ୱେର୍‌ତାମାନାର୍‌, ମି ଲୋଇ ଏର୍‌ପିସିସାନିକା ମାନାତ୍‌ । 
\v 12 \x + \xo ୧:୧୨ \xo*\xt ପ୍ରେରିତ ୧୮:୨୪.\xt*\x*ନା ମାଟାଦି ଏତ୍‌ ଇକା, ମିର୍‌ ୱିଜୁଲୋକ୍‌ ଆଇଆଇ ପାଣି କିଜିନିଦେର୍‌, ଏନ୍‌ ଏନ୍‌ ଆଜିନାର୍‌, ନାନୁ ପାଉଲତି ୱେନ୍‌କା ସୋଲ୍‌ସିନା, ମାରି ଏନ୍‌ ଏନ୍‌ ଆଜିନାର୍‌, ନାନୁ ଆପୋଲୋତି ୱେନ୍‌କା ସୋଲ୍‌ସିନା, ଏନ୍‌ ଏନ୍‌ ଆଜିନାର୍‌, ନାନୁ ପିତର୍‍ତି ୱେନ୍‌କା ସୋଲ୍‌ସିନା, ମାରି ଏନ୍‌ ଏନ୍‌ ଆଜିନାର୍‌, ନାନୁ କ୍ରିସ୍ତଦି ୱେନ୍‌କା ସୋଲ୍‌ସିନା । 
\v 13 କ୍ରିସ୍ତ ଇନିକା ବାଗ୍‌ବାଗ୍‌ ଆତାମାନାନ୍‌ ? ପାଉଲ ଇନିକା ମି ଉଣ୍ତିଙ୍ଗ୍‌ କ୍ରୁସ୍‌କାଟ୍‌ତୁ ସାତା ମାର୍ହାନ୍‌ ? ମାରି ମିର୍‌ ଇନିକା ପାଉଲତି ଦର୍‌ତାନ୍‌ ଡୁବନ୍‌ ଅତିମାର୍‌ଇଦେର୍‌ ?
\p
\v 14 \x + \xo ୧:୧୪ \xo*\xt ପ୍ରେରିତ ୧୮:୮ \xt*\xt ପ୍ରେରିତ ୧୯:୨୯; ରୋମିୟ ୧୬:୨୩.\xt*\x*ନାନ୍‌ ମାପୁରୁଙ୍ଗୁଁ ଦନ୍ୟବାଦ୍‌ ସିଜିନା ଜେ କ୍ରିସ୍‍ପସ୍‍ ନି ଗାୟଙ୍ଗ୍‌ ଡ଼ିସ୍‌ତିଙ୍ଗ୍‌ ମି ଲୋଇରାନ୍‌ ମାରି ନାନ୍‌ ଏଙ୍ଗ୍‌ବା ଡୁବନ୍‌ ସିଏ । 
\v 15 ଆୟାଉଣ୍ତିଙ୍ଗ୍‌ ମିର୍‌ ନା ଦର୍‌ତାନ୍‌ ଡୁବନ୍‌ ଅତାମାନାପ୍‌ ଇଜି ମି ଲୋଇରାନ୍‌ ଏନ୍‌ ଇନ୍‌ଡ୍ରେଙ୍ଗ୍‌ ଆଟ୍‍ଏନ୍‍ । 
\v 16 \x + \xo ୧:୧୬ \xo*\xt ୧ କରିନ୍ତିୟ ୧୬:୧୫.\xt*\x*ହୁଁ, ନାନ୍‌ ସ୍ତିପାନତିଙ୍ଗ୍‌ ମାରି ୱାରି ଇଲୁଦିୱାରିଙ୍ଗ୍‌ନେ ଡୁବନ୍‌ ସିତାମାନା; ମାତର୍‌ ଇକା ଡ଼ିସ୍‌ତିଙ୍ଗ୍‌ ମାରି ଏଙ୍ଗ୍‌ବା ନାନୁ ଡୁବନ୍‌ ସିତାମାନା ଇଜି ନାଙ୍ଗିଁ ଏତ୍‌ ରେଏଜିନା । 
\v 17 ଇରିଙ୍ଗ୍‌ କ୍ରିସ୍ତ ନାଙ୍ଗିଁ ଡୁବନ୍‌ ସିନି ଉଣ୍ତିଙ୍ଗ୍‌ ପୋକତାଏନ୍‌, ମାତର୍‌ ୱାନ୍‌ ନାଙ୍ଗିଁ ସୁସମାଚାର୍‌ ପ୍ରଚାର୍‌ କିଦେଙ୍ଗ୍‌ ପୋକତାତାମାନାନ୍‌; ଆକାବା ଲୋକା ବୁଦିଦାନ୍‌ ସିଲେ, ଏସ୍ତିୱାଲେ କ୍ରିସ୍ତଦି କ୍ରୁସ୍‌କାଟ୍‌ତି ସାକ୍ତି ମାରି ପ୍ରଭାବ ବେକାର୍‌ ଆଏତ୍‍ ।
\s ମାପୁରୁଦି ସାକ୍ତି ମାରି ବୁଦିଦି ଆଦାର୍‌ କ୍ରିସ୍ତ
\p
\v 18 ଇରିଙ୍ଗ୍‌ ନାସ୍ଟୁ ଆଦେଙ୍ଗ୍‌ ସୋଲ୍‌ସିମାନି ଲୋକା ଉଣ୍ତିଙ୍ଗ୍‌ କ୍ରୁସ୍‌କାଟ୍‌ତି ମୁସ୍‌କୁରି ମାଟା ମୁର୍କୁ । ମାତର୍‌ ରକିୟା ପୟ୍‌ତିମାନି ମା ଉଣ୍ତିଙ୍ଗ୍‌ ଆକା ମାପୁରୁଦି ସାକ୍ତି । 
\v 19 ଇରିଙ୍ଗ୍‌ ଦର୍ମସାସ୍ତ୍ରଦୁ ରାସ୍‌ତାମାନାତ୍‌ :
\q1 “ନାନ୍‌ ଜ୍ଞାନ୍‌ମାନିୱାରି ଜ୍ଞାନ୍‌ ନାସ୍ଟୁ କିନାଟ୍‌,
\q2 ମାରି ବୁଦିମାନିୱାରି ବୁଦି ଡ଼ିସ୍‌ସି କିନାଟ୍‌ ।”
\m
\v 20 ବୁଦି ଏମେ ? ସାସ୍ତ୍ରିର୍‍ ଏମେ ? ଇୟା ଯୁଗ୍‌ତି ସାଲାକି ଏମେ ? ମାପୁରୁ ଇନିକା ଦୁନିଆଦି ବୁଦିଦିଙ୍ଗ୍‌ ମୁର୍କୁ ଇଜି ଇନ୍‌ଏନ୍‌ ନୋ ?
\p
\v 21 ଇରିଙ୍ଗ୍‌ ମାପୁରୁ ୱାନି ପେରି ଜ୍ଞାନ୍‌ତାନ୍‌ ତିର୍‌ କିତାମାର୍ହାନ୍‌ ଜେ ଜଗତ୍‌ତି ଲୋକୁ ନିଜେଦି ଜ୍ଞାନ୍‌ଦାନ୍‌ ମାପୁରୁଙ୍ଗୁଁ ନେସ୍‌ତେଙ୍ଗ୍‌ ଆଟ୍‍ଏର୍‍ । ମାପୁ ପ୍ରଚାର୍‌ କିଜିମାନି ବାକ୍ୟଦି ତାଗ୍‌ଇମାଟା ସୁସମାଚାର୍‌ତୁ ବିସ୍‌ବାସ୍‌ କିଜିମାନି ଲୋକାଙ୍ଗ୍‌ ରକିୟା କିନି ଉଣ୍ତିଙ୍ଗ୍‌ ମାପୁରୁ ୱେଡ଼ିକା ଆତାନ୍‌ । 
\v 22 ଇରିଙ୍ଗ୍‌ ଜିହୁଦିର୍‌ ସିନା ପୟ୍‌ନାର୍‌, ମାରି ଗ୍ରିକ୍‌କୁ ବୁଦି ପୟ୍‌ନାର୍‌ । 
\v 23 ମାତର୍‌ ମାପୁ କ୍ରୁସ୍‌ଦି ମୁସ୍‌କୁ ସାତିମାନି କ୍ରିସ୍ତଙ୍ଗ୍‌ ପ୍ରଚାର୍‌ କିନାପ୍‌, ୱାନ୍‌ ଜିହୁଦିରି ଉଣ୍ତିଙ୍ଗ୍‌ ଏରେପ୍‌ନିୱାଜା ମାରି ଅଣଜିହୁଦିରି ଉଣ୍ତିଙ୍ଗ୍‌ ମୁର୍କୁଦିୱାଜା; 
\v 24 ମାତର୍‌ ଜିହୁଦି ଆପିନ୍‌ ମାରି ଅଣଜିହୁଦିରି ଆପିନ୍‌, ଆମାକାର୍‌ ଇଚ୍ଛାମାନାର୍‌, ୱାରି ଉଣ୍ତିଙ୍ଗ୍‌ କ୍ରିସ୍ତ ମାପୁରୁଦି ସାକ୍ତି ମାରି ମାପୁରୁଦି ଜ୍ଞାନ୍‌ଦିୱାଜା । 
\v 25 ଆର୍‌ତିଙ୍ଗ୍‌ ମାପୁରୁଦି ମୁର୍କୁ ଇଜି ଏତ୍‌ ୱାନାତ୍‌ ବିସୟ୍‌ ଲୋକାଦି ଜ୍ଞାନ୍‌ ବାଦ୍‌ଲୁ ନାଣ୍ତ ଜ୍ଞାନ୍‌ ମାନାତ୍‌, ମାରି ମାପୁରୁଦି ଦୁର୍ବଳ ଇଜି ଏତ୍‌ ୱାନାତ୍‌ ବିସୟ୍‌ ଲୋକା ସାକ୍ତି ବାଦ୍‌ଲୁ ନାଣ୍ତ ସାକ୍ତି । 
\v 26 ଏ ତଡ଼ାନ୍‌କୁ ତାଙ୍ଗିଁକି, ମାପୁରୁ କୁକ୍‌ନି ବେଡ଼ାଦୁ ମିର୍‌ ଏଣ୍ତେସ୍‌ ମାର୍‌ଇଦେର୍‌, ଆକା ଅଡ଼୍‌ବିଦୁ । ଦୁନିଆଦି ଇସାବ୍‌ତାନ୍‌ ଗାଦିଲୋକ୍‌ ଜ୍ଞାନ୍‌ରି ମାରି ଏସଲୋକ୍‌ ଅଦିକାର୍‌ରି ଡାଟ୍‌ମାନି ପରିବାର୍‌ ମାର୍ହାର୍‌ । 
\v 27 ଇୟାଉଣ୍ତିଙ୍ଗ୍‌ ମାପୁରୁ ଜ୍ଞାନିରିଙ୍ଗ୍‌ ସେମାର୍‌ କିନି ଉଣ୍ତିଙ୍ଗ୍‌ ଜଗତ୍‌ତି ମୁର୍କୁରିଙ୍ଗ୍‌ ଆସ୍‌କିତାମାନାନ୍‌ ମାରି ସାକ୍ତିମାନିୱାରିଙ୍ଗ୍‌ ସେମାର୍‌ କିନି ଉଣ୍ତିଙ୍ଗ୍‌ ଜଗତ୍‌ତି ବପୁସିଲିୱାରିଙ୍ଗ୍‌ ଆସ୍‌କିତାମାନାନ୍‌, 
\v 28 ମାରି ଜଗତ୍‌ତି କାଣ୍‌ଗାଦୁ ଆମାକା ୱିଜୁ ନେଗି ବିସୟ୍‌, ଆୟାୱିଜୁଦିଙ୍ଗ୍‌ ନାସ୍ଟୁ କିନି ଉଣ୍ତିଙ୍ଗ୍‌; ଜଗତ୍‌ତି ବିସୟ୍‌କୁ, ତେବାତିମାନି ମାରି ନଗଣ୍ୟୱାରିଙ୍ଗ୍‌ ମାପୁରୁ ଆସ୍‌କିତାମାନାନ୍‌ । 
\v 29 ଇବେଣ୍‌କୁ ନେସ୍‌ନିୱାଜା ଏନ୍‌ଆପିନ୍‌ ମାପୁରୁଦି ଆଗ୍‌ଡ଼ି ପେରିକାନ୍‌ ଇଜି ତରାଦେଙ୍ଗ୍‌ ଆଟ୍‍ଏନ୍‍ । 
\v 30 ମାତର୍‌ ମାପୁରୁ ମିଙ୍ଗିଁ କ୍ରିସ୍ତ ଜିସୁଦି ୱାଲେ ମିସାକିତା ମାନାନ୍‌ ମାରି ୱାନ୍‌ ମାପୁରୁଦିମାଣୁକୁ ମା ଉଣ୍ତିଙ୍ଗ୍‌ ଜ୍ଞାନ୍‌ଦିୱାଜା କିତାମାନାନ୍‌, ୱାନି ମାଣ୍‌କୁ ମାପୁରୁଦି ଆଗ୍‌ଡ଼ି ମା ଜତାର୍ଥ ମିସାଜି ପୁନା ତିଆର୍‌ ଆଜି, ମାଡୁ ଦାର୍ମିକ ମାରି ପବିତ୍ର ଲୋକ୍‌ ଆଜି ରକିୟା ପୟ୍‌ତିମାନିକା । 
\v 31 ମାରି, ଏଣ୍ତେସ୍‌ ଦର୍ମସାସ୍ତ୍ରଦୁ ରାସ୍‌ତାମାନାତ୍‌ : “ଏନ୍‌ ଗର୍ବ କିଦେଙ୍ଗ୍‌ ଇଚ୍ଛା, ୱାନ୍‌ ପ୍ରବୁଦିମାନୁ ଗର୍ବ କିପିନ୍‌ ।”
\c 2
\s କ୍ରୁସ୍‌କାଟ୍‌ତୁସାତି କ୍ରିସ୍ତଦି ବିସୟ୍‌ତାନ୍‌ କାବୁର୍‌
\p
\v 1 ଏ ତଡ଼ାନ୍‌କୁ ନି ତାଙ୍ଗିଁକି, ନାନ୍‌ ମି ଲାକ୍‌ତୁ ମାପୁରୁଦି ସତ୍‌ତି ମାଟା ପ୍ରଚାର୍‌ କିନି ଉଣ୍ତିଙ୍ଗ୍‌ ସୋଲ୍‌ସିମାନିୱାଲେ ୱାର୍‌ଇ ମାଟେଙ୍ଗ୍‌ ମାରି ପେରିକାନ୍‌ୱାଜା ତରାଏତା ମାର୍‌ଆ । 
\v 2 ମି ୱାଲେ ମାନି ବେଡ଼ାଦୁ ଜିସୁ କ୍ରିସ୍ତ, ଅର୍ତାତ୍‌ କ୍ରୁସ୍‌କାଟ୍‌ତୁ ମୁସ୍‌କୁ ୱାନି ସାତିକା ଜିସୁ କ୍ରିସ୍ତଙ୍ଗ୍‌ ଡ଼ିସ୍‌ତିଙ୍ଗ୍‌ ମିମାନୁ ମାରି ଇନି ବିସୟ୍‌ ନେସ୍‌ଇ ଉଣ୍ତିଙ୍ଗ୍‌ ନାନ୍‌ ଇଚ୍ଛା କିତା । 
\v 3 \x + \xo ୨:୩ \xo*\xt ପ୍ରେରିତ ୧୮:୯.\xt*\x*ମାରି, ନାନ୍‌ ନାସ୍ତିୱାଲେ ଦୁର୍ବଳ ମାର୍ହା, ତିଲାଜି ମାରି ନାଣ୍ତତିଏଲ୍‌ତାନ୍‌ ମି ମାନୁ ମାର୍ହା । 
\v 4 ଇୟାଉଣ୍ତିଙ୍ଗ୍‌ ନା ସିକିୟା ନି ପ୍ରଚାର୍‌, ଲୋକା ଜ୍ଞାନଦି ନେଗି ବାକ୍ୟ ଆଏଣ୍‌ଗା ମାପୁରୁଦି ଆତ୍ମା ମାରି ସାକ୍ତିଦି ପାର୍‌ମାଣ୍‌ ଆତାମାର୍‌ତା । 
\v 5 ଆଦେଙ୍ଗ୍‌ ମି ବିସ୍‌ବାସ୍‌ ଏଣ୍ତେସ୍‌ ଲୋକାଦି ଜ୍ଞାନ୍‌ ମୁସ୍‌କୁ ମାନ୍‌ଏଣ୍‌ଗା, ଆକା ମାପୁରୁଦି ସାକ୍ତି ମୁସ୍‌କୁ ତେବାନାତ୍‌ ।
\s ମାପୁରୁଦି ବୁଦି
\p
\v 6 ମାରିବା ମାଡୁ ଆତ୍ମିକ ଜିବନ୍‌ତୁ ପିର୍‌ନି ଲୋକା ମାନୁ ବୁଦିଦି ମାଟା ୱେର୍‌ସିନା, ମାତର୍‌ ଆକା ଇୟା ଜୁଗ୍‌ତି ବୁଦି ଆଏତ୍‍ ମାରି ଇୟା ଦୁନିଆଦୁ ସାସନ୍‌ କିଜିମାନି ନେତାରି ଜ୍ଞାନ୍‌ ଆଏତ୍‍ । 
\v 7 ନାନ୍‌ ମାପୁରୁଦି ସତ୍‌ତି ବୁଦିଦି ମାଟା ୱେର୍‌ସିନା, ଆୟା ଲୋକ୍‌ତିମାଣୁକୁ ଆଡ଼ାକ୍‌ତା ଇଟ୍‌ତାମାନାର୍‌, ମାରି ମା ଗୌରବ୍‌ଦି ଉଣ୍ତିଙ୍ଗ୍‌ ଦୁନିଆ ତିଆର୍‌ଆତି ଆଗ୍‍ଡ଼ିରାନ୍‍ନେ ମାପୁରୁ ଇୟାତାନିଙ୍ଗ୍‌ ତିଆର୍‌ କିତାମାର୍ହାନ୍‌ । 
\v 8 ଇୟା ଦୁନିଆଦି ଆମା ସାସନ୍‍କିନିୱାରି ଲୋଇ ଏନ୍‌ ବୁଦିଦି ବିସୟ୍‌ ନେସ୍‌ଏନ୍‌ ମାର୍‌ର୍ହାନ୍‌, ଜଦି ୱାର୍‌ ଆକା ନେସ୍‌ତିମାରିଙ୍ଗ୍‌ ଗୌରବ୍‌ମୟ୍‌ ପ୍ରବୁଙ୍ଗୁଁ କ୍ରୁସକାଟ୍‌ତୁ ମୁସ୍‌କୁ ଡାକ୍‌ଏତାର୍‌ମାନ୍ଦି; 
\v 9 ଏଣ୍ତେସ୍‌ ଦର୍ମସାସ୍ତ୍ରଦୁ ରାସାତାମାନାତ୍‌ :
\q1 “କାଣ୍‌ଗା ଆମାକା ସୁଡ଼ୁଏତ୍‌, ଗିତଣି ଆମାକା ୱେନ୍‌ଏତ୍‌,
\q2 ଆମାକା ଗଟାନିକା ଏନ୍‌ ଅଡ଼୍‌ବିଏନ୍‌,
\q2 ଆୟାୱିଜୁ ବିସୟ୍‌ ମାପୁରୁ ନିଜେଦି ଜିବନ୍‌ନୋନିୱାରି ଉଣ୍ତିଙ୍ଗ୍‌ ତିଆର୍‌ କିତାମାନାନ୍‌ ।”
\m
\v 10 ମାତର୍‌ ମାପୁରୁ ମା ଉଣ୍ତିଙ୍ଗ୍‌ ୱାନି ଆତ୍ମାଦାନ୍‌ ମାର୍‌ଗିତି ବିସୟ୍‌ ୱିଜୁ ୱେର୍‌ତା ମାନାନ୍‌; ଆୟା ଆତ୍ମା ନେ ମାପୁରୁଦି ନାଣ୍ତଲୋଇରି ବିସୟ୍‌କୁ ୱିଜୁ ପୟ୍‌ନାତ୍‌ । 
\v 11 ଲୋକ୍‌ତି ବିସୟ୍‌ୱିଜୁ ଲୋକ୍‌ତିମାନୁ ମାନି ଆତ୍ମାଦିଙ୍ଗ୍‌ ଡ଼ିସ୍‌ତିଙ୍ଗ୍‌ ମାରି ଏନ୍‌ ନେସ୍‌ନାନ୍‌ । ଆୟାୱାଜା ମାପୁରୁଦି ବିସୟ୍‌ୱିଜୁ ମାପୁରୁଦି ଆତ୍ମାଦିଙ୍ଗ୍‌ ଡ଼ିସ୍‌ତିଙ୍ଗ୍‌ ମାରି ଏନ୍‌ ନେସ୍‌ତେଙ୍ଗ୍‌ ଆଟ୍‍ଏନ୍‍ । 
\v 12 ଏଣ୍ତେସ୍‌ ମାପୁରୁଦି ମାଣାନ୍‌ ମାଙ୍ଗିଁ ଦୟାଦାନ୍‌ ସିତିମାନି ବିସୟ୍‌କୁୱିଜୁ ମାଡୁ ନେସ୍‌ତେଙ୍ଗ୍‌ ଆଟ୍‍ନିକା, ଇୟାଉଣ୍ତିଙ୍ଗ୍‌ ମାଡୁ ଜଗତ୍‌ତି ଆତ୍ମା ପୟ୍‌ଏଣ୍‌ଗା ମାପୁରୁଦି ଆତ୍ମା ପୟ୍‌ତିମାନିକା ।
\p
\v 13 ଆଦେଙ୍ଗ୍‌ ନେସ୍‌ତିମାନି ବୁଦିଦି ଲୋକା ଲାକ୍‌ତୁ ନେସ୍‌ତି ସତ୍‌ତିକା ୱେର୍‌ନିୱାଲେ ମାପୁ ଦୁନିଆଦି ବୁଦିଦାନ୍‌ ମାଟା ଇନ୍‌ଏପ୍‌ ମାନାପ୍‌, ମାତର୍‌ ଆତ୍ମିକ ବିସୟ୍‌ୱିଜୁ ଆତ୍ମିକ ବିସୟ୍‌ଦାନ୍‌ ବୁଜାକିଜି ପବିତ୍ରଆତ୍ମାଦାନ୍‌ ନେସ୍‌ତିମାନି ବାକ୍ୟଦାନ୍‌ ୱେର୍‌ନିକା । 
\v 14 ମାତର୍‌ ଦୁନିଆଦି ଲୋକୁ ମାପୁରୁଦି ଆତ୍ମାଦି ବିସୟ୍‌କୁ ମାନାଏନ୍‌, ଇରିଙ୍ଗ୍‌ ଇୟାୱିଜୁ ୱାନି ଲାକ୍‌ତୁ ମୁର୍କୁ, ମାରି ୱାନ୍‌ ଆୟାୱିଜୁ ବୁଜାଦେଙ୍ଗ୍‌ ଆଟ୍‍ଏନ୍‍, ଇରିଙ୍ଗ୍‌ କେବଲ ଆତ୍ମାଦୁମାନି ଲୋକୁ ଆୟାୱିଜୁଦିଙ୍ଗ୍‌ ବିଚାର୍‌ କିଦେଙ୍ଗ୍‌ ଆଟ୍‍ନାନ୍‍ । 
\v 15 ମାତର୍‌ ଏମେମାନି ଲୋଇ ମାପୁରୁଦି ଆତ୍ମା ତେବାନାତ୍‌, ୱାନ୍‌ ୱିଜୁ ବିସୟ୍‌ ବୁଜାଦେଙ୍ଗ୍‌ ଆଟ୍‍ନାନ୍‍, ମାରି ଏନ୍‌ ୱାନି ବିଚାର୍‌ କିଏନ୍‌ । 
\v 16 ଦର୍ମସାସ୍ତ୍ରଦୁ ଏଣ୍ତେସ୍‌ ରାସାତାମାନାତ୍‌ :
\q1 “ଏନ୍‌ ପ୍ରବୁଦି ମୋନ୍‌ତିଙ୍ଗ୍‌ ବୁଜାଦେଙ୍ଗ୍‌ ଆଟ୍‍ନାନ୍‍ ?
\q2 ଏନ୍‌ ୱାନିଙ୍ଗ୍‌ ସିକିୟା ସିଦେଙ୍ଗ୍‌ ଆଟ୍‍ନାନ୍‍ ?”
\m ୱାନ୍‌ ଏନ୍‌ଆପିନ୍‌, ମାପୁ କ୍ରିସ୍ତଦି ମୋନ୍‌ତିଙ୍ଗ୍‌ ମାନାତାମାନାପ୍‌ ।
\c 3
\s ମାପୁରୁଦି ସେବାକିନିକାନ୍‌
\p
\v 1 ଏ ତଡ଼ାନ୍‌କୁ ନି ତାଙ୍ଗିଁକି, ନାନ୍‌ ମାପୁରୁଦି ଆତ୍ମାମାନି ଲୋକା ୱାଲେ ୱାର୍‌ଗିଜିସାତି ୱାଜା ମି ୱାଲେ ୱାର୍‌ଗିଜିସାଏ । ମାତର୍‌ ନାନ୍‌ ମିଙ୍ଗିଁ ଇୟା ଜଗତ୍‌ତି ଲୋକୁ ମାରି କ୍ରିସ୍ତଦି ବିସ୍‌ବାସ୍‌ତୁ ଇସ୍ରିୱାରିଙ୍ଗ୍‌ ୱେର୍‌ତି ୱାଜା ମିଙ୍ଗିଁ ୱେର୍‌ତା । 
\v 2 \x + \xo ୩:୨ \xo*\xt ଏବ୍ରି ୫:୧୨,୧୩.\xt*\x*ନାନ୍‌ ମିଙ୍ଗିଁ ପାଲୁ ଉଟ୍‌ପିସ୍‌କିଜି ଆଇ କାଦି ସିଏତା, ଇରିଙ୍ଗ୍‌ ମିର୍‌ ଆକା ଉଣ୍ତେଙ୍ଗ୍‌ ଇଚ୍ଛା ସିଲେତାତ୍‍, ମାରି ଇଲେଇବା ଇଚ୍ଛା ସିଲେତ୍‌ । 
\v 3 ଇଲେଇବା ମିର୍‌ ଦୁନିଆଦି ଲୋକା ୱାଜା ଜିଜିମାଡ଼ିଜିନିଦେର୍‌ । ମି ଲୋଇ ଆକାର୍‍ ମାରି ନିଜେନିଜେଦି ମାନୁ ଜାଟିଜଗଡ଼ା ତେବାନାତ୍‌; ଇବେଣ୍‌କୁ ଇନିକା ମିର୍‌ ମେନ୍ଦଲଇସାବ୍‌ତାନ୍‌ ମାରି ଦୁନିଆଦିକା ଇଜି ପାର୍‌ମାଣ୍‌ ଆଏଜିନିଦେର୍‌ ? 
\v 4 \x + \xo ୩:୪ \xo*\xt ୧ କରିନ୍ତିୟ ୧:୧୨.\xt*\x*ମି ଲୋଇରାନ୍‌ ଅରେନ୍‍ ଇନାନ୍‌, ନାନ୍‌ ପାଉଲତି ୱାଲେ ମାନିକିନ୍ଧା, ମାରି ଅରେନ୍‍ ଇନାନ୍‌, ନାନ୍‌ ଆପୋଲୋଦି ୱାଲେ ମାନିକିନ୍ଧା, ନାସ୍ତିୱାଲେ ଇନିକା ମିର୍‌ ଦୁନିଆଦି ଲୋକା ୱାଜା ସାଲାବୁଲା କିଇଜିନିଦେର୍‌ ?
\p
\v 5 ଆପୋଲୋ ଏନ୍‌ ? ମାରି ପାଉଲ ଏନ୍‌ ? ୱାର୍‌ ମାପୁରୁଦି ସେବାକିନିକାର୍‌, ମିଙ୍ଗିଁ ବିସ୍‌ବାସ୍‌ କିଦେଙ୍ଗ୍‌ ମାପୁ ସାହାଜ୍ୟ କିଜିନାପ୍‌ । ମାପୁରୁ ମା ମାଣ୍‌କୁ ୱିଜେରିଙ୍ଗ୍‌ ଆମା ପାଣିଦୁ ଆସ୍‌କିତାମାନାନ୍‌, ମାପୁ ଆୟା ପାଣି କିଜିନାପ୍‌ । 
\v 6 \x + \xo ୩:୬ \xo*\xt ପ୍ରେରିତ ୧୮:୪-୧୧ \xt*\xt ପ୍ରେରିତ ୧୮:୨୪-୨୮.\xt*\x*ନାନ୍‌ ଉରୁତା ମାନା, ଆପୋଲୋ ଆବେନ୍‌ ଏରୁ ସିତାମାନାନ୍‌, ମାତର୍‌ ମାପୁରୁ ପିରିସ୍‌ କିତାମାନାନ୍‌ । 
\v 7 ମାରି, ଏନ୍‌ ଉରୁନାନ୍‌ ମାରି ଏନ୍‌ ଏରୁ ସିନାନ୍‌, ୱାନ୍‌ ଇନିକା ସିଲେ, ମାତର୍‌ ପିରିସ୍‌ କିତାମାନାନ୍‌ ଜେ ମାପୁରୁ, ୱାନ୍‌ ପେରିକାନ୍‌ । 
\v 8 ଏନ୍‌ ଉରୁନାନ୍‌ ମାରି ଏନ୍‌ ଏରୁ ସିନାନ୍‌, ଆୟା ରିଏର୍‌ ସାମାନ୍‌, ଇରିଙ୍ଗ୍‌ ମାପୁରୁ‌ ୱିଜେରିଙ୍ଗ୍‌ ନିଜେ ନିଜେଦି ପାଣିଦି ଇସାବ୍‌ତାନ୍‌ ପୁରସ୍କାର୍‌ ସିନାନ୍‌ । 
\v 9 ଇରିଙ୍ଗ୍‌ ମାପୁ ମାପୁରୁଦି ୱାଲେ ପାଣିକିଜିନାପ୍‌; ମିର୍‌ ମାପୁରୁଦି କିଡ଼ିଇ ମାରି ମାପୁରୁଦି ଇଲୁ ।
\p
\v 10 ନାଙ୍ଗିଁ ସିତିମାନି ମାପୁରୁଦି ଦୟା ଇସାବ୍‌ତାନ୍‌ ନାନ୍‌ ଅରେନ୍‍ ବୁଦିଦି ଇଲୁକୁତିଆର୍‌କିନିମେସ୍ତ୍ରି ୱାଜା ମୁଲୁକାଲୁ ପୋକ୍‌ତାମାନା, ଆଇକାନ୍‍ ଅରେନ୍‍ ଇୟା ମୁଲୁକାଲୁ ମୁସ୍‌କୁ ତିଆର୍‌ କିଜିନାନ୍‌ । ମାତର୍‌ ୱିଜୁ ଲୋକୁ ଆୟା ମୁସ୍‌କୁ ଏଣ୍ତେସ୍‌ ତିଆର୍‌ କିଜିନାନ୍‌ ଆୟା ବିସୟ୍‌ତାନ୍‌ ଜାଗ୍‌ରାତ୍‌ ଆନିକା ମାନାତ୍‌ । 
\v 11 ଇରିଙ୍ଗ୍‌ ମାପୁରୁ ଜିସୁ କ୍ରିସ୍ତଙ୍ଗ୍‌ ଉନ୍‌ଡ୍ରେନେମାତର୍‌ କୁନାନ୍ଦିକାଲୁ କିଜି ତିଆର୍‌ କିତାମାନାନ୍‌; ଆୟାତାନିଙ୍ଗ୍‌ ଡ଼ିସ୍‌ସି ଆଇ ଇନି କୁନାନ୍ଦିକାଲୁ ତିଆର୍‌ ଆଦେଙ୍ଗ୍‌ ଆଟ୍‍ଏତ୍‍ । 
\v 12 ଜଦି ଏନ୍‌ ଆୟା କୁନାନ୍ଦିକାଲୁ ମୁସ୍‌କୁ ବାଙ୍ଗାଁରାମ୍‍, ୱେଣ୍ତି, ନାଣ୍ତଦାରାଦି କାଲୁଦି ମୁସ୍‌କୁ ତିଆର୍‌ କିନାନ୍‌ ମାରି ଏନ୍‌ ଏନ୍‌ ମାରାକ୍‌, ଲାଟା ମାରି ପିରି ଦାନ୍‌ ତିଆର୍‌ କିନାନ୍‌, 
\v 13 ଆର୍‌ତିଙ୍ଗ୍‌ “କ୍ରିସ୍ତଦି ଡ଼େସିୱାନି ଦିନ୍‌ତୁ” ୱିଜୁ ଲୋକାଦି ପାଣି ଏଣ୍ତେସ୍‌ନାନିକା, ଆକା ୱେଙ୍ଗିଁନାତ୍‌, ଇରିଙ୍ଗ୍‌ ଆୟାନାଣ୍ତିଙ୍ଗ୍‌ ସିସୁଦି ୱାଲେ ୱେଙ୍ଗିଁନାତ୍‌, ମାରି ୱିଜୁ ଲୋକାଦି ପାଣି ଏଣ୍ତେସ୍‌ନାନିକା, ଆୟା ସିସୁ ପରିକା କିନାତ୍‌ । 
\v 14 କୁନାନ୍ଦିକାଲୁ ମୁସ୍‌କୁ ଆମାୱାନି ତିଆର୍‌କିତିମାନି ପାଣି ସିସୁଦି ପରିକାଦୁ ଆର୍‌ଏଣ୍‌ଗା ତେବାନାନ୍‌, ଆର୍‌ତିଙ୍ଗ୍‌ ୱାନ୍‌ ପୁରସ୍କାର୍‌ ପୟ୍‌ନାନ୍‌ । 
\v 15 ଜଦି ଆମାୱାନି ପାଣି ଦ୍ୱଂସ ଆନାତ୍‌, ୱାନିନ୍ଦିନେ ନାସ୍ଟୁ ଆନାତ୍‌, ମାରି ୱାନ୍‌ ନିଜେ ରକିୟା ପୟ୍‌ନାନ୍‌, ମାତର୍‌ ଆକା ସିସୁ ଲୋଇ ମାଟ୍‌ସି ବୁଲାତି ୱାଜା ଆନାତ୍‌ ।
\p
\v 16 \x + \xo ୩:୧୬ \xo*\xt ୧ କରିନ୍ତିୟ ୬:୧୯; ୨ କରିନ୍ତିୟ ୬:୧୬.\xt*\x*ମିର୍‌ ସତ୍‌ତାନ୍‌ ନେସ୍‌ତୁ ଜେ ମିର୍‌ ମାପୁରୁଦି ମନ୍ଦିର୍‌, ମାରି ମାପୁରୁଦି ଆତ୍ମା ମି ଲୋଇ ତେବାନାତ୍‌ । 
\v 17 ଜଦି ଏନ୍‌ ମାପୁରୁଦି ମନ୍ଦିର୍‌ତିଙ୍ଗ୍‌ ନାସ୍ଟୁ କିନାନ୍‌, ଆର୍‌ତିଙ୍ଗ୍‌ ମାପୁରୁ ୱାନିଙ୍ଗ୍‌ ନାସ୍ଟୁ କିନାନ୍‌; ଇରିଙ୍ଗ୍‌ ମାପୁରୁଦି ମନ୍ଦିର୍‌ ପବିତ୍ର, ଆୟା ମନ୍ଦିର୍‌ ମିର୍‌ ।
\p
\v 18 ଏନ୍‌ ନିଜେଦିଙ୍ଗ୍‌ ବାଣ୍ତିସ୍‌ କିମାକିନ୍‌ । ଜଦି ଏନ୍‌ ଇୟା ଦୁନିଆଦୁ ମି ଲୋଇରାନ୍‌ ନିଜେଦିଙ୍ଗ୍‌ ବୁଦି ଇଜି ଅଡ଼୍‌ବିନାନ୍‌, ଆର୍‌ତିଙ୍ଗ୍‌ ୱାନ୍‌ ଏଣ୍ତେସ୍‌ ବୁଦି ଆଦେଙ୍ଗ୍‌ ଆଟ୍‍ନାନ୍‍, ଇୟାଉଣ୍ତିଙ୍ଗ୍‌ ୱାନ୍‌ ମୁର୍କୁ ଆଦେଙ୍ଗ୍‌ ପଡ଼ାନାତ୍‌ । 
\v 19 ଇରିଙ୍ଗ୍‌ ଇୟା ଜଗତ୍‌ତି ଆଗ୍‌ଡ଼ି ଆମାକା ବୁଦି, ଆକା ମାପୁରୁଦି ଲାକ୍‌ତୁ ମୁର୍କୁଦିକା । ଦର୍ମସାସ୍ତ୍ରଦୁ ରାସ୍‌ତାମାନାତ୍‌, “ମାପୁରୁ ବୁଦିଦିଲୋକାଙ୍ଗ୍‌ ୱାରି ସାଲାକିଦିଙ୍ଗ୍‌ ଆସ୍‌ନାନ୍‌ ।” 
\v 20 ମାରିଡ଼େସି ସାସ୍ତ୍ରଦୁ ରାସାତାମାନାତ୍‌ ଜେ, “ପ୍ରବୁ ନେସ୍‌ନାନ୍‌ ଜେ ବୁଦିଦିଲୋକାରି ସିନ୍ତା ବେକାର୍‌ ।” 
\v 21 ମାରି, ଏନ୍‌ ଲୋକ୍‌ତିମାନୁ ଗର୍ବ କିମାକିନ୍‌ । ସତ୍‌ତାନ୍‌ ୱିଜୁ ବିସୟ୍‌ ମିଦିନେ । 
\v 22 ପାଉଲ, ଆପୋଲୋ, ପିତର୍‍, ଇୟା ଜଗତ୍‌, ଜିବନ୍‌ ମାରି ସାନିକା, ଇଲେଇ ମାରି ବବିସତ୍‌ ୱିଜୁ ମିଦିନେ । 
\v 23 ମାତର୍‌ ମିର୍‌ କ୍ରିସ୍ତଦି ଲୋକୁ ମାରି କ୍ରିସ୍ତ ମାପୁରୁଦିକାନ୍‌ ।
\c 4
\s କ୍ରିସ୍ତଦି ପ୍ରେରିତ ସିସୁ
\p
\v 1 ଲୋକୁ ମାଙ୍ଗିଁ କ୍ରିସ୍ତଦି ସେବାକିନିକାର୍‌ ଇଜି ୱେର୍‌ନିକା ମାନାତ୍‌ । ମାପୁରୁ ମାଙ୍ଗିଁ ମାର୍‌ଗିତି ସତ୍‌ତି ବିସୟ୍‌ ଗୁମୁସ୍ତା କିତାମାନାନ୍‌ । 
\v 2 ମାରି, ଇୟାୱାଜା ଦାଇତ୍‌ ମାନାତିମାନି ଲୋକୁ ନିଜେଦି ପ୍ରବୁଦି ଉଣ୍ତିଙ୍ଗ୍‌ ବିସ୍‌ବାସ୍‌ ଆନିକା ଅରେନ୍‍ ଦର୍‌କାର୍‌ । 
\v 3 ମାତର୍‌ ମି ମାଣ୍‌କୁ ମାରି ଆମା ଇନି ବିଚାର୍‌କିନି ସବାଦି ମାଣ୍‌କୁ ବିଚାର୍‌ ଆନି ଉଣ୍ତିଙ୍ଗ୍‌ ନାନୁ ସିନ୍ତା ସିଲେ, ଇୟାୱାଜା ନୋ ନାନ୍‌ ନିଜେ ବା ନିଜେଦି ବିଚାର୍‌ କିଏଜିନା । 
\v 4 ଇରିଙ୍ଗ୍‌ ନାନ୍‌ ନିଜେଦି ବିରୁଦ୍‌ତାନ୍‌ ମାନି ମାଟା ମୋନ୍‌ତୁ ନେସ୍‌ଏ । ମାରିବା ଇବେନୁ ନାନ୍‌ ଦସ୍‌ସିଲେତ୍‌ ଇଜି ପାରାମାଣ୍‌ କିଆୟ୍‌ଆଏ । ମାତର୍‌ ନା ବିଚାର୍‌ ପ୍ରବୁ କିନାନ୍‌ । 
\v 5 ଆଦେଙ୍ଗ୍‌, ବେଡ଼ାଦି ଆଗ୍‍ଡ଼ିନେ ପ୍ରବୁ ବିଚାର୍‌ କିଦେଙ୍ଗ୍‌ ୱାନି ସାନ୍ଦି କାପ୍‌କିଦୁ । ଇନି ବିସୟ୍‌ ବିଚାର୍‌ କିମାଟ୍‌ । ୱାନ୍‌ ସିକାଟିଦୁ ମାର୍‌ଗିତିମାନି ବିସୟ୍‌କୁୱିଜୁ ଜାୟ୍‌ତୁ ତର୍‌ନାନ୍‌, ମାରି ଲୋକା ମୋନ୍‌ତୁ ମାର୍‌ଗିତିମାନି ମାଟେଙ୍ଗ୍‌ୱିଜୁ ୱେକ୍‌ନାନ୍‌; ନାସ୍ତିୱାଲେ ୱିଜୁ ଲୋକୁ ମାପୁରୁଦିମାଣୁକୁ ପ୍ରସଂସା ପୟ୍‌ନାର୍‌ ।
\p
\v 6 ଏ ତଡ଼ାନ୍‌କୁ ନି ତାଙ୍ଗିଁକି, ନାନ୍‌ ମି ସିକିୟା ଉଣ୍ତିଙ୍ଗ୍‌ ଇୟାୱିଜୁ ମାଟେଙ୍ଗ୍‌ ନା ନିଜେଦିଙ୍ଗ୍‌ ମାରି ଆପୋଲୋଙ୍ଗ୍‌ ସୁଡ଼ୁଜି କାତା ୱେର୍‌ତା, ଏଣ୍ତେସ୍‌ “ସାସ୍ତ୍ରଦୁ ଆମାକା ରାସାତା ମାନାତ୍‌, ଆବେନୁ ତାନିମାଣୁକୁ ଆଗ୍‌ଡ଼ି ସୋଲ୍‌ମାଟ୍‌ ।” ଇକା ମିର୍‌ ମା ମାଣ୍‌କୁ ଅଜାଦୁ, ମାରି ଏଣ୍ତେସ୍‌ ମି ଲୋଇରାନ୍‌ ଏନ୍‌ ଅରେନ୍‍ୱାନି ଅସି ଗର୍ବ କିମାକିନ୍‌ ମାରି ଅରେନ୍‍ୱାନିଙ୍ଗ୍‍ ଅସି ଡ଼ିସ୍‌ମାକିନ୍‌ । 
\v 7 ଇରିଙ୍ଗ୍‌ ଏନ୍‌ ମିଙ୍ଗିଁ ପେରିକାନ୍‌ କିତାମାନାନ୍‌ ? ମାରି, ଆମାକା ମିର୍‌ ଦାନ୍‍ ୱାଜା ମାପୁରୁଦିମାଣୁକୁ ପୟ୍‌ଇଦେର୍‌, ଇୟାୱାଜା ମିଦି ଇନିକା ମାନାତ୍‌ ? ମାତର୍‌ ଜଦି ମିର୍‌ ଆକା ଦାନ୍‌ତିୱାଜା ପୟ୍‌ତିମାନିଦେର୍‌, ଆର୍‌ତିଙ୍ଗ୍‌ ଆକା ଦାନ୍‌ତି ୱାଜା ପୟ୍‌ଇତିୱାଜା ଏନ୍ଦା ଗର୍ବ କିଜିନିଦେର୍‌ ? 
\v 8 ମି ଦର୍‌କାର୍‌ତି ୱିଜୁ ବିସୟ୍‌ ପୟ୍‌ତି ୱିସ୍‌ତିଦେର୍‌ନି ? ମିର୍‌ ଇନିକା ମାଜନ୍‌ ଆତିଦେର୍‌ନି ? ମାଙ୍ଗିଁ ଡ଼ିସ୍‌ସି ମିର୍‌ ଇନିକା ଅରେନ୍‍ ଅରେନ୍‍ ରାଜା ଆତିମାନିଦେର୍‌ ? ସତ୍‌ତାନ୍‌, ମିର୍‌ ରାଜା ଆତିମାରିଙ୍ଗ୍‌ ନେଗେନ୍‌ ଆତାତ୍‌ମାନ୍ଦି, ଏଣ୍ତେସ୍‌ ମାପ୍‌ ବା ମି ୱାଲେ ରାଜା ଆଦେଙ୍ଗ୍‌ ଆଟ୍‌ତାପ୍‌ମାନ୍ଦି । 
\v 9 ଇରିଙ୍ଗ୍‌ ନାଙ୍ଗିଁ ଏତ୍‌ ୱାନାତ୍, ମା ୱାଜା ପ୍ରେରିତ୍‌ ସିସୁରିଙ୍ଗ୍‌ ମାପୁରୁ ୱିଜେରି ସାରାସାରିୱେନ୍‌କାରିବାଗ୍‌ତୁ ଇଟ୍‌ତାମାନାନ୍‌ । ନେସ୍‌ନିୱାଜା ସାନି ଦଣ୍ତବଗେ କିଜି ୱିଜୁ ଜଗତ୍‌ତି ଲୋକୁ ମାରି ଦୁତ୍‌କା ଲାକ୍‌ତୁ ସେମାର୍‌ଆନି ଲୋକା ୱାଜା ମାଙ୍ଗିଁ ୱାନ୍‌ ଇଟ୍‌ତାମାନାନ୍‌ । 
\v 10 ମାପୁ କ୍ରିସ୍ତଦି ଉଣ୍ତିଙ୍ଗ୍‌ ମୁର୍କୁ ଇଜି ଜାଣାଆତାମାନାପ୍‌ । ମାତର୍‌ ମିର୍‌ କ୍ରିସ୍ତଦିମାନୁ ବୁଦିମାନିକିଦେରା; ମାପୁ ସାକିସିଲିଲୋକୁ, ମାତର୍‌ ମିର୍‌ ସାକ୍ତିମାନିକିଦେରା । ମିର୍‌ ସନ୍‌ମାନ୍‌, ମାତର୍‌ ମାପୁ ସନ୍‌ମାନ୍‌ ଆଏପ୍‌ । 
\v 11 ମାପୁ ଇଲେଇବା ବାଙ୍ଗାଁ ମାରି ଏରିକି, କିଜିତି ଆଙ୍ଗିଁ ଆରାତାପ୍‌ ମାରି ଇନିଆଁଆନିଆଁ ବୁଲାଜିନାପ୍‌ ମାଡ୍‌ତିନ୍‌ଜିନାପ୍‌ ମାରି ତେବାନି ଇଲୁ ସିଲେତ୍‌ । 
\v 12 \x + \xo ୪:୧୨ \xo*\xt ପ୍ରେରିତ ୧୮:୩.\xt*\x*ନାଣ୍ତ କାସ୍ଟୁପାଣି କିଜି ମାପୁ ଦିନ୍‌ତିଙ୍ଗ୍‌ ଦିନ୍‌ ଜିରାଜି ସଲ୍‌ସିନାପ୍‌ । ଏନ୍‌ ମାଙ୍ଗିଁ ଆନାଦୁରିଆ ଇଟ୍‌ତିଙ୍ଗ୍‌, ମାପୁ ୱାନିଙ୍ଗ୍‌ ଆସିର୍ବାଦ୍‌ କିନାପ୍‌ । କାସ୍ଟୁ ପୟ୍‌ଜି, ସାସ୍‌ କିଜିନାପ୍‌ । 
\v 13 ଅପମାନ୍‌ ଆଜି ମିସାନି ମାଟା ୱେର୍‌ସିନାପ୍‌, ଇୟାସାନ୍ଦିବା ମାପୁ ଦୁନିଆଦି କାସ୍‌ରା ୱାଜା ଆତାମାନାପ୍‌, ୱିଜେରି ଉଣ୍ତିଙ୍ଗ୍‌ କିଟିଙ୍ଗ୍‌ତିରି ୱାଜା ଆତାମାନାପ୍‌ ।
\p
\v 14 ନାନ୍‌ ମିଙ୍ଗିଁ ସେମାର୍‌ କିନି ଉଣ୍ତିଙ୍ଗ୍‌ ଇୟାୱିଜୁ ବିସୟ୍‌କୁ ରାସ୍‌ଏ, ମାତର୍‌ ମିର୍‌ ନା ଲାଡ୍‍ତି କଡ଼ର୍‌ ଆତି ମାନିଙ୍ଗ୍‌ ନେସ୍‌ତେଙ୍ଗ୍‌ ମାରି ସେତ୍‌ନା ଆନି ଉଣ୍ତିଙ୍ଗ୍‌ ଇୟାୱିଜୁ ବିସୟ୍‌କୁ ରାସ୍‌ସିନା । 
\v 15 ଇରିଙ୍ଗ୍‌ କ୍ରିସ୍ତଦି ଜିବନ୍‌ତୁ ମି ଗାଦିଲୋକ୍‌ ଦାର୍ମୁଗୁରୁର୍‌ ତେବାନାର୍‌ । ମାତର୍‌ ମି ବୁବା ଅରେନ୍‍ । ମି ଲାକ୍‌ତୁ ସୁସମାଚାର୍‌ ପ୍ରଚାର୍‌ କିନି ମାଣ୍‌କୁ କ୍ରିସ୍ତ ଜିସୁଦିମାନୁ ନାନ୍‌ ମି ବୁବା ୱାଜା ଆତାମାନା । 
\v 16 \x + \xo ୪:୧୬ \xo*\xt ୧ କରିନ୍ତିୟ ୧୧:୧; ପିଲିପିୟ ୩:୧୭.\xt*\x*ଆଦେଙ୍ଗ୍‌ ନାନୁ ମିଙ୍ଗିଁ ଅନୁରଦ୍‌ କିଜିନା, ମିର୍‌ ନା ୱେନ୍‌କା ରାଦୁ । 
\v 17 କ୍ରିସ୍ତଦି ଜିବନ୍‌ତୁ ନା ଲାଡ୍‍ତି ନି ବିସ୍‌ବାସ୍‌ତି ମାରିନ୍‌ ତିମତିଙ୍ଗ୍‌ ମି ଲାକ୍‌ତୁ ପୋକ୍‌ତାଜିନା । ଏଣ୍ତେସ୍‌ ନାନ୍‌ ଜିସୁ କ୍ରିସ୍ତଦିମାନୁ ତେବାଜି ଆମା ପୁନି ଜିବନ୍‌ଜାପନ୍‌ କିଜିନା ମାରି ୱିଜୁତରିନ୍‌ ୱିଜୁ ମଣ୍ତଲିଆଙ୍ଗାଁ ଆମା ୱିଜୁ ସିକିୟା ୱେର୍‌ସିମାର୍‌ଆ, ଆକା ୱାନ୍‌ ମିଙ୍ଗିଁ ଏତ୍‌ କିବିସ୍‌କିନା ସିନାନ୍‌ ।
\p
\v 18 ନାନ୍‌ ମି ଲାକ୍‌ତୁ ସଲ୍‌ଏ ଇଜି ଅଡ଼ବିଜି ଏନ୍‌ ଏନ୍‌ ମେନ୍ଦଲ୍‌ତୁ ୱେଡ଼ିକା ଆତାମାନାର୍‌ । 
\v 19 ମାତର୍‌ ଜଦି ମାପୁରୁ ବଦା କିତିଙ୍ଗ୍‌, ନାନ୍‌ ମି ଲାକ୍‌ତୁ ଦାପ୍ରେ ୱାନା; ମାରି, ଆକାର୍‍ ଗର୍ବ କିଜିନାର୍‌, ୱାରି ମାଟା ସିଲେ, ମାତର୍‌ ସତ୍‌ତାନ୍‌ ୱାରି ଏସ ସାକ୍ତିମାନାତ୍‌, ଆକା ନାନୁ ସୁଡ଼ୁନା । 
\v 20 ଇରିଙ୍ଗ୍‌ ମାପୁରୁଦି ରାଜି କେବଲ ମାଟାଦି ବିସ୍‌ୟ ସିଲେ, ମାତର୍‌ ସାକ୍ତିଦି ବିସ୍‌ୟ । 
\v 21 ମି ଇଚ୍ଛା ଇନିକା ? ନାନ୍‌ ଇନିକା ମିଙ୍ଗିଁ ସାସନ୍‌ କିନି ଉଣ୍ତିଙ୍ଗ୍‌ କର୍‌ଡା ଆସ୍‌ସି ୱାନା ? ନୋ, ଜିବନ୍‌ନୋନିକା ମାରି ସାନ୍ତିଦି ମୋନ୍‌ ଆସ୍‌ସି ୱାନା ।
\c 5
\s ମଣ୍ତଲିଦୁ ଦାରିପାଣି
\p
\v 1 ସତ୍‌ତାନ୍‌ ୱେଙ୍ଗିଁଜିନାତ୍‌ ଜେ, ମି ଲୋଇ ବୟ୍‌ଙ୍କାର୍‌ତି ଦାରିପାଣି ମାନାତ୍‌, ମାରି ଇୟାୱାଜାଦି ଦାରିପାଣି, ଆମାକାକି ଅଣଜିହୁଦି ଲୋକାମାନୁ ବା ଆଏତ୍‍ । ନାନ୍‌ ୱେରାଆମାନା, ମି ଲୋଇରାନ୍‌ ଅରେନ୍‍ ନିଜେଦି ବୁବାଦି ଆଡ଼୍‌ସିଙ୍ଗ୍‌ ଇଟ୍‌ତାମାନାନ୍‌ । 
\v 2 ମାରି, ଏନ୍‌ ଇୟା ପାଣି କିତାମାନାନ୍‌, ମିର୍‌ ଏଣ୍ତେସ୍‌ ନିଜେଦି ବିସୟ୍‌ତାନ୍‌ ଗର୍ବ କିଦେଙ୍ଗ୍‌ ଆଟ୍‌ସିନିଦେର୍‌ ? ସତ୍‌ତି ତରିଟାନ୍‌ ମିର୍‌ ସେମାର୍‌ ଆଜି ଆୟାୱାଜାଦି ଲୋକ୍‌ତିଙ୍ଗ୍‌ ମି ମାଣ୍‌କୁ ପେର୍‌ନିକା ନେଗେତ୍‌ । 
\v 3 ମାତର୍‌ ନାନ୍‌ ଆବେନ୍‌ ମେନ୍ଦଲ୍‌ତାନ୍‌ ସିଲିତିଙ୍ଗ୍‌ ବା, ଆତ୍ମାଦାନ୍‌ ତେବାତାମାନା, ଏନ୍‌ ଇୟାୱାଜା ପାଣି କିତାମାନାନ୍‌, ଆବେନୁତେବାତି ୱାଜା ୱାନି ବିଚାର୍‌ କିତାୱିସ୍‌ତାମାନାନ୍‌ । 
\v 4 ପ୍ରବୁ ଜିସୁଦି ଦର୍‌ତାନ୍‌ ମିର୍‌ ଉନ୍‌ଡ୍ରେମାନୁ ଆନି ୱାଲେ ନାନ୍‌ ବା ଆବେନ୍‌ ଆତ୍ମାଦାନ୍‌ ତେବାତାମାନା ଇଜି ନେସ୍‌ସି ମାରି ପ୍ରବୁ ଜିସୁଦି ସାକ୍ତି ମାମାନୁ ତେବାତାମାନାତ୍‌ । 
\v 5 ଇୟାୱାଜା ଲୋକ୍‌ତିଙ୍ଗ୍‌ ମେନ୍ଦଲ୍‌ତି ସାନି ଉଣ୍ତିଙ୍ଗ୍‌ ସୟ୍‌ତାନ୍‌ତି କିୟୁଦୁ ସର୍‌ପେ କିଜସିଦୁ, ଏଣ୍ତେସ୍‌ ପ୍ରବୁ ଜିସୁଦି ୱାନିଦିନ୍‌ତୁ ୱାନି ଆତ୍ମା ରକିୟା ପୟ୍‌ଦେଙ୍ଗ୍‌ ଆଟ୍‍ନାତ୍‍ ।
\p
\v 6 \x + \xo ୫:୬ \xo*\xt ଗାଲାତିୟ ୫:୯.\xt*\x*ମିର୍‌ ଇୟାୱାଜା ଗର୍ବ କିନିକା ନେଗେତ୍‌ ସିଲେ । ମିର୍‌ ଇନିକା ନେସ୍‌ଇଦେର୍‌ ଜେ, କାଣ୍ତେକ୍‌ନେ କମିର୍‌ ୱିଜୁ ଅଟାଗୁଣ୍ତୁତିଙ୍ଗ୍‌ ସଇସ୍‌ କିନାତ୍‌ ? 
\v 7 ମି ଲୋଇରାନ୍‌ ପାଡ଼ିଇ ପାପ୍‌କମିର୍‌ତିଙ୍ଗ୍‌ ସୋପ୍‌ସ ପୋକ୍‌ତୁ । ଆର୍‌ତିଙ୍ଗ୍‌, ମିର୍‌ କମିର୍‌ସିଲି ପୁନି ନେଗିଅଟାଗୁଣ୍ତୁ ୱାଜା ଆନିଦେର୍‌ ମାରିବା ନାନ୍‌ ନେସ୍‌ନା, ମିର୍‌ ଇଲେଇ ଆୟାୱାଜା ମାନିଦେର୍‌ । ନିସ୍ତାର୍‌ ପଣ୍ତୟ୍‌ତି ତିଆର୍‌କିନିକା ୱିଜିତାମାନାତ୍‌ । ମା ନିସ୍ତାର୍‌ ପଣ୍ତୟ୍‌ତି ମେଣ୍ତାପିଲା ୱାଜା ନିଜେ କ୍ରିସ୍ତ ପୁଜାସିନି ୱାଜା ସର୍‌ପେ ଆତାମାନାନ୍‌ । 
\v 8 ଆର୍‌ତିଙ୍ଗ୍‌ ରାଦୁ, ମାଡୁ ପାଡ଼ିଇ କମିର୍‌ ମାରି ପାପ୍‌ ମାରି ତାଗ୍‌ଇପାଣି ୱାଜାଦି କମିର୍‌ତାନ୍‌ ପଣ୍ତୟ୍‌ କିଏଣ୍‌ଗା ନେଗେନ୍‌ତାନ୍‌ ମାରି ସତ୍‌ତାନ୍‌ କମିର୍‌ସିଲି ରୁଟିଦାନ୍‌ ଇୟା ପଣ୍ତୟ୍‌ କିନାଟ୍‌ ।
\p
\v 9 ଦାରିପାଣିକିନିୱାରି ୱାଲେ ସଙ୍ଗ୍‍ କିଈ ଉଣ୍ତିଙ୍ଗ୍‌ ନାନ୍‌ ମିଙ୍ଗିଁ ନା ଆଗ୍‍ଡ଼ିରି ଆକୁଦୁ ରାସ୍‌ତାମାର୍‌ଆ; 
\v 10 ତାନି ଅର୍ତ ଆଏତ୍‍ ଜେ ଇୟା ଦୁନିଆଦାନ୍‌ ଦାରିପାଣି, ଦନ୍‌ଆସା, ଡଙ୍ଗାଁକିନିକା ମାରି ବମା ପୁଜାକିନିୱାରି ୱାଲେ ମୁଡ଼ୁକେ ସଙ୍ଗ୍‍ କିମାଟ୍‌ । ଆୟାୱାଜା ଆତିଙ୍ଗ୍‌, ମିଙ୍ଗିଁ ଦୁନିଆଦାନ୍‌ ସୋସ ସନ୍‍ଡ୍ରେଙ୍ଗ୍‍ ପଡ଼ାନାତ୍‌ । 
\v 11 ମାତର୍‌ ନାନ୍‌ ଆକୁତୁ ଇକା ରାସ୍‌ତା ମାର୍ହା ଜେ, ଜଦି ଆମା ଲୋକ୍‌ ସଙ୍ଗ୍‍ ଇଜି ଜାଣାସିନା କିଜି ଦାରିପାଣି, ଦନ୍‌ଆସା, ବମା ପୁଜାକିନିକାନ୍‌, ଆକାର୍‍, ମଦୁଆ ମାରି ଡଙ୍ଗାଁର୍‌ଏନ୍‌ ଆନାନ୍‌, ଆର୍‌ତିଙ୍ଗ୍‌ ଇୟାୱାଜାଦି ଲୋକ୍‌ତି ୱାଲେ ତଡ଼୍‍ କିମାଟ୍‌, ମାରି ଇୟାନାନି ଲୋକ୍‌ତି ୱାଲେ ଉଣୁମାଟ୍‌ ।
\p
\v 12 ଇରିଙ୍ଗ୍‌ ଆତ୍ରେରି ଲୋକାଙ୍ଗ୍‌ ବିଚାର୍‌ କିଦେଙ୍ଗ୍‌ ନାନୁ ଏନ୍‌ ? ମାତର୍‌ ମା ମଣ୍ତଲିଦୁ ମିସାତିମାନି ଲୋକାଙ୍ଗ୍‌ ବିଚାର୍‌ କିନି ଦାଇତ୍‌ ଇନିକା ମାଦି ସିଲେ ? 
\v 13 ମାପୁରୁ ୱାରି ବିଚାର୍‌ କିନାନ୍‌, ଦର୍ମସାସ୍ତ୍ରଦୁ ରାସ୍‌ତାମାନାତ୍‌, “ଆୟା ତାଗ୍‌ଇ ଲୋକାଙ୍ଗ୍‌ ମି ଲୋଇରାନ୍‌ ସୋପ୍‌ତୁ ।”
\c 6
\s କ୍ରିସ୍ଟାନ୍‌ ତଡ଼ାନ୍‌କା ବିରୁଦ୍‌‌ତାନ୍‌ ତାଗ୍‌ଇପାଣି
\p
\v 1 ମି ଲୋଇରାନ୍‌ ଆମାୱାନି ବିରୁଦ୍‌ତାନ୍‌ ମାଟା ମାରିଙ୍ଗ୍‌, ଆର୍‌ତିଙ୍ଗ୍‌ ୱାନ୍‌ କ୍ରିସ୍ଟାନ୍‌ତି ବିସ୍‌ବାସ୍‌ରି ଲାକ୍‌ତୁ ସଲ୍‌ଏଣ୍‌ଗା ଅବିସ୍‌ବାସ୍‌ତି ବିଚାର୍‌କିନିୱାରି ଲାକ୍‌ତୁ ସନି ଉଣ୍ତିଙ୍ଗ୍‌ ଏଣ୍ତେସ୍‌ ସାସ୍‌ କିଜିନାନ୍‌ ? 
\v 2 ମାପୁରୁଦି ଲୋକୁ ଦୁନିଆଦି ବିଚାର୍‌ କିନାର୍‌ ଇଜି ଇୟା ମାଟା ଇନିକା ମିର୍‌ ନେସ୍‌ଇଦେର୍‌ ? ମିର୍‌ ଜଦି ଦୁନିଆଦି ବିଚାର୍‌ କିଦେଙ୍ଗ୍‌ ଆଟ୍‌ନିଦେର୍‌, ଆର୍‌ତିଙ୍ଗ୍‌ ମିର୍‌ ଇନିକା ଇୟା ଇସ୍ରି ବିସୟ୍‌ତିଙ୍ଗ୍‌ ବିଚାର୍‌ କିଦେଙ୍ଗ୍‌ ଆଟ୍‍ଇଦେର୍‍ ? 
\v 3 ମାଡ୍‌ ଜେ ମୁସ୍‌କୁପୁର୍‌ତି ଦୁତ୍‍କା ବିଚାର୍‌ କିନାପ୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ଆର୍‌ତିଙ୍ଗ୍‌ ଦୁନିଆଦି ମାଟେଙ୍ଗ୍‌ୱିଜୁ ବିଚାର୍‌ କିନିକା, ମା ଉଣ୍ତିଙ୍ଗ୍‌ ନାଣ୍ତ ଉସାସ୍‌ ଆନାତ୍‌ ସିଲେ ? 
\v 4 ଇୟାୱିଜୁ ଇସ୍ରି ବିସୟ୍‌ତିଙ୍ଗ୍‌ ମାଟାୱାର୍‌ଗିନି ଉଣ୍ତିଙ୍ଗ୍‌ ଏନ୍ଦା ମଣ୍ତଲିଦୁ ଆମାକାର୍‌ ସନ୍‌ମାନ୍‌ ଆଏର୍‌, ଆୟାୱାଜା ବିଚାର୍‌ ଲୋକା ଲାକ୍‌ତୁ ସୋଲ୍‌ସିନିଦେର୍‌ ? 
\v 5 ଇୟାଉଣ୍ତିଙ୍ଗ୍‌ ମିର୍‌ ସେମାର୍‌ ଆନିକା ମାନାତ୍‌ । କ୍ରିସ୍ତବିସ୍‌ବାସ୍‌ସି ତଡ଼ାନ୍‌ତିମାନୁ ସୋସିମାନି ଜଗଡ଼ାଦିଙ୍ଗ୍‌ ତିର୍‌ କିଦେଙ୍ଗ୍‌ ସତ୍‌ତାନ୍‌ ମି ମଣ୍ତଲିଦୁ ଏନ୍‌ ସିଲିତିଙ୍ଗ୍‌ ଏନ୍‌ ଅରେନ୍‍ ବୁଦିଦି ଲୋକ୍‌ ମାନାନ୍‌ । 
\v 6 ମାତର୍‌ ତଡ଼ାନ୍‌ ମାରି ଅରେନ୍‌ ତଡ଼ାନ୍‌ତି ବିରୁଦ୍‌ତାନ୍‌ ନିୟ୍ୟାୟ୍‌ କିନିବାଡିଦୁ ୱେର୍‌ନାନ୍‌, ଆକା ମାରି ଅବିସ୍‌ବାସ୍‌ସିର୍‌ ଆୟାତାନି ବିଚାର୍‌ କିଜିନାର୍‌ ।
\p
\v 7 ମି ଲୋଇ ସାଲାତିମାନି ଜାଟିଜଗଡ଼ା ୱେର୍‌ସିନାତ୍‌ ଜେ । ମିର୍‌ ଜେ ନିଜେନିଜେଦି ବିରୁଦ୍‌ତାନ୍‌ ନିୟ୍ୟାୟ୍‌ କିନିବାଡିଦୁ ୱେର୍‌ସିନିଦେର୍‌, ଆବେନ୍‌ ମିର୍‌ ପୁରା ଦୋସି । ତାଗ୍‌ଇପାଣି କିନି ବାଦ୍‌ଲୁ ବରଂ ଅନ୍ୟାୟ୍‌ ସାସ୍‌ କିଜି ନାସ୍ଟୁ ଆନିକା, ମି ଉଣ୍ତିଙ୍ଗ୍‌ ନେଗେତ୍‌ ସିଲେ ନୋ ? 
\v 8 ଇକା କିନି ବାଦ୍‌ଲୁ ନିଜେ ନିଜେଦି ଉଣ୍ତିଙ୍ଗ୍‌ ଇୟାୱାଜା ନିଜେଦି ତଡ଼ାନ୍‌କା ଉଣ୍ତିଙ୍ଗ୍‌ ଅନ୍ୟାୟ୍‌ କିଜି ୱାରିଙ୍ଗ୍ ସେମାର୍‌ କିଜିନିଦେର୍‌ । 
\v 9 ଅଦାର୍ମୁଦିକାର୍‌ ଜେ ମାପୁରୁଦି ରାଜିଦି ଅଦିକାର୍‌ତିକାର୍‌ ଆଏର୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ଇୟା ବିସୟ୍‌ତାନ୍‌ ମିର୍‌ ବାୟାବେବ୍‌ରି ଆମାଟ୍‌, ତାଗ୍‌ଇପାଣି, ବମା ପୁଜାକିନିକାନ୍‌, ଦାରିପାଣି, ବେସ୍ୟା, ତାଗ୍‍ଇପାଣିଦୁ ତେବାତିମାନି ଲୋକୁ 
\v 10 ମାରି ଡଙ୍ଗାଁର୍‌ଏନ୍‌, ଦନ୍‌ଆସା, ମଦୁଆ, ସୁରିୱାର୍‌ଗିନିକା ମାରି ଆଇ ଲୋକା ଜିନିସ୍‌କୁ ଡଙ୍ଗାଁକିନିକାର୍‌, ଇୟାକାର୍‌ ମାପୁରୁଦି ରାଜିଦୁ ବାଗ୍‌ ପୟ୍‌ଏର୍‌ । 
\v 11 ମାରି, ମି ମାଣ୍‌କୁ ଏନ୍‌ ଏନ୍‌ ଆୟାୱାଜା ମାରିଇଦେର୍‌, ମାତର୍‌ ଇଲେଇ ମିର୍‌ ପାପ୍‌ତାନ୍‌ ନରାଆୟ୍‌ ଆଜି ମାପୁରୁଦି ଉଦେସ୍‌ତାନ୍‌ ମାନିଦେର୍‌ । ମାରି ପ୍ରବୁ ଜିସୁ କ୍ରିସ୍ତ ମାରି ପବିତ୍ରଆତ୍ମାଦାନ୍‌ ମିର୍‌ ଦାର୍ମୁଦିକାନ୍‌ ଇଜି ଲେକିସ୍‌କିଆତିମାନିଦେର୍‌ ।
\s ନିଜେଦି ମେନ୍ଦଲ୍‌ତିଙ୍ଗ୍‌ ମାପୁରୁଦି ଗୌରବ୍‌ତି ଉଣ୍ତିଙ୍ଗ୍‌ ବ୍ୟବ୍‌ହାର୍‌ କିଦୁ
\p
\v 12 \x + \xo ୬:୧୨ \xo*\xt ୧ କରିନ୍ତିୟ ୧୦:୨୩.\xt*\x*ଏନ୍‌ ୱେର୍‍ତେଙ୍ଗ୍‍ ଆଟ୍‍ନାନ୍‌, “ୱିଜୁ ବିସୟ୍‌ କିନି ଉଣ୍ତିଙ୍ଗ୍‌ ନାଙ୍ଗିଁ ଅଦିକାର୍‌ ସିଆୟ୍‌ଆତାମାନାତ୍‌ ।” ସତ୍‌ମାଟା, ମାତର୍‌ ୱିଜୁ ବିସୟ୍‌ ମି ଉଣ୍ତିଙ୍ଗ୍‌ ନେଗେତ୍‌ ସିଲେ । ୱିଜୁ ବିସୟ୍‌ ପୁରା କିଦେଙ୍ଗ୍‌ ନା ଅଦିକାର୍‌ ମାନାତ୍‌ ଇଜି ନାଙ୍ଗିଁ ଆଡ୍‍ଗି କିନି ଉଣ୍ତିଙ୍ଗ୍‌ ନାନ୍‌ ଏଙ୍ଗ୍‌ ଏସ୍‌କାଙ୍ଗ୍‌ ସୁଜୋଗ୍‌ ସିଏ । 
\v 13 ଆଇକାନ୍‍ ଏନ୍‌ ୱେର୍‍ତେଙ୍ଗ୍‍ ଆଟ୍‍ନାନ୍‍, “କାଦି ପଟାଦି ଉଣ୍ତିଙ୍ଗ୍‌, ମାରି ପଟା କାଦିଦି ଉଣ୍ତିଙ୍ଗ୍‌ ଟିକ୍‌ ।” ସତ୍‌ମାଟା, ମାତର୍‌ ମାପୁରୁ ରୁଣ୍ତିୱାନିକାଙ୍ଗ୍‌ବା ନାସ୍ଟୁ କିନାନ୍‌ । ମେନ୍ଧଲ୍‍ ଦାରିପାଣିଦି ଉଣ୍ତିଙ୍ଗ୍‌ ସିଲେ, ମାତର୍‌ ପ୍ରବୁଦି ସେବାପାଣିଦି ଉଣ୍ତିଙ୍ଗ୍‌ ବ୍ୟବ୍‌ହାର୍‌ ଆପିତ୍‌, ଇରିଙ୍ଗ୍‌ ପ୍ରବୁ ମେନ୍ଦଲ୍‌ତି ଉଣ୍ତିଙ୍ଗ୍‌ ଦରକାର୍‌ମାନିକା ପୁରା କିନାନ୍‌ । 
\v 14 ମାପୁରୁ ପ୍ରବୁଙ୍ଗୁଁ ସାତିମାଣାନ୍‌ ମାରିଡ଼େସି ଜିବନ୍‌କିଜି ନିକ୍‌ତାମାନାନ୍‌, ମାରି, ନିଜେଦି ସାକ୍ତିଦାନ୍‌ ୱାନ୍‌ ମାଙ୍ଗିଁ ବା ମାରିଡ଼େସି ଜିବନ୍‌କିଜି ନିକ୍‌ନାନ୍‌ ।
\p
\v 15 ମି ମେନ୍ଧଲ୍‍ ଜେ କ୍ରିସ୍ତଦି ମେନ୍ଦଲ୍‌ତି ଉନ୍‌ଡ୍ରି ବାଗ୍‌ ୱାଜା, ଇକା ଇନିକା ନେସ୍‌ଇଦେର୍‌ ? ଆର୍‌ତିଙ୍ଗ୍‌ ନାନ୍‌ ଇନିକା କ୍ରିସ୍ତଦି ମେନ୍ଦଲ୍‌ତିଙ୍ଗ୍‌ ଆସ୍‌ସିସୋଲ୍‌ସି ବେସ୍ୟାଦି ମେନ୍ଧଲ୍‍ କିନା ? ଆକା ଏସ୍‌କାଙ୍ଗ୍‌ବା ଆମାକିତ୍‌ । 
\v 16 ମାରି ଏନ୍‌ ବେସ୍ୟାଦି ୱାଲେ ମିସାନାର୍‌, ୱାନ୍‌ ୱାନି ୱାଲେ ଉନ୍‌ଡ୍ରେ ମେନ୍ଦଲ୍‌ନେ ଆନା‌ର୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ଇରିଙ୍ଗ୍‌ ସାସ୍ତ୍ରଦୁ ନେଗେନ୍‌ତାନ୍‌ ରାସ୍‌ତା ମାନାତ୍‌, “ଆୟା ରିଏର୍‌ ଅରେନ୍‌ନେ ଆନାର୍‌ ।” 
\v 17 ମାତର୍‌ ଏନ୍‌ ପ୍ରବୁଦି ୱାଲେ ମିସାନାନ୍‌, ୱାନ୍‌ ୱାନି ୱାଲେ ଆତ୍ମାଦୁ ଉନ୍‌ଡ୍ରେ ଆନାତ୍‌ ।
\p
\v 18 ଦାରିପାଣିଦାନ୍‌ ଆକ ମାନ୍‌ଡ୍ରୁ । ଆଇ ଇନି ପାପ୍‍ ଲୋକ୍‌ତି ମେନ୍ଦଲ୍‌ତିଙ୍ଗ୍‌ କାରାପ୍‌ କିଏତ୍‌ । ମାତର୍‌ ଏନ୍‌ ଦାରିପାଣି କିନାନ୍‌, ୱାନ୍‌ ନିଜେଦି ମେନ୍ଦଲ୍‌ତି ବିରୁଦ୍‌ତାନ୍‌ ପାପ୍‌ କିନାନ୍‌ । 
\v 19 \x + \xo ୬:୧୯ \xo*\xt ୧ କରିନ୍ତିୟ ୩:୧୬; ୨ କରିନ୍ତିୟ ୬:୧୬.\xt*\x*ଇକା ଇନିକା ମିର୍‌ ନେସ୍‌ଇଦେର୍‌ ? ମାରି ମି ମେନ୍ଧଲ୍‍ ଜେ ମାପୁରୁଦିମାଣାନ୍‌ ପୟ୍‌ତି ମି ଜିବନ୍‌ତୁବାସାନି ପବିତ୍ରଆତ୍ମାଦି ମନ୍ଦିର୍‌, ମାରି ମିର୍‌ ନିଜେ ନିଜେଦି ଆଇଦେର୍‍, ମାତର୍‌ ମାପୁରୁଦିକାର୍‌ । 
\v 20 ୱାନ୍‌ ମିଙ୍ଗିଁ ନାଣ୍ତ ଦାରା ସିଜି କଟାମାନାନ୍‌; ଆଦେଙ୍ଗ୍‌ ମି ମେନ୍ଦଲ୍‌ତାନ୍‌ ମାପୁରୁଦି ଦନ୍ୟବାଦ କିଦୁ ।
\c 7
\s ପେଡ଼ିଆନି ବିସୟ୍‌ତାନ୍‌ ନିୟମ୍‌
\p
\v 1 ମିର୍‌ ଆମାୱିଜୁ ବିସୟ୍‌ ରାସ୍‌ତିମାନିଦେର୍‌, ଇଲେଇ ନାନ୍‌ ଆୟାୱିଜୁଦି ଉତର୍‌ ୱେର୍‌ନା । ପେଡ଼ି ଆଇକା ନେଗେତ୍‌ । 
\v 2 ମାତର୍‌ ଦାରିପାଣିଦି କିନି ଆସାଦି ଉଣ୍ତିଙ୍ଗ୍‌ ୱିଜେରେ ମେମାର୍‌ଙ୍ଗୁଁ ନିଜେଦି ଆଡ଼୍‍ସିକ୍‍ ମାନିକା, ମାରି ୱିଜୁଲୋକ୍‌ ଆଇମେକା ନିଜେଦି କନ୍‌ଲିର୍‌ ମାନିକା ଦରକାର୍‌ । 
\v 3 କନ୍‌ଲି, ଆଡ଼୍‌ସି ଉଣ୍ତିଙ୍ଗ୍‌ ନିଜେଦି ମେନ୍ଧଲ୍‍ ପୁରା କିନିକା ମାରି ଆଡ଼୍‌ସି କନ୍‌ଲି ଉଣ୍ତିଙ୍ଗ୍‌ ନିଜେଦି ମେନ୍ଦଲ୍‌ତି ପୁରା କିନିକା ମାନାତ୍‍ । ମାରି ରିଏର୍‌ ରିଏରି ଦର୍‌କାର୍‌ ପୁରା କିନି ନିୟମ୍‌ । 
\v 4 ନିଜେଦି ମେନ୍ଦଲ୍‌ତି ମୁସ୍‌କୁ ଆଡ଼୍‌ସିଦି ଅଦିକାର୍‌ ସିଲେତ୍‌, ମାତର୍‌ କନ୍‌ଲିନ୍ଦି ଅଦିକାର୍‌ ମାନାତ୍‌; ଆୟାୱାଜା ବା କନ୍‌ଲିଦି ନିଜେଦି ମେନ୍ଦଲ୍‌ତି ମୁସ୍‌କୁ ଅଦିକାର୍‌ ସିଲେତ୍‌, ମାତର୍‌ ଆଡ଼୍‌ସିନ୍ଦି ଅଦିକାର୍‌ ମାନାତ୍‌ । 
\v 5 ନିଜେନିଜେଦିଙ୍ଗ୍‌ ୱାର୍‌ ଆକ ତେବାମାକିର୍‌ । ମାତର୍‌ ରିଏର୍‌ ମତାମ୍‌ ଆଜି ପାର୍‌ତାନାଦୁ ସମୟ୍‌ସିନି ଉଣ୍ତିଙ୍ଗ୍‌ ଏସ ସମୟ୍‌ ୱେର୍‌ଏ ତେବାଦେଙ୍ଗ୍‌ ଆଟ୍‍ନାର୍‍ । ମାରି, ମି ଜିବନ୍‌ତୁମିସାନି ଉଣା ଉଣ୍ତିଙ୍ଗ୍‌ ସୟ୍‌ତାନ୍‌ ଏଣ୍ତେସ୍‌ ୱାରିଙ୍ଗ୍ ପରିକା କିଏତ୍‌, ଆୟାଉଣ୍ତିଙ୍ଗ୍‌ ୱାର୍‌ ମାରିଡ଼େସି ଉନ୍‌ଡ୍ରେମାନୁ ଆପିର୍‌ ।
\p
\v 6 ମାତର୍‌ ନାନ୍‌ ଆଦେସ୍‌ ସିତି ୱାଜା ୱେର୍‌ଏଣ୍‌ଗା ବୁଜାକିତିୱାଜା ୱେର୍‌ସିନା । 
\v 7 ମାରି, ମିର୍‌ ୱିଜୁ ଲୋକୁ ନା ୱାଜା ଆପିର୍‌ ଇଜି ଇକା ନା ଇଚ୍ଛା । ମାତର୍‌ ଏନ୍‌ ଇୟାୱାଜାଦିକା, ମାରି ଏନ୍‌ ଆୟାୱାଜାଦିକା, ୱିଜୁଲୋକୁ ମାପୁରୁଦିମାଣାନ୍‌ ଦାନ୍‍ ପୟ୍‌ତାମାନାର୍‌ ।
\p
\v 8 ମାତର୍‌ ନାନ୍‌ ପେଡ଼ିଆଇୱାରିଙ୍ଗ୍‌ ନି ରାଣ୍ତିଆଇମେକାଙ୍ଗ୍‌ ଇଜିନା, ୱାର୍‌ ନା ୱାଜା ଅରେନ୍‌ନେ ତେବାତିଙ୍ଗ୍‌ ନେଗେନ୍‌ ଆତାତ୍‌ମାନ୍ଦି । 
\v 9 ମାତର୍‌ ଜଦି ୱାର୍‌ ମୋନ୍‌ତିଙ୍ଗ୍‌ ତିର୍‌ କିଦେଙ୍ଗ୍‌ ଆଟ୍‌ଇତିଙ୍ଗ୍‌, ଆର୍‌ତିଙ୍ଗ୍‌ ପେଡ଼ି ଆପିର୍‌ । ଇରିଙ୍ଗ୍‌ ଆସା ଆଜି କାରାପ୍‌ ଆନି ବାଦ୍‌ଲୁ ପେଡ଼ି ଆନିକା ନେଗେତ୍‌ ।
\p
\v 10 \x + \xo ୭:୧୦ \xo*\xt ମାତିଉ ୫:୩୨; ୧୯:୯; ମାର୍କ ୧୦:୧୧,୧୨; ଲୁକ ୧୬:୧୮.\xt*\x*ମାତର୍‌ ପେଡ଼ିଆତିୱାରିଙ୍ଗ୍‌ ନାନ୍‌ ଆଦେସ୍‌ ସିଜିନା, ନାନ୍‌ ସିଲେ, ମାତର୍‌ ପ୍ରବୁ ଆଦେସ୍‌ ସିନାନ୍‌, ଆଡ଼୍‌ସି ନିଜେଦି କନ୍‌ଲିମାଣୁକୁ ୱେର୍‌ଏ ଆମାକିତ୍‌; 
\v 11 ଜଦି ୱାଦ୍ ୱେର୍‌ଏ ଆନାତ୍‌, ଆର୍‌ତିଙ୍ଗ୍‌ ୱାଦ୍ ମାରି ପେଡ଼ି ଆମାକିତ୍‌, ମାରି ନିଜେଦି କନ୍‌ଲି ୱାଲେ ମାରିଡ଼େସି ମିସାପିର୍‌, ମାରି କନ୍‌ଲି ନିଜେଦି ଆଡ଼୍‌ସିଙ୍ଗ୍‌ ଡ଼ିସ୍‌ମାକିନ୍‌ ।
\p
\v 12 ମାତର୍‌ ଆଇ ୱିଜେରିଙ୍ଗ୍‌ ନାନ୍‌ ୱେର୍‌ନା, ପ୍ରବୁ ଇନ୍‌ଏନ୍‌, ଜଦି ଏ ତଡ଼ାନ୍‌ତି ଅବିସ୍‌ବାସ୍‌ତି ଆଡ଼୍‌ସି ମାନାତ୍‌, ମାରି ୱାଦ୍ ୱାନି କନ୍‌ଲି ୱାଲେ ତେବାଦେଙ୍ଗ୍‌ ବଦା କିନାତ୍‌, ଆର୍‌ତିଙ୍ଗ୍‌ ୱାନ୍‌ ତାନିଙ୍ଗ୍‌ ଡ଼ିସ୍‌ମାକିନ୍‌ । 
\v 13 ମାରି, ଆମା ଆଡ଼୍‌ସିଦି ଅବିସ୍‍ବାସ୍‍ କନ୍‌ଲି ମାନାନ୍‌, ମାରି ୱାନ୍‌ ତାନି ଆଡ଼୍‌ସି ୱାଲେ ତେବାଦେଙ୍ଗ୍‌ ଇଚ୍ଛା କିନାନ୍‌, ୱାଦ୍ ନିଜେଦି କନ୍‌ଲିଙ୍ଗ୍‌ ଡ଼ିସ୍‌ମାକିତ୍‌ । 
\v 14 ଇରିଙ୍ଗ୍‌ ଅବିସ୍‍ବାସ୍‍ କନ୍‌ଲି ଆଡ଼୍‌ସି ଉଣ୍ତିଙ୍ଗ୍‌ ନେଗେନ୍‌ କିଆତାମାନାନ୍‌, ମାରି ଅବିସ୍‌ବାସ୍‌ତି ଆଡ଼୍‌ସି କନ୍‌ଲି ଉଣ୍ତିଙ୍ଗ୍‌ ନେଗେନ୍‌ କିଆତାମାନାତ୍‌; ପ୍ରବୁ ଜିସୁ କ୍ରିସ୍ତଙ୍ଗ୍‌ ମାନାଦେଙ୍ଗ୍‌ ଆଟ୍‍ନାର୍‍ । ଆକା ଆଏତିଙ୍ଗ୍‍ ୱାରି କଡ଼ର୍‌ ପାପ୍‌ ଆନାର୍‌, ମାତର୍‌ ସତ୍‌ତାନ୍‌ ୱାର୍‌ ମାପୁରୁଦି ମାଣ୍‌କୁ ମାନେଆତାମାନାର୍‌ । 
\v 15 ଆକାଏଣ୍ତେସ୍‌ଆପିତ୍‌, ଜଦି ଅରେନ୍‍ ଅବିସ୍‍ବାସ୍‍ସି, ୱାନି କ୍ରିସ୍ତ ବିସ୍‌ବାସ୍‌ତି କନ୍‌ଲି ମାରି ଆଡ଼ିସିମାଣୁକୁ ୱେର୍‌ଏ ତେବାଦେଙ୍ଗ୍‌ ବଦା କିନାନ୍‌, ଆର୍‌ତିଙ୍ଗ୍‌ ୱାନ୍‌ ଆକା କିପିନ୍‌; ଇୟା ପାଣିଦୁ କ୍ରିସ୍ତବିସ୍‌ବାସ୍‌ସି କନ୍‌ଲି ମାରି ଆଡ଼୍‌ସି ଆମା ନିୟମ୍‌ତାନ୍‌ ମିସାଏର୍‌ । ଇରିଙ୍ଗ୍‌ ମାପୁରୁ ମିଙ୍ଗିଁ ସାନ୍ତିଦାନ୍‌ ଜିନିମାଡ଼ିନି ଉଣ୍ତିଙ୍ଗ୍‌ କୁକ୍‌ତାମାନାନ୍‌ । 
\v 16 କ୍ରିସ୍ତ ବିସ୍‌ବାସ୍‌ତି ଆଡ଼୍‌ସି, ନିନୁ ନିଜେଦି କନ୍‌ଲିଙ୍ଗ୍‌ ରକିୟା କିଦେଙ୍ଗ୍‌ ଆଟ୍‌ନି ଇଜି ଇନିକା ସତ୍‌ତାନ୍‌ ନେସ୍‌ତିମାନି ? ବିସ୍‌ବାସ୍‌ତି କନ୍‌ଲି, ନିନୁ ନିଜେଦି ଆଡ଼୍‌ସିଙ୍ଗ୍‌ କ୍ରିସ୍ତବିସ୍‌ବାସ୍‌ତିକା କିଦେଙ୍ଗ୍‌ ଆଟ୍‌ନି ଇଜି ଇନିକା ପୁରା ୱେର୍‍ତେଙ୍ଗ୍‍ ଆଟ୍‌ନି ?
\s ମାପୁରୁଦି କୁକ୍‌ନି ଇସାବ୍‌ତାନ୍‌ ଜିଦୁ
\p
\v 17 କେବଲ ପ୍ରବୁ ଆମାୱାନିଙ୍ଗ୍‌ ଏଣ୍ତେସ୍‌ ନାନି ଦୟା ସିତାମାନାନ୍‌, ମାପୁରୁ ୱିଜେରିଙ୍ଗ୍‌ ଆମା ଅବସ୍ଥାଦାନ୍‌ କୁକ୍‌ତାମାନାନ୍‌, ୱାନ୍‌ ଆୟାୱାଜା ଜିପିନ୍‌ । ନାନ୍‌ ୱିଜୁ ମଣ୍ତଲିଆଙ୍ଗାଁ ଇୟାୱାଜାଦି ଆଦେସ୍‌ ସିନା । 
\v 18 ଏନ୍‌ କି ସୁନ୍ନତ୍‌ ଅବସ୍ଥାଦାନ୍‌ ମାପୁରୁ କୁକ୍‌ତାମାନାନ୍‌, ୱାନ୍‌ ଅସୁନ୍ନତି ୱାଜା ତରାଦେଙ୍ଗ୍‌ ସେସ୍ଟା କିମାକିନ୍‌ । ଏନ୍‌ କି ଅସୁନ୍ନତ ଅବସ୍ଥାଦାନ୍‌ ମାପୁରୁ କୁକ୍‌ତାମାନାନ୍‌, ୱାନ୍‌ ସୁନ୍ନତ୍‌ ଆମାକିନ୍‌ । 
\v 19 ସୁନ୍ନତ ଇନିକା ସିଲେ, ମାରି ଅସୁନ୍ନତ ଇନିକା ପେରି ବିସୟ୍‌ ସିଲେ, ମାତର୍‌ ମାପୁରୁଦି ଆଦେସ୍‌କୁ ମାନାନିକା ପେରି ବିସୟ୍‌ । 
\v 20 ମାପୁରୁଦି ମାଟା ମାନାତିୱାଲେ ଏନ୍‌ ଏଣ୍ତେସ୍‌ ନାନି ଅବସ୍ଥାଦାନ୍‌ ମାର୍‌ର୍ହାନ୍‌, ୱାନ୍‌ ଆୟା ଅବସ୍ଥାଦାନ୍‌ ମାନିନ୍‌ । 
\v 21 ମାପୁରୁ କୁକ୍‌ତିୱାଲେ ନିନୁ ଇନିକା ଗତିମୁରୁଲି ମାର୍‌ଇ ? ଆୟାଉଣ୍ତିଙ୍ଗ୍‌ ସିନ୍ତା କିମା, ମାତର୍‌ ଏସ୍‌କାଙ୍ଗ୍‌ ମୁକୁଡ଼ାଦେଙ୍ଗ୍‌ ଆଟ୍‌ନି, ଆର୍‌ତିଙ୍ଗ୍‌ ଆୟା ସୁଜୋଗ୍‌ ନେଗେନ୍‌ତାନ୍‌ ମାନାଦୁ । 
\v 22 ଇରିଙ୍ଗ୍‌ ପ୍ରବୁଦିମାଣୁକୁ କୁକ୍‌କାୟ୍‌ ଆତିମାନି କଟିସାକର୍‌, ୱାନ୍‌ ପ୍ରବୁଦି ମୁକୁଡ଼ାତି ଲୋକ୍‌; ଆୟାୱାଜା ଏନ୍‌ ମୁକୁଡ଼ା ଆଜି କୁକ୍‌କାୟ୍‌ଆତାମାନାନ୍‌, ୱାନ୍‌ କ୍ରିସ୍ତଦି କଟିସାକର୍‌ । 
\v 23 ମାପୁରୁ ମିଙ୍ଗିଁ ନାଣ୍ତ ଦାରା ସିଜି କଟାମାନାନ୍‌, ଲୋକା ସାକର୍‌ ଆମାଟ୍‌ । 
\v 24 ଏ ତଡ଼ାନ୍‌କୁ ନି ତାଙ୍ଗିଁକି, ମାପୁରୁ ମିଙ୍ଗିଁ କୁକ୍‌ତିୱାଲେ ଆମା ଅବସ୍ଥାଦାନ୍‌ ମାର୍‌ଇଦେର୍‌, ଆୟାୱାଜା ମାପୁରୁଦି ୱାଲେ ଅର୍‌ସେ ଜିନିକା ମାନାତ୍‌ ।
\s ପେଡ଼ିଆଇକାର୍‌ ମାରି ରାଣ୍ତିଆଇମେକା ବିସୟ୍‌ତାନ୍‌ ମାଟା
\p
\v 25 ମିର୍‌ ପେଡ଼ିଆଇୱାରି ବିସୟ୍‌ତାନ୍‌ ନେସ୍‌ତେଙ୍ଗ୍‌ ଅଡ଼୍‍ବିଜିନିଦେର୍‍ । ଇୟା ବିସୟ୍‌ତାନ୍‌ ନାନ୍‌ ପ୍ରବୁଦିମାଣୁକୁ ଇନି ମାଟା ପୟ୍‌ଏ । ମାତର୍‌ ପ୍ରବୁଦି ସାକାଦାନ୍‌ ଅରେନ୍‍ ବିସ୍‌ବାସ୍‌ତି ଜଗ୍‌ ଲୋକ୍‌ ୱାଜା ନା ମୋନ୍‌ତି ବଦା ୱେର୍‌ସିନାତ୍‌ । 
\v 26 ନାନ୍‌ ଏତ୍‌କିନା ଜେ, ଲୋକୁ ଏଣ୍ତେସ୍‌ ମାନାର୍‌, ଇଲେଇତି ବାଦାଦି ଉଣ୍ତିଙ୍ଗ୍‌ ଆୟାୱାଜା ତେବାନିକା ନେଗେତ୍‌ । 
\v 27 ନିନୁ ଇନିକା ଆଡ଼୍‌ସି ୱାଲେ ତେବାତିମାନି ? ଆର୍‌ତିଙ୍ଗ୍‌ ଇୟା ଗାଟିଦାନ୍‌ କୁଦାଦେଙ୍ଗ୍‌ ସେସ୍ଟା କିମା । ନିନୁ ଇନିକା ଆଡ଼୍‌ସିମାଣୁକୁ ମୁକୁଡ଼ାତିମାନି ? ଆର୍‌ତିଙ୍ଗ୍‌ ଆଡ଼୍‌ସିଙ୍ଗ୍‌ ପୟ୍‌ଦେଙ୍ଗ୍‌ ସେସ୍ଟା କିମା । 
\v 28 ଜଦି ମିର୍‌ ପେଡ଼ି ଆତିମାନିଦେର୍‌, ଆର୍‌ତିଙ୍ଗ୍‌ ପାପ୍‌ କିଇଦେର୍‌; ମାରି ଜଦି ପେଡ଼ିଆଇ ଆଇଲି ପେଡ଼ି ଆତିଙ୍ଗ୍‌, ଆର୍‌ତିଙ୍ଗ୍‌ ୱାଦ୍ ପାପ୍‌ କିଏତ୍‌ । ମାତର୍‌ ପେଡ଼ିଆତି ଲୋକ୍‍ତିଙ୍ଗ୍‌ ଦୁନିଆଦି ବେସି ଦୁଃକ୍‌ କାସ୍ଟୁ ସାସ୍‌ କିଦେଙ୍ଗ୍‌ ପଡ଼ାନାତ୍‌ । ମାରି ମିର୍‌ ଏଣ୍ତେସ୍‌ ଆବେଟ୍‌କୁ ରକ୍‌ୟା ପୟ୍‌ନିଦେର୍‌, ଇକା ନା ବଦା ।
\p
\v 29 ମାତର୍‌ ଏ ତଡ଼ାନ୍‌କୁ, ନାନ୍‌ ଇୟା ମାଟା ୱେର୍‍ତେଙ୍ଗ୍‍ ବଦା କିଜିନା, ଦିନ୍‌ ଲାକ୍‌ତୁ ୱାତାତ୍‌ନି, ଆଦେଙ୍ଗ୍‌ ଆମାୱାରିଙ୍ଗ୍‌ ଆଡ଼୍‍ସିକ୍‍ ମାନେ, ୱାର୍‌ ଆଡ଼୍‍ସିକ୍‍ ସିଲି ୱାଜା ଆପିର୍‌ । 
\v 30 ମାରି, ଆମାକାର୍‌ ଆଡ଼୍‌ବାନାର୍‌, ୱାର୍‌ ଆଡ଼୍‌ବାଇ ଲୋକା ୱାଜା ଆପିର୍‌, ମାରି, ଆମାକାର୍‌ ୱେଡ଼ିକା କିନାର୍‌, ୱାର୍‌ ୱେଡ଼ିକାକିଇ ଲୋକା ୱାଜା ଆପିର୍‌; ଆମାକାର୍‌ କଣାର୍‌, ୱାର୍‌ ନିଜେଦି ସିଲି ଲୋକା ୱାଜା ଆପିର୍‌ । 
\v 31 ମାରି, ଆମାକାର୍‌ ଜଗତ୍‌ତି ବିସୟ୍‌ତାନ୍‌ ୱେଡ଼ିକା ପୟ୍‌ନାର୍‌, ୱାର୍‌ ୱେଡ଼ିକା ପୟ୍‌ଇ ଲୋକା ୱାଜା ଆପିର୍‌ । ଇରିଙ୍ଗ୍‌ ଇୟା ଦୁନିଆଦି ୱେଡ଼ିକା ନାଣ୍ତଦିନ୍‌ ତେବାଏତ୍‌ ।
\p
\v 32 ମାତର୍‌ ମିର୍‌ ଏଣ୍ତେସ୍‌ ସିନ୍ତା ଆମାଟ୍‌, ଇକା ନା ବଦା । ଏନ୍‌ ପେଡ଼ିଆଏନ୍, ୱାନ୍‌ ଏଣ୍ତେସ୍‌ ପ୍ରବୁଦି ୱେଡ଼ିକାଦିକାନ୍‌ ଆନାନ୍‌, ଇୟାଉଣ୍ତିଙ୍ଗ୍‌ ପ୍ରବୁଦି ବିସୟ୍‌ ଅସି ସିନ୍ତା ଆନାନ୍‌ । 
\v 33 ମାତର୍‌ ଏନ୍‌ ପେଡ଼ିଆତିକାନ୍‌, ୱାନ୍‌ ଏଣ୍ତେସ୍‌ ନିଜେଦି ଆଡ଼୍‌ସିଙ୍ଗ୍‌ ୱେଡ଼ିକାଦିକାନ୍‌ ଆନାନ୍‌, ଆୟାଉଣ୍ତିଙ୍ଗ୍‌ ୱାନ୍‌ ଇଲୁଦି ବିସୟ୍‌ ଅସି ସିନ୍ତା ଆନାନ୍‌ । 
\v 34 ମାରି ୱାନି ମୋନ୍‌ ଇନିଙ୍ଗାଁ ଆନିଙ୍ଗାଁ ଆନାତ୍‌ । ପେଡ଼ିଆଇ ଆଇ ମାନି ରିପାଆଇଲି, ପ୍ରବୁଦି ପାଣିଦୁ ମୋନ୍‌ଦିୟାନ୍‌ ସିନେ, ଇରିଙ୍ଗ୍‌ ମେନ୍ଦଲ୍‌ ମାରି ଆତ୍ମାଦାନ୍‌ ୱାଦ୍ ନିଜେଦିଙ୍ଗ୍‌ ମାପୁରୁଦି ମାନୁ ସିଦେଙ୍ଗ୍‌ ବଦା କିନାତ୍‌; ମାତର୍‌ ଏଦ୍‌ ପେଡ଼ିଆତାମାନାତ୍‌, ୱାଦ୍ ଏଣ୍ତେସ୍‌ ନିଜେଦି କନ୍‌ଲିଙ୍ଗ୍‌ ୱେଡ଼ିକା କିନି ତାନି ବଦା, ଆୟାଉଣ୍ତିଙ୍ଗ୍‌ ଦୁନିଆଦି ବିସୟ୍‌ ଅସି ସିନ୍ତା ଆନାତ୍‌ । 
\v 35 ଇୟା ମାଟା ନାନ୍‌ ମି ନିଜେଦି ନେଗି ଉଣ୍ତିଙ୍ଗ୍‌ ୱେର୍‌ସିନା, ମିଙ୍ଗିଁ ଉରିଦୁ ଆର୍‌ପେତେଙ୍ଗ୍‌ ଇନ୍‌ଏ, ମାତର୍‌ ମିର୍‌ ଏଣ୍ତେସ୍‌ ନେଗି ବ୍ୟବ୍‌ହାର୍‌ କିଜି ଉନ୍‌ଡ୍ରେ ମୋନ୍‌ତାନ୍‌ ପ୍ରବୁଦି ସେବାଦୁ ସର୍‌ପେ କିଦୁ, ଇୟାଉଣ୍ତିଙ୍ଗ୍‌ ୱେର୍‌ସିନା ।
\p
\v 36 ପେଡ଼ି ଆଦେଙ୍ଗ୍‌ ଲସ୍‌ତି ୱେନ୍‌କା, ମେମାର୍‌ଏନ୍‌ ଜଦି ଅଡ଼୍‌ବିନାନ୍‌ ଜେ ୱାନି ଲସ୍‌ତିମାନି ଆଇଲି ଉଣ୍ତିଙ୍ଗ୍‌ ୱାନ୍‌ ନେଗେନ୍‌ ବ୍ୟବ୍‌ହାର୍‌ କିଦେଙ୍ଗ୍‌ ଆଟ୍‌ଏଜିନାନ୍‌, ଜଦି ୱାନି ଲାଲାୟ୍‌ ନାଣ୍ତ ଆନାତ୍‌ ମାରି ୱାନି ଉଣ୍ତିଙ୍ଗ୍‌ ପେଡ଼ି ଆନିକା ନେଗେତ୍‌, ଆର୍‌ତିଙ୍ଗ୍‌ ୱାନି ବଦା ଇସାବ୍‌ତାନ୍‌ ୱାର୍‌ ପେଡ଼ି ଆପିର୍‌ । ଇବେନୁ ଇନି ପାପ୍‌ ସିଲେତ୍‌ । 
\v 37 ମାତର୍‌ ଆମା ଲୋକ୍‌ ଜାସାପେଲା ଆଜି ତାନି ଗାଡ଼୍‌ସିଙ୍ଗ୍‌ ପେଡ଼ି ଆଦେଙ୍ଗ୍‌ କେଏଣ୍‌ଗା ଡାଟ୍‌ ଆନାନ୍‌ ମାରି ନିଜେଦି ଇନ୍ଦ୍ରିୟ ଆସା ପୁରା ତେବା କିଦେଙ୍ଗ୍‌ ଆଟ୍‌ତାମାନାନ୍‌ ମାରି ଗାଡ଼୍‌ସିଙ୍ଗ୍‌ ଆୟାୱାଜା ରିପାଆଇଲିଦି ଅବସ୍ଥାଦାନ୍‌ ଇଡ୍‌ଦେଙ୍ଗ୍‌ ବଦା କିତାୱିସ୍‌ତାମାନାନ୍‌, ଆର୍‌ତିଙ୍ଗ୍‌ ୱାନ୍‌ ଟିକ୍‌ କିତାମାନାନ୍‌ । 
\v 38 ଆଦେଙ୍ଗ୍‌ ଏନ୍‌ ତାନି ଆଇମାଦିଙ୍ଗ୍‍ ପେଡ଼ି କିନାନ୍‌, ୱାନ୍‌ ନେଗେନ୍‌ କିନାନ୍‌, ମାରି ଏନ୍‌ ପେଡ଼ି କିଏନ୍‌, ୱାନ୍‌ ମାରି ନାଣ୍ତ ନେଗେନ୍‌ କିନାନ୍‌ ।
\p
\v 39 କନ୍‌ଲି ଜିବନ୍‌ମାନି ସାନ୍ଦି ଆଡ଼୍‌ସି ମିସାନା ମାନାତା; ମାତର୍‌ କନ୍‌ଲି ସାତି ୱେନ୍‌କା ତାନି ବଦାଦାନ୍‌ ମାରିଡ଼େସିପେଡ଼ି ଆଦେଙ୍ଗ୍‌ ଆଟ୍‍ନାତ୍‍; ମାତର୍‌ ଆମାୱାନିଙ୍ଗ୍‌ ପେଡ଼ି ଆନାତ୍‌, ୱାନ୍‌ କ୍ରିସ୍ତ ବିସ୍‍ବାସି ଆନି ମାନିକାମାନାତ୍‌ । 
\v 40 ମାତର୍‌ ୱାଦ୍ ଆମା ପେଡ଼ି ଆଏଣ୍ତା ମାନାତ୍‌, ଆୟା ଅବସ୍ଥାଦାନ୍‌ ତେବାତିଙ୍ଗ୍‌ ନାଣ୍ତ ସୁକ୍‌ ଆନାତ୍‌, ଇକା ନା ବଦା, ମାରି ଇକାବା ମାପୁରୁଦି ପବିତ୍ରଆତ୍ମାଦି ବଦା ଇଜି ନାନ୍ ଅଡ଼୍‌ବିଜିନା ।
\c 8
\s ଦିୟାମ୍‌କାଙ୍ଗ୍‌ ବଗ୍‌ ସିନି ବିସୟ୍‌ତି ପ୍ରସ୍ନ
\p
\v 1 ଦିୟାମ୍‌କାଙ୍ଗ୍‌ ସିନି ବଗ୍‌ ବିସୟ୍‌ତାନ୍‌ ନା ମାଟା ଇକା, ମା ୱିଜେରିଙ୍ଗ୍‌ ବୁଦି ମାନାତ୍‌ ଇଜି ମିର୍‌ ଆମାକା ୱେର୍‌ସିନିଦେର୍‌, ଆକା ମାପ୍‌ ନେସ୍‌ନାପ୍‌ । ବୁଦି ଲୋକ୍‌ତିଙ୍ଗ୍‌ ଆକାର୍‍ କିନାତ୍‌, ମାତର୍‌ ଜିବନ୍‌ନୋନିମାଣୁକୁ ଲୋକ୍‌ତିଙ୍ଗ୍‌ ମିସାକିନାତ୍‌ । 
\v 2 ଜଦି ଏନ୍‌ ଇନିକା ନେସ୍‌ତାମାନା ଇଜି ଏତ୍‌ କିନାନ୍‌, ଆର୍‌ତିଙ୍ଗ୍‌ ୱାନିନ୍ଦି ଏଣ୍ତେସ୍‌ ନେସ୍‌ନିକା ମାନାତ୍‌, ୱାନ୍‌ ଇୟାସାନ୍ଧି ଆୟାୱାଜା ନେସ୍‌ଏନ୍‌ । 
\v 3 ଜଦି ଏନ୍‌ ମାପୁରୁଙ୍ଗୁଁ ଜିବନ୍‌ନୋନାନ୍‌, ୱାନିଙ୍ଗ୍‌ ମାପୁରୁ ନେସ୍‌ନାନ୍‌ ।
\p
\v 4 ଆଦେଙ୍ଗ୍‌ ବମେଆଙ୍ଗ୍‌ ସିନି ବଗ୍‌ ଉଣି ବିସୟ୍‌ତାନ୍‌ ମାପ୍‌ ନେସ୍‌ନାପ୍‌ ଜେ, ଦୁନିଆଦୁ ଦିୟାମ୍‍ ଇଜି ଇନିକା ସିଲେତ୍‌, ମାରି ଅରେନ୍‍ ମାପୁରୁଙ୍ଗୁଁ ଡ଼ିସ୍‌ତିଙ୍ଗ୍‌ ଏନ୍‌ ସିଲେନ୍‌ । 
\v 5 ଇରିଙ୍ଗ୍‌ ମୁସ୍‌କୁପୁର୍‌ତୁ ଆପିତ୍‌ ମାରି ଦୁନିଆଦୁ ଆପିତ୍‌, ଆମାୱାନିକାଙ୍ଗ୍‌ ଦିୟାମ୍‌ ଇଜି ଇନାର୍‍, ଜଦି ୱାକ୍‌ ତେବାଦେଙ୍ଗ୍‌ ଆଟ୍‌ନେମାନେ, ଇୟାୱାଜା ଗାଦି “ଦିୟାମ୍‌କୁ” ମାରି ଗାଦି “ପ୍ରବୁରୁ” ତେବାନାର୍‌ । 
\v 6 ମାତର୍‌ ମା ଅରେନ୍‌ମାତର୍‌ ମାପୁରୁ, ଆମା ବୁବାଦିମାଣୁକୁ ୱିଜୁ ବିସୟ୍‌ ତିଆର୍‌ ଆତାମାନାତ୍‌, ମାରି ମାଡୁ ୱାନି ଉଣ୍ତିଙ୍ଗ୍‌ ଜିତିମାନିକା, ମାରି ଅରେନ୍‌ମାତର୍‌ ପ୍ରବୁ, ଜିସୁ କ୍ରିସ୍ତ, ୱାନି ମାଣ୍‌କୁ ୱିଜୁ ବିସୟ୍‌ ତିଆର୍‌ ଆତାମାନାତ୍‌ ମାରି ୱାନିମାଣୁକୁ ମାଡୁ ଜିତିମାନିକା ।
\p
\v 7 ମାତର୍‌ ୱିଜେରେ ଇୟା ସତ୍‍ ନେସ୍‌ଏର୍‌; ଏସ ଲୋକ୍‌ ଇୟାସାନ୍ଦିବା ଦିୟାମ୍‌ ମାନାତ୍‌ ଇଜି ଅଡ଼୍‍ବିଜି ଦିୟାମ୍‍କାଙ୍ଗ୍‌ ସିନି ବଗ୍‌ ତିନାର୍‌, ମାରି ୱାରି ବୁଦି ଦୁର୍ବଲ୍, ଆଦେଙ୍ଗ୍‌ ଆୟା କାଦି ଉଣି ମାଣ୍‌କୁ ୱାର୍‌ କାରାପ୍‌ ଆନାର୍‌ । 
\v 8 ମାତର୍‌ କାଦିଦାନ୍‌ ମାପୁରୁଦି ୱାଲେ ମା ଜାଣାସିନା ଇନିକା ବାଦେଲେ ଆଏତ୍‍; ଉଣୁଇତିଙ୍ଗ୍‌ ମାଙ୍ଗିଁ ଇନିକା ଆଏତ୍‍, ମାରି ଉଟିଆଙ୍ଗାଁ ମାଙ୍ଗିଁ ଇନିକା ପୁଟ୍‌ଏତ୍‌ ।
\p
\v 9 ମାତର୍‌ ଜାଗାର୍‌ତା, ଏସ୍ତିୱାଲେ ମି ଇୟା ଅଦିକାର୍‌ ଏଣ୍ତେସ୍‌ ଦୁର୍ବଳ୍‌ଦିକାର୍‌ ତାକାନି କାରଣ୍‌ ଆଏତ୍‍ । 
\v 10 ଇରିଙ୍ଗ୍‌ ବୁଦି ଜେ ମିର୍‌, ମିଙ୍ଗିଁ ଜଦି ଏନ୍‌ ମନ୍ଦିର୍‌ତୁ ଉଣିମାନୁ ବାସ୍‌ନିକା ସୁଣାନ୍‌, ଆର୍‌ତିଙ୍ଗ୍‌ ୱାନ୍‌ ମୋନ୍‌ତୁ ଦୁର୍ବଲ୍ ବିସ୍‌ବାସି ଆତିମାରିଙ୍ଗ୍‌ବା ଇନିକା ବଗ୍‌ ତିନ୍‌ଡ୍ରେଙ୍ଗ୍‌ ୱେଡ଼ିକା ଆଏନ୍‍ ? 
\v 11 ଆର୍‌ତିଙ୍ଗ୍‌ ଆମା ଦୁର୍ବଲ୍ ବିସ୍‌ବାସ୍‌ତି ତଡ଼ାନ୍‌ ଉଣ୍ତିଙ୍ଗ୍‌ କ୍ରିସ୍ତ ସାତା ମାର୍‌ର୍ହାନ୍‌, ୱାନ୍‌ ମି “ବୁଦିଦାନ୍‌” ନାସ୍ଟୁ ଆଜିନାତ୍‍ । 
\v 12 ଇୟାପ୍ରକାର୍‌ତାନ୍‌ ତଡ଼ାନ୍‌କା ବିରୁଦ୍‌ତାନ୍‌ ପାପ୍‌ କିଜି ମାରି ୱାରି ସାସ୍‌ସିଲି ବୁଦିଦିଙ୍ଗ୍‌ ଡାକ୍‌ସି ମିର୍‌ କ୍ରିସ୍ତଦି ବିରୁଦ୍‌ତାନ୍‌ ପାପ୍‌ କିଜିନିଦେର୍‌ । 
\v 13 ମାରି ଜଦି ଆମା କାଦି ନା ତଡ଼ାନ୍‌ତି ୱେର୍‌ଏ ଆଜି ୱାନିଙ୍ଗ୍‌ ପାପ୍‌ ସାରିଦାନ୍‌ ତର୍‌ସି ଅନାତ୍‌, ଇୟାଉଣ୍ତିଙ୍ଗ୍‌ ନାନ୍‌ ଏସ୍‌କାଙ୍ଗ୍‌ବା କାଣ୍ତା ତିନ୍‌ଏ ।
\c 9
\s ପ୍ରେରିତ ସିସୁଦି ବ୍ୟବ୍‌ହାର୍‌ତି ନିୟମ୍‌
\p
\v 1 ନାନ୍‌ ଇନିକା ଅରେନ୍‍ ଅଦିକାର୍‌ତି ଲୋକ୍‌ ଆଏ ? ନାନ୍‌ ଇନିକା ଅରେନ୍‍ ପ୍ରେରିତ ସିସୁ ଆଏ ? ନାନ୍‌ ଇନିକା ମା ପ୍ରବୁ ଜିସୁଙ୍ଗୁଁ ସୁଡ଼ୁଏ ? ମିର୍‌ ଇନିକା ପ୍ରବୁଦିମାନୁ ନା କିତିମାନି ପାଣିଦି ପଲ୍‌ ଆଏତ୍‍ ? 
\v 2 ଆଇକାର୍‌ ନାଙ୍ଗିଁ ପେରିତ ସିସୁ ଇଜି ମାନାଏତିଙ୍ଗ୍‌ ବା ମିର୍‌ ମାନାତି ମାନିଦେର୍‌, ଇରିଙ୍ଗ୍‌ ପ୍ରବୁଦି ୱାଲେ ମି ଜିବନ୍‌ତି ମିସାନି ଉଣ୍ତିଙ୍ଗ୍‌ ନା ପ୍ରେରିତ ପାର୍‌ମାଣ୍‌ ମିର୍‌ ପୟ୍‌ତିମାନିଦେର୍‌ ।
\p
\v 3 ନ୍ୟାୟ୍‌କିନିୱାରିଙ୍ଗ୍‌ ନାନ୍‌ ୱେର୍‌ନିକା ଇକା । 
\v 4 ନା ପାଣିଦି ଉଣ୍ତିଙ୍ଗ୍‌ କାଦି ମାରି ଏର୍‌ରୁ ଉଣି ଅଦିକାର୍‌ ଇନିକା ସିଲେତ୍‌ ? 
\v 5 ଆଇ ୱିଜେରେ ପ୍ରେରିତ ସିସୁ, ପିତର୍‍ ମାରି ପ୍ରବୁଦି ତଡ଼ାନ୍‌କା ୱାଜା ବିସ୍‌ବାସ୍‌ତି କୁଟୁମ୍‌ତି ଅରେତ୍‌ ଆଡ଼ିଦିଙ୍ଗ୍‍ ପେଡ଼ି ଆଜ ତାନି ୱାଲେ ବୁଲାନି ଉଣ୍ତିଙ୍ଗ୍‌ ନାଙ୍ଗିଁ ଇନିକା ଅଦିକାର୍‌ ସିଲେତ୍‌ ? 
\v 6 ଜିନି ଉଣ୍ତିଙ୍ଗ୍‌ କେବଲ ନାଙ୍ଗିଁ ମାରି ବର୍ଣ୍ଣବାବେଙ୍ଗ୍‌ ଇନିକା କାସ୍ଟୁପାଣି କିଦେଙ୍ଗ୍‌ ଆନାତ୍‌ ? 
\v 7 ଅରେନ୍‍ ସୌନ୍ୟ ନିଜେଦି କାର୍ସୁ ନିଜେ ସାଲା କିନାନ୍‌ ନ ? ଏନ୍‌ ଅଙ୍ଗୁର୍‍ କିଡ଼ିଇ କିଜି ଆବେଣି ପଲ୍‌ ତିନ୍‌ଏନ୍‌ ? ମାରି ଏନ୍‌ ମେଣ୍ତେଙ୍ଗ୍‌ମାନ୍ଦା ପୋସା କିଜ ଡ଼ାନ୍‌ତି ପାଲୁ ଉଣୁଏନ୍‌ ? 
\v 8 ନାନ୍‌ ଲୋକ୍‌ ଇସାବ୍‌ତାନ୍‌ ଇନିକା ଇୟାୱିଜୁ ମାଟା ୱେର୍‌ସିନା ? ମୋସାଦି ନିୟମ୍‌ ବା ଇନିକା ଇୟାୱିଜୁ ମାଟା ଇନ୍‌ଏତ୍‌ ? 
\v 9 \x + \xo ୯:୯ \xo*\xt ୧ ତିମତି ୫:୧୮.\xt*\x*ଇରିଙ୍ଗ୍‌ ମୋସାଦି ନିୟମ୍‌ତୁ ଇକା ରାସାତାମାନାତ୍‌, “ଆତେରେ ବୁଲାଜିମାନି କଡିଦି ମକମ୍‌ତୁ ତୁଣ୍ତି ତର୍‌ମାଟ୍‌ ।” ମାପୁରୁ ଇନିକା କଡିଦି ବିସୟ୍‌ତାନ୍‌ ସିନ୍ତା କିଜିନାନ୍‌ ? 
\v 10 ୱାନ୍‌ ଇନିକା କେବଲ ମା ଉଣ୍ତିଙ୍ଗ୍‌ ଇକା ଇନ୍‌ଏନ୍‌ ? ହୁଁ ମା ଉଣ୍ତିଙ୍ଗ୍‌ ଇକା ରାସାତାମାନାତ୍‌, ଏଣ୍ତେସ୍‌ ଚାସ୍‌ପାଣିକିନିକାନ୍‌ ମାରି ପାସି ଉଣ୍ତାକିଜତାନିକାନ୍‌, ପାସିଦାନ୍‌ ବାଗ୍‌ ପୟ୍‌ନି ଉଣ୍ତିଙ୍ଗ୍‌ ଆସା ଇଡ୍‌ଜି ପାଣି କିନାର୍‌ । 
\v 11 \x + \xo ୯:୧୧ \xo*\xt ରୋମିୟ ୧୫:୨୭.\xt*\x*ଜଦି ମାପ୍‌ ମି ଉଣ୍ତିଙ୍ଗ୍‌ ଆତ୍ମାଦି ୱିତୁ ୱିତ୍‌ତାମାନାପ୍‌, ଆର୍‌ତିଙ୍ଗ୍‌ ମିମାଣୁକୁ ଏସ ଦୁନିଆଦି ପାସି ପୟ୍‌ଦେଙ୍ଗ୍‌ ବଦା କିନିକା ଇନିକା ଉନ୍‌ଡ୍ରି ଆସା ସିଲେ ? 
\v 12 ଜଦି ମିମାଣୁକୁ ଇୟାୱାଜା ଆସା କିନି ଉଣ୍ତିଙ୍ଗ୍‌ ଆଇୱାରିଙ୍ଗ୍‌ ଅଦିକାର୍‌ ମାନାତ୍‌, ଆର୍‌ତିଙ୍ଗ୍‌ ମା ଅଦିକାର୍‌ ଇନିକା ୱାରିମାଣୁକୁ ମାରି ନାଣ୍ତ ସିଲେ ? ମାରିବା ମାପ୍‌ ଆୟା ଅଦିକାର୍‌ ବ୍ୟବ୍‌ହାର୍‌ କିଏପ୍‌; ମାତର୍‌ ଏଣ୍ତେସ୍‌ କ୍ରିସ୍ତଦି ସୁସମାଚାର୍‌ ପ୍ରଚାର୍‌ତୁ ଇନି ବାଦା ସମାକିତ୍‌, ଇୟାଉଣ୍ତିଙ୍ଗ୍‌ ମାପ୍‌ ୱିଜୁ ସାସ୍‌ କିଜିନାପ୍‌ । 
\v 13 ଆମାକାର୍‌ ମନ୍ଦିର୍‌ତୁ ସେବା କିନାର୍‌, ୱାର୍‌ ଜେ ମନ୍ଦିର୍‌ତି କାଦି ପୟ୍‌ନାର୍‌, ମାରି ଆମାକାର୍‌ ବେଦିଦୁ ପୁଜା କିଦେଙ୍ଗ୍‌ ତେବାନାର୍‌, ୱାର୍‌ ଜେ ବେଦିଦି ୱାଲେ ମିସାଜି ମାନାର୍‌, ଇକା ଇନିକା ମିର୍‌ ନେସ୍‌ଇଦେର୍‌ ? 
\v 14 \x + \xo ୯:୧୪ \xo*\xt ମାତିଉ ୧୦:୧୦; ଲୁକ ୧୦:୭.\xt*\x*ଆୟାୱାଜା ଆମାକାର୍‌ ସୁସମାଚାର୍‌ ପ୍ରଚାର୍‌ କିନିକାର୍‌, ୱାର୍‌ ଜେ ସୁସମାଚାର୍‌ଦାନ୍‌ ପଟା ପସା କିନାର୍‌, ଇକା ପ୍ରବୁ ଆଦେସ୍‌ ସିତାମାନାନ୍‌ ।
\p
\v 15 ମାତର୍‌ ନାନ୍‌ ଇୟାୱିଜୁ ବିସୟ୍‌ ଇନିକା ବ୍ୟବ୍‌ହାର୍‌ କିଏ, ମାରି ନା ଉଣ୍ତିଙ୍ଗ୍‌ ଜେ ଇୟାୱାଜା କିଆନାତ୍‌, ଇୟାଉଣ୍ତିଙ୍ଗ୍‌ ନାନ୍‌ ଇୟାୱିଜୁ ରାସ୍‌ଏ; ଇରିଙ୍ଗ୍‌ ଏନ୍‌ ନା ଇୟା ଗର୍ବଦିଙ୍ଗ୍‌ ବେକାର୍‌ତିକା ପାର୍‌ମାଣ୍‌ କିନି ବାଦ୍‌ଲୁ ସାନିକା ନା ଉଣ୍ତିଙ୍ଗ୍‌ ନେଗେତ୍‌ । 
\v 16 ଇରିଙ୍ଗ୍‌ ଜଦି ସୁସମାଚାର୍‌ ପ୍ରଚାର୍‌ କିଜିନା, ଆବେନ୍‌ ନାନୁ ଗର୍ବ କିନିକା ଇନିକା ସିଲେ, ଇୟା ଦାଇତ୍‌ କିନି ଉଣ୍ତିଙ୍ଗ୍‌ ନାନ୍‌ ଆଦେସ୍‌ ପୟ୍‌ତାମାନା; ମାରି ଜଦି ସୁସମାଚାର୍‌ ପ୍ରଚାର୍‌ କିଏ, ଆର୍‌ତିଙ୍ଗ୍‌ ହାୟ୍‌, ନାନ୍‌ ଦଣ୍ତ ପୟ୍‌ନିକିନ୍ଦା । 
\v 17 ଜଦି ନାନ୍‌ ନିଜେଦି ଇଚ୍ଛାଦାନ୍‌ ଇୟା ପାଣି କିତିଙ୍ଗ୍‌, ଆର୍‌ତିଙ୍ଗ୍‌ ନାଙ୍ଗିଁ ପୁରସ୍କାର୍‌ ମାନାତ୍‌; ମାତର୍‌ ମାପୁରୁ ନା ମୁସ୍‌କୁ ଇୟା ଦାଇତ୍‌ ସିତି ମାନିଙ୍ଗ୍‌ ଇକା କିଦେଙ୍ଗ୍‌ ନା ପାଣି । 
\v 18 ଆର୍‌ତିଙ୍ଗ୍‌ ନାନ୍‌ ଇନି ପୁରସ୍କାର୍‌ ପୟ୍‌ଜିନା ? ୱିଜେରି ଲାକ୍‌ତୁ ଆରେଏ ସୁସମାଚାର୍‌ ପ୍ରଚାର୍‌ କିଜିନା, ଇକା ନା ପୁରସ୍କାର୍‌, ଆୟାଉଣ୍ତିଙ୍ଗ୍‌ ସୁସମାଚାର୍‌ ପ୍ରଚାର୍‌ ଉଣ୍ତିଙ୍ଗ୍‌ ନାନ୍‌ ଇନି ସୁଜୋଗ୍‌ ସୁବିଦା ୱେଡ଼ିକା କିନି ଉଣ୍ତିଙ୍ଗ୍‌ ଅଦିକାର୍‌ ବ୍ୟବ୍‌ହାର୍‌ ଆଏତ୍‍ । 
\v 19 ନାନ୍‌ ଅରେନ୍‍ ଜିବନ୍‌ତି ଲୋକ୍‌, ଏମେୱାନି ପାଣିକିନିସାକର୍‌ ଆଏ, ଏଣ୍ତେସ୍‌ ନାନ୍‌ କ୍ରିସ୍ତଦି ଉଣ୍ତିଙ୍ଗ୍‌ ନାଣ୍ତ ଲୋକାଙ୍ଗ୍‌ ପୟ୍‌ନି ଉଣ୍ତିଙ୍ଗ୍‌ ୱିଜେରି ଦାସ୍‍ ଆତାମାନା । 
\v 20 ଏଣ୍ତେସ୍‌ ନାନ୍‌ ଜିହୁଦିରିଙ୍ଗ୍‌ ପୟ୍‌ଦେଙ୍ଗ୍‌ ଆଟ୍‍ନା, ଇୟାଉଣ୍ତିଙ୍ଗ୍‌ ନାନ୍‌ ୱାରି ଲାକ୍‌ତୁ ଜିହୁଦିରି ୱାଜା ବ୍ୟବ୍‌ହାର୍‌ କିଜିନା; ଏଣ୍ତେସ୍‌ ମୋସାଦି ନିୟମ୍‌ ମାନାନିୱାରିଙ୍ଗ୍‌ କ୍ରିସ୍ତଦିମାନୁ ପୟ୍‌ଦେଙ୍ଗ୍‌ ଆଟ୍‍ନା, ଇୟାଉଣ୍ତିଙ୍ଗ୍‌ ନାନ୍‌ ନିୟମ୍‌ତିଙ୍ଗ୍‌ ମାନାଇତିଙ୍ଗ୍‌ ବା ନିୟମ୍‌ତି ଇସାବ୍‌ତି ଲୋକା ଲାକ୍‌ତୁ ନିୟମ୍‌ତି ଇସାବ୍‌ତାନ୍‌ ମାନି ୱାଜା ବ୍ୟବ୍‌ହାର୍‌ କିଜିନା । 
\v 21 ଆୟାୱାଜା ଅଣଜିହୁଦିରିଙ୍ଗ୍‌ ପୟ୍‌ନି ଉଣ୍ତିଙ୍ଗ୍‌ ନାନ୍‌ ୱାରି ମାନୁ ପାଣି କିନିୱାଲେ ଅଣଜିହୁଦିରି ୱାଜା ନିୟମ୍‌ ସିଲି ବ୍ୟବ୍‌ହାର୍‌ କିଜିନା । ଇୟାତାନି ଅର୍ତ ସିଲେ ଜେ, ନାନ୍‌ ମାପୁରୁଦି ବିଦିବିଦାନ୍‌ ବ୍ୟବ୍‌ହାର୍‌ କିଏ, ସତ୍‌ତାନ୍‌ ନାନ୍‌ କ୍ରିସ୍ତଦି ନିୟମ୍‌ତି ଆଡ୍‌ଗିମାନା । 
\v 22 ଏଣ୍ତେସ୍‌ ନାନ୍‌ ବିସ୍‌ବାସ୍‌ତୁ ସାସ୍‌ସିଲିୱାରିଙ୍ଗ୍‌ ପୟ୍‌ଦେଙ୍ଗ୍‌ ଆଟ୍‍ନା, ଇୟାଉଣ୍ତିଙ୍ଗ୍‌ ନାନ୍‌ ସାସ୍‌ସିଲିୱାରି ଲାକ୍‌ତୁ ୱାରି ୱାଜା ଆତାମାନା; ଏଣ୍ତେସ୍‌ ନାନ୍‌ ଆମାଇନି ଉପାୟ୍‌ତାନ୍‌ ୱିଜୁ ଲୋକାଙ୍ଗ୍‌ ରକିୟା କିଦେଙ୍ଗ୍‌ ଆଟ୍‍ନା, ଇୟାଉଣ୍ତିଙ୍ଗ୍‌ ନାନ୍‌ ୱିଜେରି ଲାକ୍‌ତୁ ୱିଜୁ ରକମ୍‍ତି ବ୍ୟବ୍‌ହାର୍‌ କିତାମାନା ।
\p
\v 23 ନାନ୍‌ ଏଣ୍ତେସ୍‌ ସୁସମାଚାର୍‌ତି ଆସିର୍ବାଦ୍‌ତିମାନୁ ମିସାନା, ଇୟାଉଣ୍ତିଙ୍ଗ୍‌ ଇୟାୱିଜୁ କିନା । 
\v 24 ଆମାକାର୍‌ ଉର୍‌କୁତେଙ୍ଗ୍‌ ବାଗ୍‌ ଅନାର୍‍, ୱାର୍‌ ୱିଜେରେ ଉର୍‌କୁନାର୍‌ ସତ୍‍, ମାତର୍‌ କେବଲ ଅରେନ୍‍ ଜେ ପୁରସ୍କାର୍‌ ପୟ୍‌ନାନ୍‌, ଇକା ଇନିକା ମିର୍‌ ନେସ୍‌ଇଦେର୍‌ ? ମିର୍‌ ଏଣ୍ତେସ୍‌ ପୁରସ୍କାର୍‌ ପୟ୍‌ନିଦେର୍‌, ଇୟାଉଣ୍ତିଙ୍ଗ୍‌ ଆୟାୱାଜା ଉର୍‌କୁତୁ । 
\v 25 କାର୍‌ଜିନିକାର୍‌ ଅଜା କିନିୱାଲେ ୱିଜୁ ବିସୟ୍‌ତାନ୍‌ ଜାଗାର୍‌ତା ବ୍ୟବ୍‌ହାର୍‌ କିବିସ୍‌କିନାର୍‌; ୱାର୍‌ ନାସ୍ଟୁଆନି ପୁଙ୍ଗୁଁସରା ପୟ୍‌ନି ଉଣ୍ତିଙ୍ଗ୍‌ ଆକା କିନାର୍‌; ମାତର୍‌ ମାଡୁ ନାସ୍ଟୁଆଇ ପୁରସ୍କାର୍‌ ପୟ୍‌ନି ଉଣ୍ତିଙ୍ଗ୍‌ ଆକା କିନିକା । 
\v 26 ଆୟାଉଣ୍ତିଙ୍ଗ୍‌ ନାନ୍‌ ସିଦାଦାନ୍‌ ଇତି ବାଡି ଲାକ୍‌ତୁ ଉର୍‌କୁନା, ଅରେନ୍‍ ମୁଷ୍ଟିଜୁଦ୍ଦ ୱାଜା ନାନ୍‌ ନିଜେଦି ମୁଟିଦି ଡାକ୍‌ନି ୱାଜା ୱାର୍‌ଇକା ଡ଼ିସ୍‌ସୋ ସିଦେଙ୍ଗ୍‌ ଅଡ଼୍‌ବିନା‌ । 
\v 27 ଆଇ ଲୋକା ଲାକ୍‌ତୁ ସୁସମାଚାର୍‌ ପ୍ରଚାର୍‌ କିତିମାରିଙ୍ଗ୍‌ ବା ନାନ୍‌ ନିଜେ ଏଣ୍ତେସ୍‌ ସପାୟ୍‌ ଆନା, ଇୟାଉଣ୍ତିଙ୍ଗ୍‌ ନା ନିଜେଦି ମେନ୍ଦଲ୍‌ତିଙ୍ଗ୍‌ କାସ୍ଟୁ ସାସ୍‌ କିଜି ମାରି ନିଜେଦି ଆଡ୍‍ଗି କିଜି ଇଡାୟ୍‌ଆତାମାନା ।
\c 10
\s ଦିୟାମ୍‌କା ବିରୁଦ୍‌ତାନ୍‌ ଜାଗ୍‌ରାତା
\p
\v 1 ଏ ତଡ଼ାନ୍‌କୁ ନି ତାଙ୍ଗିଁକି, ମୋସାଦି ୱେନ୍‌କା ସୋଲ୍‌ସି ମା ପୁର୍ବେଦିଡକ୍‌ରାଦାଦାରି ଉଣ୍ତିଙ୍ଗ୍‌ ଇନିକା ଗଟେ ଆତାମାର୍ହାତ୍‌, ମିର୍‌ ଏତ୍‌ କିଦୁ, ଇକା ନା ଅରେନ୍‍ୱାନି ଇଚ୍ଛା । ୱାର୍‌ ୱିଜେରେ ବାଦଡ଼ତାନ୍‌ ସୁରକ୍ୟାଦାନ୍‌ ମାର୍ହାର୍‌, ନିଡ଼ି ସାମ୍‌ଦୁର୍‌ତାନ୍‌ କାସ୍ଟୁସିଲେଏଣ୍‌ଗା ନାତାର୍‌ । 
\v 2 ମାରି ମୋସାଦି ୱେନ୍‌କାସନିୱାରି ୱାଜା ୱାର୍‌ ୱିଜେରେ ବାଦଡ଼ ମାରି ସାମ୍‌ଦୁର୍‌ତୁ ଡୁବନ୍‌ ଅତାର୍‍, 
\v 3 ମାରି ୱିଜେରେ ଉନ୍‌ଡ୍ରେ ଆତ୍ମିକ କାଦି ମାରି ଏର୍‌ରୁ ଉଟା ମାର୍ହାର୍‌, 
\v 4 ଇରିଙ୍ଗ୍‌ ୱାରି ୱାଲେ ବୁଲାଜିମାନି ଜିବନ୍‌ତି ପିଡ଼୍‌ପିକାଲୁଦାନ୍‌ ୱାର୍‌ ଆତ୍ମିକ ଏର୍‌ରୁ ଉଣିଜି ମାର୍ହାର୍‌, ମାରି ଆୟା ପିଡ଼୍‌ପିକାଲୁ କ୍ରିସ୍ତ । 
\v 5 ମାରିବା ୱାରି ମାଣ୍‌କୁ ଏସଲୋକାମାନୁ ମାପୁରୁଦି ୱେଡ଼ିକା ସିଲେତାତ୍‍, ଆଦେଙ୍ଗ୍‌ ୱାରି ସାତି ମେନ୍ଧଲ୍‍ ମରୁବୁମିଦି ୱିଜୁତରିନ୍‌ ଇନିଙ୍ଗାଁ ଆନିଙ୍ଗାଁ ଆଜି ମାର୍‌ଏ ।
\p
\v 6 ୱାର୍‌ ଏଣ୍ତେସ୍‌ ନାନି ତାଗ୍‌ଇ ବିସୟ୍‌ତାନ୍‌ ଲାଲାୟ୍‌ ଆଜିମାର୍ହାର୍‌, ମାଡୁ ଏଣ୍ତେସ୍‌ ଆୟାୱାଜା ଲାଲାୟ୍‌ ଆଇକା, ଇୟାଉଣ୍ତିଙ୍ଗ୍‌ ଇୟାୱିଜୁ ବିସୟ୍‌ ମା ଉଣ୍ତିଙ୍ଗ୍‌ କାତାଦି ୱାଜା ଆତାମାନାତ୍‌ ମାରି ସେତ୍‌ନା ସିଜିନାତ୍‌ । 
\v 7 ଏଣ୍ତେସ୍‌ ୱାରି ମାଣ୍‌କୁ ଏସଲୋକ୍‌ ବମା ପୁଜାକିନିକାର୍‌ ଆତାର୍‌, ଆୟାୱାଜା ମିର୍‌ ଦିୟାମ୍‌ ପୁଜାରୀରି ଆମାଟ୍‌; ଏଣ୍ତେସ୍‌ ଦର୍ମସାସ୍ତ୍ରଦୁ ରାସାତାମାନାତ୍‌, “ଲୋକୁ ଉନ୍‌ଡେଙ୍ଗ୍‌ ବାସ୍‌ତାର୍‌, ମାରି ତାନେୱେନ୍‌କା ନିଙ୍ଗିଁଜି ରଙ୍ଗ୍‌ରସ୍‌ତାନ୍‌ କିତାର୍‌ ।” 
\v 8 ଏଣ୍ତେସ୍‌ ୱାରି ମାଣ୍‌କୁ ଏସଲୋକ୍‌ ଦାରିପାଣି କିଜି ଉନ୍‌ଡ୍ରେ ନାଣ୍ତିଙ୍ଗ୍‌ କଡ଼େ ତିନି ହାଜାର୍‌ ଲୋକୁ ସାତାର୍‌, ଆୟାୱାଜା ପାପ୍‌ ମାଡୁ କିଏଟ୍‌ । 
\v 9 ଏଣ୍ତେସ୍‌ ୱାରି ମାଣ୍‌କୁ ଏସଲୋକ୍‌ ପ୍ରବୁଙ୍ଗୁଁ ପରିକା କିଜି ସାରାସ୍‌ତାନ୍‌ ନାସ୍ଟୁ ଆତାର୍‌, ଆୟାୱାଜା ମାଡୁ ପ୍ରବୁଙ୍ଗୁଁ ପରିକା କିଏଟ୍‌ । 
\v 10 ଏଣ୍ତେସ୍‌ ୱାରି ମାଣ୍‌କୁ ଏସଲୋକ୍‌ ମାପୁରୁଦି ବିରୁଦ୍‍ ମାଟା ଇଜି ଜୁଦକିନି ଦୁତ୍‌ତାନ୍‌ ନାସ୍ଟୁ ଆତାର୍‌, ଆୟାୱାଜା ମିର୍‌ ବିରୁଦ୍‌ତି ମାଟେଙ୍ଗ୍‌ ଇନ୍‌ମାଟ୍‌ ।
\p
\v 11 ଇୟାୱିଜୁ କାତାଦି ୱାଜା ୱାରି ଉଣ୍ତିଙ୍ଗ୍‌ ଗଟାତା ମାର୍ହାତ୍‌, ମାରି ଆମାୱାରି ବେଡ଼ାଦୁ ଦୁନିଆ ସେସ୍‌ଆନି ଦିନ୍‌ ବାସା କିଜିନିକା, ଇୟାୱାଜା ଜେ ମାଡୁ, ମା ସେତ୍‌ନା ଉଣ୍ତିଙ୍ଗ୍‌ ଆୟାୱିଜୁ ରାସାତାମାନାତ୍‌ ।
\p
\v 12 ଏନ୍‌ ନିଜେଦିଙ୍ଗ୍‌ ଡାଟ୍‌ମାନା ଇଜି ଅଡ଼୍‌ବିନାନ୍‌, ୱାନ୍‌ ଏଣ୍ତେସ୍‌ ମେଡ଼େଏନ୍‌, ଇୟାଉଣ୍ତିଙ୍ଗ୍‌ ୱାନ୍‌ ଜାଗ୍‌ରାତା ଆପିନ୍‌ । 
\v 13 ଲୋକ୍‌ତି ଉଣ୍ତିଙ୍ଗ୍‌ ଆମା ଏଣ୍ତେସ୍‌ ନାନି ପରିକା ପଡ଼ାତାମାନାତ୍‌, ଆକା ଡ଼ିସ୍‌ତିଙ୍ଗ୍‌ ଆଇପ୍ରକାର୍‌ତି ପରିକା ମି ଉଣ୍ତିଙ୍ଗ୍‌ ଗଟେ ଆଏତ୍‍; ମାତର୍‌ ମାପୁରୁ ୱାନି ପାର୍‌ମାଣ୍‌ତି ରକ୍‌ୟାଦାନ୍‌ ବିସ୍‌ବାସ୍‌, ୱାନ୍‌ ମିଙ୍ଗିଁ ଇନି ସାସ୍‌ସିଲି ପରିକାଦୁ ପରିକା ଆଦେଙ୍ଗ୍‌ ସିଏନ୍‌, ମାତର୍‌ ଏଣ୍ତେସ୍‌ ମିର୍‌ ସାସ୍‌ କିଦେଙ୍ଗ୍‌ ଆଟ୍‌ନିଦେର୍‌, ଇୟାଉଣ୍ତିଙ୍ଗ୍‌ ପରିକା ଆନି ଦାପ୍ରେ ଦାପ୍ରେ ୱାନ୍‌ ମିଙ୍ଗିଁ ସାକ୍ତି ସିନାନ୍‌ ମାରି ଉଦାର୍‌ତି ସାରି ବା ତିଆର୍‌ କିନାନ୍‌ ।
\p
\v 14 ମାରି, ଏ ନା ତଡ଼୍‍କୁ, ବମା ପୁଜାଦାନ୍‌ ଆକ ମାନ୍‍ଡ୍ରୁ । 
\v 15 ନାନ୍‌ ବୁଦିଦି ଲୋକାଙ୍ଗ୍‌ ୱେର୍‌ତି ୱାଜା ୱେର୍‌ସିନା; ନାନ୍‌ ଆମାକା ୱେର୍‌ସିନା, ଆକା ମିର୍‌ ନିଜେ ବିଚାର୍‌ କିଦୁ । 
\v 16 ପ୍ରବୁବୋଜତୁ ମାଡୁ ଆମା ଉଣିଡୁବାୟ୍‌ ବ୍ୟବ୍‌ହାର୍‌ କିନିକା, ତାନି ଉଣ୍ତିଙ୍ଗ୍‌ ମାଡୁ ମାପୁରୁଙ୍ଗୁଁ ଦନ୍ୟବାଦ୍‌ ସିନିକା । ଇୟା ଉଣିଡୁବାୟ୍‌ତାନ୍‌ ଉଣିୱାଲେ ମାଡୁ କ୍ରିସ୍ତଦି ନେତେର୍‌ତୁ ମିସାନିକା । ମାରି ରୁଟି ରୁକ୍‌ସୋ ତିନି ମାଣ୍‌କୁ ମାଡୁ କ୍ରିସ୍ତଦି ମେନ୍ଦଲ୍‌ତୁ ମିସାନିକା । 
\v 17 ଇରିଙ୍ଗ୍‌ ରୁଟି ଉନ୍‌ଡ୍ରେ ଆତିଙ୍ଗ୍‌ବା ମାଡୁ ଗାଦିଲୋକ୍‌ ଆତିଙ୍ଗ୍‌ ‌ବା ମାଡୁ ଉନ୍‌ଡ୍ରେ ମେନ୍ଧଲ୍‍, ଇରିଙ୍ଗ୍‌ ମାଡୁ ୱିଜେରେ ଆୟା ଉନ୍‌ଡ୍ରେ ରୁଟିଦୁ ମିସାତିମାନିକା ।
\p
\v 18 କେବଲ ଇସ୍ରାଏଲ ଲୋକା ବିସୟ୍‌ତାନ୍ ଏତ୍‌କିଦୁ, ୱାରି ମାଣ୍‌କୁ ଆମାକାର୍‌ ପୁଜାକିତିକାଣ୍ତା ତିନାର୍‌, ୱାର୍‌ ଇନିକା ବେଦିଦି ଉପାସ୍‍ତି ୱାଲେ ମିସାଏର୍‌ । 
\v 19 ଆର୍‌ତିଙ୍ଗ୍‌ ଦିୟାମ୍‍କାଙ୍ଗ୍‍ ସିନି ବଗ୍‌ ଇଜି ଜେ ଇନିକା ମାନାତ୍‌ ମାରି ଦିୟାମ୍‌ ଇଜି ଜେ ଇନିକା ମାନାତ୍‌, ଇକା ଇନିକା ନାନ୍‌ ୱେର୍‌ସିନା ? 
\v 20 ସିଲେ, ମାତର୍‌ ନାନ୍‌ ୱେର୍‌ସିନା ଜେ, ଆମା ଆମାକା ୱାର୍‌ ପୁଜା ୱାଜା ସର୍‌ପେ କିନାର୍‌, ଆୟାୱିଜୁ ୱାର୍‌ ମାପୁରୁଦି ଉଦେସ୍‌ତାନ୍‌ ସିଲେ, ଆକା ଦୁବେଙ୍ଗାଁ ଉଦେସ୍‌ତାନ୍‌ କିନାର୍‌ । ମାରି, ମିର୍‌ ଜେ ଦୁବେଙ୍ଗାଁ ୱାଲେ ମିସାଦୁ, ଇକା ନା ଇଚ୍ଛା ସିଲେ । 
\v 21 ମିର୍‌ ପ୍ରବୁଦି ଉଣିଡୁବାୟ୍‌ ମାରି ଦୁବେଙ୍ଗାଁ ଉଣିଡୁବାୟ୍‌ତୁ ରୁଣ୍ତିୱାନିକାଙ୍ଗ୍‌ ଉଣ୍ତେଙ୍ଗ୍‌ ଆଟ୍‍ଇଦେର୍‍; ମିର୍‌ ପ୍ରବୁଦି ମେଜ ମାରି ଦୁବେଙ୍ଗାଁ ମେଜ ରୁଣ୍ତିୱାନିକାଙ୍ଗ୍‌ ମିସାଦେଙ୍ଗ୍‌ ଆଟ୍‍ଇଦେର୍‍ । 
\v 22 ମାରିବା ମାଡୁ ଇନିକା ପ୍ରବୁଙ୍ଗୁଁ ଗିଦିରି କିନିକା ? ମାଡୁ ଇନିକା ମାପୁରୁମାଣୁକୁ ନାଣ୍ତ ସାକ୍ତି ?
\p
\v 23 \x + \xo ୧୦:୨୩ \xo*\xt ୧ କରିନ୍ତିୟ ୬:୧୨.\xt*\x*ୱାର୍‌ ୱେର୍‍ସିନାର୍‍, “ୱିଜୁ ବିସୟ୍‌ ପୁରା କିନି ଉଣ୍ତିଙ୍ଗ୍‌ ମାଙ୍ଗିଁ ଅଦିକାର୍‌ ମାନାତ୍‌,” ମାତର୍‌ ୱିଜୁ ବିସୟ୍‌ ନେଗିକା ସିଲେ । ମାପ୍‌ ୱିଜୁ ବିସୟ୍‌ କିଦେଙ୍ଗ୍‌ ଆଟ୍‍ନାପ୍‍, ମାତର୍‌ ୱିଜୁ ବିସୟ୍‌ତାନ୍‌ ମିଚ୍‌ ମାଟା ସଏତ୍‌ । 
\v 24 ଏନ୍‌ ନିଜେଦି ନେଗିକା ସେସ୍ଟା କିମାକିନ୍‌, ମାତର୍‌ ୱିଜୁ ଲୋକା ଆଇୱାନିଙ୍ଗ୍‍ ନେଗିକା ସେସ୍ଟା କିପିନ୍‌ ।
\p
\v 25 ବୁଦିଦିଙ୍ଗ୍‌ ସପା ଇଡ୍‌ନି ଉଣ୍ତିଙ୍ଗ୍‌ ଇନିକା ୱେନ୍‍ବାଏଣ୍‌ଗା ସାତାଦୁ ପର୍‌ଜିମାନି କାଣ୍ତା ମିର୍‌ ନିଜେଦିଇଚ୍ଛାଦାନ୍‌ ତିନ୍‌ଡ୍ରେଙ୍ଗ୍‌ ଆଟ୍‌ନିଦେର୍‌, 
\v 26 ଇରିଙ୍ଗ୍‌ ସାସ୍ତ୍ରଦୁ ରାସ୍‌ତିମାନି ବାକ୍ୟ ଇସାବ୍‌ତାନ୍‌, ଦୁନିଆ ମାରି ଆବେନ୍‌ ମାନି ୱିଜୁ ବିସୟ୍‌ ପ୍ରବୁଦି ।
\p
\v 27 ଅବିସ୍‌ବାସ୍‌ରି ମାଣ୍‌କୁ ଏନ୍‌ ଜଦି ମିଙ୍ଗିଁ ଉଣି ଉଣ୍ତିଙ୍ଗ୍‌ କୁକ୍‌ନାନ୍‌, ମାରି ମିର୍‌ ସନ୍‍ଡ୍ରେଙ୍ଗ୍‍ ଇଚ୍ଛା କିନିଦେର୍‌, ଆର୍‌ତିଙ୍ଗ୍‌ ମି ବୁଦିଦି ଉଣ୍ତିଙ୍ଗ୍‌ ଇନିକା ୱେନ୍‍ବାଏଣ୍‌ଗା, ଆମାକା ସିତାମାନାର୍‌, ଆକା ଉଣ୍ତୁ । 
\v 28 ମାତର୍‌ ଏନ୍‌ ଜଦି ମିଙ୍ଗିଁ ୱେର୍‌ନାନ୍‌, ଇକା ପୁଜାଦି ୱାଜା ସର୍‌ପେ ଆତାମାନାତ୍‌, ଆର୍‌ତିଙ୍ଗ୍‌ ଜେ ଇକା ୱେର୍‌ତାନ୍‌, ତାନି ଉଣ୍ତିଙ୍ଗ୍‌ ମାରି ବୁଦିଦି ଉଣ୍ତିଙ୍ଗ୍‌ ଆକା ଉଣୁମାଟ୍‌ । 
\v 29 ମି ନିଜେଦି ବୁଦିଦି ଉଣ୍ତିଙ୍ଗ୍‌ ଇଜି ନାନ୍ ଇନ୍‌ଏ, ମାତର୍‌ ୱାନି ବୁଦିଦି ଉଣ୍ତିଙ୍ଗ୍‌ ୱେର୍‌ସିନା ।
\p ମିର୍‌ ଏଣ୍ତେସାତିଙ୍ଗ୍‌ ପ୍ରସ୍ନ କିନିଦେର୍‌, “ମା ଅଦିକାର୍‌ ଏନ୍ଦା ଆଇୱାନି ବୁଦି\f + \fr ୧୦:୨୯ \fr*\ft ନେଗି ତାଗ୍‌ଇ ବିସୟ୍‌ତିଙ୍ଗ୍‌ ବିଚାର୍‌ କିନି ଜ୍ଞାନ୍‌\ft*\f* ଦାନ୍‌ ବିସାର୍‌ ଆନାତ୍‌ ।” 
\v 30 ନାନ୍‌ ମାପୁରୁଙ୍ଗୁଁ ଦନ୍ୟବାଦ୍‌ ସିଜି କାଦି ଉଣୁଜିନା, ଆର୍‌ତିଙ୍ଗ୍‌ ଆମାୱାନି ଉଣ୍ତିଙ୍ଗ୍‌ ଦନ୍ୟବାଦ୍‌ ସିନା, ୱାନି ଉଣ୍ତିଙ୍ଗ୍‌ ନିନ୍ଦା ଇନିତାନିଙ୍ଗ୍‌ ଆନା ?
\p
\v 31 ଆୟାଉଣ୍ତିଙ୍ଗ୍‌ ମିର୍‌ ଉଣ୍ତୁ ସିଲିତିଙ୍ଗ୍‌ ତିନ୍‌ଡ୍ରୁ ମାରି ଆମାକା ଇନିକା କିଦୁ, ମାପୁରୁଦି ଗୌରବ୍‍ତି ଉଣ୍ତିଙ୍ଗ୍‌ ୱିଜୁ କିଦୁ । 
\v 32 ଜିହୁଦି ମାରି ଗ୍ରିକ୍‌ ମାରି ମାପୁରୁଦି ମଣ୍ତଲି, ଏଙ୍ଗ୍‌ବା ତାକାନି ପାଣି ଆମାଟ୍‌ । 
\v 33 ମିର୍‌ ନା ୱାଜା ବେବ୍‍ହାର୍ କିଦୁ । ଏଣ୍ତେସ୍‌ ନାନ୍‌ ବା ନା ସିନ୍ତା କିଏଣ୍‌ଗା ନାଣ୍ତଲୋକା ରକିୟାଦି ଉଣ୍ତିଙ୍ଗ୍‌ ୱାରି ନେଗିତାନିଙ୍ଗ୍‌ ସିନ୍ତା କିନା, ମାରି ୱିଜୁ ବିସୟ୍‌ତାନ୍‌ ୱିଜେରିଙ୍ଗ୍‌ ୱେଡ଼ିକା କିଦେଙ୍ଗ୍‌ ଜାତୁନ୍‍ କିନା ।
\c 11
\p
\v 1 \x + \xo ୧୧:୧ \xo*\xt ୧ କରିନ୍ତିୟ ୪:୧୬; ପିଲିପିୟ ୩:୧୭.\xt*\x*ନାନ୍‌ ଏଣ୍ତେସ୍‌ କ୍ରିସ୍ତଦି ୱେନ୍‌କାସୋର୍‌ଇ ୱାଜା ମିର୍‌ ବା ଆୟାୱାଜା ନା ୱେନ୍‌କା ରାଦୁ ।
\s ଉନ୍‌ଡ୍ରେମାନୁ ଉଣ୍ତାନି ଉପାସନା ମାରି ତାଲାଦୁପିଡ଼୍‌କାନିକା
\p
\v 2 ମିର୍‌ ଜେ ୱିଜୁ ବିସୟ୍‌ତୁ ନାଙ୍ଗିଁ ଏତ୍‌ କିନିଦେର୍‌ ମାରି ନାନ୍‌ ମିଙ୍ଗିଁ ଜେ ୱିଜୁ ସିକିୟା ସିତାମାନା, ଆୟାୱିଜୁ ମାନାଜିନିଦେର୍‌, ଇୟାଉଣ୍ତିଙ୍ଗ୍‌ ନାନ୍‌ ମିଙ୍ଗିଁ ପ୍ରସଂସା କିଜିନା । 
\v 3 ମାତର୍‌ କ୍ରିସ୍ତ ଜେ ୱିଜେରି ମେମାର୍‌ଙ୍ଗାଁ ତାଲାଦି ୱାଜା ମାରି ମେମାର୍‌ଏନ୍‌ ଜେ ଆଡ଼୍‌ସିଦି ତାଲାଦି ୱାଜା ମାରି ମାପୁରୁ ଜେ କ୍ରିସ୍ତଦି ତାଲାଦି ୱାଜା, ଇକା ମିର୍‌ ନେସ୍‌ତିମାନିଦେର୍‌ ଇଜିନା ଇଚ୍ଛା । 
\v 4 ଆମା ମେମାର୍‌ଏନ୍‌ ନିଜେଦି ତାଲାଦୁ ପିଡ଼ିକାଜି ପାର୍‌ତାନା କିନାନ୍‌ ମାରି ମାପୁରୁଦି ବାକ୍ୟ ୱେର୍‌ନାନ୍‌, ୱାନ୍‌ କ୍ରିସ୍ତଙ୍ଗ୍‌ ଅପମାନ୍‌ କିନାନ୍‌ । 
\v 5 ମାତର୍‌ ଆମା ଆଇମା ନିଜେଦି ତାଲାଦୁ ପିଡ଼ିକାଏଣ୍‌ଗା ପାର୍‌ତାନା କିନାତ୍‌ ମାରି ମାପୁରୁଦି ବାକ୍ୟ ୱେର୍‌ନାତ୍‌, ୱାଦ୍ ୱାନି କନ୍‌ଲିଙ୍ଗ୍‌ ଅପମାନ୍‌ କିନାତ୍‌ । ଆୟାନାନି ଆଇମା ତାନି ତାଲା ଟାଙ୍ଗିଁରି ଆନି ସାମାନ୍‌ । 
\v 6 ଜଦି ଏମେ ଆଇମା ତାଲାଦୁ ପିଡ଼ିକାଏତ୍‌, ଆର୍‌ତିଙ୍ଗ୍‌ ତାନି ତାଲାଦି କୁକୁଟି ବା କୟ୍‌ଜପୋକ୍‌ତି; ମାତର୍‌ ଆଇମାଦି ଉଣ୍ତିଙ୍ଗ୍‌ କୁକୁଟି କୟ୍‌ନିକା ମାରି ତାଲା ଟାଙ୍ଗିଁରି ଆନିକା ସେମାର୍‌, ଆର୍‌ତିଙ୍ଗ୍‌ ୱାନ୍‌ ତାଲା ପିଡ଼ିକାପିତ୍‌ । 
\v 7 ମେମାର୍‌ଏନ୍‌ ମାପୁରୁଦି ମୁର୍ତିୱାଜା ମାରି ଗୌରବ୍‌ଦି ୱାଜା ଆତିଙ୍ଗ୍‌ ସତ୍‌ତାନ୍‌ ୱାନି ତାଲା ପାଡ଼ାକ୍‌ନିକା ଦର୍‌କାର୍‌ ସିଲେ, ମାତର୍‌ ଆଇମା ମେମାର୍‌ଏନ୍‌ତି ଗୌରବ୍‌ତି ୱାଜା । 
\v 8 ଇରିଙ୍ଗ୍‌ ମେମାର୍‌ଏନ୍‌ ଆଇମାଦିମାଣୁକୁ ତିଆର୍‌ ଆଏନ୍‍, ମାତର୍‌ ଆଇମା ମେମାର୍‌ଏନ୍‌ତିମାଣୁକୁ ତିଆର୍‌ ଆତାମାନାତ୍‌ । 
\v 9 ମାରି ମେମାର୍‌ଏନ୍‌ତି ତିଆର୍‌କିନିକା ଆଇମାଦି ଉଣ୍ତିଙ୍ଗ୍‌ ଆଏତାତ୍‌; ମାତର୍‌ ମେମାର୍‌ଏନ୍‌ତି ଉଣ୍ତିଙ୍ଗ୍‌ ଆଇମାଦି ତିଆର୍‌ ଆତାତ୍‌ । 
\v 10 ଇୟାଉଣ୍ତିଙ୍ଗ୍‌ ମେମାର୍‌ଏନ୍‌ତି ଅଦିକାର୍‌ ଆଇମାଦି ମୁସ୍‌କୁ ମାନାତ୍‌, ଇୟାତାନି ନେଗେନ୍‌ତାନ୍‌ ସୁଡ଼ୁନି ୱାଜା, ଦୁତ୍‌କା ଉଣ୍ତିଙ୍ଗ୍‌ ଆଇମା ତାଲାଦୁ ପିଡ଼ିକାନିକା ଟିକ୍‌ । 
\v 11 ମାରିବା ପ୍ରବୁଦିମାନୁ ମେମାର୍‌ଏନ୍‌ତିମାଣୁକୁ ଆଇମା ୱେର୍‌ଏ ସିଲେ ମାରି ଆଇମାଦିମାଣୁକୁ ମେମାର୍‌ଏନ୍‌ ୱେର୍‌ଏ ସିଲେ । 
\v 12 ଇରିଙ୍ଗ୍‌ ଆଇମା ଏଣ୍ତେସ୍‌ ମେମାର୍‌ଏନ୍‌ତିମାଣୁକୁ ତିଆର୍‌ ଆତାତ୍‌, ମେମାର୍‌ଏନ୍‌ ଆଇମାଦିମାଣୁକୁ ଜନମ୍‍ ଆତାମାନାନ୍‌ । ମାତର୍‌ ୱିଜୁ ବିସୟ୍‌ ମାପୁରୁଦିମାଣୁକୁ ତିଆର୍‌ ଆତାତ୍‌ ।
\p
\v 13 ମିର୍‌ ନିଜେନିଜେ ବିସାର୍‌ କିଦୁ, ତାଲାଦୁ ପିଡ଼ିକାଏଣ୍‌ଗା ମାପୁରୁଦି ଲାକ୍‌ତୁ ପାର୍‌ତାନା କିନିକା ଆଇମାଦି ଉଣ୍ତିଙ୍ଗ୍‌ ଇନିକା ନେଗେତ୍‌ ? 
\v 14 ଦୁନିଆଦି ଗୁଣୁ ଇନିକା ମିଙ୍ଗିଁ ସିକିୟା ସିଏତ୍‌ ଜେ, ମେମାର୍‌ଏନ୍‌ତିଙ୍ଗ୍‌ ନିର୍‌ଇ କୁକୁଟି ଡ଼ିସ୍‌ତିଙ୍ଗ୍‌ ୱାନି ଉଣ୍ତିଙ୍ଗ୍‌ ସେମାର୍‌ତିମାଟା, 
\v 15 ମାତର୍‌ ଆଇମାଦିଙ୍ଗ୍‍ ନିର୍‌ଇ କୁକୁଟି ଡ଼ିସ୍‌ତିଙ୍ଗ୍‌ ତାନି ଉଣ୍ତିଙ୍ଗ୍‌ ଆକା ନେଗିମାଟା ? ଇୟା ନିର୍‌ଇ କୁକୁଟି ତାନି ତାଲାଦି ସୁନ୍ଦର୍‌ତି ଉଣ୍ତିଙ୍ଗ୍‌ ସିଆୟ୍‌ଆତାମାନାତ୍‌ । 
\v 16 ମାତର୍‌ ଏନ୍‌ ଜାଟିଜଗଡ଼ା କିଦେଙ୍ଗ୍‌ ଇଚ୍ଛା କିତିଙ୍ଗ୍‌ ୱାନ୍‌ ନେସ୍‌ନି ଜେ, ମାମାନୁ ଇୟାୱାଜାଦି ରିତିନିୟମ୍‌ ସିଲେତ୍‌, ମାରି ମାପୁରୁଦି ଉପାସନା ମଣ୍ତଲିଆଙ୍ଗାଁ ସିଲେତ୍‌ ।
\s ପ୍ରବୁବୋଜ
\r (ମାତିଉ ୨୬:୨୬-୨୯; ମାର୍କ ୧୪:୨୨-୨୫; ଲୁକ ୨୨:୧୪-୨୦)
\p
\v 17 ମାତର୍‌ ମିର୍‌ ଉପାସନା ଉଣ୍ତିଙ୍ଗ୍‌ ଉନ୍‌ଡ୍ରେମାନୁ ଆନିୱାଲେ ଜେ, ଇକା ମି ଉଣ୍ତିଙ୍ଗ୍‌ ନେଗିକା ଆଏଣ୍‌ଗା ତାଗ୍‌ଇକା ଆଜିନାତ୍‍, ଇବେନୁ ନାନ୍‌ ମିଙ୍ଗିଁ ପ୍ରସଂସା କିଦେଙ୍ଗ୍‌ ଆଟ୍‌ଏଣ୍‌ଗା ଇୟା ଆଦେସ୍‌ ସିଜିନା । 
\v 18 ଇରିଙ୍ଗ୍‌ ଆଗ୍‍ଡ଼ିନେ ନାନ୍‌ ୱେନ୍‌ଜିନା ଜେ, ମଣ୍ତଲିଦୁ ମିର୍‌ ଉନ୍‌ଡ୍ରେମାନୁ ଆନିୱାଲେ ମିମାନୁ ଦଲ୍‌ ଏର୍‌ପିସିସାନିକା ଗଟାଜିନାତ୍‌, ମାରି ନାନ୍‌ ଏସ ଇସାବ୍‌ତାନ୍‌ ଇକା ବିସ୍‌ବାସ୍‌ କିଜିନା । 
\v 19 ଏଣ୍ତେସ୍‌ ମିମାନୁ ପରିକାଦୁ ଜିଣାତି ଲୋକୁ ୱେଙ୍ଗିଁନାର୍‌, ଇୟାଉଣ୍ତିଙ୍ଗ୍‌ ମିମାନୁ ଦଲ୍‌ ଏର୍‌ପିସିସାନିକା ପୁରା ଗଟାନାତ୍‌ । 
\v 20 ମିର୍‌ ଉନ୍‌ଡ୍ରେ ଦଲ୍‌ ୱାଜା ଉଣ୍ତାଜି ଆମା ଉଣିମାନୁ ମିସାଜିନିଦେର୍‌, ଆକା “ପ୍ରବୁବୋଜ ଆଏତ୍‍,” 
\v 21 ଇରିଙ୍ଗ୍‌ ନାସ୍ତିୱାଲେ ମିର୍‌ ଉଣି ବେଡ଼ାଦୁ ୱିଜିଦେର୍‌ ଆଇୱାନିଙ୍ଗ୍‍ କାପ୍‌କିଏଣ୍‌ଗା ନିଜେ ନିଜେଦି କାଦି ଉଣିଦେର୍‌, ଆୟାଉଣ୍ତିଙ୍ଗ୍‌ ଅରେନ୍‍ ବାଙ୍ଗାଁଦୁ ତେବାନାନ୍‌ ମାରି ଆଇକାନ୍‍ ଅରେନ୍‍ ସୋସ୍‌ନା ତେବାନାନ୍‌ । 
\v 22 ମିଙ୍ଗିଁ ଇନିକା ଉଣିତିନି ଉଣ୍ତିଙ୍ଗ୍‌ ନିଜେଦି ଇଲୁ ସିଲେତ୍‌ ? ମାରି ମିର୍‌ ଇନିକା ମାପୁରୁଦି ମଣ୍ତଲିଦିଙ୍ଗ୍‌ ସେମାର୍‌ କିଜିନିଦେର୍‌, ମାରି ଆମାୱାରିଙ୍ଗ୍‌ ଇନିକା ବା ସିଲେତ୍‌, ୱାରିଙ୍ଗ୍ ସେମାର୍‌ କିଜିନିଦେର୍‌ ? ନାନ୍‌ ମିଙ୍ଗିଁ ଇୟା ବିସୟ୍‌ତାନ୍‌ ଇନିକା ୱେର୍‌ନା ? ଇନିକା ମିଙ୍ଗିଁ ପ୍ରସଂସା କିନା ? ଇୟା ବିସୟ୍‌ତାନ୍‌ ନାନ୍‌ ମିଙ୍ଗିଁ ପ୍ରସଂସା କିଦେଙ୍ଗ୍‌ ଆଟ୍‍ଏ ।
\p
\v 23 ଇରିଙ୍ଗ୍‌ ନାନ୍‌ ପ୍ରବୁଦିମାଣୁକୁ ପୟ୍‌ତିମାନି ଆମା ସିକିୟା ଆକା ମିଙ୍ଗିଁ ୱେର୍‌ସିନା, ଆକା ସାତ୍ରୁରି କିୟୁଦୁ ସର୍‌ପେ ଆନି ନାଡ଼ା ପ୍ରବୁ ଜିସୁ ରୁଟି ଅସି 
\v 24 ମାପୁରୁଙ୍ଗୁଁ ଦନ୍ୟବାଦ୍‌ ସିଜି ଆକା ରୁକୁସି ଇର୍ହାନ୍‌, “ଇକା ମି ଉଣ୍ତିଙ୍ଗ୍‌ ନା ମେନ୍ଧଲ୍‍; ନାଙ୍ଗିଁ ଏତ୍‌କିନି ଉଣ୍ତିଙ୍ଗ୍‌ ଇକା କିଦୁ ।” 
\v 25 ଆୟାୱାଜା ତିର୍‌ଇ ୱେନ୍‌କା ୱାନ୍‌ ଉଣି ଡୁବାଇ ବା ଆସ୍‌ସି ଇର୍ହାନ୍‌, ଇୟା ଅଙ୍ଗୁର୍‌ରସ ନା ନେତେର୍‌ତାନ୍‌ ତିଆର୍‌ଆତିମାନି ମାପୁରୁଦି ପୁନି ନିୟମ୍‌; ମିର୍‌ ଏସ ଦେବେଙ୍ଗ୍‌ ଇବେଣ୍‌କୁ ଉଣିଦେର୍‌, ନାସ ଦେବେଙ୍ଗ୍‌ ନାଙ୍ଗିଁ ଏତ୍‌କିନି ଉଣ୍ତିଙ୍ଗ୍‌ ଇକା କିଦୁ । \fig ଜିସୁ ସିସୁରି ୱାଲେ ନିସ୍ତାର ପଣ୍ତୟ୍‌ ବଜି କିନାର୍‌ |alt="Jesus eating the Passover meal with his disciples" src="lb00320c.tif" size="span" copy="Horace Knowles ©" ref="୧୧:୨୩"\fig*
\p
\v 26 ଇରିଙ୍ଗ୍‌ ଏସ ଦେବେଙ୍ଗ୍‌ ମିର୍‌ ଇୟା ରୁଟି ତିନିଦେର୍‌ ମାରି ଇୟା ଅଙ୍ଗୁର୍‌ରସତିଙ୍ଗ୍‌ ଉଣିଦେର୍‌, ନାସ ଦେବେଙ୍ଗ୍‌ ମିର୍‌ ପ୍ରବୁଦି ୱାନିଦିନ୍‌ ସାନ୍ଦି ୱାନି ସାତି ମାଟା ୱେର୍‍ସି ମାନିଦେର୍‌ । 
\v 27 ମାରି, ଏନ୍‌ଆପିନ୍‌ ଜଗ୍‌ସିଲି ୱାଜାଦାନ୍‌ ପ୍ରବୁଦି ଇୟା ରୁଟି ତିନାନ୍‌ ମାରି ଇୟା ଡୁବାୟ୍‌ତିଅଙ୍ଗୁର୍‌ରସ ଉଣାନ୍‌, ୱାନ୍‌ ପ୍ରବୁଦି ମେନ୍ଦଲ୍‌ତିଙ୍ଗ୍‌ ନି ନେତେର୍‌ତି ବିରୁଦ୍‌ତାନ୍‌ ପାପ୍‌ କିନାନ୍‌ । 
\v 28 ମାତର୍‌ ଲୋକ୍‌ ନିଜେଦିଙ୍ଗ୍‌ ପରିକା କିପିନ୍‌, ମାରି ଆୟାୱାଜା ଦାନ୍‌ ଇୟା ରୁଟି ତିନିନ୍‌ ମାରି ଇୟା ଡୁବାୟ୍‌ତିଅଙ୍ଗୁର୍‌ରସ ଉଣିନ୍‍ । 
\v 29 ଇରିଙ୍ଗ୍‌ ଆମା ଲୋକ୍‌ ପ୍ରବୁଦି ମେନ୍ଦଲ୍‌ତିଙ୍ଗ୍‌ ସତ୍‌ତି ଅର୍ତ ବୁଜାଏଣ୍‌ଗା ତିନାନ୍‌ ମାରି ଉଣାନ୍‌, ୱାନ୍‌ ପୁରା ଦଣ୍ତ୍‌ ପୟ୍‌ନାନ୍‌ । 
\v 30 ଆୟାଉଣ୍ତିଙ୍ଗ୍‌ ମି ମାଣ୍‌କୁ ନେର୍‌ରୁ ଗାଦିଲୋକ୍‌ ସାକିସିଲିକାର୍‌, ରୋଗ୍‌ତିକାର୍‌ ମାରି ଗାଦିଲୋକ୍‌ ସାତାମାନାର୍‌ । 
\v 31 ଜଦି ଆଗ୍‍ଡ଼ିରାନ୍‍ ମାପୁ ନିଜେ ନିଜେଦି ବିଚାର୍‌ କିତିଙ୍ଗ୍‌, ଆର୍‌ତିଙ୍ଗ୍‌ ମାଡୁ ମାପୁରୁଦି ଦଣ୍ତ୍‌ ବୋଗାଇତିକା ମାନ୍ଧି । 
\v 32 ମାତର୍‌ ଦୁନିଆଦି ୱିଜୁଦିନ୍‌ତି ଦଣ୍ଡ୍‌ତାନ୍‌ ମାଙ୍ଗିଁ ରକ୍‌ୟା କିନି ଉଣ୍ତିଙ୍ଗ୍‌ ପ୍ରବୁ ମାଙ୍ଗିଁ କାସ୍ଟୁ ସିଜି ବିସାର୍‌ କିଜିନାନ୍‌ ।
\p
\v 33 ମାରି, ଏ ନା ତଡ଼ାନ୍‌କୁ, ମିର୍‌ ପ୍ରବୁବୋଜ ଉଣି ଉଣ୍ତିଙ୍ଗ୍‌ ଉନ୍‌ଡ୍ରେମାନୁ ଉଣ୍ତାନି ୱାଲେ ନିଜେନିଜେଦି ଉଣ୍ତିଙ୍ଗ୍‌ କାପ୍‌କିଦୁ । 
\v 34 ମି ଉଣ୍ତାନିକା ଏଣ୍ତେସ୍‌ ମାପୁରୁଦି ଦଣ୍ତ୍‌ତି ଉଣ୍ତିଙ୍ଗ୍‌ ଆଏତ୍‍, ଆୟାଉଣ୍ତିଙ୍ଗ୍‌ ଜଦି ଏନ୍‌ ବାଙ୍ଗାଁ, ଆର୍‌ତିଙ୍ଗ୍‌ ୱାନ୍‌ ଇନ୍‌ଡ୍ର ଉଣୁଜ ରାପିନ୍‌, ତେବାତିମାନି ବିସୟ୍‌କୁ ୱିଜୁ ନାନ୍‌ ସରିଙ୍ଗ୍‌ ବୁଜାନା ।
\c 12
\s ପବିତ୍ରଆତ୍ମାଦିମାଣୁକୁ ଦାନ୍‌
\p
\v 1 ଏ ତଡ଼ାନ୍‌କୁ ନି ତାଙ୍ଗିଁକି, ପବିତ୍ରଆତ୍ମାଦି ଦାନ୍‌ତି ବିସୟ୍‌ତାନ୍‌
\p ନାନ୍‌ ମିଙ୍ଗିଁ ପୁରା ସତ୍‍ ୱେର୍‍ତେଙ୍ଗ୍‍ ଅଡ଼୍‌ବିଜିନା । 
\v 2 ମିର୍‌ ନେସ୍‌ନିଦେର୍‌ ଜେ, ଏସ୍ତିୱାଲେ ମିର୍‌ ଅଣଜିହୁଦି ମାର୍‌ଇୱାଲେ, ନାସ୍ତିୱାଲେ ଜିବନ୍‌ସିଲି ଦିୟାମ୍‍କାଙ୍ଗାଁ ପୁଜା କିଜି ମିର୍‌ ଅଲଗାସାରି ଆତିମାର୍‌ଇଦେର୍‌ । 
\v 3 ଆୟାଉଣ୍ତିଙ୍ଗ୍‌ ନାନ୍‌ ମିଙ୍ଗିଁ ଜାଣେକିଜିନା, ମାପୁରୁଦି ଆତ୍ମାଦାନ୍‌ ସାଲାନି ଲୋକ୍‌ “ଜିସୁ ଅବିସାପ୍‌” ଇଜି ଇନ୍‌ଏନ୍‌, ମାରି ଏମେ ଲୋକ୍‌ ପବିତ୍ର ଆତ୍ମା ପୟ୍‌ଏଣ୍‌ଗା “ଜିସୁ ପ୍ରବୁ” ଇଜି ୱେର୍‍ତେଙ୍ଗ୍‍ ଆଟ୍‍ଏନ୍‍ ।
\p
\v 4 \x + \xo ୧୨:୪ \xo*\xt ରୋମିୟ ୧୨:୬-୮.\xt*\x*ଆତ୍ମାଦି ଦାନ୍‍ ଗାଦି ଜାତିଙ୍ଗ୍‌, ମାତର୍‌ ଆୟା ଉନ୍‌ଡ୍ରେ ପବିତ୍ରଆତ୍ମା ଆୟାୱିଜୁ ସିନାତ୍‌ । 
\v 5 ସେବା ଗାଦି ରକମ୍‌ତିକେଙ୍ଗ୍‌ କିଜିନାର୍‌, ମାରି, ଉନ୍‌ଡ୍ରେ ପ୍ରବୁଦି ସେବା ଆନାତ୍‌ । 
\v 6 ପାଣି କିନି ୱାରିଙ୍ଗ୍ ଗାଦି ରକମ୍‌ତି ସାକ୍ତି ସିନାନ୍‌, ମାତର୍‌ ମାପୁରୁ ଅରେନ୍‍, ୱାନ୍‌ ୱିଜେରିମାନୁ ଆୟାୱିଜୁ ସିନାନ୍‌ । 
\v 7 ୱିଜେରି ନେଗି ଉଣ୍ତିଙ୍ଗ୍‌ ୱିଜେରେ ଲୋକାମାନୁ ପବିତ୍ରଆତ୍ମାଦି ସାକ୍ତି ଗାଦି ରକମ୍‌ତିକେଙ୍ଗ୍‌ ତରାନାତ୍‌ । 
\v 8 ଇରିଙ୍ଗ୍‌ ଅରେନ୍‍ୱାନିଙ୍ଗ୍‍ ଆତ୍ମାଦି ମାଣ୍‌କୁ ବୁଦିଦି ବାକ୍ୟ, ମାରି ଅରେନ୍‍ୱାନିଙ୍ଗ୍‍ ଆୟା ଆତ୍ମାଦି ସିକିୟା ଇସାବ୍‌ତାନ୍‌ ବୁଦିଦି ମାଟା ଇନାନ୍‌, 
\v 9 ମାରି ଅରେନ୍‍ୱାନିଙ୍ଗ୍‍ ଆୟା ଆତ୍ମାଦି ମାଣ୍‌କୁ ବିସ୍‌ବାସ୍‌ ସିନାତ୍‌, ମାରି ଅରେନ୍‍ୱାନିଙ୍ଗ୍‍ ଆୟା ଉନ୍‌ଡ୍ରେ ଆତ୍ମାଦି ମାଣ୍‌କୁ ନେଗେନ୍‌ କିନି ସାକ୍ତି, 
\v 10 ଆଇୱାନିଙ୍ଗ୍‍ ଗାଦି ରକମ୍‌ତି ସାକ୍ତିଦି ପାଣି କିଦେଙ୍ଗ୍‌ ଅଦିକାର୍‌, ମାରି ଅରେନ୍‍ୱାନିଙ୍ଗ୍‍ ମାପୁରୁଦି ବାକ୍ୟ ୱେର୍‌ନି ସାକ୍ତି, ଆଇୱାନିଙ୍ଗ୍‍ ଆଇ ଆଇ ରକମ୍‌ତି ଆତ୍ମା ସିନିସ୍‌ତେଙ୍ଗ୍‌ ସାସ୍‌, ମାରି ଅରେନ୍‍ୱାନିଙ୍ଗ୍‍ ଗାଦି ଜାତିଦି ପୁନି ବାସାଦାନ୍‌ ୱାର୍‌ଗିନି ସାକ୍ତି, ମାରି ଅରେନ୍‍ୱାନିଙ୍ଗ୍‍ ବାସାଦି ଅର୍ତ କିଦେଙ୍ଗ୍‌ ସାକ୍ତି ସିଆୟ୍‌ଆତାମାନାତ୍‌ । 
\v 11 ମାତର୍‌ ଆୟା ଉନ୍‌ଡ୍ରେ ପବିତ୍ରଆତ୍ମା ନିଜେଦି ଇଚ୍ଛାଦାନ୍‌ ୱିଜୁ ଲୋକାଙ୍ଗ୍‌ ଗାଦିରକମ୍‌ତି ଦାନ୍‌ ସିଜି ଇୟାୱିଜୁ ପାଣି ପୁରା କିନାତ୍‌ ।
\s ଗାଦି ବାଗ୍‌ତି ତିଆର୍‌ତି ଉନ୍‌ଡ୍ରେ ମେନ୍ଧଲ୍‍
\p
\v 12 \x + \xo ୧୨:୧୨ \xo*\xt ରୋମିୟ ୧୨:୪,୫.\xt*\x*କ୍ରିସ୍ତ ଗାଦିଜାତିଦି ଉନ୍‍ଡ୍ରେ ମେନ୍ଦଲ୍, ମାରି ଆବେଣି ବାଗ୍‌ତି ଗାଦି, ମାତର୍‌ ମେନ୍ଦଲ୍‍ତି ୱିଜୁ ବାଗ୍‌ତି ଗାଦି ଆତିଙ୍ଗ୍‌ବା ଉନ୍‌ଡ୍ରେ ମେନ୍ଧଲ୍‍ । 
\v 13 ଆୟାୱାଜା ଜିହୁଦି, ଅଣଜିହୁଦି, କଟିସାକର୍‌ ମାରି ଅଦିକାର୍‌ରି ଲୋକୁ ଆପିନ୍‌, ୱିଜେରେ ଉନ୍‌ଡ୍ରି ଆତ୍ମାଦି ମାଣ୍‌କୁ ଉନ୍‌ଡ୍ରେ ମେନ୍ଧଲ୍‍ ଆନି ଉଦେସ୍‌ତାନ୍‌ ଡୁବନ୍‌ ଅତିମାନିକା, ମାରି ୱିଜେରେ ଉନ୍‌ଡ୍ରେ ଆତ୍ମାଦାନ୍‌ ଉଟି ମାନିକା ।
\p
\v 14 ଇରିଙ୍ଗ୍‌ ମେନ୍ଧଲ୍‍ ଉନ୍‌ଡ୍ରେ ବାଗ୍‌ ଆଏତ୍‍, ମାତର୍‌ ଗାଦି ବାଗ୍‌ତାନ୍‌ ତିଆର୍‌ । 
\v 15 ପାଦାମ୍‌ ଜଦି ଇନାତ୍‍, “ନାନୁ କିୟୁ ସିଲେ, ଆଦେଙ୍ଗ୍‌ ମେନ୍ଦଲ୍‌ତି ବାଗ୍‌ ଆଏ,” ଆର୍‌ତିଙ୍ଗ୍‌ ଇୟାଉଣ୍ତିଙ୍ଗ୍‌ ଆକା ଜେ ମେନ୍ଦଲ୍‍ତି ବାଗ୍‌ ଆଏ, ଆର୍‌ତିଙ୍ଗ୍‌ ଇୟା କାରଣତାନ୍‌ ଆକା ମେନ୍ଦଲ୍‌ତୁ ମିସାଏଣ୍‌ଗା ମାଡ୍ରେଙ୍ଗ୍ ଆଟ୍‍ଏତ୍‍ । 
\v 16 ମାରି ଗିତଣି ଜଦି ଇନାତ୍‍, “ନାନ୍‌ କାଣ୍‌ଗା ସିଲେ, ଆଦେଙ୍ଗ୍‌ ମେନ୍ଦଲ୍‌ତି ବାଗ୍‌ ଆଏ,” ଆର୍‌ତିଙ୍ଗ୍‌ ଇୟାଉଣ୍ତିଙ୍ଗ୍‌ ୱାଦ୍ ବା ମେନ୍ଦଲ୍‌ତାନ୍‌ ଆକ ଆଜି ତେବାଦେଙ୍ଗ୍‌ ଆଟ୍‍ଏତ୍‍ । 
\v 17 ୱିଜୁ ମେନ୍ଦଲ୍‌ ଜଦି କାଣ୍‌ଗା ଆନାତ୍‌, ଆର୍‌ତିଙ୍ଗ୍‌ ୱେନ୍‌ଡ୍ରେଙ୍ଗ୍ ଆଟ୍‍ନିକା ଏଣ୍ତେସ୍ ? ମାରି ଆକା ଜଦି କେବଲ ଗିତଣି ଆନାତ୍‌, ଆର୍‌ତିଙ୍ଗ୍‌ ମୁଜିନିକା ଏମେମାନୁ ? 
\v 18 ମାତର୍‌ ମାପୁରୁ ବାଗ୍‌ବାଗ୍‌ତିଙ୍ଗ୍‌ ଉନ୍‌ଡ୍ରେ ଉନ୍‌ଡ୍ରେ କିଜି ମେନ୍ଦଲ୍‌ତୁ ନିଜେଦି ଇଚ୍ଛାଦାନ୍‌ ତିଆର୍‌କିତାମାନାନ୍‌ । 
\v 19 ମାରି, ଆୟାୱିଜୁ କେବଲ୍ ଉନ୍‌ଡ୍ରେ ବାଗ୍‌ ଆତିମାରିଙ୍ଗ୍‌, ମେନ୍ଦଲ୍‌ ଆତାତ୍‍ମାନ୍ଦି ଏଣ୍ତେସ୍ ? 
\v 20 ମାତର୍‌ ସତ୍‌ତାନ୍‌ ଗାଦି ବାଗ୍‌କୁ ଆତିଙ୍ଗ୍‌ବା ମେନ୍ଦଲ୍‌ ଉନ୍‌ଡ୍ରେ ।
\p
\v 21 ଆୟାୱାଜା “ନି ମାନୁ ନାଙ୍ଗିଁ ଦରକାର୍‌ ସିଲେତ୍‌ ଇଜି କାଣ୍‌ଗା କିୟୁଦିଙ୍ଗ୍‌ ଇନ୍‌ଡ୍ରେଙ୍ଗ୍‌ ଆଟ୍ଏତ୍,” ମାରି “ନି ମାନୁ ନା ପାଣି ସିଲେତ୍‌ ଇଜି ତାଲା ପାଦାମ୍‌ତିଙ୍ଗ୍‌ ଇନ୍‌ଡ୍ରେଙ୍ଗ୍‌ ଆଟ୍‍ଏତ୍‍ ।” 
\v 22 ଆଇତରିନ୍‍ ମେନ୍ଦଲ୍‌ତି ଆମାୱିଜୁ ବାଗ୍‌କୁ\f + \fr ୧୨:୨୨ \fr*\ft ମେନ୍ଦଲତି ଅଙ୍ଗପ୍ରତ୍ୟଙ୍ଗ ମାନେ ଇୟାୱାନିକାଙ୍ଗ୍‌ ବାଗ୍‌ ଇଜି ରାସ୍‌ତା ମାନାପ୍‌ ।\ft*\f* ନାଣ୍ତ ଦୁର୍ବଳ ଇଜି ଏତ୍‌ ୱାନାତ୍‌, ଆୟାୱିଜୁ ଦରକାର୍‌ ସିଲିକେଙ୍ଗ୍‌; 
\v 23 ମାରି, ମେନ୍ଦଲ୍‌ତି ଆମାୱିଜୁ ଅଙ୍ଗ ନାଣ୍ତ ଦରକାର୍ ସିଲେତ୍‌ ଇଜି ଏତ୍‌କିଇକା, ଆୟାୱିଜୁ ଅଙ୍ଗଆଙ୍ଗାଁ ନାଣ୍ତ ଜାତୁନ୍‍ ଅନିକା; ମାରି ମା ନେଗେନ୍‌ତାନ୍‌ ତର୍‌ଇ ଅଙ୍ଗଆଙ୍ଗାଁ ନାଣ୍ତ ମୋନ୍‌ସିନିକା । 
\v 24 ମାରିବା ମା ମେନ୍ଦଲ୍‌ତି ଅଙ୍ଗପ୍ରତ୍ୟଙ୍ଗ୍‌ ଉଣ୍ତିଙ୍ଗ୍‌ ମାଡୁ ନାସ ମୋନ୍‌ଦିୟାନ୍‌ ସିଇକା । 
\v 25 ମାତର୍‌ ଏଣ୍ତେସ୍‌ ମେନ୍ଧଲ୍‍ ଲୋଇ ଇନି ମାଟା ଗଟାଏତ୍‌, ମାରି ଗାଦିଜାତିଦି ଅଙ୍ଗପ୍ରତ୍ୟଙ୍ଗ ସାମାନ୍‌ତାନ୍‌ ନିଜେନିଜେଦିଙ୍ଗ୍‌ ନେଗି ସିନ୍ତା କିନେ । 
\v 26 ମାରି, ମେନ୍ଦଲ୍‌ତି ଉନ୍‌ଡ୍ରି ଅଙ୍ଗଦିଙ୍ଗ୍‌ କାସ୍ଟୁ ଆତିଙ୍ଗ୍‌, ଆୟାୱିଜୁ ଅଙ୍ଗପ୍ରତ୍ୟଙ୍ଗ ତାନି ୱାଲେ କାସ୍ଟୁ ଏତ୍‌ କିନେ, ମାରି ଉନ୍‌ଡ୍ରି ଅଙ୍ଗ ଦନ୍ୟବାଦ ଆତିଙ୍ଗ୍‌ ୱିଜୁ ଅଙ୍ଗପ୍ରତ୍ୟଙ୍ଗ ତାନି ୱାଲେ ୱେଡ଼ିକା କିନେ ।
\p
\v 27 ମିର୍‌ କ୍ରିସ୍ତଦି ମେନ୍ଧଲ୍‍, ମାରି ମିର୍‌ ୱିଜୁଲୋକୁ ଆୟା ମେନ୍ଦଲ୍‌ତି ଉନ୍‌ଡ୍ରି ଉନ୍‌ଡ୍ରି ଅଙ୍ଗ । 
\v 28 \x + \xo ୧୨:୨୮ \xo*\xt ଏପିସିୟ ୪:୧୧.\xt*\x*ମାରି, ମାପୁରୁ ମଣ୍ତଲିଦୁ ପାର୍‌ତୁମ୍‌ ପ୍ରେରିତ ସିସୁରିଙ୍ଗ୍‌, ତାନିୱେନ୍‌କା ବାବବାଦିରିଙ୍ଗ୍‌, ଆୟାତାନିୱେନ୍‌କା ସିକିୟାଗୁରୁରିଙ୍ଗ୍‌; ତାନିୱେନ୍‌କା ସାକ୍ତିଦି ପାଣି, ତାନିୱେନ୍‌କା ରଗ୍‌ତିଙ୍ଗ୍‌ ନେଗେନ୍‌ କିନି ଦାନ୍‌ତି ସାକ୍ତି, ସାହାଜ୍ୟକିନିକା, ସାଲାବୁଲାକିନି ପାଣିଦି ଅଦିକାର୍‌ ମାରି ଜାତିଜାତିଦି ବାସାଦାନ୍‌ ୱାର୍‌ଗିନି ଲୋକାଙ୍ଗ୍‌ ଆସ୍‌କିତାମାନାନ୍‌ । 
\v 29 ୱାର୍‌ ୱିଜେରେ ପ୍ରେରିତ ସିସୁ, ବାବବାଦିରି, ସିକିୟାଗୁରୁ, ମାରି କାବାଆନି ସାକ୍ତିଦି ପାଣିକିନିକା ସିଆୟ୍‌ଆତାମାନାତ୍‌ । 
\v 30 ୱିଜେରେ ରୋଗ୍‌ତିଙ୍ଗ୍‌ ନେଗେନ୍‌ କିଦେଙ୍ଗ୍‌ ଆଟ୍‍ନାର୍‍, ଜାତିଜାତିଦି ବାସାଦାନ୍‌ ୱାର୍‌ଗିଦେଙ୍ଗ୍‌ ଆଟ୍‍ନାର୍‍, ମାରି ଆୟାୱିଜୁ ବାସାଦି ଅର୍ତ କିଦେଙ୍ଗ୍‌ ଆଟ୍‍ନାର୍‍ । 
\v 31 ମାତର୍‌ ମିର୍‌ ପେରି ଦାନ୍‍ ୱିଜୁ ପୟ୍‌ନି ଉଣ୍ତିଙ୍ଗ୍‌ ୱେଡ଼ିକା ଆଦୁ ।
\p ନାନ୍‌ ମିଙ୍ଗିଁ ଉନ୍‌ଡ୍ରି ନେଗି ସାରି ତର୍‌ସିନା ।
\c 13
\s ଜିବନ୍‌ନୋନିକା
\p
\v 1 ଜଦି ନାନ୍‌ ଲୋକୁ ମାରି ଦୁତ୍‌କା ବାସାଦାନ୍‌ ୱାର୍‌ଗିନା, ମାତର୍‌ ନା ଜିବନ୍‌ନୋନିକା ତେବାଏତ୍‌, ଆର୍‌ତିଙ୍ଗ୍‌ ନାନ୍‌ ଆଉଲିଆଜିମାନି ଗଣ୍ଟା ମାରି ଜମ୍‌ ଜମ୍‌ ଆଉଲିଆଜିମାନି ଉନ୍‌ଡ୍ରି ପାପୁଡ଼ିଡାକ୍‌ନି ୱାଜା ଆତାମାନା । 
\v 2 \x + \xo ୧୩:୨ \xo*\xt ମାତିଉ ୧୭:୨୦; ୨୧:୨୧; ମାର୍କ ୧୧:୨୩.\xt*\x*ଜଦି ନାନ୍‌ ବାବବାଣି ୱେର୍‍ତେଙ୍ଗ୍‍ ସାକ୍ତି ମାନାତ୍‌ ମାରି ନାନ୍‌ ୱିଜୁ ମାର୍‌ଗିତିମାନି ମାଟା ବୁଜାଦେଙ୍ଗ୍‌ ସାକ୍ତି ମାନାତ୍‌ ମାରି ୱିଜୁ ବିସୟ୍‌ତି ଜ୍ଞାନ୍‌ ମାନାତ୍‌, ମାରି ଗରନ୍‌ତିଙ୍ଗ୍‌ ଗୁସାକିନି ଉଣ୍ତିଙ୍ଗ୍‌ ନାଙ୍ଗିଁ ପୁରା ବିସ୍‌ବାସ୍‌ ମାନାତ୍‌, ମାତର୍‌ ନା ଜିବନ୍‌ନୋନିକା ସିଲେତିଙ୍ଗ୍‌, ଆର୍‌ତିଙ୍ଗ୍‌ ନାନ୍‌ ଇନିକା ସିଲେ । 
\v 3 ଜଦି ନାନ୍‌ ସିଲିସାତିୱାରିଙ୍ଗ୍‌ ଉଟ୍‍ପିସ୍‌କିନି ଉଣ୍ତିଙ୍ଗ୍‌ ନା ୱିଜୁ ଦାନ୍‌ ସିନା, ମାରି ନାନ୍‌ ନା ମେନ୍ଦଲ୍‌ତିଙ୍ଗ୍‌ ସିସୁଦୁ ଦଂସ୍‌ ଆନି ଉଣ୍ତିଙ୍ଗ୍‌ ସର୍‌ପେ କିନା, ମାତର୍‌ ନା ଜିବନ୍‌ତୁ ଜିବନ୍‌ନୋନିକା ସିଲେତ୍‌, ଆର୍‌ତିଙ୍ଗ୍‌ ଆୟାୱିଜୁ ନା ଉଣ୍ତିଙ୍ଗ୍‌ ଇନି ଲାବ୍‌ ଆଏତ୍‍ ।
\p
\v 4 ଜିବନ୍‌ନୋନିକା ସାହାସ୍‌, ଦୟାକିନିକା । ଜିବନ୍‌ନୋନିକା ରିସା କିଏତ୍‌, ଜିବନ୍‌ନୋନିକା ଗର୍ବ କିଏତ୍‌, ଆକାର୍‍ ସିଲେ । 
\v 5 ଜିବନ୍‌ନୋନିକା ତାଗ୍‌ଇ ବ୍ୟବ୍‌ହାର୍‌ କିଏତ୍‌, ସ୍ୱାର୍ଥପର ସେସ୍ଟା କିଏତ୍‌, ରିସା ଆଏତ୍‍, ଜିବନ୍‌ନୋନିକା ତାନି ଉଣ୍ତିଙ୍ଗ୍‌ କିଆୟ୍‌ଆତିମାନି ଅନ୍ୟାୟ୍‌ ଏତ୍‌ ଇଡ୍‌ଏତ୍‌ । 
\v 6 ଜିବନ୍‌ନୋନିକା ଅଦାର୍ମୁଦୁ ୱେଡ଼ିକା କିଏତ୍‌, ମାତର୍‌ ସତ୍‌ତାନ୍‌ ୱେଡ଼ିକା କିନାତ୍‌ । 
\v 7 ଜିବନ୍‌ନୋନିକା ୱିଜୁ ଇନିକା ସାସ୍‌ କିନାତ୍‌, ୱିଜୁ ବିସ୍‌ବାସ୍‌ କିନାତ୍‌, ୱିଜୁ ଆସା କିନାତ୍‌, ୱିଜୁ ବିସୟ୍‌ତୁ ସାସ୍‌ ଆସ୍‌ସି ତେବାନାତ୍‌ ।
\p
\v 8 ଜିବନ୍‌ନୋନିକା ଏସ୍‌କାଙ୍ଗ୍‌ବା ୱିଜ୍‌ଏତ୍‌; ଜଦି ମାପୁରୁଦି ମାଣ୍‌କୁ ପ୍ରଚାର୍‌ଆନି ମାଟା ମାନାତ୍‌, ଆକା ମାରାଗ୍‌ନାତ୍‌; ଜଦି ଆଇବାସା ମାନାତ୍‌, ଆୟାୱିଜୁ ବେକାର୍‌ ଆନାତ୍‌; ଜଦି ବୁଦି ମାନାତ୍‌, ଆକାବା ମାରାଗ୍‌ନାତ୍‌ । 
\v 9 ଇରିଙ୍ଗ୍‌ ମାପ୍‌ ନେଗେନ୍‌ତାନ୍‌ ନେସ୍‌ନାପ୍‌ ମାରି ନେଗେନ୍‌ତାନ୍‌ ବାବବାଦି ଇନାପ୍‌ । 
\v 10 ମାତର୍‌ ପୁରାୱିଜୁ ବିସୟ୍‌ ଇଗା ୱାତିଙ୍ଗ୍‍ ଇୟା ଇସ୍ରି ବିସୟ୍‌କୁ ମାରେଗ୍‌ନେ ।
\p
\v 11 ଇସ୍ରି କଡ଼ ମାର୍‌ଇ ବେଡ଼ାଦୁ ନାନ୍‌ ଇସ୍ରି କଡ଼ଦି ୱାଜା ୱାର୍‌ଗିନିକା, ଏତ୍‌କିନିକା, ବିଚାର୍‌ ଇସ୍ରି କଡ଼ଦି ୱାଜା କିଜିମାର୍‌ଆ; ମାତର୍‌ ନାଣ୍ତବୟସ୍‌ ଆତି ୱେନ୍‌କା ଇଲେଇ ନାନ୍‌ ମାରି ଇସ୍ରି କଡ଼ଦି ୱାଜା ବ୍ୟବ୍‌ହାର୍‌ କିଏ । 
\v 12 ଇରିଙ୍ଗ୍‌ ଇଲେଇ ମାଡୁ ସତ୍‍ ବାକ୍ୟଦି ରୁପ୍‌ ଦାର୍ପାଣ୍‌ତି ସାହାଜ୍ୟଦାନ୍‌ ସୁଡ଼ୁଜିନିକା, ମାତର୍‌ ନାସ୍ତିୱାଲେ ମାଡୁ ସାମ୍‌ନାସାମ୍‌ନି ଆଜି ସୁଡ଼ୁଜିସାନିକା; ଇଲେଇ ନାନ୍‌ ଇସ୍ରି ଇସାବ୍‌ତାନ୍‌ ନେସ୍‌ସିନା, ମାପୁରୁ ନାଙ୍ଗିଁ ପୁରା ନେସ୍‌ତି ୱାଜା ନାସ୍ତିୱାଲେ ନା ବୁଦି ବା ପୁରା ଆନାତ୍‌ ।
\p
\v 13 ମାରି ବିସ୍‌ବାସ୍‌, ଆସା ମାରି ଜିବନ୍‌ନୋନିକା, ଇୟା ମୁନ୍‌ଡ୍ରିଦି ମାଟା ବିସୟ୍‌ ମାନେ, ମାରି ଇୟାୱାନିକା ଲୋଇ ଜିବନ୍‌ନୋନିକା ନେ ପେରିକା ।
\c 14
\s ଆତ୍ମାଦି ଦାନ୍‌ ବିସୟ୍‌ତାନ୍‌ ନାଣ୍ତ ମାଟା
\p
\v 1 ଜିବନ୍‌ନୋନି ଉଣ୍ତିଙ୍ଗ୍‌ ମିର୍‌ ୱେଡ଼ିକା ଆଦୁ, ମାରି ଆତ୍ମିକ ଦାନ୍‌ ୱିଜୁ ପୟ୍‌ନି ଉଣ୍ତିଙ୍ଗ୍‌, ବିସେସ୍‍କିଜି ବାବବାଣି ମାଟା ପ୍ରଚାର୍‌ କିନିକା, ମି ଜିବନ୍‌ତୁ ପୁରା ଆପିତ୍‌ । 
\v 2 ଇରିଙ୍ଗ୍‌ ଏନ୍‌ ଆଇ ବାସାଦାନ୍‍ ମାଟା ଇନାନ୍‌, ୱାନ୍‌ ଲୋକ୍‌ତିଙ୍ଗ୍‌ ମାଟା ଇନ୍‌ଏନ୍‌, ମାତର୍‌ ମାପୁରୁଦି ଉଦେସ୍‌ତାନ୍‌ ଇନାନ୍‌, ୱାନି ମାଟା ଏନ୍‌ ବୁଜାଦେଙ୍ଗ୍‌ ଆଟ୍‍ଏର୍‍, ୱାନ୍‌ ଆତ୍ମାଦି ସାକ୍ତିଦାନ୍‌ ମାର୍‌ଗିତିମାନି ସତ୍‍ ବିସୟ୍‌କୁ ୱିଜୁ ଇନାନ୍‌ । 
\v 3 ମାତର୍‌ ଏନ୍‌ ମାପୁରୁଦି ବାକ୍ୟ ପ୍ରଚାର୍‌ କିନାନ୍‌, ୱାନ୍‌ ଆକା ଲୋକାଙ୍ଗ୍‌ ଇନାନ୍‌, ଆୟାମାଣୁକୁ ୱାରିଙ୍ଗ୍ ସାହାଜ୍ୟ, ୱେଡ଼ିକା ମାରି ସାନ୍ତି ସିନାତ୍‌ । 
\v 4 ଏନ୍‌ ଆଇ ବାସାଦାନ୍‍ ମାଟା ଇନାନ୍‌, ୱାନ୍‌ କେବଲ ନିଜେଦି ଉଣ୍ତିଙ୍ଗ୍‌ ସାହାଜ୍ୟ କିନାନ୍‌; ମାତର୍‌ ଏନ୍‌ ମାପୁରୁଦି ବାକ୍ୟ ପ୍ରଚାର୍‌ କିନାନ୍‌, ୱାନ୍‌ ୱିଜୁ ମଣ୍ତଲିଦିଙ୍ଗ୍‌ ସାହାଜ୍ୟ କିନାନ୍‌ ।
\p
\v 5 ମିର୍‌ ୱିଜିଦେର୍‌ ଜେ ଆଇ ବାସାଦାନ୍‍ ମାଟା ଇନ୍‍ଡ୍ରୁ, ଇକା ନା ଇଚ୍ଛା, ମାତର୍‌ ମିର୍‌ ଜେ ମାପୁରୁଦି ବାକ୍ୟ ପ୍ରଚାର୍‌ କିଦୁ, ଇକା ନା ନାଣ୍ତ ଇଚ୍ଛା । ଏନ୍‌ ଆଇ ବାସାଦାନ୍‍ ମାଟା ଇନିକା, ମଣ୍ତଲିଦି ଉଣ୍ତିଙ୍ଗ୍‌ ନେଗେତ୍‌ ଆନାତ୍‌; ଜଦି ଏନ୍‌ ଆୟାତାନି ଅର୍ତ ନେଗେନ୍‌ତାନ୍‌ ବୁଜାକିଜି ୱେର୍‌ନାନ୍‌, ସିଲିତିଙ୍ଗ୍‌ ଆଇ ବାସାଦାନ୍‍ ୱାର୍‌ଗିନିମାଣୁକୁ ମାପୁରୁଦି ମାଟା ପ୍ରଚାର କିନିକା ନେଗେତ୍‌ । 
\v 6 ଏ ତଡ଼ାନ୍‌କୁ, ନାନ୍‌ ଜଦି ମି ଲାକ୍‌ତୁ ସୋଲ୍‌ସି ମାପୁରୁଦିମାଣୁକୁ ୱେର୍‌ଆୟ୍‌ଏତି ବାକ୍ୟ, ମାରି ବୁଦି, ମାରି କାବୁର୍‌ ମାରି ସିକିୟାଦି ମାଟା ୱେର୍‌ଏଣ୍‌ଗା କେବଲ ଆଇ ବାସାଦାନ୍‍ ୱାର୍‌ଗିନା, ଆର୍‌ତିଙ୍ଗ୍‌ ଆବେନ୍‌ ନାନ୍‌ ମିଙ୍ଗିଁ ଇନି ସୁବିଦା କିନା ।
\p
\v 7 ପିରଡ଼ି ଆପିତ୍‌ ସିଲ୍‌ତିଙ୍ଗ୍‌ ଟଇଲା ଆପିତ୍‌, ଜିବନ୍‌ସିଲି ଅଡ଼୍‌ନିକା ଜଦି ନେଗି ସର୍‌ତାନ୍‌ ଅଡ଼୍ଏତେ, ଆର୍‌ତିଙ୍ଗ୍‌ ପିରଡ଼ିଦୁ ଇନିକା ଅଡ଼୍‌ଜିନାତ୍ ମାରି ଟଇଲାଦୁ ଇନିକା ଅଡ଼ଜିନାତ୍‌, ଆକା ଏନ୍‌ ଇନିକା ନେସ୍ତେଙ୍ଗ୍ ଆଟ୍‍ନାନ୍ ? 
\v 8 ମାରି, ମରି ଆଉଲିଦି ସ୍ୱର୍‌ ଟିକ୍‌ତାନ୍‌ ଆଏତିଙ୍ଗ୍‍, ଆର୍‌ତିଙ୍ଗ୍‌ ଏନ୍‌ ଜୁଦ୍‌ଦି ଉଣ୍ତିଙ୍ଗ୍‌ ତିଆର୍‌ ଆନାନ୍‌ ? 
\v 9 ଆୟାୱାଜା ମିର୍‌ ବା ଜଦି ଆଇ ବାସାଦାନ୍‍ ନେସ୍‌ନିନାନି ମାଟା ଇନ୍‌ଏତିଙ୍ଗ୍‌, ଆର୍‌ତିଙ୍ଗ୍‌ ଇନିକା ଇଜିନିଦେର୍‌, ଆକା ଏଣ୍ତେସ୍‌ ଜଣାପଡ଼ାନାତ୍‌ ? ଇରିଙ୍ଗ୍‌ ମିର୍‌ ଗାଲିଦିଙ୍ଗ୍‌ ୱେର୍‌ତି ୱାଜା ଆନାତ୍‌ । 
\v 10 ଦୁନିଆଦୁ ଗାଦି ଜାତିଦି ବାସେଙ୍ଗ୍‌ ମାନେ, ମାରି ଆୟାୱିଜୁ ମାଣ୍‌କୁ ଉନ୍‌ଡ୍ରି ଶବ୍ଦବା ଅର୍ତସିଲିକେଙ୍ଗ୍ ଆଉ । 
\v 11 ଜଦି ନା ୱାଲେ ୱାର୍‌ଗିସାଜି ମାନି ଲୋକ୍‌ତି ବାସା ନାନୁ ବୁଜାଦେଙ୍ଗ୍ ଆଟ୍ଏ, ଆର୍‌ତିଙ୍ଗ୍‌ ଆୟା ଲୋକୁ ନା ଲାକ୍‌ତୁ ନେସ୍‌ଇନାନି ଲୋକୁ ୱାଜା ଆନାନ୍‌, ନାନୁ ବା ୱାନି ଲାକ୍‌ତୁ ନେସ୍‌ଇନାନି ଲୋକୁ ୱାଜା ଆନା । 
\v 12 ମିର୍‌ ଆଇ ଆଇ ପବିତ୍ରଆତ୍ମାଦି ଦାନ ପୟ୍‌ଦେଙ୍ଗ୍‌ ୱେଡ଼ିକାମାନିଙ୍ଗ୍, ତାନିମାଣୁକୁ ଏମେ ୱିଜୁ ମଣ୍ତଲିଦି ନେଗି ଉଣ୍ତିଙ୍ଗ୍‌ ପୁରା କିଦେଙ୍ଗ୍‌ ଆଟ୍‍ନାତ୍ ଆୟାୱିଜୁ ନାଣ୍ତଇସାବ୍‌ତାନ୍‌ ପୟ୍‌ଦେଙ୍ଗ୍‌ ଚେଷ୍ଟାକିଦୁ । \fig ବାଜାଦି ସାମାନ୍‌କୁ|alt="musical instruments" src="hk00188c.tif" size="col" copy="Horace Knowles ©" ref="୧୪:୭"\fig*
\p
\v 13 ଏନ୍‌ ଆଇ ବାସାଦାନ୍ ୱାର୍‌ଗିନାନ୍‌, ୱାନ୍‌ ଇୟାତାନି ଅର୍ତ ୱେର୍‍ତେଙ୍ଗ୍‍ ଦାନ୍‌ ପୟ୍‌ଦେଙ୍ଗ୍‌ ପାର୍‌ତାନା କିପିନ୍ । 
\v 14 ଜଦି ନାନୁ ଆଇ ବାସାଦାନ୍ ପାର୍‌ତାନା କିନା, କେବଲ ନା ମୋନତି ଆତ୍ମା ଆକା କିନାତ୍, ନା ବୁଜାନି ସାକ୍ତି ଆବେନ୍‌ ତିର୍‌ ମୋନ୍‌ତାନ୍ ତେବାଏତ୍ । 
\v 15 ଆର୍‌ତିଙ୍ଗ୍‌ ନାନୁ ଇନିକା କିନା ? ନାନୁ ନା ଆତ୍ମାଦାନ୍‌ ପାର୍‌ତାନା କିନା, ମାରି ନାନ୍‌ ବୁଜାନିୱାଜା ପାର୍‌ତାନା କିନା । ନାନ୍‌ ନା ଆତ୍ମାଦାନ୍‌ ପାଟା ପାର୍‍ନା, ମାତର୍‌ ତାନି ୱାଲେ ମୋନ୍‌ ଦିୟାନ୍‌ ସିଜି ପାଟା ପାର୍‌ନା । 
\v 16 ଆକା ଆଏତିଙ୍ଗ୍‍ ମାପୁରୁଙ୍ଗୁଁ କେବଲ ମି ଆତ୍ମାଦାନ୍‌ ଦନ୍ୟବାଦ୍‌ ସିଦୁ, ଆବେନ୍‌ ମାନି ଅରେନ୍ ସାମାନ୍‌ତି ଲୋକୁ ଏଣ୍ତେସ୍ ମି ୱାଲେ ଆମେନ୍‍ ଇନାନ୍‌ । ଇରିଙ୍ଗ୍‌ ମିର୍‌ ଇନିକା ଇଜିନିଦେର୍‌, ଆକା ୱାନ୍‌ ନେସ୍‌ତେଙ୍ଗ୍‌ ଆଟ୍‍ଏନ୍ । 
\v 17 ମିର୍‌ ନେଗେନ୍‌ତାନ୍‌ ମାପୁରୁଙ୍ଗୁଁ ଦନ୍ୟବାଦ୍‌ ସିତିମାରିଙ୍ଗ୍‌ ବା, ୱାନି ମାଣ୍‌କୁ ଆଇ ଲୋକ୍‌ତି ଇନି ରକମ୍‌ତି ପାଣି ଆଦେଙ୍ଗ୍‍ଁ ଆଟ୍ଏତ୍ ।
\p
\v 18 ନାନ୍‌ ମାପୁରୁଙ୍ଗୁଁ ଦନ୍ୟବାଦ୍‌ ସିଜିନା, ଇରିଙ୍ଗ୍‌ ନାନ୍‌ ମି ୱିଜେରିମାନୁ ନାଣ୍ତଦାନ୍‌ ଆଇବାସା ମାଟା ୱେର୍‍ତେଙ୍ଗ୍ ଆଟ୍‍ନା । 
\v 19 ମାତର୍‌ ମଣ୍ତଲିଦି ଉପାସନାଦୁ ଆଇ ବାସାଦାନ୍‍ ହାଜାର୍‌ ହାଜାର୍‌ ବଲ୍‌କୁ ୱେର୍‌ଏଣ୍‌ଗା ମାରି ୱିଜେରି ବୁଦିଦି ୱାଲେ ପାସ୍‌ଗୋଟା ବଲ୍‌କୁ ୱେର୍‌ନିକା ନେଗିକା ।
\p
\v 20 ଏ ତଡ଼ାନ୍‌କୁ, ବୁଦିଦୁ ଇସ୍ରିକଡ଼ରି ୱାଜା ଆମାଟ୍, ମାତର୍‌ ତାଗ୍‌ଇ ବିସୟ୍‌ତିଙ୍ଗ୍ ଇସ୍ରିକଡ଼ରି ୱାଜା ଆଦୁ; ମାତର୍‌ ବୁଦିଦୁ ମିର୍‌ ପୁରା ବୟସ୍‌ତି ଲୋକା ୱାଜା ଆନିକା ମାନାତ୍‌ । 
\v 21 ଦାର୍ମୁସାସ୍ତ୍ରଦୁ ରାସାତା ମାନାତ୍‌ :
\q1 “ପ୍ରବୁ ଇନାନ୍‌, ଆଇବାସା ୱାର୍‌ଗିଜିମାନି
\q2 ଆଇଦେସ୍‌ତିଲୋକା ମକମ୍‌ତୁ
\q1 ନାନ୍‌ ଇୟା ଲୋକା ୱାଲେ ୱାର୍‌ଗିନା,
\q2 ମାରିବା ୱାର୍‌ ମା ମାଟା ୱେନ୍‌ଏର୍‌ ।”
\m
\v 22 ଆଦେଙ୍ଗ୍‌ ଆଇ ବାସାଦାନ୍‍ ୱାର୍‌ଗିନି ବିସ୍‌ବାସ୍‌ସିରି ଉଣ୍ତିଙ୍ଗ୍‌ ସିନାଦି ୱାଜା ଆଏତ୍‍, ମାତର୍‌ ଅବିସ୍‍ବାସିରି ଉଣ୍ତିଙ୍ଗ୍‌ ସିନାଦି ୱାଜା ଆନାତ୍‌; ଆଇତରିନ୍‍, ମାପୁରୁଦି ବାକ୍ୟ ପ୍ରଚାର୍‌ କିନି ଅବିସ୍‍ବାସିରି ଉଣ୍ତିଙ୍ଗ୍‌ ସିନାଦି ୱାଜା ଆଏତ୍‍, ମାତର୍‌ ବିସ୍‌ବାସିରି ଉଣ୍ତିଙ୍ଗ୍‌ ସିନାଦି ୱାଜା ଆନାତ୍‌ ।
\p
\v 23 ମାରିବା ମଣ୍ତଲିଦି ୱିଜେରେ ଉନ୍‌ଡ୍ରେମାନୁ ଆନାର୍‌ ମାରି ୱିଜେରେ ଆଇ ବାସାଦାନ୍‍ ୱାର୍‌ଗିନିନାର୍‌, ମାରି ସାମାନ୍‌ତି ଲୋକୁ ମାରି ଅବିସ୍‌ବାସ୍‌ତି ଲୋକୁ ୱାନାର୍‌, ଆର୍‌ତିଙ୍ଗ୍‌ ମିର୍‌ ବାୟା ଇଜି ଇନିକା ୱାର୍‌ ଇନ୍‌ଏର୍‌ ? 
\v 24 ମାତର୍‌ ୱାର୍‌ ଜଦି ମାପୁରୁଦି ବାକ୍ୟ ୱେର୍‌ନାର୍‌, ମାରି ଅରେନ୍‍ ଅବିସ୍‌ବାସି ମାରି ସାମାନ୍‌ତି ଲୋକୁ ୱାନାନ୍, ଆର୍‌ତିଙ୍ଗ୍‌ ୱାନ୍‌ ୱିଜେରି ମାଣାନ୍‌ ପାପ୍‌ତିକାନ୍‌ ଇଜି ନେସ୍‌ତେଙ୍ଗ୍‌ ଆଟ୍‍ନାନ୍‍, ୱିଜେରି ମାଣାନ୍‌ ବିଚାର୍‌ ଆନାନ୍‌ । 
\v 25 ୱାନି ଜିବନ୍‌ତୁ ମାର୍‌ଗିତିମାନି ବିସୟ୍‌କୁ ୱିଜୁ ତରାନାତ୍‌; ଆବେନ୍‌ ୱାନ୍‌ ମକମ୍ ପାଡ଼ିକ୍‌ସି ମାରି “ସତ୍‌ତାନ୍‌ ମାପୁରୁ ଜେ ପୁରା ମି ଲୋଇ ମାନାନ୍‌,” ଇକା ମାନାଜି ୱାନିଙ୍ଗ୍‌ ମାଡ଼ିସ୍‌ କିନାନ୍‌ ।
\s ମଣ୍ତଲିଦି ନିୟମ୍‌
\p
\v 26 ଏ ତଡ଼ାନ୍‌କୁ ନି ତାଙ୍ଗିଁ, ମିଙ୍ଗିଁ ନାନ୍‌ ୱେର୍‌ନି ମାଟା; ଉପାସନା କିନି ଉଣ୍ତିଙ୍ଗ୍‌ ଉଣ୍ତାନି ୱାଲେ ଏନ୍‌ ଅରେନ୍‍ ପାଟା ପାରିନ୍‌, ମାରି ଅରେନ୍‍ ସିକିୟା ସିପିନ୍‌, ଏନ୍‌ ଅରେନ୍‍ ମାପୁରୁଦି ୱେର୍‌ତି ବାକ୍ୟ ୱେର୍‌ନି, ମାରି ଅରେନ୍‍ ଆଇ ବାସାଦାନ୍‍ ୱାର୍‌ଗିପିନ୍‌ ମାରି ଏନ୍‌ ଇୟା ନେସ୍‌ଇ ବାସାଦି ଅର୍ତ ବୁଜା କିପିନ୍‌ । ଇୟାୱିଜୁ ମଣ୍ତଲିଦି ନେଗି ଉଣ୍ତିଙ୍ଗ୍‌ କିନିକା ଦର୍‌କାର୍‌ । 
\v 27 ଜଦି ଏନ୍‌ ଆଇ ବାସାଦାନ୍‍ ୱାର୍‌ଗିନାନ୍‌, ଆର୍‌ତିଙ୍ଗ୍‌ ଅରେନ୍‍ ୱେନ୍‌କା ମାରି ଅରେନ୍‍ ଇୟାୱାଜା ରିଏର୍‌ ସିଲିତିଙ୍ଗ୍‌ ଅଦିକ୍‍ନାଣ୍ତ ଆତିଙ୍ଗ୍‌, ମୁଏର୍‌ ୱେର୍‌ରି ମାରି ଅରେନ୍‍ ତାନି ଅର୍ତ ବୁଜାକିଜ ସିପିନ୍‌ । 
\v 28 ଜଦି ଅର୍ତ ବୁଜା କିଦେଙ୍ଗ୍‌ ଏନ୍‌ ସିଲେତିଙ୍ଗ୍‌, ଆର୍‌ତିଙ୍ଗ୍‌ ୱାନ୍‌ ପାର୍‌ତାନାଦି ମଣ୍ତଲିଦୁ ଆଲେଜ ତେବାପିନ୍‌ ମାରି ସୁନ୍‌ସାନ୍‌ ବାଡିଦୁ ମାପୁରୁଙ୍ଗୁଁ ଇନିନ୍‌ । 
\v 29 ମାରି, ରିଏର୍‌ ସିଲିତିଙ୍ଗ୍‌ ମୁଏର୍‌ ମାପୁରୁଦି ବାକ୍ୟ ବାବବାଦି ୱେର୍‌ରି, ମାରି ଆଇକାର୍‌ ବିଚାର୍‌ କିପିର୍‌ । 
\v 30 ମାତର୍‌ ଉପାସନାଦୁ ତେବାତିମାନିକାନ୍‌ ଏନ୍‌ ଜଦି ଦାପ୍ରେନେ ମାପୁରୁଦିମାଣାନ୍‌ ଇନି ବାକ୍ୟ ୱାନାତ୍, ଆର୍‌ତିଙ୍ଗ୍‌ ଆଗ୍‌ଡ଼ି ୱେର୍‍ସି ମାନିକାନ୍‌ ଆଲେପିନ୍‌ । 
\v 31 ଇରିଙ୍ଗ୍‌ ଏଣ୍ତେସ୍‌ ୱିଜେରେ ସିକିୟା ପୟ୍‌ନାର୍‌, ମାରି ୱିଜେରେ ସେତେନା ଆନାର୍‌, ଇୟାଉଣ୍ତିଙ୍ଗ୍‌ ମିର୍‌ ୱିଜିଦେର୍‌ ଅରେନ୍‍ ୱେନ୍‌କା ଅରେନ୍‍ ମାପୁରୁଦି ବାକ୍ୟ ୱେର୍‍ତେଙ୍ଗ୍‍ ଆଟ୍‌ନିଦେର୍‌ । 
\v 32 ମାତର୍‌ ବାବବାଦି ବାକ୍ୟ ପ୍ରଚାର୍‌ କିନି ଦାନ୍‌ ପ୍ରଚାର୍‌କିନିୱାନି ଆଡ୍‍ଗି ଆନିକା ମାନାତ୍‌ । 
\v 33 ଇରିଙ୍ଗ୍‌ ମାପୁରୁ ସାନ୍ତିସିଲି ମାପୁରୁ ଆଏନ୍‍, ମାତର୍‌ ସାନ୍ତିଦି ମାପୁରୁ ।
\p ମାତର୍‌ ୱିଜୁ ମଣ୍ତଲିଆଙ୍ଗାଁ ଏଣ୍ତେସ୍‌ ଆନାମାନାତ୍‍ । 
\v 34 ଆୟାୱାଜା ମି ମଣ୍ତଲିଦି ଉପାସନାଦୁ ଆଇମେକ୍‍ ଆଲେଜ ମାନିଉ, ଆବେନ୍‌ ୱାର୍‌ଗିନି ଉଣ୍ତିଙ୍ଗ୍‌ ୱାକ୍‌ ଅନୁମତି ପୟ୍‌ଉ, ଜିହୁଦିରି ନିୟମ୍‌ତି ଇସାବ୍‌ତାନ୍‌ ୱାକ୍‌ ଆଡ୍‍ଗି ତେବାଜି ମାନିୱି । 
\v 35 ୱାକ୍‌ ଜଦି ଇନି ବିସୟ୍‌ ବୁଜାଦେଙ୍ଗ୍‌ ଇଚ୍ଛା କିନେ, ଆର୍‌ତିଙ୍ଗ୍‌ ଇନ୍‌ଡ୍ର ନିଜେ ନିଜେଦି କନ୍‌ଲିରିଙ୍ଗ୍‌ ୱେନ୍‌ବାପିୱି, ଇରିଙ୍ଗ୍‌ ମଣ୍ତଲି ଲୋଇ ୱାର୍‌ଗିନିକା ଆଇମେକା ଉଣ୍ତିଙ୍ଗ୍‌ ସେମାର୍‌ତିମାଟା ।
\p
\v 36 ମାପୁରୁଦି ବାକ୍ୟ ଇନିକା ମିମାଣାନ୍‌କୁ ସତାମାନାତ୍‌ ? ଇକା ଇନିକା କେବଲ ମି ଲାକ୍‌ତୁ ୱାତାମାନାତ୍‌ ? 
\v 37 ଏନ୍‌ ଜଦି ନିଜେଦିଙ୍ଗ୍‌ ଅରେନ୍‍ ବାବବାଦି ନି ଆତ୍ମିକ ଦାନ୍‌ ପୟ୍‌ତି ଲୋକ୍‌ ଇଜି ଅଡ଼୍‌ବିନାନ୍‌, ଆର୍‌ତିଙ୍ଗ୍‌ ନାନ୍‌ ମିଙ୍ଗିଁ ଆମାକା ଆମାକା ରାସ୍‌ସିନା, ଆୟାୱିଜୁ ଜେ ପ୍ରବୁଦି ଆଦେସ୍‌, ଇକା ୱାନ୍‌ ନେସିନ୍‌ । 
\v 38 ମାତର୍‌ ୱାନ୍‌ ଜଦି ମାନାଏନ୍‌, ଆର୍‌ତିଙ୍ଗ୍‌ ୱାନିଙ୍ଗ୍‌ ମିର୍‌ ମାନାମାଟ୍‌ ।
\p
\v 39 ଆଦେଙ୍ଗ୍‌ ଏ ନା ତଡ଼ାନ୍‌କୁ ନି ତାଙ୍ଗିଁକି, ମାପୁରୁଦି ବାକ୍ୟ ପ୍ରଚାର୍‌ କିନି ଉଣ୍ତିଙ୍ଗ୍‌ ୱେଡ଼ିକା ଆଦୁ; ମାରି ଆଇ ବାସାଦାନ୍‍ ୱାର୍‌ଗିନି ଉଣ୍ତିଙ୍ଗ୍‌ ଏଙ୍ଗ୍‌ବା ମାନା କିମାଟ୍‌ । 
\v 40 ୱିଜୁ ପାଣି ନେଗେନ୍‌ତାନ୍‌ ମାରି ସାନ୍ତିଦାନ୍‌ କିଆନିକା ଦର୍‌କାର୍‌ ।
\c 15
\s କ୍ରିସ୍ତଦି ମାରିଡ଼େସି ଜିବନ୍‌ଆଜି ନିଙ୍ଗିଁନିକା
\p
\v 1 ଏ ତଡ଼ାନ୍‌କୁ ନି ତାଙ୍ଗିଁକି, ନାନ୍‌ ମି ଲାକ୍‌ତୁ ଆମା ସୁସମାଚାର୍‌ ପ୍ରଚାର୍‌ କିତାମାର୍‌ଆ, ଆମାକା ମିର୍‌ ମାନାତି ମାନିଦେର୍‌, ଆବେନ୍‌ ବା ତିର୍‌ ଆଜି ତେବାତିମାନିଦେର୍‌, ନାନ୍‌ ଏଣ୍ତେସ୍‌ୱାଜା ମି ଲାକ୍‌ତୁ ପ୍ରଚାର୍‌ କିତାମାର୍‌ଆ, ଇକା ମିଙ୍ଗିଁ ଏତ୍‌ କିବିସ୍‌କିଜିନା । 
\v 2 ନାନ୍‌ ମି ଲାକ୍‌ତୁ ପ୍ରଚାର୍‌ କିତିମାନି ଆୟା ସୁସମାଚାର୍‌ତୁ ଡାଟ୍‌ ୱାଜା ତେବାତିଙ୍ଗ୍‌, ଆର୍‌ତିଙ୍ଗ୍‌ ତାନି ମାଣାନ୍ ରକିୟା ପୟ୍‌ଜିନିଦେର୍‌, ସିଲିତିଙ୍ଗ୍‌ ମି ବିସ୍‌ବାସ୍‌ ବେକାର୍‌ ।
\p
\v 3 ଇରିଙ୍ଗ୍‌ ଆମା ଆମା ସିକିୟା ନାନ୍‌ ପୟ୍‌ତାମାନା, ଆୟାତାନିମାଣୁକୁ ଇୟା ପେରି ସିକିୟା ମିଙ୍ଗିଁ ୱେର୍‌ତାମାନା । ଆକା ଆଜିନାତ୍‍, ଦାର୍ମୁସାସ୍ତ୍ରଦୁ ରାସାତା ମାନାତ୍‌, କ୍ରିସ୍ତ ମା ପାପ୍‌ତି ଉଣ୍ତିଙ୍ଗ୍‌ ସାତାନ୍‌, 
\v 4 \x + \xo ୧୫:୪ \xo*\xt ମାତିଉ ୧୨:୪୦; ପ୍ରେରିତ ୨:୨୪-୩୨.\xt*\x*ଦୁକି ଗୁଟାଦୁମୁସାୟା ଆତାନ୍‌, ଦାର୍ମୁସାସ୍ତ୍ରଦି ଇସାବ୍‌ତାନ୍‌ ମୁନେଟି ୱେନ୍‌କା ଜିବନ୍‌ଆଜି ନିଙ୍ଗିଁତାମାନାନ୍‌; 
\v 5 \x + \xo ୧୫:୫ \xo*\xt ଲୁକ ୨୪:୩୪ \xt*\xt ମାତିଉ ୨୮:୧୬,୧୭; ମାର୍କ ୧୬:୧୪; ଲୁକ ୨୪:୩୬; ଜୋହନ ୨୦:୧୯.\xt*\x*ୱାନ୍‌ ପିତର୍‍, ମାରି ତାନିୱେନ୍‌କା ୱାନି ବାର୍‌ଲୋକ୍‌ ସିସୁରିଙ୍ଗ୍‌ ତରାୟ୍‌ଆତାନ୍‌, 
\v 6 ତାନିୱେନ୍‌କା ଉନ୍‌ଡ୍ରେ ଦେବାନେ ଅର୍‌ସେ ପାସ୍‌ସୋଦାନ୍‌ ନାଣ୍ତ ୱାନି ତଡ଼ାନ୍‍କାଙ୍ଗ୍‍ଁ ତରାୟ୍‌ଆତାନ୍‌, ୱାରି ଲୋଇରାନ୍‌ ଏସ ଲୋକୁ ନେର୍‌ ସାନ୍ଧି ଜିବନ୍‌ ମାନାର୍‌, ମାତର୍‌ ଏନ୍‌ ଏନ୍‌ ଇୟା ଦୁନିଆଦୁ ସିଲେର୍‌ । 
\v 7 ଇୟାତାନିୱେନ୍‌କା ଜେ ଯାକୁବଙ୍ଗ୍‌, ମାରି, ତାନିୱେନ୍‌କା ୱିଜୁ ସିସୁରିଙ୍ଗ୍‌ ତରାୟ୍‌ଆତାନ୍‌;
\p
\v 8 \x + \xo ୧୫:୮ \xo*\xt ପ୍ରେରିତ ୯:୩-୬.\xt*\x*ସାରାସାରିୱେନ୍‌କା ଜଗ୍‌ସିଲିନାଣ୍ତିଙ୍ଗ୍ ଜନମ୍‌ଆନିକଡ଼ଦି ୱାଜା ଅରେନ୍‍ ଜେ ନାନୁ, ୱାନ୍‌ ନାଙ୍ଗିଁ ବା ତରାୟ୍‌ଆତାନ୍‌ 
\v 9 \x + \xo ୧୫:୯ \xo*\xt ପ୍ରେରିତ ୮:୩.\xt*\x*ଇରିଙ୍ଗ୍‌ ନାନ୍‌ ମାପୁରୁଦି ମଣ୍ତଲିଦିଙ୍ଗ୍‌ କାସ୍ଟୁ ସିତିମାନିଙ୍ଗ୍‌ ସିସୁରିମାନୁ ନାନ୍‌ ୱେଜେରିଙ୍ଗ୍‌ ଇଜ୍ରିକିନ୍ଧା, ମାରି ପ୍ରେରିତ ଦର୍‌ତାନ୍‌ ୱେଙ୍ଗ୍‌ଦେଙ୍ଗ୍‌ ଜଗ୍‍ ସିଲେତ୍‌ । 
\v 10 ମାତର୍‌ ନାନ୍‌ ଆମାକା ଆତାମାନା, ଆକା ମାପୁରୁଦି ଦୟାଦାନ୍‌ ଆତାମାନାତ୍‌, ମାରି ନା ଉଣ୍ତିଙ୍ଗ୍‌ ୱାନି ଆୟା ଦୟା ବେକାର୍‌ ଆଏତ୍‍ । ମାତର୍‌ ନାନ୍‌ ଆୟା ୱିଜେରିମାଣୁକୁ ନାଣ୍ତ ପାଣି କିତାମାନା, ମାରିବା ନାନ୍‌ ସିଲେ, ମାତର୍‌ ନା ଉଣ୍ତିଙ୍ଗ୍‌ ମାପୁରୁଦି ଦୟା ମାନିଙ୍ଗ୍‌ ଇକା ପୁରା ଆତାମାନାତ୍‌ । 
\v 11 ମାରି ନାନ୍‌ ଆନା, ସିଲ୍‌ତିଙ୍ଗ୍‌ ୱାର୍‌ ଆପିର୍‌, ଇୟା ପ୍ରଚାର୍‌ କିଜିନାପ୍, ଇୟାୱାଜା ମିର୍‌ ବିସ୍‌ବାସ୍‌ କିତିମାନିଦେର୍‌ ।
\s ସାତିକାର୍‌ ମାରିଡ଼େସି ଜିବନ୍‌ଆଜି ନିଙ୍ଗିଁନିକା
\p
\v 12 କ୍ରିସ୍ତ ଜେ ସାତିୱାରି ମାଣ୍‌କୁ ଜିବନ୍‌ଆଜି ମାରିଡ଼େସି ନିଙ୍ଗିଁତାମାନାନ୍‌, ଇକା ଜଦି ପ୍ରଚାର୍‌ କିଆୟାଆଜିନାତ୍‌, ଆର୍‌ତିଙ୍ଗ୍‌ ସାତିୱାରି ଜିବନ୍‌ଆଜିନିଙ୍ଗିଁନିକା ସିଲେତ୍‌ ଇଜି ମି ଲୋଇ ଏନ୍‌ ଏନ୍‌ ଏଣ୍ତେସ୍‌ ୱେର୍‌ସିନିଦେର୍‌ ? 
\v 13 ଜଦି ସାତିକାର୍‌ ଜିବନ୍‌ଆଜି ମାରିଡ଼େସି ନିଙ୍ଗିଁନିକା ସିଲେତିଙ୍ଗ୍‌, ଆର୍‌ତିଙ୍ଗ୍‌ କ୍ରିସ୍ତ ବା ଜିବନ୍‌ଆଜିନିଙ୍ଗିଁଏନ୍‌; 
\v 14 ଜଦି କ୍ରିସ୍ତ ସାତିମାଣାନ୍‌ ଜିବନ୍‌ଆଜିନିଙ୍ଗିଁଏନ୍‌, ଆର୍‌ତିଙ୍ଗ୍‌ ମା ପ୍ରଚାର୍‌ ବେକାର୍‌ ମାରି ମି ବିସ୍‌ବାସ୍‌ ବା ବେକାର୍‌, 
\v 15 ମାରି, ମାଡୁ ମାପୁରୁଦି ବିସୟ୍‌ତାନ୍‌ ଜେ ମିଚ୍‌ ସାକିୟ୍‌ ୱେର୍‌ତି ୱାଜା ଆନାତ୍‌, ଇରିଙ୍ଗ୍‌ ମାଡୁ ମାପୁରୁଦି ବିସୟ୍‌ତାନ୍‌ ସାକ୍ୟ ସିଜିମାନିକା ଜେ, ୱାନ୍‌ କ୍ରିସ୍ତଙ୍ଗ୍‌ ସାତିମାଣୁକୁ ମାରିଡ଼େସିଜିବନ୍‌ କିତାମାନାନ୍‌ । ମାତର୍‌ ଜଦି ସାତିକାର୍‌ ଜିବନ୍‌ଆଜିନିଙ୍ଗିଁଏର୍‌, ଆର୍‌ତିଙ୍ଗ୍‌ ୱାନ୍‌ କ୍ରିସ୍ତଙ୍ଗ୍‌ ସାତିମାଣାନ୍‌ ଜିବନ୍‌କିଜି ନିକ୍‌ଏନ୍‌ । 
\v 16 ଜଦି ସାତିକାର୍‌ ଜିବନ୍‌ଆଜିନିଙ୍ଗିଁଏର୍‌, ଆର୍‌ତିଙ୍ଗ୍‌ କ୍ରିସ୍ତ ବା ଜିବନ୍‌ଆଜିନିଙ୍ଗିଁଏନ୍‌; 
\v 17 ଆଉ, ଜଦି କ୍ରିସ୍ତ ସାତିମାଣାନ୍‌ ଜିବନ୍‌ଆଜିନିଙ୍ଗିଁଏନ୍‌, ଆର୍‌ତିଙ୍ଗ୍‌ ମି ବିସ୍‌ବାସ୍‌ ମିଚ୍‌ ମାରି ମିର୍‌ ଇଲେଇବା ନିଜେ ନିଜେଦି ପାପ୍‌ତୁ ମାନିଦେର୍‌ । 
\v 18 ଆର୍‌ତିଙ୍ଗ୍‌ ଆମାକାର୍‌ କ୍ରିସ୍ତ ବିସ୍‌ବାସିର୍‌ ସାତାମାନାର୍‌, ୱାନ୍‌ ବା ନାସ୍ଟୁ ଆତାମାନାର୍‌ । 
\v 19 ଜଦି ଇୟା ଜିବନ୍‌ ଉଣ୍ତିଙ୍ଗ୍‌ ମାଡୁ କ୍ରିସ୍ତଦିମାନୁ ଆସା ଇଡ଼୍‌ତିମାନିକା, ଆର୍‌ତିଙ୍ଗ୍‌ ଆଇ ୱିଜୁଲୋକାମାଣୁକୁ ମାଡୁ କାର୍ମୁସିଲିକା ।
\p
\v 20 ମାତର୍‌ ସତ୍‌ତାନ୍‌ କ୍ରିସ୍ତ ସାତିମାନି ଲୋକା ମାରିଡ଼େସି ଜିବନ୍‌ଆଜି ନିଙ୍ଗିଁନିକା ପୁରା ତର୍‌ତେଙ୍ଗ୍‍ଁ ଇଜି ୱାରି ମାଣ୍‌କୁ ନିଜେ ଆଗ୍‌ଡ଼ି ସାତିମାଣାନ୍‌ ନିଙ୍ଗିଁତାମାନାନ୍‌ । 
\v 21 ଇରିଙ୍ଗ୍‌ ଅରେନ୍ ଲୋକା ମାଣ୍‌କୁ ସାନିକା ୱାତିମାନିଙ୍ଗ୍‌ ମାରି ଅରେନ୍ ଲୋକା ମାଣାନ୍‌ ବା ସାତିୱାରିଙ୍ଗ୍‌ ମାରିଡ଼େସି ଜିବନ୍‌ଆଜି ନିଙ୍ଗିଁନିକା ଆତାମାନାତ୍‌ । 
\v 22 ଆଦମତି ୱାଲେ ମିସାତିକା ମାନିଙ୍ଗ୍‌ ଏଣ୍ତେସ୍‌ ୱିଜୁ ଲୋକୁ ସାନାର୍‌, ଆୟାୱାଜା ବା କ୍ରିସ୍ତଦିମାନୁ ମିସାତିମାନିଙ୍ଗ୍ ୱିଜେରେ ମାରିଡ଼େସିଜିବନ୍‌ ଆନାର୍‌ । 
\v 23 ମାତର୍‌ ୱିଜେରେ ଲୋକୁ ତିଆର୍‌ଆନି ବେଡ଼ାଦୁ ଜିବନ୍‌ଆଜିନିଙ୍ଗିଁନାର୍‌, ୱିଜେରି ଆଗ୍‌ଡ଼ି କ୍ରିସ୍ତଦି ସାତିମାଣାନ୍‌ ନିଙ୍ଗିଁତାମାନାନ୍‌ । ୱେନ୍‌କା ୱାନ୍‌ ୱାନିବେଡ଼ାଦୁ ୱାନି ଆସିର୍ବାଦ୍‍ତି ଲୋକୁ ଆଗ୍‌ଡ଼ି ଜିବନ୍‌ଆନାର୍‌ । 
\v 24 ତାନେୱେନ୍‌କା ଜୁଗ୍‌ସେସ୍‌ ଇଗା ୱାନାତ୍ । ଆୟାବେଡ଼ାଦୁ କ୍ରିସ୍ତ ୱିଜୁ ତାଗ୍‌ଇ ଆତ୍ମା ଆମାୱାନିଙ୍ଗ୍‌ ସାସନ୍‌, ୱିଜୁ ଅଦିକାର୍‌ ମାରି ସାକ୍ତିଦି ପାଣି ୱିସ୍‌ତି ୱେନ୍‌କା ବୁବା ମାପୁରୁଙ୍ଗୁଁ ରାଜି ସର୍‌ପେ କିନାନ୍‌ । 
\v 25 ଇରିଙ୍ଗ୍‌ ମାପୁରୁ ୱିଜୁ ସାତ୍ରୁରିଙ୍ଗ୍‌ ନିଜେଦି ପାଦାମ୍‌ ଆଡ୍‍ଗି ଇଡିଇ ସାନ୍ଧି କ୍ରିସ୍ତଙ୍ଗ୍‌ ପୁରା ସାସନ୍‌ କିଦେଙ୍ଗ୍‌ ପଡ଼ାନାତ୍‌ । 
\v 26 ସାରାସାରିୱେନ୍‌କାରି ସାତ୍ରୁ ସାନିକା ଆକାବା ଆରାନାନ୍‌ । 
\v 27 ଇରିଙ୍ଗ୍‌ ଦର୍ମସାସ୍ତ୍ରଦୁ ରାସାତା ମାନାତ୍‌, ମାପୁରୁ ୱିଜୁ ବିସୟ୍‌ ୱାନି ପାଦାମ୍‌ ଆଡ୍‍ଗି ଇଟ୍‌ତାନ୍‌ । ମାରିବା ମାପୁରୁ ଇୟାୱିଜୁ ବିସୟ୍‌ତୁ ମିସାଏନ୍‌, ଆୟାଉଣ୍ତିଙ୍ଗ୍‌ ମାପୁରୁ ନିଜେ ୱିଜୁ ବିସୟ୍‌ତିଙ୍ଗ୍‌ କ୍ରିସ୍ତଦି ଆଡ୍‍ଗି ଇଡ୍‌ନାନ୍‌ । 
\v 28 ମାରି ୱିଜୁ ବିସୟ୍‌ତିଙ୍ଗ୍‌ କ୍ରିସ୍ତଦି ଆଡ୍‍ଗି ଇଡ୍‌ତି ୱେନ୍‌କା, ୱାନ୍‌ ନିଜେ ବୁବା ମାପୁରୁଦି ଆଡ୍‍ଗି ଆନାନ୍‌ ମାରି ସାରାଦୁନିଆଦି ମୁସ୍‌କୁ ମାପୁରୁଦି ସାସନ୍‌ କିନିକା ପୁରା ଆନାତ୍‌ ।
\p
\v 29 ସାତିକାର୍‌ ନିଙ୍ଗିଁଏତିଙ୍ଗ୍, ଆମାକାର୍‌ ସାତିୱାରି ଉଣ୍ତିଙ୍ଗ୍‌ ଡୁବନ୍‌ ଅନାର୍‍, ୱାରି ବିସୟ୍‌ତାନ୍‌ ଇନିକା ରାସ୍‌ତିଦେର୍‌ ? ଜଦି ସାତିକାର୍‌ ମାରିଡ଼େସି ଜିବନ୍‌ଆଜିନିଙ୍ଗିଁଏର୍‌, ଆର୍‌ତିଙ୍ଗ୍‌ ୱାରି ଉଣ୍ତିଙ୍ଗ୍‌ ଆଇୱାରିଙ୍ଗ୍‌ ଏନ୍ଦା ଡୁବନ୍‌ ସିନାର୍‌ । 
\v 30 ମାରି ମାଡୁ ବା ଏନ୍ଦା ୱିଜୁ ଦଣ୍ତତୁ ସାନିକା ଆଗ୍‌ଡ଼ି କିଜିନିକା ? 
\v 31 ଏ ତଡ଼ାନ୍‌କୁ ନି ତାଙ୍ଗିଁକି, ମା ଜିବନ୍‌ ପ୍ରବୁ ଜିସୁ କ୍ରିସ୍ତଦି ୱାଲେ ମିସାତି ମାନିଙ୍ଗ୍‌, ମି ବିସୟ୍‌ତାନ୍‌ ନାନ୍‌ ଆମା ଗର୍ବ କିଜିନା, ଆବେଣି ପାର୍‌ମାଣ୍‌ କିଜି ୱେର୍‌ସିନା, ନାନ୍‌ ଦିନାମି ସାନି ସାରିଦୁ ବୁଲାଜିନା । 
\v 32 ଜଦି ନାନ୍‌ କେବଲ ଲୋକା ଆସା ଅସି ଏପିସ୍‌ତୁ ବନ୍‌ତି ଜାତୁଙ୍ଗାଁ ୱାଜା ଲୋକା ୱାଲେ ଜୁଦ୍ କିତାମାର୍‌ଆ, ଆର୍‌ତିଙ୍ଗ୍‌ ଆବେନ୍‌ ନା ଲାବ୍‌ ଇନିକା ଆତାତ୍‌ ? ଜଦି ସାତିକାର୍‌ ଜିବନ୍‌ଆଜିନିଙ୍ଗିଁଏର୍‌, କାତାଦି ଇସାବ୍‍ତାନ୍ “ରାଦୁ ଉଣୁଜିତିନ୍‌ଞ୍ଜି ବେଡ଼ା କାଟେକିନାଟ୍‌, ଇରିଙ୍ଗ୍‌ ୱିଗେରିଙ୍ଗ୍‌ ମାଙ୍ଗିଁ ସାଦେଙ୍ଗ୍‌ ଆନାତ୍‌ ।”
\p
\v 33 ମିର୍‌ ବେମ୍ରି ଆମାଟ୍‌, “ତାଗ୍ଇ ଲୋକା ୱାଲେ ମିସାତିଙ୍ଗ୍ ନେଗି ଜିବନ୍‌ ନାସ୍ଟୁ ଆନାତ୍‌ ।” 
\v 34 ଆଦେଙ୍ଗ୍‌ ଜାଗ୍‌ରାତା ଆଦୁ, ପାପ୍‌ କିମାଟ୍‌; ଇରିଙ୍ଗ୍‌ ଏନ୍‌ ଏନ୍‌ ମାପୁରୁଦି ବିସୟ୍‌ତାନ୍‌ ନେସ୍‌ଏର୍‌; ନାନ୍‌ ମିଙ୍ଗିଁ ସେମାର୍‌ତି ମାଟା ୱେର୍‌ସିନା ।
\s ମାରିଡ଼େସି ଜିବନ୍‌ଆଜିନିଙ୍ଗିଁତି ମେନ୍ଧଲ୍‍
\p
\v 35 ଏନ୍‌ଆପିନ୍‌ ୱେନ୍‌ବାଦେଙ୍ଗ୍‌ ଆଟ୍‍ନାନ୍‍, ସାତିକାର୍‌ ଏଣ୍ତେସ୍‌ ଜିବନ୍‌ଆଜିନିଙ୍ଗିଁନାର୍‌ ? ୱାର୍‌ ଏଣ୍ତେସ୍‌ ନାନି ମେନ୍ଦଲ୍‌ତାନ୍‌ ୱାନାର୍‌ ? 
\v 36 ଏ ବକୁଆର୍‌, ମିର୍‌ ନିଜେ ଆମାକା ୱିତ୍‌ନିଦେର୍‌, ଆକା ସାଏତିଙ୍ଗ୍‌ ନେର୍‌ଏତ୍‌, ମାରି, ଆମା ମାରାନ୍‌ ନେର୍‌ନାତ୍‌, ମିର୍‌ ତାନିଙ୍ଗ୍‌ ୱିତ୍‌ଇଦେର୍‌, 
\v 37 ମାରି, ଆମା ମେନ୍ଧଲ୍‍ ଆନାତ୍‌, ମିର୍‌ ୱିତ୍‌ନିମାନିଦେର୍‌ ଗଦ୍‍ମୁ ଆପିତ୍‌ ସିଲିତିଙ୍ଗ୍‌ ଆଇ ଇନି ୱିତୁ ଆପିତ୍‌, ଆକା କେବଲ ଉନ୍‌ଡ୍ରେ ୱିତୁନେ; 
\v 38 ମାତର୍‌ ମାପୁରୁ ନିଜେଦି ଇଚ୍ଛାଦାନ୍‌ ୱାନିଙ୍ଗ୍‌ ମେନ୍ଦଲ ସିନାନ୍‌, ମାରି ୱିଜୁ ୱିତୁଦି ମାଣାନ୍‌ ୱିଜୁଦିଙ୍ଗ୍‌ ୱାନି ନିଜେଦି ମେନ୍ଦଲ୍‌ ସିନାନ୍‌ ।
\p
\v 39 ୱିଜୁ ଜିବନ୍‌ମାନିକା ଉନ୍‌ଡ୍ରେନାନି ମେନ୍ଦଲ ସିଲେତ୍‌, ମାତର୍‌ ଲୋକା ଉନ୍‌ଡ୍ରେନାନିକା ମେନ୍ଦଲ, ଜାତୁଆଙ୍ଗାଁଦି ଆଇନାନି ମେନ୍ଦଲ, ମାରି ପଟିଆଙ୍ଗାଁ ମାରି ଉନ୍‌ଡ୍ରିନାନି ମେନ୍ଦଲ ମାରି ମିନ୍‌କୁ ମେନ୍ଦଲ ଆଇନାନିକା ।
\p
\v 40 ମୁସ୍‌କୁପୁର୍‌ତି ମେନ୍ଧଲ୍‍ ମାନାତ୍‌, ଜଗତ୍‌ତି ମେନ୍ଧଲ୍‍ ବା ମାନାତ୍‌, ମାତର୍‌ ମୁସ୍‌କୁପୁର୍‌ତି ମେନ୍ଦଲ୍‌ତି ଉନ୍‌ଡ୍ରିନାନି ସୁନ୍ଦର୍‌ ମାନାତ୍‌, ମାରି ଜଗତ୍‌ତି ମେନ୍ଦଲ୍‌ତି ଆଇନାନି ସୁନ୍ଦର୍‌ ମାନାତ୍‌ । 
\v 41 ୱେଡ଼ାଦି ଉନ୍‌ଡ୍ରିନାନି ସୁନ୍ଦର୍‌, ଲେଜୁଦି ଆଇନାନି ସୁନ୍ଦର୍‌ ମାରି ସୁକେଆଙ୍ଗାଁ ଆଇନାନି ସୁନ୍ଦର୍‌; ଇରିଙ୍ଗ୍‌ ସୁନ୍ଦର୍‌ତିଙ୍ଗ୍‌ ଉନ୍‌ଡ୍ରେ ସୁକା ଆଇ ସୁକେଆଙ୍ଗାଁ ମାଣ୍‌କୁ ଆଇକା ।
\p
\v 42 ସାତିକାର୍‌ ମାରିଡ଼େସି ଜିବନ୍‌ଆଜି ନିଙ୍ଗିଁନିକା ବା ଆୟାୱାଜା । ୱିସ୍‌ସି ୱିତ୍‌ନିକା, ୱିଜ୍‌ଏଣ୍‌ଗା ନେର୍‌ନାତ୍‌; 
\v 43 ଗୁଟାଦୁ ମୁସାଜିମାନି ମେନ୍ଧଲ୍‍ ଅସୁନ୍ଦର୍‌ ନି ତାଗ୍‌ଇକା । ମାତର୍‌ ମାରିଡ଼େସିନିଙ୍ଗିଁତି ମେନ୍ଧଲ୍‍ ସୁନ୍ଦର୍‌ ନି ସାକ୍ତିଦିକା । 
\v 44 ଗୁଟାଦୁ ମୁସ୍‌ନିୱାଲେ ମେନ୍ଦଲ ନେଗେନ୍‌ ତେବାନାତ୍‌; ମାତର୍‌ ମାରିଡ଼େସି ଜିବନ୍‌ ଆନିୱାଲେ, ଆକା ଆନାତ୍‌ ଆତ୍ମିକ ମେନ୍ଦଲ । ନେଗି ମେନ୍ଦଲ୍‌ତି ପେଡ଼େକ୍‌ ମାନିଙ୍ଗ୍‌, ଆତ୍ମିକ ମେନ୍ଧଲ୍‍ ଆଟ୍‌ସିନାତ୍‌ । 
\v 45 ଇୟାୱାଜା ଦର୍ମସାସ୍ତ୍ରଦୁ ରାସାତା ମାନାତ୍‌, “ପ୍ରାତୁମ୍‌ତି ଲୋକ୍‌ ଆଦମ ଜିବନ୍‌ତି ଲୋକ୍‌ ଆତାନ୍‌ ।” ସାରାସାରିୱେନ୍‌କା ଆଦମ ଜିବନ୍‌ମାନି ଆତ୍ମା । 
\v 46 ମାତର୍‌ ଆମାକା ଆତ୍ମିକ, ଆକା ଆଗ୍‌ଡ଼ି ସିଲେତାତ୍‍, ମାତର୍‌ ଆମାକା ମେନ୍ଦଲ ନେଗିକା, ଆକା ଆଗ୍‌ଡ଼ି ମାର୍‌ର୍ହାତ୍‌, ତାନେୱେନ୍‌କା ଆତ୍ମିକ । 
\v 47 ଆଗ୍‍ଡ଼ିରି ଲୋକୁ ଆଦମ ମାର୍‌ଆନ୍‌ ଦୁନିଆଦୁ, ସିକ୍‌ଲାଦାନ୍‌ ତିଆର୍‌ଆତିକାନ୍‌, ମାରି ଅରେନ୍‌ ଆଦମ ମୁସ୍‌କୁପୁର୍‌ତାନ୍‌ ୱାତାମାର୍‌ର୍ହାନ୍‌ । 
\v 48 ଆମାକାର୍‌ ସିକ୍‌ଲାଦାନ୍‌ ତିଆର୍‌ଆତିକାର୍‌, ୱାର୍‌ ସିକ୍‌ଲାଦାନ୍‌ ତିଆର୍‌ଆତି ଆୟା ଲୋକ୍‌ ୱାଜା, ମାରି ଆମାକାର୍‌ ମୁସ୍‌କୁପୁର୍‌ତିକାର୍‌, ୱାର୍‌ ମୁସ୍‌କୁପୁର୍‌ତାନ୍‌ ୱାତିମାନି ଆୟା ଲୋକ୍‌ ୱାଜା । 
\v 49 ମାରି, ମାଡୁ ଏଣ୍ତେସ୍‌ ଦୁନିଆଦାନ୍‌ ସିକ୍‌ଲାଦାନ୍‌ ତିଆର୍‌ଆତି ଆୟା ଲୋକ୍‌ତି ମୁର୍ତି ଆସ୍‌ତି ମାନିକା, ଆୟାୱାଜା ଆୟା ମୁସ୍‌କୁପୁର୍‌ତି ଲୋକ୍‌ତି ମୁର୍ତି ୱାଜା ବାଦ୍‌ଲେ ଆନିକା ।
\p
\v 50 ଏ ତଡ଼ାନ୍‌କୁ ନି ତାଙ୍ଗିଁକି, ନାନ୍‌ ଇକା ୱେର୍‌ସିନା, ନେତେର୍‌କାଣ୍ତା ମେନ୍ଧଲ୍‍ ଆସ୍‌ସି ମାପୁରୁଦି ରାଜି ଅଦିକାର୍‌ କିଦେଙ୍ଗ୍‌ ଆଟ୍‌ଇକା, ମାରି ୱିଜ୍‌ନିକା ୱିଜ୍‌ଇତାନିଙ୍ଗ୍‌ ଅଦିକାର୍‌ କିଦେଙ୍ଗ୍‌ ଆଟ୍‍ଏତ୍‍ ।
\p
\v 51 \x + \xo ୧୫:୫୧ \xo*\xt ୧ ତେସଲନିକିୟ ୪:୧୫-୧୭.\xt*\x*ୱେନ୍‌ଡ୍ରୁ, ନାନ୍‌ ମିଙ୍ଗିଁ ଉନ୍‌ଡ୍ରି ସତ୍‌ତି ମାଟା ୱେର୍‌ସିନା, ମାଡୁ ୱିଜୁଲୋକୁ ସାଇକା, ମାତର୍‌ ସାରାସାରି ମରି ଆଉଲି ଆନି ୱାଲେ, 
\v 52 ଉନ୍‌ଡ୍ରେ ଦେବାନେ, କାଣ୍‌ଗା ନାପ୍‌ନେଣ୍‌ଗା ମାଡୁ ୱିଜୁଲୋକ୍‌ ବାଦ୍‌ଲେଆନିକା; ନାସ୍ତିୱାଲେ ମରି ଅଡ଼ନାତ୍‌, ମାରି ବିସ୍‌ବାସ୍‌ତି ସାତିକାର୍‌ ଜିବନ୍‌ଆଜି ନିଙ୍ଗିଁନାର୍‌, ମାରି ମାଡୁ ୱିଜୁଲୋକ୍‌ ବାଦ୍‌ଲେଆନିକା । 
\v 53 ଇରିଙ୍ଗ୍‌ ‌ଇୟା ୱିଜ୍‌ନି ମେନ୍ଦଲ୍‌ତିଙ୍ଗ୍‌ ୱିଜ୍‌ଇକାୱାଜା ବାଦ୍‌ଲେ ଆଦେଙ୍ଗ୍‌ ପଡ଼ାନାତ୍‌; ମାରି ଇୟା ଦୁନିଆଦି ମେନ୍ଦଲ୍‌ତିଙ୍ଗ୍‌ ଜିନିନାନି ଆଙ୍ଗିଁ ଆରାଦେଙ୍ଗ୍‌ ପଡ଼ାନାତ୍‌ । 
\v 54 ଆର୍‌ତିଙ୍ଗ୍‌ ଇୟା ସାତି ମେନ୍ଧଲ୍‍ ଜିନିକା ପୟ୍‌ତିଙ୍ଗ୍‌, ଦର୍ମସାସ୍ତ୍ରଦି ଇୟା ବାକ୍ୟ ପୁରା ଆନାତ୍‌ : “ଜିଣାନିକା ସାନିତାନିଙ୍ଗ୍‌ ଆରାକିତାମାନାତ୍‌ ।”
\q1
\v 55 “ଏ ସାନିକା, ଆମାନ୍ଧି ନି ଜିଣାନିକା ?
\q1 ଏ ସାନିକା, ଆମାନ୍ଧି ନି ଦଂସ କିନିକା ?”
\m
\v 56 ସାନିକା ପାପ୍‌, ମାରି ପାପ୍‌ତି ସାକ୍ତି ନିୟମ୍‌; 
\v 57 ମାତର୍‌ ଆମା ମାପୁରୁ ମା ପ୍ରବୁ ଜିସୁ କ୍ରିସ୍ତଦି ମାଣ୍‌କୁ ମାଙ୍ଗିଁ ଜିଣା କିତାମାନାନ୍‌, ୱାନିଙ୍ଗ୍‌ ଦନ୍ୟବାଦ୍‌ ଆପିତ୍‌ ।
\p
\v 58 ମାରି, ଏ ନା ଲାଡ୍‍ତି ତଡ଼୍‍କୁ, ପ୍ରବୁଦି ସେବାଦୁ ମି ପାଣି ବେକାର୍‌ ଆଏତ୍‍, ଇକା ନେସ୍‌ସି ପ୍ରବୁଦି ପାଣିଦୁ ତିର୍‌ ମାରି ଡାଟ୍‌ ତେବାଜି ୱିଜୁଦିନ୍‌ ନାଣ୍ତଦାନ୍‌ ନାଣ୍ତ ୱେଡ଼ିକା ଆଦୁ ।
\c 16
\s ମାପୁରୁଦି ଲୋକାଙ୍ଗ୍‌ ଡାବୁଙ୍ଗ୍‌ ସାହାଜ୍ୟଦି ଉଣ୍ତିଙ୍ଗ୍‌ ବାତିଙ୍ଗ୍‌ମାଲ୍‌ନିକା
\p
\v 1 \x + \xo ୧୬:୧ \xo*\xt ରୋମିୟ ୧୫:୨୫,୨୬.\xt*\x*ଜିହୁଦାଦୁ ମାନି ମଣ୍ତଲିଦି ବିସ୍‍ବାସ୍‍ସିରି ଉଣ୍ତିଙ୍ଗ୍‌ ଡାବୁଙ୍ଗ୍‌ ସାହାଜ୍ୟ ସିନି ବିସୟ୍‌ତାନ୍ ନା ମାଟା : ନାନ୍‌ ଗାଲାତିଆଦି ରାଜିଦି ମଣ୍ତଲିଆଙ୍ଗାଁ ଆମାକା କିଦେଙ୍ଗ୍ ଆଦେସ୍ ସିତାମାନା, ଆକା ନେଗେନ୍‌ତାନ୍‌ ମାନାଦୁ । 
\v 2 ମି ସୁବିଦା ଇସାବ୍‌ତାନ୍‌ ୱିଜୁ ଆଦିୱାର୍‍ଙ୍ଗୁଁ ଇୟା ପାଣିଦିଙ୍ଗ୍‌ ଏସ ଡାବୁଙ୍ଗୁଁ ଉଣ୍ତା କିଜ ୱେର୍‌ଏ ଇଡ୍‌ଦୁ । ଆର୍‌ତିଙ୍ଗ୍‌, ନାନ୍‌ ୱାତିଙ୍ଗ୍‍ ଏଣ୍ତେସ୍‌ ମିଙ୍ଗିଁ ମାରି ଡାବୁଙ୍ଗୁଁ ଲସ୍‌ତେଙ୍ଗ୍‌ ପଡ଼ାଏତ୍‌ । 
\v 3 ମାରି, ନାନ୍‌ ୱାତିଙ୍ଗ୍‍ ମିର୍‌ ଆମାୱାରିଙ୍ଗ୍‌ ନେଗିକାର୍‌ ଇଜି ଅଡ଼୍‍ବିଜିନିଦେର୍‍, ନାନ୍‌ ୱାରିଙ୍ଗ୍ ଆକୁ ସିଜି ଜିରୁସାଲମତୁ ମି ଡାବୁଙ୍ଗୁଁ ଆସ୍‌ସୋସନି ଉଣ୍ତିଙ୍ଗ୍‌ ପୋକ୍‌ନା । 
\v 4 ମାତର୍‌ ନାନ୍‌ ବା ସନ୍‍ଡ୍ରେଙ୍ଗ୍‍ ଦରକାର୍‌ ଆତିଆଙ୍ଗାଁ, ୱାର୍‌ ନା ୱାଲେ ସନ୍‍ଡ୍ରେଙ୍ଗ୍‍ ଆଟ୍‍ନାର୍ ।
\s ପାଉଲତି ବୁଲାନି ଜୋଜନା
\p
\v 5 \x + \xo ୧୬:୫ \xo*\xt ପ୍ରେରିତ ୧୯:୨୧.\xt*\x*ନାନୁ ମାସିଦୋନିଆଦୁ ବୁଲାଦେଙ୍ଗ୍‌ ସଲ୍‌ସିନା । ବୁଲାନିକା ୱିଜିତିଙ୍ଗ୍ ନାନୁ ମି ଲାକ୍‌ତୁ ଡ଼େସି ୱାନା । 
\v 6 ନା ବଦା ଆତିଆଙ୍ଗାଁ, ମି ୱାଲେ ଏସୋ ଦିନ୍ ତେବାନା, ଆର୍‌ତିଙ୍ଗ୍‌ ପିନିକାଡ଼ା କାଟେକିନା । ତାନିୱେନ୍‌କା ଏମେମାନୁ ସନା ଉଣ୍ତିଙ୍ଗ୍‌ ବଦାକିନା, ମିର୍‌ ବା ନାଙ୍ଗିଁ ଆବେନ୍‌ ସନି ଉଣ୍ତିଙ୍ଗ୍‌ ସାହାଜ୍ୟ କିଦେଙ୍ଗ୍ ଆଟ୍‍ନିଦେର୍‌ । 
\v 7 ମାତର୍‌ ସନି ସାରିଦୁ ମି ୱାଲେ କେବଲ ସାଣେକ୍‌ତି ଉଣ୍ତିଙ୍ଗ୍‌ ବେଟ୍‍ବୁଡ଼ାଦେଙ୍ଗ୍ ନା ବଦା ସିଲେତ୍‌ । ନାନ୍‌ ଆସା କିଜିନା, ମାପୁରୁଦି ବଦା ଆତିଙ୍ଗାଁ, ନାନ୍‌ ମି ୱାଲେ ନାଣ୍ତଦିନ୍ ସାନ୍ଦି ତେବାନା ।
\p
\v 8 \x + \xo ୧୬:୮ \xo*\xt ପ୍ରେରିତ ୧୯:୮-୧୦.\xt*\x*ମାତର୍‌ ପେଣ୍ଟିକସ୍ଟ ପଣ୍ତୟ ଦିନ୍‍ତିନାଣ୍ତିଙ୍ଗ୍‌ ସାନ୍ଦି ନାନୁ ଇବେନୁ ଏପିସ୍‌ଦୁ ତେବାନା । 
\v 9 ଇବେନୁ ନା ବିରୁଦ୍‌ତାନ୍ ଗାଦିଲୋକ୍‌ ମାରିଙ୍ଗ୍ ବା, ନେଗି ପାଣି କିଦେଙ୍ଗ୍‌ ନା ଉଣ୍ତିଙ୍ଗ୍‌ ଅସାର୍ ସେର୍‍ଲା ରେଆତା ମାନାତ୍ ।
\p
\v 10 \x + \xo ୧୬:୧୦ \xo*\xt ୧ କରିନ୍ତିୟ ୪:୧୭.\xt*\x*ତିମତି ମି ଲାକ୍‌ତୁ ୱାତାନ୍‌, ୱାନିଙ୍ଗ୍‌ ନେଗେନ୍‌ତାନ୍‌ କୁକ୍‌ତୁ । ମାତର୍‌ ୱାନ୍‌ ବା ନା ୱାଜା ପ୍ରବୁଦି ପାଣି କିଜିନାନ୍ । 
\v 11 ଏନ୍‌ ୱାନିଙ୍ଗ୍‌ କାଡ଼ାମାକିର୍‌ । ସାନ୍ତିଦାନ୍ ସନ୍‌ଡ୍ରେ ମିର୍‌ ୱାନିଙ୍ଗ୍‌ ପୁରା ସାହାଜ୍ୟ କିନିଦେର୍‌ । ଆର୍‌ତିଙ୍ଗ୍‌, ୱାନ୍‌ ତଡ଼ାନ୍‍କା ୱାଲେ ନା ଲାକ୍‌ତୁ ଡ଼େସି ୱାନାର୍ । ୱାରିଙ୍ଗ୍ କାପ୍‌କିଜିନାନ୍‌ ତେବାତାମାନା ।
\p
\v 12 ତଡ଼ାନ୍ ଆପୋଲୋଦି ବିସୟ୍‌ତାନ୍ ଇଜିନାନ୍‌ ଜେ, ଆଇ ତଡ଼ାନ୍‍କା ୱାଲେ ମି ମାଣ୍‌କୁ ସନି ଉଣ୍ତିଙ୍ଗ୍‌ ନାନୁ ୱାନିଙ୍ଗ୍‌ ବେସିଦେବେଙ୍ଗ୍‌ ୱେଡ଼ିକା କିତାମାନାନ୍ । ମାତର୍‌ ଇଲେଇ ସନି ଉଣ୍ତିଙ୍ଗ୍‌ ୱାନ୍‌ ଏମେମାଣୁକୁ ବା ରାଜିଆଏତାନ୍ । ୱେନ୍‌କା ସୁଜୋଗ ପୟ୍‌ତାନ୍, ୱାନ୍‌ ସତେନେ ମି ଲାକ୍‌ତୁ ୱାନାନ୍ ।
\s ସାରାସାରି ମାଟା
\p
\v 13 ମିର୍‌ କାପ୍‌କିଜ ମାନ୍‌ଡ୍ରୁ, ବିସ୍‍ବାସ୍‍ଦୁ ତିର୍‌ ତେବାଦୁ, ବପୁ ମାରି ସାକ୍ତିଆଦୁ । 
\v 14 ମି ୱିଜୁ ପାଣି ଜିବନ୍‌ନୋନିମାଣୁକୁ ପୁରା ଆପିତ୍‌ ।
\p
\v 15 \x + \xo ୧୬:୧୫ \xo*\xt ୧ କରିନ୍ତିୟ ୧:୧୬.\xt*\x*ମିର୍‌ ସ୍ତିପାନ୍ ମାରି ୱାନି ଇଲୁଦି ବିସୟ୍‌ତାନ୍‌ ନେସ୍‌ନିଦେର୍‌ । ୱାର୍‌ ଆକାୟାଦି ଆଗ୍‍ଡ଼ିରି କ୍ରିସ୍ଟାନ୍‌ ବିସ୍‌ବାସ୍‌ସିର୍‌ । ୱାର୍‌ ମାପୁରୁଦି ଲୋକାଙ୍ଗ୍‌ ସେବାଦୁ ନିଜେଦିଙ୍ଗ୍‌ ସର୍‌ପେ ଆତାମାନାନ୍‌, ତଡ଼ାନ୍‍କୁ ନି ତାଙ୍ଗିଁକି; ନାନ୍‌ ମିଙ୍ଗିଁ ବାତିଙ୍ଗ୍‌ମାଲ୍‌ଜିନା, 
\v 16 ମିର୍‌ ଇୟାୱାରିନ୍ଦି ମାରି ଇୟାୱାରି ୱାଲେ ପାଣି ମାରି ସେବା କିଜିମାନି ଲୋକାରି ୱେନ୍‌କା ସାନ୍‍ଡ୍ରୁ ।
\p
\v 17 ସ୍ତିପାନ୍, ଫର୍ତୁନାତ ମାରି ଆଖାୟିକ ଇବେନୁ ୱାତାନ୍‌ଆକା ନାନୁ ବେସି ୱେଡ଼ିକା । ମିର୍‌ ସିଲିୱାଲେ ୱାର୍‌ ୱାଜି ମି ଜାଗା ପୁରାକିତାମାନାର୍ । 
\v 18 ୱାର୍‌ ମିଙ୍ଗିଁ ମାରି ନାଙ୍ଗିଁ ଆତ୍ମାଦିଙ୍ଗ୍‌ ୱେଡ଼ିକା କିବିସ୍‌ତାର୍ । ଇୟାୱାଜାଦି ଲୋକୁ ସନ୍‍ମାନ ପୟ୍‌ନାର୍ ।
\p
\v 19 \x + \xo ୧୬:୧୯ \xo*\xt ପ୍ରେରିତ ୧୮:୨.\xt*\x*ଆସିଆ ଦେସ୍‍ତି ମଣ୍ତଲିଙ୍ଗ୍‌ ମିଙ୍ଗିଁ ନମସ୍କାର୍ ଜାଣେକିଜିନାତ୍‌ । ଆକିଲା ମାରି ପ୍ରିସ୍କିଲା ମାରି ୱାରି ଇନ୍‌ଡ୍ର ଉପାସନା କିଜିମାନି ମଣ୍ତଲି, ପ୍ରବୁଦି ଦର୍‌ତାନ୍‌ ମିଙ୍ଗିଁ ଜିବନ୍‌ତାନ୍‌ ନମସ୍କାର୍‌ ଜାଣେକିଜିନା । 
\v 20 ଇବେଣି ତଡ଼ାନ୍‌କୁ ୱିଜେରେ ମିଙ୍ଗିଁ ନମସ୍କାର୍ ଜାଣେକିଜିନାର୍ ।
\p ମିର୍‌ ପବିତ୍ର ଚୁମାଦାନ୍ ନିଜେନିଜେଦିଙ୍ଗ୍‌ ନମସ୍କାର୍ ଜାଣେକିଦୁ ।
\p
\v 21 ନାନୁ ପାଉଲ ନିଜେଦି କିୟୁଦାନ୍‌ ଇୟାୱିଜୁ ରାସ୍‌ସିନା । ମିର୍‌ ନା ନମସ୍କାର୍ ମାନାଦୁ ।
\p
\v 22 ଜଦି ଏନ୍‌ ପ୍ରବୁଙ୍ଗୁଁ ଜିବନ୍‌ନୋଏନ୍, ୱାନ୍‌ ଅବିସାପ୍ ଆପିନ୍ ।
\p ମାରାନାଥା, ଅର୍ତାତ୍‌ ମା ପ୍ରବୁ ରାପିନ୍ ।
\p
\v 23 ପ୍ରବୁ ଜିସୁଦି ଦୟା ମିମାନୁ ସାକା ଆପିତ୍‌ ।
\p
\v 24 କ୍ରିସ୍ତ ଜିସୁଦି ୱାଲେ ମିସାତିମାନିଙ୍ଗ୍‌ ମିର୍‌ ୱିଜେରେ ନା ଜିବନ୍‍ତି ଜିବନ୍‌ନୋନିକା ମାନାଦୁ ।